286b1 zhu chen gyi lo tsA ba ban+d+he rin chen bzang pos bsgyur ba'o//[ ]@##/ /rgya gar skad du/ Sha Ta saM ga yo ga nA ma TI kA/ bod skad du/ sbyor ba yan lag drug pa zhes bya ba'i 'grel pa/ dpal rdo rje sems dpa' la phyag 'tshal lo/ /
286b2 ye shes bdud rtsi nyid ces pa la 'dir gcig pur 'dzin pa ma yin te/ rtsa ba las bshad pa de nyid mchog yin no zhes dran pa'o/ /sbyor ba yan lag drug ces pa la sbyor ba ni ting nge 'dzin gsum mo/ /de'i yan lag ni cha'o/ /de ni so sor spong ba dang / /zhes pa la sogs
286b3 pa'o//so sor spong ba bshad pa dbang po rnam pa bcu/ /zhes te kun du spyod pa'i ngo bo gang yul rnams 'dod pa'i ngo bo'i lhar rang rang gnas pas phyi rol gyi ngo bo spong ba ste/ khyi yis khyi 'byin pa'i tshul lo/ /bsam gtan ni 'di ste 'dod pa lnga ni 'dod chags chen po la
286b4 sogs pa ste/de yang 'dod chags zhe sdang gti mug gi sems ni 'dod par gsungs pa ste zhes gong du bshad do/ /de rnams gtso bo lngar sbyor ba ni gtso bor gsungs pa ste/ gzhan yang tshad med pa dang / pha rol tu phyin pa dang / stobs lnga yang bsdus nas lha mo
286b5 rnams dang khro bor sbyar te/sbyor ba dang po dang chen po'i lha'i sbyor ba ni bsam gtan du bzhed do/ /de yang yan lag lnga ste bsam gtan rtogs pa la sogs pa zhes so/ /de la gsang ba gsum yang mchog gi lha'i phyir na gtso bor gsungs pa ste/ nye ba'i sgrub pa la
286b6 sogs pa yang rtog par sbyar ro//de rnams ni gong du smos pa'i lha lngar lhag pa'i lha dang de'i rig ma la bya'o/ /de nyid gnyis su med par sbyor ba ni gnyis pa'o/ /de'i reg pa las byung ba'i dga' ba ni gsum pa'o/ /de gnyis kyi sems rdo rje dang pad+ma las bsdus pa'i
286b7 bde ba ni bzhi pa'o//rang gi sems de shes pas shes bya'i 'byung ba zad pa'i ye shes ni lnga pa'o/ /yan lag gsum pa gsungs pa sangs rgyas kun/ /zhes pa la sogs pa ste/ sangs rgyas kun ni rang gi sems so/ /de'i dngos zhi ba ni de'i bzhon pa'i dbugs so/ /'dod
287a1 pa thams cad ni dngos grub po//ye shes lnga dang 'byung ba lnga ni dbugs te kha dog lnga dang / de'i rang bzhin du ldan pa'o/ /de 'od kyi gong bu ltar rdo rje las phyung nas sna rtse la bsgom ste/ kha dog lnga pa rin po che/ /zhes pa ni phyi nang gi 'khor lo dang ldan pa'i ngo
287a2 bo ste des na phra mo'i sbyor ba gsungs so//ji ste gzhan du gyur cing nyams na slar yang gzugs gsungs pa/ rang sngags zhes pa la sogs pa ste/ de las nyams pa'i rnal 'byor pas phra mo'i gtso bo rang gi ngo bo'i ye shes sems dpa'i snying la sa bon bkod pa'i thig le la
287a3 dbugs ye shes kyi 'od du bsgoms nas sngar gyi rin po che de slar yang gzung ngo zhe'o//des kyang mtshan ma 'byung ste de nas dbugs de rdo rje'i lam nas pad+ma la spro'o/ /ci ste de las kyang nyams na de ni dbang po shin tu rtul bas phyi rol las kyi phyag rgya brtsal te/ le'u bdun pa
287a4 ltar sbyar nas yang de'i tshul du spros nas so sor snang ba ni rjes su dran pa'o//ting nge 'dzin gsungs pa thabs dang zhes pa la sogs pa ste/ ye shes thams cad la dbang thob pas dngos po kun bsdus te gong bur rdo rje las byung nas shin tu phra ba'i rdul lta bu'i nang du lha'i
287a5 gzugs rnams kyi ye shes skad cig mas rdzogs pa gzhan la phan pa'i don du spro ba dang bsdu ba dag byed pa dam pa'i mtshan ma thob pa ni ting nge 'dzin to//de rnams kyi yon tan gsungs pa so sor spong ba zhes pa la sogs pa'o/ /dpal gsang ba 'dus pa'i sbyor ba yan lag
drug pa zhes bya ba'i 'grel pa slob dpon sangs rgyas ye shes zhabs kyi lugs paN+Di ta smr-i tis mdzad pa rdzogs so/