CLOSE WINDOW

D1934
བོད་ཡིག

rgya gar gyi mkhan po a du la d+ha sa dang / lo tsA ba dge slong blo ldan shes rab kyis bsgyur ba'o//[ ]@##/ /rgya gar skad du/ maN+Dal bi d+hi nA ma/ bod skad du/ maN+Dal gyi cho ga zhes bya ba/ mgon po 'jam pa'i dpal la phyag 'tshal lo/ /maN+Dal bsdu na rnam gnyis te//yid kyis bsams dang dngos byed do/ /dngos la rnam pa bzhir gsungs te/ /slob dpon lhag pa'i lha nyid dang / /mchod pa dang ni mdzes pa'o/ /rdo rje slob dpon maN+Dal ni/ /cung zad bdag gis bshad par bya/ /sa gzhi cha mnyam yid 'ong la/ /ba yi rnam lngas byug bya ste//gur gum la sogs dri yi chus/ /dus gsum dag tu byug par bya/ /oM badzra re khe hUM/ rin chen mdzes pa'i 'bru nyid dam/ /me tog srog chags bral ba yis/ /rnam pa bco brgyad dgram bya ste/ /dang po 'og gi ri rab dang / /rang gi phyogs nas brtsam bya ste//lus 'phags la sogs gling bzhi dang / /dag pa g.yon gyi gling phran bzhi/ /bkram pa'i tshul gyis gsal bar bya/ /nang du de bzhin rin chen brgyad/ /gling brgyad bkang la dbul bar bya/ /de nas steng gi ri rab ni/ /gzhal yas gdan dang bcas bsams te/ /bla ma sangs rgyas spyan drangs nas//gus pas maN+Dal dbul bar bya/ /oM AHhUM me ra be na maH/ oM ya purba bi de ha ye na maH/ oM ra dzam+bu dwI pA ya na maH/ oM wa ut+ta ra ku ra be+e na maH/ oM la a pa ra go dA nI ya na maH/ oM ya u pa dwI pA ya na maH/ oM ra u pa dwI pA ya na maH/ oM wa u pa dI pA ya na maH/oM la u pa dwI pA ya na maH/ oM ya ga dza rat+na ya na maH/ oM ra pu ru Sha rat+nA ya na maH/ oM la a shwa rat+nA ya na maH/ oM wa s+t+rI rat+nA ya na maH/ oM khaD+ga rat+nA ya na maH/ oM ra ma Ni rat+na ya na maH/ oM wa sarba rat+nA ni d+hi b+h+yo na maH/ oM la tsakra rat+na d+ha ni b+h+yo na maH/ oM AHhUM d+hA ra be na maH/bkod pa shin tu mdzes pa maN+Dal mchog /bar ni rol mtsho phyi rol lcags ris bskor/ /dga' dang spros pas bcas pa'i maN+Dal gang / /de nyid sgrub pa'i rnal 'byor pa yis ni/ /'gro la phan phyir sangs rgyas 'dod pa'i blos/ /mi mthun phyogs rnams myur du zhi bya'i phyir/ /brtson pa'i stobs kyis dus gsum dag tu ni//bla ma rdo rje 'dzin la dbul bar bya/ /sangs rgyas kun gyi gdung 'dzin rnal 'byor pas/ /mnyes byed maN+Dal bzang po 'di phul bas/ /mthong dang ma mthong nyes pa kun spangs te/ /thun mong mchog gi dngos grub thob 'gyur zhes/ /rdzogs sangs rgyas kyis bde mchog rgyud du bshad//de phyir 'bad pas maN+Dal dbul bar bya/ /bdag gi maN+Dal brtsams pa yis/ /dge ba gang thob de dag gis/ /'gro kun bla ma bsten gyur cing / /rdo rje 'dzin pa'i sa thob shog /dngos kyi maN+Dal rdzogs so// //rgya gar gyi mkhan po ka ma la rak+Shi tas/