| བོད་ཡིག |
62a6 / //A tsAr+ya bi na tsan+d+ra dang / lo tsA ba dge slong chos kyi shes rab kyis bsgyur cing zhus te gtan la phab pa'o//[ {Da}]@##/ /rgya gar skad du/ kr-iSh+Na ya mA ri sA d+ha naM nA ma/ bod skad du/ dpal gshin rje gshed nag po'i sgrub pa'i thabs zhes bya ba/
62a7 dpal gshin rje gshed la phyag 'tshal lo/ /gus pa yis ni bla ma yi/ /zhabs kyi pad+mar phyag 'tshal te/ /bla ma'i zhal snga'i bka' drin gyis/ /nag po zhal gsum phyag drug pa'i/ /mdor bsdus pa yi sgrub thabs bshad/ /dang por rnal 'byor dbang phyug gis/ /dben
62b1 pa'i gnas su 'dug nas ni//stong pa'i sems la mnyam gzhag ste/ /snying ga pad+ma 'dab brgyad bsam/ /de steng nyi ma'i dkyil 'khor ro/ /de yi steng du hUM bsams te/ /hUM las 'od byung mdun du ni/ /bla ma mkha' 'gro bzhugs par bsam/ /phyag 'tshal ba dang mchod byas la/ /sdig
62b2 bshags la sogs tshogs bcu bsag /de nas snying ga'i hUM las ni/ /'od byung lus ngag bag chags rnams/ /bsregs nas stong pa nyid du bsgom/ /de ni ye shes tshogs yin no/ /sems ni hUM gi rnam par bsam/ /hUM las rdo rje rtse lngar gyur/ /rdo rje las ni skur bskyed do/ /zhal gsum
62b3 phyag drug sku mdog nag /g.yas dkar g.yon dmar dbus mthing zhal/ /spyan gsum mche ba gtsigs pa'i zhal/ /dbu skra kham nag gyen du brdzes/ /rdo rje ral gri gri gug gsum/ /g.yas pa yi ni phyag na bsnams/ /'khor lo pad+ma thod pa gsum/ /g.yon gyi phyag na bsnams
62b4 pa yi//g.yas bskum g.yon brkyang gsus po che/ /lha mo phag mos mgul nas 'khyud/ /phag mo zhal gcig phyag gnyis ma/ /g.yas pa gri gug ban+d+ha g.yon/ /gtso bo'i sku la 'khyud pa'i tshul/ /gnyis su med pa'i gnas su bzhugs/ /mig dang lus sogs
62b5 dbang po drug /sangs rgyas drug kyang yod par bsam/ /sku gsung thugs kyang byin gyis brlab/ /snying ga'i hUM las 'od byung bas/ /ye shes mkha' 'gro spyan drangs la/ /tshig gi dbang yang blang bar bya/ /bcom ldan de bzhin gshegs pa kun/ /bcom ldan mnga' bdag chen po
62b6 rnams//khyed kyis bdag la dbang bskur stsol/ /de skad bdag gis dbang blangs pas/ /ye shes bdud rtsi'i chu rgyun gyis/ /bdag gi spyi bor dbang bskur bar/ /rigs lnga cod pan gyur par bsam/ /mchod dang bstod dang bdud rtsi bza'/ /rdo rje'i bzlas pa bya ba ste/ /bzlas pa'i
62b7 sngags ni 'di yin no//oM hrIHSh+T+r-iHwi kr-i tA na na hUM hUM phaT phaT swA hA/ /thams cad grub pa'i don du bzlas/ /gtor ma'i sngags ni 'di yin no/ /oM a kA ro mu khaM sarba d+harmA NAM ad+ya nutapan+natwAta oM AHhU~M phaT swA hA/ bar chad thams cad bsrung ba'i phyir/ /des ni gtor ma sbyin par bya/ /des ni
63a1 bskyed pa'i rim pa'o//de nas rnal 'byor ngal bso bya/ /snying ga'i hUM gi 'od zer gyis/ /khams gsum ma lus kun la khyab/ /kun kyang sangs rgyas sku ru gyur/ /gyur pa kun kyang bdag la bsdu/ /bdag kyang hUM la bsdu byas la/ /hUM yang thig ler
63a2 gyur par bsgom//lhag ma'i rtog pa spangs pa ste/ /yang dag bde ba'i rnam pa'o/ /phyag med zhal med kha dog med/ /mchog tu dga' ba'i mtshan nyid do/ /'di byas bsod nams gang thob des/ /sems can thams cad sangs rgyas shog /nag po zhal gsum phyag drug pa'i
mdor bsdus pa'i sgrub thabs rdzogs so/