CLOSE WINDOW

D1863
བོད་ཡིག

gsang ba'i dzaM b+ha la'i sgrub thabs rdzogs so// //mkhas pa chen po dza ya se na'i zhal snga nas dang / btsun pa d+harma yon tan gyis bsgyur ba'o/ /[ ]@##/ /rgya gar skad du/ bista ra dzaM b+ha la sA d+ha naM/ bod skad du/ rgya che ba'i dzaM b+ha la'i sgrub pa'i thabs/nor gyi dbang phyug la phyag 'tshal lo/ /sngon bzhin du thams cad byas la/ stong pa nyid bsgoms pa'i rjes su cung zad dmar ba'i zla ba'i dkyil 'khor gnod sbyin gyi shing lta bu'i steng du pad+ma 'dab ma brgyad pa'i rnam pa'o/ /de'i dbus su baM gyi sa bon las nor rgyun ma sku mdog ser mo 'bras kyi snye ma dang mchog sbyin mdzad pa/rgyan thams cad kyis klubs pa mo/ gnod sbyin mo brgyad kyis bskor ba 'di lta ste/ zla 'bras/ sbyin ma/ legs sbyin ma/ 'phags ma rnams ni phyogs kyi'o/ /legs bzangs ma/ sbas ma/lha mo dang / dbyangs can ma rnams mtshams kyi zer te 'di dag go/ /bzang mo dang / shin tu bzang mo dang / mdzes ma dang / sbas ma dang / shin tu sbas ma dang / dbyangs can ma dang / 'phags ma dang / zla mdzes ma'o/ /'di rnams kyis yongs su bskor ba'i lha mo chen mo de'i b+ha ga'i dbus su dzaM gi yi ge las skyes pa'i dzaM b+ha la nor rgyun ma la 'khyud cing kha sbyar ba las byang chub kyi sems rnam par 'thon pa las skyes pa'i rin po che'i tshogs kyi phyag rgya can rab tu gsal bar bsgom par bya ste/'dzag pa'i tshul du bcom ldan 'das kyi shar la sogs pa'i phyogs su nor bu bzang po sku mdog sngon po'o//lhor gang ba bzang po ser po/ nub tu nor sbyin dmar po/ byang du rnam thos sras ser po/ me dang bden bral dang rlung dang dbang ldan gyi grwa rnams su rna rgyan kor sleb sngon po/ rtsen pa'i phreng ba dmar po/grong gi dbang phyug ljang gu/ gser gyi mdog can gyi spyod pa'i dbang phyug ste/ zur phud lnga pa can g.yas pa'i phyag na sa bon bI dza pU ra gang ba dang / g.yon pa'i phyag na rin po che'i char 'bebs pa'i sre mo 'dzin pa/ sangs rgyas lnga'i dbu rgyan can/ de bzhin gshegs pa lnga 'phro ba/de dag gis kyang rin po che'i char 'bebs par bsam/ zhabs kyi 'og nas dung gi 'gro ba dang / pad+ma'i tshogs kyi gter dang / rin po che la sogs pa'i char khyim du zhabs kyis 'bebs par bsam par bya'o/ /dpal dzaM b+ha la mgon po mdog ser po ut+pala'i phreng ba 'dzin pa'o//gnod sbyin brgyad po 'di rnams kyi yang yum gyi b+ha ga'i dbus nas rin po che'i char 'bebs par gyur pa dzaM b+ha la dang 'dra ba bsgom par bya'o/ /shar gyi sgor nor sbyin dang nor sbyin chen po dgod/ /lho sgor gnod sbyin chen po dgod/nub sgor rtsen pa dang rtsen pa chen po dgod/ byang sgor gang ba dang shin tu gang ba dgod/ 'di rnams gcer bu 'bras bu 'phyang zhing lto ba 'phyang ba rin po che'i char 'bebs pa rnams so/ /mgo bo la nor bu bzang po/ /mig gnyis la rnam thos/ kha la grong gi dbang phyug go//nu ma'i bar du gang ba bzang po/ /lte bar nor sbyin/ brla dag la rtsen pa'o/ /rna rgyan kor sleb dang spyod pa'i dbang phyug gnyis ni rkang pa gnyis la ste 'di ni lha dgod pa'o/ /yi ge dgod pa ni gtso bo'i lus la sngags dgod par bya ste/ spyi bor oM/ kha la dzaM/lag pa gnyis la b+ha la/ snying la dza/ lte bar len/ /brla gnyis la drA ya/ ngar gdong gnyis la swA hA'o/ /gzhan yang yod de/ spyi bor oM/ dpral bar dz+luM/ rna ba dag la ts+luM/ mgo bo'i rgyab tu swA/ mkhrig mar oM/ lag pa'i dbus su dz+luM/ sen mo'i rtse mo thams cad la ts+luM/sor mo'i rtsa ba thams cad du swA hA/ oM dz+luM ts+luM swA hA/ zhes bya ba'i chu'i sngags so/ /de bzhin du mdzub mo la nor bu bzang po/ gung mo la gang ba bzang po/ srin lag la nor sbyin/ mthe'u chung la rnam sras/ /lag pa'i logs su grong gi dbang phyug rna rgyan kor sleb ni mthe bo la'o//sdigs mdzub dang mthe bo'i bar du spyod pa'i dbang phyug lag pa'i dbus su dzaM b+ha la dza len+d+ra'o/ /yi ge 'di rnams dngos su lha yin te lag pa la dgod par byas nas rdo rje'i chu la sogs pa'i bdud rtsi lnga yis sbyin par bya'o/ /lnga po med na yang de dang bsres pa'am/yang na rdo rje'i chu dang bsres pa khyor ba gang 'thungs nas lag pa khyor ba brgya rtsa brgyad thun bzhir byin na lha yun mi ring bar 'grub par 'gyur ro/ /gser dngul la sogs pa yang dag par 'phel zhing sa gzhi rdzas kyis gang bar byed do/ /oM dz+luM ts+luM p+luM saMH zhes bya ba brjod pas chu'i khyor ba rnam par sbyin par bya'o//de ltar byas kyang gal te ma grub na de'i tshe dpal rdo rje hUM mdzad kyi gzugs su bdag nyid bsgoms te dzaM b+ha la'i sku dug dang ske tshe dang lan tshwa dang da du ra'i lo ma'i khu ba dang dur khrod kyi sol bas byugs nas dus gsum du bsro zhing bskam par bya'o/