CLOSE WINDOW

D1929
བོད་ཡིག

/sgrub pa po dang sems can don du byas/ /de yis dge ba cung zad gang thob des/ /'gro kun bdud bzhi kun gyi gnod pa bsrung bar shog /dpal mar me mdzad bzang pos mdzad pa rdzogs so/ /[ ]@##/ /rgya gar skad du/ kr-iSh+Na ya mA ri nA ma sA d+ha naM/ bod skad du/ gshin rje gshed nag po zhes bya ba'i sgrub pa'i thabs/dpal khro bo 'jigs pa can la phyag 'tshal lo/ /dpal ldan 'jam pa'i rdo rje mchog /drag shul che zhing 'jigs par byed/ /khro chen de la phyag 'tshal te/ /de yi sgrub pa'i thabs bshad bya/ /de la sngags pa dbang dang dam tshig dang ldan pa/snying rje che ba/ rtul phod pa/ shes rab dang ldan pa des/ gnas dur khrod la sogs pa yid dga' ba'i gnas su gnas te/ brtul zhugs mchog spyad par bya'o/ /bdag nyid rdzogs pa'i tshul gyis lhar bskyed de/ /snying gar nyi ma'i steng du hUM bsam pa/ /de la 'od zer gyis bskul nas spyan drangs te/bzhugs pa la/ phyi nang gi mchod pa'i bye brag dbul/ de nas sdig pa bshags pa dang / rjes su yi rang bya ba dang / gsum la skyabs su 'gro ba dang / byang chub tu sems bskyed pa dang / tshangs pa'i gnas bzhi bsgoms nas/ de nas stong pa nyid du bsgom par bya ste/gang gi rnam par yang mi bsgom mo/ /oM shu n+ya tA dz+nyA na badzra swa b+hA wa At+ma kou0f85haM/ de rjes hUM las 'od 'phros pas/ /sdang ba thams cad bsreg par bya/ /bsdus pas rdo rje gur du gyur/ /ra ba dra ba bsam par bya/ /de nas nam mkha'i dbyings bsam bya/ /de yi n ang du gzhal yas khang //rdo rje rgya gram yang dag ldan/ /rta babs bzhi dang ldan par bsgom/ /nyi gdan ma he yi dwags te/ /rnam pa lnga po bsgom pa ni/ /A li bsgoms pas zla ba ste/ /kA li bsgoms pas rta bdun nyid/ /gnyis kyi bar du hUM bsams te/ /de nas rdo rje rtse lnga pa/ /de la snying pos yang dag brgyan//de las 'od byung don byas nas/ /slar 'dus de dag 'od du zhu/ /de las rdo rje sems dpa' ni/ /zhal gsum phyag ni drug pa la/ /g.yas dkar g.yon pa dmar ba ste/ /rtsa ba'i lus mdog nag po'o/ /rdo rje ral gri gri gug g.yas/ /'khor lo pad+ma thod pa g.yon//rdo rje rgyan gyis rnam par brgyan/ /g.yon pa brkyang ba'i zhabs kyis gnas/ /rang rig ldan pa rab tu bsgom/ /rdo rje pad+ma dag bya ste/ /bde gshegs thig le zla bar gyur/ /de las yak+She ma me da/ /ya tsa ni rA dzA sa do/ /ru Na yo ni ra dag ste/ /so so'i sa bon dag tu gyur//de las so so'i sku bskyed de/ /sngags chen gyis ni dbyung bar bya/ /oM hrIHSh+T-iHwi kr-i tA na na hUM hUM phaT phaT swA hA/ 'khrugs pa zhal gsum phyag drug ste/ /kha dog in+d+ra nI la 'dra/ /lag na rdo rje chen po ste/ /zhe sdang chen po'i don mdzad nas/ /slar 'dus bdag nyid la thim bya//dzi na dzika gis gti mug gtso/ /zhal gsum phyag drug pa la zhi/ /dngas pa'i chu zla dang mtshungs pa'o/ /lag tu 'khor lo thogs pa dbyung / /gti mug chen po'i don byas nas/ /mdun gyi zla dkyil dag la dgod/ /rat+na d+h+r-ika gis ser sna'i bdag /btso ma gser mtshungs phyag drug ste//rin chen thogs pa dbyung bar bya/ /ser sna dag byas don chen byas/ /g.yas kyi nyi dkyil dag la bsam/ /A ro l-ika gis 'dod chags gtso/ /zhal gsum phyag drug pad+ma 'dra/ /lag na pad+ma thogs pa dbyung / /'dod chags chen po'i don byas te/ /gtso bo'i rgyab tu bsam par bya//pradz+nyA d+h+r-ika gis phrag dog bdag /zhal gsum phyag drug ma rgad mtshungs/ /phyag na ral gri thogs pa dbyung / /phrag dog don byas rdo rjer gyur/ /g.yon gyi nyi dkyil dag la bsam/ /mud gar d+h+r-ika gis tho ba drag /mdog gnag phyag drug tho ba bsnams/ /drag po chen po'i don byas nas//shar gyi sgo la bsam par bya/ /daN+Da d+h+r-ika gis be con can/ /gser mdog lag na be con thogs/ /khro ba chen pos don byas nas/ /lho yi nyi dkyil dag la bzhugs/ /pad+ma d+h+r-ika gis pad+mo ste/ /mdog dmar zhal gsum phyag drug pa/ /pad+ma thogs pas don byas te//nub kyi sgor ni bsam par bya/ /khang+ga d+h+r-ika gis ral gri dbyung / /zhal gsum phyag drug ljang gu'o/ /phyag na ral gri thogs pa ste/ /byang gi sgor ni bsam par bya/ /dwa Sha ra tis tsartsi dbyung / /'khor lo lag 'dzin dkar mo ste/ /byams pa chen pos don byas te/ /me yi zla dkyil bsam par bya//mo ha ra tis phag mo dbyung / /rdo rje lag 'dzin nag mo ste/ /snying rjes don byas slar bsdus la/ /lho nub zla dkyil bsam par bya/ /rA ga ra tis dbyangs can dbyung / /dmar mo lag na pad+ma bsnams/ /dga' ba chen pos don byas nas/ /nub byang zla dkyil bsam par bya//badzra ra tis mdzod ldan dbyung / /ljang gu lag na ral gri 'dzin/ /btang snyoms chen po'i don byas nas/ /byang shar zla dkyil bsam par bya/ /bdag po'i phyag mtshan 'dra ba la/ /rang rtags gang yin dang por sbyin/ /zhal mdog rigs kyis shes par bya//yang dag don gyi 'od du zhu/ /'od kyi gong bur de nyid gyur/ /tsartsi kA sogs legs pa'i glus/ /'od kyi gong bu sad par byed/ /kye/ rje btsun snying rjes khro bzhengs la/ /gnas gsum kun gyi gti mug sbyongs/ /bdud bzhi rnams las gtso bo rgyal/ /kye/ 'khrugs pa'i sems kyis gtso bo bzhengs/ /stod gnas 'jig rten mgron gnyer ci/ /'jig rten sku mchog rje btsun bzhengs/ /kye/ stong par bsams nas ci ste bzhugs/ /byang chub rang bzhin 'jig rten bzhengs/ /dngos rnams sgyu mar bsams nas ni/ /'od las yi ge hUM du bzhengs//de las gtum po khro bo'i gzugs/ /'jigs byed gsus pa che ba yi/ /gshin rje nag po'i gzugs su gyur/ /zhal gsum phyag drug gong dang mthun/ /gyen du skra 'bar 'jigs pa che/ /dum dang dum bur rnam par brgyan/ /shin tu khros pa'i skur bsams te//ba spu'i bu ga rnams las ni/ /rang gi khro bo 'phro bar bsam/ /'jigs pa'i mche ba gtsigs pa'i zhal/ /ha ha 'byin pas za bar byed/ /bskal pa'i me 'bar lta bu ste/ /bdag nyid de ltar bsam par bya/ /dkyil 'khor gsal bar bsams nas ni/ /mig la sogs pa byin gyis brlab//rdo rje gsum ni gnas gsum bsgom/ /so so'i thugs las 'od byung ste/ /spyan drangs mchod pa yang dag spro/ /so so'i rig pa'i rim pa dang / /sku gsung thugs kyi sngags brjod bya/ /oM sarba ta thA ga ta kA ya badzra swa b+hA wa At+ma kou0f85haM/oM sarba ta thA ga ta bAka badzra swa b+hA wa yas kou0f85haM/ oM sarba ta thA ga ta tsit+ta badzra swa b+hA wa A kou0f85haM/ ye shes sems dpa' snying bsams te/ /de yi snying gar nyi ma bsams/ /de la sangs rgyas he ru ka /dbang bskur gshin gshed dbu la bsam/ /yang / de las 'od zer 'phros pas bskul/ /tho ba la sogs bzhi po yis/ /dgug dang gzhug dang bcing ba dang / /dbang du byas te mgu bar bya'o/ /zla ba nyi ma chu dang sman/ /dri ni rlung me'i 'khor lor gnas/ /de la dpa' bo 'bru lngar bsam/ /de steng hUM las rdo rje bsam/ /oM gyis byin brlabs bdud rtsir bsgom//de nyid gsum ni mngon par bzlas/ /lce dag pas ni btung bar bya/ /de nas 'dod pa'i lha mo bsdu/ /bdag gi ba spu'i bu ga las/ /mchod pa spros te bdag nyid mchod/ /de nas 'khor rnams mchod par bya'o/ /oM sarba ta thA ga ta pU dza badzra swa b+hA wa At+ma kou0f85haM/chos rnams kun kyis de la bstod/ /gti mug rdo rje'i rang bzhin khyod/ /gshin rje gshed de 'jigs pa po/ /ston pa sangs rgyas kun gyi bdag /mgon po 'jigs byed phyag 'tshal bstod/ /ser sna rdo rje'i rang bzhin khyod/ /gshin rje'i dgrar grags 'jigs pa po/ / thugs kyi rdo rjer rab snang ba/ /rin chen rdo rje phyag 'tshal bstod/ /'dod chags rdo rje'i rang bzhin khyod/ /mnga' bdag 'dod chags las byung ba/ /dbyangs kun gyi ni mchog gi mchog /rdo rje gsung la phyag 'tshal bstod/ /phrag dog rdo rje'i ngo bo khyod/ /gshin rje gshed de las kun mdzad/ / sku yi rdo rjer rab snang ba/ /ral gri'i phyag la phyag 'tshal bstod/ /sangs rgyas kun gyi rang bzhin khyod/ /sangs rgyas rnams ni kun bsdus pa/ /sangs rgyas kyi ni mchog gi mchog /dkyil 'khor bdag la phyag 'tshal lo/ /de nas rdzogs pa'i rim pa bsgom/ /rnal 'byor 'di la rtag gnas bya//bsam gtan ma nus bzlas pa ste/ /bzlas pa bzhi la rab 'bad bya/ /zla ba drug gis mtshan ma 'byung / /de nas sgrub pa chen po brtsam/ /'khor lo la sogs gzhung bzhin bya/ /so so'i dus la gtad bya ste/ /zhag bzhir bsgrubs na 'dod pa 'grub/ /oM hriHSh+T-iHwi kr-i tA na na hUM hUM phaT phaT swA hA/oM yak+She ma me da ya tsa ni rA dza sa do ru Na yo ni rA/ oM ya ma rA dza sa do me ya/ ya me do ru Na yo da ya/ ya da yo ni/ ra yak+She ya/ yak+She yats+tsha ni rA ma ya/ drag po'i gsang sngags man ngag bzhin/ /so so'i las dang spel bar bya/ /'byung po kun gyi gtor ma btang / / dang po gshin rje'i dgra la dbul/ /de nas so so'i 'khor la sbyin/ /sngags chen 'di yis dbul bar bya/ /oM in+d+ra ya trIH ya ma ye Sh+T-iH wa ru Na ya wi/ ku be+e rA ya kr-i/ yI shwa nA ya ta/ ag+na ye A/ tsaiR+R-i ta ye na/ bA ya be+e na/ tsan+d+ra ya hU~M/ sUr+yA ya hUM/ prah+ma NA ya phaT/ ba su d+ha rA ya phaT/be+e ma tsi tra ye swA/ sarba b+hu te b+h+yo hA/ ha hA/ hi hI/ hUM hUM pheM pheM swA hA/ sgrub pa chen po'i dus su ni/ /sku gzugs mdun du gzhag par bya/ /mchog gi sha la sogs pa dbul/ /mar me che yang rtag tu btang / /mchod pa'i mchog rnams dbul bar bya/ /ma yengs pa yi sems kyis dbul//'jigs pa'i sems ni ma yin no/ /sngags pas dpa' bo mchod par bya/ /spyod lam byed na 'di ltar bsgom/ /dngos po thams cad gshin rjer bsam/ /yang na rang rang dag par bya/ /yang na rdo rje sems dpa' bsgom/ /las kyi mthar thug 'jam dpal mchog /rtsod pa'i dus su byung ba 'di/ /bstan pa bsrung ba'i dgos pa dang / /las kyi bye brag bsgrub pa dang / /blo dman rnams la phan pa'i phyir/ /rnal 'byor bzhi yi tshul du bris/ /blo dman dam tshig la gnas pas/ /rab tu 'bad de bsgrub par bya/ /rgyud kyi don mchog bsdus pa yi//gshin rje gshed kyi sgrub thabs byas/ /'di las ngal ba'i dge ba gang / /kun gyis 'jam dpal mchog thob shog /gshin rje gshed nag po'i sgrub pa'i thabs slob dpon nyin mor byed pa'i grags pas mdzad pa rdzogs so// //zhu chen gyi lo tsA ba 'gos lhas btsas kyis/