285b2 /gshin rje gshed la rnam par snang mdzad kyis dbu brgyan pa'o/ /pad+ma mthar byed la ni snang ba mtha' yas kyis dbu brgyan pa'o/ /gzhan thams cad la ni mi bskyod pas dbu brgyan pa'o/ /rdzogs so// //[ ]@##/ /bcom ldan 'das 'jam dpal gzhon
285b3 nur gyur pa la phyag 'tshal lo//bum pa'i dbang bskur dang po ste/ /gnyis pa gsang ba'i dbang bskur ba/ /shes rab ye shes gsum pa ste/ /bzhi pa yang ni de bzhin no/ /zhes bya ba la/ 'dir bzhi pa yang ni de bzhin no zhes bya ba dbang bskur bzhi po yang
285b4 log par bsgrub pa mang po yod pas gzhung rnams mang por 'dod pa'i gzhung ste/dang por bstan nas rang gi 'dod gzhung phyis bstan par bya'o/ /la la ni shes rab dang ye shes kyi rjes thogs la/ byang chub kyi sems myang ba ni bzhi pa yin no zhes zer ro/ /gzhan dag ni
285b5 shes rab ye shes kyi rjes thogs la yang shes pa myang bar bya ba ni bzhi pa yin par 'dod do//yang gzhan dag ni shes rab dang ye shes kyi rjes thogs la slob dpon gyi slob ma la rdo rje nyi ma nub pa dang zhes bya ba la sogs pa'i tshigs su bcad pa'i don go bar bya ba bzhi pa yin
285b6 no zhes zer ro//kha cig ni shes rab dang ye shes kyi rjes la nor bu'i bu ga dang / yang dag par reg pas byang chub kyi sems bcas pas nye bar dmigs pa thams cad las ldog pa ni bzhi pa yin no zer ro/ /la la dag ni shes rab dang ye shes kyi rjes la nor bu'i mthar
285b7 byang chub kyi sems babs pa na dmigs pa'i rtogs pa thams cad dang bral ba ni bzhi pa yin no zhes zer ro//la la ni shes rab dang ye shes kyi rjes la dang po byang chub kyi sems babs pa na nye bar dmigs pa thams cad dang bral ba ni bzhi pa yin no zhes zer ro/ /gzhan dag ni shes
286a1 rab ye shes kyi rjes la nam mkha' dbyings su byang chub kyi sems ma lus par babs pa na btang snyoms kyi skabs ni bzhi pa yin par 'dod do //'di dag thams cad ni dor bar bya'o/ /la la dag shes rab dang ye shes kyi dbang bskur byin pa'i rjes la slob
286a2 ma tshig gis de'i don bstan zhing rjes su gnang ba'i dbang bskur ba ni bzhi pa yin par 'dod do//rjes su gnang ba'i dbang bskur ba'i don du rjes de phyi nas ye shes kyi rjes su gnang ba'i dbang bskur ba yin no/ /bsgrub bya sgrub par yang dag sbyor/ /gang yin de ni bsnyen par
286a3 bshad//rdo rje pad+ma mnyam sbyor ba/ /nye bar bsgrub pa zhes bshad do/ /yi ge hUM dang phaT ldan par/ /bskyed pa bsgrub pa zhes bshad la/ /ngo bo nyid zhi bde ba ni/ /sgrub pa chen po zhes bshad do/ /zhes bya ba rdzogs pa'i rim pa la tshigs su bcad pa 'dis yan lag
286a4 bzhi ji lta ba bzhin du bya ba ni shes rab dang ye shes kyi dbang bskur ba bzhi pa yin no zhes bla ma kha cig kho na 'chad do//sangs rgyas ye shes la sogs pa'i bla ma chen po dag ni/ dbang bskur ba gsum pa ni 'dir de yang de bzhin no zhes gsungs pa'i dbang bskur ba bzhi pa gang ma
286a5 yin te/yang bsgrub par bya ba'i 'bras bu'i ngo bo de kho na nyid bshad pa yin par bzhed do/ /sangs rgyas ye shes kyi zhal snga nas kyi gzhung 'di nyid ni gzung bar bya ste/ nam mkha' dbyings su byang chub kyi sems babs pa dang / mchog tu dga' ba'i bar mtshams su nye bar
286a6 dmigs pa thams cad dang bral ba gang yin pa de ni dbang bskur ba bzhi pa ste/rdo rje 'chang 'dus pa'i ngo bo nyid yin zhing rdzogs pa'i rim pa'i phyogs kyi sgrub pa dang bsgrub par bya ba'i yang dag par sbyor ba'i dus su bcad pa'i don brda sprod par gyur pas dbang bskur ba'i bzhi pa rdo rje
286a7 'chang 'dus pa'i tshul nyid kyis man ngag ston pa yin par blta bar bya'o//dbang bskur ba'i rab tu byed pa ni de ltar bstan pa yin no/ /slob dpon mkhas pa chen po bsod snyoms pa dge slong 'od srungs gzhon nu'i zhal snga nas mdzad pa rdzogs so// //rgya gar gyi
mkhan po ta thA ga ta rak+Shi ta dang /