CLOSE WINDOW

D1897
བོད་ཡིག

/[ ]@##/ /rgya gar skad du/ sA sa na sarba ka sA d+ha na nA ma/ bod skad du/ bstan pa'i nor thams cad pa zhes bya ba'i sgrub pa'i thabs/ dpal 'jam pa'i rdo rje la phyag 'tshal lo/ /sangs rgyas bstan pa bdud rtsi yi/ /rgya mtsho gting mtha' med pa la//nor ldan rnams ni gzhug pa'i phyir/ /go rims bzhin du brjod par bya/ /gau ta ma'i bstan la dad/ /gal te rigs kyi bu 'ongs na/ /dang por gsum la skyabs 'gro sbyin/ /de yi rjes la byang chub sems/ de la 'di ni skyabs su 'gro ba sngon du song ba'i byang chub tu sems bskyed pa'i cho ga'o//dus bzang po la dad pa dang ldan pa'i rigs kyi bus gtsang ba dang gtsang ba'i gos kyis yid du 'ong ba'i sa phyogs su de bzhin gshegs pa'i sku gzugs rab tu mchod nas de'i mdun du dkon mchog gsum dang bla ma la dkyil 'khor rnams byas te/ji ltar srid pa'i me tog la sogs pa'i rab tu sbyin pa sngon du song bas dkon mchog gsum rnams la phyag byas te/ ji ltar de ltar nus pas rab tu mchod nas bla ma mkhas pa snying rje can la yon phul nas me tog snyim pa sngon du 'gro bas zhabs gnyis la gtugs te/pus mo lha nga sa la btsugs pa'am tsog tsog pos thal mo sbyar nas gnas te lan gsum du gsol ba gdab par bya'o/ /dge ba'i bshes gnyen gyis gsum la skyabs su 'gro ba dang / byang chub kyi sems kyang bdag la gsol zhes so//de nas bla mas lhag pa'i bsam pas rab tu zhugs pa'i slob ma la bltas te ci nus pas sbyin par bya'o zhes so/ /khas blangs pa sngon du song bas 'di ltar sbyin par bya'o/ /tshe dang ldan pa khyod kyis 'di skad smros shig /phyogs bcu'i 'jig rten gyi khams na bzhugs pa'i sangs rgyas bcom ldan 'das rnams dang //byang chub sems dpa' sems dpa' chen po rnams dang / slob dpon bdag la dgongs su gsol/ bdag ming 'di zhes bgyi bas gang cung zad lus dang ngag dang yid rnams kyis sangs rgyas dang byang chub sems dpa' pha ma gnyis dang /de las gzhan pa'i sems can gzhan dag la yang brten nas skye ba 'di dang skye ba gzhan dag gam srid pa bar ma rnams su bdag gis sdig pa'i las bgyis pa dang / bgyid du stsal ba dang / rjes su yi rang ba yang rung / de dag thams cad gcig tu bsdus shing mnyam par bzlums te sdom nas sangs rgyas dang byang chub sems dpa' dang slob dpon gyi mdun du mchog tu rab tu bshags par bgyi'o//shes bzhin dran pa na rab tu mi 'chab bo/ /'di ltar lan gsum du'o/ /bdag ming 'di zhes bgyi bas 'di ltar sdig pa bshags nas nyi ma 'di nas bzung ste snying po byang chub la mchis kyi bar du sangs rgyas bcom ldan 'das thugs rje chen po can thams cad mkhyen pa thams cad gzigs pa 'jigs pa mi bzad pa thams cad las 'das pa/skyes bu chen po mi phyed pa'i sku/ bla na med pa'i sku chos kyi sku rkang gnyis rnams kyi mchog sangs rgyas la skyabs su mchi'o//bdag ming 'di zhes bgyi bas 'di ltar sdig pa bshags nas nyi ma 'di nas bzung ste/ byang chub snying po la mchis kyi bar du zhi ba 'dod chags dang bral ba'i mchog chos la skyabs su mchi'o/ /bdag ming 'di zhes bgyi bas 'di ltar sdig pa bshags nas nyi ma 'di nas bzung ste snying po byang chub la mchis kyi bar du tshogs rnams kyi mchog phyir mi ldog pa'i byang chub sems dpa'i dge 'dun la skyabs su mchi'o//bdag ming 'di zhes bgyi ba 'di ltar sdig pa bshags pa dang gsum la skyabs su mchis nas sems can gyi khams mtha' med pa rnams bsgral pa'i ched dang /dbyung ba'i phyir dang 'khor ba'i sdug bsngal las yongs su bskyab pa'i don dang / thams cad mkhyen pa'i ye shes bla na med pa la rab tu gzhag pa'i phyir/ ji ltar 'das pa dang / ma byon pa dang / da ltar byung ba'i byang chub sems dpa' rnams kyis byang chub tu sems bskyed nas sangs rgyas nyid rtogs par gyur pa dang / rtogs par 'gyur ba dang / ji ltar sangs rgyas thams cad sgrib pa dang bral ba'i sangs rgyas kyi ye shes dang sangs rgyas kyi spyan gyis gzigs shing mkhyen pa dang /ji ltar chos rnams kyi chos nyid mkhyen pa'i cho ga des bdag ming 'di zhes bgyi ba/ slob dpon mtshan 'di zhes bya ba'i mdun dang sangs rgyas dang byang chub sems dpa' thams cad kyi mdun du bla na med pa yang dag par rdzogs pa'i byang chub tu sems bskyed par bgyi'o//'di ltar lan gsum du'o/ /de nas gal te 'dod na dge bsnyen gyi sdom pa sbyin no/ /gsum la skyabs su 'gro ba sngon du song ba'i bslab pa lnga 'dzin pa ni dge bsnyen gyi sdom pa'o/ / de yang sngar gsol ba btab pa dang ldan pa skyabs su song ba la 'di ltar sbyin par bya'o/ /tshe dang ldan pa khyod 'di skad smros shig /slob dpon dgongs su gsol/ ji ltar 'phags pa dgra bcom pa de rnams kyis ji srid 'tsho'i bar du tha na srin bu grog ma yang nye bar bzung ste/sems can thams cad la ngo tsha dang snying rje dang ldan pas srog gcod pa spangs pa dang / srog gcod pa las slar log pa dang / dbyug pa spangs pa dang / mtshon cha spangs pa de bzhin du bdag ming 'di zhes bgyi bas kyang tha ma srin bu grog ma yang nye bar bzung ste sems can ngo tsha dang snying rje dang ldan pas srog gcod pa spangs te srog gcod pa las slar log pa dang dbyug pa spang ba dang /mtshon cha spang bar bgyi'o/ /yan lag dang po 'dis 'phags pa dgra bcom pa de rnams kyi bslab pa la rjes su sgrub po rjes su bgyid do/ /gzhan yang slar ji ltar 'phags pa dgra bcom pa de rnams kyis ji srid 'tsho'i bar du ma byin par len pa dang /'dod pas log par g.yem pa dang / brdzun du smra ba dang / 'bru'i chang myos par 'gyur ba'i gnas spangs shing myos par 'gyur ba'i gnas las slar log pa de bzhin du ming 'di zhes bgyi ba nyi ma 'di nas bzung ste/ji srid 'tsho'i bar du ma byin par len pa dang 'dod pas log par g.yem pa dang brdzun du smra ba dang / 'bru'i chang myos par 'gyur ba bag med pa'i gnas spangs shing / 'bru'i gnas las slar log par bgyi'o/ /yan lag lnga pa 'dis 'phags pa dgra bcom pa de dag gi bslab pa la rjes su slob po//rjes su sgrub po/ /rjes su bgyid do/ /bdag slob dpon gyis dge bsnyen du bzung du gsol/ /de bzhin du lan gnyis lan gsum mo/ /de bzhin du gal te gso sbyong len par 'dod na de'i tshe go ma'i sdom pa sbyin par bya'o//skyabs su 'gro ba sngon du song ba'i bslab pa brgyad 'dzin pa ni go ma'i sdom pa'o/ /de yang gsol ba btab pa dang ldan pa gsum la skyabs su 'gro ba sngon du song ba la 'di ltar sbyin par bya'o/ /tshe dang ldan pa khyod kyis 'di skad smros shig bdag ming 'di zhes bgyi ba dus 'di nas bzung ste/ji srid phyis kyi mtshan mo'i nyi ma shar ba la thug pa de srid du/ srog gcod kun dang gzhan gyi nor 'phrog de bzhin mi tshangs spyod/ /phra brdzun dga' ba skyed byed chang dang dus ma yin pa'i zas//phreng ba tshon rtsi glu gar rol pa khri stan chen po dag /bdag ni de ring spong byed dgra bcom zhugs pa'i yon tan brgyad/ /de bzhin du lan gsum mo/ /de nas gzhan yang dge tshul gyi sdom pa dang / dge slong gi sdom pa dang / byang chub sems dpa'i sdom pa dang /sngags kyi tshul rdo rje sems dpa'i sdom pa yang yod de/ de yang sbyor ba ji lta ba bzhin dang / mos pa ji lta ba bzhin dang / skabs ji lta ba bzhin dang / cho ga ji lta ba bzhin du blang bar bya ste/ de 'dir ma bstan te thun mong ma yin pa nyid kyi phyir ro//de la srog gcod pa dang / ma byin pa len pa dang / 'dod pa log par g.yem pa dang / brdzun du smra ba dang / 'bru'i chang dang / bcos pa'i chang dang / bag med pa'i gnas te/ 'di las ldog pa ni dge bsnyen gyi bslab pa'i gnas lnga'o//de bzhin du srog gcod pa dang / ma byin par len pa dang / mi tshangs par spyod pa dang / brdzun du smra ba dang / 'bru'i chang bag med pa'i gnas dang / dus ma yin pa'i zas dang / gar la sogs pa dang / phreng ba la sogs pa dang / khri stan chen po dang / khri stan mthon po dang / gser la sogs pa ste 'di dag spong ba ni dge tshul gyi bslab pa'i gnas bcu'o/ /de bzhin pham pa rnams dang / dge 'dun gyi lhag ma rnams dang / so sor bshags par bya ba dang / nyes byas rnams de ltung ba sde lnga ni dge slong rnams kyi'o/ / pham pa dang / nyes byas te ltung ba de gnyis ni byang chub sems dpa'i sdom can gyi'o/ /pham pa rnams dang dge 'dun gyi lhag ma rnams zhes pa ni rtsa ba'i ltung ba dang / ltung ba sbom po'i sgras brjod de/ ltung ba de gnyis ni rdo rje sems dpa'i sdom pa can gyi'o//de la bla ma la brnyas pa dang / de bzhin gshegs pa'i bka' las 'das pa dang / zhe sdang gis rdo rje spun gyi nyes pa brjod pa dang / byams pa spong ba dang / byang chub kyi sems spong ba dang / theg pa gsum la smod pa dang / yongs su ma smin pa la gsang ba sgrogs pa dang /de bzhin gshegs pa'i bdag nyid phung po lnga la smod pa dang / chos thams cad rang bzhin gyis yongs su dag pa la the tshom za ba dang / sdang ba la byams pa dang / chos thams cad thog ma dang tha mas stong pa la thog ma dang tha mar rtog pa dang / dad pa dang ldan pa'i sems rab tu sun 'byin pa dang /ji ltar rnyed pa'i dam tshig mi bsten pa dang / bud med la smod pa zhes bya ste rtsa ba'i ltung ba bcu bzhi'o/ /de bzhin du stobs kyis rnal 'byor ma len pa dang / stobs kyis de'i byang chub kyi sems len pa dang / gsang ba mi sbed pa dang /dam tshig la rtsod pa dang / dad pa dang ldan pa la chos log par ston pa dang / nyan thos kyi theg pa la zhugs pa dang zhag bdun du lhan cig gnas pa dang rnal 'byor mi shes par rnal 'byor pa de nyid du nga rgyal ba dang / dad pa dang mi ldan pa la chos ston pa zhes pa ste/ltung ba sbom po brgyad do/ /rdo rje sems dpa'i sdom pa la mos nas gnas pa des yongs su kun du spang bar bya'o/ /slar yang gnyis su med pa'i gnas skabs mngon sum du ma byas pa'i gnas skabs su lhan cig skyes pa bsam gyis mi khyab pa'i rnal 'byor la re nas spyod pa ci yang rung nang rul ba'i rma ldan bzhin du phyi rol gyi 'gying gis gnas par mi bya'o//gang zhig rigs mi ldan pa la sogs pas sdom pa gcig kyang nye bar len par mi nus pa des kyang gzhi rnams las gnyis sam gcig kyang rung ba'i bslab pa'i gnas la bslab par bya'o//de yang mi nus na skyabs su 'gro ba sngon du song ba'i byang chub kyi sems tsam 'di la sbyin par bya'o/ /de yang dge bsnyen dang byang chub sems dpa' yang mchog tu skyabs su 'gro ba 'di tsam gyi phyir ro/ /smon pa byang chub kyi sems tsam gyi phyir 'gro ba las rgyal ba la mi dman pa nyid kyi phyir ro//skyabs su 'gro ba dang byang chub kyi sems bskyed pa dang / sdom pa'i cho ga'i rab tu dbye ba ste dang po'o// //lhag pa'i bsam pa la rab tu yang dag par zhugs pa'i byang chub sems dpa' rtag tu bcom ldan 'das kyi mchod pa bya bar 'os pas mchod pa'i cho ga bshad par bya'o//nang par sngar langs nas sam/ ji ltar skabs yod pa yang rung / yid du 'ong ba'i sa phyogs gtsang sbra byas te/ sangs rgyas dang byang chub sems dpa'i sku dang thang ka dang / bu sti rnams dang gzhan yang gang rung khrus bya bar 'os pa 'chad par 'gyur ba'i sngags kyis khrus byas la rma bya'i rlung yab la sogs pas rdul bya bas te/ji ltar rnyed pa'i na bza' dang dri dang rgyan dang me tog la sogs pas rtsa'i rtse mo'i chu'i tshad tsam gyis kyang 'chad par 'gyur ba'i sngags kyis byin gyis brlabs la rab tu mchod par bya'o//de la 'di ni khrus kyi sngags te/ oM AHoM sarba ta thA ga ta a b+hi She ka sa ma ya shri ye hUM hUM/ de bzhin du na bza' la sogs pa'i sngags ni/ oM AHoM badzra was+t+ra ye swA hA hUM/ oM AHoM badzra sa ma laM b+ha ne swA hA hU~M/oM AHoM badzra a laM ka re swA hA hU~M/ oM AHoM badzra puSh+pe swA hA hU~M/ de bzhin du gzhan yang spos la sogs pa dag de kho na nyid gsum po 'di nyid kyis rim pas nang du bcug la rol bar bya'o/ /de bas na sku la sogs pa de rnams kyi mdun du'o//sku la sogs pa med na phyogs bcu dus gsum du byung ba'i sangs rgyas dang byang chub sems dpa' rnams la dmigs la gang cung zad 'chad par 'gyur ba'i sngags kyis byin gyis brlabs pa la lci ba la sogs pa'i dkyil 'khor bya ste/ 'chad par 'gyur ba'i sngags kyis dkyil 'khor byin gyis brlabs so//de la 'di ni sa gzhi byin gyis brlab pa'i sngags te/ oM AHoM badzra b+hU mi swA hA hU~M/ de bzhin du dkyil 'khor byin gyis brlab pa'i sngags ni/ oM AHoM badzra re khe swA hA hU~M/ de bzhin du ar+g+ha'i sngags ni/ oM AHmaM pra ba ra sat+ka ra ar+g+haM pra tIts+tsha swA hA hUM/ de la yang dkyil 'khor ba'i rang gi snying ga na gnas pa'i dbyangs yig dang po dkar po yongs su gyur pa'i nang zla ba'i dkyil 'khor gyi dbus su gnas pa gur gum ltar dmar ba'i maM yig gi sa bon las 'od zer 'phros pas thog ma med pa nas grub pa'i ye shes kyi dkyil 'khor gyi bdag nyid 'jam dpal rdo rje gtso bor gyur pa'i dpal gsang ba 'dus pa'i dkyil 'khor gyi 'khor lo bkug ste/der gnas pa de rnams kyi gnas dang mtshan dang kha dog dang phyag mtshan dang /sa bon rnams mngon du bya'o/ /de la rtsa ba gcig la yal ga bcu dgu pa'i sna tshogs pad+ma la mgon po dang bcas pa'i lha rnams kyi gnas rin po che sna bdun gyi rang bzhin rnam par bkra ba'i gzhal yas khang gi dbus su pad+ma dang zla ba'i dkyil 'khor la 'jam dpal rdo rje gur gum ltar dmar ba ral gri nag po dang mda' dmar po dang ut+pal sngon po dang gzhu dmar po 'dzin pa gur gum dmar po lta bu'i maM yig ni sa bon no//de'i dbu la mi bskyod pa nag po rdo rje rtse lnga pa nag po 'dzin pa hUM yig nag po ni sa bon no//mdun du rnam par snang mdzad dkar po 'khor lo dkar po rtsibs brgyad pa 'dzin pa b+h+rUM yig dkar po ni sa bon no/ /g.yas su rin chen 'byung ldan ser po pad+ma rA ga ltar rin po che zur dgu pa ljang gu 'dzin pa AM yig ser po ni sa bon no/ /nub phyogs snang ba mtha' yas dmar po pad+ma 'dzin pa dzrIM yig dmar po ni sa bon no//byang phyogs su don yod grub pa ljang gu ral gri nag po 'dzin pa khaM yig ljang gu ni sa bon no/ /me'i mtshams su ni spyan ma dkar mo 'khor lo dkar po 'dzin pa laM yig dkar po'i sa bon no//srin po'i mtshams su mA ma kI nag mo ut+pal dmar po 'dzin pa maM yig nag po ni sa bon no/ /rlung gi mtshams su gos dkar mo dmar mo pad+ma dmar po 'dzin pa paM yig dmar po ni sa bon no/ /dbang ldan gyi mtshams su sgrol ma ser mo ut+pal 'dzin pa tAM yig ser po ni sa bon no//phyi'i me'i mtshams su gzugs rdo rje ma dkar mo me long dkar po 'dzin pa dzaHdkar po ni sa bon no/ /srin po'i mtshams su sgra rdo rje ma nag mo pi wang nag po 'dzin pa hUM yig nag po ni sa bon no/ /rlung gi mtshams su dri rdo rje ma ser mo dri chu ser mos bkang ba'i dung phor 'dzin pa baM yig ser po ni sa bon no//dbang ldan gyi mtshams su ro rdo rje ma dmar mo ro dmar pos bkang ba'i snod dkar po 'dzin pa hoHyig dmar po ni sa bon no/ /shar phyogs kyi sgo'i byang gi rtsa ru chos kyi dbyings reg rdo rje ma ljang gu gos sna tshogs 'dzin pa khaM yig ljang gu ni sa bon no//lho'i sgo'i rtsa ru chos kyi dbyings kyi rdo rje ma chos 'byung dkar po 'dzin pa raM yig dkar po ni sa bon no/ /shar sgo ru gshin rje mthar byed nag po 'jigs pa rdo rje tho ba nag po 'dzin pa hUM yig nag po ni sa bon no/ / lho sgo ru shes rab mthar byed dkar po rdo rje rtse lnga pa nag pos mtshan pa'i dbyig pa dkar po ni sa bon no/ /nub sgo ru pad+ma mthar byed dmar mo 'jigs pa pad+ma dmar po 'dzin pa hUM yig dmar po ni sa bon no/ /byang sgo ru bgegs mthar byed nag po 'jigs pa rdo rje nag po rtse lnga pa 'dzin pa hUM yig nag po ni sa bon no//bsrung ba'i 'khor lo rtsibs bcu pa 'khor lo kha dog ser po'i shar dang lho dang nub dang byang gi rtsibs kyi dbus rnams su gshin rje mthar byed la sogs pa 'di dag nyid do/ /me'i mtshams kyi rtsibs kyi mtshams na 'dod pa'i rgyal po mdzes pa nag po lcags kyu nag po 'dzin pa hUM yig nag po ni sa bon no//srin po'i mtshams kyi rtsibs kyi dbus su dbyug pa sngon po 'jigs pa nag po dbyug pa nag po 'dzin pa/ hU~M yig nag po ni sa bon no/ /rlung gi mtshams kyi rtsibs kyi dbus su stobs po che 'jigs pa nag po rtse gsum nag po 'dzin pa hU~M yig nag po ni sa bon no//dbang ldan gyi mtshams kyi rtsibs kyi dbus su mi g.yo ba nag po mdzes pa byis pa'i cha byad can spyan yo ba nag po ral gri nag po 'dzin pa hU~M yig nag po ni sa bon no/ / steng gi rtsibs kyi dbus su gtsug tor 'khor los sgyur ba mdzes pa ser po 'khor lo rtsibs brgyad pa ser po 'dzin pa 'khor lo ser po 'bar bas yongs su bskor ba bruM yig ser po ni sa bon no/ /'og gi rtsibs kyi dbus su gnod mdzes rgyal po mdzes pa sku mdog nag po rdo rje rtse lnga pa nag po 'dzin pa hUM yig nag po ni sa bon no//'khor lo'i lte ba'i dbus su rdo rje hUM mdzad mdzes pa nag po chos 'byung ba dkar po bskyed pa ste sa bon no/ /rdo rje nag po rtse lnga pa dang / ral gri nag po dang / lcags kyu nag po dang / zhags pa nag po 'dzin pa zhabs g.yon pa dang g.yas pa gnyis kyis u ma'i nu ma'i bum pa dang /bde byed kyi rna ba g.yon pa mnan pa ste/ hU~M yig nag po ni sa bon no/ /mdor bsdus pa 'di dran par byas la mchod par bya'o/ /gal te mngon par brtson pa yod na gzhan 'di yang dran par bya'o//'jam pa'i rdo rje la sogs pa thams cad 'di ltar shes par bya ste/ zhal gsum phyag drug pa rang rang gi gzugs kyi rdul phra rab las yongs su bsgrub pa'i gzugs can rnams ye shes sems dpa'i snying gi sa bon las byung ba rang rang gi dkyil 'khor gyi 'khor lo spros pas sems can gyi don byed pa dang /rgyan thams cad 'dzin pa dang / rin po che'i dbu rgyan dang / rdo rje'i skyil mo krung dang / phyag gnyis gtso bo gnyis kyis rang 'od kyi rig ma la 'khyud pa/ mdzes pa'i ma mchu 'dzin pa/ lhag ma'i phyag gtso bo rnams kyi phyag mtshan ral gri nag po dang /rin po che mar gad ljang gu zur dgu pa dang / pad+ma dmar po 'dab ma brgyad pa 'dzin pa'o/ /ral gri dang rin po che dang pad+ma rnams dang / gzhan gyi yang phyag mtshan gtso bo'i gnas su 'khor lo rtsibs brgyad pa'o/ /mi g.yo ba ni de'i gnas su rdo rje nag po rtse lnga pa'o//thams cad kyi yang g.yas dang g.yon gyi zhal ni sngon po dang dkar po ste/ dkar po rnams kyi ni sngon po dang dmar po'o/ /sngon po rnams kyi ni dkar po dang dmar po'o/ /khro bo ma gtogs pa thams cad shin tu sgeg pa 'bar ba yid du 'ong ba'i gzugs can no//de bzhin gshegs pa rnams rdo rje sems dpa' dang / rang 'od mdzes ma ma gtogs ni ral pa'i thor tshugs can no/ /rnam par snang mdzad dang / rdo rje sems dpa' ma gtogs pa'i de bzhin gshegs pa thams cad dang / khro bo rnams kyi ni nyi ma'i 'od dang nyi ma'i gdan rnams so/ /khro bo thams cad g.yon brkyang ngo / /khro bo 'jigs pa rnams ni thung ba gsus pa 'phyang ba smin ma dang sma ra dang skra gyen du 'greng ba rnams so/ /klu mtha' yas shin tu sngo bas mgo la bcing ba dang 'jog po dmar pos rna ba'i 'dab ma brgyan pa dang /dkar po pad+ma chen pos rgyan do shal byas pa dang / ljang gu ka rko Ta sa tshangs pa'i skud pa dang / ser po dung skyong gis gdu bu byas pa dang / kha dog sna tshogs rigs ldan gyis legs par mdzes pa'i dpung rgyan dang / pad+ma skya bo lta bu nor ldan gyis ska rags spras pa dang /pad+ma'i yu ba skya bo lta bu'i pad+ma rkang rgyan byas pa dang / stag gi pags pa'i gos 'dzin pa dang / lce 'dril ba dang / gdong 'jigs pa dang / bzhad pa'i gad rgyangs dang / dpral ba'i dbyes la khro gnyer dang / spyan zlum po cung zad dmar ba rnams so//khro bo mdzes pa rnams ni khro ba'i gzugs dang / khro gnyer cung zad dang rgyan thams cad 'dzin pa dang rin po che'i dbu rgyan can te sma ra med pa'o/ /dpal 'jam pa'i rdo rje dang / rnam par snang mdzad dang / rin chen 'byung ldan dang / snang ba mtha' yas dang /don yod grub pa dang / mA ma kI dang / sgra rdo rje dang / shes rab mthar byed dang / bgegs mthar byed dang / srung ba'i 'khor lo la gnas pa'i bgegs mthar byed dang / shes rab mthar byed dang / 'dod pa'i rgyal po dang / dbyug pa sngon po dang / stobs po che dang /mi g.yo ba dang / gtsug tor 'khor los sgyur ba dang / gnod mdzes rgyal po dang / rdo rje hU~M mdzad rnams kyi rigs kyi bdag po ni mi bskyod pa'o/ /mi bskyod pa dang chos kyi dbyings kyi rdo rje ma gnyis kyi rigs kyi bdag po rdo rje sems dpa'o/ / spyan ma dang gzugs rdo rje ma dang / gshin rje mthar byed dang / srung ba'i 'khor lo la gnas pa'i gshin rje mthar byed rnams kyi bdag po ni rnam par snang mdzad do/ /gos dkar mo dang / ro rdo rje ma dang / pad+ma mthar byed dang / srung ba'i 'khor lo la gnas pa'i pad+ma mthar byed rnams kyi bdag po ni snang ba mtha' yas so//sgrol ma dang reg rdo rje ma gnyis kyi bdag po ni don yod grub pa'o/ /dri rdo rje ma'i bdag po ni rin chen 'byung ldan no/ /dkyil 'khor thams cad kyi bdag po la zhal bltas pa'o/ /rnam par spros pa 'di dran par byas la man ngag ji lta ba bzhin du zhabs bsil dang zhal bsil ba dang /ar+g+haM phul la dril bu dkrol te/ rang rang gi sa bon de kho na nyid gsum gyi nang du bcug la mngon par bsngags te/ gnas ji lta ba bzhin du me tog la sogs pa dbul bar bya'o/ /de nas phyi'i sku la sogs pa dang / gsang ba'i mchod pa ye shes kyi dkyil 'khor la yang dril bu dkrol ba dang bcas pas/oM AHoM badzra d+hU pe swA hA hU~M/ 'di la sogs pa sngar bstan pa'i sngags kyis ji ltar rnyed pa'i spos dang / mar me dang dri dang lha bshos la sogs pa nye bar bstabs la rang gi snying gnas byung ba'i bla na med pa'i mthar thug pa zag pa dang bral ba'i gzugs dang sgra dang dri dang ro dang reg bya la thug pa'i rab tu dbye bas 'dod pa'i yon tan lngas mchod par bya ste/'di ni phyi'i mchod pa'o/ /gsang ba'i mchod pa ni man ngag ji lta ba bzhin du khong du chud par bya'o/ / de nas mchod par bya ba dang mchod par byed pa dang / mchod pa dang / phyag bya ba dang / phyag byed pa dang / phyag dang / bshags par bya ba dang / bshags par byed pa dang / bshags pa la sogs pa stong pa nyid dang / mtshan ma med pa dang / rang bzhin gyis 'od gsal bar bsgom par bya'o//bla na med pa'i mchod pa bdun po gsal bar byed pa'i tshigs su bcad pa gcig pu 'di ni sngon du byas la lhag pa'i bsam pas gdon par bya'o/ /sdig pa thams cad bdag gis bshags bgyi mchog tu dga' bas dge ba rnams la rjes yi rang / /bcom ldan 'das kyis dam pa'i chos la yang ni skye ba ji srid gnas par gsol ba 'debs//dkon mchog gsum la skyabs su mchi bar khas 'ches yid ni byang chub mchog tu sems bskyed bgyi/ /de yi lam la yang dag gnas bgyi dge ba'i cho ga byang chub mchog tu bsngo bar bgyi//'di ni rab tu rtogs pa'i mchod pa'o/ /de nas mi bskyod rdo rje zhes bya ba la sogs pa tshigs su bcad pa lnga dang mngon par 'dod pa'i bstod pa gzhan yang rung bas bstod la phyag byas te/ bskor ba byas la slar yang phyag byas te/ nye bar 'dug nas ji lta ba bzhin du gsang ba 'dus pa'i sngags sam/gzhan gang yang rung bas bcom ldan 'das dzaM b+ha la chu dang / 'byung po thams cad la gtor ma dang / yi dwags rnams la yang chu sbyin par bya'o/ /de la oM AHdzaM d+ha naM me de hi hU~M dzaM b+ha la la chu sbyin pa'i sngags so/ / oM AHoM a kA ro mu khaM sarba d+har+m+ma NAM Ad+ya nut+pan+na twAta oM AHhU~M phaT swA hA hU~M/ mdor bsdus pa'i gtor ma'i sngags so/ /oM AHoM dza la mi taM sarba pre te b+h+ya swA hA hU~M/ yi dwags rnams la chu sbyin pa'i sngags so/ /de nas stan bde ba la 'dug ste/ shes rab kyi pha rol tu phyin pa la sogs pa mngon par 'dod pa'i dam pa'i chos bklag par bya'o//yang na 'khor lo'i bzlas pa bya'o/ /mtha' ru mngon par 'dod pa'i smon lam btab nas/ /oM khyed kyis sems can don kun mdzad/ /ji ltar 'dod pa'i dngos grub stsol/ /sangs rgyas yul du gshegs mdzod la//slar yang 'di ru gshegs su gsol/ /muHsngags 'dis dril bu'i sgra sngon du song bas ye shes kyi dkyil 'khor gshegs su gsol nas bde bar gnas par bya'o/ /de bzhin du rdo rje 'jigs byed dang / gshin rje gshed nag po la sogs pa dang / de bzhin du dgyes pa'i rdo rje dang /'khor lo sdom pa dang / sgyu 'phrul chen mo la sogs pa dang / de bzhin du dpa' bo gcig sgrub pa dang / brtan pa'i 'khor lo dang / a ra pa tsa na dang / ku ru kul+le la sogs pa dang / de bzhin du khaR+sa pA Ni dang / seng ldeng nags tshal la sogs pa yang ji ltar mos pa ji ltar thob pa spyan drangs la rab tu mchod de gshegs su gsol lo//dro'i gnas su gtor ma dang bshos gtsang dang / sdom chang gsum dang / phud dang lhag ma'i khams rnams te rab tu sbyin pa lnga cis kyang sbyin par bya'o/ /de la sngar bstan pa'i sngags kyis 'byung po thams cad la gtor ma sbyin no//oM AHoM badzra nai bi d+ya bud+d+ha d+har+m+mA saM g+he b+h+yaHswA hA hU~M/ sngags 'dis/ sangs rgyas dang chos dang dge 'dun la bshos gtsang dbul lo/ /oM AHoM ha rI t+ye swAhA hU~M/ 'dis 'phrog ma la sdom chang gsum sbyin par bya'o//de kho na nyid gsum gyi nang du bcug pa'i rang gi sa bon gyi rang bdag po'i lha la zas phud dbul bar bya'o/ /oM AHoM uts+tshiSh+Tha paN+Di a sa ne b+h+yaHswAhA hU~M/ 'dis lhag ma'i khaM sbyin par bya'o/ /'di ni mchod pa'i cho ga ste gnyis pa'o// //de nas bla ma bsten pa dang / sems can bsten pa dang / 'gro ba drug gi tshig le'ur byas pa dang / byang chub sems dpa'i spyod pa la 'jug pa la sogs pa dang / de bzhin du byang chub sems dpa' rnam pa lnga dang / sgrub thabs kun las btus pa dang / dpa' bo gcig sgrub pa dang / dbang sngon du 'gro ba'i dbang gi rab tu byed pa dang dkyil 'khor gyi cho ga dang /dpal gsang ba 'dus pa la sogs pa rgyud kyi rgyal po rnams mnyan la shes rab dang snying rje dang shin tu yang dag par ldan pas rang bzhin gyi don phun sum tshogs pa'i dpal ldan dkyil 'khor gyi 'khor lo bsgom par bya'o//yon tan gang dang ldan pas byang chub sems dpa' bsgom pa la dbang bar 'gyur ba'i yon tan de rnams bshad par bya ste/ de la lcags kyi khang pa 'bar bar rab tu zhugs pa dang 'dra bar khams gsum pa sdug bsngal gsum gyis gdungs par nges pa dang / snying rje dang byams pa dang dga' ba dang /btang snyoms dang / dkon mchog gsum la skyabs su 'gro ba dang / byang chub tu sems bskyed pa dang / mi dge ba bcu las ldog pa dang / bslab pa'i gnas lnga la sogs pa la zhugs pa dang / chos thams cad la rmi lam la sogs pa lta bur mos pa dang /bden pa dang dkon mchog dang las kyi 'bras bu la mngon par yid ches pa'i mtshan nyid kyi dad pa dang gson po'i de nyid sems can gyi don byed pa gcig pu dang / gcig tu dkon mchog gsum la dga' ba dang / byang chub par rings pa dang / the tshom med pa dang / zhen pa med pa dang / 'chad par 'gyur ba'i gnas rnam pa lnga yongs su shes pa dang / pha rol tu phyin pa bcu sbyang ba la gcig tu dga' ba rnams ni yon tan no/ /tha na yon tan gyi bye brag khyad par can bco brgyad dang ldan pa'i byang chub sems dpa' pha rol tu phyin pa'i tshul gyis mngon par byang chub pa la dbang yod pa de bzhin du thabs dang shes rab gnyis su med pa zab mo'i tshul la lhag par mos pa dang /gsang ba 'dus pa'i cho gas chu'i dbang dang / dbu rgyan dang / rdo rje dang / dril bu dang / ming dang / bum pa dang / gsang ba dang / shes rab ye shes dang / dbang bzhi pa dang / brtul zhugs dang / lung bstan dang / dbugs dbyung ba dang / rjes su snang ba dang / bla ma bsten pa dang / sems can bsten pa dang / ltung ba sbom po dang / rtsa ba'i ltung ba yongs su spong ba rnams so//tha na yon tan bye brag can sum cu drug dang ldan pa mchog tu zab cing rgya che ba'i chos la rab tu zhugs pa rdo rje sems dpa'i sdom pa 'dzin pa'i byang chub sems dpa' chen po dpal gsang ba 'dus pa la sogs pa'i bcom ldan 'das kyi bsgom pa'i snod yin no zhes pa'o//snod kyi cho ga ste gsum pa'o// //da ni bsgom pa'i cho ga brjod de sngon du bstan pa'i cho gas bsgom pa'i bdag por gyur pa'i rnal 'byor pa tho rangs kyi thun mtshams su gnyid rab tu sad pa ni lha mo'i glu'i sgras rab tu sangs par lhag par mos par bya ste/ rang gi snying gar dbyangs yig dang po dkar po yongs su gyur pa'i zla ba'i dkyil 'khor gyi dbus su ji srid du nam mkha' khyab pa'i 'od dang ldan pa'i maM yig gur gum lta bu'i mdog gyen du 'greng ba 'od zer 'phro ba bsgoms nas ngo la sogs pa bkru bar bya'o/ /de nas zla ba dang nyi ma dang chu dang sman dang dri rnams kyis nye bar byugs la me tog gis rnam par nye bar brgyan te/yid du 'ong ba'i sa phyogs su stan bde ba la rdo rje skyil krung gis 'dug pa'o/ /de mi nus na yid kyis de ltar thams cad bsam pa'am/ gang dang gang du de dang der ji ltar bde bar 'dug nas sdug bsngal gsum gyis sdug bsngal ba'i 'gro ba rnams la tshangs pa'i gnas bzhi bsgom par bya'o//de la lan du phan 'dogs pa la sogs pa la mi ltos par 'khor ba dang de'i rgyu las 'gro ba rnams nye bar gdon pa'i bsam pa ni snying rje'o/ / sems can rnams sangs rgyas nyid dang de'i rgyu mthun pa nye bar sbyor bar byed pa'i bsam pa ni byams pa'o/ /ji ltar bstan pa'i 'gro ba'i don bya ba la sangs rgyas nyid mnyam pa med pa'i thabs la nges par 'dzin pa'i bar du dga' ba ni dga' ba'o/ /sangs rgyas nyid bsgrub pa la bsod nams dang ye shes kyi tshogs kyi bdag nyid la 'jug pa dang /de'i 'jig rten gyi bya ba'i chos brgyad la sogs pa mtha' dag skabs ma yin pa'i bya ba la mi ltos pa ni btang snyoms so/ /de nas snying ga'i zla ba'i sa bon gyi 'od zer gyis bskul nas snying rje chen pos phyogs bcu dus gsum na bzhugs pa'i bla ma dang /sangs rgyas dang byang chub sems dpa' rnams til gyi gang bu bzhin du kun du bar mtshams med par nam mkha'i dbyings thams cad du mngon par khyab pa'i 'jam dpal rdo rje'i sku rnal 'byor pa la phan pa'i ched du nye bar gnas par dmigs la zhabs bsil dang zhal bsil dang mchod yon rnams phul la phyi dang nang dang sgrub pa'i mchod pa rnams kyis mchod par bya'o//oM yig yongs su gyur pa'i pad+ma'i snod rin po che sna bdun gyi rang bzhin gyi man 'ji'i steng du bzhag la bdud rtsi rnam pa lnga dang brtson 'grus lnga rnams bruM la sogs pa'i sa bon gyis byin gyis brlabs par bltas na de kho na nyid gsum gyis byin gyis brlab pa'i bla na med pa'i chu dang me tog rnams rab tu bsang ba dang /rang gi sa bon de kho na nyid gsum gyi nang du smos pas zhabs bsil dang zhal bsil dang mchod yon rnams phul nas thugs ka'i sa bon las spros pa'i rin po che sna bdun la sogs pas ji srid du rab tu phye bas bla na med pa'i 'dod pa'i yon tan lnga rnams kyis so sor mchod pa byed pa zhes bya ba ni phyi'i mchod pa'o//de nas spyan ma la sogs pa dpag tu med pa rnams kyis so sor dkyil 'khor gyi bdag po dang /dkyil 'khor pa rnams la ji srid du thim ste/ de rnams la mchod pa byed pa zhes bya ba ni gsang ba'i mchod pa'o/ /de nas bcom ldan 'das kyi grangs kyi bdag nyid kyi dngos po rnams mngon par sprul pa yid kyis bstod la snyim pa me tog gis bkang ba sngon du 'gro bas phyag 'tshal te bla na med pa'i mchod pa'i cho ga bdun po brjod la tshigs su bcad pa'i don mngon sum du lhag pa'i bsam pas brjod de/sdig pa thams cad bdag gis bshags par bgyi'o/ /mchog tu dga' bas dge ba rnams la rjes yi rang //bcom ldan 'das kyis dam pa'i chos la yang ni skye ba ji srid gnas par gsol ba 'debs/ /dkon mchog gsum la skyabs su mchi bar khas 'che yid ni byang chub mchog tu sems bskyed bgyi/ /de yi lam la yang dag gnas bgyi dge ba'i cho ga byang chub mchog tu bsngo bar bgyi//zhes bya ba ni sgrub pa'i mchod pa'o/ /de nas rab tu dgyes par spyan gzigs te gang dang gang du gshegs pa'i de bzhin gshegs pa rnams la de bzhin du yang ji srid nam mkha'i khams su rgyun mi chad par 'di rnams la bdag gis mchod pa rnam pa gsum gyis lhag par mos par byas nas mthar gshegs su gsol bar bya'o//de nas bdag dpal 'jam pa'i rdo rjer gyur nas 'khor ba'i rgya mtshor gnas pa'i sems can 'di rnams bla na med pa'i chos bstan pa'i gzings kyis dpal gsang ba 'dus pa rin po che'i gling la nye bar gzhag par bya'o zhes smon pa byang chub kyi sems rnam par bsgom zhing /'jug pa byang chub kyi sems kyi rang bzhin rnam par thar pa'i sgo gsum bsgom par bya'o/ /stong pa ni lus dang longs spyod dang gnas la sogs pa'i rnam pa dang /sangs rgyas dang byang chub sems dpa' dang / rang sangs rgyas dang / nyan thos dang slob pa dang mi slob pa dang / so so'i skye bo'i tshogs kyis bdag nyid rgyu ba dang mi rgyu ba sna tshogs pa 'di rnams don dam par gzung ba dang 'dzin pa'i rang bzhin bdag med pa'i phyir ro//mtshan ma med pa ni don dam par rgyu med pa'i phyir ro/ /smon pa med pa ni don dam pa'i rang bzhin shin tu lhag pa'i 'bras bu med pa'i phyir ro/ /sems can so so don dam par rang bzhin gyis 'od gsal ba gzung ba dang 'dzin pa med pa rgyu dang 'bras bu med pa ji srid snang ba'i mthar thug pa'i rnam pa sna tshogs pa rnams gnyis su med pa tsam du 'dod pa'i phyir ro//de bas na so so'i rnam pa gnyis su med pa tsam gyi bdag nyid sna tshogs pa'i chos can rnams gzung ba dang 'dzin pa dang rgyu dang 'bras bu la sogs pa mtha' dag tu rtog pas stong pa nyid kyi de kho na nyid do//'dir yang de ltar 'dod pa'i rtog pa rnams stong pa nyid de ji ltar lhag pa'i bsam pa dngos po med pas phung po'i tshogs rnams rtag pa dang rgyun mi 'chad pa dang / mi phyed pa ni chos kyi skur brjod do/ /'di nyid stong pa nyid kyi sngags 'dis brtan par bya ste/oM shU n+ya tA dz+nyA na badzra swA b+hA ba At+ma kou0f85haM/ zhes bya'o/ /de nas kun rdzob tu rgyu dang 'bras bu'i dngos po la brten nas lus dang longs spyod dang gnas la sogs pa'i rnam pa'i rang gi sems kyi rgyud yongs su gyur pa las nam mkha' la oM yig dmar po'o/ /de yongs su gyur pa l as nyi ma'i dkyil 'khor dmar po'o//de'i steng du hU~M yig nag po mgo gyen du bltas pa de yongs su gyur pa las rdo rje nag po rtse lnga pa gyen du bsgreng bar gnas pa'o/ /de'i lte ba la nyi ma'i dkyil 'khor gyi gnas su hU~M yig de nyid rnam par bsgom par bya'o/ /de nas hU~M yig las thams cad spros pa'i rdo rje rtse lnga pa nag po nas kyi 'bru tsam gyi rang bzhin gyi 'od zer rnams yongs su gyur pa las ji ltar 'dod pa'i rdo rje'i rang bzhin gyi sa gzhi dang /logs su gyur pas rdo rje'i ra ba dang steng du gyur pas rdo rje'i gur rnam par bsgom zhing hU~M yig zad pa las rdo rje la sogs pa med par rnam par bsam pa dang /rdo rje'i rang bzhin gyi sa gzhi'i 'og tu de las lhag par laM yig ser po yongs su gyur pa las sa'i dkyil 'khor rdo rje rtse gsum pas mtshan pa dang / de'i 'og tu yang du ba lta bu yaM yig yongs su gyur pa las chu dang zheng du grangs med pa'i rlung gi dkyil 'khor gzhu bdungs pa lta bu mtha' gnyis rlung gis bskyod pa dang ldan pa'i rgyal mtshan sngon po gnyis kyis mtshan pa dang /de'i yang steng du rdo rje ra bas bskor ba'i shin tu ring bar raM yig dmar po yongs su gyur pa las me'i dkyil 'khor gru gsum pa dpangs su rdo rje ra ba'i mthar thug par 'bar ba dang /rdo rje gur gyi steng du baM yig dkar po yongs su gyur pa las chu'i dkyil 'khor bum pas mtshan pa dba' rlabs kyis bskyod pa me'i dkyil 'khor 'bar ba'i mthar thug par gnas par bsgom par bya'o/ /rdo rje'i rang bzhin gyi sa gzhi la sogs pa'i dbus su logs la ma reg par nam mkha' bar snang la gshin rje gshed la sogs pa khro bo bcu gcig lhag par gnas pa 'khor lo ser po rtsibs bcu pa myur du 'khor ba'i srung ba'i 'khor lo man ngag ji lta ba bzhin du rnam par bsgom par bya'o//de yang gshin rje gshed la sogs pa dang /'jam pa'i rdo rje la sogs pa 'chad par 'gyur ba'i bcom ldan 'das thams cad nyid mchod pa'i cho gar bkod pa bzhin du phyag dang zhal dang kha dog dang dbyibs la sogs pa rnal 'byor pas blta bar bya'o/ /bsgom pa'i cho gar yang gnas de dang der 'di rnams mchog tu gzung bar bya'o//nga rgyal dang bcas pa'i sngon du bstan pa'i srung ba'i 'khor lo skad cig tsam gyis rnam par bsgoms nas sna tshogs pa'i bdag nyid rnams bgegs med par myur bar lhag par mos par bya'o/ /dpal ldan rdo rje hU~M mdzad yongs su gyur pa las chos kyi 'byung gnas kyi phyag rgya nam mkha' gru gsum pa kha dog dkar po grwa gnyis steng du bltas pa nang yangs pa rnam pa sna tshogs pa'i 'od zer gyi tshogs kyis phyogs mtha' dag gsal bar byed pa'i 'khor lo bsgom par bya'o// de'i dbus su nam mkha' la sna tshogs pad+ma de'i steng du sna tshogs rdo rje rnam par bsgom par bya'o/ /de'i lte ba ji srid du 'dod par rab tu yangs par zla ba'i dkyil 'khor gyi dbus su bruM yig dkar po rnam par bsgoms la de yongs su gyur pa las 'khor lo dkar po rtsibs bcu gnyis pa'o//de'i lte ba la zla ba la gnas pa'i bruM yig go /de las sprul pas 'gro ba thams cad rnam par snang mdzad du byas te/ de rnams slar de nyid du thim par bsgoms la/ bruM yig dang 'khor lo yongs su gyur pa las 'chad par 'gyur ba'i mtshan nyid dang ldan pa 'khor lo dkar po rtsibs bcu gnyis pa 'dzin pa rig ma dang ldan pa'i bcom ldan 'das rnam par snang mdzad bsgom par bya'o//de yongs su gyur pa las byang chub kyi phyogs kyi chos sum cu rtsa bdun gyi yon tan yang dag par rtsom pa ste/ gru bzhi dang sgo bzhi dang rta babs bzhi dang yang dag par ldan pa dang /khyams bzhis yongs su bskor ba/ khyams bzhi la gnas pa'i mchod pa rnam pa sna tshogs pas phyag 'brel ba'i lha mo'i tshogs dpag tu med pa rnams dang / rin po che khyad par med pa'i rgyan rnam pa sna tshogs pas brgyan pa/ ji ltar legs par gnas pa'i rlung gis bskyod pa'i rgyal mtshan gyi dar dpyangs kyi mthar gnas pa'i dril bu'i sgras phyogs thams cad du 'khor bar 'khrol ba/shin tu dri ma med pas me long bzhin du sna tshogs pas 'phel ba'i mthar thug pa'i gzugs brnyan dang / dra ba dang dra ba phyed pa dang / zla ba dang nyi ma dang me long dang / me tog phreng ba dang / rnga yab me tog gi rnam pa la sogs pas nye bar brgyan pa dang / 'khor lo la sogs pas brgyan pa'i ka ba brgyad kyis nye bar brgyan pa'i steng du rdo rje phreng ba zlum pos yongs su bskor ba dang / bla na med pa dang zag pa med pa dang gzhal du med pa'i 'dod pa'i yon tan lngas yongs su gang ba dang /mchod pa lngas brgyan pa dang / bum pa brgyad kyis nye bar brgyan pa dang / rin po che kha dog lnga'i rtsig pas yongs su bskor ba dang / steng du rin po che yis phub pa dang / rin po che sna bdun gyi rang bzhin gyi gtsang khang byur bus brgyan par byas pa/rtsa ba gcig la 'dab ma bcu dgu pa zla ba dang nyi ma dang sna tshogs pad+ma dang bcas pas brgyan pa'i lha'i gnas dang / rin po che kha dog lngas yongs su rdzogs pa dang / yan lag so so las 'phro zhing 'jug pa'i de bzhin gshegs pa rnams spros pas 'gro ba'i don byed pa dang /rnam pa sna tshogs pa gnyis su med pa'i yid kyi rol pa'i rang bzhin mnyam pa med pa dpal ldan gzhal yas khang par rnam par bsgom par bya'o/ /de la de'i dbus su zla ba'i dkyil 'khor gyi steng du a yig la sogs pa dkar po mgo gyen du 'greng ba'i dbyangs yig bcu drug lugs dang mthun pa dang /lugs dang mi mthun pa dag gi 'od zer gyis thog ma med pa nas grub pa'i de bzhin gshegs pa'i yan lag las mar me lta bur bkug la skyes bu chen po'i mtshan sum cu rtsa gnyis rnam par bsgoms la de yongs su gyur pa las zla ba'i dkyil 'khor gyi steng du nam mkha' la sor gcig gis 'phags pa zla ba'i dkyil 'khor rnam par bsgoms la/oM tsit+ta pra ti be d+ha naM ka ro mi zhes bya ba'i sngags kyis mngon par bsngags te/ shes rab chen po'i rang bzhin du lhag par mos par bya'o//de nas de'i steng du mthar gnas pa'i wa yig dang k+Sha yig spangs pa'i ka la sogs pa gsal byed sum cu rtsa gnyis rnams lugs dang mthun pa dang / yang de nyid lugs dang mi mthun pa dag gis phreng ba'i dbus su yang a yig la sogs pa'i dbyangs yig bcu drug lugs dang mthun pa'o//gsal byed de rnams dang dbyangs yig rnams dkar po mgo gyen du 'greng ba rnams kyis sngon bzhin du bkug la dpe byad bzang po brgyad cu rnams rnam par bsgoms te/ de yongs su gyur pa las de'i steng du nam mkha' la sor drug gcig gis 'phags par ni zla ba'i dkyil 'khor gnyis pa rnam par bsgoms la/oM bo d+hi tsit+ta ut+pA da yA mi zhes bya ba'i sngags te/ snying rje chen po'i rang bzhin du lhag par mos par bya'o/ /de nas zla ba gnyis phan tshun gzugs brnyan gsal bar snang ba ni me long lta bu'i ye shes so//de gnyis gcig tu gyur pa ni mnyam pa nyid kyi ye shes so/ /de'i steng du hU~M yig rnams dkar po yongs su gyur pa las rdo rje dmar po rtse lnga pa'i lte ba'i dbus su zla ba'i dkyil 'khor la hU~M yig rnam par bsgoms la/ de'i brjod par bya ba dang /rjod par byed pa stong pa nyid du so sor rtog pa ni so sor rtog pa'i ye shes so/ /de las spros pa'i rdo rje sems dpa'i tshogs rnams kyis 'gro ba thams cad rdo rje 'dzin par byas nas slar de nyid du rab tu zhugs la/ oM badzra At+ma kou0f85haM zhes bya bar n ga rgyal byed pa ni bya ba nan tan gyi ye shes so//de nas zla ba dang rdo rje dang hUM yig rnams yongs su gyur pa las rdo rje sems dpa' yongs su rdzogs pa ni shin tu rnam par dag pa'i chos kyi dbyings kyi ye shes so/ /de ltar me long lta bu'i ye shes la sogs pa ye shes lnga'i bdag nyid sku mdog dkar po rdo rje rtse lnga pa dmar po 'dzin pa bcom ldan 'das rdo rje sems dpa'i bdag nyid bsgom par bya'o//de nas 'dod chags chen po'i gdul byar khams gsum pa lhag par mos par byas la rang gi rig ma dang lhan cig tu shin tu dga' ba rtsom pa dga' ba'i sgyu ma'i sgras de bzhin gshegs pa rnams bkug la rang gi lus kyi ba spu'i bu ga'i nang du zhugs te/de bzhin gshegs pa rnams dang sku gcig tu gyur pas bcom ldan 'das 'dod pa dang ldan pa rang gi rig ma legs pa dang bla na med pa'i bde ba'i mchog rnam par bsgom par bya'o//de bzhin du rang gi lus las rnam par spros pa rnams spyan ma la sogs pa'i lha mo dgu'i rigs su gyur pa dpag tu med pa rnams bcom ldan 'das ma la ji srid thim par bsgoms la mtha' dag lha mo'i 'khor lo'i rang bzhin du gyur pas bcom ldan 'das ma 'dod pa dang ldan pa'i bdag nyid kyang bde ba shin tu gsal bar mthong ba'o// //de nas ye shes sems dpa'i thugs ka'i phyag mtshan gyi sa bon gyi 'od zer rnams kyis phyogs bcur khyab pa'i de bzhin gshegs pa thams cad bkug nas zhal du zhugs te/ thugs ka'i phyag mtshan gyi sa bon gyi 'od zer gyis reg pas bde ba chen po'i dbang du gyur pas zhu nas rdo rje'i lam nas byung ste lha mo'i pad+ma'i nang du babs par blta bar bya'o//de nas rdo rje dang pad+ma bskyod pa las 'od kyi gong bu de yongs su gyur pa las gtso bo mi bskyod pa'i rten dang brten pa'i bdag nyid dpal dkyil 'khor gyi 'khor lo yid kyis bsams nas/der sems can thams cad gzhug par bya'o/ /de nas gtso bo rnam par snang mdzad kyi dkyil 'khor gyi 'khor lo snga ma bzhin du bkug ste/ rdo rje'i lam nas byung nas man ngag ji lta ba bzhin du sems can thams cad la reg pas ji ltar lhag par mos pas ji lta ba bzhin du sku gsum gyi bdag nyid sa'i snying po la sogs pa'i gzugs su bskyed pa rnams 'og nas 'chad par 'gyur ba'i sngags kyis dbyung bar bya'o//k+ShaM dzriM khaM gaMSh+kaM saM zhes bya bas sa'i snying po dang phyag na rdo rje dang / nam mkha'i snying po dang / 'jig rten dbang phyug dang /sgrib pa thams cad rnam par sel ba dang / kun du bzang po rnams so/ /dzaHhUM baM hoH/ /khaM raM zhes bya ba nas gzugs rdo rje ma dang / sgra rdo rje ma dang / dri rdo rje ma dang / ro rdo rje ma dang / reg bya rdo rje ma dang / chos kyi dbyings kyi rdo rje ma'o/ /lAM mAM pAM tAM zhes byas bas spyan ma dang /mA ma kI dang / gos dkar mo dang / sgrol ma rnams so/ /b+h+rUM AM dzr-IM khaM hUM zhes bya ba 'dis rnam par snang mdzad dang / rin chen 'byung ldan dang / 'od dpag med dang / don yod grub pa dang / mi bskyod pa rnams spros pa dang / de kho na nyid gsum gyis gshin rje mthar byed la sogs pa spros pa'o//'di nyid kyis gzhal yas khang ji srid du phyi rol gyi gzhal yas khang la thim par bsgom par bya'o/ /de nas nam mkha'i phyogs su gang nas byon cing tshogs pa'i dkyil 'khor gyi 'khor lo'i bdag nyid 'jam pa'i rdo rje 'dod chags chen po'i ros myos par blta ste/zhal du zhugs nas zhu bar gyur pa rdo rje'i lam na pad+mar bcas par bltas la 'od kyi gong bu de yongs su gyur pa las ho yig dmar po gnyis kyi bar du de kho na nyid gsum blta bar bya'o/ /de nas yi ge de rnams thabs dang shes rab kyi 'dod chags chen po me 'bar bas thabs dang /shes rab gnyis kyang gdan zla ba'i dkyil 'khor la 'od dpag tu med par gsal te/ 'dod chags chen po 'bar ba 'ja' tshon lta bur zhu ba'o/ /de nas de'i 'od zer gyis bskul ba'i thog ma med pa nas grub pa'i 'jam dpa'i rdo rje las bkug pa'i spyan ma dang /mA ma kI dang gos dkar mo dang sgrol ma dang gnas ji lta ba na gnas pas rang rang gi tshigs su bcad pas 'od kyi gong bu de la bskul bar bsam par bya'o/ /sems can khams na gnas kyi dbang phyug khyod ni rdo rje thugs/ /dga' ba'i yid 'ong don chen 'dod pas bdag la skyabs su gsol//mgon po gal te de ring bdag ni gson par mchis bzhed na/ /'dod chags dam tshig chags pas bdag la dgyes par mdzad du gsol/ /rdo rje sku khyod ni rdo rje thugs/ dga' ba'i yid 'ong don chen 'dod pas bdag la skyabs su gsol//mgon po gal te de ring bdag ni gson par mchis bzhed na/ /sems can yab chen gnyen mchog bdag la dgyes par mdzad du gsol/ /khyod ni rdo rje bka' yi 'khor lo sems can kun la phan/ /sangs rgyas don du byang chub don dam rab tu phan par gzigs//mgon po gal te de ring bdag ni gson par mchis bzhed na/ /'dod chags dam tshig chags pas bdag la dgyes par mdzad du gsol/ /khyod ni rdo rje gsung ste kun la phan zhing thugs brtse ba/ /'jig rten dag gi don dang dgongs pa mdzad la rab tu brtson//mgon po gal te de ring bdag ni gson par mchis bzhed na/ /rab dga'i spyod pa kun tu bzang pos bdag la dgyes par mdzod/ /khyod ni rdo rje'i 'dod pa dam tshig mchog gi phan don che/ /yang dag rdzogs sangs rgyas kyi gdung mchog mnyam nyid thugs brtse ba//mgon po gal te de ring bdag ni gson par mchis bzhed na/ /yon tan rin chen mang po'i gter gyur bdag la dgyes par mdzod/ /de nas bskul ba'i sgras rab tu sangs te chos thams cad rang bzhin gyis 'od gsal bar rnam par bsgoms la 'od kyi gong bu de las 'od zer spros pa'i 'jam pa'i rdo rje rnams rnam par spros pas 'gro ba'i don byas nas spyan ma la sogs pa'i lha mo bzhis bkug nas 'od kyi gong bu de la rab tu zhugs par blta'o//de nas 'od kyi gong bu de yongs su gyur pa las maM yig bltas nas de nas yang 'jam pa'i rdo rje rnams rnam par spros pas 'gro ba'i don byed pa sngon du 'gro bas maM yig yongs su gyur pa las ral gri'i yu ba las zla ba'i gnas su maM yig gis byin gyis brlabs la yang 'jam pa'i rdo rje rnams rnam par spros pas 'gro ba'i don byas na maM yig dang ral gri yongs su gyur pa las bcom ldan 'das 'jam pa'i rdo rje gur gum lta bu'i snying rje chen po dang shes rab kyi rgyu mthun pa dang /ji srid nam mkha'i khams 'od kyis khyab pa/ rigs dpag tu med pa spros pas 'gro ba'i don byed par rtsom pa ral gri nag po dang / mda' dmar po dang / ut+pal sngon po dang / gzhu dmar po 'dzin pa bsgom par bya'o/ /de nas longs spyod rdzogs pa'i sku'i rang bzhin gyi dkyil 'khor 'khor lo'i bdag nyid bcom ldan 'das te/ longs spyod rdzogs pa'i sku'i bdag nyid mi phyed pa gzung ba dang / 'dzin pa stong pa nyid kyi chos kyi sku de bzhin gshegs pa dang chos thams cad lhan cig dbyer mi phyed par rtogs par bya ba'i phyir 'dir lhag par mos par bya'o//oM d+har+m+ma d+hA tu swA b+hA ba At+ma kou0f85haM zhes bya ba'i dkyil 'khor gyi bdag po yongs su rdzogs pa ni chung ngu'i rgyu mthun pa'i 'bras bu dang / chung n gu'i bsnyen pa'o// //de nas mig 'bras kyi steng gnyis su so sor zla ba'i dkyil 'khor la k+ShaM yig dkar po de yongs su gyur pa las 'khor lo dkar po rtsibs brgyad pa'o/ /de'i lte ba'i nang du zla ba la gnas pa'i k+ShaM yig de las sa'i snying po rnam par spros pas 'gro ba'i don byed pa sngon du 'gro bas k+ShaM yig dang 'khor lo yongs su gyur pa las mig gi dbang po rnam par dag pa rnam par snang mdzad bzhin du sa'i snying po bsgom par bya'o//de ltar rna ba gnyis la so sor zla ba las dzriM yig nag po dang rdo rje yongs su gyur pa las mi bskyod pa bzhin du phyag na rdo rje'o//sna'i rtsa bar zla ba la khaM yig ser po dang rin po che yongs su gyur pa las rin chen 'byung ldan bzhin du nam mkha'i snying po'o/ /lce'i dbus su zla ba la gaM yig dmar po dang pad+ma yongs su gyur pa las 'od dpag med de de bzhin du 'jig rten dbang phyug go//dpral ba'i dbus su zla ba la Sh+kaM yig ljang gu dang ral gri nag po yongs su gyur pa las don yod grub pa bzhin du sgrib pa rnam par sel ba'o/ /mgrin pa'i rtsa ba'i 'og tu zla ba la saM yig dkar po dang rdo rje dmar po yongs su gyur pa las rdo rje sems dpa' bzhin du kun du bzang po bsgom par bya'o//'di ni dbang po rnam par sbyong ba'o// //de bzhin du nam mkha' la zla ba'i dkyil 'khor la gnas pa'i dzaM yig dkar po dang me long yongs su gyur pa las gzugs rnam par dag pa rnam par snang mdzad kyi rang bzhin gzugs rdo rje ma me long 'dzin pa'o//hU~M yig nag po dang pi wang yongs su gyur pa las sgra rnam par dag pa mi bskyod pa'i rang bzhin sgra rdo rje ma pi wang 'dzin pa'o/ baM yig ser po dang dri chus bkang ba'i dung phor yongs su gyur pa las dri rnam par dag pa rin chen 'byung ldan gyi rang bzhin dri rdo rje ma dri chus bkang ba'i dung phor 'dzin pa'o//ho yig dmar po dang ro'i snod yongs su gyur ba las ro rnam par dag pa snang ba mtha' yas kyi rang bzhin ro rdo rje ma ros bkang ba'i snod dkar po 'dzin pa'o/ /khaM yig ljang gu dang gos sna tshogs yongs su gyur pa las reg bya rnam par dag pa don yod grub pa'i rang bzhin reg bya rdo rje ma gos sna tshogs 'dzin pa'o//raM yig dkar po dang chos 'byung yongs su gyur pa las chos kyi khams rnam par dag pa rdo rje sems dpa'i rang bzhin chos kyi dbyings kyi rdo rje ma chos 'byung 'dzin pa ste 'di ni yul drug rnam par spyod pa'o// // de bzhin du yaM yig dkar po dang 'khor lo rtsibs brgyad pa yongs su gyur pa las sa'i khams rnam par snang mdzad kyi rang bzhin spyan ma 'khor lo rtsibs brgyad pa 'dzin pa'o/ /maM yig nag po dang ut+pal dmar po yongs su gyur pa las chu'i khams rnam par dag pa mi bskyod pa'i rang bzhin mA ma kI ut+pal dmar po 'dzin pa'o//paM yig dmar po dang pad+ma yongs su gyur pa las me'i khams rnam par dag pa snang ba mtha' yas kyi rang bzhin gos dkar mo pad+ma dmar po 'dab ma brgyad pa 'dzin pa'o/ /taM yig ser po dang gser gyi ut+pa la yongs su gyur pa las rlung gi khams rnam par dag pa rin chen 'byung ldan gyi rang bzhin sgrol ma gser gyi ut+pal 'dzin pa'o//'di ni khams bzhi rnam par sbyong ba'o// //de bzhin du b+h+ruM yig dkar po dang 'khor lo yongs su gyur ba las gzugs kyi phung po rnam par dag pa rnam par snang mdzad 'khor lo dkar po rtsibs brgyad pa 'dzin pa'o//AM yig ser po dang / rin po che yongs su gyur pa las tshor ba'i phung po rnam par dag pa rin chen 'byung ldan rin po che ljang gu 'dzin pa'o/ /dzr-iM yig dmar po dang pad+ma yongs su gyur pa las 'du shes kyi phung po rnam par dag pa 'od dpag tu med pa pad+ma dmar po 'dab ma brgyad pa 'dzin pa'o//khaM yig ljang gu dang ral gri yongs su gyur pa las 'du byed kyi phung po rnam par dag pa don yod grub pa ral gri nag po 'dzin pa'o/ /hU~M yig nag po dang rdo rje yongs su gyur pa las rnam par shes pa'i phung po rnam par dag pa mi bskyod pa rdo rje nag po 'dzin pa'o//'di ni phung po lnga rnam par sbyor ba'o/ /chung ngu'i rnam par smin pa'i 'bras bu dang / chung ngu'i nye bar sgrub pa'o// //nu ma gnyis kyi 'og tu zla ba la gnas pa'i hUM yig nag po de yongs su gyur pa las rdo rje nag po de'i dbus kyi lte ba la gnas pa'i hU~M yig nag po'o//de yongs su gyur pa las slar yang rdo rje'i lte ba'i dbus su zla ba la gnas pa'i hU~M yig ste/ de las thugs rdo rje spro ba dang bsdu ba sngon du 'gro ba'i nang du gnas pa'i hU~M yig dang rdo rje yongs su gyur pa las phyag na rdo rje yongs su gyur pa las phyag na rdo rje lta bu'i thugs rdo rje bsgom par bya'o//de nas thugs rdo rje'i snying gar zla ba la gnas pa'i rdo rje'i lte ba'i dbus su zla ba la gnas pa'i hU~M yig las byung ba'i thugs rdo rje spros pas 'gro ba'i don byas nas mdun du byon te gnas pa rnams dang / gdod ma nas grub pa'i thugs rdo rje rnams kyang mdun du spyan drangs la gnas par bltas te/snying ga'i sa bon las byung ba'i phyi nang gsang ba'i mchod pas yang dag par mchod pas dgyes par bltas la rang gis sprul pa dang thog ma med pa nas grub pa rnams la tshigs su gcad pa gnyis kyis gsol ba gdab par bya'o//rdo rje 'dzin thugs dpal dang ldan/ /rdo rje mi phyed gsum bsgom pas/ /deng bdag byin gyis brlabs gnas su/ /rdo rje thugs kyis mdzad du gsol/ /phyogs bcur bzhugs pa'i sangs rgyas rnams/ /rdo rje mi phyed gsum bsgom pas/ / deng bdag byin gyis brlabs gnas su/ /rdo rje thugs kyis mdzad du gsol/ /de nas gsol ba btab pa'i de ma thag tu rab tu dgyes pas rang gi thugs rdo rje'i bdag nyid du rab tu zhugs par bsams la 'dis lhag par mos par bya ste/ oM sarba ta thA ga ta tsit+ta badzra swA b+hA ba At+ma kou0f85haM/ de bzhin du nu ma gnyis kyi bar du zla ba la gnas pa'i ral gri'i yu ba'i dbus su zla ba la gnas pa'i maM yig dang ral gri yongs su gyur pa las gsol ba btab pa med par dam tshig sems dpa' bzhin du ye shes sems dpa' bsgom par bya'o/ /de bzhin du thugs rdo rje bskyed pa'i rim pa nyid kyis mgrin pa'i rtsa bar zla ba la gnas pa'i ral gri'i yu ba'i dbus su zla ba la gnas pa'i a yig dmar po dang pad+ma yongs su gyur pa las gsol ba btab nas lhan cig 'jig rten dbang phyug bzhin du gsung rdo rje bsgom par bya'o//der gsol ba btab pa'i tshigs su bcad pa gnyis ni/chos kyi gsung lam dpal dang ldan/ /rdo rje mi phyed gsum bsgoms pas/ /deng bdag byin gyis brlabs gnas su/ /rdo rje gsung gis mdzad du gsol/ /phyogs bcur bzhugs pa'i sangs rgyas rnams/ /rdo rje mi phyed gsum bsgoms pas/ /deng bdag byin gyis brlabs gnas su//rdo rje gsung gis mdzad du gsol/ /de nas bcom ldan 'das bzhugs pa'i de ma thag tu/ oM sarba ta thA ga ta bAka badzra swA b+hA bA At+ma kou0f85haM/ zhes bya bas lhag par mos par bya'o/ /de nas de nyid kyi bskyed pa'i rim pas dpral bar oM yig dkar po d ang 'khor lo yongs su gyur pa las gsol ba btab pa las lhan cig sa'i snying po bzhin du sku rdo rje bsgom par bya'o//de la 'di ni gsol ba gdab pa'i tshigs su bcad pa gnyis te/ dpal ldan rdo rje sku 'chang ba/ /rdo rje mi phyed gsum bsgoms pas/ /deng bdag byin gyis brlabs gnas su//rdo rje sku yis mdzad du gsol/ /phyogs bcur bzhugs pa'i sangs rgyas rnams/ /rdo rje mi phyed gsum bsgoms pas/ /deng bdag byin gyis brlabs gnas su/ /rdo rje sku yis mdzad du gsol/ /de nas rab tu zhugs pa'i de ma thag tu/ oM sarba ta thA ga ta kA ya badzra swA b+hA ba At+ma kou0f85haM/ zhes bya bas lhag par mos par bya'o/ /de ltar thugs rdo rje la sogs pas byin gyis brlab pa ni chung ngu'i skyes bu byed pa'i 'bras bu dang chung ngu'i sgrub pa'o// //de nas ye shes sems dpa'i thugs ka'i phyag mtshan gyi sa bon las 'od zer rnam par spros pas phyogs bcu'i de bzhin gshegs pa thams cad yang dag par bskul te/de bzhin gshegs pa'i so so'i sku las rnam par spros pa'i rang rang gi sku mdog gi rin po che'i bum pa byang chub kyi sems kyis bkang bas phyag 'brel ba rnams kyis nam mkha' khyab pas rgyal mtshan dang ba dan la sogs pas phyag 'brel ba'i mchod pa'i lha mo'i tshogs kyis yongs su bskor ba spyan ma la sogs pa chos kyi dbyings kyi rdo rje ma'i mthar thug pa'i lha mo'i tshogs dpag tu med pas bdag nyid dbang bskur bas bltas la spyi bor babs pa'i chu'i lhag ma yongs su gyur pa las mi bskyod pa bsams nas bkug pa'i bum pa rnams gzhal yas khang gi bum pa rnams la thim par bsgoms nas/lha mo rnams kyis gsang ba'i mchod pas mchod cing / dga' ba'i tshogs bla na med pa'i bdag nyid kyis shin tu bde bar blta ba'i dbang bskur ba ni chung ngu'i dri ma med pa'i 'bras bu dang chung ngu'i sgrub pa chen po ste/de ltar chung ngu'i yan lag bzhi'o// //de nas rang gi 'od kyi shes rab ma'i sen mo nas brtsams te skra mtshams kyi mthar thug pa'i yan lag dga' ba shin tu rgya che ba 'khor ba ma yin pa bla na med pa'i bde ba chen po'i bdud rtsi'i rgyun 'byung bar bltas pa ni 'bring gi rgyu mthun pa'i 'bras bu dang 'bring gi bsnyen pa'o//de nas gong ma bzhin du sa'i snying po la sogs pa mig la sogs pa'i skye mched drug byin gyis brlab pa ni 'bring gi rnam par smin pa'i 'bras bu dang /'bring gi nye bar sgrub pa'o/ /de nas gsol ba gdab pa med par thugs dang gsung dang sku byin gyis brlab pa ni 'bring gi skyes bu'i byed pa'i 'bras bu dang 'bring gi sgrub pa'o/ /de bzhin du bcom ldan 'das ye shes sems dpa' bsgoms nas dbang bskur bar bsgom pa ni 'bring gi dri ma med pa'i 'bras bu dang /'bring gi sgrub pa chen po'o/ /de ltar 'bring gi yan lag bzhi'o/ /de nas bcom ldan 'das ma'i spyi bo'i nang du zla ba'i dkyil 'khor la gnas pa'i oM yig dkar po yongs su gyur pa las 'khor lo'o/ / de'i lte ba'i nang du zla ba la gnas pa'i oM yig dkar po'o/ /de yongs su gyur pa las nu ma gnyis kyi steng gi mtshams nas spyi bo'i mthar thug par rnam par snang mdzad kyi rdul phra rab kyi rang bzhin du blta bar bya'o/ /de bzhin du lte ba'i nang du zla ba la gnas pa'i oM yig dkar po'o//de yongs su gyur pa las nu ma gnyis kyi steng nas nu ma gnyis kyi bar mthar thug par mi bskyod pa'i rdul phra rab kyi rang bzhin blta bar bya'o/ /de nas lte ba'i 'og gi nang du nyi ma'i dkyil 'khor la gnas pa'i swA yig ser po yongs su gyur pa las rin po che ma ra ga ta'o//de'i nang du nyi ma'i dkyil 'khor la gnas pa'i swA yig ser po'o/ /de yongs su gyur pa las pad+ma'i steng nas lte ba'i mthar thug par rin chen 'byung ldan gyi rdul phra rab kyi rang bzhin du blta bar bya'o/ /de bzhin du pad+ma'i nang du nyi ma'i dkyil 'khor la gnas pa'i AHyig dmar po yongs su gyur pa las kha bye ba'i pad+ma dmar po 'dab ma brgyad pa'o//de'i nang du nyi ma'i dkyil 'khor la gnas pa'i a yig dmar po'o/ /de yongs su gyur pa las pad+ma nas brtsams te pus mo gnyis kyi steng gi mthar thug par 'od dpag med kyi rdul phra rab kyi rang bzhin du blta bar bya'o//de bzhin du pus mo gnyis kyi 'og tu so sor nyi ma'i dkyil 'khor la gnas pa'i ha yig ljang gu yongs su gyur pa las ral gri'o/ /de'i yu ba'i nang du nyi ma'i dkyil 'khor la gnas pa'i hA yig go/ /de yongs su gyur pa las pus mo gnyis nas brtsams te rkang pa'i sor mo'i mthar thug par don yod grub pa'i rdul phra rab kyi rang bzhin du blta bar bya'o//de ltar rigs lnga gcig tu tshogs pas yongs su ma nyams pa rang gi kha dog dang dbyibs kyis bcom ldan 'das ma gsal bar bya'o/ /de'i chu skyes la hU~M yig dmar po yongs su gyur pa las kha 'og tu bltas pa'i pad+ma lta bu la AHyig dmar po yongs su gyur pa las ze'u 'bru rnam par bsgom mo//de bzhin du hU~M yig dmar po yongs su gyur pa las rang gi rdo rje'o/ /oM yig dkar po yongs su gyur pa las nor bu'i cha rdo rje rtse lnga pa lta bu'i rjes su byed pa shin tu yid 'phrog pa bltas nas de bzhin gshegs pa thams cad kyi rjes su chags pa'i don bdag la brtsams par 'gros nas gnyis ka'i thugs ka'i sa bon gyi 'od zer gyis de bzhin gshegs pa thams cad bkug nas rang gi lus dang yan lag rnams la thim par bsgoms la thugs ka'i sa bon gyi 'od zer gyis de bzhin gshegs pa thams cad bkug nas zhal du zhugs te/man ngag ji lta ba bzhin du gnas ji lta ba bltas la sngags brjod do/ /oM sarba ta thA ga ta a nu rA ga na badzra swa b+hA ba At+ma kou0f85haM/ zhes bya ba'i bar ni dang po sbyor ba'i ting nge 'dzin to/ /de nas thugs ka'i sa bon gyis de bzhin gshegs pa thams cad bkug nas zhal nas zhal du zhugs te zhu bar gyur pa rnams rdo rje'i lam nas phyung nas pad+ma'i nang du gnas par bltas la 'od kyi gong bu de yongs su gyur pa las maM yig go//de las byung ba'i mi bskyod pa rnam par spros pas 'gro ba'i don byas nas maM yig de yongs su gyur pa las gtso bo mi bskyod pa'i rten dang brten pa'i dkyil 'khor gyi bdag nyid gsang ba'i dkyil 'khor blta'o/ /de nas mi bskyod pa la sogs pa rnams so sor mngon sum du byas te man ngag ji lta ba bzhin du rigs kyi bdag po la rjes su gnang ba thob nas rang rang gi sngags kyis dbyung bar bya'o//de la badzra d+h+r-ika ces bya ba'i sngags 'dis nye bar phyung ba'i bcom ldan 'das mi bskyod pa sprul pa dpag tu med pa spros pas 'gro ba'i don byas nas 'jam pa'i rdo rje'i sku gsung thugs rdo rje rnams la thim par gyur par bsam mo//de bzhin du dzi na dzika ces bya ba'i sngags 'dis 'gro ba'i don byed pa sngon du 'gro bas mdun du rnam par snang mdzad do/ /de bzhin du rat+na d+h+r-ika ces bya ba 'dis lho phyogs su rin chen 'byung ldan no/ / A ro l-ika ces bya ba 'dis nub phyogs su 'od dpag med do/ /pradz+nyA d+h+r-ika ces bya ba 'dis byang phyogs su don yod grub pa'o/ /mo ha ra ti zhes bya ba 'dis me'i mtshams su spyan no/ /dweSha ra ti zhes bya ba 'dis bden bral gyi mtshams su mA ma kI'o/ /rA ga ra ti zhes bya ba 'dis rlung gi mtshams su gos dkar mo'o//badzra ra ti zhes bya ba 'dis dbang ldan gyi mtshams su sgrol ma'o/ /oM AHhU~M zhes bya ba 'dis go rims bzhin du me'i mtshams la sogs pa'i mtshams bzhi dang / shar sgo'i byang dang lho'i 'gram gnyis su gzugs rdo rje ma la sogs pa drug go/ / yamAn+ta kr-ita ces bya ba 'dis shar phyogs kyi sgor gshin rje gshed do/ /pradz+nyAn ta kr-ita ces bya ba 'dis lho'i sgor shes rab mthar byed do/ /pad+mAn+ta ta kr-ita ces bya ba 'dis nub kyi sgor pad+ma mthar byed do/ /b+hig+h+nAM ta kr-ita ces bya ba 'dis byang gi sgor bgegs mthar byed do/ /oM AHhUM zhes bya ba 'dis phyi'i gzhal yas khang la gzhal yas khang de thim par blta'o//de nas ye shes sems dpa'i thugs ka'i phyag mtshan gyi sa bon 'od zer gyi lcags kyu'i rnam pas thog ma med pa'i grub pa'i ye shes kyi dkyil 'khor gyi bdag nyid bcom ldan 'das 'jam pa'i rdo rje mdun du spyan drangs pa'i bcom ldan 'das rab tu gzhug pa'i phyir gur mtshams dbye ba dang /sgo nas zhugs pa la gshin rje gshed la sogs pas bdud rnams bskrad nas rdo rje'i gur sngon bzhin du brtan par bltas la bcom ldan 'das rnams la zhabs bsil dang / zhal bsil dang mchod yon rnams phul nas phyi dang gsang ba'i mchod pa rnams kyis yang dag par mchod de/gshin rje gshed la sogs pas man ngag ji lta ba bzhin du dgug pa dang / gzhug pa dang / bcing ba dang / dgyes pa bskyed par bya'o/ /de nas thog ma med pa nas grub pa'i 'jam pa'i rdo rje dang lhan cig gnyis su med pa'i rang bzhin lhag par mos par bya'o zhes bya ba'i bar gyis rgyu mthun pa'i 'bras bu chen po dang bsnyen pa chen po'o// //de nas dkyil 'khor gyi bdag po dang / dkyil 'khor pa rnams kyi rang gi rig ma dang bcas par gong ma bzhin dus gcig tu mig la sogs pa'i skye mched drug byin gyis brlabs pa zhes bya ba ni rnam par smin pa dang /chen po'i nye bar sgrub pa'o/ /de nas gsol ba btab pa med par thugs dang gsung dang sku byin gyis brlabs pa zhes bya ba ni chen po'i skyes bu byed pa'i 'bras bu dang / chen po'i sgrub pa'o//de nas so sor gong ma bzhin du ye shes sems dpa' bsgoms nas dbang bskur ba la sogs pa ni dri ma med pa'i 'bras bu dang / chen po'i sgrub pa chen po zhes bya ba'i yan lag bzhi'o/ /chu lhag ma yongs su gyur pa las 'jam pa'i rdo rje dang / rnam par snang mdzad dang /rin chen 'byung ldan dang / 'od dpag med dang / don yod grub pa dang / mA ma kI dang / sgra rdo rje ma dang / shes rab mthar byed dang / bgegs mthar byed dang / phyag na rdo rje dang / thugs rdo rje dang / srung ba'i 'khor lo la gnas pa'i shes rab mthar byed dang /bgegs mthar byed dang / 'dod pa'i rgyal po dang / dbyig pa sngon po dang / stobs po che dang / mi g.yo ba dang / gtsug tor 'khor los sgyur ba dang / gnod mdzes rgyal po dang / rdo rje hUM mdzad rnams kyi dbu la mi bskyod pa'o/ /spyan ma dang / gzugs rdo rje ma dang /gshin rje gshed dang / sa'i snying po dang / sku rdo rje dang / bsrung ba'i 'khor lo la gnas pa'i gshin rje gshed rnams la rnam par snang mdzad do/ /dri rdo rje ma dang / nam mkha'i snying po dag la rin chen 'byung ldan no/ /gos dkar mo dang / ro rdo rje ma dang / pad+ma mthar byed dang / 'jig rten dbang phyug dang / gsung rdo rje dang / srung ba'i 'khor lo la gnas pa'i pad+ma mthar byed rnams la 'od dpag med do/ sgrol ma dang / reg bya rdo rje ma dang / sgrib pa thams cad rnam par sel ba rnams la don yod grub pa'o/ /chos kyi dbyings rdo rje ma dang /kun du bzang po dag la rdo rje 'dzin pa'o zhes bya ba rigs kyi bdag po bsgom pa'o/ /de nas thugs ka'i sa bon gyi 'od zer gyis phyogs bcu na gnas pa'i 'dod pa'i yon tan lnga rnams bkug nas zhal du zhugs te zhu bar gyur pa rdo rje'i lam nas lha mo'i pad+mar babs par bltas la 'od kyi gong bu de yongs su gyur pa las bla na med pa zag pa med pa dpag tu med pa'i 'dod pa'i yon tan lngas phyag 'brel ba'i gzugs rdo rje ma la sogs pa'i mthar thug pa'i lha mo'i tshogs bcom ldan 'das ma'i ba spu'i bu ga so so nas rnam par spros pas dkyil 'khor pa rnams mchod cing bla na med pa'i bde ba chen pos tshim pa'i bdag nyid du bltas la/oM sarba ta thA ga ta pU dza badzra swA b+hA ba At+ma kou0f85haM zhes brjod par bya'o/ /de nas dkyil 'khor rnams dang lha mo'i tshogs rnams dang / gzhan yang ka ba dang rtsig pa dang rta babs la s ogs pa kun nas bstod pa'i bdag nyid du blta bar bya'o//de la 'di ni bstod pa'i tshigs su bcad pa lnga ste/ mi bskyod rdo rje ye shes che/ /rdo rje dbyings ni mkhas chen po/ /rdo rje gsung mchog dkyil 'khor gsum/ /rdo rje dbyings la phyag 'tshal lo/ /rnam par snang mdzad dag pa che//rdo rje zhi byed dga' chen po/ /rang bzhin 'od gsal mchog gi mchog /ston pa rdo rje phyag 'tshal lo/ /rin chen rgyal po rab tu zab/ /rdo rje nam mkha' dri ma med/ /rang bzhin dag pa gos pa med/ /rdo rje brjod cig phyag 'tshal lo/ / rdo rje mi phyed rgyal po che/ /mi rtog nam mkha' rdo rje 'dzin/ /'dod chags pha rol phyin pa brnyes/ /rdo rje gsungs shig phyag 'tshal lo/ /don yod rdo rje rdzogs sangs rgyas/ /bsam pa thams cad rdzogs mdzad pa/ /rang bzhin dag pa nyid las byung / /rdo rje sems dpa' phyag 'tshal lo//de nas 'jam pa'i rdo rje'i mdun du AHyig dmar po yongs su gyur pa las bruM la sogs pa sa bon byin gyis brlabs pa'i bdud rtsi lnga dang / brtson 'grus lngas yongs su gang ba'i pad+ma'i snod dkar po rin po che sna bdun gyi rang bzhin gyi man 'ji'i steng du blta'o//de'i steng du mtho gang tsam gyi steng du zla ba'i dkyil 'khor la gnas pa'i hUM yig dkar po yongs su gyur pa las rdo rje dkar po'i lte ba'i dbus su zla ba'i dkyil 'khor la gnas pa'i hUM yig dkar pos byin gyis brlabs pa bltas nas pad+ma'i snod kyi 'og tu yaM yig yongs su gyur pa las rlung gi dkyil 'khor ro//rlung gi dkyil 'khor gyi steng du raM yig yongs su gyur pa las me'i dkyil 'khor rnam par bsgoms nas rlung gis sbar ba'i mes pad+ma'i snod rab tu dros pas bdud rtsi la sogs pa zhu ste/ de'i rlangs pas zla ba dang rdo rje la sogs pa zhu nas de nyid du lhung ba de thams cad bla na med pa'i bdud rtsis yongs su gang bar blta'o//de'i steng du zhu ba'i bdud rtsi'i rgyun 'bab pa'i oM yig bltas nas de'i 'od kyis de bzhin gshegs pa thams cad kyi bdud rtsi'i rnam pa rnams bkug nas der thim par bsgoms la/oM yig kyang zhu bar gyur nas de nyid du zhugs par bltas nas bdud rtsi de kho na nyid du gsum gyis lan mang du byin gyis brlab pa'o/ /de nas bcom ldan 'das dang dkyil 'khor ba rnams kyi thugs kar gnas pa'i ye shes sems dpa'i thugs ka'i phyag mtshan gyi dbus su rang rang gi sa bon yongs su gyur pa las rang rang gi gtso bo'i dkyil 'khor gyi 'khor lo so so'i lce'i dbus su hUM dkar po yongs su gyur pa las rdo rje rtse lnga pa nas tsam nang sbu gur gyur pa lte ba la hUM yig gis byin gyis brlabs pas bltas nas sgyu ma lta bur gsal ba sna tshogs pa 'di thams cad gnyis su med pa tsam du lhag par mos par bya'o//rdo rje rtse lnga pa'i 'od zer gyis drangs nas rang gi snying gar gnas pa'i 'khor lo la sogs pa dang / bdag nyid dkyil 'khor gyi lha tshogs rnams kyis tshim par bya'o zhes pa ni dkyil 'khor rgyal po mchog gi ting nge 'dzin to//de nas thams cad kyi ye shes sems dpa'i thugs ka'i phyag mtshan gyi dbus su gnas pa'i dkyil 'khor gyi 'khor lo yongs su gyur pa las rang rang gi sa bon bltas nas maM yig las spros pa'i 'jam pa'i rdo rje rnam par spros pas sems can thams cad 'jam pa'i rdo rjer byas te bkug nas maM yig la rab tu zhugs shing maM yig de yongs su gyur pa las sran ma'i tshad tsam gyi nang stong pa'i thig le rnam par bsgoms la de'i dbus su yan lag bzhi dang ldan pa'i rten dang brten pa'i bdag nyid gtso bo 'jam pa'i rdo rje'i dkyil 'khor gyi 'khor lo skad cig tsam gyis blta bar bya'o//de nas de'i dkyil 'khor gyi 'khor lo bkug nas spros pa'i 'od zer dgag par mi nus pa 'phros pa go rims bzhin du ral gri dang / ye shes sems dpa' dang / ral gri gnyis pa dang / sku dang gsung dang thugs rnams dang /sa'i snying po la sogs pa'i byang chub sems dpa' rnams dang / dam tshig sems dpa' rnams dang / dkyil 'khor pa rnams dang / mchod pa'i lha mo dang / gzhal yas khang dang sna tshogs rdo rje dang / sna tshogs pad+ma dang / chos kyi 'byung gnas kyi phyag rgya dang 'khor lo'i lte ba dang /rtsibs bcu'i nang na gnas pa'i khro bo bcus byin gyis brlabs pas myur du 'khor ba'i srung ba'i 'khor lo dang / rdo rje'i sa gzhi dang ra ba dang gur rnams dang / sa dang rlung dang me dang chu'i dkyil 'khor rnams dang / de nas ji srid nam mkha'i khams su gnas pa'i 'jig rten gyi khams rnams gsal bar byas te 'gro ba rdzogs pa'i sangs rgyas su byas nas de nyid kyi rim pas dkyil 'khor de nyid du rab tu zhugs shing /de nyid nas yang spro ba dang 'jug pa ji snyed 'dod kyi bar du bya ba ni thig le'i rnal 'byor ro/ /de nas thig le'i 'khor lo de yongs su gyur pa las maM yig bltas nas de'i 'od zer gyis de bzhin gshegs pa thams cad yang dag par bkug nas zhal du zhugs shing rdo rje'i lam nas spros te lha mo'i pad+ma'i dbus su zhu bar rjes su blta'o//de nas 'od kyi gong bu las/ rdo rje dang pad+ma bskyod pa las spros pa'i byang chub kyi sems kyi thig le gcig dUr wa'i yal ga'i rtse mo la zil pa'i thigs pa bzhin du sna'i rtse mor bltas nas de yongs su gyur pa las maM yig go//de yongs su gyur pa las nas 'bru tsam gyi ral gri'o/ /de'i yu ba'i nang du maM yig yongs su gyur pa las zla ba la gnas pa'i thig le phra mo nang stong pa kha dog lnga pa yungs kar gyi tshad tsam mo//de'i nang du 'jam pa'i rdo rjes gtso bo mdzad pa'i rten dang brten pa'i bdag nyid yan lag bzhi pa'i dkyil 'khor gyi 'khor lo mtshan nyid mtshan ma ma thob kyi bar du spro ba dang bsdu bas stong pa nyid bsgom par bya'o/ /mtshan ma thob pa'i tshe rnam par spros te de bzhin gshegs pa lnga'i gtso bo byas pa'i dkyil 'khor gyi 'khor lo'am/de'i lte ba la byin gyis brlabs pa'i phyag mtshan gyis 'gro ba'i don byed pa ni phra mo'i rnal 'byor ro/ /de nas man ngag ji lta ba bzhin du oM A maMHhUM zhes bya ba'i yi ge 'di rnams gnas ji lta bar bltas nas yi ge so sor brjod pa'i dus su sku rdo rje la sogs pas 'gro ba'i don byas nas mdun du byon par bltas la phyi nang gsang ba'i mchod pas yang dag par mchod de rang rang gi sa bon la thim par gyur pa'o//de bzhin du de ltar skad cig ma so so la spro ba dang 'jug pa lhag par mos pa shin tu thogs pa dang shin tu myur ba dang /rnam par g.yeng ba ma yin pa'i sems kyis bzlas pa byed pa ni bzlas pa'i cho ga'o/ /de nas ngal ba nyid na yud tsam cig ngal ba sos la lha mo'i glu'i sgras chad pa las rgyal ba ste/ spyi bo'i steng mtho gang tsam gyi steng zla ba'i dkyil 'khor la gnas pa bdud rtsi'i rnam pa lnga rab tu bsgrubs pa oM yig dkar pos byin gyis brlabs pa'i bdud rtsi 'dzag par bsams nas srog dang stsol ba'i 'od zer gyi lcags kyus bkug nas bdud rtsi'i rgyun 'bab pas/sku rdo rje la sogs pa'i so so'i yan lag gi ngal ba yongs su spangs pa ni tshim pa'i cho ga'o//de nas kyang mngon par 'dod pa'i yid kyis slar yang thig le dang phra mo'i rnal 'byor bsgom par bya ba dang sngags bzlas par bya ba dang / tshim par yang bya ba ste ji srid 'dod kyi bar du yang dang yang du 'jug par bya'o//sems zhum na yang lha mo'i glu'i sgras rab tu sangs par bya ba dang / rnam par g.yeng ba phra mo'i rnal 'byor gyis zhi bar bya'o/ /de nas ldang bar 'dod na skad cig tsam gyis mchod pa dang / bstod pa dang / bdud rtsi myang bar byas nas rnam par snang mdzad kyis byin gyis brlabs pa rnams hU~M yig la thim par bsgom par bya ba dang /'od dpag med kyis byin gyis brlabs pa rnams AHyig la thim par bsgom pa dang / gzhan dkyil 'khor pa rnams hUM yig la thim par bsgoms la bdag nyid 'jam pa'i rdo rje'i rang bzhin oM yig la sogs pa las dang chos dang dam tshig dang phyag rgya chen po'i rang bzhin du byin gyis brlab pa dang /mchod pa'i lha mo la sogs pa dang bcas pa ji ltar bstan pa'i dkyil 'khor gyi dbus su gnas pa dang / sna tshogs pa rnams gnyis su med pa nam mkha'i bdag nyid du lhag par mos par bya'o//'khrul dang ma 'khrul rtog dang mi rtog dang / /bde dang dkar po la sogs dbang po las skyes rnams/ /shes rnams tha dad min te lhan cig dmigs pa'i phyir/ /sngon dang phyi mar yang ni dbye ba med pa nyid/ /ces ji ltar bstan pa ni lus kyi rgyal po mchog gi ting nge 'dzin to//bsgom par mi nus na bzlas pa bya ba rnams bstan pa ni khro bo rnams ma gtogs pa 'jam pa'i rdo rje la sogs pa rnams kyi sngon du bstan pa'i sa bon de nyid gsum gyi bar du bcug pa man ngag ji lta ba bzhin du bzlas par bya'o/ /gzhal yas khang dang srung ba'i 'khor lo la gnas pa'i gshin rje gshed la sogs pa gzhi'i 'byin pa'i sngags de kho na nyid gsum gyi bar du bcug la bzlas par bya'o//'dod pa'i rgyal po la sogs pa bdun gyi sngags brjod de/ oM AHhUM Tak+ki ni swA hA/ oM AHhU~M a tsa la hU~M/ oM AHhU~M daN+Da hU~M/ oM AHhU~M ba la hU~M/ oM AHhU~M b+h+rUM tsa kra hU~M/ oM AHhU~M suM b+ha hU~M/ oM AHhU~M badzra hU~M zhes pa'o/ /oM AHna maHsa man+ta kA ya bAka tsit+ta badzra naM/ na mo badzra kro d+hA ya/ ma hA daM Sh+ToT ka b+hai ra ba ya/ a si mu sa la ba ra su pA sha ha stA ya/ oM a mr-i ta kuN+Da li kha kha khA hi khA hi/tiSh+Tha tiSh+Tha/ ban+d+ha ban+d+ha/ ha na ha na/ da ha da ha/ gar+dz+dza gar+dz+dza/ bi s+pho Ta ya bi s+pho Ta ya/ sarba big+h+nAn bi na ya ka / ma hA ga na pa ti dzI ba ta na ka rA ya hU~M phaT swA hA hU~M/ 'jigs pa thams cad las skyob pa bdud rtsi 'khyil ba'i sngags 'di rtag tu bzlas par bya zhes bya ba ni bsgom pa'i cho ga'o//bsgoms pa las langs pa'i dus su rang gi lha'i rnal 'byor gyi sa la gnas nas brtan pa dang g.yo ba'i khams gsum pa thams cad rang gi lhag pa'i lha'i gzugs kyis sam sbyar ba ji lta ba bzhin du gzugs rdo rje ma la sogs pa'i gzugs kyis lhag par mos pas bya ba thams cad byed pa dang zas la sogs pa bdud rtsi myang ba'i cho gas bya ba dang /spros pa med pa'i rang rig pa'i dkyil 'khor gyi 'khor lo'i bdag nyid gnyis su med par rab tu gsal ba'i mes skad cig gcig la skyes pa'i rtog pa thams cad kyi bud shing bsreg pa dang /dkon mchog gsum la mchod pa bya ba dang / sems can gyi don tsam gyi phyir lus la sogs pa'i bya ba byed pa dang / dam tshig la gnas pa grogs dam tshig la gnas pa dang / shin tu gsang ste bde ba dang mi 'gal bar dam tshig bsten pa dang /dam tshig nyams na don yod grub pa'i rnal 'byor gyis langs te/ bla ma la chen por mi byed pa la sogs pa'i rtsa ba'i ltung ba byung na sdom pa gzung ba sngon du 'gro bas yon phul nas bzod par gsol/ so sor bshags pa dang /yang sdom pa gzung bar bya'o/ /dbang bskur ba'i cho gas phyi'i khrus bya ba dang / thun gyi mtshams su yang las dang po pas gong ma bzhin du bsam gtan bya'o/ /grub pa'i mtshan ma thob nas rgyud du bstan pa'i rim pas dngos grub pa dang / bgegs so sor nye bar byung na bdud rtsi thab sbyor gyi rnal 'byor gyi sa phye mar bya ba dang / rgyu mthun pa dang rnam par smin pa dang / skyes bu byed pa dang / dri ma med pa zhes bya ba'i 'bras bu bzhir nges pa dang / bsnyen pa dang nye bar sgrub pa dang sgrub pa chen po zhes bya ba'i yan lag bzhir nges pa dang /las dang po pa dang / ye shes cung zad la dbang thob pa dang / yang dag pa'i ye shes la dbang thob pa zhes bya ba'i rnal 'byor pa bzhir nges pa dang / smig rgyu lta bu dang / du ba lta bu dang / me khyer lta bu dang / mar me lta bu dang / rtag tu nam mkha' la gsal bar snang ba zhes bya ba'i mtshan ma lngar nges pa dang /sbyor ba dang po dang / dkyil 'khor rgyal po mchog dang / las rgyal po mchog ces bya ba'i ting nge 'dzin gsum du nges pa dang / dkyil 'khor gyi bdag po'i rnam par nges pa dang / thugs kar zhugs pa'i dkyil 'khor gyi 'khor los khams gsal bar byas te nyal bar bya zhes bya ba ni bsgom pa'i rnal 'byor spyod pa'i cho ga'o//che ba'i cho ga brjod nas da ni mchog tu zab pa'i gnas bstan pa thams cad kyi nor gyi tshig don lnga po brjod par bya ste/ 'dir nges par don dam par chos thams cad gcig dang du ma dang gzung ba dang 'dzin pa dang /rgyu dang 'bras bu rtag pa dang / rtag min rtag pa la sogs pa'i spros pa dang bral bas sgyu ma dang smig rgyu dang rmi lam dang chu zla dang gzugs brnyan lta bur so so'i rgyud mngon par 'dod pas gsal ba sna tshogs gnyis su med pa tsam yin yang kun rdzob la brten te rgyal ba'i sras kyis ji ltar rig par ldog par byas pa'i bye brag gi mtshan ma dang /gzhal bya dang / de kho na nyid dang / bsgrub bya dang / sgrub thabs kyi rnam par gzhag par bya ste/ byang chub rab tu rtogs par bya'o//de la 'dir tshad ma ni rang rig pa'i mngon sum ste/ gsal ba sna tshogs pa'i rnam pa sna tshogs pa'i chos can gzhan la ltos pa med pa rab tu gsal ba bems po las log pa'i chos so/ /gzhal bya ni rang rig pa'i tshad ma las log na med pa tha mi dad pa'i ngo bo'i rang bzhin gzugs dang sgra dang dri dang ro dang reg bya dang /bde ba dang / sdug bsngal dang / btang snyoms kyi bdag nyid sna tshogs kyi rnam pa'i tshogs so/ /de kho na nyid ni so so'i rgyud du mngon par 'dod pa rnams kyi sna tshogs gnyis su med pa rab tu gsal ba'i bdag nyid sems can thams cad kyi gzugs kyi gzung ba dang /'dzin pa la sogs par btags pa'i spros pa rnam par grol ba'o/ /yul dang dngos po thams cad la khyab pa dmigs pa na sangs rgyas thams cad kyi yon tan skye ba'i rgyu ste mi rtag pa la sogs pa bzhin du brtags pa thun mong gi chos so//de nyid kyang longs spyod rdzogs pa'i rten du nges te/ de bzhin gshegs pa thams cad kyi chos kyi sku ru shes so/ /bsgrub bya ni sangs rgyas nyid de/ 'di ltar yang gtsang ma'i gnas kyi steng na stug po bkod pa'i ming can yang dag par rdzogs pa'i sangs rgyas rnams te/ji ltar bcom ldan 'das dga' ba'i rang bzhin stobs dang mi 'jigs pa la sogs pa thams cad mkhyen pa la sogs pa yid kyi yon tan gyis rgyas par gyur pa mtshan dang dpe byad kyis 'bar bar gyur pa longs spyod rdzogs pa'i bdag nyid de brtags pas stong pa'i mtshan nyid chos kyi sku mngon du byas te/sprul pa spros pas mtshams med par 'gro ba'i don yang dag par rdzogs par byed pa nyan thos dang rang sangs rgyas dang / sa dgu'i dbang phyug byang chub sems dpas kyang mi mthong ba'i sku/ sa bcu'i byang chub sems dpa' dbang phyug mchog gis chos nyan pa'i sgo nas 'khor ba ji srid kyi bar du bzhugs pa ste de nyid bsgrub bya'o//sgrub thabs ni slar yang lcags kyi khang pa 'bar bar rab tu zhugs par gyur pa'i sdug bsngal gsum gyis sdug bsngal ba'i khams gsum pa nges pa la sogs pas tshig don lnga po nges pa la thug pas yon tan bco brgyad dang ldan pa'i byang chub sems dpa' pha rol tu phyin pa bcu la goms pa ni pha rol tu phyin pa'i tshul gyis gnas pa'o//dpal ldan sngags kyi theg pa'i tshul la tshad ma dang /gzhal bya dang / de kho na nyid ni de rnams nyid do/ /bsgrub bya dang sgrub thabs dag la khyad par yod de/ de la bsgrub bya ni bcom ldan 'das de nyid/ 'on kyang 'dir bye brag ni rlung dang me dang sa dang chu'i dkyil 'khor gyi dbus su yangs pa na rdo rje sa gzhi la sogs pa'i dbus na gnas pa'i srung ba'i 'khor lo'i lte bar dpal ldan chos kyi 'byung gnas kyi nang na gnas pa'i gzhal yas khang du ji ltar 'dod pa'i yon tan lnga'i dbang phyug yid du 'ong ba'i gnas phun sum tshogs pa na sangs rgyas thams cad yon tan gyis dag pa'i rten dang brten pa'i rang bzhin dag yod pa na bsgrub byar 'dod pa'i rgyal ba lha mo'i 'dod pas dam par 'khyud pa'i bya bar gnas shing chags pa'o//de nas gzhan du yang 'gyur ba ste/ mchog tu rnam par g.yeng ba'i dga' ba 'jigs pa dang chags pa'i skal ba lta bu der dge la rtog pa med cing thabs kyi blo dang ting nge 'dzin las byung ba de bas rab tu gang ba/bde ba chen po gang skyes pa/ /'dod pa yon tan lnga rnam pa/ /bsgoms pa'i stobs kyis gsal ba ni/ /nyin mtshan rgyun du mi 'chad pa'o/ / de yi ye shes rtogs rang bzhin/ /gsal ba yin pas rtogs pa med/ /sna tshogs gnyis su med rang bzhin/ /yod med rtogs pas rjod byed phyir/ /thugs rjes spro ba dang bsdu ba/ /sngar goms pa yi dbang gis yin/ /lhun grub sems can don yin te//de nas yid bzhin nor bu bzhin/ /de ni lhun gyis grub pas na/ /rtag tu ma nyams pa yi blo/ /nam mkha'i mthas gtugs 'gro ba yi/ /don byed pa la rab tu 'jug /de bas 'di ltar sku dang ldan pa shes rab la 'khyud pa rang gsal rang bzhin te/ mchog tu thugs rjes rab tu rgyun chud pa dang rnam par bral ba'i sku//dpe med pa yi bde gang rten dang brten pa'i rang bzhin ni/ /thub pa'i dbang po'i yan lag bdun dang ldan pa la phyag 'tshal/ /'di ldan yan lag bdun dang ldan pa'i bzhi pa ni bsgrub bya'o/ /'di nyid ni phyag rgya chen po'i dngos grub tu brjod do//kha cig slar yang 'di lta bu bsgrub bya yin par smra ste/ shes rab dang ye shes kyi dbang gi dus na bla ma'i man ngag gis so sor bdag nyid rig cing / mchog dga' dang dga' bral gyi dus su gnas pa chos thams cad kyi gcig tu lhan cig skyes pa phyag dang zhal dang kha dog dang /dbyibs la sogs pa'i rnam pa thams cad kyi dri ma las grol ba/ nam mkha' dang mtshungs pa mtha' yas pa'i de bzhin gshegs pa'i yon tan rin po che rdzogs pa'i bdag nyid 'gro ba ma lus pa'i don byed pa kun rdzob tu longs spyod rdzogs pa dang /sprul pa'i sku gnyis kyi rten du gyur pa/ yid bzhin gyi nor bu bzhin du rtog pa med kyang mngon par 'dod pa'i don thams cad sgrub par byed pa/ thog ma dang tha ma med pa sgyu ma lta bu spros pa thams cad dang bral ba/ gsal ba zag pa med pa bde ba chen po'i rang bzhin tsam/de bzhin gshegs pa thams cad kyi chos kyi sku'i bdag nyid blang bar bya'o/ /'di yang rtag tu shar ba'i phyir ma rig pa tsam rnam par log pas thob par bya'o/ /med pa nyid yin na yang bsgoms pa'i stobs kyis rdzogs par bya ba'o//'di ni nges par gdams ngag ngan pa yin pa'i phyir thag ring du spang bar bya'o/ /'di ltar yang bde ba chen po gcig pu mngon par 'dod pa'i bsgrub bya yin pa nyid du ci lung gis bsgrubs pas sam/ dgag par bya ba ma yin pas sam/ de gcig tu rdzogs par byed pa'i tshogs pa yod pas sam/de gcig pu 'dod pa srid pas sam/ shes rab ye shes kyi dus na de tsam rab tu snang bas sam/ man ngag brgyud pa las 'ongs pa yin zhes brtag pa bdun no/ /khyed kyi bde ba tsam la gcig tu lung sgrub par byed pa ma yin la slar yang gnod par byed pa nyid yin te/brtags pa gnyis kyis rgyal po las ji skad gsungs pa/ rdo rje snying pos gsol ba/ rdzogs pa'i rim pa'i rnal 'byor 'di/ /mchog gi bde ba dam par 'dod/ /rdzogs pa'i bsgom pa dman pa la/ bskyod pa dgos pa ci zhig yod/ /bcom ldan 'das kyis gsungs pa/ kye ma dad pa'i shugs kyis ni/ /byang chub sems dpa' chen po nyams/ /lus kyi dngos med gang las bde/ /bde ba smra ba mi 'thad do/ /khyab bya khyab byed dngos po yis//bde bas 'gro ba khyab pa nyid/ /ji ltar me tog la brten dri/ /me tog med pas rnyed mi 'gyur/ /de bzhin gzugs sogs med pas na/ /bde ba nyid ni dmigs mi 'gyur/ /zhes pa la sogs pa'o/ /de bzhin du rdo rje gur las kyang bstan te/ ci bcom ldan 'das lus dang ldan pa sgom pa 'di la dgos pa ci zhig bdog /bcom ldan 'das kyis bka' stsal pa/ gsang ba'i bdag po dgos pa yod/ bcom ldan 'das ci zhig brjod/ bcom ldan 'das kyis bka' stsal pa/ sangs rgyas nyid do/ /sangs rgyas ji lta bu lags/bcom ldan 'das kyis bka' stsal pa/ rnam pa thams cad mkhyen pa nyid do/ /phyag na rdo rjes gsol ba/ lus dang bcas pa cig bcom ldan 'das lags sam/ 'di ni bden te 'di nyid ni/ /ston pa sum cu rtsa gnyis mtshan/ /khyab bdag dpe byad brgyad cur ldan//de ni ji ltar mi 'dra ba'i/ /rgyu yis ji ltar bsgrub byar 'gyur/ /de lta bas na byang chub sems dpa' chen po rnam pa med pa'i byang chub ces pa la sogs pa de ltar ma brjod cig /bsgrub bya brjod nas 'di nyid du sgrub thabs kyang brjod do/ /lta ba las dman gyur pa rnams//bdag tu lta ba tshol 'dod la/ /bdag tu lta bas gsal ba'i phyir/ /rgyal bas stong pa nyid 'di bstan/ /de phyir dkyil 'khor 'khor lor grags/ /thabs yin bde ba'i sgrub thabs so/ /sangs rgyas nga rgyal sbyor ba yis/ /sangs rgyas yun mi ring bar 'gyur//zhes bya ba la sogs pa'o/ /dpal 'khor lo sdom pa la sogs pa yang rgya ches pas 'jigs pas ma bris so/ /bya ba dang spyod pa dang rnal 'byor bla na med pa dang rnal 'byor ma lus pa bla na med pa'i rgyud kyi rab tu dbye ba dpal gsang ba 'dus pa la thug pa rnal 'byor gyi theg pa mtha' dag tu longs spyod rdzogs pa sku'i bdag nyid bcom ldan 'das kyi rigs kyi gnas yin te/ji ltar bdag gis ji srid bri bar bya/ /ngag 'di dag ni drang ba'i don yang yin no/ /zhes brjod par mi bya'o/ /bde ba nyid gzugs la sogs pa'i rnam pa ste/'khor lo yang rang rig pa'i tshad mas grub pa'i phyir 'dis ni lung gis gsal ba re zhig bsgrub bya yin no/ /'di dag dgag par bya ba ma yin te/ rang rig pa'i bde ba'i rnam pa bzhin du gzugs la sogs pa'i rnam pa 'khor lo la yang mi gnod pa'i phyir ro/ /ci ste bde ba nyid sems kyi rang bzhin yul na mi gnas pas gnod par mi nus so zhe na ma yin te/de ltar sdug bsngal la sogs pa yang de bzhin du thal bar 'gyur ro/ /gzhan yang bde ba la sogs pa cha shas dang bcas pa yin zhe na yan lag can gyi rdzas dang 'dra ba'i skyon dang / cha shas med na rdul phra rab bzhin no//de las gzhan pa'i rnam pa ni yod pa ma yin te/ don med par brdzun du smra ba nyid do/ /gal te rang rig pas grub pas gnod pa med na 'di ltar rnam pa'i tshogs kyang rang rig pas grub pa'i phyir zhe sdang lhag pa nyid do/ /de bzhin du byed pa dang shes par byed pa yang bde ba la yin bzhin du rnam pa'i tshogs kyang de ma thag pa rang rig pa'i bdag nyid kyis rgyus rab tu grub pa nyid/'dod pa yang bde ba chen po rgyas pa bla na med pa'i sku spangs te bde ba tsam nyid 'dod pa ni phyugs la yang mi srid do/ /ji ltar gsungs pa/ 'khor lo'i skyon gyis ma gos shing / / mtshan dang dpe byad dag 'bar ba/ /bdag gi dngos po spangs pa nyid/ /gal te 'dod na nam mkha' tsam/ /shes rab ye shes kyi dus na de tsam rab tu snang ba ni ma yin no/ /bde ba shar ba na yang dbyer med pa'i gzugs la sogs pa'i rnam pa'i 'khor lo la yang mi gnod pa'i phyir dang / tshogs pa la sogs pa skye zhes pa'i rigs pas so /gzugs la sogs pa'i rnam pa snang ba la rab tu zhe sdang bas mar me la sogs pas bsal na yang / yang sa dang chu dang / 'og gi stan dang gnyis kyi lus la sogs pa 'khyud pa las skyes pa'i rgyu ma tshang ba med pa'i rab tu snang ba gzhan mi srid pa dang bral ba'i phyir ro//ji ltar gsungs pa/ gang zhig 'bras bu skyed par byed rig na/ /de yi tshogs pa yod pa yin na yang / /de dang nye bas 'bras bu dang ldan ma yin na/ /cung zad gang las kyang ni skye bar mi 'gyur ro/ /skye bar byed pa ma tshang ba med de/de'i sngar gyi bde ba yang mi skye bar thal bar 'gyur bas so/ /'di yang ma yin te/ thams cad nye bar dmigs pa la 'gal ba med pa'i phyir ro/ /gcig tu de'i gnas skabs na yang rnam pa sna tshogs pa'i sems dbyer med par gyur pa'i so so rang rig pa tsam na yang bde ba la chags pa'i phyir dang /bla mas kyang de tsam blang bar bya ba nyid du bstan pa'i phyir de dran pa srid pa na de nyid gsal zhes pa shes rab dman pa'i tha snyad do/ /bde ba tsam gsal bar gyur pa de lta na yang ci de tsam gyis de kho na nyid bsgrub byar 'gyur/ nad mi bzad pa bsnun pa'i sdug bsngal yang de tsam rab tu snang ba'i phyir de yang de ltar de nyid du thal bar 'gyur bas so//'dod pa nyid kyang ma yin te/ de las lhag pa'i rnam pa sna tshogs pa'i sku skye bo thams cad la grags so/ /rtsa ba med pa'i man ngag tsam ni bag med pa'i gnas so/ /sdug bsngal la sogs pa mi dmigs pa 'di rtag tu shar ba yang ma yin no//ci ste gang goms par byas pa de gsal bar 'gyur te/ bde ba yang de'i tshogs pa dmigs te goms par byas pas gsal bar 'gyur ro zhe na ma yin te bde ba ni yang rgyu tshogs pa khyad par can bsgom pa rab tu 'brel pa yin te/ de ltar bsgom pas gsal ba yang khyad par du 'phags pa'i tshogs pa bsgom pa dang rab tu 'brel pa mthong ste/ ji ltar 'dod ce na ma de las skyes pa'i bde ba la gzhan gyis gnod pa na yang 'dod pa can bde ba 'dod pas bud med la rtog pa ni dang por rgyu khyad par can bsgom ste/ bde ba skyes pa na de yongs su spong zhes pa yang mi rigs so//bsgom pas rang gi ngang gis 'byung ba'i bde ba nyid bzhin du de spong ba dang bral ba'i phyir ro/ /de ltar na yang ci de tsam gyis de lta bu'i longs spyod pa las phyi rol du gyur pas ko'u la dang rig byed pa snying por byas pas dgos par 'gyur te gzugs la sogs pa'i tshogs pa de skyed par bya ba'i bde ba'i rigs bde ba tsam bsgoms pas rigs mi mthun pa'i rgyu las mi skye'o//dbang po gnyis kho na las skyes pa ni bde ba ma yin te/ 'on kyang thun mong gi dbang po lnga las skyes pa'i bde ba lnga rnams su rab tu grags so//de la ji ltar dbang po cig las skyes pa'i kho na'i bde ba dmigs nas gsal por byas pas grub pa bdag nyid slu ba yin/ de ltar na/ lung dang rigs pa'i 'dod pas rab 'khrugs te/ /'khor lo med pas rigs mi mthun pa yi/ /longs spyod las skyes pa yi yon tan du//sgro btags dam bcas tsam gyis sangs rgyas 'grub/ /ko'u sa la sogs pa yang 'dod pas/ /'di 'dra'i bag med pa yi gnas yin te/ /rtag tu shar la mi sdug byed pa ni/ /grags can bzhin du 'di ni phyugs yin no/ /gzhan dag na re chos thams cad kyi de kho na nyid ni rang bzhin med pa ste/kun rdzob tu phung po lnga po tsam nyid do/ /phung po lnga'i bdag nyid dam gzugs kyi phung po lnga tsam gyi bdag nyid kyi de bzhin gshegs pa ni bsgrub bya yin no zhes so/ /yang gzhan dag na re cig tu dri ma med pa'i dga' ba rab tu snang ba tsam chos thams cad kyi rang bzhin de'i bdag nyid kho na bsgrub bya'o zhes so//yang kha cig ni chos thams cad kyi rang bzhin ma skyes pa ni de kho na nyid de/ sangs rgyas kyi de'i bdag nyid kho na ste bsgrub bya zhes so/ /gzhan yang chos thams cad ni dmigs pa ste/ mi dmigs pa yang mi dmigs pa ni de kho na nyid de/ de'i bdag nyid ni bsgrub bya zhes so/ /kha cig ni spyod pa thams cad las 'das pa so so rang gis rig pa bsam gyis mi khyab pa'i gnas skabs khyad par can ni de kho na nyid de/ rtogs pa ni bsgrub bya zhes bya'o/ /yang kha cig na re rmi lam dang sgyu ma dang dri za'i grong khyer lta bu brdzun pa'i rnam par shes pa tsam ni de kho na nyid de/de lta bu'i de bzhin gshegs pa ni bsgrub bya zhes 'dod do/ /de la dang po'i phyogs gnyis pa ni mi rigs te rnam pa dang bcas pa'i rab tu gsal ba tsam gyi tshad mas grub pa'i phyir ro/ /skye ba med pa'i phyogs la yang lang kar gshegs par bcom ldan 'das kyis gsungs te/sems tsam nyid du rnam gzhag pa/ /skye ba med par ngas brjod do/ /zhes so/ /de bzhin du mi dmigs pa dang bsam gyis mi khyab pa'i gnas skabs kyang rnam pa sna tshogs pa'i sems tsam nyid du rtogs par bya'o/ /brdzun pa nyid du smra ba yang rang rig pa'i mngon sum nyid kyi snod do//de lta bas na btags pa tsam gyis stong pa nyid ni de kho na nyid do/ /yan lag bdun dang ldan pa'i dkyil 'khor gyi 'khor lo bsgrub bya nyid do zhes rtogs par bya ste/ ji skad du gsungs pa/ longs spyod rdzogs dang kha sbyar bde chen sna tshogs sems//snying rjes nges gang rgyun mi 'chad dang 'gog pa med/ /yan lag bdag 'dod 'dir ni bdun po nyid ldan pa/ /bsgrub byar tshad mas yongs bsgrubs blo yis bsngags/ /zhes te yan lag bdun dang ldan pa sngar brjod pa nyid kyis bsgrub bya blang bar bya'o/ /ji lta bu'i yang dkyil 'khor de dbyer med par gyur pa bde ba chen po'i rang bzhin blang bar bya ba ste/gang dang gang du yang de nye bar mtshon par bya'o/ /ji ltar yang longs spyod dang chos kyi sku'i don rdzogs par 'gyur ba'o/ /de bla na med pa'i bla ma'i zhabs kyi bka' drin gyis rtogs par bya'o//yang sgrub thabs ni dbang gis cho gar rtogs par byas pa'o/ /yon tan sum cu so drug gi rin po ches 'bar bar gyur pa'i de bzhin gshegs pa thams cad kyis byin gyis brlabs pa sems dpa' chen po'i byang chub kyi phyogs kyi chos sum cu rtsa bdun gyi yon tan rtsom pa'o//rang rig pa'i tshad mas rtogs pa dri ma med pa'i chos kyi dbyings gsal ba rigs ma lus pas brgyan pa nam mkha' thams cad kyi dkyil 'khor pha rol tu phyin pa'i theg pa thams cad kyi don rnam par dag pa'i yan lag thabs dang shes rab kyi rang bzhin dri ma med pa'i ting nge 'dzin las byung bar gyur pa'i rgya che ba'i bde bas yongs su rgyas pa/rten dang brten pa'i bdag nyid dpal gsang ba 'dus pa'i dkyil 'khor gyi 'khor lo gang de'i bdag nyid spros pa dang bral ba rab tu gsal ba sbyangs pa ste/ de brjod pa de lta bas na chos btags pa de nyid kyis ngo bo nyid stong pa thams cad snang ba'i snod do//kha cig gis sna tshogs gnyis su med pa sems kyi 'khor lo 'di bsgom par bya ba ste/ bsgom par bya bas spros pa zhi ba'i phyir ro/ /mngon sum byas na 'khor ba 'khor bar mi 'gyur ji srid 'di'i gnas skabs su/ /blang bya dor bya bsgrub byar 'byung ba yongs shes de srid du ni mi g.yo yod//de lta bas na tshogs gnyis goms pas yongs su gyur pa sku dang thugs kyi yon tan dag /rnal 'byor dbang phyug 'di ni dpe med pa yi gnas su byang chub thob ces grags/ /de la yang mchog gi phyag rgya gzung ba dag gis dga' bar rtsom pa'i dgod pa'i ro'i rol pa'i shugs stobs kyis gser gyi ska rags kyi mdud pa grol bar rang 'od kyis rig ma'i mchog lang tsho bab pa mgrin pa dang bcas pa zhen pas gzung ba khyab pa'i mchog tu bde ba'i rtse mo'i rang bzhin ma lus pa gnyis su rtogs pa yongs su spangs pa rang rig pa la gzhol ba'i gnas skabs na yang nu ma mkhrang ba'i ba spu'i tshogs langs pa'i lus rang dang gzhan gyi don phun sum tshogs pa'i rtse mor gyur pa'i dkyil 'khor gyi 'khor lo'i bdag nyid bcom ldan 'das ma yang 'jig rten gsum na spro ba chen po la gang zhig lhan cig skyes pa dang /bsam gyis mi khyab par byin gyis brlabs pa'i rim pa dang / rdo rje 'dzin pa chen po dang / sgrub pa chen po dang / phyag rgya chen po'i dngos grub dang / don dam pa dang shes rab kyi pha rol tu phyin pa dang / de bzhin nyid dang / stong pa nyid dang / thugs rje dbyer med pa'i byang chub kyi sems kyi zab mo dang /stong pa dang / zhi ba dang / 'ba' zhig pa dang / dri ma med pa dang / mtha' med pa dang / nam mkha' dang mtshungs pa dang / rab tu gsal ba dang / dri ma med pa dang / ma gos pa dang / ma bsgyur ba dang / gnyis su med pa dang / ma skyes pa dang /ma 'gag pa dang / zhi ba dang rang bzhin gyis 'od gsal ba la sogs pa'i tshig rnams kyis bsgrub bya gzhan khas len pa ni bag med pa'o/ /de la thams cad mkhyen pas kyang blo gros rtul po rnams rtogs par mdzad nus pa ma yin na ji ltar na kho bo cag rigs pa legs par 'dar ba'i ral gri thogs pa rnams kyis kyang nus/cig tu dad pa la gzhol ba de kho na nyid ngan pa dang ldan pa'i tshig la yid ches pa tsam yin pa'i phyir snying brtse ba la mchog tu gzhol bas tshad ma dang ldan pa'i 'khor lo rnams su gzhug par bya ba yin yang dam pa rjes su 'brang ba rnams la dam bcas pa tsam yin te spros pas kyang kho bo cag gi bla mas mdzad pa'i gsung rab kyi tshig gi sgrol ma dpal ldan rnam pa bsdus par bshad pa yin no//dge ba 'di las sna tshogs kun/ /byang chub sems dpa'i bde 'byung gnas/ / mthar thug 'jam pa'i rdo rjer gyur/ /de rnams sdig kun bdag la smin/ /bdag ni 'jam pa'i smra ba'i rgyal po dang / /'jam gzhon rgyal ba'i khur khyer shog /gang gi nang na gsang 'dus dkyil 'khor yin pa la/ /kye ma sku yi cha byad gnas pa dge slong gzugs/ /sangs rgyas bstan pa bdag gis phung por byas//'di ni bshes gnyen zhabs dpal las yin na/ /byis pa yin yang 'phral du don 'di 'gyur/ /bdag gi kha ni khab dang 'drar 'gyur kyang / /'di ni rnyed par dka' ba'i bdud rtsi yin/ /'jig rten gsum gyis mgon po thob par shog / 'gro ba phun sum tshogs nyams skyob dang phan pa bgyid/ /brtul zhugs chen pos gnas pa thub pa'i rgyal po'i sras/ /zab dang rgya che'i tshul la rab tu zhugs pa gang yin par/ /'di rnams ji ltar gyur pa'i cho ga rnam par phye ba yin/ /'di ni bstan pa'i nor thams cad pa ste/