CLOSE WINDOW

D1912
བོད་ཡིག

/rdo rje bzhad pa'i slob dpon gyis/ /sems can ye shes bskyed phyir ro/ /dpal bde ba chen po'i sgrub thabs rdzogs so//[ ]@##/ /rgya gar skad du/ shrI ma hA su kha sA d+ha no pi ka bya khya na/ bod skad du/ dpal bde ba chen po sgrub pa'i thabs rnam par bshad pa/dpal rdo rje sems dpa' la phyag 'tshal lo/ /bde ba chen po rdo rje che/ /ye shes mtha' yas 'byung gnas la/ /phyag 'tshal sgrub thabs don rnams ni/ /bla mas bstan bzhin bdag gis bri/ /dpal zhes bya ba ni phun sum tshogs pa la bya'o/ / de yang 'jig rten dang 'jig rten las 'das pa'o/ /'jig rten gyi dpal ni lha dang mi'i 'byor pa thams cad dang ldan pa'o/ /'jig rten las 'das pa ni sangs rgyas kyi yon tan thams cad la bya'o/ /de gnyis dang ldan pas dpal ldan zhes bya'o/ /dpal gyi sgras ni lha mo bzhi la sogs pa la yang bya ste/de rnams dang gnyis su med pa'i sbyor ba'i tshul du gnas pas dpal ldan no/ /rdo rje ni yang dag pa'i ye shes sems dpa' ni de nyid kyi rang bzhin yin pas sems dpa' zhes bya ste/ sems can thams cad dang mthun par sku bstan pas sems dpa'o/ / mgon po sangs rgyas kun ngo bo/ /zhes pa ni thugs rje'i rang bzhin yin pas sems can gyi bsam pa dang mthun par thams cad kyi don mdzad pas mgon po zhes bya/ phyogs bcu dus gsum gyi sangs rgyas kyi bdag nyid yin pas so/ /zhe sdang rdo rje rgyal ba'i gtso//zhes pa ni sems can zhe sdang can thams cad 'dul ba'i cha lugs su bstan pas zhe sdang rdo rje'o/ /rang sangs rgyas dang nyan thos kyi mchog tu gyur pa dang / /dkyil 'khor gyi bdag po yin pas na rgyal ba'i gtso/ lha mo zhes bya ba ni 'jig rten dang 'jig rten las 'das pa'i chos kyi dbyings kyi phyag rgya dang ldan pa rnams dang gnyis su med pa'i tshul du bde ba chen po rtag tu nyams su myong ba la bya'o//dad pas zhes pa ni gus pa dang bcas pas so/ /bdag gi lus ngag yid gsum gyi sgo nas phyag 'tshal nas/ /de ltar phyag 'tshal ba'i don ni rgyud thams cad kyi rgyal po gsang ba 'dus pa 'di gang zag blo dman pa rnams kyis rtogs shing go dka' bas de lta bu'i sems can rnams la phan gdags pa'i phyir ro//dpal ni badzra satwa/ de dang ldan pas dpal ldan no/ /gsang 'dus ni rgyud kyi mtshan no/ /don ni nges pa'o/ /rtogs pa ni sems kyis so//gsang ba ni tshig gis so/ /sems can ni khams gsum na gnas pa'o/ /phan pa ni mtho ris dang thar pa thob par bya ba rgyud 'di la 'jug par bya'o/ /bsgrub par bya ba'i phyir sgrub pa'o/ /de yang gang zhe na/ dpal rdo rje sems dpa' la sogs pa'o/ /thabs ni yan lag go//'di ni brtsams pa'i dngos po'o/ /bshad par bya zhes pa ni dam bca' ba'o/ /dang po sems bskyed ma thag go/ /sngags pa zhes bya ba ni gsang sngags kyi tshul la spyod pa'o/ /nges pa ni the tshom med pa'o/ /da ni 'jug pa'i rim pa bstan pa yin te/ rdo rje ni yang dag pa'i don te de la ma nor bar ston cing bde ba chen po'i go 'phang thob par byed pa'o//mnyes par bya ba yang rnam pa gsum ste phyi dang nang dang gsang ba'o/ /phyi ni lus dang longs spyod do/ /nang ni shes rab rnam gsum gyi sgo nas so/ /gsang ba ni gsang ba'i mchod pas so/ /de ltar slob dpon mnyes par byas nas dbang rnam gsum thob nas gnang ba ni sgrubs shig ces bya ba'i don to//de nas zhes bya ba ni mnyes par bya ba la sogs pa zin nas so/ /sgrub pa ni gang yang rung ba'i sgrub pa'i dngos po'o/ /brtsam par bya ba ni 'jug pa'o/ /dkyil 'khor gyi don ni sgra las drangs na maN+Da ni snying po'o//la ni a da na ste len pa'o/ /dkyil 'khor pas dkyil 'khor ro/ /der zhugs pa ni tshul bzhin du slob dpon gyis bstan zhing dbang bskur ba'o/ /de bzhin ni 'dra ba'i don gsang ba ni thun mong ma yin pa dang / /rtog ge bas ma yin pa'o/ /nyid ni ma nor ba dkyil 'khor gyi don dang gnyis su med pa'i don to//shes pa ni go ba'o/ /kun byed thams cad za ba yis/ /zhes pa ni rtog pa med cing gnyis su med pa'i spyod pa'o/ /the tshom med par dngos grub thob/ /ces bya ba ni yon tan de lta bu dang ldan pas bsgrubs na yid kyi 'dod pa'i don grub ces bya ba'i don to//gtso bo ni yi dam gyi lha dang rdo rje slob dpon gnyis so/ /mi phyed pa ni mi 'gyur ba dang rgyun mi 'chad pa'o/ /dad pa ni yid ches pa dang gus pa dang chags pa'o/ /rnam pa ni tha dad pa mi rtog pa'i blo ni tha dad pa'i 'du shes med cing gnyis su med pa'o/ /dam tshig ni mi 'da' ba ste sku gsung thugs la sogs pa'o//sdom pa ni mi g.yeng ba'o/ /gnas pa ni ldan pa'o/ /de lta bu'i rnal 'byor pas bsgrubs na sku gsung thugs kyi 'bras bu 'grub par 'gyur ro/ /bram ze zhes bya ba ni dge ba'i ngang nyid yin pas na dor ba'i tshig go/ /dkyil 'khor dag ni dman pa dang //zhes bya ba la sogs pa'i don ni gong du bstan pa'i yon tan dang mi ldan par rang bzo dang gzu lums su byas shing bsgrubs na/ 'bras bu mi 'thob cing byas pa chud zos pas byar mi rung bar bstan/ de lta bas na dam tshig dang sdom pa bstan te/ dam tshig ni bsgrub pa'i dam rdzas so//sdom pa ni kha na ma tho ba med par dang du len pa'o/ /de yang gang yin zhe na/ sha la sogs pa bdud rtsi lnga'o/ /sha ni sha chen/ rak+ta ni khrag thams cad/ dri chen dang rdo rje chu yang kun gyi'o/ /sems ni lnga pa byang chub byung ba zhes pa ni thabs dang shes rab gnyis su med pa'i rol pa las byung ba yin pas so//sngags pa ni rnam par mi rtog pa sgrub pa/ cho gas zhes pa ni bya ba/ de bzhin gshegs pa'i rang bzhin du byin gyis brlabs pa dang 'gro nas 'byung ba'i thabs so/ /nyin gcig bzhin du ni dus thams cad du'o/ /sbyang ba ni hUM gis so//'bar ba ni oM gyis so/ /rtogs pa ni AHyis so/ /dogs pa ni 'grub mi 'grub pa'i the tshom mo/ /med pa ni spangs pa'i sems so/ /de bzhin gshegs pa ni sngon gyi de bzhin gshegs pa ci ltar gshegs pa bzhin gshegs pas de bzhin gshegs pa'o/ /de yang gang zhe na thabs dang shes rab gnyis su med pa'i tshul bsgoms shing bsgrubs pas bde ba chen po'i ngang du gyur pa rnam par snang mdzad la sogs pa'o//mnyes pa ni dgyes pa'i don to/ /de yang mngon sum du gyur pa'o/ /de bzhin gshegs pa ni gsang sngags kyi sgor zhugs pa'i rnal 'byor pa/ mnyes pa ni sku gsung thugs kyi 'bras bu 'thob pa'o//sbyang pa'i thabs ni sgrub pa'i rdzas snod du bzhag la de'i steng du hUM gcig 'bar bar bsgom/ /de'i 'od zer gyis ma rtogs pa dang log par rtogs pa'i dri ma thams cad bsregs par bsam/ de ltar rnam par dag par byas la/ de'i steng du zla ba'i dkyil 'khor dang a gcig bskyed/a las 'od zer 'phros pas zla ba'i dkyil 'khor la phog pas zhu ste/ bdud rtsi'i thigs pa tshul bzhin du zhu zhing gnyis su med par song bas bdud rtsir gyur pa ni rtogs pa'o/ /de'i steng du oM bsgom zhing 'phro 'du bya ba ni ma 'bar gyi bar du'o/ / de ltar byas shing spyad na sku gsung thugs kyi dngos grub 'thob pas dam tshig dam pa'o/ /de ltar sha rnam pa lnga yang sgrub pa'i rdzas yin pa dang / rtog pa spong ba dang / rang bzhin gyis mthu yod pas spyad par bya ba bstan/ de yang glang po che'i sha ni lo tsa nar byin gyis brlab cing rnam par snang mdzad la mchod pa'i tshul du spyad/rta sha ni rat+na lo tsa na dang rin chen 'byung ldan gyi tshul du spyad/ sha chen ni mA ma kI dang rdo rje sems dpa'/ ba lang ni na bza' dkar mo dang snang ba mtha' yas/ khyi ni sgrol ma dang don yod grub pa'i tshul du spyad/ mchog ni thun mong ma yin pas mchog go//'di rnams kyang sbyong ba la sogs pa gong ma dang 'dra'o/ /sku gsung thugs sgrub par 'dod pa'i rnal 'byor pas 'jig rten gyi zas spangs la rtag tu sgrub pa'i dam rdzas spyad pa'i don to/ /gzhan ni zan la sogs pa'o/ /rnal 'byor pas de dag bde blag tu ma rnyed na zas skom thams cad sha rnams yin par bsam zhing spyad par bya bar bstan/rdo rje sbyor ba 'di dag ces bya ba ni gong gi sbyong ba la sogs pa'i cho ga rnams so/ /de ltar spyad pa'i yon tan ni sangs rgyas thams cad kyis dbang bskur bar 'gyur ro/ /zan dang khur ba la sogs pa bza' ba'am/yang na chu dang chang la sogs pa btung ba'ang rung 'jig rten pas mi nus pa'i dka' ba'i spyod pa dang ldan pas brtul zhugs can gyis zas skom ci za ba dri chu sman lnga sha lnga ci ltar sbyor bas sbyong ba la sogs pa'i ting nge 'dzin cho ga bzhin du rung bar bya'o/ / da ni rnal 'byor pas tha mal pa'i tshul du gnas dang dam rdzas dang yo byad spyad du mi rung bas de'i ting nge 'dzin bstan/ rnam pa thams cad mchog ldan pa/ /zhes pa ni sku gsung thugs dang mtshan dang dpe byad dang rgyan la sogs pa'i sangs rgyas kyi yon tan thams cad dang ldan pa'i lha gang yang rung ba bsgom pa'i don to//de ltar gnas pa'i rnal 'byor pa'i lus ngag yid gsum la sku gsung thugs kyi lha bsgom pa bstan/ rdo rje ni mi phyed pa'i don/ yi ni de'i don/ de yang ci ltar bsgom zhe na/ bdag gi snying gi bar snang la a las bskyed pa'i zla ba'i dkyil 'khor gyi steng du hUM las ye shes sems dpa' sku mdog dkar ba rdo rje dang dril bu 'dzin pa rgyan thams cad dang ldan par bsgom mo//spyi bor zla ba'i dkyil 'khor gyi steng du oM las rnam par snang mdzad byang chub mchog gi phyag rgya dang ldan par bsgom/ lce'i steng du pad+ma bskyed la a las snang ba mtha' yas bsgom/ hUM las rdo rje bsgom pa ni ye shes sems dpa' bskyed pa la bya'o/ /a las ni snang ba mtha' yas/ oM las ni rnam par snang mdzad/ sbyor ba zhes bya ba ni spyi bo dang lce'i steng du de gnyis kyi sku bskyed pa la bya/ de ltar bdag lhar bsgom zhing dam rdzas dang bza' btung thams cad ni sku gsung thugs kyi 'bras bu 'thob par 'gyur pa'i don to//'di ni dam tshig ces pa ni gong du bstan pa'i dam rdzas la sogs pa'i spyad pa'i tshul lo/ /mchog ni bla na med pa'i 'bras bu thob par byed pa'i thabs kyi rab yin pas so//sangs rgyas thams cad ni rdo rje sems dpa' la sogs pa lnga'o/ /mnyes pa ni sngags kyi spyod pa tshul bzhin du spyad pas dgyes pa dang mngon du gyur pa la bya'o/ /mchog ni sku gsung thugs so/ /dngos grub kyang tshe 'di nyid la thob pa'i don to//thams cad ni 'jig rten pa'i spyod pa grub kyang bsdu'o/ /de bas na dam tshig mchog ces bya'o/ /gzhan yang rnal 'byor pas dam tshig dang dus thams cad du ldan par bya dgos par bstan pa/ rtag pa zhes pa ni dus thams cad du rgyun mi 'chad pa'o/ /gzhan ni bdag las gzhan pa 'phags pa rnams so//'phrog pa ni bdag gir bya ba'o/ /spyir 'phags pa rnams kyi sku gsung thugs bsgom zhing thob par bya ba la'ang bya'o/ /gnod sbyin dang rgyal po la sogs pa'i nor kha na ma tho ba med pa'i sgo nas blangs shing spyod pa la yang bya'o/ / rmad du byung ba gsod pa dang / zhes pa ni chos thams cad bdag med pa'i rang bzhin du mi blta zhing / bdag tu blta ba la sogs pa'i lta ba log pa'o/ /de la de skad ci'i phyir bya zhe na/ yang dag pa'i don gyi gnas byed pa dang ngan song du gtong ba'i phyir ro/ /gso ba ni spong ba'o//rmad du byung ba ni dkon mchog gsum dang rdo rje slob dpon dang sems can mang po la gnod par byed pa'o/ /gsod pa ni kha na ma tho ba med par snying rje'i sgo nas bsgral ba'o/ /'dod pa ni sku gsung thugs/ chags pa ni gzhan mi sems pa'o/ /rdo rje ni mi phyed pa'i don to//de nyid ni ma nor ba'o/ /spyod pa ni bsgom pa'o/ /mdor na sku gsung thugs rgyun mi 'chad par bsgom pa la bya'o/ /'dod chags ni bla na med pa'i bde ba'o/ /spyod pa ni thabs dang shes rab kyi tshul gyis nyams su myong ba'o/ /'di zhes bya ba ni dam tshig gsum mo/ /sdom pa ni srung ba'o//bsdams pa'o zhes pa bsrung ba'i nang na khyad par du bstan pa'o/ /de ltar sgrub pa'i rgyu dam tshig rnams bstan nas/ de dang mi mthun pa'i spyod pa rnams spang bar ston te/ dam bca' ni nyan thos kyi spyod pa dang kr-i ya'o/ /brtul zhugs ni mu stegs can brag la mchong ba la sogs pa'o//dka' spyod ni me lnga bsten pa dang zas mi za ba la sogs pa'o/ /brten pas mi 'grub ces bya ba ni nyan thos la sogs pa'i spyod pa rnams spyod pas sku gsung thugs kyi dngos grub mi thob pas spongs shig pa'i don to/ /'dod pa ni sku gsung thugs/longs spyod ni gnyis su med par bsgom pa'o/ /thams cad ni dkyil 'khor gyi lha thams cad la bya'o/ /yang na 'dod pa ni 'dod pa'i yon tan thams cad do/ /bstan pa zhes pa dus thams cad du rgyun mi 'chad par spyad pa'o/ /myur du 'grub ces bya ba ni de ltar bskyed pas sems las su rung bas tshe 'di nyid la 'bras bu 'thob pa'i don to//slong mo za zhing mi bzlas te/ /zhes pa ni ma hA yo ga'i sgor zhugs pa'i rnal 'byor pas kr-i ya'am mu stegs pa ltar 'phral du bslang zhing sngags bzla bar mi bya'o/ /de ci'i phyir zhe na/ lus ngag yid gsum thang chad pa dang tshul bzhin du bsgom mi nus pa dang /ma rnyed na bkres skom gyis nyon mongs pa dang sems las su mi rung bas so/ /slong la dga' bar mi bya'o/ /zhes pa ni 'phral slong ba la de ltar skyon yod pas sngon du bslang zhing gzung ngam snyam na/ de yang yid dang 'thad pa mi rnyed pas mi rung ngo //yo byad thams cad phun sum tshogs pas bya ba'i don to/ /yan lag mi gnyis zhes bya ba ni kr-i ya ba ltar bdag dam tshig sems dpar bsgom zhing ye shes sems dpa' logs su mchod pa bzhin du mi bya bar ye shes sems dpa' dang bdag gnyis su med par bsgom zhing 'dod pa'i longs spyod thams cad bzla ba'i don/yang na yan lag mi gnyis zhes ba ni gzungs ma dang gnyis su med pa'i tshul du 'dug nas bzla ba'i don to/ /'dod pa'i longs spyod ni 'dod pa thams cad do/ /de yang gzungs kyi lha mo la sogs pa'i tshul du bsgom zhing spyad pa'i don to//de ltar spyad pa'i yon tan bstan pa/ lus dang ngag yid bder gnas na/ /zhes pa ste/ slong ba'i zas spang zhing 'dod pa thams cad spyad pas lus ngag yid gsum las su rung ba'i don to/ /byang chub dam pa ni nyan thos dang rang sangs rgyas las 'phags pa bla na med pa'i byang chub chos kyi sku'i rang bzhin 'thob pa'i don to//gsang sngags tshul bzhin du spyad pa'i skyon bstan pa gzhan du bya ba ni gong du spyod pa spangs nas tshul dang mi ldan pa'i sgo nas gsang sngags bzlas na dus min 'chi ba zhes bya ste tshe'i mthar ma thug bar glo bur du 'chi ba la bya/dmyal ba rnams su rtag tu bsreg /ces pa ni shi nas kyang dmyal bar rim pa rim par 'gro zhing dus thams cad du bsreg par 'gyur ba'i skyon yod pas byar mi rung bar bstan to/ /sangs rgyas byang chub sems dpa' zhes pa la sogs pas ni gsang sngags ma hA yo ga'i sgor zhugs pa'i rnal 'byor pas 'dod pa'i yon tan lnga mi bsten du mi rung bar bstan to//sngon gyi sangs rgyas dang byang chub sems dpa' rnams kyang 'dod pa'i yon tan lnga bsten zhing / sngags kyi spyod pa mchog 'di spyad pas 'grub pa yin no zhes pa'i don to//chos kyi yi ge ni yi ge thams cad kyi mchog yi ge a'o/ /'thob par 'gyur ba de ni don 'thob pa'o/ /de lta bas na da ltar gyi rnal 'byor pas kyang 'dod pa'i yon tan lnga spyod cing bsgrub par bya ba bstan to/ /chags pa ni dang po'am 'dod pa la bya/ ye shes ni sku gsung thugs sam yi dam gyi lha/ rtag ces pa ni dus thams cad dam rgyun mi 'chad pa la bya/ bsgrub ces bya ba ni bsgom pa'am mngon sum du byed pa bya bas ni de 'dod pa'i rnal 'byor pa gzugs la sogs pa'i yon tan lnga la spyad par bya ba'i don to/ /de yang bsam pa ji lta bu byed ce na/ye shes sems dpa' dang byang chub sems dpa' la mchod pa'i tshul du'o/ /de la byang chub ni chos kyi dbyings so/ /dpa' bo zhes pa ni gzugs kyi sku ston cing sems can gyi don byed pa'i dpal rdo rje sems dpa'o/ /yang na byang chub ni badzra satwa la sogs pa dus gsum gyi sangs rgyas so//dpa' bo sgra las drangs na nyi ma la bya/ mdor na ji ltar nyi mas rab rib thams cad sel ba bzhin du sangs rgyas rnams kyang sems can gyi mi shes pa'i rab rib thams cad thugs rje'i 'od zer gyis sel bar byed pas byang chub nyi ma zhes bya ba'i don to/ / gnyis su med pa'i lta ba la goms par byed pas rnal 'byor pas 'di dag la smad par mi bya ba bstan to/ /gzugs sdug pa dang mi sdug pa dang gnyi ga ma yin pa rnams so/ /de bzhin du sgra la sogs pa la yang smad par mi bya ste de ci'i phyir zhe na lha'i rang bzhin yin pas so/ /rdo rje ni dus gsum gyi sangs rgyas kyi sku gsung thugs so//'chang ba ni de nyid kyi rang bzhin nam 'dzin pa la bya/ rgyal zhes pa ni mdzes shing 'bar ba nyon mongs pa med pa byang chub sems rdo rje la bya/ de nyid thams cad du yang dag par gnas zhes pa ni gzugs la sogs pa'i rang bzhin don dam par de dang gnyis su med pa dang /kun rdzob tu gzugs kyi lha mo la sogs pa'i skur bstan zhing sems can gyi don byed pas so/ /de lta bas na gzugs la sogs pa rab 'bring tha ma gsum khyad par rnam pa gsum du bsgom zhing rdo rje sems dpa' de bzhin gshegs pa thams cad kyi bdag nyid la mchod par bya'o/ / de la khyad par rnam pa gsum zhes bya ba ni rnam par thar pa'i sgo stong pa nyid dang mtshan ma med pa dang smon pa med par shes pa dang / sku gsung thugs su byin gyis brlab pa'o/ /sngags pa ni rnal 'byor pa'o/ /rnam pa ni 'di dag gis zhes pa gong du bstan pa'i mchod pa'i thabs rnams so/ / dam tshig sdom pa bsrung zhes pa ni de nyid las mi 'da' bar byas na bya ba'i don to/ /tshe 'di nyid la zhes pa ni phung po 'di nyid ma brjes pa'i don to/ /'di dag gis zhes pa gong du bstan pa'i mchod pa'i thabs rnams so/ /rdo rje gsum nyid ces pa ni de bzhin gshegs pa thams cad kyi sku gsung thugs kyi rang bzhin du 'gyur ba 'am/rigs gsum gyi rig 'dzin gyi 'bras bu 'thob pa'o/ /gal te gti mug can zhes pa la sogs pas ni gong du bstan pa'i sngags kyi spyod pa dang mi ldan par bdag sngags pa'o zhes pa'i mngon pa'i nga rgyal gyis bsgom pa dang bzlas pa bya ba 'am/ gsang sngags dang gsang sngags kyi spyod pa smad cing spong ba'i skyon bstan/de la zhes pa ni dam tshig las 'das pa'o/ /dngos grub mi 'byung ba ni 'jig rten pa'i dngos grub phra mo yang mi 'thob pa'i don to/ /zhing zhes pa ni mi 'thob pa'i steng du gong ma ltar yang 'gyur ba'i don to//rims ni zhag gcig pa la sogs pa'o/ /dug ni sbrul la sogs pa'i srog chags kyi dug dang / shing kim+pa ka la sogs pa'i rtswa shing gi dug dang lus las byung ba'i dug go/ /nad ni nad bzhi brgya rtsa bzhi la sogs pa'o/ /bgegs ni bgegs kyi rgyal po bi na ya ka la sogs pa'o//kyis zhes pa ni de rnams kun gyis bsad nas zhes pa'o/ /sems can zhes pa ni dam tshig las 'das pa'o/ /dmyal bar 'gro zhes pa ni dmyal ba chen po brgyad la sogs par skye ba'o/ /sangs rgyas byang chub sems dpa' zhes bya ba la sogs pas ni dam tshig las 'das pa de shin tu sdig che bar bstan/byin gyis brlab par mdzad pa ni thugs rje che ba de rnams kyis mi bzlog pa'i don to/ /me tog la sogs phul yang mi bzhes pa ni dam tshig las nyams pa de dge ba'i rtsa ba ci byas kyang bsod nams chen por mi 'gyur ba'i don to/ /'jig rten 'dir yang sdug bsngal zhes bya ba la sogs pa ni mdor na dam tshig nyams pa'i gang zag ni 'jig rten 'di dang pha rol tu shin tu yang sdug bsngal bar 'gyur bas dam tshig las skad cig kyang 'da' bar mi rung bar bstan/'jig rten 'di zhes pa ni tshe 'di'o/ /sdug bsngal ba ni bkres skom la sogs pa'i sdug bsngal thams cad kyi tshor ba myong ba'o//pha rol ni tshe phyi ma'o/ /yang zhes pa ni 'di la ma gtogs pa'o/ /dmyal bar 'gro ba ni gong ma dang mthun no/ /dam tshig spyod pa ni gong du bstan pa rnams so/ /nyams pa ni mi bsrung ba'o/ /gti mug can ni legs nyes kyi don mi go ba'o//'bras bu mi thob ces pa ni byas pa thams cad 'bras bu med pa'i don to/ /de ltar dam tshig dang spyod pa rnams la rnal 'byor pa gnas par bstan nas/ da ni rang gi lus ngag yid gsum 'phags pa'i sku gsung thugs su sgrubs shig par bstan/sngar smos pa'i sdom pa ni gong du bstan pa rnams so/ /gnas nas zhes pa ni dang du blangs nas zhes pa'i don to/ /rtag par ni dus thams cad du'o/ /mi phyed pa ni mi 'gyur ba'o/ /brtul zhugs zhes pa ni nan tan gyis zhes bya ba'i don to/ /lus ngag yid gsum ni rang gi'o//rdo rje zhes pa ni 'phags pa rnams kyi sku gsung thugs so/ /sgrub pa brtsam par bya ba ni der bsgyur ba'i spyod pa dang ting nge 'dzin la 'jug par bya ba'i don to/ /de yang gnas ji lta ba bzhin du brtsam zhe na/ nags tshal la sogs pa bstan pa yin no/ /nags tshal ni shing sna tshogs yod pa'i phyogs so//chen po ni sdug pa'am rgya che ba'i don to/ /ri bo ni bya rgod spungs pa la sogs pa'o/ /ri sul ni dbang po ri'i brag phug la sogs pa'o/ /dben pa chen po ni dur khrod dam lha khang stong pa la sogs pa'i gnas dben zhing yid du 'ong ba thams cad do//rnams su zhes pa ni de rnams gang yang rung ba'i don to/ /dngos grub thob ces pa ni de lta bu'i gnas su bsgrubs na yid kyis 'dod pa'i 'bras bu 'thob pa'i don to/ /sems dpa'i skyil krung zhes bya ba la sogs pa ni sgrub pa'i srung mtshams bcad pa'i cho ga bstan/sems dpa'i skyil krung ni phyed skyil lo/ /de yang g.yon pa bskum zhing g.yas cung zad brkyang ba'i tshul lo/ /'jam pa'i stan ni phyi dang nang dang gsang ba rnams so/ /phyi ni srin bal la sogs pa la byas la 'jam zhing yid du 'ong ba rnams so/ / nang ni nyi zla pad+ma la sogs pa'o/ /skabs 'dir nang gi las nyi ma'i dkyil 'khor ro/ /gsang ba ni yum dang gnyis su med par rdo rje dang pad+mar ldan pa'i tshul lo/ /'dug nas zhes pa ni stan de gsum gyi steng du bdag gong du bstan pa'i tshul du 'dug pa'o/ /ci byed ce na/zhe sdang rdo rje 'og nas 'byung ba'i tshul du bsgom zhes bya ba'i don/ gnas nas zhes pa ni ting nge 'dzin la zhugs pa'o/ /gnas ni sgrub pa'i sa phyogs so/ /srung ba ni bgegs thams cad kyis glags mi rnyed par byed pa'o/ /rnam par bsam pa ni 'og gi ting nge 'dzin rnams so//gzugs chen 'bar ba zhes pa ni bdag zhe sdang rdo rje yab yum du gnas pa'i thugs ka nas hUM las khro bo bcu phyung ba'i cha lugs so/ /gzugs che ba ni srid pa gsum gyi sems can zil gyis gnon pa'i sku dang ldan pa'o//'bar ba ni ye shes kyi 'od zer bskal pa'i me bzhin 'bar ba'i sems can gyi nyon mongs pa sreg par byed pa'o/ /'jigs rten pa ni sems can thams cad 'khor ba las 'jigs shing mya ngan las 'das pa'i sar 'bros par byed pa'am sgrub pa po la bar chod byed pa'i bgegs thams cad skrag cing 'bros par byed pa'o//khro bo ni khros pa'i cha lugs shin tu 'jigs pa'i tshul lo/ /bcu dag ni grangs so/ /phyung ba ni zhe sdang rdo rje yab yum gnyis su med pa'i thugs ka nas so/ /de yang ci lta zhe na zhe sdang rdo rje yab yum gnyis su med pa'i byang chub sems bde ba chen po'i cha bcur byas te de'i hUM bcur gyur par bsam/de nas ya mAn+ta ka pradz+nyAn+ta ka zhes bya ba la sogs pa ming brjod pa tsam gyis khro bo bcu thugs ka nas phyung zhing so so'i phyogs su ma las bskyed pa'i nyi ma'i dkyil 'khor gyi steng du gnas par bsam mo//smad rtse mor bsam pa ni khro bo de rnams rked pa man chad zur gsum pa phur bu'i tshul du bya'o/ /ro stod khro bo lta bu zhes pa ni rked pa yan chod khro bo'i cha lugs zhal gsum phyag drug pa la sogs pa dang ldan par bsgom zhes bya ba'i don to/ /phyogs bcu'i dkyil 'khor zhes pa ni shar phyogs la sogs pa'i phyogs bcur nyi ma'i dkyil 'khor bcu bskyed nas khro bo de rnams dkyil 'khor dag gi steng du gnas par bsam pa'o//rim bzhin zhes pa ni phyogs dang khro bo ma nor ba dang shar phyogs nas bskyed pa'o/ /de yang shar phyogs su gshin rje gshed do//shar lhor mi g.yo mgon no/ /lhor shes rab mthar byed/ lho nub tu 'dod pa'i rgyal po/ nub tu pad+ma mthar byed/ nub byang du nI la daN+Da/ byang du a mr-i ta kuN+Da li/ byang shar du ma hA ba la/ 'og tu ka ma la kuN+Da li/ steng du hUM mdzad do//de ltar khro bo rnams bskyed nas yang 'di ltar bya'o zhes pa'i don to/ /bgegs zhes bya ba ni ting nge 'dzin gyi bar chad byed pa'o/ /thams cad ni bgegs kyi rigs ji lta bu yang rung ba ma lus pa'i don to/ /bshig pa ni med par byas pa 'am/ tshar gcad pa'i don to/ / gnod mdzes bka' stsal zhes pa la sogs pa ni khro bo gnod mdzes bskyed cing bgegs rnams khug cig par bka' stsal pa dang phur bus thob cig pa'i don to/ /nyi ma'i dkyil 'khor dbus gnas zhes pa ni zhe sdang rdo rje yab yum gyi gnyis su med pa'i byang chub sems las khro bo hUM dkar bskyed nas nyi ma'i dkyil 'khor gyi steng du gnas par bsam pa'o//dbyar gyi sprin phung lta bu zhes pa ni de'i sku mdog bstan te shin tu yang gnag pa'o/ /bskal pa'i me dpung zhes pa ni sku'i 'od shin tu 'bar zhing nyon mongs pa thams cad sreg pa'i mthu che ba'am bdud dang bgegs thams cad 'od kyis tshig cing thal bar rlog pa'i 'od dang ldan pa'i don to//g.yas brkyang ba ni zhabs gnyis stang stabs so/ /smin mtshams khro gnyer ni dpral ba khro gnyer gsum mam lnga dang ldan pa'o/ /dmar ba'i spyan ni sems can thams cad la thugs rje'i dbang gis chags pa'i don dang bgegs thams cad 'jigs par bya ba'i phyir spyan shin tu yang dmar bar bstan to//zhal gsum ni sku gsung thugs kyi sgo nas sems can gyi don mdzad pa'am mnga' ba'i don to/ /mche ba gtsigs pa ni shin tu yang 'jigs par byed pa'i don to//rnam par bsgyur ba ni ljags so/ /phyag drug la dang po gnyis hUM gi phyag rgya dang ldan pa'o/ /de yang g.yon gyi mdzub mo bsdigs pa'i tshul du thugs kyi thad kar gzhag ba'o/ /g.yas kyi mdzub mo gnam du bsdigs pa'i tshul du bsgreng ba'o/ /dpa' bo ni 'jig rten gyi lha la sogs pa gang gis kyang mi thub pa'i don to//rdo rje dril bu 'dzin pa zhes pa ni phyag de gnyis kyis so/ /g.yas gnyis lcags kyu ral gri ni bar ma lcags kyu ral gri'o/ /g.yon gyi bar ma dgra sta tha ma zhags pa'o/ /'di 'dra gzugs zhes pa ni gong du bstan pa'i cha lugs khro bo mdun du gnas par bsgoms nas zhes bya ba'i don to//rang gis de la bka' stsal pa/ zhes pa ni thugs ka nas byung ba'i khro bo hUM ka ra la zhe sdang rdo rje bgegs thams cad khug shig par sngags kyi sgo nas bskul ba'i don no//de yang gang zhe na/ oM sum+b+ha zhes pa la sogs pa'i sngags kyi yi ge rnams so/ /oM ni ye shes lnga'am sku gsung thugs bstan pa 'am/ sngags thams cad kyi mgo oM gyis 'dren pas so/ /de yang ji lta zhe na/ sngon lha chen po 'dod chags chen po skyes nas gangs ri'i bu mo u ma dang zla drug gi bar du mtshams ma bye bar 'dod chags spyod pa gzigs nas thugs rjes de gnyis 'dul ba'i don du khro bo chen po'i cha lugs su sprul nas/de gnyis mtshams ma bye bar mnan pa'i tshe 'jig rten pa'i lha rnams bred cing 'dar nas mdzes so mdzes so zhes bstod pas ya mtshan du gyur to//yang rnam pa gcig tu de gnyis mnan nas byang chub kyi sems bskyed cing mdzes par byas pas so/ /na zhes pas ni nges pa'i don A na ya zhes pa ni bgegs thams cad khyer la shog cig pa'o/ / khro ba'i rgyal po 'di dag gis zhes pa ni sngags de dag gis bskul ma thag tu khro bo gnod mdzes kyis bgegs thams cad bzung nas khro bo rnams kyi 'og tu bcug par 'gyur ro/ /blo ldan ni cho ga la mkhas pa'i rnal 'byor ba'o/ /sbyor ba yis zhes pa ni 'og tu mnan pa'i bgegs rnams mi lta bar bya ba'i phyir phur bu byin gyis brlab pa la sogs pa'i cho ga byas nas thob shig pa'i don to//rdo rje bdud rtsi rgyal chen po/ /zhes pa la sogs pa ni phur bu bsgom pa'i thabs so/ /phur bu thams cad khro bo a mr-i ta kuN+Da li'i rang bzhin du bsgoms pas rdo rje phur bu nyid gnas pa zhes bya/ut+pal sngon po'i mdog 'dra ba ni phur bu'i kha dog sngo skyar 'dug pa'i don to/ /'bar ba'i phreng ba ni phur bu nyid las dkrigs pa'i tshul du 'phro ba'o/ /lte ba man chad zhes pa la sogs pa ni gong du bstan pa'i khro bo rnams 'dra bar bsgoms shig pa'i don to//bgegs kyi tshogs la 'og tu gzigs pa zhes pa ni 'og tu mnan pa'i bgegs rnams la ma 'gul cig ces pa'i brda sdang mig tu blta ba'o/ /de'i sngags ni phur bu'i sngags 'og nas 'byung ba'o//brjod pa ni lan grangs brgya rtsa brgyad dam/ nyi shu rtsa gcig gam bdun zhes pa'i don to/ /rdo rje phur bu ni de ltar byin gyis brlabs pa'i phur bu'o/ /nges pa ni the tshom med par btab na bgegs thams cad gnon par 'gyur ba'i don to/ /de'i sngags ni/oM g+ha g+ha zhes pa la sogs pa'i yi ge rnams so/ /rdo rje tho ba phyag bsnams mchog /ces pa la sogs pa ni phur bu 'debs pa'i tshe rnal 'byor pas hUM mdzad bsgom pa'i don to/ /de yang hUM gi phyag rgya btang la thob phur bu 'dzin cing tshig kyang hUM hUM zhes brjod cing rgyun mi 'chad par bsgrags te/mig kyang sdang mig tu me stag 'phro ba'i tshul du blta zhing bgegs rnams phur bus btab par bya ba'i don to/ /phyogs mtshams kun du rdo rje me/ zhes pa ni phyogs mtshams su yi ge raM bskyed nas bskal pa'i me dang 'dra bar ye shes kyi me bskyed pa'o//rnam par 'phro ba ni phyogs thams cad du 'phro zhing sems can gyi nyon mongs pa bsregs pa dang / me stag 'bar ba 'phro zhing sdang ba rnams tshig par bsam mo/ /phyogs bcu kun du 'bros par 'gyur/ zhes pa ni bgegs thams cad sgrub pa'i gnas kyi mtshams nas so so'i phyogs su 'bros par 'gyur ba'i don to//phyogs mtshams phur bus btab nas ni gong ma ltar byas nas zhes pa'i don to/ /steng 'og yang dag byin gyis brlab/ /ces pa ni gong ma ltar phur bu gdab pa dang me bskyed pa'o//de ltar gnas srung ba bstan nas dam pa'i don zhes pa la sogs pas gnas sbyang ba'i cho g+ga bstan te/ de yang don dam pa'i ting nge 'dzin gyis sbyang dgos pas na srid pa gsum ma skyes pa rang bzhin med par sgoms shig pa'i don to/ / dngos po med par bsgom pa zhes pa la sogs pa ni phung po dang khams dang skye mched la sogs par snang ba g.yo ba dang mi g.yo ba thams cad ye nas ma skyes pa'i rang bzhin yin par ma shes shing ye nas yod pa las med par sgom pa ni sgom pa yang dag pa ma yin no zhes pa'i don to//de lta bas na don dam pa'i rang bzhin sgom pa'i rnal 'byor pas yod pa dang med pa dang thog ma dang tha ma la sogs pa'i sems kyi bye brag thams cad mi dmigs par nam mkha' ltar bsgom pa'o/ /dngos po ni gong du bstan pa'i phung po dang khams la sogs pa'o//brtan pa ni sa dang ri rab la sogs pa'i snod kyi 'jig rten no/ /g.yo ba ni lha dang mi la sogs pa'i bcud kyi 'jig rten no/ /kun ni ma lus pa'i don to/ /tshigs bcad 'di yis stong gyur zhes pa ni gong du bstan pa'i tshigs su bcad pa'i sgo nas nam mkha' ltar bsgom pa'o//nas ni stong par bsams nas bsgrub bya'i sa byin gyis brlab ces pa'i don to/ /cho ga 'di'i sbyor ba zhes pa ni 'og nas 'byung ba'i byang chub sems rdo rje bsgom pa la sogs pa'o/ /ye shes sa ni rigs lnga la sogs pa'i lha rnams kyi bzhugs pa'i gnas yin pa'am yum lnga'i rang bzhin yin pas so//byin gyis brlab pa ni ting nge 'dzin gyis bskyed pa la bya'o/ /byang chub rdo rje dmigs nas zhes pa ni de ltar stong pa nyid kyi ting nge 'dzin gyis dngos por lta ba'i bag chags thams cad byang bar byas pa'i rnal 'byor pas hUM las bdag byang chub sems rdo rje de kun du bzang mo bsgom par bya'o//zla ba'i dkyil 'khor la 'dug pa'i a las zla ba'i dkyil 'khor bskyed la/ de'i steng du byang chub sems rdo rje dang / kun du bzang mo sku mdog zla ba'i mdog dang 'dra ba zla ba'i 'od dang ldan pa sangs rgyas lngas dbu brgyan pa sems dpa'i skyil mo krung du sbyor ba'i tshul du bzhugs pa phyag rgya gnyis kyis 'gying ba'i tshul du g.yon pas yum la 'khyud pa/g.yas pas rdo rje 'dzin pa bsgom pa'o/ /nam mkha'i khams kun khyab cis pa ni de ltar byang chub sems rdo rje kun du bzang mo gnyis su med pa'i byang chub sems las yi ge mar gyur la/de'i 'phro 'du byas pa las lha mo mA ma kIr gyur par bsams la 'phro 'du byas pa las sems can gyi don du chu'i rang bzhin du gyur nas nam mkha' dang mnyam par gnas par bsam pa'i don to//nam mkha' rdo rje dbus gnas pa/ /zhes pa ni gong ma dang 'dra bar gnyis su med pa'i byang chub sems las yi ge laM du gyur la gong ma ltar 'phro 'du byas pa las lha mo lo tsa na sku mdog dkar mo gyur par bsams la 'phro 'du byas pa las sems can gyi don du sa'i khams kyi rang bzhin du gyur par bsam mo//de yang khyon ji tsam zhe na/ dpag tshad bye ba zhes bya ste de yang gtsor smos pa yin gyi nam mkha'i khams kun khyab pa 'am/ de bas chung ba'am sems kyis gang lcogs dang ngo / /dang ba ni shel lta bur 'dug cing 'od gsal ba'o//dri ma med pa ni rang bzhin gyis nyon mongs pa med pa dang / 'phral gyi yid du mi 'ong ba med pa'o/ /'od zer sna lnga ni dkar po la sogs pa ye shes lnga'i rang bzhin 'od do/ /kun du 'khrigs pa ni phyogs thams cad du 'bar zhing rab rib sel ba'i don to//sangs rgyas rdo rje can gyis gnas/ zhes pa ni de lta bu de sangs rgyas thams cad kyi bdag nyid byang chub sems rdo rje'i rang bzhin yin pa'am rigs lnga la sogs pa'i lha'i pho brang dkyil 'khor bskyed pa yin pas so/ /de dbus b+hUM ni gnas zhes pa ni gong du bstan pa'i sa gzhi'i dkyil du gzhal yas khang bskyed par bstan/de yang gzhal yas khang gi rang bzhin ni gtsug tor 'khor los sgyur ba chen po'i rang bzhin yin pas de'i snying po yi ge b+h+rUM las bskyed par bya'o zhes pa'i don to/ /gser gyi ri bo 'dra ba yi//zhes pa ni sku ri rab dang 'dra bar shin tu yang che ba dang sku mdog ser ba'o/ /sangs rgyas kun gyi gzhal med khang ni dus gsum gyi de bzhin gshegs pa thams cad kyi bzhugs gnas yin pas so/ /'khor los sgyur ba bsgom par bya ba ni gzhal yas khang gi rang bzhin du smon lam gyis gyur pa yin pas so//de yang gong du bstan pa'i yi ge las gtsug tor 'khor los sgyur ba chen po sku mdog gser dang 'dra ba zhal gsum phyag drug pa g.yas gsum 'khor lo dang rdo rje dang rin po che bsnams pa/ g.yon gsum na pad+ma dang ral gri dang lcags kyu bsnams pa/rigs lngas dbu brgyan pa/ sku las 'od zer bsam gyis mi khyab pa phyogs bcur 'phro ba lo tsa na dang gnyis su med par sbyor ba'i tshul du gnas par bsgom pa'i don to/ /las kyi rdo rje bstan zhes pa ni las kyi rdo rje ni bcom ldan 'das don yod grub pa'o//bstan ni lha mo sgrol ma'o/ /shes rab ldan pa ni rnal 'byor pa'o/ /de zhes pa ni gzhal yas khang dang sa gzhi dang chu'i 'og tu gong du bstan pa'i tshul du yi ge ha las lha mo sgrol ma rlung gi dkyil 'khor dang 'dra ba bsgom zhes bya ba'i don to//de dang 'dra ba'i yi ge b+h+rUM las lha mo na bza' dkar mo drod thams cad kyi tshul du gnas par bsam mo/ /gong du rim pa bzhin ma bstan pa ni phyi rol gyi yi ge dang tshig la mkhas pa rnams kyis mi go bar bya ba'i phyir slob dpon gyis man ngag tu mdzad pa'o/ / nam mkha' dbyings kyi dbus gnas pa/ /zhes pa ni nam mkha' kun du bzang mo'i rang bzhin stong pa nyid la gzhal yas khang de lta bu bskyed pa de bde bar gshegs pa thams cad kyi bzhugs gnas yin pa'i don no/ /rin chen bzhi dngos zhes pas ni gzhal yas khang gi kha dog bstan to//ye shes bzhi las rin po che bzhir snang ba ste de yang shar phyogs me long lta bu'i ye shes shel lta bur snang ba dang / lho phyogs mnyam pa nyid kyi ye shes in+d+ra nI la ltar snang ba dang / nub phyogs so sor rtog pa'i ye shes pad+ma rA ga ltar snang ba dang / byang phyogs bya ba nan tan gyi ye shes in+d+ra nI la margad ljang gu ltar snang ba'o//chos kyi dbyings kyi ye shes ni kun la khyab par shes par bya'o/ /mchod rten zhes pa ni 'jig rten gsum gyis mchod par 'os pa gtsug tor 'khor los sgyur ba'i rang bzhin no zhes pa'i don to/ / 'od zer 'phro bas rnam par brgyan/ /zhes pa ni ye shes lnga'i 'od zer kha dog lngar 'phro zhing mchod pa'i bye brag tu gyur nas gzhal yas khang de brgyan pa'o/ /ye shes rgya mtsho zhes pa ni sangs rgyas so/ /de yang nyan thos dang rang sangs rgyas la sogs pa rnams kyis sangs rgyas kyi mkhyen pa gting dpag dka' bas so//dus gsum ni 'das pa dang ma 'ongs pa dang da ltar ro/ /yang na ye shes ni gdod ma nas ma skyes pa chos kyi dbyings so/ /rgya mtsho ni mtha' thug pa med pa'o/ /de'i rang bzhin dus gsum gyi sangs rgyas yin pa'i don to/ /gnas su de ni rnam par bsam//zhes pa ni de lta bu'i yon tan dang ldan pa rnams kyi bzhugs gnas yin par bsgom mo/ /gru bzhi pa la sgo bzhi zhes pa la sogs pas ni gzhal yas khang de'i dbyibs dang rgyan bstan/ gru bzhi ye shes bzhi'am yum bzhi las grub pa'i rtags so//sgo bzhi ni stong pa nyid la sogs pa bzhi'i rtags so/ /sgo rgyan bzhi ni byams pa chen po la sogs pa tshangs pa'i gnas bzhi'i rtags so/ /yang dag ldan zhes pa ni de lta bu'i rang bzhin twa ra na bzhi dang gzhal yas khang dang ldan pa'i don to/ /dril bu ni shes rab kyi sgra sgrogs shing sems can gyi mi shes pa thams cad sel ba'i don to//dar dpyangs ni 'dul ba'i dbang du rigs lnga la sogs pa'i dkyil 'khor gyi lha rnams su kun rdzob kyi sku bstan pa lha dang mi las 'phags shing mtshan dang dpe byad rnams dang ldan pa'i rtags so/ / pan ni sangs rgyas kyi yon tan 'jig rten gyi lha dbang phyug la sogs pa las khyad par du 'phags pa'i don sogs pa'i sgra ni mu tig ha ra dang / rnga yab dang bla re la sogs pa'i rgyan mtha' yas pa rnams so/ /de yang sangs rgyas kyi yon tan mtha' yas pa dang sbyor ro/ / sgo khyud kyis rnam par brgyan pa ni yid bzhin nor bu rin po che'i sgo khyud rnams dang ldan pa'o/ /grwa mtshams ni thig gnyis kyi bar dang ka ba'i bar ro/ /thams cad ni lha rnams kyi bzhugs pa'i sa rnams so/ /rdo rje rin chen rnams kyis brgyan/ zhes pa ni de dag tu rdo rje dang rin po che tha dad pa rnams ci mdzes su bri'o//zla gam chu'i 'phyang zhes pa la sogs pa'i rgyan 'di dag gis kyang mdzes par byas shing sangs rgyas kyi yon tan du shes par bya'o/ /thig skud bzhi ni yongs btab pa/ /zhes pa la sogs pas ni yon tan de lta bu dang ldan pa'i gzhal yas khang gi dbus su re'u cha dgu'i dkyil 'khor bri ba'am bsgom par bstan to//thig skud ces pa ni ras bal la sogs pa gang yang rung ba la bu mo mtshan dang ldan pas bkal ba kha dog gsum mam lnga sum sgril lam lnga sgril byas pa'i skud pa byang chub sems kyi rang bzhin du shes par bya'o//bzhi yongs su gtang ba ni de'i dus su rnal 'byor pas sku gsung thugs su bsgoms la oM AHhUM brjod cing shar phyogs nas nub phyogs su thig gnyis btab pa dang / lho phyogs nas byang phyogs su thig gnyis btab pa'o/ /ka ba mchog brgyad kun du gnas pa ni de ltar btab pas phyogs re rer ka ba gnyis gnyis kyi tshul du gnas pas so//mchog ces pas ni rnam par thar pa'i sgo brgyad kyi rnam par dag pa'o/ /dbus su 'khor lo dmigs bya ba ni thig de'i mtha' kun nas zlum por bskor zhing re'u cha dgu bya zhes pa'i don to//mdor na zhes pa ni phyogs dang sangs rgyas so sor slob dpon gyis ma bstan pa'i don to/ /sangs rgyas thams cad ces pa ni mi bskyod pa la sogs pa'i de bzhin gshegs pa lnga'o/ /rang gi gnas su rnam par bsam/ /zhes pa ni de bzhin gshegs pa so so'i phyogs su bsgom pa 'am bri zhes pa'i don te de yang dbus su mi bskyod pa'o//shar du rnam par snang mdzad do/ /lhor rin chen dpal lo/ /nub tu tshe dpag med do/ /byang du don thams cad grub pa'o/ /rdo rje lha mo bzhi rnams zhes pa ni sangs rgyas spyan la sogs pa bzhi'o//'khor lo'i grwar ni rnam par bsgom/ /zhes pa ni me'i phyogs nas dbang ldan gyi phyogs su sangs rgyas spyan la sogs pa bzhi rim pa bzhin du dgod pa'o/ /gshin rje gshed la sogs zhes pa ni gshin rje gshed dang gzhan gyis mi thub pa dang /rta mgrin dang bdud rtsi 'khyil pa'o/ /sgor dmigs ba ni shar sgo nas byang sgor rim pa bzhin du dmigs pa'o/ /sa'i snying po la sogs pa bsgom/ /zhes pa ni sa'i snying po la sogs pa byang chub sems dpa' brgyad sems ma brgyad dkyil 'khor gyi phyi'i rim pa la 'og nas 'byung ba'i tshul du bsgom pa'i don to//nyi ma'i dkyil 'khor dbus gnas pa/ /zhes pa ni dkyil 'khor gyi dbus su nyi ma'i dkyil 'khor bskyed la de'i steng du sems kyi rdo rje rdo rje sems dpa' de bzhin gshegs pa thams cad kyi rang bzhin nam bdag nyid du gyur pa bsgom par bya ba'i don to//zhal gsum phyag drug lta bu zhes pa ni sku gsung thugs kyi rang bzhin zhal gsum dang / 'gro ba drug gi don byed pa'i phyag drug dang ldan pa'o/ /phyag mtshan la sogs pa ni 'og nas ston to/ /sangs rgyas dkyil 'khor dbus gnas pa ni de ltar ting nge 'dzin gyis bsgom pa'am//gzugs brnyan du bris pa'i dkyil 'khor sangs rgyas kyi rang bzhin nam bzhugs gnas yin pas sangs rgyas dkyil 'khor ro/ /dbus su gnas pa ni rnal 'byor pa de'i dkyil du 'dug pa'o/ / de ltar dkyil 'khor bstan nas/ da ni ting nge 'dzin rnam gsum gyis phyag rgya chen po bskyed cing bsgrub dgos pas de bzhin nyid kyi ting nge 'dzin bstan to/ /lus dang ngag yid rdo rje zhes pa la sogs pa ni lus dang ngag yid ni rnal 'byor pa'i'o/ /rdo rje ni ma skyes pa'i rang bzhin yin pas so//mtshan nyid dam pa'i don nyid de/ /zhes pa ni bdag gi lus ngag yid gsum don dam pa'i rang bzhin stong pa nyid du bsgom pa'i don to/ /tshul bzhin zhes pa ni dngos po med par bsgom pa'i dngos po zhes pa'i tshigs bcad kyi sgo nas dpyad pa'o//nas zhes pa ni bdag gi lus ngag yid gsum nam mkha' ltar bsgoms nas 'og gi sngags bzla ba'i don to/ /sngags 'di rab tu brjod pa ni stong pa nyid kyi don yid la byed cing ma nor bar lan gsum brjod pa'o/ /oM shU n+ya tA ni chos thams cad don dam par chos kyi dbyings kyi ngo bo nam mkha' ltar gnas pas stong pa'o//rdo rje ni mi 'gyur ba'i don to/ /At+ma kou0f85haM zhes pa ni bdag kyang de lta bu'i rang bzhin no zhes pa'i don to/ /nam mkha' bzhin du blta bar bya ba ni gong ma'i don yang nas yang du yid l a bya ba'o//nam mkha' brtag tu med pa ltar/ /zhes pa ni chos thams cad nam mkha' dang 'dra bar brtag tu med pa yin pas bdag kyang rang bzhin med par shes par bya'o/ /yi ge rnam par bsgom zhes pa ni de ltar de bzhin nyid kyi ting nge 'dzin stong pa nyid la ci nus su gnas nas/sems can gyi don bya ba'i yid kyis 'og nas 'byung ba'i yi ge gsum bsgom zhes bya'o/ /bla 'og dbus ni rim bzhin zhes pa ni spyi bo dang / lce dang snying gi thad ka tsam du bsgom pa'o/ /bdag nyid yi ge gzugs ni stong pa nyid la gnas pa'i rnal 'byor pas bdag gi lus ngag yid gsum gyi bag chags yi ge 'bru gsum du dmigs par bya'o//sangs rgyas dkyil 'khor dbus nyid du/ /zhes pa ni stong pa'i dbus su yi ge gsum po dkar po dmar po mthing nag tu kha dog gsum du bskyed pa'i don to//nyi zla pad+mar yang dag gnas/ /zhes pas de rnams kyi gdan bstan te/ de yang nyi ma'i dkyil 'khor gyi steng du hUM ngo / /zla ba la oM mo/ /pad+ma la AH'o/ /oM ni dus gsum gyi de bzhin gshegs pa thams cad kyi sku'i rang bzhin no/ /AHni gsung gi rang bzhin no//hUM ni thugs kyi rang bzhin du shes par bya'o/ /dang ba zla ba 'dra ba ni yi ge gsum nyon mongs pa'i dri ma med pas so so'i kha dog gsal ba dang zla ba bzhin zhes bya ba'i don to/ /yi ge gsum ni gong du bstan pa'o/ /zhu bar brtag ces pa ni lha'i bu zla ba bdud rtsi 'dod pa'i dus su zla ba'i dkyil 'khor las bdud rtsi zhu zhing thigs par 'bab pa bzhin du yi ge gong ma 'od kyi tshul du zhu zhing bar ma la thim/de bzhin du bar ma yang 'og ma la thim 'og ma yang zhu zhing 'od kyi tshul du gyur par bsam mo/ /rgyu drug gnas pa'i sems can ni lha dang mi dang lha ma yin dang ngan song gsum du skyes pa rnams so//sangs rgyas kun ni phyogs bcu na bzhugs pa rnams kyi sku gsung thugs so/ /bsdu ba'i sbyor bas kun bsdus zhes pa ni de la gong du bstan pa'i yi ge gsum gyi 'od zer phyogs bcur 'phros shing sangs rgyas kun gyi sku gsung thugs kyi rang bzhin dang gnyis su med par gyur pa dang /rgyu drug gi sems can la phog pas sdug bsngal zhi bar byas nas lus ngag yid gsum dang gnyis su med par gyur pa ni bsdu ba'i sbyor ba'o/ /kun bsdus ni sangs rgyas kyi sku gsung thugs dang sems can gyi lus ngag yid gsum gcig tu gyur nas slar 'du bar bsgom pa'o//rang bzhin med par mos pa'i zhes pa ni rnal 'byor pa dag chos thams cad stong pa nyid du bsgom zhing / don dam pa'i byang chub kyi sems la gnas pa'i sems kyi bag chags la bya/gzhug par bya ba ni der bsdu ba'i don to/ /d+harma d+ha tu swa b+hA ba At+ma kou0f85haM zhes pa ni de ltar sangs rgyas dang sems can thams cad kyi don dam pa'i rang bzhin bdag la bsdus pas chos kyi dbyings kyi rdo rje bdag yin no bar bsgom pa'o/ /byang c hub sems de kun du dag /ces pa de ltar stong pa nyid bsgoms nas bsdu ba'i sbyor ba byas pas bdag gi sems kyi rgyud nyon mongs pa thams cad dang bral nas ye shes kyi 'od zer gyi rang bzhin du gnas pas so/ /dri med zla ba lta bur gnas/ /zhes pa ni zla ba lta bur 'od gsal zhing me long lta bu'i ye shes kyi rang bzhin zla ba'i dkyil 'khor gang ba ltar gnas pa'i don to//kun bsdus gong bur sbyor ba yis/ /zhes pa ni gong du bstan pa'i sku gsung thugs kyi sa bon yi ge 'bru gsum dang / 'phags pa'i sku gsung thugs dang /sems can gyi lus ngag yid gsum gyi rang bzhin rnams gcig tu gyur nas bdag lha gang bsgom pa de'i sa bon gyi yi ger gyur par bsam pa'o/ /de ltar bsgom pa ni mnyam pa nyid kyi ye shes so/ /gzugs kyi ngo bor rnam par bsgom pa ni yi ge 'od du 'phros shing sems can gyi don thams cad bya ba dang /de bzhin gshegs pa thams cad kyi mchod pa'i dngos por gyur nas thugs dam gyi rgyud bskul nas slar 'dus pa las phyag mtshan du gyur par bsgom mo/ /de yang 'phros shing slar 'dus pa las sku phra mor 'gyur ro//de bzhin du sku phra mor spros shing slar 'dus pa las phyag rgya chen por gyur par bsam mo/ /de ni so sor rtog pa'i ye shes so/ /sngags kyi sku ni mthar phyin pa/ /zhes pa ni de ltar cho ga rnams kyis sku bskyed pas mthar phyin pa zhes bya'o/ / sangs rgyas kun gyi rang bzhin bdag /ces bya ba ni sangs rgyas kun ni rnam par snang mdzad la sogs pa'i dkyil 'khor gyi lha rnams so/ /rang bzhin bdag ni 'og nas 'byung ba'i phung po la sogs pa byin gyis brlab pa'i don to/ /phung po khams su rnam bsams te//skye mched la sogs rnam par brgyan/ /zhes pa ni de rnams kyi rang bzhin 'og nas 'byung ba'i tshul du lhar byin gyis brlab pa'o/ /gzugs kyi phung po'i rang bzhin du/ /rnam par snang mdzad rab tu gnas/ /zhes pa ni bdag phyag rgyar gyur pa'i gzugs kyi phung po'i rang bzhin la yi ge mAM ngam oM bskyed la de las 'od zer phyogs bcur 'phros nas 'jig rten gyi khams thams cad rdul phra rab tsam gyi rnam par snang mdzad kyi sku bkug nas yi ge dang gnyis su med par 'gyur zhing rnam par bsam mo//tshor ba dkon mchog dpal zhes pa ni de bzhin du tshor ba'i phung po'i rang bzhin la yi ge a las rin chen 'byung ldan bskyed pa'o//'du shes snang ba mtha' yas zhes pa ni 'du shes kyi phung po yi ge hrIHlas snang ba mtha' yas bskyed pa'o/ /'du byed thams cad gdon mi za ba zhes pa ni 'du byed kyi phung po'i rang bzhin yi ge a las don yod grub pa bsgom pa'o//rnam par shes su mi bskyod gnas/ /zhes pa ni rnam par shes pa'i phung po'i rang bzhin la yi ge hUM las bcom ldan 'das mi bskyod pa bskyed pa'o/ /mdor na zhes pa ni de rnams bsgom pa'i bye brag gzhan yod na yang zhes pa'i don to//phung po lnga rnams ni gzugs la sogs pa'o/ /sangs rgyas lnga ni gong du bstan pa'o/ /rab tu grags zhes pa ni de ltar bsgom pa 'am gnas par rgyud thams cad kyi nang du bstan zhes pa'i don to/ /oM swa aM ha hUM yi ge 'di rnams las bskyed kyang rung /sa yi khams ni rnam bsam pa/ /zhes pa ni bdag phyag rgyar gnas pa'i phyi nang gi brtan pa'i rang bzhin las grub pa spyan ni bsam byas nas zhes bya ste sangs rgyas spyan yi ge laM las bskyed nas/ gong ma ltar spro bar byas la sa'i khams kyi rang bzhin du gnas par bsam mo//sra ba lta bur byin gyis brlab/ /ces pa ni gong ma ltar bsgoms pa'i mthus cis kyang mi shigs pa'i lus thob pa'i don to/ /chu khams mA ma kI gong ma bzhin du yi ge mAM las lha mo mA ma kI spro bsdu byas nas khu ba dang khrag la sogs pa gsher ba'i rang bzhin du lus ngag sems la khyab par bsgom mo//gang ba nyid brtag ces pa ni khyab pa la yang bya gong ma ltar bsgoms pas yon tan phun sum tshogs par 'gyur ba la bya'o/ /me'i khams la sogs pa ni yi ge baM las lha mo na bza' dkar mo 'phro 'du byas nas/dro ba'i rang bzhin thams cad la thim par bsam mo/ /de ni 'bar ba lta bu zhes pa ni de ltar bsgoms pa'i mthus nyon mongs pa thams cad sreg pa'i ye shes kyi 'od zer du 'grub pa'i don to/ /rlung gi khams kyi rang bzhin du zhes pa la sogs pa'i de ni gong ma ltar yi ge tAM las lha mo sgrol ma spro bsdu byas nas/g.yo ba'i rang bzhin la khyab cing gnas par bsam mo/ /blo ldan ni rnal 'byor pa'o/ /de ni rlung lngar 'byung ba ste/ /zhes pa ni lha mo sgrol ma de rlung lnga'i sgo nas sems can gyi don byed pas so/ /de yang 'jig rten pa'i rlung dang /mkha' la 'gro ba'i rlung dang / dngas snyigs 'byed pa'i rlung dang / phyi nang du rgyu ba'i rlung dang / srog gi dbang po'i tshul du gnas pa'i rlung ngo / /de bzhin yid kyi 'gro ba zhes pa ni de ltar bsgoms pas bar snang la 'gro ba'i rdzu 'phrul 'thob pa'i don to/ /nam mkha'i khams kyi rang bzhin kun du bzang mo brtag ces pa ni yi ge hUM las kun du bzang mo spro bsdu byas nas nam mkha'i rang bzhin la khyab par gnas par bsam mo//nam mkha' de yi sbyor bas ni/ /sangs rgyas kyis kyang mi gzigs zhes pa ni de ltar bsgoms pa'i mthus mi snang ba'i dngos grub 'thob pas 'jig rten gyi lha rnams kyis mi mthong bas so//sangs rgyas zhes pa ni la dor ba'i tshig go/ /phung po khams kyi bye brag ni/ /gnyis su med pa'i sbyor bar gnas/ /zhes pa ni gzugs kyi phung po lnga dang / sa la sogs pa'i phung po lnga bdag gi tha mal pa'i tshul ma yin par lha dang gcig tu gyur pas gnyis su med pa'i sbyor bar gnas zhes bya/de ltar zhes pa gong du de ltar ro/ /mkhas nyid ni sngags kyi bye brag la mkhas pa'i rnal 'byor pa'o/ /bsam byas na zhes pa ni bshad pa bzhin du bsgom pa'i don to//de nyid kun du tshim par 'gyur/ /zhes pa ni de ltar phung po dang khams lha dang lha mo'i rang bzhin du shes pas bsgom pa'i mchog yin pa 'am/ lha thams cad dgyes pa'i rgyu yin pa'i phyir dngos grub thams cad thob par 'gyur ba'i thabs kyi mchog yin pa'i don to//'di rnams kyis kyang bskyed pa'i dus su bskul bar bya'o/ /de la mo ha zhes pa ni bcom ldan 'das rnam par snang mdzad/ ra ti ni lha mo lo tsa nas gnyis su med pa'i sbyor ba'i mchod pas dgyes par byed pa'am/ yang na sems can gti mug gis ldongs pa rnams ye shes kyi 'od zer gyis sel cing dag par byed pas gti mug dga' ba ma'o//dwe ni bcom ldan 'das mi bskyod pa'o/ /ra ti ni gong ma dang 'dra bar dgyes par byed pa 'am yang na sems can zhe sdang can gyi zhe sdang spang bar byed cing yang dag pa'i don bstan nas dga' bar byed pas zhe sdang dga' ba ma'o//rA ga ni bcom ldan 'das snang ba mtha' yas so/ /ra ti ni gong ma dang 'dra bar dgyes par byed pa 'am yang na 'dod chags che ba'i sems can rnams 'dod chags kyi tshul du dag par byed cing thar pa'i lam ston cing dga' bar byed pas 'dod chags dga' bar byed pas 'dod chags dga' ba ma'o//badzra ni bcom ldan 'das don thams cad grub pa'o/ /ra ti ni gong ma dang 'dra bar dgyes par byed pa 'am yang na sems can lta ba log par spyod pa ngan par spyod pa rnams la rdo rje'i lam ston cing dga' par byed pas rdo rje dga' ba ma'o//mig dang rna ba sna dang lce/ /zhes pa la sogs pas ni sa'i snying po la sogs pa'i byang chub sems dpa' drug mig la sogs pa'i dbang po drug la gong ma'i tshul du bsgom par bya ba'i don to/ /de yang th+l+hiM las sa'i snying po'o/ /oM las phyag na rdo rje'o//oM gnyis pa las nam mkha'i snying po'o/ /oM gsum pa las spyan ras gzigs kyi dbang phyug go/ /ha las sgrib pa thams cad rnam par sel ba'o/ /oM tha ma las kun du bzang po'o/ /nang gi skye mched rnams su ni/ /sa yi snying po la sogs gnas/ /zhes pa ni de ltar bsgoms pas mig la sogs pa'i skye mched kyi rang bzhin dang sa'i snying po la sogs pa'i byang chub sems dpa'i rang bzhin gnyis su med pa'i don to//phyi yi skye mched rang bzhin du/ /gzugs la sogs pa rab tu gnas/ /zhes pa ni dbang po drug gi yul gzugs la sogs pa drug la gzugs kyi lha mo la sogs pa drug bsgom zhes pa'i don to//de yang gzugs kyi skye mched la yi ge dzI bskyed nas 'phro 'du byas pa las rdo rje gzugs kyi lha mor gnas par bsam mo/ /de bzhin du sgra'i skye mched la hUM las rdo rje sgra'i lha mor bsam mo/ /dri'i skye mched la yi ge baM las rdo rje dri'i lha mo'o//ro'i skye mched la yi ge ho las rdo rje ro'i lha mor bsam mo/ /reg bya'i skye mched la yi ge khaM las rdo rje reg bya'i lha mo'o/ /chos kyi skye mched la yi ge raM las chos kyi dbyings kyi rdo rje ma bskyed par bya zhes pa'i don to/ /sa'i snying la sogs sngags rnams ni//rdo rje can gyi rgyud las gsungs/ /zhes pa ni byang chub sems dpa' drug gi bskyed pa'i sa bon yig 'bru rnams ston pas rgyud las bstan pas slob dpon gyis 'dir yang bris zhes pa'i don to/ /'di dag sngags ni ma gsungs phyir/ /gzugs la sogs pa ma bris zhes pa ni gzugs kyi lha mo la sogs pa bskyed pa'i sa bon yig 'bru rnams rgyud nang du gsal por ma bstan pas 'dir yang ma bris zhes pa'i don to//phyi yi longs spyod kyis mchod phyir/ /gzugs sgra dag tu rab tu gnas/ /zhes pa ni phyi'i longs spyod gzugs la sogs pa lnga rnal 'byor pas mi spang zhing dang du len pa'i phyir dpal rdo rje sems dpa'i che ba'i yon tan khyad par las lha mo'i tshul du de dag la gnas zhes pa'i don to//byin gyi rlabs kyis byin brlabs nas/ /zhes pa ni de ltar na kun rdzob tu nang gi skye mched dang phyi'i skye mched lha dang lha mor shes pa dang /don dam par rang bzhin gcig par shes pa'o/ /'dod pa lnga spyod ces pa ni de lta bas na gzugs la sogs pa smad cing mi spang bar spyad pa'i don to/ /gzugs ni mig gi yul du gnas/ /zhes pa ni de yang ji ltar spyod ce na/phyi'i tha mal pa'i tshul du mig gi longs spyod kyi yul gzugs yin pa dang nang gi ni mig sa'i snying po'o/ /de'i spyod yul ni gzugs kyi lha mo'o/ /gsang ba ni de gnyis gsang ba'i tshul bde ba chen po nyams su myong ba'o/ /de bzhin du sgra la sogs pa la yang shes par bya'o//phyi'i skye mched 'di dag ni/ /byang chub sems dpa'i dkyil 'khor mchog /ces pa ni de lta bas na gzugs la sogs pa byang chub sems dpa' rnams kyi gzugs yin zhing dkyil 'khor du bskyed pas smad du mi rung ba'i don to/ /gshin rje gshed po lag pa g.yas/ / zhes pa ni khro bo gshin rje gshed sems can gyi nyon mongs pa dang bdud dang bgegs la sogs pa tshar gcod pa'i las khyad par du byed pas lag pa g.yas kyang mi mthun pa'i phyir gcod pa'i don gyis der bskyed par bya'o/ /gzhan gyis mi thub g.yon pa zhes pa ni khro bo gzhan gyis mi thub pa srung ba'i las khyad par du byed pa dang /lag pa g.yon pa yang srung ba'i las byed pas so/ /kha la rta mgrin bsgom pa ni gsung gi rang bzhin yin pas so/ /bdud rtsi 'khyil pa rdo rje la/ /zhes pa ni khro bo bdud rtsi 'khyil pas sems can thams cad 'khor ba las 'don cing mya ngan las 'das pa'i bdud rtsi 'khyil pa dang /rdo rje yang byang chub sems kyi rang bzhin bdud rtsi 'phro zhing 'khyil pa'i don gyis so/ /sngags 'di rnams kyis bskul zhing bskyed pa'o/ /de la ya ma ni sems can thams cad kyi srog gi dbang po dgag pa'o/ /an+ta kr-ita ni khro bo chen po 'dis sems can la rnam par thar ba'i sgo bstan zhing skye shi med pa'i sa la bkod pa'o//yang na ya ma ris su gtogs pa'i srin po lha dang mi la gnod pa byed pa rnams 'dul zhing byang chub tu sems bskyed pa'o/ /yang na ya ma ni shar phyogs so/ /an+ta kr-ita ni de'i phyogs kyi bdud dang bgegs rnams tshar gcod cing sgo srung gi tshul du gnas pa'i don to//pradz+nyA ni bye brag tu lta ba'i rnam par rtog pa'o/ /an+ta kr-ita ni khro bo 'dis de ltar blta pa'i sems can rnams la rnam par thar pa'i sgo bstan nas gnyis su med pa'i lta ba la gnas par byed pa'o//yang na pra dz+nyA zhes pa ni shin tu yang nga rgyal che ba'i ru tra rnams so/ /an+t+ra kr-i ta ni de btul zhing byang chub tu sems bskyed pa'o/ /yang pradz+nya ni lho phyogs la bya/ an+ta kr-ita ni de'i phyogs kyi bdud dang bgegs rnams tshar gcod cing sgo srung gi tshul du gnas pa'o//pad+ma ni 'dod chags so/ /an+ta kr-ita ni khro bo 'dis sems can thams cad 'khor ba'i 'dod chags las thar par byed cing bde ba chen po'i tshul du ston pa'o/ /yang na pad+ma ni pad+ma'i rigs su gtogs pa'i srin po mgrin bcu la sogs pa rnams so/ /an+ta kr-ita ni de rnams btul zhing byang chub kyi lam bstan pa'o//yang na pad+ma ni nub phyogs la bya/ an+ta kr-ita ni gong ma dang 'dra/ big+h+nan ni sems can thams cad bla na med pa'i byang chub kyi sems thob par byed pa la gegs byed pa'i nyon mongs pa rnams so/ /an+ta kr-ita ni khro bo 'dis sems can thams cad kyi bsam pa dang sbyor zhing 'dul ba'i thabs ston cing tshar gcod par byed pas so//yang na big+h+rAn ni dge ba rnams la bar chad byed pa'i bgegs kyi rgyal po bin ya ka'i rigs su gtogs pa rnams so/ /an+ta kr-ita ni de rnams btul zhing byang chub tu sems bskyed pa'o/ / yang na big+h+nAn ni byang phyogs la bya/ an+ta kr-ita ni gong ma dang 'dra'o/ /de ltar don kun rab bzhugs pa/ /zhes pa ni bya ba nan tan gyi ye shes so/ /de ltar ni gong du bstan pa'i tshul lo/ /don kun ni lha dang lha mo'i rnams so/ /rab zhugs pa zhes pa ni bdag gi phung po dang khams dang skye mched la sogs pa lha de rnams dang gnyis su med par byed pa'o//sangs rgyas kun bdag gtso bor ni/ /bskyed nas byin gyis brlab ces pa ni de ltar ting nge 'dzin rnam pa gsum gyis bdag dpal rdo rje sems dpa' de bzhin gshegs pa thams cad gyi bdag nyid du gyur ba'i phyag rgya chen por bsgoms pas zhes pa'i don to//byin gyis brlab ces pa ni 'og nas 'byung ba'i tshul du sku gsung thugs su byin gyis brlab pa'o/ /de yang tshigs su bcad pa'i sgo nas byin gyis brlab pa dang sngags kyi sgo nas so/ /tshigs su bcad pas gsol ba gdab//ces pa ni 'og nas 'byung ba'i tshigs bcad gnyis kyis rigs nges pa'i sangs rgyas la gsol ba gdab pa dang phyogs bcu'i sangs rgyas la'o/ /spyi bo dbus 'gyur bsam zhes pa ni gsol ba btab pa'i thabs bstan pa'o/ /zla ba'i dkyil 'khor gang zhes pas ni bdag phyag rgya chen por gnas pa'i spyi bor a las zla ba'i dkyil 'khor rdzogs pa gcig bskyed pa'i don to//der ni oM dkar 'od ldan pa ni zla ba'i dkyil 'khor gyi steng du de bzhin gshegs pa thams cad kyi sku'i rang bzhin gyi phyag rgya zla ba phyed pa'i 'od las lhag pa'i yi ge oM dkar po gcig bsgom mo//'od zer rnam pa lnga 'phro ba ni de las ye shes lnga'i rang bzhin gyi 'od zer dkar po la sogs pa lnga phyogs kun du 'phro ba'o/ /de las lha mo rnams 'phro ba/ /zhes pa ni 'od zer des sems can gyi don bya ba dang / sangs rgyas kyi thugs dam bskul nas slar 'dus pa las rnam par snang mdzad yab yum du gyur par bsams nas/de gnyis kyi bde ba chen po'i tshul yi ge laM du gyur nas lha mo sangs rgyas spyan 'phro ba'i don to/ /bdag por rab tu sbyar zhes pa ni bdag po ni rnam par snang mdzad do//rab tu sbyar ba ni dbang bskur ba'i tshul du lha mo de'i spyi bor bsam pa 'am gnyis su med pa'i tshul du bsam mo/ /spyan ni rnam par bsam bya ba/ /nam mkha'i khams kun gang bar zhes pa ni de ltar lha mor bsgom zhing 'phro ba yang nam mkha'i khams thams cad du til gyi gong bu bzhin du sems kyis lcogs tang spro bar bya'o//rdo rje sku ni bcom ldan 'das rnam par snang mdzad yab yum mo/ /rnam par bsam pa ni bcom ldan 'das kyi spro ba rnams so/ /bar snang khams ni gang bar gnas/ /zhes pa ni gong du bstan pa bzhin du nam mkha' thams cad khyab par gnas pa rnams mngon sum du bsam pa'i don to//de dbus bdag por bsam bya zhing / /bdag gi mdun du gnas pa'o/ /zhes pa ni bar snang khams khyab par gnas pa'i sangs rgyas yab yum thams cad kyi dbus su dang por bskyed pa'i sangs rgyas bcom ldan 'das rnam par snang mdzad yab yum bdag rnal 'byor pa'i mdun na bzhugs par bsam mo//sum cu rtsa gnyis mtshan 'chang ba/ /dpe byad bzang po brgyad bcus brgyan/ /zhes pa ni bar snang khyab par bzhugs pa'i sangs rgyas de rnams kyang mtshan sum cu rtsa gnyis dang dpe byad bzang po brgyad cu dang /gzhan yang sku'i rgyan thams cad dang ldan par bsam zhes pa'i don to/ /sngags pa ni phyag rgya chen por gnas pa ni rnal 'byor pa'o/ /bcol ba ni 'og nas 'byung ba'i tshigs bcad gnyis kyis sku'i rang bzhin du byin gyis brlab pa zhu ba'o/ /tshigs su bcad pa gnyis gnyis brjod pa ni tshigs bcad sku gsung thugs gsum ka la gnyis gnyis yod pas rim pa bzhin du re re la yang gsum gsum du brjod par bya'o//dpal ldan sangs rgyas sku 'chang ba/ /zhes pa la sogs pas ni sku'i rigs su nges pa'i sangs rgyas la gsol ba 'debs pa'o//de la dpal ldan ni gong du bshad pa dang mthun no/ /sangs rgyas kyi sku 'chang ba ni phyogs bcu dus gsum gyi sku'i khyad par du bstan zhing gnas pa bcom ldan 'das rnam par snang mdzad do/ /rdo rje mi phyed gsum bsgoms pas/ /zhes pa ni bcom ldan 'das de yang gang gis kyang dbye bar mi nus pa'am 'joms par mi nus pa'i sku gsung thugs kyi rang bzhin yin pa 'am de nyid las mi g.yo ba'i thugs dang ldan pa'i don to//deng bdag byin gyis brlabs nas su/ /zhes pa ni de lta bu'i bcom ldan 'das khyod bdag kyang sku gsung thugs sgom pa yin pas yab yum gyi thugs kyi rang bzhin byang chub sems su dus 'di nyid du byin gyis brlabs nas zhes pa'i don to//rdo rje skus ni mdzad du gsol/ /zhes pa ni de ltar byin gyis brlabs te khyed dang 'dra bar bdag gi lus kyang rdo rje'i skur mdzod cig pa'i don to//phyogs bcur bzhugs pa'i sangs rgyas zhes pa la sogs pa 'dir phyogs bcur bzhugs pa'i sangs rgyas thams cad la so so'i sku 'dra bar bdag gi lus kyang mdzod cig pa'i don to/ /rdo rje mi phyed gsum bsgoms zhes pa la sogs pa'i don ni gong ma dang 'dra'o//de ltar gsol ba btab nas bcom ldan 'das rnam par snang mdzad dang po bskyed pa la sogs pa lha mo sangs rgyas spyan dang gnyis su med par sbyor ba'i phyag rgya dang ldan par rgyun mi 'chad par slar byon cing bdag gi spyi bo'i bcom ldan 'das yab yum la thim par bsgom zhes pa'i don to//de ni zhugs par mos byas la/ /zhes pa la sogs pa ni spyi bor bzhugs pa'i bcom ldan 'das yab yum de yang bdag gi spyi bor thim zhing gnyis su med par gyur te/ phung po lnga la khyab par byin gyis brlab par bya'o/ / sangs rgyas rnams kyi sku ni gang / /phung po lnga la rab tu gnas/ /zhes pa de ltar gsol ba btab cing byin gyis brlabs pas bcom ldan 'das rnam par snang mdzad la sogs pa'i phyogs bcu'i sangs rgyas rnams kyi sku'i rang bzhin gang yin pa bdag gi phung po lnga la gnas par bsam pa'o//sangs rgyas sku yi rang bzhin du/ /bdag kyang de dang 'dra bar shog /ces pa ni de ltar gnas pas sangs rgyas kyi sku rdo rje lta bur bdag gi lus kyang de dang 'dra bar gyur cig ces tshig tu brjod cing smon pa'i don to/ /oM sarba ta thA ga ta kA ya badzra swa b+hA wa At+na kou0f85haM z hes pa ni bdag ni de bzhin gshegs pa thams cad kyi sku rdo rje'i rang bzhin no zhes bsgom zhing /sngags 'di lan gsum du brjod par bya'o/ /de bzhin lce dbus pad+ma la/ /zhes pa la sogs pa ni de ltar sku'i rang bzhin du byin gyis brlabs nas de bzhin gshegs pa thams cad kyi gsung gi rang bzhin du byin gyis brlab par bstan to//lce dbus pad+ma la zhes pa ni bdag phyag rgya chen por gnas pa'i lce'i dkyil du yi ge baM las pad+ma 'dab ma brgyad pa bskyed la oM las rdo rje 'dod chags shes byas te/ de'i steng du yi ge a bskyed la gong ma bzhin du spro bsdu byas la bcom ldan 'das snang ba mtha' yas dang /lha mo na bza' dkar mo yab yum gnyis su med par gyur par bsam mo/ /de las bar snang khyab pa dang spro bsdu bya ba la sogs pa gong ma dang 'dra'o/ /rab zhugs de la gsol btab cing / /rdo rje dag tu byin gyis brlab pa ni bar snang khyab par bzhugs pa'i bcom ldan 'das rnams la 'og gi tshigs bcad gnyis kyis bdag gi tshig de bzhin gshegs pa thams cad kyi gsung gi rang bzhin du byin gyis brlab par bya zhes bya'o//chos kyi ngag lam dpal ldan pa/ /zhes pa'i tshigs bcad kyis gsung gi rigs nges pa'i sangs rgyas rnams la gsol ba btab pa'o//de la chos kyi ngag lam ni chos thams cad tshig gis bstan pa yin la de'i rang bzhin du gnas pa bcom ldan 'das snang ba mtha' yas so/ /dpal ldan yang de nyid yin no/ /rdo rje gsung gis mdzad du gsol//zhes pa ni rdo rje gsung khyod kyis bdag gi tshig rnams nyid kyi gsung bzhin du mdzod cig pa'i don to/ /phyi ma rnams gong ma dang 'dra'o/ /lce ni 'phro bar rnam bsam ste/ /zhes pa ni de ltar gsol ba btab nas lce la bskyed pa'i sangs rgyas las 'od zer spros shing bskul bas slar byon cing lce la thim par bya'o//rang ngag chos rnams kun gyi gnas/ /zhes pa ni de ltar thim pas rang gi tshig 'jig rten dang 'jig rten las 'das pa'i chos rnams kyi 'byung gnas su gyur pa'i don to/ /gsung dbyangs thams cad rnam par dag pa ni de ltar bsgoms pa'i lce las ngag 'byung ba thams cad tshig dang don du ldan zhing 'khyal pa med pa'o//chos kyi ngag tu byin gyis brlab pa ni bcom ldan 'das snang ba mtha' yas kyi gsung yin par bsam pa'o/ /rdo rje chos kyi gsung rnams ni/ /des pa'i tshig ni phun sum tshogs//zhes pa ni ji ltar bcom ldan 'das snang ba mtha' yas so/ /gsung 'khyal pa med cing don dang ldan pa de bzhin du bdag gi tshig rnams kyang gyur cig ces brjod cing smon par bya'o/ /oM sarba ta thA ga ta bAka badzra swab+hA wa At+ma kou0f85haM/ zhes pa'i sngags 'dis bdag gi tshig de bzhin g shegs pa thams cad kyi gsung gi rang bzhin du bsgom zhing lan gsum du brjod par bya'o//de ltar sku gsung byin gyis brlab par bstan nas/ thugs byin gyis brlab par bstan to/ /snying ga'i zla ba la dmigs pa la sogs pas ni de la bdag phyag rgya chen por gnas pa'i snying la a las zla ba'i dkyil 'khor bskyed nas de'i steng du hUM las rdo rje sems dpa' yab yum sku mdog mthing nag tu 'dug pa ye shes lnga'i 'od zer 'phro ba bskyed par bya'o//sngar smos pa yi rim pa bzhin/ /rdo rje sems la gsol btab nas/ /zhes pa ni gong du sku dang gsung gi skabs su spro ba la sogs pa byas pa bzhin 'dir yang byas nas gsol ba btab pa'i don to//de ni zhugs par bsgom byas te/ /sems ni byin gyis brlab par bya/ /zhes pas ni de ltar gsol ba btab cing snying ga nas spros shing bskul bas bar snang khyab par gnas pa'i rdo rje sems dpa' yab yum slar byon cing snying la thim par bsgoms nas rang gi sems de dang gnyis su med par byin gyis brlab par bya'o//dpal ldan rdo rje thugs 'chang ba/ la sogs pa ni thugs su nges pa'i rigs la gsol ba 'debs par bstan to/ /de la dpal rdo rje sems dpa' dus gsum gyi de bzhin gshegs pa thams can gyi thugs kyi rang bzhin dang sems can thams cad kyi sems ma skyes pa'i rang bzhin ngo bor gnas pas rdo rje sems 'chang ba zhes bya'o//rdo rje thugs kyis mdzad du gsol/ /zhes pa ni bdag gi sems nyid kyi thugs dang 'dra bar mdzod cig pa'i don to//slad ma ni gong ma dang mthun no/ /snying la dpal be'u gnas pas zhes pa ni de ltar gsol ba btab cing byin gyis brlabs pas de bzhin gshegs pa thams cad kyi bdag nyid rdo rje sems dpa'i snying la gnas nas phyag rgya chen po rdzogs par gyur pas skyes bu chen po'i mtshan nyid ces bya'o//'od zer lngas dkris lta bu ni/ /nga rgyal bskyed nas sbyor bar bya/ /zhes pa ni de ltar 'od zer 'phro zhing gnas pa de mngon sum gsal bar bskyed nas thugs dang sems gnyis su med par sbyor bar bya'o/ /kun du bzang po zhes pa ni 'dod chags la sogs pa'i nyon mongs pa spyod kyang de'i nyes pas mi gos pas badzra satwa'o//gsang dbang ni de bzhin gshegs pa thams cad kyi bdag nyid dam mchog yin pa'i don to/ /yang na gsang ba ni lo tsa na la sogs pa yum gyi rang bzhin du gnas pa rnams so/ /de dag dang gnyis su med pa'i bde ba'i ngang du rtag tu gnas pas dbang ngo //blo ldan ni phyin ci log spangs pa'o/ /bdag kyang de dang 'dra ba'i sems can zhes pa ni de lta bu'i yon tan dang ldan zhing rdo rje 'chang gi thugs su 'gyur bar shog cig ces brjod cing smon pa'o/ /oM sarba ta thA ga ta tsit+ta badzra swa b+hA wa At+ma kou0f85haM zhes p a'i sngags 'dis bdag gi sems de bzhin gshegs pa thams cad kyi thugs rdo rje'i rang bzhin yin no bar bsgom zhing brjod par bya'o//de ltar bdag nyid byin gyis brlabs zhes pa la sogs pa ni gong du bstan pa'i tshul gyis bdag gi phung po dang khams la sogs pa lha dang lha mo'i rang bzhin du shes pa dang lus dang ngag dang sems de bzhin gshegs pa'i sku gsung thugs su byin gyis brlab pa byas pa'i phyag rgya de nyid la dpal byang chub sems rdo rje'i skur bsgom par bstan to//de a las bskyed pa'i zla ba'i dkyil 'khor gyi steng du bdag 'dug par bsams la snying gar zla ba'i dkyil 'khor gyi steng du hUM dkar po gcig bskyed/de spro bsdu byas pa las byang chub kyi sems rdo rjer gyur par bsam mo/ /sems dpa'i skyil krung ni 'dug stangs so/ /zla ba'i mdog ni sku mdog go/ /rnam pa thams cad ni sangs rgyas kyi mtshan dang dpe byad la sogs pa'i yon tan thams cad dang dbu rgyan la sogs pa'i phyi'i rgyan thams cad kyis brgyan pa'o//de rnams thun mong ma yin pas mchog go/ /ral pa cod pan 'chang la zhi/ /zhes pa ni dbu skra ral par 'dug nyid cod pan du byas pa 'am/ /ral pa dang cod pan gyis brgyan pa'o//zhi ba ni 'dod chags la sogs pa'i nyon mongs pa'i me khong na med pas phyi'i sku zhe sdang gi rtags khro gnyer la sogs pa med par sems can thams cad kyi yid du 'ong zhing dga' bar byed pa'i tshul lo/ /zhal gsum rnam par bsgom par bya ba ni dus gsum gyi de bzhin gshegs pa thams cad kyi sku gsung thugs kyi rang bzhin yin pa'i rtags su ston pa'i phyir dang //'jig rten pa'i lha mgo grangs kyis yod pa rnams 'dul bar bstan pa'am de dag la dad pa'i sems can rnams chos 'di la dad par bya ba'i don to/ /g.yas pa in+d+ra nI la zhes pa ni zhal gsum la g.yas phyogs kyi zhal thugs kyi rang bzhin yin pas te de las mi 'gyur pas rin po che in+d+ra nI la'i kha dog bzhin mthing nag tu bstan to//yang na 'jig rten pa'i lha khyab 'jug la sogs pa zhe sdang che zhing gnag pa rnams kyi don mthun pa'i sgo nas mdzad pa 'am de la dad pa rnams chos 'di la dad par bya ba'i don to//g.yon pa chags pas dmar ba ni sems can thams cad la thugs rje chen po'i sgo nas chags shing / /gsung gi sgo nas don byed pa'i rtags su g.yon dmar bar bstan to/ /yang lha chen po la sogs pa 'dod chags che zhing kha dog dmar bar 'dug pa rnams kyi don mthun pa'i sgo nas mdzad pa 'am de dag la dad pa rnams chos 'di la dad par bya ba'i don to//zhal dbus dkar ba ni nyon mongs pa dang bral zhing sku'i rang bzhin yin pa'i sgo nas sems can gyi don mdzad pa'o/ /yang na tshangs pa la sogs pa dkar zhing gti mug shas che ba rnams kyi don mdzad pa gong ma dang 'dra'o//phyogs bcu thams cad snang byed pa/ /de yi phyag drug rnam par bsgom/ /zhes pa ni shar phyogs la sogs pa'i phyogs bzhi dang / /me'i phyogs la sogs pa'i mtshams bzhi dang / /steng 'og gi 'jig rten gyi khams mtha' yas pa dag tu sku las ye shes kyi 'od zer 'phro zhing sems can gyi gti mug gi mun pa rnam par 'joms shing ye shes kyi snang ba skyed pa'i dpal byang chub sems rdo rje de phyag drug dang ldan par bsgom zhes pa'o//de la phyag drug ni sems can rnams la phyag drug gi sgo nas don byed pa dang / /'jig rten gyi lha khyab 'jug la sogs pa lag pa drug dang ldan pa rnams mthun pa'i sgo nas 'dul ba dang //de la mos pa'i sems can rnams sangs rgyas kyi chos la gzung pa'i don to/ /ye shes lnga bdag rdo rje ni/ /zhes pa la de la phyag g.yas kyi dang po ye shes lnga'i rang bzhin rdo rje rtse lnga pa kha dog in+d+ra nI la ltar 'dug pa phyag tu bsgom zhes pa dang 'brel to//'bar ba lngas rnam par brgyan pa ni ye shes lnga'i rang bzhin 'od zer kha dog dkar po la sogs pa lnga rdo rje de nyid las 'phro zhing dkris pa'i don to/ /sangs rgyas sprin ni rnam par spro/ /zhes pa ni rdo rje de las kyang bcom ldan 'das rnam par snang mdzad la sogs pa'i lha dang lha mo phyogs bcur spros shing sems can gyi don byed par bsam zhes pa'i don to//gnyis pa 'khor lo chen po zhes pa phyag bar ma la 'khor lo bsnams pa'i don to/ /zla ba rtsibs brgyad lta bus ni dbyibs dang kha dog bstan te 'khor lo de rtsibs brgyad ldan zhing zla ba bzhin du dkar la zlum por 'dug pa'o//bdud rnams thams cad gcod byed pa/ /rnam par 'phro bar bsgom par bya/ /zhes pa ni 'khor lo de la ye shes kyi 'od zer 'phros pas sems can gyi 'dod chags la sogs pa'i nyon mongs pa'i bdud dang //gnod par byed pa'i gnod sbyin dang / srin po rnams tshar gcod pa'i mthu dang ldan par bsgom zhes pa'i don to/ /gsum pa pad+ma chen po zhes pa ni g.yas kyi tha ma la pad+ma bsnams pa'i don to/ /chos kyi sprin gyis kun du 'khrigs/ /zhes pa ni pad+ma de las snang ba mtha' yas kyi rang bzhin 'phros shing 'khrigs pas sems can gyi bsam pa dang mthun par chos kyi tshig 'byung ba'i don to//kha ba ba zho lta bur dag /'dod chags thams cad dag mdzad pa/ /zhes pa ni bcom ldan 'das sems can gyi don du 'dod chags dang du blangs shing spyad kyang de'i nyes pas mi gos pa'i rtags pad+ma ba zho'am kha ba lta bur shin tu dkar ba bsnams par bsgom mo//g.yon pa'i dril bu dmar skya ste/ /ston ka'i zla ba'i 'od dang mtshungs/ /zhes pa ni phyag g.yon gyi dang po la shes rab kyi pha rol tu phyin pa'i rang bzhin nyon mongs pa thams cad dang bral bas dkar ba sems can la snying rje'i sgo nas chags pa'i rtags su cung zad dmar bar 'dug pa//ston ka'i zla ba'i 'od bzhin du shin tu dkar pa'i 'od 'phro zhing sems can dga' bar byed pas so/ /chos rnams sgra brnyan lta bu zhes/ /sgras ni rab tu go bar mdzad//ces pa ni dril bu de las sgra byung bas sems can thams cad la chos thams cad kyi rang bzhin brag ca lta bu zhes rang bzhin med par stong pa nyid do zhes go bar byed pa'i don to/ /gnyis pa rin chen chen po ste/ /rdo rje 'bar bas rnam par brgyan/ /zhes pa ni phyag bar ma las yid bzhin gyi nor bu rin po che bsnams pa ste/de yang ye shes kyi 'od zer 'bar zhing dkrigs pas brgyan zhes pa'i don to/ /nyi ma 'char ka lta bu'i de ni kha dog shin tu yang dmar ba'o/ /re ba thams cad rdzogs par byed pa ni rin po che de las sems can gyi 'dod pa rnams 'byung zhing tshim par byed pa'i don to//gsum pa ral gri chen po ste/ ut+pal sngon po'i lo ma bzhin du zhes pa ni phyag tha ma na ral gri'i kha dog ut+pala'i 'dab ma bzhin du 'dug pa rnams la'o/ /chen po ni ye shes kyi rang bzhin yin pas thun mong ma yin pa'i don to/ /phyogs bcu'i sems can thams cad kyi//mi shes nyon mongs gcod byed pa/ /zhes pa ni de las 'od zer 'phros shing sems can thams cad kyi ma rig pa'i bag chags thams cad gcod pa'i don to/ /phyag mtshan de rnams kyang ye shes lnga dang rigs lnga'i rang bzhin du shes par bya'o/ /dmar po sna tshogs 'bar 'dra ba'i//'od kyi dkyil 'khor gyis ni brgyan/ /zhes pa ni byang chub sems rdo rje de nyid kyi sku las 'od zer byung bas dkyil 'khor gyi tshul du chags shing rgyab gtan du byas pas brgyan zhes bya'o/ /zla ba dri med stong 'dra ba ni 'od kyi dkyil 'khor de zla ba stong ngam de bas lhag pa'i 'od 'phro ba'i don to//blo dang ldan pas rgyab tu bsam/ /zhes pa ni thabs la mkhas pa'i sgrub pa pos 'od kyi dkyil 'khor du bsgom pa'i don to/ /snying ga'i dbus su phra mo yi/ /ye shes sems dpa' rnam par bsgom/ /zhes pa ni de ltar bdag byang chub sems rdo rje'i phyag rgya chen por gnas pa'i thugs kar ye shes sems dpa'i phyag rgya de dang 'dra ba mtshon gang ba cig bsgom pa'i don to//de'i dus su bsam pa ni/ /yi ge mchog ni dam pa'o/ /zhes pa ni ye shes sems dpa'i thugs kar dus gsum gyi sangs rgyas kyi sku gsung thugs kyi rang bzhin dngos grub thams cad kyi 'byung gnas yi ge hUM bsgom pa'i don to//de ltar bdag byang chub sems rdo rje'i phyag rgya ra gsal bar bsgom zhing zla ba drug tshun chad sems las su rung gi bar du 'og nas 'byung ba'i tshul rdo rje phra mo'i ting nge 'dzin skabs 'dir bsgom pa 'di man ngag tu shes par bya'o//sdom la gnas pa'i sngags pa yis/ /bsnyen pa sngar ni byas nas su/ /zhes pa ni de ltar bsnyen pa dang nye ba'i bsnyen pa rdzogs par byas nas sgrub pa las 'jug par bstan to/ /de la bsnyen pa ni de bzhin nyid kyi ting nge 'dzin chos thams cad kyi don dam pa'i rang bzhin skye ba med par bsgom pa'i don to//nye ba'i bsnyen pa ni kun du snang gi ting nge 'dzin dang phra mo'i ting nge 'dzin gyi bar du'o/ /sdom la gnas pa ni gong du bstan pa'i dam tshig dang spyod pa las mi 'da' ba'o/ /sngar bsnyen pa byas pa ni bsnyen pa rnam gnyis rim pa bzhin du byas nas/ sems las su rung ba'i sgrub pa la 'jug par bya'i gzhan du ma yin zhes pa'i don to/ /cho ga 'di yi sbyor ba yis/ /zhes pa ni 'og nas 'byung ba'i thabs kyis so/ /sgrub pa dag ni brtsam pa ni bdag sku gsung thugs thob par byed pa'i thabs kyi rim pa la 'jug par bya ba'i don to/ / khrus mkhan gyi ni bdag nyid che/ /zhes pa ni sgrub pa'i snod gzugs ma bstan te khrus mkhan ni gos 'khru zhing btso blag byed pa'i rigs ngan te de lta bu la rang bzhin mthu yang yod pas bdag nyid chen po zhes bya/ de lta bu'i bu mo rigs ngan pas nga rgyal chung zhing bka' blo bde bas bdag ci dga' bar byed pas sems las su rung ba'i don to//yang na khrus mkhan ni sdig pa spong zhing dge ba byed pa'i khyim bdag la sogs pa gang yang rung ba la bya'o/ /bu mo mig ring rnyed pa ni/ /zhes pa la sogs pa ni rigs de lta bu'i bu mo shes pa che zhing sems gsal ba phyi'i mig kyang che zhing ring ba yid du 'ong bar 'dug pa kha dog kyang ut+pala'i lo ma bzhin sngo skyar 'dug pa gzugs yan lag dang nying lag thams cad tshang ba/'dod chags bdo bas dar la bab pa/ brgyan pa ni de rnams dang ldan pa'i don to/ /thams cad rgyan gyis yongs su brgyan pa ni phyi'i rgyan gos dang rin po che la sogs pa rnams kyis brgyan pa'o//bzhin mdzes yid du 'ong ba zhes pa ni bsod nams che ba'i rtags gzugs byad shin tu sdug cing kun gyi yid du 'ong ba'o/ /bong tshod lo ni bcu gnyis pa ni bu mo lo grangs bcu gnyis la yon tan de lta bu kun tshang bar rnyed na mchog go//de ltar bstan kyang spyir bcu gnyis dang nyi shu rtsa lnga'i bar du shes par bya'o/ /bzung nas bsgrub pa brtsam par bya/ /zhes pa ni/ de lta bu'i yon tan dang ldan pa kha na ma tho ba med pa'i sgo nas btsal nas bsgrub pa la 'jug par bya ba'i don to/ /phyis gcin sogs dam tshig las shes pa ni de ltar mtshan dang ldan pa'i gzungs ma rnyed na/gong du bstan pa'i gnas der bdud rtsi lngas maN+Dal bya zhes bya ba'i don to/ /cho ga bzhin zhes pa ni a mr-i ta lnga'i byin gyis brlab pa dang / /dkyil 'khor gyi las tshang bar byed pa'o/ /gru bzhi pa ni dkyil 'khor gyi dbyibs rgyas pa'i tshul du bya'o//dkyil 'khor byas nas de dbus su/ /sngar gsungs pa yi gnas der gzhag /ces pa ni dkyil 'khor de lta bu byas nas sngar gsungs pa'i gzungs ma dngos grub thams cad kyi 'byung gnas de'i dbus su gzhag ces pa'i don to//phyag rgya bzhi yi sbyor ba yis/ /bdag nyid mos pa'i lhar yang bsgom/ /zhes pa ni sgrub pa po bdag kyang de dang lhan cig dkyil 'khor gyi dkyil du 'dug la bdag nyid dad pa'i lha gang yang rung ba phyag rgya bzhi dang ldan par bsgom zhes pa'i don to/ /phyag rgya bzhi ni thugs kar yig 'bru gnas pa chos kyi phyag rgya dang //rdo rje la sogs pa phyag mtshan 'dzin pa las kyi phyag rgya dang / g.yon phyogs su yum bskyed pa dam tshig gi phyag rgya dang / de rnams rdzogs pa phyag rgya chen po dang bzhi'o/ /yang na gsang ba'i yum bzhi phyogs bzhir bskyed nas bsgom pa la yang bya'o//rang gi lus las 'byung ba rnams/ /byin gyis brlab pa'i gnas su dmigs/ /zhes pa ni de ltar gzungs ma de lha mo gcig tu bsgoms la/ rang gi lus las byung ba ni bdag phyag rgya chen por gnas pa'i thugs ka nas rigs lnga phyung zhing byin gyis brlab pa'i gnas gzungs ma de gnas lngar bskyed pa'i don to//nu ma'i bar dang spyi gtsug dang / /lte ba rked pa rkang rnams su/ /zhes pa ni gnas lnga'o/ /rgyal ba bdag nyid gsang las skyes pa ni bdag byang chub sems rdo rje'i phyag rgyar gnas pa'i thugs ka thun mong dang rtog ge pa'i yul ma yin pas gsang ba'o//skyes pa ni de las byung ba'i don to/ /rigs lnga rnams ni rab tu dmigs/ /zhes pa ni de ltar gsang ba las skyes pa'i bcom ldan 'das mi bskyod pa la sogs pa'i rigs lnga/ yum de'i gnas lngar yig 'bru las bskyed cing gnas par dmigs pa'o//de'i snying ga'i dbus su zhes pa ni de rnams bkod pa'i rim pa bstan te/ yum de'i nu ma gnyis kyi bar/ /snying gar nyi ma'i dkyil 'khor bsam/ /zhes bya ste ma las nyi ma'i dkyil 'khor bskyed do/ /de'i dbus mi 'khrugs gnyis su med pa ni de'i yi ge hUM las bcom ldan 'das mi bskyod pa yab yum bskyed pa'i don to//phyag rgya bzhi dang ldan par gnas/ /zhes pa ni gong du bshad pa'i tshul gnyis ltar yin pa'am yang na bcom ldan 'das yab yum bzhugs pa'i phyogs bzhir lA s+ye la sogs pa'i lha mo bzhi bskyed pa la bya'o//spyi gtsug dbus su zla ba zhes pa la sogs pa ni yum de'i spyi bor maM las zla ba'i dkyil 'khor bskyed la de'i steng du oM las bcom ldan 'das rnam par snang mdzad yab yum bskyed par bya'o/ /de bzhin gnyis med kun du sbyor ba ni gong ma dang 'dra bar yab yum gnyis su med par gnas shing phyag rgya bzhi dang ldan pa'am/yang na phyag rgya bzhi dang gnyis su med par gnas pa ni rigs phyi ma la yang shes par bya'o/ /rked pa'i dbus su zur brgyad pa'i/ /nor bu rin chen gtsor gnas te/ /zhes pa ni yum de'i rkang pa la yi ge ra las nor bu rin po che thams cad kyi mchog kha dog in+d+ra nI la lta bu dbyibs zur brgyad du 'dug pa cig bskyed do//dkon mchog dpal ni rnam bsams te/ /phyag rgya bzhi dang ldan par gnas/ /zhes pa ni de'i steng du bcom ldan 'das rat+na sam+b+hA ba yab yum yi ge sa las bskyed par bya'o//phyag rgya bzhi dang ldan par gnas pa gong ma dang 'dra'o/ /lte ba'i phyogs dag tu zhes pa ni yum de'i gsang ba la yi ge paM las pad+ma bskyed pa'i don to/ /dkar dang dmar ba'i 'dab ma brgyad ni pad+ma de yang yab yum gnyis kyi byang chub sems kyi tshul du kha dog dkar po dang dmar ba spel mar 'dug pa dbyibs 'dab ma brgyad pa'o//pad+ma'i dbus su chos bzhugs pa/ /phyag rgya bzhi dang ldan par gnas/ /zhes pa ni pad+ma de'i steng du yi ge a las bcom ldan 'das a mi tA b+ha yab yum phyag rgya bzhi dang ldan par bskyed par bya'o/ /rkang pa dag gi dbus su'o//gru gsum me 'dra dkyil 'khor la/ /zhes pa ni yum de'i rkang mthil du yi ge ha las las kyi rigs kyi gdan dkyil 'khor gru gsum pa 'dra ba rin po che'i rang bzhin cig bskyed par bya'o/ /de'i dbus su gdon mi za/ /zhes pa ni de'i steng du bcom ldan 'das a mo g+ha sid+d+hi yab yum bskyed par bya'o//phyag rgya bzhi ni gong dang 'dra/ /shes rab ldan te byin gyis brlab/ /ces ba ni de ltar shes rab dang ldan pa'i rnal 'byor pas yum de nyid sgom mkhas na de bzhin du sgom du bcug la byin gyis brlab cing dbang bskur bar bya/ mi mkhas na bdag gis bsgoms la dbang bskur bar bya'o//rgyal ba'i yum de yon tan ldan/ /zhes pa ni de ltar bsgoms shing dbang bskur bas sgrub pa'i snod du rung bas so/ /nyi shu rtsa lnga'i bye brag gis/ /de la rdul ni gtang bar bya/ /zhes pa ni rigs re re yang lha mo bzhi bzhis bskor bas nyi shu rtsa lnga gzungs ma de'i gnas lngar dkyil 'khor gyi tshul du bkod pa ni rdul btang ba zhes bya'o//yang na gzugs ma de lo grangs gong du bstan pa dang nyi shu rtsa lnga'i bar gyi bye brag la bya/ rdul btang ba ni gong ma dang 'dra bar dkyil 'khor bsgoms la bya'o/ /yang na de ltar byin gyis brlabs pa'i gnas der 'og nas 'byung ba'i tshul du byang chub kyi sems spro ba la yang bya'o//skye mched rnams ni gzugs sogs dmigs/ /zhes pa ni gzungs ma de'i mig gi skye mched la sogs pa drug byang chub sems dpa' gzugs kyi lha mo la sogs pa drug gi yum bskyed pa'i don to//ro langs mi pham lag gnyis la/ /khro gnyer ral pa gcig lha mo/ /kha dang pad+ma la ni dmigs/ /zhes pa ni gshin rje gshed la sogs pa'i khro bo chen po bzhi'i yum khro mo bzhi gzungs ma de'i gnas bzhir bsgom pa'i don to/ /de la ro langs ma lag pa g.yas la gshin rje gshed kyi yum du shes par bya'o//lag pa g.yon la gzhan gyis mi thub ma shes rab mthar byed kyi'o/ /khro gnyer can khro bo h+ya gr-I ba'i yum kha la'o/ /khro mo ral pa gcig ma bdud rtsi 'khyil ba'i yum pad+ma la bskyed par bya'o/ /hUM zhes pas ni rdo rje sbyang / /zhes ba ni sgrub pa po'i gsang ba'i rdo rje la yi ge hUM gcig bskyed la de las ye shes kyi rang bzhin 'od 'phro bar dmigs shing hUM hUM zhes brjod pas ldang bar bya'o//de'i nor bu oM zhes pa ni de ltar langs pa'i rdo rje de'i spyi bor ye shes lnga'i rang bzhin yi ge oM 'od 'phro ba cig bsam mo/ /rdo rje chos ni gnas gyur nas//de yi pad+mar rab tu gnas/ /zhes pa ni de ltar bdag gi badzra byin gyis brlabs nas/ pradz+nyA de'i chos kyi dbyings kyi phyag rgya byin gyis brlab par bstan to/ /rdo rje chos ni bcom ldan 'das snang ba mtha' yas nyid mu dra de'i rang bzhin du gyur nas gnas zhes pa'am/yang na bcom ldan 'das de lha mo ni dkar mor gyur la/ lha mo de mu dra de'i rang bzhin du gnas zhes pa'i don to/ /zla ba'i 'od zer ltar 'bar zhing / /yid du 'ong bar 'bar ba ste/ /rdo rje pad+ma mchog bsgoms nas/ /dngos grub myur du thob par 'gyur/ /zhes pa ni sgrub pa la zhugs pa'i rnal 'byor pa dang /rnal 'byor ma'i gsang ba'i dbang po gnyis 'od 'phros bas gcig gi yid du gcig 'ong zhing so so'i gdung ba sel bar byed pas zla ba ltar 'bar ba zhes bya'o/ /de ltar rdo rje pad+ma gnyis bsgom zhing 'og nas 'byung ba'i tshul du bsgrubs na yid la 'dod pa'i sku gsung thugs kyi dngos grub 'thob ces pa'o//'od zer rnam lnga 'phro bar ni/ /rdo rje pad+ma rnam bsgoms la/ /zhes pa ni/ /rdo rje dang pad+ma gnyis sbyar ba'i mtshams ye shes lnga'i rang bzhin 'od zer kha dog lnga spro zhing phyogs bcu'i 'jig rten gyi khams kyi de bzhin gshegs pa'i thugs dam gyi rgyud bskul zhing dgyes par bya ba dang /sems can gyi don byed par dmigs nas zhes pa'i don to/ /gsang sngags ba'i rgyal gyis/ /de nas bsgrub pa brtsam par bya/ /zhes pa ni de ltar bsgoms nas/ sarba ta thA ga tA nu rA ga'i sngags kyi don yid la byed cing thabs dang shes rab kyi rol pa bya zhes pa'i don to//oM sarba ta thA ga tA nu rA ga na badzra swa b+hA wa At+ma kou0f85haM zhes bya ba ni bdag de bzhin gshegs pa thams cad dang rjes su chags shing dgyes par byed pa'i rdo rje rang bzhin no zhes pa'i don to/ /sngags 'di'i d on gnyi gar yang so sor yid la byed cing lan grangs kyis brjod par bya'o//rdo rje nyi ma nub nas ni/ /sgrub pa chen po brtsam par bya/ /zhes pas ni dang po sgrub pa la 'jug pa'i dus bstan te/ de'i nyin par gzungs ma byin gyis brlab pa la sogs pa'i ting nge 'dzin yang nas yang du gsal bar byas/nub kyi ri bo'i rgyab tu nyi ma phyin ma thag tu rdo rje pad+mar sbyar zhing sgrub pa chen po brtsam par bya zhes pa'i don to/ /zhag bdun gyis ni 'grub 'gyur ba/ /skya rengs 'char ka'i dus su ni/ /zhes pas ni sgrub pa chen po'i 'bras bu sku gsung thugs thob pa'i dus bstan to/ / de la rnal 'byor pas gong du bstan pa bzhin du bsnyen pa dang nye bsnyen zla ba drug gi bar du rgyun mi 'chad par byas pa'i sems las su rung bas gong du bstan pa bzhin du yul mtshan dang ldan par byin gyis brlab pa'i ting nge 'dzin gyi bsgrub pa byas nas/ sgrub pa chen po la zhugs pa'i dgongs nas zhag bdun lon pa'i//skya rengs 'char ka'i nam langs kar/ /mngon par 'dod pa'i dngos grub 'thob/ /ces pa'i don to/ /sgrub pa chen po'i dus dag tu/ /rang gi gsang sngags rdo rje'i gzugs/ /zhes pa ni de ltar thabs dang shes rab kyi tshul du sgrub pa chen po byad pa'i dus su rang gi spyi bor bdag la gsang ba'i dbang bskur ba'i rdo rje slob dpon gyi sku'o//cod pan bdag por bsgom byas na/ /zhes pa ni slob dpon de pradz+nyA dang ldan par cod pan gyi tshul du gnas shing dbang bskur bar bsgom zhing bsgrub ces pa'i don to/ /yang na byang chub sems rdo rje tshul de ltar dbang bskur bar bsam par bya'o//ye shes rdo rje grub 'gyur ba ni de sgrub cing 'og nas 'byung ba'i tshul du spro bsdu bya ba la sogs pa byas na de bzhin gshegs pa thams cad kyi rang bzhin skye ba med pa'i don mngon sum du 'gyur ba'am/ yang na de bzhin gshegs pa thams cad kyi bdag nyid dpal ye shes sems dpa'i sku mngon sum du mthong bar 'gyur ro//sems dpa'i skyil krung bcas nas ni/ /sgrub snod de yi steng du gzhag /ces pa ni sgrub pa chen po byed pa'i 'dug thabs bstan te/ bdag sems dpa'i skyil mo krung gi tshul du 'dug /gzungs ma sgrub pa'i snod du byin gyis brlabs pa skyil mo krung gi steng du gzhag pa'i don to//yan lag g.yas pas gnya' mnan nas/ /g.yon pa'i yan lag rked par phab/ /ces pa ni de ltar 'dug nas bdag gi lag pa g.yas pas pradz+nyA de'i gnya' ba nas bzung ba dang / lag pa g.yon pas rked pa brten pa'am g.yo ba'i tshul du bya ba dang /pradz+nyA des kyang thabs la de ltar bya zhes pa'i don to/ /rdo rje pad+mar bcug nas ni/ /sos ni ma mchu bsdam par bya/ /zhes pa ni de ltar 'dug nas thabs dang shes rab kyi phyag rgya gnyis gong du bstan pa'i ting nge 'dzin gsal bar dmigs la sbyor zhes pa'o//thabs dang shes rab zung du 'brel bar gnas pa'i don nam gcig chags shing mi 'da' bas mchu bsdam pa'i don/ hUM zhes dbyangs blangs rab bskyod cing / /rdo rje 'dzin par nga rgyal bskyed/ /ces ba ni de'i dus su rdo rje sems dpa' 'am/ yi dam gyi lha gang yang rung ba bsgom pa de gsal bar bsgom zhing hUM gi sgra rgyun mi 'chad par brjod cing bskyod pas sngags dang phyag rgya dang ting nge 'dzin gsum dang mi ldan du mi rung bar bstan pa'i don to//dpung pa rab brkyang mgul ba nas/ /brtan zhing mi g.yo bar ni 'khyud/ /ces pa ni de ltar bskyed pas byang chub kyi sems 'byung la khad pa'i dus su bde ba chen po nyams su len pa'i rtags su so sor lag pa brkyang zhing mi g.yo bar 'khyud par bya zhes pa'i don to//byang chub sems ni byung ba'i tshe/ /zhes pa ni de ltar rol pas byang chub kyi sems byung ba dang 'og gi tshig gnyis kyi don bsam par bya'o//mkhas pas sngags ni phaT brjod pas/ /thams cad bdud ni rnam par 'joms/ /zhes pa ltar byang chub kyi sems byung ma thag tu phaT ces brjod pas nyon mongs pa thams cad spangs par sems pa dang / yang phaT ces brjod pas byang chub kyi sems las khro bo dang khro mo grangs med 'phros pas/phyogs bcu'i 'jig rten gyi khams kyi bgegs dang srin po la sogs pa'i bdud rnams 'joms par bsam pa'i don to/ /yang phaT ces brjod pas mchod pa'i lha mor gyur nas phyogs bcu'i 'jig rten gyi de bzhin gshegs pa thams cad la bla na med pa'i mchod pas mchod cing thugs dam gyi rgyud bskul ba dang /sems can gyi re ba thams cad rdzogs par byed par bsam pa'i don to/ /oM sarba ta thA ga ta pU dza badzra swa b+hA wa At+ma kou0f85haM/ zhes pa ni gong ma ltar nyon mongs pa spong ba dang / khro bo dang khro mo spros shing bdud tshar gcod par b ya ba dang /mchod pa'i lha mor gyur nas de bzhin gshegs pa bla na med pa'i bde bas tshim zhing rgyas par byed pa dang / sems can gyi don byas pa rnams de bzhin gshegs pa'i mchod pa'i rang bzhin yin pas bdag de bzhin gshegs pa thams cad kyi mchod pa'i rdo rje'i rang bzhin no/ / zhes pa'i don to/ /sngags 'di'i don bsgom zhing lan gsum du brjod par bya'o/ /bde ba'i sems de rnams spros pas shes pa ni thabs dang shes rab gnyis su med pa las byung ba'i bde ba chen po'i rang bzhin du gnas pa'i byang chub kyi sems gong ma bzhin du tshul sna tshogs su spros pa de zhes bya ba'i don to//sprul skus thams cad khyab pa bzhin/ /zhes pa ni khro bo dang / mchod pa'i lha mor sprul pa'i sku rnams kyis phyogs bcu'i 'jig rten gyi khams khyab pa so so'i phrin las byas ma thag tu zhes bya ba'i don to/ /sems de bkug nas pad bzhugs las/ / de bzhin gshegs pa'i rigs kun spro/ /zhes pa ni byang chub sems kyi sprul pa la de rnams slar yum gyi gsang ba'i gnas su slar byang chub sems gnas par bsams la/ de las rdo rje rigs la sogs pa'i rigs lnga lha rnams spro zhes pa'i don to/ /rang sngags yi ge bskyed pa rnams//zhes pa ni spro ba'i lha rnams kyang sa bon yi ge las bskyed par bya'o/ /sku gsung sa bon byin brlabs te/ /zhes pa ni de ltar bskyed cing spro ba'i lha rnams kyang sku gsung thugs kyi yi ge gnas gsum du bskyed cing sangs rgyas thams cad kyi sku gsung thugs kyi rang bzhin du byin gyis brlabs nas spro zhes pa'i tha tshig go//pad+ma'i dbus su bskyed nas zhes pa ni byang chub kyi sems gnas pa'i gnas de nyid du yi ge dmigs la bskyed ces bya'o/ /rim pa bzhin zhes pa 'og nas 'byung ba'i rim pa bzhin du ma nor bar spro bar bya'o/ /badzra d+h+r-ika ces pa ni thog ma dang tha ma med pa'i 'khor ba'i sems can thams cad kyi sems kyi rang bzhin dang de bzhin gshegs pa thams cad kyi thugs kyi rang bzhin ni rdo rje'o//d+h+r-ika ni de'i ngo bor gnas pa dang / yang na dus gsum gyi de bzhin gshegs pa thams cad kyi sku gsung thugs ni rdo rje'o/ /de'i ngo bor sku ston cing gnas pas d+h+r-ika go//yang ni ye shes lnga'i sgo nas sku lnga bstan zhing sems can gyi don byed pas de'i rtags su phyag g.yas na rdo rje rtse lnga 'dzin pas so/ /sa bon las ni bskyed pa yi/ /zhes pa ni slar bsdus pa'i yum gyi pad+ma na gnas pa'i byang chub sems las yi ge hUM du gyur par dmigs la/de las 'od zer 'phros shing slar 'dus pa las rdo rjer gyur la/ de spros shing bsdus pa tsam gyis badzra d+h+r-ika ces bskul bas bcom ldan 'das mi bskyod pas/ /rdo rje mi 'khrugs sprul pa ste/ /zhes bya'o/ /khros pas kha dog mthing shun 'dra/ /zhes pa la sogs pas ni bcom ldan 'das de'i sku mdog dang phyag mtshan la sogs pa'i cha lugs bstan to//khros pa ni zhe sdang can gyi don du thugs rje'i sgo nas so/ /sku mdog mthin shun 'dra ba ni sku shin tu gnag pa'o/ /gnag dang dmar dang dkar ba'i zhal/ /zhes pa ni zhal gsum du bstan te/de la zhal dbus ma ni sku dang mthun pas gnag pa'o/ /dmar ba ni g.yon pa'o/ /dkar ba ni g.yas so/ /ral pa'i cod pan gnas dag la/ /mi 'khrugs dbang bskur rnam par brgyan/ /zhes bya ba ni sems can 'dul ba'i ngor byang chub sems kyi nyon mongs pa dang du blangs shing mi spang ba'i rtags su ral pas cod pan byas pa'o//de'i steng du bcom ldan 'das byang chub kyi sems rdo rje dbang bskur pa'i tshul du dbu rgyan du bsam pa'o/ /thams cad rgyan ni mtshan dang dpe byad dang dbu rgyan la sogs pa'i 'jig rten gyi rgyan thams cad do/ / rdzogs pa ni de rnams kyis sku rgyas par brgyan pa'o/ /phyag drug pa ni g.yas g.yon du phyag gsum gsum du bsam zhes pa'o/ /rdo rje 'khor lo 'bar 'chang ba/ /chu skyes dag ni mdzes pa'i mchog /ces pa ni g.yas kyi gsum la phyag mtshan de gsum rim pa bzhin du shes par bya'o//dril bu ral gri nor bu rnams/ /g.yon pa'i phyag tu bsam par bya/ /zhes pa ni g.yon pa'i phyag gsum la rim pa bzhin du 'di gsum bsgom pa'i don to/ /snying ga nas ni de spros te/ /zhes bya ba'i yum gyi gsang ba'i thugs ka nas steng gi bar snang la 'don pa'o/ / phyogs bcu dag tu rnam par gzigs pa ni steng gi bar snang la cung zad cig gnas nas phyogs bcu'i 'jig rten gyi khams dpag tu med pa dag gi sems can gyi khams la 'dul ba'i thabs ji lta bu zhig yin dgongs pa'i phyir ro/ /sangs rgyas rdzu 'phrul mdzad sogs dang / /chos kyi 'khor lo rab tu bskor//zhes pa ni de ltar dgongs nas dang por dga' ldan gyi gnas na gnas pa nas mya ngan las 'das pa'i bar du sems can 'dul ba'i thabs theg pa gsum gyi sgo nas bstan zhing chos bshad pa'o/ /gzhan yang 'gro ba rigs drug gi lus su bstan zhing de rnams kyi don byed pa'o//zhe sdang spyod pa'i lam gnas pa'i/ /sems can ma lus rab sbyangs nas/ /zhes pa ni de ltar sangs rgyas kyi mdzad pa kun mdzad mod kyi/ rigs kyi phrin las zhe sdang can spyad ba'i thabs khyad par du mdzad pa yin pas de skad gsungs so/ /byang chub sems kyi mdun nas ni//rdo rje sems la rnam par zhugs/ /zhes pa ni de ltar sems can ma lus pa'i don mdzad nas/ slar byon nas byang chub kyi sems kyi mdun phyogs nas de nyid kyi thugs ka nyid du zhugs par bsam zhes pa'o/ /de la zhugs par dang byas nas/ /rdo rje sems ni rnam par bsam//zhes pa la sogs pa ni de ltar bcom ldan 'das mi bskyod pa dang byang chub sems rdo rje gnyis su med par gyur ma thag tu byang chub sems rdo rje snga ma'i tshul spangs nas rdo rjer gyur par bsam zhes pa'i don to/ /in+d+ra nI la'i 'od 'dra ba ni zhe sdang rdo rje'i sku mdog bstan te mi bskyod pa dang 'dra bar gnag pa las cung zad skya ba'o//zhal gdangs mche ba gtsigs pas 'jigs/ /zhes pa ni sems can yang dag ba'i lta ba spangs nas log par spyod pa rnams de las bzlog par dgongs nas 'jigs par byed pa'i rtags su khros pa'i cha lugs shin tu yang che bar bstan pa'i don to//yang na srin po ma rungs pa dang lha nga rgyal che ba rnams 'dul ba'i don to/ /mi 'khrugs 'bar ba spyi bor 'chang / /zhes pa ni zhe sdang rdo rje de ltar phyi khros pa'i tshul ston kyang thugs rje chen po'i rang bzhin byang chub kyi sems dang ma bral ba'i rtags su byang chub kyi sems kyi rang bzhin yin pa'i phyir ro//yang na chos thams cad kyi bdag nyid yin pas bdag po'i tshul lo/ /'jig rten khams kun 'khrugs par mdzad/ /ces pa ni gong du bstan pa'i sems can rnams 'jigs par byed cing dbang du byed pa'o/ /nyi ma'i dkyil 'khor dbus gnas pa//nyi ma bye ba phrag brgya'i 'od/ /ces pa ni nyi ma'i dkyil 'khor gyi gdan la bzhugs shing / nyi ma de tsam gyi 'od dang 'dra bar sku las 'od 'phro zhing 'jig rten gyi khams gsal bar byed pa'i don to/ /dmar po spyan ni 'jigs pa che/ /zhes pa ni sems can thams cad la thugs rjes chags shing 'jigs par byed pas spyan dmar por ston pa dang /yum la chags shing bde ba chen po nyams su blang bar bzhed pa'i phyir ro/ /rgyan rnams kun zhes pa ni gong ma dang 'dra'o/ /khro gnyer zhi ba 'dod chags che/ /zhal gsum dag ni rnam par 'chang //zhes bya ba ni zhe sdang rdo rje zhal gsum dang ldan zhes ba'o/ /de yang dbus zhe sdang gi rigs kyi rang bzhin yin pas khro gnyer mang zhing gnag pa'o/ /g.yas gti mug gi rigs kyi rang bzhin yin pas dkar zhing zhi ba'o/ /g.yon 'dod chags kyi rang bzhin yin pas dmar zhing 'dod chags che ba'o//rang gi dam tshig mnyam par ldan/ /zhes pa ni yum dang gnyis su med par bzhugs pa'o/ /phyag drug ni mi bskyod pa dang 'dra'o/ /'dzam+bu na da'i 'od 'dra ba/ /zhes pa la sogs pa ni zhe sdang rdo rje'i phyag g.yas kyi dang po rdo rje rtse dgu pa kha dog gser dang 'dra ba/rigs lnga la sogs pa'i dkyil 'khor gyi lha rnams kyi sku phra mo 'od zer bzhin du rdo rje nyid las 'phro zhing dkrigs pa cig bsgom pa'i don to/ /sngar gsungs pa yi rim bzhin du/ /phyag rgya phyi ma rnam par bsgom/ /zhes pa ni phyi ma phyag rgya lnga la gong du mi bskyod pa'i phyag mtshan du bstan pa bzhin du bsgom zhes pa'i don to//zhe sdang rdo rjer byin brlabs nas/ /dkyil 'khor thams cad rnam par spro/ /zhes pa ni de ltar bdag zhe sdang rdo rjer bsgoms nas yum dang gnyis su med pa'i sbyor byas la gong ma bzhin du byang chub sems las bcom ldan 'das rnam par snang mdzad la sogs pa 'og nas 'byung ba'i dkyil 'khor gyi lha thams cad so so'i sa bon las bskyed cing spro zhes pa'i don to//oM dzi na dzika ces pa'i sngags 'dis gti mug gi rigs kyi de bzhin gshegs pa bskul zhing bskyed par bya'o/ /de la dzi na ni dus gsum gyi rgyal ba'o//dzika ni de rnams kyi sku'i ngo bor gnas pa'o/ /yang na dzi na ni bcom ldan 'das rnam par snang mdzad nyid la bya/ dzika ni gzugs kyi dngos po thams cad du khyab pa'o/ /sa bon las ni bskyed bya ba/ /rnam par snang mdzad gtso bo zhes pa ni zhe sdang rdo rje yab yum gnyis su med pa'i byang chub sems las oM dkar po dmigs la de las bcom ldan 'das rnam par snang mdzad khams gsum gyi mchog tu gyur pa gong ma'i tshul bskyed par bya zhes pa'i don to//zhi ba'i cha lugs dag dang ldan/ /zhes pa ni zhe sdang la sogs pa'i nyon mongs pa dang khro gnyer la sogs pa'i tshul med pa'i don to//phyogs bcu thams cad snang bar mdzad pa ni phyogs bcu'i 'jig rten gyi khams kyi sems can rnams kyi sems mi shes pa'i mun bas khabs pa rnams la bsam pa dang mthun pa'i sgo nas chos ston cing ye shes kyi snang ba bskyed pa dang / phyogs bcu'i 'jig rten gyi khams kyi mun par snang ba thams cad sku'i 'od kyis gsal bar mdzad pa'i don to/ /ston ka'i 'dam bu'i 'od 'dra ba ni ston ka'i dus kyi 'dam bu'i tshul bzhin du sku mdog shin tu dkar ba'o/ /ral pa'i cod pan dag gis brgyan/ /zhes pa la sogs pa ni gong ma dang 'dra'o//dkar dang gnag dang dmar chen po/ /kha dog gsum po zhal gsum po/ /zhes pa ni bcom ldan 'das de yang kha dog gsum gyi zhal gsum dang ldan pa'i don to/ /de yang zhal dbus ma sku dang mthun par dkar la g.yas gnag cing g.yon dmar ba'o/ / zhal gsum dang phyag drug la sogs pa'i don gong du bstan pa'i byang chub sems rdo rje dang mthun no/ /'od zer sna tshogs pas brgyan zhes pa ni sku las dkar po la sogs pa'i 'od zer sna tshogs dkrigs shing bskor ba'i tshul du 'dug pa'o/ /ye shes kyi rang bzhin nam rgya che bas chen po'o//phyag drug rnam par bsgom par bya/ /zhes pa ni phyag drug dang ldan par bsgom zhes pa'o/ /'khor lo rdo rje pad+ma dkar/ /g.yas pa'i phyag tu bsam zhes bya ba ni g.yas kyi gsum la phyag mtshan gsum tshig gi rim pa bzhin du shes par bya'o/ /dril bu nor bu ral gri rnams//g.yon pa'i phyag tu rnam par bsgom/ /zhes bya ba ni de bzhin du 'di gsum g.yon phyogs su shes par bya'o/ /de bzhin snying las byung nas ni/ /zhes pa la sogs pa'i tshig rnams kyi don bcom ldan 'das mi bskyod pa dang 'dra bar shes par bya'o/ /gti mug las la rab gnas pa'i//sems can ma lus sbyangs nas ni/ /zhes bya ba ni gti mug gi rigs kyi phrin las sems can gti mug gi shas che ba rnams kyi don khyad par du mdzad ces pa'o/ /slar log mdun gyi phyogs dag na/ /zla ba'i dbus su rnam par gnas//zhes pa ni de ltar sems can gyi don kun mdzad nas/ slar byon nas gong du bstan pa'i dkyil 'khor gyi nang gi rim pa la zhe sdang rdo rje'i mdun gyi re'u'i cha la zla ba'i dkyil 'khor gyi gdan la bzhugs par bsgom pa'i don to/ /rat+na d+h+r-ika ces pa ni sngags 'dis yid bzhin gyi nor bu rin po che rigs kyi bdag po bskul zhing bskyed par bstan to//de la rat+na ni dus gsum gyi de bzhin gshegs pa thams cad kyi yon tan rin po che dang 'dra ba rnams so/ /d+h+r-ika ni rang bzhin du gnas pa'o/ /yang na de bzhin gshegs pa thams cad kyi sku gsung thugs kyi khyad par las/sems can thams cad kyi don bsam pa dang mthun pa'i sgo nas mdzad pa'i rtags su phyag na yid bzhin gyi nor bu rin po che 'dzin pas rat+na d+h+r-ika ko/ /sa bon las ni bskyed bya ba/ /dkon mchog dpal ni mkhas pas bskyed/ /ces bya ba ni cho ga las ni mkhas pa'i rnal 'byor pas gong du bstan pa'i byang chub sems las yi ge swa ser po dmigs la/'phro 'du la sogs pa tshul bzhin du byas nas/ bcom ldan 'das rin chen 'byung ldan gyi phyag rgya bskyed par bya zhes pa'i don no/ /ral pa cod pan zhes pa la sogs pa'i tshig gsum gyi don gong ma dang 'dra'o//ser dang gnag dang dkar ba'i zhal/ zhal gsum la dbus ma sku dang mthun zhing g.yas dkar la g.yon gnag go/ /thams cad rgyan dang ldan pa'o/ /phyag drug pa ni rnam par bsgom/ /zhes pa ni gong ma bzhin no/ /nor bu rdo rje 'khor lo ni/ / g.yas pa'i phyag tu bsgom par bya/ /dril bu ral gri pad+ma ser/ /g.yon pa'i phyag tu rnam par bsgom/ /zhes pa ni phyag mtshan drug ni tshig gi rim pa bzhin no/ /de bzhin snying nas rab byung nas/ /'jig rten khams ni rnam par gzigs/ /zhes bya ba ni sngar bzhin no/ / nga rgyal lam la gnas pa yi/ /sems can thams cad sbyor bar mdzad/ /ces pa ni rin po che'i rigs kyi phrin las sems can nga rgyal che ba rnams kyi don khyad par du mdzad pa'o/ /rin chen chen po slar gshegs nas/ /thams cad dbang bskur phun sum tshogs/ /zhes pa la sogs pa ni/bcom ldan 'das rin chen 'byung ldan gyis sems can thams cad snod dang mthun pa'i sgo nas chos ston cing / sku gsung thugs la sogs pa'i dbang bskur bas phun sum tshogs pa byas ma thag tu slar byon nas rin po che zur brgyad pa'i gdan la zhe sdang rdo rje'i g.yas phyogs su bzhugs par bsgom mo zhes bya ba'i don to//A ro l-ika ces pa'i sngags 'dis pad+ma'i rigs kyi bcom ldan 'das bskul zhing bskyed par bstan to/ /de la bcom ldan 'das de 'dod chags spyod pa'i sgo nas sems can gyi don mdzad pas 'gro ba 'dod chags spyod pa'i rang bzhin thams cad la khyab pa 'am gnas pas so//yang na yul dang dus thams cad du gnyis su med par brtson pa'i rang bzhin la gnas zhes pa'o/ /sa bon las ni grub pa yi/ /rdo rje snang ba mtha' yas bskyed/ /ces bya ba ni gnyis su med pa'i byang chub sems las yi ge AM dmar por dmigs la de 'du byas pa las bcom ldan 'das snang ba mtha' yas kyi skur gyur par bsgom pa'o//pad+ma rA ga'i mdog 'dra ba ni sku mdog rin po che pad+ma rA ga bzhin du shin tu dmar ba'o/ /mi 'khrugs pas ni cod pan brgyan/ /zhi ba ral pa'i cod pan 'chang //zhes pa ni gong ma bzhin no/ /dmar dang gnag dang dkar ba'i zhal ni zhal dbus ma sku dang mthun par dmar la g.yas gnag cing g.yon dkar ba'o/ /thams cad rgyan gyis rnam par brgyan/ /phyag drug pa ni bsgom par bya/ /zhes pa yang gong ma bzhin no/ / g.yon pa 'gying bag pad+ma 'dzin/ /dril bu dkur brten phaT phyir te/ /zhes phyag g.yon gyi dang po la me tog pad+ma 'dzin la de'i yu ba'i thad kar dril bu yang 'dzin cing 'gying ba'i tshul du dku la brten pa'o/ /g.yas pas pad+ma skyod mdzad cing / /thugs kar pad+ma kha yang 'byed/ /ces pa ni sems can thams cad ma rig pa'i gnyid log pa rnams ye shes kyi 'od zer gyis sad par byed pa'i rtags sam/sems can thams cad kyis bla na med pa'i 'bras bu thob pa'i sgo yum gyi gsang ba'i pad+ma 'di nyid yin pa'i rtags su thugs kar 'dzin pa'i pad+ma de phyag dang por bsgyur zhing kha 'byed pa'i tshul du mdzad pa'o//g.yas gnyis rdo rje 'khor lo dang / /g.yon gnyis rin chen ral gri bsnams/ /zhes pa ni g.yas kyi bar ma dang tha ma gnyis la rdo rje dang 'khor lo 'dzin pa dang / g.yon pa'i bar ma dang tha ma la rin po che dang ral gri 'dzin par bsam pa'o//snying ga nas ni byung gyur nas/ /thams cad phyogs su rnam par gzigs pa yang gong bzhin no/ /sems can 'dod chags ldan sbyangs te/ /'dab can chu yi pad+ma bzhin/ /zhes pa ni pad+ma'i rigs kyi phrin las 'dod chags can gyi don khyad par du mdzad pa yin pas/bcom ldan 'das snang ba mtha' yas kyang 'gro ba drug dang mthun par 'dod chags spyod kyang nyes pas mi gos pa ni dper na me tog pad+ma 'dam du skyes kyang 'dam gyi dri mas mi gos pa bzhin no/ /slar gshegs pad+ma'i dbus su ni/ /rgyab kyi phyogs su nges par bzhugs//zhes pa ni de ltar sems can gyi don mdzad nas slar byon nas zhe sdang rdo rje rgyab phyogs su sna tshogs pad+ma'i gdan la zhugs par bsgom par bya'o/ /pradz+nyA d+h+r-ika ces pa'i sngags 'dis las kyi rigs kyi bcom ldan 'das don yod grub pa bskul zhing bskyed par bya ba bstan to//de la pradz+nyA ni de bzhin gshegs pa thams cad sems can gyi don mdzad par dgongs pa'i thugs tha dad pa'o/ /d+h+r-ika ni de'i rang bzhin du gnas pa'o/ /yang na pradz+nyA ni sems can rnams las sna tshogs byed par sems pa'i sems so/ /d+h+r-ika ni de'i rang bzhin no//yang na sems can thams cad kyi mi shes ba'i bag chags gcod pa ni shes rab yin la de'i rtags su de'i rang bzhin phyag na ral gri 'dzin pas d+h+r-ika go/ /sa bon las ni grub pa yis/ /rdo rje gdon mi za ba bskyed/ /zhes bya ba ni gong ma bzhin du yi ge ha ljang gu las bcom ldan 'das don yod grub pa bskyed ces pa'o//de la gdon mi ba ni 'jig rten pas las byas pa thams cad la la la 'bras bu yod cing la la 'bras bu med pa bzhin du ma yin zhing phun sum tshogs pa'i don to/ /ljang gu bai DUR+Ya 'dra ba ni sku mdog bai DUR+Ya ljang gu ltar gsal ba'o/ /ral pa cod pan rdo rje'i gnas//thams cad rgyan gyis yan lag brgyan/ /zhes pa yang gong ma bzhin no/ /ljang dang gnag dang dkar ba'i zhal/ /zhes pa ni zhal gsum du bstan to/ /de yang dbus ma sku dang mthun zhing g.yas dkar g.yon gnag pa'o/ /'od zer sna lnga 'grogs pa 'bar ba ni ye shes lnga'i rang bzhin 'od zer sku las dkrigs pa'i tshul du 'phro zhing nyon mongs pa sreg cing 'bar ba'o//phyag drug rnam par bsgom par bya ba ni de lta bu'i 'od dang ldan pa de phyag drug tu bsgom zhes bya ba'o/ /ral gri rdo rje rgya gram dang / /'khor lo g.yas pa'i phyag tu bsgom pa ni rim pa bzhin du'o//dril bu pad+ma sdong bcas dang / /nor bu g.yon pa'i phyag tu bsam pa ni gsum pa'o/ /de bzhin snying ga nas byung nas/ /phyogs bcu kun du gzigs mdzad pa yang gong ma bzhin no/ /brdzun tshig smra ba'i lam gnas pa'i/ /sems can thams cad kun du spyod//zhes pa ni las kyi rigs kyi phrin las brdzun dang phrag dog che ba rnams kyi don khyad par mdzad do/ /sna tshogs chen po slar gshegs nas/ /zhes pa ni de bzhin gshegs pa thams cad kyi phrin las thams cad kyi rang bzhin du gnas nas/ sems can thams cad kyi don thabs sna tshogs kyi sgo nas mdzad pas sna tshogs so//chen po ni 'jig rten las 'das pa'i don to/ /gru gsum dkyil 'khor dbus su ni/ /rdo rje sems dpa'i byang phyogs su/ /sems dpa'i skyil mo krung gis bzhugs/ /zhes pa ni de ltar don mdzad pa de slar byon nas zhe sdang rdo rje'i g.yon phyogs gru gsum gyi dkyil 'khor rin po che'i rang bzhin gyi gdan la sems dpa'i skyil krung gi tshul du bzhugs par bsgom pa'i don to//zhe sdang gti mug 'dod chags dang / /yid bzhin nor bu dam tshig ste/ /rigs lngar gtogs pa 'di dag gis/ /zhes pa ni dpal rdo rje sems dpa' sems can rnams la zhe sdang la sogs pa'i nyon mongs pa lnga yod par mkhyen nas de rnams kyi gnyen por rdo rje la sogs pa'i rigs lngar bstan pa 'di dag bsgoms shing bsgrubs pa ni 'dod pa grol ba sgrub bar mdzad ces pa'am thob par 'gyur ba'i don to//de la 'dod pa ni 'jig rten gyi longs spyod du gyur pa 'dod pa'i yon tan lnga la sogs pa'i dngos grub rnams so/ /grol ba ni dpal rdo rje sems dpa'i sku gsung thugs thob nas bde ba chen po'i ngang du gyur pa'o/ /de ltar rigs lnga'i de bzhin gshegs pa bskyed cing / dkyil 'khor du bkod pa bstan nas dwe Sha ra ti zhes pa la sogs pas yum bzhi bskyed cing bkod par bstan to//gsang sngags las ni grub pa yi/ /rgyal mchog yum chen lha mo bskyed/ ces pa ni dwe Sha ra ti zhes pa'i sngags kyis bskul zhing rang gi sngags yi ge oM las gong du bstan pa'i tshul du lha mo mA ma kI bskyed ces bya ba'o//de yang gang gi yum zhe na/ rgyal mchog ces bya ste/ bcom ldan 'das zhe sdang rdo rje dus gsum gyi sangs rgyas kyi bdag nyid yin pa dang / dkyil 'khor gyi bdag po'i tshul du gnas pa de'i yum mo/ /chen mo ni lo tsa na la sogs pa yang de'i yum yin pa dang khyad par du rdo rje rigs kyi yum 'di nyid yin par nges pa'i don to//sngo bsangs ut+pal mdog 'dra ba/ /zhes pa ni lha mo de'i sku mdog ut+pal sngon po'i kha dog bzhin du 'dug pa'i don to/ /yid du 'ong ba mdzes pa'i zhal/ /zhes pa ni lha mo de bud med kyi cha lugs yin yang nyon mongs pa'i rang bzhin ma yin pas gtso bo de rnams kyi spyan sngar mdzes shing thugs su byon pa dang /sems can thams cad kyi yang mig lam du mdzes shing yid du 'ong ba'i don to/ /gnag dang dmar dang dkar 'dra ba'i/ /zhal gsum gyis ni rnam par brgyan/ /zhes pa ni kha dog gsum gyi zhal gsum dang ldan pa'i don to//de la dbus sku dang mthun par gnag cing g.yas dmar la g.yon dkar ba'o/ /mi 'khrugs cod pan gnas byas pa'i/ /phyag drug pa ni bsgom par bya/ /nges pa ni lha mo de'i spyi bor bcom ldan 'das byang chub sems rdo rjer dbang bskur ba'i tshul du gnas pa dang phyag drug dang ldan par bskyed par bya zhes pa'i don to//rgyal mo rdo rje 'khor lo 'dzin/ /sngo dmar ut+pal phyag na bsnams/ /g.yon pa 'gying pas dril bu 'dzin/ /nor bu ral gri rtag tu 'chang / /zhes pa ni rdo rje dang / 'khor lo dang / ut+pal gsum g.yas kyi phyag gsum la rim pa bzhin du bsam pa dang /dril bu dang rin po che dang / ral gri gsum g.yon phyogs su rim pa bzhin du shes par bya'o/ /de la rgyal mo ni nyon mongs pa dang ru tra rnams tshar gcod pa de dag las rgyal ba dang / dkyil 'khor gyi bdag po'i yum yin pa'i don to//'gying ba ni khams gsum na bdag lta bu yon tan dang ldan pa med ces pa'i sgo nas sems can rnams bdag nyid la mos pa bskyed pa'i don dang / gtso bo la sems can gyi don la chags pa bskyed par thugs dam bskul ba'am/ gnyis su med pa'i bde ba nyams su blang bar bzhed pa'i don to//snying ga nas ni byung gyur nas/ /phyogs bcur rnam par gzigs mdzad de/ /zhes pa ni gong ma rnams dang 'dra ba gsang ba'i thugs ka nas phyung nas/ phyogs bcu'i 'jig rten gyi khams kyi sems can gyi don thabs sna tshogs mdzad par dgongs pa'i don to//bgegs chen gyis ni 'jigs rnams la/ /rtag tu srung ba nyid mdzad de/ /zhes pa ni sems can gyi don kun bsams pa bzhin du mdzad kyang lha mo nyid kyi khyad par gyi phrin las gza' chen po la sogs pa'i bgegs rnams kyis bzung zhing gdon pa'i sems can rnams kyi bgegs thams cad tshar gcod cing /dus thams cad du srung bar byed pa'i don to/ /'bar ba slar yang gshegs nas ni/ /rdo rje dkyil 'khor dbus ma yi/ /lho yi grwar ni bzhugs nas kyang / /rab dgyes rdo rje la yang gzigs/ /zhes pa ni ye shes lnga'i rang bzhin gyi 'od zer sku las 'bar ba'i lha mo de/de ltar sems can gyi don mdzad nas slar byon nas dkyil 'khor gyi dbus kyi re'u cha dgu yod pa'i lho nub kyi re'u'i cha la bzhugs nas/ rang gi gtso bo zhe sdang rdo rje la chags pas dgyes pa'i tshul du blta par bsgom pa'i don to/ /mo hA ra ti/ gsang sngags las ni grub pa yis//spyan gyi lha mo bskyed par bya/ /zhes pa ni mo hA ra ti zhes pa'i sngags kyis bskul zhing / yi ge laM las lha mo sangs rgyas spyan gong ma'i tshul bzhin du bskyed par bya ba'i don to/ /ston ga'i zla ba'i mdog 'dra ba'i/ /sku mdog shin tu dkar ba'o/ /rnam par snang mdzad spyi bor gnas pa ni lha mo de bcom ldan 'das rnam par snang mdzad kyi rang bzhin yin pa dang /yum yin pa'i phyir spyi bor dbang bskur ba'i tshul gzhag pa'i don to/ /me tog sna tshogs tshad med pas/ dbu la thod du rnam par bcings/ /zhes pa ni sangs rgyas kyi yon tan thams cad dang ldan pa'i rtags dang 'gro ba rnams kyi yid du 'ong bar bya ba'i phyir me tog tsam pa ka la sogs pa'i thang las skyes pa rnams dang /ut+pal la sogs pa'i chu las skyes pa rnams spel zhing phreng ba byas pas dbu la rgyan gyi tshul du byas pa'o/ /dkar dang gnag dang dmar chen po//zhal gsum pa ni rab tu 'bar/ /zhes pa ni zhal gsum gyi kha dog ni bcom ldan 'das rnam par snang mdzad dang mthun no/ /'bar ba ni 'od zer 'phro ba'o/ /cha lugs rgyan dang ldan pa ste/ /de ni sku mdog la sogs pa'i cha lugs dbu rgyan la sogs ba'i rgyan rnams kyis shin tu yang mdzes par byas pa'o//'od zer dkar pos kun du 'khrigs pa ni sku dang mthun pa'i 'od zer 'byung bas kun nas dkyil 'khor gyi tshul du gnas pa'o/ /rgyan rnams kun dang ldan pa yi/ /phyag drug pa ni rnam par bsam/ / zhes pa ni de lta bu'i rgyan dang ldan pa de phyag drug dang ldan par bskyed pa'i don to/ /lha mo 'khor lo rdo rje 'dzin/ /ut+pal dkar po phyag na bsnams/ /rin chen sdong bu yid 'ong dang / /dril bu ral gri g.yon par mtshon/ /zhes bya ba ni phyag drug la phyag mtshan de drug rim pa bzhin du shes par bya'o//de bzhin snying ga nas byung nas/ /phyogs bcu dag tu rnam par gzigs pa yang gong ma bzhin no/ /gdon nad na ba'i sems can rnams/ /zhi ba'i gnas kyis zhi bar mdzad/ /ces pa ni lha mo lo tsa na'i khyad par gyi phrin las zhi ba yin pas/ gdon nad kyis zin nas na ba'i sems can rnams kyi sdug bsngal zhi ba'i sgo nas zhi bar mdzad cing phan 'dogs pa'i don to//snang mdzad de ni slar gshegs nas/ /dang ba'i dkyil 'khor dbus su ni/ /shar gyi grwar ni bzhugs nas kyang / /rdo rje mgon ni gzigs par mdzad/ /ces pa ni de ltar sems can gyi don mdzad ma thag tu slar byon nas dkyil 'khor gyi shar lho mtshams kyi nang gi re'u'i cha zla ba'i dkyil 'khor gyi steng du gtso bo la chags pa'i tshul gyis blta zhing bzhugs par bsgom pa'i don to//rA ga ra ti/ gsang sngags las ni grub pa yi/ /gos dkar mo ni bskyed par bya//zhes bya ba ni sngags 'dis bskul zhing yi ge paM las lha mo gos dkar mo gong ma bzhin du bskyed pa'o/ /zhal mdzes spyan ni ring ba ste/ /zhes pa ni ye shes kyi rang bzhin yin pas lha dang mi las 'phags par mdzes shing yid du 'ong ba'o/ /pad+ma rA ga'i mdog 'dra ba ni sku mdog shin tu dmar ba'o//zhal gsum dag ni bzhad pa'i zhal/ /zhes pa ni lha mo de yang zhal gsum dang ldan la sems can don la shin tu yang dga' ba'am 'dod chags slong ba'i rang bzhin yin pas rtag tu bzhad tshul du gnas pa'o/ /dmar dang gnag dang dkar ba ni/ / snang ba mtha' yas dang mthun no/ /snang ba mtha' yas cod pan gnas/ /thams cad rgyan gyis rnam par brgyan/ /zhes pa gong ma bzhin du snang ba mtha' yas dbang bskur ba'i tshul du gnas pa dang / dbu rgyan la sogs pa'i rgyan thams cad dang ldan pa'i don to/ /rdzu 'phrul mtshan las kun du 'byung //zhes pa ni sku'i mtshan rnams las sems can 'dul bar byed pa'i rdzu 'phrul gyi cho 'phrul rnam pa sna tshogs 'byung zhing 'gro ba'i don byed ces pa'o/ /'dod chags dmar po 'chang dga' ba ni/ sems can gyi don la chags pa'am/ 'dod chags dmar po ni bcom ldan 'das snang ba mtha' yas yin pa de dang gnyis su med pa'i bde bas rtag tu gnas pa'i 'dod pa ni 'chang ba la dga' ba zhes pa'o//mtshan rnams thams cad kun rdzogs pa/ /phyag drug rnam par bsgom par bya/ /zhes pa ni sum cu rtsa gnyis la sogs pa'i mtshan dang dpe byad rnams sku la rdzogs pa dang /phyag drug dang ldan par brjod pa'i don to/ /g.yon pa 'gying bas dril bu dang / sdong bu lor bcas ut+pal 'dzin/ /zhes pa ni phyag g.yon gyi dang po dril bu dang ut+pal yu ba bcas par 'gying bag tu 'dzin pa'o/ / sgra dang bcas pa g.yas pa yis/ /ut+pal dmar po kha yang 'byed/ /ces pa ni phyag g.yas kyi dang pos ut+pal la de nyid kyi kha skrag pa'i tshul du 'byed pa'o/ /g.yas gnyis rdo rje 'khor lo 'dzin/ /g.yon gnyis nor bu ral gri 'chang ba ni rim pa bzhin no/ /snying ga nas ni byung gyur nas//thams cad phyogs su rnam par gzigs pa yang gong ma bzhin no/ /gza' tshogs kyis skams sems can rnams/ /tshe dang longs spyod rgyas par mdzad/ /ces pa ni lha mo 'di'i khyad par gyi phrin las rgyas pa yin pas gza' la sogs pa bgegs kyis bzung nas sha skams shing sdug bsngal ba rnams dang /tshe thung zhing bsod nams chung ba rnams kyi sdug bsngal dang bar chad rnams med par byed cing tshe ring ba dang bsod nams rgya che ba dang / nor rdzas la sogs pa'i longs spyod rgyas par mdzad pa'o/ /slar gshegs pad+ma'i dbus su ni//nub phyogs kyi ni grwar yang bzhugs/ /zhes pa ni de ltar mdzad nas slar byon nas dkyil 'khor de'i nub byang gi mtshams su zla ba'i dkyil 'khor gyi steng du gong ma'i tshul du bzhugs pa'i don to/ /badzra rA ti/ gsang sngags las ni grub pa yi/ /lha mo sgrol ma mkhas pas bskyed//ces pa ni sngags 'dis bskul zhing gong ma'i tshul du yi ge taM las las kyi rigs kyi yum lha mo sgrol ma bskyed ces pa'o/ /yan lag mtshan rnams kun dang ldan pa ni sku'i yan lag dang nying lag rnams lha dang mi las 'phags pa dang / mtshan sum cu rtsa gnyis dang /dpe byad bzang po brgyad cu rnams kyis sku la shin tu brgyan pa'i don to/ /yang yan lag ni sangs rgyas kyi che ba'i yon tan gyi yan lag la yang bya'o/ /bud med ma lus spyos mdzad brtson/ /zhes pa ni rnal 'byor pa gong gis lha mo'am klu mo la sogs pa dbang du byed par 'dod cing bsgrubs na de'i dngos grub khyad par du yang grub par mdzad pa'i don to//mdzes pa'i zhal ni spyan ring ba ni gong du bshad pa yin no/ /margata ser po'i mdog 'dra ba ni sku mdog rin po che margata bzhin ljang ba las cung zad ser ba'o/ /gdon mi za bas cod pan mdzad//ces pa ni bcom ldan 'das don yod grub pas spyi bor dbang bskur ba'i tshul du bsam pa'i don to/ /me tog phreng gi cod pan dkris pa ni gong bzhin no/ /ljang gu gnag dang dkar ba yi/ /zhal gsum gyis ni rnam par brgyan/ /zhes pa ni bcom ldan 'das don yod grub pa dang mthun pa'i kha dog gsum gyi zhal gsum dang ldan pa'o//rgyan rnams thams cad kun rdzogs ni dbu rgyan la sogs pa'i rgyan thams cad kyis sku shin tu spras pa'o/ /phyag drug par ni bsam par bya ba ni de lta bu de phyag drug dang ldan par bsgom pa'o//rdo rje rgya gram 'khor lo dang / /ut+pal dmar po phyag na bsnams/ /zhes pa ni g.yas kyi phyag gsum la rim pa bzhin no/ /g.yon pa 'gying bas dril bu dang / /rin chen ral gri chen po bsnams pa yang rim pa bzhin no/ /chen po ni khyad par yin pas kun la yang sbyar ro//snying ga nas ni byung gyur nas/ /'dod chags zhe sdang gis rmongs pa'i/ /'od zer gyis ni reg tsam gyis/ /sems can thams cad dbang du mdzad/ /ces pa ni gong ma rnams dang mthun par gsang ba'i thugs ka nas phyung nas/sems can gyi don phrin las kun gyi sgo nas mdzad kyang khyad par du dbang gi sgo nas mdzad ces ston to/ /de la sems can 'dod chags la sogs pa'i nyon mongs pa'i dbang du gyur te log par lta ba rnams dbang du byas nas yang dag pa'i lta ba la gzhol ba'i don to/ /'od zer gyis reg pa tsam ni dbang du byed pa'i phrin las la khyad par du mthu che ba'i don to//sems ni med ltar dbang gyur nas/ /thams cad mngon par phyogs par gnas/ /zhes pa ni lha mo de bsgoms shing bsgrubs pa'i rnal 'byor pas dbang du byed pa'i las byas na lha dang mi la sogs pa rnams sems med pa bzhin du de'i dbang du gyur nas bka' nyan pa'i don to//de ltar 'gro ba'i don mdzad ma thag tu slar byon nas dkyil 'khor gyi nang byang shar mtshams kyi re'u'i cha la zla ba'i dkyil 'khor gyi steng du bzhugs pa'i don to/ /sngar gsungs yi ge las grub ma//mkhas pas byang chub sems dpa' bskyed/ /ces pa ni de ltar rigs lnga'i de bzhin gshegs pa dang yum bzhi bskyed cing dkyil 'khor gyi nang gi re'u'i cha dgu la khyad par du mthu che ba'i don to/ /da ni byang chub sems dpa' brgyad dang lha mo brgyad bskyed pa'i dkyil 'khor du dgod par bstan te/de la sngar gsungs pa'i yi ge ni gong du bstan pa'i th+l+hiM la sogs pa drug dang / byams pa dang 'jam dpal gyi sa bon yi ge meM dang muM mo/ /yi ge de rnams la so so'i sa bon dang sbyar zhing gong du bstan pa'i tshul du byang chub sems dpa' rnams rim pa bzhin du bskyed pa'i don to//rigs kyi bdag pos dbang bskur ba'i/ /kha dog gsum pa zhal gsum pa ni byang chub sems dpa' de rnams kyang gong du bstan pa'i lha rnams dang 'dra bar kha dog gsum gyi zhal gsum dang ldan zhing so so'i rigs kyi de bzhin gshegs pa spyi bor 'dzin pa'o//rnam pa thams cad mchog ldan pa'i/ /phyag drug pa ni rnam par bsgom/ /zhes pa ni sangs rgyas kyi yon tan mtshan dang dpe byad la sogs pa thams cad dang / phyi'i rgyan dbu rgyan la sogs pa thams cad kyis brgyan pa'i phyag drug drug dang ldan par bsgom zhes bya'o//so so'i rigs bzhin kha dog brgya/ /de dag thams cad bsgom par bya/ zhes pa ni byang chub sems dpa' dang sems ma de dag kun kha dog dang phyag mtshan rnams so so'i rigs kyi bdag po ltar shes par bya'o/ /sgrol ma'i phyag rgyar gsungs pa ni/ /kun du bzang po bsgom par bya//zhes pa ni spyir bstan pa las mi mthun par bstan pa ste/ de la byang chub sems dpa' kun du bzang po lha mo sgrol ma dang rigs mthun pa las kha dog dang phyag mtshan sgrol ma bzhin du bsgom pa yin pas/ sgrol ma'i phyag g.yas kyi tha ma ut+pal bsnams pa yin la/kun du bzang po'i g.yas kyi tha ma na pad+ma bsnams pa'i phyir/ ut+pal yongs su bsal nas ni/ /pad+ma de la sbyin par bya/ /zhes gsungs so/ /byams pa klu shing me tog ste/ /lhag ma rnam snang mdzad kyi gnas/ /zhes bya ba ni 'phags pa byams pa'i phyag g.yas kyi dang po la rang rtags kyi phyag rgya klu shing lcug ma me tog dang bcas pa 'dzin te/phyag mtshan lhag ma rnams bcom ldan 'das rnam par snang mdzad bzhin du bsgom par bya'o/ /'jam dpal dril bu ral gri mchog/ /de bzhin du ni rab tu gnas/ /zhes pa ni byang chub sems dpa' many+dzu shrI'i phyag g.yas kyi dang po dril bu'i phyag rgya mthe bong dang srin lag gnyis rtse sprad de g.yon pa'i dang pos gnon pa'o//lhag ma kun du bzang po yi/ /phyag rgya de ni rnam par bsgom/ /zhes pa ni phyag mtshan phyi ma rnams 'phags pa kun du bzang po dang mthun pa'i don to//shar gyi ngos la gnyis gnyis te/ /zhes pa ni dkyil 'khor gyi rim pa gnyis pa la shar phyogs la sogs pa bzhir byang chub sems dpa' gnyis gnyis bkod par bstan to/ /sa yi snying po byams pa gnyis/ /zhes pa ni de bzhin gshegs pa'i rigs byams pa dang /rdo rje'i rigs sa'i snying po gnyis so so'i rigs kyi bdag po dang sku mdog dang phyag mtshan mthun par shar phyogs su dgod par bya'o/ /lhor ni phyag na rdo rje dang / /nam mkha' zhes bstan kun du gnas/ /zhes pa ni byang chub sems dpa' nam mkha'i mdzod rin po che'i rigs dang /phyag na rdo rje rdo rje'i rigs gnyis so so'i rigs kyi bdag po dang sku mdog la sogs pa mthun par lho phyogs su gzhag par bya'o/ /nub tu 'jig rten dbang po dang / /'jam pa'i dbyangs ni rnam par gnas/ /zhes pa ni pad+ma rigs kyi byang chub sems dpa' spyan ras gzigs dbang phyug dang /'jam dpal de bzhin pa'i rigs dang gnyis so so'i bdag po'i kha dog dang phyag mtshan dang mthun par nub phyogs su dgod par bya'o/ /byang du sgrib pa kun sel dang / /kun du bzang por rab tu grags/ /zhes pa ni las kyi rigs kyi byang chub sems dpa' 'di gnyis rigs kyi bdag po dang sku mdog la sogs pa mthun par byang phyogs su gnas par rgyud dang sgrub thabs kun las kyang grags pas de bzhin du shes par bya'o//de ltar 'di'i dam tshig gsungs pa/ gzugs sogs rdo rje lha mo can//zhes bya ba ni ji ltar byang chub sems dpa' rnams bskyed cing dkyil 'khor du bkod pa de rnams kyi gzungs ma rnams la dam tshig ces kyang bya'o/ /de yang gang zhe na/ /gzugs kyi lha mo la sogs pa rnams so/ /rdo rje can ni ye shes kyi rang bzhin nam de las phyung ba'i don to//de dang thabs cig bzhugs pa ni/ /lag gnyis rang rtags ldan par gzhag /ces pa ni byang chub sems dpa' de rnams kyi yum gyi tshul du lha mo de rnams bzhugs par bsam mo/ /de la kun kyang phyag drug ste/ phyag g.yas g.yon dang po gnyis la 'og nas 'byung ba'i rang rtags kyi phyag rgya can so so'i phyogs su dgod ces pa'i don to//gzugs ni lag gnyis me long 'dzin/ /zhes pa ni de bzhin gshegs pa'i sku la sogs pa'i chos thams cad gzugs brnyan lta bu yin no zhes bstan pa'i phyir ro/ /gzugs kyi lha mo phyag dang po gnyis me long 'dzin cing dkyil 'khor gyi rim pa gnyis pa de nyid shar lho'i mtshams kyi grwa la gnas pa'o//sgra ni lag gnyis pi wang ste/ /zhes pa ni de ltar gzugs brnyan lta bur mthong ba de nyid la sgra'i sgo nas mos pa'am yid ches par bya ba'i phyir sgra'i lha mo lho nub kyi grwar gnas shing pi wang sgreng ba'i don to//dri ni lag gnyis dung phor 'dzin/ /zhes pa ni de ltar mthong zhing thos pa'i chos rnams la bdag med par khong du chud par bya ba'i phyir dri'i lha mo phyag gnyis na dri'i snod dung phor 'dzin zhing nub byang gi mtshams su gnas so/ /ro ni lag na snod bsnams te//zhes pa ni de ltar bdag med par khong du chud pa de nyid las gong nas gong du goms par bya ba'i phyir ro'i lha mo bdud rtsis bkang ba'i snod 'dzin pa byang shar mtshams su bsgom par bya'o/ /reg ni rdo rje yongs 'khyud ma/ /snying ga dag tu yongs su 'khyud//ces pa ni de ltar bsgoms pas snang ba thob pa de nyid chen por gyur nas/ ting nge 'dzin sna tshogs bdag gir bya zhing dang du blangs pa'i rtags su reg gi lha mo phyag dang po gnyis kyis nyid kyi thugs ka'i thad kar 'khyud pa'i tshul du byas pa dkyil 'khor gyi rim pa gsum pa nub byang gi grwar bsam par bya'o//rdo rje rgya gram dam tshig gis/ /bde bar gnas pa chos kyi dbyings/ /zhes pa ni de ltar ting nge 'dzin rnams kyi mthus rdo rje lta bu'i stong pa nyid kyi rang bzhin mngon du gyur zhes pa'i rtags su chos kyi lha mo phyag gnyis kyis rdo rje rgya gram 'dzin cing byang shar mtshams kyi grwar gnas pa'o//rnam snang mdzad sogs kha dog dang / /mtshon cha dag ni ci bzhin te/ /gzugs la sogs pa rnam bsgom pa/ /ji skad gsungs pa'i rim bzhin no/ /zhes pa ni gzugs la sogs pa'i lha mo drug phyag dang po gnyis rang rtags kyi phyag rgya ma gtogs pa phyi ma'i phyag mtshan dang /sku mdog la sogs pa'i cha lugs rnams bcom ldan 'das rnam par snang mdzad la sogs pa'i so so rigs kyi de bzhin gshegs pa bzhin du bsgom par bya zhes pa'i don to/ /lha mo de rnams dkyil 'khor du bskyed pa ni ma hA yo ga'i tshul gyis lha rnams la yum med du mi rung bas byang chub sems dpa' rnams kyi yum du bstan pa dang mchod pa'i tshul du shes par bya'o//'jam dpal dang ni byams gnyis kyi/ /dam tshig gnyis ni bsgom bya ba/ /snying rje ma dang byams ma gnyis/ /kha dog mtshon cha de bzhin gnas//zhes pa ni 'jam dpal gyi yum snying rje ma zhes bya ba 'jam dpal dang sku mdog la sogs pa 'dra bar bskyed cing lho nub kyi grwar dgod par bya ba dang / /byams pa'i yum byams ma yang de bzhin du bskyed cing shar lho mtshams su bsgom zhes bya ba'i don to/ / ya mAn+ta kr-ita ces pa la sogs pas de ltar dkyil 'khor gyi lha rnams bskyed cing bkod par bstan nas/ da ni bgegs rnam pa gnyis tshar gcod pa'i phyir khro bo bzhi so so'i gzugs dang bcas par bskyed cing / sgo srung gi tshul du bkod pa bstan te/ de la bgegs rnam pa gnyis ni mya ngan las 'das pa'i grong khyer du zhugs pa'i sgo stong pa nyid la sogs pa bzhi la zhugs pa'i rnal 'byor pa rnams la bar chad du gyur pa'i nyon mongs pa rnams dang /'phral du da ltar dkyil 'khor sgom zhing sgrub pa'i rnal 'byor pa'i dngos grub kyi bar du gcod par byed pa'i bgegs rnams so//ye shes las ni grub pa yin/ /rdo rje zhabs drug bskyed par bya/ /zhes pa ni gong ma'i lha rnams bskyed pa dang 'dra bar zhe sdang rdo rje yab yum gnyis su med pa'i byang chub sems kyi yi ge hUM gyur par dmigs la spro bsdu la sogs pa yang gong ma bzhin du bya zhing ya mAn+ta kr-ita ces bskul bas khro bor gyur par dmigs pa'o//de la zhabs drug ni 'gro ba drug zil gyis mnan pa'i phyir zhabs drug dang ldan pa'o/ /rdo rje ni khro bo'i cha lugs srin po rnams dang mthun yang rang bzhin gyis ma yin zhing 'dul ba'i dbang du ye shes las grub pa'i phyir ro//sprin sngon lta bu'i kha dog la/ /zhes pa la sogs pas ni khro bo'i sku mdog la sogs pa shin tu yang 'jigs pa'i cha lugs su bstan to/ /de la sprin sngon lta bu ni sku mdog shin tu yang gnag pa'o/ /gsus po me la stobs po che ni mi 'u thung gi tshul du 'dug pa gsus pa shin tu che zhing ye shes las grub pa'i stobs yin pas khams gsum pa thub pa'i don to//'od zer chen po dag gis 'bar ba ni sku'i rang bzhin bskal pa'i me ltar 'bar ba'o/ /kun du 'phro bas 'jigs par byed pa ni de lta bu'i 'od zer phyogs bcu kun du 'phros shing sems can thams cad 'khor ba las 'jigs shing mya ngan las 'das pa'i phyogs su 'bros par byed pas dang /sdang ba'i srin po la sogs pa skrag cing 'dar bar byed pa'o/ /spyan dmar zhal gdangs mche ba gtsigs pa ni 'jigs par byed pa'i don to//zhal gsum dag ni rnam par bskyed pa ni dbus ma gnag cing g.yon dmar ba'i zhal gsum gyis kyang 'jigs par mdzad pa'i don to/ /'bar ba'i dbu ni gyen du bcings pa ni dbu skra ser skyar 'dug pa 'bar zhing gyen du 'khyil pas thor cog du 'dug pa'o//bdag po cod pan gnas byas te ni rigs kyi bdag po bcom ldan 'das rnam par mdzad spyi bor bzhugs pa'o/ /yan lag rgyan gyis kun brgyan pa'i/ /phyag drug pa ni rnam par bsgom/ /zhes pa ni khro bo rgyan thod pa la sogs pas brgyan pa phyag drug par bsgom pa'i don to//'khor lo ral gri bsnyems pas 'dzin/ /gtun shing mngon par bstod pa'i phyag /ces pa ni g.yas kyi gsum la rim pa bzhin no/ /g.yon pa 'gying zhing dril bu mchog /dgra sta zhags pa sdigs par bcas/ /zhes pa ni g.yon gyi dang po dang snga ma la dril bu dang dgra sta'o//tha ma la zhags pa sdigs mdzub la dkris shing bsdigs par byed pa'o/ /snying ga nas ni phyung gyur nas/ /nyi ma'i dkyil 'khor dbus dag tu/ /g.yas brkyang gshin rje mnan nas ni/ /shar phyogs kyi ni grwar gnas pa'o/ /zhes bya ba ni gong ma rnams bzhin du gsang ba'i thugs ka nas phyung nas/phyogs bcu'i 'jig rten gyi khams kyi sems can gyi don byas nas/ slar byon cing shar phyogs kyi sgo nyi ma'i dkyil 'khor gyi gdan la gshin rje'i steng du brkyang bskum gyi tshul du gzungs dang bcas par gnas pa'i don to/ /pra dz+nyAn+ta kr-ita/ye shes las ni grub pa yi/ /rdo rje gzhan gyis mi thub bskyed/ /ces pa ni sngags 'dis bskul zhing gong ma bzhin du yi ge hUM las khro bo gzhan gyis mi thub pa bskyed pa'o/ /'od zer che ba stug 'bar zhing / /sbrul rnams kyis ni yan lag brgyan/ /zhes pa ni skul rgyan gyi tshul du thod chings dang rked chings la sogs pa sbrul las byas shing 'od zer bskal pa'i me ltar 'bar ba phyogs bcur 'phro ba'i don to//'bar ba'i dbu ni brtan par bcings/ /mi 'khrugs pas ni spyi bor brgyan/ /zhes pa ni dbu skra ser skya 'bar ba gyen du 'khyil zhing thor cog tu 'dug pa'i steng du bcom ldan 'das mi bskyod pa dbang bskur ba'i tshul du bzhugs par bsam pa'o//khro gnyer mdzad cing dmar ba'i spyan/ /zhal gsum dag ni rnam par gdangs/ /zhes pa ni dbus ma sku dang mthun pa'o/ /g.yas gnag cing g.yon pa dmar ba'i zhal gsum dang ldan pa'o//de yang 'jigs par byed pa'i phyir khro gnyer rim pa mang ba dang spyan shin tu dmar bar bstan to/ /dung dang kun da zla 'dra ba'i/ /zhes pa ni sku mdog shin tu dkar bar bstan to/ /zhabs g.yas brkyang bar gnas pa ni 'dug stangs yin te/g.yas brkyang zhing g.yon bskum pa'o/ /rnam pa thams cad mchog ldan pa'i ni sangs rgyas kyi yon tan gyi khyad par dang / khro bo'i rgyan gyi khyad par thod pa la sogs pa rnams so/ /phyag drug pa ni rnam par bsgom/ /zhes pa la sogs pas phyag drug la phyag mtshan rim pa bzhin du shes par bya ba'i don to//de bzhin snying ga nas byung nas/ /nyi ma'i dkyil 'khor dbus dag tu/ /lho yi sgo yi dbus su ni/ /'dod dbang mnan nas yang dag gnas/ /zhes bya ba ni gong ma bzhin du gsang ba'i thugs ka nas phyogs bcu'i sems can gyi don mdzad ma thag tu slar byon nas lho phyogs kyi sgor nyi ma'i dkyil 'khor gyi gdan la 'dod pa'i dbang po u ma de ba'am brgya byin mnan pa'i tshul du gzungs dang bcas par gnas pa'i don to//pad+mAn+ta kr-ita/ ye shes las ni grub pa yi/ /rdo rje gnyis med bskyed par bya/ /zhes pa ni sngags 'dis bskul zhing yi ge hriH'am hUM las gong ma bzhin du khro bo h+ya gr-i ba bskyed par bya zhes pa'i don to//de la rdo rje gnyis med ces bya ba ni rdo rje dang pad+mo sbyor ba'i phrin las la pad+ma'i rigs khyad par du bstan pa'i phyir ro/ /'od zer stug po 'bar ba ni gong ma bzhin no/ /ban+du ka'i me tog 'dra ba ni sku mdog dmar smug tu 'dug pa'o//dbu skra 'bar bcings gyen du bsgreng ba yang gong ma bzhin no/ /rdo rje snang bas rnam par brgyan pa ni bcom ldan 'das snang ba mtha' yas spyi bor bsgom pa'o/ /phyag drug pa ni 'jigs pa che/ /zhal ni khro gnyer mdzad pa ni shin tu yang khro ba'i cha lugs 'jigs par mdzad pa'o//phyag na pad+ma skyed mdzad cing / /ral gri gtun shing mtshon cha 'phyar ba ni g.yas gsum rim pa bzhin no/ /g.yas brkyang 'gying ba'i tshul du gnas pa ni 'dug stangs so/ /g.yon dril bu dgra sta zhags pa 'chang ba gong ma bzhin no//khro bo snying ga nas byung nas/ /nyi ma'i dkyil 'khor dbus su ni/ /btul nas tshangs chen steng du ni/ /nub kyi phyogs kyi sgo ru gnas/ /zhes bya ba ni de lta bu'i khro bo gong ma bzhin gsang ba'i thugs ka nas byung nas phyogs bcu'i sems can btul ma thag tu slar gshegs nas nyi ma'i dkyil 'khor gyi gdan la tshangs pa chen po mnan pa'i tshul du nub kyi phyogs kyi sgor gnas par bsgom pa'i don to//big+h+nAn+ta kr-ita/ ye shes las ni grub pa yi/ /bdud rtsi 'khyil pa bskyed par bya/ /zhes pa ni sngags 'dis bskul zhing yi ge hUM las gong ma dang 'dra bar khro bo bdud rtsi 'khyil pa bskyed par bya ba'i don to//'od zer stug 'phro 'bar ba yi/ /kha dog zar ma'i me tog 'dra ba ni/ /sku mdog zar ma'i me tog bzhin du sngo skyar 'dug cing sku las 'od zer bskal pa'i me dang 'dra ba 'phro zhing phyogs bcur khyab par byed pa'i don to//'bar ba dkrigs pa'i sgra can la/ /rdo rje don grub cod pan gnas/ /zhes pa ni dbu skra ser skya 'bar ba gyen du 'khyil zhing thor cog 'dug pa'i steng du bcom ldan 'das don yod grub pa bsgom par bya zhes pa'i don to/ /zhal gsum khro gnyer skyed mdzad cing //mche ba rno chen ha har bzhad/ /ces pa ni shin tu 'jigs par byed pa'i khro bo'i cha lugs zhal gsum khro gnyer rim pa mang ba ljags klog bzhin bskyod cing shin tu rno ba'i mche ba gtsigs par 'dug pa/ khams gsum bred par byed pa'i gad rgyangs chen po'i gsung 'byin pa'i don to//de la zhal gsum la dbus ma sku dang mthun par g.yas dkar zhing g.yon dmar ba'o/ /rdo rje rgya gram ral gri mtshon/ /phyag na gtun shing gsod par gnas/ /zhes bya ba ni g.yas kyi phyogs kyi phyag gsum la rim pa bzhin no/ /gsod par gnas pa bgegs rnams la rdeg pa'i tshul du 'dzin pa'o//dril bu dgra sta ral gri dag /g.yon pa'i phyag tu rnam par brtag /ces pa yang rim pa bzhin du 'dzin par shes par bya ba'i don to/ /de bzhin snying ga nas phyung nas/ /nyi ma'i dkyil 'khor dbus su ni/ /khro bo zhabs g.yas brkyang ba yis//bgegs rgyal gnon pa'i tshul du ni/ /byang gi sgo yi dbus su gnas/ /zhes pa ni gong ma rnams dang 'dra bar gsang ba'i thugs ka nas phyung nas phyogs bcu'i sems can gyi don mdzad ma thag tu slar byon nas/ dkyil 'khor gyi byang phyogs kyi sgor nyi ma'i dkyil 'khor gyi gdan la bgegs kyi rgyal po bi nA ya ka'i steng du brkyang bskum gyi tshul du gnas par bsgom pa'i don to//khro gnyer dam tshig gsung ba ni/ /ro langs gzhan gyis mi thub pa/ /khro gnyer ral pa gcig ma ste/ /lha mo 'di dag rab tu grags//zhes bya ba ni gshin rje gshed la sogs pa'i sgo bzhi'i khro bo rnams kyi gzugs bstan te/ de la dam tshig ces pa ni lha mo 'di rnams dang khro bo de dag rtag tu gnyis su med pa'i tshul las mi 'da' bas so/ /de la ro langs ma ni gshin rje gshed kyi'o//gzhan gyis mi thub ma ni shes rab mthar byed kyi'o/ /khro gnyer can ni mthar byed kyi'o/ /ral pa gcig ma ni bgegs mthar byed kyi'o/ /'di rnams kyi rgyan dang cha lugs la sogs pa ni so so'i bdag po bzhin du shes par bya'o/ /sangs rgyas rnams ni mnyam sbyor bas//sems dpa'i skyil krung gnas pa ste/ /zhes pas ni dkyil 'khor gyi lha rnams 'dug pa bstan te/ de la rigs lnga'i sangs rgyas rnams yum dang gnyis su med par sbyor ba yin pa'i rtags su sems dpa'i skyil mo krung du bzhugs pa'o/ /byang chub sems dpas de bzhin gsungs//zhes pa ni byang chub sems dpa' rnams kyang sems ma rnams dang gnyis su med par sbyor ba yin pas gong ma bzhin du skyil mo krung du 'dra'o/ /khro mo g.yon brkyang dag tu'o/ /zhes pa ni khro bo dang khro mo rnams kyang gnyis su med par sbyor ba yin pas khro bo ni g.yas brkyang la g.yon bskum pa/khro mo ni g.yon brkyang la g.yas bskum pa'i don to/ /dkyil 'khor dag ni bskyed pa rnams/ /thams cad dam tshig bzhis rgyas btab zhes pa ni dkyil 'khor dag ni bskyed pa'i lha rigs lnga'i de bzhin gshegs pa la thams cad phyag rgya bzhi dang ldan pas dam tshig bzhi rgyas btab ces bya'o//de la phyag rgya bzhi ni so so'i mtshan dang dpe byad la sogs pa'i cha lugs kyis sku'i ngo bor gnas pa nyid phyag rgya chen po'o/ /yab yum dang ldan la yum yab dang ldan pa ni so so'i dam tshig yin pas so so'i dam tshig phyag rgya'o//de gnyis gnyis su med par sbyor ba'i bde ba chen po nyams su blangs pa ni chos nyid kyi phyag rgya'o/ /de ltar nyams su blangs nas bde ba chen po'i rang bzhin byang chub kyi sems las sems can ji ltar 'dul ba dang mthun par sku spro shing don mdzad pa ni las kyi phyag rgya'o//de bzhi dang gong du bstan pa bzhi tshul bzhin du shes par bya'o/ /de ltar sbyor bas mnyam bsdus na/ /phra mo'i sbyor ba brtsam par bya ba ni gong du bstan pa bzhin du dkyil 'khor du lha rnams bkod cing gnyis su med pa'i tshul du bzhugs par bsgoms nas 'og nas 'byung ba'i tshul du rdo rje phra mo'i ting nge 'dzin bsgom zhes pa'i don to//skabs 'dir phra mo'i ting nge 'dzin ci'i phyir bstan zhe na/ yo ga la sogs pa'i chos 'og ma rnams kyi tshul ni ting nge 'dzin gyi 'og tu bzlas pa bya ba yin pas de dag dang mthun par bstan to/ /de ltar dkyil 'khor bsgom pa ni ting nge 'dzin yin pas phra mo'i sbyor ba ni bzlas par bstan to//yang na yan lag bzhi bzhir phye ba'i sgrub pa chen po'i bsnyen pa yin pas 'di ltar bstan to/ /de la bzhi bzhir zhes pa ni/ /lus dang ngag yid rdo rje ni/ /zhes pa nas/ bdag nyid rang bzhin med mthong nas//zhes pa'i bar du ni bsnyen pa'o/ /yi ge rnam par bsgom par bya/ /zhes pa nas/ yi ge 'bru gsum zhu bar brtag /ces pa'i bar du ni bsnyen pa'i nye ba'i bsnyen pa'o/ /ye shes 'od zer rnam spros pas/ /zhes pa nas d+har+m+ma d+hA tu sngags kyi bar du ni bsnyen pa'i sgrub pa'o//byang chub sems de kun du dag /ces pa nas/ gzugs kyi ngo bor rnam par bsgom/ /zhes pa'i bar du ni bsnyen pa'i sgrub pa chen po'o/ /sngags kyi sku ni mthar thug pa/ /zhes pa nas/ de ltar don kun rab zhugs nas/ /zhes pa'i bar du ni nye ba'i bsnyen pa'o//sangs rgyas kun bdag gtso bo zhes pa nas/ oM sarba ta thA ga ta tsit+ta badzra zhes pa ni nye ba'i bsnyen pa'i nye ba'i bsnyen pa'o/ /de ltar bdag nyid byin brlabs pas/ /zhes pa nas/ yi ge mchog ste dam pa'i bar du ni nye ba'i bsnyen pa'i sgrub pa'o/ / de ltar gnas skabs der rdo rje phra mo'i ting nge 'dzin gyis sems las su rung bar byed pa ni nye ba'i bsnyen pa'i sgrub pa chen po'o/ /sdom pa la gnas sngags pa yis/ /zhes pa nas/ kha dang pad+ma la ni dmigs/ /zhes pa'i bar du ni sgrub pa'i bsnyen pa'o/ /hUM zhes pa ni rdo rje sbyang zhes pa nas/oM sarba ta thA ga ta a nu rA ga zhes pa'i bar du ni sgrub pa'i bsnyen pa chen po'o/ /rdo rje nyi ma nub nas ni/ /zhes pa nas/ /sems de bkug nas pad bzhugs las/ /zhes pa'i bar du ni sgrub pa'i sgrub pa'o/ /de bzhin gshegs pa'i rigs kun spro/ /zhes pa nas//thams cad dam tshig bzhis rgyas btab/ ces pa'i bar du ni sgrub pa chen po'o/ /de ltar sbyor ba mnyam bsdus nas/ /zhes pa nas/ lus dang ngag yid ni mtshon pa'o/ /zhes pa'i bar du ni sgrub pa chen po'i bsnyen pa'o/ /de nas spro bar bya ba ni/ /zhes pa nas/ /bzlas pa'i spros pa bsdus nas ni//zhes pa'i bar du ni sgrub pa chen po'i nye ba'i bsnyen pa'o/ /bsgrubs nas sems dpa' bsgrub par bya/ /zhes pa nas/ rdor sems gsang ba'i dngos grub po/ /zhes pa'i bar du ni sgrub pa chen po'i sgrub pa chen po'o/ /'jigs shing skrag pa'i thugs kyis ni/ / zhes pa nas/ /rdo rje sems dpar de 'gyur ro/ /zhes pa'i bar du ni sgrub pa chen po'i yang chen por shes par bya'o/ /sna rtser yungs kar bsams nas ni/ /yungs kar de ni spro bar bsdu/ /zhes pa ni sems sbyang ba'i ting nge 'dzin bstan to/ /rnal 'byor pa bdag gi sna'i rtse mor yungs kar gcig bsam zhing de mngon sum du ma gyur gyi bar du sems dngos po gzhan la mi g.yeng ba de kho na nyid bsgom par bya'o//de nas reg pa'am reg pa'i rtags sam mthong ba'am mthong ba'i rtags mngon sum du gyur pa dang spro zhing bsdu bar bya'o/ /dang po gcig spro shing bsdus pa bzhin du gnyis nas bcu dang brgya dang stong dang khri dang 'bum dang bye ba la sogs pa'i grangs dpag tu med pa'i bar du sems kyis lcogs tshad spro zhing bsdu bar bya'o//de ltar spros shing bsdus pa brtan pa dang / yungs kar de'i nang du rgyu ba dang mi rgyu ba'i 'jig rten gyi khams thams cad so so'i bye brag dang bcas pa ma 'dres par bsam mo//de ltar gnas pa de yang mngon sum du gsal bar ma gyur gyi bar du bsgom par bya'o/ /gsal bar gyur pa dang gong ma bzhin du gcig nas dpag tu med pa'i bar du spro zhing bsdu bas sems sbyangs la sgrub pa la 'jug par bya zhes pa'i don to/ / tshad med ye shes gnas thob phyir/ /gsang ba'i ye shes brtags pa'o/ /zhes pa ni de ltar sems las su rung ba'i rnal 'byor pas dpal rdo rje sems dpa'i sku gsung thugs la sogs pa'i 'jig rten las 'das pa'i yon tan dang 'jig rten gyi yon tan dpag tu med pa thob par 'dod na thun mong ma yin pa dang /thob par dka' bas gsang ba'i ye shes zhes bya ste 'og nas 'byung ba'i kha dog lnga pa la sogs pa'i ting nge 'dzin rnams bsgom par bya zhes pa'i don to/ /kha dog lnga pa rin po che/ /yungs kar sgom pa'i tshad tsam dag /sna yi rtse mor nan tan du/ /rnal 'byor pas ni rtag tu bsgom//zhes pa ni rin po che'i rigs kyi sgo nas phra mo'i ting nge 'dzin bsgom pa bstan to/ /bdag gzungs dang rin po che'i rigs kyi lha dang lha mo'i phyag rgyar bsgom zhing rdo rje dang pad+mar ldan pa gnyis su med par byas la gong gi yungs kar bzhin du ye shes lnga'i 'od zer 'bar ba yungs kar las cung zad che ba/bdag gi sna'i rtse mor sems mi g.yeng bar bsgom par bya'o/ /brtan par gyur nas rin chen spro/ brtan par ma gyur yong mi spro/ /zhes pa ni gong ma ltar mngon sum du ma gyur par spro bar mi bya zhes pa'i don to/ /de la spro ba'i tshul ni gsal bar mngon sum du gyur pa dang /sna'i bu ga nas 'das shing snying gar gnas pa'i sna'i rtse mor byung zhing slar 'das nas thugs kar gnas/ thugs ka nas gsang ba'i rdo rjer gnas/ gsang ba'i rdo rje nas ye shes sems dpa'i pad+mar gnas/ pad+ma nas thugs kar ro//thugs ka nas sna'i rtse mor ro/ /sna'i rtse mo nas bdag gi snying gar ro/ /bdag gi snying ga nas gsang ba'i rdo rjer ro/ /gsang ba'i rdo rje nas gzungs kyi pad+mar ro/ /pad+ma nas snying gar ro/ /snying ga nas sna'i rtse mor ro/ /sna'i rtse mo nas phyogs bcu'i 'jig rten gyi khams su spro zhing sems can thams cad kyi re ba bskangs nas dang po'i gnas su slar bsdu bar bya ba'o//sangs rgyas 'od 'bar lta bu yi/ /sprin gyi mchog ni spro bar bya/ /zhes pa ni de ltar spros shing slar bsdus pa'i sna'i rtse mor gnas pa'i rin po che las 'od zer dang /'od kyi dkyil 'khor dang ldan zhing mtshan dang dpe byad la sogs pa'i yon tan gyis spras pa'i sku mngon sum pa lta bu'i rin po che'i rigs kyi lha dang lha mo'i sku phra mo gong gi rin po che tsam mam/ rin po che bas cung zad che ba grangs med pa sprin bzhin du gong ma'i tshul du spro bar bya ba'i don to//ut+pal sngon po'i mdog 'dra ba/ /rtse mo lnga pa khyad par du/ /nas kyi tshad tsam nan tan du/ /sna yi rtse mor rnam par bsam/ /zhes pa ni rdo rje'i rigs kyi phra mo'i sbyor ba bstan te/ bdag dang gzugs kyi rdo rje'i rigs kyi lha dang lha mo'i tshul du gong ma bzhin du gnas la/rdo rje rtse mo lnga pa rin po che bai DUR+Ya'i mdog 'dra ba ye shes lnga'i rang bzhin kha dog lnga'i 'od 'phro ba nas che ba tsam gyi tshad bdag gi sna'i rtse mor bsams la spro bsdu'i tshul gong ma bzhin no/ /'khor lo la sogs bye brag dag /de ltar bsgoms par brtag pa ste/ / zhes bya ba ni gong gi rin po che dang rdo rje bzhin du de bzhin gshegs pa'i rigs dang / pad+mo'i rigs dang / las kyi rigs bsgoms na yang 'khor lo dang pad+ma dang / ral gri che chung sran ma tsam so so'i kha dog dang ldan pa/ ye shes lnga'i rang bzhin 'od 'phro ba gong ma bzhin du sna'i rtse mor bsam zhing spro bsdu la sogs pa bya ba'i don to//rdo rje 'khor lo sprin chen pos/ /pad+ma 'dzin cing mtshon cha 'dzin/ /zhes pa ni rdo rje ni zhe sdang rdo rje'i'o/ /'khor lo ni rnam par snang mdzad kyi'o/ /pad+ma ni snang ba mtha' yas kyi'o/ /mdzod ni ral gri ste don yod grub pa'i'o/ / de bzhin gshegs pa de rnams kyi phyag mtshan du 'dzin pas mtshon cha 'dzin zhes de rnams la bya/ de la ci ltar rin chen 'byung ldan gyi phyag mtshan rin po che spros nas brtan zhing gsal bar gyur pa dang / de'i rigs kyi lha dang lha mo'i sku phra mo'i spro bsdu byas pa de bzhin du/ rdo rje la sogs pa'i phyag mtshan rnams rim pa bzhin du spros shing bsdus pa las gsal bar gyur pa dang /so so'i rigs kyi lha dang / lha mo'i sku phra mo sprin bzhin du spro bar bya zhes pa'i don to/ /byang chub sems dpa'i sprin chen po/ /spro ba'i bdag nyid spro bar bya/ /zhes pa ni ci ltar rigs lnga'i de bzhin gshegs pa'i phyag mtshan dang /sku phra mo spros pa bzhin du byang chub sems dpa' dang sems ma rnams spro bar bya'o/ /de bzhin du khro bo dang khro mo rnams kyang shes par bya'o/ /spro ba'i bdag nyid ni yungs kar la sems sbyangs shing las su rung bar byas pa'i rnal 'byor pa nyid do//byang chub tshad med sgrub 'gyur zhing / /yon tan gnas rnams thams cad 'grub/ /ces pa ni de ltar phra mo'i sbyor ba bsgoms pa'i yon tan te/ de la byang chub tshad med pa ni 'jig rten las 'das pa'i dngos grub dus gsum gyi sangs rgyas kyi sku gsung thugs kyi rang bzhin du gyur pa'o//yon tan gnas rnams ni 'jig rten gyi dngos grub ste/ dngos grub chen po brgyad la sogs pa dang / rig pa'i gnas lnga rnams ma bslabs shing ma btsal bar 'thob pa'i don to/ /mdor na de ltar bskyed byas na/ /sangs rgyas byang chub rab tu gnas/ /zhes pa ni de ltar bsgoms shing bsgrubs na tshe 'di nyid la sangs rgyas ni dpal rdo rje sems dpa'/byang chub ni de'i sku gsung thugs/ rab tu gnas pa ni bdag gi lus ngag yid gsum de'i rang bzhin du gyur pa'i don to/ /chos kyi gnas ni 'byung 'gyur te/ /zhes pa ni de ltar chos kyi dbyings kyi rang bzhin du gyur pas sngon gyi smon lam gyi mthus sems can gyi don du sna tshogs su snang bar 'gyur ba'i don to//lus dang ngag yid mtshon pa ni de ltar sku gsung thugs thob pas kun rdzob tu sems can gyi mos pa dang mthun par sgo gsum gyi bye brag bstan pa'o/ /de nas spro bar bya ba ni rdo rje'i bye brag grangs med de//zhes pa ni de ltar dkyil 'khor gyi lha rnams so sor yang nas yang du spros shing mngon sum du gyur pa dang / dkyil 'khor gyi lha thams cad dus gcig tu grangs med par spro ba'o/ /til gang bzhin du mkha' bkang nas/ / rdo rje bzlas pa brtsam par bya/ /zhes pa ni de ltar spros pas sems can gyis lcogs thong gi nam mkha'i khams su til gyi gang bu la til 'dug pa bzhin du lha dang lha mos khyab par dmigs la 'og nas 'byung ba'i bzlas pa bya zhes pa'i don to/ /bzlas mthar sangs rgyas ye shes kyi//rdo rje mi phyed gsum bsgoms te/ /zhes pa ni dus gsum gyi sangs rgyas kyi ye shes ni sku gsung thugs so/ /de yang ma bskyed pa'i rang bzhin pas rdo rje mi phyed ces bya'o/ /de gsum gyi gong du bskyed pa'i phra mo rnams la byin gyis brlab ces pa'i don to/ / rdo rje bzlas pa'i sbyor ba yis/ /sangs rgyas kun gyi byin gyis brlab/ /ces pa ni de ltar bsgom pa ni rdo rje bzlas pa yin la/ de bsgoms pas sangs rgyas mi bskyod pa la sogs mngon sum du 'byung zhing bdag la dbang bskur nas sangs rgyas kyi 'bras bur byin gyis brlab par 'gyur ba'i don to//dus gsum sangs rgyas kun 'byung ba/ sku gsung thugs ni rdo rje zhes pa ni dus gsum gyi sangs rgyas kyang dpal rdo rje sems dpa'i sku gsung thugs bsgoms nas grub pa yin zhes pa'i don to/ /rdo rje gsang sngags byin rlabs kyis/ /mtshungs pa med pa'i ye shes 'thob//ces pa ni rdo rje gsang sngags ni/ oM dad AHdang hUM gsum mo/ /de gsum ni dus gsum gyi sangs rgyas kyi sku gsung thugs kyi rang bzhin yin pas na de gsum brjod cing so so'i kha dog gsal bar dmigs nas phyag rgya bskyed pa dang byin gyis brlab pa la sogs pa byas na 'jig rten na dpe zla med pa'i ye shes kyi sku gsung thugs 'thob pa'i don to//gsang sngags don kun bzlas pa ni/ /rdo rje mi phyed gsum gyis mtshan/ /rdo rje mi phyed gsum rdzogs par/ /'di dmigs rdo rje gsum zhes bya/ /zhes pa ni phyag rgya gang sgom yang gong gi yi ge gsum las bskyed la de yang yi ge gsum gyi byin gyis brlabs pas lha thams cad sku gsung thugs gsum dang ldan pas rdo rje gsum zhes bya'o//sangs rgyas kyi ni sku gsung thugs/ /rdo rje ye shes bsgoms nas ni/ /zhes pa ni dus gsum gyi sangs rgyas kyi sku gsung thugs gzod ma nas mi 'gyur ba'i phyir rdo rje ye shes so//bdag rnal 'byor pa gzugs dang / gnyis pa de'i rang bzhin du bsgoms la mchod pa spro zhes pa'i don to/ /mchod pa'i mchog ni brtag byas na/ /'di ni byang chub mtshungs par 'gyur/ /zhes pa ni de ltar gnas nas gnyis su med pa'i byang chub kyi sems de mchod pa sna tshogs kyi rang bzhin du gyur nas til gyi gang bu la til gnas pa bzhin du nam mkha'i khams thams cad khyab pa'i sangs rgyas rnams la mchod cing dgyes par bsams na de rnams dang 'dra bar 'gyur ba'i don to//sku gsung thugs ni mngon sum du/ /cho ga gsum gyis spro bar bya/ /bzlas pa rdo rje 'di yis ni/ /rdo rje gsum gyi thugs 'drar 'gyur/ /zhes pa ni gong gi dkyil 'khor 'don pa'i tshul du byang chub kyi sems las cho ga gsum gyis phyag rgya bskyed la gong du spro ba'i rim pa bstan pa bzhin du spros pa ni bzlas pa rdo rje'o//de ltar spros pa'i yon tan ni mi bskyod pa la sogs pa de bzhin gshegs pa gsum ni rdo rje gsum mo/ /de rnams kyi thugs kyi rang bzhin du bdag 'gyur ba'i don to/ /yang na spro bar bya ba ni/ /so so'am gsum gyi bye brag gis//sku gsung thugs ni bdag med par/ /ye shes sems ni spro bar bya/ /zhes pa ni de ltar phyag rgya la sogs pa spro ba la ma mos pa'am ma lcogs pa yod pa na bdag gi lus ngag yid gsum dang / /'phags pa'i sku gsung thugs yang dag pa'i ye shes kyis so so'i bye brag tu don dam pa'i rang bzhin stong pa nyid du dmigs la de'i don la gnas par bya ste/ji ltar gnas pa de bzhin du dus gsum gyi sems can yang dmigs pa ni spro ba'o/ /sngags kyi yi ge gnas thob nas/ /rang gi rdo rje dkyil 'khor las/ zhes pa ni lha gang yang rung ba'i sa bon gyi yi ge las bskyed cing gzungs dang bcas par gnas la/de nyid kyi dkyil 'khor phra mo'i tshul du spro zhing bsdu ba yang bzlas pa yin no/ /khro bo dam tshig ye shes kyis/ /rang gi rdo rje dkyil 'khor du/ /sngags kyi yi ge'i sgra sgrogs pa/ /de ni khro ba'i bzlas pa yin//zhes pa ni khro bo gang sgom yang rung ba bskul zhing sa bon las phyag rgyar bskyed cing khro bo dang gnyis su med par gnas la gong du bstan pa'i tshul du khro bo dang khro mo'i sku phra mo rang gi sngags hUM phaT la sogs pa sgrogs shing spros pa'i khro ba'i bzlas pa yin zhes bya ba'i don to/ / bskyed pa rdo rje kun du spro/ /rdzogs nas rab tu bsdu bar bya/ zhes pa ni lha gang sgom yang rung gnyis su med pa'i tshul du bskyed pa'i sku rnams phyogs thams cad du spros nas sems can gyi don gdul bya dbang du rdzogs par bya ba nas/ bsdu bar bya ba'i bar ma rdzogs pas ma yin zhes pa'i don to//de ni sangs rgyas thams cad kyi/ /bzlas par gsungs pa don dam pa/ /zhes pa ni de ltar sgom zhing spro bsdu byed pa ni yo ga la sogs pa'i nang nas sngags kyi yi ge'i sgra bzlas pa na yang dag pa ma yin la/ yang dag pa'i bzlas pa'i tshul ni 'di nyid yin no zhes dus gsum gyi sangs rgyas kyis gsungs pa'i don to//chos ngag phyag rgya glur blangs pa/ /rdo rje tshig tu sbyar ba ni/ /yang na mos pa'i dbang gis chos/ /ngag gi phyag rgya rdo rje ni/ /hUM la sogs pa bzlas par 'dod na yang rdo rje tshig tu bya'o/ /de ni gsal bar gsang ba'i tshig /rdo rje tshig ni skad gdangs med//ces pa ni rdo rje tshig tu sbyor ba'i don to/ /de yang hUM badzra d+h+r-i ka la sogs pa'i sngags kyi tshogs kyi yi ge rnams so so'i kha dog dang dbyibs gsal bar bsgom zhing sems kyis bzlas pa'i don to/ /bzlas pa spros pa bsdus nas ni/ /rdo rje sems dpa' bsgrub par bya/ /zhes pa ni de ltar sbyor bas bsgoms shing bsgrubs nas ni//de mngon du gyur pa dang / rdo rje sems dpa' gtsor bsten te gang la mos pa'i lha bsgrub par bya zhes pa'i don to/ /de yang yan lag bzhi'i sgo nas bsgrubs nas gong du bstan pa'i tshul du zhag bdun gyi bar du sgrub pa chen po'i tshul bzhin du byas nas 'bras bu 'thob par 'gyur ba'i don to//gal te rgyal po ma grub na/ /drag shul sbyor bas bsgrub par bya/ /zhes pa ni/ de ltar bsgrubs nas bag chags ma byang ba'i dbang gis 'bras bu ma thob na yid 'byung zhing mi spang bar bskul ba'i tshul du le lo med par 'bad pa'i sgo nas yang zhag bdun gyi bar du bsgrub par bya zhes pa'i don to//de yang rnam pa gnyis te/ phyag mtshan rdo rje'i sgo nas bskul ba dang / khro bo'i sgo nas bskul ba'o/ /de la phyag mtshan gyi sgo nas bskul ba ni/ rdo rje chen po rtse lnga pa/ /cho ga bzhin du rtag bsgoms te/ /snying ga dag tu brdeg pa yis//rdo rje sems dpa' bskul bar bya/ /zhes pa ni/ phyag rgya chen por gnas pa'i lag mthil du hUM las rdo rje rtse lnga pa 'od zer lnga 'phro bar bsgoms la rdo rje sems dpa' 'am gang sgrub pa'i lha'i sku mdun du dmigs la de'i snying gar brdeg pa'i tshul du bsam zhing gong gi sbyor ba bya zhes pa'i don to//yang na rang gi dam tshig khro/ /zhes pa la sogs pas khro bo'i sgo nas bskul ba bstan te/ de yang rang mos pa'i khro bo 'am gang sgrub pa'i lha'i rigs kyi khro bo gang yang rung ba gnyis su med pa'i tshul gyis hUM las bskyed la/ phyag g.yon gyi dang pos lcags kyu 'dzin pa/g.yas kyi dang pos rdo rje 'dzin pa/ phyi ma bzhi la rang gi phyag mtshan 'dzin pa/ /khro bo'i cha lugs dang ldan pa de sangs rgyas kyi bdag po dngos grub thams cad kyi 'byung gnas dpal rdo rje sems dpa' 'og min gyi gnas nas longs spyod rdzogs pa'i sku'i rang bzhin du gnas pa der khro bo de gtang bar bya ba'i don to//khros pas snying kar brdeg bya zhing / /khro bo'i tshig gis bskul bar bya/ /zhes pa ni/ khro bo de rdo rje sems dpa'i spyan sngar phyin nas lcags kyus bzung nas rdo rjes brdeg cing 'og gi tshig rnams kyis bskul bar bya ba'i don to//che ge zhes bya rdo rje che/ /khyod ni bskul bar gnas pa ste/ zhes pa ni khro bos rnal 'byor pa'i ming phyung nas 'dis khyod tshul bzhin du sgrub par gnas zhes pa'i don to/ /de ltar rtag tu khyed la gus/ /'di ni dam tshig bsrung ba'i mchog /ces pa ni de ltar tshul bzhin du sgrub pa yang yin la theg pa 'og ma la mos pa yang ma yin zhing chos kyi tshul 'di nyid la mos shing yid ches pa yin te/sku gsung thugs la sogs pa'i dam tshig rnams kyang mi srung ba ma yin la tshul bzhin srung bas bsrung ba'i mchog go/ dbang bskur rjes su gnang ba ste ni de lta bu'i yon tan dang ldan yang dbang bskur ba dang gnang ba med pas dngos grub mi stsol zhe na yang de lta bu ma yin te/ tshul bzhin du rdo rje slob dpon gyis dbang bskur ba dang / gnang ba byin pa yin pas de la dngos grub stsol zhes pa dang 'brel to/ /'di ni rdo rje'i tshul mchog ste/zhag bdun bar du byas nas zhes pa ni de ltar zhag bdun gyi bar du bskul ba'i chos gang 'di'i tshul bzhin du byas pas 'og nas 'byung ba'i yon tan 'thob par 'gyur ba'i thabs kyi dam pa yin pas rdo rje tshul mchog go/ /lus dang ngag yid 'grub 'gyur te/ /rdo rje gsang ba'i dngos grub bo//zhes pa ni rang gi lus ngag yid gsum thun mong ma yin pa'i dpal rdo rje sems dpa'i sku gsung thugs dang 'dra ba'i dngos grub thob par 'gyur ro zhes pa'o/ /'jigs shing skrag pa'i thugs kyis ni/ /mchog sbyin mgon pos gzigs mdzad de/ /chos shes sems dang dga' ba ni//dngos grub chen po stsol bar mdzad/ /ces bya ba ni khro bo de ltar tshig gis bskul ma thag tu dpal rdo rje sems dpa' 'jigs shing skrag pa'i tshul du sgrub po'i mdun du byon pa 'am dgongs par mdzad ces pa'o/ /'jigs shing skrag pa mi mnga' yang dam tshig las mi 'da' bar bstan pa dang spro ba bskyed pa'i don to//sems dang dga' ba ni mdun du byon nas ci 'dod ces 'dri zhing 'dod pa bzhin du sku gsung thugs la sogs pa mdzad ces pa'i don to/ /rdo rje gsum 'byung 'dra bar ni/ /'dis ni byang chub 'thob par 'gyur/ /zhes pa ni de ltar bsgrubs pas dus gsum gyi sku gsung thugs las byung ba dpal rdo rje sems dpa' 'dra bar byang chub par 'gyur ba'i don to//rgyal ba byang chub rgya mtsho yi/ /rdo rje sems dpar de 'gyur ro/ /zhes pa ni de nyid yang bstan te/ dus gsum gyi rgyal ba ye shes rgya mtsho dang 'dra bar dpag tu med pa mnga' ba rnams kyi sku gsung thugs kyi rang bzhin dpal rdo rje sems dpa'i phyag rgya 'thob par 'gyur ba'o//spyan la sogs pa'i lha mo yis/ /bral ba'i cha lugs ji bzhin du/ /zhes pa la sogs pas ni dkyil 'khor bsdu ba'i tshul bstan to/ /de la spyan la sogs pa ni/ lo tsa na dang / mA ma kI dang / paN+Da ra ba si dang / tA ra de ba dang bzhi'o/ /bral ba'i cha lugs ni yab dang gnyis su med pa'i bde ba las bral ba'i tshul gyis blta zhing / bskul ba dag tu rnam par bsam/ /zhes par 'brel to/ /de la gang la blta zhing bskul zhe na rdo rje sems dpa' la'o/ / de yang yon tan ci lta bu'i yon tan dang ldan pa zhig ce na/ bde ba mchog la bzhes pa yis/ /zhes bya ste bde ba ni 'jig rten gyi lha dang mi'i lus ngag yid gsum gyi sgo nas yid du 'ong ba'i tshor ba nyams su len pa dang / 'jig rten las 'das pa'i bde ba nyan thos la sogs pa nyon mongs pa spangs shing lus ngag yid gsum 'gog par gnas pa'i bde ba nyams su myong ba'o//de gnyis las mchog tu gyur pa chos kyi sku'i rang bzhin du gnas pa'i dpal rdo rje sems dpa' la zhes pa'i don to/ /yang na yum dang gnyis su med par sbyor ba las byung ba'i byang chub sems las 'gro ba'i don sgrub pa'i bde ba nyams su blang bar bzhed pa la'o//de yang ji lta bu'i tshul du bskul zhe na/ /snyan zhing mdzes pa'i tshig dag dang / /phra mo yi ni dbyangs la sogs/ /zhes bya ba smos so/ /de la snyan zhing mdzes pa'i tshig ni tshig dang don mthun pa/ rdo rje sems khyod sa bdag ste/ /zhes pa la sogs pa'o/ /phra mo'i dbyangs ni ka kA li la sogs pa'o/ /de ltar ci'i phyir bskul zhe na/ 'dod pa bde bzhi don gyis zhes bya ste rdo rje dang pad+mar yang dag par ldan pa'i 'dod chags kyi bde ba chen po'i sgo nas zhi ba'i don mya ngan las 'das pa'i rang bzhin du gnas par 'dod pa'i phyir ro//bskul ba'i ngag tu rnam par bsam/ /zhes pa ni rnal 'byor pas gong du bstan pa'i tshul du dkyil 'khor bskyed cing bsgom pa des phyi rol gyi gzhi la sogs par bya ba byed pa'i dus su dkyil 'khor bsdus nas 'gro ba yin pas lha mo rnams de ltar bskul bar bsgom par bya zhes pa'i don to/rdo rje sems khyod sa bdag ste/ /sems can khams ni skyod mdzad pa ni lha mo mA ma kIs zhe sdang rdo rje yon tan gyi sgo nas bstod cing bskul ba'o/ /ji ltar bstod ce na/ rdo rje sems dpa' khyod sa bdag rgyal po dang 'dra ste/ji ltar rgyal pos 'bangs rnams skyong zhing mtho bar byed pa de bzhin du khyod kyang srid pa gsum gyi sems can rnams 'khor ba la bskyod cing mya ngan las 'das pa'i dbyings su phyin par mdzad pa'i ngang tshul can zhes bya ba'i don to/ /sems can kun gnyen chen po mchog ni sems can rnams la de lta bu'i phan 'dogs pas gnyen gyi mchog go//gal te mgon pos bdag srog bzhed pa na/ /zhes pa ni de lta bu'i yon tan dang ldan pa khyod bdag gi srog ni lha mo mA ma kI'i rang bzhin chos kyi dbyings so/ /bzhad pa ni sprul sku spangs nas de dang gnyis su med pa'i chos kyi sku'i rang bzhin du gnas pa'o//kun rdzob tu sems can 'dul ba'i don du thabs dang shes rab kyi tshul mi bstan du mi rung bas srog dang 'dra ba dang / gsang sngags kyi sgo nas spyod pa'i rnal 'byor bas gnyis su med pa'i sbyor ba las 'dir mi rung bas srog go//de mi spong zhing dang du len par bzhed pa'o/ /'dod pa'i dga' ba yid 'ong don chen nges/ /mgon pos bdag la 'dod pa spyad du gsol/ /zhes pa ni de lta bu'i don gyis 'dod pa'i dga' ba thabs dang shes rab kyi rol pa'i sgo nas bdag gi don chen por 'gyur ba dang /gzhan gyi don chen por 'gyur ba'i spyod pa des bdag la spyod cig ces bskul ba'i don to/ /rdo rje sku khyod sangs rgyas 'khor lo'i don/ /sems can mang por dga' ba rtogs mdzad cing / /zhes bya ba la sogs pas ni lha mo sangs rgyas spyan gyis rang gi gtso bo la bstod cing bskul ba'o//de la rdo rje sku ni dus gsum gyi sangs rgyas kyi sku'i ngo bor gnas pa bcom ldan 'das rnam par snang mdzad do/ /sangs rgyas 'khor lo ni sems can 'dul ba'i phyir thabs rnam pa sna tshogs kyi sgo nas chos bstan pa rnams so/ /de rnams kyi don bsam gyis mi khyab pa thabs kyis bstan zhing dga' bar byed pa dang de nyid rtogs par mdzad pa khyod bdag la spyad du gsol zhes pa dang 'brel to//yang na sangs rgyas 'khor lo'i don ni dus gsum gyi sangs rgyas kyi sku gsung thugs dang sems can gyi lus ngag yid gsum gyi rang bzhin no//de nyid gong ma bzhin du ston zhing rtogs par mdzad ces kyang bshad do/ /byang chub dam pa'i don ni phan par ston/ /zhes pa ni de lta bu'i tshul nyid byang chub ste nyan thos dang rang sangs rgyas las 'phags pas dam pa'o/ /de nyid kyi don sems can la phyi rol ba'i tshul du dga' ba spyod pa'i sgo nas thob par ma bstan zhing thabs dang shes rab gnyis su med pa'i tshul du rtogs shing thob par ston zhes pa'i don to//gzhan yang ji lta bu'i yon tan dang ldan pa la bskul zhe na/ dam tshig la ni 'dod pas 'dod chags pa//zhes smos te/ de la dam tshig ni sku rnam pa sna tshogs bstan zhing sems can gyi don mdzad pa'o/ /'dod pa ni thugs kyi dgongs pa'o/ /'dod chags pa ni nyid dang ma bral ba'o/ /yang na dam tshig ni sangs rgyas spyan nyid kyi rang bzhin chos kyi dbyings so//de dang gnyis su med par chos kyi sku'i tshul du gnas pas na 'dod chags pa'o/ /gal te mgon po bdag srog bzhed pa na/ /khyod kyis 'dod pa bdag la spyad du gsol/ /zhes pa ni de lta bu'i yon dang ldan pa khyod bdag la thabs dang shes rab kyi tshul du rol cig pa'i don to//phyi ma'i tshig gong ma dang 'dra'o/ /rdo rje gsung khyod thams cad kun la ni/ /phan dang thugs brtser ldan pa 'jig rten don/ /zhes pa ni lha mo paN+Dar ba sis bcom ldan 'das snang ba mtha' yas la bstod cing bskul ba'o/ /de la rdo rje gsung ni dus gsum gyi sangs rgyas gsung gi rang bzhin du gnas shing chos ston pa bcom ldan 'das tshe dpag tu med pa'o//de nyid kyi khyad par phan dang thugs brtser ldan zhes bya ba ste sems can thams cad la thugs rje dang ldan pas gong ma bzhin du phan pa'i sgo nas don rtogs par mdzad ces pa'o/ / dgongs pa'i bya ba kun la chags pa ni 'jig rten pa'i don bla na med pa'i byang chub thob par bya ba thams cad la chags shing dang du len pa'o/ /gal te mgon pos bdag srog ces pa la sogs pa ni gong ma dang 'dra bar de lta bu'i yon tan dang ldan par khyod bdag la kun du bzang po'i spyod pas dgyes par mdzod cig pa'i don to//de la kun du bzang po'i spyod pa ni 'dod chags la sogs pa'i nyon mongs pa dang du len cing spyod kyang de'i nyes pas mi gos pa'o/ /skabs 'dir ni thabs dang shes rab kyi tshul du 'dod chags kyi spyod pa nyid la bya ste/kun du bzang po'i tshul thob par 'gyur ba'i phyir ro/ /rdo rje don khyod dam tshig mchog lags te/ /zhes pa la sogs pa ni lha mo sgrol mas bcom ldan 'das don yod grub pa la bstod cing bskul bar bstan to/ /de la rdo rje don ni dus gsum gyi sangs rgyas kyi phrin las kyi rang bzhin du gnas na sems can gyi don/gang la ci dgongs pa bzhin du mdzad pa la chud za ba med pa'o/ /de'i phyir na dam tshig mchog ste rgya mtsho bzhin du dus las mi 'da' ba'i don to/ /phan pa'i don chen rdzogs sangs rgyas pa'i rigs/ /zhes pa ni gong ma bzhin du phan pa'i sgo nas bla na med pa'i byang chub rtogs par mdzad cing sangs rgyas kyi lam la 'jog pa'i don to//mnyam nyid thig le rjes su thugs brtser ldan/ /zhes pa ni de lta bu'i tshul gyis khyod ni sems can thams cad chos kyi dbyings thob par mdzad pa'i mthu dang ldan zhes pa'i don to/ / yang na mnyam nyid thig le ni thabs dang shes rab gnyis su med pa'i byang chub kyi sems so/ /de las sprul pa'i sku sna tshogs su gyur nas sems can gyi don mdzad pas thugs brtser ldan pa'o/ /gal te mgon pos bdag srog bzhed pa na/ /yon tan rin chen gter ma bdag la spyod/ / ces pa ni de lta bu'i yon tan dang ldan pa khyod bdag yid bzhin gyi nor bu rin po che dang 'dra ba'i sangs rgyas yon tan thams cad kyi rang bzhin du gyur pa la dgyes par spyod ces pa'i don to/ /de ltar lha mos bskul nas ni/ /zhes pa ni de lta bu'i tshul du sangs rgyas spyan la sogs pa'i lha mo bzhis so so'i rigs kyi bdag po la bskul ma thag tu so so'i rigs kyi gtso bo dang gnyis su med par gyur nas thabs dang shes rab kyi rol pa'i byang chub sems las sems can 'dul ba'i thabs sna tshogs pa dang //de bzhin gshegs pa'i mchod pa sna tshogs su sprul zhing phyogs bcur spros nas de bzhin gshegs pa rnams dgyes par byas pa dang sems can gyi don thams cad rdzogs par byas nas slar so so'i thugs kar tha mi dad par bsam mo//de nas yang so so'i thabs dang shes rab kyi rol pa byas pas byang chub kyi sems kyi 'od 'phros pas so so'i rigs kyi lha rnams la phog ma thag tu 'od de nyid kyi rang bzhin du gyur nas slar gong ma bzhin du gtso bo'i thugs kar thim mo//de nas yang thabs dang shes rab kyi rol pa mdzad pas gtso bo nyid bde ba chen po'i rang bzhin byang chub kyi sems su gyur nas yum gyi b+ha ga la thim nas gnyis su med par gyur par bsam mo//de nas rigs bzhi'i de bzhin gshegs pa dang / sems dpa' sems ma dang / khro bo dang khro mo rnams yum bzhi la thim pa'i yum bzhis dbus kyi gtso bo la so so'i rigs kyi bdag po'i sgo nas bstod cing bskul bas de bzhin gshegs pa la bstod pa byed ces pa'o//mi bskyod ye shes rdo rje che/ /zhes pa'i tshigs su bcad pa gcig gis ni lha mo mA ma kIs chos kyi dbyings kyi ye shes kyi sgo nas bstod pa'o/ /bcom ldan 'das byang chub kyi sems rdo rje mi bskyod pa'i phyag rgyar gnas pa de la nyon mongs pa dang drag byed la sogs pa'i bdud rnams kyis bskyod cing g.yo bar mi nus pas mi bskyod pa'o//ye shes ni chos kyi skur ston pa'o/ /rdo rje dbyings kyi chos kyi sku de yang nam mkha' ltar chad pa ma yin zhing kun rdzob tu sems can gyi don du sna tshogs su 'byung bas so/ /blo chen po ni de lta bur snang ba rnams sems can thams cad bla na med pa'i byang chub tu dgod pa'i thabs dang ldan pa'i don to//rdo rje gsum mchog ni dus gsum gyi sangs rgyas sku gsung thugs kyi rang bzhin no/ /dkyil 'khor gsum ni de nyid las rigs gsum du ston pa'o/ /de lta bu'i de 'jig rten pa rnams kyis rtogs shing spyod pa'i yul ma yin pa dang /nyan thos la sogs pa rnams la bstan du mi rung bas gsang ba'i dbyings su/ /de lta bu de nyid la lus ngag yid gsum gyi sgo nas phyag 'tshal na bsod nams thob par 'gyur bas phyi rabs kyi rnal 'byor pas tshul 'di bzhin du bstod cing phyag 'tshal bar ston pa'o//rnam par snang mdzad dga' chen po/ /zhes pa la sogs pas ni lha mo sangs rgyas spyan gyis rang gi gtso bo la me long lta bu'i ye shes kyi sgo nas bstod cing bskul ba'o/ /de la rnam par snang mdzad ni sku las 'od sna tshogs 'phros shing 'jig rten gyi khams kyi mun pa sel shing snang bar mdzad pa dang /gdul bya'i sems can gyi mos pa'i sgo nas sku sna tshogs su sprul zhing snang bar mdzad nas de rnams kyi gti mug gi mun pa bsal nas ye shes kyi snang ba bskyed pa'i don to/ /yang na thabs dang shes rab kyi sgo nas sems can rnams la bde ba chen po'i rang bzhin gsal bar mdzad pa'i phyir ro//dga' chen po ni 'dod chags la sogs pa'i nyon mongs pa nyan thos lta bur rim gyis spong ba ma yin te ye nas mi mnga' ba'i don to/ /de'i phyir na rdo rje zhi ba'o/ /dgyes pa che zhing ni de lta bu'i don gyis rtag tu mi mthun pa mi mnga' ba dang /lha mo bzhi dang gnyis su med pa'i thabs dang shes rab kyi rol pa rtag tu mdzad cing bde ba chen po nyams su myong ba'i rang bzhin la gnas pa'i phyir ro/ /de lta bu'i tshul du lhun gyis grub pas rang bzhin gyis 'od gsal ba'o/ mchog ni khams gsum gyi'o/ /de lta bu'i bdag nyid kyi rang bzhin ni rdo rje'o/ /de nyid gzhan la bstan zhing thob par mdzad pas rdo rje ston pa'o/ /de lta bu la phyag 'tshal bar bya zhes pa'i don to/ /rin chen rgyal po rab tu zab/ /ces pa la sogs pas ni mnyam pa nyid kyi sgo nas rin po che'i rigs la lha mo rat+na d+ha ras bstod pa'o//de la rin chen rgyal po bcom ldan 'das ma de nyid rin chen 'byung ldan gyi phyag rgyar gnas shing sems can thams cad kyi re ba bskang ba'i phyir sangs rgyas thams cad kyi yon tan gyi rang bzhin mnyam pa nyid kyi ye shes las grub pa'i yid bzhin gyi rin po che phyag tu bsnams pa'am/yang na bdag nyid rin po che de lta bu'i rang bzhin yin pa'o/ /bdud bzhi las rgyal zhing khams gsum gyi dri mas ma gos pa'i phyir rgyal po'o/ /de nyid kyi tshul mthar thug pa med pas shin tu zab pa'o/ /de lta bu'i phyag rgya ston cing sems can gyi don sna tshogs mdzad kyang de nyid la mi chags pas dri med pa'o//de lta bu yin yang don dam par dmigs pa med pa'i tshul yin pas nam mkha' rdo rje'o/ /de nyid kyi phyir na/ rang bzhin dag pas gos pa med/ /ces smos so/ /de lta bu de'i gsung yang gzhan du mi 'gyur bas/dag pa'i gsung la phyag 'tshal lo/ zhes bya'o/ /rgyal chen rdo rje snang mtha' yas/ /zhes pa la sogs pas ni so sor rtog pa'i ye shes kyi sgo nas lha mo paN+Da ra ba sis pad+ma rigs la bstod pa'o/ sku las 'od zer 'phros pa bsam gyis mi khyab pa'i phyir ro/ /kun rdzob tu phyag rgyar bstan zhing 'dod chags dang du len cing spyod pa'i sgo nas sems can gyi don mdzad kyang de'i nyes pa rnams kyis mi gos pas pha rol tu phyin pa'o//de nyid kyi phyir na/ rnam par mi rtog rdo rje mkha'/ /zhes pa'o/ /de lta bu de dus gsum gyi sangs rgyas kyi gsung gi rang bzhin yin pas rdo rje gsung ngo //rdo rje don grub yang dag shes/ /zhes pa la sogs pas ni lha mo ta ras bya ba nan tan gyi ye shes kyi sgo nas bstod pa'o/ /de la rdo rje don grub ni sangs rgyas thams cad kyi phrin las kyi rang bzhin gyi phyag rgyar gnas nas sems can gyi don kun grub par byed pa'o/ /de yang 'khrul pa dang mu cor med pa yin zhing mos pa dang mthun pa'i sgo nas don mdzad pas yang dag go//de nyid kyi phyir na/ bsam pa thams cad rdzogs par mdzad/ /ces bya'o/ /de yang 'khor ba pa bzhin du las kyis skyes pa ma yin zhing chos kyi sku las snang bar gyur pas rang bzhin dag pa nyid las byung zhes bya//de dag thams cad rdo rje sems dpa' nyid yin pas rdo rje sems dpa' la phyag 'tshal lo zhes pa'i don te/ /de ltar bstod tshig zhi ba yis/ /sangs rgyas thams cad bstod byas shing / /rdo rje longs spyod kyis bskul na/ /de yang sangs rgyas 'dra bar 'gyur//zhes pa ni de ltar lha mo rnams kyis rigs lnga'i sgo nas bcom ldan 'das zhe sdang rdo rje la bstod cing bskul ba'i tshigs bcad rnams kyi phan yon bstan te/ de yang ji ltar zhe na/ phyi rabs kyi rnal 'byor pa rnams kyang lha mo rnams kyis ji ltar bstod cing bskul ba bzhin du dpal rdo rje sems dpa' la sogs pa'i de bzhin gshegs pa rnams la thabs dang shes rab kyi sgo nas bstod cing bskul na sangs rgyas rnams kyang mnyes shing dgyes par gyur nas de la dngos grub stsol ba'i phyir ro//yang na dam tshig bsrung ba'i mchog de nyid yin pas bsod nams dang ye shes kyi tshogs rdzogs par gyur pa'i don to//lha mos de bzhin gshegs bstod pa/ /rdo rje blo yis gzigs nas ni/ /sku gsung thugs la bsdus nas kyang / /sna tshogs rjes su chags par mdzad/ /ces bya ba ni de ltar lha mo rnams kyis bstod cing bskul bas zhe sdang rdo rjes dgongs pa'i tshul du 'dzum pa mdzad nas nyid kyi sku gsung thugs dang de rnams kyi sku gsung thugs gnyis su med par mdzad do//de la skabs 'dir sku ni rdo rje dang pad+ma'o/ /gsung ni zhal sprod pa'o/ /thugs ni snying ga sprad cing dam por 'khyud pa'o/ /sna tshogs rjes su chags par mdzad pa ni de ltar gyur nas ka ma la shI g+haM las 'byung ba'i tshul du so so chags par mdzad cing bde ba chen po nyams su blangs shing sems can gyi don mdzad nas/yang thabs dang shes rab kyi rol pa byas nas byang chub kyi sems phab ma thag tu lha mo rnams 'od kyi tshul du gyur nas nyid kyi sku gsung thugs la thim zhing gnyis su med par gyur par bsgom par bya ba'i don to//dkyil 'khor thams cad mthong ba ni/ /sku gsung thugs kyi rdo rje ni/ /zhes bya ba ni gong du bstan pa'i dkyil 'khor ting nge 'dzin gyis bsgom pa'am/ gzugs brnyan du bkod pa rnams de ltar nyid kyi sku gsung thugs kyi rang bzhin du bsdu bar byas nas zhes pa'i don to//cho ga ni gong du bsdus pa'i tshul bstan pa nyid do/ /de ltar bsdus nas kyang ci byed ce na/ bzlas pa dag kyang bsdu bar bya/ /zhes smos so/ /de ltar dkyil 'khor thams cad bsdus nas thugs ka na gnas pa'i hUM las 'od zer 'phros shing bar snang khyab par gnas pa'i sangs rgyas rnams la phog pas de rnams kyang 'od kyi tshul du gyur nas slar bdag la thim par bsam mo//de nas yang 'od zer 'phros pas bdag phyag rgyar gnas pa'i sku la phog pas 'od du gyur nas thugs ka na gnas pa'i ye shes sems dpa' la thim mo//de nas yang hUM las 'od zer 'phros pas ye shes sems dpa' la phog pas de yang 'od kyi tshul du hUM la thim mo/ /de nas yang 'od 'phros pas hUM yang 'od du gyur to/ /'od kyang phyogs bcur 'phros pas nam mkha' dang gnyis su med par gyur nas chos kyi sku'i rang bzhin du gnas par bya'o//de ltar gnas pa yang ci nus su gnas nas ldang zhing 'gro bar 'dod na spyi bo dang lce steng dang snying gar sku gsung thugs kyi sa bon yi ge gsum dmigs nas sngags gsum gyis byin gyis brlabs la ci bde bar gnas par bya ba'i don no/ / ting nge 'dzin la dmigs pa na/ /zhes bya ba la sogs pas ni rnal 'byor pas dus yun ring por sgom zhing sgrub pa'i tshe lus nyam chung bar gyur na thabs 'dis gzi byin bskyed cing brtan par bya ba bstan to/ /de la ji ltar bya zhe na/ bdag gi spyi bo'i steng bar snang la mtho gong gi tshad tsam du yi ge a las zla ba'i dkyil 'khor bskyed la de'i steng du dus gsum gyi de bzhin gshegs pa thams cad kyi ye shes kyi rang bzhin yi ge oM bsgom par bya'o//de las 'od zer 'phros pas phyogs bcu'i 'jig rten gyi khams kyi bcud rnams bkug nas oM de nyid la thim par bsam mo//de nas yang oM de bdud rtsi'i rang bzhin du gnas pa'i bcud rnams 'od kyi tshul du zla ba'i steng du 'thigs par bsam mo/ /de dang zla ba'i bdud rtsi gnyis gcig tu byung nas zla ba las bdag gi spyi bor thigs pa 'od zer gyi tshul du thim zhing lus kun du khyab par bsgom pa'i phyir/bdud rtsi rnams ni 'byung bar bsam/ /zhes smos so/ /rdo rje sbyor ba 'di yis ni/ /skad cig du yang mdangs ldan 'gyur/ /lus dang ngag sems bde bar gnas/ /the tshom med par gyur pa yin//zhes bya ba ni de ltar bsgoms pa'i phan yon bstan te ye shes kyi sbyor ba de bstan pa bzhin du ma nor bar bsgoms na gzi byin skye zhing bstan par nges pa'o/ /bkres skom la sogs sdug bsngal la/ /sbyor ba 'di ni rnam par bsam//zhes pa la sogs pa ni rnal 'byor pa bkres skom la sogs pa byung zhing yo byad la sogs pa med na ting nge 'dzin spong zhing tshol du mi 'gro ste/ 'og nas 'byung ba'i cho ga bya zhes pa'i don te/ de byas na bkres ba la sogs pa'i sdug bsal thams cad med par 'gyur bar nges pa'i phyir//mi gtsang rdo rje tshig bzhin te/ /zhes smos so/ /mi gtsang rdo rje rnam par snang mdzad chen po'o/ /de'i gsung gzhan du mi 'gyur ba'i phyir ro/ /de yang ji ltar bya zhe na/ bdag lha gang bsgom yang rung ste bkres pa la sogs pa byung na de ma thag tu bcom ldan 'das rnam par snang mdzad kyi phyag rgyar bsgoms la/kha'i yar rkan la he las 'dod 'jo'i ba kha dog dkar mo gcig bsam/ /lce'i steng du oM dkar po gcig dmigs la de'i mtha' yid bzhin gyi nor bu rin po ches bskor bar bsgoms pa'i rnam par snang mdzad gzugs chen po zhes pa la sogs pa smos so//sdug bsngal kun sel zhi ba ni/ /ye shes rdo rjes byin brlabs te/ zhes pa ni de ltar bsgoms nas ye shes las gyur pa'i ba dang yid bzhin gyi nor bu rin po che las yid la 'dod pa'i zas la sogs pa rnams lce'i steng du byung zhing lus kun du thim par bsam pa dang /sdug bsngal thams cad de'i byin rlabs kyis med par 'gyur ba'i don to/ /gang zhig 'di ni sgom byed pa/ /byang chub sems dpa' grags chen 'gyur/ /zhes pa ni bde ba chen po'i sgrub thabs de yan chad du bshad pa bzhin bsgoms shing bsgrubs pa'i phan yon bstan te/de yang ji ltar zhe na/ tshe 'di nyid la rdo rje sems dpar 'gyur bas de ma thob pa'i bar du byang chub sems dpa'i grangs su chud pa'i phyir ro/ /de yang sgom zhing sgrub pa'i dus thams cad du byang chub kyi sems rnam pa gnyis dang 'bral du mi rung pas//byang chub sems dang sbyor ldan na/ /sku sogs dngos grub thob par 'gyur/ /zhes bstan to/ /dad pa med dang theg dman zhugs/ /zhes pa la sogs pas ni gsang sngags ma hA yo ga'i snying po rgyud kyi rgyal po chen po gsang ba 'dus pa yin la/de yang de'i don gyi snying po bsdus pa 'di yin pas kun gyi thun mong ma yin pas shin tu yang gsang bar bya zhes bstan to/ /de la dad pa med pa ni yid mi ches pa dang tshul bzhin du mi sgrub pa'o/ /theg dman zhugs pa ni yo ga man chad dang du len cing spyod pa rnams so//'dod chags zhe sdang ni 'dod chags shin tu che ba dang zhe sdang shin tu che ba rnams so/ /dbang po rtul ba ni de lta bu'i skyon med kyang shes rab chung ba'i dbang gis bstan kyang gzhan du 'gyur ba'i phyir ro/ /slob dang bu la sbyin mi bya//zhes pa ni dad pa med pa la sogs pa'i skyon yod pa'i skyes bu bdag gi bu yang rung chos 'di ma rtogs pa'i sgo nas slob bur gyur cing zhes pa la sogs kyang bstan par mi bya zhes pa'i don to/ /gang phyir sgrub pa 'di brtsams pa/ /zhes pa la sogs pa ni phyi rabs kyi rnal 'byor pa rnams kyis yid mi ches shing skur ba 'debs par dgongs nas rgyud kyi khungs la sogs pa bstan to//de la/ gang phyir sgrub pa 'di brtsams pa/ /zhes pa ni slob dpon gyis sgrub pa'i thabs 'di brtsam pa 'di don med pa ma yin te/ rdo rje sems dpa' sgrub phyir zhes pa dang 'brel to//de la bab col ma yin no zhes bstan pa'i phyir/ /rgyud don mngon par rtogs nas ni/ /zhes smos so/ /de yang rgyud kyi rgyal po gsang ba 'dus pa bdag gi slob dpon gyis bstan pa dang / rang gi shes rab kyis ma nor bar shes pa'i don to//rdo rje bzhad pa'i slob dpon gyis/ /zhes pa ni nyid kyi mtshan nyid bstan pa'o/ /nyid la nyid slob dpon zhes gsungs pa ni yul thams cad du slob dpon du grags pa dang mkhas par zhal gyis 'ches ba'i don to/ /slob dpon gyis ci'i phyir mdzad ce na/ sems can ye shes bskyed phyir ro//zhes smos so/ /de yang gong du rdo rje sems dpa' sgrub phyir zhes bstan na 'dir de skad ci'i phyir bstan zhe na/ rdo rje sems dpa' tshe 'di nyid la ma grub na yang 'di shes shing thos par gyur na rgyud gsang ba 'dus pa shes bar 'gyur la/de shes pas gsang sngags rnams la mkhas par 'gyur ba dang tha snyad thams cad la mkhas par 'gyur ba'i phyir ro/ /dpal bde ba chen po'i sgrub thabs rdzogs so/ /zhes pa ni/ dpal bde ba chen po'i sgo nas bde ba chen po dpal rdo rje sems dpa' mngon sum du 'gyur ba'i thabs sam de nyid kyi rang bzhin du 'gyur ba'i thabs so//rdzogs pa ni nyid kyi dgongs pa ma lus pa'o/ /sgrub thabs rnam par bshad pa 'di/ bdag gis byas pa'i dge ba yis/ /'gro ba rnams kyis 'di nyid kyi/ /don ni rnam par rtogs par shog/