CLOSE WINDOW

D1884
བོད་ཡིག

/ //paN+Di ta pad+ma ka ra wa rma dang / lo tsA ba rin chen bzang po'i 'gyur//[ ]@##/ /rgya gar skad du/ shrI a k+Sho b+h+ya badzra sA d+ha naM/ bod skad du/ dpal mi bskyod rdo rje'i sgrub pa'i thabs/ bcom ldan 'das dpal rdo rje sems dpa' la phyag 'tshal lo//khyab bdag sgrib pa kun las grol/ /ye shes lnga yi bdag nyid can/ /rang snang rig pa'i yan lag 'dus/ /mi bskyod bla ma yang btud nas/ /dka' bas thob dang 'khrul 'jigs pas/ /ye shes zhal snga'i rjes 'brangs nas/ /rin chen rdo rjes rnam gsal ba'i//de yi sgrub thabs bri bar bya/ /de la sngags pa snying rje chen po'i rgyus byang chub tu sems bskyed pa/ sbyin pa la sogs pa'i yon tan gyis rnam par brgyan pa/ thabs dang shes rab gnyis su med pa'i thab mo'i tshul la lhag par mos pa dang / dpal gsang ba 'dus pa'i dkyil 'khor du chu dang /cod pan dang / /rdo rje dang / bdag po dang / ming dang / bum pa dang / gsang ba dang / shes rab ye shes kyi dbang bskur ba dang / brtul zhugs dang / lung bstan pa dang / dbugs dbyung ba dang / rjes su gnang ba cho ga bzhin du thob pas/ ri bo la sogs pa yid dang rjes su mthun pa 'ga' zhig tu/ zla ba dang / nyi ma dang / chu dang / sman dang / dri zhes bya bas dkyil 'khor gru bzhi par byugs la/ me tog dri zhim po sna tshogs pa'i sil ma gtor bar bya'o/ /de dag med na ni thams cad yid kyis byas nas/ der stan bde ba la rdo rje skyil mo krung gis 'jug ste/rnam par thar pa'i sgo gsum rnam par dag cing byams pa la sogs pa bsgom pa sngon du song ba dang / rang gi snying ga'i nyi ma'i dkyil 'khor la yi ge hU~M sngon po mgo gyen du bltas pa bsams la/ nam mkha'i ngos su rang gi 'dod pa'i lha'i dkyil 'khor gyi 'khor lo dang /de dang tha mi dad pa'i gzugs can gyi bla ma rnams kyis kyang til gyi gang bu ltar bar mtshams med par yongs su gang bar dmigs shing bsams la hU~M de las gzugs dang / sgra dang / dri dang / ro dang / reg bya rdo rje rnams dang / rin po che sna bdun dang /rgyal mtshan dang / lha bshos la sogs pa phyi'i mchod pa sna tshogs pa thams cad kyang rnam par spro bar bya'o/ /spyan ma la sogs pa'i rig ma rnams dang / chos kyi dbyings rdo rje yang la la'i gzhung gis 'byin par byed de/ de bzhin gshegs pa de dag thams cad yang dag par mchod cing bdag nyid kyang de bzhin gshegs pa re re'i spyan sngar 'dug ste/gus pas btud nas phyag byas te/ thal mo sbyar te pus mo'i lha nga sa la btsugs te gnas par bsam par bya'o/ /de'i 'og tu mchod pa dang / mchod par byed pa dang / mchod pa ste gsum char yang rmi lam gyi nang gi rmi lam ltar brdzun zhing //so so rang gis rig pa'i bdag nyid can du lhag par mos par bya'o/ /de bzhin du bshags par bya ba dang / bshags par byed pa dang / bshags pa dang / gang rnams kyi mdun du bshags par bya ba dang /rjes su yi rang bar bya ba dang / rjes su yi rang bar byed pa dang / rjes su yi rang ba dang / bsngo bar bya ba dang / sngo par byed pa dang / bsngo ba dang / gang du bsngo bar bya ba dang / gsol bar bya ba dang / gsol ba po dang / gsol ba ste/ gsum char yang snga ma bzhin du bsams la/sdig pa bshags pa la sogs pa 'di ltar bya'o/ /gang zhig thog med ces bya ba la sogs pa dang / kun 'dod dbugs 'byin sogs mdzad pa'i/ /sangs rgyas kun la bdag la bskul ba/ /bstan pa nam mkha'i mtha' mnyam pas/ /'jig rten kun sdig med snang mdzod//ces bya ba dang / yid kyi rol pa zhes bya ba la sogs pa gsum la skyabs su 'gro ba nas/ yang dag nyid du da ni gnas par bgyi/ /zhes bya ba'i bar gyis bya'o/ /de nas srid pa gsum du gtogs pa'i sems can gyi khams ma lus pa rnams 'jig tshogs la sogs pa'i lta bar bshad pa rnams dang /skye ba la sogs pa'i sdug bsngal rnams kyis gzir par gyur pa la dmigs la/ kye ma'o sems can 'di dag ni 'dod chags la sogs chu srin gyi tshogs kyis kun du dkrugs pa/ bdag dang bdag gi rnam par rtog pa shin tu zab pa'i chu dang ldan pa'i 'khor ba'i rgya mtsho chen por thabs dang shes rab bla na med pa'i de kho na nyid kyi gru rnam par zhig pa/las dang nyon mongs pa'i dba' rlabs rnams kyis skyed pa la sogs pa'i sdug bsngal rnams su phan tshun rnam par g.yengs pa/ skyabs med par gyur pas yongs su nyon mongs pa de rnams la/bdag dpal mi bskyod rdo rjer gyur nas de dag sdug bsngal chen po dang sdug bsngal gyi rgyur gyur pa'i 'khor ba'i rgya mtsho 'di las bton nas thabs dang shes rab kyi ting nge 'dzin gyi mthus blangs te/ mchog tu bde ba dam pa rgya che ba'i rang bzhin can gyi bla na med pa yang dag par rdzogs pa'i byang chub kyi rin po che'i gling du gzhag par bya'o zhes de rnams la snying rje chen po bskyed nas 'jug pa'i mtshan nyid can gyi don dam pa'i byang chub kyi sems bsgom par bya'o//de yang gzung ba dang 'dzin pa'i ngo bo nyid dang bral bas stong pa nyid yin la/de lta bu ni shes pa gzhan mi bskyed pas de bzhin du mtshan ma med pa yin no/ /shes pa tsam las tha dad pa'i khams gsum pa ni shin tu yang med pas na rtog pa med pa nyid du nges par brtags na gang du yang smon par mi byed pas de'i phyir rgyu ba dang mi rgyu ba'i dngos po ma lus pa ni smon pa med pa yin no//de ltar rnam par thar pa'i sgo gsum gyi ngo bo nyid kyi rang gi sems so so rang gis rig pa bems po ma yin pa bsams la/ 'og nas bshad pa'i sngags kyi don la lhag par mos pas byin gyis brlab par bya'o/ /oM shU n+ya tA dz+nyA na badzra swA b+hA wA At+ma kou0f85haM/de nas sems de nyid nyi ma'i dkyil 'khor de'i steng du yi ge hUM sngon po las rdo rje de'i lte bar nyi ma la gnas pa'i hUM gis mtshan par bsams la de las rdo rje rnams kun du spros te/ sa yang rdo rje'i rang bzhin du rnam par bsgom mo/ /de nas srung ba'i 'khor lo'i phyi rol du raM las byung ba'i me'i dkyil 'khor gru gsum dmar po gsal bar dri ma med pas rang 'dod pa'i phyogs bcings la/de'i nang du yi ge laM ser po las byung ba'i rdo rje rtse gsum pas phyi'i mtshams bzhir mtshan pa'i dbang chen gyi dkyil 'khor gyis mtshams bcings te/ hUM las byung ba'i khro bo'i rdo rje bskal pa'i me ltar 'bar bar snang bas mtshams kyi nang du rab byas nas/baM las byung ba chu'i dkyil 'khor dkar po rab tu 'bar ba'i me ltar snang bas ra ba'i steng du rdo rje'i dra ba bsgom par bya'o/ /de'i 'og tu ra ba dang dra ba'i dbus su rdo rje'i rang bzhin gyi sa gzhir skad cig gis 'khor bar byed pa'i 'khor lo rtsibs bcu pa mdog ser po//'phags pa shes rab kyi pha rol tu phyin pa stong phrag brgya pa la sogs pa shin tu rgyas pa'i mdo las gsungs pa'i sdug bsngal dang / kun 'byung ba dang / 'gog pa dang / lam dang / zad pa dang / mi skye ba dang / chos dang / rjes su rtog pa dang / yongs su byang ba shes pa zhes bya ba ste/ kun rdzob dang / pha rol gyi sems shes zhes bya ba ste/ shes pa bcu'i ngo bo khro bo bcu'o/ /yang na re re zhing ye shes bcu'i bdag nyid can du bya ba ste/ me long lta bu la sogs pa'i ye shes lnga po dang / rnam par byang ba'i phung po lnga ni de'i rgyur gyur pa yin pas na ye shes lnga yin zhes bya ba ni gzhung gzhan yin no/ /man ngag ji lta ba bzhin du/ phyogs dang mtshams dang / steng dang 'og gi rtsibs bcu po rnams dang / 'khor lo'i lte ba la bshad ma thag pa'i shes bcu rnam par dag pa'i ngo bo'i sgra ji bzhin pa'i ye shes kyi rang bzhin rdo rje hUM mdzad dam gzhan yang gtsug tor dang rnam par snang mdzad la sogs pa bgegs rab tu 'joms par byed pa rnams ji lta ba bzhin du bsam par bya'o//de la khro bo rnams kyi phyogs dang sku mdog gi nges pa ni 'di yin te/ shar phyogs kyi rtsibs la khro bo gshin rje'i gshed po sku mdog sngon po zhal gsum pa zhal g.yas dang g.yon gnyis dkar ba dang /dmar ba/ thams cad kyi phyag dang po gnyis kyis rang dang 'dra ba'i rig ma la yang dag par 'khyud pa ni nges pa yin la/ phyag lhag ma rnams na tho ba dang / ral gri dang /nor bu dang / pad+ma rim bzhin bsnams par mdzad pa'o/ /lhor shes rab mthar byed sku mdog dkar po/ zhal g.yas dang g.yon sngon po dang dmar po/ /dbyig pa dang / ral gri dang / nor bu dang / pad+ma bsnams pa'o/ /nub tu pad+ma mthar byed sku mdog dmar po/ zhal g.yas dang g.yon sngon po dang dkar po dang /pad+ma dang ral gri dang / nor bu dang 'khor lo bsnams pa'o/ /byang du bgegs mthar byed gshin rje gshed dang 'dra ba las/ khro bo'i rdo rje dang / ral gri dang / nor bu dang / pad+ma bsnams pa'o/ /shar lhor 'dod pa'i rgyal po khro bo sgeg pa sku mdog sngo ba/zhal g.yas dang g.yon dkar ba dang dmar ba/ lcags kyu dang / ral gri dang / nor bu dang / pad+ma bsnams pa'o/ /lho nub tu dbyig sngon sku mdog sngo ba/ zhal g.yas dang g.yon dkar ba dang dmar ba/ dbyig pa dang / ral gri dang / nor bu dang / pad+ma bsnams pa'o//nub byang du stobs po che gshin rje gshed dang 'dra ba rtsi gsum dang / ral gri dang / nor bu dang / pad+ma bsnams pa'o/ /'di dag pas 'dod pa'i rgyal po ma gtogs pa gshin rje gshed nas stobs po che'i bar ni gzugs mi sdug pa/ smin bsdus dbus skra gyen 'bar ba//ag tshom smin ma spyan dmar ser/ /zhal gdangs pa dang ljags bskyod pa/ /mche gtsigs ha ha zhes bzhad pa/ /gdug pa'i sbrul gyis sku brgyan pa/ /mi'u thung gsus pa 'phyang ba'o/ /byang shar du mi g.yo ba ni 'dod pa'i rgyal po lta bu ral gri dang / rdo rje dang / nor bu dang /pad+ma bsnams pa mi g.yo ba'o/ /steng du gtsug tor 'khor los sgyur ba sku mdog ser po zhal g.yas dang g.yon sngon po dang dkar po ste/ 'khor lo ser po dang / ral gri dang / nor bu dang / pad+ma bsnams pa'o/ /'khor lo 'bar bas rab tu bskor ba'o/ /'og tu ni gnod mdzes 'dod pa'i rgyal po dang 'dra ba las rdo rje dang /ral gri dang / nor bu dang / pad+ma bsnams pa'o/ /'khor lo'i lte ba la ni hUM mdzad gnod mdzes dang 'dra ba las rdo rje dang / ral gri dang / lcags kyu dang / zhags pa bsnams pa'o/ /g.yon dang g.yas logs su dbang phyug chen po chung ma dang bcas pa gan rkyal du 'dug pa la/rna ba g.yon pa'i steng dang / nu ma gnyis pa rim bzhin du g.yon brkyang bas mnan te bzhugs pa'o/ /'di dag las 'dod pa'i rgyal po la sogs pa nas rdo rje'i hUM mdzad kyi bar ni khro bo sgeg pa mche ba cung zad gtsigs pa/ ag tshom med pa rin po che'i cod pan dang rin po che'i rgyan mnga' ba'o/ /gshin rje'i gshed la sogs pa nas rdo rje hUM mdzad kyi bar ni sna tshogs pad+ma dang nyi ma'i gdan la g.yon brkyang bas gnas pa dang nyi ma'i 'od kyi dkyil 'khor mnga'o/ /de nas srung ba'i 'khor lo'i dbus na gnas pa'i rdo rje hUM mdzad dam/rang gi 'dod pa'i lha gang yang rung ba yongs su gyur pa las chos 'byung ba'i phyag rgya gyen du bltas te gnas pa/ sku dang gsung dang thugs rnam par dag pa'i gru gsum pa/ nang na nam mkha'i rang bzhin yod na/ dbus na pad+ma dang sna tshogs rdo rje gnas pa bsgom par bya'o//chos 'byung ba'i nang der sna tshogs rdo rje'i lte ba la zla ba'i dkyil 'khor la gnas pa'i b+hUM yongs su gyur ba las 'khor lo rtsibs bcu gnyis pa ma rig pa la sogs pa rten cing 'brel bar 'gyur ba yan lag bcu gnyis rnam par dag pa'i ngo bo nyid bsgom par bya'o//de'i lte ba la zla ba'i dkyil 'khor la hUM nyid bsams la de bzhin gshegs pa rnams spros pa sngon du 'gro bas yi ge b+hUM dang 'khor lo de yongs su gyur pa las rnam par snang mdzad rig pa dang bcas pa'i yan lag las yang dag par 'byung ba'i gzhi'i dkyil 'khor byang chub kyi phyogs kyi chos sum cu rtsa bdun rnam par dag pa'i ngo bo nyid bsgom par bya'o//de yang de bzhin gshegs pa dang so so'i skye bo dag de kho na nyid gnyis su med pa'i ngo bo nyid kyis mi mnyam pa med pas na zur bzhi pa'o/ /de bzhin du lus dang tshor ba dang sems dang chos rnams gcig dang du ma dang bral ba nyid kyis sbyor ba gang yan lag sna tshogs pa la 'jug pa tsam gyis lus 'di ni gzung ba la sogs pas rnam par dben pa'i sems kyis rnams par dran pa nye bar 'jog pas na/lus dang / tshor ba dang / sems dang / chos zhes bya ba'i dran pa nye bar gzhag pa bzhi po rnam par dag pa ni shar gyi sgo'o//mi dge ba skyes pa dang / ma skyes pa rnams spang zhing mi skye ba'i phyir dang / dge ba ma skyes pa dang / skyes pa rnams bskyed pa dang gnas pa'i phyir rim gyis rtsom pa dang / yongs su bskyangs pa dang / so sor rtog pa dang / nan tan lhur byed pa zhes bya ba'i brtson 'grus bzhi rnam par dag pa ni gnyis pa ste lho'i sgo'o/ /'dun pa dang brtson 'grus dang sems dang spyod pa ste rdzu 'phrul gyi rkang pa bzhi rnam par dag pa ni gsum pa nub kyi sgo'o/ dad pa dang / brtson 'grus dang / dran pa dang / ting nge 'dzin dang / shes rab dang / dbang po lnga rnam par dag pa ni bzhi ba byang gi sgo'o/ rtog pa dang / dpyod pa dang / dga' ba dang / bde ba dang / sems rtse gcig pa ste yan lag lnga pa'i bsam gtan dang po dang / nang gi bdag nyid rab tu dang ba dang / dga' ba dang / bde ba dang / sems rtse gcig pa ste yan lag bzhi pa dang ldan pa'i gnyis pa dang /btang snyoms dang / dran pa dang / shes bzhin dang / bde ba dang / sems rtse gcig pa ste/ yan lag lnga dang ldan pa'i gsum pa dang / btang snyoms yongs su dag pa dang / dran pa yongs su dag pa dang / sdug bsngal ba dang / bde ba'i tshor ba med pa dang /sems rtse gcig pa ste yan lag bzhi ba dang ldan pa'i bzhi pa ste/ de ltar rim bzhin du bsam gtan bzhi rnam par dag pa ni rta babs bzhi yin no/ /dpa' bar 'gro ba dang / nam mkha' mdzod dang / dri ma med pa dang / seng ge rnam par rol pa'i ting nge 'dzin rnam par dag pa'i kha khyer bzhis yongs su bskor ba dang /de bzhin du bzod pa dang / chos dang / don dang sngags kyi gzungs rnam par dag pa'i lha mo'i tshogs lag na mchod pa rnam pa sna tshogs pa thogs pa kha khyer la gnas pa dang / 'gro ba ma lus pa'i bsam pa sna tshogs pa so sor bskong ba'i rin po che ma lus par rnam par spras pa'i rgyan sna tshogs pas rnam par brgyan pa dang gdul bya'i dbang gis byung ba mdo dang dbyangs kyis bsnyad pa dang /lung du bstan pa dang / tshigs su bcad pa dang / ched du brjod pa dang / gleng gzhi dang / de lta bu byung ba dang / skyes pa'i rabs dang / shin tu rgyas pa'i sde zhes bya ba gsung rab yan lag dgu'i dam pa'i chos kun du sgrogs pas na ba dan rtse mo sna tshogs pa'i dril bu'i sgra sgrogs pa rlung gis bskyod pa dang /ye shes nyid gsal ba nyid kyis me long dang 'dra bas nas me long ngo / /de'i ngo bo nyid kyi dran pa dang / chos rab tu rnam par 'byed pa dang /dga' ba dang / shin tu sbyangs pa dang / ting nge 'dzin dang / brtson 'grus dang / btang snyoms te/ byang chub kyi yan lag bdun rnam par dag pa'i mtshan nyid can la sogs pa'i me tog phun sum tshogs pa'i rnam par dag pa dang dra ba dang dra ba phyed pa dang / zla ba dang / nyi ma dang /me long dang / me tog gi phreng ba dang / rnga yab 'bar ba dang ldan pa dang / gzugs can gzugs rnams la lta ba ni rnam par thar ba dang po'o/ /nang gzugs med par 'du shes pas phyi rol gyi gzugs rnams la lta ba 'di ni gnyis pa'o/ /sdug pa'i rnam par thar pa lus kyis mngon sum du byas te rdzogs par byas nas gnas pa de ni gsum pa'o//nam mkha' mtha' yas skye mched ni bzhi ba'o// rnam shes mtha' yas skye mched ni lnga pa'o/ /ci yang med pa'i skye mched ni drug pa'o/ /'du shes med 'du shes med min skye mched ni bdun pa'o//'gog pa'i snyoms par 'jug pa ni brgyad pa ste/ de ltar rnam par thar pa brgyad pa ni rgyal ba'i yum las gzugs can gzugs rnams la lta ba de stong pa nyid dang / mtshan ma med pa dang / smon pa med pa'i rnam par zil gyis mnan nas mthong ba 'di ni rnam par thar ba dang po'o zhes bya ba nas de nyid du 'gog pa'i snyoms par 'jug pa stong ba nyid dang /mtshan ma med pa dang smon pa med pa'i rnam pas de zil gyis mnan nas mthong ba 'di ni rnam par thar pa brgyad pa'o zhes 'byung ba dang / yang 'di dpal mchog dang po'i rgya cher bshad pa kun dga' snying po'i zhal snga nas kyis bshad pa yin te/rnam par thar pa brgyad po 'di dag rnam par dag pa ni rim bzhin du 'khor lo la sogs pa'i ka ba brgyad kyis nye bar mdzes par byas pa dang / sangs rgyas thams cad du bar chad med par rdo rje'i tshul gyis chos kyi 'khor lo bskor bar ka ba brgyad kyi steng du rdo rje'i phreng ba zlum pos yongs su bskor ba dang /gzugs la sogs pa rnams la phyin ci log med pas bla na med cing mtha' yas pa'i 'dod pa'i yon tan lnga dang ldan pa dang / chos kyi dbyings shin tu rnam par dag pa'i mchod pa lngas nye bar brgyan pa dang / 'gro ba ma lus pa dang tha mi dad par bstan kyang der gtogs pa'i nyes bas ma gos pas sdong bu dang bcas pa'i sna tshogs pad+ma'i gdan gyis nye bar mdzes par byas pa'i lha'i gnas bcu dgu la sems can ma lus pa'i rgyud du gtogs pa'i mun nag rnam par sel cing mi dge ba rnam pa bcu'i 'dam rdzab yang dag par skems pa dang /byang chub sems kyi myu gu yongs su smin par byed pas shes rab kyi ngo bo nyid kyi nyi ma'i gdan bdun dang / de bzhin du sems can thams cad kyi nyon mongs pa'i gdung ba nye bar zhi bar byed pa dang / dge ba'i rtsa ba'i myu gu nye bar 'phel bar byed pas snying rje chen po'i ngo bo nyid kyi zla ba'i gdan bcu gnyis sna tshogs pad+ma'i stan la gnas pa dang ldan pa dang /snying rjes brlan pa dang / bsod nams dang / ye shes kyi tshogs yongs su rdzogs pa'i phyir bum pa gang bas brgyan pa dang / ye shes lnga'i ngo bo nyid yin pas kha dog lnga las yongs su grub pa'i khang ba brtsegs ma ste/de rnam par dag pas rang gi sems nyid de lta bu'i gzugs su bsgom par bya'o/ /de nas de'i bum pa'i dbus zla ba'i gdan la skyes bu chen po'i mtshan sum cu rtsa gnyis skyed par byed pa/ dbyangs kyi yi ge bcu drug lugs dang mthun pa dang lugs las bzlog pa nyis 'gyur du byas pa'i phreng gnyis las yongs su grub pa shes rab kyi ngo bo nyid rang gi sems kyi ye shes kyi zla ba rnam par bsgoms la/de'i steng du dpe byad bzang po brgyad cu skyed par byed pa/ ka la sogs pa gsal bya'i yi ge tshar gnyis su byas pa'i drug cu rtsa bzhi'i dbus su dbyangs kyi yi ge bcu drug phreng gcig gnas pa'i yi ge brgyad cu yongs su rdzogs pa las yongs su grub pa'i snying rje chen po'i ngo bo nyid zla ba'i dkyil 'khor gnyis po bsgom par bya'o//zla ba gnyis po de dag ni kun gzhi rnam par shes pa yongs su gyur pa me long lta bu'i ye shes rnam par dag par blta bar bya la 'di gnyis gcig tu gyur pas nyon mongs pa can gyi yid kyi rnam par shes pa yongs su gyur pa mnyam pa nyid kyi ye shes so//de'i steng du hUM las byung ba'i rdo rje nor bu dmar skya lta bu gzugs la sogs pa phung po lnga rnam par dag pa'i ngo bo nyid me long lta bu la sogs pa'i ye shes lnga yang dag par ston par byed pa'i rdo rje rtse lnga pa gyen du bltas te gnas pa la/rdo rje'i lte ba la yang zla ba la gnas pa'i yi ge hUM rjod pa dang brjod par bya ba las 'das pa rnam par rtog pa'i rnam par shes pa gnas gyur pa so sor rtog pa'i ye shes kyi bdag nyid du bsgom par bya'o//de la de bzhin gshegs pa spros nas 'gro ba'i don byas te bsdus pa'i 'og tu/ oM badzra At+ma kou0f85haM/ zhes bya ba'i nga rgyal bya ba ni 'jug pa'i rnam par shes pa gnas gyur pa bya ba grub pa'i ye shes kyi ngo bo nyid do/ /de'i 'og tu skad cig g is ye shes kyi zla ba dang mtshan ma dang sa bon de yongs su gyur pa las bdag nyid dpal ldan kun du bzang po thub pa'i mchog gi phra rab rnam par bsdus pa las grub pa/rgyal ba skyed par byed pa'i rnam par thar pa'i sgo gsum rnam par dag pa'i zhal gsum mnga' ba/ zhal dang po dang sku thams cad zla ba rgyas pa ltar dkar ba/ zhal g.yas dang g.yon sngo ba dang dmar ba/ stong ba nyid dang snying rje chen po dag rab kyi mthar thug par gyur pas/ thabs dang shes rab kyi bdag nyid can gyi sku dam pa dang ldan pa rgyan sna tshogs rnam par 'bar ba'i phyag drug mnga' ba dang phyag dang po gnyis kyis rang dang 'dra ba'i rig ma la 'khyud pas ma mchu tshems kyis 'dzin par mdzad pa/phyag lhag ma rnams na rdo rje dmar po dang / ral gri dang / nor bu dang / pad+ma rim bzhin du bsnams pa/ rdo rje'i skyil mo krung gis bzhugs pa mi bskyod pas brgyan pa'i ral pa'i cod pan can/chos kyi dbyings shin tu rnam par dag pa'i ngo bo nyid bsgom par bya'o/ /de nas 'dod chags chen po 'dul ba'i sems can gyi 'jig rten rnams la 'di ni dpal gsang ba 'dus pas 'dul ba'i snod yin pa yang dag par mthong nas rab tu dga' ba'i sgras rang gi lus la rgyal ba'i tshogs bcug ste/spyan la sogs pa'i rim pa rnams dang gzugs la sogs pa'i yul gyi ngo bo nyid kyi lha mo'i rang bzhin du gyur la/ de yang slar rang gi lus las phyung ste/ rang gi rig pa'i nang du ji lta ba bzhin du gzhug par bya'o/ /de nas yang de bzhin du de bzhin gshegs pa rnams dkyil 'khor gyi 'khor lo'i rnam pa lta bur rang gi lus la bcug la zla ba zhu bar gyur pa rang gi gsang ba'i rdo rje las rang gi rig pa'i chu skyes su phyung ste yongs su gyur pa las rten dang brten pa po'i dkyil 'khor mi bskyod pa'i bdag po can lha bcu dgu'i bdag nyid can dang ldan pa bsams la/'gro ba ma lus pa'i tshogs dbugs dbyung ba'i phyir der gzhug par bya'o/ /de'i 'og tu yang rnam par snang mdzad la sogs pa de bzhin gshegs pa rnams rang gi lus la bcug ste/ byang chub kyi sems zhu bar gyur pa las de gsang ba'i rdo rje'i lam nas phyung ste/des de rnams la dbang bskur bar bsgom par bya'o/ de nas byang chub kyi sems kyi 'od zer des sems can thams cad la reg pa dang / dbu gsum la phyag drug pa thabs dang shes rab mchog tu dga' ba'i bde ba dam pa'i bdag nyid can sa'i snying po la sogs pa dkyil 'khor gyi 'khor lo'i ngo bo nyid du gyur par skad cig mas bsams la/de'i 'og tu de rnams k+ShiM dzrI khaM gaM Sh+kaM saM zhes bya ba'i sa bon las rim bzhin du mig dang / rna ba dang / sna dang / lce dang / lus dang / yid rnam par dag pa'i ngo bo nyid/ sa'i snying po dang / phyag na rdo rje dang / nam mkha'i snying po dang / 'jig rten dbang phyug dang / sgrib pa thams cad rnam par sel ba dang / kun du bzang po rang gis sa bon brjod pa sngon du 'gro bas dbyung bar bya'o/ /de bzhin du dzaHhU~M baM ha~MHkhaM raM zhes bya ba'i sa bon las phyi dang nang gi bdag nyid can gyi gzugs dang / sgra dang / dri dang / ro dang / reg bya dang /chos kyi dbyings kyi rdo rje ma rnams phyi rol na gnas pa dang / laM mAM paM tAM zhes bya ba'i sa bon las sa dang / chu dang / me dang / rlung gi ngo bo nyid dang / spyan dang / mA ma kI dang / gos dkar mo dang / sgrol ma ste 'gro ba'i bdag nyid kyi de kho na nyid las byung ba rnams dang / bruM AM dzrAM khaM hUM zhes bya ba las rim bzhin du gzugs dang /tshor ba dang / 'du shes dang / 'du byed dang / rnam par shes pa'i phung po'i ngo bo nyid de bzhin gshegs pa rnam par snang mdzad dang / rin chen 'byung ldan dang / 'od dpag tu med pa dang / don yod grub pa dang / mi bskyod pa de bzhin du dbyung bar bya'o//la la ni sa bon 'di dag nyid kyis chos 'byung ba'i phyag rgyar 'di dag re re nas bskyed ces zer ro/ /gzhan dag ni 'di rnams kyi mig la sogs pa rnam par sbyang bar bya'o zhes zer ro/ /yang gzhan dag ni gang gi phyir rgyud las/ rdo rje nam mkha'i khams 'dir sems can gang sku gsung thugs kyi dam tshig las yang dag par byung ba de rnams rdo rje'i dpal gyis reg pa dang /de thams cad de bzhin gshegs pa dgra bcom pa yang dag par rdzogs pa'i sangs rgyas rdo rje gsum gyi ye shes thob par gyur to zhes gsungs pas na/ bskyed pa yang ma yin la de rnams kyi mig la sogs pa rnam par dag par yang shes par mi bya'o zhes zer ro//gzhan yang de lta bu yin du zin na ni sangs rgyas ye shes kyi zhal snga nas kyis kyang / 'di ltar rdo rje sa bon gyis ni bskyed par bya zhes bya ba dang / mig la sogs pa rnam par sbyang bar bya'o zhes gsungs par 'gyur ro//snyan dang gas mkhan chen po pa nyid yin pas na de ltar bstan par nus na yang de ltar ma yin la mar me mdzad bzang po'i zhal snga nas kyis dkyil 'khor gyi cho ga mdzad par yang khyad par ma brjod pas na/ rnam pa thams cad du 'byin pa nyid du nges kyi bskyed pa ni ma yin zhes bya bar gnas so//de'i 'og tu yang rang gi 'dod pa'i lha'i dkyil gyi 'khor lo'i dri za nye ba 'khor lta bu rang gi khar bcug la/ byang chub kyi sems zhu bar gyur ba rdo rje'i lam nas rang gi rig ma'i chu skyes kyi nang du nges par byung ba ni shes rab dang snying rje chen po'i ngo bo nyid hoHdmar po gnyis dang spel ba/sku dang gsung dang thugs kyi ngo bo nyid/ oM AHhUM zhes bya ba'i yi ge gsum bsam par bya'o/ /de nas thabs dang shes rab kyi 'dod chags chen po 'bar ba rnams kyis yi ge lnga po de zhu bar gyur bar bsams la/ de yang 'od zer rnams kyis rdo rje sems dpa'i rig pa dang bcas pa yang zla ba zhu bar gyur nas dbus kyi zla ba'i gdan gyi steng du byang chub kyi sems kyi dkyil 'khor gyi rnam par bsam par bya'o//de nas dus yun ring por goms pas rang bzhin du byas pa'i byams pa dang / snying rje dang / dga' ba dang / /btang snyoms chen po'i rgyu mthun pa'i rang bzhin mA ma kI la sogs pa rnams de bzhin gshegs pa'i 'od zer snang bas bskul te byung ba'i glu'i sgras bskul ba'i rim gyis sems can khams na bya ba la sogs pa'i glu bzhi po bsam par bya'o// /bskul ba mngon du byas pa dang / chos kyi dbyings la ni gzhan gyi don ma tshang bas rgud pa lta bur mthong ste/sgyu ma lta bur mos pas de bzhin gshegs pa spros pa la sogs sngon du 'gro ba yongs su gyur pa'i yi ge hUM nyi ma'i dkyil 'khor la gnas par rang nyid gyur la/ de yongs su gyur pa las kyang zhe sdang rnam par dag pa cung zad khro bo'i gzugs can gyi rdo rje sngon po lte bar hU~M gis mtshan pa bsams la/de'i 'od las byung ba'i de bzhin gshegs pa rnams kyis 'gro ba dam pa'i don mdzad nas de nyid du zhugs pa dang / de yongs su gyur pa las bdag nyid sku thams cad dang / zhal dbus ma nor bu mthing ka lta bu mche ba cung zad gtsigs pa dang ldan pa zhal g.yas g.yon dkar po dang dmar po/phyag drug pa gnyis kyis rang dang 'dra ba la kun du 'khyud pa/ lhag ma rnams na rdo rje sngon po dang / ral gri dang / nor bu dang / pad+ma rim bzhin bsnams la/ rdo rje skyil mo krung gis bzhugs pa rgyan thams cad kyis brgyan pa ral pa dang cod pan 'chang ba/mchog tu dga' ba'i ngo bo nyid kyis rang dang 'dra ba'i rig pa'i lha mo'i ma mchu 'dzin pa nyi ma'i dkyil 'khor gyi steng du bsgom par bya'o/ /de nas/ srid par chags pas srid mtha' yas/ /zhi bar chags na 'byor nyams cha/ /zhes bya ba smos pas gus pa dang bcas shing rgyun mi 'chad par yun ring po goms par bsten par gyur pa'i dmigs su med pa'i snying rje chen por yang dag par bsten pa ni kun rdzob tu yin no//de bzhin du phyin ci log pa'i stong ba nyid bsten pa la sa thob pa bdag dang bdag gir rtog pa la sogs pa rnam par rtog pa'i rgyun ma grub pa sgyu ma lta bu'i dag pa 'jig rten pa phyin ci ma log pa zhal gsum dang phyag drug par thabs dang shes rab kyi sgyu ma'i ting nge 'dzin dri ma med pa las yang dag par byung ba bde ba chen po'i ngo bo nyid zab pa dang rgya che pa'i bdag nyid can yid bzhin gyi nor bu ltar 'khor ba ji srid par 'gro ba ma lus pa'i don gyi bya ba byed pa/srid pa dang zhi bar rab tu mi gnas pa/ chos kyi dbyings kyi ngo bo nyid du rang gi bdag nyid lhag par mos par byas la byin gyis brlab par bya'o/ /oM d+harma d+hA tu swA b+hA wa At+ma kou0f85haM/ /rgyu mthun pa'i 'bras bu chung ngu dang / bsnyen pa'i yan lag chung ngu ste dang po'o/ /de nas phung po dang / khams dang / skye mched byin gyis brlabs pa'i mtshan nyid rnam par smin pa med par thams cad mkhyen par mi 'gyur bas de thob par bya ba'i phyir/ phung po dang / khams dang / skye mched byin gyis brlab par bya ste de'i phyir mig gnyis su zla ba'i dkyil 'khor la gnas pa'i yi ge k+ShiM las 'khor lo dkar po rtsibs brgyad pa lte bar yi ge k+ShiM gnas pa bsams la/de'i 'od zer las byung ba'i sa'i snying po'i dkyil 'khor gyi 'khor los 'gro ba'i don byas nas/ de nyid du zhugs pa dang de thams cad yongs su gyur ba las sa'i snying po rnam par snang mdzad lta bu rin po che'i cod pan bsam par bya'o//de bzhin du rna ba gnyis su yi ge dzrIM sngon po dang / rdo rje yongs su gyur ba las phyag na rdo rje mi bskyod pa lta bu'o/ /snar yi ge khaM ser po dang rin po che yongs su gyur pa las nam mkha'i snying po rin po che dpal lta bu'o//lce la yi ge gaM dmar po dang / pad+ma 'dab ma brgyad pa yongs su gyur pa las 'jig rten dbang phyug 'od dpag tu med pa lta bu'o/ /thod pa'i sbubs kyi nang du yi ge Sh+kaM ljang gu dang ral gri yongs su gyur pa las sgrib pa thams cad rnam par sel ba don yod grub pa lta bu'o//yid la yi ge saM dkar po dang rdo rje yongs su gyur pa las kun du bzang po rdo rje sems dpa' lta bur bsam par bya'o/ /gzugs kyi skye mched la yi ge dzaHdang me long yongs su gyur pa las gzugs rdo rje'o/ /sgra'i skye mched la hU~M dang pi wang yongs su gyur pa las sgra rdo rje'o//dri'i skye mched la baM dang dri'i dung chos yongs su gyur pa las dri rdo rje'o/ /ro'i skye mched la hoHdang ro'i snod yongs su gyur ba las ro rdo rje'o/ /reg bya'i skye mched la khaM dang gos sna tshogs yongs su gyur pa las reg rdo rje'o/ /chos kyi skye mched la raM las byung ba'i chos 'byung ba'i yongs su gyur pa las chos kyi dbyings rdo rje bsam par bya'o//de bzhin du phyi dang nang gi sa'i khams la laM dang 'khor lo yongs su gyur pa las spyan no/ /chu'i khams la mAM dang ut+pal sngon po yongs su gyur pa las mA ma kI'o/ /me'i khams la paM dang pad+ma yongs su gyur pa las gos dkar mo'o/ /rlung ki khams la tAM dang ut+pal ser po yongs su gyur pa las sgrol ma bsam par bya'o//gzugs kyi phung po la bruM dang 'khor lo rtsibs brgyad pa yongs su gyur pa las rnam par snang mdzad do/ /tshor ba'i phung po la AM dang rin po che cha dgu pa yongs su gyur pa las rin chen 'byung ldan no/ /'du shes kyi phung po laM dzr-I dang pad+ma yongs su gyur pa las 'od dpag tu med pa'o//'du byed kyi phung po la khaM dang ral gri yongs su gyur pa las don yod grub pa'o/ /rnam par shes pa'i phung po la hUM dang rdo rje yongs su gyur pa las mi bskyod pa bsam par bya zhing / 'di rnams kyi thugs kar rang rang gi stan la gnas pa'i ji skad bshad pa'i mtshan ma'i dbus su rang rang gi sa bon bsam par bya'o//rnam par smin pa'i 'bras bu chung ngu dang / nye bar sgrub pa'i yan lag chung ngu ste gnyis pa'o/ /'dir la la ni/ rang gi sa bon 'od rnams kyis/ /rang gi mig sogs sa snying la/ /sogs pas ji bzhin bkang byas nas//zhes smos pas/ nang gi bdag nyid can gyi skye mched drug byin gyis brlabs pa nyid ni nye bar sgrub pa yin no zhes zer mod kyi/ de ni ma yin no zhes gzhan dag zer te/ gang gi phyir rnam par smin pa ni thams cad mkhyen pa'i mtshan nyid can yin la thams cad mkhyen pa de yang phyi nang gi bdag nyid can gyi phung po khams dang skye mched yongs su shes pa'i mtshan nyid yin no//de bas na mig la sogs pa ni nye bar mtshon pa lhur len pa phyi'i skye mched rnams dang / khams dang phung po yang dag par byin gyis brlab par blta bar bya'o/ /de yang lung las dge slong dag thams cad mkhyen pa zhes bya ba ni/phung po lnga dang skye mched bcu gnyis dang / khams bco brgyad de/ gang gi shes pa de ni thams cad mkhyen pa'o zhes gsungs pa yin no/ /gzhan yang lhag par bsgom par gyur pas ni 'bras bu lhag par thob par rigs pa yin pas lhag pa ni mchog gi ma tshang ba ni de lta ma yin no//de nas chos dang longs spyod rdzogs pa dang sprul pa thob pas ni 'gro ba'i don byed pas chos dang longs spyod rdzogs pa dang / sprul pa'i sku rnam par dag pa thugs dang gsung dang sku byin gyis brlab pa zhes bya'o/ /de yang thugs ka'i zla ba'i hUM las byung ba'i rdo rje'i lte bar zla ba la gnas pa'i hUM nyid las rdo rje phra mo lte bar hUM gis mtshan pa bsgoms la de'i 'od zer gyi tshogs las de bzhin gshegs pa spros pa la sogs pa sngon du 'gro bas rdo rje phra mo'i sa bon de yongs su gyur pa las thugs ka'i zla ba'i mtshan ma'i dbus su thugs rdo rje lta bu phyag rgya chen po'i ngo bo nyid chos kyi sku rnam par dag pa ste/de'i thugs kar yang zla ba la gnas pa'i rdo rje'i lte ba la yi ge hUM bsams la de la thugs rdo rje rnams yang dag par spros te/ de rnams dang thog ma med pa nas yang dag par grub pa'i de bzhin gshegs pa rnams 'gro ba'i don gyi bya ba chags pas nam mkha' yongs su gang bar lhag par mos la/rang gi thugs rdo rje'i mtshan ma'i lte ba la gnas pa'i hUM las gzugs rdo rje la sogs pa'i 'od zer spros te/ de rnams kyi rang dang 'dra ba'i rig pa'i nang du chud par bsams la/ de rnams kyi yangs shing rgya che ba'i mchog tu dga' ba'i ngo bo nyid du gyur pas de shin tu mnyes par byas shing rab tu mchod pas de rnams mngon par dgyes par bsams la rang gi thugs rdo rjer byin gyis brlab pa'i phyir/ rang gi sprul pa dang thog ma med pa nas grub pa'i de bzhin gshegs pa'i thugs la gnas pa la yang /dpal ldan rdo rje zhes bya ba la sogs pa'i tshigs su bcad pa gnyis kyis byin gyis brlab par bya ste/ dpal ldan rdo rje thugs 'chang ba/ /rdo rje mi phyed gsum bsgoms pas/ /deng bdag byin gyis brlabs nas su/ /rdo rje thugs kyis mdzad du gsol/ / zhes bya ba thog ma med pas na rang gi sprul pa la'o/ /phyogs bcur bzhugs pa'i sangs rgyas rnams/ /rdo rje mi phyed gsum bsgoms pas/ /deng bdag byin gyis brlabs nas su/ /rdo rje thugs kyis mdzad du gsol/ /zhes bya ba thog ma med pa nas yang dag par grub pa'o/ /de nas gsol ba btab pa'i rjes thogs la de rnams kyi bdag nyid thugs rdo rjer zhugs pa sngon du 'gro pas des byin gyis brlabs par bsams la/de bzhin gshegs pa thams cad kyi thugs rdo rje dang bdag nyid mnyam pa nyid du gyur pa'i phyir/ oM sar+b+ba ta thA ga ta tsit+ta badzra swA b+hA wa At+ma kou0f85haM/ zhes brjod pas gnyis su med pa rnam par dag pa'i nga rgyal bya'o/ /de bzhin du nu ma gnyis kyi bar du gsol ba btab pa med par nyi ma'i dkyil 'khor la ye shes sems dpa' dam tshig sems dpa' lta bur dam tshig gi phyag rgya'i ngo bo nyid rdo rje'i lte bar bsam par bya'o/ /lkog mar yang snga ma bzhin du AHlas byung ba'i pad+ma'i lte bar yi ge AHphra mo dang pad+ma yongs su gyur pa las longs spyod rdzogs pa'i sku rnam par dag pa chos kyi phyag rgya'i ngo bo nyid gsung rdo rje 'jig rten dbang phyug lta bur bsams la mchod pa la sogs pa sngon du 'gro bas byin gyis brlab par bsam par bya'o//chos kyi gsung lam dpal dang ldan//rdo rje mi phyed gsum bsgoms pas/ /deng bdag byin gyis brlabs nas su/ /rdo rje gsung gis mdzad du gsol/ /phyogs bcur bzhugs pa'i sangs rgyas rnams/ /rdo rje mi phyed gsum bsgoms pas/ /deng bdag byin gyis brlabs nas su/ /rdo rje gsung gis mdzad du gsol//oM sar+b+ba ta thA ga ta wAka badzra swA b+hA wA At+ma kou0f85haM/ de'i 'og tu de bzhin du spyi bor zla ba'i dkyil 'khor la gnas pa'i oM las 'khor lo rtsibs brgyad pa/ 'khor lo'i lte bar oM dang 'khor lo yongs su gyur pa las sprul ba'i sku rnam par dag pa las phyag r gya'i ngo bo nyid sku rdo rje sa'i snying po lta bur bsams la gsol ba gdab pa sngon du 'gro ba dang nga rgyal bya'o//dpal ldan rdo rje sku 'chang ba/ /rdo rje mi phyed gsum bsgoms pas/ /deng bdag byin gyis brlabs nas su/ /rdo rje skus ni mdzad du gsol/ /phyogs bcur bzhugs pa'i sangs rgyas rnams//rdo rje mi phyed gsum bsgoms pas/ /deng bdag byin gyis brlabs nas su/ /rdo rje skus ni mdzad du gsol/ /oM sar+b+ba ta thA ga ta kA ya badzra swA b+hA wa At+ma kou0f85haM/ thugs rdo rje la sogs pa 'di dag kyang re re zhing phyag rgya bzhis rgyas btab cing rang gi mtshan nyid dang bral bas r ang bzhin gyis 'od gsal ba bsgom par bya'o//skyes bu byed pa'i 'bras bu chung ngu dang / sgrub pa'i yan lag chung ngu'o/ /de nas khams gsum gyi chos kyi rgyal por dbang bskur ba med par yang dag par rdzogs pa'i sangs rgyas nyid du mi 'gyur bas dbang gi 'bras bu chung ngu dang / sgrub pa chen po'i yan lag chung ngu bsgom par bya'o//de yang ye shes sems dpa'i thugs ka'i sa bon las 'od zer spros pas phyogs bcu na bzhugs pa'i de bzhin gshegs pa'i tshogs rnams yang dag par bskul la/ de'i 'od zer las byung ba'i spyan la sogs pa'i rig pa'i tshogs rang gi rigs rnam par dag pa'i chos can gyi byang chub kyi sems kyis gang ba'i rin po che'i bum pa phyag na bsnams pa rnams dang /gzugs rdo rje la sogs pa phyi'i mchod pa rnam pa sna tshogs pa dang / bkra shis kyi glu dang / rol mo'i sgra rnams kyis bdag nyid dbang bskur bar gyur par bsgom par bya'o//de'i 'og tu spyi bor byang chub kyi sems kyi chu de yongs su gyur pa las rdo rje sems dpa' rang gi cod pan la bsgom par bya'o/ /dbang gi 'bras bu chung ngu dang sgrub pa chen po'i chung ngu'o/ /da ni chung ngu rnams la gus pa dang bcas shing rgyun mi 'chad par yun ring du bsgoms nas/bar ma bsgom par bya ba yin pas/ rgyu mthun pa bar ma la sogs pa'i 'bras bu rdzogs par bya ba'i phyir bsnyen pa bar ma nyid bsgom par bya'o/ /de la la dag ni sdig pa bshags pa nas brtsams te gzhal yas khang zla ba zhu ba bsgom pa sngon du 'gro bas rig pa logs shig bskyed pa'i bar byas la/rang dang 'dra ba'i rig par dgug pa dang / gzhug pa dang bcing ba dang dbang du bya ba'i mthar thug pa ni bsnyen pa bar ma yin par 'dod mod kyi/ de bzhin yang dag ltas zhes byed pa'i tshig dang 'brel ba dang / sprul nas bya ba'i tshig gis bshad pa las na 'di dag de lta ma yin no zhes gzhan dag 'dod de gzhan du de ltar sprul zhes smra ba ni/snyan dngags mkhan chen po pa nyid kyis nus mod kyi/ de ltar ma bshad de de ltar na the tshom med par bstan par 'gyur ba yin pa dang / yang bskyed pa la don med pa'am/ dkyil 'khor ba re re yang rig pa re re nas bskyed dgos par thal bar 'gyur te/khyad par med pa'i phyir ro/ /yang na khyad par yod do zhe na/ de nyid de lta na ni thabs kyi cha dang shes rab kyi cha las 'gyur ro/ /dkyil 'khor gyi cho gar yang khyad par ma bstan to/ /de bas na cig car bskyed pa yang las dang po pa nyid kyi sku mdog dang phyag mtshan la sogs pa bsgom par mi nus pas na/phyis sku mdog dang / phyag mtshan la sogs pa bsam pa 'di ni bsnyen pa bar ma yin no zhes bya bar rigs te/ des na de bzhin blta zhes bya ba yang go rims su gyur pa yin no/ /shin tu spros pas chog go/ /de la snga ma bzhin du mig la sogs pa byin gyis brlabs pa ni/rnam par smin pa'i 'bras bu bar ma dang / nye bar sgrub pa'i bar ma'o/ /gsol ba 'debs pa med par thugs dang / gsung dang / sku byin gyis brlabs pa ni skyes bu byed pa'i 'bras bu bar ma dang / sgrub pa bar ma'o/ / dbang bskur ba ni dbang gi 'bras bu bar ma dang / sgrub pa chen po bar ma'o/ /de nas phyogs bcu'i de bzhin gshegs pa thams cad kyis byin gyis brlab par bya ba ni/ de'i spyi bo nas nu ma'i bar du zla ba'i dkyil 'khor la gnas pa'i oM dang 'khor lo yongs su gyur pa las rnam par snang mdzad kyi phra rab kyi ngo bo nyid kyi rang gi lha'i kha dog go//de'i snying ga nas lte ba'i bar du nyi ma la gnas pa'i hUM dang rdo rje yongs su gyur pa las mi bskyod pa'i ngo bo nyid do/ /lte ba nas gsang ba'i bar du swA dang rin po che yongs su gyur pa las rin chen 'byung ldan gyi phra rab kyi ngo bo nyid do/ /gsang ba nas pus mo'i bar du AHdang pad+ma las byung ba'i 'od dpag tu med pa'i phra rab kyi ngo bo nyid do//pus mo nas rkang pa'i bar du hA dang ral gri yongs su gyur pa'i don yod par grub pa'i phra rab kyi ngo bo nyid de shes rab kyi sku rang gi mdog tu de ltar bsgom par bya'o/ /de nas de'i gsang ba'i hUM yongs su gyur pa las pad+ma dmar po 'dab ma brgyad pa la a las byung ba'i sna tshogs ze ba can/de bzhin du rang gi gsang ba'i hUM yongs su gyur pa las rdo rje rtse lnga pa'am rtse gcig pa dmar po nor bu'i cha oM las byung ba bskyed la man ngag ji lta bas byang chub kyi sems gsal ba mngon spyod kyi yi ge gnyi ga'i sgrub thabs su bsams la shes rab dam pa'i rgyu mthun pa'i thabs dang bcas pa yin pa'i phyir/phyin ci ma log pa'i gnyug ma'i lus rang dang gnyi ga'i lus la de bzhin gshegs pa thams cad bcug ste/ so so'i rdul phra rab kyi dkyil 'khor gyi bdag nyid du mos par byas la/ rang gi lus de dang tha mi dad par rtogs pas de bzhin gshegs pa thams cad mnyes par bya'o zhes lhag par mos la rdo rje dang pad+ma snyoms par 'jug pa brtsam par bya'o/ /de nas chos nyid kyis de bzhin gshegs pa rnams rjes su ma nyes pa'i bdag nyid kyi mnyam pa nyid kyi don dang gnyis su med pa'i nga rgyal bya ba ni/oM sar+b+ba ta thA ga ta a nu rA ga Na badzra swA b+hA wa At+ma kou0f85haM/ zhes bya ba'o/ /de ltar stong pa nyid bsgom pa nas rjes su mnyes par bya ba'i mthar thug pa ni/ dang po sbyor ba'i ting nge 'dzin yin no/ /ting nge 'dzin bar ma bsgom par bya ba la/ rab kyi mthar t hug pa la mtha' rtogs pa'i phyir chen po zhes bya ba yin te/de bas na de bskyed pa'i phyir dkyil 'khor gyi rgyal po mchog gi ting nge 'dzin bsgom par bya'o/ /de nas ye shes sems dpa'i thugs ka'i mtshan ma'i lte ba la gnas pa'i hUM gi 'od zer gyi lcags kyus phyogs bcu na bzhugs pa'i de bzhin gshegs pa'i tshogs rnams bkug la de nyid du bcug ste byang chub kyi sems zhu bar gyur ba dang /rang gi gsang ba'i rdo rje'i lam nas phyung ste/ rang dang 'dra ba'i shes rab kyi gsang ba'i chu skyes kyi nang na gnas par bsams la de yongs su gyur ba las rang gi sa bon du bsams la/de bzhin gshegs pa rnams spro ba la sogs pa'i sngon du 'gro ba las de'i sa bon nyid yongs su gyur pa dang / lha bcu dgu'i bdag nyid can gyi dkyil 'khor rten dang brten pa por bcas pa so so'i sku mdog dang / gdan dang / zhal dang / phyag dang / phyag mtshan la sogs pa dang ldan pa yongs su gsal ba de nyid du brtan par byas la/rang gi bdag po las man ngag ji lta ba bzhin du rjes su gnang ba thob nas rang gi ming brjod de rdo rje'i bdag nyid du bsgrags nas/ 'byin pa'i sngags brjod pa sngon du 'gro ba rim gyis de las re re nas dbyung bar bya'o/ / badzra d+h+r-ika ces bya bas yang dag par bskul la rnam par shes pa'i phung po dang thugs dang zhe sdang chen po dang / chos kyi dbyings shin tu rnam par dag pa'i ngo bo mi bskyod pa sngar bshad pa'i zhal la sogs pa dang ldan pa phyung la/ des phyogs bcu'i 'jig rten gyi khams kun du khyab par byas la/ sgra skad dang sprul pa dang cho 'phrul rnams 'jug pa'i khyad par sna tshogs skal ba ji lta ba bzhin du dad par byas nas rang gi gdul bya bdag dang bdag gir mngon par zhen pa las bzlog nas/ de yang bdag dang bdag gir mngon par 'dod pa'i dngos po dang rjes su mthun pa/ gnod sems kyi mtshan nyid can gyi kun nas nyon mongs pa can gyi zhe sdang la bdag dang bdag gi bde dang de'i gnyen por gyur pa stong pa nyid nges par bstan pas nyon mongs pa thams cad kyi dgra bo chen po'i ngo bo nyid zhe sdang chen po la nges par sbyar te/rnam par shes pa'i so sor brtags pa tsam du zad do zhes bya ba'i rang gi mtshan nyid kyi rnam par shes pa stong pa nyid yin pa/dri ma rnams glo bur ba yin pas sems kyi rang bzhin 'od gsal bar bstan pas chos kyi dbyings shin tu rnam par dag pa nyid du nges par byas nas/ slar byon te rang gi sku dang gsung dang thugs rdo rje la zhugs par bsam par bya'o//'dir ni rgyu dang 'bras bu'i brjod par 'dod pa tha dad pa tsam gyis dbye ba dang / rnam par dag pa'i dbye ba ni mi bskyod pa'i rnal 'byor pas/ badzra d+h+r-ika ces bya ba'i sngags 'di nyid kyis/ rdo rje 'chang chen po byung nas bdag nyid kyi nang du zhugs par bya ste/ rdo rje 'chang ni mi bskyod pa'o zhes pa la las bshad do//gzhan dag ni rdo rje 'chang ba la ni mi bskyod pa yin gyi/ mi bskyod pa la ni rdo rje 'chang ba ma yin no zhes zer ro/ /gang kun du bzang po la sogs pa de bzhin du dzi na dzikaces bya bas gzugs kyi phung po dang / sku dang / gti mug chen po dang me long rnam par dag pa'i sku rdo rje 'chang chen po lta bu'i sku mdog dang zhal la sogs pa dang ldan pa las/'khor lo rtsibs brgyad pa dkar po dang ral gri dang nor bu dang / pad+ma bsnams pa dang / de bzhin du gti mug gtsor gyur cing gzugs su rung bas na gzugs so zhes bya ba 'dis/ de'i mtha' med pa nyid kyis ni/gti mug de yang med pa nyid du bstan cing rten cing 'brel par 'byung ba yongs su gsal bar byed pa yang dag pa'i don mthong ba dang / mi mthun par gyur pa'i gti mug bsal nas/ gti mug gi blo sel bas kyang gti mug chen por rab tu bzhag ste/ me long lta bu'i ye shes su yang de nges par mdzad nas slar byon te/shar phyogs kyi pad+ma'i gdan la bzhugs so/ /rat+na d+h+r-ika ces bya bas tshor ba'i phung po dang / nga rgyal dang mnyam pa nyid kyi ye shes rnam par dag pa'i ngo bo nyid rin chen 'byung ldan sku thams cad dang zhal dang po ser po zhal g.yas dang g.yon sngon po dang dkar po ste/zhal gsum pa/ rin po che margad cha dgu pa dang ral gri dang 'khor lo dang pad+ma bsnams pa phyung la snga ma bzhin du nga rgyal gyis khengs pa la chos thams cad nam mkha' dang mnyam pa nyid du rab tu bstan pas nga rgyal dang bdag ces bya ba'i nyon mongs pa can gyi yid kyi rnam par shes pa'i bdag nyid can gyi kun nas nyon mongs pa can gyi nga rgyal bsal te/tshor ba dang tshor ba po med pas tshor ba'i phung po stong pa nyid du rtogs par byas pa dang / mnyam pa nyid kyi ye shes su yang nges par mdzad nas/lho phyogs su sna tshogs pad+ma dang nyi ma'i gdan la bzhugs so/ /A ro l-ika ces bya bas 'du shes kyi phung po dang / gsung dang 'dod chags dang so sor rtog pa'i ye shes rnam par dag pa'i ngo bo nyid 'od dpag tu med pa sku thams cad dang zhal dang po dmar po/ g.yas dang g.yon sngon po dang dkar po'i zhal gsum mnga' ba/pad+ma dang ral gri dang nor bu dang 'khor lo bsnams pa/ so so rang gi rig pa nyid kyis chos thams cad brjod du med pa nyid kyis na chags pa dang ldan pa yang gang zhig yin zhing gang du chags par 'gyur zhes so sor ba bstan pas snga ma bzhin du 'dod chags gtso bor gyur pa tha mal ba'i rtog pa dang /bde ba'i bdag nyid can bdag dang bdag gir lta ba las byung ba/ zag pa dang bcas pa'i chos kyi yul la mngon par zhen pa'i mtshan nyid can gyi 'dod chags kyis ldongs pa rnams la de las phyin ci log sems can thams cad zag pa med pa'i dga' ba'i bya ba la mngon par zhen pa'i mtshan nyid can gyi 'dod chags chen po la nges par sbyar te/so sor rtog pa'i ye shes su'ang nges par mdzad nas slar byon te/ nub tu sna tshogs pad+ma dang nyi ma'i gdan la bzhugs so/ /pradz+nyA d+hika ces bya ba las 'du byed kyi phung po dang phrag dog dang bya ba grub pa'i ye shes rnam par dag pa don yod par grub pa sku thams cad dang zhal dang po ljang gu g.yas sngon po dang /g.yon dkar po'i zhal gsum pa ral gri dang 'khor lo dang nor bu dang pad+ma bsnams pa snga ma bzhin du phrag dog gtso bor gyur pa gzhan gyi yon tan la zhe sdang ba'i bdag nyid can gyi phrag dog las bzlog ste/bdag nyid kyis sems can 'di dag thams cad bla na med pa yang dag par rdzogs pa'i byang chub la gzhag par bya ba'i bdag gis gzhan dag gi go skabs dbye bar mi bya'o/ /de lta bu'i mtshan nyid can gyi phrag dog chen po la rab tu bzhag cing bya ba grub pa'i ye shes su'ang nges par mdzad nas/byang du sna tshogs pad+ma dang nyi ma'i gdan la bzhugs so/ /'di dag thams cad kyang shin tu mdzes pa'i ral pa'i cod pan kyi mchog mnga' ba rin po che sna tshogs 'od 'bar bas brgyan pa thabs dang shes rab kyi rang bzhin can gyi ting nge 'dzin dri ma med pa las yang dag par byung ba'i bde ba chen po babs pa'i rang bzhin gyi dbang phyug phyag dang po gnyis kyis rang dang 'dra ba'i rig ma la 'khyud cing rin po che sna tshogs kyi cod pan can rgyan thams cad rab tu 'bar ba 'dzin par mdzad pa'o//mo ha ra tI zhes bya bas sa'i khams dang /rnam par thar pa'i sgo stong pa nyid dang / snying rje chen po dang / thabs kyi pha rol tu phyin pa rnam par dag pa'i ngo bo nyid lha mo spyan rnam par snang mdzad kyi rang dang 'dra ba'i rig pa lta bu thabs kyi pha rol tu phyin pa dang / snying rje chen po ma tshang ba'i sems can ma lus pa sdug bsngal bskyab pa la nges par sbyar nas chos thams cad stong pa nyid la nges par bstan cing bshad pas sems can thams cad kyi don gyi khur bskur ba la yongs su skyo ba med pa'i tshul gyis sa dang mnyam pa'i sems dang rang gi nyes pa sel bar byed pa dang /mi g.yo ba dang /sems can gyi don la 'jug par mdzad cing bde bas myur du mngon par byang chub ste/ thabs kyi pha rol tu phyin pa rnam pa gsum la nges par sbyar bas ring du song ba'i sar nges par sbyar te/ slar byon nas zhi bar mdzad pa'i tshul gyis me'i phyogs su bzhugs so/ /dwe Sha ra tI zhes bya bas chu'i khams dang /rnam par thar pa'i sgo mtshan ma med pa dang byams pa chen po dang / smon lam gyi pha rol tu phyin pa rnam par dag pa'i ngo bo nyid lha mo mA ma kI/ mi bskyod pa'i rang dang 'dra ba'i rig pa lta bu'i/ ut+pal dmar po dang / ral gri dang / nor bu dang / pad+ma bsnams pa/ byams pa chen po dang / smon lam ma tshang ba'i sems can thams cad bde ba la nye bar longs spyod pa la nges par sbyar te/ chos thams cad mtshan ma med pa'i de kho na nyid bskyed nas sems can thams cad kyi sred pa ma lus pa la sogs pa nye bar zhi ba'i don gyi bya ba mdzad cing chu dang mnyam pa'i thugs nyid kyis de bzhin du rang gi tshogs dang 'brel pa'i 'gro ba'i don gyi rgyun dang ldan pas/sangs rgyas kyi zhing yongs su dag par mdzad nas smon lam gyi pha rol tu phyin pa gsum la nges par sbyar te/ mi g.yo ba'i sa la nges par mdzad nas/bden bral kyi phyogs su bsrung ba la mngon par brtson par bzhugs so/ /rA ga ra tI zhes bya bas me'i khams dang rnam par thar pa'i sgo smon pa med pa dang / dga' ba chen po dang / stobs kyi pha rol tu phyin pa rnam par dag pa'i ngo bo nyid na bza' dkar mo 'od dpag tu med pa'i rang dang 'dra ba'i rig pa lta bu/dga' ba chen po dang stobs kyi pha rol tu phyin pa ma tshang ba rnams sangs rgyas kyi chos thams cad la rab tu dga' ba la yang dag par rab tu sbyar nas/ rang rig pa las tha dad pa'i khams gsum pa rnams ni shin tu yang med pa'i phyir chos thams cad smon pa med pa nyid du gsal bar byas nas grang ba nye bar sel ba la sogs pa'i don gyi bya bas me dang mnyam pa'i thugs nyid kyis de bzhin du las las zlog pa dang /nyon mongs pa sel ba dang / bdud dang gzhan gyi gnod pa las bzlog ste/ rang gi mi mthun pa'i phyogs gsum gyis zil gyis mi gnod pa'i ngo bo nyid stobs kyi pha rol tu phyin pa gsum la nges par sbyar bas legs pa'i blo gros kyi sar nges par mdzad nas rlung gi phyogs su rgyas pa 'phel bar mdzad pas bzhugs so//badzra ra tI zhes bya bas rlung gi khams dang / rnam par thar pa'i sgo rang bzhin gyis 'od gsal ba dang btang snyoms chen po dang ye shes kyi pha rol tu phyin pa rnam par dag pa'i ngo bo nyid sgrol ma sku thams cad dang zhal dang po ser po/g.yas dang g.yon sngon po dang dkar po ste/ zhal gsum pa ut+pal ser po dang / ral gri dang nor bu dang pad+ma bsnams pa btang snyoms chen po dang ye shes kyi pha rol tu phyin pa ma tshang ba'i nyes pa thams cad de/bde ba dang / sdug bsngal dang / rnyed pa dang / ma rnyed pa dang / grags pa dang / ma grags pa dang / bstod pa dang / smad pa la btang snyoms shing sems can thams cad kyi gdung ba rab tu zhi ba la sogs pa'i don gyi bya bas rlung dang 'dra ba'i mnyam pa'i sems la nges par sbyor bar mdzad cing nyon mongs pa rnams glo bur ba yin pa'i phyir chos thams cad rang bzhin gyis 'od gsal ba nyid du yongs su gsal bar mdzad nas rtog pa dang mi rtog pa'i mnyam pa nyid du khong du chud pas sems can gyi don gyi thabs la lkog tu ma gyur cing ye shes kyi pha rol tu phyin pa rnam pa gsum la nges par sbyar nas chos kyi sprin gyi sa la rab tu bzhag ste dbang ldan gyi phyogs su dbang gi bya ba mdzad cing bzhugs so//de bzhin du ser sna'i gnyen por gyur pa sbyin pa'i pha rol tu phyin pa rnam par dag pa gzugs rdo rje spyan dang 'dra ba la me long dang /ral gri dang / nor bu dang / pad+ma bsnams pa dang / ser sna gtso bor gyur pa rnams la chos dang zang zing dang byams pa ste/ sbyin pa'i pha rol tu phyin pa rnam pa gsum la nges par sbyar bas rab tu dga' ba'i sa la rab tu bzhag nas/phyi'i dkyil 'khor gyi shar lho'i mtshams su bzhugs so/ /de bzhin du tshul khrims 'chal ba'i gnyen por gyur pa'i tshul khrims kyi pha rol tu phyin pa rnam par dag pa sgra rdo rje mA ma kI lta bu/ pi wang dang /ral gri dang / nor bu dang / pad+ma bsnams pa/ tshul khrims 'chal pa sel ba gtso bor gyur pa sdom pa dang sems can gyi don bya ba dang / dge ba'i chos yang dag par sdud par byed pa ste/ tshul khrims kyi pha rol tu phyin pa rnam pa gsum la nges par sbyar bas dri ma med pa la rab tu bzhag ste/lho nub kyi phyogs mtshams su bzhugs so/ /khro ba'i gnyen por gyur pa bzod pa'i pha rol tu phyin pa rnam par dag pa dri rdo rje rin chen dbang phyug gi rang dang 'dra ba'i rig ma lta bu dri'i dung chos dang / ral gri dang / 'khor lo dang / pad+ma bsnams pa bzod pa med pa gtso bor gyur pa rnams la/chos la dmigs pa dang / sdug bsngal la ji mi snyam pa dang / gzhan gyi gnod pa'o la mi mjed pa ste/ pha rol tu phyin pa gsum la nges par sbyar bas 'od byed pa'i sa la nges par mdzad de/ phyi'i dkyil 'khor gyi nub byang gi mtshams su bzhugs so//le lo'i gnyen por gyur pa brtson 'grus kyi pha rol tu phyin pa rnam par dag pa ro rdo rje na bza' dkar mo dang 'dra ba/ ro'i snod dang / ral gri dang / nor bu dang / 'khor lo bsnams pa/ le lo nye bar 'joms pa gtso bor gyur pa rnams la go cha dang sbyor ba dang /mi ldog pa zhes bya ba ste/ brtson 'grus kyi pha rol tu phyin pa gsum la nges par sbyor bas 'od 'phro ba'i sa la nges par mdzad nas/ byang shar gyi mtshams su bzhugs so/ /rnam par g.yeng ba'i gnyen por gyur pa bsam gtan gyi pha rol tu phyin pa rnam par dag pa reg rdo rje sgrib pa thams cad rnam par sel ba lta bu gos sna tshogs dang ral gri dang nor bu dang pad+ma bsnams pa rnam par g.yeng ba gtso bor gyur pa'i gdul bya la nyes pa sel ba dang /gnas pa dang / 'byor ba byed pa ste/ bsam gtan gyi pha rol tu phyin pa rnam pa gsum la nges par sbyar bas sbyang dka' ba'i sa la nges par mdzad nas shar sgo'i g.yon phyogs su bzhugs so//shes rab 'chal ba'i gnyen por gyur pa shes rab kyi pha rol tu phyin pa rnam par dag pa'i ngo bo nyid chos kyis dbyings rdo rje kun du bzang po lta bu la chos 'byung ba dang /ral gri dang / nor bu dang / pad+ma bsnams pa/ shes rab 'chal ba gtso bor gyur pa'i rang gi gdul bya la thos pa dang / bsam pa dang / bsgom pa ste/ shes rab rnam pa gsum la sbyar nas mngon du gyur pa'i sa la nges par mdzad de/ snga ma bzhin du shar sgo'i g.yas logs su bzhugs so//gzugs rdo rje la sogs pa 'di rnams kyi so sor nges pa'i 'byin pa ni med pas spyir/ oM AH hUM zhes bya ba de kho na nyid gsum gyis dbyung bar bya'o/ /spyan la sogs pa'i rig pa rnams chos kyi dbyings rdo rje'i mthar thug pa rnams ni phyag dang po gnyis kyis rang dang 'dra ba'i thabs la 'khyud pa rin po che sna tshogs pa'i rgyan gyi 'od zer gyi tshogs kyis phyogs bcu'i tshogs rnams khyab par dga' ba chen po dam pa'i nyams dang ldan pa sna tshogs pad+ma dang zla ba'i gdan la bzhugs par bsgom par bya'o//ya mAn+ta kr-i ta ces bya bas ma dad pa dang phung po'i bdud dang 'jig tshogs la lta ba dang shes bya'i sgrib pa'i gnyen por gyur pa dad pa'i ngo bo nyid gshin rje gshed srung ba'i 'khor lo las bshad pa'i zhal la sogs pa dang ldan pa ma dad pa dang /'jig tshogs la lta ba gtsor 'dzin pa'i gdul bya rnams la bsten nas bden pa dang /dkon mchog dang / las dang / 'bras bu yod pa nyid dang / yon tan dang ldan pa nyid dang thob pa'i mtshan nyid yin par mngon par yid ches pa bskyed nas chos thams cad dang po nas skye ba med pa nas mi 'jig pa'i bdag nyid can yin pa gsal bar byas pas rtog pa'i gshin rje bkag cing shes bya'i sgrib pa spangs pas 'jig tshogs la lta ba las bzlog ste/phung po'i bdud las rnam par rgyal ba nges par mdzad nas slar byon te shar sgor bzhugs so/ /pradz+nyAn+ta kr-i ta ces bya bas le lo dang nyon mongs pa'i bdud dang mthar 'dzin par lta ba dang /nyon mongs pa'i sgrib pa'i gnyen po brtson 'grus kyi ngo bo nyid shes rab mthar byed snga ma bzhin du le lo la sogs pa'i bag chags shas che ba'i gdul bya'i sems can rnams la brten nas brtson 'grus la yang dag par sbyar nas/ chos thams cad rnam par shes pa'i bdag nyid yin par yongs su bstan pas nyon mongs pa'i sgrib pa dang rtag pa la sogs pa mthar 'dzin pa las nges par bzlog ste/nyon mongs pa'i bdud las rnam par rgyal bar mdzad nas de bzhin du lho sgor bzhugs so/ /pad+mAn+ta kr-i ta ces bya bas brjed ngas pa dang 'chi bdag gi bdud dang log par lta ba dang /skye ba'i sgrib pa'i gnyen po dran pa'i ngo bo nyid pad+ma mthar byed sngar bshad pa'i zhal la sogs pa dang ldan pa/ de bzhin du brjed ngas pa dang log par lta ba'i bag chags shas che ba'i gdul bya la brten nas/ las kyi 'bras bu chud mi za bar bstan pas yang dag pa'i lta ba la nges par sbyar nas/yang dag pa'i dran pa la nye bar bzhag ste/ phung po lnga brtags pa'i bdag nyid can yin pas 'chi 'pho ba dang bral zhing de kho na nyid du brjod du med pa'i bdag nyid can yin par bstan pas skye ba'i sgrib pa spangs shing 'chi bdag gi bdud las yongs su rgyal bar mdzad nas slar byon te nub sgor bzhugs so//big+h+nan+ta kr-i ta ces bya bas sngar bshad pa'i rnam par g.yeng ba dang lha'i bu'i bdud dang lta ba mchog tu 'dzin pa dang / las kyi sgrib pa'i gnyen po ting nge 'dzin rnam par dag pa'i bdud rtsi thab sbyor snga ma bzhin du rnam par g.yeng ba la sogs pa'i bag chags shas che ba'i gdul bya rnams la brten te sems rtse gcig pa nyid la nges par sbyar nas chos thams cad rang bzhin gyis zhi ba yin pa'i phyir rnam par mi rtog pa'i bdag nyid can yin par bstan nas 'jig tshogs la sogs pa'i lta ba mchog dang gtso bo yin par lta ba las bzlog ste/lha'i bu'i bdud las rgyal bar mdzad de slar byon pa dang bgegs kyi tshogs rab tu 'joms shing byang sgor bzhugs so/ /'dir yang dkyil 'khor ba thams cad ni rang rang gi stan dang 'od kyi dkyil 'khor la rdo rje'i skyil mo krung gis bdag po la mngon par phyogs pa yin la/khro bo rnams ni sna tshogs pad+ma dang nyi ma'i gdan la/ g.yas dang g.yon gyi sbyor ba yis/ /g.yon brkyang ba yi tshul gyis ni/ /khro bo'i skyil mo krung bcas nas/ /bdud rnams rab tu 'joms pa yin/ /zhes brjod pas/khro bo g.yon brkyang bas gnas pa yin no zhes bshad pa yin no/ /de nas yongs su rdzogs pa'i dkyil 'khor dngos po thams cad kyis bltas te/ ye shes sems dpa'i thugs ka'i mtshan mar gnas pa'i sa bon gyi 'od kyi lcags kyu rnams kyis thog ma med pa nas yang dag par grub pa'i ye shes kyi dkyil 'khor bkug la mdun du bsams te/gshin rje gshed la sogs pa'am/ /gzhan gang yang rung ba yang dag par spros pas/ der gtogs pa'i bgegs rnams yang dag par bsal la mngon par bsrungs te/ za ba la sogs pa dang /me tog dang ldan pa'i mchod yon la oM AHhUM hUM mngon par bzlas nas phul la gshin rje gshed la sogs pas dam tshig gi dkyil 'khor la man ngag ji lta ba bzhin du dgug pa dang / gzhug pa dang / bcing ba dang / dbang du bya ba byas nas mnyes par byas te/'di dag ni rgyu mthun pa'i 'bras bu chen po dang / bsnyen pa chen po'o/ /dkyil 'khor pa re re zhing mig la sogs pa byin gyis brlab pa ni rnam par smin pa'i 'bras bu chen po dang / nye bar sgrub pa chen po'o/ /tshigs su bcad pas gsol ba gdab pa dang / thugs la sogs pa'i sngags med pa ni skyes bu byed pa'i 'bras bu chen po dang /sgrub pa chen po'o/ /dbang bskur ba ni dbang gi 'bras bu chen po dang / sgrub pa chen po'i chen po'o/ /'di rnams kyi bdag po'i nges pa brjod par bya ste/ mi bskyod pa'i cod pan du ni rdo rje 'chang chen po'o/ /rdo rje 'chang chen po dang rnam par snang mdzad la sogs pa'i de bzhin gshegs pa rnams dang /mA ma kI dang / phyag na rdo rje dang / sgra rdo rje dang / srung ba'i 'khor lor bshad pa'i khro bo rnams las gshin rje mthar byed dang pa pad+ma mthar byed ma gtogs pa gzhan gyis mi thub pa la sogs pa'i cod pan du ni mi bskyod pa'o//spyan dang sa'i snying po dang / gzugs rdo rje ma dang / gshin rje gshed kyi cod pan la rnam par snang mdzad do/ /dri rdo rje ma dang nam mkha'i snying po'i cod pan la ni rin chen dbang ngo / /gos dkar mo dang / 'jig rten dbang phyug dang /ro rdo rje dang / pad+ma mthar byed kyi cod pan la ni 'od dpag tu med pa'o/ /sgrol ma dang / sgrib pa rnam par sel ba dang / reg rdo rje'i cod pan la ni don yod par grub pa'o/ /kun du bzang po dang chos kyi dbyings rdo rje la ni rdo rje 'chang chen po'o/ /de nas sgrub pa chen po'i rjes thogs la snga ma bzhin snying ga'i sa bon gyi 'od zer rnams kyis phyogs bcu na bzhugs pa'i gzugs la sogs pa'i 'dod pa'i yon tan lnga bkug la snying gar bcug ste/zla ba zhu bar gyur pas rang gi rdo rje'i lam nas phyung ste/ rig pa'i chu skyes su gnas par bsams la/de'i ba spu'i bu ga re re nas byung ba'i 'od zer rnam pa sna tshogs rgyu chen pos nam mkha'i khams kun du khyab par spros la/ 'od zer gyi sgo las byung ba gzugs la sogs pa'i lha mo dri ma med pa'i rgyan thams cad kyis yan lag legs par brgyan pa/rtog pa ma lus pa las nges par grol zhing bde ba mchog bskyed pa'i rgyur gyur pa dngos po sgyu ma dang mtshungs pa la sogs par rtogs pa 'jig rten lta ba la mkhas pa dang / 'od zer gyi snang ba las sprul pa'i mchod pa'i sprin gyi dra ba'i tshogs sna tshogs pa dang ldan pa rnams dang /de bzhin du phyi'i dri la sogs pa/ khang pa brtsegs pa'i 'od zer 'phro ba las byung ba nam mkha' mthas khyab pa rnams kyis rab tu mchod/ rang dang thub pa'i dbang po dang mchod pa dang mchod pa'i bdag nyid mnyam pa nyid kyi don gyis gnyis su med pa'i nga rgyal bya'o//oM sarba ta thA ga ta pU dza badzra swA b+hA wa At+ma kou0f85haM/ de'i 'og tu sgra'i yul thams cad brag ca lta bur lhag par mos shing / rang gi bdag nyid dang tha mi dad pa'i dkyil 'khor gyi 'khor lo'i bdag nyid can phung po dang khams dang skye mched kyi gzugs can gyi chos thams c ad rang gi yid kyis lhag pa'i lha la bstod pa'i sgra byed par bsam pa byed pa ni/mi bskyod rdo rje zhes bya ba la sogs pa'o/ /de nas bar snang la gnas pa'i zla ba'i dkyil 'khor la 'dug pa'i hUM las byung ba'i rdo rje rtse lnga pa'i lte bar hUM dang ldan par bsams la/ de'i 'og tu yi ge yaM las byung ba'i rlung gi dkyil 'khor sngon po gzhu'i dbyibs can rdo rjes mtshan pa la gnas pa'i raM las byung ba'i me'i dkyil 'khor dmar po gru gsum pa'i steng du/yi ge a las byung ba'i pad+ma'i snod bsams la de'i nang du bi ra shu ma mu zhes bya ba mi 'chi ba lnga po la rim bzhin du/bruM AM dzr-I khaM hUM gis byin gyis brlab pa dang / go ku da ha na ste lnga po yang de bzhin du bsams la rdo rje yang de'i 'od zer gyis zhu zhing de nyid du thim par gyur par bsams la/ de yang me 'bar ba rnams kyis ma lus par zhu bar gyur cing nyes pa dang bral ba dang mnyam pa med pa'i bcud dang stobs dang zhu bar gyur pa'i bdag nyid can du lhag par mos la/der oM dkar po 'bar ba bkod pa de'i 'od zer gyis de bzhin gshegs pa rnams bdud rtsi'i rnam par de'i nang du chud par bsams la/ de'i 'od zer gyi tshogs 'phro ba la yi ge gsum mang du bzlas te/lhag pa'i lha'i sbyor ba dang ldan pa'i rang gi snying gar dkyil 'khor gyi 'khor lo bsams la/ bdag nyid dang dkyil 'khor ba thams cad kyi lce la hUM las byung ba'i rdo rje rtse lnga pa nas 'bras tsam dkar po lte ba la hUM gis mtshan pa dang / cod pan du yang rang gi bdag po bsams la/de bzhin gshegs pa thams cad tshim par bya'o zhes lhag par mos par byas la/ kun du rtog pa'i dri ma ma lus pa dang bral bas des snying ga'i zla bar chud pa'i rgyal ba'i 'khor lo ma lus pa dang bdag nyid dang dkyil 'khor pa rnams tshim par bya'o//dkyil 'khor dbyung ba nas brtsams te bdud rtsi myang ba'i mthar thug pa ni dkyil 'khor rgyal po mchog ces bya ba'i ting nge 'dzin to/ /de ltar chen po bsgoms pa la sems dbang du bya ba bskyed par bya ba'i phyir las kyi rgyal po mchog bsgom par bya ba yin pas/ thig le'i rnal 'byor la sogs pa bsgom par bya'o/ /de nas ye shes sems dpa'i thugs ka'i mtshan ma'i lte ba la gnas pa'i hUM gi 'od zer las byung ba'i dkyil 'khor gyi 'khor lo'i de bzhin gshegs pa rnams kyis 'gro ba ma lus pa thabs dang shes rab kyi rang bzhin can gyi dri ma med pa'i ting nge 'dzin las yang dag par byung ba'i bde ba chen po'i rang bzhin can gyi dkyil 'khor gyi 'khor lor byas nas hUM de nyid du zhugs pa dang /de yongs su gyur pa las tsa na ka'i 'bru tshod tsam gyi thig le'i dbus su dkyil 'khor gyi 'khor lo lha bcu dgu gsal pa'i bdag nyid can du bdag nyid rnam par bsgoms la/de'i mdog can gyi 'od kyi phreng bas ye shes sems dpa'i dang thugs dang gsung dang sku rdo rje dang lus kyi mchog dang / rang gi nang gi lus kyang nges sad par byas shing snang bar byas nas ba spu re re kun nas mtha' yas pa'i 'od zer gyi snang ba'i tshogs kyis sna tshogs par khyab par byas nas/yang de nyid du zhugs nas gnyis su med pa'i bdag nyid can du bsgom pa ni thig le'i rnal 'byor ro/ /de'i 'og tu de bzhin gshegs pa zhugs pa la sngon du 'gro bas rang dang 'dra ba'i chos 'byung ba'i sna rtser byang chub kyi sems las byung ba'i hUM yongs su gyur pa las rdo rje rtse lnga pa sngon po nas 'bras tsam gyi lte ba la nyi ma'i steng na gnas pa'i hUM yongs su gyur pa las yungs kar gyi 'bru tshod tsam phra ba/ye shes lnga'i bdag nyid can gyi rin po che kha dog sna lnga'i dbus na ji skad bshad pa'i rten dang brten pa'i dkyil 'khor gyi 'khor lo rgyu mthun pa'i 'bras bu dang /bsnyen pa la sogs pa'i yan lag bzhi chung ngu dang / 'bring dang / chen po 'di dag bsam zhing sems la dbang du gyur par bya ba'i phyir bsgom par bya'o/ /de nas smig rgyu lta bu la sogs pa mtshan ma gang yang rung ba thob pas sems brtan par bzung ba la sogs pa ngo bo nyid med cing rang rig pa'i ngo bo nyid la de'i 'od zer las sprul pa'i de bzhin gshegs pa rnams sam rdo rje la sogs pa mtshan ma sna tshogs pa spro ba yang dang yang bya'o//'di ni phra mo'i rnal 'byor ro/ / de'i 'og tu rdo rje dang gsal ba dang chos dang 'khor lo man ngag ji lta ba bzhin du sku dang gsung dang thugs rdo rje dang / ye shes sems dpa'i thugs ka'i mtshan ma'i lte bar gnas pa rang rang gi stan la/ oM AHhUM hUM zhes bya ba brjod pa dang brjod par bya ba las 'das pa so so rang gis rig pa ye shes lnga'i bdag nyid can bsams la/gnas pa dang brtan par gyur par lhag par mos shing myur ba dang bul ba la sogs pa'i nyes pa dang bral ba phan tshun shin tu ma bsdams par gsang sngags kyi rgyal po gsal bar brjod cing srog gi rlung gis oM la sogs pa'i sa bon re re las sku rdo rje la sogs pa yang dag par spro bar bya zhing /de rnams kyis nam mkha' ma lus par khyab par bsams la/ thugs la sogs pa byin gyis brlabs pa bzhin du gzugs rdo rje la sogs pas rab tu mchod cing rig pa mchog gis yongs su 'khyud pa'i bde ba chen po babs pa'i gzhan gyi dbang du gyur par bsams nas/rtsol ba'i rlung gis de nyid du gzhug par bsams la rim gyis sam sa bon las cig car spro ba'am/ rim gyis bzlas brjod bya ba ni sngags kyi bzlas pa'o/ /de la/ rgyu mthun sogs dang lhag mos pa/ /thig le phra mo gsang gsum dbyung //chung ngu la sogs dbye ba yis/ /rnal 'byor bsnyen sogs de bzhin bsgom/ /zhes pa dang / de nas de'i 'og tu/ zhum pa'i sems ni nges bzung zhing / /rgod pa slar yang zhi bar bya/ /zhes smos pas thig le'i rnal 'byor la sogs pa bsgoms pas sems zhum par gyur cing sems kyi rgyu chung ba de gzung ba'i phyir snga ma bzhin du rim pa'i tshogs kyi glus rab tu sad par bya zhing tshim par byed do//de yang spyi bor mtho gang tsam gyis 'phags par zla ba'i dkyil 'khor la gnas pa'i bdud rtsi lnga oM dkar pos byin gyis brlabs shing 'dzag par gyur par bsams la/de'i srog dang rtsol ba'i 'od zer gyis lcags kyus drangs la/ skyo ba sel bar byed pa'i bdud rtsi'i rgyun sku rdo rje la sogs par dbab par bya ste/ 'di ni tshim par bya'o/ /de ltar thang cig ngal bso nas/ /slar yang bde ba de la zhen cing des sems rgod par gyur na thig le'i rnal 'byor bsgom pa sngon du 'gro bas snga ma bzhin du sngags kyi bzlas pa nyin mtshan du bya zhing /de la yang zhen pa med par bya'o/ /de'i 'og tu gshegs su gsol ba byed par 'dod pa'i sngags pas dkyil 'khor gyi rgyal po mchog bzhin du mchod pa dang bstod pa dang bdud rtsi myang bar byas la sku la sogs pa'i rdo rje'i thugs kar gnas pa'i oM la sogs pa'i yi ge rnams la ji lta ba bzhin du dkyil 'khor ba rnams nang du chud par byas nas/de yang sku gsung thugs nam mkha' ltar ma skyes shing gnyis su med pa'i ye shes kyi ngo bo nyid du bsgom par bya'o//'di ni gshegs su gsol ba'o/ /de ltar thig le'i rnal 'byor la sogs pa nas/ gshegs su gsol ba'i mthar thug pa ni/ las kyi rgyal po mchog gi ting nge 'dzin no/ /de nas bshad ma thag pa'i thabs dang shes rab kyi rang bzhin dri ma med pa'i ting nge 'dzin las byung ba/yangs shing rgya che ba'i bde ba dam pa'i ngo bo nyid dpal gsang ba 'dus pa'i mngon par byang chub pa rtog pa'i lta ba dang bral zhing bdag dang bdag gir 'dzin pas 'gro ba ma lus pa 'khor ba'i g.yang sar ltung zhing skyabs med pa la mngon par bsams la/de la snying rje mtha' yas pas smon lam mngon du bya'o/ /dpal ldan mi bskyod mgon po yi/ /bsgoms pa las thob dge ba des/ /de yi ye shes ldan gyur pas/ /'gro ba kun mkhyen sa thob shog/ /gang tshe blta bar 'dod pa'am/ /cung zad 'dri bar 'dod na yang //mgon po thugs bdag gang yin te/ /gegs med par ni mthong bar shog /phyogs bcu nam mkha'i mtha' gtugs pa'i/ /sems can kun don sgrub pa'i phyir/ /ji ltar thub dbang spyod mdzad pa/ /bdag gi spyod pa'ang de 'drar shog /ji srid dang po'i mthar gtugs pa'i//'khor ba rnams kyi mtha' spangs pa/ /de srid sems can don phyir nyid/ /spyod pa dpag med spyad par bgyi/ /ji srid 'jig rten gyur pa yi/ /sangs rgyas thams cad mya ngan 'das/ /de yi bstan pa'i don du ni/ /spyod pa dpag med spyad par bgyi/ /rdo rje sems sogs gzugs kyis ni//rnam pa kun du spyad bya zhing / /sngags kyi gzugs kyis sems can rnams/ /de dang de tshe gdul bar bgyi/ /de'i 'og tu rang gi lha'i nga rgyal dang ldan pa'i ting nge 'dzin gyis langs la/ yul rnams mig yor tsam gyi rang gi ngo bo nyid dam/ rang gi lha'i rnam par mos la/rigs ji lta ba bzhin du rnam par snang mdzad la sogs pa'i ngo bo nyid dam/ rang rang gi rnam par dag pa gzugs rdo rje la sogs pa'i ngo bo nyid dam/ gnyis su med pa'i ye shes rdo rje 'chang chen po'i ngo bo nyid du lhag par mos pas/ ji ltar rnyed pa'i 'dod pa'i longs spyod thams cad la nye bar spyod pa'i bya ba bya zhing phyin ci log gi rtog pa dang bral ba 'di nyid ni mchod pa'i mchog yid mgu bar byed pa nyid do//zas la spyod pa'i dus su yang ye shes sems dpa'i thugs ka'i zla bar rang gi 'dod pa'i lha'i dkyil 'khor gyi 'khor lo bsams la rang gi zas dpa' bo lnga dang /mi 'chi ba lnga'i rnam par snga ma bzhin du bskyed la/ dkyil 'khor gyi 'khor lo'i bdag nyid can du lhag par mos pas mngon par bzlas te/ lce la rdo rje dkar po dang / bdag po yang cod pan du bsams te/ spyod par byed pa dang / kha zas mnyam pa nyid du bsgom zhing /de bzhin du rang gi lhag pa'i lha'i 'khor lo dam tshig par bya zhing des mchod par bya ba ni phyi'i sbyin sreg go/ /nang gi bdag nyid can gyi ye shes kyi me la phung po'i shing bsregs pas bla na med par bshad pa yin no/ /de ltar 'dod pa ma lus pas rang gi lha'i ngo bo nyid kyi bdag nyid dam/gzhan dag yang dag par mchod pa'i dam tshig 'di ni bde bar gshegs pa rnams kyis rjes su gnang ba yin no/ /ji skad bshad pa'i sdom ldan pas/ /ji snyad pa ni kun du spyad/ /dam tshig med gyur blo yis ni/ /gsang 'dus dang gzhan shes par bya/ /sangs rgyas mchod dang 'gro don nam//lus las 'byung ba mthong ba na/ /snying rjes non pas las bya ba/ /sngags rgya'i bdag nyid can phan bya/ /de nas gnas skabs thams cad du/ /rgyun mi 'chad par bde bar gshegs pa ma lus pa la mchod pa dang 'gro ba'i don gyi bya ba la zhen cing shes rab dang thabs kyi rang bzhin dri ma med pa'i ting nge 'dzin las byung ba'i bde ba dam pas khyab pa brtan pa dang /g.yo ba'i dngos po thams cad kyi phra rab re re'i ngo bo rang gi 'dod pa'i lha'i dkyil 'khor gyi 'khor lo dang tha mi dad par shes shing / de nas mi bden pa'i rtog pa ma lus pa mnyam pa nyid du sbyor bas brtag pa'i sems la nag po'i las rnams lta ga la yod/de yang / dngos po gcig la kun rtog pa/ /rnam pa sna tshogs snang gyur te/ /grol dang sdug bsngal bde bskyed pa'i/ /las ni ma lus 'byung bar 'gyur/ /de bas dge dang mi dge'i las/ /lus la sogs pa'i rtog las byung //rtog pa kun las nges grol ba'i/ /ye shes de la rtog pa ci/ /zhes bya ba smos pa yin no/ /dam tshig las nyams pa la don yod par grub pa'i rnal 'byor ji lta ba bzhin du bya ba sngon du 'gro bas 'khor lo de la zhugs pa'i ye shes sems dpa'i thugs ka'i zla ba'i khaM las byung ba'i sna tshogs rdo rje'i lte bar zla ba la gnas pa'i yi ge khaM bsams la/de'i 'od zer rnams kyis de bzhin gshegs pa bskul ba sngon du 'gro bas bdag nyid sna tshogs pad+ma 'dab ma dang zla ba la gnas te/ gzung ba la sogs pa'i dngos po rnams las dben par rang bzhin gyis 'od gsal bar lhag par mos la snga ma bzhin du dbang bskur bar bya'o//bla ma la brnyas pa la sogs pa'i nyes pa rnams la yang ci nus par mchod pa dang sbyin pa sngon du 'gro ba bya ba'i bshags pa la sogs pa'i sngon du 'gro bas dam tshig blang bar bya'o//'di ni dam tshig gis gso ba'o/ /phyi'i khrus byed par 'dod na rang gi lha'i sbyor ba dang ldan pas zla ba la gnas te/ dbang bskur ba'i cho ga nyid kyis khrus bya'o/ /thun mtshams gzhan la yang snga ma bzhin du mchod pa dang sdig pa bshags pa nas bdud rtsi myang ba'i mthar thug pa'i bar rdzogs par byas nas/thig le dang phra mo bsgom pa sngon du 'gro bas sngags kyi bzlas pa byas la/ ye shes sems dpa'i thugs ka'i dkyil 'khor gyi 'khor lo nang du chud par byas la/ snying rje dang shes rab tu ldan pas nyal bar bya'o/ /langs pa'i dus su spyan la sogs pa'i lha mo rnams kyi glus bskul nas nang par langs te/las dang po bas snga ma bzhin du legs par bzlas brjod bya'o/ /de ltar nyin re bzhin thun bzhi'i rim gyis sdig pa bshags pa la sogs pa'i ting nge 'dzin gsum gyi sbyor bas mtshan ma gnyis thob pa'i bar ni las dang po pa'o//de nas sngags kyi tshul khrims dang brtul zhugs dag par ldan zhing sdig pa bshags pa la sogs pa dang bral bas nye bar sgrub pa nas brtsams te/ ting nge 'dzin gsum bsgoms pa la mtshan ma gsum po thob pa'i bar ni ye shes cung zad tsam la dbang thob pa'o/ / de rnam pa thams cad du yongs su rdzogs shing spro ba dang bsdu ba byed pa mtshan ma bzhi thob pa ni ye shes la dbang thob pa ste/ nyin mtshan du mngon par sbyor ba tsam bsten par bya'o/ /de bzhin du 'jig rten gyi khams thams cad kyi rdul phra rab re re'i nang du chud pa'i 'khor lo gsum gyi gzugs brnyan gyi bdag nyid can gyi gzugs su bsgom pas rtag tu snang ba'i mtshan ma thob pa'i rnal 'byor ba ni yang dag pa'i ye shes la dbang thob pa zhes bya'o//de nas sngags grub cing mtshan ma mang po thob nas/ de kho na nyid gsum la mchod pa byas la/ rang gi sngags mar me mdzad bzang pos bshad pa'i dkyil 'khor la gnas pa'i cho gas rgyud las bshad pa'i mngon par 'dod pa'i dngos grub rnams bsgrub par bya'o//bgegs nye bar zhi ba'i don du ni bdud rtsi thab sbyor gyi sbyor ba'i bdag nyid can gyi 'khor lor gnas shing 'od zer spro ba sngon du 'gro bas/ chos thams cad nam mkha' dang 'dra bar rang bzhin gyis 'od gsal bar lhag par mos la/ji lta ba bzhin du dbang bskur ba lang bar bya ste/ gdug pa'i dgra ni rjes dran bya/ /zhes bshad pa yin no/ /gang zhig dbus na gnas gyur pa/ /'khor lo de yi yin par 'gyur/ /de bzhin gshegs par bdag gyur na//de yi gnas su mi bskyod bzhugs/ /gzhan bdag rang bdag gnas su ste/ /rang nyid la ni rang bdag po/ /'byin pa sngon 'gro byed pa ni/ /blo dang ldan pas gzhug par bya/ /rnam pa kun du sngon po ni/ /g.yon min zhal mar g.yas min par/ /ye shes zhal snga'i rjes 'brang nas//gsang 'dus las ni shes par bya/ /de ltar byang phyogs lam pa'i mkhas pa'i zhabs bsten nas/ /yang dag thob pa de nyid brjed pas 'dir 'jigs te/ /ngo tsha spangs nas gsal byas nga rgyal gyis ma yin/ /des 'dir blo bzangs rigs tshul can gyis bzod par mdzod/ / ye shes dam pa'i gzhung lugs rang gi shes rab kyis/ /cung zad gsal bshad dge ba mchog gyur gang bsags pa/ /des ni 'gro kun gnyis med zla ba las byung ba'i/ /'od zer bzang pos mun gsal thugs kyi mgon thob shog/ /dpal ldan mi bskyod rdo rje sgrub pa'i thabs/