CLOSE WINDOW

D1893
བོད་ཡིག

@##/ /rgya gar skad du/ Ar+yA wa lo ka te shwa ra sA d+ha naM/ bod skad du/ 'phags pa spyan ras gzigs 'jig rten dbang phyug sgrub pa'i thabs/'jig rten mgon po la phyag 'tshal lo/ /gang thugs thugs rje'i dbang gyur te/ /rtag tu gzhan gyi don mdzad pa//'jig rten mgon la phyag 'tshal te/ de yi sgrub thabs bri bar bya/ /byang chub tu ni sems bskyed cing / /dad dang snying rjer ldan pa dang / /bla ma la gus gtong sems ldan/ /bden par smra zhing brtson ldan pas/ /yid dang rjes su mthun gnas su//bde ba'i stan la 'dug nas kyang / /sngon du bya ba rnams byas la/ /'jig rten mgon po bsgrub par bya/ /dang po bdag nyid kyi snying gar a las ri bong can bsams la/ de'i steng du sa bon gyi yi ge bsams te/ de las 'od 'phros pas 'jig rten mgon po spyan drangs te/phyag la sogs pa yan lag bdun pa bya'o/ /de nas gsum la skyabs su 'gro ba dang sems bskyed pa byas la snying rje chen po bsgom par bya'o/ /oM shU n+ya tA dz+nyA na badzra swA b+hA wa At+ma kou0f85 haM/ zhes brjod do/ /des dngos po thams cad gzung b a dang 'dzin pa gnyis su med pa stong pa nyid du bsgom par bya'o//de nas rang gi sems nyid paM las pad+ma 'dab ma brgyad par bsams te/ de'i steng du a las zla ba'i dkyil 'khor ro/ /de'i dbus su yang sa bon gyi yi ge de nyid do/ /de las 'od 'phros 'gro ba rnams dag par byas nas de nyid du bsdu bar bya'o//de yongs su gyur pa las bdag nyid 'jig rten mgon po sku mdog dmar po/ zhal gsum pa/dmar po dang / dkar po dang / sngon por snang ba dang / phyag drug pa g.yas g.yon dang po gnyis snyoms par 'jug pa'i phyag rgya can/g.yas kyi gnyis pa dang / gsum pa na pad+ma dang ral gri bsnams pa/ g.yon gyi gnyis pa dang / gsum pa na rin po che dang 'khor lo bsnams pa'o/ /de'i thugs kar ye shes sems dpa' rang dang 'dra ba'i cha phra ba'o/ /de'i thugs kar ri bong can la sa bon gyi yi ge'o//de las 'od 'phros te/ ye shes pa rang bzhin gyi gnas nas spyan drangs la mchod pa byas la/ dzaHhUM baM hoH/ zhes brjod de/ rang la dgug pa dang / gzhug pa dang / bcing ba dang / mnyes par bya'o/ de nas gnas gsum du yi ge gsum bsams la/sku gsung thugs byin gyis brlab par bya'o/ /yang sa bon las 'od 'phros te/sangs rgyas lnga spyan drangs la mchod pa byas la/ mgon po de bzhin gshegs pa kun gyis/ /bdag la dbang bskur mdzad du gsol//zhes gsol ba gdab cing / des dbang bskur bar bsam zhing rigs kyi bdag pos rgyas gdab po/ de nyid rnam par gsal bar bsgom par bya'o/ /yang 'byung ba rlung las grub pa'i pad+ma tsa na ka'i tshad tsam steng gi sna'i rtse mor reg pa'i mtshan ma dang / gzugs kyi mtshan ma byung ba'i bar du bsgom par bya'o/ /yang sa bon gyi yi ge de las de'i sku rnams spro zhing bsdu bar bya'o/ /de nas spro bar gyur na ye shes sems dpa'i thugs ka'i sa bon la/ oM AHoM ma Ni pad+me hU~M hU~M hrI swA hA/zhes bya ba g.yon skor du bkod de/ man ngag ji lta ba bzhin du bsgom par bya'o//de nas ldang bar 'dod na ye shes sems dpa' phyung la mchod pa byas te/ gang yang bdag blo gti mug pas/ /'dir ni bya min gang byas pa/ /gang yang lus can skyabs gyur pa/ /mgon po khyod ni bzod par mdzod / /ces gsol ba gdab par bya'o//rtag tu gzhan gyi don mdzad pa/ /'jig rten dbang phyug grub pa ni/ /dge ba de yis thob gyur cig/'gro bas kyang ni de thob shog /ces bya bas smon lam gdab par bya'o/ /de nas/ oM AHhU~M muH/ zhes pas gshegs su gsol lo//'byung ba thams cad la yang bya/ /mdun du chos 'byung pad zla can/ /bsams la sa bon 'od zer gyis/ /'byung po thams cad bkug nas ni/ /rang 'dod lha yi rnam par bya/ /gtor ma sbyang ba'i rim pa ni/ /yaM byung rlung las raM byung me/ / a las byung ba'i pad snod du/ /mu bi ra shu ma las byung ba yi/ /rdo rje chu sogs rdzas rnams bsang / /sbyang ba la sogs rnam byas nas/ /de ru yi ge hrIH bkod de/ /ye shes bdud rtsi bkug byas la/ /hU~M las byung ba'i rdo rjes dkrugs / /sngags 'dis byin gyis brlabs te 'bul /oM a kA ro mu khaM sar+b+ba d+har+m+mA NAM A d+ya nut+pan+na twA ta oM AHhUM phaT/ ces lan bdun nam gsum bzlas la dbul bar bya'o/ /de nas de rnams tshim pas gnyis su med pa'i bde ba chen po'i ting nge 'dzin thob par bsams la/ oM AHhUM muHsa gshegs su gsol bar bya'o//zas la nye bar spyod dus su snga ma'i ting nge 'dzin de nyid kyis kha zas snga ma bzhin sbyangs la/ snying gar rang gi lha bsams la/ /nang gi sbyin sreg bsam ldan pas/ /zas la nye bar spyad par bya/ /de nas mchod rten la sogs kyi/ / dge ba'i las la 'bad par bya/ /nyal ba'i dus su bdag nyid kyi/ /snying ga'i sa bon de nyid du/ /brtan dang g.yo ba kun bsdus te/ /bdag nyid kyang ni der bsdus la/ /stong nyid ting 'dzin la gnas bya/ /nang par langs nas snga ma bzhin/ /sgrub pa la ni 'jug par bya/ /khrus ni rang la dbang bskur bsam//dpal ldan 'dus pa'i rjes 'brangs te/ /'jig rten dbang po sgrub pa'i thabs/ /mar me mdzad dpal ye shes kyis/ /man ngag mdor bsdus 'dir bshad yin/ /'jig rten mgon po sgrub pa'i thabs slob dpon chen po dpal mar me mdzad ye shes kyis mdzad pa rdzogs so/