CLOSE WINDOW

D1917
བོད་ཡིག

@##/ /rgya gar skad du/ shrI gu h+ya sa mA dza pany+tsi kA/ bod skad du/ dpal gsang ba 'dus pa'i dka' 'grel/ 'phags pa 'jam dpal ye shes sems dpa' la phyag 'tshal lo//khyab bdag rdo rje rig 'dzin la/ /kun nas dang bas phyag 'tshal te/ /'dus pa gsang ba las byung ba/ /ci nus par ni rnam par dbye/ /'di skad ces bya ba la sogs pa la brjod par bya ba ni gang /'brel pa ni gang / dgos pa ni ci/ dgos pa'i dgos pa ni ci yod ce na/ de bzhin gshegs pa thams cad kyi gsang ba 'dus pa rgyud kyi rgyal po 'di la de bzhin gshegs pa thams cad kyi gsang ba 'dus pa ni bcom ldan 'das nam mkha'i dbyings ltar rtag tu bzhugs pa sku dang gsung dang thugs rdo rje rnam par snang mdzad chen po ste/rdo rje 'dzin chen po le'u bcu bdun gyi bdag nyid can gyi ngo bo ste/ngo bo nyid kyi sku la sogs pa rnam par thar pa'i sgo bzhi ni brjod par bya'o/ /de ston pa'i sgra'i tshogs ni rgyud de de ni brjod pa'o/ /de ltar brjod par bya ba dang /brjod pa dag brjod par bya ba dang brjod pa'i mtshan nyid du 'brel ba ni 'brel pa'o/ /rgyud gzhan dag las rab tu bkag pa skye gnas dman pa shin tu gdug pa'i las sems pa/ mtshams med pa la sogs pa'i las kyi sgrib pa dang ldan pa/ khyab 'jug dang mkha' 'gro ma dang / chol pa'i rgyud las bstan pa la gnas pa/ srog gcod pa dang / ma byin par len pa dang / brdzun du smra ba dang / ma dang bu mo la sogs pa la spyod pa dang /bza' ba dang bza' ba ma yin pa dag la dga' ba dag kyang bcom ldan 'das kyis gsum la skyabs su 'gro ba dang / byang chub tu sems bskyed cing dkyil 'khor du 'jug pa la sogs pa gnang ngo zhes spro ba bskyed cing 'di la 'dod pa skyes par gyur pa ni dgos pa'o//'dod pa skyes pas dkyil 'khor du 'jug pa la sogs pa byas pas 'jig rten dang 'jig rten las 'das pa'i 'bras bu thob pa ni dgos pa'i yang dgos pa yin no//de la bcom ldan 'das rang bzhin gyi dkyil 'khor gyi tshul gyis bsgom par bya'o zhes bstan pa'i phyir le'u bcu bdun gyi dang po de bzhin gshegs pa thams cad kyi ting nge 'dzin gyi dkyil 'khor byin gyis rlob pa zhes bya ba'i le'u'i ngo bor bstan to//byang chub chen por smon pa dang thos pa dang / bsam pa'i sems bskyed nas byang chub chen po'i sems bsgom par bya'o zhes bstan pa'i phyir gnyis pa byang chub kyi sems dang / gsum pa rdo rje bkod pa'i ting nge 'dzin gyi le'u'i ngo bor bstan to/ / dam tshig la sogs pa thob pas bsgom par bya'o zhes bya ba bstan pa'i phyir bzhi pa thugs kyi dkyil 'khor gyi le'u'i ngo bor bstan to/ /bsgom pa yongs su rdzogs pa'i rnam par mi rtog pa'i ye shes kyis sangs rgyas su 'gyur ro zhes bstan pa'i phyir le'u lnga pas sngags spyod pa mchog gi ngo bor bstan to//sku gsung thugs byin gyis rlob pa'i rjes su dgyes pa'i mchod pa bya ba'i phyir drug pa lus dang ngag dang sems byin gyis rlob pa'i le'u'i ngo bor bstan to/ /sangs rgyas la sogs pa'i gzugs dang sgra dang dri dang ro dang reg bya rnams stong pa nyid dang / mtshan ma med pa dang /smon pa med pa ste/ rnam par thar pa'i sgo'i rang gi ngo bo rmi lam lta bur bsgoms pas sam/ sangs rgyas rjes su dran pa la sogs pa la sbyor bas nges par 'grub par 'gyur ba'i phyir bdun pa sngags spyod pa mchog gi le'u'i ngo bor bstan to/ /mchod pas 'grub par 'gyur gyi tshogs med par ni ma yin pas brgyad pa bshang gci'i le'u'i ngo bor bstan to//gang gi tshe sngags pa sgrub pa bdun dang ldan pas kyang mi 'grub na/ nye bar dmigs pa'i sbyor ba de mi spyod pa'i ting nge 'dzin gyi rang gi ngo bor sku gsung thugs rdo rjes phye mar byas te/ nam mkha' dang mnyam par bsgom par bya'o//de bzhin du gti mug gi rigs la sogs pa'i dam tshig bsgoms pas kyang nye bar dmigs pa rab tu spangs na 'grub pa'i phyir dgu pa don dam pa de kho na nyid kyi dam tshig gi le'u'i ngo bor bstan to/ /rnal 'byor pas bsgoms pas mtshan ma byung nas ni nyi ma bdun snying pos yang dag par bskul zhing rnal 'byor rnam par bsgoms la sgrub pa la 'jug par bya ba'i phyir bcu pa de bzhin gshegs pa thams cad kyi snying po bskul ba'i le'u'i ngo bor bstan to//de bzhin gshegs pa thams cad kyi sku dang gsung dang thugs rdo rjer 'jug pa'i rnal 'byor pa thams cad kyis rang gi lus dang ngag dang yid oM AHhUM zhes pa 'dis bskyed par bya ba'i phyir bcu gcig pa de bzhin gshegs pa thams cad kyi sngags kyi dam tshig de kho na nyid kyi rdo rje rig pa'i skyes bu mchog gi le'u'i rang gi ngo bor bstan to//ji skad gsungs pa'i 'bras bu bsgrub pa'i phyir lha'i sbyor ba byas nas sku dang gsung dang thugs rdo rjer byin gyis brlab pa'i gsol ba bya ba'i phyir bcu gnyis pa de bzhin gshegs pa thams cad kyi rdo rje sbyor ba'i dam tshig bsgrub pa'i mchog ston pa'i le'u'i ngo bor bstan to//sku dang gsung dang thugs rdo rje'i ngo bo nyid du nges par byas nas bzlas brjod dam bsgom pa bya ba'i phyir bcu gsum pa rdo rje'i dam tshig bkod pa de kho na nyid kyi don bsgom pa byang chub pa zhes bya ba'i le'u'i ngo bor bstan to//rims la sogs pa dngos grub kyi bar chad du gyur pa'i bgegs bsal ba ni zhi ba dang rgyas pa dang dbang dang mngon spyod kyi las rnal 'byor pas bya ba'i phyir bcu bzhi pa sku dang gsung dang thugs rmad du byung ba'i sngags kyis 'gugs pa'i rnam par sprul pa'i rgyal po zhes bya ba'i le'u'i ngo bor bstan to//rmi lam dang 'dra bar bsgoms na dngos grub thams cad thob par 'gyur ba'i phyir bco lnga pa sems can gyi dam tshig gsang ba'i rdo rje 'byung ba'i le'u'i ngo bor bstan to//rig pa'i brtul zhugs spyad pa rnams kyis dkyil 'khor bsgom par bya'o zhes bstan pa'i phyir bcu drug pa dngos grub thams cad 'thob par 'gyur ba'i dkyil 'khor rdo rje mngon par byang chub pa'i le'u'i ngo bor bstan to//dam tshig yongs su srung bar byed pa la thams cad 'byor par 'gyur bar bstan pa'i phyir bcu bdun pa de bzhin gshegs pa thams cad kyi dam tshig dang sdom pa rdo rje byin gyis brlab pa'i rgyal po'i le'u'i rang gi ngo bor bzhugs te/ bcom ldan 'das de ni zhe sdang dang yid bzhin gyi nor bu dang /'dod chags dang dam tshig gi rigs kyi rang bzhin gyi ngo bo nyid dang / rnam par smin pa dang / longs spyod rdzogs pa dang / sprul pa'i sku'i rang bzhin stong pa nyid dang / mtshan ma med pa dang / smon pa med pa dang / rang bzhin gyis 'od gsal ba ste/rnam par thar pa'i sgo bzhi'i ngo bo nyid do/ /gti mug gi rigs kyi rang bzhin gyi ngo bo nyid ni thams cad kyi rjes su song ba'o/ /ngo bo nyid kyi skus ni bdag gi don phun sum tshogs la/ lhag ma rnams kyis ni bcom ldan 'das de gzhan gyi don phun sum tshogs par bstan to//de lta bu'i rnam par snang mdzad chen po gsang ba 'dus pa'i rgyud du bstan pa ni brjod par bya ba'i rang gi ngo bo kun du bzang po la sogs pa byang chub sems dpa' chen po rnams la bstan pa lcang lo can gyi pho brang na bzhugs pa sa bcu'i dbang phyug rdo rje 'chang gis blo la bzhag nas 'di skad ces smras pa yin te/'di skad bdag gis thos pa zhes bya ba la khyod kyis gang gi tshe thos she na/ dus gcig na zhes bya ba ste/ de yang rnam par thar pa'i sgo bsam gyis mi khyab pa'i mthus na gang ci thos pa de dag thams cad skad cig ma gcig la bdag gis thos so zhes pa ste/'dis ni bdag nyid tshad ma'i skyes bu yin par ston to/ /gang las thos she na/ bcom ldan 'das bzhugs so zhes bya bar sbyar te/ bcom ldan 'das las thos so/ /de yang nyon mongs pa dang / lha'i bu dang / 'chi bdag dang / phung po'i bdud bcom pa'am/skal ba phun sum tshogs pa dang ldan pas na bcom ldan 'das so/ /bcom ldan 'das de yang gang na bzhugs she na/ smras pa/ de bzhin gshegs pa thams cad kyi sku dang gsung dang thugs kyi snying po rdo rje zhes bya ste/ de bzhin gshegs pa yang yin la thams cad kyang yin pas de bzhin gshegs pa thams cad de/dngos po rnams ji ltar gnas pa de bzhin du mkhyen cing thugs su chud nas gzhan dag la'ang de bzhin du rab tu ston par mdzad pas na de bzhin gshegs pa zhes bshad do/ /de ni 'jig rten gyi khams thams cad kyi rdul phra rab kyi rdul dang mnyam pa'i sku rdo rje la sogs pa ni thams cad do//de nyid sku dang gsung dang thugs rdo rje'i ngo bo yin pas na de bzhin gshegs pa thams cad kyi sku dang gsung dang thugs te/ sku rdo rje ni rnam par snang mdzad do/ /gsung rdo rje ni 'od dpag tu med pa'o/ /thugs rdo rje ni mi bskyod pa ste/ de rnams kyi snying po ni bcom ldan 'das rnam par snang mdzad de rdo rje 'chang chen po'o//de nyid rgyu ba dang mi rgyu ba rnams kyis mi shigs pas na rdo rje zhes gsungs so/ /de bzhin gshegs pa thams cad kyi sku dang gsung dang thugs kyi snying po rdo rje'i btsun mo yin pas na de bzhin gshegs pa thams cad kyi sku dang gsung dang thugs kyi snying po rdo rje'i btsun mo ste/der bcom ldan 'das bzhugs pas na b+ha ga zhes bya ba 'dis ni gnas bstan te/ de yang spyan dang / mA ma kI dang / gos dkar mo dang / sgrol ma zhes bya ba lha mo bzhi ni 'dir btsun mo ste/de rnams ni 'di nyid kyi le'u bcu bdun pa las ston to/ /ci'i phyir de dag gis gsang ba la bzhugs she na/ smras pa/ khyab 'jug la sogs pa'i rgyud la mngon par dga' zhing yul yongs su mi spong ba rnams ni 'dod chags kyis 'dod chags spong ba 'di la dga' ba bskyed par bya ba'i phyir te//'di ltar bud med bsten pa dang / bshang gci la sogs pa bsten pas khyab 'jug la sogs pa bsgrub par 'dod cing / des bstan pa'i dngos grub tshol ba la zhugs pa de dag btsun mo'i gsang ba la mngon par 'jug par 'gyur te/ de yang / b+ha ga legs ldan khyab 'jug ste/ bud med kyi ni mdoms na gnas/ /mi rnams dga' bar byed pas na/ des na sred med bu zhes bya/ /zhes bshad de/ de lta bus brtags pa ma yin pa'i khyab 'jug la sogs pa'i rang gi ngo bo spangs nas spyan la sogs pa'i gsang ba de bzhin gshegs pa thams cad kyi sku dang gsung dang thugs rdo rje'i ngo bo la mngon par dga' ba bskyed par bya ba'i phyir de dag la khyod kyis mi zad pa'i bde ba dang /yid dga' ba rab tu ster ba'i btsun mo lha mo gzhan du mi 'gro ma/ gzhan la mi lta ma/ gzhan dang mi smra ma/ gzhan 'dod par mi 'gyur ba 'di dag la mngon par 'dod pa bskyed par bya'o zhes bstan pa'i phyir de la zhugs pa yin no//de yang gnyis su med pa mnyam pa nyid rnam par rgyal ba las kyang / /b+ha ga sangs rgyas bcom ldan te/ /des na 'dod chags smad mi bya/ /gang gzhan dam tshig gsum po dag /de dag 'di yi nang du 'dus/ /zhes gsungs te/ sangs rgyas rdo rje 'chang du brjod/ /ces gsungs pas na sangs rgyas zhes bya ba ni rdo rje 'chang chen po la bya'o/ /dam tshig gsum ni rnam par snang mdzad la sogs pa'i sku dang gsung dang thugs rdo rje'i rang gi ngo bo rnams la bya'o//'dis ni 'di skad ston par 'gyur te/ gang gi phyir spyan la sogs pa gsang ba de bzhin gshegs pa thams cad kyi sku dang gsung dang thugs rdo rje'i ngo bo'i lha mo de rnams bsgoms par gyur na de bzhin gshegs pa thams cad kyi sku dang gsung dang thugs rdo rje'i ngo bor gyur pa stong pa nyid dang /mtshan ma med pa dang / smon pa med pa ste/ rnam par thar pa'i sgo rnams thob par 'gyur bas de'i phyir 'dod chags smad par mi bya'o/ /gang yang chos dang ldan zhing bslab pa dang / sdom pa la gnas pa dang / gzhan dag gi phyir ni/nam mkha'i khams kyi dbus su ni/ /sangs rgyas dkyil 'khor dam pa bsam/ /zhes bya ba la sogs pa 'og nas gsungs pa dang / gang gi phyir le'u lnga pa las sdom pa bzung ba dang ma bzung ba gnyi ga'i dbang du mdzad nas bshad pa yin no/ /de ltar bcom ldan 'das kyi gnas phun sum tshogs pa bshad nas brjod kyis mi lang ba'i zhes bya ba la sogs pas ni 'khor phun tshogs pa bstan te/de yang lha'i rnal 'byor gyi yan lag tu gyur pa'i byang chub sems dpa' rnams dang / de bzhin gshegs pa rnams ni 'di lta ste zhes smras pa ste/ 'di lta ste zhes bya ba ni gang na zhes bya ba'i don to//dam tshig gi rdo rje zhes bya ba ni rdo rje yang yin la dam tshig kyang yin pas na dam tshig rdo rje ste bcom ldan 'das rdo rje las so/ /de yang 'da' bar mi bya ba'i don gyis na dam tshig ces bya ste/ de bzhin gshegs pa kun gyis kyang //'da' ba ru ni mi mdzad pas/ /phyag rgya'i dam tshig ces su bsgrags/ /yid kyi gzugs ni brtan phyir ro/ /zhes gsungs pa'i phyir ro/ /rdo rje las de'ang 'du byed kyi phung po'i rang gi ngo bor gyur cing las kyi rdo rje'i phyag rgyas dam tshig gi rigs kyi nang du gtogs pas rigs thams cad kyi rgyur gyur pas na 'da' bar mi bya ba yin pas dam tshig rdo rje zhes bya'o//de nyid byang chub chen po'i ngo bor gyur pas na byang chub sems dpa'o/ /sems can gyi tshogs chen po'i don byed par nus pas na sems dpa' chen po ste/ de yang dga' ba chen po 'dis ci zhig la chags she na/'gro ba'i don byed pa la chags so zhes gsungs pa'i phyir ro/ /sku rdo rje ni gtso bo rnam par snang mdzad kyi sku dbu la 'jog pa'o/ /gsung rdo rje ni rdo rje chos so/ /thugs rdo rje ni rdo rje sems dpa'o/ /ting nge 'dzin rdo rje ni gtso bo 'od dpag med dbu la 'jog pa'o//rgyal ba rdo rje 'dis gdug pa rnams las rgyal bar gyur pas na rgyal ba ste/ 'phags pa 'jam dpal gshin rje gshed la sogs pa'i khro bo rnams te/ rigs la ltos nas tshig gcig par byas so/ /sa rdo rje ni spyan no/ /chu rdo rje ni mA ma kI'o/ / me rdo rje ni gos dkar mo'o/ /rlung rdo rje ni yum sgrol ma'o/ /nam mkha' rdo rje ni rdo rje sems dpa' ste/ de yang / sa ni spyan zhes bya ba yin/ /chu yi khams ni mA ma kI'o/ /gos dkar mo dang sgrol ma ni/ /me dang rlung du rab tu bsgrags/ /mkha' dbyings rdo rje dam tshig ni/ /rdo rje 'dzin pa de nyid yin//zhes bcom ldan 'das rdo rje 'chang chen pos gsungs so/ /gzugs dang sgra dang dri dang ro dang reg bya rdo rje ni me long dang / pi wang dang dri'i dung dang ro'i snod dang / ka tsa lin+da'i gos rdo rjes mtshan pa phyag na 'chang ba'o/ /chos kyi dbyings kyi ngo bo nyid rdo rje ni chos kyi dbyings kyi rgyu mthun pa las byung ba sku mdog dkar po byang chub mchog gi phyag rgyas bzhugs so//bcom ldan 'das la byang chub sems dpa' 'ba' zhig gi tshogs su ma zad de de bzhin gshegs pa rnams kyis kyang yongs su bskor te bzhugs pa na/ nam mkha'i khams dang zhes bya ba la sogs pa gsungs te/de la de bzhin gshegs pa gtso bo rnams ni 'di lta ste/ mi bskyod pa dang zhes bya ba la sogs pa gsungs so/ /bdud bzhi po rnams kyis kyang bskyod par mi nus pas na mi bskyod pa ste/ rnam par thar pa'i sgo stong pa nyid kyi ngo bo nyid yin pa'i phyir mi bskyod pa yang yin la rdo rje yang yin pas na rdo rje mi bskyod pa'o//rnam par snang zhing 'bar bas mi bskyod pa la sogs pa thams cad kyi skur ston pas na rgya cher rnam par snang bar mdzad pa'i phyir rnam par snang mdzad do/ /bsam pa thams cad yongs su rdzogs pa'i rgyur gyur pa mnyam pa nyid kyi ye shes kyi rgyu mthun pa las byung ba'i yid bzhin gyi nor bu rin po che'i tog gi mtshan ma gang la yod pa de ni rin chen dpal zhes bya ste/bcom ldan 'das rin chen 'byung ldan no/ /dpag tu yod pa zhes bya ba ni yongs su chad pa'o/ /mtha' med pas na dpag tu med pa ste/so sor rtog pa'i ye shes kyi rgyu mthun pa las byung ba'i nam mkha'i dbyings thams cad khyab pa'i gzugs ston pa ste/ bcom ldan 'das 'od dpag tu med pa'o/ /'bras bu med pa ni don med pa'o/ /'bras bu dang bcas pas na don yod pa ste/ bcom ldan 'das nyid kyi skus gdul bya'i 'dod pa'i don gyi tshul sgrub cing rdzogs par mdzad pas na/ bcom ldan 'das don yod par grub pa'o/ /bcom ldan 'das kyi gzhal yas khang de tshul ji lta bur de bzhin gshegs pa rnams kyis yongs su gang zhe na/ smras pa/ 'di lta sta dper na til gyi gang bu bzhin du de bzhin gshegs pa thams cad kyis nam mkha'i dbyings thams cad shin tu gang bar 'gyur ro zhes bya ba smos te/dper na til gyi gang bu til gyi sa bon gyis bar mtshams med par yongs su gang ba de bzhin du bcom ldan 'das ston par mdzad pa'i dus na gzhal yas khang de bzhin gshegs pa thams cad kyis yongs su gang bar gyur te zhes yang dag par sdud par byed pas smras pa yin no//de la bcom ldan 'das zhes pas ni shes rab kyi pha rol tu phyin pa'i rang gi ngo bor gyur pa ste/ bcom ldan 'das kyi bdag gi don phun sum tshogs par ston to//de bzhin gshegs pa thams cad ces bya ba la sogs pas ni thabs kyi pha rol tu phyin pas rigs lnga la sogs pa rang gi ngo bor ston pa ni gzhan gyi don phun sum tshogs pa'o/ /de ltar bdag dang gzhan gyi don phun sum tshogs pa'i mtshan nyid ni byang chub sems dpa'i dge 'dun de bzhin gshegs pa dang bcas pa las shes pas na sgrub pa'i yan lag gi ngo bor byang chub sems dpa'i dge 'dun dang de bzhin gshegs pa rnams bstan pa yin te/byang chub sems dpa'i dge 'dun dang de bzhin gshegs pa rnams kyang sgrub pa'i yan lag tu gyur pa yin no//de yang 'di nyid kyi nang nas le'u bcu gnyis pa las bsnyen pa'i dam tshig sbyor ba dang / nye bar sgrub pa 'byung ba dang / sgrub pa'i don gyis dam tshig dang / sgrub pa chen po dag dang bzhi zhes bshad pa'i phyir ro/ /bcom ldan 'das de ltar bzhugs nas ci zhig mdzad ce na/de nas zhes bya ba la sogs pas dkyil 'khor gyi rgyal po bskyed pa'i phyir dang po'i sbyor ba'i ting nge 'dzin la snyoms par 'jug par bstan to/ /de bzhin gshegs pa rnam par snang mdzad chen po zhes bya ba ni nam mkha'i dbyings ltar thams cad du gnas pa sku dang gsung dang thugs rdo rje bcom ldan 'das rdo rje 'chang chen po ni rnam par snang mdzad chen po'o//'dod chags chen po'i tshul zhes bya ba'i ting nge 'dzin la snyoms par zhugs te zhes bya ba ni 'dod chags kyang yin la chen po yang yin pas na 'dod chags chen po ste/sems can rnams smin cing grol ba'i mtshan nyid do/ /de yang / 'dod chags chen po bcom ldan 'das/ /dngos grub kun la rjes su dgyes/ /zhes gsungs pas so/ /de'i tshul ni thos pa dang / bsam pa dang / bsgom pa'i rang bzhin gyi ye shes te/de skad ces bya ba'i ting nge 'dzin gang yin pa de la dmigs pas na de ni ting nge 'dzin de la snyoms par zhugs pa'o/ /des na 'di skad ston par 'gyur te/ bcom ldan 'das de ting nge 'dzin gang la snyoms par zhugs na/ 'dod chags la spyod pa'i sems can rnams 'dod chags kyis 'dod chags spangs nas zhi ba'i ting nge 'dzin la gnas par bya ba'i phyir rnam par snang mdzad la sogs pa'i de bzhin gshegs pa rnams nyid kyi sku la bcug nas spyan la sogs pa bud med kyi gzugs su skyed par mdzad pas na/'di ni 'dod chags chen po'i tshul/ / zhes bya ba'i ting nge 'dzin zhes bya'o/ /'di nyid kyi don bstan pa'i phyir de nas de bzhin gshegs pa thams cad kyis zhes bya ba la sogs pa gsungs te/ de dag ces bya ba ni nam mkha'i dbyings dang mnyam pa'i de bzhin gshegs pa zhes gang gsungs pa'o/ /bcom ldan 'das yongs su mnyes par bya ba'i phyir zhes bya ba ni de bzhin gshegs pa rnams nyid kyi btsun mor sprul pa gzigs pas de yongs su mnyes pa skyes pa'o//de ni rnam par rtog pa thams cad dang bral ba yin na ji ltar yongs su mnyes par 'gyur zhe na/ de'i smon lam gyi stobs kyis gdul bya'i sems can gyis de ltar mthong ba la nyes pa med do//de la ni sangs rgyas spyan lta bu zhes bya ba la sku rdo rje ni spyan lta bu'o/ /thugs rdo rje ni mA ma kI lta bu'o/ /gsung rdo rje ni gos dkar mo lta bu'o/ /dam tshig rdo rje ni sgrol ma lta bur yang dag par gnas so/ /yang gsung rdo rje ni dri'i ngo bo lta bu'o//rin po che'i dpal ni sgra'i ngo bo lta bu'o/ /don yod par grub pa ni ro'i ngo bo lta bu'o/ /thugs rdo rje ni reg gi ngo bo lta bu'o/ /rnam par snang mdzad ni gzugs kyi ngo bo lta bur gyur to/ /btsun mo'i b+ha ga la zhes bya ba la sogs pa la btsun mo ni spyan ma la sogs pa ji skad gsungs pa bzhi po ste de dag gi gsang ba'o//dam tshig chen po'i dkyil 'khor zhes bya ba ni dam tshig kyang yin la chen po yang yin pas na dam tshig chen po ni bcom ldan 'das rdo rje 'chang chen po ste/ chos kyi dbyings thog ma dang tha ma med pa'i ngo bos thams cad du khyab par gyur pa'o/ /dkyil 'khor ni gru bzhi pa ste zur bzhi po de yang dri ma med cing dri ma thams cad spangs pa'o/de'i dkyil 'khor byin gyis brlab pa ni rdo rje 'chang chen pos de'i ngo bor bskyed pa ste/ de nyid kyi phyir gsungs pa/ gsal ba de yi ngo bo nyid/ /ces bya ba ste/ dri ma thams cad dang bral bas na khang pa brtsegs ma'i phyi rol na gnas pa rnams kyis kyang shel gyi nang du yod pa'i gzugs mthong ba ltar sangs rgyas la sogs pa mthong bas na gsal ba'o//rigs lnga'i dkyil 'khor gyi ngo bo nyid yin pas na de'i ngo bo nyid do/ /gsal ba la sogs dkyil 'khor ldan/ /zhes pa ni gti mug dang /yid bzhin gyi nor bu dang / 'dod chags dang / dam tshig gi dkyil 'khor ni gsal ba la sogs dkyil 'khor te de dang ldan pa'o/ /de yang rnam par snang mdzad dang / spyan dang mA ma kI dang gos dkar mo dang sgrol ma'i gnas su zla ba'i dkyil 'khor ro//lhag ma rnams su nyi ma'i dkyil 'khor yin pas na gsal ba la sogs dkyil 'khor ro/ /de bzhin gshegs pa kun zhes bya ba ni de bzhin gshegs pa de dag thams cad do/ /gnas ni dkyil 'khor ro/ /sku dang gsung dang thugs rdo rje'i bdag po ni rdo rje 'chang chen po'o//de bzhin gshegs pa thams cad kyi dkyil 'khor zhes bya ba ni 'das ma thag pa'i gsang ba'i gnas su sprul pa gang yin pa'o/ /dbus su gzhag par 'gyur ro zhes bya ba ni gsang bar chud pa'i dkyil 'khor de de bzhin gshegs pa thams cad dang bcas par rang gi thugs kar chud par mdzad do//de nas dkyil 'khor der zhugs pa'i de bzhin gshegs pa de rnams dkyil 'khor de nyid du gnas ji lta ba bzhin du bzhugs pa'o/ /de nas rdo rje 'dzin pa chen po de bzhin gshegs pa thams cad zil gyis gnon pa rdo rje zhes bya ba'i ting nge 'dzin la snyoms par zhugs so zhes bya ba la de bzhin gshegs pa thams cad zil gyis gnon pas na de bzhin gshegs pa thams cad zil gyis mnan pa ste zhi ba'i rang bzhin bsal nas sgeg pa la nges par sbyor ba'o//don de nyid kyis na rdo rje ste de skad ces bya ba'i ting nge 'dzin gang yin pa de la snyoms par zhugs nas spyan la sogs pa dang yang dag par sbyor ba'i sgor de bzhin gshegs pa thams cad rab tu gzhag pa'i phyir ro//de bzhin gshegs pa thams cad kyi rdo rje'i ngo bor gnas par gyur te zhes bya ba ni rdo rje 'chang chen po'i dkyil 'khor gyi dam tshig la zhugs so zhes bya ba'i don to//rdo rje 'chang chen po de'i dkyil 'khor gyi dam tshig des kyang ci zhig byas she na/ sems can ji snyed pa de dag thams cad rdo rje sems dpa'i zhes bya ba gsungs te/ dpal rdo rje sems dpa'i cha lugs su bzhugs shing rdo rje sems dpa' nyid thob par gyur pa'o/ /de nyid kyi phyir bde ba dang yid bde ba thob par gyur to zhes bya ba gsungs pa yin no//de bzhin gshegs pa thams cad kyi sku dang gsung dang thugs rdo rje'i dam tshig 'byung ba'i rdo rje zhes bya bas ni de bzhin gshegs pa thams cad kyi sku dang gsung dang thugs nyid rdo rje yin pas na de bzhin gshegs pa thams cad kyi sku dang gsung dang thugs rdo rje ste de nyid dam tshig go//de dag 'byung ba'i phyir rdo rje ltar mi shigs pa'i ting nge 'dzin gang yin pa de la snyoms par zhugs pa ste de bzhin gshegs pa thams cad kyi sku dang gsung dang thugs skyed par byed pa la sems rtse gcig par mdzad do zhes bya ba'i don to//don de nyid bstan pa'i phyir snyoms par zhug pa nas rig pa chen po'i skyes bu'i gzugs zhes bya ba la sogs pa gsungs te/ rig pa yang yin la chen po yang yin pas rig pa chen po ste spyan la sogs pa'o/ /skyes bu ni rnam par snang mdzad la sogs pa'o/ /de dag gi gzugs ni rig pa chen po skyes bu'i gzugs te zhal gsum pa lta bu'o//ji lta bu zhe na/ de bzhin gshegs pa thams cad kyi sngags kyi byin gyi rlabs kyi byin gyis brlabs so zhes bya ba ste/ de bzhin gshegs pa thams cad kyi sngags ni/ oM badzra d+h+r-ika ces bya ba la sogs pa'o//de dag byin gyis brlab pa ni/ brjod par bya ba rgyud gzhan dag las/ zhal gcig par rab tu grags pa'i de bzhin gshegs pa thams cad zhal gsum pa lta bur gyur par byin gyis brlabs pa'o/ /don 'di nyid bcom ldan 'das byang chub kyi sems rdo rje'i de bzhin gshegs pa de nyid zhal gsum pa lta bur gzigs par gyur to zhes bya ba gsungs pa ste/sku dang gsung dang thugs kyi ngo bo nyid dang / stong pa nyid dang / mtshan ma med pa nyid dang / smon pa med pa ste rnam par thar pa'i sgo gsum gyi ngo bor bstan pa'i phyir zhal gsum par gyur to/ /thams cad kyang 'di bzhin du 'dir zhal gsum par 'di nyid kyi 'og nas ston te/thugs rdo rje ni 'dir gtso bor gyur pa'i phyir gtso bor bstan pas lhag ma rnams kyang shes par 'gyur ro/ /gzhan dag ni bud med kyi zhal lta bu'o zhes 'dod de/ bud med kyi zhal lta bu ni spyan la sogs pa dang yang dag par sbyor ba'i bde ba nyams su myong ba lta bus so zhes zer ro//gzhan dag ni de mi rigs te/ ci'i phyir zhe na/ de bzhin gshegs pa thams cad zil gyis gnon pa rdo rje'i ting nge 'dzin gyi mthus/ don 'di rdzogs zin pas na zhal gsum pa kho na lta bur rigs te/ 'dis kyang sku dang gsung dang thugs dang rnam par thar pa'i sgo ston pas des na zhal gsum gyis thabs dang shes rab zung du 'jug pa'i byang chub chen po'i mtshan nyid can gyi byang chub chen po'i sems te/gdul bya'i 'gro ba rnams kyi rgyud la rab tu byung ba de gzigs nas dgyes pa'i thugs kyis de bzhin gshegs pa rnams kyis ched du brjod pa'i ched du brjod pa'o//e ma'o zhes bya ba ni ngo mtshar du gyur pa'o/ /gang gi phyir zhe na/ byang chub sems ni rab 'byung ba/ /zhes bya ba de ni ji skad gsungs pa'i tshul gyis so/ /ji lta bu zhe na/ de bzhin gshegs pa kun gyi zhes bya ba gsungs te/'das pa dang / ma byon pa dang da ltar byung ba'i de bzhin gshegs pa rnams kyi'o/ /nyan thos dang rang sangs rgyas dang mu stegs pa gzhan dag la mi ston pas na gsang ba'o/ /rnam par rtog pa'i spyod yul ma yin pas na rab tu mi rtog pa'o/ /ngo bo nyid kyis dag pas na rnyog pa med pa'o//lha'i rnal 'byor byas na ji skad gsungs pa'i tshul gyis spyan la sogs pa'i gsang ba la dkyil 'khor sprul nas nyid kyi thugs la bzhag ste/ de bzhin gshegs pa rnams zil gyis mnan pa sngon du 'gro bas zhal gsum pa lta bur bstan nas ched du brjod pa ched du brjod pa'i bar gyis ni dang po'i sbyor ba'i ting nge 'dzin ston to//de nas bcom ldan 'das zhes bya ba la sogs pas dkyil 'khor gyi rgyal po'i mchog ston to/ /bcom ldan 'das byang chub kyi sems rdo rjes zhes bya ba ni rdo rje 'chang chen po'o/ /de bzhin gshegs pa thams cad kyi mchod pa spros pa zhes bya ba ni gzugs dang sgra dang dri dang ro la sogs pas nam mkha' khyab pa'o//de nyid ni de kho na nyid de'i phyi rol gyi dngos po 'di dag ni rnam par rtog pa btags pa tsam yin par nges par byas nas ji ltar 'dod pa bzhin du 'jug go/ /de nyid 'da' bar bya ba ma yin pas na dam tshig ste/de ni de bzhin gshegs pa thams cad kyi mchod pa spros pa'i de kho na nyid kyi dam tshig gi tshogs ni sprin te des mchod de phyag btsal nas 'di skad ces gsol pa'o/ /ci'i phyir na phyag 'tshal bar byed ce na gdul bya rnams bcom ldan 'das rnam par snang mdzad chen po la mchog tu gus pa bskyed pa'i phyir dang /chos kyi dbyings thog ma dang tha ma med pa la dmigs pas de bzhin gshegs pa thams cad kyi sku dang gsung dang thugs rdo rje bskyed par bstan par bya ba'i phyir ro/ /'dus pa gsang ba las byung ba/ /bcom ldan 'das kyis bshad du gsol/ / zhes bya bar sbyar te/ de ji lta bu zhe na/ de nyid ces bya ba gsungs te/ sku dang gsung dang thugs rdo rje'i 'dus pa'o/ /de yang mtshan nyid ji lta bu zhe na/ 'dus pa gsang ba las byung ba/ /zhes bya ba gsungs te/ 'dus pa ni tshogs pa'o/ /gsang ba las byung ba ni ji skad du bshad pa'i spyan la sogs pa'i gsang ba las skyes pa'o//de nyid 'jig rten thams cad dang thun mong ma yin pas na gsang ba'o/ /de nyid kyi khyad par bstan pa ni rdo rje snying po btus pa'i zhes bya ba ste/ rdo rje ni gnyis su med pa'i ye shes so/ /de'i snying po btus pa ni/ de'i rgyu mthun pa las byung ba'i rigs lnga po rnams so//legs so legs so zhes bya ba ni de lta yin na'o/ /'on kyang 'di ni de bzhin gshegs pa thams cad kyang the tshom skye bar byed pa yin na zhes bya ba la/ 'on kyang zhes bya ba'i sgra ni rnam par brtag pa'o/ /so so skye bo 'tshang rgya ba nyid du rigs nges pa dang ma nges pa rnams ni de bzhin gshegs pa yin la/dus gsum gyi de bzhin gshegs pa thams cad kyi mnyam pa nyid yin te/ byang chub tu sems bskyed pa nyid ni da ltar byung ba'i de bzhin gshegs pa nyid du rig par bya'o zhes gsungs pa'i phyir ro/ /des na nyon mongs pa bag chags dang bcas pa spangs pa rnams la ga la mnga'/gzhan rnams lta ci smos zhes bya ba ni gsang ba 'dus pa 'di ni rigs ma nges pa gzhan rnams kyi thun mong ma yin pa'o/ /de bas na sems can dam pa rnams kyis bsgrub par bya ba yin no snyam pas ngo mtshar du gyur pa'o/ / gzhan dag las sngon ma byung ba rtogs pas na rmad du gyur pa'o/ /gang bcom ldan 'das zhes bya ba la sogs pas ni rigs nges pa rnams la 'di ltar yin par gsungs pa'i khyad par ston te/ de bcom ldan 'das de bzhin gshegs pa thams cad la byin gyis rlob pa mdzad du gsol zhes bya bar sbyar te/de bzhin gshegs pa thams cad sku dang gsung dang thugs kyi cha lugs su bskyed pa ni byin gyis brlabs pa'o/ /de dag kyang ji ltar 'gyur zhe na gsungs pa/ de bzhin gshegs pa thams cad ces bya ba la sogs pa gsungs te/de bzhin gshegs pa thams cad kyang yin la rdo rje yang yin pas de bzhin gshegs pa thams cad kyi rdo rje ste bsam pa dang bsam par bya ba dang gnyis su med pa'o/ /de'i dam tshig ni sku la sogs pa'o/ /de byung ba ni bskyed pa ste gang du rdo rje'i cha lugs la sogs par gyur pa yin pas na/de ni de bzhin gshegs pa thams cad kyi rdo rje dam tshig 'byung ba'i tshig gis te der byin gyis brlab par mdzad pa'o/ /ci'i phyir byin gyis brlab par mdzad ce na bshad pa'i phyir zhes bya ba gsungs so/ /de bzhin gshegs pa zhes bya ba la sogs pa ni 'bras bu gsungs pa ste/de bzhin gshegs pa thams cad dang 'brel ba'i gdul bya'i sems can rnams zag pa med pa'i bde ba dang yid bde ba myong ba bgyi ba nas/ ji srid dus dang pha rol tu phyin pa la sogs pa'i yon tan bstan pa de bzhin gshegs pa thams cad dang 'brel pa'i mngon par shes pa thob par bgyi ba'i bar gyi phyir bstan du gsol zhes pa'o//de ltar bcom ldan 'das kyis gsol ba btab par mkhyen nas snying po 'di nyid kyi sku dang gsung dang thugs rdo rje las phyung ngo zhes bya bar sbyar ro/ /ci zhig mdzad ce na/ ye shes sgron ma rdo rje zhes bya ba'i ting nge 'dzin la snyoms par zhugs te zhes bya ba gsungs te/ye shes nyid sgron ma ste snang ba'o/ /de nyid rdo rje ste ming de nyid ces bya ba'i ting nge 'dzin gang yin pa de la de skad ces bya ste/ thugs rdo rje lta bur thugs rtse gcig tu bzhag ces bya ba'i don to/ /'di zhes bya ba ni blo la bzhag pa'o//zhe sdang gi rigs kyi mchog gi snying po zhes bya ba ni khro bos 'dul ba'i sems can rnams gdul bar bya ba'i phyir snying rje chen po las byung ba'i sems kyis bcos pa'i khro bo bskyed pa ste/ 'dir zhe sdang bas ni ma yin no/ /de'i rigs ni khro bo thams cad kyi gzugs te/ de'i mchog gi snying pos bdag po skul bar byed pa'i sgra'i tshul du byung ba'o/ /bcom ldan 'das zhes bya ba ni sngar bstan pa'i rdo rje 'chang chen po'o/ /mi bskyod pa'i phyag rgya chen por sbyor ba'i thabs ni mi bskyod pa'i sku dang gsung dang thugs dang gcig tu 'dres par gyur pa'o/ / nag po dang dkar po dang dmar po'i tshul du zhes bya ba ni de'i sku thams cad ni nag po'o/ /zhal dang po yang nag po'o/ /g.yas pa ni dkar po'o/ /g.yon pa ni dmar po'o/ /de bzhin gshegs pa thams cad kyi sku dang gsung dang thugs rdo rje ni rdo rje 'chang chen po ste/ de'i sku dang gsung dang thugs rdo rje zhugs par gyur pa'o//de ni 'di skad ston par gyur te/ bcom ldan 'das rdo rje 'chang chen po mi bskyod pa dang lhan cig tu mi bskyod pa'i gzugs su bdag nyid byin gyis brlabs nas yang der bdag nyid mi bskyod pa'i gzugs su sku dang gsung dang thugs rjes su zhugs te/dkyil 'khor gyi dbus su nyi ma'i dkyil 'khor gyi steng du phyag g.yas pa na rdo rje rtse lnga pa bsnams nas rdo rje skyil mo krung du bzhugs pa'o/ /de nas bcom ldan 'das zhes bya ba nas byung ngo zhes bya bar sbyar te/ de bzhin gshegs pa thams cad kyi dam tshig 'byung ba zhes bya ba'i ting nge 'dzin la snyoms par zhugs te zhes bya ba ni sngon gyi dus su bya ba gsungs pa ste/de bzhin gshegs pa yang yin la thams cad kyang yin pas na de bzhin gshegs pa thams cad de sems dang sems las byung ba gnyis su med pa'i ngo bo'o/ /de'i dam tshig ni bcom ldan 'das rnam par snang mdzad kyi sku dang gsung dang thugs kyi rang gi ngo bo ste/de 'byung bar 'gyur ba'i ting nge 'dzin la snyoms par zhugs pa ni rnam par snang mdzad sprul par mdzad pa la thugs rtse gcig par mdzad ba'o/ /gti mug gi rigs kyi mchog gi snying po'i snying bzlas byas te//lce dang dbu rgyan mchog bsgom la/ /lha rnams ma lus tshim pa yi/ /bsam pas nang gi sbyin sreg bya/ /phyi rol sbyin sreg dpag pa tsam/ /ye shes me ni 'bar byed pas/ /phung sogs blun pa'i bud shing bsreg /bla na med par bshad pa'o//ji skad gsungs pa'i sdom par ldan/ /ji ltar myong bar mnyam par spyod/ /blo dang ldan pas dam med la/ /dus rig byas la gsang bar bya/ /snying rjer gnas pas las gnyis byed/ /'gro ba'i don dang sangs rgyas mnyes/ /lus ngag tha mal khyad par can//phyag rgya sngags kyi bdag nyid do/ /chos can gcig la rtog pa ni/ /sna tshogs rnam par snang ba yin/ /sdug bsngal bde ba grol 'byung ba/ /las kyi khyad par mang gyur yin/ /de phyir dge dang mi dge'i las// lus la sogs pa'i rtog las byung //kun rtog thams cad las grol ba/ /nag po'i las su ga la 'gyur/ /dam tshig nyams pa bskang don du/ /don yod rdo rje sbyor bsgom ste/ /thugs ka'i zla bar khaM bskyed pa'i/ /sna tshogs rdo rje bsam par bya/ /gzugs sogs nam mkha' bzhin dag nas/ / rang bzhin 'od gsal sems bskyed de/ /bskul ba sngon du 'gro ba yis/ /dbang bskur byas pas dag par bya/ /bla ma brnyas pa'i skyon byung na/ /yon dang ldan pa'i ston mo dbul/ /sdig bshags la sogs sngon 'gro ba'i/ /sdom pa bzung bas bskang bar bya/ / phyi yi khrus kyi cho ga la/ /rang gi rnal 'byor dmigs byas nas/ /dbang bskur gong ma bzhin bsgoms nas/ /mtha' ru bdag po gzhag pa'o/ /de ltar nyin phyed dus dang ni/ /phyi 'bred du yang bsgom par bya/ /nam phyed dus su sa bon nas/ /bzlas pa'i dus su bskyed par bya//gshegs su gsol 'dod sngags pa yis/ /mchod pa bstod pa bdud rtsi myang / /byas nas mtha' ru mu bzhag pa'i/ /yi ge gsum gyis gshegs su gsol/ /de bzhin yi ge gsum brjod pas/ /ye shes sems dpa'i 'khor lo la/ /phyi rol 'khor lo bcug byas te//shes rab snying rje ldan pas nyal/ /ldang ba'i dus na lha mo yi/ /dbyangs kyis bskul bsam langs nas su/ /sngon bzhin dus bzhir ting 'dzin gsum/ /rtse gcig pa yis thams cad bsgom/ /brel ba bcad pa'i rnal 'byor pas//dus dang por ni ting 'dzin gsum/ /ma lus phar ni bsgom byas la/ yan lag rnams ni sngon bzhin bsam/ /de las gzhan pa'i dus dag tu/ /glo bur rang gi lha bzhengs la/ /thugs las 'khor lo spro byas la/ /dbang bskur ba ni sngon bzhin blang / / mchod bstod bdud rtsi myang byas la/ /thig le'am yang na phra mo'am/ /sngags kyi bzlas brjod yang byas nas/ /'khor lo bsdu ba sngon bzhin brtsam/ /de ltar zhugs pa rnam pa gnyis/ /rang gi lam gyi mi mthun phyogs/ /bzlog pas brtan pa'i rtags rnyed pas/ / las dang po yi rnal 'byor ro/ /de yis sku la dmigs pa yis/ /man ngag thob pas ye shes che/ /'bebs thob rang dang gzhan mthong na/ /cung zad ye shes dbang gyur pa'o/ /dus bzhir mig dang lus sogs rnams/ /byin rlabs dbang bskur rab byas nas/ mchod pa sogs kyis mnyes byas la/ /bzlas rjod sbyor ba brtsam pa'o/ /sngon bzhin du ni bsdu byas nas/ /sdom pa bskyang sogs snga ma bzhin/ /rgyun du goms rlabs bcu dang gcig /mthu chen stobs rtogs des dmigs so/ /de yi gsung la dmigs pa yis/ / rlung gi rang bzhin rtogs mdzad nas/ /bdag dang gzhan gyis dkyil 'khor mthong / /ye shes dbang du gyur pa'o/ /de la nyi mtshan rgyun du'am/ /yi ge gsum gyi ting nge 'dzin/ /kun du spyod las chos thams cad/ /dbyer med gong bzhin snyeng byed do/ /'di yi phyag rgya chen po yi//bsgrub pa'i mtshan ma gsum mthong nas// brtul zhugs la sogs rim 'di yis/ /sems dmigs rdo rje 'chang ba thob/ /'di las gzhan pa bcu bzhi yi/ /bsnyen pa'i cho ga 'di bzhin te/ /rang rang lha yi sbyor ba yis/ /'og nas 'byung ba'i mi za ba ste rnam par bsgoms na 'bras bu dang bcas par gyur pa'o//de'i dam tshig ni snga ma bzhin no/ /ye shes gang gis dam tshig 'dren par byed pa de ni dam tshig 'gugs pa ste/ 'du byed kyi phung po'i ngo bor bya ba grub pa'i ye shes so/ /des kyang sku'i sprin bskyed nas sdud pa'i dus su 'gugs pa'i phyir ro//de'i rigs ni snga ma bzhin no/ /bcom ldan 'das kyi sku thams cad dang zhal dang po ljang gu/ zhal g.yas pa ni nag po'o/ /g.yon pa ni dkar po ste/ phyag g.yas pa na ral gri bsnams pa'o/ /'dod dang thar pa rab sgrub pa/ /zhes bya ba ni gdul bya rnams kyis rnam par thar pa'i sgo thams cad sgom pa'i ngo bo nyid kyis mngon par 'dod pa'i don yongs su rdzogs par byed pa'i rgyur gyur pas na 'dod pa ste/de yang dngos grub thams cad la rjes su dgyes pas na bcom ldan 'das ni 'dod pa'o zhes gsungs pa dang /gzhan yang / /'dod chags dam tshig ces su brjod/ /chos kyi 'dod pa yid dga' ba/ /de yi rjes sgrub rnal 'byor ni/ /rjes su chags pa zhes bsgrags so/ /zhes gsungs so/ /thar pa zhes bya ba ni zag pa med pa'i bde ba chen po'i ngo bor gyur pa ste/ de yang / bde chen gyur pas thar pa bdag /ces gsungs pa dang / gzhan yang mi 'gyur kun grub pa/ /bde ba chen por shes par bya/ /zhes gsungs te/ de dag bsgrubs pas na/ /'dod dang thar pa rab sgrub pa/ /zhes bya'o/ /des na bcom ldan 'das de bzhin gshegs pa thams cad kyi btsun mo'i mchog 'di phyung ngo zhes bya bar sbyar te/de bzhin gshegs pa thams cad kyang yin la rdo rje 'dzin yang yin pas na de bzhin gshegs pa thams cad kyi rdo rje 'dzin te/ de bzhin gshegs pa thams cad ni 'jig rten gyi khams thams cad kyi rdul phra rab dang mnyam pa'o/ /rdo rje 'dzin thams cad ni byang chub sems dpa' thams cad do//de dag mnyes pa ni spyan la sogs pa dang yang dag par sbyor ba las bde ba dang yid bde ba skyes te/ 'di yang de rnams la ni rnam par rtog pa mi mnga' bas mi 'byung na yang 'on kyang gdul bya de lta bur gyur pa gzhan dag yid 'dun par bya ba'i phyir ro//yang na sngags kyi sgor spyad pa spyod pa dag 'dir de bzhin gshegs pa dang rdo rje 'dzin par blta bar bya'o/ /de ltar khas blangs na sbyor ba sgom pa 'og nas bshad pa rnams dang tshig gi don gcig tu 'gyur ro/ /de'i phyir dam tshig ni spyan la sogs pa lta bur gyur to zhes bya ba'i don to//rjes su mnyes pa zhes bya ba ni snga ma bzhin te/ de bzhin gshegs pa thams cad kyi rjes su mnyes pa ni rdo rje ltar mi phyed pa ste/ de skad ces bya ba'i ting nge 'dzin gang yin pa de la snyoms par zhugs pa'o/ /de bzhin gshegs pa thams cad kyis/ 'dod chags 'dzin pa zhes bya ba la/ de bzhin gshegs pa thams cad kyi 'dod chags 'dzin pa ni 'od dpag med kyi sbyor ba sgom pa'i mtshan nyid la 'dir 'dod chags zhes bya ste/ 'di nyid kyi 'og nas pad+ma'i rigs kyi sbyor ba gtsor bshad pas so/ /de bzhin gshegs pa thams cad kyi sku dang gsung dang thugs slu ba zhes bya ba ni rang bzhin gyis 'od gsal ba'i sku dang gsung dang thugs kyi ting nge 'dzin gyi mthu rtogs shing gzhan rnams la ston pa ni slu ba'o//don de nyid rdo rje ltar mi phyed pas na de la de skad ces bya ste/ de yang / chos rnams rang bzhin 'od gsal ba//gdod nas dag pa nam mkha' bzhin/ /byang chub med cing rtog pa med/ /byang chub tshul 'di brtan pa'o/ /zhes gsungs pa ste/ dga' ba rab tu bsgoms pas 'tshang rgya'o/ /de'i phyir gti mug la sogs pa'i yul la rnal 'byor pa'i dga' ba mngon par 'phel bar bya ba yin te/ de bas na spyan la sogs pa la de bzhin gshegs pa thams cad kyi btsun mo mchog phun sum tshogs pa'i sgrar gsungs so/ /de nas bcom ldan 'das kyis khro bo chen po phyung ngo zhes bya bar sbyar te/ bcom ldan 'das rnam par snang mdzad kyis dbang bskur ba'i ngo bo rdo rje gang yin pa de ni rnam par snang mdzad rdo rje'o//de la dmigs pa'i ting nge 'dzin gyi rnam par snang mdzad ces bya ste/ 'phags pa gshin rje gshed lta bur sems rtse gcig par mdzad ces bya ba'i don to/ /de nyid kyi phyir 'di'i cod pan la rnam par snang mdzad bzhugs pa yin no/ /de bzhin gshegs pa thams cad kyi dkyil 'khor byin gyis rlob pa ni sgo srung gi gzugs kyis yang dag par bsrung ba'o//don de nyid ni khro bo chen po gshin rje gshed de/ de ston pa'i sgra la'ang de skad ces bya'o/ /de bzhin gshegs pa thams cad kyi mngon par byang chub pa ni bcom ldan 'das mi bskyod pa'o//de nyid rdo rje ste khro bo gzhan gyis mi thub pa gang yin pa de la 'di skad ces bya'o/ /de nyid kyi phyir de'i cod pan la mi bskyod pa bzhugs pa'o/ /chos rin po che ni 'od dpag med do/ /de nyid 'byung gnas zhes bya ste/ rigs su gyur pa 'phags pa rta mgrin gang yin pa de la de skad ces bya ste/'dis de bskyed pas na de bzhin gshegs pa 'od dpag med cod pan la bzhugs pa'o/ /de bzhin gshegs pa thams cad kyi sku dang gsung dang thugs ni bcom ldan 'das mi bskyod pa'o/ /de nyid rdo rje ste/ 'phags pa khro bo bdud rtsi thab sbyor ba gang yin pa de la de skad ces bya'o//de nyid kyi phyir de la mi bskyod pas dbang bskur ba'i ngo bor cod pan la bzhugs pa yin no/ /gzugs dang sgra dang dri dang ro dang reg bya dang chos kyi dbyings kyang mchod pa'i ngo bo nyid yin pas dkyil 'khor gyi phyi rol gyi grwa bzhir bsam par bya ste/ mchod pa'i bya ba 'di dag ni 'di nyid kyi 'og nas/gzugs sgra dri sogs sngags pa yis/ /lha nyid du ni rtag par bsgom/ /zhes bstan pa yin no/ /de la ma dad pa la sogs pa'i bgegs bzlog ste/ gdul bya rnams thar pa'i grong khyer du 'jug par bya ba'i phyir dad pa dang brtson 'grus dang dran pa dang / shes rab kyi dbang po'i ngo bo nyid rnam par thar pa'i sgo bzhi ni gshin rje gshed la sogs pa khro bo bzhi bsgom pa yin no//de bzhin gshegs pa'i sku gzugs brnyan gyi tshul gyis yang dag par bstan pa'i phyir phyag na me long bsnams pa'i gzugs kyi lha mor bstan to/ /lha rnams kyi gzugs mthong nas de thob par 'dun pa skyes pa rnams la pi wang brdung ba la sogs pa'i lha'i sku bstan pas/chos rnams gzugs brnyan lta bu ste/ /dag cing gsal la dri ma med/ /ces bya ba la sogs pa ston pa ni sgra'o/ /chos thos nas de rnams kyi bdag med pa la lhag par mos pa ni dri'o/ / de nyid la gong nas gong du lhag par mos pa ni ro'o/ /des snang ba thob pa dang snang ba mched pa dang de kho na nyid kyi don la phyogs gcig pa la gnas pa dang / bar chad med pa'i ting nge 'dzin gyi mtshan nyid nges par 'byed pa'i cha bzhi la reg pa ni reg pa'o/ /de'i 'og tu stong pa nyid kyi mtshan nyid la kun du 'gro ba'i byang chub sems dpa'i sa dang po mngon sum du byas pa ni chos kyi dbyings so//de nas skad cig ma gnyis pa la sogs par dga' ba nye bar skye bar 'gyur ba ni spyan la sogs pa'i gzugs kyis ston to/ /rab tu dga' ba la chos kyi dbyings ji ltar mthong ba de bsgoms pas gti mug dang yid bzhin gyi nor bu dang /'dod chags dang dam tshig gi rigs rtogs pas sku dang gsung dang thugs thams cad rdo rjer rtogs par byas nas rdo rje 'chang chen po nyid du 'gyur te/ 'di ni dkyil 'khor gyi rgyal po'i mchog ces bya ste ting nge 'dzin gnyis pa yin no/ /de nas rdo rje 'chang chen por lhag par mos par byas nas sems can gyi khams ma lus pa mi bskyod pa la sogs pa de bzhin gshegs pa thams cad kyi sku dang gsung dang thugs su bskyed pa la bkod do//de bzhin du gti mug dang yid bzhin gyi nor bu dang / 'dod chags dang dam tshig la dga' ba dang / gzugs dang sgra dang dri dang ro dang reg bya dang chos kyi dbyings su rtogs pas bdud thams cad rab tu bcom pa la sbyar ro//'di ni las kyi rgyal po'i mchog ces bya ste/ ting nge 'dzin gsum po yin no/ /de ltar ting nge 'dzin gsum mngon du bya ba ni 'di nyid kyi 'og nas ston te/ rnam pa gsum du spro bar bya/ / zhes bya ba la sogs pa nas/ /rab dga' las gsungs bsgom par bya/ /zhes bya ba'i bar du'o/ /de bzhin gshegs pa lnga po'i phyag mtshan gyi nges pa ni smras zin to/ /spyan gyi phyag na ni 'khor lo'o/ /mA ma kI'i phyag na ni rdo rje rtse lnga pa'o/ /gos dkar mo'i phyag na ni pad+ma kha phye ba sdong bu dang bcas pa'o//sgrol ma'i phyag na ni ut+pal sngon po'o/ /gshin rje gshed ni mdog nag po'o/ /'od zer gyi tshogs mang po 'khrugs pa shin tu gdug cing 'jigs pa'i dkyil 'khor can spyan dmar ba/ mche ba rnam par gtsigs pa/ phyag g.yas pa na tho ba dang ral gri dang 'khor lo bsnams pa/g.yon rnams gtun shing dang / dgra s+t+wa dang zhags pa bsnams pa/ bzhin rab tu 'gyur ba/ zhal drug pa/ stag gi pags pa sham thabs su bsnams pa'o/ /gzhan gyis mi thub pa ni 'od zer gyi tshogs mang po 'bar ba/ sbrul gyi ska rags kyis brgyan pa/zhal rnam par 'gyur zhing mche ba gtsigs pa/ phyag g.yas rnams na dbyig pa dang 'khor lo dang rdo rje bsnams pa/ phyag g.yon gnyis na lcags kyu dang zhags pa bsnams pa phyag gcig gi mdzub mos gzhan bsdigs pa'o/ /rta mgrin ni mdog dmar po 'od zer gyi tshogs mang po 'bar zhing gdug pa rnam par 'phro ba'i 'od kyi phreng ba can/zhal rnam par 'gyur ba spyan gsum pa sbrul gyis brgyan pa/ tshogs kyi bdag po zhabs g.yon pas gnon pa gdug pa thams cad 'joms pa'i tshul du bzhugs pa/ phyag g.yas rnams na pad+ma dang rdo rje dang dbyig pa bsnams pa/phyag g.yon gnyis na lcags kyu dang zhags pa bsnams pa/ gcig gi mdzub mos gzhan bsdigs pa/ de'i spyi gtsug la rta mgo 'jug pa'o/ /bzhi pa bdud rtsi 'khyil pa ni mdog gnag pa/ 'od zer gyi tshogs mang po 'bar ba/ rdo rje sprin rab tu 'khrugs pa shin tu khro zhing gdug pa mche ba rnon po gtsigs pa/phyag g.yas pa na rdo rje dang ral gri dang gtun shing bsnams pa/ phyag g.yon rnams na lcags kyu dang dgra s+t+wa dang zhags pa bsnams pa ste/ khro bo 'di dag thams cad kyi bzhugs thabs ni g.yon brkyang ste bzhugs so/ /lhag ma rnams ni 'di nyid kyi 'og nas ston to//bgegs thams cad zlog par byed pas dga' ba skyed par byed pas na mnyes par byed pas te de'i don gyi dkyil 'khor ro/ /'da' bar bya ba ma yin pas na dam tshig sems dpa' rnams so/ /rgyud 'di dag las gang khyad par gyi dgag pa ma gsungs pa de ni zhal gsum pa phyag drug par rang gi lha'i ting nge 'dzin de bskyed par bya'o//yid kyi dkyil 'khor bskyed pa ni/ ting nge 'dzin gyi dkyil 'khor byin gyis brlab pa'o/ /de ston pa'i sgra'i tshogs ni le'u zhes bya ba'i sgrar brjod do/ /le'u dang po'i bshad pa'o// //rnal 'byor bsgom par 'dod pa dag gis byang chub chen por smon pa dang /thos pa dang bsam pa'i sems kyis byang chub chen po'i don shes par bya ba yin te/ de bas na/ de nas zhes bya ba la sogs pa byang chub sems kyi le'u gsungs so/ /de nas zhes bya ba'i sgra ni de ma thag tu ste/ bcom ldan 'das la phyag 'tshal te 'di skad ces gsol to zhes bya bar sbyar ro//de yang gzugs dang sgra la sogs pa rnams kyis mchod pa bya ste bshad du gsol zhes bya ba la sogs pa rnams kyis byang chub kyi sems bshad par gsol bar sbyar ro/ /de nyid kyi khyad par bstan pa ni snying po zhes bya ba la sogs pa ste/ chos kyi dbyings thog ma dang tha ma med pa'i ngo bor gyur pas na snying po zhes bya ste/ 'dis ni chos kyi sku'i rang gi ngo bor gyur pa bstan to/ /sku dang gsung dang thugs kyi mchog /ces bya ba 'dis ni rgyu dang 'bras bu nye bar gdags pas kun rdzob tu thabs kyi ngo bor gyur par gsungs pa yin no/ / de ltar na 'dis ni de shes rab dang thabs kyi ngo bor gyur pa'i byang chub kyi sems gsungs pa yin no/ /de nas bcom ldan 'das kyis byang chub sems dpa' de dag la 'di skad ces bka' stsal to zhes bya bar sbyar ro/ /byang chub sems dpa' thams cad kyi sems kyi yongs su rtog pa yang thugs kyis mkhyen te zhes bya ba ni gal te bcom ldan 'das kyis bdag cag rnams kyi sku dang gsung dang thugs rdzogs par bya ba'i phyir byang chub chen por sems bskyed par mdzad na legs par 'gyur ro zhes bya ba de lta bu'i sems kyi yongs su rtog pa yod pas mkhyen pa'o//khyed kyi sems lus lta bu dang zhes bya ba ni de bzhin gshegs pa thams cad kyi sku ni rmi lam lta bu ste/don dam par dngos po med pa'i ngo bo nyid yin pas so/ /lus sems lta bu dang zhes bya ba ni gang 'di thugs rdo rje'i ngo bo 'di yang sgyu ma lta bu ste/ stong pa nyid kyi ngo bo nyid yin pas so/ /sems tshig tu brjod pa lta bur skyed cig ces bya ba ni gang 'di gsung rdo rje'i ngo bo nyid ni brag ca lta bu ste/skye ba'i rgyu med pa'i phyir ro/ /de yang 'og nas/ /sku yi rdo rje rdzogs byang chub/ /dngos dang dngos med rnam dpyad pa/ /zhes gsungs pa dang / gzhan yang / gsung gi dam tshig rdzogs byang chub/ /sgra dang sgra min rnam dpyad pa//zhes pa dang / thugs kyi dam tshig rdzogs byang chub/ /gnas pa'i rdo rje rnam dpyad pa/ /zhes gsungs pa yin no/ /don 'di nyid ni de bzhin gshegs pa thams cad kyi sku dang gsung dang thugs nam mkha' lta bur sbyar nas zhes bya ba gsungs pa yin te/ stong pa nyid kyi ngo bor byas/ /zhes bya ba'i don to/ /kye ma zhes bya ba la sogs pa la kye ma'i sgra ni ngo mtshar du gyur pa'o/ /kun du bzang po zhes bya ba la 'dod chags la sogs pa la spyod par ston kyang / 'dod chags la sogs pa'i nyes pas mi gos pas na kun du bzang po ste/ de lta bu'i kun du bzang po rnam par snang mdzad chen po'i sku dang gsung dang thugs ni don dam par skye ba med de/rmi lam bzhin 'khrul pa tsam las skyes pa yin te/ de lta bas na 'di ni skye ba med pa'i tshul zhes bya'o/ /de ltar byang chub sems dpa' de rnams kyi byang chub chen po'i sems bskyed nas ma 'ongs pa rnams kyi bskyed pa'i phyir de nas zhes bya ba la sogs pa gsungs te/de bzhin gshegs pa thams cad kyi mngon par rdzogs par byang chub pa ni chos kyi dbyings thog ma dang tha ma med pa mngon sum du mdzad pa'o/ /de'i tshul ni chos kyi dbyings thog ma dang tha ma med pa ste thos pa dang bsam pa dang bsgom pa'i rang bzhin gyi shes rab bo//de nyid rdo rje ste/ de la dmigs pa'i ting nge 'dzin de la de skad ces bya'o/ /dngos po med pas bsgom pa med/ /ces bya ba ni gnyis su med pa'i sems nyid dngos po 'di dag tu snang bas na dngos po'o/ /dngos po med pas na dngos po med pa ste/ rnam par mi rtog pa'i ye shes dang chos thams cad kyi de bzhin nyid dngos po med pa'i ngo bo nyid kyi mtshan nyid ni dngos po med pa'o//de ltar dngos po med pas bsgom pa de mthong ba dang thos pa dang bsam pa'i don gyi yang dang yang du mngon du bya ba gang yin pa de yang de bzhin nyid dang rnam par mi rtog pa'i ye shes la de med pa yin no//de bas na dngos po med pa la bsgom pa yin pas med do/ /gal te mthong ba dang thos pa dang bsam pa'i don bsgom pa yin na de ltar na ni dngos po yod par 'gyur zhe na/ de bzlog par bya ba yin pa'i phyir/ /bsgom par bya ba bsgom pa min/ /zhes bya ba gsungs so//'dis ni 'di skad ston par 'gyur te/ gal te bsgom pa bsgom pa'i rang bzhin du 'grub par 'gyur na de'i tshe bsgom pa'i mtshan nyid kho na dngos po ste sku la sogs pa'i rang bzhin gyi dngos por 'gyur gyi/ gang gi tshe yang kun rdzob tu rgyu dang 'bras bu rnam pa gcig pa de yang don dam par ma skyes pa yin pas na de'i phyir//bsgom par bya ba bsgom pa min/ /zhes bya ba'o/ /de bas na/ de ltar dngos po med pas zhes bya ba gsungs pa yin no/ /don dam par dngos po rnams skye ba med pas de'i phyir bsgom pa'i mtshan nyid kyang dngos por mi 'gyur ro/ /de bas na/ bsgom pa dmigs par mi 'gyur ro//zhes bya ba gsungs so/ /de'i phyir na rmi lam lta bu 'khrul pa nyid do/ /de bzhin gshegs pa thams cad kyi mngon par rtogs pas ni bcom ldan 'das rnam par snang mdzad kyi sku rdo rje dngos po med pa'i ngo bo nyid du rtogs pa'o/ /de nyid ni rdo rje ste/ de skad ces bya ba'i ting nge 'dzin gang yin pa de la snyoms par zhugs pa'o//'dis zhes bya ba'i blo la gnas pa'o/ /dngos po thams cad dang bral ba/ /zhes bya ba la dngos po yang yin la thams cad kyang yin pas na dngos po thams cad de/ phung po lnga dang / khams bco brgyad dang / skye mched bcu gnyis dang rten cing 'brel par 'byung ba bcu gnyis ni dngos po thams cad de/de dang bral bar gyur pa nyid kyis na rang sems gzod nas ma skyes pa'o/ /'di nyid bshad pa ni/ /phung po khams dang skye mched dang / /gzung dang 'dzin pa rnam spangs pa/ /zhes bya ba yin te/ gzung ba ni yul gyi ngo bo'o/ /'dzin pa ni rnam par shes pa'o//de ni phung po dang khams dang skye mched rnams dang gzung ba dang 'dzin pa spangs pa'o/ /yang de dag ji ltar spangs she na/ chos bdag med pas mnyam nyid pas/ /zhes bya ba gsungs te/ phung po dang khams dang skye mched dang rten cing 'brel par 'byung ba rnams ni don dam par dngos po med pa'i ngo bo nyid yin pas na chos bdag med pa ste/bdag dang bral ba'i ngo bo yin pas na bdag med pa ste dngos po med pa'o/ /de nyid ni mnyam pa nyid do/ /dngos po thams cad dbyer mi phyed pa nyid do/ /des na de rgyur gyur pas sems can thams cad kyi rang gi sems kyang gdod ma nas ma pa gsum byas la//'khyil pa'i sngags bzlas pho yi g.yon/ /mo yi dpung pa g.yas pa ru/ /bsrung ba bya phyir bcing bar bya/ /'khyil bzlas chu gtsang skyor chu yis/ /kha bshal lan gsum 'thung bcug ste/ /byin chags gtsang bar bya ba dang //ngag gi nyes pa sbyang phyir sbyin/ /oM hrIH bi shud+d+ha sarba d+harma bo so da sa bo ka wa a na ya hUM/ phyir mi ldog dbang dkyil 'khor la/ /byin nas mgon po bdag la gsungs/ /dkyil 'khor lha yi de nyid dang / /slob dpon gyi ni phrin las dang / /sangs rgyas kun gyi dam tshig dang //gsang ba mchog gi sdom pa rnams/ /rtag tu dbang gi slob dpon bgyid/ /sems can kun don byed phyir stsol/ /de nas bla mas thun mong sdom/ /byin nas slob ma de yis kyang / /rig dbang thob phyir lan gsum du/ /bka' stsal de ni blang bya'o//kun mkhyen gang du 'jig rten du/ /bde bar 'byung ngam mi 'byung ba/ /u dum bA ra'i me tog bzhin/ /gal te brgya lam brgya 'ga' 'byung / /bde bas thob dka' 'byung ba ni/ /gsang sngags spyod pa'i tshul 'di ni/ /ci phyir dpag med sems can don/ /bla na med pa byed nus pa//sa yang bskal pa du ma yi/ /snod du byas pa'i sdig pa gang / /de kun zad par 'gyur ba yin/ /dkyil 'khor 'di 'dra mthong bas so/ /gang gzhung mtha' yas grags pa yi/ /sngags kyi spyod pa la gnas nas/ /bla med go 'phang phyin pa ni/ /sngags bzlas pa las skye ba'o//gang dag spyod pa mchog 'di la/ /blo gros gtan du mi g.yo ba/ /sdug bsngal thams cad 'byung ba yi/ /ngan 'gro de dag gis gcod do/ /de ring dpag med rnyed pa ni/ bdag chen khyed rnams kyis thob ste/ /sras bcas rgyal ba kun gyis kyang / / bstan pa 'di la khyed rnams kun/ /thams cad yongs su bzung gnas pa'i/ /skye bar gyur pa bdag chen gyi/ /de phyir khyed kyis bdag chen la/ /bde ba skye bar 'ong 'gyur cig /dpal ldan mchog gi theg pa 'di/ /chen por 'byung ba theg chen po/ /gang gis khyed chag 'gro 'gyur ba//de bzhin gshegs rnams 'ang 'gyur la/ /zhal bzang khyed ni de ring 'ongs/ /sangs ni 'dus pa'i dkyil 'khor che/ /mthong dka' nga yi thugs rje yis/ /khyed kyis mthong bar 'gyur ba'o/ /kye bu dag nyon cig do nub ni/ /seng ge nyal stabs bzhin du nyol//khyod kyis rmi lam dge mi dge / mthong ba tho rangs bdag la smros/ /de ltar bgyi zhes rab gsol nas/ /de dag nyal bcug 'khyil ba yi/ /sngags bzlas dri chu byugs nas su/ /srung ba byas te gnas par bya/ /lhag par mos pas dkyil 'khor dmigs//mchod bstod bdud rtsi myang byas te/ /bsdu zhing ye shes 'khor lo ni/ /kha sbyar dbus su mkha' la bzhag /tho rangs langs nas shar bltas te/ /so shing 'chos nas steng du bsgyur/ /ba lang ko tsam maN+Dal la/ zhi ba la sogs grub par lta/ sbyin dang srung ba la sogs la/ /'khyil pa'i sngags ni mchog nyid las/ /mthong ba'i rmi lam mi dge bas/ /rang dam des bzlas gzhom par bya/ /mtshan mo gsum pa'i cha dang por/ /skud pa brtag pa la sogs 'dra/ /de yi sa bon las byung ba/ /nyi shu rtsa lngar mos pa'o//mi bskyod rdo rje mig gnyis kyang / /dza la nyi zlar bskyed des mtshan/ /rdzi ma'i rba rlabs lcags kyu yis/ /mkha' yi 'khor lo las dgug bya/ /oM AH rnam par snang mdzad che/ /rang gi 'khor lo la mchod phyir/ /khyed kyis skud pa bdag la stsol/ / dap+ti driSh+Ta badzra aM gu sha dza hUM/ de ltar mi bskyod par byas pas/ /rang rang skud pa rang la thim/ /so so gnas pa'i skud pa kun/ /chos nyid sngags kyis bsgril bar bya/ /sarba d+harma spa ra Na a nu pra biSh+Ta sarba d+harma a t+yan+ta a nu pra biSh+Ta d+harma/ dkyil 'khor nyis 'gyur ring thung dang / / sgo yi nyi shu chas spom phra/ /tsan+dan mchog sogs dri zhim gyis/ /byugs nas gser dngul snod du bsrung / /yi ge gsum gyi bar bsams la/ /khrus byas rang lha'i nga rgyal gyis/ /de nas skud pa bsdogs byas nas/ /'khor lo thig ni gdab par bya/ / phung po la sogs pa'o/ /rab tu bsgrags zhes bya ba ni rab tu bstan pa ste/ lam gyi rnam pa shes pa'i ye shes kyis chos thams cad nam mkha' lta bur gzigs la 'jig rten las 'das pa'i rjes las thob pa'i ye shes kyis ni sgyu ma la sogs pa lta bur gzigs nas/ bcom ldan 'das chos rnams ston par mdzad cing 'di ltar 'dul bar mdzad pa yin no zhes bya ba'i don to/ /de bzhin gshegs pa thams cad zil gyis gnon pa rdo rje zhes bya ba la rigs lnga'i de bzhin gshegs pa'i ngo bo ni de bzhin gshegs pa thams cad do/ /de rnams kyi zil gyis gnon pa ni rang bzhin gyis 'od gsal ba rnam par thar pa'i sgos mi snang bar byas pa'o//don de nyid rdo rje ltar mi phyed pas ting nge 'dzin gang la ming de skad ces bya ba'i ting nge 'dzin de la snyoms par zhugs pa'o/ /'di zhes bya ba ni blo la bzhag pa'o/ /byang chub kyi sems gsungs so zhes bya ba ni/ chos thams cad dngos po med pa'i ngo bor mngon sum du byas pa ni byang chub ste/de la dmigs pa'i smon pa dang 'jug pa'i sems byang chub kyi mtshan nyid can ni byang chub kyi sems so/ /de gsungs pa ni bka' stsal ba'o/ /chos rnams rang bzhin 'od gsal ba/ /zhes bya ba la rang bzhin ni ngo bo nyid kyis so//'od gsal ba ni mun nag dang bral bas so/ /ci'i phyir zhe na/ gzod nas dag pa zhes bya ba gsungs te/ thog ma nyid nas skye ba med pa nyid yin pa'i phyir ro/ /de ji lta bu zhe na/ nam mkha' bzhin te/ nyi ma phyed dus na sprin dang bral bar gnas pa lta bu'o zhes bya ba'i don to//byang chub med cing mngon rtogs med/ /ces bya ba ni gzod ma nyid nas dag par gyur pa nyid kyis na byang chub med cing byang chub khong du chud pa yang med pa'o/ /sku dang gsung dang thugs nyid ni gsang ba ste/ de rnams kyi chos kyi de kho na nyid kyi yi ge ni byang chub kyi sems rnam pa drug ste/de ni de bzhin gshegs pa thams cad kyi sku gsung thugs rdo rje de rgyur gyur pas na chos kyi yi ge ste mi 'gyur ba nyid do/ /yang dag don ni dag pa'i don/ /zhes bya ba ni gzod ma nyid nas dag pas na dag pa ste yang dag pa'i don gang yin pa de la nges par byas pas na yang dag don to//gang gi don dag pa de ni dag pa'i don to 'dod chags la sogs pa dang bral ba'o/ /sems can rnams kyi don du gzugs dang sgra dang dri la sogs pa'i ngo bos sangs rgyas la mchod pa dang / de bzhin du skal ba dang ldan pa'i sems can thams cad yongs su smin par byed pas/sangs rgyas byang chub rdzogs byed pa'o/ /thams cad kyi don ni kun gyi don te yid bzhin gyi nor bu'i rigs kyi ngo bo'o/ /sangs rgyas kyi byang chub rab kyi mthar thug par rdzogs par byed pas na/ sangs rgyas byang chub rdzogs mdzad pa/ /zhes bya ste/ bla na med pa yang dag par rdzogs pa'i sangs rgyas rdzogs par byed ces bya ba'i don to//byang chub kyi don du spyod pas na byang chub spyod pa ste/ de'i don ni rdo rje che ste rang bzhin gyis dag pa'i chos nyid kyi ye shes so/ /so sor rtog pa'i ye shes 'jug pa'i sems rang bzhin gyis 'od gsal ba rnam par thar pa'i sgo'i sa bon du gyur pa'i sems ni de bzhin gshegs pa'i thugs te/rang gi byang chub ni nam mkha' dang 'dra bar bstan pa'i phyir don yod par bstan pa'i tshul gyis byang chub dang po rab tu ston par mdzad pa yin no/ /byang chub kyi sems kyi le'u gnyis pa'i bshad pa'o// //byang chub kyi sems bsgom pa sngon du 'gro bas lha'i rnal 'byor bsgom par bya'o zhes bya ba'i phyir de nas zhes bya ba la sogs pa rdo rje bkod pa'i ting nge 'dzin gyi le'u gsungs so/ /de bzhin gshegs pa thams cad ces bya ba rigs lnga rnams te/ de rnams kyi sku dang gsung dang thugs kyis nam mkha' khyab pa ni 'phro ba'o//spros pa de nyid ni sprin no/ /de nyid sna tshogs par spros pa'i ngo bo bas na bkod pa ste/ de skyed par byed cing de la dmigs pas na ting nge 'dzin de la ming de skad ces bya ste/ de bzhin gshegs pa thams cad 'phro ba'i sprin bkod pa rdo rje zhes bya ba'i ting nge 'dzin zhes bya ba de la snyoms par zhugs shing thugs de kho na nyid la mnyam gzhag mdzad nas 'di gsungs so//oM shUn+ya tA dz+nyA na badzra swa b+hA ba At+ma kou0f85haM/ de nas rang gi sngags las nyi ma'i dkyil 'khor de'i steng du de nyid las rdo rje'o/ /rdo rje'i dbus su'ang rang gi s ngags bkod de rdo rje'i nga rgyal du rnam par bsgoms la/de bzhin gshegs pa thams cad kyi sku dang gsung dang thugs rab tu bzhugs par bsams te/ gang zhig de skyed pas ni de ltar bya'o/ /gzhan dag ni rdo rje las byung ba ni rang gi phyag rgya'o/ /de nas badzra satwa haM zhes bya bas rdo rje sems dpa' phyag rgya de'i gzugs su gyur par bsgoms la/sngags brjod cing rang gi lha rdo rje sems dpar gyur par bdag nyid bsgom ste/ sangs rgyas kyi gzugs su rnam par bsgoms la/ mi bskyod pa dang / rnam par snang mdzad la sogs par bdag nyid la bsgom par bya'o zhes bya ba 'di nyid kyi 'og nas ston pa'i phyir ro//de nas phung po dang khams dang skye mched rnams la 'jug cing sku dang gsung dang thugs byin gyis brlab par bya ba la lus dang ngag dang yid rnams ni chos kyi dbyings kyi ngo bo nyid de/ oM d+harmAd+hA tu swa b+hA ba At+ma kou0f85haM/ zhes bya b as byin gyis brlab po//de ltar byas nas nam mkha'i dbus su yi ge hUM las khang pa brtsegs ma sprul nas gdan la nyid kyi sngags dang ting nge 'dzin gyi dkyil 'khor byin gyis brlab pa'i rnal 'byor rnam par bsgom par bya'o/ /las bsgrub pa'i rnal 'byor gyis kyang rang gi sngags nyid las rang gi dkyil 'khor bskyed par bya ba'i dbus su rang gi lha'i gzugs kyis 'dug la rnam par snang mdzad la sogs pa'i gnas rnams su rang gi lha'i gzugs kyis bzhag nas bsgom par bya'o//de yang / /nam mkha'i dbyings kyi dbus gnas par/ /bkod pa'i dkyil 'khor bsgom par bya//de dbus yi ge hUM gzhag pa/ /rang lha'i gzugs su rab tu brtag /rdo rje 'od 'phro cher 'bar ba/ /rnam par 'phro bar bsam par bya/ /sangs rgyas rnams kyi sku gsung thugs/ /'dren pa de ni rnam par bsam/ /rang gi sngags kyi dkyil 'khor ni/ /skyed pa de ni rnam par bsam//'di ni sngags rnams thams cad kyi/ /dkyil 'khor rdo rje bsdus pa yin/ /gnas gzhi dag ni mdun dag tu/ /rang sngags skyes bu bsgom bya ba/ /zhal gsum lta bu'i sbyor ba yis/ /kha dog gsum du rab tu bsgom/ /zhes gsungs pa yin no/ /nam mkha'i dbyings kyi dbus gnas par//sangs rgyas dkyil 'khor bsgom pa ni/ /'od zer sna lngas kun du khyab/ /ces bya ba ni nag po dang dkar po dang ser po dang dmar po dang margad kyi 'od zer rnams kyis so/ /gzugs sogs kun du khyab pa ni gzugs dang sgra dang dri dang ro dang reg bya lha'i gzugs su byin gyis brlabs pas kun du khyab pa'o//sku dang gsung dang thugs rdo rje'i ngo bo bdud rtsi rnam pa lngas brgyan pas na mchod pa rnam pa lngas brgyan pa'o/ /bsgoms nas zhes bya ba ni sngar bstan pa'i tshul du'o/ /gang gi gzugs rnam par bsgom par bya zhe na/ rnam par snang mdzad ces bya ba la sogs pa gsungs pas nges par bstan pa yin no//sku gsung thugs ni rdo rje yi/ /zhes bya ba ni rdo rje 'chang chen po'i 'o/ /gcig pu sbyor ba bsdus pa yin/ /zhes bya ba ni yang dag par sbyor ba'i bsgom pas spro ba byas nas bsdu ba bya ste/ de ltar na sdud pa'i sbyor ba gnyis su 'gyur ro/ / 'di ni rigs thams cad la blta bar bya ste/ /sngags rnams thams cad sbyor bya ba'i/ /dbye ba gnyis su rab tu bsgrags/ /zhes 'di nyid kyi 'og nas bstan pa'i phyir ro/ /mi bskyod pa yi rgyal mchog dang / /zhes bya ba la mchog gi thugs gtso bor gyur pas na de la ni mchog ces bya'o/ /sku gsung thugs kyi rdo rje can//in+d+ra nI la'i kha dog 'dra/ /zhes bya ba ni mi bskyod pa'i 'o/ /rab 'bar phyag na rdo rje bsnams/ /rnam par gtsigs pa 'jigs 'jigs lta/ /zhes bya ba la phyag na rdo rje bsnams pa ni rdo rje 'chang chen po'o/ /de nyid cher 'bar bas rab tu 'bar ba gang yin pa de ni rab tu 'bar ba'o//bsnyer zhing mche ba gtsigs pa ni rnam par gtsigs pa'o/ /gtsigs shing rno ba de nyid 'jigs su rung bas na 'jigs pa lta bu ste/ mche ba rnam par gtsigs shing 'jigs pa'i zhal dang ldan pa ni bcom ldan 'das rdo rje 'chang chen po ste/ zla ba'i mdog can zhal gsum pa phyag drug pa mtshon cha sna tshogs pa bsnams pa mi bskyod pa dbu la 'jog pa'o//de nyid kyi phyir/ /rdo rje dkyil 'khor mchog gyur pa/ /nam mkha' rdo rje dbus gnas bsam/ /sangs rgyas gzugs su rab bsgoms pas/ /rdo rje sems dpa' bsgom par bya/ gsal ba'i sku ni gdug pa 'dra/ /'bar ba sna tshogs rab 'jigs sbyin/ /rnam pa kun gyi mchog ldan pa/ /rgyan rnams kun gyis rnam par brgyan/ /zhes gsungs pa yin no/ /de la rnam par snang mdzad dang / rdo rje sems dpa' la sogs pa phyag dang po gnyis kyis ni 'phags pa de kho na nyid bsdus pa las gsungs pa'i phyag rgya chen po'i tshul gyis rnam par bzhugs la/yang gnyis na rdo rje dang lcags kyu bsnams pa/ /gnyis na rang gi mtshan ma dang zhags pa bsnams pa'o/ /rdo rje sems dpa'i phyag g.yas na mda' dang ral gri bsnams pa'o//de nyid kyi phyir/ phyag drug rdo rje bsgom par bya/ /mtshon cha sna tshogs mdzes pas brgyan/ /zhes gsungs pa yin no/ /shel dang zla ba'i 'od 'dra ba/ /zhes bya ba la sogs pa rnam par snang mdzad kyi phyag na 'khor lo bsnams pa gsungs pa'o/ /'dzam bu chu yi gser 'od 'dra//sangs rgyas sprin gyis kun du 'khrigs/ /zhes bya ba ni/ rin chen 'byung ldan gyi sku mdog ser po gsungs pa'o/ /de yi phyag na rdo rje ste/ /rtse mo dgu pa bsnams par bsgom/ /zhes bya ba ni rdo rje 'chang chen po'o/ /marga ta yi 'od 'dra ba/ /rdo rje 'bar ba rnam par brgyan/ / zhes bya ba ni don yod grub pa gsungs pa'o/ /kun du 'bar ba'i sprin gyis khyab/ /phyag na rin chen bsnams par bsgom/ /zhes bya ba ni phyag na rin po che bsnams pa'i rin chen 'byung ldan te/ sangs rgyas 'bar ba'i sprin gyis khyab par bsgom pa'o/ /pad+ma rA ga'i 'od 'dra ba/ /gtso bo 'dod chags 'bar ba mnga'//zhes bya ba ni phyag na pad+ma bsnams pa ni snang ba mtha' yas te sku mdog dmar por bsgom pa'o/ /'od zer sna lnga'i 'od 'dra ba/ /zhes bya ba la sogs pas ni don yod grub pa'i 'od dang sku mdog gsungs pa'o/ /chos kyi dbyings kyi ngo bo nyid ces bya ba'i ting nge 'dzin la snyoms par zhugs te/zhes bya ba ni sku dang gsung dang thugs rdo rje'i de kho na nyid ni chos kyi dbyings te/ de la dmigs pa'i ting nge 'dzin ni chos kyi dbyings kyi ngo bo nyid do/ /oM d+harmA d+hA tu swA b+hA ba At+ma kou0f85haM/ zhes bya ba 'di brjod pas sku dang gsung dang thugs byin gyis brlabs la/ yi ge oM yid la brjod cing sna'i rtse mo la yungs kar gyi 'bru tsam gyi rin po che rin chen 'byung ldan gyi sbyor bas bsgom par bya'o/ /de bzhin du mi bskyod pa la sogs pa'i sbyor bas rdo rje dang 'khor lo dang pad+ma dang ral gri la sogs pa'i gzugs bsgom zhing yi ge hUM la sogs pa brjod par bya'o//rnal 'byor pa rnam par rtog pa la spyod pa dag gis de ltar bsgoms na ni/ de la gzugs kyi mtshan ma dang reg pa'i mtshan ma dag skye bar 'gyur ro/ /de la gzugs kyi mtshan ma ni sna'i rtse mo la ji ltar bsam pa de mthong ba'o/ /reg pa'i mtshan ma ni mthong ba des bde ba'i reg pa skye zhing lus tshim pa la sogs par 'gyur ro//de ltar bstan pa'i mtshan ma byung nas ni dbang du bya ba'i phyir spro bar bya ste/ /de nyid kyi phyir/ rin chen brtan par gyur nas spro/ /brtan par ma gyur yang mi spro/ /zhes bya ba gsungs so/ /rin po che 'ba' zhig spro bar bya'am 'on te gzhan dag kyang spro bar bya zhe na//sangs rgyas 'bar ba 'dra ba'i 'od/ /mchog rab sprin rnam spro bar bya/ /zhes bya ba gsungs te/ gang zhig rgyur gyur pas sangs rgyas 'bar ba 'dra ba'i 'od dang ldan pa mchog rab kyi sprin gyi rang gi mtshan ma spro bar bya ba de gang yin zhe na/ 'khor lo rdo rje sprin chen dang / /zhes bya ba gsungs te/'khor lo ni rnam par snang mdzad kyi mtshan ma'o/ /rdo rje ni mi bskyod pa la sogs pa'o/ /pad+ma ral gri mtshan chen 'dzin/ /zhes bya ba ni pad+ma 'dzin pa dang ral gri 'dzin pa ni pad+ma ral gri 'dzin pa ste/ 'od dpag tu med pa dang don yod grub pa'i gzugs can gyi lha rnams kyi khyad par te/de rnams mtshan ma gang yin pa de ni/ /pad+ma ral gri mtshon chen 'dzin/ /zhes bya ba'i sgras bshad de/ de ni 'di skad ston par 'gyur te/ ji ltar rin po che bstan par gyur nas sems dbang du 'gyur bar bya ba'i phyir spro bar byed pa de bzhin du 'khor lo la sogs pa gzhan dag las kyang sangs rgyas 'bar ba 'dra ba'i 'od spro bar bya'o//rdo rje la sogs pa'i bsgom pa 'ba' zhig gis sems brtan par 'gyur ram/ gzhan yang byang chub sems dpa' gzugs phra mo rnams bsgoms pas kyang 'gyur zhe na/ de'i phyir/ byang chub sems dpa' sprin chen rnams/ /spro ba'i bdag nyid can gyis spro//zhes bya ba gsungs te/ ngal na bsdu ba'i bya ba ni phyis bshad par bya'o/ /rtsa ba'i rgyud las kyang / lce ni rkan la sbyar bya zhing / /sna yi rtse mor bsam par bya/ /rdo rje phra mo bde reg pas/ /sems ni mnyam par gzhag par 'gyur/ /rdo rje phra mo bde reg pa'i//mtshan ma gal te byung ba na/ /mtshan ma de ni khyab bya ba/ /nam mkha'i spyod yul ci tsam par/ /bsams nas ji ltar 'dod par spro/ /khams gsum du yang spro bar bya/ /de nas de yang bsdu ba ni/ ji srid sna rtser gnas bar du/ /zhes bya ba gsungs te/ sna nas yang lus thams cad du khyab par bsam mo//gang du gnas nas 'khor lo phra mo la sogs pa 'di dag bsgom par bya zhe na/ nam mkha'i dbyings kyi dbus gnas par/ /zhes bya ba la sogs pas ni gnas bstan te/ nam mkha'i dbyings la zla ba'i dkyil 'khor rnam par bsgoms te/ de'i steng du bcom ldan 'das rnam par snang mdzad kyi dkyil 'khor bskyed pa bsgom par bya ste/de nyid kyi phyir/ /gsal ba'i dkyil 'khor dbus gnas par/ /'khor lo'i dkyil 'khor bsgom par bya/ /zhes gsungs pa yin no/ /de bzhin du pad+ma dmar po'i dkyil 'khor ni 'od dpag med kyi dkyil 'khor ro//rin chen 'byung ldan gyi dkyil 'khor ni ser po'o/ /don yod grub pa'i dkyil 'khor ni ljang gu'o/ /mi bskyod pa'i dkyil 'khor ni sngon po'o/ /dkyil 'khor bri ba'i dus su yang nam mkha'i phyogs su ji skad gsungs pa'i tshul gyis dang po'i sbyor ba dang dkyil 'khor gyi rgyal po'i mchog dang /las kyi rgyal po'i mchog bsgoms la dkyil 'khor gyi sa gzhi nam mkha' rnam par bsams te/ dkyil 'khor bri bar bya'o/ /de'i phyir/ sbyor ba'i dkyil 'khor las byung ba'i/ /nam mkha'i dkyil du bri bar bya/ /zhes bya ba gsungs so/ / rdo rje bkod pa zhes bya ba ni rdo rje phra mo bsgoms pas nam mkha' khyab pa ni rdo rje bkod pa ste de la dmigs pa'i ting nge 'dzin gang yin pa de ni rdo rje bkod pa'i ting nge 'dzin to/ /rdo rje bkod pa ste le'u gsum pa'i bshad pa'o// //dam tshig la sogs pa thob pas bsgom pa la sogs pa bya ba'i phyir de nas zhes bya ba la sogs pa de bzhin gshegs pa thams cad kyi thugs kyi dkyil 'khor gyi le'u gsungs te//de yang gzhan dag las/ dkyil 'khor cho gar mi ldan dang / /dam tshig rnam par spangs pa dang / /de nyid gsang ba mi shes pas/ / bsgrubs kyang ci yang 'grub mi 'gyur/ /zhes gsungs pa'i phyir ro/ /snga ma bzhin du ting nge 'dzin gsum rnam par bsgoms la/ rdo rje'i nang du chud pa'i rdo rje 'chang chen po'i nga rgyal du bsgom par bya'o/ /de nas bsgrub pa'i grogs mchog de bzhin gshegs pa thams cad kyi nga rgyal la gnas par byas pas rnal 'byor pa la/de bzhin gshegs pa kun zhi ba/ /zhes bya ba la sogs pa'i bstod pa 'dis gsol ba gdab bo/ /de bzhin gshegs pa kun ni mi bskyod pa'i ngo bo'o/ /zhi ba ni rnam par snang mdzad kyi ngo bo'o/ /de bzhin gshegs pa kun gyi gnas ni yid bzhin gyi nor bu'i rigs kyi ngo bo'o//chos kun mchog ni 'dod chags kyi rigs kyi ngo bo'o/ /dag med pa ni rnam par thar pa'i sgo rang bzhin gyis 'od gsal ba'i ngo bor gyur pa ste/ dam tshig gi rigs kyi ngo bo'o/ /de ltar na 'dis ni bcom ldan 'das rigs lnga bsdus par gyur par bstan to//mtshan rnams thams cad yang dag rdzogs/ /zhes bya ba ni skyes bu chen po'i mtshan sum cu rtsa gnyis yang dag par rdzogs pa'o/ /rgyu de nyid kyis ni/ mtshan min thams cad yang dag spangs/ /zhes bya'o/ /kun du bzang po sku yi mchog /ces bya ba 'dis ni sku rdo rje'i ngo bo'o/ /zhi ba'i chos ni mchog las byung / /zhes bya ba ni so sor rtog pa'i ye shes kyi ngo bo nyid de/ rang bzhin gyis yang dag pa'i chos nyid la dmigs pa'i ngo bo nyid kyi sems dang sems las byung ba rnams ni zhi ba'i chos nyid de/ de las byung bas na//zhi ba'i chos ni mchog las byung / /zhes bya ste 'od dpag tu med pa'o/ /ye shes spyod pa rnam sbyong ba/ /zhes bya ba ni rang bzhin gyis rnam par dag pa'i chos nyid de nyid ni ye shes spyod pa ste/ des sems can rnams rnam par sbyong bas ye shes spyod pa rnam sbyong ba ste/'dis ni gsung rdo rje'i ngo bo nyid du bstan to/ /sems can kun gyi sems chen po/ /zhes bya ba ni sems can yang yin la kun yang yin pas na sems can kun no/ /de rnams kyi sems chen po ni sems can kun gyi sems chen po'o/ /de ni rang bzhin gyis 'od gsal ba dang dag pa dang dri ma med pa gang yin pa de la de skad ces bya ste/'dis ni don yod grub pa'i ngo bor bcom ldan 'das la bstod pa'o/ /'jig rten gsum ni sa 'og dang sa bla dang mtho ris so/ /khams gsum ni 'dod pa dang gzugs dang gzugs med pa'i khams so/ / 'jig rten gsum mchog rdo rje gtso/ /zhes bya ba ni don dam par gyur pa'o/ /ci'i phyir zhe na/ 'jig rten gsum gyi mchog tshangs pa dang khyab 'jug dang dbang phyug chen po'i ston par gyur pas so/ /de bzhin gshegs pa kun gyi thugs/ /zhes bya ba ni byang chub chen po'i sems kyi rgyu mthun par gyur pas rgyu las 'bras bu brtags nas 'di skad ces brjod do//dkyil 'khor zhes bya ba ni snying po len pas na dkyil 'khor ro/ /dkyil 'khor 'dra ba zhes bya ba ni zur bzhi pa la sogs pa'i gzugs su'o/ /snying po bas na dkyil 'khor ro/ /gdul bya rnams kyi yid dang rjes su mthun pas na nyams dga' ba'o//de nas zhes bya ba ni dkyil 'khor du 'jug pa la sogs pas 'gro ba'i don rdzogs par bya ba'i phyir phyin ci ma log cing yang dag par rnam par phye ste rab tu bshad par bya'o zhes sbyar ro/ /thugs kyi dkyil 'khor mchog ces bya ba ni rgyud kyi rgyal po 'dir rdo rje 'dzin chen po nyid gtso bor gyur pa'i phyir de skad ces gsungs so//thugs kyi rdo rje rab 'dra ba/ /zhes bya ba ni gang bcom ldan 'das kyi rdo rje dang 'khor lo dang yid bzhin nor bu dang pad+ma dang ral gri dang spyan dang rdo rje dang pad+ma dang / ut+pal dang / me long dang / pi wang dang / dri'i snod dang / ro'i snod dang / rdo rjes mtshan pa'i gos dang chos kyi dbyings kyi phyag rgya gru gsum dkar po dang / tho ba dang / dbyig pa dang / pad+ma dang rdo rje rnams ni rten dang brten par sprul pa de la thugs kyi rdo rje zhes bshad de de dang 'dra bas na/ thugs kyi rdo rje rab 'dra ba/ /zhes bya'o/ /sku dang gsung dang thugs rnams kyi zhes bya ba ni gal te 'dir yang thugs gtso bor gyur pas na thugs kyi dkyil 'khor zhes bshad mod kyi 'on kyang de sku dang gsung dang thugs dag tu yang 'byung bas na sku dang gsung dang thugs rnams ni zhes bya'o//ngos bzhi zhes bya ba ni shar la sogs pa'i phyogs kyi ri mo dang ldan pa'o/ / grwa bzhir ldan zhes bya ba ni mtshams rnams su ri mo gnyis rgya gram du byas pa dang ldan pa'o/ /de yi dbus su 'khor lo ni/ /rab tu zlum po bri bar bya/ /zhes bya ba ni ka ba brgyad dang ldan pa'i rdo rje'i thig gdab pa'i don to/ /de nas las kyi cho ga ni/ /mthong bas phyag rgya dgod par bya/ /zhes bya ba la cho ga mthong ba'i sgra ni snga ma bzhin du blta bar bya'o//de yang 'di skad ston par 'gyur te/ rnal 'byor pa brtul zhugs yang dag par spyod pas ting nge 'dzin gsum po mngon sum du byas la/ mngon par 'dod pa'i dkyil 'khor gyi sa'i dbus su grogs kyang brtul zhugs yang dag par spyod pa dang dkyil 'khor bri bar gsol ba gdab par bya'o//de nas rdo rje 'chang chen po'i nga rgyal dang ldan pas dkyil 'khor nam mkha' la bkod la bdag nyid byin gyis brlab pa bya ste/ yongs su bskor nas thig skud dkar po dang ser po dang dmar po dang ljang gu dang / nag po'i kha dog so sor kha bsgyur la rim pa 'di nyid kyis yang dag par bzhag nas/oM swA AHhA hUM ste 'di rnams kyis rnam par snang mdzad la sogs pa sku mdog dkar po la sogs pa/ thig skud dkar po la sogs pa la bkod la/ hUM oM AHzhes zlos shing thig skud bsgril bar bya'o/ /de nas 'di nyid brgya rtsa brgyad mngon par bzlas la thig 'di nyid kyis gdab par bya ba la sogs pa 'og nas bshad pa'i cho ga rnams bya bar blta bar bya'o//de ltar dkyil 'khor kun du thig btab la thig dang rjes su mthun par kha dog rnam pa lnga rnams la de bzhin gshegs pa dgod cing dkyil 'khor bri bar bya'o/ / de nas nyi ma'i dkyil 'khor la sogs pa gdan gnas ji lta ba bzhin yang dag par bris nas dkyil 'khor de'i dbus su ni bcom ldan 'das mi bskyod pa'i rdo rje rtse lnga pa bris la badzra d+h+r-ika ces brjod cing bar snang la bzhugs pa'i rdo rje phab la de dang gcig tu bya'o/ /de bzhin du gzhan dag la yang blta bar bya'o//de'i shar la sogs pa'i ngos rnams la rnam par snang mdzad la sogs pa'i phyag mtshan 'khor lo dang rin po che dang / pad+ma dang / ral gri dang / mig dang / rdo rje rtse lnga pa dang / pad+ma dang / ut+pal dang / tho ba dang / dbyig pa dang / pad+ma dang / rdo rje rtse lnga pa rnams rgyu dang rjes su mthun par bri bar bya'o//yang phyi'i dkyil 'khor gyi nang du me'i phyogs su ni gzugs kyi mtshan ma'o/ /bden bral gyi phyogs su ni sgra'i mtshan ma'o/ /rlung gi phyogs su ni dri'i 'o/ /dbang ldan phyogs su ni ro dang reg bya'o/ /yang me'i phyogs su ni chos kyi dbyings kyi ste/ de rnams kyi sa bon ni dzaHhUM baM hoHkhaM raM zhes bya'o//de nas bum pa la sogs pa'i cho ga rjes su spyad la 'di nyid kyi 'og nas 'byung ba'i cho gas 'jug pa la sogs par bya'o/ /sdom pa nges par gzung bar bya ba'i tshul yang 'di nyid yin no/ /bslab pa la 'jigs shing skrag par 'dod pa yongs su mi spong ba dag gi bya ba'i dbang du mdzad nas/bud med rab tu mdangs bzang ba/ /zhes bya ba la sogs pa gsungs te/ de yang 'phags ma mA ma kI de'i sngags dgod pa dang bsgom pa la sogs pas bskyed la/ /sangs rgyas zhi ba'i tshul sogs pas/ /nam mkha'i dbyings ni rab tu brgyan/ /zhes bya ba ste/ sangs rgyas ni 'dir rdo rje 'chang chen po'o/ /bslab pas 'jigs shing skrag pas kyang rig pa'i brtul zhugs yang dag par spyad pa dang / mngon par shes pa thob pa dang / rnam par mi rtog pa'i ting nge 'dzin thob nas bu mo bsten par bya'o/ /dkyil 'khor yang de nyid kyis dkyil 'khor bri bar bya'o/ / gzhan du rdzas rab tu 'bar ba dang / lha babs pa'i mthu med par bu mo bsten cing bza' ba ma yin pa za na dngos grub 'di nyid mi 'grub bo/ /des na de the tshom skyes pas dmyal ba chen po mnar med par 'gro bar 'gyur ro/ /de lta bas na de'i dngos grub thams cad kyang gzhan du gyur pas ji srid mngon du gyur pa de srid du rnal 'byor la goms par byas nas/nyin re'am thun re rang gi lha mngon du mthong bar gyur gyi bar du'o/ /tshul 'dis na de ltar yon por gsungs pas kyang 'dod chags yongs su spong ba dang ldan te/ mngon par shes pa thob nas ni/ /mdzes ldan ma la dga' bo dang //'dra bar 'dod chags skye mi 'gyur/ /de yang sangs rgyas sku'i cho ga /mngon sum bzhin du de mthong dang / /rang gi gzugs ni mi shes shing / /sgra yang des ni mi thos so/ /mdor na bya ba thams cad la/ /bye brag ji bzhin mi byed pa'o/ /gal te bye brag 'byed 'gyur na/ /sangs rgyas kyis kyang mi 'grub bo//sems can kun gyi sems gang ni/ /dag cing zhi la 'od gsal bas/ /dngos po kun gyis mi gos so/ /sems zhes bya ba de nyid dngos/ /de bzhin 'dod pa'i cho ga shes/ /de bzhin nyid la nye bar spyod/ /gzhan du dge ba 'byung ba ni/ /sngags rnams thams cad 'grub mi 'gyur/ /de bas sngags pa'i khyad par gyis//bud med mchog ni bsten par bya/ /gzhan du bde ba stsol mdzad pa'i/ /rdo rje sems dpa' mnyes mi 'gyur/ /'dod pa kun gyi bya ba la/ /longs spyod nye bar spyad par bya/ /gzhan du rmongs pa'i bdag nyid de/ /mnar med par ni nye bar 'tshed/ /ces gsungs pa yin no/ / bya ba 'di nyid ni sha la sogs pa'i bza' ba la yang brjod par bya ste/ rab tu me 'bar ba la ni 'grub par mi 'gyur ro zhes bcom ldan 'das kyis gsungs pa yin no/ /de nyid kyi le'u lnga pa las kyang bshad de/ /sangs rgyas gtso bo yum dag la/ /rnam par mi rtog blo can gyis/ /mnyes par byas kyang mi chags te//des ni sangs rgyas 'grub par 'gyur/ /zhes bcom ldan 'das rdo rje 'chang chen pos gsungs so/ /gang yang sgrub pa po ma yin pa de la ni nyes pa med de/ sdom pa ma bzung zhing sangs rgyas rjes su dran pa tsam la sogs pa'i bag chags yod pa tsam la ni dgag pa med do//sdom pa bzung bas kyang bslab pa las 'das par gyur pa'i phyir de nyid kyis na ngan 'gror 'gro bar 'gyur ro/ /de lta bas na des rig pa dang yang dag par sbyor ba nyid kyi rnal 'byor bsgom par bya'i phyi rol gyi sbyor ba ni mi bya'o/ /don de nyid kyi phyir/ rang gi phyag rgya'am sems kyis ni//rdo rje'i yi ge gsum bsgom bya/ /des ni sangs rgyas kun mkhyen yang / /mnyes par 'di la the tshom med/ /ces bya ba dang / sgrub pa po ni blo brtan pas/ /nags tshal dag tu bsod snyoms bslang / /kha zas bzang po bstar ba dag /de dag skrag nas ster bar 'gyur/ /zhes bya ba la sogs pa gsungs pa yin no//sems kyi dkyil 'khor te le'u bzhi pa'i bshad pa'o// //bsgom pa yongs su rdzogs te rnam par mi rtog pa'i ye shes kyis 'grub par 'gyur bas rigs ngan pa la sogs pa rgyud gzhan dag gi nang nas rab tu bkag pa de dag kyang stong pa nyid bsgoms pas grub pa'i skal ba yod pa'i phyir/de nas zhes bya ba la sogs pas spyod pa thams cad kyi mchog gi le'u gsungs so/ /spyod pa kun mchog ces bya ba la sogs pa la sbyin pa dang / tshul khrims dang / bzod pa dang / brtson 'grus dang / bsam gtan dang / shes rab kyi pha rol tu phyin pa la sogs pa'i spyod pa ni spyod pa kun no//de'i mchog ni chos rnams kyi de bzhin nyid do/ /de'i don ni chos kyi don no/ /rnam par mi rtog don las byung / /sgrub par byed ces bya bar sbyar te/ de la rnam par mi rtog pa'i don ni gnyis su med pa'i ye shes so/ /de las byung ba ni zhe sdang la sogs pa'i rigs rnams so//sgrub par byed pa ni gdul bya'i 'gro ba'i rgyud la theg pa chen po rab mchog gi mtshan nyid can rigs lnga rnams su skyed par byed pa ste/ de bas na/ theg pa mchog ni bla med pa'i/ /dngos grub rab mchog sgrub par byed/ /ces bya ba gsungs te/ rnal 'byor pa gang la gnyis su med pa'i ye shes bskyed pa de dag ni sku rdo rje la sogs pa rdzogs par 'gyur gyi/dngos por 'dzin pa la mngon par zhugs pa gzhan dag gis ni ma yin te/ de bas na de yongs su rdzogs par 'dod pa dag gis gnyis su med pa'i ye shes bsgom par bya'o zhes bstan te/ gang gi phyir gnyis su med pa la lhag par mos pa nyid skyes bu'i don grub pa'i thabs su gyur pa yin gyi rigs la sogs pa ni ma yin te/de'i phyir na rigs ngan zhes bya ba la sogs pa gsungs so/ /rigs ngan dang / sme sha can la sogs pa sdig pa chen po byed pa dag gis kyang 'grub par 'gyur ro zhes bya bar sbyar te/bya ba'i rgyud la sogs par rab tu spangs pa'i rigs ngan la sogs pa ni/ /gsod don don gnyer sems pa rnams/ /zhes bya ste/ srog chags rnams bsad pa la sogs pa'i thabs nyi tshe sems pa'o/ /mtshams med pa lnga byed pa dang / dge slong dang dge slong ma gsod pa dang /gtsug lag khang 'jig pa dang / dam pa'i chos spong ba la sogs pa byed pa ni mtshams med pa la sogs pa'i sgrar brjod do/ /de lta bu'i sdig pa chen po byed pa dag kyang 'grub par 'gyur ro/ /yang zhes bya ba'i sgra ni chos dang ldan zhing tshul khrims rnam par dag pa la 'phags pa'i yul dang rigs su skyes pa 'ba' zhig 'grub par ma zad kyi/skye ba dman pa la sogs pas yang 'grub par 'gyur ro zhes bdag med pa bsgom pa'i nus pa gsal bar bstan pa yin no/ /snying nas slob dpon smod pa dang / /bsgrubs kyang 'grub par yang mi 'gyur/ /zhes bya ba ni sgrib pa 'di shin tu lci bar gsungs pa yin no//srog gcod pa yi sems can gang / /de dag bsgrub pa'i snod du 'gyur/ /zhes bya bar sbyar te/ gang ji srid du spong bas 'jigs shing skrag pa rnams la des rnam par ma brtags na dga' ba'i tshig thos pas gsum la skyabs su 'gro ba dang / byang chub tu sems bskyed pa tsam gyis kyang srog gcod pa la sogs pa la zhugs na yang dkyil 'khor du 'jug pa la sogs pa 'dir bcom ldan 'das kyis gnang bar mdzad do snyam mo/ /de bas na 'jug pa'i rgyur/ srog gcod pa yi sems can gang / /zhes bya ba la sogs pa gsungs te/rtsa ba'i rgyud las kyang sems can gang dag de bzhin gshegs pa thams cad kyi dkyil 'khor la bslab pa'i tshig gis 'jigs shing skrag nas mi 'jug pa dag kyang mchis te/ de dag ngan song gi dkyil 'khor gyi lam du 'jug par kha bltas shing gnas pa rnams kyang / dkyil 'khor 'dir 'jug tu rung ngo zhes gsungs pas rnam pa thams cad du dge ba'i las la 'jug par 'gyur ba dag gsum la skyabs su 'gro ba dang /byang chub tu sems bskyed cing de bsgom pa'i bag chags kyi sa bon dang ldan pa 'ba' zhig tu yang ma zad do/ /'di la gzhug par bya ba'i rgyur gnas pa rnams la srog gcod pa la sogs pa'i yang don gzhan du gyur pa nyid kyis byang chub chen po la 'jug pa'i mchog tu bstan te/de la ye shes kyi rdo rje sems can gyi khams ma lus pa dngos po med par byed pa'i stong pa nyid kyi ting nge 'dzin thob pa 'di ni srog gcod pa zhes bya ste/ chos rnams rang bzhin 'od gsal ba/ /gdod nas dag pa skye ba med/ /byang chub med cing mngon rtogs med/ /byang chub tshul 'di brtan pa'o/ /zhes gsungs pa'o/ /dngos po thams cad med par ston pa ni 'dir brdzun du smra ba'o/ /sems can gyi khams thams cad sku dang gsung dang thugs kyi rdo rje bskyed par bsgoms pas sems can gyi khams ma lus pa'i khams gsum pa'i sems dang sems las byung ba'i gsal ba ni gzhan gyi nor phrogs pa'o//'jig rten gyi khams thams cad kyi rdul phra rab dang mnyam pa'i rig pa'i lha mo dang mngon par sbyor ba sgom pa ni rtag tu 'dod pa la mngon par dga' ba'o//don 'di nyid ni le'u dgu pa las/ /nam mkha'i dbyings kyi dbus gnas par/ /sangs rgyas dkyil 'khor bsgom par bya/ /rdo rje mi bskyod rab bsgoms nas/ /lag tu rdo rje bsgom par bya/ /'od 'phro mang po 'bar ba dang / /'od zer sna lngas rab tu gang //dus gsum 'byung ba'i sangs rgyas rnams/ /bsgoms nas rdo rje phye mar rlog /sku gsung thugs kyi longs spyod ni/ /rdo rjes phyer brlag med 'gyur ba'i/ /bsam gtan mchog de bsgoms na ni/ /thugs kyi dngos grub thob par 'gyur/ /rdo rje gsang ba 'di lta bus/ / sems can thams cad bsad na ni/ /mi bskyod sangs rgyas zhing dag tu/ /rgyal ba'i sras rnams skye bar 'gyur/ /'di ni zhe sdang gi rigs kyi dam tshig gi de kho na'o/ /nam mkha'i dbyings kyi dbus gnas par/ /rdo rje dkyil 'khor bsgom par bya/ /rnam par snang mdzad rab bsgoms te/ / sangs rgyas thams cad rnam par bsgom/ /rin chen kun gyi sbyor ba yis/ /rdo rje gzugs ni rab tu brtag /nor rnams thams cad phrogs nas su/ /rdo rje gsung du rnam bsgoms na/ /nor gyi rgya mtsho gang ba yang / /yid bzhin nor bu 'dra bar 'gyur/ /sangs rgyas kun gyi sras rnams dang //thub pa skyes bu mchog tu 'gyur/ /zhes bya ba ste 'di ni gti mug gi rigs kyi dam tshig gi de kho na'o/ /nam mkha'i dbyings kyi dbus gnas par/ /rin chen dkyil 'khor bsgom par bya/ /dpag med tshe ni rab bsgoms te/ /sangs rgyas rnams kyis rab tu sbyar/ / bud med lta bur sbyor ba ni/ /dam tshig bzhi yi sbyor ba yis/ /thams cad de ru bsgom par bya/ /zhes bya ba 'di ni 'dod chags kyi rigs kyi dam tshig go/ /nam mkha'i dbyings kyi dbus gnas par/ /sangs rgyas dkyil 'khor bsgom par bya/ /rdo rje thogs med rab bsgoms te/ /sangs rgyas thams cad bsgom par bya//thams cad gzugs su rnam bsgoms nas/ /rdo rje dam tshig brdzun smra bas/ /rgyal ba kun gyi gnas rnams dang / /rgyal ba thams cad bslu bar bya/ /'di ni dam tshig 'gugs pa yi/ /rigs kyi dam tshig yang dag pa'o/ /zhes bya ba gsungs pa yin no/ / da ni phra men ma dang 'chol ba'i rgyud la zhugs pa rnams rnam par sbyong ba'i phyir/ bshang gci zhes bya ba la sogs pa gsungs te/ bshang gci'i zas nyid kyi bya ba byed pa des mngon par dga' ba'i don gyi dngos grub bskyed pa ga la yod pa de rnams kyi don du 'di skad ces gsungs te/ de yang de dag ni zas ma yin pa sngags kyis mngon par bsngags nas zos na grub par smra ba la/de rnams la 'di las gsungs pa'i sngags kyis de bzhin gshegs pa thams cad kyi sku gsung thugs rdo rjer bsgoms nas bshang gci mngon par bsngags te/ rab tu 'bar ba na bza' bar bya'o zhes nges par sbyor ba la 'jug pa'i rgyur gyur te/de rab tu 'bar nas blangs pas sku dang gsung dang thugs mngon par rtogs pa la 'jug par 'gyur ro/ /khyab 'jug gi rgyud la mngon par dga' ba rnams yongs su sbyang bar bya ba'i phyir/ ma dang sring mo bu mo la/ /zhes bya ba la sogs pa gsungs te/ de dag gi yang spong ba la mngon par mi phyogs pa rnams la skyabs su 'gro ba la sogs pa sngon du song ba'i byang chub kyi sems bsgom zhing sngags zlos par gnang bas byang chub chen po'i bag chags skyed pa la 'jug pas rgyud nyid du 'gyur bas phyis 'di la 'jug pa'i rgyur gzhag pa yin te ma ni spyan ma la sogs pa'o//sring mo ni rdo rje snyems ma la sogs pa ste/ 'di ni rdo rje sems dpa' la sogs pa'i rnal 'byor pa'i 'o/ /de bzhin gshegs pa'i zlos pa po la ni de nyid bu mo ste/ de rnams dang shes rab kyi pha rol tu phyin pa'i ngo bo nyid du bsgoms pas yang dag par sbyor ba ni mnyes par bya ba'o//de nyid kyis ni/ 'dod pa bas ni mnyes byas na/ theg chen mchog gi chos nyid kyis/ /dngos grub rgya chen des thob bo/ /zhes 'jug par bya ba'i phyir bstan te/ de nyid kyi phyir/ sangs rgyas gtso bo yum dag la/ /rnam par mi rtog blo can gyis/ /mnyes par byas kyang mi chags te//zhes bya ba gsungs te/ de yang / /sgyu ma lta bur bsgom pa'i phyir/ /mnyes par byas su zin kyang sngar gsungs pa'i tshul gyis rnam par mi rtog par 'gyur ro/ /de nas ni rnal 'byor pa 'tshang rgya bar 'gyur ba'i phyir/ /rnam par mi rtog blo can gyis/ /de nas sangs rgyas 'grub par 'gyur//zhes gsungs so/ /ngo mtshar du gyur zhes bya ba ni 'dod chags la spyod pa'i sems can rnams kyis yang dag par sbyor ba bsgoms pas kyang 'tshang rgya bar 'gyur ro zhes pas so/ /rmad du gyur pa'i zhes bya ba ni gzhan dag las sngon ma byung ba'i phyir ro/ /ci'i slad du zhes pa'i sgra ni rab tu smad pa ste/'dir de bzhin gshegs pa thams cad kyi 'khor gyi nang du 'di lta bu'i tshig ngan pa gsungs zhes bya ba ni sangs rgyas bcom ldan 'das gtso bo'i yul la 'dod pa spyod pas grub par 'gyur ro zhes bya ba'i tshig 'di gsungs pa la de ni ma gsung shig ces bya ba'i don to//de la byang chub sems dpa' chen po rnams ni bsam pa dang bag la nyal ba thams cad mkhyen pas yongs su smad par 'gyur ba de ni mi srid na/ ci'i phyir de rnams 'di skad gsung / de ni bden mod kyi 'on kyang dge ba'i rtsa ba yongs su ma smin pa rnams yongs su smod pa'i sems skye 'ang zhu bar mi nus pa rnams kyi bsam pa mkhyen nas 'di skad gsungs pa yin no//de bzhin gshegs pa thams cad kyis byang chub sems dpa' de dag la 'di skad ces bka' stsal to/ /rigs kyi bu rnams thong de skad ma zer cig ces bya ba la thong zhes pa'i sgra ni mi rigs pa'i don to/ / de skad ma zer cig ces bya ba 'dis ni dgag pa 'grub ste/ gang 'di de bzhin gshegs pa thams cad kyi bdag pos spyan la sogs pa dang sbyor ba bsgoms pas 'tshang rgya bar 'gyur ro zhes bya ba 'di ni rigs pa'i tshul yin no/ /ci'i phyir 'di rigs pa yin zhe na/ /ye shes snying po can rnams kyi//sangs rgyas kun gyi chos nyid 'di/ /zhes bya ba gsungs te/ gang spyan ma la sogs pa dang yang dag par sbyor bas nye bar mtshon pa'i shes rab kyi pha rol tu phyin pa bsgom pa ni chos nyid kyi rgyus 'tshang rgya ba'i rgyu yin te/ gnyis su med pa'i de bzhin nyid dang ro gcig pa'i ye shes dang ldan pa'i snying po'i ye shes can no//'di zhes bya ba ni blo la gzhag pa gsungs pa'o/ /ci'i phyir de sangs rgyas rnams kyi chos nyid yin zhe na/ snying po chos kyi don las byung / /zhes bya ba gsungs pa yin te/ snying po yang yin la chos kyang yin pas na snying po chos te chos kyi dbyings thog ma dang tha ma med pa'o//de nyid ni 'jig rten las 'das pa'i ye shes kyi don yin pas na chos kyi don to/ /de las byung ba ni skye ba ste/ gang 'di spyan la sogs pa dang sbyar ba'i tshul gyis 'tshang rgya ba ni chos kyi dbyings kyi rgyu mthun par gyur pas chos kyi dbyings ston pa yin no/ /de nas de rnam par bsgom pa ni rmi lam dang sgyu ma la sogs pa ltar dngos por 'dzin pa la mngon par zhen pa spangs pa las 'tshang rgya ba nyid du 'gyur ro//de bas na/ byang chub spyod pa'i gnas 'di yin/ /zhes gsungs te/ bsgom pa 'di ni byang chub kyi spyod pa ste/ de nyid rten du gyur pas na gnas zhes bya'o/ /byang chub sems dpa' rnams 'jigs pa ni bstan pa 'dis chos dang gang zag gi ngo bo med par thos pas des skrag cing brgyal bar gyur pa'o//ci'i phyir zhe na/ sa chen po la zhugs pa rnams skrag par 'gyur/ skrag pa'i sems ni chos dang gang zag tu 'dzin par gyur pa rnams la 'byung bas na sa chen po la zhugs pa rnams la mi srid kyi zhe na/'dir so so'i skye bo nyid la byang chub sems dpa' 'dod pas nyes pa med do/ /bcom ldan 'das byang chub sems dpa' sems dpa' chen po 'di dag bslang bar gsol zhes bya ba ni ting nge 'dzin gyi mthus chos bdag med pa 'di rtogs pa bskyed pas 'jigs pa bsal te bslang bar gsol ba'o//de ltar de bzhin gshegs pa thams cad kyis gsol ba gsan nas bslang bar bya ba'i phyir nam mkha' dang mnyam pa gnyis su med pa'i rdo rje zhes bya ba'i ting nge 'dzin la snyoms par zhugs so zhes pa ste/ nam mkha' ltar mnyam pas nam mkha' dang mnyam pa ste/chos thams cad dngos po med pa'i ngo bo nyid de/ nam mkha' dang mnyam pa nyid ni gnyis su med pa ste/ de la dmigs pas na ming de skad ces bya ste/ nam mkha' dang mnyam pa gnyis su med pa rdo rje zhes bya ba'i ting nge 'dzin de la snyoms par zhugs pa ni bcom ldan 'das rdo rje 'chang chen po'o//de nas rang rang gi stan la gnas par gyur to zhes bya ba ni/ de dag la bcom ldan 'das kyi 'od kyis reg pas bdag med par rtogs te/ bdag tu 'dzin pa dang bral bas ni de thams cad 'jigs shing skrag pa dang bral bas so/ / ngo mtshar du gyur pa ni bcom ldan 'das kyi ting nge 'dzin gyi mthus 'gro ba'i don mthong bas so/ /e ma'o chos/ e ma'o chos zhes bya ba ni bcom ldan 'das kyi ting nge 'dzin gyi mthu la shin tu yang ngo mtshar skyes nas smras pa'o/ /e ma'o chos kyi don byung ba/ /zhes bya ba ni ting nge 'dzin de nyid kyi mthus ngo mtshar gyi rang bzhin gyi don du gdul bya rnams kyi rgyud la byang chub kyi sems mngon du byas pa'i ngo bo ste de byung ba ni skyes pa'o//chos don dag pa zhes pa la phung po la sogs pa ni chos so/ /dag pa'i don ni ngo bo nyid kyis dag pa'i chos nyid kyi ye shes so/ /de nyid bdag med pa ste/bdag med pa'i rdo rje de nyid kyis rigs thams cad kyi rgyal por gyur cing bdud thams cad zil gyis gnon pas na rdo rje rgyal po zhes bya ste/ 'dis ni mi bskyod pa'i ngo bor gsungs pa'o/ /sku dang gsung thugs rab tu dag /ces bya ba ni sku gsung thugs rnam par dag pa gang yin pa de la de skad ces bya'o//nam mkha' dang ni mnyam pa nyid/ /ces bya ba ni de bzhin nyid dang / de nyid gnas su gyur pa gang yin pa de la de skad ces bya'o/ /rnam par rtog pa thams cad med pas na rnam par mi 'gyur ba'o/ /chos kyi dbyings kyi ngo bo nyid kyi yin pa'i phyir snang ba med pa'o/ /rdo rje'i sku la phyag 'tshal 'dud//ces bya ba ni sku rdo rje'i ngo bo nyid du gsungs pa'o/ /'das pa dang ma 'ongs pa dang da ltar byung ba ni dus gsum po de nyid lam ste/ de la 'jug pa'i ngang tshul gang yin pa de ni/ dus gsum dag gi lam du 'byung / /zhes bya ste de bzhin gshegs pa'o/ /de'i thugs ni rdo rje 'chang chen po'o//dbyings gyur pa zhes pa'ang de nyid kyi rigs thams cad byang chub kyi sems nyid la skye ste/ de ni chos kyi dbyings thog ma dang tha ma med pa'i ngo bor gyur pa'i phyir ro/ /nam mkha' ltar thams cad du song bas na nam mkha' chen po'o/ /nam mkha' ltar dus gsum med pa'i ngo bor gyur pa gang yin pa de ni nam mkha'i lam ste/'dis ni rdo rje 'chang chen po'i ngo bo nyid du gsungs pa'o/ /nam mkha'i sku zhes bya ba ni nam mkha' ni mnyam pa nyid kyi ye shes so/ /nam mkha' las kyang byung ba ni skyes pa ste/ 'dis ni yid bzhin gyi nor bu'i rigs kyi ngo bor gsungs pa'o//nam mkha'i gsung gi lam ston pa/ /zhes bya ba ni tshig dang tshig ma yin pa'i sgra thams cad ni brag ca lta bu ste/ 'dis ni 'dod chags kyi rigs kyi ngo bor gsungs pa'o/ /nam mkha'i thugs ni chos kyi mchog /ces bya ba ni sems nam mkha' ltar rang bzhin gyis 'od gsal ba'i rnam par thar pa'i ngo bor gyur pa gang yin pa de ni nam mkha'i thugs te/de nyid chos kyi mchog ste dam pa de la spyod cing gnas pa gang yin pa de la de skad ces bya'o/ /'dis ni dam tshig gi rigs kyi ngo bor gsungs pa'o/ /kun du spyod pa zhes bya ba ni 'jig rten pa dang 'jig rten las 'das pa'i dngos grub thams cad rdzogs par byed pa'i spyod pa ni kun du spyod pa'o//de nyid phul du byung ba'i mchog ste de gang du gsungs pa de ni spyod pa thams cad kyi mchog gi le'u zhes bya'o/ /le'u lnga pa'i bshad pa'o// //bsgom pa'am bzlas pa byed par 'dod pas sku dang gsung dang thugs byin gyis brlab pa dang rjes su mnyes pa'i mchod pa bya dgos pa'i phyir/de nas zhes bya ba la sogs pa sku dang gsung dang thugs byin gyis brlab pa'i le'u gsungs pa'o/ /de bzhin gshegs pa thams cad kyi sku dang gsung dang thugs kyi gsang ba la sku zhes bya ba la sku rdo rje'i ngo bo ni sku'i gsang ba'o//gsung rdo rje'i ngo bo ni gsung gi gsang ba'o/ /thugs rdo rje'i ngo bo ni thugs kyi gsang ba ste/ gang sku mdog dang dbyibs dang phyag mtshan dang phyag rgya la sogs pa rnam pa rgya che ba rnam pa sna tshogs pa dpag tu med pa gang yin pa 'di ni sku'i gsang bar shes par bya'o//thugs ka'i zla ba la rdo rje bsgom pa ni thugs kyi gsang ba'o/ /lce la rdo rje rtse lnga pa dkar po rnam par bsam zhing sngags kyi yi ge brjod la de'i don la lhag par mos pa ni gsung gi gsang ba'o zhes/ bcom ldan 'das rdo rje 'chang chen pos gsungs pas de la dmigs pa'i ting nge 'dzin de la ming de skad ces bya ste/de bzhin gshegs pa thams cad kyi sku dang gsung dang thugs gsang ba zhes bya ba de la snyoms par zhugs pa ni mngon sum du mdzad pa'o/ /rnam par rgyal ba'i gnas rdo rje/ /zhes bya ba ni sku la sku'i ngo bo nyid dang bral bar rtogs pa ni rnam par rgyal ba'i gnas te/de la dmigs pa'i ting nge 'dzin ni/ rnam par rgyal ba'i gnas rdo rje/ /zhes bya'o/ /mnyam pa nyid mi gnyis pa rdo rje zhes bya ba la chos thams cad ngo bo nyid kyis dag pa'o zhes bya ba 'di ni mnyam pa nyid de/ de nyid ni mi gnyis pa ste/de la dmigs pa'i ting nge 'dzin ni mnyam pa nyid mi gnyis pa rdo rje zhes bya'o/ /rdo rje gsum po zhes bya ba ni ji skad du gsungs pa'i sku la sogs pa ste bsgrub par bya'o zhes sbyar ro/ /gnas ni gzhi'o/ /gnas kyi rnam par bsgom zhes pa ni sku la sogs pa bsgom pa'i ngo bo'o/ / sngags kyi mtshan gyis shin du mtshan byas la/ /zhes pa ni sku rdo rje la sogs pa'i ngo bo'o/ /'di yis zhes bya ba ni smras ma thag pa'i sngags gsum pos so/ /bsgrub pa nyid du bya zhes pa ni brtan par bya'o/ /sgron ma rdo rje zhes bya ba ni sna'i rtse mor yungs kar gyi 'bru tsam gyi rin po che bsgoms pas ye shes kyi snang ba bskyed pa ni sgron ma ste de la dmigs pas na sgron ma rdo rje'i ting nge 'dzin zhes bya'o//rdo rje gdon mi za ba zhes bya ba ni gdon mi za ba ni don yod pa ste/ gzugs dang / sgra dang / dri dang / ro la sogs pa rang rang gi rnam par thar pa skyed pa ste/ de la dmigs pa'i ting nge 'dzin ni rdo rje gdon mi za ba zhes bya'o//rtag par 'dod pa'i yon tan lngas/ /sangs rgyas tshul bzhin mchod par bya/ zhes bya ba ni gzugs dang sgra dang dri dang ro dang reg bya rnams sngags 'dis byin gyis brlabs pas sku rdo rje la sogs pa'i ngo bor bsgoms te de rnams kyis de bzhin gshegs pa rnams la mchod par bya'o//de bzhin du yid kyis bdud rtsi lnga rnams kyang sku rdo rje la sogs pa'i ngo bor bsgoms la mchod de/ sngags la dmigs pa'i lus kyis bsgrub par bya/ /zhes bya bar sbyar te/ /lus la lus med par bsgom pa ni sngags la dmigs pa ste/ de'i lus ni sngags la dmigs pa'i lus so//des ngag ste sngags zlos pa la sbyor ba dang / yid kyis blo la bzhag cing rnam par snang mdzad bskul nas bsgrub par bya zhes bya ba ni sngags pas mngon par 'dod pa'i dngos grub rdzogs par bya'o/ /sems la dmigs pa bdag med par bsgrub par bya zhes bya bar sbyar te/sems la sems med par bsgom pa ni sems dang dmigs pa ste/ de nyid bdag med pa'o/ /ngag dang lus kyang rnam par bsgom/ /zhes bya ba ni ngag la ngag med par bsgom pa dang lus la lus med par bsgom par bsgrub par bya'o/ /ci zhig bsgrub par bya zhe na/ sbyor ba rnam gsum zhes bya ste/ sku dang gsung dang thugs rdo rje'i dngos grub kyi ngo bo'o/ /gang la gnas nas she na/ nam mkha' bzhin du mnyam pa'i gnas/ /zhes pa ste/ nam mkha' dang mnyam pa ni de bzhin nyid do/ /de nyid ni sbyor ba gsum po gang yin pa de ni gnas yin pas na/nam mkha' bzhin du mnyam pa'i gnas/ /zhes bya ste/ de de lta bur bsgrub par bya'o/ /smras ma thag pa'i don de nyid rnam par dbye ba ni/ lus dang ngag dang sems dmigs na/ /ngo bo nyid ni dmigs su med/ /ces bya ba yin te/ lus dang ngag dang yid la dngos po med pa'i ngo bo nyid du rnam par dpyad pa ni dngos po ste/des dmigs na de rnams kyi ngo bo nyid ni dmigs su med do/ /sku dang gsung dang thugs rdo rje ni sngags kyi lus te/ de dag gi sngags kyi lus su sbyor ba zhes bya ba ste/ lus la sogs par ji skad gsungs par bsgom pa'o/ /tshul 'di lta bur sbyor ba 'dis ni byang chub med cing bsgom pa'ang med pa'i phyir ro//dmigs su med pas na byang chub pa med cing bsgom pas kyang nye bar dmigs su med do/ /de bas na/ byang chub med cing bsgom pa'ang med/ /ces gsungs so/ /de ltar lus dang ngag dang yid kyi ngo bo nyid rnam par dpyad nas//byang chub sbyor ba bsgom par bya/ /zhes bya ba ste/ /spyan gyi tshul du sbyor ba dang / /zhes bya ba la sogs pa gang bshad pa bsgom par bya ste/ /spyan lta bu la sogs par yang dag par sbyor ba'i mtshan ma tsam nye bar bzung ba ste/de nye bar bzung la de'i dngos po'i ngo bo nyid rnam par brtags na rdul phra mo tsam gyi chos rnams kyang dmigs su med do/ /des na byang chub la sbyor ba/ /zhes bya'o/ /sngags kyis brtags pa zhes bya ba ni sngags kyi sgo nas so/ /byang chub la sbyor ba bsgom pa na rnam par rtog pa la spyod pa rnams kyis sngon gyi dus su bya ba gsungs pa ni//sna yi rtse mor yungs kar bsam/ /zhes bya ba la sogs pa ste/ spro ba dang bsdu ba ni sngar bshad pa bzhin du blta bar bya'o/ /sangs rgyas zhes bya ba ni 'dir rnam par snang mdzad la bya ste/ yi ge hUM las nyi ma'i dkyil 'khor bskyed la de'i steng du de nyid las dpal rdo rje sems dpa' bskyed la de'i thugs ka'i zla bar hUM las rdo rje rtse dgu pa rdo rje'i dbus su yi ge hUM bsgom par bya ste/sangs rgyas ni 'dir rdo rje 'dzin pa'o zhes gsungs pas 'dir yang rdo rje 'chang chen po ni sangs rgyas so/ /nam mkha'i dbyings kyi dbus gnas par//gsal ba'i dkyil 'khor bsgom par bya/ /zhes bya ba ni rnam par snang mdzad kyi dkyil 'khor zhes bya ba'i don to/ /rdo rje pad+ma ni zla ba'i dkyil 'khor la gnas pa'i rnam par snang mdzad kyi sbyor ba byas nas de'i dkyil 'khor gyi dbus su zla ba dang pad+ma la 'dug pa'i sngags pas spyan dang lhan cig tu yang dag par sbyor ba bsgom par bya'o//rin chen dkyil 'khor bsgom par bya/ /zhes bya ba ni yid bzhin gyi nor bu'i dkyil 'khor ro/ /dang por sbyor ba nan tan gyis/ /zhes bya ba ni sna'i rtse mo la rdo rje phra mo dang rin po che la sogs pa zla ba gsum du bsgoms pas sems brtan par byas pa ni dang po'i sbyor ba'o//de ltar dang po sbyor ba rnam par bsgoms nas rnal 'byor thams cad bsgom par bya'o zhes gnyis su med par mnyam pa rnam par rgyal ba las gsungs pas na de ni dang po'i sbyor ba'o/ /nan tan gyis zhes bya ba ni lhod pa med pa'i brtson 'grus kyis so//de yi steng du yongs su bsgom/ /zhes pa ni rin po che'i dkyil 'khor te de'i steng du rdo rje pad+ma'i gdan/ der yang nyi ma'i dkyil 'khor ro/ /der yang rin chen 'byung ldan gyi skur rnam par bsams la rin chen 'byung ldan gyi sbyor ba bsgom par bya'o//'od kyi dkyil 'khor ni nyi ma'i dkyil 'khor te/ de la gnas pa'i mi bskyod pa'i rnal 'byor pas rnam par snang mdzad la sogs pa'i de bzhin gshegs pa bzhi po spro zhing sprul nas shar la sogs pa'i phyogs kyi cha la dgod do//de la gnas nas ci zhig bya zhe na gsungs pa/ sna yi rtse mor rnam par bsam/ /zhes pa ste/ ji skad du bshad pa'i rdo rje'o/ /spro ba dang bsdu ba dag ni snga ma bzhin du blta bar bya'o/ /'od dpag med kyi sbyor bas dkyil 'khor gyi dbus su 'dug ste ji skad gsungs pa'i pad+ma rnam par bsgom par bya'o//rnam par snang mdzad kyi sbyor bas ni 'khor lo'o/ /rin chen 'byung ldan gyi sbyor bas ni rin po che'o/ /don yod grub pa'i sbyor bas ni ral gri'o/ /rdo rje 'chang chen po'i sbyor bas ni rdo rje rtse dgu pa bsgom par bya ste/ de'i phyir 'khor lo la sogs pa khyad par du bsgom pa der ni bstan par bya/zhes gsungs so/ /de lta bu des cir 'gyur zhe na/ de'i phyir/ byang chub gnas 'grub thob par 'gyur/ /zhes gsungs te/ byang chub kyi go 'phang ni byang chub kyi gnas te gzhir gyur pas so/ /rdo rje phra mo la sogs pa bsgoms pas 'grub par 'gyur te/de grub na byang chub la gnas pa ste/ de la gnas ni byang chub thob par 'gyur ba'o/ /de yang / deng nas brtsams te gang ci'ang rung / /mnyam par bzhag nas bsgoms na ni/ /ting 'dzin ye shes kyis brtags pa/ /de dag thams cad brtan par 'gyur//zhes gsungs so/ /sangs rgyas byang chub gnas rnams ni/ /de ru 'dod na spro bar bya/ /zhes bya ba ni rdo rje phra mo la sogs pa bsgom pa la rnal 'byor pas gnas par bya zhing sangs rgyas kyi sprul pa spro bar bya'o/ /sku gsung thugs kyi mtshan ma yi/ /chos kyi tshig rnams rab tu brjod//ces bya ba ni mi bskyod pa la sogs pa ston par byed pa'i sngags ni chos kyi tshig go/ /de nyid ni/ /sku gsung thugs kyis mtshan pa ste/ /zhes bya'o/ /sku rdo rje la sogs pas sku gsung thugs mtshan pa gang yin pa de ni sku gsung thugs kyis mtshan pa'i gnas te/de lta bu'i sku dang gsung dang / thugs ji lta ba bzhin du yongs su shes par gyur pas so/ /de ltar rdo rje phra mo la sogs pa'i ting nge 'dzin thob pa'i sngags pas sangs rgyas kyi sprul pa nyin re zhing thun bzhir byas nas zla ba drug gi bar du gsang ba de kho na nyid kyi mchod pa chen po bsgom par bya'o zhes bya bar sbyar ro//gzugs dang sgra dang ror ldan par/ /zhes bya ba ni yid dang phyi rol gnyis ka dang ldan pa'o/ /shes rab chen po zhes bya ba ni de kho na nyid mthong ba'o/ /yang dag gsang ba'i mchod chen gyis/ /zhes bya ba ni lha'i bu mo la sogs pa dang yang dag par sbyor ba ste//ji skad gsungs pa'i tshul gyis mi rtog pa'i ting nge 'dzin thob pas so/ /'di dag ni yul gyis skrag par smra ba dag gi phyir gsungs te/ mngon par shes pa thob pa la ni 'dod chags kyi kun du spyod pa med pa'i phyir ro/ /legs par mchod ces bya ba ni sku gsung thugs rdo rjer bsgoms pas rab tu 'bar ba'i bdud rtsi lnga dang gzugs la sogs pa rnams kyis te/rab tu mi 'bar ba ni mchod pa yang mi bya la mi 'bar ba ni bza' bar yang mi bya'o/ /de lta bu des de la mngon par zhugs pa rnams la yang yid ches par mi 'gyur la sku gsung thugs khyad par can skye bar 'gyur ba med pa'i phyir sngags kyi byin rlabs dang bsgom pa rnams rab tu spong bar 'gyur ro//'di nyid kyi 'og nas kyang rab tu sbar zhes 'byung bas yid gnyis su mi bya'o/ /de la mngon par zhugs pa rnams la slob dpon gyis kyang 'bar ba sbyin par bya'o//dngos grub 'bras bu 'dod pa yis/ /zhes bya ba la dngos grub kyi 'bras bu ni sku rdo rje la sogs pa'i rnam par sprul pa dang cho 'phrul gyi ye shes te 'dod pa la sbyin par bya'o/ /de ltar grub pa'i rdzas zos pa'i nus pa gsungs pa de nyid bstan pa'i phyir/ byang chub sems ni rnyog med pa//yang dag bla med grub par 'gyur/ /zhes bya ba gsungs te/ de bzhin du gzhan dag la yang blta bar bya'o/ /go 'phang las ni byed par 'gyur/ /zhes bya ba ni lha thams cad kyi rnam par thar pa'i sgo ni go 'phang ngo / /de dag gi las ni byang chub chen po'i sems bsgrub pa la sogs par gsungs pa ste/de las gzhan pa'i dngos grub thams cad kyang byed do zhes bya ba'i don to/ /lus ngag sems las 'da' ba'o/ /zhes bya ba ni 'khor ba pa'i lus dang yid spangs pa'o/ /sku dang gsung dang thugs rdo rje gdul bya rnams kyi rgyud la skyed nus pa ni byin gyis brlabs pa ste/de ston pa'i sgra'i tshogs ni le'u zhes bya'o/ /sku dang gsung dang thugs byin gyis brlab pa ste/ le'u drug pa'i bshad pa'o// //rdzogs pa'i sangs rgyas la sogs pa'i gzugs dang sgra dang dri dang ro dang reg bya rnams stong pa nyid dang / mtshan ma med pa dang /smon pa med pa'i rnam par thar pa'i sgos sku dang gsung dang thugs rdo rje'i ngo bor rmi lam lta bu la sogs pa bsgoms na nges par 'grub par 'gyur bas sangs rgyas rjes su dran pa la sogs pa'i sbyor ba rnams bsgom pa'i phyir de nas zhes bya ba la sogs pa sngags kyi spyod pa'i mchog gi le'u gsungs so//dam tshig chen po'i de kho na nyid 'di gsungs so zhes bya bar sbyar te/ dam tshig kyang yin la chen po yang yin pas na dam tshig chen po ste chos kyi dbyings thog ma dang tha ma med pas na thams cad du 'gro ba'o/ /de'i de kho na nyid ni zag pa med pa'i rgyun dang ldan pa'i bde ba dang yid bde ba can gyi kun du bzang po'i ngo bo nyid de/de yang / rab dga' kun du bzang po ni/ /dam tshig chen po'i de nyid yin/ /zhes gsungs pa'i phyir ro/ /dam tshig chen po'i de kho na nyid bsgom pa ni sngags spyod pa'i mchog ste/ phul du byung ba'i rdzogs par byang chub gang yin pa de ni sngags spyod pa'i mchog mngon par rdzogs par byang chub pa gsungs pa ni bka' stsal pa'o//'dod pa'i longs spyod thams cad kyis/ /sangs rgyas myur du 'thob par 'gyur/ /zhes bya bar sbyar te/ yang dag par rdzogs pa'i sangs rgyas la sogs pa'i ngo bo bcom ldan 'das ni gdul bya rnams kyis chags shing 'dod par bya ba yin pas na/'dod pa zhes bya ste 'dod pa ni bcom ldan 'das dam tshig sems dpa'o/ /zhes gsungs pa dang / yang 'dod pa dam tshig yin par bshad/ /chos kyi 'dod pa yid 'ong ba//zhes gsungs pas so/ /'dod pa yang yin la thams cad kyang yin pas na 'dod pa thams cad de 'dod pa de'i longs spyod ni phung po dang khams dang skye mched rnams te de dag ni 'dod pa'i longs spyod thams cad do/ /'ong zhes bya ba'i sgra ni nges pa'o/ /ji ltar 'dod pa'i bya ba ni rnal 'byor pa gang gi lha gang gi rnam par thar pa'i sgo'i mngon par 'dod pa 'di ni 'dod pa'o//bsten pa ni de dag nyid rnam par sgom par byed pa'o/ /'di skad ston te rang gi sngags kyi rang gi lha'i sbyor ba bskyed la/ phung po lnga ni mdor bsdu na/ /sangs rgyas lngar ni rab tu bsgrags/ /zhes bya ba la sogs pa bsgom pa ni 'dod pa'i longs spyod thams cad ces bya ste/de bas na/ bsnyen pa'i dam tshig sbyor ba dang / /zhes bya ba la sogs pa 'di dag nyid la 'dod pa'i longs spyod thams cad gtso bo'i yan lag nyid du bstan to/ /de nyid kyi phyir/ /'di lta bu yi sbyor ba yis/ /sangs rgyas myur du 'thob par 'gyur//zhes bya ba gsungs so/ /de ni bsam gtan dang rjes su mthun pa'i gzugs dang sgra dang dri dang ro dang reg bya rnams kyi dbang du mdzad nas/ /'dod pa'i longs spyod thams cad ni/ /ji ltar 'dod pa bsten bya ste/ /zhes bya ba la sogs pa gsungs te/ gzugs la sogs pa'i yul rnams la/ rnam par mi rtog pa'i ngo bo nyid dang rang gi lha'i rnam par bsgoms pas bsten par bya'o/ /rtag tu 'dod yon lnga rnams bsten/ /zhes bya ba ni bsten cing bsgom pa ste/ bsam gtan dang rjes su mthun pa'i bza' ba la sogs pa rnams la yongs su longs spyod pa dang //gzugs la rnam gsum shes byas nas/ /zhes bya ba la sogs pa bshad pa'i tshul du bstan pa ni 'dir bsten pa zhes bya'o/ /ci'i phyir bsten par bya zhe na/ ye shes 'dod pa yis zhes bya ba gsungs te/ de bzhin gshegs pa la sogs pa'i ye shes so//'dod pa'i yon tan ni gang / gang gi ye shes ni 'dod ce na/ chags can zhes bya ba gsungs te/ rdo rje 'chang chen po'i zhes bya ba'i don to/ /byang chub sems dpa' mnyes par bya/ /zhes bya ba ni gzugs la sogs pa bsten pas so/ /byang chub nyi ma chags par bya/ /zhes bya ba la nyi ma zhes bya ba ni chos bdag med pa'i ye shes kyi nyi ma'i mes nyon mongs pa rnams nges par sreg pa'i gzi brjid dang ldan pa'i don to//de rnams kyi bla na med pa'i byang chub la chags shing shin tu zhen pas bsgom pa mngon du bya'o/ /de ni rnam pa gang gis 'dod pa'i yon tan lnga po bsten par bya ba de gsungs pa ni/gzugs la rnam gsum shes byas nas/ /zhes bya ba la sogs pa yin te/ me tog la sogs pa'i gzugs dang lha rnams kyi gzugs kyang rnam par thar pa'i sgo stong pa nyid dang / mtshan ma med pa dang / smon pa med pa'i ngo bo sku dang gsung dang thugs kyi rang bzhin rnam par snang mdzad du rnam par bsams te lha rnams la dbul bar bya'o//de nyid kyi phyir/ de nyid bcom ldan sna tshogs pa/ /sangs rgyas rnam par snang mdzad gzhi/ /zhes bya ba gsungs so/ /phyi rol dang lha rnams kyi sgra de bzhin du/ rin chen 'byung ldan gyi ngo bo'o/ /de bzhin du phyi rol dang yid kyi dri rnams kyang snang ba mtha' yas kyi ngo bo'o//de bzhin du ro rnams kyang don yod grub pa'i ngo bor rnam par bsam mo/ /reg bya yang mi bskyod pa'i rnam par thar pa'i sgo gsum gyi ngo bor bsams la lha rnams la sogs pa la reg bya dbul bar bya'o/ /de ltar na 'dod pa'i yon tan lnga po de dag ni mi bskyod pa la sogs pa'i ngo bo nyid yin no//de bas na 'dir 'khor ba pa rnams kyis ni gzung bar mi bya ste/ 'khor ba pa rnams kyi ni de'i mi mthun pa'i phyogs yin pa'i phyir ro/ /de ltar gang gi phyir gzugs la sogs pa 'di dag ni rigs lnga'i ngo bo nyid la bya'i phyi rol gyi ni ma yin no//'di nyid kyi phyir/ /gzugs sgra ro la sogs pa la/ /rtag tu sems ni sbyar bar bya/ /zhes bya ba ste/ de rnams rigs lnga'i ngo bor bsgoms pas rang gi lha'i dmigs pa la sems rab tu gzhag cing nges par sbyang bar bya'o/ /ci'i phyir gzugs la sogs pa'i ngo bo nyid lhag par mos pas rang gi lhar dmigs pa la sems med par byed ce na de'i phyir/'di de sangs rgyas thams cad kyi/ /gsang ba'i snying po btus pa'o/ /zhes bya ba gsungs te/ nyan thos dang rang sangs rgyas dang mdo sde pa la sogs pa thams cad la mi ston pas gsang ba'o//rnam par thar pa gsum gyi ngo bo nyid kyi snying po bsdus pas na snying po btus pa'o/ /de nyid kyi phyir/ /gzugs sgra dri ro sngags pa yis/ /lha nyid du ni rtag tu bsgom/ /zhes bya ba ste/ rigs lnga'i ngo bor bsgoms la sangs rgyas ma lus pa'i yon tan rnams bsgrub par bya'o//yang na de la bsgom pa ni sbyor ba rnam gsum gyis zhes bya bar sbyar te/ de bzhin du rdo rje phra mo'i bsgom pa rdzogs par bya'o/ /de la zhes bya ba ni rang gi dkyil 'khor la'o/ /de nyid kyi phyir/ rigs kyi tshul du rnam par bsgom/ / zhes gsungs so/ /sangs rgyas rjes su dran par sbyar/ /zhes bya ba nas/ dam tshig rjes dran sbyor ba yis/ /bsgoms na byang chub thob par 'gyur/ /zhes bya ba'i bar du ni bstan pa yin la/ de'i 'og tu de la sangs rgyas rjes su dran pa ji ltar bsgom zhe na zhes bya ba la sogs pa ni bshad pa yin no//lo grangs bcu drug lon pa la/ /zhes bya ba la rdo rje phra mo'i ting nge 'dzin la sogs pa bsgoms pas de bzhin du sems brtan par byas nas dgon pa'i gnas su zla ba drug gi bar du brtul zhugs yun ring du yang dag par spyad nas dkyil 'khor gyi dbus su de spyan la sogs pa'i gzugs su rnam par bsams nas nges par gzung ba'i rnal 'byor pas sku dang gsung dang thugs byin gyis brlab pas byin gyis brlabs la de brtan par bya ste/bye brag ji bzhin mi phyed pa'o/ /zhes pa dang / gzhan du rmongs pa'i bdag nyid de/ /mnar med par ni nye bar 'tshed//ces pa yang snga ma bzhin du brjod par bya'o/ /hUM oM phaT ces bya ba rang gi rdo rje dang de'i yang pad+mar bkod de/ rang gi mtshan dang de'i dbang po sbyor ba'i tshe 'od zer rnam pa lngas kun du khyab par bsgom mo/ /byang chub 'dod pas bsgom par bya/ / zhes pa ni byang chub 'dod pa ni byang chub don du gnyer ba zhes bya ba'i don to/ /da ni sangs rgyas rjes su dran pa la sogs pa'i sbyor ba bstan pa'i phyir de la zhes bya ba la sogs pa gsungs te/ rnal 'byor pa rnam par snang mdzad kyi ting nge 'dzin gyis rang gi dkyil 'khor la gnas te/ spyan dang sbyor ba bsgoms la ba spu'i bu ga rnams las sangs rgyas kyi sprin rnams sprul la de rnams bsdu bar yang bya'o/ /de bzhin du gos dkar mo dang lhan cig tu pad+ma'i rigs bsgom mo/ /mA ma kI dang rdo rje sems dpar bsgom par bya'o/ /phyi'i dkyil 'khor la ni rang gi sangs rgyas kyi gzugs su nges par bsams la rigs kyi lha mo bsams te/yang dag par sbyor ba bsgoms pas rang gi ba spu'i bu ga rnams las rang gi rigs kyi sprin rnams spros la/ rigs lnga'i sprin gyi sprul pa byas la de bsdu bar yang bya'o/ /de bzhin du khro bo'i dkyil 'khor gyi dbus su 'dug la rang gi phyag rgya khro bo'i lha mo rnam par bsams te/sbyor ba bsgom pa la khro bo'i sprin spro'o/ /bdag gi rdo rje zhes bya ba ni mtshan no/ /pad+ma zhes bya ba ni rig pa'i lha mo'i mtshan te ji lta ba bzhin du 'di nyid kyi 'og nas ston to/ /dpal rdo rje sems dpa' lha mo bzhi dang sbyor ba de mngon sum du byas la/de las byung ba'i rang gi sa bon gyi thig le rnams yid kyis de nyid kyis nam mkha' ma lus par bkang ste/ sems can gyi khams thams cad rgya mtsho chen po der zhugs pa dang / de bzhin gshegs pa thams cad kyi sku dang gsung dang / thugs rdo rjer bskyed la rigs lnga'i ngo bor bsam par bya ste/ 'di ni sngags kyi grub pa'i mchod pa yin te/ dam tshig rjes su dran pa bsgom pa zhes bya'o/ /dkyil 'khor la gnas pa'i mi bskyod pa'i ngo bor rnam par bsams te/ mA ma kI dang sbyor ba las byung ba'i rang gi khu ba sngags pa'i dkyil 'khor lta bur bsgom pa 'di ni dkyil 'khor rjes su dran pa bsgom pa'o//rnam par snang mdzad dang / rin chen 'byung ldan dang / snang ba mtha' yas dang / don yod grub pa dang / mi bskyod pa'i ngo bo ji lta bar gzugs dang tshor ba dang 'du shes dang / 'du byed dang / rnam par shes pa'i phung po re re la de bzhin gshegs pa'i skus yongs su gang bar gyur pa ci 'dra ba bdag kyang de 'dra bar gyur cig ces smon lam 'debs shing sgom pa ni sku rjes su dran pa bsgom pa'o/ /chos dang don dang nges pa'i tshig dang spobs pa so so yang dag par rig pa'i ngo bo nyid bcom ldan 'das rdo rje chos kyi ngo bo nyid ye shes ci 'dra ba bdag kyang de 'dra bar gyur cig ces smon cing sgom par byed pa ni chos 'dzin pa dang mnyam par 'gyur ba'o/rdo rje sems dpa'i thugs ci 'dra ba bdag kyang de dang 'dra bar gyur cig ces rnam par sems shing sgom pa grub na ni rdo rje 'chang chen po dang mnyam par 'gyur ba'o//da ni mnyam pa nyid la dgongs pa'i dbang du mdzad nas gsungs pa/ /sems can kun gyi sems gang yin/ /zhes bya ste/ gang 'di 'khor ba pa'i sems can thams cad kyi'o/ /sku dang gsung dang thugs kyis mtshan/ / zhes bya ba ni sems can de dag thams cad yang dag pa ma yin pa'i rnam par rtog pa dang bral bar bsgoms na'o/ /khyad par ci lta bu zhe na/ spyod pa mkha' dang mtshungs par 'gyur/ /zhes pa ste de bzhin du ro gcig cing mnyam pa'i ye shes te/ bdag kyang de dang 'dra bar nam mkha' dang mnyam pa'i spyod par gyur cig ces rnam par bsam zhing bsgom pa las bsgom pa yongs su rdzogs na rdo rje 'chang chen po dang mnyam par 'grub par 'gyur ro//sngags kyi rdo rje'i sku gang yin/ /zhes bya ba ni 'od dpag med pa'i 'o/ /gsung yang sku yis rnam bsgoms pas/ / zhes bya ba ni sngags kyi don bsgom zhing bzlas pa'i tshig gis sku rjes su dran pa ni/ gsung yang sku yis rnam bsgoms pas/ /zhes bya'o/ /khu ba phyung ste zhes bya ba ni sbyor ba bsgom pa'i dam tshig dang ldan pas phyung ba'o/ /cho ga bzhin zhes bya ba ni sku dang gsung dang thugs rdo rjer lhag par mos pas rab tu 'bar ba'o//'bras bu 'dod pas zhes bya ba la 'bras bu 'dod pa ni rdo rje sems dpa'i ngo bor 'gro ba rnams bya bar 'dod cing de'i sprul pas nam mkha' gang ba'i sems can gyi khams thams cad khyab ste/ sku dang gsung dang thugs rdo rjer bskyed la dpal rdo rje sems dpa'i rang bzhin du bsam par bya'o//de bzhin du de bzhin gshegs pa'i bkod pa rnams zhi ba'i nyams kyi rang bzhin dang bral ba ni bsad par 'gyur ba'o/ /de ltar 'dod chags kyis 'dod chags spang ba'i phyir yang dag par sbyor ba'i bsgom pa bstan nas/ de ni nges par gzung ba'i zhi ba'i sems las brtsams te gsungs pa ni de la shes rab kyi pha rol tu phyin pa'i dam tshig rjes su dran pa ji ltar bsgom zhe na zhes bya ba ste de la shes rab kyi ni chos thams cad rang bzhin gyis 'od gsal bar rtogs pa'i thos pa dang bsam pa'i mtshan nyid can yin la bsgoms pa'i 'bras bu rnam par mi rtog pa'i ye shes ni shes rab de'i phun sum tshogs pa pha rol tu phyin cing song ba yin te/de bas na shes rab kyi pha rol tu phyin pa'o/ /de nyid ni 'da' bar bya ba ma yin pas dam tshig go/ /rang bzhin gyis ni 'od gsal ba/ /zhes bya ba ni phung po la sogs pa'i chos thams cad do/ / ci'i phyir zhe na/ /thams cad ma skyes zag pa med/ /ces bya ba gsungs pas so/ /tshul de nyid kyis ni don dam par byang chub med cing byang chub khong du chud pa'i mngon par rtogs pa'ang med do/ /khams kyang med cing zhes bya ba ni rgyu ste skyed par byed pa'i rgyu med pa'i phyir ro/ /de nyid kyis na dngos po nyid du 'byung ba'ang med pa'o//thams cad rang bzhin 'od gsal ba/ /zhes bya ba ni snga ma bzhin no/ /mtshan ma med cing zhes bya ba ni mtshan ma dang bral ba'o/ /yang de nyid kyi khyad par ni mi 'gyur zhes bya ba ste/ a la sogs pa'i yi ge dang bral ba'o/ /nam mkha' bzhin zhes bya ba ni dpe bstan pa'o//de ltar mi skye ba yin yang gnyis kyi ngo bo yang ma yin la gnyis su med pa'i ngo bo yang ma yin pas na/ gnyis med gnyis su med min no/ /gzhan yang zhi zhes bya ba ste/ gzung ba dang 'dzin pa dang 'dod chags dang zhe sdang la sogs pa skye ba thams cad zhi bas na zhi ba'o//zhi ba de nyid kyi dpe bstan pa'i phyir/ /shin tu dri med nam mkha' bzhin/ /zhes bya ba gsungs so/ /bud med sems ni rab brtan pa/ /zhes bya ba la sogs pa ni snga ma bzhin du bshad par bya ste/ nges par bzung ba ste yul yongs su mi spong ba dag rab tu chags par bya ba'i phyir yin gyi de nyid kyi gnas skabs na de 'byung ba yod pa ni ma yin no//de bas na don gyis nges pa kho nar bshad pa yin no/ /de bzhin du 'di'i 'og ma rnams la yang bshad par bya'o/ /rigs kyi sbyor bas rab bsgoms te/ /zhes pa ni zhe sdang gi rigs la mA ma kI'o//gti mug gi rigs la spyan ma la sogs pa'i gzugs kyis so/ /sku dang gsung dang thugs kyang grub pa thob bo zhes bya bar sbyar te/ snga ma ni sku rdo rje la sogs pa'i dbye ba bstan pa'o/ /'di ni rdo rje 'chang chen po'i ngo bo nyid de 'dir khyad par ni de yod do/ /gang gzhan phra mor bshad pa rnams//zhes bya ba ni rigs ngan dang sme sha can la sogs pa rnams kyang sbyor ba 'dis 'grub par 'gyur ro/ /rdo rje mi phyed gsum bsgoms pas/ /zhes bya ba ni sku dang gsung dang thugs mi dmigs par bsgoms pas so/ /de zhes bya ba ni rdo rje 'chang chen po la sogs pa'o//sngags kyi spyod pa ni ji skad du bshad pa bzhin du mi dmigs pa la sogs par bsgom pa'o/ /de nyid phul du byung bas na mchog ste/ de ston pa'i sgra'i tshogs la ni le'u zhes bya'o/ /sngags kyi spyod pa'i mchog ces bya ba le'u bdun pa'i bshad pa'o// //tshogs yongs su rdzogs par bya ba'i phyir/rin po che bdun la sogs pa'i mchod pa dang yid dang de kho na'i mchod pa ni sems brtan par byas pa nyid dang sku dang gsung dang thugs bsgrub par bya'o zhes rab tu bstan par bya ba'i phyir/ de nas zhes bya ba la sogs pa bshang gci'i dam tshig gi le'u gsungs so/ / de bzhin gshegs pa dkon mchog dpal/ /zhes bya ba ni nam mkha' dang mnyam pa'i ye shes bsgoms pas rin po che'i mchod pa thams cad rdzogs par mdzad do/ /de bas na de bzhin gshegs pa rin po che'i tog smos pa yin no/ /rdo rje sems dpa' theg pa che/ /zhes bya ba ni sangs rgyas rnams kyi gnyis su med pa'i ye shes ni rdo rje sems dpa'o//byang chub sems dpa'i lam 'bras bu dang bcas pa'i ngo bo bas na theg pa chen po'o/ /nam mkha' dang mnyam par bsgoms pas na nam mkha' dang mnyam pa'o/ /des sems can gyi khams thams cad mnyam pa sbyor bar byed pas na rnam par sbyong ba'o//kun nas bzang bas na kun du bzang po ste/ lha chen po gsum la sogs par sprul pas sems can rnams kyi don mdzad par gyur kyang 'dod chags la sogs pa rnams kyis mi gos pas na kun du bzang po'o/ /'dod chags zhe sdang gti mug che/ /zhes bya ba ni rigs te thabs dang shes rab kyi ngo bo'o//rdo rje theg par ston pa/ /zhes bya ba ni rdo rje theg pa rab tu ston par mdzad pas na 'di skad ces gsungs pa'o/ /nam mkha'i dbyings dang mtshungs pa ni mnyam pa med pa dang tshad med pa gnyis kyis so/ /de nyid kyis na mchog go/ /gzung ba dang 'dzin pa'i rnam par rtog pa dang bral ba'i ye shes ni thar pa'o//de thob par byed pa'i shes rab ni thar ba'i lam ste/ de rnams ston pas ni rab ston pa'o/ /byang chub rnam pa gsum ni theg pa gsum mo/ /de'i bkod pa ni lam ste/ de la gnas pa ni sems can gyi rgyud la ston cing gnas pa'o//sangs rgyas rnams kyi skal pa'i mchog ni sangs rgyas skal mchog ste/ phul du byung ba'i dngos por grub pa'o/ /sku dang gsung dang thugs rnam par dag pas na dag pa'i bdag go/ /rang gi sems ji lta ba bzhin du yongs su shes pa ni byang chub bo/ /de'i ngo bo nyid kyi sems ni byang chub kyi sems so//spyan lnga rnam par rgyas shing yangs pa gang la mnga' ba de ni rgyas pa'i spyan no/ /stobs dang mi 'jigs pa la sogs pa ni chos te/ de'i dkyil 'khor gdul bya'i rgyud la spel bar mdzad pa'i don gyis na de nyid ni 'khor lo'o/ /sku dang gsung dang thugs kyi nyon mongs pa'i bag chags yang dag par spangs pas dag pa gang yin pa de ni/sku dang gsung dang thugs shin tu dag ces bya'o/ /sku dang gsung dang thugs rdo rjes nye bar mtshon cing de thob par byed pa'i theg pa ni rdo rje'i theg pa'o/ /rigs thams cad kyi mchog tu gyur cing mdzes pa'i don dang ldan pas na rgyal po'o//nam mkha' ltar de bzhin du ro gcig pa'i ye shes kyis thams cad du khyab pas na thams cad nam mkha'o/ /de nyid kyis na 'di ni mi 'gyur mchog ste rtag pa'o/ /rin po che'i rigs kyi ngo bo bas na thams cad dbang bskur ro/ /rigs thams cad kyi don du gyur pas na kun gyi don te/ nam mkha' mdzod kyi gzugs kyis thams cad kyi don du gyur pa'i phyir ro/ /khams gsum ma lus pa'i chos kyi rgyal po mnyes pas na kun dbang ngo / /de bzhin gshegs pa'i mchod pa'i mchog bshad du gsol zhes sbyar te/ bdag med pa'i sbyor bas bskyed pas na mchog go//de nyid kyi phyir/ /rdo rje mi phyed gsum gnas pa/ /zhes bya ba gsungs te/ sku dang gsung dang thugs mtshan nyid gcig pa'i rdo rje gsum ni mi phyed pa'i de bzhin nyid de tshul de nyid kyis rnal 'byor pa rnams kyi rgyud la gnas pas gnas pa ste/ 'dis ni shes rab kyi ngo bo nyid du gsungs pa'o/ / sku dang gsung dang thugs skal mchog /ces bya ba ni de bzhin gshegs pa thams cad kyi sku dang gsung dang thugs kyi skal ba mchog gi 'bras bu gang la mnga' ba de ni sku dang gsung dang thugs skal mchog ces bya ste/ mchog tu gyur pa dngos por grub pa de stsol bar mdzad ces bya ba'i don to/ /de nyid kyi phyir rgyal ba 'byung bar 'gyur zhes bya ba gsungs so//byol song skye gnas zhes bya ba 'dis ni 'di skad ston par 'gyur te/ gang gi tshe rnam par mi rtog pa'i ting nge 'dzin thob par 'gyur ba de'i tshe dkyil 'khor gyi dbus su sbyor ba bsgom par bya'o/ /gzhan du ni ma yin te/ des ni byol song gi skye gnas zhes bya ba klu'i bu mo bkug la de kho na nyid kyi mchod pa brtsam par bya'o//gnas gang du brtsam par bya zhe na/ sa phyogs gtsang zhing rnam par dben pa'am/ /zhes bya ba la sogs pa gsungs te/ mchod rten gyi gnas ni rgyal ba nyid skyes so/ /'tshe ba thams cad dang bral ba ni zhi ba'i gnas rnams te tshig 'di ni gtsang sbra spyod pa rnams kyi yin no//gang bza' ba ma yin pa la za ba mngon par dga' ba de dag gi phyir bshang gci chu la sogs pas byugs pa'am zhes bya ba gsungs te/ 'am zhes bya ba'i sgras ni phyogs gzhan ston pa'o/ /des bu mo de la rang gi sngags dang phyag rgyas bsgrub par bya ba ni spyi gtsug gi gnas nas brtsams te/snying ga'i phyogs kyi bar du yi ge oM gyis khyab par bsam mo/ /snying ga nas brtsams te lte ba'i phyogs kyi bar du yi ge hUM gis so/ /lte ba'i phyogs nas rked pa'i phyogs kyi bar du yi ge swAs so/ /gsang ba'i gnas su ni yi ge AHsa so//gsang ba'i gnas kyi 'og gi cha nas rkang mthil gyi bar du ni yi ge hAs khyab par bsams te/ de yang oM la sogs pa 'di dag ni gti mug la sogs pa'i rigs kyi ngo bor bsgom par bya'o/ /de'i phyir/ /rigs lnga rnams ni dgod par rab tu bya/ /zhes gsungs so//nam mkha'i dbyings kyi dbus gnas par/ /rin chen sna bzhi'i mchod rten bsam/ /zhes bya bar sbyar te/ ye shes rgya mtsho zhes bya ba ni de bzhin gshegs pa thams cad kyi sku dang gsung dang thugs kyi ngo bo'o/ /bdag nyid zla ba'i dbus gnas par/ /mkhas pas snying gar bsgom par bya/ / zhes bya ba ni/ bdag nyid rnam par snang mdzad kyi sbyor ba dang ldan pas mchod rten gyi dbus su chud pa'i rnam par snang mdzad zla ba'i dkyil 'khor gyi dbus na gnas par bsgom mo/ /sbyor ba'i dus su ni ba spu'i bu ga'i khung bu rnams las sangs rgyas kyi sprin sprul par bya zhing mthar bsdu bar yang bya'o//zhi ba rdo rje 'dzin 'dod na/ /zhes bya ba ni 'dod na zhes pa gang gi tshe bsgoms pas skyo bar 'gyur na'o/ /zhi ba rdo rje 'dzin zhes bya ba ni zhi ba rdo rje ni sku rdo rje ste mi g.yeng ba'i sbyor bar 'dzin par byed pas na zhi ba rdo rje 'dzin zhes bya'o/ /rin chen sna bzhi ni rnam par snang mdzad dang / rin chen 'byung ldan dang /snang ba mtha' yas dang / don yod grub pa'i ngo bo'i rin po che bzhi ste/ de bas na de'i ngo bor de rgyu dang 'dra bar mchod rten rin po che rnam bzhi'i rang bzhin no/ /'od zer phreng bas rnam par brgyan/ /zhes bya ba ni rin po che lnga'i rang bzhin no/ /ye shes rgya mtsho zhes bya ba ni rdul phra rab snyed kyi de bzhin gshegs pa thams cad las bsgrubs pas na de ni ye shes kyi rgya mtsho'i ngo bo nyid do//de ltar gyur pa'i mchod rten de 'das pa dang ma byon pa dang da ltar byung ba ste/ dus gsum gyi de bzhin gshegs pa rnams kyi bzhugs gnas yin pas na/ gnas de yin par rnam par bshad//ces bya'o/ /bdag gi ba spu'i bu ga nas/ /mkhas pas mchod pa'i sprin rnams spro/ /zhes bya ba ni me tog dang rin po che'i gos dang / gdugs dang rgyal mtshan dang / rin po che sna bdun la sogs pa'i bkod pa'i sprin rnams sprul la des de bzhin gshegs pa thams cad mchod par bya'o//mchod pa'i sprin de nyid rnam par dbye ba'i phyir/ mkhas pas ut+pal dag dang / /zhes bya ba la sogs pa gsungs te/ rnam pa lngar zhes bya ba ni rigs kyi dbye bas sngon po dang / dkar po dang / ser po dang / dmar po dang / /ljang gu ste kha dog lngar bsam gtan gyi stobs kyis bskyed par bya ba ni shes par bya zhes bya'o//de bzhin du pad+ma rnam pa lngar sprul la lha rnams la mchod par bya'o/ /dzA ti rnam gsum shes byas nas/ /zhes pa ni kha dog sngon po dang ser po dang / dmar por ro/ /dpag tshad brgya yi khyon tsam du/ /'khor lo'i dkyil 'khor bsgom byas la//zhes bya ba ni rnam par snang mdzad kyi'o/ /rnam par mkhas pas rtag tu ni/ /rigs ni rab tu dgod par bya/ /zhes bya ba ni rnam par snang mdzad kyi dkyil 'khor rnam par bsams pa 'ba' zhig tu ma zad de/ mchod rten gyi dbus su mchod pa'i phyir mi bskyod pa la sogs pa'i dkyil 'khor gzhan dag kyang de'i rigs zlos pa rnams kyis de'i dbus su rnam par bsam zhing mchod par bya'o//de ltar mchod pa byas nas sngar gsungs pa'i rdo rje phra mo la sogs pa bsgom par bya'o zhes bya ba'i rim bzhin bstan pa'i phyir/ de bzhin pad+ma'i rdo rje dang / /ral gri ut+pal mkhas pas bsgom/zhes gsungs te/ 'di dag ni dpe tsam du blta bar bya'o/ /de lta bu'i mchod rten gyi dbus su dkyil 'khor rnam par bsams la yid kyis mchod pa nyin re zhing thun mtshams so sor byas la bsgom pa thams cad bya'o zhes bstan to/ /mchod rten de'i gzugs dang dbyibs dang tshad ni dzi tsam/kha dog ni ji lta bu zhe na/ de'i phyir/ dpag tshad bye ba'i khyon tsam la/ /zhes pas ni tshad bstan to/ /gru bzhi zhes bya ba ni dbyibs so/ /gsal zhing zhes bya ba ni kha dog go/ /'dod pa'i yon tan lnga zhes bya ba ni gzugs dang / sgra dang / dri dang / ro dang / reg bya ste/de rnams kyi zhe sdang la sogs pa'i rigs rnams la'o/ /mchod pa rgya mtsho tsam zhes bya ba ni mchod pa'i rgya mtsho bya'o/ /phyi'i mchod pa med kyang thun bzhir rin po che sna bzhi'i mchod rten rnam par bsams la de'i dbus su rang gi lha'i dkyil 'khor rnam par bsams te yid kyis gzugs dang /sgra dang / dri dang / ro la sogs pa rnams kyis nam mkha' ma lus pa bkang la/ rang gi rigs kyi dkyil 'khor la mchod par bya ste/ don de nyid bstan pa'i phyir/ /rin chen na bza' la sogs pas/ /byang chub 'dod pas rtag tu mchod/ /ces bya ba gsungs te/yid nyid kyis mchod pa rnam pa lnga dang bdud rtsi rnam pa lnga'i ngo bo dang yid de nyid kyis bu mo dag rin po che'i rigs grub pa'i phyir dbul bar bya'o/ /rin po che sna bdun thams cad kyang de bzhin du mi bskyod pa la sogs pa'i rigs kyi sbyor bas mi bskyod pa la sogs pa'i rigs kyi ngo bor rnam par bsgoms la//dkyil 'khor de'i dbus su 'dug la mA ma kI la sogs pa'i sbyor ba bsgoms te mchod par bya'o/ /de bas na/ /bdag po'i phyag rgya mnyam gzhag la/ /sangs rgyas dkyil 'khor dbus dag tu/ /'dod chags blo can sangs rgyas la/ /reg pa'i sbyor bas dbul bar bya//zhes bya ba gsungs te/ yang dag par sbyor ba bsgoms pas 'dul bar gyur pa rnams kyi sbyor ba lta bu'i shes rab ni 'dod chags blo ste/ gang la de yod pa ni 'dod chags blo can no/ /'dod chags kyi blo can de rnams kyis 'di ltar nyin re zhing yid kyis mchod pa byas la/ rdo rje phra mo la sogs pa bsgoms pas sems brtan par byas nas brtul zhugs yun ring du yang dag par spyad nas lha'i bu mo la sogs pa sems dang lhan cig tu de kho na nyid kyis mchod pa bya'o//mig bzang brtan pa'i blo ldan pas/ /zhes bya ba ni gang gi tshe rang gi lha'i gzugs bsgom pa mngon sum bzhin du mthong zhing bdag gis mthong ngo zhes bya ba la sogs pa'i rnam par rtog pa mi 'byung ba dang rdzas de dag sku dang gsung dang thugs su bsgoms pas sku dang gsung dang thugs rdo rjer gyur cing rab tu 'bar bar mthong ba de tsam gyis blo brtan par 'gyur ba yin no//le'u brgyad pa'i bshad pa'o// //srog gcod pa dang ma byin par len pa dang bud med bsten pa dang brdzun du smra ba la dga' ba rnams 'grub par 'gyur ro zhes gang gsungs pa de ni sgra ji bzhin par gzung bar mi bya ste/gang gi tshe rnal 'byor pas dmigs pa dang bcas pa'i sbyor bas sgrub pa lan bdun byas kyang 'grub par ma gyur na/ de'i tshe rnal 'byor pas mi bskyod pa la sogs pa'i ting nge 'dzin gyis rnal 'byor sgrib pa rnams rab tu spang bar bya'o zhes rab tu bstan pa'i phyir/de nas zhes bya ba la sogs pa don dam pa'i de kho na nyid kyi dam tshig gi le'u gsungs so/ /sku gsung thugs la longs spyod pas bshad du gsol zhes bya bar sbyar te/sku dang gsung dang thugs ni sku dang gsung dang thugs rdo rje'o/ /longs spyod pa ni dkyil 'khor gang du sku dang gsung dang thugs de dang sbyar ba'o/ /dkyil 'khor rdo rje mi phyed gsum/ /zhes bya ba ni rdo rje yang yid la mi phyed pa yang yin pas na rdo rje mi phyed gsum ste dkyil 'khor ro//sangs rgyas ye shes can gyi zhes bya ba ni sangs rgyas rnams kyi ye shes ni sangs rgyas ye shes te/ de gang la yod pa de ni sangs rgyas ye shes can te/ gnyis su med pa'i ye shes la de skad ces bya'o/ /gsang zhes bya ba ni shin tu gsang bar gyur pa ste/ rnam par mi rtog pa'i ting nge 'dzin las byung ba'o//nyams dga' zhes bya ba ni yid dang rjes su mthun zhing dga' bar byed pas so/ /mchog ni dam pa'o/ /da ni de dag nyid bstan par bya ba'i phyir/ nam mkha'i dbyings kyi dbus gnas par/ /zhes bya ba la sogs pa gsungs te/ nam mkha'i dbyings kyi dbus na gnas pa'i mi bskyod pa'i dkyil 'khor rnam par bsams la/de bzhin gshegs pa lnga'i gnas su mi bskyod pa'i sku bsam mo/ /de nas ji skad gsungs pa'i rdo rje de rnams kyi phyag tu bsgoms te/ de 'das pa dang ma byon pa dang da ltar byung ba'i de bzhin gshegs pa rnams mi snang bar bya'o//de lta bu'i bsam gtan gyi rdo rjes sems can rnams bsad pa ni 'dir srog gcod pa zhes bya'i/ gzhan du ni ma yin no zhes bstan pa yin no/ /'di'i phan yon ni/ mi bskyod sangs rgyas zhing dag tu/ /rgyal ba'i sras rnams skye bar 'gyur/ /zhes gsungs pa yin te/ bsam gtan gyi rdo rje'i sbyor ba 'dis gang dag gi lus dang ngag dang yid mi dmigs shing stong pa nyid kyi ting nge 'dzin du gyur pa de ni mi bskyod pa'i sangs rgyas kyi zhing du skye bar 'gyur ro zhes pa'o/ /ye shes ni gti mug gi rigs kyi mnyam pa nyid du nges pa ste/ des thar pa rab tu bsgrub pa'o/ /chos thams cad rang bzhin gyis dag pa'o zhes bsgom pa ni ngo bo nyid dag dgos pa med ces bya'o//de lta bu'i byang chub kyi spyod pa der rab tu ston par mdzad pa'o/ /yang dag dam tshig bka' stsal to/ /zhes bya ba ni bsgom pa'i dkyil 'khor ro/ /ji lta bu zhe na/ sangs rgyas byang chub rab bsgrubs pa'i//zhes bya'o/ /de nyid bstan pa'i phyir/ /nam mkha' dbyings kyi dbus gnas par/ /zhes bya ba la sogs pa smos te/ sku rdo rje'i dkyil 'khor chen po ni rdo rje'i dkyil 'khor ro/ /rnam par snang mdzad rab bsgoms te/ /zhes bya ba ni dbus su'o/ /sangs rgyas thams cad rnam par bsgom//zhes pa ni phyogs bzhir mi bskyod pa la sogs pa'o/ /rin chen kun gyi sbyor ba yis/ /zhes pa ni sems can gyi khams thams cad rigs lnga'i ngo bo nyid du bsgom pa'o/ /de nyid gsungs pa/ /rdo rje'i gzugs ni rab tu brtag /ces bya ba la rdo rje'i gzugs ni rigs lnga'i sku gsung thugs so//'dis ni sems can gyi khams thams cad rigs lnga'i ngo bor bsgoms pas/ sems can gyi khams ma lus pa rnams kyi khams gsum pa'i rnam par rtog pa'i rdzas phrogs pa ni gzhan gyi rdzas 'phrog pa zhes bya'i/ phyi rol gyi ni ma yin no zhes rab tu bstan pa'i phyir ro/ / nor rnams thams cad phrogs nas su/ /rdo rje gsum du rnam bsgoms na/ /zhes bya ba gsungs te/ khams gsum pa lta bu'i rnam par rtog pa ni nor thams cad de/ de rdo rje gsum gyis zhes pa ni lus la lus med pa la sogs par bsgoms pas so/ /bsgoms pa'i 'bras bu ni/ / nor gyi rgya mtsho gang ba yi/ /yid bzhin nor bu 'dra bar 'gyur/ /zhes gsungs pa yin te/ ji ltar yid bzhin gyi nor bu bsams pa thams cad yongs su rdzogs par byed pa de bzhin du de yang rnam par mi rtog pa'i ye shes 'thob par 'gyur ba'o/ /'dir yang / de nas rgyal po rdo rje 'dzin//dkyil 'khor rab tu bka' stsal to/ /zhes bya bar sbyar ro/ /'dod chags thar pa rab bsgrub pa/ /zhes bya ba la yang dag par sbyor ba bsgom pa la chags pa ni 'dod chags so/ /des thar par 'gyur bas na 'dod chags thar pa ste/ de rab tu bsgrub pa'o/ /de la yang dag par rab tu sbyor ba'i mtshan nyid ni gsal ba'o//ma chags pas na dag pa'o/ /de la'ang mi nye bar mi dmigs pas na dmigs med pa'o/ /pad+ma'i dkyil 'khor bsgom par bya/ /zhes bya ba ni pad+ma rA ga lta bu'i nyi ma'i dkyil 'khor ro/ /dpag med tshe ni rab bsgoms te//sangs rgyas rnams kyis thams cad dgang / /zhes bya ba ni sngar gsungs pa'i bsam gtan gyi dkyil 'khor gyi dbus su 'od dpag med du bdag nyid bsgoms te de bzhin gshegs pa rnams kyang gnas ji lta ba bzhin du bzhag la de bzhin gshegs pa thams cad 'dus par bsam mo//bud med lta bur sbyor ba ni/ /zhes bya ba ni gos dkar mo la sogs pa ste/ de rnams dang lhan cig yang dag par sbyor bar bsam pa'o/ /ci lta zhe na/ dam tshig bzhi yi sbyor ba yis/ /thams cad de ru bsgom par bya/ /zhes bya ba gsungs te/ 'jig rten gyi khams thams cad kyi rdul phra rab dang mnyam pa'i 'od dpag med kyi dkyil 'khor du rnam par snang mdzad la sogs pa de bzhin gshegs pa bzhi po'i sbyor ba ni dam tshig bzhi'i sbyor ba'o//dbang po gnyis kyi rab sbyor bas/ /de dag thams cad nye bar spyad/ /ces bya ba ni 'od dpag med kyi sbyor ba ba'i ngo bor bdag nyid bsgom pa 'ba' zhig tu ma zad kyi dam tshig bzhi'i sbyor bas kyang sngags thams cad la sbyor bar bya'o zhes bya ba'i don to//mi phyed sku gsum bsgom pa'o/ /zhes pa ni ji ltar 'od dpag tu med pa'i sbyor ba la dam tshig bzhi'i sbyor bas bsgom pa de bzhin du/ mi bskyod pa la sogs pa'i sbyor ba la yang bya bar bstan pa'i phyir te/mi phyed pa'i rdo rje gsum bsgrub pa ni sku dang gsung dang thugs rdo rje la mi g.yeng ba'i sbyor ba bsgom pa'o/ /de lta bu'i yang dag pa'i sbyor ba bsgom pa'i mtshan nyid la 'dir bud med bsten pa'i zhes bya'i/ phyi rol gyi yang yin pas ni sangs rgyas nyid ster bar byed pa ma yin no zhes bya bar ston to//chos rnams thams cad ma skyes shing / /rang bzhin gyis ni 'od gsal ba/ /zhes bya ba la sogs pa ston pa ni 'dir brdzun du smra bar bzhed de de bsten par bya ba'i phyir/ /nam mkha'i dbyings kyi dbus gnas par/ / zhes bya ba la sogs pa gsungs te/ sngar gsungs pa'i ting nge 'dzin gyi dkyil 'khor gyi dbus sa don yod grub pa'i skur bdag nyid bsams la/ 'jig rten gyi khams thams cad kyi rdul phra rab dang mnyam pa'i dkyil 'khor de rnam par bsams la 'di ltar bsgom par bya ste/ thams cad gzugs su rnam bsgoms nas//rdo rje tshig gi brdzun smra bas/ /zhes bya ba ni 'dir brdzun du smra ba ni/ chos rnams rang bzhin 'od gsal ba/ /gdod nas dag pa nam mkha' bzhin/ /byang chub med cing mngon rtogs med/ /ces bya ba la sogs par dgongs so/ zhes ston te/ de yang lha'i bu ngas chos thams cad brdzun par shes shing de bzhin du ston te/des na nga ni brdzun du smra ba'o zhes gsungs so/ /'di dag gi gnas ni stong pa nyid dang mtshan ma med pa dang smon pa med pa dang / rang bzhin gyis 'od gsal ba ste/ rnam par thar pa'i sgo bzhi dang / de bzhin du me long lta bu dang / mnyam pa nyid dang / so sor rtog pa dang / bya ba grub pa ste/ ye shes bzhi dang de bzhin gshegs pa dang / rin po che dang / pad+ma dang / las kyi rigs rnams yin no zhes ston to/ /rdo rje mi phyed gsum rgyal gnas/ /zhes bya ba ni rdo rje yang yin la mi phyed pa yang yin pas na rdo rje mi phyed rnam gsum mo//rgyal ba rnams kyi gnas yin pas na rgyal gnas te/ de la de bzhin gshegs pa thams cad kyi sku gsung thugs bzhugs pas so/ /dam tshig dkyil 'khor bsgom par bya/ /zhes bya ba ni rin chen 'byung ldan gyi dkyil 'khor te/ de yi dbus su dkon mchog dpal//zhes bya ba ni rin chen 'byung ldan no/ /gzugs rnams kun gyis 'di dag dgang / /zhes bya ba ni rin po che'i rigs sgom pa'i rnal 'byor pas thams cad rin po che'i rigs kyi lha'i gzugs kyis nam mkha' 'di dag thams cad ma lus par dgong bar bya'o/ /khro bo'i sngags zlos pas kyang nam mkha' dang mnyam pa'i rin po che'i rigs kyi chos nyid rnam par bsams te/khro bo'i gzugs kyis nam mkha' bkang la mngon sum sogs pa bya'o zhes bstan pa'i phyir/ /rtsub mo'i ngag la sogs pa ni/ /bstan dang ye shes thob par 'gyur/ / zhes bya ba gsungs te/ choms shig sod cig skrod cig hUM phaT ces bya ba'i tshig ni rtsub mo'i ngag ces bya'o/ /ngo mtshar du gyur zhes bya ba ni yon por gsungs pas chos rnams kyi de nyid ston pa thos so/ /rdo rje'i tshig 'di ci yi slad du gsungs/ / zhes bya ba la ci'i slad du zhes bya ba'i sgra ni zlog ste/ byis pa rnams skrag par bgyid lags pas gsung 'di lta bu 'dis stong pa nyid la sogs pa'i rnam par thar pa'i sgo'i ngo bo'i chos nyid bstan par mi bya'o zhes bya bar dgongs so/ /de nyid kyi phyir khams gsum las 'das shing zhes bya ba gsungs te/khams gsum po dag las 'das par gyur pa'o/ /'jig rten gyi khams thams cad las 'das pas zhes bya ba ni khams gsum gcig las 'das pa nyid 'jig rten gyi khams thams cad las 'das pa yin te/ khams gsum gcig gi chos nyid gang yin pa de 'jig rten gyi khams thams cad kyi chos nyid yin pa'i phyir ro//yang dag pa ma yin pa'i tshig gi lam rdo rje'i tshig ces bya ba la yang dag pa'i bden pa'o/ /bden pa ma yin pas yang dag pa ma yin pa ste/ de ston pa'i tshig ni yang dag pa ma yin pa'i tshig go/ /de'i lam ni rnam par thar pa'i sgo bzhi'i ngo bo'o//de nyid rdo rje'i tshig ste rnam par thar pa'i sgo bzhi bsgoms pa las de bzhin gshegs pa thams cad 'grub pas na/ de nyid gnas su gyur pa'i phyir rdo rje'i tshig ces bya ba'o/ /rigs kyi bu dman pa'i 'du shes dang smad pa'i 'du shes 'di lta bu ma skyed cig /ces bya ba ni skye ba med par bstan pas byis pa thams cad skrag par byed pa ste de'i phyir dman pa yin pas dman pa'i 'du shes so/ /dman pa de nyid kyis ni smad pa ste/ de lta bu'i 'du shes ma skyed cig pa'o/ /de ci'i phyir zhe na zhes bya ba ni/ de lta bu'i ngo bo ston pa de la ci'i phyir smad par mi bya zhe na zhes bya ba'i don to//de nyid kyi phyir rigs kyi bu 'di lta ste/ sngags kyi spyod pa ni spyod pa'i mchog go zhes bya ba la sogs pa gsungs te/ gang ma skyes par bstan pa 'di ni 'tshang rgya ba'i rgyu yin pas spyod pa'i mchog go/ /de bas na de ston pas na spyod pa'i mchog ston par byed pas spyod pa'i mchog ste/'dir ma skyes par bsgom pa la spyod pa'i mchog tu blta bar bya'o/ /de ji ltar ma skyes pa'i ngo bo ji ltar rtogs par bya zhe na/ 'di lta ste zhes bya ba la sogs pa dpe gsungs so/ /nam mkha' ni thams cad kyi rjes su song ba ste zhes bya ba de yang mi gnas te/mkha' la phung po la sogs pa gnas pa/ phung po la sogs pa de dag nyid ni 'dod pa'i khams la sogs pa'i ngo bo ste de bas na de dang gzhan gyi gzhir gyur pas na kun rdzob tu yang 'dod pa'i khams la sogs pa med do/ /de'i phyir 'dod pa'i khams la mi gnas so//sa dang chu dang me dang rlung rnams la yang mi gnas te/ de rnams ni de'i ngo bo nyid du gyur pas na nam mkha' ni 'di ltar nam mkha' nyid chos thams cad gzhi'i ngo bo'o/ /ji ltar nam mkha'i chos thams cad kyi gzhir gyur pa de bzhin du ma skyes pa'i ngo bo de bzhin nyid kyang rigs lnga'i ngo bo'i chos thams cad kyi gzhir gyur pa yin no zhes bstan pa'i phyir rigs kyi bu chos thams cad kyang de ltar rjes su rig par bya'o zhes bya ba gsungs so//don gyi dbang de lta bu mkhyen cing zhes bya ba ni rigs rnam pa lnga po ni nam mkha'i gnas ltar skye ba med par bsgoms pa las byung ba yin no zhes mkhyen pa yin no//bsam pa mkhyen nas zhes bya ba ni skye ba med pa nam mkha' lta bu bsgom pa ni skal ba dang ldan par mkhyen nas gang dang gang la zhe sdang la sogs pa'i rigs su snang ba ste/ gang zhe sdang la sogs pa'i rigs kyi skal ba dang ldan pa la zhe sdang gi rigs la sogs pa rdo rje sems dpa' la sogs pa'i ngo bor nam mkha' ltar ma skyes pa'i sbyor ba bstan to//de bas na dman pa'i 'du shes dang smad pa'i 'du shes kyi chos bstan pa 'di la ma byed cig ces bstan pa yin no/ /de dag ni chos bstan pa la byang chub sems dpa' dag de bzhin gshegs pas bzung ba yin no//ji ltar the tshom bsal bar bya zhe na/ rigs kyi bu de ltar nam mkha' la tshig nges pa brjod pas de bzhin gshegs pa'i dam tshig de dag rjes su rig par bya'o zhes bya ba gsungs te/ rigs lnga'i ngo bo'i de bzhin gshegs pa thams cad kyi dam tshig ni nam mkha' dang 'dra bar blta bar bya ste/chos thams cad don dam par gdod ma nas ma skyes pa nyid yin pa'i phyir ro/ /'o na ji ltar sku rdo rje la sogs pa 'byung ba so sor snang bar 'gyur/ gal te don dam par na thams cad skye ba med pa'i ngo bo yin la/ de bas na 'khrul pa tsam du bstan pa'i phyir/rigs kyi bu 'di lta ste zhes bya ba la sogs pa'i dpe gsungs pa ste/ kun rdzob tu skye ba rnam par gzhag go/ /don dam par ni ma yin no/ /'gro ba dang 'ong ba la sogs pas zhes bya ba ni skye ba dang 'jig pa med pa ste/ thams cad kyang ngo bo nyid med pa'i phyir ro/ /don dam pa'i de kho na nyid ces pa ni don dam pa yang yin la de kho na nyid kyang yin pa ste chos kyi dbyings thog ma dang tha ma med pa'o//de nyid dam tshig ste/ de skad ces bya ba'i ming gang la yod pa de la de skad ces bya'o/ /le'u dgu pa'i bshad pa'o// //rdo rje phra mo la sogs pa bsgom pa rdzogs nas zla ba drug brtul zhugs yang dag par spyod pa'i rnal 'byor pas zhag bdun gyi bar du snying pos kun du bskul zhing rnal 'byor bsgoms la dkyil 'khor bri ste/sgrub pa la 'jug par bya'o zhes bstan pa'i phyir de nas zhes bya ba la sogs pa de bzhin gshegs pa thams cad kyi thugs yang dag par bskul ba'i le'u gsungs so//dam tshig chen po rdo rje zhes bya ba ni chos kyi dbyings thog ma dang tha ma med pa'i rang bzhin rdo rje sems dpa' ste/ de'i de kho na nyid ni zag pa med pa'i bde ba dang yid bde ba'i rgyun dang ldan pa'i kun du bzang po'o/ /de'i mngon par rdzogs par byang chub pa ni de nyid mngon sum du byas pa ste/de nyid kyi sku dang gsung dang thugs kyi gsang ba gang yin pa de la de skad ces bya ste/ de lta bu'i ngo bo nyid kyi de bzhin gshegs pa de la phyag 'tshal lo/ /de nyid sngags snying kun bsdus pa/ /zhes bya ba ni sku dang gsung dang thugs kyi rang bzhin gyi dngos po'i ngo bo nyid ni de kho na nyid do//de nyid sngags kyi snying po kun bsdus pa ste de kho na nyid bsgoms pas sngags thams cad 'grub par 'gyur ba'i phyir de nyid kyi sku dang gsung dang thugs mi g.yeng bar bsgrags zhes bya'o/ /dngos grub chen po ni rigs lnga'i dngos grub bo/ /de'i tshul ni bsgom pa nyid de bas na phul du byung ba'i dngos po bas na mchog go//nyon mongs kun gyi rgya mtsho gtso/ /zhes bya ba la 'khor ba ni nyon mongs pa thams cad kyi rgya mtsho'o/ /der bdag por gyur pas na gtso bo nyid de/ /sems can thams cad rjes su ston pa por gyur pa'o/ /de kho na nyid kyi sngags kyi snying po kun bsdus pa gsungs pa ni/lus dang ngag dang yid rnams ni/ /zhes bya ba la sogs pa yin te/ bsgom zhes bya ba ji ltar bsgom zhe na/ rnam par mi rtog ces bya ba ste rtog pa dang bral ba'o/ /ci'i phyir rnam par mi rtog pa yin zhe na/ mi dmigs pa zhes pa'o/ / mi dmigs pa nyid bstan pa'i phyir/ /gang na'ang mi gnas mnyam pa nyid/ /ces gsungs te/ phung po dang khams dang skye mched dang / rten cing 'brel bar 'byung ba dang gzung ba dang 'dzin pa'i rnam par rtog pa dang bral bas na gang na yang mi gnas pa'o/ /de ltar bsgom pa yongs su rdzogs pa'i rnal 'byor pa rnam par rtog pa thams cad dang bral ba ni sems can gyi don la nus pa yin te/des na thabs dang ldan pa'i shes rab bsgom par bya'o zhes bstan pa'i phyir de nas zhes bya ba la sogs pa gsungs te/ de nas bcom ldan 'das kyis de skad ces bka' stsal nas sngags kun bsdus pa gsungs so zhes bya bar sbyar ro//'dod chags la sogs pa dang bral bas rang bzhin gyis dag pa'o/ /pha rol tu phyin pa sngags kyi tshul rdo rje zhes bya ba'i ting nge 'dzin la snyoms par zhugs nas zhes bya ba la rdo rje'i pha rol tu phyin pa la sogs pa bcu drug ni pha rol tu phyin pa'o//de'i sngags kyi tshul ni snying po dang phyag rgya dang dkyil 'khor la sogs pa bskyed pa'i ting nge 'dzin la dmigs pas na pha rol tu phyin pa sngags kyi tshul rdo rje zhes bya ste/ de ltar pha rol tu phyin pa sngags kyi tshul rdo rje'i ting nge 'dzin thabs su gyur pas de bzhin gshegs pa thams cad 'dod chags la spyod pa'i sems can rnams rjes su gzung ba'i phyir rig pa'i lha mo rnams dang lhan cig tu 'dod pa'i yon tan lnga rnams kyis mchog tu rol par ston pa ni ma 'ongs pa rnams kyang shes rab dang thabs kyi lam dang ldan pa 'di nyid la sbyor bar bzhed pas bcom ldan 'das zhes bya ba la sogs pa gsungs te/de dag sngags spyod pa la brtson pa rnams la spyan ras kyis mi 'tsho ste zhes bya ba ni rnam par mi rtog pa'i zag pa med pa'i bde ba dang yid bde ba mnyes pas/ de dag sngags spyod pa la brtson pa rnams la spyan ras kyis mi 'tsho'o zhes khyad par bstan te/shes rab dang thabs su 'byor bas 'gro ba'i don byed nus kyi shes rab 'ba' zhig tsam gyis ni ma yin te/ de'i phyir sems can gyi don byed par 'dod pas shes rab tsam gyi rnal 'byor ni bsgom par mi bya'o/ /de ltar yin du zin na chos gang zhig bsgom zhe na/gang gi spyan ras kyis 'tsho bar 'gyur ba ste/ kye ma 'di dag ni de bzhin gshegs pa thams cad kyi sngags kyi spyod pa'i tshul gyis chos rdzogs par gyur to snyam nas zhes bya ba gsungs te/ kye ma'i sgra ni nges par gzung ba'o/ /'di dag ces bya ba ni 'og nas bshad pa'i rigs lnga bsgom pa la sbyor ba'i yi ge lnga po thugs la bzhag nas 'di skad gsungs pa'o//de bzhin gshegs pa rnams kyi sngags spyod pa'i chos ni hUM oM AHswA hA/ zhes bya ba yi ge 'di lnga bsgom pa gang yin pa des mi bskyod pa la sogs pa nyi ma bdun du yang dag par bskul ba ni rdo rje phra mo la sogs pa yang dag par bsgoms pas mtshan ma thob nas de'i 'og tu zla ba drug brtul zhugs yang dag par spyod pa'i rnal 'byor pa la dngos grub stsol ba'i phyir spyan ras kyis 'tsho bar 'gyur ro//de bas na zhes bya ba ni de'i phyir te gang gi phyir 'di yongs su rdzogs pa yin no snyam mo//sngags spyod pa la mngon par brtson pa la ji ltar na de bzhin gshegs pa de rnams gzigs par 'gyur zhe na de bzhin gshegs pa thams cad kyi sku dang gsung dang thugs rdo rje'i sngags kyi gsang ba zhes gsungs pa yin no/ /de nyid bstan pa ni sngags thams cad kyi snying po kun du skul bar byed pa zhes bya ba ste de nyid ni rab tu gsang ba'o//rab tu gsang ba de nyid ni de bzhin gshegs pa thams cad kyi sku dang gsung dang thugs kyi dam tshig la dmigs pa zhes gsungs pa yin te/ sku rdo rje'i rigs zlos pa'i sku dang gsung dang thugs la dmigs pa'o//gnyis pas ni mi bskyod pa'i rigs su byung ba rnams bstan to/ /gsum pas ni gsang ba rdo rje'i rigs su byung ba rnams bstan to/ /tshig gi lam nges par brjod pa zhes bya ba ni tshig nyid lam yin pas na tshig gi lam ste sngags so/ /de'i nges par brjod pa ni sgra'i tshogs te/ a ni chos thams cad kyi sgo ste rgyu dang bral ba'i phyir ro zhes bya ba la sogs pa'o/ /des na tshig gi lam nges par brjod pa dang bcas pa'i sngags bsdus pa'i rigs lnga'i snying po rnams gsungs so zhes pa ni bka' stsal pa'o/ /sngags bsdus pa 'di'i mthu bstan pa ni rab tu 'dar zhing zhes bya ba la sogs te/'dis ni nges par de bzhin gshegs pa thams cad kun du bskul bar 'gyur ro zhes rnal 'byor pa rnams yid ches bskyed pa'i phyir bstan pa yin no/ /dam tshig ces bya ba ni sku dang gsung dang thugs grub par byed pa'i yi ge hUM bsgom pa'o/ /bkod pa'i dkyil 'khor zhes bya ba ni 'jig rten gyi khams thams cad kyi rdul phra rab dang mnyam pa'i rigs thams cad kyi dkyil 'khor gyis yongs su bskor ba'i dpal rdo rje sems dpa' la sogs pa'i dkyil 'khor ro//de nyid kyi phyir/ de yi dbus gnas yi ge hUM/ /zhes bya ba gsungs te/ rang gi gzugs su zhes pa dpal rdo rje sems dpa' la sogs pa'i sbyor bas so//ci'i phyir zhe na/ 'di dag ni rigs lnga'i ngo bo yin pas so/ /'dir yang snying pos kun du bskul ba'i sbyor bas rang gi lha'i dkyil 'khor bskyed par byas nas dkyil 'khor gyi dbus su rang gi lha'i sbyor bas 'dug la/rang gi lha'i sngags kyis phyogs bzhir rang gi lha'i sku dag gzhag par bya'o/ /de bas na/ rang gi dkyil 'khor rang sngags kyis/ /zhes bya ba la sogs pa gsungs so/ /shin tu mchog tu gyur pa'i snying pos yang dag par bskul ba gzhan dag gsungs pa ni/ snying ga'i dbus su zhes bya ba la sogs pa ste/rnal 'byor pas rang gi lha'i dkyil 'khor gyi dbus su 'dug nas rang gi lha'i dkyil 'khor bdag nyid kyi snying gar bsam par bya'o/ /de'i nang du chud pa'i lha'i thugs ka'i zla ba la yi ge hUM las byung ba'i rdo rje rtse lnga pa de nyid las zhe sdang gi rigs kyi rnal 'byor pas ni rdo rje'i lcags kyu'o//gti mug gi rigs kyi rnal 'byor pas ni 'khor lo'i lcags kyu'o/ /'dod chags kyi rigs kyi rnal 'byor pas ni pad+ma'i lcags kyu bsam par bya'o/ /de bas na/ /rdo rje kyo ba'i khyad par gyis/ /rdo rje gsum rnams bsgom par bya//zhes gsungs so/ /de yis snying gar btab bya ste/ /zhes bya ba ni lcags kyu des so/ /yid bzhin gyi nor bu'i rigs kyi rnal 'byor pas ni rin po che'i lcags kyus so/ /dam tshig gi rigs kyi rnal 'byor pas ni ral gri'i lcags kyus snying po kun nas bskul bar bya'o/ /de nas 'di skad ston par 'gyur te/rdo rje phra mo la sogs pa bsgoms pas sems brtan par byas nas zla ba drug tu rig pa'i brtul zhugs yang dag par spyad nas nyin zhag bdun snying pos bskul nas/ bskul ba'i rnal 'byor rnam par bsgoms la dkyil 'khor bris nas rgyud phyi ma la sogs pa'i tshul gyis bsgrubs na sgrub pa pos 'grub par 'gyur ro//don de nyid ni/ zhag bdun bar du byas na ni/ /zhes bya ba la sogs pa gsungs pa yin no/ /snying po 'dis kun nas bskul ba'i sbyor ba las mi 'da' bar bstan pa ni/ sangs rgyas byang chub sems dpa' rnams/ /sngags kyi spyod pa'i don bsgrubs pas//zhes bya ba la sogs pa ste/ sangs rgyas sam byang chub sems dpa' sngags kyi spyod pa spyad pa'i byang chub sems dpas snying pos kun nas bskul ba'i bar du yang dag par sbyor bas bskul bar gyur pa las/ gal te mi 'grub na ni 'da' bar byas pa'o/ / rmongs pa'i rnam par rtog pa'i ye shes can no/ /de yi srog ni der zad 'gyur/ /zhes bya ba ni rnam par mi rtog pa'i ye shes can gyi sangs rgyas dang byang chub sems dpa' rnams kyis kyang sbyor ba 'di las 'da' bar mi mdzad do zhes pa ste/ 'di ni rnal 'byor pa rnams kyi blo nges par bya ba yin te/sangs rgyas dang byang chub sems dpa' rnams la ni 'da' bar mdzad pa dang 'chi bar 'gyur ba mi srid do/ /sngags kyi skyes bu ji srid pa/ /zhes bya ba ni mi bskyod pa la sogs pa'o/ /rdo rje gsum gyi ye shes rdzogs/ /zhes bya ba ni sku dang gsung dang thugs rdo rje rdzogs pa ste yongs su rdzogs par bsgrub pa'o//rang gi lha'i sbyor ba rnam par bsgoms nas sku dang gsung dang thugs rdo rjer zhugs pa bsgom pa ni dbang po gnyis kyi sbyor ba ste/ de lta bu'o/ dbang po gnyis kyi sbyor ba yis/ /dngos po thams cad brtag par bya/ /zhes bya ba ste phung po dang khams dang skye mched dang rten cing 'brel bar 'byung ba ste/phyi dang nang du bcas pa rnams ni/ dngos po thams cad de dag la/ /gzugs la rnam gsum shes byas nas/ /zhes bya ba la sogs par brtag pa ni dngos po thams cad brtag par bya ba'o/ /de ltar re zhig nges pa bzung ba rnams kyi rdo rje sems dpa' la sogs pa'i thugs kar dkyil 'khor rnam par bsam pa dang snying pos kun nas bskul zhing bsgom pa gsungs nas/da ni lus yongs su mi spong zhing 'dod chags la spyod pa rnams la 'dod chags kyis 'dod chags spang ba'i byir rig pa'i lha mo rnams kyi snying po'i dkyil 'khor rnam par bsam pa'i sbyor ba'i bsgom pa ni/rig ma dbang phyug zhugs pa la/ /rdo rje sbyor ba rab bsgom zhing / /zhes gsungs pa yin te/ spyan la sogs pa ni rig ma'i dbang phyug go/ /de'i thugs kar gtogs pa'i dkyil 'khor la zhugs nas spyan la sogs pa dang rdo rje'i sbyor ba bsgom par bya'o zhes bya ba ni tshig gi lhag mar shes par bya'o//chags la chags pas blta bar bya/ /zhes bya ba ni rig ma'i dbang phyug mo dang sbyor ba'i dus so/ /gcig pu 'ba' zhig sbyor ba bsgom par ma zad kyi gzhan yang 'jig rten gyi khams thams cad kyi rdul phra rab dang mnyam pa'i spyan la sogs pa'i gzugs rnams rnam par bsgom ste/sbyor ba bsgom par bya'o zhes bstan pa'i phyir/ /'jig rten khams ni thams cad na/ /bud med ji snyed yod pa kun/ /zhes pa la sogs pa gsungs so//snying po bskul zhes bya ba ste/ le'u bcu pa'i bshad pa'o// //de bzhin gshegs pa thams cad kyi sku dang gsung dang thugs rdo rje la bzhugs shing rang gi sngags kyis rang gi lha'i gzugs su rnam par bsam pa ni rnal 'byor pa thams cad kyis rang gi lus dang ngag dang yid oM dang AHdang hUM ste 'di dag gis bya ba'i phyir de nas zhes bya ba la sogs pa'i bcu gcig pa de bzhin gshegs pa thams cad kyi sngags kyi dam tshig de kho na nyid rdo rje rig pa'i skyes bu mchog gi le'u gsungs so//de bzhin gshegs pa thams cad kyi sngags kyi rig pa rdo rje'i skyes bu'i mchog ces bya ba'i ting nge 'dzin la snyoms par zhugs te zhes bya ba ni/de bzhin gshegs pa thams cad kyi sku dang gsung dang thugs rdo rje la zhugs pa'i rnam par thugs rtse gcig tu mdzad ces bya ba'i don to/ /de bzhin gshegs pa thams cad kyi sngags rdo rje'i rig pa'i skyes bu'i le'u zhes bya ba ni de bzhin gshegs pa thams cad kyi sku rdo rje la sogs pa ste de dag gi yi ge hUM la sogs pa ni rdo rje'i sngags kyi rig pa ste/de dag gi skyes bu ni thugs rdo rje la sogs pa'o/ /rdo rje gsum yi ge sngags kyi mchog ces bya ba ni yi ge hUM la sogs pa 'di nyid ni rdo rje'i yi ge gsum zhes bya ste de nyid mchog yin pas de la rdo rje gsum yi ge sngags kyi mchog ces bya'o//phyag rgya chen por rnam bsgom pa/ /zhes bya ba ni yi ge oM la sogs pas sku rdo rje la sogs pa'i phyag rgya chen po rnam par bsgom pa'o/ /byang chub thams cad 'thob pa'i phyir/ /zhes bya ba ni sku dang gsung dang thugs rdo rje la lhag par mos pa byas te yi ge oM la sogs pa bsgom par bya'o zhes bya ba'i don to//yi ge rdo rje dag gis bya/ /zhes bya ba ni 'di nyid la lhag par mos par byas nas zla ba dang rdo rje la sogs pa bsgom pa ni ye shes rdo rje ste ye shes kyi rdo rje des byang chub thob par bya'o/ /de nyid kyi phyir/oM ni zhes bya ba la sogs pa gsungs te/ yi ge oM rang gi snying gar bsams la chos thams cad nam mkha' dang mnyam par bsgom mo/ /de nas rang gi sems de nyid kyis zla ba'i dkyil 'khor gyi rnam pa lta bu la/ de'i steng du yang zla ba'i dkyil 'khor nyid do/ /de nas yang de nyid las rdo rje las byung ba'i 'khor lo ste de'i nga rgyal du bsgoms la/'khor lo'i 'od zer gyis sgo rnams las 'jig rten gyi khams thams cad kyi rdul phra rab dang mnyam pa'i de bzhin gshegs pa rnams sprul la de slar yang 'khor lo la zhugs par bya'o/ /'khor lo de ni rdo rje sems dpa' ste/de nyid sku rdo rje yang yin pas sku rdo rje rnam par snang mdzad du bsgom mo/ /AHni byang chub bdag med pa/ /zhes bya ba ni ngag la ngag med par bsgom pa ni byang chub bdag med pa'o/ /rdo rje'i gsung ni 'thob byed pa'o/ /zhes pa ni 'od dpag med kyi ngo bo nyid 'thob par byed pa'o/ / hUM ni sku gsung thugs yin te/ /zhes bya ba ni zhe sdang gi rigs kyi ngo bo ste/ rnam par snang mdzad bsgom pa bzhin du thams cad du sbyar zhing bsgom par bya'o/ /de lta bu'i rnal 'byor bsgom par byas nas phung po la sogs pa la 'jug pa bsgom pa'i phyir/ bdag nyid kyi yang dag par sbyor ba nam mkha' rdo rje lta bur bskyed la/der spyi'i ting nge 'dzin gyi dkyil 'khor de'i dbus su rnam par snang mdzad la sogs pa ting nge 'dzin gyis 'dug la rang gi snying gar chud pa'i 'khor lo'i lte ba la gnas pa'i b+h+rUM bsgoms la/ rdo rje sprin las 'brug sgra sgrogs pa bzhin du bsgom par bya ste de'i phyir/nam mkha' rdo rje dbus gnas par/ /dkyil 'khor rdo rje kun skyes bsam/ /zhes bya ba gsungs pa la/ dkyil 'khor ni spyi'i ste/ rnam par snang mdzad la sogs pa ni rdo rje kun no/ /de rnams las skyes pas na rdo rje kun skyes te/ yi ge b+hUM mo/ /'dis ni 'di ltar ston te/ lha thams cad ni yi ge hUM nyid do/ /rdo rje dkyil 'khor dbus gnas par/ /oM zhes bya ba rab tu bsgom/ /zhes bya ba ni zhe sdang gi rigs kyi dkyil 'khor ni rdo rje dkyil 'khor te/ mi bskyod pa'i sbyor bas kyang yi ge oM bsgom par bya'o zhes ston to/ /gsal ba'i dkyil 'khor ni rnam par snang mdzad kyi dkyil 'khor te/rnam par snang mdzad kyi thugs kar zla ba'i dkyil 'khor la gnas pa'i yi ge AHbsgom par bya'o/ /'dis 'di ltar 'od dpag med kyi rnal 'byor 'ba' zhig la yi ge AHbsgom par ma zad kyi/ rnam par snang mdzad kyi rnal 'byor gyis kyang bya'o zhes ston to//chos kyi dkyil 'khor ni 'od dpag med kyi dkyil 'khor te/ 'od dpag med kyi thugs ka'i pad+ma la gnas pa'i yi ge hUM bsgom par bya'o/ /'dir yang 'di ltar rdo rje 'chang chen po'i sbyor ba 'ba' zhig la yi ge hUM bsgom par ma zad kyi/ 'od dpag med kyi sbyor ba la yang bya'o zhes ston to//yi ge b+h+rUM gyis gnas bsgoms te/ /zhes bya ba ni ji skad du bshad pa'i gnas su yi ge b+h+rUM las dkyil 'khor du bsam par bya'o/ /der dkyil 'khor gyi dbus su rang gi lha'i sbyor ba bya ste/ 'dug nas yi ge oM la sogs pa bsgom par bya'o/ /snying po dus gsum sangs rgyas kyi//zhes bya ba ni 'das pa dang ma byon pa dang / da ltar byung ba rnams kyi dus gsum gyi sangs rgyas kyi snying po ni oM AHhUM zhes bya ba 'di yin no zhes bya ba'i don to/ /'di'i bya ba ni/ /sku gsung thugs ni mnyes byed pa/ /zhes bya ba gsungs te yi ge oM gyis sku rdo rje'i tshogs bcug la rang gi lus kyi nang du chud par bsam mo//de bzhin du yi ge AHsa gsung rdo rje'i tshogs bcug la rang gi lce'i nang du chud par bsam par bya'o/ /yi ge hUM gis thugs rdo rje'i tshogs bcug la rang gi sems kyi nang du chud par bsam par bya ste/ de ltar na sku dang gsung dang thugs mnyes par byed pa yin no//de nyid kyi phyir/ /oM ni sangs rgyas sku yi mchog /ces bya ba la sogs pa gsungs so/ /ye shes rdo rje sprul pa ste/ /zhes bya ba ni rdo rje 'chang chen pos so/ /sangs rgyas rgyu dang 'bras bu 'byung / /zhes bya ba ni sangs rgyas nyid 'thob pa'i rgyur 'gyur ba dang sangs rgyas nyid ni 'di'i 'bras bu'o//'di dag sangs rgyas skyes bu ste/ /zhes bya ba ni yi ge oM la sogs pa 'di dag nyid sku dang gsung dang thugs rdo rje'i ngo bo yin no zhes bya ba'i don to/ /rdo rje mi phyed gsum bsgoms pas/ /dam tshig dbang gis rdzogs par 'gyur//zhes bya ba ni bskyed pa dang spro ba dang bsdu ba dang gnas pa dang brtan par gyur pa dag byas la sku la sogs pa bsgom pa ni/ rdo rje mi phyed gsum bsgoms pas/ /zhes bya'o/ /de bzhin gshegs pa thams cad kyi sku dang gsung dang thugs kyi dam tshig ces pa ni de bzhin gshegs pa thams cad kyi sku dang gsung dang thugs de nyid dam tshig go//de'i de kho na nyid kyi ye shes ni rab tu dga' ba'i kun du bzang po nyid du nges pa ste de nyid rdo rje'o/ /des byin gyis brlab pa ni sku dang gsung dang thugs kyi nus pa bsgrub pa'o/ /de nyid mtshan mar gyur pas na dpal lo//de lta bu'i ming gang la yod pa'i ting nge 'dzin de ni de bzhin gshegs pa thams cad kyi sku dang gsung dang thugs kyi dam tshig de kho na nyid kyi ye shes rdo rje byin gyis rlob pa'i dpal zhes bya ba'i ting nge 'dzin zhes bya'o/ /dben zhing rab tu nyams dga' bar/ /sbyor ba 'di ni kun brtsams na//zhes bya ba ni 'og nas bshad pa'i nam mkha' rdo rje zhes bya ba la sogs pas rdo rje phra mo la sogs pa bsgoms pas mtshan ma thob nas ni zla ba phyed kyis nges par 'grub par 'gyur ro/ /gsal ba'i dkyil 'khor zhes pa ni rnam par snang mdzad kyi dkyil 'khor ro/ /rdo rje bskal pa gsum du gnas//zhes bya ba ni bskal pa grangs med pa gsum du ni tshe gnas par 'gyur ba'o/ /gang gis she na/ ye shes lnga ldan bsten na ni/ /zhes bya ba gsungs te/ ye shes lnga po can gyi sbyor ba bsgom pa ni bsten pa'o/ /sku rdo rje ni bcom ldan 'das rnam par snang mdzad do//de'i gsang ba ni rdo rje 'chang chen po'o/ /sku rdo rjes nam mkha' khyab pa'i ting nge 'dzin gang yin pa de ni sku rdo rje 'od zer bkod pa zhes bya ba'i ting nge 'dzin zhes bya'o/ /AHni ngag gi lam gzhag ste/ /zhes pa ni 'od dpag med kyi dkyil 'khor ji lta ba bzhin du rnam par bsams la/ dkyil 'khor de'i dbus su 'od dpag med kyi nga rgyal gyis 'dug la rang gi lce la yi ge AHbzhag ste bsgom par bya'o/ /sems la yi ge hUM gnas pa/ /zhes bya ba ni mi bskyod pa'i dkyil 'khor ji lta ba'i dbus su mi bskyod pa'i sbyor ba'am rdo rje 'chang chen po'i dkyil 'khor du rdo rje 'chang chen po'i sbyor bas rang gi snying gar chud pa'i rdo rje la yi ge hUM bzhag ste bsgom par bya'o//rdo rje kun dang rgyal ba'i gnas/ /zhes bya ba ni 'jig rten gyi khams thams cad kyi rdul phra rab dang mnyam pa'i zhe sdang gi rigs kyi dkyil 'khor gyis nam mkha' ma lus par gang bar bsam mo/ /ston pa rdo rje'i thugs 'dra ba//zhes bya ba ni rdo rje 'chang chen po dang 'dra bar 'gyur ba'o/ /de bzhin gshegs pa thams cad kyi sku dang gsung dang thugs kyi dam tshig ni rdo rje 'chang chen po de la dmigs pa ni rdo rje ltar mi phyed pa ste/ ting nge 'dzin gang la ming de lta bu yod pa gang yin pa de ni de skad ces bya'o/ / ye shes dkyil 'khor dbus su ni/ /rdo rje chen po bsam par bya/ /zhes bya ba ni dpal rdo rje sems dpa'i dkyil 'khor du rdo rje sems dpar bdag nyid bsam par bya'o/ /lus rnams kun la khaM dmigs na/ /zhes bya ba ni spyi gtsug nas nu ma gnyis kyi bar dang rked pa'i phyogs dang gsang ba dang rkang pa gnyis te yan lag de rnams la/khaM bkod nas khaM la nam mkha' bsgom par bya'o/ /nam mkha' rdo rje dam tshig ni dpal rdo rje sems dpa'o/ /rang sngags skyes bu rab bsams la/ /zhes bya ba ni yi ge maM las 'jam pa'i dbyangs kyi sku'i rnal 'byor bsgom par bya'o//rdo rje'i dkyil 'khor dbus su ni/ /zhes bya ba ni rdo rje'i dkyil 'khor zur bzhi pa la gser gyi mdog can du rnam par bsams la/ de nas snying ga'i zla ba la yi ge hUM dkar po 'od zer rab tu 'phro ba las 'jam dpal dbyangs kyi sku zla ba'i 'od kyi dkyil 'khor gyi nang du bzhugs par bsam par bya zhing yi ge la th+lIM 'bar ba dang bcas pa nam mkha' la rnam par bsams nas de'i 'od zer gyi snang bas 'jig rten gyi khams thams cad kyi rdul phra rab snyed rnams rnam par snang mdzad kyi gzugs su bsgoms la slar bsdu ste rnam par snang mdzad du bdag nyid bsgom mo//bsgom pa 'di 'grub pas ni rnam par snang mdzad dang 'dra bar mngon par shes pa lnga dang ldan par 'gyur ro/ /sangs rgyas dkyil 'khor ni mi bskyod pa'i dkyil 'khor ro/ /rdo rje sems dpa' rab bsgoms la/ /zhes bya ba ni rang gi snying gar zla ba'i dkyil 'khor de'i steng du yi ge oM//de nas chos thams cad bdag med pa/ /de nas nyi ma'i dkyil 'khor lta bu yang nyi ma'i dkyil 'khor de'i steng du yi ge oM las byung ba'i rdo rje der de bzhin gshegs pa thams cad zhugs la/ de las kyang rdo rje sems dpar gyur pa la de nyid kyang mi bskyod pa'o/ /de ltar na yi ge oM 'dis kyang de bzhin gshegs pa thams cad kyang grub par ston to//nam mkha'i dbyings kyi dbus gnas par/ /sangs rgyas dkyil 'khor dam pa bsam/ /zhes bya ba ni rin chen 'byung ldan gyi dkyil 'khor ro/ /nam mkha' rdo rje rab bsgoms la/ /zhes bya ba ni sngar gsungs pa'i tshul gyis rdo rje sems dpa' las rin chen 'byung ldan 'byung bar rnam par bsgom par bya'o//'od dpag med kyi dkyil 'khor du ni snga ma bzhin du 'jig rten dbang phyug las 'od dpag med pa'o/ /don yod grub pa'i dkyil 'khor du ni snga ma bzhin du rdo rje ut+pal las rdo rje sems dpa' 'byung la/rdo rje sems dpa' las don yod grub pa 'byung bar bsgom mo/ /nam mkha' dbyings kyi dbus su ni/ /sangs rgyas dkyil 'khor dam pa bsam/ /zhes bya ba ni rnam par snang mdzad kyi dkyil 'khor la/ de bzhin du rdo rje sems dpa' las byung ba'i rnam par snang mdzad rab tu bsgoms la/de nas de'i thugs ka'i rdo rje la sku gsum las byung ba sku dang gsung dang thugs ston par byed pa'i yi ge oM bsgom par bya'o/ /mi bskyod pa la sogs pa'i dkyil 'khor du mi bskyod pa la sogs pa'i sbyor bas mig dang rna ba dang lus dang snying ga rnams su mngon par shes pa bsgrub pa'i sbyor bas oM las mi bskyod pa la sogs pa'i gzugs bsams na mngon par shes pa lnga dang ldan par 'gyur ro//dpal rdo rje sems dpa'i sbyor bas mig dang rna ba dang lus dang snying ga rnams su yi ge hUM las rdo rje rtse lnga pas mngon par shes pa lnga'i sbyor bas bsgoms na rdo rje'i mngon par shes pa dang ldan par 'gyur ro//rnam par snang mdzad dang gtsug tor gyi sbyor bas yi ge oM mam yi ge b+h+rUM mig dang rna ba dang lus dang snying ga rnams su rdo rje'i 'od zer 'phro zhing 'khrug pa'i tshogs kyis mngon par shes pa lnga'i sbyor bas bsgom mo//rnam par snang mdzad kyi rnal 'byor pa'am gtsug tor chen po'i rnal 'byor pas ni yi ge oM mam yi ge b+h+rUM gyis kha dog lnga'i 'od zer dang ldan pa'i 'khor lo bdag nyid rnam par bsams la/ der de bzhin gshegs pa thams cad bzhugs par rnam par bsgoms na grub nas ni rdzogs pa'i sangs rgyas dang 'dra bar 'gyur ro//rnam par snang mdzad kyi dkyil 'khor du rnam par snang mdzad kyi sbyor bas dbus su 'dug ste/ rang gi snying ga'i zla ba la yi ge oM bzhag la oM dang sems gcig tu gyur par bya ste/ bsgom pa'i rnal 'byor rdzogs na rnam par snang mdzad dang 'dra bar yid bzhin gyi nor bu bzhin du sems can thams cad kyi bsam pa yongs su rdzogs par 'gyur ro//sangs rgyas dkyil 'khor dbus gnas par/ /rdo rje mi bskyod rab tu bsgom/ /zhes bya ba ni mi bskyod pa'i dkyil 'khor gyi dbus su mi bskyod pa'i sbyor bas 'dug la rang gi snying ga'i zla ba la yi ge hUM bzhag pa de dang sems gcig tu gyur par bya ste bsgom par bya'o//de bzhin du 'od dpag med kyi dkyil 'khor du 'od dpag med kyi sbyor bas 'dug la rang gi snying ga'i zla ba la yi ge AHbkod la yi ge AHdang gcig tu gyur par bsam mo/ /de ltar bsgoms nas 'gog pa'i rdo rjes bzlas na yi ge 'bum gyis 'grub par 'gyur ro//gsal ba'i dkyil 'khor bsgom par bya/ /zhes bya ba ni rnam par snang mdzad kyi dkyil 'khor ro/ /lus ngag sems la yi ge oM/ /zhes bya ba ni snying ga'i rdo rje dang lce dang lus thams cad la'o/ /de bzhin du 'od dpag med kyi sbyor bas 'od dpag med kyi dkyil 'khor gyi dbus su ji lta ba bzhin du 'dug ste/yi ge AHsa lus la sogs pa stong par bsgoms na 'grub par 'gyur ro/ /rdo rje'i dkyil 'khor ni mi bskyod pa dang rdo rje 'chang chen po'i dkyil 'khor te de dag gi sbyor bas dkyil 'khor gyi dbus su 'dug ste/rang gi lus ngag yid la yi ge hUM bkod la bsgoms na rnal 'byor pa bskal pa'i bar du gnas par 'gyur ro zhes bcom ldan 'das rdo rje 'chang chen pos gsungs so/ /le'u bcu gcig pa'i bshad pa'o// //ji skad gsungs pa'i 'bras bu grub pa'i phyir lha'i sbyor ba byas la sku dang gsung dang thugs byin gyis brlab par gsol ba bya ba'i phyir/de nas zhes bya ba la sogs pa bcu gnyis pa de bzhin gshegs pa thams cad kyi rdo rje'i sbyor ba dam tshig bsgrub pa'i mchog bstan pa'i le'u gsungs so/ /mtho ris dang thar pa thob pa'i phyir sems can gyi khams la ston pas ston pa'o//sangs rgyas nyid la sogs pa stsol zhing 'byin pas na bskyed pa'o/ /de bzhin gshegs pa'i ye shes ni ye shes mchog ste/ de bsgrub cing rdzogs par mdzad pa'i phyir ye shes mchog bsgrub pa'o/ /sku dang gsung dang thugs rdo rje ni dam tshig rdo rje gsum mo//de dag gi de kho na nyid ni rdo rje gsung ste/ bka' stsal pa ni gsungs pa'o/ /mkha' dang mtshungs dang dam tshig 'byung / /rol mo 'di dag rab tu bsgom/ /zhes bya bar sbyar te/ 'byung bar 'gyur bas na 'byung ba ste sems can no/ /sems can de rnams kyi ngo bo nyid ni nam mkha' dang mtshungs shing mnyam pas na nam mkha' dang mtshungs pa dang rtog pa dang rnam par rtog pa thams cad dang bral zhing don dam par skye ba med pa'o//de nyid kyi phyir/ /chos rnams rang bzhin dag pa las/ /zhes bya ba gsungs so/ /ma skyes pa de nyid kyis ni chos thams cad kyi ngo bo nyid kyis dag pa yin no//rol mo 'di dag rab tu bsgom/ /zhes bya ba ni 'jam dpal rdo rje la sogs pa bsgom pa'i ngo bo 'og nas bshad pa'i yi ge maM las sngar gsungs pa'i tshul du 'phags pa 'jam dpal du bdag nyid rnam par bsgoms te/ lus dang ngag dang sems la yi ge maM bkod nas rang gi dkyil 'khor gyi dbus su 'dug la 'jam pa'i dbyangs rab tu bsgoms na 'jam pa'i dbyangs 'grub par 'gyur ro//rdo rje phra mo bsgoms pas sems brtan par byas la bdud rtsi lnga po yi ge maM gyis 'phags pa 'jam dpal gyi sku dang gsung dang thugs su bsgoms pas rab tu 'bar ba de las ri lur byas la lcags gsum gyis dkris te khar bcug na 'phags pa 'jam dpal gyi sku dang gsung dang thugs kyi ngo bo nyid kyi rang bzhin du 'grub par 'gyur ro//rnam par snang mdzad dam gtsug tor chen po'i sbyor ba dag la ni yi ge b+hU~M mam yi ge b+h+rUM las rang gi dkyil 'khor gyi dbus su 'khor lo'i 'od shin tu 'bar zhing 'phro bar bdag nyid bsgom zhing sangs rgyas thams cad kyi gnas su bsgoms na grub par gyur nas sangs rgyas thams cad dang mnyam par 'gyur ro//mi bskyod pa'i sbyor ba'am rdo rje 'chang chen po'i sbyor bas rang gi dkyil 'khor gyi dbus su yi ge hUM las bdag nyid rdo rje'i rigs thams cad kyi ngo bo rdo rje 'chang chen por rnam par bsam zhing bsgom par bya'o//bsgom pa 'dis grub pa'i rnal 'byor pa ni thugs rdo rje dang mnyam par 'gyur ro/ /'od dpag med kyi sbyor ba'am rdo rje chos kyi sbyor bas rang gi dkyil 'khor gyi dbus su 'dug la yi ge AHlas bdag nyid pad+ma'i rigs thams cad kyi rdul phra rab las bsgrubs pa'i pad+ma 'dab ma brgyad par bsgoms te/grub na chos 'dzin par 'gyur ro/ /'od zer sna lnga'i mdog 'dra'i mdog /rang gi sngags kyis ral gri bsgom//zhes bya ba la sogs pa don yod grub pa'i sbyor bas don yod grub pa'i dkyil 'khor gyi dbus su 'dug la rang gi sngags las lag pa g.yas par ral gri bsam par bya'o/ /rnam par snang mdzad kyi dkyil 'khor du rnam par snang mdzad kyi sbyor bas mtshan ma thob pa'i rnal 'byor bas rang gi lha'i gzugs lcags gsum gyis dkris pa tsa na ka'i 'bru tsam gyi ri lu byas la/oM gyi ngo bor rnam par bsams te rab tu 'bar ba khar bcug nas rang gi lha'i sku ri lu'i nang du zhugs par bsgoms na 'grub par 'gyur ro/ /de bzhin du 'dod chags dang zhe sdang gi rigs dag la yang rang gi lha'i sbyor bas yi ge AHdang yi ge hUM dag las ri lu bsgrub par bya'o//mkha' dbyings gsal ba'i dkyil gnas pa/ /zhes bya ba la sogs pa la rnam par snang mdzad kyi dkyil 'khor nam mkha' la dkar por bsams nas rnam par snang mdzad kyi sbyor bas dkyil 'khor gyi dbus su 'dug ste yi ge oM las lag pa g.yas par 'khor lo bskyed la bsgom par bya'o//mkha' dbyings rdo rje'i dbus gnas pa/ /zhes bya ba la sogs pa la nam mkha'i dbyings rdo rje'i rang bzhin du rnam par bsams la/ de'i steng du mi bskyod pa'i dkyil 'khor gyi dbus su ji lta ba bzhin du 'dug la yi ge hUM las lag pa g.yas par rdo rje bskyed la bsgoms na rdo rje'i rig pa 'dzin par 'gyur ro//mkha' dbyings rin chen dbus gnas pa/ /zhes bya ba la sogs pa nam mkha'i dbyings rin po che'i rang bzhin du rnam par bsams la de'i steng du rin po che'i rigs kyi dkyil 'khor bskyed la ji skad gsungs pa bzhin du bsgoms na rin po che'i rig pa 'dzin par 'gyur ro//de bzhin du nam mkha'i dbyings pad+ma'i rang bzhin du rnam par bsams na de'i steng du pad+ma'i dkyil 'khor du bsgoms pas ni pad+ma'i rig pa 'dzin pa nyid du 'grub bo//nam mkha'i dbyings ral gri'i rang bzhin du bsgoms nas de'i steng du don yod grub pa'i dkyil 'khor ji lta ba bzhin du bsgoms pas ni ral gri'i rig pa 'dzin pa nyid du 'grub par 'gyur ro/ /de bzhin du rtse gsum dang kyo ba tang la sogs bsgrub pa ni 'khor lo la sogs pa'i sbyor ba bzhin du bya'o//dpal rdo rje sems dpa'i dkyil 'khor du dbus su sbyor ba gsum rigs kyi skyes bu rdo rje sems dpa'i sku dang gsung dang thugs rdo rjer bdag nyid bsams nas/ oM AHhUM ste 'di dag las lag pa g.yas par sku dang gsung dang thugs rdo rje'i rdul phra rab rnams las bsgrub pa'i rdo rje'i lcags kyu bsams la/mtshan ma thob nas rlung gi dkyil 'khor la bzhag pa'i rdo rje sems dpa' lcags kyu des bkug la rang gis bsgoms pa la sbyar ro/ /de bzhin du lus can gzhan dag kyang 'gugs par 'gyur te/ de'i phyir/ /dam tshig las byung phyogs bcu pa//rdo rjes dgug cing spyad par bya/ /zhes bya ba gsungs te/ gnod sbyin mo la sogs pa dag kyang 'dir yi ge hUM gis 'gugs par 'gyur ro zhes bya ba'i don to/ /de bzhin du rnam par snang mdzad kyi dkyil 'khor du 'dug ste rnam par snang mdzad kyi sbyor bas yi ge oM las de bzhin gshegs pa thams cad kyi rdul phra rab las bsgrubs pa las 'khor lo'i lcags kyu lag pa g.yas par bsgoms la rnam par snang mdzad la sogs pa dgug par bya'o//de bzhin du 'od dpag med kyi rnal 'byor pas 'od dpag med kyi dkyil 'khor gyi dbus su ji lta ba bzhin du 'dug ste yi ge AHlas lcags kyu pad+ma rigs kyi gzugs su rnam par bsams la 'od dpag med la sogs pa dgug par bya'o//de bzhin du rin po che dang ral gri dang lcags kyu la sogs pa rnams kyang rang gi sngags kyi sbyor bas thams cad 'gugs pa 'grub par 'gyur ro//rnam pa'i mchog rnams kun ldan pa'i/ /sangs rgyas sku ni rnam bsgoms la/ /zhes bya ba ni skyes bu chen po'i mtshan sum cu rtsa gnyis dang / dpe byad bzang po brgyad cus rnam par mdzes pa'i sku dang ldan pa'i rnam par snang mdzad la sogs pa'i de bzhin gshegs pa'i skur bdag nyid rnam par bsams la lcags kyu la sogs pa bsgrub par bya'o//rnam pa mchog rnams kun ldan pa'i/ /rdo rje sku ni zhes bya ba ni/ rnam par snang mdzad du bsgoms pas rnam par snang mdzad lta bur 'gyur ba'o/ /snga ma las 'dir yang rnam par snang mdzad la sogs pa'i sbyor bas lcags kyu la sogs pa'i phyi'i dngos grub bsgrub pa ste 'di ni khyad par ro//rdo rje sbyor bas lce bsgoms na/ /zhes bya ba ni pad+ma'i rigs bsgoms na/ gsung rdo rje dang mnyam par 'gyur ba'o/ /gsang gsum dam tshig mchod pa'i mchog / mchod pa'i gsang ba rab tu bsgrub/ /ces bya ba ni bcom ldan 'das rdo rje 'chang chen po dang mi bskyod pa'i phyag rgya chen po ni gsang ba gsum gyi dam tshig gi mchog go/ /de nyid bsgrub pa'i ngo bo bas mchod pa ste/ des mchod la gzugs la sogs pa bsgrub par bya ste/ de bzhin du thams cad du yang mchod la bsgrub par bya'o zhes khong du chud par bya'o//de yang re zhig chos dang ldan pa rnams kyi sgrub pa gsungs nas da ni bza' ba ma yin pa'i za bdag gi yang bstan pa'i phyir sha chen zhes bya ba la sogs pa gsungs so/ /rdo rje gsum mchog bsgrub par bya/ /zhes bya ba ni zhe sdang gi rigs kyi ste thams cad du yang rab tu 'bar nas bza' ba ma yin pa bza' bar bya'o//sha rnams thams cad med na yang / /thams cad bsam pas rnam par brtag /ces bya ba ni de la mngon par zhen pa rnams kyis shin tu sbyangs pa gsungs te tshig 'dis ni chos dang ldan pa rnams la yang sha la sogs pa med kyang 'grub par 'gyur ro zhes 'gyod pa sel bar byed do//rnam pa'i mchog rnams kun ldan pa/ /sku gsung thugs ni rdo rje can/ /bsgom par bya zhes bya bar sbyar te mi bskyod pa la sogs pa'i skur bdag nyid rnam par bsam pa'o/ /snying gar ye shes dam tshig dang //zhes bya ba ni rnam par snang mdzad do/ /dbu rgyan rdo rje mchog 'dzin pa/ /zhes bya ba ni mi bskyod pa'o/ /de ltar sbyor ba 'di bsgoms pas cir 'gyur zhe na/ sangs rgyas thams cad mnyes 'gyur ba/ /zhes bya ba gsungs so/ /rdo rje 'chang chen po'i sbyor ba'am mi bskyod pa'i sbyor bas yi ge hUM rang gi lce la rnam par bsam ste/nam mkha' bdud rtsi lngas gang bar bsams nas/ yi ge hUM dang rdo rje'i 'od zer gyis bkug la zos na rdo rje sems dpa' 'gyur ro/ /de bzhin du 'od dpag med dang rnam par snang mdzad kyi rnal 'byor pas kyang yi ge AHdang oM gyis bkug la bza' bar bya'o//bdud rtsi lnga yi sbyor ba yis/ /zos na dngos grub gsung thob 'gyur/ /zhes gsungs mod kyi 'on kyang 'bras bu gsungs pa ni/ rdo rje dam tshig gsum bsgrub mchog /sku gsum rdo rje can du gyur/ /zhes bya ba yin no//'khor lo'i dam tshig ces bya ba ni rnam par snang mdzad kyi dngos grub gsungs pa'o/ /gang+gA'i bye snyed ces bya ba la sogs pa ni yid bzhin gyi nor bu'i rigs la sogs pa'i 'bras bu gsungs pa'o/ /thams cad dam tshig mchog tu 'grub/ /ces bya ba ni lha thams cad kyi sku bsgrub pa'i rdzu 'phrul dang ldan par 'gyur ro zhes ston to//gang+gA'i bye snyed sangs rgyas rnams/ /zhes bya ba la sogs pa ni lha'i sbyor ba bsgoms pa'i stobs nyid kyis lha'i mig 'di lta bu dang ldan par 'gyur ro/ /de lta bu'i lha'i rna ba dang sngon gyi gnas rjes su dran pa'i shes pa dang gzhan gyi sems shes par 'gyur ro zhes bstan to//de ltar bsgoms pa'i stobs kyis mngon par shes pa lnga dang ldan par 'gyur ro/ /de'i tshe dkyil 'khor bris nas sgrub pa byas na sku rdo rje la sogs pa'i dngos grub 'grub par 'gyur ro zhes bstan pa'i phyir//sangs rgyas mngon shes lnga don grub/ /sangs rgyas sku dang 'dra bar 'gyur/ /zhes bya ba gsungs te/ ji skad gsungs pa'i mngon par shes pa lnga ni sangs rgyas kyi mngon par shes pa lnga ste/ de'i don grub pa ni sangs rgyas kyi sku rdo rje la sogs pa rdzogs pa'o/ /ni yi sgra ni nges par gzung //zhes te/ sangs rgyas kyi mngon par shes pas don 'di 'grub par 'gyur gyi gzhan du ni ma yin no/ /de yang / /bdag nyid mngon shes lngar gyur na/ /bsgrub pa rnams ni 'grub par 'gyur/ /zhes gsungs pa yin no/ /de bas na lha'i sbyor ba byas la bsgoms nas gang gi tshe mngon par shes pa la sogs pa dang ldan pa'i sbyor bas 'grub par 'gyur gyi gzhan du ma yin no//bsnyen pa'i dam tshig ces bya ba la sogs pa ni sgrub pa'i thabs gsungs pa ste/ bsnyen pa'i dam tshig sbyor ba dang / /shes nas las rnams bsgrub par bya//zhes bya bar sbyar te rang gi sngags rang gi snying gar bkod la de nyid yid la zlos shing chos thams cad nam mkha' dang mnyam par bsgom par bya'o/ /de nas de nyid las zla ba'i dkyil 'khor lta bu'am/ nyi ma'i dkyil 'khor gyi bdag nyid la de'i steng du yang zla ba'i dkyil 'khor de nyid dang nyi ma'i dkyil 'khor de nyid do//de'i steng du de nyid la rdo rje 'byung ba ni rang gi phyag rgya'o/ /phyag rgya'i dbus su rang gi sngags bkod la rang gi phyag rgyar nga rgyal bskyed pa bsgoms nas phyag rgya'i 'od zer gyi sgo rnams las 'jig rten gyi khams thams cad kyi rdul phra rab dang mnyam pa'i rang gi rigs kyi lha sprul nas de rnams kyis sems can thams cad kyi don byas nas de dag phyag rgya de'i gzugs su zhugs pas phyag rgya'i gzugs rdo rje sems dpa' ste/de nyid rang gi lha'i gzugs su bsam pa 'di ni bsnyen pa'i dam tshig gi sbyor ba'o/ /de yang / bsnyen pa'i ye shes bdud rtsi dag /thams cad du ni brtag par bya/ /zhes bshad pas so/ /de ltar bshad ma thag pa'i bsnyen pa'i dam tshig gis 'dod pa'i lha'i sku gsung thugs la rnal 'byor pas sbyor ba nyid du byas la rnal 'byor pas sku rdo rje kun du bskul te byin gyis brlab par byas na rdo rje'i skye mched gzhug pa bsgom par bya ste/de bas na/ /nye bar sgrub pa 'byung ba dang / /zhes bya ba gsungs pa dang / /de bzhin du/ /nye bar sgrub pa grub mchog la/ /rdo rje'i skye mched rnam par dpyad/ /ces gsungs pas nye bar sgrub pa ni sku rdo rje byin gyis brlab pa'i mtshan nyid dang skye mched gzhug pa'i mtshan nyid de/de 'byung ba ni nye bar sgrub pa 'byung ba'o/ /de rnams zhes pa ni/ sgrub pa'i don gyi dam tshig dang / /zhes bya ba ste 'di nyid bsgrub par bya ba yin pas na bsgrub pa ste sngags so/ /de'i don ni sgrub pa'i don to/ /de nyid dam tshig yin pas na sgrub pa'i don gyi dam tshig go//dang zhes bya ba'i sgra ni sdud pa ste/ sngags kyi bdag pos kun nas bskul te/ bdag nyid kyi lce byin gyis brlab par bya'o zhes bya ba'i don te/ sngags kyi bdag po bsgoms pa yin/ /bsgrub pa'i tshe na bskul bar gsungs/ /zhes gsungs pas so/ /sgrub pa chen po bdag dang bzhi//zhes bya ba ni sgrub pa yang yin la chen po yang yin pas na sgrub pa chen po ste/ thugs rje yang dag par bskul nas bdag nyid byin gyis brlab ste/ dbu rgyan la bdag po bsgom pa'o/ /rdo rje bye brag shes byas la/ /zhes bya ba ni sku rdo rje la sogs pa rigs lnga'i bye brag shes par byas pa'o//de nas las rnams bsgrub par bya/ /zhes bya ba ni rgyud 'di las las gang dag bstan pa de dag bsgrub par bya'o zhes pa'o/ /bsnyen pa'i dam tshig gi sbyor ba gsungs pa/ /bsnyen pa'i ting 'dzin rab sbyor ba/ /byang chub mchog ni bsgom par bya/ /zhes bya ba ji skad gsungs pa'i thabs dang shes rab kyi ngo bo mngon par byang chub pa rnam pa lnga bsgom par bya'o zhes bya ba'i don to//nye bar sgrub pa rnam par dbye ba'i phyir/ nye bar sgrub pa grub mchog la/ /rdo rje'i skye mched rnam par dpyad/ /ces bya ba gsungs te/ de ltar bsnyen pa'i dam tshig bsgoms nas yi ge oM la sogs pas sku dang gsung dang thugs rdo rje la gzhug ste/lAM mAM pAM tAM hUM zhes bya ba'i sa bon rnams las sa dang chu dang me dang rlung dang nam mkha'i khams las spyan ma dang mA ma kI dang gos dkar mo dang / sgrol ma dang / rdo rje sems dpa'i ngo bor rang gi lus la gzhug par bsam pa'am spyan la sogs pa'i sngags kyis bya'o//rnam par snang mdzad dang rin chen 'byung ldan dang 'od dpag tu med pa dang don yod par grub pa dang mi bskyod pa rnams gzugs dang tshor ba dang 'du shes dang / 'du byed dang / rnam par shes pa'i ngo bor phung po la gzhug pa dang mig gi skye mched la yi ge k+ShiM las sa'i snying po//rna ba'i skye mched la yi ge dziM las rdo rje 'dzin pa/ sna'i skye mched la yi ge khaM las nam mkha'i snying po/ /lce'i skye mched la yi ge paM las 'jig rten dbang phyug /lus kyi skye mched dang yid kyi skye mched la sku rdo rje dang thugs rdo rje rang gi sa bon gyis gzhug la byin gyis brlab pa'o//gzugs dang / sgra dang dri dang ro dang reg bya dang chos kyi skye mched rnams ni dzaHhUM baM hoH/ khaM raM zhes bya ba'i sa bon gyis gzhug par byin gyis brlabs la/ de nas byin gyis brlab pa'i gsol ba byas nas sngags gsum gyis byin gyis brlabs la/de'i 'og tu phyis ting nge 'dzin gsum bsgom par bya zhing yi ge oM la sogs pa rnam par bsgom par bya ste/ 'di ni rdo rje skye mched rnam par spyad pa zhes bya'o/ /bsgrub pa'i don gyi dam tshig gsungs pa ni/ /sngags kyi bdag po bsgom pa yis/ /bsgrub pa'i tshe na bskul bar gsungs//zhes bya ba ni gsung rdo rje ni sngags kyi bdag po'o/ /de ni rgyud phyi ma las bshad pa'i tshul gyis yang dag par bskul zhing bsgom par bya ste/ 'di ni sgrub pa'i don gyi dam tshig go/ /sgrub pa chen po'i dus su ni thugs rdo rje yang dag par bskul te/ rang gi sems byin gyis brlab pa byas la/rang gi lha'i gzugs su nges par byas nas rang gi rigs kyi bdag pos dbu brgyan la bsgom par bya ba 'di ni sgrub pa chen po'o/ /bsnyen pa ji ltar bya zhe na/ bsnyen pa ye shes bdud rtsi dag /thams cad du ni brtag par bya/ /zhes bya ba gsungs te/ bsgom pa'i ye shes rnam pa lnga ni shes rab dang thabs kyi ngo bo nyid yin pas na ye shes bdud rtsi ste des bya'i gzhan gyis ni ma yin no//yang na rdo rje bzhi dag gis/ /brtul zhugs brten pas bsnyen par bya/ /zhes bya ba ni rang gi dkyil 'khor gyi dbus su rang gi lha'i sbyor bas 'dug ste/ phyogs bzhir rang gi lha'i gzugs rnam par bsams la bsnyen par bya'o//des cir 'gyur zhe na/ sku gsum mnyam pa nyid gyur pa/ /bsgoms na dngos grub thob par 'gyur/ /zhes bya ba gsungs te thun mtshams kyi nges pa dang rdo rje bzhi'i nges pa ni/ dus bzhi dag tu rab sbyar bas/ /blo dang ldan pas gnas lngar ni/ / zhes bya ba gsungs pas so/ /ye shes rdo rje yi ge oM/ /bsgoms na sdom pa yin par bshad/ /ces bya ba ni de bzhin gshegs pa lnga'i rnal 'byor pas yi ge oM las gnas lngar de bzhin gshegs pa'i skur bsam par bya'o/ /sdom pa yin par bshad ces bya ba ni sku dang gsung dang thugs rdo rje'i sgo ni sdom pa ste de la gnas shing 'jug par 'gyur ro zhes bya ba'i don to//de ltar bsnyen pa'i dam tshig dang sdom pa bstan nas nye bar sgrub pa'i sdom pa gsungs pa ni/ /sangs rgyas sku 'dzin dpal dang ldan/ /zhes bya ba la sogs pa ste sangs rgyas kyi sku 'dzin pa ni sku'i rdo rje'o//rdo rje mi phyed gsum 'dzin pa/ /zhes pa ni sku dang gsung dang thugs rdo rje mi phyed pas phung po la sogs pa rnams mi phyed par mdzad pa ste/ sgrub pa po de dag kyang rdo rje gsum mi phyed par byin gyis brlab tu gsol zhes sku rdo rje dang 'brel bar gsol ba 'debs pa'o/ /gsung rdo rje dang thugs rdo rjer byin gyis brlab pa'i gsol ba yang de bzhin du bya'o//de ltar byin gyis brlab par gsol pa byas pas sku rdo rje la sogs pa nges par byin gyis brlab par mdzad do zhes yid rton pa bskyed pa'i phyir/ /sangs rgyas rdo rje sems dpa' 'am/ /zhes bya ba la sogs pa gsungs so//rmongs pas zhes bya ba ni sngar bshad zin to/ /rdo rje sbyor ba'i dam tshig ces bya ba ni de bzhin gshegs pa thams cad kyi sku gsung thugs rdo rjer sbyor bas na rdo rje'i sbyor ba ste de nyid dam tshig go/ /de nyid sgrub pa'i mchog ste phul du byung ba'o/ /de bstan pa ni ji skad du gsungs pa'i gzhung gis bshad pa ste de nyid le'u'o//de bzhin gshegs pa thams cad kyi rdo rje'i sbyor ba'i dam tshig sgrub pa'i mchog bstan pa/ le'u bcu gnyis pa'i bshad pa'o// //sku dang gsung dang thugs rdo rje'i ngo bo nyid du nges par byas nas bzlas pa'am bsgom par bya'o zhes bstan pa'i phyir de nas zhes bya ba la sogs pa rdo rje dam tshig bkod pa'i de kho na nyid kyi don bsgom pa byang chub pa'i le'u gsungs so//ye shes rdo rje mchog 'dzin dang / /zhes bya ba ni ye shes nyid rdo rje yin pas na ye shes rdo rje ste/ de bzhin du ro gcig pa'i gnyis su med pa'i ye shes so//de nyid phul du gyur pas na mchog go/ /de la mi g.yeng bas sbyor bas na 'dzin pa'o/ /dam tshig de nyid mkhyen pa mchod/ /ces bya ba ni sku dang gsung dang thugs rdo rje ni dam tshig ste/ de kho na nyid mkhyen pa'i rdo rje can gang yin pa de la gzugs la sogs pas yang dag par mchod nas rdo rje dbyings 'di gsungs so//e ma'o sangs rgyas tshul re bzang / /zhes bya ba la e ma'o zhes bya ba ni ngo mtshar ro/ /sku la sogs pa ma skyes par bsgom pas zlos pa ni sangs rgyas kyi tshul te/ byang chub kyi tshul yang de nyid do/ /stobs dang mi 'jigs pa la sogs pa'i chos rnams ni tshul gyi tshul zhi ba'o//ma skyes par bsgom pa 'di nyid kyis sngags rnams nges par 'grub par 'gyur bas na sngags kyi tshul re bstan zhes bya'o/ /'dir ci zhig ngo mtshar du gyur zhe na/ ma skyes pa'i chos rnams ni zhes bya ba la sogs pa gsungs te/ phung po la sogs pa'i chos rnams ni ma skyes pa ste/ dngos po med pa'i ngo bo nyid yin la de dag gi ngo bo nyid ni khyad par can te de lta bu'i ye shes 'byung bar rab tu bshad pa 'di ni ngo mtshar to/ /sku dang gsung dang thugs kyi ngo bo la lhag par mos pas sngags zlos pa ni rdo rje'i bzlas pa'o//de nyid ni ye shes chen po'o/ /sku gsum ni sku dang gsung dang thugs rdo rje ste de dag ni mi phyed pa'o/ /dkyil 'khor ni snying po'o/ /mi phyed pa'i sku gsum gyi mtshan nyid thob pa dang / sangs rgyas ye shes zhes bya ba la sogs pas ni bzlas pa'i 'bras bu gsungs pa'o/ / sku dang gsung dang thugs 'phro ba'i sbyor ba ni rdo rje bzlas pa'i sbyor ba ste rdo rje bzlas pa'i sbyor ba des sgrub pa po la sangs rgyas kun gyis byin gyis rlob pa'i ye shes rgya mtsho'i rigs dang mtshan nyid dang sku dang gsung dang thugs la yod pa'i mtshan nyid gsan pa de bshad du gsol zhes pa'o/ /'das pa dang ma byon pa dang da ltar byung ba'i sangs rgyas dang byang chub sems dpa' thams cad ni rdo rje bzlas pa 'di nyid las byung ba dang 'byung bar 'gyur ba yin pas bshad du gsol ba'o//sngags kyi don kun bzlas pa ni/ /zhes bya ba ni sngags thams cad kyi don la lhag par mos pas bzlas pa ni sngags kyi don kun bzlas pa'o//de yang / /rdo rje mi phyed gsum gyis mtshan/ /bkod pa rdo rje gsum gyis bya/ /zhes bya bar sbyar te sku dang gsung dang thugs ma skyes pa'i sbyor bar gcig par byas pas na/ rdo rje mi phyed gsum gyis mtshan/ /zhes bya'o/ /don de nyid ni rdo rje dbye ba gsum gyi mthar bkod pa zhes bya ba gsungs te/lus la lus med par bsgom pa la sogs pas rang gi lus la sogs pa la sku rdo rje la sogs pa dgod par bya'o zhes bya ba'i don to/ /yang de nyid kyi don gsal bar bstan par bya ba'i phyir sku gsung thugs kyi zhes bya ba la sogs pa gsungs te bdag nyid kyi lus dang ngag dang yid sku la sogs pa'i ngo bor nges par byas nas rnam pa gsum du spro bar bya ste/sbyor ba 'dis rnal 'byor pa sku dang gsung dang thugs rdo rje dang mnyam par gyur te/ 'di ni thugs rdo rje'i sbyor ba'o/ /sku rdo rje'i ni/ /sangs rgyas rnams kyi sku gsung thugs//zhes bya ba la sogs pa gsungs te bsgoms nas zhes bya ba ni rang gi rgyud la'o/ /mchod pa'i mchog brtag pa zhes bya ba ni gzugs la sogs pa'i mchod pa sems nyid kyis brtag par bya'o/ /gsung rdo rje ni sangs rgyas rnams kyi zhes bya ba la sogs pa gsungs pa ste/ye shes rdo rje'i zhes bya ba ni gsung rdo rje'i don bsgoms pas so/ /de ltar so so'i bstan nas/ da ni re re'i sbyor ba la yang sku dang gsung dang thugs spro ba ni yang na zhes bya ba la sogs pa gsungs so/ /ye shes sems kyis zhes bya ba ni bsgom pa'i sems so/ /ci 'di 'ba' zhig gis sam zhe na//gdod nas rdo rje spro ba ni/ /zhes bya ba gsungs te/ rang gi sngags brjod nas spros pas nam mkha' 'di dag thams cad khyab pa'o/ /de nyid kyi phyir/ /rdzogs nas rab tu bsdu bar bya/ /zhes bya ba gsungs so/ /da ni sku la sogs pa'i bsgom pa gsungs pa ni//sku yi rdo rje rdzogs byang chub/ /dngos dang dngos med rnams dpyad pa/ /zhes bya ba ste/ lus la lus med par bsgom pa ni sku rdo rje'i mngon par rdzogs par byang chub pa'o/ /sgra rnams brag ca dang 'dra bar bsgom pa ni sgra la sgra med par rnam par dpyad pa'o/ /gnas pa'i rdo rje rnam dpyad pa//zhes bya ba la gnas pa'i rdo rje ni de bzhin du ro gcig pa'i ye shes bsgom pa'o/ /don rtogs pa'i bzlas pa ni rin po che'i rigs kyi sngags nam mkha' dang mnyam par bsgom pa ni don rtogs pa ste de nyid kyi phyir/ ngo bo nyid med bzang po yin/ /dus gsum dag la rnam brtag pa//zhes bya ba gsungs te/ de bzhin gshegs pa thams cad dngos po med par bsgom pa 'di ni rin po che'i rigs kyi bzlas pa'i mtshan nyid do/ /sangs rgyas zhing rnams thams cad du/ /zhes bya ba ni don yod grub pa'i rigs kyi bzlas pa'o/ /hUM dang bcas pa dang phaT dang bcas pa'i sgra thos par khro bo'i bzlas pa bya'o//'dod pa'i don gyis zhes bya ba ni byang chub chen po thob pa'i don gyis so/ /myos gyur pa zhes bya ba ni de la 'bebs par 'gyur ba'o/ /kun du skyob cing phan par dga'/ /zhes bya ba ni sems can rnams sangs rgyas kyi bde bas tshim par 'dod pa'i rnal 'byor pa'o//sems can rgya mtsho gnas pa ni/ /zhes bya ba ni sems can gyi rigs thams cad de bzhin gshegs pa rigs su nges par byas pa la dga' ba bskyed de bzlas brjod bya ba'o/ /pad+ma'i rigs kyi ngo bor 'jig rten gyi khams thams cad rnam par bsams la snying rje chen po'i chags pas bzlas par bya'o//bcos ma'i khro bo bskyed pa ni thabs dang snying rje'i zhe sdang ste de las byung ba ni skyed pa ste/ des sems can thams cad zhe sdang gi rigs su rnam par bsams te bzlas pa bya'o/ /dam tshig yang dag rdo rje gsum/ /dbu ma zhes pa ni gang yang khro bo la sogs pa'i ngo bor ma gyur pa'i byang chub sems dpa' de dag gi sku dang gsung dang thugs kyi ngo bor lhag par mos pa'o//'dod chags yang dag ces bya ba ni sbyor ba bsgom pa'i chags pa ni 'dod chags so/ /de'i yang dag pa nyid ni 'dod chags yang dag pa ste/ don dam par dngos po med pa'i ngo bo nyid do//rdo rje bdag po zhes bya ba ni rigs lnga'i bdag po'o/ /'dod chags byang chub rdzogs par mdzad/ /ces bya ba ni mig yor tsam du sbyor ba'i bsgom pas byang chub par gdul bya'i rgyud la sgrub par mdzad pa'o/ /rigs pa chen po spyan la sogs/ /rtag tu 'dod pa'i don brtson pa/ / zhes bya ba la 'dod pa ni byang chub tu sbyor ba'i bsgom pa ste spyan la sogs pas ni de'i don du sbyor ba'i bsgom pa'i ngo bor don dam par de la brtson zhing rtag 'grus su byed pa'o/ /'dod pa'i longs spyod ces bya ba ni thabs dang shes rab kyi ngo bor sbyor ba bsgom pa'o/ /khro bo'i zlos pa po rnams kyis yid kyis gdug pa thams cad 'dul bar byas la bzlas par bya'o//rnam par snang mdzad kyi zlos pa pos ni rang gi snying gar 'khor lo rnam par bsams te 'khor lo'i lte bar rang gi sngags gnas par bya ste 'khor lo'i don bsgom par bya'o/ /zhe sdang gi rigs zlos pa rnams kyis ni rang gi snying ga'i rdo rje la sngags rnam par dgod do//rin po che'i rigs zlos pas na rin po che la'o/ /pad+ma'i rigs zlos pas ni pad+ma la'o/ /don yod grub pa'i rigs zlos pas ni rang gi snying ga'i ral gri la sngags rnams rnam par bkod la bsgom par bya'o/ /dkyil 'khor kun gyi ngos rnams su/ / zhes bya ba ni shar la sogs pa'i phyogs kyi dbus su'o/ /'od zer lnga yi bye brag gis/ /zhes bya ba ni mdog nag po dang dkar po dang ser po dang dmar po dang ljang gu'i 'od zer lnga ste/ de bzhin gshegs pa re re la yang 'od zer lnga dang ldan pa rang gi ba spu'i bu ga rnams nas sbrul te/ sangs rgyas kyi skus nam mkha' khyab par bsam par bya'o//sngags rnams thams cad spro ba ni/ /bye brag rnam pa gnyis su bsgrags/ /zhes bya ba ni yang dag par sbyor ba'i tshul gyis so/ /sku gsum rdo rje bye brag gis/ /spro ba dang ni bsdu ba bya/ /zhes bya ba la sogs pa ni lus la lus med pa la sogs pa bsgoms pas so//don de nyid kyi phyir/ lus kyi sku yi ngo bo nyid/ /ces bya ba la sogs pa gsungs so/ /dkyil 'khor chen po'i 'khor lo yis/ /rdo rje lnga rnams bsgom par bya/ /zhes bya ba ni bsam gtan gyi dkyil 'khor rnam par bsams la mi bskyod pa la sogs pa gnas lnga rnams su rang gi lha'i sku bsam par bya'o//de nyid kyi phyir/ /dbus su bdag po bsams nas ni/ /sku gsung rdo rje rang gi gzugs/ /rang sngags rdo rje'i gzugs dag gis/ /dkyil 'khor rnam pa bzhi dag tu/ /zhes bya ba gsungs so/ /kha dog rnam bzhir kun brtags la//zhes bya ba ni rnam par snang mdzad la sogs pa'i sku mdog ste/ dkar po dang ser po dang dmar po dang nag por rang gi lha'i skur bsam par bya'o/ /de nas ni snying gar rang gi sngags kyi don bsgom par bya'o/ /de lta bu des cir 'gyur zhe na/ rdo rje rnam pa bzhi yis las/ bsam gtan rdo rje can dag byed//ces bya ba gsungs so/ /'di skad ston te zhi ba'i las byed par 'dod na rang gi lha'i sku mdog dkar por bsam par bya'o/ /rgyas pa la ni ser por ro/ /dbang la ni dmar por ro/ /gdug pa la ni nag por ro/ /yang na zhi ba la ni spyan no/ /rgyas pa la ni 'phags pa spyan ras gzigs dbang phyug gis so//dbang la ni rnam par snang mdzad kyis so/ /gdug pa'i las la ni khro bos bsgrub par bya ste/ gdug pa'i las ni slob dpon la smod pa dang / sems can thams cad mang po dang dkon mchog gsum la gnod pa byed pa la bya ste/ 'jig rten gyi khams kyi rdul phra rab dang mnyam pa'i snyed kyi sems can rnams sangs rgyas kyi skur bsgoms la/slob dpon smod pa la sogs pas bsad par rnam par bsams la/ gdug pa rnams gsod pa 'di ni sangs rgyas mang pos gsod pa yin no zhes khro bo bskyed pa la khro bo'i dkyil 'khor gyi dbus su rdo rje 'chang chen po rdo rje rtse lnga pa las byung ba zhal bzhi pa phyag drug pa rdo rje chen po bsnams pa/khros par bdag nyid rnam par bsams la/ 'jig rten gyi khams thams cad kyi rdul phra rab dang mnyam pa'i 'das pa dang ma 'ongs pa dang da ltar byung ba'i de bzhin gshegs pa'i dkyil 'khor rnams lag pa g.yas na gnas pa'i rdo rje 'bar ba'i nang du chud par bsams la/rdo rje'i 'od zer gyi snang bas sems can gyi khams thams cad de bzhin gshegs pa'i rigs kyi dkyil 'khor gyi ngo bor byas la rang gi lus la bcug nas spro bar bya'o/ /de nas rang gi lus las byung ba'i 'jig rten gyi khams kyi rdul phra rab dang mnyam pa'i de bzhin gshegs pa de rnams gdug pa rnams gsod pa'i phyir khros pa mtshon cha sna tshogs phyag na bsnams par bsams la sbyor ba 'dis gdug pa'i las bya'o//sangs rgyas sku gsung mchog stsol ba/ / zhes bya ba ni sku dang gsung dang thugs kyi dngos grub stsol ba'o/ /sku dang gsung dang thugs kyi rdo rje ni rdo rje gsum gyi gnas te de nyid kyi dkyil 'khor gang yin pa ste de la de skad ces bya'o/ /dngos grub ni gdug pa gsod pa'i dngos grub ster bar 'gyur ro/ /sangs rgyas sku gsung mchog stsol ba//zhes bya ba ni tha mal par sbyar te gang bsad par mngon par 'dod pa de 'chi bar 'di ni gdon mi za zhes bya bar sbyar te/ bsad pa nyid ni rmongs pa'i bdag nyid tsam du 'dod do/ /nyi ma bdun du 'di byas na/ /zhes bya ba ni gdug pa'i las ci tsam du bya ba'o/ /sangs rgyas kyang ni zhes bya ba ni sbyor ba 'di shin du yang bzlog par dka' ba nyid du gsungs pa'o//grub mi 'gyur zhes bya ba gang 'di gdug pa rnams la drag pos 'dul bar mi byed na rnal 'byor pa dam tshig nyams pas 'grub par mi 'gyur ba'i don to/ /nam mkha'i dbyings kyi dbus su ni/ /zhes bya ba la sogs pa la 'khor lo las byung ba ni snga ma bzhin te/rnam par snang mdzad du bdag nyid bskyed la/ nam mkha'i dbyings su rnam par snang mdzad kyi dkyil 'khor gyi dbus su 'dug ste g.yas pa'i 'khor lo nam mkha' dang mnyam par rnam par bsams la/ 'khor lo de'i steng du rdo rje 'bar bas brgyan par bsam mo//dus gsum dam tshig las byung ba/ /rdo rje sems dpa' zhes bya ba ni 'das pa dang ma 'ongs pa dang da ltar byung ba rnams te/ 'jig rten gyi khams thams cad kyi rdul phra rab dang mnyam pa thams cad khro bo'i dkyil 'khor du bsams la/sems can gyi khams thams cad kyang 'od kyis snang bar byas nas khro bo'i rigs kyi ngo bor byas te/ /slar bsdus nas rang gi lus la gzhug la yang khro bo spro bar byas la nam mkha'i khams bkang ste/ 'di skad du/ /sangs rgyas thams cad bdag la gson/ /zhes bya ba la sogs pa brjod do//de nas de ltar brjod nas dgra gsad par bya'o/ /gal te dam tshig las 'das na/ /zhes bya ba ni rnal 'byor pa gang nus bzhin du gdug pa rnams la chad pa'i las mi byed na'o/ /zhig par 'gyur ba ni 'chi ba ste/ gang gi phyir khros pa ma yin yang sems can rnams kyi don gyi phyir/khro bo chen po'i gzugs rab tu ston pa ni dam tshig go/ /sangs rgyas dkyil 'khor rdo rje can/ /nam mkha'i dkyil 'khor dbus su bsam/ /zhes bya ba la sogs pa la nam mkha'i khams rdo rje'i rnam par bsams zhing bsgom par bya'o/ /sangs rgyas kyi dkyil 'khor du rdo rje can bsgom pa ni//sangs rgyas dkyil 'khor rdo rje can te 'phags pa gshin rje'i gshed do/ /'dir sangs rgyas kyi dkyil 'khor ni 'phags pa gshin rje'i gshed kyi dkyil 'khor yin no/ /de nyid bstan pa'i phyir/ gshin rje'i gshed kyi 'khor lo che//rang gi rdo rje yin par brtag /ces bya ba gsungs te 'khor lo'i dkyil 'khor ro/ /rang gi rdo rje yin zhes bya ba ni de nyid kyi rang gi dkyil 'khor ro/ /'di ni 'di skad ston par 'gyur te/ 'phags pa gshin rje'i gshed kyi sbyor ba byas la rdo rje nam mkhar bcom ldan 'das kyi dkyil 'khor rnam par bsams la gnas lngar gshin rje'i gshed kyi sbyor bas 'dug par bya'o//de nas 'di gdug pa thams cad gsod par 'dod par gyur na sems can de la sems can thams cad dang / de bzhin gshegs pa thams cad gsod par rnam par bsams te/'di ni sems can mang po dang de bzhin gshegs pa rnams gsod pa'o zhes de la gsad pa'i phyir khro bo chen por bskyed la rang gi lag na yod pa'i be con gyi 'od zer gyi snang bas sems can gyi khams ma lus pa dang de bzhin gshegs pa rnams gshin rje'i gshed lta bur bskyed la rang gi lus la bcug nas yang spro bar bya ste/nam mkha' khyab par byas la de dang lhan cig dgra gsad par bya'o/ /de nyid kyi phyir/ dus gsum sangs rgyas sems can rnams/ /zhes bya ba la sogs pa gsungs so/ /sku gsung thugs kyi rdo rje yis/ / rang sngags don gyi yon tan nam/ /zhes bya ba ni lha'i khyad par thams cad sku dang gsung dang thugs khros pas/ rang gi dkyil 'khor la zhugs pas 'phags pa gshin rje'i gshed kyi skabs su bshad pa'i sbyor bas gdug pa rnams tshar gcad par bya'o/ /rang gi sngags kyi yon tan ni khro bo'i sngags gang gdug pa nyid de gdug pa'i las ston pa des bya'o//'dis ni lha thams cad kyi spyi'i las bstan pa yin no/ /yang na gtsug tor dam tshig gis/ /zhes bya ba ni gtsug tor chen po dang 'khor los sgyur ba dang brgyad de/ yang na de dag gis bya'o zhes pa'o/ / sngags kun bsrung ba'i phyir zhes bya ba gsungs te/ gang 'dir rnal 'byor dang ldan pa'i sngags pa de dag bsrung ba'i phyir zhes bya ba'i don to/ /gang gi phyir sangs rgyas la sogs pa bsrung ba'i phyir gang gis kyang mi phyed de/ de dag ni mi phyed pa yin pa'i phyir ro/ /nam mkha' rdo rje dbus dag tu//zhes bya ba ni go cha'o/ /chos kyi snang mdzad sku mchog las/ /zhes bya ba ni rnam par snang mdzad nyid go char bsgom pa'o/ /'byung ba'i sku gsum dam tshig dag /ces bya ba ni sku gsung thugs rdo rje'i ngo bo'o/ /bsams nas gdan du rab tu brtag /chos kyi tshul te da bzhin gshegs pa thams cad kyi gdan du rab tu brtag par bya'o//rang sngags yi ge gnas ye shes/ /thugs kyi rnam par bsgom par bya/ /zhes bya ba ni bsgrub pa bya ba'i sngags sangs rgyas thams cad kyi ngo bor rnam par bsams la/ de zla ba rdo rje'i gzugs su rnam par bsgom par bya'o//sangs rgyas rnams ni sems tsam du/ /bsgoms nas slar yang bsdu bar bya/ /zhes bya ba ni sangs rgyas te zla ba rdo rje'i gzugs su bsgom par bya'o/ /thugs kyi rdo rje yin pa'i phyir/ /zhes bya ba ni bdag nyid kyi sems 'di ni thugs rdo rje'o zhes nges pa bskyed la/sku gsum gyi cho ga de la gzung bar bya ba'o/ /'dis ni 'di skad ston par 'gyur te/ rnam par snang mdzad kyis sbyor ba byas la rdo rje nam mkha' de'i dkyil 'khor gyi dbus su rdo rje'i cho ga de bzhin gshegs pa thams cad kyi sku dang gsung dang thugs rdo rje'i phra rab las bsgrubs par bdag nyid bsam par bya'o//de nas rang gi sngags kyis 'jig rten gyi khams thams cad kyi rdul phra rab dang mnyam pa'i sems can sangs rgyas kyi sku'i ngo bor rnam par bsams la/ rdo rje zla ba'i rab tu sbyor bas bsgoms la de nas zla ba'i gzugs de dag yin no zhes sems kyi ngo bo nyid nges par byas la go cha la gzhug par bya'o//oM hUM zhes bzlas pa ni sngags thams cad kyi srung bar 'gyur ro/ /rdo rje phra mo'i ting nge 'dzin brtan par byas nas bdag nyid rnam pa thams cad kyi mchog dang ldan pa'i rdo rje sems dpar yi ge hUM las bsgoms la lce rkan la sbyar te yi ge hUM las sangs rgyas kyi sku sna'i rtse mor rnam par bsams la/rdo rje phra mo'i spro ba'i sbyor bas chu'i rdul phra rab sangs rgyas kyi sku'i ngo bo dang mnyam par de gsal bar byas nas chu'i steng du bcag par bya'o//rkang pa mnyam gzhag sbyor ba yis/ /zhes bya ba la bdag nyid kyi lus phra rab de bzhin gshegs pa'i ngo bor bsgom par bya'o/ /dbang chen dkyil 'khor bsgoms nas ni/ /zhes bya ba ni yi ge lo las zur bzhi pa kha dog ser po thams cad du rdo rjes kun du g.yogs pa yi ge laM sa bon las grwa rnams su rtse gsum pa'o//de'i dbus su AHlas rdo rje rgya gram bskyed la yi ge AH'i sa bon can bsgoms nas de'i dbus su khro bo'i dkyil 'khor gzhag ste/ bsgrub par bya ba'i steng du bsams na thams cad gnon par 'gyur ro/ / khro bo thams cad kyang mdog ser por bsams te de'i phyir/ /rdo rje gsum mchog khro bo'i tshul/ /zhes bya ba la sogs pa gsungs so/ /rigs lnga po gzhan thams cad kyi dkyil 'khor la yang dbang chen gyi dkyil 'khor gyi sbyor bas khro bo lta bur bsgoms nas thams cad gnon par 'gyur ro//khro bo'i dkyil 'khor dbus gnas par/ /zhes bya ba la yi ge hUM las rdo rje phur bu'i gzugs dgra'i snying gar bsam par bya'o/ /grong dang grong khyer la sogs par gdug pa thams cad phur bus btab pa yang yi ge hUM las phur bur bya'o/ /de nyid kyi phyir/ /grong ngam yang na grong khyer ram//ljongs dag tu ni rab tu sbyar/ /zhes bya ba la sogs pa gsungs so/ /mi bskyod pa'i sbyor bas rang gi dkyil 'khor gyi dbus su 'dug ste/ sems can thams cad nad kyis gdungs pa la bltas nas snying rjes non pas rdo rje rtse lnga pa bar snang gi phyogs su gnas par bsgom mo//gdul bya de'i steng du ni yi ge hUM 'od zer 'bar bas kun du khyab par bsgoms te/ rdo rje'i 'od zer bskal pa sreg pa lta bus nad pa de'i nad rnams thal bar byas nas 'od zer bsdu bar bsam par bya ste/ des na slar yang bsdu bar bya/ /zhes bya ba la sogs pa yin no//de nas rdo rje de las rin po che yid bzhin gyi nor bu 'od kyi ngo bo nyid kyi chos kyi sprin sprul te/ chos kyi sprin des nad pa yongs su dgang zhing yi ge hUM bzlas na de'i dbang bskur bar 'gyur ro/ /yang na rdo rje de las sangs rgyas sam rdo rje sems dpa'i sprin sprul la des gnas de 'am nad pa yongs su dgang ba'o//de ltar byas pas cir 'gyur zhe na/ bskal pa gsum gyi yun gnas shing / /sangs rgyas thams cad byin gyis rlob/ /ces bya ba gsungs te/ lo'am lo brgya'am lo stong du de'i zhi ba byas par 'gyur ba lta ci smos kyi bskal pa gsum snyed du zhes pa ni yid rton pa'i phyir bstan to//bsam gtan las byung dam bcas pas/ /zhes bya ba ni smras ma thag pa'i bsam gtan gyi sbyor ba las byung ba'i zhi ba'i cho gas nyin re zhing sems can thams cad zhi bar bsgom par dam bcas nas gnas gang na spyod pa dang gnas gang srung bar byed pa'i rnal 'byor pa de'i gnas de ni de bzhin gshegs pa thams cad kyis byin gyis brlabs par 'gyur ro//rdo rje bdud rtsi rgyal po che/ /rdo rje phur bu rab tu bsgom/ /zhes bya ba ni 'phags pa bdud rtsi 'khyil pa'i dkyil 'khor gyi dbus su de'i sbyor bas 'dug la de'i sngags kyis khro bo bdud rtsi 'khyil pa rdo rje phur bur bsams te/des phyogs bcu thams cad kyi gdug pa rnams la phur bus gdab bo/ /zhi ba'i dkyil 'khor dam pa ni/ /nam mkha'i dbyings kyi dbus su bsam/ /zhes bya ba ni rnam par snang mdzad kyi dkyil 'khor ni dkar po ste/ dkyil 'khor der rnam par snang mdzad kyi sbyor bas dbus su 'dug la/phyogs bzhir yang rnam par snang mdzad kyi sku bzhag ste rang gi snying gar 'dod par bya ba bsams la rang gi ba spu'i bu ga rnams las 'od zer gyi tshul du spyan gyi sku'i sprul pa des nam mkha' ma lus par bkang nas slar bsdus te snying ga'i nad pa'i lus ma lus pa dgang ngo //de nas rnal 'byor pas rang gi lus las sangs rgyas rnams kyi sprin sprul la nad pa la slar bsdus nas yang slar bdud rtsi'i chu dang ldan pa'i bum pa phyag na bsnams pa des dbang bskur te/ oM ru ru s+phur ru dz+wA la tiSh+Tha sid+d+ha lo tsa ni/ sarbA r+tha sA d+ha ni che ge mo shAn+tiM ku ru swA hA zhes brjod par bya'o//zla ba'i dkyil 'khor dbus su ni/ /zhes bya ba la sogs pa la nam mkha' la zla ba'i dkyil 'khor de'i steng du 'od dpag tu med pa sku mdog ser po rnam par bsams la snying gar bsgrub par bya ba bsam mo/ /de nas rang gi ba spu'i bu ga nas gos dkar mo'i gzugs sku mdog ser por sprul la nam mkha' ma lus par bkang ste/yid bzhin gyi nor bu phyag na bsnams pas bsgrub par bya ba de ma lus par gang bar bsam mo/ /de nas rang gi ba spu rnams las rin po che'i sprin spros la pad+ma'i rigs kyi sprin yid bzhin gyi nor bu'i 'od dang ldan par bsgoms la/des dbang bskur bar bya ste/ rgyas pa la ni gos dkar mo'i ngo bo'i chu'i rdul phra rab kyis gang ba'i bum pa dang gos dkar mo'i sngags dag dang 'dir sbyar bar bya'o/ /nam mkha'i dbyings kyi dbus su ni/ / rdo rje zla gam dkyil 'khor bsam/ /zhes bya ba la sogs pa la rin chen 'byung ldan gyi sbyor ba byas la nam mkha'i dkyil 'khor rdo rje'i rang bzhin zla gam gyi dbyibs su 'dug pa mdog sngon po ste/ de'i steng du rin chen 'byung ldan gyi dkyil 'khor gyi dbus su 'dug la phyogs bzhir rin chen 'byung ldan gyi sku'i gzugs bzhin rnam par bsams nas rang gi snying ga la mngon par 'dod pa'i bsgrub par bya ba bsam par bya'o//de nas rang gi ba spu'i bu ga rnams las 'od zer 'phro bar byas la 'od zer gyi sgo rnams las 'jig rten gyi khams thams cad kyi rdul phra rab dang mnyam pa'i sangs rgyas dang byang chub sems dpa' rnams sprul nas nam mkha'i khams ma lus par gang ba dang kha dog sngon po dang /ser po dang dmar po dang ljang gu dang dkar pos bsgrub par bya ba de yongs su dgang ngo / /las rnams byed par de gyur te/ / zhes bya ba ni lha thams cad kyi rnam par thar ba'i sgo rnams ni gnas te de dag gis las gang dag gsungs pa de dag thams cad 'grub par byed do zhes pa'i don to/ /'jig rten gyi khams thams cad kyi rdul phra rab dang mnyam pa'i de bzhin gshegs pa rnams nam mkha'i rdo rje gtso bo'i ngo bo bdud rtsi'i chus yongs su gang ba'i bum pa phyag na bsnams te/de la dbang bskur bar mdzad par yang bsams te 'dir yi ge ni oM sbyar bar bya'o/ /de ltar zhi ba dang rgyas pa dang dbang du bya ba'i las rnams bstan nas khro bo thams cad kyi gdug pa'i las bstan pa'i phyir/ nam mkha' rdo rje srin po ni/ /zhes bya ba la sogs pa smos te khro bo gang yang rung ba'i sbyor ba byas la de'i dkyil 'khor nam mkha' la rnam par bsams nas dkyil 'khor de'i dbus su 'dug ste/ de nas dgra bo ji skad du bshad pa'i me'i dkyil 'khor du bzhag nas srin po la sogs pa rnams kyis bsad par bsams la/khro bo'i sngags bzla bar bya ba ni/ me yi dkyil 'khor la gnas te/ /dgra bo rnams ni rtag par bsgom/ /zhes bya ba ste gdug pa gsod pa'i srin po rnams so/ /sangs rgyas kun la gnod byed pa/ /bsams nas rnal 'byor brtsam par bya//zhes bya ba ni sangs rgyas thams cad la gnod pa byed pa yin no zhes rnam par bsams la/ de'i 'og tu gdug pa rnams la gdug pa'i sbyor ba bsgom par bya'o/ /rnam par snang mdzad zhal gsum pa/ /zhes bya ba la sogs pa ni zhal dang sku mdog gi nges pa gsungs pa'o//dkar po nag po rab tu dmar/ /zhes bya ba ni rnam par snang mdzad kyi sku thams cad dang zhal dang po ni dkar po'o/ /g.yas pa ni nag po'o/ /g.yon pa ni dmar po'o/ /rdo rje dag ni zhes bya ba ni mi bskyod pa'o/ /nag po dkar po dmar po'i zhal/ /zhes bya ba ni 'di'i sku thams cad dang zhal dang po ni nag po'o//g.yas pa ni dkar po'o/ /g.yon pa ni dmar po'o/ /'dod chags can ni snang ba mtha' yas te sku thams cad dang zhal dang po ni dmar po'o/ /zhal g.yas pa ni nag po'o/ /g.yon pa'i mdog dkar po'o/ /'khor lo zhes bya ba la sogs pa la rnam par snang mdzad kyi phyag g.yas pa na 'khor lo'o//mi bskyod pa ni rdo rje rtse lnga pa'o/ /'od dpag tu med pa ni phyag g.yas pa na rdo rje pad+ma bsam par bya'o/ /phyag gi nges pa gsungs pa/ /rdo rje phyag drug mtshon cha ni/ /bzang po sna tshogs rnam par bsgom/ /zhes bya ste rgyud 'dir de dag thams cad phyag drug pa zhal gsum pa gang du khyad par gyi dgag pa med pa der ni rnam par snang mdzad kyi phyag gnyis ni byang chub mchog gi phyag rgya 'dzin pa'o//yang phyag g.yas pa gnyis na 'khor lo dang rdo rje bsnams pa/ g.yon pa gnyis na lcags kyu dang zhags pa bsnams pa'o//mi bskyod pa'i phyag g.yas pas gnon dang 'khor lo dang rdo rje'i phyag rgya bsnams pa'o/ /g.yon na lcags kyu dang zhags pa dang lhung bzed 'dzin pa'i tshul gyi phyag rgya 'chang ba'o/ /rin chen 'byung ldan gyi phyag g.yas rnams ni mchog sbyin gyi phyag rgya dang 'khor lo dang rin po che bsnams pa'o//g.yon rnams ni lcags kyu dang zhags pa dang lhung bzed 'dzin pa'i tshul gyi phyag rgya 'chang ba'o/ /'od dpag tu med pa'i phyag gnyis ni bsam gtan mchog gi phyag rgya 'chang ba la/ phyag g.yas gnyis na pad+ma dang 'khor lo bsnams pa'o//g.yon pa dag la lcags kyu dang zhags pa bsnams pa'o/ /don yod grub pa'i phyag g.yas rnams na ral gri dang 'khor lo dang mi 'jigs pa sbyin pa'i phyag rgya 'chang ba'o/ /g.yon pa rnams ni lcags kyu dang zhags pa dang lhung bzed 'dzin pa'i tshul gyi phyag rgya 'chang ba'o//rdo rje 'chang chen po'i phyag g.yas pa nyid kyi thugs kar 'dzin pa'i tshul gyis rdo rje rtse dgu pa bsnams pa/ yang phyag g.yas pa gnyis na 'khor lo dang ral gri bsnams pa/ phyag g.yon pa dkur brten pas rdo rje dril bu bsnams pa/ g.yon pa gnyis na lcags kyu dang zhags pa bsnams pa'o//spyan gyi zhal mdog dang mtshon cha ni rnam par snang mdzad bzhin du shes par bya'o/ /mA ma kI ni mi bskyod pa bzhin no/ /gos dkar mo ni snang ba mtha' yas bzhin no/ /sgrol ma'i phyag rgya dang mtshon cha ni don yod par grub pa dang 'di 'dra ba las 'di'i ral gri'i gnas su ut+pal sngon po'o//zhal gyi mdog ni rin chen 'byung ldan lta bu'o/ /nam mkha'i spyan ni rin chen 'byung ldan bzhin no/ /rdo rje gzugs ni phyag g.yas rnams na rdo rje dang 'khor lo dang me long 'dzin pa/ g.yon rnams na lcags kyu dang zhags pa 'dzin pa/ gcig gis gdan la brten te bzhugs pa'o/ /rdo rje skra'i phyag gnyis kyis pi wang brdung ba la brtson pa/ g.yas gnyis na rin po che dang 'khor lo 'dzin pa/ g.yon pa gnyis na lcags kyu dang zhags pa 'dzin pa'o/ /rdo rje dri'i phyag g.yon pa na dri'i dung 'dzin pa/ g.yas pas dri 'thor bar byed pa/yang phyag g.yas pa gnyis na pad+ma dang 'khor lo 'dzin pa/ g.yon pa gnyis na lcags kyu dang thod pa 'dzin pa/ rdo rje ro'i phyag g.yas na 'khor lo dang ral gri dang ro'i snod 'dzin pa/ g.yon pa rnams las gcig gis gdan la brten te bzhugs pa/ phyag g.yon pa gnyis na lcags kyu dang zhags pa 'dzin pa'o/ /rdo rje reg gi phyag g.yas pa na rdo rje'i gos dang rdo rje dang 'khor lo 'dzin pa/ g.yon pa gcig gdan la brten te bzhugs pa/ yang gnyis na lcags kyu dang zhags pa 'dzin pa'o/ /de dag zhal dang mdog ni rnam par snang mdzad dang rin chen 'byung ldan dang snang ba mtha' yas dang mi bskyod pa bzhin du bsam par bya'o//chos kyi dbyings ni rnam par snang mdzad bzhin du shes par bya'o/ /'phags pa gshin rje gshed dang / gzhan gyis mi thub pa dang / rta mgrin dang / bdud rtsi 'khyil pa ste/ khro bo de rnams ni sngar bstan zin to/ /khro bo Tak+ki ni sku thams cad zhal dang po ni nag po'o/ /zhal g.yas pa ni dkar po'o/ /g.yon pa ni dmar po'o/ /zhal gsum pa ni 'jigs par byed/ /ces bya ba ni rnam par thar pa'i sgo stong pa nyid dang mtshan ma med pa nyid dang smon pa med pa rnams ni byis pa rnams 'jigs par byed pas 'jigs pa gsum ster zhes bya'o//phyag bzhi zhes pa la gnyis ni hUM ka ra'i phyag rgya'o/ /phyag gnyis na me tog gi mtshon cha bstod nas 'dzin pa'o/ /stobs po che'i zhal gsum ni khro bo Tak+ki'i bzhin no/ /phyag g.yas pa na ni dbyig pa 'dzin pa/g.yon gyis sdigs mdzub bsgreng ba'o/ /g.yas gnyis na rdo rje dang 'khor lo 'dzin pa/ g.yon gnyis na rtse gsum dang zhags pa 'dzin pa'o/ /dbyug sngon dang stobs po che'i sku mdog ni sngon po'o/ /'di'i phyag dang mtshon cha'i rnam par dbye ba yang de dang 'dra'o//'phags pa mi g.yo ba'i sku thams cad dang zhal dang po ni mdog ljang gu/ zhal g.yas pa ni kha dog dkar po'o/ /g.yon pa ni nag po'o/ /phyag g.yas rnams na ral gri dang 'khor lo dang rdo rje 'dzin pa g.yon rnams la zhags pa dang lcags kyu dang mdzub mo dang ldan pa'o//gtsug gtor chen po ni sku mdog gser lta bu'o/ /zhal gsum gyi mdog dang rnam par dbye ba ni rin chen 'byung ldan dang 'dra'o/ /phyag g.yas rnams na 'khor lo dang rdo rje dang rin po che bsnams pa/ g.yon rnams na pad+ma dang ral gri dang lcags kyu bsnams pa'o//gnod mdzes ni g.yon brgyang ba'i gnas pas bzhugs pa ste/ zhal dang mdog ni Tak+ki dang 'dra'o/ /khams gsum rnam par rgyal ba phyag gnyis phyag rgya 'ching ba/ lhag ma phyag g.yas gnyis na rdo rje dang 'khor lo 'dzin pa/ phyag g.yon gnyis na lcags kyu dang zhags pa 'dzin pa'o//de ltar rnam par snang mdzad la sogs pa de dag ni zhal gsum pa phyag drug pa mtshon cha sna tshogs par 'gyur ro/ /de lta bu dang gzhan dag ni rgyud gzhan gyi nang nas shes par bya'o/ /nam mkha'i dbyings kyi dbus su ni/ /gsal ba'i dkyil 'khor dam pa bsam//zhes bya ba ni zla ba'i dkyil 'khor te de'i steng du rdo rje sems dpa' las byung ba'i rnam par snang mdzad du bdag bsam par bya'o/ /de nyid kyi phyir/ /sangs rgyas gzugs ni rab bsgoms na/ /rnam par snang mdzad rnam par bsams/ /zhes gsungs te/ sangs rgyas rdo rje 'dzin du bshad//ces gsungs pas na yid gnyis su mi bya'o/ /rdo rje dkyil 'khor zhes bya ba ni rdo rje 'chang chen po'i dkyil 'khor ro/ /sangs rgyas gzugs ni rab bsgoms la/ /zhes bya ba ni de kho na nyid bsdus pa las rab tu grags pa'i rdo rje sems dpa' rab tu bsgom pa'o//rdo rje sems dpa' rnam par bsams/ /zhes bya ba ni 'di las gsungs pa'i zhal gsum pa phyag drug pa la sogs pa'i sku dang ldan pa'i rdo rje 'chang chen po'o/ /khros pa gsal ba lus dang ldan/ /zhes bya ba ni gsal ba'i lus ni bcom ldan 'das rnam par snang mdzad de zla ba'i mdog can no//de dang 'dra ba ni rdo rje 'chang chen po ste zla ba'i mdog lta bur bsgom pa'o/ /chos kyi dkyil 'khor zhes bya ba ni 'od dpag tu med pa'i dkyil 'khor ro/ /sangs rgyas gzugs ni zhes bya ba ni rdo rje sems dpa'o/ /chos kyi sems dpa' zhes bya ba ni 'phags pa spyan ras gzigs dbang phyug go//gsal ba'i lus 'dzin zhes bya ba ni shel gyi mdog go/ /sangs rgyas gzugs ni zhes bya ba ni snga ma bzhin no/ /de bzhin du lha mo gsum yang rdo rje sems dpa' las byung bar yang bsgom mo/ /khro bo rnams bsgom pa ni gsal bas yang ma smras so/ / rdo rje dam tshig bkod pa'i de kho na nyid kyi don bsgom pa zhes bya ba ni rigs lnga'i de bzhin gshegs pa rnams kyi ye shes ni rdo rje ste/ de'i dam tshig ni sku dang gsung dang thugs rdo rje la sogs pa'o/ /rdo rje la sogs pa de dag gi dbyibs kyi dbye ba rnam pa sna tshogs pa ni bkod pa'o/ /de'i de kho na nyid kyi don bsgom pa ni sku la sogs pa'i dngos po med pa'i ngo bo nyid la lhag par mos pa'o//des byang chub pa ni rang gi lha'i ngo bo nyid rtogs pa'o/ /de ston pa'i sgra'i tshogs ni le'u zhes bya'o/ /rdo rje dam tshig bkod pa de kho na nyid kyi don bsgom pa byang chub pa ste le'u bcu gsum pa'i bshad pa'o// //rims la sogs pa dngos grub kyi bar chad rnams bsal bar bya ba'i phyir/ sngar bstan pa'i lha rnams kyi zhi ba la sogs pa'i gsang sngags kyi dpal gyi tshogs rnams gsungs pa ni/ de nas zhes pa la sogs pa yin te/ zhi ba'i dam tshig mchog ces bya ba ni rims dang gdon la sogs pa zhi bar byed pas na zhi ba yin zhing 'da' bar bya ba ma yin pas na/bcom ldan 'das yum spyan ni zhi ba'i dam tshig yin la/ de la dmigs pa'i ting nge 'dzin ni zhi ba'i dam tshig ces bya ste zhi ba'i dam tshig mchog ces bya ba'i ting nge 'dzin la snyoms par zhugs pa'o//'byor pa kun la dgyes pa rnams/ /zhes bya ba ni sems can thams cad 'byor pa kun thob par dgyes pa ste/ sangs rgyas bcom ldan 'das so/ /sangs rgyas rdo rje rjes dran pa/ /zhes bya ba ni rnam par snang mdzad kyi sku dang gsung dang thugs rdo rje can gyi gzugs su bsams nas de sems can gyi khams rnams bde bar byas pa gzigs pas mnyes shing dga' ba skyes par gyur pa'o//sku gsum gyi dam tshig rdo rje'i khro bo zhes bya ba la sogs pa la sku gsum gyi dam tshig kyang yin la rdo rje'i khro bo yang yin pas na sku gsum gyi dam tshig rdo rje khro bo ste rdo rje 'chang chen po dang 'phags pa 'jam dpal gshin rje gshed la sogs pa'o//de nyid rdo rje ste/ de'i dngos po ni khro bo'i gzugs kyis 'gro ba'i don byed pa'o/ /de ni don dam par dngos po'i ngo bo nyid yin pas na dngos po med pa ste/de dngos po dang dngos po med pa de dag gi rdo rje'i dam tshig ni byang chub sems kyi sems kyi ngo bo bcom ldan 'das yum mA ma kI yin la/ de la dmigs pa'i ting nge 'dzin ni dngos po dang dngos po med pa'i dam tshig rdo rje zhes bya'o/ /rdo rje 'dzin thams cad ces bya ba ni rdo rje'i rigs thams cad kyi'o//btsun mo'i mchog ces bya ba ni gso bar bya ste bdag med par sbyor ba la bsgoms pas so/ /sku gsum dbyer med rdo rje can/ /zhes pa ni rdo rje'i rigs kyi dkyil 'khor can no/ rdo rje'i mtshan ma rjes dran nas/ /zhes bya ba la rdo rje ni stong pa nyid kyi ye shes so/ /de nyid mtshan ma ste/rdo rje'i rigs zlos pa rnams kyi mi phyed pa de'i rgyu mthun pas gdug pa rnams 'dul ba'i mtshan nyid kyis 'gro ba'i don mdzad pa ste/ de lta bu'i rdo rje'i mtshan ma rjes su dran pas dga' ste spyan gdangs par gyur pa'o/ /'dod chags chen po zhes bya ba la sogs pa la/ 'dod chags chen po ni pad+ma'i rigs so/ /de'i dam tshig ni rgyur gyur pa ste/ bcom ldan 'das yum gos dkar mo'o/ /de la gzigs pa zhes bya ba ni mngon sum du bsgom pa ste/ gang la de lta bu'i ming dang ldan pa'i ting nge 'dzin la snyoms par zhugs pa'o/ /rdo rje chos ni rjes dran zhing //zhes bya ba ni chos thams cad rang bzhin gyis rnam par dag pa'o zhes bya ba ni rdo rje chos te/ /rtag tu sangs rgyas stobs mdzad pa/ /zhes bya ba dang sbyar ro/ /chos thams cad rang bzhin gyis rnam par shes pa ni chos mthong pa'o/ /kun nas 'byung na zhes bya ba la sogs pa la don yod par grub pa'i rigs kyi ngo bo'i sku'i sprin gyis nam mkha' khyab par byed pa gang la 'byung ba de ni kun du 'byung ba rdo rje zhes bya ba'i ting nge 'dzin te/dam tshig gi rigs bskyed pa'i yum la dmigs zhes bya ba'i don to/ /dri ma med pa'i 'od zer gyi sprin rdo rje zhes bya ba ni gang las dri ma med pa'i 'od zer 'byung ba de ni dri ma med pa'i 'od zer te gshin rje gshed do//de la dmigs pa'i ting nge 'dzin ni dri ma med pa'i sprin rdo rje zhes bya'o/ /'jigs shing shin tu skrag gyur nas/ /zhes bya ba la 'di ni byis pa so so'i skye bo rnams kun du skrag par byed pa yin no zhes rang gi sngags yang dag par ston par mdzad pa ste/phyis 'gyur ba'i tshul la brten nas de bzhin gshegs pa'i rnal 'byor pa la de bzhin gshegs pa zhes bya bas so so'i skye bo nyid yin par 'dod de de rnams kyi kun du skrag pa 'byung ba'i phyir ro/ /khro bo'i sngags de 'bum bzlas pa byas na ji skad bshad pa'i thod pa la bsgrub par bya ba'i ming dang bcas pa bris la rkang pa g.yon pas mnan nas ming nas smos pa'i sbyor bas sngags bzla bar bya zhing rang gi dkyil 'khor la gnas te bsgrub par bya ba rdo rje'i rlung gi dkyil 'khor la bskyon te/zhags pa'am lcags kyus drangs par gyur par bsams pa ni dgug pa thams cad la sbyar ro//dam tshig 'od zer sdug po'i mchog /ces bya ba la sogs pa la dam tshig gi 'od zer rnams kyis sdug pas na dam tshig 'od zer sdug po ste/ bcom ldan 'das 'phags pa bdud rtsi 'khyil pa'o/ /de nyid dam par gyur pas na mchog ste de la dmigs pa'i ting nge 'dzin gang yin pa de ni de skad ces bya'o//rdo rje skrod pa'i las rnams la/ /zhes bya ba ni sngags kyi cho ga bzhin du bzlas pa 'bum byas pa'am 'gog pa'i rdo rje'i bzlas pas mtshan ma thob par byas nas/ mi rus las byas phur bu ni/ / sor brgyad pa yi tshad dag la/ /brgya rtsa brgyad du bzlas byas te/ /dgra yi sgo khar sbas na ni/ /sangs rgyas sku mchog rab sbyin pa/ /shes dang mi shes rnam spangs pa'i/ /zla ba phyed ni tshun chad kyis/ /bskams sam yang na 'chi bar 'gyur/ /zhes pa'am/ /ta la'i lo ma'am gzhan la'ang rung //khro bo'i sngags ni kun bris la/ /dgra yi khyim mam sgo dag tu/ /sbas na 'chi'am bskams par 'gyur/ /zhes bya ba la sogs pa bya bar blta bar bya'o/ /sangs rgyas kyi 'od zer rdo rje zhes bya ba la sogs pa gang la sangs rgyas nyid ni 'od zer du yod pa ste/khro bo gzhan gyis mi thub pa de ni sangs rgyas kyi 'od zer te/ de la dmigs pa'i ting nge 'dzin ni sangs rgyas kyi 'od zer zhes bya'o/ /dpag tu med pa'i rdo rje 'byung ba zhes bya ba la sogs pa la dpag tu med pa ni mtha' med pa ste bcom ldan 'das rta mgrin no/ /de bskyed pa'i phyir rdo rje ltar mi phyed pa'i ting nge 'dzin gang yin pa de ni dpag tu med pa'i rdo rje 'byung ba zhes bya ba ste de la snyoms par zhugs pa'o//'byung ba'i dpal rdo rje zhes bya ba ni bcom ldan 'das khro bo dbyig sngon 'byung ba'i dpal te/ de la dmigs pa'i ting nge 'dzin ni 'byung ba dpal rdo rje zhes bya ba'i ting nge 'dzin to//las rnams cho ga bzhin du byed/ /ces bya ba la de la cho ga ni 'di yin te/ phyogs bcu'i sems can thams cad kyi/ /lus dang ngag sems bsad par ni/ khyad par dag tu bsgom par bya/ /dgra rnams la ni gdon mi za/ /khrag dang chu yis gsher ba'am/ /dri chus gsher bar byas pa'i gos//bgos nas ling+ga rkang pas mnan/ /khro bo rgyal por sbyar bar bya/ /brgya ni rtsa brgyad yongs rdzogs na/ /sangs rgyas dag kyang nges par 'jig /ces bya ba la sogs pa'o/ /kun du sprin gyi dpal zhes bya ba la bcom ldan 'das 'phags pa stobs po che ste/rang gi khro bo la sogs pas yongs su bskor ba ni kun tu sprin te de la dmigs pa'i ting nge 'dzin ni kun tu sprin gyi dpal zhes bya'o/ /kun du sgrogs pa rdo rje zhes bya ba ni phyogs bcu'i kun du gdug pa rnams gsod par sgrogs pa gang yin pa ste khro bo Tak+ki ni kun du sgrogs pa yin no//de la dmigs pa'i ting nge 'dzin ni kun du sgrogs pa rdo rje ting nge 'dzin zhes bya'o/ /ye shes la dmigs pa'i rdo rje zhes bya ba ni bcom ldan 'das 'phags pa mi g.yo ba ni ye shes la dmigs pa ste/ de la dmigs pa'i ting nge 'dzin ni ye shes la dmigs pa ste rdo rje zhes bya'o//mi g.yo ba'i rdo rje'i dkyil 'khor gyi dam tshig ces bya ba ni 'phags pa mi g.yo ba 'byung ba'i rgyur gyur pa'i gdul bya rnams so/ /dam tshig rnam par bsgyings pa rdo rje zhes bya ba ni bcom ldan 'das rig pa'i rgyal po gnod mdzes kyi dam tshig ste/de'i rnam par bsgyings pas lha ma yin gyi bu mo thams cad 'gugs pa'i phyir spro ba ste/ 'di'i bar du sbyor ba gsungs pa ni/ /rdo rje sems dpa'i zhabs kyis mnan/ /zhes bya ba la sogs pa ste/ bsam gtan gyi dkyil 'khor du gtso bo'i gnas lngar gnod mdzes kyi sbyor bas rig pa'i rgyal po gnod mdzes kyi gzugs bzhag la 'di ltar rdo rje sems dpa'i zhabs kyis mnan na de bzhin gshegs pa thams cad kyi gzhal yas khang du 'gyur ro//de nas 'jig rten gyi khams thams cad kyi rdul phra rab dang mnyam pa'i de bzhin gshegs pa rnams gnod mdzes kyi sbyor bas zhugs te/gnod mdzes kyi sbyor bas phyag na rdo rje dang zhags pa bsnams pas bu mo 'gugs pa la shin du brtson par bsams la/ 'dod pa'i bu mo gang yang rung ba zhags pas bzung ste rlung gi dkyil 'khor la bskyon nas ming nas smos shing sngags bzlas de dgug par bya'o//dam tshig chen po'i de kho na nyid 'byung ba rdo rje zhes bya ba la dam tshig chen po'i de kho na nyid ni byang chub kyi sems te/ de 'byung ba ni 'gugs pa'i las bskyed pa ste byang chub kyi sems bsgoms pas sems brtan par gyur pas khams gsum pa 'di dag ni sems tsam mo zhes shes par byas nas 'gugs pa'i las 'grub par 'gyur ro//dam tshig chen po rdo rje gsum gyi gsang ba zhes bya ba la/ dam tshig chen po ni bshad zin to/ /de las byung ba ni sku dang gsung dang thugs kyi gsang ba ni rdo rje gsum gyi gsang ba zhes bya'o//de yang gang zhe na gsung gi dam tshig gi de kho na nyid ces bya ba ste gsung gi dam tshig ni sngags so/ /de'i de kho na nyid gang yin pa de nyid ni gnas te 'gugs pa la rab tu sbyor ba zhes bya ba'i don to/ /sangs rgyas rdo rje sku gsung la/ /rdo rje sems dpa' rnam par bsgom/ zhes bya ba ni sku dang gsung dang thugs sangs rgyas rdo rje ste/ de'i sku dang gsung dang thugs rdo rje nyid sangs rgyas rdo rje sku gsum mo/ /rdo rje sems dpa' bsgom pa zhes bya ba ni de gnod mdzes bsgom pa ste/ de dag dgug pa'i phyir gnod mdzes kyi sbyor ba bsgom mo zhes pa'i don to//ci'i phyir yang gnod mdzes kyi sbyor bas sangs rgyas thams cad dgug ce na/ zhags pa rdo rje kyo ba 'dzin/ /zhes bya ba gsungs te/ gnod mdzes kyi sbyor bas zhags pa'am lcags kyus sangs rgyas thams cad dgug pa ste/ dkyil 'khor 'dri ba'i tshe yang sngar bsnyen pa dang sgrub pa'i dus su yang 'di ni spyi'i cho ga bshad pa yin te/de'i phyir sngags kyi sems dpas bya ba ni/ rdo rje gsang ba ngo mtshar che/ /khro bo'i rgyal po bkug nas ni/ /sangs rgyas byang chub rab tu mchod/ /ces gsungs pas so/ /da ni rdo rje 'chang chen po la sogs pa rang gi sbyor bas dgug pa bstan pa'i phyir sangs rgyas zhes bya ba la sogs pa gsungs te/sangs rgyas sku gsum sbyor ba'am/ /zhes bya ba ni rdo rje 'chang chen po'i rnal 'byor gyis so/ /'khor lo chen po'i sbyor ba yis/ /zhes bya ba ni 'khor lo chen po can pas 'khor lo chen po ste/ rdo rje 'chang chen po'i dkyil 'khor ro/ /de'i sbyor ba ni de'i dkyil 'khor gyi sbyor ba ste sbyor ba des rdo rje 'chang chen po'i dgug par bya'o/ /'khor lo pad+mo rdo rje che/ /zhes bya ba ni rnam par snang mdzad kyi sbyor bas lag tu 'khor lo'i kyo ba rnam par bsams la/ de'i dkyil 'khor gyi dbus su 'dug ste rnam par snang mdzad dgug par bya'o//de bzhin du rin chen 'byung ldan dang snang ba mtha' yas dang don yod grub pa'i dkyil 'khor gyi dbus su 'dug la rin po che dang pad+ma dang ral gri'i kyo bas rin chen 'byung ldan la sogs pa dgug par bya ste de bzhin du gzhan dag la yang shes par bya'o//de nyid kyi phyir/ /rdo rje kyo ba'i khyad par gyis/ /sngags rnams thams cad dgug par bya/ /zhes gsungs so/ /mi'i bu mo dgug par gsungs pa ni/ thams cad rdo rje'i dngos zhi ba/ /zhes bya ba ste sku dang gsung dang thugs rdo rje'i rang bzhin du'o/ / rang sngags skyes bu bsgoms nas ni/ zhes bya ba ni rang gi sngags kyis rang gi lha'i sku bdag nyid rnam par bsgom pa'o/ /snying gar rdo rje kyo ba sbyar/ /zhes bya ba ni de'i snying ga'i pad+ma rdo rje lcags kyus phug nas de yang rdo rje rlung gi dkyil 'khor la bskyon par bsams te dgug par bya'o/ / zla ba'i dkyil 'khor dag la ni/ /zhes bya ba la sogs pa la 'phags pa bdud rtsi 'khyil pa'i sbyor ba byas la de'i dkyil 'khor gyi dbus su rnal 'byor pa 'dug ste/ bcom ldan 'das rnam par snang mdzad zla ba'i dkyil 'khor gyi dbus su bsams la de nas bde sogs de'i steng du gnas par bsams la dgug par bya'o//de'i phyir/ /rdo rje bdud rtsi sbyor ba yis/ /lan grangs lnga bcur brjod na ni/ /nges par rtag tu 'gugs par 'gyur/ /zhes gsungs so/ /rdo rje kyo ba gzugs po che/ /zhes bya ba la sogs pa la rdo rje lcags kyu rnon po 'od zer 'bar ba'i dkyil 'khor nam mkha' la rnam par bsams la/de nyid du rdo rje rlung gi dkyil 'khor lta bu bsam mo/ /de'i steng du nam mkha'i rdo rje rnam par bsams la 'phags pa bdud rtsi thab sbyor gyi sbyor bas dgug par bya'o/ /'phags pa rdo rje sa 'og gi sngags kyis bdag nyid 'phags pa khro bo rdo rje sa 'og zhal gsum pa mi bskyod pa'i gtsug gi nor bu can zhags pa dang dgra ste dang rtse gsum pa dang kyo ba bsnams pa bskyed nas de'i dkyil 'khor gyi gnas lngar gnas la nam mkha' la yang de'i gzugs 'dzin pa'i sangs rgyas kyis ma lus par bkang nas 'gog pa'i rdo rje bzlas pas grub pa'am mtshan ma thob pas lha ma yin gyi bu mo'i ming nas smos te sngags bzlas la/snying ga rdo rje lcags kyus phug nas rdo rje rlung gi dkyil 'khor la bskyon te dgug par bya'o/ /btsag gam zhes bya ba la sogs pa la de bzhin du mtshan ma thob pa'i rnal 'byor pas rdo rje sa 'og dang gnod mdzes dang 'phags pa bdud rtsi 'khyil pa dang /'phags pa 'jam dpal gshin rje gshed la sogs pa khro bo'i dkyil 'khor gyi dbus su de'i sbyor bas 'dug la de nyid kyi sngags kyis btsag gam rdo rgyus zla ba gzas zin pa'i tshe khar bcug la ji srid du zla ba btang gi bar du bzlas par bya'o//de nas srung ba bya ste btsag gam rdo rgyus kyis tshangs pa la sogs pa'i ming bris la bskul bar bya ba de rdo rje rlung gi dkyil 'khor la bskyon te snying ga'i pad+ma rdo rje lcags kyus phug ste zhugs par gyur par bsam zhing rkang pa g.yon brkyang ba'i thabs kyis bsgrub par bya ba mnan la ming smos pa'i sbyor bas sngags bzlas na nges par 'gugs par byed do//bud med dgug na rkang pa g.yas pas mnan par bya'o/ /rnam pa mchog ni kun ldan pa'o/ /rdo rje 'jam dpal zhes bya ba la sogs pa la rang gi dkyil 'khor gyi dbus su yi ge mi las 'phags pa 'jam dpal dbyangs su bdag nyid rnam par bsams nas phyogs bzhir yang 'jam pa'i dbyangs kyi sku bzhag la 'phags pa 'jam dpal gshin rje gshed kyi sngags rang gi snying gar bsam mo//de nas 'phags pa gshin rje gshed rang gi sngags kyis rang gi lus la rdo rje'i lcags kyu dbyung ba ni bskal pa sreg pa lta bu bskyed la 'phags pa 'jam dpal khro bo gshin rje gshed kyi sngags kyis yi ge k+ShiM dang spel bas gnod sbyin mo dgug par bya'o//de bzhin du/ kun gyi phyag rgya khyad par dang / /zhes bya ba la sogs pa la rang gi sbyor bas rang gi dkyil 'khor gyi dbus su 'dug la phyogs bzhir rang gi lha'i sku bzhag nas 'jig rten gyi khams thams cad kyi rdul phra rab dang mnyam pa rnams rang gi lha'i dkyil 'khor gyi lha'i de bzhin gshegs pa thams cad kyis nam mkha' ma lus par gang la rdo rje la sogs pa rang gi mtshan mas mtshan pa'i lcags kyu des sangs rgyas thams cad la sogs pa dgug par bya'o//gzhan du byas na 'jig par 'gyur/ /zhes bya ba ni gal te ji skad gsungs pa'i thun mong ngam khyad par gyis dgug pa'i sbyor ba ma byas na de'i tshe mi 'grub cing 'jig pa ste/ gnod sbyin mo la sogs pa'i lha'i khyad par gdug pa rnams kyis rnal 'byor pa de'i srog kyang 'jig par 'gyur ro//rdo rje sems dpa' rgyal po che/ /zhes bya ba ni 'gugs pa'i sbyor ba thams cad rnal 'byor pa rnams kyis gnod mdzes kyis yang dang yang du bskul bar bya'o/ / kun du rnam par 'phrul ba'i ye shes rdo rje zhes bya ba ni 'jig rten gyi khams thams cad kyi rdul phra rab dang mnyam par ral pa gcig gi gzugs kyis nam mkha' la khyab par gyur pa ni kun du rnam par bsgyings pa'o/ /ye shes skyed par byed pa'i ye shes ni kun du rnam par bsgyings pa'i ye shes te de la dmigs pa'i ting nge 'dzin ni kun du rnam par bsgyings pa'i ye shes rdo rje zhes bshad do//nam mkha'i dam tshig 'byung ba'i rdo rje zhes bya ba ni chos nyid dang rang bzhin gyis yang dag pa'i ye shes ni nam mkha' ltar thams cad du song bas nam mkha'o/ /de'i rgyu mthun pa las byung ba'i bcom ldan 'das yum khro gnyer can ni nam mkha'i dam tshig go//de 'byung ba'i phyir rdo rje ltar mi phyed de/ ting nge 'dzin gang de lta bu'i ming dang ldan pa de la snyoms par zhugs pa'o/ /'gog pa'i rdo rje'i bzlas pa ni/ /zhes pa ni khro bo de dag thams cad kyi rigs kyi bdag po dang rang gi rigs kyi sbyor bas bdag nyid kyi snying ga'i zla ba la bzlas par bya ba rnam par dgod pa zlos pa de las sems rtse gcig du gyur par byas nas bzlas shing 'gog pa'i rdo rje'i bzlas pa'o//yongs su rdzogs pa zhes bya ba ni gang gi tshe de lta bu'i bzlas pa byed cing sems rtse gcig par gyur pa de'i tshe 'gog pa'i rdo rje'i bzlas pa rdzogs pa yin te/de'i tshe dgug pa'i rdo rje'i las bya'i gzhan du ni ma yin no/ /yang na khro ba thams cad kyi bzlas pa 'bum byas nas khro bo'i las rnams bya'o/ /las de dag nyid bstan pa'i phyir/ phyogs bcu'i sems can thams cad kyi//lus dang ngag sems bsad par ni/ /zhes bya ba la sogs pa gsungs so/ /der ni sngags kyi tshig bris la/ /zhes bya ba ni gdug pa'i ming dang spel ba'i sbyor bas khro bo'i sngags bri bar bya'o/ /rdo rje'i tshig gis bzlas pa yis/ / zhes bya ba ni che ge mo skrod cig ces bya ba la sogs pa rdo rje'i tshig gis sngags bzlas pa ni rdo rje'i tshig ces bya ste/ rdo rje'i tshig des brgya rtsa brgyad kyi bar du yongs su bzlas nas dgra'i sgo'am/ grong du thod pa sbas na grong la sogs pa skrod par 'gyur ro/ /de bzhin gshegs pa thams cad kyi sku dang gsung dang thugs nges par 'ching ba'i rdo rje zhes bya ba ni 'dir phur bus gdab par 'os pa la de bzhin gshegs pa zhes bya bar 'dod de/de dag gi lus dang ngag dang sems ni de bzhin gshegs pa thams cad kyi sku dang gsung dang thugs te/ de dag nges par 'ching ba ni phur bus gdab pa ste/don de ni rdo rje ltar mi phyed pa'i ting nge 'dzin gang yin pa de la snyoms par zhugs pa'o/ /mi yi rus pa'i phur bu 'am/ /zhes bya ba la sogs pa la rdo rje 'chang chen po la sogs pa'i sbyor ba bya ste sngags 'di 'bum mam bye ba bzlas pa byas nas mi'i rus pa 'am seng ldeng ngam lcags las sor brgyad pa'i tshad la 'og tu rdo rje rtse gcig pa lta bur zur bzhi pa 'di'i ngos bzhir yi ge hUM/ngos bzhi dang rtse mo la gcig par bya'o/ /de nas dur khrod du sna tshogs rdo rje bris la/ dug dang ske tshe dang rnga mo la sogs pa'i rtug pa las bsgrub par bya ba'i gzugs brnyan byas nas dug dang ldan pa'i khrag la sogs pas bsgrub par bya ba'i ming bris la gzugs brnyan gyi khog par bcug ste/gcer bu mgo byang phyogs su bstan la yi ge a'i sa bon las rdo rje rgya gram gyi steng du bzhag la gnod mdzes kyis bsgrub par bya ba'i snying drangs nas gzugs brnyan du bcug la phur bu'i sngags brgya rtsa brgyad bzlas pa'i phur bus gzugs brnyan gyi snying gar phur bu rdo rjes gdab bo//de nas kham phor la rdo rjes yi ge a'i sa bon las rdo rje rgya gram de la bris la des gzugs brnyan de g.yogs nas kham phor sas kyang g.yogs te/'dis ni lha la sogs pa'i sems can gyi rigs rlag par byed do/ /bsam gtan gyi phur bu gdab pa yang gsungs pa ni/ 'od zer 'khrug pa mdangs bzang ba'i/ /zhes bya ba la sogs pa ste/ rdo rje sems dpa' 'am rnam par snang mdzad dam snang ba mtha' yas sam/gshin rje gshed dam/ bdud rtsi 'khyil ba la sogs pa'i sbyor ba byas la/ bsgrub par bya ba'i klad pa nas bzung ste rkang pa'i mthar thug gi bar du rdo rje phur bus btab par rnam par bsgoms na des nges par 'ching bar 'gyur ro//sku'i rnam par sprul pa rdo rje zhes bya ba la sogs pa bcom ldan 'das rnam par snang mdzad la sogs pa'i sku'i spro ba ni sku'i rnam par 'phrul pa ste/ rdo rje phur bu'i gzugs su sku yongs su gyur pa'o/ /de la dmigs pa'i ting nge 'dzin ni sku rdo rje rnam par 'phrul pa ste/de la snyoms par zhugs pa'o/ /sku'i dam tshig tsham dam gyis/ /gnod pa rdo rje phur bu zhes bya ba ni dam tshig kyang yin la/ tsham dam yang yin pas dam tshig tsham ngam ste/ phan tshun dkri ba'i las byed ces bya ba la sogs pa gang bshad pa'o//de nyid rdo rje phur bu de lta bus gdug pa rnams la gdab pa de'i don gyi sngags phyung ba'o/ /tsham ngam gyi phyag rgya gsungs pa ni/ phan tshun dkri ba'i tshul du bya/ /zhes bya ba la sogs pa ste rnam par snang mdzad kyi sbyor bas rdo rje bsdams pa nang du byas nas sor mo thams cad nang du ngos sbyar la mthe bong gnyis rdo rjer bya ste bsgrub par bya ba la phur bu gdab pa'i bsam pas kha thur du bstan nas sa la gzhag go//dam tshig mchog gis ldang bar 'gyur/ /zhes bya ba ni rnam par snang mdzad kyi sku dang gsung dang thugs rdo rje phur bu lta bur yongs su gyur par bsgom pa ni dam tshig go//de nyid mchog ste dam tshig mchog des ldang bar 'gyur ba ni bcom ldan 'das rnam par snang mdzad de rdo rje phur bu'i gzugs su bsgrub par bya ba'i lus las byung bar gyur pa ni ldang ba'o/ /yang na mchi ba'i gnas su 'gyur/ / zhes bya ba ni gal te de'i sku ma bsgoms par phyag rgya 'ba' zhig tsam gyi sbyor ba ni de'i mngon par 'dod pa'i dngos grub tu mi 'gyur ro/ /'jig rten dbang phyug gsung rnam par 'phrul pa zhes bya ba la sogs pa la 'od dpag med kyi sbyor bas 'od dpag med kyi sku dang gsung dang thugs phur bu lta bur spro ba ni 'jig rten dbang phyug gi gsung rnam par 'phrul pa ste/de la dmigs pa'i ting nge 'dzin ni 'jig rten dbang phyug gsung rnam par 'phrul pa rdo rje zhes bya'o/ /gsung gi dam tshig gnon pa zhes bya ba la gsung gi dam tshig gnon pa ni snang ba mtha' yas kyi tshul gyis zhes pa'i don to phur bu des gdug pa rnams la btab pa de'i don du sngags phyung ba'o//dam tshig gnon pa'i phyag rgya gsungs pa ni/ ye shes pad+ma kha bye ba/ /zhes bya ba la sogs pa rdo rje'i thal mo bcings la/ 'dab ma brgyad par pad+ma'i rigs kyi dam tshig bzhin bya'o//rdo rje 'dzin chen po'i thugs rnam par 'phrul pa zhes bya ba la sogs pa yang snga ma bzhin du blta bar bya'o/ /gnon pa'i phyag rgya gsungs pa ni rtse mo lnga par zhes bya ba la sogs pa ste/ mi bskyod pa'i sbyor ba 'am rdo rje 'dzin chen po'i sbyor ba byas la thal mo sbyor ba bcings nas srin lag gnyis thal mo'i nang du bcug la mthe bong dang mthe chung gnyis sbyar te steng du dbyung ngo //gung mo gnyis sbyar te de'i rgyab kyi ngos gnyis la mdzub mo gnyis bkug ste rdo rje lta bur gzhag pa'o/ /sku dang gsung dang thugs rmad du byung ba'i zhes bya ba la sogs pa de bzhin gshegs pa thams cad kyi sku dang gsung dang thugs nyid rmad du byung ba ste/sngags de ni 'gugs pa'i sbyor ba dang ldan pa'i gdul bya rnams kyi rgyud la mngon sum du phyogs par bsgom pa la sbyor ba'o/ /de'i rnam par 'phrul pa ni spro ba ste/ de nyid kyis na rgyal bar gyur cing mdzes pa'o zhes bya ba'i don te/ sku dang gsung dang thugs rmad du byung ba'i sngags kyis 'gugs par rnam par bsgyings pa'i rgyal po zhes bya ba'i ting nge 'dzin la dmigs pas ni de skad ces bya ste/ de ston pa'i sgra'i tshogs la ni le'u zhes bya'o/ / sku dang gsung dang thugs rmad du byung ba'i sngags kyis 'gugs par rnam par 'phrul pa'i rgyal po'i ting nge 'dzin te le'u bcu bzhi pa'i bshad pa'o// //de bzhin gshegs pa thams cad kyi sku dang gsung dang thugs rmi lam lta bur bsgoms pas thams cad 'grub pa'i phyir de nas zhes bya ba la sogs pa sems kyi dam tshig thams cad kyi snying po rdo rje 'byung ba'i le'u bco lnga pa gsungs so//thams cad nam mkha' zhes bya ba ni dngos grub thams cad 'byung ba ni nam mkha' dang 'dra bas na nam mkha'o/ /yi ge che zhes bya ba ni yi ge yang de nyid yin la chen po yang yin pas na yi ge chen po ste chos kyi dbyings thog ma dang tha ma med pa'i ngo bo nyid do//tshig gnyis po de dag gis ni bcom ldan 'das zhe sdang dang gti mug gi rigs kyi ngo bor bstan to/ /thams cad dbang bskur zhes bya ba ni yid bzhin gyi nor bu'i rigs kyi ngo bo'o//kun mkhyen pa zhes bya ba ni 'dod chags dang dam tshig gi rigs kyi ngo bo'o/ /sme sha can zhes bya ba la sogs pa la rdo rje phra mo la sogs pa bsgoms pas sems brtan par byas la sngar bshad pa'i tshul gyis mngon par shes pa lnga bsgrubs te nges par bzung ba'i sngags pas ji skad gsungs pa'i bu mo rnyed na dgon par rig pa'i brtul zhugs yang dag par spyad par bya'o//nges par bzung bas kyang rang gi phyag rgya'i rig pa'i lha mo'i rnam par bsams la zla ba drug gi bar du de dang yang dag pa'i sbyor ba bsgom pa'i rig pa'i brtul zhugs spyad par bya'o/ /de nas dkyil 'khor bris nas bsgrub par bya ste/de yang / rang gi phyag rgya'am sems kyis ni/ /zhes bshad pa'i phyir ro/ /bshang gci dam tshig la sogs pas/ /zhes bya ba la sogs pa ni de la mngon par zhen pa rnams kyis rdzas de dag nyid rab tu 'bar bar bya'o zhes bshad pa dang nges par gzung ba dang tsan+dan bzang sogs kyis zhes bya ba la sogs pas bstan to//rdo rje dkyil 'khor bsgom pa yis/ /zhes bya ba ni rang gi lha'i dkyil 'khor rnam par bsams la ji lta ba bzhin du dbus su 'dug ste/ phyogs bzhir de bzhin gshegs pa bzhi dgod do zhes bya ba'i don te/ de nas ji skad bshad pa bzhin du bsgrub par bya'o//cho ga sbyor ba de lta bu byas nas las rnams brtsam par bya zhes sngar bshad pa'i rigs lnga dgod par byas nas de nas de dang sbyor ba byas la de las byung ba'i bdud rtsi lnga rab tu 'bar ba bza' ba la sogs pas mchod la/ de nas pang par bzhag nas rnam par bsgom par bya'o//de ni de ma thag tu yang / rdo rje sems dpa'i 'od 'drar 'gyur/ /zhes bya ba 'dis ni 'bras bu bstan te/ 'bras bu phul du byung ba thob pa'i dam tshig 'dis ni mngon par shes pa thob nas/ sbyor ba'ang bya'i gzhan du ni ma yin no zhes bstan te gzhan du byas na mnar med par 'gro bar 'gyur ro zhes gsungs pa'o//gang sgrub pa po ma yin pa des ni nyin re sbyor ba byed kyang nyes pa med do/ /dge ba'i rtsa ba thams cad 'jig pa la zhugs pa rnams la yul yongs su mi spong ba'i thabs 'dis gsum la skyabs su 'gro ba dang byang chub tu sems bskyed pa tsam gyis kyang yul bstan pa'i dus su yang lha rjes su dran pas byang chub chen po'i sa bon bskyed par 'gyur ro zhes pa ste de bzhin du gzhan du yang shes par bya'o//dam tshig chen po'i rdo rje khro bo'i zhes bya ba la sogs pa la dam tshig chen po'i rdo rje khro bo ni bcom ldan 'das 'jam dpal gshin rje gshed de/de la dmigs pa'i ting nge 'dzin ni dam tshig chen po'i rdo rje khro bo zhes bya'o/ /tshul bzhin zhes bya ba ni dgug pa dang sbyin sreg gi cho gas so/ /rmongs pas zhes bya ba ni rnam par mi rtog pa'i ye shes can te/ gal te ma 'ongs pa na de yang 'chi bar 'gyur na lha la sogs pa'i sems can rnams lta smos kyang ci dgos zhes nus pa'i khyad par bstan pas yid rton pa'i phyir gsungs so//sngags 'di ji skad du bshad pa'i sol ba blangs la rang gi sbyor bas rang gi dkyil 'khor gyi dbus su 'dug ste/ nam mkha' ma lus pa khro bos bkang la oM hrIHSh+t-IHbi kr-i tA na na sarba sha truM nA sha ya staM b+ha ya hUM hUM phaT phaT swA hA/mA ra ya lha sbyin phaT ces yang dag par bskul la/ ji skad bshad pa'i sol ba blangs pa la lan brgya rtsa brgyad kyi bar du mngon par bsngags nas bsgrub par bya ba'i gzugs brnyan dug la sogs pa las byas nas de'i ming gi yi ge khong du bcug la de'i snying ga'i pad+ma gnod mdzes kyis drangs la bcug ste/sol ba de 'phags pa 'jam dpal gshin rje gshed kyi sku dang gsung dang thugs kyi ngo bor bsams te/ des gzugs brnyan de'i grib ma la ri mo bya'o/ /des kyang 'phags pa 'jam dpal gshin rje gshed kyis bsgrub par bya ba'i mgo bcad par bsams na 'chi bar 'gyur bar gdon mi za'o//tho ba sa la bya zhes bya ba la sogs pa la ni go sla'o/ /yi ge hUM las 'di ltar rdo rje rtse lnga pa 'bar ba rnam par bsams la/ gnod mdzes la sogs pa'i sbyor bas rang gi steng du ltung bar byas pa de 'chi bar 'gyur ro//rdo rgyus dang sol ba la sogs pa ni sbyor ba snga ma dag dang 'dra'o/ /las kyi rdo rje zhes bya ba la sogs pa la yi ge hUM nyid las rdo rje rtse mo bcu gnyis pa 'od zer 'bar ba 'khrigs pa'i sna tshogs rdo rjes nam mkha'i khams su spro zhing nam mkha' la bsams te de'i steng du yi ge hUM nyid las rdo rje rtse lnga pa 'bar ba'i yi ge hUM gi sa bon de la bsam par bya'o//mche ba'i phyag rgya bcings nas su/ /zhes bya ba ni rdo rje thal mo bcings la mdzub mo gnyis lcags kyu lta bus mche ba gnyis su byas la mthe bong gnyis so sor brkyang la khar gzhag pa 'di ni mche ba'i phyag rgya'o//gdug pa'i dgra ni dran par bya/ /zhes bya ba ni bdud rtsi 'khyil pa'o/ /'chi bar 'gyur ba'ang gdon mi za/ /zhes bya ba ni bgegs gang 'di la 'bros par mi 'gyur ba de nges par 'chi bar 'gyur ro/ /gdug pa thams cad gsod pa'i sngags thams cad kyi mthar phaT ces brjod par bstan pa'i phyir phaT ces pa gsungs so//ye shes sems dpa'i sbyor ba yis/ /zhes bya ba ni yi ge hUM las dpal rdo rje sems dpa' phyag drug pa sgeg pa'i tshul 'chang ba la/ dpal mchog dang po'i rgyud las lha mo bzhi dang ldan pa'i sbyor bas spyan la sogs pa dang lhan cig tu pad+ma gcig la bzhugs pa la rnam par snang mdzad la sogs pa'i de bzhin gshegs pa rnams kyis kyang dkyil 'khor gyi tshul du bskor ba'i bcom ldan 'das su bdag nyid bsgoms la/sngags kyi rgyud la legs par bslabs pa'i bu mo gang yang rung ba zhig yod na/ de spyan la sogs pa'i sbyor bas de rang gi gnas su gzhag par bya'o/ /'od zer lnga'i sgra ni kha dog sngon po dang dkar po dang ser po dang dmar po dang ljang gu'i 'od zer ro/ /rdo rje sems dpa'i sku ni rang gi lus so/ /de'i thugs ni rang gi sems so/ /de'i ljags ni rang gi lcer bsgom pa 'di ni rang gi lus dang ngag dang sems la bcom ldan 'das 'bab par 'gyur ro//sbyor ba 'di sngon du byas par gyur pas gang gi tshe mtshan ma thob par gyur pa'i sngags pas ji skad bshad pa'i bud med blangs la bsgrub par bya'o/ /gsang ba blangs nas bza' bar bya//zhes bya ba la sogs pa la de bzhin du mtshan ma thob pa'i rnal 'byor pas dpal rdo rje sems dpa'i dkyil 'khor bris la rang gi sbyor bas de'i dbus su 'dug ste bza' ba ma yin pa la sogs pa dpal rdo rje sems dpa'i sku dang gsung dang thugs kyi ngo bor rnam par bsams la yi ge hUM gis mngon par bsngags te rab tu 'bar ba zos na ji skad gsungs pa bzhin du 'grub par 'gyur ro//kham phor sbyar mar gzhag par bya/ /zhes bya ba ni thams cad du yang blta bar bya'o/ /de ltar yang dpal rdo rje sems dpa'i sgrub pa'i thabs bstan nas thams cad kyi spyi bstan pa'i phyir/rdo rje can ni gang yang rung / /zhes bya ba la sogs pa gsungs te/ yi ge hUM de nyid las rang gi 'dod pa'i lha'i sbyor ba byas nas ji skad gsungs pa'i lha'i dngos grub rnams bsgrub par bya'o zhes pa ste/ 'dis ni lha thams cad ni yi ge hUM 'di yin no zhes ston par 'gyur ro//thugs rngam ste zhes bya ba ni gdul bya rnams dang rjes su mthun pa'i yi ge hUM gi thogs pa med pa'i mthu brtan pas thugs rngam mo/ /sangs rgyas rdo rje can rnams kun/ /rdo rje sbyor bas mnyes par 'gyur/ /zhes bya ba ni sangs rgyas dang rdo rje 'chang rnams smras ma thag pa'i tshul ltar bsgoms pas mnyes par 'gyur ro//ci'i phyir yi ge hUM bsgoms par gyur na sangs rgyas rdo rje 'chang rnams mnyes par 'gyur zhe na/ sangs rgyas byang chub rab dbye bas/ /zhes bya ba gsungs te/ gang gi tshe yi ge hUM rang gi lha'i sbyor ba bya ste yi ge hUM brjod cing rang gi lta bsgom na/skal ba dang ldan pa rnams sangs rgyas kyi byang chub rab tu dbye ba thob par 'gyur ro/ /spyan la sogs pa'i sbyor ba bsgom pa la ni gtsug tor gyis 'grub bo/ /khro bo'i cod pan la ni rang gi rigs kyi de bzhin gshegs pa bsgoms na 'grub par 'gyur ro//de'i phyir/ /khro bo'i nang na de mchog ste/ /sangs rgyas rdo rje rab bsgom pa'o/ /zhes bya ba gsungs so/ /rig pa'i rgyal po thams cad dang gtsug tor mtha' yas pa'i cod pan la rin chen 'byung ldan bsgom par bya'o/ /rig pa'i rgyal mo'i sbyor ba la/ /tshe dpag med ni rnam par bsgom//zhes bya ba ni 'od dpag med kyi sbyor ba bsgom par bya'o/ /thams cad las byed sngags rnams la/ /gdon mi za ba'i bka' bsgom mo/ /zhes bya ba ni ji ltar sngar cod pan la/ dpal ldan rdo rje 'chang chen gyi/ /bka' yi 'khor lo rab tu sbyar/ / zhes bya ba la sogs pa rab tu rnam par bsgoms te las thams cad bya'o/ /sngags rnams thams cad nyid la ni/ /rdo rje sems dpa'i rnam par bsgom/ /zhes bya ba ni rnam par snang mdzad la sogs pa'i cod pan la ni rdo rje sems dpa' rnam par bsgom pa'o/ /gnod sbyin mo'i sngags rgyud la//gshin rje gshed ni brtag par bya/ /zhes bya ba ni yi ge maM las 'phags pa 'jam dpal gshin rje gshed kyi sbyor ba byas la rang gi dkyil 'khor gyi dbus su 'dug ste/ rnal 'byor pa bdag nyid kyi spyi gtsug la 'jam dpal gshin rje gshed de'i sngags kyis rnam par bsgom par bya'o//sngags rnams thams cad nyid la ni/ /spyi bo nas ni bskul ba shis/ /zhes bya ba ni rnam par snang mdzad la sogs pa'i yang rang gi dngos grub mi stsol na de la 'phags pa 'jam dpal gshin rje gshed kyis bskul ba'i phyir spyi bor bsam par bya'o/ /gnad la dbab pa gsungs pa ni rdo rje chos ni zhes bya ba la sogs pa ste/rdo rje chos ni gzugs po che/ /bsgrub par bya zhes sbyar te 'gog pa'i rdo rje bzlas pa'am/ rdo rje phra mo la sogs pa'i bsgom pa grub nas yi ge hUM las dpal rdo rje sems dpa' sku mdog dmar mo pad+ma rA ga lta bu'i 'od can du bdag nyid rnam par bsams te/yi ge oM las rang gi lus sku rdo rje'i rigs/ AHlas rang gi lce gsung rdo rje'i rigs/ hUM las zhe sdang gi rigs te/ rang gi snying ga la rdo rje rtse lnga pa rab tu brtag go/ /de bzhin du yi ge AHlas rdo rje chos/ yi ge ha las sku rdo rje sku mdog dmar po pad+ma dmar po'i 'od dang mnyam pa bdag nyid rnam par bsams la gnas gsum du rigs kyi brtag par bya'o//ji skad du gsungs pa'i skyes pa'am bud med la'ang de bzhin du rigs kyi brtag pa bya ste dbab par bya'o/ /de la bshad ma thag pa'i dbab pa'i cho gas gal te rdo rje sems dpa' 'bebs par byed 'dod par gyur na rlung dang me'i dkyil 'khor la bzhag ste/de'i snying gar yi ge hUM nyid las dbang chen gyi dkyil 'khor bsams te/ de'i steng du yi ge hUM las dpal rdo rje sems dpa' sku mdog dmar po 'od kyi dkyil 'khor can bsams la der gnod mdzes kyis bkug la gzhug cing dbab par bya ste/gr-i h+na tsa ya A be sha ya a tsa pu ra ya hUM zhes brjod do/ /sku rdo rje 'bebs na de'i snying gar chu'i dkyil 'khor ro/ /rdo rje chos 'bebs na rlung gi dkyil 'khor bsams la rdo rje sems dpa'i cho ga bzhin dbab par bya'o//yi ge hUM ha a dz+ha dz+ha dz+ha dz+ha zhes bya ba la rlung dang me'i dkyil 'khor la bzhag ste/ rkang pa g.yas pa'i mthe bo'i dbus su bsams te/ de'i steng du yi ge hUM la rdo rje sems dpa' dbab/ yi ge ha la sku rdo rje dbab/ /yi ge AHla rdo rje chos dbab par bsams la yi ge de dag rlung gi dkyil 'khor gyis bskyod pas bud shing skam po bzhin du bsgrub par bya ba'i lus bsregs par bsgoms te/de'i phyir/ dz+ha ni skul bar byed par bshad/ /'gul ba dang ni g.yo ba yin/ /'di ni bskul ba thams cad kyi/ /gsang ba yin par rab tu bshad/ /ces bya ba gsungs so/ / snga ma bzhin du thams cad 'gyur/ /'di ni gsang ba bsdus pa'o/ /zhes bya ba ni dpal rdo rje sems dpa' dang sku rdo rje dang rdo rje chos kyi sku dang gsung dang thugs rdo rje bsgrub par bya ba'i snying gar bzhag la bsgrub par bya ba'i lus bkang bar bsgoms la snying po bzlas par bya ste/ de yang / snying po yi ni sbyor ba yis//dbab pa'i las rnams thams cad bya/ /zhes gsungs so/ /de nas phab pa'i lce la yi ge AHdmar po las rdo rje dmar po 'bar ba 'khrugs pa'i 'od can bzhag la 'di skad du bru hi badzra zhes brjod do/ /de skad du brjod nas tiSh+Tha badzra dr-i D+h+ro me b+ha ba sha shwa to me b+ha ba hr-i da yaM me a d+hi tiSh+Tha sarba sid+d+hiM me pra yats+tsha hUM ha ha ha ha hoHzhes dbab pas nyi bar bsdu ba byas nas oM kr-i to sar+b+ba sa twA tha sid+d+hiM d+d+hA twA ya thA nu g+hats+tsha daM bud+d+ha bi sha yaM/pu nA rA ga ma na ya tu zhes gsol ba byas la/ hUM ma ha mu a mu zhes rang gi sa bon gyis snod la dbab pa'i rdo rje sems dpa' la sogs pa la thal mo sbyar bas me tog gyen du gtor te gshegs su gsol lo//snod la sku gsung thugs rdo rje bkod la ji ltar mngon par dga' ba bzhin du bsrung ba bya'o/ /sku gsum gnas ni yang dag pas/ zhes bya ba ni sku dang gsung dang thugs ni sku gsum mo/ /de nyid sems can don gyi gzhir gyur pas na de dag gang yin pa de ni/sku gsum gnas ni yongs dag pas/ /zhes bya'o/ /rtse gcig ma gyur pa yis kyang / /zhes bya ba mtshan ma ma thob kyang shin tu mnyam par bzhag nas bdud rtsi thab sbyor gyi bzlas pa 'bum bya'i sbyor ba gzhan gyis ni ma yin te 'phags pa bdud rtsi thab sbyor gyi sbyor ba de nyid dang de'i sngags dang bcas pas gdug pa de la chad pa'i las bya'o//de la ji skad bshad pa'i rdzas rnams las dgra'i gzugs brnyan byas la de'i ming khong pa thams cad du bcug ste gnod mdzes kyis snying drangs la bcug ste dum bur byas nas bsreg pa'am/ gzugs brnyan rkang pas mnan la bskul zhing bzlas pa bya'o/ /dkyil 'khor gru gsum byas pa la/ /zhes bya ba ni me'i dkyil 'khor la gnas nas ma rungs pa'i las bya'o/ /rdo rje sems dpa' zhes bya ba ni 'phags pa bdud rtsi 'khyil pa ste/ dgra sta dang tho ba dang rdo rje dang zhags pa thogs pa'o//rdo rje phung po zhes bya ba la sogs pa la me'i dkyil 'khor de la lha'i khyad par du yongs su brtag pa ste des dgra bsad par gyur par bsam mo/ /rdo rgyus dag gam zhes bya ba la sogs pa la yi ge khaM gis rdo rje rgyus la sogs pa la mngon par bsngags te/ des sbrul bris la de'i khar yi ge khaM las dug ha la ha la 'bar ba bsgom mo//de nas yi ge hrI 'od zer gyi lcags kyu can lta bus khams gsum du gtogs pa'i dug drangs la sbrul gyi khar bcug par bya'o/ /de'i kha'i gnas su 'ang yi ge hrI de nyid bsam par bya'o/ /dug thams cad 'pho ba zhes bya ba la/ sogs pa la dang po lag par nam mkha'i dkyil 'khor sngon po rnam par bsams la de'i steng du yi ge oM sngon po 'od zer sngon po dang ldan pa bsams la/ de nas de'i tshe 'od zer gyi tshogs lcags kyu lta bus dug drangs la ji ltar 'dod par mngon par dga' ba'i gnas su spro bar bya'o/ /dug gso ba'i dam tshig ces bya ba la sogs pa la bsgrub par bya ba'i snying gar zla ba'i dkyil 'khor la yi ge hUM zla ba'i mdog lta bu 'od zer gyi tshogs 'bar bar gyur pa 'dug par rnam par bsams la 'od zer gyi sprin phung des lus thams cad du gtogs pa'i dug drangs nas gcig tu bsdus nas de'i snying ga dang mgrin pa dang dbral ba dang spyi bor song bar bya'o//da nas snying la yod par gyur pa de bskul bar rnam par bsam mo/ /nye ba'i dug thams cad ces bya ba la sogs pa la lag pa g.yas pa na pad+ma dkar po 'dab ma brgyad pa de'i steng du yi ge AHmdog dkar po dang nag po dang ser po dang dmar po dang ljang gu'i 'od zer 'bar bar gyur la sdud pa'i tshe na ni mdog nag po'o//dug med par byas nas ni dkar por bsam mo/ /de nas des byab par bsam mo/ /phyi dang nang gi zhes bya ba la sogs pa la sku rdo rje la sogs pa'i sbyor bas sku rdo rje la sogs pa'i dkyil 'khor gyi dbus su 'dug ste/rang gi lus dang ngag dang sems las spre'u'i gzugs can gcer bu yi dags kyi gzugs su nad phyung la lag par 'khor lo la sogs pa rnam par bsgoms la 'khor lo la sogs pa thal bar bya zhing 'jig rten gyi khams thams cad kyi rdul phra rab dang mnyam pa'i sangs rgyas dang byang chub sems dpa' thams cad shin tu khros pas thal bar mdzad par gyur par bsam mo//de nas de bzhin gshegs pa thams cad kyi sku dang gsung dang thugs kyis rang gi lus dang ngag dang yid ma lus par dgang ngo / / de nas nyi ma bdun no zhes bya ba dang dus gsum du rang gi lha'i sngags sam sbyor ba 'dis nyi ma bdun bsgoms na nges par nad thams cad zad par 'gyur ro/ /chos rnams rmi lam lta bu ni/ /zhes bya ba la sogs pa la gang gi tshe na rnal 'byor pas ji skad gsungs pa'i cho gas rnal 'byor pa bsgom pa la dga' bar gyur pa de'i tshe rmi lam lta bur lha mthong bar 'gyur ro//de nas phyis rang gi lha'i ngo bor bdag nyid mngon du gyur pa na rmi lam mthong ba bzhin du des bsgom par bya ste/ sems gang gi ngo bor rmi lam na sangs rgyas la sogs pa mthong ba de'i rang bzhin nyid ni 'khrul pa tsam ste don dam par ni dngos po med pa'i ngo bo nyid yin pas nam mkha' ltar skye ba med do//de bas na rmi lam dang 'dra bar mthong ba'i chos rnams nam mkha' dang 'dra ba ste/ de'i phyir chos kyang med la chos rnams ni chos nyid kyang med pa'o zhes blos kyang rnam par brtags nas gang mig yor lta bur thob par gyur pa'i chos de dag kyang 'di ltar rmi lam dang nam mkha' dngos po ltar mthong bar 'gyur ro//'di ci zhes bya ba la sogs pa 'og nas kyang 'chad de gang 'di dngos po thams cad nam mkha' dang mnyam pa de ji ltar bcom ldan 'das kyis rigs lnga'i sgrub pa rnams chos nyid de de kho na nyid la 'jog par ci'i phyir mdzad ce na/de ltar mdzad kyang nam mkha' dang mnyam pa'o zhes dgongs te de'i phyir/ /oM ma'o ngo mtshar las byung ba/ /nam mkha' la ni nam mkha' bsgom/ /zhes bya ba gsungs so/ /nam mkha' la nam mkha' bsgom pa mi nus te/ gnyis ka la yang med pa'i phyir ro zhes 'di ltar phyogs snga ma pa 'dod mod kyi 'dus byas pa ni kun rdzob kyi chos nyid du bzhag pa yin gyi don dam par ni ma yin te/de nyid kyi phyir bcom ldan 'das rdo rje 'chang chen pos nam mkha' ni zhes bya ba la sogs pa gsungs te/ rdzas thams cad ni dngos po med pa'i ngo bo nyid yin pas na nam mkha' ste/de bas na chos gang dang yang ma bral te rdzas thams cad ni kun rdzob tu de las skyes tsam te/ de'i phyir nam mkha' ni gang dang yang ma bral ba ma yin no/ /nam mkha' de ni chos thams cad kyi nang du gtogs pa thams cad kyi rjes su blta'o snyam du mi sems so zhes bya ba la rdzas su med pa'i phyir te/de bzhin du gzhan dag la yang shes par bya'o/ /chos thams cad ces bya ba la sogs pa la chos thams cad ni sangs rgyas dang byang chub sems dpa' thams cad dang khams thams cad do/ /de nyid sku dang gsung dang thugs te de dag gi de bzhin nyid ni rdo rje'o/ /de nyid ye shes bskyed pa'i gzhir gyur pas na gnas te/gang gi phyir de mngon sum du byas na byang chub sems dpa'i lam 'bras bu dang bcas pa byung ba'i mtshan mar gyur pas na/ de nyid gnas kyi dam tshig ste/ rdzas dang bral ba'i ngo bo nyid pas na chos thams cad ni dngos po med pa'i ngo bo nyid do zhes lhag ma thams cad la yang khong du chud par bya'o//sems can thams cad kyi dam tshig ces bya ba la sogs pa la sems can thams cad dang rigs thams cad kyi sems ni sems can thams cad do/ de dag gi dam tshig ni rigs lnga'i sku dang gsung dang thugs la sogs pa ste de nyid snying po'o//de nyid rdo rje ste de 'byin cing skyed par byed pas 'byung ba'o/ /de ston pa'i sgra'i tshogs ni le'u zhes bya'o/ /sems can thams cad kyi dam tshig gi snying po rdo rje 'byung ba zhes bya ste le'u bco lnga pa'i bshad pa'o// //mtshan ma thob cing brtul zhugs yang dag par spyod pas dkyil 'khor du bsgrub par bya ba'i phyir de nas zhes bya ba la sogs pa bcu drug pa dngos grub thams cad kyi dkyil 'khor rdo rje mngon par byang chub pa'i le'u gsungs so//de bzhin gshegs pa thams cad kyi sku dang gsung dang thugs kyi bdag po zhes bya ba la sogs pa la/ de bzhin gshegs pa kun zhi ba/ /de bzhin gshegs pa kun gyi gnas/ /chos kun bdag po med pa'i mchog /dkyil 'khor dam pa bshad du gsol/ /zhes bya ba la sogs pa le'u bzhi pa las gsungs pa'i bstod pa'i rgyal pos gsol ba btab po zhes bya ba'i don to/ /de bzhin gshegs pa thams cad kyi rdo rje rin chen gyi mchod pa'i tshogs zhes bya ba ni yid las byung ba'i 'dod pa'i yon tan lnga rnams kyis so//rdo rje thams cad ces bya ba la sogs pa la bsgrub par bya ba'i rigs lnga'i dkyil 'khor ni rdo rje thams cad kyi dkyil 'khor te/ rigs lnga'i dkyil 'khor gyi lha de rnams la sems dang sems las byung ba'i dmigs pa gnyis su med pas bdud bzhi'i 'jigs pas mi g.yo ba'i phyir seng ge lta bu yin pas na seng ge ste de'i rgyu mthun pa'i dmigs pa las rigs lnga'i dkyil 'khor gyi kun rdzob kyi bden pa'i ngo bo nyid ni dam tshig gi rgyal po'i sgrar gsungs te/de la dmigs pas na ting nge 'dzin de'i ming de skad ces bya ste/ de la snyoms par zhugs shing mngon du mdzad nas rdo rje sku'i dkyil 'khor 'di phyung bar gyur to/ /de nas zhes bya ba la sogs pa la gang gi phyir dkyil 'khor dang dbang dang dam tshig med par dngos grub tu mi 'gyur ro//de bas na/ /thugs kyi rdo rje rab 'dra ba/ /zhes bya ba ste thugs rdo rje'i dkyil 'khor le'u bcu bzhi par ji ltar bris pa bzhin du 'dir yang de bzhin du bya'o/ /de yi nang du 'khor lo ni/ /rdo rje'i cho gas bri bar bya/ /zhes bya ba ni rtsa ba'i dkyil 'khor gyi phyed la ka ba brgyad dang ldan par rdo rje'i thig gis bri ba'o//rdo rje zhes bya ba 'di ni thabs su shes par bya ste/ de la rdo rje cho ga ni 'di'o/ /rang gi sngags kyis snga ma bzhin du rang gi lha'i sbyor ba byas nas mtshan ma thob cing rig pa'i brtul zhugs yang dag par spyod pa'i rnal 'byor pas yi ge oM las rgyal ba'i rdo rje sku'i tshogs/yi ge AHlas sangs rgyas kyi gsung gi lam/ yi ge hUM las sangs rgyas kyi thugs kyi tshogs rang gi lus dang ngag dang yid rdo rje la bzhugs pa dang / laM zhes pas rang gi rgyud la yod pa'i sa'i khams la skya nam/ maM zhes pas chu'i khams la mA ma kI/ paM zhes pas me'i khams la gos dkar mo/tAM zhes pas rlung gi khams la sgrol ma/ hUM zhes pas nam mkha'i khams la rdo rje 'chang chen po bzhugs te de sems can thams cad kyi rjes su song bar bsam mo/ /de nas b+h+rUM zhes pas gzugs kyi phung po la rnam par snang mdzad/ oM zhes pas tshor ba'i phung po la rin chen 'byung ldan/hrIHzhes pas 'du shes kyi phung po la 'od dpag tu med pa/ khaM zhes pas 'du byed kyi phung po la don yod grub pa/ yi ge hUM las rnam par shes pa'i phung po la mi bskyod pa gzhug pa dang / k+ShIM zhes pas mig gi skye mched la sa'i snying po/ /dzriM zhes pas rna ba'i skye mched la rdo rje 'dzin pa/khaM zhes pas sna'i skye mched la nam mkha'i snying po/ /gaM zhes pas lce'i skye mched la 'jig rten dbang phyug /oM zhes pas lus kyi skye mched la sku rdo rje/ hUM zhes pas yid kyi skye mched la rdo rje sems dpa'o/ /dzaHhUM baM hoHkhaM raM zhes pas gzugs dang sgra dang dri dang ro dang reg bya dang chos kyi skye mched rnams la gzugs dang sgra dang dri dang ro dang reg bya dang chos kyi dbyings rdo rje'i rang rgyud du gtogs pa rnams la gzhug par bya/de nas sku gsung thugs byin gyis rlob par gsol bar byas la sngags gsum gyis byin gyis brlab par byas la/che ge mo rdo rje bdag go/ /zhes rang gi ming nas brjod cing yi ge b+h+rUM la gnas par bya ste sngar gsungs pa'i tshul du dang po'i sbyor ba dang dkyil 'khor gyi rgyal po'i mchog dang / las kyi rgyal po'i mchog rnam par bsgoms te/ oM badzra At+ma kou0f85haM/ oM swa b+hA w a bi shud+d+hou0f85haM/oM sarba sa mou0f85haM zhes brjod pas rdo rje'i bdag nyid tu rang bzhin gyis rnam par dag pa dang / chos bdag med pa dang mnyam pas lha thams cad dang bdag nyid dbyer mi phyed pa nyid du bsam mo/ /de nas de bzhin gshegs pa thams cad kyi nga rgyal dang ldan pa'i grogs k yis/de bzhin gshegs pa kun zhi ba/ /de bzhin gshegs pa kun gyi gnas/ /chos kun bdag med pa yi mchog /dkyil 'khor dam pa bshad du gsol/ /zhes bya ba la sogs pas dkyil 'khor bri bar gsol ba gdab par bya'o/ /grogs med na rang nyid kyis brjod la/ de bzhin gshegs pa rnams kyi bdag nyid la gsol ba btab par bsam mo//de nas rdo rje rlung gi dkyil 'khor la rang gi dkyil 'khor gyi bdag po'i sngags/ oM badzrod tiSh+Tha AHbadzrod tiSh+Tha hUM badzrod tiSh+Tha zhes pa la sogs pa yongs su bzlas la rang gi dkyil 'khor de'i steng du nam mkha' la bteg ste gzhag par bya'o//de nas tshon sna lnga'i srad bu de bzhin gshegs pa lngar bskyed la bsgril te rnam par snang mdzad dang / lha mo spyan phab nas thig gdab pa la sogs pa de dag nyid byed du gzhug par bya ba la sogs pa ni dkyil 'khor gyi dbye ba las shes par bya'o/ /de ltar rnal 'byor ji ltar mngon par 'dod pa'am dngos grub 'grub par 'gyur gyi gzhan du gal te bdag nyid kyis thig gdab pa la sogs pa byed na ni/de la dngos grub tu mi 'gyur te/ rdo rje'i cho ga de ni 'di yin no/ /ma nus pas ni 'og nas gsungs pa'i cho gas tshogs yongs su bskang ba dang / dam tshig dang dbang bskur ba'i phyir bri bar bya'o//de ltar bris nas/ phyag rgya rdo rje'i gnas su bya/ /zhes bya ba la sogs pas lha dgod pa bstan te/ rnam par snang mdzad la sogs pa'i phyag rgya nas rdo rje zhes bya ba'i mthar thug pa ste de nyid/ sngags rnams kyi ni gsang ba mchog /ces bya bas bstan to/ /dbus su rnam par snang mdzad gnas//zhes bya ba la sogs pa'i sku'i dkyil 'khor gyi dbus su rnam par snang mdzad bris la/ shar la sogs pa'i phyogs su ni mi bskyod pa la sogs pa bzhi/ mtshams su ni spyan la sogs pa dang gzugs la sogs pa gnas ji lta ba bzhin du bris nas/ bar snang la bzhugs pa rnams rang rang gi sngags kyis phab ste sku dang gcig tu bya'o//gsung gi dkyil 'khor la ni dbus su pad+ma'i srad bu dang / pad+ma'i ka ba brgyad dang ldan pa bris la dbus su 'od dpag tu med pa/ 'od dpag tu med pa'i gnas su mi bskyod pa bri'o/ /thugs kyi dkyil 'khor ni smras zin to//de bzhin du gang gi tshe rin chen 'byung ldan gyi dkyil 'khor yin na/ de'i tshe dbus su rin po che'i phreng ba dang / rin po che ka ba brgyad dang ldan pa bris la dkyil 'khor gyi dbus su rin chen 'byung ldan no/ /rin chen 'byung ldan gyi gnas su mi bskyod pa bri'o/ / don yod grub pa'i dkyil 'khor la dbus su don yod par grub pa'i gnas su mi bskyod pa'o/ /gang gi tshe gtsug tor chen po dang 'phags pa gnod mdzes la sogs pa dbus su 'dri ba de'i tshe shar la sogs pa'i cha la rnam par snang mdzad la sogs pa bzhi dang / spyan la sogs pa ji lta ba bzhin du dgod do//'phags pa gshin rje gshed la sogs pa'i dkyil 'khor la'ang gshin rje gshed la sogs pa de nyid dang sgo'i phyogs dang dbus su yang dag par bri'o/ /don 'di nyid bstan par bya ba'i phyir/ /rdo rje 'dzin mchog gang yin pa/ /dbus su gzugs ni bri bar bya//zhes bya ba la sogs pa gsungs pa yin no/ /dkyil 'khor thams cad du yang de mngon par zhen pa la bdud rtsi lnga po 'di shes rab kyi mes rab tu 'bar ba sbyin par shes par bya'o/ /dkyil 'khor thams cad kyi 'khor lo 'byung ba zhes bya ba la sogs pa la dkyil 'khor thams cad ni rigs lnga'i dkyil 'khor ro//de nyid 'khor lo ste dkyil 'khor 'khor lo zhes bsgrags so/ /zhes gsungs pas so/ /de 'byung zhing bskyed pa gang yin pa de la de skad ces bya ste/ ting nge 'dzin la snyoms par zhugs pa'o/ /hUM oM AHzhes pa ni srad bu la mngon par bsngags te thig gdab pa dang tshon dgye bar bya'o//sngags kyi sems dpa' mi bya ste/ /zhes bya ba ni mtshan ma thob pa dang rig pa'i brtul zhugs yang dag par spyad pa ni sngags kyi sems dpa' ste/ des 'di lta bu'i nges pa dang ldan pas dngos grub tshol na/rdo rje thig gdab pa dang zhes bya ba la sogs pa mi bya'o/ /'o na ji ltar dkyil 'khor de dag bri bar bya zhe na/ de bas dam tshig tshul zhes pas/ /zhes bya ba la sogs pa gsungs te/ snod la dbab pa'i cho ga ni ji skad bstan pa de nyid kyis rnam par snang mdzad la sogs pa de phab nas de cho ga thams cad byed du gzhug go//sngags kyi sems dpa' bya ba yang / /zhes bya ba la sogs pas dkyil 'khor bris la de nas ji skad du bshad pa'i tshul gyis rnam par snang mdzad la sogs pa dgug pas gzhug pa dang / rang gi snying pos rang gi gnas su bzhugs su gsol nas rin po che dang /sman dang spos kyi chu la sogs pa thams cad kyis yongs su bkang ba'i rnam par rgyal ba'i bum pa la dkyil 'khor gyi bdag po'i sngags brgya rtsa brgyad du yongs su bzlas te/ dkyil 'khor gyi lha thams cad kyi rdul phra rab kyis gang bar bsams la/de nas dkyil 'khor gyi bdag po'i spyan sngar gzhag go/ /lha lhag ma rnams kyi bum pa la ni lha de dag nyid kyi sngags kyis mngon par bsngags te dkyil 'khor gyi phyi rol du gzhag go/ /de'i phyi rol kun du ni bum pa gang ba phreng bar gzhag go/ / phyi'i mchod pa rnams kyang dkyil 'khor gyi bdag po'i sngags kyis mngon par bsngags te/ badzra s+pha ra na khaM zhes bya bas dbul bar bya ste/ de nyid kyi phyir/ khro bo'i rgyal pos bkug nas ni/ /sangs rgyas thams cad mchod par bya/ /zhes gsungs so/ /dam tshig mchod pa dus gsum du//zhes pa ni dkyil 'khor dus gsum du mchod par bya'o/ /gang gis she na/ rdo rje dri med gsum dag gis/ /zhes bya ba ste sku dang gsung dang thugs dri ma med pa rnam par snang mdzad la sogs pa'o/ /rdo rje gsum gyis sbyor bas bya/ /zhes bya ba ni rnam par snang mdzad la sogs pa'i sku dang gsung dang thugs rdo rje'i ting nge 'dzin thob pa ni rdo rje gsum gyi sbyor ba'o//'dis ni 'di skad ston to/ rnal 'byor pa'i ting nge 'dzin thob pas spyan la sogs pa'i sbyor ba dang ldan pas dkyil 'khor gyi sgor bu mo bsten la/ de las byung ba'i bdud rtsi lnga rab tu 'bar bas lha rnams mchod kyi gzhan du ma yin no//thig gdab pa yi cho ga 'di/ /bdag nyid nam zhig spyod pa na/ /zhes bya ba ni gang gi tshe mtshan ma ma thob pa'i rnal 'byor pas lha rnams babs nas dkyil 'khor bri ba'i nus pa dang mi ldan par gyur pa de'i tshe sku rdo rje'i dkyil 'khor du ni sku rdo rje'i sbyor ba byas la sgrub pa'i grogs mchog ni rdo rje 'chang chen po rnam par bsams te thig gdab po//mi bskyod pa'i dkyil 'khor du ni mi bskyod pa'i sbyor ba ste/ sgrub pa'i grogs mchog ni rdo rje 'chang chen po'o/ /rdo rje 'chang chen po'i dkyil 'khor du ni rdo rje 'chang chen po'i sbyor ba ste sgrub pa'i grogs mchog ni 'phags pa bdud rtsi 'khyil pa'o//de bzhin du byang chub sems dpa' lhag ma rnams kyi dkyil 'khor du ni dkyil 'khor gyi bdag po'i sbyor ba ste/ sgrub pa'i grogs mchog ni 'phags pa bdud rtsi 'khyil ba'i rnam par bsams la thig gdab bo/ /de bzhin gshegs pa lhag ma rnams kyi sbyor ba la yang sgrub pa'i grogs mchog rdo rje 'chang chen po rnam par bsams la thig gdab par bya'o//sangs rgyas rgyal po lnga rnams ni/ /zhes bya ba la sogs pa la gang gi tshe mi bskyod pa'am/ rdo rje 'chang chen po'i dkyil 'khor dag thig 'debs pa de'i tshe kha dog dkar po dang ser po dang dmar po dang ljang gu dang nag por srad bu so sor tshul bzhin du btsos la rim pa bzhin du bzhag ste/oM swA AHhA hUM zhes pa'i sa bon 'di nyid kyis de bzhin gshegs pa lnga'i ngo bor byas la srad bu bsgril bar bya'o/ /gang gi tshe sku rdo rje'i dkyil 'khor byed na de'i tshe kha dog nag po dang ser po dang dmar po dang ljang gu dang dkar po la hUM swA hA oM zhes pa rnams so//gang gi tshe na rin chen 'byung ldan gyi dkyil 'khor la ni de'i tshe kha dog dkar po dang nag po dang dmar po dang ljang gu dang ser po la oM hUM A hA swA zhes bya'o//gang gi tshe 'od dpag med kyi dkyil 'khor la ni de'i tshe kha dog dkar po dang ser po dang / nag po dang dmar po dang ljang gu la oM swA hUM hA A zhes bya ba'o/ /gang gi tshe don yod par grub pa'i dkyil 'khor byed na de'i tshe kha dog dkar po dang ser po dang dmar po dang nag po dang ljang gu la/oM swA A hA hUM hA zhes bya ba rnams te srad bu de de bzhin gshegs pa lnga'i ngo bor byas la bsgril bar bya ste/ hUM oM AHzhes bya ba 'dis brgya rtsa brgyad yongs su bzlas la 'di nyid kyis thig gdab pa dang tshon dgye bar yang bya'o/ /rnam pa nyi shu rtsa lnga ni/ tshon rtsi dag kyang rnam par bsgom//zhes bya ba ni ji ltar tshon lnga'i skud pa lnga po nyid dbye na nyi shu rtsa lngar 'gyur te/ de bzhin du tshon lnga dag kyang dbye ba nyi shu rtsa lngar 'gyur ba ni 'di lta ste/ zhe sdang gi rigs la ni kha dog dkar po dang ser po dang dmar po dang ljang gu dang nag po la/ oM swA A hA hUM zhes pa ste de'i sa bon rnams kyis rnam par snang mdzad dang rin chen 'byung ldan dang 'od dpag med dang don yod grub pa dang mi bskyod pa'i rang bzhin du byin gyis brlabs la dkyil 'khor bri bar bya ste/'di thams cad kyi dkyil du nag po dgye'o/ /gti mug gi rigs la ni kha dog nag po dang ser po dang dmar po dang ljang gu dang dkar po rnams la hUM swA A hA oM zhes bya ba rnams te 'di thams cad kyi nang du ni dkar po dgye'o//yid bzhin gyi nor bu'i rigs la ni kha dog dkar po dang nag po dang dmar po dang ljang gu dang ser po rnams te/ oM hUM hA A swA zhes bya ba rnams te 'di thams cad kyi nang du ni kha dog ser po dgye'o//'dod chags kyi rigs la ni kha dog dkar po dang ser po dang dmar po dang ljang gu la oM swA hUM hA A zhes bya ba rnams te 'di thams cad kyi nang du dmar po'o/ /dam tshig gi rigs la ni kha dog dkar po dang ser po dang nag po dang dmar po dang ljang gu la oM swA A hUM hA zhes bya ba ni sa bon rnams te/'di dag thams cad kyi nang du ni kha dog ljang gu dgye bar bya'o/ /de ltar tshon gyi dbye ba rnam par bsgom pa nyi shu rtsa lngar 'gyur ro/ /sngags rnams thams cad nyid la yang / /zhes bya ba la sogs pa la gang gi tshe ji skad gsungs pa'i tshul du bsgrub pa bdun la dkyil 'khor bris nas bsgrubs kyang rnal 'byor pas 'grub par ma nus na gang gi tshe rang gi lha'i dkyil 'khor du gnas lngar rang gi lha'i gzugs bkod la de lta bu la gnod mdzes bsams la gzir bar bya'o//de bzhin du de bzhin gshegs pa lnga rnams kyi gzir ba bstan nas lcags kyu zhags pa zhes bya ba la sogs pas ni lha thams cad la mngon spyod bya ba gsungs pa'o//sbyor ba ji lta bus rig pa la mngon spyod bya zhe na/ rdo rje sems dpa'i ting 'dzin gnas/ /brtan pa'i blos ni brtag par bya/ / zhes bya ba la sogs pa gsungs te/ gnod mdzes kyi sbyor ba nyid kyis zhes bya ba'i don to/ /sngags shes pas ni sbyin sreg bya/ /zhes pa la sogs pa la dkyil 'khor gyi phyi rol du shar phyogs su zhi ba ste kun nas zlum po/ /lhor rgyas pa ste gru bzhi pa/ /nub tu dbang gi ste gzhu'i dbyibs lta bu/byang du ni mngon spyod kyi ste gru gsum pa'i thab khung byas la yi ge aM las bskyed par bya'o/ /de yang gnyis su med par mnyam pa rnam par rgyal ba las gsungs pa/ gal te dngos grub mchog 'dod na/ /sngags shes pa yis sbyin sreg bya/ / de nyid gsang ba'i ting 'dzin gnas/ /sbyin sreg sna tshogs spyad par bya/ /sngags dang dkyil 'khor ldan pa yis/ /rigs dang las rnams bskyed bya ste/ /oM gyi sngags kyi dbye ba yis/ /bsgoms na dngos grub 'thob par 'gyur/ /zhi ba'i dkyil 'khor zlum po ste//rgyas pa la ni gru bzhi'o/ /dbang du byas la gzhu yi dbyibs/ /mngon spyod la ni gru gsum mo/ /de nyid du ni lha yi sku/ /rang gi gzugs su rab tu bsgom/ /me yi dbus gnas zhi ba la/ /bdud rtsi ster bar bsam par bya/ /bdag nyid bdag po'i gzugs su ste/ / 'di ni rdo rje'i tshul gyi mchog /'od 'phro'i tshogs rnams 'khrug pa dang / /zhal ni rab tu gdangs par bsgom/ /yi ge hUM ni sngags pa de'i/ /lce yi dbus na gnas par bsam/ /cho ga shes pas zhi ba la/ /'o ma sbrang rtsi mar sar zhos/ /ma hA de la khyad par du/ /zhe sdang chen po'i rigs la'o//de bzhin du gzhan dag la yang shes par bya'o/ /bsgrub par bya ba'i snying ga dang bdag nyid kyi snying gar dkyil 'khor gyi bdag po rnam par bsams la sbyin par bya'o/ /dbang po gnyis kyi dam tshig gis/ /zhes bya ba la sogs pa la rang gi lha ni rang rgyud du bcug nas de dang gcig tu gyur par mos pa ni/dbang po gnyis kyi dam tshig mchog /ces bya'o/ /rnam par snang mdzad sbyor ba yis/ /zhes bya ba la sogs pa la yi ge oM la sogs pas rnam par snang mdzad kyi dkyil 'khor du 'jug par bya ba'i phyir slob ma rnam par snang mdzad la sogs pa'i skur rnam par bsams la/sku gsung thugs rdo rjes byin gyis brlab bo/ /de nas de'i lus thams cad dang lce dang snying gar rdo rje'i yi ge AHmdog dmar po 'od zer dmar po dang ldan par bsams la de nas gzhug par bya'o/ / de bzhin du lhag ma rnams dkyil 'khor du gzhug pa'i phyir dang / rang gi dkyil 'khor du gzhug pa'i phyir rang gi dkyil 'khor gyi bdag po'i snying pos slob ma bskyed la/ sku gsung thugs rdo rjes byin gyis brlabs nas yi ge AHlus dang ngag dang sems la bkod nas 'og nas bshad pa'i cho gas gzhug par bya'o//de la dang por re zhig slob dpon nyid slob tu gzhug pa'i cho gas zhugs la bdag nyid dbang bskur ba la sogs bcom ldan 'das nyid las blangs la 'di skad ces/ bdag ming 'di zhes bgyi ba yi/ /rdo rje slob dpon dka' thub ches//sems can kun la phan pa'i phyir/ /slob ma rnams ni gzhug par bya/ /zhes brjod do/ /de nas rgyud kyi nang gi cho gas lhag par gnas par byas pa'i slob ma ji skad gsungs pa'i phyir bskyed la me tog dang dri la sogs pas mchod nas phyi sgor bzhag nas dkyil 'khor gyi bdag pos yongs su bzlas pa'i bum pa'i chus gtor te/'jug pa'i sngags yongs su bzlas pa'i gos kyis gdong g.yogs te thal mo sbyar ba me tog dang bcas pas me tog gi phreng ba 'dzin du bcug pas dkyil 'khor du gzhug par bya ste/ me tog phreng ba de nyid kyis dbang bskur ba sbyin no//de nyid kyis gdong g.yogs kyang bkrol nas dkyil 'khor de nyid kyis bstan par bya'o/ /de bzhin du gzhan dag kyang rgyud kyi rjes su 'brangs te shes par bya'o/ /nam mkha'i khams ni zhes bya ba la sogs pa la dbang bskur ba'i tshe bde bar gshegs pa thams cad gdugs dang rgyal mtshan dang ba dan dang gzugs dang sgra dang dri dang ro dang reg bya ste/mchod pa thams cad thogs pas nam mkha' ma lus par gang bar bsam mo/ /dkyil 'khor gyi bdag po'i snying pos dbang bskur bar 'os pa dkyil 'khor gyi bdag po'i ngo bor bskyed la/sku gsung thugs rdo rjer spyan la sogs pa rnams kyis byin gyis brlabs te/ ji skad du bshad pa'i rten la gsol ba 'debs pa sngon du 'gro bas gzhag par bya'o/ /de nas de'i snying gar rigs kyi bdag po bkod la/ oM AHhUM zhes bya bas bsngags pa'i yungs kar gyis brdeg par bya zhing bum pa'i chu'i dkyil 'khor gyi bdag po'i sngags kyis ji lta ba bzhin du dbang bskur bar bya'o//dbang bskur ba lhag ma rnams ni rgyud gzhan dag gi nang nas shes par bya'o/ /dkyil 'khor dag ni bstan par bya/ /zhes bya ba ni gdong g.yogs bkrol nas de'i 'og tu 'di ltar/khyod kyis srog chags gsad par bya/ /zhes bya ba la sogs pa dam tshig bzhi po rigs bzhi bsgom pa'i ngo bo nyid de/ nam mkha'i dbyings kyi dbus gnas par/ /sangs rgyas dkyil 'khor bsgom par bya/ /rdo rje mi bskyod rab bsgoms nas/ / lag tu rdo rje bsgom par bya/ /'od 'phro mang po 'byung ba dang / /'od zer sna lngas rab tu gang / /dus gsum 'byung ba'i sangs rgyas rnams/ /bsgoms nas rdo rje phye mar rlog /sku gsung thugs kyi longs spyod ni/ /rdo rje phyer brlag byed 'gyur ba'i/ /bsam gtan mchog de bsgoms na ni//thugs kyi dngos grub 'thob par 'gyur/ /rdo rje gsang ba 'di lta bus/ /sems can thams cad bsad na ni/ /mi bskyod sangs rgyas zhing dag tu/ /rgyal ba'i sras su skye bar 'gyur/ /zhes bya ste 'di dag la sogs pa bcom ldan 'das nyid kyis gsungs pa yin no/ / sngags ji lta ba bzhin du sbyin pa ni rgyud gzhan gyi cho gas byas la rang gi lha'i ting nge 'dzin la bslab par bya'o/ /cho ga bzhin du bsngags nas ni/ /zhes bya ba la sogs pa la ji skad gsungs pa'i rdzas kham phor kha sbyor gyi nang du bzhag la mngon par bsngags te/ yi ge oM gyis rab tu 'bar bar byas la de ltar cho ga 'dis za ru gzhug shing rdo rje bdag po dang mi gnyis par gyur par the tshom med pa'i sems kyis bza' bar bya ste/gzhan du rab tu me 'bar ba zar bcug par 'gyur ba gang yin pas ni dngos grub tu mi 'gyur zhing dam tshig nyams pa dang 'dra bas gang zos pa de'i mngon par 'dod pa'i dngos grub 'grub par mi 'gyur bas spong bar byed pas dmyal bar 'gro bar 'gyur ro//rnam pa 'di bzhi gsang chen te/ /zhes bya bas ni spyan la sogs pa ston te de nyid rnam par dbye ba ni/ sngags kyi 'khor lo bud med gzugs/ /zhes bya ba'o//glang po'i sha dang zhes bya ba la sogs pa la de za ba la dga' zhing sdom pa bzung ba rnams la 'di bshad do/ /nyin re rdo rje slob ma la/ /mkhas pas zhes bya ba la sogs pa la kham phor sbyar ba'i nang du bzhag nas rlung gi dkyil 'khor de'i steng du me'i dkyil 'khor de'i steng du yang yi ge oM bskal pa sreg pa'i me lta bur rnam par bsams nas de'i steng du ji skad gsungs pa'i zas bzhag la des rab tu 'bar bar bya ste de lta bus de la yid ches par bya'o//de bas ni tshig 'dis ni yid ches par bya ba'i phyir gsungs pas na mi nus par ni sbyin par mi bya ste/ / bdag nyid kyis kyang bza' bar mi bya'o/ /gal te za bar byed dam gzhan la ster bar byed na mngon par zhen pa tsam du zad kyi de gzhung gi don med pa'i phyir ro/ /de nyid kyi phyir/ /rdo rje gsang ba'i tshig dag gis/ /zhes bya ba gsungs te/ de bzhin du sku dang gsung dang thugs rdo rjer bsgoms pas rdzas rab tu 'bar ba ni rdo rje gsang ba'i gnas zhes bya'o//gzugs la rnam gsum shes bya ste/ /zhes bya ba la sogs pa bstan pas de'i phyir mi nus pas ni 'di lta bu mi bya'o/ /gal te rnal 'byor pa mngag gzhug ma bsgrub par 'dod par gyur na khro bo gnod mdzes sam/lag na pad+mo'am khro bo gzhan gyis mi thub pa'i bzlas pa 'bum byas la rang gi sbyor ba de dag gis rang gi dkyil 'khor du 'dug la/ nam mkha'i phyogs su yi ge hrIH'bar ba dang bcas pa bsams la/ de'i 'od las bskyed pa'i 'jig rten gyi khams thams cad kyi rdul phra rab dang mnyam pa'i de bzhin gshegs pa thams cad kyis nam mkha' ma lus par gang bar rnam par bsgom mo//de nas/ der ni sngags kyis dbab par bya/ /zhes bya ba la yi ge hrIHni 'di nyid kyi sngags yin pas/ yi ge 'di las mngag gzhug mi gzugs su ste/ a khaM kha zhes bya bas byin gyis brlab po/ /de nas yi ge hrIHlas de bsgrub par bya ba ni khro bo gnod mdzes sam phyag na pad+mo'am/ gzhan gyis mi thub pa'am/ gzhan gang yang rung ba'i sbyor ba ste/ de nyid kyi phyir/ phyag na rdo rje gzugs can ma/ /zhes bya ba la sogs pa gsungs te/gang gi tshe sku dang gsung dang thugs rdo rje'i sbyor ba bsgoms pas mtshan ma thob par gyur pa'i rnal 'byor pas brtul zhugs yang dag par spyod pa de'i tshe/ sku rdo rje la sogs pas nyin re zhing ji srid du nyi ma lnga 'das pa de srid kyi bar du bskul te rdzogs pa dang de nas dkyil 'khor bri bar bya ste rab tu bsgrub par bya'o//de la 'di ni gsang ba'i gnas so zhes bya ba la sogs pas bstan te/ de la 'di ni rdo rje snying pos thams cad bskul ba'o zhes bya ba ni sku rdo rje la sogs pa'i sbyor ba byas la/ rang gi snying gar sku rdo rje la sogs pa'i dkyil 'khor rang rang gi snying pos bskyed la/gnod mdzes kyi sku rdo rje la sogs pa der bkug ste rab tu gzhug la rang gi sngags kyis gnas ji lta ba bzhin du bkod nas dngos grub bdag la stsol cig ces pas/ oM dang gnod mdzes kyi sbyor bas snga ma bzhin du lcags kyus snying la gdab bo/ /oM zhes pa ni cho ga bzhin du bskul ba'o//gang gi tshe mngag gzhug ma bsgoms nas mtshan ma thob par gyur pa'i rnal 'byor pas de'i tshe rdo rje 'chang chen po la sogs pa'i sbyor bas rang gi snying gar mngag gzhug ma'i dkyil 'khor bkod la/ nyi ma bco lnga'i bar du bskul bar bya'o zhes gsungs pa ni de la 'di ni mngag gzhug ma thams cad kyi gsang ba'o zhes bya ba la sogs pa'i sngags kyi dam tshig bzhi'i tshig go zhes bya ba la sogs pa ni rdo rje 'chang chen po la sogs pa'i sbyor ba bya ste/rang gi snying gar mngag gzhug ma'i snying pos mngag gzhug ma'i dkyil 'khor yongs su brtags la de'i dbus su rdo rje 'chang chen po'i gzugs kyis ji lta ba bzhin du 'dug nas/shar phyogs la sogs par mngag gzhug ma bzhi dgod pa 'di ni dam tshig bzhi'i tshig ste/ de dag gi lag pa g.yas par yi ge hrIHlas lcags kyu bsams la lcags kyu des snying la btab na dam tshig gis bskul bar 'gyur ro//de la'ang 'jig rten gyi khams thams cad kyi rdul phra rab dang mnyam pa'i sku dang gsung dang thugs rdo rje drangs nas mngag gzhug ma bzhi'i gnas su gong bu'i tshul gyis gzhag pa bya ste/ de lta bus ni dam tshig gtong bar 'gyur ro//de la mngag gzhug ma bzhi po'i tshig gis yang dang yang du bos pa 'di ni de'i dam tshig gis bos pa'o/ /de yang rang gi lha bsgom pa la gnas par gyur pa ni dam tshig gis bcings pa'o/ /de grub nas mngag gzhug ma'i sbyor bas bsgo ba thams cad byed do zhes bstan pa'i phyir/mkha' dbyings yangs shing dag pa ni/ /zhes bya ba la sogs pa gsungs te/ dngos po med pa'i ngo bo nyid kyi nam mkha'i dbyings kyang rdo rje'i gzugs su byed do zhes rnal 'byor pa dag nus pa phul du byung ba la yid rton par bya ba'i phyir gsungs so/ / sangs rgyas rdo rje sems dpa' 'ang rung / /zhes bya ba la sogs pa ni mtshan ma thob cing brtul zhugs yang dag par spyod pa'i rnal 'byor pas sangs rgyas la sogs par rang gi dkyil 'khor gyi gnas lngar bsams la/ de nas yi ge mo las nam mkha' la 'jam pa'i dbyangs rnam par bsgoms te/'phags pa 'jam dpal gshin rje gshed lta bur 'phags pa 'jam dpal gshin rje gshed kyi sngags kyis bskyed la des rnam par snang mdzad la sogs pa'i sku lnga po de rnams rang gi dkyil 'khor la gnas pa la des dbu la gzir bas gzugs lnga po de rnams brgyal bar gyur par bsam mo//de bzhin du 'phags pa 'jam dpal gshin rje gshed kyis gzir bas dngos grub tu stsol te/ de bzhin du gnod mdzes la sogs pa dag kyang bstan par bya ba'i phyir/ nam mkha' rdo rje dbus bsam pa/ /zhes bya ba la sogs pa gsungs so/ /rdo rje sngags ni hUM la sogs//zhes bya ba ni gnod mdzes kyi yi ge hUM ni rdo rje'i sngags te/ sogs pa'i sgra ni de las gzhan pa'o/ /oM ni mig la bsam byas na/ /zhes bya ba ni yi ge oM sgron ma lta bu bdag dang pha rol gyi mig gnyis la bsams na lha thams cad kyi gzugs des mthong bar 'gyur ro//rnam par snang mdzad gzugs chen pos/ /zhes bya ba la sogs pa la yi ge oM las rnam par snang mdzad du bsgoms la yi ge oM me ltar 'bar ba rang gi lce la bsgom mo/ /de nas yi ge pa bum pa bzang po ltar dkar ba kha la bsam mo/ /bI zhes bya ba la sogs pa la sa bon 'di las rnam par snang mdzad du bdag nyid bsgoms te/nam mkha'i phyogs su 'di nyid las rang gi dkyil 'khor de gnas lngar gnas la gnas nas bI zhes brjod cing bsgom mo/ /kun dbyings rdo rje zhes bya ba la sogs pa la 'jig rten gyi khams thams cad kyi rdul phra rab dang mnyam pa'i de bzhin gshegs pa rnams tsun+da'i gzugs 'dzin te/phyogs bcur yi ge tsuM sgrogs pas na kun nas dbyangs so/ /de la dmigs pas na ting nge 'dzin de'i ming kun dbyangs rdo rje zhes bya'o/ /rdo rje chen po bsgom pa'i tshig /ces bya ba la tsa dang bin du gnyis ni spyod pa dang bral ba dang chos thams cad stong pa nyid do//u zhes bya ba ni khams gsum po dag ni btags pa tsam du zad do/ /yi ge us ni thabs kyi pha rol tu phyin pa bskyed pas rdo rje 'chang chen po bsgom pa 'dis ni thabs dang shes rab kyi ngo bor gyur pa'i tshig go/ /tsuM zhes bya ba la sogs pa la yi ge tsuM las nyi ma'i dkyil 'khor la de'i steng du yi ge tsuM de nyid bkod la 'jig rten gyi khams thams cad kyi rdul phra rab dang mnyam pa'i de bzhin gshegs pa rnams yi ge tsuM gyi 'od zer gyi sgo rnams la tsun+da'i gzugs su bsgom mo//de nas tsun+da de la zhugs pa las tsun+da'i gzugs rgyan thams cad yongs su rdzogs pa kha dog dkar mor bsgom par bya'o//rdo rje sems dpa' zhes bya ba la sogs pa la rdo rje 'chang chen po'i sbyor ba bya ste/ gnas bzhir rdo rje 'chang chen po'i sbyor bas 'dug la dkyil 'khor gyi dbus su bcom ldan 'das yum bsgom par bya'o//bsam pa thams cad du rdo rje longs spyod ces bya ba la sogs pa la sems can rdzas sna tshogs thams cad kyi sred pas gdungs pa ni bsam pa thams cad do/ /de nyid brtan pa'i phyir rdo rje'o/ /de'i longs spyod ni gdul bya rnams la 'jig rten gyi khams thams cad kyi rdul phra rab dang mnyam pa'i dzam+b+ha lar snang bar byas nas bsam pa thams cad yongs su rdzogs pa ste/de bskyed pa'i ting nge 'dzin ni bsam pa thams cad du rdo rje longs spyod ces bya'o/ /dzaM zhes bya ba la sogs pa la nam mkha' la le'u dang por gsungs pa'i ting nge 'dzin gyi dkyil 'khor rnam par bsams la/shar phyogs su mi bskyod pa'i sbyor bas 'dug pa'i rnal 'byor pas dbus su yi ge dzaM las nyi ma'i dkyil 'khor de'i steng du yi ge dzaM las gser gyi kha dog can 'od zer ser po'i tshogs kyis nam mkha' gang ba'i 'od zer de rnams kyi sgo la/ 'jig rten gyi khams thams cad kyi rdul phra rab dang mnyam pa'i de bzhin gshegs pa rnams dzam+b+ha la'i gzugs 'dzin par sprul la dzaM der gzhug par bya ste/yi ge de nyid las rmugs 'dzin chu dbang sngon po'am ser por bsam mo/ /gnod sbyin gzugs 'dzin zhes bya ba la sogs pa ni go sla'o//rdo rje sems dpa'i cho ga yis/ /zhes bya ba ni yi ge hUM las de'i lag pa g.yas par nyi ma'i dkyil 'khor/ /de'i steng du yi ge dzaM gser gyi mdog lta bu bsgoms la de nas phyi rol lam yid kyis chu dbul lo/ /rgyud 'di las lha thams cad las gang la'ang khyad par du dgag pa ni med de de dag ni zhal gsum pa yin no//de yang 'di nyid kyi phyir le'u bcu gsum pa las/ zhal gsum 'bar ba'i 'od 'phro ba/ /bsam gtan 'od bzang bsgom par bya/ /rgyal ba'i gtsug tor gzi brjid phung / /gang gzhan sngags kyi dkyil 'khor can/ /zhes bya ba la sogs pa gsungs pa'o//k+ShiM zhes bya ba ni gnod sbyin mo spyi'i snying po ste/ nam mkha' 'phags pa 'jam dpal gyi sbyor ba'i dkyil 'khor gru bzhi pa de'i gnas bzhir 'phags pa 'jam dpal gyi sbyor bas/ yi ge maM las 'phags pa 'jam dpal gyi gzugs kyis 'dug la/ rang gi mgor 'phags pa 'jam dpal gshin rje gshed kyi sngags rang gi snying gar bkod nas dkyil 'khor rin po che sna bzhi'i rang bzhin la me tog dang dris khyab pa'i dbus su yi ge k+ShiM bsams la de'i sgras nam mkha' ma lus par bkang ste/ nam mkha'i khams thams cad gnod sbyin ma rnams kyis yongs su gang bar rnam par bsgoms la yi ge k+ShiM de'i nang du zhugs pas yi ge k+ShiM de yongs su gyur pa las gang 'dod pa'i gnod sbyin mo'i gzugs su rnam par bsgoms la/de'i snying gar k+ShiM bkod la bsgom par bya'o/ /rdo rje phra mo la sogs pa bsgoms pas mtshan ma thob pa'i rig pa'i brtul zhugs gsungs pa ni/sku gsung thugs kyi rdo rje rnams/ /zhes bya ba la sogs pa'o/ /'on kyang myur du sangs rgyas 'gyur/ /zhes bya ba ni gang gi tshe rnal 'byor pa mtshan ma thob pas rig pa'i brtul zhugs spyad na/ 'di lta bu'i sangs rgyas su 'gyur gyi/ gang yang mtshan ma ma thob pa des spyad na ni/mnar med par ni nye bar 'tshod/ /ces sngar bstan pa yin no/ /don thams cad 'grub pa'i dkyil 'khor ni dngos grub thams cad kyi dkyil 'khor ro/ /de nyid rdo rje ste de'i mngon par byang chub pa ni ting nge 'dzin gyi dkyil 'khor yongs su shes pa'o/ / le'u bcu drug pa'i bshad pa'o// //dam tshig yongs su skyong bar byed pas grub par 'gyur ba'i phyir de nas zhes bya ba la sogs pa le'u bcu bdun pa gsungs pa'o/ /mi bskyod rdo rje zhes bya ba ni mi 'khrugs pa nyid mi bskyod rdo rje'o/ /de'i stong pa nyid la sogs pa'i rnam par thar pa'i sgo'i nges pa ni ye shes so//de bzhin gshegs pa thams cad kyi sku dang gsung dang thugs rdo rje 'byung bas na rdo rje dbyings so/ /mkhas pa yang yin la chen po yang yin pas na mkhas pa che ba ste thams cad mkhyen pa'o/ /sku dang gsung dang thugs rdo rje'i mchog ni rdo rje gsum mchog ste rdo rje 'chang chen po'o//sku dang gsung dang thugs kyi dkyil 'khor gang la mnga' ba de ni dkyil 'khor gsum zhes bya ste/ 'dis ni zhe sdang gi rigs kyi ngo bo nyid du gsungs pa ste/ rnam par snang mdzad ces bya ba ni mtshan ma nyid kyi sgo nas so/ /dag pa che zhes bya ba ni nyon mongs pa'i bag chags dang bcas pa spangs pas nyon mongs pa'i kun tu spyod pa mi 'byung ba'o//rdo rje zhi ba zhes bya ba ni rdo rje ltar zhi ba'o/ /dga' ba chen po zhes bya ba ni blo che ba ste 'dis ni gti mug gi rigs kyi ngo bor gsungs pa'o/ /rin chen rgyal po zhes bya ba ni rin po che'i rigs kyi bdag po'o//de nyid nam mkha' dang mnyam pa'i ye shes ni shin tu zab ces bya'o/ /de nyid nam mkha' dang 'dra zhing mi phyed pas ni rdo rje nam mkha'o/ /nyon mongs pa bag chags dang bcas par spangs pas dri ma med pa ste/ 'dis ni yid bzhin gyi nor bu'i rigs su gsungs pa'o/ / rdo rje zhes bya ba la sogs pa ni 'dod chags kyi rigs so/ /don yod rdo rje zhes bya ba la sogs pas ni dam tshig gi rigs kyi ngo bo gsungs pa'o/ /sangs rgyas kun ni sgrub pa la ste de dag la rjes su thugs brtse ba'o/ /nam mkha'i dbyings bzhin dri ma med/ /ces bya ba ni dam tshig gang bshad pa thams cad dngos po med pa'i ngo bo nyid de nam mkha' lta bur blta bar bya'o//sku rdo rje'i dam tshig ces bya ba ni gti mug gi rigs kyi dam tshig go/ /dam tshig bzhi po bsrung bar bya/ /zhes bya ba ni mi bskyod pa la sogs pa bsgoms pas ji skad du bshad pa'i srog gcod pa dang / ma byin par len pa dang / bud med bsten pa dang / brdzun du smra ba'i mtshan nyid can gyi rigs bzhi bsgom pa'i ngo bo nyid ni dam tshig bzhi'o/ /gsung gi rdo rje yi ge che/ /zhes bya ba ni 'dod chags kyi rigs kyi rnal 'byor pa rnams kyis so/ /rdo rje sems dpa' rdzu 'phrul che/ /zhes bya ba ni zhe sdang gi rigs kyi rnal 'byor pas so//ji skad du gsungs pa'i bza' ba ma yin pa za ba rnams la nges par ma bzung ba rnams kyi don bshad zin to/ /rang sangs rgyas kyi zhes bya ba la sogs pa la theg pa thams cad kyi mchog 'dir theg pa thams cad la lhag par mos pa'i sems can rjes su gzung bar bya ba'i phyir bstan te 'di ni rgyud kyi che ba nyid bstan pa yin no//de dag lus kyis ston pa ni/ /zhes bya ba la sogs pa la rang sangs rgyas rnams ni lus kyis chos ston te/ cho 'phrul gyi tshul rnams kyis sems can de dag smin par byed pa'i phyir ro/ /de bas na rang sangs rgyas kyi byang chub thob par 'dod pas ni dbang po zhi ba dang dben pa la mngon par dga' bas chos thams cad ni ngag gi lam dang bral ba'o zhes bya ba'i ting nge 'dzin bsgom par bya'o//nyan thos kyi byang chub thob par 'dod pas dge ba bcu'i las kyi lam la rab tu gnas pa'i nges pa nyid kyis gnas par bya ba ni dam tshig go//gti mug lam gyi zhes bya ba ni stong pa nyid lhag par mos pa'o/ /'jigs shing mi sdug pa zhes bya ba ni byis pa rnams 'jigs par byed do/ /khams gsum gnas pa zhes bya ba la yang dag par bsgom pa rigs lnga las byung bar spyad par bya'o/ / bsam gtan rdo rje gsad par bya/ /zhes bya ba ni bdag med pa la mos pas snang la med pa ni bsad pa ste/ bsgom pa 'dis grub par gyur na khyab 'jug gi gzugs can gyi rdo rje 'chang chen por 'gyur ro/ /sha dang khrag gi zas kyis ni chung ma 'dod pa'i phyir gnod sbyin mo bsgrub bo/ / phra mo la mngon par dga' ba dang 'o ma'i zas kyis ni chung ma'i don du klu'i bu mo bsgrub po/ /khros pa dang nga rgyal dang ldan pa dang dri dang spos kyi longs spyod dang ldan pas ni lha ma yin gyi bu mo bsgrub po/ /gnod sbyin mo la ni thod pa'i rus pa'i spos dang zhag chen po sbyin par bya'o/ /mkha' 'gro ma'i sbyor ba bsgrub na ni bshang gci la sogs bza' bar bya'o//lus kyi rnam gsum zhes bya ba la sogs pa la 'jig rten dang 'jig rten las 'das pa'i rnal 'byor pa thams cad kyi sku dang gsung dang thugs rdo rjer bdag nyid byin gyis brlab pa byas nas mngon par 'dod pa'i dngos grub bsgrub par bya'o//'jig rten dang 'jig rten las 'das pa'i sngags bsgrub pa dang / 'jig rten pa dang 'jig rten las 'das pa'i sems can thams cad bsgrubs kyang sku rdo rje la sogs pas bdag nyid byin gyis brlab pa byas nas ji skad du gsungs pa'i dngos grub rnams bsgrub par bya'o/ / sangs rgyas zhes bya ba la sogs pa la sangs rgyas dang byang chub sems dpa' thams cad la rnal 'byor pas phyag mi bya'o/ /gang gis phyag mi bya zhe na/ sku gsung thugs su sbyor ba na/ /zhes bya ste rnal 'byor pa sku dang gsung dang thugs su sbyor ba na phyag mi bya'o/ /'dis ni rnal 'byor bsgom pa la bar ma chad pa nyid du bya ste/gtsub shing gtsubs pa'i tshul gyis 'grub par 'gyur la/ de bas na dmigs pa yongs su spangs nas phyag mi bya'i/ /gang zhig gang gi tshe rnal 'byor pa rtag par sbyor ba'i nus pa med pa de'i tshe ni phyag bya ba yin no/ /kun du rdo rje sems dpa' yi/ /zhes bya ba la sogs pa zhe sdang gi rigs kyi rnal 'byor pa gang yin pa des ni rang gi dkyil 'khor la de bzhin gshegs pa thams cad rnam par bsams te bsgom par bya'o//mdor na sems can zhes bya ba la sogs pa la 'dod chags kyi rigs kyi rnal 'byor pas ni sems can gyi khams ma lus pa 'dod chags kyi rigs kyi ngo bor yang dag par sbyor ba'i bsgom pas rnam par bsams la bsgom par bya'o//sngar bsnyen pa la sogs pa'i dus na nus pa thob pa'i rnal 'byor pa dang / de la mngon par zhen pas kyang bshang gci la sogs pa la yid nyid kyis 'di ltar spyad par bya'o zhes bstan pa'i phyir/ /rdo rje dri chus nam mkha'i dbyings/ /zhes bya ba la sogs pa gsungs so//mi snang ba grub par 'dod pa'i rnal 'byor pas rang gi lha'i nam mkha' dang mnyam par bsgom par bya ste/ de nyid kyi phyir/ dus bzhir ji ltar chog bzhin du/ /zhes gsungs so/ /yang na rdzas kyang rtag tu dbrog /ces bya ba ni rnam par rtog pa thams cad phrogs pa ni rdzas phrogs pa ste/ khams gsum po ni sems so zhes bsgom par bya'o//rig 'dzin bsgrub pas ni rigs kyi dbye ba bzhin du sku rdo rje la sogs pa dbu rgyan bsam par bya'o/ /de ltar byas pa des cir 'gyur zhe na/ /khros pa rnams kyis mi thub pa/ /zhes bya ba la sogs pa gsungs so/ /sku yi rdo rjes kha zas la/ /zhes bya ba la sogs pa ni rnal 'byor pa thams cad kyis 'di ltar kha zas kyi dus su ni sku rdo rje'i snying pos sku rdo rje'i nga rgyal bya'o//phyi rol gyi sa la sogs par ni yi ge hUM las rdo rje 'chang chen po'i nga rgyal du bya'o/ /dam pa'i chos klog pa'i tshe na ni yi ge AHlas 'jig rten dbang phyug gi nga rgyal du bya'o/ /rdo rje 'dzin pa thams cad kyi sku dang gsung dang thugs zhes bya ba la sogs pa la rigs lnga'i lha rnams kyi sku gsung thugs ni rdo rje ste de dag ni snying po'o//rdo rje ni de kho na nyid do/ /de nyid kyis mnyam pa nyid rnam par dgongs nas cang mi gsung bar gyur to zhes bya ba ni chos thams cad dngos po med pa'i ngo bo nyid do zhes gdul bya rnams la bstan pa'i phyir te/don de nyid de bzhin gshegs pa rnams kyis gsungs pa ni sku dang gsung dang thugs rdo rje'i ngo bo nyid dmigs su med pa'i zhes bya ba la sogs pa'o/ /bcom ldan 'das de bzhin gshegs pa thams cad gsung rdo rje'i tshig la phyin ci log kun 'byung bas mi brtag tu gsol zhes bya ba ni sku rdo rje la sogs pa ston pa'i gsung de ni yang dag pa ma yin pas yongs su brtag pa las byung ba ste/de don dam par na yod pa ma yin no zhes de la 'di ltar yongs su rtog par ma mdzad cig ces pa'o/ /de ci'i slad du zhe na zhes bya ba ni rgyu gang gi phyir gsung yang dag pa ma yin pas yongs su rtog pa las byung ba zhes de ltar brtag par mi bya zhe na/gang gi phyir de bzhin gshegs pa thams cad ces bya ba la sogs pa smos te/ de bzhin gshegs pa thams cad kyi sku dang gsung dang thugs nyid ni rdo rje'i dbyings te de dag gi ngo bo nyid spyod par ni sems can thams cad kyi don du gzugs thams cad ston pa yin la/ de dag tu 'gro zhing rjes su 'gro ba ni de bzhin gshegs pa thams cad kyi bdag po 'di lta ste/ 'gro zhing zhes pa ni dang por yang dag par rdzogs pa'i byang chub mngon du mdzad pa thugs su chud pa'o/ /rjes su 'gro ba ni gong nas gong du sbyor ba'i nus pa dang ldan pa'i rjes su 'gro ba'o/ /'di skad ston par 'gyur te gang gi phyir rdo rje 'chang chen po 'di ni de bzhin gshegs pa thams cad kyi sku dang gsung dang thugs kyi ngo bo nyid kyis gzugs thams cad ston par spyod pas na de bzhin gshegs pa thams cad kyi sku dang gsung dang thugs bdag med pa'i gsang ba'i yi ge thabs kyi pha rol tu phyin pa'i stobs kyis ston par spyod do//de'i phyir gsung yang dag pa ma yin pa'i rnam par rtog pa las byung ba'o zhes ma gsung shig ces so/ /gal te de skad smras na nyes pa ci yod ce na/ gang gi phyir tshangs pa la sogs pa rdo rje 'chang chen po la brnyas par 'gyur te/ log par yongs su rtog pa las byung ba'am/ log pa'i ngo bo yin la sku dang gsung dang thugs bdag med pa'i mtshan nyid gsang ba'i yi ge ston par mi spyod do//de bas na ston par spyod pa'i nus pa ma shes nas gsang ba'i yi ge 'di tshig des de ltar ston pa yin no zhes de ltar brnyas par 'gyur te de'i phyir dngos po rnams ni ma brtags na nyams dga' ba nyid do/ /de nyid kyi phyir de ci'i slad du zhe na zhes bya ba gsungs te/gtan tshigs gang gi phyir de nyid mi gsungs zhes pa'i rgyu gsungs pa yin no/ /byang chub sems dpa' khyed rnams lta ci smos te zhes bya ba la sogs pas ni de bzhin gshegs pa rnams nyid kyi phyogs 'jog par bstan to/ /'di dag ni 'di skad ston par 'gyur te gang gi phyir tshangs pa la sogs pa 'di ltar sems bskyed mod kyi 'on kyang kho bo cag ni chos nyid ji ltar gnas pa de ltar ston gyi bstan par bya bas 'jig rten rnams slu bar ni mi byed do//gang gi phyir kho bo cag gis byang chub mngon du byas la de ni kho bo cag gi rnam par rtog pa'i spyod yul ma yin na byang chub kyi ngo bo nyid rdo rje 'chang chen po lta smos kyang ci dgos te rtog pa thams cad dang bral ba'i ngo bo nyid do//bstan pa ji ltar nus par 'gyur/ /de'i phyir tshangs pa la sogs pas bcom ldan 'das la 'di lta bu'i sems bskyed par 'gyur mod kyi 'on kyang de dag gi sa bon bskyed pa'i phyir gsung yang dag pa ma yin pa'i rnam par rtog pa 'byung ba'i phyin ci log kun 'byung ba chos bstan pa yin no//de ci'i phyir zhe na zhes bya ba ni rgyu gang gi phyir khyed kyis byang chub 'di mi shes zhes gtan tshigs gsungs pa'o/ /skye ba med pa'i rdo rje mngon par byang chub pa ni ngo bo nyid mi 'gyur ba las byung ba'o zhes bya ba ni bdag med pa bsgoms pas rdzogs pa ni ngo bo nyid med par mi 'gyur ba'o/ /de'i phyir yang dag pa'i don bsgoms pas rnam par rtog pa thams cad dang bral ba'i byang chub byung ba ni rnal 'byor pa rnams kyi so so rang gis rig pa'i ngo bo ste/gang gi phyir tshul 'di nyid kyis sku rdo rje la sogs pa'ang 'dir skye ba med pa yin la gang yang sku rdo rje la sogs pa'i chos nyid dngos po med pa'i ngo bo nyid kyi tshul de ni sems can thams cad kyi ngo bo nyid kyang yin no zhes pa'i don to//des na sems can thams cad byang chub thob pa yin la rang bzhin gyis dag pa'i chos kyi bdag nyid du brtags pas smra bar byed pa smra ba ma yin no zhes bya bar sbyar te chos thams cad de bzhin nyid kyi ngo bo rang bzhin gyis dag pa'i chos nyid yin la/ de nyid kyi rang bzhin can gyi rang gi ngo bor rtog pa gang yin pa de ni ngo bo nyid kyis dag pa'i chos kyi bdag nyid du brtags pa ste don dam par skye ba med pa'o zhes bya ba'i don to//de nyid kyi phyir/ chos kyi dbyings na gnas med par/ /zhes bya ba gsungs te/ chos kyi dbyings ni de bzhin nyid de de nyid gnas med pa'o/ / de la rtog pa ni ngo bo nyid kyis dag pa'i chos kyi bdag nyid kyi ngo bo'o/ /rdo rje las byung zhes bya ba ni de bzhin nyid las byung ba ste/ ji ltar nam mkha' las dngos po thams cad 'byung ba ltar de bzhin du de bzhin nyid las rtog pa rnams 'byung ba'o/ /smra bar byed pa zhes bya ba ni kun rdzob tu 'byung bar 'gyur ro//smra ba ma yin zhes pa ni don dam par ro/ /bcom ldan 'das ji ltar yang dag par 'jug ces bya ba ni gang nas skye ba'o/ /mkha' dbyings rdo rje'i dbus gnas par/ /zhes bya ba la sogs pa ste/ sku rdo rje la sogs pa bsgoms pas mtshan ma thob pa'i rnal 'byor pas brtul zhugs yang dag par spyad pas nyin zhag bdun rnal 'byor 'di bsgom par bya ste/nam mkha' la rnam par snang mdzad la sogs pa'i sbyor bas rnam par snang mdzad la sogs pa'i dkyil 'khor la de gnas lngar rang gi lha'i gzugs kyis bzhag la bdag nyid kyi spyi bor rnam par snang mdzad la sogs pa'i sku yang zhugs par bsams la spyan la sogs pa rang gi rigs kyi yum rnams kyis kyang bdud rtsi'i chus bdag nyid la dbang bskur bar gyur par bsam mo//sku gsung thugs kyi dam tshig ni/ /phyag rgya chen po'i don du brtag /cho ga bzhin du kun bsgoms na/ /zhes bya ba la sogs pa ni sku'i dam tshig ni sku'i rdo rje'o/ /gsung gi dam tshig ni gsung gi rdo rje'o//thugs kyi dam tshig ni thugs kyi rdo rje ste rang nyid kyi sku rdo rje la sogs pa'i sbyor bar bdag nyid kyi gzugs rnam par bsgoms pa las bskyed cing spro ba dang bsdu ba dang gnas pa dang brtan par bya ba rnams bsgoms pa las sku rdo rje la sogs pa'i phyag rgya chen por brtag par rang gi rgyud byas pa'i bsgom par bya ba ni rigs thams cad kyi bsgom pa gsungs pa'o//lag pa'i phyag rgya mi bcing ngo / /zhes bya ba ni rnal 'byor pa de bzhin nyid la bsam pa shin tu nges pa'i sdom pa ni 'di yin te/ de yang dngos po thams cad rnam par rtog pa las byung bar bsams la/ sems tsam gyis 'di dag thams cad rdzogs par byed do//sangs rgyas dam tshig ces bya ba ni sku gsung thugs rdo rje'i rnal 'byor pa'o/ /rdo rje gsum gyi dam tshig gis/ /mgu zhing tshim pa dag tu bya/ /zhes bya ba ni zhe sdang gi rigs kyi rnal 'byor pas sems can gyi khams thams cad zhe sdang gi rigs kyi ngo bor bsam par bya'o/ /de bzhin gshegs pa thams cad kyi mnyam pa nyid ces bya ba la sogs pa la sangs rgyas lnga la sogs pa 'di dag thams cad ni don dam par ngo bo nyid gcig ste 'di lta ste de bzhin nyid kyi ngo bo nyid do zhes ston cing ting nge 'dzin la snyoms par zhugs par mdzad do//khyed thams cad kyis kyang mngon sum du gyis shig /de bzhin gshegs pa thams cad kyis dkyil 'khor la gzigs pas ston par mdzad pa yin no//byang chub kyi sems rdo rje nyid du blta bar bya'o zhes bya ba ni phyis 'gyur ba'i tshul la dgongs pa dang / chos nyid la dgongs pa'i dbang du mdzad nas 'di skad ces bshad pa yin no/ /de nyid kyi phyir/ byang chub sems dang slob dpon ni/ /zhes bya ba la sogs pa gsungs so//'di lta ste rigs kyi bu sangs rgyas bcom ldan 'das zhes bya ba la sogs pa ni phyogs bcu mthar thug pa med pa'i 'jig rten gyi khams na 'tshang rgya bar bya bar dam bcas te gnas pa rnams ni nges pa'i phung po la gnas pa nyid yin pas na sangs rgyas zhes bshad de/ de rnams kyi smon lam gyi stobs kyis kun nas slong ba'i lus dang ngag dang yid kyi bsod nams kyi phung po gang yin pa dang /byang chub kyi sems kun nas slong ba slob dpon gyi ba spu'i bu ga gcig las skyes pa'i bsod nams kyi phung po ni snga ma bas ches lhag par 'gyur ro/ /de nyid kyi phyir na rigs kyi bu byang chub kyi sems ni zhes bya ba la sogs pa gsungs te/ gzhan du na mnyam pa'i dpe nyid nam mkha' la med de zhes bya ba la sogs pa dang 'gal bar 'gyur ro/ /de'i phyir las dang po pa rnams la spro ba bskyed par bya ba'i phyir so so skye bo nyid la 'dir sangs rgyas kyi sgrar gsungs so/ /byang chub sems dpa' byams pa zhes bya ba la sogs pa ni de lta bu'i bsod nams kyi phung po chen po dang ldan pa'i slob dpon la brnyas pa'i sems bskyed pas so so'i skye bo rnams dmyal ba chen por 'gro bar ma gyur cig snyam nas 'dir 'jigs par bstan pa yin no zhes bya ba'i don to//gzhan yang slob dpon ni rdo rje 'chang chen po dang mnyam pa'i dbang du mdzad nas/ slob dpon la gus pa bskyed pa'i phyir byang chub sems dpa' khyed rnams nyon cig ces bya ba la sogs pa gsungs te/'dis ni rdo rje 'chang chen po la mchod pas mchod pa nyid slob dpon la mchod pa yin par ston te/ rdo rje 'chang dang slob dpon gnyis gcig pa nyid yin pa'i phyir ro/ /gsang ba'i rdo rje'i ting nge 'dzin las bzhengs nas zhes bya ba ni bdag med pa'i ting nge 'dzin rdo rje dang mnyam pa'i ting nge 'dzin gyi dkyil 'khor gang gis de bzhin gshegs pa dang byang chub sems dpa' rnams bskyed par gyur pa de la de skad ces bya'o//nam mkha'i dbyings kyi dbus gnas pa/ /zhes bya ba la sogs pa ni bdag gam gzhan yid kyis dbang bskur bar 'dod pas nam mkha' la de bzhin gshegs pa lnga gang yang rung ba'i dkyil 'khor gru bzhi la sogs pa'i gzugs su bsams la/de nas de la mchod pa thams cad kyis yang dag par mchod la dkyil 'khor gyi bdag po rang ngam gzhan gyi snying gar bsams nas nam mkha'i dbyings la de bzhin gshegs pa thams cad sku dang gsung dang thugs rdo rje bdud rtsi'i chus yongs su gang ba'i bum pa phyag na bsnams pa rnam par bsams te/des bdag gam gzhan la dbang bskur bar bya'o/ /rdo rje mkha' 'gro'i sbyor ba la mngon par dga' ba rnams la rdo rje mkha' 'gro'i sbyor ba gsungs pa ni/ sha rus la sogs dkyil 'khor ni/ /zhes bya ba la sogs pa gsungs te/ hUM hri khaM zhes bya ba'i sngags 'di las drag po mi sdug pa mche ba gtsigs nas bzhin khros pa/ut+pala'i 'dab ma lta bu'i mdog can rtse gsum dang lcags kyu dang rdo rje dang thod pa 'dzin pa phyag bzhi pa rdo rje sems dpa'i bdag nyid rnam par bsams la/ rang gi dkyil 'khor gyi dbus su 'dug nas nam mkha' la rus pa dang khrag la sogs pa'i dkyil 'khor bsgoms te lce la rang gi sngags bkod nas kha dog sngon po dang ser po dang dkar po dang dmar po dang ljang gu'i 'od zer rnams lce las byung bas ji skad du bshad pa'i nam mkha'i khrag drangs la rang gi khar gdab po//yang gang zhig sems can gzir bar byed par 'dod na de'i tshe rtse gsum pa'i rdo rje phur bu de'i steng du'am de'i snying gar bsam mo//rnal 'byor pas kha zas rnams sku dang gsung dang thugs rdo rje'i ngo bor bsam par bya'o zhes bstan par bya ba'i phyir/ bza' ba'am yang na btung ba'ang rung / /zhes bya ba la sogs pa smos te/ mchod pa lnga dang bdud rtsi lnga yid kyis sam yang na cig shos rab tu 'bar ba dag go//cho ga bzhin du zhes pa ni mtshan ma thob cing ji skad bshad pa'i rdzas rab tu 'bar bas zhes bya ba'i don to/ /sems can khams ni mtha' yas kyi/ /dam tshig 'dzin pa'i mi rnams ni/ /zhes bya ba ni spyan la sogs pa bzhi po'i ngo bo de yang dag par sbyor ba bsgom pas bshad par bya'o//lus dang ngag sems longs spyod kyi/ /gsang ba gsum nas rdo rje skyes/ /bzang po dag gis bsgrub par bya/ /zhes bya ba ni de ltar sems bskyed la bsgom par bya'o/ /mtho gang tsam du sbags nas ni/ /spyi bor dkyil 'khor brtag par bya/ /zhes bya ba ni gang gi tshe rnal 'byor pa bsgom pas dub par gyur pa de'i tshe rang gi spyi bo'i steng du mtho gang tsam du spags par bdud rtsi lnga'i dkyil 'khor bsgoms la de'i dkyil du yi ge oM me 'bar ba lta bu bsams la des bdud rtsi lnga zhu bar gyur pa dang rang gi lus la bab par gyur par bsam mo//mchod rten la sogs pa'i las mi bya ba ni gang mnyam par gzhag pa'i sbyor ba dang ldan zhing de kho na nyid kyi bsam pa dang rab tu ldan pa des 'di lta bu'i sbyor ba bor nas mi bya'o//rnal 'byor pa gang mnyam par mi 'jog pa dang de kho na nyid kyi bsam pa dang mi ldan pa de la bkag pa ma yin no/ /gal te de ltar khas mi len tshe na/ /rgyal po dang bud med la brten pa dang nor la sogs pa la zhugs pa rnams la yang mchod rten gyi las la sogs pa bkag na ni thabs phra mo'i bsod nams la bar chad du gyur pas 'di ni sangs rgyas kyi bka' ma yin par 'gyur ro//de'i phyir rtag tu de kho na nyid la shin tu nges pa'i bsam pa dang ldan pa de lta bu'i sbyor ba yongs su btang nas mchod rten gyi las mi bya'o/ /des kyang rnal 'byor las ldang ba'i tshe na 'di dag bya ba yin te/gang gi phyir bcom ldan 'das ni bsod nams kyi bar chad mi mdzad do zhes bshad pas na gang zhig bar chad byed pa de ni bcom ldan 'das ma yin par 'gyur ro/ /'od zer dkar po'i phreng ba can/ /'khor lo'i dbus su chud par gzhag /ces bya ba la sogs pa yi ge hUM las lag pa g.yas par 'khor lo rtsibs brgyad pa dkar po lte bar b+h+rUM dkar po 'od zer dkar pos dug med par byed pa ste sdud pa'i tshe na thams cad nag por ro//rengs pa la ni 'khor lo la sogs pa ser po ste/ dug gi steng du bsams la dug gi steng du song ba'i tshe na 'og tu song bar bsam mo/ /'gro ba dag la 'khor lo ni/ /zhes bya ba la sogs pa ni 'gro ba'am gzhan dag gur gum gyis sna tshogs rdo rje rtse bcu gnyis pa bris la de'i steng du 'khor lo rtsibs brgyad pa ste/'khor lo'i steng du lte ba la bsrung bar bya ba'i ming dang sngags yi ge haM gi dbus su chud par byas la 'khor lo'i phyogs bzhir ni mi bskyod pa dang rin chen 'byung ldan dang 'od dpag tu med pa dang / don yod grub pa'i snying po'o/ /'khor lo'i rtsibs kyi mtshams bzhir ni spyan la sogs pa'i snying po'o/ /yang shar la sogs pa'i phyogs su 'phags pa 'jam dpal gshin rje gshed la sogs pa'i snying po bri bar bya'o/ /'khor lo de'i mu khyud la/ oM hu lu hu lu/ tiSh+Tha tiSh+Tha/ ban+d+ha ban+d+ha/ han han/ da ha da ha/ a mr-i te hUM phaT ces bya ba kun du bri'o/ /de nas hUM b+h+rUM zhes bya ba dag las sna tshogs rdo rje dang 'khor lo bskyed la rang gi ming dang sngags kyis bsgrub par bya ba haM gi go cha'i nang na gnas pa dang / de bzhin gshegs pa la sogs pa rang gi gnas su rang gi snying po las rnam par bsams nas mchod pa thams cad kyis yang dag par mchod la/de dag gi rdo rje'i 'od zer gyi dra bas yang bsgrub par bya ba yang dag par bsrung ba byas la gro ga la sogs pa de dpung pa'am mgul par gdags pa'am mchod rten gyi nang du bzhag na lha de lta bus srung ba mdzad par 'gyur ro/ /rdo rje any+dza na'i tshig 'di/ /zhes bya ba la sogs pa 'phags pa bdud rtsi 'khyil pa'i sbyor bas sngags 'di'i bzlas pa 'bum byas nas/mar ngo'i tshes bcu bzhi la lam gyi bzhi mdo'am shing gcig gi drung la sogs par yid kyis 'phags pa bdud rtsi 'khyil pa'i dkyil 'khor bskyed la ji lta ba bzhin du rdo rje any+dza na'i dbab par bya'o/ /skal ba med pa'i phyir ro zhes bya ba de'i tshe sems can rnams nyon mongs pa chung zhing rang bzhin bzang ba yin te/des na de dag la 'dod chags la sogs pas 'dod chags spong ba mi rigs te/ de bas na 'di mi ston pas na de rnams skal ba med pa zhes bya'o/ /skad cig thang cig yud tsam gyis/ sangs rgyas kyi byang chub rdzogs par byed de zhes bya ba rab kyi mthar thug pa las skyes pa'i khyad par du 'phags pa'i skad cig ma la sogs pa gsungs pa'am/so bon bskyed pa tsam la bya ste/ 'di dag kyang rgyud 'di la mos pa'i sems can rnams kyis gus pa bskyed par bya ba'i phyir gsungs pa yin no/ /gsung rdo rje'i yi ge'i dam tshig 'di thos nas zhes bya ba la sogs pa la/ sku dang gsung dang thugs bdag med pa'i sbyor ba bsgom pa'i tshul gyis skad cig yud tsam gyis 'thob bo zhes thos pas rab tu bsdus par gyur pa ste/'di dag byang chub sems dpa' sems dpa' chen po rnams 'di ltar ston pa ni sa chen po la zhugs pa'i byang chub sems dpa' rnams la gong du ming tsam gyis thos pa'i skal ba med par 'gyur la bdag cag ni de bas ches mchog tu byung ba yin no zhes gsang ba gsum 'dus pa chen po la lhag par mos pa'i sems can rnams la spro ba ston par bya ba'i phyir bstan pa yin no//sdug bsngal gsum la zhes bya ba ni 'du byed kyi sdug bsngal ba dang / 'gyur ba'i sdug bsngal ba dang / sdug bsngal gyi sdug bsngal lo/ /gsang ba'i yi ge gsum zhes bya ba ni sku dang gsung dang thugs ni rdo rje gsang ba gsum ste/ de dag ni don dam par dngos po med pa'i ngo bo nyid yin pas yi ge'o/ /bcom ldan 'das chung ngu na ming tsam thos pa'i skal ba yang ma mchis so zhes bya ba ni re zhig bsam pa dang bsgom pa dag gis gsang ba'i yi ge mngon sum du bya bar skal ba med na thos pa lta smos kyang ci dgos zhes pa ste/gang gi phyir bdag cag ni gsang ba'i yi ge'i rang bzhin yin la des na rang la rang byed pa ni 'gal ba'i phyir dang / thos pa dang bsam pa dang bsgom pa dang thos pa po dang / bsam pa po dang / sgom pa po ma bskyed pa yin pa'i phyir ro//de ltar ma brtags pa'i tshul gyis kyang so so'i skye bo rnams 'di snyam du/ bdag cag ni gsang ba'i yi ge 'di thos pa la sogs pa'i skal ba yod kyi/ sangs rgyas dang byang chub sems dpa' rnams ni ma yin no zhes rtogs par bya ba'i phyir ro/ /yi ge ni thun mong ste zhes bya ba 'dis ni gang byang chub sems dpa' gsang ba'i yi ge mnyan par mi nus par smod par byed pa dag la de nyid bsal ba'i phyir te de bas na gsang ba'i yi ge gsum rnam par dag par bya ba'i phyir ro zhes bya ba gsungs so//de ltar gsang ba'i yi ge rnam par dag pa bstan nas/ de bzhin gshegs pa btsun mo'i b+ha ga la bzhugs pa ni chos thams cad ni dngos po med pa'i ngo bo nyid do//'di la 'dod pa skyed cig ces gdul bya rnams la khong du chud par bya ba'i phyir te/ gsang ba'i yi ge rnam par dag pa'i phyir ro zhes bya ba de nyid ni 'dir rgyu yin no/ /de nas de bzhin gshegs pa thams cad ces bya ba la sogs pa sems can gyi khams na zhes bya ba ni/ sems can rnams kyi sems gang ni//brtan pa'i phyir na sems dpar brjod/ /mnyam par bzhag pas ting 'dzin te/ /nges pa'i phyir na rdo rje'o/ /zhes bya ba gsungs pa'i phyir ro/ /gnas kyi dbang phyug ces bya ba ni khams gsum gyi dbang phyug tu gyur pa'i phyir ro/ /de yang gang gi thugs she na/ rdo rje'i thugs zhes bya ba gsungs te rdo rje'i thugs ni gzung ba dang 'dzin pa'i rnam par rtog pa dang bral ba'i byang chub kyi sems so//thabs dang shes rab mngon du byas pa ni 'dir 'dod pa yin pas bdag la bskyab tu gsol zhes bya ba thabs dang shes rab yang dag par sbyor bar bsgoms pas so//mgon po gal te de ring bdag ni gson par mchis bzhed na/ /zhes bya ba ni gal te bdag 'dod chags la spyod pa'i rnal 'byor pa'i rgyud la 'dod chags kyis 'dod chags spong ba'i phyir thabs dang shes rab yang dag par sbyor ba bskyed pa ni gson pa ste/ de bzhin du gzhan dag la yang shes par bya'o//'dod pa thams cad la nye bar longs spyod pa'i rdo rje dpal zhes bya ba'i ting nge 'dzin la snyoms par zhugs nas zhes bya ba ni spyan la sogs pa bzhi dang / thabs dang shes rab tu sbyor bas sems can gyi khams thams cad kun du bzang po'i ngo bor bskyed pa ni 'dod pa thams cad la nye bar longs spyod pa'o//de nyid kyis mdzes pas na dpal te/ de bskyed pa'i ting nge 'dzin gang yin pa de ni 'dod pa thams cad la nye bar longs spyod pa'i dpal zhes bya ba'i ting nge 'dzin te de la snyoms par zhugs pa'o/ /dam tshig 'khor los 'dod pa'i longs spyod cing //zhes bya ba ni bcom ldan 'das nyid kyi dkyil 'khor la bzhugs pa'o/ /sku dang gsung dang thugs rdo rje rnam par dag pa zhes bya ba ni sbyor ba dang ldan pa'i che ba'i bdag nyid dang mi phyed par mngon du mdzad ces bya ba'i don to/ /mi gsung bar gyur to zhes bya ba ni bdag dang gzhan dmigs su med pas gsung gi spros pa mi mnga' ba'o//de ltar thabs dang shes rab kyi gnas pas bzhugs nas bcom ldan 'das kyis 'dod chags la spyod pa'i sems can rnams rjes su gzung ba'i phyir/ /sngon gyi 'phen pa'i stobs kyis gdul bya rnams la sbyor ba las byung ba'i de bzhin gshegs pa thams cad kyi sku dang /gsung dang / thugs rdo rje'i ngo bo'i khu bas 'jig rten gyi khams yongs su gang bar mig yor lta bur bskyed par gyur te/ de dag gis kyang sku dang / gsung dang / thugs rdo rje de nyid rtogs pas na kun du bzang po'i ngo bor gyur pa'o/ /'dis ni 'di skad ston par 'gyur te/ rdo rje 'chang chen po dang po'i sbyor ba'i ngo bo nyid du bdag nyid nges par mdzad nas/ dang po'i sbyor ba dang / dkyil 'khor gyi rgyal po mchog dang / las kyi rgyal po mchog kyang rnam par bsgoms te/dkyil 'khor gyi bdag po'i nga rgyal gyis chos thams cad nam mkha' dang 'dra bar mos pa byas pa la/ spyan la sogs pas gsol ba btab pas mig yor lta bu'i tshul du yang dag par sbyor ba bsgom pa ni/ 'dod chags kyis 'dod chags spong ba'i spyod pas sems can gyi spyod pas lhag par mos par bya'o//de nas dus bzhir bsgoms pas ngal bar 'gyur na rdo rje sems dpa'i yi ge gsum la sku dang / gsung dang / thugs rdo rje bcug ste/ rnam par snang mdzad ni khams gsum pa thams cad kyi lus rdo rje la'o//'od dpag tu med pa ni khams gsum pa thams cad kyi ngag rdo rje la'o/ /rdo rje 'chang chen po ni khams gsum pa thams cad kyi sems rdo rje de la gnas shing / de bzhin gshegs pa thams cad kyi sku dang / gsung dang / thugs mnyam pa nyid kyi sbyor bas yang dag par bsam par bya'o//kun dga' snying pos rdo rje mchog /gus pas dka' 'grel 'di byas pa'i/ /bdag gis dge ba 'di bsags des/ /'jig rten rdo rje 'dzin par shog /de bzhin gshegs pa thams cad kyi sku dang / gsung dang / thugs kyi gsang ba 'dus pa zhes bya ba rtog pa'i rgyal po chen po'i dka' 'grel slob dpon kun dga' snying pos mdzad pa rdzogs so// //rgya gar gyi mkhan po bi dza ya shrI b+ha dra dang / zhu chen lo tsA ba dge slong rin chen bzang pos bsgyur te/ slad nas A tsA r+ya shrad+d+ha ka ra war mas zhus te gtan la phab pa// //