CLOSE WINDOW

D1913
བོད་ཡིག

/dpal bde ba chen po'i 'grel pa slob dpon chen po bi mA la gar+b+has mdzad pa rdzogs so/ /[ ]@##/ /rgya gar skad du/ shrI sa ha dza sa mA dza sA d+ha nA ma/ bod skad du/ dpal gsang ba 'dus pa lhan cig skyes pa'i sgrub thabs/ /bcom ldan 'das 'jam pa'i rdo rje la phyag 'tshal lo//dri med ye shes gzi 'od ldan/ /'bar ba'i sku mnga' dkyil 'khor bdag/ /dpag med sprul pas 'gro skyob pa/ /dpal ldan gsang 'dus la phyag 'tshal/ /yid 'ong ri bo'i drung sogs su/ /blo ldan zhugs te yid dad pas/ /gdong sogs dag byas bsod nams bsags/ /de rjes chos kun stong par bsam/oM shU n+ya tA dz+nyA na badzra swa b+hA wa At+ma kou0f85haM/ /rdo rje'i gzhi la rab dkar dge/ /chos 'byung dbus su pad+ma dang / /nyi ma la gnas sna tshogs mdog /rdo rje las byung 'khor lo bsam/ /gru bzhi zur bzhi sgo bzhi pa/ /sna tshogs rgyan rnams kun gyis spras/ /ba dan dril bus khyab p a ni//kun nas nyams dga'i pho brang bsam/ /de dbus dbyangs yig rnal bzlog las/ /zla rgyas grub ste de steng 'dir/ /gsal byed rnal bzlog dbyangs yig bcas/ /'phros bsdus las byung hUM yig blta/ /mtha' yas sprul pas don bsgrubs nas/ /rgyal ba mthing ga rab mdzes sgeg /g.yas g.yon dkar dang dmar ba'i zhal/ /rdo rje dril 'dzin rig mas 'khyud/ /'khor lo rin chen pad+ma dang / /ral gri 'bar ba g.yas g.yon phyag /skyil krung rnam par rol pas bzhugs/ /nam mkha'i mdog ltar rab dngas bsgom/ /oM dang AHdang de bzhin du/ /hUM zhes byin gyis brlabs nas kyang //snying ga las 'phros 'od zer gyis/ /ye shes bkug la dbang bskur bya/ /de nas thabs chen shes rab mchog /bde chen ngang du snyoms zhugs pas/ /mi 'gyur thig ler rnam par zhu/ /spyan sogs glu yis sad par bya/ /oM d+harmA d+hA tu swa b+hA wa At+ma kou0f85haM/ rang snying zla ba hUM dang ni/ /mgrin p ar pad+ma la gnas AH//spyi bor 'khor lo oM gyis mtshan/ /thugs gsung sku yi rdo rje bsgom/ /oM sarba ta thA ga ta tsit+ta badzra swa b+hA wa At+ma kou0f85haM/ /oM sarba ta thA ga ta wAka badzra swa b+hA wa At+ma kou0f85haM/ oM sarba ta thA ga ta kA ya badzra swa b+hA wa At+ma kou0f85haM/ phyogs bcur bzhugs pa'i sangs rgyas kyi/ / rdo rje mi phyed gsum bsgoms pas/ /deng bdag byin gyis brlab mdzad nas/ /rdo rje'i thugs gsung skur mdzad nas/ oM sarba ta thA ga ta a nu rA ga ta badzra swa b+hA wa At+ma kou0f85haM/ shes rab dam pa'i ngo bo nyid/ /thabs bcas 'byung ba rang bzhin lus/ /dga' bzhis bde gshegs mnyes bya zhes//sngags pas dga' ba kun du brtsam/ oM AHbadzra d+h+r-i ka hUM swA hA/ oM AHbadzra d+hA twI shwa ri muM hUM swA hA/ hUM gi rdo rje las byung ba/ /yid tshul dam pa'i chu skyes la/ /gnas pa'i sngags phreng phyung nas ni/ /rtse gcig yid kyis bzla bar bya//kun rtog mtshan ma kun las grol/ /yang dag rigs las tha mi dad/ /zhi sogs las kun sgrub byed rgyu/ /snying rje can gyis mi 'grub med/ /dpal ldan gsang chen lhan cig skyes/ /bsnyen pas dngos grub bsgrub pa'i phyir/ /mdor bsdus rim pa 'di brjod pas//skye bos sangs rgyas lnga 'grub shog /gsang chen lhan cig skyes pa'i sgrub thabs slob dpon rdo rje sgeg pas mdzad pa rdzogs so// //kha che'i rigs kyi paN+Di ta chen po bud+d+ha shrI dz+nyA na dang / lo tsA ba byams pa'i dpal gyis bsgyur ba'o// //