CLOSE WINDOW

D1922
བོད་ཡིག

slob dpon gzhon nu zla bas mdzad pa rdzogs so/ /[ ]@##/ /rgya gar skad du/ kr-iSh+Na ya ma ri tan+t+ra pany+tsi kA/ bod skad du/ gshin rje dgra nag po'i rgyud kyi dka' 'grel/ dpal gshin rje'i gshed la phyag 'tshal lo/ /dngos med 'gro la khyab pa po//'gro ba mtha' yas 'khor ba yi/ /rgya mtsho sgrol mdzad khrag 'thung gang / /mgon po de la bdag phyag 'tshal/ /shin tu zab pa'i rgyud 'di la/ /bka' yang bla mas gnang ba yis/ /gshin rje dgra yi rnam 'grel 'di/ /sems can don du bdag gis bya/ / 'di skad bdag gis thos pa dus gcig na zhes bya ba la sogs pa la/ 'di skad bdag gis ni phyag na rdo rjes bcom ldan 'das dkyil 'khor chen po na bzhugs pa de'i tshe de kho na nyid bshad pa thos shing rtogs pa'o/ /gang gi tshe zhe na/ dus gcig na ste/ dus ni tshod do/ /gcig na zhes bya ba ni bsam pa las 'das pa'i dus te/dus gang gi tshe bdag gi yid bsam pa thams cad yongs su spangs par gyur pa na'o zhes bya'o/ /'khor ba pa rnams kyi dus ni rnam pa gsum du 'gyur te/ sdug bsngal ba'i dus dang / shin tu bde ba'i dus dang / bsam pa las 'das pa'i dus rnams so/ /de la mchog tu sdug bsngal bas zil gyis non pa'i dus na/ thos pa gang ci yang rung ste/ de la phyin cad dran pa gang yang 'byung bar mi 'gyur te/ 'di ltar sdug bsngal gyi shugs kyis dran pa gsal ba'i phyir ro/ /gang bde bas yid bsgos pa na yang ma yin te/de la yang dran pa gang ci yang 'byung bar mi 'gyur te/ 'di ltar de la yang shin tu bsgos pa'i phyir ro/ /de bas na gnas skabs gnyis po de yongs su spangs pa'i skad cig la ci 'byung ba de dran par 'gyur te/ dus gcig ni bsam pa las 'das pa'i dus de nyid do//de bas na bdag gis bsam pa thams cad yongs su spangs pas/ bcom ldan 'das kyis gsungs pa de thos so zhes bya ba yin no/ /de ni bdag gis ji lta ba de ltar brjod pa 'di'o zhes bya ba yang dag par sdud par byed pa'i dgongs pa'o/ /'di ltar yang brtsad par 'gyur te/gang zhig bsam pa thams cad dang bral ba'i dus na thos/ /de la ji ltar phyi ma'i dus na dran pa 'byung bar 'gyur/ gang gi phyir dran pa zhes bya ba 'di rnam par rtog pa ste bsam pa las 'das pa ni bsam pa cung zad kyang med pa'o/ /de bas na de yang dag pa ma yin no/ /re zhig 'dir bsam pa las 'das pa'i dus ni 'jig rten pas blang bar bya ste/dus gang gi tshe tshig gi don la so sor nges par 'gyur ba'i yid la byed pa las lhag pa'i don gzhan bsam pa la ni mi bya ste/ gang dag bsam pa mang por 'gyur ba'i yid du gyur pa'i dus na/ bsam pa des dngos po gcig las so sor nges pa'i dran pa ji lta ba bzhin rjes su 'byung bar mi 'gyur ro//de bas na 'dir bsam pa las 'das pa'i dus ni mngon par 'dod pa'i bsam pa tsam la yongs su gnas pa'i yid la khong du chud par bya'o/ /gzhan du don dam pa'i bsam pa las 'das pa'i dus ni gtang bar bya ste/dus gang gi tshe gzung ba dang 'dzin pa'i bsam pa thams cad las 'das pa der yang rang dang gzhan gyi rig pa nyid yin pa'i phyir dran pa la sogs pa ji ltar 'byung bar 'gyur te/ de ni 'di ltar gnas gang du bcom ldan 'das kyis de kho na nyid bstan pa mdzad par gyur pa ji lta ba 'di skad thos so zhes bya ba 'dir gsungs pa'o//de bzhin gshegs pa thams cad ces bya ba la sogs pa la/ de bzhin gshegs pa thams cad kyi sku gsung thugs kyi ngo bo nyid kyi rnam pa thams cad kyis/ rdo rje btsun mo'i gzugs su gyur par mdzad nas/de'i b+ha ga bde ba chen po'i gnas su bcom ldan 'das bzhugs pa'i tshe/ 'di skad chos bstan par gyur to zhes bya'o/ /de bzhin gshegs pa thams cad rdo rje btsun mor gyur pa'i b+ha ga dam pa'i mya ngan las 'das pa'i go 'phang la bcom ldan 'das bzhugs nas 'di skad bstan par gyur to zhes bya ba'i don te/nyon mongs pa'i bag chags mtha' dag yongs su bsal ba'i gnas ni b+ha ga yin la/ dam pa'i dga' ba'i ro myong bar bya ba'i phyir/ btsun mo'i ngo bo nyid du de bzhin gshegs pa rnams grub par gyur nas yul gyi bag chags kyis sems yongs su nyon mongs pa'i sems can rnams la phan gdags pa'i phyir/'di ltar rjes su bstan par mdzad do zhes bya ba yin te/ de'i phyir yang btsun mo'i b+ha ga la bzhugs par sprul pa mdzad par gyur nas/ 'di ltar 'dod chags chen po'i rjes su 'gro ba yul gyi chags pas yongs su nyon mongs pa'i sems can rnams bsgral ba'i phyir bcom ldan 'das 'di ltar brtsam pa mdzad do//de bas na yul rnams byang chub kyi ye shes kyi rgyu la byang chub sems dpa' rnams 'jigs par mi bya zhing de'i sgo dgag cing spang bar mi bya ste/ de bzhin gshegs pa'i ngo bo nyid yin pa'i phyir dang /dam pa rnam par dag pa nyid yin pa'i phyir ro/ /de bas na lam gang gis rjes su bcings par gyur pa'i sems can rnams/ de nyid kyis bcom ldan 'das thugs rje chen po'i bdag nyid rnams chos bstan par mdzad de/ ji yul gang gis 'di ltar 'khor bar bcing bar byed par 'gyur ba de de nyid kyis de kho na nyid kyi ngo bo nyid yongs su shes te/sangs rgyas nyid thob par byed do/ /de'i phyir de dag nyams su myong ba ji ltar gyur pa de ltar spyod par bya ste/ srid pa 'di nyid yongs shes pa/ /mya ngan 'das par de brjod do//zhes so/ /yang na gang gis 'ching bar byed par 'gyur ba de nyid zhi ba'i rang bzhin du 'gyur te/ ji ltar me yis tshig pa la/ /me yis bsros pa 'di yi sman/ /de bzhin chags pas gdungs pa 'di'i/ /sems can yul rten rten bral bas//byang chub gnas par nus ma yin/ /zhes bya ba'i don to/ /yul 'di nyid ji lta ba de ltar 'khor ba yin pa las gzhan ci zhig yod/ de bas na grol ba'i rgyur gyur pa'i phyir/ 'khor ba gzhan lhag pa gzhan ci yang med par 'gyur te/ rgyu 'di las grol ba 'byung bar mi rigs te/rgyu med pa'i nyes par 'gyur ba'i phyir ro/ /de'i phyir yang 'di ltar gang gis bcings pa dang grol ba gnyis kyang rgyu yul nyid yin bya ba'i rigs pa 'di gang yin/ 'di dag ni gcig gis gcig bsal ba'i phyir/ bsal ba 'dis rgyu gcig pa rigs pa ma yin te/'di ltar me ni grang ba'i bya ba yang mi byed do/ /de bzhin du 'bras bu sna tshogs kyi don du rgyu sna tshogs len par byed par yang ga la 'gyur zhes bya ba 'di ston par byed do/ /yul bye brag med pa nyid rgyu gnyis su mi 'gyur ro zhes bya ba'i nyes pa yod do zhe na/ci yongs su shes pa dang yongs su ma shes pa'i gnas skabs thob pa las 'bras bu bye brag tu 'byung bar 'gyur te/ ji ltar ngo bo nyid med pa'i dngos po khong du chud pa las grol ba'i rgyur 'gyur ro/ /ji ltar ngo bo nyid yongs su ma shes pa las 'ching bar 'gyur te/de bas na ji ltar ngo bo nyid shes pa dang ma shes pa'i rgyu'i bye brag yod do/ /des na tshogs pa'i dbye ba nyid kyis 'bras bu phye ba yin no/ /dper na 'di ltar dug ni sbyor ba shes pas zos na nad zhi bar 'gyur ro/ /ma shes pas ni 'chi ste/ de bas na bcings pa dang grol ba ni rang bzhin ji ltar brjod pa yongs su shes par bya'o//ji ltar gnyis po 'di dag kyang don dam pa ma yin te/ de lta na yang 'khor ba la rjes su chags pa ni nges pa nyid du ji ltar bstan pa'i rgyus shes par bya'o/ /de bas na brdzun gyi bdag nyid rtog pa'i bag chags kyis bcings pas sdug bsngal 'byung bar byed do//gzhan du na gnyis po dag ni brdzun nyid yin pas/ mkhas pa rnams gang gi don du grol ba la 'bad par byed/ de lta na yang brdzun du brjod pa'i phyir/ brdzun gyi byed pa spangs pa'i don nyid yin no/ /brdzun gyi byed pa gang gis 'ching ba'i byed pa las 'di ltar sdug bsngal 'byung bar byed do//de ni ji lta ji ltar bag chags kyi byed pa de dang de bsal bar byas pa 'di nyid grol ba'o/ /gzhan du na grol ba zhes bya ba gzhan dngos po ci yang med par rig par bya ste/ 'di ltar yul gyi snang ba'i rnam pa de ltar bcom ldan 'das chos ston par 'gyur ro//gzhan yang 'di ltar yul gyi snang ba'i rnam pas de kho na nyid snang bar byed de/ de'i phyir thabs dang shes rab kyi bdag nyid bstan pa 'di ni de kho na nyid do/ /'di ci zhig bsal ba gnyis gcig gi bdag nyid du ji ltar 'gyur/ 'di ltar grib ma dang snang ba dag kyang gcig tu brjod par 'gyur ro zhe na/ma yin te rgyu la 'bras bu nye bar gdags pa byas nas/ thabs dang shes rab kyi bdag nyid la de kho na nyid ces brjod de/ dper na yul grang ba'i chu la rkang pa'i nad ces bya ba bzhin no/ /de bas na thabs dang shes rab sbyor ba las dga' ba la sogs pa'i rim pas/rang bzhin gyi dga' ba'i ngo bo nyid kyi ye shes 'byung bar 'gyur bas/ thabs dang shes rab dag gi rgyu la de kho na nyid kyi ngo bor bshad do/ /de bas na bsal ba med de/ de lta bu'i rgyu len pa las ye shes kyi bye brag gzhan nyid 'byung ste/dper na bu ram dang dong gra zos pa las/ 'bras bu rims la phan pa'i mtshan nyid gzhan nyid 'byung ngo zhes bya ba 'dir 'gyur ro/ /thabs dang shes rab dag gnyis kyi bdag nyid las gnyis su med pa'i rang bzhin gyi rang rig pa'i bdag nyid kyi ye shes ji ltar 'byung /rgyu gnyis pa dang bcas pa'i 'bras bu gnyis su med pa ni mi rigs so/ /de bas na dmigs pa dang bcas pa yin pa de'i phyir/ thabs dang shes rab kyi rgyu las dmigs pa med pa'i lhan cig skyes pa'i rang rig pa ji ltar 'byung / rgyu dang mthun pa nyid kyi tshul du 'bras bu 'byung ste/ dper na skud pa nag po las byas pa'i snam bu nag por 'gyur ba bzhin no/ /gzhan du na rjes su mthun pa ji lta bar len par byed par mi 'gyur ro zhe na/ de lta ma yin te rgyu'ang gzhan yin la 'bras bu'ang gzhan yin te/ rgyu nyid 'bras bur mi 'gyur ro//de'i phyir ngo bo nyid tha dad pa la ji lta bar rjes su mthun par brtag pa 'dis ci zhig bya/ shing pi pa la'i sa bon phra mo la de lta bu'i yal ga la sogs pa'i bdag nyid kyi shing mi 'byung bas/ de bzhin mthun pa nyid du 'gyur ba ci zhig yin/ yang na thabs dang shes rab kyi bdag nyid ces bya ba 'di gsal bar byed pa tsam nyid yin te/lhan cig skyes pa'i bdag nyid ni de bzhin pa'i ye shes nyid yin par rig par bya'o/ /thabs dang shes rab dag ni mngon par gsal bar byed pa nyid tsam mo/ /de lta na bag chags kyi sgrib pa zad par byas pas rang nyid de kho na nyid rang rig pa rtogs par byed de/mar me'i sbyor bas bum pa bzhin no/ /yang na thabs dang shes rab ces bya ba'i sgra 'dis srid pa dang / mi srid pa'i 'gro ba mtha' dag gi dngos po brjod pa ste/ gang yang 'di ltar srid pa dang mi srid pa la sogs pa'i 'gro ba'i dngos po ni de kho na'i rang bzhin nyid las gzhan ma yin no//de lta na yang srid pa dang mi srid pa dag ni gcig gis gcig bsal ba'i mtshan nyid yin pas/ de'i ngo bo nyid las de kho na nyid ji ltar 'gyur/ de ni bzang po ma yin no//'dis ni srid pa dang mi srid pa la sogs pa'i bdag nyid kyi dmigs pa rnam pa gnyis ka yang bsal bar rig par bya ste/ 'di ltar dngos po'i ngo bo nyid mngon par grub na/ dngos po med pa'i ngo bo nyid sel bar byed de/ dngos po med pa'i ngo bo nyid dag gis kyang dngos po 'gog go//ji ltar so sor nges pa'i bdag nyid kyi dngos pos ngo bo nyid gnyis ka'ang sel bar byed do/ /de lta bas na dngos po dang dngos po med pa la sogs pa'i bdag nyid kyang / de dag gis de kho na dmigs pa med de/ gnyis ka la yang nyes pa yod pa'i phyir ro/ /'di ci zhig rig pa'i bdag nyid kyang de kho na nyid la med pa ma yin nam/'di ltar ma nges pa'i bdag nyid kyi rig pa ji lta bu zhig tu 'gyur/ dngos po yang 'khrul pa ste/ 'di ltar tho yor dang skyes pa'i gzugs dag ma nges pa las gang rig pa de 'khrul pa nyid du 'gyur te/ de'i phyir nges pa'i dngos pos gang rig pa de ni de kho na nyid ji lta bar 'gyur te/bum pa'i lto ba dang mgrin pa'i gzugs dag nges pa las bum pa rig go zhes bya bar 'gyur ro/ /de bas na dngos po dang dngos po med pa'i bdag nyid nges pa las de kho na nyid rig pa nyid du 'gyur ro/ /'di ltar de rig pa las 'khor ba las yongs su thar ba ji ltar 'gyur/gal te ma rig na yang de kho na nyid du 'gyur bas srid pa 'di 'gog go/ /thams cad kyis kyang de thob par 'gyur te/ 'di ltar 'bad pa med pa nyid du 'khor ba pa srid pa las 'das pa thob par 'gyur ro/ /'di skad brjod par bya ste/kho bo ni de kho na nyid med par smra ba ma yin te/ 'di ltar yang dag pa ji lta ba'i bdag nyid nyes pa thams cad dang bral ba/ so sor rtogs par bya ba'i phyir 'bad par byed de/ gang dang gang du nyes pa yod pa'i phyogs de dang de kho na nyid du mi 'gyur ro/ /dngos po dang dngos po med pa dag kyang nyes skyon gyi 'byung gnas yin na/de'i bdag nyid kyi de kho na nyid du ji ltar 'gyur/ de bas na phyogs thams cad mi dmigs pa'i ngo bo nyid kyi tshad ma'i stobs kyis 'ongs pa'i ngo bo nyid 'di la ci zhig brtsad/ gzhan yang ma nges pa'i dngos pos rig pa dang / rig pa ma yin pa nyid du ji ltar 'gyur/long ba dang lkugs pa la sogs pa rnams kyis mngar ba la sogs pa ro bro ba nyams su myong ba bzhin no/ /de la 'di ltar ngo bo nyid med pa ma nges pa las nyams su myong ba med pa nyid du ji ltar 'gyur/ de la long ba la sngon po dang dkar po la sogs pa'i ngo bo nyid du de la ma nges la/lkugs pa dag la yang 'di lta bu zhig ces brjod pa med do/ /de bas na ma nges pa zhes bya ba de kho na nyid kyi dngos po ma yin pa de'i phyir/ rnam pa thams cad ngo bo nyid med pa'i bdag nyid de/ rig pa tsam spang bar mi bya'o/ / gzhan yang rnam pa thams cad ngo bo nyid med pa nyid rnam pa dang bral ba'i de kho na nyid kyi ye shes su de brjod par 'gyur ro/ /de la yang rnam pa 'di ltar snang ba de'i ngo bo nyid ji lta bu zhig yin/ re zhig phyi rol gyi don ni gcig dang du ma'i ngo bo nyid kyis med pa nyid du rig par bya ste/de bas na rnam pa 'di dag ji lta bu zhig yin pa brjod par mi nus te 'di dag yang dag pa ma yin pa zhes bya'o/ /de ltar na re zhig rnam pa'i shes pa nyid kyis rnam pa brdzun du brjod pa ma yin te/ de yang de'i ngo bo nyid yin pas so/ /sngon po'i shes pa nyid kyis sngon po brdzun par rtogs pa ma yin no//de bzhin du bden pa gang ci yang rung ste/ rig pa nyid kyis bden par mi byed do/ /yang bden pa gzhan gyi rnam par brdzun par rtogs pa nus pa yang ma yin te/ re zhig gzhan rnam pa dang bral ba'i shes pas rmi lam lta bu'ang rtogs par mi byed do//de bas na rnam pa dang bral ba des rnam pa brdzun du ji ltar rtogs/ gzhan yang shes pa gzhan gyis shes pa gzhan gyi khyad par brdzun par byed par nus pa yang ma yin te/ de'i rang bzhin nyid du gnas pa'i phyir ro/ /sngon po'i shes pas ser po brdzun du rtogs pa ma yin no zhes bya bar brjod pa 'di grub pa ma yin te/gang gis dngos po thams cad brjod pa dang bral ba rang rig pa blang bar bya ste/ des rnam pa dang bral bar blang bar bya bar ji ltar 'gyur/ de'i ngo bo nyid kyis kyang dngos po thams cad brjod pa dang bral ba len par mi 'gyur ro/ / gzhan yang rnam pa dang bral ba dag gi rnam pa dang bcas pa len gyis yongs su spong bar ga la nus/ 'di dag gcig la gcig ltos pa'i phyir pha rol dang tshu rol bzhin no/ /'di ji lta bu zhig rnam pa dang bral ba yongs su bsal ba las de kho na nyid kyi ye shes kyi rnam pa nyid len par 'gyur te/de yang ji lta ji lta ba'i rnam pa'i shes pa snang ba de thams cad bden pa nyid pas/ de bas na brdzun gyi rnam pa'i dngos po gang ci yang med de/ 'di dag thams cad la rnam par shes pa'i ngo bo nyid skye bas/ de lta na ni log pa'i shes pa gang ci yang med de/thams cad du 'bad pas grol ba bsgrubs par ji ltar 'gyur ba de lta na 'khor ba med pa'i phyir ro/ /log pa'i snang ba brdzun pa 'di dag 'khor ba ste/ de la brdzun gyi rnam pa gang ci yang med na/ 'khor bar 'jig pa gang zhig yod/ thams cad ye shes kyi rnam pa nyid de/rnam pa dang bcas pa dag gis ye shes su brjod par 'gyur ro/ /'di skad ston te/ 'dir smras pa/ 'di dngos po thams cad brjod pa dang bral ba'i ngo bo nyid kyi ye shes de ni ji ltar rnam pa dang bcas pa yongs su 'dzin te/ smras pa 'di ni bzang po ma yin no/ /ngo bo nyid thams cad brjod pa dang bral bas/de la yang len par byed pa med pa'i phyir te/ de bas na rang gi nyams su myong ba tsam rtog pa thams cad spangs pa ni/ sems can thams cad la grub pa 'di la bsal bar nus pa med de/ de'i gnas skabs na rnam pa dang bcas pa la sogs pa'i dngos po'i rtog pa med par 'gyur te/rang dang gzhan gyi rig pa nyid der yongs su bsal ba'i phyir/ rnam pa la sogs pa rjes su rtog pa'i rnam par dbye ba 'di ni/ thams cad gnyis su med pa la skyon du 'gyur ro/ /gnyis su med pa yang bcom ldan 'das kyi ngo bo ste/de ni 'di skad bshad pa der bdag gi sems rtse gcig pas rtogs te/ de nyid bdag gis ji skad gsungs pa las bsdus pa'o/ /rtogs pa'i don de nyid dbang po dang bcas pa'i tshul du gsungs pa/ gti mug rdo rje gshin rje gshed/ /ces bya ba la sogs pa ste/ dkyil 'khor mtha' dag bstan pa'i dbang po dang bcas par thos so zhes de 'di ltar ston par byed de/ gti mug rdo rje la sogs pa gshin rje gshed po'i tshogs dang / rdo rje 'od zer can la sogs pa lha mo'i tshogs kyi 'khor dang bcas te bzhugs pa der/ 'di skad bdag gis bcom ldan 'das kyis gsungs pa'i tshig rtogs te/de bdag gis ji ltar gyur pa bstan pa byas na/ dbang po dang bcas pas 'jig rten gyi lugs su bden par rtogs par byed do/ /de bas na dbang po dang bcas par bshad pa mdzad par khong du chud nas sems can rnams 'jug ste/gang du sems can rnams the tshom med par 'jug par 'gyur ro/ /zhugs pas bcom ldan 'das kyi de kho na nyid khong du chud nas sangs rgyas nyid du 'grub par byed do/ /de dag la sogs pa zhes bya ba ni/ de lta bu'i rnam pa gshin rje'i dgra'i tshogs dang /lha mo'i tshogs dang ldan par bcom ldan 'das la bdag gis thos so zhes bya ba yin no/ /de nas phyag na rdo rjes de kho na nyid kyi don 'di bshad pa mdzad par bcom ldan 'das rdo rje 'dzin pa la gsol ba btab po/ /de nas de ma thag tu bcom ldan 'das kyis gshin rje'i dgra'i tshogs thams cad nyid kyi sku gsung thugs rdo rje las phyung ngo //gshin rje'i gshed la sogs pa'i tshogs phyung bar mdzad nas/ de nas de kho na nyid bshad par mdzad do zhes bya ba'i don to/ /zla ba rdo rje rab sbyor bas/ /zhes bya ba ni zla ba'i steng du nyi ma'i gzugs la gnas pa'i rdo rje dang /de nas yi ge d+hIHlas byung ba'i gshin rje gshed bsgom par bya'o zhes bya ba'i don to/ /de la dkyil 'khor rdzogs par bya ba'i phyir 'di'i rim pa de nyid bshad pa de ni/ bsrung ba'i don zhes bya ba dang / rdo rje bsgom par bya zhes bya ba la sogs pa ste/'di ni dkyil 'khor gyi rim pa bshad pa ste/ de la 'di'i rim pa ni/ re zhig dang por byams pa la sogs pa bsgom par bya'o/ /de nas bdag nyid rnam pa lnga bsgom par byas nas/ sdig pa bshags pa la sogs bya ba dang / bsod nams la rjes su yi rang ba byas nas/stong pa nyid du blta ste/ oM shU n+ya tA dz+nyA na badzra swa b+hA wa At+ma kou0f85haM/ zhes bya bas chos su gyur pa thams cad stong pa nyid du dmigs par bya'o/ /de nas bar snang la yi ge a bsgoms te/ de las zla ba'i dkyil 'khor du bsgoms la/ zla ba'i dkyil 'khor gyi steng du yi ge d+hIHyongs su gyur pa las/ rdo rje 'od zer lnga dang ldan pa bsgoms te/ de las 'di ltar rdo rje 'phros pas thad kar ni rdo rje ra ba bsam par bya'o/ /steng du rdo rje gur du'o/ /dbus su rdo rje'i rang bzhin gyis gzhir bsgom par bya'o/ /de nas rnam par snang mdzad rig ma dang bcas pa yongs su gyur pa las khang pa brtsegs pa dra ba dang dra ba phyed pa la sogs pa dang ldan par blta'o//de nas lha bcu gsum gyi gnas rnams su sa bon gyi yi ge rnams las rnam par bskyed pa'i mtshan ma gsungs pa/ de nas bcom ldan 'das de bzhin gshegs pa thams cad bskyed pa zhes bya ba la sogs pa ste/der sa bon gyi yi ge 'di rnams blta bar bya'o/ /k+She yi rnam pa gti mug brjod/ /ces bya ba la sogs pa ni/ gti mug gshin rje gshed kyi sa bon yi ge k+She'e/ /ser sna rdo rje gshin rje'i dgra'i sa bon yi ge ma'o//yi ge ya ni tho ba zhes bya ba la sogs pa ni/ tho ba rdo rje gshin rje'i dgra'i sa bon ni yi ge ma'o/ /de bzhin du yi ge tsa ni be con rdo rje gshin rje'i dgra'i'o/ /dza yig tsartsi ka ru brjod/ /ces bya ba ni 'od zer can ma'i sa bon ni yi ge dza'o//de bzhin du yi ge sa ni phag mo la sogs par rjes su rig par bya ste/ 'di ltar 'od zer can ma la sogs pa'i lha mo bzhi po rnams grwa rnams na/ dngos grub sbyin par mdzad par rjes su rig par bya'o/ /ral gri rdo rje la sogs pa'i dkyil 'khor bskyed pa'i rim pa gsungs pa'o//de la 'di'i rim pa ni yi ge ra las gyur pa'i nyi ma'i dkyil 'khor blta ste/ de'i steng du yi ge d+hIHlas gyur pa'i ral gri rdo rje yongs su gyur pa las/ sna tshogs rdo rje 'jigs pa sngon po 'od zer sna tshogs pa dang ldan pa bsams te/ de'i dbus su gyur pas yi ge d+hIHde yongs su gyur pa las ma he la bcibs pa'i bcom ldan 'das zhe sdang rdo rje gshin rje'i dgra sngon po 'jigs pa/zhal gsum pa phyag drug pa bsgom par bya ste/ khros pa'i gzugs can rab tu mi bsrun pa/ mgo bo'i dum bus brgyan pa/ lce 'jib pa/ gsus pa 'phyang ba/mi'u thung gi gzugs gtsigs pa/ skra gyen du 'greng ba/ smin ma dang / ag tsom dang / skra ser skya/ g.yas brkyang ba'i stabs/ mche ba gtsigs pa/ zhal bgrad pa/ bskal pa bye me 'bar ba lta bu/ 'od zer kun du 'phro ba'o/ /de nas shar phyogs su gti mug gshin rje gshed 'jigs par byed pa la sogs pa'i gzugs 'dzin pa 'di lta bur bsam par bya'o//lhor ser sna rdo rje gshin rje gshed dang 'di lta bu la sogs pa gzhan yang ji ltar brjod pa bzhin shes par bya'o/ /grwa bzhi rdo rje rtse mo ru/ /zhes bya ba la sogs pa'i grwa bzhir/rdo rje'i dpal rtse bzhi dang mnyam par 'od zer can ma la sogs pa'i lha mo bzhi bsam par bya'o/ /de bzhin du sgo bzhir rdo rje dpal rtse bzhi dang mnyam par tho ba rdo rje la sogs pa gshin rje'i dgra bzhi'o/ /'di ltar grwa phyi ma la de bzhin du sna tshogs rdo rje'i grwa bzhi la mi'i mgo bo bzhi yang bri bar bya'o//de ni 'di ltar lha bcu gsum gyi bdag nyid kyi dkyil 'khor du rtogs par bya ste/ de la dkyil 'khor gyi dbang phyug zhe sdang gshin rje'i dgra'i snying po gsungs pa/ oM hrIHSh+T+r-IHzhes bya ba la sogs pa'o/ /de bzhin du gti mug rdo rje gshin rje gshed kyi sngags gsungs pa/oM dzi na dzika /'di ltar ser sna rdo rje la sogs pa rnams kyi oM rat+n-i d+h+r-i ka /ces bya ba la sogs pa'o/ /de bzhin du rdo rje 'od zer can ma la sogs pa grwa bzhi'i lha mo bzhi'i sngags gsungs pa/ oM dwe Sha ra ti/ oM mo ha ra ti zhes bya ba la sogs pa'o//'di ltar dkyil 'khor gyi dbang phyug la sogs pa gshin rje'i dgra rnams kyi sngags gsungs pa'i rim pa'i gzugs ji lta ba bstan pa yin par rig par bya ste/ zhal gsum pa phyag drug pa khros pa zhes bya ba la sogs pa ste/ dkyil 'khor gyi dbang po bcom ldan 'das gshin rje'i dgra 'di ltar nag po la sogs pa'i gzugs dang ldan pa bsgom par bya'o//re zhig de'i phyag g.yas na rdo rje bsnams par blta ste/ gnyis pa na ral gri'o/ /gsum pa na gri'o/ /de bzhin du phyag g.yon pa gsum na/ 'khor lo dang / pad+ma dang / ka pA la'o/ /de bzhin du rtsa ba'i zhal nag po/ g.yas dkar po/ g.yon dmar po ste/ re zhig 'di ltar dkyil 'khor gyi gtso bo bsgom par bya'o/ /de la pha rol tu phyin pa drug rnam par dag pa ni phyag drug go/ /sku gsung thugs rnam par dag pa ni zhal gsum mo//mi phyed pa'i rdo rje bskyed pa ni rdo rje'o/ /nyon mongs pa ma lus pa gcod pa ni ral gri'o/ /'gro ba'i sdig pa'i las gcod par byed pa ni gri'o/ /'gro ba ma lus pa ye shes skyed par byed pa 'khor lo'o/ /dam pa'i dga' ba'i bdag nyid rtogs par byed pa pad+ma'o/ / stong pa nyid khong du chud par byed pa ka pA la'o/ /'di ltar bcom ldan 'das dkyil 'khor gyi bdag po zhe sdang gi rigs kyi gshin rje gshed du bskyed pa ni/ zhe sdang gi 'gro ba rnams la gzigs te/ zhe sdang thams cad zad par mdzad pa'i phyir/ bcom ldan 'das rdo rje 'dzin pa 'di lta bu'i ngo bo nyid du gyur par mdzad do//de bzhin du shar dang lho la sogs pa'i phyogs bzhir/ gti mug rdo rje la sogs pa'i gshin rje gshed bzhi gsungs pa/ zhal gsum phyag drug pa/ zhi ba zhes bya ba la sogs pa ste/ lhag par gti mug gis non pa'i 'gro ba rnams la gzigs te/gti mug thams cad zad par mdzad pa'i phyir/ /bcom ldan 'das rdo rje sems dpa' gti mug gshin rje'i dgra'i gzugs su mdzad de/ gshin rje'i gshed 'di ni dkar po'i gzugs su blta ste/ gdan zla ba/ de'i phyag g.yas na 'khor lo/ gzhan na ral gri dang gri'o/ /g.yon na rdo rje dang / pad+ma dang / ka pA la'o/ /'di ltar ser sna la sogs pa rnam par dag par bya ba'i phyir/ ser sna la sogs pa gshin rje gshed rnams ni/ gser btso ma la sogs pa'i gzugs dang /rin po che la sogs pa'i phyag mtshan dang / gzhan na ral gri dang / gri dang / 'khor lo la sogs pa dang ldan par bsgom par bya'o/ /'dod chags rdo rje gshin rje'i dgra la/ g.yon na 'khor lo dang / rdo rje dang / ka pA la rnams bsnams par blta'o/ / phyag na ral gri bsam par bya/ /zhes bya ba ni phrag dog rdo rje gshin rje'i dgra'i phyag dang po na ral gri bsnams par bsam par bya'o/ /de bzhin du me'i phyogs la sogs pa grwa bzhir rdo rje 'od zer can la sogs pa'i lha mo bzhir rig par bya ste/ byams pa la sogs pa tshangs pa'i gnas bzhi rnam par dag pa'o//de la 'od zer can ma na zhal gsum phyag drug pa mo lus skem par blta ste/ phyag g.yas dang po na 'khor lo bsnams par blta'o/ /phyag gzhan rnams na rdo rje dang / pad+ma dang / ka pA la rnams kyis mtshan par blta'o//de bzhin du phag mo phyag g.yas dang po na rdo rje bsnams pa/ lhag ma sngon bzhin du blta'o/ /rdo rje dbyangs can ma dkar mo phyag dang po na pad+ma/ gzhan snga ma bzhin no/ /'di ltar rdo rje mdzod ldan ma kha dog ljang gu/ phyag na ut+pal/ mtshon cha gzhan ni gshin rje gshed dang mthun par bsnams par rig par bya'o//lha mo 'di dag gi zhal yang / dang po ni sku dang mthun no/ /gzhan dag ni gshin rje gshed ji lta ba bzhin du sbyar bar rig par bya'o/ /de bzhin du tho ba la sogs pa'i gshin rje gshed bzhi ni/ shar dang lho la sogs pa'i sgo bzhi 'joms par blta bar bya'o//de la tho ba gshin rje gshed ni kha dog nag po phyag na tho ba'o/ /phyag gzhan gyi mtshon cha ni gong gi gshin rje gshed bzhin du blta bar bya'o/ /de bzhin du be con gshin rje gshed ni phyag na be con kha dog dkar por blta'o/ /pad+ma gshin rje gshed ni phyag na pad+ma kha dog dmar po'o//de bzhin du ral gri gshin rje gshed ni phyag na ral gri kha dog sngon po'o/ /'di rnams kyang zhal sku mdog dang mthun/ gzhan thams cad ni dkyil 'khor gyi bdag po gshin rje gshed bzhin du rtogs par bya'o/ /dkyil 'khor gyi lha thams cad kyi spyi bor gshin rje gshed kyi tshogs blta bar bya'o//lha mo bzhi la zla ba'i gdan no/ /dkyil 'khor gyi lha gzhan la nyi ma'i gdan no/ /gshin rje gshed thams cad ni sbrul gyis brgyan pa'o/ /bcom ldan 'das rdo rje 'dzin pa gcig pu nyid/ 'di ltar zhe sdang chen po la sogs pas gzir ba'i 'gro ba rnams la/thugs rje'i bdag nyid kyis gzigs te/ de dag kun du bcad nas 'gro ba rnams bde ba chen po gnas par bzhed nas/ zhe sdang la sogs pa'i gshin rje gshed du sprul par mdzad do zhes bya ba rtogs par bya'o/ /'o na gcig pu sprul pa sna tshogs nye bar sbyor ba'i rgyu ci zhig /de lta na gang des 'gro ba'i nyon mongs pa bsal ba'i thugs rje snang bar nus pas/ sprul pas sel ba de dag kyang nus pa yod pa'i phyir ci'i phyir mi mdzad/ gang yang nus pa'i rgyu dang ldan na/ de ltar sprul pa de lta bu'i gzugs dag la gzhan du ltos pa med par rig par bya'o zhe na/'di ni yang dag pa ma yin te/ rnam pa gang dang gang gis sems can gyi sdug bsngal 'byin par byed pa'i rnam pa de dang des/ bcom ldan 'das bdag nyid kyi thugs rje chen po'i snang bas sprul pa ste/ de bas na gti mug chen po la sogs pa'i sdug bsngal gyis gzir ba'i 'gro ba rnams gzigs nas/gti mug la sogs pa gzhom pa'i phyir/ gshin rje gshed kyi gzugs rjes su mdzad do/ /'di ni ma lus pa'i sdug bsngal thams cad 'don par byed par 'gyur ro/ /sdug bsngal gyi bdag nyid de lta de ltar sprul pa'i rgyus 'di ltar sdug bsngal rnams rtsa ba dang bcas te gcod par 'gyur te/rtsa ba nyid thams cad du yongs su zad pa'i phyir/ ji ste gzugs rnam par bsgyur bas de dag gi sdug bsngal sel ba'i rgyu byed do/ /des sems can rnams bde ba 'thob par mi 'gyur ro//gzhan du rnam par bsgyur ba'i don spyod pas/ sngon goms pa'i chos yongs su btsal ba'i phyir sdug bsngal skyed par byed pas/ gang yang dang yang chags pa'i sgo de nas 'di ltar chos bstan par byas na/ de dag chung ngus kyang sdug bsngal gyi stobs bskyed par mi 'gyur ro//don de lta bu'i phyir bcom ldan 'das kyis dkyil 'khor gyi 'khor lo mtha' dag sprul par rig par bya ste/ 'di ltar lha thams cad rang gi 'od kyi rig ma dang 'khyud par blta'o/ /dkyil 'khor gyi 'khor lo 'di lta bur bltas nas/ bcom ldan 'das de 'od du zhu nas/stong pa nyid kyi bdag nyid du bzhugs so/ /de nas bcom ldan 'das stong pa nyid du bzhugs pa rdo rje rnal 'byor ma rnams kyis mthong nas/ rdo rje 'od zer can ma la sogs pas bskul bar mdzad de/ rje btsun sa gsum rmongs pa mtha' dag bsal ba dang /pha rol bdud bzhi 'dir ni 'ong 'gyur bas/ /snying rjes bros pa'i rje btsun bzhengs par mdzod/ /'jig rten don du dam bcas mdzad nas stong nyid la/ /bzhugs pa sems mi bde bas rje btsun bzhengs par mdzod/ /'jig rten phyir du dam bcas byang chub rang bzhin gyi//stong nyid thugs su bzhugs pa ci yi phyir/ /'jig rten phan phyir rje btsun bzhengs par mdzod/ /'di ltar bskul bas skar mda' 'pho ba'i gzugs bzhin byang chub kyi sems stong pa nyid kyi bdag nyid de spangs te/ bcom ldan 'das kun nas bzhengs par mdzad do//'di ci zhig /gal te bcom ldan 'das rgyu dang mtshungs pas 'grub na/ de rgyu dang bcas pa'i phyir bde ba dang sdug bsngal ba bzhin/ bcom ldan 'das kyi bdag nyid thugs nyid kyang yang dang yang skye zhing de 'jig par 'gyur te/ de bas na sgom pa dang grub pa'i byed pa dag kyang yang dang yang 'khor ba nyid de/des ci yang byang chub thob par mi 'gyur ro/ /byang chub ni kun nas zad pa'i tshul du brjod de/ de'i phyir sgom pa la sogs pa'i rnam pa 'di dag gis ci zhig bya/ yang rgyu la ltos pa yod pa ma yin na/ de thams cad du yod pa'i phyir/ thams cad du rang rig pa de ci zhig med/ ye shes nyid rang rig pa las gzhan gyi ngo bo nyid ma yin na ci'i phyir mi mthong / ji ste ye shes las gzhan nyid yin na/ de lta yang rgyu dang bcas pa dang / rgyu med pa'i nyes pa dang bcas pa nyid do zhe na/ de ni yang dag pa ma yin te/ de la skye ba zhes bya ba don dam pa la med na/gang gis rgyu dang bcas pa dang / rgyu med pa'i nyes par 'gyur te/ kun nas yod pa nyid dang / thams cad du gnas pa nyid kyi phyir ro/ /yang na bcom ldan 'das yod pa dang / thams cad du rig pa'i phyir/ skye bo thams cad grol byed do/ / zhes bya ba 'di mi rigs so/ /ji lta zhe na/ yang dag pa ji lta ba bzhin yongs su rig pa ni grol zhes bya bar brjod ste/ de yang skye ba sna tshogs kyi bag chags yongs su bsgos pa'i yid kyis sems can rnams de bzhin du dmigs pa dang bral bar mi 'gyur ro/ /bag chags kyi shes pa skye ba mang po bar med par goms pa'i stobs de ni/chung ngus zil gyis gnon par mi 'gyur ro/ /de kho na nyid kyi ye shes de lta bu gang gis skye bar byed/ 'di ltar 'khor ba'i chos 'di ni gang log pa'i shes pa zhes bya ste/ de bas na ji lta ba bzhin gnas pa yin mod kyi/ bcom ldan 'das de bag chags kyi dri ma'i skyon gyis de bzhin du rtogs par mi 'gyur ro//de'i phyir gsal bar byed pa'i rgyu tshol bar byed pa ste/ dper na zla ba ni gcig tu gnas pa yin mod kyi/ rab rib can la du ma'i rnam par snang bar 'gyur te/ zla ba de mthong mod kyi rnam pa sna tshogs su 'dzin to//de nas mig gi skyon de yongs su bsal ba'i phyir sman any+dza na'i bye brag tshol lo/ /de bzhin du 'dir yang rjes su rig par bya'o/ /gzhan yang rab rib can gyis/ gang zla ba gnyis la sogs pa 'di ltar mig gi skyon gyis mthong bar 'gyur na/ de ni zla ba gcig po de yang yang dag pa ji lta ba mthong la/gzhan yang mig gi skyon gyis 'od 'phro ba dang / gnyis la sogs par yang mthong ngo / /de bas na re zhig de kho na nyid ji lta ba yang mthong la/ gzhan yang bag chags kyi dri ma'i skyon gyis sna tshogs kyi bdag nyid kyi dmigs pa dang bcas pa 'di ltar dpe sbyar bar bya'o//de lta na yang de kho na nyid rtogs pa nyid kyi phyir thog ma nyid du grol ba'i skyon du 'gyur te/ de nyid du sgrib pa bsal ba'i dka' ba med par de kho na nyid mthong bas grol bar rigs so/ /re zhig de kho na nyid gcig yang dag pa ji lta ba bzhin du rig pa nyid yin la/gzhan yang zla ba gnyis la sogs pa lta bur dmigs pa dang bcas par 'dzin pa nyid du mi 'gyur te/ de kho na nyid du rig pas sems can rnams grol ba'i go 'phang thob pa'i phyir ro/ /yang na bcings pa dang grol ba gnyi ga'ang gcig nyid du srid par 'gyur te/de kho na nyid dang de kho na nyid ma yin pa'ang rig pa'i phyir/ gnyi ga rig pa yod pa nyid pas de kho na nyid ma yin pas ni 'ching la/ de kho na nyid kyis ni grol lo zhe na/ 'di skad bstan te/ de la yang dag pa ji lta ba bzhin gang rig par gyur na/ gang zhig gis re zhig de kho na nyid ji lta ba bzhin yongs su shes pas/'khor bar sbyor bar mi 'gyur ba ma yin te/ 'di ltar de thams cad log pa'i shes pa nyid du skye bar 'gyur bas/ dmigs pa med pa dang / dmigs pa dang bcas pa 'dzin pa med de/ dmigs pa med pa zhes bya ba las lhag pa dmigs pa dang bcas pa 'dzin pa'i bdag nyid yod pa ma yin te/re zhig bden pa'i rig par gyur pa dang / gzhan du dmigs pa dang bcas pa la sogs pa'i bdag nyid kyis log pa'i gang zhig yin/ /gang zhig gis ji ltar log par rig pa dang / yang dag pa ji lta ba bzhin rig pa'i bdag nyid skye ba ma yin na/de ji ltar grol ba'i skyon du 'gyur/ zla ba gnyis la sogs pa'i shes pa yang gang zhig gis yang dag pa'i zla ba rtogs par 'gyur ba ma yin no/ /de yang thams cad du brdzun nyid rig pas gcig dang du ma yin te/ gang gis gcig rig pa de bzhin bden pa dang gzhan brdzun pa ci zhig /re zhig 'di ltar zla ba gnyis su rtogs pa de ltar don ji lta ba ma yin pas/ 'di thams cad brdzun pa ste/ gang ci yang de bzhin pa ma yin no/ /des na yod pa nyid kyang thams cad khong du chud par 'gyur ba ma yin no zhes bya ba de skad du 'gyur te/zla ba la sogs pa ji lta ba bzhin du rig pa dang / ji lta ba bzhin du rig pa ma yin pa 'di rigs te/ de la 'dzin pa la sogs pa'i skyon gyis bsgos pa nyid kyis bcom ldan 'das dmigs pa med pa'i rang gi ngo bo nyid kyis yang de lta bu ldan pa ma yin no//de lta na 'di ltar rig par bya ste/ de ni gsal bar byed pa'i rgyus yang dag pa ji lta ba bzhin khong du chud par byed pa ste/ der 'dzin pa la sogs pa'i nyes pas bsgos pa'i phyir ro/ /'di ni dgos pa med de/ de lta na dkyil 'khor 'khor lo yang dag pa ji lta ba bzhin bsgom pa la sogs gsal bar byed pa'i rgyu yin pas dgos pa med pa nyid do zhes pa 'dir mngon par brjod de/gang yang gsal bar byed pa'i rgyu ni bcom ldan 'das yang dag pa de lta bur bskyed pa'i shes pa ma yin zhing don dam pa byed pa ma yin no//de lta na yang de'i ngo bo brjod pa'i dpe bzhin rtogs par 'gyur ba ste/ dper na mngar ba'i ro ston pa ni bu ram la sogs pa'i tshig ste/ bdag nyid skyed pa ma yin te/ de'i ngo bo nyid ston par byed pa yin no/ /phyis nyams su myong ba dang de'i bdag nyid khong du chud par 'gyur ro//de bas na bcom ldan 'das skyed pa med mod kyi/ de bzhin du rtogs pa'i rgyu yin pas/ sgom pa la sogs pa yang gsal ba'i rgyu yin no/ /yang na ji ltar bag chags kyi nyes pas bsgos par gyur pa'i shes pa de thams cad sel bar byed pa'i rgyus de kho na nyid rtogs par 'gyur te/sgrib pa ma lus par sel bar byed pas/ de sgrib pa med par gyur pas rang rig pa'i ngo bo nyid 'gyur te/ ras kyis dril ba'i rin po che bzhin no/ /de'i phyir yang dag pa ji lta ba bzhin yongs su rig pas/ 'dzin pa la sogs pa'i ngo bo nyid du snang ba de rim gyi rim gyis 'dzin pa nyams par 'gyur bas/phyis goms pa na nges pa nyid du dmigs pa dang bcas pa'i ngo bo de mi snang ngo / /des de ltar yang dag par rtogs nas phyis kyang bag chags kyi shes pas byin gyis brlab pa'i yid du mi 'gyur te/ dmigs pa med pa rtogs pa'i bdag nyid du gyur pa'i phyir/bden pa de yang phyi nas zil gyis gnon pa med de/ 'dzin pa la sogs pa'i dngos po ji lta ba ma yin pa'i don de ye shes bden pas zil gyis gnon pa ni rigs pa nyid yin no/ /de'i phyir de kho na nyid can gyi ye shes kyi bdag nyid du gyur pa des/ rim gyis nges pa nyid du byang chub thob par 'gyur//de bas na 'dir dkyil 'khor gyi 'khor lo la sogs pa bsgom pa'i rgyur gyur pas/ byang chub thob par nges pa nyid du byed de/ stong pa nyid la sogs pa'i dngos po 'di ni da ltar skye ba'i sa bon gyi dngos po la ma brten pas/ rgyu de'i phyir sa bon yod pa 'di ni rang nyid kyis byang chub tu 'gyur bas de'i phyir blang bar bya ba yin no//pad+ma pA Nis mdzad pa gshin rje nag po'i rnam 'grel zhes bya ba'i le'u dang po'o// //le'u gnyis pa'i don la de bzhin gshegs pa thams cad kyis bcom ldan 'das rdo rje 'dzin pa la bstod cing mchod pa'i bdag nyid gsungs pa/de nas bcom ldan 'das zhes bya ba la sogs pa ste/ chos nyid bshad par gsol ba nyid kyi phyir thugs rje'i dbang gis de bzhin gshegs pa thams cad kyis bstod pa ni/ sku'i rdo rje la sogs pa'i gzugs de ltar du gshin rje'i gshed rnams bshad par 'gyur ro//de nyid gsungs pa/ gti mug rdo rje'i rang bzhin khyod/ /ces bya ba la sogs pa ste/ 'di ni gti mug rdo rje gshin rje gshed sku'i rdo rje'i gzugs nyid du ste rnam par snang mdzad kyi gzugs so zhes bya ba'i don to/ /'di ltar ser sna rdo rje gshin rje gshed kyang thugs rdo rje'i ngo bo nyid de/de lta bur blta bar bya'o/ /'di ltar gzhan la yang sbyor bar bya'o/ /'di ltar na dkyil 'khor gyi 'khor lo rdzogs nas kyang / 'di ltar bstod pa dang mchod pa bya ba ste/ de bzhin du rdo rje mig dang zhes bya ba la sogs pas mig la sogs pa rnam par dag par rnal 'byor pas bya'o zhes bya bar blta'o//phyi rol gyi dkyil 'khor bsgrub pa'i rim pa gsungs pa/ gsar zhing bzang dang ldan pa dang / /zhes bya ba la sogs pa ste/ de la ji ltar gsungs pa'i thig gdab pa la sogs byas nas/ dkyil 'khor bri ba gsungs pa/ de ru las kyi rdo rje bri/ /zhes bya ba la sogs pa ste/ sa yongs su gzung ba la sogs pa ji lta ba bzhin yongs su byas nas/ phyis bya bar bcom ldan 'das kyis gsungs pa ste/ de la de dag ji lta ba ni de nyid du shes par bya ste 'dir ma bsnyad do/ /de la khang pa brtsegs pa dra ba dang dra ba phyed pa la sogs pa dang ldan pa/grwa bzhi la sogs pa byas te/ de'i dbus su re'u mig dgu pa'i dkyil 'khor bya'o/ /de'i dbus kyi sa'i cha nag por byas la/ rtse lnga pa'i las kyi rdo rje yongs su gyur pa lta bu'i rdo rje nag po bri'o/ /de las yang rdo rje nag po'i phreng bas bskor bar bya zhing 'bar bas rnam par brgyan par blta bar bya'o//de bzhin du shar phyogs kyi re'u mig la 'khor lo bri bar bya'o/ /lhor rin po che'o/ /nub tu pad+ma dmar po'o/ /byang du ral gri ste 'di ltar gsungs pa ni/ shar zhes bya ba la sogs pa'o//da ni 'od zer can ma la sogs pa'i lha mo bzhi'i mtshan ma gsungs pa/ shar gyi grwar ni 'khor lo bri/ /zhes bya ba la sogs pa ste/ /shar zhes bya ba ni shar dang lho'i grwa la 'khor lo bri ba'o/ /de bzhin du lhor zhes bya ba ni lho dang nub kyi grwa la rdo rje bri ba'o/ / nub ces bya ba ni nub dang byang gi grwa la pad+ma bri ste/ sdong bu dang bcas pa kun nas rgyas pa'o/ /de bzhin du byang dang shar gyi grwa la'o/ /da ni sgo skyong gi mtshan ma gsungs pa/ shar gyi sgo ru tho ba zhes bya ba la sogs pa ste/ snying po'i dkyil 'khor las phyir gyur pa'i sgo rnams su shar du tho ba bri'o//lhor rdo rje be con/ nub tu 'dam skyes/ byang du ral gri ste/ de ltar rdo rje dpal rtse la sogs pa ji ltar gsungs pa thams cad bri bar bya'o/ /'di ltar ji skad gsungs pa'i dkyil 'khor rdzogs par byas nas/ de bzhin gshegs pa rnams la nye bar spyod pa'i mchod pa lnga dkyil 'khor du rdzogs par bya'o//de bzhin du der rnal 'byor pas 'dod pa'i yon tan lnga mtshan mar mi byed pa'i sems kyis/ rigs lnga la sogs par brten cing rang gis nyams su myong bar bya'o/ /des kyang byang chub sems spro ba byas pas de bzhin gshegs pa rnams la mchod par bya'o//'di ltar bcom ldan 'das la blta bar bya ba 'di nyid ni/ 'dod pa'i yon tan lnga yis ni/ /zhes bya ba dang sangs rgyas mchod ces bya ba la sogs pa ste/ 'dod pa'i yon tan lnga rnams kyis der rnal 'byor pa mtshan mar mi byed pa'i sems kyis ro myong ba dang / ma lus pa'i de bzhin gshegs pa thams cad la yang mchod pa byed de/ mtshan ma med pa'i ngo bo nyid du de bzhin gshegs pa rnams rtogs par byas nas/ rtogs pa des gang dang gang du rang gis mchod pa'i rdzas nyams su myong bar byas pa'i rnal 'byor pa des/ de bzhin gshegs pa rnams la phul bar byas par 'gyur ro//pad+ma pA Nis mdzad pa'i gshin rje nag po'i rnam 'grel zhes bya ba le'u gnyis pa'o// //le'u gsum pa bshad pa mdzad par 'gyur ba de bzhin gshegs pa thams cad kyis dkyil 'khor gyi don la gsol ba btab pa/mgon po dkyil 'khor bri bar mdzod/ /ces bya ba la sogs pa 'dis gsol ba btab pa'i rjes su 'gro ba le'u gnyis par/ 'di ltar dkyil 'khor bri ba'i dus su rjes su rig par bya'o/ /de'i rjes su bcom ldan 'das rdo rje sems dpas bdud rtsi myang ba'i dam tshig nyid kyi sku gsung thugs rdo rje las phyir oM AHhUM zhes bya ba'i sngags dang /rang gi lce rdo rje sbyor ba byas pa'i bdud rtsi des/ de bzhin gshegs pa thams cad mnyes par byas par 'gyur ro/ /de nyid gsungs pa/ de nas bcom ldan 'das rdo rje 'dzin pa chen po zhes bya ba la sogs pa gsungs so//ji ltar na bcom ldan 'das nyid kyis bdud rtsi myangs pa las des de bzhin gshegs pa thams cad kyang mnyes par 'gyur/ /gzhan ma yin pa'i bdag nyid kyis ro myang bas dga' bar 'gyur ba dang gzhan dga' bar 'gyur/ de bas na bcom ldan 'das rdo rje 'dzin pas bdud rtsi myang ba las/de bzhin gshegs pa thams cad bdud rtsi myang bas dgyes par 'byung bar ji ltar 'gyur te/ bcom ldan 'das nyid kyis de bzhin gshegs pa thams cad bdud rtsi myang bas dgyes par 'gyur ba ci'i phyir zhe na/ 'dir gsungs pa/ ye shes rnam pa'i rang bzhin du/ /sangs rgyas thams cad gzhug par bya/ /zhes bya ba ste/ ji ltar gyur pa'i sangs rgyas de dag kyang mi dmigs pa'i ye shes kyi ngo bo nyid las lhag pa med de/ gzhan gyi bdag nyid ma yin pas de kho na nyid du gnas te/ de bas na de lta bu'i rnam pa'i ye shes kyi ngo bo nyid kyi rjes su 'gro bas/sangs rgyas de dag thams cad kyang bcom ldan 'das nyid kyi sku la 'di ltar bcug nas/ 'di lta bu'i ye shes kyi tshogs bskyed pa las/ sangs rgyas thams cad ro gcig par 'gyur ro/ /de bas na sangs rgyas thams cad dbyer med par gnas pas/bcom ldan 'das rdo rje 'dzin pa bdag nyid kyis bdud rtsi myang ba las/ de rnams kyis kyang de bzhin du myong bar 'gyur te/ 'di ltar dbyer med pa'i ngo bo nyid las myong ba dang ma myong ba dag mi ldan te/ dbyer med pa'i ngo bo nyid gsal ba yin no/ / de ni 'di ltar de bzhin gshegs pa thams cad kyi sku ni ngo bo nyid med pa de lta bur gyur pas na gcig nyid du brjod par 'gyur ro/ /ngo bo nyid so sor gsungs pa ni de lta bur mtshan ma bstan pa bshad pa yin no zhes bya bar rtogs par bya ste/ de nyid dkyil 'khor sprul par bya'o/ /ma he rdo rje bsams nas ni//dkyil 'khor bdag po zhes bya ba la sogs pa ni/ dkyil 'khor gyi dbus su gshin rje gshed bsgom par bya ba ste/ 'di'i rim pa ni de'i dbus su gyur par ma he bsam par bya ste/ de'i steng du bcom ldan 'das bsgom par bya ba'i tha tshig go/ /gsang ba'i dkyil 'khor dbus gnas par//zhes bya ba ni zla ba'i dkyil 'khor gyi steng du gti mug rdo rje gshed bsgom par bya'o/ /dkyil 'khor gyi bdag po'ang zla ba'i dkyil 'khor yin no zhes kha cig 'dod do/ /'di bzhin du ji lta ba'i sbyor bas gshin rje gshed gzhan rnams kyang rig par bya'o//gti mug rdo rje zhi ba la/ /zhes bya ba la sogs pa ni/ zhi ba la sogs pa'i las rnams ji lta bar/ rnal 'byor pas brtsam par bya bar ston pa ste/ de ni 'di ltar lha'i rnal 'byor dmigs par bya bas so/ /de la zhi ba'i las kyi skabs su gti mug rdo rje gshin rje gshed kyi gzugs su bdag nyid bsgom par bya'o//rgyas pa la ni ser sna rdo rje gshin rje gshed kyi gzugs so/ /dbang la de bzhin 'dod chags rdo rje gshin rje gshed/ las kyi gshin rje gshed ni las thams cad la sbyar bar bya ste/ ral gri gshin rje gshed bsgoms pas ji ltar goms par 'gyur ba'i rnal 'byor pa des zhi ba la sogs pa'i las thams cad byed nus par 'gyur ro//da ni any+dza na'i sbyor bas mi snang bar byed pa gsungs pa/ mi yi mar khu mi thod gzhag /ces bya ba la sogs pa ste/ 'di'i don ni sbyangs te shi ba blangs te/de'i thod pa blangs nas de'i skra la sdong bu byas te/ de'i klad pa'i mar gyis thod pa bkang nas/ de nas dur khrod du des mar me gtang bar bya zhing / oM hrIHSh+T+riHzhes bya ba la sogs pa'i gsang sngags bzlas te/ ji srid du 'bar bar ma gyur pa de srid du gsang sngags bzlas brjod bya'o//'bar ba des bskus na mi snang ba'i dngos grub tu 'gyur ro/ /'dir yang sngon du bsnyen pa 'bum phrag gcig 'di ltar rnal 'byor pas byas na/ gang du 'dod pa der any+dza na'i mthus mi snang bar 'gro bar byed do/ /gzhan yang rkang pa bskus pa'i sbyor bas skad cig gis dpag tshad stong la sogs par 'gro ba gsungs pa/gur gum zhes bya ba la sogs pa ste/ rang gi khrag dang gur gum blangs la/ oM hrIHSh+T+r-iHla sogs pa'i gsang sngags 'bum bzlas par bya'o/ /de bzhin du sngon du bsnyen pa yang 'bum byas te/des rkang pa la byugs pas thams cad du 'gro bar byed de/ gang 'dod pa der 'gro bar byed do/ /de bzhin du ri lu'i dngos grub gsungs pa/ bdud rtsi lnga zhes bya ba la sogs pa ste/ bdud rtsi lnga ni khrag la sogs pa'o/ /sha lnga zhes bya ba ni go ku da ha na rnams yi ge dang po'o//'di ltar de rnams las ri lu byas te/ lcags gsum gyis dkri bar bya ba ni/ gser dang dngul dang zangs rnams kyis dkris la/ phyis gsang sngags 'bum dang / sngon du bsnyen pa mthun par bzlas brjod byas te/ de nas ri lu de khar bcug na mi snang bar 'gyur te/ de yod pa de srid du gang 'dod pa der 'gro bar byed de sus kyang mi mthong ngo //gshin rje nag po'i rnam 'grel zhes bya ba le'u gsum pa'o// //da ni las gang gis dngos grub ci 'dra ba 'byung ba 'di/ de bzhin gshegs pa rnams kyis bcom ldan 'das la zhus nas/ bka' stsal pa mdzad pa'i don ston te/gang yang de bzhin gshegs pa de dag kyang yang dag pa ji lta ba bzhin chos bstan pa mdzad par nus pa'i phyir/ de lta bu yin yang de la chos zhu ba mdzad pa des che ba'i bdag nyid bshad pa mdzad pa yin no/ /yang na sems can 'di dag gsang sngags kyi tshul bstan pa'i gnas su gyur pas gsang sngags kyi tshul ston pa ni de bzhin gshegs pa shAkya thub pa'i bdag nyid kyis rab tu ston par mdzad de/des na de dag kyang sangs rgyas shAkya thub pas gsungs pa yin pas/ ji ltar sems can rab 'jug pa'i/ /zhes bya ba smos te/ sems can rnam pa gang gis 'jug par 'gyur ba'i las kyi sbyor ba gang gis sems can rnams dngos grub ci 'dra bar 'gyur ba zhes bya ba'i don to//de bcom ldan 'das kyis bshad pa la/ yang bcom ldan 'das kyis de bzhin du gsungs pa ni/ ye shes rgya mtsho mnyan par 'tshal//zhes bya ba la sogs pa ste/ ye shes kyi ngo bo nyid rtogs pa ma yin pa nyid kyis rgya mtsho dang 'dra bas rgya mtsho'o/ /de bas na gang gis phyag dang zhal la sogs pa'i gzugs ni sangs rgyas rnams kyis de sprul pa mdzad pa tsam mo/ /gzhan yang don dam pa nyid ni dbus dang mtha' rnam par spangs pa de sangs rgyas kyi ye shes te thams cad du rtogs pa ma yin no//'di ci zhig gzhan yang mtha' dang dbus rnam par spangs pa ni/ ri bong gi rwa bzhin du sangs rgyas nyid 'gyur ba yin no zhe na/ skyon thams cad rnam par bsal ba ni/ sangs rgyas nyid du mngon par rtogs par bya'o/ /de bas na thog ma dang tha ma dang bar ma rnams ji ltar dus gcig tu 'byung ngam/ 'on te rim gyis yin zhe na/ de la re zhig gcig tu ni ma yin te/ skye ba dang / gnas pa dang / 'jig pa rnams bum pa la gcig tu 'gyur ba med do/ de bzhin du yod pa gcig la yang yod pa med de/gcig gis gcig spangs pa'i phyir ro/ /rim gyis kyang ma yin te/ re zhig gal te thog ma nyid ni dang po yin la/ de ni ma rung ste/ bar dang mtha' rnam par bsal na/ nam mkha'i me tog la sogs pa bzhin gdod ma nas ldan par yod pa ma yin no//bar ma dang yang dang po la yod pa ste/ dang po dang tha ma bsal na gang gi dbus te nam mkha'i me tog bzhin no/ /tha ma yang med de gdod ma dang bar ma'i dngos po med pa la gang gi mtha' ste/ de ni ri bong gi rwa bzhin no/ /de bas na 'di gsum yang de kho na nyid kyi ngo bor mi 'gyur ro//de lta na ngo bo nyid ci yang med pa 'di ni med pa nyid de kho na nyid du 'gyur ro zhe na de yang ma yin te/ de la yang nyes pa yod pas/ de bas na bstan du med pa'i rtogs pa dam pa blang bar bya ba yin no/ /de lta na yang de kho na nyid kyi ngo bo ni yod pa nyid dang med pa nyid kyi ngo bo nyid 'gro ba'i dngos po mtha' dag yin par khong du chud par bya ste/gang gi phyir mtha' dag nyid 'dir de kho na nyid du bstan te/ 'gro ba rnam pa sna tshogs pa las/ de las lhag pa gzhan med de/ ma yin te gal te yod pa de kho na nyid kyi dngos po yin na/yod par rang gi ngo bo ni/ mig la sogs pa'i spyod yul bum pa la sogs pa brjod de/ des na gal te de kho na nyid thams cad du de kho na nyid rtogs pas srog chags thams cad kyis grol ba nyid thob par 'gyur ro/ /de bzhin du med pa nyid kyi dngos po des/de ri bong gi rwa dang mtshungs te/ ngo bo nyid med pa nyid du 'gyur te/ de la yang skyon yod pa'i phyir/ de ni rigs pa ma yin no/ /yod pa dang med pa nyid la sogs pa'i dngos po des/ de la brjod pa mtha' dag gi ngo bo nyid bsal ba nyid de kho na nyid du brjod par 'gyur ro//de lta na ni re zhig gang yod pa nyid kyis med pa med la/ yod pa'i bdag nyid thob pa med de/ de bas na dngos po med par nges pa'i bdag nyid las dngos po gnyi ga yang bsal ba 'di grub po/ /yang na yod pa'i dngos po la sogs pa 'di dag thams cad ji lta ba yang dag par rig pa de la kho na nyid kyi dngos po zhes bya ba nyes pa med de/gzung ba la sogs pa'i dngos po'i bag chags kyi dri mas bsgos pas/ de'i shes pas de kho na nyid kyi dngos po yongs su ma shes pa'i phyir/ thams cad du 'khor ba sel ba ma yin te/ 'di ltar gzhan gyi shes pas ngo bo nyid yongs su shes par 'gyur ba med de/thag pa 'dra ba la des sbrul gyi rnam pa bzhin no/ /de bas na bag chags kyi skyon gyis de nyid yongs su bsgyur bar rnam par rtog par bya ste/ gang ngo bo nyid la de'i ngo bo nyid med pa'i dngos po mthong ba med do/ /ci gzung ba la sogs pa'i dngos po brdzun pa nyid du shes par bya ste/des thams cad du mya ngan las 'da' bar mi 'gyur bas/ gang yang bden pa'i dngos po de/ rnal 'byor pa'i lam du blta bar bya bas na/ des rnal 'byor pa grol ba thob par 'gyur te/ gzung ba dang 'dzin pa'i dngos po glo bur ba'i bag chags mtha' dag yongs su bsgos pa de yongs su bsal na/dmigs pa med pa nam mkha' lta bu nyams su myong ba tsam nyams su myong bar bya'o/ /'o na nyams su myong ba tsam gyi dngos po nyid na yang / de kho na nyid de la nyes pa 'byung bar 'gyur te/ re zhig nyams su myong ba tsam ni srog chags kyi tshogs thams cad la yod pa nyid pas/de lta na rig pa des thams cad du grol bar ji ltar mi 'gyur/ /de ni rigs pa ma yin te/ sna tshogs rig pa des 'di ltar de kho na nyid kyi dgos pa de lta bu bsgrub pa ma yin te/ bden pa rtogs pa las grol ba yin no//'di ltar thams cad kyi bdag nyid kyi dngos po shes pa de phung po'i rjes su 'gro bas/ rang gi gsal ba nyid du thams cad kyis rtogs par 'gyur ba zhig na/ 'di ltar rnam par shes pa de'i yang dag pa yang blun po rnams kyis bden pa'i don ci yang shes pa med de/ji ltar ba ma yin pa'i don gyi dngos po yongs su rig pa las/ des 'khor ba'i sdug bsngal nyams su myong bar byed do/ /'o na yang rnam par shes pa'i bdag nyid des/ de rtogs pas skyon du 'gyur ba nyid de/ re zhig shes pa'i bdag nyid la gnyis su 'dzin pa/rang bzhin nyid kyis 'byung ste/ de bas na shes bya la ltos nas shes pa grags par 'gyur ro/ /des gzung ba dang 'dzin pa'i bdag nyid de kho na nyid la brjod par 'gyur ro/ /'di ni grub pa ma yin te/ gang gi phyir gzung ba dang 'dzin pa'i bdag nyid du sbyor bas/sems bdag nyid kyis sems nyams su myong ngo zhes bya bar de la nges pa yod pa ma yin no/ /de bas na sems kyang 'dir sems kyi rnam pa dang bral bar nyams su myong / sems zhes bya ba ni gsal bar nyams su myong ba tsam gyi ngo bo nyid du brjod par grags pa nyid do/ / don dam par ni sems zhes bya ba gzung ba la sogs pa 'di lta bu'i byed pa'i skyon dang ldan pa de'i rig pa med do/ /de bas na sems kyang sems kyi rnam pa dang bral bar rig pa nam mkha' ltar brjod du med par rtogs par bya ste/ de ni 'di ltar de kho na nyid kyi dngos po la goms par gyur pa nyid kyis de bzhin gshegs pa'i go 'phang thob par 'gyur ro//de ni 'di ltar de kho na nyid yod kyang rang gi rmongs pa'i skyon gyis/ gang yang dang yang skye bar mtshams sbyor bar byed pa'i bag chags rgyas pa sel bar byed pa ma yin te/ yang dag pa ma yin na 'ching bas sems can rnams shin tu nyon mongs pa myong bar 'gyur te/ rang gis byas pa'i brdzun gyis kyang 'bras bu nyid du red de 'ching ba ni de lta bu yin no/ /gzhan yang 'di ltar don dam par na brdzun gyi dngos po'i 'ching bas/ sems can rnams sdug bsngal bar ji ltar 'gyur te/'ching ba ni de lta bur brjod pa yin no/ /brdzun gyis rang gi 'bras bu skyed par bzod pa ni ma yin te/ de la bden pa'i bdag nyid med pa'i phyir ro/ /'bras bu sgrub par byed na de la ji ltar brdzun zhes bya/ 'di lta bu tsam gyi mtshan nyid las bden pa nyid ji lta bu zhig yin/gal te na yang 'bras bu dang rgyu dag kyang brdzun du 'gyur na bden pa ci yang grub pa med de/ gang gi phyir brdzun pa dang bden pa dag ni bya ba sgrub pa dang mi sgrub pa las gzhan pa'i mtshan nyid med par shes par bya'o/ /yang tha dad pa'i mtshan nyid kyi khyad par gyis dbye bar 'gyur/dbyer med pa'i skyon ni grags pas bsal ba yin no/ /de ni 'di ltar bden pa'i bye brag gis gang ci yang grub par byed pa ma yin te/ don des brdzun par mi 'gyur ro/ /'di dag ni phan tshun spangs te gnas pa'i phyir ro//'di ltar 'ching ba brdzun pa thams cad du sbyor ba med pas/ de med na bcom ldan 'das kyis bstan pa mdzad pas kyang ci zhig bya zhe na/ bden mod kyi 'ching ba brdzun gyis bden pa'i 'bras bu skyed pa ni ma yin te/ ji ltar rang gi bag chags kyi ngo bo nyid kyis de lta bu'i 'bras bur 'gyur bar rtogs par bya ste/de bas na 'khor ba'i bcing ba 'ba' zhig brdzun pa ma yin te/ 'di ltar thar pa yang brdzun pa nyid do/ /'di ltar thams cad brdzun pa nyid na yang bag chags kyi rnam par sprul pas de'i 'bras bu len te/ rig pa de las bde ba dang sdug bsngal ba nyams su myong ba yang bden pa nyid du 'gyur te/de lta bu blangs pa las kyang 'bras bu sgrub par byed do/ /'o na bden pa gzigs pa de bzhin gshegs pa rnams la mnga' na yang / brdzun gyi rnam pa mthong bas sems can du srid pa ci'i phyir/bden pa'i lam nye bar ston pa de bzhin gshegs pa la mnga' ba nyid de/ gzhan du na dam pa'i snying rje chen po'i rang bzhin gyis bcom ldan 'das su mi 'grub po/ /long ba yang dmigs bus bzung ste/ 'bad pas drangs na g.yang du ltung bar mi 'gyur ro/ /de bas na log pa'i bag chags rgyas pas skye ba grub pa ma yin no//gang brdzun pa'i dbang gis kyang 'ching ste de lta bu'i bag chags kyi sdug bsngal gyi 'bras bur 'gyur ro zhe na/ de la 'di brjod par bya ste/ bden pa'i lam mkhyen pa dang / dam pa'i snying rje chen po'i bdag nyid kyis gdams ngag bstan par mdzad pa bcom ldan 'das la mnga' mod kyi/sems can de dag rang gi las kyis sprul pa'i bag chags kyi mthus bden pa mthong ba nyams su myong ba ma yin no/ /ji ltar 'dis 'khor ba'i phan pa dang / phan pa ma yin pa dang / yongs su dor ba'i mtshan nyid yin pa de lta na las kyi bag chags dor ba ma yin te/des na rang gi bag chags rim par skye ba nyid kyis 'ching ba la sogs pa 'di rnams rnam par rtog pa brdzun gyi bdag nyid yin yang nyams su myong bar 'gyur te/ sdug bsngal la sogs pa 'byung ngo / / dper na gcig gi bdag nyid kyi zla ba gcig nyid rig pa yin na yang / rang gi rab rib kyi skyon gyis la la la du mar snang bar 'gyur ro/ /'di ltar brdzun yin mod kyi/ bde ba dang sdug bsngal gyi rnam pa la gsal ba nyid du myong ngo / /dper na rmi lam la brdzun gyi bud med kyi gzugs mthong ba las/de dang lhan cig gnas pa las bde ba nyams su myong bar byed do/ /glang po la sogs pas yongs su 'joms pa las der sdug bsngal bar byed de/ de bzhin du bden pa ma yin yang 'ching pa'i sdug bsngal 'byung ba 'di la nyes pa med do/ / de la rmi lam na gang ci yang bud med bden par yod pa ma yin la de la 'jig par 'gyur ba'ang med do/ /'on kyang de dang de 'dus pa dang 'jig pa las bde ba dang sdug bsngal ba nyams su myong bar 'gyur ro/ /de bas na sems nyid 'di ltar rmongs pas rab tu dkris pa de ltar sprul pa'i bya ba byed de/dngos po sna tshogs 'byung bar 'gyur ba ni/ 'khor ba'i bag chags kyi 'bras bu dag nyid ci 'dra ba'i rtsed mo ji lta ba bzhin no/ /de bas na ngo bo nyid skye ba med pa'i rang bzhin gyi bdag nyid don dam pa ma rig pa las yang dag pa'i dngos por 'dzin pas bzung ste/ bden par rlom sems pa de lta de ltar las kyi bag chags sna tshogs sogs par rig par bya'o//'di skad ston te bcom ldan 'das zad pa med pa'i sku can de bzhin gshegs pa'i thugs kyi ngo bo nyid de'i rang bzhin nyid 'gro ba rnams yin na/ ji lta na yang mi bden pa'i dngos po sna tshogs nyams su myong ba 'byung /ye shes de ni de bzhin gshegs pa'i dngos po las gzhan nyams su myong ba yod pa ma yin te de la dbye ba mi srid do/ /gang gis ji lta ba'i don rtogs pa brjod pa'o/ /de la 'di brjod par bya ste/ de bzhin nyid kyi de kho na nyid yod kyang rang gi bag chags kyi stobs kyis sprul pa sna tshogs nyams su myong ba'o//de nas yang de bzhin gshegs pas gsol ba btab ma thag tu/ bcom ldan 'das rdo rje sems dpas las kyi rab tu sbyor ba ji lta ba gang gis 'bras bu 'byung bar 'gyur ba dbang gi rab tu sbyor ba la sogs pa bshad par mdzad do zhes yang dag par sdud par byed pas bstan pa ni/de nas rdo rje 'dzin rgyal pos/ /dbang gi sngags ni zhes bya ba la sogs pa ste/ gang yang ngo bo nyid med pa'i chos nyid la/ de lta bu'i rnam pa'i sngags dang dngos grub la sogs par rab tu sbyor ba mi rigs te/de lta mod kyi 'khor ba'i bag chags yongs su bsal ba'i phyir/ lus la 'bras bu thams cad du 'gyur te/ gal te gzhan yang de lta bu'i ngo bo nyid du gyur pa'i rnal 'byor pa des sems can gyi rgyu nyid kyis dngos grub thams cad 'byung ste/ 'on kyang 'dir ji ltar 'khor ba'i bag chags kyi rim pa de lta bur dngos grub la sogs pa 'di dag thams cad sangs rgyas nyid kyi rgyur 'gyur bde dbang la sogs pa'i rab tu sbyor ba de nyid bcom ldan 'das kyis de ltar gsungs so/ /bud med rnams ni dbang bya dang / /zhes bya ba la sogs pa ni/bsrung ba dang / dbang du bya ba dang / zhi ba la sogs par yang rab tu sbyor ba 'dis 'gyur ro zhes bya ba'o/ /rab tu sbyor ba ji lta ba de nyid gsungs pa/ gi wang blang zhes bya ba la sogs pa ste/ go ro tsa na blangs te gro ga'am/ 'od ma'i shun pa la gshin rje gshed kyi 'khor lo gnyis de la bris te/na ma'i sgra oM gyi mthar de spel nas/ de bzhin du sngags kyi mthar bsgrub bya'i ming smos te/ 'di ltar 'khor lo de gnyis bris nas/ kha dog nag po spangs pa'i kham phor kha sbyor du 'khor lo gzhag ste/ mar dang sbrang rtsis kham phor bkang bar 'khor lo de bcug nas/skud pa dkar pos kham phor kha sbyor de dkris la dus gsum du me tog dkar pos kham phor kha sbyor de mngon par mchod par bya'o/ /rnal 'byor pa ni kha shar phyogs su bltas te/ bdag nyid gshin rje gshed po sku mdog dkar por bsams nas/mdun du bsgrub bya bzlas pa la gnas par bltas la/ de kham phor na gnas pa'i mar dang sbrang rtsis dbang bskur bar blta'o/ /de bzhin du bum pa dkar po na gnas pa'i bdud rtsi lngas kyang dbang bskur bar bltas la/ de nas 'bum phrag gcig tu bzlas pa oM hrIHzhes bya ba la sogs pa brjod par bya'o//gsang sngags ji ltar sbyar ba gsungs pa/ oM na maHzhes bya ba la sogs pa'o/ /gang yang skyes pa dbang du bya ba dang / zhi ba la sogs pa bya bar 'dod pa'i rnal 'byor pas 'khor lo gnyis po de nyid gur gum gyis bri bar bya ste/de nyid gsungs pa/ skyes pa zhes bya ba la sogs pa'o/ /gzhan yang rgyas pa'i rab tu sbyor ba gsungs pa/ yang 'khor lo gnyis zhes bya ba la sogs pa ste/ de bzhin du 'khor lo gnyis kyi gzugs bris te/ kha che yis zhes bya ba gur gum gyis bris te/de la yang gsang sngags ni swA hA dang spel te/ de bzhin du bsgrub bya gzhug par bya'o/ /de bzhin du 'dir kham phor gnyis kha sbyar te/ mi bskyod pas yongs su bkang nas bzhag la/ sngon bzhin du ji ltar brjod pa rnams thams cad bya'o/ /bau ShaT ces bya ba la/de gsang sngags bau ShaT kyi tshig kyang rung ste mthar gzhug par bya'o/ /des kyang rgyas par 'gyur ro/ /gzhan yang dbang gi rab tu sbyor ba gsungs pa/ gro ga'am yang na ras la bri/ /zhes bya ba la sogs pa ste/ gro ga'i shun pa'am shi ba'i ras sam/ rang 'byung gis bsgos pa'i ras la rgya skyegs kyi khu ba dang tsan+dan dmar po dang srin lag gi khrag rnams kyis dkyil 'khor gnyis de bzhin du byas te/ yi ge ho dang bsgrub bya'i ming dang gsang sngags spel te/ de nas 'khor lo kham phor kha sbyar du gzhug par bya'o/ /sbrang med pa yis legs bkang la//skud pa dmar pos rnam par dkri/ /zhes bya ba ni kha sbyar de yang sbrang rtsi rnam par spangs te/ mar 'ba' zhig gis bkang nas/ de nas skud pa dmar pos dkri bar bya'o/ /sngags pa kha nub phyogs su bltas te/ me tog dmar pos sbyor ba de la dus gsum du mchod do//bdag nyid gshin rje gshed po sku mdog dmar por bsams la/ bsgrub bya yang zla ba dmar po'i steng na mos par gyur par bsams na/ ji skad gsungs pa bzhin khug par byed do/ /'di ltar bzlas pa ni khri bya'o/ /sngon du bsnyen pa khri phrag gcig go//gal te myur du dngos grub tu ma gyur na/ des 'di ltar kham phor kha sbyor gyi sbyor ba'i nang na mar la sogs pas bkang pa bsal te/ seng ldeng gi mdag ma du ba med pa la bsro zhing bzlas brjod byas na/ de nas skad cig gis 'grub par 'gyur ro//dgug pa'i sbyor ba gsungs pa/ dur khrod ras sam yang na ni/ /rang 'byung bsgos pa'i ras dag la/ /zhes bya ba la sogs pa ste/ de bzhin du 'dir yang 'khor lo gnyis rgya skyegs kyi khu ba dang bsres pas bri bar bya'o/ /btsun mo'i pad+ma'i snod ces bya ba ni/ bud med kyi ro las thod pa gnyis kha sbyor te der 'khor lo gzhug par bya'o//seng ge dmar po kun du zhon/ /zhes bya ba ni seng ge dmar po'i steng du bzhag ste/ rlung gi dkyil 'khor gyis bsgrub bya 'ong bar ji ltar gsungs pa bzhin bsam par bya'o/ /rdzas lnga yis ni dbang bskur nas//zhes bya ba ni bsgrub bya de bdud rtsi lnga dbang bskur bas khug par blta bar bya'o/ /myur du grub par ma gyur na de bzhin du sbyor ba de bsreg par bya'o/ /gsang sngags kyang yi ge hrIH'am yi ge dzaHdang spel te/ de nas bzlas brjod khri phrag gcig bya'o/ /de bzhin du rengs par bya ba'i sbyor ba gsungs pa/dur khrod ras la blo ldan gyis/ /zhes bya ba la sogs pa gsungs te/ dur khrod kyi ras la yung ba'i khu bas 'khor lo gnyis bris te/ de la yang ri bo bdun nam bzhi'am dgus bskor ba bris la/ yi ge hUM dang yi ge baM spel bas de bzhin du ri bo la yang bri bar bya'o//'di lta bu la sogs pa 'di skad gsungs pa bri bar bya'o/ /mngon spyod kyi sbyor ba gsungs pa/ dur khrod ras la 'khor lo gnyis/ /brtul zhugs can gyis bri bar bya/ /zhes bya ba la sogs pa ste/ bri ba'i rdzas gsungs pa/ske tshe dang lan tshwa dang dug dang nim pa la sogs pa ste/ ji skad gsungs pa'i ske tshe la sogs pa'i rdzas rnams gcig tu byas pas 'khor lo bri bar bya'o/ /tshwa sgo can gyis zhes bya ba ni phyi rol gyis ci yang skyed par mi nus pa ste/ de dang de bzhin du rigs ngan gyi khyim gyi drag pa'ang der blug par bya'o//rtog pa'i sgro yis smyu gu zhes bya ba ni/ bya rog chen po'i gshog pa g.yas pa'i smyu gu ste/ des 'khor lo tshes bcu bzhi la bri ba'i don to/ /bdag nyid kyang dkyil 'khor gyi bdag po nag po gshin rje gshed kyi skur dmigs te/gshin rje gshed kyi sku de nyid ci 'dra ba ji skad gsungs pa'i/ khro bo'i sku la gtum po che/ zhes bya ba la sogs pa'o/ /phyag dang mtshon cha gsungs pa ni/ g.yas na rdo rje chen po ste/ /zhes bya ba la sogs pa'o/ /zhal gsum gyi bdag nyid gsungs pa/rtsa ba'i zhal ni bung ba che/ /zhes bya ba la sogs pa gsungs pa ste/ de ltar dag nyid gshin rje gshed kyi skur sprul nas/ mdun du bsgrub bya bsgom par bya ba de gsungs pa ni/ nad kyis gdungs pa dri ma can/ /zhes bya ba la sogs pa ste/ dri ma can gdungs shing lus chad pa sbrul dang stag la sogs pas za ba/mtshon cha brgyas dum bur gcod pa/ gnod pa rnam pa sna tshogs kyis 'tshe bar blta bar bya'o/ /'dir 'di ltar bya ba ni sangs rgyas kyi chos la gnod pa rnams la snying rje ba'i dbang du gyur pa nyid kyis gsad par bya ste/sangs rgyas kyi khro bos bcom pa'i mu stegs pa'i sems can rnams yang sangs rgyas kyi zhing dag tu skye bar byed de/ 'di ltar des snying rje'i dbang du gyur par bya'o/ /de nyid gsungs pa/ 'khor ba las ni bsgral nas su/ /zhes bya ba la sogs pa'o/ /e ma'o snying rje'i stobs bzang ba//snying rje bral na dngos grub med/ /ces bya ba ni rnam pa 'di lta bur gsad pa ni snying rje'i sems bskyed par bya ba ste/ gzhan du na 'dod pas khro ba ni ma yin no/ /rnal 'byor pas gzhan du sbyor ba 'di ltar byas na/ khro bo la sogs pa'i dngos grub thob par mi 'gyur gyi rang yang dmyal bar 'gro bar 'gyur ro//pad+ma pA Nis mdzad pa'i gshin rje nag po'i rnam 'grel le'u bzhi pa'o// //phan tshun 'thab pa'i sbyor ba gsungs pa/ de bzhin 'khor lo gnyis zhes bya ba la sogs pa ste/ 'dir 'khor lo de ka pA la gnyis kha sbyar bar bzhag pa dang /ji skad gsungs pa bzhin bri bar byas la/ de nas bzlas pa brtsams te/ 'di ltar nyi ma phyed kyi dus su sbyor ba de dur khrod du sba bar bya'o/ /de nas rta dang ma he la zhon pa'i bsgrub bya gnyis cher khros pas 'thab mo 'gyed par blta bar bya'o/ /de ji srid grub par ma gyur pa de srid du gsang sngags 'bum phrag gi bar du rnal 'byor pas bzlas par bya'o//de nas dngos grub 'byung ngo / /bskrad pa'i sbyor ba gsungs pa/ gong gi cho ga de yis ni/ /'khor lo gnyis ni bri ba ste/ /zhes bya ba la sogs pa ste/ 'di ltar 'khor lo gnyis yi ge hUM phaT dang gsang sngags spel te bris la/dur khrod kyi gnas su skud pa nag pos dkris la sba bar bya'o/ /yaM las byung ba zhes bya ba ni/ yi ge yaM yongs su gyur pa'i rlung gi dkyil 'khor la gnas par bsgrub bya bsams nas/ 'di ltar ji skad gsungs pa'i rlung gis bdas nas/lho phyogs su drangs par yongs su bsgom par bya'o/ /khro bo'i tshogs kyis zhes bya ba la sogs pa ni/ 'di ltar khro bo'i tshogs kyis bskrad par byas pa ni/ sangs rgyas kyis kyang gnas par nus pa ma yin no/ /gshin rje 'khrugs pa'i zhal gyis zhes bya ba la sogs pa ni/'dir ji skad gsungs pa'i 'khor lo de las gzhan yang rdzas gang gis bris pa'i 'khor lo gnyis pa gsungs pa'o/ /de la smyo byed kyi 'dab ma'i chus zhes bya ba ni/ d+ha du ra'i 'dab ma'i khu ba yang der khrag dang thal ba dang dug la sogs pa blug par bya'o//da ni gsad pa la sogs pa'i rab tu sbyor ba 'di dag ji ltar bya ba gzhan dag gsungs pa/ gsad pa gshin rje'i lus la gzhag /ces bya ba la sogs pa ste/ gang yang gsad pa'i sbyor ba la bsgrub bya gshin rje'i lus la gzhag par rtogs par bya ba ste/de bzhin du sbyor ba gzhan la yang rang gi ngo bo bshad pa'i sgo nas/ de dag kyang gnas skabs su gyur pa nyid rtogs par byas nas/ sems can rnams de ltar bde bar rtogs pa'i rgyu yin no/ /bskrad pa rnga mo'i lus la gzhag/ ces bya ba ni bskrad pa la bsgrub bya rnga mo la zhon pa/ rlung gi dkyil 'khor gyis bskyod cing 'dren par bsam par bya'o/ /'di ltar gzhan la yang blta bar bya ste/ thams cad rtogs par sla ba nyid do/ /da ni dbang gi sbyor ba spyi'i man ngag gsungs pa las/ gzhan yang bye brag gi dbang gi sbyor ba gsungs pa/gi wang rgya skyegs zhes bya ba la sogs pa'o/ /bya rog chen po'i sgro'i smyu gu zhes bya ba la sogs pa ni/ bya rog gi gshog pa g.yas pa'i smyu gus 'khor lo de bri bar bya'o/ /'khor lo 'di ni 'jigs pa che/ /zhes bya ba ni gshin rje gshed kyi 'khor lo 'di lo ma la sogs pa la bris te/gal te khros pas dgra'i khyim du bzhag nas gsang sngags bzlas pa la sogs pa byas na lhag par yang de dang de dag phan tshun rtag tu 'thab mo 'byung bar byed do/ /'di ni le'u lnga pa'i bshad pa'o// //da ni dkyil 'khor gyi lha la rgyas gdab pa gsungs pa/dkyil 'khor lha rnams thams cad kyi/ /zhes bya ba la sogs pa ste/ dkyil 'khor gyi lha rnams thams cad la spyi bor gshin rje gshed sgom pa yin la/ bcom ldan 'das la ni mi bskyod pa'o/ /de nas dbang bskur ba'i bya ba gsungs pa/ dang por zhes bya ba la sogs pa ste/dang por dbu rgyan gyi dbang bskur ba sbyin pa'o zhes bya ba ni byang chub kyi sems myang ba sbyin pa ste/ dbang bskur ba bzhi pa'i rim pa ni/ ji skad gsungs pa'i rim pas dbang bskur ba bzhi pa rgyud 'di las sbyin pa'o/ /'byung po thams cad pa'i gtor ma'i sngags gsungs pa/in+d+rA ya hrIHzhes bya ba la sogs pa ste/ lha bye brag tu gyur par bya ba ste/ oM hrIHSh+T+wiHzhes bya ba la sogs pa'i sngags 'byung po'i tshul dang yi ger sbyar bar bya ba'o/ /'di ltar byas la 'byung po rnams la gtor ma sbyin no/ /gzhan yang de'i mthar hI hI hUM hUM swA hA zhes bya ba'o//zlum por bskor ba gsum byas te/ /zhes bya ba la sogs pa ste/ re khA zlum po gsum byas la/ re'u mig brgyad dang bcu gnyis dang bcu drug byas la/ 'khor lo de la ya ma rA dza sa do me ya zhes bya ba la sogs pa'i gsang sngags btus nas/ 'di ltar dkyil 'khor gyi re'u mig la gsang sngags gang yin pa bris nas/gsang sngags de nyid brtul zhugs can gyis bzlas brjod byas na/ dngos grub thams cad mngon par 'grub po/ /de la yang dbus su ma dgod/ shar du k+She/ lho ru ma/ nub tu me/ byang du da bris la bsgrub bya'i ming dang spel bar bya'o//de nas hUM zhes bya ba'i gsang sngags dang spel bar bya'o/ /re'u mig gzhan la oM hrIHSh+T+r-IHzhes bya ba la sogs pa'i gsang sngags bri bar bya'o/ /de nas a mu kaM ku ru zhes bya ba'am/ uts+tsha Ta zhes bya ba'i mA ra ya zhes bya ba la sogs pa'i gsang sngags dang spel bar bya'o//'di ltar bzlas brjod kyang byas na/ ji skad gsungs pa thams cad grub par byed do/ /'di ni le'u drug pa'i rnam par bshad pa'o// //dkyil 'khor na gnas pa'i lha mo rnams bsgom pa'i bye brag gis dngos grub ci 'dra ba bstan pa dang /gzugs dang mtshan ma dag bshad par mdzad pa/ zhal gsum phyag drug ces bya ba la sogs pa ste/ 'di ni rdo rje 'od zer can ma bsgoms pas re zhig khrag dgug pa'i don gsungs pa ste/ dkyil 'khor du nges par bstan pa'i bye brag bsgom par gsungs pa'o//de la zhal gsum phyag drug sku mdog dkar bar blta bar bya ste/ zhal dang po dkar g.yon dmar g.yas gnag /phyag g.yas dang po na 'khor lo/ gzhan dag na ral gri dang gri gug /phyag g.yon gsum na rdo rje dang / pad+ma dang / ka pA la'o/ /'di ltar rdo rje phag mo yang zhal gsum phyag drug pa/ chang 'gugs pa'i don mdzad par blta bar bya'o/ /de la sku mdog mthing ga /zhal dang po kha dog de nyid dang mthun pa/ g.yon dmar/ phyag dang po rdo rje/ gzhan 'od zer can dang mthun no/ /de ltar rdo rje dbyangs can ma yang sku mdog dmar po/zhal gsum phyag drug phyag na pad+ma/ gzhan snga ma dang mthun no/ /'di ltar bsgoms na shes rab 'phel bar byed do/ /de nas rdo rje mdzod ldan ma sku mdog margad lta bu/ phyag na ral gri/ gzhan dag gis dbyangs can ma dang mthun par blta bar bya'o//de la rdo rje 'od zer can gyi gsang sngags bzlas brjod byas pas/ dngos grub kyi mtshan ma ji lta bu zhig 'byung ba gsungs pa/ oM tsartsi ka zhes bya ba la sogs pa ste/ 'od zer can bsgom pa byas nas/ gsang sngags 'di bzlas brjod byas te/ rang gi kha rab tu gdang bar bya ste/bsgrub bya de'i khrag gi rgyun khar drangs te zhugs par bsgom par bya'o/ /de nas chang dgug pa'i phyir rdo rje phag mo'i sngags gsungs pa/ oM go Ne go Ne zhes bya ba la sogs pa ste/ rdo rje phag mo bsgom pa byas te/ gsang sngags 'di bzlas brjod byas nas/ji skad gsungs pa'i sbyor ba byas na chang khug par 'gyur ro/ /de la sbyor ba gsungs pa/ rdza mkhan lag pa zhes bya ba la sogs pa ste/ rdza mkhan gyi lag pa la gos pa'i sa blangs te slug ma zhig byas la/ chom rkun dpyangs pa'i skra las chun bu byas te/ de'i steng du bzhag nas de nas gsang sngags bzlas brjod bya'o//de nas rdo rje dbyangs can ma'i sngags kyis shes rab 'phel ba'i rgyu gsungs pa ni/ oM pi tsu bi tsu zhes bya ba la sogs pa'o/ /de nas rdo rje mdzod ldan ma'i gsang sngags kyis khu ba 'gugs pa gsungs pa/oM ga d+ha ni kaR+Sha ni zhes bya ba la sogs pa'o/ /de nas dbang thob par bya ba gsungs pa/ me tog u dum+Wa ra dang zhes bya ba la sogs pa ste/ thams cad go sla ba nyid do/ /pad+ma pA Nis mdzad pa'i gshin rje nag po'i rnam 'grel zhes bya ba'i le'u bdun pa'o// // da ni de nyid dkyil 'khor gyi rjes su 'brang bas slob ma dbang bskur bar bya ba gsungs pa/ da ni dpal ldan ral gri 'chang / /zhes bya ba la sogs pa ste/ sa gzhi yongs su gzung ba na/ bgegs bsal bar bya ste/ de nas rim pa ji lta bar dkyil 'khor bri bar byas nas/ slob ma rjes su gzung bar bya'o//de nyid bstan pa/ dar gyis gdong pa bkab nas ni/ /zhes bya ba la sogs pa ste/ ras dmar pos slob ma'i gdong pa bcings nas ji skad gsungs pa bzhin bya'o/ /da ni hoM gyi sbyor ba bstan pa/ de nas sbyin sreg rab gsungs pa/ /zhes bya ba la sogs pa la/ de la zhi ba la sogs pa'i las rnam pa bzhi la/ rnal 'byor pa'i bsam pa'i bye brag ji ltar bya ba bstan pa ni/ zhi ba la ni zhi ba'i sems/ /zhes bya ba la sogs pa ste/ 'di ltar zhi ba la sogs pa'i bsam pa dang ldan pa'i rnal 'byor pas/ zhi ba la sogs pa'i sbyin sreg bya ba'o/ / thab khung gi dbyibs gsungs pa/ zlum po'i rnam pa bzhi pa ste/ /zhes bya ba la sogs pa ste/ zhi ba la zlum po/ rgyas pa la gru bzhi/ gsad pa la gru gsum gyi thab khung du bya'o/ /de bzhin du thab khung brko ba'i tshad gsungs pa/ zhi ba la ni khru gang tshad/ /ces bya ba la sogs pa ste/ kha khyer khru gang tsam la gting du khru phyed brkos pa ni zhi ba'i thab khung ste/ gzhan la yang ji skad gsungs pa bzhin shes par bya'o/ /zhi ba dang rgyas pa dag la ni pad+ma'i phreng bas bskor bar bya'o/ /gzhan dag la rdo rje phreng bas bskor bar bya ste/ 'di ltar thams cad la rjes su rig par bya ste/'di ni le'u brgyad pa'i 'grel pa'o// //char dbab pa la sogs pa'i sbyor ba ston pa/ rgya mtsho'i sa zhes bya ba la sogs pa ste/ rgya mtsho'i 'gram nas sa blangs la/ sbrul gcig byas la/ de nas tshon nag pos de bskus te/ a phu zhes bya ba'i gsang sngags gro ga la bris te de'i snying gar bcug ste bzhag nas/de nas oM hrIHSh+T+riHzhes bya ba la sogs pa'i gsang sngags khri phrag gcig bzlas brjod bya'o/ /sngon du bsnyen pa ni 'dra'o/ /stobs kyi sa bon zhes bya ba ni/ 'khri shing gzhan gyis mi thub pa zhes bya ba'o/ /mig sman gyis zhes bya ba la sogs pa ni/ dur khrod kyi sol ba las gzugs brnyan bya ba ste/de nas d+ha du ra'i khu ba la/ hrIHSh+T+riHla sogs pa'i gsang sngags khri phrag gcig bzlas brjod byas te byug par bya'o/ /de nas grub pa'i sa bon zhes bya ba nyungs kar la 'bum phrag bzhi bzlas brjod byas te/ des gtor na de ltar de 'tsho bar 'gyur ro/ / lteng ka'i sa ni blangs nas su/ /zhes bya ba la sogs pa la/ lteng ka ni chu chung ngu 'bab pa ste/ de'i sa blangs nas bya'o/ /gshin rje'i dgra zhal gcig phyag gnyis pa'i 'dra 'bag bya'o/ /dur khrod kyi thal ba la sogs pas bya'o zhes bya ba la las bshad do/ /de phye ma dkar por byas la/ phyag g.yas rdo rje/g.yon na mig bsnams pa byas nas/ bdag nyid kha lho phyogs su bltas te/ de mdun du bzhag nas nyin re bzhin du go ku da ha na la sogs pa ji skad gsungs pa'i gtor ma phul la/ de nas zhag bdun du gsang sngags bskul tshig dang bcas pa khri phrag re re bzlas brjod byas na/ de nas dgra bo de 'chi bar 'gyur ro//'di ni le'u dgu pa'i rnam par 'grel pa'o// //ro langs kyi sgrub pa gsungs pa/ shing la btags pa zhes bya ba la sogs pa ste/ de la shing la dpyangs pa'i ro blangs nas/ dri zhim po la sogs pas de legs par bkrus te/ de la mchod pa legs par byas nas/de nas gsang sngags bzlas brjod bya'o/ /'di ltar byas pas de ldang bar 'gyur te/ de la 'jigs pa med par gang gsungs pa de ster bar byed do/ /da ni mngon par dga' ba'i bu mo sgrub pa ji lta ba de'i sbyor ba gsungs pa/ ma he chu srin zhes bya ba la sogs pa ste/ ma he dang chu srin la sogs pa'i sha dang /gzhan yang gang la sbyor ba de grub par byed do/ /zhal gsum phyag drug ces bya ba la sogs pa ni/ tho ba gshin rje'i dgra la sogs pa bzhi'i sku ston pa ste/ de la tho ba bsgom zhes bya ba ni/ tho ba gshin rje'i dgra bsgom pa ste/ mdog sngon po phyag g.yas na thob/ gzhan rigs kyi bdag po dang mthun pa/'di lta bur tho ba gshin rje'i dgra bsgom par bya'o/ /de bzhin du be con gshin rje'i dgra yang sku mdog dkar po/ phyag g.yas na be con bsnams pa/ gzhan rang gi dkyil 'khor gyi bdag po dang mthun pa/ de nas pad+ma gshin rje'i dgra yang sku mdog dmar po phyag na pad+ma dmar po 'dzin pa/gzhan rang gi bdag po dang mthun pa/ de bzhin du ral gri gshin rje'i dgra yang / nag po ral gri bsnams pa ste gzhan yang de bzhin du sbyar ro/ /b+ha gar mtshan ma bsams nas ni/ /zhes bya ba la sogs pa ni/ bdag nyid dkyil 'khor gyi bdag po'i sgom pa dang ldan pas/shes rab ma dang sbyor ba'i ting nge 'dzin las/ de'i dus na ji lta ba'i rang rig pa skyes pa de nyid de ltar bcom ldan 'das yin no zhes shes par bya ba'i don to/ /de nas zhe sdang gshin rje gshed bsgom par bya ste/ de las gti mug gshin rje gshed bsgom par bya'o/ / 'di ltar ser sna gshin rje gshed la sogs pa dkyil 'khor rim pa bzhin rdzogs par bsgoms te/ brtan par gyur pa dang snga ma bzhin du sbyar ba las rang gi rigs kyi 'od zer spros pas brtson par bya'o/ /'di ni le'u bcu pa'i rnam par 'grel pa'o// //da ni zhe sdang dang gti mug la sogs pa'i gshin rje gshed kyi sku sprul pa'i 'bras bu ston pa/'gro ba khong khros mnan gzigs nas/ /zhes bya ba la sogs pa ste/ gar zhe sdang la sogs pa'i skyon gyis 'gro ba rnams zil gyis mnan par gzigs te/ zhe sdang la sogs pa de dag zad par bya ba'i phyir zhe sdang rdo rje la sogs pa'i gzugs su bcom ldan 'das rdo rje sems dpar gyur pa ste/gang gi phyir zhe sdang la sogs pa'i dri ma gang sel bar gyur pa de sprul pas byang chub kyi ye shes skye bar byed de/ gang dang gang du nyes pa zil gyis non pa'i yid du gyur pa de dang de'i rnam pa nyid du bcom ldan 'das thugs rje chen po'i thugs kyis sems sbyong bar mdzad de/des na sems can rnams yid 'byung bar mi 'gyur bar ji lta ba de nyid kyis chos nyid ston par mdzad do/ /de bas na zhe sdang la sogs pa zad par bya ba'i phyir/ zhe sdang rdo rje la sogs pa gshin rje gshed rnams bsgoms pa las/ dri ma thams cad bsal nas/nges par sangs rgyas nyid 'grub par byed do/ /'od zer can ma la sogs pa lha mo bzhi'i rnam par dag pa gsungs pa/ 'od zer can ma byams par brjod/ /ces bya ba la sogs pa ste/ tshangs pa'i gnas bzhi rnam par dag pa ni/ lha mo bzhi po de dag tu dmigs par bya ba yin no//de nas yang dag bshad bya ba/ /zhes bya ba la sogs pa ni/ gshin rje gshed kyi rnal 'byor pas/ spyod pa'i mtshan nyid kyi spyod lam dag ji ltar bya ba gsungs pa ste/ mi chos rdo rje 'dzin zhes bya ba ni/ lcags kyi rdo rje 'dzin pa'o/ /de lta bu la sogs pa ji ltar gsungs pa'i gshin rje gshed kyi gzugs su sprul te/nags tshal du zhugs nas ji skad gsungs pa'i mtshan nyid la gnas pas/ ji srid stobs cung zad thob par ma gyur gyi bar du gnas nas/ de nas ji lta bar rtsen cing grong khyer du 'jug par bya'o/ /rgyal mtshan ldan pa'i khyams mthong nas/ /'o ma de la rab tu 'grub//ces bya ba ni mi gnas par byed pa'i skye ba mthong ba ste/ des sha dang khrag la sogs pa la longs spyod pas/ zad par byed pa la dga' ba 'grub ste/ dga' ba'i sems des the tshom med par phyag rgya chen po sgrub par nus par 'gyur ro zhes bya ba'i don to/ /de ni 'di ltar ji ltar gsungs pa'i spyod pa'i rnal 'byor pas/rim gyis srid pa'i 'dzin pa rnams bral bar 'gyur ro/ /de nas srid pa'i bag chags mi sbyor bas/ nges pa nyid du byang chub thob par 'gyur ro/ /re zhig 'dis ni bdag tu 'dzin pa'i bag chags gang brtan par gyur pa rnams de la rim gyis sel bar byed de/gzhan du na lha'i sku nyid du rtogs nas de bzhin du rus pa'i phreng ba la sogs pa 'dzin pa las/ tha mal pa'i dngos po'i rigs sna tshogs la gang zhen pa'i dngos po bdag tu bar nges par gnas pa la mi snang ste/ ji ltar 'dir bdag tu 'dzin pa dang bral ba de bzhin du sdug bsngal la sogs pa srid par mi 'gyur ro//bdag tu 'dzin par gyur na ni/ rang bzhin gyis phan pa'i don 'dod pa la sogs par gyur pas sdug bsngal mngon par sgrub po/ /cig shos las ni 'di ltar sdug bsngal du ga la 'gyur/ de nas sdug bsngal dang sbyor ba dang bral ba las bde ba chen po'i mtshan nyid dang ldan pa'i yid byang chub thob par byed do//'o na de lta na yang skyon nyid du 'gyur te/ yid de bde ba chen po'i rnam pa can yin na yang nges pa nyid du sdug bsngal gyis non par byed de/ bde ba dang sdug bsngal ba dag ni phan tshun ltos pa nyid yin pas/gcig yin par gyur na rang bzhin nyid kyis rim gyis gnyis la len par byed de/ de bas na gzhan du yang sdug bsngal mngon par grub pas byang chub thob par mi 'gyur ro zhe na/ 'di brjod par bya ste/ bde ba chen po'i rnam pa zhes bya ba 'di ci bde ba'i bdag nyid rang gis nyams su myong ba'i rang rig pa 'dzin pa la sogs pa'i bdag nyid can du 'gyur ba zhig gam ji ltar na gang dag gzung ba la sogs pa'i rnam par rtog pa yang dag pa ma yin pa'i nyon mongs pa 'byung ba yin te/rgyu'i dngos po las 'bras bu 'byung ba thams cad la snang ba nyid do/ /de ni 'di ltar nyon mongs pa'i bag chags mtha' dag rnam par bsal ba'i yid du gyur pa na/de la 'khor ba'i sdug bsngal mi 'byung ba'i phyir bde ba chen po zhes bya ba'i sgras brjod de/ gzhan du na de la bde ba la sogs pa gzung ba'i dngos po myong ba ni med do/ /de nas yang dag bshad bya ba/ / phyag brgya pa yi sgrub pa ni/ /zhes bya ba la sogs pa la/ de la 'di'i rim pa ni/ yi geSh+T+riH'i sa bon las byung ba'i phyag brgya ba'i gshin rje gshed ma he'i zhal la sogs pa/ zhal gsum mam ci dga' bar bya ste/ gsang sngags yi ge 'di nyid dam/ gzhan yang bzlas par bya'o/ / phyag thams cad na mtshon chas brgyan pa ste/ 'di ltar be con gshin rje gshed la sogs pa gzhan la yang rtogs par bya'o/ /de nas rnal 'byor pas skyon med pa'i dam rdzas bza' bsgrub pa gsungs pa/ sha chen rta dang zhes bya ba la sogs pa'o/ /de bzhin du 'gro ba thams cad dbang du byed pa la/ji ltar rnal 'byor pas rtag tu gnas par bya ba ston pa/ mar khu chen pos lus byugs pa/ /rams dang bsres te btsos pas ni/ /zhes bya ba la sogs pa ste/ rams dang bsres pa'i til chen po brdungs te/ des lus la bsku ba byas na 'gro ba thams cad dbang du 'gyur ro//de bzhin du go ro tsa na la sogs pa ji skad gsungs pa'i rdzas rnams kyis lus bskus na yang 'gro ba thams cad dbang du byed do/ /'di ni le'u bcu gcig pa'i rnam par bshad pa'o// //ri lu so so zhes bya ba la sogs pa ni/ bgrang phreng gi ri lu re re gshin rje gshed kyi skur bsams te bzlas pa bya'o//yang na mi mgo rlon pa'i gzugs su bsams nas 'di ltar bzlas pa khri phrag gcig bzlas pa tsam gyis mkha' 'gro ma dang 'byung po dang / gdon stong snyed kyang khros ma thag tu gsod par byed na mi rnams lta ci smos/ bza' ba'i rdzas thams cad las dang por gshin rje gshed la dbul bar bya ba bstan pa'i phyir/mkhas pas rtag tu ci bza' dang / /ci 'thung ba yang de bzhin te/ /zhes bya ba la sogs pa gsungs so/ /de bzhin du bla ma la slob mas dbul bya gsungs pa/ zhi ba'i bdag nyid dang zhes bya ba la sogs pa ste/ ba lang dang glang po dang nor dang 'bras dang gser dang bu dang bu mo dang chung ma dang sring mo dang gnyen 'dab kyi tshogs thams cad bla ma la phul ba'i rgyus/'di ltar slob ma de de bzhin gshegs pas byin gyis brlabs te/ myur ba nyid du byang chub thob par 'gyur ro/ /'di ni le'u bcu gnyis pa'i rnam par 'grel pa'o// //da ni gshin rje gshed kyi mtshon cha'i rnam par dag pa gsungs pa/ de nas sems can thams cad kyi/ /zhes bya ba la sogs pa'o/ /de bzhin du rdo rje mkha' 'gro'i sgrub pa gsungs pa/ mkha' dbyings dbus su zhes bya ba la sogs pa ste/ ji skad gsungs pa'i rim pas khang pa brtsegs pa bsams nas/ pad+mo'i steng du nyi ma'i dkyil 'khor la gnas pa'i yi ge d+hIHbsams te/ de las byung ba'i rdo rje mkha' 'gro ma sngon mo zhal gsum phyag drug bsgom par bya ste/ de'i phyag g.yas dang po na rdo rje/ lhag ma ni sngon bzhin du zhe sdang gshin rje gshed lta bur rig par bya'o//de bzhin du shar dang lho la sogs pa'i phyogs su sangs rgyas mkha' 'gro ma dang / rin chen mkha' 'gro ma la sogs pa/ gti mug gshin rje gshed dang / ser sna gshin rje gshed la sogs pa dang mthun par blta bar bya'o/ /de nyid gsungs pa/shar du zhes bya ba la sogs pa'o/ /de bzhin du me dang bden bral la sogs pa'i grwa rnams su/ sgeg mo dang phreng ba la sogs pa'i lha mo bzhi po gti mug rdo rje la sogs pa'i gshin rje gshed dang mthun par blta bar bya'o/ /de bzhin du shar la sogs pa'i sgo bzhir tho ba rdo rje la sogs pa'i gshin rje gshed bzhi'o//rdo rje mkha' 'gro ma rnams kyi gsang sngags gsungs pa/ oM badzra DA ki nI zhes bya ba la sogs pa ste/ 'di ni bskyed pa dang mchod pa'i sngags so/ /rdo rje mkha' 'gro ma rnams kyi bzlas brjod bya ba'i sngags ni/ oM A ka sha tsa ra badzra DA ki nI swA hA/de bzhin du sa 'og gi lam du 'jug par bya ba'i phyir/ rdo rje sa 'og gi sgrub pa gsungs pa/ phyag drug kha dog sngon mo'i 'od/ /ces bya ba la sogs pa ste/ khang pa brtsegs pa'i sbyor ba ji lta ba bzhin shes par byas nas/ 'di ltar phyag dang po gtun shing / gzhan snga ma dang mthun/ zhal gsum yang de bzhin no/ /de bzhin spyan la sogs pa'i lha mo bzhi yang shar la sogs pa'i phyogs su dgod do/ /grwa rnams su me tog la sogs pa'i lha mo bzhi'o/ /sgor tho ba gshin rje gshed la sogs pa'i sgo skyong rnams dgod par bya'o/ /de bzhin du bdun bdag rgyal po'i dkyil 'khor du nam mkha' la spyod pa'i dngos grub gsungs pa/zhal gcig pa la phyag gnyis pa/ /zhes bya ba la sogs pa ste/ khang pa rtsig pa la sogs pa ji lta ba bzhin du bltas te/ der rta'i zhal phyag gnyis zhal gcig mdog sngon po/ g.yas na mon sran gre'u dang ldan pa'i khu tshur/g.yon thod pa bsnams pa'o/ /shar la sogs pa'i phyogs su rgod ma la sogs pa'i lha mo bzhi po gtso bo dang mthun pa'o/ /de bzhin du grwa rnams su rdo rje gling bu ma la sogs pa'i lha mo bzhi po/ phyag g.yas na gling bu 'bud pa la sogs par mdzad pa ste/ sku mdog ni rang gi gtso bo bzhin no/ /de bzhin du ba lang rna la sogs pa'i sgo skyong bzhi yang sngon bzhin du g.yas na gtun shing la sogs pa'i mtshon cha bsnams pa/ /g.yon na rang gi rig ma'i nu ma la 'khyud pa/ zhabs brgyad kyis dor stabs su gnas pa'o/ /'di ni le'u bcu gsum pa'i rnam par 'grel pa'o// //da ni dkyil 'khor gyi cho ga gsungs te/ de la ye shes kyi thig gdab pa gsungs pa ni/ de la 'di ni thig gdab pa'i/ /zhes bya ba la sogs pa ste/ slob ma rnam par snang mdzad kyi gzugs su byas pa dang lhan cig tu/ ye shes kyi thig la oM AHhUM zhes zlos shing gdab par bya'o/ / de la dang por sa gzung bar bya ba gsungs pa/ de la 'di ni sa chen po gzung ba'i dam tshig go zhes bya ba la sogs pa'o/ /de phyed kyis ni rdul tshon sa/ /zhes bya ba ni dra ba dang dra ba phyed pa'i snam bu'i phyed kyi tshad du rin po che pha gu la sogs pa'i sa'i cha bya ba'o/ / shar phyogs la sogs pa'i dkyil 'khor gyi sa'i cha ni/ dkar po la sogs pa'i tshon gyis yongs su dag par bya'o/ /dgang gzar blugs gzar tshad ces bya ba la sogs pa ste/ dgang gzar gyi tshad ni yu ba khru gang tsam du bya'o/ /de'i rtse mor rgyar sor bzhi tsam zlum por brko bar bya'o//de'i mchu la sor phyed brko bar bya'o/ /de'i phyi rol du pad+ma'i 'dab ma 'dra bas bskor bar bya'o/ /blugs gzar gyi mtshan nyid kyang ji skad gsungs pa bzhin shes par bya'o/ /slob ma la ye shes dbab pa'i sbyor ba gsungs pa/ 'byung chen bzhi'i sa bon zhes bya ba la sogs pa ste/bde ba chen po la sogs pa'i 'khor lo bzhi bsam par bya ba ni/ slob ma'i spyi bo nas rkang pa'i mthil bar gyi gnas bzhi la blta bar bya'o/ /de la rkang pa'i mtha' la sogs pa'i gnas kyi 'khor lo la yi ge yaM raM laM b+waM rnams las 'byung ba chen po'i dkyil 'khor ji skad gsungs pa bzhin bsam mo//slob ma de yang 'od dpag med kyi skur bsams nas/ de'i gdan yang e'i rnam pa'i dbus su gyur par ri rab lhun po mnan pa'i sa'i dkyil 'khor gyi dbus su gnas par bsam par bya'o/ /da ni sku gzugs kyi cho ga gsungs pa/ snum pa'i sa ni zhes bya ba la sogs pa ste/sa snum po las gzhi byas te/ sran ma ma sha dang sran ma mung+ga la sogs pa'i ji skad gsungs pa'i rdzas rnams blugs te/ sku gzugs byas na shin tu mkhregs par 'gyur ro/ /dbu skra la sogs pa ldong ros kyis ser skyar bya'o/ /zhal ni smin phrag dang shangs dang kos ko rnams cha mnyam par bya'o//sbyor ba gzhan ni ji skad gsungs pa bzhin no/ /e ka dzA TI'i sgrub pa gsungs pa/ zhal gcig ma la phyag gnyis ma/ /zhes bya ba la sogs pa gsungs pa ste/ 'di ltar e ka dzA TI zhal gcig phyag gnyis pa/ gri dang thod pa bsnams pa bsgoms te/ gnod sbyin ma'i dngos grub po//de bzhin du dzam+b+ha la la sogs pa'i lha bzhi yang shar la sogs pa'i phyogs bzhir ro/ /de bzhin du 'khyil ma la sogs pa'i lha mo bzhi yang grwa rnams su'o/ /tho ba gshin rje gshed la sogs pa'i sgo skyong rnams kyang bsams te/ lha de rnams kyang gong gi gshin rje gshed kyi dkyil 'khor dang kha dog mthun par shes par bya'o//bdag po'i phyag mtshan thams cad 'dzin/ /zhes bya ba ni snying po'i dkyil 'khor na gnas pa'i bdag po'i lha dang / e ka dzA TI phyag mtshan mthun par shes par bya ste gzhan yang de bzhin ni/ puk+ka sI bsgoms pas dgra bo'i khrag dang sha la sogs pa 'dren par byed pa yin te/de'i sku ston pa ni kha dog ser skya zhes bya ba la sogs pa ste/ zhags pa dang tho ba dang mda' dang gzhu rnams mtshon cha yin te/ 'di ltar bsgom par bya'o/ /de bzhin du 'jam pa'i rdo rje'i dkyil 'khor gsungs pa/ de nas yang dag bshad bya ba/ /zhes bya ba la sogs pa ste/de la 'dir 'jam pa'i rdo rje ni zhal gsum phyag drug /sku mdog ser po/ rtsa ba'i zhal ser/ gzhan dkar po dang dmar po'o/ /phyag dang po na ral gri/ gnyis pa na rdo rje/ gsum pa na gri/ g.yon na 'khor lo dang pad+ma dang ka pA la'o/ /shar du bzhin bzangs zhes bya ba la sogs pa ni/ dkyil 'khor gyi lha gzhan mi rdzogs par gsungs pa ste/ bzhin bzangs ma dang skra can ma la sogs pa'i lha mo bzhi ni shar la sogs pa'i phyogs su phyag mtshan ni gtso bo dang mthun/ mdog ser po dang dkar po dang ljang gu dang dmar por blta bar bya'o/ /zhabs ni g.yas brkyang ba'o/ /de bzhin du me la sogs pa'i grwa rnams su/'od zer can dang ri khrod lo ma can la sogs pa bzhi ste/ de la 'od zer can ma ni zhal gsum phyag drug pa/ mdog ser po phyag g.yas na rdo rje dang khab skud dang mda' bsnams pa/ de bzhin du g.yon na sdigs mdzub dang bcas pa'i zhags pa dang / mya ngan med pa'i shing dang gzhu bsnams pa'o//de bzhin du ri khrod lo ma can mdog ljang gu/ g.yas na rdo rje dang dgra sta dang mda' bsnams pa/ g.yon na sdigs mdzub dang bcas pa'i zhags pa dang / shing lo'i bam po dang / gzhu bsnams pa'o/ /nor 'dzin ma yang mdog ser po g.yas na mchog sbyin dang 'bru'i snye ma dang mda'o//g.yon na yid bzhin gyi nor bu'i rgyal mtshan dang / rdo rje dang gzhu bsnams pa'o/ /skul byed ma ni mdog dkar po/ g.yas na mchog sbyin pa dang / rdo rje dang mda'o/ /g.yon na sdigs mdzub dang bcas pa'i zhags pa dang / dbyug pa dang gzhu bsnams pa'o//yang na lha mo 'di dag thams cad kyang mthun par phyag na mya ngan med pa'i shing la sogs pa'i mtshan ma dang / gzhan gtso bo dang mthun par rdo rje dang ral gri la sogs pa bsnams par blta bar bya ste/ mi snang ba bsgrub par bya ba'i phyir dkyil 'khor 'di ltar bsgom par bya'o/ / 'di ni le'u bcu bzhi pa'i rnam par 'grel pa'o// //chu'i steng du 'phyo bar bya ba'i phyir Ar+ya a li'i bsgom pa gsungs pa/ ser mo zhal gsum phyag drug ma/ /zhes bya ba la sogs pa ste/ 'di'i g.yon na sbrul/ gzhan gong gi dkyil 'khor gyi bdag po bzhin gri dang 'khor lo la sogs pa bsnams par blta'o//yang na de'i g.yas na rdo rje dang ral gri dang / g.yon na sbrul dang sdigs mdzub dang bcas pa'i zhags pa dang gzhu bsnams pa'o/ /de bzhin du rma bya chen mo dang khro gnyer can ma la sogs pa lha mo bzhi yang shar la sogs pa'i phyogs bzhi ru'o/ /de la rma bya chen mo'i g.yon na gnod sbyin bsnams pa/gzhan ni rdo rje la sogs pa gtso bo dang mthun pa/ khro gnyer can ma ni g.yas na rdo rje dang dbyug pa dang mda'/ g.yon na zhags pa dang bum pa dang gzhu bsnams pa'o/ /ri khrod lo ma can ni snga ma bzhin no/ /rdo rje lcags sgrog ni g.yas na rdo rje dang rdo rje lcags sgrog dang mda'/ g.yon na sdigs mdzub dang ka pA la dang gzhu bsnams pa'o/ /yang na lha mo 'di rnams kyi phyag na ji ltar sbyar ba'i gnod sbyin dang dbyug pa la sogs pa dang / gzhan gong gi dkyil 'khor gyi bdag po bzhin gri dang 'khor lo la sogs pa bsnams par blta bar bya'o/ /de nyid gsungs pa/ rma bya chen mo shar du zhes bya ba la sogs pa'o//de bzhin du rdo rje me tog ma la sogs pa bzhi sngon bzhin du grwa rnams su'o/ /tho ba rdo rje la sogs pa'i sgo skyong rnams sgo rnams su dgod par bya'o/ /de bzhin du ku ru kul+le'i sgrub pa gsungs pa/ kha dog dmar po zhes bya ba la sogs pa ste/ phyag brgyad pa ni klu rnams te//zhes bya ba la klu brgyad ni mtha' yas dang / nor rgyas dang / karko Ta dang / 'jog po dang / dung skyong dang / pad+ma dang / pad+ma chen po dang / shiR+Sha dang brgyad phyag mtshan du bsnams pa'o/ /de bzhin du rdo rje 'dod pa'i sgrub pas rig sngags 'chang gi bu mo dbang du bya ba dang dgug pa gsungs pa/ /zhal gcig pa la phyag gnyis pa//zhes bya ba la sogs pa ste/ mdog ser phyag gnyis na mda' gzhu bsnams par bsgom par bya'o/ /shar la sogs par dga' ma la sogs pa'i lha mo rnams dgod par bya ste/ lha mo 'di rnams kyang phyag na mda' gzhu bsnams pa 'di ltar sku mdog ser po dang dmar po dang ljang gu dang dkar po ste/de nyid gsungs pa/ shar du dga' ma bsam par bya/ /zhes bya ba la sogs pa'o/ /de bzhin du grwa rnams su mi 'gog ma la sogs pa'i lha mo bzhi rnams so/ /sgor rgyas pa la sogs pa bzhi ste/ sngon bzhin du phyag na mda' bsnams par shes par bya'o/ /bud med nam mkha'i gnas la ni//zhes bya ba ni bud med rnams kyi pad+ma la khA ga mu kha zhes bya ba'i rtsa byang chub kyi sems 'bab par rig par bya ste/ de'i sgo'i mthar 'di ltar rdo rje 'dod pa gnas par bsgom par bya'o/ /'di lta bus bud med rnams 'dod pas myos nas 'ong bar byed do/ /'di ni le'u bco lnga pa'i rnam par 'grel pa'o// //he ru ka sgrub pa gsungs pa/ zhal gcig pa la phyag gnyis pa/ /zhes bya ba la sogs pa ste/ phyag na rdo rje dang thod pa bsnams pa ste/ de bzhin du chos kyi 'khor lo ma la sogs pa'i lha mo bzhi yang shar la sogs par ji ltar gsungs pa'i rim pas dgod par bya ste/he ru ka lta bu zhes bya ba ni/ he ru ka dang 'dra ba ste/ khams gsum rnam rgyal ma'o/ /chos 'khor de bzhin byang chub shing / /yid bzhin nor bu dpag bsam shing / /zhes bya ba la sogs pa chos kyi 'khor lo dang / byang chub kyi shing la sogs pa'i phyag mtshan rnams chos kyi 'khor lo ma la sogs pa'i lha mo rnams la blta bar bya'o//g.yas pa'i phyag gi cha la ni/ /lha mo dag la rdo rje bsam/ /mi yi thod pa de bzhin g.yon/ /zhes bya ba ni bcom ldan 'das kyi rang gi 'od kyi shes rab ma dang 'dra bar blta ba ste/ sangs rgyas spyan la sogs pa'i mtshan ma'o//gang yang 'dir spyan la sogs pa'i lha mo rnams kyi mtshan ma snga ma bsal nas 'di lta bu bsnams par shes par bya'o/ /sgo skyong rnams kyi ni be con dang rdo rje dang pad+ma dang sna tshogs rdo rje'o/ /'di ni le'u bcu drug pa'i rnam par 'grel pa'o// //rnam bzhi'i dbyangs kyi sbyor ba yis/ / zhes bya ba la sogs pa ni 'od zer can ma la sogs pa'i rnal 'byor ma bzhi/ bcom ldan 'das stong pa nyid kyi rang bzhin 'od kyi bdag nyid du grub pa las ji lta ba'i skur bzhengs par blta bar bya'o/ /dkyil 'khor bsgom pa'i tshul 'di ltar shes par bya ste/ dbyangs de nyid gsungs pa/ rje btsun bzhengs par mdzod ces bya ba la sogs pa'o//gzhan ni go sla'o/ /slob dpon la ni brnyas mi bya/ /zhes bya ba la sogs pa ni dam tshig bsrung ba gsungs pa'o/ /byang chub med cing mngon rtogs med pa min/ /zhes bya ba la sogs pa ni gang 'dir bcom ldan 'das gshin rje gshed po khro bo'i sku dang / phyag dang zhal la sogs pa'i ngo bo nyid du mthong ngam ci/ de ni ngo bo nyid yod par mi 'gyur ro/ /ji ltar gzhan du na 'di ni ngo bo nyid med pa'i bdag nyid do/ /de bas na bcom ldan 'das 'di ni shin tu ngo mtshar che ste/ bcom ldan 'das de ni nam mkha' dang 'dra ba yin na/ ci bsgom par bya ba dang sgom pa'i rnam pa med de/dngos po thams cad gcig dang du mar dpyad na ngo bo nyid med pa nyid pas/ bcom ldan 'das la sogs pa'i gzugs yod pa ma yin no/ /de'i phyir bdag med pa la gzugs kyang 'dod pa'i bcom ldan 'das kyi bdag nyid 'di ni ngo mtshar to/ / gzhan yang ji ltar na gzugs kyi sprul pa'i ngo bo nyid bcom ldan 'das la med do zhe na/ 'di skad du/ rtag pa ma yin chad pa min/ /zhes gsungs te/ gang gi phyir bcom ldan 'das 'di ni ngo bo nyid med pas chad pa'i bdag nyid do zhes bya ba'i mtha' 'di dang / dngos po'i ngo bo nyid do zhes bya ba dang / gnyi ga'i bdag nyid do zhes bya bar dmigs pa ma yin te/ sprul pa dang ldan pas chad pa'o zhes bya ba'i mtha' 'di yod pa ma yin no/ /'di ni le'u bcu bdun pa'i rnam par 'grel pa'o// //de nas bcom ldan 'das gshin rje gshed po grub pa'i skabs yang dag par sdud par byed pas gsungs pa/de nas gtam rgyud bshad bya ba/ /zhes bya ba la sogs pa ste/ bcom ldan 'das mngon par rdzogs par 'tshang rgya ba'i tshe/ lha'i bu'i bdud rnams mang po 'dud par gyur pa la bdud de dag gdul bar bya ba'i phyir/ bcom ldan 'das rdo rje sems dpas 'di ltar khro bo gshin rje gshed po'i sku nyid kyi sku las phyung ngo //de bas na dam pa'i thugs rje chen po'i bdag nyid kyis/ /'di ltar bcom ldan 'das gshin rje gshed du mdzad par rtogs par bya'o zhes bya ba yin no/ /gang zhig bdag gis dri med pa'i/ /bsod nams kun nas bskyed pa 'dis/ /skye bo sdug bsngal chen po yi//kun gzhi'i srid pa des bsal shog /gshin rje nag po'i rnam 'grel ye shes sgron ma zhes bya ba/ slob dpon pad+ma pA Nis mdzad pa rdzogs so// //rgya gar gyi slob dpon par me shwa ra dang / bod kyi lo tsA ba rong zom chos kyi bzang pos bsgyur ba'o// //