CLOSE WINDOW

D1921
བོད་ཡིག

rgya gar gyi mkhan po chen po kr-iSh+Na pa chen pos mdzad pa rdzogs so// //rnal 'byor pa bsod snyoms pa pradz+nyA shrI dz+nyA na kI rtis rang 'gyur du mdzad pa'o/ /[ ]@##/ /rgya gar skad du/ kr-iSh+Na ya mA ri tan+t+ra s+ya pany+tsi ka rat+na a ba li nA ma/ bod skad du/gshin rje gshed nag po'i rgyud kyi dka' 'grel rin po che'i phreng ba zhes bya ba/ dpal rdo rje sems dpa' la phyag 'tshal lo/ /bcom ldan 'das gshin rje gshed nag po la phyag 'tshal lo/ /dpal ldan gshin rje gshed po yon tan ma lus rab tu 'khrungs/ /'od zer sngon po 'jig pa'i dus kyi char sprin gzhon nu ste//zhal gsum pa la rdo rje ral gri 'dzin cing gri gug bcas/ /'khor lo chu skyes thod pa bsnams pa mgo bos phyag 'tshal lo/ /'di skad bdag gis zhes bya ba la sogs pa ni/ gsung rab rnams kyi ni kun gyi yang dag dang po yin la/sdud pa po ni rjes su ston pa'i tshig go/ /gang gi phyir bcom ldan 'das yongs su mya ngan las 'da' ba'i gnas skabs su gsungs pa las/ dngos su ni byas pa ma yin te/ ji ltar yang dag par bstan pa'i phyir dang / khyed rnams ni ston pa po'i dbang med pa las te nga'i chos rnams ni 'di skad bdag gis thos pa zhes pas bsdus shig pas so//de la 'di skad ces bya ba ni gang ji srid du rgyud thams cad las gsungs pa de lta bu nyid de bzhin du ni ma yin no/ /bdag gis zhes bya ba ni bdag nyid kyis mngon sum du thos pa ste/ ston pa bcom ldan 'das nyid la bdag gis thos kyi gcig nas gcig tu brgyud nas 'ongs pa ni ma yin no//gang gi tshe thos shing gsungs she na/ sa ma ya ni dus so/ /gang gi tshe bcom ldan 'das thub pa chen po'i byang chub la bar du gcod pa'i bdud nye bar lhags par gyur pa de'i tshe zhes pa'i don to//de skad du de nyid kyi le'u bco brgyad pa'i gtam rgyud brjod pa las 'byung bar 'gyur ro/ /de yang ci dang ci zhe na/ rgyud ma lus pa'i tshig thos zhes gsungs pas so/ /bcom ldan 'das zhes bya ba la sogs pa la bcom pa dang ldan pas bcom ldan 'das zhes pa ste/bdud rnams bzhi po 'joms pas na/ /'joms pa bcom ldan 'das su brjod/ /shes rab kyis ni nyon mongs 'joms/ /de phyir shes rab bcom ldan brjod/ /ces pa'i tshig las snang ba med pa gsal ba bde ba chen po'i rang bzhin gyi ye shes ni bcom pa ste/de dang ldan pa ni chos kyi sku'o/ /de dang der yongs su rdzogs pa ni lha'i 'khor lo la dbang ba ste/ gang gis de ni rdo rje sems dpa'i gzugs su rdzogs zhes pa'i don to/ /bzhugs pa zhes bya ba ni gzhan du 'brel te/ gang du bzhugs she na gsungs pa/ de bzhin gshegs pa zhes bya ba la sogs pa ste/thams cad kyi sgra ni mi bskyod pa la sogs pa dang de bzhin gshegs pa la sogs pa so sor mngon par sbyor ba bya ste/ sna tshogs pa'i dkyil 'khor du sna tshogs pa'i sa bon gyi yi ge'i rang bzhin no/ /rdo rje ni mi phyed pa ste dkyil 'khor ba'i lha'i skyes bu'o//btsun mo ni dkyil 'khor ma rnams te lha mo rnams so/ /de bzhin gshegs pa dang rdo rje dang btsun mo dang zhes pa ste phan tshun bsdu ba'o/ /de'i rjes la b+ha ga'i sgras lhan cig de bzhin gshegs pa'i sgra ni sngon du song ba'i tshig ste bskur bar bya ba'i phyir ro/ /yang na rdo rje dang btsun mo zhes bya ba la de bzhin gshegs pa'i sgra dang lhan cig ste tha dad du'o//phyi nas thams cad kyi sgras lhan cig tu khyad par du bsdus pa'o/ /de'i rjes la b+ha ga'i sgras lhan cig pa ste de'i skyes bu'i drug pa'o/ /de la b+ha ga rnams la zhes pa ni skye gnas kyi phyir ro/ /de dang der lha'i 'khor lo rdzogs pa la ltos pas na de dang de rnams rdo rje 'chang dang 'khyud pa'i pad+ma'i rang bzhin du'o//bzhugs zhes bya ba ni rdo rje dang sbyor ba las byas pa'i tshogs kyis rol nas gang du dngos su ma grub pa de'i tshe b+ha ga rnams la zhes pa ni skyed par byed pa'i gnas kyi phyir te/ sa bon de dang de rnams so/ /bzhugs zhes pa ni gnas pa'o//gang du rang dang 'dra ba'i pad+mar gnas pa'i rdo rjes rdo rje sems dpa' bskyed nas lha'i 'khor lo nye bar bstan pa gsungs pa ni gti mug rdo rje gshin rje gshed dang zhes bya ba la sogs pa ste/ gti mug gshin rje gshed la sogs pa'i sa bon rnams kyis te lhan cig ces pa'i don to//'bras bu las gzhan ma yin par nye bar bstan pa'i don du gti mug gshin rje gshed la sogs pa'i rgyud sa bon rnams la 'bras bu'i ming gis bstan to/ /de la mi phyed pa'i gti mug ni gti mug rdo rje ste/ de nyid che ba dang don med pa'i rgyur gyur pa'i phyir ro/ / gshin rje dang 'dra ba'i gshin rje ste/ de'i dgra ni de dag rlag par byed pa can no/ /gzung ba dang 'dzin pa ni rnam par dpyad pas mi bzod pas na rang dang gzhan gyi 'gro ba'i rang bzhin skad cig so sor brdzun par bltas pa la gti mug yang dag par zad par byed pa'o/ /dang gi yi ge ni phan tshun du ltos nas bsdu ba'o//de bzhin du phra ma rdo rje gshin rje gshed la sogs pa tshig bzhi po 'di yang ste mi phyed pa la sogs pa thams cad du rtogs par byed pa'o/ /de la bdag med pa la bdag tu 'dzin pa ni gti mug go/ /gzhan dang rab tu 'byed pa'i tshig ni phra ma'o/ / tshogs thams cad la zhen pa ni chags pa'o/ /gzhan gyi phun sum tshogs pa la mi bzod pa ni phrag dog go/ /tho ba gshin rje gshed dang zhes bya ba la/ tho ba dang 'dra ba ste 'khor ba ma stongs kyi bar du sems can ma lus par son pa'i 'jig tshogs su lta ba'i brtan pa chen po tho bas 'joms par byed pa'i phyir ro//gshin rje gshed ni gshin rje'i bdag nyid kyi dgra zhes bya ba 'jig tshogs su lta ba de nyid 'joms pa'i rgyur gyur pa'i phyir tho ba gshin rje gshed do/ /de bzhin du phyi nas kyi tshig gsum po dag la yang de nyid du las 'dzin par bsdu'o/ /dbyig pa gshin rje gshed dang zhes bya ba ni dbyig pa dang 'dra bas te 'khor ba ma stongs kyi bar du sems can ma lus pa la gnas pa'i mthar 'dzin pa'i lta ba'i skyon 'byin pa'i phyir ro//gshin rje gshed ni gshin rje'i bdag nyid can gyi dgra ste lta ba de nyid 'joms pa'i rgyur gyur pas na dbyig pa gshin rje gshed do//pad+ma gshin rje gshed dang zhes pa ni pad+ma dang 'dra bas pad+ma ste/ log par lta ba'i 'dam gyis ma gos pa'i phyir dang log par lta ba'i gshin rje'i bdag nyid can gyi dgra'i phyir pad+ma gshin rje gshed do/ /ral gri gshin rje gshed dang zhes bya ba la ral gri dang 'dra bas ral gri ste/lta ba mchog tu 'dzin pa'i dgra gcod pas so/ /gshin rje gshed ni lta ba mchog tu 'dzin pa de nyid gshin rje'i bdag nyid can te de'i dgra'i phyir ral gri gshin rje gshed do/ /rdo rje rtsa tsi ka zhes bya ba ni rdo rje rtsa tsi kas te gsum pa'i don la dang po'o//de bzhin phyi ma dag la yang ngo / /de la rdo rje ni rdo rje dang 'dra ba ste don med par byung ba dang / nyon mongs pa'i sgrib pa las so/ /de'i tsartsi ka ni gcig dang du ma dang bral ba'i sbyor bas rnam par dpyod pa dang gtso bo zhes bya ba'i bar du'o/ /rdo rje phag mo zhes bya ba ni rdo rje dang 'dra bas rdo rje ste b+ha ga las kyi sgrib pa de ma bsgribs so//de'i a ni thams cad len zhing rtogs pa'o/ /ha ni rab tu byed pa gzhan du bltas te zhes pas ha'o/ /pi pi ling la sogs pa'i phyir na di pa'o/ /rdo rje dbyangs can ma zhes bya ba ni mi phyed pa'i ye shes de nyid dbyangs te shes bya'i sgrib pa'i rgyun sel bas na'o//can ni de dang ldan pa'o/ /rdo rje gau rI zhes bya ba la rdo rje mi phyed pa'o/ /gau rI ni stong pa nyid du lta ba ste skye ba'i sgrib pa'i gnyen po'i phyir ro/ /de len zhing 'dzin pa nyid kyis ni rdo rje gau rI'o/ /rdo rje gau rI ste rang gi don gyi skyon no/ /grwar zhes pa ni nang gi rim pa'i me dang bden bral la sogs pa'i mtshams rnams su'o//grwa rnams kyis nye bar mtshon nas nang gi 'phar ma'i shar dang lho la sogs pa'i phyogs rnams su gti mug gshin rje gshed la sogs pa rnams so/ /zhe sdang gshin rje gshed ni thams cad kyi dbus su'o//tho ba gshin rje gshed la sogs pa rnams ni phyi rol gyi 'phar ma'i shar dang lho la sogs pa rnams su'o/ /de bzhin du phyi rol gyi grwa rnams su thod pa bzhi po rnams kyang ste phyis rtogs par bya'o/ /de lta bu la sogs pa zhes bya ba ni de rnams ni gtso bo ste de la sogs pa dang 'dus pa'o//de re re las rang rang gi sa bon rnams las mtha' yas par spro ba dang bsdu ba rnams kyis zhes bya ba'i don to/ /de yang bzhugs so zhes bya ba'i sngar gyi dang lhan cig tu blangs te 'brel to/ /de'i don yang bde ba phun sum tshogs pas de rnams thabs cig tu bzhugs pa'o/ /de rnams ni dkyil 'khor gcig la ltos pa'i dbang du byas pa yin la gzhan dag ni gzhan dag la ltos nas dkyil 'khor gyi bdag po dang dkyil 'khor pa yang so so nyid du rtogs par bya'o//de dag gi dbye bas ni rdo rje sems dpa'i dbye ba yang ngo / /ji skad gsungs pa'i dkyil 'khor lha rnams kyi sa bon las bskyed pa'i phyir mngon par byang chub pa rnam pa lnga bstan par gsungs pa/de nas zhes bya ba la sogs pa ste/ de nas yang zhes pa ni dag 'di lta bu nye bar brjod pa'o/ /de nas bcom ldan 'das phyag na rdo rje bos te zhes bya ba 'dis sbyar bar bya'o/ /bos nas zhes pa ni dris pa'o//bos pa de yang lan dang rjes su mthun par rtogs par bya'o/ /gzhan du na ni skabs ma yin par brjod par 'gyur te dri ba gzhan la bstan pa gzhan pas so/ /gang la bos she na gsungs pa/ rdo rje sems dpa' zhes bya ba la sogs pa ste/ thams cad kyang yin la de bzhin gshegs pa yang yin pas de bzhin gshegs pa thams cad de mi bskyod pa la sogs pa'o//de rnams kyi bdag po zhes pa ni de rnams yang dag par gsungs pa'o/ /yang de bzhin gshegs pa ni skyed byed pas so/ /lan gyi don gsungs pa ni/ de nas yang zhes bya ba la sogs pa nas bdud thams cad brlag pa zhes bya ba ste thams cad la 'tshe ba ni brdeg pa'o//las la a rkyen du byas pas bdud thams cad de 'dod chags la sogs pa'i nyon mongs pa'o/ /de dag rnam par brlag pa ni rnam par dag pa'o/ /de nyid rdo rje ste mi phyed pa'i phyir ro/ / ming ni rab tu grags pa'o/ /ting nge 'dzin zhes bya ba ni rgyu'i rdo rje 'chang gshin rje gshed kyi gzugs so/ /nyid kyi sku dang gsung dang thugs las zhes pa ni me long lta bu la sogs pa rnam pa lnga'i rang bzhin rnams kyis so/ /nges par phyung ba zhes bya ba ni rnam par spros nas so/ / zla ba rdo rje rab sbyor bas/ /zhes bya ba ni gang gi tshe snying ga'i sa bon las bkod pa rnams la bdun po rnam par dag pa'i bla na med pa'i mchod pa dang / /tshangs pa'i gnas bzhi bsgom pa dang / stong pa'i byang chub dang rdo rje ra ba la sogs pa dang / de'i nang du son pa'i nam mkha' 'byung ba chen po dang /sna tshogs rdo rje la gnas pa 'byung ba chen po bzhi yang dag par bsdus pa las skyes pa'i gzhal yas khang gi dbus su gnas pa'i nyi ma'i rjes la zla ba rdo rje la sogs pa bsgom pa ste gang 'di lta bu yang mngon du dkrugs pa'i rim pas bstan pa'o//de lta bu yang brgya lam na gang zhig bla na med par shes rab kyis nga rgyal ba nyid tshig tsam la rab tu 'jug cing de nas dam tshig nyams par 'gyur ba'i phyir ro/ /de la zla ba ni A li la sogs pa'o/ /dbyangs yig bcu drug po rnams kyis nyis 'gyur las 'byung ste me long lta bu'i ye shes so//rdo rje zhes pa ni bdud las rgyal ba'i rdo rje ste/ ka la sogs pa gsal byed rnams las yi ge drug lhag pa grangs bzhi bcu nyis 'gyur las byung ba nyi ma'i rdo rje ste mnyam pa nyid kyi ye shes so/ /de dag ni zla ba dang nyi ma dag go/ /sbyor ba ni phul du gyur pa ste rab tu sbyor ba'o//de nas nyi ma'i steng du hUM yig las rdo rje de'i lte ba la hUM yig gis byin gyis brlabs pa ni so sor rtog pa'i ye shes kyi bdag nyid do/ /de nas lha'i 'khor lo spro ba dang bsdu bar gyur pa ni bya ba grub pa'i ye shes kyi bdag nyid do/ /de dag thams cad zhu ba las yongs su gyur pa ni shin tu rnam par dag pa'i ye shes kyi bdag nyid du rtogs par bya'o//gshin rje 'jigs pa zhes bya ba ni zla ba dang nyi ma dang rdo rje dang sa bon yongs su gyur pa las skyes pa zhu bas bzhengs pa ste/ rgyu'i rdo rje 'dzin pa gshin rje gshed po zhabs g.yon brkyang ba sku mdog dkar po rtsa ba'i zhal dkar ba g.yas dang g.yon gyi zhal ni sngo dang dmar ba'o//g.yas pa'i phyag rnams kyis rdo rje dang ral gri dang gri gug 'dzin cing / g.yon pa'i phyag rnams kyis 'khor lo dang pad+ma dang thod pa 'dzin pas rang dang 'dra ba la snyoms par 'khyud pa'o/ /de yang b+ha gar ling+ga rnams gzhag nas//dkyil 'khor bdag po rnam par bsgoms/ /zhes le'u bcu pa las gsungs pas so/ /bdud rnams zhes bya ba ni rnam pa bzhi ste/ nyon mongs pa dang / lha dang / phung po dang / 'chi bdag gi bdud do/ /rab zhi'i don zhes bya ba ni de'i don du ste bzhi pa'o//sdang ba thams cad zhi ba zhes bya ba ni sdang ba thams cad ni dgra bo rnams so/ /zhi ba ni bsal bar bya ba'i don du'o/ /stong pa nyid kyi byang chub kyi rjes la gang bya ba de'i brjod pa gsungs pa bsrung ba'i don du zhes bya ba la sogs pa ste rdo rje zhes pa ni sna tshogs rdo rje'o/ /des na de nyid gsungs pa/'od zer lnga yis 'khrigs pa yi/ /zhes pa ste de yang raM yongs su gyur pa las nyi ma'i steng du hUM yongs su rdzogs pa'o/ /rdo rje sa gzhi zhes bya ba ni rdo rje de nyid las 'od zer du ma byung ba rnams kyis 'og sa gzhi la thug par rdo rje'i rang bzhin gyi sa gzhir gyur pa'o/ /lcags ri zhes pa ni rdo rje phreng ba'i 'od zer rnams la phyi rol du ra ba gru bzhi pa'o//ra ba zhes bya ba ni rdo rje'i sa gzhi'i steng gi phyogs bzhi 'od zer rnams las byung ba'i rtsig pa bzhi'o/ /gur zhes pa ni nam mkha'i phyogs su rdo rje'i 'od zer rnams kyis khyab ste thog phub pa'o/ /rdo rje sems dpa' rdzogs pa'i rjes la bya ba gsungs pa/de nas zhes bya ba la sogs pa ste de bzhin gshegs pa thams cad skyed pa po ni rdo rje sems dpa' rgyu'i rdo rje 'dzin pa ni gshin rje gshed po'o/ /bdud rlag par byed pa'i rdo rje zhes bya ba'i ting nge 'dzin la snyoms par zhugs zhes pa ni/ rang gi snying ga nas 'od zer gyis de bzhin gshegs pa rnams bkug cing khar zhugs nas snying gar zhu bar bya ste/rdo rje'i lam nas byung ba dang / rang dang 'dra ba'i pad+mar zla ba zhu ba'i gzugs kyis dkyil 'khor pa'i sa bon gyi yi ge rnams la rdzogs pa'i lha mo'i 'khor lo ni bdud rlag par byed pa'i rgyu nyid yin pas rgyu la 'bras bu'i ming btags nas bdud rlag par byed pa'i rdo rje zhes bya ba'i ting nge 'dzin ni de dag nyid do//nyid kyi sku dang gsung dang thugs rdo rje rnams las zhes bya ba ni rang dang 'dra bar son pa sku dang gsung dang thugs kyi bdag nyid de bzhin gshegs pa gsum gyi rnam par dag pa'i chos kyi 'byung gnas zhes bya ba'i don to//nges par phyung zhes bya ba ni yang dag par spros te gnas ji lta ba bzhin du rnam par bkod pa ste/ gti mug gshin rje gshed la sogs pa'i sa bon spros pa'i gnas skabs las so/ /dbus su ya zhes pa ni gtso bo gshin rje gshed kyi sa bon du ya shugs kyis rtogs par bya'o//zhu bar gyur pa las gshin rje gshed yin la/ de'i tshe sa bon yi ger bya'o/ /da ni ya k+She ma med la sogs pa nyid spros te gnas ji lta ba rnams su'o/ /k+She ma med dag ni nang gi rim pa'i phyogs su gnas pa ste lhag ma'o/ /ya dza ni ra ni phyi rol gyi sgo bzhi po rnams su'o//dza sa do ru ni nang gi rim pa'i mtshams rnams su'o/ /Na yo ni rA ni phyi rol gyi rim pa'i grwa bzhi po rnams su'o/ /lha'i dbye bas sa bon gyi yi ge'i rnam par dbye ba gsungs pa/ ra sogs dang po zhes bya ba la sogs pa ste/ gshin rje gshed ces bya ba ni mi bskyod pa'o//gti mug ces bya ba ni rnam par snang mdzad do/ /phra ma zhes pa ni rin chen 'byung ldan no/ /'dod chags zhes pa ni snang ba mtha' yas so/ /phrag dog ces pa ni don yod grub pa'o/ /gshin rje 'joms pa lnga ru grags/ /zhes bya ba ni mi bskyod pa la sogs pa de nyid la/gshin rje 'joms pa lnga ru grags/ /zhes mngon par brjod pa'o/ /de'i rjes la phyag rgya'i skabs su dkyil 'khor pa thams cad kyi dbu la gshin rje 'joms pa bsgom par bya'o zhes pa ni/ de bzhin gshegs pa nyid ji ltar rigs pa bsgom par bya zhes pa'o/ / da ni rdo rje'i ra ba dang rdo rje'i gur gyi nang du gnas pa'i nam mkha'i bdag nyid kyis stong par 'chad par 'gyur ba'i gzhal yas khang gi dbus su gshin rje gshed po bzhugs pa'i don du gsungs pa/ nam mkha' rdo rje zhes bya ba la sogs te de la nam mkha' rdo rje ni nam mkha' 'byung ba chen po ste/rdo rje ra ba dang rdo rje'i gur gyi nang du gnas pa'i nam mkha'i rang bzhin no/ /de'i dbus su ni der khyab ces bya ba'i don to/ /sna tshogs rdo rje zhes pa ni hUM yig las skyes pa sngar gyi sna tshogs rdo rje nyid do/ /bsam zhes pa ni dran pa ste/ de bzhin gshegs pa lnga'i bdag nyid las dbus su nag po dang /shar du dkar po dang / lhor ser po dang / nub tu dmar po dang / byang du ljang gu dang / de yi dkyil bzhugs gshin rje gshed/ /ces bya ba ni sna tshogs rdo rje de'i mu khyud du gnas pa'i gzhal yas khang gi dbus su gnas pa'o/ /gzhan yang rdo rje sems dpa' zhu bar gyur pa las rdo rje'i glus bskul nas bzhengs par rtogs par bya'o//shar rtsibs zhes bya ba ni shar phyogs kyi cha'o/ /de bzhin du lho dang nub dang byang gi phyogs kyi char yang rtogs par bya'o/ /mtshams zhes bya ba ni nang gi rim pa'i grwa rnams su'o/ /rdo rje rtsibs bzhi la zhes bya ba ni rdo rje ni gti mug rdo rje gshin rje gshed la sogs pa'o//de rnams kyi rtse mo ni chos kyi brda grwa rnams su'o/ /tsartsi ka la sogs zhes bya ba ni tsartsi ka dang / phag mo dang / dbyangs can ma dang / gau ri ma'o/ /sgo bzhi rtse zhes bya ba ni phyi rol gyi 'phar ma'i sgo ru gang sna tshogs rdo rje'i rtse mo bzhi ste rtse mo lnga pa rnam pa bzhi'o/ / de dang nye bar gyur pa'i sgo nyid du zhes pa'i don to/ /sna tshogs rdo rje'i grwa rnams su zhes bya ba ni sna tshogs rdo rje la gnas pa'i gzhal yas khang gi grwa rnams su'o/ /mi'i mgo bo ni skyes pa'i thod pa khrag gis gang ba rnams te sna tshogs pad+ma'i steng du gnas pa'o/ /lha rnams kyi sngags kyi bzlas pa bstan pa'i don du de nas yang zhes bya ba la sogs pa ste/gshin rje gshed rdo rje zhes bya ba'i ting nge 'dzin la snyoms par zhugs nas zhes bya ba ni 'bras bu'i gshin rje gshed 'byung bar 'gyur ba'i gnas skabs thob ces bya ba'i don to/ /sngags bzlas zhes pa lhag ma'o//gsungs zhes pa ni da lta nyid du gsungs par 'gyur ba'o/ /dkyil 'khor pa'i bzlas pa'i sngags gsungs pa/ de yang zhes bya ba la sogs pa'i tshig bcu gnyis po rnams kyis so/ /sku gsung thugs byin gyis brlab pa'i sngags zhes bya ba ni dkyil 'khor gyi bdag po dang dkyil 'khor pa rnams kyi'o//zhe sdang chen po'i sku zhes pa ni zhe sdang gshin rje gshed kyi sku'o/ /zhal gsum zhes pa ni rtsa ba nag po dang / g.yas dkar po dang / g.yon dmar po'o/ /phyag ces pa ni g.yas pa'i phyag na rdo rjes nye bar mtshan pa'i phyir ro/ /phyag gzhan gnyis na ral gri dang gri gug 'dzin pa'o//de bzhin du g.yon pa'i phyag gsum na 'khor lo dang pad+ma dmar po dang thod pa 'dzin pa'o/ /zhal gsum pa zhes rtsa ba nag po dang / g.yon pa dmar po dang / g.yas nag po'o/ /zhi ba ni zhi ba'i las kyis phan pa'o/ / gsal ba'i gzugs ni zla ba'o/ /de dang mnyam pa'i 'od zer dkar po'o/ /phyag ces pa ni g.yas pa ste 'khor los nye bar mtshon pa'i phyir/ phyag gzhan gnyis su yang ral gri dang gri gug 'dzin pa'o/ /de bzhin du g.yon pa'i phyag gsum na rin po che dang pad+ma dang thod pa rnams so/ / zhal gsum zhes pa ni rtsa ba ser po dang / g.yas dkar po dang / g.yon nag po'o/ /rgyas pa ni rgyas pa'i las kyi phan pa'o/ /gser bsreg pa'i rnam pa zhes pa ni bsregs pas mdog bzang po ste de'i 'od do/ /phyag ces pa ni g.yas pa na rin po ches nye bar mtshon pa'i phyir/ gzhan gyi phyag gnyis su yang ral gri dang gri gug go//g.yon pa'i phyag gsum na 'khor lo dang pad+ma dang thod pa rnams so/ /zhal gsum zhes pa ni rtsa ba dmar po dang / g.yas dkar po dang / g.yon sngon po'o/ /dbang ni dbang du byed pa'i las kyi phan pa'o/ /pad+ma rA ga zhes pa ni rin po che dmar po'o//phyag ni g.yas pa na pad+mas nye bar mtshon pa'i phyir/ phyag gnyis su yang ral gri dang gri gug go/ /g.yon par ni 'khor lo dang rin po che dang thod pa rnams so/ /zhal gsum zhes pa ni rtsa ba ljang gu dang / g.yas nag po dang / g.yon ser po'o/ /thams cad ni las thams cad pa'o/ / margad ni rin po che ljang gu'o/ /phyag g.yas pa'i phyag na shugs can te ral gris nye bar mtshon pa'i phyir/ phyag gzhan gnyis su yang rdo rje dang gri gug go/ /g.yon pa ni 'khor lo dang pad+ma dang thod pa rnams so/ /de ltar nang gi rim par gnas pa'i gshin rje gshed po lnga gsungs nas/le'u rdzogs par gsungs pa/ de bzhin gshegs pa zhes bya ba la sogs pa ste/ de bzhin gshegs pa thams cad kyis gang sku dang / gsung dang / thugs ni rdo rje sems dpa' zhes bya'o/ /gang de yongs su gyur pa ni gshin rje gshed nag po ste de ni de bzhin gshegs pa thams cad kyi sku dang gsung dang thugs gshin rje gshed do//de nyid rgyud de dag gsal bar byed pa ga la yod pa de ni rgyud do/ /de las zhes pa ni phyogs gcig pa las so/ /mngon par zhen pa ni mngon par dang ba thams cad las te/ thams cad kyi rang bzhin gyis yang dag par thob cing mngon du byed kyi rang bzhin gyis gang thob pa de lta bu ni mngon par rtogs pa'o//mi shes pa kun gyi sgrib g.yogs pa'i snam bu dang 'dra bas snam bu'o/ /der len zhing 'dzin pas na le'u'o/ /mngon par rtogs pa yang 'di yin la le'u yang 'di yin pas mngon par rtogs pa'i le'u'o/ /le'u dang po'i bshad pa rdzogs so// //slob ma la sogs pa'i dbang du bya ste dkyil 'khor bri ba la sogs pa'i don du slob dpon la bstod pa brjod pa gsungs pa/ de nas bcom ldan 'das zhes bya ba la sogs pa ste/ rdo rje sems dpa' chen po zhes pa la chen po ni thams cad sdud par mdzad pa'o/ / rdo rje ni byang chub kyi rang bzhin gyis so/ /de skad du/ /byang chub sems gang de rdo rje/ /zhes gsungs pas so/ /de la sems dpa'i ni gang yod pa'i phyir dang / de'i rang bzhin gyi phyir ro/ /bstod pa gang gi bstod ce na gsungs pa gti mug rdo rje zhes bya ba la sogs pa'o/ /lha'i 'khor lo bsgoms pa'i rjes la mig la sogs pa byin gyis brlab par gsungs pa/rdo rje mig ces bya ba la sogs pa gsungs so/ /gsungs pa zhes pa ni gsungs nas so/ /mig la sogs pa rnams byin gyis brlabs nas gang de'i dam tshig ni brda ste mig la sogs pa byin gyis brlab pa'i sngags zhes pa'i don to//glegs bam la lar ni dang po'i mtha' can gyi tshig go/ /de'i don ni 'di yin te mig la sogs pa byin gyis brlab pa'i dam tshig gang gis bcom ldan 'das zhes pa'o/ /khyad par blangs te 'gro ba'i phyir so sor byed pa 'bru mang po par bsdu ba'o/ /de ltar na ni phyi nas kyang de lta bu'i tshig tu rtogs par bya'o//bstod pa gsungs pa'i dgongs pa dkyil 'khor bri bar gsungs pa/ de nas zhes bya ba la sogs pa gsungs te/ 'joms zhes pa ni rab tu gtum par byin gyis brlabs nas so/ /dkyil 'khor zhes pa ni byang chub sems kyi rang bzhin yin pas na'o//de skad du yang dpal gsang ba 'dus pa las/ byang chub sems ni dkyil 'khor ro/ /zhes gsungs so/ /gshin rje'i dgra ni gshin rje gshed do/ /de dang rab mtshungs ni de dang 'dra ba ste der bya ba dang byed pa'i phyir ro/ /'dod pa'i don kun sgrub par byed//ces bya ba ni gang 'dod pa'i don ji srid pa ste/ zhi ba la sogs pa der sgrub par byed pa'o/ /khyad par ni dbus na bzhugs pa'i sku mdog dang mtshan ma la sogs pa'i dbye bas so/ /dkyil 'khor gyi thig skud gsungs pa satwa zhes bya ba la sogs pa ste/ legs par bsgrubs zhes pa ni/de bzhin gshegs pa lnga rnam par dag pa lnga ste/ skud pa rnam pa lnga kha dog rnam pa lngar byas pa'i nyi shu rtsa lnga bdag nyid kyis so/ /legs pa'i tshad la zhes bya ba ni dkyil 'khor gyi nyis 'gyur gyis ring bas so/ /mdzes pa zhes pa ni rab tu legs pa na'o/ / sboms su ni dkyil 'khor gyi sgo'i nyi shu cha zhes pa'i don to/ /skud pa zhes pa ni sngags kyis byin gyis brlabs pa las byas pa'i ye shes kyi skud pa'o/ /thig gdab ces bya ba la man ngag 'di yin te/ dkyil 'khor khru gang pa'i dbang du byas nas khru gsum pa'i cha la gru bzhi legs par byas la/dbus kyi char lag pa g.yon pa'i mthe bong dang mdzub mos skud pa bzung nas lag pa g.yas pas rdo rgyus dang bcas pa'i skud pa'i rtse mo bzung ste ri mo zlum po gcig kun nas bskor bar bya'o/ /de nas shar dang / nub dang / byang dang / lho ru slob dpon dang slob ma mngon par phyogs pa yang mi bskyod pa dang /rnam par snang mdzad kyi lha'i bdag nyid du byas pa'i rnal 'byor pas rim pa ji lta ba bzhin du dbus kyi char tshangs thig gnyis gdab par bya'o/ /de bzhin du rlung dang / /me dang / dbang ldan dang / bden bral du gnas la mtshams kyi thig gnyis kyang gdab ste/de dag gi bar dag kyang mnyam pa dang tshad dang ldan pa'o/ /de'i dbus su dang po rkang pa gcig gis ma chog pa'i sor mo bcu nas bzung ste ri mo zlum po gcig kun nas bskor bar bya'o/ /de'i rjes la yang mthe bo gang du rkang pa gcig gis mchog pa'i ri mo zlum po gcig po ni rdo rje phreng ba'i don du'o//de nas de'i rjes la sor lnga pa'i ri mo phra mo gcig phyogs bzhi po rnams su'o/ /de nas rkang pa gcig gis ma chog pa'i mthe bong gang gi ri mo'o/ /de ltar re'u mig dgur gnas pa las lhag pa'i ri mo rnams phyis la ji ltar mdzes par re'u mig dang ka ba rnams bri bar bya'o//de nas shar phyogs kyi tshangs pa'i skud pa las lhag par rdo rje phreng ba'i phyi rol du ri mo mthe bong phyed dang gnyis ni tshon sna'i sa'i don du ste/ me dang dbang ldan gyi mtshams su 'am thig gcig gis khyad par skud pa gcig gdab par bya'o/ /de nas grwa zhes bya ba tshon sna lnga'i don du'o//gzhan dag ni rkang pa gcig gis mchog pa'i mthe bo gang sa'i cha'o/ /de'i phyi rol du tshangs pa'i skud pa'i ngos nas mthe bod phyed dang gnyis bor te ri mo gsum gyis ring ba rkang pa gcig gis mchog pa'i mthe bo gang gi dbus su thig gnyis gnyis ni ngos zhes bya ba ste ri mo lnga'i don du'o//de nas logs su sor phyed dang gnyis kyi tshad du rkang pas mchog pa'i mthe bo gang gi dbus su 'gram zhes bya ste ri mo lnga'i don du skud pa gnyis gnyis so/ /de nas phyogs zhes pa ste/ ri mo lnga'i don du sor phra ba phyed dang gnyis kyi tshad rkang pa gcig gis mchog pa'i mthe bo gang ba'i dbus su skud pa gnyis gnyis so//de nas ngos gnyis su khyab par ni phrag gong zhes bya ba ste/ ri mo lnga'i don du rkang pa gcig gis mchog pa'i mthe bo gang ba'i dbus su skud pa gnyis gdab par bya'o/ /de'i rjes la rgya gram las pha rol tu mtheb gang ba'i tshad tsam rin chen tha gu'i don du'o//logs kyi skud pa gcig po ngos gnyis su gdab par bya'o/ /de nas rin chen pha gu las phyi rol du logs las rkang pas mchog pa'i mthe bong gang bor ba dang / yang rkang pas mchog pa'i mthe bong gang gi bar du skud pa gnyis ngos gnyis su gdab pa ni ka ba'i don du'o//ya phubs kyi steng du rkang pas mchog pa'i mthe bong gang ni ka ba'i mgo bor gdab par bya'o/ /de nas ka ba'i phyi rol gyi ngos gnyis su rin chen snam bu las phyi rol du sor phyed dang gnyis kyi skud pa gcig po ni gzungs kyi snam bu'i ngos gnyis su gdab par bya'o/ /de nas rin chen snam bu'i don du sngar bzhin du skung ba gcig go//de nas rin chen snam bu las phyi rol du mthe bong phyed dang gnyis kyi skud pa gcig po ste dra ba dang dra ba phyed pa'i don du'o/ /de nas sngar bzhin du rin chen snam bu'i skud pa'o/ /de nas ka ba'i mgo'i steng du ngos las rkang pas ma chog pa'i mtheb gang bor bar bcu gcig rdo rjes mtshon pa'o//rdo rje'i bla re ni rkang pas mchog ba'i mtheb gang tsam ka ba'i mgo bo las 'phyang zhing shar bu gnyis g.yo ba ji ltar mdzes pas so/ /de nas dra ba dang dra ba phyed pa'i mtshams kyi snam bu la chu srin gyi gdong pa bdun po rnams te/rin po che'i snam bu las btags pa de'i kha'i ngos gnyis nas mu tig gi phreng ba'o/ /dra ba dang dra ba phyed pa kun gyi dbus su pad+ma'i gdan la gnas pa'i zla ba phyed pa dang / nyi ma la gnas pa'i rin po che'i steng du rdo rje phyed pa rnams rab tu 'phyang bar gyur pa'o/ /chu srin gyi kha'i dbus su 'phyang ba rnams ni che zhing dri ma med pa'i nor bu rtse mo gcig btags pas mdzes par gyur pa'o//ngos gnyis kyi phreng ba ni cung zad chung ba ste phreng ba gsum mo/ /de nas sgo'i ngos gnyis kyi tshon gyi sa gzhi la pad+ma'i steng du gnas pa'i bum pa gnyis kyang ji ltar mdzes par bri bar bya'o//gzungs zhes bya ba ni snam bu yang brtse ba dang bcas pa'o/ /de nas grwa bzhi po rnams su rdo rjes mtshan pa'i nor bu dbyig pa la btags pa'i rnga ma g.yo zhing 'khrol ba'o/ /'phan gyi tshar tshar yang mthar sleb pa'i ji ltar legs pa gdugs dang yang ngo / /ka ba dang rin chen snam bu'i dbus su yang bum pa bzang po la gnas pa'i dpag bsam gyi shing bri bar bya'o//ngos dang ka ba'i bar gyi mthongs su rdo rje rin chen bri bar bya'o/ /rdo rje'i bla re'i steng du me tog gi phreng ba'i snam bu ste/ mthe bong gnyis su rgyas pa/ ngos gnyis su rkang pa gnyis kyis lhag pa gru bzhi pa'o/ / de'i rjes la nor bu ste/ rkang pa gsum gyis rgyas pa ring ba ni me tog dang mnyam pa'o/ /de nas ngos gnyis su rkang pas chung ba pha gu'i snam bu'o/ /rkang pa gnyis kyis che ba rta'i rmig pa dang 'dra ba mdog sna tshogs pa'i rmig pa lta bu'i dbus su'o/ /de nas mdog bzang po'i snam bu'i zheng dang bcas pa mdog ser po ngos gnyis su rkang pa gnyis gnyis kyis chung ba'o//de nas mun pa'i snam bu zheng du mthe bong gnyis pa/ ngos gnyis su mthe bong gnyis chung ba'o/ /de nas sngar gyi mdog bzang po'i snam bu'o/ /de nas rmig rjes lta bu'i snam bu zheng du rkang pa gnyis so//mdog bzang po'i snam bu las ngos gnyis su rkang pa gnyis kyis lhag pa'o/ /de nas nor bu ni zheng du rkang pa gsum pa'o/ /ngos gnyis su rkang pa lhag pa'o/ /de nas rmig rjes lta bu'i snam bu bzhi ni sngar gyi rmig rjes lta bu'i snam bu bzhin no//de nas gser gyi snam bu ni sngar gyi mdog bzhin no/ /de nas kra ma shiR+Sha ni steng du mthe bong phyed dang gnyis pa ngos gnyis su mthe bong gi rkang pa rkang pas chung ba'o/ /de nas rkang pa gcig gi tshad pad+ma'i gdan gyi steng du rkang pa dang bcas pa'i sor mo'i tshad ri dgas kyi lus kyi dbus su'o//de'i skye ni sor phyed dang gnyis kyi tshad do/ /mgo bo ni sor mo phyed dang gnyis kyi tshad do/ /de'i steng du sor mo phyed bor bar ri mo gcig gis bskor bar bya'o/ /de'i phyi rol du pad+ma'i phreng ba mthe bo gsum gyi tshad do/ /de'i phyi rol du rdo rje phreng ba sor gsum gyi tshad do/ / ji ltar mdzes par 'od zer lnga dang bcas pa'o/ /de ltar ngos re rer khru gang grwa las phyi rol du'o/ /de nas nang du khru gang ba'i dkyil 'khor ni gru gsum du gyur pa'o/ /de nas ri dgas gnyis kyi dbus su rkang pa gcig gis mchog pa'i mtheb gang gi pad+ma'i gdan gyi steng du rkang pas mchog pa'i mtheb gang ba'i gdan bor te 'khor lo'i rtsibs bcu gnyis pa sor phyed dang gnyis kyi tshad do//dbu ma'i rtse mo dag la'o/ /rtse mo gzhan pa bzhi rnams ni ngos gnyis su bri bar bya'o/ /ri dgas gnyis kyi mdun du 'phan gnyis 'phyang ba ni ri dgas kyi mjug ma la slebs pa'o/ /ri dgas kyi phyi phyogs kra ma shiR+Sha'i steng du shar dang /nub dang byang dang lho ji lta ba'i rim pas kha phyi phyogs su bltas pa'i seng ge dang / ngang pa'i rgyal po dang / rma bya dang / chu srin gnyis gnyis bri bar bya'o/ /de ltar khru gang nas brtsams te ji srid khru stong pa'i bar du dkyil 'khor bri bar bya'o/ /shes rab ces pa ni thig 'debs pa la mkhas pa'o//zhi ba la sogs rab 'jug pa/ /zhes bya ba ni zhi ba dang / rgyas pa dang / dbang dang / mngon spyod la sogs pa'i las byed pa ste/ khyad par ni dbus su gnas pa'i mdog dang mtshan ma'i dbye ba las so/ /las kyi rdo rje ni sna tshogs rdo rje'o//rtse mo lnga pa ni rwa lnga pa'o/ /mnyam ldan pa zhes bya ba ni phyogs bzhi po rnams la'o/ /de'i dbus su zhes bya ba ni de'i mu khyud la gnas pa ste gzhal yas khang gi nang gi rim pa'i dbus su'o/ /rdo rje zhes bya ba ni rdo rje nag po rtse lnga pa'o/ /rdo rje 'bar ba zhes pa ni 'od zer rdo rje'i rnam pa can no//shar gyi rtsibs zhes pa ni nang gi rim pa nyid do/ /shar du'o/ /'khor lo zhes pa ni 'khor lo dkar po rtsibs brgyad pa'o/ /'od zer zhes pa ni 'khor lo'i rdo rje'i 'od zer nyid do/ /rin po che zhes pa ni mdog ser po cha dgu pa'o/ /pad+ma rA ga'i mdangs 'dra'i 'od/ /ces bya ba ni 'od zer dmar po'o//ral gri ljang gu zhes pa ni lhag ma'o/ /sna tshogs 'bar ba zhes pa ni 'od zer rnam pa lnga'o/ /de ltar nang gi rim pa la de bzhin gshegs pa rnam pa lnga'i mtshan ma bris la/ de dag nyid kyi grwa bzhi po rnams su mtshan ma bstan pa'i don du shar phyogs kyi grwa zhes bya ba la sogs pa ste shar gyi mtshams su zhes bya ba ni me nyid du'o//lho ru zhes pa ni bden bral du'o/ /nub tu zhes pa ni rlung du'o/ /byang du zhes pa ni dbang ldan du'o/ /phyi rol gyi rim pa'i sgo bzhi po rnams su mtshan ma bri ba'i don du tho ba zhes bya ba la sogs pa ste/ de la tho ba ni nag po rdo rje rtse gsum pas mtshan pa'o//dbyig pa ni dkar po rdo rje rtse gsum pa nag pos mtshan pa'o/ /pad+ma ni pad+ma dmar po'o/ /rdo rje ral gri ni ljang gu'o/ /phyi rol gyi 'phar ma grwa bzhi po rnams su ma gsungs pa nyid ni thod pa rnam pa bzhi po rnams su shes par bya ste/ mtshan nyid thams cad yang dag rdzogs//zhes gsungs pa las so/ /gzhan du ni dman pa nyid du thal bar 'gyur ro/ /lha'i gdan gyi rim pas mtshan ma'i gdan rnams su yang shes par bya'o/ /rdzogs pa zhes pa ni ye shes kyi dkyil 'khor sgo rnams su rab tu zhugs pa ste/ bya ba gzhan la ltos pa ni ma yin no/ / sangs rgyas zhes pa ni mtshan ma'i tshul du gnas pa rnams so/ /the tshom med par zhes bya ba ni bden pa mngon par zhen pa'i gzung ba dang 'dzin pa rnams spangs pa'o/ /de bzhin gshegs pa thams cad ces bya ba la sogs pa ni snga ma bzhin no/ /dkyil 'khor chen po zhes bya ba la chen po yang de yin la/dkyil 'khor yang de yin pas dkyil 'khor chen po'o/ /de ston par byed pa'i gzhung gi tshogs ni le'u ste/ le'u gnyis pa'i bshad pa rdzogs so// //dkyil 'khor bri ba'i don du bstod pa byas pa la gsol ba gdab par bya'o zhes pa de gsungs pa de nas bcom ldan 'das zhes bya ba la sogs pa ste bdag po zhes bya ba ni rdo rje sems dpa'o//bstod pa'i rgyal po zhes bya ba ni dkyil 'khor zhes bya ba la sogs pa 'chad par 'gyur ba'i tshigs su bcad pa'o/ /gsol ba gdab pa zhes pa ni zhus pa rnams so//sdig pa thams cad ces pa ni/ srog gcod pa la sogs pa bgyid pa dang bgyid du stsal ba dang bgyid pa la rjes su yi rang ba'o/ /'jigs zhes bya ba ni sngar gyi bzhin no/ /dkyil 'khor kun gyi gtso bo ste/ zhes bya ba ni 'dir gsungs pa'i rdo rje mkha' 'gro la sogs pa'i dkyil 'khor las gtso bor gyur pa'o//rdul tshon gyi dkyil 'khor ram bsgoms pa'i dkyil 'khor lha'i 'khor lo rdzogs nas bza' btung gsungs pa/ de nas yang zhes bya ba la sogs pa ste/ bdud rtsi zhes bya ba ni 'og tu yaM yig yongs su gyur pa las grwa gnyis su ba dan g.yo ba gnyis kyis mtshan pa gzhu'i rnam pa'i rlung gi dkyil 'khor ro//de'i steng du raM yig yongs su gyur pa'i me la/ a yongs su gyur pa'i thod pa'i nang du go ku da ha na'i gzugs kyis bza' ba la sogs pa lta bu'o/ /rlung gis bskul nas mes bsros pa'i thod par zhu bar gyur pa/oM yig gis byin gyis brlabs pa'o/ /de'i thig le las byung ba'i 'od zer gyis de bzhin gshegs pa thams cad kyi snying po bkug ste ye shes kyi bdud rtsi dang gcig tu byas pa'i bdud rtsi rnam pa lnga'o/ /de myang ba ni nye bar longs spyad pa'o/ /de'i dam tshig ni brda'o//byin gyis brlab pa'i sngags ni nges par phyung ba ste rab tu bstan pa'o/ /gang zhe na/ byin gyis brlab pa'i sngags zhes gsungs te/ oM la sogs pa'o/ /yi ge gsum gyis byin gyis brlab/ /ces pa'i don to/ /rdo rje lce yi sbyor ba yis/ /zhes bya ba ni hUM yig las lce rdo rje rtse gcig pa'i rnam par byas la de las byung ba'i 'od zer sbu gu'i rnam pas so//de'i dgos pa ci zhe na/ mnyes pa ste dgyes pa'o/ /rdo rje can kun zhes pa ni dkyil 'khor gyi bdag po dang dkyil 'khor pa'o/ /gang gi tshe bdud rtsi myang bar bya zhe na gsungs pa/ bzhugs zhes bya ba la sogs pa ste/rdzogs pa'i sangs rgyas zhes bya ba'i dam tshig gi dkyil 'khor dang 'dra ba rnams rang gi snying ga'i sa bon las byung ba'i 'od zer rnams kyis bkug ste nam mkha'i phyogs su gnas pa'o/ /ye shes 'byung gnas rang bzhin gyis/ /zhes bya ba ni rmi lam dang sgyu ma'i rang bzhin gyis so//dgug pa dang zhes pa ni/ bkug pa'i lha'i 'khor lo la mchod yon la sogs pa phul te shin tu nye bar byas pa'o/ /bzhugs pa zhes pa ni/ dam tshig gi 'khor lo dang / ye shes kyi 'khor lo dag gcig tu byas pa'o/ /bcings pa zhes pa ni rab tu bcug pa las 'gro bar mi byed pa'o//dbang du byed pa zhes pa ni bcings pa'i sdug bsngal btang ste bde bar gyur pa'o/ /yang / tho ba la sogs sngags bzhi yis/ /zhes pa ni/ oM mud+ga rA dzaHoM daN+Da hUM/ oM pad+ma baM/ oM khaD+ga hoHzhes pa 'di dag gi rim pa ji lta ba bzhin du'am/ dzaHhUM baM hoHzhes pa 'dis so//gshin rje gshed po gang zhig gang la bcibs nas bsgom par bya zhe na gsungs pa/ ma he rdo rje zhes bya ba la sogs pa gsungs te/ ma he ni ma he chen po ste/ de'i steng du rdo rje'o/ /rdo rje bdud las rgyal ba'i ting nge 'dzin bsgom ste gdan du byas zhes pa lhag ma'o/ /dkyil 'khor gyi bdag po ni dkyil 'khor gyi gtso bo'o//gsang ba'i dkyil 'khor zhes pa ni zla ba'i dkyil 'khor ro/ /gti mug rdo rje ni gti mug gshin rje gshed do/ /bdun gyi bdun pa ni lha ste/ gang la de'i bdun gyi bdun pa can nyi ma'o/ /dkyil 'khor zhes pa ni nyi ma'o/ / las kyi rdo rje ni phrag dog gshin rje gshed do/ /rdul tshon gyi dkyil 'khor gyi phyogs la sna tshogs pad+ma'i steng du ji ltar rigs pa nyi ma dang / zla ba la gnas pa rang rang gi mtshan ma tsam bri bar bya'o/ /bsgom pa'i bdag nyid dang / bzlas pa rig pa pos lha'i rnal 'byor gang gis bya ba gang gi bstan pa'i don du//zhi ba zhes bya ba la sogs pa ste las kyi rdo rje zhes bya ba ni phrag dog gshin rje gshed kyi rnal 'byor gyis so/ /thams cad ces pa ni kun te/ gang ji srid da ltar brjod pa zhes pa'i don to/ /mi tshil zhes pa ni skyes bu bsad pa'i sha dang /rus pa'i mar khu'o/ /mi skra zhes pa ni skyes bu bsad pa'i skras ra ba dang lhan cig pa'o/ /dur khrod du mar ngo'i bcu bzhi'am brgyad pa zhes pa lhag ma'o/ /btang zhes pa la mi'i thod pa zhes pa lhag ma'o/ /rdo rje las kyi sbyor ba yis/ /zhes pa ni phrag dog gshin rje gshed kyi gzugs su 'dzin pa'o//mig sman zhes pa ni dreg pa las grub pa'o/ /las kyi bsgom pa zhes bya ba ni phrag dog gshin rje gshed kyi gzugs kyis de ltar bya'o/ /mig sman dag ni zhes bya ba ni dreg pa des skud pa'i mdzub mo la'o/ /mig sman grub pa ni gsum ste ji srid du dreg pa de 'bar ba las mig sman du byas pa des 'jig rten gsum du rgyu yang sus kyang mi mthong ngo //mig sman gyi dreg pa la du ba byung na sa 'og gi dngos grub po/ /dro bar gyur pa'i mig sman gyi dreg pas ni 'gro ba kun gyis brtse bar bya'o/ /'bar ba la sogs pas ci byed pa yin zhe na/gsungs pa/ las kyi rdo rje rab sbyor ba/ /zhes pa ste don ni 'di yin te/ phrag dog gshin rje gshen kyi rnal 'byor gyis lag pa g.yas pas bkab ste/ dreg pa de ji srid 'bar gyi bar du bzlas par byas te du ba dang dro ba la yang ngo / /gur gum zhes pa ni bud med kyi me tog go//khrag ces pa ni skyes bu bsad pa'i sha'o/ /de dag ni man ngag go/ /rdo rje las kyi rab sbyor bas/ /zhes bya ba ni phrag dog gshin rje gshed kyi rnal 'byor dang 'dzin pa dang / gnyis po de dag kyang cha mnyam pa las gcig tu byas te thod par bcug la lag pas kha bcad la dur khrod du ji srid grub pa gsum ma byung gi bar du bzlas pa ni sngar bzhin no//bdud rtsi lnga zhes pa ni mu dang / bi dang / ra dang / su dang / ma'i mi mo mu sha lnga'i go ku da ha na'o/ /bcu po de dag cha mnyam pa'i ril bu nang gang ba tsam du gzung ngo / /lcags gsum gyis dkri zhes pa ni/gser dang / dngul dang / zangs kyi snod du rim pa bzhin du ril bu byas te/ de rnams kyi rim pa ji lta ba bzhin man cha'i tshad gsum dang / bzhi dang / bzhi ru dbye ba'o/ /bdun dang gsum dang lnga'i ra tis lhag pa can gyi ril bur ga chung gi tshad tsam mo/ /las kyi sbyor ba la zhes bya ba la sogs pa thams cad ni sngar gyi bzhin no//ka na ta'i lcags kyi ral gri zhes pa ni gdong drug pa'i ka na ta'i lcags kyi rgyu las byas te brdungs pa'i ral gri'o/ /las kyi sbyor ba la zhes bya ba ni phrag dog gshin rje gshed kyi rnam par lag pas gzung bar bya ste ji srid dngos grub rnam pa gsum ma byung ba de srid du bzlas pa yang sngar bzhin no//las kyi ral gri zhes pa ni phrag dog gshin rje gshed nyid kyi ral gri dang 'dra'o/ /zhi ba la sogs pa ji skad gsungs pa bzhag ste/ mngon spyod la sogs pa las gzhan dag ni gtso bo gshin rje gshed kyi sgrub pa ste/ bcom ldan 'das kyis gsal po nyid du ma gsungs kyang shugs las rtogs par bya zhes pa'o/ /las kyi sbyor ba'i rim par phye ba zhes bya ba las ni sna tshogs pa'i phrin las so sor gsungs pa'o/ /sbyor ba ni de dag sgrub pa'i thabs so/ /de dag stod par byed pa'i gzhung gi tshogs la yang le'u zhes bya ste/des na las kyi sbyor ba'i rim par phye ba'o/ /rim par phye ba gsum pa'i bshad pa rdzogs so// //zhi ba la sogs pa gsungs pa'i 'khrul 'khor gyi las kyi rim pa brjod pa'i don du/ de nas yang zhes bya ba la sogs pa ste/ 'di zhes bya ba ni/ gti mug rdo rje'i rang bzhin khyod//ces bya ba la sogs pa bstod pa'i rgyal pos sngar gsungs pas bstod ces pa lhag ma'o/ /gsol ba gdab pa ni dris pa'o/ /las kyi dbye bas rab phye ba/ /zhes bya ba ni las kyi dbye ba ste zhi ba la sogs pa'o/ /rab dbye ba zhes pa ni zhi ba la sogs pa gang la phul du gyur pa'i dbye bas khyad par du gyur pa ste/de yang lha'i gzugs su bsgoms pa la sogs pas bsgrub bya bsgrub pa las so/ /rdo rje chen po zhes pa ni rdo rje sems dpa'o/ /ye shes rgya mtsho rnams ni byang chub sems dpa' rnams so/ /nyes kun gso ba'i bdag nyid ces pa ni thams cad du skyon thams cad las thams cad yongs su grol ba'o//'dir las 'di ni ma rungs pa'i las su bsam par bya ba ma yin te/ rnam pa 'di lta bus kyang pha rol po dag dmyal bar 'gro ba la kun nas 'don pa'i phyir ro/ /ji ltar gcong nad can la sman pa mkhas pas bsregs pa la sogs pa'i las bzhin no//'di skad kyis ni tshig ces pa ni/ 'chad par 'gyur ba'i/ 'khrul 'khor mthar thug gshin rje gshed/ /ces bya ba la sogs pas so/ /rgyun du bya ba'i rim pa bla ma'i man ngag gzung ba'i don du gsungs pa/ de nas yang zhes bya ba la sogs pa gsungs te/ dbang gi don du 'khrul 'khor ni dbang du bya ba'i 'khrul 'khor ro//ci brjod ce na gsungs pa/ gshin rje gshed kyi 'khrul 'khor zhes pa ni 'di lta bus kyang 'khrul 'khor gyi spyod yul gus par bya ba'i don du'o/ /bsrung ba'i don du zhes pa ni zhi ba'i don du'o/ /dbang du bya ba dang zhi ba dag la mngon par brjod pa ni zhi ba'i go ro tsa na gzung ste zhes brjod pa ste gnyis ka la yang go ro tsa na nyid kyis bri bar bya'o//shog bu gang la bri bar bya zhe na gsungs pa/ grog la sogs pa ste/ smyug ma'i shun pa zhes bya ba ni smyug ma'i tshigs kyi nang gi stong par gnas pa shog bu dang 'dra ba'i pags pa'o//'khor lo bri ba'i le'u drug pa las 'chad par 'gyur ro/ /dkyil 'khor rim pa gsum byas te zhes bya ba la sogs pa'o/ /na mo na ma rnams bstan la/ /zhes bya ba ni na ma'i sgras na ma rnam par brten pa ste zhi ba la'o/ /'dir nye bar mtshon pa las/ las gang dang gang byed pa de dang der gsungs pa'i sngags kyis spel ba'o//'khor lo bris la gzhag pa'i gnas gsungs pa/ gnag dang zhes bya ba ni mdog gnag pa'o/ /spu can zhes bya ba dbus kyi cha'o/ /phyi dang nang dang dman pa dag kyang ngo / /sogs pa'i sgra ni gas pa dang g.yo ba la sogs pa'o/ /gshin rje gshed kyi bdag nyid du bsam zhes par 'brel te/ji lta bur 'gyur zhe na/ zla ba'i 'od zer dang 'dra ba/ gti mug gshin rje gshed do/ /bsgrub bya mdun du dgod ces bsgrub bya gzhan dag dang 'brel to/ /zla ba'i dkyil 'khor la gnas pa zhes bya ba ni 'khrul 'khor nyi zla'i dkyil 'khor du bya ste/de'i dbus su son pa'o/ /bsgrub bya zhes pa ni gang zhi bar bya ba'o/ /rdzogs sangs rgyas zhes bya ba ni/ rang gi snying ga'i sa bon las spros te/ gti mug gshin rje gshed du ma rnams kyis so/ /de zhes pa ni bsgrub bya'o/ /bltas nas zhes pa ni de lta bu'i rnam par bsam par bya'o//sngags brjod pa gsungs pa/ oM d+h+ri ti zhes bya ba la sogs pas te/ thams cad kyi sngags nyid de dang por oM yig nas hUM yig gi mthar thug pas yi ge dgu'o/ /de'i pha rol du spel ba'i sngags gnyis kyi nang du song ba bsgrub bya'i ming bri ba'o//zhi ba'i dam tshig ni zhi ba'i sngags so/ /gsungs pa'o zhes pa ni brjod zin pa ste/ sngar gyi rdo rje 'dzin pa zhes bya ba ni 'brel to/ /skyes pa zhi ba la snag tsha gang gis bri ba gsungs pa/ skyes pa zhes pa la sogs pa ste/ lha la sogs pa yang bud med zhi ba'i cho ga de yis so/ /de bzhin rgyas pa zhes bya ba ni skyes pa rgyas pa'i skabs su ni gur gum nyid kyis so//bud med rgyas pa la gang gis bri bar bya ba gsungs pa/ 'khor lo gnyis ni zhes bya ba la sogs pa ste bud med rgyas pa'i skabs su yang gur gum gyis so zhes bya ba'i don to/ /swA hA ming zhes pa ni swA hA'i sgra des spel ba'o//dang po dang tha ma swA hA'i sgras sbyin par bya'o/ /gang dang spel bar bya ba gsungs pa bsgrub bya zhes bya'o/ /ci byas she na gsungs pa ming ni blangs nas ni zhes pa ste/ bsgrub bya'i ming gis spel bar bya/ /zhes pa'i don to/ /bris te 'khrul 'khor du gzhug ces pa lhag ma'o//kha dog ser po gshin rje gshed/ /ces bya ba ni phra ma gshin rje gshed do/ /zla ba ser po gnas zhes pa ni 'khrul 'khor nyid zla ba ser por bsams te der gnas pa bsgom par bya'o/ /bum pa ser po zhes pa ni snying ga'i sa bon las byung ba'i phra ma gshin rje gshed du ma'i lag pas 'dzin pa'o//bau ShaT ces pa ni bau ShaTa'i sgras ming spel ba'o/ /rgyas pa'i dam tshig ni rgyas pa'i cho ga'o/ /dbang du bya ba'i cho ga gsungs pa/ gro ga'am zhes bya ba la sogs pa ste/ ras ni khrag gis bsgos pa'i ras so/ /srin lag gi khrag ces pa ni gang dbang du bya bar 'dod pa po dang /byed du 'jug par yang dag par rtsom pa ste/ de'i g.yon pa'i srin lag gi khrag gis so/ /de dag kyang nges par sbyang bar bya ba'i rgya skyegs la sogs pas so so'am bsdus pas so/ /yi ge ho yis zhes bya ba ni nye bar mtshon pa ste/ bau ShaTa'i sgras kyang spel lo zhes nye bar ston par 'gyur ro//nag sogs bral ba zhes bya ba ni sngar gyi bzhin no/ /kha dog khrag ces pa ni dmar po'i bdag nyid can no/ /gshin rje mthar byed ces pa ni bdag nyid 'dod chags gshin rje gshed du byas pas so/ /zla ba dmar po la gnas pa/ /zhes bya ba ni 'khrul 'khor nyid zla ba dmar por bsam par byas la bsgrub bya der chud pa'o//rang lus las byung 'od zer gyis/ /zhes bya ba ni rang la gnas pa'i sa bon las byung ba'i 'od zer gyi lha'i gzugs so/ /khri tsam ni stong phrag bcu ste/ 'dir yang nye bar mtshon pa'i phyir ro/ /las thams cad la yang sngags stong phrag bcu bzlas par bya'o//sngags khri bzlas pa byas pas kyang bsgrub bya ma grub na bya ba'i khyad par gsungs pa/ gal te dbang du ma gyur na/ /zhes bya ba la sogs pa ste/ de spro bar ni sngar gyi sngags bzlas par bya'o/ /mar la mogs pa dbral byas la/ /zhes pa ni mar dang sbrang gis gang ba'i kham phor kha sbyar nas gdon pa'o//dgug pa bstan pa'i don du gsungs pa/ dur khrod ces pa la sogs pa gsungs te/ tshe la ke sa ni ras so/ /yang ni'i sgra ni dang gi don te/ 'chad pa'i dbang du byas nas blangs te phyogs gzhan gyi don to/ / des na rang byung gi me tog gi ras sam/ dur khrod kyi ras la zhes pa'i don to/ /khrag dang rgya skyegs phyed bsres pas/ /zhes pa ni rgya skyegs sam rang gi lag pa'i srin lag gi khrag bsres pas so/ /yi ge dza dang yi ge d+h+ri zhes pa ni dang po dang tha mar dza d+h+ri zhes pa'i yi ge gnyis sbyin par bya'o/btsun mo yi ni pad+ma'i snod/ /ces pa ni bud med kyi thong ba'o/ /kha sbyar zhes pa ni gnyis po de dag 'og dang steng du gzhag pa'o/ /dmar zhes pa ni 'dod chags gshin rje gshed do/ /lcags kyu dmar pos bkug pa yi/ /zhes bya ba ni rang gi snying ga'i sa bon las 'od zer lcags kyu'i rnam pas bkug pa'o//zhags pa bcings zhes bya ba ni phyag g.yas pa'i mtshan ma pad+ma dmar po'i lcug ma 'dzin pas 'ching ba'o/ /rlung gi dkyil 'khor sbyor ba yis/ /zhes bya ba ni yaM dmar po yongs su gyur pa las rlung gi dkyil 'khor gzhu'i rnam pa seng ge dmar po'i 'og tu blta bar bya'o//rdzas lnga'i zhes pa ni mu dang / tsi dang / ra dang / su dang / ma yis so/ /dbang gi rab tu dbye bas ni dgug pa ste der ma brjod kyis kyang thams cad sngar bzhin du rtogs par bya'o/ mngon par 'dod pa ma grub pas las kyi khyad par gyi don du gsungs pa/ gal te bsgrub bya mi 'ong na//zhes bya ba la sogs pa ste/ 'khrul 'khor bsros zhes pa ni thod pa kha sbyar nas bton te bzlas pa dang 'khrul 'khor yang dag par rtsom mo/ /bsro ba'i tshe sngags kyi bzlas pa ni sngar bzhin no/ /rengs par bstan pa'i don du gsungs pa/ yung ba yi ni khu ba yis/ /zhes bya ba la sogs pa ste/yung ba ni rab tu grags pa'o/ /khu ba ni ba bla'o/ /de dag gis yang dag par bris te kham phor kha sbyar gyi nang du bcug la kham phor ser po'i steng du ri mo bri bar bya'o zhes 'brel to/ /de yi steng du mnyam par bri/ /zhes pa ni ri mo bzhi'am/ bdun gyi ri mo'i thog tu bsgom par bya ba ni ri mo nyid rgya mtsho'i bdag nyid kyis bskor ba'i ri rab bsgom par bya zhes pa'i don to//ri rab 'di yis brten par bya/ /zhes pa ni ri rab kyi steng du hUM yig blta bar bya ba ste/ sgrub pa po'i dbang du byas pa'i g.yon phyogs kyi char ro/ /cha gzhan du yaM baM yig ste/ sgrub pa po'i lus kyi dbang du byas te g.yas phyogs kyi char ro/ /de'i steng du zhes pa ni ri rab kyi 'og tu'o/ /dbang chen gyi dkyil 'khor zhes bya ba ni sa'i dkyil 'khor te/ gru bzhi mdog ser po grwa rnams su rdo rje rtse gsum pas mtshan pa'o/ /sna tshogs rdo rjes mnan pa la/ /zhes bya ba ni sna tshogs rdo rjes mnan pa'o//sa 'og tu sna tshogs rdo rjes zhes bya ba'i don to/ /dbang chen gyi dkyil 'khor la bzhengs pa zhes bya ba ni rang nyid dbang chen gyi dkyil 'khor la gnas pa bsgoms pa'o/ /bsgrub bya rnams bsams ni sna tshogs rdo rje'i 'og tu zhes pa lhag ma'o/ /ri bo rnams zhes pa ni ri rab nyid kyis so//rnams kyis mang po'i tshig nyid ni ri rab mang po dang ldan pas mnan pa ste lcog brgyad pa'i phyir ro/ /gang du gzhag ce na/ gsungs pa dkyil 'khor sna tshogs rdo rje'i 'og tu mnan pa'o/ /don ni 'di nyid yin te/ 'khrul 'khor ser po ni zla ba ste de'i steng du bsgrub bya ser po/de'i steng du sna tshogs rdo rje dang / de'i steng du sa dang / de'i steng du ri rab bsgom par bya'o/ /na ge ni ri bos so/ /bral ya ni khab ste de las byung ba'i ri bo rnams kyis so/ /mnan zhes pa ni ngos rnams nas te/ steng nas ni ri rab nyid kyis mnan pas so/ / ngag rengs par bstan pa'i don gsungs pa/ ngag ni rengs par zhes bya ba la sogs pa gsungs pa de bzhin zhes pa ni sngar gyi ji lta ba bzhin no/ /de nas lha'i gzugs nyid kyang de nyid de'i khyad par ni 'di yin te/ bsgrub bya'i lce la sna tshogs rdo rje ser po'i steng du dbang chen gyi dkyil 'khor ro//de'i steng du gshin rje gshed bsam par bya'o/ /ji ltar brjod pa zhes bya ba ni zhi ba la sogs pa'o/ /gshin rje nag po'i sbyor ba yis/ /zhes bya ba ni gshin rje gshed nag po'i rgyud las gsungs pa'i sbyor bas te/ sang rgyas dang chos dang dge 'dun la gnod pa'i mi 'di dmyal bar 'gro ba las bsgral ba'i don du'o//ming bzung ste bsad pas don chen por 'gyur zhes bstan pa'i phyir dur khrod ras la zhes bya ba la sogs pa ste/ brtul zhugs can ni gshin rje gshed kyi rnal 'byor ba'o/ /snag tsha bstan pa'i don du gsungs pa ske tshe zhes bya ba la sogs pa ste/'dab ma las byung ba'i khu ba'o/ /gtum po'i sa bon zhes bya ba la sogs pa la mdzub mo ni rang gi'o/ /tsi tra ka'i khu bas sam zhes pa ni las zhes bya ba skra ni bsdu ba'o/ /rab tu rtogs pa'i sgro smyug ces pa ni bya rog chen po'i sgro smyug gi bri ba'o/ / sems can gnod par byed pa'i mi/ /zhes pa ni gsad par bya ba'i sems can gyi ming ngo / /lha'i rnam pa'i don du gsungs pa bdag nyid ces bya ba la sogs pa smos te/ sma ra smin ma de bzhin ser/ /zhes bya ba ni smar dang / smin ma dang / skra yang ser ba'o/ /bri ste zhes bya ba ni bsgom par bya'o//'khor lo zhes bya ba ni dkar po'o/ /pad+ma chen po ni dmar po'o/ /thod pa nyid ni dkar po'o/ /zla ba bzang po'i 'od ni dkar po'o/ /rdo rje rgyan gyis yang dag brgyan/ /zhes pa ni de bzhin gshegs pa'i bdag nyid kyi phyag rgya lnga 'dzin pa'o/ /ba spu'i bu ga chen po nas//zhes bya ba ni rang gi snying gar gsad pa'i mtshan ma la gnas pa'i sa bon las byung ba'i 'od zer gyi rnam pa ba spu'i bu ga kun nas so/ /rang rigs bdag po zhes bya ba ni rang gi gzugs 'dzin pa'i gshin rje gshed kyi tshogs dang 'dis nye bar mtshon pa las gshin rje gshed bdag nyid kyang rtogs par bya'o//g.yon pa brkyang ba zhes pa ni g.yon pa rab tu brkyang ste g.yas pa bskum pas so/ /nyi ma'i dkyil 'khor steng na zhes bya ba ni ma he'i rgyab tu nyi ma'i dkyil 'khor gnas pa de'i steng du gnas pa'o/ /bskal pa'i me 'bar ba dang mtshungs pa zhes bya ba ni 'jigs pa'i dus kyi me'o//go cha zhes pa ni yang dag par bsgom par bya'o/ /dri ma can ni nag po'o/ /gzir ba ni rid cing nyam thag pa'o/ /gang gi zhe na/ gsungs pa nad kyis so/ /lus la ldang zhing zhes pa ni/ dman pa'i lus su rnam par gyur pa'o/ /don 'dod pa'i tshig smra ba zhes pa ni glo lu zhing brjod pa'o//mtshon gyis zhes pa ni mdung dang / mda' la sogs pa rnams kyis so/ /gzir bar bya zhes pa ni/ lus kun la rma la sogs pa mang po dang ldan pas so/ /mchu ring can ni kang ka'o/ /tsher mas lus ni bkang ba dang / /zhes pa ni tsher mas gang ba'i lus so/ /rkang pa gdos dang sgrog gis bsdam//zhes bya ba ni gdos dang lcags kyis bcing ba'o/ /de'i lus bsrung ba la sogs pa zhes pa ni lus dang / ngag dang / yid dang / mig la sogs pa la byas zhes so/ /rang gi snying ga'i sa bon gyi 'od zer bkug pa dang / bdag gi mdun du zhes pas te/ rang gi lha'i gzugs la'o/ /dgod ces bya ba ni gnas ji lta bar gzhug par bya'o/ /grub par bya ba bsgom pa'i dus su kun gyi dang po de dag nyid byas la/ phyi nang dri mas gos pa zhes bya ba la sogs pa blta bar bya'o/ /go cha zhes pa ni gang lha ru bsgom par byas pa de'i rjes la 'brangs te bkug la rang dang 'dra ba'i pad+mar bcug ste rdo rjes mnan par blta bar bya'o//stong pa'i lus ltar zhes pa ni ro dang 'dra ba'o/ /brgyab pa ni gsod par bya'o/ /'thung bar byed ces pa ni 'thung bar byed pa'i khro bo de dag go/ /rkang dang tshil dag ces pa la bsgrub bya zhes pa lhag ma'o/ /chu 'gags la sogs nad kyi zhes pa ni yasma ri ni dri chu 'gags pa'i nad do//cho ga 'di lta bu nyid ni rang nyid nyon mongs pa tsam gyi bya ba ma yin no zhes dag pa'i don du gsungs pa/ /snying rje la gnas pa'i sems kyis zhes pa ste de dag nyid kyis dmyal bar 'gro zhes rnam par dpyad nas so/ /'o na sdug bsngal dang sdug bsngal gyi rgyu la grol bar 'dod pa ni snying rje yin la de lta bu thams cad ni bdag la gnod pa yin no zhe na/gsungs pa gnas bton nas zhes bya ba la sogs pa ste/ der gnas pa'i sdug bsngal la sgrol bar byed pa ste/ ji ltar pha rol gyi don byed pa las gzhan ci yod ces pa'i don to/ /'di lta bur gsungs zhes pa ni 'di lta bu'i ngag go//phyung bar mdzad ces pa ni brjod nas so/ /ji lta bu gsungs she na/ gsungs pa e ma'o zhes bya ba la sogs pa ste sems can gsod pa zhes bya ba ni bla ma dang sangs rgyas la gnod pa byed pa'o/ /rnam par rtog pa chen po zhes bya ba ni chen po yang yin la rnam par rtog pa yang yin pas rnam par rtog pa chen po ste/dud 'gro la sogs pa'i sdug bsngal gyi rang bzhin no/ /de dag gsod par byed pa ni rlag par byed pa ste de'i don gyis na rdo rje dang 'dra bas na rdo rje ste rnam par rtog pa chen po gsod par byed pas gsod pa'i rdo rje'o/ /bcom ldan 'das gang yin zhe na/'di lta bu'i cho ga gsungs pa/ 'khrul 'khor zhes bya ba la sogs pa'i cho ga gsungs te/ don ni 'di yin te 'khrul 'khor la sogs pa la dam tshig tu nges par gyur pas byin gyis brlabs pas khyad par gang 'khrul 'khor la sogs pa nyid do/ / bcom ldan 'das kyi dam tshig ste rdo rje sems dpa' nyid kyi don to/ /le'u bzhi pa'i bshad pa rdzogs so// //phan tshun du rnam par dbye ba'i don gsungs pa/ de nas zhes bya ba la sogs pa ste/ de nas zhes pa ni sna tshogs dang lha la sogs pa ste snga ma bzhin no//thod pa kha sbyor zhes pa ni/ phru pa la sogs pa'i gyo mo gnyis su gsad pa'i 'khrul 'khor bcug la zhes rtogs par bya'o/ /gshin rje mthar byed ces pa ni/ bsad pa la brjod pa nyid do/ /rta dang ma he zhon pa dag /ces pa ni gcig ni rta la zhon pa yin la/ gzhan dag ni ma he la zhon pa'o//sprul ba'i 'khor lo'i tshogs kyis zhes bya ba ni gnyis ka yang sprul pa'i khro bo'i tshig dgod par bya'o/ /stobs dag ces pa ni stobs dang ldan pa'o/ /khros pa ni khros pa dang ldan pa'o/ /bskrad pa zhes pa bstan pa'i don du gsungs pa/ 'khor lo gnyis ni bri zhes bya ba la sogs pa ste/cho ga nyid ni 'di dag ces pa ni bsad pa'i cho ga bstan pa'i snag tsha la sogs pas so/ /yi ge hUM phaT kyis brten pa zhes pa ni bsgrub bya'i ming dang hUM phaT dag spel pa'o/ /thong pa kha sbyar ni phru ba la sogs pa'i gyo mo gnyis su'o/ /pha'i nags su zhes pa ni dur khrod du'o//gshin rje'i gshed ni gshin rje'i gshed do/ /yaM byung zhes pa ni yaM yongs su gyur pa las/ khro ba'i tshogs kyis zhes pa spros pa'i gshin rje gshed kyis so/ /ma grub na yid ches pa'i don du'o zhes lhag ma'o/ /cho ga gsungs pa'o zhes brjod nas brgya lam na slob ma 'khrul bar gyur na/lha'i gzugs dang ras la sogs pa de dag gsungs pa/ khros pa zhes bya ba la sogs pa ste lhor bltas pa ni lhor mngon par phyogs pa'o/ /rang khrag ces pa ni rang gi lag pa g.yon pa'i mdzub mo'i khrag go/ /thal ba zhes bya ba ni sol ba'o/ /smyon pa'i 'dab ma'i khu bas zhes bya ba ni thang phrom gyi 'dab ma'i khu bas so//'khor lo rnams kyi khyad par gyi bri ba'i thabs gsungs pa/ bsad pa zhes bya ba la sogs pa ste bsad pa'i cho gar gsungs pa'i snag tsha la sogs pa ste 'khor lo gnyis ka la yang de'i lus la gnas pa ni de'i lhor bltas pa'i 'khor lo'o//rta dang ma he dag ces pa ni 'khor lo gcig ni ma he'i rgyab tu yin la gzhan ni rta'i rgyab tu'o/ /bskrad pa zhes pa ni gnas nas bton pa'o/ /rnga mo'i lus la gnas zhes pa ni 'khor lo gnyis ka la yang rnga mo sngon po'i rgyab tu'o/ /zla ba'i dkyil 'khor la zhes pa ni 'khor lo la zla ba'i dkyil 'khor gyis kun nas bskor te sbyin par bya'o//btsun mo'i snying gar zhes pa ni b+ha ga'o/ /ra la bskyon zhes pa ni lug la yang bskyon zhes pa'o/ /ri rab dkyil du zhes pa ni ri'i phreng bas kun nas bskor ba'o/ /seng ge sar pa ni rkang pa brgyad pa'i seng ge'o/ / gzhan dag la zhes pa ni smyon pa la sogs par byed pa'i spre'u dang skyes bu bzi ba la sogs pa la bri bar bya'o/ /lan gnyis bcings pa ni legs par bcings pa yin zhes pa ste/ snag tsha la sogs pa yang zlos par gsungs pa ro tsa na zhes pa go ro tsa na'o/ /bud med zhi ba ni bud med kyi don du'o//skyes pa dang bud med dbang du bya ba ni rgya skyegs te skyes pa dang bud med gnyis ka dbang la bya ba'o/ /gnyis kyi steng du gzhan yang / skyes pa'i don du kha phye yis/ /zhes pas te skyes pa zhi ba la'o/ /skyes pa dang bud med gnyis ka'i rgyas pa la yang ste dbang du bya bar bri zhes nye bar mtshon pa'o//zhi ba dang rgyas pa dag la yang dge ba'i sems kyis te/ bya ba gang la yang ngo zhes lhag ma'o/ /don ni 'di yin te/ zhi ba dang / rgyas pa dang / dbang rnams la kham por kha sbyar du gzhag par bya'o/ /drag po las kyi dgongs pas bya rog gi sgro zhes bya ba la sogs pa ste/ bya rog ni bya rog chen po'o/ /smyu gus ni bsad pa dang / dbye ba dang / bskrad pa la sogs pa bri bar bya zhes pa lhag ma'o/ /nyi ma phyed na ro bsregs sar/ /zhes pa ni ro sreg pa'i sa'i nang du brkos te gzhug par bya'o/ /pad+ma kha sbyor zhes pa ni/ /kha sbyor dang pad+ma'i kha sbyor pad+ma ste/ de las bsad pa dang bskrad pa dang dbye ba'i spyod yul la ni/phru ba la sogs pa'i gyo mo kha sbyor du'o/ /dgug pa ni pad+ma ste bud med kyi thod pa'o/ /gshin rje'i rnal 'byor bdag nyid kyis/ /zhes bya ba ni de der ji skad gsungs pa'i gshin rje gshed kyi gzugs kyis so/ /bzlas te zhes bya ba ni brjod pa'o/ / lho phyogs gnas te zhes bya ba ni lho phyogs su mngon par phyogs pa ste/ drag po'i las kyi dgongs pas 'dir nye bar mtshon par bya ste/ gzhan dag dang gzhan dag gi ltos nas gzhan dang gzhan gyi don du mngon par phyogs pa shes par bya'o/ /las grub nas 'khrul 'khor gnas pa la dgos pa med pas ni rim pa bzhin du dbye ba'i don gsungs pa/zhi ba zhes bya ba ste las grub pa dang dgongs pa nye bar grub nas gang tshe bsrung ba rig par byed pa de'i tshe 'khor lo 'dzin pa yang yi ge bzhi po de dag phyis te gzung bar bya'o zhes pa ni man ngag go//lhag ma zhes pa ni yi ge bzhi po phyis pa las gzhan dag go/ /ji ltar bde bar zhes pa ni ji ltar 'dod par byed pa'am gzhan par bya'o/ khri zhes pa ni stong phrag bcu'o/ /ye shes rdo rje zhes pa ni gzung ba dang 'dzin pa dang bral ba'i sems kyis te grib ma dang sgyu ma lta bu'i rnam pas so//gshin rje gshed kyi rnal 'byor gyis/ /zhes bya ba ni de lta bu'i gshin rje gshed kyi gzugs kyis so/ /yi ge bzhi po 'di dag dbye bar bya ba ci'i phyir zhe na/ gsungs pa/ 'khrul 'khor 'di zhes pas so/ /bris nas zhes pa 'di yi ge thams cad gzhag pa na'o/ /'khor lo bri ba'i sngar gyi rim pa ni go rims kyis te 'khor lo sngar rim mo//tra to a ta ra da ni bris pa'i sgra las dbye ba'o/ /ga tri ba ni ro tsa na la sogs pa ste/ de na bri ba'o/ /'khrul 'khor gyi rim pa bri ba'i don ro tsan la sogs te gang la de ston pa'o/ /mngon par 'dod pa'i don yongs su bcad pa can ni le'u ste/ngag gi tshogs pa la yang ngo / /le'u lnga pa'i bshad pa rdzogs so// //phyag rgya 'tshol ba'i bsgom pa las ni dngos grub dang sgrub pa po med pa zhes bya ba ste/ bstod pa sngon du 'gro ba'i gsol ba gdab pas phyag 'di 'du ba'i don du gsungs pa/ de nas bcom 'das zhes bya ba la sogs pa ste/'dis zhes bya ba ni sngar gsungs pa'i/ gti mug rdo rje'i rang bzhin khyod/ /ces bya ba la sogs pas so/ /zhe sdang zhes bya ba ni zhe sdang bar byed pa dang rab tu gsal bar byed pa'o/ /rang rang phyag rgya zhes pa ni rang rang gi de bzhin gshegs pa rnams kyis so/ / dkyil 'khor gyi ni lha kun gyi/ /zhes pa ni dkyil 'khor gyi bdag po yangs pa las dkyil 'khor gyi lha thams cad yongs su rnyed pa'o/ /kun gyi zhes pa ni gzhung las lhag pa ste/ des ni dkyil 'khor gyi bdag po gzung ngo / /gshin rje gshed ces pa ni le'u dang por mi bskyod pa la sogs pa lnga bshad pas so//de lta bas na zhe sdang dang gti mug dang phra ma dang 'dod chags dang phrag dog dang gshin rje gshed rnams la rim pa ji lta bas mi bskyod pa dang rnam par snang mdzad dang / rin chen 'byung ldan dang / snang ba mtha' yas dang / don yod grub pa rnams dbu la bsgom par bya'o//tsartsi ka dang / phag mo dang / dbyangs can ma dang / gau rI ma rnams kyi dbu la mi bskyod pa dang / rnam par snang mdzad dang / snang ba mtha' yas dang / don yod grub pa rnams rim pa ji lta ba bzhin no/ /tho ba dang dbyug pa dang pad+ma dang ral gri gshin rje gshed rnams la ni/ mi bskyod pa dang /rnam par snang mdzad dang / snang ba mtha' yas dang / don yod grub pa rnams kyis so/ /rtag tu dkyil 'khor ni 'khor lo'i lha rnams so/ /bri bar bya zhes pa ni bsgom par bya'o/ /sbyin sreg ces bya ba ni nang gi bdag nyid can gyis te gsungs pa'i bdud rtsi myang ba'i cho ga'i rigs pas so//dgang zhes pa ni lha'i bdag nyid can gyi gzugs tshim par byed pa'o/ /dam tshig rnams la zhes pa ni go ku da ha na la sogs pa rnams so/ /bsgrub par bya zhes pa ni ji ltar gsungs pa'i bdud rtsi myang ba'i cho gas bza' bar bya'o/ /sdom pa zhes bya ba ni nges par bya ba ste/de yang dkyil 'khor bzhengs pa la sogs pa can nyid do/ /dang po la ni dbu rgyan dbang / /zhes pa ni dkyil 'khor du zhugs nas chu'i dbang gi rjes la dbu rgyan gyi dbang gis so/ /ral gri zhes pa ni rdo rje'i dbang bskur ba'o/ /rdo rje dril bu dang zhes pa ni dril bu'i dbang bskur ba'o//zla ba bzang ba bzhi zhes bya ba ni/ ming gi dbang dang rigs gsum gyi dam tshig dang / rdo rje slob dpon dang / rdo rje brtul zhugs dang / dbugs dbyung ba dang / lung bstan pa dang / rjes su gnang ba'i rjes la ste thabs dang shes rab kyi dbang bskur ba yang gzung bar bya'o/ /nag po ni rdo rje sems dpa' yis ni gshin rje gshed nag po'i rgyud las/rdo rje sems dpa' nyid la nag po zhes bya'o/ /dbang bskur ba'i dgongs pa bstan pa'i don du gsungs pa/ dbang 'di dag gis zhes bya ba la sogs pa ste tho ba zhes pa ni rnyed pa'o/ /rgyal ba'i sras ni byang chub sems dpa'o//bya ba byed pa thams cad kyi sngon du 'gro ba can ni gtor ma yin pas/ gtor ma'i cho ga bstan pa gsungs pa/ de nas sngags ni zhes bya ba la sogs pa ste/ /'byung po kun zhes bya ba ni 'byung por gyur pa thams cad de dbang po la sogs pa rnams so/ /de yang rang gi lha'i rnal 'byor gyi lta stangs kyis lus rnams thal bar bya ste/rang gi snying ga'i sa bon las 'od zer spros pa'i bdud rtsis yang dag par reg pas yud tsam gyi rnal 'byor gyi bdag nyid dang 'dra ba'i lha'i rnam par rdzogs pa'o/ /de rnams kyi gtor ma ni nye bar mchod pa'o/ / lugs ni byed pa ste/ sngags brjod pa'o/ /ji ltar gsungs pa'i bdud rtsi myong ba'i rim pas bdud rtsi lnga ru bskyed la/ lha rnams de dag gi lce'i 'od zer gyi sgu gus bdud rtsi de dag nye bar longs spyod do/ /de nas ni mngon par 'dod pa'i 'bras bu grub pa'i rjes la sngags de nyid gsungs pa/oM in+d+ra ye zhes bya ba la sogs pa ste/ des ni lha rnams kyi phyir lag pa g.yas pas gnas de dang de rnams su spos btul zhing lag pa g.yon pas dril bu dkrol bar bya'o/ /'di lta ste/ g.yas dang g.yon gyi gnas dang / lte ba dang / snying ga dang / brla'i gnas dang / mgrin pa dang /kha dang / g.yas pa'i sna bug dang / rna ba g.yon pa rnams su/ mig gnyis dang mtshog ma ste thams cad kyi gnas su lan gsum gsum du dgrol bar bya'o/ /de nas yang lte ba dang / snying gar ci bde bar ro/ /yang chang 'thung ba'i dus su rang gi lha nyid tshim pa'i don du gsungs pa/byas nas ni zhes bya ba la sogs pa ste/ gru gsum ni zur gsum lag pa g.yon pa'i srin lag gis g.yon du bskor bar bya zhes man ngag go/ /ji ltar gyur zhe na/ gsungs pa/ bi dang zhes bya ba la sogs pa ste/ bshang gci la sogs pas bya zhes pa'i don to/ /chu zhes pa ni byang chub sems sam chang ngo //bshang ba la sogs pa med na myos byed tsam gyis bya'o zhes pa ni man ngag go/ /tshim par bya zhes pa ni/ de rnams kyi dkyil 'khor pa la lag pa g.yon pa'i srin lag gis tshim par byas te/ oM dze sha dza ma ri ye swA hA/ zhes bya ba la sogs pa rnams kyi rim pas so//kyang zhes pa ni lha rnams kyi 'khor lo ma lus par tshim par byas pa'i rjes la'o/ /dran par byed pa ni rjod par byed pa'o/ /le'u bzhi pa dang ldan pa ni 'khor lo bri ba'i mdor bstan pa tsam byas te/ de nas de dag bri ba'i don du gsungs pa bya ba ni zhes bya ba la sogs pa ste/ bya ba zhes pa ni 'bri ba ste/ri bo na la sogs pa rnams so/ /dkyil 'khor rim gsum zhes bya ba ni dang po'i dkyil 'khor la dkyil 'khor gnyis pas bskor bar bya zhing gnyis pa la yang gsum pas so/ /brgyad dang bcu gnyis bcu drug pa/ /zhes pa ni dkyil 'khor thams cad kyi nang du ni re'u mig brgyad pa rnams dang /dkyil 'khor gnyis pa la bcu gnyis pa dang / dkyil 'khor gsum pa la bcu drug pa rnams so/ /de la dkyil 'khor gsum char la khyab pa'i dbu ma las cung zad kyi mtha' gnyis su shar nas zhugs pa'o/ /nub tu ri mo gnyis drang par bya'o/ /de bzhin du byang nas zhugs te/ri mo gnyis drang bar bya'o/ /de dag thams cad kyi nang gi dkyil 'khor gyi dbu ma'i re'u mig bor ba dang / re'u mig brgyad du gyur to/ /dkyil 'khor gnyis pa'i mtshams kyi cha rnams su ri mo re re sbyin par bya'o/ /de dag gis ni gnyis par yang re'u mig bcu gnyis su gyur to//dkyil 'khor gnyis pa'i mtshams su gnas pa'i ri mo'i mgo bo nas brtsams te logs gnyis nas ri mo gnyis bri bar bya'o/ /de lta bu sa ni zlum por bskor bar gsum pa la yang le'u tshe bcu drug tu gyur to/ /dgod par bya zhes pa ni thams cad kyi nang zlum por bskor ba la'o//sngags zhes pa ni de bzhin gshegs pa lnga lnga'i sa bon gyi yi ge rnams te dbus su ya ste zhes bya ba la sogs pa'i rjes kyi tshig gis so/ /de yang mtshams bzhi po bor te lhag ma re'u mig lnga po dag go/ /re'u mig bcu gnyis zhes bya ba ni dkyil 'khor gnyis pa dag gi'o//de la sgo skyong la sogs pa rnams kyi yi ge bcu gnyis pa rnams so/ /sngags dgod pa'i dgongs pa gsungs pa/ grub pa zhes bya ba la sogs pa ste/ ma lus lus pa med par zhes bya ba ni 'jig rten dang 'jig rten las 'das pa la ltos pa'o/ / rgyu dang mi rgyur bcas pa ni snod dang bcud du bcas pa'o/ /dang po dang gnyis po'i zlum por bskor ba la sa bon bskor ba'i tshigs su bcad pa bskor ba gsungs pa/ ya ma rA dza zhes pa la sogs pa ste yang dgod par bya ba'i tshigs su bcad pa gang yin zhe na/ gsungs pa/ dbus su ya zhes pa ste ya yig ni thams cad kyi nang zlum por bskor ba dang po la'o//k+She zhes pa ni k+She yig go/ /'jam pa'i rdo rje zhes pa ni ma yig go/ /me zhes pa ni me yig go/ /dan da ma ni da yig go/ /mtshams kyi stong pa dag ces pa ni nang gi dkyil 'khor gyi mtshams kyi bzhi bor ba rnams su'o//de dag kyang ci bsgrub bya 'ba' zhig gi ming bri'am zhe na/ gsungs pa/ hUM zhes bya ba la sogs pa ste/ thog ma dang mthar hUM yig gnyis bya zhes bya ba'i don to/ /de lta bu yang drag po'i las ltos nas brjod pa yin la/ zhi ba la sogs pa la ni na ma la sogs pa'i yi ge spel bar rtogs par bya'o//dkyil 'khor gnyis par bri ba'i don du ya tsa zhes bya ba la sogs pa ste/ phyi rol du zhes pa ni dang por bskor ba las phyi rol du ste/ zlum por bskor ba gnyis pa zhes bya ba'i don to/ /g.yon nas brtsams te zhes bya ba ni g.yon pa ste ji ltar legs par gyur pa'o//don ni 'di yin te ji ltar tshigs su bcad pa'i 'byung bar 'gyur ba de bzhin du bri ba'o/ /des na sngon du k+She yig nas brtsams te g.yas nas bskor zhes pa'i don to/ /rim pa gsum pa zhes bya ba ni zlum por bskor ba gsum pa'o/ /mdun du zhes pa ni zlum pos bskor ba gnyis pa la shar phyogs nas bskor ba ste ya yig las gzhan zhes pa'i don to//shar nas zhes bya ba ni shar phyogs nas bskor ba dag ste le'u tshe nas brtsams te g.yas nas bskor zhes pa lhag ma'o/ /d+h+ri ti bi la sogs pa ste/ sngags zhes pa ni/ oM hrIHSh+T+riHwi kr-i tA na na hUM zhes pa'i don to//de yi bar bar nyid dag tu/ zhes pa ni sngags bris pa'i bar dag tu le'u tshe la gnas pa la'o/ /gang bri bar bya zhe na/ gsungs pa/ mo ka zhes bya ba la sogs pa ste/ rab sngags dang po na mo mthar/ /zhes bya ba ni rab sngags dang po dang mthar ni na ma zhes rtogs par bya'o//rab sngags ni oM yig ste gang gi dang por rab sngags 'di'o/ /oM hrIHSh+T+riHwi kr-i tA na na hUM zhes pa'i don to/ /sngags 'di'i mthar na ma'i sgra bri ba'o/ /mthar zhes pa ni bsgrub bya'i yi ge mthar yang na ma'o/ /de dag ni zhi ba ste/ des na don 'di yin te/ oM hrIHSh+T+riHwi kr-i tA na na hUM/na mo a mu ka s+ya shAn+tiM ku ru na maHzhes bya'o/ /ba shi ta zhes bya ba ni dbang du bya'o/ /bo ShaT ces pa ni rgyas pa'o/ /hUM zhes pa ni bsad pa'o/ /phaT ces pa ni skrod pa'o/ /gzhan yang hUM gi yi ge gnyis byas te hUM phaT ces rtogs par bya'o/ /'di dag gis nye bar mtshon nas gzhan du yang ho zhes pa 'di lta bu dang por bya ste ji ltar rigs par brjod par bya'o//sa bon zhes pa sa bon dang 'dra ba sa bon te/ oM hrIHla sogs pa'i sa bon rnams so/ /tha mar zhes pa ni tha mar ram lhag ma ste bsad pa'o/ /hrIHzhes pa ni dgug pa'o/ /zhi ba dang skrod pa la sogs par byed ces pa'i don to//bsrung zhing 'khor lo rnam par bri ba la bsrung ba ni zhi ba'o/ /'di dag nye bar mtshon pa ste/ de'i don gyis na 'khor lo ste 'khrul 'khor gnyis so/ /de'i rnam pa bri ba ni/ yang dag pa'i rim pa nyid kyis nges par byas na 'di la yang de bzhin du'o/ /le'u drug pa'i bshad pa rdzogs so// //sngar ma gsungs pa'i dkyil 'khor pa'i rnal 'byor ma bzhi'i zhal la sogs pa bstan pa'i don du gsungs pa/ zhal gsum zhes bya ba la sogs pa ste/ phyag na 'khor lo zhes pa 'dis gti mug gshin rje gshed kyi phyag mtshan gyi gtso bo 'dzin pa'i phyir mtshan ma zhes gzhan dag zhal yang gti mug gshin rje gshed dang 'dra ba'o//dgos pa bstan pa'i don du khrag dgug pa zhes bya ba la sogs pa ste sbyor ba las shes pa'i rab tu sbyor ba'i spyod yul las so/ /rdo rje phag gdong ma'i zhal la sogs pa'i don du zhal gsum zhes bya ba la sogs pa ste mgo na zhes pa ni phag gi gdong pa can no//phyag na rdo rje zhes pa 'dis rim pa ji lta ba bzhin du 'di yang zhe sdang gshin rje gshed dang 'dra ba'o/ /dgos pa bstan pa'i don du chang dgug pa zhes bya ba la sogs pa'o/ /rdo rje dbyangs can ma'i zhal la sogs pa'i don du zhal gsum zhes bya ba la sogs pa ste/pad+ma dmar po 'dzin zhes bya ba 'dis kyang rim pa ji lta ba bzhin du 'di 'dod chags gshin rje gshed dang 'dra ba'o/ /dgos pa bstan pa'i don du gsungs pa/ shes rab 'phel ba zhes bya ba la sogs pa'o/ /rdo rje gau rI ma'i zhal la sogs pa bstan pa'i don du gsungs pa/zhal gsum zhes bya ba la sogs pa ste/ 'di lta bus kyang phrag dog gshin rje gshed kyi zhal dang / sku mdog gtsor bstan pa las/ 'di yang phrag dog gshin rje gshed dang 'dra ba'o/ /dgos pa bstan pa'i don du gsungs pa/ khu ba dgug pa zhes bya ba la sogs pa'o//tsartsi ka'i dgos pa bstan pa bshad pa'i don du gsungs pa/ de nas yang zhes bya ba la sogs pa ste/ khrag dgug ces pa ni gang gis khrag 'gug par byed pa de lta bu'o/ /de nyid ni rdo rje ste mi phyed pa'i phyir ro/ /de yang rdo rje tsartsi ka'i gzugs te der sems gcig pas na de nyid ting nge 'dzin to//kha gdangs pa dag byas pa ni/ /zhes bya ba ni lce la dzaHyig dmar po bltas te/ de'i 'od zer rnams las srin bu pad+ma'i rnam par song ste/ bsgrub bya'i snying phug ste de'i khrag rnams srin bu pad+ma'i rnam pa des bkug nas rang gi khar zhugs par nga rgyal brtan par bya zhing sngags brjod pa dang ldan pa'o//khams gsum ni 'jig rten gsum pa'o/ /khrag chen po ni khrag gi tshogs so/ /chang 'gug pa'i rdo rje zhes bya ba ni sngar bzhin pa'i rdo rje phag mo'i gzugs te/ 'dir gsungs zhes bya ba ni gsungs nas so/ /chang gzhag pa'i snod gsungs pa/ rdza mkhan lag pa phyis pa'i sa//zhes pa ste kham pa'i snod byas pa'i rjes la lag pa phyis pa byas te gang 'jim pa rdza mkhan gyis bor ba de las so/ /nye bar byas la zhes pa ni ring thung gi tshad khru gang la kha'i zheng du mtho gang pa lto che ba der chang blugs la snod chung ba gzhan zhig dang ldan pas kha bcad pa'o//rkun ma'i skra'i steng zhes pa ni g.yengs pa'i skra las chun po bya ste/ sngags 'dis rjes su drang bar bya/ /zhes bya ba ni chang cung zad myos nas 'ongs te/ snod du blugs nas chang de la dzaHyig dmar po'i 'od zer gyi sbu gus sbubs nas drangs te zhugs nas snod du blugs pa nyid du bsam zhing sngags brjod par bya'o//pa ta na'i mchod rten dag tu bstan pa zhes pa ni/ oM ta de sha zhes bya ba'i gnas na pa ta na'i mchod rten yod pa ste/ der dpa' bo dang dpa' mo'i dkyil 'khor du bcom ldan 'das de dag nyid kyi cho gas 'jig rten gsum gyi chang 'gugs pa'o/ /de ltar yang rdo rje phag mo'i khyim de nyid na chang gi dri zad pa med pa yod do//dal gyis dmigs nas 'bad par bya/ /zhes pa ni pha rol gyi spyod yul ma yin te mi smra bas so/ /shes rab kyi pha rol tu phyin pa rdo rje zhes bya ba ni rab tu rnam par 'byed pa ste/ gzung ba dang 'dzin pa'i dngos po med pa'i ye shes ni shes rab bo//de'i phyi rol na chos thams cad bdag med pa'i gnyis su med par shes pa'i mtshan nyid can no/ /phyin pa ni blo ste des na shes rab kyi pha rol tu phyin pa'o/ /de nyid mi phyed pas na rdo rje ste dbyangs can ma'i gzugs so/ /ting nge 'dzin zhes pa ni sngar gyi bzhin no/ / gzugs 'dis kyang brtsams pa la zhugs te zhag so sor bzla bar bya'o/ /oM rA ga ra ti zhes pa'i sngags ni sngar gyi bsnyen pa'i yi ge 'bum bzlas par bya'o/ /rdo rje dbyangs can ma'i gzugs nyid kyi thams cad la bya'o zhes pa ni man ngag go/ /tshes kyi dang po nas bzung ste/ /zhes pa ni dkar po'i tshes nas bzung ste/dus nam gyi tshe zhe na/ gsungs pa/ ji srid ces bya ba la sogs pa ste gang cung zad brjod pa kun te yang dag par 'dus byas pa de nyid kyis so/ /de nyid kyi phyogs la yang ci nyin zhag de nyid la yang dag par 'dus pa de nyid dam zhe na/ gsungs pa/ ji srid zla ba'i rjes su 'jug pa zhes pa ste/ gang gi tshe zla ba shar ba dang der mngon par phyogs pa'o/ /mi nus na mdun du snod chus bkang la zla ba'i gzugs la blta zhes pa ni man ngag go/ /ma lus lus pa med pa ni/ /zhes pa ni 'jig rten dang 'jig rten las 'das pa'o/ /khams gsum ma lus pa zhes pa ni 'jig rten gsum po kun kyang dbang du gyur zhes bya ba'i don to//khu ba 'gug pa la sogs pa ni snga ma bzhin no/ /rdo rje gau rI'i gzugs la zhes pa'i don to/ /rlung dang dril bu lcags kyu sbyor/ /zhes bya ba ni/ oM ka ta ni zhes bya ba la sogs pa'i sngags brjod pa ste/gang gi tshe dzaHyig gsum brjod par byas pa de'i tshe lce la dzaHyig dmar po'i 'od zer dang bcas pa'i 'byung ba'i rlung lcags kyu'i rnam pas nang du sbu gu'i rnam pas khu ba bkug ste khar zhugs pas blta bar bya'o/ /de'i tshe gang nas 'ong zhe na/ sngar gyi dang sbyar bar bya ste kha gdong zhes pa ni b+ha ga'i lam nas so/ rdo rje'i lam nas zhes pa ni pho'i dbang po'i bug pa nas so/ /don ni 'di yin te lam de nas rlung dang dril bu lcags kyu'i sbyor ba 'di rab tu zhugs te mgo bo na gnas pa'i khu ba'i tshogs haM yig las bkug cing drang bar bya'o//bzlas dang bsgom pa zhes pa ni sngags bzlas pa dang lhar bsgom pa'i sbyor ba las so/ /gshin rje 'joms pa zhes bya ba ni nyon mongs pa ste zhe sdang gshin rje gshed kyi gzugs so/ /dbang bskur ba'i mchog ces pa ni sems can rjes su bzung ba la phul du gyur pas na mchog go//dbang bskur ba ni dbang gi rgyur gyur pa'i phyir ro/ /de'i dam tshig sngags te des na dbang bskur ba mchog gi dam tshig go/ /dkyil 'khor du zhugs pa'i don du me tog sbyin pa'i sngags so/ /don ni 'di yin te/ slob ma la mig ras bkab la dkyil 'khor khang pa'i phyi rol du yol ba phug ste/u dum+WA ra zhes bya ba la sogs pa'i sngags kyi tshig 'dis lag par me tog sbyin par bya'o/ /me tog dor ba'i rjes la/ chu dang dbu rgyan gyi dbang sbyin pa dang / gang gi tshe rdo rjes dbang bskur ba de'i tshe khams gsum chen po'i la sogs pa'i sngags 'dis sbyin par bya'o/ / rdo rje dril bu'i dbang bskur ba gsungs pa/ shes rab thabs zhes bya ba la sogs pa ste/ rdo rje khyod kyis bya ba ni de bzhin gshegs pa lnga'i ngo bo ni khyod do zhes dbugs dbyung ba sbyin par bya'o/ /slob ma bsdu ba nyid du gyis/ /zhes bya ba ni rjes su gnang ba'i sbyin pa'o/ /thabs dang shes rab las byung ba'i byang chub sems bza' ba'i sngags gsungs pa/btung ba rin po che 'dis ni/ /rdo rje'i lus ni rab grub pa/ /zhes pa'o/ /btung ba'i gnas skabs las dkyil 'khor du 'jug pa'i dam tshig gi chu btung ba'i don du gsungs pa/ 'thung zhig ces bya ba la sogs pa'o/ / don chen po'i rgyu'i phyir dang mi gtsang ba bsal ba'i don du gsungs pa/ /shin tu dga' ba zhes bya ba la sogs pa ste/ bdag nyid che zhes bya ba ni yon tan chen po zhes pa'i don to/ /le'u bdun pa'i bshad pa rdzogs so// //sngon du gsungs pa'i gsol ba btab pa'i rjes la/dkyil 'khor bri ba'i don du sa gzhi yongs su gzung ba gsungs pa/ de nas rdo rje 'dzin zhes bya ba la sogs pa ste/ bgegs dang log par 'dren pa dang gdug pa can dag ces pa ni lus dang dag dang yid kyi dbye ba las so/ /brlag pa'i phyir ni bsal ba'i phyir ro/ /gsungs pa ni sngags zhes pa lhag ma'o//ral gri 'chang zhes pa ni nye bar mtshon nas 'khor lo dang / rin po che dang / pad+ma dang / rdo rje rnams byin la/ lnga char la yang sngags 'di brjod par bya'o/ /de ltar ral gri nye bar mtshon nas gcod par byed pa 'gegs par byed pa'o/ /rigs pa gsum las skyes pa ni/lus dang ngag dang yid las yang dag par byung ba'o/ /sa'i lha dgug pa'i don du lha mo khyod ni zhes bya ba la sogs pa ste/ sangs rgyas thams cad pa zhes bya ba ni drug pa'i don gyi gnyis pa'o/ /dpang du gyur zhes pa la dpang po ni legs pa mthong ba'i lam du gsungs pa/de la yod pas dpang po'o/ /dkyil 'khor du gzhug pa'i dam tshig dang bya ba gsungs pa/ dmar po'i gos kyis zhes pa ni ras kyis so/ /mdun sgor zhes pa ni shar sgor ro/ /dri ba brjod ces pa ni slob ma zhes pa lhag ma'o/ /brjod pa yang slob mas zhes pa lhag ma la'o//gsol ba gdab ces pa ni slob mas te/ ras sam dar dmar pos gdong dkris la me tog bzung ba'i rjes la'o/ /gsum pa zhes pa ni lan gsum du'o/ /rjes su brjod pa ni gsol ba gdab par byed pa ste/ sangs rgyas zhes pa ni chos dang gang zag thams cad la bdag med par rtogs pa las chos kyi sku'i rang bzhin rnams kyis so//chos chen po zhes pa ni longs spyod rdzogs pa dang sprul pa'i skus te de dag gi sgo zhes pa'i don to/ /rdo rje sems dpa' zhes bya ba la rdo rje ni bla na med pa'i byang chub po/ /de la sems dpa' ni gang la bsam pa yod pa de lta bu'i don ni rdo rje sems dpa' zhes pa'i don to//bdag kyang bsgral ba'i don du zhes pa ni bdag ni rang nyid do/ /bsgral ba ni bsrung ba'o/ /mchog ni mngon par 'dod pa'i don te dbang bskur ba zhes pa'i don to/ /bdag gi ni bdag la'o/ /de'i rjes la slob ma'i bya ba gsungs pa/ glu dang rol mo zhes bya ba la sogs pa ste/ bstod ces pa ni/ gti mug rdo rje'i rang bzhin khyod/ /ces bya ba la sogs pa'o/ /stong pa nyid bsgoms pa'i rjes la/ brjid pa gsungs pa/ oM shU n+ya tA zhes bya ba la sogs pa ste/ de'i don rnam par dpyad pas ci dgos she na/ nye bar brjod pa de nyid 'bras bur gsungs pa'o/ /rab tu gnas pa dang / slob ma'i bya ba la sogs pa'i dman pa'i skyon bsal ba'i don du sbyin sreg gsungs pa/ de nas sbyin sreg ces bya ba la sogs pa ste/ rgyas pa'i sems kyis zhes pa ni bu ram dang 'o ma zos pa'o/ /'dod pa ni chags pa'o/ /khro bo ni khro bo dang bcas pa'o/ /dkyil 'khor rnam pa ni thab khung zlum po'o//rdzing bu'i rnam pa ni gru bzhi pa'o/ /nam mkha'i khams 'dra ba ni gru gsum mo/ /rgyar bstan pa'i don du gsungs pa/ khru gang zhes bya ba la sogs pa ste/ ji ltar rgyas pa de bzhin dbang / /zhes pa 'di yang khru gnyis pa nyid do/ /sor nyi shu zhes pa ni sor nyi shu'i tshad do/ /thab khung rnams kyi zabs gsungs pa/khru phyed ces bya ba la sogs pa ste/ lnga gnyis zhes pa ni sor bcu'o/ /dbang la ji ltar de bzhin dgug pa yang dbang gi thab khung dang mthun par ro/ /rengs pa la ma gsungs pa la yang rgyas pa'i thab khung dang 'dra ba yin te lha'i rnal 'byor dang mtshungs pa'i phyir ro/ / de bzhin du bskrad pa dang dbye ba dang bsad pa rnams kyang thab khung 'dra bar shes par bya'o/ /nyi ma'i nges pa bstan pa'i don du gsungs pa/ tshes gcig ces bya ba la sogs pa ste/ bcu bzhi ni nag po'i'o/ /mngon spyod ni dbye ba dang bskrad pa dang bsad pa'o/ /tshes brgyad ni dkar po'i 'o/ / 'dir man ngag ni 'di yin te/ dran pa med cing nus med pas/ /gang zhig cho ga dman gyur na'ang / /rab gnas la sogs rjes la ni/ /sbyin sreg kun nas dgang bar bya/ /bsgrub bya du ma'i dbye ba yis/ /sbyin sreg dbye ba'ang mang por 'gyur/ /gzhung mangs dogs pa'i 'jigs pa yis//'dir ni phyogs tsam brjod pa'o/ /sngags dang phyag rgya bcas pa yis/ /dang por sa ni sbyang ba ni/ /lag pa g.yas pas gzung bya zhing / /de rjes rdo rje bsgoms te brdeg /oM ha na ha na kro d+ha hUM phaT/ thab khung khru gang tshad du brko'o/ /brkos pa khru phyed thabs su gyur/ /de las gzhi dang kha khyer te//gzhi ni ge sar bcas par bya/ /kha khyer pad+ma kha bye ba'o/ /chu dang zheng du kun du mnyam/ /so sor sor ni bzhi pa'o/ /rgyas pa bzhi ni sor brgyad do/ /de dor 'phangs su sor brgyad de/ /sor brgyad pa la gru bzhi ste/ /mu khyud rdo rjes mtshan pa'o/ /dbang dang dgug pa la ni rgyas pa bzhin du'o//zla ba phyed pa'i rnam pa'o/ /drag po las kyi thab khung ni/ /gzhi dang kha khyer spangs pa'o/ /thab khung de dag gi dbus su ni 'khor lo dang / rin po che dang / pad+ma dang / ral gri dang / rdo rje ste/ dbus kyi 'phangs su sor gcig la chur sor brgyad pa bri bar bya'o//zhi ba'i rdul tshon dkar po dang / /rgyas pa'i rdul tshon ser por bya/ /dbang la dmar po gzhan la gnag/ /las kyi rab tu dbye bas so/ /phyogs dang dus kyi dbye bas ni/ /bden pa'i don du gsungs pa'o/ /phyogs la ji ltar de bzhin dus/ /mkhas pas las ni de der byed/ / sngags pas kha ni shar du phyogs/ /zhi ba las ni yang dag brtsam/ /rgyas pa byang du shes bya ste/ /mngon spyod las ni lho ru'o/ /dbang la nub tu brjod pa ste/ /gang phyir dgug pa la yang ngo / /snga dro zhi ba bya ba ste/ /dgongs mo la yang rgyas pa'o/ /nyi ma gung la drag po'i las//nam phyed la ni dbang dag go/ /sbyin sreg rjes mthun shing rnams ni/ /ma gas pa dang rtse mo'i cha/ /lo ma gnyis ldan dge ba'o/ /las kyi dbye bas bsdus pa ni/ /rgyas pa sor ni bcu bzhi ste/ /zhi ba sor ni bcu gnyis pa'o/ /dbang la sor ni bcu pa ste/ /dbye dang bskrad la sor ni brgyad//de bzhin zhi la sha ka ra/ /dkar po'i 'bras ni ma grugs pa/ /de bzhin dbang dang dgug pa dag /mar dang sbrang dang ka rar bsres/ /me tog dmar po'am ut+pal/ /de bzhin rgyas dang rengs pa dag /me tog ser po mar la sbags/ /de bzhin du bsad pa la ni tsher ma dang /dug dang / ske tshe dang / tshwa dang / shing skam 'khyog po rnams tsha ba'i mar gyis sbags te de rnams sreg par byed do/ /de bzhin du bskrad pa la bya rog chen po'i sgros sbyin sreg bya'o/ /de ltar gzhan dang gzhan dag ni rjes su 'brangs te shes par bya'o/ /'bru dang shing rnams nyid dang ni//mchod yon snod ni g.yas su gzhag /rim pa ji ltar bzhag byas la/ /de kun mngon par bsngags par phye/ /rgyas pas lag pa thal sbyar nas/ /dbus ma gnyis po brkyang byas la/ /thams cad dag par byed pa'i phyag rgya'o/ /oM shrI swA hA/ mar dag par byed pa'i sngags so//oM swa swA hA/ rdzas 'khru ba'i sngags so/ /oM dzrIM swA hA/ 'bru rnams dag par byed pa'i sngags so/ /oM ku ru ku ru swA hA/ rdzas gzhan rnams sbyong bar byed pa'i sngags so/ /oM a swA hA/ yam shing sbyang ba'i sngags so/ /shing ni thab khung las dma' ba/ /thab khung sbyin sreg cha las byung //ku sha ra min rtse rdum min/ /rtse mo shar phyogs kha bstan pa/ /bkram nas yang ni rtse gcig tu/ /kha khyer la ni dgram pa'o/ /tsan+dan a ka ru shing rnams/ /gzhan yang dri dang ldan pa'i shing / /sbyin sreg rnam pas 'bar ba dang / /phyi nas yang ni me dgug bya/ /me yi dbus su bsam bya ba//pad+ma nyi ma'i dkyil 'khor la/ /me yi lha ni spyan gsum pa/ /phyag bzhi zhal ni bzhi pa'o/ /g.yas pa mchog sbyin bgrang phreng dang / /g.yon pa dbyi gu spyi blugs so/ /kha dog las kyi rjes mthun par/ /sa bon raM las bsgom par bya/ /spos snod lag tu bzung byas la/ /oM tshur spyon tshur spyon 'byung po che//lha yi drang srong bram ze mchog /sreg blugs zhal zas bzhes slad du/ /'di nyid du ni nye bar bzhugs/ /dgug pa'i tshigs su bcad pa'o/ /de la mchod yon zhabs bsil dbul/ /de la mchod yon gyi sngags ni 'di yin te/ oM dzaHhUM baM hoHkhaM raM/ zhabs bsil gyi sngags ni/oM nI rI hUM khaM/ bshos gtsang gi sngags ni/ oM d+h+waM d+h+waM/ 'dod pa dngos grub blo nyid kyis/ /dam tshig yang dag brjod par bya/ /oM badzrA na la ma hA b+hU ta dz+wa la ya sarba b+hasmi ku ru/ sarba duSh+Tan hUM phaT/ dr-ish+ya dzaHhUM baM hoHsa ma ya shwaM sa ma ya a haM/ dam tshig sbyin pa'i tshigs su bcad pa ni/lag pa g.yas pa pus mo'i nang du bcug ste bzung ba ni/ dgang gzar blugs gzar dam pa ste/ /sa bon rdo rje'i mtshan dbus bsgom/ /me lha'i sku gsung byin gyis brlab/ /dbu la rin chen 'byung ldan te/ /lce la rdo rje rtse gsum mo/ /sreg blugs bzang po dbul bar bya/ / oM ag+na ye swA hA/ mar gyi'o/ /oM sarba pA paM da ha na badzrA ya sarba pa paM da ha na swA hA/ til nag po'i'o/ /oM puSh+Tu ye swA hA/ 'bras sA lu ma grugs pa'i'o/ /oM sar+b+ba saM pa de swA hA/ 'bras chan zho dang mchog tu gyur pa'i zan gyi'o/ /oM sar+b+ba bi dzA ya swA hA/ 'bras kyi so ba gra ma med pa'o//oM ma hA ba gA ya swA hA/ nas kyi'o/ /oM ma hA ba lA ya swA hA/ sran ma sha'i'o/ /oM badzra g+hasma rI swA hA/ gro'i'o/ /cho ga 'di ni las thams cad pa ste mthun pa'o/ /khyad par du ni las dang rjes su mthun par bsreg rdzas rnams khyad par gyi sngags kyis sbyin sreg bya'o/ /kha dog dri dang rtse mo 'khyil//gzugs sgra sogs pa dge ba ste/ /yon tan gyi ni dge ba yis/ /me la bsreg rdzas bsreg pa zhes/ /zhi ba la ni dkar ba ste/ /rgyas pa la ni ser po'i mdog /dbang la dmar po mngon spyod ni/ /kha dog nag po mchog tu 'gyur/ /dbang po'i gzhu dang 'dra ba dang / /sbyin sreg g.yas su 'khyil pa mchog /rnga yi sgra bzhin zab pa dang / /snum zhing rtse mo gcig tu 'khyil/ /du ba'i tshogs ni mang zhing me stag bcas/ /rim pas langs shing dal bu dal bus te/ /'od zer dum bur chad cing gzi brjid ldan/ /snum med par snang gnag dang bcas/ / la la sha yi mdog 'dra ba/ /rtse mo nyi ma mnyam pa'i mdog /de bzhin ba glang mgo dang mtshungs/ /mi dge mtshan ma yang dag mthong / /de lta bu sogs mtshon pa'o/ /sbyin sreg gi mthar me 'bar ba zhi ba dang / khyad par du gyur pa'i me tog dang / spos la sogs pa'i mchod pa'i tshogs dang /tshigs su bcad pa 'dis gshegs su gsol bar bya'o/ /bdag gi don dang gzhan gyi don/ /bsgrubs te sreg blugs bzhes nas kyang / /ji lta'i dus su yang ni gshegs/ /bdag la dngos grub thams cad mdzod/ /me ni bsad par dkar ba ste//zhi dang rgyas pa'i sgrub pa la/ /chu ni dkar ser dbang sogs la/ /chu ni dmar dang nag po shes/ /oM gi li gi li hUM dza swA hA/ zhes bya ba 'dis thal ba spos dang me tog dang / rnga sgra dang bcas pas chu bo dag tu bskur bar bya'o/ /le'u brgyad pa'i bshad pa rdzogs so// // char dbab pa'i cho ga gsungs pa/ rgya mtsho'i sa zhes bya ba la sogs pa ste/ de'i ma rnyed pa'i phyogs la yang nye bar mtshon pa las te/ chu bo dang / chu klung dang / lteng ka dang / rdzing dang / lum shong dang / khron pa rnams kyi ngos gnyis nas blang bar bya'o/ /klu gcig ces pa ni 'jim pa las pad+ma 'dab ma brgyad pa'i dbus su chu bdag sprul gyi gdengs ka bdun pa/skyes bu'i gdong pa can phyag gnyis pa/ g.yas ral gri 'dzin zhing g.yon pa na zhags pa bsnams pa baM yig las skyes pa'o/ /shar phyogs kyi 'dab ma la mtha' yas ut+pal sngon po ltar sngo bsangs/ lho phyogs na nor rgyas dkar po/nub phyogs na 'jog po dmar po/ byang phyogs na stobs rgyu nag po/ mer pad+ma dmar po/ bden bral du pad+ma chen po dkar po/ rlung du dung skyong ser po/ dbang ldan du rigs ldan sna tshogs so/ /de rnams kyang 'jim pa la nAM gyi yi ge lan bdun du mngon par bsngags te/nAM yig las skyes pa/ snying gar thal mo sbyar pa gzhag la/ sbrul gyi gdengs ka re re dang ldan pa blta bar bya'o/ /oM phu snying gar dgod ces pa ni/ /oM hrIHSh+TIHwi kr-i tA na na hUM hUM/ /sap+ta ba ta la ga ta na nA ga A kaR+Sha ya ha ra dza ya/ phu phu phu phu phu phu phu phu hUM/ de rnams gro ga la bris te/thams cad kyi snying gar gzhug par bya'o/ /hrIHSh+Thil sogs sngags bzlas te/ zhes bya ba ni snying gar bkod pa'i sngags de nyid bzlas par bya ste/ gshin rje gshed kyi rnal 'byor dang ldan zhing bdag nyid khros pa'i sems kyis rgyan thams cad kyang sngon po/ phyogs brgyad na gnas pa'i klu rnams kyi mjug ma dag dbus kyi chu bdun gyis yang dag par mnan zhing /thams cad kyi mgo bo rnams kyang gshin rje gshed kyis mnan nas gnas par blta zhing / klu thams cad kyi gnas rnams su 'bar ba'i gzugs su yang nas yang du blta bar bya'o/ /gshin rje gshed kyi tshogs su gsal ba yi//phyag mtshan sna tshogs pas gzir ba dang ldan pa nyid kyang stong phrag bcur bzlas pa byas pas gdon mi za bar char 'bab par 'gyur ro/ /gzhan dag tu mthong ba yang blangs nas 'di lta bu yang bya ste/ gshin rje gshed kyi dkyil 'khor bzhengs su gsol bar byas la/ de nas rlung gi phyogs su rdzing bu chung ngu bya'o/ /de'i dbus su klu rnams kham phor kha sbyar du gzhug par bya'o/ /glang po che myos pa ni mgo byug /klu gdul bar byed pas ni klu rnams la byug par bya/ ba nag mo'i 'o mas ni kham phor dgang bar bya/ kham phor kha sbyar ni skud pa nag pos bcing bar bya'o//mchod pa dang gtor ma la sogs pa dang / dam tshig kyang bza' zhing drag po'i las kyi tshe bsnyen pa dang ldan par bya'o/ /rgya mtsho'i rlabs rengs pa'i don du gsungs pa/ sbrul nag po'i zhes bya ba la sogs pa ste/ sbrul nag po ni a la gar ta'i sha ste nim pa'i lo ma dang cha mnyam zhes pa lhag ma'o//ril bus zhes pa ni sran tsa na ka'i tshad tsam mo/ /bzlas pa khri byas zhes pa ni rengs pa'i tshogs stong phrag bcu bzlas par bya'o/ /rlabs rengs par byed pa ni gang gi tshe rlabs byung bar gyur pa de'i tshe ril bu gcig bskyur bar bya'o/ / tsan+dan gyi 'bras bu brgya zhes pa ni/ da du ra'i 'bras bu'i nang na gnas pa'i sa bon rnams ni nyi shu lnga ste/ ma sha'i 'bras bu rnams kyang de tsam mo/ /'bras zhes pa ni ma grugs pa'i 'bras sA lu ste/ de yang de dag tsam nyid do/ /de ltar rtsis pas brgya phrag gsum du gyur pa'o/ /'bum phrag brgyad ces pa ni dgug pa'i cho gas 'bum phrag brgyad mngon par bsngags pa ste//brgya phrag gsum zhes pa ni lhag ma'o/ /sbyin sreg la ni lha zhes pa ni/ dgug pa'i rim pa tsam na ci co dang / 'bras sA lu rnams re re blangs pa las bsdoms pas sa bon rnam pa gsum mo/ / sbyin sreg ni bsreg rdzas kun nas bsreg pa'o/ /lha zhes pa ni bcom ldan 'das gshin rje gshed nag po nyid de/ des nye bar mtshon nas gang yang rung ba'i ming gis sbyin sreg byas pas de nyid mthong bar 'gyur ro/ /mthong ba nyid ni mngon par 'dod pa'i dngos grub bo//yog pa'i shing zhes pa ni/ shi ba'i ro la bsregs pa'i phyed tsam tshig pa dkrugs pa'i shing bu'i sol ba'o/ /smyon pa'i khu ba dang btags zhes bya bar 'brel lo/ /gri zhes pa ni dbang du bya ba'i cho gas stong phrag bcu bzla bar bya'o/ /de ltar lhan cig tu bsgrubs nas gang gi tshe dgos pa de'i tshe gang la bltas pa de dbang du byed par 'gyur ro//rtsa sngags 'bum phrag bzhi bzlas zhes pa ni gti mug gshin rje gshed kyis te zhi ba'i cho ga la zhes pa'o/ /ming sbyin pa sngar ma mthong ni mthong ba zhes te bzlas par bya'o/ /de ltar byas na gang yang rung ba la sbrul gyis zin pa de la lan bdun mngon par bsngags pa'i yungs kar mngon par brdeg par bya'o//ri gshong sa ni blangs la zhes pa ni gang yang rung ba'i ri gshong nas sa'i cha dkar po'i dum bu la rang gi lag pas mnan te/ sa 'og bzhin du kun la mthong bar gyur pa'i bar du ste/ zhi ba'i cho gas mgo nad ces spel ba'i sngags kyis mngon par bsngags par bya'o//ma 'ongs pa'i dus su yang ji srid nam mkha'i mthar thug gi bar du blo brtan pas byin gyis brlab pa byas 'jim pa des de nas mgo nad can gang yang rung ba'i mgo la byug par bya'o/ /des mgo nad nyams par byed do/ / lan bdun mngon par bsngags zhes pa ni zhi ba'i cho gas so/ /lag pa zhes bya ba ni lag par zla ba'i dkyil 'khor bsgoms pa las ba mo lta bu'i char pa'i rgyun gyis so/ /'byung mi 'gyur zhes pa ni ma 'ongs pa'i dus su yang skye bar mi 'gyur ba'o/ /nyams par byed ces pa ni bskyed zin pa yang zhi bar byed pa'o//tshar bcad pa bstan pa'i don gsungs pa/ bram ze zhes bya ba la sogs pa ste/ thal ba zhes bya bas ni sol bas so/ /dur khrod sa zhes bya ba ni 'jim pa dag gis so/ /gzugs brnyan ni ji ltar 'dod pa'i tshad tsam lhag ma'o/ /rdo rje chen po ni rtse mo lnga pa'i rdo rje'o/ / a pa s+ya bya ni g.yon pa'o/ /N+r-i mgo ni mi'i mgo bo'o/ /cher 'jigs pa ni 'jigs par byed pa can de zhal rnam par 'gyur ba la sogs pa rnams kyis so/ /bdud rtsi dang sha lnga pos/ /zhes bya ba ni/ sha lnga po dang bdud rtsi lnga po dag go/ /rtag gsol gdab ces bya ba ni de'i rnal 'byor du dmigs la/oM hrIHSh+T+riHwi kr-i tA la sogs pa'i sngags dang / dgra bo'i ming du spel la gsang ba'i cho gas bzla bar bya'o/ /'di skad brjod ces bya ba ni dus myur ba zhes pa'i don to/ /gang yang rung ba'i nyin zhag la zhes pa'i don to/ /tshar bcad pa gzhan dag bstan pa'i don du gsungs pa/ 'dra'i zhes bya ba la sogs pa ste/ rnam par snang mdzad ni bshang ba'o/ /mi'i rkang sbubs zhes bya ba ni bcangs pa'i rjes rang gi thur ma'i sbu gu'o/ /'bum bzlas zhes pa ni dgra'i ming dang spel ba sngar gyi'o/ /bskrad pa la ni bsgom pa ste/ 'khrul 'khor dang bral ba nyid kyis bzlas par byas nas so//shing gi rtser zhes pa ni sarko ta'i shing ngam ba ru ra'i shing gi rtse mo la'o/ /mnyes zhes pa ni gang de shing las thab la rnam par snang mdzad bsams te/ rkang sbubs mar 'ba' zhig gis bkang nas dgra la zhi ba'i cho ga bya ste/ stong phrag brgyad cu bzlas pa byas na de'i tshe de bde bar 'gyur ro//gshin rje 'jigs pa zhes bya ba ni gshin rje 'jigs pa gong du ston pa de yang de bzhin no/ /le'u dgu pa'i bshad pa rdzogs so// //sngar gyi le'u ro langs sgrub pa'i cho ga mdor bstan pa'i don bshad pa'i don du gsungs pa/ shing la zhes bya ba ni gags pa ste/ shing la dbyangs pa zhes bya ba ni bsgegs pa'o//ma god ces bya ba ni dman pa ma yin pa'i lus so/ /yan lag go/ /rma med ni mtshon gyis ma brgyab pa'o/ /legs pa zhes pa ni ma rul ba'o/ /khrus zhes pa ni dri bzang pos zhes lhag ma'o/ /gzhan yang ro'i snying gar rang gi snying ga'i sa bon las 'jigs pa'i yi dags bkug pa ste/lag pa ni gri gug dang thod pa can rab tu bcug ste/ me tog dang spos dang byug pa la sogs pas kyang mchod pa byas la de gan rkyal du byas la de'i steng du bsngags te de ru bzlas pa zhes pa'o/ /oM hrIHSh+T+riHwi kr-i tA na na hUM hUM/ kwe yi dags bdag gis mngon par 'dod pa'i dngos grub stsol cig hUM/brtul zhugs can zhes pa ni dpal gshin rje gshed kyi rnal 'byor dang ldan pas so/ /dngos grub kyi mtshan ma bstan pa'i don gsungs pa/ e ma'o zhes bya ba la sogs pa ste/ 'o dod 'bod pa ni rnam par 'gyur ba'i sgra'o/ / 'jigs pa med pa las cir 'gyur ba gsungs pa/ gang dang gang gis zhes bya ba la sogs pa ste/ gang bslangs pa zhes pa de ni sems kyis byed pa ste ral gri dang mig sman dang rkang mgyogs la sogs pa'o/ /bcom ldan 'das mgon po dpal gshin rje gshed po'i gzugs kyi don dang 'jim pa las 'dus bya bar bstan pa gsungs pa/ma he'i sha'i zhes bya ba la sogs pa ste/ gzugs zhes bya ba ni gzugs kyi don du 'jim pa bya ba'o/ /che ge mo de dag la stsol zhes bya ba ni de'i pha dang de'i ming dag rab tu spel te/ de nas oM hrIHSh+T+rIHwi kr-i tA nan hUM hUM/ che ge mos bdag la stsol cig hUM/de ltar stong phrag bcu bzlas pa bya ste/ de bslangs pas de ster ro/ /mi ster bar gyur na de sdug bsngal bar gsungs pa/ gshin rje gshed po zhes bya ba la sogs pa'o/ /sngar ma gsungs pa'i tho ba gshin rje gshed la sogs pa sgo skyong bzhi'i zhal la sogs pa gsungs te/zhal gsum zhes bya ba la sogs pa bya ste/ thams cad kyang zhe sdang gshin rje gshed kyi gzugs la/ khyad par ni rdo rje'i gnas su tho ba'o/ /de ltar gti mug gshin rje gshed dang 'dra ba ni dbyig pa gshin rje gshed de khyad par ni 'khor lo'i gnas su rdo rje'i dbyug pa'o//de ltar pad+ma dang ral gri gshin rje gshed kyang 'dod chags dang / phrag dog gshin rje gshed thams cad kyi bdag nyid dang 'dra'o/ /ji ltar sngar gyi rim pas mngon par byang chub pa rnam pa lnga'i rjes la/ lha bsgom pa gsungs pa/ b+ha gar ling+ga rnam par bsgoms/ /zhes pa la/b+ha gar ling+ga ni phul du gyur pa'i rnal 'byor las sa bon gyi yi ge rnam par bsgom pas skyes pa'o/ /don ni 'di yin te/ rang dang 'dra ba la snyoms par 'jug pa rdo rje sems dpa' gshin rje gshed kyi kha ru snying ga'i 'od zer gyis sangs rgyas thams cad bkug ste bcug pas zhu bar bya ste/rdo rje'i lam nas lha mo'i pad+ma'i nang du ltung ba'i ya yig bor ba k+She ma med pa la sogs pa sa bon bcu drug po rnams yang dag par spros te gnas ji ltar bkod pa las dkyil 'khor bdag po rnams bsgom zhes pa'o/ /chags pa dang rjes su chags pa shes rab dang bcas pa zhu bar bya ste/yaM gi yi ge yongs su rdzogs pa'o/ /de nas rnal 'byor ma rnams kyis yang dag par bskul bar gyur pa dang dkyil 'khor gyi bdag po zhe sdang chen po gshin rje gshed rdzogs par 'gyur ro/ /zhe sdang rjes dran zhes bya ba ni zhe sdang gshin rje gshed rdzogs par gyur nas so/ / gti mug gshin rje gshed bsgom par bya zhes pa ni sa bon k+She yig las skyes pa'i gti mug gshin rje gshed bsgom par bya'o/ /de ltar gong nas gong nyid du rtogs par bya'o/ /lha'i 'khor lo rdzogs nas spro bar bstan pa'i don du spro bar bya zhes pa la sogs pa ste/ rigs kyi sprin zhes pa ni rang dang 'dra ba'i lha'i tshogs rnams so//so so zhes pa ni so so dang ldan pa'o/ /khro bo bzhi zhes pa ni tho ba la sogs pa bzhi po rnams so/ /gsal ba'i dkyil 'khor ni zla ba'i dkyil 'khor ro/ /le'u bcu pa'i bshad pa rdzogs so// //zhe sdang la sogs pa'i dbye ba'i dgos pa bstan pa'i don du gsungs pa/zhe sdang gis mnan zhes bya ba la sogs pa ste/ gshin rje gshed po ni zhe sdang gshin rje gshed do/ /dam pa'i gzugs ni grib ma dang sgyu ma lta bu'o/ /de bzhin gti mug gis mnan zhes bya ba la sogs pa yang 'dis rtogs par bya'o//sna tshogs pa'i gzugs kyang blos dbyer mi phyed par bya ba'i phyir gsungs pa/ bdag nyid kyis zhes bya ba la sogs pa ste/ bdag nyid dkyil 'khor dang dkyil 'khor pa la sogs pa thams cad du lhag par mos par bya'o/ /thams cad kyang bdag nyid las dbyer mi phyed do zhes bya ba'i don to//rnal 'byor snying ga'i sa bon spro/ /zhes pa ni/ ba spu'i khung bu'i rtse nas spro/ /zhes pa la sogs pa sngar ji ltar gsungs pa de'o/ /de ltar byas pas cir 'gyur zhe na/ dngos grub ces pa ste grub pa'i mtshan ma mthong ba'o/ /de nas zhes bya ba la sogs pa ste/ spyod pa ni dgu ba ste bya ba'i khyad par te de'i mtshan nyid do//ci'i don du zhe na/ gsungs pa/ gshin rje gshed po zhes bya ba la sogs pa ste/ sku gsung thugs su grub ces pa ni gshin rje gshed por gyur zhes bya ba'i don to/ /spyod pa de nyid gsungs pa/ mgon po chen po zhes bya ba la sogs pa ste/gang gi tshe 'dis cho ga de lta bus nus pa dang ldan par byas pa de'i tshe gshin rje gshed kyi dngos grub thob pa'o/ /de yang gang gi dus su bya bar nus she na/ gsungs pa/ nus pa cung zad ces bya ba la sogs pa ste/ skyes pa ni mngon du byas pa'o/ /brgya lam na bsgom pa tsam gyi ji lta ba ma yin no zhes pa'i don to//drug las skyes zhes pa ni drug las skyes pa dang 'dra bas na drug las skyes te ro du ma dang ldan pa sna tshogs kyis chags pa dang rjes su chags par gyur pa zhes pa'i don to/ /nus pa gzhan dag kyang bstan pa'i don du rgyal mtshan zhes pa la sogs pa ste/rgyal mtshan khyams ni dpyangs pa'i mi'o/ /'o ma zhes pa ni sha ste snod la gnas pa'o/ /bdud rtsi myang ba la bsgom pa'i rim pas mngon du zhu bar bsgrub par byas pa'o/ /cho ga ma goms par zhes pa ni bdud rtsi'i cho ga de bzhin du goms par byas pas so//phag mo'i gzugs su bya zhes pas ni/ ji skad gsungs pa'i phag mo'i gzugs su lhag par mos te rang nyid gshin rje gshed kyi gzugs su bsgom par bya zhes pa'i don to/ /de'i rjes la mdor bsdus pa'i gshin rje gshed kyi sgrub pa'i thabs 'bras bu dang bcas pa bstan pa'i don du gsungs pa/de nas zhes bya ba la sogs pa ste/ 'dir yang mchod pa la sogs pa dang / rdo rje gur gyi nang du son pa'i nam mkhar gnas pa'i sna tshogs rdo rje'i bar du thams cad mthun pa'o/ /sa bon ci la 'byung bar bsgom zhe na/ gsungs pa/ yi ge sti zhes bya ba la sogs pa ste/ 'dir don ni 'di yin te/ sna tshogs rdo rje'i nang du re pha las nyi ma dang / de'i steng du sti yig las skyes pa'o/ /ji ltar 'byung zhe na/ gsungs pa/ rdo rje'i dkyil 'khor la gnas pa/ /zhes bya ba la sogs pa ste/ don ni 'di yin te/ ma he'i steng du nyi ma'i dkyil 'khor la gnas pa'o/ /mtshon cha bstan pa'i don gsungs pa/ gang yang cung zad ces bya ba la sogs pa ste/ phyag rnams kyis zhes pa ni phyag rnams kyi'o/ /dbyig pa gshin rje gshed kyi yang phal cher ni phyag brgya pa'i sgrub pa'i thabs nyid bzhin no//khyad par ni 'di nyid kyi sa bon yi ge hri ste/ gdod pa yang mi'i'o/ /ri rab ji ltar mtho zhes pa ni de dang 'dra ba ste ri rab mnyam pa'o/ /zhal rnam par 'gyur ba la yang dbyig pa gshin rje gshed bzhin te/ yang de'i sa bon ni hUM yig ste des thams cad rdzogs pa'o//sngags kyis dub pa zhes bya ba ni rnal 'byor pa'o/ /rnyed sla zhes pa ni kun gyis smad pas na blangs pa dman pa la sogs pa las so/ /ga ro ni bong bu'o/ /kri stu ni ce spyang ngo / /snum chen ni mi'i mar khu'o/ /sngon po ni rams so/ /bsres zhes pa ni rams kyi lo ma'i khu ba dang cha mnyam pa'o//dril phyis bstan pa'i don du gsungs pa/ ro tsa na zhes pa la sogs pa ste/ ro tsa ni rnam par snang mdzad do/ /de'i thog ma dang tha ma'i cha spangs te bar pa blang bar bya'o/ /so phag phye ma zhes bya ba ni chu'i nang du dus ring por gnas pa'i so phag go//phyed mnyam zhes pa ni ro tsa na la sogs pa cha mnyam pa ji tsam gyi tshad tsam du so phag gi phye ma'i tshad ni de tsam mo/ /gser shing ni da du ra ste/ thams cad dus gcig tu byas nas 'dis mnye zhing dril bar bya'o/ /gcig pa chen po ni mi'i dri chu'o/ /btung bar bya ba ni sna nas so zhes pa lhag ma'o//rdo rje bdud rtsi ni byang chub kyi sems so/ /de dag re re zhig nas btung bar bya ba'am zhes gsungs pa/ rang byung me tog btung de bzhin/ /zhes pa ni bud med kyi khrag gis lhan cig bsre ba'o/ /'di nye bar mtshon pa las de bzhin gshegs pa gzhan dag kyang rtogs par bya'o//'di'i sems ni don gsal bar byed pa ni/ le'u phyi mar gtor ma drug cu rtsa bzhi sbyin pa dbyu gu drug cu rtsa bzhi la zhes pas te mkhas pas 'dir rtogs par bya'o/ /le'u bcu gcig pa'i bshad pa rdzogs so// //dkyil 'khor gyi 'khor lo'i glu'i mchod pa bstan pa'i don du gsungs pa/de nas zhes bya ba la sogs pa ste/ skyes bu chen po zhes bya ba la gnyug ma'i longs spyod rdzogs pa'i sku'i bdag nyid pas na chen po yin la/ gang gi phyir kun 'gengs par byed pa de nyid la skyes bu zhes mngon par brjod pas na skyes bu ste/de yang 'gengs pa ni dkyil 'khor gyi 'khor lo'o/ /de'i dam tshig ni gang la nye bar spro ba ste/ de nyid skyes bu chen po'i dam tshig ste dpal rdo rje sems dpa'o/ /tsartsi ka'i rnam pa'i ting nge 'dzin la snyoms par zhugs zhes pa ni/ rdo rje tsartsi ka'i gzugs su byed pa ste de bzhin du gzhan dag la yang ngo //'di brjod do zhes pa ni brjod zin pa'o/ /a de de zhes pa ni a re re'o/ /gshin rje gshed nag ces pa ni gshin rje gshed nag po'o/ /bdag ces pa ni bdag nyid byams pa'i rang bzhin gyis tsartsi ka'o/ /khyod ces pa ni khyod la'o/ /mthong ba ni mthong nas so//'jigs pa ni rab tu 'jigs pas so/ /bla ni bla ma'o/ /thong zhes pa ni yongs su gtang ba'o/ /khros pa'i rang bzhin ni khros pa'i ngo bo'o/ /rgya mtsho sa steng sa bla sa 'og ni rgya mtsho dang / mtho ris dang / sa 'og dang / sa steng rnams so/ /mig sman ni nag po btsag ces pa ni mig sman btsag dang 'dra ba nag po'o//de dag ni phag mos brjod pa'o/ /gnag cing zhes pa ni nag po kye zhes pa'o/ /thung ba'i tshad ces pa ni thung ba lta bu'i tshad do/ /rnam pa mang po zhes pa ni rnam pa mang por ro/ /sprul zhes pa ni sprul par byed pa'o/ /gzugs zhes pa ni gzugs su'o//rdo rje dbyangs can zhes pa ni rdo rje dbyangs can ma'o/ /bdud ces pa ni zhu bar byed pa'o/ /khyod ni gar zhes pa ni khyod kyi gar ro/ /bde chen rang bzhin zhes pa ni bde ba chen po'i rang bzhin no/ /rdo rje gau ris brjod pa gsungs pa/ hrIHSh+T+ri zhes pa la sogs pa ste/ sol zhes pa ni spro bar byed pa'o//srid pa gsum gyi 'khrul pa ni khams gsum gyi 'khrul pa rnams so/ /snying rje yis ni khros pa ni kye'i rdo rje'i khro bo rnams so/ /rje btsun ni dad sgrol lo/ /de mdzad ni de bzhin du mdzod cig pa'o/ /gang ni gang rnams so/ /'gro ba ni 'gro ba rnams so/ / bltas ni lta bar byed pa'o/ /bzlas pa mtshan nyid ces pa ni bzlas pa'i sngags brjod pa'i tshul lo/ /ring po ma yin zhes pa ni thung ngu la ring por brjod pa'o/ /thung min zhes pa ni ring po thung ngur byed pa ste de dag ma yin pa'o/ /sngags ni cung zad thos par ro zhes pa ni ji ltar gzhan gyis mi thos par te/de bzhin du bzlas zhes pa'i don to/ /gshin rje'i zhes pa ni gshin rje'o/ /gnyis za ni glang po'o/ /ba dza zhes pa ni rta'o/ /gdung zhes pa ni rus pa'o/ /bcu bzhi'i zhes pa ni nag po'o/ /sha lnga'i zhes pa ni go ku da ha na'i sha lnga yis so/ /bzlas na zhes pa ni phreng ba bzlas pa'o//mi'i mgo bo khrag 'dzag ces pa ni bcad ma thag gi khrag 'dzag pa'o/ /de lta bu min ni 'gro ba nyid du lhag par mos par bya'o/ /'byung po rnams zhes pa ni brgya byin la sogs pa rnams te mi rnams la gnod par byed pa'o/ /mkha' 'gro ma rnams kyis zhes pa ni gnyis pa'i don gyis drug pa'o//stong phrag dag la zhes pa ni stong phrag dag gis so/ /gsod par byed ces pa ni tshar gcod par byed pa'o/ /gshin rje gshed kyi sbyor ba yis/ /zhes bya ba ni de la gshin rje gshed kyi rnal 'byor ji lta ba bzhin byas pas 'byung pos bzung bar shes par byas la/de'i tshe skyes bu de la snying ga'i sa bon gyi 'od zer gyis 'byung po la sogs pa dgug pa dang / gzhug pa dang / bcings pa ni dzaHhUM baM zhes pa'i yi ge gsum gyis dgug pa la sogs pa gsum po rim pa bzhin du bya'o/ /de'i rjes la mgo bo sna tshogs rdo rjes mtshan pa'o/ /yang hUM yig las skyes pa'i rtse mo lnga pa'i rdo rje gnyis kyi ngos gnyis su btsir ba/yaM yig las byung ba'i rlung gi dkyil 'khor dang / me'i dkyil 'khor 'bar bas 'og nas mgrin pa'i bar du bsregs par bsgrub bya blta bar bya'o/ /hUM yig 'bar ba las skyes pa dang 'dra pa'i yungs kar la brgya rtsa brgyad mngon par bsngags pa'i nga rgyal gyis sngags bzlas shing brgyab pas de'i lus nges par phug pa nyid du blta bar byas nas nges pa nyid du grol bar 'gyur ro//yang na rang gi lag pa gnyis la hUM yig las skyes pa'i rdo rje 'bar ba gnyis bsam par bya'o//bsgrub bya'i lus las 'byung po la sogs pa dgug go/ /rdo rje gnyis kyi bar du chud par bya zhing de'i 'od zer gyis zin pa de rang gi lag pa kha sbyar gyi dal bus mnye zhing bsu bar bya zhing sngags kyang bzlas par bya'o/ /de lta bus sam rkang pas kyang mnye bar bya'o//sngon du bsnyen pa dang bral bas dgos pa mi 'grub pa bstan pa'i don gsungs pa/ 'bum bzlas na zhes bya ba la sogs pa'o/ /rnal 'byor bdag nyid ni lha'i rnal 'byor dang ldan pa'o/ /dngos grub ste zhes pa ni gshin rje gshed kyi gzugs thob pa'o/ /smos ci dgos zhes pa ni 'di yang mi rnams kyis ngag gi spyod yul ma yin te sangs rgyas kyi spyod yul du byas pa'i phyir ro//gcig pa chen po btung bar bya/ /zhes pa la sogs pa la/ de gang gi tshe btung bar bya zhe na/ re re las zhes pa ni nyi ma so so la'o/ /nyi ma so so la ma rnyed na ci ltar bya zhe na/zla ba re re la'o/ /zla ba re re la yang ma rnyed na/ gsungs pa/ lo re re la ste gtor ma sbyin zhes bya ba la sogs par 'brel to/ /gtor ma zhes pa ni de bzhin gshegs pa rnams kyi mchod pa'i rnam pa ste/ nang gi bdag nyid can gyi sbyin sreg las so/ /gang nas she na/ sna nas so/ /drug cu rtsa bzhi zhes pa ni 'di yang dbyu gu zhes pa 'dir 'brel to/ /don ni 'di yin te/ bzhis lhag pa'i dbyu gu drug cu ni sdom pa ste/ dbyu gu drug cu ni nyin zhag gcig la'o/ /nyin zhag gcig po de'i dbyu gu las cir 'gyur zhe na/ drug cu rtsa bzhir zhes pa ste/ drug cu rtsa bzhi la ni zhag gi lhag ma la zhes pa'i don to//'di'i man ngag kyang sna nas te dang por rnam par snang mdzad dang / rin chen 'byung ldan dang / snang ba mtha' yas dang / mi bskyod pa dang / don yod grub pa dang / na ra la sogs pa'i bdag nyid rnams kyi so so zhing yang ra ti lnga'i tshad la mi bskyod pa lhag ma la/rdo rje sems dpa'i ni dngul chu zhes bya ba ste/ ra ti gcig btul te der bsre bar bya'o/ /rin chen 'byung ldan blang ba ni nag mo dang sngo bsangs ma la ni nag po'i phyogs la blang bar bya'o/ /dkar mo dang dkar sham la ni dkar po'i phyogs la'o/ /gzhan yang gal te nag po dang /dkar po'i phyogs zhes bya ba gang gis kyang mthun par grub pa de bzhin du de'i nang gses kyi dbye ba ni/ dkar po'i phyogs kyi tshes gcig dang gnyis dang gsum la ni dkar po'i phyogs kyi dgos pa bsgrub par bya'o/ /bzhi pa dang / lnga pa dang / drug pa la ni nag po'i phyogs kyi dgos pa bya'o//de bzhin du bdun pa la sogs pa nyi ma gsum la yang dkar po'i phyogs kyi dgos pa'o/ /bcu pa la sogs pa'i nyi ma gsum la yang nag po'i phyogs kyi dgos pa'o/ /tshes bcu gsum la sogs pa'i nyi ma gsum la yang dkar po'i phyogs kyi dgos pa'o//ji skad gsungs pa las go rims bzlog pas nag po'i phyogs kyi tshes gcig la sogs pa nyi ma gsum la rtogs par bya'o/ /lung las/ ri bong can nyid nyi ma ste/ /nyi ma ri bong can nyid do/ /ri bong can zhes bya ba ni dkar po'i phyogs yin la/ nyi ma ni nag po'i phyogs so zhes gsungs pa yin no//ji skad gsungs pa dkar po'i nyin mo dang / mtshan mo'i lhag ma la sna bug g.yon pa nas blugs par bya'o/ /mtshan mo'i lhag ma la yang sna bug g.yas pa'i bu gnas so/ /de yang sna ru chu dang / dbang chen sbyor bas sna bug g.yon par te shin tu bzang ba ma yin pa'o//me dang rlung sbyor bas ni 'bring po'o/ /sna bug g.yas par yang me dang rlung dang sbyor ba ni thams cad blugs par bya ba ma yin pa'o/ /rlung dang dbang chen sbyor ba de nyid tsam la sbyin par bya'o/ /de skad gsungs pa/ sa dang chu la bzang po'i las/ /rlung dang me la nag po'o//zla ba bzang po yang dag rig /'od rno ba la 'bring po'o/ /gal te nyi ma'i rlung dang mer/ /nges par yang ni 'chi ba ste/ /de nyid zla ba byung gyur na/ /shin tu sdug bsngal ster ba min/ /zhes pa'o/ /sbyor ba rnam pa bzhi ni rlung dang dbang chen dang me dang chu dang zhes bya ste/ rim pa ji lta ba bzhin du logs dang steng dang dbus dang 'og rnams nas rlung rab tu rgyu ba'i mtshan nyid do//bya ba gzhan dag la yang sbyor ba 'di nyid las dge ba dang mi dge ba'i mtshan nyid rnams su rang nyid shes par byas pa'o/ /gang zhig rtag tu gshin rje gshed kyi rnal 'byor dang ldan pa de'i gang byas pa ni gshin rje gshed nyid kyi bya ba ste/de thob pa la ni cung zad kyang brjod pa ma yin no/ /gang yang goms par bya ba ma yin pa de la ni 'di lta bus lhag par mos par bya ba yin te/ de'i phyir gsungs pa/ rtag tu cung zad ci za dang / /zhes bya ba la sogs pa'o//gzhan yang bza' zhes pa ni me tog dang thig le la sogs pa la'o/ /phud dbul zhes pa ni thog ma nyid kyi bshos gtsang ngo / /bla ma mnyes pas thams cad 'grub pas de la dbul ba'i don gsungs pa/ de nas zhes bya ba la sogs pa ste/ /yon ni phul du gyur pa yin no//nye bar mkho ba'i khyad par kun/ /zhes pa ni gang dag 'khor zhing btub pa rnams te/ de'i khyad par ro/ /de dag gsal bar byed pa ste de la de skad ces bya'o/ /le'u bcu gnyis pa'i bshad pa rdzogs so// //bcom ldan 'das kyi phyag mtshan bstan pa'i don du gsungs pa/de nas zhes bya ba la sogs pa ste/ sdig pa'i las ni ji snyed pa/ /zhes pa la sdig pa'i las ni sdug bsngal ba'o/ /shubs can ni ral gri'o/ /nyon mongs pa ni 'dod chags la sogs pa ste nye bar mtshon pa las so/ /ji skad gsungs pa gzhan dag las yang rnam par dag pa rtogs par bya'o//nam mkha'i khams kyi dbus gnas bsam/ /zhes pa ni bdun po rnam par dag pa dang / bla na med pa'i mchod pa dang / tshangs pa'i gnas bzhi bsgoms pa'i rjes la/ 'gro ba pa gzung ba dang 'dzin pa'i rang bzhin la stong pa nyid du bsgoms pas rmi lam lta bur byas la/thogs par bya ba dang bral ba bdag nyid 'byung ba chen po nam mkha' ste/ nam mkha'i phyogs su bsgom par bya'o/ /der ci zhe na/ gsungs pa/ nyi ma'i dkyil 'khor te/ re pha las byung ba'o zhes lhag ma'o/ /rtse lnga pa zhes pa ni hUM yig las sna tshogs rdo rje'o//gnas der zhes pa ni/ gzhi gzhal yas khang zhes pa'o/ /de'i don ni 'di yin te/ rdo rje ra ba dang / rdo rje gur gyi nang du gnas pa'i sna tshogs rdo rje'i mu khyud la gnas pa'i 'byung ba chen po bzhi yongs su gyur pa las gzhal yas khang ngo / / de bzhin du phyis kyi dag pa la yang dkyil 'khor gyi 'khor lo'i nang du rtogs par bya'o/ /d+hi zhes pa ni sa bon nye bar bkod pa ste/ 'dir yang sngar bzhin du mngon par byang chub pa rnam pa lnga la sogs pa ste/ khyad par ni nyi ma dang / zla ba dang / rdo rje dang / sa bon gyur pa las zhu ba dang /zhu ba las bzhengs pa dang / yang rdo rjer gnas pa dang / sa bon nyid ni rdo rje sems dpa'o/ /de dag yongs su gyur pa las bcom ldan 'das ma de nyid skyes pa'o/ /de'i thugs kar sa bon las dkyil 'khor pa'i lha rnams spro bar bya'o/ /phyag ces pa ni g.yas pa'i phyag gi gtso bo'o//gzhan dag ces pa ni lnga po rnams su'o/ /ral gri dang / gri gug dang / 'khor lo dang / pad+ma dang / tho ba rnams so/ /rdo rje mkha' 'gro ma la sogs pa 'di rnams ni zhe sdang gshin rje gshed la sogs pa bzhin du zhal gsum pa phyag drug pa rnams so//lA s+ye ni dkar zhing sngo ba sgeg pa'i cha byad do/ /phreng ba ma ser mo zhes bya ba ni phreng ba bsnams pa'o/ /gar ma dmar mo gar sgyur ba'o/ /glu ma sdo bsangs glu len pa'o/ /de rnams kyang zhal gcig phyag gnyis pa'o/ /de bzhin gzhan zhes bya ba ni sgo rnams su tho ba gshin rje gshed la sogs pa ste sngar bzhin no//grwa rnams su yang 'dir ma gsungs mod kyi thod pa rnam pa bzhi'o/ /oM badzra DA ki nI zhes bya ba la sogs pa ni bzlas pa'i sngags so/ /bsgom pa dang sngags kyi dgos pa gsungs pa/ ring ba'i zhes bya ba la sogs pa ste/ring ba nas thos pa ni ring ba'i thos pa'o/ /yang dag gnas zhes bya ba ni g.yon brkyang bas gnas pa'o/ /rin chen thor cig ces pa ni rin po che'i dbu rgyan no/ /ral gri zhes pa ni g.yas pa'i phyag tu'o/ /sdigs mdzub zhags pa zhes pa ni g.yon pa'i phyag tu'o//spyan ma zhes bya ba ni sku mdog dkar mo'o/ /phyag g.yas pa na 'khor lo 'dzin pa'o/ /mA ma kI ni sngon mo phyag g.yas pa na rdo rje 'dzin pa'o/ /gos dkar mo ni phyag g.yas pa na pad+ma 'dzin pa'o/ /sgrol ma ni ljang gu phyag g.yas pa na ral gri 'dzin pa'o/ /lha mo thams cad kyang zhabs g.yon brkyang la/g.yon pa'i phyag sdigs mdzub dang zhags pa bsnams pa'o/ /me tog ma ni dkar mo phyag na me tog gi phreng ba 'dzin pa can no/ /spos me ma ni sngon mo spos kyi snod bsnams pa'o/ /mar me ma dmar mo mar me'i sdong bu 'dzin pa'o//byug pa ma ni ljang gu dri'i dung phor 'dzin pa'o/ /'di dag ni g.yas brkyang bas gnas shing gar gyis bsgyings par byed pa'o/ /tho ba la sogs pa rnams ni sngar gyi bzhin no zhes lhag ma'o/ /las kyi cho ga mthong nas ni/ /zhes bya ba ni bcom ldan 'das bskyed pa'i rjes la/de'i snying ga'i sa bon nyid las lha thams cad spro bar bya'o/ /bdun pa'i rgyal po zhes pa ni rta'i mchog go/ /bsgom par bya zhes pa ni sngar gyi bzhin no/ /g.yas pa zhes pa ni g.yas pa'i phyag go/ /sngags ni phu gsum dang hri gsum mo/ /ji ltar phyag rgya ma gsungs pa dang /ma bshad pa ni de yang de bzhin gshegs pa rnams kyi kha dog gi rjes su 'brangs nas rtogs par bya'o/ /lha mo rnams kyi kha dog la sogs pa'i dbye ba yang sngar gyi dkyil 'khor bzhin du bya'o/ /bdag po'i zhal phyag ji lta ba/ /zhes bya ba ni bdag po ste/ gtso bo bzhin du phyag gnyis ma/ rta'i zhal gdong gcig pa/ de'i phyag mtshan 'dzin pa'i'o/ /sngags 'dis ni zhes pa ni rta'i mchog gi snying ga na gnas pa'i haM yig nyid do/ /'byung zhes pa ni spro ba'o/ /smyug ma'i gling bu la sogs pa ni rang rang gi ming gi mtshan ma 'dzin pa'o/ / gdong bzangs ma dang gdong ngan ma/ /zhes pa ni brda tsam du zad do/ /'di dag kyang yang dag par na khro bo'i cha byad can no/ /kha dog gi dbye ba ni sngar gyi bzhin no/ /sgo skyong rnams kyi rim pa ji ltar phyag g.yas pa rnams su phyag mtshan 'dzin par gsungs pa/ /gtun shing zhes bya ba la sogs pa'o//rdo rje sa 'og gi sngags ma gsungs pa brjod pa'i don du ji ltar rta mchog ces bya ba la sogs pa ste/ de'i phyi na rdo rje sa 'og gi sngags nyid do/ /sa bon gyi yi ge ni hri yig dag go/ /mkha' la zhes pas ni nam mkha' la'o/ /khams ni 'jig rten gsum mo//dngos grub nges par ston pa zhes bya ba ni/ dngos grub rnams ni sa 'og gi bug par 'jug pa la sogs pa rnams so/ /gang du nges par bstan pa de la de skad ces bya'o/ /le'u bcu gsum pa'i bshad pa rdzogs so// //dkyil 'khor bzhengs su gsol ba'i don du thig gdab pa gsungs pa/de la zhes bya ba la sogs pa la/ de la zhes bya ba ni sa yongs su gzung ba dang sbyang ba byas pa'i sa gzhi la'o/ /mchog ces pa ni mngon par 'dod pas na'o/ /dam tshig ces pa ni 'da' bar bya ba ma yin pa'o/ /ye shes thig skud ces bya ba ni/bar bya ba ma yin pa'i phyir/ a kA ro mu khaM zhes bya ba la sogs pa ste/ sngags 'dis thig skud byin gyis brlab par bya'o/ /rnam par snang mdzad ni gti mug gshin rje gshed yin la/ gshin rje mthar byed ni zhe sdang gshin rje gshed do/ /ye shes ni yak+She ma me da zhes pa'i yi ge rnam pa lnga'o//des bskyed pas thig skud ni ye shes thig mchog go/ /de lta bas na rtse mo'o/ /shin tu mnyam gzhag ces pa ni/ shar la sogs pa'i phyogs kyi go rims bzhin no/ /de ci dkyil 'khor chen po dam tshig yin zhe na/ gsungs pa/ oM AHhUM zhes pa'i yi ge gsum po 'dis dkyil 'khor byin gyis brlab par bya'o/ /thig skud kyi tshad bstan pa'i don du gsungs pa/ dkyil 'khor nyis 'gyur zhes pa la sogs pa'o/ /sbom phra bstan pa'i don du gsungs pa/ sgo'i zhes pa'o/ /rdo rje chen po la gsol ba gdab pa'i dam tshig ces bya ba/rdo rje ni rdo rje slob dpon te/ de la dkyil 'khor du gzhug pa'i don du'o/ /gsol ba gdab pa ni zhu ba'o/ /de'i don gyis na dam tshig ste de brjod pa'o/ /de nyid gsungs pa/ e ma'o zhes bya ba la sogs pa'o/ /sa yongs su gzung ba'i dam tshig ces pa ni/sa gzhi yongs su gzung ba'i sngags so/ /de'i dgongs pa ji lta bu zhe na/ gsungs pa/ rdo rje zhes bya ba la sogs pa ste/ dgug la zhes pa ni mngon du bya'o/ /de yang tshigs su bcad pa'i sngags gang yin zhe na/ gsungs pa/ lha mo khyod ni zhes bya ba la sogs pa'o//thig skud sgo'i nyi shu'i cha'i sbom phra gsungs pa de nyid mi shes so zhe na/ sgo'i tshad gsungs pa/ dkyil 'khor brgyad cha zhes bya ba la sogs pa ste/ brgyad cha zhes pa ni dkyil 'khor khru gang gi dbang du byas na sor gsum mo/ /bzhengs su gsol zhes pa ni rdul tshon dgye ba yang dag par bris nas so//khyams chen zhes bya ba la/ chen po yang de yin la/ khyams kyang yin pas khyams chen te/ de yang chen po ni lha'i gtso bor bzhugs pa'i gnas yin pa'i phyir te/ nang gi rim pa zhes pa'i tha tshig go/ /yid du 'ong zhes bya ba ni ri mo lnga'i sa dang 'brel ba la ni/rkang pa gcig gis ma chog pa'i mtheb gang dang / tshon gyi sa dang 'brel pa la ni mthe bo phyed gnyis dang / rdo rje phreng ba dang 'brel ba ni rkang pa gcig gis ma chog pa'i mtheb gang ngo / /de bzhin du ngos bzhi char la yang mthe bo gsum gsum dor bas mthe bo bco brgyad po de la legs par spros pa zhes bya ste/sa gzhi de nyid la sna tshogs pa'i ka ba zheng du rkang pa gcig gis mchog pa'i mtheb gang ba bris pa le tshe dgu'i bdag nyid du byas pa'o/ /sgo khyud ces pa ni sgo'i tshon sna lnga'o/ /sgo tsam zhes pa ni chur sor gsum mo//de tsam zhes pa ni sgo tsam ste/ mthe bo gsum gyi tshad do/ /lha'i snam bu zhes bya ba la rdul tshon gyi snam bu la lar gyis dgong pa ma yin no zhe na/ de'i don du 'dir ni thod pa rnams su gsungs te/ grwa rnams su sor mo gsum gyi tshad tsam mo/ /sgo'i ngos gnyis su yang bum pa gnyis te/thams cad dkar po dang ldan pa'o/ /yang lha'i snam bu zhes bya ba la mchod pa'i snam bur bri ba'i don du gsungs pa/ rdo rje lha mo zhes bya ba la sogs pa'o/ /khyams de'i tshad ji tsam zhe na/ gsungs pa/ mchod snam zhes bya ba la sogs pa ste/ phyed kyi zhes pa ni mthe bo phyed dang gnyis so//'gram zhes pa ni mu khyud kyi steng du gang tshon sna lnga'i ngos de nyid 'gram mo/ /de'i steng du gang tshon sna lnga dang nye ba de ni logs so/ /de tsam mo zhes bya ba ni de dag gnyi ga la yang mthe bo phyed dang gnyis kyi tshad tsam mo/ /lha'i snam bu las phyi rol du mtheb gang pa'i rkang pa'i tshad kyi rin chen snam bur bor bar/gang dra ba dang dra ba phyed pa'i snam bu de nyid mthe bo phyed dang gnyis kyi tshad do/ zhes brjod pa ni/ dra ba dang dra ba phyed pa la sogs pa zhes te/ snam bu de'i tshad du rtogs par bya zhes pa lhag ma'o/ /de'i phyed ces pa ni sgo'i phyed ces te/mthe bo phyed dang gnyis so/ /rtsa ba'i thig ces pa ni nang gi rim pa'i rdo rje ra ba'i phyi rol dang / ri mo las kyang phyi rol lo/ /ri mo'i dkyil 'khor la ye shes kyi dkyil 'khor gzhug pa'i don du gsungs pa/ de la zhes bya ba la sogs pa la/ snying po chen po zhes bya ba ni de bzhin gshegs pa rnams dang 'brel pa'i phyir/bcud du gyur pa'i phyir na chen po yin la snying po yang de yin pas snying po chen po'o/ /rnam par dgod ces pa ni nam mkha'i phyogs las bkug ste gnas par bya'o/ /bdag nyid 'khor lo zhes bya ba ni rdul tshon gyi 'khor lo dang mnyam pa'i ye shes kyi 'khor lo zhes bya ba'i tha tshig go//rang gi phyag rgya ni rang gi shes rab ste/ gshin rje gshed kyi rnal 'byor dang ldan pas lhag ma'o/ /bsten zhes pa ni dbang po gnyis snyom par 'jug par byed pa'o/ /dam tshig gi yi ge zhes pa ni byang chub kyi sems bskyed pas so//dkyil 'khor zhes pa ni rdul tshon gyi dkyil 'khor la ye shes kyi 'khor lo bkug nas gcig tu byas pa'o/ /de'i rab tu bsgrub pa ni bsang gtor bya ba'o/ /gang gi tshe dkyil 'khor la sogs pa rab tu gnas pa la byang chub kyi sems mngon du bskyed par mi nus pa des na bsgoms pas kyang bya ba'o//de bzhin du bum pa bcu bya ba ni lto ba che ba/ mchu 'phyang zhing mgrin pa ring ba/ rdo rgyus kyis dkar por byas pa dbus kyi bum pa'i ngos la sna tshogs pad+ma dang / nyi ma la gnas pa'i rdo rje rtse lnga pa'o/ /shar phyogs kyi bum pa'i ngos la sna tshogs pad+ma dang /zla ba la gnas pa'i 'khor lo rtsibs brgyad pa'o/ /de bzhin du lho phyogs la sogs pa gzhan gsum pa la yang sna tshogs pad+ma dang / nyi ma la gnas pa'i rin po che dang pad+ma dang ral gri rnams bri bar bya'o/ /me'i mtshams su yang sna tshogs pad+ma dang / zla ba la gnas pa'i spyan gnyis so/ /bden bral la sogs pa gsum po rnams su yang sna tshogs pad+ma dang / zla ba la gnas pa'i rdo rje dang / pad+ma dmar po dang / gser gyi ut+pal rnams kyis mtshan pa'o/ /las thams cad pa la sna tshogs pad+ma dang / nyi ma la gnas pa'i bdud rtsi 'khyil pa'i mtshan ma ste rdo rje rtse lnga pa bri bar bya'o//bum pa de rnams kyang / 'dzam bu dang / tsu ta dang / bi dza phu ra dang / ma du ka ra dang / dza yan ti'i shing rnams kyi lo mas kha brgyan pa'o/ /rdo rje'i ske can la/ gser dang / dngul dang / zangs dang / mu men dang byi ru ste rin po che lnga dang ldan pa'o//so ba dang / ma she dang / nas dang / gro dang / til rnams kyang nang du'o/ /a pa ra tsi ta dkar po dang / bri ha ti dang / kaN+Da ka ri dang / sa ha de ba dang / bi sha de ba rnams te/ sman lnga dang ldan pa'o/ /de nas dbus kyi rnam par rgyal ba'i bum pa la me tog gi phreng ba gdags par bya'o//bum pa brgyad po gzhan rnams la yang de nyid kyi me tog gi phreng ba dang sbrel zhing gdags par bya'o/ /rnam par rgyal ba'i bum pa'i kha ru rdo rje bzhag ste/ rab tu gnas pa'i lha 'am/ de'i rigs kyi sngags brgyad bzla bar bya'o/ /shar la sogs pa'i bum pa rnams la ni oM dang /AHdang por byin pa/ hUM yig ni tha mar te/ b+hUM AM dz+r+aiM khaM gi sngags bzhi po rim pa bzhin du brgya rtsa brgyad bzla bar bya'o/ /me la sogs pa'i bum pa rnams la yang rim pa ji lta ba bzhin du/ laM mAM paM tAM zhes pa'i sngags bzhi po sngar bzhin bzla bar bya'o/ /bdud rtsi 'khyil pa'i bum pa la yang /oM hUM swA hA zhes pa'i sngags brgya rtsa brgyad bzlas te/ byang phyogs su gzhag par bya'o/ /thams cad kyang g.yas phyogs nas bskor te gzhag par bya'o/ /dgongs mo'i dus su song ba dang zhag de'i lhag ma dang / dus bzang po la rab tu gnas pa dang / rdul tshon gyi dkyil 'khor dang mthun pa'i lha rnams dang / rang gi snying ga'i sa bon gyi 'od zer gyis bkug ste/ 'di rim pa bzhin du mchod yon la sogs pa sbyin par bya'o/ /mchod yon gyi rim pa ni 'di yin te/ gser dang dngul dang nya phyis dung / /rdo dang 'jim pa zangs kyi snod//'di dag mchod yon snod yin te/ /ma 'byor shing lo snod kyis bya/ /mchod yon gyi snod bstan pa'o/ /dri zhim chu dang 'o ma mngar/ /chu gtsang me tog dkar po rnams/ /ji ltar rnyed pa'i snod nang bzhag /spos kyis bdug cing mngon par bsngags/ /de dag ni mchod yon bsgrub pa'i cho ga'o//zhi dang rgyas sogs sgrub pa las/ /las dang rjes su mthun pa ru/ /dkar po ser po dmar po ljang / /dri dang chu sogs de bzhin sbyar/ /mchod yon gyi cho ga'i dbye ba'o/ /me tog spos dang mar me dang / /dri yi dung sogs g.yas su gzhag / g.yon du sngags kyi mchod yon snod/ /snod rnams mdun du gzhag par bya/ /mchod yon gyi snod dgod pa'o/ yi ge gsum mam sangs rgyas lnga'i/ /sngags ni rgyud las ci gsungs pa/ /mchod yon la sogs sngags su bya/ /ji ltar rgyud kyi rjes 'brangs la/ /zhi ba'i mtha' ru b+hu sha ta//rgyas pa bau Sha Ta'i mtha'/ /bsad pa hUM phaT mtha' yis so/ /dgug dang dbang la dza dang hrIH /mchod yon mngon par bsngags pa'o/ /dang por dri zhim chu dbul bya/ /sbrang dang 'o ma gnyis po'o/ /gsum pa ru ni dag pa'i chu/ /bzhi pa me tog dang ldan pa'o//dri zhim chu ni dung chos nas/ /zhabs bsil du ni dbul bar bya/ /oM nI rI hUM khaM hUM pA d+ya/ 'o ma sbrang na zhal du ste/ /ku sha'i chun pos bsang gtor nas/ /yang ni chu gtsang 'ba' zhig la/ /mchod yon sngags ni bzlas pa nyid/ /oM sar+b+ba saM sho d+ha ni hUM phaT/ zhabs bsil dang ni 'thor 'thung ngo / /mthe bo mdzub mo me tog blang / /mthe bo mthe'u chung dgrol bya ste/ /me tog ldan pas mchod par bya/ /zhabs bsil bzed zhal chol zangs su/ /nye reg de bzhin lcags snod du/ /rdzas gzhan man ji steng gnas pa'i/ /gser la sogs pa'i snod du dbul//de'i phyi nas rdul tshon gyi dkyil 'khor dang mthun pa'i lha'i 'khor lo rnams/ dzaHhUM baM hoHzhes pa 'dis dgug pa dang / gzhug pa dang / bcing ba dang / dbang du bya ba la mig la sogs pa byin gyis brlab pa dang / yi ge gsum byin gyis brlab pa dang /dbang bskur te de bzhin gshegs pa'i phyag rgya yang bya ste/ me long du dkyil 'khor gyi gzugs brnyan snang ba dang / dang por ba'i rnam pa lngas bkru bar bya ste/ oM sar+b+ba ta thA ga ta kA ya bi sho d+ha ni zhes pa'i sngags kyis so/ /de bzhin du p+hUM AM dzrAM khaM hUM zhes pa'i sngags kyis dri zhim pa'i mar khus byug par bya'o//sngags 'di nyid shun lpags lnga legs par btags pas kyang byug par bya'o/ /de bzhin du oM sar+b+ba ta thA ga a b+hi She ka badzra swa b+hA ba At+ma kou0f85haM zhes pa 'dis dri zhim pos byug ste bkru bar bya'o/ /de nas/ gtsang zhing gtsang mar sbyar ba yi/ /lha rdzas bzang po'i me tog 'di/ /bdag ni gus par 'bul lags na/ /bzhes te bdag la bka' drin stsol/ /me tog dbul ba'o/ /nags tshal bcud ni yid du 'ong / /dri yi rgyal po'i dri mchog 'di/ /bdag ni gus pas 'bul lags na//bzhes te bdag la bka' drin stsol/ /spos dbul ba'o/ /gdon rnams 'joms shing bkra shis la/ /dge zhing mun pa rnam sel ba/ /bdag ni gus pas 'bul lags na/ /bzhes te bdag la bka' drin stsol/ /lhan cig skyes dang sbyar zhing dag /shangs la tshim byed dri 'di rnams//bdag ni gus pas 'bul lags na/ /bzhes te bdag la bka' drin stsol/ /dri dbul ba'o/ /bshos gtsang thams cad yang dag ldan/ /bza' dang bca' bar ldan bcas pa/ /kha dog dri dang ro ldan pa/ /dbul gyis so sor bzhes su gsol/ /bshos dbul ba'o/ /de ltar mched pa rnam pa lnga dbul bar byas la//ji ltar sangs rgyas thams cad kyang / /dga' ldan gnas na yang dag bzhugs/ /lha mo sgyu 'phrul lhums su gnas/ /de bzhin 'das bzhugs brtan par mdzod/ /mgon po rtag tu 'dir bzhugs par/ /gyur nas me tog la sogs 'di/ /bzhes nas bdag la brtser dgongs te//byang chub sems ni 'phel bar mdzod/ de'i rjes la bsdus pa'i dus su/ oM gi li gi li hUM dza swA hA/ zhes pa 'dis rdul tshon bsdu bar byas la/ snod gtsang mar rdul tshon rnams blugs te/ sngags de nyid kyis chu bor rab tu dor ro/ /'di nyid kyi rim pa thams cad ni/bris sku rab tu gnas pa la yang ste/ gshegs su gsol ba ni ma yin no/ /slob ma'i bya ba la yang bum pa dang dkyil 'khor la sogs pa thams cad bya'o/ /rgyud 'dir gsungs pa'i slob ma'i cho ga ni phyogs gcig tsam du bstan pas na/ de tsam gyi bya ba ma yin te/ thun mong du gsungs pa mdor bsdus te brjod par bya'o/ /de la bris sku la ni de bzhin gshegs pa rnam pa lnga dang / rnal 'byor ma bzhi mtshan ma dang bcas pa'i bum pa gcig ste/ rin po che lnga/ sman lnga/ 'bru lnga/ snying po lnga dang / dri zhim pa'i chus gang ba'o/ /oM AHbig+h+nA n+ta krita hUM phaT ces pa'i sngags kyis brgya rtsa brgyad bzlas/shing pa la was kha brgyan zhing mgul pa ras kyis dkris pa/ me tog dang / spos la sogs pas mchod de mdun du gzhag par bya'o/ /de nas slob mas maN+Dal byas la/ me tog gi phreng ba rnams bzung ste/ pus mo g.yas pa'i lha nga sa la btsugs la/sngags kyi theg pa'i snod du gyur pas gsol ba 'debs pa'i don du/ sngags kyi dngos grub don gnyer gang / /dkyil 'khor 'dir ni gzhug par bya/ /de las gzhan pa bsod nams 'dod/ /gzhan yang 'jig rten pha rol gnyer/ /'jig rten pha rol la dmigs nas//dad pa chen por byed pa yi/ /blo ldan dkyil 'khor du ni gzhug /'di yi 'bras bu 'dod mi bya/ /'di yi 'bras bu 'dod gyur na/ /'jig rten pha rol 'byung ba min/ /skyes bu 'jig rten pha rol gnyer/ /dka' ba med par 'di 'bras 'grub/ /ces rna bar bsgrag par bya'o//de lta bu'i slob ma de rang nyid lha'i rnal 'byor du byas pa'i lus su blos bcug la/ rang gi rdo rje nas phyung la rang snang ba'i pad+mar gnas pa la de bzhin gshegs pa zhu bas bskul te byung nas dkyil 'khor gyi shar phyogs kyi sgor tsog tsog por 'dug ste/ 'jug pa'i don du gsol ba gdab pa/khyod ni bdag ston dpa' bo che/ /mA ma kI dang mnyam sbyor ldan/ /mgon po chen po bdag 'tshal lo/ /byang chub chen po'i tshul bstan pa/ /dam tshig de nyid bdag la stsol/ /byang chub sems kyang bdag la stsol/ /sangs rgyas chos dang dge 'dun te//skyabs gsum dag kyang bdag la stsol/ /thar pa chen po'i grong khyer du/ /mgon po bdag ni 'jug par 'dod/ /ces slob ma'i gtso bo gcig la byas la/ khu tshur theg pa chen po la/ /gsang sngags tshul gyi cho ga ni/ /khyod la yang dag bstan par bya/ / khyod ni theg chen snod yin no/ /zhes brjod la/ dkon mchog gsum la bdag skyabs mchi/ /sdig pa thams cad so sor bshags/ /'gro ba'i dge la rjes yi rang / /sangs rgyas byang chub yid kyis gzung / /zhes bya bas gsum la skyabs su 'gro ba'i tshigs su bcad pa lan gsum du brjod pa'i slobs ma de rnams la/oM AHbig+h+na n+ta krita hUM phaT ces bdud rtsi 'khyil pa'i sngags kyis kun bsrung ba byas la/ de rnams kyi snying ga dang / mgrin pa dang / mgo bor nyi ma la gnas pa'i rdo rje sngon po dang / zla ba dmar po la gnas pa'i pad+ma dang / zla ba dkar po la gnas pa'i 'khor lo dkar po rtsibs brgyad pa'i lte ba rnams la/rim pa ji lta ba bzhin du hUM AHoM rnam par bsam par bya'o/ /de nas slob dpon gyis lag pa g.yas par rdo rje bzung ste/ slob ma rnams kyi snying ga dang / mgrin pa dang / mtshog mar reg cing / hUM AHoM zhes brjod cing me tog ni mgo bor ro/ /mdun du ni spos so/ /de bzhin du mar me dang / byug pa ni snying gar sbyin par bya'o/ /de dag ni slob ma lhag par gnas pa'o/ /de nas gtor ma sbyin te/ rang gi lha'i rnal 'byor sngon du song ba dang ldan pas so/ /rang nyid slob ma 'jug pa'i cho gas dkyil 'khor du 'jug pa nas brtsams te/rjes su gnang ba'i dbang bskur ba'i bar du bcom ldan 'das la blos blangs te/ bden pa'i don du gsol ba gdab par bya'o/ /chos rnams gzugs brnyan lta bu ste/ /dag cing gsal la rnyog pa med/ /gzung ba med cing brjod du med//rgyu dang las las kun du 'byung / /de bzhin de nyid las byung ba/ /bden pa de yis dkyil 'khor ni/ /gzugs brnyan dang mtshungs slob ma yis/ /sdig med gsal bar mthong bar shog /de nas yol ba'i phyi rol du yon phul ba'i slob ma re re zhing yang rnam par snang mdzad kyi gzugs su dmigs la/a khaM bI ra hUM zhes pa'i sngags kyis lan bdun mngon par bsngags pa'i me tog lag tu byin nas gdong ras bkab ste bum pa'i chus bsangs la dri bar bya'o/ /khyod su yin/ ci la dga'/ des smras pa/ skal ba dang ldan pa ni bdag ste/ bde ba chen por ro//de nas de'i snying gar rdo rje gzhag la/ oM sar+b+ba yo ga tsit+ta at+pa da ya mi/ su ra te sa ma ya s+t+waM/ ho sid+d+hi badzra ya tha su khaM/ de nas hUM dza hUM zhes pa'i sngags 'dis bkug ste/ yol ba'i nang du gzhug cing dkyil 'khor gyi sgor bzhag pas brjod par bya ba ni dkyil 'khor ma mthong ba rnams la smra bar bya ba ma yin zhing /dam tshig nyams par ma byed cig ces pa'o/ /mgo bor rdo rje bzhag la/ /gal te tshul 'di smras par gyur pa yin no/ /dam tshig gi rdo rje 'dis mgo 'gas par byed do/ /de nas rdo rje me tog dang bcas pa snying gar gzhag la brjod par bya ste/ oM rdo rje sems dpa' deng khyod kyi//snying la yang dag zhugs pa ste/ /gal te tshul 'di smras na ni/ /de ma thag tu dral te gshegs/ /'dis mna' bsgag par bya ste/ pad+ma'i snod du bdud rtsi lnga gzhag la/ yi ge gsum gyis byin gyis brlab ste/ oM badzra -i mra ta u da ka Tha zhes pa lan bdun du bzlas la/'di ni khyod kyi dmyal ba'i chu/ /dam tshig 'das na sreg par byed/ /dam tshig bsrungs na dngos grub ni/ /rdo rje bdud rtsi'i chu 'dis 'grub/ /ces brjod la blud par bya'o/ /de nas 'di skad brjod par bya/ /de nas 'di skad brjod par bya/ deng nas brtsams te khyod kyi phyag na rdo rje nga yin pas ngas gang ci bsgos pa de dag thams cad bya dgos so//khyod kyis nga la yang brnyas pa ma byed cig /ya nga ba ma spangs par dus byas nas sems can dmyal bar ltung bar gyur ta re zhes dam tshig gi chu blud par bya'o/ /de nas slob mas 'di skad brjod par bya ste/ de bzhin gshegs pa thams cad kyis byin gyis rlobs la rdo rje sems dpa' bdag la dbab tu gsol zhes pa'o//de nas slob ma'i snying gar laM ser po las byung ba'i dbang chen gyi dkyil 'khor gru bzhi pa rdo rjes mtshan pa la hUM yig nag po gnas pa'o/ /mtshog mar chu'i dkyil 'khor baM yig las byung ba dkar zhing zlum pa bum pas mtshan pa haM yig dkar po kha thur du bltas pa gnas pa'o//mgrin par yaM yig nag po las byung ba'i rlung gi dkyil 'khor gzhu'i rnam pa ba dan g.yo bas mtshan pa dmar po gnas pa'o/ /rkang pa ni rlung gi dkyil 'khor gyis bus pas me'i dkyil 'khor gru gsum 'od zer 'bar ba la gnas pa'i dz+haiM yig 'od zer dang bcas pa bsams te/bsgyings pa dang bcas pas dril bu 'khrol zhing a we sha ya sta m+b+ha ya raM raM raM tsa la ya tsa la ya hUM ha a dz+haiM zhes brjod pas 'bebs par byed do/ /phebs par gyur nas lce la a yig dmar po bsams te/ sna la snang ba mtha' yas kyi gzugs bsam par bya'o//de nas smros shig ces pas dge ba dang mi dge ba smra bar 'gyur te/ brjod pa shes nas oM tiSh+Tha badzra zhes pas brtan par byas la/ khyod kyi mig gis ji ltar mthong / /zhes dri bar bya'o/ /dri bar byas pa dkar po dang / ser po dang / dmar po dang / nag po rnams snang zhes des smras na/zhi ba dang / rgyas pa dang / dbang dang / mngon spyod kyi dngos grub rnams kyi snod du 'gyur ro zhes bstan par bya'o/ /de nas bden pa'i byin gyi rlabs bya ste/ bdag gis dkyil 'khor 'di ru ni/ /slob ma yang dag gzhug par bgyi/ /ji ltar bsod nams de bzhin shog /lha yi rigs kyi rig pa dag /dngos grub 'di ni gang grub pa/ /gang gi rigs kyi snod du 'gyur/ /gang la bsod nams ci yod pa/ /dkyil 'khor 'dir ni de bzhin shog /de nas me tog gcig dkyil 'khor du dor bar bya ste/ pra tits+tsha badzra hoH/ zhes pa 'dis so/ /de nas me tog dor ba las/dman pa dang mchog la sogs pa'i dngos grub mtshon par bya ste/ de la gal te sangs rgyas rnams kyi dbu'am/ mtshog ma'am/ spyi gtsug tu lhung na ni de'i tshe phyag rgya chen po'i dngos grub tu 'gyur ro/ /gal te spyan nam zhal du lhung ba de'i tshe sngags kyi dngos grub tu 'gyur la/yan lag mchog tu lhung na mchog dang / yan lag 'bring po la ni 'bring po dang / smad kyi cha la ni tha ma 'grub pa'o/ /sku las ring du lhung na tha ma 'grub la/ nye bar gyur na myur du 'grub bo/ /lha rnams kyi rang rang gi gnas ni le tshe'i ri mos bcad par shes par bya'o//gang gi tshe gnyis kyi bar du lhung bar gyur pa de'i tshe me tog gar la nye bar gyur pa de'i rigs su 'gyur ro/ /dkyil 'khor gyi phyi rol du lhung na ni dman pa'i dngos grub tu 'gyur ro/ /gal te ri mo la lhung ba de'i tshe dor bar 'gyur ro/ /lan gsum du dor bas de'i tshe de nyid du lhung na dngos grub med la/rdo rje phreng ba'i phyi rol du lhung na nang du lhung ba tsam gyis yang dka' ba'o/ /de dag ni me tog dor ba'i cho ga'o/ /de nas me tog blangs te/ slob ma'i mgo la bcings te/ pra ti gri h+Na swa mi maM satwa ma hA ba la zhes brjod pas so/ /de nas mig gnyis su yi ge oM bsams la/oM rdo rje sems dpa' deng khyod kyi/ /mig 'byed pa ni brtson pa ste/ /mig ni thams cad 'byed mdzad pa/ /rdo rje'i mig ni bla na med/ /ces brjod la gdong g.yogs dgrol bar bya'o/ /de dag ni dkyil 'khor du gzhug pa'i cho ga'o/ /da ni dbang bskur ba brjod par bya ste/ byang chub rdo rje sangs rgyas la/ /mchod chen ji ltar stsal ba bzhin/ /bdag kyang bsgral ba'i don du ni/ /nam mkha' rdo rje deng bdag stsol/ /zhes gsol ba 'debs pa dang ldan pa'i slob ma rnam par snang mdzad kyi gzugs su dmigs la/ rang gi rig ma skyes bu'i chu/ /bum pa brgyad po thams cad de//rdo rje thugs su rab bsgoms nas/ /rdo rje can gyi dbang bskur bya/ /khu tshur dang bcas pa nas chu blugs la/ sangs rgyas kun gyis byin pa yi/ /gsang gsum gnas las byung ba yi/ /khams gsum kun gyis phyag mdzad pa/ /rdo rje'i dbang bskur chen po'o/ /badzra a b+hi Shiny+tsa zhes brjod pas ni/slob ma 'khor los sgyur ba lta bu'i dbang bskur bar bya'o/ /de dag ni chu'i dbang bskur ba'i cho ga ste/ me long lta bu'i ye shes so/ /de'i rjes la gser ram/ gos la sogs pas bsrung ba'i dbu rgyan slob ma'i mgo la bcings la rin chen 'byung ldan gyi sbyor ba las nam mkha'i phyogs na bzhugs pa'i de bzhin gshegs pa thams cad dbu rgyan la rigs kyi gzugs su gnas par blta bar bya'o//de dag ni dbu rgyan gyi dbang bskur ba ste mnyam pa nyid kyi ye shes so/ /de nas rdo rje chen po rtse lnga pa snying gar rang gi lag pas bzung la dbang bskur rdo rje sems zhes brjod do//slob ma snang ba mtha' yas bya/ /sangs rgyas rdo rje dbang bskur bya/ /'di de sangs rgyas thams cad kyi/ /shin tu grub phyir rdo rje zungs/ /zhes brjod cing rdo rje snying ga dang / mgrin pa dang / mtshog ma rnams su reg par byas te/ lag pa g.yas pas rdo rje sbyin par bya'o//de dag ni rdo rje'i dbang bskur ba'i cho ga ste/ so sor rtog pa'i ye shes so/ /de nas don yod grub pa'i gzugs su dmigs shing lag pa g.yon pa'i dril bu byin la/ rdo rje dril bu ldan pa dag gis 'khyud pa'i tshul du byas la/ oM badzra a d+hi ba ti staM a b+hi She ka ta zhes bya ba ni dril bu'i dbang bskur ba'i cho ga ste bya ba grub pa'i ye shes so//de nas mi bskyod par bsams la/ ming gi dbang bskur ba yang sbyin par bya ste/ mgo bor rdo rje dang dril bu byin la/ oM badzra satwa s+t+waM a b+hiShiny+tsa mi badzra nA ma a b+hi She ka ta/ kye dpal gti mug rdo rje/ kye dpal 'dod chags rdo rje/kye dpal zhe sdang rdo rje/ zhes pa la sogs pa rigs dang rjes su mthun pa'i ming gdags par bya'o zhes pa ni/ ming gi dbang bskur ba'i cho ga ste/ shin tu rnam par dag pa'i chos kyi dbyings kyi ye shes so/ /de ltar dbang bskur ba rnam pa lnga po de dag ni rig pa'i dbang bskur zhes brjod do//thams cad kyang spyan la sogs pa'i rig pa'i bya ba la 'jug pas zhes pas so/ /de'i rjes la rdo rje slob dpon dbang bskur bas/ kye bdag la stsol cig snying rje'i mchog /rang gzhan don gyi nus par gyur/ /ji ltar bdag la deng stsol cig /ces gsol ba 'debs pa'i slob ma ste/seng ge'i stan la bzhag ste/ sna tshogs pad+ma 'dab ma brgyad pa'i steng du rdo rje sems dpa'i gzugs su dmigs la/ hUM las byung ba'i rdo rje byin la/ thog mtha' med pa'i sems dpa' ni/ /rdo rje sems dpa' dga' ba che/ /kun du bzang po kun bdag nyid/ / rdo rje snyems bdag bdag po'i bdag /bcom ldan 'das dpal mchog dang po'i skyes bu'o zhes bya ba ni/ de kho na nyid kyis gzung bar bya'o/ /de'i rjes la aH yig las byung ba'i dril bu la/ 'di ni sangs rgyas thams cad kyi/ /shes rab dbyangs can rjes 'gror bshad//khyod kyis kyang ni rtag tu zungs/ /byang chub mchog tu rgyal ba bzhed/ /ces pa 'dis lag pa g.yon par dril bu sbyin par bya zhing / srid pa ngo bo nyid kyis dag /ngo bo nyid kyis srid bral bya/ /rang bzhin dag pa'i sems dpa' mchog /srid pa yi ni mchog tu brjod/ / cas brjod la/ slob mas dril bu dkrol bar bya'o/ /de'i rjes la/ yid kyis gzugs ni brtan pa'i phyir/ /phyag rgya dam tshig ces su brjod/ /gang tshe kun gyi gzugs su brtan/ /de ni phyag rgyar rab tu grags/ /zhes pa 'dis rang nyid lha'i gzugs kyi nang gi bdag nyid can gyi phyag rgya chen por byin gyis brlabs nas 'khyud par bya'o//slob dpon gyis de'i tshe rang gi snying ga'i sa bon las byung ba'i lha rnams kyi tshogs nam mkha' la gnas pa rnams kyis dbang bskur bar bsam par bya ste/ sangs rgyas kun gyis byin pa yi/ /gsang gsum gnas nas byung ba yi/ /khams gsum kun gyis phyag byas pa//rdo rje dbang bskur chen po'o/ /zhes pas dbang bskur ba'o/ /de skad du yang gsungs pa/ shes rab bcu drug lon pa la/ /lag pa dag gis yang dag 'khyud/ /rdo rje dril bu mnyam sbyor bas/ /slob dpon gyi ni dbang du 'dod/ /ces pa'o/ /de nas slob ma rnam par snang mdzad kyi gzugs su dmigs pa la rjes su gnang ba sbyin par bya ste/sems can kun la phan pa'i phyir/ /'jig rten kun la thams cad du/ /ji ltar sna tshogs 'dul 'gyur ba/ /chos kyi 'khor lo rab tu bskor/ /zhes pa'o/ /chos kyi gnas su rin po che dang / rdo rje dang / pad+ma dang / ral gri'i sgra bcug pa'i rim pa las tshigs su bcad pa rnam pa lnga ni rjes su gnang bar sbyin pa'o//de'i rjes la mi bskyod pa'i gzugs su dmigs la/ 'di de sangs rgyas thams cad kyi/ /rdo rje sems dpa'i phyag na gnas/ /khyod kyis kyang ni rtag tu zungs/ /phyag na rdo rje brtul zhugs brtan//zhes pa 'dis hUM las byung ba'i rdo rje slob ma'i lag tu sbyin par bya/ oM sar+b+ba ta thA ga ta sa ma ya badzra tiSh+Tha e Sha s+t+waM d+ha ra ya mi/ hi hi hi hi hUM zhes slob ma la brjod par byas nas rdo rje'i brtul zhugs blang bar bya'o/ /zhes pa ni rdo rje'i brtul zhugs sbyin par bya'o/ /de nas bdag nyid sangs rgyas kyi gzugs su bsams te/snying gar g.yon pa'i khu tshur gyis chos gos kyi grwa nas bzung ste/ g.yas pa mchog sbyin pa'i phyag rgya bcas nas/ slob ma gang gi rigs de'i gzugs su dmigs nas lung bstan par bya ste/ oM 'dir ni ngas khyod lung bstan phyir//rdo rje sems dpa' de bzhin gshegs/ /srid pa'i ngan 'gro rnams las bton/ /srid pa'i mchog ni 'grub par byed/ /kye de bzhin gshegs pa che ge mo/ /khyod ni dam tshig bsgrub pa'o/ /b+hur b+hu ba swaHzhes lung bstan byas la/ gang 'di lta bu'i chos 'byung ba'i phyag rgyas lung ston par byed pa ste/de ni de bzhin gshegs pa thams cad dang / de ni 'khor gyi byang chub sems dpa' dang bcas pa'i dkyil 'khor rnams kyis mgrin gcig tu bla na med pa yang dag par rdzogs pa'i byang chub tu lung ston par byed do/ /gang 'di lta bu nyid ni chos 'byung ba'i phyag rgya ste/ byin gyi rlabs kyis stobs te/'di ni sngags kyi stobs so/ /zhes dang por bya'o zhes brjod do/ /de dag gis lung bstan pa'o/ /de'i rjes la/ ma hA sa ma ya hUM phaT ces brjod cing dbugs dbyung ba sbyin par bya'o/ /gsang ba'i dkyil 'khor mchog tu ni/ /zhugs shing mthong ba dam pa ste/ / sdig pa kun las grol bar gnas/ /khyod ni de ring bzang por gyur/ /theg pa chen po bde chen 'dir/ /yang ni 'chi ba yod min te/ /srid pa'i mchog ni 'grub pa'i phyir/ /srid pa'i sdug bsngal las brgal ba'o/ /byang chub sems ni spang mi bya/ /rdo rje zhes pa'i phyag rgya ste/ /gang zhig bskyed pa tsam gyis ni//sangs rgyas nyid du the tshom med/ /dam pa'i chos ni spang mi bya/ /nam yang bor bar bya ba min/ /mi shes pa'am rmongs pa la/ /de ni bstan par mi bya'o/ /rdo rje dril bu'i phyag rgya yang / /nam yang spang bar mi bya'o/ /slob dpon dag kyang smad mi bya/ /de ni sangs rgyas kun dang mnyam//rang dag yongs su spangs nas su/ /dka' thub rnams kyis gdung mi bya/ /ji ltar bde ba bde ba gzung / /'di ni ma 'ongs rdzogs sangs rgyas/ /de ring slob dpon dkyil 'khor gyur/ /sngags dang rgyud rnams 'dzin par 'gyur/ /sangs rgyas byang chub sems dpa' dang //lha rnams kun gyis mthun par gsungs/ /sems can rjes su brtse don du/ /khyod kyis dkyil 'khor cho ga bzhin/ /nan tan gyis ni bri bar gyis/ /sgrub po rnams kyang rgyud la sbyor/ /zhes pa ni dbugs 'byung sbyin pa'o/ /rjes su gnang ba la sogs pa bzhi po 'di rnams ni dbang bskur ba rnam pa lnga'i rjes la'am slob dpon gyi dbang bskur ba'i rjes la sbyin par bya'o//slob dpon gyi dbang bskur ba nyid ni phyir mi ldog pa'i dbang bskur ba zhes brjod do/ /dbang bskur ba lnga dang / slob dpon gyi dbang bskur ba la ni bum pa'i dbang bskur ba zhes brjod de/thams cad kyang bum pa'i bya ba la 'jug pas so/ /dbang bskur ba drug po 'di dag ni rgyud de kun dang mi 'gal ba'o/ /de dag ni slob dpon gyi dbang bskur ba ste/ rdo rje'i lus su rnam par dag pa'o/ /de'i rjes la yol ba la sogs pa rnams kyis dben par byas pa'i phyogs su slob ma gsang ba'i dbang bskur ba'i don du skal ba dang ldan pas phul te nges par phyung ba'i gnas skabs su gsol ba gdab par bya'o//byang chub rdo rje sangs rgyas la/ /mchod chen ji ltar stsal ba bzhin/ /bdag kyang rab tu bsgral slad du/ /nam mkha'i rdo rje bdag la stsol//bla mas kyang lha'i rnal 'byor du lhag par mos te/ rang rig pa mngon du byas la/ nam mkha'i khams su 'tsher ba yi/ shes rab pad+ma nas phyung ste/ shes rab gdong ni bcing ba dang / /thabs kyi gdong yang de bzhin te/ /mthe bo srin lag lag gis ni/ /slob ma'i kha ru lhung bar bya//des kyang a ho su kha zhes brjod cing longs spyod kyi sbubs su gzhug par bya ste/ rnam par snang mdzad kyi bdag nyid du son pa'o/ /des kyang langs te de lta bu nyid kyis sbyin par bya'o/ /de dag ni gsang ba'i dbang bskur ba ste/ rdo rje'i ngag rnam par dag pa'o/ / de'i rjes la slob ma'i lag tu ste/ phyag rgya lag tu gtad bya zhing / /de bzhin gshegs pa rnams por byas/ /spyi bor rdo rje yang dag zungs/ /bla ma rdo rje can gyis brjod/ /'di ni khyod bzung legs pa yin/ /sangs rgyas kun gyis brtan par gsungs/ /'khor lo bskor ba'i rnal 'byor gyis//dam pa'i bde ba yang dag brtsam/ /'jig rten gsum 'di dag pa ste/ /gzhan gyis kyang ni sangs rgyas min/ /de bas lhan cig mi gnas par/ /khyod kyis nam yang bya ba min/ /'di ni sangs rgyas thams cad kyi/ /rig pa'i brtul zhugs bla na med//rmongs pa gang zhig 'da' byed pa/ /bla med dngos grub 'byung mi 'gyur/ /zhes brjod la slob ma'i phyir te sbyin par bya'o/ /de nas rang lha'i bdag po'i rnal 'byor gyis/ de'i mtshog ma dang / snying ga dang / lte ba dang / gsang ba dang / brla rnams su rim pa ji lta ba bzhin du/oM hUM swa a ha zhes pa'i rig sngags kyi tshogs su bya'o/ /de'i rjes la hUM gis as pad+ma dang rdo rje ste/ de dag gi ze 'bru la yang a dang oM yig go/ /bu ga sgor yang phaT ser po bsam par byas la/ oM pad+ma su kha d+ha ra ma hA rA ga su khaM dad tsa tur a nan+da b+ha ga bi shwa hUM hUM kar+yaM ku ru shwa me zhes pas pad+ma byin gyis brlab pa dang /oM badzra ma hA dwe sha tsa tur a nan+da da ya ka khA kha mu khe ka ra so na tha hUM hUM kaR+YaM ku ru shwa me zhes pas rdo rje byin gyis brlab pa'o/ /de nas b+ha gar g.yon gyi rtsa gnas pa/ rdo rje dbyings kyi dbang phyug ma zhes bya/ cung zad sor mos bskyod byas nas/de yang bla ma'i bka' las shes/ /de'i rjes la/ oM sar+b+ba ta thA ga ta a nu rA ga Na badzra swa b+hA wa At+ma kou0f85haM/ zhes dga' ba brtsam par bya'o/ /mkha' khams rdo rje yang dag sbyor/ /reg pas ngo mtshar chen po las/ /gang zhig bde ba skyes pa des/ /mchog tu dga' bar des b yed pa'o//mchog dang dga' bral dbus su ni/ /mtshon zhing ltos la brtan par gyis/ /zhes pas shes rab ye shes kyi dbang bskur bas thugs rdo rje rnam par dag par byed pa'o/ /de nas/ ji skad gsungs pa'i cho gas dbang bskur sbyin/ /slob ma'i mos pas yid kyi yang dag shes//zab cing rgya che'i tshul la mos gyur na/ /dbang bskur rin chen tshig gi sbyin par bya/ /dga' ba bde ba cung zad bde/ /mchog tu dga' ba de las lhag /dga' bral chags dang bral nyid de/ /lhan cig skyes dga' lhag ma'o/ /dang po reg par 'dod pa dang / gnyis pa bde bar 'dod pa ste/ /gsum pa chags pa nyams pa ste/ /de nas bzhi pa bsgom par bya/ /rnam pa sna tshogs dang po'i dga'/ /mchog tu dga' ba rnam par smin/ /dga' bral rnam par nyed pa ste/ /lhan skyes mtshan nyid bral ba'o/ /rnam pa sna tshogs sna tshogs brjod//'o dang 'khyud pa la sogs la/ /rnam par smin pa de las bzlog /bde ba'i ye shes nyer longs spyod/ /rnam par nges pa grogs su brjod/ /bdag gis bde ba zos pa'o/ /mtshan nyid bral ba gsum las gzhan/ /chags dang chags bral rnam par spangs/ / des na 'di skad du gsungs te/ /'dod chags ma yin chags bral min/ /dbu mar dmigs par mi 'gyur te/ /gsum po spangs pas 'di nyid na/ /lhan cig skyes pa rtogs par brjod/ /ces dbang bskur ba thob pa ni bya ba byas pa'o zhes brjod de/ deng dus bdag tshe 'bras bur bcas//bdag gis gson pa 'bras bu ste/ /de ring sangs rgyas rigs su skyes/ /bdag ni da ltar sangs rgyas sras/ /gzhan yang 'dir de bzhin gshegs pa rnams kyis gsungs pa'i bkas dkyil 'khor du 'jug pa la sogs pa dang / dbang bskur ba so so la bla ma'i don du gos gsum dang yon dbul bar bya'o//ma 'byor bar gyur na dang po dang bar ma dang tha mar ro/ /thams cad du 'byor par ma gyur pa'i phyogs la ni/ kun phyogs gcig tu byas te/ thog ma nyid du gos gsum dang yon gyi bar du dbul bar bya'o/ / yang ma 'byor na ji ltar gang yang rung ba ste/ bla re dang 'phan rnams te/ ras bal 'jam po'i stan mthon po dang / gser gyi sor gdub nges par dbul bar bya'o/ /de bzhin du sbyin sreg dang rab tu gnas pa la yang ngo zhes pa'o/ /de nas/ sbyin sreg bya zhing gtor ma sbyin/ /'gro mchog rnams kyang gdul bya zhing //de rjes dge 'dun chos ston bya/ /mgon med phongs pa tshim par bya'o/ /zhes 'di dag thams cad kyi rdo rje dang rdo rje dril bu dang bcas pa'i lag par bya'o/ /de la/ rdo rje sor ni brgyad nas brtsams/ /nyi shu rtsa gnyis grangs mnyam bya/ /rdo rje brgyad ni tshul las byas//gser dang ra gan sogs 'byung ba'o/ /rdo rje zhes bya rnam pa gsum/ /rtse gsum rtse lnga rtse dgu pa'o/ /yang na rnam pa gnyis dbye ste/ /zhi dang ma zhi'i dbye bas so/ /bzhi pa sna tshogs rdo rje ni/ /rtse mo lnga pa gdong bzhi pa'o/ /dbus ma gzung ba'i gnas yin te//mtha' yi rtse mo de yi tshad/ /chu srin spel ba mtha' dang mthar/ /chu srin kha nas byung ba'o/ /kha sbom rtse mo bags kyis phra/ /rtse mo rgu zhing rim gyis rno/ /phyogs kyi cha las ma 'das pa/ /dbus ma'i rwa ni nas kyi dbyibs/ /rwa bzhi yi ni bar dag kyang / /dbus kyi rwa dang bar mtshams bya//rdo rje dang ni rjes mthun par/ /chung ngu gor gnyis cha bskyed bri/ /rtse mo phan tshun mnyam bya zhing / /dbus ma la ni cung zad bsnyung / /rwa brgyad rtsa ba'i yan lag tu/ /pad+ma'i kha khyer ska rags btags/ /dbus kyi cha ni cung zad tsam/ /ska rags las ni lhag par bya//phan tshun mnyam pa'i lhag ma ni/ /rim gyis nyis 'gyur mthon por bya/ /chu skyes 'dab ma brgyad mdzes pa'i/ /kha ni rtsa bar phreng ba gnyis/ /zhes pa ni rdo rje'i mtshan nyid do/ /dril bu'i drug cha kun nas zhal/ /de la cha bzhi dag pa yi/ /khar ba'i rang bzhin las ni bya/ / gzhan ni gzhan las bsrub pa yin/ /dril bu de'i ni nang gi khar/ /zheng dang chu ru mnyam par bya/ /kha khyer ut+pal brgyad cha yin/ /gzhan la bum pa'i cha dang ni/ /steng gi cha ni gnyis yin te/ /ngos su shes rab gdong pa bya/ /gdong de sngar gyi rdo rje phyed/ /nyid de rdo rje phyed 'dra bya//de ltar sor brgyad la sogs pa'i/ /dril bu'i rdo rje mthun par sbyar/ /cung zad chu skyes kha bye ba'i/ /kha'am yang na kha la mchu/ /zhes pa ni dril bu'i mtshan nyid do/ /rdul tshon gyi gzhi'i kha dog gi dbye ba brjod pa'i don du gsungs pa/ shar du shes rab ces bya ba la sogs pa ste go sla'o//las kyi cho ga mthong ba yis/ /zhes bya ba la sogs pa ni ji ltar rigs par nyi ma dang / zla ba la sogs pa la gnas pa'o/ /rdo rje zhes pa ni rtse lnga pa'o/ /'khor lo ni rtsibs brgyad pa'o/ /de lta bu la sogs pa zhes bya ba ni rin po che ser po cha dgu pa dang / pad+ma dmar po dang / ral gri ljang gu ste nang gi rim pa'i phyogs rnams su'o/ /mtshams rnams su ni 'khor lo dang / rdo rje dang / pad+ma dang / ut+pal rnams so/ /phyi rol gyi rim pa'i sgo rnams su ni tho ba nag po dang / dbyug pa dkar po dang / pad+ma dmar po dang / ral gri ljang gu'o/ /phyi rol gyi 'phar ma'i grwa rnams la yang thod pa rnam pa bzhi'o//phyag mtshan kun du zhal dang mtshungs/ /zhes bya ba ni lha rnams rang nyid kyi zhal gtso bo'i sku mdog dang po'i khru gang tsam zhes pa'i 'og na gnas pa'i rin chen sor gnyis pa dang / rdo rje sor drug pa bor ba ste/ yu ba khru gang gi tshad do/ /de'i steng du yu ba'i steng du gnas pa ste/ska rags kyis bcings pa sor bzhi pa las te steng du dkyil 'khor zhes pa ste gru bzhi pa'o/ /de dag thams cad kyi tshad ji tsam zhe na gsungs pa/ sor bzhi pa'i tshad ces pa'o/ /gting du sor gnyis zhes pa ni sor bzhi pa dang ldan pa la sor gnyis gting du bru ba ste/ zheng du sor bzhi pa la gting du sor phyed bor ba bru ba ste/ dkyil du ni rtse gsum pa'i rdo rje sor gnyis pa'o zhes pa ste/ man ngag go/ /bcud 'dzag khung bu zhes pa ni dgang gzar gyi mgo bor gnas pa/ pad+ma'i 'dab ma'i rnam pa zheng du sor brgyad pa/ zabs su sor gnyis pa'i dbus su rgyar sor bzhi pa brkos par gnas pa'i rdo rje rtse gsum pa sor bzhi'i tshad kyi dgang gzar la mar 'dzag pa'i don du sor phyed kyi bug pa gang yin pa de ni sor phyed de bcud 'dzag khung bu'o//de lta bu 'di ni khru do pa'i tshad kyi dgang gzar ro/ /blugs gzar pad+ma'i 'dab 'dra zhes pa ni/ blugs gzar khru phyed dang gnyis pa ste/de yang 'og tu rdo rje rtse lnga pa sor gnyis pa de'i 'og tu rin po che sor gcig pa'o/ /de'i steng du yu ba khru gang pa'o/ /de'i steng du yang ska rags sor gsum pas nye bar brgyan pa'o/ /de'i steng du sor drug pa'i tshad kyi pad+ma'i rnam pa'o/ /rdo rje rtse gsum sor gsum pas blugs gzar ro//rgyud kyi che ba'i bdag nyid bstan pa'i don du dkyil 'khor du ni ma zhugs zhes bya ba la sogs pa ste/ gshin rje'i gshed kyi rgyud la brten nas mchod pa dang dad pa tsam gyis zhes pa lhag ma'o/ /de nyid ji lta bu zhe na/ nag po zhes bya ba la sogs pa ste/ dbang po mchog gi rgyud dang 'bras bu'i tshul rdo rje sems dpa' nyid kyis mkhyen to zhes pa'i don to//rdo rje'i tshig ces pa ni rdo rje sems dpa'i nges pa'i tshig ste dngos po'i rang bzhin brjod pa ni dkyil 'khor du ni ma zhugs zhes bya ba la sogs pa'o/ /slob mas dkyil 'khor du gsar du 'jug pa'i don du de la zhes bya ba la sogs pa ste/'byung ba bzhi'i sa bon zhes pa rlung dang me dang sa dang chu ste 'byung ba chen po'i sa bon yaM raM laM baM yi ge rnams kyis so/ /'khor lo bzhi zhes pa ni rlung la sogs pa'i dkyil 'khor rnams so/ /gnas bzhi zhes pa ni rkang pa'i 'og dang /lte ba dang / snying ga dang / mtshog mar ro/ /rim pa ji lta ba bzhin du gnas rnams su sa bon gyi yi ge brjod pa'i don du rkang pa zhes bya ba la sogs pa'o/ /'khor lo bzhi bstan pa'i don du gsungs pa/ gzhu'i rnam pa zhes bya ba la sogs pa ste/ grwa gnyis su g.yo ba'i ba dan gnyis dang ldan pa'o//gru gsum zhes bya ba ni zur gsum mo/ /ba ne zhes pa ni me'i dkyil 'khor ro/ /rdo rje can ni 'dzin bzod pa/ /zhes bya ba ni rdo rje ri bo 'dzin par bzod pa'o/ /rdo rje ri bo de nyid bstan pa'i don du ri rab ces bya ba la sogs pa ste/ sprin zhes pa ni tshogs rnams so//bsil ba chen po zhes ji skad gsungs pa'i don gsungs pa'o/ /gangs kyi ri bo zhes bya ba la sogs pa la gangs kyi ri bo ni kha ba'i'o/ /'bebs zhes pa ni lus la 'bebs pa'o/ /ngag la 'bebs pa'i don gsungs pa/ rdo rje snang ba mtha' yas sbyor ba zhes bya ba ste/phebs pa'i slob ma'i lce la yi ge a dmar po yongs su gyur pa'i nyi ma la hrIHyig dmar po bltas pa de nyid snang ba mtha' yas su blta bar bya'o/ /de la zhes pa ni/ de'i tshe snang ba mtha' yas su rdzogs nas so/ /dri ba'i dam tshig ces pa ni dri zhing zhu ba ste/ ji skad du gsungs pa'i 'byung ba bzhi po bsgoms pas rang gi bsod nams kyi stobs las gang yang rung ba'i sems bkug pa gang gi rtags de bstan pa'i don du khru gang zhes bya ba la sogs pa'o//de nas zhes bya ba la sogs pa nas/ rin chen cod pan sor drug pa/ /zhes bya ba'i bar rtogs par sla zhes pa ste ma bshad do//gnod sbyin mo bsgrub pa'i don du gsungs pa/ de nas zhes bya ba la sogs pa ste/ gnod sbyin mo ni bsgrub dus su/ /zhes bya ba ni gnod sbyin mo bsgrub par 'dod pa'i dus su ste sngon mo che zhes lhag ma'o/ /sa bon ma gsungs pa yang man ngag gi hUM yig las skyes pa'o//de yang gzhal yas khang yongs su rdzogs pa ni gshin rje'i gshed kyi gzhal yas khang bzhin no/ /'di dag thams cad ni phyag gnyis pa yin la/ tho ba la sogs pa ni phyag drug pa nyid do/ /sngar gyi dkyil 'khor zhes pa ni rdul tshon bkye ba'i dkyil 'khor gyi 'khor lo'o//bzhin te gshin rje'i gshed kyi dkyil 'khor bzhin no/ /bdag po'i mtshan ma 'dzin zhes pa ni ral gcig ma bzhin thod pa dang gri gug 'dzin pa'o/ /don ni 'di yin te/ ral gcig ma'i rnal 'byor dang ldan pas sngags kyi yi ge 'bum cad mi smra bar bzlas te/ gang gi tshe gnod sbyin mo bsgrub pa de'i tshe gzhon nu mas bkal ba'i skud pa la ras kha tshar ma bcad pa las gnod sbyin mo bris pa'i thang ka bya ste/de yang rgyan thams cad kyis brgyan pa lang tsho phun sum tshogs pa dang / sgeg pa'i nyams dang / me tog dang / 'bras bur bcas pa'i mya ngan med pa'am/pa ta'am/ a mra'i shing rnams gang yang rung ba'i yal ga lag pa g.yon pas 'dzin cing g.yas pas mchog sbyin pa'o/ /de'i mdun du me tog dang / spos dang / bshos gtsang la sogs pa sbyin te/ dben pa'i gnas su ral gcig ma'i rnal 'byor dang ldan pas sngags bzlas par byas na nyi ma bdun gyis 'ong bar 'gyur ro//'ong bar gyur na dri zhim po'i me tog gi chu mchod yon du sbyin par bya'o/ /de nas las sgrub par 'gyur ro/ /ma dang sring mo dang / chung ma ste gang yang rung ba nges par smra bar bya'o/ /de lta bus des tha snyad du byed par 'gyur ro/ /gzhan du na gsod par byed ces so//yang na nag po'i bcu bzhi'am/ brgyad pa'i tshes gang yang rung ba la spang leb la sngar bzhin du bri bar byas la/ ral gcig ma'i rnal 'byor las snying ga'i sa bon gyis bkug ste/ tho ba la sogs pa'i sngags bzhin nye ba nyid du bkug pa dang / ri mo la gzhug pa dang bcing ba dang /dbang du byas la skye gnas lag pas bkab la sngags bzla bar bya'o/ /gzhan du cang mi smra bas so/ /de nas nyi ma bdun gyis 'ong bar 'gyur ro/ /'ongs nas sgrub po'i stobs kyis 'dod par byed cing rtse ba sna tshogs pa yang ston par 'gyur ro//'jigs pa yang ston par byed do/ /'on kyang 'jigs par mi bya zhing smra bar yang mi bya'o/ /de nas bde blag tu gyur pa'i rjes la dngos grub tu 'gyur zhing rnal 'byor pa gang yin par mngon par 'dod pa de dang rtse bar byed do/ /de nas kyang ma grub na de'i tshe gshin rje'i gshed kyi rnal 'byor ram/ral gcig ma'i rnal 'byor gyis rang gi snying ga'i sa bon las rdo rje lcags kyu spros pa dang / lcags kyu rnams kyis skye gnas phug la/ zhags pas ske nas bcings te bkug nas ri mo la gzhug par bya'o/ /de'i mgo bo nyid la gshin rje mthar byed bskal pa'i me dang mnyam par bsam par bya zhing 'og nas kyang re phas me'i thab khung ste/de nas nga rgyal dang bcas pas der bkug ste gshin rje gshed po'i sngags pas ral gcig ma'i sngags bzlas par byas nas nges pa nyid du nyi ma bdun na 'grub par 'gyur ro//de nas/ puk+ka sI ni rab tu bsgrub/ /ces bya ba la de'i dngos grub ni puk+ka sI zhes pa ste de ni snying po 'don par byed pa'o/ /sku mdog ser mo zhes bya ba ni go sla ste/ pu yig gi sa bon las skyes pa zhes pa lhag ma'o/ /puk+ka sI'i las zhes bya ba ni snying 'khrug pa'i las so/ / don ni 'di yin te/ de lta bu'i rnal 'byor pas lce la dza yig dmar po las byung ba'i 'od zer rnams kyis bsgrub bya'i snying phug ste/ snying khaM yig dkar por bsam par bya ste/ de nas de'i snying 'od zer de rnams kyis bkug ste/ rang gi snying la zhugs par bsam par bya'o/ / zhags pa ni g.yon du'o/ /tho ba ni g.yas par ro/ /g.yas pa na mda'o/ /gzhu ni g.yon pa ste/ de yang zhags pa ni de'i ske nas 'ching bar byed do/ /lcags kyu ni 'gug par byed do/ /gzhu ni bkang ste snying gi gnas su mda' rdeg par byed do/ /oM puk+ka puk+ka che ge mo'i puk+ka zhes bya ba 'di ni yi ge 'bum sngon du bsnyen par bya'o//mi snang ba'i don du gsungs pa/ de nas zhes bya ba la sogs pa la/ 'jam pa'i rdo rje rab bsgrub pa ni 'jam pa'i rdo rje rab tu grub nas bsgrub pa'o/ /ser po zhes pa ni rtsa ba'i zhal ser po'o/ /g.yas pa dang / g.yon pa dag ni dkar po dang sngon po'o/ /man ngag las ni g.yas pa na ral gri dang / mda' dang gri gug 'dzin pa'o/ /g.yon pa na ut+pal sngon po dang gzhu dang thod pa 'dzin pa dang / phyag ces pa ni g.yas pa'i phyag dang po'o/ /'khor lo la sogs gzhan la dgod/ /ces bya ba ni/ phyag gzhan lhag ma rnams su'o/ /gti mug gshin rje'i gshed la sogs pa bzhin du mtshan ma 'dzin pa'o/ /snying po bsdus pa zhes bya ba ni snying por gyur pa'o/ /phyag mtshan gyi gtso bo bstan pa'i don du gsungs pa/ mya ngan med 'dab ces bya ba ste/ me tog dang 'bras bur bcas pa'i mya ngan med pa'i yal 'dab bo//yal ga zhes pa ni byang chub kyi shing gi yal ga'o/ /dbyig pa zhes pas ni dbyi gu gsum pa'o/ /'di rnams kyang phyag gnyis pa'i phyir na gzhan gyis ni sdigs mdzub can no/ /sku mdog bstan pa'i don du gsungs pa/ ser dang zhes bya ba la sogs pa rim pa ji lta ba bzhin du'o//tho ba la sogs pa ni sngar bzhin no/ /bsgom zhes pa ni 'di lta bu'i bcom ldan 'das so/ /mthong bar mi 'gyur zhes pa la/ tsa yig ni bdag nyid snying rje'i dbang gis ston par yang byed do/ /gang du 'jam pa'i rdo rje sgrub pa'i thabs ston pa de bzhin du le'u 'di yang ngo //le'u bcu bzhi pa'i bshad pa rdzogs so// //sa bon phuHlas yang dag byung / /zhes bya ba ni sngar bzhin du gzhal yas khang la sogs pa yongs su rdzogs pa'i rjes la ste/ a la sogs pa rnams kyis ni me long lta bu'i ye shes dang / ka la sogs pas ni mnyam pa nyid dang /phuHyig las byung ba'i sbrul ni so sor rtog pa dang / sbrul gyi snying gar yang yi ge phuHni bya ba grub pa'i ye shes so/ /me long la sogs pa gcig tu gyur na ni shin tu rnam par dag pa'i chos kyi dbyings te/ de las skyes pa'i phuHyig ces bya ba ni rdo rje sems dpa' rdzogs te/phyag na sbrul rnams zhes pa ni g.yas pa'i phyag na'o/ /g.yas pa'i phyag gzhan dag ni ral gri dang ral gri gug 'dzin pa'o/ /g.yon pa'i phyag gsum du 'khor lo dang / pad+ma dang / thod pa bsnams pa'o/ /rma bya la ni zhon zhes pa ni rma bya la chibs pa'o//rma bya la sogs pa rim pa bzhin du phyag g.yas pa'i mtshan ma bstan pa'i don du gsungs pa/ sgro dang zhes bya ba la sogs pa ste/ sgro ni rma bya'i sgro'i tshogs so/ /yal ga ni byang chub kyi shing gi yal ga'o/ /lcags sgrog ni rdo rje lu gu rgyud do/ /'di rnams kyi rim pa ji lta bar kha dog dbye ba bstan pa'i don du gsungs pa/ser dang zhes bya ba la sogs pa'o/ /'di rnams kyi phyag mtshan ji skad gsungs pa'i bar du nas phyag gzhan rnams su yang gti mug gshin rje'i gshed la sogs pa bzhin du phyag mtshan rnams so/ /me tog la sogs pa zhes bya ba ni sngar bzhin du phyag gnyis pa nyid do//de ltar bsgom pa yongs su rdzogs pa dang / chu'i dkyil 'khor du laM yongs su gyur pa las dbang chen gyi dkyil 'khor ser po bsgom par bya'o/ /ku ru kul+le yang rdo rje'i ra ba dang rdo rje'i gur bskyed pa'i mthar thams cad snga ma bzhin no//khyad par ni mngon par byang chub pa lnga ste/ sa bon las ut+pal ni so sor rtog pa'i ye shes yin la/ de'i lte bar zla ba la gnas pa'i sa bon las spros pa dang bsdus pa ni bya ba grub pa dang / thams cad ro gcig tu gyur pa ni shin tu rnam par dag pa'i chos kyi dbyings so/ /de las byung ba'i hrIHyig ni rdo rje sems dpa'o//phyag brgyad du ni klu dgod de/ /zhes bya ba ni g.yas pa'i phyag bzhir mtha' yas dang / 'jog po dang / rigs ldan dang / dung skyong rnams rim pa ji lta bar ut+pal sngon po ltar sngo bsangs dang / dmar po dang / mdog sna tshogs dang / ser po rnams so/ /g.yon par phyag bzhir ni pad+ma dang / stobs kyi rgyu dang / nor bdag dang / pad+ma chen po rnams rim pa ji lta bar dkar po dang / nag po dang / ser po dang / dkar bsangs kyi mdog rnams so/ /klu 'gugs par byed pa gsungs pa/ 'dis ni char 'bebs pa'i nus mthu 'byung ba nyid do//de la man ngag ni 'di yin te/ kham phor so ma btang ba la rams kyi khu bas ral gri rtsibs brgyad pa'i 'khor lo'i dbus su pad+ma 'dab ma brgyad pa bris la/ lte bar ku ru kul+le'i sngags bsgrub bya'i klu'i ming dang spel te bri bar bya'o/ /oM ku ru kul+le hriH A mo g+ha nA ga A kaR+Sha ya/b+har sha ya/ tar dza ya/ gar dza ya/ phu hriHswA hA/ dbyar zla ra ba la sogs pa'i zla ba gsum la rim pa ji lta bar stobs kyi rgyu dang / dung skyong dang nor bdag rnams te/ de ltar brje shing bsgyur bas/ zla ba ni rim pa bzhin du klu rnams kyi ming dang spel bar byas la/kham phor so ma btang ba gzhan zhig gis kha sbyar bar bya zhing skud pa ser pos dkri bar bya'o/ /de ru ku ru kul+le dgug pa dang / gzhug pa dang / bcings pa dang / dbang du byas la yang dag par mchod cing gnang ba mnos nas klus byin gyis brlabs pa chu mig la sogs par bcug na der 'bebs par 'gyur ro//rig pa 'dzin ma dgug pa'i don du rdo rje lus med bstan pa/ de nas zhes bya ba la sogs pa ste/ dbang du byed ces pa ni phan par byed pa'o/ /phyag na mda' dang gzhu bsnams zhes bya ba ni g.yas pa dang g.yon gyi phyag dag na mda' dang gzhu 'dzin pa'o//dga' ba la sogs pa'i phyag mtshan bstan pa'i don du gsungs pa/ gzhu dang zhes bya ba la sogs pa'o/ /sku mdog bstan pa'i don du gsungs pa/ ser po zhes bya ba la sogs pa'o/ /ma 'gags pa la sogs pa ni/ rdo rje tsartsi ka la sogs pa'i sku mdog yin la/dpyid la sogs pa ni tho ba la sogs pa'i mdog go/ /'di dag thams cad kyang phyag gnyis pa'o zhes pa lhag ma'o/ /gshin rje'i gshed po zhes bya ba ni sngar gyi de bzhin du de bzhin gshegs pa rnams so/ /dgug pa'i cho ga bstan pa'i don du gsungs pa/bud med kyi ni zhes bya ba la sogs pa ste/ bya rog gi gdong gi nang du gnas zhes bya ba ni/ bsgrub bya bud med kyi skye gnas kyi dbus su gnas pa'o/ /gzhan yang bdag nyid rdo rje lus med kyi rnal 'byor dang ldan par gyur pas so/ /rdo rje lus med ces bya ba ni de'i sngags te sngags dang lha dag dbyer mi phyed pa'i phyir ro//de'i sngags ci zhe na/ gsungs pa/ yi ge si ta'i sngags so/ /yi ge si ta las yang dag byung / /zhes bya ba ni shin tu gsal ba'i 'od zer 'bar ba rnam par spros pa de'i lus thams cad khyab pa'o/ /myos nas bde ba 'dod ces bya ba ni shin tu bde ba 'dod pa'o/oM gyi yi ge dbyangs dang spel/ /zhes bya ba ni man ngag gis oM dang hriHyig ni dang por bya ba'o/ /yi ge swA hA de rjes sbyin/ /zhes bya ba ni yi ge sid+d+ha dbus su sbyin zhing mthar ni swA hA'i sgra sbyin par bya'o/ /de las ni oM hrI a mu ki me ba shi ba bstu sid+d+ha swA hA/lan bdun ni nyi ma bdun no/ /gang du rdo rje lus med kyi sgrub pa'i thabs bstan pa de ni rdo rje lus kyi sgrub pa'i thabs so/ /le'u bco lnga pa'i bshad pa rdzogs so// //shes par zhes pa ni mngon du byed pa'o/ /de'i rang bzhin bstan pa'i don du gsungs pa/phyag gnyis zhes bya ba la sogs pa ste/ rdo rje phyag tu zhes bya ba ni g.yas pa'i phyag rgya'o/ /go ro taM ni thod pa'o/ /gzhan la zhes pa ni g.yon par ro/ /phyag lnga zhes pa ni 'khor lo dang / rna cha dang / mgul rgyan dang / lag gdub dang / ska rags rnams so/ /sa bon hUM las yang dag byung //zhes bya ba ni bdun po rnam par dag pa ni bla na med pa'i mchod pa la sogs pa nas rdo rje sems dpa' zhu ba'i bar du byas nas so/ /yi dags la gnas zhes pa ni ro'i snying gar nyi ma la gnas pa'o/ /rab sbyor bas zhes bya ba ni rnam par dag pa las so/ /sna tshogs gzugs zhes pa ni dkar po dang /ser po dang / dmar po dang / sngo bsangs kyi mdog rnams so/ /yi dags la gnas zhes pa ni ro'i snying gar zla ba la gnas pa'o/ /chos kyi 'khor lo ni 'khor lo'i rtsibs brgyad pa'o/ /a shwat+tha ni byang chub kyi shing ngo / /yid bzhin nor bu dang /dpag bsam gyi shing ste de rnams kyi 'og tu ni rnal 'byor ma rnams bri bar bya'o/ /rdo rje zhes pa ni rtse lnga pa'o/ /lha mo zhes pa ni lha mo rnams kyi'o/ /phyag g.yas cha zhes bya ba ni g.yas pa'i phyag tu'o/ /thod pa'i snod ni mi'i snod do/ /a bas bya ni g.yon pa'o/ /yid du 'ong ba zhes bya ba ni spyan dang zhes bya ba la sogs pas so sor sbyar bar bya'o//sgo'i cha zhes pas ni shar phyogs dang / lho phyogs la sogs pa'i sgo rnams so/ /'khyil bar bcas zhes bya ba ni bdud rtsi 'khyil pa'i'o/ /las kyi cho ga mthong bas zhes bya ba ni phyogs kyi rnal 'byor ma rnams kyi g.yon du kha T+wAM ga'o//de la spyan la sogs pa ni dkar po dang / ser po dang / dmar po dang / sngo bsangs te/ 'khor lo dang / rdo rje dang / ral gri g.yas pa dag gis 'dzin pa'o/ /g.yon du ni thod pa 'dzin pa'o/ /gshin rje mthar byed la sogs pa ni tho ba dang / dbyug pa dang /pad+ma dang / ral gri 'dzin pa'o/ /g.yon pas ni zhags pa 'dzin zhing sdigs mdzub byed pa'o/ /de bzhin du ma gsungs kyang ye shes kyi 'khor lo gzhug pa dang / phyag rgya rgyas btab pa yang bya ba'o zhes pas so/ /'dir ni bcom ldan 'das bskyed pa nyid kyis dkyil 'khor pa zhes pa yang bskyed pa ste bcom ldan 'das kyi snying ga'i sa bon las so//le'u bcu drug pa'i bshad pa rdzogs so// //rgyud ni thams cad du bsgom pa rnams dkrugs kyang rim pa ji lta ba bzhin du rtogs par bya ste de bzhin du bshad pa gsungs pa/ rnam pa lnga ni zhes bya ba la sogs pa ste/de la a yig la sogs pa dbyangs kyi yi ge bcu drug po nyis 'gyur gyis zla ba me long lta bu'i ye shes kyi bdag nyid kyi rnam pa'o/ /ka la sogs pa dang wa ra ya dang bcas pa lhag ma ste/ gsal byed bzhi bcu tham pa nyis 'gyur gyi nyi ma ni mnyam pa nyid kyi ye shes te byang chub pa gnyis pa'o//sa bon gyi yi ge las mtshan mar skyes shing mtshan ma la yang sa bon zhes pa so sor rtog pa'i ye shes te gsum pa'i rnam pa'o/ /de dag las spro ba dang bsdu ba ni bzhi pa'i rnam pa'o/ /de la zla ba la sogs pa thams cad zhu ba ro gcig tu gyur pa ni shin tu rnam par dag pa chos kyi dbyings kyi ye shes te rnam pa lnga'o//sangs rgyas gzugs ni zhes bya ba ni rdo rje sems dpa'o/ /rdo rje can zhes bya ba ni glu bzhis nye bar bskul nas mngon par 'dod pa'i lha'i gzugs te gtso bo'o/ /de nyid gsungs pa/ glu bzhi zhes bya ba la sogs pa ste/tsa rtsi ka sogs zhes bya ba ni sngar gang byams pa la sogs pa bsgom pa de nyid du rtogs par bya ste dkyil 'khor pa rnams ni da dung bskyed par gyur pas so/ /gang du rdo rje sems dpa' bskyed pa med pa der ni thams cad sdug bsngal las byung ba'i mtshan ma la gnas pa'i sa bon rdo rje sems dpa' ste/gang gi phyir mtshan ma ni rdo rjer brjod la de gang sems dpa' ni sa bon te des na rdo rje sems dpa'o/ /de la khyad par ni glus bskul ba dang nye bar bral ba nyid de de dag thams cad yongs su gyur pa las skyes pa tsam mo//drug las skyes sogs zhes bya ba ni drug ste sngar bshad zin to/ /sogs zhes bya ba'i sgra ni dbyangs du ma dang ldan pa'o/ /langs zhes pa ni bzhengs pa'o/ /dad sgrol zhes pa ni rje btsun no/ /snying rje khros pa zhes bya ba ni thugs rje las bskul ba'i khro bo'o/ /khams gsum zhes bya ba ni srid pa gsum ste/'dod pa'i khams dang / gzugs kyi khams dang / gzugs med pa'i khams so/ /sol zhes pa ni sol bar byed pa'o/ /de dag ni rdo rje tsartsi ka'i'o/ /bdud 'di dag las zhes bya ba ni nyon mongs pa dang lha dang phung po dang / 'chi bdag gi gzugs te bdud bzhi po 'di dag go//rgyal bar mdzod ces pa ni pha rol las rgyal ba ste rgyal bar byed pa'o/ /dad sgrol zhes bya ba ni rgyal rigs so/ /mdzod ces pa ni 'dod pa'o/ /rdo rje phag mo'i'o/ /'jig rten mgon pos zhes bya ba ni 'jig rten pa rnams mgron du bos pa'o/ / stong nyid ni stong pa nyid las te bde ba chen po'i ror mthar phyin pa'o/ /'jig rten bsod nams zhes bya ba ni 'jig rten pa'i bsod nams kyis so/ /de dag ni rdo rje dbyangs can ma'i'o/ /ci'i phyir khyod ni gang gi phyir/ /stong nyid sems zhes bya ba ni/ stong pa nyid rnam par sems pa ste/stong pa nyid ni don du'o zhes pa'o/ /'jig rten mgon pos zhes bya ba ni 'jig rten rnams bos pa'o/ /de dag ni rdo rje gau rI'i'o/ /gru'i dgos pa bstan pa'i don du gsungs pa/ ji ltar zhes bya ba la sogs pa ste/ don ni 'di yin te/ thugs rje chags pa'i sems kyis zhu zhing thim pa'i rjes la yang dag par bskul ba dang de'i rjes la skar mda' 'phang ba bzhin byang chub kyi sems zhugs so zhes rtogs par bya'o//byang chub kyi sems zhes bya ba ni oM AHhUM zhes pa'i yi ge gsum po 'bar ba'i gzugs so/ /rgyud 'dir bde blag tu rtogs pa'i don du thog mar zhes bya ba ni ngag gi brda ste dang po'i rnal 'byor gyi dang po bstan pa'i don du rdo rje sems dpa'i dang po ste/bdun po rnam par dag pa bla na med pa'i mchod pa nas bzung ste/ rdo rje sems dpa' rdzogs pa'i mthar thug pa ste rnal 'byor zhes bya ba'i don to/ /de'i rgyu mthun zhes bya ba ni rdo rje sems dpa' de nyid zhu ba las yang dag par bskul bas langs pa'i lha ste 'bras bu gshin rje gshed do//'khor lo thams cad ces bya ba ni dkyil 'khor pa'i lha rnams kyi 'khor lo'i tshogs so/ /sku dang gsung dang thugs nyid ces bya ba ni/ sku dang gsung dang thugs byin gyis brlabs pa'o/ /de dag gi don ni 'di yin te/sgrub thabs legs par brjod par bya'o/ /rang gi snying gar yaM yig dmar po las byung ba'i nyi ma dmar po de la gnas pa'i hUM yig nag po las 'od zer rnams phyung ste/ mdun du zhags pa dang / lcags kyu'i rnam pa gnyis su gyur pas/ gshin rje gshed kyi dkyil 'khor gyi 'khor lo dang 'dra bar bsgom par bya ba'i 'og nas phug cing steng nas bcings te/mdun du gnas pa la 'od zer rnams drang por bya ste/ de dag gi sgo las mchod pa sna tshogs pa rnams sprul zhing phyag bya ba dang / ji srid du bdag gis sdig pa bgyis pa dang bgyid du stsal ba dang / rjes su yi rang ba'i sdig pa de dag thams cad bshags par bgyi'o//yang bdag gis 'tsho ba'i don du mi bgyid do zhes sdom par bgyid do/ /gang ji srid bsod nams byas pa de dag la rjes su yi rang ba dang / de nas de ltar mchod pa la sogs pa ji srid bsod nams su gyur pa de dag thams cad 'gro ba rnams kyi don du bla na med pa'i byang chub tu yongs su bsngo bar bgyi'o//byang chub ma thob kyi bar du sangs rgyas la skyabs su mchi'o/ /chos la skyabs su mchi'o/ /dge 'dun la skyabs su mchi'o/ /de'i rjes la bdag nyid kyis gshin rje gshed kyi rang bzhin du sangs rgyas par gyur pa dang /sems can thams cad dpal gshin rje gshed kyi gzugs su rgyas par bya'o/ /de lta bu'i don gyis bdag nyid gsang sngags chen po 'di nyid yang dag par bsten par bgyi'o/ /de ltar mchod pa dang / sdig pa bshags pa dang / bsod nams yongs su bsngo ba dang / gsum la skyabs su 'gro ba dang / byang chub mchog tu sems bskyed pa dang / lam bsten pa'i mtshan nyid do zhes pa bdun po rnams yang dag pa'i mchod pa byas la sems can thams cad la bu gcig pa ltar brtse ba'i mtshan nyid can gyi byams pa dang /sdug bsngal dang / sdug bsngal gyi rgyu las yang dag par bsgral bar 'dod pa'i mtshan nyid can gyi snying rje dang / rnam pa thams cad kyi bde ba yang dag par bsdu bar 'dod pa'i bdag nyid can gyi dga' ba dang / de bzhin du 'jig rten las 'das pa'i bde ba'i rgyun la 'dod pa'i rnam pa can gyi btang snyoms te/de lta bu'i tshangs pa'i gnas bzhi bsgom par byas la/ 'gro ba rnams rmi lam dang sgyu ma lta bur bsam zhing / oM shU n+ya tA dz+nyA na badzra swa b+hA wa At+ma kou0f85haM zhes pa'i sngags brjod pas sems nam mkha' dang m nyam par bya'o//mdun du re pha las ni nyi ma rnam par bsgom/ nyi ma der ni hUM byung sna tshogs rdo rje ste/ rdo rje de nyid kyi ni ra ba dang / gur bcangs pa yang rnam par bsgom par bya'o/ /des sa gzhi bcing ba dang / de ni khang pa lta bu ste de'i nang du sna tshogs rdo rje gnas pa'i steng du gnas pa nam mkha'i bdag nyid nam mkha'i phyogs su yaM yig nag po las rlung gi dkyil 'khor nag po gzhu'i rnam pa gnyis su ba dan g.yo ba gnyis dang ldan pa'o//de'i steng du raM yig dmar po las me'i dkyil 'khor dmar po gru gsum grwa rnams su re phas mtshan pa'o/ /de'i steng du baM yig dkar po las chu'i dkyil 'khor dkar po kha 'og tu bltas pa bum pas mtshan pa'o//de'i steng du laM yig ser po las sa'i dkyil 'khor ser ba grwa rnams su rdo rje rtse gsum pas mtshan pa bsgom par bya'o/ /de'i thog tu rlung gi dkyil 'khor la sogs pa thams cad yongs su gyur pa las gzhal yas khang rim pa gnyis par sna tshogs pad+ma'i 'dab ma'i steng du rang rang gi gnas ji lta bar zla ba dang nyi ma'i gdan rnams so//gru bzhi pa la sgo bzhi pa/ /ka ba brgyad kyis nye bar brgyan/ /rta babs bzhi dang yang dag ldan/ /dra ba dra phyed dril bu dang / /ba dan la sogs dang bcas pa'o//mtshan nyid thams cad yang dag par rdzogs pa bsgom par bya'o/ /nang gi rim pa'i dbus su a yig la sogs pa dbyangs yig bcu drug pa rnams kyis g.yas skor dang g.yon skor gyi nyis 'gyur las zla ba'i dkyil 'khor ni me long lta bu'i ye shes kyi rnam par dag pa'o//de'i steng du ka yig la sogs pa gsal byed rnams las lhag par da d+ha wa ya ra la'i yi ge rnams kyi nyis 'gyur gyi rim dang rim ma yin pa las nyi ma'i dkyil 'khor ni mnyam pa nyid kyi ye shes kyi rnam par dag pa'o/ /de'i steng du hUM yig la de nyid las rdo rje rtse lnga pa'o//de'i lte ba la yang nyi ma la gnas pa'i hUM yig ni so sor rtog pa'i ye shes kyi rnam par dag pa'o/ /hUM yig de nyid las gshin rje gshed kyi 'khor lo spros pas sems can gyi don byas nas yang snying por bkug pa ni bya ba grub pa'i ye shes so/ /de dag thams cad skad cig gis zhu bar gyur pa las dkar po ni shin tu rnam par dag pa chos kyi dbyings kyi ye shes su bsgom par bya'o//de ltar na mngon par byang chub pa rnam pa lngas rdo rje sems dpa' 'chad par 'gyur ba'i gshin rje gshed kyi phyag mtshan 'dzin pa sku mdog dkar po zhal gsum ni rtsa ba dkar po/ g.yas pa nag po g.yon pa dmar po dang ldan pa zla ba'i dkyil 'khor la gnas pa'o/ /rang snang ba'i rdo rje phag mo'i rnam pa dmar po dang snyoms par zhugs par blta bar bya'o/ /de dag ni rnal 'byor ro/ /de nas rang gi snying gar gnas pa'i hUM yig gi 'od zer rnams kyis gshin rje gshed kyi dkyil 'khor bkug ste/khar zhugs nas chags pa dang rjes su chags pas zhu bar bya ste/ rdo rje'i lam nas lha mo'i pad+ma'i nang du spros pa dang / byang chub kyi sems de dag las skyes pa dkyil 'khor pa'i sa bon gyi yi ge rnams gnas ji lta ba bzhin du dgod par bya'o/ / de la nang gi rim pa'i shar du ni zla ba'i dkyil 'khor la k+She yig dkar po dang / lho phyogs su nyi ma la gnas pa'i ma yig ser po dang / nub tu nyi ma la gnas pa'i me yig dmar po dang / byang du yig ljang gu nyi ma la gnas pa'o/ /me la sogs pa'i mtshams rnams su ni zla ba'i dkyil 'khor la gnas pa'i rim pa ji lta ba bzhin du dza sa do ru yi ge rnam pa bzhi dkar po dang /nag po dang / dmar po dang / ljang gu'i mdog go/ /phyi rol gyi rim pa'i shar dang / lho la sogs pa'i sgo rnams su ya tsa ni ra zhes pa'i yi ge bzhi po nyi ma la gnas shing nag po dang /dkar po dang / dmar po dang / ljang gu'i mdog go/ /grwa bzhi ru ni zla ba'i dkyil 'khor la gnas pa'i Na yo ni ra zhes pa'i yi ge bzhi po kha dog dkar por blta bar bya'o/ /de nas rang gi rig ma dang lhan cig tu chags pa dang / rjes su chags par zhu ba las rdo rje sems dpa' zhu ba'i gzugs su blta bar bya'o//de nas sngon gyi smon lam gyi stobs kyi dbang gis byams pa dang / snying rje dang / dga' ba dang / btang snyoms kyi tsartsi ka la sogs pa rnal 'byor ma bzhi po rnams nang gi rim pa'i grwa rnams su blta bar bya'o//de la rdo rje tsartsi kas ni 'di ltar gsol ba 'debs par byed de/ snying rjes khros pa'i rje btsun bzhengs/ /srid gsum kun gyi gti mug sol/ /de bzhin rdo rje phag mos kyang ste/ rje btsun gsol bas ma zhugs bzhengs/ /bdud ni dag las rgyal bar mdzod/ /de bzhin du rdo rje dbyangs can mas kyang /'jig rten mgon po stong nyid ji ltar bzhugs/ /rje btsun 'jig rten bsod nams kyis bzhengs shig /de bzhin du rdo rje gau rIs kyang / byang chub 'dod pa'i 'jig rten mgron bos nas/ /ci phyir khyod ni stong nyid sems par byed/ /glu'i de ma thag pa'i rjes nyid du/oM AHhUM zhes pa'i yi ge gsum po dmar zhing zhu ba'i tshogs su zhugs par blta bar bya'o/ /de nas zhu ba de nyid las nyi ma dmar po la gnas pa'i yaM yig sngon po las rdo rje sngon po rtse lnga pa'o/ /de'i lte bar yang nyi ma dmar po la gnas pa'i yaM yig sngon po'o//de nas sa bon dang bcas pa'i rdo rje yongs su gyur pa las bdag nyid zhe sdang gshin rje gshed gnag cing khro la drag po'i mgo bo'i phreng ba 'phyang ba 'dzin pa/ mche ba gtsigs pa/ dbu skra ser po gyen du 'bar ba/ smin ma dang / ag tshom ser po/ mche ba cung zad gtsigs pa/gsus pa 'phyang ba/ 'jig pa'i dus kyi me lta bu/ sbrul brgyad kyis brgyan pa/ stag gi pags pa rnams dkris pa/ zhal gsum pa/ rtsa ba nag po/ g.yas dkar po/ g.yon dmar ba phyag drug ste/ g.yas pa'i phyag gsum na rdo rje dang / ral gri dang //gri gug 'dzin pa'o/ /g.yon pa'i phyag gis ni 'khor lo dang / pad+ma dang thod pa 'dzin pa ma he chen po'i rgyab tu nyi ma la zhabs g.yon brkyang ba'o/ /dbu la sangs rgyas lnga'i rang bzhin gyi thod pa'i dum bu lnga gnas shing phyag rgya lnga 'dzin pa'o/ /ba spu'i bu ga rnams la rang dang 'dra ba'i gshin rje gshed kyi tshogs spro zhing /oM hrIHSh+T+r-iHwi kr-i tA na na hUM hUM phaT phaT swA hA/ zhes pa'i sngags brjod par bsam par bya'o/ /de dag ni rjes su rnal 'byor ro/ /de'i rjes la nang gi rim pa'i shar phyogs su gnas pa'i k+She yig las gti mug gshin rje gshed dkar po/rtsa ba'i zhal dkar ba/ g.yas sngon po/ g.yon dmar po/ phyag g.yas pa rnams kyis 'khor lo dang / ral gri dang / gri gug 'dzin pa'o/ /g.yon pa'i phyag rnams kyis rin po che dang / pad+ma dang / thod pa 'dzin cing oM dzi na dzika ces pa'i sngags brjod par bya'o//de nas lho phyogs ma yig yongs su gyur pa las phra ma gshin rje gshed sku mdog ser po/ rtsa ba'i zhal ser po/ g.yas dkar ba/ g.yon dmar ba/ g.yas pa'i phyag rnams kyis rin po che dang / ral gri dang / gri gug 'dzin pa'o/ /g.yon pa'i phyag rnams kyis 'khor lo dang /pad+ma dang / thod pa 'dzin zhing oM rat+na d+h+r-ika ces pa'i sngags brjod par bya'o/ /de nas nub phyogs su me yig yongs su gyur pa las 'dod chags gshin rje gshed sku mdog dmar po/ rtsa ba'i zhal dmar zhing g.yas pa nag po/ g.yon pa dmar po'o/ /g.yas pa'i phyag rnams su pad+ma dmar po dang /ral gri dang gri gug 'dzin pa/ g.yon pa'i phyag rnams su 'khor lo dang / rin po che dang thod pa 'dzin pa'o/ /oM a ro lika ces brjod par bya'o/ /de nas byang phyogs su da yig yongs su gyur pa las phrag dog gshin rje gshed marka ta'i mdog can/rtsa ba'i zhal ljang gu g.yas pa nag po/ /g.yon pa ser po/ /g.yas pa'i phyag rnams su ral gri dang / rdo rje dang / gri gug 'dzin cing / g.yon pa'i phyag rnams kyis 'khor lo dang / pad+ma dang / thod pa 'dzin cing / oM pradz+nyA d+h+r-ika ces pa'i sngags brjod par bya'o//bzhi po de rnams kyang zhabs g.yon brkyang ba dbu skra ser po gyen du 'greng ba/ spyan gsum zlum zhing dmar ba 'jig pa'i dus kyi me ltar bzod par dka' ba'o/ /de nas nang gi rim pa'i me'i mtshams su gnas pa ni dza yig las rdo rje tsartsi ka gti mug gshin rje gshed dang 'dra ba/byams pa chen po'i rang bzhin/ oM mo hA ra ti zhes pa'i sngags brjod cing blta bar bya'o/ /de nas bden bral du sa yig las rdo rje phag mo zhe sdang gshin rje gshed dang 'dra ba la/ rtsa ba'i zhal phag pa'i gdong can snying rje'i bdag nyid can/oM dwe Sha rA ti zhes pa'i sngags brjod cing bsam par bya'o/ /de nas rlung gi mtshams su do yig las rdo rje dbyangs can ma sku mdog dmar mo 'dod chags gshin rje gshed dang 'dra zhing dga' ba'i bdag nyid can/ oM rA ga rA ti zhes bya ba'i sngags brjod cing bsam par bya'o//de nas dbang ldan du du yig las rdo rje gau rI ma phrag dog gshin rje gshed dang mtshungs pa la/ ral gri'i gnas su ut+pal ser po 'dzin pa btang snyoms kyi bdag nyid can/ oM badzra rA ti zhes bya ba'i sngags brjod cing blta bar bya'o/ /rnal 'byor ma de rnams kyang zhabs g.yas brkyang bas gnas pa'o//de nas phyi rol gyi rim pa'i shar phyogs kyi sgor yaM yig las tho ba gshin rje gshed zhe sdang gshin rje gshed dang 'dra ba las khyad par ni rdo rje'i gnas su rdo rje rtse gsum pas mtshan pa'i tho ba 'dzin pa ste/ oM mud+ga ra d+h+r-ika ces pa'i sngags brjod par bya'o//de nas lho phyogs kyi sgor tsa yig yongs su gyur pa las dbyig pa gshin rje gshed phra ma gshin rje gshed dang 'dra ba las khyad par ni 'khor lo'i gnas su rdo rje rtse gsum pas mtshan pa'i dbyig pa 'dzin cing oM daN+D-i d+h+r-ika ces bya ba'i sngags brjod par bya'o//de nas nub phyogs kyi sgor ni yig yongs su gyur pa las pad+ma gshin rje gshed 'dod chags gshin rje gshed dang 'dra ba ste/ oM pad+ma d+h+r-ika ces bya ba'i sngags brjod par bya'o/ /de nas byang phyogs kyi sgor ra yig yongs su gyur pa las ral gri gshin rje gshed phrag dog gshin rje gshed dang 'dra ba oM khaD+ga d+h+r-ika ces pa'i sngags brjod cing bsam par bya'o//dkyil 'khor pa'i lha rnams kyang 'khor lo'i bdag po'i rgyan gyis brgyan pa'o/ /de nas phyi rol gyi rim par grwa bzhi la gnas pa ni na yo ni rA'i sa bon las sna tshogs pad+ma la gnas pa'i rang gi gdan la thod pa rnam pa bzhi por bdud rtsi rnam pa lngas gang bar bsam par bya'o//de dag ni 'khor lo thams cad rdzogs pa ste/ shin tu rnal 'byor du brjod pa'o/ /de nas dkyil 'khor gyi bdag po dang dkyil 'khor pa rnams kyi mig la sogs pa la/ oM badzra tsak+Shu/oM badzra kro d+ha/ oM badzra gra na/ oM badzra dzi ba/ oM badzra k+Sha ya zhes pa'i sngags kyis byin gyis brlab par bya'o/ /de bzhin du mgo bo la zla bar oM yig dkar po gnas pa dang / mgrin pa AHyig dmar po pad+ma dmar po la gnas pa dang / snying gar nyi ma dmar po la gnas pa'i hUM yig sngon po sku gsung thugs kyi bdag nyid du blta bar bya'o//de nas rang gi snying ga'i sa bon gyi 'od zer gyis nam mkha'i phyogs su gnas pa'i sangs rgyas thams cad la yang dag par mchod nas de bzhin gshegs pa thams cad de bdag la dbang bskur khyed kyis stsol zhes gsol ba gdab par bya'o//de nas de rnams kyis gshin rje gshed kyi gzugs su bya ste/ bum pa bdud rtsi lngas gang ba bzung ste dbang skur bar byed do/ /de nas phyi dang nang gi dri ma ma lus pa bkrus te 'bar zhing gsal ba dang ldan pa bdag nyid kyi phyi dang nang gi dri ma ma lus pa dag par blta bar bya'o//dkyil 'khor gyi bdag po dang dkyil 'khor ba rnams kyi dbu la rang gi rigs kyi bdag por blta bar bya'o/ /de yang 'di lta ste/ dkyil 'khor gyi bdag po ni mi bskyod pa'o/ /gti mug gshin rje gshed kyi rnam par snang mdzad do/ /phra ma gshin rje gshed kyi rin chen 'byung ldan no//'dod chags gshin rje gshed kyi snang ba mtha' yas so/ /phrag dog gshin rje gshed kyi don yod grub pa'o/ /rdo rje tsartsi ka ni rnam par snang mdzad do/ /rdo rje phag mo ni mi bskyod pa'o/ /rdo rje dbyangs can ma ni snang ba mtha' yas so/ /rdo rje gau rI ma'i ni don yod grub pa'o//tho ba gshin rje gshed kyi mi bskyod pa'o/ /dbyig pa gshin rje gshed kyi rnam par snang mdzad do/ /pad+ma gshin rje gshed kyi snang ba mtha' yas so/ /ral gri gshin rje gshed kyi don yod grub pa zhes pa'o/ /de'i rjes la rang gi snying ga'i sa bon gyi 'od zer gyis ye shes kyi 'khor lo bkug ste yang dag par mchod nas/oM mud+ga dzaH/ oM daN+Da hUM/ oM pad+ma baM/ oM khaD+ga hoHzhes pa'i sngags rnam pa bzhi dgug pa dang / gzhug pa dang / bcing ba dang / dbang du byas pas dam tshig gi 'khor lo dang ye shes kyi 'khor lo gcig tu bya'o/ /de nas yaM yig yongs su gyur pa las ji skad gsungs pa'i rlung gi dkyil 'khor la de sbar ba'i raM yig yongs su gyur pa las me'i dkyil 'khor ro//des bsros pa'i a yig dkar po yongs su gyur pa'i thod pa srog dang bral ba'i go ku da ha na oM yig gis byin gyis brlabs pas zhu bar gyur par blta bar bya zhing / oM yig gi thig le las byung ba'i 'od zer gyis de bzhin gshegs pa thams cad kyi thugs ka'i bdud rtsi blangs te/der zhugs pas bdud rtsi rnam pa lngas bsil bar bya ste/ oM AHhUM zhes pa'i yi ge gsum gyis byin gyis brlab cing lha rnams thams cad kyi zhal du hUM las skyes pa'i rdo rje rtse gcig pa'i 'od zer gyi sbu gus rab tu gzhug par blta bar bya'o//de nas 'khor lo tshim par gyur par blta bar bya zhing rdo rje tsartsi ka'i zhal gyi glus mchod par bya ste/ a kye kye gshin rje gshed nag bla/ /srin po'i gzugs kyi rang bzhin khyod/ /bdag gis khyod mthong shin tu 'jigs/ / khros pa'i rang bzhin 'di thong mdzod/ /de nas rdo rje phag mo'i zhal nas/ sa bla sa 'og sa stengs gsum/ /khyod kyi gar gyis g.yo bar mdzad/ /mig sman bdar 'chag khros pa'i thugs/ /khyod ni ro langs bzhin gar mdzod/ /de nas rdo rje dbyangs can ma'i zhal nas/ mdangs nag tshad ni thung pa la//rnam pa sna tshogs gzugs yul mdzad/ /dbyangs can ma bdag gsol ba 'debs/ /bde ba chen po khyod gar mdzod/ /de nas rdo rje gau rI ma'i zhal nas kyang / /hrIHShaT+r-iH'i sngags kyi gar gyis/ /srid pa gsum gyi 'khrul pa sol/ /rje btsun snying rje'i dbang gis khros//'gro bas gar byed pa ni mthong / /zhes pa'i glu'i dkyil 'khor yang dag par mchod nas de la bstod pa bya ste/ gti mug rdo rje'i rang bzhin khyod/ /gshin rje gshed po shin tu 'jigs/ /ston pa sangs rgyas kun rang bzhin/ /rdo rje sku la phyag 'tshal bstod/ /phra ma rdo rje'i rang bzhin khyod//gshin rje gshed po shin tu 'jigs/ /rdo rje thugs dang rab mtshungs pa/ /rdo rje rin chen phyag 'tshal bstod/ /'dod chags rdo rje'i rang bzhin khyod/ /'dod chags chos kyi 'byung gnas gtso/ /dbyangs kun gyi ni mchog gi mchog /rdo rje gsung la phyag 'tshal bstod//phrag dog rdo rje'i rang bzhin khyod/ /gshin rje gshed po las kun pa'i/ /rdo rje sku dang rab mtshungs pa/ /phyag na ral gri phyag 'tshal bstod/ /sangs rgyas kun gyi rang bzhin khyod/ /sangs rgyas thams cad gcig bsdus pa/ /sangs rgyas kun gyi mchog gi mchog /dkyil 'khor gtso la phyag 'tshal bstod/ /ces pa ste/ de ni rnal 'byor chen po ste/ /mig sogs byin gyis brlabs pa dang / /sku dang gsung dang thugs nyid dang / /ye shes 'khor lo gzhug pa dang / /bdud rtsi myang ba dag dang ni/ /mchod pa che dang bstod pa ni/ /rnal 'byor chen po zhes brjod pa'o//zhes pa 'dis nye bar mtshon par bya ste/ 'chad par 'gyur bas kyang rnal 'byor chen por rtogs par bya'o/ /bdag nyid de ltar bsgoms nas thams cad kyi snying gar rang rang gi stan dang zla ba dang nyi ma la gnas pa'i rang rang gi sa bon yi ge rnams blta zhing bzla bar bya'o//de la sngags ni 'di yin te/ oM yak+She ma med ya tsa ni rA dza sa do ru/ Na yo ni rA hUM hUM phaT phaT swA hA/ de bzhin du lha thams cad kyi sku rnams las rang dang 'dra ba'i lha'i sku sems can gyi don du spro bar bya'o/ /de la zhe sdang gi rigs kyi snod du gyur pa'i sems can rnams btul nas mchod pa chen po zhe sdang che ba la bkod nas 'od zer te dkyil 'khor gyi bdag po'i lus la rab tu zhugs pas zhe sdang gshin rje gshed kyi 'khor lor blta bar bya'o//de bzhin du gti mug gi rigs kyi snod du gyur pa'i sems can rnams mchod pa chen po gti mug che ba la bkod nas gti mug gshin rje gshed kyi tshogs rnams gti mug gshin rje gshed kyi sku la bsdu bar bya'o//de bzhin du phra ma'i rigs kyi snod du gyur pa'i sems can rnams mchod pa chen po phra ma che ba la bkod nas phra ma gshin rje gshed kyi sku lha'i 'khor lo rnams bsdu bar bya'o/ / de bzhin du phrag dog gshin rje gshed la sogs pa rnams kyang rtogs par bya'o/ /de ltar yang dang yang du bsgom par byas pas ngal bar gyur na yan lag drug gi rnal 'byor bsgom par bya ste/ nag dang ser dang de bzhin dmar/ /sngo bsangs dkar ljang rim pa las/ /lhan cig skyes dga' tsam du ni//'khor lo bdag por bcas pa bsgom/ /de nas langs te sngar bzhin du lha'i 'khor lo rnams bsgom zhing spro ba dang bsdu ba la sogs pa'i sngags bzla bar bya'o/ /de ltar lha'i rnal 'byor dang ldan pas gtor ma byin gyis brlab pa dang zhi ba la sogs pa'i las rnams brtsam par bya'o//de nas ji ltar bya ba bstan pa'i don du gsungs pa/ slob dpon zhes bya ba la sogs pa ste/ bde gshegs bka' zhes pa ni bcom ldan 'das kyis ji skad gsungs pa'i gang la gnas pa 'di ni bya ba'o/ /'di ni mi bya ba'o/ /spun zhes pa ni rdo rje 'chang gi spun du gyur pa ste sems can rnams nyid kyi skyon bstan par mi bya'o zhes pa 'brel te/de bzhin khro bar mi bya zhes pa ni khros pa las legs pa'i chos bstan pa ma yin pa'o/ /bden pa zhes pa ni don dam pa'o/ /chos zhes pa ni rul pa dang 'gal ba la sogs pa'o/ /chos la tshad ni zhes pa ni zab cing rgya che ba'i lha la sogs pa la ste dgos pa chung ngu la zhes bya ba'o//rtag tu bsten par bya zhes pa ni lhag ma'o/ /shes rab rang bzhin zhes bya ba ni shes rab kyi pha rol tu phyin pa'i gzugs brnyan rnams kyi'o/ /slong mos zhes bya ba ni gzung ba dang 'dzin pa'i mngon par zhen pa med pas so//rnal 'byor par mi bya zhes bya ba ni lha'i rnal 'byor ro/ /rtag par ni dus thams cad du'o/ /rtag tu zhes pa ni mnyam par gzhag pa dang mnyam par ma bzhag pa'i rnal 'byor gyis so/ /sngar dam tshig mngon par brjod pa las yang gang zhig brjod pa ni de'i don yang 'di yin te bsrung ba dang /bza' ba de dag gi dam tshig ni gnyis te/ sngar ni bza' ba'i dam tshig brjod pa yin la/ 'dir ni bsrung ba'i dam tshig tu dgongs te/ bla ma smod pa zhes pa ni gnod pa byed pa'o/ /de bzhin dam tshig ces bya ba ni dam tshig nyams pa na'o/ /dkyil 'khor zhes bya ba ni rdul tshon gyi dkyil 'khor ro//bde gshegs rnams la zhes pa ni bla ma rnams la zhes pa'o/ /de dang nye bar ma gyur na sangs rgyas rnams nyid la'o/ /nyams pa'i gnas skabs su bla ma 'di ji lta bu zhig la bya zhe na gsungs pa/ /dad pas zhes bya ba la sogs pa ste/ dam tshig ces bya ba ni go ku da ha na la sogs pa bsten pa'o/ /gzhan mi rtag ces bya ba ni dam tshig bsten par byed pa ji ltar gzhan gyis mi rigs pa'o/ /nyes pa ma lus zhes pa ni lung las gsungs pa'i nyes pa gsungs pa'o/ /bsam gtan la sogs zhes bya ba ni lha'i rnal 'byor dang ldan pa'o//sems can mchog gzhol zhes pa ni sems can gyi don mchog pa'o/ /bla ma der ni bla ma zhes bya ba ni bla ma de la gus par bya ba'o/ /slob ma'i yon tan bstan pa'i don du gsungs pa/ bstan zhes pa ni bstan pa nyan pa dang klog pa'o/ /dul ba zhes bya ba ni sems can thams cad las dman par sems pa'o//dad pa'i bsam pa ni rab tu dang ba'o/ /mdzes zhes pa ni lus dang yan lag dman pa ma yin pa'o/ /smin bya zhes pa ni chos bstan pa la sbyor ba'o/ /mchog tu dga' ba chen po zhes bya ba ni lhan cig skyes pa'i dga' ba'o/ / dga' bar gyur zhes pa ni mchog tu tshim par byed pa'o/ /ched du brjod ces bya ba ni brjod pa dang ldan pa rnams so/ /ci brjod ce na gsungs pa/ gshin rje gshed kyi mthar thug ces pa ni dpal gshin rje gshed kyi rgyud dang lhar dngos grub myur ba gdon mi za bar 'byung ba'i 'khor lo rnams las gzhan dag tu de bzhin du ma yin pas so//thod pa'i mthar thug ces pa ni thod pa 'chang ba'i mthar thug pa ste/ he ru ka'i rnal 'byor gyi mthar thug pa'o/ /de lta bas na nyan thos la sogs pa'i brtul zhugs ni mthar thug pa ma yin no zhes pa'i don to/ /e ma'o zhi ba chen po'i chos//zhes bya ba ni rmi lam dang sgyu ma lta bu gnyis med bden par mi 'gyur ba las zhi ba chen por byed pa pos 'jigs par mdzad pa zhes pa ni zhi bar gyur nas gdul bya rnams la rmad du byung ba'i 'jigs pa'i gzugs su ma sprul pa'o/ /de lta bu'i lha gnyis gsungs pa/ e ma'o zhes bya ba la sogs pa'o//'khor ba mya ngan las 'das zhes bya ba ni zhi ba'o/ /e ma'o 'khor ba zhi ba nyid/ /ces bya ba ni 'di yang 'khor ba lta bu'am/ 'jig rten pa lta bu ste/ lha rnams kyi rnam pas 'jug pa lta bu la yang rgyun gyis 'jug par byed pa'o/ /e ma'o 'di ni zhes bya ba la sogs pa ste/nyes pa gang de sha zhes pa ni khyim dang khyim thab dang / skye ba dang / 'chi ba la sogs pa'o/ /de dag ni 'khor ba'i skyon te/ 'dir yang de lta bu ste/ thams cad mchog gi yon tan du gyur pa yin no/ /gang gi phyir 'di ni gzhal yas khang du gnas pa la sogs pa yin yang 'ching ba'i rgyu ma yin te/'on kyang grol ba nyid du byed pa'o/ /yang skyon rnams yon tan du ji ltar byed ce na gsungs pa/ byang chub med cing zhes pa ste/ 'di yang byang chub 'di bsgrub par bya ba la/ byang chub sems dpa' ni sgrub par byed pa'o zhes logs su mngon par zhen pa med pa'o/ / mngon rtogs med ces pa ni mngon par rtogs pa ni byang chub kyi don du lam ste der logs su mngon par zhen par mi bya'o/ /dngos po min zhing bsgom pa min/ /zhes bya ba ni bdag nyid bsgom par bya ba dang / sgom pa po dang / bsgom pa ma yin te/ tha dad kyi mngon par zhen pa dang bral zhing sems nyid yang dang yang du goms par byed pa'i bdag nyid tsam mo//ci'i phyir yang mngon par zhen pa med ce na gsungs pa/ khams kyang min zhen zhes bya ba la sogs pa ste/ phyi rol gyi gzugs la sogs pa'i rten med pa'o/ /gzung ba med pas 'dzin pa yang med dam zhe na/kyang med ces pa ste/ 'dzin pa'i rnam par shes pa yang med ces pa'i don to/ /'o na so sor snang ba 'di ji lta bu zhe na/ nam mkha'i dkyil dang mtshungs pa nyid/ /ces pa ste/ gang gi phyir nam mkha' ni nam mkha'i rang bzhin no/ /sngon po dang / dkar po la sogs pa'i rang bzhin dang bral ba snang ba tsam ste/de lta bu yang mun pa dang / sprin la sogs pa'i gzhi yin pa de rnams bsdus nas nam mkha' nyid ni/ /'dir 'di lta bu zhes rmongs pa'i yin can rnams mngon par zhen pa'o/ /de bzhin du bde ba chen po ro gcig par rtogs pa rnam pa dang bral ba'i shes pa dang 'di nyid la ste/de lta bu rnam pa sna tshogs pa'i gzhi yin pas de nyid rang bzhin no zhes rmongs pa rnams mngon par zhen pa'o/ /'di nyid gsungs pa/ nam mkha' lta bu zhes pa ste/ /bdag med chos 'di bde chen po/ /zhes bya ba ni sems nyid bde ba chen po'i rang bzhin de nyid bdag med pa'i chos yin la/de yang snang bar 'dod cing rnam pa'i rang bzhin med par gyur pa ste/ rang bzhin med pa rnam pa bral ba zhes pa'o/ /gzung ba dang 'dzin pa'i dngos po med pa de'i phyir na 'byung ba lnga ma grub par bstan pa'i don du gsungs pa/ sa yang ma yin zhes bya ba la sogs pa ste/ sa la sogs pa ni rdul phra rab kyi tshogs nyid du 'dod cing rdul phra rab kyi cha shas med pa'i dngos po zhes brjod de/ 'di ni phyogs kyi cha'i dbye bas rtogs pa gang la cha shas med pa yin/ de lta bas na rdul phra rab ma grub pas sa la sogs pa'i bya ba ni snyim pa chu gter ba nyid do//gal te 'di dag thams cad la gzung ba dang / 'dzin pa sna tshogs rang bzhin gyis med na gang las skye bar 'gyur zhe na/ gsungs pa/ rdo rje zhes bya ba la sogs pa ste/ rdo rje ni mi phyed pa'i ye shes so/ /de'i bden pa ni sems pa'o//de'i rab tu sbyor bas zhes pa ni gti mug rab tu 'byed pa'i sbyor ba'o/ /bskyed pa ni de las te/ 'dir rten cing 'brel bar 'byung ba dang por 'di ni blta bar bya/ bdag ni lta byed do zhes pa la sogs pa'o/ /de yang ci gzung ba dang 'dzin pa de zhes pa la brten pa ma yin nam zhe na/gsungs pa/ thams cad ces bya ba la sogs pa ste/ dngos po thams cad ces bya ba ni gsal zhing snang ba brten pa'i gzung ba dang 'dzin pa'i rnam pa'o/ /dngos med bshad ces pa ni bden pa'i ngo bo ma yin pa'o/ /de'i don ni 'di yin te/ shes pa la brten nas gzung ba dang 'dzin pa'i rang bzhin du rtag pa yang ci pha rol po'i shes pa ni gzung ba dang 'dzin pa'i rang bzhin ma yin te/pha rol gyi rang rig pa mngon sum du ma gyur pa'i phyir ro/ /rang gi yang dag par rig pa la brten pa yang ma yin te/ gzung ba dang 'dzin pa ma yin pa'i phyir ro/ /'das pa dang ma 'ongs pa yang mngon du gyur pa ma yin pas na gzung bar ma grub pa nyid do//da ltar byung ba'i rang rig pa yang gcig pa nyid kyis na gzung ba dang 'dzin pa ji ltar yin te bdag nyid la bdag nyid byed pa 'gal ba'i phyir ro/ /de lta bu nyid kyis na dngos po med pa zhes bya ba la sogs pa ste/ ces zhes bya ba ni gang de lta bu de'i don gyis na dngos po med pa ste/ shes pa la brten pa'i gzung ba dang 'dzin par yang dngos por ma grub pa'o/ /'o na 'di lta bu yang ste bden par gyur pa'i gzung ba dang 'dzin pa'i rnam pa spang ba'i don du nges pa nyid du thabs goms par byas na de ni gnyen po la ste bden pa'o//de lta bu'i sbyor ba gang la yod pa de ni rnal 'byor pa zhes 'os pa'o/ /rnam pa gzhan gyis gzung ba dang 'dzin pa nyid do zhe na/ gsungs pa/ rnal 'byor zhes bya ba la sogs pa'o/ /don ni 'di yin te/ rnal 'byor pa'i 'brel pa ni yod pa ste/ gzhan yang 'di ni chad pa ma yin te snang ba tsam du yod pa'i phyir ro//ji skad gsungs pa'i dpyad pa mi bzod pas na rtag pa ma yin pa dang / don dam pa yang ma grub na rnam pa gzhan gyis gzung ba dang 'dzin pa'i ngor rtag pa de ji ltar grub/ de ni lha'i rnal 'byor pa yang don 'di gsal bar bya ba'i phyir yan lag med cing zhes pa la sogs pa ste gsal zhing snang ba las yan lag la sogs pa ste/des na chad pa yang ma yin zhing ji skad gsungs pa'i dpyad pa mi bzod pas na rtag pa ma yin pas so/ /ci de lta mod kyi 'on ni don dam pa gang yin zhe na/ gang mchog tu dga' ba'i mtshan nyid can no zhes pa lhag ma'o//gzung ba dang 'dzin pa'i rnam pa yongs su spangs pa gang bde ba chen por ro gcig pa'i ye shes de ni bden pa zhes pa'i don to/ /gang las she na/ gsungs pa/ dngos po thams cad ces bya ba la sogs pa ste/ dngos po thams cad ces bya ba ni phyi dang nang gi zhes bya'o/ / de'i rten ni shes pa'i rnam pa ste/ chos can de las chos rnams 'byung bar 'gyur ro/ /de rnams kyang don dam par ma grub pa'o zhes pa'i dgongs pa bstan pa'i don du gsungs pa/ thog ma zhes bya ba la sogs pa'o/ /bcom ldan 'das kyis ji skad gsungs pa de dag bdag gis rtogs par byas nas go bar bya ba'i don du gsungs pa/de nas bcom ldan 'das ma rnams zhes bya ba la sogs pa ste/ de dag gi ci zhig brjod ce na/ dri med ces bya ba la sogs pa la dri med ni dri ma med pas te phyi rol gyi gzung ba dang de la ltos pa rnams so/ /dag pa ni rnam par dag pa ste/ye shes ni gzugs su gzung ba dang de la ltos pa'i gzung ba dang 'dzin par ma byung ba'o/ /ho zhes pa ni mnyes pa'o/ /gang yin zhe na/ gsungs pa/ mchog tu zhes bya ba la sogs pa ste/ mchog ni ma bcos par 'dod pa yin la/ dga' ba ni bde ba chen po yin pas so//'di lta bu yang thabs kyi bsgrub bya bsod nams bden pa'i bdag nyid ma yin no zhe na/ gsungs pa/ bsod nams zhes bya ba la sogs pa ste/ bsod nams ni bsod nams kyis so/ /thob pa zhes pa ni rab tu thob pa'o/ /ma zhes pa ni ma yin pa'o//'brel pa ni 'brel par byed pa'o/ /de yang thabs kyi rang bzhin gyis phyi rol gyi bsod nams bden pa'i bdag nyid de der byed do zhes pa'i don to/ /thabs kyi ngo bo ni lus su snang ba tsam dang / bsod nams kyi rang bzhin yin pas na yod pa nyid do/ /'o na de lta bu ni gzung ba dang 'dzin pa spangs pa na rnam par shes pa tsam 'ba' zhig gis gnas pa yang ma yin pa de ni stong pa nyid tsam du brjod cing snying rje med par 'gyur bas na/de ltar 'di yang bcom ldan 'das nyid kyis dbyer med du gsungs pa'i don du snying rje'i sems kyis zhes pa ste/snying rje'i sems ni rmi lam dang sgyu ma lta bu'i rang bzhin gyi ngo bo'o/ /yod ces pa ni ji srid nam mkhar gnas pa'i bar du sems can ma lus pa'i don mdzad pa'i nus pa yod pa'o/ /dang ba zhes pa ni gzung ba dang 'dzin pa yongs su spangs pa ste dri ma med pa'o//de'i phyir 'di nyid gsungs pa/ gter chen gcig pus zhes pa la gter chen ni gter chen po dang 'dra ba ste/ 'gro ba ma lus pa'i tshor ba ster bas na'o/ /de bzhin nyid ces pa ni dbyer mi phyed pa'i ye shes kyi bdag nyid bcom ldan 'das so/ /stong pa zhes pa ni gzung ba dang 'dzin pa'i skyon dang bral ba'o//'o na de lta bu don dam pa byas pas 'gro ba 'di dag rnams la ni skye zhing 'gro ba yin pas de dag gi rang bzhin la ma khyab po zhe na/ gsungs pa/ mchog tu zhes bya ba la sogs pa ste/ mchog ni 'gro ba la khyab pa'o/ /dga' ba ni nyon mongs pa dang bral ba'o//de'i phyir 'di nyid dang po zhes pa ste dang po nyid dngos po med pa ste/ gcig gi rang bzhin du 'os pa med pas khyab ces pa'i don yin la/ de yang gcig gi rang bzhin du nges pa la ni mchog tu dga' ba med do zhes pa'o/ /dga' ba ni nyon mongs pa dang bral ba yin na/de yang ji ltar shes she na/ gsungs pa/ bde ba chen po zhes bya ba la sogs pa ste/ bde ba chen po ni rang bzhin gyis nyon mongs pa dang bral ba yin la des na dga' ba chen po'i don to/ /de lta bas na 'di ni chos rnams ngo bos zhes pa ste/ chos ni rang bzhin gyi mtshan nyid 'dzin pa brtan pa dang g.yo ba'i dngos po ma lus pa'o//de rnams kyi rang bzhin ni gnyug ma'i de kho na nyid de mkha' 'gro ma rnams kyang de rang bzhin gyis rnam par dag pa las so/ /'o na 'di ltar 'gro ba ni rkyen la skye ba dang ldan pa'i 'gro ba'i rang bzhin te de dag kyang der 'gyur ro zhe na/gsungs pa/ med cing zhes bya ba la sogs pa ste/ med pa ni med pa nyid do/ /de ni de rnams kyi'o/ /de bzhin nyid ces pa ni de bzhin nyid la'o/ /bsod nams med cing sdig pa med/ /ces pa ni thams cad kyang ro mnyam pa de'i rang bzhin no zhes pa'o//ci'i phyir zhe na/ gsungs pa/ 'jig dang zhes bya ba la sogs pa ste/ 'jig pa dang skye ba ni sdig pa dang bsod nams kyi sbyor ba yin na de dag dngos po med pa las/ ci'i phyir de dag gi rang bzhin 'byung zhes pa'o/ /byang chub kyi sems zhes pa ni sangs rgyas kyi thugs kyi rang bzhin no//de gsal ba ni gtan la 'bebs pa'o/ /de ston par byed pa dag gi tshogs te byang chub kyi sems gsal bar byed pa'i le'u'o/ /le'u bcu bdun pa'i bshad pa rdzogs so// //rgyud 'byung ba'i skabs la babs pa'i don gsungs pa/de nas gtam rgyud brjod par bya ste zhes bya ba la sogs pa'o/ /lhags te zhes bya ba ni mngon par phyogs par gyur pa'o/ /bdud chen po las rgyal ba zhes bya ba la bdud chen po ni nyon mongs pa la sogs pa'i mtshan nyid rnams so/ /pha rol las rgyal bas rgyal ba ste mngon par byang chub pa rnam pa lnga las yang dag par byung ba'i rdo rje 'dzin pa gshin rje gshed kyi gzugs zhes pa'i don to//nyid kyi sku gsung thugs rdo rje'i gtso bo zhes bya ba ni gshin rje gshed kyi khro bo'o/ /nges par phyung bar gyur nas zhes bya ba ni sku gsung thugs rnams kyis gshin rje gshed du 'gyur ba'o//dgos pa bstan pa'i don du nges par phyung zhes bya ba la sogs pa ste/ de rnams kyang de'i dus su gnas pa'i lha la sogs pa rnams la de bzhin du snang ba yin pas 'di ltar brjod par bya ste/ bcom ldan 'das rang nyid kyis bdag nyid kyi bdag nyid la bka' bsgo ba yang ma yin no//skad cig la zhes pa ni dus su nyung ngu nye bar mtshon pa'o/ /legs par rab tu yid la byas so zhes bya ba ni bdud rnams so zhes pa lhag ma'o/ /legs so sbyin pa dang ldan pa gang yin zhe na/ legs par byed pa ni gang rab tu byed pa ni gang zhes pa'i don to/ /gsang ba chen po'i bdag po zhes bya ba la gsang ba chen po ni gnod sbyin no/ /de rnams kyi bdag po ni phyag na rdo rje'o/ /rdo rje'i rigs kyi gtso bo zhes bya ba ni mi bskyod pa'i rigs te 'dir de'i rigs mchog tu gyur pas na de'i dbang du byas pa'i shes pa'o//ci rgyud 'di gtso bo yin pa'am/ dgyes pa'i rdo rje'i rgyud bzhin du yang dag par phyung ba yin zhe na/ gsungs pa/ na da ku be ra yi yab/ ces pa la sogs pa ste/ na da ku be ra zhes pa'i rgyud rkang pa gcig dang bcas pa'i 'bum phrag gcig pa las phyung zhes pa'i don to//nan tan du byas zhes pa ni yang dag pa'i nan tan gyis te des 'dul ba'i blo dang ldan pa rnams kyi don du'o/ /de bzhin du rgyud kyi rgyal po chen po zhes bya ba la sogs pa ni rgyud kyi rgyal po las so/ / auD+ya na nas byung zhes pa ni auD+ya na nas yang dag par byung ba'o/ /le'u bco brgyad pa'i bshad pa rdzogs so// //gang gis rgya mtsho'i chu yang rmig pas 'gebs shing ri bo'ang rab tu g.yo ba yi/ /ma he'i rgyab tu nyi ma dmar po'i gnas su gang zhig zhon zhing rol pa ni//bskal pa'i mthar byung sprin dang 'dra ba'i gshin rje gshed kyi rnam pas yun rings su/ /'gro ba rnams kyi phun sum tshogs pa rab tu 'byor ba'i rgyur gyur cig /bde gshegs dgongs pa yongs su shes pa'i stobs ni rin chen te/ /srid gsum mun pa 'joms shing dga' bas 'di ni phreng ba'ang yin//rin chen 'od zer ldan pas snying la gnas pa'i yon tan byed/ /mdog bzang phreng bar brgyus pa'i yon tan ldan pa 'di yis ni/ /snod kyi sems can rtag tu sems nyid dga' zhing rgyas pa dang / /shin tu dga' ba'i yid kyis mun pa sel bas nyi ma bzhin//rin chen dang ni 'dra bas rin chen phreng ba ste/ /yang dag bsdus pas 'gro ba las ni rgyal ba'o/ /de yi gnyis med rtogs pa'i las ni mtshungs med pa'i/ /snying rje dang ni stong pa'i brtse bas snod du gyur/ /sems can kun gyi snod rnams las ni bde gshegs kyi//dgongs pa'i bdud rtsi'i chu yis bran pa'i brtse chen po/ /kun mkhyen yang dag sems ni rgya mtsho'i chu rlabs bzhin/ /rgyal ba gshin rje gshed dpal rnam spras nan tan las/ /yon tan dpal du gyur pa'i dka' 'grel 'di yin te/ /rin chen phreng ba zhes ni ming du brjod pa'o//ma ga d+hA bye yi shar gyi phyogs/ /b+haM ga la zhes bya ba'i yul/ /bi kra ma pu ri'i gtsug lag khang / /sku 'khrungs mkhas pa chen po las/ /a wa d+hU tI par gyur pa'i/ /gzhon nu zla bas mdzad pa yin/ /rgya gar mkhan po li la badzra la/ /bod kyi lo tsA bsod nams rgyal mtshan ni//rus pa dpyal la mtshan ni ser tsa yis/ /rnyed dang grags pa'i don du 'di ma bsgyur/ /rang gi slob ma rnams kyis gsol btab nas/ /phan pa'i bsam pas 'di don legs par bsgyur/ /gal te lhag chad 'ga' zhig yod srid na/ /rgya dpe gzhan dang mkhas pa gzhan dag la//da dung bdag nyid zhus gtugs legs par bgyid/ /sgra yi ming dang rnam rtog sna tshogs pas/ /lo tsA gzhan gyis bcos pa ma mdzad cig /mnyan zhing shes na 'di la bshad pa mdzod/ /dpal gshin rje gshed nag po'i dka' 'grel rin po che'i phreng ba zhes bya ba/