99a3 /[ ]@##/ /rgya gar skad du/ /shrI gu h+ya sa mA dza s+ya many+dzu shrI sA d+ha naM/ /bod skad du/ dpal gsang ba 'dus pa'i 'jam dpal gyi sgrub thabs/ dpal 'jam pa'i rdo rje la phyag 'tshal lo/ /chos dang longs
99a4 spyod sprul pa'i sku//sku gsung thugs ni rdo rje can/ /ye shes rnam pa lnga dang ldan/ /rtog pa ma lus kun las grol/ /thams cad ngo bo thams cad du/ /dkyil 'khor 'khor lo mchog dang ldan/ /'jam dpal de la phyag 'tshal nas/ /'gro ba'i byang chub thob pa'i rgyu/ /de
99a5 yi sgrub pa'i cho ga mchog//ci nus bdag gis bshad par bya/ /dang po sngags pa bdag nyid ni/ /'jam pa'i stan la 'dug byas nas/ /rang gi snying gar zla ba la/ /tshe rabs sngon nas goms byas pa'i/ /tshad med bzhi po snying rje dang / /byams dang dga' dang btang snyoms
99a6 te//tshangs spyod mtshan nyid bzhi rnams kyi/ /rgyu yi dngos po'i sa bon maM/ /dam pa'i gur gum lta bu yi/ /'od zer 'phro bar rnam par bsam/ /'gro rnams sdug bsngal mthong byas nas/ /grol 'don mtshan nyid snying rje'o/ /bde bar 'dod rnams mthong byas nas/ /phan pa'i
99a7 bde ba ma lus pa//grub par 'dod pa byams pa'o/ /'gro rnams spyod pa mi mnyam zhing / /gdul dka' sdug bsngal lam la dga'/ /bde ba mi 'dod pa rnams kyi/ /'khor ba'i sdug bsngal bsam pa dang / /'jig rten 'jig rten 'das pa yi/ /bde ba mtha' yas dang
99b1 ldan pa'i//ji ltar bdag gis bya bsams te/ /rang gi snying gar gnas pa'i maM/ /sangs rgyas kun gyi byin rlabs kyis/ /'jam dbyangs 'grub pa'i rgyu bsams la/ /de nyid bcom ldan thams cad mkhyen/ /'gro ba 'dul ba'i thabs mkhyen pas/ /ji lta ji ltar 'dul
99b2 'gyur bas//de lta de ltar 'gro ba la/ /thabs kun rab tu ston mdzad pas/ /thabs nyid gang gis sems can rnams/ /sdug bsngal kun las grol ba dang / /bla med byang chub thob kyi bar/ /bde ba ma lus ldan 'grub pa/ /'di ltar bdag nyid 'jam dpal skur/ /'grub
99b3 cing 'gro ba'i don byed pa'i//stobs dang ldan par bsam pa la/ /dga' ba'i mtshan nyid dga' ba'o/ /bsgoms pas byang chub nges byed phyir/ /'jig rten bya ba mi byed pa'i/ /mtshan nyid btang snyoms chen po ste/ /de rnams nges par bsam par bya'o/ /'jam dpal
99b4 nyid du bsgrub pa yang //bsod nams med par mi 'grub pas/ /sbyin pa la sogs 'grub pa'i rgyu/ /dbul phyir bdag gis mi nus pas/ /snying gar yid bzhin nor bu ltar/ /'gro ba'i don kun 'grub byed pa'i/ /maM nyid rab tu dran byas te/ /de 'od las byung nam mkha' la/ /
99b5 bla ma dam pa sangs rgyas rnams/ /sras dang bcas par gsal byas nas/ /de yi 'od zer las byung ba/ /spyan la stsogs pa'i lha mo bcus/ /dngos su gsang ba'i mchod pa dang / /gzhan yang phyi yi mchod pa'i sprin/ /rin chen bdun dang mchod pa lnga/ /dri yi phye ma sna tshogs gos/ /
99b6 sna tshogs rgyan dang phreng ba dang / /gdugs dang rgyal mtshan ba dan dang / /rnga yab sbrang yab bsil yab dang / /rta dang glang po bud med tshogs/ /seng ge gdan dang bla re sogs/ /ji snyed brtan pa'i sems kyis su/ /mchod pa byas nas phyag kyang bya/ /thog ma med pa'i srid rgyun man
99b7 chad blo gros rnam rtog las byung ma lus tshang sdig gang //thugs rje cher ldan ma lus mdun du cho ga de bzhin de rnams bdag gis bshags par bya/ /sangs rgyas byang chub sems dpa' rnams dang de bzhin 'phags dang gzhan rnams kyis ni dge ba gang mdzad pa/ /de rnams lhag
100a1 med rjes su yi rang bla med byang chub chen por yang dag bdag gis bsngo//spro byed dri med thugs ni zla ba lta bus mtha' yas thugs rje dam pa'i thabs rnams la/ /bde bar gshegs pa kun la bdag nyid nang 'khor spyod bzhin rtag tu rab tu skyabs su mchi/ /rtog pa ji
100a2 snyed ma lus grol ba lhag med dam pa'i sems can phun sum tshogs pa'i rten//ji snyed thams cad ro gcig dngos po chos la bdag nyid kyis ni rab tu skyabs su mchi/ /yang dag bcings pa ma lus grol ba'i thugs mchog dang ldan kun gyi dpal nyid yang dag bstod/ /rab dga'
100a3 la stsogs sa bcur bzhugs rnams rab tu byung bdag tshogs la yang dag skyabs su mchi//bsam pa'i ngo bo rnam smin dag phyir sgrib pa'i bag chags thams cad yang dag shin tu bcom/ /yongs su grol ba'i sems ni rnam brgyan bla med byang chub la ni yang dag bskyed par bya/ /
100a4 sras ldan bde bar gshegs dang lam gcig tu ni sbyin sogs yon tan dkar po dngos po ste/ /ma lus yang dag rdzogs pa'i sangs rgyas rang bzhin blo yis da ltar bdag gis brten par bgyi/ /'jig rten ma lus 'di rnams lta ba'i dra bas bcings pa la ni snying rje chen po bskyed/ /
100a5 bla med byang chub sems ni dri med rin chen bdag gis yang dag gos pas yongs su bsam par bya/ /rang bzhin dang bral stong pa nyid/ /rgyu med pas ni mtshan ma med/ /so sor rtog gi kun bral bas/ /ji snyed smon pa ma lus bral/ /de skad lan gsum brjod par bya/ /bsod
100a6 nams tshogs ni rdzogs byas nas//ye shes tshogs kyi don du ni/ /stong pa nyid ni bsam par bya/ /oM shU n+ya tA dz+nyA na badzra swA b+hA wa At+ma kou0f85haM/ sngags 'di bzlas pa byas nas su/ /'gro ba kun gyi lus ngag yid/ /de rnams bdag gis ngo bo gcig/ /rang bzhin med phyir lus n
100a7 gag yid//de rnams rang bzhin btags pa tsam/ /gang phyir brtags par rang 'dod de/ /de phyir rang bzhin lus ngag yid/ /oM AHhU~M yig gsum byas la/ /hoHgnyis bar na rab gnas pa/ /zla ba'i dkyil 'khor steng du ni/ /mdun gyi mkha' la bsam par bya/ /
100b1 byang chub sgrub pa'i dus su ni/ /bar du gcod pa'i bgegs bsal phyir/ /mdun du nyi ma'i dkyil 'khor la/ /nag po hU~M las byung ba yi/ /rdo rje 'od zer 'bar ba can/ /de yi 'od zer rab 'phros pas/ /mtshams kyi phyi rol dag na ni/ /bgegs rnams phur bus gdab
100b2 par bya//phyogs dang mtshams su 'phros pa yis/ /rdo rje'i ra ba rab brtsigs te/ /steng du 'phros pas rdo rje gzeb/ /'og tu 'gro ba rnams las su/ /rdo rje'i sa gzhir bsam par bya/ /bdud dang bral ba'i sems kyis su/ /de yi dbus su rdo rje sems/ /'og nas
100b3 'byung ba lta bur bsam//de las chos 'byung phyag rgyar dkar/ /grub nyid phra mo mar bltas nas/ /gyen du 'greng bar ba gnas pas/ /nang nyid nam mkha' lta bu yi/ /dbus su ser po baM las byung / /sna tshogs pad+ma rnam bsams te/ /de steng khaM ni ljang gu las/ /
100b4 sna tshogs rdo rje bsam par bya/ /de steng zla ba'i dbus su ni/ /dkar po bruM las byung ba yi/ /rtsibs brgyad 'khor lo'i lte ba la/ /bruM gyis mtshan pa rnam par bsam/ /de las snang mdzad rig mar bcas/ /de las byung ba'i gzhal med khang / /gru bzhi pa la sgo bzhi pa/ /twa ra
100b5 Na bzhis brgyan pa ste//ha ra ha ra phyed pas brgyan/ /sna tshogs pad+ma bcu dgu'i steng / /nyi ma'i gdan ni bdun rnams dang / /zla ba bcu gnyis dang ldan pa/ /de lta bu ni rnam par bsam/ /de yi dbus kyi zla ba la/ /yi ge gsum la gnas pa'i sems/ /rab tu goms par
100b6 bsam byas te//phyogs bcu'i 'jig rten khams gnas pa'i/ /bde gshegs 'gro ba ma lus rnams/ /byang chub rgyu la nges byed pas/ /de yi dus su gzigs par bya/ /de rnams mngon dga' sgrub rten du/ /thabs dang shes rab rang bzhin gyis/ /sgra yig bcu drug
100b7 nyis 'gyur dang //gnas kyi yi ge sum cu bzhi/ /ya ra la wa Da b+hAr lhag/ /bzhi bcu nyis 'gyur du byas pa'i/ /yi ge brgyad cu gzugs su 'gyur/ /de nas gzhal med khang pa yi/ /steng gi mkha' la 'byor gyur nas/ /de rnams ye shes kyis bskul te/ /sems nyid
101a1 drangs nas gcig tu 'gyur//de nas nang gi zla ba la/ /yi ge phreng ba rim pa gnyis/ /'og dang steng du gnas pa las/ /thabs dang shes rab rang bzhin dang / /smon dang 'jug pa'i sems dang ni/ /mtshan dang dpe byad rang bzhin gyi/ /zla ba gnyis su
101a2 'grub par bya//de gnyis dri med 'od gsal phyir/ /me long ye shes mngon gyur pa'o/ /de gnyis gcig tu gyur pa ni/ /mnyam nyid gcig tu mthong ba'o/ /de las dkar po hU~M du gyur/ /de las rdo rje dmar po nyid/ /hUM gis mtshan pa bsam bya ste/ /oM badzra At+ma kou0f85haM zhes/
101a3 bdag la de yi nga rgyal bya/ /de nyid kun rtog ye shes so/ /de nas hU~M las byung ba yi/ /bde gshegs rnams kyis ji snyed pa'i/ /'gro ba bde gshegs nyid byas nas/ /hU~M gi nang du thim byas te/ /oM ya tha sarba ta thA ga ta A haM zhes/ /bdag la de yi nga rgyal bya/ /nan tan ye
101a4 shes mthong ba'o//hU~M gi 'od zer gyis bskul nas/ /nam mkhar gnas pa'i bde gshegs rnams/ /hU~M nyid la ni thim par bya/ /de gnyis zhu par gyur pa las/ /dbus zhal sku ni chu shel mdog/ /g.yas dang g.yas min gnag dang dmar/ /dbu brgyan mi bskyod pas gnon
101a5 pas//rdo rje skyil mo krung bcas shing / /zla ba'i gdan dang rgyab rten ldan/ /rin chen sna tshogs rgyan gyis brgyan/ /phyag gnyis bdag 'od rig ma 'khyud/ /g.yas gnyis rdo rje ral gri ste/ /g.yon gnyis rin chen pad+ma 'dzin/ /de 'dra'i rnam pa dang ldan pa'i/ /rdo rje sems dpa'
101a6 rab tu bsgom//de nyid shin tu rnam dag pa'i/ /chos dbyings ye shes rab rdzogs pa'o/ /de nas 'dod chags chen po yis/ /'dul ba'i 'jig rten mthong gyur nas/ /bde ba'i sgra yis rgyal ba'i tshogs/ /bskul nas byon par gyur pa rnams/ /ba spu'i bu gar thim gyur nas/ /mi
101a7 snang bar ni rgyas gyur te//rang gi rig ma dga' bar byas/ /de nas thim pa'i rgyal ba'i tshogs/ /rang rang rigs dang yongs 'brel ba'i/ /spyan la sogs pa'i lha mo gzugs/ /rig gi rdo rje ma yi bar/ /rang gi ba spu'i bu ga nas/ /spros te yum gyi ba spu yi/ /bu gar thim pas
101b1 thabs nyid mnyes//de nas ye shes sems dpa'i yi/ /sa bon 'od kyis bde gshegs rnams/ /bkug nas zhal du lam zhugs nas/ /sku la thim nas zhu byas te/ /rdo rjer lam byung pad+mar gnas/ /de las rdo rje sems dpa' nyid/ /gtsor byas lha ni bcu dgu yi/ /
101b2 dkyil 'khor 'khor lo rab tu bsam/ /de nang blo yis sems can rnams/ /sgo bzhi'i lam nas zhugs par bsam/ /de nas ye shes sems dpa' ni/ /'od kyis bde gshegs rnams bkug nas/ /zhal gyi lam zhugs zhu byas te/ /rdo rjer lam byung dbang yang bskur/ /
101b3 de yi mthu yis sems can rnams/ /bde dang yid bde thob par 'gyur/ /ji ltar rim par dbye ba yi/ /mig dang rna ba sna dang ni/ /lce dang lus dang yid dag dang / /gzugs sgra dri ro reg bya chos/ /sa dang chu dang me dang rlung / /gzugs dang tshor ba 'du shes dang / /'du byed rnam
101b4 shes rnam dag pas//de las k+ShiM dzriM khaM gaM Sh+kaM saM/ dzaHhU~M baM hoH/ khaM raM laM mAM paM tAM/ brUM AM dzrIM khaM hU~M zhes bya ba'i sa bon rnams su gyur/ /de las 'khor lo rdo rje dang / /rin po che dang pad+ma dang / /ral gri dang ni rdo rje dang / /me long bi wang dri yi cang / /ro yi snod dang sna tshogs gos/ /
101b5 chos kyi 'byung gnas phyag rgya dang / /'khor lo ut+pal dmar po dang / /pad+ma dmar dang ut+pal ser/ 'khor lo rin chen pad+ma dang / /ral gri rdo rje phyag mtshan rnams/ /rang rang sa bon mtshan par gnas/ /sa bon phyag mtshan de nyid las/ /sa snying phyag na rdo rje dang / /nam snying
101b6 'jig rten dbang phyug dang //sgrib pa rnam sel kun du bzang / /gzugs sgra dri ro reg dang ni/ /chos kyi dbyings kyi rdo rje dang / /spyan yangs ma dang mA ma kI/ /gos dmar mo dang sgrol ma dang / /rnam snang mdzad dang rin chen 'byung / /snang mtha' yas dang don yod grub/ /mi
101b7 bskyod pa rnams rab tu grub//de nas pad+ma'i gzhal yas nas/ /blo yis phyi rol dbyung byas te/ /de rnams phan par shes nas su/ /bcom ldan phyag 'tshal bstod byas nas/ /bcom ldan sems can don du ni/ /mkha' la phyogs bcur spros par bsam/ /'gro ba'i dbang
102a1 bskur rdzogs byas nas//rang gi zhal gyi lam du ni/ /yi ge gsum nyid zhugs byas te/ /zhugs nas rdo rje'i lam nas su/ /pad+mo dbus su babs par bya/ /de yi 'od zer dmar 'phros pas/ /reg pas yab yum gnyi ga yang / /'dod chags chen
102a2 po'i me yis ni//yongs su zhu bar gyur par bsam/ /de nas khu ba de nyid las/ /mA ma kI dbyung byas nas/ /lho nub mtshams kyi grwar bzhag ste/ /dbyangs kyis bskul bar bsgom byas te/ /rdo rje thugs khyod sems can dbyings kyi khams kyi dbang phyug ste/ /dga'
102a3 ba'i rnam pa yid 'ong mkhyen pa bdag la thar par mdzad du gsol//sems can skyed byed gnyen mchog 'dod pa'i don chen rnams kyis ni/ /mgon po bdag ni gson par mchis bzhes dgyes par mdzad du gsol/ /ci 'chad 'di yis bskul ma thag/ /khu ba nyid la
102a4 thim par bya//rim bzhin lha mo gsum po yang / /khu ba nyid las phyung nas ni/ /me dang rlung dang dbang ldan grwar/ /gnas nas bskul bar byed par bsam/ /rdo rje sku khyod sems can kun gyis dga' bar mkhyen pa po/ /sangs rgyas 'khor lo don du don dam byang chub
102a5 bstan pa can//mgon po chen po bdag nyid legs par gson par mchis bzhed na/ /'dod chags kyis ni 'dod chags dam tshig bdag la dgyes par mdzod/ /rdo rje gsung khyod thams cad kyis ni thugs rje dang ldan pa/ /'jig rten don gyi dgos pa'i don kun dam pa'i spyod pa can/ /
102a6 mgon po chen po bdag nyid gal te gson par mchis bzhed na/ /kun du bzang po bde bar spyod pa bdag la dgyes par mdzod/ /rdo rje 'dod pa khyed ni dam tshig mchog gi phan don che/ /yang dag rdzogs pa'i sangs rgyas gsung dngos mnyam pa'i thugs rje can/ /mgon po chen po
102a7 bdag nyid gal te gson par mchis bzhed na//yon tan rin chen mang po'i gter bzhin bdag la dgyes par mdzod/ /rim bzhin dbyangs kyis bskul ma thag/ /rim pa bzhin du thim par byas/ /lha mos bskul ba'i dbang gis su/ /byang chub sems byung sa bon maM/ /gur
102b1 gum mdog 'drar rnam bsams te//de las ral gri'i yu ba la/ /zla ba'i steng du maM gyis mtshan/ /de yi 'od kyi mkha' dbyings na/ /gnas pa'i bde bar gshegs pa rnams/ /'jam pa'i rdo rje'i skur byas te/ /bkug nas maM la zhugs par bya/ /de gnyis zhu bar gyur pa las/ /
102b2 dbus zhal sku ni gur gum mdog/ /g.yas dang g.yas min gnag dang dkar/ /phyag gnyis rang 'od rig ma 'khyud/ /g.yas gnyis ral gri mda' 'dzin pa/ /g.yon gnyis gzhu dang ut+pal sngo/ /rin chen dbu rgyan dang ldan pa/ /rdo rje skyil krung shin tu brten/ /rgyan rnams so
102b3 sor brgyan byas pa'i//'jam dbyangs dpal dang ldan pa bsam/ /oM d+har+m+ma d+hA tu swA b+hA wa At+ma kou0f85haM/ /chos kyi dbyings su byin gyis brlab/ /gnyen po'i bsnyen pa'i yan lag dang / /'dra bar 'byung ba'i 'bras bu'o/ /de nas rang gi mig gnyis kyi/ /dbus su zla ba re re la/ /
102b4 k+Shi kar po las byung ba yi/ /'khor lo dkar po rtsibs brgyud pa'i/ /lte bar k+Shi yis mtshan pa bsam/ /de las sa yi snying po nyid/ /g.yas gnag g.yon ni dmar ba'i zhal/ /g.yas gnyis 'khor lo ral gri 'dzin/ /g.yon gnyis nor bu pad+ma 'dzin/ /rna ba'i bu ga
102b5 gnyis po la//zla ba'i dbus su nag po dzriM/ /de las rdo rje dzriM gis mtshan/ /de las phyag na rdo rje nyid/ /g.yas dang g.yon dkar dmar ba'i zhal/ /g.yas gnyis rdo rje ral gri 'dzin/ /g.yon gnyis nor bu pad+mar ldan/ /sna yi bu ga gnyis po la/ /zla ba'i dbus su khaM ser
102b6 po//de las rin chen ljang gu ni/ /khaM gis mtshan pa las byung ba'i/ /nam mkha'i snying po bsam par bya/ /g.yas sngo g.yon ni dkar ba'i zhal/ /g.yas gnyis nor bu ral gri 'dzin/ /g.yon gnyis 'khor lo pad+ma 'dzin/ /lce dbus zla ba'i dkyil 'khor la/ /dmar
102b7 po gaM las byung ba yi//pad+ma gaM gis mtshan pa bsam/ /de las 'jig rten dbang phyug nyid/ /g.yas gnag g.yon ni dkar ba'i zhal/ /g.yas gnyis pad+ma ral gri 'dzin/ /g.yon gnyis nor bu 'khor lo 'dzin/ /dpral ba'i dbus su zla ba la/ /Sh+kaM nyid ljang gu
103a1 pa dang /'khyud pa rdo rje dang pad+ma mnyam par sbyar ba byas la bcom ldan 'das rnam par bsgom par bya'o zhes bya ba'i don to/ /'dis ni bcom ldan 'das ni snyoms par zhugs pa ma yin no zhes 'dod pa bsal ba yin no/ /da ni rim pa gang gis gsang ba'i dkyil
103a2 'khor du zhe sdang gshin rje gshed la sogs pa'i rjes su dran ba'i bsgom pa gsungs pa//zhe sdang rjes dran zhes bya ba la sogs ba la zhe sdang ni zhe sdang gshin rje gshed kyi gzugs so/ /'bras bu rdo rje 'chang gshin rje gshed nag po'i gzugs kyi rjes su ste phyi nas so/ /dran pa ni rjes su
103a3 dran pa ste zhe sdang rjes su dran pa dang ldan pa'o//rnal 'byor ni shes rab dang thabs kyi snyoms par 'jug pa'o/ /de yang dpal gsang ba 'dus pa las/ /thabs dang shes rab snyoms 'jug pas/ /snal 'byor zhes ni bshad pa yin/ /zhes gsungs pas so/ /de gang la yod pa de
103a4 ni shes rab dang thabs kyi bdag nyid kyi rnal 'byor ro//'dis ni bdag nyid de kho na'i bdag nyid can no zhes bstan to/ /gti mug ni gti mug gshin rje gshed do/ /zhe sdang gi rjes la ste phyi nas so/ /dran pa ni rjes su dran pa'o/ /phra ma zhes bya ba la phra ma ni gti mug gi rjes la ste snga ma
103a5 bzhin no//'dod chags ni phra ma'i rjes la snga ma bzhin no/ /de'i rjes la ni phrag dog ste/ phrag dog ni gshin rje gshed do/ /dran pa zhes bya ba ni rnam par blta bar bya zhes bya ba'i don to/ /brtul zhugs can zhes bya ba ni brtul zhugs kyi dam tshig bsrung ba gang la yod pa de ni brtul zhugs
103a6 can no//da ni gsang ba'i 'khor lo rdzogs nas spro ba gsungs pa/ ba spu'i khung nas spro bar bya/ /zhes bya ba la spro ba ni ston la/ /dam tshig gi 'khor lor dgod par bya'o zhes bya ba'i don to/ /ba spu'i khung nas zhes bya ba ni shes rab kyi ba spu'i khung nas so/ /rigs kyi zhes bya ba ni
103a7 gzhan dag gi rgyur gyur pa zhe sdang la sogs pa'i rigs so//de nyid kyi sprin rnams ni mtha' med pa'i sprul pa'i gzugs nyid kyis nam mkha'i dkyil 'khor khyab pa'o/ /so so zhes bya ba re re las kyang ngo / /spro bar bya zhes bya ba snga ma bzhin sbyar ro/ /dkyil 'khor pa'i gdan gsungs
103b1 pa/nyi ma'i dkyil 'khor zhes bya ba la sogs pa'o/ /rjes su dran pa bsgom pa gang bstan pa de ni rjes su dran pa bsgom pa'i rim par phye ba'o/ /dpal gshin rje gshed nag po'i dka' 'grel slob dpon shrI d+ha ras mdzad pa las rim par phye ba bcu pa'i bshad pa'o// /da ni rnal
103b2 'byor pa mtshan ma thob pas phyag rgya chen po bsgrub pa'i phyir rig pa'i brtul zhugs kyi ngo bo spyod pa bya'o zhes bya bas de'i phyir zhe sdang la sogs pa rnam par dag pas brtse ba sngon du 'gro ba bstan pas spyod pa'i rim par phye ba gsungs pa/zhe sdang gis zhes bya ba la sogs pa la/
103b3 zhe sdang ni phan tshun mi dga' ba'o/ /des mnan pa ni shin tu khyab pa'o/ /'gro ba zhes bya ba ni sna tshogs pa'o/ /mthong nas zhe sdang gshin rje gshed kyi gzugs su mdzad do zhes sbyar ro/ /khyad par ji lta bu can zhig ce na/ gsungs pa/ zhe sdang thams cad zad par byed/ /ces bya
103b4 ba ste zhe sdang thams cad ni sems can thams cad kyi zhes bya ba'i don to//de'i zad pa ni dngos po med par byed pa'o/ /des na/ zhe sdang thams cad zad par byed/ /ces bya'o/ /'dis ni 'di ltar bstan pa yin te/ 'di'i ngo bo mngon par rtogs par gyur pa na de zad par 'gyur ro/ /
103b5 gal te bcom ldan 'das sgrib pa thams cad spangs pa yin na ji ltar gzugs 'di lta bur 'gyur zhe na/ de'i phyir gsungs pa snying rje'i dbang gis zhes bya ba ste snying rje'i gzhan dbang du gyur pas zhes bya ba'i don to/ /de bzhin du gti mug gis mnan zhes bya ba la sogs par yang go bar
103b6 bya'o//rnal 'byor ma rnams kyi rnam par dag pa'i ngo bo gsungs pa ni/ byams pa zhes bya ba la sogs pa ste/ byams pa ni sems can thams cad la phan pa dang bde ba ster ba'o/ /der ni tsa rtsi ka zhes gsungs so/ /snying rje ni sems can thams cad sdug bsngal dang sdug bsngal gyi rgyu la zhugs pa
103b7 las 'byin par 'dod pa'o//dga' ba ni sems can rnams ngo bo nyid med par rtogs nas de dag la 'di yod do zhes bya bas dka' ba med par rtogs par nus so zhes dga' ba'i sems so/ /btang snyoms ni bdag nyid kyi bde ba dang / sdug bsngal dang / rnyed pa dang / ma rnyed pa dang /
104a1 pa'i/ /dam tshig sems dpa' 'dra ba yi/ /ye shes sems dpa' gnas dang bcas/ /de yi thugs kar zla ba la/ /maM las ral gri'i yu ba la'ang / /zla ba'i steng du maM bsams te/ /de yi 'od zer gyis bskul nas/ /nam mkhar gnas pa'i bde
104a2 gshegs rnams//so sor 'od zer las byung ba'i/ /spyan sogs lha mo bcu rnams kyis/ /bum pa'i ye shes chu rgyun gyis/ /dri ma med byas dbang bskur zhes/ /chu dang lha mo skur thim ste/ /mi bskyod dbu rgyan rab tu grub/ /bsnyen pa'i sgrub pa chen po yi/ /dri ma med pa'i
104a3 'bras bu'o//de nas mdun du zla ba bsam/ /yi ge gsum la gnas byed pa'i/ /rnal 'byor pa yi sems nyid ni/ /bag chags dngos po gang yin de/ /zla ba'i dbus su gnas byas la/ /sngon bzhin 'gro ba'i byang chub rgyur/ /'thad pa'i bde gshegs ma lus kyis/ /zla
104a4 ba'i gnyis pa grub la sogs//mngon par byang chub rnam pa lngas/ /rdo rje sems dpa' rab tu bsgom/ /gnyi ga'i dga' ba dag dang ni/ /'gro ba dbang bskur ma byas par/ /snga ma bzhin du yi ge gsum/ /zhal gyi lam du zhugs byas nas/ /zhu nas rdo rje'i lam nas su/ /phyung
104a5 nas pad+ma'i nang du gnas//de yi 'od zer 'phros pa yis/ /'od rigs bcas par zhu bar gyur/ /lha mos dbyangs kyis bskul pa las/ /khu ba las byung maM gyi mdog /gur gum lta bu las byung pa'i/ /ral gri'i yu bar zla ba 'ang / /maM gyis mtshan pa bsam byas
104a6 te//de yi 'od kyis mkha' dbyings na/ /gnas pa'i bde gshegs ji snyed rnams/ /'jam pa'i rdo rje mar byas te/ /bkug nas de la zhugs par bya/ /maM dang ral gri de gyur pas/ /'jam pa'i rdo rje lta bu yi/ /'jam dbyangs ma ni bdag nyid kyis/ /'od kyi
104a7 thabs la 'khyud pa bsgom//oM d+harma d+hA tu swa b+hA wa At+ma kou0f85haM/ /zhes bdag nyid nga rgyal bskyed par bya/ /bar gyi bsnyen pa'i yan lag dang / /'dra bar 'byung ba'i 'bras bu'o/ /de nas sngon du bstan pa bzhin/ /mig la sogs pa byin gyis brlab/ /bar gyi nye ba'i b
104b1 sgrub pa dang //rnam par smin pa'i 'bras bu'o/ /sngon bzhin thugs sogs rdo rje rnams/ /grub par 'gyur bar rab bsgoms te/ /sngar gyis byin gyis brlabs pa tsam/ /bar gyi grub pa'i yan lag dang / /skyes bu byed pa'i 'bras bu'o/ /de nas 'jam pa'i rdo
104b2 rje yi//ye shes sems dpa'i sa bon gyi/ /'od kyis bde gshegs ma lus rnams/ /bskul ba'i 'od zer las byung ba'i/ /spyan la sogs pas dbang bskur nas/ /mi bskyod dbu rgyan ldan par bya/ /bar gyi sgrub pa chen po dang / /dri ma med pa'i 'bras bu'o/ /de
104b3 nas skra yi lam nang gi//zla ba'i dbus su oM dkar po/ /sku yi rigs kyi rang bzhin te/ /de yi oM ni phra mo yis/ /nu ma yan lag khyab par bsam/ /snying gar nyi ma steng du ni/ /nag po hU~M ni bsam bya ba/ /thugs kyi rigs kyi rang bzhin te/ /de yi hU~M ni phra mo yis/ /
104b4 lte ba yan chad khyab par bsam/ /lte ba'i 'og tu nyi ma la/ /swA nyi ser po rin chen rigs/ /de yi swA ni phra mo yis/ /rked pa yan chad khyab par bsam/ /gsang ba'i dbus su nyi ma la/ /AHnyid dmar po 'dod chags rigs/ /de las 'phros pa'i AHrnams kyis/ /
104b5 rked pa ma lus khyab par bsam/ /brla gnyis dbus nas nyi ma la/ /hA nyid ljang gu las kyi rigs/ /de yi hA ni phra mo rnams/ /rkang mthil yan chad khyab par bsam/ /rigs lnga'i tshogs dang ldan byas te/ /hU~M gis rang gi rdo rje nyid/ /bum par byas pa bsam byas
104b6 nas//yoM gyis bu ga grub par bya/ /de yi nang du phaT ser po/ /rang gi rig ma'i pad+ma la/ /nag po hU~M nyid phra mo yis/ /khyab par rab tu bsam byas nas/ /AHyis snying po 'grub bya zhing / /bu gar phaT kyang bsam par bya/ /gnas skabs lnga dang gyur pa yi/ /shes
104b7 rab ma nyid grub byas la//rang gi 'od zer gyis bskul nas/ /rang gi rig ma nyid la thim/ /oM sar+b+ba ta thA ga ta a nu rA ga Na badzra swa b+hA wa At+ma kou0f85haM/ zhes sngags nyid rab tu bzlas par bya/ /dang po'i rnal 'byor gyi ting nge 'dzin rdzogs so// //de nas r
105a1 ang gi sa bon gyi//'od kyis bde gshegs rnams bkug ste/ /zhal du zhugs te zhu gyur nas/ /pad+ma'i nang du 'bab par bya/ /de las gyur pa'i sa bon maM/ /de las gtso bo mi bskyod pa/ /'khor lor bcas pa bskor byas te/ /'phro ba'i sngags
105a2 kyis rim bzhin spro//badzra d+h+r-ika zhes pas su/ /phyag na rdo rje lta bu yi/ /mi bskyod pa ni 'phro byas te/ /sangs rgyas bya ba kun mdzad nas/ /'dus nas bdag la zhugs par bya/ /dzin dzika ka zhes pas su/ /sa yi snying po lta bu yi/ /gong ma lta bu rnam snang mdzad/ /
105a3 'phros te 'dus nas rang mdun du/ /shar gyi zla bar gnas par bsam/ /rat+na d+h+r-ika zhes pas su/ /nam mkha'i snying po 'dra ba yi/ /rin chen 'byung ldan 'phros byas nas/ /lho yi nyi mar gnas par bsam/ /A ro l-ika zhes pas su/ /'jig rten dbang phyug
105a4 'dra ba yi//'od dpag med pa 'phros byas nas/ /nub kyi nyi mar gnas par bya/ /pradz+nyA d+h+r-ika ces pas su/ /sgrib pa rnam sel 'dra ba yi/ /don yod grub pa 'phro byas nas/ /byang gi nyi mar gnas par bsam/ /kun kyang ral pa'i dbu rgyan can/ /gsum po nyi
105a5 ma'i 'od dang ni//snang mdzad zla ba'i 'od 'dra ba'i/ /dkyil 'khor rgyab brten ldan pa'o/ /mo ha ra tI zhes pas su/ /sa yi snying po lta bu yi/ /spyan ma shar lho mtshams su bsam/ /dwe Sha ra tI zhes pas su/ /phyag na rdo rje lta bu yi/ /mA ma kI ni lho nub mtshams/ /rA
105a6 gar tI zhes pas su//'jig rten dbang phyug 'dra ba yi/ /gos dkar mo ni nub byang mtshams/ /badzra ra tI zhes bya bas/ /nam mkha'i snying po 'dra ba yi/ /sgrol ma byang shar mtshams su bsam/ /de rnams rtsa ba'i phyag mtshan ni/ /'khor lo ut+pal pad+ma dmar/ /ut+pal
105a7 ser por shes par bya//'khor lo phyi rol grwa bzhi dang / /shar gyi g.yas g.yon phyogs gnyis la/ /de nyid gsum gyi gong ma ltar/ /gzugs sgra dri ro reg bya dang / /chos kyi dbyings kyi rdo rje ma/ /sa snying la sogs 'dra ba rnams/ /me long pi wang dri yi dung / /ro yi snod
105b1 dang sna tshogs gos//chos kyi 'byung gnas phyag rgya rnams/ /rim bzhin rtsa ba'i phyag mtshan ldan/ /ya man+ta kr-ita ces pas su/ /mi bskyod lta bu'i gshin rje gshed/ /gong ma lta bu shar sgor bsam/ /pradz+nyAn+ta kr-ita ces pas su/ /rnam par snang mdzad lta bu yi/ /shes
105b2 rab mthar byed nyi ma'i gdan//nyi ma'i 'od kyi dkyil 'khor gyis/ /bye brag byas pa lho sgor bsam/ /pad+man+ta kr-i ta ces pas su/ /'od dpag med pa lta bu yi/ /pad+ma mthar byed nub sgor bsam/ /big+h+nan+ta kr-i ta ces pas su/ /gshin rje mthar 'byin lta bu yi/ /bgegs
105b3 mthar 'byin pa byang gi sgor//de rnams rtsa ba'i phyag mtshan ni/ /rdo rje tho ba rdo rje dbyig/ /pad+ma rdo rje kha dbye ba'o/ /kun kyang g.yas bskum g.yon brkyang zhabs/ /zhal ni dgod dang gdangs pa dang / /khro dang mche ba gtsigs par ldan/ /ljags 'dril spyan zlum 'dril ba
105b4 dang //nyi ma gsar shar lta bu dang / /zhal ni khro gnyer dang ldan pa/ /gsus pa che zhing yangs pa dang / /sra zhing phye ba 'phyang bar ldan/ /brla dang brang yang de bzhin te/ /lus dang yan lag thams cad kun/ /thung zhing rab tu sbom pa dang / /sma ra dmar ser 'od dang ldan/ /
105b5 skra yang dmar ser 'od dang ldan/ /gyen du 'khyil zhing 'bar ba ste/ /'od zer 'bar bar ldan pa rnams/ /rang 'od rig ma sma ra med/ /dang po phyag gis 'khyud pa dang / /stag lpags smad g.yogs dang ldan pa/ /bung ba nag po lta bu yi/ /mtha' yas dbu yi thod
105b6 du bcings//mdog dmar drag po lta bu yi/ /'jog po yi ni snyan cha dang / /pad+ma chen po dkar po yis/ /do shal rgyan ni byas pa ste/ /stobs rgyu ljang gu ser la kha/ /dung skyong ser pos phyag gdub byas/ /kha dog sna tshogs lta bu yi/ /rigs ldan gyi ni dpung
105b7 rgyan dang //nor rgyas mdog dkar ska rags byas/ /pad+ma'i rtsa ba lta bu yi/ /pad+mas rkang gdub byas pa yi/ /de rnams rab tu bsam par bya/ /de nas rang gi sa bon gyi/ /'od zer lcags kyu 'dra rnams kyis/ /khro bo bzhi yi thugs bskul nas/ /gshin rje gshed kyis dzaH
106a1 zhes brjod//de yi thugs las 'phros pa yi/ /khro bo rnams kyis dkyil 'khor gyi/ /bgegs rnams med par bsrung byas te/ /lcags kyus dgug par byas nas su/ /rdo rje ra ba bshig byas te/ /zhugs te rang gi mdun du ni/ /sna tshogs
106a2 pad+mar gnas par bsam//de nas snying nas 'phros pa yi/ /khro bo rnams kyi ra ba nyid/ /bshig pa brtsigs par byas nas su/ /phyir yang snying la zhugs par bya/ /de nas rang gi mdun du ni/ /man ji gsum la dung phor gsum/ /me tog dkar po dang ldan pa/ /
106a3 tsan+dan chu yis gang bar byas/ /de mdun man ji gnyis steng du/ /gser dang rin chen las byas pa'i/ /gsol ba'i snod gnyis gzhag par bya/ /g.yas phyogs dung gi gsum pa la/ /'og nas 'byung ba'i cho gas su/ /byin brlabs bdud rtsi lnga blugs bya/ /yi ge
106a4 gsum gyi bar byas te//yi dam lha yi sngags bzlas la/ /ku sha'i bam po dang po yi/ /dung gi chu yis gsol ba'i snod/ /dang po lan gsum btung gtor bya/ /gnyis pa'i chu dang me tog bcas/ /bzung ste de yi snod nyid la/ /lan gsum nye reg sbyin
106a5 par bya//gsum pa bdud rtsi dang ldan pas/ /gnyis pa mchod yon chu yang sbyin/ /de nas me tog bzung byas te/ /zhabs bsil phyag rgya dang ldan par/ /de yi snod la zhabs bsil sbyin/ /de nas rang snying 'od zer gyis/ /shes rab mthar byed bskul byas nas/ /de
106a6 yis hU~M brjod snying las su//byung ba'i 'od zer dkar po yis/ /ye shes dkyil 'khor bteg byas nas/ /rang gi dkyil 'khor zhugs par bya/ /de nas rang snying 'od zer gyis/ /pad+ma mthar byed bskul byas nas/ /de yis baM brjod thugs las su/ /'od zer ser po
106a7 'phros pa yis//dkyil 'khor khyab par byas nas bcing / /de nas rang snying 'od zer gyis/ /bgegs mthar phyin pa bskul byas nas/ /de yis hoHbrjod de snying las/ /'od zer dmar po 'phros pa yis/ /khyab par rab tu dga' bar bsam/ /yang dag bsnyen
106b1 pa'i yan lag dang //'dra bar 'byung ba'i 'bras bu'o/ /kun gyi mig la sogs pa rnams/ /sa yi snying po la sogs par/ /rdzogs pa'i tshul gyis byin gyis brlabs/ /yang dag sgrub pa'i yan lag dang / /rnam par smin pa'i 'bras bu'o/ /de rnams kun la gnas
106b2 gsum du//sku gsung thugs kyi rdo rje nyid/ /sngags kyis byin gyis brlabs byas te/ /rdzogs pa'i tshul du bsgom par bya/ /yang dag bsgrub pa yan lag dang / /skyes bu byed pa'i 'bras bu'o/ /rang gi sa bon 'od zer gyis/ /bskul nas nam mkhar gnas pa yi/ /
106b3 bde gshegs rnams kyi 'od zer las/ /spyan sogs lha mo bcu rnams kyi/ /dbang bskur byas nas dbu rgyan la/ /rang rang bdag po grub bya ba/ /bde gshegs lnga dang mA ma kI/ /sgra dang chos dbyings rdo rje dang / /shes rab mthar phyin bgegs mthar phyin/ /de rnams
106b4 bdag po mi bskyod pa//spyan ma gzugs kyi rdo rje dang / /gshin rje mthar phyin rnam snang mdzad/ /dri yi rdo rje rin chen 'byung / /ro yi rdo rje gos dkar mo/ /pad+ma mthar phyin 'od dpag med/ /sgrol ma reg gi rdo rje ma'i/ /dbu rgyan bdag po don yod grub/ /mi bskyod
106b5 dbu rgyan rdo rje sems//sgrub pa chen po'i yan lag dang / /dri ma med pa'i 'bras bu'o/ /de nas rang gi sa bon gyi/ /'od kyis bde gshegs rnams bkug ste/ /zhal du zhugs nas zhu byas la/ /pad+mo'i dbus su 'bab par bya/ /khu ba de las gyur pa yi/ /dzaHhU~M baM hoH
106b6 khaM raM zhes//dang po'i phreng ba dang ldan pa/ /de steng maM laM paM taM zhes/ /gzhan gyi steng du gnas par bya/ /rang gi sa bon 'od zer gyis/ /gzugs sogs rdo rje dgug byas la/ /rang rang sa bon la ni thim/ /de yi sa bon rgyas par 'gyur/ /rig ma'i ba spu'i bu ga nas/ /
106b7 sa bon rnams las 'od 'phros te/ /dkyil 'khor las ni mthong bar bya/ /de las byung ba'i spyan la sogs/ /dkyil 'khor la ni 'phro byas la/ /rang rang rigs dang 'brel rnams kyi/ /rang gi 'khor lo rab tu mchod/ /oM sar+b+ba ta thA ga ta pU dza badzra swa b+tA wa At+ma kou0f85haM/ zhes
107a1 sngags kyang rab tu brjod par bya//de nas rab tu bstod par bya/ /mi bskyod rdo rje ye shes che/ /rdo rje dbyings ni mkhas chen po/ /rdo rje gsum mchog dkyil 'khor gsum/ /dbyangs kyi rdo rje phyag 'tshal bstod/ /rdo rje bdud rtsi rgyal po che/ /rdo rje
107a2 zhi ba dga' ba che//rang bzhin 'od gsal mchog gi mchog/ /zhe sdang rdo rje phyag 'tshal bstod/ /rin chen rgyal po shin tu zab/ /rdo rje nam mkha' dri ma med/ /rang bzhin dag pas gos pa med/ /rdo rje sku la phyag 'tshal bstod/ /rdo rje bdud rtsi rgyal po che/ /mi
107a3 rtog nam mkha'i rdo rje 'chang //'dod chags pha rol phyin pa thob/ /'od gsal rdo rje phyag 'tshal bstod/ /rdo rje don grub rdzogs sangs rgyas/ /bsam pa thams cad yongs su grub/ /rang bzhin dag pa nyid las byung / /rdo rje sems dpa' phyag 'tshal
107a4 bstod//de nas sa bon yaM gi mdog/ /du ba lta bu las byung ba'i/ /rlung gi dkyil 'khor gzhu lta bu/ /g.yas g.yon ba dan gyis mtshan pa/ /yaM gis mtshan pa bsam par bya/ /de steng raM ni dmar po las/ /byung ba'i me yi dkyil 'khor ni/ /gru gsum
107a5 'bar ba raM gyis mtshan//de steng a dkar byung ba yi/ /pad+ma'i snod ni a yis mtshan/ /de nang dbus kyi phyogs dang ni/ /shar lho nub byang phyogs bzhi ru/ /rim bzhin dri chu dri chen dang / /rak+ta dang ni byang chub sems/ /ma hA maM sa gzhag par bya/ /de steng shar du
107a6 zla ba dang //lhag ma bzhi ni nyi ma'i gdan/ /de steng hU~M brUM AM dzrAM khaM/ /sa bon rnam lnga mthong byas nas/ /ye shes sems dpa'i sa bon gyi/ /'od kyis bde gshegs rnams bkug ste/ /rang rang sa bon nyid du thim/ /de nas rlung gis me bskyod nas/ /me yi thod
107a7 pa btsos pa yi//rlangs pa las byung hU~M gi tshogs/ /dkar po las byung rdo rje'i tshogs/ /bum pa hU~M gis mtshan par bsam/ /de rnams phreng ba lta bu'i rgyun/ /zhu nas snod la zhugs par bya/ /de bzhin lan gnyis gsum bzhi'i bar/ /bsams te rlung me la
107b1 sogs pa//de rnams ma lus gyur bar bsam/ /me tog pad+ma dkar po nang / /bdud rtsis gang bar gyur bar bsam/ /bsil bar bya phyir de steng du/ /dkar po aM ni bsam byas te/ /zhu nas nang du zhugs par bya/ /de nas 'od zer 'bar 'gyur te/ /phyir yang de nyid
107b2 zhugs par bya//rang gi lce yi dkyil du yang / /hU~M las rdo rje rtse gsum pa/ /bum par hUM gis byin brlabs bsam/ /de nyid gsum gyi gsang sngags nyid/ /ji ltar 'dod pa bzlas byas te/ /bdud rtsis bkang ba'i pad+ma la/ /ye shes sems dpa'i sa bon las/ /'od
107b3 zer byung bas bskul byas nas//pad+ma bcu dgur 'phros gyur te/ /lha rnams so so'i phyag gnas nas/ /yab yum dus gcig mthun pa ru/ /bdud rtsi'i ro mchog myong bar bsam/ /dkyil 'khor rgyal po mchog ces bya ba'i ting nge 'dzin rdzogs so// //
107b4 de nas ye shes sems dpa' yi/ /sa bon las ni 'od zer tshogs/ /gzhal yas khang gi phyi rol du/ /kha dog sna tshogs 'phros pa yi/ /rtse gsum bde gshegs byung rnams kyis/ /'gro ba sangs rgyas par byas nas/ /sa bon nyid la thim gyur te/ /de yis yang
107b5 dag rgyas par gyur//'od zer bsam gyis mi khyab phyir/ /maM de nyid ni thig ler gyur/ /de yi 'od zer rim pa yis/ /dang po ral gri snang bar byas/ /de nas ye shes sems dpa' yi/ /nang dang phyi dang lus dang ni/ /ye shes sems dpa'i dkyil 'khor rnams/ /
107b6 gnas pa'i ral gri dag dang ni/ /dam tshig sems dpa'i sku gsung thugs/ /rdo rje tshun chad snang byas nas/ /de nas rang sems yi ge maM/ /thig le lta bur zhugs par bya/ /bskyed pa'i rim pa de ma thag /ting 'dzin gsum gyis yongs su grub/ /'jam pa'i rdo
107b7 rje bsam byas nas//dam tshig sems dang 'brel pa yi/ /rdo rje thugs sogs yan chad gsal/ /gzhag pa'i 'od zer rnams kyis ni/ /dam tshig sems dpa'i phyi yi sku/ /de yi dkyil 'khor gsal byas nas/ /gzhal med khang nas phyi rol du/ /byung nas
108a1 'gro rnams gsal byas nas//yang ni de bzhin bzhugs par bya/ /de lta'i rim pa rab 'phro zhing / /ji tsam 'dod par 'phro 'du bya/ /'di ltar thig le rnal 'byor bsgom/ /las kyi rgyal ba mchog ces bya ba'i ting nge 'dzin rdzogs so// //
108a2 thig le rnal 'byor bsdu byas nas/ /phra mo rnal 'byor bsgom par bya/ /ye shes sems dpa'i sa bon gyi/ /'od kyis bde gshegs rnams bkug nas/ /zhal gyi lam du zhugs byas nas/ /rdo rje'i lam nas pad+mar gnas/ /de nas las kyi tshad tsam gyi/ /ral gri yu bar
108a3 gzhal med khang //rdo rje sems dpa'i dkyil 'khor ldan/ /pad+mo dbus na mthong bar bya/ /gnyi ga'i dga' ba la sogs pa/ /thig le rnal 'byor yan chad par/ /ting 'dzin gsum nyid rdzogs pa yi/ /rang gi rdo rje rtse lnga yi/ /rtse dbus lcags kyu lta bu ru/ /bsam ste
108a4 de yi lcags kyu yis//dam tshig sems dpa'i dkyil 'khor dang / /ldan pa'i ral gri phra mo nyid/ /phyi rol du ni phyung byas te/ /pad+ma'i sna rtser gnas par bya/ /'di yi thig le rnal 'byor la/ /dam tshig sems dang 'brel ba yi/ /sku dang gsung thugs rdo rje la/ /
108a5 snang bar byas pa yan chad kyi/ /'od kyis dam tshig sems dpa' yi/ /phyi yi lus kyi dkyil 'khor gyi/ /lha rnams rab tu gsal byas nas/ /gzhal med khang nas phyir byung ba'i/ /'od kyis nam mkha' khyab byas te/ /phyir yang de nyid zhugs par bya/ /de bzhin
108a6 yang dang yang ni bsam//mtshan ma ma byung bar du ni/ /'od zer tsam gyi 'phro 'du nyid/ /ji tsam 'dod pa rab tu bya/ /mtshan ma rnam pa lnga mthong nas/ /lha dang phyag mtshan la sogs pa/ /yang nas yang du 'phro 'du bya/ /phra mo'i ting nge 'dzin rdzogs so// //phra mo'i
108a7 rnal 'byor bsdus ma thag /sku yi rdo rje la sogs pa'i/ /thugs kyi zla ba la gnas pa'i/ /phyag mtshan dkyil na gnas pa yi/ /oM sogs bzlas pa'i dus su ni/ /sku yi rdo rje la sogs dang / /lha mo bde gshegs bcas pa rnams/ /pad+ma'i dkyil na gnas pa yi/ /lha
108b1 mo'i sa bon dzaM la sogs//gzugs kyi rdo rje la sogs pa'i/ /mchod pa'i lha mor ldan pa rnams/ /rim par bye brag so so nas/ /bzlas ma thag tu 'phro byas te/ /bzlas pa zin pa'i skad cig la/ /rang rang sa bon zhugs par bya/ /'di ltar rim pa'i bzlas brjod
108b2 rdzogs//rdzogs pa'i bzlas brjod phyogs su ni/ /re re brjod pa'i skad cig la/ /rang rang sa bon rnams las ni/ /sku yi rdo rje la sogs dang / /lha mo de bzhin gshegs pa dang / /oM la sogs pa'i yi ge rnams/ /bzlas pa zin pa'i skad cig la/ /rang rang sa bon
108b3 rnams la ni//sku yi rdo rje la sogs dang / /lha mo dang bcas bde gshegs kun/ /mchod pa dang ldan zhugs par bya/ /de ltar rdzogs pa'i bzlas brjod bsgom/ /bzlas pas ngal bar gyur na yang / /spyan sogs lha mo bzhi rnams kyi/ /dbyangs kyis blang zhing bskul nas ni/ /
108b4 sngon bzhin dkyil 'khor mchod par bya/ /spyi bor mtho gang tsam du ni/ /mtho gang tsam gyi zla ba bsam/ /de steng zla ba nyi ma la/ /brUM AM dzrIM khaM hU~M rnam lnga/ /dri chen rdzas sogs steng du bsam/ /de rnams dbus su oM dkar po/ /de nas rang rang sa bon gyi/ /'od kyis bde gshegs
108b5 bkug byas nas//zhugs te gcig tu gyur byas la/ /de nas ye shes sems dpa' yi/ /sa bon 'od kyis bskul byas nas/ /zhu ste oM gyis reg byas la/ /de rgyun mgo la 'bab bya ste/ /gzi byin ldan par shes par bya/ /de nas skad cig ngal bsos te/ /gong ma lta bu'i cho
108b6 ga yis//gsang sngags bzlas brjod yang bya'o/ /gal te gshegs su gsol 'dod na/ /sngon bzhin mchod dang bstod pa dang / /bdud rtsi bya ba'i bar byas te/ /de nyid gsum gyi gsang sngags kyis/ /ye shes sems dpa'i dkyil 'khor la/ /phyi rol dkyil
108b7 'khor zhugs par bya//de nas sdug bsngal ldan pa yi/ /sems can mthong bar byas nas su/ /sngon du smon lam byas pa nyid/ /mngon sum nyid du bsam byas te/ /'jam pa'i rdo rje sbyor ldan pas/ /rang sems dag byas langs par bya/ /gzugs sgra dri ro reg bya
109a1 rnams//rang gi sems tsam min pa'i phyir/ /rim bzhin rnam par snang mdzad dang / /mi bskyod pa dang rin chen 'byung / /snang ba mtha' yas don yod grub/ /yang na 'jam pa'i rdo rje nyid/ /yang na rdo rje sems dpa' bsam/ /bya ba ma lus byed do
109a2 cog /lha yi de nyid dag ldan bya/ /de yi thugs kyi zla ba la/ /ye shes sems dpa'i dkyil 'khor nyid/ /sems kyis bsam par byas nas su/ /bza' btung bdud rtsir rab byas te/ /gong ma lta bu'i cho ga yis/ /yi ge gsum gyi sngags brjod la/ /lce la rdo rje hU~M
109a3 dkar po//de las rdo rje rtse gsum pa/ /bum par hU~M gis mtshan byas te/ /dkyil 'khor lha rnams ma lus par/ /tshim pa'i bsam pas myang bar bya/ /khyim nas 'byung dang 'jug la sogs/ /lus ngag yid kyi las rnams kun/ /sems can don la sbyor ba dang / /
109a4 sangs rgyas mchod par rnam dag bsam/ /dam tshig nyams pa gso ba'i phyir/ /sna tshogs pad+mar zla ba la/ /don yod grub pa'i rnal 'byor pas/ /'gro rnams rang bzhin dag bsams te/ /rang gi snying gar zla ba la/ /khaM las sna tshogs rdo rje ste/ /de dkyil zla bar
109a5 khaM yang bsam//de las 'od zer rnams spros pas/ /bde gshegs ma lus bskul byas te/ /de rnams las byung 'od zer las/ /spyan sogs lha mo bcu rnams kyis/ /rang la dbang bskur byas par bsam/ /bla ma brnyas sogs skyon byung na/ /yon dang ldan pa'i mchod bstod
109a6 dag /bla ma la ni dbul byas te/ /dbang bskur cho gas khrus kyang bya/ /de nas tho rangs dus dang ni/ /nyi ma phyed dang nub pa dang / /nam phyed dus dang rtse gcig par/ /de bzhin thams cad bsgom par bya/ /bya bas bskal ba'i rnal 'byor ba/ /tho rangs dus na ting 'dzin
109a7 gsum//ma lus par ni bsgom par bya/ /de las gzhan pa'i dus na ni/ /bde ba'i stan la 'dug byas te/ /yi dam lha yi snying ga ru/ /mtshan ma la sogs bsam byas la/ /de nyid gsum gyi gsang sngags kyis/ /ye shes sems dpa'i dkyil 'khor las/ /dam
109b1 tshig sems dpa'i dkyil 'khor spro//de bzhin dbang bskur mchod pa dang / /bstod dang bdud rtsi myang la sogs/ /byas nas sngags kyi bzlas brjod bya/ /ldang bar 'dod pa'i rnal 'byor bas/ /sngon bzhin mchod dang bstod pa dang / /bdud rtsi myang ba'i bar byas te/ /
109b2 yi ge gsum gyis phyi rol gyi/ /dkyil 'khor ye shes sems dpa' yi/ /'khor lo nyid la zhugs par bya/ /gong ma lta bur bya ba rnams/ /ma lus rab tu spyod byed cing / /nam phyed dus su rnal 'byor bas/ /oM AHhUM muHzhes sngags kyis/ /mchod pa la
109b3 sogs rab byas te//ye shes dkyil 'khor gshegs par bya/ /de nyid gsum gyi dam tshig gi/ /dkyil 'khor ye shes sems dpa' yi/ /'khor lo la ni zhugs par bya/ /nyal ba'i dus na thabs nyid kyi/ /shes rab ma dang bcas par nyal/ /tho rangs langs
109b4 pa'i dus na ni//lha mos dbyangs kyis bskul nas langs/ /kha dog sna tshogs bsgyur byas la/ /rang gi snying gar zla ba la/ /sa bon maM tsam bsam byas la/ /tha mal ba yi lus nyid ni/ /gong ma lta bus tho rangs kyi/ /dus la sogs par bsgom par byas/ /sgrub thabs
109b5 'di ni byas pa yis//bsod nams tshogs ni gang thob des/ /'gro ba thams cad bcom ldan 'das/ /'jam pa'i rdo rjer grub gyur cig /slob dpon chen po mar me mdzad bzang pos mdzad pa'i gsang ba 'dus pa'i sgrub thabs kyi rnam par bshad pa/ /dkyil 'khor chen po'i sgrub thabs
109b6 slob dpon mkhas pa chen po dpal kun du bzang po'i zhabs kyis mdzad pa rdzogs so// //bod yul du bod ris kyi dbang phyug dam pa'i mnga' bdag dpal lha btsan po khri mgon btsan gyis yon bdag byas nas/ rgya gar gyi mkhan po su ma ti kI rtis bsgyur nas gtan la
phab ba'o/