CLOSE WINDOW

D1852
བོད་ཡིག

/ //paN+Di ta chen po shAn+ta b+ha dra dang zhu chen gyi lo tsA ba chen po 'gos lhas btsas kyis bsgyur cing zhus te gtan la phab pa//[ ]@##/ /rgya gar skad du/ shrI gu h+ya sa mA dza tan+t+ra rA dzA TI ka tsan+d+ra pra b+hA nA ma/ bod skad du/ dpal gsang ba 'dus pa rgyud kyi rgyal po'i bshad pa zla ba'i 'od zer zhes bya ba/dpal rdo rje sems dpa' la phyag 'tshal lo/ /'jam pa'i mgon la phyag 'tshal lo/ /shes rab thabs dag pas ni bdag gzhan phan pa phun sum tshogs chen mnga' ba chos kyi sku/ /rgyal ba mchog gi tshogs dang de yi sras rnams bcas par rig pa 'byung ba dang po yi//dpal ldan chos 'byung zhes byar bzhugs shing rgyal ba'i rigs tshogs lhan cig sems can don mthar phyin/ /sgyu ma'i sprul gzugs bde gshegs mang po'i bdag po rdo rje sems dpa' la ni phyag 'tshal lo/ /'gro ba don phyir skye bo mkhas pa yi/ /pad+ma kha 'byed yang dag rig la dgyes//mgon po rdo rje slob dpon zhes bya ba/ /ma lus pa la rab tu phyag 'tshal zhing / /dkon mchog gsum dang khyad par du/ /yi ge gsum la phyag 'tshal nas/ /dpal ldan gsang ba 'dus pa yi/ /bshad pa 'di ni bdag gis bya/ /'di'i rjod par byed pa ni gang / brjod par bya ba ni gang / 'brel pa ni gang /dgos pa ni gang / 'di'i dgos pa'i dgos pa ni gang zhig yin zhes bya ba de lta bu'i rnam par dpyad pa med na/ rtog pa sngon du btang ba rnams rab tu mi 'jug pas rjod par byed pa la sogs pa bstan to/ /'di'i rjod par byed pa ni gsang ba 'dus pa yin no/ /ji ltar zhe na/ 'di ltar gsang ba ste/shes rab kyi pha rol tu phyin pa'i b+ha gar lha thams cad tshogs pa'o/ /yang na gsang ba ni lha mo ste/ de rnams byang chub kyi sems rdo rje dang lhan cig tshogs pa ni 'dus pa'o/ /yang na nyan thos la sogs pa rnams la sba bar bya ba nyid yin pa'i phyir gsang ba'o/ /chos thams cad mnyam pa nyid yin pa'i phyir mnyam pa'o//mi gnas pa'i mya ngan las 'das pa'i rang bzhin dang lhan cig kun du gnas pa'i phyir ma skyes pa ni skye ba med pa'o/ /gsang ba yang yin la mnyam pa dang skye ba med pa yang yin pas gsang ba 'dus pa ste/ bcom ldan 'das rdo rje 'chang chen po'o/ /don de ston par byed pa'i sgra'i tshogs ni rgyud yin no//rgyud dang brjod par bya ba dag ni rjod par byed pa dang brjod par bya ba'i mtshan nyid kyi 'brel pa yin no/ /byang chub tu sems bskyed pa la sogs pa'i sgo nas gdul bya'i skye bo'i don bya ba ni dgos pa'o/ /'dir gdul bya ni rgyud gzhan las bkag pa'i gdol pa la sogs pa rnams kyang yin te/mchog gi yang mchog gi rgyud ni rnam pa thams cad du dag pa nyid yin pa'i phyir/ bcom ldan 'das kyis ma dag pa cung zad kyang med do zhes gsungs so/ /de'i dgos pa ni bsgom pa goms pa brtan pa'i stobs kyis rang gi 'dod pa'i lha'i go 'phang thob pa'o//de la le'u bcu bdun po rnams kyi don bshad par bya ste/ de bzhin gshegs pa thams cad kyi ting nge 'dzin gyi dkyil 'khor byin gyis rlob pa'i le'u dang po'i sgo nas rdo rje 'chang chen po'i yan lag gi cha shas su gyur pa/ ba ra ta'i bu rnams kyis 'das pa'i don so sor snang bar byed pa bzhin du khyad par can la mos shing 'khrul pa dang ldan pa'i ma 'ongs pa'i sems can rnams kyi zlos gar ston par byed pa thams cad mkhyen pa'i ye shes mngon du mdzad pa'i de bzhin gshegs pa la sogs pa rnams kyis bcom ldan 'das la chos bstan pa'i phyir gsol ba btab po//bcom ldan 'das kyis kyang legs so zhes bya ba sngon du 'gro ba can gyi spro ba med pa gsal bar mdzad do/ /slar yang gsol ba btab pa na dkyil 'khor sprul par mdzad de/ ma 'ongs pa'i skye bo rnams dang tha dad pa med pa'i rang bzhin gyi byang chub sems dpa' rnams dkyil 'khor du bcug nas/le'u bcu drug pa las gsungs pa'i dbang bskur ba gsum po rnams kyis dbang bskur te/ sngags thams cad kyi spyod pa'i le'u lnga pa las gsungs pa'i dam tshig dang sdom pa phog pa mdzad do/ /de nas ma 'ongs pa'i skye bo rnams kyis zlos gar ston par byed pa'i sgrib pa thams cad rnam par sel ba la sogs pa'i byang chub sems dpa' chen po rnams kyis bcom ldan 'das zhes bya ba la sogs pas de kho na nyid la smad pa dang /de bzhin gshegs pa thams cad kyis rigs kyi bu thong zhes bya ba la sogs pas khong du chud par byas pa na ma rtogs pas 'jigs skrag cing brgyal bar gyur to//de nas bslang bar bya ba'i phyir bcom ldan 'das la de bzhin gshegs pa thams cad kyis gsol ba btab pa na/ nam mkha' dang mnyam pa'i gnyis su med pa'i ye shes kyi rdo rje zhes bya ba'i ting nge 'dzin la snyoms par zhugs nas/ ji lta ba bzhin du dbang bskur te bslang bar mdzad do/ /de nas bcom ldan 'das kyis de rnams la sdom pa de dag thams cad dpog pa'i phyir don dam pa'i dag pa de kho na nyid kyi don ni don gyi dam tshig gi le'ur rab tu phye nas bstan to/ /slar de nas yang de bzhin gshegs pa thams cad kyi dam tshig rdo rje dpal la sogs pa byang chub sems dpa' chen po rnams kyis bcom ldan 'das zhes bya ba la sogs pa smras so//de nas de bzhin gshegs pa rnams kyis rigs kyi bu dman pa'i 'du shes dang smad pa'i 'du shes 'di lta bu ma bskyed cig ces bya ba la sogs pas rtogs par mdzad pa na ngo mtshar du gyur cing rmad du gyur nas mig gdangs te dga' bar gyur nas/rmad byung chen po'i chos rnams ni/ /zhes bya ba la sogs pas rang gi rtog pa brjod do/ /de ltar ye shes kyi sprul pa'i dkyil 'khor du byang chub sems dpa' rnams kyi don mdzad nas/ de bzhin du ma 'ongs pa'i slob dpon rnams kyis dbang bskur ba la sogs pa rnams kyi sgo nas sems can skal ba dang ldan pa rnams kyi don bya ba'i phyir bri ba'i dkyil 'khor gyi don ston par byed pa de bzhin gshegs pa thams cad kyi thugs kyi dkyil 'khor gyi le'u bzhi pa gsungs so//'di rnams kyi dbang bskur dang dam tshig dang sdom pa yang snga ma bzhin no//de ltar dam tshig dang sdom pa thob pa rnams la rdo rje 'chang chen po la sogs pa rnams bsgrub pa'i man ngag sbyin par bya'o/ /man ngag de yang ji ltar bla ma brgyud pa las 'ongs pa de bzhin du bshad par bya'o/ /de bzhin gshegs pa thams cad kyi rdo rje sbyor ba'i dam tshig bsgrub pa'i cho ga bstan pa'i le'u bcu gnyis pa las gsungs pa'i dgon pa chen po la sogs pa'i gnas/dam tshig gi le'u brgyad pa las gsungs pa ni/ sa phyogs gtsang zhing rab dben pa/ /zhes bya ba la sogs pas mngon par 'dus byas pa/sems can thams cad kyi dam tshig gi snying po'i rdo rje yang dag par 'byung ba'i le'u bco lnga pa las gsungs pa'i/ bshang gci la sogs dam tshig gis/ /zhes bya ba la sogs pas nye bar byugs par stan 'jam po la nye bar 'dug ste/ sems can thams cad sdud pa'i snying rje chen po'i sems bskyed nas rdo rje bkod pa zhes bya ba'i ting nge 'dzin gyi le'u gsum pa las gsungs pa'i/nam mkha' dbyings kyi dbus gnas par/ /zhes bya ba la sogs pa nas/ gzugs ni dbus gnas bsgom par bya/ /zhes bya ba la thug pa'i bar gyis bdag nyid rdo rje 'chang chen po ji lta ba bzhin du mos par bya'o//de nas le'u dang po las gsungs pa'i ye shes sgron ma rdo rje zhes bya ba'i ting nge 'dzin gyi tshul gyis mi bskyod pa phyung ste bcug pas zhe sdang rdo rjer gyur nas gnod mdzes rgyal po phyung la/ oM suM b+ha zhes bya ba la sogs pas de la bka' bsgos te/ phyogs bcu na rnam par gnas pa'i khyab 'jug la sogs pa'i bgegs kyi tshogs rnams bkug nas/rdo rje dam tshig bkod pa de kho na nyid kyi don bsgom pa mngon par byang chub pa'i le'u bcu gsum pa las gsungs pa'i bsam gtan las byung zhes bya ba la sogs pa dang / bcu drug pa las 'chad par 'gyur ba'i tshul gyis bdud rtsi 'khyil pa'i phur bu rnams kyis gnod mdzes la bka' bsgos te gdab par bya zhing bka' bsgos te/phyogs kyi phyi rol yang bcing bar bya'o/ /phyogs dang phyi rol bcing ba la sogs pa'i cho ga sngon du 'gro ba can gyis snga ma bzhin du rdo rje 'chang chen por mos pa dang ldan pas sgrub thabs kyi rim pa bzhin du byang chub kyi sems kyi le'u gnyis pa las gsungs pa'i dngos po zhes bya ba la sogs pa'i tshigs su bcad pa'i don rnam par bsgoms te/le'u gsum pa las gsungs pa'i oM shU n+ya tA zhes bya ba la sogs pa'i sngags kyis byin gyis brlabs nas rang gi sngags brjod de zla ba la gnas pa'i rdo rje 'chang chen po'i nga rgyal dang ldan pa zla ba'i dkyil 'khor gyi rnam par gyur te/zla ba de yang A li dang kA li rnam par dgod pa la sogs pa'i cho ga sngon du 'gro ba can gyi shes rab kyi chos 'byung gi gzugs su yongs su gyur nas le'u dang po las gsungs pa'i/de bzhin gshegs pa mi bskyod pas/ /zhes bya ba la sogs pas rdo rje btsun mo'i b+ha ga der mA ma kI dang snyoms par zhugs pa'i mi bskyod pa'i rnal 'byor dang ldan pas 'dug ste/ ye shes sems dpa' snying gar bcug nas rol pa'i sbyor bas byang chub kyi sems phyung ste le'u brgyad pa las gsungs pa'i//nam mkha' dbyings kyi dbus gnas par/ /ye shes rgya mtsho bsgom par bya/ /zhes bya ba la sogs pas ye shes kyi rgya mtsho'i gzugs su gyur par bya zhing / de bzhin gshegs pa lngas ye shes kyi sa gzhi rdzogs par bya'o/ /mi bskyod pa ni rdo rje'i rigs gtso bor gyur pa nyid yin pa'i phyir gtso bo nyid yin te/ji skad du de bzhin gshegs pa thams cad kyi sngags kyi dam tshig gi de kho na nyid rdo rje'i rig pa'i skyes bu mchog gi le'u bcu gcig pa las/ nam mkha' rdo rje'i dbus gnas par/ /dkyil 'khor rdo rje kun skyes bsam/ /zhes gsungs pa bzhin no//rnam par snang mdzad la sogs pa rjes su zhugs pas sa'i rnam pa la sogs par byin gyis brlabs pa yin par khong du chud par bya ste/ brgyad pa las/ zhi ba rdo rje 'dzin 'dod na/ /bsdu ba dag kyang rab tu bya/ /zhes gang gsungs pa'o/ /de lta bur gyur pa'i yan lag rdzogs nas der/le'u bcu gcig pa las gsungs pa'i/ yi ge b+h+rUM gyis gnas bsgoms te/ /zhes bya ba 'dis gzhal yas khang le'u brgyad pa las/ rin chen sna bzhi'i mchod rten ni/ /zhes bya ba la sogs pas gsungs pa'i mtshan nyid can rgyar dpag tshad bye ba yod pa shin tu che ba'i tshad dang ldan pa/yang le'u dang po las gsungs pa'i/ /gsal ba la sogs dkyil 'khor ldan/ /zhes bya ba la sogs pa 'dab ma sna tshogs pa'i pad+ma'i steng du zla ba'i dkyil 'khor la sogs pa'i gdan gyis brgyan pa/ lha thams cad kyi gnas de bzhin gshegs pa thams cad kyi khang pa brtsegs pa bsgom par bya'o//sngon la gnas rdzogs par byas te/ rdo rje gsum bskyed pa bsgom par bya'o zhes 'byung bas de'i dbus kyi gdan la sems dpa'i skyil mo krung gis 'dug ste/ snga ma bzhin du lhag par mos pa'i sems kyis lha'i 'khor lo'i dbus na gnas pa'i rdo rje 'chang du bdag nyid dmigs nas byang chub kyi sems rnam par bsgoms te/oM shU n+ya tA zhes bya ba la sogs pa'i sngags kyis byin gyis brlabs nas skye ba med pa'i ri mo la thig le'i zla ba'i dkyil 'khor A li dang kA li la sogs pa'i cho ga sngon du 'gro ba can bsgoms te/ le'u bcu gcig pa las/ rdo rje'i dkyil 'khor dbus gnas par/ /yi ge oM ni zhes bya ba la sogs pas thugs la sogs pa'i rten rnams la sku la sogs pa'i yig 'bru sems kyi bdag nyid du bsgom par bya'o/ /de nas yi ge gsum las byung ba'i 'od zer rnams kyis de bzhin gshegs pa la sogs pa thams cad yi ge gsum du gzhug par bya zhing chos kyi dbyings kyi sngags kyis byin gyis brlabs pa'i sgo nas zla ba'i dkyil 'khor gyi rnam par gyur pa'i zla ba'i dkyil 'khor de la/thugs skul bar byed pa'i le'u bcu pa las gsungs pas sa bon bkod de/ spro ba dang bsdu ba'i rim gyis rdo rje'i nga rgyal las byung ba'i rdo rje 'chang chen por bdag nyid bsgom par bya zhing nga rgyal yang bya'o zhes bya ba ni rnal 'byor te/le'u dang po las gsungs pa'i dam tshig 'byung ba'i ting nge 'dzin du rig pa'i skyes bu'i sku'i don du gzugs bstan to/ /snying gar ye shes sems dpa' gzhug pa ni rjes su rnal 'byor ro//le'u bcu bdun pa las gsungs pa'i phung po zhes bya ba la sogs pas/ phung po la sogs pa rnam par snang mdzad la sogs pa nas bdud rtsi 'khyil pa la thug pas byin gyi brlab par bya ste/ le'u bcu gcig pa las gsungs pa'i sku la sogs pa byin gyis rlob par byed pa'i bsgrub pa'i yi ge gsum mgo dang lkog ma dang snying ga'i phyogs rnams su rnam par bkod nas/de rnams las byung ba'i sangs rgyas spyan la sogs pa rnams kyis sku rdo rje la sogs pa rnams bkug ste/ le'u bcu gcig pa las gsungs pa'i/dpal ldan sangs rgyas sku 'chang ba/ /zhes bya ba la sogs pa'i tshigs su bcad pa rnams kyis gsol ba btab nas/ le'u bcu bdun pa las gsungs pa'i/ sangs rgyas kun gyi sku gang yin/ /zhes bya ba la sogs pa'i tshigs su bcad pa rnams kyis nga rgyal bskyed de/ le'u drug pa las gsungs pa'i/ oM sarba ta thA ga ta kA ya zhes bya ba la sogs pa'i sngags rnams kyis byin gyis brlab par bya'o zhes bya ba ni rnal 'byor chen po ste/ de tsam gyis sngags kyis byin gyis brlabs zhes bya ba la sogs pa ni dam tshig 'byung ba rdo rje'i ting nge 'dzin kho na'i don bstan to/ / dang por bcom ldan 'das 'dod chags chen po'i tshul gyi ting nge 'dzin la snyoms par zhugs pa gang yin pa de ni 'dod chags la spyod pa'i sems can rnams rab tu dga' bar bya ba'i phyir yin no/ /'dir man ngag kyang brjod par bya ste/ bcom ldan 'das kyis rjes su mnyes par bya ba'i phyir de bzhin gshegs pa'i bkod pa rab tu bcug nas/de bzhin gshegs pa thams cad kyi 'dod pa sangs rgyas spyan la sogs pa'i gzugs rnams mngon par sprul te byung nas de bzhin gshegs pa thams cad kyi dam tshig dang sdom pa rdo rje byin gyis rlob pa'i le'u bcu bdun pa las gsungs pa'i 'dod pa thams cad la nye bar longs spyod pa'i dpal gyi ting nge 'dzin la snyoms par zhugs nas/de bzhin gshegs pa thams cad kyi 'dod pa de rnams dam tshig gi 'khor lo zhes bya ba la sogs pas slob bzhin pa'i rnal 'byor pa rnams kyis kyang sngon du bya ba rdzogs par bya ste/ sgrub pa chen po'i dus su le'u bco lnga pa las gsungs pa'i mtshan dang ldan pa'i gdol pa'i bu mo legs par bslabs pa mdun du bzhag nas sgrub thabs kyi tshul bzhin du rang gi snying ga nas phyung ste nu ma'i dbus dang zhes bya ba la sogs pas de bzhin gshegs pa lngas snying ga'i gnas la sogs pa byin gyis brlabs shing snying ga'i nang du ye shes kyi lha mos brgyan pa/sa la sogs pa la sangs rgyas spyan la sogs pa dang / de'i gzugs dang sgra la sogs pa la gzugs rdo rje ma la sogs pa dang / de'i dpung pa g.yon pa la sogs pa la ro langs ma la sogs pa bkod nas/ le'u bdun pa las gsungs pa'i/ yi ge hUM dang zhes bya ba la sogs pas rang gi rdo rje dang pad+ma mngon par 'dus byas te/de nyid las gsungs pa'i/ 'od zer lnga yi 'od kyis khyab/ /ces bya ba la sogs pas de gnyi ga 'od zer lngas khyab pa dang / bdun pa las gsungs pa zla ba'i 'od zer zhes bya ba la sogs pas rang gi rig ma bsil ba'i 'od zer lnga dang ldan par bsams nas/chags shing chags pa'i blta bas blta/ /zhes bya ba 'dis rdo rje dang pad+ma las byung ba'i 'od zer gyi tshogs kyis rdo rje gnyi ga rjes su mnyes par bya ste/ rin chen tog gi nga rgyal dang ldan pas le'u drug pa las gsungs pa'i rjes su chags pa'i sngags brjod la/rim pa de nyid kyis le'u bdun pa las gsungs pa'i rjes su dran pa'i tshul gyis rdo rje g.yo ba pad+mar bcug ste/ 'dod pa thams cad la nye bar longs spyod pa'i dpal gyi ting nge 'dzin las gsungs pa kho na bzhin du 'dod par bya'o/ /yi ge hUM gi glu len cing las la gnas par bya ste/ ting nge 'dzin de nyid la cang mi smra bar gnas par bya'o/ /byang chub kyi sems dbyung ba'i gnas skabs ni/ le'u dang po las gsungs pa de bzhin gshegs pa thams cad kyi zil gyis gnon pa'i ting nge 'dzin gyi rang bzhin gyi chos kyi sku'i rnam pa bstan pa yin no/ /de nas nam mkha'i dbyings 'di zhes bya ba la sogs pas rnam par spros pa'i byang chub kyi sems kyis nam mkha'i dbyings thams cad yongs su gang bar bsams te/byang chub kyi rdul phra rab de rnams kyang rang gi rig mas 'khyud pa'i de bzhin gshegs pa la sogs pa'i rnam par bltas la bsdus nas pad+mar bcug ste/ le'u bdun pa'i dam tshig rjes su dran pa bsgom pa las gsungs pa/khu ba phyung nas zhes bya ba la sogs pas sgyu ma lta bu'i ye shes kyi bdud rtsi'i rnam par gyur pa'i zhu ba nyid btung bar bya'o/ /de nas slar yang 'dod chags chen po'i tshul las gsungs pa'i tshul gyis bcug ma thag pa de rnams bcom ldan 'das la mngon par mchod pa'i phyir bud med kyi gzugs 'dzin par gyur pas/bcom ldan 'das kyi sku la mngon par byung nas/ nam mkha' dbyings ma lus pa mngon par khyab ste/ le'u brgyad pa las gsungs pa'i bla na med pa'i mchod pa rnams kyis mchod par dmigs la/don yod par grub pa'i nga rgyal dang ldan pas le'u brgyad pa las gsungs pa'i sngags kyis mchod pa'i tshogs byin gyis brlab par bya'o zhes bya ba ni shin tu rnal 'byor ro/ /gzhung de tsam gyis ni rnal 'byor bzhi'i bdag nyid kyi bdag gi don phun sum tshogs pa'i rang bzhin gyi dang po sbyor ba ting nge 'dzin dang po bstan to//bdag dang gzhan gyi don phun sum tshogs pa'i ched du le'u bdun pa las dkyil 'khor rjes su dran pa bsgom pa gsungs te/ le'u dang po las gsungs pa'i ye shes sgron ma rdo rje'i ting nge 'dzin gyi tshul gyis mi bskyod pa phyung la des kyang zhe sdang la spyod pa'i sems can rnams yang dag par sbyangs nas/de bkug ste rang gi lus la bcug nas zhe sdang rdo rjer gyur pas/ de bzhin gshegs pa thams cad kyi dam tshig 'byung ba rdo rje'i ting nge 'dzin la sogs pa sngon du bya ba sngon du 'gro ba can gyis rnam par snang mdzad la sogs pa dkyil 'khor pa'i lha rnams yang dag par phyung ste/de rnams kyis gti mug la sogs pa la mngon par dga' ba'i sems can rnams yang dag par sbyangs nas/ de rnams slar bkug la gnas ji lta ba bzhin du bkod par byas te/ phyag rgya bzhis rgyas btab nas bsdus te ye shes kyi 'khor lo gzhug par bya'o zhes bya ba ni dkyil 'khor rgyal po mchog ces bya ba'i ting nge 'dzin te gnyis pa'o//las rgyal po'i mchog ni mi bskyod pa la sogs pa re re zhing phyung ba'i rjes thogs nyid du zhe sdang la sogs pa la mngon par dga' ba'i sems can rnams kyi don bya ba'i rnam pa'o/ /sku gsung thugs rmad du byung ba'i sngags kyis 'gugs pa'i rnam par 'phrul pa'i rgyal po'i le'u bcu bzhi pa las gsungs pa'i zhi ba la sogs pa'i las can du rtogs par bya'o zhes bya bas ni/gcig tu gzhan gyi don byed pa'i mtshan nyid can gyi ting nge 'dzin gsum pa yin par bstan to/ /de nas le'u gsum pa las gsungs pa'i/rin chen kha dog sna lnga pa/ /zhes bya ba la sogs pa dang / le'u drug pa las gsungs pa sna'i rtse mor yungs kar zhes bya ba la sogs pa dang / sems ni thig ler gyur pa gzhag/ /ces bya ba la sogs pas sems brtan par bya ba'i phyir phra mo'i rnal 'byor bsgom par bya'o/ /le'u bcu gsum pa las gsungs pa'i bzlas pa yang sgrub thabs kyi tshul bzhin bya'o//de ltar dam tshig dang sdom pa la rab tu gnas shing / dbang bskur ba dang rjes su gnang ba thob pa/ cho ga thob pa ma tshang ba med pa'i phyir bya ba ma lus pa bsgrub pa lhur len pas/ gang gi tshe sgrub pa drug gis kyang bcom ldan 'das ma grub pa de'i tshe/le'u bcu pa las gsungs pa'i nga rgyal dang ldan pa'i sbyor bas bsgrub par bya ste/ rang gis gsungs pa'i dam tshig las 'das pa'i 'jigs pas bdun phrag gsum gyi nang du nges par 'grub par 'gyur ro/ /de nas thun bzhi pa la thams cad bsdus nas zag pa med pa'i bde ba dam pa'i rang bzhin gyi chos kyi sku la dmigs te gnas par bya'o//de nas mA ma kI la sogs pa'i lha mo rnams kyis rdo rje thugs khyod ces bya ba la sogs pa'i glu rnams kyis rab tu bskul nas/ de bzhin gshegs pa rnams kyis kyang mi bskyod rdo rje zhes bya ba la sogs pa'i bstod pa rnams kyis kyang bstod de yang dag par sad nas/de bzhin gshegs pa rnams rang gi lus la bcug nas cho ga bzhin du yang dag par mchod de/ dkyil 'khor lus dang tha mi dad par bltas la brtan par byas te nye bar bsrung bar bya'o/ /de ltar sgrub pa'i thabs kyi bsdus pa'i don bstan pa na le'u dang po la brten nas/le'u bcu'i don bshad pa nyid yin no/ /le'u bcu gcig pas ni gnas kyi lha bskyed pa dang / sku gsung thugs byin gyis brlab pa bstan nas dben zhing zhes bya ba la sogs pas sngon du spyod pa byas shing lha'i gnang ba thob pa'i rnal 'byor pas ni rang gi lha bsgom pa sngon du 'gro ba can gyis yi ge oM la sogs pa snying gar bsgom pas bskal pa gsum du gnas pa'i phyir ye shes kyi bcud kyis len zla ba phyed kyis 'grub par 'gyur ro//ye shes dkyil 'khor dbus su ni/ /zhes bya ba la sogs pas mi snang ba bsgom ste/ rdo rje'i dkyil 'khor dbus su ni//zhes bya ba la sogs pa nas/ sku gsum mi phyed sgrub par 'gyur/ /zhes bya ba la thug pa'i bar gyis go rims bzhin du 'phags pa 'jam dpal dang sa'i snying po dang phyag na rdo rje dang nam mkha'i snying po dang 'jig rten dbang phyug dang sgrib pa thams cad rnam par sel ba dang kun du bzang po dang mgon po byams pa'i ting nge 'dzin rnams bshad do//rnam par dben pa'i ri bo dang / /zhes bya ba la sogs pas ni mngon par shes pa bsgrub pa'i gnas bstan to/ /mi bskyod ye shes zhes bya ba la sogs pas ni/ lha gang yang rung ba'i rnal 'byor dang ldan pas/ mig la sogs pa rnams la sa'i snying po la sogs pa bkod pa bsgom pa'i sgo nas mngon par shes pa lnga bsgrub pa bstan to//rdo rje la sogs pa bsgom pas kyang de dang 'dra ba nyid do/ /snying gar yi ge oM zhes bya ba la sogs pas ni sems brtan par bya ba'i bsgom pa'i man ngag gsungs so/ /lus ngag sems la yi ge oM/ /zhes bya ba la sogs pas ni bskal par gnas pa'i man ngag gsungs so//bcu gnyis pas ni bsgrub pa chen po'i gnas bstan nas/ maM zhes bya ba la sogs pas ni 'phags pa 'jam dpal bsgom pa'i sgo nas mi snang ba'o/ /rdo rje mi phyed ces bya ba la sogs pas ni rdzas kyi ri lu bsgrub pa'o/ /rdo rje chen po rab sngags kyis//zhes bya ba la sogs pas ni 'khor lo la sogs pas sems bsgrub pa gsungs so/ /'od zer lnga'i zhes bya ba la sogs pas rdo rje gsum gyi rig pa 'dzin pa nyid do/ /oM ni zhes bya ba la sogs pas ri lu bsgom pa'o/ /nam mkha'i dbyings gsal zhes bya ba la sogs pas ni 'khor lo'i rig pa 'dzin pa la sogs pa rnams bsgrub pa'o//lam gyi bzhi mdo zhes bya ba la sogs pas ni dgug pa bsgrub pa'i gnas so/ /sbyor gsum zhes bya ba la sogs pas ni sangs rgyas la sogs pa rnams dgug pa'o/ /rnam pa mchog rnams zhes bya ba la sogs pas ni rig pa bskul ba'i sgo nas shin tu myur bar dngos grub bsgrub pa'o//sha chen zhes bya ba la sogs pas ni sgrub pa chen po la sogs pa la zhugs pa'i zas nges par byed pa'o/ /rnam pa mchog rnams kun ldan pa/ /zhes bya ba la sogs pas ni dam tshig spyod pa'i sbyor ba'o/ / rdo rje dam tshig gsum bsgrub mchog /ces bya ba la sogs pas ni grub pa phan yon gyi 'bras bu'o/ /bsnyen pa la sogs pa'i don rdo rje bzhi ni sngar bshad pa'i bsgrub pa'i don dang mtshungs pa kho na yin no/ /bsnyen pa'i ye shes bdud rtsi dag /ces bya ba la sogs pas ni rdzogs pa'i rim pa gsungs so//dus bzhi dag tu zhes bya ba la sogs pas ni de bzhin gshegs pa bzhi'i dbus na gnas pa'i lha gang yang rung ba'i rnal 'byor ro/ /bcu gsum pas ni bzlas pa'i cho ga bstan nas/ 'dod chags de ni don bsgom pa/ /zhes bya ba la sogs pas ni 'dod pa'i 'dod chags dang gti mug dang zhe sdang rnam par dag pa kho na rdzogs pa'i byang chub yin no zhes bshad do//ye shes 'khor lo can rnams kyi/ /zhes bya ba la sogs pas ni rang gi dkyil 'khor na gnas pa'i rnam par snang mdzad la sogs pa'i rnal 'byor pa rnams kyis sngags kyi don bsgom par bya'o zhes bshad do//rdo rje rnam pa bzhi yi las/ /zhes bya ba la sogs pas ni zhi ba la sogs pa'i las bzhi bstan to/ /ma dad smra ba'i zhes bya ba la sogs pa nas/ bka' yi 'khor lo sbyar bar bya/ /zhes bya ba la thug pas ni mngon spyod kyi yul dang de'i las bstan to/ /sngags kun bsrung phyir zhes bya ba la sogs pa nas/'gro ba 'dul ba zhi ba rdo rje'i ting nge 'dzin la thug pas ni/ byang chub 'dod pa'i rnal 'byor pa'i bsrung ba dang / chu'i steng nas 'gro ba dang / pha rol rgol ba rnams rengs par bya ba dang / rgyal po dang dgra dang gnod par byed pa rnams rmongs par bya ba dang /gnas bsrung ba'i phyir zhi ba'i sbyor ba dang / dkyil 'khor gyi gnas dang / bsgrub pa'i gnas bsrung ba bstan to/ /zhi ba'i dkyil 'khor zhes bya ba la sogs pas ni/ zhi ba la sogs pa'i las kyi tshogs bstan to/ /rnam par snang mdzad zhal gsum pa/ /zhes bya ba la sogs pas ni sgom pa po'i dbang du byas nas zhal dang kha dog dang phyag dang mtshon cha rnams nges par byed do//sangs rgyas gzugs ni zhes bya ba la sogs pas ni sangs rgyas te/ rdo rje 'chang de bsgom pa sngon du 'gro ba can gyi lha thams cad bskyed pa bstan to/ /le'u bcu bzhi pa'i don ni sngar bshad zin to//le'u bco lnga pa las ni rdo rje'i rigs kyi yan lag dkyil 'khor gru bzhi pa gsungs so/ /dkyil 'khor lnga'i zhes bya ba la sogs pas ni btso blag mkhan gyi bu mo dang ldan pa'i rnam par snang mdzad kyi rnal 'byor dang / rdo rje sems dpa' bzhin du gsung rdo rje'i gar mkhan gyi bu mo dang /rdo rje 'chang chen po'i bram ze la sogs pa'i bu mo dang / rnam par snang mdzad la sogs pa'o/ /rdo rje nyi ma nub nas ni/ /zhes bya ba la sogs pas ni dus nges pa dang don gzhan yin no/ /rgyan rnams thams cad ces bya ba la sogs pa nas 'dod dang thar pa'i dam tshig rdo rjes de skad bka' stsal to zhes bya ba la thug pas ni sangs rgyas kyi byang chub sgrub pa'o//de nas bcom ldan 'das zhes bya ba la sogs pas ni bu mo rnams rengs pa'i sbyor ba'o/ /bcu bzhi zhes bya ba la sogs pas ni/ tshangs pa dang srin po la sogs pa rnams ri mo dang tho ba dang yi ge hUM dang rdo rje 'chang ba rnams kyis gsad pa gsungs so//las kyi rdo rje zhes bya ba la sogs pas ni chu rengs pa'o/ /dkyil 'khor dag ni 'dri ba na/ /zhes bya ba la sogs pas ni yi ge phaT kyi sngags kyis rlung la sogs pa'i bgegs rnams bzlog pa'o/ /ye shes sems dpa' zhes bya ba la sogs pas ni rdo rje 'chang chen po sku mdog dkar po bsgom pa'i man ngag go//bud med ces bya ba la sogs pas ni 'jam dpal lta bu'i mi snang ba'i bdag po bstan to/ /bshang ba'am zhes bya ba la sogs pa nas dam tshig mi snang ba'i rdo rje chen pos de skad ces bka' stsal to zhes bya ba la thug pa'i bar gyis ni mi snang ba kho na'o//de nas sangs rgyas zhes bya ba la sogs pas ni ngo mtshar du gyur pa bstan to/ /de nas ston pa rdo rje 'dzin/ /zhes bya ba la sogs pas ni lha thams cad kyi dbang bskur ba'o/ /ri rtse zhes bya ba la sogs pas ni sgrub pa'i gnas so/ /rdo rje sems dpal la sogs zhes bya ba la sogs pas ni ltas bzang ngan dri ba'i phyir slob ma dbab pa'i cho ga gsungs so//rtse gcig ma gyur ces bya ba nas bcom ldan 'das khro bo chen po'i dam tshig rdo rje khro bos de skad bka' stsal to zhes bya ba la thug pa'i bar gyis ni/ 'phags pa bdud rtsi 'khyil pa'i rnal 'byor gyis rnam pa du ma'i sgo nas gsad pa gsungs so//sbrul ni mi sdug ces bya ba la sogs pas ni bris pa'i sbrul dang / sbal pa la sogs pa la reg pas 'jig pa dang / oM la sogs pas ni dug 'pho ba dang / dug med par bya ba dang / 'bras la sogs pa nye ba'i dug rnams bzlog pa'o//dzi na dzika ces bya ba la sogs pas ni phyi dang nang gi nad rnams bzlog pa'o/ /chos rnams rmi lam lta bu ste/ /zhes bya ba la sogs pas ni rmi lam gyi mtshan ma rnams so/ /de la 'di ni zhes bya ba la sogs pas ni rmi lam gyi mtshan ma'i bye brag las byung ba'o//de nas zhes bya ba la sogs pas ni phyag 'tshal ba byas te/ bcom ldan 'das la gsol ba btab pas yang dag par rtogs par mdzad cing / de rnams kyis kyang rtogs par gyur nas/ rang gi sems kyi chos nyid la gnas nas sems shing cang mi smra bar 'khod par gyur pa'o//le'u bcu drug pas ni/ de nas zhes bya ba la sogs pas sku rdo rje sgrub pa'i dkyil 'khor dang dam tshig gi dkyil 'khor dang / de bzhin du gsung gi dkyil 'khor nyid gsungs so/ /rdo rje 'dzin mchog gang yin pa'i/ /zhes bya ba la sogs pas ni gnyi ga'i rang bzhin gyi lha'i dkyil 'khor thams cad gsungs so//de la 'di ni zhes bya ba la sogs pas ni thig gdab pa dang / tshon rtsi dgye ba dang / sngags kyi yi ge rnams so/ /sngags kyi sems pas mi bya ste/ /zhes bya ba la sogs pas ni rdzogs pa'i rnal 'byor pas snod du rung ba gnyis bcug nas bsgrub pa khyad par can gyi dkyil 'khor 'drir gzhug par bya ste/rang gis ni ma yin no zhes bshad pa yin no/ /bdag nyid gang tshe spyod pa na/ /zhes bya ba la sogs pas ni khyad par can du gyur pa yin yang / mngon par 'dus byas pa'i thig skud kyis bdag nyid slob pa dang bcas pas thig gdab ste/dam tshig gi dkyil 'khor bri bar bya'o zhes bshad do/ /sngags rnams thams cad nyid la yang / /zhes bya ba la sogs pas ni lha thams cad dgug pa la sogs pa'i don du zhags pa dang lcags kyu thogs pa'i rdo rje hUM mdzad du shes par bya'o/ / rdo rje bum pa bzhag pa ni/ /zhes bya ba la sogs pas lha rnams bkod pa'i rjes thogs la/ sngags shes pas ni sbyin sreg bya/ /zhes bya ba la sogs pas ni dkyil 'khor rtsom pa'am/ sgrub pa rtsom pa'i dang por bgegs 'joms pa'i zhi ba dang / de nas spyan drangs pa rnams tshim par bya ba'i sbyin sreg dang bcug pa'i slob ma rnams kyi sdig pa bsreg pa'i phyir dang /zin pa'i dus su zhi ba'i sbyin sreg go/ /rnam par snang mdzad ces bya ba la sogs pas ni bcug par gyur pa'i slob ma la dbab pa gsungs so/ /de la 'di ni zhes bya ba la sogs pas ni/ dkyil 'khor du 'jug pa la sogs pa la yi ge lnga pa'i sngags sbyar bar bya ba'o//sangs rgyas kun gyis nam mkha'i khams/ /zhes bya ba la sogs pas ni dbang bskur ba gsungs so/ /byang chub rdo rje zhes bya ba la sogs pas ni sngon du gsol ba gdab pa blta bar bya'o/ /de tshe de la dbang bskur ba/ / zhes bya ba la sogs pas ni dbang bskur ba'i dus su snying gar bdag po bsgom par bya'o zhes bstan to/ /rdo rje slob ma blo ldan pa/ /zhes bya ba la sogs pas ni dbab pa'i rjes thogs la dkyil 'khor bstan pa'i phyir/ bum pa'i dbang bskur ba'i rjes thogs su dam tshig dang sdom pa dbog pa dang /gsang ba'i dbang bskur ba dang / shes rab ye shes kyi dbang bskur ba dang / langs nas lung bstan pa'i rjes thogs la man ngag sbyin par bya ba'o/ /gsang ba zhes bya ba ni gsang ba'i dbang bskur ba'i sngon du blta bar bya'o/ /khu ba'am zhes bya ba la sogs pas ni slob ma zar gzhug pa'o/ / glang po'i sha la sogs pa ni lha rnams la rab tu dbul bar bya'o/ /yid ches bskyed pas zhes bya ba ni bdud rtsi lnga 'bar bar slob ma la bstan par bya'o/ /dngos grub thams cad bsgrub pa dang / /zhes bya ba la sogs pas ni dkyil 'khor thams cad du bsgrub par bya ba'o/ /bshang gci zhes bya ba la sogs pas ni rdzas blangs pas 'grub pa'o//hrI ni 'bar ba 'od bzang po/ /zhes bya ba la sogs pa nas/ bcom ldan 'das sangs rgyas thams cad kyi bu gcig pa rdo rje 'chang chen pos de skad bka' stsal to zhes bya ba'i bar 'dis ni phyag na rdo rje la sogs pa'i gzugs can gyi man ngag gzhug pa bsgrub pa'o//sangs rgyas zhes bya ba la sogs pa nas/ rdo rje'i don gyi blo yis gsungs/ /zhes bya ba la thug pa'i bar gyis ni 'phags pa 'jam dpal gyi rnal 'byor gyi dbang du bya ba'o/ /sngags kyi rdo rje hUM la sogs/ /zhes bya ba ni dbab pa'i rjes thogs nyid du'o/ / rnam par snang mdzad ces bya ba la sogs pas ni bkres pa dang skom pa la sogs pa bzlog pa'i sbyor ba'o/ /de nas bcom ldan 'das zhes bya ba la sogs pas ni de bzhin gshegs pa dpa' bo rdo rje'i ting nge 'dzin to/ /tsum+ba zhes bya ba la sogs pas ni skul byed ma'i ting nge 'dzin mchog go/ / dzaM zhes bya ba la sogs pas ni 'phags pa dzaM b+ha la'i ting nge 'dzin to/ /k+ShaM zhes bya ba la sogs pas ni gnod sbyin mo bsgrub pa'o/ /de nas phyag na rdo rje de bzhin gshegs pa zhes bya ba nas bsam pa thams cad yongs su rdzogs par byed pa rdo rjes de skad bka' stsal to zhes bya ba la thug pa'i bar gyis ni/dman pa dang bar ma dang mchog gi dngos grub kyi dbye ba'o/ /yang de nas bcom ldan 'das zhes bya ba nas rdzogs pa la thug pas ni rig pa'i brtul zhugs gsungs so/ /bcu bdun pas ni de bzhin gshegs pa thams cad kyis 'dus pa sngon du 'gro ba can gyi gsol ba btab ste/ rang gi rjes su mthun pa'i bstod pa'i mchod pa rnams kyis yang dag par bstod par gyur nas/ngo mtshar sngon du 'gro ba can gyi sku rdo rje la sogs pa'i sgrub pa ma lus pa'i dam tshig bstan te/ rdo rje 'chang thams cad kyi sku gsung thugs kyi snying po mnyam pa nyid rnam par bsams nas cang mi gsung bar gyur pa'o//de nas bcom ldan 'das zhes bya ba la sogs pas ni/ byang chub sems dpa' thams cad kyis de bzhin gshegs pa rnams la cang mi gsung ba'i don dris par gyur nas/ sku ni mi 'gyur skye ba med/ /ces bya ba la sogs pa bstan pa na/ tshangs pa la sogs pa rnams kyis bcom ldan 'das la brnyas par 'gyur du 'ongs pas zhes bya ba de lta bus byang chub sems dpa' rnams kyis de bzhin gshegs pa rnams kyis bkag par gyur nas/de rnams kyis brnyas par gyur du zin kyang / 'on kyang rang gi ngo bo kho na gsungs kyi/ rang gi ngo bo ma yin pa ni ma gsungs so zhes de bzhin gshegs pa rnams kyis re zhig ces bya ba la sogs pa gsungs so//de nas sangs rgyas chos ni gnas med pa/ /zhes bya ba la sogs pas ni de bzhin gshegs pa rnams kyis gsungs pa'i don nyid bcom ldan 'das kyi zhal nas bzhes pa'o//de nas de bzhin gshegs pa thams cad kyi sku gsung thugs rdo rje dngos grub ga las 'byung zhes bya ba la sogs pa de bzhin gshegs pa rnams kyis bcom ldan 'das dris pa nas/ nam mkha' gang la gnas gang la yang ma yin no zhes bya ba'i bar 'dis ni mngon par 'dod pa'i don bstan to//de nas ngo mtshar zhes bya ba la sogs pa brjod par gyur to/ /nam mkha' rdo rje'i dbus gnas par/ /zhes bya ba la sogs pas ni rang gi dkyil 'khor la gnas pa'i de bzhin gshegs pa rnam par snang mdzad la sogs pa'i dbang bskur ba'i bsgom pas byang chub myur du 'grub par 'gyur ro zhes bya ba bshad do//gal te dngos grub mchog ces bya ba la sogs pas ni gong ma gong ma'i tshul la don khyad par can gsungs so/ /slar yang sangs rgyas kyi dam tshig ces bya ba la sogs pas ni sku rdo rje la sogs pa rnams las mi 'da' bar bya ba nyid kyi phyir phung po lnga ni zhes bya ba la sogs pa gsungs so//de bzhin gshegs pa thams cad kyi mnyam pa nyid la gnas pa rdo rje'i ting nge 'dzin gyi sgo nas cang mi gsung bar gyur pas ni byang chub kyi sems dang rdo rje slob dpon dag la tha dad pa med par bstan to/ /de'i rjes thogs la de nas byang chub sems dpa' sems dpa' chen po byams pas zhes bya ba la sogs pas ni/de bzhin gshegs pa thams cad la phyag btsal nas de bzhin gshegs pa thams cad kyi sku gsung thugs rdo rje gsang ba 'dus par dbang bskur bar gyur pa'i bcom ldan 'das slob dpon la de bzhin gshegs pa thams cad dang byang chub sems dpa' thams cad kyis ji ltar blta bar bya zhes dris par gyur to//de nas de bzhin gshegs pa rnams kyis byang chub kyi sems rdo rjer bya ba la sogs pa thams cad mkhyen pa'i ye shes kyi rnam par zhes bya ba'i khyad par gyi tshig rnams kyis slob dpon gyi che ba nyid bstan pas dus sngar brnyas pa'i the tshom sems la bzhag nas 'jigs shing skrag pa'i yid kyis cang mi smra bar gyur to//slar yang mi bskyod pa la sogs pa'i de bzhin gshegs pa rnams kyis don de nyid byang chub sems dpa' thams cad la bstan to/ /yang byang chub sems dpa' rnams kyis de bzhin gshegs pa thams cad kyi sku gsung thugs rdo rje dngos grub rnams gang la gnas zhes de bzhin gshegs pa rnams la dris par gyur pa na/de bzhin gshegs pa rnams kyi sku gsung thugs gsum gyi rdo rje slob dpon gyi zhes bya ba la sogs pa gang la yang mi gnas so zhes bya ba'i bar gsungs te/de rnams kyang ngo mtshar la sogs par gyur nas cang mi smra bar 'khod par gyur to/ /de nas bcom ldan 'das phyag na rdo rje de bzhin gshegs pa gsang ba rdo rje'i ting nge 'dzin las bzhengs nas zhes bya ba la sogs pa bsam gtan gyi dkyil 'khor zhes bya ba la thug pa'i bar gyis ni/de'i snod du rung ba'i sems kyi spyod pa dang ldan pa'i sems can rnams kyi thun mong du bsam gtan gyi dkyil 'khor gsungs par gyur to/ /hUM hrI khaM zhes bya ba 'dis ni bdud rtsi dgug pa'i don du sbyor ba gsungs so/ /bza' ba'am zhes bya ba la sogs pa bdud rtsi lnga dang mtshungs par mngon par 'dus byas la bza' bar bya'o//de nas phyag na rdo rje zhes bya ba la sogs pa bcom ldan 'das kun du bzang pos de skad bka' stsal to zhes bya ba la thug pa'i bar gyis ni mchod pa rnam pa lnga dang / dbang po nyid sbyor ba dang / mi'i rnal 'byor dang / sgrub pa po'i nga rgyal dang /tshim par bya ba'i sbyor ba dang / mchod rten gyi las la sogs pa mi bya ba dang dug bsal ba dang / rengs pa dang / dgug pa dang / sngags dang ldan pa'i bsrung ba'i 'khor lo bri ba dang / rdo rje mig sman gyi bya ba rnams bshad do/ /de nas bcom ldan 'das de bzhin gshegs pa thams cad kyi zhes bya ba la sogs pas ni de bzhin gshegs pa rnams kyis gsang ba'i yi ge bris nas bcom ldan 'das kyis bshad par gyur to//de nas don rtogs nas phyag btsal te cang mi gsung bar bzhugs par gyur to/ /sngon 'das pa'i dus su zhes bya ba la sogs pa byang chub sems dpa' ni de bzhin gshegs pa'i nang nas sangs rgyas zhes bya ba'i grangs su 'gro'o zhes bya ba'i bar 'dis ni skal ba dang mi ldan pa'i sems can rnams kyi spyod yul ma yin pa dang /'bras bu myur du sgrub par byed pa yin par bstan to/ /de nas byang chub sems dpa' de rnams zhes bya ba la sogs pa cang mi smra bar gyur to zhes bya ba'i bar 'dis ni/sngon gyi dus su byang chub tu sems bskyed pa nas brtsams te/ dka' ba spyad pa la sogs pa'i sdug bsngal rjes su dran nas/ chos kyi rnam grangs 'di yang rnyed par dka' ba nyid du rtogs te rab tu ngu zhing sdug bsngal gsum skyes par gyur to//de nas de bzhin gshegs pa rnams kyis rtogs par mdzad do/ /de nas ji skad bshad pa'i gnas nas bzhugs pa'i bcom ldan 'das mchog tu bde ba la zhugs nas/ mA ma kI la sogs pa'i lha mo rnams kyis/ rdo rje thugs khyod ces bya ba la sogs pa'i klu rnams kyis sad par byas so//'dod pa thams cad nye bar longs spyad pa dpal gyi ting nge 'dzin gyi don bshad zin pa yin no/ /de nas de bzhin gshegs pa rnams btsun mo'i b+ha ga las mngon par byung ste/ bcom ldan 'das ngo mtshar che'o zhes bya ba la sogs pa gsungs so/ /bcom ldan 'das kyis kyang bcom ldan 'das zhes bya ba la sogs pas rnam pa thams cad du rnam par dag pa bstan to//bcom ldan 'das zhes bya ba la sogs pas ni dpal gyi reg pa'i sgo nas chos kyi rnam grangs 'di la skal ba dang ldan par gyur pa'o/ /rigs kyi bu zhes bya ba la sogs pas ni rdo rje chos kyi ting nge 'dzin dang khas blangs pa'o//de nas rnam par snang mdzad la sogs pa de bzhin gshegs pa thams cad kyis brtan pa dang g.yo ba'i dngos po thams cad kyi rang bzhin gyi sku dang gsung dang thugs rnams byin gyis brlabs par gyur to/ /des ni thog ma dang tha ma med pa'i rang bzhin du rtag tu gnas pa'i dpal ldan gsang ba 'dus pa'i bsdus pa'i don bstan to//'di la gzhung tshad ni rjes su bsngags pa'i tshigs su bcad pa sum brgya sum cu rtsa gnyis yod do/ /de ltar bsdus pa'i don bstan nas yan lag gi don rnam par dbye ba'i phyir rgyud la gzhug par bya'o/ /'di skad ces bya ba la sogs pa la/'di skad ces bya ba ni sdud pa po rdo rje chos kyis rgyud kyi don ma lus pa sems la bzhag cing bsdogs nas byams pa la sogs pa byang chub sems dpa' sems dpa' chen po rnams la bstan pa'i phyir gsungs pa'o/ /bdag gis thos pa zhes bya ba ni/ nga bdag nyid kyis dngos su bcom ldan 'das las thos kyi/thos pa brgyud pa las 'ongs pa ma yin na'o/ /de gang zhig ce na gsang ba 'dus pa'o/ /gang gi tshe zhe na/ dus gcig na zhes bya ba dus tshod gcig na ste/ 'dis ni gzhan dang gzhan gyi dus su gzhan dang gzhan yin no zhes rnam pa mang po thos pa yin par ston to//yang na dus gcig na zhes bya ba skad cig gcig na thos par bya ba gang ji snyed pa de rnam par thar pa'i sgo mtha' yas pa thob pa'i stobs kyis/ skad cig gcig gi dus su thos so zhes 'dis ni blo bzang po dang ldan pa nyid du bstan pa'i sgo nas tshig gzung bar 'os pa nyid du bstan to//gang zhig gi thos pa brgyud pa las 'ongs shing / gang la rnam par thar pa'i sgo dpag tu med pa dngos su thob pa med pa de'i tshig ma tshang ba srid do zhes bstan pa yin no/ /su las she na/ bcom ldan 'das las thos so/ /bcom ldan 'das bzhugs so zhes bya bar sbyar te/bdud bzhi bcom pa'i phyir ram/ skal ba phun sum tshogs pa yin pa'i phyir bcom ldan 'das so/ /yang na dbang phyug dang gzugs bzang ba dang grags pa dang / dpal dang ye shes rdo rje dang brtson 'grus te/ yon tan drug dang ldan pa'i phyir ram/ b+ha ga la gnas pa'i phyir ro/ / 'di la b+ha ga yod pas na bcom ldan 'das so/ /de skad du yang / /b+ha ni gsal ba zhes su gsungs/ /ga ni 'gyur med nam mkha' ste/ /gnyis po dag ni 'dus pa'i phyir/ /b+ha ga shes rab thabs su brjod/ /ces gsungs so/ /de bzhin gshegs pa thams cad kyi sku dang gsung dang thugs rdo rje snying po zhes bya ba la de rnams ni de bzhin gshegs pa yang yin la thams cad kyang yin pas de bzhin gshegs pa thams cad de/nam mkha'i dbyings ma lus pa til gyi gang bu bzhin du yongs su gang ba'i sku rdo rje la sogs pa rnams so/ /yang dag pa'i de kho na nyid thugs su chud pa'i phyir de bzhin gshegs pa'am/rang bzhin gyis rnam par dag pa'i chos thams cad rtogs pa'i sgo nas rang gis khong du chud pa sems can rnams la ston par mdzad pas na de bzhin gshegs pa'o/ /de rnams kyi sku dang gsung dang thugs rdo rje ni rnam par snang mdzad dang 'od dpag tu med pa dang mi bskyod pa'i rang bzhin rnams so//de rnams kyi snying po ni de bzhin gshegs pa thams cad kyi rdul phra rab kyis yongs su bskyed pa'i rang bzhin gyi rdo rje 'chang chen po'o/ /de'i rdo rje btsun mo ni shes rab kyi pha rol tu phyin ma ste/ de'i b+ha ga chos 'byung zhes bya bar ji skad bshad pa'i mtshan nyid dang ldan pa'i gzhal yas khang gi nang du gsal ba la sogs pa'i gdan dang ldan pa'i lha thams cad kyi gnas la rang gi rig ma dang gnyis su med pa'i sbyor bas bcom ldan 'das 'khor lo thams cad dang thabs cig tu bzhugs zhes bya ba ni gdul bya'i skye bo rnams kyi yid de dang de lta bu'i rnam par dag pa'i thabs rnams kyis mgu bar byas te bzhugs par gyur to zhes bya ba'i don to//des ni 'di skad du gang gi tshe de bzhin gshegs pa la sogs pa'i 'khor dang thabs cig tu bcom ldan 'das rdo rje btsun mo'i b+ha ga la bzhugs pa de'i tshe bcom ldan 'das las bdag gis thos so/ / zhes btags pa yin no/ /'khor de rnams mang ba nyid du bstan pa'i phyir brjod kyis mi lang ba zhes bya ba la sogs pa gsungs te/ brjod pa ni grangs yin zhing gang la de med pa de rnams ni brjod kyis mi lang ba zhes bya ba ste/ grangs las yang dag par 'das pa zhes bya ba'i tha tshig go/ /brjod kyis mi lang ba gnyis pa'i sgras ni so so re re'i zhing gi gzugs dang yon tan dang sems can gyi don dang sprul pa la sogs pa rnams bstan to//don de nyid gsungs pa sangs rgyas kyi zhing mtha' yas pa'i ri rab rnams rdul phra rab re rer phye ba'i rdul snyed ces bya ba'i don to/ /byang chub kyi bdag nyid kyi sems dpa' ni byang chub sems dpa'o//sems can gyi tshogs chen po'i don bya ba la zhugs pa nyid yin pa'i phyir sems dpa' chen po ste de rnams dang thabs cig tu'o/ /de rnams kyi nang nas gang dag med na lha'i rnal 'byor dang dkyil 'khor rdzogs par mi 'gyur ba de rnams btus nas 'di lta ste zhes bya ba 'dis gsungs pa yin no//de rnams kyang byang chub sems dpa' zhes bya ba la sogs pas nye bar ston par byed de/ lha mnyes pa ni dam tshig gtso bor gyur pa yin pas dang por bstan to/ /dam tshig ni don yod par grub pa ste/ ji lta zhe na/ 'dod chags zhe sdang gti mug dang //yid bzhin nor bu dam tshig go/ /zhes bya ba la sogs pa bstan pa'i phyir de'i rang bzhin gyi sgrib pa thams cad rnam par sel ba'o/ /sku dang gsung dang thugs rdo rje rnams ni sa'i snying po dang 'jig rten dbang phyug dang phyag na rdo rje rnams so/ /ting nge 'dzin rnams ni sems rtse gcig pa ste/de bzhin gshegs pa thams cad rjes su mnyes par byed pa'i rnam pa can yin zhing / de'i rang bzhin gyi nam mkha'i snying po la sogs pa rnams so/ /nyon mongs pa thams cad las rgyal ba'i mtshan nyid ni mchog tu zag pa med pa'i bde ba chen po ste/ de'i rang bzhin gyi kun du bzang po'o//sa dang chu dang me dang rlung dang nam mkha' rdo rje rnams ni/ 'phags ma sangs rgyas spyan dang / mA ma kI dang / gos dkar mo dang / sgrol ma dang / kun du bzang mo rnams te/ le'u bcu bdun pa las/ sa ni sangs rgyas spyan du bshad/ /ces bya ba la sogs pas bstan pa'i phyir ro/ / gzugs dang sgra dang dri dang ro dang reg bya dang chos kyi dbyings kyi ngo bo nyid rdo rje rnams ni gzugs rdo rje ma la sogs pa lha mo drug go/ /de rnams thams cad kyi byang chub sems dang zhes bya ba/ byang chub ni shes rab kyi pha rol tu phyin pa ste/ sgrib pa thams cad rnam par sel ba la sogs pa kun du bzang po la thug pa'i byang chub sems dpa' gang rnams la/de lha mo'i gzugs su gyur pa dang gnyis su med par yang dag par sbyor ba'i rang bzhin yod pa de rnams la de skad ces bya'o/ /sangs rgyas spyan la sogs pa chos kyi dbyings rdo rje la thug pa rnams ni rig pa'i rang bzhin nyid kyis byang chub kyi bdag gi sems dpa' yin pas byang chub sems dpa' rnams so//bde ba chen po nyams su myong ba'i rang bzhin dang lhan cig kun du gnas pa'i phyir sems dpa' chen po rnams so/ /byang chub sems dpa'i tshogs 'ba' zhig gis yongs su bskor nas bzhugs pa ni ma yin gyi/de bzhin gshegs pa nam mkha'i dbyings te/ nam mkha'i gtos dang mnyam par brjod cing bstan pa rnams dang thabs cig tu ste/ nam mkha'i gtos kun du gang ba rnams dang zhes bya ba'i don to/ /'di lta ste zhes bya ba ni dper na zhes bya ba'i don to//de bzhin gshegs pa rnams kyi nang nas kyang gtso bo ni/ de bzhin gshegs pa rdo rje mi bskyod pa zhes bya ba la sogs pas gsungs te/ thog ma dang tha ma med pa'i chos kyi dbyings kyi ye shes kyi rang bzhin yin pas/ sra zhing brtan la khong stong med pa dang / gcad cing gzhig par bya ba ma yin pa'i mtshan nyid kyi byang chub kyi sems kyi rang bzhin gcig pu nyid yin pa'i phyir rdo rje'o//bdud bzhis bskyod par mi nus pa nyid yin pa'i phyir mi bskyod pa ste de ni rdo rje yang yin la mi bskyod pa yang yin pas rdo rje mi bskyod pa'o/ /rnam par thar pa'i sgo stong pa nyid kyi rgyu mthun pa me long lta bu'i ye shes kyis rnam pa sna tshogs par gsal zhing kun du snang bar byed pas na rnam par snang ba yin zhing /rnam par snang ba nyid ni rnam par snang mdzad de/ rang gi don can gyi mdzad pa'i rkyen ni 'gyur ba la 'gyur bar byed pa zhes bya ba bzhin no/ /rin chen ni zag pa med pa'i bde ba chen po dam pa ste/de 'phel zhing rgyas par byed pas rin chen yin zhing / mnyam pa nyid kyi ye shes kyi rang bzhin gyi rin chen 'byung ldan gang la de nyid 'gro ba'i bsam pa yongs su rdzogs par byed pa nyid kyis yid bzhin gyi nor bu'i gzugs kyi dbal du gyur pa'i phyag mtshan yod pa de la de skad ces bya'o//'od ni so sor rtog pa'i ye shes kyi rang bzhin sems can gyi don byed pa'i sprul pa'o/ /dpag pa ni yongs su chad pa ste dpag tu yod pa ma yin pas na dpag tu med pa'o/ /gdon za ba ni 'bras bu med pa ste/ gdon za ba ma yin pas na gdon mi za ba ni med pa ste/ gdon za ba ma yin pas na gdon mi za ba sems can rnams kyi 'dod pa grub pa'i 'bras bu sgrub par byed pa rnam par thar pa'i sgo rang bzhin gyis 'od gsal ba'i rgyu mthun par bya ba sgrub pa'i ye shes kyi rang bzhin gyi don yod par grub pa yin no/ /de lta bu la sogs pa ni rigs lngas bsdus par gyur pa gzhan rnams te/nam mkha'i dbyings thams cad kun du khyab pa rnams dang ngo / /'di lta ste zhes bya ba la sogs pas ni de rnams nyid til gyi gang bu'i dpe'i sgo nas ston par byed de/ ji ltar til gyi gang bu'i til rnams phan tshun reg cing / gzugs so so so sor ma 'dres pa'i rang bzhin du chos bstan pa'i tshe/de bzhin gshegs pa kun nam mkha'i khams thams cad na snang ngo zhes sdud pa pos bshad do/ /de nas zhes bya ba la sogs pas ni 'dod pa'i khams na gnas pa'i sems can rnams kyi don bya ba'i phyir/ tshong dpon gyi bu yid 'ong sngon du 'gro ba can gyi tshong dus kyi gtam rgyud kyi tshul bzhin du/dang po kho nar bcom ldan 'das rnam par snang mdzad chen po ste/ dpal rdo rje 'chang chen po 'dod chags chen po'i tshul zhes bya ba'i ting nge 'dzin la snyoms par zhugs so/ /'dod chags chen po zhes bya ba la sogs pa la/ yang dag par rdzogs pa'i byang chub la chags pas sems can gyi rgyud dga' bar byed pas na 'dod chags so//'dod pa na spyod pa'i sems can rnams kyis rdo rje 'chang chen po la sogs pa'i 'bras bu thob par byed pa nyid yin pa'i phyir chen po'o/ /de ni 'dod chags yin la chen po yang yin pas 'dod chags chen po ste/bde ba chen po'o/ /de'i tshul ni de thob pa'i thabs te ting nge 'dzin gang la ming de skad ces bya ba yod pa de la snyoms par zhugs shing mngon du mdzad par gyur to/ /de bzhin gshegs pa'i bkod pa de dag thams cad ces bya ba ni bshad ma thag pa ste/ nyid kyi sku la bcug par gyur to//gzhan du na 'dod chags spyod pa rnams mgu bar mi 'gyur bas/ de nas zhes bya ba la sogs pa gsungs te/ yongs su mnyes par bya ba'i phyir zhes bya ba brtan pa dang g.yo ba'i dngos po thams cad kyi rang bzhin 'dod chags spyod pa'i sems can gyi rgyud kyi bdag nyid can mnyes par bya ba'i don du/rnam par snang mdzad la sogs pa rnams kyis bdag nyid sangs rgyas spyan la sogs pa'i gzugs su mngon par sprul nas bcom ldan 'das kyi sku las byung bar gyur te/ de bzhin gshegs pa thams cad yongs su gyur pa nyid kyis rang gi 'khor du gzigs nas 'gro ba'i don du de yongs su mnyes par gyur to//de la la la zhes bya ba rnam par snang mdzad dang mi bskyod pa dang / 'od dpag tu med pa dang don yod grub pa rnams ni/ sangs rgyas spyan dang / mA ma kI dang / gos dkar mo dang / sgrol ma'i rnam par ro/ /yang 'od dpag tu med pa dang /rin chen 'byung ldan dang / don yod grub pa dang / mi bskyod pa dang / rnam par snang mdzad rnams te/ dri dang sgra dang / ro dang reg bya dang / gzugs rdo rje'i lha mo'i rnam par ro/ /ji ltar bcom ldan 'das des btsun mo'i b+ha gar byang chub sems dpa' rnams kyi don mdzad pa de bzhin du slob bzhin pa'i rnal 'byor pa rnams kyis kyang der 'dug ste/bdag dang gzhan gyi don bsgrub par bya ba yin pas de nas zhes bya ba la sogs pa gsungs te/ de nas zhes bya ba'i sgra ni rjes thogs su'o/ /yang zhes bya ba sgra ni tshig gi rgyan no/ /b+ha ga de rdo rje btsun mo'i b+ha gar dam tshig chen po ni rdo rje 'chang chen po ste/de'i dkyil 'khor ye shes kyi sa gzhi'i cha bcom ldan 'das mi bskyod pas de bzhin gshegs pa rnams rang gi rig ma dang gnyis su med par gyur pa'i ye shes kyi bdud rtsi'i rnam par gyur pa'i sgo nas sprul par mdzad do/ /rdul med pa ni skyon thams cad dang bral ba'o//mi mnyam pa nyid med pa'i phyir gru bzhi'o/ /gsal ba ni dri ma med pa ste/ gzhal yas khang gi phyi rol na gnas pa rnams kyis kyang shel la sogs pa'i nang na gnas pa'i gzugs mthong ba bzhin du sangs rgyas la sogs pa'i gzugs mthong ba'i phyir ro//de'i ngo bo nyid ces bya ba ni de bzhin gshegs pa thams cad kyi mchog tu dga' ba'i rang bzhin no/ /sna tshogs gzugs can ni kha dog dkar po la sogs pa dang ldan pa'o/ /sangs rgyas sprin gyis kun du khyab/ /ces bya ba ni de bzhin gshegs pa dang dkyil 'khor pa rnams kyis khyab pa'o//'od zer 'phro ba mang po 'khrug pa ni 'od zer sna tshogs 'phro ba'o/ /gsal ba la sogs dkyil 'khor ldan/ /zhes bya ba ni zla ba'i gdan la sogs pas brgyan pa'i lha thams cad kyi gnas so/ /'di ni de bzhin gshegs pa thams cad kyi yin pas de bzhin gshegs pa kun gyi'o//gnas ni gzhal yas khang ngo / /de nas zhes bya ba la sogs pa la/ de bzhin gshegs pa thams cad kyi sku dang gsung dang thugs rdo rje'i bdag po ni rdo rje 'chang chen po ste/ de bzhin gshegs pa thams cad kyi dkyil 'khor chen po bshad ma thag pa'i dbus su bdag nyid bzhugs par gyur to//de nas zhes bya ba la sogs pas ni dang po sbyor ba'i ting nge 'dzin bsgoms pa'i rjes thogs la rten gyi dkyil 'khor bskyed pa'i phyir/ de bzhin gshegs pa rnams shin tu phra ba'i dam tshig gi dkyil 'khor gyi rang bzhin du rten gyi dkyil 'khor gyi dbus na gnas pa'i de bzhin gshegs pa byang chub kyi sems rdo rje'i thugs la ste/shes rab ye shes kyi rang bzhin bde ba chen po'i gnas chos 'byung zhes bya ba la bzhugs par gyur te/ de skad du yang / thugs ni ye shes zhes byar brjod/ /ces gsungs so//de nas zhes bya ba la sogs pa'i byang chub kyi sems rdo rje zhes bya ba la/ byang chub ni shes rab ste/ de dang ldan pa'i sems rdo rje ni byang chub kyi sems rdo rje'o/ /yang na ba ni rdo rje'o/ /d+hi ni 'dzin pa'o/ /tsa ni 'dzag pa'o/ /ta ni mchog tu dga' ba ste/ de skad du yang / zla gsang thig le las/ ba ni rdo rje zhes byar bshad/ /yi ge d+hi ni 'dzin pa'i gnas/ /tsa ni 'dzag par rab tu brjod/ /ta ni bde ba chen po'o/ /zhes gsungs so/ /de nyid ni shes rab gtso bor gyur pa nyid yin pa'i phyir rdo rje ste/ nges 'byed shes rab rdo rje yin/ /zhes 'byung ba'i phyir ro//de bzhin gshegs pa thams cad ces bya ba la sogs pa la/ de bzhin gshegs pa thams cad ni dkyil 'khor pa rnams dang / til gyi gang bu dang mtshungs pa rnams so/ /de dag ting nge 'dzin gang gis de rnams zil gyis gnon pa ste/ mchog tu dga' ba'i rang bzhin gyi chos kyi sku la dmigs pa'i sgo nas snang ba med par byed pa de la de skad ces bya'o//de nyid rnam par dag pa'i blo yin pa'i phyir rdo rje ste/ sdom pa'i rgyud phyi ma las kyang / zla ba lta bur dag pa'i blo/ /rdo rje zhes ni mngon par brjod/ /ces gsungs so/ / ting nge 'dzin gang la ming de skad ces bya ba yod pa de la de skad ces bya'o/ /bcom ldan 'das zhes bya ba la sogs pa'i nam mkha'i dbyings 'di thams cad de bzhin gshegs pa thams cad kyi rdo rje'i ngo bor zhes bya ba la/ de bzhin gshegs pa thams cad kyi rdo rje ni don dam pa'i byang chub kyi sems yin zhing /de'i ngo bo ste rang bzhin du gyur cing gnas par gyur to zhes bya ba'i don to/ /de nas zhes bya ba la sogs pa la/ rdo rje sems dpa'i byin gyi rlabs kyis zhes bya ba ni bde ba chen po las byung ba'i rdo rje dpal dang reg pas so/ /de bzhin gshegs pa thams cad kyi bde ba ni mchog tu dga' ba'o//yid bde ba ni de las byung ba'i mtha' yas pa'i sprul pas sems can gyi don byed pa ste/ sems can gang dag gis de dag thob cing rnyed pa de rnams de skad ces bya'o/ /sems can thams cad kyis rdo rje 'chang la sogs pa'i go 'phang thob pa'i thabs ston par byed pa'i rnal 'byor gsum ston pa'i dam tshig 'byung ba rdo rje'i ting nge 'dzin la snyoms par zhugs pa ni/de nas zhes bya ba la sogs pas gsungs te/ de bzhin gshegs pa thams cad kyi sku dang gsung dang thugs rdo rje ni yi ge gsum ste/ sku rdo rje la sogs pa skyed par byed pa nyid yin pa'i phyir ro//dam tshig ni de bzhin gshegs pa thams cad kyis 'da' bar bya ba ma yin pa'i rdo rje 'chang chen po ste/ ting nge 'dzin gang la de 'byung zhing skye ba rdo rje ltar mi shigs pa yod pa de la de skad ces bya'o/ /de ni rig pa yang yin la chen po yang yin pas rig pa chen po ni sngags kyi yi ge rnams kho na yin te/sngags ni rig pa zhes su bsgrags/ /zhes 'byung ba'i phyir ro/ /de rnams kyis bskyed pa'i mgo dang lag pa la sogs pa dang ldan pa'i skyes bu'i rnam pa'i lha'i sku ni rig pa chen po'i skyes bu'i gzugs so/ /yang na rig pa dang 'khyud pa nyid yin pa'i phyir te/bco brgyad pa las/ skyes bu rig pa dang ldan pa/ /de ni rig pa'i skyes bur brjod/ /ces gang gsungs pa'o/ /de bzhin gshegs pa zhes bya ba la sogs pa la/ /de bzhin gshegs pa thams cad kyi sngags ni yi ge hUM la sogs pa rnams te/ de rnams kyis byin gyis brlab pa ni rnal 'byor rdzogs pa'i rjes su rnal 'byor dang rnal 'byor chen po'i rang bzhin yin zhing de dag gis byin gyis brlabs par gyur to//byin gyis brlabs pas ji lta bu'i rnam par gyur ce na/ zhal gsum pa lta bur 'jig rten gyi khams thams cad na bzhugs pa rnams kyis gzigs par gyur to zhes gsungs so//des ni 'di skad du bstan pa yin te/ dgon pa chen po la sogs pa'i gnas mngon par 'dus byas par bdud rtsi lngas byugs pa'i dkyil 'khor gru bzhi'i steng du stan 'jam po la nye bar 'dug ste/ sems can ma lus sdud par byed pa'i snying rje chen po'i sems bskyed nas/skad cig gis chos 'byung gi nang na gnas pa'i gzhal yas khang gi nang du lha thams cad kyi 'khor lo'i dbus na gnas pa'i rdo rje 'chang chen po'i nga rgyal dang ldan pas 'chad par 'gyur ba'i mi bskyod pa dbyung ba dang / gzhug pa'i sgo nas zhe sdang rdo rjer gyur par bya'o//de nas mA ma kI'i pad+ma la gnas pa'i zla ba yi ge hUM gyur pa las yi ge gsum gyis byin gyis brlabs pa'i gnod mdzes rgyal po bskyed de phyung nas/ mdun na gnas pa'i nyi ma'i dkyil 'khor la 'jig pa'i dus kyi sprin ltar drag cing sngo la bskal pa'i me ltar 'bar ba/ pus mo bskum pa'i rkang pa g.yas pas u ma'i nu ma rgyas pa mnan cing / g.yon pa brkyang bas mtho lngas bar chod par drag po'i rna ba g.yon pa'i steng du mnan te gnas pa/ zhal dbus ma sngo zhing khro gnyer dang bcas la spyan dmar zhing mche ba gtsigs pa/ zhal g.yas dang g.yon ni dkar zhing zhi ba dang dmar zhing sgeg pa/rgyan sna tshogs kyis brgyan pa/ ral pa'i cod pan la gnas pa'i mi bskyod pa'i dbang bskur ba dang ldan pa/ rtsa ba'i phyag dag gis rdo rje hUM mdzad kyi phyag rgyas rig ma la 'khyud cing rdo rje dang dril bu bsnams pa/ g.yas pa dag gis lcags kyu dang ral gri/g.yon pa dag gis dgra sta dang zhags pa bsnams pa rnam par bsams nas/ de la bka' bsgo bar bya ste/ oM suM b+ha ni suM b+ha hUM/ gr-ih+Na gr-ih+Na hUM/ g-ih+NA pa ya gr-ih+NA pa ya hUM/ oM A na ya ho b+ha ga wAn bid+yA rA dza hUM phaT/ de nas bcom ldan 'das gnod mdzes rgyal pos zhags pa dang lcags kyu rnams phyogs bcu ru skyur nas/de rnams kyi rang rang gi phyogs na gnas pa'i log 'dren rnams ske nas bcings shing snying ga ru btab ste bkug nas gnas rnams su mngon du phyogs par 'god par byed par bsam par bya'o/ / khyab 'jug la sogs pa rnams kyi kha dog la sogs pa brjod par bya ste/ mkha' lding sa srung dag la zhon/ /sprin dang 'dzam bu'i gser mdog can/ /'khor lo rdo rje 'dzin pa'i lha/ /khyab 'jug brgya byin zhes bya dag /dbang po yi ni phyogs su'o/ /dmar po me thab phreng ba thogs/ /ra skyes la zhon drang srong bcas//me lha me yi phyogs su'o/ /gshin rje nag po dbyug pa thogs/ /ma he la zhon 'khor dang bcas/ /gshin rje yi ni phyogs su'o/ /bden bral sprin ltar snang ba ni/ /yi dags la zhon ral gri thogs/ /bden bral gyi ni phyogs su'o/ /lag 'gro la zhon zhags pa thogs//chu lha zla ba lta bu ni/ /'khor bcas chu yi phyogs su'o/ /ri dgas la zhon pa bla'i mdog /rgyal mtshan 'dzin pa'i rlung lha ni/ /'khor bcas rlung gi phyogs su'o/ /rtsangs pa dang ni mi la zhon/ /la thu dpal 'bras dag thogs shing / /zla ba dang ni gser lta bu'i//bgegs dag lus ngan po dag ni/ /ma lus bgegs dang sprin sogs kyi/ /'khor gyi tshogs dang yang dag ldan/ /lus ngan po yi phyogs su'o/ /glang la zhon zhing rtse gsum thogs/ /'khor bcas zla ba ltar snang ba/ /dbang phyug chen po dbang ldan du'o/ /kha dog ser po dang / dmar po dang / dkar po dang ldan pa/ lag na me thab dang phreng ba/ pad+ma dang ku mu da thogs pa/ ngang pa dang / rta'i shing rta dang / me tog ku mu da la gnas pa'i tshangs pa dang / nyi ma dang zla ba rnams 'khor dang bcas pa rnams ni steng du'o/ /shing rta la zhon ral gri thogs/ /ljang gu drag po lha min dbang //bu dang chung ma 'khor bcas pa'i/ thags bzangs ris ni sa 'og tu/ /sa yi lha mo kha dog ser/ /bum pa ser po lag na thogs/ /lus kyi phyed ni nges phyung ba/ /ma lus klu bcas dgod par bya/ /de nas bcom ldan 'das zhe sdang rdo rje nyid kyis mA ma kI'i chos 'byung na gnas pa'i byang chub kyi sems kyi zla ba la yi ge hUM bcu bsams te/de rnams grub pa'i khro bo bdud rtsi 'khyil ba/ /lte ba man chad phur bu'i rnam pa can/ stod 'chad par 'gyur ba'i zhal dang phyag la sogs pa dang ldan pa/ yi ge gsum byin gyis brlabs pa bcu phyung nas/ gnod mdzes la bka' bsgos te/de rnams lag pa g.yon pas bzung nas/ shar la sogs pa'i phyogs na gnas pa'i/ khyab 'jug la sogs pa'i bgegs kyi tshogs rnams kyi mgo'i steng du lag pa g.yas pa'i rdo rje tho ba dang / 'dis phur bu gdab par bya'o/ /oM g+ha g+ha/ g+hA ta ya g+hA ta ya/ biSh+NA dIn phaT phaT/ kI la ya kI la ya/ biSh+NA dIn phaT/ hUM hUM hUM badzra kI la ya badzra d+ha ro Adz+nyA pa ya ti/ biSh+NA dIn big+h+nAM kA ya wAka tsit+ta badzraM kI la ya hUM phaT/ yang na rim pa dgug pa dang phur bus gdab par bya'o/ /khro bo rnams kyi 'od kyis reg pa dang / de bzhin du bdag nyid kyi 'od zer 'bar bas sha za ba la sogs pa rnams thal bar gyur par kun du bsam par bya'o//yi ge raM las nges 'byung ba'i/ /me yi 'khor los phyogs rnams ni/ /kun nas bcing bar mkhas pa yis/ /mdor na yang dag brtag par bya/ /laM gyi sa bon las byung ba'i/ /dbang chen gyi ni dkyil 'khor gyi//phyogs rnams mtha' yi mtshams su ni/ /kun nas yongs su bcing bar bya/ /bskal pa yi ni me ltar snang / /rdo rje dag las byas pa yi/ /ra ba phur bu'i nang gnas pa/ /hUM byung kun nas bsam par bya/ /zhes 'byung ba'i phyir/ mtshams bcing ba las nang ra ba las phyi rol du bgegs rnams phur bus gdab par bya'o//de nas/ rab tu 'bar ba'i me ltar snang / /'od zer 'bar ba'i phreng bas khyab/ /rdo rje dra ba rgya chen po/ /ra ba'i nang du bsam par bya/ /bsrung ba'i 'khor lo bshad pa 'di/ /mchog gyur rgyud kyi don dang mthun/ /bsam gtan las byung 'di yis ni//gnas ni kun nas bsrungs 'gyur na/ /nam yang sangs rgyas rnams kyis kyang / /gzhig par nus pa ma yin nyid/ /gal te de lta na yang bgegs gzhom par ma nus na/ de'i tshe don dam pa'i byang chub kyi sems bsgom par bya'o/ /de lta bur gyur pa'i sems gang yin pa la/bgegs rnams 'byung bar 'gyur ba gang yin pa de ni gnas med cing skabs med de/ bgegs la sogs pa rnams ni tha mal pa'i rnam par rtog pa las byung ba nyid yin pa'i phyir ro/ /de ltar bsrung ba'i cho ga yongs su rdzogs nas 'bras bu grub par bya ba'i phyir de bzhin du rten gyi bdag po rdo rje 'chang chen po gcig pu'i lhag par mos pa dang ldan pa der rang gi snying gar yi ge hrIHlas pad+ma 'dab ma brgyad pa/de'i steng du yi ge a las zla ba'i dkyil 'khor/ de'i steng du yi ge hUM las rdo rje rtse lnga pa 'bar ba dbus na yi ge hUM gis mtshan pa bsams te/de las byung ba'i 'od zer gyi tshogs kyis lus la sogs pa rnams mi snang bar byas la/ dngos po med pa sgom pa med/ /bsgom par bya ba sgom pa min/ /de ltar dngos po dngos med pas/ /sgom pa dmigs su med pa'o/ /zhes bya ba 'dis chos thams cad bdag med par bsgoms te/oM shU n+ya tA dz+nyA na badzra swa b+hA ba At+ma kou0f85haM zhes bya ba'i sngags kyis byin gyis brlab par bya'o/ /de nas yi ge hUM yid kyis brjod cing zla ba'i dkyil 'khor gyi dbus na gnas pa kun du bzang po dang yang dag par ldan pa'i rdo rje 'chang chen por bdag nyid rnam p ar bsgoms te/rang gi ba spu'i bu ga'i gseb nas byung ba'i 'od zer gyi tshogs rnams kyis nam mkha'i dbyings khyab pa'i de bzhin gshegs pa la sogs pa rnams yang dag par bkug nas/ rang gi lus dang sangs rgyas spyan la sogs pa rig ma'i lus la bcug ste/ las la gnas pas zag pa med pa'i bde ba mchog gi gnas skabs thob pa las/gnyi ga yang zhu bar gyur te/ zla ba'i dkyil 'khor gyi rnam par gyur par blta bar bya zhing / zla ba de la yi ge a la sogs pa k+Sha la thug pa mgo steng du bstan zhing / steng na thig les mtshan pa bsams la/ yi ge a la sogs pa rnams ni sangs rgyas spyan la sogs pa'i lha mo'i rnam pa dang / yi ge ka la sogs pa rnams ni de bzhin gshegs pa la sogs pa dkyil 'khor pa'i lha rnams kyi gzugs su nges par bsams te/ de rnams kyi thugs kar pad+ma dang zla ba la gnas pa'i rang gi sa bon gyis bskyed pa/rang gi rigs kyi phyag mtshan dbus na sa bon de rnams kyis mtshan pa bsams la/ hUM gi sa bon las byung ba'i 'od zer sngon po lcags kyu'i rnam par spros nas/ mngon par dga' ba'i nam mkha'i dbyings na bzhugs pa'i ye shes sems dpa'i rdo rje'i lam nas zhugs te/thugs yang dag par bskul la zhal nas byung ba nas/ rig ma'i 'khor lo la zhugs shing thugs bskul te pad+ma nas byung ba'i rim pas mi bskyod pa la sogs pa rdo rje'i rigs thams cad kyi ye shes kyi lha'i 'khor lo bkug nas/ de'i rigs kyi dam tshig sems dpa' rnams kyi thugs kar bzhugs par bya'o//de bzhin du thugs ka na gnas pa'i phyag mtshan gyi steng gi sa bon las byung ba rang dang rjes su mthun pa'i kha dog dang ldan pa'i rim gyis 'og min gyi gnas dang / rin chen 'byung gnas dang / bde ba can dang / me tog dang ldan/'jig rten gyi khams rnams na bzhugs pa'i de bzhin gshegs pa dang / rin po che dang pad+ma dang las kyi rigs kyi ye shes kyi 'khor lo de dang de'i rigs rnams kyi thugs kar gzhug cing ka kan 'di'i 'jig rten gyi khams na gnas pa'i lha mo'i 'khor lo de bzhin du gzhug par bya'o//de nas phan tshun 'dus pa'i rol pa'i bde ba nyams su myong ba'i dbang gis zhu bar gyur nas chos 'byung gi rnam par gyur par blta bar bya'o/ /de nas de ru mA ma kI dang ldan pa'i mi bskyod pa'i rnal 'byor dang ldan pa ye shes sems dpa' thugs kar bcug nas rol pa la thug pas ye shes kyi phreng bas khyab pa'i rgya mtsho chen po'i gzugs su gyur par bya'o//de bzhin du sangs rgyas spyan dang ldan pa'i rnam par snang mdzad la ye shes sems dpa' gzhug pa dang rol pa dang zhu bar gyur pa thim pa'i sgo nas chu'i khams sra ba'i rnam par byin gyis brlab bo/ /de bzhin du rin po che'i dam tshig dang ldan pa'i rin chen 'byung ldan thim pas rgya che bar gyur pa'o//gos dkar mo dang ldan pa'i 'od dpag tu med pa zhugs pas ye shes kyi 'bar ba'i phreng bas khyab par byin gyis brlab po/ /sgrol ma dang ldan pa'i don yod par grub pa zhugs pas bsdus te gru bzhi pa'i rnam pa'i ye shes kyi sa gzhir byin gyis brlab par bya'o//de nas sa'i cha der gser gyi ri bo lta bu'i yi ge b+h+rUM bkod de/ de las byung ba'i 'od zer gyi tshogs kyis nam mkha'i dbyings khyab pa'i de bzhin gshegs pa rnams bkug la bcug ste/ 'khor lo rtsibs brgyad pa'i gzugs su bsams la/de gyur pa'i rdo rje dbyings kyi dbang phyug ma dang ldan pa'i rnam par snang mdzad kyi sku las byung ba rin po che sna bzhi'i rang bzhin can gyi mchod rten gyi dbyibs can 'od zer gyi phreng bas rnam par brgyan cing dpag tshad bye ba'i khyon dang ldan pa'i gnas bsgom par bya'o//de'i 'og gzhir yi ge ha las byung ba'i sna tshogs rdo rje sa 'og la thug par kun du khyab par gnas par blta bar bya'o/ /de'i steng na gnas pa/ zur bzhi pa la gru bzhi pa/ /rta babs bzhi dang yang dag ldan/ /dril bu ba dan gos sogs kyis/ /sgo dang sgo khyud rnam par brgyan//mtshams kyi cha ni thams cad du/ /rdo rje rin chen rnams kyis mdzes/ /dra ba dra ba phyed pas spras/ /zla ba nyi ma sogs pas brgyan/ /bla re bres shing sna tshogs pa'i/ /gos dang phreng bas rnam par brgyan/ /thig bzhi dag gis yongs su bskor/ /ka ba brgyad kyis kun nas bteg /de yi dbus su 'khor lo ni/ /kun nas yongs su zlum por dgod/ /lha rnams kun gyi gnas su ni/ /yi ge hrI las byung ba yi/ /sna tshogs pad+ma lte ba dang / /ge sar ldan pa bsam par bya/ /dbus su zla ba rnam par bsgom/ /rnam snang rigs la de bzhin no//rin po che ni cha brgyad pa/ /bsam bya rin chen rigs kyi'o/ /de bzhin pad+ma rigs kyi ni/ /pad+ma'i steng du pad+ma dmar/ /las kyi rigs kyi rnal 'byor pa/ /gru gsum me dang yang dag mtshungs/ /sna tshogs 'od zer 'od 'bar ba'i/ /gdan ni mtsho skyes steng du bsam//phyag na rdo rje mA ma kI/ /khyad par du ni khro rnams kyi/ /rang gi pad+ma nyi dkyil 'khor/ /bdag nyid chen po rnams kyis bsam/ /de ltar gnas dang gdan rnams bskyed nas lha rnams bskyed pa'i phyir/ dbus kyi gdan la sems dpa'i skyil mo krung gis nye bar 'dug ste/snga ma bzhin du rdo rje 'chang chen por lhag par mos pa dang ldan pa/ oM shU n+ya tA zhes bya ba la sogs pa'i sngags kyis byin gyis brlabs pa'i cho ga'i rjes la/ srid pa'i rtse mo'i bar du so sor brtags te/ shes rab dang snying rje'i bdag nyid can/ g.yas dang g.yon dkar zhing dmar la pad+ma'i sdong bu'i skud pa dang mtshungs pa'i skye ba med pa'i ri mo kha gyen du bltas pa zhu ba'i gzugs can bsdus nas thig le'i zla ba'i dkyil 'khor gyi rnam par gyur par bsgom par bya'o//de nas zla ba de la snga ma bzhin du A li kA li'i rnam par bkod la dbyangs dang yi ge rnams lha'i rnam par gyur cing ye shes kyi lha'i 'khor lo bcug la rol pa la thug pas zhu bar gyur te/zhu ba'i gzugs can gyi zla ba gsal ba la steng dang bar dang 'og tu rim bzhin du zla ba dang pad+ma dang nyi ma la gnas pa dkar po dang / dmar po dang sngon po'i oM AHhUM zhes bya ba'i yi ge gsum gyi bdag nyid kyi byang chub kyi sems bsgom par bya'o//de nas rang gi yi ge gsum las byung ba'i 'od zer gyi tshogs rnams kyis 'gro ba drug gi sems can rnams dang / sangs rgyas dang rdo rje 'chang la sogs pa rnams la yang dag par reg nas/ nyi ma dang zla ba dang pad+ma la gnas pa'i yi ge gsum du byas te/ye shes kyi 'od zer gyi lcags kyu de rnams nyid kyis bkug nas bdag nyid kyi yi ge gsum du gzhug par bya'o/ /de nas sems can ma lus pa sdud par byed pa'i snying rje chen po'i bdag nyid kyi byang chub kyi sems de/ oM d+harma d+hA tu swa b+hA ba At+ma kou0f85haM/ zhes bya ba'i sngags kyis byin gyis brlab pa'i sgo nas snying rje dang shes rab kyi bdag nyid kyi dmar po dang dkar por snang ba'i zla ba'i dkyil 'khor gyi rnam par gyur par blta bar bya'o/ /de nas de la yi ge hUM mgo gyen du bltas pa bsams la/ de las byung ba'i 'od zer gyi tshogs rnams kyis nam mkha'i dbyings thams cad khyab pa'i de bzhin gshegs pa la sogs pa rnams bkug nas bcug ste/thams cad gyur nas/ dang po'i rdo rje dkar dmar du gyur te/ badzra At+ma kou0f85haM/ zhes bya ba'i nga rgyal dang ldan pas rdo rje las byung ba'i rdo rje 'chang chen por b dag nyid bsgom par bya zhing /bdag ni rdo rje 'chang chen po yin no zhes bya ba'i nga rgyal yang bya'o zhes bya ba ni rnal 'byor ro/ /de nas snying gar yi ge hrI dang a las byung ba'i pad+ma dang zla ba dag bsams te/ der snga ma bzhin du ye shes sems dpa' bcug la de dang lhan cig tha mi dad pa'i nga rgyal bya'o zhes bya ba ni rjes su rnal 'byor ro//de nas oM swA AHhA hUM zhes bya ba 'di rnams kyis/ gzugs dang / tshor ba dang / 'du shes dang / 'du byed dang / rnam par shes pa'i phung po rnams/ rnam par snang mdzad dang / rin chen 'byung ldan dang / 'od dpag tu med pa dang / don yod grub pa dang /mi bskyod pa'i rang bzhin du bsams la/ mo ha ra ti/ dwe Sha ra ti/ rA ga ra ti/ badzra ra ti hUM zhes bya ba de rnams kyis/ phyi dang nang gi bdag nyid can gyi/ sa dang / chu dang / me dang / rlung dang / nam mkha' rnams/ sangs rgyas spyan dang / mA ma kI dang / gos dkar mo dang / sgrol ma dang / kun du bzang mo'i rang bzhin du'o/ /th+liM oM oM oM haM oM zhes bya ba de rnams kyis/ mig dang / rna ba dang / sna dang / lce dang / lus dang / yid rnams/ sa'i snying po dang / phyag na rdo rje dang / nam mkha'i snying po dang / 'jig rten dbang phyug dang / sgrib pa thams cad rnam par sel ba dang / kun du bzang po'i rang bzhin du'o//ya mAn+ta kr-ita/ pradz+nyAn+ta kr-ita/ pad+mAn+ta kr-ita/ big+h+nAM ta kr-ita/ ces bya ba de rnams kyis/ dpung pa g.yas pa dang g.yon pa dang kha dang gsang ba'i rdo rje rnams/ 'phags pa gshin rje'i gshed dang / gzhan gyis mi thub pa dang / rta mgrin dang / bdud rtsi 'khyil pa'i rang bzhin du bsam par bya ste/'di lta bu ni tha mal pa'i phung po la sogs pa rnams kyi gnyen po yin no/ /de nas brtan pa dang g.yo ba'i dngos po thams cad dang / sangs rgyas la sogs pa'i rang bzhin dang ldan pa mun pa la sgron ma bzhin du rnam par rtog pa'i mun pa ma lus pa rab tu bcom zhing nyi ma'i 'od zer lta bu'i ye shes kyi snang ba'i bdag nyid kyis kun du gsal bar gyur par bdag nyid bltas la/sku la sogs pa byin gyis brlab par bya ste/ bar snang la rang gis sprul pa'i sku rdo rje'i tshogs nam mkha'i dbyings khyab pa'i dbus na bzhugs pa'i rtag pa bsams la/ rang gi spyi bor zla ba'i gzugs la gnas pa'i yi ge oM dkar po bltas la/de las byung ba'i 'od zer gyis bskyed pa'i sangs rgyas spyan/ rang gis sprul pa'i sangs rgyas spyan gyi tshogs nam mkha'i dbyings khyab pa'i dbus na bzhugs pa spros te/ des bdag po dang sprul pa rnams kyis sprul pa rnams mnyes par byas nas/lag ngar gyi zhags pa rnams kyis bkug ste mdun na gnas pa'i pad+ma dang zla ba la bzhugs pa la/ tshigs su bcad pas gsol ba gdab par bya ste/ dpal ldan sangs rgyas sku 'chang ba/ /rdo rje mi phyed gsum bsgoms pa'i/ /rdo rje sku yis deng bdag ni/ / byin gyis brlab par mdzad du gsol/ /thog ma dang tha ma med pa de la brten nas grub pa gzhan rnams la yang gsol ba gdab par bya ste/ phyogs bcur bzhugs pa'i sangs rgyas rnams/ /rdo rje mi phyed gsum bsgoms pa'i/ /rdo rje sku yis deng bdag ni/ /byin gyis brlab par mdzad du gsol//sangs rgyas spyan dang bcas pa thams cad chu'i rlabs bzhin du rang gi lus la zhugs nas mtshan dang dpe byad thams cad kyis rnam par spras par bdag nyid bltas la nga rgyal bya ste/ sangs rgyas kun gyi sku gang yin/ /phung po lnga yis rab gang ba/ /sangs rgyas sku yi ngo bo yis/ / bdag kyang de dang 'dra bar shog /de nas/ oM sarba ta thA ga ta kA ya badzra swa b+hA ba At+ma kou0f85haM/ zhes bya ba'i sngags kyis brlab par bya'o/ /de nas de kho na bzhin du rang gi tshogs kyi dbus na bzhugs pa'i 'od dpag tu med pa/ lkog ma'i chu skyes la gnas pa'i yi ge AHdmar po las gos dkar mo spros te mnyes par byas la bkug ste mdun gyi mtsho skyes kyi steng gi pad+ma la bzhugs pa la gsol ba gdab par bya ste/chos kyi gsung lam dpal dang ldan/ /rdo rje mi phyed gsum bsgoms pa'i/ /rdo rje gsung gis deng bdag ni/ /byin gyis brlab par mdzad du gsol/ /de nas/ phyogs bcur bzhugs pa'i sangs rgyas rnams//rdo rje mi phyed gsum bsgoms pa'i/ /rdo rje gsung gis deng bdag ni/ /byin gyis brlab par mdzad du gsol/ /de nas de rnams bcug pas dung g.yas su 'khyil pa rgya chen po la gnas shing rang gi bzhin gyi dkyil 'khor khebs pa/chos thams cad kyi gnas kyi rang bzhin du gyur cing gsung dbyangs thams cad rnam par dag pa'i mtshan nyid dang ldan pa'i lce rnam par bsgoms nas nga rgyal bya ste/ rdo rje chos kyi gsung gang yin/ /nges pa'i tshig ni phun sum tshogs/ /bdag gi tshig kyang de 'dra zhing / /chos 'dzin pa dang 'dra bar shog /oM sarba ta thA ga ta wAka badzra swa b+hA ba At+ma kou0f85haM/ de kho na bzhin du thugs ka'i nyi ma la gnas pa'i yi ge hUM mthing shun lta bu las mA ma kI spro ba sngon du 'gro ba can gyi mdun pad+ma la gnas pa la gsol ba gdab par bya ste/ dpal ldan rdo rje thugs 'chang ba/ /rdo rje mi phyed gsum bsgoms pa'i//rdo rje thugs kyis deng bdag ni/ /byin gyis brlab par mdzad du gsol/ /phyogs bcur bzhugs pa'i sangs rgyas rnams/ /rdo rje mi phyed gsum bsgoms pa'i/ /rdo rje thugs kyis deng bdag ni/ /byin gyis brlab par mdzad du gsol/ /de rnams bcug par gyur pa nyid kyis yi ge hUM las byung ba'i pad+ma dang zla ba chos thams cad 'byung ba'i phyag rgya 'od zer gyi phreng ba 'phro ba bltas la nga rgyal byas te/sems dpa' rgyal ba sras rnams kyi/ /sku gsung thugs kyi mtshan nyid thugs/ /mkha' dang mtshungs pa gang yin pa/ bdag kyang de dang 'dra bar shog /gsang ba'i dbang po blo ldan pa/ /kun du bzang po'i thugs gang yin/ /bdag gi sems kyang de 'dra zhing / /rdo rje 'chang dang mtshungs par shog /oM sarba ta thA ga ta tsit+ta badzra swa b+hA ba At+ma kou0f85haM/ de ltar byin gyis brlabs nas bdag /zla ba'i dkyil 'khor dbus su ni/ / sems dpa'i skyil mo krung gnas shing / /zla ba'i mdog tu rnam par bsgom/ /rnam pa mchog rnams kun ldan zhing / /rgyan rnams kun gyis rnam par brgyan/ /shes rab ye shes dbang bskur ldan/ /ral pa'i cod pan dag gis brgyan/ /dpa' bo zhal gsum phyag drug ste/ /zhi zhing sgeg pa'i gzugs dang ldan//g.yas pa drag cing sngo ba ste/ /g.yon dmar zhal ni dkar ba'o/ /sna tshogs 'od zer tshogs rnams kyis/ /nam mkha' dbyings ni ma lus khyab/ /rdo rje ye shes lnga rang bzhin/ /'od zer lnga yis rnam par brgyan/ /sangs rgyas sprin ni spro byed pa/ / de yi phyag tu rnam par bsam/ /gnyis pa na ni 'khor lo che/ /rtsibs brgyad zla ba dang mtshungs shing / /bdud dang bgegs kun gcod byed pa/ /thogs pa rnam par bsam par bya/ /'od kyi sprin gyis kun khyab cing / /gsang dang 'o ma ltar dkar ba/ /'dod chags thams cad dag byed pa'i//pad+ma chen po gsum par ro/ /g.yon na dril bu rab dmar zhing / /zla ba lta bu'i 'od dang ldan/ /chos rnams sgra brnyan lta bur ni/ /sgra yis rtogs par byed pa rnams/ /rdo rje 'bar bas rnam brgyan cing / /nyi ma 'char ka dang mtshungs pa/ /bsam pa thams cad rdzogs byed pa'i//rin po che ni gnyis pa na/ /ut+pal sngon po'i 'dab 'dra zhing / /phyogs bcu'i sems can thams cad kyi/ /nyon mongs mi shes gcod byed pa/ /ral gri chen por gsum par ro/ /'bar zhing 'bar ba'i rnam pa yis/ /'od kyi dkyil 'khor gyis spras pa/ /zla ba nyi ma dri med pa//stong pas lhag par mkhas pas bsam/ /zhes bya ba ni rnal 'byor chen po'o/ /de nas ye shes sems dpa'i thugs ka'i pad+ma dang zla ba la gnas pa'i rdo rje'i lte bar yi ge hUM bkod de/ /dam tshig dang sdom pa la gnas pas bsnyen pa la sogs pa'i cho ga sngon du 'gro ba can gyis sgrub pa chen po brtsam par bya ste/gzugs dang lang tsho dag gis brgyan/ /ut+pal sngon po'i 'dab 'dra ba/ /sme sha can ni bdag nyid che/ /rgyan rnams thams cad yang dag rdzogs/ /dri dang me tog rnams kyis brgyan/ /na tshod lo ni bcu gnyis ldan/ /bu mo mig yangs rnyed nas ni/ /blangs te bsgrub pa brtsam par bya//de ni mdun du gzhag bya ste/ /khro bo hUM las byung ba yi/ /rdo rje 'bar ldan nyi ma'i gzugs/ /de dbus 'od zer 'bar ba'i hUM/ /dang por de yi snying gar bsam/ /de las byung ba'i 'od zer gyis/ /de ni thal bar byas blta zhing / /rnam shes mar me lta bu yin/ /ye shes sems dpa'i thugs ka yi//hUM las 'od zer sngon po'i tshogs/ /sna khung g.yas nas spros nas ni/ /de yis mar me de bcing ste/ /de bzhin sna khung g.yon nas ni/ /de nyid kyis ni gzhug par bya/ /ye shes sems dpa'i lam nas ni/ /rdo rje'i lam nas nges byung ste//rig ma'i pad+mar gzhag byas nas/ /nur nur po la sogs pa dang / /yan lag sor mo lnga rim gyis/ /rig ma yi ni gzugs su 'grub/ /rig ma'i chu skyes nas byung ste/ /rang gi rdo rje'i lam nas byung / /g.yas pa yi ni gsum pa yis/ /ut+pal sngon po 'dzin byed cing / /me tog bzang po sna tshogs kyis//spyi bo la ni rnam par brgyan/ /lhag ma thams cad bdag po dang / /mtshungs par bsams nas rigs lnga dgod/ /mgo dang snying ga dang lte ba dang gsang ba dang rkang pa'i steng du pad+ma la gnas pa'i zla ba dang nyi ma dang rin po che dang / pad+ma dang 'od kyi dkyil 'khor la/oM hUM swA AHhA/ zhes bya ba de rnams las byung ba'i rnam par snang mdzad la sogs pa rang rang gi rig ma dang gnyis su med par gyur pa/ sangs rgyas spyan la sogs pa lha mo bzhis yongs su bskor ba rnams bsam par bya'o/ /de ltar rigs lngas khyab par byas nas rjes su rnal 'byor gyi sgo nas de'i snying gar ye shes kyi rig ma bsams te/de'i sra ba nyid ni sangs rgyas spyan gyi rang bzhin gyi nu ma gnyis dang / chu'i khams ni mA ma kI'i rang bzhin gyi mchu dang / me'i khams ni gos dkar mo'i rnam pa pad+ma dang / rlung gi khams ni sgrol ma'i rnam pa g.yo ba'i bya ba dang /nam mkha' ni kun du bzang mo'i rang bzhin gyi mtsho skyes kyi khang stong dang / de'i gzugs ni gzugs rdo rje ma dang / tshig dang sid kyi sgra la sogs pa ni sgra rdo rje ma dang / dri tshor bas tshim pa ni dri rdo rje ma dang / de'i mchu ni ro myang ba dang / bde ba'i ro myang ba ni ro rdo rje ma dang /lus kyi reg bya dang / dbang po'i reg bya bde ba ni reg bya rdo rje ma dang / mchog tu dga' ba ni chos kyi dbyings rdo rje ma'i rang bzhin dang / dpung pa g.yon pa ni ro langs ma dang / g.yas pa ni gzhan gyis mi thub ma dang / kha ni khro gnyer can dang / pad+ma ni ral pa gcig pa'i rang bzhin du blta bar bya'o zhes bya ba ni man ngag yin no//de nas yi ge hUM las byung zhing rig ma'i tshogs mtha' yas pa rjes su chags par byed pa'i snying rje chen po dang / 'dod chags rnam par dag pa'i sgo nas dkar dmar du snang zhing dang po'i rdo rje'i rang bzhin can/ 'od zer sna tshogs kyi phreng ba can/oM gyis byin gyis brlabs pa'i rin po che 'bar ba'i nor bu dang ldan pa'i rang gi gsang ba'i rdo rje bsams la/ yi ge a las rig ma'i pad+ma bsam/ /rnam par shes pa brgyad rnam par dag pas 'dab ma dkar dmar brgyad dang ldan zhing / sprul pa mtha' yas pas 'gro ba rnams kyi don byed pa'i phyir ge sar dang bcas pa/bsam pa thams cad yongs su rdzogs par byed pa'i sgo nas sems can gyi rgyud yongs su rdzogs par byed pa'i phyir lte ba ser po dang ldan zhing 'od zer rnam pa tha dad pas 'bar ba/ de bzhin gshegs pa la sogs pa lha ma lus pa mnyes par byed par bsams te/de yang zla ba la sogs pa kha dog gi 'od zer gyis gsal ba'i sgo nas yid 'phrog par byed par bsgom par bya'o/ /de nas rdo rje las byung ba'i 'od zer gyi tshogs pad+ma'i lam nas zhugs te/ lha mo'i 'khor lo rjes su mnyes par byas nas/ 'od zer gyi tshogs rig ma'i kha nas phyung ste/ bdag nyid kyi kha nas zhugs nas rdo rje'i lam nas byung ste/ der gnas par blta bar bya'o/ /de bzhin du pad+ma las byung ba'i 'od zer gyi tshogs rdo rje'i lam nas zhugs te/ lha'i 'khor lo mnyes par byas nas/ rang gi kha nas byung ste rig ma'i khar zhugs nas pad+ma nas byung ste/de nyid du gnas par bsam par bya'o/ /de nas de bstod pa'i tshig dang ldan pa'i klu rnams kyi sgo nas sgyu ma'i dga' ba don du gnyer ba byed par dmigs la/ rin chen dpal gyi nga rgyal dang ldan zhing dga' ba la shin tu brtson pas rang gi dam tshig la mngon par bltas nas/'dod chags ma yin chags bral min/ /bar ma yang ni mi dmigs la/ /bud med sgyu ma'i phyag rgya 'di/ /gnyis med theg pa bla med yin/ /zhes lhag par mos par byas te/ oM sarba ta thA ga ta a nu rA ga na badzra swa b+hA ba At+ma kou0f85haM/ /zhes brjod cho ga ' di lta bus//rjes su chags pa brtsam par bya/ /lag ngar dag gis de la ni/ /dam du 'khyud nas rang brang gis/ /sngags pas de yi brang steng du/ /nu ma rgyas pa btsir bar bya/ /lag pa g.yas pas de yi skra/ /rol pa dang bcas bzung nas ni/ /g.yon pas bzhin ni bteg byas nas//kha ni kun du sbyar bar bya/ /'khyud dang kha ni sbyor ba dang / /'jib cing sid kyi sgra sgrogs pas/ /de ni lag ngar nang bzhag ste/ /rab tu gsal ba'i dga' ba bya/ /sna rtsa de bzhin mchan khung dang / /mdun 'og ro smad la sogs par/ /sngags pas sen mos gdab bya zhing /yang nas yang du gdab par bya/ /g.yon pas pad+ma mnye bya zhing / /lag pa dag gis bu dkyil 'khor/ /g.yon pa'i rdo rje sor mo gsum/ /de nas pad+mar rab gzhug bya/ /byang chub kyi ni sems 'byung rtsa/ /yi ge hUM las yang dag byung / /'od zer lnga ni rab 'phro ba'i//rdo rje lce yis bskul bar bya/ /de ltar byas par gyur pa na/ /gang tshe snying ni 'dar zhing myos/ /skra bshig lus ni gos dang bral/ /rdul gyi thig le 'dzag pas khyab/ /ldog par byed cing ba spu langs/ /mig ni kun du chags pas khyab/ /rang nyid mgul la 'khyud byed cing / / sid kyi sgra ni rgyud 'byin pa/ /de tshe rig dang gnyis med pa'i/ /rnal 'byor pa ni skyil krung bcas/ /rdo rje 'chang gi nga rgyal 'dzin pa yis/ /byang sems bskyed phyir de nas ka li'i sgra/ /phaT ces bya ba'i sgra ni rnam brtag cing / /thabs dang shes rab rdo rje chu skyes byung / /byang sems spros nas de yis yongs gang bya//rdo rje'i chus gang bum pa gang ba bzhin/ /sangs rgyas mtha' yas rdul snyed de ru gzhug /rig bcas til gang bzhin du nam mkha' gang / /chos 'byung 'od zer tshogs kyis bsdus nas ni/ /rab mchog bde ba dam pa phun tshogs gzhug /'dod chags me yis thub tshogs zhu gyur pa//pad gnas sangs rgyas mchog zhi bcud len te/ /de nyid khas blang bde ba chen po yis/ /rang gi lus bsgom 'khor lo kun tshim bya/ /'di ni mkhas pas nang gi sbyin sreg bshad/ /de bzhin gshegs pa de rnams kyis bcom ldan 'das la mngon par mchod pa'i phyir nyid kyi sku sangs rgyas spyan la sogs pa lha mo rnams kyi gzugs su mngon par sprul nas/gzugs rdo rje ma la sogs pa lha mo'i tshogs du mas yongs su bskor ba/ rnam par bskyod cing sgeg pa dang bcas pa'i phyag yid du 'ong ba dang ldan pa/ 'od zer 'bar ba rnams kyis pad+ma dang ut+pal dang sna ma dang dong ka dang ma li ka dang yu ti ka dang ka ra bI ra la sogs pa'i me tog kha dog sna lnga pa dang /spos dang dri dang mar me dang / gtor ma'i yo byad dang / mal stan dang / glang po dang / rta dang / skyed mos tshal dang / gdugs dang / rgyal mtshan dang / ba dan dang / bla re dang /rlung yab dang / gos dang rin po che la sogs pa sna tshogs pa'i mchod pa'i sprin gyi dra ba'i tshogs sprul par byed pa/ 'jig rten rnams la sgyu ma la sogs pa'i dngos por shes pa'i sgo nas lta ba la mkhas pa/ bdag nyid ji lta ba bzhin du rtog pa ma lus pa rnams las grol ba/ bza' ba la sogs pa dang / myang ba dang gzhib pa dang / myos pa dang bcas pa dang / myos pa med pa'i btung ba la sogs pa dang / gar dang glu dang rol mo la sogs pa'i mchod pa bla na med pa sgrub par byed pa/ dgod pa dang sgeg pa dang ldan pa'i rol cing dga' ba'i mchod pa bla na med pa dang bde ba skyed pa'i rgyur gyur pa de rnams kyis/mchog tu zag pa med pa'i bde ba chen po'i mchod pa bla na med pa rnams kyis/ rang gi bdag po 'khor dang bcas pa la mchod par don yod grub pa'i nga rgyal dang ldan pas blta bar bya zhing / oM sarba ta thA ga ta pU dzA badzra swa b+hA ba At+ma kou0f85haM/ zhes bya ba 'dis mchod pa'i tshogs byin gyis brlab par bya'o zhes bya ba ni shin tu rnal 'byor ro/ /des ni rnal 'byor bzhi'i bdag nyid can gyi dang po sbyor ba zhes bya ba'i ting nge 'dzin rang gi don phun sum tshogs pa'i mtshan nyid can bstan to/ /de nas lha mo'i tshogs de rnams rig ma'i pad+mar bcug la yang dag par mchod de/byang chub sems kyi zla ba'i dkyil 'khor gyi rnam par gyur par bsams nas/ zla ba de la badzra d+h+r-ika ces bya ba'i sa bon rnam par bkod la/ de gyur pa las yi ge gsum gyis byin gyis brlabs shing / rdo rje rtse lnga pas byin gyis brlabs pa/ rdo rje bsnams pa'i mi bskyod pa/badzra d+h+r-ika ces bya ba brjod cing phyung nas/ des zhe sdang gi spyod pa can rnams btul te/ bkug ste rang gi lus la bkug ste/ rang gi ngo bor yongs su gyur nas zhe sdang rdo rjer gyur par bya ste/ in+d+ra nI la'i 'od 'dra zhing / /rnam brtsegs gtum zhing 'jigs su rung //rdo rje sems dpa' dbang bskur zhing / /'jig rten khams ni kun du khyab/ /nyi ma'i dkyil 'khor dbus gnas shing / /nyi ma stong gi 'od dang mtshungs/ /spyan dmar shin tu 'jigs par byed/ /rgyan rnams kun gyis brgyan pa ste/ /drag po zhi ba chags chen gyi/ / zhal gsum gyis ni rnam par mdzes/ /rang gi dam tshig snyoms zhugs shing / /phyag drug gis ni brgyan pa ste/ /in+d+ra nI la'i 'od mtshungs pa'i/ /sangs rgyas sprin gyis kun du khyab/ /rdo rje chen po rtse dgu pa/ /de yi phyag tu rnam bsgom zhing / /sngar bshad pa yi rim pa bzhin/ / phyag rgya lhag ma rnam bsgom bya/ /zhe sdang rdo rje'i ting 'dzin gnas/ /dkyil 'khor thams cad rab tu dbyung / /de ltar rang snying las byung zhing / /yi ge gsum gyis brlabs pa yi/ /lha rnams thams cad pad zla las/ /de rnams nyid kyis spro bar bya/ /dzi na dzika sngags las byung ba'i/ / khyab bdag rnam par snang mdzad spro/ /zhi ba'i ro yis kun du khyab/ /phyogs rnams thams cad snang bar byed/ /sku ni ston ka'i sprin dang mtshungs/ /rgyan rnams sna tshogs dag gis brgyan/ /de yi zhal gsum kha dog ni/ /dkar dang sngo dang shin tu dmar/ /sna tshogs 'od zer bkod chen ldan//de ni phyag drug ldan par bsgom/ /'khor lo rdo rje chu skyes dkar/ /g.yas pa dag tu rnam par bsam/ /dril bu nor bu ral gri ni/ /g.yon pa dag tu rnam par bsam/ /pad+ma zla ba las byung ste/ /phyogs rnams kun du rnam gzigs shing / /sangs rgyas rdzu 'phrul rnam 'phrul sogs/ / chos kyi 'khor lo bskor ba yis/ /gti mug lam la rab gnas pa'i/ /sems can thams cad yang dag sbyangs/ /slar byon nas ni mgon po yi/ /shar du zla ba la bzhugs so/ /rat+na d+h+r-ika ces bya ba 'dis snga ma bzhin du rin chen 'byung ldan ser po/ rtsa ba'i zhal sku dang mtshungs shing zhal g.yas pa dang g.yon pa sngon po dang dkar po mnga' ba/rtsa ba'i phyag na nyi ma ltar dmar ba'i rin po che dang / gzhan dag na rdo rje dang 'khor lo bsnams shing / /g.yon pa rnams na dril bu dang pad+ma dang ral gri bsnams pa phyung ste/ mngon pa'i nga rgyal can gyi sems can rnams btul nas log ste/bcom ldan 'das kyi lho phyogs su rin po che zur brgyad pa la bzhugs so/ /A ro l-ika ces bya ba 'dis 'od dpag tu med pa/ g.yas pa dang g.yon pa kha dog sngon po dang dkar po/ g.yon pa na sgeg pa dang bcas pas dril bu dang bcas pa'i pad+ma dmar po'i sdong bu bsnams shing /g.yas pas thugs ka na gnas pa'i pad+ma kha 'byed par mdzad pa/ g.yas pa dag na rdo rje dang 'khor lo/ /g.yon pa dag na rin po che dang ral gri bsnams pa/ 'dod chags kyi spyod pa can rnams btul nas/ bcom ldan 'das kyi nub phyogs su pad+ma dmar po 'dab ma brgyad pa'i gdan la bzhugs so//pradz+nyA d+h+r-ika ces bya ba las byung ba'i don yod par grub pa bai DUr+ya ljang ser lta bu rgyan thams cad kyis brgyan pa/ zhal g.yas pa dang g.yon pa sngon po dang dkar po mnga' ba/ 'od zer kha dog sna lnga pas kun du khyab pa/ phyag drug pa g.yas pa'i rtsa ba'i phyag na ral gri dang gnyis na 'khor lo dang /sna tshogs rdo rje bsnams shing / g.yon pa dag ni dril bu dang rin po che dang pad+ma ljang ser bsnams pa phyung ste/ phrag dog gi spyod pa can gyi sems can rnams yang dag par sbyangs nas/ log ste byang phyogs su 'od zer gyi gdan la bcom ldan 'das la gzigs shing bzhugs par bsam par bya'o//de bzhin gshegs pa rnams ni ral pa'i cod pan dang ldan zhing rdo rje 'chang chen po'i dbang bskur ba dang ldan pa'o/ /dwe Sha ra ti zhes bya ba 'dis mA ma kI ut+pa la sngon po'i mdog can/ zhal mdzes pa dang ldan zhing spyan yangs pa mnga' ba/gzugs dang lang tshos brgyan pa zhal dbus ma sku dang mtshungs shing / zhal g.yas pa dang g.yon pa dkar po dang dmar po mnga' ba/ me tog sna tshogs kyis bcings pa'i thor tshugs can mi bskyod pa'i dbang bskur ba dang ldan pa/ rgyan thams cad kyis brgyan pa/ phyag g.yas pa na rdo rje dang 'khor lo dang ut+pa la rtsa dmar ba/ g.yon pa na sgeg pa dang bcas pas dril bu dang rin po che dang ral gri bsnams pa phyung ste/ des bgegs chen po rnams kyi 'jigs pas nyen pa rnams kun du bsrungs nas bkug ste bden bral gyi phyogs su pad+ma dang nyi ma la bzhugs shing mgon po la gzigs par blta bar bya'o//de bzhin du chos kyi dbyings rdo rje ma la thug pa'i lha mo rnams ni me tog sna tshogs kyis bcings pa'i thor tshugs dang ldan pa'o/ /byang chub sems dpa' rnams ni ral pa'i cod pan dang ldan pa/ dkyil 'khor pa thams cad rtsa ba'i zhal sku dang mtshungs shing rang gi de bzhin gshegs pa rnams kyi dbang bskur ba dang ldan pa'o//mo ha ra ti zhes bya ba 'dis sangs rgyas spyan zhal gsum pa ston ka'i zla ba lta bu zhi ba'i ro dang ldan pa/ zhal g.yas pa dang g.yon pa sngon po dang dmar po mnga' ba/'od zer dkar pos khyab pa'i 'od dang ldan pa/ rnam pa'i mchog thams cad dang ldan zhing rgyan thams cad kyis brgyan pa/ g.yas pa rnams kyis 'khor lo dang rdo rje dang ut+pa la dkar po dang / g.yon pa rnams kyis dril bu dang rin po che dang ral gri bsnams pa des gdon la sogs pa rnams kyis nyen pa rnams zhi bar byas te/de slar bkug nas me'i phyogs su zla ba la bzhugs so/ /rA ga ra ti zhes bya ba 'dis gos dkar mo pad+ma rA ga dang / zla ba'i mdog can/ zhal g.yas pa dang g.yon pa sngo ba dang dkar po mnga' ba/ mtshan thams cad yongs su rdzogs shing /rgyan thams cad kyis mdzes pa/ g.yon pa na sgeg pa dang bcas pas sdong bu'i khri shing dang bcas pa'i dril bu bsnams shing / g.yas pas ut+pa la dmar po kha 'byed pa/ g.yas dag na rdo rje dang 'khor lo/ g.yon pa dag na nor bu dang ral gri bsnams pa des gdon la sogs pas bskams pa rnams rgyas par bya ste/rlung gi phyogs su pad+ma'i steng gi 'dab ma la bzhugs so/ /badzra ra ti'i sa bon las sgrol ma margad ltar ljang ser du snang ba/ yan lag thams cad mtshan dang ldan zhing bud med kyis bsgrub par bya ba'i 'dod pa la brtson pa/ sgeg cing 'dzum la zur mig dang ldan pa'i zhal mnga' ba zhal g.yas pa dang g.yon pa sngon po dang dkar po mnga' ba/ g.yas pa rnams kyis ral gri dang sna tshogs rdo rje dang 'khor lo/ /g.yon pa rnams kyis dril bu dang rin po che dang ut+pa la ljang ser bsnams pa phyung ste/ chags shing sdang la rmongs par gyur pa rnams 'od zer rnams kyis reg pas dbang du byas nas log ste dbang ldan gyi mtshams su 'od zer gyi dkyil 'khor la bzhugs te mgon po la gzigs par bsam par bya'o//yi ge th+liM las sa'i snying po sku mdog dang zhal la sogs pa rnam par snang mdzad dang mtshungs pa'o/ / yi ge oM tshad gsum pa'i sa bon las byams pa phyag g.yas pa na nA ga ge sar gyi lcug ma dang ldan pa/ lhag ma snga ma dang mtshungs pa'o/ /yi ge oM gsum las go rims bzhin du rdo rje dang rin po che dang pad+ma la gnas pa'i phyag na rdo rje dang nam mkha'i snying po dang 'jig rten dbang phyug mi bskyod pa dang rin chen 'byung ldan dang 'od dpag tu med pa dang mtshungs pa'o//yi ge haM las byung ba'i 'phags pa 'jam dpal g.yas pa'i rtsa ba'i phyag gis ral gri 'chang zhing / g.yon pas thugs ka'i phyogs su dril bu bsnams pa'o/ /hA zhes bya ba 'di las sgrib pa thams cad rnam par sel ba phyag g.yon pa rol pa'i tshul gyis gdan mnan pa/g.yas pa na me tog gi phyag rgyas rdo rje ut+pa la bsnams pa/ lhag ma don yod pa dang mtshungs pa/ yi ge oM las kun du bzang po de dang mtshungs pa'o/ /de nas oM swA AHhA hUM a zhes bya ba de rnams las gzugs rdo rje ma la sogs pa rnams dang /byams pa dang 'jam dpal gyi sa bon dag las byams pa dang snying rje ma sa bon gsum gyis byin gyis brlabs pa rnams phyung ste/ de rnams kyis rnam pa gsum pa'i gzugs la sogs pa'i yul rnams dang / byams pa dang snying rje dag rnam par sbyangs nas bkug ste dbang ldan gyi phyogs dang nye ba nas brtsams nas/shar du sa'i snying po dang gzugs rdo rje ma byams pa dang lha mo byams ma dgod par bya'o/ /de bzhin du lho ru phyag na rdo rje dang sgra rdo rje ma/ nam mkha'i snying po dang dri rdo rje ma'o/ /de bzhin du nub tu 'jig rten dbang phyug dang ro rdo rje ma/'jam dpal dang lha mo snying rje ma'o/ /byang du ni sgrib pa rnam par sel ba dang reg bya rdo rje ma/ kun du bzang po dang chos kyi dbyings kyi rdo rje ma ste rang gi phyogs dang rjes su mthun pa'i gdan la bzhugs pa dang / rang gi de bzhin gshegs pa rnams kyi kha dog dang ldan pa rnams bsgom par bya'o/ /khyad par rnams ni brjod par bya ste/ gzugs rdo rje ma ni phyag gnyis kyis me long 'dzin pa'i bya ba dang ldan pa'o/ /de bzhin du thams cad kyang nA ga ge sar gyi lcug ma dang / pi wang brdung ba dang dri'i dung phor dang /ye shes kyi bdud rtsi'i snod dang / ral gri dang dril bu dang mtha' gnyis su rdo rjes mtshan pa'i ka tsa lin di'i gos reg bya bde ba dang ldan pa dang / sna tshogs rdo rjes mtshan pa'i gru gsum dkar po chos kyi dbyings kyi phyag rnams phyag gnyis na bsnams pa'o/ / ya mAn+ta kr-ita ces bya ba 'dis 'phags pa gshin rje mthar byed 'jig pa'i dus kyi sprin gyi tshogs dang mtshungs pa/ zhal g.yas pa dang g.yon pa dkar po dang dmar po mnga' ba/ 'od zer 'bar ba'i tshogs rnams kyis nam mkha'i dbyings ma lus pa khyab pa/ g.yas pa rnams na 'khor lo dang ral gri dang tho ba bsnams pa/g.yon pa dril bu dang bcas pas snyoms par zhugs pa'i ro langs ma'i nu ma 'dzin cing / gzhan dag gis dgra sta dang zhags pa'o/ /pradz+nyAn+ta kr-ita ces bya bas gzhan gyis mi thub pa dkar po zhal g.yas dang g.yon sngon po dang dmar po mnga' ba/ g.yas pa rnams kyis rdo rje dang dbyug pa bskor ba dang ral gri 'phyar ba'o//g.yon na dril bu dang bcas pas gzhan gyis mi thub ma'i nu ma 'dzin cing / gzhan dag gis dgra sta dang sdigs mdzub zhags pa dang ldan pa'o/ /pad+mAn+ta kr-ita ces bya bas rta mgrin me tog ban+du ka lta bu/ zhal g.yas dang g.yon sngon po dang dkar po mnga' ba/gad rgyangs kyis ri bo'i tshogs 'jig par mdzad pa/ g.yas pa rnams kyis pad+ma bskyod pa dang ral gri dang tho ba bsnams pa/ g.yon pas de bzhin du khro gnyer can gyi nu ma dang gzhan dag gis dgra sta dang zhags pa 'dzin pa'o/ /big+h+nAn+ta kr-ita ces bya bas 'phags pa bdud rtsi 'khyil pa bgegs kyi rigs ma lus pa skrag par mdzad pa zar ma'i me tog lta bu/zhal g.yas pa dang g.yon pa dkar po dang dmar po mnga' ba/ g.yas pa rnams kyis sna tshogs rdo rje bskyod pa dang ral gri dang tho ba bsnams pa/ g.yon pas ral pa gcig ma'i nu ma/gzhan dag gis dgra sta dang zhags pa 'dzin pa ste/ yi ge gsum gyis byin gyis brlabs pa de rnams ya mAn+ta kr-ita ces bya ba la sogs pa brjod pas rim pa bzhin du phyung ste/ sems can thams cad kyi rgyud la yod pa'i 'chi bdag dang nyon mongs pa dang phung po dang lha'i bu'i bdud kyi rnam par rtog pa rnams bsal nas log ste shar dang lho dang nub dang byang gi sgo rnams su rang gi pad+ma dang nyi ma'i gdan rnams la gshin rje dang khyab 'jug dang tshangs pa dang bgegs kyi bdag po dang lus ngan po dang 'dod pa'i lha la sogs pa'i rang bzhin can de rnams nyid go rims bzhin du g.yas brkyang ba dang sa ga dang zlum po'i 'dug stangs rnams kyis mnan nas bzhugs par bsam par bya'o//khro bo 'dod pa in+d+ra nI la'i mdog dang ldan zhing khro ba dang bcas pa/ zhal g.yas pa dang g.yon pa dkar po dang dmar po mnga' ba dang / sgeg pa'i cha byad can phyag bzhi pa/rtsa ba'i phyag dag na 'dod pa'i rgyal po'i phyag rgyas rdo rje lcags kyu dang zhags pa bsnams shing gzhan dag gis mda' dang gzhu bsnams pa/ rnam pa'i mchog thams cad dang ldan zhing rgyan thams cad kyis brgyan pa nyi ma lta bu'i 'od mnga' ba/ me'i mtshams su pad+ma dang nyi ma'i gdan la g.yon brkyang bas me lha mnan nas bzhugs par bsam par bya'o//dbyug pa sngon po sku mdog la sogs pa rnams bdud rtsi 'khyil pa dang mtshungs pa/ phyag g.yas pa rnams kyis dbyug pa sngon po bskyod pa dang 'khor lo dang pad+ma bsnams pa/ g.yon pa dril bu dang bcas pas snyoms par zhugs shing 'khyud pa'i rig ma'i nu ma 'dzin cing /gzhan dag gis rin po che dang ral gri bsnams pa/ bden bral gyi mtshams su g.yon brkyang ba'i 'dug stangs kyis bden bral mnan nas bzhugs so/ /'phags pa stobs po che 'phags pa dbyug pa sngon po dang mtshungs te/'on kyang phyag g.yas pa dag gis 'od zer dkar po dang ldan pa'i rdo rje dang 'khor lo bsnams pa/ rlung gi mtshams su rlung lha dang chu lha dag mnan nas bzhugs so/ /'phags pa mi g.yo ba sku mdog la sogs pa rnams mi bskyod pa'i rnam pa can te/ 'on kyang g.yas pa'i rtsa ba'i phyag gis rdo rje ral gri bskyod cing /gzhan phyag g.yon pa dril bu dang zhags pa dang bcas pas rig ma'i nu ma 'dzin pa/ gsum pas pad+ma bsnams pa/ dbang ldan gyi mtshams su g.yon brkyang bas dbang phyug chen po mnan nas bzhugs pa'o/ /yi ge b+h+rUM las byung ba'i gtsug tor 'khor los sgyur ba chen po rig ma dang bcas shing sku mdog ser po rtsa ba'i zhal sku dang mtshungs shing /zhal g.yas pa dang g.yon pa sngon po dang ser po mnga' ba/ phyag la sogs pa rnam par snang mdzad dang mtshungs pa ste/ 'on kyang mdun du rtsa ba'i phyag gis gtsug tor bsnams shing /rdo rje dang pad+ma dang 'khor lo dang phreng ba dang ldan pa/ 'og tu pad+ma dang nyi ma'i gdan la g.yon brkyang bas thags bzangs ris dang klu rnams dang sa'i lha mo mnan nas bzhugs pa'o/ /dpal gnod mdzes rgyal po ni snga ma dang mtshungs pa ste/ 'on kyang steng na tshangs pa dang nyi ma dang zla ba la sogs pa rnams mnan nas bzhugs par bsam par bya ste/le'u bco brgyad pa las/ 'dod dbyig stobs chen mi g.yo ba/ /lcags kyu dbyug pa rtse gsum dang / /ral gri mtshams rnams dag tu dgod/ /'khor lo gnod mdzes 'og steng du//zhes bstan pa'i phyir ro/ /khro bo de rnams thams cad kyang smin ma bteg cing khro gnyer dang bcas pa/ 'jig pa'i dus kyi me dang nyi ma dang mtshungs pa'i spyan zlum po g.yo zhing 'jigs su rung ba/ dbu skra ser po gyen du brdzes pa/ bung ba ltar sngo ba'i klu mtha' yas dang rigs ldan dag gis bcings pa'i thod pa'i phreng ba dang ldan pa'i cod pan mnga' ba/sma ra 'bar bas shin tu gsal zhing mche ba gtsigs la khro ba dang bcas shing bzhad pa'i zhal mnga' ba/ gsus pa 'phyang zhing brang rgya che ba dang ldan pa/ gser dang mtshungs pa'i 'jog po sgeg pa dang bcas pas rna rgyan byas pa/gser btso ma dang mtshungs pa'i klu pad+ma chen po zhes bya bas brgyan pa/ pad+ma'i skud pa ltar dkar ba'i stobs rgyu'i tshangs pa'i skud pa thogs pa/ pad+ma dmar po lta bu'i nor rgyas kyi bus rnam par spras pa'i ska rags bzang po mnga' ba/ klu pad+ma dang dung skyong dkar po dang dmar pos rkang gdub byas pa/ seng ge'i pags pa rlon pa bsnams shing / stag gi pags pa'i sham thabs dang ldan par bsam par bya'o/ /de bzhin gshegs pa rnams ni sems dpa'i skyil mo krung gis rang gi rig ma dang bcas pa'o/ / lha mo rnams ni bdag po rnams dang ngo / /byang chub sems dpa' rnams ni rang gi rig ma rnams dang ngo / /de kho na bzhin du khro bo rnams ni g.yas brkyang ba la sogs pa'i 'dug stangs kyis bcas pa'o/ /de ltar sku dang gsung dang thugs dang shes rab dang bcas pa ste/ phyag rgya bzhis lha'i 'khor lo rgyas btab par blta bar byas te/sku ni phyag rgya chen po ste/ /gsung gi chos kyi phyag rgya yin/ /thugs ni las kyi phyag rgya ste/ /shes rab dam tshig phyag rgyar bshad/ /ces gsungs pa'o/ /de nas rang gi ye shes kyi 'od zer gyi lcags kyu rnams kyis de bzhin gshegs pa la sogs pa rnams bsdus nas chu'i rlabs bzhin du dkyil 'khor pa rnams la bcug ste/de rnams dang lhan cig tha mi dad par lha'i 'khor lo bsam par bya'o/ /de nas dkyil 'khor las phyi rol du gser gyi mdog can rgyan thams cad kyis brgyan pa/ pad+ma'i steng na 'dug cing bde ba'i yo byad thams cad thogs pa'i bud med rin po che dang de bzhin du gnod sbyin gyi cha byad can gyi khyim bdag rin po che dang /mche ba drug dang ldan zhing dkar ba'i glang po rin po che dang / mtho zhing ser ba'i rta rin po che dang / rin po che du mas spras pa'i chang zungs dang ldan zhing ut+pa la sngon po'i 'dab ma lta bu'i ral gri rin po che dang /'od zer 'phro zhing rtsibs brgyad dang ldan pa'i 'khor lo rin po che dang / 'od zer dpag tu med pas nam mkha'i dbyings ma lus pa gsal bar byed pa'i dmag dpon rin po che dang / rdo rje'i lha'i bu mo dang / grub pa dang rig pa 'dzin pa la sogs pa'i tshogs rab tu dga' ba dang ldan pa rnams kyis byas pa'i glu dang gar dang pi wang dang gling bu dang rdza rnga dang khar dkrol la sogs pa'i ca co'i sgras nam mkha'i dbyings ma lus pa kun du gang zhing 'khrugs pa dang /gser gyi mdog can gyi ut+pal dang pad+ma dkar po la sogs pa rnam pa sna tshogs pa rnams kyis brgyan pa/ngang pa dang ngur pa la sogs pa'i tshogs yid du 'ong zhing sgra snyan pa sgrogs pa rnams dang ldan pas yid du 'ong ba/ me tog dang shing mchog rnam pa tha dad pa rnams kyis brgyan pa/ rin po che rnam pa sna tshogs kyi skas dang ldan pa'i rdzing bu rnams dang /dpag bsam gyi shing rnams dang / phyogs bzhi ru 'khor lo mchod pa'i phyir dri dang spos dang mar me dang me tog dang bza' ba dang bca' ba dang khang bzangs dkar po bla na med pa dang / skyed mos tshal dang bzhon pa dang / mal stan dang gdan la sogs pa dpag tu med pa/yi ge swA'i sa bon las byung ba/ chos kyi dbyings kyi mthas gtugs pa bsam par bya'o/ /de nas/ rang bzhin dag pa'i chos rnams kyi/ /chos dbyings gnas pa med pa la/ /rtog pa'i rdo rje las byung ba/ /rjod pa yang ni brjod pa min/ /zhes bya ba 'dis stong pa nyid du ro gcig cing /brtan pa dang g.yo ba'i dngos po thams cad kyi bdag nyid dkyil 'khor pa'i lha rnams dang tha dad pa med cing rang bzhin gyis 'od gsal ba'i mchog tu dga' ba'i rang bzhin du bdag nyid bsgom par bya'o zhes bya ba ni dkyil 'khor rgyal po mchog ces bya ba'i ting nge 'dzin gnyis pa'o//las rgyal po mchog ni de nyid du zhe sdang la sogs pa rnams la mngon par dga' ba'i sems can gyi don bya ba'i mtshan nyid du khong du chud par bya'o/ /de nas brtan par bya ba'i phyir phra mo'i rnal 'byor bsgom par bya ste/ rdo rje 'chang chen po'i rnal 'byor pas ni rang gi rig ma'i pad+ma'i sna rtser rin po che kha dog sna lnga pa yungs kar gyi 'bru'i tshad tsam bsams la/de'i nang du brtan pa dang g.yo ba'i dngos po thams cad kyi bdag nyid kyi rang gi 'khor lo bdag po dang bcas pa'am/ lha mo bzhis yongs su bskor ba'i gsang ba lnga'i bdag nyid blta bar bya'o//yang na phung po la sogs pa byin gyis brlabs pas snyoms par zhugs shing las la gnas pa'i gzugs gcig pu/ ji srid sgra la sogs pa nye bar gyur pa mi dmigs pa dang bsam par bya ba tsam la dmigs pa'i mtshan ma'i sgo nas sems brtan par gyur par sems kyis shes par gyur pa de srid du bsgom par bya'o//de nas/ sangs rgyas 'bar ba'i 'od mtshungs pa'i/ /rab mchog sprin rnams spro bar bya/ /de nas rdo rje dang / 'khor lo dang / dril bu dang / rin po che dang / pad+ma dang / ral gri'i sprin dang /de bzhin gshegs pa la sogs pa dkyil 'khor pa rnams kyis nam mkha'i dbyings ma lus pa til gyi gang bu bzhin du kun du bkang ste/ bsdu ba dang / bstim pa dang / brtan par bya ba dang / rjes su mnyes par yang bya'o//de bzhin du zhe sdang rdo rje rnal 'byor pas ni ut+pa la sngon po'i 'dab ma lta bu'i rdo rje rtse dgu pa 'bar ba nas kyi 'bru'i tshad tsam dang de bzhin gshegs pa'i rigs kyi mi bskyod pa'i rnal 'byor pas ni rdo rje rtse lnga pa 'bar ba dang / rang gi rigs kyi de bzhin gshegs pa'i rnal 'byor pas ni tsa na ka'i 'bras bu'i tshad tsam gyi 'khor lo rtsibs brgyad pa dang /de bzhin du pad+ma rigs kyi rnal 'byor pas pad+ma 'dab ma brgyad pa dang rin po che'i rigs kyi rnal 'byor pas snga ma bzhin du rin po che ste/ 'on kyang bai DUr+ya dang / rang gi rigs kyi don yod par grub pa'i rnal 'byor pas ut+pal ljang gu'i 'dab ma lta bu'i ral gri nas kyi 'bru'i tshad tsam bsams la/thams cad kyi cho ga kun rdo rje 'chang chen po dang mtshungs par bya'o/ /de ltar mtshan ma dang lha'i rjes su gnang ba thob pa/ sgrub pa'i dkyil 'khor du thams cad byed cing grub pa ni 'gro ba ma lus pa rnams kyi bsam pa yongs su rdzogs par byed nus par 'gyur ro//bzlas pa yang bya ste/ rang gi snying ga'i ye shes sems dpa'i thugs ka'i pad+ma dang zla ba la b+h+rUM oM AHhUM badzra d+h+r-ika swA hA/ zhes bya ba'i sngags kyi phreng ba mgo gyen du bltas shing / khang pa'i nang na gnas pa'i mar me bzhin du lus kyi yan lag kun du gsal bar byed pa bkod la/mar me las mar me 'byung ba bzhin du ye shes sems dpa'i rdo rje nas phyung ste/ rang gi rig ma'i kha nas ye shes kyi rig ma'i zhal du bcug la/ de bzhin du rdzogs pa'i byang chub kyi 'bras bu'i rang bzhin gyi 'khor lo bcug nas/de'i pad+ma'i lam dang rig ma'i pad+ma'i lam nas phyung ste/ rang gi rdo rje'i lam dang ye shes sems dpa' de'i lam nas bcug la/ dkyil 'khor de'i thugs ka'i zla ba'i dkyil 'khor la gzhug cing bzlas par bya ste/yang dang yang du sngags brjod cing / til gyi gang bu dang mtshungs pa'i dkyil 'khor pa rnams la yang de bzhin du sngags bkod de/ thams cad kyi sngags kyi sgra la de rnams kyi sgo nas dmigs shing bzlas pa bya'o/ /de bzhin du lha thams cad kyi rnal 'byor pa bdag nyid kyis rang gi sngags dgod pa sngon du 'gro ba can ni rdo rje bzlas pa'i rim pa'o//de la lha thams cad kyi sngags kyi ni b+h+rUM oM AHhUM zhes bya ba bkod nas 'byin pa'i snying po swA hA'i mtha' can rnams yin no zhes bya ba ni man ngag yin no/ /mgo dang lkog ma dang snying ga'i phyogs rnams su rten dang bcas pa'i sku la sogs pa'i yi ge rnams rnam par bkod de/sngags de rnams las phyag mtshan dang lha rnams rigs kyi bye brag gi sgo nas rnam pa gsum rim gyis sam cig car du spro bar bya ste/ 'dis ni rdo rje gsum dang mtshungs par 'gyur ro/ /til gyi gang bu dang mtshungs pa'i dkyil 'khor pa rnams la sku gsung thugs bsams te/lha mo'i tshogs yang dag par spros la snga ma bzhin du bla na med pa la sogs pa'i mchod pa bya ste/ 'bras bu de ni de dang mtshungs pa'o/ /yang na dkyil 'khor na gnas pa'i sku rdo rje'i rnal 'byor pas sgyu ma lta bu'i sku la sogs par lhag par mos pa'i sgo nas ye shes sems dpa'i thugs kar pad+ma'i zla ba la yi ge oM rnam par bkod de/yi ge oM las 'khor lo'i phyag rgya dang rnam par snang mdzad rnams spro bar bya'o/ /de bzhin du gsung rdo rje la sogs pa lha thams cad kyi rnal 'byor pa rnams kyis kyang bya ba yin te/thams cad du sngags brjod par bya zhing / de bzhin gshegs pa la sogs pa thams cad yang dag par spros te/ de rnams kyis nam mkha' la brjod pa'i mthar de rnams yang dag par bsdus te/ rang gi snying gar gzhug cing bzlas pa bya'o/ /yod pa'am med pa dang /sgra'am sgra ma yin pa dang / phyi'am nang ngam gnyis ka'i bar na sems gnas zhes rnam par dpyod pa ni sku rdo rje dang gsung rdo rje dang thugs rdo rje rnams kyi bzlas pa yin no/ /mnyam pa nyid kyi ye shes kyis dus gsum gyi sangs rgyas dkon mchog rnams kyi don la rnam par dpyod pa ni rin po che'i bzlas pa'o//rang gi ba spu'i bu ga'i gseb nas byung ba rten dang brten par bcas pa'i sangs rgyas kyi zhing nam mkha' dang mnyam pa spro ba ni don yod pa'i bzlas pa'o/ /khro bo'i rnal 'byor pas ni dpag tshad bye ba'i tshad dang ldan pa'i dkyil 'khor na bzhugs pa'i lha'i 'khor los gsan par bya'o snyam du lhag par mos pa'i sgo nas bzlas pa byas te/lce ni shin tu mi g.yo zhing / /so dang mchu dag mi sbyor ba'i/ /rdo rje tshig ni sgra med pas/ /'dod pa thams cad bsgrub par bya/ /zhes bya bas gang yang rung ba'i ming can ji srid 'dod par bzlas pa byas la/de'i don la nges par brtag par bya ste/ sngags la dmigs pa'i lus dang ni/ /ngag dang yid kyis bskul nas su/ /yid ni dga' zhes mgu ba yis/ /dngos grub rab mchog bsgrub par bya/ /sems la dmigs pa bdag med pas/ /ngag dang lus kyang rnam par bsgom//nam mkha' bzhin du mnyam pa'i gnas/ /sbyor ba rnam gsum bsgrub par bya/ /lus dang ngag dang sems dmigs na/ /ngo bo nyid ni dmigs su med/ /sngags kyi lus su sbyor ba la/ /byang chub med cing sbyor ba med/ /sku gsung thugs ni mtshan nyid du//'di ni mdor na rnam dpyad nas/ /sngags kyis btags pa'i ting nge 'dzin/ /byang chub sbyor ba bsgom par bya/ /zhes bya ba 'dis rdzogs pa'i ye shes rtog pa'i nyes pa thams cad dang bral zhing mchog tu zag pa med pa'i bde ba chen por bdag nyid blta bar bya'o//de nas zhe sdang rdo rje mchog tu bde ba la zhugs pa mthong nas ni/ bde ba'i ro dang bral bas mA ma kI sogs yid 'ong zhing / /'dod pa'i bde ba rnams kyis sgra snyan dang ldan pa'i/ /klu rnams snyan pa yid 'ong dag gis bskul bar bsam byas te/ / rdo rje thugs khyod sems can khams na gnas kyi dbang phyug ste/ /dga' ba'i yid 'ong don chen 'dod pas bdag la bskyab tu gsol/ /mgon po gal te de ring bdag ni gson par mchis bzhed na/ /sems can yab chen gnyen mchog bdag la dgyes par mdzad du gsol/ / rdo rje'i sku khyod bka' yi 'khor lo sems can kun la phan/ /sangs rgyas don du byang chub mchog sgrub rab tu phan par gzigs/ /mgon po gal te de ring bdag ni gson par mchis bzhed na/ /'dod chags dam tshig chags pas bdag la dgyes par mdzad du gsol/ / khyod ni rdo rje gsung ste kun la phan zhing thugs brtse ba/ /'jig rten dag gi dgos pa'i don mdzad pa la shin tu brtson/ /mgon po gal te de ring bdag ni gson par mchis bzhed na/ /spyod pa dri med kun du bzang po bdag la dgyes par mdzod/ /khyod ni rdo rje 'dod pa dam tshig mchog gi phan yon che//yang dag rdzogs pa sangs rgyas gdung mchog mnyam pa nyid gzigs pa/ /mgon po gal te de ring bdag la gson par mchis bzhed na/ /yon tan rin chen mang po'i gter gyur bdag la dgyes par mdzod/ /ces lha mo rnams kyis yang dag par skul bar byed do//de nas de bzhin gshegs pa rnams kyis/ mi bskyod pa ni ye shes che/ /rdo rje dbyings ni mkha' chen po/ /rdo rje gsum mchog dkyil 'khor gsum/ /gsang ba'i gsung la phyag 'tshal lo/ /rnam par snang mdzad rab tu dag /rdo rje zhi ba dga' ba che/ / rang bzhin gyis ni 'od gsal chos/ /ston pa rdo rje phyag 'tshal lo/ /rin chen rgyal po rab tu zab/ /rdo rje nam mkha' dri ma bral/ /dngos nyid dag pa dri ma med/ /rdo rje sku la phyag 'tshal lo/ /rdo rje mi 'chi 'dod chags che/ /mi rtog nam mkha' rdo rje 'dzin/ /'dod chags pha rol phyin pa brnyes//rdo rje gsung la phyag 'tshal lo/ /rdo rje dag pa gdon mi za/ /bsam pa thams cad yongs rdzogs byed/ /dag pa ngo bo nyid las byung / /rdo rje sems dpa' khyod phyag 'tshal/ /zhes bya bas bstod par gyur to/ /de nas yang dag par bzhengs nas de bzhin gshegs pa la sogs pa thams cad la bla na med pa la sogs pa'i mchod pa rnams kyis yang dag par mchod de dkyil 'khor rnams phung po la sogs pa rnams la bcug nas/thams cad kyang yi ge gsum du bsdus la/ de rnams kyang nam mkha' dang mtshungs par dmigs nas nye bar bsdu bar bya'o//de ltar bsgom pa na gang gi tshe skyo bar gyur pa de'i tshe/ rang gi lha tshim par bya ba'i don du mgo las mtho gang tsam gyi steng du dam tshig lnga'i dkyil 'khor bsams la/ de'i dbus na gnas pa'i yi ge oM gyi 'od zer dmar pos zhu bar gyur nas/ zla ba ltar bsil ba'i rgyun rkan gyi phyogs su babs pas rtsa rnams kyi sbubs khyab pa'i sgo nas lus thams cad tshim par bsam par bya'o//rnal 'byor pa 'ga' zhig gang gi tshe bkres pa dang skom pa la sogs pa'i sdug bsngal byung ba de'i tshe/ ji lta ba bzhin du rnam par snang mdzad kyi rnal 'byor dang ldan pas yi ge oM las byung ba'i rang gi lce 'od zer sna tshogs kyi phreng ba dang ldan pa bsams la/rang gi mchu la reg par yi ge baM las byung ba'i bum pa bzang po ser po zla ba phyed pa dang thig ler bcas pa'i oM las byung ba'i yid bzhin gyi nor bus rnam par brgyan pa bltas te/ de nas lce'i 'od zer gyis bkug la bza' ba dang btung ba la sogs pa byas na thams cad 'grub par 'gyur te/bcom ldan 'das kyi bka' 'di ni phyin ci ma log pa yin no/ /yid ches pa brten zhing sdom pa la gnas pa/ lha'i nga rgyal gyis bya ba ma lus pa bsgrub pa lhur len cing lha rnams kyis rjes su gnang ba byin pas gang gi tshe zla ba drug dang gnyis dang phyed dang gnyis dang gcig dang phyed dang zhag bdun pa'i bsgrub pa drug gis lha rnams ma grub pa de'i tshe zhag bdun pa'i sgrub pa brtsam par bya ste/hUM gi sa bon las byung ba'i gzhal yas khang gi nang na gnas pa'i tshogs kyi dkyil 'khor gyi dbus na bzhugs pa'i rdo rje 'chang chen po la sogs pa gang yang rung ba'i rdo rje'i rigs kyi rnal 'byor dang ldan pas/rang gi spu'i bu ga'i gseb nas phyung ba'i lha mo'i tshogs kyis mngon par dga' ba'i 'jig rten gyi khams na bzhugs pa'i ye shes kyi lha la bla na med pa la sogs pa'i mchod pa rnams kyis yang dag par mchod de de rnams nyid kyis snyan cing 'jam la yid du 'ong ba'i tshig rnams kyis bskul nas bkug la rang gi lus la bcug ste de dang lhan cig tha mi dad par bdag nyid bsgom par bya ste zhag bdun na 'grub par 'gyur ro//gal te de lta na ma grub pa de'i tshe rang gi ye shes sems dpa'i thugs ka na gnas pa'i pad+ma'i steng gi zla ba la gnas pa'i rdo rje'i lte ba'i hUM las byung ba gnod mdzes rgyal po dang mtshungs shing sa bon gsum gyis byin gyis brlabs pa'i rdo rje lcags kyu rang gi kha nas phyung ste/yi ge yaM las byung ba'i rlung gi dkyil 'khor la gnas pa'i raM las byung ba'i shing rta gsum la bzhag la/ 'jig pa'i dus kyi me dang nyi ma lta bu rang la bka' nod par bsams nas mngag par bya'o/ /yang dag par song nas rdo rje lcags kyu 'bar bas de'i thugs kar brdab cing /rdo rje chen po che ge mo/ /khyod kyi sgrub pa la gnas shing / /khyed la rtag tu gus pa nyid/ /dam tshig srung ba lhur len zhing / /dbang dag bskur zhing rjes gnang thob/ /de la dngos grub stsal du gsol/ /zhes brjod na zhag bdun na 'grub par 'gyur ro/ /gal te de lta na yang dngos grub mi ster na de'i tshe rig ma'i pad+ma'i nang du yi ge ha las byung ba'i sna tshogs rdo rje/de'i steng du yi ge hUM las byung ba'i nyi ma'i dkyil 'khor nyi ma bye ba dang mtshungs pa rnam par bsams la/ de'i yang steng gi yi ge ra dang / de'i steng gi phaT las byung ba'i gru gsum 'bar ba bskal pa'i me ltar 'bar ba yongs su bsams te/rang gi rdo rje snga ma bzhin du rdo rje 'bar bar rnam par bsams nas/ de kho na bzhin du rdo rje lcags kyu mngags te/ des ye shes kyi lha snying ga nas phul la bkug ste bcug la lha mo'i pad+ma'i nang du me'i dkyil 'khor la gzhag par bya'o/ / de nas sreg par byed pa'i 'od zer gyi tshogs 'phro ba'i rdo rje de pad+mar bcug la sngar bshad pa'i rig ma'i sngags kyi phreng ba bkod pa dus mtha'i me'i phreng ba ltar de'i lus la bsam par blta bar bya'o/ /de dag thams cad kyis thal ba nyid du byas par bltas la/ de'i rnam par shes pa mar me lta bu yi ge hUM gi gzugs can yongs su gyur par byas nas/rdo rje 'chang chen po la sogs pa'i gzugs su rnam par bsgoms nas/ rang gi lus la yang bcug ste/ de dang lhan cig tha mi dad par bdag nyid bsgoms na rang gis bshad pa'i dam tshig las 'das pa'i 'jigs pas zhag bdun na gdon mi za bar 'grub par 'gyur ro//rnam pa gsum po de rnams kyis go rims bzhin du bsdum pa dang dbye ba dang chad pas gcad pa'i rim par shes par bya ste/ de lta bu ni sgrub thabs kyi rim pa'o/ /de lta bu'i zhal dang phyag la sogs pa dang ldan zhing 'khor lo dang bcas pa'i bcom ldan 'das gzigs nas/btsun mo'i chos 'byung nas byung ste/ mi bskyod pa la sogs pa de bzhin gshegs pa rab tu dga' ba'i yid dang ldan pa rnams kyi ched du brjod pa 'di ched du brjod de/ e ma zhes bya ba ni ngo mtshar ba'o/ /'o zhes bya ba'i sgra ni gang gi phyir gyi don chen no//byang chub sems ni rab 'jug pa ni yang dag par sbyor ba las byung ba'i dkyil 'khor 'khor lo'i sgo nas 'gro ba ma lus pa rnams kyi don byed pa'o/ /'di de bzhin gshegs pa kun gyi yin pas de bzhin gshegs pa kun gyi'o/ /bya ba la sogs pa'i tshul la brten pa rnams kyis mi shes pa nyid yin pa'i phyir gsang ba'o//thabs las 'das pa nyid yin pa'i phyir rab tu brtag tu med pa'o/ /nyon mongs pa thams cad dang bral ba nyid yin pa'i phyir rnyog pa med pa'o/ /da ni ma 'ongs pa rnams la gzigs nas rdo rje 'chang chen po'i yan lag gi cha shas kyi bdag nyid nus pa dang mi ldan zhing 'khrul pa can gyi gdul bya rnams dang tha mi dad pa'i rang bzhin gyi sa'i snying po la sogs pa rnams la slob dpon dang slob ma'i 'brel pa bstan pa'i phyir de bzhin gshegs pa rnams kyis thabs dang shes rab gnyis su med pa nyid yin pa'i de kho na nyid yin zhing /de dag snyoms par 'jug pa'i rang bzhin de las byung ba'i byang chub kyi sems ni dga' ba rgyas par byed pa nyid yin pa'i phyir rin po che yin la/de'i sprin de nam mkha' khyab pa'i bkod pa rnams kyis yang dag par mchod de phyag 'tshal nas de bzhin gshegs pa zhes bya ba la sogs pa gsungs te/de bzhin gshegs pa kun gyi gsang ba ni bde ba chen po'o/ /de las byung ba ni gsang ba las byung 'dus pa'o/ /de nyid rdo rje de bzhin gshegs pa rnams kyi yin pas na rdo rje snying po'o/ /mdor bsdus nas bstan pa'i phyir btus pa'o/ / de nyid ni thabs dang shes rab kyi rang bzhin de bshad cing gsal bar mdzad du gsol zhes bya ba'i don to/ /de nas zhes bya ba ni rjes thogs su ste bcom ldan 'das byang chub kyi sems rdo rjes/ de bzhin gshegs pa thams cad la 'di skad ces bka' stsal to/ /legs so legs so zhes bya ba ni zhal gyis bzhes pa ste/legs so zhes bya ba ni mngon par 'dod pa'i don ston par byed pa nyid yin pa'i phyir ro/ /'on kyang zhes bya ba'i sgra ni rnam par rtog pa'o/ /de bzhin gshegs pa thams cad ces bya ba ni rigs nges pa dang ldan pa'i sems can rnams te/dus gsum gyi dam tshig de bzhin gshegs pa thams cad ni de ltar byung ba'i de bzhin gshegs pa de kho na yin par rjes su shes par bya ste byang chub tu sems bskyed pa nyid yin pas so zhes 'byung ba'i phyir ro/ /gzhan rnams lta ci smos zhes bya ba ni 'di rigs ma nges pa dang rigs chad pa rnams kyi spyod yul yin par spro ba med par ston to//'di ni rigs nges pa rnams kyi yang yul ma yin no zhes bya ba'i bcom ldan 'das kyi gsung de lta bu thos nas ngo mtshar du gyur cing / rigs ma nges pa rnams kyi yin pa lta ci smos zhes bya bas ni rmad du gyur to/ / de nas slar yang de bzhin gshegs pa thams cad kyis bcom ldan 'das the tshom thams cad gcod par mdzad pa de la 'di skad ces gsol to/ /gang zhes bya ba ni gang gi phyir ro/ /'di lta bu'i yon tan khyad par can du gyur pa dang ldan pa zhes bya ba ni ji skad bshad pa'i 'khor du'o/ / de rnams ni de bzhin gshegs pa yin la thams cad kyang yin pas de bzhin gshegs pa thams cad de mi bskyod pa la sogs pa rnams so/ /de rnams kyi sku dang gsung dang thugs gsang ba ste/ dam tshig dang sdom pa la sogs pa ston par mi spro ba de'i phyir bcom ldan 'das de bzhin gshegs pa thams cad la byin gyis brlab cing snod du rung ba nyid du mdzad de yang dag par bstan du gsol zhes bya bar sbyar ro//gang gi zhe na/ rdo rje dam tshig 'byung ba'i tshig rnams kyis te/ de la rdo rje dam tshig ni dbang po gnyis yang dag par sbyor ba'i mtshan nyid de/ de las byung ba'i tshig rnams ni byang chub kyi sems dbyung ba la sogs pa rnams te de rnams kyis so//des ni 'di skad du ye shes kyi dkyil 'khor du ji skad bshad pa'i tshul de rnams bcug la/ phreng ba dang bum pa la sogs pa'i dbang rnams dang / gsang ba dang shes rab ye shes kyi dbang dag gis dbang bskur te bzhengs nas lung bstan pa sngon du 'gro ba can gyis bshad pa mdzad du gsol zhes bstan pa yin no//ci'i phyir zhe na/ bde ba dang zhes bya ba la sogs pa gsungs so/ /de bzhin gshegs pa thams cad kyi bde ba ni thabs dang shes rab las byung ba'i mchog tu dga' ba'o//yid bde ba ni de las byung ba'i lha'i khyad par nam mkha'i gtos khyab pa rnams kyis 'gro ba ma lus pa rnams kyi don byed pa'o/ /de bzhin gshegs pa zhes bya ba la sogs pas ni bsgom pa gong nas gong du goms par byas pa'i stobs kyis/ rgyud las gsungs pa sangs rgyas dang rdo rje 'chang la sogs pa rnams kyi dngos grub dag thob par bya ba'i bar gyi phyir ro zhes bstan to//de nas de rnams snod du rung bar bya ba'i phyir/ bcom ldan 'das kyis ye shes kyi dkyil 'khor sprul par mdzad de/ de nas zhes bya ba la sogs pa nas phyung ngo zhes bya bar sbyar ro//de bzhin gshegs pa thams cad kyi sku dang gsung dang thugs rdo rje de bzhin gshegs pa ni rdo rje 'chang chen po ste rigs thams cad bsdus par gyur pa nyid yin pa'i phyir ro/ /ye shes sgron ma ni mi bskyod pa ste thog ma dang tha ma med pa'i chos kyi dbyings kyi ye shes kyis rnam par rtog pa'i mun pa thams cad rnam par 'joms par byed pa nyid dang gdul bya rnams kyi rgyud la ye shes kyis snang bar byed pa nyid yin pa'i phyir ro//de nyid rdo rje ltar mi shigs pas na rdo rje ste/ ting nge 'dzin gang la de skad ces bya ba'i ming yod pa de la snyoms par zhugs so//shin tu drag cing gtum pa la/ /zhi bar phan par mi 'gyur te/ /zhes 'byung ba'i phyir de lta bur gyur pa'i gdul bya rnams kyi don bya ba'i phyir thugs rje chen po'i thabs kyis khro bo ni zhe sdang ste/ so ga'i dus kyi sprin med pa'i nyin par gyi nyi ma phyed kyi rgya mtsho chen po'i chu bzhin du phyi rol dro zhing nang bsil ba yin no zhes bya ba'i don to//de'i rigs ni khro bo thams cad kyi rang bzhin gyi rdo rje rtse lnga pa mchog tu 'bar ba ste 'gro ba ma lus pa'i rnam par shes pa'i phung po'i rang bzhin gyi mi bskyod pa'i gzugs skyed par byed pa yin pa'i phyir ro//mchog gi snying po'i snying po 'di zhes bya ba ni thugs la gnas pa'o/ /phyung ngo zhes bya ba ni bcom ldan 'das kyis ji skad bshad pa'i sgrub thabs kyi tshul bzhin du mi bskyod pa phyung ba'o/ /badzra d+h+r-ika ces bya ba 'di'i don ni 'di yin te/ rdo rje zhes bya ba ni 'og gi rtse mo lngas chos ma yin pa'i rang bzhin gyi mun pa'i rnam par shes pa lnga'i rnam par rtog pa lnga spangs pa dang /steng du bltas pa rnams kyis stong pa nyid la sogs pa'i rgyu mthun pa me long lta bu la sogs pa'i ye shes lnga khong du chud pa mtshon par byed pa'o/ /rdo rje 'dzin par byed pas na badzra d+h+r-ika ste/bcom ldan 'das mi bskyod pa'o/ /de skad du yang / lnga ni yangs pa lnga rig pa/ /badzra zhes ni mngon par brjod/ /'dzin pa d+h+r-ika ces bya bar bshad/ /rnam shes badzra d+h+r-ika tu 'dod/ /ces gsungs so/ /de nas 'di zhes bya ba la sogs pa nas bzhugs so zhes bya bar sbyar te/de nyid ces bya ba ni rdo rje 'chang chen po'o/ /sku dang gsung dang thugs zhes bya ba ni nang gi bdag nyid can no/ /rig pa'i skyes bu zhes bya ba ni yang dag par sbyor ba dang ldan pa ste/ sku gsung thugs kyi rdo rje yis/ /tha dad dngos su dbyer med pa'i/ /rig dang lhan cig sbyor ba yi//skyes bu rig pa'i skyes bur brjod/ /ces 'byung ba'i phyir ro/ /mi bskyod pa'i phyag rgya chen po ni zhal nag po la sogs pa'i bdag nyid can te/ der sbyor ba ni dbyung ba sngon du 'gro ba can gyi rang la gzhug pa yin zhing / des nag po'i rnam par gyur pa'i phyir sgrub thabs las bshad pa'i mtshan nyid can gyi zhe sdang rdo rjer gyur to zhes bstan to//de bzhin du le'u bco brgyad pas bcom ldan 'das kyis 'byin pa'i sngags thams cad bshad pas de'i phyir brjod par bya'o/ /de nas zhes bya ba la sogs pa la bshad ma thag pa dang rjes su mthun pa kho nar sbyar bar bya'o//de bzhin du bcom ldan 'das zhes bya ba ni rdo rje 'chang ngo / /de bzhin gshegs pa la sogs pa la/ de bzhin gshegs pa thams cad kyi dam tshig ni 'da' bar bya ba ma yin pa ste/ me long bzhin du lha thams cad kyi gzugs 'byung ba'i rgyu me long lta bu'i ye shes so/ /de las 'byung bas na dam tshig 'byung ba ste rnam par snang mdzad do//de nyid mi shigs pa nyid yin pa'i phyir rdo rje ste/ de'i nga rgyal du sems rtse gcig pa nyid du mdzad de zhes bya ba'i don to/ /lam rmongs pa dang bcas pa'i sems can gdul bar bya ba'i don du zhi ba'i ro dang ldan pa ni gti mug ste/ de'i rigs ni zhi ba la sogs pa'i gzugs can no//mchog gi zhes bya ba la sogs pa ni snga ma bzhin no/ /yod med dbus las 'das gyur cing / /'byung dang 'byung 'gyur las byung ba/ /sems can dag ni kun gyi lus/ /rgyal ba skyed byed dzi na dzika /spyan sngar zhes bya ba ni mdun du ste/ bcom ldan 'das la gzigs te bzhugs so//de nas zhes bya ba la sogs pa nas snga ma bzhin du sbyar ro/ /de bzhin gshegs pa thams cad kyi sku dang gsung dang thugs kyi rin po che ni/ thabs dang shes rab mnyam pa nyid du ro gcig pa'i bde ba chen po ste/ de las 'byung bas ni rin po che 'byung ba ste rin chen dpal lo//rdzas thams cad dag par byed pa'i phyir phun sum tshogs pa mi phyed pa rdo rje dpal te/ ting nge 'dzin gang la de skad ces bya ba nyid kyi ming yod pa de la snyoms par zhugs so/ /de bzhin du nga rgyal gyis khengs pa'i sems can rnams 'dul bar mdzad pa'i sgo nas don bya ba'i phyir 'gro ba ma lus pa rnams kyi bsam pa yongs su rdzogs par byed cing /khams gsum pa'i chos kyi rgyal srid kyi bdag po nga rgyal gyi ba dan bsgreng ba na gnas pa dang mtshungs pa ni yid bzhin gyi nor bu ste/ de'i rigs ni yangs shing che ba'i rang bzhin no//rat+na d+h+r-ika ces bya ba la/ don rnams kun las byung ba yi/ /sems ni rin chen zhes byar bshad/ /rig pas reg bya 'dzin pa yi/ /rig pa rat+na d+h+r-ika tu 'dod/ /log nas bcom ldan 'das kyi lho ru'o/ /de nas zhes bya ba la sogs pa nas de kho na bzhin du sbyar ro//thabs dang shes rab thams cad kyi phan tshun shin tu chags pa rnam par dag par byed pa'i so sor rtog pa de ni de bzhin gshegs pa thams cad kyi 'dod chags chen po ste/ de las byung ba ni 'od dpag tu med pa yin zhing mi phyed pas na rdo rje ste/ de'i rnam par sems rtse gcig pa nyid du mdzad do zhes bya ba'i don to//'dod chags kyi spyod pa can gyi sems can rnams kyi don bya ba'i phyir pad+ma dag par byed pa'i rdo rje ni rdo rje 'dod chags te/ de'i rigs ni 'dod chags thams cad kyi bdag nyid can no/ /A ro l-ika ces bya ba ni/ mtshon bya mtshon byed 'dod pa yis//kun du thams cad kun nas ni/ /mtshon bya mtshon byed la rol pa/ /A ro l-ika ces bstan pa yin/ /'jig rten dbang phyug ni gsung rdo rje yin zhing / de nyid sgra las byung ba'i shes rab kyi ngo bo nyid yin pa'i phyir rig pa thams cad kyi bdag po ste/ bcom ldan 'das kyi nub tu'o//de nas zhes bya ba la sogs pa la/ de bzhin gshegs pa thams cad kyi gdon mi za ba ni don yod par grub pa yin zhing de nyid dam tshig ste/ 'gro ba ma lus pa rnams kyi bya ba yang dag par bsgrub pa'i bya ba sgrub pa'i ye shes yin pas 'da' bar bya ba nyid ma yin pa'i phyir ro//ting nge 'dzin gang la rdo rje yin pa de nyid yod pa de la de skad ces bya'o/ /phrag dog gi spyod pa rnams de dag par byed pa'i thabs yang dag par bstan pa nyid kyi sgo nas 'gugs par byed pa'i phyir/ 'phags pa sgrol ma dang bcas pas phrag dog la sogs pa'i bya ba yang dag par ston pa ni dam tshig 'gugs pa ste/de'i rigs ni phrag dog gi bdag nyid can no/ /pradz+nyA d+h+r-ika ces bya ba ni/ rnam shes khyad par can gyur gang / /de ni shes rab yin zhes bya/ /'du byed sems dpa'i chos dag ni/ /pradz+nyA d+h+r-ika ces bya bar brjod/ /byang du bzhugs par gyur to/ / 'dis ni mi bskyod pa rnams kyi rnam par shes pa'i phung po la sogs pa rnams bcom ldan 'das kyis ji skad gsungs pa kho na bzhin du bshad pa yin te/ rnam par shes dang zhe sdang brjod/ /yangs dang ye shes gnyis kyis gsal/ /de bzhin ye shes rang bzhin rmongs/ /bems po sra ba'i ngo bo nyid//tshor ba rgyags dang rlom sems kyi/ /nga rgyal ngo bo nyid yin no/ /'du shes kun du chags bdag nyid/ /dngos po nus pa'i mtshan nyid do/ /'du byed rtag tu phrag dog ldan/ /rten 'byung bskyod pa'i bdag nyid do/ /zhe sdang la sogs pa'i rigs lnga po 'di rnams thabs dang shes rab kyis dag par lhag par mos pa'i sgo nas bsten na/sems can rnams kyi mngon par 'dod pa'i 'bras bu sangs rgyas la sogs pa sgrub par byed do/ /ci'i phyir zhe na/ nyon mongs pa nyid yang dag pa ji lta ba bzhin du yongs su shes pa nyid byang chub yin no zhes 'byung ba'i phyir ro/ /de nas zhes bya ba la sogs pa snga ma bzhin du sbyar te/de bzhin gshegs pa thams cad kyi rdo rje 'dzin ni mi bskyod pa ste/ de mnyes pa'i dam tshig ni mA ma kI yin zhing de la dmigs pa'i ting nge 'dzin la de skad ces bya'o/ /'di dang po spro ba ni rdo rje'i rigs gtso bor gyur pa'i phyir te dwe Sha ra ti'o/ / rdo rje 'chang de nyid mA ma kI'i gzugs su gyur nas bden bral gyi mtshams su nye bar bzhugs so/ /de bzhin gshegs pa thams cad ni rnam par snang mdzad yin zhing rjes su mnyes par byed pa'i rdo rje ni sangs rgyas spyan te mo ha ra ti me'i mtshams su'o/ /'dod chags 'dzin pa ni 'od dpag tu med pa yin zhing de rjes su mnyes par byed pa'i rdo rje ni gos dkar mo ste/de'i rnam par sems rtse gcig pa nyid du mdzad nas rA ga ra ti rlung gi mtshams su'o/ /de bzhin gshegs pa thams cad kyi sku dang gsung dang thugs ni don yod par grub pa ste/ de bya ba dang 'dzin pa dang len pa la sogs pa rab tu dga' ba rjes su mthun pa'i sbyor ba rnam pa tha dad pa rnams kyis gang gis slu zhing yang dag par sbyor bar byed pa ni de rnam par slu ba rdo rje ste 'phags ma sgrol ma yin zhing /de la dmigs pa'i ting nge 'dzin la de skad ces bya ste/ badzra ra ti'o//mA ma kI la sogs pa rnams zhe sdang rdo rje la sogs pa rnams dang lhan cig yang dag par sbyor ba phun sum tshogs pa'i bde ba ni dga' ba ste/ shin tu sbyor ba phun sum tshogs pa'o/ /bud med bde mchog dga' ba ste/ /gti mug de bzhin zhe sdang chags/ /rdo rje rtag tu dga' ba gnas//zhes gang gsungs pa'o/ /byang phyogs kyi grwa ru zhes bya ba ni dbang ldan gyi mtshams su'o/ /thabs ni g.yas su gzhag bya ste/ /de bzhin shes rab g.yon nyid du/ /zhes 'byung ba'i phyir lha mo rnams ni rang gi de bzhin gshegs pa rnams kyi g.yon logs su gzhag par bya ste/de rnams dang lhan cig yang dag par ldan par bsgom par bya'o/ /de bzhin gshegs pa thams cad kyi mchog phun sum tshogs pa ni btsun mo'i mchog phun sum tshogs pa zhes bya ba'i sgras bstan to/ /de nas zhes bya ba la sogs pa la phyung ngo zhes bya bar sbyar te/'phags pa gshin rje mthar byed bskyed pa'i phyir rnam par snang mdzad kyi rnam par sems rtse gcig pa'i ting nge 'dzin de la snyoms par zhugs nas so/ /de bzhin gshegs pa thams cad kyi dkyil 'khor byin gyis rlob pa zhes bya ba ni dkyil 'khor la mthu ster bar byed pa'o//ya mAn+ta krita ni/ chos rnams 'jig med bdag nyid dang / /skye ba med pa'i rang bzhin ni/ /dngos rnams kun gyi dam tshig ste/ /de phyir ya mAn+ta kr-ita do/ /bsnyengs par byed pa'i tshul zhes bya ba ni bshad zin pa'i mtshan nyid can gyi khro bo'i gzugs so/ /de bzhin gshegs pa thams cad kyi mngon par byang chub pa rdo rje ni 'phags pa gzhan gyis mi thub pa ste/de'i rnam par sems rtse gcig pa nyid du mdzad nas zhes bya ba'i tha tshig go/ /pradz+nyAn+ta kr-ita ces bya ba ni/ mchog tu dga' bas rnam dag phyir/ /chos rnams rnam shes bdag nyid min/ /sems rnams kun gyi dam tshig ste//des na pradz+nyAn+ta kr-ita rgyal/ /chos rin po che ni pad+ma'i rigs yin zhing / 'phags pa rta mgrin gang la 'byung gnas te skye ba'i gnas de nyid yod pa de la de skad ces bya ste/ de la dmigs pa'i ting nge 'dzin la de skad ces bya'o/ /pad+mAn+ta kr-ita ni/ chos rnams brjod bya'i bdag nyid min//ming dang gzugs zlo rang bzhin med/ /chos rnams kun gyi dam tshig ste/ /des na pad+mAn+ta kr-ita gtso/ /sku gsung thugs kyi tshul du zhes bya ba ni zhal gsum par ro/ /de nas zhes bya ba la sogs pa la khro bo chen po phyung ngo zhes bya bar sbyar ro/ /bcom ldan 'das zhes bya ba ni rdo rje 'chang chen po'o//de bzhin gshegs pa thams cad kyi sku dang gsung dang thugs kyi tshul du zhes bya ba ni zhal gsum par ro/ /de nas zhes bya ba la sogs pa la khro bo chen po phyung ngo zhes bya bar sbyar ro/ /bcom ldan 'das zhes bya ba ni rdo rje 'chang chen po'o//de bzhin gshegs pa thams cad kyi sku dang gsung dang thugs rdo rje ni 'phags pa bdud rtsi 'khyil pa ste/ de la dmigs pa'i ting nge 'dzin la de skad ces bya ste/ big+h+nAn+ta kr-ita ces bya ba ni/ ngang gis zhi ba'i rang bzhin phyir/ /chos rnams mi rtog bdag nyid ni/ /rdo rje kun gyi dam tshig ste//de phyir big+h+nAn+ta kr-ita gtso/ /khro bo rnams kyi skyil krung ni g.yas brkyang ba la sogs pa nyid yin te/ bcom ldan 'das kyis/ rkang pa bskyod dang nges bskyod dang / /yang dag bskyod dang gyen bskyod gnas/ /de dag khro bo rnams kyi ni/ /skyil krung chen por yang dag bsgrags//zhes gsungs so/ /khro bo rnams ni shar la sogs pa'i sgo rnams su gnas pa ste/ de rnams kyi kha dog dang dbyibs dang gdan la sogs pa'i nges pa ni sgrub pa'i thabs su bshad pa de nyid phyir yang dag par brjod par mi bya'o/ /dkyil 'khor du mnyes par bya ba'i don gyi dam tshig sems dpa' rnams ni dkyil 'khor mnyes par bya ba'i dam tshig sems dpa' rnams te/bgegs thams cad rab tu 'joms par byed pa nyid yin pa'i phyir dang / bka' thams cad sgrub par byed pa'i phyir ro/ /ting nge 'dzin dang dkyil 'khor dag byin gyis rlob pa'am ting nge 'dzin gyis bskyed pa'i dkyil 'khor du sems can rnams kyang nyan par 'dod pa nus pa can du byin gyis rlob pa ste/don de ston par byed pa'i sgra'i tshogs la de skad ces bya'o/ /pa ta ni byang chub kyi sems yin zhing de lan par byed pas na pa ta la ste le'u'o/ /rab tu dga' ba'i 'byung gnas go chas mdzad pa las le'u dang po'i rnam par bshad pa'o// //'di la bsdus pa'i tshad ni tshigs su bcad pa stong dgu bcu rtsa gnyis yod do/ /snod du rung bar byas pa rnams la gnas dang rten la sogs pa'i cho ga sngon du 'gro ba can gyi byang chub kyi sems sgom pa nye bar bstan par bya ba yin pa'i phyir de'i rjes thogs su byang chub sems kyi le'u de nas zhes bya ba la sogs pas gsungs te/gsol to zhes bya bar sbyar ro/ /de ni sku gsung thugs kyi bdag nyid kyang yin la bdag po yang yin pas rdo rje 'chang chen po ste de la'o/ /de rnams ni de bzhin gshegs pa yang yin la thams cad kyang yin pas de bzhin gshegs pa thams cad de/rnam par snang mdzad la sogs pa rnams kyis mchod pa zhes bya ba bla na med pa la sogs pa'i rang bzhin can de byas te phyag kyang 'tshal nas bcom ldan 'das la gsol ba btab po//sku dang gsung dang thugs kyi mchog /bcom ldan snying po bshad du gsol/ /zhes bya bar sbyar te/ snying po zhes bya ba ni chos kyi sku'i rang bzhin te shes rab gtso bor gyur pa'o/ /de nyid ni mi phyed cing khyad par du 'phags pa'i thabs gtso bor gyur pa'i sku la sogs pa rnams sgrub par byed pa nyid yin pa'i phyir/sku dang gsung dang thugs kyi mchog ste rgyu la 'bras bu nye bar btags pa'i phyir ro/ /de bas na 'di ni thabs dang shes rab kyi rang bzhin can gyi byang chub kyi sems gsungs so/ /'di ni de bzhin gshegs pa kun gyi yin pas de bzhin gshegs pa kun gyi'o//spyod pa la sogs pa'i tshul brten pa rnams la bshad par mi bya ba nyid yin pa'i phyir gsang ba'o/ /byang chub sems zhes bya ba ni don dam pa ste de nyid kyi phyir thams cad las mchog yin pas bla na med pa'o/ /de nas bcom ldan 'das kyis 'di skad ces bka' stsal to zhes bya bar sbyar te/lhag ma ni go sla'o/ /sems kyi yongs su rtog pa yang thugs kyis mkhyen nas zhes bya ba ni/ gal te bcom ldan 'das kyis rdzogs pa'i byang chub kyi 'bras bu thob par bya ba'i phyir bdag cag la byang chub kyi sems chen po'i man ngag byin pa de'i tshe/ sems can rnams kyi don chen por 'gyur ro snyam pa'i de lta bur ro/ /khyod kyi sems zhes bya ba ni byang chub thob par byed pa ste/ thog ma dang tha ma med pa'i chos kyi dbyings kyi rang bzhin no/ /lus kyi rnam pa de lta bu zhes bya ba ni de bzhin nyid du ro gcig pa'i bdag nyid can gyi gzugs brnyan lta bu'i sku rdo rje'i ngo bor ro//lus zhes bya ba ni nyon mongs pa can dang / nyon mongs pa can ma yin pa dang / brtan pa dang g.yo ba'i khams gsum pa ma lus pa ni lus yin te/ 'di nyid las de nas de bzhin gshegs pa rdo rje rnam par snang mdzad khams gsum pa'i sku rdo rje thams cad la bzhugs te/de bzhin gshegs pa thams cad kyi mnyam pa nyid la lhag par dmigs nas cang mi gsung bar gyur to zhes gang gsungs pa'o/ /sems lta bu zhes bya ba ni sra zhing brtan la khong stong med pa gzhig par bya ba min zhing gcad par bya ba ma yin pa'i mtshan nyid can dang po'i rdo rje'i rnam par te/sgyu ma la sogs pa bzhin du snang ba tsam yin zhing don dam par rang bzhin med par ro/ /sems zhes bya ba ni khams gsum pa'i snang ba'i rnam pa'o/ /tshig brjod pa lta bur zhes bya ba la tshig nyid brjod pa yin pas tshig brjod pa ste/gsung rdo rje yin zhing de lta bu ste brag ca'i sgra dang mtshungs shing nam mkha'i mtshan nyid du'o/ /tshig kyang zhes bya ba ni khams gsum pa thams cad kyi thugs dang gsung rdo rje rnams la bzhugs te zhes bya ba la sogs pa 'byung ba'i phyir khams gsum pa'i tshig ste skyed cig pa'o//de nas zhes bya ba la sogs pa la sbyar nas zhes bya ba thos pa'i don bstan par byas shing sgom pas khong du chud par byas nas sems rab tu dga' bar gyur pas ched du brjod pa 'di ched du brjod de/ tshul gnas thos dang bsam ldan pas/ /bsgom pa la ni rab tu sbyar//zhes 'byung ba'i phyir ro/ /e ma zhes pa ni ngo mtshar ba'o/ /'o zhes bya ba'i sgra ni gang gi phyir zhes bya ba'i don to/ /gang las kun du bzang ba ste dge legs gdul bya rnams kyi rgyud las 'byung bas na kun du bzang po ste/ tshangs pa la sogs pa'i gzugs rnams kyi sgo nas kyang zhes bya ba'i tha tshig go//de lta bu'i yon tan khyad par can dang ldan pa'i rdo rje 'chang chen po de'i sku dang gsung dang thugs rnams ni don dam par nam mkha' bzhin du skye ba med pa yin pas 'di ni skye ba med pa ste chos kyi sku'o/ / de'i sbyor ba ni rnal 'byor pa rnams kyi rgyud de'i rang bzhin du bya ba'o/ /des skye ba ni longs spyod rdzogs pa'i sku la sogs pa rnams kyi rnam par nam mkha' las mtshan ma dang gzugs su 'byung ba ste/ rtsig pa la sogs pa bslangs nas nam mkha' la gzhag go zhes bya ba la sogs pa'i tha snyad bzhin no//'di ni zhes bya ba ni thugs la gnas pa ste rab tu bsgrags shing bstan to zhes bya ba'i don to/ /de ltar rigs chad pa dang rig ma nges pa rnams dang rjes su mthun par ston pa lhur len pa'i byang chub sems dpa' rnams la byang chub kyi sems bstan te/da ni rigs nges pa'i sems can rnams kyi rang bzhin can gyi de bzhin gshegs pa rnams kyi dbang du mdzad nas/ de nas zhes bya ba la sogs pa gsungs te gsungs so zhes bya bar sbyar ro/ /de bzhin gshegs pa thams cad kyi mngon par rdzogs par byang chub pa ni rnam par thar pa'i sgo stong pa nyid la sogs pa'i rgyu mthun pa me long lta bu la sogs pa'i ye shes lnga rtogs pa'o//de'i tshul ni de mngon du bya ba'i thabs yin zhing de nyid rdo rje ste don de bstan pa'i phyir sems rtse gcig pa nyid du mdzad nas zhes bya ba'i don to/ /dngos po rnams la dmigs pa'i spyod pa can gyi sems can rnams kyi dbang du mdzad nas/dngos po med pa zhes bya ba la sogs pa gsungs te/ ji ltar brtags pa'i dngos po rnams kyi gzungs la sogs pa'i rnam pa rdul phra rab la sogs par phye ba'i sgo nas bsal ba nyid yin pa'i phyir dngos po med pa'o//de bas na de sgom pa med cing stong pa'o/ /gal te chos thams cad ces bya ba ni mngon par zhen pa'i rnam pa ste/ de ni med pa yin zhing bsgom pa ma grub pa de lta na ni stong pa nyid kho na yin grang ngo zhes bya bar nges so/ /mtshan ma dgag pa'i phyir bsgom par bya ba la sogs pa gsungs te/stong pa'i rnam pa can gyi bsgom par bya ba kun du brtags pa gang yin pa de ni rung ba ma yin pa nyid de/ gang na bum pa nye bar dmigs shing de med pa na/ 'di ni bum pas stong pa'i gnas yin no zhes brjod par bya ba yin no/ /'di ni re zhig bsgom pa nyid kyang ma grub na/ des stong pa nyid lta ga la grub/de skad du yang / med pa yod pa'i zlas drangs so/ /zhes bshad do/ /smon pa dgag pa'i phyir de ltar/ /zhes bya ba la sogs pa gsungs te/ de ltar de bzhin du yang smon lam gyi sgo nas kun du brtags pa'i 'bras bu gang yin pa de yang med pa yin te/ dngos po dang mtshan ma bkag pa nyid yin pas/bskal pa'i smon par bya ba dang smon par byed pa dang smon pa nye bar dmigs pa med pa'i phyir ro/ /de la dam pa'i don du ni/ /gang du 'gro bya 'gro ba dang / /'gro ba po med bsgom pa dang / /bsgom bya sgom pa po nyid med/ /ces gang gsungs pa'o/ /'dis ni bar du gcod pa'i 'bras bu la nges pa med pa'i phyir mngon par rdzogs pa'i byang chub ni rang gi sems yin par bstan te/rang gi sems yang dag pa ji lta ba bzhin du yongs su shes pa kho na byang chub yin no zhes 'byung ba'i phyir ro/ /'du byed pa'i mtshan nyid bsal bar bya ba'i phyir de bas bsgom pas zhes bya ba la sogs pa gsungs te/de bas zhes bya ba ni tshigs su bcad pa'i don bstan pa'i sgo nas so/ /bsgom pa ste dngos po la sogs pa'i rnam pa can dmigs su med cing yod pa ma yin no zhes bya ba'i tha tshig go/ /tshig de rnams kyis ni dngos po la sogs pa rnams kyi gnyen por gyur pa rnam par thar pa'i sgo stong pa nyid la sogs pa bzhi bstan par rtogs par bya'o//de la thog ma dang tha ma med pa'i chos kyi dbyings ni thar pa'i grong khyer shin tu khyad par du 'phags pa yin par brjod par bya ste/ der 'jug pa'i sgo dang lam ni stong pa nyid la sogs pa yin pa'i phyir rnam par thar pa'i sgo bstan pa nyid kyis chos kyi dbyings kyi don bstan pa kho na yin no//de'i phyir bdag po gtso bor bya ba'i sgo nas bcom ldan 'das kyis tshig tha dad pas bstan te mi bskyod pa'i rang bzhin yin no/ / slar yang stong pa nyid la sogs pa rnams kyi dgongs pa bstan te/ dngos po tsam 'ba' zhig 'gog gi thams cad ni ma yin zhing / me long du byung ba'i gzugs brnyan gyi tshul du thams cad yod do zhes bya ba 'dis ni stong pa nyid kyi rgyu mthun pa me long lta bu'i ye shes kyi rang bzhin gyi rnam par snang mdzad kyi mdo bstan to//de bzhin du mtshan ma med pa la sogs pa rnams kyi rgyu mthun pa'i mnyam pa nyid kyi ye shes la sogs pa'i rang bzhin gyi rin chen dpal la sogs pa rnams kyi mdo tshig rnams bstan to/ /de ltar na sems can de rnams yid ches pa thob par gyur pas bsgrub pa la sogs pa la yang dag par 'jug par 'gyur ba'i phyir/bcom ldan 'das kyis de lta bu la sogs pa gsungs so/ /da ni bcom ldan 'das kyi byang chub kyi sems kyi tshigs su bcad pa'i don rtogs nas/ de bzhin gshegs pa rnams kyi rang rang gi rnam par thar pa rnams kyi sgo nas gdul bya'i skye bo rnams kyi don bya ba'i phyir tshigs su bcad pa rnams gsungs te/de nas bcom ldan 'das rnam par snang mdzad kyis gsungs so zhes bya bar sbyar ro/ /de bzhin gshegs pa thams cad kyi mngon par te rnam pa ma lus par rtogs pa ni gzugs brnyan 'byung ba'i mtshan nyid can gyi me long lta bu'i ye shes kyi rang bzhin gyi rnam par snang mdzad do//de'i tshul ni de skyed par byed pa'i de bzhin nyid yin zhing / gang la de nyid rdo rje yin pa yod pa de la de skad ces bya ste/ de ston pa'i rnam pa can du sems rtse gcig par mdzad de zhes bya ba'i tha tshig go//dngos po thams cad ces bya ba la sogs pas ni mdo'i don bstan te/ dngos po thams cad dang bral ba zhes bya ba ni dngos por dmigs pa med pa'o/ /dngos po de gang zhe na/ phung po la sogs pa rnams so/ /gzung ba ni yul gyi rang bzhin no//'dzin pa ni rnam par shes pa yin la/ de dag lcags kyi gong bu skam pas 'dzin pa'i tshul du gzung ba dang / 'dzin pa mi dmigs te/ skad cig gcig tu 'byung bar snang ba tsam nyid yin pa'i phyir ro/ /rang dang spyi'i mtshan nyid 'dzin pa'i phyir chos te/ nyon mongs pa can dang nyon mongs pa can ma yin pa'i rang bzhin can gyi phung po la sogs pa rnams dang /stobs bcu dang mi 'jigs pa la sogs pa rnams dang / sangs rgyas kyi yon tan gyi 'byung gnas kyi yon tan bco lnga'o/ /de rnams don dam par rang bzhin med pa nyid ni chos bdag med pa yin zhing /gang dag la bdag ste rang bzhin med pa de ni bdag med pa ste/ bdag med pa'i dngos po ni bdag med pa nyid do/ /de nyid ni mnyam pa nyid de dngos po thams cad tha dad pa med pa'o/ /de'i phyir rgyu des sems can thams cad kyi rang gi sems gzod ma nas ma skyes pa yin zhing de nyid kyi phyir stong pa nyid kyi rang bzhin yin no//de nas zhes bya ba la sogs pa la gsungs so zhes bya bar sbyar ro/ /de bzhin gshegs pa thams cad kyi mi zad pa ni thog ma dang tha ma med pa'i chos kyi dbyings te/ ting nge 'dzin gang la de nyid mi shigs pa nyid kyi phyir rdo rje yin pa yod pa de la de skad ces bya'o//dngos po ni nyon mongs pa can dang nyon mongs pa can ma yin pa'i rnam pa can gyi phung po la sogs pa rnams dang / rdo rje'i rigs kyi rang bzhin can gyi yon tan gyi tshogs rnams te/ de rnams ma skyes pa ni ma byung ba'o/ /de ci'i phyir zhe na/ chos dang zhes bya ba la sogs pa gsungs te/'di ltar shes rab kyi stobs kyis rnam par dpyad na chos rnams nye bar dmigs shing / de'i chos nyid ni stong pa nyid de de yang dngos por ma grub pa nyid kyis gsal ba yin no/ /don de nyid dpe'i sgo nas bstan pa'i phyir/ nam mkha' zhes bya ba la sogs pa gsungs te/ji ltar nam mkha' rdzas thams cad med pa'i rang bzhin yin pa de bzhin du/ chos thams cad bdag med pa de thog ma dang tha ma med pa'i chos kyi dbyings kyi rang bzhin no/ /'di ni zhes bya ba ni thugs la gnas pa'o/ /ji skad bshad pa'i byang chub kyi sems kyis thos pa dang bsams pa dang bsgoms pa las byung ba'i shes rab kyi sgo nas byang chub tu khrid par byed pas na byang chub tshul lo//brtan pa ni nges pa'o/ /de nas zhes bya ba la sogs pa la gsungs so zhes bya bar sbyar ro/ /de bzhin gshegs pa thams cad kyi bdag med pa ni rnam par thar pa'i sgo mtshan ma med pa'i rgyu mthun pa'i mnyam pa nyid kyi ye shes te/gang la de nyid rdo rje yod pa yin pa de la de skad ces bya'o/ /chos rnams thams cad dngos med cing / /zhes bya ba ni bshad zin pa'i mtshan nyid can kho na yin no/ ji ltar zhe na/ chos kyi zhes bya ba la sogs pa gsungs te/ re zhig khams gsum pa'i dag pa dang ma dag pa'i rnam par rtog pa'i rang bzhin can gyi chos rnams ma grub pa kho na yin na/ de rnams kyi mtshan nyid lha gang la grub ste/ mo gsham gyi bu'i sngo bsangs dang dkar sham nyid la sogs pa bzhin no/ / de'i phyir chos kyi mtshan nyid rnam par spangs pa yin no/ /ji ltar rigs la sogs pa rnams 'byung zhe na/ chos zhes bya ba la sogs pa gsungs te/ chos bdag med pa ni bshad zin pa yin zhing de las kun du 'byung bas chos bdag med las kun du byung ba ste/ rin po che'i rigs kyi lha rnams so//de nas zhes bya ba nas gsungs so zhes bya bar sbyar ro/ /ye shes kyi 'od zer ni rnam par thar pa'i sgo smon pa med pa yin zhing / gang la bsgom par bya ba dang / sgom par byed pa dang / bsgom pa bkag pa'i sgo nas nyon mongs pa'i bud shing ma lus pa sreg par byed pa de las byung ba'i rdo rje sgron ma ste/so sor rtog pa'i ye shes yod pa de la de skad ces bya'o/ /ma skyes pa'i zhes bya ba la sogs pa ni bshad zin to/ /nam mkha' ni rnam par thar pa'i smon pa med pa'o/ /de nyid gnas te zhing so sor rtog pa'i ye shes kyi rang bzhin can gyi 'od dpag tu med pa'i skye ba'i gnas so//sbyor ba ni pad+ma'i rigs bsgom pa'i rnam pa ste de de yis so/ /de ltar zhes bya ba la sogs pa 'dis ni/ de ltar dngos po dngos med pas/ /zhes bya ba'i mdo de'i don yin par rab tu bsgrags shing bstan to/ /de nas bcom ldan 'das don yod grub pas gsungs so zhes bya bar sbyar ro//rnam par thar pa'i sgo rang bzhin gyis 'od gsal ba'i rgyu mthun pa bya ba sgrub pa'i ye shes gang gis de bzhin gshegs pa thams cad de bshad ma thag pa de rnams zil gyis gnon cing snang ba med par byed pa de la de skad ces bya zhing / gang la de nyid rdo rje yin pa yod pa de la de skad ces bya'o//chos rnams zhes bya ba la sogs pa la chos rnams zhes bya ba ni sngar rnam par phye ba rnams ni rang bzhin te ngo bo nyid kyis 'od gsal zhing dri ma med pa'o/ /ci'i phyir zhe na/ gdod nas dag pa zhes bya ba gdod ma nyid nas ma skyes pa nyid yin pa'i phyir ro//de rnams ci lta bu zhe na/ nam mkha' bzhin zhes bya ba gsungs te/ nyi ma phyed kyi dus kyi sprin dang bral ba de bzhin du de rnams ni dri ma med cing gsal ba'i rang bzhin yin no zhes bya ba'i don to/ /gdod nas dag pa nyid yin pa'i phyir byang chub ste kun du brtags pa'i rang bzhin gyi 'bras bu med cing mngon par rtogs te de thob par byed pa'i rgyu med pa kho na'o//lhag ma ni bshad zin te/ don yod par grub pas de skad ces gsungs so/ /kha cig ni bcom ldan 'das nyid ting nge 'dzin de dang de la snyoms par zhugs nas byang chub kyi sems kyi tshigs su bcad pa rnams gsungs so zhes zer te/dngos po de ni yid bzhin gyi rin po che lta bu yin pas bshad pa gzhan de yang yin la ni rag na/ 'on kyang ji ltar 'byin pa'i skabs su bcom ldan 'das nyid de dang de'i rnam pa gzugs su gyur nas de dang der bzhugs pa de bzhin du 'dir ni mi 'dod de/tshigs su bcad pa rnams kyi thog ma dang tha mar rnam par snang mdzad la sogs pa'i mtshan gyi tshig rnams dang spel ba nyid yin pa'i phyir ro/ /byams pa la sogs pa byang chub sems dpa' chen po rnams kyis bcom ldan 'das dang de bzhin gshegs pa rnams kyi byang chub kyi sems brtan pa thos nas ngo mtshar dang rmad du gyur pa'i tshig dag gis rgyu dang 'bras bu la ngo mtshar du gyur pa ston par byed cing dga' ba'i tshig gis ched du brjod pa sngon du 'gro ba can gyi bstod pa byed de/e ma'o zhes pa ni ngo mtshar ba'o/ /sangs rgyas zhes bya ba la sogs pas ni ston pa po rnyed par dka' ba nyid du ston to//mi bskyod pa gang la de kho na nyid kyis dag pa'i don chos kyi dbyings kyi rang bzhin yod pa de la de skad ces bya'o/ /dag pa'i don ni rnam par snang mdzad de me long lta bu'i ye shes dri ma med pa dang ldan pa'i phyir ro/ /bdag med pa'i chos ni snga ma bzhin te de las byung ba ni rin chen dpal lo//gdul bya rnams kyis sangs rgyas kyi byang chub thob par byed pas na sangs rgyas byang chub rdzogs par mdzad pas ni 'od dpag tu med pa'o/ /rang bzhin gyis gsal ba'i rgyu mthun pa bya ba sgrub pa'i ye shes kyis rnam par rtog pa'i nyes pa ma lus pa spangs pa nyid yin pa'i phyir rnam par mi rtog pa ni don yod par grub pa'o//gnas skabs la sogs rnam pa can gyi mA ma kI'i sprul pas dmigs pa spong ba'i phyir dmigs su med pa'o/ /sangs rgyas spyan gyi sprul pa'i sgo nas zhi ba la sogs pa rnams kyis 'gro ba ma lus pa'i don mdzad pa'i phyir kun du bzang po'o//de kho na bzhin du gos dkar mo'i sgo nas sems can rnams kyi rgyud la chos kyi don rgyas par byed pa'i phyir thams cad don no/ /'phags ma sgrol ma sprul pa'i sgo nas zhi ba la sogs pa rnams kyis 'gro ba ma lus pa'i bya ba bsgrub pa'i phyir byang chub sems ni rab bskor ba'o//byang chub kyi lam la 'dzud par byed pa'i phyir dang / zhugs pa'i sems can gyi khams kun du srung ba'i phyir/ gshin rje mthar byed ni byang chub spyod pa rdo rje che'o/ /de bzhin gshegs pa'i thugs dag pa zhes bya ba ni nyon mongs pa ma lus pa kun du pham par byed pa'i phyir 'phags pa gzhan gyis mi thub pa'o//sku dang gsung dang thugs rdo rje ltar mi phyed pa nyid 'dzin par byed pas na sku dang gsung dang thugs rdo rje 'dzin te 'phags pa rta mgrin no/ /gang la sangs rgyas kyi byang chub la sems can rnams khyad par 'god pa'i ngang tshul yod pa de ni sangs rgyas byang chub rab ston pa de la 'phags pa bdud rtsi 'khyil pa'o//byang chub kyi sems la phyag 'tshal ba'i tshig bzhi po rnams kyis ni rnam par dag pa'i byang chub kyi sems chen po mnga' zhing rnam par dag pa bzhi dang ldan pa/ rnam par thar pa'i sgo bzhi'i rgyu mthun pa'i me long lta bu la sogs pa'i ye shes kyi bdag nyid 'byin pa'i dkyil 'khor gyi rang bzhin can gyi bcom ldan 'das la phyag bzhi byas so//gzhan ni bshad zin to/ /byang chub sems kyi le'u ste gnyis pa'i rnam par bshad pa'o// //lhag par mos pa'i byang chub kyi sems bsgom pa'i rjes thogs su byang chub kyi sems bsgoms nas de brten par bya ba sngon du 'gro ba can gyi rang gi lha la dmigs par bya'o zhes bstan pa'i phyir rdo rje bkod pa zhes bya ba'i le'u gsungs te de nas zhes bya ba nas gsungs so zhes bya bar sbyar ro//sku dang gsung dang thugs rdo rje de bzhin gshegs pa ni rdo rje 'chang chen po'o//de bzhin gshegs pa thams cad ni rnam par snang mdzad la sogs pa rnams so/ /de rnams kyis nam mkha' khyab pa ni 'phro ba yin zhing / nam mkha'i dbyings ma lus pa khyab par byed pa'i phyir de nyid sprin yin no/ /de dag yang dag par bsdus nas/rten gyi dkyil 'khor la gnas ji lta ba bzhin du gnas pa'i dkyil 'khor pa'i lha rnams nye bar dgod pa'i rim pa'i rang bzhin nyid yin pa'i phyir bkod pa'o/ /de nyid mi shigs pa nyid yin pa'i phyir rdo rje yin zhing de la dmigs shing de'i ming can gyi ting nge 'dzin la de skad ces bya ste/de la snyoms par zhugs nas so/ /rdo rje ni sangs rgyas bcom ldan 'das so/ /de rnams kyi bkod pa ni dkyil 'khor du dgod pa'i rang bzhin te/ de nyid ting nge 'dzin gyi le'u zhes bya ba la rten dang brten pa nyid rdo rje 'chang chen por lhag par mos pa'i rnam par sems rtse gcig pa nyid ni ting nge 'dzin to//pa ta ni byang chub kyi sems te chos kyi dbyings kyi ngo bo nyid kyis thams cad la bkag pa'i phyir ro/ /de len cing 'dzin par byed pas na pa ta la ste le'u'o/ /'di zhes bya ba ni thugs la gnas pa'o/ /'di skad du bstan pa yin te/ slob bzhin pa'i rnal 'byor pa ji skad bshad pa'i gnas na gnas shing snying rje chen po'i sems bskyed pa sngon du 'gro ba can gyi rdo rje chen por lhag par mos pa dang ldan pas spro ba dang bsdu ba'i rim gyis rten dang brten pa'i bdag nyid can du gyur nas/sgrub thabs kyi tshul bzhin du byang chub kyi sems rnam par bsgoms te/oM shU n+ya tA zhes bya ba'i sngags kyis byin gyis brlab par bya'o/ /don de nyid nam mkha'i zhes bya ba la sogs pa gsungs te/ nam mkha'i dbyings ni lha mo kun du bzang mo'i chos 'byung yin zhing de'i dbus su bsgom par bya'o/ /sangs rgyas dkyil 'khor zhes bya ba la/sangs rgyas te rnam par snang mdzad la sogs pa de bzhin gshegs pa rnams kyi dkyil 'khor ni sangs rgyas dkyil 'khor ro/ /'od zer sprin gyi tshogs chen po/ /zhes bya ba ni 'od zer mtha' yas pa'i tshogs rnams kyis rnam par spras shing mdzes pa'o/ / gang la sangs rgyas kyi 'bar ba rnams dang mnyam zhing mtshungs pa'i 'od yod pa de ni sangs rgyas 'bar mnyam 'od dang ldan pa ste/ mchod rten gyi nang na gnas pa'i dkyil 'khor ro/ /de nyid/ 'od zer sna lngas kun du khyab/ /ces bya bas khyad par du byed de/ 'od zer dkar po dang / ser po dang / ljang gu dang / dmar po dang / sngon po rnams kyis khyab pa'o/ /kun nas yongs su zlum po ste/ /zhes bya ba ni dbus kyi dkyil 'khor 'od kyi 'khor lo zlum po nyid yin pa'i phyir ro/ /'dod pa'i yon tan lnga ni gzugs la sogs pa'i yul rnams te/ gang la gzugs rdo rje ma la sogs pa'i lha mo'i rang bzhin can de rnams nyid yod pa de la de skad ces bya'o//rtag pa la sogs pa'i rang gi ngo bo can gyi bdud rtsi lnga ni mchod pa rnam pa lnga ste/ de rnams kyis brgyan cing mdzes par byas pa zhes bya ba'i don to/ /mdor na de ltar bsgoms nas su/ / zhes bya ba ni skad cig gis ji skad bshad pa'i rten no/ /gzugs ni dbus su bsgom par bya/ /zhes bya ba ni brten pa rdo rje 'chang chen po'i gzugs yin zhing de yang de kho na bzhin du ste/ 'og nas/ sangs rgyas gzugs ni rab bsgom na/ /rnam par snang mdzad la sogs bsgom/ / zhes ston pa'i phyir ro/ /de'i sgrub thabs las bshad pa'i tshul bzhin du rnam par snang mdzad la sogs pa dbyung ba dang gzhug pa'i sgo nas phyag rgya chen po gsum gyi rang bzhin dang ldan par bsgom par bya'o/ /yang na sku gsung thugs rdo rje ni zhe sdang rdo rje ste de'i phyag rgya chen po'o/ /tshogs gnyis dang ldan pa zhes bya ba ni yang dag par sbyor ba las phyung ste/de'i sprul pa rnams kyis 'gro ba ma lus pa'i don byas nas/ de bsdus te rang gi lus la bcug nas mi bskyod par gyur par bya zhing / tshul 'dis rdo rje 'chang chen po dang mi bskyod pa dag gcig nyid du gyur pas tshogs gnyis dang ldan pa ste de yis so//mi bskyod pa'i rgyal mchog ces bya ba rdo rje'i rigs gtso bor gyur pa yin pa'i phyir mchog dang / de bzhin du rin chen dpal la sogs pa lha thams cad kyi phyag rgya chen po rdo rje 'chang chen po dang tha mi dad pa'i bdag po'i rang bzhin du dkyil 'khor gsum las gang yang rung ba'i dbus su bsgom par bya ste/rdo rje 'dzin mchog gang zhig gi /gzugs ni dbus su legs bris pa'i/ /dkyil 'khor gnas ni de yi yin/ /zhes 'byung ba'i phyir ro/ /sku gsung thugs kyi rdo rje can/ /zhes bya ba ni zhe sdang rdo rje'o/ /in+d+ra nI la'i 'od 'dra ba/ /zhes bya ba ni in+d+ra nI la lta bu'i sku mdog dang ldan pa'o//phyag na rdo rje rtse lnga pa 'bar ba bsnams pa ni mi bskyod pa yin zhing / de nyid rab 'bar ba de gang la rab tu 'bar ba yod pa de la de skad ces bya'o/ /mche ba 'gul ba ni rnam pa ste de gtsigs pa ni shin tu drag pa'o/ /de nyid kyi phyir 'jigs su rung ba ste/'jigs par byed pa yin la/ mche ba gtsigs shing rnam par khros pa'i mdangs can gyi zhal dang ldan pa'i mi bskyod pa'o/ /shel dang zla ba'i 'od ces bya ba la sogs pas ni rnam par snang mdzad 'khor lo bsnams pa'o/ /'dzam bu chu bo'i gser 'od 'dra ba ni rin chen dpal sku mdog ser po dang ldan pa'o//sangs rgyas sprin gyis rab tu 'khrigs/ /rdo rje chen po rtse dgu pa/ /zhes bya ba ni sangs rgyas sprin gyi tshogs 'phro zhing in+d+ra nI la lta bu'i rdo rje chen po rtse mo dgu pa ste thugs kyi dkyil 'khor gyi le'u las in+d+ra nI la'i mdog can du bstan pa'i phyir ro//de'i zhes bya ba zhe sdang rdo rje'i phyag tu'o/ /marka ta yi 'od 'dra ba/ /zhes bya ba ni sku mdog ljang gu dang ldan pa'i don yod par grub pa'o/ /phyag na rin chen bsnams pa zhes bya ba ni rdo rje'i rnam pa can gyi 'bar bas brgyan cing nyi ma 'char ka lta bu'i rin po che ste rin chen 'byung ldan gyi'o//kun du 'bar ba'i sprin gyis khyab/ /ces bya ba ni de nyid kyi 'od kyi dkyil 'khor ro/ /pad+ma rA ga zhes bya ba la sogs pas ni 'od dpag tu med pa sku mdog dmar po phyag na pad+ma bsnams pa'o/ /'od zer sna lnga zhes bya ba la sogs pas ni don yod par grub pa 'od zer kha dog sna lnga pa'i 'od 'bar zhing phyag na ral gri bsnams pa'o//kha dog sna tshogs pa ni ma yin te/ 'byin pa'i skabs su ljang gu nyid du bstan pa'i phyir ro/ /rang gi yi ge gsum las byung ba'i 'od zer rnams kyis de bzhin gshegs pa la sogs pa thams cad yi ge gsum du byas te bcug pa'i rjes thogs la chos kyi dbyings kyi sngags kyis byin gyis brlab par bya ba yin pas/de nas zhes bya ba la sogs pa gsungs so/ /chos kyi dbyings zhes bya ba ni sems can ma lus pa sdud par byed pa'i snying rje chen po'i rang bzhin can/ rang gi sku dang gsung dang thugs kyi yi ge rnams kyi chos kyi dbyings te de bzhin nyid do//de la dmigs pa'i ting nge 'dzin ni chos kyi dbyings kyi ngo bo'o/ /snyoms par zhugs nas zhes bya ba ni de bstan pa'i rnam par sems rtse gcig pa nyid du byas nas so/ /sku dang gsung dang thugs zhes bya ba yi ge gsum gyi rnam pa can gyi sngags kyis byin gyis brlabs pas snying rje dang shes rab tha mi dad pa dang bsod nams dang ye shes kyi tshogs kyi rang bzhin can gyi zla ba'i dkyil 'khor dmar skya blta bar bya'o//ting nge 'dzin gsum gyi rjes thogs su slob bzhin pa'i rnal 'byor pas phra mo'i rnal 'byor bsgom par bya ba yin pas rin chen kha dog ces bya ba la sogs pa gsungs so//rin chen zhes bya ba ni byang chub kyi sems kyi thig le nyungs kar gyi 'bru'i tshad tsam mo/ /rigs lnga'i ye shes bsdus pa nyid yin pa'i phyi kha dog lnga pa ste/ de'i dbus su rdo rje 'chang chen po'i rnal 'byor pas dkyil 'khor gyi 'khor lo'i bdag nyid dam/yang na lha mo bzhis yongs su bskor zhing dngos po thams cad kyi bdag nyid can gnyis su med par snyoms par zhugs pa'i gzugs can gyi rdo rje 'chang chen po bsgom par bya'o/ /sna'i rtse mor zhes bya ba ni rang gi rig ma'i pad+ma'i sna nang du'o//nan tan du zhes bya ba ni sems rtse gcig par ro/ /sbyor ba yis zhes bya ba ni rdo rje dang pad+mar sbyor bas so/ /rtag tu zhes bya ba ni nyin dang mtshan du'o/ /rin chen brten par gyur ces bya ba ni ji srid du sgra la sogs pa nye bar gyur pa mi 'dzin pa dang / bsam par bya ba tsam la dmigs pa'i mtshan ma mthong ba'i sgo nas sems brten par gyur par shes pa de srid du bsgom par bya ba'o/ /de nas sems dbang du gyur par bya ba'i phyir spro bar bya ste/ rnam par snang mdzad la sogs pa'i sangs rgyas rnams kyi 'od zer dkar po la sogs pa'i tshogs kyi rnam pa ni sangs rgyas 'bar ba'o//rnam par spros pa'i de bzhin gshegs pa la sogs pa gang dag la de rnams dang 'dra ba'i 'od yod pa de dag la de skad ces bya'o/ /mchog rab ces bya ba ni khyad par du 'phags pa yin zhing de'i sprin ni tshogs rnams te de dag gis so//de nyid 'khor lo zhes bya ba la sogs pas 'chad par byed de/ 'khor lo ni dkar po rtsibs brgyad pa'o/ /rdo rje ni in+d+ra nI la lta bu'o/ /sprin chen zhes bya ba ni sgra'i rjes su 'jug pa'i shes rab kyi rang bzhin gyi dril bu dmar skya'o/ /pad+ma dang ni de'i lha dang rjes su mthun pa'i mdog can no//mdzod ni nor gyi khang pa ste de'i rang bzhin can gyi yid bzhin gyi rin po che 'char ka'i nyi ma lta bu'o/ /mtshon cha ni ral gri ut+pa la sngon po'i mdog can te/ rang gi rigs ni phyag mtshan de rnams g.yas pa'i rtsa ba'i phyag gis 'dzin cing lhag ma rnams gzhan rnams kyis 'dzin par byed pas na dkyil 'khor thams cad phyag mtshan drug 'dzin pa ste de rnams so//de nyid kyi phyir/ byang chub sems dpa' sprin chen rnams/ /zhes bya ba gsungs so/ /de ni nye bar mtshon pa yin te/ lha mo dang khro mo'i sprin rnams kyang ngo zhes shes par bya'o/ / gang la gnas nas 'di bsgom par bya zhe na/ nam mkha' zhes bya ba la sogs pa gsungs te/ nam mkha'i dbyings ni btsun mo'i pad+ma'o/ /dbus gnas pa zhes bya ba ni de'i nang du shel gyi gdan la rnam par snang mdzad kyi dkyil 'khor in+d+ra nI la dang pad+ma rA ga dang gser dang marka ta'i rang bzhin gyi gdan rnams la mi bskyod pa dang 'od dpag tu med pa dang rin chen 'byung ldan dang don yod par grub pa'i dkyil 'khor rnams bsgom par bya'o//'di dag ces bya ba ni bshad ma thag pa'i rnam par snang mdzad la sogs pa rten dang brten pa'i dngos po rnams so/ /snying po bsdus pa nyid yin pa'i phyir dkyil 'khor ro//rdo rje ni byang chub kyi sems te de las byung bas na rdo rje las byung ba'o/ /sgom pa po rnams kyis thams cad mkhyen pa'i go 'phang thob par byed pa'i phyir de'i tshul thob pa'o/ /lhag ma ni snga ma bzhin no/ /rdo rje bkod pa zhes bya ba'i ting nge 'dzin gyi le'u ste gsum pa'i rnam par bshad pa'o// //de ltar bsgom pa brtan pa dang ldan pa'i slob dpon rnams kyis phra mo'i rnal 'byor bsgom pa'i sgo nas sems brten par byas te/ khyad par can la mos pa'i ma 'ongs pa'i sems can la dkyil 'khor du dam tshig dang dbugs dbyung ba sbyin pa la thug pa'i cho ga'i sgo nas don bya ba'i phyir thugs kyi dkyil 'khor gyi le'u gsungs te/de nas zhes bya ba la sogs pa la gsol ba btab po zhes bya bar sbyar ro/ /yang zhes bya ba'i sgra ni le'u dang po'i 'dus pa la ltos pa'o/ /'dis zhes bya ba ni 'chad par 'gyur ba'i bstod pas so//sngon du bsnyen pa'i bya ba thams cad rdzogs par byas nas/ yang sgrub thabs kyi tshul bzhin du dbus kyi stan la nye bar 'dug ste bdag po'i nga rgyal dang ldan pa la/ shar la sogs pa'i phyogs na gnas shing / sangs rgyas rnams kyi nga rgyal dang ldan pa rdo rje dang dril bu thogs pa'i sgrub pa'i grogs mchog rnams kyis bstod pa'i mchod pas dkyil 'khor bri ba'i phyir gsol ba gdab par bya ba yin pas/de bzhin gshegs pa kun zhes bya ba la sogs pa gsungs te/ snyoms par 'jug pa'i sgo nas spro ba las byung zhing bde ba chen po'i rang bzhin can nyid yin pa'i phyir zhi ba'i dkyil 'khor te/dbang po gnyis ni snyoms 'jug pa/ /mkhas pas rang gi khu ba dag /rnal 'byor pas ni rtag tu dbyung / /dkyil 'khor dkyil 'khor tshul du bya/ /zhes 'di nyid las bshad pa'i phyir ro/ / de nyid ni gnas te lha thams cad kyi gnas so/ /bdag med ces bya ba ni shes rab kyi rnam par dag pa'o/ /chos rnams kun gyi mchog ces bya ba ni ye shes lnga dang rigs lnga bskyed pa'i bdag nyid can gyi rdo rje 'chang chen po'i rgyu mthun pa ste/ yon tan gyi khyad par can de lta bu dang ldan pa bshad du gsol zhes bya ba'i don to//tshigs su bcad pa de ni rigs thams cad kyi thun mong ba yin no/ /mtshan rnams thams cad yang dag rdzogs/ /zhes bya ba ni zur bzhi la sogs pa'i mtshan nyid dang ldan pa'o/ /ri mo sbom pa dang phra ba dang 'khyog pa la sogs pa'i skyon thams cad dang bral ba nyid yin pa'i phyir/mtshan min thams cad yang dag spangs pa ste sku'i dkyil 'khor ro/ /zhi ba'i chos ni so sor rtog pa'i ye shes ni de las byung ba'i mchog ni/ 'gro ba ma lus pa'i bya ba gtso bor gyur pa'i rang bzhin du grub pa ste gsung gi dkyil 'khor ro//thams cad mkhyen pa'i ye shes thob par bya ba'i phyir der ye shes kyi spyod pas de rnams rnam par sbyong ba ni dkyil 'khor nyid yin te/ bde ba chen po rab sgrub phyir/ /gang du zhugs pa tsam gyis ni/ /de rnams zil gyis mi non cing / /phyir mi ldog cing mkhas par 'gyur zhes 'byung ba'i phyir ro//sems can thams cad sdud par byed cing rdo rje 'chang chen po'i rang bzhin gyi thugs kyi dkyil 'khor ni sems can kun gyi sems chen po'o/ /de nyid ni rang bzhin dag pa ste/ dkyil 'khor gsum po de rnams su sems can rnams kyi 'dod pa kun du sgrub par mdzad pa nyid yin pa'i phyir kun du bzang po'o//de nas zhes bya ba ni gsol ba btab pa'i rjes thogs su'o/ /nyon mongs pa'i dgra 'joms pa'i phyir ston pa'o/ /'jig rten gsum ni sa 'og dang sa steng dang sa bla'i 'jig rten no/ /khams gsum pa ni 'dod pa dang gzugs dang gzugs med pa'i khams kyi rang bzhin can no//'jig rten gsum gyi mchog ni dam pa ste tshangs pa la sogs pa rnams yin zhing de rnams las rdo rje ste ye shes kyis gtso bor gyur pa ni nyan thos dang rang rgyal ba rnams so/ /'jig rten gsum gyi mchog tshangs pa la sogs pa rang rgyal ba rnams la thug pa de rnams las mchog ste/gtso bo ni byang chub sems dpa' rnams yin zhing de rnams las kyang mchog ni de bzhin gshegs pa rnams te/ de rnams 'chos par byed cing rang gi bstan pa la sbyor bar byed pas na ston pa ste/ dpal rdo rje sems dpa' des de bzhin gshegs pa kun gyi thugs kyi dkyil 'khor/de bzhin gshegs pa thams cad kyi thugs 'di snying po bsdus pa yin pa'i phyir/ dkyil 'khor dang 'dra ba yin zhing gdul bya'i skye bo rnams kyi yid du 'ong bar bshad do/ /de las zhes bya ba ni skabs su bab pa'o//de nas zhes bya ba ni rjes thogs su'o/ /thugs kyi rdo rje rab 'dra ba/ /zhes bya ba ni ye shes kyi dkyil 'khor rnam par dag pa'i sgo nas bri ba'i dkyil 'khor yin te/ yon tan dang rnam par smin pa dang dbyibs la sogs pa de dang mtshungs pa nyid yin pa'i phyir ro/ /rdo rje sems sogs lha rnams kyi//'khor la mngon sum mthong ba las/ /bsod nams rtag pa ji 'dra thob/ /phyi nas bris pa las de bzhin/ /zhes 'byung ba'i phyir ro/ /sku dang gsung dang thugs rnams kyi/ dkyil 'khor zhes bya ba la/ thugs kyi gtso bor gyur pa nyid kyi rgyud yin pa'i phyir/ dang por thugs kyi dkyil 'khor bshad mod kyi/'on kyang gsol ba btab pa'i tshul bzhin du le'u bcu drug pa las gsungs pa'i sku dang gsung gi dkyil 'khor dag kyang gzung bar bya'o/ /rab tu rnam par phye nas bshad pa ni rab tu bshad par bya'o/ /sar pa zhes bya ba ni gsar du bkal ba'o//legs par bkal ba ni mdud pa la sogs pa med pa'o/ /tshad ma zhes bya ba ni khru nyi shu rtsa bzhi las lhag ma dang bcas pa'am sgrub pa po'i khru drug pa'o/ /khru ni bcu gnyis tshad du bya/ /zhes bya ba ni kha cig na re logs re re zhing khru gsum pa yin no zhes zer te/ 'di ni gsang ba'i dkyil 'khor nyid yin pa'i phyir de nyid rigs pa yin no//ngos bzhi ni mi mnyam pa med pa'o/ /phyogs bzhi'i ri mo phan tshun phrad pa nyid yin pa'i phyir grwa bzhir ldan pa'o/ /de'i zhes bya ba phyi'i dkyil 'khor gyi dbus su nang gi dkyil 'khor zlum po'o/ /de nas las kyi cho ga ni/ mthong bas phyag rgya dgod par bya//zhes bya ba la cho ga zhes bya ba'i sgra ni sems can rnams bzhugs pa'i phyir dam tshig gi dkyil 'khor bri ba ste de'i phyir de bshad par bya'o/ /slob dpon lan gnyis gsum gsol btab/ /gsang ba dam pa bdud rtsis snod/ /gus dang ldan zhing yang dag brtags/ / slob ma bzang po thar par 'dod/ /dpal ldan 'dus pas gzung 'os pa/ /de rnams snying rje'i sems ldan pa/ /bdag gi byang chub dgod snyam gzung / /de la re zhig rdo rje theg pa chen po'i tshul la mkhas shing 'gro ba ma lus pa kun du gdon pa'i bsam pa dang ldan pa/ dad pa dang thos pa la sogs pa'i stobs kyis chos thams cad rang bzhin gyis 'od gsal bar kun du rtogs par gyur pas yul gyi longs spyod ma lus pa dri ma med par byas pa/chos kyi dbyings kun du 'gro ba rtogs pa'i lhag pa'i bsam pas rnam par dag pa'i dga' ba la gnas pa/ shes rab kyi tshogs mngon par 'phel bas phyin ci log gi rnam par rtog pa'i bag chags las byung ba'i gti mug gi dra ba'i ling tog thag ring du 'phangs pa'i slob dpon gyis/gang gi tshe slob mas gsol ba btab pa de'i tshe/ sems can gyi khams 'di thams cad bdag gis bla na med pa'i bde ba chen po'i go 'phang la dgod par bya'o snyam pa'i lhag pa'i bsam pa dang ldan par byas pas slob ma la khyod kyi yo byad thams cad tshogs sam 'on te ma yin zhes dri bar bya'o//gal te cung zad ni tshogs/ cung zad ni ma tshogs so zhes zer na/ de'i tshe de'i lte bar nyi ma'i dkyil 'khor la gnas pa'i yi ge hUM bkod pa'i 'od zer rnams kyis snying ga na gnas pa'i yi ge kaM las byung ba'i mdog nag pa rnam par gtsigs shing sha za dang mtshungs pa'i sdig pa sna'i rtse mo nas phyung ste/yi ge hUM de yang snying gar phyin par byas nas/ g.yon brkyang bas gnas shing mche ba gtsigs pa/ snying gar g.yon pas mche ba dang bcas pa'i sdigs mdzub byas shing phyag g.yas pa mche ba 'phyar ba dang ldan pa mnga' ba'i khro bo rdo rje gnod sbyin gyi gzugs su byas te phyung nas/oM badzra yak+Sha kro d+ha/ khA da khA da/ sarba pA pa ni as+ya hUM phaT/ ces bya bas sdig pa zar bcug ste/ yi ge saM las kun du bzang po'i gzugs rnam par bsams la sngar bshad pa'i bdud rtsi 'khyil pas de'i sems kyi bgegs rnams phur bus btab ste/de las byung ba'i 'od zer gyis drag po'i tshogs rnams kyis gdug pa rnams kun du bsregs la/ slob ma'i sems kun du bsrung ba'i phyir mgo'i steng du dbyangs dang po las byung ba'i zla ba'i dkyil 'khor dang /dbyangs tha ma las byung zhing de la gnas pa'i las kyi rdo rje dbus na yi ge haM gis mtshan pa bsam par bya'o/ /de ni slob ma yongs su gzung ba'o/ /de nas sgrub thabs las bstan pa'i gnas su de las bshad pa'i bsrung ba'i cho ga dang ting nge 'dzin gsum bsgom pa'i cho ga sngon du 'gro ba can gyi phra mo'i rnal 'byor la sogs pa gang yang rung ba bsgom pas sems brtan par byas te/byang ngam shar gyi phyogs kyi char lha rnams re re zhing bzlas pa 'bum/ kun nas mdzes shing snum pa dang / /zug rngu'i nyes pa dang bral zhing //yid 'ong shar dang byang du gzhol/ /shing dang me tog chur ldan pa/ /yang na yid ni nyams dga' ba/ /gang yang rung bar yang dag brtsam/ /de nas phyi dro'i dus su mi bskyod pa'i rnal 'byor dang ldan pas yi ge baM las byung ba'i sa'i lha mo mdog ser po lag na gser gyi bum pa thogs pa lus phyed phyung ba rnam par bsams la/lag pa g.yas pas sa la reg cing bskul bar bya ste/ skyob pa sangs rgyas thams cad kyi/ /spyod pa'i tshul gyi khyad par dang / /sa dang pha rol phyin pa la/ /lha mo khyod ni spang du gyur/ /skyob pa shAkya seng ge yis//ji ltar bdud kyi sde bcom pa/ /de bzhin bdud dpung pham byas nas/ /bdag ni dkyil 'khor 'dri bar byed/ /sngags pas cho ga bzhin bskul te/ /lag pas sa la reg nas ni/ /dri dang me tog sogs mchod nas/ /de nyid du ni thim par bsam/ /sa bdag la sogs pa rnams la gtor ma dang mchod pa la sogs pa byin te sa bslangs la de nyid du nyal bar bya'o//gal te rmi lam la sogs pa 'khrul pa byung na/ de'i tshe phyi de zhag nyi ma phyed kyi dus su khro bo'i rnal 'byor dang ldan pas mngon spyod kyi cho gas bgegs rnams nye bar gzhom pa'i phyir sbyin sreg byas te phyi dro'i dus su khrus byas shing yan lag dri zhim pos byugs la/rdo rje 'chang gi nga rgyal dang ldan pas 'chad par 'gyur ba'i tshul bzhin du zhi ba'i sbyin sreg byas nas/ dngos grub tha ma dang 'bring dang mchog gi bye brag gis/ sa pus mo dang rked pa dang lte ba tsam du brkos la/sbun pa dang rdo ba dang sol ba dang / rus pa dang gseg ma dang gyo mo la sogs pa dang bral bar byas te/ bdud rtsi lnga'i chus dri dang ldan par byas pa'i sa dri zhim po gzhan gyis kun du dgong bar bya'o/ /'phags pa bdud rtsi 'khyil pa bzlas pa'i bdud rtsi'i chus chag chag btab ste/mi bskyod pa dang bcas pa'i lag mthil gyis bcags la gzhal yas khang gi nang na gnas shing rin po che dang sman dang 'bru thams cad kyi snying po dang ldan pa/ phyogs bzhi ru rta babs dang yol ba bres pa/ kun nas rab tu rnam par spras pa/ dril bu bzang po btags pa'i rgyal mtshan mdzes pa dang ldan pa'i bla re bres pas mchog tu gyur pa/dpal bdud rtsi zhes bya ba'i khro bo'i rnal 'byor gyis yi ge gsum gyis mngon par 'dus byas pa'i bdud rtsi lngas byugs pa/ spos dang me tog la sogs pa dang yang dag par ldan par byas shing / khro bo'i blta bas g.yon phyogs su blta ba'i sgo nas rim gyis gdug pa rnams bskrad pa dang /phyogs bcing ba la sogs pa byas te/ oM b+hu khaM zhes bya bas sa gzhi nam mkhar gyur cing hUM laM hUM zhes bya bas rdo rje'i rdul phra rab rnams las grub pa/ oM me di nI badzri b+ha ba badzra ban+d+ha hUM zhes bya ba 'di yis byin gyis brlabs nas/lag pa g.yas pas reg ste yi ge gsum gyis byin gyis brlabs shing mngon par bzlas pa'i sa gzhir bya'o/ /'du khang dang / rdo leb kyi steng dang / ba lang gi ltas dang / drang srong gi gnas dang / gtsug lag khang la sogs pa dang / chu bo'i 'gram dag la ni yi ge gsum bzlas par bya ste brko bar ni mi bya'o//de lta bu ni sa sbyang ba dang yongs su gzung ba'i cho ga'o/ /de nas nyi ma re re'am zla ba re re'am lo re re zhing dkyil 'khor bri bar bya ste/ nya nas brtsams nas phyi ma'i nya'i bar ram yar ngo'i tshes gcig gam brgyad dam dgu la sogs pa nas brtsams te nya'am snga dro'i mtshams kyi dus nas brtsams te zhag de nyid la thams cad bya'o//de nas sngar bshad pa'i gnas bskyed pa'i rim pa gzhal yas khang gi nang du dkyil 'khor gyi rnam pa can gyi sa gzhir lhag par mos pa byas te/ de bzhin gshegs pa la sogs pa dkyil 'khor pa'i lha rnams kyi gnas la/ de bzhin du pad+ma dang zla ba la sogs pa'i gdan rnams bsams nas/de'i dbus kyi gdan la 'dug pa'i rdo rje 'chang bdag nyid/ deng ni bdag tshe 'bras bu yod/ /bdag gi gson pa'ang 'bras bur bcas/ /lha dang dam tshig gis mnyam par/ /gyur par bdag ni the tshom med/ /byang chub sems dang sems gcig pas//phyir mi ldog pa nyid du 'gyur/ /de bzhin gshegs pa'i rigs su ni/ /deng bdag skye bar the tshom med/ /deng bdag nyi ma dam pa ste/ /bdag gi mchod sbyin bla na med/ /sangs rgyas thams cad spyan 'dren pas/ /deng bdag 'dus pa'i mchog yin no/ / zhes spro ba bskyed par bya'o/ /de nas yan lag thams cad kyis phyag btsal nas/ lag tu spos kyi reng bu thogs pas sangs rgyas thams cad/ ma lus phyogs na bzhugs pa yi/ /sangs rgyas bdag la dgongs su gsol/ /bdag ming 'di zhes bgyi ba yis/ /rdo rje can gyi dkyil 'khor bri//de ring sangs rgyas kun gshegs te/ /dngos grub de 'dra stsal du gsol/ /zhes bya bas spyan drang bar bya'o/ /de nas dbus kyi gdan la bzhugs pa'i gtso bo'i rnal 'byor nyid dang ldan pas sku la sogs pa byin gyis brlabs pa'i rjes la/ rdo rje'i rigs kyis mngon par 'dus byas pa'i phyi rol gyi bud med dang ldan pas mchod pa bsdus pa'i zla ba'i dkyil 'khor du badzra d+h+r-ika ces bya ba la sogs pa rnams mi bskyod pa la sogs pa rnams yang dag par phyung nas/de rnams kyis zhe sdang la sogs pa'i spyod pa can gyi sems can rnams kyi don byas nas bkug ste/rang gi gnas la gnas par byas nas/ spro ba dang bsdu ba dang bstim pa dang brtan par bya ba dang mnyes par bya ba dang / las la gnas par bltas te/ oM badzra At+ma kou0f85haM/ oM swa b+hA wa shud+d+hou0f85haM/ oM sarba sa mou0f85haM/ zhes brjod la rdo rje'i bdag nyid dang rang bzh in gyis dag pa dang /lha thams cad dang tha dad pa med par bdag nyid bsgom par bya'o/ /de nas rnam par snang mdzad la sogs pa'i rnal 'byor pa shar la sogs pa'i phyogs na gnas shing rdo rje dang dril bu mchog thogs pa'i bsgrub pa'i grogs mchog rnams kyis dkyil 'khor bri ba'i phyir/de bzhin gshegs pa kun zhi ba/ /zhes bya ba la sogs pa bshad zin pa'i bstod pa'i mchod pas gsol ba gdab par bya'o/ /de nas bla mas rdo rje dang dril bu thogs pas sangs rgyas thams cad la phyag 'tshal te/ hUM badzro tiSh+Tha/ zhes bya bas ji ltar sprul pa'i dkyil 'khor gyi 'khor lo bteg la/dpal rdo rje 'chang gi nga rgyal dang ldan zhing / mig g.yon yi ge Ta yis zla bar byas/ /yi ge ma yis nyi ma mig g.yas bkod/ /rdo rje 'chang gi nga rgyal legs 'chang bas/ /dkyil 'khor sa gzhi'i cha ru yongs su bskor/ /rdo rje ra ba la sogs pa kun du rnam par 'god cing rkang pa'i mthil du sna tshogs rdo rje bkod pa/khro ba dang bcas shing rdo rje sems dpa'i nga rgyal byas pas yi ge gsum 'don cing rol pa dang bcas pa'i gar gyi 'gros kyis dkyil 'khor sa gzhi'i cha ru yongs su bskor bar bya'o/ /dpal ldan rdo rje sems dpar sbyor//mchu yis ma mkhal yang dag bsdams/ /dpal ldan g.yon du bsnyems bcas pas/ /'khor lo'i phyogs su stang stabs bya/ /'og dang steng dag byin brlabs te/ /sa 'og sa steng sa blar bsam/ /yi ge hUM ni brjod byas na/ /bdag nyid ngan pas 'jug par dka'//de nas snga ma bzhin du rin po che sna bzhi'i rang bzhin gyi mchod rten rnam par bsams te/ gsang ba'i dkyil 'khor la bong thung zhing gsus pa che la kha dog gnag pa/ ral pa dang ldan zhing zhal gsum pa g.yas pa dag na rdo rje dang 'khor lo/ cig shos dag na pad+ma dang dril bu bsnams pa/gdul bya rnams sangs rgyas nyid thob par bya ba'i phyir/ sgor gyur pa'i zhal de rnams nas rang gi khong par 'jug par byed cing rten du gyur pa'i rdo rje rgyu'i ngo bo rnam par bsams la/ bsgo dbye ba'i sngags kyis sgo rnams phye ste/ oM badzra maN+Da la hUM dzaH zhes bya ba 'dis gsang ba'i dkyil 'khor dgug par bya zhing /oM ma hA badzra tsakra a d+hi tiSh+Tha sid+d+h+ya hUM/ zhes bya bas dkyil 'khor byin gyis brlabs la/ snga ma bzhin du 'phags pa khro bo bdud rtsi zhes pa'i bsam gtan gyi phur bus phyi'i dkyil 'khor gyi zur bzhir oM g+ha g+ha zhes bya ba la sogs pa dang /badzra mung+ga ra hUM zhes bya ba 'dis phur bus gdab par bya'o/ /de nas snga ma bzhin du yi ge hUM brjod cing / phyogs kyi mtshams dang nam mkha' bcing ba la sogs pa'i bsrung ba byas nas 'chad par 'gyur ba'i cho gas 'phags pa bdud rtsi 'khyil pa yongs su bzlas pa'i las thams cad pa'i bum pa ku sha'i bam po dang ldan pa/'jug pa rnams gsang bar bya ba'i phyir dkyil 'khor gyi pho brang las phyi rol du'am nang gi sgo dang nye bar g.yas su bzhag ste/ bgegs mthar byed kyi nga rgyal gyis snying po'i sngags yang dag par zlos shing grogs po shar phyogs nas brtsams te/dkyil 'khor gyi sa gzhi bdud rtsi lngas nye bar 'byug tu gzhug go/ /de nas bdag po lnga'i gnas rnams su tsan+dan dang bcas pa'i bdud rtsi lnga'i dkyil 'khor gru bzhi rang rang gi lha'i sngags lan bdun bzlas pa rnams gnas ji lta ba bzhin du byas te/me tog rnams kun du bkram la/ slob dpon dkyil 'khor gyi dbus su sna tshogs pa pad+ma'i steng gi zla ba la gnas pas dkyil 'khor de rnams la snga ma bzhin du gdan rnams bsams te/ rang gi gnas na gnas pa'i lha'i 'khor lo bltas la nam mkha' na gnas pa dang gcig tu byas te/bla na med pa la sogs pa'i mchod pa rnams kyis yang dag par mchod nas/ gser dang dngul dang zangs ma la sogs pa las byas pa rtsa ba na gnag bag med pa lto ba che zhing mgrin pa ring ba mchu 'phyang ba/ dri dang bcas pa'i gos bzang po zung gcig gis mgrin pa bcings pa/yal ga dang 'bras bu bzang po'i kha rgyan dang ldan pa/ rang gi bdag po'i phyag mtshan gyis mtshan pa'i rnam par rgyal ba'i bum pa/ daN+Dod pa la dang / si ta rak+ta dang / pr-i ha ti dang / kaN+Da ka ri dang / gi ri kar+Ni ka ste sman chen po dang ldan pa/ in+d+ra nI la dang / mu tig dang byu ru dang dngul dang gser te rin po che lnga dang ldan pa/ til dang nas dang ma sha dang gro dang 'bras so ba ste 'bru lnga dang ldan pa/ sa bon gyis mtshan pa la/ badzra d+h+r-ika ces bya ba 'di brgya rtsa brgyad bzlas pa'i yon chab dang dri chab dang / mngon par 'dus byas pa'i bdag nyid cung zad blugs te/der yi ge hUM las 'phags pa bdud rtsi 'khyil pa/ ral pa gcig ma dang snyoms par zhugs ma rnam par bsgoms la dbang bskur te/ yon chab dang mchod pa rnam pa lnga dang bla na med pa la sogs pa'i mchod pa rnams kyang yang dag par mchod nas/ de la me tog gi phreng bas bcings pa'i gsang ba'i rdo rje bzhag ste/phreng ba de'i rtse mo lag pas bzung nas/ oM AHbig+h+nAM ta kr-ita hUM phaT/ ces bya ba brgya rtsa brgyad bzlas te/ me tog dkar po sil mas gtor la spos dbul bar bya'o/ /de bzhin du rdo rje me dang thugs rdo rje dag gis thams cad byas la spos dbul bar bya ste/de la yi ge hUM las byung ba'i rdo rje nyi ma g.yon brkyang bas gnas pa/ sku mdog sngon po snying gar g.yon pas khro bo'i khu tshur gyi sdigs mdzub byas pa/ g.yas pa na rdo rje 'bar ba bsnams pa'i sngags/ hUM badzra a na la ha na da ha pa tsa ma tha b+hany+dza ra Na hUM phaT/ ces bya ba 'di bzlas par bya'o//de ltar nyin re zhing thun bzhir lha'i 'khor lo bkod kyi bar du bya ste/ de ni bum pa lhag par gnas pa'o/ /de nas phyi rol pa rnams la gtor ma byin te/ 'phags pa bdud rtsi 'khyil ba zhes bya bas bgegs gzhom pa'i sbyin sreg dang / rdo rje 'chang chen pos zhi ba'i sbyin sreg byas la dkyil 'khor pa rnams yang dag par bkod de mchod nas/yon chab phul la lhag par gnas par bya ste/ lce'i rtse mo la yi ge hUM las byung ba'i rdo rje rnam par bsams la/ oM pad+ma sa ra swa sti sa t+yaM a brta ya sho d+ha ya sho d+ha ya hUM hrI/ hrI zhes bya bas lce byin gyis brlabs te/lag na spos kyi reng bu thogs pas yan lag thams cad kyis phyag byas nas/ thugs rjes zin pas dgongs pa can/ /sangs rgyas bdag la dgongs su gsol/ /thugs kyi dkyil 'khor dam pa ni/ /rdo rje 'chang bdag che ge mo/ /ci 'byor pa yi yo byad kyis//nang par gyi ni dus su bri/ /sras dang bcas par gshegs su gsol/ /zhes bya bas lhag par gnas par bya'o/ /de nas slob ma rnams lhag par gnas par bya ste/ dkyil 'khor gyi sgo la mngon par phyogs par gnas pa sngar bshad pa'i mtshan nyid dang ldan pa'i slob ma rnams kyis slob dpon la phyag 'tshal nas/'di skad du/ byang chub chen po'i tshul bstan pa/ /mgon po chen po bdag 'tshal lo/ /dam tshig de nyid bdag la stsol/ /byang chub sems kyang bdag la stsol/ /sangs rgyas chos dang dge 'dun la/ /skyabs gsum dag kyang bdag la stsol//thar pa chen po'i grong mchog tu/ /mgon po bdag ni gzhug tu gsol/ /zhes brjod par bya'o/ /de nas slob dpon gyis slob ma gtso bo mngon du bya ste 'di skad du/ khyod ni tshul chen snod yin te/ /bu tshur theg pa chen po yi/ /gsang sngags spyod tshul chen cho ga /khyod la yang dag bstan par bya//rdzogs pa'i sangs rgyas 'das gang dang / /de bzhin ma byon gang dag dang / /da ltar byung ba'i mgon gang dang / /'gro la phan phyir bzhugs pa dag /de rnams kun gyi gsang sngags kyi/ /cho ga bzang mchog 'di mkhyen nas/ /dpa' bos byang chub shing drung du/ / thams cad mkhyen pa mtshan med brnyes/ /shAkya seng ge skyob pa yis/ /bdud sde shin tu mi bzad pa/ /dpung chen dag ni gang gis bcom/ /gsang sngags sbyor ba mnyam med de/ /de bas kun mkhyen thob bya'i phyir/ /bu yis blo gros 'di skyed cig /ces brjod par bya ste/ slob ma rnams kyis so sor re re la bos par khong du chud par bya'o//de ltar yang dag par 'dzin du bcug nas/ slob ma re re zhing me'i dkyil 'khor la gnas pa'i yi ge ra las byung ba'i mes thal bar byas te/ yi ge gsum gyi bdag nyid can rang gi kha nas bcug la/ bde ba chen po'i rang bzhin gyi rdo rje nas phyung ste/sku la sogs pa byin gyis brlabs pa/ snying ga na hUM las byung ba'i rdo rje dang ldan pa/ a khaM bI ra hUM zhes bya ba go rims bzhin du lkog ma dang spyi bo dang / dpung pa g.yas pa dang g.yon pa'i rtsa ba dag dang / snying gar bkod la/ bdag gis sdig pa bgyis pa dang //bgyid stsal rjes su yi rang gang / /mgon po kun gyi spyan sngar deng / /de ni bdag gis bshags par bgyi/ /rang rgyal slob ma las byung dang / /thub pa sangs rgyas 'gro ba yi/ /bsod nams gang yin de kun la/ /bsam pa thag pas bdag yi rang / /sangs rgyas byang chub sems rnams kyi//bla na med pa'i chos dkon mchog /'phags pa byang chub sems tshogs la/ /bdag ni nye bar skyabs su mchi/ /rdzogs pa'i sangs rgyas chos bstan gsol/ /nam yang mya ngan 'da' ma mdzad/ /sems can rnams ni bde mdzad de/ /go 'phang mchog ni thob par shog /ji ltar sangs rgyas de yi sras/ /bskal chen rnams kyis bskyed pa bzhin/ /bla na med pa'i byang chub sems/ /dam pa nyid ni bskyed par bgyi/ /bdag ni thams cad mkhyen gyur nas/ /kun gyi dbang phyug gnas 'dug ste/ /srid pa'i rgya mtsho mtha' med las//'gro ba 'di kun bsgral bar bgyi/ /sangs rgyas nyid thob rgyu la yang / /ci nus pas ni 'jug par bgyi/ /der zhen de bzhin brtan pa yis/ /bdag gis smon lam gdab par bgyi/ /skye ba 'di la grub thob phyir/ /de yi thabs la brtson byed cing / /skyon bral yon tan bde ldan dang //phun tshogs kun la dbang thob shog /bdag gis dge ba gang bgyis dang / /cung zad bgyis par 'gyur ba gang / /des ni bdag dang 'gro ba 'di/ /bde gshegs go 'phang thob par shog /ces lan gsum brjod du bcug nas/ sdig pa bshags pa la sogs pa byed du bcug ste/snying gar yi ge hUM las zla ba dang rdo rje rnam par bsams la/ dri'i chus bsangs te/ lag pa g.yas pa rdo rje dang bcas pas gtugs te/ su ra ta sa ma ya s+t+waM ho sid+d+hi badzra ya thA su khaM/ zhes bya bas byin gyis brlabs te/ spyi bo dang lkog mar yi ge oM dang yi ge A dag las 'khor lo dang pad+ma rnam par bsams la/dzi na dzika dang A ro l-ika ces bya ba 'dis de nyid gdugs te/ yi ge gsum brjod la/ de rnams kyi lag par dri dang me tog byin nas spos kyis bdugs pa dang / mar mes snang bar byas te/ 'phags pa bdud rtsi zhes bzlas pa/u dum+WA ra dang a shwad+tha'i rang bzhin can sor bcu gnyis pa/ rma med pa dri'i chus bkrus pa/ rtse mo la me tog bcings pa'i so shing / bla ma kha byang du bltas pas slob ma thal mo sbyar ba rnams la sbyin par bya'o/ /de rnams kyis kyang ba'i ko ba tsam gyi dkyil 'khor gyi dbus su 'dug ste/kha shar du bltas pa'am/ kha byang du bltas pas rtse mo nas bcas la/ ma gas pa mdun drang por ltos pa med par dor bar bya'o/ /de la rang la mngon du phyogs par ltung na bgegs med par dngos grub thams cad 'byung bar 'gyur ro/ /de gal te kha gyen du bltas te lhung ba de'i tshe rig pa 'dzin pa'i dngos grub po//kha thur du bltas te lhung na 'og gi dngos grub po/ /skor phyogs kyi rim gyis shar la sogs par kha bltas te lhung na/ rgyas pa dang / mngon spyod dang / dbang dang / zhi ba la sogs pa 'grub po/ /dkyil 'khor las phyi rol du lhung na ni dngos grub med do//de nas yi ge baM las byung zhing de nyid bzlas pa'i chu 'thor 'thung bya ba'i phyir byin la/ oM hri bi shud+d+ha d+harmA sarba pA paM ni tsA/ oM sho d+ha ya sarba bi kalban a pa na ya hUM/ zhes bya ba bzlas pa'i dri dang bdud rtsi'i chu khyor ba gsum 'thung du bcug ste/ yi ge hUM las byung zhing / oM AHhUM swA hA/ zhes bya ba bzlas pa/ ku sha sar pa ma nyams pa cig sngas su byin zhing yi ge hUM las byung ba bdud rtsi 'khyil pa bzlas pa'i ku sha stan du gding bar bya ba byin te/ 'di nyid bzlas pa'i srung skud sum sgril mdud pa gsum dang ldan pa/ yi ge gsum gyis brtan par byas pa rang nyid kyis de rnams kyi dpung pa g.yas pa la bcings la/oM shud+d+ha mai tri rak+Sha sarba swA hA/ zhes bya ba byams pa'i go chas yang dag par bsrungs nas chos bshad pas gzengs bstod par bya ste/ bdag nyid chen po khyed rnams kyis/ /de ring rnyed pa mnyam med rnyed//gang phyir rgyal ba sras bcas pa/ /bdag nyid chen po thams cad kyis/ /bstan pa 'di la khyed rnams kun/ /yongs su bzung ste bskyed bya ba/ /de phyir khyed rnams theg chen du/ /sang ni skye bar 'gyur ba yin/ /theg pa chen po 'byung ba che/ /lam mchog 'di ni dpal dang ldan//khyed rnams gang nas 'gro ba na/ /skal ba chen po rang 'byung ba/ /'jig rten thams cad 'dul mdzad pa'i/ /de bzhin gshegs par 'gyur ba ni/ /yod dang med las rnam par 'das/ /nam mkha' bzhin du dri ma med/ /zab mo rtog ge thams cad kyis/ / rtag par bya min gnas med pa/ /spros pa kun dang bral ba ste/ /spros pa kun gyis ma spros pa/ /las dang bya ba la sogs bral/ /bden pa gnyis la gnas pa yi/ /theg mchog khyad par 'phags pa 'di/ /tshul la gnas nas thob par 'gyur/ /bzhin bzangs rnams longs shig nang par rdo rje chen po'i bka' drin gyis thugs kyi dkyil 'khor mthong bar 'gyur gyis/ji ltar mthong ba'i rmi lam yang smros shig ces brjod la gtang bar bya'o/ /de ni lha dang slob ma rnams lhag par gnas pa'i cho ga'o/ /de nas dkyil 'khor yang dag par mchod la/ slob ma dang lhan cig mnyam par gzhag pa'i yid kyis dkyil 'khor gyi sa gzhi'i tha mar rnal 'byor pas nyal bar bya'o//de nas nyi ma gzhan la de kho na bzhin du dkyil 'khor steng gi nam mkha' la bkod de/ bdud rtsi dang dri zhim po dang bcas pa'i tshon rtsi dkar po dang ser po dang dmar po dang ljang gu dang sngon po yungs kar gyi phye ma dang bsres pa rnams kyis so so so sor kha bsgyur ba'i srad bu rnams rim pa de nyid bzhin du bzhag la/oM swA AHhA hUM gi sa bon rnams kyis srad bu rnams la rnam par snang mdzad la sogs pa rnam par bkod de/ rang gi phyogs na bzhugs pa'i de bzhin gshegs pa rnams kyi thugs kar sa bon de dag nyid kyis de dang de'i kha dog can gyi 'od zer gyi srad bu rnams gnas par bltas la/thugs kyi dkyil 'khor thig gdab pa'i phyir/ bcom ldan 'das de bzhin gshegs pa thams cad kyis/ rdo rje'i thig bdag la stsal du gsol zhes rnam par snang mdzad la sogs pa la yang dag par bskul nas/oM dIp+ta tiSh+Tha aM ku sha dzaH/ zhes bya ba mig dag la bkod de/ rab tu myur bar g.yo ba'i mig /mig gi rdzi ma 'dren byed pa'i/ /'bar ba'i lta ba'i lcags kyus rnam par snang mdzad la sogs pa rnams kyi thugs ka nas de rnams nyid kyis btang ba'i 'od zer gyi srad bu rnams bkug nas/de rnams kyis rang gi lag na gnas pa'i srad bu rnams kun du bkang la/ a n+yo n+yA nu ga tA sarba d+harmA/ pa ra sba ra a nu pra biSh+Ta sarba d+harmA/ a t+yan+ta a nu pra biSh+Ti sarba d+harmA/ zhes brjod la yi ge gsum zlos shing bsgril bar bya ste/dkyus su brkyang na dkyil 'khor gyi nyis 'gyur yod pa dang / sboms su sgo'i nyi shu'i cha yod par bsgril la/ mig gnyis su yi ge ma dang Ta dag gis nyi ma dang zla ba bkod de/ badzra dr-iSh+Ta ma Ta zhes bya bas brtan par byas nas/ dri dang bdud rtsis nye bar byugs pa'i gser la sogs pa'i snod du bzhag la/ dri la sogs pa rnams kyis mchod de/ lag pa reg la yi ge sum brgya rtsa brgyad bzla bar bya'o/ /yang dkyil 'khor gyi sa gzhi snga ma bzhin du grogs po 'jug tu bcug la/ me tog sna tshogs dgram pa byas te/bar snang la bzhugs pa rnams la mchod yon dang dri la sogs pa rnams kyis yang dag par mchod la/ phyag 'tshal te rdo rje 'chang du gyur pas yang dag par sbyor ba'i sgo nas/ srad bu 'dzin pa rnam par snang mdzad dam bdud rtsi 'khyil par yang dag par phyung ste/ mig g.yon pa dang g.yas pa dag la yi ge dzaHlas byung ba'i zla ba dang nyi ma kha dog ser po bsams la/nyungs kar dang bcas pa'i bdud rtsi lnga dang ldan pa'i dri zhim po'i chu yi ge gsum bzlas pa la spangs te/ srad bu de g.yon pa'i khu tshur gyis lte bar 'dzin cing / oM dzaHdzaHdzaHzhes bya bas btang nas/ sgrub pa'i grogs mchog gis kyang /oM dzaHdzaHdzaHzhes bya bas drangs te/ de kho na bzhin du lte ba'i phyogs su 'dzin cing lho dang gnod sbyin gyi dbang po'i phyogs su bltas pa'i rdo rje can dag gis gnam thig gdab par bya'o/ /de nas phyogs thams cad mnyam pa nyid du lhag par dmigs nas de kho na bzhin du tshangs pa'i thig gnyis btab ste/slob dpon me dang rlung gi mtshams su 'dug ste/ gnod sbyin dang yi dags dang dbang po dang klu'i phyogs rnams su mngon par bltas pas shar dang nub dang byang dang lhor thig btab la/ yang me'i mtshams su 'dug pas rlung gi mtshams dang /bden bral gyi mtshams su 'dug pas dbang ldan gyi mtshams kyi bar du thig btab ste/ shar dang nub dang byang dang lho'i phyogs su thig bzhis dkyil 'khor brgyad du 'gyur ba'i thig kyang rim pa de nyid kyis gdab par bya ste/ yi ge gsum brjod pa sngon du 'gro ba can gyi/oM badzra sa ma ya sU traM mA ti kra ma hUM/ zhes bya ba zlos shing thig btab pa'i sgras nam mkha' khyab pa'i de bzhin gshegs pa rnams la/ bcom ldan 'das rnams kyis sems can gyi don mdzad pa'i dus lags pas 'dir gshegs su gsol zhes bskul bar bya zhing / slob dpon dang / bsgrub pa'i mchog dag gis thams cad du yang skor phyogs su 'gro bar bya'o/ /gru bzhi pa la sgo bzhi pa/ /rta babs bzhis ni mdzes bgyis pa/ /thig bzhi dang ni yang dag ldan/ /dar dang me tog phreng bas brgyan/ /mtshams kyi cha ni thams cad dang / /sgo khyud kyi ni mtshams rnams su//rdo rje rin chen rnams kyis spras/ /phyi yi dkyil 'khor thig gdab po/ /de yi nang gi 'khor lo ni/ /dkyil 'khor brgyad dang yang dag ldan/ /phyi rol gyi ni 'khor lo'i phyed/ /kun nas yongs su zlum po ste/ /rdo rje ka ba mchog gis spras/ /mdzes shing rdo rje phreng bas bskor//de nas hriHdang khro bltas pas/ /sgo dag rnam par bsgo bya ste/ /sgo ni 'khor lo'i brgyad kyi cha/ /kha khyer med pa nyid du 'dod/ /sgo khyud sgo yi tshad yin te/ /lha yi snam bu'ang de dang 'dra/ /kha khyer kun du sgo yi phyed/ /sgo 'gram logs kyang de bzhin no/ / dra ba dra phyed nyi zla dang / /me tog phreng snam de dang 'dra/ /rtsa ba'i thig las phyi rol du/ /tshon gyi sa ni de yi phyed/ /kha khyer ri mo la brten pa'i/ /rta babs dang ni ka bar ldan/ /ka ba rdo rje sogs thig gi/ /sa ni mtshon gyi sa dang mnyam/ /rta babs sgo yi sum 'gyur te/ /ba dan dril bu rnams dang ldan//dril bu btags shing rlung bskyod pa'i/ /ba dan phyi yi mtshams su'o/ /gzhan rnams 'khor lo'i rjes mthun par/ /ji ltar mdzes par rab tu bya/ /gal te 'ga' yang thig gdab par/ /'ongs pa med na de yi tshe/ /grogs po med par rang nyid kyis/ / phur bu la brtod thig gdab bya/ /de nas dkyil 'khor gyi lte ba la ji skad bshad pa'i phur bu'am rdo rjes btab ste/ srad bu nyis sgril du byas pas bcings la/ mthe bong gi rtsa bar dkris pa'i khu tshur nang dang phyi'i dkyil 'khor dag gi phyi rol du rdo rje phreng ba dang 'od kyi 'khor lo'i thig /dbang ldan gyi phyogs nas brtsams te/ rim bzhin du g.yas phyogs su bskor bas btab la/ ye shes kyi thig gshegs su gsol lo/ /de nas baM laM raM haM yaM gi sa bon rnams kyis bskyed pa'i tshon rtsi dkar po la sogs pa/ srad bu'i skabs su bshad pa'i kha dog gi rim pa dang ldan pa rin po che las byung ba'am/lcags lnga las byung ba'am sa'i khams las byung ba'am/ 'bras las byung ba'am/ dmar po so phag bsregs pa dang / nag po sol ba las byas pa bzang po rnams/ sngar bshad pa'i sa bon rnams las/ sangs rgyas spyan la sogs pa dang yang dag par ldan pa'i rnam par snang mdzad la sogs pa de bzhin gshegs pa rnams kyi rang bzhin du bsams la/yi ge hUM mngon par bzlas te/ yi ge dzaHdang 'bar ba'i lta ba dag gis tshon rtsi yang dag par sbar te/ yi ge hUM gis phur bu phyung la/de'i khung bu tshon rtsi lnga yis kun du bkang ste/ thugs rdo rje'i rnal 'byor dang ldan pas bla na med pa'i shes rab kyi dril bu'i sgras mtshan ma ngan pa la sogs pa bsal la/ chos kyi dbyings rnam par dag par lhag par mos par byas nas/ dang por dbus su 'dug ste/ shar du bltas pas/ oM badzra tsi tA sa ma ya hUM zhes bya ba brjod cing g.yon pa'i khu tshur gyis dbang ldan gyi phyogs nas brtsams te/ g.yas phyogs su bskor bas tshon rtsi dgye bar bya ste/ phyis ni ci bde bar ro/ /ran zhing snyoms la ma yo dang / /ma chad g.yas phyogs nas bskor zhing //sboms su sgo yi nyi shu'i cha/ /ldan par ri mo bri bar bya/ /sbom por bkye na nad 'byung 'gyur/ /phra mos nor ni rnam par 'jig /yon pos 'bye 'gyur chad pa yis/ /bla ma dang ni slob ma 'chi/ /g.yas skor min par bkye ba yis/ /mtshon ni phur bus btab par 'gyur//ri mo dkar po'i phyi rol du/ /gzhan ni gser ltar snang ba ste/ /pad+ma rA ga'i rang bzhin dang / /de bzhin gzhan ni margad 'dra/ /nang du sngon po zhes bya ste/ /'di ni tshon gyi rim par bshad/ /shar gyi cha ni dkar por bya/ /lho ni sngon por snang ba ste/ /nub kyi kha dog dmar po'o//byang ni ljang gur yang dag ldan/ /dbus ni an+d+ra nI la mtshungs/ /thugs kyi dkyil 'khor 'di lta bu/ /rtag tu rdo rje dril thogs shing / /shin tu mnyam par gzhag pas bri/ /tshon rtsi'i ri mo phan tshun nas/ /gang tsam gyis bar chod par bri'o/ /gal te dkyil 'khor 'dri ba na//bgegs byung ba na de yi tshe/ /khro bo bdud rtsi zhes bya ba'i rnal 'byor dang ldan pas phreng ba'i sngags zlos shing bsal bar bya ste/ na ma sa man+ta kA ya wAka tsit+ta badzra NAM/ na mo badzra kro d+hA ya/ ma hA daMSh+T+rod ka Ta/ b+hai ra bA ya/ a si mu sa la ba ra shU bA sha ha sta ya/ oM a mr-i ta kuN+Da li/kha kha khA hi khA hi/ tiSh+Tha tiSh+Tha/ ban+d+ha ban+d+ha/ ha na ha na/ da ha da ha/ pa tsa pa tsa/ gardza gardza/ bi s+pho Ta ya bi s+pho Ta ya/ sarba big+h+nAM bi nA ya kaM /ma hA ga Na pa ti dzI bi ta an+ta ka ra ya hUM phaT/ bdud rtsi zhes pa'i rnal 'byor dang ldan pa nyid kyis lag pa g.yon pa'i srin lag brkyang ste/ gung mo dang mthe'u chung gi rtse mo sbyar la/mthe bong dang sbyar te mdzub mo mnan pa'i mche ba'i phyag rgya 'di kha'i tha mar 'dzin cing / phaT kyi mtha' can bzlas pas gzhom par bya ba'am/ sngar bshad pa'i srung ba'i 'khor lo bsgom pa'i sgo nas phur bus gdab pa'am/ don dam pa'i byang chub kyi sems bsgom par bya'o//rang bzhin gyis rnam par dag pa'i sems la bgegs rnams 'byung bar 'gyur ba gang yin pa de ni gnas med cing skabs med de/ bgegs la sogs pa rnams ni tha mal pa'i rnam par rtog pa las rab tu byung ba nyid yin pa'i phyir ro/ /de nas lha rnams bzhugs pa'i gnas rnams su snga ma bzhin du pad+ma dang nyi ma la sogs pa'i gdan rnams ji lta ba bzhin du bkod la/badzra d+h+r-ika ces bya ba la sogs pa'i snying po rnams brjod cing / nam mkha' la bzhugs pa rnams kyi phyag mtshan gyi nang na gnas pa'i lha'i gzugs rnams dang lhan cig gcig tu byas te/skud ris su byas pa'am/ lugs su blugs pa'am/ 'bur du brkos pa'am/ ri mor bris pa'i mtshan ma rnams dgod par bya'o/ /de la dbus su ni in+d+ra nI la lta bu'i rdo rje rtse lnga pa bskal pa'i me ltar 'bar zhing 'jigs su rung ba dgod par bya'o//rnam par snang mdzad kyi gnas su rdo rje'i rnam pa can gyi 'od zer 'bar ba'i 'khor lo rtsibs brgyad pa dkar po dang / de bzhin du rin chen 'byung gnas kyi gnas nas brtsams te/ chos kyi dbyings rdo rje ma la sogs pa lha mo rnams kyi gnas kyi bar la/ go rims bzhin du 'od zer gyis khyab pa'i nyi ma lta bu'i rin po che dang /'od zer dang bcas pa'i pad+ma dang ral gri dang sprin lta bu'i mig de'i 'od dang ldan pa dang / rdo rje sngon po 'bar ba dang / pad+ma kha bye ba sdong bu dang bcas pa dang / ut+pal sngon po dang / 'bar ba dang bcas pa'i tho ba dang / dbyig pa rdo rje ltar 'bar zhing g.yo ba dang / ral gri lta bu'i 'od zer 'bar ba'i pad+ma dang / sna tshogs rdo rje dbus na sngo ba dang / shar la sogs pa'i phyogs bzhir 'khor lo dang / me long dang nA ga ge sar gyi lcug ma dang / yang de nyid dkar po dang / rdo rje dang / pi wang dang /rin po che dang / dri'i dung phor ser po dang / pad+ma dang khrag chen pos gang ba'i thod pa dang / ral gri dang ral gri gnyis pa dmar po dang / dra ba'i phyag rgya dang tha mar rdo rjes mtshan pa'i ka tsa lin da'i gos reg bya 'jam po dang ldan pa dang sna tshogs rdo rjes mtshan cing dbus dkar ba'i chos 'byung gi phyag rgya gru gsum ljang gu dgod par bya'o//me la sogs pa'i mtshams rnams su lcags kyu dang / dbyig pa dang rtse gsum dang ral gri rnam par bkod la/ shar gyi sgor tho ba las shar du 'khor lo dang / de bzhin du nub tu pad+ma las nub tu dril bu dang bcas pa'i rdo rje pad+ma dang nyi ma'i gdan rnams la rnam par dgod par bya'o//gal te de nyid du thugs kyi rdo rje la sogs pa gang yang rung ba'i rang gi lha sgrub par 'dod pa de'i tshe/ na tshod lo bcu gnyis lon pa'i khye'u dang bu mo dag la mi bskyod pa dang mA ma kI bcug ste/ de dag thig gdab pa la sogs pa'i cho ga sngon du 'gro ba can gyi dkyil 'khor 'drir bcug la lha ma lus pa'i gnas su sgrub thabs las bshad pa'i gdan dang gzugs dang kha dog dang zhal dang phyag la sogs pa dang ldan pa bkod pa'i rten gyi dkyil 'khor ji lta ba bzhin zhugs te bsgrub par bya'o//phyogs bzhir rin po che'i rang bzhin gyi rta babs me tog gi phreng ba dang dril bu dang ba dan la sogs pa dang ldan pa rdo rje 'chang mngon par bzlas la dbul bar bya'o/ /dkyil 'khor las phyi rol du shar la sogs pa'i phyogs rnams su/ shes rab kyi pha rol tu phyin pa dang /sdong po brgyan pa dang / de bzhin gshegs pa'i gsang ba dang / gser 'od dam pa rnams bklag par bya'o/ /ga pur dang a ka ru dang tu ru ska la sogs pa'i spos snod rnams rgyun mi 'chad par phyogs dang phyogs mtshams brgyad du gzhag par bya'o/ /de nas bdud rtsi 'khyil pa'i nga rgyal dang ldan pa'i grogs po/'od kyi phreng ba las phyi rol du bdud rtsi lnga dang ldan pa'i dri'i chus kun du 'byug par byed du bcug la/ me tog sil mas bkram nas/ las thams cad pa bzlas pa'i chus dkyil 'khor bsangs te/ de'i dbus su lag pa bzhag la/'khor lo byin gyis brlab pa'i phyir yi ge gsum brgya rtsa brgyad bzlas te/ oM a big+h+nAn+ta krita hUM phaT/ ces bzlas par bya'o/ /de nas mtshams kyi dus su dpal gnod mdzes rgyal po'i nga rgyal dang ldan pas me tog sngon po'i phreng ba blangs te/ oM suM b+ha zhes bya ba la sogs brjod cing /mtshon gyi ri mo'i 'og nas 'gro ba'i bsam pas dkyil 'khor du zhugs la/ dril bu dkrol zhing bskor ba gsum bya ste/ ma tshang ba dang lhag pa'i nyes pa zhi bar bya ba'i phyir 'khor lo bltas nas bcom ldan 'das la phreng ba phul te/ de slar gar gyi sbyor bas blangs la/yi ge hUM bzhis rang gi mgo la bcing bar bya'o/ /de nas phyi rol dang nang gi dkyil 'khor dag gi mtshams su 'dug cing / mnyam par bzhag pa'i rdo rje slob dpon gyis yi ge gsum 'don cing yid kyis sgo dbye bar bya ste/ shar la sogs pa'i sgo rnams ni//nub la sogs par gnas pa dang / /de bzhin g.yas brkyang sogs rnams kyis/ /rim bzhin dbye bar bya ba nyid/ /de nas slar lhag par gnas par byas pa'i rnam par rgyal ba'i bum pa/ cho ga de nyid kyis bzlas pa bdag po'i mdun du gzhag par bya'o/ / gcig shos badzra d+h+r-ika ces bya ba brgya rtsa brgyad bzlas pa yang / de'i chus bdag nyid dang slob ma rnams bsang ba'i phyir 'jug pa'i sgor sngon du phyogs par bzhag ste/ dkyil 'khor gyi phyi rol 'od kyi 'khor lo'i nang shar dang lho'i sgo dag gi bar du mtshan nyid dang ldan pa/ rang gi lha dang rjes su mthun pa'i tshon rnams kyis bskus pa/der lha de rnams kyi mtshan bris pa/ gos bzang pos mgul chings byas pa/ yal ga dang 'bras bu bzang po'i kha rgyan dang ldan pa/ rin po che dang sman dang 'bru lnga dang ldan pa/ bdud rtsi dang bcas pa'i tsan+dan gyi chus gang ba/ rang gi sngags brgya rtsa brgyad bzlas la/ 'phags pa gshin rje mthar byed la sogs pa khro bo rnams kyi bum pa de rnams kyang gzhag par bya'o/ /de bzhin du lho dang nub kyi dbus su dpal gnod mdzes rgyal po la sogs pa rdo rje ma la thug pa rnams kyi dgu dang / de bzhin du nub dang byang gi bar du 'jig rten dbang phyug la sogs pa sangs rgyas spyan la thug pa rnams kyi lnga nyid dang /byang dang shar gyi sgo dag gi bar du mA ma kI la sogs pa mi bskyod pa la thug pa rnams kyi bum pa brgyad dgod par bya'o/ /med na rnam par rgyal ba'i bum pa dang / sangs rgyas spyan la sogs pa bzhi po'i bzhi dang /lha lhag ma rnams kyi bzhi dang / las thams cad pa'i bum pa dang / bum pa gang ba rnams kyang gzhag par bya ste/ bcu las nyung bar mi bya'o zhes gsungs pa'i phyir ro/ /de nas sgrub thabs las bshad pa'i yo byad la sogs pa dang / phyi'i mchod pa rnams kyis dkyil 'khor la mchod de rdo rje slob dpon ji skad bshad pa'i rig ma dang lhan cig slob ma gzhug pa'i cho ga bzhin du zhugs la/bcom ldan 'das la bum pa'i dbang dang / gsang ba dang shes rab ye shes kyi dbang dang / slob dpon dang / rjes su gnang ba dang / langs nas lung bstan pa dang /ting nge 'dzin bsgom pa rnams thob nas/ bdag po'i gnas su sna tshogs pad+ma'i steng du gos kyis g.yogs pa'i khri la gnas pas gdol pa'i bu mo lo bcu gnyis pa/ bzhin bzangs mig ni yangs pa dang / /rgyan rnams thams cad dag gis brgyan/ /de nyid rig pa la brtson pa/mA ma kI yi yon tan brgyan/ /sgrub thabs las bshad cho ga bzhin/ /dri dang me tog gis khyab par/ /byas nas lha rnams mchod bya'i phyir/ /de ni rnal 'byor pas bsten bya/ /de nas de kho na bzhin du byang chub sems spro ba dang bsdu ba las phyung ba'i zla ba'i dkyil 'khor du sngar bshad pa'i snying po rnams kyis dam tshig gi dkyil 'khor phra mo phyung la/mtshan ma'i nang na gnas pa'i lha'i gzugs rnams la thim par bsgoms te/ gnod mdzes rgyal po phyag na zhags pa dang / lcags kyu thogs pas yi ge dza mtha' can gyi yi ge hUM bzhis ye shes kyi 'khor lo bkug nas lha so so'i thugs kar gzhug pa sngon du 'gro ba can gyi phung po la sogs pa byin gyis brlab pa sku dang gsung dang thugs byin gyis brlab pa la thug par bya ste/snga ma bzhin du rdo rje 'chang chen po la sogs pa'i cod pan dang dar dpyangs kyi dbang bskur ba rnams kyis dbang bskur la/ rjes su mnyes par bya ba'i rim pas rjes su mnyes par bya ste/snga ma bzhin du de bzhin gshegs pa'i tshogs kyi rnam pa can gyi byang chub kyi sems bsdus nas pad+mar bcug ste/ ye shes kyi bdud rtsi'i rang bzhin du zhu bar gyur pa/ de bzhin gshegs pa la sogs pa thams cad la bza' ba'i phyir phul la/slar lha mo'i tshogs kyi gzugs rnams phyung ste/ de rnams kyis dkyil 'khor la bla na med pa la sogs pa rnams kyis yang dag par mchod la/ yi ge gsum bzlas pa'i dri dang me tog dang spos dang mar me dang lha bshos kyang phul la/ rdo rje 'chang mngon par bzlas pa'i mchod yon gyi dri'i chu dang dung phor la sogs pa'i snod du blugs la/bdud rtsir bcas pa'i til dang nas dang ku sha dang dri zhim po dkar po dang ldan pa/ lha rnams la mchod yon gyi snod des blugs shing dbul bar bya'o/ /de nas mchod pa bya ste/ /de la lha rnams re re zhing ras yug zung re'am re re'am/thams cad la ras yug bzang po gcig phul la/ bla re dang gdugs dang rgyal mtshan dang ba dan rnam pa sna tshogs pa la/ yi ge oM mam rdo rje sems dpa' bzlas te/ badzra s+pha ra Na khaM/ zhes bya ba 'di yis dbul bar bya'o/ / oM sarba ta thA ga ta pU dzA me g+ha sa mu dra s+pha ra Na sa ma ye hUM/ zhes bya ba'i sngags kyis sngar mngon par 'dus byas pa'i ga pur dang a ka ru dang tu ru ska la sogs pa'i dri tsan+dan dang bsres pa dang / me tog gi shing brgya'am/ shing bzhi dang me tog thams cad dang / spos kyi snod stong ngam brgya'am bcu las nyung ba ma yin pa dang /mar la sogs pa'i mar me'i grangs 'bum mam stong ngam mar me'i snod brgya'am snod bzhi dbul bar bya ste/ bshad ma thag pa'i sngags la/ puSh+pa/ d+hU pa/ dI pa/ pU dza/ zhes bya ba la sogs pa re re zhing sbyar bar bya'o/ /'bru la sogs pa las byas pa'i swa sti ka la sogs pa'i yi ge gsum mngon par bzlas pa'i bza' ba dang bca' ba dang myang ba dang gzhib pa dang myos pa dang bcas pa dang /myos pa med pa'i btung ba dang / gtor ma dang mchod pa rnam pa sna tshogs pa'i grangs stong dang / de nyid kyis rol cha stong ngam/pi wang dang dung la sogs pa'i rol cha bcu dang / phyi rol gyi gar mkhan dang / lag gdub dang / rna rgyan dang / cod pan la sogs pa dang / rta dang glang po dang / ba lang gi khyu rab tu brtags pa de rnams dang gos dang bcas shing dril bu dang rnga yab dang bcas pa'i rta babs rnams dbul bar bya'o//de nas ba dan dkar po dang / smug po dang sngon po dang dud ka dang / dmar po dang khra bo dang ser po dang ljang gu dang brgyad go rims bzhin du dkyil 'khor las phyi rol du dbang po la sogs pa'i phyogs su bsgreng bar bya'o/ /de nas yang bla na med pa la sogs pa'i mchod pa rnams kyis yang dag par mchod nas/mi bskyod rdo rje zhes bya ba la sogs pas snga ma bzhin du bstod par bya ste/ de'am gzhan gyis bstod nas bshang ba dang gci ba la sogs pa dang ldan pa/ byang chub kyi sems su bsgrubs pa/ dung chen du blugs pa/yi ge gsum gyis mngon par 'dus byas pa/ 'khor lo'i dbus su bzhag la/ des dkyil 'khor pa rnams yang dag par tshim par bya'o/ /de nas dbang po'i phyogs nas brtsams te/ lha dang lha ma yin la sogs pa rnams la/ des mngon par 'dus byas pa'i bza' ba la sogs pa'i gtor ma byin la/lha rnams tshim par byed pa'i sbyin sreg bya'o/ /de nas yang slar zhugs te langs nas lung bstan pa la thug pa snga ma bzhin du rdzogs par byas nas/ slob ma rnams gzhug pa'i phyir/ chos rnams gzugs brnyan lta bu ste/ /dag cing gsal la rnyog pa med//gzung du med cing brjod du med/ /rgyu dang las las kun du 'byung / /de bzhin nyid las nges par skyes/ /bden pa 'di yis dkyil 'khor du/ /skyon bral slob ma thams cad kyis/ /gzugs brnyan gsal bar mthong bar shog /ces bden pa'i byin gyi rlabs bsgrags par bya'o//nam mkha' las byung mtshan ldan phyir/ /thog ma tha ma med pa'i mchog /sems dpa' rdo rje che rang bzhin/ /rdo rje sems dpa' deng grub mdzod/ /kun mchog dngos grub chen po ste/ /dbang phyug chen po lhag pa'i lha/ /rdo rje 'dzin pa kun gyi rgyal/ /mi 'gyur mchog tu bdag grub mdzod//nyes pa mi mnga' rtag pa'ang khyod/ /'dod chags kun gyis rjes chags pa/ /'dod chags chen po dga' ba che/ /bcom ldan de nyid bdag grub mdzod/ /shin tu dag pa kun gyi mchog /gdod nas grol ba de bzhin gshegs/ /kun du bzang po kun bdag nyid/ /byang chub sems dpa' bdag grub mdzod//dngos grub chen po kun gyi mchog /dbang phyug chen po'i rgyal mchog dang / /shin tu khyad 'phags rdo rje yis/ /rdo rje snyems bdag bdag grub mdzod/ /sems can kun gyi yid khyab cing / /sems can kun gyi snying la zhugs/ /sems can kun gyi yab gyur nyid//dam tshig mchog gi 'dod pa mchog /bden pa gang gis ye shes mchog /shes rab thabs dag dkyil 'khor 'gyur/ /bden pa de yis mgon khyod kyis/ /bdag gi 'dod pa yongs rdzogs mdzod/ /ces bya ba dam tshig gsum gyis glu'i mchod pa dang gsol ba gdab par bya'o//de nas slob ma'i cho ga 'byung ste/ dam tshig dang sdom pa 'dzin par khas blangs pa yon rab tu phul ba'i slob ma snga ma bzhin du mngon par 'dus byas nas/ de'i snying gar snyoms par 'jug pas bzhugs pa'i bde ba chen po rnam par bsams te/de'i sbyor ba'i g.yo ba las byung ba'i yi ge AH dmar po'i 'od zer gyi phreng bas lus thams cad gsal bar byas par rnam par bsgoms la/ /bdud rtsi zhes pa bzlas pa'i gos dmar po'i stod g.yogs dang smad g.yogs dang ldan pa/ sgo srung bzhi mngon par bzlas pa'i gos kyis mig bkab pa/rang gis dbang bskur ba'i de bzhin gshegs pas byin gyis brlabs pa'i gdong g.yogs nyid kyis cod pan byas pa/ ji skad bshad pa'i rang gi rigs kyi bu mo lag pa g.yon pas 'khyud pa'i sbyor ba khyad par can gyis 'dzin pa bcug ste/ las thams cad pa'i bum pa'i chus kun du bsangs la/ e ma'o sangs rgyas e ma'o chos/ /chos bshad pa ni ngo mtshar che/ /de nyid don ni dag pa'i don/ /byang chub sems khyod la phyag 'tshal/ /bdag med pa yi chos las byung / /sangs rgyas byang chub rdzogs mdzad pa/ / rnam par mi rtog dmigs su med/ /byang chub sems khyod la phyag 'tshal/ /kun du bzang po thams cad don/ /byang chub sems ni rab bskor ba/ /byang chub spyod pa rdo rje che/ /byang chub sems khyod la phyag 'tshal/ /de bzhin gshegs pa'i thugs de dag /sku dang gsung thugs rdo rje 'dzin//sangs rgyas byang chub rab ston pa/ /byang chub sems khyod la phyag 'tshal/ /zhes bya ba 'dis phyag bzhi byed du bzhug go/ /de nas/ a khaM bI ra hUM/ zhes bya ba'i sngags kyis me tog gi phreng ba thal mo sbyor bas 'dzin du bcug pa sgo drung du bzhag la/ kye rab tu dga' ba 'dod pa khyod su yin zhes dri bar bya zhing /des kyang kye bde ba chen po bdag ni skal ba bzang po'o zhes brjod par bya'o/ /de nas rdo rje sems dpa'i bum pa'i chus bsangs te/ yi ge lngas bcug la 'di skad brjod par bya ste/ deng khyod de bzhin gshegs pa thams cad kyi rigs su zhugs par gyur gyis/de'i phyir ngas khyod la gang gis de bzhin gshegs pa thams cad kyi dngos grub kyang thob par 'gyur na/ dngos grub gzhan lta smos kyang ci dgos pa'i ye shes bskyed par bya yis/ khyod kyis dkyil 'khor chen po ma mthong ba'i mdun du brjod par mi bya ste/ khyod dam tshig nyams par gyur ta re/ oM rdo rje sems dpa' rang nyid ni/ /de ring khyod kyi snying la gnas/ /gal te tshul 'di smra ba na/ /skad cig de la bral nas gshegs/ /sbyangs shing rtogs par byas pa nyid/ /ye shes 'bar ba'i 'od kyis khyab/ /dngos grub sgrub byed dkyil 'khor gnas//dung chen nang blugs bdud rtsi lnga/ /sa bon lnga dang gsum bkod pa/ /blangs te slob ma 'thung du gzhug /'di ni khyod kyi dmyal ba'i chu/ /dam tshig las 'das sreg par byed/ /dam tshig bsrungs pas dngos grub thob/ /'thung shig rdo rje bdud rtsi'i chu/ /oM badzro da ka Tha/deng phyin chad khyod kyi phyag na rdo rje nga yin gyis/ ngas 'di gyis shig ces smras pa gang yin pa de khyod kyis bya dgos shing / khyod kyis nga la brnyas par mi bya ste/ khyod nyam nga ba ma spangs par 'chi ba'i dus byas nas/ sems can dmyal bar ltung bar 'gyur ta re/ de nas bdag la de bzhin gshegs pa thams cad kyis byin gyis brlabs pa dang /rdo rje sems dpa' dbab par mdzad du gsol zhes smros shig ces slob ma smrar bcug la/ de'i snying gar hUM las byung ba'i dbang chen gyi dkyil 'khor gru bzhi kha dog ser po rdo rje rtse gsum pas mtshan pa la gnas pa'i yi ge hUM dang mgo bor baM las byung ba'i chu'i dkyil 'khor zlum po kha dog dkar po bum pas mtshan pa la gnas pa'i yi ge ha dang /lkog mar yi ge yaM las byung ba'i rlung gi dkyil 'khor sngon po gzhu lta bu'i 'od zer gyi tshogs 'phro ba'i rgyal mtshan gyis mtshan pa la gnas pa'i yi ge a dang /rkang pa'i 'og tu yi ge raM las byung ba'i me'i dkyil 'khor gru gsum 'od zer 'bar ba la gnas pa'i yi ge dz+haiM rab tu 'bar ba rnam par bkod nas/ hUM ha/ AH dz+haiM zhes bya bas bskul zhing dbab par bya ste/ ji skad bshad pa'i dbang chen gyi dkyil 'khor la sogs pa rnams la gnas pa'i yi ge hUM la sogs pa las byung ba'i rdo rje la sogs pa de dag nyid kyis mtshan pa rnams yi ge dz+haiM las byung ba'i me'i 'od zer rnams kyis mngon par khyab par bsams la dbab par bya'o//babs par gyur pa'i lce la yi ge AHdmar po bsams la/rdo rje smros shig ces brjod par bya ste/ bzang ngan thams cad smra bar 'gyur ro zhes bcom ldan 'das rdo rje 'chang gsung ngo / /tiSh+Tha badzrA dr-i D+ho me b+ha ba/ sha shwa to me b+ha ba/ hr-i da yaM me a d+hi tiSh+Tha/ sarba sid+d+hiM me pra yats+tsha/ hUM ha ha ha ha ho/ /zhes bya ba brjod pas dbab pa de nyid brtan par bya ste/yi ge lngas phreng ba de dkyil 'khor du skyur du bcug la/ de nyid kyis slar blangs te de'i mgo la bzhag nas snying gar zla ba la rang gi bdag po'i dang / mig tu yi ge oM dang / dpral bar yi ge ra bsams te/ yi ge lnga yis gdong g.yogs bkrol la man ngag ji lta ba bzhin du dkyil 'khor bstan zhing /'di skad brjod par bya'o/ /kye rdo rje/ ji ltar mig sman dag pas mthong / /de ring dkyil 'khor 'di ltos shig /sangs rgyas chos kyi rigs su skyes/ /sngags dang phyag rgyas byin brlabs gyur/ /dngos grub thams cad phun sum tshogs//dam tshig rnams kyi mchog tu 'gyur/ /rdo rje pad mchog rol pa yis/ /gsang sngags rnams ni mnyes par gyis/ /mi mnyam med pas gru bzhi ste/ /dran dang dbang pos sgo bzhi yin/ /rta babs bzhir ldan bsam gtan bzhi/ /khyams ni ting nge 'dzin du bshad//kha khyer ldan pa'i lha mor ldan/ /rdo rje 'chang gi gzungs rnams te/ /rgyan rnams kun gyis spras pa ni/ /bsam pa thams cad rdzogs byed pa'o/ /rlung bskyod ba dan dril bu dag /sna tshogs mchog gi sgra sgrogs pa/ /gdul bya bskyang ba dam chos kyi/ /sna tshogs mchog sgras kun du khyab//me tog me long ye shes te/ /byang chub yan lag me tog phreng / /dra ba dra phyed rin chen bzang / /nyi ma zla bar yang dag ldan/ /dngos grub mi zad bde ba ste/ /bde ba chen po zhes bshad do/ /de yi nang gi 'khor lo ni/ /dkyil 'khor brgyad pa'i rnam pa ste/dngos grub bde ba kun ster ba'i/ /rnam par thar pa brgyad po yin/ /byang chub sems dpa'i theg chen gyis/ /mdo yi 'khor lo rab bskor bas/ /rdo rje'i thig gis yongs bskor dang / /kun nas yongs su rdzogs pa yin/ /'gro la ye shes kyis chags pas/ /rdzogs sangs rgyas lnga tshon rtsi yin//rang gi mtshan nyid rab dbye bas/ /dbang po'i don ni rnam dag phyir/ /bum pa rdo rje can gyis sngon/ /ye shes bdud rtsi gsol de yin/ /bum pa gang ba thugs rje yi/ /rlan dang tshogs rdzogs rgyu mthun yin/ /me tog spos dang mar me dri/ /dkyil 'khor na ni gang yod pa//byang chub yan lag yid rab tshim/ /chos kyi sgron ma grags pa'i tshogs/ /lha bshos chos kyi zas yin te/ /bde ba chen po 'phel byed pa'i/ /glu dang gar dang rol mo'i mchog /ngo tsha khrel yod sdom pa yin/ /khang brtsegs thar pa'i grong khyer phyir/ / snying po bsdus pas dkyil 'khor ro/ /zhes bya ba 'dis rgyu dang 'bras bu'i rang bzhin can gyi rten gyi dkyil 'khor bstan nas/ da ni brten pa'i 'khor lo bstan par bya ste/ dad pa'i dbang po rnam par dag pa ni/ /'phags pa gshin rje mthar byed yin zhing sems can ma lus pa'i rgyud la gnas pa'i 'chi bdag gi bdud zil gyis gnon par byed pa'i rang bzhin no//de bzhin du dran pa dang ting nge 'dzin dang brtson 'grus kyi dbang po rnam par dag pa ni/ 'phags pa gzhan gyis mi thub pa dang / rta mgrin dang / 'phags pa bdud rtsi zhes bya ba ste/ nyon mongs pa dang / phung po dang / lha'i bu'i bdud rnams zil gyis gnon par byed pa'i mtshan nyid can gyi sgo srung rnams so/ /de bzhin du 'dod pa'i rgyal po dang / dbyig pa sngon po dang / stobs po che dang / mi g.yo ba dang / gtsug tor 'khor los sgyur ba dang / gnod mdzes rgyal po rnams ni zhe sdang la sogs pa rnam par dag pa'i rang bzhin no//sa'i snying po ni mig gi skye mched rnam par dag pa'i rang bzhin no/ /gzugs rdo rje ma ni phyi rol gyi gzugs rnam pa gsum rnam par dag pa'i rnam par snang mdzad kyi rang bzhin no/ /byams pa dang lha mo byams ma ni byams pa mchog rnam par dag pa'i rang bzhin no//phyag na rdo rje ni rna ba'i skye mched rnam par dag pa'i rang bzhin no/ /de bzhin du sgra rdo rje ma ni rin chen dpal gyi rang bzhin no/ /nam mkha'i snying po ni sna'i skye mched do/ /dri rdo rje ma ni 'od dpag tu med pa'i rang bzhin no/ / 'jig rten dbang phyug ni lce'i skye mched do/ /ro rdo rje ma ni don yod par grub pa'i rang bzhin no/ /'phags pa 'jam dpal ni shes rab rnam par dag pa'i rang bzhin no/ /lha mo snying rje ni brtse ba rnam par dag pa'i rang bzhin no/ /sgrib pa thams cad rnam par sel ba ni lus rnam par dag pa'o//reg bya rdo rje ma ni reg bya rnam par dag pa'i mi bskyod pa'i rang bzhin no/ /kun du bzang po ni yid rnam par dag pa'o/ /chos kyi dbyings rdo rje ma ni chos thams cad rnam par dag pa'i rang bzhin no/ /sangs rgyas spyan ni phyi dang nang gi bdag nyid kyi sa'i khams rnam par dag pa'i rang bzhin no//de bzhin du mA ma kI dang / gos dkar mo dang / sgrol ma ni chu dang me dang rlung rnam par dag pa'i rang bzhin no/ /de bzhin du rnam par snang mdzad dang / rin chen 'byung ldan dang / 'od dpag tu med pa dang / don yod par grub pa rnams ni stong pa nyid la sogs pa'i rgyu mthun pa'i me long lta bu la sogs pa'i ye shes bzhi'i rang bzhin can no//bcom ldan 'das zhe sdang rdo rje ni rnam par thar pa'i sgo stong pa nyid la sogs pa bzhi'i rgyu mthun pa'i ye shes lnga'i rang bzhin no/ /bde ba chen po rab sgrub phyir/ /gang du zhugs pa tsam gyis ni//de rnams zil gyis mi gnon cing / /phyir mi ldog dang rgyal sras 'gyur/ /de nas rdo rje slob dpon la/ /shin tu khyad 'phags yon phul nas/ /rab tu btud de tshigs bcad 'dis/ /dbang bskur bar ni gsol ba gdab/ /byang chub rdo rjes sangs rgyas la/ /ji ltar mchod chen gsol mdzad pa//bdag la bsrung ba'i don gyi phyir/ /nam mkha'i rdo rjes deng bdag stsol/ /slob ma rang bdag rnal 'byor ldan/ /'jug pa'i sgo ru mngon phyogs par/ /pad+ma 'dab brgyad steng du ni/ /rnam spras khri la bzhag byas te/ /lus la dkyil 'khor bcug gyur pa//cho ga 'di yis dbang bskur bya/ /dbang bskur dus su slob dpon gyis/ /gdugs dang rgyal mtshan ba dan thogs/ /bum pa rol cha gos bzang dang / /rgyan rnams bzang po dang ldan zhing / /sngar bshad dbab pa bya ba yis/ /bkug nas yang dag gshegs pa yis/ /sangs rgyas kun gyis nam mkha'i khams//yongs su gang bar rnam bsgom bya/ /bum pa'i chu ru bdag po lnga/ /la sogs zhu ba'i gzugs bcug la/ /mgrin pa gos rnams bzang pos bcing / /bum pa sangs rgyas spyan sogs kyis/ /'thung ba de yi ba spu yi/ /bu ga kun nas sangs rgyas gzhug /sngags kyi tshigs bcad 'di 'don cing / /slob ma'i mgo la dbang bskur bya/ /dbang bskur ba ni rdo rje che/ /khams gsum pas ni phyag byas shing / /sangs rgyas kun gyi gsang gsum gyi/ /gnas las byung ba sbyin par bya/ /ji lta ba bzhin cod pan gyis/ /dbang bskur de nas shes rab dang //rnal 'byor gyis ni brtan byas te/ /rim pa 'di bzhin mtshan ma sbyin/ /sangs rgyas kun gyi deng khyod kyi/ /rdo rje'i dbang gis dbang bskur 'gyur/ /rab tu grub phyir sangs rgyas kyi/ /rdo rje 'di ni khyod kyis long / /oM badzra a d+hi pa ti twAM a b+hi Shiny+tsa mI tiSh+Tha badzra sa ma ya s+t+waM/thog mtha' med pa'i sems dpa' ni/ /rdo rje sems dpa' dga' ba che/ /kun du bzang po kun bdag nyid/ /rdo rje bsnyems tshul bdag po'i bdag /ces bya bas ni hUM las byung ba'i rdo rje'o/ /rgyal ba byang chub mchog bzhed pa/ /'di de sangs rgyas thams cad kyis/ / shes rab sgra yi rjes 'gror bshad/ /khyod kyis kyang ni rtag tu bcang / /zhes bya bas yi ge a las byung ba'i dril bu'o/ /srid pa ngo bo nyid kyis dag /ngo bo nyid kyis srid bral byas/ /ngo bo nyid dag sems mchog gis/ /srid pa mchog tu byed par 'gyur/ /zhes bya bas de dkrol du gzhug go//srid pa'i bde ba shin tu chung / /sdug bsngal chen po dag bya'i phyir/ /shin tu bde ba'i thabs dam pa/ /dam tshig 'di ni rtag tu skyed/ /'dod pa'i longs spyod thams cad ni/ /ji bde ba ru bsten bya zhing / /rang gi lha yi sbyor ba yis/ /bdag dang gzhan nyid mchod par bya//ji srid 'khor ba'i gnas su ni/ /mkhas mchog rnams ni 'dug 'gyur ba/ /de srid mtshungs med sems can don/ /mya ngan mi 'da' byed par nus/ /thabs dang shes rab pha rol phyin/ /bsod nams tshogs ni sgrub byed cing / /dngos grub kun gyis dbang phyug gyur//grub pas sems can don brtan bya/ /yid kyi gzugs ni brtan nyid phyir/ /phyag rgya dam tshig ces byar brjod/ /gang gi gzugs kun brtan gyur pa/ /des ni phyag rgyar rab tu bsgrags/ /zhes bya ba ni dam tshig go/ /de ltar dam tshig gsum phog nas/ oM badzra a d+hi pa ti s+t+wAM/a b+hi Shiny+tsA mi/ badzra nA ma a b+hi She ka ta/ kye dpal rdo rje che ge mo zhes bya ba'i sgra dang bcas pa'i ming gdags par bya ste/ de ni ming gis dbang bskur ba'o/ /phyag na rdo rje'i brtul zhugs brtan/ /'di de sangs rgyas thams cad nyid/ /rdo rje sems dpa'i phyag na gnas/ / khyod kyis kyang ni rtag tu bcang / /zhes bya bas rdo rje'i brtul zhugs phog pa ste/ oM sarba ta thA ga ta sid+d+h+ya badzra sa ma ya tiSh+Tha e Sha s+t+waM d+hA ra yA mi/ hi hi hi hi/ hUM zhes bya ba brjod cing / slob ma 'dzin du bcug ste/ dri la sogs pa rnams kyis yang dag par mchod nas gzhag par bya'o/ /de lta bu ni bum pa zhes bya ba'i ming gis bsdus pa/phyi'i dkyil 'khor gyi dbang bskur ba ste/ le'u bco brgyad pa las/ bum pa'i dbang ni dang po ste/ /gsang ba'i dbang bskur gnyis pa yin/ /shes rab ye shes gsum pa ste/ /zhes bya ba la sogs pa bstan pa'i phyir ro/ /de nas gnas dben par slob mas sngags dang rgyud la legs par bslabs pa/bzhin bzang zhing mig yangs pa de kho na nyid kyi rig pa la brtson pa/ dam tshig srung ba lhur len pa/ bde ba'i yo byad thams cad dang ldan pa'i rang gi rigs kyi bu mo/ /rdo rje slob dpon la rab tu dbul bar bya'o/ /de nas g.yon logs na gnas pa de dang lhan cig 'dug pa'i bla ma la 'o ma dang mar me'i mchod pa rnams dang /dri dang phreng ba la sogs pa phyi rol gyi mchod pa rgya chen po rnams dang / bla na med pa'i mchod pa rnams kyis yang dag par mchod la/ pus mo g.yas pa'i lha nga sa la btsugs te/ de nas thal mo sbyar ba yis//slob dpon che la gsol ba gdab/ /khyed kyi zhal snga'i bka' drin gyis/ /bdag gis bya ba bla med shes/ /de ring dbang bskur rin chen gyis/ /mgon po brtse ba mdzad du gsol/ /ji ltar dpal mgon bde chen gyis/ /dpal ldan rdo rje chos la ni/ /de nyid dag pa zhes byar bshad//de bzhin mgon pos bdag la stsol/ /sdug bsngal kun gyi gnas 'gyur bdag /gtso bos dmyal ba las gdon stsol/ /mgon med pa la sdug bsngal kun/ /gcod par byed pa'i thugs rje mdzod/ /khyod zhabs pad+ma ma gtogs par/ /gtso bo bdag la skyabs gzhan med//de bas thub chen sangs rgyas mchog /'gro ba'i dpa' bos bka' drin gsol/ /de ltar gsol btab cho ga bzang / /dam pa thob par gyur nas ni/ /bla ma yon tan rgya mtsho yis/ /snying rje slob ma la bskyed de/ /bzhin ni rab tu 'dzum byas nas/ /brtse ldan rab tu dga' gyur pas//gsang ba las kyang ches gsang mchog /sdom pa bzang po bsgrag par bya/ /bu khyod kyis ni srog chags gsad/ /brdzun pa'i tshig kyang smra bar bya/ /khyod kyis ma byin blang bya ste/ /bud med kyang ni bsten par bya/ /sems kyi sdom pa mchog gyur pa//bzang po khyod kyis bsrung bar bya/ /bshang dang gci ba sha dang khrag /rnam pa sems las byung ba dang / /rta khyi glang po ba glang sha /sbyangs pa la sogs cho ga yis/ /khyod kyis rtag tu bza' bya ste/ /dam tshig 'di ni ngo mtshar che/ /de nas bsgom pa kun du btags pa'i sngar bshad pa'i dkyil 'khor nyid du/lha ma lus pa'i 'khor lo'i dbus na 'dug pa'i slob dpon rdo rje 'chang chen po'i nga rgyal dang ldan pas/ rang gi rig ma'i pad+mar bdud rtsi lnga bcug ste/ ji skad bshad pa'i man ngag gis de dang yang dag par sbyor ba dang ldan pas rang gi lhag pa'i lha yang dag par dbang bskur bar gyur pa phyung la/de 'gro ba rnams kyi don byed du bcug ste de bkug nas rang gi lus la bcug ste/ de rnam par gyur nas slob ma yang de'i rang bzhin dang ldan zhing phung po la sogs pa byin gyis brlabs pa/ rang gi lha mo la sogs pa yang dag par ldan par bsams la/rang gi ba spu'i bu ga'i gseb nas byung ba'i 'od zer gyi lcags kyu'i tshogs rnams kyis/ nam mkha'i dbyings ma lus par khyab pa'i de bzhin gshegs pa rnams bsdus te/ rang gi sku dang gsung dang thugs rnams la bcug nas las la gnas par bya ste/rang gi snying pos de bzhin gshegs pa rnams yang dag par bskul la/ mchog tu dga' ba'i gnas skabs su zhu bar gyur pa nyid slob ma'i kha ru blugs par bya zhing / des kyang e ma'o bde'o zhes brjod la/ sems las byung ba med par bya'o/ /de ni rdo rje can kun gyi//dbang bskur go 'phang mchog yin te/ /rdo rje can ni thams cad dang / /las mchog tshogs rnams 'grub par 'gyur/ /de ni gsang ba'i dbang bskur ba'o/ /de nas sems byung me tog bcas/ /pad+ma la gnas blangs nas ni/ /bshang gci sha dang yang dag ldan/ / mi yi nya phyis nang blugs te/ /mchod phyir rang gi kha dang ni/ /rig ma'i kha ru blugs par bya/ /de nas/ shes rab dad la sogs dang ldan/ /gzugs bzang sgrub po'i yid du 'ong / /rnal 'byor 'ga' zhig goms byams pa/ /dam tshig shes pa'i rnal 'byor ma/ /de'am gzhan pa'i sgrub pa pos//bla ma la ni yon du dbul/ /me tog la sogs dam tshig ldan/ /sangs rgyas rnams kyis byin brlabs pa/ /bla mas byin gyis brlabs nas ni/ /sgrub pa po la sbyin par bya/ /de dang snyoms 'jug slob ma ni/ /rdor 'dzin gnyis pa lta bu la/ /mchod pa bla na med pa dang //phyi rol mchod pa rnams dang ni/ /bkra shis 'don pa'i sgra rnams dang / /rol mo'i sgra ni sna tshogs dang / /rnga yab gdugs dang rgyal mtshan sogs/ /tsan+dan me tog phreng tshogs mchod/ /shes rab ye shes dbang bskur la/ /kun du brtan par gzhag byas te//dad pas thal mo sbyar ba la/ /cho ga 'di yis dbang bskur bya/ /de la sangs rgyas spyan dang yang dag ldan pa'i gti mug rdo rje'i rnal 'byor dang ldan pa'i slob dpon gyis/ slob ma yang de'i rnal 'byor dang ldan par byed du bcug ste/ rang gi ting nge 'dzin las rnam par snang mdzad dang snyoms par zhugs pa'i sangs rgyas spyan gyi tshogs/phyag na byang chub kyi sems kha dog dkar pos yongs su gang bar gyur pa'i bum pa zla ba'i 'od zer lta bu thogs pa yang dag par spros la/ de rnams kyis dbang bskur te/ snyoms par 'jug pa las byung ba'i byang chub kyi sems kyi rgyun dkar pos kyang dbang bskur ba byin la/sku rdo rje dang sangs rgyas spyan gyi tshogs de rnams thams cad bde ba chen po nyams su myong ba'i gzhan gyi dbang gis/ mar gyi bum pa bzhin du zhu nas ye shes kyi bdud rtsi'i rnam par gyur pa/ slob ma'i lus la bcug ste de yang bde ba chen po'i rang bzhin can gyi lha'i lus su bsam par bya'o//de'i don ni 'di skad du bstan pa yin te/ gti mug dga' ma dang ldan pa'i/ /gti mug rnal 'byor gyis rmongs la/ /gti mug rgyun gyis dbang bskur bas/ /rang nyid gti mug rdo rjer 'gyur/ / de bzhin du/ zhe sdang dga' ma dang ldan pa'i/ /zhe sdang sbyor bas sdang ba la/ /zhe sdang rgyun gyis dbang bskur bas/ /rang nyid zhe sdang rdo rjer 'gyur/ /'dod chags dga' ma dang ldan pa'i/ /chags bdag sbyor bas chags can la/ /'dod chags rgyun gyis dbang bskur bas/ / rang nyid 'dod chags rdo rjer 'gyur/ /rdo rje dga' ma dang ldan pa'i/ /shes rab ye shes rnal 'byor gyis/ /ye shes rgyun gyis dbang bskur bas/ /rang nyid shes rab ye shes 'gyur/ /byang chub sems kyi rgyun rnams ni rang gi de bzhin gshegs pa rnams kyi sku mdog dang rjes su mthun par blta bar bya ste/de ni shes rab ye shes kyi dbang bskur ba'o/ /de bzhin gshegs rnams dpang bzhag ste/ /de tshe bla mas rig ma de'i/ /lag bzung nas ni de lta bu'i/ /sgrub po yi lag tu gtad/ /byang chub chen po sgrub pa'i phyir/ /'di nas brtsams te dam tshig gi//bu mo sgrub pa po la gtad/ /de bzhin gshegs rnams mkhyen par mdzod/ /de nas de la 'di skad brjod par bya'o/ /dbus nas rdo rje slob dpon gyis/ /mgo bo slob ma'i lag gtad de/ /yid du 'ong ba'i gzugs 'di ni/ /khyod kyis rtag tu bsten par bya/ / thabs gzhan gyis ni sangs rgyas min/ /de phyir rig ma 'di mchog yin/ /gnyis kyi dngos por snang ba yi/ /chos rnams thams cad gnyis su med/ /de phyir rtag tu khyod kyis ni/ /'khor ba spang bar mi bya'o/ /'di de sangs rgyas thams cad kyi//rig pa'i brtul zhugs bla na med/ /rmongs pa gang zhig 'da' byed pa/ /de yis dngos grub mchog gi min/ /yi ge'i phyag rgya'i rgyun kun du/ /sbas pa gang dag ji snyed pa/ /de nas brtsams te de yis ni/ /de la gsang mchog bshad par bya/ /yang ji lta ba bzhin du rang gi bdag po'i sangs rgyas kyi nga rgyal dang ldan pas/sems can kun la phan bya'i phyir/ /rtag tu 'jig rten thams cad du/ /ji ltar 'dul ba'i sgo nas ni/ /chos kyi 'khor lo sna tshogs bskor/ /de bzhin du nor bu dang pad+ma dang 'khor lo bskor zhes bya ba'i tshigs su bcad pa lngas rjes su gnang ba byin te/langs la snying gar g.yon pa'i de bzhin gshegs pa'i khu tshur gyis chos gos kyi dbus nas bzung ba dang / g.yas pas mchod sbyin gyi tshul du byas shing sangs rgyas thams cad kyi bdag nyid rnal 'byor dang ldan pas/ rdo rje ming gis dbang bskur ba'i sgo nas lung bstan par bya ste/oM ngan 'gro srid pa las bton nas/ /srid pa mchog ni grub bya'i phyir/ /rdo rje sems dpa' de bzhin gshegs/ /nga yis khyod ni lung bstan no/ /kye rdo rje de bzhin gshegs pa rdo rje che ge mo zhes bya ba sid+d+h+ya sa ma ya s+t+waM b+hur b+hu ba swaH/langs te mchog tu gsang ba'i cho ga 'di/ gang la lung bstan pa byas pa'i de bzhin gshegs pa thams cad kyi rang gi dam tshig gi slob dpon de la/ de bzhin gshegs pa thams cad dang rdo rje 'chang byang chub sems dpa'i 'khor gyi dkyil 'khor dang bcas pa thams cad gsung gcig gis bla na med pa yang dag par rdzogs pa'i byang chub tu lung ston par mdzad de/gang gi phyir langs pa'i phyag rgya chen po 'di'i mchog tu gsang ba'i dngos grub dngos grub mchog gi byin rlabs dang / sngags 'di'i mthu yin pa de'i phyir dad par bya'o zhes slob ma rnams la brjod par bya'o//de nas gsang ba brjod par bya ste/ chags bral sdig pa dang mtshungs pa/ /khams gsum dag na gzhan med de/ /de bzhin 'dod las chags bral bar/ /khyod kyis kyang ni mi bya'o/ /ma hA sa ma ya haM hUM phaT/ de'i rjes la/ mkhas pas lag pa g.yon pa yi//g.yas pa'i mthe bong nas bzung ste/ /slob ma gtso bo la dmigs nas/ /mar gyi sreg blugs brgya phul la/ /mar dang sbrang rtsi zho bsres pa'i/ /til gyi sreg rdzas brgya phul te/ /kun byed rigs kyi rig sngags kyis/ /snying ga ru ni reg byas la//bdud rtsi 'khyil pa'i sngags bzlas pa'i/ /lag pa la ni gdu bu dang / /mgo la gdugs ni thogs pa dag/ /skor ba byed du bcug nas ni/ /dkyil 'khor sgo ru thal sbyar ba/ /gdugs dang bcas par bsnyal bya ste/ /phul bar gyur pa'i slob ma 'di/ /gsang sngags 'dzin pa nyid du 'gyur//gdugs 'jog bcug nas slob dpon gyis/ /de la snying la bab pa brjod/ /da ni dkyil 'khor slob dpon dang / /gsang sngags rgyud kyang 'dzin par 'gyur/ /sangs rgyas byang chub sems dpa' dang / /lha rnams kyi yang thugs su byon/ / sems can rnams la snying brtse'i phyir/ /khyod kyis dkyil 'khor cho ga bzhin/ /rab tu 'bad de bri bar bya/ /sgrub pa po yang rgyud la sbyor/ /de nas man ngag ji lta ba bzhin du byin la/ drang ba'i don la sogs pa'i dgongs pa'i gnas rnams bshad par bya'o/ /de nas ji ltar zhugs pa rnams la de bzhin gshegs pa thams cad 'dus pa la sogs pa'i dbugs dbyung ba sbyin par bya ste/gsang ba'i dkyil 'khor mchog dam par/ /zhugs pa dang ni mthong gyur pas/ /sdig pa kun las nges grol zhing / /khyed rnams de nyid legs par gnas/ / bde chen theg pa 'di yis ni/ /khyed la slar 'chi yod min te/ /mi tshugs pa dang mi sod pas/ /cis kyang mi 'jigs dga' bar gyis/ /srid pa shin tu dag bya'i phyir/ /srid pa'i sdug bsngal dag las bton/ /srid pa'i mchog ni bsgrub bya'i phyir/ /ston pa mchog tu gyur pa yin//dam tshig sdom pa grub 'di dang / /sangs rgyas kun gyis mthun par gsungs/ /dam pa brtag pa'i bka' yang ni/ /khyed kyis rtag tu bsrung bar bya/ /gang zhig bskyed pa tsam gyis ni/ /sangs rgyas nyid du dogs med cing / /rdo rje zhes pa'i phyag rgya gang //byang chub sems kyang gtang mi bya/ /dam chos smad par mi bya zhing / /nam yang dor bar mi bya'o/ /mi shes pa'am rmongs pa yis/ /de ni rnam par dbye mi bya/ /bdag nyid yongs su spangs nas su/ /dka' thub kyis kyang gdung mi bya/ /ji bde bar ni bde ba bzung //'di ni ma byon rdzogs sangs rgyas/ /rdo rje dril bu phyag rgya ni/ /nam yang dor bar mi bya'o/ /slob dpon brnyas par mi bya ste/ /'di ni sangs rgyas kun dang 'dra/ /sangs rgyas kun mtshungs bla ma yi/ /slob dpon la ni gang smod pa/ /de ni sangs rgyas kun smad pas/ / rtag tu sdug bsngal thob 'gyur te/ /rims dang dug dang dbyig dug nad/ /mkha' 'gro ma rnams 'tshe dang gdon/ /bgegs dang log 'dren gtum po yis/ /bsad nas sems can dmyal bar 'gro/ /de bas 'bad pa thams cad kyis/ /rdo rje slob dpon blo gros che/ / dge mchog rab tu mi bcom pa/ /nam yang smad par mi bya'o/ /bla ma la ni gus bcas yon/ /rjes mthun khyod kyis dbul bar bya/ /des ni rims sogs gnod pa rnams/ /slar yang 'byung bar mi 'gyur ro/ /rang gi dam tshig slob dpon ni/ /sbyin men bu dang chung ma dang / / rang srog gis kyang bsten bya na/ /longs spyod g.yo ba smos ci dgos/ /gang phyir bskal pa grangs med pa/ /dbye bas shin tu rnyed dka' ba'i/ /sangs rgyas nyid ni brtson ldan la/ /tshe 'di nyid la ster bar byed/ /rtag tu rang gis dam tshig bsrung / /rtag tu de bzhin gshegs rnams mchod//rtag tu bla ma la yang dbul/ /de ni sangs rgyas kun dang 'dra/ /de byin sangs rgyas thams cad la/ /rtag tu byin pa nyid du 'gyur/ /de byin bsod nams tshogs yin te/ /tshogs las dngos grub mchog tu 'gyur/ /gang phyir 'dir ni legs gnas pas//deng khyed skye ba 'bras bur bcas/ /lha dang dam tshig gis mnyam par/ /khyed rnams gyur par the tshom med/ /sangs rgyas rdo rje 'dzin bcas pa/ /kun gyis deng khyod dbang bskur te/ /khams gsum rgyal srid chen po la/ /dbang byed rgyal por gnas par gyur/ /deng ni bdud las rnam rgyal te//grong khyer mchog tu rab tu zhugs/ /deng ni khyod kyis sangs rgyas nyid/ /thob pa 'di la the tshom med/ /de bas yid ni rab dang rdo rje nyid du gyis/ /rang gi dam tshig mi zad bde skyed bsten par gyis/ /deng ni bde ba chung ldan 'gro ba'i nang nas mkhyen/ / rdo rje sems dpa' dang mtshungs rtag pa nyid du gyur/ /slob ma rab gus brtse ldan pas/ /bla ma'i zhabs la phyag 'tshal te/ /gtso bos ji ltar bka' stsal pa/ /thams cad bgyid ces brjod par bya/ /de ltar cho ga 'di yis ni/ /dam bcas pa yi slob ma rnams/ /zhi ba'i don du sbyin sreg ni//'chad 'gyur cho ga bzhin du bya/ /de nas slob ma re re zhing / /mkhas pas lag pa g.yon pa yis/ /g.yas pa'i mthe bo nas bzung ste/ /g.yas su bskor ba'i rim gyis ni/ /dgang gzar spyi bo nas phab ste/ /mar gyi sreg blugs bdun gyis ni//sbyin sreg byas nas thams cad la/ /bla mas yon rnams blang bar bya/ /gser dang dngul dang rin chen rta/ /de bzhin glang po sa gzhi rnams/ /blangs te de bzhin btang byas nas/ /cho ga bzhin du sngags sbyin bya/ /gsang sngags rgyal po'i ting 'dzin yang / /ji bzhin nye bar brtan nas ni//gsang ba'i phyag rgya dang sbyor ba/ /ci rigs par ni byed bcug ste/ /de las byung ba'i byang chub sems/ /blangs la 'thung du gzhug par bya/ /de tshe rdo rje can gyis ni/ /de la 'dod bzhin sgrub thabs bshad/ /de nas sngar bshad pa'i mchod pa rnam pa lnga dang /'dod pa'i yon tan lnga dang / bla na med pa la sogs pa'i mchod pa rnams kyis dkyil 'khor yang dag par mchod la/ slob ma rnams la 'di skad du/ thams cad kyis de bzhin gshegs pa thams cad la ci nus par mchod pa gyis shig ces brjod par bya'o/ / ro dang ldan pa'i zas kyi bye brag la sogs pa thams cad dang / ba glang dang / khyi dang / glang po dang / rta'i dang / mi'i mar me bye brag rnams dang / myos pa dang bcas pa dang / myos pa med pa'i btung ba'i bye brag 'khor lo la phul ba rnams kyis ji ltar zhugs pa rnams kun du tshim par bya'o//'di de sangs rgyas thams cad kyi/ /zhes bya ba la sogs pas kyang rdo rje brtul zhugs phog la/ de rnams lhan cig mtshan mo gnyid ma log par/ mchog tu dga' ba'i cho gas dpal bde ba chen po bsgom pa dang / glu dang gar la sogs pa rnams kyis 'dug cing bzlas pa bya'o//yang thams cad la su la yang ma smra shig ces mna'i snying po brjod la/ zhugs pa thams cad btang ste/ yang mgon po mchod nas yang dag par bstod de/ phyogs rnams su gtor ma byin la/ nye reg byas te phyag btsal nas/ / mchod yon phul te/ dge ba yongs su bsngos nas/ /dkyil 'khor la bskor ba gsum bya ste/ badzra d+h+r-ika a zhes bya ba'am/ yi ge muH'i mtha' can gyi yi ge gsum brjod cing / nam mkha' dang mnyam pa nyid kyis rang gi sku dang gsung dang thugs la dkyil 'khor gyi 'khor lo bcug la/oM a kA ro mu khaM sarba d+harmA NAM/ Ad+ya nut+pan+na twAd/ ces bya ba brjod cing dkyil 'khor phyis te/ gsang ba'i dkyil 'khor yang snga ma bzhin du gshegs su gsol la/ tshon rtsi la sogs pa chu bo chen po la pho ste/ hUM zhes bya ba brjod cing dkyil 'khor gyi phur bu bton la/bdud rtsi dang bcas pa'i 'o mas bkrus te/ rang gi slob ma dang sa bdag bsrung ba'i phyir zhi ba'i sbyin sreg byas la/ dus gsum mnyam pa nyid du bsgom pa'i sgo nas ci bde bar gnas par bya'o/ /thugs kyi dkyil 'khor gyi cho ga de lta bu ni cho ga zhes bya ba'i sgras bstan pa yin no//thugs kyi dkyil 'khor zhes bya ba la sogs pa la/ yongs su ste rnam pa kun du gsal ba ni dang po nas brtsams te/ bum pa la sogs pa yang dag par dgod pa'i mthar thug pa'o/ /shes byas nas zhes bya ba ni cho ga rnam pa sna tshogs pa ma tshang ba med par sems kyis khong du chud nas zhes bya ba'i don to//sku dang gsung thugs mchod pa yis/ /zhes bya ba la sku'i dkyil 'khor dang / gsung gi dkyil 'khor dang / thugs kyi dkyil 'khor rnams kyi mchod pa ni/ sku dang gsung thugs mchod pa ste/ de rnams kyis so/ /mchod pa zhes bya ba ni phyi dang nang gi bdag nyid dang bla na med pa la sogs pa'i rang bzhin te/de dus 'dir nan tan du bya'o/ /de nyid bstan pa'i phyir/ bud med ces bya ba la sogs pa gsungs te/ rab tu mdangs bzang ba zhes bya ba ni zla ba'i mdog dang ldan zhing de'i 'od zer gyi tshogs kyis khyab pa'o/ /ji skad bshad pa'i mtshan nyid dang ldan pa'i btso blag mkhan gyi bu mo lo brgyad phrag gnyis lon pa ni sku'i dkyil 'khor gyi'o//de'i zhes bya ba ni sku'i dkyil 'khor gyi'o/ /dbus su zhes bya ba ni bdag po'i gnas so/ /mnyes par bya zhes bya ba ni sngar bshad pa'i sgrub thabs kyi tshul bzhin du'o//de bzhin du gar mkhan gyi bu mo na tshod lo nyi shu lon pa/ rgya skyegs lta bu'i mdog dang ldan pa/ gos dkar mo'i rnam pa can ni gsung gi dkyil 'khor gyi'o/ /yon tan ske rags zhes bya ba la sogs pa la/ gdol pa'i bu mo lo bcu gnyis lon pa/ ut+pa la'i 'dab ma'i mdog can/stobs bcu dang mi 'jigs pa la sogs pa sangs rgyas kyi yon tan gyi tshogs ma lus pas brgyan pa'i mA ma kI'i gzugs su rnam par bsgoms la ste/ le'u 'di nyid du sku'i dkyil 'khor la sogs pa'i don du gsol ba btab pa nyid yin pa'i phyir ro/ /sangs rgyas ni dpal rdo rje 'chang byang chub kyi sems kyi rang bzhin te//dam tshig gi dkyil 'khor phra mo gang la de nyid gnas te/ rgyu yin pa yod pa de la de skad ces bya'o/ /de nyid ni zhi ba ste mchog tu dga' ba'i rtog pa'i nyes pa ma lus pa dang bral ba nyid yin pa'i phyir ro/ /spro zhes pa ni slob ma gzhug pa'i cho ga bzhin du/slob dpon gyis gzhug pa dang / dbang bskur ba dang / man ngag phog pa'i rjes thogs la'o/ /shes rab kyi chos 'byung gi nang na gnas pa nyid yin pa'i phyir nam mkha'i dbyings ni rab tu brgyan pa ste/ de thams cad ni bshad zin to/ /bshang gci zhes bya ba la sogs pa yang bshad zin to//de ltar byas nas bka' sgrub par byed pa'i rnal 'byor pa la de bzhin gshegs pa thams cad mnyes par gyur nas de'i rang bzhin du 'gyur ro/ /sangs rgyas rnams 'ba' zhig ni ma yin te/ de'i phyir byang chub sems dpa' zhes bya ba gsungs te/byang chub sems dpa' ni sa'i snying po la sogs pa ste/ de rnams kyi skye mched rnams byin gyis brlabs nas mngon par rdzogs par byang chub pa sgrub par byed do zhes bya ba'i tha tshig go/ /'byin pa'i skabs su byang chub sems dpa' rnams dbyung bar mi snang mod kyi/'on kyang tshig 'di nyid kyis 'di rnams dkyil 'khor 'dir dgod pa kho na yin no/ /de rnams ni sngags kyis bskyed par bya ba yin te/ brjod kyis mi lang ba rnams kyi nang nas dgos pa'i don dam tshig rdo rje la sogs pa rnams btus nas brjod pa nyid yin pa'i phyir ro/ / le'u bcu gcig pa las kyang 'di rnams kyi sngags dang dngos grub rnams gsungs te/ de'i phyir de rnams kyis phyung la gnas ji lta ba bzhin du dgod par bya'o zhes rtogs par bya'o/ /le'u bzhi pa'i rnam par bshad pa'o// //bum pa'i dbang bskur ba'i rjes la rdo rje brtul zhugs kyi mthar dam tshig dang sdom pa dbog par bya ba yin pas/kun du spyod pa mchog gi le'u/ de nas de bzhin gshegs pa zhes bya ba la sogs pas gsungs so/ /spyod pa kun ni 'jig rten pa dang 'jig rten las 'das pa'i sbyin pa dang tshul khrims la sogs pa'i rang bzhin no/ / de'i mchog ni rnal 'byor gyi spyod pa yin zhing / spyod pa'i rang bzhin gyi chos de'i don ni de bzhin nyid de/ de'i rang bzhin can gyi bcom ldan 'das des bka' stsal to/ /rnam par mi rtog ces bya ba la sogs pa la/ sgrub par byed ces bya bar sbyar ro/ /rtog pa'i nyes pa ma lus pa dang bral ba'i zag pa med pa'i bde ba chen po mchog ni rnam par mi rtog pa'i don to//de las byung ba'i/ 'dod chags zhe sdang gti mug rigs/ /zhes bya ba la/ 'dod chags ni pad+ma'i rigs so/ /zhe sdang ni rdo rje'i rigs so/ /gti mug ni de bzhin gshegs pa'i rigs so/ / theg pa'i mchog ces bya ba ni/ theg pa thams cad kyi gtso bor gyur pa'o/ /'dod chags la sogs pa rnam par dag pa'i thabs ston par byed pa nyid do/ /de nyid kyi phyir 'di las mchog tu gzhan med pas na bla na med pa'o/ /sgrub par byed ces bya ba ni de bzhin du rnal 'byor pa'i rgyud la 'od dpag tu med pa la sogs pa'i rang bzhin gyi rigs gsum sgrub par byed pa'o//ji de tsam 'ga' zhig sgrub par byed dam zhe na/ de'i phyir gsungs pa/ dngos grub ces bya ba ni don yod par grub pa'o/ /rab mchog ces bya ba ni rin po che'i rigs kyi phyag rgya chen po'o/ / 'dis ni 'dod chags la sogs pa rnam par dag pa'i rigs gsum ni rigs thams cad skyes pa yin no zhes bya bar bstan pa yin no/ /de la 'dod chags rnam par dag pa ni nges par 'byed pa'i shes rab ste/ don de ston par byed pa'i sgra'i tshogs ni sgra'i rjes su 'jug pa'i shes rab yin zhing /de'i rang bzhin ni 'od dpag tu med pa'o/ /phrag dog ni zhe sdang gis rab tu phye ba nyid yin pa'i phyir ro/ /de rnam par dag pa'i rang bzhin ni don yod par grub pa'o/ /rdzas kyi gzhis kun du rmongs pa rnam par dag pa'i rang bzhin mchog ni rin chen 'byung ldan no//rdzogs pa'i byang chub kyi rgyu ni rnam pa thams cad rnam par dag par lhag par mos pa kho na yin gyi/ rigs la sogs pa ni ma yin pas/ de'i phyir rigs ngan zhes bya ba la sogs pa gsungs te/ 'grub par 'gyur ro zhes bya bar sbyar ro/ /sogs pa zhes bya ba'i sgras ni gdug pa dang drag po dang mi bzad pa'i las byed pa ral gri la sogs pa gzung bar bya'o//ri dgas la sogs pa gsad pa'i don de rgyu mtshan du/ dug dang mtshon dang rlubs dang rgya la sogs pa sems par byed pa dang / de bya ba'i thabs nyin dang mtshan du sems par byed pas na/ gsod don don gnyer sems dpa' rnams te/ de rnams kyis kyang dge ba'i bshes gnyen mnyes pa'i sgo nas yang dag pa'i man ngag thob ste/ sgom pa goms pa'i stobs kyis nyes pa de rnams kyis gos par mi 'gyur zhing mi bskyod pa la sogs pa mngon par 'dod pa rnams kyang 'grub par 'gyur te/de skad du yang / las rnams mi bzad gang gang gis/ /skye bo rnams ni 'ching 'gyur ba/ /de nyid thabs dang bcas pa yis/ /srid pa'i 'ching ba las grol 'gyur/ /zhes gsungs so/ /sems can mtshams med ces bya bya ba la sogs pa la/pha dang ma dang dgra bcom pa gsod pa dang / dge 'dun gyi dbyen byed pa dang / de bzhin gshegs pa la ngan sems kyis khrag 'byin pa dang / lnga po 'di rnams kyi nang nas gang yang rung ba byas na shi ma thag kho nar dmyal bar 'gro bar 'gyur bas na mtshams med pa'o//yang na man ngag gi sgo nas gzhan du bshad par bya ste/ mi bzad pa'i las byed pa'i sems can rnams 'dzin pas na rigs ngan ni bcom ldan 'das mi bskyod pa ste/ de rnam par sbyong ba'i thabs yang dag par ston pa'i sgo nas rang gi rigs su skyed par byed pa'i phyir ro/ /smyig ma mkhan ni rnam par snang mdzad de/rmongs par gyur pa'i sems can rnams ni smyig ma yin zhing / de rnams gti mug gi rgyud rnam par dag pa'i ngang du byed cing skyed par byed pa'i phyir ro/ /sogs zhes bya ba'i sgras ni 'od dpag tu med pa dang / rin chen 'byung ldan dang / don yod par grub pa rnams kyis/'dod chags dang / nga rgyal dang / phrag dog gi spyod pa can rnams de dang de rnam par sbyong ba'i thabs kyi sgo nas rang rang gi rigs rnams su skyed par byed pa'o/ /de nyid gsod ces bya ba la sogs pa gsungs te/ gsod pa la mngon par dga' ba rnams kyi don sems dpa' ni mi bskyod pa'o//kun du rmongs pa rnams kyi don sems pa ni rnam par snang mdzad do/ /de bzhin du 'dod chags la sogs pa la mngon par dga' ba rnams kyi don sems pa ni 'od dpag tu med pa la sogs pa rnams so/ /mtshams med ces bya ba ni mA ma kI ste/ de bzhin gshegs pa thams cad phyung ba'i rjes thogs nyid du gang zhig dbyung bar bstan pa'o/ /sogs pa zhes bya bas ni 'phags pa bdud rtsi 'khyil pa la thug pa'i dkyil 'khor pa rnams gzung ngo / /de nyid kyi phyir sems can zhes gsungs te/ sems can gyi don dang chos kyi dbyings la shin tu chags pa nyid yin pa'i phyir ro//gang gi phyir de ltar rnam pa thams cad yongs su dag pa'i rang bzhin can gyi bcom ldan 'das rdo rje 'chang chen po ni/ de dang de la lhag par mos pa rnams de dang de lta bu'i ting nge 'dzin rnams kyi sgo nas rdzogs par byang chub par mdzad pa spyod pa yin pa de'i phyir/de'i mthus sdig pa chen po byed pa rnams kyang 'grub par 'gyur te/ sdig pa chen po zhes bya ba la sogs pas ni rigs ngan la sogs pa bsdus pa nyid yin pa'i phyir ro/ /skabs 'dir sdig pa chen po rnams ni mtshams med pa lnga la sogs pa rnams yin par rtogs par bya'o//rigs ngan ni mi bskyod pa'o zhes bya ba'i sgra 'di ni mi rigs pa'i don can ma yin te/ dpal ldan thams cad btus pa las/ /bcom ldan 'das kyis/ nga ni yi dags zhes bya ba la sogs pa gsungs pa de la/ ji ltar bcom ldan 'das yi dags yin zhe na/sdig pa thams cad spong ba dang / /'khor ba las ni sgrol ba'i phyir/ /des na nga ni yi dags brjod/ /chos kun rnam par dag phyir ro/ /zhes gang gsungs pa'o/ /yang gang zhig 'grub par mi 'gyur ba nyid yin zhe na/ /snying nas slob dpon smod pa rnams so//ci'i phyir zhe na/ 'di ltar de bzhin gshegs pa ma lus pa'i yon tan gyi tshogs kyi rten du gyur pa/ byang chub kyi sems dam pa'i rang bzhin can gyi rdo rje slob dpon chen po la/ sems log pa cung zad tsam byas pas kyang dmyal ba la sogs pa ngan song gi rgyu'i kha na ma tho ba chen por 'gyur ba de'i phyir 'grub pa'i skabs ga la yod/dngos grub rnams ni dge ba'i bshes gnyen la rag lus pa nyid yin pa'i phyir ro/ /de skad du yang 'di nyid las/ de bzhin gshegs pa thams cad kyi sku dang gsung dang thugs kyi dngos grub rnams ni sku dang gsung dang thugs gsang ba gsum gyi rdo rje slob dpon gyi lus dang ngag dang yid la gnas pa yin no zhes gsungs so//sdig pa chen po byed pa nyid dag bsal bar bya ba'i phyir/ srog gcod pa zhes bya ba la sogs pa gsungs te/ srog ces bya ba ni rgyun mi 'chad par rab tu 'jug pa'i mtshan nyid can gyi rlung chen po'o//de gcod pa ni 'gog pa ste de byed pas na srog gcod pa'i sems can rnams yin zhing / de rnams la 'chad par 'gyur ba'i tshul bzhin du mi bskyod pa'i man ngag sbyin par bya'o/ / de bzhin du brdzun du smra ba dang / gzhan gyi nor 'phrog pa dang / tshangs par spyod pa ma yin pa 'jug pa rnams la go rims bzhin du/ don yod par grub pa dang / rnam par snang mdzad dang / 'od dpag tu med pa rnams kyi man ngag sbyin par bya'o/ /bshang gci zhes bya ba la sogs pas ni bza' ba dang bza' ba ma yin pa'i rnam par rtog pa'i nad zhi bar byed pa dang /mthu bsam gyis mi khyab pa dang ldan pa dang / rdo rje'i sku sgrub par byed pa yin pa'i bsam pa dam pas sman zas su za ba rnams kho na snod du 'gyur gyi/ dam tshig la sdang ba gzhan rnams ni ma yin pa bstan pa'o//ji ltar 'jig rten la rab tu grags pa'i ma dang sring mo dang bu mo la/ rang gi dam tshig kun du spyod cing de kho na nyid shes pas man ngag ji lta ba bzhin du rang gi rig ma'i rnam par yang dag par dmigs te mnyes par bya'o/ /ci'i phyir zhe na/ tshwa dang chang dag la bye brag ma mthong ba bzhin du/tha mal pa'i bud med rnams dang lhan cig ma la sogs pa rnams la/ nu ma dang skra la sogs pa rnams dang ldan par bye brag mi dmigs pa'i phyir ro/ /re zhig 'jig rten pa'i ma la sogs pa rnams lta zhog gi/ sangs rgyas te rdo rje 'chang chen po'i yum shes rab kyi pha rol tu phyin ma mnyes par byas kyang de'i nyes pa rnams kyis mi gos te/des ni sangs rgyas nyid 'grub par 'gyur ro/ /ji lta bu zhe na/ rnam par mi rtog pa ste ma la sogs pa'i 'du shes kyi rnam par rtog pa dang bral ba'o/ /gal te de lta na 'o na ni phyugs rnams kyis 'grub par 'gyur ro zhe na/de bsal ba'i phyir blo can gyis zhes bya ba gsungs te/ khams gsum pa 'di ni sems kho na yin no snyam du sems bskyed pa'i sgo nas phyi rol gyi don bkag la/ sems de yang stong pa nyid kyi rnam par rtog par bya ste/ skye ba med pa rtogs pa'i rang bzhin can sems de ni ngo bo nyid med pa'i shes rab yin no//de skad du yang sngags kyi don la rnam par rtog par byed pa ni rnam par mi rtog pa'i blo can yin no zhes gsungs so/ /de ltar na rnam par mi rtog pa'i blo can gyi sngags thams cad shes pa ni 'bras bu ster ba yin gyi/ gzhan gyi ni ma yin no zhes bya ba'i don to/ /de nas zhes bya ba la sogs pa la/ de skad thos nas sgrib pa thams cad rnam par sel ba la sogs pa byang chub sems dpa' chen po/ rigs ma nges pa'i sems can rnams dang tha mi dad pa'i rang bzhin can rnams ngo mtshar du gyur pa ni de rnams dang rjes su mthun par ston pa'o//ci'i phyir rgyu kun nas nyon mongs pa can las 'bras bu kun nas nyon mongs pa can ma yin par 'gyur snyam du rmad du gyur pa ni de lta bu ma mthong zhing ma thos pa'o/ /ci'i slad du zhes bya ba'i sgra ni spong ba'o/ /tshig ngan pa gsung zhes bya ba ni sdig pa chen po zhes bya ba la sogs pa/sangs rgyas gtso bo'i yum dag la/ /zhes bya ba la thug pa'i bar gyi tshig 'di gsungs pa'o/ /don de ni rigs pa ma yin pa kho na ste/ sgra'i don sgra ji lta ba bzhin du 'dzin pa'i ma 'ongs pa'i sems can rnams de skad du smra bar 'gyur ba'i phyir ro//de nas de bzhin gshegs pa thams cad kyis de rnams dang tha mi dad pa'i byang chub sems dpa' rnams la 'di skad ces bka' stsal to/ /rigs kyi bu rnams mthong de skad ma zer cig ces bya ba la/ mthong thos zhes bya ba ni rigs pa yin pa'o/ / ma ni dgag pa ste/ de skad ma zer cig ces bya ba 'di nyid kyis dgag pa grub pa'i phyir ro/ /'di zhes bya ba bshad ma thag pa'i sdig pa chen po la sogs pa'i chos rnams kyi chos nyid ni stong pa nyid de/ gzugs nyid stong pa'o/ /stong pa nyid gzugs so zhes 'byung ba'i phyir ro//de gang rnams dang 'brel ba yin zhe na/ snying po ye shes can rnams kyi/ /sangs rgyas zhes bya ba gsungs te/ thog ma dang tha ma med pa'i chos kyi dbyings kyi ye shes thugs su chud pa'i phyir/ snying po ye shes can ni rnam par snang mdzad la sogs pa sangs rgyas rnams te/ de rnams kyi'o//snying po chos kyi don ni bde ba chen po'i rang bzhin chos kyi sku ste/ de las byung ba ni snying po chos kyi don las byung ba'o/ /'di ni zhes bya ba ni nges par bzung ba'i don te/ 'di lta bu kho na byang chub thob par byed pa'i spyod pa'i gnas te/ rgyun yin gyi gzhan ni ma yin no zhes bya ba'i don to//de skad du yang / thabs chen dag dang ldan pa la/ /bag chags bcas pa'i 'khor ba dang / /nyon mongs byang chub yan lag 'gyur/ /de phyir de bzhin gshegs bsams yang / /zhes gsungs so/ /de ltar de bzhin gshegs pa rnams kyis rtogs par mdzad bzhin du yang /lam log par zhugs pa'i rigs ma nges pa rnams ni 'jigs skrag par gyur to/ /rigs chad pa de rnams brgyal bar gyur to/ /de nas zhes bya ba la sogs pas ni byang chub sems dpa' brgyal ba rnams bslang ba'i phyir/ de bzhin gshegs pa thams cad kyis bcom ldan 'das la gsol ba btab par gyur to//gsol ba btab pa'i rjes thogs la bcom ldan 'das ting nge 'dzin la snyoms par zhugs te/ nam mkha' dang mnyam pa ni nam mkha' tha mi dad pa'i nges par 'byed pa'i shes rab yin zhing de nyid thabs kyi stobs kyis bud med kyi gzugs su gyur te/de dang lhan cig gnyis su rnam par rtog pa med pas rdo rje dang pad+ma yang dag par sbyor ba ni/ nam mkha' mnyam pa gnyis su med pa zhes bya ba'i sgrar brjod do/ /de nyid ni mi shigs pa nyid yin pa'i phyir rdo rje ste ting nge 'dzin gang la ming de skad ces bya ba nyid yod pa de la snyoms par zhugs so//snyoms par zhugs ma thag tu zhes bya ba la sogs pas ni/ rang gi ting nge 'dzin las rnam par byung ba'i 'od zer gyi lcags kyu rnams kyis nam mkha'i dbyings ma lus pa khyab par gyur pa'i de bzhin gshegs pa rnams bkug ste/rang gi lus la bcug nas las la gnas par bya ste/ mchog tu dga' ba'i gnas skabs su byang chub kyi sems kyi bdud rtsi'i rgyun ye shes kyi 'od zer 'bar ba rnams kyis dbang bskur nas bslang bar gyur pa de ni 'od kyis reg pa tsam gyis zhes bya ba 'di'i don yin par bstan to//rang rang gi stan la zhes bya ba dkyil 'khor gnas ji lta ba bzhin du gnas shing 'khod par gyur to zhes bya ba'i don to/ /bcom ldan 'das kyi ting nge 'dzin gyi stobs kyis sems can gyi don chen po mdzad pa gzigs nas de bzhin gshegs pa rnams ngo mtshar dang rmad dang dgyes par gyur nas chos kyi dbyings bsgrags par gyur to//e ma'o zhes bya ba ni ngo mtshar ba'o/ /chos zhes bya ba ni bshad ma thag pa'i lung gi bdag nyid do/ /chos zhes bya ba sgra gnyis pas ni bcom ldan 'das kyis stobs dang mi 'jigs pa la sogs pa thugs su chud pa'i sgo nas sems can rnams kyi don mdzad pa gzigs nas ngo mtshar du gyur pa ston to//chos kyi don las byung ba ni stong pa nyid la sogs pa'i rgyu mthun pa/ me long lta bu la sogs pa'i ye shes lnga'i rang bzhin can gyi rdo rje 'chang chen po'o/ /chos don dag pa bdag med pa//zhes bya ba la ji ltar kun du brtag pa'i dngos po rnams kyi stong pa nyid kyi rgyu mthun pa me long lta bu'i ye shes ni chos don dag pa ste/ de'i rang bzhin can gyi rnam par snang mdzad ni chos don dag pa bdag med pa'i sgrar brjod do/ /rdo rje ni so sor rtog pa'i ye shes yin zhing /des gsal zhing 'bar bas na rdo rje rgyal po ste 'od dpag tu med pa'o/ /sku dang gsung dang thugs rab tu dag pa ni rin chen 'byung ldan te/ rnam par thar pa'i sgo mtshan ma med pa'i rgyu mthun pa sku la sogs pa mnyam pa nyid kyi rang bzhin can yin pa'i phyir ro/ /nam mkha' dang ni mnyam nyid gnas pa ni don yod par grub pa ste/rnam par thar pa'i sgo rang bzhin gyis 'od gsal ba'i rgyu mthun pa bya ba sgrub pa'i ye shes kyi rang bzhin can ni nam mkha'i mtshan nyid can yin pa'i phyir ro/ /rnam par mi 'gyur snang ba med/ /ces bya ba ni rnam pa thams cad dang bral ba'i thog ma dang tha ma med pa'i chos kyi rang bzhin can gyi mi bskyod pa ste/nam mkha' bzhin du mi zad pa nyid yin pa'i phyir ro/ /rdo rje sku zhes bya ba ni sku rdo rje sangs rgyas spyan gyi rnam par yongs su gyur pa nyid yin pa'i phyir ro/ /thugs ni de bzhin gshegs pa'i gtso/ /zhes bya ba ni 'das pa dang /ma 'ongs pa dang / da ltar byung ba'i sems can rnams kyi rgyud kyi bdag nyid kyi thugs la mA ma kI'i rnam par gsal bar byung ba nyid yin pa'i phyir ro/ /dbyings gyur nam mkha' chen mo ste/ /zhes bya ba ni smon lam mi dmigs pas dbyings te/rgyu rnam par dpyad na med pa'i phyir nam mkha' chen mo ni 'od dpag tu med pa yin zhing / de'i rang bzhin can gyi gos dkar mo'o/ /nam mkha'i lam zhes bya ba ni nam mkha'i mtshan nyid can gyi rnam par thar pa'i sgo rang bzhin can gyis 'od gsal ba'i rgyu mthun pa bya ba sgrub pa'i ye shes kyi rang bzhin gyi don yod par grub pa'i rang bzhin can gyi sgrol ma'o//nam mkha'i sku las yang dag byung / /zhes bya ba ni sku rdo rje'i rang bzhin can gyi 'phags pa gshin rje mthar byed yin pa'i phyir ro/ /nam mkha'i gsung la gnas pa po/ /zhes bya ba ni 'od dpag tu med pa'i bdag nyid kyi 'phags pa rta mgrin gyi ngo bo nyid yin pa'i phyir ro//nam mkha'i thugs te chos kyi mchog /ces bya ba ni mi bskyod pa'i rigs las byung ba'i 'phags pa gzhan gyis mi thub pa'i ngo bo nyid yin pa'i phyir ro/ /spyod pa'i gnas zhes bya ba la/ spyod pa ste 'gro ba ma lus pa'i bya ba sgrub par byed pa'i rang bzhin gyi gnas ni rgyu ste/'phags pa bdud rtsi 'khyil pa yin zhing de'i rang bzhin can gyi dpal rdo rje sems dpa' 'o/ /tshig de rnams kyis ni ji ltar bcom ldan 'das nam mkha' dang mnyam pa gnyis su med pa'i rdo rje'i ting nge 'dzin la nye bar dmigs pa de kho na bzhin du/de bzhin gshegs pa rnams kyis dkyil 'khor gyi 'khor lo'i bdag nyid kyi rang bzhin gyi sgo nas yang dag pa'i yon tan rnams kyis kun du bstod pa'o/ /phyag 'tshal ba'i tshig 'di rnams kyis kyang snga ma bzhin du phyag bzhi bya bar khong du chud par bya'o/ / kun du spyod pa'i mchog ces bya ba ni/ rnam pa thams cad rnam par sbyor ba'i thabs kyi rnam par 'jug pa ste/ don de ston par byed pa'i le'u la de skad ces bya'o/ /le'u lnga pa'i rnam par bshad pa'o// //ji lta ba bzhin du rnal 'byor dang rjes su rnal 'byor dang ldan pas phung po la sogs pa byin gyis brlabs pa'i rjes thogs la sku dang gsung dang thugs byin gyis brlab pa dang rjes su mnyes par bya ba dang /mchod pa'i tshogs byin gyis brlab par bya ba yin pas/ sku dang gsung dang thugs byin gyis brlab pa'i le'u gsungs te/ de nas zhes bya ba ni rjes thogs su'o//yang zhes bya ba'i sgra ni tshig gi rgyan yin no/ /de bzhin gshegs pa thams cad ces bya ba la sogs pa nas/ gsungs so zhes bya bar sbyar ro/ /de bzhin gshegs pa thams cad kyi sku gsang ba ni ji skad bshad pa'i mtshan dang dpe byad rnams kyis rnam par spras pa'i skur 'grub par byin gyis rlob par byed pa'i sngags so//gsung gi gsang ba ni so so yang dag par rig pa bzhis gsal bar gyur pa'i gsung rdo rjer byin gyis rlob par byed pa'i sngags so/ /thugs kyi gsang ba ni snying gar dpal be'u'i rnam pa can gyi skyes bu chen po'i mtshan byin gyis rlob par byed pa'i sngags te/ting nge 'dzin gang la de yod pa de la de skad ces bya'o/ /thugs byin brlab pa'i sngags zhes bya ba/ rgyud thugs rdo rje gtso bor gyur pa nyid yin pa'i phyir dang por gsungs te/ sku dang gsung dang thugs go rims bzhin du byin gyis brlab pa ni man ngag yin par khong du chud par bya'o//rdul dang bral ba ni sku rdo rje ste/ gzugs brnyan ma lus pa'i rgyu me long lta bu'i ye shes dri ma med pa nyid yin pa'i phyir ro/ /de nyid gnas te gzugs brnyan ma lus pa'i 'byung ba'i rgyu yin pa'i phyir ro/ /ting nge 'dzin gang la mi phyed pa nyid yin pa'i phyir rdo rje gang yin pa yod pa de la de skad ces bya'o//mnyam pa nyid mi gnyis pa ni gsung rdo rje ste/ khams gsum pa'i tshig tu brjod pa'i brag ca sgra dang mtshungs pa la yod pa dang med pa'i rnam par rtog pa gnyis med pa nyid yin pa'i phyir ro/ /gang la de nyid rdo rje yin pa yod pa de la de skad ces bya'o//rdo rje gsum po zhes bya ba ni bshad ma thag pa'i sngags gsum po sku rdo rje la sogs pa bskyed pa ston par byed pa'i rgyu ste/ rgyu la 'bras bu nye bar btags pa yin pa'i phyir ro/ /'di ni de bzhin gshegs pa rnams kyi yin pas na/ de bzhin gshegs pa'i 'o/ /gsang zhes bya ba ni bstan par bya ba ma yin pa'o//gnas zhes bya ba ni mgo dang lkog ma dang snying ga'o/ /gnas ni rnam par bsgom par bya/ /zhes bya ba ni/ de rnams su rten dang bcas par sku rdo rje la sogs pa'i yi ge bsgom pa'i rang bzhin no/ sngags te sku rdo rje la sogs pa rnams kyi mtshan dang dpe byad dang so so yang dag par rig pa bzhi dang ldan pa'i gsung gi 'jug pa dang /skyes bu chen po'i mtshan dpal be'u rnams ni sngags kyi mtshan nyid de/ de rnams kyi mtshon cing gsal bar byas pa ni/ sngags kyi mtshan nyid rnams kyis mtshon par gyur pa'o/ /bsgrub pa nyid du bya zhes bya ba ni man ngag ji lta ba bzhin du sku rdo rje la sogs rnams su'o//gang dag gis she na/ rab mchog 'di yis zhes bya ba/ bshad ma thag pa'i yi ge gsum gyis so/ /des ni 'di skad du bshad pa yin te/ ji lta ba bzhin du phung po la sogs byin gyis brlab pa la thug pa'i cho ga byas pa la/mgo dang lkog ma dang snying ga'i phyogs su 'khor lo dang chu skyes dang nyi ma'i dkyil 'khor rnams la/ sku la sogs pa'i yi ge rnams bsams te/ de rnams las byung ba'i 'od zer rnams kyis bskyed pa'i sangs rgyas spyan dang / gos dkar mo dang / mA ma kI rnams kyis/ nam mkha' khyab pa'i sku dang gsung dang thugs rdo rje rnams rjes su mnyes par byas la/ bkug ste mdun na gnas pa'i zla ba la sogs pa'i gdan la bzhugs pa rnams la/ dpal ldan sangs rgyas sku 'chang ba/ /zhes bya ba la sogs pa'i tshigs su bcad pa rnams kyis gsol ba btab ste/sku la sogs pa la bcug la/ sangs rgyas kun gyi zhes bya ba la sogs pa rnams kyis nga rgyal bskyed nas/ sngags 'di rnams kyis byin gyis brlab par bya'o/ /ye shes sgron ma ni rin chen dpal te/ rdo rje dang pad+ma las byung ba'i 'od zer gyi snang ba'i sgo nas 'khor lo gnyi ga rjes su mnyes par byed pa'i phyir ro//gang la de nyid rdo rje yin pa yod pa de la de skad ces bya'o/ /gdon mi za ba ni don yod par grub pa ste/ 'bras bu dang bcas par mngon par 'dod pa'i rdzogs pa'i byang chub la sogs pa'i 'bras bu sgrub par byed pa'i mchod pa'i tshogs byin gyis rlob par byed pa yin pa'i phyir ro//des ni 'di skad du bstan pa yin te/ sgrub thabs las bshad pa'i tshul bzhin du mngon par 'dus byas pa'i rig ma dang lhan cig rdo rje dang pad+ma yang dag par sbyor ba'i tshe rin chen dpal gyi nga rgyal dang ldan pas/ rjes su mnyes par byed pa'i sngags brjod la/ rim pa de nyid kyis las la gnas par byas te/ spro zhing bsdus la/ byin gyis brlabs pa'i rjes thogs su de bzhin gshegs pa rnams kyi tshogs sangs rgyas spyan la sogs pa'i rnam par spros te/ des nam mkha'i dbyings kun du khyab par blta zhing /don yod par grub pa'i nga rgyal dang ldan pas mchod pa'i tshogs de sngags 'dis byin gyis brlab par bya'o/ /de nyid rtag tu 'dod pa'i yon tan lngas/ /zhes bya ba la sogs pa gsungs te/ tshul bzhin zhes bya ba ni la la ni gzugs kyi ngo bor zhes bya ba la sogs pa'i tshul bzhin du'o//mchod pa rnam pa lnga ni bdud rtsi lnga ste/ de ltar byed pas ni myur du rdzogs pa'i byang chub kyi 'bras bu thob par 'gyur ro zhes bcom ldan 'das kyis gsungs so/ /sngags rnams gang las 'byung ba dang / ji ltar de las byung ba'i 'bras bu 'byung bar 'gyur zhes dpyad pa'i phyir/de nas zhes bya ba la sogs pa gsungs te/ gsungs so zhes bya bar sbyar ro/ /dmigs par bya bas na dmigs pa ste/ dpyad par zhes bya ba'i don to/ /sngags rnams gang las 'byung zhe na/ lus te rkan nas mchu gnyis kyi tshogs pa'i rang bzhin las so//ji lus 'ba' zhig las sam zhe na/ de'i phyir gsungs pa ngag te sgra'i rang bzhin las so/ /de ji tsam 'ba' zhig las sam zhe na/ de'i phyir yid kyis bskul ba las zhes bya ba gsungs te/ gal te de dag la skul bar byed pa nyid yod na'o//de ltar gsum 'dus pa las byung ba'i sngags ni sku dang gsung dang thugs rdo rje rnams sgrub par byed pa yin no/ /ji de'i nus pa de tsam kho na yin nam zhe na/ rab mchog ces bya ba gsungs te/ rin chen dpal gyi phyag rgya chen po'o/ / dngos grub ces bya ba ni don yod par grub pa'o/ /yid ni de bzhin gshegs pa drug pa ste/ rdo rje 'chang chen po de bzhin gshegs pa thams cad sku dang gsung dang thugs kyi dkyil 'khor gyi bdag nyid do/ /de mnyes par byed pa ni 'phags pa gshin rje mthar byed la sogs pa sgo srung rnams te 'di nyid las mnyes par byed pa'i dkyil 'khor gyi dam tshig sems dpa' rnams so zhes gsungs pa'i phyir ro//'dod pa zhes bya ba ni 'ong ba ste kun du bzang mo la sogs pa yin zhing / dkyil 'khor pa'i lha thams cad dang rig ma'i sku yang sgrub par byed do//de rnams kyi rgyu dgag pa'i phyir/ sems la dmigs pa zhes bya ba la sogs pa gsungs te/ re zhig sems nyid ni skye ba la sogs pa'i rnam pa dang / rtag pa la sogs pa'i mtshan nyid dang nang la sogs pa'i rang bzhin du dmigs par mi 'gyur ro//de bzhin du ngag dang lus dag mi dmigs pa'i phyir nam mkha'i mtshan nyid can yin te/ gsum 'dus pa las byung ba'i lus dang ngag dang sems la dmigs na ngo bo nyid dmigs su med do zhes de ltar rnam par dpyad na/ re zhig lus la sogs pa nyid mi dmigs na/de las byung ba'i sngags rnams dang / de las byung ba'i sku rnams lta ga la dmigs/ de ltar don dam par/ byang chub sbyor ba bsgom par bya/ /zhes bya ba ni kun rdzob dang / don dam pa tha mi dad cing thabs dang shes rab 'brel ba'i bdag nyid can/ bshad zin pa'i mtshan nyid dang ldan pa'i lha'i rnal 'byor bsgom par bya ba'i don to//sngar ni bsgom pa goms par ma byas pa'i slob dpon rnams kyis dkyil 'khor bri ba'i phyir phra mo'i rnal 'byor bshad la/ da ni sgrub pa po rnams kyi sems brtan par bya ba'i phyir/ de nas zhes bya ba la sogs pa gsungs te/bka' stsal to zhes bya bar sbyar ro/ /'jig rten pa dang 'jig rten las 'das pa'i ting nge 'dzin thams cad phun sum tshogs pa dang ldan pa nyid yin pa'i phyir dpal ldan no/ /de bzhin gshegs pa thams cad kyis bla na med pa la sogs pa'i mchod pa rnams kyis mchod pas na/de bzhin gshegs pa kun gyis mchod pa'o/ /sangs rgyas kun mchog kun du mkhyen te rdo rje sems pas bshad do/ /nam mkha'i dbyings kyi dbus gnas par/ /zhes bya ba rig ma'i chos 'byung gi dbus kyi dkyil 'khor gyi lte ba ni gnas pa'i pad+ma'i steng du zla ba'i gzugs kyi gdan rnam par bsgoms la/de'i steng du sangs rgyas gzugs ni zhes bya ba ni rdo rje 'chang chen po'o/ /sna'i rtse mor zhes bya ba ni pad+ma'i sna rtse'o/ /nyungs kar zhes bya ba ni de'i tshad kyi byang chub kyi sems rin po che kha dog lnga pa'o//'gro dang mi 'gro zhes bya ba ni/ brtan pa dang g.yo ba'i dngos po thams cad kyis rang bzhin gyi dkyil 'khor 'khor lo'i bdag nyid rdo rje 'chang chen po'am/ yang na lha mo bzhi dang ldan pa'i gsang ba lnga'i bdag nyid dam/ phung po la sogs pa byin gyis brlabs pa dngos po thams cad kyi bdag nyid can snyoms par zhugs pa'i gzugs gcig pu ste de'i nang du bsgom par bya'o/ /ye shes gnas zhes bya ba ni ye shes lnga'i bdag nyid kyi dpal rdo rje sems dpa' mngon du bya ba'i 'bras bu'o//de'i gzugs dang sku mdog la sogs pa'i rnam par byin gyis brlabs pa ni ye shes kyis brtags pa'o/ /sangs rgyas sku'i gnas zhes bya ba ni dpal rdo rje 'chang las byung ba'i mi bskyod pa dang / de bcug pa'i zhe sdang rdo rje'o/ /de'i steng du gnas zhes bya ba ni mi bskyod pa'i rnal 'byor pas mA ma kI'i pad+ma'i sna rtse na gnas pa'i nas kyi 'bru'i tshad tsam gyi ut+pa la sngon po lta bu'i rdo rje rtse lnga pa'i lte bar yi ge hUM las byung ba'i mi bskyod pa'o//de kho na bzhin du zhe sdang rdo rje'i rnal 'byor pas kyang rdo rje rtse mo dgu pa'i lte bar zhe sdang rdo rje'o//de bzhin du sangs rgyas spyan gyi pad+ma'i sna rtser tsa na ka'i 'bras bu'i tshad tsam gyi 'khor lo rtsibs brgyad pa dkar po'i lte bar rnam par snang mdzad do/ /dang po'i sbyor ba zhes bya ba la sogs pa ni bshad zin to/ /rin chen ni nyungs kar gyi 'bru'i tshad tsam ste/'on kyang bai DUr+ya'i mdog can yin zhing de'i nang du rin chen dpal lo/ /tsa na ka'i 'bru'i tshad tsam zhes bya ba pad+ma 'dab ma brgyad pa'i lte bar 'od dpag tu med pa'o/ /'od kyi dkyil 'khor zhes bya ba ni gdan gru gsum 'od zer gyis khyab pa'o/ /sangs rgyas tshul ni zhi ba spro//zhes bya ba ni dang po sbyor ba'i ting nge 'dzin gyi rang bzhin don yod par grub pa'o/ /'khor yang khyad par dag tu spro/ /zhes bya ba ni lha'i 'khor lo phyung ba ste/ des 'gro ba ma lus pa'i bya ba bsgrubs nas/ de bgug ste gnas ji lta ba bzhin du dgod par bya'o//des ni ting nge 'dzin gsum bsgom pa sngon du 'gro ba can gyi phra mo'i rnal 'byor bsgom par bya'o zhes bstan pa yin no/ /ut+pa la mthing ga zhes bya ba la sogs de yang bshad zin pa kho na'o/ /'khor lo la sogs zhes bya ba ni lhag ma lus pa'i phyag mtshan zlum po dang thung ngu dang ring po'i bye brag gis tha dad pa rnams te/de dag dang rjes su mthun par nyungs kar dang nas dang tsa na ka'i tshad tsam bsgom pa'o/ /der ni brtag par bya zhes bya ba ni ji skad bshad pa'i sna'i rtse mor te gzhan du ma yin zhes bya ba'i don to/ /don yod par grub par ni nas kyi 'bru'i tshad tsam gyi ral gri ut+pa la sngon po lta bu'i nang na gnas par ro//nam mkha'i dbyings kyi dbus gnas par/ /zhes bya ba rang gi rig ma'i chos 'byung gi nang na gnas pa'i mi bskyod pa la sogs pa'i dkyil 'khor gyi lte ba na gnas pa'i pad+mar nyi ma la sogs pa'i gdan la bzhugs pa'i mi bskyod pa la sogs pa gang yang rung ba'i rnal 'byor dang ldan pas/rang gi rig ma'i pad+ma'i sna rtse na gnas pa'i rdo rje la sogs pa'i mtshan ma'i nang na gnas pa'i rang gi sa bon las byung ba'i dkyil 'khor gyi 'khor lo'i bdag nyid dam/gsang ba lnga'i bdag nyid dam/ snyoms par zhugs pa'i rang gi bdag po'i gzugs gcig pu bsgom par bya'o/ /de las cir 'gyur zhe na/ byang chub gnas zhes bya ba gsungs te/ thabs dang shes rab kyi bdag nyid can gyi rang gi 'dod pa'i lha'i gzugs so/ / de nyid ni mchog tu dga' ba'i rang bzhin nyid yin pa'i phyir nyams dga' ba ste/ de skad du yang / de nas brtsams te mnyam gzhag pas/ /ting 'dzin ye shes kyis brtags pa/ /gang zhig cung zad ci bsgom pa/ /de dag thams cad brtan par 'gyur/ /zhes gsungs so//khyad par ji lta bu can zhig yin zhe na/ gsungs pa dpal rdo rje 'chang la sogs pa'i dngos grub thams cad dang / stobs dang mi 'jigs pa la sogs pa'i yon tan rnams kyi gnas te 'dug pa'i rten no/ /sangs rgyas byang chub rab gnas pa/ / zhes bya ba ni rang gi rig ma dang ldan pa'o/ /de las mdor na spro bar bya/ /zhes bya ba ni rin chen brtan par gyur nas spro/ /zhes sngar bshad pa'i tshul bzhin du sems brtan par gyur nas rang gi mtshan ma'i nang na gnas pa'i lha'i sku spro ba'o/ /dkyil 'khor gyi sngon du bsnyen pa'i don dang /sgrub pa'i don du rim pa 'di nyid dang po yin no/ /chos kyi dam tshig ces bya ba ni lha de dang de'i rang bzhin ston par byed cing sku la sogs pa nye bar mtshon par byed pa'i sngags kyi tshig ste/ de ni bzlas pa'i cho ga la sbyar bar bya'o/ /de ltar gang yang rung ba sgom pa'i sgo nas sems brtan par byas pa'i rnal 'byor pa gzugs la sogs pa'i yul dang ldan pas nyin re zhing thun bzhi'i rim par rang gi rigs kyi rig ma dang yang dag par sbyor ba'i mchog tu dga' ba las byung ba'i bdud rtsi myang ba dang /sangs rgyas spyan la sogs pa spro bas mchod pa byed cing zla ba drug bsgom par bya'o//shes rab can zhes bya ba ni de kho na nyid mthong bas so/ /yang dag par sbyor ba la sogs pa nyid bshad pa'i phyir/ gsang ba de nyid mchod chen gyis/ /zhes bya ba gsungs te/ gsang ba ni rdo rje dang chu skyes yang dag par sbyor ba'o//de nyid ni bde ba chen po'o/ /mchod chen de spro ba'i rang bzhin dang mngon par 'dod pa'i dngos grub kyi 'bras bu don du gnyer bas bdud rtsi lnga bza' ba'i bya ba yang bya'o/ /de yang dgug pa sngon du 'gro ba can yin te/ de skad du yang / bshang gci la sogs bkug nas ni//bza' ba'i don du rab sbyar bya/ /zhes gsungs so/ /bsgom pa'i mthu ni/ de nyid bla med 'grub par 'gyur/ /zhes bya bas gsungs te/ thabs dang shes rab kyi bde ba chen po'i rang bzhin can gyi mngon par 'dod pa'i lha'i gzugs so//byang chub kyi sems kyi rgyu mthun pa nyid yin pa'i phyir byang chub sems te/ 'bras bu la rgyu nye bar btags pa'i phyir ro/ /de nyid kyi phyir rang bzhin gyis yongs su dag pa nyid yin pas skyon med pa'o/ /phyag rgya chen po sgrub pa la zhugs pas ni sngags kyis mngon par 'dus byas pa'i sha chen gyi bza' ba'i bya ba bya'o//de bzhin du mngon par shes pa lnga sgrub pa pos ni glang po'i sha bza' ba dang / mi snang ba don du gnyer bas ni rta'i sha bza' ba dang / zhi ba la sogs pa'i las thams cad bsgrub pa la zhugs pas ni khyi'i sha bza' bar bya'o/ /zas gzhan dag ni ma zos na//zhes bya ba ni phul du byung ba thob pas bkug la/ ji skad bshad pa'i sha bza' bar bya'i zas la sogs pa ni ma yin pa'o/ /yang na gang gi tshe mthu med pas ji skad bshad pa'i bza' ba ma rnyed par gyur pa de'i tshe go skabs med pas zas gzhan mi bza' 'am zhes pa'o//sangs rgyas thams cad kyi bka' sgrub par byed pa yin pa'i phyir mnyes par 'gyur ro/ /'dod pa'i khams na gnas pa'i sems can gyi khams rnams kyi mngon par 'dod pa'i don sgrub par byed pa'i phyir/ 'dod khams dbang phyug 'jig rten na'o/ / rang gi 'dod pa lha'i dkyil 'khor gyi go 'phang gis 'gro ba ma lus pa'i bya ba byed pa'i phyir/ go 'phang las ni byed pa ste/ gzhan ni go sla'o/ /lus ngag sems las 'da' ba'o/ /zhes bya ba ni/ tha mal pa'i lus dang ngag dang sems las 'da' bar byed pa ste/rnam par byang ba'i rnam par dag pa'i sku la sogs par byin gyis rlob par byed pa yin pa'i phyir ro/ /le'u drug pa'i rnam par bshad pa'o// //rnam par snang mdzad la sogs pa'i rang bzhin can gyi gzugs la sogs pa'i yul rnams dbul bar bya ba'i phyir sangs rgyas rjes su dran pa la sogs pa'i rnal 'byor bsgom par bya ba yin pas/sngags spyod pa'i mchog gi le'u de nas bcom ldan 'das zhes bya ba la sogs pas gsungs te/ gsungs so zhes bya bar sbyar ro/ /'di ni dam tshig kyang yin la chen po yang yin pas dam tshig chen po ste/rnal 'byor thams cad la nye bar longs spyod pa'i mtshan nyid can gyi dpal rdo rje 'chang ngo / /de'i de kho na nyid ni zag pa med pa'i bde ba chen po yin zhing / kun du bzang po'i gzugs bsgoms pa las byung ba'i rab tu dga' ba ste/ dam tshig chen po'i de kho na nyid ni kun du bzang po'o zhes 'byung ba'i phyir ro//man zhes bya ba ni mA ma kI'i dbang dang yul rnams la brten nas byung ba yin no/ /tra zhes bya ba ni 'gro ba ma lus pa skyob par byed pa'i don te/ le'u bco brgyad pa las/ yul dang dbang po la brten nas/ /byung ba'i yid ni gang dang gang //de dang de ni man zhes brjod/ /skyob pa'i don gyis yi ge tra/ /zhes gang gsungs pa'o/ /de ltar na yul dang dbang po rnams rnam par sbyong ba'i thabs kyi rnam pa'i 'gro ba'i don byed pa'i spyod pa ni sngags spyod pa yin zhing / de nyid byang chub mchog sgrub par byed pa nyid yin pa'i phyir de skad ces brjod par bya ste/bcom ldan 'das kyis don de ston par byed pa'i sgra'i tshogs gsungs so zhes sdud pa pos bshad do/ /'dod pa'i longs spyod thams cad la/ /zhes bya ba ni gzugs la sogs pa'i yul gyi longs spyod thams cad la'o//ji ltar 'dod par bsten na zhes bya ba ni ji ltar mngon par 'dod pa bzhin du ste/ chad pa'i las bzhin du ni ma yin pa'o/ /'di lta bu zhes bya ba rang gi 'dod pa'i lhar dmigs pa'i sgo nas yul la nye bar longs spyod pas myur ba nyid du 'grub par 'gyur ro/ / gang gi phyir de lta yin pa de bas na yul thams cad kyis rang gi lhag pa'i lha'i rang bzhin can gyi bdag nyid dang / dkyil 'khor pa rnams la mchod par bya ste/ rmongs pa gang gis 'ching 'gyur ba/ /de yis mkhas pa grol 'gyur te/ /de ltar byang chub rnam bsgoms pas/ma lus 'di ni bzlog pa yin/ /zhes gang gsungs pa'o/ /dka' thub ces bya ba ni rang gi yan lag gcod pa la sogs pa rnams so/ /sdom pa ni lo ma kham cig za ba dang / zla ba re re zhing bsnyen gnas srung ba la sogs pa'o/ / mi bzad pa ni me lnga bsten pa dang rtse gsum rko ba la sogs pa rnams so/ /de rnams bsten kyang 'grub par mi 'gyur te/ ci'i phyir zhe na/ rdzogs pa'i sangs rgyas la sogs pa'i rang bzhin gyis rang gi lus gdungs pa'i phyir ro/ /yang des ji ltar na 'grub par 'gyur zhe na/ 'dod pa'i longs spyod thams cad la/ /zhes pa la sogs pa gsungs so/ /slong mo za zhing mi bzlas te/ /zhes bya ba ni/ slong mo nyid 'ba' zhig la rgyu bas so/ /slong la dga' bar mi bya'o/ /zhes bya ba ni/ slong mo la rgyur zin kyang de la mngon par dga' bar mi bya'o/ /yan lag ma nyams pa ni yan lag ma tshang ba med pa'o//yul thams cad ma tshang ba med pa'i phyir ro/ /don de nyid/ 'dod pa kun la longs spyod cing / /zhes bya ba gsungs so/ /ci'i phyir zhe na/ 'di ltar lus dang ngag dang sems rnams bde bar gnas par gyur na byang chub thob kyi/gzhan du na ma yin no zhes bya ba'i don to/ /dam tshig dang sdom pa yul rnams dor ba'i bsam pas gang yang rung ba zhig ma bsten kyang nyes pa cir 'gyur zhe na/ dus ma yin par 'chi ba dang / dmyal bar 'gro bar 'gyur ro zhes gsungs te/ bcom ldan 'das kyi bka' las 'das pa'i phyir 'jig rten 'di la de'i 'bras bu mthong bar 'gyur ro//rgyu de'i phyir yul la nye bar longs spyod pa ni rigs pa yin no/ /sangs rgyas zhes bya ba la sogs pa la brnyas pa zhes bya bar sbyar ro/ /sngags kyi spyod pa mchog spyod pa rnams ni/ 'di las gsungs pa'i tshul la zhugs pa rnams so//mi g.yo chos zhes bya ba ni thabs dang shes rab kyi bdag nyid kyi bde ba chen po'o/ /de nyid thams cad las phul du byung ba nyid yin pa'i phyir mchog ste/ de brnyes pa'o/ /gang gi phyir de lta yin pas de bas na/ chags can zhes bya ba la sogs pa gsungs te/chags can ye shes 'dod pa yis/ /zhes bya ba ni/ chags can te/ rdo rje sems dpa'i ye shes don du gnyer ba gang yin pas so/ /rtag tu zhes bya ba ni nyin dang mtshan du'o/ /'dod par bya zhing mngon par chags par bya ba yin pas na 'dod pa'o//yang dang yang du goms par bya ba yin pas na yon tan ni gzugs dang sgra dang dri dang ro dang reg bya rnams te chu skyes las byung ba de rnams bsten par bya'o/ /byang chub sems dpa' zhes bya ba ni mig la sogs pa'i skye mched rnams rnam par sbyong ba'i rang bzhin gyis sa'i snying po la sogs pa rnams so//mnyes par bya ba ni dman pa dang bar ma dang mchog gi bye brag gis tha dad pa'i gzugs la sogs pa'i yul rnam par snang mdzad la sogs pa'i rang bzhin gyi gzugs rdo rje ma la sogs pa lha mo'i rnam par gyur pa rnams kyis so/ / chags par bya zhes bya ba ni byang chub sems dpa' rnams kyis gzugs rdo rje ma la sogs pa lha mo rnams kyi rang bzhin gyi de bzhin gshegs pa rnams so/ /gzugs rnam gsum zhes bya ba nas/ mchod par bya zhes bya ba ni bshad zin to/ /de nyid bcom ldan 'das sna tshogs pa zhes bya ba ni thams cad kyi bdag nyid yin pa'i phyir rdo rje sems dpa' ste/gzhan ni ma yin no zhes bya ba'i don to/ /'gyur ba can gyi gzugs la sogs pa las lus dang ngag dang sems ji ltar bde bar 'gyur snyam du dogs par mi bya ste/ 'di ltar rnam par rtog pa de ni kha phyir bltas pa rnams kyi yin gyi/rnal 'byor gyi dbang phyug rnams la ni thams cad ro gcig pa nyid do/ /bral bar mi bya ba nyid du bstan pa'i phyir/ rtag tu sems ni sbyar bar bya/ /zhes gsungs so/ /'bras bu rdzogs pa'i byang chub sgrub par byed pa nyid yin pa'i phyir snying po btus pa'o//gang gi phyir de lta yin pa de bas na/ rnam par dag pa'i gzugs la sogs pa rnams dang ldan pa'i rigs lngas btus pa'i lha nyid bsgom par bya'o/ /rjes su dran pa bcu drug bsgom pa bstan pa'i phyir/ de nas yang zhes bya ba la sogs pa gsungs te/yang zhes bya ba'i sgra ni tshig gi kha bskang ba'o/ /der zhes bya ba ni rang rang gi dkyil 'khor du'o/ /rigs kyi dbye ba rnams bsgom pas/ /zhes bya ba ni/ de bzhin gshegs pa la sogs pa'i rigs kyi dbye ba rnams bsgom pa'i sgo nas so//de nyid ni sangs rgyas rjes su dran zhes bya ba la sogs pas gsungs te/ mdor bstan pa'i tshig bcu drug go/ /'di ltar bshad pa'i tshig bcu drug 'byung bar 'gyur ro/ /sangs rgyas ni rnam par snang mdzad do/ /de rjes su dran par bya ba yin pas na rjes su dran pa'o/ / chos ni 'od dpag tu med pa'o/ /rdo rje ni dpal rdo rje sems dpa'i rigs kyi rin chen dbang ste/ rigs thams cad rjes su mnyes par byed pa yin pa'i phyir ro/ /khro bo ni 'phags pa gshin rje gshed la sogs pa'i gzugs te/ de rjes su dran pa ni dkyil 'khor gyi dbus na bzhugs pa'i bdag po'i gzugs su dmigs pa'o//lha ni don yod par grub pa ste/ lha ma lus pa'i mchod pa'i rang bzhin nyid yin pa'i phyir ro/ /lo grangs bcu drug lon pa'i zhes bya ba ni/ btso blag mkhan gyi bu mo'o/ /de ni nye bar mtshon pa yin te/ des na rang gi rigs kyi rig ma dang yang dag par sbyor ba'i sgo nas rjes su dran pa 'di dag thams cad bsgom par bya'o zhes bstan pa yin no//byin gyi rlabs kyi gnas gsum gyis/ /zhes bya ba ni/ rnal 'byor dang rjes su rnal 'byor dang / rnal 'byor chen po'i mtshan nyid rnams kyis so//dben par te dgon pa chen po la sogs pa'am/ gzhan phyi rol gyi skye bo'i tshogs dang bral bar ro/ /mchod pa zhes bya ba ni snyoms par 'jug pa'i mtshan nyid do/ /spyan ni zhes bya ba la/ ni zhes bya ba'i sgra ni nges par gzung ba ste/ des na de kho na bsgom par bya'o/ / yid 'ong de ni zhes bya ba rang gi rigs kyi rig ma sangs rgyas spyan la sogs pa 'od zer dkar po dang sngon po la sogs pas khyab cing yid du 'ong ba bsgom par bya'o/ /mdor bstan pa'i tshig de nyid bshad pa'i phyir de la zhes bya ba la sogs pa gsungs te/ sangs rgyas sprin rnams zhes bya bar sbyar ro//b+ha ga la ni ling+ga zhes bya ba la sogs pas ni 'di skad du bshad pa yin te/ sku la sogs pa byin gyis brlabs pa la thug pa'i cho ga'i rjes thogs la/ sgrub thabs kyi tshul bzhin du sangs rgyas spyan la sogs pa'i gzugs su bskyed pa'i rang gi rigs kyi bu mo//rigs lngas khyab par byas pa snying gar ye shes kyi lha mos byin gyis brlabs pa lha mo'i 'khor lo ma lus pa rnam par bkod pa/ rang gi dbang bskur bas rnam par brgyan pa bsams la/ rdo rje dang chu skyes las byung ba'i 'od zer gyi tshogs kyis 'khor lo gnyi ga rjes su mnyes par byas te/rin chen dpal gyi nga rgyal dang ldan pas rjes su mnyes pa'i sngags brjod la/ de spros nas bsdus te/ rdo rje dang pad+ma yang dag par sbyor ba bya'o/ /sangs rgyas gzugs zhes bya ba ni rnam par snang mdzad kyi'o/ / sangs rgyas sprin rnams zhes bya ba ni las kyi dus su yi ge oM gyi glu len cing rnam par snang mdzad kyi sprin spro ba'o/ /de bzhin du 'od dpag tu med pa la sogs pa'i rnal 'byor pa rnams kyis rang gi sngags kyi glu len cing rang gi lha rnams spro bar bya'o/ /dam tshig rjes su dran pa zhes bya ba ni don yod par grub pa bsgom pa'o//rang gi khu ba'i thigs pa yis/ /zhes bya ba ni dam tshig gi mchod pas lha rnams rab tu mchod pa'o/ /sngon du bsnyen pa'i dus su rnal 'byor dang ldan pas rtag tu yid kyi dkyil 'khor bya'i bri bar bya ba ni ma yin pas/ de'i phyir ji ltar mngon par 'dod pa'i dkyil 'khor byang chub kyi sems las byung ba spros te/ ji lta ba bzhin du bsgoms la yang dag par mchod nas gzhug pa la sogs pa bya'o zhes bya ba 'dis ni dkyil 'khor thams cad sgrub par byed pa'i phyag rgya'i ye shes gsang ba bstan pa yin no//sku rdo rje la sogs pa'i tshogs bcug pa'i rjes thogs su nga rgyal bskyed la sku la sogs pa byin gyis brlab par bya dgos pas/ sangs rgyas kun gyi zhes bya ba la sogs pa gsungs te/ ye shes lnga'i rang bzhin can nyid kyi phung po rnams kyis rab tu gang bas na phung po lnga yi rab tu gang ba'o//sangs rgyas sku yi rang bzhin gyis/ /zhes bya ba ni de'i rang bzhin gyi ngo bo ste/ bdag kyang de dang 'dra ba'i skur gyur cig ces nga rgyal bskyed par bya'o/ /rdo rje chos kyi zhes bya ba ni gsung rdo rje'i 'o//nges tshig ces bya ba 'di ni nye bar mtshon pa yin te/ des na chos dang don dang nges pa'i tshig dang spobs pa ste/ so sor yang dag par rig pa bzhi dang ldan pa'i gsung phun sum tshogs pa mnga' ba ni gsung rdo rje ste/ bdag gi tshig kyang de nyid kyi dang 'dra bar gyur cig ces nga rgyal bya'o//kun du bzang po ni thugs rdo rje'o/ /de nyid sku la sogs pa'i gsang ba 'dzin par byed pa'i de bzhin gshegs pa la sogs pa rnams kyi dbang po ste gtso bo yin pas gsang ba'i dbang po'o/ /de'i thugs sems can ma lus pa'i don byed pa ji 'dra bar bdag gi sems kyang de dang 'dra bar gyur cig ces nga rgyal bya'o//da ni de nyid mngon par rdzogs par rtogs pa'i dbang du byas nas/ sems can kun gyi sems gang yin/ /zhes bya ba gsungs te/ 'khor ba'i sems can rnams kyi lus dang ngag dang sems rnams kyis mtshon pa'i sems gang yin pa de nyid tha dad pa med pa'i phyir/sangs rgyas thams cad kyi rtog pa dang bral ba yin no/ /khyad par ji lta bu dang ldan pa rnams kyi zhe na/ mkha' mtshungs mkhas pa ste/ de kho na nyid du ro gcig pa'i ye shes dang ldan pa rnams kyi'o//bdag gi sems kyang de dang 'dra/ /zhes bya ba ni/ ro gcig par bsgom pa ste/ bsgom pa de lta de lta bus ni rnal 'byor pa thams cad la khyab pa'i nges par 'byed pa'i shes rab kyis ye shes thugs su chud pa'i mtshan nyid can gyi rang gi 'dod pa'i lha'i gzugs su 'gyur ro//sngags thams cad kyi gzugs ni/ rang rang gi sngags las yongs su grub pa'i lha thams cad kyi rang bzhin gyi dpal rdo rje sems dpa' ste/ de rjes su dran par bya ba ni rjes su dran pa'o/ /sngags kyi rdo rje'i sku gang yin//zhes bya ba ni/ rdo rje 'chang chen po'i 'o/ /sku ni gsung du rnam bsgoms pa/ /zhes bya ba ni/ sku dang gsung dang thugs tha mi dad par 'grub pa ste/ bdag kyang de dang 'dra bar gyur cig ces nga rgyal bskyed par bya'o/ /sbyor las zhes bya ba ni yang dag par sbyor ba las cho ga bzhin du byang chub kyi sems phyung la/des nam mkha' kun du bkang ste/ de'i rdul phra rab re re las yang dag par grub pa'i de bzhin gshegs pa la sogs pa'i gzugs bsams la/ bsdus te rig ma'i pad+mar bcug la/ bde ba chen po'i gnas skabs su ye shes kyi bdud rtsi rnam par gyur par blta bar bya ste/de ni 'dir de bzhin gshegs pa'i tshogs gsad pa'o/ /de nas bdud rtsi des rang gi lus la gnas pa'i lha rnams kyi 'khor lo tshim par bya ste/ de ltar na rang 'dod par gyur pa'i dngos grub rab tu 'grub par 'gyur ro//shes rab ni thos pa dang bsams pa dang bsgoms pa las byung ba'i shes rab kyi mthar phyin pa dang / de'i 'bras bu chos thams cad so sor 'byed pa'i mtshan nyid can gyi ye shes so/ /de phun sum tshogs pa ni pha rol tu phyin pa ste/pha rol tu phyin cing son pa/ de'i phyir shes rab kyi pha rol tu phyin pa'o/ /de nyid 'da' bar bya ba ma yin pa'i phyir dam tshig go/ /rang bzhin gyis ni 'od gsal ba/ /thams cad ces bya ba ni dag pa ma dag pa'i/ rang bzhin gyi ni 'od gsal ba//phung po la sogs pa rnams so/ /ci'i phyir zhe na/ ma skyes pa nyid yin pa'i phyir ro/ /de nyid kyi phyir zag pa med pa'o/ /gang gi phyir de lta yin pa de bas na byang chub ste/ kun du brtags pa'i 'bras bu'i rang bzhin med cing / de bsgom pas mngon par rtogs pa ste/de khong du chud pa med la/ khams te de thob par byed pa'i rgyu yang med cing / de nyid kyi phyir 'byung ba'ang med do zhes bya ba 'dis ni shes rab yongs su sbyang ba gsungs so/ /rang bzhin 'od gsal ni khams gsum pa'i rnam par rtog pa'i rnam pa can gyi sems rang bzhin gyis 'od gsal ba nyid do//dpe'i sgo nas nam mkha' bzhin/ /zhes bya ba gsungs te/ nam mkha' dang mtshungs pa'o/ /bskyed par bya ba ma yin pa'i phyir mtshan ma med pa'o/ / de nyid kyi phyir yi ge rnams med pas na yi ge med pa'o/ /gzung ba dang 'dzin pa'i rnam par rtog pa med pa'i phyir gnyis med do/ /sgyu ma bzhin du mchod par bya ba dang mchod par byed pa rtog pa tha dad pa'i phyir gnyis su med pa'o/ /de gang zhe na/ zhi ba zhes bya ba gsungs te/rtog pa thams cad sgyu ma bzhin du shes pas na zhi ba ste/ byang chub kyi sems so/ /de nyid kyi phyir/ shin tu dri med nam mkha' bzhin/ /zhes bya ste/ des ni thabs rnam par sbyang ba'o/ /ji lta ba bzhin du thabs dang shes rab rjes su dran pa bsgoms pa de dag gis ni/srid pa dang zhi ba ro gcig pa'i mi gnas pa'i mya ngan las 'das pa la lhag par mos pa'i de kho na nyid la brten nas/ zhe sdang rdo rje la sogs pa lha sna tshogs kyi rnam par snyoms par zhugs zhing bde ba chen po'i rang bzhin can gyi/ bcom ldan 'das rdo rje 'chang chen po bstan to//de nyid rdzogs pa'i rim pa yin no zhes kho bo cag gi bla ma'i zhal snga nas gsungs te/ le'u bco brgyad pa las kyang / rim pa gnyis la brten nas ni/ /sangs rgyas rnams kyis chos bstan te/ /bskyed pa yi ni rim pa dang / /rdzogs pa'i rim pa nyid yin no//zhes gsungs so/ /bud med sems zhes bya ba la sogs pa ni bshad zin to/ /sku dang gsung dang thugs kyang 'grub/ /ces bya ba ni yul thams cad la nye bar longs spyod pa bsgoms pa'i sgo nas rang gi lhag pa'i lha'i phyag rgya chen po 'grub pa'o//gang gzhan phra mor bshad pa rnams/ /zhes bya ba ni/ 'jig rten pa'i mngon par shes pa la sogs pa dngos grub rnams kyang rnal 'byor pa des 'grub par 'gyur ro/ /le'u bdun pa'i rnam par bshad pa'o// //cho gas mngon par 'phel bar bya ba'i phyir/pad+ma'i nang du chud pa'i mchod rten gyi dbus na gnas pa'i dkyil 'khor na 'dug pas bla na med pa la sogs pa'i mchod pa bya dgos pas/ de nas zhes bya ba la sogs pas bshang gci'i dam tshig gi le'u gsungs so/ / mchog tu dga' ba sgrub par byed pa'i mchod pa rin po che la sogs pa rdzas thams cad rnam par dag pa'i rang bzhin can gyi dkon mchog dpal gyis gsol ba btab po zhes bya ba ni rang gi rigs kyi rig ma mA kI phul nas/ bcom ldan 'das slob dpon du gyur pa la mchod par 'gyur ba'i bstod pas gsol ba btab bo//rdo rje sems dpa' theg pa che/ /zhes bya ba la/ rdo rje sems dpa' ni mchog tu zag pa med pa'i bde ba chen po ste/ de bsgom pa goms pa'i stobs nyid kyis sems can rnams dpal gsang ba 'dus pa'i mngon par byang chub par khrid par byed cing /'thob par byed pas na/ theg pa chen po'o/ /mA ma kI khong stong dang yang dag par sbyor ba'i spyod pas/ sems can gyi khams rnams yang dag par sbyong bar byed pa yin pa'i phyir/ nam mkha' spyod pas rnam sbyong ba ste/mi bskyod pa'o/ /sangs rgyas spyan dang / yang dag par sbyor ba'i sgo nas kun du bla na med pa la sogs pa'i mchod pa sgrub par bya ba'i phyir/ kun du bzang po mchod pa'i mchog ste/ rnam par snang mdzad do/ /mi mthun pa'i phyogs ma lus pa las rgyal ba dang /rigs thams cad rjes su mnyes par byed pa'i sgo nas phul du byung ba nyid yin pa'i phyir/ rgyal mchog ste/ rin chen 'byung ldan no/ /'dod chags la sogs pa rnam par dag pa'i rigs gsum khyad par du ston par byed pas na/ 'dod chags dang /zhe sdang dang / gti mug chen po rab tu ston pa ste/ 'od dpag tu med pa'o/ /nam mkha' kun du gang ba'i mchod pa rnams sprul pa ston par byed pa'i phyir/ nam mkha'i dbyings dang mtshungs pa'i mchog ste/ don yod par grub pa'o/ /rgyal ba ni rnam par snang mdzad de/de'i rten dang de la chags pa'i sangs rgyas spyan ni rgyal gzhi zhes bya ba'i sgrar brjod do/ /thar pa ni nyes pa thams cad dang bral zhing / rgyun chags su 'jug pa'i dga' ba ste/ de skyed par byed pa'i mA ma kI ni lam zhes bya bar brjod cing /des khyad par du khrid par byed pas na rab ston pa'o/ /theg pa gsum ni byang chub gsum ste/ de'i lam ni bgrod pa yin zhing / de la gnas par byed pa ste/ gos dkar mo sprul pa'i sgo nas sems can rnams kyi rgyud rgyas par byed pa'i phyir ro//sangs rgyas rnams kyi bskal pa mchog ni sangs rgyas skal mchog ste/ 'phags ma sgrol ma sprul pa'i sgo nas 'gro ba rnams dbang du mdzad pa'i rang bzhin no/ /de nyid sems can rnams kyi rgyud dag par mdzad pa yin pa'i phyir dag pa'i bdag nyid do//byang chub kyi bdag nyid kyi sems ni byang chub sems te/ de'i rang bzhin can gyi 'phags pa gshin rje mthar byed do/ /'phags pa gzhan gyis mi thub gang la rgyas pa ste/ rgya che ba'i spyan lnga mnga' ba de la de skad ces bya'o/ /chos ni stobs dang mi 'jigs pa la sogs pa rnams dang /dkyil 'khor pa rnams te/ gsung rnam par dag pa skor bar byed pa'i 'phags pa rta mgrin gang la gdul bya rnams kyi rgyud la 'pho ba'i don gyis 'khor lo mnga' ba de la de skad ces bya'o/ /rang bzhin gyis 'od gsal ba'i chos nyid khong du chud par mdzad pa'i phyir/sku dang gsung dang thugs shin tu dag pa ste/ 'phags pa bdud rtsi 'khyil ba'o/ /gang zhig gis dkyil 'khor la sogs pa rnams sprul pa yang dag par bstan pa'i sgo nas sems can rnams kyis mi phyed pa'i gnas thob par mdzad pa'i rdo rje sems dpa' ni rdo rje theg pa ste/de la phyag 'tshal ba'o/ /mi bskyod pa la sogs pa rnams sprul pa yang dag par bstan pa'i sgo nas sems can rnams kyi don byed pa'i mtshan nyid can gyi yang dag pa'i yon tan gyi tshig de rnams kyis/bcom ldan 'das la yang dag par bstod pa yin no zhes bshad do/ /de nas zhes bya ba ni gsol ba btab pa'i rjes thogs la ste/ bshad ces bya bar sbyar ro/ /rdo rje ni nges par 'byed pa'i shes rab ste/ de mngon du mdzad pa'i tshul gyis 'dzin pas na/rdo rje 'dzin no/ /de nyid kyi phyir rigs thams cad kyi gtso bor gyur pa'i don gyis gsal zhing 'bar bas na rgyal po'o/ /spros pa rnams kyis nam mkha' khyab par mdzad pa'i phyir/ thams cad nam mkha'o/ /'jigs pa med pa'i bde ba chen po'i rang bzhin nyid yin pa'i phyir mi 'gyur che'o//bum pa dang gsang ba dang shes rab ye shes kyi dbang bskur ba'i bdag nyid yin pa'i phyir thams cad dbang bskur ro/ /dngos po thams cad kyi rnam par dag pa nyid yin pa'i phyir kun gyi don to/ /khams gsum na chos kyi rgyal srid kyi bdag po yin pa'i phyir kun dbang ngo //mi phyed cing zag pa med pa'i dga' ba rgyas par byed pas na rdo rje rin chen 'dzin pa ste des so/ /mchod pa zhes bya ba ni bla na med pa la sogs pa'i rang bzhin te/ bshad cing bstan to zhes bya ba ni mig yangs shing rgya che ba ste/gang la dngos po thams cad la de kho na nyid kyi rnam par lta ba lhur len pa yod pa de la de skad ces bya'o/ /'dir ni lo grangs bcu gnyis pa nas brtsams te nyi shu rtsa lnga lon pa la thug pa mngon par 'dod de/ de yang gzugs bzang ba dang / gzhon pas brgyan pa'o//byol song las kyang zhes bya ba ni gal te de lta bu'i rnam pa can ma rnyed na/ de'i tshe lo grangs nyi shu rtsa drug lon pa nas brtsams te/ ji srid shug kra 'byung ba de srid kyi bar du gzung ba'o/ /kha cig na re glang po dang rgod ma la sogs pa yin no zhes zer ro/ /gnas gang du dkyil 'khor bri ba dang sgrub pa'i don du sngon du bsnyen pa bya ba de gsungs te/sa phyogs ni dgod pa chen po la sogs pa'o/ /gtsang ba zhes bya ba ni yongs su gzung ba'i cho gas mngon par 'dus byas pa'o/ /phyi rol gyi skye bo'i tshogs med pa'i phyir dben pa'o/ /rgyal bdag skyes pa ni sgrub pa'o/ /zhi ba zhi ba'i gnas rnams su ste/ shes rab kyi chos 'byung gi nang na gnas pa'i mchod rten gyi gnas su'o/ /'am zhes bya ba'i sgra ni nges par gzung ba yin par blta bar bya'o/ /der 'phags pa bdud rtsi 'khyil pa'i nga rgyal dang ldan pa'i grogs po mngon par 'dus byas pa'i bdud rtsi lngas nye bar 'byung du gzhug par bya'o//ci'i phyir zhe na gsungs pa/ rgyal ba rtag pa ni sku rdo rje ste/ de mchod pa'i phyir ro/ /de ni nye bar mtshon pa yin te/ lha gzhan mchod pa'i phyir yang de kho na bzhin du bya'o/ /sngar bshad pa'i rim pa bzhin du bskyed pa'i rig ma la rigs lnga rnam par dgod par bya dgos pas de'i phyir nu ma'i dbus bar zhes bya ba la sogs pa gsungs te/le'u bcu pa las bshad pa'i yi ge lnga'i tshul bzhin du/ snying ga la sogs pa rang gi rig ma dang ldan zhing lha mo bzhis yongs su bskor ba'i mi bskyod pa la sogs pa rnams dgod par bya'o zhes bya ba'i don to/ /nam mkha'i dbyings kyi dbus gnas par//zhes bya ba ni le'u dang po las bshad pa'i tshul bzhin du rdo rje btsun mo'i b+ha gar mi bskyod pa dang mA ma kI zhu bar gyur pa las chu'i khams su gyur pa/ ye shes kyi rlabs kyi phreng bas kun du khyab pa'i rgya mtsho chen po bsam pa'o/ /de nas snying gar zhes bya ba ni b+ha ga der ro/ /bdag nyid zla ba'i dbus gnas par//zhes bya ba ni sangs rgyas spyan dang ldan pa'i rnam par snang mdzad kyi gzugs zla ba'i dkyil 'khor la gnas pa rnam par bsgoms la/ de zhu bar gyur te zhugs pas sra ba'i rnam par gyur par blta'o/ /de bzhin du rin po che'i dam tshig dang gos dkar mo dang ldan pa'i dkon mchog dpal dang 'od dpag tu med pa dag zhugs pas rgya che ba'i dngos po dang ye shes kyi 'bar bar byin gyis brlab par yang bsam par bya'o//bsdu ba dag kyang zhes bya ba ni sgrol ma dang don yod par grub pa zhugs pa'i sgo nas bsdus te zur bzhi pa'i rnam par gyur par bsam pa'o/ /rin chen sna bzhi'i mchod rten ni/ / zhes bya ba la/ thugs kyi dkyil 'khor la ni/ shar dang lho dang nub dang byang gi phyogs rnams go rims bzhin du rin po che shel dang bai DUr+ya dang pad+ma rA ga dang / ma ra ka ta'i rang bzhin gyi mchod rten no/ /sku'i dkyil 'khor la ni shar gyi cha sngon po'i rang bzhin/ lhag ma ni snga ma dang 'dra'o/ /gsung gi dkyil 'khor la ni shar dang nub dkar po dang sngon po yin zhing lho dang byang ni ji ltar gnas pa bzhin yin no//rin po che'i dkyil 'khor la ni lho sngon po'o/ /don yod pa'i dkyil 'khor la ni byang sngon po ste/ gnyi ga'i lhag ma ni snga ma dang mtshungs so/ /ji ltar thugs kyi dkyil 'khor du sku rdo rje la sogs pa rnam par bkod na kha dog sngon po de dang de nyid du 'pho ba de bzhin sku'i dkyil 'khor la thugs rdo rje la sogs pa rnam par bkod pa na/kha dog dkar po yang de dang 'dra'o/ /gsung gi dkyil 'khor la ni kha dog dmar po de bzhin du shes par bya'o/ /'od zer phreng bas rnam par brgyan//zhes bya ba ni 'od zer dkar po la sogs pa rnams kyis spras pa'o/ /ye shes kyi rgya mtsho'i rgyu mthun pa'i sa'i cha'i steng du yi ge hUM las byung zhing de bzhin gshegs pa thams cad kyi ye shes kyi rdul phra rab rnams las grub pa nyid yin pa'i phyir ye shes rgya mtsho'o//de nyid kyi phyir dus gsum gyi de bzhin gshegs pa rnams kyi gnas te ye shes kyi gzhal yas khang bsgom par bya'o/ /mchod pa'i sprin rnams spro zhes bya ba ni ji skad bshad pa'i gzhal yas khang gi nang du bkod pa'i lha ma lus pa'i 'khor lo'i dbus na gnas pa'i rdo rje 'chang la sogs pa gang yang rung ba'i bdag po'i nga rgyal dang ldan pa snga ma bzhin du mngon pas 'dus byas shing byin gyis brlabs pa dri dang me tog la sogs pas brgyan pa'i rang gi rigs kyi rig ma dang yang dag par ldan pas/rang gi ba spu'i bu ga'i gseb nas byung ba'i mchod pa'i sprin spro bar bya'o zhes bya ba'i don to//pad+ma rnam lnga zhes bya ba ni kha dog sngon po dang dkar po dang / ser po dang dmar po dang ljang gu'o/ /ut+pa la yang de dang 'dra'o/ /dzA ti rnam gsum zhes bya ba ni kha ma 'bus pa dang / kha bye ba dang / zhu bar gyur pa'i gzugs rnams so/ /yang na gzhan du bshad par bya ste/pad+ma zhes bya ba ni shel gyi rdo ba lta bu'i chos 'byung ste/ de bzhin gshegs pa lnga dang nye ba'i phyir kha dog lnga pa'o/ /ut+pa la zhes bya ba ni thabs kyi rdo rje ste/ de yang kha dog lnga pa'o/ /de nyid kyi phyir shes rab kyi de kho na nyid du thugs su chud pa phyag na gnas pa bzhin du bstan pa'i phyir de bzhin gshegs pa rnams rang dang rjes su mthun pa'i kha dog dang ldan pa'i pad+ma'i phyag mtshan bsnams pa yin no//de bzhin du lha mo ni ut+pa la'i phyag mtshan bsnams pa'o/ /dzA ti rnam gsum zhes bya ba ni gdol pa mo dang / btso blag mkhan dang / gar mkhan ma'o//me tog kar+Ni ka la sogs pa rnams ni mA ma kI la sogs pa lha mo rnams kyi dngos po dang tha mi dad pa'i btsun mo rnams kyi b+ha ga ste/ le'u bco brgyad pa las/ btsun mo gzhon nu'i nam mkha'i khams/ /me tog ces ni mngon brjod do/ /zhes gang gsungs pa'o/ /me tog bsams zhes bya ba ni lha dang lha mo'i yang dag par sbyor ba byas nas so//mchod pa thams cad ces bya ba ni bla na med pa la sogs pa'i rang bzhin te/ des snga ma bzhin du bdag nyid dang dkyil 'khor la mchod par bya'o/ /dpag tshad brgya yi khyon tsam du/ /zhes bya ba 'di ni nye bar mtshon pa yin te/dpag tshad bye ba'i khyon yod pa mchod rten gyi nang na gnas pa rjes su mthun pa'i dkyil 'khor bsgom par bya'o/ /'khor lo dkyil 'khor zhes bya ba ni rnam par snang mdzad kyi'o/ /rigs rnams zhes bya ba ni dbus na bzhugs pa'i sku rdo rje dang 'khor mi bskyod pa la sogs dkyil 'khor pa rnams dgod par bya'o//gang zhig gis she na/ gsungs pa rnam par mkhas pa ste/ bsam gtan gyi cho ga shes pas so/ /de bzhin du pad+mas mtshan pa ni gsung gi dkyil 'khor ro/ /de bzhin du rdo rjes mtshan pa ni thugs kyi dkyil 'khor ro/ /ral gris mtshan pa ni don yod pa'i dkyil 'khor ro//ut+pa la zhes bya ba ni thabs te mchod pa'i yan lag la thabs gtso bor gyur pa yin pa'i phyir rin po che'i rigs kyi phyag mtshan no/ /des nye bar mtshan pa'i dkyil 'khor ni tha mi dad par nye bar btags pa'i sgo nas ut+pa la zhes bya bar brjod do/ /kha cig las rdo ba zhes 'don pa der ni rin po che nyid yin no zhes bya bar grub bo//rigs rnams rab tu dgod par bya/ /zhes bya ba ni thams cad la sbyar bar bya'o/ /gru bzhi zhes bya ba ni dbyibs kyi sgo nas so/ /me long lta bu la sogs pa'i ye shes lnga'i bdag nyid yin pa'i phyir rin chen rnam bzhi pa'o/ /chos kyi dbyings kyi rgyu mthun pa nyid yin pa'i phyir gsal zhing rang bzhin gyis dri ma med pa ste/dkyil 'khor pa rnams la bla na med pa la sogs pa rnams kyis mchod pa'i phyir gnas su bsgom par bya'o/ /de nyid ni 'dod pa'i yon tan lnga rnams kyis/ de la mchod pa rgya mtsho tsam/ /zhes bya ba gsungs so/ /rin chen na bza' la sogs pas//zhes bya ba la sogs pa'i sgras ni gdugs dang rgyal mtshan dang ba dan la sogs pa rnams mtha' yas pa/ nam mkha' khyab pa'i bla na med pa'i mchod pa'i tshogs bstan to/ /mchod pa rnam lnga ni bdud rtsi lnga'o/ /rin chen 'byung gnas zhes bya ba ni zag pa med pa'i bde ba'i mchog rgyas par byed pa'o//na chung ni lo grangs bcu gnyis lon pa'o/ /mA ma kI'i gzugs su rnam par bsgom pa rdo rje sems dpas bdag gis byas pa nyid yin pa'i phyir mchog go/ /dbul bar bya zhes bya ba ni grub pa'i rgyu mtshan du rigs kyi lha thams cad la dbul bar bya'o/ / rin chen sna bdun gyis zhes bya ba ni bud med dang skyes bu dang nor bu dang 'khor lo dang ral gri dang glang po dang rta rin po che rnams kyis so/ /sbyin pa'i phyir zhes bya ba ni nam mkha' mdzod kyi ting nge 'dzin gyi phyir ro/ /bdag po'i phyag rgyar zhes bya ba ni rdo rje 'chang gi phyag rgya chen por ro/ /'dod chags la kun du chags pas rang gi dam tshig las byung ba'i sangs rgyas spyan la sogs pa rnams dang rnam par snang mdzad la sogs pa rnams yang dag par sbyor ba byas te/bde ba chen po'i rnam par blta bar bya'o/ /bshad ma thag pa thams cad ni btsun mo'i pad+ma'i dbus na gnas pa'i bsdus pa'i dkyil 'khor du bya ba yin pas/de'i phyir nam mkha' dbyings kyi zhes bya ba la sogs pa gsungs te/ de bzhin gshegs pa thams cad kyi rdul phra rab rnams las grub pa ni rdo rje 'chang chen po'i sku'o/ /bdag gi lus zhes bya ba ni 'khor lo'i lte ba na bzhugs pa'i bdag po'i dkyil 'khor gyi dbus na bzhugs pa'o//de nyid de bzhin gshegs pa thams cad las mchog tu gyur pa nyid yin pa'i phyir bla ma ste/ bdud rtsi lngas mchod par bya'o/ /rig ma 'dod pas ni lha'i bu mo la sogs pa rnams kyis de la mchod par bya ba yin pas/ bzhin bzangs zhes bya ba la sogs pa gsungs te/ byin gyi rlabs kyi gnas zhes bya ba ni snying ga la sogs par lha mo'i 'khor lo rnam par dgod pa'i mthar thug pa'o//de nyid mchod pa zhes bya ba ni rang gi 'dod pa'i lha la mchog tu dga' bas mchod pa'o/ /blangs nas zhes bya ba ni pad+ma na gnas pa'i byang chub kyi sems rang gi kha yis blangs nas so//mi shigs pa'i sku la sogs pa rnams sgrub par byed pa'i mchod pa ni sku gsung thugs kyi mchod pa'o/ /de'i phyir sngags rnams dngos grub byed pa zhes gsungs so/ /ye shes rdo rje can gyis zhes bya ba ni de bzhin gshegs pa rnams kyi'o/ /thabs dang shes rab kyi bde ba chen po las byung ba nyid yin pa'i phyir gsang ba'o//le'u brgyad pa'i rnam par bshad pa'o// //le'u lnga par mdor bstan pa'i mdo rnams bshad pa'i phyir/ don dam pa'i dag pa'i de kho na nyid kyi don gyi dam tshig gi le'u/ de nas rgyal po rdo rje 'dzin/ /zhes bya ba la sogs pa gsungs te/ de ni bshad zin to/ /sku gsung thugs dang ste/ sku rdo rje la sogs pa rnams dang / dkyil 'khor gang la yang dag par ldan pa yod pa de ni sku gsung thugs dang yang dag par ldan pa'o/ /de ni rdo rje yang yin la mi phyed rdo rje gsum yang yin pas/ rdo rje mi phyed gsum ste/ rnam par snang mdzad la sogs pa yin zhing /de rnams kyi dkyil 'khor ni rdo rje mi phyed gsum gyi dkyil 'khor ro/ /sangs rgyas ye shes can gyi zhes bya ba la/ sangs rgyas rnams kyi ye shes ni me long lta bu la sogs pa rnams yin zhing / gang dag la de rnams yod pa de dag ni sangs rgyas ye shes can te/de bzhin gshegs pa rnams yin zhing / de rnams nyid kyi dkyil 'khor gsungs so/ /yang dag par sbyor ba las byung ba nyid yin pa'i phyir gsang ba ste/ de rnams kyi de kho na nyid do/ /nyams dga' ba ni yid du 'ong ba'o/ /mchog ni dam pa ste/ rab tu bshad cing bstan to/ / nam mkha'i dbyings zhes bya ba ni sangs rgyas spyan gyi b+ha ga'o/ /sangs rgyas ni rnam par snang mdzad de/ de'i dkyil 'khor ni sangs rgyas dkyil 'khor ro/ /'dis dkyil 'khor phan tshun du bsgyur ba'i sbyor ba las de dang de 'grub par 'gyur ro zhes bshad pa yin no/ /rdo rje mi bskyod rab bsgoms nas//zhes bya ba ni mi bskyod pa'am zhe sdang rdo rje'o/ /lag tu zhes bya ba ni lag na thogs pa'i rdo rje 'bar ba ji 'dra ba de 'dra bar rang gi gsang ba'i rdo rje hUM las byung ba bsam pa ste/ rdo rje gsang ba 'di lta bus/ /zhes rjes thogs nyid du 'chad par 'gyur ba nyid yin pa'i phyir ro/ / dus gsum pa yi sangs rgyas rnams/ /zhes bya ba ni gal te dngos grub bsgrub pa la zhugs pa'i sgrub pa po'i slob dpon la sangs rgyas rnams gnod pa mdzad par gyur na de rnams kyang brlag par bya'o zhes bya ba 'di la dor ba brjod pa'o/ /gtso bor ni slob dpon smod pa lhur len pa la sogs pa rnams kyi dbang du mdzad nas gsungs pa yin te/'di nyid las slob dpon smod pa lhur len dang / /theg chen mchog ni sun 'don rnams/ /'bad pa yis ni gsad bya ste/ /yang na gnas nas bskrad par bya/ /zhes gang gsungs pa'o/ /ci bcom ldan 'das kyis bud med la brten nas sha 'khon zhugs pa bzhin du 'di gsod sems kyis kun nas bslang ba yin par gsungs sam zhe na/de ni ma yin te/ 'di ni gang gis slob dpon smod pa la sogs pa dmyal ba chen po dang / ngan song du 'gro ba'i rgyu'i las byed pa rnams kyang mi bskyod pa'i sa thob par byed pa'i 'gro ba ma lus pa mngon par 'don pa'i bdag nyid can gyi snying rje chen po'o//gal te bdag nyid ma rgal bar gzhan ji ltar sgrol bar byed ce na ma yin te/ nam mkha' lding gi cha byad du byas pa'i lus can gyi sngags pas mchu dang gshog pa la sogs par snang ba med kyang sngags kyi mthu nyid kyis sbrul la sogs pa'i dug gis non pa'i sems can 'tsho bar byed pa de bzhin du/mi bskyod pa'i rnal 'byor pas kyang nyon mongs pa'i dug gis non pa rnams yang dag par 'don par byed do/ /sku gsung thugs kyi longs spyod ni/ /zhes bya ba ni sangs rgyas dang sems can rnams kyi'o/ / rdo rjes zhes bya ba ni rang gi lag na thogs pa dang / rang gi gsang ba dang gdan la sogs pas so/ /sems la mngon par 'dod pa'i dngos grub ni thugs kyi dngos grub ste/ bsgrub bya mi bskyod pa'i rnam par bsgrub pa yin zhing / de 'thob par byed pa nyid yin pa'i phyir thugs kyi dngos grub 'thob byed pa'o//bsam gtan mchog ces bya ba ni de'i sems snang ba med par byas nas yi ge hUM las byung ba'i mi bskyod pa'i gzugs so/ /bsod nams kyi tshogs des ni bdag nyid kyis kyang rdo rje dngos grub chen po thob par 'gyur ro/ /'di lta bus zhes bya ba ni bshad ma thag pa'i rdo rjes so//sems can thams cad ces bya ba ni bla ma la smod par bya ba la sogs pa rnams so/ /mi bskyod ces bya ba la sogs pas ni 'di skad du bshad pa yin te/ bshad ma thag pa'i dkyil 'khor du ji skad bshad pa'i rnal 'byor dang ldan pas/ ji skad bshad pa'i sems can gyi yul la 'chad par 'gyur ba'i tshul bzhin du sdig pa 'phel ba dang kha sbyar dbye bar bya ste/mdun na gnas pa'i rlung gi steng gi me'i dkyil 'khor la gnas pa'i lus til mar gyis bskus la/ gcer bu go cha dang bral ba dmigs la/ lag pa g.yas pa na gnas pa'i rdo rje 'bar bas bsnun te thal bar byas pa blta bar bya'o//yang na bshad ma thag pa'i sems can rig ma'i pad+ma'i nang na gnas pa'i rlung gi steng gi me'i dkyil 'khor la gnas par bsams te/ rang gi snying ga nas rdo rje spros la/ rig ma'i kha nas bcug ste/ de'i lus la thog gi phreng ba lta bu'i sngags kyi phreng ba 'bar ba dbab cing /nyi ma bye ba phrag brgya'i 'od dang ldan pa'i rang gi gsang ba'i rdo rje 'bar bas bsnun te thal bar byas par bsam par bya'o/ /de'i rnam par shes pa ni dri ma med pa'i rlung gis mi bskyod pa'i mar me'i me lce'i rnam par bsams te/ phung po la sogs pa byin gyis brlabs pa/yi ge hUM las 'byung ba'i mi bskyod pa'i gzugs su bsgoms la/ badzra d+h+r-ika ces bya ba 'dis phyung ste/ mdun na yi ge raM las byung ba'i gru gsum gyi rnam pa'i shing rta la gnas pa/ 'og nas yi ge yaM las byung ba'i rlung gi dkyil 'khor gyis bteg la mngon par dga' ba'i 'jig rten gyi khams su btang ste/khams gsum po'i chos kyi rgyal srid chen po la yang dag par bkod nas/ de bzhin gshegs pa la sogs pa thams cad kyis dbang bskur te/ byin gyis brlabs par bsam par bya'o/ /de ltar mngon par 'du bya ba des ni mi bskyod pa'i zhing du de'i gzugs can gyi rgyal ba'i sras rnams su skye bar 'gyur ro zhes bya ba'i don to//khyad par can du gyur pa ma yin pas kyang rnam pa gzhan gyi de kho na bzhin du mi bskyod pa'i gzugs su bskyed par bya'o/ /phyi rol gyis gsad pa sdig par 'gyur ba kho na'i zhe na/ de ni ma yin te/zhe sdang gis rab tu phye ba'i lus dang / ngag dang yid gsum gyi las ni sdug bsngal skyed par byed pa yin no/ /'dir ni snying rje chen pos de rnams la phan pa kho na'i phyir gsad par bya ba dang / gsod par byed pa dang / gsad pa'i bya ba ste/ mu gsum dang bral bas 'jug pa yin te/snying rje'i sems 'byung ba'i dus su gsod pa'i sems 'byung bar mi 'gyur te/ snang ba dang mun pa bzhin du gcig la phan tshun 'gal ba dang / dus gcig tu sems gnyis 'byung ba med pa'i phyir ro/ /bdag yod na ni gzhan gyi 'du shes 'byung / bdag dang gzhan du 'byed pa las chags sdang ste/ sdug bsngal thams cad rab tu 'byung ba ni/ de dag la ni kun du rag las yin/ /zhes kyang bshad do/ /bcom ldan 'das kyis 'dzam bu'i gling 'jig pa'i mdo las kyang / sgyu ma byed pas sems can ni/ /mang po sprul nas 'dir gsad kyang //der ni gsod byed 'ga' yang med/ /chos rnams mtshan nyid de bzhin no/ /zhes gsungs so/ /chos 'di ni skye ba gcig nas gcig tu de bzhin gshegs pa mtha' yas pa mnyes par bya ba lhur len pa/ khyad par du 'phags pa la lhag par mos pa/bcom ldan 'das kyi gsung rab la yid ches par gyur pa la bstan par bya'i/ gzhan mi gtsang ba dang 'dres pa'i 'o ma'i btung ba'i bum pa la smod cing 'thung ba bzhin du lhag par mos pa yongs su rdzogs pa phyed smin par gyur pa la ni ma yin no/ /'di nyid bcom ldan 'das kyis/dge slong dag gam mkhas rnams kyis/ /bsregs bcad bdar ba gser bzhin du/ /yongs su brtags te nga yi bka'/ /blang bar bya yang gus phyir min/ /zhes bya ba gsungs so/ /yongs su brtag pa yang rgyud 'di nyid kyi byang chub kyi sems kyi le'u la sogs pa thams cad las bshad do//'dir ni yongs su mi shes pa nyid mchog tu yin par khas blang bar bya'i/ dmyal bar 'gro ba'i phyir sems phyin ci log pa gzhan ni ma yin te/ 'phags pa mdo sde dkon mchog brtsegs pa las/ gang du blos ni 'dzin par mi nus pa//bdag gis mi shes rab tu mi shes zhes/ /der ni de bzhin gshegs pa dpang por gzhag /mi bzad byang chub thob ces bde gshegs gsungs/ /zhes gang gsungs pa ste/ shin tu thal ches pas chog go/ /de tsam gyis ni 'dir/ srog gcod pa yi sems can gang //zhes bya ba'i mdo'i don bshad pa yin no/ /de nas zhes bya ba la sogs pa la bka' stsal to zhes bya bar sbyar ro/ /ye shes thar pa rab sgrub pa/ /zhes bya ba ni phyug po gsang bye ba la sogs pa ser snas non pa'i sems can rnams de spang ba'i ye shes yid bzhin gyi nor bu rin po che lta bus sangs rgyas kyi sku nyid du grub par byed pas na/ye shes thar pa rab sgrub pa'o/ /bdag dang gzhan dang dngos po ste mtha' gsum rang bzhin gyis yongs su dag pa nyid yin pa'i phyir ngo bo nyid dag pa'o/ /de nyid kyi phyir nam mkha' bzhin du skyon dang yon tan gyi tshon rnams kyis bsgyur bar mi nus pa nyid yin pas gos pa med pa'o//ser sna dang ldan pa'i sems can rnams 'don pa'i bdag nyid can gyi spyod pa ni byang chub spyod pa yin zhing de rab tu rnam par phye nas ston pas na rab ston pa ste/ dpal rdo rje sems dpa'o/ /dam tshig de nyid bka' stsal to zhes bya ba la/'da' bar bya ba ma yin zhing bdag dang gzhan gyis de kho na nyid 'thob par byed pa nyid yin pa'i phyir/ dam tshig de nyid de dkyil 'khor ro/ /de nyid ni/ nam mkha'i dbyings kyi dbus gnas par/ /zhes bya ba gsungs te/ mA ma kI'i b+ha gar ro/ /rdo rje'i dkyil 'khor ni mi bskyod pa'i dkyil 'khor ro//rnam par snang mdzad ces bya ba ni de'i dbus su sangs rgyas spyan dang snyoms par zhugs pa'o/ /sangs rgyas thams cad ces bya ba ni dkyil 'khor pa rnams te/ yang dag par sbyor ba las kun du phyung la gnas ji lta ba bzhin du dgod par bya'o/ /de nas rang gi ba spu'i bu ga'i gseb rnams nas de bzhin gshegs pa rnams spro ste/'phrog par mngon par 'dod pa'i rdzas kyi rigs la bcug nas/ pad+ma rA ga la sogs pa rin po che rnams kyi 'byung khungs yongs su gyur par bsam par bya ba ni/ rin chen kun gyi sbyor ba yis/ /rdo rje'i gzugs te de bzhin gshegs pa rnams su bsam par bya'o zhes bya bas gsungs so//rdzas rnams thams cad 'phrog pa zhes bya ba ni bshad ma thag pa rnams so/ /rdo rje gsum gyis zhes bya ba ni ngag gis/ oM AHdzi na dzika che ge mo'i rdzas A kaR+Sha ya swA hA zhes bya ba brjod cing sems kyis mngon par 'dod pa bdag dang gzhan dang dngos po dang 'khor gsum yongs su dag pa la gnas pas/lus las byung ba'i 'od zer gyi lcags kyu rnams kyis rdzas de bkug ste/ rang gi khyim dgang bar bya ba'o/ /nor gyi rgya mtshos zhes bya ba la sogs pas ni nor gyi bdag po rnams kyi phan yon gsungs te de ni go sla'o/ / sngags kyis mngon par 'dus byas pa'i stobs kyis gsad pa ni 'grub par 'gyur ba yin du chug na/ 'di la go rgyu ci zhig yod ce na/ rnal 'byor pa'i rgyud rnam par dag pa kho na'o/ /ci'i phyir zhe na/ bdag las gzhan la ma 'gro cig snyam pa ni ser sna ste/ des non pa'i sems can gyis ni rang nyid kyis sbyin par mi nus so//de'i phyir de lta bur gyur pa'i rnal 'byor pa'i rgyal pos 'khor gsum rnam par dag par gyur pa'i nor de bdag dang gzhan gyis nye bar longs spyod pa dang / dkon mchog gsum la sogs pa la nye bar phul ba ni rdzogs pa'i byang chub kyi 'bras bu rab tu ster ba yin te/dpal rnam par snang mdzad mngon par byang chub pa'i rgyud las kyang / 'dir byang chub sems dpas ser sna can ma gtogs pa gzhan las thams cad kyi thams cad du ma byin par len pa spang bar bya ba yin no zhes gsungs so/ /gti mug gi rigs kyi dam tshig ni rigs thams cad kyi thun mong ba nyid yin no//ji ltar zhe na/ rigs kyi rgya mtsho kun la zhes bya ba gsungs so/ /de ni nye bar mtshon pa yin te/ rigs thams cad kyi rnal 'byor pa rnams kyis sdom pa bzhi nyams su blang bar bya ba yin no zhes bstan pa yin no/ /'di ni gzhan gyi nor la chags pa zhes bya ba mdo de'i don yin no//de nas rgyal po rdo rje yin pas rab tu bka' stsal to zhes bya bar sbyar ro/ /de la 'dod chags ni yang dag par sbyor ba la kun du chags pa'i mtshan nyid do/ /des thar pa rab tu sgrub pa ni sems can rnams kyi rgyud la thabs dang shes rab kyi bde ba chen po sgrub par byed pa'o//dbang po gnyis snyoms par zhugs pa nyid yin pa'i phyir gsang ba'o/ /zag pa med pa'i dga' ba mchog gi rang bzhin nyid yin pa'i phyir dag pa'o/ /der yang mi dmigs pa'i phyir dmigs med pa'o/ /dbus gnas par zhes bya ba ni rin po che'i dam tshig gi b+ha ga'i nang na gnas par dkon mchog dpal gyi dkyil 'khor ro//dpag med che zhes bya ba ni de'i dbus su bdag nyid gos dkar mor rnam par bsgoms pa'i gar mkhan gyi bu mo dang snyoms par zhugs pa'i 'od dpag tu med par ro/ / sangs rgyas rnams kyis zhes bya ba yang dag par sbyor ba las 'byung ba'i dkyil 'khor pa rnams kyis dkyil 'khor thams cad yongs su dag par bya'o zhes bya ba'i don to/ /bud med rnam par sbyor ba zhes bya ba ni rig ma'i tshogs kyi dkyil 'khor pa yang dag par phyung ste/ lha thams cad dang lhan cig yang dag par sbyor ba bsgom pa'o//lha'i sku ni phyag rgya chen po'o/ /gsung ni chos kyi phyag rgya/ thugs ni las kyi phyag rgya'o/ /kun du khyab pa'i shes rab lha mo'i gzugs su gyur pa de ni dam tshig gi phyag rgya ste/ phyag rgya bzhi po de rnams dang gnyis su med par yang dag par sbyor ba'i phyir dam tshig bzhi'i sbyor ba ste des so//mi phyed pa'i ye shes thob par byed pa'i thabs ni rdo rje tshul lo/ /de nyid bshad pa'i phyir/ de dag thams cad nye bar spyad/ /ces bya ba gsungs te/ phyag rgya bzhi'i bdag nyid dang yang dag par ldan pa'i 'khor gyi dkyil 'khor dang bcas pas thams cad las khyad par du 'phags pa ma lus par bstan par bya ba'o//dga' ba la sogs pa rab kyi mthar phyin pa'i rang bzhin can gyi sku gsum sgrub par byed pa nyid yin pa'i phyir mi skyed sku gsum bsgom pa'o/ /sngags pa rnams kyis zhes bya ba ni lha gzhan gyi rnal 'byor pas kyang ste/bcom ldan 'das kyis/ rdzogs sangs rgyas kyis 'dod pa bsten/ /dge slong go 'phang mchog 'thob 'gyur/ /sgrub pa pos kyang de bzhin sbyar/ /sdom pa gsum la gnod pa min/ /zhes gang gsungs pa'o/ / 'di ni rtag tu 'dod la spyod pa zhes bya ba de'i don yin no/ /de nas zhes bya ba la sogs pa la/ bka' stsal te zhes bya bar sbyar ro/ /brdzun du smra ba la dga' ba rnams de rnam par sbyong ba yang dag par bstan pa'i sgo nas don yod par grub pa'i rang bzhin gyi byang chub sems dpa' rnams su sgrub par byed pas na rdo rje sngags kyi don sgrub pa'o//sangs rgyas ni 'od dpag tu med pa ste/ de'i dkyil 'khor gos dkar mo'i mtsho skyes la gnas pa ni sangs rgyas dkyil 'khor ro/ /rdo rje don yod ces bya ba ni/ de'i dbus su sgrol ma dang yang dag par ldan pa'i don yod par grub pa snga ma bzhin du dkyil 'khor pa rnams kyis yongs su bskor bar bsam pa'o//sgyu ma la sogs pa bzhin du snang ba tsam gyis kun du brtags pa'i dngos po rnams dngos su med do zhes bya ba'i brdzun pa'i don dang chos thams cad rang bzhin gyis 'od gsal ba zhes ston par byed pa'i mi phyed pa'i tshig rnams ni/rdo rje tshig gi brdzun smra ba ste de rnams kyis so/ /thams cad gzugs su zhes bya ba ni/ 'jig rten pa dang 'jig rten las 'das pa'i brtan pa dang g.yo ba'i rnam pa can gyi dkyil 'khor pa'i lha'i gzugs bsgom pa'o//rgyal ba kun gyi gnas zhes bya ba ni/ sangs rgyas spyan la sogs pa rnams so/ /rgyal ba zhes bya ba ni/ sangs rgyas la sogs pa dkyil 'khor pa rnams so/ /slu bar byed ces bya ba ni/ zla gsang thig le la sogs pa las bshang ba'i bya ba'i sbyor ba rnam pa tha dad pa rnams kyi sgo nas slu ba ste/rdo rje dang pad+ma yang dag par sbyor ba de la yang dag par sbyor ba'o/ /yang na don gyi khyad par mthong ba'i 'jig rten la grags pa las gzhan du rtsa dang mtshungs par 'khor gsum yongs su dag par brjod pa ste/gzhan rnams bde ba'i don dang ni/ /slob dpon bde ba'i rgyu nyid dang / /dkon mchog gsum la phan pa'i phyir/ /rtag tu brdzun du smra bar bya/ /zhes 'byung ba'i phyir ro/ /de bas na/ nam mkha'i gsung de dri med pa//zhes gsungs so/ /ye shes blo can rnams kyi zhes bya ba ni/ me long lta bu la sogs pa'i ye shes rnams bsgrub pa la zhugs pa rnams kyi'o/ /gsang ba ni nyan thos la sogs pa rnams la gsang bar bya ba'o/ /rang gi 'dod pa'i lha'i go 'phang thob par byed pa nyid yin pa'i phyir/sngags kyi dngos thob par byed pa'o/ /dam tshig don yod par grub pa'o/ /de 'gugs pa ni rnal 'byor pa'i rgyud de'i rang bzhin du byed pa'o/ /de don can gyi dam tshig gi de kho na nyid ces bya ba ni bshad zin pa'i mtshan nyid can gyi slu ba'o//don ji lta ba bzhin du spro bar bya zhes bya ba ni ji ltar gnyis su bshad pa de kho na bzhin du bya'o zhes bya ba'i don to/ /lung las ni sbyor ba byas pa la sogs pa yan lag lngas srog gcod pa la sogs pa bzhir 'gyur te/ gang yang rung ba cig ma tshang na yang mi 'gyur ro zhes gsungs so//'dir ni yan lag gcig kyang mi dmigs pa'i phyir rang bzhin gyis rnam par dag pa'i rdzogs pa'i byang chub kyi 'bras bu nyid sgrub par byed pa nyid yin no/ /'di ni brdzun du smra ba la dga' ba dang zhes bya ba'i mdo'i don yin no/ /de nas zhes bya ba la sogs pa la bka' stsal to zhes bya bar sbyar ro//rgyal ba rnams kyi gnas ni rgyal gnas te/ de'i sku dang gsung dang thugs la de bzhin gshegs pa thams cad bzhugs pa'i phyir ro/ /mi phyed pa'i dngos grub yang dag par sgrub par mdzad pa nyid yin pa'i phyir rdo rje dngos grub rab ston pa'o//'phags ma sgrol ma'i 'dam skyes su/ /dam tshig dkyil 'khor zhes bya ba ni don yod par grub pa'i dkyil 'khor te/ de'i dbus su bdag nyid rin chen 'byung ldan du rnam par bsgoms nas so/ /gzugs rnams kun gyis zhes bya ba ni dkyil 'khor pa rnams dang til gyi gang bu dang mtshungs pa rnams kyis so//'di dag dgang zhes bya ba ni dkyil 'khor dang nam mkha'i dbyings kun du dgang ba'o/ /rtsub pa'i ngag la sogs pa ni/ /zhes bya ba la sogs pa'i sgras ni so sor thar pa la sogs pa sdom pa gsum yongs su dag pa bstan te/mdo sde rgyan las/ ltung ba kun las 'byung ba ni/ /stong nyid so sor rtog pa yin/ /zhes gang gsungs pa'o/ /de la bcom ldan 'das kyis tshig rtsub po ni 'gro ba drug gi skyes bu sngon du byed cing rmongs pa rnams la gsungs so//de bzhin du bslab pa'i gnas gzhan dang gzhan dag kyang skye bo de dang de rnams kyi skyon dag la gzigs nas/ bcom ldan 'das kyis bcas kyi/ dang po nas rang bzhin gyis yongs su dag pa'i chos nyid kyi dgongs pa la brten nas ni ma yin no/ /ci'i phyir de ltar shes she na/skye bo'i skyon gyi rgyur 'gyur te/ /de nyid phyir na bkag pa yin/ /zhes 'byung ba'i phyir ro/ /bsten na ye shes thob par 'gyur/ /zhes bya ba ni gsod pa la sogs pa bzhin du ltung ba thams cad bsten na rnam pa thams cad du mnyam pa nyid kyi ye shes kyi ngo bo'i dkon mchog dpal gyi rang bzhin gyi byang chub sems dpa'i ting nge 'dzin thob par 'gyur ro zhes bya ba'i don to//mos pa sna tshogs pa'i sems can gyi tshogs pa'i mi phyed pa'i ting nge 'dzin 'thob par mdzad pa nyid yin pa'i phyir ro/ /rdo rje bkod pa ste rdo rje 'chang chen pos mi phyed pa de skad ces bka' stsal to//sngar mdor bstan pa'i tshig rnams thos nas/ chos la smad de rgyal bar gyur pa rnams nam mkha' dang mnyam pa gnyis su med pa'i ye shes rdo rje'i ting nge 'dzin gyis bslangs nas/ slar de bshad pa na yang rigs chad pa dang / rigs ma nges pa rnam par spros pas go ba rnams 'byung bar 'gyur bas de rnams dang rjes su mthun par bstan pa'i phyir dam tshig rdo rje dpal la sogs pa'i byang chub sems dpa' chen po rnams bcom ldan 'das zhes bya ba la sogs pas ngo mtshar la sogs pa sngon du 'gro ba can gyi smod pa byed par gyur te bshad zin to//'das shing zhes bya ba ni khams gsum las kun du 'das pa'o/ /khams gsum las kun du 'das pa nyid kyis 'jig rten thams cad las 'das pa ste/ nam mkha'i dbyings kyi chos nyid gang yin pa de ni 'jig rten gyi khams thams cad kyi chos nyid yin pa'i phyir ro//yang dag pa ma yin pa'i tshig gi lam rdo rje'i gnas zhes bya ba la bden pa ni yang dag pa'o/ /bden pa ma yin pa ni yang dag pa ma yin pa ste/ /de ston par byed pa'i tshig ni yang dag pa ma yin pa'i tshig go/ /de'i lam gyi nges pa la sogs pa rnams kyi gnyen por gyur pa'i rnam par thar pa'i sgo bzhi'o//de nyid rdo rje ste sangs rgyas rnams kyi gnas dang rten yin te/ de la brten nas sangs rgyas nyid grub pa'i phyir de ni rdo rje gnas yin no/ /de nas bcom ldan 'das de bzhin gshegs pa thams cad kyis zhes bya ba la sogs pa ni go sla'o/ /'di ni sdig pa yin no snyam pa ni dman pa'i 'du shes so//rmongs pas smad par bya'o snyam pa ni smad pa'i 'du shes so/ /ma zhes bya ba'i sgra ni dgag pa ste mi bya ba'o/ /de ci'i phyir zhe na zhes bya ba ni ci'i phyir smad par bya ba ma yin pa'o/ /de'i phyir rigs kyi bu zhes bya ba la sogs pa gsungs te/ nyan thos la sogs pa'i sdom pa la zhugs pa rnams kyi las sdom pa'i spyod pa ches mchog tu gyur pa'o//sdom pa thams cad kyi yongs su dag pa'i chos nyid ni de bzhin nyid de/ de thugs su chud pa'i phyir de bzhin gshegs pa nyid ces bya ba ni de bzhin gshegs pa'i spyod pa'o/ /yongs su dag pa'i chos nyid de ji lta bu zhe na/rigs kyi bu dper na zhes bya ba gsungs te/ 'di lta ste zhes bya ba'i don to/ /nam mkha' ni thams cad kyi rjes su mthong ba ste/ khyab par byed pa nyid yin pa'i phyir ro/ /chos thams cad kyang nam mkha'i khams su gtogs pa ni khyab par bya ba yin pa'o/ /de'i phyir 'dis ni chos thams cad skye ba med pa'o zhes bshad pa yin no//de nyid kyi phyir khar gzhong dang rgya shug gi 'bras bu'i tshul bzhin du rten dang brten pa med pas 'dod pa'i khams la sogs pa na gnas pa ma yin no/ /sa la sogs pa'i khams ni du ma nyid yin pa'i phyir de rnams la tha dad par kun du brtags pa med pas de rnams la yang mi gnas so//de ltar zhes bya ba ni de lta bur ro/ /'gro 'di thams cad sangs rgyas lnga yi bdag /sna tshogs gang dag bzang por snang ba ni/ /gang du 'dren pa bde chen zhes bya ba/ /gcig pu ro rnams du mar gar byed pa'o/ /zhes gsungs so/ /sangs rgyas rnams kyi yon tan gyi tshogs kyi 'byung gnas kyi chos de lta bur gyur pa rnams kyang 'chad par mdzad do//ci'i phyir zhe na/ 'di ltar don gyi dbang 'di lta bu mkhyen cing zhes bya ba gsungs te/ 'di lta bu zhes bya ba ni mi bskyod pa la sogs pa rnams kyi ting nge 'dzin gyi 'bras bu'o/ /sems can rnams kyi bsam pa zhes bya ba ni gsod pa la sogs pa la mngon par dga' ba rnams kyi'o//nam mkha'i tshig nges par brjod pas zhes bya ba ni nam mkha' las byung ba'i mtshan ma bzhin du bshad ma thag pa'i sangs rgyas kyi yon tan gyi tshogs kyi 'byung gnas de bzhin gshegs pa thams cad kyi dam tshig rtogs par bya ste/ de'i phyir dman pa'i 'du shes bskyed par mi bya'o//yang gtsub shing dang gtsub stan la sogs pa las me 'byung ba dang mi gnas pa'i dpe'i sgo nas brten nas byung ba stong pa nyid du bstan te/ gang zhig rkyen las 'byung ba de ma skyes/ /de la skye ba'i ngo bo yod ma yin/ /rkyen la rag las gang de stong par brjod/ /gang gis stong nyid shes de bag yod yin//zhes gang gsungs pa'o/ /'gro ba la sogs pa rnams kyis zhes bya bas ni 'di nas song nas gzhan du 'byung ba la sogs pa 'gog par byed do/ /de nas zhes bya ba la sogs pa ni de ltar spros pa'i sgo nas bstan pas de rnams kyis de kho na nyid rtogs par 'gyur bas ngo mtshar la sogs pa bstan nas chos kyi sgra bsgrags pa'o//rmad byung chen po zhes bya ba sdom pa'i ngo bo nam mkha' dang mtshungs shing rnam par rtog pa dang bral ba rang bzhin gyis yongs su dag cing brjod du med pa rnams la kun rdzob tu bshad par bya ba dang bshad pa'i bya ba 'jug par 'gyur ro zhes bya ba'i don to/ /rmad byung chen po la sogs pa'i don dag pa nyid yin pa'i phyir don dam pa'i dag pa kho na nyid kyi don te rdo rje 'chang chen po'o//'da' bar mi bya ba nyid yin pa'i phyir dam tshig ste/ don de ston par byed pa'i sgra'i tshogs la de skad ces bya'o/ /le'u dgu pa'i rnam par bshad pa'o// // bcom ldan 'das kyi gsung rab 'di ni phyin ci log ma yin pa'o snyam du yid ches pa brtan pa/ nyin dang mtshan du cho ga ma tshang ba med pas dam tshig la sogs pa'i bya ba ma lus pa bsgrub pa lhur len pa lhas rjes su gnang ba byin pa'i rnal 'byor pas/ gang gi tshe zla ba drug dang gsum dang gnyis dang phyed dang gnyis dang gcig dang zla ba phyed de sgrub pa drug gis lha ma grub pa de'i tshe bdun pa btsan thabs kyi sgrub pa brtsams na nyid kyis gsungs pa'i dam tshig las 'das pa'i 'jigs pas nges pa kho nar 'grub par 'gyur te/de'i phyir de bzhin gshegs pa thams cad kyi snying po bskul ba'i le'u/de nas bcom ldan 'das de bzhin gshegs pa thams cad ces bya ba la sogs pas gsungs te/ bka' stsal pa zhes bya bar sbyar ro/ /yang zhes bya ba'i sgra ni 'dus pa gnyis pa la ltos pa yin pa'i phyir ro/ /dam tshig chen po'i rdo rje ni dpal rdo rje sems dpa' 'o//de'i de kho na nyid mngon par rdzogs par byang chub pa ni thabs dang shes rab kyi bde ba chen po'o/ /de nyid sku dang gsung dang thugs gsang ba zhes bya ste/ gzhon nu ma'i dga' ba bzhin du bstan par mi nus pa nyid yin pa'i phyir ro/ / de lta bu'i rang bzhin can gyi de bzhin gshegs pa la phyag 'tshal nas/ de nyid ces bya ba la sogs pa gsungs te/ bshad du gsol zhes bya bar sbyar ro/ /de nyid yi ge lnga pa'o/ /de nyid sgrub pa drug gi sngags snying por gyur pa rnams btsan thabs su sgrub pa'i sgo nas mdor bsdus pa'i 'bras bu nges par ster bar byed pa nyid yin pa'i phyir kun bsdus pa'o//gsum gyi bdag nyid kyi snyoms par zhugs pa'i lha sgrub par byed pa nyid yin pa'i phyir sku dang gsung dang thugs gsang bar bsgrags so/ /rdo rje 'chang chen po la sogs pa'i dngos grub rnams sgrub par byed pa nyid yin pa'i phyir dngos grub chen po'i tshul te de nyid mchog yin no//de nas zhes bya ba ni gsol ba btab pa'i rjes thogs la'o/ /nyon mongs kun gyi rgya mtsho ni 'khor ba yin zhing / de'i gtso bo ni ston pa ste/ nyon mongs pa bcom nas srid pa dang zhi ba mnyam pa nyid du ro gcig pa'i ye shes la sems can khams rnams so sor 'god par mdzad pa nyid yin pa'i phyir ro//nyon mongs pa'i bud shing bsreg pa'i phyir 'bar ba'o/ /snying rje'i sgo nas dri ma med pa'i khro ba dang ldan pa nyid yin pa'i phyir drag po'o//shes rab kyi spyan phye ba'i phyir spyan yangs pa'o/ /gsung ni 'di skad bka' stsal to/ /zhes bya ba ni/ lus dang ngag yid rdo rje rnams/ /zhes bya ba la sogs pa rnams gsungs par gyur pa'o/ /rnam par mi rtog pa zhes bya ba ni rnam par rtog pa med pa'o/ /ci'i phyir zhe na/ 'di ltar mi dmigs pa yin pa'i phyir ro//mi dmigs pa nyid ni mnyam pa nyid ces bya bas bshad do/ /de ni gang du'ang mi gnas zhes bya bas bshad de/ phung po la sogs pa rnams ni rten cing 'brel bar 'byung ba'i gzung ba la sogs pa'i rnam par rtog pa dang bral ba nyid yin pa'i phyir gang du'ang mi gnas pa'o//bsgom zhes bya ba ni bsgom pa nyid do/ /de ltar shes rab gtso bor gyur pa'i bsgom pas lha yang dag par 'grub par mi 'gyur bas/ de'i phyir de nas zhes bya ba la sogs pa gsungs te/ sngags bsdus pa 'di lta bu gsungs so zhes bya bar sbyar ro//pha rol tu phyin pa ni rnam par mi rtog pa'i ye shes so/ /de las byung ba'i sngags ni yi ge hUM la sogs pa rnams yin zhing rang gi lha'i ting nge 'dzin sgrub par byed pa nyid yin pa'i phyir tshul lo/ /de nyid rdo rje ste/ ting nge 'dzin gang la ming de skad ces bya ba nyid yod pa de la mngon du mdzad nas so//bcom ldan 'das zhes bya ba la sogs pas/ de bzhin gshegs pa rnams 'dod chags kyi spyod pa can gyi sems can rnams rjes su gzung ba'i phyir/ rig ma la sogs pa rnams dang / lhan cig 'dod pa'i yon tan lnga po rnams kyis rol zhing dgyes la yongs su spyod pa lhur len par mkhyen nas/spyan ras kyis mi 'tsho ba'i rgyu kye ma 'di dag ni zhes bya ba la sogs pas gsungs te/ kye ma zhes nges par gzung ba'o/ /'di dag ces bya ba ni sgrub pa po'o/ /de bzhin gshegs pa thams cad kyi sngags kyi spyod pa'i tshul zhes bya ba la/ de bzhin gshegs pa rnams kyi sngags kyi spyod pa ni sngags kyi sdom pa la 'jug pa'i rang bzhin no//de nyid tshul gyi chos te rdzogs pa'i byang chub kyi 'bras bu ster bar byed pa nyid yin pa'i phyir ro/ /tshul de la bzhugs pa'i sngags pa gang yin pa de ni rdzogs pa nyid yin par rtogs par bya'o//rdzogs pa ni grub pa ste/ byang chub tu sems bskyed pa kho nas nges pa'i phung por gtogs pa nyid yin pa'i phyir rgyu la 'bras bu nye bar btags pa'i sgo nas so/ /de'i phyir btang snyoms mdzad cing des kyang rnal 'byor pas 'grub par mi 'gyur te/ de bas na skyes bu dam pa de rnams te/de bzhin gshegs pa de rnams kyis spyan ras kyis brtsal ba'i phyir ro/ /mi phyed pa'i sku la sogs pa rnams skyed par byed pa nyid yin pa'i phyir gsang bar bya ba'o/ /sngags thams cad kyi snying po kun du skul bar byed pa zhes bya ba ni/ lha thams cad kyi thugs kun du skul bar byed pa'i sngags so//de nyid kyi phyir bshad par bya ba ma yin pa'o/ /gti mug gi rigs kyi lha rnams kyi sku la sogs pa rnams grub par bya ba'i phyir 'da' bar bya ba ma yin pa nyid yin pas de bzhin gshegs pa thams cad kyi sku dang gsung dang thugs kyi dam tshig la dmigs pa'o//de bzhin 'dod chags dang zhe sdang la sogs pa'i rigs kyi lha rnams grub par bya ba'i phyir 'da' bar bya ba ma yin no/ /tshig gi lam nges par brjod pa zhes bya ba la/ tshig nyid lam ste sngags so/ /de'i nges par brjod pa ni rgyu dang bral ba nyid yin pa'i phyir/yi ge ha ni chos thams cad kyi sgo'o/ /rtog pa dang bral ba nyid yin pa'i phyir/ yi ge a ni chos thams cad kyi sgo'o zhes bya ba la sogs pa'i bar du bshad pa'i nges par brjod pa dang bcas par ro/ /sngags btus pa ni rigs lnga'i snying po mdor bsdus pa'o/ /'di lta bu zhes bya ba ni de bzhin gshegs pa thams cad kyi snying po skul bar byed pa'i sngags so//gsungs so zhes bya ba ni bshad pa'o/ /sngags btus pa 'di'i mthu ni rab tu 'drar zhes bya ba la sogs pas gsungs te/ 'di ni gdon mi za bar de bzhin gshegs pa thams cad kun du skul bar byed pa yin no zhes rnal 'byor pa rnams la nges par bskyed pa yin no//bdag po dran pas ni 'jigs pa chen po la sogs pa rnams 'joms par 'gyur bas/ rdo rje sems dpa' rjes su dran no/ /dam tshig ces bya ba ni sku la sogs pa rnams grub par bya ba'i phyir yi ge hUM bsgoms pa'o//nam mkha' dbyings kyi dbus gnas par/ /zhes bya ba ni shes rab kyi chos 'byung du'o/ /bkod pa'i dkyil 'khor zhes bya ba ni yi ge hUM las byung ba'i dkyil 'khor pa'i lha tha dad pa rnams kyis yongs su bskor ba/ dpal rdo rje 'chang gis bsdus pa'i dkyil 'khor ro//de yi dbus na yi ge hUM/ /rang gi gzugs su zhes bya bas ni 'di skad du bstan pa yin te/ de'i dbus na gnas pa'i dpal rdo rje 'chang gi nga rgyal dang ldan pas lhag par mos pa'i sems kyis byang chub kyi sems rnam par bsgoms la de nyid zla ba'i dkyil 'khor la gnas pa'i yi ge hUM du rab tu brtag par bya'o//rdo rje'i 'od zer zhes bya ba la sogs pas ni yi ge hUM las byung ba'i ye shes kyi 'od zer rnams kyis nam mkha'i dbyings ma lus pa khyab pa'i de bzhin gshegs pa la sogs pa rnams la kun du reg ste rdo rje 'chang chen po'i rnam par yongs su gyur par bsams la/lcags kyu'i rnam par gyur pa de rnams nyid kyis bkug ste/ bcug la thams cad gyur nas rdo rje sems dpar bdag nyid bsgom par bya'o/ /de bzhin du rang gi sngags nyid kyis rnam par snang mdzad la sogs pa rnams kyi rten dang brten pa'i bkod pa'i dkyil 'khor bskyed par bya ba yin pas de'i phyir/rang gi dkyil 'khor rang sngags kyis/ /zhes bya ba la sogs pa gsungs so/ /rang sngags skyes bu bsgoms nas ni/ /zhes bya ba ni de ni dbus su rnam par snang mdzad la sogs pa gang yang rung ba'o//gnas bzhi rnams su gzugs kyi tshul/ /zhes bya ba ni phyogs bzhi ru bdag nyid gzugs kyi tshul du ji rigs par mi bskyod pa la sogs sangs rgyas bzhi rdo rje gsum gyi bdag nyid dang zhal gsum par bsam pa'o/ /gtso bor gyur pa'i sgo nas de skad du bshad pa yin te/de'i phyir ji skad bshad pa'i bkod pa'i dkyil 'khor kho na bsgom par bya'o/ /de ltar rnal 'byor byas pas gnyis su med par yang dag par sbyor ba'i sgo nas 'di brtsam par bya ste/ snying ga'i dbus gnas zhes bya ba ni rang gi snying gar zla ba la ye shes kyi lha'i 'khor lo'o//de nyid dkyil 'khor rnams ni zhes bya ba gsungs te/ /thugs kyi dkyil 'khor la sogs pa rnams las gang yang rung ba'o/ /de'i dbus gnas zhes bya ba ni ye shes sems dpa'i thugs kar zla ba la rang gi sa bon no/ /rdo rje chen po rtse lnga pa zhes bya ba ni rdo rje'i rigs kyi rnal 'byor pas yi ge hUM las byung ba g.yas pa'i rtsa ba'i phyag dang gsang ba'i rdo rjer ro//sbyor bas zhes bya ba ni bsgom pa yang dag par sbyor bas so/ /de gnyi ga yang rigs thams cad kyi rnal 'byor pa rnams kyis rnam par bsgoms la/ phyis rang gi snying ga na gnas pa'i ye shes sems dpa'i thugs ka'i rdo rje'i lte bar rang gi sa bon rnam par bkod de/'khor lo la sogs pa'i gzugs su yongs su gyur par byas la/ de yang rdo rje lcags kyu'i rnam par bsgom ste/ rang gi phyag mtshan gyi mtshan ma'i lcags kyur bsam par bya'o//de ga las shes she na/ rdo rje pad+mo'i rigs sogs rnams/ /rdo rje kyo bar rnam bsgom zhing / /zhes rjes thogs nyid du 'chad pa las 'don pa dang rgyud rdo rje'i rigs gtsor gyur pa nyid yin pa'i phyir ro/ /de bzhin du de bzhin gshegs pa dang pad+ma'i rigs kyi rnal 'byor pas go rims bzhin du yi ge oM las byung ba'i 'khor lo dang yi ge a las byung ba'i pad+ma bsam par bya'o//de'i phyir/ rdo rje kyo ba'i sbyor ba yis/ /rdo rje gsum rnams bsgom par bya/ /zhes gsungs so/ /de ni nye bar mtshon pa yin te/ de'i phyir rin po che dang las kyi rigs kyi rnal 'byor pa rnams kyis swA hA dag la rin po che dang ral gri lcags kyu dag bsgom par bya'o//de yis snying gar brdab bya ste/ /zhes bya ba ni dbye ba'i rim pa'i dus su rdo rje lcags kyus so/ /chad pa'i rim pa'i dus su ni rang gi rdo rjes brtag par bya'o/ /rab tu bskul bar bya zhes bya ba ni nyid kyi 'jig rten gyi khams na bzhugs pa'i ye shes kyi lha rnam par spros pa'i lha mo'i tshogs rnams kyis bla na med pa la sogs pa'i mchod pa rnams kyis yang dag par mnyes par byas te/snyan cing 'jam la yid du 'ong ba'i tshig rnams kyis yang dag par bskul bar bya ba'o/ / dbye ba'i rim pa'i dus su yang lha'i gzugs de dang des mtshan pa'i lcags kyu lag na thogs pas snying gar brdung zhing / rdo rje chen po che ge mo/ /zhes bya ba la sogs pas sgrog par byed du gzhug go/ /rdo rje thams cad kyi zhes bya ba ni de bzhin gshegs pa rnams kyi'o/ /rdo rje kyo bar rnam bsgom zhing //zhes bya bas ni/ 'khor lo la sogs pa'i lcags kyu bskyed pa'i phyir yang rdo rje lcags kyu kho nar bsgom par bya'o zhes bstan pa yin no/ /rim pa gsum bstan pa'i sgo nas rab tu rnam par phye ste bshad pa ni rab bshad do/ /sangs rgyas rnams la gnod pa bya ba'i rang bzhin can gyi bstan pas 'ga' 'gyod par 'gyur du 'ong bas/de'i phyir/ 'di ni rol mo 'byung ba ste/ /zhes bya ba gsungs te/ sgyu ma'i rol pa bzhin du 'di thams cad ni snang ba tsam yin zhing / don dam par ni rang bzhin med pa'o/ /de bzhin gshegs pa rnams la ni sus kyang gnod pa bya bar nus pa ma yin te/de rnams nam mkha' dang mtshungs pa nyid yin pa'i phyir ro/ /gal te de lta yin du chug na 'on kyang sems rab tu dang ba rnams kyi ni bcom ldan 'das bsod nams kyi phung po yin zhing / sems rab tu dang bar mi byed pa rnams kyi ni bcom ldan 'das sdig pa'i phung po yin pas/rnal 'byor pa'i rgyud kyi nyes pa yin no zhe na/ de ni ma yin te/ bcom ldan 'das kyis rjes su gnang ba'i ma tshang ba med pas sems can rnams kyi don bsgrub pa nyid ni legs par byas pa yin gyi bka' las 'das pa ni ma yin no zhes gsungs so//de nas 'gyod pa med pa'i phyir/ rdzogs pa'i byang chub thob par byed pa'i bsod nams kho na mngon par 'phel bar 'gyur gyi sdig par lta ga la 'gyur/ de skad du yang / bshang gci glad pa rus pa khrag /sha chen sbyin sreg mi gtsang bas/ /ye shes sems dpa' rnams kyi zhal//ji ltar nges par dgang bar bya/ /sdig par ji ltar mi 'gyur te/ /gal te sdig 'gyur ji ltar 'bras/ /gsang sngags thabs ni rnam spangs shing / /phyi rol dngos la mngon par zhen/ /rnam rtog dra bas nges bcings pa/ /mi shes rmongs pa'i sems can gang //de la dge dang sdig pa yod/ /rnam rtog gis ni 'grub mi 'gyur/ /chos 'di rang bzhin dag pa ste/ /skye ba med cing gnas med yin/ /sems can ye shes 'phel bya'i phyir/ /sangs rgyas rnams kyis thabs su bstan/ /zhes bya ba la sogs pa gsungs so//'di zhes bya ba ni bshad ma thag pa'o/ /zhag bdun bar du byas nas ni/ /zhes bya ba ni bsdum pa'i rim pas zhag bdun na 'grub par 'gyur ba'o/ /de lta na yang ma grub na/ de nas dbye ba'i rim pas bskul bar bya'o/ /chad pas gcad pa'i rim pas kyang zhag bdun na'o zhes bya ba ni man ngag yin no//rim pa de rnams kyang sgrub thabs su rgyas par bshad zin to/ /des cir 'gyur zhe na/ ye shes rdo rje can zhes bya ba la sogs pa gsungs te/ ye shes rdo rje can gyis te/ mi phyed pa'i ye shes bsgrub pa la zhugs pa'i rnal 'byor pa rnams kyis rang gi 'dod pa'i lha'i sku dang gsung dang thugs 'grub par 'gyur ro zhes bya ba'i don to//de nyid ni/ mchog stsol ba dag rnam par gzigs/ /zhes bya bas gsungs te/ nyid kyis gsungs pa'i rigs lnga'i snying po kun du skul bar byed pa'i dam tshig las 'das pa'i 'jigs pas 'jigs pa yin gyi/de rnams la 'jigs pa la sogs pa gzhan ni yod pa ma yin te/ mi 'jigs pa rnyed pa yin pa'i phyir ro/ /sangs rgyas byang chub sems dpa' rnams/ /zhes bya ba la sogs pas sangs rgyas sam byang chub sems dpa' yang rung sngags kyi spyod pa'i mchog spyod pa'i byang chub sems dpas ji skad bshad pa'i tshul bzhin du yang dag par bskul bar gyur pa na/gal te rab tu ma grub cing rmongs pas te/ rnam par mi rtog pa'i ye shes kyis 'da' bar byed na/ de'i ste rnam par mi rtog pa'i ye shes can gyi sangs rgyas sam byang chub sems dpa'i 'o//srog ni der zad 'gyur zhes bya ba ni/ 'das pa'i mthar thug par ro zhes bya ba'i don to/ /gal te sgrub pa po ji skad bshad pa'i rim pa bzhin du mi 'jug cing / 'bras bu la dmigs te mdor bsdus pa'i sgo nas zhag bdun sgrub pa rtsom pa na/ de yang kun du rmongs pas nyams par 'gyur ro zhes bya ba 'dis ni sbyor ba 'da' bar bya ba ma yin pa'o zhes rnal 'byor pa rnams kyi sems la nges par skyed par byed do//de nas zhes bya ba la sogs pa ni bshad zin to/ /sngags kyi skyes bu ji snyed pa/ /zhes bya ba ni mi bskyod pa la sogs pa rnams so//rdo rje gsum gyi ye shes rdzogs/ /zhes bya ba ni/ sku rdo rje la sogs pa'i tshogs gzhug pa la sogs pa'i byin gyi rlabs kyis rdzogs par byas pa'o/ /dngos po thams cad ni phyi dang nang gi bdag nyid can gyi phung po la sogs pa rnams te/ de dag la rdo rje dang chu skyes yang dag par sbyor ba'i sgo nas nam mkha'i dbyings kyi mthas gtugs pa'i tshad dang ldan pa'i dkyil 'khor pa'i lha'i rnam pa'i thabs dang shes rab ro gcig par dmigs pa ni/dbang po gnyis kyi sbyor ba yis/ /dngos po thams cad brtag par bya'o/ /bdag nyid kun du 'gro ba'i dkyil 'khor gyi bdag nyid du bsgom pa 'dis ni de kho na nyid yang dag par bskul bar bya ba nyid do//snying po kun du skul bar byed pa'i sbyor ba ches khyad par du 'phags pa gzhan ni/ rig ma'i dbang phyug ces bya ba la sogs pa gsungs te/ rig ma'i dbang phyug ni mi bskyod pa la sogs pa rnams kyi rang gi rigs kyi lha mo chen mo rnams su zhugs pa la/rdo rje'i sbyor ba rab bsgom zhing / /zhes bya ba ni/ de'i b+ha gar yid kyi rang bzhin gyis rang gi lha'i gzugs su zhugs te/ de'i thugs ka na gnas pa'i ye shes kyi rig ma yang dag par sbyor bas rjes su mnyes par byas la/de yang dbang du gyur cing shin tu rjes su chags pas spyan dmar bar bsgom par bya'o/ /de ltar na lha mo'i thugs yang dag par bskul bar 'gyur ro/ /de nas bya ba la sogs pa ni bshad zin to/ /'jig rten khams ni thams cad na/ /zhes bya ba ni 'dod pa'i khams su gtogs pa rnams na ste//gzhan ni dbang po gnyis po la sogs pa med pa'i phyir ro/ /tha snyad kyi sgo nas de ltar yin gyi rnal 'byor pa'i mos pa'i dbang gis ni thams cad na yang yod pa yin no/ /phyag rgya chen po ni sangs rgyas spyan no//dam tshig gi phyag rgya ni mA ma kI'o/ /chos kyi phyag rgya ni gos dkar mo'o/ /las kyi phyag rgya ni sgrol ma ste/ de rnams la de lta bu'i rang bzhin can du dmigs pa ni phyag rgya che sogs sbyor ba ste de yis so/ /thams cad ces bya ba ni 'dod par gtogs pa'i 'jig rten gyi khams thams cad na gnas pa rnams dang /rang gis yongs su brtags pa rnams te/ sems rin po che la nges pa med pa'i phyir ro/ /des ni 'di skad du bstan pa yin te/ ji lta ba bzhin du rang gi lha'i rnal 'byor byas la/ nam mkha'i dbyings thams cad khyab pa'i bud med kyi tshogs sangs rgyas spyan la sogs pa'i rnam par yongs su gyur pa rnam par bsams te/rang gi ting nge 'dzin las rang gi lha'i gzugs nyid rnam par spros la/ de rnams kyis bla na med pa la sogs pa'i mchod pa rnams kyis de rnams nye bar longs spyad par bya'o/ /de'i phyir/ sangs rgyas gnas ni der spro bya/ /zhes bya ba gsungs so/ /des kyang nyon mongs pa gtso bo rnam par sbyong ba'i thabs bstan pa'i sgo nas yang dag par bskul ba kho na bshad pa yin te/ sngags kyis mngon par 'dus byas pa'i dug za ba bcud kyis len du 'gyur ba bzhin no/ /yul rnams 'di dag la ni nyam nga nyid//rang nyid kyis med 'on kyang rmongs pa yis/ /dri med blo yi rgyud ldan rnams kyis ni/ /'di rnams zhi ba'i ngang gi rgyu ru 'gyur/ /le'u bcu pa'i rnam par bshad pa'o// //le'u dang po las bstan pa brten pa'i lha rnams rdzogs par bya ba'i phyir byin gyis brlab pa dang /rten la sogs pa rnams bshad de/ de bzhin gshegs pa thams cad kyi rdo rje'i skyes bu mchog ces bya ba'i ting nge 'dzin la snyoms par zhugs te zhes bya ba ni de bzhin gshegs pa thams cad kyi sku dang gsung dang thugs rdo rje'i skyes bu bskyed pa'i rnam par thugs rtse gcig par mdzad nas zhes bya ba'i don to//de bzhin gshegs pa thams cad kyi sngags rdo rje ni yi ge oM la sogs pa rnams te/ de dag nyid mngon sum du rig pa'i 'bras bu dang ldan pa'am/ rig ma dang yang dag par ldan pa'i skyes bu skyed par byed pa nyid yin pa'i phyir rig pa'i skyes bu'o//rdo rje gsum yig sngags kyi mchog /ces bya ba la sogs pas ni gsum gyi bdag nyid can gyi lha bskyed pa bstan to/ /nam mkha' rdo rje dbus gnas par/ /zhes bya ba ni le'u dang pos bshad pa'i de bzhin gshegs pa thams cad kyi rdo rje btsun mo'i b+ha ga'i dbus su'o//dkyil 'khor rdo rje kun skyes zhes bya ba la/ 'di rnams ni rdo rje yang yin la kun yang yin pas na rdo rje kun te/ mi bskyod pa la sogs pa de bzhin gshegs pa lnga yin zhing / de rnams kyis bskyed pa'i ye shes kyi dkyil 'khor gyi sa'i cha la de skad ces bya'o//'di skad du bstan pa yin te/ sgrub thabs kyi tshul bzhin du shes rab kyi chos 'byung ji lta ba bzhin du bskyed la de'i dbus su snyoms par zhugs pa'i mi bskyod pa'i rnal 'byor dang ldan pas ye shes sems dpa' rjes su bcug ste/ las la gnas pas mchog tu dga' ba'i gnas skabs su zhu bar gyur pa ye shes kyi rlabs dang ldan pa'i rgya mtsho chen po'i gzugs su gyur par bya'o//de bzhin du rnam par snang mdzad rjes su zhugs pas sra ba nyid dang / de bzhin du rin po che'i dam tshig la sogs pa rnams dang snyoms par zhugs pa'i dkon mchog dpal dang 'od dpag tu med pa dang don yod par grub pa rnams zhugs pas/go rims bzhin du rgya che bar gyur pa dang / ye shes kyis 'bar bar byin gyis brlab pa dang / bsdus nas gru bzhi'i rnam par gyur par shes par bya'o/ /rdo rje'i sprin ni 'phro bskyed pa//zhes bya ba ni nam mkha'i dbyings thams cad khyab pa'i 'od zer gyi sprin 'phro ba'o/ /de ru yi ge b+h+rUM bsam mo/ /zhes bya ba ni/ de bzhin gshegs pa thams cad kyi ye shes kyi rang bzhin gyi sa'i cha de ru'o/ /rdo rje gsum yig ces bya ba la sogs pa bstan pa'i don gsal bar bya ba'i phyir//rdo rje dkyil 'khor zhes bya ba la sogs pa gsungs te/ rdo rje ni mi bskyod pa ste/ de'i dkyil 'khor yin zhing / de'i dbus su yi ge oM bsam par bya'o/ /des ni sku thugs kyis 'thob par 'gyur ro zhes 'byung ba'i phyir/thugs kyi rten la sku'i yi ge rnam par bkod do/ /gsal ba'i dkyil 'khor ni rnam par snang mdzad kyi zla ba'i dkyil 'khor te/ de'i dbus su yi ge a bsam par bya'o/ /sku yod na gsung 'jug pa'i phyir sku'i rten la gsung gi yi ge rnam par bkod do/ /chos kyi dkyil 'khor ni 'od dpag tu med pa'i pad+ma dmar po 'dab ma brgyad pa ste/de'i dbus su yi ge hUM bsgom par bya'o/ /sems kyis kun du brtags pa'i don yang dag med par mi 'jug pas de'i phyir gsung gi rten la thugs kyi yi ge rnam par dgod pa mdzad do/ /des ni phan tshun 'brel pa nyid du bstan pa'i sgo nas gsum po rnams tha mi dad par gsungs pa yin no//yi ge b+h+rUM gyis gnas bsgoms te/ /rdo rje gsum 'byung bsgom par bya/ /zhes bya bas ni/ dang po kho nar sgrub thabs las bshad pa'i cho ga bzhin du yi ge b+h+rUM gyis bskyed pa'i rin po che'i rang bzhin gyi mchod rten gru bzhi 'od zer gyi phreng ba rnams kyis brgyan pa'i gnas bsams la/de'i dbus na gnas pa'i rnal 'byor pa rdo rje 'chang gi mos pa dang ldan pas yi ge gsum las byung ba bsgom par bya'o zhes bstan to/ /snying po zhes bya ba ni sku la sogs pa'i byin gyis rlob par byed pa'i yi ge gsum po nyid de/de'i phyir sku gsung thugs ni mnyes byed pa/ /zhes gsungs so/ /rdzogs pa'i byang chub sgrub par byed pa dang / byin gyis rlob par byed pa'i sgo nas mchog tu gyur pa nyid yin pa'i phyir byang chub mchog go/ /'di ni zhes bya ba ni bshad ma thag pa'o//sangs rgyas thams cad kyi zhes bya ba ni/ sangs rgyas la sogs pa lha thams cad kyi'o/ /sangs rgyas byang chub ni thabs dang shes rab gnyis su med pa'i rang bzhin te/ de khyad par du sgrub par byed pas na/ sangs rgyas byang chub rab sgrub pa'o//ye shes rdo rje sprul pa ste/ /zhes bya ba ni ye shes lnga'i bdag nyid kyi rdo rje 'chang chen pos zhes bya ba'i don to/ /'di dag ces bya ba ni bshad ma thag pa'i sngags rnams so/ /sems can gyi rgyud sangs rgyas la sogs pa'i skur skye bar byed pa nyid dang / sku la sogs par byin gyis rlob par byed pa nyid yin pa'i phyir sangs rgyas skyes bu'o//de'i phyir/ rdo rje mi phyed gsum bsgoms pa'o/ /dam tshig sogs pas rdzogs par 'gyur/ /zhes gsungs so/ /de bzhin gshegs pa thams cad kyi sku dang gsung dang thugs kyi dam tshig ni nyi ma dang zla ba dang chu skyes la kun du gnas pa'i yi ge gsum las byung ba'i lha'i gzugs so//de nyid shes rab kyi rnam par dag pa nyid yin pa'i phyir/ de kho na nyid kyi ye shes so/ /grub pa'i gzugs de brtan par bya ba'i rgyu nyid yin pa'i phyir rdo rje byin gyis rlob pa'i rgyu ste/ gang la ming de skad ces bya ba nyid yod pa de la de skad ces bya'o//gzhung de tsam gyis ni ji lta ba bzhin du rnal 'byor dang rjes su rnal 'byor byas pas phung po la sogs pa byin gyis brlab pa sngon du 'gro ba can gyi sku dang gsung dang thugs byin gyis brlab pa la thug pa'i rnal 'byor chen po bya'o zhes bstan to//dben zhing zhes bya ba la sogs pas ni dngos grub bsgrub pa dang mthun pa'i gnas gsungs so/ /de la dben zhing zhes bya ba ni ri'i phug gam/ phyi rol gyi skye bo'i tshogs med pa'o/ /rab tu nyams dga' bar zhes bya ba ni sgrub pa po'i yid dang rjes su mthun par ro/ /'di ni zhes bya ba ni 'chad par 'gyur ba'o//zla ba phyed kyis zhes bya ba ni sngon du bya ba ji lta ba bzhin du byas shing lha rnams kyis rjes su gnang ba byin pa'i rnal 'byor pas snod du rung ba la phab pa'i lhas bris pa'i sku'i dkyil 'khor du yang dag par 'dug ste/ gnas pa zhes bya ba ni snying ga na gnas pa'i ye shes sems dpa'i sku'i thugs kar zla ba'i steng gi rdo rje'i lte ba la'o//'di ni dam tshig kyang yin la chen po yang yin pas dam tshig chen po ste/ rdo rje 'chang chen po'o/ /de yi de nyid ni yi ge hUM ste/ sangs rgyas la sogs pa thams cad skyed par byed pa nyid yin pa'i phyir ro//kha dog rnam lngar zhes bya ba ni/ 'od zer sngon po la sogs pa 'bar bar ro/ /rdo rje kun dang rgyal ba'i gnas/ /zhes bya ba ni 'jig rten gyi khams thams cad kyi rdul phra rab kyi rdul snyed kyis mi bskyod pa'i rigs kyi dkyil 'khor rnams spros pas nam mkha' khyab pa'o//ye shes rdo rje dag gis zhes bya ba ni sgrub pa pos so/ /rdo rje thugs 'dra bar zhes bya ba ni/ thugs rdo rje bzhin du ye shes dang yon tan tshad med pa 'byung bar 'gyur ba'o/ /de bzhin gshegs pa thams cad kyi sku dang gsung dang thugs kyi dam tshig rdo rje ni mi bskyod pa ste/de zhal gsum pa'i gzugs su bskyed pa'i rnam par sems rtse gcig pa ni ting nge 'dzin no/ /ye shes dkyil 'khor dbus su ni/ /rdo rje chen po bsgom bya ste/ /zhes bya ba ni rdo rje 'chang chen po'i dkyil 'khor du bdag nyid dpal rdo rje sems dpar bsams nas so/ /lus rnams kun la khaM zhes bya ba ni/mgo dang lkog ma dang snying ga'i phyogs su 'khor lo dang pad+ma dang rdo rje la gnas pa'i yi ge khaM bung ba ltar sngo ba zla tshes dang thig le dang / rtse mo phra ba dang ldan zhing 'od zer sngon po'i phreng ba 'phro ba rnam par bsams nas/ bdag nyid kyang nam mkha' dang mtshungs par bsams pa'o//nam mkha' rdo rje'i dam tshig ni dpal rdo rje sems dpa' ste/ nam mkha' dang mtshungs pa'i chos ston pa'i phyir ro/ /sku la sogs pa rdo rje rnams mi snang ba ni mi mthong ba'o/ /de 'byung bar bya ba'i phyir bkod pa'i phreng ba ni gnas ji lta ba bzhin du rnam par bkod pa'i yi ge rnams kyi 'od zer gyi rlabs kyi gzugs te/ting nge 'dzin gang la de yod pa de la de skad ces bya'o/ /rdo rje'i dkyil 'khor dbus su ni/ /rang sngags skyes bu rab bsams la/ /zhes bya ba ni gsung rdo rje'i dkyil 'khor du rang gi sngags las grub pa'i 'od dpag tu med pa'o//snying gar zhes bya ba ni rig ma'i pad+ma na gnas pa'i byang chub kyi sems kyi zla ba la yi ge haM dmar skya rnam par bsams la lcags kyu'i rnam par gyur pa de rnams nyid kyis bkug ste/ rdo rje ral gri de la bcug nas/ thams cad yongs su gyur pa las bdag nyid 'phags pa dpal 'jam dpal rdo rjer bsgom par bya'o//de ltar nyin dang mtshan du bsgoms pas rnal 'byor pa des sa bcu'i dbang phyug 'phags pa 'jam dpal du 'gyur ro/ /dpal 'jam pa'i mgon ni thams cad mkhyen pa'i ye shes mngon du mdzad pa nyid yin pa'i phyir byang chub kyi bdag nyid kyi sems dpa' nyid do//de'i phyir de'i lha mo gzugs rdo rje ma la sogs pa drug dang / sangs rgyas spyan la sogs pa bzhi ni 'bras bu'i rang bzhin nyid kyi sa bcu yin par brjod do/ /'jig rten gyi tha snyad dang mthun par rang bzhin gyis lo bcu drug pa'i gzugs can yin te/bud med rnams gzhon nu'i gzugs kyi dbang du 'gyur ba yo byad thams cad dang ldan pas sgrub pa brtsams na zla ba phyed kyi nang du nges pa kho nar 'grub par 'gyur ba'o/ /sgrub pa de nyid ni gsal ba'i dkyil 'khor zhes bya ba la sogs pas gsungs te/ gsal ba'i dkyil 'khor zhes bya ba ni rnam par snang mdzad kyi dkyil 'khor dbus kyi cha na zla ba gsal bas nye bar mtshan pa'o/ /nam mkha' rdo rje'i dbus zhes bya ba ni btsun mo'i pad+ma'i dbus su'o/ /rang gi sngags kyi dam tshig bskyed/ /ces bya ba ni rdo rje 'chang chen por rnam par bsgoms la/kun du bzang mo'i pad+ma las dzi na dzika ces bya ba'i sngags las byung ba'i sku rdo rje phyung ste bcug pa'i sgo nas bdag nyid rnam par snang mdzad kyi gzugs su'o/ /yi ge oM ni snying gar gzhag /ces bya ba ni rang gi snying ga na gnas pa'i pad+ma'i steng gi zla ba la bzhugs pa'i ye shes sems dpa'i thugs kar zla ba'i steng gi 'khor lo la'o//rnam par snang mdzad mchog tu bsgom/ /zhes bya ba ni yi ge oM las byung ba'i 'od zer dkar po la sogs pa'i tshogs rnams kyis rang gi lus kun du gsal bar byas la/ba spu'i bu ga'i gseb nas byung ba de rnams kyi rtse mo las rab tu grub pa'i rnam par snang mdzad rnams spros pas nam mkha'i dbyings ma lus pa kun du khyab par byas te/ bsdu ba dang bstim pa dang brtan par bya ba dang rjes su mnyes par bya ba dang bzhi yang dang yang du bsam pa'o//sangs rgyas sku dang 'dra ba'i 'od/ /ces bya ba ni rnam par snang mdzad dang 'dra ba'i byang chub sems dpar 'gyur ro/ /ye shes lnga ldan bsten na ni/ /zhes bya ba la sogs pas ni/ sangs rgyas kyi zhing de dang de rnams su me long lta bu la sogs pa'i ye shes can gyi de bzhin gshegs pa rnams bsten na bskal pa grangs med pa gsum du gnas par 'gyur ro zhes kha cig zer ro//gzhan dag na re sku dang gsung dang thugs rdo rje nyid du brtags te/ ye shes lnga'i rang bzhin can gyi bdag nyid la bla na med pa la sogs pa'i mchod pa rnams kyis mchod cing gnas par bya'o zhes zer ro//sku'i gsang ba ston par byed pa'i phyir sku rdo rje gsang ba ste/ dpal rdo rje sems dpas so/ /ting nge 'dzin gang la de bzhin gshegs pa thams cad kyi sku rdo rje'i gzugs su byang chub sems dpa' skyed par byed pa'i 'od zer bkod pa yod pa de la de skad ces bya'o//chos kyi dkyil 'khor ni 'od dpag tu med pa'i dkyil 'khor ro/ /rang gi sngags kyi skyes bu bskyed/ /ces bya ba ni/ a ro l-ika ces bya ba 'dis snga ma bzhin du'o/ /a ni ngag gi lam gzhag ste//zhes bya ba ni lce'i chu skyes kyi lte bar ro/ /'jig rten dbang phyug mchog bsgoms pas/ /zhes bya ba ni de las byung ba'i 'od zer dmar po la sogs pa'i rtse mo las grub pa'i 'od dpag tu med pa rnams spros pas nam mkha' kun du bkang ste/ snga ma bzhin du bsdu ba la sogs pa bya ba'o//dam tshig ye shes zhes bya ba ni byang chub sems dpa'o/ /rdzogs byas de zhes bya ba ni bshad ma thag pa'i tshul bzhin du'o/ /tshig gi dam tshig lnga'i mchog ni gsung rab kyi yan lag dgu ston par byed pa'o/ /de ltar bsgoms pas 'od dpag tu med pa dang mtshungs pa'i byang chub sems dpar 'grub par 'gyur ro//de bzhin gshegs pa thams cad kyi gsung rdo rje'i dam tshig ni byang chub sems dpa'i gzugs te gang las de 'byung zhing skye ba de la de skad ces bya'o/ /rdo rje'i dkyil 'khor ni mi bskyod pa'i dkyil 'khor ro//nam mkha' rdo rje ni snga ma bzhin no/ /rdzogs byas la zhes bya ba ni badzra d+h+r-ika ces bya ba'i sngags kyi de kho na bzhin du'o/ /sems la yi ge hUM nyid yin pa'i phyir ro/ /gnas pa zhes bya ba ni chos 'byung du 'khor gyi dkyil 'khor dang lhan cig rim gyis de rnams dga' bar byed cing gnas pa zhes bya ba'i don to//ting nge 'dzin gang la zla ba dang rdo rje'i rim gyis bskyed pa'i byang chub sems dpa'i ye shes kyi dam tshig yod pa de la de skad ces bya'o/ /nam mkha'i dbyings kyi dbus gnas bsam/ /zhes bya ba ni ji lta ba bzhin du sangs rgyas spyan gyi chos 'byung gi nang na gnas pa'i rten dang brten pa'i dkyil 'khor gyi dbus na bzhugs pa'i rnam par snang mdzad du bdag nyid yang dag par sbyor bas gnas pa'i rig ma'i pad+mar yi ge th+liM kha dog dkar po 'od zer sna lnga rab tu 'phro ba rab tu bsams la/de yang yi ge gsum gyi byin gyis brlab pa'i sa'i snying por nges par bsam ste/ phyung nas des sems can thams cad kyis lha'i mig thob par byas te/ de bkug nas rang gi lus la bcug ste/ bdag nyid rnam par snang mdzad kyi rang bzhin gyi sa'i snying por bsam par bya ba'o//mtshon mchog ces bya ba ni lha'i mig gi mngon par shes pa thob pa'i phyir smin ma bteg cing rnam par gdangs pa'i mig gis lag mthil du skyu ru ra'i 'bras bu bzhag pa bzhin du dngos po thams cad yang dag par mthong ba'i sgo nas so sor rtogs pas mtshon mchog ste sa'i snying po'o//de skad du yang mda' dang gzhu dang smin ma bteg pa zhes gsungs so/ /rdo rje'i sku dang zhes bya ba ni rgyur gyur pa'i rnam par snang mdzad dang 'dra bar 'gyur ba'o/ /nam mkha' rdo rje zhes bya ba ni pad+ma yin zhing / de dang yang dag par sbyor ba las lha thams cad 'byung ba ni dam tshig ste/ ting nge 'dzin gang la brten pa'i lha'i bkod pa'i gnas pad+ma nyid yod pa de la de skad ces bya'o/ /'jig rten pa'i mngon par shes pa yang yod pas de la khyad par du bya ba'i phyir/ sangs rgyas mngon shes dam tshig mchog /ces bya ba la sogs pa gsungs te/ sangs rgyas rnams kyi mngon par shes pa ni/ lha'i mig dang / rna ba dang / sngon gyi gnas rjes su dran pa dang / gzhan gyi sems shes pa la/ rdo rje rdzu 'phrul rnams rnam pa thams cad du shes pas na mngon par shes pa'o//de rnams nyid 'da' bar mi bya ba nyid yin pa'i phyir dam tshig ste/ de rnams kyi mngon par shes pa lnga dang ldan pa dang 'dra bar 'gyur ro/ /'di ni zhes bya ba ni bshad ma thag pa dang 'chad par 'gyur ba thugs la bsdogs nas gsungs pa'o//sangs rgyas dkyil 'khor zhes bya ba ni mA ma kI dang mi bskyod pa'i dkyil 'khor ro/ /rdo rje sems dpa' zhes bya ba ni/ de'i dbus su mi bskyod pa ste/ rdo rje sems dpa' ni mi bskyod pa zhes 'byung ba'i phyir ro/ /ye shes ni byang chub sems kyi bdag nyid kyi dang po'i rdo rje ste/de'i lte ba'i yi ge oM ni ye shes oM mo/ /bsgom par bya zhes bya ba ni/ rig ma'i pad+mar de yang gyur nas phyag na rdo rje'i gzugs su bsam pa'o/ /rdo rje dam tshig gsum zhes bya ba ni/ yi ge gsum gyis sku la sogs pa byin gyis brlabs par byas la phyung ste des kyang sems can rnams kyis rna ba'i mngon par shes pa thob par byas la/de bkug nas rang gi lus la bcug ste/ bdag nyid phyag na rdo rje'i gzugs su bsgom pa'o/ /mi bskyod pa yi sku dang 'dra/ /zhes bya ba la sogs pas ni mi bskyod pa'i rang bzhin can gyi phyag na rdo rjer 'gyur ba'o//sku mngon par byang chub pa gang la mi bskyod pa nyid dam tshig ste/ rgyu yod pa de nyid rdo rje yin zhing / ting nge 'dzin gang la de yod pa de la de skad ces bya'o/ /sangs rgyas dkyil 'khor zhes bya ba ni/ rin po che'i dam tshig gi chos 'byung gi nang du rin chen 'byung ldan gyi dkyil 'khor ro//nam mkha' rdo rje rab bsgoms la/ /zhes bya ba ni/ de'i dbus su rin chen 'byung ldan nyid de/ rgyu la 'bras bu nye bar btags nas brjod do/ /rin chen oM zhes bya ba la/ nyi ma 'char ka lta bu'i rin po che zur brgyad pa'i nang na gnas pa'i yi ge oM ni rin chen oM mo//rab bsgom zhes bya ba la sogs pas ni/ nam mkha'i snying po la sogs pa kun du bzang po la thug pa rnams rang gi de bzhin gshegs pa gyur pa sngon du 'gro bas bskyed pa dang / phyag na rdo rje bzhin du sems can thams cad kyi sna dang lce dang lus dang yid kyi skye mched rnams sbyong ba bstan to//dkon mchog dpal gyi 'od dang 'dra/ /zhes bya ba ni/ de dang mtshungs pa'i kha dog dang dbyibs la sogs pa dang ldan pa'o/ /bdag med byang chub kyi ye shes ni thabs dang shes rab mnyam pa nyid kyi ye shes so/ /de nyid sba bar bya ba nyid yin pa'i phyir gsang ba'o//stobs dang mi 'jigs pa la sogs pa sangs rgyas kyi yon tan tshogs rnams kyi rten nyid yin pa'i phyir gnas so/ /'gyur zhes bya ba ni sgrub pa po'o/ /rin po che'i dam tshig ni dkon mchog dpal te/ gang la de'i longs spyod de sku mi phyed pa yod pa de la de skad ces bya'o//sangs rgyas dkyil 'khor ni gos dkar mo'i pad+ma 'od dpag tu med pa'i dkyil 'khor ro/ /'jig rten dbang phyug ces bya ba ni 'od dpag tu med pa'o/ /pad+ma dmar skya 'dab ma brgyad pa'i lte ba na gnas pa'i yi ge oM ni chos kyi oM mo//sems can thams cad rdo rje theg pa chen po bstan pa'i sgo nas kun du dga' bar byas te/ lam de las 'dzud par byed pas na theg chen lam ni 'byung ba'o/ /yon tan tshad med cing mi phyed pa rnams kyi mthu ni nus pa khyad par can te gang la de phun sum tshogs pa'i dpal yod pa de la de skad ces bya'o//sangs rgyas dkyil 'khor ni 'phags ma sgrol ma'i mtsho skyes la gnas pa'i don yod par grub pa'i dkyil 'khor ro/ /rdo rje ut+pa la ni don yod grub pa ste/ ut+pa la'i mtshan mas nye bar mtshon pa'i 'phags ma sgrol ma dang yang dag par ldan pa nyid yin pa'i phyir rdo rje ut+pa la zhes bya'o//dam tshig ni sna tshogs rdo rje ste/ de'i lte ba'i yi ge oM ni dam tshig oM mo/ /rdo rje don yod 'dra ba'i 'od/ /ces bya ba ni don yod par grub pa dang mtshungs pa'i sgrib pa thams cad rnam par sel bar 'gyur ba'o/ /mi shes pa'i rlabs 'joms pa dang /ye shes kyi rgya mtsho mngon par 'phel bar byed pa'i phyir ye shes mtsho'o/ /de nyid kyi phyir 'jig rten pa dang 'jig rten las 'das pa'i ting nge 'dzin rnams phun sum tshogs pa'i sgo nas 'gro ba ma lus pa rnams kyi don byed pa'i phyir sems can kun don 'byung ba'o//'phags pa kun du bzang po yang rim pa 'di nyid kyis bskyed par bya ste/ gnyi ga yang las kya rigs nyid yin pa'i phyir bcom ldan 'das kyis tha dad par rnam par dbye ba mdzad do/ /gdon mi za ba'i dam tshig ni don dam par grub pa ste/ de las byung ba ni sgrib pa thams cad rnam par sel ba'o/ /'od zer ye shes mchog ni don dam par grub pa nyid de/ 'od zer gyi dkyil 'khor la bzhugs pa nyid dang de'i 'od zer las byung ba nyid yin pa'i phyir ro/ /de las byung ba ni kun du bzang po ste/ ting nge 'dzin gang la de dag yod pa de la de skad ces bya'o//snga ma bzhin du dam tshig gi dkyil 'khor du rnam par snang mdzad kyi rnal 'byor byas te/ sku gsum oM ni rab tu bsgom/ /zhes bya ba la/ yi ge oM dang pos ni chos kyi sku'i rang bzhin gyi zla ba'i dkyil 'khor ro/ /gnyis pas ni 'khor lo rtsibs brgyad pa sa bcu'i dbang phyug rnams la chos kyi 'khor lo bskor bar byed pa'o//gsum pas ni de'i lte bar sprul pa'i sku'i bdag nyid do/ /rab tu bskor zhes bya ba la sogs pas ni sa'i snying po'i ting nge 'dzin bskyed pa bzhin du byams pa'i ting nge 'dzin bskyed par bya bar bstan te/ 'on kyang yang dag par sbyor ba las byung nas sems can thams cad phan tshun byams pa chen po'i sems dang ldan par byed do//de ni zhes bya ba ni rnal 'byor pa'o/ /ye shes ni me long lta bu'i ye shes te/ des phyin ci ma log pa'i rnam par rtogs pas ni rdzogs pa'i byang chub bo/ /sku gsum mi phyed sgrub pa zhes bya ba ni rang nyid sku gsum gyi bdag nyid can yin pa'i phyir sems can rnams kyang de'i rang bzhin can du sgrub par byed pa yin no zhes bya ba'i don to//lus dang ngag dang yid dmigs pa/ /zhes bya ba ni/ lus dang ngag dang yid rnams la rnam par snang mdzad kyi rgyu mthun pa byams pa'i rnam par bsgoms pa yin zhing /gang la de nyid rdzogs pa'i byang chub dang / de nyid rdo rje yin pa yod pa de la de skad ces bya'o/ /rnam par dben pa zhes bya ba la sogs pas ni mngon par shes pa bsgrub pa'i gnas gsungs so/ /mi bskyod ye shes rdo rje sogs//zhes bya ba ni/ rang gi btsun mo'i nam mkha'i dbyings na gnas pa ji skad bshad pa'i dkyil 'khor du mi bskyod pa la sogs pa lha gang yang rung ba'i rnal 'byor byas nas so/ /sangs rgyas mchog ni gnas su bsgom/ zhes bya ba la/ sangs rgyas ni rnam par snang mdzad la sogs pa rnams so//de rnams kyi mchog ni dam pa ste rgyal ba'i sras sa'i snying po la sogs pa rnams sam/ sangs rgyas kyi gzugs yin zhing / de rnams kyang mig la sogs pa'i gnas rnams su bsgoms na mngon par shes pa lnga dang ldan par 'gyur ro/ / de brjod par bya ste/ mig dang rna ba dang sna dang lce dang lus kyi skye mched rnams la/ bshad ma thag pa'i sa bon rnams kyis sa'i snying po dang phyag na rdo rje dang nam mkha'i snying po dang / 'jig rten dbang po dang sgrib pa rnam par sel ba'i gzugs rnam par bsgom par bya'o/ /de nas dad pa'i dbang po rnam par dag pa'i 'phags pa sa'i snying po bsgom pa grub pas ni lag mthil gyi skyu ru ra'i 'bras bu bzhin du dngos po thams cad mthong ngo //de kho na bzhin du phyag na rdo rje bsgoms pas ni bskal pa 'jig rten gyi khams rnams gnas pa'i sgra rnams rna na gnas pa bzhin du thos te//dad pa dang ldan pa nyid kyis yang dag par mthong ba dang thos pa yin no zhes bya ba'i rigs pas so/ /dran pa'i dbang po rnam par dag pa'i 'phags pa nam mkha'i snying po bsgoms pas ni bskal pa grangs med pa 'das pa'i dus kyi skye ba la sogs pa dang bya ba la sogs pa byung ba zhag gsum pa la byung ba bzhin du dran par 'gyur ro//ting nge 'dzin gyi dbang po rnam par dag pa'i 'phags pa 'jig rten dbang phyug bsgoms pas ni sems can gyi sems kyi spyod pa dang bya ba dang g.yo ba thams cad rnam pa thams cad skad cig gcig kho nas shes par 'gyur ro//brtson 'grus kyi dbang po rnam par dag pa'i 'phags pa sgrib pa thams cad rnam par sel ba bsgom pa'i sgo nas grub pa ni rnam pa sna tshogs pa'i sprul pa rnams kyis 'gro ba ma lus pa rnams kyi bya ba sgrub par byed do//shes rab kyi dbang po rnam par dag pa'i 'phags pa kun du bzang po snying gar bkod pa'i bsgoms pas kyang zag pa thams cad zad pa'i ye shes grub par 'gyur te/ de ni mngon par shes pa drug pa'o/ /lha'i rnal 'byor gyi dus su yang tha mal pa'i mig la sogs pa'i rnam par rtog par spang bar bya ba dang /rnam par byang ba'i ngo bor bsgrub pa'i phyir/ de rnams dgod par bya ba kho na yin te/ 'di nyid las/ rdo rje skye mched nyid dag ni/ /byang chub sems dpa'i dkyil 'khor mchog /ces bstan pa'i phyir ro/ /dkyil 'khor la ni 'phags pa 'jam pa'i rdo rje la sogs pa byams pa la thug pa'i byang chub sems dpa' brgyad dgod par bya'o zhes bya ba ni man ngag yin no//mngon par shes pa'i dam tshig ston par mdzad pa'i phyir dam tshig chen po rdo rje mngon par mkhyen pa ste dpal rdo rje sems dpa'o//gnas lnga dag tu sbyor ba yis/ /zhes bya ba ni ji ltar mi bskyod pa'i rnal 'byor pas bshad ma thag pa'i gnas lnga ru yi ge hUM las byung ba'i rdo rje rtse lnga pa 'od zer dkar po la sogs pa dang ldan pa bsgoms pas mngon par shes pa lnga dang ldan par 'gyur ba de bzhin du/rnam par snang mdzad kyi rnal 'byor pas oM las byung ba'i 'khor lo bsgoms pas kyang de kho na bzhin du 'gyur ba'o/ /de ni nye bar mtshon pa yin te/ dkon mchog dpal la sogs pa lha gang yang rung ba sgom pa pos rang gi sngags las byung ba'i bdag nyid kyi phyag mtshan gnas lngar bsgoms pas kyang mngon par shes pa lnga dang ldan par 'gyur ro zhes bstan pa yin no//rdo rje nam mkha'i dkyil nyid du/ /zhes bya ba la sogs pa ni ji skad bshad pa'i rnam par snang mdzad kyi dkyil 'khor gyi dbus na bzhugs pa'i rdo rje 'chang chen por mos pa dang ldan pas rang gi snying ga'i zla ba la yi ge oM bkod la/de'i 'od zer gyi tshogs rnams kyis lus la sogs pa snang ba med par byas te/ chos thams cad la bdag med par lhag par mos pa'i sgo nas bdag nyid 'khor lo'i rnam par yongs su gyur par bsams nas/de la de bzhin gshegs pa thams cad bcug ste/ thams cad gyur par byas nas rnam par snang mdzad kyi gzugs su bsgom pa ni de dang 'dra bar 'gyur bar bstan to/ /de'i phyir/ sangs rgyas gnas dang 'dra bar 'gyur/ /zhes gsungs so/ /de ltar tshul 'dis gang gi mtshan ma'i phyag rgya'i gzugs su gyur par byas te bdag nyid bsgom pa ni de dang mtshungs par 'gyur ro//sangs rgyas ni rdo rje 'chang ste/ de'i dkyil 'khor ni sangs rgyas dkyil 'khor ro/ /'di ni thams cad la kun du sbyar bar bya ste/ sangs rgyas rdo rje 'chang du brjod//ces 'byung ba'i phyir ro/ /bdag gi lus la snang mdzad gzhag /ces bya ba ni/ de'i dbus su rdo rje 'chang gi nga rgyal dang ldan pas 'dug ste/ rang gi snying ga'i zla ba la yi ge oM bkod la/ de las byung ba'i 'od zer gyi tshogs rnams kyis nam mkha'i dbyings thams cad khyab pa'i de bzhin gshegs pa la sogs pa rnams la kun du reg ste/rnam par snang mdzad kyi gzugs su yongs su gyur pa bsdus nas rang gi lus la bcug ste/ thams cad gyur par byas nas bdag nyid rnam par snang mdzad du bsam pa'o/ /sngags la rnam par shes pa bsgom//zhes bya ba ni rang gi snying ga na bzhugs pa'i ye shes sems dpa'i thugs kar zla ba la yi ge oM bkod la/ der gyur pa'i sems kyi nga rgyal du ji srid mngon sum du mthong ba de srid du nyin dang mtshan du bsgom par bya ba'o/ /sgra la sogs pa nye bar gyur pa 'dzin pa'i shes pa'i rgyu ba med pa'i phyir 'gog pa'o//rdo rje sems nyid du zhes bya ba ni yi ge oM de'i rang bzhin du gyur par ro/ /de ltar bsgom pa'i sgo nas sems rin po che brtan par gyur pa'i rnal 'byor pa de ni yid bzhin gyi nor bu rin po che bzhin du mngon par 'dod pa'i dbang gis sangs rgyas nyid la sogs pa'i dngos grub 'grub par byed par 'gyur ro//rnam par snang mdzad bzhin du mi bskyod pa dang 'od dpag tu med pa bsgom pa yang blta bar bya'o/ /de ni nye bar mtshon pa yin te/ dkon mchog dpal la sogs pa lha gzhan gyi rnal 'byor pa rnams kyis kyang rim pa de kho na bzhin du snying gar sngags bsgom par bya zhing /'bras bu yang de dang 'dra ba kho na'o/ /gsal ba'i dkyil 'khor zhes bya ba ni btsun mo'i nam mkha'i dbyings kyi rnam par snang mdzad kyi dkyil 'khor te/de'i dbus su rnam par snang mdzad kyi rnal 'byor ji lta ba bzhin du byas la/ mgo dang lkog ma dang snying ga'i phyogs na gnas pa'i 'khor lo'i lte bar yi ge oM kha dog dkar po bkod de/ de las byung ba'i ye shes kyi bdud rtsi zla ba lta bu'i tshogs rnams kyis lus kyi yan lag thams cad la kun du khyab par bsam par bya'o//bsgom pa de'i sgo nas grub pa ni rnam par snang mdzad dang mtshungs pa'i bskal par gnas pa'i sku can du 'gyur ro/ /de bzhin du rang gi dkyil 'khor na gnas pa'i 'od dpag tu med pa'i rnal 'byor pas lus la sogs pa'i gnas na gnas pa'i pad+ma'i lte ba la yi ge AHdang /mi bskyod pa'i rnal 'byor pas ni rdo rje'i lte bar yi ge hUM bkod la/ de las byung ba'i ye shes kyi bdud rtsi kha ba lta bu'i tshogs rnams kyis rang gi lus kun du khyab par sgom pa na grub pa ni bskal par gnas pa'i sku bzang po dang ldan par 'gyur ro//sku dang gsung dang thugs gtso bor byas pa'i sgo nas de skad du bstan pa yin te/ lha gzhan sgom pa pos rim pa de nyid bzhin du rang gi sngags bkod de/ bsgom pa yang bskal par gnas par 'gyur ro/ /le'u bcu gcig pa'i rnam par bshad pa'o// //de ltar 'gog pa'i rdo rje bsgom pa'i sgo nas mtshan ma thob pa'i rnal 'byor pa rnams kyis mi snang ba la sogs pa'i dngos grub bsgrub par bya ba dang /rnal 'byor dang rjes su rnal 'byor byas pa rnams kyis phung po la sogs pa byin gyis brlabs pa'i rjes thogs la sku dang gsung dang thugs byin gyis brlab pa'i gsol ba gdab par bya dgos pas/de bzhin gshegs pa thams cad kyi rdo rje sbyor ba'i dam tshig bsgrub pa'i mchog bstan pa'i le'u bcu gnyis pa de nas zhes bya ba la sogs pa gsungs te/ bka' stsal ba zhes bya bar sbyar ro/ /lam log par ltung ba'i sems can gyi khams rdzogs pa'i byang chub kyi thabs kyi lam yang dag pa la gzhug par bya ba'i phyir ston par mdzad pas na ston pa'o//sems can gyi rgyud rnams sangs rgyas la sogs pa'i rnam par skyed par mdzad pas na skyed pa'o/ /de bzhin gshegs pa thams cad kyi ye shes ni ye shes mchog ste/ de sems can rnams kyi rgyud la skyed par mdzad pas na ye shes mchog sgrub pa'o//'byung ba rnams ni sems can dang sems can ma yin pa'i rang bzhin rnams te/ de rnams nam mkha' dang mtshungs pas 'da' bar bya ba ma yin pa ni mkha' mtshungs dam tshig 'byung ba rnams so/ /rnam par rtog pa thams cad dang bral ba ni don dam par skye ba med pa rnams so//de'i phyir chos rnams rang bzhin dag pa la/ /zhes bya ba gsungs so/ /rol mo 'di dag rab tu bsgom/ /zhes bya ba ni 'jam pa'i rdo rje la sogs pa bsgom pa'i rang bzhin 'chad par 'gyur ba'o/ /dgon pa chen po'i sa phyogs sam zhes bya ba la sogs pas ni dngos grub thams cad bsgrub pa'i gnas gsungs so//de la kun nas dpag tshad bco lnga'i tshad dang ldan zhing grong la sogs pa med pa'i dgon pa ni dgon pa chen po'o/ /gzhan ni go sla'o/ /sngar bshad pa'i cho ga kho na bzhin du yi ge maM las bdag nyid 'jam pa'i rdo rje'i gzugs su rnam par bsgoms te/lus dang ngag dang yid kyi gnas su bkod pa'i 'khor lo'i dkyil 'khor la yi ge maM 'od zer rab tu 'phro ba bkod la/ 'od zer gyi rtse mo las byung ba'i 'phags pa 'jam pa'i rdo rje'i sprin spros pa rnams kyis nam mkha' kun du bkang ste/bsdu ba dang bstim pa dang brtan par bya ba dang rjes su mnyes par bya ba snga ma bzhin du yang dang yang du bsgom pa na 'jam pa'i rdo rjer 'gyur ro zhes bya ba'i don to/ /dpal rdo rje 'jam pa'i mchog gi dam tshig ni de sgom pa po'o/ /de mi snang ba ste mi mngon par byed pas na mi snang bar byed pa ste/ting nge 'dzin gang la ming de skad ces bya ba nyid yod pa de la de skad ces bya'o/ /khar bcug nas ni bsgom par bya/ /zhes bya ba ni phul du byung ba 'thob cing lha rnams kyis rjes su gnang ba byin pa'i rnal 'byor pa 'jam pa'i rdo rje la sogs pa gang yang rung ba'i rnal 'byor dang ldan pas rang gi sku dang gsung dang thugs rdo rje las byung ba'i bdud rtsi lnga cha mnyam par byas pa ma sha gcig blangs te/zangs ma sha gcig dang rngul ma sha gnyis dang gser ma sha bzhi go rims bzhin du gtums pa'i ri lu byas la rang gi kha'am rig ma'i bya'i mchur bcug ste/de'i nang na gnas pa'i dkyil 'khor dang bcas pa'i rang gi bdag po nam mkha' dang mtshungs pa'i rnam par bsams la/ de na gnas pa'i de bzhin gshegs pa thams cad dang lhan cig tha mi dad pa'i nga rgyal du bsgom pa'o//kha cig na re kha thams cad du bcug la bsgrub par bya'o zhes zer ro/ /rang gi sngags kyis rab bsgoms nas/ /zhes bya ba ni rang gi dkyil 'khor la gnas pa'i rnam par snang mdzad kyi rnal 'byor dang ldan pa'am/ gtsug tor chen po'i rnal 'byor dang ldan pas yi ge oM mam yi ge b+h+rUM gyis mdun du 'khor lo 'od 'phro ba dang bcas shing mdangs mchog dang ldan pa bskyed la/de'i nang na gnas pa'i sangs rgyas thams cad spro ba dang bsdu ba'i tshul du ji srid 'bar bar gyur pa de srid kyi bar du bsgom/ de nas sangs rgyas spyan zlos shing blang bar bya ba'o/ / de nas 'bar bar gyur pa'i steng du dbang chen gyi dkyil 'khor bsgoms na zhi bar 'gyur te/ de thogs pa nyid kyis rnam par snang mdzad dang mtshungs pa'am/ gtsug tor chen po dang mtshungs par 'gyur ro/ /gang la 'khor lo bskyed pa'i dam tshig ste rgyu yod pa de la de skad ces bya'o/ / rdo rje chen po'i rang sngags kyis/ /zhes bya ba ni rang gi dkyil 'khor na gnas pa'i rdo rje 'chang chen po'i rnal 'byor ram mi bskyod pa'i rnal 'byor byas la/ mdun du yi ge hUM las rdo rje 'bar ba bskyed de/ de'i nang na gnas pa'i rdo rje'i rigs bsgom zhing 'bar bar gyur pa de kho na bzhin du rang gi rig ma zlos shing blang bar bya'o//yon tan dag gi gnas zhes bya ba ni sangs rgyas kyi yon tan gyi tshogs thams cad kyi rten mA ma kI la sogs pa rnams so/ /gang la rdo rje dang mnyam zhing mtshungs pa'i dngos grub nyid yod pa de la de skad ces bya'o/ /rang sngags rdo rjes zhes bya ba ni de kho na bzhin du yi ge a yis so//chos rnams kun gyi zhes bya ba ni de'i rigs kyi lha rnams kyi'o/ /snga ma bzhin du thogs pas bsam gyis mi khyab pa'i chos ni 'od dpag tu med pa ste de dang 'dra bar 'gyur ro/ /ri rab sum cu rtsa drug gi rdul phra rab kyi rdul snyed kyi de bzhin gshegs pa rnams kyis so//dag pa'i bdag nyid ces bya ba ni dag pa'i bdag nyid kyi byang chub sems dpa'o/ /sangs rgyas ni rdo rje rnam par snang mdzad la sogs pa rnams yin zhing de rnams kyi mchog gi dkyil 'khor ni khams gsum pa'i chos kyi rgyal po'i gdan te/ de la bzhag nas dbang bskur bar mdzad do zhes bya ba'i tha tshig go//pad+mo mnyam pa nyid ces bya ba ni snga ma dang 'dra ba kho na'o/ /gnas zhes bya ba ni bshad zin to/ /rang gi sngags kyis ral gri bsgom/ /zhes bya ba ni snga ma bzhin du ral gri thogs pas 'grub pa'o/ /ral gri 'dzin pa'i dus su bzlas pa'i rig sngags ni 'phags ma sgrol ma'o//rdo rje gsum rigs 'dzin pa ni don yod par grub pa dang mtshungs pa'i byang chub sems dpa'o/ /lha min phyag byas pa zhes bya ba ni stong gsum gyi bdag po rnams kyis kyang zil gyis mi non pa'o/ /spyod pa'i rgyud la sogs pa rnams kyis 'grub pa'i rig pa 'dzin pa rnams las mchog tu gyur pa nyid yin pa'i phyir mi mchog gsang ba'o//de dngos grub ji lta bu mngon par 'dod pa de lta bu rdo rje 'chang chen pos de la ster bar 'gyur ro/ /ral gri thams cad las dam par gyur pa ni ral gri thams cad kyi dam pa yin zhing /gang la de nyid dam tshig yin pa yod pa de la de skad ces bya'o/ /oM ni ri lu tsa na ka'i/ /'bru tshad tsam du bsams nas ni/ /zhes bya ba ni mtshan ma thob pa'i rnal 'byor pas rang gi dkyil 'khor du rnam par snang mdzad kyi dkyil 'khor byas te/ yi ge oM las byung ba'i tsa na ka'i 'bras bu'i tshad tsam gyi ri lu rnam par bsams la/de'i dbus su de kho na bzhin du rang gi bdag po bsam pa'o/ /de bzhin du 'dod chags dang zhe sdang gi rigs dag pa ni rang gi lha'i rnal 'byor gyis yi ge a dang yi ge hUM dag gis ri lu bsgrub par bya'o//mkha' dbyings gsal ba'i dkyil gnas par/ /zhes bya ba ni sangs rgyas spyan gyi nam mkha'i dbyings kyi sku'i dkyil 'khor gyi dbus na gnas pa'i zla ba'i gdan la rnam par snang mdzad kyi rnal 'byor byas te/ g.yas pa'i rtsa ba'i phyag na yi ge oM las byung ba'i 'khor lo de bzhin gshegs pa'i rigs spro ba dang bsdu ba dang ldan pa thogs pa bsam pa'o//rdo rje chen po'i rigs bsgom ste/ /zhes bya ba ni rnam par snang mdzad la sogs pa'i rigs kyi rnal 'byor pa rnams kyis kyang bsgrub par bya ba'o/ /rdo rje skur ni rab sbyor zhing //zhes bya ba ni rnam par snang mdzad la sogs pa bsgoms pa bzhin du rigs thams cad kyi rnam pa rnams kyis bsgom par bya'o zhes bya ba'i don to/ /de bzhin du mi bskyod pa dang rin chen dbang dang 'od dpag tu med pa dang don yod par grub pa'i rnal 'byor pa rnams kyis rang gi rig ma'i pad+ma na gnas pa'i rang gi dkyil 'khor gyi dbus su go rims bzhin du nyi ma dang rin po che dang pad+ma dang 'od kyi gdan rnams la 'dug ste/oM dang hUM dang AHdang hA zhes bya ba rnams la gnas pa'i rtsa ba'i phyag tu rdo rje dang rin po che dang pad+ma dang ral gri rnam par bsgom par bya'o//'phags pa stobs po che la sogs pa'i rnal 'byor pa rnams kyis kyang rim pa de kho na bzhin du rang gi phyag mtshan rnams bsgrub par bya ba yin pas de'i phyir rtse gsum zhes bya ba la sogs pa gsungs so/ /'da' bar bya ba ma yin pa'i phyir 'khor lo la sogs pa'i dngos grub sgrub pa ston par mdzad pa'i phyir dam tshig chen po'i dngos grub rdo rje ste dpal rdo rje sems dpa'o//brtul zhugs spyad cing dngos grub sgrub pa la zhugs pa'i rnal 'byor pa rnams kyis thun bzhir dam tshig bsten par bya ba yin pas/ de'i phyir rdo rje lcags kyu la sogs pa bsgrub pa sngon du 'gro ba can gyi bud med la sogs pa dgug pa gsungs te/re zhig dang por lam gyi bzhi mdo la sogs pa'i gnas su dkyil 'khor kun du brtags la/ de'i dbus su 'dug ste/ rdo rje lcags kyu bsgrub par bya'o/ /sbyor gsum rdo rje can zhes bya ba ni rang gi snying ga'i pad+ma'i steng gi zla ba la bzhugs pa'i ye shes sems dpa'i ngo bo'o//sbyor gsum zhes bya ba la sogs pa ni bdag nyid gsum gyi rang bzhin can gyi dpal rdo rje 'chang gi gzugs su grub pa'i bar du'o/ /kyo ba dang zhes bya ba ni ye shes sems dpa'i thugs ka'i zla ba la gnas pa'i rdo rje'i lte bar yi ge hUM las byung ba'i lcags kyu gyur pa las phyag g.yas pa na lcags kyu thogs pa'i lha'i gzugs bsams la phyung ste mdun na 'dug pa'i shing rta la gnas pa spro ba dang bsdu ba la sogs pa'i rim gyis ji srid du rang nyid bka' nod par snang ba de srid kyi bar du bsgom pa'o//sangs rgyas ye shes blo can gyi/ /sku gsung thugs zhes bya ba ni mngon par dga' ba'i 'jig rten gyi khams na bzhugs pa'i rdo rje 'chang chen po rnams kyi thugs ka na gnas pa'i ye shes kyi lha'i gzugs yi ge yaM las byung ba'i rlung gi dkyil 'khor gyi steng du bzhag nas des rdo rje lcags kyus snying ga nas btab ste bkug nas bka' bsgo ba nges par sbyar bar bya ba'o//de bzhin du lha la sogs pa'i bu mo rnams ting nge 'dzin gyis bkug ste/ nye bar longs spyod par bya'o/ /rim pa de nyid kyi rnam par snang mdzad la sogs pa'i rnal 'byor pas rang gi sa bon las byung ba'i 'khor lo la sogs pa'i rang gi phyag mtshan gyi lcags kyu lag na thogs pa'i lha'i gzugs bskyed de sgom pa na de kho na bzhin du 'grub par 'gyur ro//rdo rje lcags kyu la sogs pa'i lha bsgom pa'i sgo nas dgug par bya ba 'ba' zhig tu ma zad kyi/rang gi lag na gnas pa'i rdo rje la sogs pa'i lcags kyu rnams kyis kyang bya bar bshad de/ sangs rgyas sku ni zhes bya ba ni snga ma bzhin du bdag nyid mtshan dang dpe byad thams cad kyis rnam par spras shing rgyan thams cad kyis brgyan pa'i rdo rje 'chang chen por bsams la/lag tu zhes bya ba lag pa g.yas par yi ge hUM las byung ba'i rdo rje lcags kyu spro ba dang bsdu ba'i rim pas ji srid du dngos su snang ba de srid du bsgom par bya zhing / de nas lcags kyu des de kho na bzhin du ye shes kyi lha la sogs pa bkug nas rang gi bka' la sbyar ba dang nye bar longs spyod par bya ba'o//sku dang gsung dang thugs kyi zhes bya ba ni/ sku dang gsung dang thugs rdo rje'i rnal 'byor pas kyang lag pa g.yas par yi ge oM la sogs pa las byung ba'i rdo rje la sogs pa'i lcags kyu gsum snga ma bzhin du bsgrub pa'o//sogs pa smos pas ni rin chen dbang la sogs pa lha thams cad kyi rnal 'byor pa rnams kyis kyang swA hA la sogs pa las 'byung ba'i rang gi phyag mtshan gyi lcags kyu rnams bsgrub par bya'o zhes bstan to/ /gnas las byed ces bya ba ni 'gugs par byed par 'gyur ba'o//rang gi lha'i rnal 'byor gyis rig ma thams cad rjes su mnyes par bya'o zhes bstan pa'i phyir rdo rje'i sku ni zhes bya ba la sogs pa gsungs te/ bdag nyid rang gi lha'i rnam par yang dag par bskyed la/ rang gi lce rdo rje rtse lnga pa kha dog dmar ba'i gzugs dang / de'i rtse mor yi ge ho kha dog dmar po 'od zer lnga 'bar ba rnam par bsam ste/phyi rol gyi bud med lha mo'i gzugs su snga ma bzhin mos par byas la de'i b+ha ga'i byang chub kyi sems 'byung ba'i rtsa lce rdo rje gzhug pa dang dbyung ba'i rim gyis ji srid du 'o ma'i thig le 'dzag pa de srid du bskul bar bya'o//de nas ji ltar bcom ldan 'das 'dod chags rdo rjes rig ma thams cad rjes su mnyes par spyod pa de bzhin du 'di yang 'gyur bas de'i phyir rdo rje lce'i sbyor ba bsgoms na/ rdo rje'i gsung dang 'dra bar 'gyur/ /zhes gsungs so/ /gsang gsum dam tshig ni lha thams cad kyi gzugs yang dag par ston pa'i mtshan nyid can gyi dpal rdo rje sems dpa'o//de'i mchog gi mchog ni mchod pa'i gtso bo ste/ bla na med pa la sogs pa'i mchod pa'i ngo bo nyid yin pa'i phyir ro/ /mchod nas zhes bya ba ni lces bskul ba'i rjes thogs la rdo rje dang chu skyes yang dag par sbyor ba bya ste/bla na med pa la sogs pa rnams kyis yang dag par mchod la/ mchog tu zag pa med pa'i bde ba chen po bsgom par bya'o/ /de'i phyir/ gsang ba'i snying po bsdus pa yin/ /zhes gsungs so/ /bla na med pa la sogs pa'i mchod pa rnams ston par mdzad pa'i phyir gsang ba chen po'i dam tshig ste dpal rdo rje sems dpa'o//sha chen zhes bya ba la sogs pas ni mthu thob pa'i rnal 'byor pas phyag rgya chen po la sogs pa'i dngos grub kyi bye brag gi sgo nas bkug ste/ rang dang rjes su mthun pa'i sha la sogs pa rnams nye bar longs spyad par bya'o zhes bstan to//thams cad bsam pas rnam par brtag /ces bya ba ni nus pa med pas kyang gang gi tshe goms par byed pa'i dus ma rnyed pa de'i tshe/ bza' ba la sogs pa'i rang 'dod pa'i dngos grub kyi 'bras bu dang rjes su mthun par brtags la bza' bar bya'o//sku gsung thugs ni rdo rje can/ /zhes bya ba ni bdag nyid ji lta ba bzhin du rnam pa'i mchog thams cad dang ldan pa'i rdo rje chen po'am mi bskyod par bsams te/ snying gar pad+ma'i steng gi zla ba la dkyil 'khor dang ldan pa'i ye shes sems dpa' dang / dbu rgyan rdo rje 'chang chen po rnam par bsams la/ji skad bshad pa'i dam tshig rnams kyis ye shes kyi 'khor lo tshim par bya ba'i phyir lce'i rtse mo la rdo rje sems dpa'i rang bzhin gyi yi ge hUM bsam par bya ba'o/ /ji skad du bshad pa'i dngos grub kyi 'bras bu sgrub par byed pa nyid yin pa'i phyir mchog go//dam tshig nyams su len pa'i phyir dam tshig mchog ni sgrub pa po ste de yis so/ /ye shes rdo rje ni dngos grub kyi 'bras bu thams cad kyi rang bzhin can gyi dpal rdo rje sems dpa' ste/ ting nge 'dzin gang la de sgrub par byed pa'i zas kyi dam tshig yod pa de la de skad ces bya'o//lce la dgod pa nyid bstan pa'i phyir/ bdud rtsi lnga yi sbyor ba yis/ /zhes bya ba gsungs te/ sgrub thabs bshad pa'i cho ga bzhin du sbyang ba la sogs pa'i cho gas sha chen la sogs pa za ba na yang phyag rgya chen po la sogs pa mngon par 'dod pa'i 'bras bu thob par 'gyur ro zhes bya ba'i don to//de bzhin du 'od dpag tu med pa'i rnal 'byor pas ni rang gi ye shes sems dpa' dang rdo rje 'chang gis byin gyis brlabs pa'i cod pan rnam par bsams te/ rang gi lce'i rtse mo la 'od dpag tu med pa'i rang bzhin gyi yi ge aHbsam par bya'o//de bzhin du rnam par snang mdzad kyi sbyor bas lce'i rtse mo la yi ge oM bsam par bya'o/ /de ni nye bar mtshon pa yin te rin chen dbang la sogs pa lha thams cad kyi rnal 'byor pas kyang lce'i rtse mo la rang gi lha'i rang bzhin gyi rang gi sa bon bsgom par bya'o//'di lta bu zhes bya ba ni bshad ma thag pa'o/ /rdo rje 'dra ba zhes bya ba ni gang gi lha'i rnal 'byor bsgom pa de dang 'dra bar 'gyur ro zhes bya ba'i don to/ /dam tshig ni sha chen la sogs pa'o/ /rdo rje bdud rtsi lnga ste/ de bzhin byin gyis brlab pa'i phyir/ lha thams cad kyi lce'i rtse mo la rang gi sa bon gyi phreng ba bkod pa'i rnam par sems rtse gcig pa ni ting nge 'dzin to//sha chen dam tshig mchog gis ni/ /rdo rje gsum mchog bsgrub par bya/ /zhes gsungs pa gang yin pa de'i dngos grub kyi 'bras bu'i mthu phul du byung ba bstan pa'i phyir/ rdor gsum zhes bya ba la sogs pa gsungs te/ rdo rje gsum gyi dam tshig ste/ rgyu ni rdo rje gsum gyi dam tshig dpal rdo rje sems dpa' yin zhing / de'i dngos grub nyid 'bras bu'i mchog yin pa'i phyir dngos grub mchog go/ /de lta bur gyur na yid bzhin gyi rin po che bzhin du 'gro ba ma lus pa rnams kyi bsam pa skong bar byed pa dang thams cad du snang bar byed pa yin pa'o zhes bya ba'i don to//'khor lo'i dam tshig ni rnam par snang mdzad de/ lhag ma ni snga ma bzhin no/ /dam tshig dam pa thams cad kyi/ /zhes bya ba ni dngos grub thob pa rdo rje'i rig pa 'dzin pa grub pa rnams la sogs pa rnams kyi rig pa 'dzin pa gtso bor gyur pa'o//thams cad dam tshig mchog tu 'grub pa ni lha thams cad kyi sku thob pas dngos grub kyi mthu dang ldan par 'gyur ba'o/ /mi snang bar gyur pa zhes bya ba la sogs pa ni go sla'o/ /de bzhin du mngon par shes pa grub pa rnams kyang mthu bla na med pa dang ldan pa yin pas de'i phyir/gang+gA'i ji snyed sangs rgyas rnams/ /zhes bya ba la sogs pa gsung ste go sla'o/ /mngon par shes pa'i don ston par mdzad pa'i phyir dam tshig mngon par mkhyen pa ste dpal rdo rje sems dpa'o/ /da ni gzhan gyi don bya ba phun sum tshogs pa'i 'bras bu/sangs rgyas mngon shes don grub pa/ /zhes bya ba la sogs pa gsungs te/ sangs rgyas mngon shes ni mngon par shes pa lnga ste/ mngon par shes pa drug yin zhing / grub pa de rnams ni rnam par snang mdzad la sogs pa'i sku dang 'dra ba dang /'gro ba ma lus pa rnams kyi don byed par 'gyur ro/ /sngags kyi dngos grub thams cad ni lha bskyed pa sngon du 'gro ba can kho na yin pas de'i phyir bsnyen pa'i dam tshig ces bya ba la sogs pa gsungs te/ tshig bzhi ni mdor bstan pa yin no/ /rdo rje'i bye brag shes byas la//zhes bya ba ni thun mong dang mchog gi rnal 'byor gyi bye brag go/ /de nas las rnams bsgrub par bya/ /zhes bya ba ni rnal 'byor 'di rgyu la khyad par byed pa nyid yin par bstan te/ 'di las bshad pa gang yin pa'i dngos grub kyi las rnams bsgrub par bya'o zhes bya ba'i don to//mdor bstan pa'i tshig rnams kyis bshad pa ni/ bsnyen pa'i ting nge 'dzin zhes bya ba la sogs pa gsungs te/ bsnyen par bya zhing mnyes par bya ba yin pas bsten pa ste/ dpal rdo rje 'chang la sogs pa'i phyag rgya chen po'i bdag nyid do/ /ting nge 'dzin ni sems rtse gcig pa'i bdag nyid can gyi rig ma ste/de dang yang dag par sbyong zhing 'dus pa ni bsnyen pa'i ting nge 'dzin rab tu sbyor ba'o/ /byang chub ces bya ba ni rang gi lha'i mngon par byang chub pa'o/ /'di skad du bstan pa yin te/ sgrub thabs las bshad pa'i cho ga bzhin du rten gyi dkyil 'khor bskyed la/de'i dbus na gnas pa'i rnal 'byor pa rdo rje 'chang chen por lhag par mos pa dang ldan pas de kho na bzhin du byang chub kyi sems rnam par bsgoms te/ oM shU n+ya tA dz+nyA na badzra swa b+hA ba At+ma kou0f85haM zhes bya bas byin gyis brlab par bya'o zhes bya ba ni stong pa n yid kyi byang chub po//de nas skye ba med pa'i ri mo las byung ba'i byang chub kyi sems kyis zla ba'i dkyil 'khor la gnas pa'i A li dang kA li'i cho ga'i rjes thogs su thams cad gyur par byas nas nyi ma dang zla ba dang chu skyes la gnas pa'i yi ge gsum gyi bdag nyid du gyur te/de las byung ba'i 'od zer gyi tshogs rnams kyis 'gro ba drug gi sems can rnams dang sangs rgyas la sogs pa rnams la kun du reg nas/ rten dang bcas pa'i yi ge gsum gyi rnam par yongs su gyur pa rnams bsdus te/ rang bzhin med par lhag par mos pa'i sgo nas rang gi yi ge gsum la bcug nas/oM d+harma d+hA tu swa b+hA ba At+ma kou0f85haM zhes bya bas byin gyis brlab ste/ yang rdzogs pa'i byang chub kyi zla ba la gnas pa'i yi ge hUM bsam par bya'o zhes bya ba ni sa bon bsdus pa'o/ /de nas yi ge hUM las byung ba'i 'od zer gyi tshogs rnams k yis nam mkha'i dbyings thams cad khyab pa'i de bzhin gshegs pa la sogs pa rnams la kun du reg ste/dpal rdo rje 'chang gi rnam par bsams la/ bsdus te bcug la/ rdo rje'i bdag nyid du gyur te/ de'i nga rgyal dang ldan pas de gyur par byas nas rdo rje 'chang chen por bskyed par bya'o zhes bya ba ni sku bskyed pa'o//de nas de nyid kyi rang gi thugs kar ye shes sems dpa' rnam par bsgoms te/ phung po la sogs pa byin gyis brlabs pa'i rjes thogs la sku dang gsung dang thugs byin gyis brlab par bya ste/ rig ma 'du bya ba dang / rdo rje dang chu skyes bskyed pa dang / rjes su mnyes par bya ba dang / las la gnas pa dang / byang chub kyi sems dbyung ba la sogs pa byas la/ lha mo'i pad+ma na gnas pa'i byang chub kyi sems kyi zla bar badzra d+h+r-ika ces bya ba la sogs pas bskyed pa'i lha'i 'khor lo sa bon gsum gyis byin gyis brlabs pa phyung ste/ de 'gro ba rnams kyi don byed du bcug nas/gnas lngar bkod de/ bsdus nas bkug pa'i ye shes kyi 'khor los snying gar mtshan pa dang / phung po la sogs pa byin gyis brlabs pa sngon du 'gro ba can gyi phyag rgya bzhis rgyas btab par bsgom par bya'o zhes bya ba ni yi ge dgod pa'o/ /gzhung de tsam gyis thun mong gi sgrub pa bstan te/'di nyid las/ de nas rdo rje bzhi po yi/ /brtul zhugs brtan pas bsnyen pa bya/ /zhes gang 'chad par 'gyur ba'o/ /de ni bcom ldan 'das kyis le'u bco brgyad pa las kyang / thun mong mchog gi dbye ba yis/ /'dir ni bsnyen pa rnam gnyis 'gyur/ / rdo rje bzhi pos thun mong ste/ /zhes bshad do/ /de nyid ni dang po stong nyid byang chub ste/ gnyis pa sa bon bsdus pa'o/ /gsum pa sku ru bskyed pa ste/ /bzhi pa yi ge dgod pa'o/ /zhes bya bas bstan to/ /bsnyen pa'i ting 'dzin rab sbyor bas/ /zhes bya ba bstan pa nyid kyis rnal 'byor ma lus pa bsdus pa nyid yin pa'i phyir/nye bar sgrub pa grub mchog la/ /zhes bya ba la sogs pa rnams 'dus pa yin te/ 'di ltar stong pa nyid kyi byang chub dang / sa bon bsdus pa dang / sku bskyed pa dang / gsung ni rnal 'byor kho na yin par mngon par 'dod la/ bzhi pa yi ge dgod pa zhes bya ba 'di ni lhag ma thams cad yin no//lha'i rnal 'byor grub pa'i nye ba ste drung du sgrub pa snying gar ye shes sems dpa' bzhugs pa'i rjes su rnal 'byor bsgom pa'i mtshan nyid ni nye bar sgrub pa'o/ /de nyid dngos grub mchog sgrub par byed pa nyid yin pa'i phyir grub mchog go//rdo rje skye mched rnam par dpyad/ /ces bya ba la/ skye mched smos pa ni nye bar mtshon pa yin te/ lus po la sogs pa byin gyis brlab pa yang bstan pa yin no/ /'dis gsung byin gyis brlab pa sgrub par byed cing rdzogs par byed pas na sgrub pa'o/ /de ji ltar zhe na/bskul bar zhes bya ba la sogs pas gsungs so/ /'di skad du bshad pa yin te/ sku byin gyis brlabs pa'i rjes thogs la lkog ma'i chu skyes la gnas pa'i yi ge a'i 'od zer las byung ba'i gos dkar mo rang gi sprul pa'i tshogs kyi dbus na gnas pa rnam par spros la/ de nyid kyi sprul pa'i tshogs kyi dbus na bzhugs pa 'od dpag tu med pa mnyes par byas te bkug nas mdun na pad+ma'i gdan la bzhugs pa la tshigs su bcad pa dag gis gsol btab pa ni bskul ba'o/ /de nas bcug ste/ rdo rje chos kyi gsung gang yin/ /zhes bya ba la sogs pa'i tshigs su bcad pas nga rgyal bskyed la/gsung byin gyis brlab pa'i sngags kyis byin gyis brlab pa ni sngags kyi bdag po bsgom pa yin par gsungs so/ /'di ni sgrub pa yang yin la chen po yang yin pas na sgrub pa chen po ste/ thugs byin gyis brlab pa dang rig ma byin gyis brlab pa dang mchod pa la sogs pa'o//de'i tshe rang gi gzugs te/ rang gi lha'i rnam par nges par bsams la/ dbu rgyan la ni bdag po zhes bya ba rang gi cod pan gyi gnas na bzhugs pa'i rig ma dang snyoms par zhugs pa'i rang gi de bzhin gshegs pa'am/ dpal rdo rje sems dpas bde ba chen po las byung ba'i byang chub kyi sems kyi rgyun rnams kyi bdag nyid dbang bskur bar bsgoms na gdon mi za bar 'grub par 'gyur ro zhes bya ba'i don to/ /de ltar bskyed pa'i rim pa'i mtshan nyid kyis thun mong gi sgrub pa bshad nas da ni mchog gi rnal 'byor bsnyen pa zhes bya ba la sogs pa gsungs te/ye shes bdud rtsi yis zhes bya ba ni yan lag drug pa'i rnal 'byor gyis so/ /de la yan lag drug brjod par bya ste/ yongs su rdzogs pa dang yang dag par ldan pa'i lha'i nga rgyal dang ldan pa'i rnal 'byor pas mig la sogs pa'i dbang po lnga'i spyod yul lha mo rnams dang rjes su 'brel pa'i phyi rol gyi gzugs la sogs pa'i yul lnga la nye bar longs spyad par bya ba ni so sor sdud pa zhes bya ba dang po yin par bstan to//gzugs la sogs pa yul de rnams nyid rnam par snang mdzad la sogs pa de bzhin gshegs pa lnga'i rnam par bsam pa ni bsam gtan te bsam gtan nyid rtog pa dang dpyod pa dang dga' ba dang bde ba dang sems rtse gcig pa'i dbye bas rnam pa lnga'o//de la rtog pa ni 'dod pa dang 'dod par byed pa dang 'dod par bya ba rnams 'byung ba'o/ /dpyod pa ni de rnams la nye bar longs spyod pa'i bya ba'o//kun du chags pa yod na dga' bar 'gyur ro/ /de las dga' ba'i bde ba'o/ /de las kyang mchog tu dga' ba'i gnas zhi ba ni sems rtse gcig pa nyid du 'dod de de ni gnas gnyis pa'o/ /me long lta bu la sogs pa'i ye shes lnga'i bdag nyid sa la sogs pa 'byung ba lnga'i rang bzhin nyungs kar gyi 'bru tshad tsam gyi rin po che kha dog sna lnga pa dbugs dbyung ba'i sbyor bas rang gi snying ga nas phyung ste/pad+ma'i sna rtser bsam pa ni srog dang rtsol ba zhes bya ba gsungs pa'o/ /sngar bshad pa'i rim pa bzhin du rang gi snying gar sems sngags kyi thig ler gyur par mtshan ma lnga byung bar gyur gyi bar du khyad par du 'dzin pa ni 'dzin pa'i ngo bo ste bzhi pa'o//de la mtshan ma lnga ni smig rgyu lta bu dang du ba lta bu dang / srin bu me khyer lta bu dang / mar me lta bu dang / lnga pa sprin med pa'i nyin par gyi nyi ma phyed bzhin du thams cad du rtag tu snang ba zhes bya ba ste/mtshan ma de rnams kyi sgo nas sngags kyi thig le dam pa'i rang bzhin du rang gi sems brtan par gyur par yongs su shes par bya'o/ /de nas byang chub kyi sems de rang gi snying ga nas btsun mo'i nam mkha'i dbyings su rdo rje'i lam nas kun du spros te/ des kyang nam mkha'i dbyings ma lus pa rdo rje'i chus bum pa bzhin du yongs su gang bar bsgom pa ni rjes su dran pa zhes bya ba yan lag lnga pa'o//rjes su dran pa mthar phyin pa'i tshe rdo rje nam mkha'i dbyings na gnas pa'i sems can thams cad byang chub kyi sems kyi dbang bskur bas kun du reg pa'i sgo nas de bzhin gshegs pa dgra bcom pa yang dag par rdzogs pa'i sangs rgyas kun du bzang po rnams su gyur to snyam pa'i snang ba 'byung bar 'gyur ro//de nas sems can med pa'i bdag nyid can byang chub kyi sems kyi rdul phra rab re re'i snyed kyi rang gi rig ma dang snyoms par zhugs pa'i de bzhin gshegs pa la sogs pa'i lha thams cad kyi gzugs su bsams la/bsdus te de rnams kyi rdul phra rab las grub cing snyoms par 'jug pa la gnas pas bdag nyid bde ba chen po'i rang bzhin can gyi lha'i gzugs rdo rje'i dkyil 'khor gyi dbus na gnas par bsam pa ni ting nge 'dzin zhes bya ba yan lag drug pa'o//yan lag drug po de rnams kyis ni ye shes kyi bdud rtsi'i sgo nas yongs su grub pa'i mchog gi rnal 'byor bstan te/ le'u bco brgyad pa las/ mchog gi ye shes bdud rtsi nyid/ /rnal 'byor brtson pa dag gis bya/ /brnyes pa'i yan lag drug gis ni/ /byang chub mchog tu bsgrub par bya//gzhan dag gis ni bsgrub 'gyur na/ /dngos grub mchog tu mi 'gyur ro/ /so sor sdud dang bsam gtan dang / /srog rtsol de bzhin 'dzin pa dang / /rjes su dran dang ting 'dzin dang / /sbyor ba'i yan lag drug ces bya/ /dbang po bcu po rnams kyi yang //rang gi 'jug gnas thams cad du/ /'dod pa so sor sdud pas na/ /so sor sdud pa zhes bshad do/ /'dod pa lnga ni mdor bsdus nas/ /sangs rgyas lnga ru sbyor ba yis/ /rtag pa bsam gtan zhes bshad de/ /bsam gtan de ni rnam lngar 'gyur/ /rtog dang dpyod dang dga' ba dang //de bzhin bde ba nyid dang yang / /sems kyi rtse gcig nyid dag ste/ /lnga po der ni bsam gtan bsdu/ /gsang ba gsum 'byung rtog pa ste/ /de yi rab 'byor dpyod pa'o/ /dga' dang 'dra ba gsum pa ste/ /bde bas bsdus pa bzhi pa'o/ /shes dang shes bya 'byung zad pa'i//rang sems lnga par shes par bya/ /sangs rgyas kun gyi dngos gzhi pa/ /nam mkha' kun la rab tu gnas/ /ye shes lnga yi rang bzhin dbugs/ /'byung ba lnga yi ngo bo nyid/ /gong bu'i gzugs kyis phyung nas ni/ /sna yi rtse mor rab tu brtag /rin chen kha dog sna lnga par//srog dang rtsol ba zhes byar bshad/ /rang sngags snying gar bsams nas ni/ /srog ni thig ler gyur par gzhag /rang dbang rin chen dgag pa ni/ /gzung ba 'dzin pa yin par bshad/ /sems ni 'gog pa'i rdo rjer gyur/ /mtshan mar nyer 'dzin 'byung bar 'gyur//mtshan ma de ni rnam pa lngar/ /byang chub rdo rjes gsungs pa yin/ /smig rgyu 'dra ba dang po ste/ /du ba lta bu gnyis pa yin/ /mkha' snang 'dra ba gsum pa ste/ /mar me ltar 'bar bzhi pa'o/ /sprin med nam mkha' lta bur ni/ /rtag tu snang ba lnga pa'o/ /brtan 'gyur rdo rje'i lam nas ni//nam mkha'i khams su spro bar bya/ /rjes dran gang zhig rnam bsgom pa/ /de dang 'dra bar spro bar bya/ /rjes su dran pa zhes bshad de/ /so sor snang ba de las skye/ /thabs dang shes rab snyoms 'jug pas/ /dbang po thams cad mdor bsdus pa/ /gong bu'i gzugs kyis bsdus nas ni//dbus su gzugs ni rnam par bsgom/ /yid kyis ye shes rdzogs byed pa/ /ting nge 'dzin ces bya ba yin/ /zhes gang gsungs pa'o/ /'di ni zhes bya ba ni bshad ma thag pa'i rdzogs pa'i rim pa'i yan lag drug gi rnal 'byor pa rnams kyis bsgom par bya ba'o//'di ltar sngags rnams thams cad ni lha thams cad de/ de rnams kyi de kho na nyid kyi don ni skye ba med pa'i rang bzhin gyis rig par bya ba'i mchog tu dga' ba yin zhing sems can thams cad kyi rgyud de'i rang bzhin du byed pa'i phyir sngags kyi de nyid don sgrub pa'o/ /rnal 'byor de nyid kyi rjes su mthun pa'i gnas khyad par can ni/dgon pa chen po zhes bya ba la sogs pas gsungs te/ 'khor ba ni srid pa'i rtsa ba can yin no zhes 'byung ba'i phyir/ 'khor ba'i 'khor lo'i lte ba na gnas pa'i bud med kyi gzugs kyi sred pa nyid dgon pa chen po zhes bya ste/ 'dod chags kyi tsher ma la sogs pa rnams kyis khyab pa nyid yin pa'i phyir ro//de nyid thabs kyi lam gyis kun du sbyangs pa'i sgo nas rdzogs pa'i byang chub kyi lam du 'gyur te/ yang dag ji bzhin don mthong la/ /'khor nyid mya ngan 'das pa yin/ /zhes gang gsungs pa'o/ /de nyid 'dod chags kyi tsher ma la sogs pa rnams dang bral ba'i phyir/rnam par dag pa'i rig ma'o/ /de'i rab kyi mthar phyin pa'i phyogs ni sa phyogs te/ chos 'byung zhes bya ba'o/ /b+ha ga bzhin du rdo rje'i rigs la khyad par can gyi rig ma'i tshogs khyad par du 'phags pa rnams skyed par byed pa nyid yin pa'i phyir rab tu rnam par dben pa'o//de nyid rnam par g.yo ba med pa'i bde ba chen po'i rang bzhin nyid yin pa'i phyir ri bo'o/ /theg pa gzhan la zhugs pa'i mos pa'i dman pa rnams kyis 'jug par mi nus pa nyid yin pa'i phyir rgya mtsho'i 'jigs su rung ba dang mtshungs pa'o/ /ngogs dag tu zhes bya ba ni de dang yang dag par sbyor ba'i thabs dang shes rab kyi ngogs la gnas pa rnams kyis so//rtag tu dngos grub ces bya ba ni yid kyi mnyam pa nyid kyi bde ba chen po'i rnam pa rgyun du 'byung ba ste/ de 'thob par 'gyur zhing de'i rang bzhin du 'gyur ro zhes bya ba'i don to/ /slob dpon pad+ma'i zhal snga nas kyang shes rab kyi spring yig las/'dod chags tsher mas kun du khyab/ /ces bya ba la sogs pas bud med kyi gzugs nyid sred pa yin par bshad do/ /yongs su grub pa'i mchog gi rnal 'byor ston pa'i phyir rdo rje sgrub pa chen po'o/ /rdo rje bzhi pos bsnyen pa bya bar bshad pa des cir 'gyur zhe na/sku gsum zhes bya ba la sogs pa gsungs te/ chos dang longs spyod rdzogs pa dang / sprul pa'i sku'i rang bzhin gyi dga' ba gsum dang ldan pa dang / sku dang gsung dang thugs byin gyis brlabs pa las byung ba'i rnal 'byor gyis rnal 'byor pa 'grub par 'gyur ro zhes bya ba'i don to//dus nam gyi tshe lha'i rnal 'byor bsgom par bya zhe na/ thun bzhi dag tu zhes bya ba la sogs pa gsungs te/ mtshan mo'i tho rangs dang nye ba'i thun phyed nas bzung ste/ nyin mo thun phyed kyi bar ni thun dang po'o/ /thun gnyis pa'i mthar thug pa ni gnyis pa'o//nyin mo'i lhag ma'i chu tshod nas brtsams te/ mtshan mo'i chu tshod la thug pa ni gsum pa'o/ /mtshan mo'i thun phyed dang gnyis pa nas thun gsum pa la thug pa ni thun bzhi pa ste/ de rnams su rdo rje bzhi pos bsnyen pa sgrub pa'i bskyed pa'i rim pa'i rnal 'byor ni thun bzhi dag tu rab sbyor ba ste des so//thog ma dang tha ma med pa'i nga rgyal dang ldan pas rtag tu gnas pa rim pa gnyis pa sgom pa po la ni dus kyi nges pa med pas sangs rgyas spyan la sogs pa lha mo bzhi thun bzhi'i sgrar brjod do/ /ji ltar thun yin zhe na/ thun ni yul te mtshon par bya ba'i rang bzhin gyi bde ba chen po yin zhing de 'dod pa'i yon tan lnga las byung ba'i myos byed la sogs pa'i mda' rnams kyis so sor rtogs par byed pa'i phyir ro//rab 'byor pas te de rnams dang lhan cig yang dag par sbyor bas so/ /rab tu sbyor ba nyid bstan pa'i phyir/ blo dang ldan pas zhes bya ba la sogs pa gsungs so//'di skad du 'dod chags chen po'i tshul gyi ting nge 'dzin la gnas pa'i rnal 'byor pas de bzhin gshegs pa la sogs pa'i ye shes kyi lha'i tshogs thams cad rang gi lus la bcug nas sangs rgyas spyan la sogs pa'i lha mo'i gzugs su yongs su gyur pa phyung ste/des 'dod chags kyi spyod pa can gyi sems can thams cad kyi don byas nas bkug ste/ rang gi rig ma'i lus la bcug nas sangs rgyas spyan la sogs pa bzhir phyung ste/ phyogs bzhi na gnas pa'i phyag rgya bzhi'i dkyil 'khor gyi dbus na gnas shing yang dag par sbyor ba dang ldan pas de bzhin gshegs pa lnga'i bdag nyid kyi sgo nas mnyes par bya zhing mchog tu dga' ba'i gnas skabs su cang mi gnang bar bya'o//de nas lha mo rnams kyang bskul ba'i glu bzhis bskul bas sad nas 'gro ba ma lus pa rnams kyi don bya'o zhes bstan pa yin te/ le'u bco brgyad pa las/ 'dod chags chen po'i tshul nyid kyis/ /ye shes 'khor la bsdus nas ni/ /btsun mo rnam pa dgur spros te/ /bsgrub bya'i lus la gzhug par bya/ /phyag rgya bzhi ni rnam spros nas/ /de nas dkyil 'khor brtag par bya/ /bdag nyid dbus su 'dug byas te/ /de tshe byang chub rnam par bsgom/ / bskal pa'i glu rnams bzhi yis ni/ /lha mo rnams kyis bskul gyur pas/ /sems dpa' dag pa'i bdag nyid ni/ /langs nas 'gro ba'i don bsgrub bya/ /zhes gsungs pa'o/ /da ni bskyed pa'i rim pa sgom pa po'i dbang du byas nas/ ye shes rdo rje zhes bya ba la sogs pa gsungs te/ le'u bcu gcig pa las/oM ni sangs rgyas sku ru brjod/ /ces gsungs pa gang yin pa de nyid dran par byed do/ /mgo'i zla ba la gnas pa'i yi ge oM las byung ba'i sangs rgyas spyan gyi tshogs kyi sku rdo rje sprul pa dang bcas pa bkug la/ mdun na bzhugs pa la gsol ba btab nas bcug ste/ sku byin gyis brlab par bya'o//sdom pa yin par bshad ces bya ba ni sku rdo rje bcug pa'i sgo nas byin gyis brlab par bya'o/ /rdo rje dam tshig ni sems brtan par byed pa'i mtshan nyid de/ bskyed nas bsgrubs na myur du 'grub par 'gyur ro zhes bya ba'i don to/ /rgyas par zhes bya ba ni zla ba drug pa la sogs pa'i nyin zhag gi dbye bas bsod nams kyi tshogs ma bsags pa'i bsod nams 'phel bar bya ba'i don du'o//sems brtan zhing bsod nams bsags pas ni/ zla ba phyed kyi nang du 'grub par 'gyur ba kho na'o/ /gang las she na/ gsang ba mchog ces bya ba la sogs pas gsungs te/'di ni gsang ba yang yin la mchog kyang yin pas na gsang ba mchog ste/ dpal rdo rje sems dpa' yin zhing dpal gsang ba 'dus pa gang las de rnal 'byor pa'i rgyud las 'byung zhing skye ba yod pa de la de skad ces bya'o/ /sku byin gyis brlab pa'i sdom nyid gsal bar bya ba'i phyir/de la 'di ni zhes bya ba la sogs pas gsungs te/ nye bar sgrub pa'i sdom pa ste rjes su rnal 'byor pa la sogs pa'i mtshan nyid kyi sku rdo rje sprul pa dang bcas pa mdun na bzhugs pa ye shes kyi mig gi yul du byas pa'i phyir yul lo/ /sangs rgyas sku 'dzin zhes bya ba la sogs pa la/sangs rgyas sku 'dzin ni sku rdo rje'o/ /sku dang gsung dang thugs rdo rje mi phyed pa rnams sgom par byed pas na/ rdo rje mi phyed gsum bsgom pa ste sgrub pa pa'o/ /rdo rje mi phyed gsum bsgom pa ste de lta bu bdag la sku rdo rje dang 'brel ba'i byin gyis brlab par mdzad du gsol zhes gsol ba gdab pa'o//tshigs su bcad pa gnyis pas ni des sprul pa'i rtag pa rnams la gsol ba gdab par bya'o/ /de bzhin du gsung rdo rje dang thugs rdo rje dag gis yang dag par byin gyis brlab pa'i phyir gsol ba gdab par bya'o/ /de ltar gsol ba btab pas phyogs bcu na bzhugs pa'i sangs rgyas rnams kyis rnal 'byor pa de'i sku la sogs pa byin gyis rlob par mdzad do zhes bya ba'i don to//gsol ba gdab pa'i sbyor ba'i 'bras bu dang bcas pa'i mthu ni/ sangs rgyas rdo rje sems dpa' 'am/ /zhes bya ba la sogs pas gsungs te/ rmongs pa ni rnam par mi rtog pa'i ye shes can yin zhing /de byin gyis rlob par mi byed cing 'da' bar byed na/ tshal bar 'gas shing 'jig par 'gyur ro zhes bya ba'i don to/ /rdo rje sbyor ba'i dam tshig ces bya ba la/ de bzhin gshegs pa thams cad kyi sku dang gsung dang thugs rdo rje rnams dang sbyor ba de nyid dam tshig yin zhing de nyid sgrub pa'i mchog ste dam pa'o//de brtan pa ni ji skad bshad pa'i gzhung gis gsal bar byas pa ste de nyid le'u'o/ /le'u bcu gnyis pa'i rnam par bshad pa'o// //bshad ma thag pa'i bsnyen pa'i cho ga bsgom pa la mngon par dga' ba'i sngags pa'i bzlas pa dang rang gi lha bsgrub pa dang las kyi tshogs nyams su blang bar bya ba yin pas de'i phyir de nas zhes bya ba la sogs pas rdo rje'i dam tshig bkod pa de kho na nyid kyi don bsgom pa mngon par byang chub pa'i le'u gsungs so//ye shes nyid rdo rje yin pas na ye shes rdo rje ste thabs dang shes rab kyi bde ba chen po yin zhing de nyid mchog ste de mi 'dor bar 'dzin par mdzad pa de'i phyir ye shes rdo rje mchog 'dzin pa'o//gang dag la sems can thams cad kyi don byed pa'i mtshan nyid kyi sku mnga' ba de la de skad ces bya'o/ /sku dang gsung bsdams pa dang ldan pas na thub pa'o/ /phung po la sogs pa thams cad dbyer med par thugs su chud pa'i phyir don kun rdo rje can no//ston pa zhes bya ba ni ston pa po ste de bzhin gshegs pa la sogs pa thams cad 'chos par mdzad pa nyid yin pa'i phyir ro/ /dam tshig 'di nyid ni thog ma dang tha ma med pa'i chos kyi dbyings kyi ye shes yin zhing de thugs su chud pa'i phyir dam tshig de nyid mkhyen pa ste/de la bla na med pa la sogs pa'i mchod pa rnams kyis yang dag par mchod cing phyag 'tshal nas ched du brjod pa sngon du 'gro ba can gyis gsol ba btab po/ /sangs rgyas ni rnam par snang mdzad yin zhing de'i bsnyen pa dang nye bar sgrub pa'i mtshan nyid kyi tshul ni sangs rgyas kyi tshul te/ lha thams cad kyi sku rdo rje sgrub par byed pa nyid yin pa'i phyir ro//de nyid rig ma dang yang dag par ldan pa nyid yin pa'i phyir byang chub tshul gyi mchog go/ /chos kyi tshul zhes bya ba ni sgrub pa'i mtshan nyid de chos kyi de kho na nyid ston par mdzad pa'i gsung rdo rjer byin gyis rlob par byed pa'i phyir zhi ba'o/ /sngags kyi tshul ni sgrub pa chen po'i rang bzhin te/de nyid thugs rdo rje'i rang bzhin du byed pa yin pa'i phyir brten pa'o/ /'di la ngo mtshar ba ci yod ce na/ ma skyes pa'i zhes bya ba la sogs pa gsungs te/ chos rnams ni dag pa dang ma dag pa'i phung po la sogs pa rnams so/ /de rnams med pa'i ngo bo nyid ni ngo bo nyid kyi khyad par te/de lta bur gyur pa de rnams las rdo rje bzhi po'i ye shes 'byung bar rab bshad do zhes bya ba ni ngo mtshar che'o/ /de skad du rab tu bshad pa'i rjes la de bzhin gshegs pa rnams kyis rdo rje bzlas pa bshad du gsol zhes gsungs te/ mdor bsdus nas bstan pa'i phyir kun bsdus pa'o//mi phyed pa'i tshig rjod pa'i sgo nas sngags 'don pa ni rdo rje bzlas pa ste/ de nyid bla na med pa'i ye shes kyi rgyu nyid yin pa'i phyir ye shes chen po'o/ /chos kyi sku la sogs pa'i snying po sdud par byed pa nyid yin pa'i phyir sku gsung mi phyed dkyil 'khor ro/ /sangs rgyas ye shes zhes pa la sogs pa la/sangs rgyas rnams kyi ye shes ni sangs rgyas ye shes te/ me long lta bu la sogs pa rnams yin zhing / de rnams rdo rje mi phyed pa gsum bsgom pa'i bdag nyid kyi sngags bzlas pa gang gis 'thob par 'gyur ba de la de skad ces bya'o/ /sku dang gsung dang thugs rdo rje spro ba'i rang bzhin gyi rdo rje'i sbyor bas bzlas pa na sgrub pa po la sangs rgyas kun gyi byin gyis rlob par 'gyur ro//rigs kyi sngags thams cad kyi zhes bya ba ni/ rigs lnga'i bdag nyid kyi lha thams cad kyi'o/ /sku dang gsung dang thugs kyi mtshan ni rdo rje sku la sogs pa rnams kyi rang bzhin te/de lta bu'i gsang sngags bzlas pa de ring zhes bya ba da ltar gsungs shig pa'o/ /ci'i phyir zhe na/ ye shes rgya mtsho zhes bya ba la sogs pa gsungs te/ ye shes rgya mtsho ni de bzhin gshegs pa rnams te shes rab ye shes zab pa'i phyir ro/ /sku gsung thugs kyi rdo rje can ni sku rdo rje la sogs pa rnams so//sangs rgyas te byung bar gyur pa dang / 'byung bar 'gyur ba dang byung ba rnams kyis rdo rje sngags rab tu bsgoms pas nyid kyis ye shes mnyam pa med par thob par gyur te/ de'i phyir bshad du gsol zhes pa'o/ /de nas zhes bya ba ni gsol ba btab pa'i rjes thogs la'o//yang dag par sbyor ba las byung ba'i bde ba chen po'i bdag nyid yin pa'i phyir nam mkha' rdo rje ye shes byung ngo / /gzhan ni bshad zin to/ /sngags kun te yi ge dang sgra'i rang bzhin rnams kyi don ni rang gi lha'i 'bras bu'i ngo bo yin zhing de'i don du brjod pa ni bzlas pa ste/ de rnams la'o/ / rdo rje mi phyed gsum gyi mtshan/ /zhes bya ba ni bdag nyid gsum gyi rang bzhin gyi rdo rje 'chang chen por ji lta ba bzhin du rnam par bsams pa'o/ /rdo rje dbye ba gsum zhes bya ba la sogs pas ni rang gi ye shes sems dpa'i thugs kar pad+ma'i steng gi zla ba la gnas pa'i rdo rje'i lte bar yi ge hUM bsam pa dang /de bzhin du lkog mar pad+ma dang mgo bor 'khor lo la gnas pa'i yi ge AHdang oM bsam par bya'o zhes bstan te/ de ni rdo rje gsum bkod pa/ /zhes bya'o/ /sku gsung thugs kyi gnas rnams su/ /zhes bya ba ni sku la sogs pa'i ye shes rnam par bkod pa rnams las rang gi yi ge rnams dang rang gi phyag mtshan rnams dang rang gi lha'i gzugs rnams spro ba'am/yi ge re re las yi ge gsum dang phyag mtshan gsum dang gzugs gsum spro ba'am/ yang na re re las cig car rang gi yi ge dang phyag mtshan dang rang gi lha spro ba ste/ de lta bu la sogs pa ni spro ba'i bar du dbye ba rnam pa gsum yin no//rdo rje bzlas pa zhes bya ba ni bshad ma thag pa'o/ /rdo rje gsum gyi thugs ni dpal rdo rje sems dpa' ste/ de dang rnal 'byor pa 'dra bar 'gyur ro/ /yi ge gsum bzlas pa de ni rdo rje'i rigs gtso bor gyur pa yin du zin kyang rigs thams cad kyi thun mong yin te/ sngags kun don ni bzlas pa la//zhes 'byung ba'i phyir ro/ /sku rdo rje'i ni sangs rgyas rnams kyi zhes bya ba la sogs pas gsungs te/ sku gsung thugs bsams nas zhes bya ba ni/ spyi bo la sogs par yi ge gsum gyi gzugs so/ /mchod pa'i mchog brtag pa zhes bya ba ni bla na med pa la sogs pa'i mchod pa'i rang bzhin spro bar bya ba'o//ye shes rdo rjes zhes bya ba ni thabs dang shes rab kyi ting nge 'dzin bsgrub pa la zhugs pas so/ /rdo rje gsum gyi thugs ni rnam par snang mdzad de/ de dang 'dra bar 'gyur ro zhes bya ba'i don to/ /gsung rdo rje'i ni sangs rgyas rnams kyis zhes bya ba la sogs pas gsungs te/bzlas pa'i rdo rjes zhes bya ba ni gsung rdo rje'i sgom pa pos so/ /yang na zhes bya ba la sogs pa la/ yang na zhes bya ba'i sgra ni phyogs gzhan ston pa'o/ /dbye ba rnam gsum gyis so so dag tu zhes bya ba ni/ sku dang gsung dang thugs rdo rje'i dbye bas so/ /sku dang gsung dang thugs bdag med pa zhes bya ba ni sku la sogs pa rnams sgyu ma lta bur rnam par bsams nas so//ye shes sems kyis zhes bya ba ni ye shes sems dpa'i rnam par ro/ /'di skad du rang gi dkyil 'khor na gnas shing ji skad bshad pa'i sku rdo rje'i rnal 'byor dang ldan pas rang gi snying ga na bzhugs pa'i ye shes sems dpa'i thugs kar pad+ma'i steng gi zla ba la gnas pa'i 'khor lo la yi ge oM bsams la/de nyid brjod cing de las byung ba'i yi ge oM rnams dang 'khor lo'i phyag mtshan rnams dang sku rdo rje rnams spro ste brjod pa'i tha mar bsdu bar bya'o/ /de bzhin du gsung dang thugs rdo rje'i rnal 'byor pa dag gis ye shes sems dpa'i thugs kar pad+ma la gnas pa'i chu skyes dang rdo rje'i lte ba dag la yi ge AHdang hUM bsams la/rang gi yi ge la sogs pa spro ba dang bsdu ba bya'o zhes bstan pa yin no/ /spro ba'i dus nyid bstan pa'i phyir brjod nas zhes bya ba la sogs pa gsungs te/sems dbang du gyur par bya ba'i phyir yi ge gsum gyi bdag nyid dam tshig yi ge gzhan gyi sngags brjod cing ji skad bshad pa'i spro ba rnams kyis nam mkha' kun du bkang ste/ brjod pa'i tha mar bsdus nas sngags kyi yi ge rnams la bcug ste bzlas pa bya'o/ /gzhan dag ni bzlas pa thams cad kyi zhabs su bsdu bar bya'o zhes zer ro//sangs rgyas rnams kyi zhes bya ba ni 'di ni lha thams cad kyi thun mong yin pa'o/ /gzhan ni go sla'o/ /sku'i rdo rje zhes bya ba la sogs pa la/ dngos dang dngos med rnam dpyad pa/ /zhes bya ba ni/ yang dag par na dngos po yang med cing dngos po med pa yang med pa ste sgro btags pa nyid yin pa'i phyir ro//de dag gsal ba'i mtshan nyid can gyi sku rdo rje'i ting nge 'dzin ni sku rdo rje'i rdzogs pa'i byang chub ste/ de nyid rtog pa dang bral ba nyid yin pa'i phyir sku'i bzlas pa brjod par bya'o/ /de bzhin du brag ca'i sgra dang mtshungs par sgra dang sgra ma yin par rnam par dpyad pa'i bdag nyid 'od dpag tu med pa'i ting nge 'dzin ni gsung gi dam tshig gi rdzogs pa'i byang chub ste gsung gi bzlas pa'o//de bzhin du thugs rdo rje'i rnal 'byor pas/ 'od srungs sems ni nang na med phyi rol na yang med/ gnyis ka'i bar na yang mi dmigs so zhes bya ba la sogs pas gnas pa'i rdo rje rnam par dpyad pa'i bdag nyid ni thugs kyi dam tshig gi rdzogs pa'i byang chub ste rdo rje bzlas par bshad do//don rtogs pa'i zhes bya ba la don de stobs dang mi 'jigs pa la sogs pa sangs rgyas kyi yon tan gyi tshogs rnams rtogs pa ni khong du chud pa ste/ sangs rgyas kyi yon tan 'di rnams ni mnyam pa nyid kyi ye shes kyi rang bzhin no zhes gtan la phab pa'o/ /de nyid rtog pa dang bral ba'i bzlas pa ste de yis so/ /de nyid bstan pa'i phyir ngo bo nyid med ces bya ba gsungs te/ kun du brtags pa'i rang bzhin dang bral ba'o/ /bzang po yis zhes bya ba la dus gsum gyi sangs rgyas sgyu ma lta bur yang dag par mthong ba'i mtshan nyid can gyi dkon mchog dpal gyi rnal 'byor gyis rnam par dpyad pa ni rin po che'i bzlas pa'o//sangs rgyas zhing zhes bya ba la sogs pa la/ don yod grub pa'i rnal 'byor pas 'gro ba ma lus pa'i bya ba sgrub pa'i phyir ye shes sems dpa'i thugs kar pad+ma'i steng gi zla ba la gnas pa'i ral gri la yi ge hA rnam par bkod de/de nyid brjod cing don yod pa'i rigs spros pa rnams kyis sangs rgyas kyi zhing thams cad kun du bkang la chos thams cad rang bzhin gyis 'od gsal bar lhag par mos pa'i sgo nas brjod pa'i tha mar bsdu bar bya'o zhes bya ba 'di ni 'gro ba dang 'ong ba'i mtshan nyid can gyi don yod pa'i bzlas pa'o//'phags pa gshin rje mthar byed la sogs pa'i khro bo gang yang rung ba'i rnal 'byor pas ni ye shes sems dpa'i thugs kar pad+ma'i steng gi nyi ma la gnas pa'i rang gi phyag mtshan la bzlas par bya ba rnam par bkod de rang gi ngag rdo rjes bsgrags pa'i sgra dpag tshad bye ba'i tshad dang ldan pa'i dkyil 'khor na gnas pa'i lha'i 'khor los thos par gyur cig snyam du lhag par mos pa'i sgo nas sgeg pa dang bcas pa'i khro bo'i tshig gis bzlas par bya'o zhes bya ba 'di ni khro bo'i bzlas pa'o//'dod pa'i don gyis myos 'gyur ba/ /zhes bya ba ni 'byor pa'i don gyis shin tu sdug phongs par gyur pa'o/ /rab tu skyob cing phan par dga'/ /zhes bya ba ni mngon par 'dod pa'i don tshol ba la brtson par sems can thams cad rnam par bsams nas so/ /gti mug gnas la dgod ces bya ba ni le'u dgu pa las bshad pa'i rnam par snang mdzad kyi rnal 'byor pa rnams kyis gti mug rdo rje'i skur yongs su gyur pa dang de kho na bzhin du rdzas kyi rgya mtshos rab tu gang bar bsam pa ste de ni gti mug gi bzlas pa'o//de bzhin du 'dod chags dang zhe sdang gi rigs kyi rnal 'byor dag gi de'i rang bzhin du rnam par bsgoms pa'i sems can thams cad kyi rgyud go rims bzhin du rnal 'byor pas rnam par sbyang bar bya'o zhes bya ba ni gsung dang thugs kyi bzlas pa'o//dam tshig rdo rje gsum ni sku dang gsung dang thugs mi phyed pa'i lhar dmigs pa'i rang bzhin no//de'i de nyid ni nges par 'byed pa'i shes rab lha mo'i gzugs su yongs su gyur pa'o/ /de dag gi dbu ma ni yang dag par sbyor ba las byung ba'i bde ba chen po'o/ /dam tshig rdo rje can zhes bya ba ni gti mug gi rigs kyi lha rnams kyi ste/ de skad du yang / 'dod chags snying rje zhe sdang 'pho//gti mug gnyi ga yangs pa'o/ /zhes gsungs so/ /de nyid thun mong yin pa nyid du bstan pa'i phyir/ de nyid ces bya ba la sogs pa gsungs te/ dam tshig rdo rje zhes bya ba rigs thams cad kyi lha rnams kyi ma ning gi bzlas pa ste/ skyes pa dang bud med kyi rnam par rtog pa med pa'i phyir ro//'dod chags la sogs pa'i rnam par sbyong ba bsgom pa'i bzlas pa 'di la dgos pa ci yod ce na/ 'dod chags zhes bya ba la sogs pa gsungs te/ 'dod chags ni yang dag par sbyar ba la chags pa ste/ de'i de nyid ni mchog tu dga' ba nyid yin zhing de nyid don te/de sgom par byed pas na 'dod chags de nyid don bsgom pa'o/ /rdo rje'i bdag po ni rigs lnga'i bdag po ste/ 'dod chags de las byung ba'i bde ba chen po ni rdzogs pa'i byang chub yin zhing / de sems can gyi rgyud rnams la mdzad cing skyed par mdzad pa zhes bya ba'i don to/ /rig pa chen mo spyan la sogs//zhes bya ba la sogs pa la/ 'di ni rig pa yang yin la chen mo yang yin pas na rig pa chen mo'o/ /'dod pa ni dngos po thams cad kyi mchog gi don chen po ste/ de rnams kyi mngon par 'dod par bya ba yin pa'i phyir lha thams cad kyi gzugs kun du ston pa'i mtshan nyid can gyi dpal rdo rje sems dpa'o//des don de mchog tu bde ba bskyed nas de la brtson pa ni de la chags pa'o/ /gang gi phyir de ltar yin pa de bas na 'dod pa'i yon tan lnga la nye bar longs spyod pa nyid kyi sgo nas de rnams ji ltar 'dod pa bzhin du bsten na 'grub par 'gyur gyi 'dod pa 'dod chags dang bral ba'i sgo nas ni ma yin no//gti mug dam tshig ni sku rdo rje ste de las byung ba ni gti mug dam tshig las byung ba'o/ /de rnams gang zhe na/ rig pa'i rgyal po rdo rje can/ /zhes bya ba gsungs te/ gtsug tor dang gtsug tor chen po la sogs pa brgyad ma ning gi gnas la gnas pa ji skad bshad pa'i mtshan nyid kyis grub cing yongs su rdzogs pa rnams kyis sgrub pa po rnams la mngon par 'dod pa'i dngos grub dam pa rab tu ster bar byed do//khro bo zhes bya ba la sogs pa la/ zhe sdang ni zhe sdang rdo rje ste/ khro bo gang dag la de nyid gnas te skye ba'i gnas yod pa de la de skad ces bya'o//de las skyed pa ni de las grub pa'o/ /de rnams ji lta bu'i las can zhe na/ gsod la rtag tu brtson pa dag /ces bya ba la sogs pas gsungs te/ zhe sdang rnam par sbyong ba'i snying rje chen po'i sgo nas mi bskyod pa'i go 'phang thob par bya ba'i phyir bla ma la smod par byed pa la sogs pa'i sems can rnams kyi tha mal pa'i phung po gzhom pa ni gsod pa'o//de nyid kyi phyir don de nyid la zhugs pa'i mchog gi las can gyi sgrub pa pos 'grub par 'gyur ro/ /skyes bu chen po bskyed pa'i rgyu'i bzlas pa ston par mdzad pa'i phyir/ skyes bu chen po'i dam tshig ste/dpal rdo rje sems dpa'/ /de ltar 'das pa'i mtshan nyid bshad nas/ da ni bsgom pa gzhan/ ye shes 'khor lo zhes bya ba la sogs pas gsungs te/ zla ba'i gzugs gsal ba'i gdan gyi dbus kyi cha mtshan pa'i rnam par snang mdzad kyi dkyil 'khor ni gsal ba'i dkyil 'khor te/de'i dbus su rnam par snang mdzad kyi rnal 'byor ji lta ba bzhin du byas la bsgrub par bya'o/ /ye shes rdo rje can zhes bya ba ni rang gi snying ga na bzhugs pa'i ye shes sems dpa'i thugs kar oM las byung ba'i 'khor lo'i lte ba la yi ge oM haM b+h+rUM oM AHhUM dzi na dzika swA hA/zhes bya ba'i sngags rnam par bkod de/ de las byung ba'i 'od zer dkar po spros pa rnams kyis dngos po thams cad la kun du reg nas snang ba med par bya ba ste/ de ni rnam par thar pa'i sgo'i rang bzhin can gyi 'khor lo'i don bsgom pa'o/ /de bzhin du nyi ma dang rin po che dang pad+ma dang 'od kyi gdan rnams kyi dbus kyi cha ru nye bar mtshan pa'i mi bskyod pa la sogs pa'i dkyil 'khor rnams su go rims bzhin du brtan pa mi bskyod pa dang rin chen dbang dang 'od dpag tu med pa dang don yod par grub pa'i rnal 'byor byas te/ye shes sems dpa'i thugs ka na gnas pa'i rang gi phyag mtshan rnams la rang gi sa bon nam bzlas par bya ba rnam par bkod nas yi ge dang rjes su mthun pa'i 'od zer spro ba sngon du 'gro ba can gyis rang gi rnam par thar pa'i sgo bsgom pa ni rdo rje'i sngags la sogs pa don bsgom pa yin par bstan to//dkyil 'khor kun ni/ rnam par snang mdzad la sogs pa rnams kyi bshad ma thag pa'i dkyil 'khor rnams so//ngos rnams su zhes bya ba bdag po'i logs bzhir dkyil 'khor pa'i sangs rgyas thams cad gnas ji lta ba bzhin du dgod par bya'o zhes bya ba'i don to/ /'od zer lnga'i bye brag gis/ /zhes bya ba ni rnam par snang mdzad la sogs pa de bzhin gshegs pa lnga'i rang gi kha dog dang rjes su mthun pa'i 'od zer gyi bye brag spro zhing 'khor lo la sogs pa'i don bsgom pas byang chub thob par 'gyur ro zhes bya ba'i don to//sngags rnams zhes bya ba la sogs pa sngags thams cad ni lha thams cad do//bye brag rnam pa gnyis su zhes bya ba ni rig ma dang skyes bu yang dag par sbyor ba'i bye brag tu'o/ /sku gsum rdo rje'i bye brag gis/ /zhes bya bas ni spros pa'i gzugs re re zhing sku gsum gyi bdag nyid can dang rdo rje gsum gyi rang bzhin can nyid yin par bstan to/ /lus kyis zhes bya ba ni sku rdo rje sangs rgyas spyan gyi gzugs su yongs su gyur pas so//sku'i ngo bo nyid ni rnam par snang mdzad do/ /sems ni mi bskyod pa'o/ /de'i ngo bo ni mA ma kI'i gzugs te des so/ /ngag ni 'od dpag tu med pa'o/ /de'i ngo bo ni gos dkar mo'i gzugs te des bdag nyid rnam par snang mdzad la sogs pa'i gzugs can mchod na/sangs rgyas spyan la sogs pa dang yang dag par sbyor ba las byung ba'i bla na med pa'i mchod pa bsgoms pas de bzhin gshegs pa la sogs pa rnams la mchod par 'gyur ro/ /rigs gsum gtso bor byas pa'i sgo nas de skad du bshad do/ / dkon mchog dpal la sogs pa thams cad kyi rnal 'byor pa rnams kyis kyang rang gi rig ma dang yang dag par sbyor ba las byung ba'i mchod pa bsgom par byas na 'bras bu de kho na bzhin du 'gyur ro/ /da ni las rnam pa bzhi'o/ /dkyil 'khor chen po 'khor lo yis/ /zhes bya ba la sogs pas gsungs te/dkyil 'khor chen po'i 'khor lo'i tshul bzhin du ji skad bshad pa'i bsam gtan gyi dkyil 'khor rnam par bsams la/ rdo rje lnga rnams bsgom par bya/ /zhes bya ba de'i dbus su bdag nyid rang gi lhag pa'i lhar bsams te/ logs bzhir de bzhin gshegs pa bzhi rnam par bsgom par bya'o//de nyid ni/ dbus su bdag po bsams nas ni/ /sku gsung rdo rje rang gi gzugs/ /zhes bya bas gsungs so/ /rang sngags rdo rje'i gzugs dag ni/ /zhes bya ba ni/ rang gi bdag po'i 'o/ /gang du zhe na/ dkyil 'khor rnam pa bzhi dag tu/ /zhes bya ba gsungs te/chu dang dbang chen dang rlung dang me'i dkyil 'khor rnams kyi nang nas las kyi bye brag gis gang yang rung ba'i dkyil 'khor du'o/ /kha dog rnam bzhir zhes bya ba ni zhi ba la sogs pa'i las dang rjes su mthun par ro/ /ye shes sems dpa'i thugs kar pad+ma'i steng gi zla ba la gnas pa'i sngags rnams kyi don ni zhi ba la sogs pa ste/de bsgom pa ni sngags kyi don bsgom pa'o/ /des ji zhig bya zhe na/ rdo rje rnam pa bzhi zhes bya ba gsungs te/ 'di skad du bsam gtan gyi dkyil 'khor gyi dbus kyi gdan la gnas pas chu'i dkyil 'khor dkar po zlum po'i dbus su yi ge baM las byung ba'i bum pa kha dog dkar po dang /de bzhin gshegs pa thams cad dang bcas pa'i rang gi lha sku mdog dkar po zhi ba'i ngang tshul can gyi rnam par bsams la/ rang gi ye shes kyi lha'i thugs kar pad+ma'i steng gi zla ba la bsgrub bya bsam ste/ de'i rnam par shes pa gzhug pa sngon du 'gro ba can gyis rang gi lha'i sngags kyi phreng ba kha dog dkar po bdud rtsi 'dzag pa bkod pas de'i lus kun du khyab par bltas la/'od zer gyi sgo nas byung ba'i rang gi lha'i tshogs rnams kyis bum pa kha dog dkar po'i bdud rtsi lnga'i dbang dang yang dag par sbyor ba las byung ba'i byang chub kyi sems su zhu bar gyur nas bdag nyid las zhugs pa'i dbang gis dbang bskur zhing skyon thams cad dang bral bar bsams na zhi bar 'gyur ro//de bzhin du bsam gtan gyi dkyil 'khor gyi dbus kyi gdan la gnas pas laM yaM raM zhes bya ba de rnams las grub pa'i dbang chen dang rlung dang me'i dkyil 'khor go rims bzhin du kha dog ser po dang sngon po dang dmar po rnams la rang gi bdag po de bzhin gshegs pa thams cad kyis bskor bar bsams la/rang gi ye shes sems dpa'i thugs kar pad+ma la gnas pa'i zla ba ser po la rgyas pa'i don du gnyer ba bcug ste/sngags kyang bkod la/ de bzhin du zla ba dmar po la dbang du bya bar 'dod pa sngags dang bcas pa bsams te/ ye shes kyi chu ser po dang dmar po'i dbang la sogs pas snga ma bzhin du dbang bskur bar bya zhing nyi ma 'bar ba la sngags bkod de 'chad par 'gyur ba'i rim pa bzhin du mngon spyod bya'o zhes bshad pa yin no//bsam gtan rdo rje can ni lha thams cad kyi rang bzhin gyi dpal rdo rje sems dpa' ste de'i'o/ /'di zhes bya ba ni bshad ma thag pa'o/ /ni zhes bya ba'i sgra ni nges par gzung ba'o/ /sngags rnams thams cad kyi ste lha thams cad kyi'o//gsang ba ni nyan thos la sogs pa rnams la bstan par bya ba ma yin pa'o/ /mchog tu brtag pa ni nyams pa med pa'i go 'phang thob par byed pa'o/ /de ltar lha thams cad kyi thun mong gi las bzhi bshad nas/ khyad par ni zhi ba la zhes bya ba la sogs pas gsungs te/spyan gyi tshul zhes bya ba ni sangs rgyas spyan dang yang dag par ldan pa'i rnam par snang mdzad do/ /pad+ma rigs kyi lha mo chen mo dang yang dag par ldan pa'i phyir rdo rje pad+mo can ni rin chen 'byung ldan no/ /rnam par snang mdzad ni sku rdo rje ste de'i rjes thogs la bshad pa'i sngags kyi brda'i sgo nas shes shing rtogs par bya ba yin pas na gnas te gsung rdo rje'o//rdo rje khro bo ni mi bskyod pa ste de yis so/ /'di de zhes bya ba ni bshad ma thag pa'o/ /gzhan ni go sla'o/ /bya ba rol mo mtshon pa'o/ /zhes bya ba ni sgyu mas sprul pa'i rol mo dang mtshungs pa'o/ /mdor bstan pa'i tshig bzhi po de rnams kyi nang nas rdo rje'i rigs gtso bo nyid yin pa'i phyir dang po kho nar mngon spyod/ma dad smra ba'i sems can dang / /zhes bya ba la sogs pas gsungs te/ ma dad pa dang yang dag par ldan pa dkon mchog gsum la gnod par byed pa ston par byed pa'i tshig smra bar byed pas na ma dad par smra ba rnams dang /bla ma la smod pa rnams dang / gzhan rnams zhes bya ba ma gsod pa la sogs pa sems can mang po la 'tshe bar byed pa rnams dang dam tshig la sdang ba rnams la/ rab tu bskul ba 'di zhes bya ba 'chad par 'gyur ba bya'o/ /'chad par 'gyur ba ye shes chen po'i 'khor lo yongs su 'dzin pa'i phyir/ye shes chen po'i 'khor lo rdo rje ste dpal rdo rje sems dpa'o/ /khams gsum zhes bya ba la sogs pa la/ 'jig rten gyi khams thams cad kyi rdul phra rab kyi rdul snyed kyi sems can rnams sangs rgyas kyi sku rnam par bsgoms la/ ma dad par smra ba rnams kyis dgra sta dag gis gtubs te/tho ba rnams kyis phye mar byas par bsams la/ sems can gdug pa de rnams bdag cag ni sangs rgyas gsod par byed pa'o snyam du 'gyod pa kun du skyes la dmyal ba'i 'jigs pas 'jigs shing skyabs med par bltas te/ rnam pa kun du gnod pa'i phyir snying rje chen po'i khro ba bskyed par bya'o/kha sbyar dang ni phral byas nas/ /zhes bya ba ni bsrung ba'i kha sbyar bsal nas so/ /'di skad du bshad pa yin te/ 'chad par 'gyur ba'i rdo rje 'chang chen po'i rnal 'byor pas ji skad bshad pa'i sems can gyi yul sdig pa bsags shing 'jigs pa'i 'jigs pas khyab pa rnams la bltas te/de rnams mngon par gdon pa'i phyir snying rje chen po'i khro ba bskyed la/ snga ma bzhin du rang gi snying ga nas rdo rje lcags kyu phyung ste/ de rnams la hUM dang baM phyi rol gyi bsrung ba kha sbyar dang / mgo la gnas pa'i dbyangs mtha' ma las byung ba'i rdo rje dang 'khor lo dang rin po che dang pad+ma dang yi ge haM gis mtshan pa'i sna tshogs rdo rje'i kha sbyar rnams kyis srung bar byed pa rnams la/'di ni ma dad par smra ba'am/ bla ma la smod pa'am/ sangs rgyas rnams gsod par byed pa ste/ de'i phyir 'di la srung ba dang byin gyis brlab pa gtang du gsol/ /gal te mi gtong na khyed rnams brdzun du smra ba dang /rang gis bshad pa'i dam tshig las 'da' bar byed pa yin no zhes rdo rje lcags kyu de bskul du gzhug go/ /de nas kho bo cag gis 'di'i lung btang gis ji ltar 'dod pa gyis shig ces de rnams kyis khas blangs pa brjod pa'i rjes thogs la/rdo rje lcags kyus bsrung ba kha sbyar dang bcas pa'i lha'i 'khor lo bsal nas/ btang ba de nyid du yang dag par bzhag ste/ lag pa g.yon pas bzung ba'i bdud rtsi zhes bya ba'i khro bo'i phur bus lag pa g.yas pa na thogs pa'i rdo rje tho bas brdung zhing phur bus gdab par bya'o zhes bya ba ni kha sbyar dang dbral ba ste/'di nyid las/ bsrung ba la sogs sngags rnams dang / /lha rnams kyang ni phur bus gdab/ /ces gang 'chad par 'gyur ba'o/ /de nas mngon spyod kyi las bsgrub par bya'o/ /de ji ltar bya zhe na/ nam mkha'i dbyings kyi zhes bya ba la sogs pa gsungs te/sgrub thabs las bshad pa'i cho ga bzhin du shes rab kyi pad+ma la gnas pa'i rang gi dkyil 'khor du rdo rje rtse lnga pa 'bar ba yongs su gyur pa las bdag nyid rdo rje 'chang chen por bsgom par bya'o/ /ji ltar zhe na/ zhal bzhi zhes bya ba la sogs pa gsungs te/ g.yas dang g.yon dang rgyab dang rtsa ba'i zhal rnams dang sku thams cad ni khro zhing mdog sngo ba phyag drug pa rnam pa'i mchog kun dang ldan pa rgyan thams cad kyis brgyan pa g.yon brkyang ba'i zhabs kyis bzhugs pa ste/de las byung ba'i rnam par snang mdzad la sogs pa thams cad sngon po kun du khro ba g.yon brkyang ba la sogs pa'i zhabs kyis bzhugs pa'i lha'i 'khor lo bsgom par bya'o//dus gsum zhes bya ba la sogs pas ni 'das pa la sogs pa'i dus kyi rdo rje'i dkyil 'khor rnams kyi bkod pa gang yin pa'i g.yas pa'i rtsa ba'i phyag na gnas pa'i rdo rje 'bar ba la bcug ste/stobs po che dang ldan pa'o snyam du rnam par bsams la/ 'khor lo mthu dang ldan par bsam par bya'o/ /phyogs bcu nas byung sems can rnams/ /zhes bya ba la sogs pa la/ sangs rgyas ni rnam par snang mdzad de/ de'i sku ni zhi ba'i gzugs yin zhing de'i rnam par sems can thams cad rnam par bsams nas so//rang gi lus la zhes bya ba la sogs pa ni zhi ba'i gzugs de rnams bsdus nas rang gi lus la gzhug pa'o/ /sangs rgyas ye shes rdo rje can/ /slar yang spro bar rab tu bya/ /zhes bya ba ni zhi ba'i gzugs de rnams khro bo'i ngang tshul can la bcug pas til mar shin tu tsha ba la chu grang mo blugs pa bzhin du shin tu rab tu 'bar zhing drag la mi sdug cing 'jigs su rung ba 'khor lo la sogs pa mtshon cha sna tshogs pa thogs pa/gdug pa rnams gsad pa nyid kyi sgo nas mi bskyod pa'i 'bras bu thob par bya bar sems pa'i khro bo rnams su bsams la/mdun na gnas pa'i me'i dkyil 'khor la 'dug pa'i gcer bu go cha dang bral ba lus la til mar gyis bskus pa lha dang bral ba'i bsgrub bya rnams kyang bltas te/ sku gsung thugs kyi sbyor ba can/ /sangs rgyas thams cad bdag la gson/ /bdag ni dpal ldan 'khor lo 'dzin//bka' yi 'khor lo rab sbyor ba/ /'khor lo 'bar ba'i gzugs kyis ni/ /sku gsum las byung dag par bgyi/ /gal te dam tshig las 'das na/ /zhig par 'gyur bar gdon mi 'tshal/ /zhes bya bas khro bo rnams la bka' bsgos te/ de rnams kyis dum bur gtub cing lag na thogs pa'i 'khor lo 'bar bas brdeg par bya'o//bsgoms pa de lta bus ni rdo rje sems dpa' dang mtshungs pa'i bsgrub bya rnams kyang zhag bdun na gsod par byed pas de'i phyir/ rdo rje sems dpa' rang nyid dam/ /gdug pa chen po gsod par byed/ /ces kyang gsungs so//sangs rgyas zhes bya ba la sogs pas ni de nyid ston to/ /sangs rgyas ni rdo rje 'chang ngo / /de nyid chos kyi sku la sogs pa'i bdag nyid yin pa'i phyir sku gsum mchog stsol ba'o/ /'di'i mgo dang lkog ma la sogs pa la sku rdo rje la sogs pa rnams kun du gnas pas na rdo rje gsum gnas so//snying po sdud par byed pa nyid yin pa'i phyir dkyil 'khor te/ des grub pa ster ba ni gdug pa rnams gsod pa'i dngos grub po/ /skabs 'dir ni gsad par bya ba nyid rmongs pa'i bdag nyid du mngon par 'dod do/ /nyi ma bdun du 'di byas na/ /zhes bya ba ni/ drag po'i las so/ /sangs rgyas kyis kyang zhes bya ba ni rnam par snang mdzad kyis kyang ngo / /gal te rnal 'byor pa nges par sbyor ba na des kyang 'da' bar bya bar mi 'grub po zhes la dor bar bya ba brjod pa'i sgo nas sbyor ba 'di 'da' bar bya dka' ba nyid du bstan to/ /rdo rje chen po ni dpal rdo rje sems dpa'o//de nyid 'da' bar bya ba ma yin pa nyid yin pa'i phyir dam tshig ste/ phyag na 'khor lo bsnams pa des brteg par byas shing bcug par gyur pa'i sems can thams cad mtshon cha sna tshogs thogs pa'i khro bo'i gzugs rnams su spros nas ting nge 'dzin gang la/bdag ni dpal ldan rdo rje 'dzin/ /zhes bya ba la sogs pas bka' bsgo ba yod pa de la de skad ces bya'o/ /de bzhin du btsun mo nam mkha'i dbyings na gnas pa'i sku'i dkyil 'khor du bdag nyid de kho na bzhin du rdo rje'i rnam pa 'bar bas rnam par brgyan pa'i 'khor lo las byung ba'i rnam par snang mdzad sku mdog sngon po zhal gsum dang sku khro ba dang bcas shing 'bar ba g.yon brkyang bas bzhugs pa de bzhin du dkyil 'khor pa rnams dang ldan par bsams la/'das pa dang ma byon pa dang da ltar byung ba'i rten dang brten pa'i bdag nyid can gyi rdo rje 'chang chen po rnams phyag g.yas pa na gnas pa'i rdo rje 'bar ba la bcug ste/phyogs bcu khyab pa'i sems can thams cad zhi ba'i gzugs can gyi rdo rje 'chang chen po rnams su rnam par bsams la/ rang gi ye shes las byung ba'i 'od zer gyi lcags kyu rnams kyis de rnams bsdus nas rang gi lus la bcug ste/ slar khro bo'i nga rgyal dang ldan pas phyag na mtshon cha sna tshogs bsnams pa'i dpal rdo rje 'chang rnams su spro bar bya'o/ /gang gis she na/ ye shes mchog gi gnyen gyis zhes bya ba gsungs te/ gdug pa rnams kyis mi bskyod pa'i go 'phang mchog thob par bya ba la/ gnyen du gyur pa'i sgrub pa pos//zhes bya ba'i don to/ /bka' bsgo ba dang sgrub pa dang ni snga ma bzhin te/ 'on kyang khyad par ni 'di yin no/ /dpal rdo rje 'chang rnams la bka' bsgo ba'i dus su/ rdo rje thams cad bdag la gson/ /bdag ni dpal ldan rdo rje 'dzin/ /zhes brjod par bya'o/ /rgyu la 'bras bu nye bar gdags pa'i phyir/'khor lo yi ni rnam par snang mdzad de/ gang la des dam tshig ste rdo rje 'chang rnams la bka' bsgo ba yod pa de la de skad ces bya'o/ /sangs rgyas zhes bya ba la sogs pa la/ sangs rgyas ni rnam par snang mdzad de/ de'i dkyil 'khor gyi rdo rje can ni 'phags pa gshin rje gshed yin pas sangs rgyas dkyil 'khor rdo rje can no//'khor lo che zhes bya ba ni dkyil 'khor ro/ /rang gi rdo rje yin pas zhes bya ba de nyid 'phags pa gshin rje gshed kyi dkyil 'khor yin par brtag par bya'o/ /'di skad du bshad pa yin te/ rnam par snang mdzad kyi dkyil 'khor du bdag nyid rnam par snang mdzad sgrub pa bzhin du yi ge hUM las bskyed pa'i rdo rje tho ba las byung ba'i 'phags pa gshin rje gshed du rnam par bsams la/dus gsum sangs rgyas sems can rnams/ /zhes bya ba rten dang brten par bcas pa'i bdag nyid kyis zhi ba'i gzugs can gyi dpal rdo rje 'chang rnams su rnam par bsgom ste/rang gi ye shes kyi 'od zer gyi lcags kyu rnams kyis bkug nas lag pa g.yas na gnas pa'i khro bo'i rdo rje 'bar ba dang / rang gi lus la bcug ste/ slar 'phags pa gshin rje gshed kyi gzugs rnams su spros la/ snga ma bzhin du sdig pa bsags shing kha sbyar phye bar gyur pa'i gdug pa'i sems can rnam par snang mdzad bzhin du bdun bka' bgos te/de rnams dang bdag nyid kyis bsad la/ le'u dgu pa las bshad pa'i tshul bzhin du mi bskyod par bskyed par bya'o/ /de bzhin gshegs pa thams cad kyi dam tshig ni yi ge hUM las byung ba'i rdo rje tho ba yin zhing de las byung ba'i 'phags pa gshin rje'i dgra ni thams cad kyi dam tshig las byung ba gshin rje gshed de/ting nge 'dzin gang la des chos nyid la sogs pa'i rang bzhin can gyi ye shes lnga'i bdag nyid kyi rdo rje 'chang chen po rnams la bka' bsgo ba yod pa de la de skad ces bya'o//sku gsung thugs kyi rdo rje'am/ /zhes bya ba ni sku rdo rje la sogs pa'o/ /dkon mchog dpal la sogs pa lha thams cad kyi yi ge dang sgra'i rang bzhin can gyi sngags rnams kyi don ni rang gi phyag mtshan gyi gzugs so/ /de'i yon tan ni de las byung ba'i dkon mchog dpal la sogs pa'i khro bo ste des so//rigs kyi bye brag brjod par 'dod pas gcig gi tshig can du byas so/ /yang na gtsug tor dam tshig gis/ /zhes bya ba ni gtsug tor dang gtsug tor chen po la sogs pa'i gtsug tor brgyad po de rnams thams cad kyis/ 'phags pa gshin rje mthar byed kyi rig pa kho na bzhin du gdug pa rnams gsad par bya ba ste/des ni sbyor ba 'di lha thams cad kyi thun mong nyid yin par bstan to/ /go bgos pa nyid kyis gdug pa rnams gsod par nus kyi gzhan gyis ni ma yin pas sngags kun zhes bya ba la sogs gsungs te/ sngags kun zhes bya ba ni bshad ma thag pa'i rdo rje 'chang chen po la sogs pa'i rnal 'byor bsgom pa'o//ye shes mchog rdo rje ni ye shes lnga'i bdag nyid kyi rang bzhin gyi bdag po yin zhing / de dmigs pa'i sbyor bas 'di la yod pas na ye shes mchog rdo rje can te sgrub pa po nges so/ /gang gi phyir de lta yin pa de bas na lha thams cad kyi byang chub kyi mthar thug pa'i bsrung ba'i rang gi ngo bor brjod par bya'o//nam mkha' rdo rje zhes bya ba la sogs pa la/ btsun mo nam mkha'i dbyings su ji skad bshad pa'i rdo rje 'chang chen po la sogs pa'i rnal 'byor byas nas/ chos ni go cha nyid de/ snang mdzad sku mchog las byung ba//zhes bya ba rnam par snang mdzad las byung ba'i rdo rje'i go cha sku gsum gcig tu mi phyed par bsams la/ des spyi bo nas brtsams te rang gi lus la go bgos par bsams te/ gdan du de zhes bya ba rkang pa'i 'og tu yang 'khor lo'i go cha de nyid kyi gdan rab tu brtag par bya'o zhes bya ba'i don to//nam mkha' dbyings zhes bya ba nam mkha'i dbyings ma lus pa sangs rgyas thams cad kyis yongs su rnam par gang bar rnam par bsgoms la/ thugs kyi rnam par bsgom par bya/ /zhes bya ba ni sangs rgyas de rnams thams cad kyi thugs ka na bzhugs pa'i ye shes sems dpa'i thugs ka'i zla ba rnams la sngags kyi yi ge'i gnas rnams bsams te/de las byung ba'i ye shes kyi 'od zer rnams kyis sangs rgyas rnams snang ba med par byas nas zla ba la gnas pa'i rdo rje'i gzugs su bsam par bya'o/ /de'i phyir/ sangs rgyas rnams ni sems tsam du//bsgoms nas slar yang rab tu bsdu/ /zhes gsungs so/ /sems ni rdo rjer byas nas su/ /zhes bya ba bdag gi sems 'di nyid de bzhin gshegs pa thams cad kyi zla ba rdo rje'i gzugs yin no snyam du bsams nas sku gsum gyi bdag nyid kyi go cha la zla ba'i rdo rje'i gzugs kyi sangs rgyas de rnams gzhug par bya'o zhes bya ba'i don to//de ltar bsgoms pas mngon spyod sgrub pa po rab tu bsrung bar 'gyur ro/ /rdo rje chos ni mi phyed pa'i bsrung ba'i go cha ste/ gang la des 'khor lo'i dkyil 'khor snang ba gsal bar byed pa yod pa de la de skad ces bya'o/ /rnam pa'i mchog rnams zhes bya ba la sogs pa la/sems brtan pa'i rnal 'byor pas bdag nyid rdo rje sems dpar ji lta ba bzhin du rnam par bsgom ste/ sangs rgyas rim par bkod nas ni/ /zhes bya ba yang dag par sbyor ba las mi bskyod pa dang rnam par snang mdzad dang / rin chen 'byung ldan dang 'od dpag tu med pa dang don yod par grub pa rnams phyung ste/chu'i steng du go rims bzhin du ri rab ser po dang mtshungs pa pha rol gyi mthar kun du khyab par gnas pa kun du bsams la/ rkang pa mnyam gzhag sbyor ba yis/ /zhes bya ba thabs dang shes rab kyi rkang pa gnyis mnyam pa nyid du dmigs pa des mi bskyod pa rnams la sogs pa rnams kyi dbu'i steng du rkang pa gnyis 'jog par bsgom zhing chu'i steng du bcag par bya'o//sangs rgyas rnams kyi spyi bor rkang pa bzhag pas sdig par 'gyur ro snyam pa'i 'gyod pa bsal ba'i phyir/ ngo bo nyid dag pa zhes bya ba gsungs te/ rang bzhin gyis dag pa nyid yin pa'i phyir nyes par mi 'gyur zhing 'grub par yang 'gyur ro//gang la rdo rje'i rgya mtsho ste/ rgya mtsho nyid rkang pas gnon pa yod pa de la de skad ces bya'o/ /dbang chen dkyil 'khor bsgoms nas ni/ /zhes bya ba ni rtsod pa'i dus su pha rol rgol ba'i kha'i nang du yi ge laM las byung ba'i dbang chen gyi dkyil 'khor ser po gru bzhi pa zur bzhi ru rdo rje rtse gsum pas mtshan pa dang /mtshams kyi rdo rje de rnams kyang rna ba gnyis dang rkan dang spyi bo dang lce'i rtsa ba phug ste phyi rol du byung bar lta zhing / de yang kha sbub tu 'gyel zhing brgyal bar gyur pa dbyangs tha ma las byung ba'i sna tshogs rdo rje la gnas pa'i khro bo'i rgyal po gang yang rung ba gser gyi ri bo thogs pas g.yon brkyang ba'i zhabs kyis mnan par bsam par bya ba ste/des ni thams cad kyi ngag rengs par 'gyur ro/ /gang la mu stegs can dang phas kyi rgol ba thams cad kyi ngag rengs par bya ba yod pa de la de skad ces bya'o//rdo rje gsum mchog khro bo'i tshul/ /zhes bya ba ni pha rol gyi dpung rengs par bya ba'i phyir phul du byung ba thob pa'i rnal 'byor pas rang gi dkyil 'khor du khro bo'i tshul gyi bdag nyid kyi rang gi lha'i rnal 'byor dang ldan pas rnam par snang mdzad la sogs pa de bzhin gshegs pa khro zhing khro bo'i gzugs can sku mdog ser po gser gyi ri bo dang mtshungs pa rnams spros te skyes bu dpa' bo re re'i spyi bor mnan te bzhugs par bsam par bya'o//'dir ji ltar rnyed pa'i man ngag bshad par bya ste/ kha phyir bltas pa rnams kyi spyi bor khro bo kha phyir bltas pa rnams bsgom zhing /'bros pa rnams la kha mdun du bltas pa'am/ kha phyir bltas pa dgod par bya ste/ de ltar na cung zad kyang mi phyed par gnas par 'gyur ro/ /kha mdun du bltas pa rnams la ni sku mdog ser po kha mdun du bltas pa rnams bsam par bya ste/ de rnams kyang de bzhin du 'gyur ro//sangs rgyas dpung yang gnod byed pas/ /zhes bya bas ni sbyor ba 'di'i che ba bdag nyid kyi khyad par gsungs so/ /de bzhin gshegs pa thams cad kyi sku dang gsung dang thugs las pha rol gyi dpung gnon pa byung bas na de bzhin gshegs pa thams cad kyi sku dang gsung dang thugs las byung ba ste/dpal rdo rje sems dpa'o/ /gzhan ni go sla'o/ /dgra bo skrag par bya ba'i dus/ /bsam gtan rab tu brtag pa 'di/ /zhes bya ba ni 'chad par 'gyur ba'o/ /sangs rgyas dag gis zhes bya ba la sogs pas ni mthu phul du byung ba bshad pa'i sgo nas brtan pa nyid du ston par byed do//hUM zhes bya ba la sogs pa la/ nyi ma'i dkyil 'khor la gnas pa'i rang gi lha'i khro bo'i rnal 'byor dang ldan pas yi ge hUM las byung ba'i rdo rje phur bu rtse lnga pa 'bar ba yang dag par sbyor ba las byung nas khros par gyur pas des dgra bo'i snying gar phur bus gdab par bya ste/rmongs pa dang gsad pa'i bsam pa'i dbang gis rmongs pa dang shi bar 'gyur ro/ /gang la dgra bo rnams rmongs pa ste brgyal ba dang gnod pa byed pa ste/ gsod par byed pa yod pa de la de skad ces bya'o/ /grong la sogs pa'i nad kyi 'tshe ba zhi bar bya ba'i phyir/ grong ngam zhes bya ba la sogs pa gsungs te/de ni go sla'o/ /rdo rje rtse mo zhes bya ba la/ snying rje chen po dang ldan pa'i rnal 'byor pas bdag nyid rten dang brten pa'i bdag nyid kyi rdo rje 'chang chen po sku mdog dkar po zhi ba'i tshul can du ji lta ba bzhin rnam par bsgom ste/ nam mkha'i phyogs su yi ge hUM las byung ba'i rdo rje chen po 'bar ba rtse mo gyen du bltas pa grong khyer la sogs pa kun du khyab par gnas pa bsams la/de las byung ba'i 'bar ba'i tshogs rnams kyis de na gnas pa'i sems can nad kyis gtses pa rnams kun du bsregs nas kyang gos gtsang ma bzhin du nad kyi dri ma thams cad tshig par byas te de nyid du 'od zer gyi tshogs bsdu bar bya'o//rin chen yid bzhin nor bu'i 'od/ /ces bya ba la sogs pas ni rdo rje de nyid las dkon mchog dpal gyi tshogs gos dkar mo sku mdog ser po dang ldan pa rnams rnam par spros te/ de rnams kyis bum pa ser po'i bdud rtsi'i dbang bskur ba dang byang chub kyi sems kyi rgyun gyi dbang bskur ba dang /rin po che dang gos dkar mo zhu bar gyur pa'i nam mkha'i dbyings su bzhugs pa'i dbang bskur ba de rnams la sbyin par bya'o zhes bstan to/ /des cir 'gyur zhe na/ dgang dka' ba yang rab tu 'gengs/ / zhes bya ba gsungs te/ nad thams cad kyi dbang gis shin tu skem pa yang sha rgyas shing shes rab 'phel bar 'gyur ro/ /sbyin pa'i rdo rje sgrub byed pa/ /yid bzhin nor bu dpal ldan 'gyur/ /zhes bya ba ni bshad ma thag pa'am sems can dbul po gzhan yang rung / rim pa de bzhin du dbang bskur na yid bzhin gyi nor bu bzhin du 'gro ba ma lus pa'i bsam pa yongs su rdzogs par byed par 'gyur ba'o//de ltar zhi ba dang rgyas par byas na/ nad la sogs pa'i 'tshe ba rnams slar mi 'byung bar bya ba'i phyir/ sangs rgyas sprin dang zhes bya ba la sogs pa gsungs te/ rnam par snang mdzad dang 'od dpag tu med pa dang mi bskyod pa'i tshogs rnams spros te/ de rnams kyi grong khyer la sogs pa'i sa gzhi kun du bkang la/ sa 'og gi bar du sku rdo rje la sogs pa'i rdul phra rab rnams las grub par bsam par bya'o/ /de ltar bsgoms pas grong khyer la sogs pa'i gnas bskal pa grangs med pa gsum gyi bar du sangs rgyas thams cad kyi byin gyis rlob par 'gyur ro//'di de zhes bya ba ni bshad ma thag pa'o/ /sems can gyi lus nyon mongs pa thams cad dang bral bar byed pa nyid yin pa'i phyir gsang ba'i sku ste skyon med pa'o//gang la sems can thams cad kyi nad med par byed pa yod pa de nyid rdo rje ltar mi phyed pa nyid yin pa'i phyir de skad ces bya'o/ /bskyed pa'i rim pa sgom par byed pa'i dbang du byas nas/ srung ba'i 'khor lo bsam gtan las byung zhes bya ba la sogs pa gsungs te/ bsam gtan las byung zhing skyes pas na bsam gtan las byung ba ste/srung ba'i 'khor lo yin zhing de yis so/ /rnal 'byor pa'i dbang phyug gi bdag po gdod ma nas ma skyes pa'i dngos po thams cad rnam par dag pa la gnas pas bgegs la sogs pa'i rnam par rtog pa tha dad pa bskyed par mi bya zhing nges par bya ste/rgyun mi 'chad par thun bzhir bsgom pa dam bcas pa gnas gang du spyod pa na/ 'di yis zhes bya ba 'chad par 'gyur ba'i srung ba'i 'khor lo'i rnal 'byor gyi gnas dang / sgrub pa po sangs rgyas thams cad kyi byin gyis rlob par 'gyur ro/ /rdo rje bdud rtsi zhes bya ba la sogs pas ni 'di skad du bstan pa yin te/sgrub thabs las bshad pa'i cho ga bzhin du zhe sdang rdo rje'i rnal 'byor dang ldan pas gnod mdzes rgyal po phyung ste/ de la bka' bsgos nas/ phyogs bcu na gnas pa'i khyab 'jug la sogs pa'i bgegs kyi tshogs bkug ste/gnas ji lta ba bzhin du rnam par bkod la bdud rtsi zhes bya ba'i khro bo bcu smad phur bu'i rnam pa can 'od zer 'bar ba rnams kyis mdangs bzang po dang ldan pa phyung ste/ dpal gnod mdzes rgyal pos lag pa g.yon pas bzung zhing / oM g+ha g+ha zhes bya ba la sogs pa'i bkas lag pa g.yas pa na thogs pa'i rdo rje tho bas brdungs nas mgo bo nas brtsams te rkang pa'i bar du bgegs thams cad phur bus gdab par bya'o//'gro ba ste bgegs kyi tshogs kyi rang bzhin gyi sems can gyi khams 'dul ba ni phur bus gdab pa ste/ gang la des zhi ba mi phyed par 'gyur ba yod pa de la de skad ces bya'o//zhi ba la ni spyan gyi tshul/ /zhes bya ba'i mdo de'i bshad pa/ zhi ba'i dkyil 'khor zhes bya ba la sogs pa gsungs te/ zhi ba'i dkyil 'khor ni bshad zin pa'i mtshan nyid can gyi chu'i dkyil 'khor yin zhing de nyid dam pa'o/ /rnam par snang mdzad gzugs bsams nas//rang gi thugs kar 'dod pa gzhag /ces bya ba la sogs pas ni/ 'di skad du bstan pa yin te/ sngar bshad pa'i tshul bzhin du sangs rgyas spyan gyi chos 'byung gi nang na gnas pa'i sku'i dkyil 'khor gyi dbus su pad+ma'i steng gi zla ba'i gdan la gnas pa'i ji skad bshad pa'i chu'i dkyil 'khor la 'dug ste/de dag nyid rig ma dang bcas pa'i rnam par snang mdzad sku dang zhal gsum sku mdog dkar po zhi ba'i ngang can shin tu snying rje'i dbang du gyur pa dkar zhing zhi ba'i ngang can gyi de bzhin gshegs pa bzhis yongs su bskor bar rnam par bsams nas/ye shes sems dpa'i thugs kar pad+ma'i steng gi zla ba la bsgrub bya dang sangs rgyas spyan gyi sngags kyi phreng ba mgo gyen du bltas pa mdog dkar po bdud rtsi 'dzag pa bsgrub bya'i lus kun du khyab par byed pa rnam par bkod la/ de'i rnam par shes pa gzhug pa sngon du 'gro ba can gyi 'od zer gyi sgo las byung ba'i rtags dang yang dag par ldan pa'i sangs rgyas spyan rnams kyis nam mkha'i dbyings kun du gang bar bltas te/sngags las byung ba'i 'od zer gyi lcags kyu rnams kyis gnas nas bkug la snga ma bzhin du bum pa la sogs pa'i dbang bskur ba'i tshul gyis bsgrub bya'i lus la bcug ste/slar sangs rgyas spyan dang yang dag par ldan pa'i rtag pa rnams spros la/ de kho na bzhin du dbang bskur bar bya'o/ /des ni bsgrub bya mi phyed pa'i sku can du 'gyur ro/ /sangs rgyas ni rnam par snang mdzad do/ /dam tshig gi sgras ni sangs rgyas spyan te gang la de dag gi bkod pa'i sprin gyis zhi bar bya ba yod pa de la de skad ces bya'o//rgyas la pad+mo rdo rje can/ /zhes bya ba'i mdo bshad pa/ zla ba'i dkyil 'khor zhes bya ba la sogs pa gsungs te/ rin po che'i dam tshig gis b+ha gar rin po che'i dkyil 'khor gyi dbus na gnas pa'i pad+ma'i steng gi zla ba'i gdan gyi dbus su dbang chen gyi dkyil 'khor bshad zin pa'i mtshan nyid can no//de nyid dge legs thob par byed pa nyid yin pa'i phyir dam pa'o/ /chos ni 'od dpag tu med pa gos dkar mo'i gzugs su gyur pa yin zhing / de snyoms par 'jug pa'i sgo nas 'dzin par byed pas na chos 'dzin pa ste/rig ma dang bcas pa sku mdog ser po thugs rgya che ba snga ma bzhin du de bzhin gshegs pa bzhi'i dbus na bzhugs pa'i rin chen 'byung ldan no/ /snying gar 'dod pa zhes bya ba ni bshad ma thag pa'i rang bzhin du gos dkar mo'i sngags kyi phreng bas kun du bskor ba'o//dkar mo zhes bya ba ni dkon mchog dbal dang ldan pa'i gos dkar mo sku mdog ser po rnams kyis nam mkha' kun du bkang ste bsdus nas sangs rgyas spyan bzhin du kun du sbyar te/ lus la gzhug par bya'o/ /de'i phyir 'dod pa la de dbab par bya zhes bya ba gsungs te/rang gi ba spu'i bu ga'i gseb nas byung ba'i dkon mchog dpal gyi tshogs gos dkar mo dang yang dag par ldan pa yang spros la/ bsdus te de kho na bzhin du dbang bskur ba dang rjes su zhugs par bsam par bya'o/ /'di yis zhes bya ba ni bshad ma thag pas so/ /dgang dka' ba yang rab tu 'gengs//zhes bya ba ni bshad zin to/ /chos ni gos dkar mo/ dam tshig ni dkon mchog dbal te/ gang la de dag gi sprin bkod pa dag gis rgyas par byed pa yod pa de la de skad ces bya'o/ /dbang la rnam par snang mdzad gnas/ /zhes bya ba mdo de'i don ni/ nam mkha' dbyings kyi zhes bya ba la sogs pa gsungs te/gos dkar mo'i mtsho skyes su gsung gi dkyil 'khor gyi dbus na gnas pa'i pad+ma'i steng gi zla ba'i gdan la'o/ /rdo rje zla gam dkyil 'khor ni yi ge baM las byung ba'i gzhu'i rnam pa can gyi rlung gi dkyil 'khor rdul phra rab dmar po g.yo ba'i rang bzhin can rdo rje'i spyan gyis mtshan pa'o//rdo rje nam mkha' zhes bya ba la sogs pa la/ rdo rje nam mkha' zhes bya ba ni lha mo rdo rje nam mkha' ma'o/ /chos mchog ni de dang yang dag par ldan pa'i 'od dpag tu med pa'o/ /'dod pa zhes bya ba ni 'gro ba thams cad dbang du bya bar 'dod pa'i gsol ba 'debs par byed pa'o//sangs rgyas zhes bya ba ni 'od dpag tu med pa rnams so/ /byang chub sems dpa' yis zhes bya ba ni rin po che'i rigs kyi mA ma kI'i gzugs rnams kyis te/ 'di nyid las byang chub sems dpa' chu rdo rje dang zhes bshad pa nyid kyi phyir ro//'od zer lnga yi sbyor ba yis/ /zhes bya ba la sogs pas ni/ 'di skad du bstan pa yin te/ bdag nyid ji skad bshad pa'i dkyil 'khor na gnas pa sku mdog dmar skya kun du chags pa'i thugs mnga' ba snga ma bzhin du de bzhin gshegs pa bzhis yongs su bskor ba rig dang bcas pa'i 'od dpag tu med par bsams la/snga ma bzhin du 'dod pa mA ma kI sngags kyi phreng bas kun nas bskor ba bltas te/ sngags las byung ba'i 'od zer gyi sgo las byung ba spros pa'i 'od dpag tu med pa dang yang dag par ldan pa'i mA ma kI dmar po'i tshogs rnams kyis nam mkha' kun du bkang la/de rnams kyis de la bum pa dmar po'i bdud rtsis dbang bskur te/ 'dod chags kyi mes 'bar ba la 'od zer lngas khyab pa'i byang chub kyi sems kyi rgyun kha dog dmar po rnams dbang bskur la/ mA ma kI'i tshogs zhu bar gyur pa zhugs pas dbang bskur bar bya zhing /de bzhin du rang gi ba spu'i rtse mo las byung ba'i 'od dpag tu med pa'i tshogs kyis kyang dbang bskur bar bya'o/ /de ni zhes bya ba dbang du bya ba don du gnyer ba'o/ /de ma thag tu ste sems brten pa'i rnal 'byor pas mnyam par gzhag pa'i rjes thogs nyid du sangs rgyas thams cad kyi thugs su byon pa dang /'phags pa 'jam dpal dang 'dra ba'i sku dang ldan pa dang / bltas pa tsam gyis 'gro ba thams cad dbang du bya ba'i las byed par dbang bskur ba'i rjes thogs nyid la 'gyur ro zhes bya ba'i don to/ /de'i phyir bltas pa tsam gyis bskul na/ 'gro ba thams cad dbang du 'gyur zhes gsungs so//rin po che zhes bya ba ni rin po che'i rigs kyi lha mo chen mo'o/ /dam tshig ni 'od dpag tu med pa ste/ gang la de dag gi sprin bkod pa dag gis dbang du bya bar nus pa'i don byed pa yod pa de la de skad ces bya'o/ /sngar ni rdo rje'i rigs gtso bor byas pa'i sgo nas spyod pa bstan pa yin no//da ni las kyi tshogs kyi go rims kyi sgo nas nam mkha' rdo rje zhes bya ba la sogs pas gsungs te/ mA ma kI'i pad+ma'i nang na gnas pa'i thugs kyi dkyil 'khor gyi dbus na gnas pa'i pad+ma'i steng gi nyi ma'i gdan gyi dbus su bdag nyid yi ge raM las byung ba'i nam mkha' lta bu'i me'i dkyil 'khor gru gsum 'bar ba'i yi ge raM gyis mtshan pa la bzhugs pa rdo rje 'chang chen po dang mtshungs pa'i mi bskyod par rnam par bsgoms la/de kho na bzhin du sdig pa bsags pa kha sbyar phye bar gyur pa 'jigs pas myos pa mdun na gnas pa'i me'i dkyil 'khor la gnas pa gcer bu skra grol ba lus til mar gyis bskus pa'i bsgrub bya dmigs te/rang gi ba spu'i bu ga nas byung ba'i 'od zer gyi sgo las spros pa'i rdo rje srin po drag po mi bzad pa rnams dang ce spyang dang bya rog dang bya rgod dang khyi rnam pa tha dad pa rnams kyis nam mkha'i dbyings kun du bkang la/mtshon cha sna tshogs thogs pa'i khro bo rnams kyis mnan te dum bur byas shing srin po la sogs pa rnams kyis khrag dang glad pa la sogs pa phyung nas zos par bsam par bya'o/ /gal te de ltar zhes bya ba la sogs pa la/ phul du byung ba ma thob pas kyang bsgom pa 'di'i sbyor bas kha sbyar phye bar gyur nas sangs rgyas la sogs pa yin yang zla ba phyed kyi nang du nges par 'chi bar 'gyur ro zhes bya ba'i don to//gang la rdo rje srin po la sogs pa'i sprin bkod pa rnams kyis mngon spyod bya ba yod pa de la de skad ces bya'o/ /sngar ni byang chub sems dpa' rnams kyi sprul pa'i dkyil 'khor bstan pa'i phyir kha dog la sogs pa bshad cing /da ni rnal 'byor sgom par byed pa'i dbang du byas nas rnam par snang mdzad ces bya ba la sogs pas ston te/ de ni bshad zin to/ /'khor lo rdo rje pad+mo che/ /g.yas pa'i phyag tu rnam par bsgom/ / zhes bya ba la/ rnam par snang mdzad kyi g.yas pa'i rtsa ba'i phyag na 'khor lo/ /mi bskyod pa'i rdo rje/ 'od dpag tu med pa'i ni pad+ma chen po'o/ /de ni nye bar mtshon pa yin te/ rin chen 'byung ldan gyi g.yas pa'i rtsa ba'i phyag na rin po che don yod par grub pa'i ni ral gri'o/ /nges par 'byed pa'i shes rab kyi don ston par byed pa'i dril bu'i sgra'i rjes su 'gro ba'i shes rab kyi rang bzhin can ni lha thams cad kyi g.yon pa'i rtsa ba'i phyag tu blta bar bya'o//mtshon cha bzang po sna tshogs bsnams pa zhes bya ba 'dis ni de bzhin gshegs pa lnga lha thams cad dang thun mong du shes rab ye shes kyi don ston par byed cing rnam par thar pa drug gi bdag nyid kyi phyag mtshan drug bsnams pa yin no zhes bstan pa yin te/'on kyang rgyud ni sku dang gsung dang thugs gtso bor gyur pa nyid yin pa'i phyir sku rdo rje'i phyag g.yas pa rnams na ni 'khor lo dang rdo rje dang pad+ma'o//thugs rdo rje'i ni rdo rje dang 'khor lo dang chu skyes so/ /gsung rdo rje'i ni pad+ma dang rdo rje dang 'khor lo'o/ /g.yon pa rnams na ni dril bu dang yid bzhin gyi nor bu dang ral gri'o/ /rin chen 'byung ldan gyi g.yas pa rnams na ni yid bzhin gyi nor bu dang rdo rje dang 'khor lo/ g.yon pa'i gnyis pas ni pad+ma'o//de bzhin don yod par grub pa'i g.yas pa'i rtsa ba'i phyag na ni ral gri/ gnyis pa na ni sna tshogs rdo rje/ g.yon pa'i gsum pa na ni pad+ma'o/ /de bzhin du rigs kyi dbye ba'i sgo nas thams cad la shes par bya'o/ /gang du khyad par gyi gnod pa med pa der ni bar bu chos gos 'khar gsil dang /mtshon cha sna tshogs mchog 'dzin pa/ /zhes bya ba de lta bu la sogs pa bzung nas yang 'grub par 'gyur ro/ /sku dang gsung thugs sbyor ba las/ /lha rnams thams cad zhal gsum mo/ /rnam thar brgyad kyi rang bzhin phyir/ /de bzhin phyag mtshan thams cad bsnams//rigs gsum gtso bor gyur pa'i phyir/ /rdo rje 'khor lo chu skyes ni/ /g.yas pa'i phyag rnams bsnams pa yin/ /don gyis g.yon na lhag ma rnams/ /phyag mtshan du ma bsnams pa nyid/ /kun du so sor grub pa yin/ /gzhung gi don dang man ngag las/ / ral gri g.yon pa'i phyag na bsnams/ /tha mal pa yi sems can yang / /g.yon pas ral gri 'dzin par snang / /de rnams bya ba'ang byed pa ste/ /goms pa'i sgo nas bya min med/ /shin tu spros pas cho ga go/ /bcom ldan 'das kyis kyang / dngos grub kun gyi gter gyur pa//dgongs pa lung bstan la brten nas/ /gang gi sems kyis ji ltar nus/ /de yis de ltar bya ba yin/ /zhes gsungs te/ bdag gi nus pa yang de lta bu yin no/ /sems can kun la zhes bya ba la sogs pa ni go sla'o/ /nam mkha' rdo rje ni dkon mchog dpal lo//de'i spyan ni shes rab kyi spyan du gyur pa'am rang gi rig sngags kyi rnal 'byor pa rdo rje'i gnas su khrid par byed pas so/ /'di ni dus 'dir mdog ser po yin no zhes bya ba ni man ngag yin no/ /gnag ces bya ba mi bskyod pa dang yang dag par sbyor ba'i dus su'o/ / de'i phyir mA ma kI 'di ni rigs gnyis kyi rang bzhin yin no/ /gsung gi spyan ni bshad ma thag pa bzhin du dkar mo zhes bya ba'o/ /rdo rjes mtshan pa'i ut+pal rdo rje ut+pal yin zhing / der 'dzin par byed pas na rdo rje ut+pa la bsnams pa ste/ 'phags ma sgrol ma'o/ /khro bo chen po zhes bya ba la sogs pa la/drag po ni rdo rje 'jigs byed yin zhing de dang mtshungs pas na drag po'i 'od bzang ba'o/ /sems can thams cad 'jigs pa skyed par byed pas na 'jigs pa'ang 'jigs par byed ces brjod do/ /gzhan gyis mi thub ces bya ba la sogs pa ni shes par zad do/ / khro bo chen po rta mgrin ni/ /zhes bya ba la sogs pa la/ bskal pa'i me bzhin rab tu 'bar/ /zhes bya ba ni 'jig pa'i dus kyi me dang mtshungs pa'o/ /gdug pa zhabs kyis mnan zhes bya ba ni phung po'i bdud kyi rang bzhin gyi tshangs pa mnan nas bzhugs pa'o/ /sbyor ba can gyis rtag tu bsam//zhes bya ba ni rdo rje 'chang chen po'i rnal 'byor ram 'od dpag tu med pa'i rnal 'byor byas la/ snga ma bzhin du rnal 'byor thams cad pa las yang dag par phyung ste/ des sems can gyi khams phung po'i bdud dang bral bar byas nas bkug ste rang gi lus la bcug la thams cad gyur par byas nas bdag nyid 'phags pa rta mgrin du bsam par bya'o zhes bya ba'i don to//rdo rje mi 'chi zhes bya ba la sogs pa la/ rdo rje 'bar ba ni zhe sdang ste de dang 'dra'o/ /ma bshad pa rnams kyi sku mdog la sogs pa ni Tak+ki ye shes la sogs pas bstan te/ Tak+ki 'dod par yang dag brjod/ / ces 'byung ba'i phyir Tak+ki zhes bya ba'i sgra ni 'dod pa la bya'o/ /de nyid ye shes kyi khro bo'i gzugs yin pa'i phyir khro bo chen po'o/ /zhal gsum pa ni 'jigs par byed/ /ces bya ba la sogs pa ni sku rdo rje la sogs pa'i rang bzhin gyi zhal gsum gyis tha mal pa'i lus la sogs pa rnams 'jigs par byed pa'o//spyod pa la brtson pa thams cad las mchog tu gyur pa nyid yin pa'i phyir stobs po che'o/ /sems can thams cad kyi mi shes pa'i mun pa thams cad rnam par 'joms par byed pa nyid yin pa'i phyir 'jig rten gsum gyi mun sel ba'o/ /gdug pa thams cad 'joms par byed//ces bya ba ni bdud bzhi dang bla ma la smod par byed pa la sogs pa rnams 'joms par byed pa'o/ /zhag gsum par zhes bya ba la sogs pa ni bshad zin to/ /rdo rje dbyig pa kha dog sngon po 'dzin par mdzad pa nyid yin pa'i phyir dbyig sngon can ni/ khams gsum dag gi nang na gnas pa'i gdug pa rnams 'jigs par byed pas na khams gsum dag ni 'jigs par byed pa'o//sku dang gsung dang thugs las byung ba'i zhal gyi yan lag dang ldan pa nyid yin pa'i phyir zhal gsum rdo rje gsum las byung ba'o/ /nyon mongs pa'i bud shing ma lus pa bsreg pa'i bdag nyid kyi 'od kyis 'bar ba nyid yin pa'i phyir 'bar ba rnon po can no//rdo rje ni sbyor ba'i mi phyed pa'i thabs te/ de las g.yo ba med pas na rdo rje mi g.yo ba'o/ /thugs las byung ba nyid yin pa'i phyir rdo rje las byung ba'o/ /srid pa dang mya ngan las 'das pa dag tha mi dad par lta ba'i sgo nas gcig tu mthong ba'i phyir mi g.yo ba'o//zhi ba zhes bya ba ni khro bo gzhan la ltos nas cung zad tsam nyid kyis yin gyi/ rnam pa thams cad du zhi ba'i gzugs can ni ma yin te/ khro bo nyid yin pa'i phyir ro/ /gzhan ni bshad zin to/ /gtsug tor chen po yi ge gcig / ces bya ba ni yi ge b+h+rUM las byung ba'i gtsug tor 'khor los sgyur ba chen po'o/ /'od zer dag ni kun nas 'phro/ /zhes bya ba ni nyi ma'i 'od zer bzhin du spros pa'i 'od zer rnams kyis kun du snang bar byed pa'o/ /zhal gsum zhes bya ba la sogs pa ni bshad zin to//nyon mongs pa thams cad nges par 'joms par byed pa'i mtshan nyid can gyi/ ye shes mchog 'dzin par mdzad pas na gnod mdzes ye shes mchog 'dzin pa'o/ /de nyid ni drag po yin zhing de nyid ni 'jig pa'i dus kyi rgya mtsho dang mtshungs pa'o/ /'di'i sku mdog la sogs pa ni srung ba'i 'khor lo las bshad de 'on kyang skabs 'dir ni rdo rje hUM mdzad kyi phyag rgya dang ldan pa yin zhing phyag g.yon pa lhag ma rnams kyis ni mi bskyod pa bzhin du mtshon cha nges par bsnams pa'o//de bzhin gshegs pa thams cad kyi gzi brjid kyi rang bzhin nyid yin pa'i phyir gzi brjid phung po'o//'di la 'khor los sgyur ba thams cad kyis zil gyis mi non pa'i gtsug tor yod pas na gtsug tor rgyal ba'o/ /gang gzhan sngags kyi 'khor lo can/ /zhes bya bas ni 'di dag la brten nas 'khor los sgyur ba brgyad bzung ngo / /de rnams kyi sku mdog la sogs pa'i nges pa ni rdo rje snying po'i rgyan las shes par bya'o//zhal dang phyag gi nges pa yang de nyid las bshad de/ rang gi phyag mtshan ni rtsa ba'i phyag la lhag ma la ni de las bshad pa'i phyag mtshan rnams dgod par bya'o/ /dam tshig longs spyod 'di rnams ni/ /zhes bya ba ni sku mdog dang zhal dang phyag dang mtshon cha la sogs pas khyad par du byas pa'i sku mnga' ba bdag nyid srung bar nus pa rnams so sor rnal 'byor pa rnams kyis bsgom par bya'o zhes bya ba'i don to//lha rnams re re'i ting nge 'dzin dpag tu med cing tshad med par bshad pa yin no/ /de ji ltar shes she na/de'i phyir re re yang zhes bya ba la sogs pa gsungs te/ nam mkha'i steng du shin tu 'phags/ /zhes bya ba ni gal te nam mkha' la yul nges pa yod na de'i tshe khro bo'i ting nge 'dzin gyi sprul pa rnams kyis de yang kun du bkang nas sprul pa ches lhag par yang 'gyur ro zhes bya ba'i don to//rdo rje 'chang chen po yongs su gyur par byas nas bshad ma thag pa'i lha thams cad bsgom par bya ba yin pas/ de'i phyir nam mkha'i dbyings zhes bya ba la sogs pa gsungs te/ ji skad bshad pa'i btsun mo'i nam mkha'i dbyings su 'od gsal ba'i dkyil 'khor ni rnam par snang mdzad kyi'o//sangs rgyas ni rdo rje 'chang ste/ de'i gzugs ni sangs rgyas gzugs so/ /rnam par snang mdzad rnam par bsam/ /zhes bya bas ni 'di skad du bstan te/ sgrub pa'i thabs kyi tshul bzhin du rdo rje 'chang chen po'i rnal 'byor dang ldan pas dang po'i sbyor ba'i ting nge 'dzin gyi rjes thogs la rang gi rig ma'i pad+ma la gnas pa'i byang chub kyi sems kyi zla ba la dzi na dzika ces bya ba 'dis rnam par snang mdzad bskyed nas rdo rje gsum gyis byin gyis brlabs la phyung ste/de 'gro ba'i don byed du bcug la de bkug nas rang gi lus la bcug ste/ thams cad gyur par bya bas bdag nyid rnam par snang mdzad du bsam par bya'o//de bzhin du lha thams cad bskyed pa'i bsgom pa shes par bya'o/ /rang bzhin gyis yongs su dag pa nyid yin pa'i phyir zla ba gsal ba bzhin no/ /stong pa nyid kyi rgyu mthun pa'i me long lta bu'i ye shes kyi rang bzhin nyid yin pa'i phyir me long lta bur yang dag par 'byung ba'o//de nyid kyi phyir rdo rje'i rnam pa can gyi khams gsum pa'i gzugs brnyan 'byung ba'i rgyu nyid yin pa'i phyir khams gsum dag gi dkyil 'khor ro/ /gzhan ni go sla'o/ /bsam gtan rdo rje zhes bya ba la sogs pas ni phan yon gsungs te/ gzhan la yang de dang 'dra'o//gang la rnam par snang mdzad 'byung zhing skye ba yod pa de la de skad ces bya'o/ /rdo rje'i dkyil 'khor ni mi bskyod pa'o/ /thog ma dang tha ma med pa'i chos kyi dbyings kyi ye shes rnam par dag pa yin pa'i phyir gsal ba'i lus dang 'dra ba'o/ /gzhan ni shes par zad do/ /'di la chos kyi dbyings kyi ye shes kyi bdag nyid kyi thugs kyi rnam pa mnga' bas na ye shes gnas so//dam tshig thams cad ni mi bskyod pa ste/ de 'byung ba ni skye ba yin zhing gang la de nyid mdzes pa ste/ bzang po'i rdo rje yod pa de la de skad ces bya'o/ /chos kyi dkyil 'khor ni 'od dpag tu med pa'i dkyil 'khor ro//chos kyi sems dpa' ni 'od dpag tu med pa ste/ chos thams cad la so sor rtog pa rnam par dag pa nyid yin pa'i phyir ro/ /gsal ba ni pad+ma rA ga'i mdog can no/ /mchog tu dga' ba dang sgeg pa'i ro'i bdag nyid can yin pa'i phyir zhi ba'o/ /'od zer sprin gyi zhes bya ba la sogs pas ni rang gi ba spu las byung ba'i 'od zer sna tshogs kyi sprin gyi 'khor los nam mkha' kun du gang bar bsam par bya'o//chos kyi sku nyid yin pa'i phyir sku gsum mi phyed pa las byung ba'o/ /nges par 'byed pa'i shes rab kyi ye shes nyid chu'i khams bzhin du thams cad du 'gro ba nyid yin pa'i phyir ye shes rgya mtsho yin zhing /de rig ma'i gzugs su yongs su gyur pa dang sbyor bas brgyan pa nyid yin pa'i phyir rnam par brgyan pa ste/ de tshe 'di nyid la thogs par 'gyur ro zhes bya ba'i don to/ /ting nge 'dzin ni 'das ma thag pa bzhin no/ / zla bas mtshan pa'i dkyil 'khor ni zla ba'i dkyil 'khor te/ sku'i dkyil 'khor nyid do/ /spyan gyi mchog ces bya ba ni sangs rgyas spyan no/ /gzhan ni bshad zin pa dang 'dra'o/ /spyan gyi dam tshig ni 'khor lo'i phyag mtshan gyi gzugs kyi rnam par snang mdzad de/ sems rtse gcig pa gang la phyag gi mchog tu rnam par bsgoms pa yod pa de la de skad ces bya'o//rdo rje'i dkyil 'khor ni thugs kyi dkyil 'khor ro/ /nam mkha' rdo rje mchog ces bya ba ni rigs gnyis kyi rang bzhin can mA ma kI'o/ /nam mkha'i yum zhes bya ba ni nam mkha' dang mtshungs pa'i rin po che'i rigs kyi yum ste/gang la de nyid kyi pad+ma las byung ba'i 'od zer gyi sprin rnams kyis rdo rje'i rigs tshim par byed pa yod pa de la de skad ces bya'o/ /chos kyi 'khor lo bshad zin to/ /rdo rje chos ma zhes bya ba ni gos dkar mo'o/ /pad+ma rA ga zla 'od 'dra ba ni dmar po cung zad skya ba ste/rgya skyegs kyi khu ba dang thod le kor bsres pa des bris pa lta bu'o/ /thugs rje chen pos chags pa'i thugs 'dzin pas na 'dod chags chags pa 'dzin pa ste 'od dpag tu med pa yin zhing / de'i sdug pa ni 'dod pa'o/ /chos kyi ye shes 'byung gnas zhes bya ba ni 'od dpag tu med pa'i byung ba'i gnas so//de'i phyir sgrub pa po rnams kyis gsang bar bya ba'o/ /ut+pal dmar po phyag na bsnams/ /zhes bya ba ni g.yas pa'i rtsa ba'i phyag gis thugs kar kha phye ba de'i rtsa ba g.yon pa dril bu dang bcas pas gzung ba'i thabs mtshon par byed pa'o/ /chos ni 'od dpag tu med pa'o//dam tshig ni gos dkar mo ste de dang yang dag par sbyor ba bsgom pa'i sgo nas de kho nyid mngon par byang chub pa kun du ston pa ni bde ba chen po mngon par byang chub pa mngon du byed pa yin zhing gang la de nyid mi phyed pa yin pa yod pa de la de skad ces bya'o/ /dngos grub dkyil 'khor zhes bya ba ni don yod grub pa'i dkyil 'khor ro//sgrol ma mchog ces bya ba ni 'phags ma sgrol ma'o/ /gang la kha dog ljang ser 'dra ba ste ba bla'i kha dog dang mtshungs pa yod pa de la de skad ces bya ste/ bai DUr+ya'i ljang ser gyi mdog can zhes bya ba'i don to/ /byang chub kyi sems kyi zla ba las byung ba nyid yin pa'i phyir rdo rje ting nge 'dzin las byung ba'o//ut+pal ser po'i mdog 'dra ba/ /zhes bya ba yang de dang 'dra ba nyid do/ /dam tshig ni don yod par grub pa ste/ de'i rig ma ni dam tshig sgrol ma yin zhing de nyid mchog ste sems rtse gcig pa gang la yod pa de la de skad ces bya'o//nyi ma'i dkyil 'khor zhes bya ba ni sku'i dkyil 'khor gyi dbus na gnas pa'i pad+ma'i steng gi nyi ma'i gdan no/ /gshin rje'i rnam pas 'chi bdag gi bdud 'joms par byed pa'i phyir gshin rje gshed do/ /de nyid ni mchog ste de'o/ /gzhan ni bshad zin to/ /de ltar dkyil 'khor de dang de la gnas pa'i pad+ma'i steng gi nyi ma'i gdan la bzhugs pa'i rdo rje chen po'i rnal 'byor dang ldan pas rig ma'i pad+ma na gnas pa'i byang chub kyi sems kyi nyi ma'i dkyil 'khor la bdag nyid rang gi snying po rnams kyis de kho na bzhin du khro bo thams cad kyi gzugs su bskyed par bya'o zhes bya ba ni khyad par yin no//gang la 'phags pa gshin rje gshed spro ba'i bkod pa rnams kyis sems can thams cad kyi rgyud la yod pa'i 'chi bdag gi bdud rnam par gzhom par bya ba yod pa de la de skad ces bya'o/ /nyon mongs pa rnams kyis 'pham par bya ba mi nus pa nyid yin pa'i phyir gzhan gyis mi thub pa'o//rdo rje gyes pa mche ba gtsigs/ /zhes bya ba ni rdo rje gyes pa bsnams pa dang / mche ba drag tu gtsigs pa'o/ /gang la 'phags pa gzhan gyis mi thub pa'i rdo rje bkod pa rnams kyis sems can rnams kyi nyon mongs pa'i bdud rnam par gzhom par bya ba yod pa de la de skad ces bya'o//dpal sangs rgyas thams cad kyi rgyud las bshad pa'i rta mchog bzhin du tshangs pa la sogs pa'i rnam pa can gyi phung po'i bdud la sogs pa rab tu 'joms pa'i phyir rdo rje rta ste dpal pad+ma mthar byed yin zhing de'o/ /pad+ma mthar byed gang gis rnam pa thams cad du gdug pa'i phung po'i bdud kyi rang bzhin can tshangs pa gnon pa de la de skad ces bya'o//gang la rta bskyed pa dang de las byung ba'i bkod pa rnams kyis phung po'i bdud rnam par gzhom par bya ba yod pa de la de skad ces bya'o/ /rdo rje mi 'chi ni bdud rtsi 'khyil ba'o/ /rdo rje'i sprin ni kun tu 'khrug /ces bya ba ni ye shes kyi 'od zer gyi sprin gyis khyab pa'o/ /gang la bdud rtsi 'khyil pa las byung ba'i rdo rje'i dam tshig bkod pa rnams kyis lha'i bu'i bdud rnam par gzhom par bya ba yod pa de la de skad ces bya'o/ /rdo rje 'od bzang zhes bya ba ni dpal zhe sdang rdo rje'i mdog can no//bsam gtan nyid rdo rje yin pas na bsam gtan rdo rje'o/ /des rdzogs par byang chub pa zhes bya ba ni yang dag par sbyor ba las byung ba'i bde ba chen po ste/ ting nge 'dzin gang la ming de skad ces bya ba nyid yod pa de la de skad ces bya'o/ /zhags pa 'dzin ces bya ba ni phyag gsum pas rig ma'i nu ma 'dzin pa'o//gang la sku dang gsung dang thugs mi phyed pa'i stobs yod pa de la de skad ces bya'o/ /rgya mtsho nag po skyed par byed/ /ces bya ba ni rgya mtsho rnams kyi chu'i khams bzhin du 'phags pa dbyig pa sngon po sku mdog nag po skyed par byed pa'o/ /gang la rdo rje dbyig pa nyid 'da' bar mi bya ba nyid yin pa'i phyir dam tshig mchog yin pa yod pa de la de skad ces bya'o//rdo rje'i nam mkha'i dbyings kyi dam tshig ni mi gnas pa'i mya ngan las 'das pa'i 'phags pa mi g.yo ba ste/ gang la des srid pa dang zhi ba'i rnam par rtog pa'i zhabs 'joms par byed pa yod pa de la de skad ces bya'o//rig pa'i 'khor lo zhes bya ba ni gtsug tor 'khor los sgyur ba'o/ /gtsug tor nyid dam tshig ste/ 'da' bar mi bya ba nyid yin zhing gang la de'i stobs kyi rig pa'i 'khor lo mi shigs pa yod pa de la de skad ces bya'o/ /rdo rje suM b+ha zhes bya ba ni dpal gnod mdzes rgyal po'o//'di ni khro bo thams cad kyis/ /'da' bar dka' ba'i dam tshig go/ /zhes bya ba ni khro bo thams cad bsgom pa'i rnam pa 'di nyid ni/ de bzhin gshegs pa thams cad kyis kyang 'da' bar bya ba ma yin par bcom ldan 'das kyis gsungs pa'o/ / gang la rdo rje'i dam tshig nyid dpal gnod mdzes rgyal po ste de rab tu 'byung ba yod pa de la de skad ces bya'o/ /gang gi tshe rang gi rigs su bshad pa'i dkyil 'khor gyi tshogs sangs rgyas la sogs pa rnams ma grub na/ de'i tshe dkyil 'khor rnams bka'i 'khor los mnan nas bsgrubs na gdon mi za bar 'grub par 'gyur bas/de'i phyir 'gog pa zhes bya ba la sogs pa gsungs te/ 'gog pa ni mnan pa'o/ /gang gis she na khro bo'i 'khor los te/ khro bo'i dkyil 'khor 'bar bas so/ /'di gang gis bya zhe na/ sangs rgyas 'khor lo bstan pas te/ 'gog pa'i ting nge 'dzin mngon du byas shing sangs rgyas la sogs pa'i dkyil 'khor sgom pa pos so//gang las she na 'di ltar/ ting 'dzin rdo rje sems dpa' rnams/ /rdo rje'i dkyil 'khor las 'grub 'gyur/ /zhes gsungs te/ rdo rje'i dkyil 'khor ni 'khor lo rtsibs bcu pa'o/ / 'di skad du bstan pa yin te/ mA ma kI'i mtsho skyes su yi ge hUM las byung ba'i 'khor lo chen po 'bar ba rtsibs bcu pa kha dog kun du ser po rnam par bsgoms la/ de'i lte ba'i dbus su bdag nyid ji skad bshad pa'i zhe sdang rdo rjer rnam par bsams te/ ji lta ba bzhin du yang dag par sbyor ba las kun du phyung nas/rnam par snang mdzad la sogs pa cung zad nur ba'i gnas la brten pa'i rtsibs bzhi la 'phags pa gshin rje gshed la sogs pa bzhi po dang de bzhin du sangs rgyas spyan la sogs pa cung zad nur ba'i gnas rnams su go rims bzhin du 'phags pa 'dod pa'i rgyal po dang dbyig pa sngon po dang /stobs po che dang / mi g.yo ba dang / dbang po dang / dbang ldan gyi phyogs kyi rtsibs dag gi dbus na gnas pa'i rtsibs cung zad 'dor ba la khro bo gtsug tor 'khor los sgyur ba dang / de bzhin du chu lha dang bden bral gyi phyogs dag gi dbus na gnas pa'i rtsibs la khro bo dpal gnod mdzes rgyal po bsam par bya'o//le'u bco brgyad pa las kyang / 'khor lo ser po rtsibs bcu pa/ /de yi dbus na rnam par bsgom/ /ye shes bcu 'byung bdag nyid can/ /khro bo bcu ni rtsibs kun la/ /rdzogs pa mchog tu bzang ba yin//'gog pa'i rdo rjes bsgom par bya'o/ /zhes gsungs so/ /rdo rje'i dam tshig ni thabs dang shes rab kyi bdag nyid kyi dpal rdo rje sems dpa'o/ /de'i bkod pa ni dkyil 'khor gyi lha rnams tha dad pa rnams kyi dbyibs la sogs pa'i bkod pa'i rang bzhin no/ /des de kho na nyid kyi don bsgom pa ni yang dag par sbyor ba la gnas pa nyid kyi sgo nas las rnam pa sna tshogs bsgrub pa rnams so//des mngon par te rnam pa thams cad du byang chub pas na mngon par byang chub pa ste/ thams cad la khyab pa'i bde ba chen po yin zhing / don de ston par byed pa'i sgra'i tshogs la de skad ces bya'o//le'u bcu gsum pa'i rnam par bshad pa'o// //sangs rgyas spyan la sogs pa'i sngags dgod pa dang brjod pa sngon du 'gro ba can gyis zhi ba la sogs pa'i las kyi tshogs bya ba yin pas de'i phyir/ sku dang gsung dang thugs rmad du byung ba'i sngags kyis 'gugs pa'i rnam par sprul pa'i rgyal po'i ting nge 'dzin gyi le'u de nas zhes bya ba la sogs pa gsungs te/de bzhin gshegs pa thams cad kyis 'da' bar mi bya ba nyid yin pa'i phyir de bzhin gshegs pa thams cad kyi dam tshig gi bdag po ni rdo rje 'chang chen po'o/ /rims dang gdon la sogs pa'i nyes pa thams cad zhi bar byed pas na zhi ba'o//de'i don gyi dam tshig ni rgyu dang lam ste sangs rgyas spyan yin zhing gang la de nyid mchog rdo rje yin pa yod pa de la de skad ces bya ste/ sangs rgyas spyan gyi sngags brjod pa'i rnam par sems rtse gcig pa nyid du byas nas zhes bya ba'i tha tshig go/ / de bzhin gshegs pa thams cad ni rnam par snang mdzad do/ /de'i btsun mo ni sngags kyi lha mo'o/ /phyung ngo zhes bya ba ni sku dang gsung dang thugs yang dag par sbyor ba las phyung bar gyur pa'o/ /'byor ba kun la dgyes pa rnams ni sems can thams cad kyi phun sum tshogs pa la 'dod pa'i gti mug gi rigs can rnams so//sangs rgyas rdo rje rjes su dran/ /zhes bya ba ni sangs rgyas kyi spyan gzugs su mngon par byung ba'i sku rdo rje ste/ des 'gro ba bde bar mdzad pa mngon nas mnyes shing shin tu dgyes par gyur to zhes bya ba'i don to/ /sangs rgyas rnams kyi zhi 'byung ba/ / zhes bya ba ni bsgrub par mngon par 'dod pa'i de bzhin gshegs pa rnams kyis mngon par 'dod pa'i dngos grub thob nas/ 'dis sngar bshad pa'i rim pa bzhin du zhi bar bya ba'o/ /'di nyid gdan kha dog ser po la sogs par bsam pa'i bye brag gis zhi ba la sogs pa'i las thams cad rab tu bsgrub pa'o//shi ba gson par byed par gsungs/ /zhes bya ba ni 'di skad bstan pa yin te/ ji lta ba bzhin du sangs rgyas spyan gyi rnal 'byor byas la rang gi snying ga nas grub pa'i rdo rje lcags kyu phyung ste/ des shi ba'i dri za'i sems can gyi bdag nyid dam mngal du zhugs pa'i rnam par shes pa gsal zhing rlung gis ma bskyod pa'i mar me'i me lce'i rnam pa can bkug nas de'i snying gar bcug ste/der mo ha ra ti zhes bya ba'i snying po rnam par bkod la de las byung ba'i 'od zer gyi tshogs rnams kyis de'i 'jigs pa mi snang bar byas te/ snying po nyid brjod cing sangs rgyas spyan gyi gzugs su yongs su gyur par bsams la/phung po dang skye mched dang sku dang gsung dang thugs byin gyis brlab pa yang byas te/ rang gi snying gar bzhugs pa'i ye shes kyi lha mo'i thugs kar pad+ma'i steng gi zla ba la bkod pa'i phreng ba'i sngags las byung ba'i 'od zer gyi sgo las spros pa'i sangs rgyas spyan gyi tshogs rnams kyis bum pa'i byang chub kyi sems dang bdag nyid zhugs pa'i dbang bskur ba rnams kyis dbang bskur bar bya'o//de ltar na shi ba de gson zhing rdo rje'i sku dang ldan par 'gyur ro/ /rdo rje'i dam tshig ni dpal rdo rje sems dpa' yin zhing /de skul bar mdzad pas na rdo rje'i dam tshig skul mdzad ma ste/ gang gi tshe ji skad bshad pa bzhin du byed pa'i rnal 'byor pas grub par ma gyur na/ de'i tshe dpal rdo rje 'chang rjes su mnyes par byas te/ snyan cing 'jam pa'i tshig rnams kyis yang dag par bskul nas bkug ste de'i rgyud la grub par byed pa yin pa'i phyir ro//sku gsum gyi dam tshig rdo rje khro bo ni chos kyi sku la sogs pa'i ngo bo nyid yin pa'i sgo nas 'da' bar bya ba ma yin pa'i mi bskyod pa'o/ /de'i dngos po ni sems can thams cad sdud par byed pa'i thugs rje chen po'i rang bzhin can gyi thabs kyi thugs so//de'i dngos po med pa ni de'i rang bzhin med pa'i shes rab ste/ kun rdzob tu ni mA ma kI'i gzugs so/ /dam tshig ni srid pa dang zhi ba mnyam pa nyid du ro gcig pa'i mi gnas pa'i mya ngan las 'das pa ste/ shes pas srid la mi gnas shing //snying rjes zhi la mi gnas te/ /zhes 'byung ba'i phyir ro/ /gang la de nyid rdo rje yin pa yod pa de la de skad ces bya ste/ de la snyoms par zhugs nas so/ /rdo rje 'dzin gyi btsun mo'i mchog 'di zhes bya ba ni bla na med pa'o/ /de bzhin du thams cad la rigs kyi bye brag gi sgo nas shes par bya'o//rdo rje bsrung ba'i sbyor ba las/ /zhes bya ba ni rang gi rnal 'byor gyis ro langs la sogs pas sgrub pa rnams la'o/ /'di skad du bstan pa yin te/ ji lta ba bzhin du rang gi lha'i rnal 'byor dang ldan pas rang gi mgo la dwe Sha ra ti zhes bya ba'i snying po las byung ba'i rdo rje kha gyen du bltas shing zla ba'i dkyil 'khor la gnas pa bsams te/de'i lte ba'i nang na gnas pa'i mA ma kI bsams la/ ye shes kyi lha mo'i thugs ka'i pad+ma'i steng gi zla ba la gnas pa'i phreng ba'i sngags las byung ba'i rdo rje rtse gsum pa rnams kyis bdag nyid rkang pa'i mthil gyi bar du rdo rje'i go bgos par bsgom par bya'o//de ltar na mi phyed pa'i bsrung bar 'gyur ro/ /las rnams rtag tu rab sgrub pa/ /zhes bya ba ni sangs rgyas spyan bzhin du zhi ba la sogs pa'i las rab tu bsgrub par 'gyur ro/ /rdo rje chen po ni dpal rdo rje sems dpa' ste/ de'i 'jigs pas myos par gyur pa rnams la yang 'di ni rtag tu stobs bskyed pa yin no//gang gi phyir de lta yin pa de bas na gdon la sogs pa thams cad kyi 'jigs pas 'jigs par 'gyur ba'i sems can la bshad ma thag pa'i cho ga'i sgo nas 'di nyid kyis bsrung bar bya'o/ /mngon spyod bya ba'i sems can kha sbyar phye bar gyur cing srung ba dang bral ba la yang gal te rnal 'byor pa 'dis 'di'i sgo nas bsrung bar byas nas de yang mi phyed par 'gyur ro//'dod chags chen po ni 'od dpag tu med pa'o/ /de'i dam tshig ni gos dkar mo ste/ gang la de gzigs shing ye shes kyi spyan gyis yul du bya ba yod pa de la de skad ces bya'o//chos te mi 'jigs pa la sogs pa rnams rgyas shing 'phel bar byed pas na chos rgyas pa'o/ /stobs mdzad pa zhes bya ba ni nad la sogs pa rnams kyis nyams pa rgyas par mdzad pa'o/ /mdzod chen po ni nam mkha' mdzod kyi ting nge 'dzin gyi rang bzhin gyi dkon mchog dpal te de dang yang dag par ldan pas na mdzod chen po dang ldan pa'o//'di skad du bstan pa yin te/ ji lta ba bzhin du 'od dpag tu med pa dang bcas pa'i gos dkar mo sku mdog ser po'i rnal 'byor dang ldan pas snga ma bzhin du dbang bskur ba rnams kyi sgo nas stobs zad pa'i stobs bskyed pa dang dbul po'i nor 'phel bar bya'o//bzlas pa tsam gyis zhes bya ba ni ji skad bshad pa'i bsgom pa sngon du 'gro ba can gyis sngags brjod pa nyid kyis zhes bya ba'i don to/ /'gro ba ma lus pa'i bya ba bsgrub pa'i phyir kun nas yang dag par 'byung bas na kun nas 'byung ba ste 'phags ma sgrol ma yin zhing /de'i sngags brjod pa'i rnam par sems rtse gcig pa mi phyed pa ni ting nge 'dzin te de la snyoms par zhugs nas zhes bya ba la sogs pa sngar bshad zin to/ /sangs rgyas rdo rje ni de bzhin gshegs pa rnams te/ de rnams kyi sde ni tshogs yin pas/ sangs rgyas rdo rje bde chen no/ /sems can khams ni ma lus pa/ /zhes bya ba ni 'di skad du 'od dpag tu med pa dang yang dag par ldan zhing de'i mdog can gyi 'phags ma sgrol ma gdan dang 'od dang rgyan dmar po dang ldan pa'i rnal 'byor ji lta ba bzhin du byas la/ye shes kyi rig ma'i thugs kar pad+ma'i steng gi zla ba la phreng ba'i sngags kha dog dmar po mgo gyen du bltas pa rnam par bkod de/ oM las byung ba'i yi ge AHyis bskyed pa'i mda' kha 'ug gi dngos po yi ge hUM las byung ba'i ut+pa la dmar po kha ma bye ba'i mde'u dang ldan pa rang gi sngags kyis byin gyis brlabs pa rna rtsa'i bar du bkang bas bsgrub bya skyes pa'i snying dang lkog ma dmar po dang bud med kyi pad+ma phug la/rang gi snying ga las phreng ba'i sngags rdo rje nas byung ba de'i khar bcug ste/ de'i sems zla ba'i dkyil 'khor dmar po'i rnam pa can bkug nas log ste/ye shes kyi lha mo'i pad+ma'i lam nas snying gar bcug la bzlas pa bya zhing / bsgrub bya yang snying 'phrog shing rtsa ba nas bcad pa'i ljon shing bzhin du rkang pa'i drung du 'gyel bar blta bar bya'o/ /de ltar na bran bzhin du thams cad byed par dbang du 'gyur ro zhes bstan pa yin no//de nas zhes bya ba la sogs pa la/ sku dang gsung dang thugs rdo rje de bzhin gshegs pa ni dpal rdo rje sems dpa'o/ /gshin rje gshed gang la dri ma med pa ste/ rtog pa'i skyon dri ma thams cad dang bral zhing / thugs rdo rje chen po las byung ba'i 'od zer gyi sprin spro bar bya ba yod pa de la de skad ces bya ste/de la dmigs pa'i ting nge 'dzin ni mi phyed pa nyid yin pa'i phyir de skad ces bya'o/ /sangs rgyas grags pa chen po kun/ /zhes bya ba ni gti mug gi rigs kyi dkyil 'khor pa rnams so/ /'jigs shing kun du skrag gyur nas/ / zhes bya ba ni rigs nges pa la sogs pa'i sems can rnams dang rjes su mthun par ston pa'o/ /rdo rje'i sems ni rjes su dran/ /zhes bya bas ni rdo rje 'chang chen po rjes su dran pas 'jigs pa thams cad dang bral bar 'gyur ro zhes kyang bstan to/ /thod pa zhes bya ba la sogs pas ni gong bu dgug par brtsams pa gsungs so//'di skad du ji skad bshad pa'i sku'i dkyil 'khor du rdo rje 'chang chen po'i rnal 'byor dang ldan pas dang po sbyor ba'i ting nge 'dzin gyi rjes thogs la 'phags pa gshin rje gshed dbyung ba dang / gzhug par gyur par byas nas/ bdag nyid 'phags pa gshin rje gshed zhal bzhi pa phyag drug pa zhabs bzhi pa/phyag na ral gri dang gtun shing dang dgra sta dang zhags pa bsnams pa lhag ma bshad zin pa'i mtshan nyid dang ldan par dmigs la/ bzlas pa las bshad pa'i cho ga bzhin du bzlas pa mang du bya'o/ /de nas lha rnams kyis rjes su gnang bar gyur cing bzlas pa 'bum byas pas bud med kyi thod pa bzang po ma chag pa blangs te/de'i phyi rol du pad+ma chen po 'dab ma brgyad pa'i lte ba la rnam pa'i mchog thams cad dang ldan pa'i 'phags ma sangs rgyas spyan la sogs pa gang yang rung ba'i thugs kar sngags kyis mtshan pa bris la phyi rol du nyi ma'i dkyil 'khor la gnas pa'i oM las byung ba'i 'khor lo lcags kyus mtshan pa'i g.yas brkyang ba'i rkang pa g.yon pa'i mthil gyis mnan te/lcags kyu des snying gar phug la bkug par bsam zhing bskul ba'i tshig dang bcas pa'i sngags bsgrag pa dang bcas pas lan gsum brjod na gdon mi za bar 'gugs par 'gyur ro zhes bstan pa yin no//gnod sbyin mo la sogs pa rnams kyang de bzhin du dgug par bya'o/ /skyes bu'i thod par g.yon brkyang ba'i rkang pas bsgrub bya mnan te skyes bu dgug par bya'o zhes bya ba ni khyad par yin no/ /yang na ka zhes bya ba bde ba yin zhing de srung bar byed cing 'phel bar byed pas na ka pA la ste thod pa ni bu mo gzhon nu ma'i lus so//ma chag pa zhes bya ba ni skye gnas ma nyams pa'o/ /mdzes zhes bya ba ni gzugs mdzes pa'o/ /'dod pa tshim par byed pa nyid yin pa'i phyir yid du 'ong ba ste/ de lta bu'i yon tan khyad par can dang ldan pa mdun na gnas pa ji lta ba bzhin du sangs rgyas spyan gyi gzugs su bskyed la/'phags pa gshin rje gshed kyi rnal 'byor dang ldan pas rang gi snying ga nas grub pa'i 'khor lo'i lcags kyu phyung ste/ des ka kan de'i 'jig rten gyi khams na bzhugs pa'i ye shes kyi sangs rgyas spyan bkug nas de la bcug pa rkang pas mnan par byas la/phreng ba'i sngags lan gsum brjod nas/ khro bo'i me dang ye shes kyi rig ma'i dngul chu'i sbyor bas zangs la sogs pa'i khams rnams gser du bya ba bzhin du nges pa kho nar 'phags ma sangs rgyas spyan du 'gyur ro//de bzhin du mA ma kI la sogs pa 'jig rten las 'das pa'i rig ma thams cad dgug pa bsgrub par bya'o zhes bya ba ni man ngag yin no/ /de nas zhes bya ba la sogs pa la/ dam tshig ni las kyi rigs so/ /de las byung ba'i 'od zer stug po mchog ni 'phags pa rdo rje bdud rtsi ste/de la 'jigs pa'i ting nge 'dzin la de skad ces bya'o/ /sangs rgyas kun ni las kyi rigs can rnams so/ /rgyal zhing zhes bya ba la sogs pa'i tshig rnams kyis snga ma bzhin du sems can rnams dang rjes su mthun par ston pa yin no zhes thams cad du shes par bya'o//rdo rje sku ni rnam par snang mdzad de/ de rjes su dran pa ni snga ma bzhin no/ /sngags rnams kun gyi sbyor ba dang / /zhes bya ba ni lha thams cad kyi las kyi tshogs sna tshogs pa bsgrub pa'i mtshan nyid rnams la bcom ldan 'das 'di nyid sbyar bar bya ste/ bya ba thams cad sgrub par byed pa nyid yin pa'i phyir ro//khyad par ni rdo rje bskrad pa zhes bya ba la sogs pas gsungs te/ tshul bzhin zhes bya bas ni 'di skad du bstan pa yin te/ ji lta ba bzhin du 'phags pa bdud rtsi 'khyil pa'i rnal 'byor dang ldan pas thod le kor dang ro bsregs kyi me la bsregs pa'i smyo byed ni shing gi sol ba dang ba bla dang A ri ShA'i lo ma dang dug la sogs pa rkang pa g.yon pa'i srin lag gi khrag dang bcas pa rnams btags te/ka gnyis pa'i sgro'i smyu gus rgyal mtshan gyi gos la rlung gi dkyil 'khor dang / de'i dbus su ral gri 'khor lo rtsibs brgyad pa bris la/de'i lte bar bsgrub bya'i gzugs sngags kyi yi ge bkod pa bris te/ phyi rol du bskul ba'i tshig dang ldan pa brgya rtsa brgyad mngon par bzlas pa byas la ma mo la sogs pa'i khyim du sba bar bya ste/ de ltar na sangs rgyas kyi dpung yang skrod par 'gyur ro/ /de nas zhes bya ba la sogs pa la/sangs rgyas kyi 'od zer ni mnyam pa nyid kyi ye shes yin zhing / de las byung ba'i rdo rje ni 'phags pa gzhan gyis mi thub pa zhes bya ba ste/ de la dmigs pa'i ting nge 'dzin la de skad ces bya'o/ /srin po zhes bya ba la sogs pa la/ srin po ni tshangs pa'i srin po la sogs pa rnams so//ma rungs pa ni sbrul rnams so/ /gtum po ni gdon la sogs pa rnams te/ de las byung ba'i 'jigs pa dang ldan pa rnams la/ las rnams cho ga bzhin du byed/ /ces bya ba de la cho ga ni 'di yin te/ ji lta ba bzhin du khro bo gzhan gyis mi thub pa'i rnal 'byor dang ldan pas lag pa dag tu yi ge hUM dag las rdo rje 'bar ba bsams la/srin po la sogs pas zil gyis gnon pa'i lus las srin po la sogs pa sems nyid kyis bkug nas rdo rje gnyis kyi bar du bcug la/ de'i 'bar ba rnams kyis tshig par bsam zhing lag pa'i bar du kun du bsdams te/mnye zhing che ge mo rAk+Sha sA ti b+h+yo mo tsa ya ti zhes bya ba'i bskul ba'i tshig dang ldan pa'i sngags brjod par bya'o/ /de ltar na rdo rje gnyis kyi rnam par sems yang dag par sbyor bas ngu zhing shing gi yal ga chag pa la sogs pa yid ches pa ston pa sngon du 'gro bas gdon mi za bar gtang bar byed pa'am dug med par 'gyur ro//gal te de rnams kyis 'dzin du gzhug par 'dod na/ de'i tshe de'i rnal 'byor dang ldan pa kho nas mar ngo'i nyin zhag dag las gang yang rung ba'i nyin zhag la dur khrod kyi sol bas 'gags pa'i thod pa la lcags kyi yu ba dang ldan pa'i mi skra'i pir gyis yi ge hUM las byung ba'i 'jigs su rung ba'i mche ba gtsigs pa'i zhal mnga' ba/dbu skra gyen du brdzes pa g.yas pa ro langs kyi chu gri 'dzin pa g.yon pas sdigs mdzub byas pa bris la/ dug dang rus pa'i phye ma dang mdzub mo'i khrag gis ming dang bcas pa'i sngags de'i snying gar che ge mo gr-ih+Na zhes bya ba la sogs pa'i tshig dang ldan pa'i sngags bri bar bya zhing thod pa gnyis par bsgrub bya pA da paM su dang ro bsregs pa'i sa dang thal ba dang sol ba rnams rdo rje'i chu dang sbrus pa'i gong bu las byas pa'i mi'i gzugs kyi snying gar dug dang rus pa'i phye ma dang mdzub mo'i khrag gis ming dang bcas pa'i sngags bris pa'i tA la'i lo ma bcug la bskul ba'i sngags kyis spyan drang ba sngon du 'gro ba can gyis de la gtad pa'i dmigs pas a d+ha s+tha ba'i gzugs brnyan dang kha sbyar te des mnan nas bzung bar bsam zhing mtshan mo dur khrod du rol pa dang bcas pas sngags bzlas na/de gdon mi za bar des gzung bar 'gyur ro/ /de bzhin du rim pa 'di kho na bzhin du gdon la sogs pa thams cad kyis 'dzin du gzhug go/ /de nas zhes bya ba la sogs pa la/dpag tu med pa ni 'od dpag tu med pa yin zhing / 'di de las byung bas na dpag tu med par byung ba ste/ dpal rdo rje rta mgrin yin zhing / de la dmigs pa'i ting nge 'dzin mi phyed pa nyid yin pa'i phyir de skad ces bya'o/ /chos kyi rdo rje che mchog skye ni/ pad+ma'i rigs kyi dkyil 'khor pa rnams so//ye shes kyi bdag po nyid yin pa'i phyir ye shes rgyal po ni 'od dpag tu med pa ste de'o/ /mkha' dbyings zhes bya ba la sogs pa la/ ha la ha la'i 'od ni ches shin tu drag pa'o/ /khro bo'i rgyal po bskul ba yis/ /dug rnams thams cad med par byed/ /ces bya bas ni 'di skad du bstan pa yin te/ji lta ba bzhin du 'phags pa rta mgrin gyi rnal 'byor dang ldan pas bsgrub bya'i snying gar yi ge hUM las byung ba'i nyi ma'i dkyil 'khor bskal pa'i me 'bar ba lta bu dang / de'i steng du yi ge hUM rnam par bkod la/ de'i 'od zer rnams kyis yan lag thams cad na gnas pa'i dug rab tu bsregs te/lag pa g.yas par yi ge baM las byung ba'i pad+ma dkar po 'dab ma brgyad pa bsams la/ de'i lte bar yi ge hUM kha dog dkar po 'od zer dkar po 'bar zhing bdud rtsi 'dzag par rnam par bsams nas/ phreng ba'i sngags brjod pas des bya ba cing bsgrub bya dug med par bya'o zhes bya ba'i don to//de nas zhes bya ba la sogs pa la/ 'di las sangs rgyas rnams la mchod pa dang sems can rnams kyi don 'byung bas na 'byung ba ste/ don yod par grub pa'o/ /de las byung ba'i dpal ni khro bo dpal dbyig pa sngon po can te/ gza' mjug rings bzhin du gdug pa thams cad gzhom pa'i ched du byung ba nyid yin pa'i phyir ro//de la dmigs pa'i ting nge 'dzin mi phyed pa nyid yin pa'i phyir de skad ces bya'o/ /gdug pa'i mchog las byung ba kun ni tshangs pa la sogs pa rnams so/ /'jigs shing zhes bya ba la sogs pa'i tshig rnams kyis ni sngags kyi mthu mi bzod par gyur pa bstan to//cho ga'i tshul bzhin bskul ba yis/ /gdug pa thams cad gsod par 'gyur/ /zhes bya ba ni ji lta ba bzhin du 'phags pa dbyig pa sngon po can gyi rnal 'byor dang ldan pas sha chen dang dur khrod kyi sol ba dang /bal mi ka'i sa dang spun pa dang bsgrub bya'i pA da paM su rnams kyis gzugs brnyan byas te/ dur khrod kyi gos la dug dang khrag dang rams rnams kyis sna tshogs rdo rje la me'i dkyil 'khor dang / de'i dbus su bsgrub bya'i ming sngags dang rnam par spel ba bris la/de'i snying gar bcug ste/ phyi rol du thod pa gnyis kyi nang du bcug la/ de gsad pa'i phyir shin tu khro zhing gtum par gyur pas rkang pa g.yon pas kun du mnan te/ nyi ma phyed dang mtshan phyed kyi dus su rdo ba dang rus pa dang nim pa'i lo ma rnams kyis sbyin sreg brgya rtsa brgyad byas na/zhag bdun na 'chi bar 'gyur ba'o/ /de lta na yang ma grub na/ dur khrod du song ste mtshan phyed kyi dus su ro bsregs kyi thal bas me thab gru gsum byas la/ nim pa'i shing nyid kyi sbar te de'i dbus su spyan drang ba sngon du 'gro ba can gyis khro bo'i rgyal po mche ba gtsigs shing 'jigs su rung ba zhal 'jigs su rung bar byas pa rnam par bsams la/mtshon rnon pos pra ti kri ta rkang pa g.yon pa'i a na mi ka nas brtsams te gtubs nas shin tu khro ba'i dbang du gyur pas che ge mo mA ra ya ti zhes bya ba'i bskul ba dang bcas pa'i sngags khro bo'i tshig gis brjod cing tad wad khro bo yang sbyin sreg byas na de nyid kyi mtshan mo la gdon mi za bar 'chi bar 'gyur ro//de nas zhes bya ba la sogs pa la/ kun nas ni thog ma dang tha ma med pa'i chos kyi dbyings kyi ye shes kyi rang bzhin can gyi mi bskyod pa ste/ thams cad la khyab pa nyid yin pa'i phyir ro//de las byung ba'i sprin gyi dpal ni sprin gyi char phun sum tshogs pa dang ldan pa nyid yin pa'i phyir bcom ldan 'das stobs po che ste/ de la dmigs pa'i ting nge 'dzin la de skad ces bya'o/ /bzlas pa tsam gyi sbyor ba yis/ /las rnams thams cad sgrub par byed//ces bya ba ni sngar bshad pa'i cho ga bzhin du bzlas pa 'bum byas shing / ji skad bshad pa'i sbyor bas zhi ba la sogs pa'i lha thams cad kyi las rnams bsgrub par bya'o zhes bya ba'i don to/ /chu yi dkyil 'khor 'bebs par byed/ /ces bya bas ni 'di skad du bstan pa yin te/de kho na bzhin du rdo rje 'chang chen po yongs su gyur pa sngon du 'gro ba can gyis yi ge phaT kyis byung ba'i 'phags pa stobs po cher bdag nyid bsams la/ 'bum bzlas nas kham phor so ma btang ba la rams kyi khu bas ral gri rtsibs brgyad pa'i 'khor lo dang /de'i steng du pad+ma 'dab brgyad pa la mdung can ma'i sngags dang rnam par spel ba'i klu thams cad kyi snying po bris te/ kham phor gzhan dang kha sbyar la skud pa sngon pos kun nas dkris te/ mdung can ma dang klu rnams spyan drangs la yang dag par mchod de/ klu gnas pa'i chu mig la sogs par klu thams cad kun du skul bar byed pa'i kham phor kha sbyar te bzhag la/sa phyogs dben pa gzhan du me'i dkyil 'khor la rlung gi dkyil 'khor dang de'i steng du chu dang / de'i dbus su pad+ma 'dab ma brgyad pa bris te/ de'i lte bar rlung lha mdog dkar po sbrul mgo bdun gyi gdengs ka dang ldan pa skyes bu'i gdong can lag na sbrul gyi zhags pa thogs pa bri zhing shar gyi 'dab ma la mtha' yas ut+pa la ljang gu'i mdog can dang /lhor nor rgyas kyi bu dkar po dang / nub tu 'jog po dmar po dang / byang du stobs rgyu nag po dang / me dang bden bral gyi mtshams dag tu pad+ma dang pad+ma chen po dkar po dang /rlung gi mtshams su dung skyong ser po dang / dbang ldan gyi mtshams su rigs ldan sna tshogs kyi mdog can de de lta bu'i klu'i dkyil 'khor bris la/ yi ge naM las klu thams cad bsams te/ de nas kha dog sngon po dang ldan pa'i bum pa la sogs pa rnams kyis 'o ma dang bu ram la sogs klu dang rjes su mthun pa'i lha bshos byin la/yi ge dzaHdang rnam par spel ba'i yi ge naM gyis bkug ste/ rang rang gi gnas rnams su bcug la mchod pa byas te/ 'di skad du bdag la brtse ba dang bcom ldan 'das kyi bkas klu chen po khyed rnams kyis char phob cig ces brjod par bya'o//de nas klu de rnams char gyi rgyun rab tu 'bebs par bsam zhing bzlas pa bya'o/ /de nas bcom ldan 'das kyi bkas klu de rnams kyis char 'bebs par byed do/ /gal te de ltar byas kyang char mi 'bebs na/ de'i tshe me thab zlum po la de kho na bzhin du dkyil 'khor bris nas spyan drang ba sngon du 'gro bas 'chad par 'gyur ba'i sbyin sreg gi cho ga bzhin du klu thams cad kyi lce'i dbus su yi ge naM bsams la/mchod yon la sogs pa sngon du 'gro ba can gyi bu ram dang 'o ma dang mar rnams kyis dgang blugs gsum phul te/ji ltar 'dod pa bu ram dang 'o ma dang mar la sogs pa sbyin sreg byas na dga' bar gyur nas gdon mi za bar char gyi rgyun 'bebs par byed do/ /gal te de lta na yang char mi 'bebs pa de'i tshe mngon spyod bya ste/ grog mkhar dang chu bo'i 'gram gnyis kyi sa bshang ba dang gci ba dang sbrus pas klu'i gzugs brnyan byas nas dur khrod kyi gos la dug dang khrag dang ske tshe dang tsha dang nyungs mar tsha bas ral gri'i 'khor lo rtsibs brgyad pa bris te/de'i steng du pad+ma 'dab ma brgyad pa dang / 'dab ma brgyad la klu brgyad kyi khyad par gyi snying po rnams sam yi ge naM re re sngags dang rnam par spel ba dang /lte ba la yi ge baM de bzhin du bris la/ spyan drangs te de snying gar bcug la ske tshe la sogs pa tsha ba sreg rdzas rnams kyis rab tu byugs te/ sngags brjod cing me la gdungs na/ gdon mi za bar char 'bab par 'gyur ro/ /gal te de ltar byas na yang klu rnams char mi 'bebs na/de'i tshe de kho na bzhin du sa la klu'i dkyil 'khor bris la gos sngon po'am dmar pos stod g.yogs dang cod pan byas pa'am/ gcer bus dkyil 'khor de na gnas pa'i klu rnams nyi ma la gnas pa'i rdo rje 'bar bas mtshan pa'i rkang pa g.yon pas gan rkyal du mnan te/steng du bsgrags pa'i phaT kyi sgras nam mkha' kun du khyab par byas nas shin tu 'jigs par gyur cing khrag skyugs pa'i rgyun rnams kyis chu'i rgya mtsho byed par blta zhing sngags bzlas par bya ste/ oM hUM naM hUM naM hUM/ phaT naM phaT naM phaT/ u grash+thU la pa ni/ hUM naM hUM naM hUM/ mA ra ya sarba nA gA na/ phaT naM phaT naM phaT/ oM dz+yo ti ni rnA da/ ha na nA gaM/ wa ra shA pa ya shI g+h+rAM b+ha ga wAn/ hUM naM hUM naM hUM/ oM oM oM/ phaT phaT phaT naM phaT/ oM ma hA ba lA ya swA hA/ gal te de lta yang klu gdug pa rnams char gyi rgyun mi 'bebs na/ de'i tshe me thab gru gsum byas la/ de'i dbus su 'phags pa stobs po che bsams nas gdol pa'i me blangs la yi ge phuHrnams kyis sbar te/ dug dang ske tshe dang lan tshwa dang myos byed rnams kyis klu'i gzugs brnyan byas la/ mtshon rnon pos mgo bo nas brtsams te/ gtubs nas kha lho ru bltas pas 'phags pa stobs po che'i sngags so so'am ma lus par brjod la/lag pa g.yon pas de sbyin sreg bya'o/ /lus bshang gcis byugs pas sbyin sreg brgya rtsa brgyad byas na gdon mi za bar char gyi rgyun 'bebs par byed do/ /gal te de ltar yang char mi 'bab pa na 'phags pa stobs po che nyid kyi nyes pa yin te/de'i phyir sngar bshad pa'i rdzas rnams kyis 'phags pa stobs po che'i gzugs brnyan byas la/ khro bo dpal gnod mdzes kyi rnal 'byor dang ldan pas/ spyan drang ba'i sngon du 'gro bas de kho na bzhin du rkang pa g.yon pas mnan te/myur du char phob cig ces bya ba'i bskul ba'i tshig dang ldan pa'i yi ge hUM gi sngags khri bzlas par bya'o/ /de nas mngon spyod kyi thab khung na gnas pa'i khro bo dpal gnod mdzes rgyal po yi ge hUM las byung ba'i ljags mnga' zhing zhal gdangs pa de'i zhal du gzugs brnyan bcug ste sbyin sreg khri bya'o//'dis ni nges par 'phags pa stobs po ches char 'bebs su 'jug go zhes bya ba'i mthu ni rnal 'byor pa thams cad la rab tu grub po/ /yang na klu thams cad dang 'phags pa stobs po che la dmigs te/ me thab zlum po la bzhugs pa'i sangs rgyas spyan sku mdog dkar po zhi ba'i yi ge oM las byung ba'i ljags dang ldan pa'i zhal du de'i sngags kyis zhi ba'i cho ga bzhin du mar dang 'o ma la sogs pa'i sbyin sreg khri byas na gdon mi za bar bcom ldan 'das ma de sangs rgyas rnams kyi zhi ba bskyed par 'gyur ro//de nas zhes pa la sogs pa la/snga ma bzhin du kun du mi bskyod pa yin zhing / de las byung ba'i 'joms pa ni 'dod pa'i rgyal po ste 'dod chags la sogs pa'i nyon mongs pa 'joms par byed pa'i phyir ro/ /de la dmigs pa'i ting nge 'dzin ni mi phyed pa nyid yin pa'i phyir de skad ces bya'o/ /rdo rje sems dpa'i sbyor ba yis//zhes bya ba ni ji lta ba bzhin du 'phags pa 'dod pa'i rgyal po'i rnal 'byor dang ldan pas bsgrub bya'i gzugs brnyan byas la/ spyan drang ba sngon du 'gro bas g.yon brkyang zhing rdo rje lcags kyu 'bar bas mtshan pa'i rkang pa g.yas pas mnan te/ de'i sngags brjod cing snga ma bzhin du rdo rje lcags kyus dgug par bya ba'o//de nas zhes bya ba la sogs pa la/ me long lta bu la sogs pa'i ye shes rnams kyi yan lag thams cad brgyus pa'i phyir ye shes kyi phreng ba ste/ rdo rje 'chang chen po'o/ /de las byung ba'i tshul ni byang chub kyi sems kyi chu'i rang bzhin can gyi 'phags pa mi g.yo ba ste/de la dmigs pa'i ting nge 'dzin ni mi phyed pa nyid yin pa'i phyir de skad ces bya'o/ /skrag par gyur nas/ kha sbyar lus su 'gugs par 'gyur/ /zhes bya ba ni ji lta ba bzhin du 'phags pa mi g.yo ba'i rnal 'byor dang ldan pas skyes bu'i thod pa ma gas shing mtshan dang ldan pa blangs la/rkang pa g.yas pa'i mdzub mo'i khrag dang lan tshwa dang nyungs mar tsha ba dang ske tshe la sogs pa rnams kyis lha chen po la sogs pa'i gzugs brnyan rang gi lha mo dang ldan pa bris te/ spyan drang ba sngon du 'gro bas snga ma bzhin du rdo rje lcags kyus mtshan pa'i rkang pa g.yas pas mnan la/lcags kyu des dgug par lta zhing bskul ba dang bcas pa'i sngags brjod na/ chung ma dang bcas pa rnams gdon mi za bar 'gugs par 'gyur ba'o/ /de nas zhes bya ba la sogs pa la/ dam tshig ni khro bo thams cad kyi rgyu mi bskyod pa ste/khro bo zhe sdang gnas las skyes/ /zhes 'byung ba'i phyir ro/ /de'i rnam par 'phrul pa ni dpal gnod mdzes zhes bya ba ste/ de la dmigs pa'i ting nge 'dzin ni mi phyed pa nyid yin pa'i phyir de skad ces bya'o/ /bu mo mthu chen thams cad ces bya ba ni spyan la sogs pa rnams so//'dod chags kyi bde ba'i gzhan gyi dbang du gyur pa nyid kyi phyir sku bshig cing gos dang bral bar gyur pa'o/ /rdo rje sems dpa' ni dpal gnod mdzes rgyal po'o/ /de nyid rang gi dkyil 'khor gyi bdag po nyid yin pa'i phyir de bzhin gshegs pa kun gyi bdag po ste/de'i zhabs ni de bzhin gshegs pa kun gyi bdag po rdo rje sems dpa'i zhabs te des so/ /des ni 'di skad du ji lta ba bzhin du 'phags pa gnod mdzes rgyal po'i rnal 'byor dang ldan pas bud med kyi thod pa mtshan dang ldan pa la spyan la sogs pa rnams kyi nang nas gang yang rung ba'am lha la sogs pa'i bu mo rkang pa g.yon pa'i a na mi ka'i khrag gis bris te/de'i b+ha ga la rdo rje lcags kyus mtshan pa'i rkang pa g.yon pas mnan nas lag pa g.yas pa la thogs pa'i lcags kyus snying ga nas btab ste/ zhags pas rke nas bcings la/bskul ba'i tshig dang ldan pa'i sngags brjod cing dgug par bya'o zhes bstan pa yin no/ /de nas zhes bya ba la sogs pa la/ dam tshig chen po ni de bzhin du thugs rdo rje ste/ gang la de 'byung ba mi phyed pa yod pa de la de skad ces bya'o/ /dam tshig chen po ni dpal rdo rje sems dpa'o//de'i sku dang gsung dang thugs kyi gsang ba ni gsum gyi gsang ba'o/ /tshig tu brjod pas 'da' bar bya ba ma yin pa'i phyin ci ma log pa'i don ston par byed pa'i sgra'i tshogs ni gsung gi dam tshig gi de kho na nyid kyis gnas so/ /sangs rgyas rdo rje ni dpal rdo rje sems dpa'o//de'i chos dang longs spyod rdzogs pa dang sprul pa'i bdag nyid kyi sku bsgom pa ni rdo rje sems dpa' rnam par bsgom pa'o/ /zhags pa rdo rje kyo ba 'dzin pa ste/ rdo rje rigs kyi lha rnams kyi gzugs kyis so/ /sangs rgyas ni rnam par snang mdzad yin zhing / de dgug pa ni sangs rgyas dgug pa ste bya'o zhes bya ba'i don to//sangs rgyas gsung ni 'od dpag tu med pa'o/ /sku ni rnam par snang mdzad de/ de dag las gang yang rung ba'i sbyor bas so/ /'khor lo chen po ni gsung rdo rje la sogs pa rnams kyi rang gi dkyil 'khor te/ de la gnas pa'i sgom pa pos sam pad+ma'i lcags kyus dpal rdo rje sems dpa' 'gugs par 'gyur ro//de ni nye bar mtshon pa yin te/ rin po che la sogs pa'i rang gi phyag mtshan gyis mtshan pa'i lcags kyu dang zhags pa rnams kyis lha thams cad phan tshun dgug par bya ba yin pas de'i phyir/ rdo rje kyo ba'i khyad par gyis//sngags rnams thams cad dgug pa'i mchog /ces gsungs so/ /de bzhin gshegs pa thams cad kyi rdul phra rab las grub pa nyid yin pa'i phyir thams cad rdo rje'i dngos so/ /sgrub pa po rnams kyi dge legs thob par byed pa nyid yin pa'i phyir zhi ba'o/ rang sngags skyes bu zhes bya ba ni/ rang gi snying ga nas bskyed pa'i rang gi lha'o/ /mi'i bu mo mchog ces bya ba ni rgyal po'i bu mo'o/ /snying gar rdo rje kyo ba sbyar/ /zhes bya ba ni ji ltar khro bo 'phags pa gnod mdzes kyi rnal 'byor gyis rdo rje lcags kyu dang zhags pas bu mo dgug pa bstan pa de bzhin du lha gang yang rung ba'i rnal 'byor gyis kyang rang gi phyag mtshan gyi lcags kyus snying ga nas phug ste/de dang des mtshan pa'i zhags pas kyang ske nas bcings la/ yi ge yaM las byung ba'i rlung gi dkyil 'khor la 'dug pa'i bu mo yi ge dza'i mtha' can gyi rang gi sngags zlos shing dgug par bya'o zhes bya ba'i don to//zla ba'i dkyil 'khor zhes bya ba la sogs pas ni 'di skad du ji lta ba bzhin du 'phags pa bdud rtsi 'khyil pa'i rnal 'byor dang ldan pas snga ma bzhin du rnam par snang mdzad chen po nyid zla ba'i dkyil 'khor du gyur par bsams la/ brgya byin gyi chung ma sha tsi de ru bzhag ste/ 'das ma thag pa bzhin du sngags lan lnga bcu brjod cing zhags pa dang lcags kyus dgug par bya'o zhes bya ba'i don to zhes bstan pa yin no/ /rdo rje kyo ba gzugs chen po/ /'bar ba rno ba 'dra ba'i 'od/ /'od ces bya ba ni lha'i gzugs phyag na rdo rje lcags kyu bsnams shing nyi ma bye ba phrag brgya'i 'od dang ldan pa'o//rdo rje dkyil 'khor zhes bya ba ni nyi ma'i dkyil 'khor ro/ /nam mkha'i bu mo zhes bya ba ni nam mkha'i rdo rje spyan no/ /'di skad du ji lta ba bzhin du mi bskyod pa la sogs pa rdo rje'i rigs kyi lha gang yang rung ba'i rnal 'byor dang ldan pas snga ma bzhin du rang gi snying ga nas grub pa'i rdo rje lcags kyu zhal gsum phyag drug pa snyoms par 'jug pas gnas pa rtsa ba'i phyag gnyis na rdo rje lcags kyu dang zhags pa bsnams pa/phyag lhag ma mi bskyod pa dang mthun pa phyung ste/de la bka' bsgo bar bya zhing hUM dzaHzhes bya ba'i sngags kyang bzla bar bya'o/ /de nas de song ste nam mkha' na nyi ma'i dkyil 'khor la gnas pa'i nam mkha' rdo rje spyan de kho na bzhin du bkug nas 'ongs te gtad par bsams na gdon mi za bar 'gugs par 'gyur ro/ /nam mkha' la spyod pa'i lha'i bu mo la sogs pa dgug pa yang de dang 'dra'o zhes bstan pa yin no//khro bo zhes bya ba la sogs pa la/ sku dang gsung dang thugs bzang po'i bdag nyid yin pa'i phyir rdo rje'i rang bzhin no/ /rdo rje sa 'og gnas pa ni lha ma yin gyi gnas na 'dug pa'o/ /lha min ni lha ma yin te/de rnams kyi bu mo ni lha min bu mo'o/ /'di skad du snga ma bzhin rdo rje 'chang chen po yongs su gyur pa sngon du 'gro ba can gyi 'phags pa rdo rje sa 'og mi bskyod pa dang mtshungs pa ste/ 'on kyang g.yon brkyang bas bzhugs pa g.yas dang g.yon gyi rtsa ba'i phyag dag gis rdo rje lcags kyu dang zhags pa/g.yon pa'i gsum pas rtse gsum bsnams par bdag nyid dmigs la/ rlung gi dkyil 'khor la 'dug pa'i lha ma yin gyi bu mo de kho na bzhin du dgug par bya'o zhes bstan pa yin no/ /btsag gam zhes bya ba la sogs pas ni 'di skad du bstan pa yin te/ rdo rje 'gog pa bsgom pa'i sgo nas mtshan ma thob pa rdo rje'i rigs la sogs pa lha gang yang rung ba'i rnal 'byor dang ldan pa'i phyi rol gyi rig ma dang yang dag par ldan pas dang po'i sbyor ba'i ting nge 'dzin gyi rjes thogs la rig ma'i pad+ma na gnas pa'i byang chub kyi sems kyi zla ba'i gdan la btsag gam rdo rgyus bzhag ste/de yang yi ge hUM la sogs pa'i sa bon gang yang rung bas rdo rje lcags kyu phyag na bsnams pa'i lha'i gzugs su bskyed la/ sa bon gsum gyis byin gyis brlab par bya ste/ de las byung ba'i lha rdo rje lcags kyu spros pa rnams kyis nam mkha' kun du bkang la bsdu ba dang bstim pa dang brtan par bya ba dang mchod pa byed cing zla ba btang gi bar du yang dang yang du bsgom par bya'o//de nas 'grub par 'gyur te/ des tshangs pa la sogs pa'i ming bris pa tsam gyis gdon mi za bar 'ong bar 'gyur ro/ /rnam pa'i mchog rnams kun ldan pa/ /zhes bya ba ni bdag nyid dpal 'jam pa'i rdo rje bshad zin pa'i mtshan nyid can du bsams nas so//bskal pa'i sreg pa 'khor lo che/ /zhes bya bas ni 'di skad du ji skad bshad pa'i rim pa bzhin du gsung gi dkyil 'khor bskal pa'i me ltar 'bar ba dang mtshungs pa bsams la/ de'i dbus su ji lta ba bzhin du 'phags pa 'jam dpal gyi rnal 'byor dang ldan pas g.yas pa'i rtsa ba'i phyag tu rang gi sngags las byung ba'i 'phags pa gshin rje gshed yongs su gyur par byas nas rdo rje lcags kyu bsams te/de nas mngon par 'dod pa'i gnod sbyin mo lcags kyu des snying ga nas phug la/ zhags pas kyang ske dang lag pa nas bcings te/de nyid sngags brjod cing bkug la nye bar longs spyad par bya'o zhes bstan pa yin no/ /bshad zin pa'i don nyid gsal bar bya ba'i phyir/ kun gyi phyag rgya'i zhes bya ba la sogs pa gsungs te/ phyag rgya'i khyad par ni lha de dang de rnams kyi rang gi rig ma dang gnyis su med pa'i phyag rgya chen po'i khyad par rang gi phyag mtshan gyi lcags kyu'i khyad par te/de dang rang gi bzlas pa'i sngags kyi khyad par gyis thams cad du zhes bya ba sbyor ba rnam pa thams cad du rdzogs par sgrub pa pos ni ji skad bshad pa thams cad 'grub par 'gyur ro//gzhan du byas na 'jig par 'gyur/ /zhes bya ba ni sbyor ba ma tshang bas dngos grub 'jig par 'gyur ro zhes bya ba'i tha tshig go/ /bskul bar zhes bya ba ni de bzhin gshegs pa thams cad kyi bdag po nyid yin pa'i phyir dngos grub thams cad bsgrub pa'i dus su rang gi spyi bor snyoms par zhugs pa'i mgon po dpal bde ba chen po byang chub kyi sems kyi rgyun rnams kyis dbang bskur ba yang dang yang du bsam pa ste/sngags rnams nyid ni thams cad la/ /rdo rje sems dpa' rnam par bsgom/ /zhes kyang 'chad par 'gyur ro/ /yang na yi ge hUM skabs skabs su brjod par bya ste/mchog dang po'i snying po ni rdo rje 'chang chen po'i rang bzhin nyid yin pa'i phyir ro/ /de ltar na mngon par 'dod pa'i 'bras bu gdon mi za bar 'grub par 'gyur ro/ /de nas zhes bya ba la sogs pa la/ 'jig rten gyi khams thams cad kyi rdul phra rab kyi rdul snyed kyi 'phags ma ral pa gcig ma'i gzugs rnams kyis nam mkha'i dbyings khyab par kun du rnam par 'phrul pa skyed par byed pa'i ye shes ni kun du rnam par 'phrul pa'i ye shes te/de la dmigs pa'i ting nge 'dzin ni mi phyed pa nyid yin pa'i phyir de skad ces bya'o//dam tshig chen po ni 'phags pa bdud rtsi zhes bya ba yin zhing / de dang yang dag par sbyor bas na/ dam tshig chen po rdo rje mchog ste/ ral pa gcig ma de'o/ /gzhan ni bshad zin to/ /bkug nas nye bar spyad par bya/ /zhes bya bas ni 'di skad du rdo rje 'chang chen po ji lta ba bzhin du yongs su gyur par byas nas bdag nyid ral pa gcig ma kha spu ma gtogs pa phyag dang zhal la sogs pa rnams 'phags pa bdud rtsi 'khyil pa dang mtshungs pa ste/'on kyang nu ma la sogs pa dang ldan zhing de dang snyoms par zhugs pa g.yas pa dang g.yon pa'i phyag gsum pa dag gis chos kyi dar 'dzin par bsams la/rkang pa g.yon pa'i srin lag gi khrag nA ga ge sar dang bcas pas bud med kyi thod pa la rlung gi dkyil 'khor la gnas pa'i klu'i bu mo snying gar sngags bkod pa ji lta ba bzhin du bris te bkug la/ g.yon brkyang ba'i ral gri'i lcags kyus mtshan pa'i rkang pa g.yon pas mnan te/bskul ba dang bcas pa'i sngags brjod cing bkug la/ nye bar longs spyod par bya'o zhes bstan pa yin no/ /de nas zhes bya ba la sogs pa la/ nam mkha'i dam tshig ni dpal bde ba chen po yin zhing / de las byung bas nam mkha'i dam tshig byung ba ste/'phags ma khro gnyer can yin zhing de la dmigs pa'i ting nge 'dzin ni mi phyed pa nyid yin pa'i phyir de skad ces bya'o/ /chos chen po'i dam tshig ni dpal pad+ma mthar byed de de dang yang dag par ldan pa'o/ /gzhan ni bshad zin to/ /dam tshig la sogs pa yis dgug /ces bya bas ni 'di skad du bdag nyid 'das ma thag pa bzhin dpal rta mgrin gyi rnam pa can gyi 'phags ma khro gnyer can de dang ldan par bsams la/ bshad ma thag pa'i cho ga bzhin du nA ga ge sar dang bcas pas rig pa 'dzin pa'i bu mo bris te dgug par bya'o zhes bstan pa yin no//sems brtan par gyur pa'i rnal 'byor pas 'das ma thag pa'i dngos grub bsgrub par bya ba yin pas de'i phyir 'gog pa zhes bya ba la sogs pa gsungs te/ de ni bshad zin to/ /ye shes rdo rje gsum las byung / /zhes bya ba ni khams gsum par gtogs pa'i rnam par shes pa dang bcas pa'i sems can rnams so//yang na khro bo thams cad ni/ /dben pa'i gnas ni chen po ru/ /sngags pas 'bum du bzlas byas nas/ /las rnams thams cad byed par bshad/ /ces bya ba ni yid dang rjes su mthun pa'i gnas su bzlas pa mang du byas pas lhas rjes su gnang ba'i sgo nas bzlas pa 'bum byas pa ni dgug pa la sogs pa'i las byed par 'gyur ro zhes bya ba'i don to//lus can kun gyis grub bya'i phyir/ /grangs kyi nges pa rab tu bshad/ /ces 'byung ba'i phyir ro/ /drag po'i las kyi yul bstan pa'i phyir/ slob dpon smod pa lhur len dang //zhes bya ba la sogs pa gsungs te/ de ni go sla'o/ /'di yis byang chub mchog dang ni/ /sngags kyi dngos grub thob par 'gyur/ /zhes bya ba ni yang dag par rdzogs pa'i byang chub dang las kyi tshogs sna tshogs kyi dngos grub thob par 'gyur ro zhes bya ba'i don to/ /snying rje dag pa'i sems kyis ni//bsad na myur du 'grub par 'gyur/ /zhes 'byung ba'i phyir ro/ /phyogs bcu'i sangs rgyas thams cad kyi/ /zhes bya ba la sogs pas ni/ sangs rgyas thams cad gsod pa'i sgo nas sdig pa 'phel bar byas te gsad par bya'o/ /de ji ltar bya zhe na/ khrag dang zhes bya ba la sogs pa gsungs te/khro bo'i rgyal po sbyar bar bya/ /zhes bya ba ni 'phags pa dbyig pa sngon po can nam gzhan du ste/ khro bo thams cad ni drag po'i las rab tu sgrub par byed pa nyid dang / las thams cad byed pa nyid yin pa'i phyir ro/ /brgya rtsa brgyad ni rdzogs pa yin/ / zhes bya bas ni 'di skad du bstan pa yin te/ snga ma bzhin du thams cad byas shing ji lta ba bzhin 'phags pa dbyig pa sngon po can la sogs pa'i rnal 'byor dang ldan pa gos med cing skra bshig pa khro bo'i sprin gyi tshogs 'phro ba khrag la sogs pas gsher ba'i gos gyon zhing khros par gyur pas sngar bshad pa'i cho ga bzhin du ji skad bshad pa'i sA d+h+ya'i gzugs la bcug ste/nyi ma'i dkyil 'khor la gnas pa'i rdo rje 'bar bas mtshan pa'i rkang pas mnan la brgya rtsa brgyad bzlas na 'chi bar 'gyur ro/ /sbyor ba 'dis mthu phul du byung ba bstan par bya ba'i phyir nam mkha'i dbyings zhes bya ba la sogs pa gsungs so//nam mkha'i dbyings yongs su gang ba'i sems can gyi khams kyang 'jigs par 'gyur ro/ /drag po'i las bsgrub pa'i gnas ni/ ma mo'i gnas sam zhes bya ba la sogs pas gsungs te/ de ni shes par zad do//mi rus zhes bya ba la sogs pas ni 'di skad du bstan pa yin te/ khro bo'i rnal 'byor dang ldan pas ra dzi ka dang dug dang lan tshwa dang 'bru mar rnams kyis dur khrod kyi gos la khro bo'i rdo rje dang de'i lte bar sngags dang rnam par spel ba'i bsgrub bya'i ming bris la/ ro bsregs pa'i sa dang chu bo'i 'gram gnyis kyi sa dang / to sha dang bsgrub bya'i pA da paM bshang gci dang sbrus pa las byas pa'i gzugs brnyan dang snying gar bcug ste/ bsrung ba dang bral bar byas la/ bkug ste a ra'i sgor bzhag la/ /sor brgyad pa'i tshad dang ldan pa'i mi'i rus pa'i phur bu la brgya rtsa brgyad bzlas pas sngags brjod cing phur bus btab na rnam par mi rtog pa'i ye shes kyi bdag nyid can gyi sangs rgyas dang 'dra ba yang zla phyed tshun chad kho nas gnas dang bral ba'am 'chi bar 'gyur ro//'bad pa yis ni gsad par bya/ /zhes bya ba'i mdo'i don bstan nas/da ni yang gnas nas bskyod par bya zhes bya ba'i mdo'i don/ yang na thod pa zhes bya ba la sogs pas gsungs so/ /yang na zhes bya ba'i sgra ni nges par gzung ba ste/ gang ba kho na zhes bya ba'i don to/ /khyad par du zhes bya ba ni bud med dang ma ning bskrad pa la rang dang rjes su mthun par ro//der ni sngags kyi tshig bris te/ /zhes bya ba la sogs pas ni 'di skad du bstan pa yin te/ 'phags pa bdud rtsi'i rnal 'byor ram/ yang na khro bo gzhan gyi rnal 'byor gyis ji skad bshad pa'i thod pa la ba bla dang sol ba dang a riSh+Ta'i lo ma'i khu ba dang / rkang pa g.yon pa'i srin lag gi khrag rnams kyis ral gris mtshan pa'i rlung gi dkyil 'khor dang de'i steng du bsgrub bya'i gzugs brnyan bris la/de'i snying gar de'i ming rang gi rig ma ral pa gcig ma la sogs pa a na ta ma'i sngags dang rnam par spel ba bris te dgug pa sngon du 'gro ba can gyis brgya rtsa brgyad mngon par bzlas pa/rdo rje'i tshig gis sngags zlos shing dgra bo'i sgo ru sbas na skrod par 'gyur ro/ /ta la'i lo ma zhes bya ba la sogs pa la/ ta la'i lo ma la sogs pa rnams la bshad ma thag pa'i rdzas rnams kyis bsgrub bya'i ming dang rnam par spel ba'i sngags bris te brgya rtsa brgyad mngon par bzlas pa sgo dang khang thog la sogs pa gang yang rung bar sbas na de 'grub par 'gyur ro//gzhan ni bshad zin to/ /da ni phur bu rtse gsum gyi mngon spyod/ de nas zhes bya ba la sogs pas gsungs te/ de bzhin gshegs pa thams cad kyi sku dang gsung dang thugs nges par 'ching ba ni phur bu gdab pa'i sngags te/sku rdo rje la sogs par dmigs pa'i sgo nas rdo rje gsum phur bus 'debs pa nyid yin pa'i phyir ro/ /de la dmigs pa'i ting nge 'dzin mi phyed pa nyid yin pa'i phyir de skad ces bya'o/ /rdo rje rdzu 'phrul chen po kun/ /zhes bya ba ni sangs rgyas bcom ldan 'das rnams so//rgyal zhing zhes bya ba la sogs pas ni de kho na bzhin du sems can rnams dang rjes su mthun par bstan nas 'jigs pa dang bral bar bya ba'i phyir rdo rje 'chang chen po rjes su dran par gyur pa bstan to/ /rdo rje sku gsum 'jig par byed/ /ces bya bas ni 'di skad du bstan pa yin te/ji lta ba bzhin du bzlas pa 'bum byas pas sngar bshad pa'i rdzas rnams kyis dur khrod kyi gos la 'khor lo 'bar ba'i lte ba la rnam par snang mdzad sku mdog sngon po khro ba pad+ma kha ma bye ba lta bu'i rtse mo'i gzugs can bris la yi ge oM gyis bskyed de spyan drangs la mi'i rus pa'i phur bu sor brgyad pa'i khong stong du bcug ste/dgug pa sngon du 'gro ba can gyis/ sarba duSh+TAM/ sarba pA paM/ zhes bya ba'i tshig gnyis phyung la der bsgrub bya'i ming che ge mo zhes bya ba bcug ste/ kA ya wAka tsit+ta taM zhes bya ba der yang che ge mo'i zhes bya ba dang rnam par spel la sngags brjod cing taM mgo bo nas brtsams te rkang pa la thug par phur bus btab na rdo rje sku gsum 'jig par 'gyur ro//de bzhin du seng ldeng gi phur bu sor brgyad pa'i khong stong du mngon spyod kyi cho ga las bshad pa'i de kho na bzhin du pad+ma'i lte ba la smad rtse mo'i gzugs can gyi gsung rdo rje bris la bcug ste/de'i rnal 'byor nyid kyis 'das ma thag pa bzhin du phur bus gdab par bya'o/ /de nas btsas pa'i gos la rdo rje 'bar ba'i lte ba la thugs rdo rje kun du khro shing smad rtse mo'i gzugs can bris la/ lcags las byas pa'i phur ba khong stong du bcug ste/ de'i rnal 'byor gyis de kho na bzhin du phur bus gdab par bya'o zhes bya ba'i don to//'dir man ngag bri bar bya ste/ mi'i as+thi'i phur bu li lan brgya rtsa brgyad bzlas pas sA d+h+ya'i gzugs kyi mgo la phur bus btab na glad gzer gyis thebs par 'gyur ro/ /de nyid seng lding gi phur bus btab la gsum kha sbyar bar bya ste/dur khrod la sogs pa'i me la gdungs na rims nad tsha ba chen pos thebs par 'gyur ro/ /de nyid lcags las byas pa'i phur bus btab ste/ me de nyid du bcug na skad cig de nyid la 'chi bar 'gyur ro/ /sbyor ba de nyid bstan pa'i phyir/ /rdo rje sems dpar mnyam gzhag la//zhes bya ba la sogs pa gsungs te/ phur bu dkar po dang dmar po dang sngon po rnams ni sku rdo rje la sogs pa'i dbye bas nye bar mtshon pa'i phyir bcom ldan 'das thugs rdo rje 'di ni lcags las byas pa'i phur bu la sbyar bar bya'o/ /de ni nye bar mtshon pa yin te/ mi'i rus pa'i phur bu la ni rin po che'i nang na gnas pa'i dkon mchog dpal sku mdog sngon po 'bar zhing khro ba bris pa dang /de bzhin du lcags kyi la ni ral gri la gnas pa'i don yod par grub pa bcug ste/ de dag las gang yang rung ba'i mngon spyod las bshad pa'i sbyor bas snga ma bzhin du phur bus gdab par bya'o//de ltar rigs gsum gyi phur bu rnams la rigs lnga rnam par gzhag par shes par byas nas/ rang gi sems kyi nang du bris pa'i rang gi rigs kyi lha khro zhing smad rtse mo'i gzugs can rang gi rigs kyi phur bu la bcug la/ snga ma bzhin du mngon spyod kyi cho ga las bshad pa'i sbyor ba nyid kyis spyan drangs te/me tog sngon po rnams kyis mngon par mchod la brgya rtsa brgyad yongs su bzlas nas snga ma bzhin du gzugs brnyan la phur bus gdab par bya'o zhes bstan pa'i phyir/ gshin rje gshed kyi rgya chen dang / /zhes bya ba la sogs pa gsungs so/ / rdo rje bdud rtsi 'khyil pa yis/ /zhes bya ba ni thugs rdo rje'i phur bu'i nang na gnas pa dang de'i rnal 'byor nyid kyis zhes bya ba'i don to/ /sangs rgyas zhes bya ba ni sangs rgyas dang 'dra ba'o/ /bsrung ba dang bral zhing kha sbyor phye ba'i bri ba'i phur bu'i mtshan nyid gsal bar bya ba nyid kyi phyir snying ga zhes bya ba la sogs pa gsungs te/snying ga nas brtsams te rkang pa la thug pa ni rdo rje rtse gcig pa'i rnam par ro/ /stong ni dam tshig de nyid bya/ /zhes bya ba ni lha gang yang rung ba'i gzugs te/ 'on kyang mngon spyod kyi cho ga la ni sngon po dang ldan pa'o/ /da ni gang gi tshe ji skad bshad pa'i bsgrub pa'i cho ga ji lta ba bzhin du nyams su blangs pa'i sngags pas dngos grub ma thob pa de'i tshe lha rnams phur bus btab nas bsgrub par bya ba yin pas de'i phyir/bsam gtan zhes bya ba la sogs pas gsungs te/ bsam gtan ni rang gi lha'i nga rgyal gyis bshad ma thag pa'i phur bu'i gzugs can gyi lha bsgom pa dang /bsgrub bya'i lha'i gzugs brnyan rang gi sa bon las byung ba bsgom pa'o/ /rdo rje ni rang gi gsang ba'i rdo rje'o/ /sbyor ba ni thabs dang shes rab yang dag par sbyor ba ste des so/ /sangs rgyas rnams ni rnam par snang mdzad do/ /nges par 'debs zhes bya ba ni 'chad par 'gyur ba'i tshul du'o//gang gi tshe rdo rje 'chang chen po kun du phur bus btab kyang dngos grub mi ster ba de'i tshe rang gis bshad pa'i dam tshig las 'das pas 'chi bar 'gyur ro/ /phur bus gdab pa'i bsgrub pa nyid gsal bar bya ba'i phyir/ de nas zhes bya ba la sogs pa gsungs te/ sku ni rnam par snang mdzad do/ /de'i rnam par 'phrul pa ni sku rnam par 'phrul pa ste/ sngags la sogs pa'i bdag nyid yin zhing / de nyid mi phyed pa ste gang la de yod pa de la de skad ces bya'o/ /sku'i dam tshig ni rnam par snang mdzad yin zhing sngags gang gis de'i tshom ngam ste/rnal 'byor gyi de nyid phur bur 'debs pa ste sku dang gsung dang thugs rdo rje rnams las phyung ngo / /gal te dngos grub mchog 'dod na/ /lag pa'i phyag rgya bcing mi bya/ /zhes 'di las bshad pa'i phyir/ 'di ni bsgrub pa mchog yin pas de'i phyir/ phan tshun dkri ba'i tshul du bya/ / zhes bya ba gsungs te/ phan tshun dkri ba'i tshul du bya/ /zhes bya ba ni rnam par snang mdzad kyi rnal 'byor gyis 'phags ma sangs rgyas spyan du rnam par bsgom pa'i btso blag mkhan gyi bu mo dang lhan cig phan tshun 'khyud pa la sogs pa'o/ /mthe bo zhes bya ba ni rang gi gsang ba'i rdo rje 'bar ba'o/ /gzhi ni bden pa chen po'i gnas chos 'byung zhes bya ba ste/de dag yang dag par sbyor ba ni mthe bo bzhi ni rab tu bsdams pa'o/ /rdo rje'i phur bus nges par gdab/ /ces bya bas ni 'di skad bstan pa yin te/ ji lta ba bzhin du rang gi rig ma dang yang dag par ldan pa'i rnam par snang mdzad sngon po khro zhing 'bar ba'i rnal 'byor dang ldan pas rang gi rig ma'i pad+ma la gnas pa'i me'i dkyil 'khor la gnas pa'i rnam par snang mdzad sku mdog dkar po dam tshig las 'das pa'i 'jigs pas myos pa dmigs la/rang gi gsang ba rdo rje 'bar ba las sngar bshad pa'i phur bu'i gzugs can gyi rnam par snang mdzad phyung ste/sngags brjod cing des mgo la brgyab ste rkang pa'i bar du phur bus gdab par bya'o/ /de ltar btab pa tsam gyi rjes thogs nyid la rdo rje gsum gyi bdag nyid kyi rnam par snang mdzad ldang bar 'gyur zhes bya ba mngon sum du gyur nas 'grub par 'gyur ro zhes bya ba'i tha tshig go/ /gzhan ni bshad zin to//de nas zhes bya ba la sogs pa la/ 'jig rten gyi dbang phyug gsum zhes bya ba ni dpag tu med pa'o/ /de ni rnam par 'phrul pa ni 'das ma thag pa bzhin no/ /de nyid mi phyed pa ste/ gang la de la dmigs pa yod pa de la de skad ces bya'o/ /lhag ma ni bshad zin to/ /'di ni ye shes pad+mo yang yin la kha bye ba yang yin pas ni ye shes pad+mo kha bye ba ste 'gro ba ma lus pa'i yid sim par byed pa nyid yin pa'i phyir 'phags ma gos dkar mor rnam par bsgoms pa'i gar mkhan gyi bu mo'i b+ha ga ste der ro//rdo rje nyid ser mo yin pas na rdo rje ser mo ste/ de nges par gzhag pa ni ji skad bshad pa'i pad+mar gzhug pa'o//gzhan ni rnam par snang mdzad dang 'dra ste/ 'on kyang bsgrub bya 'od dpag tu med pa ni sku mdog dmar po/ de bzhin bsgrub bya gzhan rnams kyang gnyug ma'i sku mdog dang ldan zhing 'jigs pas myos pa dang dngos grub ster ba la mngon du phyogs par shes par bya'o//de nas zhes bya ba la sogs pa la/ thugs ni mi bskyod pa ste/ de'i rnam par 'phrul pa rdo rje'i ting nge 'dzin la yang de skad ces bya'o/ /rtse mo lnga par zhes bya ba ni mi bskyod pa'i rnal 'byor dang ldan pas rang gi gsang ba'i rdo rje rtse lnga pa 'bar ba'o/ / bcings pa ni 'phags ma mA ma kI'i pad+ma nyid do/ /de'i nang na gnas pa'i nyi ma'i dkyil 'khor la bzhugs pa'i bsgrub bya mi bskyod pa bzhugs pa'i rdo rjes mnan pa ni rdo rje thugs kyi tshul mnan pa'o/ /sku dang gsung dang rdo rje'i tshul mnan pa yang de dang 'dra ba yin no/ /rdo rje phur bus nges par gdab//ces bya ba la sogs pa thams cad ni/ rnam par snang mdzad bzhin no/ /phur 'debs sangs rgyas thams cad dang / /byang chub sems dpa' grags chen te/ /zhes bya ba 'chad par 'gyur ba las bstan pa'i phyir/ rig ma dang bcas shing kun du sngo ba khro zhing 'bar ba'i lha dang phur bu bsgom pa dag gis ji skad bshad pa'i dkon mchog dpal la sogs pa bsgrub bya'i lha thams cad la phur bus gdab pa'i bsgrub pa shes par bya'o//bshad ma thag pa'i yang dag pa'i cho ga dang ldan pa'i sngags kyi sgo nas mi phyed pa'i phur bu ste/ dpal rdo rje sems dpa'o/ / de nas sangs rgyas zhes bya ba la sogs pa ni bshad zin to/ /e ma'o zhes bya ba ni ngo mtshar ba'o/ /nyan thos la sogs pa rnams la bstan par mi bya ba nyid yin pa'i phyir na gsang ba'o/ /'dis zhi ba la sogs pa'i las spros pa'i tshogs kyi don ston cing khong du chud par byed pas na tshig yin zhing /'di ni gsang ba yang yin la tshig kyang yin pas na gsang ba'i tshig ste de nyid mchog yin no/ /sku rdo rje phur bus gdab pa'i sgo nas de'i go 'phang thob par byed pa nyid yin pa'i phyir snying po kun btus pa'o/ /de bzhin du 'od dpag tu med pa dang mi bskyod pa dag la yang sbyar bar bya'o//phur 'debs sangs rgyas thams cad dang / /zhes bya ba la sogs pa ni bshad zin to/ /sku gsung thugs kyi rdo rje rnams/ /zhes bya ba ni lus la sogs pa'i bdag nyid can gyi sems can yul rnams te/ sangs rgyas thams cad ces bya ba de nyid kyis sku rdo rje la sogs pa rnams bsdus pa nyid yin pa'i phyir ro//'di zhes bya ba ni bshad ma thag pa'o/ /bde ba chen po las byung ba nyid yin pa'i phyir de nyid las byung ba'o/ /mi phyed pa'i sku la sogs pa sgrub par byed pa nyid yin pa'i phyir sku gsung thugs ni mchog ster ba'o/ /slu ba med pa'i gnas mdor bsdus pa 'thob par byed pa nyid yin pa'i phyir sngags kyi de nyid bsdus pa'o//de bzhin gshegs pa thams cad kyi sku dang gsung dang thugs nyid rmad du byung ba ste ngo mtshar du byed pa nyid yin pa'i phyir ro/ /de rnams kyi sngags te lha rnams 'gugs pa ni rnal 'byor gyis 'dul ba'i sems can gyi rgyud de'i bdag nyid du bya ba dang /'phags ma spyan la sogs pa dgug pa'o/ /des rnam par 'phrul pa'i rnam par rol pa yin zhing / de nyid kyis gsal zhing rgyal bas na sku dang gsung dang thugs rmad du byung ba'i sngags 'gugs pa'i rnam par 'phrul pa'i rgyal po zhes bya ba'i ting nge 'dzin to//de ston par byed pa'i sgra'i tshogs ni byang chub kyi sems kyi gos len par byed pa'i mtshan nyid yin pa'i phyir le'u'o/ /le'u bcu bzhi pa'i rnam par bshad pa'o// //'di las bshad pa'i rmi lam la sogs pa'i mtshan ma thob cing sgom pa lhur len pa rnams kyis rigs kyi bye brag dang bu mo'i rigs na tshod kyi rnam par dbye ba dang rmi lam du lhag par dmigs pa'i sgo nas dngos grub thams cad 'grub par bya ba yin pas de'i phyir sems can thams cad kyi dam tshig gi snying po'i rdo rje 'byung ba'i le'u/de nas zhes bya ba la sogs pas gsungs te/ mi bskyod pa'i rang bzhin gyi thog ma dang tha ma med pa'i chos kyi dbyings kyi ye shes kyis mdzes pa na rgyal po'o//rnam par snang mdzad kyi bdag nyid kyi me long lta bu'i ye shes kyi dngos grub thams cad kyi go skabs 'byed pas na thams cad nam mkha'o/ /'od dpag tu med pa'i rnam pa'i so sor rtog pa'i ye shes kyi rang bzhin yin pa'i phyir mi 'gyur bas na mi 'gyur che'o//dkon mchog dpal gyi mtshan nyid kyi mnyam pa nyid kyi ye shes dang mngon par 'brel pa'i sgo nas nyon mongs pa'i dri ma thams cad 'khrud par mdzad pas na thams cad dbang bskur ro/ /don yod pa'i rnam pa'i bya ba sgrub pa'i ye shes kyis 'gro ba ma lus pa'i bya ba yongs su mkhyen pas na kun mkhyen no//tshig de rnams kyis ni de bzhin gshegs pa lnga'i ye shes bsdus pa'i rang bzhin can gyi bcom ldan 'das bstan te/ des bka' stsal pa'o/ /sme sha can ni zhes bya ba la sogs pa la/ rig pa'i brtul zhugs ji lta ba bzhin du spyad pa'i rnal 'byor pa rang gi dkyil 'khor na gnas pas sme sha can gyi bu mo lo bcu gnyis lon pa dang lhan cig bsgrub par bya'o/ /dben pa'i gnas su zhes bya ba ni dgon pa chen po la sogs par ro/ /bshad pa'i dam tshig la sogs pas zhes bya bas ni ji skad bshad pa'i bdud rtsi lngas so//cho ga bzhin du zhes bya ba ni/ 'phags pa bdud rtsi 'khyil pa'i rnal 'byor dang ldan pa ste/ thugs kyi dkyil 'khor gyi rten bsgoms nas de'i dbus su dkyil 'khor gru bzhi bya'o/ /thams cad yongs su dag ces bya ba la sogs pas ni mthong ba la sogs pa rnams kyi sgo nas sems dga' bar byed pas 'grub par 'gyur ro zhes bstan to//pang par bzhag nas rnam par bsgom/ /zhes bya ba ni 'di skad du ji skad bshad pa'i gnas su bsrung ba'i cho ga sngon du 'gro ba can gyi khro bo 'phags pa bdud rtsi zhes bya ba'i rnal 'byor gyis btsun mo'i nam mkha'i dbyings su rnam par dag pa'i bdud rtsi lngas thugs kyi dkyil 'khor gyi rang bzhin gyi dkyil 'khor gru bzhi byas la/de'i dbus su stan 'jam po la nye bar 'dug ste/ sems can thams cad sdud par byed pa'i snying rje chen po'i sems bskyed pa sngon du 'gro ba can gyis mi bskyod pa'i rnal 'byor sku la sogs pa byin gyis brlab pa la thug pa byas la/ji skad bshad pa'i bu mo ji lta ba bzhin du mA ma kIr rnam par bsgoms pa dang yang dag par sbyor ba'i sgo nas las la gnas pas byang chub kyi sems phyung ste/de kho na bzhin du pad+ma la gnas pa'i zla ba'i dkyil 'khor gyi rnam par bsams la/ de las rang gi snying pos bskyed pa'i lha'i 'khor lo yi ge gsum gyis byin gyis brlabs pa phyung ste/ gnas ji lta ba bzhin du dgod cing dam tshig bzhis rgyas btab la ye shes kyi 'khor lo'i ting nge 'dzin sngon du 'gro ba can gyis bla na med pa la sogs pa'i mchod pa rnams kyis kun du mchod nas ji srid du ji skad bshad pa'i dngos grub grub pa de srid du nyin dang mtshan du bsgom par bya'o zhes bstan pa yin no//sku gsung thugs ni rdo rje can/ /zhes bya ba la sogs pas ni sku dang gsung dang thugs mi phyed pa'i rnam par snang mdzad du bdag nyid bsgom pa bstan to/de ji lta zhe na/ bsam gtan zhes bya ba gsungs te/ snga ma bzhin du rdo rje 'chang chen po'i rnal 'byor gyis rnam par snang mdzad dbyung ba dang gzhug pa'i sgo nas yongs su gyur pa bdag nyid rnam par snang mdzad du bsgom pas sbyor ba ni bsam gtan gyi sngags kyi sbyor ba ste/des rnam par snang mdzad dang 'dra bar 'gyur ro/ /rdo rje sems dpa'i sbyor ba yis/ /zhes bya bas ni bshad ma thag pa'i mi bskyod pa'i sbyor bas so/ /ut+pal mthing ga'i mdog 'dra ba/ /zhes bya ba ni bshad ma thag pa'i sme sha can gyi bu mo'o//gal te ji las de ltar shes she na/ man ngag dang gzhung 'khrugs pa nyid las te/ 'dir bshad pa'i btso blag mkhan gyi bu mo mdog dkar po/ ji ltar thugs kyi dkyil 'khor las bshad pa'i na tshod dang ldan pa/ man ngag gis sku'i dkyil 'khor la sbyar ba de bzhin du/'dir bshad pa'i ut+pa la mthing ga'i mdog 'dra ba'i sme sha can gyi bu mo lo bcu gnyis pa ni thugs kyi dkyil 'khor la sbyar bar bya'o/ /bu mo rtag tu bsgrub ces bya ba ni bshad ma thag pa'i 'phags ma sangs rgyas spyan du rnam par bsgoms pa rigs lnga dang bsre ba byas nas so//ji skad du bshad pa'i bu mo dang yang dag par ldan pa'i snang mdzad kyi rnal 'byor gyis bdag nyid sku rdo rjer bsgom par bya'o zhes bya ba de nyid bstan te/ sbyor ba'i cho ga de nyid ni/ /zhes bya ba ni bshad ma thag pa'o/ /rdo rje sems dpa'i 'od 'drar 'gyur/ /zhes bya ba ni ji ltar rang gi sbyor bas mi bskyod pa grub pa de bzhin du rnam par snang mdzad kyang 'gyur ro zhes bya ba'i don to//stobs dang mi 'jigs pa la sogs pa chos thams cad 'dzin par mdzad pas na chos 'dzin pa'o/ /ji skad bshad pa'i bu mo dang yang dag par sbyor ba'i sgo nas 'od dpag tu med pa bsgrub par bya ba yin pas de'i phyir/rdo rje chos ni rnam bsgoms pas/ /zhes bya ba la sogs pa gsungs pa ste/ bsgrub ces bya ba ni mi bskyod pa'i sbyor ba nyid kyis bdag nyid 'od dpag tu med par ro/ /sa bcu la ni gnas par 'gyur/ /zhes bya ba la gzugs rdo rje ma la sogs pa drug dang / sangs rgyas spyan la sogs pa bzhi ste 'bras bu'i rang bzhin gyi lha mo rnams kho nas sa bcu ru brjod par bya ste/ sgeg mo ni sbyin pa'i pha rol tu phyin pa'o zhes bya ba la sogs pa'i tshul bzhin du/ gzugs rdo rje ma la sogs pa rnams ni sa rab tu dga' ba la sogs pa rnams yin no zhes shes par bya'o//de rnams yang dag par sbyor ba'i sgo nas bde ba chen po'i rang bzhin du gnas pas na sa bcu la gnas pa ste/ de kho na nyid ni yid bzhin gyi nor bu rin po che dang mtshungs pa nyid yin pa'i phyir 'dod pa chung ba'i rnal 'byor pa yang ji ltar mngon par 'dod pa bzhin du sa bcu'i dbang phyug tu 'gyur ro//gsung rdo rje'i dam tshig ni gsung gi dam tshig ste/ phyag rgya dam tshig ces bya bar brjod ces 'byung ba'i phyir/ de'i phyag rgya chen po yin zhing / de 'dzin par mdzad pas na gsung gi dam tshig 'dzin pa'o/ /khams gsum pa'i bde ba chen po'i bdag po yin pa'i phyir mnga' dbang dam pa'o//dkyil 'khor thams cad kyi mchog yin pas kun gyi mchog go/ /de ltar rigs gsum gyi bye brag gis dngos grub bsgrub pa bshad nas/ da ni de bzhin gshegs pa'i bye brag gis bram ze zhes bya ba la sogs pa gsungs te/ bram ze'i bu mo dang yang dag par sbyor ba'i sgo nas ni rnam par snang mdzad bsgrub par bya'o//de bzhin du rgyal rigs dang / rje'u rigs dang / dmangs rigs kyi bu mo rnams dang yang dag par sbyor ba'i sgo nas/ go rims bzhin du rin chen 'byung ldan dang / 'od dpag tu med pa dang /don yod par grub pa rnams kyis dngos grub sgrub par shes par bya'o/ /rdo rje 'chang chen po ni rdo rje'i rigs gtso bor gyur pa'i sgo nas bdag po nyid yin pa'i phyir thams cad dang yang dag par sbyor ba nyid kyi sgo nas bsgrub par shes par bya'o/ /de bzhin du rigs kyi bye brag gi sgo nas lha thams cad bsgrub par rtogs par bya'o//rdo rje 'chang chen po la sogs pa'i chos kyi rang bzhin gyi bdag nyid yin pas na rdo rje chos bdag ste sgrub pa pos so/ /de nyid ni bsgrub par bya zhes bya ba la sogs pas bshad do/ /bskyed pa'i rim pa sgom pa po'i dbang du byas nas/bshad ma thag pa'i bsgrub pa'i dus nges pa ni/ rdo rje nyi ma zhes bya ba la sogs pas gsungs te/ 'dul ba la shes bzhin sngon du 'gro ba bzhin du rdo rje theg pa chen po la rdo rje sngon du 'gro ba can du brjod par bya ba yin pas nyi ma nyid rdo rje nyi ma ste/ de nub par gyur nas bsgom pa bya'o//skya rengs ni nyi ma'i shing rta khrid pa ste/ de 'char ba'i dus su zhag bdun tshun chad kyis 'grub par 'gyur ro/ /rtag tu rnal 'byor la gnas pa la ni dus nges pa med pas gzhan du brjod par bya ste/ sems can thams cad kun du sdud par byed pa'i snying rje chen po'i rang bzhin nyid dang /mi shes pa'i mun pa 'joms par byed pa nyid yin pa'i phyir/ rang gi gsang ba'i rdo rje nyid ni rdo rje nyi ma'o/ /de nub nas te btsun mo'i nam mkha'i dbyings su nub nas so/ /skya rengs ni byang chub sems te de 'char ba ni 'byung ba'o/ /de bas ni des ni 'di skad bshad pa yin te/rtag tu lha'i nga rgyal dang ldan zhing rang gi rigs kyi bu mo dang snyoms par zhugs pas spro ba la sogs pa mi bya zhing cung zad 'bar ba'i byang chub kyi sems mi dbyung bar bsgoms na/ byang chub kyi sems dbyung ba brtan pa nyid du gyur nas gdon mi za bar de'i rang bzhin du 'gyur ro zhes bya ba'i don to//rnal 'byor pas ni byang chub sems/ /ji srid gtong bar mi byed pa/ /de srid rgyun mi 'chad par du/ /dga' skyes bde ba dga' thob 'gyur/ /skad cig rnam par yang dag byung / /spro dang sdud par byed pa ste/ /'di ni sa 'og sa steng bla/ /rgyu dang mi rgyu kun gsal byed/ /de yi rang bzhin ro myang ba//dbang po las 'das thob pa ni/ /'di de zhes ni de brjod par/ /sangs rgyas kyis kyang mi spyod do/ /rtag cing khyab bdag mchog zhi ba/ /rgyu dang dpe rnams spangs pa ste/ /yod med las ni rnam par grol/ /gnyis med gnas ni dam pa ste/ /dngos grub kun gyi gter gyur pa//byang chub sems ni lhung gyur nas/ /rnam shes phung po brgyal gyur na/ /smad min dngos grub ga la yod/ /ces kyang gsungs so/ /rgyan rnams thams cad yongs su rdzogs/ /zhes bya ba la sogs pa ni shes par zad do/ /rdo rje 'chang chen po'i mchog ste gtso bo'i 'phags ma kun du bzang mor rnam par bsgoms pa'i sme sha can la sogs pa'i bu mo ni rdo rje sems dpa' mchog go//myur du zhes bya ba ni mgyogs par te zhag bdun gyi nang du zhes bya ba'i tha tshig go/ /'di ni sku gsum zhes bya ba la sogs pa ni go sla'o/ /pang par bzhag nas rnam par bsgom//zhes gang bshad pa de nyid gsal bar bya ba'i phyir/ /dbang po gnyis ni sbyor ba yis/ /zhes bya ba la sogs pas gsungs so/ /ji skad bshad pa'i dam tshig nyams su blang ba dang / snyoms par 'jug pa bsgoms pas dge legs kyi go 'phang thob par 'gyur bas de'i phyir/bshang gci'i dam tshig la sogs pas/ /zhes bya ba la sogs pa gsungs so/ /'dod pa bsten pa dang dam tshig nyams su blang ba'i sgo nas yod pa dang med pa'i rnam par rtog pa las grol ba ston par mdzad pa'i phyir 'dod pa dang thar pa'i dam tshig rdo rje ste/ dpal rdo rje sems dpa'o/ / gang gi tshe ji skad bshad pa'i mtshan nyid dang ldan pa'i rang gi rigs kyi bu mo rnams dang / de'i rigs can rnams la yang dang yang du gsol ba btab pas ma thob pa de'i tshe/ de rangs par bya ba yin pas de'i phyir de nas zhes bya ba la sogs pa gsungs so/ /dam tshig chen po'i khro bo ni 'phags pa gshin rje gshed de/de la dmigs pa'i ting nge 'dzin ni mi phyed pa nyid yin pa'i phyir de skad ces bya'o/ /de bzhin gshegs pa thams cad kyi rdo rje rnams kyis 'chi bdag gi bdud la sogs pa skrag par byed pa'i phyir de bzhin gshegs pa thams cad kyi rdo rje kun du skrag par byed pa'i khro bo ste de'o//khro zhing tsher ma'i me la bsreg /ces bya bas ni 'di skad du bstan pa yin te/ ji lta ba bzhin du mngon du bsnyen pa byas pa snyoms par zhugs pa'i 'phags pa gshin rje'i gshed kyi rnal 'byor dang ldan zhing khro bas mngon spyod kyi thab khung gru gsum tsher ma can gyi bud shing gis sbar bar yi ge hUM las byung ba'i lce dang ldan pa'i 'phags pa gshin rje'i gshed kyi zhal du stobs pas/oM hrIHSh+T+r-iHwi kr-i tA na na bu mo che ge mo staM b+ha ya hUM hUM phaT swA hA/ zhes bya ba zlos shing nyi ma phyed dam mtshan phyed kyi dus su dug la sogs pa'i sbyin sreg stong rtsa brgyad zhag gsum byas na bu mo de gdon mi za bar rengs par 'gyur zhing gzhan la ster bar mi 'gyur ro//bskal pa grangs med gsum du yang / /zhes bya ba ni gal te de'i tshe nang na tshod yod na'o/ /sangs rgyas sam ni chos 'dzin pa'am/ /zhes bya ba la sogs pas ni rnam par mi rtog pa'i ye shes can gyi 'das par gyur kyang 'tsho bar mi 'gyur ro zhes la dor ba brjod pa'i sgo nas sbyor ba'i che ba'i bdag nyid gsungs so//de ni rtag tu ster bar 'gyur/ /zhes bya ba ni mar ngo'i zhag dag las gang yang rung ba'i nyin par/ dur khrod kyi sol ba blangs te 'phags pa gshin rje'i gshed kyi rnal 'byor dang ldan pas stong rtsa brgyad bzlas pa'i sgo nas/bdag la bu mo 'di byin cig ces bya ba'i bskul ba'i tshig dang ldan pa'i bshad ma thag pa'i sngags dang rnam par spel ba'i tshangs pa dang srin po la sogs pa gang gi ming bris pa des de bkug nas ster bar byed pa'o//dgra bo'i gzugs brnyan bris nas ni/ /zhes bya ba ni bshad ma thag pa'i rim pas mngon par bzlas pa'i sol ba nyid kyis dur khrod kyi sa gzhi la bsgrub bya'i gzugs brnyan kun du bris te bkug la 'di'i ske gcad par bya'o snyam pa'i bsam pa dang ldan pas taM tsa mtshon cha'i rnam par lhag par mos par byas nas/ske la ri mo bris na mgo chad par 'gyur ba'o/ /tho ba bsam gtan sbyor ba yis/ /zhes bya ba ni de'i rnal 'byor nyid kyis lag par 'phags pa gshin rje'i gshed kyi rang bzhin gyi tho ba bsams la/ mdun du bsgrub bya rnam par bsams te/taM lus la phab na gdon mi za bar slar ldang mi nus par ltung bar 'gyur ba'o/ /hUM ni zhes bya ba la sogs pas ni zhe sdang rdo rje la sogs pa gang yang rung ba'i rdo rje'i rigs kyi khro bo'i rnal 'byor dang ldan pas rang gi lag tu yi ge hUM las byung ba'i rdo rje rtse lnga pa 'bar ba 'od zer gyi tshogs 'phro ba bsams la/de kho na bzhin du bsgrub bya'i lus la nges par phab na gdon mi za ba kho nar 'jig par 'gyur bar bstan to/ /de'i phyir phyag na rdo rje'i rigs la zhes gsungs so/ /rdo rgyus zhes bya ba la sogs pa la/ bshad ma thag pa'i rnal 'byor nyid kyis rdo rgyus dang sol ba la sogs pa rnams kyis ji skad du bshad pa bzhin du bsgrub bya kun du bris la bkug ste/hUM ka ra las byung ba'i sta re rnam par bsams la/ des de'i mid pa bcad na 'chad par 'gyur ro/ /sangs rgyas sku gsum rin chen mchog /ces bya ba la sogs pas ni sgrub pa po la yid ches pa nyid skyed par byed do//char ches pa'am dkyil 'khor 'dri ba'i dus su char rengs par bya ba ni/ las kyi rdo rje zhes bya ba la sogs pas gsungs so/ /'di skad du bstan pa yin te/ rdo rje 'chang chen po sku mdog ser po'i rnal 'byor gyis grong dang yul la sogs pa'i steng gi bar snang la yi ge hUM las byung ba'i sna tshogs rdo rje 'bar ba kha dog ser po mngon par 'dod pa'i yul khebs par rnam par bsams la/de'i dbus su yi ge hUM las byung ba'i rdo rje chen po kha gyen du bltas pa bskal pa'i me'i phung po dang mtshungs par bsams nas/de'i lte bar rnal 'byor de nyid kyis nye bar 'dug ste/ rang gi ba spu'i bu ga'i gseb nas byung ba'i 'od zer ser po'i tshogs rnams kyis thams cad bkab par bsam par bya'o/ /de ltar na mngon par 'dod pa'i gnas las phyi rol du char 'bab par 'gyur ro/ /des ni mngon par 'dod pa'i dkyil 'khor la sogs pa rnal 'byor pas byas pa'i char mi 'bab pa dang phyi rol du char 'bab pa'i mthu gnyis bstan pa'i sgo nas sngags kyi che ba nyid bstan pa yin no//thams cad du gcad par 'dod na de nyid thams cad du khyab pa bsams la/ 'od zer 'bar ba'i tshogs rnams kyis klu thams cad yongs su bskams par bsam par bya'o zhes bya ba ni nyams su myang ba dang bcas pa'i man ngag go//bsgom pa bya bar mi nus pa la bya ba'i cho ga brjod par bya ste/ sngar bshad pa'i bri ba'i rdzas rnams kyis dur khrod kyi gos la pad+ma'i 'dab ma brgyad du rang gi sa bon gyis klu brgyad dang de'i lte bar yi ge phaT kyis mtshan pa'i rlung lha kun du bris la bkug ste/gos gnyis pa la 'bar ba'i 'od kyis khyab pa'i sna tshogs rdo rje ser po'i lte bar rdo rje rtse lnga pa ser po 'greng ba yi ge hUM gis mtshan pa yang bris la/ gyen du bltas pa de'i steng du sbub ste kha sbyar la rdo leb kyis mnan te bzhag na char 'chad par 'gyur ro//gdug pa ni bgegs rnams yin zhing de dag 'joms par byed pas na gdug pa'i dgra ste/ 'phags pa bgegs mthar byed yin zhing de'i rnal 'byor gyis mche ba'i phyag rgya yang bcings la/ rlung la sogs pa'i bgegs bsal bar bya ste/sngar bshad pa'i mtshan nyid can mche ba'i phyag rgya kha'i logs kyi mtha' mar 'dzin cing yi ge phaT zlos pas bgegs rnams kyi mdun du bstan na de bzhin gshegs pa la sogs pas sprul pa'i rlung la sogs pa'i bgegs kyang sel bar byed do/ /de nyid ni sangs rgyas zhes bya ba la sogs pas gsungs so//gzhan du na dam tshig las 'das pas rlung la sogs pa 'jig par 'gyur ba kho na'o/ /de ltar phyag rgya'i phan yon bshad nas/ da ni sngags kyi mthu/ sangs rgyas zhes bya ba la sogs pa gsungs te/ de ni go sla'o/ /rdo rje 'chang chen po bsgrub pa ni ye shes sems dpa' zhes bya ba la sogs pas gsungs te/ye shes kyi bdag nyid kyi sems dpa' ni ye shes sems dpa'o/ /de'i sbyor ba ni dam tshig sems dpa' dang lhan cig gcig tu bya ba ste de yis so/ /dbus su gzugs zhes bya ba ni ji skad bshad pa'i dkyil 'khor gyi dbus su thugs kar ye shes kyi lhas byin gyis brlabs pa'i rdo rje 'chang chen po'i gzugs brnyan no//sngags shes pas ni gnas bzhi ru/ /bud med rtag tu gzhag par bya/ /zhes bya ba spyan la sogs pa'i gnas rnams su/ de dag gi gzugs su rnam par bsgoms pa'i ji skad bshad pa'i bu mo bzhi bzhag la/sme sha can gyi bu mo kun du bzang mor lhag par mos par byas nas/ de'i pad+mar rang gi gsang ba'i rdo rje bcug ste/ las la gnas par gyur nas/ 'dod chags chen po'i mthus gnyis ka yang zhu bar gyur te/ byang chub kyi sems kyi zla ba'i dkyil 'khor gyi rnam par bsams la/de la yang yi ge hUM kha dog dkar po mgo gyen du bltas pa yongs su gyur par byas nas/ 'od zer lnga 'bar ba'i rdo rje 'chang chen po sa bon gsum gyis byin gyis brlabs pa rnam par bsams te/ de las byung ba'i 'od zer gyi tshogs rnams kyis nam mkha'i gtos khyab pa'i de bzhin gshegs pa la sogs pa rnams la kun du reg nas rdo rje 'chang chen po'i rnam par byas te bsdus nas rang gi lus dang ngag dang sems la kun du bcug ste/bdag nyid rdo rje 'chang chen por bsgom par bya'o/ / bsgom pa 'dis mtshan ma thob pas myur du rdo rje 'chang chen po'i mngon par byang chub pa thob par 'gyur ba de'i phyir/ rnam par snang mdzad 'od 'dra zhing / /zhes bya ba la sogs pa gsungs te/ rnam par snang mdzad ni sngar bshad pa yin zhing / 'di la de dang 'dra ba'i 'od yod pas na rnam par snang mdzad 'od 'dra ste/dpal rdo rje 'chang sku mdog dkar po'o/ /de nyid de bzhin gshegs pa thams cad kyi bdag po nyid yin pa'i phyir rgyal po che'o/ /ji skad bshad pa'i chos kyi sku la sogs pa 'dzin pa dang / sku rdo rje la sogs pa 'dzin par mdzad pa'i phyir sangs rgyas sku gsum rdo rje 'dzin no//ting nge 'dzin gang la ji skad bshad pa'i rdo rje sems dpa' bskyed cing 'byin pa yod pa de nyid mi phyed pa nyid yin pa'i phyir de skad ces bya'o/ /de nyid kyi phyir dang por rdo rje 'chang chen po sku mdog dkar po dpal zhe sdang rdo rje'i gdan la bri bar bya'o/ /gsang ba blangs nas bza' bar bya//zhes bya ba snga ma bzhin du 'phags pa 'jam pa'i rdo rje'i rnal 'byor dang ldan zhing / ji skad bshad pa'i bu mo dang lhan cig rig pa'i brtul zhugs spyad pas phyi rol gyi sems can gyi tshogs med pa'i gnas su rten dang bcas pa'i brten pa'i 'khor lo'i dbus na gnas pas mi snang ba'i ting nge 'dzin mngon du bya bar lhag par mos pa'i sgo nas gsang ba'i mchod pa las byung ba'i byang chub kyi sems 'od zer 'bar ba'i pad+ma na gnas pa khas blangs te/rig ma la yang rang gi kha nas phyung ba sbyin par bya'o/ /de ni zhes bya ba la sogs pas ni 'bras bu gsungs so//bza' ba ni 'bras kyi bza' ba la sogs pa'o/ /bshang ba dang / rta dang glang po'i sha la sogs pa ni bza' ba ma yin pa'o/ /gzhug par bya zhes bya bas ni/ 'di skad du bstan pa yin te/ rig ma'i brtul zhugs spyad cing mi snang ba bsgrub pa la mtshan ma thob pas snod du rung ba gnyis bsgrub pa'i dkyil 'khor 'drir bcug ste/de'i dbus su rang gi lha'i rnal 'byor la snyoms par zhugs pas snga ma bzhin du mngon par 'dus byas pa'i bshad ma thag pa'i bza' ba la sogs pa bcug ste/ yi ge gsum mam rang gi sngags brgya rtsa brgyad mngon par bzlas nas zos na ji skad bshad pa bzhin du 'grub par 'gyur bas de'i phyir//zos na sangs rgyas kyis mi mthong / /zhes bya ba gsungs so/ /bshang ba cho ga bzhin zhes bya ba la sogs pa la/ bshang ba yang bshad ma thag pa'i cho ga kho na bzhin du kham phor so ma btang ba'i kha sbyar bar bzhag ste/mngon par bzlas la bza' bar bya'o/ /thugs rjes dmar ba nyid dang ye shes kyis snang bar mdzad pa nyid yin pa'i phyir sangs rgyas nyid nyi ma yin pas na sangs rgyas nyi ma ste/ de rnams kyis kyang mi mthong ngo zhes bya ba'i tha tshig go/ /de bzhin khyi'i sha la sogs pa gang yang rung ba kham phor kha sbyar na gnas pa zos na yang 'bras bu de dang 'dra ba kho na'o//bshang dang zhes bya ba la sogs pas ni 'das ma thag pa bzhin du bri ba'i dkyil 'khor gyi dbus na gnas pa lha gang yang rung ba'i rnal 'byor gyis rang gi rigs kyi bu mo dang snyoms par zhugs pas bdud rtsi lnga ma sha phyed bshang ba la sogs pa gang yang rung ba'i rdzas ma sha phyed dang lhan cig sbyar te/snga ma bzhin du lcags gsum gyis dkris la pad+mar bzhag la/ de'i nang na gnas pa'i rang gi bdag po spro ba dang bsdu ba'i rim gyis bsgoms na de kho na bzhin du 'grub par 'gyur ro zhes bstan to/ /thun mong nyid yin par bstan pa'i phyir/rdo rje 'dzin pa gang yang rung / /zhes bya ba la sogs pas gsungs so/ /de ni zhes bya ba la sogs pa ni shes par zad do/ /steng du rang gi ye shes kyi mthus dpag tshad bye ba snyed kyi stong gsum gyi bar du 'gro bas na rdo rje 'gro ba'o/ /gzhan ni bshad zin to//'da' bar bya ba ma yin pa'i mi snang ba'i cho ga bstan pa'i phyir/ dam tshig mi snang ba'i rdo rje chen po de dpal rdo rje 'chang ngo / /bcom ldan 'das kyis dngos grub sna tshogs bsgrub pa'i tshogs bstan pa'i sgo nas sems can rnams kyi don mdzad par rtogs nas/ rab tu dgyes shing spyan gdangs pas ched du brjod pa ched du brjod pa ni de nas zhes bya ba la sogs pa gsungs te/rigs nges pa'i sems can rnams kyi zlos gar bstan pa'i phyir dga' ba phul du byung ba nyid kyi sems 'khrul pa'o/ /gzhan ni bshad zin to/ /e ma'o zhes bya ba la sogs pa la/'di dag rab tu ngo mtshar zhes bya ba ni rigs la sogs pa'i bu mo dang yang dag par sbyor ba la sogs pa rnams kyi dngos grub bsgrub pa'i dus 'di'o/ /thabs dang shes rab kyis zag pa med pa'i bde ba thob par byed pa nyid yin pa'i phyir gsang gnas mi 'gyur ba'o/ /de nyid kyi phyir ngo bo nyid kyis dag pa'o//lus dang rtogs pa'i chos dri ma med pa nyid yin pa'i phyir shin tu dri med chos so/ /sangs rgyas la sogs pa rnams kyi dbang bskur gyi nges pa bstan par bya ba'i phyir/ de nas zhes bya ba la sogs pa gsungs te/ ston pa zhes bya ba la sogs pa ni bshad zin to//yongs su dag pa'i sku can nyid yin pa'i phyir dag pa'o/ /mi phyed pa'i thugs mnga' ba nyid yin pa'i phyir rdo rje'o/ /phyin ci ma log pa'i gsung sgrogs pas che ba nyid yin pa'i phyir chos chen po ste/ de lta bu'i yon tan khyad par can dang ldan pa'i bcom ldan 'das de rdo rje gsung bka' stsal to//sems dpa' zhes bya ba la sogs pa la/ sems dpa' ni dpal rdo rje sems dpa' ste/ sangs rgyas la sogs pa sems dpa' thams cad 'byung ba'i rgyu nyid yin pa'i phyir ro/ /dpal de kho na nyid bsdus pa las kyang / sems dpa' chen po de nyid las//sems dpa' thams cad kun du 'byung / /zhes gsungs so/ /de'i shes rab nyid ni rdo rje yin zhing / kun du bzang mo sku mdog dkar po lha mo'i gzugs can yin te/ dpal bde mchog phyi ma las kyang / zla ba lta bur dag pa'i blo/ /rdo rje zhes ni mngon par brjod//ces gsungs pa'i phyir ro/ /de yang dag par sbyor ba ni/ /sems dpa' rdo rje'i sbyor ba ste/ /de mnyes par 'gyur ro/ /gang dag ce na/ gsungs pa/ sangs rgyas rdo rje 'dzin te/ mi bskyod pa la sogs pa de bzhin gshegs pa rnams so/ /ji ltar zhe na/ spyi bo na gnas pas bskul ba las byung ba'i byang chub kyi sems kyi rgyun gyi dbang bskur ba rnams kyis zhes bya ba'i don te/ 'di nyid las/ spyi bo nas ni bskul ba shis/ /zhes 'chad par 'gyur ba nyid kyi phyir ro/ /sangs rgyas byang chub rab dbye bas/ /zhes bya ba la/ sangs rgyas ni rnam par snang mdzad la sogs pa'i de bzhin gshegs pa rnams so//de rnams kyi byang chub ni thugs ka na gnas pa'i shes rab bo/ /de'i bar du dbye ba ni sangs rgyas spyan la sogs pa'i gzugs yongs su gyur pa dang gnyis su med par yang dag par sbyor ba ste de yis so/ /rdo rje ste rtogs pa'i ye shes dang phyag mtshan 'dzin par mdzad pas na rdo rje 'dzin te/sa'i snying po la sogs pa byang chub sems dpa' chen po rnams so/ /de rnams ni rang gi rigs kyi de bzhin gshegs pa rnams kyis dbang bskur bas mnyes par 'gyur ro/ /rdo rje can gyi gzugs sogs kyis//zhes bya ba ni/ drug pa'i don can gyi gsum pa ste/ de'i phyir spyan la sogs pa rnams dang khro bo rnams kyi ni rang gi de bzhin gshegs pa nyid kyis dbang bskur ba'o/ /bshad ces bya ba ni bstan pa'o/ /rig pa'i rgyal po chos mchog rnams/ /zhes bya ba ni gtsug tor chen po la sogs pa ral pa'i tshogs bcings pa'i gtsug tor can gyi rig pa'i 'khor los sgyur ba'i gtsug tor brgyad de/dkon mchog dpal gyis dbang bskur ba'o/ /sngar ni spyan la sogs pa rnams kyis khyad par gyi dbang bskur ba bstan nas/ da ni lha mo thams cad kyi thun mong gi dbang bskur ba/rig pa'i zhes bya ba la sogs pas gsungs te/ rig pa ni gzugs rdo rje ma la sogs pa'i lha mo rnams so/ /rgyal mo ni spyan la sogs pa rigs kyi lha mo bzhi'o/ /de rnams kyi sbyor ba ni rang gi de bzhin gshegs pa la sogs pa rnams dang yang dag par sbyor ba ste de rnams la'o//tshe dpag med pa rab tu bsgom/ /zhes bya ba ni sgra las byung ba'i shes rab kyi ngo bo nyid dang / rig ma thams cad kyi bdag po yin pa'i phyir/ de'i dbang bskur bas de rnams mnyes par 'gyur ba'o/ /thams cad las byed sngags rnams la/ /zhes bya ba 'phags pa bdud rtsi 'khyil pa la sogs pa rnams la don yod par grub pas dbang bskur bar bya'o//zhi ba la sogs pa'i las bsgrub pa'i dus su yang lha thams cad kyi rnal 'byor pa rnams kyis las dang rjes su mthun pa'i sku mdog can gyi don yod par grub pas dbang bskur bar bya ste/ don yod pa'i bkas nges par 'grub par 'gyur ba'i phyir ro//'di thams cad ni rdo rje 'chang chen po'i rnam par 'phrul pa yin pas/ lha thams cad kyi thun mong gi rdo rje'i sems dpa'i dbang bskur ba yang / sngags rnams thams cad nyid la ni/ /zhes bya ba la sogs pas gsungs so/ /sngags gang dag gis rgyud gzhan rnams las grags pa'i gnod sbyin ma rnams kyi rgyud de gzugs la sogs pa bkod pa de rnams la de skad byas te/sngags kyis bskyed pa'i gnod sbyin ma'i gzugs can rnams kyi cod pan gyi dbang bskur ba'i don du bdag po nyid yin pa'i phyir 'phags pa gshin rje gshed kho na bsgom par bya'o//sngags rnams thams cad nyid la ni/ /zhes bya ba ni bshad ma thag pa'i yang dag pa'i sbyor bas gnas pa'i lha thams cad la'o/ /spyi bo nas shis bskul ba zhes bya ba ni/ de rnams kyi spyi bor rdo rje dang pad+ma kun du bskul ba las byung ba'i byang chub kyi sems kyi rgyun gyis dbang bskur ba'o//shis zhes bya ba ni mngon par 'dod pa'i dngos grub sgrub par byed pa'o/ /dngos grub kyi don du 'da' bar mi bya ba'i dam tshig ston par mdzad pas na dam tshig chen po ste dpal rdo rje sems dpa'o/ /bsam gtan 'khor lo 'di yis ni/ / zhes bya ba ni dkyil 'khor gyi lha rnams la dbang bskur bas so/ /sngags mnyes byed pa'i 'khor lo dag /ces bya ba ni lha mnyes pa'i 'khor lo'o/ /de nyid ni/ dam tshig chen po sgrub byed pa/ /zhes bya bas bshad do/ /dam tshig chen po ni gzugs thams cad ston par mdzad pa'i bdag nyid can gyi dpal rdo rje sems dpa' yin zhing /de sgrub par byed pa ni dam tshig chen po sgrub byed pa'o/ /sgrub pa po rnams kyi mngon par 'dod pa'i dngos grub mchog sgrub par byed pa nyid yin pa'i phyir phan pa'o/ /dbang bskur ba'i sgrub pa 'di ni sku la sogs pa byin gyis brlabs pa'i rjes thogs la rang gi sku'i dngos grub grub pa yongs su shes par byed pa'i ched yin no//snod la dbab pa dang dkyil 'khor du slob ma gzhug pa'i don du sbyor ba ni/ de nas zhes bya ba la sogs pa gsungs te/ de ni rnam par phye zin to/ /bsam gtan rdo rje rab bya ba/ / zhes bya ba ni bshad ma thag pa'i gnas su phra mo'i rnal 'byor bsgoms pas sems brten par byas nas so/ /bzlas dang sngags kyi sbyor bas zhes bya ba ni/ 'chad par 'gyur ba'i yi ge hUM la sogs pas bskul ba'i sbyor bas so/ /de lta bur gyur pa'i rnal 'byor pa des dpal rdo rje sems dpa' la sogs pa thams cad sngags dang bsam gtan gyis kun du bskul na las rnams sna tshogs byed par 'gyur ba yin pas de'i phyir/rdo rje sems dpa' la sogs kun/ /zhes bya ba la sogs pa gsungs te/ gsung gi las ni dpal rdo rje sems dpa' ste/ phyin ci ma log pa'i don ston par byed pa'i ngag gi bya ba'i bdag nyid yin pa'i phyir ro//rdo rje chos kyi gzugs chen po/ /zhes bya ba ni yi ge a las byung ba'i pad+ma rA ga ltar dmar ba'o/ /gnas gsum du ni rigs brtag go/ /zhes bya ba ni 'di skad du bstan pa yin te/ bdag nyid ji skad du bstan pa'i 'od dpag tu med par rnam par bsams la/rang gi mgo bo dang lkog ma dang snying ga'i phyogs rnams su zla ba kha dog dmar po dang chu skyes dang nyi ma la gnas pa'i oM dang AHdang hUM zhes bya ba'i sa bon dmar po rnams kyis rigs gsum thams cad dmar por bsams te/ de kho na bzhin du 'od dpag tu med pa rnam par bsgoms pa'i ji skad bshad pa'i snod du rung ba'i mgo dang lkog ma dang snying ga'i phyogs rnams su yi ge baM la sogs pa las byung ba'i chu dang rlung dang dbang chen gyi dkyil 'khor la gnas pa'i ha dang AHdang hUM zhes bya bas byin gyis brlab pa'am/de rnams kyi bskyed pa'i rigs gsum gyis byin gyis brlab pa byas la/ de'i rkang pa'i 'og tu me'i dkyil 'khor la gnas pa'i dz+haiM 'bar bar byed par bsams te snga ma bzhin du ye shes sems dpa' bcug la yi ge dz+haiM las byung ba'i 'od zer gyi tshogs rkang pa'i mthil gyi gseb nas zhugs pa rnams kyis yi ge gsum mam rigs gsum kun du bskul ba dang /dril bu dkrol zhing hUM ha AHdz+haiM zhes bya ba'i sngags brjod na/ de la bcom ldan 'das nges par 'bab par 'gyur ro/ /de nyid ni/ dbab pa'i cho ga thams cad ni/ /byas na gdon mi za bar 'grub//ces bya bas gsungs so/ /de bzhin du bdag nyid yi ge ha dang yi ge hUM dag gis go rims bzhin du rnam par snang mdzad dam mi bskyod pa pad+ma rA ga ltar dmar ba bsams la/ thams cad 'das ma thag pa bzhin du bya'o/ /babs pa'i lce la yi ge AHdmar po rdo rje 'bar ba dmar pos khyab pa bsams la/rdo rje smros shig ces brjod par bya ste/ de ltar na bzang ngan thams cad smra bar 'gyur ro/ /de nas tiSh+Tha badzra zhes bya ba la sogs pas dbab pa brten par bya ste/ oM sems can don kun mdzad lags te/ /zhes bya ba la sogs pas brjod la/ yi ge'i muH'i mtha' can gyis gnod du rung ba la babs pa'i rdo rje chos la sogs pa rnams thal mos me tog gyen du gtor ba'i sgo nas gshegs su gsol te/snod du rung ba sku rdo rje la sogs pa rnam par dgod pa'i sgo nas kun du bsrung bar bya'o/ /bskul dang zhes bya ba la sogs pa la/ 'phags pa bzhi po dag ces bya ba ni//bskul ba la sogs pa bya ba'i don du snying ga dang skog ma dang spyi bo rnams su dbang chen dang rlung dang chu'i dkyil 'khor la gnas pa'i yi ge gsum mchog chen po'i 'phags pa'i sa'i rang bzhin can rnams dang / me'i dkyil 'khor la gnas pa'i yi ge dz+haiM ni bzhi pa ste 'phags pa'i sa gzhi'o//rdo rje grub pa dag gis zhes bya ba ni sems brtan par gyur pas so/ /de ltar byas na cir 'gyur zhe na/ de'i phyir rtag par 'grub ces bya ba gsungs te/ nyams pa med pa'i bde ba chen po'o/ /cho ga thams cad ces bya ba ni sems brtan par bya ba dang lhag par gnas pa la sogs pa rnams so//rnam pa gzhan du ste snod du rung ba la lha ma babs na/ skye bo rnams kyis dpyas par 'gyur ba kho na'o/ /dz+haiMHni zhes bya ba la sogs pa la/ yi ge dz+haiM gyis rlung gi dkyil 'khor bskyod pas 'gul ba ste gyen du 'phags pa dang gser lta bu'i dbang chen gyi dkyil 'khor la gnas pas mnan na rengs pa dang /chu'i dkyil 'khor la gnas pa'i kha dog dmar po nyid kyi g.yo ba la sogs pa bya'o zhes bya ba ni man ngag yin no/ /nam mkha'i khams ni sems med cing / /zhes bya ba la sogs pas ni/sbyor ba'i mthu phul du byung ba bstan to/ /khru gang zhes bya ba la sogs pa la/ rdo rje ste 'od dpag tu med pa la sogs pa rigs gsum gyi ye shes kyis gsal zhing 'bar bas na rdo rje rgyal po ste/ dpal rdo rje sems dpa' yin zhing / des khyad par du sngar bshad pa'i sbyor ba rnams kyis bskul ba ni/rdo rje rgyal pos rab bskul ba'o/ /'phar bar 'gyur zhes bya ba ni gyen du 'phags par 'gyur ba'o/ /snga ma bzhin du thams cad ces bya ba la sogs pas ni 'od dpag tu med pa la sogs pa'i rnal 'byor nyid kyis gshegs su gsol ba la thug pa'i bar thams cad bya'o zhes bstan to//de ltar snod du rung ba la dbab pa'i cho ga bstan nas/ da ni gdug pa rnams gzhom pa'i phyir 'phags pa bdud rtsi 'khyil pa'i rtog pa/ de nas zhes bya ba la sogs pa gsungs te/ bka' stsal to zhes bya bar sbyar ro/ /rdo rje 'dzin zhes bya ba la sogs pa'i don ni bshad zin to//chos dang longs spyod rdzogs pa dang sprul pa'i sku'i gnas gsum kun du dag pa nyid yin pa'i phyir sku gsum gnas ni yongs dag pa'o/ /'di ni zhes bya ba ni thugs la gnas pa'o/ /bka' stsal to zhes bya ba ni gsungs pa'o/ /rtse gcig ma gyur pa yis kyang //zhes bya ba ni bya ba mang po la zhugs shing mtshan ma thob pa'i rnal 'byor pa yis kyang ngo / /brtul zhugs brtan pas zhes bya ba ni dgra bo chad pas bcad pa la nges pa'i blo can rnams kyis bya ba'o/ /sbyor ba gzhan min pas zhes bya ba ni 'phags pa bdud rtsi 'khyil pa'i rnal 'byor pas 'chad par 'gyur ba'i sngags dang 'khrul 'khor dang bcas pa kho nas gdug pa rnams la chad pas gcad par bya'o zhes bya ba'i don to//dgra yi gzugs brnyan byas nas ni/ /zhes bya ba ni ro bsregs pa'i sol ba dang / to sha dang / ra dzi ka dang / lan tshwa dang / til mar tsha ba dang / dug dang / smyo byed rnams kyis dgra bo'i gzugs brnyan byas la/ rdzas de rnams nyid kyis dur khrod kyi gos la sngags dang rnam par spel ba'i ming bris pa snying gar bcug ste/ dgug pa sngon du 'gro bas gcer bu skra grol ba ro bsregs pa'i sol ba'i chus brlan pa'i gos gyon pa 'phags pa bdud rtsi zhes bya ba'i khro bo'i nga rgyal dang ldan pas g.yon brkyang bas mnan la/brgya rtsa brgyad dam stong rtsa brgyad bzlas na ji skad bshad pa bzhin du 'gyur ba'o/ /dur khrod ro bsregs thal ba yis/ /zhes bya ba ni dur khrod kyi rtsu lu kha bcag pa las byas pa'i gzugs brnyan bshad ma thag pa bzhin du mnan te/mtshan phyed kyi dus su bzlas na de kho na bzhin du 'grub par 'gyur ro/ /dkyil 'khor gru gsum byas pa la/ /zhes bya ba ni ba lang dang rta dang khyi'i sha rnams kyis me'i dkyil 'khor gru gsum 'bar ba yi ge ra yis mtshan pa'o//sangs rgyas kyang ni nges par 'jig /ces bya ba 'dis ni sangs rgyas kyang gdon mi za bar 'jig par 'gyur na dgra bo tsam lta smos kyang ci dgos zhes rnal 'byor pa rnams la yid ches pa skyed par byed do/ /'di skad du bstan pa yin te dur khrod la sogs par to sha dang ldan pa'i me'i dkyil 'khor la gnas pa'i thab khung gru gsum byas la/de ru rdzas de rnams nyid las byas pa'i gzugs brnyan mngon spyod kyi cho ga bzhin du sbyin sreg bya'o/ /rdo rje las byung 'jig ces bya ba ni mi phyed pa'i ye shes las byung ba'o/ /sha chen gyis kyang 'das ma thag pa bzhin du thams cad bya'o//'di ni zhes bya ba ni 'di kho na'o/ /drag po thams cad kyi zhes bya ba ni/ dkon mchog dang bla ma la gdug cing drag la mi bzad pa'i sems dang ldan pa rnams kyi'o/ /mi bzad pa ni shin tu drag pa'o/ /chos mchog can zhes bya ba la chos mchog ste mi bskyod pa'i sa'i mtshan nyid yin zhing de lta bur 'di 'gyur bas na chos mchog can te bsgrub bya de'o//khros nas bsreg ces bya ba ni dur khrod la sogs par bshad ma thag pa'i thab khung tsher ma'i me sbar ba la bshang gci'i gzugs brnyan de kho na bzhin du sbyin sreg byas na'o//chu bo'i 'gram gnyis sa yis kyang / /zhes bya ba ni rgyun du 'bab pa'i chu bo'i 'gram gnyis kyi sa las gzugs brnyan byas te/ ut+ta na mgo byang du bstan te bzhag nas so/ /dug las byung ba'i tsher ma yis/ /zhes bya ba ni sbrul dang sdig pa dang chu srin kuM b+hi ra dang rwa can dang nya la sogs pa'i tsher ma dang /bil ba'i tsher ma dug la btsos pa rnams kyis so/ /bskul ba'i tshig dang zhes bya ba ni sarba big+h+nAn bi nA ya kAn zhes bya ba'i tshig gnyis bzhag la che ge mo mA ra ya zhes bya ba'i bskul ba'i tshig dang ldan pa'i sngags khro ba dang bcas pas brjod cing til gyi gang bu bzhin du dgang bar bya'o zhes bya ba'i don to//ske tshe la zhes bya ba la sogs pas ni gzugs brnyan la sogs pa thams cad ske tshe la sogs pa gzhug pa dang / dur khrod kyi gos la sngags dang rnam par spel ba'i ming de rnams kyis bris pa gzhug par bya'o zhes bstan to//sol khus gsher ba'i zhes bya ba la sogs pa ni bshad zin to/ /ling+ga zhes bya ba ni mi'i rus pa'i phye ma dang dug dang khrag rnams las byas pa'i gzugs brnyan no/ /gzhan ni bshad zin to/ /srin pos khyer bar gdon mi za/ /zhes bya ba ni che ge mo rak+Sha ser gra ha yed ces bya ba'i bskul ba'i tshig dang ldan pa'i sngags khro ba dang bcas pas bzlas na gdon mi za bar rdo rje sems dpa' dang mtshungs pa yang khyer bar 'gyur ro zhes bya ba'i don to//ske tshe bshang gci sbyar ba yis/ /zhes bya ba ni bshad ma thag ste 'on kyang ske tshe gtso bor gyur pa'o//tsha ba chen pos btab par 'gyur/ /zhes bya ba ni chen mo zhes bskul ba'i dbang gis so/ /sbyor ba gzhan min pas bya ba/ /zhes gang bshad pa de'i sngags bstan pa'i phyir/ de la 'di ni zhes bya ba la sogs pa gsungs te/ de bzhin gshegs pa thams cad kyi dam tshig chen po'i khro bo ni 'phags pa bdud rtsi bya ba ste/de bzhin gshegs pa thams cad kyi bka' sgrub par byed pa dang / de rnams kyis 'da' bar mi bya ba nyid yin pa'i phyir ro/ /de'i snying po ni sngags so/ /sbyin sreg ces bya ba ni bshad ma thag pa'o/ /yang na bsam gtan zhes bya ba ni 'chad par 'gyur ba'o//gzhan ni go sla'o/ /rdo rje sems dpa' zhes bya ba ni ji skad bshad pa'i rdo rje 'chang chen po'o/ /khro bo che zhes bya ba ni 'phags pa bdud rtsi 'khyil pa dbyung ba dang gzhug pa'i sgo nas yongs su gyur pa'i khro bo bdud rtsi zhes bya ba'i gzugs can no/ / de nyid kyi phyir rnam pa bgrad pa 'jigs 'jigs lta ste/ rnam par bgrad pa la sogs pa'i don ni bshad zin to/ /bsams nas zhes bya ba ni lag na sta re dang tho ba thogs pa'i bsgrub bya'o/ /bsam gtan rab tu bya zhes bya ba ni 'chad par 'gyur ba'o/ /sems can drag po chen po gzhom pa'i phyir khro ba 'byung ba'i rgyu ni drag po chen po'i khro bo'i dam tshig go//mkha' dbyings zhes bya ba ni nam mkha'i dbyings so/ /skabs 'dir yongs su gang ba zhes bya ba ni sangs rgyas dang byang chub sems dpa' rnams kyis yongs su gang ba'o/ /gdug pa de yis bsad par ni//zhes bya ba ni sta re dang tho ba lag na thogs pas gtubs shing bcad de phye mar byas par bsam pa'o/ /de ma thag tu zhes bya ba ni 'chad par 'gyur ba'i bsam gtan la sbyor ba'i rjes thogs nyid la rdo rje 'chang dang mtshungs pa yang 'chi bar 'gyur ro zhes bya ba'i don to//sangs rgyas gnod byed dgra rnams ni/ /sngags mkhan gyis ni mdun bsams na/ /zhes bya ba la/ sangs rgyas la sogs pa rnams bsad pas 'gyod pa skyes pa/ skrag cing 'jigs pas dkrugs pa zhes bya ba dmyal bar ltung ba'i 'jigs pas myos par gyur pa/mgon med cing skyabs med pa/ gcer bu skra bshig pa/ lus la til mar bskus pa/ sngar bshad pa'i rim pa bzhin saM po ta dbye ba byas te/ me'i dkyil 'khor la gnas pa rnam par bsams la/ de la phan par bya ba nyid kyi phyir khro bo'i tshul du gyur pa'i dkyil 'khor pa'i lha'i 'khor lo'i dbus na gnas pa'i khro bo 'phags pa bdud rtsi zhes bya ba'i rnal 'byor dang ldan pas gnod sbyin la sogs pa spros pa rnams kyis kun du sngangs par byas te zos par bsam zhing /de'i rnam par shes pa yang snga ma bzhin du mi bskyod pa'i gzugs can gyi byang chub sems dpar bskyed la/mngon par dga' ba can gyi 'jig rten gyi khams na gnas pa'i chos kyi rgyal srid kyi gnas la yang dag par bzhag ste dbang bskur bar bya'o/ /sbrul nag ces bya ba la sogs pa la gshin rje'i gzugs can gyis 'chi bdag gi bdud kyang 'jigs par byed pas na 'jigs pa dag kyang 'jigs byed pa'o//dug gi mchog gi dam tshig ces bya ba ni/ yi ge naM las klu rigs ldan gyi gzugs bung ba ltar sngo ba'o/ /nam mkha' na gnas pa'i yi ge hri las byung ba'i 'od zer gyi lcags kyu rnams kyis bkug pa'i khams gsum gyi dug gis gang bar bsams la/che ge mo'i dpral ba nas zo zhig ces de la bka' bsgo ste/ des de zos par bsam zhing de'i rnam par shes pa yang 'das ma thag pa bzhin du mi bskyod par bya'o/ /phyogs bcu'i sems can thams cad kyi nyams la sogs pa bkug ste/de kho na bzhin du bsgrub bya'i lus la gzhug par bya'o/ /tho ba ni yi ge hUM las byung ba'i tho ba 'bar ba'o/ /gzhan ni shes par zad do/ /gshegs shing zhes bya ba la sogs pas ni phyag na sta re la sogs pa bsnams pa'i rdo rje khro bo la sogs pa rnams kyis rnam par bsgyel te dum bur gtubs par bsam par bya'o//bsrung ba la sogs zhes bya ba la sogs pas ni 'di skad du bstan pa yin te/ snga ma bzhin du rang gi snying ga nas phyag na rdo rje lcags kyu bsnams pa phyung ste/ des de'i bsrung ba kha sbyar la sogs pa dang lha rnams bkug la rang gi par shwa g.yon par bzhag ste/'phags pa bdud rtsi 'khyil pa'i phur bu nyid kyis oM g+ha g+ha zhes bya ba'i sngags/ sarba duSh+TAM sarba pA paM zhes bya ba'i tshig gnyis bzhag la/ 'di'i sarba rak+Sha a ti man+t+rAM dai ba tAM sh+tsak+tsi la yed/ ces bya ba'i bskul ba'i tshig dang ldan pa brjod cing phur bus gdab par bya'o zhes bya ba'i don to//'di ni zhes bya ba la sogs pa la/ gsod pa thams cad las gtso bor gyur pa nyid yin pa'i phyir gsod par byed pa'i mchog go/ /bsrung ba la sogs pa'i kha sbyar dbye ba ni dam tshig ste 'da' bar mi bya ba nyid yin pa'i phyir ro/ / rdo rje phung pos zhes bya ba la sogs pa la/ mi phyed pa'i phung po la sogs pa dang ldan pa'i sems can te/ de bzhin gshegs pa la sogs pa khro bo'i dkyil 'khor na gnas pa ji snyed pa de dag thams cad khro zhing gdug pa gsod pa la gcig tu brtson par bsam par bya'o/ / de ltar na/ mnyes par 'gyur te gzhan du min/ /zhes bya ba ni ji skad bshad pa de kho na bzhin du bsgrub pa la brtson pa'i rnal 'byor pa la de bzhin gshegs pa la sogs pa rnams mnyes par 'gyur gyi/ gzhan du phyin log gi bsam pas byed pa la ma yin pa'o/ /ston pa sangs rgyas zhes bya ba la sogs pa la/chos thams cad rab tu rtogs pas na sangs rgyas so/ /de nyid nges par 'byed pa'i shes rab lha mo'i rnam par gyur par 'dzin par mdzad pas na rdo rje 'dzin to/ /de nyid de bzhin gshegs pa la sogs pa 'chos par mdzad pa nyid yin pa'i phyir ston pa'o//rdo rje chos ni 'od dpag tu med pa'o/ /'khor lo can ni rnam par snang mdzad de/ de rnams kyi rnal 'byor lhur len pa'i sgrub pa po rnams de'i ming can du bstan to/ /de ni nye bar mtshon pa yin te/ lha sgom pa po rnams kyang gzung bar bya'o/ /de rnams kyang sdig pa bsags shing bsrung ba la sogs pa dang phral nas bsam gtan gang yang rung ba'i sbyor bas nges par sbyar na 'chi bar 'gyur ro zhes bya ba'i don to//gzhan ni bshad zin to/ /sems can khro bo chen po gzhan rnams gzhom pa'i phyir 'da' bar bya ba ma yin zhing mi phyed pa'i khro bo ston par mdzad pa'i khro bo chen po'i dam tshig rdo rje khro bo'o//de ni bdud rtsi 'khyil pa'i rtog pa'o/ /de nas zhes bya ba la sogs pa la/ bka' stsal pa zhes bya bar sbyar ro/ /rgyal po rdo rje 'dzin zhes bya ba la sogs pa'i tshig rnams kyis rim bzhin du chos kyi dbyings dang me long lta bu dang so sor rtog pa dang mnyam pa nyid dang bya ba sgrub pa'i ye shes kyi bdag nyid can gyi bcom ldan 'das bstan te/des bka' stsal ba'o/ /e ma'o zhes bya ba ni ngo mtshar ba'o/ /rang bzhin gyis yongs su dag pa nyid yin pa'i phyir ngo bo nyid kyis dag pa'o/ /de gang yin zhe na/rdo rje'i theg pa zhes bya ba mi phyed pa'i theg pa chen po'o/ /de nyid thams cad las phul du byung ba nyid yin pa'i phyir/ bla na med pa'o/ /ma skyes pa'i zhes bya ba la sogs pa la skye ba'i rgyu med pa nyid yin pa'i phyir ma skyes pa'i phung po la sogs pa'i mtshan nyid dang / stobs dang mi 'jigs pa la sogs pa'i rang bzhin can gyi chos rnams la yang kun rdzob tu drag po'i las kyi bya ba'i mtshan nyid skye bar bstan to//gang dag gis she na/ rgyal ba rnams kyis zhes bya ba mi mthun pa'i phyogs ma lus pa las nges par rgyal ba'i sangs rgyas rnams kyis so/ /de ni las phran tshegs kyi tshogs//de la 'di ni zhes bya ba la sogs pas gsungs te/ bsam gtan dang bzlas pa la ltos nas bri ba la sogs pa'i bya ba gtso bor gyur pa yin pa'i phyir las phran tshegs rdo rje gsang ba'o/ /sbrul ni zhes bya ba la sogs pa la/ rdo rgyus dang ro bsregs pa'i sol ba dag la yi ge khaM brgya rtsa brgyad mngon par bzlas la/de dag gi sbrul mi sdug cing 'jigs su rung ba nag po 'bar ba 'khrug cing khro ba lce gnyis pa mche ba'i phreng ba can kun du bris te de'i khar yi ge khaM me'i mdog can dug ha la ha la'i bdag nyid can 'bar ba rnam par bsams la/ dang gar yi ge hri/bsams te/ de las byung ba'i 'od zer gyi lcags kyu rnams kyis khams gsum na yod pa'i dug rnams bkug la/ sbrul gyi khar gzhug par bya'o/ /de ltar bsgoms na de nges par gnas nas g.yo bar 'gyur te/ nges reg pas sems can gyi khams 'jig par 'gyur ro/ / sdig pa zhes bya ba la sogs pa la sbyor las byung ba'i mtshan nyid kyis zhes bya ba 'das ma thag pa bzhin du/ yi ge khaM mngon par bzlas shing / de dang rjes su mthun pa'i kha dog dang ldan pa rnams kyis dug gi sdig pa la sogs pa rnams mngon par bris la/ de rnams kyi khar de de kho na bzhin du rnam par bsams te/khams gsum na yod pa'i dug bkug la gzhug par bya'o/ /de ltar na sdig pa la sogs pa gang yang rung ba dang / reg pas kyang skad de nyid la 'jig par 'gyur ro zhes bya ba'i don to/ /de la 'di ni zhes bya ba la sogs pa la/ dug thams cad 'pho ba'i snying po'o zhes bya bas ni 'di skad du bstan pa yin te/ji skad bshad pa'i rang gi dkyil 'khor la gnas pa'i rnam par snang mdzad kyi rnal 'byor dang ldan pas lag pa g.yon pa'i mthil la oM las byung ba'i 'khor lo dkar po rtsibs brgyad pa 'od zer 'khrug pa'i lte bar 'od zer dkar pos khyab pa'i oM rnam par bsams la/des byabs pas ji ltar 'dod pa bzhin du nam mkha'i dbyings na gnas pa'i brtan pa dang g.yo ba'i dug kham phor gyi bu ram bzhin du de nyid kyis 'pho bar bya'o zhes bya ba'i don to/ /dug chen po 'da' bar mi bya zhing mi phyed pa'i don ston par mdzad pas na/dug chen po'i rdo rje'i dam tshig de rdo rje ste dpal rdo rje sems dpa'o/ /de la 'di ni zhes bya ba la sogs pas ni dug gso ba gsungs te/ bsgrub bya'i snying gar rdo rje bskyed pa'i rgyu nyid yin pa'i phyir rdo rje chen po'i snying po'o/ /'di skad du bstan pa yin te/ rten dang bcas pa'i brten pa'i 'khor lo'i dbus na gnas pa'i rdo rje 'chang chen po'i rnal 'byor dang ldan pas bsgrub bya'i snying ga na gnas pa'i yi ge hUM las byung ba'i rdo rje dkar po las rnam par spros pa'i 'od zer gyi sprin zla ba dkar po zhu ba'i rnam pa can rnams kyis de'i lus mngon par khyab par byas nas de rnams nyid kyis snying ga dang lkog ma dang dpral ba dang mgo bo'i gnas rnams su kun du bsdu bar lan gnyis lan gsum du rnam par bsams te/yang thams cad snying gar kun du bsdus la/ skyug cing kha dog nag po dbyung bar bsam par bya'o//gzhan ni shes par zad do/ /'bras bu sogs pa nye ba'i dug gzhom pa'i sbyor ba ni/ de la 'di ni zhes bya ba la sogs pas gsungs te/ gang gzhan zhes bya ba ni g.yan pa dang shu ba dang rkang shu la sogs pa rnams so/ /bsams pa tsam gyis med par 'gyur//zhes bya bas ni 'di skad du bstan pa yin te/ 'das ma thag pa bzhin du rang gi dkyil na gnas pa'i 'od dpag tu med pa'i rnal 'byor dang ldan pas/ lag pa g.yas par yi ge a las byung ba'i pad+ma dkar po 'dab ma brgyad pa'i lte ba la yi ge a 'od zer lnga 'bar ba bsams la/des byab cing khu tshur bcang ba'i sbyor bas kha dog nag po bsdus te yi ge a la gzhug par bya'o/ /bskul ba la ni dkar po 'dra/ /zhes bya ba ni yi ge a brjod pa'i bskul bas dug med par gyur cing kha dog dkar por bsam par bya'o zhes bya ba'i don to//bsam gtan gnas ni gsang ba 'di/ /zhes bya ba ni bshad ma thag pa'o/ /bsgom pa'i ye shes kyi bskyed pa nyid yin pa'i phyir ye shes sprul pa'o/ /shin tu gsang ba nyid yin pa'i phyir gsang chen no/ /phyi nang gi nad rnams gso ba ni de la 'di ni zhes bya ba la sogs pas gsungs te/mi phyed cing yid du 'ong la shes pa dang skyob pa'i don can rab tu nyams pa med pa'i sku la sogs pa'i go 'phang sgrub par byed pa nyid yin pa'i phyir rdo rje snying po'i sngags kyi yi ge'i tshig rnams so/ /yi ge'i tshig ni gang 'dod pa/ /zhes bya ba ni/ dzi na dzika ces bya ba la sogs pa'i rnam par snang mdzad la sogs pa rnams kyi nang nas phyin ci ma log pa'i yon tan thob par byed pa'i dad pas mnyes par byas pa gang yin pa de kho na dang 'dra ba nyid du bdag nyid kyi gzugs bsam pa'o//nad kyi rdo rje bskul ba yis/ /zhes bya ba la rang gi ye shes sems dpa'i thugs ka'i dbus na zla ba la gnas pa'i dzi na dzika ces bya ba la sogs pa'i snying po las byung ba'i 'od zer gyis bskul bas/khyi'am/ spre'u'i rnam pa'am/ yi dwags kyi gzugs kyi rnam par gcer bu rang gi lus dang ngag dang sems rnams las byung bar rnam par bsams la/'khor lo'am zhes bya ba la sogs pas rigs gsum gyi phyag mtshan 'bar ba'i phreng bas khyab pa gang yang rung ba bsams te/ rdo rje'i go 'phang gnas zhes bya ba/ de'i rnal 'byor dang ldan pas des ni zhes bya ba rang gi lag na gnas pa'i 'khor lo la sogs pa'i phyag mtshan 'bar bar ji skad bshad pa'i nad rnams kyis lus dang ngag dang sems phye mar brlag ste thal bar byas par bsam par bya'o//de nas brtsams te zhes bya ba la sogs pa la rdzogs pa'i sangs rgyas dang byang chub sems dpa' dgyes pa'i spyan dang ldan pa rnams kyis de'i lus la byin gyis rlob par mdzad do zhes bya ba'i don to//rang lus ngag sems zhes bya ba la sogs pas ni/ 'di skad du rten dang bcas pa'i brten pa rtag pa la sogs pa gang yang rung ba rigs gsum gyi gzugs can khro ba kun nas sngon po bskyed pa'i rim pa las byung ba 'am/rdzogs par bdag nyid rnam par bsams la/ de kho na bzhin du rnam par snang mdzad la sogs pa khro bo spros pa'i sprin rnams kyis phyogs bcu kun du khyab par byas te/ de rnams kyi nad kyis lus dang ngag dang sems phye mar brlag par blta ba dang / rang gi sngags brjod pas rang gi lag na gnas pa'i mtshon cha 'bar bas kyang thal bar byas par bsam zhing thun bzhir lan brgya rtsa brgyad zlos pas gzhom par bya ba dang /yang bdag nyid mdog dkar po zhi ba'i ngang can du dmigs la ji lta ba bzhin du rnam par spros pa'i zhi ba'i ngang can dkar po phan 'dogs par zhugs pa de rnams kyis kyang snga ma bzhin du bum pa'i ye shes kyi chu dang /byang chub kyi sems kyi rgyun dang zhu bar gyur pa'i sgo nas bdag nyid zhugs pa'i dbang bskur ba byas na/ zhag bdun gyis las las byung ba'i nad thams cad kyang nges par rab tu zhi bar 'gyur ro zhes bstan pa yin no//yang na bdag gi sngags kyis zhes bya ba la sogs pas ni tshul de kho na bzhin du dkon mchog dpal la sogs pa rang gi lha gang yang rung ba'i rnal 'byor gyis kyang gzhom par bya'o zhes bstan to/ /'di ni zhes bya ba la sogs pa shes par zad do/ / bzlas pa dang bsam gtan la dga' ba rnams kyis dngos grub kyi mtshan ma rnams rmi lam du mthong bar 'gyur bas/ de'i phyir/ de nas zhes bya ba la sogs pa gsungs te/ rmi lam gyi mtshan ma'i ye shes kyis mngon par 'dod pa'i dngos grub bkug pa'i sgo nas sems can gyi rgyud kun du snang bar mdzad pa'i phyir ye shes skye ba 'od po che'o//'dod dang thar pa zhes bya ba la/ 'dod chags dang bral ba rnams rjes su chags par bya ba'i phyir thabs dang shes rab kyi yab dang yum yang dag par sbyor ba'i rang bzhin can gyi dpal rdo rje sems dpa' ni 'dod dang thar pa ste/ bcom ldan 'das kyis/chags bral shin tu chags byed phyir/ /nga ni gsang chen rab dga' yin/ /'dod pa ma gtogs bde chen med/ /nga 'di 'dod pa bde ba nga / /yum ni shes rab yang dag bshad/ /yab ni thabs la mkhas pa ste/ /de ni nye bar bstan byas na/ /'dod dang thar pa rab 'grub 'gyur//zhes gang gsungs pa'o/ /de nyid thams cad las phul du byung ba nyid yin pa'i phyir rdo rje che'o/ /'di skad ces bya ba ni 'chad par 'gyur ba'o/ /chos rnams rmi lam lta bu ste/ /zhes bya ba la sogs pa la/ chos rnams zhes bya ba ni phyi dang nang gi bdag nyid can gyi gzugs la sogs pa mngon sum du gyur pa rnams rmi lam bzhin du snang ba tsam yin zhing de kho na nyid du ma skyes pa rnams la yang 'khrul pa'i ye shes rab tu gsungs so//bsam gtan zhes bya ba la sogs pa ni go sla'o/ /de la 'di ni zhes bya ba la sogs pa la/ rmi lam chen po'i dam tshig ces bya ba ni/mngon par 'dod pa'i 'bras bu skyed pa'i rgyu'o/ /byang chub ye shes mchog ni don dam pa'i byang chub kyi sems kyi rang bzhin gyi chos kyi sku'o/ /sangs rgyas skyed pa'i rgyu nyid yin pa'i phyir/ /sangs rgyas 'od ni bzang po ste/ /bdag nyid kyis de thob par rmi lam du mthong bar 'gyur ro//sangs rgyas ni rnam par snang mdzad do/ /de'i rdzogs longs spyod pa'i sku ni sa bcu'i dbang phyug rnams kyis chos mnyan pa'i sgo nas longs spyad par bya ste der yang ngo / /sems can chen po khams gsum pa/ /zhes bya ba rgyal chen rigs bzhi la sogs pa rnams dang sangs rgyas la sogs pa rnams kyis mchod pa byas par mthong zhes bya ba ni/bdag nyid la bla na med pa la sogs pa'i mchod pa rnams kyis so/ /ye shes chen po'i 'od 'dra zhes bya ba ni bya ba sgrub pa'i ye shes kyi bdag nyid can gyi sprul pa'i sku'o/ /rdo rje sems dpa'i gzugs can dang //zhes bya ba la sogs pa ni/ rdo rje 'chang la sogs pa rang gi lhag pa'i lha gang yang rung ba 'das ma thag pa bzhin du sku gsum gyi bdag nyid can bstan to/ /gsang ba rdo rje grags pa cher/ /zhes bya ba ni rang gi rig ma dang snyoms par zhugs par ro/ /byang chub sems dpa' zhes bya ba la sogs pa ni go sla'o//rmi lam de lta bu yang dag par mthong bas ni myur ba nyid du sku dang gsung dang thugs 'grub par 'gyur ro/ /rgyan rnams thams cad ces bya ba la sogs pa yang go sla'o/ /phyogs bcu'i sangs rgyas thams cad kyang / /zhes bya ba la sogs pa la/phyogs bcu'i 'jig rten gyi khams mtha' thug pa med pa na gnas pa'i sangs rgyas kyi zhing rnams na bzhugs pa'i sangs rgyas kyi gzugs rnams mthong ba'o/ /stsol zhes bya ba ni sangs rgyas de rnams nyid thugs dgyes par gyur nas sgrub pa po de la zab cing rgya che ba'i don ston pa'i dam pa'i chos kyi mdzod do//chos kyi 'khor lo zhes bya ba la/ lus zhes bya ba ni bdag gi lus te/ rang gi lhag pa'i lha dang / 'phags pa'i gzugs dang / rang dang rjes su mthun pa'i sems can rnams kyis yongs su bskor zhing gsung rab rnam par bshad par byed par ro//bsam gtan rdo rje la gnas pas te rang gi lha'i go 'phang la gnas pas so/ /rnal 'byor dus su mthong bar 'gyur/ /zhes bya ba ni rnal 'byor goms par bya ba la zhugs pa'i tshe'o/ /kun dga' ra ba la zhes bya ba la sogs pa ni shes par zad do/ /bsam gtan dus su zhes bya ba ni bsam gtan gyi tshe'o//de kho na bzhin du cung zad gnyid log par gyur pa na/ bdag nyid sangs rgyas thams cad kyis phung po la sogs pa byin gyis brlabs pa dang / sangs rgyas la sogs pa rnams kyis dbang bskur ba dang / rig pa 'dzin pa la sogs pa rnams kyis mchod pa byas par mthong bar 'gyur ro//rdo rje las byung zhes bya ba ni sgom pa'i ye shes las nges par 'byung ba'o/ /sna tshogs pa zhes bya ba ni bshad ma thag pa'o/ /nyon mongs pa dang las dang skye ba dang shes bya'i sgrib pa spong ba'i rgyu nyid yin pa'i phyir dri ma med pa'o//bla med ces bya ba des 'dod pa'i lha'i go 'phang myur ba nyid du nges par 'grub par 'gyur ro/ /gdol pa zhes bya ba la sogs pa la/ gdol pa'i rigs kyi bu mo rnams sam/ khyi dang rgod ma la sogs pa bdud rtsi lnga thogs pa rnams dang / bdag nyid rdo rje 'chang chen po'i gzugs can yang dag par byung ba'i las kyis mchog tu dga' ba nyams su myong ba'i rmi lam mthong bas ni sems kyi gnas te/rten dang brten pa'i dkyil 'khor grub cing yongs su 'grub par 'gyur ro zhes bya ba'i don to/ /da ni mtshan ma de la mngon par zhen pa bzlog pa'i phyir/ de nas zhes bya ba la sogs pa gsungs te/dam tshig gi snying po zhes bya ba ni/ 'da' bar bya ba ma yin pa'i rmi lam rnam par dpyad pa'i nges pa'i shes pa'o/ /rang sems zhes bya ba la sogs pa la/ dmigs pa nyid yin pas na dmigs pa ste nges par rtogs pa nyid yin zhing /'di lta ste/ khams gsum pa 'di ni rnam par rig pa kho na'o zhes phyi rol gyi don gsal nas/ sems kyang yul na mi gnas pa/ gzugs can ma yin pa/ bstan du med pa'o zhes bya ba la sogs par rnam par dpyad de nam mkha' bzhin du rang bzhin med pa'o snyam du nges pa'o//chos thams cad de rmi lam du nye bar dmigs pa'i sangs rgyas la sogs pa'i rnam pa dang / khams gsum pa'i rnam par rtog pa'i rang bzhin rnams rab tu gnas zhes bya ba ni/ nam mkha'i mtshan nyid can gyi sems la rnam par gnas pa yin pas de'i phyir/ nam mkha'i rdo rje gnas chos 'di//zhes bya ba gsungs so/ /chos med ces bya ba ni kun du brtags pa'i dngos po'i rang bzhin rnams so/ /chos nyid med pa zhes bya ba ni de rnams nyid ma grub pa'i phyir stong pa nyid kyang med pa'o/ /de nas zhes bya ba la sogs pa ni bshad zin to/ /dngos grub kyi mtshan ma'i rmi lam dang de bzlog pa gsan nas ngo mtshar dang rmad du gyur pa 'thob pa rnams kyis de bzhin gshegs pa thams cad kyi sku la sogs pa'i the tshom gcod pa'i rdo rje 'chang chen po la zhus pa ni/bcom ldan 'das ci lags zhes bya ba la sogs pa ste/ ngo bo med pa la zhes bya ba ni gal te dngos po thams cad nam mkha' dang mtshungs pa yin na/de'i tshe khyod kyis rmi lam gyi mtshan ma rigs lnga sgrub pa'i chos kyi de kho na nyid rnam par gzhag pa ji ltar mdzad/ rnam par gzhag pa yang mdzad de de'i phyir chos rnams ni ngo bo nyid med pa ma yin no snyam du bsams pa'o//e ma'o ngo mtshar las byung ba/ /nam mkha' la ni nam mkha' bsgom/ /zhes bya ba gsungs te/ gnyi ga yang med pa nyid yin pa'i phyir nam mkhas nam mkha' bsgom par nus pa ma yin no/ /de ltar phyogs snga ma byas nas bcom ldan 'das kyis de bzhin gshegs pa rnams la/nam mkha' ni zhes bya ba la sogs pa gsungs te/ rdzas thams cad med pa'i rang bzhin can gyi nam mkha'i dbyings ni chos gang dang yang rtag tu mi ldan zhing / kun rdzob tu dngos po thams cad de las 'byung ba'i phyir nam mkha' ni mi ldan pa yang ma yin no//nam mkha' de dag ni chos thams cad du gtogs la thams cad kyi rjes su lta'o snyam du yang mi sems te/ rdzas su med pa nyid yin pas nga rgyal la sogs pa mi srid pa'i phyir ro/ /de bzhin du zhes bya bas nges par bzung nas de bzhin gshegs pa rnams la gsungs pa rmi lam zhes bya ba ni rmi lam gyi mtshan ma ston par byed pa rnams so//rmi lam gyi dam tshig las byung ba zhes bya ba ni sems can rnams kyi rgyud la rmi lam gyi rgyud las nges par byung ba'i sku rdo rje la sogs pa 'bras bu'i rang bzhin rnams te de rnams kyang nam mkha' bzhin du rjes su rtogs par bya'o zhes bya ba'i don to//rmi lam las yang dag par byung ba'i dngos grub rnams kyis gzung ba la sogs pa'i dngos po bsal ba'i phyir/ bcom ldan 'das zhes bya ba la sogs pa gsungs pa'i tshig rnams kyis ni yang dang yang de bzhin gshegs pa rnams la bod pa'o//nam mkha' la zhes bya ba la sogs pa la/ gzung ba la sogs pa'i rang bzhin dang bral ba nyid yin pa'i phyir brtag tu med pa'o/ /blta bar bya ba mi nus pa nyid yin pa'i phyir/ bltar mi snang ba ste/ sa thams cad kyang de dang 'dra ba kho na'o/ /lus dang ngag dang sems dang chos thams cad dang rdo rje'i gnas kyi dam tshig ni thams cad kyi rjes su song ba zhes bya ba ni/brtan pa dang g.yo ba'i khams gsum pa thams cad kyi rjes su song ba sku rdo rje la sogs pa'i rang bzhin ni ngo bo nyid gcig pa'o/ /'di lta ste sems kyi ngo bo nyid do zhes bya ba la sems ni bshad zin pa'i mtshan nyid can te de'i ngo bo nyid do//de nyid ni lus dang zhes bya ba la sogs pas gsungs te/ lus la sogs pa'i rang bzhin dang nam mkha'i rang bzhin de dag ni gnyis su med de/ skabs 'dir ni khams zhes bya ba'i sgra rang bzhin la 'jug go//sems can thams cad ni nam mkha'i khams la gnas te zhes bya ba la sogs pa ni shin tu gsal lo/ /byang chub kyi sems zhes bya ba la sogs pa la/ me long lta bu la sogs pa mi phyed pa'i ye shes 'byung ba'i rten du gyur pa nyid yin pa'i phyir de bzhin gshegs pa thams cad kyi ye shes 'byung ba rdo rje'i gnas byed pa'o//byang chub kyi sems de yang zhes bya ba la/ ngo bo nyid med pa yin pa'i phyir yul la sogs pa la mi gnas so/ /chos gang khams gsum na mi gnas pa zhes bya ba la/ sems ni 'dod pa'i khams te/ gzugs la sogs pa'i yul la mngon par 'dod pa'i rang bzhin can nyid yin pa'i phyir ro//lus ni gzugs kyi khams te brtan pa dang g.yo ba'i rnam par thams cad du so sor snang ba'i phyir ro/ /ngag ni gzugs med pa'i khams te ngag gi nam mkha' ni gzugs med pa nyid yin pa'i phyir ro//de lta bur gyur pa'i khams gsum na mi gnas pa nyid yin pa'i phyir skye ba med pa yin no/ /rmi lam de ni zhes bya ba la sogs pa ni go sla'o/ /phyogs bcu'i zhes bya ba la sogs pas ni gnyid sad pa'i gnas skabs kyi mig la sogs pa'i spyod yul gang dag yin pa de rnams kyang rmi lam bzhin du snang ba tsam yin zhing yang dag par na rang bzhin med pa'o snyam du khong du chud par bya'o//yid bzhin gyi nor bu rin po che ni zhes bya ba la sogs pa ni shes par zad do/ /de nas zhes bya ba la sogs pa la/ stsol to zhes bya bar sbyar ro/ /dngos grub kyi mtshan ma rmi lam rnams dang /de rnam par spyad pa'i chos nyid thos nas shin tu dgyes pa'i spyan gdangs par gyur pas dpal rdo rje 'chang la 'di skad ces gsol to/ /gang zhes bya ba la sogs pa la/ rjes su 'brang zhes bya ba ni/ gang dag la nam mkha'i khams kyi rjes su 'brang zhing kun du khyab pa'i ngang tshul yod pa de dag la de skad ces bya'o//sangs rgyas kyi chos rnams ni stobs dang mi 'jigs pa la sogs pa rnams so/ /rjes su 'brang ba ni mngon par 'phel bar 'gyur ba zhes bya ba'i don to/ /ngo mtshar zhes bya ba rmad du byung ba'o/ /de nas zhes bya ba la sogs pa ni go sla'o//sngags thams cad kyi rdo rje'i dngos grub mdo btus pa zhes bya ba ni mi phyed pa'i sngags kyi tshogs so/ /gang la gnas zhes zhus pa na/ bcom ldan 'das kyis de bzhin gshegs pa thams cad la/ bcom ldan 'das zhes bya ba la sogs pa gsungs te/sngags kyi dngos grub thams cad de/ sngags kyi rdo rje thams cad sku dang gsung dang thugs rnams la mi gnas pa'o/ /de ci'i phyir zhe na zhes bya ba ni dri ba'o/ /lan ni khong nas dbyung bar bya ste/ don dam par 'bras bu la sogs pa rnams dang dngos grub rnams rang bzhin med pa nyid yin pa'i phyir ro//'on kyang zhes bya ba la sogs pa ni/ kun rdzob tu dngos grub thams cad dang sangs rgyas kyi chos thams cad rang gi lus dang ngag dang sems la gnas par zhal gyis bzhes nas/ slar de gsal ba'i phyir lus dang zhes bya ba la sogs pa gsungs te/ de ni bcom ldan 'das nyid kyis rab tu rnam par phye ba de'i phyir yang bshad par mi bya'o//sems can thams cad kyi dam tshig ces bya ba la sogs pa la/ sems can thams cad kyi don dam pa'i byang chub kyi sems chen po ni sems thams cad do/ /de nyid ni dam tshig ste rdo rje 'chang chen po la sogs pa lha thams cad 'byung ba'i rgyu nyid yin pa'i phyir rgyu'o//de nyid kyi phyir snying po mi phyed pa 'byung ba ste/ rdo rje 'chang chen po la sogs pa ting nge 'dzin gyi 'bras bu'i rang bzhin 'byung ba yin zhing gang las de kun du bshad pa de'i ming can gyi le'u gsungs so//le'u bco lnga pa'i rnam par bshad pa'o// //mtshan ma thob pa dang lha dag gis rjes su gnang ba rnams kyis rang gi dkyil 'khor du dngos grub thams cad bsgrub par bya zhing / sems can rnams kyang snod du rung bar bya dgos pas/ de'i phyir dngos grub thams cad kyi dkyil 'khor rdo rje mngon par byang chub pa'i le'u bcu drug pa/de nas zhes bya ba la sogs pa gsungs te/ yang zhes bya ba'i sgra ni le'u bco lnga po 'dus pa la ltos pa'i phyir ro/ /de bzhin gshegs pa la ste/ dpal rdo rje sems dpa'o/ /sku dang gsung dang thugs rdo rje'i tshig rnams kyis zhes bya ba/de bzhin gshegs pa kun zhi ba/ /zhes bya ba la sogs pa thun mong gi tshigs su bcad pa'i tshig rnams dang / yang sku'i dkyil 'khor gyi don du de'i don ston par byed pa'i tshigs su bcad pa gnyis pa'i tshig rnams dang / gsung gi dkyil 'khor gyi don du/zhi ba chos don yang dag 'byung / /zhes bya ba la sogs pa tshigs su bcad pa gzhan gyi tshig rnams dang / de bzhin thugs rdo rje bsgrub pa'i dkyil 'khor gyi don du/ sems can kun gyi thugs chen po/ /zhes bya ba la sogs pa tshigs su bcad pa gzhan gyi tshig rnams kyis gsol ba btab bo//ci zhig byas nas she na/ de bzhin gshegs pa thams cad kyi zhes bya ba la sogs pa gsungs te/ de bzhin gshegs pa thams cad kyi rin chen ni yongs su dag pa'i rang bzhin gyi bud med kyi gzugs rnams te/ sangs rgyas thams cad las/don dang rin chen tshogs kun las/ /rin chen gcig ni mchog yin te/ /gang gis gnas la rin thang med/ /bud med rin chen mchog dag pa'i/ /zhes gsungs pa'i phyir ro/ /de rnams nyid rdo rje dang yang dag par sbyor ba'i sgo nas mchog tu dga' ba'i bde ba'i mchod pa rgyas shing 'phel bar byed pas na/rdo rje rin chen gyi mchod pa yin zhing / de tshogs kyis te gzugs rdo rje ma la sogs pa lha mo rnams kyis yongs su bskor ba dag gis yang dag par mchod nas zhes bya ba'i don to/ /de nas zhes bya ba la sogs pa la rdo rje thams cad kyi ste/rigs kyi lha thams cad kyi rang gi bdag po dang bcas pa'i sku'i dkyil 'khor ni rdo rje thams cad kyi dkyil 'khor ro/ /de nyid bgegs kyi ri dgas thams cad 'joms pa'i phyir seng ge'o/ /sangs rgyas nyid la sogs pa'i 'bras bu'i rgyu nyid yin pa'i phyir dam tshig go//rten dang brten pa'i dbyibs la sogs pa'i bkod pa'i sgo nas mdzes shing gsal bas na rgyal po'o/ /bkod pa ni sku'i dkyil 'khor te/ de la dmigs pa'i ting nge 'dzin ni de'i ming can du brjod do/ /rdo rje sku'i dkyil 'khor zhes bya ba la sogs pa ni go sla'o/ / de nas zhes bya ba la sogs pa la yang dag par rab tu rnam par phye nas bshad par bya'o/ /de gang zhe na/ sku'i dkyil 'khor mchog ste/ dngos grub sgrub par byed pa nyid yin pa'i phyir mchog go/ /thugs kyi dkyil 'khor rab 'dra ba/ /zhes bya ba ni/ 'di yang le'u dang po las gsungs pa'i ye shes kyi sprul pa'i dkyil 'khor dang 'dra ba ste/de'i yon tan dang rnam par smin pa dang / dbyibs la sogs pa mtshungs pa'i phyir ro/ /lha thams cad kyi thun mong du gyur pa'i sgo nas mchog yin pa'i phyir/ dkyil 'khor rnams ni kun du mchog go/ /khru ni bcu drug tshad du zhes bya ba ni/logs re re zhing ngam logs bzhi char la'o/ /gru bzhi lham pa zhes bya ba la sogs pa ni rnam par bshad zin to/ /sangs rgyas kun gyi zhes bya ba ni/ 'di nyid mi bskyod pa la sogs pa dkyil 'khor pa'i lha thams cad kyi yang thun mong pa'o/ /gang gi dbus na sku rdo rje'i rab tu gnas pa de ni sku rdo rje rab tu gnas pa'i dkyil 'khor ro//'khor lo zhes bya ba ni de'i nang du phyi rol gyi dkyil 'khor gyi phyed kyi tshad dang ldan pa 'khor lo'i ka ba brgyad kyis brgyan pa/ 'khor lo'i phreng bas kun nas bskor ba'i nang gi dkyil 'khor zlum po/rdo rje'i cho gas bri bar bya/ /zhes bya ba ni le'u bzhi pa las thugs rdo rje'i dam tshig gi dkyil 'khor bri ba'i cho ga gsungs pa des so/ /'on kyang 'dir ni sku rdo rje'i rnal 'byor gyi de kho na bzhin du sngon du bya ba thams cad rdzogs par byas te/ 'phags pa bdud rtsi 'khyil pa'i rnal 'byor dang ldan pa'i slob ma dang lhan cig thig gdab pa la sogs pa'i cho gas bri bar bya'o//sgrub pa'i dkyil 'khor ni ji skad bshad pa'i tshul bzhin du rnam par snang mdzad dang sangs rgyas phab pa'i snod du rung ba nyid gnyis 'drir gzhug go/ /phyag rgya rdo rje'i gnas su bya//zhes bya ba ni sku rdo rje la sogs pa phyag rgya chen po rnam par dgod pa ste/ de nyid ni sngags rnams kyi gsang ba'i mchog go/ /de nyid ni/ dbus su rnam par snang mdzad gnas/ /zhes bya ba la sogs pas gsungs so/ /mchod pa sngags shes pa yis bya/ /zhes bya ba la sogs pas ni 'di skad du bstan pa yin te/le'u bzhi pa las bshad pa'i tshul ji lta ba bzhin du sku rdo rje sgrub pa'i dkyil 'khor ram/ dam tshig gi dkyil 'khor kun du bris la/ de kho na bzhin du nam mkha' na bzhugs pa rnams dang lhan cig gcig tu bya zhing / sku ris su byas pa la sogs pa sgrub thabs las bshad pa'i phyag rgya chen po'i tshogs sam/dam tshig gi dkyil 'khor las bshad pa'i phyag mtshan gyi phyag rgya'i tshogs gnas ji lta ba rnams su rnam par bkod de/ de'i dbus kyi gdan la 'dug cing / rdo rje chen po'i nga rgyal dang ldan pas sku la sogs pa byin gyis brlab pa'i cho ga'i rjes thogs la/ji skad bshad pa'i btso blag mkhan gyi bu mo de kho na bzhin du/ kun du bzang mor rnam par bsgoms pa rigs lngas byin gyis brlab pa byas la/ de dang lhan cig shin tu rnal 'byor la thug pa'i dang po'i sbyor ba'i ting nge 'dzin rdzogs par byas te/de'i mtsho skyes la gnas pa'i byang chub kyi sems kyi zla ba las/ dzi na dzika ces bya ba'i snying po las byung ba'i sa bon gsum gyis byin gyis brlabs pa'i sku rdo rje phyung la/ de gti mug gi spyod pa can gyi sems can rnams 'dul bar byed du bcug la/de bkug ste rang gi lus la bcug nas bdag nyid 'phags ma spyan dang yang dag par ldan pa'i sku rdo rjer rnam par bsams la/ rang rang gi phyag mtshan las byung ba'i lha'i rnal 'byor 'khor lo bsam par bya'o/ /de nas snga ma bzhin du badzra d+h+r-ika ces bya ba la sogs pa'i snying po rnams kyis lha'i tshogs phyung ste gnas ji lta ba rnams su bcug la/de bzhin du ye shes 'khor lo bcug ste/ rnal 'byor chen po la bkod nas shin tu rnal 'byor la gnas pa la dbang bskur te/ bla na med pa la sogs pa'i mchod pa rnams kyis yang dag par mchod la/bdud rtsi lngas dkyil 'khor pa rnams mchod par bya'o zhes bya ba'i tha tshig go/ /'di ni zhes bya ba la sogs pa ni shes par zad do/ /ji ltar 'dod bzhin bya ba spyad/ /ci dga' bar ni bsgrub pa ni/ /zhes rgyud gzhan las rab tu grags pa gsal ba'i phyir/bshang dang zhes bya ba la sogs pa gsungs te/ nges par dbul zhes bya ba ni bdag nyid dang dkyil 'khor pa rnams la dbul ba'o/ /ci'i phyir zhe na/ 'di ltar bza' ba 'di ni sman mchod dang / mnyam pa nyid 'thob par byed pa dang / rdo rje'i sku sgrub par byed pa dang /thams cad du bsgom par bya ba nyid yin te/ 'di nyid las kyang / bshang gci zas su za ba ste/ /de dag sgrub pa'i snod du 'gyur/ /zhes gsungs pa'i phyir ro/ /'di ni zhes bya ba la sogs pa ni go sla'o/ /sku'i rdo rje'i zhes bya ba ni/ sku'i dkyil 'khor gyi lha rnams kyi'o//de bzhin gshegs pa thams cad kyi sku ni rnam par snang mdzad de/ de'i dkyil 'khor ni de bzhin gshegs pa thams cad kyi sku'i dkyil 'khor ro/ /de nas zhes bya ba la sogs pa la/ gsung rdo rje thams cad ni pad+ma'i rigs kyi dkyil 'khor ro/ /de'i dam tshig ni rgyu ste 'od dpag tu med pa'o//de'i sprin ni des spros pa'i lha'i 'khor lo ste/ sprin bzhin du chos kyi char rnams kyis 'gro ba ma lus pa'i don bsgrub pa dang / dkyil 'khor la khyab par byed pa yin pa'i phyir ro/ /de nyid bkod pa ste gnas la sogs pa ji lta ba bzhin du bkod pa'i rang bzhin yin zhing ting nge 'dzin gang la ming de skad ces bya ba nyid yod pa de la snyoms par zhugs nas so//'di zhes bya ba ni thugs la gnas pa ste/ gsum 'dus pa las gsung gi dkyil 'khor phyung ngo / /de nas zhes bya ba la sogs pa ni 'das ma thag pa bzhin no//gsung gi dkyil 'khor ni 'od dpag tu med pa'i dkyil 'khor ro/ /gzhan ni bshad zin to/ /lha thams cad kyi dbang du byas pa'i sgo nas thun mong yin pa'i phyir/ dkyil 'khor rnams ni kun gyi mchog go/ /khru ni nyi shu'i tshad du bya/ /zhes bya ba ni logs re re zhing khru nyi shu'am lnga yod par ro//gru bzhi lham pa zhes bya ba la sogs pa ni bshad zin to/ /rdo rje sgom pa thig gdab bo/ /zhes bya ba ni 'od dpag tu med pa dang gos dkar mo phab pa dang ldan pa'i snod du rung ba gnyis kyis bzung ba'i ji skad bshad pa'i srad bus thig 'debs su bcug ste 'drir gzhug pa'o//nyid kyi sku'i dkyil 'khor gnas ni rnam par snang mdzad kyi dkyil 'khor ro/ /rdo rje sku yi yon tan skyed/ /ces bya ba ni rnam par snang mdzad dang / sangs rgyas spyan phab pa dang ldan pa'i snod du rung ba gnyis kyis bris pa ni de'i go 'phang 'thob par byed pa yin pa'o//rgyal po chen po rdo rje chos/ /zhes bya ba ni ji skad bshad pa'i 'od dpag tu med pa'o/ /de nyid rig pa gos dkar mo'i bdag po yin pas na rig pa'i bdag po'o/ /de dbab par bya zhes bya ba ni dkar mo'i zhes bya ba dang ldan pa'i dkyil 'khor bri ba'i phyir ji skad bshad pa'i snod du rung ba gnyis pa'o//de dbus 'khor lo chen po ni/ /zhes bya ba ni 'das ma thag pa lta bu'i nang gi dkyil 'khor te/ 'on kyang pad+ma'i ka ba brgyad kyis brgyan zhing pad+ma'i phreng bas kun nas bskor ba'o/ /phyag rgya thams cad ces bya ba ni sgrub thabs las bshad pa'i mtshan nyid can dkyil 'khor pa'i lha thams cad kyi phyag rgya chen po'o//cho ga bzhin du bri bar bya/ /zhes bya ba ni snga ma bzhin no/ /de yi dbus su gzhag par bya/ /zhes bya ba ni sgrub pa'i dkyil 'khor gyi dbus na gnas pa'i sa'i cha la sna tshogs pad+ma'i steng du pad+ma dmar po la bzhugs pa'i 'od dpag tu med pa'i phyag rgya chen po dang /de kho na bzhin du dam tshig gi dkyil 'khor rnams la ni phyag mtshan gyi phyag rgya ji lta ba bzhin gnas rnams su dgod par bya'o zhes bya ba'i don to/ /de nyid ces bya ba ni sangs rgyas spyan bzhin du gos dkar mor rnam par bsgoms pa'i gar mkhan gyi bu mo'i gzugs lo nyi shu lon pa'o//rdo rje'i gnas zhes bya ba la sogs pa ni rnam par bshad zin to/ /yongs su gsal bar zhes bya ba ni rnam pa thams cad du gsal bar ro/ /cho ga bzhin zhes bya ba la sogs pa ni 'di skad du bstan pa yin te/thugs rdo rje'i sgrub pa dang dam tshig gi dkyil 'khor dag las gang yang rung ba'i cho ga bzhin du gsung gi dkyil 'khor mngon par bris la de kho na bzhin du lha rnam par dgod pa sngon du 'gro ba can gyis de'i dbus kyi gdan la gnas pa rdo rje 'chang chen po'i rnal 'byor dang ldan pas sku la sogs pa byin gyis brlab pa'i cho ga'i rjes thogs la/ji skad bshad pa'i gar mkhan gyi bu mo de kho na bzhin du kun du bzang mor byin gyis brlabs nas/ de dang lhan cig shin tu rnal 'byor gyi ting nge 'dzin la thug pa'i dang po'i sbyor ba'i ting nge 'dzin rdzogs par byas te/de'i pad+ma na gnas pa'i byang chub sems kyi zla ba'i dkyil 'khor las/ A ro l-ika ces bya ba'i snying po las byung ba rdo rje gsum gyis byin gyis brlabs pa'i gsung rdo rje'i sku phyung la/ de 'dod chags kyi spyod pa can gyi sems can rnams 'dul du bcug ste/de kun nas rang gi lus la bcug ste/ bdag nyid gos dkar mo dang ldan pa'i gsung rdo rjer rnam par bsams la/ dkyil 'khor gyi 'khor lo kun du bsgrubs te/ dzi na dzika ces bya ba la sogs pa'i snying po rnams kyis lha'i 'khor lo phyung la gnas ji lta ba bzhin du gnas pa rnams la bcug ste/de kho na bzhin du ye shes kyi 'khor lo rjes su bcug la/ rnal 'byor chen po la gnas par byas nas/ shin tu rnal 'byor la gnas pa la dbang bskur te/ bla na med pa la sogs pa'i mchod pa rnams kyis kun du mchod la/ji skad bshad pa'i bdud rtsi lngas dkyil 'khor pa mchod par bya'o zhes bya ba'i tha tshig go/ /de bzhin gshegs pa thams cad kyi gsung gi dkyil 'khor zhes bya ba ni snga ma bzhin no/ /lha thams cad kyi thun mong gi sgrub pa dang / dam tshig gi dkyil 'khor dag gi nges pa bstan pa'i phyir/de nas zhes bya ba la sogs pa gsungs te/ kun du sprin rdo rje ni sku rdo rje la sogs pa rnams so/ /de rnams kyi tshogs ni dkyil 'khor du yang dag par dgod pa la sogs pa'i bya ba'i rang bzhin te/ ting nge 'dzin gang la ming de skad ces bya ba nyid yod pa de la de skad ces bya'o//gzhan ni rnam par bshad zin to/ /rdo rje 'dzin mchog gang yin pa'i/ /zhes bya ba ni sku rdo rje la sogs pa gang yang rung ba'o/ /gzugs ni dbus su legs bris pa/ zhes bya ba ni/ thugs dang sku dang gsung gi dkyil 'khor ji skad bshad pa'i tshad la sogs pa'i mtshan nyid can rnams las gang yang rung ba'i dbus bdag po'i gnas su/gzugs kun du bris pa'i dkyil 'khor de ni de dang 'brel par 'gyur ro/ /de la gang gi tshe/ thugs kyi dkyil 'khor la sku rdo rje 'god par byed pa de'i tshe/ dbugs kyi sa'i cha dkar po dang / sku rdo rje'i gnas su sa'i cha sngon po la mi bskyod pa dgod par bya'o/ /de bzhin du dbus kyi sa'i cha ser po dang / dmar po dang / ljang gu la go rims bzhin du/ dkon mchog dpal dang / 'od dpag tu med pa dang / don yod par grub pa rnams bkod de/de dang de'i dbus su de kho na bzhin du mi bskyod pa dgod par bya'o/ /mA ma kI la sogs pa dkyil 'khor pa'i lha dgod pa'i dus su ni/ dbus kyi sa'i cha sngon po dang rang gi gnas su de dang mtshungs pa nyid kyi gzugs gnyis pa dgod par bya'o/ /'phags pa 'jam dpal la sogs pa phyi rol gyi dkyil 'khor pa rnams sam/rgyud gzhan dang gzhan las gsungs pa'i lha rnams ni dbus su 'das ma thag pa bzhin du dgod par bya ba'o/ /mi bskyod pa ni mA ma kI'i bdag po yin pa'i phyir rang la 'dus so/ /de bzhin du sku'i dkyil 'khor la thugs rdo rje la sogs pa de bzhin gshegs pa rnams 'god pa'i dus su ni dbus kyi cha kha dog ni/sngon po dang ser po dang dmar po dang ljang gu yin zhing thugs rdo rje la sogs pa de bzhin gshegs pa rnams kyi gnas su ni sa'i cha dkar po la bzhugs pa'i rnam par snang mdzad dgod par bya'o/ / de bzhin du spyan la sogs pa 'god pa na dbus kyi sa'i cha dkar po dang sku rdo rje 'du bar shes par bya'o/ /de bzhin du gsung gi dkyil 'khor la yang 'das ma thag pa bzhin du rang dang rjes su mthun par bya'o/ /de bzhin gshegs pa thams cad kyi sku dang gsung dang thugs rdo rje'i gnas zhes bya ba ni/de bzhin gshegs pa la sogs pa thams cad kyi ji skad bshad pa'i dkyil 'khor gsum bsgrub pa'o/ /gzhan ni bshad zin to/ /de nas zhes bya ba la sogs pa la/ dkyil 'khor thams cad kyi 'khor lo ni rnam par snang mdzad la sogs pa dang 'brel pa rnams te/ting nge 'dzin gang la de rnams 'byung ba rdo rje ste skye ba mi phyed pa yod pa de la de skad ces bya zhing de la snyoms par zhugs nas so/ /'di zhes bya ba'i mtshan nyid ni bshad zin to/ /de la 'di ni zhes bya ba la sogs pa la/ thugs rdo rje la sogs pa rnams kyi dkyil 'khor ni/rdo rje'i dkyil 'khor te/ de thig gdab pa'i phyir snod du rung ba gnyis skyed pa'i sa bon shes pa dang skyob pa'i rang bzhin can 'dod pa'i 'bras bu thob par byed pa rnams nyid ni sngags kyi snying po'i thig gi yi ge rnams so/ /de la thugs rdo rje bsgrub pa'i dkyil 'khor bri ba'i phyi rol du bcu gnyis lon pa'i khye'u dang bu mo dang yi ge hUM gis mi bskyod pa dang mA ma kIr bskyed par bya'o//de bzhin du yi ge oM gyis rnam par snang mdzad dang spyan dang / de bzhin du yi ge AHyis 'od dpag tu med pa dang gos dkar mor bskyed la/ de dag dkyil 'khor te ji skad bshad pa'i srad bus thig 'debs su bcug la 'drir gzhug ste/rang nyid kyis ma yin no zhes bya ba de nyid bstan pa'i phyir/ sngags kyi sems dpas mi bya ste/ /zhes bya ba gsungs te/ gang la sngags kyis byin gyis brlabs pa'i sems dpa' ste/sems yod pa de ni sngags kyi sems dpa' ste/ phra mo'i rnal 'byor la sogs pa bsgom pa la sogs pa'i sgo nas mthu thob pa des so/ /rang gis byas na nyes pa ci yod ce na/ de'i phyir/ byas na byang chub rnyed par dka'/ /zhes bya ba gsungs so//sgrub pa'i dkyil 'khor la rang nyid kyis thig gdab pa la sogs pa bkag pa yin gyi/ dam tshig gi dkyil 'khor la ni ma yin te/ thig gdab pa yi cho ga 'di/ /bdag nyid gang tshe spyod pa na/ /zhes 'chad par 'gyur ba nyid yin pa'i phyir ro/ /de bas zhes bya ba ni gang gi phyir de lta yin pa de bas na'o//dam tshig tshul shes pas te sgrub pa pos so/ /sngags kyi lha rnams phab nas su/ /zhes bya ba ni/ bshad ma thag pa'i yi ge hUM la sogs pas bskyed pa rang gi rig ma dang ldan pa'i mi bskyod pa la sogs pa'i rang bzhin can gnyis po rnams la snga ma bzhin du ye shes kyi lha gnyis dbab par bya'o//byin gyis brlab pa'i gnas bsgoms la/ /zhes bya ba la sogs pa ni phung po la sogs pa byin gyis brlab pa sku la sogs pa byin gyis brlab pa la thug par byas la/ rim pa yang snga ma bzhin du mngon par 'dus bya'o//dkyil 'khor rnams ni rnam par brtag /ces bya ba ni/ thugs rdo rje la sogs pa'i sgrub pa'i dkyil 'khor rnams brtag pa'o/ /dbab par bya ba'i lha nyid ni/ /rgyal chen rnam par snang mdzad dang / /zhes bya ba la sogs pa gsungs te/ sku'i dkyil 'khor te brten pa'i 'khor lo'i gnas dang rten ni sku'i dkyil 'khor gnas so//rnam par snang mdzad kyi go 'phang thob par byed pa nyid yin pa'i phyir/ rdo rje sku yi yon tan 'thob bo/ /'di ni zhes bya ba la sogs pa ni go sla'o/ /sngags kyi sems dpa' zhes bya ba ni/ sngags kyi mthu 'thob pas so//rdo rje gsang ba ni lhas bris pa'i dkyil 'khor ro/ /de nyid shin tu ngo mtshar bar gyur pa nyid yin pa'i phyir rmad po che'o/ /khro bo'i rgyal pos zhes bya ba ni dpal gnod mdzes rgyal pos so/ /'di skad du thugs rdo rje la sogs pa gang yang rung ba'i dkyil 'khor du/ de'i rnal 'byor dang ldan pa kho nas ji lta ba bzhin gnas rnams su lha'i 'khor lo rnam par bkod pa'i rjes thogs la snga ma bzhin du gnod mdzes rgyal po phyung ste/nges ye shes sems dpa' bkug la/ dam tshig gi lha rnams kyi thugs kar bcug ste/ rnal 'byor chen po dang shin tu rnal 'byor la gnas pa'i lha'i 'khor lo la bla na med pa la sogs pa'i mchod pa rnams kyis mchod par bya'o zhes bstan pa yin no//dam tshig mchod pa dus gsum pa/ /zhes bya ba ni dkyil 'khor du rang gi rig ma dang yang dag par sbyor ba'i mchod pa dus gsum du bya ba'o//gang gi zhe na/ rdo rje dri med gsum dag gi /zhes bya ba gsungs te/ dkyil 'khor gyi bdag po'i rnal 'byor pa bdag nyid kyi'i 'o/ /rdo rje gsum gyi sbyor bas zhes bya bas ni/ sku dang gsung dang thugs dang mi phyed par dmigs pas so/ /sngags kyi dngos grub thob par byed//ces bya ba ni/ de lta bu'i 'jug pas lha'i dngos grub thob par 'gyur ro zhes gsungs so/ /sngags rnams thams cad nyid la zhes bya ba la sogs pa la/ sngags rnams zhes bya ba ni lha rnams so/ /gtor ma dbul zhes bya ba ni lha bshos so/ /bshang gci ni shes par zad do//sha zhes bya ba ni sha chen no/ /'bru mar ni de'i zhag go/ /sems las byung ba ni yang dag par sbyor ba las byung ba'i byang chub kyi sems so/ /khyad par du bde ba chen po'i rgyu mthun pa nyid yin pa'i phyir/ khu ba che ba'i bdag nyid ni khu ba dag gis zhes bya ba la sogs pa gsungs te/de yang snga ma bzhin mngon par 'dus byas la dbul bar bya'o/ /phul du byung ba ma thob pas kyang tshogs mngon par spel ba'i phyir dang / sems can rnams kyi don bya ba'i phyir rang nyid kyis thig btab ste dkyil 'khor bri bar bya ba yin pas de'i phyir thig ces pa la sogs pa gsungs te/rnam par snang mdzad bsgoms nas su/ /zhes bya ba la sku'i dkyil 'khor thig gdab pa'i phyir bdag nyid rdo rje sems dpar rab tu bsgom par bya zhing / srad bu 'dzin pa'i slob ma ni thugs rdo rje 'am bdud rtsi 'khyil pa ye shes chen pos 'bar bar bsam par bya'o//de bzhin du thugs kyi dkyil 'khor thig gdab pa'i phyir bdag nyid thugs rdo rjer bsam zhing / slob ma ni rnam par snang mdzad dam 'od dpag tu med par bsam par bya'o/ /de bzhin du gsung gi dkyil 'khor thig gdab pa'i phyir bdag nyid 'od dpag tu med pa dang slob ma ni rnam par snang mdzad dam mi bskyod par ro//'phags pa bdud rtsi 'khyil pa zhes bya ba ni thams cad du thun mong pa kho na yin no/ /las kyi go 'phang zhes bya ba ni srad bu mngon par 'dus bya ba la sogs pa'i rang bzhin no/ /rdo rje'i thig skud dag la dgod ces bya ba la/thugs kyi dkyil 'khor thig gdab pa ni bshad zin to/ /sku'i dkyil 'khor thig gdab pa'i phyir lag pa g.yon pa'i sor mo tha ma nas brtsams te mthe bo'i bar la go rims bzhin du gnas pa'i sngon po dang ser po dang dmar po dang ljang gu la sogs pa rnams la/ hUM swA AHhA oM zhes bya ba'i sa bon rnams kyis mi bskyod pa dang dkon mchog dpal dang 'od dpag tu med pa dang don yod par grub pa dang rnam par snang mdzad rnams bkod la/ ye shes kyi srad bu bkug ste/ a n+yo n+yA nu ga ta/ sarba d+harmA zhes bya ba la sogs pa brjod cing bsgril la/gser la sogs pa'i snod du bzhag pa la ji lta ba bzhin du mngon par bzlas par bya'o/ /de bzhin du gsung gi dkyil 'khor la yang dkar po dang ser po dang sngon po dang ljang gu dang dmar po go rims bzhin du gnas pa rnams la/ oM swA hUM hA AHzhes bya ba'i sa bon las byung ba'i rnam par snang mdzad la sogs pa rnams rnam par bkod de/de kho na bzhin du ye shes kyi srad bu bzhugs pa la sogs pa bya'o/ /de bzhin dkon mchog dpal la sogs pa'i dkyil 'khor thams cad kyi thig la yang ji ltar mthun pa bzhin du thams cad bya'o/ /'di ni zhes bya ba ni go sla'o//rnam pa nyi shu rtsa lngar ni/ /zhes bya ba tshon rtsi yang snga ma bzhin du mngon par 'dus byas te/ de bzhin gshegs pa lnga'i dkyil 'khor rnams la go rims ji lta ba bzhin du lnga lngar rab tu rnam par phye la dgye bar bya ba yin pas na/ rnam pa nyi shu rtsa lngar tshon rtsi dgye ba'o//gzhan dag na re sngon po la sogs pa tshon rtsi rnams la lha mo bzhi dang ldan pa'i de bzhin gshegs pa lnga bcug pa'i phyir ro zhes zer ro/ /'di ni zhes bya ba la sogs pa ni shes par zad do/ /sngags rnams thams cad nyid la yang / /zhes bya ba ni thugs kyi dkyil 'khor gyi lha rnams la'o//rdo rje hUM ni bsgom par bya/ /zhes bya ba ni dngos grub med na mgo dang lkog ma dang snying ga dang rked pa dang gsang ba dang rkang pa'i bar rnams su nyi ma'i dkyil 'khor la gnas pa'i rdo rje'i lte bar chud pa'i yi ge hUM 'od zer mtha' yas pas khyab pa bsam pa'o/ / sku dang gsung gi dam tshig mchog /ces bya ba la/ dam tshig ces bya ba'i sgra ni gnyi ga yang sbyar bar bya ste/ sku'i dkyil 'khor gyi lha rnams kyi 'da' bar mi bya ba'i dam tshig ni yi ge oM mo/ de bzhin du gsung gi dkyil 'khor gyi lha rnams kyi ni yi ge AHkho na yin par rig par bya'o//gnas lnga dag tu zhes bya ba ni/ mgo dang lkog ma la sogs pa rnams su/ go rims bzhin zla ba'i dkyil 'khor la gnas pa'i 'khor lo'i lte ba na 'dug pa'i yi ge oM 'od zer gyi phreng ba can dang / pad+ma 'dab ma sna tshogs pa'i steng du pad+ma la gnas pa'i yi ge AH'od zer 'bar ba bsgom pa'o//de ltar byas na rdo rje mi phyed gsum ste dpal rdo rje sems dpa' de las byung ba de'i dkyil 'khor gyi lha rnams ni rdo rje mi phyed gsum las skyes pa ste/ dpal rdo rje 'chang gis gsungs pa'i dam tshig las 'das pa'i 'jigs pas byin gyis rlob pa ste/ dkyil 'khor la byin gyis rlob par mdzad do zhes bya ba'i don to/ /rdo rje bum pa gzhag pa ni ji skad bshad pa'i mtshan nyid can gyi las thams cad pa dang / rnam par rgyal ba'i bum pa la sogs pa rnams so/ /sngags ni dkyil 'khor pa'i lha rnams so so'i bzlas pa bya ba'i rang bzhin rnams so//rgyud kyi bdag po ni dkyil 'khor so so'i bdag po rnams te/ rang dang rjes su mthun pa'i sku mdog can de rnams las rang gi bdag po'i gzugs su rnam par bsgoms shing bzlas pa byas la legs par bris pa rang rang gi phyag mtshan gyis mtshan pa bdud rtsi lnga dang bcas pa'i dri dkar po'i chu dang 'bru la sogs pas rab tu bkang ba gos la sogs pas brgyan pa rnams dkyil 'khor gyi bdag po'i bdag nyid can gyi dpal rdo rje sems dpa'i rnal 'byor dang ldan pas sngar bshad pa'i gnas su gzhag par bya'o//dam tshig gi dkyil 'khor gyi don du 'am/ rang dang gzhan zhi bar bya ba la sogs pa'i don du sbyin sreg bya dgos pas/ de'i phyir dngos grub kun gyi zhes bya ba la sogs pa gsungs te/ dngos grub kun gyi 'bras bu ni phyag rgya chen po la sogs pa rnams so//sngags shes pas zhes bya ba ni zhi ba la sogs pa'i sbyin sreg gi cho ga yongs su shes pas so/ /gzhan ni shes par zad do/ /rdo rje mi phyed gsum dag la/ /zhes bya ba ni dkyil 'khor gyi lha rnams la'o/ /dbus su rang gi lha'i gzugs zhes bya ba/ 'khor lo'i bdag po gang yang rung bar bdag nyid dang thab khung gi dbus su bsams nas so//zhal du gdab par bya zhes bya ba ni rang gi sa bon gyis byin gyis brlabs pa'o/ /dbang po gnyis kyi dam mchog gis/ /zhes bya ba ni/ dkyil 'khor pa rnams dang bcas par bdag nyid dang thab khung na bzhugs pa'i rang gi bdag po snyoms par zhugs par nges pa bsams nas so//sbyin sreg brgya rtsa brgyad du bya/ /zhes bya ba 'di ni nye bar mtshon pa yin te/ sbyin sreg stong ngam dpag tu med pa bya'o/ /'di ni zhes bya ba la sogs pa ni shes par zad do/ /'di'i don ni 'di yin te/ zhi ba la sa phyogs dkar po rgyar khru gang tsam/ zabs su sor bcu gnyis yod pa'i thab khung zlum po dang / de'i dbus su pad+ma sor bcu drug pa'i steng du rdo rje rtse lnga pa sor brgyad pa mgo gyen du bltas pa dang ldan pa/ thab khung gi steng du sor bzhi dor te zheng dang 'phang du sor bzhi yod pa'i kha khyer gyis kun nas bskor ba dang /mtshams rnams su rdo rje rtse gsum pas mtshan pa dang / thab khung dang / de'i nye 'khor ba'i lci bas nye bar byugs te/ yang de gnyis bdud rtsi lnga dang bcas pa'i dris nye bar byugs la dus gsum du me tog dkar po dri zhim pa kun du dgram par bya'o//dgang gzar ni gser ram zangs las byas pa 'am/ nim pa 'am/ mchod sbyin gyi shing las byas pa'i pad+ma'i 'dab ma'i dbyibs can/ de'i yu ba ni skyes bu tshad dang ldan pa'i mthe bo'i sor nyi shu rtsa bzhi yod pa khu tshur gyis gzung du rung ba/ de'i rtse mor mgo bo gru bzhi sor bzhi pa/zabs su sor gnyis brkos pa/ rdo rje rtse lnga pa sor gnyis pas mtshan pa/ khu bcud 'dzag pa'i bu ga sor gcig tsam dang ldan pa de'i rtse mor pad+ma'i 'dab ma'i rnam pa can gyi rdo rje rtse gsum pa sor brgyad pa 'am sor bzhi pa/ yu ba'i zhabs su rdo rje dang rin po che sor drug pa dang ldan pa'o//blugs gzar ni khru gang tsam la mgo bo rgyar sor gnyis yod pa/ pad+ma'i 'dab ma'i dbyibs can zabs su pad+ma'i 'dab ma'i dbyibs su sor gnyis brkos pa/ dbus na rdo rje rtse lnga pa sor gcig tsam pa yod pa/ yu ba'i zhabs na rdo rje dang rin po che dang ldan pa'o//sor mo lnga bcer bas kyang dgang gzar bya zhing / sor mo gsum bcer bas ni blugs gzar bya'o/ /bdud rtsi lnga dang / til mar chen po dang / ba'i mar dang / sbrang rtsi dang / sbe tres dang / yam shing dang / til dang / 'bras sA lu'i chan dang / nas dang / 'o ma dang / zho dang / 'bras yos dang / ku sha sngon po dang / dUr ba dang / a mra'i lo ma dang / tsan+dan dang / pri yang ku'i me tog dang / me tog dkar po dang / ge sar dang / thang chu dri zhim po rnams ji ltar rnyed pa sbyin sreg bya'o/ /de la yam shing pa la sha dang / u dum+WA ra dang /a mra dang / ka dam+ba dang / kaSh+ma r+dz+ya dang / a shwang+tha dang / p+lak+Sha dang / sha mi dang / n+ya gro d+ha la sogs pa shing 'o ma can las byung ba/ 'dab ma dang bcas pa/ rlan dang bcas pa/ mnyam por bcad pa rtse mo'i cha las byung ba/ mtho gang tsam mar dang bcas pa'i dri dkar po'i chu la sbangs pa/de dang bcas pa'i sbrang rtsi dkar po dang / 'o ma la rtse mo gnyis bcug pa/ rtse mo lo ma gnyis dang bcas pa/ rtse gcig pas bsreg par bya'o/ /rnyings pa dang / 'dab ma med pa dang / rul pa dang / khong stong dang / chag pa dang / shun lpags med pa dang / thung ngu dang / yon po dang / rtse mo gnyis su gas pa dang / phra ba dang / sbom po dang / ring po dang / 'bus zos pa dang / srog chags dang bcas pa ni dor bar bya'o/ /shing de rnams nyid kyi bud shing thab khung las cung zad thung ba 'am/ dgon pa'i ba lang gi lci ba'o//de nas sgrub pa po khrus byas pa lus dri zhim pos bsgos pa/ byams pa dang snying rje dang ldan pa/ gos dkar po gyon pa dkyil 'khor gyi bdag po sku mdog dkar po'i rnal 'byor gyis bsrung ba'i cho ga dang bzlas pa byas pas/ stan dkar po 'jam po la pad+ma'i 'dug stangs kyis nye bar 'dug ste/srod la kha shar du bltas pas byams pa'i blos bsgrub bya la dmigs la/ yar ngo'i tshes gcig nas brtsams te zhi ba'i yid kyis zhi ba bya'o/ /gser ram dngul lam rdo 'am zangs sam/ shing ngam sa las byas pa 'am/ dung phor ram/ nya phyis sam/ lo ma sbyar ba las byas pa'i mchod yon gyi snod du/ nas dang 'o ma dang me tog dkar po dang / til dang / ku sha dang / 'bras yos dang bcas shing / bdud rtsi dang bcas pa'i dri dkar po'i chu ci 'byor pa blugs te/ rang gi lha'i sngags swA hA'i mtha' can bzlas par bya'o//dkar zhing zhi bar rnam par bsgoms pa'i 'phags pa bdud rtsi zhes bya ba dang / bdag po'i rigs kyi rig sngags dag yongs su bzlas pa'i las thams cad pa'i chu snod dang / mchod yon gyi snod rang gi g.yon phyogs su bzhag la/ yam shing dang bud shing la sogs pa g.yas phyogs su bzhag ste/lag pa g.yas pa na gnas pa'i ku sha'i rtse mos blangs pa'i las thams cad pa'i chus bsang gtor bya'o/ /bdud rtsi 'khyil pa'i sngags ni/ b+h+rUM oM AHhUM big+h+nAn+ta kr-ita swA hA zhes bya ba 'am/ phreng ba'i sngags so/ /thugs kyi dkyil 'khor dang rin po che'i dkyil 'khor dang rin po che'i dkyil 'khor gyi rig sngags ni/b+h+rU oM AHhUM dweSha ra ti swA hA zhes bya ba 'am/ oM shaM ka re shIn+taM ka re/ g+huT+Ta g+huT+Ta/ g+huT+Ti ni/ g+hA ta ya g+hA ta ya/ g+hu Ti ni swA hA zhes bya ba'o/ /sku la sogs pa'i dkyil 'khor gyi rig sngags ni/ yi ge b+h+rUM dang ldan pa'i yi ge lnga dang rnam par spel ba'i spyan la sogs pa'i snying po rnams sam/oM ru ru s+phu ru zhes bya ba la sogs pa'o/ /shing 'o ma can btsugs shing gis phyung ba'i me blang bar bya'o/ /de nas 'phags pa bdud rtsi 'khyil pa'i sngags lan bdun bzlas pas me rnam par sbyangs te/de bzlas pa'i chu ku sha'i rtse mos blangs pas g.yas phyogs su bskor zhing lan gsum bsang gtor byas pa'i thab khung du rtswa shin tu skam po dang bcas par bcug la/ oM dz+wa la hUM zhes bya ba zlos shing rlung yab kyi rlung gis rab tu spar bar bya zhing / rigs kyi snying po lan bdun bzlas pas kyang rab tu spar bar bya'o/ /oM badzra satwa AHzhes bya ba 'di 'das pa'i ku sha sar pa dri ma med pa sngon po ma gas shing 'dab ma ma grugs pa ha cang mi ring ba/ kha khyer la kha shar du bltas pa dang / kha lhor bltas pa dang / kha nub tu bltas pa dang /kha byang du bltas par bzhag la/ thab khung ku sha rtse mo shar du bltas pa rnams kyis g.yos par bya'o/ /de nas rang gi lha'i lce byin gyis rlobs pa'i yi ge hUM la sogs pa'i snying pos thab khung bskyed la/ de'i dbus su yi ge ra dang bcas pa'i gru gsum gyi steng du oM las byung ba'i pad+ma la gnas pa'i yi ge raM las byung ba'i rdo rje me sku mdog dkar po/gdan dang gos dang rgyan dkar po dang ldan pa/ 'bar ba'i phreng ba can/ gsus khyim che ba/ zhi ba'i sems dang ldan pa/ g.yas pa dag gis rdo rje rtse gsum dang phreng ba 'dzin pa/ g.yon pa dag gis dbyig pa dang gun+d+he 'dzin pa bsams te/ khro bo dpal gnod mdzes rgyal po'i nga rgyal dang ldan pas/ oM Tak+ki hUM dzaHzhes bya ba 'dod pa'i rgyal po sems nyid kyi sgo nas bkug la/ de'i snying gar bcug ste/ 'phags pa bdud rtsi zhes bya bas bgegs bskrad pa dang /bsrung ba dang / dkyil 'khor bcing ba la sogs pa bya'o/ /de nas me'i rang gi sngags kyis mchod yon gyi chu lan gsum mam bdun du blugs te/ lag pa g.yas pa kho na me tog blangs la sgeg pa dang bcas pas dbul zhing zhabs dag la zhabs bsil dbul bar bya ste/oM pra war sat+kA ra pra tIts+tsha swA hA/ zhes bya ba ni zhabs bsil gyi sngags so/ /de nas me dam tshig gi phyag rgya'i gzugs su gyur pa'i rang bzhin gyis 'od gsal ba'i shes rab kyi pha rol tu phyin ma dang snyoms par zhugs par lhag par mos par byas la/ oM badzra a na la ma hA b+hU ta dz+wa la ya/ sarba b+hasmiM ku ru/ sarba duSh+TAM hUM phaT/ dr-i sh+ya dzaHhUM baM hoHsa ma ya s+t+waM sa ma ya s+t+waM a haM zhes lan gsum brjod de/ tha mar yang sngags 'di nyid lan gsum brjod la bos te blta bar bya'o/ /lce la yang rdo rje dkar po rnam par bsams la/ oM dz+wa la hUM phaT/ces bya ba rnam par bkod de/ ji lta ba bzhin sku dang gsung dang thugs byin gyis brlab par bya'o/ /de nas yi ge swA hA dag gis bskyed pa'i rin po che cod pan dkar pos dbang bskur te rdo rje gsor zhing / rdo rje 'di ni rdo rje che/ /sangs rgyas kun gyis byin gyis brlabs/ /dam tshig las ni rnam 'das na//rigs rnams myur du thal bar byed/ /oM ha na sa ma ya hUM phaT/ ces brjod cing dam tshig la gzhag par bya'o/ /oM badzra ban+d+ha haM/ bdag gis mngon par 'dod pa'i bya ba 'di mdzod cig ces bya bas rang gi bsgo ba la sbyar bar bya'o/ /de nas mchod yon phul la dri dkar po la sogs pa'i mchod pa rnams mA ma kI la sogs pa sprul pa'i spros pa'i mchod pa rnams kyis yang dag par mchod de/las thams cad pa'i bsang gtor byas la/ lag pa g.yas pa'i mdzub mo dang mthe bo dag gis las thams cad pa bzlas pa'i chu blangs te/ me'i sngags kyis lag par 'thor 'thung lan gsum phul la/ de'i lce dang dgang gzar dang blugs gzar kha la rang gi lha'i sa bon rnam par bkod de/ pus mo gnyis kyi bar du lag pa bzhag nas/ dang por blugs gzar gyis mar gyi sreg blugs gsum zhal cung zad gdangs par/ oM ag+na e ha bya ka bya bA hA na yA di pyA di pya/ dI pa ya che ge shIn+taM ku ru swA hA/ zhes bya ba'i me'i sngags kyis dbul bar bya'o/ /de nas bgegs med pa dang bgegs dang bcas pa me 'bar ba la sogs pa'i mtshan ma rnams kyi sgo nas brtag par bya ste/ 'ja' tshon 'dra zhing mdog sdug pa//byu ru bcag pa lta bu dang / /g.yas su 'khyil zhing shin tu snum/ /lham bu chu gsher mtshungs pa'i 'od/ /bai DUr+ya dang leb brgan mtshungs/ /mar gyi sreg blugs blugs gzar dbyibs/ /rtse gsum rdo rje pad+ma dung / /nya dang dpal be'u rnga yab dang / /gdugs dang rgyal mtshan sogs bum pa//bkra shis gzugs su yang dag byung / /gling bu rdza rnga lta bur zab/ /shin tu dri zhim yid 'ong ba/ /gangs dang rdul mtshungs du ba med/ /nyi ma gsal 'dra dri ma med/ /zhi la kha dog dkar por snang / /rgyas la ser po snang ba ste/ /rjes su chags la dmar po shis/ /sngon po nag po mngon spyod la//gzhan yang rtse gcig shis pa ste/ /rtse mo gnyis pa 'bring yin no/ /rtse gsum tha mar sgrub pa pos/ /mdor na shes par bya ba yin/ /du ba mang zhing me stag 'phro ba dang / /dal ba dal bar rim gyis 'bar ba dang / /me lce rnam par 'chad cing gzi brjid med/ /srin po ltar gnag pa la sha yi mdog /mdung gi rtse mo nyid mtshungs dang / /de bzhin ba lang mgo dang mtshungs/ /ro yi dri dang dri nga dang / /yang na kha dog mi sdug ldan/ /sbrul gyi gdengs ka'i gzugs can dang / /de bzhin me lce g.yo ba'o/ /de ltar bgegs dang bcas pa mthong na snga ma bzhin du bsang gtor byas te/bdud rtsi 'khyil pa'i sngags kyis yang dag par sbyangs la kun du bsrungs te/ de nyid bzlas pa'i sreg blugs bdun sbyin sreg bya'o/ /yang rang gi sngags bsang gtor byas la/ dgang gzar dang mar gyi dgang blugs gsum mam bdun nam gcig me'i rang gi sngags kyis phul te/yam shing la sogs pa'i sreg blugs gsum mam gcig dbul bar bya'o/ /'dir rim pa ni/ 'bar ba'i me la yam shing ste/ /de nas mar dang de 'og til/ /de nas 'bras chan la sogs pa/ /cho ga 'di ni mdor bsdus pa'o/ /de la zhu ba'i rdzas thams cad ni zhal du'o//yam shing dang mi'i rus pa'i phye ma ni 'od kyi dkyil 'khor du'o/ /zho dang 'bras chan dang til la sogs pa ni phyag tu'o/ /dri ni thugs kar ro/ /me tog ni dbu la'o/ /bdug spos ni 'od 'phro ba la'o/ /zhabs bsil ni zhabs dag la'o//mar me dang mchod yon ni mdun du'o/ /de nas 'thor 'thung dang bsang gtor byas la/ me thab kun du 'bar ba'i rnam par ram/ rang gi gzugs su me'i phyogs su gzhag par bya'o/ /de ni me lha'i bya ba'o/ /de nas yang rigs kyi bdag po'i rig sngags kyis sbyin sreg gi yo byad snga ma bzhin du bsang gtor byas la/me'i dbus su rig ma dang snyoms par gyur pa'i dkyil 'khor gyi bdag po dkar po zhi ba pad+ma dang zla ba'i gdan dang gos dang rgyan dang 'od dkar po dang ldan pa/ swA hA mtha' can gyi snying po las byung ba/ rang gi 'khor lo dang gcig tu gyur pa'i gzugs can rnam par bsams te/sgrub thabs las bshad pa'i cho ga bzhin du ye shes sems dpa' bkug la/ thugs ka na gnas pa'i pad+ma'i steng gi zla ba la bkod de/ gzugs kyi phung po la sogs pa byin gyis brlabs pa sngon du 'gro ba can gyis sku dang gsung dang thugs byin gyis brlabs la/shin tu rnal 'byor la gnas pa/ rang gi dbang bskur ba rnams kyis dbang bskur te/ bla na med pa la sogs pa'i mchod pa rnams dang / phyi rol gyi mchod pa rnams kyis yang dag par mchod la/ mchod yon dang / 'thor 'thung dang / bsang gtor byas te ljags dang dgang gzar dang blugs gzar gyi kha la rang gi sa bon rnam par bkod la/rang gi sngags kyis bskur te tha mar che ge mo shIn+taM ku ru swA hA/ zhes bya ba zlos shing snga ma bzhin du dgang blugs phul te/ rdzas thams cad las re re bzhin sreg blugs gsum mam bdun nam gcig phul la/bdud rtsi lnga dang bcas pa'i mar gyi sreg blugs brgya'am stong ngam dpag tu med pa sbyin sreg bya'o/ /de ltar ji tsam snyed pa sbyin sreg byas la rigs kyi snying pos mar gyi sreg blugs gsum mam bdun nam nyi shu rtsa gcig gis gzi brjid bskyed par bya zhing rigs kyi bdag po bzlas pa'i dgang blugs dang mchod yon dbul bar bya'o//de la hUM zhes bya ba ni rdo rje'i rigs kyi bdag po'i snying po'o/ /oM AHswA hA zhes bya ba ni lhag ma rnams kyi'o/ /de nas bsang gtor lan gsum byas te/ 'thor 'thung phul la/ mi bskyod rdo rje zhes bya ba la sogs pa bstod pa rnams kyis yang dag par bstod de/snga ma bzhin du yang dag par mchod la/ mchod yon phul te mngon par 'dod pa'i dngos grub kyi phyir bskul la bzod par gsol te/ de'i sku dang gsung dang thugs dang rig ma'i rnam par dag pa la lhag par mos pa'i sgo nas/ badzra d+h+r-ika ces bya ba lan mang du yongs su bzlas la/yi ge gsum brjod de/ rang gi sngags yi ge mu'i mtha' can brjod cing de nyid kyis ye shes kyi lha gshegs su gsol lo/ /de nas me lha me tog gcig gis thab kun du bzhugs su gsol te/ yang legs par mchod la bsang gtor byas te 'thor 'thung phul la/sbyin sreg gi yo byad lhag ma rnams phul te/ tha mar dgang blugs dang 'thor 'thung phul la bsang gtor byas te/ yang dag par mchod la/ mchod yon dang 'thor 'thung phul te/ mngon par 'dod pa'i dngos grub bslangs la snga ma bzhin du sku la sogs pa'i rnam par dag pa la lhag par mos par byas te/badzra d+h+r-ika ces bya ba lan mang du bzlas la yi ge gsum brjod nas/ hUM muHzhes bya ba zlos shing gshegs su gsol lo/ /de ltar rtag tu thun gsum mam thun bzhir ji srid rang dang gzhan dag zhi bar gyur gyi bar du bya'o/ /de ni zhi ba mdor bstan pa'o// //rgyas pa la ni sa gzhi ser po thab khung khru do pa/ zabs su de'i phyed yod pa/ rin po che zur brgyad pa lta bu 'am/ gru bzhi pa dang / de'i steng du sor brgyad bar du bzhag ste rgya dang 'phang dag tu sor brgyad kyi tshad dang ldan pa'i kha khyer mnyam du byas pas bskor ba dang /brkos pa'i nang du 'khor lo rtsibs brgyad pa'i lte ba la gnas pa'i rdo rje rin chen sor drug pa dang ldan pa'i thab khung dang / de'i sa gzhi ser po dang / bdud rtsi dang bcas pa'i dri ser po rnams kyis nye bar byugs la/ me tog rnam pa sna tshogs dgram par bya'o/ / yam shing ni de rnams kho na ste/ 'on kyang dbus kyi cha las byung ba/ sboms su chad pa gang yod pa/ /dkyus khru gang tsam pa/ bdud rtsi dang bcas pa'i dri ser po'i chu la sbangs pa/ zho dang 'o ma dang mar sar pa rnams kyis byugs pa'o/ /sreg rdzas ni mngar gsum dang sbyar ba'i 'bras chan bzang po'i chang bu dang /zho dang sbrang rtsi dang mar dang bsres pa'i til nag po dang / mar dang ldan pa'i zho dang sbyar ba'i 'bras chan dang / sha ta puSh+pa pa dang / bil ba'i 'bras bu dang / 'bras sA lu dang / pad+ma rA ga dang / ge sar dang / me tog karni ka dang / 'bru rnams so/ /dgon pa'i lci ba ma gtogs pa ji skad bshad pa'i bud shing 'bras bu dang bcas pa gzung bar bya'o/ /de nas khrus byas la yan lag la dri ser po zhim pa bsgos pa/ byams pa dang snying rje dang ldan pa/ gos dang rgyan dang phreng ba dang stan dang 'od ser po dang ldan pa/ gos sna tshogs pa can nam/sems rgya chen po dang ldan pa/ stan bzang po la 'dug pas bco lnga nas brtsams te/ kha byang du bltas pas snga dro'i dus su rgyas pa bya'o/ /sngar bshad pa'i mchod yon gyi snod bdud rtsi lnga dang bcas pa'i dri ser po'i chu dang til dang zho dang bcas pa de la oM gyi mtha' can gyi rang gi sngags bzlas par bya'o//de nas sku mdog ser po'i rnam par bsgoms pa'i 'phags pa bdud rtsi zhes bya ba dang / bdag po'i rigs kyi lha mo'i sngags dag yongs su bzlas pa'i las thams cad pa'i snod dang / mchod yon gyi snod rang gi g.yon phyogs su bzhag ste/ snga ma bzhin du bud shing la sogs pa thams cad g.yas phyogs na gnas pa la bsang gtor bya'o//rgyal po'am rgyal rigs las byung ba'am/ nags kyi me'am/ 'phags pa'i dge 'dun gyi tshang bang gi me blangs la/ de nas snga ma bzhin du 'phags pa bdud rtsi 'khyil pa'i sngags kyis me rnam par sbyangs nas de kho na bzhin du bsang gtor la sogs pa bya'o//de nas snga ma bzhin du bzlas pa'i ji skad bshad pa'i ku sha kha khyer la kha byang du bltas pa dang / shar du bltas pa dang / lhor bltas pa dang nub tu bltas par bzhag la/ de nas thab khung ku sha kha byang du bltas pa rnams kyis g.yogs par bya'o//de nas snga ma bzhin du dam tshig gi phyag rgya dang snyoms par zhugs pa la de kho na bzhin du blta bar byas la/ sku la sogs pa byin gyis brlabs pa dang dbang bskur te dam tshig la bkod la/ rang gi bsgo ba la sbyar te/ mchod yon phul la/ dri ser po la sogs pa'i mchod pa rnams dang / mA ma kI la sogs pa spro ba'i mchod pa rnams kyis yang dag par mchod de/ lan gsum bsang gtor byas la/ de kho na bzhin du 'thor 'thung phul te/ de'i lce dang dgang gzar dang blugs gzar gyi kha la rang gi lha'i sa bon rnam par bkod nas/pus mo'i bar du lag pa dag bzhag ste/ dang por blugs gzar gyis mar gyi sreg blugs zhal cung zad gdangs par snga ma bzhin du me lha'i sngags kyis dbul bar bya'o/ /de nas de kho na bzhin du me'i bgegs med par 'bar ba la sogs pa'i mtshan ma rnams kyis shes par byas la/de ltar rjes su mthun pa kho na bzhin du thams cad byas nas/ de kho na bzhin du me lha'i sngags kyis sreg rdzas thams cad dbul bar bya'o/ /sreg rdzas la sogs pa'i go rims kyang snga ma bzhin no/ /de ni me lha'i bya ba'o/ /de nas bdag po'i rigs kyi rig sngags kyis kyang sbyin sreg gi yo byad rnams snga ma bzhin du bsang gtor byas la/de'i dbus su dkyil 'khor gyi bdag po sku mdog ser po rten dang bcas pa rig ma dang snyoms par zhugs pa/ dgyes shing rgyas par gyur pa/ pad+ma rlon pa'i gdan dang na bza' dang rgyan dang 'od ser po dang ldan pa'i yi ge oM gyi mtha' can gyi rang gi snying po las byung ba rnam par bsams te snga ma bzhin du mchod pa'i bya ba byas la/mchod yon dang 'thor 'thung dang bsang gtor byas nas/ ljags la sogs pa la rang gi sa bon rnam par bkod la/ sngags kyi mtha' mar che ge mo puSh+TiM ku ru oM/zhes bya ba zlos shing ji skad bshad pa'i tshad kyi dgang blugs phul te/ rdzas thams cad las re re bzhin sreg blugs de kho na bzhin phul la/ bdud rtsi lnga dang bcas pa'i mar gyi sreg blugs brgya'am stong ngam dpag tu med pa sbyin sreg bya'o/ /de nas de kho na bzhin du gzi brjid bskyed pa dang /dgang blugs dang mchod yon dbul ba dang / bsang gtor bya ba dang / 'thor 'thung dang / bstod pa dang / mchod pa dang / yang mchod yon dbul ba sngon du 'gro ba can gyi/ mngon par 'dod pa'i don gyi dngos grub kyi phyir bskul la bzod par gsol te/sku la sogs pa rnam par dag pa la lhag par mos pa'i sgo nas/ badzra d+h+r-ika ces bya ba lan mang du yongs su bzlas la yi ge gsum brjod nas de kho na bzhin du gshegs su gsol lo/ /de nas me lha bzhugs su gsol ba la sogs pa thams cad snga ma bzhin du bya'o//de ni rgyas pa mdor bstan pa'o// //dbang la sa gzhi dmar po la thab khung zhi ba'i thab khung dang mtshungs pa ste/ 'on kyang shing gi lo ma dang mtshungs pa/ phyed nub pa'i rdo rje dang pad+mas dbus su mtshan pa/ de'i rnam pa can gyi kha khyer gyis bskor ba/ sa dmar po dang bdud rtsi lnga dang bcas pa'i dri dmar pos nye bar byugs pa/me tog dmar po la sogs pas nye bar spras pa bya'o/ /yam shing ni shing tsam pa ka dang mya ngan med dang / ba ku la dang / pri yang ku dang / la ku tsa la sogs pa rnams las byas pa sor lnga pa'o/ /sreg rdzas ni 'dab ma dang bcas shing ma rnyings pa'i me tog dang /'bras bu dmar po la sogs pa rnams dang / rang dang gzhan gyi rtog pa las bshad pa'i rdzas gzhan rnams so/ /bud shing ni shing nim pa dang a mra dang / me tog dang bcas pa gzhan yang bya'o/ /de nas dri dmar pos nye bar byugs pa rjes su chags pa'i yid dang ldan pa/gos dang rgyan dmar po la sogs pa dang ldan pa/ kha nub tu bltas pa stan kha dog dmar po bde zhing mtho ba la/ rdo rje'i skyil mo krung du 'dug pas thams cad kha dog dmar po dang ldan pa'i dkyil 'khor pa rnams dang / lhan cig 'khor lo'i bdag po'i rnal 'byor la sogs pa bya'o//til la sogs pa dang ldan pa bdud rtsi lnga dang bcas pa'i dri dmar po'i chu ji skad bshad pa'i snod na gnas pa la yi ge ho'i mtha' can gyi rang gi sngags lan bdun mngon par bzlas par bya'o/ /de nas thugs dang sku mdog dmar po rnam par bsgoms pa'i 'phags pa bdud rtsi zhes bya ba dang /rang gi rigs kyi lha mo'i sngags dag bzlas pa'i las thams cad pa'i chu'i snod dang / mchod yon gyi snod dang / sbyin sreg gi yo byad ma lus pa de kho na bzhin du bzhag ste snga ma bzhin du bsang gtor bya'o/ /smad 'tshong ma'am rje'u rigs kyi khyim nas byung ba'i me blangs la de nas de kho na bzhin du me rnam par sbyangs te/bsang gtor dang sbar ba byas la/ ji skad bshad pa bzhin du bzlas pa'i ku sha kha khyer la kha nub tu bltas pa dang byang du bltas pa dang shar du bltas pa dang lhor bltas par bzhag ste/de nas thab khung ku sha kha nub tu bltas pa rnams kyis g.yogs par bya'o/ /de nas de kho na bzhin du chu skyes kyi gdan la me lha mdog dmar po rjes su chags pa'i bsam pa can bskyed la/ spyan drang ba la sogs pa rang gi bsgo ba la sbyar ba'i bar du bya'o/ /de nas mchod yon phul la dri dmar po la sogs pa'i mchod pa rnams dang sku mdog dmar po dang ldan pa'i mA ma kI la sogs pa'i spro ba'i bla na med pa la sogs pa'i mchod pa rnams kyis yang dag par mchod de lan gsum bsang gtor byas la 'thor 'thung phul te/de lce la sogs pa la rang gi lha'i sa bon rnam par dgod pa la sogs pa thams cad snga ma bzhin du byas la/de kho na bzhin du blugs gzar la sogs pas mar la sogs pa phul te/ de nas de kho na bzhin du 'bar ba la sogs pa'i rnam par gzhag par bya'o/ /de ni me lha'i bya ba'o/ /de nas snga ma bzhin du bsang gtor byas la thab khung gi dbus su dbang po gnyis snyoms par zhugs pa'i lha thams cad dmar po'i 'khor lo'i dbus na bzhugs pa/rig ma sku mdog dmar zhing rjes su chags pa'i bsam pa can dang snyoms par zhugs pa'i dkyil 'khor gyi bdag po pad+ma dang zla ba'i gdan dang na bza' dang rgyan dang 'od ser po dang ldan pa ho'i mtha' can gyi rang gi snying po las byung ba rnam par bsams te/mchod pa la thug pa'i cho ga thams cad byas la/ mchod yon dang 'thor 'thung dang bsang gtor dang sa bon rnam par dgod pa byas te sngags kyi tha mar che ge mo wa sha mA na ya ho zhes bya ba brjod cing ji skad bshad pa'i tshad kyi dgang blugs phul la/rdzas thams cad las re re zhing sreg blugs de kho na bzhin phul te/ bdud rtsi dang bcas pa'i mar gyi sbyin sreg snga ma bzhin du bya'o/ /de nas de kho na bzhin du gzi brjid bskyed pa la sogs pa gshegs su gsol ba'i mthar thug pa byas la/me lha'i bya ba yang snga ma bzhin bya'o/ /de ni dbang du bya ba mdor bstan pa'o// //dgug pa la yang thab khung ni dbang du bya ba'i thab khung dang mtshungs te/ 'on kyang rdo rje rtse gcig pa'i rnam pa can dbus na rdo rje lcags kyus mtshan pa/de'i rnam pa can gyi kha khyer gyis bskor ba bya'o/ /bud shing ni lcags kyu'i rnam pa can gyi tsher ma dang ldan pa gzung bar bya'o/ /kha nub tu bltas pa/ bshad zin pa'i cho ga bzhin du stan dmar po mtho ba la rdo rje skyil mo krung gis 'dug cing kha steng du bltas pas sngon du bsnyen pa yang rim pa de nyid bzhin du bya'o//bdud rtsi dang bcas pa'i dri dmar po la sogs pa'i chu la yi ge dzaH'i mtha' can gyi rang gi lha'i sngags lan bdun yongs su bzlas par bya'o/ /gar mkhan dang glu mkhan dang lam du 'gro bas bus pa'i me blangs la yi ge'i dzaH'i mtha' can gyi rang gi sngags las byung bar bdag nyid dang thab khung na gnas pa'i rnam par bsgoms te/stan las cher bltas pas bsang gtor byas la/ lhag ma dbang du bya ba'i cho ga bzhin du bya'o/ /de ni dgug pa mdor bstan pa'o// //mngon spyod la ni sa gzhi rtsub mo tshwa sgo can ser ga gas pa thog g.yogs med par thab khung gru gsum sor nyi shu yod pa/mgo byang du bltas pa dbus su sor bcu drug pa'i lce gsum gyi steng du/ khro bo'i rdo rje sor brgyad pas mtshan pa/ de'i steng du sor gsum dor la rgya dang 'phang dag tu sor gsum pa kha khyer gyed pa'i kha khyer gyis bskor ba/bdud rtsi lnga dang bcas pa'i sa nag po dang ro bsregs pa'i thal ba dang / /bong bu dang rnga mo la sogs pa'i sbangs ji snyed pas byugs la dri mi zhim pa dang dri nga ba'i me tog sngon po'am dmar po rnams sam/ de lta bu'i 'bru la sogs pa rnams mngon par bkram pa bya'o/ / yam shing ni nim pa dang / seng ldeng dang yongs 'du sa brtol dang / be lu ta ka dang / 'dod pa'i shing rnams sam/ tsha ba dang / kha ba dang / tsher ma can gyi shing rnams sam/ ro bsregs pa'i shing gi rtsa ba'i cha las byung ba kun du bcag pa/ sor bcu pa/ dug dang khrag dang nyungs mar la sbangs pa rtse mo gnyis rno ba'o//bsreg rdzas ni yungs kar dang / yungs mar tsha ba dang / khrag dang / lan tshwa dang / ske tshe dang / nim pa dang / ro bsregs pa'i thal ba dang / rkang pa'i paM su dang / bong bu dang rnga mo la sogs pa'i sbangs dang / skra gtubs pa dang / zhag dang / bya rog la sogs pa'i sgro dang /bshang ba dang gci ba dang / tsher ma dang / rus pa'i phye ma dang / khyi smyon pa'i sha la sogs pa ji snyed pa'am/ re re'o/ /rdzas de rnams sam rol pa dang bcas pa'i btu sha la sogs pa rnams las byas pa'i dgra bo'i gzugs brnyan dug dang lan tshwa dang bcas pa'i khrag la sbangs pa'i rkang pa g.yon pa'i ka ni yas brtsams te mtshon rnon pos dum bur gtubs nas sbyin sreg bya'o//bud shing ni tsha ba dang / tsher ma la sogs pa dang ldan pa dang / dri mi zhim pa'i shing rnams sam/ dur khrod nas byung ba'am/ bong bu dang rnga mo la sogs pa'i sbangs shin tu skam po blang bar bya'o//khro bo gos dang rgyan sngon po can nam khrag gi chu la sbangs pa'i gos gyon pa stan sngo ba la kha lhor bltas pas 'dug pa'am/ bsgrub bya'i gzugs brnyan gyi brang la 'dug pa'am/ stan med pa rkang pas rkang pa mnan te/ so yis so mnan pa/mig mi g.yo ba bzhin khro gnyer dang ldan pas mar ngo'i nyin zhag dag las gang yang rung ba'i nyin zhag la khro bo nyid dpang por bzhag ste/ nyi ma phyed dam mtshan phyed kyi dus su bya'o/ /bdud rtsi lnga dang bcas pa'i bra bo dang / ba lang gi chu dang / dri mi zhim pa la sogs pa'i chu la phaT kyi mtha' can gyi rang gi sngags bzla bar bya zhing /sku mdog sngon po dang ldan pa'i 'phags pa bdud rtsi zhes bya ba dang / rigs kyi rig ma dag bzlas pa'i las thams cad pa'i snod dang mchod yon gyi snod g.yas phyogs su bzhag la/ sbyin sreg gi yo byad rnams g.yon du gzhag par bya'o//dur khrod dang rus pa dang rdo ba las byung ba'am gdol pa'i khyim nas byung ba'i me blang bar bya'o/ /de nas kha khyer ku sha kha byang du blta ba la sogs pa g.yon skor du bzhag la thab khung ku sha kha byang du bltas par g.yogs par bya'o/ /de nas de kho na bzhin du chu skyes sngon po'i gdan la bzhugs pa'i me lha bskyed la/spyan drang ba la sogs pa byas te/ bgegs bskrad pa dang / bsrung ba la sogs pa dang / phyogs bcing ba la sogs pa dang / mchod yon dang / zhabs bsil dbul ba dang / byin gyis brlab pa dang / dbang bskur ba dang / dam tshig la dgod pa dang / bsgo ba la sbyar ba dang / yang mchod yon dbul ba dang / kha dog sngon po dang ldan pa'i dri mi zhim pa la sogs pa'i mchod pa rnams dang / mA ma kI la sogs pa spro ba'i mchod pa rnams kyis yang dag par mchod la/ bsang gtor byas te/'thor 'thung dang / lce la sogs pa la sa bon rnam par dgod pa bya la/ pus mo'i phyi rol du lag pa dag bzhag nas dang por lag pa g.yon pa'i sdigs mdzub kyis bzung ba'i blugs gzar gyis zhal shin tu gdangs par bdud rtsi dang bcas pa'i til mar chen po'i sreg blugs gsum mam bdun nam gcig /oM badzra a mr-i ta ma hA b+hA ta dz+wa la ya b+ha smiM ku ru sarba duSh+TAM hUM phaT ces bya ba'i me lha'i sngags kyis phul la/ brtags te bgegs bsal ba byas la/ bsang gtor byas te/ shin tu dgang blugs dbul bar bya'o/ /de nas 'thor 'thung dang bsang gtor byas la/me 'bar ba sngon po'i rnam pa yongs su gyur par bsam par bya'o/ /de ni me lha'i bya ba'o/ /de nas bdag po'i rigs kyi rig sngags kyi sbyin sreg gi yo byad rnams kyang lan gsum bsang gtor byas te me'i dbus su dkyil 'khor pa rnams dang bcas pa/ rig ma kun du sngo ba dang yang dag par sbyor bar zhugs pa/shin tu 'jigs su rung ba'i khro bo 'bar ba/ gdan dang na bza' dang / rgyan dang 'od ser po dang ldan pa/ yi ge hUM gi mtha' can gyi rang gi snying po las byung ba'i rang gi bdag po rnam par bsams la/ snga ma bzhin du ye shes sems dpa' gzhug pa la sogs pa dbang bskur ba la thug pa'i cho ga byas nas/dri mi zhim pa dang / dri nga ba nag po rnams dang / bil ba dang / arga dang / sngon po dang / phyi dro'i dus su kha 'bye ba dang / 'ol ma se'i me tog la sogs pa rnams dang / sardza ra sa la sogs pa spos rnams dang /nya la sogs pa'i mar khu gsum gyi mar me rnams dang / tsha zhing kha ba la sogs pa'i lha bshos rnams kyis mchod par bya'o/ /de nas mchod yon dang 'thor 'thung dang bsang gtor byas nas/ ljags dang dgang gzar dang blugs gzar gyi kha la rang gi sa bon sngon po 'bar ba rnam par bkod la/rang gi sngags kyi mtha' mar che ge mo mA ra ya u tsa ta ya/ zhes bya ba la sogs pa brjod nas mtha' ni hUM phaT ces bya ba yod pa'i sngags kyis snga ma bzhin du dgang blugs dang / rdzas so so'i sreg blugs phul nas/ bdud rtsi lnga dang bcas pa'i til mar chen po blugs gzar la sogs pas brgya 'am stong ngam dpag tu med pa sbyin sreg bya'o//de ltar rang gi rtog pa las bshad pa'i cho ga rnams kyis ji srid rdzogs kyi bar du sbyin sreg byas la/ rigs kyi snying pos mar khu'i sreg blugs gsum mam bdun nam nyi shu rtsa gcig gis gzi brjid bskyed nas/yang dgang blugs dang mchod yon dbul bar bya'o/ /de nas snga ma bzhin du bsang gtor la sogs pa byas la gsad pa'i don du bskul te bzod par gsol la thams cad byas nas de kho na bzhin du/ rang gi bdag po dang / me lha gshegs su gsol lo/ /de ni mngon spyod mdor bstan pa'o// //las thams cad pa'i thab khung yang zhi ba'i thab khung dang mtshungs te/ 'on kyang pad+ma kha bye ba'i rnam pa can gyi kha khyer dang ldan pa/ rdo rje'i phreng bas bskor ba/ dbus na rdo rje dang rin po che dang pad+ma dang sna tshogs rdo rje'i dbus na gnas pa'i 'khor lo'i phyag rgyas mtshan pa'o//de la sreg rdzas kyi go rims ni zhi ba la sogs pa'i las dang rjes su mthun par byas te/ 'on kyang las thams cad pa'i yam shing ni/ pa la sha dang / prak+sha dang / u dum+WA ra dang / seng ldeng dang / arga dang / n+ya gro d+ha dang / ce kang ka ta dang / a mra dang //sha mi dang / kaSh+ma r+dz+ya dang / a pa marga dang / a shwad+tha las byung ba/ re re zhing rtse mo gcig pa/ drang po mtho gang tsam pa/ bdud rtsi dang bcas pa'i dri zhim po'i chu la sbangs pa/ rtse mo gnyis lo ma dang bcas pa/ rtse mo gnyis mar la smyugs pa rnams so//dkyil 'khor ram lha'i khang par shar phyogs su ni zhi ba'i thab khung dang / dbang du bya ba'i thab khung ngo / /lho phyogs su ni rgyas pa'i'o/ /nub phyogs su ni dgug pa'i'o/ /byang phyogs su ni mngon spyod kyi thab khung ngo / /de ni sbyin sreg gi cho ga'o// //de ltar sbyin sreg gi cho ga bstan nas/da ni slob ma gzhug pa'i phyir/ /rnam par snang mdzad sbyor ba yis/ /zhes bya ba la sogs pa gsungs te/ oM la sogs pa'i yi ge gsum gyis slob ma rnam par snang mdzad du byas la/ gnas ji lta ba bzhin du yi ge gsum po nyid kyis byin gyis brlabs te/ thugs kyi dkyil 'khor las gsungs pa'i cho ga bzhin du sku'i dkyil 'khor bcug la/ de'i thugs ka na gnas pa'i lte ba'i nang na bzhugs pa'i bde ba chen po rnam par bsams te/ de'i rab tu sbyor ba'i bskyod pa las rnam par byung ba'i yi ge AHkha dog dmar po mgo dang lkog ma dang snying ga'i phyogs rnams su zla ba'i dkyil 'khor dmar po la gnas pa bsams la/de las byung ba'i 'od zer dmar po'i tshogs rnams kyis kyang de'i lus kun du khyab par bsam par bya'o/ /rdo rje gzung bar bya zhes bya ba ni/ sku rdo rjes byin gyis brlab par bya'o zhes bya ba'i don to//de nyid nye bar mtshon pa yin te thugs rdo rje la sogs pa'i dkyil 'khor rnams su yang / slob ma yi ge gsum las byung ba'i dkyil 'khor gyi bdag por rnam par bsams la/ yi ge gsum gyis byin gyis brlab pa yang byas te/ yi ge AH'das ma thag pa bzhin du bsam par bya'o//de nyid bstan par bya ba'i phyir/ rgyal chen rdo rje sems dpa' dang / /zhes bya ba gsungs te/ thugs kyi dkyil 'khor gyi bdag po'i gzugs su rnam par bsgoms pa'i slob ma/ dpal rdo rje sems dpas sku la sogs pa byin gyis brlab par brtags la/ gzhan gyi gzugs su yang rnam par bsgom pa yin no/ /de la 'di ni zhes bya ba la sogs pa ni dkyil 'khor chen por gzhug pa'i phyir yi ge lnga pa'i sngags gsungs so/ /'di ni zhes bya ba 'di ni bshad ma thag pa'o/ /de bzhin gshegs pa thams cad kyis 'da' bar mi bya ba nyid yin pa'i phyir dam tshig thams cad do//slob ma sku dang gsung dang thugs kyi bdag nyid can gyi 'dod pa'i lha'i gzugs kyi bdag nyid du byin gyis rlob par byed pa nyid yin pa'i phyir lus dang ngag dang sems kyi snying po'o/ /mi phyed pa'i ye shes kyi bdag nyid yin pa'i phyir rdo rje'o/ / shes pa dang skyob pa'i ngo bo nyid yin pa'i phyir sngags so/ /lnga'i bdag nyid can gyi slob ma'i lkog ma dang mgo bo dang lag pa g.yas pa dang g.yon pa'i rtsa ba dang snying ga rnams su/ go rims bzhin du sems kyi dkyil 'khor la gnas pa'i yi ge re re rnam par bkod la/ de nyid brjod pas 'jug par bya zhing slob ma yang gzhug par bya'o//dbang bskur ba'i don du de la 'di ni zhes bya ba la sogs pa gsungs te/ mi phyed pa'i go 'phang thob par byed pa nyid yin pa'i phyir rdo rje'o/ /rgyud gong ma gong ma rnams las mchog tu gyur pa nyid yin pa'i phyir chen po'o/ / rtog pa'i nyes pa'i dri ma ma lus pa rnam pa thams cad du rab tu 'khrud par byed pa'i phyir chen po'o/ /spyod pa la sogs pa'i tshul la brten pa rnams la bstan par mi bya ba nyid yin pa'i phyir gsang ba'o/ /mchog tu dga' ba'i rang bzhin nyid yin pa'i phyir ye shes mchog tu gsang ba'o/ / de nyid ni sangs rgyas kyi zhes bya ba la sogs pas gsungs te/ skabs 'dir sangs rgyas kun gyis zhes bya ba ni/ de bzhin gshegs pa la sogs pa dkyil 'khor pa rnams kyis so/ /nam mkha'i khams zhes bya ba ni nam mkha'i dbyings nyid do/ /rdo rje'i rigs ni ye shes kyi rigs yin zhing /de 'dzin par byed pa dang skal ba dang ldan pa'i sems can rnams kyang der skyed par byed pas na rdo rje'i rigs 'dzin pa ste/ slob dpon no/ /sil snyan dri'i sprin rnams zhes bya ba 'di ni nye bar mtshon pa yin te/ bde ba chen po dbang bskur ba'i mchod pa'i yo byad thams cad dang ldan pa rnams zhes bya ba'i tha tshig go//rdo rje dam tshig gsum sngags kyis/ /zhes bya ba la sogs pa la/ mthu dang ldan pas yi ge brgya rtsa brgyad mngon par bzlas pa'i nyungs kar dkar po rnams kyis de nyid brjod cing dkyil 'khor pa'i lha'i 'khor lo la gdab par bya'am/bdag nyid de de bzhin gshegs pa la sogs pa dkyil 'khor pa rnams dang / nam mkha'i dbyings na bzhugs pa/ de bzhin gshegs pa thams cad zhu bar gyur pa'i ye shes kyi bdud rtsis gang ba'i bum pa phyag na bsnams pa rnams kyis ji skad bshad pa'i bum pa rnams la 'debs par mdzad pa ste/yi ge gsum gyis bskul ba'i dbang gis bdag nyid dbang bskur bar mdzad do zhes bya ba'i don to/ /rdo rje zhes bya ba la sogs pa la/ rdo rje sems dpa'i ting nge 'dzin gyis zhes bya ba ni bde ba chen po'i ting nge 'dzin gyis so//sangs rgyas zhes bya ba ni de bzhin gshegs pa rnams so/ /dam tshig mchog rnams kyis zhes bya ba ni/ 'phags ma spyan la sogs pa lha mo rnams kyis so/ /'di skad du bstan pa yin te/ dkyil 'khor gyi bdag po gang yang rung ba'i rnal 'byor dang ldan pas bum pa'i nang na bzhugs pa'i sangs rgyas thams cad thabs dang shes rab kyi bde ba chen po'i sems mar gyi bum pa bzhin du zhu nas/ye shes kyi bdud rtsi'i rnam par yongs su gyur par bltas la/ 'phags ma spyan la sogs pa lha mo'i tshogs kyis bzung ba'i bum pa de rnams kyis dkyil 'khor gyi bdag po'i rnal 'byor dang ldan pa'i slob ma lha'i 'khor lo ma lus pa bkod pa la sku la sogs pa byin gyis brlabs pa yang byas la dbang bskur bar bya'o//de nyid bstan pa'i phyir/ rdo rje rnam par snang mdzad bsam/ /zhes bya ba la sogs pa gsungs te/blo brtan pa ste slob dpon gyi sku'i dkyil 'khor du dbang bskur ba'i phyir slob ma sku'i dkyil 'khor gyi bdag por bsam pa'o/ /de la 'di ni zhes bya ba la sogs pas ni/ bum pa la sogs pa'i dbang bskur ba'i dus su brjod par bya ba'i tshigs su bcad pa gsungs te/dbang bskur ba ni bshad zin to/ /bsod nams dang ye shes kyi tshogs sems can rnams kyi rgyud la 'pho bar gyur par byed pas na 'khor lo chen po'o/ /de nyid kyi phyir khams gsum pa'i sems can rnams kyis phyag byas pa'o/ /ji skad bshad pa'i sku dang gsung dang thugs gsang ba'i bdag nyid can yin pa'i phyir gsang ba gsum mo//yang dag par sbyor ba las byung ba nyid yin pa'i phyir rdo rje las byung ba'o/ /sangs rgyas kun la sbyin par bya/ /zhes bya ba ni sangs rgyas la sogs par dmigs pa'i slob ma rnams la'o/ /de la 'di ni zhes bya ba la sogs pas ni dbang bskur ba'i don du slob mas gsol ba gdab par bya ste/byang chub rdo rjes zhes bya ba ni rig ma dang yang dag par ldan pa'i bde ba chen pos so/ /sangs rgyas la zhes bya ba ni rnam par snang mdzad la sogs pa rnams la'o/ /mchod chen ni dbang bskur ba'o//ji ltar stsal ba bzhin zhes bya ba ni/ rnam pa ji lta bur ro/ /bdag kyang mngon par gdon pa'i don du rnam pa de kho na bzhin du/ kye nam mkha'i rdo rje bdag la stsol cig ces bya ba'i don to/ /thugs kyi dkyil 'khor las gsol ba gdab pa la sogs pa go rims bzhin du bshad zin pas de'i phyir yang brjod par mi bya'o//gzhan ni go sla'o/ /lha yi gzugs kyis sbyor ba yis/ /zhes bya ba la sogs pas ni ji skad bshad pa'i slob ma'i snying gar snyoms par 'jug pas bzhugs pa'i rang gi bdag po bsam par bya'o/ /sngags kyi yi ge'i tshig byin la/zhes bya ba ni de'i mig la yi ge oM ye shes 'bar ba dang / dpral bar yi ge raM bsams la/ yi ge lngas mig dbye zhing dkyil 'khor bstan par bya'o/ /de nas zhes bya ba la sogs pa la thugs kyi dkyil 'khor las bshad pa'i cho ga bzhin du slob ma 'dus bya ba sngon du 'gro ba can gyi dam tshig dang sdom pa gzung bar khas len par byed du bcug ste/phyag bzhi bya ba la sogs pa dkyil 'khor du dbang bskur ba la thug pa'i rjes thogs la/ gsang ba'i dbang bskur ba sbyin pa'i dus su dam tshig dang sdom pa dpog par bya'o/ /rdo rje'i lam zhes bya ba ni mi phyed pa'i go 'phang thob par byed pa'o//'di dag gis zhes bya ba ni bshad ma thag pa yis so/ /bskul bar bya zhes bya ba ni de'i snod du rung bar nges par sbyar bar bya'o/ /'di ni zhes bya ba la sogs pa ni shes par zad do/ /sngags kyis bskul ba zhes bya ba la sogs pas ni gsang ba la sogs pa'i dbang bskur ba'i tha mar/da ni dkyil 'khor slob dpon zhes bya ba la sogs pa yid du 'ong ba brjod pa'i rjes thogs pa/ bskyed pa dang rdzogs pa'i rim pa gang yang rung ba'i ting nge 'dzin bsgom pa sbyin pa sngon du 'gro ba can gyis dkyil 'khor du bzlas pa byas la/bcom ldan bdag gis stsal lags kyis/ /zhes bya ba la sogs pa sngags kyis bskul ba brjod pa'i sgo nas sngags sbyin pa bstan to/ /gsang ba zhes bya ba ni gsang ba'i dbang bskur ba'o/ /brtsam par zhes bya ba ni sman sbyin pa la sngon du'o//rdo rje blo can te mi phyed pa'i blo dang ldan pa the tshom med pa'i slob ma ji lta ba bzhin du dkyil 'khor du bcug la/ sngar mngon par 'dus byas shing dung phor chen po na gnas pa'i bdud rtsi lnga yi ge oM gyi 'bar ba las byung bar bsams nas zar gzhug go//rnam pa 'di bzhi gsang chen te/ /zhes bya ba ni mA ma kI la sogs pa lha mo bzhi'o/ /de nyid kyi phyir mi bskyod pa la sogs pa rnams dang 'brel pa yin zhing / nyan thos la sogs pa rnams bstan par bya ba ma yin no/ /de nyid ni/ sngags kyi 'khor lo bud med gzugs/ / zhes bya bas rnam par 'grel te/ rang gi rigs kyi dkyil 'khor rnams na bdag por gyur pa'i lha mo'i gzugs 'gro ba ma lus pa'i don bya ba'i spyod pas rnam par gnas pa rnams so zhes bya ba'i don to/ /de la 'di ni zhes bya ba la sogs pas ni dkyil 'khor gyi lha thams cad mnyes par bya ba'i gsang ba gsungs so//glang po'i sha la sogs pa bdag nyid kyang bza' zhing lha rnams la yang dbul bar bya'o/ /de ltar byas na ji skad bshad pa'i bka' bzhin byed pa la mgon po ste dkyil 'khor gyi bdag po thams cad mnyes par 'gyur ro/ /yid ches pa med pa dbang du byas nas/yid ches bya ba la sogs pa gsungs te/ bshang gci zhes bya ba la sogs pas ni/ mthu thob pa'i slob dpon gyis sngar mngon par 'dus byas pa'i bdud rtsi lnga la/ rdo rje gsang ba'i tshig yi ge oM gyi 'bar ba lngas khyab par bsams na ji skad bshad pa bzhin du 'gyur bar bstan to//gzhan ni bshad zin to/ /ji skad bshad pa'i cho ga bzhin du dbang bskur ba'i slob ma rnams la dngos grub thams cad bsgrub pa nye bar bstan par bya ba yin pas de'i phyir dngos grub ces bya ba la sogs pa gsungs te/ dngos grub thams cad ces bya ba ni/ mi snang ba la sogs pa'i dngos grub rnams so/ /dam tshig chen po ni lha thams cad kyi bdag nyid can gyi dpal rdo rje sems dpa' ste/ de'i sgrub pa ni dam tshig chen po sgrub pa'o/ /sangs rgyas byang chub nyid kyang zhes bya ba ni/ rdo rje 'chang chen po la sogs pa'i 'bras bu yang ngo / / nan tan du ni bsgrub par bya/ /zhes bya ba ni g.yeng ba med pa'i rnal 'byor gyis so/ /mi snang ba ni bshad zin to/ /stobs ni mngon par 'dod pa'i don sgrub pa'i mthu nyid do/ /brtson 'grus ni nyin dang mtshan du rtsom pa'o/ /rdo rje dgug pa bshad zin to/ /de ni nye bar mtshon pa yin te/mngon par shes pa la sogs pa dngos grub thams cad dkyil 'khor du zhugs shing dbang bskur ba man ngag thob pa'i dkyil 'khor sgom pa pos bsgrub par 'gyur ro zhes bya ba'i don to/ /mtshan ma thob pas rnal 'byor pas bshang gci dang sha chen cha mnyam par byas te/ kham por kha sbyar du bzhag la yi ge gsum gyis mngon par 'dus byas te/ de nyid dang rang gi sngags bzlas na ji skad bshad pa bzhin du 'gyur ro/ /de la 'di ni zhes bya ba la sogs pas ni phyag na rdo rje la sogs pa'i gzugs can gyi sngags gzhug pa sgrub pa gsungs te/ hrIHni 'bar ba 'od bzang po'o//zhes bya ba ni 'od zer lnga 'bar ba'o/ /nam mkha' rdo rje'i dbus su zhes bya ba ni/ btsun mo'i pad+ma'i dbus su'o/ /nam mkha'i khams zhes bya ba ni nam mkha'i dbyings so/ /gzhan ni shes par zad do/ /de yi sku gsung thugs kyi gnas/ /zhes bya ba ni/ de bzhin gshegs pa rnams dang 'brel pa'o/ /der ni sngags kyis gdab par bya/ /zhes bya ba ni/ yi ge hri la'o/ /sku dang gsung dang thugs kyi sngags/ /rdo rje byin gyis brlab pa'i tshig /ces bya ba ni de bzhin gshegs pa thams cad kyi sku dang gsung dang thugs kyi rang bzhin no//A khaM d+hI zhes bya ba yi ge gsum ni des mtshan pa'i sgo nas phyag na rdo rje la sogs pa'i gzugs can gyi mngag gzhug pa bskyed pa'i rgyu yin zhing / man ngag gzhug pa'i gzugs su grub pa'i sku dang gsung dang thugs byin gyis brlab pa yang de nyid kyis bya'o//gsang ba'i gnas gzhag go zhes bya ba la/ phyag na rdo rje'i gzugs can gyi mngag gzhug pa'i mgo la ni nyi ma'i dkyil 'khor la bzhugs pa'i mi bskyod pa ji lta ba bzhin du bsam par bya'o/ /de bzhin du phyag na pad+mo'i gzugs can gyi mgo la 'od dpag tu med pa dang /de bzhin du gzhan gyis mi thub pa'i gzugs can gyi spyi bor ni rnam par snang mdzad bsam par bya'o/ /de nyid ni/ nyi ma'i dkyil 'khor dbus gnas par/ /zhes bya ba la sogs pas bstan to/ /thams cad snying pos bskul bar bya/ /zhes bya ba ni/ ji skad bshad pa'i mngag gzhug pa rnams so//'od chen zhes bya ba ni de rnams kho na la'o/ /sdug bsngal chen po yis zhes bya ba ni 'chad par 'gyur ba rnams kyis so/ /de la 'di ni zhes bya ba la sogs pas ni rdo rje mngag gzhug pa thams cad bskul ba'i snying po gsungs so/ /mdung rtse che zhes bya ba la sogs pa'i tshig rnams kyis ni rang gi lag na gnas pa'i yi ge a las byung ba'i mdung dang lcags kyu la sogs pa rnam pa sna tshogs pa rnams kyis de rnams kyi thugs kar gdab pa ston to//cho ga 'dis bskul bas rang mngon par 'dod pa'i mngag gzhug pa 'grub par 'gyur te/dngos grub de'i sgo nas phyis rdzogs pa'i byang chub kyang 'grub par 'gyur ro zhes bya ba'i don to/ /nyams dga' zhes bya ba la sogs pas ni mngag gzhug pa sgrub pa'i gnas gsungs te de ni shes par zad do/ /zla ba phyed ni tshun chad kyis/ /zhes bya ba la sogs pas ni/'di skad du bstan pa yin te/ ji skad bshad pa'i dam tshig dang sdom pa la gnas pa'i rnal 'byor pa rdo rje sems dpa' la sogs pa gang yang rung ba'i rnal 'byor dang ldan pa/ phra mo'i rnal 'byor sgom pa'i sgo nas sems brtan par byas pa'am/ bzlas pa mang po sngon du 'gro ba can gyi lhas rjes su gnang ba'i sgo nas bzlas pa 'bum byas pa yang mngag gzhug pa bsgrub pa'i rjes su gnang ba thob pas/ri la sogs pa'i gnas snga ma bzhin mngon par 'dus byas par sgrub thabs las bshad pa'i cho ga bzhin du/ dpal rdo rje sems dpa' dang gsung rdo rje dang sku rdo rje rnams las gang yang rung ba'i rnal 'byor byas la/de kho na bzhin du rjes su rnal 'byor dang shin tu rnal 'byor mchod pa'i cho ga la thug par byas te/ lha mo'i tshogs rang gi rig ma'i pad+mar bcug la/ 'dod chags kyi mes zhu bas zla ba'i dkyil 'khor gyi rnam par yongs su gyur par bsam par bya'o//de nas zla ba'i dkyil 'khor de la ji skad bshad pa'i yi ge hrI mgo gyen du bltas pa bsams la de las byung ba'i 'od zer tshogs rnams kyis nam mkha'i dbyings khyab pa'i de bzhin gshegs pa thams cad la kun du reg nas de rnams kyi sku dang gsung dang thugs A khaM d+hI zhes bya ba yi ge gsum gyi bdag nyid can bsdus te/yi ge hrI la bcug la/ de gyur par byas nas/ phyag na rdo rje dang 'jig rten dbang phyug dang gzhan gyis mi thub pa rnams las/ gang yang rung ba'i mngag gzhug pa'i gzugs bskyed la/yi ge gsum po de nyid kyis de'i lus dang ngag dang sku rdo rje la sogs pa'i rang bzhin du byin gyis brlab ste/ de nyid brjod cing phyung la/ mdun na thal mo sbyar te 'dug par bsams te/ de'i mgo bor gsang ba'i gnas bsam la/ lag pa na gnas pa'i mdung la sogs pa ji skad bshad pa rnams kyis mngag gzhug pa'i snying gar gdab cing thun bzhir bsgoms na/gdon mi za bar zla ba phyed kyi tshun chad kho nas mngag gzhug pa 'grub par 'gyur ro zhes bya ba'i don to/ /ri rab sum cu rtsa drug gi/ /zhes bya ba la sogs pa ni go sla'o//'da' bar bya ba ma yin zhing mi phyed pa'i mngag gzhug pa sgrub pa ston par mdzad pa'i phyir dam tshig rdo rje bzhad pa chen po ste dpal rdo rje sems dpa'o/ /de la 'di ni zhes bya ba la sogs pas ni dkyil 'khor du rdo rje sems dpa' la sogs pa gang yang rung ba'i rang bzhin can gyi bdag nyid dgod pa dang /mngag gzhug pa bskyed pa'i gzugs su bskyed pa'i lus dang ngag dang sems rnam par dgod pa yang byas la bskul bar bya'o zhes bstan pa yin no/ /de la 'di ni zhes bya ba la sogs pas ni sbyor ba gzhan gsungs te/mi phyed pa'i me long lta bu la sogs pa'i ye shes lnga'i bdag nyid can gyi dkyil 'khor ni rdo rje ye shes 'khor lo ste/ der mngag gzhug pa sgrub pa 'da' bar mi bya ba'i don shes shing rtogs par byed pas na dam tshig gi tshig go/ /de ni rnam pa bzhi ste/ dam tshig bskul ba zhes bya ba ni yi ge a las byung ba'i lcags kyu 'bar ba la sogs pa rang gi lag na gnas pa rnams kyi snying gar gdab cing A khaM d+hI zhes bya ba brjod pas bskul ba'o//dam tshig gtong ba zhes bya ba ni khro zhing sngo la 'bar ba'i sku can gyi de bzhin gshegs pa thams cad spros la/de rnams kyis yan lag thams cad gang bar yang dang yang du bsam pa'o/ /dam tshig bod pa ni dngos grub kyi don du sngags brjod pa sngon du 'gro ba can gyis bskul ba'o/ /dam tshig bcing ba ni grub pa'i mngag gzhug pa'i rang gi bsgo ba la nges par sbyar ba'o/ / mkha' dbyings rgya chen zhes bya ba la sogs pas ni/ dngos po med pa yang gzugs can du byed do zhes phul du byung ba bstan pa'i sgo nas sgrub pa po rnams yid ches par bya ba nyid gsungs so/ /bcom ldan 'das gang la sangs rgyas thams cad bu gcig pa dang 'dra ba yod pa de la de skad ces bya ba'am/sangs rgyas thams cad kyi rdul phra rab kyis bskyed pa nyid yin pa'i phyir ro/ /da ni 'phags pa 'jam pa'i rdo rje'i rnal 'byor gyi dbang du bya ba/ sangs rgyas zhes bya ba la sogs pa gsungs te go sla'o/ /rdo rje 'jam pa stobs po che/ /nam mkha' rdo rje dbus su bsam//zhes bya ba ni/ ji skad bshad pa'i chos 'byung gi nang du chud pa'i rang gi dkyil 'khor gyi dbus na 'dug pa'i pad+ma dmar po'i steng gi zla ba la bzhugs pa'i 'jam pa'i rdo rje sku mdog dmar po chags pa'i bsam pa can/ de'i rang bzhin can gyi lha'i 'khor los yongs su bskor bar sgrub thabs kyi tshul bzhin du bsam par bya'o//mda' lnga'i sbyor ba dag gis ni/ /zhes bya ba la/ mda' lnga'i sbyor ba ni gzhu dang / lhan cig sbyor ba de 'dzin par byed pas na mda' lnga'i sbyor ba ste de yis so/ /'di skad du bstan pa yin te/ myos par byed pa dang / rmongs par byed pa dang / gdung bar byed pa dang / brgyal bar byed pa dang / mi 'gul bar byed pa'i rang bzhin can/ yi ge maM las byung ba/ kha dog dmar po stong gi cha'i yi ge oM gyis mtshan pa/ smyug ma'i cha'i yi ge AHyis mtshan pa/ yi ge hUM gis mtshan pa'i ut+pa la dmar po kha ma bye ba lta bu'i mde'u'i cha dang ldan pa'i mda' lnga rna rtsa'i bar du bkang ba'i gzhu bsnams pa'i 'phags pa gshin rje mthar byed sku mdog dmar po rjes su chags pa'i bsam pa dang ldan pa/byis pa'i gzugs can rnams rang gi spyi bo na bzhugs pa'i 'od dpag tu med pa dang yang dag par sbyor ba las spro bar bya'o//gnas lnga dag tu zhes bya ba ni/ sangs rgyas la sogs pa rnams kyi mgo dang snying ga dang lte ba dang gsang ba dang rkang pa'i mthil lo/ /rdo rje khro bos rab tu dbab/ /ces bya ba la rigs brjod par 'dod pa'i sgo nas gcig gi tshig can du byas te/des na ji lta ba bzhin du spros pa'i 'phags pa gshin rje gshed rnams kyis ji skad bshad pa'i mda' rnams kyis go rims bzhin du bshad ma thag pa'i gnas rnams su dbug par bya'o zhes bya ba'i don to/ /sngangs shing brgyal bar bsgom pa ni//zhes bya ba ni rang gi bshad pa'i dam tshig las 'das pa'i 'jigs pas sngangs shing gnas skabs dgu pa thob pa'o/ /byis pa'i blo ni grags chen gyis/ /zhes bya ba la sogs pa 'phags pa 'jam dpal gyi cod pan las byung ba'i 'phags pa gshin rje'i gshed rnams kyis so//bsam gtan zhes bya ba la sogs pas ni sems brtan pa la sogs pa snga ma bzhin du bstan to/ /gsang ba bskul ba dag tu zhes bya ba ni bshad ma thag pa rnams su'o/ /sngags rnams zhes bya ba la sogs pa ni bshad zin to/ /mi phyed pa'i nges par 'byed pa'i shes rab kyi 'bras bu 'jam pa'i rdo rje'i ting nge 'dzin ston par mdzad pas na rdo rje don gyi blo ste dpal rdo rje sems dpa' de yis so//sangs rgyas zhes bya ba la sogs pa ni nye bar mtshon pa yin te/ sems can rnams kyang ting nge 'dzin de nyid kyi sgo nas dbang du bya'o/ / thugs rdo rje'i rnal 'byor gyis kyang dbang du bya ba sgrub pa yin pas/ de'i phyir dkyil 'khor zhes bya ba gsungs te/ sangs rgyas rnams kyi dkyil 'khor ni sangs rgyas dkyil 'khor te de nyid mchog yin no/ /dang po'i rdo rje rtse lnga pa dmar skya skyed pa'i sngags ni rdo rje'i sngags te/ yi ge hUM yin zhing yi ge oM la sogs pa gang dag la de nyid sngon na yod pa de dag la de skad ces byas te de rnams kyis so/ /rdo rje gsum la sogs pa bsgom/ /zhes bya bas ni 'di skad bstan pa yin te/ yi ge gsum la sogs pa rnams kyis 'jam pa'i rdo rje bzhin du thugs rdo rje la sogs pa sku mdog dmar po rjes su chags pa'i bsam pa la sogs pa dang ldan pa rnams rnam par bsgoms la/de kho na bzhin du rang gi spyi bo na bzhugs pa'i rang gi bdag po las gnod mdzes rgyal po la sogs pa rang gi rigs kyi khro bo rnams spros nas sangs rgyas la sogs pa rnams dbang du bya'o//oM ni zhes bya ba ni gdong g.yogs dgrol ba na mig gnyis su yi ge oM bsams la/ dkyil 'khor bstan par bya ba'o/ /cho ga bzhin du zhes bya ba ni kye rdo rje ltos shig ces bya ba la sogs pa'i cho gas so/ /sngags rnams kun gyi zhes bya ba la sogs pa la/sngags rnams kun gyi zhes bya ba ni lha thams cad kyi'o/ /gzugs dag ces bya ba ni sgyu ma lta bu la sogs pa snang ba tsam gyi sku lta bas chog mi shes pa'o/ /dkyil 'khor pa gang dag la sku gsum dang rdo rje gsum yod pa ni sku gsum rdo rje can te de rnams mthong ba'o//bkres skom la sogs zhes bya ba la sogs pas ni sgrub pa po la sogs pa la zhugs pa'i bkres pa la sogs pa spong ba'i rnal 'byor gsungs te/ gzhan ni go sla'o/ /don rnams thams cad 'byor zhes bya ba ni/ ro rnam pa tha dad pa dang ldan pa'i bsam gtan gyi zas dang /skom la sogs pa'i 'byor ba sgrub par byed pa'o/ /ba ni kha'i nang du zhes bya ba ni/ bum pa bzang po'i gzugs ser po rang gi mchu la mngon du phyogs par ro/ /oM ni lce la 'dug par zhes bya ba ni de'i rang bzhin du gyur pa'i lce'i rnam par ro/ / bza' bar bya ba kun gyi gnas ni/ bde ba thams cad ster ba sgrub par byed pa'o/ /yid bzhin nor bus brgyan pa ste/ /zhes bya ba ni de'i kha zla ba phyed pa lta bu'i kha gab kyi cung zad bkab cing / de'i zhabs la gnas pa'i rjes su 'jug pa'i dbyangs las byung ba'i byang chub kyi sems rin po ches kyang brgyan pa'o//bsam gtan gyi zas nyid yin pa'i phyir zhi ba'o/ /bkres pa la sogs pa 'joms pa'i sdug bsngal thams cad sel ba'o/ /mi phyed pa'i ye shes las byung ba nyid yin pa'i phyir ye shes rdo rje las byung ba'o/ /ji ltar mngon par 'dod pa'i zas la sogs pa sgrub par byed pa'i rnal 'byor ston par mdzad pas na yid bzhin nor bu rdo rje ste dpal rdo rje sems dpa'o//de bzhin gshegs pa dpa' bo rdo rje'i ting nge 'dzin yin pa'i phyir/ de nas bcom ldan 'das zhes bya ba la sogs pa gsungs te/ bdud bzhi pham par mdzad pa dang //mi phyed pa'i re bzhin nyid kyi gnyis su med pa'i ye shes thugs su chud pa'i phyir dpa' bo chen po rdo rje de bzhin gshegs pa'o/ /mi phyed pa'i ting nge 'dzin gyi rgyu yin pas na rdo rje bsgom pa'i tshig gi mchog ste/ yi ge d+hI phyung ngo / /sangs rgyas dkyil 'khor zhes bya ba la sogs pa ni snga ma bzhin no//rdo rje sku gsum sbyor ba yis/ /zhes bya ba ni rnam par snang mdzad bskyed pa'i tshul gyis so/ /'di skad du bstan pa yin te/ ji skad bshad pa'i rang gi dkyil 'khor na bzhugs pa'i rdo rje 'chang chen po'i rnal 'byor dang ldan pas/de kho na bzhin du rjes su rnal 'byor la sogs pa cho ga thams cad byas la/ rang gi rig ma'i pad+ma na gnas pa'i byang chub sems kyi zla ba la yi ge d+hI rnam par bkod de/ de las byung ba'i 'od zer gyi tshogs rnams kyis nam mkha'i dbyings thams cad khyab pa'i de bzhin gshegs pa thams cad la kun du reg nas/de bzhin gshegs pa rdo rje dpa' bo chen po'i rnam par bsams la/ bsdus te yi ge d+hI bcug la/ thams cad gyur par byas nas bdag nyid de bzhin gshegs pa rdo rje dpa' bo chen por bsam par bya'o/ / de ji lta bu zhe na/ rgyan rnams thams cad ces bya ba la sogs pa gsungs te/ cung zad ser ba rdo rje 'gying / /zhes bya ba la/ rtsa ba'i zhal dang sku ni gser gyi mdog can no/ /zhal g.yas pa dang g.yon pa ni sngon po dang dkar po'o/ /lhag ma cod pan dang rgyan dang mtshon cha dang gdan dang 'od rnams ni rnam par snang mdzad dang mtshungs pa'o//ting nge 'dzin gang la yi ge d+hI las byung ba'i 'od zer spros pa'i rlabs kyi phreng ba rnams kyis nam mkha' khyab pa'i de bzhin gshegs pa rdo rje dpa' bo chen po'i gzugs can rnams bsdus nas/ de bzhin gshegs pa rdo rje dpa' bo chen por bskyed pa yod pa de la de skad ces bya'o//de mngon sum du mdzad nas so/ /rdo rje chen po bsgom pa'i tshig ni mi phyed cing phul du byung ba'i ting nge 'dzin gyi rgyu'o/ /'di zhes bya ba ni thugs la gnas pa ste/ de nyid kyi sku la sogs pa las phyung ngo / /nyi ma'i dkyil 'khor zhes bya ba la sogs pa ni 'das ma thag pa bzhin no//rdo rje 'chang chen po'i nga rgyal dang ldan pas rang gi rig ma'i pad+ma na gnas pa'i byang chub kyi sems kyi nyi ma la yi ge tsuM kha dog dkar po rnam par bkod la/ de las byung ba'i 'od zer gyi tshogs rnams kyis nam mkha' khyab pa'i de bzhin gshegs pa'i sprin rnams la kun du reg ste/'phags pa skul byed ma'i gzugs su yongs su gyur par byas nas/ yang de rnams bsdus te rang gi sa bon la gzhug par bya'o/ /de nas de gyur par byas te yi ge gsum gyi byin gyis brlabs pa'i 'phags ma skul byed ma bsams la/yi ge tsuM nyid brjod cing phyung ste/ de 'gro ba rnams zhi bar byed du bcug la/ de bkug ste rang gi lus la bcug la/ thams cad gyur par byas nas bdag nyid 'phags ma skul byed mar bsam par bya'o/ /de ci lta bu zhe na/ rgyan rnams thams cad ces bya ba la sogs pa gsungs te/rnam pa thams cad du sangs rgyas spyan sku mdog dkar po dang mtshungs te/ 'on kyang rtsa ba'i phyag gnyis na par bu dkar po bsnams pa dang / nyi ma'i gdan dang 'od dang ldan pa dang / rdo rje 'chang chen po'i dbang bskur ba dang ldan pa'o//de nyid ni/ rdo rje sems dpa' rgyal po che/ /bsams la zhes bya bas bstan te/ mgo bo'i steng du dbang bskur ba'i don du'o/ /sngags kyi tshig dgod do zhes bya ba ni ye shes kyi lha mo'i thugs kar zla ba la yi ge tsuM rnam par bkod nas/ phung po byin gyis brlab pa la sogs pa snga ma bzhin du bya ba'o//gang la yi ge tsuM las byung ba'i 'od zer gyis rdo rje gsum gyi bdag nyid can gyi 'phags ma skul byed ma bskyed pa yod pa de la de skad ces bya'o/ /de nas zhes bya ba la sogs pa la sems can rnams kyi mngon par 'dod pa'i don la/mngon par 'dod pa'i rnam pa ni bsam pa thams cad do/ /de'i don gyi rdo rje'i longs spyod ni 'gro ba ma lus pa'i bsam pa yongs su rdzogs par byed cing mi phyed pa'i 'phags pa dzaM b+ha la'i sku ste de skyed par byed pa'i sems rtse gcig pa ni ting nge 'dzin yin zhing / de la snyoms par zhugs nas so//'phags pa dzaM b+ha la'i ting nge 'dzin dang / de'i dkyil 'khor bskyed pa'i sa bon ni ting nge 'dzin 'khor lo'i tshul lo/ /'di zhes bya ba ni thugs la gnas pa ste/ de nyid kyi sku la sogs pa las phyung ngo / /sangs rgyas dkyil 'khor ro zhes bya ba ni rdo rje 'chang chen po'i dkyil 'khor te de nyid dam pa'o//nam mkha' rdo rje'i dbus su zhes bya ba ni/ btsun mo'i pad+ma'i dbus su'o/ /gnod sbyin chen po bskyed par bya/ /zhes bya ba ni 'di skad du bstan pa yin te/ btsun mo'i nam mkha'i dbyings su yi ge dzaM gyis 'phags pa dzaM b+ha la'i dkyil 'khor bskyed la/de'i dbus su pad+ma'i steng gi zla ba'i gdan la bzhugs pa'i rdo rje 'chang chen po'i nga rgyal dang ldan pas de kho na bzhin du rjes su rnal 'byor la sogs pa cho ga thams cad byas te/ rang gi rig ma'i pad+ma na gnas pa'i byang chub sems kyi zla ba la/zla tshes dang thig le dang rtse mo 'bar ba dang ldan pa'i dzaM ser gyir bsams la/ de las byung ba'i 'od zer ser po'i tshogs rnams kyis nam mkha'i dbyings khyab pa'i de bzhin gshegs pa rnams la kun du reg ste/ 'phags pa dzaM b+ha la'i rnam par yongs su gyur par byas nas bsdus nas/yi ge dzaM de la bcug la/ de gyur par byas nas 'phags pa dzaM b+ha lar bskyed la/ yi ge gsum gyis byin gyis brlabs te/ yi ge dzaM snying brjod cing phyung la/ de rin po che la sogs pa'i char rnams kyis sems can gyi khams 'byor pa chen po'i gnas la 'og tu bcug ste/de bkug nas/ rang gi lus la bcug ste bdag nyid 'phags pa dzaM b+ha lar bsam par bya'o/ /de nas bshad ma thag pa bzhin rig ma'i pad+ma'i zla ba las yi ge dzaM las byung ba'i 'phags pa dzaM b+ha la sa bon gsum gyis mtshan pa phyung la/ mdun na 'dug pa'i pad+ma'i steng gi zla ba'i gdan la mngon du phyogs par gnas par bsam par bya'o/ /de nas rang gi lag pa g.yon pa la/ yi ge a dang paM dag las pad+ma dang zla ba dag bsams te/ de la ji skad bshad pa'i yi ge dzaM rnam par bkod la/ de las byung ba'i 'od zer rnams kyis 'phags pa dzaM b+ha la'i rnam pa can gyi de bzhin gshegs pa thams cad bsdu ba dang gzhug pa'i sgo nas 'phags pa dzaM b+ha lar bskyed par bya'o//de ji lta bu zhe na/ zhi ba gnod sbyin gzugs 'dzin pa/ /zhes bya ba la sogs pa gsungs te/ bong thung zhing gsus pa che ba/zhal gsum pa phyag drug pa/ sku mdog ser po/ zhal g.yas pa dang g.yon pa sngon po dang dkar po mnga' ba/ 'phags ma nor 'dzin ma dang snyoms par zhugs pa/ rdo rjes mtshan pa'i sa bon gyis gang ba'i 'bras bu dang bcas pa'i g.yas pa'i rtsa ba'i phyag gis 'khyud pa/dril bus mtshan pa'i ne'u le dang bcas pa'i g.yon pas rig ma'i nu ma g.yon pa 'dzin pa/ g.yas pa dag na 'khor lo dang pad+ma bsnams pa/ g.yon pa dag na nor bu dang ral gri bsnams pa/ ral pa'i cod pan dang ldan pa/ zhi ba/ rdo rje 'chang chen po'i dbang bskur ba dang ldan pa/pad+ma'i steng gi zla ba'i gdan la skyil krung phyed pas bzhugs pa/ zhabs g.yas pa bum pa bzang po la gzhag pa'o/ /nor 'dzin ma yang de dang 'dra ste/ 'on kyang g.yas dang g.yon pa'i rtsa ba'i phyag dag na mchod sbyin dang 'bras kyi snye ma bsnams la/sgeg pa'i sku can/ me tog sna tshogs bcings pa'i do ker can/ dkon mchog dpal gyi dbang bskur ba dang yang ldan pa'o/ /sangs rgyas lnga yi cho ga yis/ /gnas lnga dag tu rnam bsgom bya/ /zhes bya ba la mgo dang snying ga dang lte ba dang gsang ba dang rkang pa'i bar du go rims bzhin du zla ba dang nyi ma dang rin po che dang pad+ma dang 'od kyi dkyil 'khor ser po la gnas pa'i/oM hUM swA A hA/ zhes bya ba gser gyi mdog can rnams kyis rnam par snang mdzad dang mi bskyod pa dang dkon mchog dpal dang 'od dpag tu med pa dang don yod par grub pa/rang gi rig ma dang gnyis su med par gyur pa/ lha mo bzhis yongs su bskor ba/ thams cad kyang sku mdog ser po dang ldan pa rnams rang dang mdun na 'dug pa dang / lag pa na gnas pa'i dzaM b+ha la'i lus dang nor 'dzin ma'i lus la bsam par bya'o zhes bya ba ni man ngag yin no//de la rdo rje bdud rtsi chu/ /bsam gtan gnas la 'dug pas dbul/ /zhes bya ba la rang gi dbang bskur ba'i gnas na bzhugs pa'i rdo rje 'chang chen po sku mdog kun du ser po'i yang dag par sbyor ba las byung ba'i byang chub kyi sems kha dog ser po yi ge dzaM gyis mtshan pas/bdag nyid kun du bkang ste/ yi ge dzaM gyis mtshan pa de rang gi yang dag par sbyor ba las kun du phyung la/ lag pa na gnas pa'i dbang bskur ba'i rdo rje 'chang chen po'i smin mtshams kyi mdzod spu nas bcug ste/ de yang de kho na bzhin du phyung nas/'phags pa dzaM b+ha la kun du bkang ste/ yang phyung nas mdun na gnas pa'i dbang bskur ba'i dpal rdo rje sems dpa'i cod pan du bcug ste/ yang dag par sbyor ba las byung ba'i ye shes kyi bdud rtsi gser gyi mdog can gyi yi ge dzaM gyis mtshan pas 'phags pa dzaM b+ha la kun du gang bar byas par yang dang yang du bsam par bya'o//phyi rol gyi bdud rtsi lnga 'am/ chu'ang mos pa 'di nyid kyi sgo nas dbul bar bya'o/ /cho ga yis zhes bya ba ni yi ge hUM gis so/ /de ltar byas na zhes bya ba la sogs pa ni go sla'o/ /rdo rje ni dpal rdo rje sems dpa'o//de nyid phyag rgya dang lhan cig bzhugs pas na phyag rgya dang bcas pa'o/ /de'i yang dag par sbyor ba las byung ba'i dbang bskur ba sbyin pa'i sgom pa'i sgo nas rdzas kyi don du/ 'phags pa dzaM b+ha la mnyes par bya ba yin pas na rdzas mnyes pa'o/ /de nyid ni yid bzhin gyi nor bu'i rgyal mtshan bsgreng ba bzhin du 'gro ba ma lus pa'i mngon par 'dod pa'i don sgrub par byed pa'i phyir tog ste gang la de'i dpal de yongs su dag pa'i nor thams cad 'byor ba'i rang bzhin yod pa de la de skad ces bya'o//de nas zhes bya ba la sogs pa la/ dpal rdo rje sems dpa' la sogs pa'i rnal 'byor pa rnams 'dod pa'i yon tan lnga la nye bar longs spyod pa'i dpal ni gnod sbyin ma ste/ de la dmigs pa dang / de'i ming can gyi ting nge 'dzin la de skad ces bya'o/ /gnod sbyin ma thams cad kyi rdo rje dam tshig ni skyed pa'i sa bon no/ / nam mkha'i rdo rje'i dbus gnas bsam/ /zhes bya ba la/ mdun na 'dug pa'i nam mkha' la rin po che sna bzhi'i rang bzhin can 'byung bar 'gyur ba'i gnod sbyin ma'i gnas/ shar shel las byas pa/ lho in+d+ra nI la'i mdog can/ nub pad+ma rA ga dmar po dang ldan pa/ byang ma ra ka ta'i rang bzhin can dbus bai DUr+ya'i rnam pa can bsam mo zhes bya ba man ngag yin no//kun du 'khrigs zhes bya ba ni dus thams cad pa'i me tog la sogs pa mchod pa rnams kyis khyab pa'o/ /rdo rje gsum gyi sbyor bas dbab/ /zhes bya bas ni 'di skad du bstan pa yin te/ ji skad bshad pa'i rang gi dkyil 'khor dbus na bzhugs pa'i rdo rje rtse gsum gyi bdag nyid can gyi 'phags pa 'jam dpal gyi rnal 'byor dang ldan pas mdun na 'dug pa'i bshad ma thag pa'i gnas kyi dbus na gnas pa'i pad+ma dang zla ba ser po'i steng du zla tshes dang thig le dang rtse mo dang ldan pa'i yi ge k+ShiM rang mngon par 'dod pa'i gnod sbyin ma dang rjes su mthun pa'i mdog can bsams la de las byung ba'i 'od zer rnams kyis nam mkha' kun du gang ba'i spyan la sogs pa'i lha mo'i tshogs rnams la kun du reg ste/mngon par 'dod pa'i gnod sbyin ma'i gzugs su byas nas bsdus te yi ge k+ShiM la bcug la thams cad gyur par byas nas mngon par 'dod pa'i gnod sbyin ma'i rig ma gcig tu bskyed par bya'o//de la re zhig bcom ldan 'das ma'i gzugs la sogs pa mngon par brjod par bya ste/ gser gyi mdog can lha'i bud med kyi cha byad 'dzin pa/ na tshod gzhon pa sgeg pa'i ro dang ldan pa/ yan lag gtsang ba/ ne tso'i mdog can gyi gos gyon pa/ rgyan thams cad kyis rnam par brgyan pa/ lag pa g.yas pas gdugs dkar po 'dzin pa/ g.yon pas dpag bsam gyi shing la brten pa/ bzhin g.yo zhing 'dzum pa dang bcas pas rnam par sgeg pa/mgo la me tog kha dog sna lnga las byas pa'i me tog gi phreng ba phyed 'phyang ba bcings pa/ dpag bsam gyi shing la sogs pas nye bar spras pa'i rin po che'i ri'i phug gi nang na gnas pa'i pad+ma dang zla ba ser po'i stan la 'dug pa bsam par bya'o/ / sa bon 'di ni gnod sbyin ma thams cad kyi thun mong pa yin te/ de'i phyir gnod sbyin ma gzhan rnams kyang dpal 'byung po 'dul ba la sogs pa las gzugs la sogs pa shes par byas nas bsgrub par bya'o/ /rdo rje las gsum bye brag gis/ /zhes bya ba la/ 'jam dpal gyi rnal 'byor dang ldan pas rang gi snyoms par 'jug pa las dpal gshin rje mthar byed phyung ste/de'i spyi bor byang chub kyi sems kyi rgyun gyis dbang bskur ba rab tu ster ba lta zhing / rang gi snying ga'i zla ba la gnas pa'i sngags kyi phreng ba rang gi kha nas byung ba de'i kha ru bcug la/ snying ga na gnas pa'i pad+ma'i steng gi zla ba la rnam par bkod nas/ de dang lhan cig rdo rje dang pad+ma yang dag par sbyor ba bya'o/ /de nyid ni/ rdo rje 'jam pa'i ting 'dzin gnas/ /zhes bya ba la sogs pas gsungs so/ /gang la gnod sbyin ma thams cad bskyed pa la thun mong du gyur pa nyid yin pa'i phyir/gnod sbyin ma thams cad mnyam pa nyid de sa bon las byung ba'i 'od zer rnams kyis gnod sbyin ma thams cad kun nas bsdus te gnod sbyin ma gcig tu bskyed pa yod pa de la de skad ces bya'o/ /de nas zhes bya ba la sogs pa la/ gang la rdo rje thams cad de lha thams cad kyi sngags kyi rnam par 'phrul pa ste/ sku dang gsung dang thugs rnam par dag pa la dmigs pa rdo rje ltar mi phyed pa yod pa de la de skad ces bya'o/ /rnam par snang mdzad la sogs pa'i phyag rgya chen po grub pa rnams ji lta bur 'gyur zhe na/lus dang zhes bya ba la sogs pas gsungs te/ sangs rgyas gzugs 'dzin 'od bzang po ni de bzhin gshegs pa'i 'od kyi dkyil 'khor dang ldan zhing gser gyi mdog can du 'gyur ro zhes bya ba'i don to/ /dman pa ni 'og na yin zhing / dman pa ma yin pa ni mi dman pa ste/ dngos grub mchog yin zhing de la gnas zhes bya ba'i tha tshig go/ /mi snang ba la sogs pa grub pa ni 'jam dpal dang 'dra bar 'gyur ro/ /gnod sbyin rgyal po ni 'phags pa dzaM b+ha la ste/ de grub na rig pa 'dzin pa rnams kyi dbang por 'gyur ro/ /de la 'di ni zhes bya ba la sogs la/thams cad ni bshad ma thag pa dang 'chad par 'gyur ba rnams so/ /mdzes pa'i gzugs rnams zhes bya ba ni/ bzang po rnams so/ /yid 'ong ba zhes bya ba ni yid dga' bar byed pa rnams te/ 'jig rten gyi khams thams cad na gnas pa'i sems can skal ba dang ldan pa rnams kyis mthong ba tsam kho nas dga' ba skyed par byed pa'o//gtsug tor zhes bya ba ni gtsug tor la sogs pa 'khor los sgyur ba brgyad kyi gzugs so/ /thams cad grub pa'i yid bzhin nor bu'i bdag por 'gyur/ /zhes bya ba ni gdul bya rnams kyis yid bzhin gyi nor bu bzhin du/phyag rgya chen po la sogs pa'i dngos grub sgrub par byed pa'i bdag por 'gyur ba'o/ /rdo rje 'chang chen po'i mngon par byang chub pa sgrub par byed pa nyid yin pa'i phyir/ sangs rgyas byang chub byed pa'i mchog go/ /sangs rgyas rdo rje ni thabs dang shes rab kyis mngon par byang chub pa ste/de'i rnam pa las byung ba ni sangs rgyas rdo rje las byung ba'o/ /yid bzhin gyi nor bu rin po che lta ba'i dngos grub kyi 'bras bu thams cad ston par mdzad pas na bsam pa thams cad yongs su rdzogs pa'i rdo rje ste/ dpal rdo rje sems dpa'o/ /da ni sngon du bya ba byas pa'i rig pa'i brtul zhugs zla ba drug pa/de nas zhes bya ba la sogs pas gsungs te go sla'o/ /sku gsung thugs kyi rdo rje rnams/ /zhes bya ba ni rnam par snang mdzad la sogs pa rnams so/ /bsgom pa zhes bya ba ni/ bdag nyid kyi lus dang ngag dang sems su bsgom pa'o//de ni dngos su bya ba nyid/ /ces bya ba ni rang gi rigs kyi bu mo dang yang dag par sbyor ba dang bdud rtsi lnga bza' ba la sogs pa dngos su bya ba kho na ste/ de ni 'dir drang ba'i don yin gyi/ ting nge 'dzin gyis dmigs pa tsam ni ma yin pa'o/ /de ltar byas na dngos grub 'thob/ / ces bya ba ni de ltar byas na 'grub par 'gyur gyi/ ma byas na ni mi 'gyur ro snyam du dgongs pa yin no/ /de la 'di ni zhes bya ba la sogs pa la/ thor tshugs dbu rgyan can gyi gzugs/ /zhes bya ba ni lha thams cad kyi thun mong pa khyad par gyis gnod par gyur pa med pa'o/ /chen po sku mdog dkar por snang //zhes bya ba ni rnam par snang mdzad de'i rigs can rnams 'od dpag tu med pa la sogs pa rnams kyis ni rang gi kha dog ji skad bshad pa kho na gzung bar bya'o/ /sngags kyi sdom pa ni 'chad par 'gyur ba yin zhing des bsdams pas te ldan pas so//cho ga bzhin du thams cad bya/ /zhes bya ba ni sku ris su byas pa dang lugs su blugs pa dang / 'bur du brkos pa dang / ri mor bris pa rnams las gang yang rung ba/ zhal gsum pa phyag drug pa/ phyag mtshan dang / gdan dang 'od dang cod pan dang ldan pa bya ba'o/ /lo grangs bcu drug lon pa zhes bya ba ni/ji skad bshad pa'i mtshan nyid dang ldan pa'i/ btso blag mkhan gyi bu mo 'phags ma sangs rgyas spyan du rnam par bsgoms shing phyag mtshan la sogs pa rnams dang ldan pa'o/ /phyag rgya zhes bya ba ni phyag rgya bzhi'o/ /sngags ni yi ge'i rnam pa can dang lha'i gzugs te de'i cho ga yongs su shes pa'o//sngags kyi rgyud ni legs par bslabs/ /zhes bya ba ni sngags dang sman gyi mthus phan pa dang gnod pa byed par nus pa dang mang du thos pa'o/ /de bzhin gshegs pa ni rnam par snang mdzad de/ de'i btsun mo ni sangs rgyas spyan no//sangs rgyas byang chub la gnas na/ /zhes bya ba ni thabs dang shes rab snyoms par 'jug pa'i sgo nas gnyis su med par gyur pa ste/ de dang lhan cig sgrub pa pos sgrub thabs las bshad pa'i cho ga bzhin du dus bzhir yang dag par sbyor ba'i mchod pa bya'o//sdong bu zhes bya ba la sogs pa ni 'jig rten pa dang 'jig rten las 'das pa'i bza' ba'i bye brag thams cad bza' bar bya'o zhes bya ba'i don to/ /de ltar byas na zla ba drug tshun chad kho nas me long lta bu la sogs pa'i ye shes kyi bdag nyid kyi de bzhin gshegs pa'i bdag por 'gyur ro//rtag tu gzhan gyi zhes bya ba la sogs pas ni sngags kyi sdom pa gsungs te/ de ni le'u dgu par rnam par bshad zin to/ /'dod chags rdo rje'i skyo ba mo ni dkar mo zhes bya ba'o/ /yon tan ske rags zhes bya ba stobs dang mi 'jigs pa la sogs pa'i yon tan rnams kyis brgyan pa'i mA ma kI'o//ngag gi rdo rje mchog sems la/ /zhes bya ba ni gsung rdo rje la gos dkar mo dang / thugs rdo rje la mA ma kI rnam par snang mdzad bzhin du sbyar bar bya'o/ /rdo rje can gyi zhes bya ba la sogs pas ni sku dang gsung dang thugs kyi bdag nyid can gyi dkon mchog dpal la sogs pa'i rnal 'byor gyis rang gi rigs kyi bu mo nam mkha' rdo rje zhes bya ba la sogs pas lha mo'i gzugs su bsam pa bstan to//de ltar byed pa'i rnal 'byor pa la de bzhin gshegs pa rnams shin tu mnyes par gyur nas myur du dngos grub rab tu stsol bar 'gyur ro//rig pa'i brtul zhugs 'dzin pa'i rnal 'byor pa'i dngos grub kyi 'bras bu la thug gi bar du/ zas kyi nges pa bsgrub pa ni zhes bya ba la sogs gsungs te/ sgrub pa po ni blo brtan pas/ /zhes bya ba ni nges par bsgrubs na thams cad 'grub par 'gyur ro snyam pa'i ngos pa'i blo can te/seng ge'i spyod pa spyod pas so/ /de nas der ni shing rgyal po/ /bsgrub pa'i dpa' bo'i gzi byin gyis/ /dam tshig 'jigs pas kha zas ni/ /bzang po bstar ba ster bar 'gyur/ / gal te 'da' bar byed na nags tshal gyi lha sangs rgyas dang 'dra ba yin yang / rdo rje'i yi ge bzhin du mi phyed par gsungs pa'i dam tshig las 'das pas ma rungs par 'gyur ro/ /lha mo zhes bya ba la sogs pa ni shes par zad de 'on kyang sngar bshad pa'i khro bo la sogs pa rnams kyis zhags pa dang lcags kyu rnams kyis bkug nas bsgrub pa'i rig ma rnams dang lhan cig brtul zhugs spyad par bya'o//sku rdo rje la sogs pa'i ye shes don du gnyer ba'i de bzhin gshegs pa rnams kyi sngon gyi dus su 'di nyid kho na bsten pa yin pas na/ rdo rje gsum gyi ye shes bsten pa'o//'di ni zhes bya ba la sogs pa ni bshad ma thag pa'o/ /sngags rnams thams cad kyis te/ lha thams cad yang dag par sbyor ba las byung ba'i bde ba chen po rnam par bsgoms na/ go 'phang chen po 'thob par byed pas na de nyid gsang ba'i tshul chen yin no/ / sku rdo rje la sogs pa skyed par byed pa nyid yin pa'i phyir 'khor lo rdo rje gsum 'byung ba'o/ /de nyid kyi phyir/ sangs rgyas byang chub rab 'jug pa'o/ /rig pa'i brtul zhugs dam tshig gi de kho na nyid kyi ye shes ston par mdzad pas na dpal rdo rje sems dpa' la de skad ces bya'o/ /dngos grub thams cad kyi ched kyi dkyil 'khor gyi gnas der mi phyed cing mngon par te/rnam pa thams cad du byang chub bsgrub par bya ba yin pas na/ rdo rje mngon par byang chub pa ste/ gang la ming de skad ces bya ba nyid yod pa de ni dngos grub thams cad kyi dkyil 'khor rdo rje mngon par byang chub pa zhes bya'o//le'u bcu drug pa'i rnam par bshad pa'o// //de nas dam tshig rab tu bsrung bas mngon par 'dod pa'i dngos grub thob par 'gyur bas/ de bzhin gshegs pa thams cad kyi dam tshig sdom pa rdo rje byin gyi rlabs kyi rgyal po'i le'u/ de nas bcom ldan 'das zhes bya ba la sogs pas gsungs te/yang zhes bya ba'i sgra ni 'dus pa bzhi pa la ltos pa nyid yin pa'i phyir ro/ /de ltar byas nas mi bskyod pa la sogs pa de bzhin gshegs pa lnga'i bdag nyid can gyi bcom ldan 'das la don de ston par byed pa'i sgra rnams kyis dam tshig bshad pa'i phyir gsol ba btab pa ni/mi bskyod rdo rje zhes bya ba la sogs pa yin te/ bdud bzhis bskyod par mi nus pa nyid yin pa'i phyir mi bskyod pa'o/ /mi byed pa nyid yin pa'i phyir rdo rje'o/ /thog ma dang tha ma med pa'i chos kyi ye shes kyi bdag nyid yin pa'i phyir ye shes che'o//sku rdo rje la sogs pa rnams kyi skyed pa'i rgyu nyid yin pa'i phyir/ rdo rje dbyings so/ /chos thams cad kyi dri ma med pa nyid thugs su chud pa'i phyir mkhas chen po'o/ /rdo rje gsum mchog ni sku rdo rje la sogs pa rnams kyi mchog ste dpal rdo rje sems dpa'o/ /sku la sogs pa'i dkyil 'khor gsum gyi bdag nyid can yin pa'i phyir dkyil 'khor gsum mo//gsang ba de dam tshig la sogs pa bshad du gsol zhes brjod nas phyag 'tshal ba'o/ /kun du rnam pa tha dad par snang zhing gsal bas na rnam par snang ba ste/ 'gyur ba la 'gyur bar byed ces bya ba bzhin du rang gi don la byed pa'i rkyen sbyar bar rnam par snang mdzad do//dri ma med pa'i me long lta bu'i ye shes kyi ngo bo nyid yin pa'i phyir rab tu dag pa'o/ /nges par 'byed pa'i ye shes thugs su chud pa'i phyir rdo rje'o/ /de nyid kyi phyir nyon mongs pa'i dri ma thams cad zhi bar mdzad pas na zhi ba'o//bcom ldan 'das gang la mchog tu zag pa med pa'i bde ba chen po'i rnam pa mnga' ba de la de skad ces bod pa'o/ /rang bzhin gyis ni 'od gsal chos/ /zhes bya ba ni me long la gnas pa'i gzugs brnyan lta bu'o/ /gzhan ni bshad zin to/ /ra ni ra taM ste mchog tu dga' ba yin zhing /de 'phel zhing rgyas par byed pas na rin chen no/ /des mdzes shing 'bar bas na rgyal po'o/ /de nyid ni nam mkha' dang mnyam pa'i ye shes thugs su chud pa'i phyir zab pa'o/ /de nyid ni mi phyed cing dri ma med pa'i snang ba'i bdag nyid yin pa'i phyir rdo rje nam mkha' dri ma med pa'o//de nyid kyi phyir ngo bo nyid dag pa'o/ /bgo bya dang bgo byed med pa'i phyir gos med pa'o/ /rin po che'i rigs ni gti mug gi rigs las byung ba nyid dang / rdzas la brten pa nyid yin pa'i phyir kun du rmongs pa dang / sred pa dag la tha dad pa med pas rdo rje'i sku la phyag 'tshal lo zhes gsungs so//mi phyed cing dpag tu med pa'i ye shes kyi bdag por gyur pa'i phyir rdo rje dpag med rgyal po che'o/ /nam mkha' dang ro gcig pa'i ye shes 'dzin par mdzad pas na mi rtog nam mkha' rdo rje 'dzin no/ /'dod chags rnam par dag pa'i pha rol tu phyin cing son pas na/'dod chags pha rol phyin brnyes pa'o/ /mi phyed cing don yod pa'i 'bras bu sgrub par mdzad pa nyid yin pa'i phyir rdo rje dag la gdon mi za'o/ /de nyid kyi phyir bsam pa thams cad yongs su rdzogs par mdzad pa'o/ /dag pa'i ngo bo nyid ni mchog tu bde ba chen po ste de las byung ba'o//zhe sdang las byung ba'i phrag dog gi bdag nyid yin pa'i phyir rdo rje sems dpa'o/ /sangs rgyas kun gyi zhes bya ba la sogs pa ni phan yon te go sla ba nyid do/ /rdo rje ni dpal rdo rje sems dpa'o/ /de'i longs spyod ni mi bskyod pa la sogs pa'i sku la sogs pa'i rnam pa ste gang gis bstod na'o//de yang zhes bya ba 'dis ni re zhig sgom pa po ni de bzhin gshegs pa nyid du 'gyur zhing 'don par byed pa yang de'i don la lhag par mos pa'i sgo nas/ sangs rgyas dang 'dra bar 'gyur bar bstan pas/ de'i phyir sangs rgyas 'dra bar 'gyur/ / zhes gsungs so/ /de nas ston pa zhes bya ba la sogs pa ni bshad zin to/ /sangs rgyas kun la ste phyis sangs rgyas su 'gyur ba'i sems can rnams la thugs brtse bas so/ /rdo rje gsang ba'i gsung ni 'chad par 'gyur ba ste/ de nyid dag pa yin zhing de kun du gsungs pa ni/e ma'o zhes bya ba la sogs pa ste/ 'jigs pa med pa'i 'bras bu thob par byed pa nyid yin pa'i phyir chos kyi dbyings so/ /mi 'gyur che ni 'chad par 'gyur ba'i dam tshig go/ /de nyid nam mkha' bzhin du dri ma med pa nyid yin pa'i phyir nam mkha'i dbyings bzhin dri ma med pa'o//de nas zhes bya ba la sogs pa ni shes par zad do/ /sangs rgyas kun gyi sku rdo rje ni/ rnam par snang mdzad yin zhing / de'i dam tshig ni sangs rgyas kun gyi sku rdo rje'i dam tshig ste de'o/ /sangs rgyas ye shes mtsho 'od kyis/ /zhes bya ba ni gti mug gi rigs can gyi rnal 'byor pa rnams kyis te/me long lta bu'i ye shes kyi rlabs rnams kyis rab tu bkrus pas/ gti mug la sogs pa'i skyon ma lus pa dang bral ba'i phyir kha dog bzang po dang ldan pa rnams kyis zhes bya ba'i don to/ /dam tshig bzhi ni bsrung bar bya/ /zhes bya ba ni rigs thams cad kyi thun mong pa'i srog gcod pa la sogs pa'i'o//khyad par gyi dam tshig ni rin chen 'byung ldan gyi rang bzhin gyi sha chen bza' ba'o/ /rdo rje gsung ni mi 'gyur ches/ /zhes bya ba ni chos thams cad la so sor rtog pas rnam par sbyangs pa'i sgo nas snyoms par 'jug pa'i las nyams pa'i rnam par rtog pa med pa'i 'dod chags kyi rigs can gyi rnal 'byor pa rnams kyis so//bshang gci dag ni zhes bya ba la/ ni zhes bya ba'i sgras ni srog gcod pa la sogs pa bzhi la ma gtogs pa'i rigs gsum gyi dbye bas bzhag pa gzhan las khyad par du bya ba'o//de la bshang ba ni rnam par snang mdzad ni rang gi ngo bo'o/ /gci ba ni mi bskyod pa'i ngo bo ste 'dod chags kyi rigs can gyi rnal 'byor pa rnams kyis rtag tu bza' bar bya'o/ /gzhan ni bshad zin to/ /rdo rje sems dpa' mthu bo ches/ /zhes bya ba ni thog ma dang tha ma med pa'i chos kyi dbyings kyi ye shes la dmigs pa'i sgo nas smra ba la sogs pa'i rnam par rtog pa med pa'i zhe sdang gi rigs can gyi rnal 'byor pa rnams kyis te/mthu chen ldan la ltung ba med/ /ces 'byung ba'i phyir ro/ /don yod par grub pa'i rang bzhin gyi khrag /'od dpag tu med pa'i rang bzhin gyi khu ba dang sbyar ba nges pa'i blo can rnams kyi rtag tu bza' bar bya'o//sku gsung thugs kyi rdo rje yi/ /zhes bya ba la sogs pa ni shes par zad do/ /rdo rje 'dzin gyis te/ sku rdo rje la sogs pa'i rnal 'byor 'dzin pa rnams kyis so/ /sku rdo rje la sogs pa'i bsgom pa'i sems dpa' ni rdo rje sems dpa'o//de nyid ni 'od po che ste dam tshig srung ba de ni mngon par 'dod pa'i de bzhin gshegs pa'i rang bzhin du 'gyur ro zhes bya ba'i don to/ /de nas zhes bya ba la sogs pa ni thams cad du shes par zad do/ /yid bzhin gyi nor bu rin po che lta bu'i rgyud 'di'i mthu dang /sems can rnams kyi bsam pa'i dbang gis theg pa dman pa la sogs pa'i dngos grub rnams kyang 'grub par 'gyur bas de'i phyir/ rang sangs rgyas kyi dam tshig ces bya ba la sogs pa gsungs te/ de dag lus kyi ston pa ni/ /zhes bya ba la/ rigs ma nges pa rnams nyan thos kyi theg pa dang /theg pa chen por dge ba bsags nas 'chi 'phos te/ gsung rab mi gnas pa'i sangs rgyas kyi zhing de dang de rnams su skye bar 'gyur ro/ /de nas de rnams sngon gyi bsod nams las byung ba'i dad pa'i stobs kyis bsgom pas na gzung ba'i rnam par rtog pa dang bral ba'i 'dzin pa'i rang bzhin gyi ye shes dngos su skye bar 'gyur ro//bla ma rnams kyis bstan pa'i de kho na nyid rtogs pa'i tshig gi sgo nas bstan par mi nus pa nyid yin pa'i phyir/ lus kyi rdzu 'phrul dang cho 'phrul rnam pa tha dad pa rnams des 'dul ba rnams la rab tu ston par byed do//'bras bu de la lhag par mos pa rnams kyis kyang de kho na bzhin du bsgom pa'i sgo nas thams cad bya'o zhes bya ba ni dam tshig go/ /sems can 'dzud pa'i ngang tshul te/ /zhes bya ba ni sems can rnams kyis bdag gi rnam par rol pa mthong nas yid dga' bar gyur pa rnams bdag cag kyang de bzhin du gyur cig ces smon lam btab pa'i sgo nas 'jug par 'gyur zhing /dus phyis de'i 'bras bu mar thob par 'gyur ba'o/ /srog gcod pa dang ma byin par len pa dang / 'dod pas log par g.yem pa dang / brdzun du smra ba dang / tshig rtsub mo dang / phra ma dang / ngag 'khyal pa dang / brnab sems dang / gnod sems dang / log par lta ba ste/ mi dge ba bcu po de rnams mi phyed pa ni dge ba ste de dag nyid las yin zhing bsod nams mngon par 'du byed pa'i rang bzhin can te de rnams so//byed pa ye shes spangs pa rnams/ /zhes bya ba ni thabs dang shes rab kyi de kho na nyid kyi man ngag dang bral ba rnams so/ /mos pa dman pa zhes bya ba ni rang bdag nyid dul ba dang zhi ba 'ba' zhig lhur len cing / gzhan gyi don spangs pa ste 'bras bu de mngon par 'dod pa rnams kyi dam tshig 'di'o//'jig rten las 'das pa'i rnam par dag pa'i tshangs pa ste/ sku rdo rje'i sgrub par byed pa'i dam tshig ni tshangs pa'i dam tshig go/ /gti mug ni mchog tu dga' ba ste rang dang gzhan du rnam par 'byed pa'i ston pa rnam par rtog pas kun du rmongs par byed pa'i phyir ro//de thob par byed pa'i lam ni yang dag par sbyor ba'o/ /de'i las ni bskyod pa la sogs pa'i rang bzhin no/ /de nyid 'jigs shing mi sdug pa ste/ nyan thos la sogs pa rnams la 'jigs pa skyed par byed pa nyid yin pa'i phyir ro/ /sangs rgyas byang chub ston pa ste/ /zhes bya ba la sogs pas ni 'di skad du bstan pa yin te/ji skad bshad pa'i rnam par snang mdzad kyi dkyil 'khor gyi dbus na 'dug cing de'i rnal 'byor dang ldan pas mchod pa la thug pa'i cho ga byas nas/ mchog tu dga' ba las byung ba rig ma'i pad+ma gnas pa'i byang chub sems kyi zla ba la tshangs pa'i dbyangs kha dog ser po rnam par bkod la/de las byung ba'i 'od zer ser po'i tshogs rnams kyis nam mkha'i dbyings thams cad khyab pa'i de bzhin gshegs pa rnams la kun du reg nas tshangs pa'i gzugs rnams su byas la bsdus te/ sa bon de la bcug la/de gyur par byas nas sa bon gsum gyis byin gyis brlabs pa'i tshangs pa bskyed la/ oM brjod cing phyung ste/ des 'gro ba rnams zhi bar byed du bcug la de bkug ste rang gi lus la bcug la thams cad yongs su gyur par byas nas/ bdag nyid tshangs pa'i gzugs kun du ser po zhal bzhi pa/phyag bzhi pa/ lus rgyas pa rnam pa'i mchog thams cad dang ldan pa/ rgyan thams cad kyis brgyan pa tshangs pa'i skud pa thogs pa/ ral pa'i thor tshugs la bzhugs pa'i sku rdo rje'i dbang bskur ba dang ldan pa/ zla ba'i 'od dang ldan pa'i ngang pa'i steng na pad+ma dang zla ba'i gdan la bzhugs pa/rang gi kha dog dang phyag mtshan la sogs pa thams cad dang ldan pa/ me tog sna tshogs bcings pa'i thor tshugs can gyi zhal gcig pa'i lha mo rdo rje zhi ba dang snyoms par zhugs pa/ byu ru tshigs dgu'i dbyig pa dang bcas pa'i g.yon pa'i rtsa ba'i phyag gi rig ma'i nu ma 'dzin pa/rdo rje rtse gsum pa dang bcas pa'i g.yas pas 'khyud pa/ gzhan dag na phreng ba dang spyi blugs bsnams pa'i sku rdo rje bsam par bya'o/ /de ltar 'das ma thag pa bzhin du gsung rdo rje'i rnal 'byor sngon du 'gro bas bdag nyid yi ge a las byung ba'i dbang phyug chen po'i gzugs can sku mdog thal skya/zhal gcig pa spyan gsum pa/ zla ba phyed pa dang ldan pa'i ral pa'i thor tshugs la bzhugs pa'i gsung rdo rje'i dbang bskur ba dang ldan pa dang / dril bu btags pa'i ba dan mdzes pa dang bcas pa'i mgo can gyi rdo rje kha T+wAM ga phrag pa g.yon pa la brten pa bsnams shing /phyag gi mthil du bzhag pa'i bdud rtsis yongs su gang ba'i thod pa dang bcas pa'i phyag g.yon pas snyoms par 'jug pas gnas pa'i lha mo sku mdog ser po rdo rje dang mdung thung bsnams pa/ me tog sna tshogs bcings pa'i thor tshugs can rgyan thams cad kyis brgyan pa la 'khyud pa/rdo rje dang bcas pa'i g.yas pas kyang 'khyud nas nu ma 'dzin pa/ stag gi pags pa'i gos gyon pa/ khyu mchog gi steng na pad+ma dang zla ba'i gdan la bzhugs pa/ zla ba'i 'od dang ldan pa'i gsung rdo rjer bsam par bya'o//de nas rang gi ba spu'i bu ga'i gseb nas byung ba'i dbang phyug chen po'i gzugs mtha' yas pa rnams kyis nam mkha'i dbyings khyab pa'i spyan la sogs pa'i tshogs mnyes par bya zhing / ji ltar rnyed pa'i phyi rol gyi btsun mo rnams kyis mnyes par bya'o zhes bya ba ni dam tshig go//de bzhin du thugs rdo rje'i rnal 'byor mngon du 'gro bas bdag nyid yi ge hUM las byung ba'i khyab 'jug gi gzugs can zar ma'i me tog lta bu'i rin po che'i cod pan dang ldan pa'i ral pa'i thor tshugs mnga' ba thugs rdo rje'i dbang bskur ba dang ldan pa/phyag bzhi pa/ rdo rje rtse gsum pa dang / dung dang bcas pa'i g.yas pa dang g.yon pa'i rtsa ba'i phyag dag gis rang dang rjes su mthun pa'i kha dog la sogs pa dang ldan pa/ phyag gnyis pa me tog rnam pa tha dad pa bcings pa'i thor tshugs can/ rgyan sna tshogs kyis brgyan pa/dam tshig dang rjes su mthun pa'i lha mo rdo rje gser mdog la 'khyud nas/ gzhan dag gis 'khor lo dang mda' bo che bsnams pa/ nam mkha' lding gi steng na pad+ma dang nyi ma la bzhugs pa/ nyi ma'i 'od 'bar ba mnga' ba'i thugs rdo rje bsam par bya'o/ /de nas rang gi ye shes byung ba'i 'od zer gyi sgo nas spros pa'i khyab 'jug gi gzugs mtha' yas pa rnams kyis sems can thams cad bsad la/slar de rnams yi ge hUM las byung ba'i mi bskyod pa bskyed nas mngon par dga' ba'i 'jig rten gyi khams su kun du bkod de/ khams gsum pa'i chos kyi rgyal srid kyi gdan la 'dug pa la de bzhin gshegs pa thams cad kyis ji lta ba bzhin du dbang bskur bar bya'o//rdo rje mkha' dbyings bdag nyid kyang / /zhes phul du byung ba bstan pa'i sgo nas rnal 'byor pa rnams la yid ches pa skyed par byed do/ /rdo rje'i sku ni tshangs par 'gyur/ zhes bya ba la sogs pa ni gsal bar byas zin to/ /de ni nye bar mtshon pa yin te/ gzugs de dang de la mngon par zhen pa'i sems can rnams kyi don bya ba'i phyir brgya byin la sogs pa'i gzugs rnams su yang 'gyur ro/ /dngos po gang dang gang dag gis/ /lus can rnams kyis 'dul 'gyur ba//brtse ldan thugs rje'i dbang gyur pa/ /de dang de ni ston par mdzad/ /ces 'byung ba'i phyir ro/ /sha dang khrag za ba lhur len pas snga ma bzhin du 'jam pa'i rdo rje rnal 'byor gyis gnod sbyin ma bskyed la de dang yang dag par sbyor ba'i sgo nas bsgrubs na/ dam tshig nyams su blangs pas myur du 'grub par 'gyur ro//klu'i rgyal po ni chu lha la sogs pa rnams yin zhing / de rnams kyi btsun mo'i chung ma klu mo chags pa dang ldan pa rnams bsgrub par 'dod cing 'o ma 'thung ba lhur len pa dang / phra ma can te/ lus dris byugs pas de kho na bzhin du bkug ste mnyes par 'grub par 'gyur ro//gang zhig de ltar mi byed pa de ni nyon mongs pa nyid 'ba' zhig tu 'gyur gyi/ 'bras bu thob par mi 'gyur ro/ /khro bo'i sems dang ldan zhing mngon pa'i nga rgyal dang bcas pa dri dang me tog la mngon par dga' ba/ khro bo rdo rje sa 'og gi rnal 'byor gyi lha ma yin gyi bu mo rnams bsgrub par bya'o//pags pa'i phye ma'i spos dang / til mar chen po dang / glang po dang / rta'i zhag rnams srin mo rnams la sbyin par bya zhing rang nyid kyang bza' bar bya'o/ /'di ni srin mo rnams 'ba' zhig gi ma yin gyi/ 'byung po rnams kyi dam tshig kyang yin no//gtsang ma zhes bya ba ni sngags kyi mngon par 'dus byas pa'am/ rang bzhin gyis yongs su dag pa nyid yin pa'i phyir ro/ /rdo rje mkha' 'gro'i sbyor ba yis/ /zhes bya bas 'di skad du bstan pa yin te/ rdo rje 'chang chen po'i rnal 'byor dang ldan pas mchod pa la thug pa'i cho ga'i rjes thogs la rang gi rig ma'i pad+ma na gnas pa'i byang chub sems kyi zla ba la/dpal bde mchog gi rgyud phyi ma las gsungs pa'i dpal he ru ka'i dkyil 'khor pa'i lha mo rnams kyi sa bon yi ge hri la sogs pa gang yang rung ba rnam par bkod la/ de las byung ba'i 'od zer rnams kyis nam mkha' khyab pa'i de bzhin gshegs pa rnams la kun du reg ste/dkar mo la sogs pa mngon par 'dod pa'i rdo rje mkha' 'gro ma rnams kyi gzugs su byas la/ de rnams lcags kyu'i rnam pa can gyi 'od zer rnams kyis bkug ste/ sa bon de la bcug la/ de yongs su gyur par byas nas dkar mo la sogs pa'i mngon par 'dod pa'i rdo rje mkha' 'gro mar bskyed la/sa bon gsum gyis byin gyis brlabs pa/ sa bon nyid brjod cing byung ste/ /de sems can gdug pa rnams kyi khrag dang snying dbyung ba la sogs pa'i sgo nas gsod du bcug la/ de rnams kyi rnam par shes pa snga ma bzhin du mi bskyod pa'i gzugs su bskyed nas de bkug ste rang gi lus la bcug la/thams cad gyur par byas nas/ bdag nyid dkar mo la sogs pa rdo rje mkha' 'gro ma'am gang yang rung ba'i gzugs su bsam par bya'o/ /de la re zhig dkar mo ni/ /sku mdog dkar po/phyag gnyis pa/ zhal gcig pa/ thod pa la bzhugs pa/ mi bskyod pa'i cod pan dang ldan pa/ me tog sna tshogs bcings pa'i thor tshugs can/ rnam pa'i mchog thams cad dang ldan pa rgyan thams cad kyis brgyan pa/ pad+ma 'dab ma sna tshogs pa la gnas pa'i nyi ma'i dkyil 'khor la zhabs g.yon pa brkyang bas bzhugs pa/nyi ma 'bar ba'i 'od mnga' ba/ /dpal rdo rje mkha' 'gro dang snyoms par zhugs pa/ rna rtse'i bar du bkang ba'i gzhu dang / rnam par thar pa'i sgo stong pa nyid la sogs pa'i rang bzhin can gyi mda' bzhis mya ngan las 'das pa'i rang bzhin can gyi tshangs pa gdong bzhi pa'i mgo bo rab tu 'bigs par mdzad cing bzhugs pa'o//lhag ma rnams ni dpal bde mchog las shes par bya'o/ /de rnams ni bshang gci dang khrag za ba dang chang 'thung ba la mngon par dga' ba la 'grub par 'gyur ro/ / gnas kyi mtshan nyid gsad par bya/ /zhes bya ba ni 'dis zla ba phyed na 'chi bar 'gyur ro zhes bya ba'i tshig gi don shes par byas nas/ snying dbyung ba la sogs pa'i sgo nas bsad la/ mi bskyod pa'i gzugs su bskyed par bya'o/ /de rnams kyi rang bzhin gyis 'grub pa'i rnams te/ de rnams nyid kyi phyir khams gsum na rnam pa tha dad par spyod pas na rnam par spyod pa'o/ /sems can kun la zhes bya ba la sogs pa ni bshad zin to/ /gang la khams gsum thams cad kyi rdo rje dam tshig gis te/ rdo rje mkha' 'gro ma rnams kyi rjes su 'brang ba ste rnal 'byor pa rnams kyi rgyud de'i rang bzhin du bya ba yod pa de la de skad ces bya'o//lus kyi rnam pa thams cad ni/ /zhes bya ba srog gcod pa dang / ma byin par len pa dang / 'dod pas log par g.yem pa dang gsum mo/ /rdo rje las ni byung bas bya/ /zhes bya ba la/ sku rdo rje'i rnal 'byor dang ldan pas rang gi gsang ba'i rdo rje las byung ba'i rtag pa'i tshogs mi bskyod pa dang rnam par snang mdzad kyi gzugs can gyi 'od dpag tu med pa'i nga rgyal dang ldan pa rnams go rims bzhin du khams gsum par gtogs pa'i sems can rnams gsad pa dang rdzas 'phrog pa dang /bud med sten pa byed du bcug ste/sems can de rnams kyang ci rigs par mi bskyod pa dang rnam par snang mdzad kyi gzugs can gyi byang chub sems dpa' dang / rig ma'i tshogs mtha' yas pa dang ldan pa'i gsung rdo rjer yongs su bskyed cing / rang rang gi 'jig rten gyi khams na gnas pa rnams la de bzhin gshegs pa rnams kyis dbang bskur bar bya'o//de nyid ni/ sems can khams ni thams cad du/ /rtag tu sangs rgyas sku byed pa'o/ /zhes bya bas gsungs so/ /tshig gi las gnas ma lus pa/ /zhes bya ba ni brdzun du smra ba dang / phra ma dang / tshig rtsub po dang /ngag kyal ba dag dang bzhi'o/ /de nyid ni sgra brnyan gyi sgra dang mtshungs pa dang / sgra dang don dag la 'brel pa med pa'i phyir khams gsum dri med brgyan pa'o/ /gzhan ni go sla'o/ /yid kyi rdo rje rang bzhin kun/ /zhes bya ba ni/ gzhan gyi rdzas rnams la/ shin tu chags pa dang /gzhan la gnod pa bya ba'i sems dang / sbyin sreg la sogs pa las rnams kyi 'bras bu de dang de med do zhes bya ba la sogs pa yid kyi rnam pa gsum ste/ de rnams thams cad kyang sku rdo rje la sogs pa'i rang bzhin dang gzhan la phan 'dogs pa dang / rang bzhin gyis 'od gsal bar mngon sum du byed cing bya'o//rdo rje ni don dam pa byang chub kyi sems yin zhing de bsam pa brtan pas 'dzin par byed pas na/ rdo rje brtan pa 'dzin pa ste/ sgrub pa po'o/ /rdo rje mi phyed ces bya ba la sogs pa ni shes par zad do/ /sems can rdzogs par bya ba'i phyir mi phyed pa'i dam tshig ston par mdzad pas na/dam tshig sems dpa' rdo rje ste dpal rdo rje sems dpa'o/ /rdo rje thams cad kyis de nyin dang mtshan du de bzhin gshegs pa la sogs pa sgom par byed pa rnams kyi shes pa dang skyob pa'i bdag nyid can gyi dam tshig ni rdo rje thams cad kyi sngags kyi dam tshig ste de'o//sangs rgyas zhes bya ba la sogs pas ni skud ris su byas pa la sogs pa'i rnam pa dang / rang gi bsod nams kyi byin gyi rlabs kyis dngos su mig gi spyod yul du gyur pa rnams la/ nyin dang mtshan du yang dag par sbyor ba sgom pa'i sgrub pa pos/lus dang ngag dang sems kyis dmigs pa'i sgo nas phyag mi bya bar bstan to/ /phyag btsal na nyes pa cir 'gyur zhe na/ de'i phyir ma rungs 'gyur zhes bya ba gsungs te/ brtan pa dang g.yo ba'i dngos po thams cad kyi bdag nyid can gyi rnal 'byor sgom pa po la tha dad pa'i blos sangs rgyas la sogs par rtog pa med pa dang /khyad par du 'phags pa'i nga rgyal gyis gnas pa nyid yin pa'i phyir dam tshig nyams pa nyid du 'gyur te/ de'i phyir ma rungs par 'gyur ro/ /thams cad du khyab pa nyid kun du rdo rje sems dpa' zhes bya ba la sogs pas gsungs te/yi ge gsum las byung ba kun du khyab pa sku rdo rje'i bdag nyid kyi dkyil 'khor ni/ rnal 'byor pa thams cad kyis bsgom par bya'o/ /sdom pa gnyis la gnas pa'i rnal 'byor pas gsung rab kyi gzhung bzhin du/ slob dpon la sogs pa rgan po thams cad la phyag 'tshal ba'i phyir/cho ga gzhan sems can khams zhes bya ba la sogs pas gsungs te/ phyag bya ba'i phyir skad cig gi sems can dpal rdo rje sems dpa' la sogs pa rang gi 'dod pa'i lhar dmigs la/ de'i nga rgyal dang ldan pas bdag nyid de dang lhan cig tha mi dad par bsgom pa'i sgo nas phyag bya ba'o//de'i phyir/ bsam gtan rdo rjes bskul bar bya/ /zhes bya ba gsungs te/ /de ni rdo rje mchog gi phyag yin no/ /mi phyed pa'i ye shes las byung ba nyid yin pa'i phyir dam tshig rdo rje las byung ba'o/ /sku rdo rje'i rnal 'byor dang ldan pas sangs rgyas spyan du lhag par mos par byas la btud par gyur pas de la phyag bya'o//phyag bya bar 'os pa rnams la phyag bya ba'i 'du shes yod mod kyi 'ga' la yang phyag byas pa med de/ bcom ldan 'das kyis/ bdag nyid rdo rje skur sbyor bas/ /sa ni spyan du bsam byas nas/ /mgo bo btud nas phyag byas te/ / 'ga' la'ang phyag ni byas pa med/ /ces gang gsungs pa'o/ /bsnyen pa la sogs pa'i sgrub pa la zhugs pa'i rnal 'byor pa rnams kyis nyin re zhing bdud rtsi lnga'i mchod pa rnams kyis nam mkha' kun du bkang ste/ de bzhin gshegs pa thams cad la mchod pa bya dgos pas/ de'i phyir rdo rje bshang gcis zhes bya ba la sogs pa gsungs te de ni go sla'o//mi snang ba la sogs pa'i dngos grub bsgrub pa'i thun bzhir ji lta ba bzhin du yang dag par sbyor ba las byung ba'i byang chub kyi sems rig ma'i pad+ma na gnas pa rang gi khas blang bar bya ba'o/ /rdo rje 'chang la sogs pa'i rnal 'byor pa rnams la mi snang ba'i dngos grub sgrub par byed pa nyid yin pa'i phyir rdo rje rdzogs byed pa'o//rdo rje'i rig pa 'dzin pa'i dngos grub 'thob par bya ba'i phyir rnal 'byor pas spyi bor rdzogs pa'i sangs rgyas bsam par bya'o/ /de ltar byas na rdo rje'i rig pa 'dzin pa'i grub pa'i khro bo thams cad kyis thub par mi nus par 'gyur ro//las dang po pa'i rnal 'byor pa rnams kyi dam tshig ni sngags 'chang las dang po pa thams cad kyi dam tshig ste de'o/ /lus kyi rdo rje kha zas dang / zhes bya ba/ bza' ba'i dus su bdag nyid yi ge oM las byung ba'i sku rdo rjer bsams la/phyi rol rdo rje 'dzin pa dang / /zhes bya ba/ bza' ba dang bca' ba dang myang ba dang gzhibs pa dang / bdud rtsi lnga dang bcas pa'i myos par byed pa dang / myos par byed pa ma yin pa'i btung ba la sogs pa dang / gzugs dang sgra la sogs pa dang /phyi rol gyi brtags pa'i ngo bo rnams la/ yi ge hUM las byung ba'i rdo rje 'chang chen po'i rnam par dmigs te/ kha dbye ba yi cho ga bya/ /zhes bya ba'i yi ge a las byung ba'i rdo rje chos kyi byin gyis brlabs pa'i kha phye la zas bza' ba la sogs pa bya'o/ /kha cig mdo don zhes 'don te/de ni nyin dang mtshan du sgom par byed pa la/ bcom ldan 'das kyis 'di nyid las glegs bam bklag par mi bya'o zhes bkag pa yin no/ /las dang po pas ni rdo rje chos kyi nga rgyal dang ldan zhing sgra yang de'i rnam par byin gyis brlabs la bklag par bya'o/ /bza' bar bya ba dang za bar byed pa dang /de'i bya ba yongs su dag pa ston par mdzad pas na/ ngo bo nyid dag pa rdo rje ste dpal rdo rje sems dpa'o/ /me long lta bu la sogs pa'i ye shes lnga 'dzin pas na rdo rje 'dzin pa thams cad de rdo rje 'chang chen po'o/ /de'i sku dang gsung dang thugs rnams la/so sor rtog pa'i bdag nyid can gyi shes rab ni rdo rje snying po zhes bya ba ste/ de ni de bzhin gshegs pa thams cad kyi thugs ka na gnas pa nyid yin pa'i phyir ro/ /de nyid rdo rje mnyam pa nyid de sku rdo rje la sogs pa mi dmigs pa'i mtshan nyid mngon du byas nas/ de kho na nyid brjod du med pa'o zhes gdul bya rnams la bstan par bya ba'i phyir cang mi gsung bar gyur to/ /de nas yang zhes bya ba la sogs pa ni rnam par bshad zin to/ /rdo rje la sogs pa'i rigs lnga las nges par byung ba nyid yin pa'i phyir rigs kyi bu ste/ byang chub sems dpa' thams cad yin zhing de rnams la bod pa'o//sku dang gsung dang thugs rdo rje rnams kyi ngo bo nyid dmigs su med pa ni de bzhin nyid do/ /de nyid rang rang gi ngo bo las mi 'gyur bas ni yi ge'i tshig go/ /de bzhin nyid kyi don kho na bstan par bya ba'i phyir/ ngo bo nyid med pa zhes bya ba la sogs pas gsungs te/ngo bo nyid dang bral ba nyid yin pa'i phyir ngo bo nyid med pa'i yi ge'i tshig go/ /de'i phyir brjod du med pa kho na nyid de/ de rnam par bsams nas yang cang mi gsung bar bzhugs so/ /rigs kyi bu zhes bya ba la sogs pa ni shes par zad do/ /sku ni mi 'gyur skye ba med//ces bya ba la sogs pa snga ma bzhin no/ /de nyid kyi phyir nam mkha' dang 'dra ba yin pas gzung ba dang 'dzin pa la sogs pa'i rnam par rtog pas gzung ba gang yin pa de ni don dam pa rnam par dpyad na log par gzung ba kho na yin no/ /de nas 'jam dpal la sogs pa zhes bya ba la sogs pa ni go sla'o//gsung rdo rje ni sku rdo rje la sogs pa'i rang bzhin ston par byed pa ste/ bstan par bya ba'i don brjod pa'o/ /de la phyin ci log kun mi 'byung bar brtag tu gsol zhes byang chub sems dpa' rnams kyis de bzhin gshegs pa rnams la bkag pa'o/ / de ci'i phyir slad du zhe na ste rgyu ci'i phyir zhe na/ de bzhin gshegs pa rnams kyis dri ba mdzad pa na/ lan du de bzhin gshegs pa thams cad ces bya ba la sogs pa gsungs te/ 'di ltar de bzhin gshegs pa thams cad kyi sku dang gsung dang thugs nyid rdo rje dbyings so/ /de rnams kyi ngo bo nyid spyod pa ni/thams cad kyi gzugs su ston pa'i sgo nas 'gro ba ma lus pa'i don sgrub pa'i rnam pa'o/ /de rnams su 'gro ba ni de bzhin gshegs pa thams cad kyi bdag po sa bcu'i dbang phyug rnams kyi don bya ba'i phyir longs spyod rdzogs pa'i sku rnams su yongs su gyur pa'o/ /rjes su ste phyi nas 'gro zhing des 'dul ba rnams kyi don du sprul pa'i sku rnams su yongs su gyur pas na/rjes su 'gro ba ste/ rjes su 'gro ba nyid ni rjes su 'gro ba'o/ /slar de bzhin gshegs pa rnams kyis dri ba mdzad pa na/ lan du tshangs pa la sogs pa zhes bya ba la sogs pa gsungs te/skabs 'dir ni las dang po pa'i byang chub sems dpa' byang chub tu sems bskyed pa 'jig rten pa kho na yin par rtogs par bya'i/ tshangs pa la sogs pa'i gzugs can gyi sku rdo rje la sogs pa rnams ni ma yin te/ de rnams la the tshom med pa'i phyir ro/ /mngon par shes pa thob pa tsam gyis ni dngos po thams cad ji lta ba bzhin du yongs su shes pa ma yin te/de'i phyir mi shes nas 'di snyam du rdo rje'i bdag nyid ces bya ba la sogs pa rnam par rtogs te/ rdo rje ni de bzhin gshegs pa thams cad kho na yin zhing / bcom ldan 'das dpal rdo rje sems dpa' gang la de rnams las grub pa'i bdag nyid de sku yod pa de la de skad ces bya'o//shes rab kyi ngo bo nyid med pa yin pa'i phyir rdo rje chen po'i bdag nyid do/ /chos rdo rje'i de kho na nyid ni mi phyed pa'i chos kyi sku'i rang bzhin can gyi mchog tu zag pa med pa'i bde ba chen po yin zhing / de nyid gsang ba'i yi ge chen po ste/de mi shes bzhin du tshig gi sgo nas 'chad do zhes de snyam du rdo rje 'chang chen po la de rnams kyis brnyas par 'gyur ro/ /de'i phyir bstan pa'i tshig la dpyad pa ma byas pa kho na legs pa yin pa'o/ /de bzhin gshegs pa rnams kyis de skad gsan nas/ rang gi phyogs bstan par bya ba'i phyir/ byang chub sems dpa' sems dpa' chen po khyed ces bya ba la sogs pa gsungs te/ byang chub sems dpa' chen po ni tshangs pa la sogs pa rnams te/ sa'i snying po la sogs pa rnams ni thams cad mkhyen pa kho na yin no/ / des ni 'di skad du bstan pa yin te/ tshangs pa la sogs pa rnams kyis brnyas su zin kyang / 'on kyang kho bo cag gis ni/ /chos nyid ji ltar gnas pa kho na bzhin du bstan par bya ba yin gyi/ sems can rnams bslu bar bya ba ni ma yin no/ /de bzhin gshegs pa thams cad kyi sku dang gsung dang thugs gsang ba mi 'gyur ba ni rang bzhin mnyam pa nyid du ro gcig par gnyis su med par yang dag par sbyor ba las byung ba'i bde ba chen po'o//brnyes nas kyang zhes bya ba ni mngon sum du mdzad nas kyang ngo / /de nyid ni skye ba med pa rtogs pa'i rang bzhin can nyid yin pa'i phyir byang chub ste de mi shes pa'o//de ci'i phyir zhe na zhes byang chub sems dpa' rnams dri ba byas pa'i lan du/ skye ba med pa'i zhes bya ba la sogs pa gsungs te/ skye ba med pa'i rdo rje mngon par byang chub pa zhes bya bas ni rgyu rigs mthun pa las/ 'bras bu yang rigs mthun par 'byung ngo zhes bstan te/de skad du yang / bde chen las byung byang chub ni/ /nam mkha' dang ni mtshungs par 'dod/ /'gro kun de yi mtshan nyid de/ /nam mkha' de la mtshan nyid med/ /ces gsungs so/ /gzod ma nas ma skyes pa'i mchog tu zag pa med pa'i bde ba chen po gang la bdag dang gzhan la sogs pa rnam par 'byed pa'i rtog pa'i mtshan nyid kyi ngo bo nyid dang bral ba yod pa de la de skad ces bya'o//de nyid mi 'gyur ba ste 'jig pa med pa'i phyir ro/ /de las byung ba zhes bya ba ni rtsig pa bsal nas/ nam mkha' bya'o zhes bya ba la sogs pa'i tha snyad dang mtshungs par byung ba'o//de'i phyir de bzhin gshegs pa thams cad kyis mngon du mdzad pa'i byang chub ni zhes bya ba la sogs pa'i rnam par rtog pa'i spyod yul nyid ma yin pa'i phyir shes par bya ba ma yin no/ /gang gi phyir de lta ma yin pa de bas na rang gi rig par bya ba'i byang chub kyi rtog pa skye ba med pa nam mkha' dang mtshungs shing brjod du med pa ni/don dam par bcom ldan 'das kyis tshig gi sgo nas bstan par mi spyod de/ de'i phyir tshangs pa la sogs pa rnams bcom ldan 'das la de lta bu'i sems bskyed du zin kyang / 'on kyang de rnams la sa bon dang rten bzhin du sgra dang don dag la 'brel pa med pa'i phyir bstan pa'i tshig ni brjod du med cing phyin ci log gi rang bzhin kho na yin no zhes bstan par bya ba yin no//khyab par bya ba nyid du bstan par bya ba'i phyir/ rigs kyi bu zhes bya ba la sogs pa gsungs te de ni go sla'o/ /de ci'i phyir zhe na zhes byang chub sems dpa' rnams kyis dris pa'i lan gdab pa'i phyir/kye ma zhes bya ba la sogs pa gsungs te/ kye ma zhes bya ba'i sgra ni nges par gzung ba'o/ /'di dag ces bya ba ni thugs la gnas pa ste/ sems can gyi khams su gtogs pa ji snyed yod pa rnams so/ /chos kyi sku la sogs pa rnams dang /sku gsung thugs rdo rje rnams kyi chos nyid ni nges par 'byed pa'i shes rab bo/ /brten pa'i phyir zhes bya ba ni de bzhin gshegs pa rnams kyis dgongs pa'i dbang sku rdo rje gsum gyi bdag nyid can rang gi snying ga na gnas pa'i shes rab rig ma'i gzugs su yongs su gyur pa la 'khyud nas gnas pa'i sems can thams cad kyis gnyis su med par yang dag par sbyar ba'i bde ba chen po'i rang bzhin mthong bar 'gyur bas sku gsum dang rdo rje gsum gyi chos nyid la brtan pa'o//sku gsung thugs rdo rje'i ye shes ni rdo rje gsum mi phyed pa'i thabs dang shes rab kyi bde ba chen po ste/de thob pa'o/ /bcom ldan 'das kyang de bzhin gshegs pa rnams kyi phyogs zhal gyis bzhes pas/ de bzhin gshegs pa thams cad dang / byang chub sems dpa' rnams la 'di skad du ngo bo nyid kyis dag pa'i zhes bya ba la sogs pa gsungs te/brjod bya brjod par bya ba'ang min/ /zhes bya bar sbyar ro/ /thams cad la khyab pa'i chos dang longs spyod rdzogs pa dang sprul pa'i sku rnams dang / rdo rje gsum ni rang bzhin gyis dag pa nyid yin pa'i phyir ngo bo nyid kyis dag pa'o/ /de'i bdag med pa ni chos thams cad stong pa'o snyam du so sor rtog pa'i mtshan nyid can gyi shes rab ye shes te/de nyid thabs kyi stobs kyis rig ma'i gzugs su gyur pa'o/ /de dang yang dag par sbyor ba las byung ba'i bde ba chen po gang yin pa nyid ni stobs dang mi 'jigs pa la sogs pa sangs rgyas kyi yon tan gyi tshogs kyi rang bzhin gyi chos rnams dang tha mal pa'i phung po la sogs pa rnams kyi bskyed pa'i sa bon nyid yin pa'i phyir chos kyi dbyings so//de nyid rten dang brten pa'i rtog pa med pa'i phyir gnas med pa'o/ /de'i rdo rje ni bshad ma thag pa'i sa bon du gyur pa'i byang chub kyi sems so//de las byung ba ni kun rdzob kyi rang bzhin gyi 'jig rten pa dang 'jig rten las 'das pa'i rtog pa ji snyed pa yod pa ste/ de skad du yang bcom ldan 'das kyis/ shes rab thabs byung sa bon ni/ /byang chub sems zhes bya bar brjod/ /de las sangs rgyas yang dag byung / /gnas de thob nas mya ngan 'das//de ni sangs rgyas chos rnams dang / /dngos grub kun gyi sa bon nyid/ /'jig rten gsum na khams gsum pa/ /thams cad de las yang dag byung / /zhes bya ba la sogs pa gsungs so/ /brjod bya zhes bya ba ni/ kun rdzob tu bstan par bya ba yin pa'o//brjod par bya ba 'ong min zhes pa ni/ don dam pa la brten nas ni bstan par bya ba dang / ston par byed pa dag med pa yin pa'i phyir ro/ /de nas de bzhin gshegs pa thams cad kyis bcom ldan 'das la phyag 'tshal nas/ bcom ldan 'das zhes bya ba la sogs pas dris te/yang dag par 'byung zhes bya ba ni skye ba'o/ /gzhan ni bcom ldan 'das nyid kyis rab tu rnam par phye'o/ /de ltar bcom ldan 'das las dngos grub thams cad kyi 'byung ba dang gnas pa'i nges pa rtogs nas/ de bzhin gshegs pa rnams dang / byang chub sems dpa' rnams ngo mtshar du gyur cing /nam mkha' ni ci la yang mi gnas so zhes bya bas ni rmad du gyur to/ /kye ma'o zhes bya ba la sogs pa la/ rdo rje zhes bya ba ni thugs rdo rje'o/ /rdo rje tshig smra ba zhes bya ba ni gsung rdo rje'o/ /de dag las she na/ sems kyis lus ni 'thob par 'gyur//sems kyis chos ni ston pa ste/ /sems kyis byang chub 'thob par 'gyur/ /zhes bya ba la sogs pa bstan pa'i phyir ro/ /'di la ngo mtshar ba ci zhig yod ce na/ gang du zhes bya ba la sogs pa gsungs te/ bstan pa gang du don dam par lus dang ngag dang sems nye bar dmigs pa med pa der kun rdzob tu gzugs rnam par bsgom pa zhes bya ba ni ngo mtshar ba yin no//de nas zhes bya ba la sogs pa ni rnam par bshad zin to/ /rdo rje gsum ni tshangs pa la sogs pa ste/ de rnams kyi ni nyan thos rnams so/ /de rnams kyi chen po ni rang rgyal ba rnams so//de rnams kyi mchog ni sa dang po nas bzung ste sa bcu pa'i dbang phyug gi bar gyi byang chub sems dpa' rnams so/ /de rnams las kyang mchog ni 'di'i dkyil 'khor pa rnams so/ /rdo rje gsum gyi bdag nyid can de rnams kyi sku dang gsung dang thugs mi phyed pa'i bdag po ni/ rdo rje gsum gyi mnga' dbang mchog go/ /rig pa'i skyes bu bsgom pa'i phyir/ /zhes bya ba ni sgrub pa chen po'i dus su/ spyi bor bdag po bsgom par bya/ /zhes bya ba la sogs pa gang bshad pa de nyid bstan par bya ba'i phyir yang dran par byed pa'o/ /mkha' dbyings ni btsun mo'i pad+ma'o/ / de nyid mchog tu dga' ba 'byung ba nyid yin pa'i phyir rdo rje'o/ /de'i dbus na gnas pa'i sangs rgyas dkyil 'khor ni rnam par snang mdzad kyi'o/ /rdo rje sku ni rab bsgoms nas/ /spyi bor rdo rje rab tu bsgom/ /zhes bya bas ni 'di skad du bstan pa yin te/ rig pa'i brtul zhugs spyad cing lha rnams kyis rjes su gnang ba'i rnal 'byor pas rang gi dkyil 'khor du sku rdo rje'i rnal 'byor ji lta ba bzhin du byas la/rjes su rnal 'byor dang rnal 'byor chen po'i cho ga'i rjes thogs la de kho na bzhin du rang gi rig ma bskyed de/ de dang yang dag par sbyor ba'i dus su rang gi spyi bor rdo rje 'chang chen po dbang bskur ba rab tu ster zhing sngar bshad pa'i zhal dang mtshon cha la sogs pa dang ldan pa 'od zer kun nas 'phro ba bsam par bya'o//bsgom pa des ni rdzogs pa'i byang chub kyi 'bras bu myur du 'thob par 'gyur ro/ /rdo rje'i sku zhes bya ba de nye bar mtshon pa yin te/ mi bskyod pa dang dkon mchog dpal dang 'od dpag tu med pa dang don yod par grub pa'i rnal 'byor pa rnams kyis kyang dbang bskur ba'i don du spyi bor rdo rje 'chang chen po nyid bsgom par bya'o//kun la zhes bya ba smos pa ni dkyil 'khor pa las phyi rol gyi lha sgom pa po rnams kyis kyang ji ltar mthun pa bzhin du rang gi rigs kyi dbang bskur ba brtag par bya'o//rigs kyi bye brag gis zhes bya ba la/ spyan dang sa'i snying po dang 'phags pa gshin rje gshed dang / byams pa dang byams ma'i rnal 'byor pa rnams kyi spyi bo la rnam par snang mdzad dang / de bzhin du mA ma kI la sogs pa'i rnal 'byor pa rnams kyis ni rang gi rigs kyi de bzhin gshegs pa'i dbang bskur ba'i go 'phang bsgom par bya zhing /'phags pa gzhan gyis mi thub pa dang / 'phags pa bdud rtsi zhes bya ba'i rnal 'byor pa dag gis mi bskyod pa'i dbang bskur ba bsam par bya'o//gal te de ltar ma bsgoms na phyag rgya chen po 'grub par mi 'gyur ro/ /rig ma dang yang dag par ldan pa'i lha sgrub par byed cing mi phyed pa'i gsang ba ste dbang bskur ba bsten par mdzad pas na/ rig pa'i skyes bu rdo rje gsang ba ste/ dpal rdo rje sems dpa'o/ / phyi dang nang gi bdag nyid can gyi sa dang chu dang me dang rlung gi khams su gyur pa'i 'phags ma spyan la sogs pa'i lha mo rnams kyis kun du bzang mo dang snyoms par zhugs pa'i rdo rje 'chang chen po la sogs pa 'dod pa'i lha gang yang rung ba'i gzugs can bdag nyid phyi dang nang gi longs spyod rnams kyis tshim par byed par bsam par bya ba yin pas de'i phyir 'byung ba dag tu zhes bya ba la sogs pa gsungs te/khyu mchog 'on tang mnyes par 'gyur/ /zhes bya ba ni rdo rje sku gsum gyi bdag nyid can gyi rdo rje 'chang chen po la sogs pa rnams so/ /gang zhig 'di dag ces bya ba la sogs pa ni go sla'o//de ltar zhag bdun gyi bar du byas na bsgrub pa de la zhugs pa'i sgrub pa pos sku gsum gyi dngos grub 'thob par 'gyur ro/ /slar zhes bya ba'i sgra ni sngar bshad pa'i sku rdo rje la sogs pa'i dam tshig la ltos pa yin pa'i phyir ro/ /yang zhes bya ba ni nges par gzung ba'i don can yin par thams cad du rtogs par bya'o//sku rdo rje la sogs pa'i sgrub pa po rnams la mdor bsdus nas bstan pa'i phyir bsdus pa ste/ de nyid gsang zhing mchog tu gsang ba'o/ /lus dang zhes bya ba la sogs pa la/ lus dang ngag dang sems kyi bdag nyid can gyi dam tshig ni 'da' bar mi bya ba ste/des phyag rgya chen po'i kha dog dang dbyibs la sogs pa'i don brtag par bya'o/ /ji ltar zhe na/ cho ga bzhin du kun bsgoms nas/ /zhes bya ba gsungs so/ /de la cho ga ni 'di yin te/ sngar bshad pa'i sgrub thabs kyi tshul bzhin du byang chub kyi sems bsgom pa sngon du 'gro ba can gyi sgrub pa'i dkyil 'khor bskyed la/de'i dbus kyi gdan la gnas pa sa de kho na bzhin du rnal 'byor dang rjes su rnal 'byor chen po dang shin tu rnal 'byor dang mchod pa'i cho ga'i rjes su thogs la lha'i 'khor lo phyung ste/ rang gi las rnams la sbyar nas slar bkug ste gnas ji lta ba bzhin du gnas par byas la/rang rang gi rig ma rnams dang yang dag par ldan par byas te/ rang gi phyag rgya chen po rnam par dgod pa la brtson zhing bde ba chen po'i mthus gzhan gyi dbang du gyur par bsam par bya'o/ /de ltar ye shes kyi mthu skyes pas skad cig de nyid kyis lha 'grub par 'gyur ro zhes bya ba'i don to//'di las bshad pa'i phyag rgya chen po bsgrub pa la zhugs pas lag pa'i phyag rgya bcing bar mi bya ste/ lha mo'i gzugs can gyi dam tshig gi phyag rgya dang snyoms par 'jug pa'i sgo nas 'khyud pa la sogs pa bcings pas 'grub pa nyid yin pa'i phyir ro//'di'i dam tshig de lta bu ni de bzhin gshegs pa rnams kyis kyang 'da' bar mi bya ba yin no/ /sku rdo rje'i rnal 'byor pas bshang ba la sogs pa la smad par mi bya ste/ de rnams ni rnam par snang mdzad la sogs pa'i rang bzhin gyi byin gyis brlab pa nyid yin pa'i phyir de kho na bzhin du sbyar ba byas la bza' bar bya ba yin pas de'i phyir bshang gci zhes bya ba la sogs pa gsungs so//thams cad cho ga bzhin du spyad/ /ces bya ba la/ rang gi dkyil 'khor na gnas pa'i 'od dpag tu med pa'i rnal 'byor dang ldan zhing gos dkar mo'i gzugs su rnam par bsgoms pa'i phyi rol gyi bud med dang snyoms par zhugs pas 'dod pa'i khams su gtogs pa rnams dang /gzugs kyi khams su gtogs pa'i bud med kyi gzugs b+ha ga med pa rnams dang gzugs med pa'i khams na gnas pa'i bud med rang gi yid kyis bsams pa gos dkar mo'i gzugs su rnam par bsgoms pa rnams rang gi ba spu'i bu ga'i gseb nas rnam par byung ba'i 'od dpag tu med pa'i tshogs rnams kyis ji lta ba bzhin du spyad par bya'o//gsung gi rdo rjes mi smad do/ /zhes bya ba ni tshig rnams kyis smad par mi bya ba'o//rdo rje gsum gyi bdag nyid can gyi sku la gnas pas na rdo rje sku gsum la gnas pa'o/ /dam tshig ji snyed yod pa kun/ /zhes bya ba ni sngar bshad pa ste/ rnam par snang mdzad la sogs pa'i rang bzhin can gyi rdo rje gsum gyi dam tshig de rnams kyi sgyu ma lta bur lhag par dmigs pa'i sgo nas rdo rje rigs kyi rnal 'byor pa bdag nyid tshim par bya zhing smad par yang mi bya'o//khyad par du 'phags shing mi phyed pa'i dam tshig ston par mdzad pa'i phyir dam tshig chen po ste/ dpal rdo rje sems dpa'o/ /mdor na phung po lnga ste/ gzugs dang / tshor ba dang / 'du shes dang /'du byed dang / rnam par shes pa rnams ni/ rnam par snang mdzad la sogs pa de bzhin gshegs pa lnga'i rang bzhin du bstan to/ /rdo rje skye mched ni nang gi bdag nyid can gyi mig la sogs pa rnams te/ de dag sa'i snying po la sogs pa byang chub sems dpa' drug gi rang bzhin yin no//de rnams kyi yul rnam par snang mdzad la sogs pa'i rang bzhin can rnam pa gsum pa'i gzugs la sogs pa rnams ni gzugs rdo rje ma la sogs pa lha mo drug gi rang bzhin no/ /snying po bsdus pa nyid yin pa'i phyir dkyil 'khor te/ rigs la gcig gis tshig tu byas pa'o//sa la sogs pa la ma gtogs pa'i khams gsum pa med pas de'i phyir khams gsum gyi dam tshig rdo rje'o/ /sa dang chu dang me dang rlung ni spyan la sogs pa bzhi'i rang bzhin yin no/ /chos thams cad la nam mkha' bzhin du so sor rtog pa'i rang bzhin gyi shes rab ni rdo rje nam mkha' zhes bya bar brjod do//dbyings dam tshig ni bde ba chen po ste/ rdzogs pa'i byang chub bskyed pa'i ched du 'da' bar mi bya ba nyid yin pa'i phyir ro/ /de nyid ces bya ba bshad ma thag pa'i shes rab nyid ni rdo rje zhes bya ste/ zla ba lta bur dag pa'i blo/ /rdo rje zhes ni mngon par brjod//ces 'byung ba'i phyir ro/ /de kun du bzang mo'i gzugs su gyur pa snyoms par 'jug pa'i 'khyud pa'i sbyor bas 'dzin par mdzad pas na rdo rje 'dzin pa ste/ dpal bde ba chen po'o/ /des ni sa'i khams la sogs pa'i rang bzhin can la sogs pa lha mo bzhis yongs su bskor zhing /chos thams cad la so sor rtog pa'i rang bzhin can gyi kun du bzang mo dang snyoms par zhugs pa gsang ba lnga'i bdag nyid can gyi dpal bde ba chen po bstan to/ /phung po la sogs pa rnam par dgod pa'i go rims ni sgrub pa'i thabs su bris pas yang brjod par mi bya'o//de bzhin gshegs pa thams cad kyi gnas ni spyan la sogs pa'i pad+ma yin zhing de dang yang dag par sbyor bas snyoms par 'jug pa dang ldan pa nyid yin pa'i phyir de rnams kyi dbang phyug yin pas na/ de bzhin gshegs pa thams cad kyi dbang phyug ste dpal rdo rje sems dpa'o//de bzhin gshegs pa thams cad ces bya ba la sogs pa la/ de bzhin gshegs pa thams cad ni dpal byang chub kyi sems rdo rje'o/ /de'i mnyam pa nyid ni rdo rje slob dpon dang lhan cig tha dad pa med pa'o/ /de nyid spyod pa ste/ kun du bzang por byas pa'i khams gsum pa'i sems can rnams sdug bsngal las 'don pa'i rang bzhin yin zhing de nyid rdo rje ste/ting nge 'dzin gang la de yod pa de la de skad ces bya'o/ /'khor gyi dkyil 'khor la gzigs nas cang mi gsung bar gyur to zhes bya ba ni mgon po byams pa dang de bzhin gshegs pa rnams go rims bzhin du 'dri ba dang /'chad par byin gyis brlab pa nyid kyi phyir cang mi gsung bar gyur pa'o/ /de'i rjes thogs la mgon po byams pas de bzhin gshegs pa thams cad la phyag 'tshal nas/ bcom ldan 'das zhes bya ba la sogs pas dris te/ de bzhin gshegs pa thams cad kyi sku dang gsung dang thugs rdo rje gsang ba 'dus pa ni/rdo rje gsum gyi bdag nyid can snyoms par zhugs pa'i rdo rje 'chang chen po'i don ston par byed pa'i rgyud kyi rgyal po ste/ de'i lugs su dbang bskur bas na/ de bzhin gshegs pa thams cad kyi sku dang gsung dang thugs rdo rje gsang ba 'dus pas dbang bskur ba'o/de nyid kyi phyir mgon po byams pas/ bcom ldan 'das slob dpon zhes bya ba gsungs te/ 'di la rnam pa thams cad du bcom ldan 'das kyi spyod pa de la 'jug pa yod pas na slob dpon yin zhing / 'gro ba ma lus pa mngon par gdon pa'i phyir chos kyi dbyings kun du 'gro ba la so sor rtog pa'i bsam pas/ 'dod chags la sogs pa rnam par dag pa'i gnas la gnas pa yin no zhes bya ba'i don to/ /bstod pa'i tshig des ni 'dir thun mong gi dbang bskur ba nyid kyang thams cad las bla mar gyur pa yin no zhes bstan to//de las mgon po byams pas ni thos pa yang med cing man ngag blangs pa yang med do/ /byang chub kyi sems rdo rje bzhin zhes bya ba ni/ byang chub kyi sems rdo rje nyid du'o/ /de ci'i slad du zhe na/ bdag ni rdzogs pa'i sangs rgyas so snyam pa'i nga rgyal dbyung ba'i dus su sems gzhan mi 'byung ba'i phyir ro//ji ltar 'khor ba'i phung po 'di/ /nga rgyal las ni 'byung ba bzhin/ /sangs rgyas nga rgyal sbyor ba yis/ /de nyid sangs rgyas gzugs su 'gyur/ /zhes 'byung ba'i phyir ro/ /gzhan yang bcom ldan 'das kyis/ da ltar byung ba'i dus nyid ni/ /rtag tu 'da' bar dka' ba yin/ /zhes gsungs so/ /de skad du yang / lha dang de bzhin gshegs kun dga' nyid nga / /snyam du gang gi rtag tu nga rgyal byas/ /de rnams lha dang mi yi 'dren pa ste/ /de rnams blo bzang brtser ldan mchod 'os yin/ /zhes gsungs so//de ltar na mchog gi nga rgyal gyis gnas pa'i slob dpon ni byang chub kyi sems rdo rje nyid yin no/ /de nyid ni de bzhin gshegs pa rnams kyis slob dpon dang byang chub kyi sems 'di ni gnyis su med cing rnam pa gnyis su dbyer med do zhes bya bas bstan to/ /rigs kyi bu rnams mdor bstan na//zhes bya ba ni/ rgyas pa bzhag la mdor bsdus nas bstan par bya'o zhes khyab pa'i don to/ /phyogs bcu'i 'jig rten gyi khams na zhes bya ba la sogs pa ni shes par zad do/ /'khor ba ji srid kyi bar du rgyun mi 'chad par 'tsho ba'i byin gyi rlabs mnga' ba'i phyir 'tsho ba'o//bzhes pa zhes bya ba ni dus 'da' bar byed pa'o/ /de dag thams cad dus gsum du lhags nas slob dpon nga la/ de bzhin gshegs pa thams cad kyi mchod pa rnams kyis kun du mchod do/ /bdag cag de bzhin gshegs pa thams cad kyi pha'o zhes bya ba la sogs pa yang brjod nas/slar yang sangs rgyas kyi zhing thams cad du gshegs par mdzad de/ chos kyi sku ni sems can thams cad kyi thun mong ma yin no/ /longs spyod rdzogs pa'i sku ni sa bcu'i dbang phyug rnams kyi spyod yul yin no/ /sprul pa'i sku ni sems can rnams kyi thun mong pa yin mod kyi de mthong ba'i skal ba dang ldan pa dag gi spyod yul kho na yin te/bcom ldan 'das shAkya thub pas sangs rgyas kyi gdul bya gang dag yin pa'i sems can thams cad btul lo zhes 'byung ba'i phyir ro/ /slob dpon yang sprul pa'i sku'i nang du gtogs pa kho na yin te/ de bzhin nyid kyi rang bzhin te/ /sems can rjes su gzung ba'i phyir/ /slob dpon gzugs su kun rdzob tu/ /rnal 'byor gnas la yang dag gnas/ /zhes 'byung ba'i phyir ro/ /de bas na khams gsum pa'i chos kyi rgyal por dbang bskur zhing de bzhin gshegs pa thams cad kyis byin gyis brlabs pa'i rgyud can gyi slob dpon gyi sprul pa'i sku mthong ba'i spyod yul med pa de lta bu'i skal ba dang ldan pa'i sems can rnams kyang byang chub tu sems bskyed pa la sogs pa'i mtshan nyid kyis/'di las gsungs pa'i tshul bzhin du rdzogs par byang chub par byed do/ /de'i phyir dgyes par gyur pas dus gsum du byon nas de la bla na med pa la sogs pa'i mchod pa rnams kyis yang dag par mchod de/byang chub tu sems bskyed nas bzung ste/ sa bcu'i dbang phyug gi bar rigs nges pa rnams dang lhan cig rgyud tha dad pa med par gyur nas/ bdag cag de bzhin gshegs pa thams cad kyi pha'o zhes bya ba la sogs pa brjod de/yang slar rang rang gi sangs rgyas kyi zhing du gshegs so zhes bya ba'i don to/ /lung las kyang / kun dga' bo phyogs gang na 'dul ba 'dzin pa la gnas pa der ni khro bo spro ba chung ba yin te/ de nyid kyis nga'i bya ba sgrub par byed do zhes gsungs so//'di lta ste zhes bya ba la sogs pas ni phyogs bcu'i 'jig rten gyi khams mtha' yas mu med pa dag na gnas pa byang chub kyi sems blangs pa nas sa bcu pa la rab tu gnas pa'i sems can sangs rgyas nyid du dam bca' ba byas pa rnams ni nges pa'i phung por gtogs pa nyid yin pa'i phyir sangs rgyas su brjod cing /de rnams kyi smon lam gyis kun nas slong ba'i lus dang ngag dang sems kyi las byung ba'i bsod nams kyi phung po snga ma las/ slob dpon gyi ba spu'i bu ga gcig gi gseb nas byung ba'i bsod nams kyi phung po byang chub kyi sems bsgom pas kun nas slong ba gang yin pa de shin tu khyad par du 'phags pa yin par bstan to//de'i phyir de bzhin gshegs pa rnams kyis rigs kyi bu byang chub kyi sems zhes bya ba la sogs pa gsungs te/ me long lta bu la sogs pa'i ye shes lnga sten par byed pa'i phyir snying por gyur pa'o//rdzogs pa'i byang chub 'byung ba'i gnas nyid yin pa'i phyir thams cad mkhyen pa'i ye shes kyi 'byung gnas te gang la de yod cing sems can rnams la yang skyed par byed pa de ni shin tu khyad par du 'phags pa yin no zhes bya ba'i don to/ /gal te zil gyis gnon pa yin du chug na byang chub tu sems bskyed pa'i so so'i skye bo rnams kyi bsod nams kyi phung po sems can bsod nams can rnams kyi phung pos ji ltar zil gyis gnon par nus par 'gyur zhe na ma yin te/gang+gA'i klung mang po'i bye ma snyed kyi bskal pa grangs med par rtsol zhing 'bad pas byang chub ma thob pa'i byang chub sems dpa'/gsang ba 'dus pa 'di nyid la mngon par dga' bar gyur na tshe 'di nyid la de bzhin gshegs pa thams cad kyi sangs rgyas zhes bya ba'i grangs su 'gro zhes 'di nyid las gsungs pa'i phyir ro/ /skabs 'dir de bzhin gshegs pa sgra ji bzhin du bshad na/nam mkha' dang mnyam pa'i bye ma snyed kyang yon tan gyi cha'i rdul gyi cha shas dang yang mtshungs pa ma yin no zhes gsungs pa dang 'gal bar 'gyur ro/ /de nas yang byang chub sems dpa' byams pa zhes bya ba la sogs pas ni de ltar bsod nams kyi phung po chen po dang ldan pa'i bcom ldan 'das slob dpon la brnyas pa'i sems bskyed pas/so so'i skye bo rnams dmyal ba chen por 'gro bar dogs pas 'jigs pa la sogs pa bstan nas cang mi gsung bar gyur pa bstan to/ /bla ma la gus pa sngon du 'gro ba can gyis mchod pa la sogs pa ni rdo rje 'chang chen po la sogs pa'i 'bras bu thob par byed pa yin no zhes bstan par bya ba'i phyir/de nas zhes bya ba la sogs pa gsungs te/ mi bskyod pa dang / dkon mchog dpal dang 'od dpag tu med pa dang / don yod par grub pa dang / rnam par snang mdzad ni de bzhin gshegs pa lnga'o//rdo rje 'dzin thams cad kyi zhes bya ba la sogs pa la/ rdo rje 'dzin thams cad ni me long lta bu la sogs pa'i ye shes lnga 'dzin pa'i rigs thams cad kyi lha rnams so/ /de rnams kyi dngos grub ni rnal 'byor pa rnams kyi rgyud la yongs su grub pa'o//de bskyed pa'i dam tshig ni slob dpon mnyes par bya ba yin zhing de la dmigs pa'i ting nge 'dzin la de skad ces bya ste/ de mngon du mdzad nas byang chub sems dpa' de rnams la/ byang chub sems dpa' khyed rnams zhes bya ba la sogs pas bos te bka' stsal pa'o/ / gang yang zhes bya ba la sogs pas ni nges pa'i phung por gtogs pa'i sems can sangs rgyas kyi ming can rnams 'ba' zhig tu ma zad kyi yongs su rdzogs pa'i sangs rgyas dus gsum gyi ye shes las byung ba de rnams kyang byon nas/ dpal gsang ba 'dus pas dbang bskur ba'i slob dpon la/bla na med pa la sogs pa'i mchod pa rnams kyis mchod pa byed cing phyag kyang 'tshal lo/ /de ci'i phyir zhe na zhes bya ba la sogs pas ni dri ba dang lan bstan to/ /de bzhin gshegs pa thams cad kyi sku dang gsung dang thugs kyi dngos grub rnams ci la gnas she na/ sku gsum gyi rdo rje gsum gyi bdag nyid can gyi rdo rje slob dpon gyi lus dang ngag dang sems la gnas so/ /lhag ma ni snga ma bzhin no/ /rdo rje gsang ba'i ting nge 'dzin te/ thabs dang shes rab kyi bde ba chen po las bzhengs nas zhes bya ba/ de las sad nas 'dir dbang bskur ba'i slob dpon gyi phan yon thos te/mngon par 'dod pa kun tu skyed pa'i sems can rnams la dbang bskur ba sbyin pa'i don du de bzhin gshegs pa rnams dang byang chub sems dpa' rnams la/ de bzhin gshegs pa thams cad dang / /zhes bya ba la sogs pas bos par gyur to//'dis dbang bskur ba'i sems can rnams de bzhin gshegs pa la sogs pa'i don du gsol ba gdab pa'i go rims rab tu ston pa'i de bzhin gshegs pa la sogs pa rnams kyis thal mo sbyar nas gsol ba btab pa na/ bcom ldan 'das kyis nam mkha'i dbyings kyi dbus zhes bya ba la sogs pa gsungs te/gru bzhi lham pa rab tu bzang / /zhes bya ba ni kun du bzang mo'i chos 'byung na gnas shing le'u bzhi pa las bshad pa'i mtshan nyid dang ldan pa'o/ /sangs rgyas ni rdo rje 'chang yin zhing / de'i dkyil 'khor gyi sbyor ba ni/sangs rgyas dkyil 'khor sbyor ba ste/ de yis so/ /rdo rje'i dkyil 'khor ni rdo rje'i rigs kyi bri ba'i dkyil 'khor ro/ /bsam gtan gyis zhes bya ba ni de kho na bzhin du sgrub thabs las bshad pa'i cho ga rdzogs par byas la'o/ /'khor lo can kun gdan bsam mo//zhes bya ba ni snga ma bzhin du rang gi lha'i gnas na gnas pa'i yi ge hri las byung ba'i pad+ma 'dab ma sna tshogs pa rnams la/ zla ba la sogs pa'i gdan bsam pa'o/ /bsam gtan rdo rjes bskul bar bya/ /zhes bya bas ni 'di skad du bstan pa yin te/ de'i dbus kyi gdan la 'dug pas snga ma bzhin du rdo rje 'chang chen po'i rnal 'byor byas la/ rjes su rnal 'byor dang rnal 'byor chen po dang shin tu rnal 'byor dang mchod pa'i cho ga'i rjes thogs la dkyil 'khor gyi 'khor lo phyung ste/ gnas ji lta ba bzhin du gnas par byas la/ye shes 'khor lo spyan drangs te de rnams kyi thugs kar gzhug par bya'o/ /de nas de kho na bzhin du gdol pa'i bu mo lo bcu gnyis lon pa'am bsgoms pa las byung ba byin gyis brlabs la/ de las byung ba'i byang chub kyi sems dang bla na med pa la sogs pa'i mchod pa rnams kyis dkyil 'khor pa rnams la mchod par bya'o zhes bya ba'i tha tshig go//slob dpon snying po bsgoms nas ni/ /zhes bya ba la/ rdo rje 'chang chen po'i nga rgyal dang ldan pa kho nas bdag nyid rdo rje 'chang chen por rang gi yang dag par sbyor ba las phyung ste/ snga ma bzhin du sgo na gnas pa'i pad+ma 'dab ma sna tshogs pa'i steng gi zla ba la 'dug pa'i dbang bskur bar bya ba'i slob ma'i snying ga na gnas pa'i pad+ma'i steng gi zla ba la bkod la/las la gnas pas byang chub kyi sems kyi rgyun rnams kyis de'i lus gang bar byed par bsams nas/ dbang bskur ba brtsam par bya'o//de ji ltar bya zhe na/ sangs rgyas kun gyi nam mkha'i dbyings/ /zhes bya ba la sogs pa gsungs so/ /'di skad du bstan pa yin te/ rang gi ba spu'i bu ga'i gseb nas byung ba'i de bzhin gshegs pa til gyi gang bu dang mtshungs pa bum pa dang rol cha dang gos bzang po dang rgyan bzang po bsnams pa rnams kyis nam mkha'i dbyings thams cad yongs su gang bar bsam par bya'o//dbang bskur ba yi gnas gsum gyis/ /thams cad cho ga bzhin du dbab/ /ces bya ba ni thugs kyi dkyil 'khor las bshad pa'i cho ga bzhin du/ bum pa dang gsang ba dang shes rab ye shes kyi dbang bskur ba'i gnas gsum gyis de'i lus la bum pa'i bdud rtsi rang rang dang rjes su mthun pa'i kha dog can dang / byang chub kyi sems kyi rgyun blugs la/ 'dod chags kyi mes zhu bar gyur pa'i de bzhin gshegs pa thams cad bcug ste/ de kho na bzhin du dam tshig dang dbugs dbyung ba sbyin pa la thug pa thams cad bya'o zhes bya ba'i don to/ /de bzhin du dkyil 'khor gyi dbus na gnas pa'i bdag nyid kyang dbang bskur bar bya'o/ /de ni nye bar mtshon pa yin te/ dbang bskur bar 'os pa'i rang gi 'dod pa'i lha'i dkyil 'khor bsams la/de'i dbus na gnas pa'i slob dpon de'i rnal 'byor dang ldan pas slob ma'am bdag nyid kyang de'i rnam par dmigs te/ 'das ma thag pa bzhin du dbang bskur bar bya'o/ /de ltar snod du rung bar byas shing dam tshig dang sdom pa la gnas pa nyin dang mtshan du sgom pa la dga' bas sems can thams cad la phan par 'dod pa'i rdo rje gsum gyis mngon par byang chub 'thob par 'gyur ro//sangs rgyas ni rigs nges pa'i sems can rnams so/ /byang chub sems dpa' ni rigs ma nges pa dang / rigs chad pa rnams te/de dag dam tshig la so sor dgod pa'i sgo nas lo ni dam tshig 'khor lo zhes bya'o/ /de nyid sgom pa ni byang chub kyi snying po 'thob par byed pa nyid yin pa'i phyir bsam gtan gyi dkyil 'khor ro/ /gang zhig bag med pas dam tshig nyams par gyur na/ de yang bsam gtan gyi dbang bskur ba'i cho ga 'dis dam tshig bskang bar bya'o zhes bya ba 'di ni man ngag yin no//rdo rje sbyor ba zhes bya ba 'di ni rdo rje mkha' 'gro'i sbyor ba'o/ /sku gsum dang rdo rje gsum gyi bdag nyid can gyi rdo rje mkha' 'gro'i snying po ni sku dang gsung dang thugs gsum gyi snying po'o/ / 'di skad du bstan pa yin te/ rang gi dkyil 'khor na gnas pa'i rdo rje 'chang chen po'i rnal 'byor dang ldan pas/ rig ma'i pad+ma na gnas pa'i byang chub kyi sems kyi zla ba la/ hUM d+h+ri khaM zhes bya ba rnam par bkod la/ de las byung ba'i 'od zer gyi tshogs rnams kyis nam mkha'i dbyings thams cad khyab pa'i/de bzhin gshegs pa thams cad la kun du reg ste/ rdo rje mkha' 'gro'i gzugs kyi rnam pa can rnams bsdus nas de la bcug ste/ de gyur par byas nas rdo rje mkha' 'gror rnam par bsgoms la/ hUM d+h+ri khaM zhes bya ba brjod cing de phyung ste/ de gdug pa rnams kyi khrag la sogs pa 'gugs par byed du bcug la/de bkug ste rang gi lus la bcug la/ thams cad gyur par byas nas/ bdag nyid rdo rje mkha' 'gro'i gzugs su bsam par bya'o/ /de ji lta bu zhig ce na/ drag po zhes bya ba la sogs pa gsungs te/ gdug pa gsod pa'i bsam pa can gyi mi sdug pa mche ba rnam par gtsigs pa kun du khros pa'i zhal mnga' ba/ut+pa la sngon po lta bu'i phyag bzhi pa/ g.yas pa dag na khro bo'i rdo rje dang phur bu bsnams pa/ g.yon pa na mchu la sbyar ba'i thod pa bsnams pa/ gnyis pa rtse gsum bsnams pa rdo rje mkha' 'gro ma dang snyoms par zhugs pa bsams la/mdun na gnas pa'i nam mkha'i phyogs su yi ge khaM las byung ba'i bsgrub bya/ mar gyi bum pa bzhin du sha dang khrag dang rus pas gang ba rnam par bsams te/ de'i dbus dang thog ma dang / g.yas dang g.yon dang rgyab rnams su lag pa na gnas pa'i phur bus bu ga lnga byas la/yi ge d+h+ris mtshan pa'i rang gi lce las byung ba'i 'od zer gyi sbu gu kha dog sngon po dang / dkar po dang ser po dang dmar po dang ljang gu go rims bzhin du sbu gu sngar zhugs pa rnams nas de'i khrag bkug la/ kha kun du gang bar bsam par bya'o/ /rdo rje'i mkha' 'gro'i bsam gtan gyi sbyor ba 'dis ni gdon mi za bar khrag 'gugs par byed do//ji ste gdug pa 'ga' zhig la gnod pa bya bar 'dod na de'i tshe sbyor ba de nyid kyis rtse gsum la sogs pa rnams kyis kun du btsugs te mi 'gul bar byas par bsam par bya'o/ /bza' ba'am zhes bya ba la sogs pas ni/bza' ba dang myang ba la sogs pa gang cung zad cig yod pa de dag bshad pa la sogs pa bzhin du/ sbyang ba la sogs pas mngon par 'dus byas la snga ma bzhin du bza' ba bstan to/ /mchod pa'i yo byad mchog lnga yis/ /zhes bya ba la sogs pas ni/dkyil 'khor thams cad kyi lha'i 'khor lo dang / bdag nyid la rnam par sbyangs nas/ bdud rtsi lngas mchod par bya ba bstan to/ /'di nyid ni de bzhin gshegs pa thams cad kyi 'da' bar mi bya ba'i dam tshig go/ /gsang bar bya ba nyid yin pa'i phyir mchod pa gsang ba'o//dbang po gnyis kyi sbyor ba ste/ /snyoms par 'jug pa'i sbyor ba'i dus su las thams cad la gnas par gyur nas byang chub kyi sems kyi byin gyi rlabs kyis rdo rje chu'i bum pa bzhin du nam mkha'i dbyings kun du bkang ste/ byang chub kyi sems rdul phra rab kyi tshogs de yang rang gi rig ma dang gnyis su med pa'i de bzhin gshegs pa'i tshogs su bskyed la/bsdus te rang gi lha mo'i pad+mar bcug la/ ye shes kyi bdud rtsi'i rnam par bsam par bya'o/ /de nas pad+ma na gnas pa rang gi khas blangs shing rang byung dang bcas pa'i ye shes kyi bdud rtsi des rang gi lus la gnas pa'i lha'i 'khor lo dang dkyil 'khor pa rnams tshim par bya'o//de'i phyir/ rang gi khu ba sogs blangs pas/ /zhes bya ba la sogs pa gsungs so/ /phyi dang nang gi lha'i 'khor lo mchod pa'i cho ga 'dis ni/ sangs rgyas kyi byang chub 'thob par 'gyur ro//'jig rten las 'das pa'i sangs rgyas rnams kyis gsungs pa'i bya bas lus dang ngag dang yid rnams/ 'jig rten gyi tha snyad las kun du sdom par byed pas na/ lus dang ngag dang sems sdom pa'o/ /sems can gyi khams ma lus pa bskyed pa'i sa bon 'dzin par byed pas na dam tshig 'dzin pa'i ma rnams so//dam tshig gsum gyi rdo rjes spyad/ /ces bya ba ni ma rgyud nas bshad pa'i dam tshig gi spyod pa'i de kho na nyid shes par byas nas/ rang gi sku la sogs pa byin gyis brlab pa la thug pa'i cho ga'i rjes thogs la snga ma bzhin du spyad pa'o/ / sdom pa ni kha phyir bltas pa rnams kyi spyod yul nyid ma yin pa'i rmad po che'o/ /sku dang gsung thugs longs spyod ni/ /zhes bya ba ni/ rdo rje gsum mi phyed pa'i lha'i gzugs so/ /de gang las byung zhe na/ gsang ba gsum zhes bya ba la sogs pa gsungs te/ gsang ba gsum ni dpal rdo rje sems dpa'o//de'i gnas ni chos 'byung zhes bya ba ste/ de dag gis bskyed pa'i bde ba chen po las byung ba nyid yin pa'i phyir gsang ba gsum gnas rdo rje las byung ba'o/ /bzang po bdag gis bsgrub par bya/ /zhes bya ba ni de lta bur gyur pa'i dge legs mngon du bya'o snyam du lhag par mos pa bskyed pas bsgom pa'o//'dir bdag kun du nyams mi 'gyur/ /zhes bya ba ni/ 'di las bshad pa'i dam tshig dang sdom pa bsgrub pa lhur len zhing 'dul bar byed pa/ bdag ni 'jig rten dang lung dag dang 'gal bar spyod par yang mi 'gyur zhing / mngon par 'dod pa'i lnga'i dngos grub kyang 'grub par 'gyur ro zhes bya ba'i don to//gang gi tshe rnal 'byor pa bsgom pas dub par gyur pa de'i tshe/ rang gi mgo'i steng du mtho gang tsam gyis dpags nas bdud rtsi lnga'i dkyil 'khor mtho gang gi tshad dang ldan pa/ gdugs dkar po dang mtshungs pa nyid yongs su brtags la/de'i dbus na gnas pa'i oM gyi 'bar ba kha dog lnga pas bzhus te rkan gyi phyogs su babs pa'i zla ba ltar bsil bas rtsa rnams su khyab pas thams cad kun du tshim par bsam par bya'o/ /rdo rje'i sbyor ba 'di yis ni/ /zhes bya ba la sogs pa ni go sla'o//sngags thams cad de/ phung po la sogs pa byin gyis rlob pa'i lha thams cad nyin dang mtshan du bsgom pa'i sbyor bas 'dzin par byed pas na sngags thams cad 'dzin pa ste sgrub pa'o/ /lus la sogs pa'i gsang ba ni 'chad par 'gyur ba'o/ /sems kyi dngos po ni sems nyid do//de'i las ni nyin dang mtshan du bdag nyid lha'i gzugs su bsgom pa ste/ de yongs su spangs nas sa las byas pa la sogs pa'i mchod rten gyi las mi bya zhing / de bzhin du glegs bam bklag pa la sogs pa yang mi bya'o/ /bsgom pa la mngon par mi dga' bar gyur pa gang yin pa de la ni bkag pa med do//gal te de lta yin na ni de'i tshe rgyal po mnyes par bya ba dang nor bsags pa la sogs pas brel ba rnams la yang mchod rten gyi las la sogs pa bkag par 'gyur na/ bcom ldan 'das ni bsod nams phra mo'i bar chad du 'gyur ba yang ston par mi mdzad do//'od zer dkar po 'bar bas khyab/ /ces bya ba la sogs pa la/ yi ge b+h+rUM gyis gtsug tor 'khor los sgyur ba sku mdog dkar po'i rnal 'byor ram/ oM las byung ba'i rnam par snang mdzad kyi rnal 'byor byas la/ lag pa g.yas par yi ge b+h+rUM nyid las 'khor lo dkar po rtsibs brgyad pa dang /de'i lte bar 'od zer dkar po can rnam par bsams nas/ dug gis non pa'i lus la 'od zer gzhug cing dbyung ba dang byab pa'i sgo nas dug gzhom par bya'o/ /rnal 'byor la sogs pa thams cad ser por dmigs la/'od zer ser po rnams kyis bkang na rengs par 'gyur ro/ /de kho na bzhin du 'od zer du ba'i rnam pa can rnams kyis khams gsum na gnas pa'i dug bkug la gang la 'dod pa de la dbab par yang bya'o/ /gzhan ni shes par zad do/ /gro ga sogs la 'khor lo ni//zhes bya ba ni kha dog dkar po rtsibs brgyad pa'o/ /las kyi rdo rje la gnas pa/ /zhes bya ba ni sna tshogs rdo rje rtse mo bcu gnyis pa'i steng na gnas pa'o/ /'di skad du bstan pa yin te/ ji lta ba bzhin du rnam par snang mdzad kyi rnal 'byor dang ldan pas/ gro ga dang ras la sogs pa rnams la skyes pa bsrung ba'i don du gur gum dang /bud med kyi don du gi wang gis ji skad bshad pa'i sna tshogs rdo rje'i lte bar 'khor lo rtsibs brgyad pa bris la/ de'i lte bar gru gsum dang de'i nang du yi ge ha mgo bo dang zla tshes dang thig le dang rtse mo dang ldan pa dang / dzi na che ge mo la rak+ShaM ku ru dzika ces bya ba'i snying po dang rnam par spel ba'i ming bris te/ shar la sogs pa'i rtsibs kyi dbus su mi bskyod pa la sogs pa'i lha rnams kyi de bzhin gshegs pa bzhin 'byin pa'i snying po rnams dang / de rnams nyid kyi mtha' ma la/ /'phags pa gshin rje'i gshed la sogs pa'i snying po rnams dang /me la sogs pa'i mtshams kyi rtsibs rnams la spyan la sogs pa'i lha mo bzhi'i snying po rnams dang / mtshams rnams su yi ge gsum rnam par bkod la/ 'khor lo'i mu khyud la oM hu lu hu lu/ tiSh+Tha tiSh+Tha/ che ge mo'i u ba dra ba di kaM/ban+d+ha ban+d+ha/ ha na ha na/ da ha da ha/ a mr-i te hUM phaT/ ces bya ba'i 'khor lor bri bar bya'o/ /de nas rang gi snying po rnams kyis rnam par snang mdzad la sogs pa'i lha'i 'khor lo gnas ji lta ba bzhin du bskyed la/ mu khyud la bkod pa'i yi ge re re las grub pa'i 'phags pa bdud rtsi 'khyil pa'i tshogs kyis yongs su bskor bar bltas te/rnam par snang mdzad kyi thugs ka na gnas pa'i pad+ma'i steng gi zla ba la gnas pa'i sa bon las byung ba'i bsgrub bya rdo rje'i sku can yi ge haM las byung ba'i rdo rje'i go bgos pa bsams la/ dam tshig gi 'khor lo la ye shes kyi 'khor lo gzhug pa sngon du 'gro ba can gyis bla na med pa la sogs pa'i mchod pa rnams kyis mchod par bya'o//de ltar 'khor lo'i sngags kyi yi ge'i tshig rnams kyis yang dag par brgyan par 'gyur ro/ /gzhag par bya zhes bya ba ni za ma tog la sogs pa kha sbyar na gnas pa lha'i mchod pa'i gnas su'o//rtag tu zhes bya ba ni dus thams cad du mchod pa'o/ /'di ni zhes bya ba la sogs pa la lha thams cad kyi gsang ba gsum gyi bdag nyid kyi gnas ni 'khor lo'o/ /de nyid mdor bsdus nas bstan pa'i phyir btus pa'o//yang na bshad pa nyid kyi 'khor lo la dbang po'i phyogs su yi ge oM/ me'i phyogs su hu lu hu lu/ gshin rje'i phyogs su tiSh+Tha tiSh+Tha/ bden bral gyi phyogs su ban+d+ha ban+d+ha/ chu'i phyogs su ha na ha na/ rlung gi phyogs su da ha da ha/ ku be ra'i phyogs su a mr-i ta/dbang ldan gyi phyogs su hUM phaT/ 'khor lo'i lte bar yi ge haM/ de'i nang du bsgrub bya'i ming bri bar bya'o/ /de lta na yang 'khor lo'i sngags kyi yi ge'i tshig rnams kyis brgyan par 'gyur ro zhes kha cig zer ro/ /de lta bu gang yang rung bas kyang 'tshe ba thams cad las bsrung ba yin no//lam gyi bzhi mdo zhes bya ba la/ de la dmigs te bzlas pa 'bum byas pas mar ngo'i bcu bzhi la phyi rol gyi bud med dang lhan cig 'dod pa'i lha sku mdog dmar po'i rnal 'byor gyis ji skad bshad pa'i gnas gang yang rung bar yid kyis rang gi dkyil 'khor yongs su brtags la/de'i dbus su thod pa gsum kha sbub pa'i steng du bdud rtsi lnga dang bcas pa'i chang gis legs par byugs pa'i thod pa kha sbub tu yang dag par bzhag ste/ de'i 'og tu bdud rtsi lnga cung zad dang bcas pa'i til mar chen pos nang yongs su gang ba'i thod pa ru bdud rtsi lnga dang bcas pa'i shing arga'i rtsa ba pad+ma'i skud pas dkris pa'i sdong bus mar me rab tu sbar la/mtshan phyed kyi dus su thod pa'i stan la 'dug cing thod pa gnyis la pus mo gnyis bzhag ste snyoms par 'jug par gnas pas rang gi sngags zlos shing dud pa chags su gzhug go/ / de nas de bsdus te bdud rtsi lnga dang bcas pa'i til mar chen po dang sbrus la gos gtsang mar gtums te/ rig ma'i pad+mar bcug la de dang yang dag par sbyor ba dang ldan pas gnas de nyid du dro ba dang du ba dang 'bar ba'i mtshan ma rnams shes par bya zhing /rang gi sngags brgya rtsa brgyad bzlas par bya'o/ /drod byung ba de mig la bskus pas phyogs thams cad du skad cig gcig kho nas 'gro ba dang 'ong bar byed cing sa la gnas pa'i sems can thams cad dbang du 'gyur ro/ /du ba byung bar gyur pa des ni bar snang la 'gro ba dang /de na gnas pa'i sems can rnams dbang du 'gyur ro/ /'bar bar gyur pa des ni nam mkha' thams cad la 'gro ba dang / sems can thams cad dbang du 'gyur te de lta bu'i dngos grub rnams la gsum 'byung ngo / /kun du dge legs thob par byed pa'i rdo rje mig sman ston par mdzad pas na kun du bzang po ste dpal rdo rje sems dpa'o//de nas zhes bya ba la sogs pa la/ de bzhin gshegs pa thams cad kyis dpal rdo rje sems dpa' la/ bcom ldan 'das zhes bya ba la sogs pa gsungs te/ de ni shes par zad do//phyag na rdo rjes de bzhin gshegs pa rnams la/ bcom ldan 'das zhes bya ba la sogs pa gsungs te/ ldan zhes bya ba ni ldan par gyur pa'o/ /de bzhin gshegs pa thams cad kyis byang chub ni dpal gsang ba 'dus pa las gsungs pa'i rdo rje 'chang chen po la sogs pa'i 'bras bu'i rang bzhin no//de'i don du spyod pa'i rdo rje ni tshig dang don rtogs pa'i sgo nas rab tu 'jug pa'o/ /de la dad cing bsgom par 'gyur/ /zhes bya ba ni rtogs nas dad par 'gyur bas nyin dang mtshan du bsgom par 'gyur ro zhes bya ba'i don to/ / yang de bzhin gshegs pa rnams kyis dris pa na/ bcom ldan 'das kyis de bzhin gshegs pa thams cad kyi sku rdo rje dang zhes bya ba la sogs pa ni gsum yin no/ /gzhan ni go sla'o/ /yang phyag na rdo rjes de bzhin gshegs pa rnams dang byang chub sems dpa' rnams la bos te gsungs pa/bcom ldan 'das zhes bya ba la sogs pa ni 'das pa'i rabs bstan pa'i phyir gsungs te/ thams cad shes par zad do/ /de ci'i phyir zhe na zhes bya ba ni/ ci'i phyir ma gsungs pa'o/ /de'i phyir bcom ldan 'das zhes bya ba la sogs pa gsungs te/tshul khrims la sogs pa gtso bor byed pa nyid kyis rnam pa thams cad du rnam par dag pa'i chos bstan pa 'di las/ 'jig rten dang 'gal ba'i dam tshig la sogs pa thos pa tsam kho nas skrag pa'i 'du shes can du 'gyur bas/ de'i phyir skal ba med pa yin te/des na de'i tshe des ma gsungs so/ /gsang ba 'dus pa 'di las zhes bya ba ni/ 'di las bshad pa'i rdzogs pa'i rim pa'i rnal 'byor rnam par gnas pa rnams ni skad cig de nyid la thabs dang shes rab kyis mngon par rdzogs par byang chub pa mngon du byed par 'gyur ro zhes bya ba'i don to//gang+gA'i zhes bya ba la sogs pas ni yan lag gi dam pa mgo dang lag pa dang rkang pa dang mig sbyin pa la sogs pa pha rol tu phyin pa bcu'i spyod pa rnams kyis bskal pa gang+gA'i klung gi bye ma snyed du 'bad pa la sogs pa byas pas byang chub ma thob pa gang yin pa de/tshe 'di nyid la yang dag par rdzogs pa'i sangs rgyas su 'gyur ro zhes de bzhin gshegs pa dang byang chub sems dpa' rnams kyis mkhyen par 'gyur ba bstan to/ /de skad thos nas ma 'ongs pa'i sems can rnams la/ dad pa'i dbang las byung ba'i ro'i dga' ba bskyed pa'i phyir byang chub sems dpa' rnams kyis rab tu bsdus so//de nas de bzhin gshegs pa rnams kyis de rnams la byang chub sems dpa' zhes bya ba la sogs pas bzlog pa mdzad do/ /sdug bsngal gsum ni lus dang ngag dang yid kyi sdug bsngal lo//byang chub sems dpa' rnams kyis de bzhin gshegs pa rnams la/ bcom ldan 'das zhes bya ba la sogs pa stsol to/ /de ci'i phyir zhe na zhes de bzhin gshegs pa rnams kyis dris pa can/ yang byang chub sems dpa' rnams kyis bcom ldan 'das zhes bya ba la sogs pa stsol to//sku dang gsung dang thugs gsang ba dag kho na rang bzhin gyis rnams par dag pa'i yi ge rnams yin pas na/ gsang ba gsum gyi yi ge rnams yin zhing de rnams kyi ming tsam thos pa'i skal ba yang ma mchis na zhes sngon gyi dus kyi rigs ma nges pa dang /rigs chad pa rnams dang / lhan cig rgyud tha mi dad par byas nas de skad du brjod do/ /don dam pa'i chos nyid bstan pa'i phyir de bzhin gshegs pa rnams kyis de skad ma zer cig ces bya ba la sogs pa gsungs te/ ma thob ces bya ba ni gzung ba dang 'dzin pa'i sgo nas so//de nyid kyi phyir rtogs par bya ba la sogs pa'i rtog pa med pas na mngon par rdzogs par sangs ma rgyas so/ /de ci'i phyir zhe na zhes byang chub sems dpa' rnams kyis dris pa na/ de bzhin gshegs pa rnams kyis gsang ba'i gnas gsum gyis yi ge rnam par dag pa nyid yin pa'i phyir ro zhes gsungs te/sku la sogs pa gsang ba'i gnas rnams kyi rnam par dag pa ni de bzhin nyid de de'i phyir ro/ /de skad thos nas byang chub sems dpa' rnams cang mi smra bar gyur to/ /de bzhin gshegs pa thams cad kyi sku dang gsung dang thugs rdo rje'i dpal rdo rje sems dpa'o//de'i btsun mo ni kun du bzang mo ste/ de'i b+ha ga la bya ba thams cad dang bral zhing mchog tu bde ba la dgyes pa'i rdo rje 'chang chen po rang gi 'khor gyi rig ma dang gnyis su med pa'i sbyor bas de bzhin gshegs pa thams cad dang tha mi dad par gyur pas bzhugs so//de nas rnam par thar pa'i sgo stong pa nyid la sogs pa'i rang bzhin can zhi ba la sogs pa'i ngo bo nyid kyis lha mo bzhis sems can ma lus pa sdud pa'i snying rje chen po'i bdag nyid can gyi rdo rje 'chang chen po ye shes kyi gnyid log pa la glu rnams kyis rab tu bskul lo//re zhig snying rje chen po'i bdag nyid can gyi dpal rdo rje sems dpa' sems can rnams mgron du gnyer nas/ ji ltar rnam par mi rtog pa nyid du gyur/ gal te gyur du bcug na ci'i phyir stong pa nyid la sogs pa'i rang bzhin can gyi lha mo rnams kyis rab tu skul bar byed ce na/'dir rigs pa brjod par bya ste/ de bzhin gshegs pa rnams ni gsal zhing dri ma med pa'i sku can yin no/ /de'i phyir nye bar gyur pa'i me long gnyis nyid kyi gzugs brnyan bzhin du lha mo rnams kyi stong pa nyid la sogs pa'i rnam pa rdo rje 'chang chen po las 'byung ste/de'i phyir rnam par mi rtog pa nyid du gyur to/ /bcom ldan 'das kyi thugs rje lha mo rnams la 'byung bas de'i phyir rab tu skul bar byed do/ /de bzhin gshegs pa thams cad kyi sku dang gsung dang thugs kyi btsun mo ste/'phags pa mA ma kIs sa 'dzin pa dang / drug las skyes pa la sogs pa snyan cing 'jam pa'i dbyangs rnams kyis rnam par thar pa'i sgo bzhi'i bdag nyid can gyi rdo rje 'chang chen po la 'gro ba ma lus pa 'don pa'i bdag nyid can gyi snying rje chen po'i dga' bas skul bar byed do//khyod ni rdo rje'i thugs zhes bya bas ni/ thugs rdo rje'i sgo nas bod pa'o/ /'di la mi phyed pa'i thugs mnga' bas na rdo rje'i thugs te/ don dam pa byang chub kyi sems kyi rang bzhin no/ /de nyid longs spyod rdzogs pa'i skus chos 'byung gi nang na gnas pa'i gzhal yas khang du bdag po'i gzugs su bzhugs pa nyid yin pa'i phyir/sems can khams na gnas kyi dbang phyug go/ /bdag la bskyab tu gsol zhes bya ba ni/ 'dod chags kyi spyod pa can gyi sems can gyi rang bzhin bdag la bskyab tu gsol ba'o//gang dag ce na/ dga' ba yid 'ong don chen 'dod pas zhes bya bas gsungs te/ de la dga' ba ni byang chub kyi sems phyung ba'i bde ba chen po'i rnam pa'o/ /de nyid yid dga' bar byed pa nyid yin pa'i phyir yid du 'ong ba'o//des bskyed pa'i don chen 'dod pa ni thams cad las phul du byung ba'i dkyil 'khor pa rnams kyis zhe sdang la sogs pa'i spyod pa can gyi sems can gyi khams rnam par sbyong ba'i rang bzhin te/ des bdag gi mngon par 'dod pa sgrubs shig pa'o/ /ci'i phyir zhe na/ 'di ltar sems can thams cad skyed par mdzad pa dang / de dag mngon par gdon par bya ba la gnyen mchog tu gyur pa ste/ de'i 'dod chags kyi spyod pa can gyi sems can gyi khams kyi rang bzhin bdag de rnam par sbyong ba'i thabs kyis 'tsho bar byed pas gson par mdzad du gsol zhes bya ba'i don to//da ni spyan gyis skul bar byed de/ rdo rje sku khyod ces bya ba ni/ sku rdo rje'i sgo nas bod pa'o/ /gang gi phyir/ khyod sems can mang po la phan pa mdzad cing dkon mchog gsum la sogs pa la gnod pa byed pa rnams la bka'i 'khor lo sbyor bar mdzad pa yang yin pa de'i phyir/sangs rgyas don ni chos thams cad rtogs pa'o/ /byang chub ni shes rab kyi pha rol tu phyin ma'o/ /don dam pa ni yang dag par sbyor ba'i bde ba chen po ste/ de dag sems can rnams la phan gdags pa'i bsam pas ston cing 'chad par mdzad pa'o//chags pas zhes bya ba ni rab tu dga' ba'i spyod pa la zhugs pa'i sems can gyi khams rnam par sbyong ba'i rang bzhin gyis so/ /'dod chags dam tshig ni 'dod chags kyi spyod pa can gyi sems can rnams kyi rgyud rnam par sbyong ba'i rang bzhin can te/bdag la dgyes par mdzad cing sten par mdzad du gsol zhes bya ba'i don to/ lhag ma ni snga ma bzhin no/ /'jig rten dbang phyug ni 'od dpag tu med pa yin zhing de'i sku dang gsung dang thugs kyi spyan te/gos dkar mos rdo rje 'chang chen po la rab tu bskul ba'o/ /khyod ni rdo rje'i gsung zhes bya ba ni gsung gi sgo nas bcom ldan 'das la bod pa'o/ /kun la zhes bya ba ni sems can gyi khams lus pa bzang ba med pa la'o/ /phan zhing thugs brtse ba zhes bya ba ni/ma 'ongs pa na phan pa mdzad pa'i bdag nyid can no/ /de nyid kyi phyir 'jig rten rnams kyi don bya ba'i phyir dus rtag tu yang dag par brtson pa'o/ /spyod pa dri med ni rab tu dga' ba skyed par byed pa'i 'jug pa'o/ /des sems can gyi khams ma lus pa bzang po ste/dge legs thob par mdzad pas na kun du bzang po'o/ /bdag la dgyes par mdzod ces bya ba ni bdag la longs spyad par mdzod cig pa'o/ /gzhan ni bshad zin to/ /de bzhin gshegs pa thams cad kyi sku dang gsung dang thugs kyi dam tshig rdo rje ni don yod par grub pa yin zhing /de'i btsun mo ste 'phags ma sgrol mas rdo rje 'chang chen po la rab tu bskul ba'o/ /khyod ni rdo rje 'dod pa zhes bya ba ni sprul pa mtha' yas pa rnams kyis sems can rnams kyis mngon par 'dod pa'i don sgrub par byed pa'o//don yod par grub pa'i sgo nas las kyi rigs kyi bdag nyid can yin pa'i phyir dam tshig go/ /sems can ma lus pa rnams kyi mchog tu phan pa'i don mdzad pa'i phan don che'o/ /zhe sdang ni rab tu phrag dog rnam par sbyong ba'i bdag nyid yin pa'i phyir rdzogs pa'i sangs rgyas kyi gdung mchog go//gsod pa la sogs pa la zhugs pa'i sems can rnams kyang gdon par dgongs pa'i bdag nyid can yin pa'i phyir mtshungs par brtser ldan pa'o/ /gzhan ni bshad zin to/ /yon tan rin chen mang po'i zhes bya ba la sogs pas ni/bdag ni 'dod pa'i yon tan lnga rnam pa mang pos dga' zhing mchog tu zad pa med pa'i bde ba rgyas par byed pa yin no zhes bdag nyid phul du byung ba yin par ston to/ /'dod pa thams cad ces bya ba la sogs pa la bcom ldan 'das kyi rnam pa thams cad du 'dod par bya ba yin pas na 'dod pa thams cad de lha mo rnams so//de dag la nye bar longs spyod pa ni snyoms par 'jug pa'i bya bas bde ba chen po'i ro myong ba'i mtshan nyid de/ ting nge 'dzin gang la de'i dpal te sems can gyi khams sbyar bas ni 'di las bshad pa'i cho ga bzhin du dbang bskur ba med na/rgyud 'di mnyan pa la sogs pa'i/ /skal ba med pa zhes bstan to/ /de nas rdo rje chos kyis kyang bdag nyid snod du rung ba nyid du shes nas de bzhin du bgyi'o zhes thams cad bzung bar gyur to/ /de nas zhes bya ba la sogs pas ni//nye bar bsdu ba'i cho ga de nyid gsal bar byed de/ de bzhin gshegs pa thams cad ni rnam par snang mdzad la sogs pa rnams so/ /sku dang gsung dang thugs kyi bdag nyid can gyi rdo rje 'chang chen po ni dpal rdo rje sems dpa' ste/ de'i mgo dang lkog ma dang /snying ga'i phyogs na gnas pa'i ye shes gsum la sku dang gsung dang thugs rdo rje rnams btsud par gyur to zhes bya ba'i don to/ /khams gsum thams cad kyi lus rdo rje la zhes bya ba ni brtan pa dang g.yo ba'i khams gsum ma lus pa'i dngos po'i snang ba la'o//gnas shing zhes bya ba ni de'i bdag nyid kyi rang bzhin kho nar gnas pa yin gyi/ rten dang brten pa'i sgo nas ni ma yin pa'o/ /sku mnyam pa nyid ni khams gsum pa'i dngos po'i rang bzhin med pa nyid de/ chos kun sangs rgyas nyid yin te/ /chos rnams 'ga' yang yod ma yin//zhes 'byung ba'i phyir ro/ /de la dmigs nas zhes bya ba ni gzugs nyid stong pa'o/ /stong pa nyid gzugs so snyam du bsams nas cang mi gsung bar gyur to/ /de bzhin du gsung rdo rje khams gsum pa'i sgra sems dang / sems ma yin pa dang /gnyi gar gtogs pa'i rang bzhin gyi ngag rdo rje la gnas shing gsung rdo rje mnyam pa nyid la ste/ sgra brnyan bzhin du sgra mi dmigs pa nyid la'o/ /de bzhin du rnam par shes pa brgyad kyi mtshan nyid rnam par dag pa'i rang bzhin can gyi khams gsum gyi sems rdo rje la gnas shing thugs mnyam pa nyid la ste/sems nang dang phyi rol dang gnyi ga'i bar na mi dmigs pa'i rang bzhin nyid la dmigs nas cang mi gsung bar gyur to/ /gzhan ni go sla'o/ /le'u bcu bdun pa'i rnam par bshad pa'o// //dpal ldan 'dus pa'i rgyud kyi ni//bshad pa dri med byas pa las/ /bsod nams bsags pa gang yin des/ /'gro ba rdo rje 'dzin gyur cig /rgyud kyi rgyal po dpal gsang ba 'dus pa'i bshad pa/ zla ba'i 'od zer zhes bya ba/ slob dpon rab tu dga' ba'i 'byung gnas go cha'i zhal snga nas kyis mdzad pa rdzogs so// //