42a1 rgya gar gyi dpe phyi mo dang gtugs te gtan la phab pa'o/ /[ ]@##/ /rgya gar skad du/ kr-iSh+Ta ya mA ri sA d+ha naM/ bod skad du/ gshin rje gshed nag po'i sgrub pa'i thabs/ bcom ldan 'das gshin rje
42a2 gshed po la phyag 'tshal lo//dpal ldan gshin rje gshed nag la/ /phyag 'tshal nas ni dpal 'dzin gyi/ /gdams pa la brten sgrub thabs ni/ /mdor bsdus byis pas rtogs phyir bri/ /de la sngags pa nges par 'gro ba thams cad bsgral bar 'dod pa'i blo dang ldan pas dur
42a3 khrod la sogs pa'i bsam gtan gyi gnas sam/gnas la lar tsan+dan la sogs pas byugs la/ 'dod chags la sogs pa'i nyon mongs pa dang ldan pa'i sems can rnams/ bsod nams kyi tshogs dang mi ldan pas 'khor ba las bsgral bar mi nus pas na/ dang por bsod
42a4 nams kyi tshogs bsag par bya ba'i phyir bde ba'i stan la 'dug ste/rang gi snying gar sna tshogs pad+ma dang nyi ma'i steng du/ ya sngon po 'od zer dang bcas pa bltas la/ de'i 'od zer gyis sems can thams cad gshin rje gshed du byas nas yang 'od zer des bla ma dang sangs rgyas la
42a5 sogs pa mdun du spyan drangs te/de dag la mngon par phyag byas la sa bon gyi 'od zer sngon po las byung ba'i mchod pa'i sprin sna tshogs sgeg mo la sogs pa dang / me tog la sogs pa'i zhen pa dang bral bas yang dag par mchod do/ /de nas sdig pa bshags shing bsod
42a6 nams la rjes su yi rang ba dang /yongs su bsngo ba dang / gsum la skyabs su 'gro ba la sogs pa bya'o/ /de ma thag pa'i zhing la tshad med pa bzhi bsgom mo/ /de nas rten muHyis gshegs so/ /de nas ye shes kyi tshogs la nan tan bya ste/ sna tshogs stong pa nyid
42a7 du bsgom zhing /oM shU n+ya tA dz+nyA na badzra swa b+hA wa At+ma kou0f85haM/ zhes brjod la/ de nas stong pa'i bdag nyid las/ aM las nyi ma'i steng du/ hUM las rdo rje sngon po kha gyes pa bsgom par bya'o/ /de las byung ba'i rdo rje'i tshogs kyis rdo rje'i sa gzhi dang / ra ba dang gur bsgom par bya'o/ /
42b1 de'i dbus su skad cig gis chos 'byung gru gsum pa dkar po'i nang du/ sna tshogs pad+ma dang / sna tshogs rdo rje'i lte ba la paM yongs su gyur pa las/ sna tshogs pad+ma'i steng du raM las nyi ma'i dkyil 'khor gyi steng du yaM yig las rdo rje sngon po 'od zer bcas pa bsams te/ de'i
42b2 'od kyis thog ma med pa nas grub pa'i gshin rje gshed gsal bar byas nas/slar bkug ste/ de dag yongs su gyur pa las gshin rje gshed du bsgom par bya'o/ /de yang sku mdog nag po g.yas dkar zhing / g.yon dmar ba/ rdo rje dang ral gri dang / 'khor lo dang
42b3 pad+ma dang /gri gug dang thod pa bsnams pa'i phyag drug pa/ ma he'i steng na g.yon brkyang bas bzhugs pa/ sbrul gyi rgyan gyis brgyan pa/ mi mgo rlon pa'i phreng ba 'phyang ba/ stag gi pags pa'i sham thabs can/ rus pa'i rgyan gyis brgyan pa/ dbu skra dang sma ra ser po
42b4 gyen du langs pa/zhal mche ba rnam par gtsigs pa bsams la/ de nas spyi bo dang mgrin pa dang snying ga rnams su oM AHhUM zhes bya ba'i yi ge rnams bsam par bya'o/ /de nas mig la sogs pa skye mched byin gyis brlab par bya ste/ mig tu k+ShiM ngo / /rna ba dag tu dzriM ngo / /sna la
42b5 khaM ngo //dpral bar ni kaM ngo / /lte bar ni saM ngo / /de nas snying ga'i 'od zer gyis bskul bas de bzhin gshegs pa'i sprul pa rdo rje tsartsi kA la sogs pas bdud rtsi rnam pa lngas gang ba'i bum pa bzung nas dbang bskur bar bya'o/ /de nas snying ga'i 'od zer lcags kyu lta bus ye shes kyi rdo rje
42b6 mdun du bltas te/de la mchod pa lngas yang dag par mchod la/ dzaHhUM baM hoHzhes brjod pas dgug pa dang gzhug pa dang / bcing ba dang dbang du bya ba'o/ /de nas cho ga bzhin du mchod par bya'o/ /de nas bsgoms pas skyo na bzlas pa bya ste/ oM hrIHSh+T+r-IMHwi kri tA na na hUM hUM phaT phaT swA hA/
42b7 ldang ba'i dus su yang mchod pa byas la/ oM AHhUM muHzhes bya bas ye shes kyi rdo rje gshegs su gsol lo/ /thun so so la ji ltar rnyed pa'i gtor ma bdud rtsi lnga'i ngo bor sbyangs la/ sngags 'dis phyogs skyong rnams la dbul bar bya'o/ /oM in+d+rA ya hrIH ya mA ya Sh+T+r-iH wa ru NA ya wi/
43a1 ku be ru ya kr-i/ i shwa nA ya ta/ ag+na ye A/ nai r+R-i ta ye na/ bA ya be na/ Arka ye hUM/ tsan+d+ra ye hUM/ prah+ma N-i phaT/ ba su d+ha ra ye phaT/ be+e ma tsi tra ye swA/ sarba b+hU te b+h+yo hA/ ha hA hi hI/ hUM hUM pheM pheM swA hA/ de nas zas za ba'i tshe na/ bdud rtsi rnam pa lngas sbyangs la/ de nyid
43a2 gsum gyis byin gyis brlabs te/lce rdo rje'i sbyor bas bza' bar bya'o/ /gshin rje gshed kyi sgrub thabs 'di/ /byas pas dge ba gang thob pa/ /'jig rten gsum ni ma lus pa/ /nag po'i las 'dis 'da' bar shog /gshin rje'i dgra nag po sgrub pa'i thabs slob dpon g+ho
Sha badzras mdzad pa rdzogs so/