CLOSE WINDOW

D1885
བོད་ཡིག

slob dpon dpal rin chen rdo rjes mdzad pa rdzogs so// //rgya gar gyi mkhan po pad+ma ka ra warma dang / zhu chen gyi lo tsA ba dge slong rin chen bzang pos bsgyur cing zhus te gtan la phab pa'o//[ ]@##/ /rgya gar skad du/ /saM k+Shi p+ta su bo d+haM shrI sa mA dza sA d+ha naM nA ma/bod skad du/ dpal gsang ba 'dus pa rtogs sla zhing mdor bsdus pa'i sgrub thabs zhes bya ba/ dpal 'jam pa'i dbyangs la phyag 'tshal lo/ /'das dang ma byon da ltar gyi/ /rdzogs sangs rgyas kyi ye shes sku/ /snying rjes 'khor ba'i srid gnas pa'i//'jam dpal la ni phyag 'tshal lo/ /'dir bsgom pa la dbang ba'i sngags pas nang par sngar mA ma kI la sogs pa'i glu yis bskul bas sad par lhag par mos pas stan las langs te/ rang gi snying ga'i zla ba la sangs rgyas thams cad kyi yon tan gyi sa bon du gyur pa gur gum bzang po lta bu cung zhig dmar ba'i maM gyi yi ge bltas nas/gdong dag pa la sogs pa byas te/ de'i rjes la yid dang rjes su mthun pa'i sa phyogs gang zhig tu/ nyi ma dang / zla ba dang / chu dang / sman dang / dri rnams kyis maN+Dal grub bzhi byas la/me tog sna tshogs pa gcal du dgram mo/ /med na thams cad yid kyis byas nas de la ji ltar rnyed pa'i stan bde ba la nye bar gnas nas/ snying rje dang byams pa dang btang snyoms rnams ji skad du gang gsungs pa'i rang bzhin mngon du byas nas snying rje'i 'od zer gyis reg pas byon pa'i bla ma dang sangs rgyas dang byang chub sems dpa' rnams kyi dkyil 'khor gyi 'khor lo'i bdag nyid can nam//nam mkha'i ngos thams cad khyab par bltas nas/ sa bon de'i 'od zer las byung ba'i gzugs rdo rje ma la sogs pa'i lha mo dgu yis mchod pa'i yo byad sna tshogs pas mchod de/sdig pa bshags shing slar yang bsdam par bya'o/ /bsod nams thams cad la rjes su yi rang ba dang / 'khor ba ji srid par sangs rgyas thams cad chos kyi 'khor lo bskor bar bskul ba dang / dkon mchog gsum la skyabs su mchi ba dang / byang chub tu sems bskyed pa dang dkyil 'khor gyi 'khor lo'i rang bzhin gyis lam la brten pa dang /mchod pa la sogs pa las byung ba'i bsod nams kyi tshogs 'khor gsum mi dmigs pas dpal 'jam pa'i rdo rje nyid du yongs su bsngo bar bya'o/ /de'i rjes la gzung ba dang 'dzin pa la sogs pa'i rang bzhin dang bral bas stong pa'o//don dam pa'i rgyu dang 'bras bu'i bdag nyid dngos po dang bral bas na mtshan ma med pa'o/ /dngos su na chos thams cad rnam par mi rtog pa nyid kyi phyir 'gro ba ma lus pa la smon pa med pa'o/ /rnam par thar pa'i sgo gsum gyi ngo bo dam pa'i 'jug pa byang chub kyi sems bskyed nas/oM shU n+ya tA dz+nyA na badzra swab+hA wa At+ma kou0f85haM/ zhes bya bas brtan par bya'o/ /de nas sems de nyid stong pa nyid aM yongs su gyur pa las nyi ma'i dkyil 'khor ro/ /de'i steng du hU~M las skyes ba'i rdo rje rtse lnga pa'i lte bar yi ge hU~M sngon po mgo gyen du bltas p a'i lte bar hU~M gis byin gyis brlabs pa bsgoms te/de las 'phros pa'i rdo rje nas kyi tshad tsam rnams kyi rdo rje'i rang bzhin gyis gzhi'o/ /de'i rang bzhin gyi ra ba dang gur yang bsam par bya'o/ /de'i phyi rol kun du raM las byung ba'i gru gsum dmar po me'i dkyil 'khor raM gyis mtshan pas phyogs bcing bar bya'o//de'i nang du laM ser po yongs su gyur pa las zur bzhi rdo rje rtse gsum pas mtshan pa'i zur bzhi pa ser po sa'i dkyil 'khor gyis mtshams bcing ngo / /baM dkar po las byung zhing dbus su bum pas mtshan pa'i chu'i dkyil 'khor dkar po 'bar ba'i me'i gzi brjid lta bu'i rdo rje'i gur g.yogs par bsam par bya'o//de'i rjes la ra ba dang gur gyi nang du rdo rje'i sa gzhi la ma reg pa'i 'khor lo rtsibs bcu pa ser po 'khor lo'i rtsibs la gnas pa'i mi g.yo ba'i khro bo bcu'o/ /lte bar rdo rje hU~M mdzad gnas pas bgegs skrod par byed par bsam par bya'o//de la sngar gsungs pa'i shar gyi rtsibs la gshin rje gshed kha dog nag po zhal g.yas g.yon gnyis dkar ba dang dmar ba'o/ /'dir yang thams cad kyi phyag gtso bo gnyis rig ma la 'khyud pa'o/ /phyag lhag ma rnams kyis rdo rje tho ba dang ral gri sngo bsangs dang nor bu cha dgu pa ljang gu dang /pad+ma dmar po 'dab ma brgyad pa rnams 'dzin pa'o/ /lho'i rtsibs la shes rab mthar byed kha dog dkar po g.yas pa dang g.yon pa'i zhal ni sngo ba dang dmar ba'o/ /rdo rje lcags kyu dang dbyug pa dkar po dang sngar gsungs pa'i gzugs can gyi ral gri dang nor bu 'dzin pa'o//nub phyogs kyi rtsibs la pad+ma mthar byed dmar po/ g.yas dang g.yon pa'i zhal ni sngo ba dang dkar ba'o/ /pad+ma dang ral gri dang nor bu dang 'khor lo rtsibs brgyad pa 'dzin pa'o/ /byang gi phyogs kyi rtsibs la bgegs mthar byed gshin rje gshed lta bu'o//khro bo'i rdo rje dang ral gri dang nor bu dang pad+ma 'dzin pa'o/ /me'i mtshams kyi rtsibs la 'dod pa'i rgyal po yang zhal gnyis kha dog de dang mtshungs pa ste/ 'on kyang rol pa'i khro bo'o/ /lcags kyu dang ral gri dang nor bu dang pad+ma 'dzin pa'o/ /bden bral gyi rtsibs la dbyug pa sngon po gshin rje gshed dang 'dra ba ste/dbyug pa sngon po dang ral gri dang nor bu dang pad+ma 'dzin pa'o/ /rlung gi mtshams kyi rtsibs la stobs po che dang mtshungs pa ste/ rtse gsum dang ral gri dang nor bu dang pad+ma 'dzin pa'o/ /'di rnams las 'dod pa'i rgyal po ma gtogs pa gshin rje gshed la sogs pa drug ni gtsigs pa'i khro bo ste 'jigs pa'i rnam par smin ma g.yo zhing khro gnyer dang bcas pa'i klu mtha' yas sngon pos gyen du rjes pa'i skra ser po bcings pa'o//'jog po dkar pos rna rgyan byas pa'o/ /pad+ma dkar pos do shal byas pa/ karko Ta ljang gus se ral khar byas pa/rigs ldan khro bos dpung rgyan byas pa/ dung skyong ser pos gdu bu byas pa/ nor rgyas dkar pos ske rags byas pa/ pad+ma dkar pos rkang gdub byas pa/ spyan rtsa dmar zhing zlum la 'khyil ba/ sma ra ser zhing zhal gdangs pa ljags 'dril zhing mche ba gtsigs pa/ gad mo chen mo can tshad thung zhing gsus pa 'phyang ba dbang ldan gyi mtshams kyi rtsibs la mi g.yo ba 'dod pa'i rgyal po dang mtshungs pa ral gri dang rdo rje dang nor bu dang pad+ma 'dzin pa'o/ /steng du gtsug tor 'khor los sgyur ba kha dog ser po g.yas pa dang g.yon pa'i zhal ni sngo ba dang dkar ba ste/ 'khor lo ser po dang ral gri dang nor bu dang pad+ma 'dzin pa'o//'khor lo 'bar bas yongs su bskor ba'o/ /'og tu gnod mdzes 'dod pa'i rgyal po lta bu ste/ rdo rje dang ral gri dang nor bu dang pad+ma 'dzin pa'o/ /'khor lo'i lte ba la de dang mtshungs pa'i hUM mdzad rdo rje dang ral gri dang lcags kyu dang zhags pa 'dzin pa ste/g.yon ngos su dbang phyug chen po ni gan rkyal du bsgyel ba'i rna ba g.yon pa zhabs g.yas pas mnan pa/ g.yas ngos su de bzhin du bsgyel ba'i gau rI'i nu ma zhabs g.yon gyis mnan pa'o/ /'di rnams kyang 'dod pa'i rgyal po la sogs lnga ni/ rol pa'i khro bo ste cung zhig mche ba gtsigs bar snang ba/sma ra med cing rin po che'i cod pan can rin po che sna tshogs kyis kyang brgyan pa gshin rje gshed la sogs pa 'di rnams thams cad kyang pad+ma dang nyi ma la zhabs g.yas pa bskum zhing zhabs g.yon brkyang bas gnas pa/ zla ba'i 'od kyi dkyil 'khor can kha dog dang mtshungs pa'i zhal dang pos btsun mo'i mchu 'jib pa sdug bsngal dang /kun 'byung dang / 'gog pa dang / lam dang / zad pa dang / mi skye ba dang / chos dang / rjes su shes pa dang / kun rdzob dang yongs su rgyal ba shes pa rnam par dag pa'o/ /yang rdo rje hUM mdzad ni ye shes bcu po 'di rnams rnam par dag pa sgra ji bzhin pa'i ye shes kyi rang bzhin no//de nas rdo rje sems dpa'i gzugs can gyi rang bzhin rdo rje hUM mdzad yongs su gyur pa las/ steng yangs shing 'og phra ba sku dang gsung dang thugs rnam par dag pa'i gru gsum pa nam mkha'i rang bzhin gyi dbus na gnas pa'i sna tshogs pad+ma la gnas pa'i sna tshogs rdo rje can sangs rgyas kyi tshogs kyi 'od zer 'phro ba/ri bong can ltar dkar ba'i chos 'byung gi phyag rgya bsgom par bya'o/ /de la sna tshogs rdo rje'i lte bar bruM dkar po yongs su gyur pa las rten cing 'brel par 'byung ba yan lag bcu gnyis rnam par dag pa'i rtsibs bcu gnyis pa'i 'khor lo'i lte ba la zla ba la gnas pa'i bruM las de bzhin gshegs pa spro ba la sogs pa sngon du 'gro bas 'khor lo la sogs pa yongs su gyur pa las rig ma dang bcas pa'i rnam par snang mdzad las byung ba'i gzhal yas khang gru bzhi pa sgo bzhi ba/rta babs bzhis brgyan pa rin po che lnga'i rang bzhin gyi rtsibs can ji ltar gnas pa'i de bzhin gshegs pa'i kha dog dang rjes su mthun pa'i sa gzhi dang steng g.yogs shel dag pa ji lta bu'i mchod rten gyis nye bar brgyan pa/steng rdo rje phreng bas yongs su bskor ba 'khor lo la sogs pas mtshan pa'i da kar po dang ser po la sogs pa'i ka ba brgyad kyis nye bar brgyan pa mchod pa'i lha mo dang ldan pa'i khyams bzhis yongs su bskor ba'i rtsig pa la sogs par rab tu 'phyang ba'i dra ba dang dra ba phyed pa dang /me long dang zla ba dang nyi ma dang rnga yab dang / phreng ba dang ba dan rlung gis bskyod pas g.yer ka'i sgra phyogs kyi sgo rnams su sgrogs pa dang ldan pa 'dod pa'i yon tan dang rab tu ldan pa'i mchod pa'i yo byad lngas brgyan pa'i snying po gcig pa yu ba dang bcas pa sna tshogs pad+ma bcu dgu la gnas pa'i nyi ma bdun dang zla ba bcu gnyis kyi gdan gnas ji lta bar gnas pa dang ldan pa bum pa gang ba brgyad dang /thub pa'i tshogs dpag tu med pa 'phro ba dang ldan pa byang chub kyi phyogs kyi chos sum cu rtsa bdun rnam par dag pa'i 'od zer 'phro ba dang ldan pa de bzhin gshegs pa thams cad kyi yon tan rin po che'i phung po gzhal yas khang bsam par bya'o/ /de'i dbus kyi gdan la skyes bu chen po'i mtshan sum cu rtsa gnyis rdzogs par byed pa'i dbyangs kyi yi ge sum cu rtsa gnyis lugs las 'byung ba dang bzlog pa las phreng gnyis yongs su gyur pa las/bla na med pa'i shes rab kyi rang bzhin zla ba rnam par bsams nas/ de'i steng du so dang mchu las byung ba'i ba dang k+Sha yongs su spangs te/dpe byad bzang po brgyad cu yongs su rdzogs par byed pa'i ka la sogs pa nyis 'gyur gsal byed sum cu rtsa bzhi phreng gnyis kyi dbus su gnas pa/ dbyangs kyi yi ge bcu drug yongs su rdzogs pas yi ge brgyad cu las byung ba'i snying rje chen po'i rang bzhin gyi zla ba'i dkyil 'khor gzhan bsam par bya'o//'di gnyis kyang phan tshun so sor snang bas me long lta bu'i ye shes so/ /gcig tu gyur pa ni mnyam pa nyid kyi ye shes so/ /de'i steng du hU~M dkar po las skyes pa'i rdo rje rtse lnga pa pad+ma rA ga ltar dmar ba dang / de'i lte ba'i zla ba la gnas pa'i yi ge hU~M brjod par bya ba dang rjod par byed pa'i dngos po las 'das pa'i ye shes kyi rang bzhin bsam mo//de nas ye shes de de bzhin gshegs pa spros pa la sogs pa'i rjes la/ oM badzra At+ma kou0f85haM/ zhes nga rgyal bya ba ni bya ba nan tan gyi ye shes kyi rang bzhin du byas nas skad cig gis z la ba dang phyag mtshan dang sa bon yongs su gyur pa las rnam par thar pa'i sgo gsum yongs su dag pa'i zhal gsum pa ste/lus dang rtsa ba'i zhal ni dkar po/ g.yas pa dang g.yon pa'i zhal ni sngon po dang dmar po'o/ /pha rol phyin pa drug gi rang bzhin ni phyag drug go/ /rgyan sna tshogs kyis brgyan pa phyag gtso bo gnyis kyis rang dang 'dra ba'i rig ma la 'khyud cing zhal gyi ro myang ba la dgyes pa lhag ma bzhis rdo rje dmar po dang /ral gri dang nor bu dang pad+ma 'dzin pa mi bskyod pa'i cod pan can/ rdo rje'i skyil mo krung gis gnas la shes rab dang thabs kyi rang bzhin chos kyi dbyings rnam par dag pa'i rang bzhin gyi ngo bo nyid dpal rdo rje sems dpa' de'i rang bzhin las grub par bdag nyid bsgom par bya'o zhes pa ni mngon par byang chub pa rnam pa lnga'o//de nas rjes su chags pas 'dul ba'i skye bo rjes su gzung ba'i phyir/ sgyu ma'i bde ba'i sras sangs rgyas kyi tshogs bdag nyid kyi lus la bcug pas bdag nyid rgyas pa'i lha mos mnyes par byas nas/yang des spyan ma la sogs pa'i lha mo de phyung bas rang dang mtshungs pa'i nang du bsgoms nas/ bdag nyid mnyes shing gnyi ga'i rjes su chags par byas nas/ de bzhin du dkyil 'khor gyi 'khor lo'i de bzhin gshegs pa rnams bdag nyid kyi lus la zhugs te/snying rje'i sa bon gyi 'od zer gyis reg pas zla ba gzhan pa'i gzugs su gyur nas/ rang gi rdo rje'i lam nas rig ma'i pad+mar lhung bar bltas te/ skad cig de yongs su gyur pa las mi bskyod pas gtso byas pa'i rten dang brten pa'i dkyil 'khor bsams te/blo yis skye bo'i tshogs dbugs dbyung ba'i phyir der gzhug par bya'o/ /de'i rjes la snying rje'i sa bon las 'od zer gyis bkug pa'i de bzhin gshegs pa rnams zhal du zhu bas de rnams dbang bskur bar bya'o/ /de'i rjes la de'i mthus de rnams sa'i snying po la sogs pa'i dkyil 'khor gyi 'khor lo'i bdag nyid rdzogs par bltas nas/k+ShaM dzrIM khaM gaM Sh+kaM saM gi sa bon rnams kyi rim pas sa'i snying po phyag na rdo rje nam mkha'i snying po 'jig rten dbang phyug sgrib pa rnam par sel ba kun du bzang po rnams so/ /dzaHhU~M baM hoHkhaM raM gyi sa bon rnams kyis/ gzugs sgra dri ro reg bya chos kyi dbyings kyi rdo rje ma rnams so/ /laM mAM paM tAM gi sa bon rnams kyis spyan ma mA ma kI gos dkar mo sgrol ma rnams so/ /bruM AM dzrIM khaM hUM zhes bya bas rnam par snang mdzad rin chen 'byung ldan 'od dpag tu med pa don yod grub pa mi bskyod pa rnams bton nas thams cad de dang de'i don byed par dmigs nas/de nyid gsum gyi sa bon bton pa'i gsang ba'i dkyil 'khor dngos po thams cad kyi bdag nyid kyi gzhal yas khang la zhugs par bsam mo/ /de'i rjes la dkyil 'khor dang bcas pa'i 'jam pa'i rdo rje dri za'i sems can gyi gzugs can 'dod chags chen po'i bdag nyid kyi zhal du zhugs nas snying gar zhu ste rdo rje nas bton nas/rang dang mtshungs pa'i rig ma'i pad+ma'i nang du lhung bas dmar zhing 'bar ba'i khro bo gnyis kyis brten pa'i oM AHhUM zhes bya ba'i yi ge gsum gyi rang bzhin du bltas nas 'dod chags kyi mes bzhu ste/de dang reg pas bdag nyid dang rig ma dang bcas pa zla ba'i dkyil 'khor gyi steng du/ dbang po'i gzhu dang mtshungs pa'i byang chub kyi sems kyi zla ba'i dkyil 'khor rnam par blta bar bya'o/ /de nas de'i 'od zer gyis bskul ba'i de bzhin gshegs pa'i 'od zer las byung bar gyur pa'i yun ring du goms par byas pa'i mi dmigs pa'i snying rje chen po dang /byams pa la sogs pa'i rang bzhin gyi mA ma kI dang spyan ma dang gos dkar mo dang sgrol ma rnams rang rang gi gnas nas gnas pas 'di ltar bskul bar bsam mo/ /sems can khams na gnas pa'i dbang phyug khyod ni rdo rje thugs//dga' ba'i yid 'ong don chen 'dod pas bdag la bskyab tu gsol/ /mgon po gal te de ring bdag ni gson par mchis bzhed na/ /sems can yab chen gnyen mchog bdag la dgyes par mdzad du gsol/ /rdo rje'i sku khyod bka' yi 'khor lo sems can kun la phan//sangs rgyas don du byang chub mchog tu rab tu phan par gzigs/ /mgon po gal te de ring bdag ni gson par mchis bzhed na/ /'dod chags dam tshig chags pas bdag la dgyes bar mdzad du gsol/ /khyod ni rdo rje'i gsung ste kun la phan zhing thugs brtse ba//sems can 'jig rten dag ni don mdzad pa la rtag tu brtson/ /mgon po gal te de ring bdag ni gson par mchis bzhed na/ /spyod pa dri med kun du bzang po bdag la dgyes par mdzad du gsol/ /khyod ni rdo rje 'dod pas dam tshig mchog gi phan don che//yang dag rdzogs sangs rgyas kyi gdung mchog mnyam pa nyid gzigs pa/ /mgon po gal te de ring bdag ni gson par mchis bzhed na/ /yon tan rin chen mang po'i gter gyur bdag la dgyes par mdzod/ /ces bya ba'i glu'i don thos pas sgra brnyan ltar bsams nas/snying rje gzhan gyi dbang du gyur pas stong pa nyid kyi ting nge 'dzin gyi rgud pa ltar bsams te/ 'gro ba ma lus pa sgyu ma lta bur bltas nas/ zla ba zhu ba las gyur ba'i 'od zer rab tu 'phro ba'i maM gi yi ge'i rang bzhin du gyur te/ de nas de yongs su gyur pa'i ral gri'i yu bar gnas pa'i zla ba la gnas pa'i gsal ba'i maM gi yi ge las 'jam pa'i rdo rjer gyur te phyung nas sems can gyi don byas nas/de nyid du zhugs te ral gri la sogs pa yongs su gyur pa las sku mdog dang zhal gtso bor gur gum gzhon nu ltar yid du 'ong zhing mdzes pa g.yas dang g.yon pa'i zhal ni sngo ba dang dkar ba sna tshogs pa'i rgyan gyis yid du 'ong zhing rin po che'i rang bzhin gyi cod pan can//phyag dang po gnyis kyis rang dang 'dra ba'i rig ma la 'khyud pa phyag lhag ma rnams kyis rim pa ji lta ba bzhin du ral gri dang mda' dang ut+pal sngon po dang gzhu 'dzin pa/ rnam par snang mdzad la sogs pa'i sangs rgyas kyi tshogs 'phros pas nam mkha' khyab pa dbus kyi zla ba'i gdan la rdo rje skyil mo krung gis nye bar gnas pa'i 'jam pa'i rdo rjer bdag nyid bsgom par bya'o//de'i rjes la oM d+harma d+hA tu swA b+hA wa At+ma kou0f85haM/ zhes pas bdag nyid chos kyi dbyings k yi rang bzhin mngon du byas te/byin gyis brlabs pa ni chung ngu'i rgyu mthun pa'i 'bras bu dang chung ngu'i gnyen po'i/ /de nas mig 'bras gnyis kyi nang du zla ba la k+ShiM dkar po las skyes pa'i 'khor lo rtsibs brgyad pa'i lte ba'i gnas na gnas pa'i k+ShiM gi 'od zer las byung ba'i sa'i snying po'i dkyil 'khor gyis/'gro ba'i don byas nas sa bon la zhugs te de thams cad yongs su gyur pa las sa'i snying po rin po che'i cod pan can 'chad par 'gyur ba'i rnam par snang mdzad dang mtshungs pa/ lha'i mig gis mngon par shes pa'i ngo bo nyid bsgom par bya'o/ / de bzhin du rna ba gnyis la zla ba'i dkyil 'khor la gnas pa'i dzrIM sngon po las byung ba'i rdo rje la sogs pa yongs su gyur pa las mi bskyod pa'i ngo bo phyag na rdo rje lta bu rna ba'i mngon par shes pa'i rnam par dag pa'o/ /sna la khaM ser po dang rin po che la sogs pa las skyes pa'i nam mkha'i snying po rin chen 'byung ldan dang mtshungs pa'i gzhan gyi sems shes pa'i mngon par shes pa'i rang bzhin no//lce la gaM dmar po dang pad+ma 'dab ma brgyad pa la sogs pa yongs su gyur pa las 'od dpag tu med pa dang mtshungs pa'i 'jig rten dbang phyug sngon gyi gnas rjes su dran pa'i mngon par shes pa'i rang bzhin no//dpral bar Sh+kaM ljang gu yongs su gyur pa las don yod grub pa lta bu'i sgrib pa thams cad rnam par sel ba rdzu 'phrul gyi rkang pa mngon par shes pa'i rang bzhin no/ /nu ma gnyis kyi steng du mgrin pa'i 'og tu saM dkar po yongs su gyur pa las/ rdo rje sems dpa' lta bu'i kun du bzang po zag pa zad pa'i mngon par shes pa'i rang bzhin no//yang 'di rnams kyi snying gar zla ba la gnas pa'i rang rang gi mtshan ma'i dbus kyi zla bar gnas pa'i ji lta bu'i sa bon rnams bsgom par bya'o zhes bya ba ni kun mkhyen pa'i rang bzhin chung ngu'i rnam par smin pa'i 'bras bu dang /chung ngu'i nye bar sgrub pa'o/ /de nas nu ma gnyis kyi 'og rang gi snying ga'i zla ba la hUM gis bskyed pa'i rdo rje'i lte bar zla ba la gnas pa'i hUM las skyes pa'i rdo rje phra mo hUM gis byin gyis brlabs pa bsams te/ de'i 'od zer las de bzhin gshegs pa spro ba la sogs pa sngon du 'gro ba las rdo rje phra mo la sogs pa las skyes pa'i snying ga'i zla ba'i mtshan ma'i lte ba la chos sku rnam par dag pa phyag rgya chen po'i ngo bo phyag na rdo rje dang mtshungs pa de'i snying gar yang zla ba la gnas pa'i rdo rje'i lte ba'i hUM las spros pa thugs rdo rje dang /gdod ma nas grub pa'i de bzhin gshegs pa rnams kyis nam mkha'i khams gang bar bsams te/de rnams hUM gi 'od zer las 'phros pa gzugs rdo rje ma la sogs pa rnams kyis mchod pa rnam pa sna tshogs pa sngon du 'gro bas/ rang dang 'dra ba'i rig ma'i nang du zhugs pas rjes su chags pa'i bdag nyid kyis thugs byin gyis brlab par bya ste/dpal ldan rdo rje thugs 'chang ba/ /rdo rje mi phyed gsum bsgoms pas/ /deng bdag byin gyis brlabs nas su/ /rdo rje thugs kyis mdzad du gsol/ /zhes bya ba ni bdag nyid kyi sprul pa la'o/ /phyogs bcur bzhugs pa'i sangs rgyas rnams//rdo rje mi phyed gsum bsgoms pas/ /deng bdag byin rlabs go 'phang ni/ /rdo rje thugs kyis mdzad du gsol/ /zhes pa ni thog ma nas grub pa'i de bzhin gshegs pa'i thugs ka na gnas pa rnams te/ gsol ba btab pas bdag nyid kyi thugs rdo rje'i nang du zhugs par blta'o//oM sar+b+ba ta thA ga ta tsit+ta badzra swA b+hA wa At+ma kou0f85haM/ zhes pas byin gyis brlab cing brtan par bya'o/ /de bzhin du nu ma gnyis kyi bar du rang gi sa bon la sogs pa las skyes pa'i ral gri'i yu ba la gnas pa'i zla ba la gsol ba btab par bsams pas dam tshig sems dpa' l ta bu'i ye shes sems dpa' dam tshig gi phyag rgya'i rang bzhin bsgom par bya'o//mgrin par snga ma bzhin du AHlas skyes pa'i pad+ma phra mo la sogs pa yongs su gyur pa las longs spyod rdzogs pa'i sku rnam par dag pa chos kyi phyag rgya'i rang bzhin 'jig rten dbang phyug lta bu'i gsung rdo rje bsams te/mchod pa dang gsol ba btab pa sngon du 'gro bas byin gyis brlab par bya'o/ /chos kyi gsung lam dpal dang ldan/ /rdo rje mi phyed gsum bsgoms pas/ /deng bdag byin rlabs go 'phang ni/ /rdo rje gsung gis mdzad du gsol/ /phyogs bcur bzhugs pa'i sangs rgyas rnams//rdo rje mi phyed gsum bsgoms pas/ /deng bdag byin rlabs go 'phang ni/ /rdo rje gsung gis mdzad du gsol/ /oM sar+b+ba ta thA ga ta wA ka badzra swA b+hA wa At+ma kou0f85haM/ de'i rjes la de bzhin du spyi bor zla ba la gnas pa'i oM las bskyed pa'i 'khor lo rtsibs brgyad pa la zla b a la gnas pa'i oM las bskyed pa'i 'khor lo phra mo'i lte bar zla ba la gnas pa'i oM dang 'khor lo yongs su gyur pa las sprul pa'i sku rnam par dag pa las kyi phyag rgya'i rang bzhin sa'i snying po lta bu'i rdo rje blta ste/sngar bzhin du byin gyis brlab par bya'o/ /dpal ldan rdo rje sku 'chang ba//rdo rje mi phyed gsum bsgoms pas/ /deng bdag byin rlabs go 'phang ni/ /rdo rje sku yis mdzad du gsol/ /phyogs bcur bzhugs pa'i sangs rgyas rnams/ /rdo rje mi phyed gsum bsgoms pas/ /deng bdag byin rlabs go 'phang ni/ /rdo rje sku yis mdzad du gsol//oM sar+b+ba ta thA ga ta kA ya badzra swA b+hA wa At+ma kou0f85haM/ thugs rdo rje la sogs pa 'di rnams rang rang gi mtshan nyid lte ba la gnas pa'i phyag rgya bzhi'i rang bzhin gyi yi ge bzhi'i rgyas btab pas mtshan nyid dang bral ba rang bzhin med par bsgom par bya'o zhes pa ni/ chung ngu'i skyes b u'i byed pa'i 'bras bu dang chung ngu'i sgrub pa'o//de nas ye shes sems dpa'i thugs ka'i sa bon gyi 'od zer gyis reg pas de bzhin gshegs pa'i tshogs kyi 'od zer las byung ba'i spyan la sogs pa'i lha mo rnams kyis lag pas bzung ba'i rang gi rigs rnam par dag pa'i kha dog ste/ de'i byang chub kyi sems kyis yongs su dag pa'i rin po che'i bum pas gzugs rdo rje la sogs pa'i rol mo sna tshogs pa dang / mchod pa dang bkra shis kyi glu la sogs pa sngon du 'gro bas/ bdag nyid la dbang bskur ba las/ bdag nyid kyi cod pan la byang chub kyi sems kyi lhag ma las mi bskyod pa bsgom par bya'o zhes pa ni chung ngu'i dri ma med pa'i 'bras bu dang /chung ngu'i sgrub pa chen po'o/ /de'i rjes la lhan cig skyes pa'i rang dang mtshungs pa'i kha dog dang / phyag la lta ba'i 'bring gi rgyu mthun pa'i 'bras bu dang / 'bring gi gnyen po'o/ /sngar bzhin du de'i mig la sogs pa byin gyis brlabs pa ni 'bring gi rnam par smin pa'i 'bras bu dang /'bring gi nye bar sgrub pa'i 'bras bu'o/ /gsol ba btab pa med par thugs dang gsung dang sku byin gyis brlabs pa ni 'bring gi skyes bu byed pa'i 'bras bu dang / 'bring gi sgrub pa chen po'o/ /sngar bzhin du ye shes sems dpa'i thugs ka'i sa bon gyi 'od zer gyis de bzhin gshegs pa rnams bskul ba la sogs pa'i sgo nas dbang bskur ba la sogs pa dri ma med pa'i 'bras bu dang /'bring gi sgrub pa chen po'o/ /de nas de'i spyi bo nas snying ga la thug pa'i bar zla ba'i dkyil 'khor la gnas pa'i oM dang 'khor lo yongs su gyur pa las/rnam par snang mdzad kyi rdul phra rab kyi ngo bo/ snying ga nas lte ba la thug par nyi ma la gnas pa'i hUM dang rdo rje las skyes pa mi bskyod pa'i rdul phra rab kyi rang bzhin no/ /lte ba nas gsang ba la thug par nyi ma la gnas pa'i swA dang rin po che yongs su gyur pa las rin chen 'byung ldan gyi rdul phra rab kyi rang bzhin no//gsang ba nas pus mo la thug par nyi ma la gnas pa'i AHdang pad+ma las skyes pa'i 'od dpag tu med pa'i rdul phra rab kyi rang bzhin no/ /pus mo nas rkang pa'i mthil la thug par nyi ma la gnas pa'i hA dang / ral gri yongs su gyur pa las don yod grub pa'i rdul phra rab kyi rang bzhin can/ rtsa ba'i kha dog ma nyams par bsgom par bya'o/ /de nas de'i pad+ma hUM yongs su gyur pa las/ pad+ma dmar po 'dab ma brgyad pa la a las ze 'bru sna tshogs can gyi gsang ba'o/ /bdag nyid kyi hUM yongs su gyur pa las rang bzhin kha dog can gyi rdo rje rtse mo gcig pa oM las skyes pa'i nor bu dmar po can gyi bu gar byang chub kyi sems gnas par bya ba'i phyir phaT ser po bsams te/gnyis pa'i lus la de bzhin gshegs pa thams cad blos bcug la rdul phra rab so so la dkyil 'khor gyi 'khor lo'i bdag nyid du lhag par bsam par bya ste/mthar tshad med cing bla na med pa'i bde ba chen po'i de bzhin gshegs pa thams cad rjes su chags pa'i bsam pas rdo rje dang pad+ma snyoms par 'jug par bsams te/ oM sar+b+ba ta thA ga ta a nu rA ga na badzra swA b+hA wa At+ma kou0f85haM/ zhes pas nga rgyal bya'o zhes pa ni sbyor ba dang po'i ting nge 'dzin no/ /de nas ye shes sems dpa'i thugs ka'i zla ba'i ral gri'i yu bar gnas pa'i maM gi 'od zer gyis bkug pa'i de bzhin gshegs pa'i tshogs zhal nas bcug ste/ zhu bar gyur nas bdag nyid kyi rdo rje nas bton te lha mo'i pad+ma'i nang du blta bar bya'o//de yongs su gyur pa las yi ge maM gyi sa bon las de bzhin gshegs pa spro ba la sogs pa sngon du 'gro ba las gzhal yas khang na gnas pa'i lha bcu dgu'i bdag nyid can gyi mi bskyod pa gtso bor gyur pa dkyil 'khor gyi 'khor lo kha dog la sogs pa de nyid du gsal bar byas nas/rim pas re re nas rang rang gi sngags brjod pas dbyung bar bya'o/ /de la mi bskyod pa rnam par shes pa'i phung po rnam par dag pa chos kyi dbyings shin tu rnam par dag pa'i ye shes kyi rang bzhin lus dang rtsa ba'i zhal sngon po mche ba cung zhig gtsigs pa//g.yas pa dang g.yon pa'i zhal ni dkar ba dang dmar ba'o/ /rim pa bzhin du phyag bzhin rdo rje sngon po dang / ral gri dang / nor bu dang pad+ma 'dzin pa badzra d+h+r-ika ces pas bskul zhing bton te/ ci ltar rigs pa'i dpag tu med pa'i sprul pas 'gro ba'i don byas nas bsdus te/bdag nyid la zhugs par bsam mo /dzi na dzika ces pas gzugs kyi phung po rnam par dag pa me long lta bu'i ye shes kyi bdag nyid rdo rje sems dpa'i kha dog dang zhal la sogs pa dang ldan pa'i 'khor lo rtsibs brgyad pa dkar po dang / ral gri dang nor bu dang pad+ma 'dzin pa rang gis gdul bar bya ba btul nas/slar 'ongs te sngar gyi sna tshogs pad+ma dang zla ba'i gdan la bzhugs so/ /rat+na d+h+r-ika ces bya bas tshor ba'i phung po rnam par dag pa mnyam pa nyid kyi ye shes kyi bdag nyid gtso bo dang mtshungs pa'i kha dog rin po che cha dgu dang ral gri dang 'khor lo dang pad+ma 'dzin pa sngar bzhin du lho phyogs su pad+ma dang nyi ma'i gdan la bzhugs so//A ro l-ika ces pas 'du shes kyi phung po rnam par dag pa so sor rtog pa'i ye shes kyi rang bzhin lus thams cad dang rtsa ba'i zhal dmar po/ /g.yas pa dang g.yon pa'i zhal ni sngo ba dang dkar ba'o//pad+ma 'dab ma brgyad pa ral gri dang nor bu dang 'khor lo 'dzin pa sngar bzhin du sna tshogs pad+ma dang nyi ma'i gdan la'o/ /pradz+nyA d+h+r-ika ces pas 'du byed kyi phung po rnam par dag pa bya ba grub pa'i ye shes kyi rang bzhin lus thams cad dang rtsa ba'i zhal ljang gu/ g.yas dang g.yon sngo ba dang dkar ba'i don yod grub pa phyag na ral gri dang 'khor lo dang rin po che dang pad+ma 'dzin pa/byang du sngar bzhin du sna tshogs pad+ma dang nyi ma'i gdan la'o/ /'di rnams thams cad kyang mdzes pa'i ral pa'i cod pan can/ rgyan sna tshogs kyis brgyan pa'i phyag gnyis kyis 'khyud pa'i rin po che sna tshogs kyi cod pan can/rgyan sna tshogs kyis mdzes pa'i rang dang mtshungs pa'i rig ma'i mchu'i ro myang ba'o/ /mo ha ra tI zhes bya bas sa'i khams rnam par dag pa byams pa'i rang bzhin rnam par snang mdzad kyi rig ma dang mtshungs pa'i spyan/ sngar bzhin du me'i mtshams su'o//dwe Sha ra tI zhes pas chu'i khams rnam par dag pa'i snying rje chen po'i rang bzhin mi bskyod pa'i rig ma'i gzugs can/ ut+pal dmar po dang ral gri dang nor bu dang pad+ma 'dzin pa'i mA ma kI de bzhin du bden bral du'o/ /rA ga ra tI zhes bya bas me'i khams rnam par dag pa dga' ba chen po'i rang bzhin 'od dpag tu med pa'i rig ma dang 'dra ba'i gos dkar mo de bzhin du rlung gi mtshams su'o//badzra ra tI zhes bya bas rlung gi khams rnam par dag pa btang snyoms chen po'i rang bzhin/ lus thams cad dang rtsa ba'i zhal ser po g.yas dang gzhan ma'i zhal ni sngo ba dang dkar ba/ut+pal ser po dang ral gri dang nor bu dang pad+ma 'dzin pa'i sgrol ma sngar bzhin du dbang ldan gyi mtshams su'o/ /de bzhin du sbyin pa'i pha rol tu phyin pa'i rang bzhin yul gyi gzugs rnam par dag pa me long dang ral gri dang nor bu dang pad+ma 'dzin pa spyan ma lta bu'i gzugs rdo rje ma phyi'i 'phar ma'i me'i mtshams su'o//tshul khrims kyi pha rol tu phyin pa'i rang bzhin sgra rnam par dag pa'i pi wang dang ral gri dang nor bu dang pad+ma 'dzin pa mA ma kI dang mtshungs pa sgra rdo rje ma bden bral gyi mtshams su'o// bzod pa'i pha rol tu phyin pa'i rang bzhin dri rnam par dag pa'i dri'i dung chos ser po dang /ral gri dang 'khor lo dang pad+ma 'dzin pa rin chen 'byung ldan gyi rig ma dang mtshungs pa'i dri rdo rje ma rlung gi mtshams su'o/ /brtson 'grus kyi pha rol tu phyin pa'i rang bzhin ro rnam par dag pa ros gang ba'i lhung bzed dmar po dang / ral gri dang nor bu dang 'khor lo 'dzin pa gos dkar mo dang mtshungs pa ro rdo rje ma dbang ldan gyi mtshams su'o//bsam gtan gyi pha rol tu phyin pa'i rang bzhin reg rnam par dag pa na bza' sna tshogs dang / ral gri dang nor bu dang pad+ma 'dzin pa don yod grub pa'i rig ma dang mtshungs pa'i reg bya rdo rje ma sngar bzhin du byang phyogs su'o//shes rab kyi pha rol tu phyin pa'i rang bzhin chos kyi dbyings rnam par dag pa chos 'byung gi phyag rgya dang ral gri dang nor bu dang pad+ma 'dzin pa rdo rje sems dpa'i rig ma dang mtshungs pa chos kyi dbyings kyi rdo rje ma sngar bzhin du lho'i sgo'i ngos su'o/ /drug po 'di rnams kyang oM AHhUM zhes bya ba de nyid gsum gyis bton la/gzugs la sogs pa drug po 'di rnams kyang rang dang 'dra ba'i thabs la 'khyud pa zhal gyi ro myang bar 'dod pa'i rin po che sna tshogs kyis brgyan pa'i cod pan can sna tshogs pad+ma dang zla ba'i gdan la bsgom par bya'o/ /ya mAn+ta kr-i ta ces bya bas gshin rje gshed dad pa'i rang bzhin sngar gsungs pa'i kha dog dang ldan pa shar phyogs kyi sgo ru'o//de bzhin du pradz+nyAn+ta kr-i ta ces bya bas brtson 'grus kyi rang bzhin shes rab mthar byed lho phyogs kyi sgo ru'o/ /pad+mAn+ta kr-i ta ces bya bas dran pa'i rang bzhin pad+ma mthar byed nub phyogs kyi sgo ru'o//big+h+nAn+ta kr-i ta ces bya bas ting nge 'dzin gyi rang bzhin bdud rtsi 'khyil pa byang phyogs kyi sgo ru'o/ /nang gi gzhal yas khang de nyid gsum gyis bton la phyi'i gzhal yas khang la bstim par bya'o/ /sgo skyong ba 'di rnams thams cad kyang sna tshogs pad+ma dang nyi ma'i gdan la g.yon brkyang bas gnas pa nyi ma'i 'od kyi dkyil 'khor can no//gzhan ni rang rang gi gdan gyi 'od kyi dkyil 'khor can no/ /thams cad kyang dkyil 'khor pa dang dkyil 'khor gyi bdag po la mngon par phyogs par bsgom par bya'o zhes pas yongs su rdzogs pa'i dkyil 'khor la bltas nas rang gi ye shes sems dpa'i thugs ka'i sa bon gyi 'od zer gyi lcags kyus bkug pa'i gdod ma nas grub pa'i ye shes kyi dkyil 'khor mdun gyi rdo rje gur gyi steng du bltas te/gshin rje gshed la sogs pa gang yang rung ba cig spros pas de dang lhan cig 'ongs pa'i bgegs rnams bskrad cing mngon par bsrungs te/rang gi sngags bzlas pa'i zla ba dang me tog la sogs pa'i mchod yon phul nas/ oM AHya mAn+ta kr-ita A k+Sha dzaH hUM/ zhes bya bas gshin rje gshed kyis bkug ste/ oM AHpradz+nyAn+ta kr-ita pra be shA ya hUM hUM/ zhes bya bas shes rab mthar byed kyis bcug nas/oM AH pad+mAn+ta kr-ita ban+d+ha ya baM hUM/ zhes pas pad+ma mthar byed kyis bcings te/ oM AH bi g+h+nAn+ta kr-ita to Sha ya hoHhUM/ zhes pas bgegs mthar byed kyis mnyes par bya'o zhes bya ba ni rab kyi rgyu mthun pa'i 'bras bu dang rab kyi bsnyen pa'o/ / dkyil 'khor ba so so'i mig la sogs pa byin gyis brlab pa ni rab kyi rnam par smin pa'i 'bras bu dang / rab kyi nye bar sgrub pa'o/ /gsol ba btab pa'i tshigs su bcad pa dang byin gyis brlab pa'i sngags brjod pa spangs pa'i thugs la sogs pa byin gyis brlabs pa ni rab kyi skyes bus byed pa'i 'bras bu dang rab kyi sgrub pa'o//sngar bzhin du yang dbang bskur ba ni rab kyi dri ma med pa'i 'bras bu dang rab kyi sgrub pa chen po'o/ /de la mi bskyod pa'i cod pan la rdo rje sems dpa'o/ /yang rdo rje sems dpa' dang rnam par snang mdzad la sogs pa'i de bzhin gshegs pa rnams dang thugs rdo rje dang mA ma kI dang phyag na rdo rje dang sgra rdo rje ma dang shes rab mthar byed la sogs pa khro bo rnams kyi mi bskyod pa'o//spyan dang sku rdo rje dang sa'i snying po dang gzugs rdo rje ma dang gshin rje gshed la sogs pa rnams kyi rnam par snang mdzad do/ /nam mkha'i snying po dang / / dri rdo rje ma'i rin chen dbang ngo //gsung rdo rje dang gos dkar mo dang 'jig rten dbang phyug dang ro rdo rje ma dang pad+ma mthar byed rnams kyi 'od dpag tu med pa'o/ /sgrib pa thams cad rnam par sel ba dang reg rdo rje ma rnams kyi don yod grub pa'o/ /kun du bzang po dang chos kyi dbyings kyi rdo rje ma dag ni rdo rje sems dpa'o//de nas snying ga'i sa bon gyi 'od zer gyis 'dod pa'i yon tan lnga bkug nas snying gar zhugs te/ zla ba zhu ba'i gzugs su gyur nas rdo rje nas byung zhing pad+mar song bar bltas te/ de las rig ma'i ba spu'i bu ga nas byung ba'i 'od zer tshogs kyi sgo nas byung zhing sprul pas mchod pa'i yo byad sna tshogs la gzugs rdo rje ma la sogs pa'i lha mo rnams kyis gzhal yas khang gi 'od las byung ba'i khyad par du 'phags pa'i gzugs la sogs pa rnams kyis kyang bdag nyid dkyil 'khor dang bcas pa la mchod par bya ste/oM sarba ta thA ga ta pU dza badzra swa b+hA wa At+ma kou0f85haM/zhes pas lhag par mos par bya'o/ /de'i rjes la/ mi bskyod rdo rje ye shes che/ /rdo rje dbyings kyi mkhas chen po/ /rdo rje gsum mchog dkyil 'khor gsum/ /rdo rje dbyangs la phyag 'tshal bstod/ /rnam par snang mdzad dag pa che/ /rdo rje zhi ba dga' chen po//rang bzhin 'od gsal ma mchog gi mchog /ston pa rdo rje phyag 'tshal bstod/ /rin chen rgyal po rab tu zab/ /rdo rje nam mkha' dri med mkha'/ /rang bzhin rnam dag gos pa med/ /rdo rje sku la phyag 'tshal bstod/ /rdo rje 'od dpag med rgyal po/ /mi rtog rdo rje nam mkha' 'dzin//'dod chags pha rol phyin pa brnyes/ /rdo rje gsung la phyag 'tshal lo/ /don yod rdo rje rdzogs sangs rgyas/ /bsam pa thams cad rdzogs mdzad pa/ /dag pa'i ngo bo nyid las byung / /rdo rje sems dpa'i phyag 'tshal bstod/ /ces bya bas gzhal yas khang na gnas pa'i ka ba dang bum pa rnams bdag nyid la bstod pa byed par bsam par bya'o//de nas mdun du yaM las rlung gi dkyil 'khor sngon po mtha' gnyis na g.yo ba'i ba dan sngon pos mtshan pa gzhu'i rnam pa'i steng du raM las skyes pa'i raM dmar pos mtshan pa gru gsum me'i dkyil 'khor gyi steng du rin po che'i sgyed pu la gnas pa/a dkar po las skyes pa'i pad+ma'i snod kyi nang du gnas pa/ bi ra shu ma mu zhes pa'i ming can gyi bdud rtsi lnga dang rim pas bruM AM dzrIM khaM hUM gis byin gyis brlab pa de bzhin du go ku da ha na yang bsams te/ de'i kha chod lta bu'i zla ba'i dkyil 'khor la gnas pa'i hUM las skyes pa'i lte bar de dang ldan pa rdo rje dkar po rtse lnga pa bltas nas/bruM la sogs pa'i 'od zer ni rnam par bzhu ste/ de nyid kyi nang du zhugs par bsams nas/ rlung gis sbar ba'i me sbar bas bsro zhing zhu bas bla na med pa'i ro'i rang bzhin du lhag par mos par byas te/de ru rnam par bkod pa'i rab tu gsal ba'i oM dkar po'i 'od zer gyis bkug pa'i de bzhin gshegs pa'i ye shes kyi bdud rtsi rnams bcug nas de nyid gsum gyis lan mang du bsngags te/ de yis rang rang gi lce'i rtse mo la gnas pa'i hU~M las skyes pa'i lte bar des byin gyis brlabs pa nas kyi tshad tsam rdo rje dkar po'i sbu gus drangs pas bdag nyid kyi ye shes sems dpa'i thugs ka'i sa bon yongs su gyur pa las bdag nyid dkyil 'khor gyi 'khor lo dang /dkyil 'khor pa rnams rang rang gi dbu rgyan la rigs kyi bdag po bsams te tshim par bya'o zhes pa ni/dkyil 'khor rgyal po mchog ces bya ba'i ting nge 'dzin no/ /de nas sems dbang du bya ba'i phyir thig le'i rnal 'byor la sogs pa bsgom par bya'o/ /de la ye shes sems dpa'i thugs ka'i mtshan ma'i lte bar gnas pa'i sa bon gyi 'od zer las byung ba'i de bzhin gshegs pa rnams kyis 'gro ba ma lus pa sangs rgyas su byas nas de'i nang du zhugs te de'i sa bon yongs su gyur pas sran ma'i tshad tsam gyi thig le'i nang du 'phro ba'i rten dang brten pa'i bdag nyid kyi 'khor lo ltar rgyu mthun pa dang bsnyen pa la sogs pa mos pa brten par bya ste/de'i 'od zer gyi phreng bas rang gi rten ral gri dang ye shes sems dpa'i la sogs pa dang /sa'i snying po la sogs pa rim gyis snang bar byas shing / 'jig rten gsum ma lus par snang bar byas te yang dang yang du de nyid du thim par bya'o zhes bya ba ni thig le'i rnal 'byor ro/ /de'i rjes la de bzhin gshegs pa'i tshogs zhal du bcug ste/zhu nas zhu ba'i thig le yongs su gyur pa las nas kyi tshad tsam gyi ral gri dang rang gi rig pa'i pad+ma'i sna rtser bltas te/ de'i yu bar zla ba la gnas pa'i yi ge maM yongs su gyur pa las nyungs kar gyi tshad tsam du phra ba'i rin po che kha dog lnga pa'i dbus su rten dang brten pa'i rang bzhin bdag nyid 'khor lo chung ngu dang /'bring dang / rab kyi rgyu mthun pa'i 'bras bu dang / bsnyen pa la sogs pa'i yan lag bzhi dang ldan par mos pas sems dbang du bya ba'i phyir bsgom par bya'o/ /de nas smig rgyu dang / du ba dang / mkha' snang dang / mar me dang nam mkha'i rnam pa rnams las gang yang rung ba'i mtshan ma thob nas/sems brtan par khong du chud pas rang gis rig pa'i bdag nyid de'i 'od las byung ba'i 'jam pa'i rdo rje la sogs pa'am/ de'i mtshan ma ral gri la sogs pa rnams spro ba dang bsdu ba'i rim pa rim gyis bya'o zhes bya ba ni phra mo'i rnal 'byor//de nas sku rdo rje dang / gsung rdo rje dang / thugs rdo rje dang / ye shes sems dpa'i thugs ka'i mtshan ma'i lte ba rnams la zla ba la gnas pa'i oM dang AHdang maM dang hU~M gi yi ge rnams blta ste/ myur ba la sogs pa'i skyon dang bral ba brjod pas/oM la sogs pa'i sa bon las rang gi ji lta ba'am/ cig car du sku rdo rje la sogs pa rnams dang / maM las de bzhin gshegs pa lnga srog gi rlung gis spros te/ yan lag bzhi dang ldan pa nyid du lhag par mos pas thugs la sogs pa byin gyis brlabs pa lta bur gzugs rdo rje ma la sogs pa rnams kyis mchod pas yongs su mnyes te/rtsol ba'i rlung gis rten de nyid lhag par mos pas yang dag par bsdus par bltas te/ ji srid skyo ba'i bar du bzlas so zhes bya ba ni bzlas pa'o/ /ngal na mtho gang tsam gyis spags par spyi bo'i steng du zla ba'i dkyil 'khor la gnas pa lhan cig tu grub pa'i bdud rtsi lnga oM dkar pos byin gyis brlabs pas bdud rtsi 'dzag par bsams te/de nas srog dang rtsol bas bkug pa'i bdud rtsi'i rgyun sku rdo rje la sogs pa dbab par bya'o zhes pas tshim zhing ngal sos nas/ slar yang thig le la sogs pa bsgom pa sngon du 'gro bas bzlas par bya'o//gshegs su gsol bar 'dod na yang sngar bzhin du mchod pa dang bstod pa dang bdud rtsi myang ba byas nas/ oM la sogs pa'i yi ge gsum la rigs ji lta bu'i dkyil 'khor rnams bsdus te/ yi ge gsum po de yang gnyis su med pa'i ye shes kyi rang bzhin du bsgom par bya'o zhes bya ba ni las rgyal po mchog ces bya ba'i ting nge 'dzin to//'jam dpal ji ltar mkhyen cing dpa' ba dang / /kun du bzang po de yang de bzhin te/ /de dag gi yang rjes su bdag slob cing / /dge ba 'di dag thams cad yongs su bsngo//dus gsum gshegs pa rgyal ba thams cad kyi/ /bsngo ba gang la mchog tu bsngags pa ltar/ /bdag gi dge ba'i rtsa ba 'di dag kyang / /bzang po spyod phyir yongs su bsngo bar bgyi/ /zhes pas ting nge 'dzin gsum las byung ba'i bsod nams kyi phung po thams cad kyang yongs su bsngos nas/langs te 'jam pa'i rdo rje'i nga rgyal gyis gnas par bya'o/ /'gro ba thams cad de'i rnam pa'i rdo rje sems dpa'i rang bzhin du'o/ /ji ltar rig pa'i rnam par snang mdzad la sogs pa'i ngo bo'am/ gzugs rdo rje ma la sogs pa'i rang bzhin du bsams te gnas bar bya'o//lus la sogs pa'i bya ba yang rjes su mthun pa'i 'gro ba'i don du yongs su bsngo bar bya'o/ /bdag dang gzhan yang 'jam pa'i rdo rje nyid du lhag par mos pas ji ltar rnyed pa'i 'dod pa'i yon tan lngas yongs su mnyes par bya'o/ /phyi'i mchod pa byed par 'dod pas kyang tsan+dan la sogs pas byugs pa'i dkyil 'khor dang rang gi snying ga'i sa bon gyi 'od kyis bkug pa'i 'jam pa'i rdo rje'i 'khor lo'i rnal 'byor ji lta bar byas te/de nyid gsum gyis brten pa'i rtsa ba'i sngags kyi gzugs kyis dang / sgo srung ba bzhi rang rang gi 'byin pa'i sngags kyi rang bzhin de nyid gsum gyis brtan pa'i sngags kyis me tog la sogs pa dang mchod yon la sogs pa'i sbyin pa sngon du 'gro bas mchod pa bya'o//khrus byed pas kyang dbang bskur ba'i tshogs so/ /zas za bar 'dod pas kyang kha zas bdud rtsi rnam pa lnga dang sgron ma rnam pa lnga'i rnam par lhag par mos shing sngar bzhin du snying gar 'khor lo'i bdag po bskyed nas cod pan la rigs kyi bdag po'o//lce la sngar bzhin du rdo rje dkar po rnam par bsams te/ dkyil 'khor gyi 'khor lo tshim par bya ba'i bsam pas bza' bar bya'o/ /thun mtshams gzhan la yang sngar bzhin du ting nge 'dzin gsum skad cig gis mngon du byas nas thig le dang phra mo'i bsgom pa sngon du 'gro bas gnas par bya'o//dgongs kyi thun mtshams su yang ting nge 'dzin gsum yongs su rdzogs shing nyal bar 'dod pas ye shes sems dpa'i thugs kar 'khor lo bsdus nas shes rab dang snying rjer ldan pas nyal bar bya'o//de bzhin du nyi ma gzhan thams cad ting nge 'dzin gnyis su med pa'i rang bzhin la mtshan ma dang / sa bon dang lha rnams ji ltar rigs par lhag par mos par bya'o/ /dam tshig nyams na don yod grub pa ji lta ba'i rnal 'byor dang ldan pas ye shes sems dpa'i snying ga'i zla ba la khaM las skyes pa'i sna tshogs rdo rje'i nang na gnas pa'i khaM gi 'od zer rnams kyis de bzhin gshegs pa bskul ba la sogs pa sngon du 'gro bas sna tshogs pad+ma'i zla bar gnas pa'i bdag nyid la sngar bzhin du dbang bskur bar bya'o//bla ma la brnyas pa la sogs pa'i nyes pa la ni ston mo sngon du 'gro bas 'byor pa ji lta bas bla ma la yon chen po phul te/ bshags pa la sogs pa sngon du 'gro bas sdom pa gzung bar bya'o zhes pa ni dam tshig gso ba'o/ /de ltar gus pa dang bcas shing rgyun mi 'chad par yun ring du goms pa las dngos grub kyi mtshan ma lan bdun thob nas sngar gsungs pa'i 'khor lor gnas pas sngar bzhin du sku dang gsung dang thugs rdo rje rnams mchod nas/bzang po'i zhabs kyis gsungs pa'i tshogs mngon par 'dod pa'i ral gri la sogs pa'i dngos grub bsgrub par bya'o//nye bar 'ongs pa'i bgegs zhi bar bya ba'i phyir bdud rtsi 'khyil ba'i 'khor lor gnas te de'i sngags mang du bzlas par bya'o/ /'di yi dbus su gnas 'gyur gang / /'khor lo'ang de yi yin par 'dod/ /rtog pa la sogs dbus gnas pa/ /mi bskyod de yi gnas su gnas//byang chub sems dpa'i gtso yin na/ /rang rig bdag po rang la 'jug /gzhan yang zhal g.yon sngon po min/ /g.yas pa dmar po ma yin no/ /zhes pa'o/ /'jam pa'i rdo rje'i sgrub pa'i thabs/ /'dus shing rtogs sla mngon brjod pas/ /skye bar legs byas ji snyed pa//des ni 'gro ba de mtshungs shog /'dus shing rtogs sla ba'i 'jam pa'i rdo rje'i sgrub thabs/ dpal mkhas pa chen po su na ya shrI mi tra paN+Di tas mdzad pa rdzogs so// //paN+Di ta de nyid dang / lo tsA ba klog skya gzhon nu 'bar gyis bsgyur cing zhus pa'o// //