254a1 @##/ /rgya gar skad du/ pra tiSh+Tha bid+hiH/ bod skad du/ rab tu gnas pa'i cho ga /dpal 'jam pa'i rdo rje la phyag 'tshal lo/ /mi gnas mya ngan 'das pa po/ /thog ma tha ma med pa'i mchog /rdo rje 'dzin chen phyag 'tshal nas/ /spyan dbye'i cho ga bshad par bya/ /snying po'i
254a2 zhal snga sogs mkhyen pa'i//de bzhin blo yi don mchog rnams/ /mang po yis ni bsngags pa'i phyir/ /dpal ldan 'dus dang rjes mthun pa'i/ /gang du sku gzugs byas zin pa/ /ma mchod yun ring rab bzhag pa/ /de srid gzhag par mi shis pas/ /ji srid ma mchod legs
254a3 mi 'gyur//gang du rab gnas ma byas pa/ /phyag 'tshal mchod pa de bzhin du/ /gsang sngags dman pa'i sbyin sreg ni/ /sbyin sreg 'bras bu med par 'gyur/ /nam mkha'i dbyings dang mnyam 'jug rjes 'gro rab gnas pa/ /de bzhin chos dang bde gshegs glegs bam rdo rje dril/ /
254a4 mgon po don dam 'di dag mi shes 'jig rten rnams/ /'jig rten phan par 'dod pa rab gnas byed par 'gyur/ /slob dpon mtshan dang ldan pa dang / /bstan bcos kun la 'jigs med pa/ /cho ga bzhin du rjes gnang ba/ /chu sogs sngon du 'gro ba yi/ /shes rab ye shes dbang
254a5 bskur bas//slob dpon rang gis dbang bskur te/ /dkyil 'khor legs par bri bar bya/ /rgyud dang gsang sngags cho ga shes/ /dkyil 'khor ting 'dzin phyag rgya dang / /stang stabs 'dug stangs sbyin sreg dang / /sngags dang bzlas brjod mchod pa'i las/ /dgod pa dang ni bsdu ba
254a6 ste//de nyid bcu po shes pa yis/ /lha khang mchod rten dam chos kyi/ /glegs bam sku gzugs ras ris sogs/ /byas zin mtshan dang ldan pa dag /cha bzhin gsal te mdzes pa dag /mtshan de nges par shes pa yis/ /rab gnas bya bar rigs pa yin/ /bsod nams spel bar bya ba'i
254a7 phyir//dad pas ji ltar cho ga bzhin/ /cho ga dman pas mi bya ste/ /rab gnas rtag tu smad pas na/ /tshe 'dir sdug bsngal chen po dang / /pha rol du yang 'jigs pa che/ /de ltar kun du 'bad pa yis/ /grub par 'dod pas bya ba yin/ /bya ba rang gis nus pa yis/ /cho ga bzhin du kun
254b1 rdzogs bya//de ltar byas nas bsod nams che/ /mthong dang ma mthong kun du skye/ /lha yi bdag nyid chen po yang / /byin gyis rlob cing nye bar 'gyur/ /de la dad pa dang bas gsol/ /slob mas lan grangs khyad par du/ /nyi ma skar ma bzang po dang / /gza' dang 'byor pa ldan pa la/
254b2 shin tu sar pa'i gos gyon cing / /dri dang bdug pas rab bsgos te/ /thams cad rgyan gyis yan lag mdzes/ /dri zhim me tog gis mchod nas/ /lag na rdo rje dril thogs nas/ /slob ma dang bcas mchod par bya/ /gdugs dang rgyal mtshan ba dan sogs/ /bla re rgya cher bri bar bya/ /bum
254b3 pa gang sogs de bzhin gzhag /bkra shis rdzas kyis brgyan pa dang / /pi wang gling bu rdza rnga sogs/ /glu dang gar dang dga' ston che/ /sna tshogs me tog rgya cher bkram/ /tsan+dan a ka ru yis bdug /dri zhim tsan+dan bzang pos byug /bdud rtsi 'khyil pas bsrung bar bya/ /khru bzhi
254b4 pa la gru bzhi pa//dpangs su de yi phyed du bya/ /rab tu dben zhing yid dga' ba/ /mdzes pa'i ka bas brgyan pa yi/ /gnas su 'bad pas rab zhugs nas/ /rab gnas cho ga'i gnas su ni/ /'jam la rab gtsang mtho ba yi/ /bde ba'i stan la 'dug nas ni/ /rab gnas
254b5 dpal ldan bdag nyid kyis//ting 'dzin gsum ldan slob dpon gyis/ /sa ni yongs su gzung bar bya/ /bgegs med phyir ni phur bus gdab/ /phyogs mtshams bcing bar bya ba dang / /dra ba ra ba mkhas pas bya/ /bsnyen pa bum pa'i cho ga bzhin/ /dkyil 'khor cho ga ji
254b6 lta bar//gos bzangs kyis ni mgul pa bcing / /a mra'i lo mas kha dgab ste/ /bum pa dkyil 'khor sngags kyis bsnyen/ /'bru lnga sman dang rin chen dang / /tsan+dan chu yis dgang byas te/ /me tog phreng bcings rdo rje gzhag /'khor lo'i gtso bos rnam rgyal bzlas/ /
254b7 mchod yon phul nas yang dag mchod/ /me tog dkar po bkram pa dang / /lha yi mdun du gnas byas te/ /de yi 'og tu rdzogs byas nas/ /thams cad las kyi mchog ldan pa/ /mnyam pa'i sems kyis dkyil 'khor la/ /dbu gsum phyag drug rang gi ni/ /mdzes pa'i
255a1 shes rab dga' ba yis//sgrub pa chen po'i mthar thug par/ /cho ga ji bzhin rdzogs par bya/ /nam mkha'i mthar thug spro byas te/ /sangs rgyas tshogs ni mdun du blta/ /mchod yon zhal bsil rang sngags kyis/ /'thor 'thung yang ni de bzhin bya/ /bgegs
255a2 mthar sngags kyis btab pa'i chus//mchod pa kun la bsang gtor bya/ /me tog la sogs ci 'byor dang / /de bzhin rdo rje gzugs sogs kyis/ /kun du yang dag mchod par bya/ /bdud rtsi myang sogs mkhas pas bya/ /thal mo sbyar nas phyag 'tshal te/ /me tog gtor nas 'di
255a3 skad brjod//oM sarba ta thA ga ta su la li ta bi lA s+ya/ na mi ta na miHtwAta/ b+ha ga wAn taM dzaHhUM baM hoH/ pra tIts+tsha ku su mAny+dza li nA thA ho sa ma ya stAM ma hA mi ti/ de nas spos kyis mchod bya ste/ /sa la pus mo btsugs nas ni/ /mgon po 'dir gshegs spyan 'dren zhes/ /de ltar tshig ni
255a4 brjod par bya//'di zhes bya ba bcom ldan 'das/ /rig sngags rgyal la phyag 'tshal lo/ /thugs rje chen po spyan dbye bar/ /mgon po bdag ni bgyid par 'tshal/ /slob ma la yang phan pa dang / /khyed rnams la yang mchod pa'i phyir/ /bcom ldan bgyid par 'tshal lags na/ /de
255a5 bas mgon po gnang ba'i rigs//ji ltar sangs rgyas thams cad dag /dga' ldan gnas na bzhugs pa las/ /lha mo sgyu 'phrul lhum gshegs ltar/ /de bzhin gnas 'dir gshegs su gsol/ /mgon po gnas 'dir rtag tu yang / /bzhugs nas me tog spos 'di dag /byang
255a6 chub sems ni rab 'phel phyir//'di yi don du bzhes su gsol/ /sangs rgyas bdag la dgongs su gsol/ /'gro ba'i 'khor ba'i don du ni/ /'bras gnas byang chub sems dpa' dang / /gang yang gsang sngags lha rnams dang / /'jig rten skyong ba'i lha rnams dang / /'byung po yang
255a7 dag rdzogs pa yi//sangs rgyas bdag la dga' kun dang / /gzhan yang lha yi spyan mnga' ba/ /'di zhes bya ba rdo rje bdag /rig pa'i rgyal po 'di yi ni/ /ci nas rab gnas bgyid lags na/ /byin gyis brlabs par mdzad du gsol/ /dus gsum du ni spyan drangs te/ /snga ma bzhin du
255b1 rab mchod nas//rol mo dril bus yang dag bstod/ /de nas bdud rtsi myang bar bya/ /de bzhin du ni spyan drangs nas/ /bdag nyid spro ba bskyed par bya/ /deng bdag skye ba 'bras bu yod/ /deng bdag 'tsho ba 'bras bur bcas/ /dam tshig lha dang mnyam par ni/ /bdag nyid gyur
255b2 par the tshom med//byang chub sems dpa'i sems kyis ni/ /bdag ni phyir mi ldog par gyur/ /de bzhin gshegs pa'i rigs skyes par/ /deng bdag gyur par the tshom med/ /bdag gi nyi ma deng mchog yin/ /deng gi mchod pa bla na med/ /sangs rgyas thams cad spyan
255b3 drangs pas//deng gi 'dus pa mchog yin no/ /de nas phyogs skyong gtor ma sbyin/ /'bad pas slob ma bsrung bar bya/ /khro bo bdud rtsi 'khyil bzlas pa'i/ /skud pas dpung pa bcing bar bya/ /de nas bsang byas dri yis byug /snying gar zhi ba'i rigs pas bsrung / /lha
255b4 rnams rab gnas bya ba'i phyir//bdud rtsi 'khyil bas bsrungs te nyal/ /slob ma yi ni bsnyung bar bya/ /cho ga lhan cig byas nas ni/ /ji skad bsgom pa bzhin byas te/ /bla ma'i tshig bzhin mchod la sogs/ /g.yo med pas ni rab byas na/ /mchod sbyin 'bras bu thob
255b5 par 'gyur//'di ni bsnyen pa'i cho ga'o/ /de nas phyed nyin nang par ni/ /yo byad thams cad ldan par bsag /ma la til dang ma li ka /nA ga ge sar phreng bas brgyan/ /snga ma bzhin du gos gtsang bgo/ /rgyan rnams kyis ni mdzes par bya/ /a ka ru la sogs
255b6 pas bdug /slob dpon bdag nyid lhar bskyed nas/ /gsang sngags kyis ni bum pa bzlas/ /cho ga bzhin du gtor ma sbyin/ /sku gzugs mdun du 'dug byas te/ /ting 'dzin gsum po bskyed par bya/ /bkra shis tshigs bcad don bya zhing / /yang dang yang du bstod par bya/ /
255b7 sna tshogs rol mo'i sgra yang dkrol/ /rgyal po'i dbang bskur tshul du ni/ /gdugs dkar la sogs gzung bar bya/ /sku gzugs shar du bstan byas te/ /ras yug ser po zung gis dgab/ /yan lag bzhi pa las byung zhing / /bsnyen pa la sogs bsgrub par bya/ /
256a1 thams cad bya ba dang ldan pas/ /yi ge gsum pos byin gyis brlab/ /snga ma bzhin du legs bzhag nas/ /rig pas legs par sbyang bar bya/ /g.yas dang g.yon gyi lag pa yis/ /yungs kar dag kyang gzung bya ste/ /phyogs dang phyogs min bzlog
256a2 nas ni//bskor ba'i tshul gyis me la gtor/ /lan gsum byas nas chu la gtor/ /gro ga'am lo ma'i snod du ni/ /'bras chan chu yis sbyang bar bya/ /yungs kar gyi sngags ni/ oM sarba pA paM da ha na badzrA ya swA hA/ de nas de yi gsang sngags dang / /rab gtsang dUr wa'i
256a3 pir gyis ni//'bru mar dri ni zhim pos bsku/ /sngags la oM sarba ta thA ga tA ya bi sho d+ha ni swA hA/ 'khar ba'i snod du 'dag chal dang / /de bzhin bum pas khrus bya'o/ /lag na spyan sogs bum pa yis/ /cho ga bzhin du dbang bskur zhing / /ston pa'i bdag nyid brjod bya ste/ /ji ltar
256a4 bltams pa tsam gyis ni//de bzhin gshegs pa khrus gsol ba/ /lha yi chu ni dag pa yis/ /de bzhin bdag gis khrus gsol lo/ /oM sarba ta thA ga ta a b+hi She ka te sa ma ya shri ye hU~M/ ri mor bris pa me long la/ /sku gzugs rnams ni nyid la'o/ /dang por rnam par rgyal ba
256a5 dang //de nas rnam snang la sogs dang / /spyan la sogs pa bum pa dang / /de'i 'og gzugs la sogs pa dang / /tha mar gshin rje gshed sogs kyis/ /mkhas pa rim bzhin khrus gsol lo/ /gtsang ma'i gos kyis sku phyi'o/ /yang na lag pas phyi yang rung / /gur kum
256a6 gyis ni bris pa yi//ras yug dkar po zung yang dbul/ /oM di bya bA sa s+ye swA hA/ shin tu dri zhim gla rtsi'am/ /de bzhin gzhan yang gur gum sogs/ /sngags dang bcas pas byug pa dbul/ /oM AHbadzra gan+d+he hUM/ rgyan rnams kyang ni dbul bya zhing / /de bzhin cod pan
256a7 dbul bar bya//oM badzra rat+na traM/ /de bzhin me long bstan par bya/ /oM badzra satwa a/ gser las byas pa'i thur ma yis/ /de nas spyan yang dbye bar bya/ /oM tsak+Shu tsak+Shu sa man+ta tsak+Shu bi sho d+ta ni swA hA/ so rtsi gi wang me tog rnams/ /tha mar phul nas gzhug par bya/ /bris pa dang
256b1 ni bsams pa'am//bdud rtsi 'khyil pas 'khor lo bsang / /gshin rje gshed sogs rang sngags sam/ /yang na yi ge lnga po bzlas/ /a khaM bI ra hUM/ de nas shes rab yan lag 'dus/ /rnal 'byor ldan pa rang gis bya/ /bla ma'i man ngag gis bskyed pa'i/ /dkyil
256b2 'khor bde ba'i bdag nyid ni//sku gzugs de yi nang du gzhug /de nas ye shes dkyil 'khor de/ /mdun gyi nam mkha' la gnas dgug /thugs kyi sa bon 'od zer ldan/ /bgegs mthar byed kyis bgegs rnams gzhom/ /kun du bskrad nas bsrung bya ste/ /tsan+dan la
256b3 sogs me tog bcas//gsang sngags bzlas pa'i mchod yon dbul/ /gshin rje gshed sogs kyis dgug gnas/ /gzhug dang bcing dang mnyes par bya/ /mig sogs lus ni byin gyis brlab/ /de nas chu la sogs pa yis/ /de bzhin du ni dbang bskur te/ /mchod
256b4 yon sogs pas mchod par bya//ji ltar rang sngags dang ldan pa'i/ /mchod pa rnams ni dbul bar bya/ /me tog la sogs dbul ba'i sngags/ /me tog 'di ni mchog gyur pa/ /de bzhin chu skyes thang skyes dag /dad pa mchog gis dbul lags na/ /ci bde bar
256b5 ni bzhes su gsol//oM badzra puSh+pe hUM/ lhan cig skyes dang sbyar ba yi/ /bdug spos dam pa 'di dag ni/ /dad pa mchog gis dbul lags na/ /ci bde bar ni bzhes su gsol/ /oM AHbadzra d+hU pe hUM/ lhan cig skyes dang sbyar ba yi/ /dri mchog dam pa 'di
256b6 dag ni//dad pa la sogs kun la sbyar/ /oM AHbadzra gan+d+he hUM/ mun pa'i tshogs ni 'joms byed cing / /phyogs kun gsal ba'i mar me 'di/ /kun mkhyen ye shes gsal ba'i phyir/ /dang ba'i sems kyis dbul bar bgyi/ /oM AHbadzra A lo ke hUM/ /kha
256b7 dog dri dang ro ldan pa'i//bza' dang bca' ba yang dag ldan/ /thams cad sbyar ba'i bshos 'di dag /dang ba'i sems kyis dbul bar bgyi/ /oM AHbadzra ni wi t+ye hUM/ de nas 'thor 'thung 'bul bar bya/ /spos chu yis ni bsang bar bya/ /gzugs la sogs
257a1 pas yang dag mchod//bstod dang de bzhin bdud rtsi myang / /chags pa chen po bskyed de nyid/ /de nyid rig dad bden pa brjod/ /yi ge brgya pa bzlas pa yis/ /brtan par byas nas gsol ba gdab/ /khyod kyis sems can kun gyi don/ /
257a2 mdzad nas thams cad sgrub par mdzod/ /de nas tha ma phyogs skyong sbyin/ /ji skad gsungs bzhin mchod bya zhing / /de nyid shes pas mnyes pa'i phyir/ /cho ga bzhin du sbyin sreg bya/ /kha khyer sor bzhi bor ba yi/ /phyi rol du ni pad+ma bya/ /khung bu rgyar ni khru gang la/ /de
257a3 yi zabs su khru phyed bya//las kun byed pa'am 'khor lo bzhin/ /mtshan ma dkyus dang dpangs su ni/ /sor ni brgyad dang gcig byas pa'i/ /'khor lo khung bu'i dbus su bri/ /rdo rje rin chen chu skyes dang / /ral gri dbus su bri bar bya/ /phyi rol rdo rje ra bas bskor/ /slob
257a4 dpon shar du kha bltas nas//las kun byed pas bsrung bar bya/ /g.yon du mchod yon la sogs gzhag /yo byad bkod pa bsang bar bya/ /rnal 'byor can gyis rab gnas bya/ /rang sngags las ni khung bu bskyed/ /gtsang ma'i rtswa skam dang bcas las/ /zhi rgyas cho
257a5 ga las gsungs bzhin//cho ga shes pas me bcug ste/ /las kun byed pa'i spos chu dang / /ku sha'i rtse mos bsang ba byas/ /khro bo bdud rtsi 'khyil sngags sam/ /yi ge gsum gyis lan gsum gdab/ /'o ma can gyi shing las sbar/ /rlung yab kyis ni sbar bar bya/ /
257a6 oM dzra la dzra la hUM/ rang sngags lan bdun bzlas pa yi/ /blugs gzar gang ba'i mar gyis ni/ /de yi gzi byin bskyed par bya/ /sngo la shin tu mi ring ba/ /gtsang ma'i ku sha dgram par bya/ /dang por rtse mo shar du bstan/ /g.yas nas bskor zhing dgram par bya/ /de nyid kyis ni
257a7 steng du dgab//gsang sngags sngon du 'gro bas bya/ /oM AHi me ku shA shub+ha di byAHbitra za h+ma bi tre ne/ bud+d+ha d+har+m+mA sang+g+ha ra ka pr-i thi bI sany+dza ta gar+b+ha/ a bi g+h+naM mAM shAn+tiM kurban+tu hUM/ oM badzra sa twa a zhes bya ba'am/ yi ge 'bru gsum gyis bya'o/ /de 'og khung bu'i dbus
257b1 gnas pa//pad+ma la gnas gru gsum raM/ /rdo rje sems dpa' yongs gyur pa/ /raM las byung ba'i me bsam mo/ /sku mdog ser po dbu gsum pa/ /sha rgyas shes rab ma la 'khyud/ /gun+d+he mi 'jigs dbyug pa dang / /phreng ba 'dzin pa 'bar ba'i lus/ /
257b2 las dang rjes mthun gos rgyan bcas/ /mkha' nas ye shes me bsams te/ /de 'dra 'dod pa'i rgyal pos bkug /yi ge gsum dgod byin gyis brlab/ /bgegs rnams bskrad nas bsrung bar bya/ /de nas gdan la bzhugs su gsol/ /de'i sngags/ e h+ye hi ma hA
257b3 b+hU ta de ba r-i Shi dwi dza sa ta ma/gr-i hi twA a hu ti ma hA raM asmin+san+ni hi to b+ha bA/ zhes bya bas khung bur bzhugs su gsol nas ni/ /ku sha la sogs dgram par bya/ /gshin rje gshed kyis dgug pa dang / /gzhug sogs sngon du 'gro ba yis/ /mnyes pa dang ni blta
257b4 bar bya//oM ag+na ye A di byA bi Sha ma hA shri ye ha bya ka bya bA hA Na ya dr-i sh+ya dzaHhUM baM hoHsa ma ya s+t+waM ma hA i ti/ der ni blta bar byas na ni/ /mchod yon zhal bsil 'thor 'thung dang / /me tog la sogs mchod pa rnams/ /'bul gyis swA hA zhes bya bas/ /
257b5 yo byad dag ni nye bar dgod/ /dgang blugs 'bru yi bye brag sngags/ /shub bus yam shing la sogs pa/ /ji ltar 'dod pas dbul bar bya/ /de ni mig sogs byin gyis brlab/ /de bzhin du yang dbang bskur nas/ /mchod yon zhabs bsil 'thor 'thung
257b6 dbul//bsang nas rim bzhin mchod pa 'bul/ /phyi yi mchod pa me tog sogs/ /rdo rje gzugs sogs de bzhin te/ /bstod dang bdud rtsi myang ba dang / /lag pa bkrus nas 'thor 'thung bya/ /lan gsum bdud rtsi 'khyil pa yis/ /bzlas pa'i chu
257b7 yis de bzhin bya//de yi zhal las 'bar ba'i raM/ /cho ga shes pas dgod par bya/ /blugs gzar gru bzhi sor bzhi pa/ /sor gnyis zab brkos rdo rjes mtshan/ /mdun du pad+ma'i 'dab 'dra ba'o/ /dgang gzar chu skyes 'dab 'dra ba'i/ /sor gnyis
258a1 phyed brkos rdo rjes mtshan//lha yi sa bon las bskyed nas/ /dgang gzar blugs gzar gyi dbus su/ /rab tu 'bar ba'i hU~M bsgoms nas/ /de la dgang blugs dbul bar bya/ /'bar bar shes nas mtshan ma brtag /dgang blugs dbul ba'i
258a2 sngags/oM na maHsa man+ta b+hud+d+hA nAM/ ag+na ye swA hA/ mi shis bdud rtsi 'khyil bzla zhing / /de yis bgegs kyang bskrad par bya/ /de nas bsang gtor byas nas kyang / /'od gsal de nyid bsgom bya ste/ /rab 'bar me la yam shing 'bras/ /mar dang til dang dUr wa dang / /
258a3 zas mchog ku sha cho ga bzhin/ /oM ag+na ye swA hA/ mar gyi sngags so/ /oM sarba pA paM da ha na badzrA ya swA hA/ til gyi sngags so/ /oM badzra A yu She swA hA/ dUr wa'i'o/ /oM badzra puSh+Tha ya swA hA/ 'bras ma grugs pa'o/ /oM sarba saM pa de swA hA/ /zas mchog gi'o/ /
258a4 oM a pra ti ha ta badzra la tA ya swA hA/ ku sha'i'o/ /oM badzra bi dzA ya swA hA/ 'bras so ba'i'o/ /oM ma hA be gA ya swA hA/ nas kyi'o/ /oM ma hA ba lA ya swA hA/ ma sha'i'o/ /oM badzra g+hasmar ye swA hA/ gro dbul ba'o/ /oM badzra bi dzA ya swA hA/ u dum+WA ra'i'o/ /oM bo d+hi br-ik+ShA
258a5 ya swA hA/a shwad+thA'i'o/ /oM badzrA ya swA hA/ p+lak+Sha'i'o/ /oM badzra ku be rA ya swA hA/ n+ya gro d+ha'i'o/ /oM ha sa ka ra swA hA/ a mra'i'o/ /rgyas dang zhi dang dbang dang dgug /gsad dang bskrad dang mngon spyod rnams/ /oM swA hA ho dz+dzaHhUM hUM phaT/ sngags kyi mtha' yang brjod par bya/ /zhu
258a6 ba'i rdzas thams cad ni zhal du'o//yam shing dang rus phye la sogs pa ni 'od kyi dkyil 'khor la'o/ /zas mchog dang til dang 'bras yos la sogs pa ni phyag tu'o/ /dUr wa'i myu gu dang / 'bras ma grugs pa dang / me tog ni dbu la'o/ /dri ni thugs kar ro/ /bdug spos dang
258a7 mar me dang /mchod yon ni mdun na'o/ /zhabs bsil ni zhabs la dbul bar bsam mo/ /de 'og dgang blugs sbyin bya ste/ /mchod yon 'thor 'thung snga ma bzhin/ /mchod dang bstod dang bdud rtsi myang / byas nas de yi thugs kar ni/ /rang gi sa bon las byung ba'i/ /
258b1 rab gnas rang gi dkyil 'khor bsgom/ /lce la mdzes shing phra ba yi/ /hU~M las byung ba'i rdo rje bsam/ /phyi yi mchod pa snga ma bzhin/ /rdo rje gzugs sogs kyis de bzhin/ /bstod dang bdud rtsi yang dag myang / /de bzhin du yang 'thor 'thung bya/ /snga ma bzhin du
258b2 dgang blugs dbul//sreg rdzas yam shing rim bzhin dbul/ /slob ma'i lag g.yas mthe bong ni/ /lag pa g.yon pas gzung bya ste/ /mar gyis gang ba'i sbyin blugs te/ /slob ma gzhug pa'i don du ni/ /mgo la g.yas nas bskor byas te/ /zhi ba'i phyir
258b3 ni sbyin sreg bya//gsum mam bdun nam yang na gcig /rgyal po'am ni sa bdag dang / /phyogs skyong bdag nyid zhi ba'i phyir/ /sbyin sreg byas nas gsol ba gdab/ /slob ma shin tu 'bad pa yis/ /slob dpon rab tu mnyes par bya/ /bu mo rin chen nor bus brgyan/ /
258b4 glang chen rta ni myur 'gro dang / /ba zhon bzang dang sa gzhi rnams/ /dad pas yon ni dbul bar bya/ /slob dpon yongs su mnyes byas nas/ /des na las kun 'grub 'gyur zhing / /rang sngags lha yang mnyes par 'gyur/ /gzhan yang zla ba lhag bsgoms nas/ /dgang
258b5 blugs dag kyang dbul bar bya//thugs ka'i zla ba 'khor lo lce/ /de bzhin mthar ni dgang blugs bya/ /de yi lag par dri dang ni/ /so rtsi de bzhin na bza' yis/ /rab mchod nas ni bstod par bya/ /yi ge brgya pa yang dag bzla/ /cho ga nyams pa gang bgyis pa/ /
258b6 mgon po bdag la bzod par mdzod/ /mi shes pa dang ma 'byor pa/ /gang phyir lus can skyabs gyur pas/ /cho ga dman la bzod par gsol/ /de skad brjod nas gshegs su gsol/ /khyod kyis 'gro ba'i don kun mdzad/ /dngos grub stsal nas gshegs
258b7 su gsol//sangs rgyas yul du gshegs nas ni/ /slar yang gshegs par mdzad du gsol/ /rang gi lus su rab bcug nas/ /cho ga las ni bshad pa bzhin/ /rnal 'byor can gyis sreg rdzas kyi/ /de bzhin lhag ma me la dbul/ /cho ga sngon bzhin gshegs
259a1 gsol nas//cho ga bzhin du gtor ma dbul/ /oM AHa kA ro mu khaM sarba d+har+m+ma NAM Ad+ya nu t+pan+natwAta muHi/ zhes bya ba ni gshegs su gsol ba'i sngags so/ /sreg rdzas lhag ma 'o ma mar/ /sbrang rtsi ka ra ldan pa rnams/ /de nyid du ni cha ru bskol/ /
259a2 rang gi bdag po'i sngags 'di bzlas/ /oM de ba an+ne sa mA d+hi d+h+yA na pI na ni swA hA/ gser la sogs pa'i snod du ni/ /lha rnams la ni dbul bar bya/ /gan rkyal kha sbub yon por min/ /brtan cing drang por sku bzhag nas/ /sku yi sum cha'i tshad tsam gyi/ /gdan la
259a3 bzo mo mkhas pas gzhag /dri gtsang khang du ma bcug na/ /nyes pa dag ni 'phel bar 'gyur/ /bzhugs su gsol ba'i sngags/ oM su pra tiSh+Tha badzre swA hA/ snga ma bzhin du mchod byas te/ /bdud rtsi yang ni myang bar bya/ /yi ge brgya pa bzlas pa yis/ /brtan
259a4 par bya zhing bzod par gsol//'gro ba'i 'khor lo'i don gyi phyir/ /rdzogs sangs rgyas la bzod par gsol/ /'bras bu gnas dang sems dpa' dang / /gzhan yang gsang sngags lha rnams dang / /'jig rten skyong ba'i lha rnams dang / /'byung po rdzogs
259a5 pa'i sangs rgyas kyi//bstan pa kun la dga' ba dang / /gang dag lha yi spyan mnga' ba/ /cho ga bzhin du ma 'byor pa/ /gang zhig lus can skyabs gyur pas/ /mchog tu yon bdag gzhan la yang / /kun du bde legs zhi mdzad nas/ /sangs rgyas yul du gshegs
259a6 nas kyang //slar yang gshegs par mdzad du gsol/ /bskal pa'am ni bskal pa brgyar/ /sku 'di lhag par gnas gyur cig /lha rnams kyis kyang bsrung bar shog /sa dang chu dang me rlung gi /'jigs pa las kyang skyob pa dang / /thams cad dga' zhing tshim gyur nas/ /
259a7 rang gi gnas su legs par gshegs/ /slob dpon slob mar bcas pa dag /bu dang tsha bo bsrung gyur cig /de nas slob ma bos byas te/ /bla ma snying rjes 'di skad brjod/ /gang zhig khyod kyis gsol ba btab/ /rab gnas sdig pa dang bral ba/ /da lta nga yis legs
259b1 pa byas//ci bde bar ni mchod par gyis/ /sngags kyis gtsang byas zhal zas 'di/ /slob ma la yang sbyin par bya/ /de bzhin gshegs pa'i lhag ma 'di/ /zo shig sdig pa byang bar 'gyur/ /lhag ma gzhan la sbyin bya zhing / /byin nas de bzhin rang gis bza'/ /slob ma
259b2 gus par shes nas ni//slar yang yon ni bslang bar bya/ /de yis yon yang phul nas ni/ /gus pas slob dpon mnyes par bya/ /mchod nas de 'og bskor bar bya/ /legs par lha la phyag btsal nas/ /slob ma rang gi gnas 'gro nas/ /dge 'dun la
259b3 yang chos ston bya//ji ltar rang ni nus pa bzhin/ /nyin mtshan du ni dga' ston bya/ /glu dang gar dang rol mo dang / /rtse dang dgod dang dga' bas gnas/ /'bad pas bzo bo dga' bar bya/ /de bzhin du ni 'khor gzhan dang / /mgon med rnams la chos ston
259b4 dang //yon yang rab tu sbyin par bya/ /dkyil 'khor dang ni sbyin sreg dang / /rab tu gnas pas yo byad kun/ /de dag thams cad slob dpon dbang / /de nyid rdo rje 'dzin yin par/ /bya ba spyod pa'i rgyud las gsungs/ /gal te rab gnas byed pa yis/ /
259b5 thabs dang shes rab bdag nyid gzugs/ /khyad par 'bras bu thob par gsungs/ /'dus pa'i rgyud las gzhan du min/ /gang zhig rnal 'byor rgyud gzhan gyis/ /mngon sum rang dga' bde chen min/ /sbyin sreg cho ga dang bcas pa'i/ /rab gnas cho ga gsal phye
259b6 bas//byas pa'i bsod nams gang yod des/ /'gro ba 'di kun bder gnas shog /rab tu gnas pa'i cho ga slob dpon zla ba'i 'od kyis mdzad pa rdzogs so// //rgya gar gyi mkhan po puN+ya kIrti dang / /bod kyi lo tsA ba dge slong bsod nams rgyal bas bsgyur
ba'o/