CLOSE WINDOW

D1843
བོད་ཡིག

@##/ /rgya gar skad du/ u pa de sha nish+tsa ya nA ma shrI gu h+ya sa ma dzA br-it+ti/ bod skad du/ dpal gsang ba 'dus pa'i 'grel pa man ngag gtan la dbab pa zhes bya ba/ dpal byang chub rdo rje la phyag 'tshal lo//shes bya'i sgrib sogs nges grol cing / /'gro rnams thugs rjes khyab mdzad pa/ /chos kun nam mkha'i mtshan nyid kyi/ /ngo bo nyid gang thugs su chud/ /mi phyed rdo rje'i bdag nyid la//dbyer med dad pas phyag 'tshal te/ /thig le g.yo ba med pa yi/ /nges don bla ma'i man ngag gang / /slob ma nyid la phan pa'i phyir/ /lung la brten te ci nus bri//de la rgyud 'dir 'jug par 'gyur ba'i gang zag rnams dang / phyi rol pa rnams yid ches par bya ba'i phyir/ 'di skad bdag gis thos pa dus gcig na/ zhes bya ba rgya cher smos so/ / de la yang gzhung 'di nyid grub pa'i gang zag rnams ni de nyid kyis yid ches par 'gyur ro/ /phyi rol pa blo sngon du btang ba rnams ni dgos pa khong du chud nas 'jug par 'gyur te/ 'di ltar brjod par bya ba ni/dpal rdo rje 'dzin pa'i don dang mdzad spyod rnams yin la/ rjod par byed pa ni tshig rnams yin te/ des brjod par bya ba'i don khong du chud pas na dgos pa yin no/ /des kyang de nyid thob par 'gyur ba ni dgos pa'i dgos pa yin pa dang /'di la de dag gi nus pa med pa ma yin pas 'brel pa yod de/ de ltar dgos pas yan lag dang bcas pa 'di mthong nas 'jug par 'gyur ro/ /de bas na don 'di gzigs te/ yang dag par sdud par byed pas ston pa dang dus la sogs pa rgya cher smos so/ /de bas na 'di ltar 'gyur te/ phyi rol pa'i klan ka spang ba dang / phyis 'byung ba dag dad par bya ba dang / blo sngon du btang ba dag yid ches par bya ba dang /yang dag par sdud par byed pa bdag nyid kyi don nyid yin par bstan pa'i phyir dus la sogs pa rgya cher smos pa yin no/ /de la 'di skad bdag gis thos pa dus gcig na zhes bya ba la sogs pa ni yang dag par sdud par byed pas 'di skad du gang gi tshe/gang zhig gang na bzhugs pa de'i tshe 'di skad bdag gis thos so zhes bya ba'i gleng gzhi smos pa yin te/ 'di dag la yang tshig gi rim pa'i don ji lta ba ni/ 'dir bsnyad par mi bya'i mthar phyin pa'i don nyid tsam zhig bstan par bya bas gzhan dag tu yang de bzhin du shes par bya'o//de la e zhes bya ba ni b+ha ga ste/ de yang chos kyi sku'i bdag nyid kun nas spros pa rnams 'joms pa'i bdag nyid do/ /baM zhes bya ba ni de'i nor bu ste/ de yang thig le g.yo ba med pa'i bdag nyid kyi gzugs su rnam par gnas so//de la bcom ldan 'das rdo rje 'dzin pa nyid thig le chen po'i bdag nyid du bzhugs te/ don 'di bdag gis mthong ba'i tshe na zhes bya ba'i tha tshig go/ /de yang spros pa thams cad dang bral ba'i chos nyid kyi rang bzhin gyi ye shes rnam par mi rtog pa so sor rang rig pa'i bdag nyid tsam 'di gang gi dus na shes shing thos she na/shes rab ma'i b+ha ga'i yi ge e dang 'dra ba'i dbus na dam pa'i dga' ba'i rgyu mtshan yi ge baM gyi rnam pa'i rtsa thig le lta bu yod de/ de dang snying rje'i bdag nyid kyi nor bu phrad par gyur pa na rang bzhin gyis dga' ba'i byed rgyu thig le 'bab par 'gyur te/ gang gi tshe de snying rje'i bdag nyid kyi nor bu la/gnas pa de'i tshe rgyu gang gis sems kun nas 'dus par gyur te/ ye shes kyi gzhir gyur pa na de kho na nyid kyi don du gnas te mtshan ma med pa la rang bzhin gyis gnas par bya'o zhes bya ba'i tha tshig go/ /de'i dus na gang zhig bzhugs she na/ bcom ldan 'das zhes bya ba smos te/ b+ha ga ni gong du bstan pa'i shes rab ma'i b+ha ga ste/ de na thig le chen po'i bdag nyid du bzhugs pa ste/ 'dir b+ha ga dang ldan pas b+ha ga bAn zhes mtshams sbyar ro/ /de'i yon tan gyi khyad par bstan pa'i phyir de bzhin gshegs pa thams cad kyi sku dang gsung dang thugs rdo rje'i snying po zhes bya ba smos te/ de la de bzhin gshegs pa zhes bya ba ni/byang chub kyi sems bde ba chen po thugs su chud pa ste/ de yang ji ltar chags pa'i bdag nyid de ltar de bzhin nyid du thugs su chud pa'o/ /de thams cad kyi sku gsung thugs ni rdo rje ltar mi phyed pa ste/ de'i snying po ni sa bon byang chub kyi sems rdo rje'o/ /de yang phyag rgya'i bdag nyid dang /sgra'i bdag nyid dang / thig le'i bdag nyid pas sku gsung thugs rdo rje nyid do/ /de gang na bzhugs she na/ de bzhin gshegs pa thams cad kyi btsun mo'i b+ha ga la bzhugs so zhes bya ba smos te/ de la btsun mo ni phyag rgya'o/ /de'i b+ha ga de bzhin gshegs pa thams cad kyi bzhugs gnas bde ba can de na bzhugs so zhes bya bar sbyar te/de la 'dir bzhugs so zhes bya ba'i sgra 'dis rgyud kyi don gtan la phab pa yongs su rdzogs par ston to/ /ji ltar zhe na/ 'dir byed pa'i tshigs gis bsgrubs te/ de la gang bzhugs she na/ bcom ldan 'das so//gang la bzhugs she na/ btsun mo'i b+ha ga la'o/ /gang ltar bzhugs she na/ brjod kyis mi lang ba'i yang brjod kyis mi lang ba rnams dang ngo / /gang gi tshe na bzhugs she na/ don 'di ltar bdag gis rtogs shing khod du chud pa'i dus na'o/ /ji ltar bzhugs she na/ thabs gcig tu zhes bya ba smos te/ de yang 'dir gnas gcig pa'i ngo bor mi sbyar gyi ngo bo gcig par sbyar bar bya'o/ /'di ltar gang gi tshe shes rab ma'i b+ha ga la byang chub sems kyi ngo bo sa bon gyi tshul du bzhugs pa de'i tshe na/ de'i lus kyi bdag nyid gang yin pa de ni de bzhin gshegs pa thams cad kyi phrin las kyi bdag nyid dam tshig rdo rje ste/sgrib pa rnam par sel ba'o/ /de'i mig gi rang bzhin ni de bzhin gshegs pa thams cad kyi sku'i bdag nyid lus rdo rje ste sa'i snying po'o/ /de'i lce'i bdag nyid ni de bzhin gshegs pa rnams kyi gsung gi ngo bo 'jig rten dbang phyug go/ /de'i rna ba'i rang bzhin ni de bzhin gshegs pa rnams kyi thugs kyi ngo bo sems rdo rje ste lag na rdo rje'o//de'i yid kyi rang bzhin ni de bzhin gshegs pa rnams kyi ting nge 'dzin rdo rje ste kun du bzang po'o/ /de'i sna'i rang bzhin ni de bzhin gshegs pa rnams kyi yon tan gyi ngo bo rgyal ba rdo rje ste nam mkha'i snying po'o/ /gzhan yang sra ba'i rang bzhin ni sa rdo rje ste sangs rgyas spyan ma'o//gsher ba'i rang bzhin ni chu rdo rje ste mA ma kI'o/ /dro ba'i rang bzhin ni me rdo rje ste gos dkar mo'o/ /bskyod pa'i rang bzhin ni rlung rdo rje ste dam tshig sgrol ma'o/ /de rnams gang du snang ba ston par byed pa ni nam mkha' rdo rje ste dbyings kyi dbang phyug ma'o//gzhan yang gzugs dang / sgra dang / dri dang / ro dang / reg bya dang / chos kyi dbyings kyi ngo bo nyid ni gzugs kyi rdo rje la sogs pa'i sems ma rnams so/ /de'i rnam par shes pa dang / gzugs dang / tshor ba dang / 'du shes dang / 'du byed dang / de'i zhe sdang dang / gti mug dang /nga rgyal dang / 'dod chags dang / phrag dog rnams kyi ngo bo nyid ni/ de bzhin gshegs pa mi bskyod pa dang / rnam par snang mdzad dang / dkon mchog dpal dang / tshe dpag tu med pa dang / rdo rje gdon mi za ba rnams kyi ngo bo nyid du dbyer med pa'i tshul du bzhugs so zhes bya bar sbyar ro//'di ltar bzhugs zhes bya ba'i tshig gzhan dag tu yang shes par bya'o/ /de la brjod kyis mi lang ba zhes bya ba ni/ bgrang bar bya ba las 'das pa'o/ /yang brjod kyis mi lang ba zhes bya ba ni/ rab tu mang ba'i don te/ chos kyi dbyings dang mnyam par bstan pa'i don to/ / rnam pa gcig tu snga ma ni rnam grangs yin la bsnan pa ni khyad par gyi don to/ /sangs rgyas kyi zhing ri rab kyi rdul phra mo snyed ces bya ba ni/ tshad las 'das pa'i dpe mtshon pa'o/ /byang chub sems dpa' sems dpa' chen po la zhes bya ba la byang chub ni thabs dang shes rab kyi bdag nyid do//sems dpa' ni de 'dod pa'o/ /gong du bstan pa'i byang chub kyi sems bde ba chen po la gnas pas sems dpa' chen po zhes bya ba'o/ /de dag snyed pa dang thabs gcig tu bzhugs pa yang gang la zhe na/ snying po rdo rje sbyor ba'i pad+mo la zhugs pa zhes smos so/ /snying po ni b+ha ga rdo rje ni mtshan ma ste/de dag sbyor ba'i dus kyi pad+ma gang yin pa de la bzhugs so zhes bya ba yang snga ma bzhin no/ /rnam pa gcig tu thabs kyi bdag nyid snying po rdo rje de shes rab kyi bdag nyid pad+ma la sbyor ba gang yin pa de na bzhugs zhes bya bar sbyar ro/ /de ltar bzhugs pa de dag gang zhe na/ 'di lta ste zhes bya ba la sogs pa smos te/de la dam tshig rdo rje zhes bya ba'i byang chub sems dpa' sems dpa' chen po zhes bya ba la sogs pa ni gong du bshad pa ltar dbyer mi phyed pa'i bdag nyid pas rdo rje zhes smos te/ gzhan ni snga ma bzhin no/ /sa rdo rje zhes bya ba la sogs pa'i lha mo rnams la pho'i sgra smos pa ni rang dang 'dra ba'i thabs kyi cha yod pas so zhes zer ro//rnam pa gcig tu tshig gi bde rim dang sbas pa'i don yin te 'gal ba med do/ /nam mkha' rdo rje zhes bya ba ni dbyings kyi dbang phyug ma nyid yin mod kyi de yang 'dir byang chub kyi sems rdo rje'i rang bzhin nyid du 'dod pas lha'i rang bzhin yin yang 'khor gyi dkyil 'khor du ma bkod pa la 'gal ba med do//de dag la sogs pa zhes bya ba ni 'dir 'dul ba'i dbang gis rgyud gcig tu gtogs pa'i chos rnams yongs su dag pa'i lha tsam yin gyi/ de dag re re zhing yang 'di dag dang 'dra ba'i lhas yongs su gang la gzhan yang rang bzhin dang sprul pa'i sgo nas mtha' yas pa'i phyir brjod kyis mi lang ba la sogs pa rnams smos so//de la de bzhin gshegs pa nam mkha'i dbyings dang mnyam pa zhes bya ba la nam mkha'i dbyings 'di ni nam mkha'i dbyings nyid de de la nam mkha'i khams dang / sa'i khams dang / chu'i khams dang / me'i khams dang / rlung gi khams dang / gzhan yang zhe sdang dang / gti mug dang / nga rgyal dang / 'dod chags dang / phrag dog rnams dang mnyam zhing dbyer med pa ni de bzhin gshegs pa rdo rje mi bskyod pa dang zhes bya ba nas de bzhin gshegs pa rdo rje gdon mi za bar grub pa rnams so zhes bya bar sbyar ro//de dag la sogs pa nam mkha'i dbyings thams cad dang mnyam pa'i de bzhin gshegs pa rnams zhes bya ba la nam mkha'i dbyings ni chos kyi sku ste nam mkha'i dbyings dang mtshungs pa'i phyir ro/ /de dang mnyam pa ni longs spyod rdzogs pa dang sprul pa'i sku ste de las tha dad du mi 'jug cing de dang mnyam par snang zhing sprul pa'i don to//dper na til gyi gong bu bzhin du nam mkha'i dbyings thams cad de bzhin gshegs pa thams cad kyi snying po la khyab par snang bar gyur to zhes bya ba la nam mkha' de thams cad kyang de bas nam mkha' thams cad de 'di ni shes rab ma'i b+ha ga'o//dbyings zhes bya ba ni 'dir rgyu'i don te/ sa bon byang chub kyi sems so/ /de bzhin gshegs pa thams cad kyis khyab pa ni de lta bur bstan par gyur pa'o/ /rnam pa gcig tu shes rab ma'i b+ha ga la lha mo bzhi dang byang chub kyi sems rdo rje gnyis su med pa'i tshul du bstan par gyur pa'o//'di ni gleng gzhi phun sum tshogs pa yin te 'di ltar ston pa dang / gnas dang 'khor dang dus dang rgyud kyi bdag nyid rnams phun sum tshogs pa ni gang bshad par bya ba'i chos 'byung ba'i rgyu yin pa'i phyir ro/ /de yang 'dir ni 'di ltar byang chub kyi sems kyi bdag nyid ni ston pa'o//chos kyi 'byung gnas ni gnas so/ /sngon du brjod pa ltar yan lag yongs su rdzogs pa ni 'khor ro/ /de dag 'dus pa'i skabs ni dus te de'i tshe gzung 'dzin thams cad dang bral ba'i don so so rang rig pa ni rgyud yin no/ /de ltar phun sum tshogs pa'i bdag nyid byang chub sems kyi ngo bo yi ge e waM gyi gzugs la thig le'i bdag nyid du bzhugs pa de la de bzhin gshegs pa thams cad kyis zhus te gleng bslang ngo zhes bya ba'i tha tshig go//'di'i rim pa ni shes rab kyis nga rgyal ba rnams bla ma dang 'brel ba med na mi 'grub pas ji lta ba ma yin par bstan pa'o//'dir gzung ba ni de nas bcom ldan 'das de bzhin gshegs pa thams cad dgongs pa gcig tu gyur nas zhes bya ba nas/ bcom ldan 'das kyis bshad du gsol zhes pa'i bar du zhus pa 'di thog mar bstan par bya ste/ de la de nas zhes bya ba'i sgra ni bkra shis pa'i don dang nges pa'i don dang dbang du gyur pa'i don dang bar chad spong ba rnams las 'dir ni bkra shis pa dang bar chad spong ba'i don te/'di ltar gang du bcom ldan 'das byang chub sems kyi bdag nyid du gang rnams la snang bar gyur pa de nas zhes 'brel bar sbyar ro/ /bcom ldan 'das de bzhin gshegs pa thams cad dgongs pa gcig tu gyur pa ni bcom ldan 'das rdo rje rnam par snang mdzad chen po byang chub kyi sems bde ba chen po'i bdag nyid du bzhugs pa de bskul bar rigs nas mchod pa'i sprin gyis mchod cing zhu bar gsol ba gdab par dgongs pa gcig tu gyur zhes bya ba'i tha tshig go//rdo rje rnam par snang mdzad chen po zhes bya ba ni de'i rnam pa dang 'dra ba'i don te 'bras bu chen po'i mtshan gyi khyad par ro/ /de kho na nyid kyi mchod pa ni byang chub sems kyi mchod pa'o/ /dam tshig ni dang du blang zhing spyad pa'o/ /rin po che ni gzungs kyi mchod pa ste de lta bu'i mchod pa'i sprin gyis mchod de phyag 'tshal nas 'di skad ces gsol ba btab ces bya ba'i don to//de bstan pa'i phyir/ 'dus pa gsang ba las byung ba/ /de bzhin gshegs pa kun gyi gsang / /rdo rje snying po 'dus pa nyid/ /bcom ldan 'das kyis bshad du gsol/ /zhes bya ba smos te/thabs dang shes rab gnyis su med par 'dus pa'i gsang ba byang chub kyi sems las byung ba ni/ bcom ldan 'das kyi sku bskyed pa'i thabs kyi yan lag ste/ de ni de bzhin gshegs pa thams cad kyi thugs kyi gsang ba yin te thugs rdo rje'i snying po 'dus pa yin te/de lta bu'i don de kho na nyid bcom ldan 'das kyis bshad du gsol zhes bya ba'i tha tshig go/ /de skad ces gsol ba btab pa dang / de nas bcom ldan 'das byang chub kyi sems rdo rje de bzhin gshegs pas de bzhin gshegs pa thams cad la 'di skad ces bka' stsal to//bcom ldan 'das de bzhin gshegs pa thams cad ces pa chos kyi sku'i byin gyis rlabs kyi sgras bos te 'di lta bu'i don zhu ba legs na/ de kho na nyid kyi don 'di ni yon tan thams cad yongs su rdzogs pa'i de bzhin gshegs pa thams cad kyang the tshom skye bar byed pa yin na/ byang chub sems dpa' phyir gyur pa gzhan lta ci smos te 'di ni bstan pa shin tu dka'o zhes bka' stsal to zhes bya ba'i tha tshig go//de skad ces bka' stsal pa dang / de bzhin gshegs pa rnams ngo mtshar du gyur te/ 'di ltar bcom ldan 'das nyid shin tu khyad par du gyur pa lags kyang bdag cag de bzhin gshegs pa thams cad kyi 'khor gyi dkyil 'khor 'dir/sku gsung thugs kyi gsang ba ston par mi spyod pa de byin gyis rlob mdzod de bka' stsal du gsol zhes bya ba'i tha tshig go/ /gang gis she na/ de bzhin gshegs pa thams cad kyi rdo rje dam tshig 'byung ba'i tshig 'dis ces bya ba smos te/ de la bcom ldan 'das byang chub kyi sems rdo rje ni de bzhin gshegs pa thams cad kyi rang bzhin te de'i rdo rje ni gsang ba'i dbang bskur ba'i 'byung khungs so//dam tshig ni bdud rtsi'i rang bzhin te gsang ba bdud rtsi'i dkyil 'khor gyi lha'i bdag nyid do/ /de 'byung ba'i tshig ni gang gi tshe de bzhin gshegs pa thams cad kyi rdo rje gsang ba'i dbang gi dam tshig slob ma gang gis len pa de'i tshe 'di skad du bla ma rnams kyis a ho su kha zhe'am/su pra tiSh+Tha badzra hoH/ zhes bskul ba ste/ 'dis yang dag pa'i dbang gi don bstan du gsol zhes bya ba'i don to/ /gang gi phyir zhe na/ de bzhin gshegs pa thams cad kyi bde ba dang /yid bde ba myong bar bgyi ba nas de bzhin gshegs pa thams cad kyi mngon par shes pa'i 'bras bu thob par bgyi ba'i bar du zhes bya ba smos te/ de la de bzhin gshegs pa thams cad kyi bde ba ni sku'i dbang bskur ba'i 'bras bu'o/ /yid bde ba myong ba ni sku dang gsung dang thugs kyi dbang bskur ba'i 'bras bu ste/de nas de bzhin gshegs pa thams cad kyi ye shes kyi bar dag thob par bgyi ba'i slad du bstan du gsol zhes gsol ba btab po/ /de skad ces gsol ba btab pa de mkhyen nas/ de bzhin gshegs pa thams cad kyi byin gyis brlab pa mdzad par bya ba'i phyir//de nas bcom ldan 'das byang chub kyi sems rdo rje de bzhin gshegs pa de bzhin gshegs pa thams cad zil gyis gnon pa rdo rje zhes bya ba'i ting nge 'dzin la snyoms par zhugs so/ /ting nge 'dzin de gang zhe na/ sngon du byang chub kyi sems chos kyi sku'i bdag nyid du bzhugs pa las 'dir yi ge yaM las yongs su gyur pa'i rlung gi dkyil 'khor kha dog sngon po gzhu'i dbyibs lta bu la yi ge oM gyis mtshan pa'o//de'i steng du yi ge raM las me'i dkyil 'khor kha dog dmar po gru gsum du gyur pa las yi ge hUM gis mtshan pa'o/ / de'i steng du yi ge baM las yongs su gyur pa'i chu'i dkyil 'khor kha dog dkar po kun nas zlum pa yi ge oM gyis mtshan pa'o/ /de'i steng du yi ge hUM las gyur pa'i sna tshogs rdo rje de las rdo rje phra mo'i rnam pa 'phro ba dang / 'du ba'i sbyor ba las sa gzhi rdo rje'i rang bzhin du gyur pa'o/ /de'i steng du yi ge b+hUM las yongs su gyur pa'i 'khor lo rtsibs bcu pa'o//de'i lte ba la yi ge hUM las yongs su gyur pa'i rdo rje sems dpa' zhe sdang rdo rje'i bdag nyid can no/ /'khor lo'i rtsibs rnams la yang khro bo rnams ji lta ba'i cho gas bskyed de/ de nas bka'i 'khor lo ji lta ba bzhin du bsgom pa rdzogs pa hUM gi sa bon las byung ba'i rdo rje gur dang ra bas yongs su 'khor bar mdzad do//de nas khro bo gdan dang bcas pa 'od du zhu ste/ ji lta ba'i rim pas rdo rje sems dpa' rig ma dang bcas par gyur par mdzad de de las yongs su gyur pa'i chos kyi 'byung gnas sna tshogs pad+ma dang sna tshogs rdo rjes mtshan pa'o//de'i dbus su yi ge hUM las yongs su gyur pa'i 'khor lo las byung ba'i rnam par snang mdzad rig ma dang bcas pa zhu ba las gru bzhi gzhal yas khang du gyur par mdzad de/ de nam mkha'i dbyings 'di dag thams cad rdo rje ngo bor gnas par gyur to//de ltar gzhi'i ting nge 'dzin yongs su rdzogs nas nyid kyi phyag rgya bskyed par bya ba'i phyir de nas bcom ldan 'das byang chub kyi sems rdo rje de bzhin gshegs pa de bzhin gshegs pa thams cad kyi sku dang gsung dang thugs rdo rje mnyam pa nyid du 'byung ba rdo rje zhes bya ba'i ting nge 'dzin la snyoms par zhugs nas/rig pa'i skyes bu chen po'i gzugs de bzhin gshegs pa thams cad kyi sngags kyi bdag po 'di byin gyis brlabs te/ 'di ltar dbus kyi sna tshogs pad+ma'i gdan stengs su A li dang kA li'i rnam pa can gyi zla ba'i dkyil 'khor de dag yongs su zhu ba las grub pa'i rdo rje yi ge hUM gis byin gyis brlabs pa de 'phro ba dang 'du ba'i sbyor bas sngags kyi bdag po de bzhin gshegs pa thams cad kyi sku yongs su rdzogs pa'i bdag nyid 'di ltar me long lta bu dang /mnyam pa nyid dang / so sor rtog pa dang / bya ba grub pa dang / chos kyi dbyings kyi ngo bo nyid du byin gyis brlabs par mdzad pa'i de ma thag tu de bzhin gshegs pa zhal gsum pa lta bur de bzhin gshegs pa thams cad kyis gzigs par gyur to//de nas 'dod chags chen pos 'dul ba'i sems can gyi khams gzigs te/ de nas bcom ldan 'das rdo rje rnam par snang mdzad chen po 'dod chags chen po'i ting nge 'dzin la snyoms par zhugs te thabs dang shes rab kyi sgras gong du zhu bar gsol bar mdzad pa'i de bzhin gshegs pa'i 'khor de dag thams cad nyid kyi sku la zhugs par mdzad do//de nas de bzhin gshegs pa thams cad kyis bcom ldan 'das sku gsung thugs kyi bdag po mnyes par bya ba'i phyir nyid kyi sku bud med kyi gzugs su sprul nas bcom ldan 'das kyi sku las byung bar gyur te/ji ltar 'gro ba 'dul bar gyur pa de bzhin du/ la la ni sangs rgyas kyi spyan lta bu zhes bya ba nas/ la la ni gzugs kyi ngo bo lta bur zhes bya ba'i bar du rigs so so ji lta ba bzhin du gnas par gyur te/gzhi'i rig ma la thim par mdzad do/ /kha cig ni lha mo'i sbyor ba 'di dag gis yang mi bskyod pa la sogs pa'i de bzhin gshegs pa rnams spyan drangs te gtso bo la thim par byas nas/ byang chub sems kyi rgyur gyur to zhes zer ro//de nas shes rab ma'i b+ha ga byin gyis brlab par bya ba'i phyir thabs dang shes rab kyi sbyor ba las de bzhin gshegs pa thams cad kyi btsun mo bzhi'i rig ma'i b+ha ga la dam tshig chen po'i dkyil 'khor rdul med pa gru bzhir byin gyis brlab pa ni/ gsal ba de yi ngo bo nyid/ /sna tshogs gzugs kyis kun du khyab//sangs rgyas tshogs kyis kun du rgyas/ /'od zer 'phro ba mang po 'khrugs/ /gsal ba la sogs dkyil 'khor ldan/ /de bzhin gshegs pa kun gyi gnas su byin gyis brlab par mdzad do/ /de ni 'di ltar byang chub kyi sems kyi ngo bo nyid rgyan gyi khyad par sna tshogs kun du brgyan pa gong du smos pa'i sangs rgyas kyi tshogs kyis kun du rgyas pa/ye shes kyi 'od zer 'phro ba dang ldan pa/ zla ba dang nyi ma la sogs pa'i gdan dang ldan pa de ni de bzhin gshegs pa kun gyi pho brang ste/ 'di lta bur byin gyis brlabs so/ /de nas bcom ldan 'das sku gsung thugs rdo rje'i bdag po de dkyil 'khor chen po'i dbus su mi bskyod pa'i bdag nyid du bzhugs par gyur to//de lta bu'i gsang ba'i b+ha ga'i dkyil 'khor der sems can thams cad dbang bskur bar bya ba'i phyir ye shes kyi 'od zer gyis bskul bas/ de nas de bzhin gshegs pa mi bskyod pa dang /de bzhin gshegs pa dkon mchog dpal dang / de bzhin gshegs pa tshe dpag tu med pa dang / de bzhin gshegs pa grub pa gdon mi za ba dang / de bzhin gshegs pa rnam par snang mdzad rnams byang chub kyi sems rdo rje thugs la zhugs te/ shes rab ma'i b+ha gar babs pas nam mkha'i dbyings de na bzhugs pa'i sems can thams cad la gsang ba'i dbang bskur te/'di ltar byang chub kyi sems rdo rje dpal gyis reg pa'i byin gyi rlabs kyis de bzhin gshegs pa thams cad kyi bde ba dang yid bde ba'i dbang thob par gyur to/ /de ltar sems can de dag sku gsung thugs kyi dbang thob par byas 'khor thams cad kyang snod du rung bar byin gyis brlab pa mdzad pas/de nas mi bskyod pa la sogs pa'i de bzhin gshegs pa thams cad rab tu ngo mtshar skyes par gyur te/ bcom ldan 'das rdo rje rnam par snang mdzad chen po'i thugs ka nas byung ste/ched du gleng ba 'di gsungs so/ /e ma'o sangs rgyas thams cad kyi/ /byang chub sems ni rab 'byung ba/ /de bzhin gshegs pa kun gyi gsang / /rab tu mi rtog gnas med pa'o/ /zhes gsang ba byang chub sems kyi dbang la ngo mtshar ba'i sgo nas bstod do//de la thugs ka nas byung ste/ /zhes pa'i tshig ni phyi'i dkyil 'khor du bzhugs par mi sbyor gyi byang chub sems kyi rang bzhin sems can rnams dang thun mong du gsang ba'i dkyil 'khor du babs pas sems can rnams ni sangs rgyas pa thob par gyur te/ / rang rang gi sangs rgyas kyi zhing dag tu btang / 'khor gyi de bzhin gshegs pa rnams ni gsang ba'i dkyil 'khor la 'khod nas ched du gleng ba 'di gsungs so zhes bya bar sbyar ro/ /de nas 'od 'bar ho'i bar du de nyid gsum gyi yi ge dang ldan pa rab tu 'bar ba'i byin gyi rlabs kyis bdag yab yum yang 'od du bzhu bar bya'o//de nas 'od kyi thig le de las thig le phra mo bzhi phyogs bzhir 'phros te de yang spyan ma la sogs pa'i lha mo bzhir yongs su gyur nas/ byang chub sems kyi rang bzhin chos kyi sku las gzugs kyi skur bzhengs par bskul ba'i dge ba'i bshes gnyen mdzad de/ 'di ltar/sems can khams na gnas pa'i dbang phyug khyod ni rdo rje'i thugs/ /zhes bya ba la sogs pa'i dbyangs rnams kyis yongs su bskul ba dang / sngon gyi smon lam dang thugs rje chen po yongs su bskyed pa mdzad nas ye shes rnam pa lnga'i tshul gyis nyid kyi sku yongs su rdzogs par mdzad do//de nyid la yang rdo rje skye mched byin gyis brlab pa dang sku gsung thugs byin gyis brlab pa la sogs pa chung ngu'i bsnyen pa la sogs pa dang chung ngu'i rgyu mthun pa'i 'bras bu la sogs pa yongs su rdzogs par byas te/ 'bring gi bsnyen pa la sogs pa'ang ji lta ba bzhin du rdzogs par byas nas yang de bzhin gshegs pa thams cad bsdus te zhal du thim nas dbang po'i lam du byung ste/chos kyi 'byung gnas kyi dkyil du babs te de nyid du dkyil 'khor du bskyed par bya'o/ /de ltar sbyor ba dang po rdzogs par mdzad nas/ dkyil 'khor rgyal po mchog la 'jug pa'i phyir de nas de bzhin gshegs pa thams cad kyi sku dang gsung dang thugs kyi bdag po rdo rje de bzhin gshegs pa thams cad kyis gsol ba btab par mkhyen nas zhes 'dir yang sbyar te/ye shes sgron mas bskyod pa rdo rje chen po zhes bya ba'i ting nge 'dzin la snyoms par zhugs nas zhe sdang gi rigs mchog gi snying po 'di nyid kyis sku dang gsung dang thugs rdo rje las phyung ngo //badzra d+h+r-ika ces bya ba la sogs pa dkyil 'khor ji lta ba bzhin du gdon pa mdzad do/ /de la ye shes sgron ma'i ting nge 'dzin zhes bya ba ni snying po 'dis de bzhin gshegs pa mi bskyod pa 'byin par mdzad pa'i ye shes kyi ming ste/de bzhin du snying po gang dang gang dag gis de bzhin gshegs pa gang dang gang dag 'byin par mdzad pa'i ye shes kyi ting nge 'dzin de dang de dag la de skad ces bya bar sbyar ro/ /zhe sdang gi rigs mchog ces bya ba la sogs pa ni gang zhe sdang gis 'dul ba rnams la de'i gnyen por mi bskyod pa rdo rje'i rigs su bstan te de'i phyir rdo rje'i rigs ni zhe sdang gi rigs so//snying po'i snying po zhes bya ba la snying po ni b+ha ga la byang chub kyi sems gnas pa ste rgyu yin pa'i phyir gar+b+ha zhes bya ba'i tshig ni skye gnas dag la yang 'jug par sbyar ro/ /snying po zhes bya ba ni byang chub kyi sems las badzra d+h+r-ika ces bya ba la sogs par smin pa de dam pa yin pa'i phyir sa ra zhes bya ba'i tshig ni 'o ma'i spris ma dag la yang 'jug par sbyar ro//de nas 'di phyung ma thag tu bcom ldan 'das de nyid de bzhin gshegs pa thams cad kyi sku dang gsung dang thugs kyi rig pa'i skyes bu mi bskyod pa'i phyag rgya chen por sbyor ba'i thabs kyis nag po dkar po dmar po'i tshul du de bzhin gshegs pa thams cad sku dang gsung dang thugs rdo rje'i de bzhin gshegs pa thams cad kyi sku dang gsung dang thugs rdo rje la zhugs so zhes bya ba la/de nyid ces bya ba ni bcom ldan 'das kyi thugs ye shes nyid do//sku dang gsung dang thugs kyi rig pa'i skyes bu zhes bya ba la sku dang gsung dang thugs nyid mi phyed pa'i ngo bo ni rig pa ste de'i ngo bo'i skyes bu ni mi bskyod pa'o/ /de'i phyag rgya chen po ni sku phyag rgya ste der sbyor ba'i thabs ni bya ba'o/ /de nyid gang zhe na/ nag po dkar po dmar po'i tshul du ste de yang rtsa ba'i zhal dang sku mdog nag po'o//g.yas kyi zhal ni dkar po'o/ /g.yon pa ni dmar po'o/ /de bzhin du phyag drug na yang rdo rje dang 'khor lo dang / pad+ma dang / dril bu dang / rin po che dang ral gri rnams 'dzin par 'gyur te/ sangs rgyas kyi mdzad pas sems can gyi don bya ba yongs su rdzogs par mdzad nas slar 'dus te sku gsung thugs rdo rje la zhugs par mdzad do//de ltar zhugs par mdzad nas bcom ldan 'das de nyid cung zad zhe sdang gi gzugs 'dzin par 'gyur te/ mdog in+d+ra nI la lta bu cung zad gtsigs pa'i zhal mnga' ba phyag dang po na rdo rje rtse dgu pa bsnams pa'o//gzhan ni snga ma bzhin no/ /de nas de nyid kyi sbyor bas rnam par snang mdzad la sogs pa'i dkyil 'khor gyi lha thams cad 'byung bar sbyar ro/ /de dag gi tshig gi yan lag kyang zhe sdang gi rigs ji lta ba bzhin du sbyar ro/ /zhe sdang gti mug 'dod chags dang //yid bzhin nor bu dam tshig ste/ /rigs lngar gtogs pa 'di rnams kyis/ /'dod dang 'grol bar rab sgrub pa'o/ /zhes bya ba ni rigs lnga'i mjug sdud pa'i tshig ste/ de la zhe sdang gi rigs ni mi 'khrugs pa'o/ /gti mug gi rigs ni rnam par snang mdzad do/ /'dod chags kyi rigs ni snang ba mtha' yas so//yid bzhin nor bu'i rigs ni dkon mchog dpal lo/ /dam tshig gi rigs ni gdon mi za bar grub pa ste/ rigs lnga po 'di dag gis 'dod pa dang grol ba sgrub pa'o zhes bya bar sbyar ro/ /ji lta zhe na/ 'dod pa lnga nyid sbyong bar mi byed de rigs kyi longs spyod du spyod la/grol ba yang gzhan ma yin te de nyid du sbyar bas dug lnga 'dod pa lnga ni de bzhin gshegs pa lnga nyid do zhes bya bar sbyar ro/ /de nas de dag gi btsun mo'i tshogs dbyung bar bya ba'i phyir de nas yang zhes bya ba la sogs pa smos te/ de la rdo rje 'dzin mnyes pa'i dam tshig rdo rje zhes bya ba'i ting nge 'dzin ni rdo rje rigs mnyes par byed pa'i yum mA ma kI yin pas so//de bzhin du 'og ma dag la yang sbyar ro/ /de nyid bud med kyi gzugs 'dzin pa zhes bya ba ni bcom ldan 'das rdo rje 'dzin pa chen po nyid bud med kyi gzugs su sprul te/ gzhan yang de bzhin du'o//shar phyogs kyi grwar bzhugs zhes pa ni rim pa ma yin par sbyar te de ni lho'i grwar bzhugs pa yin la/ gti mug dga' ma ni shar gyi grwar bzhugs so zhes mkhan po dag gis bshad do/ /slu ba rdo rje zhes bya ba'i ting nge 'dzin ni/ /rdo rje brdzun gyi sgo nas 'gro ba rnams thabs kyis 'dren par byed pa'o//de bzhin gshegs pa thams cad kyi btsun mo'i mchog phun sum tshogs pa'o zhes bya ba ni de dag gi mjug bsdu ba ste bud med 'di dag ni bde ba'i mchog phun sum tshogs pa dang ldan zhing go 'phang chen po la yang sbyor ba nyid yin pas de skad ces bya'o/ /de nas khro bo chen po rnams dbyung bar bya ba'i phyir de nas bcom ldan 'das rnam par snang mdzad rdo rje zhes bya ba'i ting nge 'dzin la snyoms par zhugs te/de bzhin gshegs pa thams cad kyi dkyil 'khor byin gyis rlob pa khro bo chen po nyid kyi sku dang gsung dang thugs rdo rje las phyung ngo zhes bya ba la sogs pa gsungs te/de la rnam par snang mdzad rdo rje zhes bya ba 'dir sku'i khro bor brjod pas so/ /dkyil 'khor byin gyis rlob pa zhes bya ba ni dkyil 'khor byin che bar byed pa ste mi mthun pa med par byed pas so/ /rnam pa gcig tu gsang ba'i dkyil 'khor du byang chub kyi sems phebs par byed pa'i phyag rgya bzhi yin pas so zhes bla ma'i man ngag go//de bzhin gshegs pa thams cad bsnyengs par byed pa zhes bya ba ni log par rtog pa mi gnas pa'i tshig go/ /mngon par byang chub pa rdo rje zhes bya ba'i ting nge 'dzin zhes bya ba ni thugs rdo rje nyid du sbyar ro/ /dkyil 'khor byin gyis rlob pa la sogs pa ni snga ma bzhin no//rdo rje'i dam tshig bsnyengs par byed pa ni thugs kyi rnam par rtog pa mi mnga' bar byed ces bya ba'i don to/ /chos rin po che 'byung gnas zhes bya ba'i ting nge 'dzin ni gsung gi bdag nyid de dam pa'i chos de nyid rin po che'o/ /de bzhin gshegs pa thams cad kyi sku dang gsung dang thugs rdo rje'i ting nge 'dzin ni phrin las kyis bdag nyid de sku gsung thugs 'dus pa'i bdag nyid rdo rje'i ngo bo'o//de bzhin gshegs pa thams cad kyi sku dang gsung dang thugs mnyes par byed pa dkyil 'khor gyi dam tshig sems dpa' rnams so zhes bya ba ni khro bo 'di bzhi yang sku gsung thugs kyi de bzhin gshegs pa rnams kyi las byed kyi bdag nyid yin pas so//rnam pa gcig tu gsang ba'i dkyil 'khor du byang chub kyi sems lha rnams kyi ngo bo 'byung bar byed pa'i mnyes pa'i phyag rgya yin te 'di ltar gzung ba dang 'khyud pa dang bsdams pa dang ldan pa'i bdag nyid gnas pas mnyes par byed pa zhes bya'o//de'i ngang tshul gyis sems dpa' rnams ni dam tshig sems dpa' rnams so/ /de bzhin gshegs pa thams cad kyi ting nge 'dzin gyi dkyil 'khor byin gyis rlob pa'i le'u zhes bya ba ni sngon du brjod pa'i byin gyis rlob par zhus pa dang mdzad pa gang gis de bzhin gshegs pa rnams kyi ting nge 'dzin gyi dkyil 'khor bskyed pa de la de skad ces bya'o//le'u dang po'o// //da ni byang chub sems kyi don ston pa le'u gnyis pa 'di zhu ba'i phyir/ de nas bcom ldan 'das de bzhin gshegs pa thams cad kyi sku dang gsung dang thugs kyi bdag po la gsol ba btab pa la sogs pa smos te/de'i 'brel pa ni dang po phun sum tshogs pa rnam pa lnga tshogs pa na/ de bzhin gshegs pa thams cad kyis 'di skad du/ 'dus pa gsang ba las byung ba/ /zhes pa nas bshad du gsol zhes pa'i bar du zhus pas//'di ni the tshom skye ba'i gnas yin no zhes bka' stsal pa nas/ byin gyis rlob mdzod de bka' stsal du gsol zhes gsol ba btab pa'i rjes la byin gyis brlab cing dbang bskur bas/ de nas bcom ldan 'das de bzhin gshegs pa thams cad kyi sku dang gsung dang thugs kyi bdag po la bcom ldan 'das de bzhin gshegs pa thams cad kyis mchod pa byas te phyag 'tshal nas 'di skad ces gsol to//sku dang gsung dang thugs kyi mchog /de bzhin gshegs pa kun gyi gsang / /bla na med pa'i byang chub sems/ /bcom ldan snying po bshad du gsol//zhes yang zhus pas/ de bzhin gshegs pa thams cad kyis gsol ba btab pa yang mkhyen ces bya'o/ /de la bla na med pa'i byang chub kyi sems ni chos thams cad kyi snying por gyur pa ste/ de bshad du gsol zhes bya ba'i don to/ /byang chub sems dpa' rnams kyi yongs su rtog pa yang thugs kyis mkhyen nas zhes bya ba ni le'u dang po nyid du 'di skad du de bzhin gshegs pa rnams kyang the tshom skye bar byed pa yin na/byang chub sems dpa' gzhan rnams lta ci smos zhes gsungs pa de 'dir byang chub sems dpa' rnams byang chub sems kyi don la the tshom mi za ba'i rtog pa rnams kyang mkhyen nas zhus pa'i don gnang ste/'di skad du/ 'dus pa gsang ba las byung ba/ /zhes pa nas/ bcom ldan 'das kyis bshad du gsol/ /zhes zhus pa'i don la/ /le'u dang por ni byin gyis brlab cing dbang bskur bar mdzad nas byang chub kyi sems kyi don ni 'dir bka' stsal te/'di ltar khyod kyi sems lus lta bu dang / lus sems lta bu dang / sems tshig tu brjod pa lta bur skyed cig ces bya ba la sogs pa gsungs so/ /de'i don ni/ 'dus pa gsang ba las byung ba/ /zhes bya ba la sogs pa'i tshig gi don ni byang chub kyi sems zhu ba'i bdag nyid de de nyid sems zhes bya'o//de nyid lus lta bu ste/ cho ga'i tshul gyis lha'i skur snang bas so/ /sku de yang byang chub sems zhu ba'i ngo bo nyid las lus kyang sems lta bu'o/ /sems de nyid badzra d+h+r-ika ces bya ba la sogs pa'i sgra'i rnam par snang bas sems kyang tshig brjod pa lta bu'o//de lta bu'i rnam pa skyed cig ces bka' stsal pas/ byang chub sems dpa' rnams kyi rtogs tshad gsol te/ de nas byang chub sems dpa' sems dpa' chen po de dag gis de bzhin gshegs pa thams cad kyi sku dang gsung dang thugs nam mkha' lta bur sbyar nas te/lus ngag yid gsum dbyer med par byas nas 'di skad du/ e ma'o kun du bzang po yi/ /rdo rje sku dang gsung dang thugs/ /skye ba med pa'i tshul gyis so/ /skye ba 'di ni rab tu bsgrags/ /zhes gsol to/ /don dam par byang chub kyi sems zhu ba lta bu'i bde ba chen po ni skye ba med bzhin kun rdzob kyi yi ge dang sku la sogs pa mtshan ma'i tshul du skye ba 'dir grags zhes rtogs tshad gsol to//de ltar byang chub sems kyi don le'u dang por zhus pa de 'dir dang la byang chub sems dpa' rnams kyis byang chub tu sems bskyed nas de bzhin gshegs pa rnams kyis byang chub sems kyi don bka' stsal te/de la byang chub sems dpa' rnams kyis ngo mtshar ba'i sgo nas mngon par bstod do/ /'di ni bla ma'i man ngag go/ /tshig gi rim pa ni byang chub kyi sems bshad par zhus pa/ de nas bcom ldan 'das kyis 'di ltar de bzhin gshegs pa rnams kyis gsol ba btab pa yang mkhyen/byang chub sems dpa' da dung du byang chub kyi sems mngon par ma rtogs pa'i sgo nas zhu bar 'dod pa'i rtog pa yang mkhyen nas/ de la dang por byang chub sems nyan par 'dod na thog mar byang chub tu sems bskyed la/ de nas nyon cig ces bya bar 'dom pa'i phyir na lus ngag yid gsum nam mkha' ltar mnyam pa nyid du sems skyed cig ces gsung ba yin te/de la khyed kyis sems lus lta bu dang zhes bya ba ni/ sems rnam pa dang bral ba chad pa'i mtha' sel zhing de nyid kyis sems dang lus dbyer med par yang ston te/'di yang sems ni kun rdzob tsam du bya ba mi byed pa lta bu ni ma yin te lus kyi rnam pa lta bur snang ngo / /de bzhin du lus kyang dngos po rtag pa can ma yin te/ sems kyi rang bzhin du dngos po med do/ /des ni dngos por lta ba yang bsal lo/ /sems de yang tshig brjod pa lta bu yin te snang la rang bzhin med pa yin zhing sems dang ngag dbyer med par ston to//de lta bur khyed kyis sems skyed cig pa'i don to/ /de nas nam mkha' lta bur sbyar nas zhes bya ba ni de bzhin du byang chub sems dpa' rnams kyis dbyer med pa nam mkha' lta bur sbyar ba'o/ /ched du gleng ba 'di smras zhes bya ba ni rtogs tshad gsol ba ste 'di ltar kun du bzang po byang chub kyi sems sku gsung thugs rdo rje ltar dbyer med pa skye ba med pa'i tshul du khyed kyis sems skyed cig ces rab tu bsgrags shing gsungs so zhes bya ba'i tha tshig go//de nas tshul bzhin du nyan pa dang byang chub sems kyi don bstan pa'i phyir de nas bcom ldan 'das kyis de bzhin gshegs pa thams cad kyi sku dang gsung dang thugs rdo rje de bzhin gshegs pa thams cad kyi mngon par rdzogs par byang chub pa rdo rje zhes bya ba'i ting nge 'dzin la snyoms par zhugs te/byang chub kyi sems 'di gsungs so zhes bya ba la sogs gsungs pa yin no//de la mngon par rdzogs par byang chub pa'i tshul zhes bya ba ni dbyings rnam par dag pa'i ye shes kyi ngo bo ste byang chub kyi sems kyi tshul ji lta ba nyid do/ /de ni 'di yin te/ dngos po med par bsgom pa'i dngos/ /zhes bya ba la sogs pa smos pa la/ 'di ltar byang chub kyi sems ni dngos po med do zhes bya ba bsgom pa'i dngos gang yin pa de yang yang dag pa'i bsgom pa ma yin na dngos po lta ci smos/de lta na dngos po dang dngos po med pa gnyi gas bsgom du med de/ de'i phyir dmigs su med do/ /'di ltar byang chub kyi sems ni rnam par rtog pa dang /gnyi ga'i yul ma yin pa'i phyir ro/ /de skad ces sku dang gsung dang thugs rdo rjes gsungs so/ /gzhan yang rigs so so'i byang chub kyi sems bstan pa'i phyir de nas zhes bya ba la sogs pa smos te/ de la mngon par rtogs pa zhes bya ba ni stong pa nyid kyi ye shes te/ byang chub kyi sems mi rtog pa'o//de ni dngos po thams cad dang bral ba phung po dang khams dang skye mched kyi mtshan nyid rnam par spangs pa/ gzung ba dang 'dzin pa'i mtshan ma'i rnam par rtog pa spangs shing chos bdag med pa'i mnyam pa nyid yin pas/ rang gi sems kyang gdod ma nas ma skyes pa stong pa nyid kyi rang bzhin no zhes bya ba'i tha tshig go//de bzhin gshegs pa thams cad kyi mi zad pa'i rdo rje zhes bya ba ni me long lta bu'i ye shes te/ byang chub kyi sems ma skyes pa'i ngo bo nyid yin pas dngos po med pa'i phyir mi zad pa'o/ /de ni 'di yin te/ phyi nang gi dngos po 'di rnams ngo bo nyid kyis ma skyes pas rten du gyur pa'i chos dang /brten par gyur pa'i chos gnyis med pa ste/ de lta bu'i bdag med pa'i byang chub kyi sems nam mkha' lta bu 'di ni dus gsum du mi 'gyur ba'i phyir brtan pa zhes smos so/ /bdag med pa'i rdo rje zhes bya ba ni mnyam pa nyid kyi ye shes te/byang chub kyi sems mi gnas pa'i mtshan nyid do/ /de ni phyi nang gi chos rnams thams cad rang gi ngo bo dngos po med cing mtshan gzhi nyid ma grub na/ mtshan nyid lta ga la yod de de lta bu'i byang chub kyi sems bdag med pa'i rang bzhin las 'byung ba 'di ni bstan pa'o zhes bya ba'i don to//'od zer 'bar ba rdo rje sgron ma zhes bya ba ni so sor rtog pa'i ye shes te byang chub kyi sems ma 'gags pa'i mtshan nyid do/ /de ni 'di yin te/ gdod ma nas ma skyes pa'i chos rnams la rang gi ngo bo yang med na/ de bsgom pa lta ga la yang yod de/ de ltar nam mkha'i mtshan nyid du sbyor ba'am gnas pa las so//kun rdzob sna tshogs su grags zhes bya ba'i don to/ /de bzhin gshegs pa thams cad zil gyis gnon pa zhes bya ba ni bya ba grub pa'i ye shes te byang chub kyi sems mi dmigs pa'i bdag nyid kyi phyir zil gyis gnon zhes bya'o/ /de ni 'di yin te/ chos rnams thams cad gnyen pos ma bcos te/rang bzhin gyis 'od gsal ba nam mkha' ltar 'od gsal bas dag pa byang chub kyi ngo bo med cing byang chub rtog pa yang med do zhes bya ba'i don to/ /de skad ces bka' stsal pa/ byang chub sems dpa' rnams kyis thos nas ngo mtshar du gyur te/ 'di skad ces bstod do//e ma'o sangs rgyas e ma'o sangs rgyas/ /zhes bos nas/ byang chub kyi sems kyi tshul gyis chos bshad pa ni ngo mtshar ba ste yang dag pa'i don du gyur pa'i byang chub kyi sems la phyag 'tshal lo/ /zhes byang chub sems kyi spyir bstod do/ /byang chub kyi sems rnam par mi rtog pa'i thugs la bstod pa ni//bdag med pa yi chos las byung / /zhes bya ba la sogs pa'o/ /byang chub kyi sems kun du bzang po'i mdzad spyod kyi ngo bo la bstod pa ni/ /kun du bzang po dag pa'i don/ /zhes bya ba la sogs pa'o/ /byang chub kyi sems de bzhin gshegs pa rnams kyi sku gsung thugs gsang ba'i don ston pa'i bdag nyid gsung la bstod pa ni/dag pa de bzhin gshegs pa'i thugs/ /zhes bya ba la sogs pa'o/ /'di ni byang chub kyi sems kyi le'u zhes bya ste/ de la byang chub ni spros pa thams cad dang bral ba'i chos nyid yin no/ /'di'i skad kyi dbyings 'di ni rtogs pa dang khong du chud pa'i don yin no zhes bya ba ni brtag pa'i sgo yin pa'i phyir ro//sems ni byang chub kyi rang bzhin gyi sems te 'di'i skad kyi byings ni sna tshogs pa yin pas ldan pa dang dmigs pa la sogs pa yin no zhes zer ba yang snga ma bzhin te 'gal ba med do/ / le'u gnyis pa'o// //da ni le'u gsum pa ston pas/ de nas zhes bya ba la sogs pa gsungs te/ de la de'i 'brel ba ni le'u dang por byin gyis rlob mdzod de zhes zhus pa las byin gyis brlab pa mdzad pa'i phyir zil gyis gnon pa'i ting nge 'dzin la snyoms par zhugs pa na/dang por stong pa nyid kyi sngags 'di bya ste/ de nas dbang chen gyi dkyil 'khor la sogs pa rdo rje'i gzhal yas khang ji lta ba bzhin byas nas/ de nas ji skad smos pa'i lha'i rim pa rnams le'u 'di nas 'byung ba bzhin du sku mdog dang phyag mtshan ji lta bar bsgoms nas chung ngu dang 'bring dang chen po'i rnal 'byor dang ldan pa des/rdo rje phra mo'i ting nge 'dzin bsgom par bya'o zhes bya bar 'brel to/ /le'u 'dir ni ting nge 'dzin gsum rdzogs par byed pa la 'dir ma tshang ba rnams ni gzhan dag nas kha bskang bar bya ste/ A li dang kA li las bskyed pa'i rdo rje sems dpa' 'od du zhu ba las rdo rje 'dzin pa chen por gyur pa la sogs pa rnams dang /gzhan yang thig le dang bzlas pa la sogs pa ji snyed du gzhan nas rgyas par 'byung ba rnams 'dir bsdebs te/ le'u dang po'i zil gyis gnon pa'i ting nge 'dzin dang sbyar bar bya'o zhes bla ma'i man ngag go//de la de bzhin gshegs pa thams cad spro ba'i sprin bkod pa rdo rje zhes bya ba ni lha rnams dgod pa ste/ de nyid la rdo rje bkod pa zhes bya ba smos so/ /de la oM ma hA shU n+ya tA dz+nyA na badzra swa b+hA ba At+ma kou0f85haM/ zhes bya ba ni stong pa nyid kyi byang chub kyi sems b rtan par byin gyis rlob pa ste/'dis ye shes tsam gyi bdag nyid las rdo rje'i dkyil 'khor zil gyis gnon pa'i ting nge 'dzin du bshad pa ltar bsgom par bya'o/ /'dir/ nam mkha' dbyings kyi dbus gnas par/ /zhes bya ba ni chos kyi 'byung gnas so/ /sangs rgyas dkyil 'khor bsgom pa ni lha rnams bsgom pa'o//'od zer sprin gyi tshogs chen po/ /zhes bya ba la sogs pas ni gzhal yas khang gi mtshan nyid bstan to/ /gzugs ni dbus su bsgom par bya/ /zhes pa la sogs pas ni lha dgod pa'i mtshan nyid bstan te/ de la gang dbus su bsgom par bya zhe na/rnam par snang mdzad phyag rgya che/ /zhes bya ba ni bsgom par bya zhes bya bar 'brel te dam tshig gam chos kyi phyag rgyar bsgom mo zhes bya ba yin pa'i don to/ /sku gsung thugs ni rdo rje'i phyag rgya chen po bsgom par bya zhes bya ba ni dbus su rdo rje 'dzin gyi sku phyag rgya chen por bsgom pa'o//la la na re/ gzugs ni dbus su bsgom par bya/ /zhes bya ba ni rdo rje sems dpa'i sku yin te/ rnam par snang mdzad phyag rgya che/ /zhes bya ba ni mdun du bsgom pa yin la sku gsung thugs kyi mtshan ma zhes bya ba la sogs pa ni lha spyir bya'o/ /gcig tu sbyor ba bsdus pa yis//zhes bya ba ni sems rtse gcig tu gyur pas so/ /kha cig na re/ thabs dang shes rab sbyor ba las/ /zhes so/ /kha cig na re rdo rje 'dzin chen po dang mi bskyod pa gnyis dbyer med par gyur pa las zhes so/ /ci zhe na mi bskyod pa'i mchog dang zhes bya ba nas/ sangs rgyas dkyil 'khor bsgom par bya//zhes so/ /sku gsung thugs kyi rdo rje can/ /zhes bya ba la sogs pas ni lha rnams kyi kha dog dang phyag mtshan bstan te/ de la/ sku gsung thugs kyi rdo rje can/ /zhes bya ba ni byang chub kyi sems rdo rje ste/ de'i kha dog ni/ in+d+ra nI la'i kha dog 'dra/ phyag mtshan ni phyag na rdo rje bsnams//cha lugs/ rnam par gtsigs pa 'jigs 'jigs blta/ /zhes bya'o/ /'di ni mi bskyod pa'i tshul yang yin te/ 'di gnyis kyi khyad par ni/ /rdo rje 'dzin ni kha dog in+d+ra nI la 'dra/ /mi bskyod pa ni cung zad mthing shun 'dra/ /cha lugs cung zad mi bskyod pa khro bo ste/ /de nas mi bskyod pa rdo rje 'dzin la thim pa'i dus na/cung zad zhe sdang gi gzugs su gyur pa ste/ mtshan ma gzhan ni 'dra/ g.yas kyi dang po'i rdo rje ni rtse dgu par 'gyur te/ rdo rje las sangs rgyas kyi sprin 'dzam bu nA da'i gser ltar shin tu ser ba rnams kyis 'khrigs shing gtams pa ste de lta bu rnams so//de phan chad ni zhe sdang rdo rje zhes bya ba'i ming du gyur te/ de ni/ 'dzam bu nA da'i gser 'od 'dra/ /sangs rgyas sprin gyis rab tu 'khrigs/ /de yi phyag na rdo rje che/ /rtse mo dgu pa bsnams par bsgom/ /zhes bya ba 'di yin no/ /gzhan yang / shel dang zla ba'i 'od 'dra ba//thor tshugs cod pan rnams kyis brgyan/ /rab 'bar phyag na 'khor lo bsnams/ /sna tshogs rgyan gyis mdzes par brgyan/ /zhes bya ba ni rnam par snang mdzad kyi'o/ /ma ra ka ta'i 'od 'dra ba/ /zhes bya ba la sogs pa ni rin chen dpal gyi ste rin po che ma ra ka ta ltar ser ba rdo rje 'bar ba'i 'od zer gyis brgyan pa'i rin po che bsnams pa'o//pad+ma rA ga'i 'od 'dra ba/ /zhes bya ba la sogs pa ni snang ba mtha' yas kyi'o/ /'od zer sna lnga'i 'od 'dra ba/ /zhes bya ba ni gdon mi za ba ste ljang gu nyid thams cad 'dus pa'o/ /kha cig na re/ sku gsung thugs kyi rdo rje can//zhes bya ba ni lha thams cad do/ /in+d+ra nI la zhes bya ba la sogs pa ni mi bskyod pa'o/ /shel dang zla ba la sogs pa ni rnam par snang mdzad kyi'o/ /'dzam bu nA da'i 'od 'dra ba/ /zhes bya ba nas/ phyag na rin chen bsnams par bsgom/ /zhes bya ba'i bar du rin chen dpal gyi ste/rin po che zur dgu pa nyid rdo rje rtse dgu pa'o zhes zer ro/ /'di ni rang gi 'dod pa smra ba ste/ 'di'i don ni brtag par bya'o/ /rdo rje 'dzin pa yang sku mdog ni rnam par snang mdzad dang mthun la/ phyag mtshan yang mi 'khrugs pa dang mthun pas ma smos so zhes 'dod do//oM d+harma d+hA tu swa b+hA ba At+ma kou0f85haM/ zhes bya ba'i gsang sngags ni chos kyi dbyings kyi snying po ste/ gong du bstan pa rnams chos kyi dbyings kyi bdag nyid du shes par bya'o/ /da ni phra mo'i sbyor ba bstan te/ /rin chen kha dog sna lnga pa/ /yungs kar gyi ni 'bru tshod tsam/ /sna yi rtse mor n an tan du//rnal 'byor pas ni rtag par bsgom/ /zhes bya ba la sogs pa gsungs te/ de la rin po che ni mtshan ma rnams so/ /de pad+ma'i sna'i rtse mo la bsgoms te brtan pa'i mtshan ma smig rgyu dang du ba la sogs pa rtags rnam pa lnga mthong nas spro bar bya ste/ rjes su dran pa bcu drug bsgom par bya'o zhes bya ba'i don to//sangs rgyas 'bar ba 'dra ba'i 'od/ /ces bya ba la sogs pa ni sangs rgyas so/ /de bzhin du/ byang chub sems dpa' rnams kyang spro bar bya'o zhes shes par bya ste/ ji lta ba'i mtshan nyid ni rjes su dran pa'i skabs su shes par bya'o/ / nam mkha' dbyings kyi dbus gnas par/ /zhes bya ba la sogs pa ni lha rnams kyi gnas dang gdan bstan pa ste/ de la nam mkha'i dbyings chos kyi 'byung gnas so/ /der zla ba'i dkyil 'khor la rnam par snang mdzad bsgom mo/ /de bzhin gshegs pa pad+ma la sogs pa ji skad du smos pa'i gdan rnams la ji skad smos pa'i sangs rgyas rnams bzhugs par bsgoms na dngos grub tu 'gyur zhes bya ba'i tha tshig go//le'u gsum pa'o// //de ltar ting nge 'dzin gyi dkyil 'khor bstan pa las/ de las de bzhin gshegs pa rnams kyi gzugs brnyan gyi dkyil 'khor gyis phan gdags pa'i ched gzigs nas bcom ldan 'das la bstod pa'i rgyal po 'di'i sgo nas bstod de gsol ba 'di btab po zhes bya ba'i don to//de la/ de bzhin gshegs pa kun zhi ba/ /zhes bya ba la sogs pas ni byang chub kyi sems stong pa nyid don dam pa'i dkyil 'khor bshad par zhus pa ste/mtshan nyid thams cad yang dag rdzogs/ /zhes bya ba la sogs pas ni/ /sku'i dkyil 'khor te de bzhin gshegs pa'i sku ni mtshan bzang po la sogs pa thams cad ni yang dag par rdzogs shing mtshan nyid ngan pa spangs pa ni kun du bzang po'i sku ste/ de yi dkyil 'khor bshad du gsol/ /zhes so/ /gsung gi dkyil 'khor ni/ zhi ba'i chos ni zhes bya ba la sogs pa gsungs te/ de la brjod du med pa'i gsung ni/ spros pa dang bral ba'i rang bzhin yin pa'i phyir/ zhi ba'i chos ni mchog las 'byung / /zhes so/ /sems can rnams mya ngan las 'da' ba'i bdag nyid pas/ye shes spyod pa rnam sbyong ba/ /zhes so/ /de ni kun du bzang po mchog gsung ste de'i dkyil 'khor bshad par gsol ba'o/ /thugs ni/ sems can kun gyi sems chen po/ /zhes bya ba la sogs pa ste/ de la kun du bzang po'i thugs byang chub kyi sems ni byang chub chen po'i bdag nyid du gnas pas/sems can kun gyi sems chen po/ /zhes so/ /de nyid las 'das pas rang bzhin dag pa dri ma med pa ste/ de ni kun du bzang po'i thugs te/ byang chub kyi sems ni dkyil 'khor gyi snying po yin la/ de bshad du gsol zhes pa'i don to//tshul 'di dang sbyar na kun du bzang po'i sku yang rang bzhin med pa nyid du 'os te/ de nas mtshan min zhes smos pa'i dgag pa 'di yang mtshan nyid kyi ngo bo nyid ma grub par sbyar bar rigs so/ /de skad ces gsol ba btab pa dang / bcom ldan 'das kyi sku gsung thugs kyi dkyil 'khor bshad par snang ngo //de la thugs ni 'di nyid bshad la/ gsung dang sku ni 'og nas bshad par bya'o zhes bya ba 'dir sbyar ro/ /de la/ thugs kyi dkyil 'khor 'dra ba zhes bya ba ni thugs kyi dkyil 'khor ni rdul tshon yin la/ de ye shes kyi dkyil 'khor dang 'dra zhes pa'i don te/'di ltar rang bzhin dang yon tan dang mtshan dag bye brag tu gyur pa med do zhes bya ba'i don to/ /de bzhin du sku dang gsung dag kyang thugs kyi dkyil 'khor dang 'dra ste dbyer med do zhes bya ba'i don to/ /de 'dir ni thugs kyi dkyil 'khor ston pa yin pas dang por de'i tshad dang thig gdab pa la sogs pa ston to//de la thig skud sar pa ni gzhan la ma btab pa'o/ /gtsang ba ni rgyu dang sbyor ba la skyon med pa'o/ /tshad ni/ srid du dkyil 'khor nyis 'gyur la/ /sboms su sgo yi nyi shu cha/ /grangs ni lnga 'am gzugs kyi grangs/ / zhes so/ /mdzes pa ni 'jur mdud dang sbom phra ma shor ba'o/ /khru ni bcu gnyis tshad du bya/ /zhes bya ba ni khor yug tu'o/ /de yi dbus su 'khor lo ni/ /rab tu zlum po bri bar bya/ /zhes bya ba ni rdo rje skud pa bzhi yis dkyil 'khor du re'u mig dgu par gyur pa'o/ /phyag rgya dgod pa ni go sla'o/ / mA ma kI ni rigs 'byung ba'i/ /zhes bya ba ni gtso bo'i yum yin pa'i phyir dkyil 'khor 'byung bar gyur pa'o/ /de ltar dkyil 'khor bkod de yongs su gsal bar byas nas mchod par bya'o zhes sbyar bar bya'o/ /de la/ lus dang ngag sems mchod pa yis/ /zhes bya ba ni gsang ba byang chub sems kyi mchod pa'o//la la na re lus dang ngag sems zhes bya ba ni dkyil 'khor yin te lus gzugs brnyan dag ting nge 'dzin sems rang bzhin gyi dkyil 'khor te 'di ltar rdul gyi ngo bo ni lus te/ de las sgra dang yi ge'i tshul bskyed pa ni ngag /de la ye shes sems dpa' gzhug pa ni thugs yin te de la mchod do zhes zer ro//de la mchod pa ni 'di yin te/ /bud med rab tu mdangs bzang ba/ /zhes bya ba la sogs pa yin te de la 'di ni lo grangs bcu gnyis kyi tshad du smos pas sangs rgyas spyan du byin gyis brlabs pa yin te/ 'dis mchod pa'am mA ma kIr byin gyis brlabs kyang rung ste/phyag rgya chen po'i mchod pa bya'o zhes bya ba'i don to/ /kha cig na re gong ma ni bud med kyi phyag rgya nyid yin la mA ma kI ni ye shes kyi phyag rgya yin te/ 'di gnyis rang bzhin gyi phyag rgya ye shes kyi phyag rgyar byin gyis brlabs pa yin te 'di la bye brag med do zhes zer ro//sangs rgyas zhi ba tshul spros pas/ /zhes bya ba ni byang chub sems kyi sprul pas don byed pa dang sbyar ro/ /bshang dang gci ba khu ba khrag /ces bya ba ni bdud rtsi lnga'i mchod pa ste rol zhing mchod par bya'o zhes bya ba'i don to/ /thugs kyi dkyil 'khor gyi le'u ste bzhi pa'o// //da ni de lta bu'i dkyil 'khor du slob ma dbang bskur ba'i snod bstan par bya ba'i phyir/ de nas de bzhin gshegs pa kun gyi zhes bya ba la sogs pa rgya cher gsungs so/ /de la/ rnam par mi rtog las byung ba/ /'dod chags zhe sdang gti mug rigs/ / zhes bya ba la/ rnam par mi rtog pa las byung ba'i 'dod chags zhes bya ba la sogs par sbyar te/ de la mi rtog pa'i bdag nyid kyi dug gsum gyis theg pa 'dir 'grub par bstan to/ /gzhan yang rigs ngan sme sha can la sogs pa yang snod du rung bar bstan te bla na med pa'i theg pa ni blang dor mi byed pa'i phyir ro//mtshams med byed pa'i sems can yang de bzhin no/ /'dir mi chud pa gang zhe na/ /snying nas slob dpon smod pa dag /bsgrubs kyang 'grub par yang mi 'gyur/ /zhes bya ba yin no/ /srog gcod pa la sogs pa'i sems can yang de bzhin no//de bzhin du ma dang sring mo dang bu mo la sogs pa yang sbyar te/ 'di dag ci'i phyir zhe na/ theg pa chen po ni de bzhin gshegs pa'i mdzad spyod 'di ltar thabs dang shes rab 'brel ba'i bdag nyid de/ chos thams cad ni mnyam pa nyid kyi phyir dge ba ni blang du med la sdig pa ni dor du med do//de bas na chos gang yang mi 'grub pa'i rgyur bstan pa med do/ /rdo rje slob dpon smod pa la sogs pa ni dam tshig chen po la gtogs pa yin pas 'di dang ldan na mnyam pa nyid dang 'gal ba'i phyir 'di ni gnang ba ma mdzad do/ /rnam pa gcig tu na 'dod chags ni gsung gi dam tshig ste/yang dag pa'i sbyor ba/ zhe sdang ni thugs kyi ste bla na med pa'i gnas su sgrol ba/ gti mug ni sku'i ste nor gyi rgya mtshos don byed pa ste/ 'di lta bu'i dug gsum mo/ /sme sha can ni phrad pa med pa'i ye shes can no/ /de lta bu'i mi rtog pa'i gsod pa don du gnyer ba dag go//mtshams med pa yang sems can yongs su bskyed pa'i chags sdang gi bdag nyid dang / sdug bsngal gyi bdag nyid phung po la sogs pa gsod pa la sogs pa'i las byed pa mi rtog pa'i ye shes dang / gzhan yang rnam par rtog pa'i srog gcod pa dang / byang chub chen por dam 'cha' ba'i brdzun du smra ba dang / byang chub sems dpa'i rdzas len pa'i gzhan gyi nor spyod pa dang / rang gi rig ma dang lhan cig gnas pa'i 'dod pa spyod pa de lta bu'i phas pham pa bzhi dang ldan pa dang / gzhan ci yang ma yin pa'i bdag nyid kyi bshang ba dang / phan pa'i don gyi rjes su gnas pa'i gci ba dang /ye shes chen po'i bdag nyid kyi byang chub kyi sems dang / yongs su chags pa'i bdag nyid de rak+ta 'thung ba la sogs pa'i sems can rnams dang / gzhan yang ma dang sring mo bu mo zhes bya ba la sogs pa ste/ /de la ma'i don ni dang po A li kA li las skyes pa'i rdo rje sems dpa' yab yum sbyor ba'i b+ha ga la sems can thams cad bsdus te/de rnams dbang bskur ba'i yum la bya ste 'di ni gsang ba'i dbang nod pa'i yum yin no/ /sring mo'i don ni de nas sems 'od 'bar ho'i bar du zhugs nas/ byang chub kyi sems 'od kyi gong bur gyur par byed pa'i chags pa'i bdag nyid kyi yum ni sring mo ste 'di shes rab kyi dbang gi yum mo//bu mo ni de ltar zhu ba las/ dbyangs kyis bskul nas skur bzhengs pa'i yum yin te/ de ni gzhan la yang dbang bskur ba'i yum yin pas bu mo yin no//de la dang po ni mA ma kI'i bdag nyid do/ /gnyis pa ni gos dkar mo'i bdag nyid do/ /gsum pa ni sgrol ma'i bdag nyid do/ /de ltar na ting nge 'dzin gsum gyi yum gsum dang / sku gsung thugs kyi yum gsum rim pa bzhin du sbyar te/ de la ma dang sring mo bu mo zhes sbyar ro//de la gsang ba'i dbang rdo rje sems dpa' yab yum gyi ting nge 'dzin gyi dbang bskur ba 'di ting nge 'dzin ma rdzogs pa'i nyes pa yod do zhe na/ de ni 'di ltar dgongs pa yin te/ gong du dbang bskur ba'i tshe slob dpon gyis ting nge 'dzin gsum char yongs su rdzogs par bsgoms te gnas pa las/slob mas gsang ba'i dbang bskur bar zhus pa las/ de nas bla mas kyang / chos kyi 'byung gnas kyi ting nge 'dzin nas bzung ste snyoms par zhugs nas rdo rje sems dpa'i ting nge 'dzin bskyed la gsang ba'i dbang bskur bar bya'o/ /de'i phyir nyes pa med do//de ni 'di ltar dgongs pa yin te/ le'u dang por ston pa 'dod chags chen po'i ting nge 'dzin la snyoms par zhugs nas sems can rnams bsdus te dbang bskur ba yang rdo rje sems dpa'i ting nge 'dzin gyis gsang ba'i dbang bskur bar bstan/ 'dir yang de bzhin no zhes so//gzhan yang hos zhu ba'i byang chub kyi sems ni ye shes bdud rtsi'i ngo bo bas shes rab kyi dbang ste/ 'di ni bla mas ji ltar bstan pa bzhin du rang gi rig pas rig par bya'o/ /de'i phyir/ sangs rgyas gtso bo'i yum dag la/ /zhes smos te/ de lta bu'i gtso bo'i yum rnams la gong du smos pa'i tshul ltar mnyes par byas na sangs rgyas su 'gyur ro zhes bla ma'i man ngag go//de skad ces bka' stsal pa dang / byang chub sems dpa' rnams skrag par gyur te 'di lta bu'i tshig ci'i slad du gsungs zhes gsol ba la/ de bzhin gshegs pa rnams kyi ye shes snying po can rnams kyi zhes bya ba la sogs pa'i tshig gsungs te/de nyid dam par bsngags pa mdzad pas de dag brgyal bar gyur to zhes bya ba la sogs par sbyar ro/ /de la ye shes snying po can rnams ni sangs rgyas rnams te/ de'i chos nyid ni gong du bstan pa rnams so/ /chos nyid de ni chos thams cad kyi snying po chos rnams kyi don to//spros pa med pa las 'byung ste de'i phyir chos nyid 'di rnams ni spong ba ma yin gyi byang chub spyod pa'i gnas yin no zhes gsungs so/ /de skad ces bka' stsal pas/ byang chub sems dpa' rnams brgyal bar gyur pa de de bzhin gshegs pa rnams kyis gzigs nas bcom ldan 'das rdo rje 'dzin pa la de dag bslang bar gsol ba btab bo//de nas bcom ldan 'das kyis de dag bslang ba'i phyir nam mkha' dang mnyam pa gnyis su med pa rdo rje zhes bya ba'i ting nge 'dzin la snyoms par zhugs te/ de'i 'od kyis de dag bslang bar mdzad do//nam mkha' dang mnyam pa ni rnam par rtog pa'i gnyen po yin te/ des gang la khyab cing reg pa de mi rtog par gyur te/ mi rtog na skrag pa nyid med na brgyal ba lta ga la srid/ de nas de dag dga' bar gyur nas chos kyi dbyings gsungs pa ni/ e ma'o chos zhes bya ba la sogs pa ste/de la e ma'o zhes zhes bya ba rnam par dag pa'i bdag nyid kyi chos la ngo mtshar ba'i sgo nas bos te bstod pa'o/ /chos kyi don 'byung ba ni dag pa ste/ de ni bdag med pa'i don gyi gsung ste/ de lta bu la phyag 'tshal lo zhes so/ /sku dang gsung dang thugs zhes bya ba la sogs pa ni sku mi 'gyur ba'i gnas ma skyes pa'o//thugs ni de bzhin gshegs pa'i gtso zhes bya ba la sogs pa ni thugs kyi rnam par dag pa'o/ /nam mkha'i sku zhes bya ba la sogs pa ni sku gsung thugs kyi spyi la'o/ /sngags thams cad kyi spyod pa'i le'u zhes bya ba ste/le'u lnga pa'o// //da ni le'u gsum par bstan pa'i dkyil 'khor gyi lha rnams la byin gyis brlab par bya dgos pa'i phyir de'i gsang sngags dang gzhan yang rdo rje phra mo'i ting nge 'dzin gyi kha skong ba rnams ston pas de nas zhes bya ba la sogs pa smos te/ de la de bzhin gshegs pa mi bskyod pa de bzhin gshegs pa thams cad kyi sku dang gsung dang thugs kyi gsang ba zhes bya ba'i ting nge 'dzin la snyoms par zhugs te zhes bya ba'i thugs kyi bdag nyid kyi gsang ba'i de la de skad ces bya'o//thugs byin gyis rlob pa'i sngags ni/de'i rang bzhin dang ldan par byed pa'i sngags so/ /gzhan ma la yang de bzhin du sbyar bar bya'o/ /de dag ji ltar bya zhe na/ de de bzhin gshegs pa'i rdo rje gsang ba gsum zhes bya ba la sogs pa smos te/ de la rdo rje gsang ba gsum ni/ sku gsung thugs rdo rje gsang ba gsum ste/thabs des sku gsung thugs su sgrub pa'i thabs su rnam par bsgom par bya zhes so/ /de yang ji lta zhe na/ sngags kyi mtshan gyis zhes bya ba la sogs pa smos te/ 'di ltar lha'i gnas gsum du zla ba dang pad+ma dang nyi ma'i gdan rnams la oM AHhUM zhes pa bkod de/de la ji lta ba bzhin du sku'i rdo rje dang gsung dang thugs kyi rdo rje rnams rim pa bzhin du bskyed nas/ de rnams kyi thugs kar yang ji lta ba'i gdan steng du 'khor lo dang pad+ma dang rdo rje'i lte ba rnams la sngon du brjod pa'i yi ge nyid bsams te/ de dag gi 'od zer gyis sku gsung thugs kyi lha rnams spyan drangs te/gsol ba gdab pa byas nas dbyer med par zhugs par byas nas bsgrub par bya'o zhes bya ba'i don to/ /rdo rje sgron ma zhes bya ba ni/ rdo rje rin po che'i bdag nyid de/ gsang sngags 'di ni gnyis su med pa'i bdag nyid pas rin po che'i rigs kyi bdag nyid du sbyar ro//rjes su chags pa'i bdag nyid 'di ni 'bring gi mthar yum rjes su mnyes par bya ba'i tha tshig go/ /mchod pa'i gsang sngags ni las kyi rigs kyi bdag nyid de/ 'di ni chen po'i dus na byang chub kyi sems 'phro ba'i bdag nyid do//rtag tu 'dod pa'i yon tan lngas/ /zhes bya ba la sogs pas ni lha mo lnga'i mchod pa'i rang bzhin bstan te/ 'dis ni rjes su chags pa dang mchod pa'i sngags gnyis kyi don bstan pa yin te/ 'di ltar gsang sngags 'di dag ni 'dod pa lnga'i lha mo'i mchod par bya zhes pa'i tha tshig go//sngags la dmigs pa'i lus dang ni/ /zhes bya ba la sogs pa ni gong du bstan pa'i sku gsung thugs kyi gnas la gong du bstan pa ltar dmigs nas de nyid kyi gsang sngags kyi yi ge bskul te/ ji lta bar gsol ba btab pa la sogs pa byas nas bsgrub po zhes bya ba'i don to//de yang dang por lus ngag yid gsum mnyam pa nyid nam mkha' lta bur sbyar nas/ de nas bsngags kyis brtags pa'i lha'i ting nge 'dzin bsgom par bya'o zhes bstan pa'i phyir/ sems la dmigs pa bdag med par/ /zhes bya ba la sogs pa gsungs so//de la ji ltar sems la bdag med par dmigs pa de bzhin du/ ngag dang lus la yang bdag med par dmigs te nam mkha' lta bur sbyor ro/ /gang gis ji ltar sbyor zhe na/ lus dang ngag dang sems dmigs na/ /ngo bo nyid ni dmigs su med/ /ces bya ba la sogs pa smos te/'di ltar lus ngag yid gsum blos brtags na gang gi ngo bor yang ma grub ste dmigs su med pas de'i phyir sngags kyi las su sbyor ba'o/ /bsgom pa yang med la/ des bsgrubs pa'i byang chub kyang med do zhes de ltar rnam par dpyad nas/ de nas sngags kyis brtags pa'i lha'i ting nge 'dzin du sbyor ba'i gnas kyi cho ga bsgom par bya'o zhes pa'i don to//da ni phra mo'i sbyor ba bstan pa'i phyir/ de nas dpal ldan rdo rje 'dzin/ /zhes bya ba la sogs pa rgya cher gsungs so/ /de nas/ nam mkha' dbyings kyi dbus gnas par/ /zhes bya ba la sogs pa ni gzhal yas khang du lha'i dkyil 'khor sbyor ba dang po dang dkyil 'khor rgyal ba mchog dang las kyi rgyal ba mchog dang ldan pa la phra mo'i sbyor ba 'di brtsam mo zhes pa'i don to//sna'i rtse mor yungs kar bsam/ /zhes bya ba ni pad+ma'i sna rtser ro/ /'gro dang mi 'gro yungs kar la//zhes bya ba ni spro zhing bsdu ba'o/ /gsang ba'i sngags kyis brtags pa yi/ /ye shes mchog ni lha rnams so/ /de'i gnas ni dkyil 'khor te/ phra mo'i mtshan ma nas 'bru tsam gyi lte ba la ji lta ba'i dkyil 'khor bsgom pa'o/ /nam mkha'i dbyings kyi dbus gnas par//nyi ma'i dkyil 'khor bsgom par bya/ /zhes bya ba la sogs pas ni/ /rigs so so'i gdan dang lha bsgom pa bstan to/ /yang kha cig na re/ phra mo sbyor ba kun du brtsam/ /zhes bya ba'i tshig 'di ni thig le sbyor ba'i ting nge 'dzin yin te/ de la sna'i rtse mor zhes bya ba ni thugs te/yungs kar bsam zhes bya ba ni thig le yungs kar tsam mo/ /'gro dang mi 'gro yungs kar la/ /zhes bya ba ni/ 'dir dbugs dag gtong ba'i skabs su thig le nyid spro ba dang slar thig le bsdu ba'o/ /de la gsang ba'i sngags kyis brtags shing bskyed pa'i ye shes mchog gi lha rnams kyi gnas thig le'i dkyil 'khor chung ngu bsgom pa'o//nam mkha'i dbyings kyi dbus gnas par/ /nyi ma'i dkyil 'khor bsgom par bya/ /zhes bya ba la sogs pa ni rigs so so'i thig le bsgom pa ste de la nyi ma'i dkyil 'khor ni mi bskyod pa'o/ / sangs rgyas sku'i gnas ni gdan no/ /de'i steng du gzhag pa ni yi ge'o/ /gzhan yang gsal ba'i dkyil 'khor ni zla ba ste rnam par snang mdzad kyi'o/ /pad+ma'i dkyil 'khor dang / rin chen gyi dkyil 'khor dang / 'od kyi dkyil 'khor yang pad+ma dang / rin po che dang las kyi rigs kyi gdan no//spyan gyi tshul dang sbyor ba las/ /zhes bya ba ni rnam par snang mdzad kyi ting nge 'dzin la sangs rgyas spyan dang ldan par bsgom pa ste/ de bzhin du pad+ma'i tshul du sbyor ba yang gos dkar mo'i sbyor ba ste/ 'di ltar gzhan du yang sbyar bar bya'o/ /dang po'i sbyor ba'i nan tan gyis//zhes bya ba ni dang po'i sbyor ba dang / dkyil 'khor rgyal ba mchog dang las kyi rgyal ba mchog rnams la nan tan du byas te/ yan lag bzhi'i tshul gyis bskyed par bya'o zhes bya ba'i don to/ /sangs rgyas tshul ni zhi ba spro/ /'khor yang khyad par dag tu spro/ /zhes bya ba yang spyir sbyar bar bya'o//de yan chad ni thig le'i sbyor ba yin no zhes kha cig gi 'dod pa'o/ /ut+pal mthing ga'i mdog 'dra ba/ /rtse mo lnga pa khyad du zhes bya ba la sogs pa ni phra mo'i tshad dang bye brag bstan pa yin te/ de la rdo rje rtse lnga pa ut+pal sngon po lta bu bsgom pa dang / sran tsa na ka tsam gyi pad+ma 'dab ma brgyad pa dang / de bzhin du 'khor lo dang ral gri dag kyang bsgoms la/ de dag gi sgong skyes dang ge sar dang lte ba dang chang gzungs rnams la dkyil 'khor chung ngu bsgom pas ni/ sangs rgyas byang chub gnas rnams ni/ /zhes bya'o/ /de ru mdor ni spro bar bya//zhes bya ba ni phra mo brtan pa'i mtshan ma thob nas ji ltar 'dod pa'i lha'i ting nge 'dzin du skad cig gis bskyed la/ de nas shes rab ma dang gnyis su med pa'i sbyor ba las yum gyi ba spu'i bu ga nas byang chub kyi sems kyi 'od zer spro bar bya ste rjes su dran pa bcu drug bsgom par bya'o//de la rjes su dran pa zhes bya ba ni phra mo la ji ltar sbyangs pa de ltar rjes su dran pa na de dran par byed pa'o/ /sku gsung thugs kyi mtshan ma yi/ /chos kyi tshig rnams rab tu brjod/ /ces bya ba ni dkyil 'khor chung ngu bsgom pa'i dus su byin gyis brlab pa la sogs pa bsnyen sgrub tshang bar bya ba'i don to//de nas dpal ldan rdo rje 'dzin/ /zhes bya ba la sogs pas ni de ltar bsgom pa'i dus su rnal 'byor pas 'dod pa'i yon tan lnga dang ldan par bya ba'i don to/ /gzhan yang gsang ba'i mchod pa dang bdud rtsi lnga dang sha rnam pa lnga dang ldan par byas te bsgrubs na ji skad bstan pa bzhin du 'grub pa'i don to//lus dang ngag sems las 'da' ba'o zhes bya ba ni lus ngag yid gsum las 'das te sku gsung thugs nam mkha' lta bur 'gyur ro zhes bya ba'i tha tshig go/ /'di ni lus dang ngag byin gyis rlob pa bsgrub pa'i bdag nyid dang phra mo'i sbyor ba las kyi rgyal ba mchog gi rang bzhin ston pa yin la/de ni le'u gsum pa'i lha rnams kyi yan lag yin la/ de yang le'u dang por ji skad bstan pa bzhin du sbyar bar bya'o/ /le'u drug pa'o// //da ni 'dod pa'i yon tan lnga mi spang ba dang rjes su dran pa bcu drug bsgom pa ston pas/de nas zhes bya ba la sogs pa gsungs te/ de la 'di'i 'brel pa ni 'dod pa'i yon tan rnam pa lnga mi spang ba ni slob ma'i snod bstan pa'i don du sbyar te/ dam tshig dang sdom pa'i bdag nyid yin pas le'u lnga par kha bskang bar bya'o/ /de la sngags spyad pa'i mchog ces bya ba ni sngags kyi spyod pa'o//mngon par rdzogs par byang chub pa zhes bya ba ni de'i rang bzhin nyid dam der byed pa'o/ /'dod pa'i longs spyod thams cad la/ /zhes bya ba la sogs pa ni 'dod pa bsten pas 'grub par bstan to/ / yang na 'dod pa'i yon tan thams cad ces bya ba la sogs pas ni lha'i bdag nyid du sbyor ba bstan pa'o/ /dka' thub sdom pa mi bzad ces bya ba la sogs pas ni mi 'grub pa'i rgyu dang tshul bzhin spyad na 'grub pa'i rgyu ston to/ /gzhan du dus min 'chi ba dang / /dmyal bar nges par bsreg par 'gyur//zhes bya ba la sogs pa ni dam tshig nyams pa'i skyon ston to/ /sangs rgyas byang chub sems dpa' dang / /zhes bya ba la sogs pas ni 'dod pa bsten pa'i yon tan ston to/ /gzugs la rnam gsum shes byas nas/ /zhes bya ba la sogs pas ni 'dod pa bsten pa'i thabs ston to//de la gzugs gcig pu la yang rab 'bring gi bye brag gis rnam pa gsum yin la/ de la rab ni 'dod chags skye bar byed pa ste/ gsung gi bdag nyid de bzhin du 'bring dang tha ma la yang gti mug dang zhe sdang skye bar byed pa ste/ sku dang gsung dang thugs kyi bdag nyid de de ltar bsgoms nas bcom ldan 'das rnam par snang mdzad la dbul zhe'o//kha cig na re/ de nyid bcom ldan sna tshogs pa/ /sangs rgyas rnam par snang mdzad gzhi/ /zhes bya ba'i don gyis gzugs nyid rnam par snang mdzad yin te/ de lta bu'i sbyor ba dang ldan pas mchod par bya'o zhes zer ro//gzhan la yang de bzhin du sbyar bar bya'o/ /yang na de la bsgom pa ni/ rigs kyi tshul du rnam par bsgom/ /zhes bya ba ni rigs de dag thams cad kyang thugs kyi bdag nyid du byas te mchod cing spyan drang bar bya'o/ /de yan chad ni 'dod pa'i yon tan rnam pa lnga mi spang ba yin te/spyod lam gyi ting nge 'dzin du shes par bya'o/ /de'i rjes su dran pa bcu drug bsgom par bya ste/ 'di dag ni phra mo las su rung nas spro bar bya'o zhes sngar bsnyad pa de 'dir gzung bar bya'o/ /de la 'di dag nas phra mo'i gnas su ma bstan pa'i spro ba dag kyang 'byung ba ni phra mo'i skabs su ting nge 'dzin gcig bstan par bya ste/mtshan ma thob nas 'di dag gi ting nge 'dzin du skad cig gis bsgyur te spro bar bya ba yin pas nyes pa med do/ /de la sangs rgyas rjes su dran pa la sogs pa gsum ni sku dang gsung dang thugs so/ /rigs rjes su dran pa ni rin po che dang las kyi bdag nyid do//khro bo rjes su dran pa ni rigs kyi khro bo gang yin pa la sogs pa'o/ /lha rjes su dran pa zhes bya ba ni dam tshig kyang dkyil 'khor la sogs pa'o/ /bud med gzugs bzang mdangs bzang ba/ /zhes bya ba la sogs pa ni rjes su dran pa spro ba'i yum mo//de bzhin gshegs pa'i btsun mo'i mchog /spyan la sogs par bsgom par bya/ /zhes bya ba ni de rnams su byin gyis brlab pa'o/ /yi ge hUM dang oM dag dang / /phaT kyang rab tu brtags par bya/ /zhes pa ni mkha' byin gyis brlab pa ste/ de la yi ge hUM gis ni gsang ba'i mkha' rnam pa gnyis 'od zer sna lngas khyab pa'i rdo rje dang pad+ma bsgom par bya'o//oM dkar po ni rdo rje rtse mor ro/ /phaT nag po ni sbu gur te byang chub kyi sems spro ba'i don to/ /'bar bcas zla 'od bzhin du dkar/ /zhes bya ba ni mkha' rnam pa gnyis kyi 'od do/ /sangs rgyas rjes dran sbyor la sogs//zhes bya ba ni 'og nas 'byung ba ltar rjes su dran pa bcu drug bsgom pa ste/ de la sangs rgyas rjes su dran pa ji ltar bsgom zhe na/ /b+ha ga la ni ling+ga bzhag /sangs rgyas gzugs ni bsgom par bya/ /ba spu rnams kyi bu ga nas/ /mkhas pas sangs rgyas sprin rnams so//zhes 'byung ste/ de la 'di'i tshul ni phra mo brten par gyur pa'i rjes thogs su rnam par snang mdzad kyi skur bsgoms te yum sangs rgyas spyan du byin gyis brlabs nas sngon du brjod pa ltar mkha' byin gyis brlab pa byas te/ thabs dang shes rab gnyis su med pa'i sbyor ba las byang chub kyi sems phra mo bsgom pa'i bdag nyid de rnam par snang mdzad kyi sku phra mo mang po yum gyi ba spu'i bu ga nas 'phros pas sngon du bsgoms pa'i phra mo'i skabs kyi ting nge 'dzin rjes su dran pa ste thams cad du yang de bzhin du sbyar ro//de la chos rjes su dran pa ni snang ba mtha' yas su sbyar ba'o//rdo rje rjes su dran pa ni mi 'khrugs par sbyar ba'o/ /rigs rjes su dran pa ni rin chen 'byung ldan dang don yod grub pa gnyis su sbyar ba'o/ /khro bo rjes su dran pa ni/ khro bo bcu gang yang rung ba'o/ /dam tshig rjes su dran pa ni bdag lha gang yang rung bar bsgoms te/sbyor ba'i byang chub kyi sems kyi mchod pa'o/ /de yang dkyil 'khor gyi lha'i sbyor ba dran par byed pas rjes su dran pa'o/ dkyil 'khor rjes su dran pa ni lha gang yang rung bar bsgoms pa'i byang chub sems las lha'i dkyil 'khor yongs su rdzogs pa 'phro ba'o//sku rjes su dran pa dang / gsung rjes su dran pa dang / thugs rjes su dran pa gsum ni/ sangs rgyas rnams kyi sku gsung thugs kyi mtshan nyid ji lta ba de ltar bdag rjes su dran zhing bsgom pa ste 'di man chad ni spro bar mi byed do/ /sems can rjes su dran pa ni sems can gyi lus ngag yid gsum sku gsung thugs nam mkha' ltar bsgom pa'o//sngags thams cad kyi sku gsung thugs kyi rjes su dran pa ni sangs rgyas rnams kyi sku gsung thugs dbyer med pa ji lta ba de ltar bdag kyang de dang 'dra bar bsgom pa'o/ /dam tshig rjes su dran pa ni/sbyor ba'i byang chub kyi sems lha'i sbyor bas btung ba ste de bzhin gshegs pa'i tshogs bsad na zhes pa rnam par mi rtog pa'i blos btung ba'o/ /shes rab kyi pha rol tu phyin pa'i dam tshig rjes su dran pa ni chos thams cad rang bzhin gyis rnam par dag pa bsgom pa ste 'di ni yum mi dmigs par rjes su dran pa'o//ma skyes pa rjes su dran pa ni/ chos pa thams cad mtshan nyid med cing rang bzhin med pa'i sgyu ma tsam du snang ba ste/ 'di ni thams cad kyi rang bzhin yab mi dmigs par dran pa'o/ /de la zhe sdang gi rigs la sogs pa mchod pa rjes su dran pa ni lo bcu gnyis pa'i bud med la gnyis su med pa'i sbyor ba'i sgo nas rang gi rigs kyi mchod pa bya'o//rjes su dran pa 'di dag la yang sku rnam par snang mdzad rjes su dran pa 'ba' zhig bsgom pa la yang dam tshig rjes su dran pa la sogs pa man chad ni ldan par bsgoms te/ de bzhin du chos dang rdo rje dang rigs dang khro bo rnams la yang dam tshig rjes su dran pa la sogs pa ni ldan par sbyar ro//le'u bdun pa'o// //da ni le'u gsum pa'i ting nge 'dzin gyi dkyil 'khor gyi lha rnams dang / le'u bzhi pa'i gzugs brnyan gyi dkyil 'khor bstan pa la mchod pa bstan te/de nas bcom ldan 'das de bzhin gshegs pa dkon mchog dpal gyis zhes bya ba ni rin po che'i rigs ni mchod pa'i bdag nyid yin pa'i phyir ro/ /de la/ rdo rje rgyal po theg pa che/ /zhes bya ba la sogs pas ni theg pa chen po'i don la bstod de/ de la rdo rje'i theg pa ni nam mkha'i mdzad spyod dang 'dra ba ste/ma chags shing ma gos pa'i mdzad spyod kyis 'dren pa'i phyir shin tu ngo mtshar ba ste/ de yang dug gsum ma spangs par lam de nyid nas 'gro ba 'dren pa'i tshul dang theg pa mtha' dag kyang yongs su rdzogs pa'i tshul dang / sku gsung thugs shin tu dag pa'i byang chub sems kyi chos kyi 'khor lo bskor ba'i tshul la bstod de zhu ba gsol pa'o//de nas ston pa rdo rje 'dzin pa nam mkha' ltar mi 'gyur ba chos thams cad kyi dbang phyug de bzhin gshegs pa thams cad dbang bskur bar mdzad pa des de bzhin gshegs pa thams cad kyi mchod pa sku gsung thugs rdo rje lta bu bskal pa bzang po mchog la gnas pa rgyal ba 'byung bar 'gyur bar bshad do zhes pa'i don te/de nyid 'di yin te/ na chung gzhon nu mig bzang btsal/ /zhes bya ba la sogs pa'o/ /de la byol song skye gnas brtag /ces bya ba ni byin gyis brlab pa ste/'di ltar rgyal ba'i yum ni gti mug gi rigs yin pas byol song du skye ba'i gnas su rgyu gti mug yin te der brtag par bya'o/ /byol song gi tshe tshad brtag pa yin no yang zer ro/ /de'i gnas ni sa phyogs gtsang zhing dben pa dang / rgyal ba'i gnas dang zhi ba lha chen po'i gnas rnams su bya'o//der maN+Dal bya ba ni/ chu'am yang na bshang gcis byug pa ni/ rgyal ba mchod phyir rab tu brtag par bya/ /zhes bya ba'o/ /byin gyis brlab pa ni/ nu ma'i bar dang klad pa rgyas kyi bar/ /cho ga shes pas yang na rkang pa'i bar/ /rigs lnga rnams ni rab tu dgod par bya//zhes gsungs te/ de la nu ma'i bar yan chad nas spyi bo man chad du rnam par snang mdzad kyi rdul phra rab kyis yongs su dgang ngo / /de bzhin du snying ga nas lte ba'i bar dang / rked pa'i bar dang / gsang ba'i bar dang / rkang pa'i bar du mi 'khrugs pa dang /rin chen dpal dang / 'od dpag med dang / gdon mi za ba rnams kyis yongs su dgang ngo / /rnam pa gcig tu nu ma'i bar ni snying ga ste mi 'khrugs pa'o/ /klad rgyas kyi bar ni mtshog ma ste/ rnam par snang mdzad do/ /yang na rkang pa'i bar zhes bya ba ni brla'am/gsang ba'i gnas su gdon mi za ba'o/ /lte bar ni rin chen dpal lo/ /rked par ni gdon mi za ba ste de dag kyang rang gi gdan la bzhugs pa rang gi yum dang ldan par bsgom par bya'o/ /nam mkha' dbyings kyi dbus gnas par/ /zhes bya ba la sogs pas ni bdag nyid lha'i dkyil 'khor du bsgoms pa las mchod pa'i bye brag spro ba ste//de la nam mkha' dbyings kyi dbus ni chos kyi 'byung gnas so/ /ye shes rgya mtsho bsgom pa ni ye shes kyi gzhal yas khang ngo / /bdag nyid zla ba'i dngos gnas par/ /mkhas pas snying gar bsgom par bya/ /zhes bya ba ni bdag nyid rdo rje sems dpa'i ting nge 'dzin gyis zla ba'i dkyil 'khor la gnas te snying gar ye shes sems dpa' bsgom pa'o//zhi ba rdo rje 'dzin 'dod na/ /bsdu ba dag kyang rab tu bya/ /zhes bya ba ni de las bdag rdo rje 'dzin chen por bskyed par 'dod na 'od du zhu ste/ bsdu ba byas la phyis rdo rje 'dzin chen por bskyed par bya'o zhes pa'i don to//de ltar byas te mchod par bya/ /zhes pa ni mchod pa yang rdo rje sems dpa'i ting nge 'dzin gyi 'dod chags chen pos de bzhin gshegs pa'i dkyil 'khor bsdus te bud med dgu'i ngo bor spros nas mchod pa nyid gong gi me tog dgu'i bdag nyid do//rin chen sna bzhi'i mchod rten la/ /zhes bya ba la sogs pas ni gzhal yas khang 'di'i mchod pa bstan to/ /mkhas pas ut+pa la dag dang / /pad+ma rnam pa lngar shes bya/ /zhes bya ba ni 'dod pa lnga'i lha mo'o/ /dzA ti rnam gsum shes byas nas/ / zhes bya ba ni ji ltar me tog dzA ti kha dog gsum pa ltar de dag kyang sku gsung thugs su shes par bya'o/ /me tog kar bI ra la sogs pa bzhi ni yum bzhi'i bdag nyid do/ /dpag tshad brgya yi khyon tsam du/ /zhes bya ba la sogs pa ni ye shes 'khor lo ste gnas kyi mchod pa'o//dpag tshad bye ba'i khyon tsam la/ /zhes bya ba la sogs pa ni mchod rten te snga ma bzhin no/ /'dod pa'i yon tan lnga zhes bya ba la sogs pa ni 'dod pa lnga'i mchod pa'o/ /mchod pa rnam pa lnga zhes bya ba la sogs pa ni me tog la sogs pa'i mchod pa lnga'o/ /rin chen 'byung gnas na chung mchog /zhes bya ba la sogs pa ni gzungs kyi mchod pa'o/ /zhing 'di rin chen sna bdun gyis/ /zhes bya ba la sogs pa ni snang srid de rin po che sna bdun gyi mchod pa'o/ /bdag po'i phyag rgyar mnyam gzhag la/ zhes bya ba la sogs pas ni gzungs kyi mchod pa ston to//nam mkha'i dbyings kyi dbus gnas par/ /zhes bya ba la sogs pa ni bdud rtsi lnga'i mchod pa'o/ /'dir bla ma'i man ngag ni bla na med pa'i mchod pa ma dang sring mo bu mo gsum gyi bdag nyid do/ /de la rdo rje sems dpa'i ting nge 'dzin gyis lha rnams bsdus nas/ bud med rnams dgu sku las bton nas/bstims pa'i yum gang yin pa de ni ma'i bdag nyid yin te/ de nyid 'dir/ na chung gzhon nu mig bzang btsal/ /zhes bya ba 'di yin no/ /'di ni gsang ba'i dbang gi yum du shes par bya'o/ /rin chen 'byung gnas na chung mchog /ces 'byung ba 'di ni sring mo yin te/sems 'od 'bar hos zhu ba'i dus kyi chags par byed pa'i yum yin te/ shes rab kyi dbang gi yum yin pas/ /rin chen rnams ni kun la dbul/ /zhes smos te slob ma snod dang ldan pa la shes rab ye shes kyi dbang sbyin pa'o/ /rin chen sna bdun yang dbang bskur ba'i dus kyi dbu rgyan dang /dpung rgyan dang / se mo do dang / do shal dang / phyag gdub dang / zhabs gdub dang / mgur chu rnams kyis brgyan pa'o/ /bzhin bzangs shin tu gzugs mdzes pa'i/ /na chung skal ba mchog bzang la/ /zhes bya ba ni bu mo yin te/rdo rje 'dzin chen por bzhengs pa'i yum ste 'di ni gzhan la dbang bskur ba'i yum du 'dod do/ /de ltar na le'u 'di'i don ni 'di ltar 'gyur te/ dang po na chung gzhon nu zhes bya ba la sogs pas rdo rje sems dpa' 'dod chags chen po'i ting nge 'dzin gyis bud med rnam dgu spros nas thim pa'i yum ni byin gyis brlab pa dang /me tog dgu lha mo dgur byin gyis brlab pa yan chad do/ /de nas/ dpag tshad brgya yi khyon tsam la/ /zhes bya ba la sogs pas rin po che'i gzhal yas khang 'dod pa'i longs spyod lnga'i rgyan gyis brgyan pa ni rdo rje sems dpa' bzhugs pa hos zhu bar bya ste/chags par byid pa'i yum ni/ /rin chen 'byung gnas na chung mchog /ces bya bar sbyar te/ der shes rab kyi dbang bskur te de'i dus kyi rgyan gyi khyad par rin po che sna bdun gyis so/ /de nas rdo rje 'dzin chen por bzhengs nas/de'i yum las kyi dkyil 'khor gyi lha dgod pa'i 'khor lo'i tshad tsam yang dpag tshad brgya'i khyon tsam du zhes bya ba la sogs pa gong du smos pa nyid do/ /de'i yum de las mchod pa spro ba ni/ bdag po'i phyag rgyar mnyam gzhag pa/ /zhes bya ba la sogs pas bstan to//le'u brgyad pa'o// //da ni rigs so so'i dam tshig bstan pa'i phyir/ de nas rgyal po rdo rje 'dzin/ /zhes bya ba la sogs pa gsungs te/ de la/ nam mkha' dbyings kyi dbus gnas par/ /zhes bya ba la sogs pa ni zhe sdang gi rigs kyi dam tshig ste/ mi bskyod pa'i ting nge 'dzin rdo rje rab 'bar bsgoms nas/khro bo'i sbyor bas sems can bsad pa'o/ /de bzhin du gti mug rigs kyi dam tshig ni nor 'phrog pas 'gro ba'i don byed pa'o/ /'od dpag med kyi dam tshig ni sbyor bas 'gro ba'i don byed pa'o/ /las kyi rigs kyi dam tshig ni brdzun gyi sgo nas 'gro ba'i don byed pa'o//rin po che'i rigs kyi dam tshig ni tshig rtsub mos 'gro ba'i don byed pa'o/ /de ltar bstan pa'i dam tshig rnams la byang chub sems dpa' rnams ngo mtshar skyes par gyur pa la/ de bzhin gshegs pa rnams kyis nam mkha' dang gtsub shing gi dpes chos thams cad rnam par dag pa'i mtshan nyid tsam du bstan to//'dir bla ma'i man ngag ni rigs gcig gi sku phyag rgyar bsgoms te thabs dang shes rab rol pas dam tshig lnga rdzogs par 'gyur te/ de la dang por mkha' byin gyis brlab pa'i gsang sngags hUM phaT ces brjod pa ni tshig rtsub mo ste nor bu'i rigs kyi'o//de nas byang chub sems kyi sa bon gyi 'od zer gyis rigs lnga'i sangs rgyas bkug ste zhal du thim pa ni brdzun te las kyi rigs kyi'o/ /de nas thabs dang shes rab kyi sbyor ba bskyod pa'i bdag nyid ni mi tshangs par spyod pa ste/ 'dod chags kyi rigs kyi'o//byang chub kyi sems lces len pa ni rdzas 'phrog pa ste gti mug gi rigs kyi'o/ /zos nas mi rtog par byed pa ni srog gcod par byed pa ste zhe sdang gi rigs kyi'o/ /de la/ nam mkha'i dbyings kyi dbus gnas par/ /rdo rje mi bskyod rab bsgoms nas/ / lag tu rdo rje bsgom par bya/ /zhes bya ba ni lha'i ting nge 'dzin bsgom pa'o/ /'od 'phro mang po 'bar ba dang / /zhes bya ba la sogs pa ni byang chub sems kyi ngo bo bsgoms nas rdo rje phye mar brlag ces bya ba ni byang chub kyi sems zos nas rnam par mi rtog pa'o/ /sku gsung thugs kyi longs spyod ni//zhes bya ba ni mi rtog pa'i sku gsung thugs su gyur pa nyid longs spyod du gyur pa'o/ /de ltar bsgoms pas ji skad smos pa'i yon tan du 'gyur ro/ /rnam par snang mdzad kyi dam tshig ni bdag rnam par snang mdzad du bsgoms nas thabs dang shes rab kyi sbyor ba las byang chub kyi sems chos rin po che bsgoms te lha'i ting nge 'dzin gyis blangs pa ni 'phrog pa ste/de nyid sku gsung thugs kyi ngo bor bsgoms nas de'i ngo bor gyur pa ni/ yid bzhin nor bu 'dra bar 'gyur/ /zhes bya'o/ /'dod chags kyi dam tshig ni snang ba mtha' yas kyi ting nge 'dzin gyis gzungs dang gnyis su med pa'i rol pas mnyes par bya ba yin te/de la/ dam tshig bzhi yi sbyor ba yis/ /zhes bya ba ni yan lag bzhi dang ldan pa ste/ 'di ltar 'khyud pa dang sbyor ba dang bskul ba dang bde ba chen po la gnas pa ste/ 'di ni bsnyen sgrub bzhi dang yum bzhi dang ldan par bsgom pa yin no//de yang 'di ltar 'khyud pa ni sku phyag rgya ste sa'i bdag nyid sangs rgyas spyan no/ /sbyor ba ni ting nge 'dzin te chu'i bdag nyid mA ma kI'o/ /bskul ba ni brtson 'grus te rlung gi bdag nyid sgrol ma'o/ /bde ba chen po ni shes rab chen po ste me'i bdag nyid gos dkar mo'o//las kyi rigs kyi dam tshig ni bdag nyid rdo rje thogs med du bsgoms la ye shes sems dpa' spyan drangs te zhal du thim pas mi snang bar gyur pa ni/ rgyal ba kun gyi gnas rnams dang / /rgyal ba thams cad slu bar bya/ /zhes bya ba yin no dam tshig 'gugs pa zhes bya ba ni dam tshig nyams pa gso ba'o//nor bu'i rigs kyi dam tshig ni bdag nyid dkon mchog dpal du bsgoms te/ gsang gnas byin gyis brlab pa'o/ /de nas byang chub sems dpa' rnams ngo mtshar du gyur pa la sogs pa ni snga ma bzhin te bye brag med do/ / dam tshig gi rdo rje dpal zhes bya ba ni byang chub sems dpa' sgrib pa rnam par sel ba ste las kyi rigs kyi yin pa'i phyir ro/ /de la nam mkha'i dpes chos thams cad rang bzhin med par bstan nas de bzhin gshegs pa rnams ni don gyi dbang 'di lta bu mkhyen zhing sems can rnams kyi bsam pa yang mkhyen nas gdod chos 'chad par mdzad do zhes bya ba ni gsang sngags spyi'i dgongs pa ste/de la chos thams cad rang bzhin gyis rnam par dag pa'i phyir dge ba dang mi dge ba dbyer med de gang ltar bsams pa de ltar 'grub pa'o/ /de'i phyir dug lnga la sogs pa de dag ni dgongs pa yin pas bshad pa yin no//'on kyang 'di dag la spyad par bya bar gsungs pa ni sems can gyi bsam pa mkhyen pa ste 'di ni thams cad kyi tshul lo/ /de kho na nyid kyi dam tshig bstan pa ste le'u dgu pa'o// //da ni lha'i ting nge 'dzin gyi go cha tshang bar bsgrub pa las gal te dngos grub ma thob na spogs pa'i cho ga bya ba ston te/'di'i ting nge 'dzin ni bdag rdo rje 'dzin chen por gnas pa'i lus la sku gsung thugs kyi lha bkod pa'i thugs kar rdo rje dang / 'khor lo dang / pad+ma'i lcags kyu bsams te/ phyogs bcu'i 'jig rten gyi khams na gnas pa'i de bzhin gshegs pa'i thugs ka nas hUM oM AHswA hA/zhes pa'i yi ge rnam pa lnga gnas par bsams la bdag gi thugs ka'i kyo ba rnams kyis snying bskul bar bsam zhing hUM oM AHphaT dzaH/ zhes brjod la/ 'di ltar zhag bdun du byas na ji skad bstan pa bzhin 'grub pa'i don to//de la sngags kyi snying po kun bsdus na sku gsung thugs kyi gsang ba ste/ de'i dngos grub kyi tshul bshad du gsol zhes zhu ba gsol ba las/ bcom ldan 'das rnam par dag pa'i sku gsung thugs la sogs pa bka' stsal to zhes bya bar sbyor ro//rig pa bye ba khrag khrig brgya stong du ma nas thabs gcig tu bya ba nas/ yongs su spyod pa yod pa yang de dag sngags kyi spyod pa la brtson pa rnams la spyan ras kyis mi 'tsho zhes bya ba ni rdo rje 'dzin chen po'i ting nge 'dzin dang ldan pa'i rnal 'byor pa la rigs lnga'i sangs rgyas rnams spyan ras kyis mi 'tsho zhing dngos grub mi stsol te/de ci'i phyir zhe na/ 'di sngags kyi spyad pa yongs su rdzogs pa'i gtso bo yin te/ bdag gis yongs su bskyab pa'i yul ma yin no snyam du dgongs pa yin no/ /de bas na de dag la phan gdags pa'i phyir 'di bka' stsal to zhes bya bar sbyar ro//gzhan dag na re sngon 'das pa'i dus na de bzhin gshegs pa rnams kyis gsang sngags kyi tshul gyis don spyod pa yod kyang de'i tshe shin tu gsang ba'i sgrub pa 'di ma gsungs te/ de bas na thabs zab mo 'di lta bus skyes bu dam pa rnams la phan gdags pa'i phyir bstan to//de bzhin gshegs pa thams cad kyi sku dang gsung dang thugs kyi dam tshig la dmigs pa zhes bya ba ni sku rdo rje'i sku gsung thugs la dmigs pa'o/ /rdo rje 'dzin pa thams cad kyi bya ba la sogs pa la yang sbyar ro/ /gsang sngags kyi don ni sngar brjod do/ / nam mkha' dbyings kyi dbus gnas par/ /dkyil 'khor bkod pa bsgom par bya/ /zhes bya ba ni dkyil 'khor rgyal ba mchog gi ting nge 'dzin bsgom pa'o/ /de yi dbus gnas yi ge hUM/ /rang gi gzugs su rab tu brtag /ces bya ba ni yi ge hUM las lha'i bdag nyid du bskyed pa'o//rdo rje 'od zer rab tu 'bar/ /rab tu 'phro ba bsam pa ni phyag mtshan du'o/ /sangs rgyas rnams kyi sku gsung thugs ni sku gsung thugs kyi lha'o/ /snying la zhes bya ba ni ye shes sems dpa' 'o/ /yi ge bsgom zhes bya ba ni oM AHhUM gsum mo//rang sngags skyes bu bsgoms nas ni/ /gnas bzhi rnams su gzugs kyi tshul/ /zhes bya ba ni rigs lnga'i lha zhal gsum gyi bdag nyid du bsgom pa'o/ /snying ga'i dbus su phra mo zhes bya ba la sogs pa ni gong du bstan pa'i kyo ba'i khyad par rnams so/ /mdor na dkyil 'khor rgyal ba mchog gi ting nge 'dzin bskyed pa'i dbus su bdag yi ge hUM las lha'i skur bskyed pa'am rang sngags skyes bu gang yang rung bar bsgoms nas/de'i gnas su sku gsung thugs dang ye shes sems dpa' ste bzhir lha bskyed la de'i sbyor bas snying ga'i dbus su phra mo'i rdo rje dang /pad+ma dang / 'khor lo'i lcags kyu rnams la dbus su hUM AHoM rnams gzhag pa ni lha'i bskul bar byed pa dam pa yin no/ /sngags kyi skyes bu ji snyed pa/ /zhes bya ba la sogs pa ni spyir btang ba ste sku gsung thugs dang ye shes sems dpa'i sbyor ba dang ldan pa dang /thabs dang shes rab kyi spyod pa dag gis spyad de bsgrub bo zhes bya ba'i don to/ /de la yang / dbang po gnyis ni sbyor ba yis/ /zhes pa ni rig ma dbang phyug gzugs brnyan la sbyor ba'o/ /bud med ji snyed yod pa kun/ /phyag rgya chen po'i ting 'dzin gyis/ /zhes bya ba ste snga ma bzhin no//snying po bskul ba'i le'u ste bcu pa'o// //da ni rig pa'i skyes bu'i le'u bshad de/ de la rig pa ni gsang sngags kyi yi ge ste sgo yin pa'i phyir ro/ /rig pa las skyes pa'i skyes bu ste lha dang grub pa'o/ /rdo rje mchog gsum yi ge sngags/ / zhes bya ba la sogs pas ni dngos grub kyi thabs bstan te rdo rje mchog gsum ni sku gsung thugs so/ /yi ge sngags ni oM AHhUM ngo / /phyag rgya chen po bsgom pa byang chub thob par bya ba'i phyir sku gsung thugs kyi ye shes dbyer med pa'i rdo rje dag gis bsgrub par bya'o zhes bya ba yin no//da ni yi ge gsum gyi mtshan nyid bshad de/ oM ni ye shes snying po ste/ /rdo rje sku ni thob byed pa'o/ /zhes bya ba la sogs pa'o/ /de la hUM gis sku gsung thugs kyi rdo rje grub par bshad pas oM dang AH yis kyang sku gsung thugs thob par rigs so/ /da ni gnas bshad pa/dkyil 'khor rdo rje kun las skyes/ /zhes bya ba la sogs pa gsungs te/ de la dkyil 'khor ni gzhal yas khang ste de sku gsung thugs rdo rje kun las skyes pa ste/ de yang rlung gi dkyil 'khor ni oM las so/ /chu yi dkyil 'khor hUM las so/ /sa yi dkyil 'khor AHlas so//de'i steng du yi ge b+h+rUM las gzhal yas khang du gyur par byas te/ de ni nam mkha' rdo rje'i dbus chos kyi 'byung gnas su rdo rje sprin sangs rgyas rnams bskyed pa'i gnas der yi ge b+h+rUM bsam mo zhes so/ /kha cig na re dkyil 'khor ni gzhal yas khang ngo / / rdo rje kun las skyes ni 'og na rdo rje rgya gram la brten pa'o/ /rdo rje sprin ni kun du rdo rje gtams pa zhes zer ro/ /de la/ rdo rje dkyil 'khor dbus gnas par/ /oM zhes bya ba rab tu bsgom/ /zhes bya ba rlung rdo rje'i dkyil 'khor yi ge oM gyis mtshan pa'o/ /gsal ba'i dkyil 'khor dbus gnas par//yi ge AHni rnam par bsam/ /zhes bya ba ni chu'i dkyil 'khor steng na yi ge AHyis mtshan pa'o/ /chos kyi dkyil 'khor dbus gnas par/ /yi ge hUM ni rab tu bsgom/ /zhes bya ba ni sa gzhi rdo rje'i steng na sna tshogs pad+ma'i 'dab ma la yi ge hUM gis mtshan pa'o//yi ge b+h+rUM gyis gnas bsgoms te/ /rdo rje gsum 'byung bsgom par bya/ /zhes bya ba ni b+h+rUM gyis gzhal yas khang de yi ge gsum las byung bar bsgom zhes bya ba'i don to/ /da ni sku gsung thugs kyi yi ges lha bsnyen pa'i thabs su ston te/ de la/ snying po dus gsum sangs rgyas kyi//zhes bya ba la sogs pas yi ge gsum sku gsung thugs 'grub pa'i rgyur ston to/ /ye shes rdo rje sprul pa ste/ /sangs rgyas rgyu dang 'bras bu 'byung / /zhes pa yin no/ /de la ye shes rdo rje ni sku gsung thugs so/ /sprul pa ni bskyed pa ste//de'i phyir rgyu las sku gsung thugs kyi 'bras bu 'byung zhes bya ba'i don yin no/ /da ni gnas bstan pa'i phyir/ /dben zhing rab tu nyams dga' ba/ /zhes bya ba la sogs pa gsungs te/ de la gnas 'di rnams su gong du bstan pa'i gzhal yas khang tshul bzhin du bskyed nas der sku gsung thugs kyi lha bsgoms nas zla ba phyed kyi 'og nas 'byung ba'i rigs so so'i rig 'dzin rnams su 'grub par 'gyur ro zhes bya ba'i don to//de'i tshul ni gnas dang gzhal yas khang de lta bu zla ba'i dkyil 'khor gyi steng du sa bon gyi yi ge 'bru bcu dgu las rnam par snang mdzad kyis gtso bo byas pa'i dkyil 'khor du skad cig ma'i ting nge 'dzin gyis bskyed la/de'i snying gar yi ge oM las ye shes lnga'i 'od zer 'phro bar bsams te/ bsgoms na rnam par snang mdzad kyi rig 'dzin du 'gyur te/ tshe bskal pa gsum du gnas par 'gyur ro//tshul 'di ni rigs gzhan la yang sbyar bar bya'o/ /rdo rje kun dang rgyal ba'i gnas/ /ye shes rdo rje dag gis bya/ /zhes bya ba ni rdo rje kun ni sku gsung thugs kyi lha'o/ /rgyal ba'i gnas ni dkyil 'khor ro/ /de ni ye shes rdo rje yi ge gsum gyis bya'o/ /ye shes dkyil 'khor dbus su ni//rdo rje chen po bsam par bya/ /zhes bya ba la sogs pa ni byang chub sems dpa' rnams bsgrub pa ste 'di'i bsgom pa'i tshul ni snga ma bzhin no/ /'di ni nam mkha'i snying po'i ting nge 'dzin gyis mi snang ba bsgrub pa'o/ /rdo rje'i dkyil 'khor dbus su ni/ /zhes bya ba ni ma las 'jam dpal bskyed pa'o//'od zer 'bar ba'i thig le ni/ /zhes pa ni sa'i snying po'i ting nge 'dzin gyis mngon shes bsgrub pa'o/ /nam mkha'i dbyings kyi dbus su ni/ /sangs rgyas dkyil 'khor dam pa bsam/ /rdo rje sems dpa' rab bsgoms la/ /yi ge oM ni bsgom par bya//zhes bya ba ni oM gyis thugs kyi rdo rje bsgrub pa ste/ 'di ltar yi ge oM sku gsung thugs yon tan phrin las lnga bsgrub par ston pa ni byang chub sems dpa' lnga bsgom pa yin te sku ni byams pa'o/ /gsung ni 'jig rten dbang phyug go/ /thugs ni kun du bzang po'o//yon tan phyag na rdo rje'o/ /phrin las ni 'jam dpal te 'di dag gi sgo nas bsgrub par bstan to/ /la la na re oM gcig pus rigs lnga'i mngon shes bsgrub pa yin te/ bdag nyid lha'i skur bsgoms la yi ge oM ye shes lnga'i rang bzhin can snying gar bzhag ste dbang po lnga la rdo rje bsgoms na mngon shes 'thob po//gzhan rnams su yang de bzhin du sbyar te dbang po lnga ni rang rang gi mtshan ma bsgom par bya'o/ /shin tu dben pa'i ri dgon dang / /zhes bya ba la sogs pas ni gnas bstan to/ /rnam pa gcig tu 'di dag ni brda yin te/ rigs kyi yum bzhis bsgrub pa'i dus su ldan par bya'o zhes pa'i don to//mi bskyod ye shes dag la sogs/ /zhes bya ba ni gong du bstan pa'i mjug sdud do/ /rdo rje chen po rtse lnga pa/ /zhes bya ba la sogs pa ni 'di nyid kyis mngon shes bsgrub pa'o/ /kha cig ni gong ma'i dbang po la dgod pa nyid du 'dod do//rdo rje nam mkha'i dkyil nyid du/ /zhes bya ba la sogs pas ni dam tshig gi phyag rgya bsgrub pa bstan te/ de ni 'di ltar rdzas las 'khor lo byas te mdun du bzhag nas rnam par snang mdzad kyi sbyor bas dkyil 'khor spyan drangs te 'khor lo la bstim pa'i sbyor ba byas pas 'bar bar gyur pa de'i tshe lag tu blangs na sku rdo rje dang 'dra bar 'gyur ro//sangs rgyas dkyil 'khor dbus gnas par/ /zhes pa ni gnas kyi gzhi'i ting nge 'dzin dang dkyil 'khor rgyal ba mchog gi ting nge 'dzin du ldan pa'o/ /bdag gi lus la snang mdzad bzhag pa bsgom pa'o//snying gar yi ge oM bsams la/ /sngags kyi rnam par shes pa bsgom/ /zhes bya ba ni oM rang bzhin gyis dengs par gyur te/ mi dmigs pa ni sngags kyi rnam par shes pa'o/ /de la sems mi g.yeng ba ni mgon po'i rdo rje zhes bya ba de ni rdo rje sems dpa'o/ / nam zhig ting nge 'dzin de brtan par gyur na ji skad smos pa bzhin du 'gyur ro zhes bya ba'i don to/ /'dir man ngag ni gong du bstan pa'i sngags kyi rnam pa bsgom pa yang dkyil 'khor thams cad bdag la bsdu/ bdag ye shes sems dpa' la/ de oM la/ oM thig le la/ thig le zla ba lta bu la dmigs pa ni sems sbyang ba'i man ngag go//de bzhin du mi bskyod pa dang / tshe dpag med kyi thig le bsgom pa yang sbyar bar bya'o/ /rdo rje nam mkha'i dkyil gnas par/ /gsang ba'i dkyil 'khor bsgom par bya/ /lus ngag sems la yi ge oM/ / bsams na de ni bskal par gnas/ /zhes bya ba ni rnam par snang mdzad kyi ting nge 'dzin du byas te/ sku gsung thugs kyi gnas su yi ge oM bsgoms nas nam zhig brtan par gyur pa na tshe la dbang byed par 'gyur ro zhes bya ba'i don to/ /gzhan la yang de bzhin du sbyar bar bya'o/ /rig pa skyes pa'i le'u ste bcu gcig pa'o// //da ni bsnyen sgrub rnam pa bzhi dang / las phran tshegs rnams ston to/ /de nas zhes bya ba la sogs pa gsungs te/ de la rol mo 'di dag ces bya ba ni stong pa nyid las sgyu ma'i cho 'phrul du snang ba'o/ /dgon pa chen po la sogs pa ni gnas bstan to//muM/ lus dang ngag sems rdo rje las/ /zhes bya ba la sogs pas ni 'jam dpal bsgom pa'i ting nge 'dzin bstan te/ 'di'i sgrub pa ni sgrub thabs dag las shes par bya'o/ /da ni bdud rtsi ri lu bsgrub pa bstan par bya'o/ /de la/ rdo rje mi phyed gsum las byung / / zhes bya ba ni bdud rtsi lnga'o/ /lcags gsum las byung zhes bya ba ni zangs lcags gser las byas pa'i sran ma tsam gyi nang du bdud rtsi ri lu bcug ste/ lha'i sbyor bas khar bcug ste/ der sangs rgyas rnams bkug ste bsgoms nas rtags lnga skyes pa na zos nas nam mkha' la 'gro ba dang /'od zer 'bar ba dang mi snang ba la sogs par 'gyur ro/ /rnam pa gcig tu rang gi shes rab ma'i b+ha ga la bzhag ste/ mtshan ma thob nas lces blangs na 'grub par 'gyur ro/ /'khor lo 'od 'phro mdangs mchog can/ /zhes bya ba ni rdzas bsgrub pa bstan pa ste/ rnam par snang mdzad kyi ting nge 'dzin gyis mdun du b+h+ruM las 'khor lo 'bar ba bsams la kyo ba'i sbyor bas sangs rgyas rnams bkug ste bstims pas mtshan ma thob pa na lag tu blangs na ji skad smos pa'i yon tan du 'gyur ro//rdo rje la sogs pa 'di dag kyang de bzhin du sbyar te/ rang rang gi lha'i sbyor bas hUM la sogs pa'i yi ge rnams kyis rdo rje la sogs pa'i mtshan ma bskyed de/de yang gzhal yas khang du bsgoms la/ rang gi snying ga'i ye shes sems dpa'i sa bon las lha mo rdo rje kyo ba can rnams 'phros te/ de dag gis rang gi rigs kyi gtso bo byas pa'i dkyil 'khor la gnas pa rnams drangs te mtshan ma'i nang du zhugs par bsgoms te de 'bar ba dang so so'i rigs kyi yum gyi snying po bzlas shing lag tu blangs na 'grub par 'gyur ro//ye shes lnga ldan bsten na ni/ /zhes bya ba ni mtshan ma de dag la ye shes kyi 'od zer dang ldan par bsgom pa'o/ / oM ni ri lu tsa na ka'i/ /zhes bya ba la sogs pa ni sngon du bstan pa'i ri lu'i tshad do/ /mkha' dbyings nam mkha'i dkyil gnas par/ /zhes bya ba la sogs pas ni gong du bstan pa'i 'khor lo la sogs pa'i mtshan ma rnams la sgrub pa'i rnal 'byor pa'i ting nge 'dzin gyi tshul bstan to//ye shes rdo rje dag gis zhes bya ba ni rnal 'byor pa ye shes kyi snang ba thob pas bya'o/ /tri shUl kyo ba gtang la sogs/ /zhes bya ba ni de dag tu ma zad kyi mtshan ma 'di dag la yang bsgrub po zhes bya ba'i don to/ /lam gyi bzhi mdo shing gcig drung / /zhes bya ba la sogs pa ni dgug pa'i khyad par bstan te/de la/ sbyor gsum rdo rje can rnams kyis/ sbyor gsum sngags kyi skyes bu bsam/ /zhes bya ba ni sku gsung thugs kyi lhar bsam pa'o/ /sangs rgyas ye shes blo can gyis/ /sku gsung thugs kyi kyo ba btang / /zhes bya ba ni thugs ka'i yi ge las rdo rje la sogs pa'i kyo ba spro ba'o//rang gi dkyil 'khor mchog gnas pa/ /zhes bya ba ni dgug par bya ba'i don to/ /gang dgug ce na/ /dam tshig las byung phyogs bcu pa/ /zhes smos te/ dam tshig sku gsung thugs las byung ba'i phyogs bcu'i sangs rgyas rnams so//rnam par snang mdzad 'khor lo'i mchog /ces bya ba la sogs pas ni gong ma'i khyad par bstan to/ /kha cig na re 'di ni gong ma las khyad par du rlung gi dkyil 'khor med do zhes zer ro/ /rnam pa'i mchog rnams kun ldan pa'i/ /zhes bya ba la sogs pa ni bdag sangs rgyas kyi skur bsgoms te/de'i lag tu kyo ba bsgoms la dgug pa'o/ /kha cig na re/ thugs ka nas spros pa'i lha mo'i lag na/ sku gsung thugs kyi kyo ba thogs par bsgoms pas dgug ce'o/ /rnam pa'i mchog rnams kun ldan pa'i/ / rdo rje sku rnams rab bsgoms la/ /rdo rje sbyor bas lce bsgoms na/ /zhes bya ba ni lce rdo rjer bsgom pa'o/ /da ni sha rnam pa lnga bza' ba'i khyad par bstan te/ de la/ sha chen dam tshig mchog gis ni/ /rdo rje gsum mchog bsgrub par bya/ /zhes bya ba la sogs pas ni sha rnam pa lnga'i yon tan bstan te chos nyid kyi mthu yin no//rnam gcig tu smos pa'i dngos grub rnams bsgrub pa'i dus su sha 'di rnams bza' ba ste/ de la sha chen ni sku gsung thugs kyi dngos grub bsgrub pa'i dus su bza' bar bya'o/ gzhan la yang de bzhin du sbyar ro/ /rdo rje can gyi sku gsung thugs//zhes bya ba la sogs pa ni dngos grub bsgrub pa'am bdud rtsi za ba'i ting nge 'dzin te/ sku gsung thugs kyi lha dang / ye shes sems dpa' dang / dbu rgyan gyi lha dang ldan par bsgom pa'o/ /lce yi rdo rje dam tshig la/ /rdo rje can gyis hUM bsgoms te/ /zhes bya ba ni gong gi sha dang bdud rtsi za ba'i ting nge 'dzin te/'di'i don ni bdag gong ma ltar bsgoms pa'i lte ba ru pad+ma'i steng du oM/ /snying gar pad+ma'i steng du AH /mgrin pa'i pad+ma'i 'dab ma gcig lce yin te/ de'i steng du hUM las rdo rje rtse lnga par gyur pa'i rtse mo la hUM bsams te/ de ltar sku gsung thugs kyi gnas byin gyis brlabs te/bdud rtsi lnga byin gyis brlabs te bza' bar bya'o/ /'di man chad ni gong ma ltar bsgrubs shing bdud rtsir byin gyis brlabs pa'i sha rnam pa lnga la sogs pa zos pa'i yon tan bstan to/ /bsnyen pa'i dam tshig sbyor ba dang / /zhes bya ba la sogs pas ni bsnyen sgrub yan lag bzhi bstan te/de la/ rdo rje bye brag shes byas la/ /de nas las rnams bsgrub par bya/ /zhes bya ba ni bsnyen sgrub kyi thabs kyi bye brag shes par bya ste/ sgrub pa chen po'i mthar las rnam pa bzhi brtsam pa'o/ /kha cig na re rdo rje bye brag che 'bring gi bye brag yin no zhe'o//de dag gang zhe na/ bsnyen pa'i ting 'dzin rab sbyor bas/ /byang chub mchog tu bsgom par bya/ /zhes bya ba la sogs pa gsungs te/ bsnyen pa ni byang chub kyi sems las lhar bskyed pa'o/ /nye bar sgrub pa grub mchog la/ /rdo rje'i skye mched rnam par dpyad/ /ces bya ba ni khams dang skye mched byin gyis brlab pa'o//sngags kyi bdag po bsgoms pa yi/ /bsgrub pa'i tshe na bskul bar gsungs/ /zhes bya ba ni sku gsung thugs kyi gnas rnams nas rang gi sprul pa spros te/ phyogs bcu'i sangs rgyas rnams spyan drangs nas mdun gyi nam mkha' la bzhugs pa la ji skad smos pa'i gsol ba gdab pa'i tshig gis bskul ba'o//sgrub pa chen po byed pa'i tshe/ /rang sngags rdo rje can gyi gzugs/ /dbu rgyan la ni bdag po bsam/ /zhes bya ba ni ye shes sems dpa'i sa bon gyi 'od zer gyis bkug pa'i sangs rgyas rnams kyis ye shes kyi bdud rtsi'i bum pas dbang bskur bas rigs kyi bdag po de dbu rgyan du gyur pa'o//bsnyen pa'i ye shes bdud rtsi dag /thams cad du ni brtag par bya/ /zhes bya ba ni ye shes bdud rtsi'i bsnyen pa ni spyir brtag go zhes bya ba 'di ni mchog ye shes kyi bdud rtsi'i sbyor ba'i yan lag drug dang ldan par bsgom pa'i sgo nas mchog gi dngos grub bsgrub par bya'o zhes bya ba'i don to//thams cad du brtag pa zhes bya ba'i tshig ni sgrub pa kun la ldan pa'o/ /dben pa chen po la sogs pa ni las kyi spyir shes par bya'o/ /yang na rdo rje bzhi dag gi/ /brtul zhugs brtan pas bsnyen pa bya//sku gsum mnyam pa nyid gyur pa/ /bsgoms na dngos grub thob par 'gyur/ /zhes bya ba ni rdo rje rnam pa bzhi'i sgo nas thun mong gi dngos grub bsgrub pa ste/ de la rdo rje bzhi ni 'di skad du/ /dang po stong pa'i byang chub sems/ /gnyis pa sa bon 'byung ba dang / /gsum pa la ni gzugs rdzogs te//bzhi pa la ni yi ge dgod/ /rdo rje rnam bzhi 'di dag ni/ /bsnyen pa thun mong sgrub pa'o/ /zhes 'byung ba yin no/ /de la yi ge dgod pa ni le'u bcu gcig pa nas 'byung ba lta bur shes par bya'o/ /'di ni bsnyen sgrub yan lag bzhi'i sbyor ba mi dgos kyi/ yan lag bzhi'i sbyor ba tshang ba ni mchog gi dngos grub la dgos pa yin te/de skad du yang / bsnyen pa'i yan lag drug tshul du/ /byas pas grub pa mchog yin te/ /gzhan dag tu ni bsgrubs gyur na/ /dngos grub mchog tu mi 'gyur ro/ /zhes gsungs so/ /gzhan zhes bya ba ni skabs kyi shugs kyis rdo rje bzhi la bya ba yin no//de ltar bsnyen sgrub bzhi yongs su rdzogs pa'i ting nge 'dzin gyis ni mchog gi dngos grub sgrub pa yin la/ rdo rje rnam bzhi yis ni thun mong gi sgrub pa yin par yongs su bstod pa las 'di skad du/ gang zhig gis ni dngos grub dam pa'i thabs 'di sbyor byed dag /bsnyen pa'i cho ga dang yang nye bar sgrub dang sgrub pa dang / /zhes bya ba la sogs pa gsungs pa dang / gang zhig gis ni bsgrub bya ba/ /rdo rje bzhi yis sgrub byed pa/ /'di la mi snang ba la sogs/ /dman pa'i dngos grub rnams kyang 'grub/ /ces pa la sogs pa gsungs te/don 'di la ni lung nyid kyis gsungs pa yin no/ /kha cig ni 'di ltar 'dod de/ rdo rje rnam pa bzhi'i sgo nas ni thun mong gi bsnyen pa bya bar 'dod cing thun mong 'di ltar lha mang po'i don du 'dod do/ /mchog gi ye shes bdud rtsi zhes bya ba yang lha gtso bo la bya bar 'dod do//'di ltar sbyar ba'i rten du gyur pa'i yum ni bdag gis ma mthong ngo / /kha cig na re rdo rje bzhi zhes bya ba ni gsang ba'i dkyil 'khor dgod pa yin te/ de la gsang ba'i dbang zhus pas brtul zhugs brtan pas bsnyen pa bya zhes gsungs so zhes zer ro/ /rgyud gzhan dag las ni rdo rje rnam pa bzhi'i lha bskyed pa'i yan lag tsam du bstan to//dus bzhir rab tu sbyor ba yis/ /zhes bya ba la sogs pas ni sdom pa bstan pa yin te/ /sdom pa ni bsnyen sgrub yan lag rnam bzhi'i sdom pa'o/ /de yang sku gsung thugs kyi bdag nyid du 'dus te/ de la nye bar sgrub pa'i sdom pa'i yul sku'i rdo rje ste/nye bar sgrub pa nyid sku phyag rgya'i ngo bos so/ /sgrub pa'i sdom pa ni gsung ste/ byin gyis rlabs spro ba'i yi ge'i bdag nyid kyi phyir ro/ /sgrub pa chen po'i sdom pa'i yul thugs rdo rje ste byang chub kyi sems bde ba chen po'i rang bzhin gyi phyir ro/ /'di rnams kyang skabs 'dir sku gsung thugs su byin gyis brlab pa bskul ba'i bdag nyid du bstan te/de ni nyid kyis sku gsung thugs dbyer med pa'i sdom pa bsgoms pas byang chub kyi sems bde ba chen po shes par gyur par byas nas bsgrubs na zhag bdun gyis 'grub par 'gyur ro/ /dbang po dang rtsol ba 'bring du gyur pa rnams kyang zla ba gcig la sogs pas 'grub par 'gyur ro//byang chub kyi sems bde ba chen po'i sdom pa ni dbang bzhi pa'i don las shes par bya'o/ /le'u bcu gnyis pa'o// //da ni bzlas brjod dang / phrin las dang / las rnams kyi mtshan ma la sogs pa ston pas/ de nas zhes bya ba la sogs pa gsungs te/de la 'dir de bzhin gshegs pa dang byang chub sems dpa' rnams kyis bcom ldan 'das la phyag 'tshal te bstod nas rdo rje bzlas pa zhus so/ /de la rig dang sngags rnams thams cad kyi/ /sku dang gsung dang thugs kyi mtshan/ /zhes bya ba la rig pa ni shes rab dang ye shes kyi bdag nyid de ma rig pa'i gnyen por gyur pas mo'i sgrar bshad do//gsang sngags ni shes rab dang thabs kyi bdag nyid de log pa'i gnyen por gyur pas pho'i sgrar bshad de/ 'di dag gi mtshan gsang sngags zlos pa'i sbyor ba ni sangs rgyas rnams kyis gsan zhing sangs rgyas kyi ye shes thob par 'gyur ba de bcom ldan 'das kyis bshad du gsol zhes gsol ba btab pa dang /rdo rje bzlas pa 'di gsungs so/ /sngags kyi don kun bzlas pa ni/ /rdo rje mi phyed gsum gyis mtshan/ /rdo rje dbye ba gsum gyi mthar/ /bkod pa rdo rje gsum zhes bya//zhes gsungs pa ni/ rdo rje mi phyed gsum ni sku gsung thugs kyi bdag nyid kyi lha'o/ /de'i mtshan ma ni rdo rje dbye ba gsum yin te/ snying ga dang / mgul pa dang / spyi bo rnams su nyi ma dang pad+ma dang zla ba'i dkyil 'khor rnams la thugs kyi rdo rje dang gsung dang sku'i rdo rje rnams kyis mtshan pa'o//de'i mthar dgod pa rdo rje gsum zhes bya ba ni sku gsung thugs kyi lha rnams kyi thugs kar rang rang gi mtshan ma'i lte ba la rang rang gi yi ge dgod pa'o/ /sku gsung thugs kyi gnas rnams nas/ /spro ba rnam pa gsum dag bya/ /zhes bya ba ni gnas de rnams nas rang dang 'dra ba'i lha spro ba'o//kha cig ni rang dang 'dra ba'i lha mo spro zhes zer ro/ /'di ni rdo rje bzlas pa'o/ /sangs rgyas rnams kyi sku gsung thugs/ /bsgoms nas zhes bya ba ni mdun gyi nam mkha' la sku gsung thugs kyi lha rnams bsgom pa'o/ /mchod pa'i mchog brtag pa zhes bya ba ni gnas gsum nas lha mo sprul te mchod pa'o//sangs rgyas rnams kyi sku gsung thugs/ /bsams nas zhes bya ba yang sngar bzhin te/ ye shes kyi ting nge 'dzin gyis bya ba ste 'di ni bzlas pa'i yul yin no/ /yang na dbye ba rnam gsum gyis/ /so sor dag tu spro bar bya//zhes bya ba ni rim gyis spro ba'i don te/ dang por thugs ka nas spros te/ de yang sku rdo rje'i sbyor bas spros la/ /de nas gsung dang thugs dag la yang rim gyis spro ba'o/ /lus dang ngag sems bdag med par/ /shes pa'i sems kyis rab tu spro/ /zhes bya ba ni mi dmigs pa'i shes rab dang ldan pas spro bar bya'o zhes pa'o//brjod nas rdo rje spro ba ni/ /rdzogs nas rab tu bsdu bar bya/ /zhes bya ba ni dam bcas pa rdzogs nas bsdu ba'o/ /sku'i bzlas pa ni/ sku dang gsung thugs byang chub pa'i/ /dngos dang dngos med rnam dpyad pa/ /sangs rgyas sku zhes bya bar bshad//ces gsungs te/ sangs rgyas thams cad kyi sku gsung thugs dngos po'am dngos po med pa'i mtha' gang du'ang ma grub ste/ rnam par dag par dpyad pa ni sku'i bzlas pa'o/ /gsung gi bzlas pa ni rdo rje bzlas par bshad pa ste/ ji ltar gsal ba gsang ba'i tshig / skad gdangs min pa rdo rje'i tshig /ces pa'o/ /thugs kyi bzlas pa ni mi gnas pa'i rdzogs pa'i byang chub kyi sems gnas pa'i bdag nyid rnam par dag par dpyad cing bsgom pa ste 'di ni sems kyi bzlas pa'o/ /rin po che'i bzlas pa ni mtha' gnyis kyi mtshan ma dang bral ba dus gsum las 'das pa ngo bo nyid med pa'i don rtogs pa'o//rdo rje thogs med kyi bzlas pa ni sangs rgyas kyi zhing thams cad du sangs rgyas kyi sku'i 'od zer 'phro zhing don mdzad pa dang / slar bdag gi sku gsung thugs kyi gnas su 'du zhing gzi byin bskyed pa'o/ /de rnams kyang sku gsung thugs kyi bzlas par 'du ba'i phyir rdo rje'i bzlas pa zhes bya'o//khro bo'i bzlas pa ni/ bdag nyid rigs kyi bdag po'am/ khro bo nyid kyi ting nge 'dzin du zhugs te khro bo'i gsang sngags kyi sgra yi ge hUM dang bcas pa 'brug gi sgra ltar zab pa bzlas pa'o/ /gti mug gi bzlas pa ni 'dod pa'i yul gyis myas par gyur pa'i gti mug can rnams sku rdo rje'i sgo nas bskyab cing phan par sems pa'i ting nge 'dzin gyis sems can ji snyed pa sku'i rdo rjer gzhag pa ni gti mug gi bzlas pa ste/de bzhin du 'dod chags dang zhe sdang la gnas pa'i sems can rnams yongs su bskyab pa'i ting nge 'dzin gyis gsung dang thugs kyi rdo rje la bzhag cing bkod pa ni 'dod chags dang zhe sdang gi bzlas pa'o//ma ning gi bzlas pa ni sku gsung thugs gsum dbu ma chen po'i ngang du bsgoms te/ mtshan ma mtha' dag las 'das pa ni ci yang ma yin pa'i phyir ma ning zhes bya ste/ 'dir bla ma'i man ngag ni sku gsung thugs rdo rje bsgoms pa'i snying ga'i pad+ma la yi ge AHbsams te/AHde'i rang bzhin ni sangs rgyas thams cad kyi ye shes kyi bdag nyid chos kyi rang bzhin sems can kun gyi srog yin te/ 'di'i rang bzhin la sems bzhag nas dbugs dbyung ba dang rngub pa dag la oM hUM zhes 'di'i bdag nyid du gsal bar byed pa'i ting nge 'dzin ni ma ning gi bzlas pa yin no zhes man ngag go//'dod chags yang dag don bsgom pa/ rdo rje'i bdag po thams cad ni/ /zhes bya ba la sogs pas ni dug gsum gyi bzlas pa'i tshul bstan pa yin te/ de la 'dod chags kyi bzlas pa'i tshul ni rig pa chen mo'i spyan la sogs pa'i lha mo dang gnyis su med pa'i sbyor ba'i mtshams su 'dod chags la gnas pa'i sems can thams cad bsdus te/'dod pa bsten nas 'dod chags kyis byang chub la bkod de don mdzad pa'o/ /gti mug dam tshig las byung ba/ /zhes pa ni gti mug gi bzlas pa'i don to//rnam par snang mdzad kyi ting nge 'dzin gyis gti mug can rnams mtshan ma med pa ma ning gi bzlas pa la dgod pa'o/ /zhe sdang gi bzlas pa ni/ /khro bo zhe sdang gnas las skyes/ /zhes bya ba la sogs pa ste/ de la khro bo rnams kyi gnas sam rgyu ni zhe sdang ste/de las skyes pa'i khro bo gsod pa'i phrin las la brtson pa dag gis sems can sgrub pa mchog zhe sdang gis 'dul ba'i chos can la gsod pas don bya'o/ /ye shes 'khor lo can rnams kyis/ /zhes bya ba la sogs pas ni rigs so so'i ye shes sems dpa' dang bcas pa bsgom pa bstan pa ste//de la ye shes 'khor lo can rnams zhes bya ba ni rnam par snang mdzad do/ /de rnams kyi 'khor lo ni ye shes sems dpa' ste/ de ni snying ga'i dkyil du bsgom par bya'o/ /gsal ba'i dkyil 'khor ni zla ba ste gdan no/ /dbus su 'khor lo'i don bsgom mo//zhes bya ba ni ye shes sems dpa'i thugs kar 'khor lo bsams pa'i lte ba la yi ge oM gyis mtshan pa ni/ /'khor lo'i don bsgom zhes bya ba'o/ /de bzhin du mi 'khrugs pa dang / rin chen dpal dang / 'od dpag med dang / don yod grub pa rnams kyi thugs kar rang rang gi gdan steng du ye shes sems dpa'i thugs kar rdo rje la sogs pa'i mtshan ma'i snying po la hUM la sogs pa'i yi ges mtshan pa'o//dkyil 'khor kun gyi ngos rnams su/ /sangs rgyas lnga rnams dgod par bya/ /zhes bya ba ni ye shes sems dpa'i thugs ka'i yi ge'i phyogs bzhir rigs bzhi'i yi ge dgod pa'o//kha cig na re/ dkyil 'khor du dgod pa ste rigs lnga nyid la bya'o zhes zer ro/ /sngags rnams thams cad spro ba ni/ /bye brag rnam pa gnyis su bsgrags/ /zhes bya ba ni spro ba nyid kyi bye brag rnam pa gnyis yin te/ sku gsum rdo rje'i bye brag gis/ /zhes bya ba'i tshig gis sku gsung thugs kyi spros pa dang //rdo rje ye shes kyi sna don yin pas ye shes sems dpa' la spro ba ste/ de ltar gnyis su spro zhing bsdu ba yang tshul de nyid du'o/ /kha cig na re de spro ba'i bye brag gnyis ni/ rang gi sku gsung thugs rdo rje'i gnas gsal ba dang / phyogs bcu'i 'jig rten du spro ba gnyis te/bsdu ba ni bye brag med do zhes zer ro/ /lus kyis sku yi ngo bo nyid/ /ces bya ba la sogs pas ni sku gsung thugs kyi mchod pa bstan te/ 'di ltar rang sku gsung thugs kyi lhar bsgoms pa las/ rang rang dang 'dra ba'i lha mo spros pas sku gsung thugs kyi lha la mchod pa ste/de la kyis zhes bya ba ni rang gi sprul pa'i mchod pa'i lus kyis so/ /sku'i ngo bo nyid mchod na/ /zhes bya ba ni sku rdo rje sangs rgyas la mchod pa na'o/ /mchod pa'i gnas su 'gyur zhes bya ba ni mchod pa'i mchog tu 'gyur ba ste/ gzhan la yang de bzhin du sbyar ro/ /de yan chad bzlas pa'i ting nge 'dzin te/las kyi rgyal ba mchog la phra mos sems shin tu zhum par gyur na bzlas pas gzengs bstod pa'o/ /da ni phrin las rnam pa bzhi ston te/ de la las kyi ting nge 'dzin ni bdag bsnyen sgrub yan lag tshang ba'i dkyil 'khor chen po'i 'khor lo bsgoms te/ dkyil 'khor gyi dbus su las kyi bdag po bsams te/snying gar ye shes sems dpa' dang bcas pa bsgoms pa'i bsam gtan gyis las rnam pa bzhi byed par 'gyur zhes bya ba'i don to/ /de la/ dkyil 'khor chen po'i 'khor lo yis/ /rdo rje lnga rnams bsgom par bya/ /zhes bya ba ni bsnyen sgrub kyi yan lag yongs su tshang ba'i dkyil 'khor chen po'i 'khor lo yis rigs lnga'i dkyil 'khor du bsgom pa'o//dbus su bdag po bsgoms nas ni/ /zhes bya ba ni las gang byed pa'i gtso bo'o/ /de nyid gang zhe na/ sku gsung rdo rje bdag gi gzugs/ /zhes pa'o/ /de nyid rang gi sngags kyis bskyed pas rang sngags rdo rje'i gzugs so//dkyil 'khor rnam pa bzhi dag tu/ /zhes pa ni las rnam pa bzhi'i dkyil 'khor ro/ /kha dog rnam bzhir kun brtags la/ /zhes bya ba ni las rnam pa bzhi dang mthun pa'i kha dog go/ /snying gar sngags kyi don bsgoms na//zhes bya ba ni ye shes sems dpa' dang bcas pa'i bsam gtan gyi ting nge 'dzin no/ /de ltar na las rnam pa bzhi rnal 'byor pa gong ma lta bu'i bsam gtan dang ldan pa'i rdo rje can gyis byed do/ /zhi ba la ni spyan gyi tshul/ /zhes bya ba la sogs pas ni las so so'i rigs kyi bdag po bstan te/de la spyan gyi tshul ni rnam par snang mdzad do/ /rgyal ba rdo rje pad+mo can/ /zhes bya ba ni rin chen 'byung ldan te/ las kyi skabs su phyag na pad+mo bsnams pa yum gos dkar mo dang ldan pas bya'o/ /dbang la rnam par snang mdzad gnas/ /zhes bya ba ni snang ba mtha' yas te 'od zer snang bar byed pas rnam par snang mdzad do//rdo rje don grub tu yang bshad/ /rdo rje khro bo mngon spyod la/ /zhes bya ba ni rdo rje'i rigs su mngon spyod kyi las la sbyor ro/ /ma chags pa yi sems can dang / /zhes bya ba la sogs pas ni drag po'i las kyi gnas bstan to//kha cig na re 'dul ba'i zhing tsam du bstan pa'o zhes zer ro/ /khams gsum gnas pa'i sems can rnams/ /zhes bya ba la sogs pas ni drag po'i las kyi ting nge 'dzin bstan to/ /'di'i rim pa ni bdag rang gi lha'i ting nge 'dzin bsnyen sgrub kyi yan lag yongs su rdzogs pas ting nge 'dzin gsum gyi mthar zhe sdang rdo rje'i ting nge 'dzin gyis bskyed la mdun du bsgrub bya'i ling+ga bzhag ste/der thugs ka'i rdo rje kyo bas sems can thams cad bkug ste/ sku gsung thugs kyi lhar bsgoms la de dag gi lus kyi lha gsum la bsdus te/ de nas bdag gi ba spu'i bu ga nas khro bo'i tshogs mang po spros te/ ling+ga bsgrub byar dmigs pa'i sha khrag za ba dang / rgyu ma 'dren pa la sogs par bsgom pa'o/ /de la/ /nam mkha' dbyings kyi dbus dag tu/ /'khor lo rtse lnga kha bzhi la/ /zhes bya ba ni rdo rje sems dpa' zhe sdang rdo rjer bsgoms pa'i lag pa g.yas par rdo rje rtse lnga pa kha gdengs pa bsam pa yin no//kha cig na re rdo rje rtse lnga pa rgya gram du gyur pa la 'khor lo 'bar ba'i mu khyud kyis bskor ba yin te/ 'di ni rdo rje 'khor lo zhes bya'o zhes zer ro/ /'dis ni 'og nas 'byung ba yi/ /'khor lo rdo rje 'bar bas brgyan//zhes pa'ang 'khor lo las rdo rje 'bar ba 'phos pas mtshan pa'o zhes 'chad do/ /bka'i 'khor lo zhes bya ba'i ting nge 'dzin to zhes bya ba ni 'di las grub par byed pa'i bka' yin te nges par byed pa'i tha tshig go/ /nam mkha' dbyings kyi dbus su ni/ /'khor lo rdo rje 'bar bas brgyan//zhes bya ba la sogs pa ni snga ma bzhin du bsgoms pa las phyag mtshan 'khor lo rdo rjes brgyan pa rnam par bsgoms te/ bdag gi sprul pa rnams la 'di skad du bka' bsgo ste/ sku gsung thugs kyi sbyor ba can/ /sangs rgyas thams cad bdag la gson/ /zhes bya ba la sogs pa'i tshig gis bskul ba'o//bka'i 'khor lo 'di ni dgra bsad pa dang / bgegs bskrad pa dang / lha gnad la dbab pa dag la sbyar ro/ /de la dgra bsad pa'i dus su ni gong du smos pa'i tshul 'di nyid do/ /bgegs bskrad pa'i sbyor ba la ni zhe sdang rdo rje'i ting nge 'dzin gyis khro bo'i dkyil 'khor du spros te/bgegs rnams la 'di skad du bsgo te/ sku gsung thugs su bdag sbyor bas/ bgegs rnams thams cad nga la nyon/ /zhes bya bar sbyar te bka' bsgo'o/ /lha gnad la dbab pa'i sbyor ba la ni zhe sdang rdo rje'i ting nge 'dzin gyis rang gi rigs kyi sprul pa spros te bka' dkyus ji lta ba bzhin du bsgo'o//sangs rgyas dkyil 'khor 'khor lo can/ /nam mkha' rdo rje'i dbus su bsam/ /gshin rje gshed kyi 'khor lo che/ /zhes bya ba la sogs pa ni gshin rje gshed kyi bka'i 'khor lo yin te/ 'di ni gshin rje gshed kyi khro bo rnams kyis gtso bo byas par zad kyi gzhan ni snga ma nyid dang 'dra'o//sku gsung thugs kyi rdo rje 'am/ /zhes bya ba la sogs pas ni gzhan gyi bka'i 'khor lo bstan pa ste/ 'di ltar 'khor lo'i gtso bo sku gsung thugs kyi lhas byas pa'am/ rang sngags don gyis yon tan yi dam gyi lhas byas pa'am/ yang na khro bo gtsug tor 'khor los sgyur bas gtso bo byas te/sangs rgyas kyi dkyil 'khor bsrung ba la sogs pa'i bka'i 'khor lo bsgom mo/ /nam mkha' rdo rje'i dbus dag tu/ chos kyi snang mdzad sku mchog las/ /zhes bya ba la sogs pa ni bsrung ba'i ting nge 'dzin te zhi ba dang rgyas pa'i rang bzhin du sbyar ro//rgya mtsho rkang pas gnon pa ni rdo rje sems dpa'i ting nge 'dzin gyis chu la mA ma kI thim par bsgom ste/ nam sra bar gyur pa na de'i spyi bo'i steng du bsgom par bya'o/ /mu stegs dang phas kyi rgol ba thams cad gnon pa'i ting nge 'dzin ni bdag nyid khro bor bsgoms pa'i thugs ka nas kyo ba spros pas mu stegs can la sogs pa bkug ste/dbang chen 'og tu mnan nas de'i steng las kyi rdo rje rgya gram gyis mnan te/ de'i steng du bdag khro bor bsgoms pa'i lag pa g.yas rdo rje thogs pas mnan na rgol ba gnon par 'gyur ro/ /kha cig na re dbang chen rlung gi steng du bsgrub bya bzhag ste/de'i spyi bor las kyi rdo rjes mtshon pa'i rkang pas mnan zhe'o/ /dpung gnon pa ni rdo rje gsung mchog sku gsung thugs kyi khro bo bsgom ste/ de yang gser gyi ri rab lta bu shin tu ljid che bas mnan par bsgoms na sangs rgyas kyi dpung yang gnon na mi'i dbang po'i dpung dag lta ci smos zhes bya ba'i don to//dgra rmongs pa'i ting nge 'dzin ni hUM las rdo rje phur bu stod rtse lnga pa smad dpal rtser gnas pa rdo rje rtse lnga'i phyag rgyas blangs te/ snying gar btab na dgra rmongs par 'gyur ro/ /nad spong ba zhi ba'i ting nge 'dzin ni grong ngam grong khyer gyi nam mkha' la bdag gi thugs ka nas rdo rje rtse lnga pa gnas par bsams te/de las bskal pa'i me 'bar bas nad rnams thams cad bsregs te slar rdo rje la bsdu bar bya'o/ /de nas rdo rje las lha mo bdud rtsi rin po che'i bum pa gang ba 'dzin pa spros pas nad pa la blugs par bsams na nad zhi bar 'gyur ro//yi dam bcas pa rdzogs nas kyang / /sngags kyi gnas su spyad par bya/ /zhes bya ba ni las 'di dag gang byed kyang bsnyen pa rdzogs nas bya bar ston pa'o/ /kha cig na re/ las byas zin nas rang gi yid dam rgyun du bya ba yin no zhes zer ro/ /skye 'gro 'dul ba'i ting nge 'dzin ni rdo rje bdud rtsi 'khyil pa'i rang bzhin gyi phur bus phyogs bcu'i dkyil 'khor la btab na/lha dang bgegs la sogs pa thams cad zhi bar 'gyur ro zhes bya ste 'di ni bka'i 'khor lo dang sbyar te bgegs bsrung bar bya ba'o/ /mdangs bzang dkyil 'khor dam pa ni/ /nam mkha' dbyings kyi dbus su bsam//zhes bya ba la sogs pas ni gong du bstan pa'i lam rnam pa bzhi'i thabs bstan pa yin te/ de la/ mdangs bzang dkyil 'khor dam pa ni/ /zhes bya ba ni dkyil 'khor chen po bsgom pa yin te/ de nam mkha'i dbyings kyi dbus chos kyi 'byung gnas su bsams la/bdag rnam par snang mdzad du bsgoms pa'i thugs kar 'dod pa'i bsgrub bya bzhag ste/ rang gi ba spu'i bu ga nas sangs rgyas spyan dang ldan pa'i rnam par snang mdzad kyi nam mkha'i khams gang bar spros te/ phyogs bcu'i ye shes bdud rtsi bsdus nas bum pa bdud rtsis bkang ba rnams kyis snying ga'i 'dod pa'i steng du phab ste/dbang bskur bar bsams na zhi bar 'gyur ro/ /dbang gi las ni/ zla ba'i dkyil 'khor dbus su ni/ /dbang chen dkyil 'khor bsam par bya/ /zhes bya ba la sogs pa yin te/ de la zla ba'i dkyil 'khor gyi dbus su dbang chen gser gyi 'khor lo bsams te/de'i steng du chos 'dzin snang ba mtha' yas bsams nas/ de'i snying gar rgyas par 'dod pa bzhag ste/ bdag gi ba spu'i bu ga nas gos dkar mo la sogs pa'i lha mo rnams spros pas phyogs bcu'i chos rin po che'i bdud rtsi bsdus te/ snying ga'i 'dod pa la phab cing dbang bskur bas chos rin po che rgyas par bsgoms na rgyas par 'gyur ro//dbang gi las ni/ nam mkha'i dbyings kyi dbus su ni/ /rdo rje dkyil 'khor zla gam bsam/ /zhes bya ba la sogs pa ste/ dkyil 'khor zla gam gyi dbus su rdo rje chos sam rdo rje don grub bsgoms te/ de'i snying gar dbang dang mthu stobs ldan par 'dod pa bzhag nas/bdag gi ba spu'i bu ga nas sangs rgyas byang chub sems dpa' 'am lha mo sgrol ma spros te/ des phyogs bcu'i gzi brjid kyi bdud rtsi bsdus te/ snying ga'i 'dod pa la phab cing dbang bskur bas mthu stobs dang dbang phun sum tshogs par 'gyur te/ gzhan yang ji skad smos pa lta bur 'gyur ro/ /drag po'i las ni/ nam mkha' rdo rje srin po dang / /zhes bya ba la sogs pa ste las 'di ni bka'i 'khor lo'i skabs su bstan pa bzhin du sbyar ro/ /da ni las rnam pa bzhi la sogs pa bsgrub pa'i bya ba bstan pa rnams la lha rnams ji ltar bsgom pa'i cha lugs bstan pa'i phyir/rnam par snang mdzad zhal gsum pa/ /zhes bya ba la sogs pa gsungs te/ 'di dag ni ji ltar 'gyur nas 'byung ba bzhin du sbyar ro/ /nam mkha'i dbyings kyi dbus gnas par/ /zhes bya ba la sogs pa ni lha gong du bstan pa rnams kyi bsgrub cing bsgom pa'i tshul bstan to//kha cig na re snga ma las cung zad mi 'dra ba'i mtshan nyid lnga pas te bstan pa yin no zhes zer ro/ /de la khro bo rnams dbu rgyan gyi sgo nas sku gsung thugs kyi khro bor rigs so/ /le'u bcu gsum pa'o// //da ni bka'i 'khor lo la sogs par bstan pa'i las rnams la bskul ba'i gsang sngags ston pas/de nas zhes bya ba la sogs pa gsungs te/ de la dang por zhi ba'i las dang sngags bstan pa'i phyir/ zhi ba'i dam tshig mchog gi ting nge 'dzin la snyoms par zhugs te/ oM ru ru spu ru zhes bya ba la sogs pa gsungs so//de la 'di ni gang zhi bar 'dod pa rnams la bdud rtsi bum pa thogs pa'i lha mo rnams kyis dbang bskur ba'i tshe rig pa 'dis bskul nas las sgrub par byed do/ /'di ni gsungs ma thag tu yang / /'byor pa kun la dgyes pa rnams/ /zhes bya ba ni sangs rgyas spyan gyi rang gi rig pa phyung bas/'byor pa la dgyes pa'i lha mo dga' bar gyur nas gtso bo rjes su dran par mdzad nas zhes so/ /rnam gcig tu rang bzhin gyis grub pa'i rig sngags bstan pas sangs rgyas thams cad mnyes par 'gyur te gtso bo rjes su dran par mdzad do/ /'di bzhin du 'og ma kun la yang sbyar bar bya'o//sangs rgyas kun gyi 'byung ba zhes bya ba ni zhi ba bskul ba ste gong du bstan pa bzhin no/ /oM shang ka re la sogs pa ni stobs dang gzi brjid bskyed pa dang bsrung ba'i las la sbyar ba'o/ /oM ka Te bi ka Te zhes bya ba la sogs pa'i sngags ni rgyas pa'i las la sbyar ro//oM tA re tut+tA re zhes bya ba la sogs pa ni dbang gi las la sbyar ro/ /drag po'i las la ni khro bo chen po gshin rje gshed la sogs pa 'di dag gi ting nge 'dzin dang sngags kyis bya ba yin te/ 'di'i rim pa ni dang por dbang chen gyi dkyil 'khor gyi steng du bka'i 'khor lo bsgom ste/de'i bdag po las chos kyi 'byung gnas su gyur pa'i nang du b+hUM yig 'khor lo dang bcas pa las skyes pa'i rnam par snang mdzad las/ kaM thod 'bar ba'i gzhal yas khang du gyur pa'i dbus su A li kA li las skyes pa'i rdo rje sems dpa' bskyed nas de chags pa chen po hos zhu bar byas te/de las lha mo bzhi'i dbyangs kyis bskul ba las/ ji lta bu'i cho ga'i tshul gyis khro bo gshin rje gshed po la sogs pa gang yang rung bar bskyed de/ rdo rje'i skye mched dag par bya ba la sogs pa bsnyen sgrub kyi bye brag rdzogs par byas nas ting nge 'dzin gsum tshang bar bsgom ste/phra mo sbyor ba'i mthar las 'di dag brtsam par bya'o zhes bla ma'i man ngag go/ /khro bo 'di dag gi yum ni mA ma kIs bya bar rigs so/ /de la dri ma med pa'i 'od zer gyi sprin ni zhes bya ba ni sku'i bdag nyid rnam par dag pa ste/ de dbyung bar dgongs pa'i ting nge 'dzin gang yin pa de la de skad ces bya'o//gzhan du yang de bzhin du sbyar bar bya'o/ /rdo rje gshin rje gshed po 'di phyung ngo zhes bya ba ni sku gsung thugs dbyer med pa'i phyir ro/ /'dir dgug pa'i skabs su dgug pa'i sngags dang spel te thod pa bzang po'i nang du bris nas gshin rje gshed kyi sbyor bas mnan te/gsang sngags bzlas brjod byas na lha dang lha ma yin gyi bu mo la sogs pa gang dgug par 'dod pa de dgug par 'gyur ro/ /mA ma kI'am spyan yang rung / /zhes bya ba ni khro bo'i gzungs ma ste gong du bstan pa nyid do/ /bdud rtsi 'khyil ba'i gsang sngags gsungs pa/ dam tshig 'od zer stug po mchog /ces bya ba ni las kyi bdag nyid de gzhan la ni snga ma bzhin no/ /'dir ni bgegs bskrad pa'i snga ma'i tshul te/ dgra bskrad pa la ni/ ma hA ga Na pa ti dzI bi tAn+ta ka rA ya zhes pas bsal la bsgrub bya'i ming bskul ba dang bcas pa gzhug par bya'o/ /gzhan gyis mi thub pa'i sngags gsungs pa/de nas zhes bya ba la sogs pa ste sangs rgyas kyi 'od zer rdo rje zhes bya ba'i thugs kyi bdag nyid do/ /srin po ma rungs gtum po dang / /zhes bya ba la sogs pa ni srin po las 'jigs pa'i sems can rnams la khro bo 'di'i sbyor bas gzhig pa'o/ /rta mgrin gyi gsang sngags kyis dug gzhom pa gsungs pa/de nas zhes bya ba la sogs pa ste 'di'i sbyor ba ni rta mgrin gyi ting nge 'dzin gyis yi ge hrIH'bar ba'i 'od zer gyis 'og nas 'byung ba'i dug dbyung ba lta bu'i sbyor ba bya ba yin no/ /be con sngon po'i sngags gsungs pa/ /de nas zhes bya ba la sogs pa ste/de la rdo rje dpal 'byung ba/ /zhes bya ba ni ye shes kyi bdag nyid do/ /'di gsad pa'i las la sbyar ro/ /stobs po che'i sngags gsungs pa/ /de nas zhes bya ba la sogs pa ste/ /de la kun du sprin gyi dpal/ /zhes bya ba ni stobs dang gzi brjid kyi bdag nyid do//'di'i ting nge 'dzin gyis ni dbab pa'i las bya ba yin no/ /'dod pa'i rgyal po sngags gsungs pa/ de nas kun du sgrogs pa zhes bya ba la sogs pa gsungs te/ 'di ni dgug pa'i bdag nyid pas khyab pa'i phyir sgrogs pa'o/ /da ni mi g.yo ba'i sngags bstan pa'i phyir bcom ldan 'das dri ma med pa rdo rje zhes bya ba la sogs pa gsungs te/ye shes kyi bdag nyid pas de skad ces bya'o/ /'di yang dgug pa'i bdag nyid do/ /gnod mdzes kyi gsang sngags gsungs pa/ de nas zhes bya ba la sogs pa ste/ dam tshig rnam par 'phrul pa zhes bya ba ni khro bo'i las kyi bdag nyid do//de ltar khro bo bcu'i sngags bstan nas dgug pa'i khyad par bstan pa'i phyir/ de nas bcom ldan 'das zhes bya ba la sogs pa gsungs te/ de la/ sangs rgyas rdo rje sku gsum la/ /rdo rje sems dpa' rnam par bsgom//zhags pa rdo rje kyo ba 'dzin/ /sangs rgyas dgug pa dam pa'o/ /zhes bya ba ni sangs rgyas rnam par snang mdzad dgug pa ste/ bdag nyid rdo rje sems dpar bsgoms pa'i sku gsung thugs kyi gnas su rang gi lha gsum bsgoms nas/ /de'i thugs ka nas lha mo zhags pa dang kyo ba 'dzin pa spros te sangs rgyas dgug par bya'o//rdo rje sems dpa' dgug pa gsungs pa/ sangs rgyas sku yi sbyor ba yis/ /zhes bya ba la sogs pa ste rnam par snang mdzad kyi ting nge 'dzin gyis rang gi sku gsung thugs kyi gnas nas 'khor lo'i kyo ba 'dzin pa'i lha mo spros te/ rdo rje sems dpa' dgug par bya'o//sngags thams cad dgug pa gsungs pa/ rdo rje mi phyed gsum bsgoms pas/ /zhes bya ba la sogs pa ste/ sku gsung thugs rdo rje'i bdag nyid du bsgoms te snga ma bzhin du thugs ka nas 'khor lo pad+mo rdo rje kyo bas lha thams cad dgug par bya'o/ / bu mo dgug pa gsungs pa/ /thams cad rdo rje ngos bzhi la/ /zhes bya ba la sogs pa ste rang gi lha'i sngags kyis bskyed pa'i skyes bu dkyil 'khor chen po'i ngo bo bsgoms nas/ bsgrub bya rlung gi dkyil 'khor gyi steng du bzhag ste rang gi snying ga nas rdo rje kyo ba'i sbyor bas dgug par bsams na 'grub par 'gyur ro//sha tsi ka dgug par gsungs pa/ zla ba'i dkyil 'khor dag pa ni/ /zhes bya ba la sogs pa ste zla ba'i 'khor gyi steng du rnam par snang mdzad kyi phyag rgya bsgoms te/ /gzhan yang rlung gi dkyil 'khor la lha mo sha tsi ka bzhag nas rdo rje mi 'chi ba'i sngags kyi sbyor bas lan lnga bcu brjod na dgug par 'gyur ba gdon mi za'o//nam mkha'i bu mo dgug pa gsungs pa/ rdo rje kyo ba gzugs po che/ /zhes pa la sogs pa ste 'di ni bdag rdo rje'i ting nge 'dzin du gnas pa'i thugs ka nas rdo rje rtse lnga pa 'od 'bar ba'i kyo ba shin tu 'bar ba spros te nam mkha'i bu mo dgug par bya'o//lha ma yin gyi bu mo dgug pa gsungs pa/ rang gi khro bo rdo rje'i zhes bya ba la sogs pa gsungs pa ste/ rang gi rigs kyi khro bo'am/ rdo rje sa 'og gi ting nge 'dzin du zhugs te/ thugs ka nas rdo rje dpal rtse'i kyo bas lha ma yin gyi bu mo dgug par bya'o/ /da ni dgug pa rnams kyi cho ga bstan pa'i phyir/btsag gam rdo rgyus dag kyang rung / /zhes bya ba la sogs pa ste/ 'di'i sbyor ba ni bdag nyid khro bo'i ting nge 'dzin du zhugs te/ btsag gam rdo rgyus dag zla ba gzas zin pa'i tshe/ rang gi kha'am yang na b+ha gar bcug ste sgrub pa byas la/ de nas nang par phyung la bzhag ste/nam 'gugs par 'dod pa na rdzas de la ling ga byas te ming bri ba'i snag tsha yang byas la ling ga'i steng du ming bzhag na tshangs pa dang drag po'ang 'ong bar 'gyur ro/ /sbyor ba 'di ni dgug pa'i ling ga mtha' dag la sbyar bar bya'o/ /da ni gshin rje gshed kyis gnod sbyin gyi bu mo dgug cing spyad pa bstan te/de la bdag nyid rnam pa'i mchog thams cad dang ldan pa'i rdo rje 'jam dpal bsgoms te/ de las sprul pa khro bo gshin rje gshed bskal pa'i me ltar 'bar ba phyag na rdo rje kyo ba bsnams pa spros te gnod sbyin gyi bu mo bkug nas nye bar spyad par bya'o//kha cig na re gshed por bsgoms pa'i thugs ka nas kyo ba spros te dgug ce'o/ /kun gyi phyag rgya khyad par dang / /zhes bya ba la sogs pas ni cho ga dang ldan na gong gi thabs kyis kyang khugs par bstan te/ de la kun gyi phyag rgya'i khyad par zhes pa ni thams cad kyi phyag rgya gang yang rung ba'o//sngags kyi khyad par thams cad kyis/ /zhes bya ba ni sngags ma lus pa mtha' dag gis te/ kun kyang dgug pa'i thabs su mi 'gyur ba med par gsungs so/ /gzhan du byas na 'jig par 'gyur/ /zhes bya ba ni ting nge 'dzin ma thob pa la sogs pas mi 'grub pa'o//kha cig na re dgug pa tsam las gzhan du phur bu gdab pa la sogs pa byas na 'chi bar 'gyur ba'o zhes zer ro/ /las de dag thams cad kyang rdo rje sems dpa' 'ba' zhig gi ting nge 'dzin bskul na 'grub par 'gyur te/ gang gi phyir dpal rdo rje sems dpa' de nyid ni sngags kyi lha thams cad kyi ston pa gdod ma tha ma med pa'i rgyal po rtag pa chen po yin pa'i phyir ro zhes bya bar bstan pa'i phyir/rdo rje sems dpa' rgyal po che/ /yang dang yang du bskul bar bya/ /de nyid sngags rnams thams cad kyi/ /ston pa rab tu rtag pa'o/ /zhes gsungs pa yin no//da ni e ka dza TI'i sbyor bas klu'i bu mo dgug pa'i thabs gsungs pa/ de nas bcom ldan 'das zhes bya ba la sogs pa ste/ de la 'di'i sbyor ba ni e ka dza TI'i ting nge 'dzin la gnas te/ oM shu li ni swA hA zhes pa dang / che ge mo zhig dzaH /zhes bya bas klu la sogs pa'i bu mo dgug par byed do//lha mo khro gnyer can gyis rig sngags 'chang gi bu mo dgug pa bstan pa/ de nas bcom ldan 'das nam mkha'i zhes bya ba la sogs pa ste/ de'i sbyor ba yang khro gnyer ma'i ting nge 'dzin la gnas te gsang sngags bskul ba dang bcas pa bzlas shing sprul pas dgug par bsgoms na 'grub par 'gyur ro//de la sogs pa las gang byed kyang sngon du bsnyen pa byas te dam bcas pa rdzogs nas de nas las la sbyor ba na 'bum phrag gcig tu skyon med par bzlas te de nas las la sbyar ro zhes bstan pa'i phyir/ yang na khro bo thams cad ni/ / sngags pas 'bum du bzlas byas na/ /las rnams thams cad byed par bshad/ /ces gsungs pa yin no/ /da ni drag po'i las kyi dmigs pa bstan pa'i phyir/ rdo rje slob dpon smod pa dang / /zhes bya ba la sogs pa gsungs te/ gnas 'di rnams la drag po'i las byas na byang chub nyid dam dngos grub rab 'bring la sogs pa 'thob par 'gyur ro zhes pa'i don te/las de dag byed pa'i tshe dmigs pa 'di lta bu dang ldan par byas te/ phyogs bcu'i sems can thams cad kyi lus ngag yid gsum sku gsung thugs mnyam pa nyid du gyur par bsgoms na dgra rnams la gdon mi za'o//kha cig na re tshig 'di dag ni 'grub par nges pa'i gtan tshigs yin no zhes zer ro/ /da ni drag po'i brtul zhugs kyi mtshan nyid bstan pa'i phyir/ khrag dang chu yis gsher ba'am/ /zhes bya ba la sogs pa smos te/ brtul zhugs lnga po 'di dag ni khro bo gang yang rung ste/ 'di lta bu'i sbyor ba dang ldan pas las brtsam par bya'o/ /drag po'i las kyi gnas ni ma mo'i gnas sam dur khrod dam zhes bya ba la sogs pa ste gnas 'di dag ni 'byung po'i drag po'i gnas yin pa'i phyir mngon spyod la bkra shis so/ /da ni las su brtsam pa de dag las phur pa'i las kyis gsad pa la sogs pa bya ba'i phyir mi'i rus pa las byas pa la sogs pa bstan te/de la 'di'i sbyor ba ni mi'i rus pa'i phur bu la 'og nas 'byung ba lta bur byin gyis brlabs te/ ji skad smos pa bzhin du btab na sangs rgyas kyang 'chi na gzhan dag lta ci smos zhes pa'i tshig go/ /kha cig na re/ shes dang mi shes rnam spangs pa//zhes bya ba ni sgrub pa po'i bye brag yin te/ mi shes pa ni gong du bstan pa'i rig 'dzin bsgrub pa la sogs pa yin la/ shes pa ni mtshan ma med pa'i rnal 'byor shes pa yin te/ 'di gnyis kas kyang phur bu 'di'i sgo nas 'grub par 'gyur ro zhes zer ro/ /dgra gsad pa'i sbyor ba gsungs pa/yang na thod pa gang ba dag /ces bya ba la sogs pa smos te/ 'di'i sbyor ba ni thod pa ma nyams pa la khro bo gang yang rung ba'i sngags sam rdo rje thor tshugs gcig pa'i sngags bskul ba dang bcas pa bris te/ rdo rje thor tshugs kyis de'i steng nas mnan par bsgoms te/ dgra'i sgo'am grong du sbas na skrod par 'gyur ro/ /sbyor ba gzhan gsungs pa/ tA la'i lo ma'am gzhan la'ang rung / /zhes bya ba la sogs pa gsungs te/ 'di'i sbyor ba ni khro bo'i gsang sngags bskul tshig dang bcas pa bris nas khro bo'i ting nge 'dzin gyis bskul na 'grub par 'gyur ro/ /da ni phur bu gdab pa'i gsang sngags dang rgyu dang ting nge 'dzin dang /byin gyis brlabs pa'i tshul rnams ston pas de nas zhes bya ba la sogs pa smos te/ de la sku gsung thugs gnon pa zhes bya ba ni mthu med par byed pa'o/ /rnam gcig tu rdo rje phur bus gzir ba yin no//oM g+haHg+haHzhes bya ba'i sngags kyi phreng ba ni phur bu gdab pa'i sngags yin te/ 'dir sarba duSh+TAM zhes pa'i bar du bsgrub bya'i ming gzhug par bya'o/ /mi yi rus pa'i phur bu 'am/ /zhes bya ba la sogs pas ni drag po'i phur bu'i rgyu bstan to/ /de lta bu'i phur bu de dag gdab pa'i ting nge 'dzin bstan pa'i phyir/'od 'phro 'khrug cing mdangs bzang ba'i/ /rdo rje sems dpar mnyam gzhag la/ /zhes bya ba la sogs pa gsungs te/ 'di ltar rdo rje sems dpa'i ting nge 'dzin nam rnam par snang mdzad dam 'od dpag med dam gshin rje gshed kyi sbyor ba yang rung ste/ 'di dag gi ting nge 'dzin dang ldan pas phur bu bdud rtsi 'khyil ba'i rang bzhin du bsgoms te/snying ga dang lte ba dang gsang gnas dang dpral ba dang dbang po sgo lnga dang yan lag lnga'i gnas dpung pa gnyis dang pus mo dang long bu'i nang rol gnyis la phur bus gdab par bya'o/ /gang du'ang dam tshig de nyid bya//zhes pa ni gong du bstan pa'i drag po'i las dang / phur bu bya ba bstan pa rnams la phur bu'i dam tshig 'di nyid kyis sbyor bar bya'o zhes bya ba'i don to/ /kha cig na re rdo rje sems dpa' la sogs pa'i lha 'di dag phur bu nyid bsgom pa yin te/ 'di dag lta bur bsams pa'i phur bus gdab par bya'o zhes zer ro//da ni phur bu byin gyis brlab pa bstan pa'i phyir/ de nas bcom ldan 'das rnam par snang mdzad ces bya ba la sogs pa gsungs te/ de la sku'i dam tshig tsham rngam gyis gnon par bya ba ni khro bo'i gzi brjid kyi tsham rngam yon tan thams cad zil gyis gnon par byed pa'o//'di'i sbyor ba ni rnam par snang mdzad kyi ting nge 'dzin du gnas te/ thabs dang shes rab kyi lag pa gnyis kyis ji lta bu'i phyag rgyas bcas te/ phur bu bsgril zhing oM ts+tshin+da ts+tshin+da zhes pa'i gsang sngags brjod pas thabs dang shes rab kyi 'od zer las byung ba'i ye shes kyi phur bu sku rdo rje'i rang bzhin du byin gyis brlabs te sangs rgyas dag la btab na yang dam tshig dbang gis bzhengs te don mdzad pa la sbyor bar 'gyur la 'jig rten pa la btab na 'chi bar 'gyur ro//kha cig na re sdang ba zhes bya ba'i dgra ni skrag ste 'bros pa yin la yang na 'chi bar 'gyur ro/ /'di ni sku rdo rjer byin gyis brlab pa'o//da ni gsungs rdo rjer byin gyis brlab pa'i phyir/ de nas bcom ldan 'das 'jig rten dbang phyug ces bya ba la sogs pa gsungs te/ 'di'i sbyor ba yang rdo rje chos kyi ting nge 'dzin du gnas te/ ji lta ba'i phyag rgyas phur bu bsgril zhing gsang sngags brjod pas gsung rdo rjer byin gyis brlab pa ste/thugs rdo rjer byin gyis brlab pa la yang de bzhin du sbyar bar bya'o/ /de skad ces bka' stsal pa la de bzhin gshegs pa rnams dgyes par gyur nas rdo rje phur bu'i don la mnyes par gyur nas bstod pa'i phyir/ e ma'o gsang ba'i gnas kyi mchog /ces bya ba la sogs pas bstod pa yin no zhes kyang kha cig 'chad do//yang na 'di'i 'grel pa ni bcom ldan 'das rdo rje 'dzin pa nyid kyi bka' yin par mngon te/ mjug sdud pa'i tshig gam 'on te sngon du bka' stsal to zhes pa yang mang po'i tshig med pa'i phyir ro/ /mdor na phur bu byang chub kyi sems kyi don la ngo mtshar ba'i don gyis bstan pa yin te/de la/ e ma'o gsang ba'i gnas kyi mchog /ces bya ba ni phur bu byang chub kyi sems ni gsang ba'i gnas su gyur pa kun gyi nang na dam par gyur pa'o/ /e ma'o snying po kun bsdus pa/ /zhes pa ni byang chub kyi sems ni chos kun gyi snying po thams cad bsdus pa'i don to//e ma'o chos kyi gnas zhi ba/ /zhes pa ni byang chub kyi sems spros pa dang bral ba'i don to/ /de lta bu'i byang chub kyi sems ni mtshan ma thams cad 'joms pa'i phyir/ /e ma'o rdo rje rnam par 'joms/ /zhes bya ba yin no de'i phur bu sangs rgyas dang byang chub sems dpa' yang gnon par byed pa/sku gsung thugs kyi grub pa thams cad sbyin par mdzad pa 'di ni sngags thams cad kyi de kho na nyid bsdus pa'o zhes pa'i tha tshig go/ /rnam pa gcig tu na e ma'o gsang ba'i gnas zhes bya ba ni phur bu byang chub kyi sems kyi ngo bo ste/ 'di'i don ni thabs dang shes rab gnyis su med pa'i byang chub sems kyi ngo bor ston te/de la snying po kun bsdus pa ni thabs kyi bdag nyid de rang rig pa'i ye shes so/ /chos kyi gnas zhi ba ni shes rab kyi bdag nyid de spros pa dang bral ba'i chos nyid do/ /rdo rje rnam par 'joms pa ni gnyis su med pa'i byang chub kyi sems te don ma nor bar rtogs pa'i rig pa 'byung ba'o//'di lta bu'i byang chub kyi sems kyi phur bu 'di ni sngags thams cad kyi de kho na nyid bsdus pa'o zhes bya ba'i don to/ /le'u bcu bzhi pa'o// //da ni gzungs kyi mtshan nyid dang / las dang sgrub pa phra mo dang rmis ltas kyi mtshan ma la sogs pa ston pas/de nas rgyal po rdo rje 'dzin/ /zhes bya ba la sogs pa gsungs te/ de la gzungs kyi rigs bstan pa'i phyir/ sme sha can ni mthu chen gyi/ /bu mo lo grangs bcu gnyis pa/ /zhes bya ba la sogs gsungs te/ de la sme sha can ni rigs kyi yum du 'dod de sngon du brjod pa'i ma dang sring mo bu mo zhes bstan pa las 'dir mar shes par bya'o//de lta bu'i gzungs ma 'di byin gyis brlab par bya ste/ mnyam pa'i maN+Dal bdud rtsi 'khyil pas byin gyis brlabs pa'i bdud rtsi lngas skyang nul byas te/ der bzhag la cho ga tshul bzhin byas te gnyis su med pa'i sbyor ba bstan pa'i phyir/rdo rje 'khyil pa bsgoms pa yis/ zhes bya ba nas/ phang par bzhag nas rnam par bsgom/ /zhes gsungs pa yin no/ /byin gyis brlab pa yang / dkyil 'khor lnga yi 'khor lo yis/ /zhes bya ba la sogs pa gsungs te/ sngon du brjod pa bzhin byin gyis brlab par bya'o//de ltar bsgoms pas cir 'gyur zhe na/ sku dang gsung thugs rdo rje can/ /zhes bya ba la sogs pa gsungs te/ de ni sangs rgyas 'od 'drar 'gyur/ /zhes bya ba nyid du sbyar ro/ /rdo rje sems dpa'i sbyor ba yis/ /gtso blag mkhan ni mthu chen gyi/bu mo ut+pal mthing ga'i mdog /ces bya ba ni sring mo ste/ /'di la shes rab kyi dbang thob pa'i yum ste/ de'i 'bras bu ni rdo rje 'dzin chen po yis yon tan yang / rdo rje sems dpa'i 'od 'drar 'gyur/ /zhes gsungs so/ /rgyal po chos rnams kun dang mtshungs/ /zhes bya ba la sogs pa ni de'i yon tan te chos thams cad kyi rang bzhin mi dmigs pa'i ngo bo ste 'dod pa dang thar pa yang rgyas par byed do//kha cig ni rdo rje chos kyi yon tan du 'dod do/ /rdo rje chos ni rab bsgoms pas/ /gar mkhan bu mo rab mdzes shing / /bzhin bzangs mig gi dkyus ring ba/ / zhes bya ba ni bu mo yin te yum 'di las ni gzhan dag la dbang bskur ba'i yum byed pas yon tan yang / 'di ni rdo rje chos kyi bdag /sa bcu la ni gnas par 'gyur/ /zhes gsungs pa yin no zhe'o/ /mdor na rdo rje 'dzin chen po'i ting nge 'dzin bskyed pa'i yum gsum dang / rnal 'byor pa bdag nyid dbang nod cing gzhan la bskur ba'i yum gsum dang /ma dang sring mo bu mo gsum dang sku gsung thugs kyi yum gsum bdag nyid gcig tu sbyar bar bya'o/ /gzhan yang rigs rnam pa bzhi gang rnyed pa las kyang gzung ba bstan pa'i phyir/ bram ze rgyal rigs rje'u rig dang / /zhes bya ba la sogs pa gsungs pa yin no//rdo rje chos kyis bsgrub par bya/ /zhes bya ba ni 'di dag chos kyi rigs su bstan pa yin te/ 'on kyang 'di ru ni rigs thams cad 'dus par shes par bya'o/ /gzungs de dag sgrub pa brtsam pa'i dus ni/ /rdo rje nyi ma nub nas ni/ /sgrub pa kun du brtsam par bya//skya rengs 'char ba'i dus su ni/ /sgom pa mchog gis 'grub par 'gyur/ /zhes pa gsungs te/ 'di'i tshul ni nyi ma nub nas sgrub pa la zhugs te nam phyed man chad na rtags chen po 'byung bar 'gyur te/ de nas skya rengs 'char ba'i dus su dngos grub blang bar bya'o zhes bya ba'i don to//'di ni bsnyen pas rtags 'byin pa'i rnal 'byor pas dngos grub len pa'i dus bshad pa yin no/ /'dir bla ma'i man ngag ni gong du bstan pa'i gzungs de lta bu la brten nas ye shes chen po dngos grub brtag pa yin te/ de la rdo rje ni gsang ba'i rdo rje'o/ /nyi ma ni gsang ba'i pad+ma ste//de la 'das de sbyor ba ni rdo rje nyi ma nub pa zhes bya'o/ /sgrub pa kun du brtsam par bya/ /zhes bya ba ni sgul bskyod kyi phyag rgyas byang chub kyi sems bde ba'i gnas nas hUM phaT ces bskul ba'o/ /skya rengs 'char ba'i dus zhes bya ba ni byang chub kyi sems bde ba chen po'i gnas nas bab pa'o//bsgom pa mchog ces bya ba ni/ /sems nor bu'i nang na gnas pa na bde ba chen po ye shes brtag pa'o/ /'grub par 'gyur zhes bya ba ni bde ba chen po'i ye shes nyams su lon par gyur pa'o/ /de gang gi ting nge 'dzin gyis 'grub par 'gyur zhe na/ rgyan rnams thams cad yongs su rdzogs/ /spos dang me tog rnams kyis brgyan/ /rdo rje sems dpa' mchog bsgoms na/ /myur du dngos grub thob par 'gyur/ /zhes bya ba la sogs pa'o/ /dbang po gnyis ni sbyor ba yis/ /zhes pa ni bdag yab yum sbyor ba'o/ /sbyor ba thams cad brtsam par bya ba ni de'i ting nge 'dzin te chos thams cad ni thabs dang shes rab kyi bdag nyid tu shes par bya'o zhes pa'i don to//de dag ni thabs dang shes rab kyi sgo nas sgrub pa yin te de yang rigs so so'i gzungs bstan pa'i zhar la bshad pa yin no zhe'o/ /rdo rje can gyis grub 'dod na/ /bshang gci dam tshig bza' bar bya//zhes bya ba la sogs pas ni bdud rtsi rnam pa lnga bza' ba bstan te/ de dag kyang thabs dang shes rab dang 'brel ba'i bdud rtsi rab tu 'grub pa bstan pa'i phyir/ bshang gci'i dam tshig la sogs pas/ /dbang po gnyis ni sbyor ba yis/ /sangs rgyas byang chub gnas zhi ba//de nyid bla na med pa 'grub/ /ces gsungs pa yin no/ /da ni drag po'i las la sogs pa bstan pas de nas zhes bya ba la sogs pa gsungs te/ de la las 'di dag byed pa'i tshe khro bo gang yang rung bas gtso bo byas pa'am zhe sdang rdo rjes byas kyang rung ste/ khro bo bcu'i dkyil 'khor bsgoms nas 'og nas 'byung ba'i las rnams la sbyar ro zhes shes par bya'o//de la 'dir gshin rje gshed kyis bu mo dgug pa bstan te/ gshin rje gshed kyi sbyor ba dang ldan pas thab khung gru gsum byas te tsher ma'i shing la me sbar nas dug dang mi'i khrag dang lan tshwa dang ske tshe la sogs pa gdug pa'i rdzas rnams la sems khros pa dang bcas pas nyi ma gung ngam nam phyed na bsreg par bya ste/oM hrIHSh+TIHbi kr-i tA nan sarba sha trUM ni sha ya stam+b+ha ya hUM hUM bu mo che ge mo phaT phaT swA hA zhes bya ba'i sngags kyis bsreg cing nyi ma gsum du las 'di byas na/ bskal pa grangs med pa gsum du yang bu mo 'byung bar 'gyur ro zhes bya ba'i don to//bcu bzhi 'am yang na tshes brgyad la/ /zhes bya ba la sogs pas ni dgug pa'i rdzas bstan pa yin te sngon du bstan pa ltar bcu bzhi'am tshes brgyad la dur khrod kyi sol ba blangs la cho ga bzhin du byas te zla ba gzas zin pa'i tshe khar bcug ste gsang sngags bzlas pa byas nas/de nas gdul bya'i ming la sogs pa bris na gdul bya 'dul bar 'gyur bar gdon mi za'o/ /gsang sngags shes pas bsgoms nas ni/ /gang yang rung ba'i ri mo bri/ /zhes bya ba ni sngon du bstan pa bzhin no/ /tho ba zhi ba la bsgoms nas/ /zhes bya ba ni bdag khro bo'i ting nge 'dzin du gnas pa las sprul pa tho ba thogs pa mang po byung ste/gang la bya ba'i gzugs brnyan la brdeg par bsgoms na 'di yis 'dul bar 'gyur bas/ sbyor ba dag gis nges par ltung / /zhes so/ /sbyor ba gzhan gsungs pa/ /hUM ni rab tu 'bar dang bcas/ /zhes pa ste 'di'i sbyor ba ni khro bo'i sbyor bas sprul pa'i pho nya rnams kyi lag na hUM las bskyed pa'i rdo rje thogs pas bsgrub bya gzhig par bsams na 'grub bo//gzhan yang / rdo rgyus sol ba la sogs pas/ /skyes pa'am bud med kyi gzugs bris la/ /zhes bya bas ling ga byas te/ bdag gi sprul pa lag na sta re thogs pa rnams kyis ling ga la bstims pa'i bsgrub bya'i mid pa bcad par bsgoms na gang yang rung ste snad pa'am 'chi bar 'gyur ro//las kyi rdo rje rab 'bar ba/ zhes bya ba la sogs pa ni mnan pa'i las yin te/ 'di ni 'og gi rlung dang char pa bcad pa la sbyar bar bya'o/ / 'di'i sbyor ba ni bdud rtsi 'khyil ba'i ting nge 'dzin du bzhugs nas rlung ngam char pa yang rung ste gang yang rung ba'i mdun du bsams te/ de'i steng du las kyi rdo rje rgya gram gyis mnan pa'i dbus na rdo rje 'greng bus mtshan pa bsams nas gdug pa'i dgra a mr-i ta kuN+Da li dran par byas na sangs rgyas kyi sprul pa'ang 'jig na gzhan lta ci smos/da ni gong du smos pa'i gzugs dang gnyis su med pa'i sbyor ba'i mtshan nyid dang / byang chub kyi sems spro zhing byin gyis brlabs pa'i yi ge rnams ston pas de la sngags 'di ni thams cad kyi gsang ba'i snying po'o/ /phaT ces bya ba la sogs pa gsungs te/'di'i sbyor ba ni bdag gtso bo yab yum gyi sku phyag rgya chen po bskyed de/ mkha' gsang rnam pa gnyis byin gyis brlab pa'i tshe rdo rje'i sbu gu'i nang na byang chub kyi sems spro ba'i phaT nag po yod pa'o/ /ye shes sems dpa' sbyor ba yis//dbus su gzugs ni bsgom par bya/ /zhes bya ba ni bdag nyid ye shes sems dpa' dang ldan pa'i gtso bor bskyed pa'o/ /sngags shes pas ni gnas bzhi ru/ /bud med rtag tu gzhag par bya/ /zhes bya ba ni mtshams kyi lha mo bshes gnyen ma bzhi rtag tu gnas pa nyid do/ / rgyan rnams thams cad yongs su rdzogs/ /mtshan rnams thams cad kyis ni mtshan/ /zhes bya ba ni lha mo'i yon tan no/ /pad+mo rab tu rgyas byas nas/ /sngags kyi rnam par bsgom par bya/ /hUM zhes bya ba ni hUM gis pad+ma dang rdo rje byin gyis brlab par bya'o/ /rang lus ngag sems rdo rje la/ /phab na byang chub thob par 'gyur//zhes bya ba ni byang chub kyi sems bab pa'i yon tan no/ /kha cig na re bdag ye shes sbyor ba dang ldan pa'i mtshan thams cad yongs su rdzogs pa'i bud med bzhi rgyan gyis brgyan te yum bzhir byin gyis brlabs nas phyogs bzhir bzhag ste gnyis su med pa'i sbyor bas pad+mo rgyas par byas nas/hUM zhes byang chub kyi sems dbab cing phaT ces pas byang chub kyi sems spro bar bya'o zhe'o/ /bzhin bzangs phan par 'dod pa yis/ /bud med rnyed nas cho ga bzhin/ /dben par mchod pa brtsam par bya/ /zhes bya ba ni gong du bstan pa'i gsang ba'i sbyor ba de tshul 'di lta bur byas te/gsang ba byang chub kyi sems sangs rgyas 'dus pa'i bdag nyid dam rang gi rigs kyi sbyor bas 'thungs te rnam par mi rtog par byas na ji skad bstan pa bzhin du 'gyur ro/ /bshang ba'am yang na 'bras chan nam/ /sha dag kyang ni gzhug par bya/ /zhes bya ba la sogs pas ni bdud rtsi ri lu sgrub pa'i cho ga lhag ma bstan te/'di'i sbyor ba ni bshang ba dang 'bras chan byang chub kyi sems dang sha rnam pa lnga dag las rang gi rigs kyi sha gcig dang / de rnams bsres te ri lu bya yang na bshang ba ni bdud rtsi rnam pa lnga ste/ de dag dang 'bras chan nyid dang /rigs kyi sha gang yang rung ba zhig dang bdun du sbyar te ri lu byas la de b+ha gar bzhag ste bsgoms nas mtshan ma thob par sbyar ba byas te byang chub kyi sems dang bcas te zos na sangs rgyas kyis kyang mi mthong bar 'gyur ro/ /gzhan gsungs pa gsang ba cho ga bzhin blangs la/ /kham phor sbyar mar gzhag par bya//zhes bya ba gsungs pa ste/ 'di'i sbyor ba ni bshang ba dang mar khu sbyar te ban+d+hI 'dzag phor cig tu blugs la/ 'og tu ban+d+ha bzang po zhig bzed de/ de la gsang sngags brgya rtsa brgyad bzlas nas zos na mi snang bar 'gyur ro/ /de bzhin du mi snang ba'i thabs 'di dag kun kyang 'di lta bu'i sbyor bas byin gyis brlabs te mtshan ma thob pa dang zos na mi snang bar 'gyur ro zhes bya bar sbyar ro//kha cig 'dod pa ni bshang ba zhes 'byung ba dang / bdud rtsi rnam pa lnga tshang ba yin te/ 'di dang sha rnam pa lngar re re sbyar te ri lu bya'o zhes 'dod do/ /ga bur tsan+dan sbyar ba yi//ri lu lcags gsum gyis dkris pa/ /zhes bya ba ni byang chub sems kyi dang pad+ma rak+ta sbyar ba'o/ /rnam gcig tu tsan+dan ni bshang ba yin te de la ri lu bya'o/ /kha cig ni ga phur tsan+dan nyid du 'dod do/ /gi wang a ga ru sbyar ba'o/ /ri lu lcags gsum gyis dkris pa//zhes bya ba ni bshang ba dang dri chur sbyar ba'o/ /ga pur gur gum sbyar ba yis/ /zhes bya ba ni bshang ba dang khu bar sbyar ba'o/ /kha cig ni 'di dag dngos bzhin du 'dod de ji ltar ji ltar yang 'gal ba ma yin no/ /de lta bu'i sgrub pa de dag kyang rdo rje 'dzin pa'i ting nge 'dzin nam rang gi rigs kyi lha'i ting nge 'dzin gyis bya bar bstan pa'i phyir/rdo rje 'dzin pa 'am gang yang rung / /phyag rgya chen por byin brlabs na/ de ni dpal dang ldan pa yi/ /sangs rgyas 'od dang 'dra bar 'gyur/ /zhes gsungs so/ /de nyid kyi yon tan ni/ /'dod khams pa yi bu mo ni/ /zhes bya ba la sogs pa gsungs te lha'i bu mo dag la 'dod pa spyod par 'gyur ro//de nas de bzhin gshegs pa thams cad don de la mnyes par gyur nas ngo mtshar gyi tshig gsungs pa ni/ e ma'o rab tu ngo mtshar che/ /zhes bya ba la sogs pa ste/ mi gtsang ba'i rdzas rnams kyang dngos grub kyi rgyur gyur pa ngo bo nyid kyis dag par gsungs pa ngo mtshar ro zhes so//da ni dkyil 'khor gyi lha rnams la rang gi rigs kyi phyag rgyas rgyas gdab pa bstan pa'i phyir/ de nas ston pa rdo rje 'dzin/ /zhes bya ba la sogs pa gsungs te/ de la/ sangs rgyas rdo rje can rnams kun//rdo rje'i sbyor bas mnyes par 'gyur/ /zhes bya ba ni rigs lnga sangs rgyas la rdo rje 'dzin pa'i dbu rgyan byas na de dag mnyes par 'gyur zhes bya ba'i don to/ /sangs rgyas rdo rje rab dbye bas/ /rdo rje 'dzin rnams mnyes par 'gyur/ /zhes bya ba ni rdo rje 'dzin pa rigs lnga'i dbye ba zhig gis dbu rgyan byas pa ste/de la rdo rje 'dzin pa ni rgyu yin la rigs lnga ni de zhu ba las bskyed pa'i phyir 'bras bu yin te/ de dag phan tshun gdab pa ni 'di skad du/ rgyu la 'bras bus rgyas gdab cing / /'bras bu la yang rgyus rgyas gdab/ /ces gsungs pa yin no/ /rdo rje can gyi gzugs la sogs//gtsug tor mnyes par byed pa yin/ /zhes bya ba ni rigs lnga'i dbye ba de ni rdo rje 'dzin mnyes par byed par ma zad kyi rdo rje can gyi gzugs la sogs pa ste/ lha mo thams cad kyi gtsug tor du yang mtshan zhing mnyes par byed pa yin no zhes pa'o/ /khro bo rnams las de mchog ste//zhes pa ni khro bo bcu po bsgoms pa rnams las rigs lnga po nges dbu brgyan zhing mtshan pa ni mchog yin te/ ji skad du/ bsam med gzhan gyi dngos grub ni/ /bskal pa bye bar yongs mi 'gyur/ /zhes pa'i phyir ro/ /des ni dkyil 'khor gyi lha rnams kyi rgyas gdab pa'i mtshan nyid bstan to//da ni las phran tshegs kyi rgyas btab pa'i mtshan nyid bstan te/ rig pa'i rgyal po chos mchog rnams/ dkon mchog dpal ni rnam par bsgom/ /zhes bya ba ni rig 'dzin sgrub pa dag la dkon mchog dpal gyis bya'o/ /rig pa'i rgyal mo sbyor ba la/ /tshe dpag med par rab tu bsgom//zhes bya ba ni lha mo bsgrub pa dag la tshe dpag med kyis bya'o/ /thams cad las byed sngags rnams la/ /gdon mi za ba'i bka' bsgo'o/ /zhes bya ba ni bran rnams la gdon mi za bas so/ /sngags rnams thams cad nyid la ni/ /rdo rje sems dpa' rnam par bsgom//zhes bya ba ni gang du rgyas btab pa gsal bar smos pa'i lha rnams la rdo rje sems dpas mtshan par bya'o/ /gnod sbyin ma yi sngags rgyud la/ /gshin rje gshed ni brtag par bya/ /zhes bya ba ni gnod sbyin ma sgrub pa'i dus la sogs par ro/ /de ltar na/ sngags rnams thams cad nyid la ni//spyi bo nas ni bskul ba shig /ces gsungs pa ste kun kyang rgyas btab cing mtshon na mi 'da' ba'i phyir de nyid kyis na/ bsam gtan 'khor lo 'di yis ni/ /sngags mnyes pa dang dkyil 'khor dag /bsgrub pa la ni de gsungs te/ /dam tshig chen po ston pa'o/ /zhes gsungs so//da ni dbab pa'i las bstan te/ de yang dkyil 'khor bri ba la sogs pa byed du gzhug par bya ba'i phyir/ de nas ston pa rdo rje 'dzin/ /zhes bya ba la sogs pa gsungs te/ de la/ ri rtse nyams ni dga' ba dang / /zhes bya bas gnas bstan to/ /sngags zlos pa yi sbyor ba yis//zhes bya ba ni bskul ba'i thabs bstan te/ 'og nas 'byung ba'i hUM ha AHdz+haiHzhes bya ba'i sngags kyis bskul na rdo rje sems dpa' la sogs pa lha thams cad las la sbyor bar 'gyur ro/ /rdo rje chos kyi gzugs chen po/ /pad+ma rA ga'i 'od 'dra ba/ /zhes bya ba la sogs pas ni dbab snod byin gyis brlab pa bstan te/'di ltar 'og nas 'byung ba'i dbab snod rdo rje chos su bsgoms te/ de'i gnas gsum du sku gsung thugs rdo rje'i rigs kyi lha gsum bkod de dbab pa byas na gdon mi za bar grub bo zhes bya ba'i don to/ /dbab par bya ba gang zhig ce na//sa bla'i rigs chen bskul ba dang / 'phags pa bzhi po dag kyang ni/ /zhes smos te sa bla'i lha'i bu khyad par du 'phags pa mngon shes dang rdzu 'phrul dang ldan pa dag gam rigs bzhi'i 'phags pa dag kyang rung ste 'di dag dbab par bya'o/ /dbab snod gang la bya zhe na/ bu mo lo grangs bcu gnyis ma'am/lo grangs bcu gnyis lon pa'i khye'u zhes bya ba gsungs te/ /'di dag la khrus la sogs pa'i cho gas legs par dbab par bya'o zhes bya ba'i don te/ /rnam pa gzhan du byas na ni/ /khams gsum skye bos dpyas par 'gyur/ /zhes bya ba ni las 'di dag legs par ma byas na skye bos dpyas par 'gyur ba'o//kha cig na re las gang byed kyang pra phab nas ma byas na las mi 'grub pa dang dpyas par 'gyur ro zhes so/ /gang gis bskul zhe na/ hUM ha AHdz+haiHzhes gsungs te/ 'dis ni nam mkha' phebs par 'gyur na gzhan lta ci smos zhes bya ba'i don te//snying po de dag gang dang gang gi yin zhe na/ hUM ni rdo rje sems dpa'i bdag /ces bya ba la sogs pa gsungs te sku gsung thugs bskul ba'i bdag nyid du bshad do/ /de ltar du bskul bas phebs pa dang 'gul ba dang 'phar bar 'gyur ro zhes pa'i don to/ /de la dbab pa la sogs pa'i las phran tshegs 'di dag las la sbyar ba tsam gyis 'grub pa dang dbang bskur ma thag tu slob ma la mi rtog pa'i ye shes skye ba ni bla ma ye shes 'ga' la dbang thob pas sbyar ba yin par sbyar ro//de la 'di'i sbyor ba ni dbab snod rdo rje chos su bsgoms pa'i lus la sku gsung thugs kyi bkod de/de la snying gar hUM rlung gi ngo bo nyid bsgom mo/ /mgrin par AHchu'i ngo bo nyid bsgom/ spyi bor ha sa'i ngo bo nyid bsgom/ rkang mthil dz+haiHma'i ngo bo bsgoms nas/ gsang sngags de nyid kyis bskul nas dbab snod g.yo ba dang 'phar bar 'gyur te/de nas de bzhin bzung ste dkyil 'khor bri ba la sogs pa'i las bcol ba dang dgongs pa dri ba la sogs pa byas te/ de nas mnyes par bya ba dang bzod par gsol ba byas nas de nas phra gsang ba'i cho ga byas nas dbab snod la dbang bskur te gzhag go/ /da ni gdug pa gzhig pa'i las la sogs pa bstan pa'i phyir/de nas rgyal po rdo rje 'dzin/ /zhes bya ba la sogs pa gsungs te de la/ /rtse gcig ma gyur pa yis kyang / /brtul zhugs brtan pas 'di dag byas/ /las rnams gzhan du mi bya ba/ /gdug pa thams cad gzhig pa'o/ /zhes bya ba ni rtse gcig pa'i ting nge 'dzin med pa rnams kyis kyang brtul zhugs la brten pa'i phyi rol rdzas kyi sbyor ba'i sgo nas gdug pa gzhig pa 'di dag ni bya la bya ba ma yin pa ni//bsam gtan gyi sgo nas gdug pa gzhig pa la sogs pa thabs kyi sbyor ba mtha' dag mi bya ste mi 'grub pa'i phyir ro/ / kha cig na re 'di dag byas zhes bya ba ni dbab pa la sogs pa'i las yin la mi bya ba ni man chad kyi gdug pa gzhig pa kun yin te mi rtog pa'i phyir yin no zhes zer ro/ /de la/ dgra yi gzugs brnyan byas nas ni/ /zhes bya ba la sogs pas ni thal ba las ling ga byas te/ gnas dur khrod du song nas gshin rje gshed la sogs pa'i sbyor ba ldan pas skra bshig gcer bur phud de/khro bo'i gsang sngags stong rtsa brgyad bzlas na 'chi bar gdon mi za'o/ /dkyil 'khor gru gsum byas pa la sogs pas ni sbyin sreg bstan pa yin te gshin rje gshed kyi sbyor bas ba lang sha la sogs pa bsreg cing /oM hrIHSh+TIHzhes bya ba'i sngags kyis sbyar na 'grub par 'gyur ro/ /sha chen gyis zhes bya ba la'ang de bzhin du sbyar ro/ /dgra bo'i gzugs brnyan byas nas ni/ /bshang gci dag gi chos mchog gis/ /zhes bya ba la sogs pa yang de bzhin du sbyar ro/ /dgra bo'i gzugs brnyan byas nas ni//chu bo 'bab pa'i 'gram gnyis su/ /zhes bya ba la sogs pa ni ling ga gzir ba'i thabs yin te/ 'di'i sbyor ba ni chu 'gram gyi sa las ling ga byas te gdug pa las byung ba'i tsher ma 'am/ yang na sbrul gdug pa'i rus pa'i tsher mas ling ga la gseb cing oM hrIHSh+T-IHzhes pa'i sngags bskul tshig dang bcas pas ling ga la til 'bru tsam yang ma lus pa dgang bar bya'o zhes so//ske tshe lan tshwa zhes pa ni drag po spyi'i rdzas te/ de dag la sogs pa gzhan ni go sla'o/ /da ni las thams cad pa'i sngags kyis sbyar ba'i las bstan pa'i phyir de la 'di ni zhes bya ba la sogs pa gsungs te/de la sngags kyi phreng ba 'di ni las thams cad pa yin pa'i phyir kun du yang bzla bar bya'o/ /de nyid kyi yon tan nas blang ba'am yang na bsam gtan bya zhes gsungs te/ 'dod pa na spyod pa dang gzugs na spyod pa'i lha dag ste de dag kyang 'jig par 'gyur zhes bya ba'i don to//rdo rje sems dpa' khro bo che/ /zhes bya ba nas/ 'ug pa bya rog bya rgod dang / /ring du sgra 'byin wa rnams kyis/ /zhes bya ba'i bar du ni thams cad khro bo'i sprul pa'i cha lugs su sbyar bar bya'o/ /sbrul nag rab tu khro ba ni/ /zhes bya ba la sogs pa ni dug bskul ba'i cho ga yin te/'di ni sbrul rab tu gdug pa bsgrub bya'i dpral bar bsams na 'jig par 'gyur ba'i don to/ /kha cig na re dug nad na ba'i dpral bar sbrul bris te/ mdun du dgra'i ling ga cig byas la sbrul de'i khas nad pa'i dug thams cad bsdus nas gnas pa la sngags pa'i lag pas sbrul dang bcas par byabs te/mdun gyi ling ga la bstims na dug gis zin par 'gyur ro zhe'o/ /tho ba sta re la sogs pa ni sprul pa'i lag na thogs par sbyar ro/ /bsrung ba la sogs sngags rnams dang / /lha rnams kyang ni gnod par byed/ /ces bya ba ni dgra bo bsrung ba'i sngags pa dang lha yang 'chi bar 'gyur ro//rdo rje phung pos ji tsam du/ /zhes pa la sogs pa ni phung po'i tshogs su gnas pa'i phyir sems can dkyil 'khor la gnas pa yin te/ des bsad na mnyes par 'gyur ba yin no/ /de lta bu'i las bstan pa la ngo mtshar ba'i don gsungs pa ste/rnam par dag pa'i don la skye ba'i 'khrul par snang ba ni ngo mtshar che'o zhes pa'i don to/ /da ni dug sbyang ba la sogs pa bstan pa'i phyir ro/ /de la 'di ni las phran tshegs zhes bya ba la sogs pa gsungs te/ 'di'i sbyor ba ni rta mgrin gyi ting nge 'dzin du gnas pa'i dpral bar ji skad smos pa'i sbrul rdo rgyus sam sol bas bris te/de'i khar yi ge khaM bsams lce la hrIHbsams te/ de'i kha nas byung ba'i 'od zer gyis dug thams cad bsdus par bsams na dug thams cad 'byin par 'gyur ro/ /de bzhin du sdig pa dang nya khyi la sogs pa'i gzugs snga ma bzhin du bdag gi dpral bar bri ste zhes bya ba ni tha tshig go//lta ba rdo rje dug la sogs/ /zhes bya ba ni la sogs pa dug gtor ba'i ting nge 'dzin ni bdag rnam par snang mdzad du bsgoms pa'i thugs kar 'khor lo la gnas pa'i oM bsams pa'i 'od zer gyis dug thams cad gtor bar bsams na lta ba'i dug dang rdo rje'i dug la sogs pa thams cad 'pho bar 'gyur ro//hUM rdo rje chen po'i 'di zhes bya ba la sogs pa dug 'byin pa 'di ni bdag nyid sku gsung thugs dang ye shes sems dpa' dang bzhi bsgoms pa'i thugs kar hUM dkar po bzhi bsams pa las 'od 'phros pas dug thams cad dbyung bar bya'o//nye ba'i gso ba ni bdag gi thugs kar pad+ma dkar po bsgoms pa'i dbus su AHdkar po 'od lnga rdzogs par 'phro ba bsams te/ des dug bsdus pas nag po'i tshul du dbyung bar bya'o/ /kha cig na re pad+ma dang sa 'dzin tsam sku gsung thugs kyi so so nas yi ge gsum gyi sbyor ba bya'o zhes zer ro//nad thams cad gso ba ni dzi na dzika ces pa la sogs pa'i gsang sngags kyis sku gsung thugs kyi lhar bskyed de gsang sngags 'di rnams kyis bskul bas nad kyi bdag nyid spre'u 'am khyi gu lta bu lus las phyungs te/ 'khor lo'am rdo rje la sogs pas de dag phye mar brlag par bsgoms na 'grub par 'gyur ro/kha cig na re spre'u 'am khyi gu ni 'byung ba'i dpe yin te/ ji ltar spre'u 'am khyi gu khung nas 'dzul ba na chags thogs med par 'byung ba de bzhin du nad phyir 'byung ba'o zhes zer ro/ /lus dang ngag sems rdo rje la/ / sangs rgyas sprin dag rnam par bsam/ /zhes bya ba ni sku gsung thugs kyi lha bsgom pa'o/ /phyogs bcu'i sangs rgyas thams cad dang / /blo ldan rdo rje sems dpa' dag /de la khros par bsams na ni/ /'chi bar byed pa dam pa yin/ /zhes bya ba ni sangs rgyas thams cad log par rtog pa dag la khro bar bsam zhes bya ba ni/mdor na lha'i ting nge 'dzin nyid rang bzhin gyis khro ba yin pa'i phyir ro/ /bsam gtan sbyor ba 'di dag gis/ /las dang sdig las skyes pa med/ /ces bya ba ni de dag gis mi gos pa'o/ /bzlas pa'i sbyor bas nyin bdun du/ /zhes bya ba la sogs pas ni bdag sku gsung thugs kyi sbyor ba dang ldan pas brgya rtsa brgyad du gsang sngags bzla bar bya ste/nyi ma bdun du byas na 'grub par 'gyur ro/ /de bzhin du rang yi dam gyi lha'am bsam gtan gyi sbyor ba gang gis kyang 'grub par 'gyur ro zhes bya ba'i don to/ /da ni chos thams cad rmi lam lta bur bstan nas chos thams cad rang bzhin gyis rnam par dag pa yang sgyu ma tsam gyi rmi lam rnal 'byor pa brtson pa dang ldan pa rnams la rmi lam gyi mtshan nyid snang bar bstan pa'i phyir de nas ston pa rdo rje zhes bya ba la sogs pa gsungs so//de la gang la 'byung zhe na/ bsam gtan bzlas pa 'bad pa yi/ /zhes bya ba la sogs pa gsungs so/ /ji ltar snang zhe na/ sangs rgyas byang chub sems dpa' rnams/ /zhes bya ba la sogs pa ste/ 'di dag ni mtshan ma rab tu bstan pa yin no/ /lus dang ngag sems mthu las skyes//rgyan rnams thams cad rdzogs pa yi/ /zhes bya ba la sogs pa ni mtshan ma 'bring du bstan to/ /sna tshogs kun dga' skyed mos tshal/ /zhes bya ba la sogs pas ni tha ma bstan to/ /de la 'di ni rmi lam rnam par dpyad pa zhes bya ba la sogs pas ni rmi lam rang bzhin med par bstan to//sangs rgyas rnams kyi ngo mtshar ba/ /gsungs pa nam mkha' la ni bsgom/ /zhes bya ba'i tshig rnam par dag pa'i bdag nyid la dag pa'i rmi lam tsam du snang ba'o/ /de man chad ni nam mkha'i dpes rmi lam dang rmi lam 'dra ba'i chos thams cad rang bzhin med par bstan to/ / bcom ldan 'das de bzhin gshegs pa thams cad 'di lta ste/ dper na yid bzhin gyi nor bu rin po che ni zhes bya ba la sogs pa'i dpes ni chos thams cad sems la gnas par bstan pa'o/ /kha cig na re 'di ni chos ston pa'i dpe yin te/ ji ltar nor bu rin po che'i yon tan gang zag gi 'dod pa'i sems la gnas kyi rin po che la mi gnas pa de bzhin du de bzhin gshegs pas bstan pa'i dam chos rnams kyang zhu ba po'i shes pa'i rgyud la gnas pa yin no//de lta na ni rgyud dang ston pa tha dad par 'gyur ro zhe na de ni ma yin te/ me long dag la gzugs brnyan thams cad snang ba'am me long la mi gnas kyi khyad par de dag ni gzugs la gnas te/'on kyang gzugs brnyan dang me long ni tha dad pa ma yin la gzugs brnyan gang yin pa de yang me long gi chos yin no/ /de bzhin du ston pa dang rgyud kyang rig par bya'o zhes zer ro/ /nam mkha'i rjes su 'brang ba'i chos thams cad sangs rgyas kyi chos rnams rjes su dran pa ngo mtshar to zhes bya ba ni nam mkha'i rjes su 'brang ba ni nam mkha' dang mthun pa ste/rang bzhin med par 'jug pa'o/ /sangs rgyas kyi chos rnams kun nas dkris pa las 'grel pa'i mtshan nyid mthun par ngo mtshar to zhes bya ba'i don to/ /chos thams cad ni bdag gi lus dang ngag dang sems la gnas so zhes bya ba ni chos thams cad sems la snang ba yin te gud na med pa'i phyir ro//sems nam mkha' la gnas so zhes bya ba ni sems rang bzhin med pa'i phyir rten du bya ba med de/ de'i phyir nam mkha' la gnas so zhes bya'o/ /nam mkha' ni ci la yang mi gnas zhes bya ba ni de nyid kyi rang gi ngo bo brjod pa yin te nam mkha'i gnas tshol ba ma yin no//rang gi sems kyi chos kyi gnas sems shing cang mi smra bar 'khod par gyur to zhes bya ba ni bka' stsal pa'i don la gnas par 'gyur ba'o/ /le'u bco lnga pa'o// //da ni le'u bzhi par zhus pa'i dkyil 'khor bshad par bya'o zhes gsungs pa la/thugs kyi dkyil 'khor ni de nyid du bshad nas sku dang gsung gi dkyil 'khor bstan pa'i phyir/ de nas de bzhin gshegs pa rnams yang 'dus nas zhes bya ba la sogs pa gsungs te/ de la rdo rje tshig gis gsol ba btab nas zhes bya ba la/ji skad du gsol ba btab pa ni le'u bzhi pa nyid la ltos pa yin no/ /de nas sku yi dkyil 'khor mchog /thugs kyi rdo rje rab 'dra ba/ /zhes bya ba ni ji skad bstan pa'i thugs kyi dkyil 'khor dang bye brag med do zhes bya ba'i don to/ /kha cig na re 'di nyid sems kyis bsgoms pa dang rdul tshon du bye brag med do zhes zer ro//khru ni bcu drug tshad du bya/ /zhes bya ba ni 'khor yug tu'o/ /sngags rnams kyi ni gsang ba'i mchog /phyag na rdo rje'i gnas su bya/ /zhes bya ba ni ji ltar thugs kyi dkyil 'khor la phyag na rdo rje bris pa de'i gnas su 'dir rnam par snang mdzad bri ba'o//mi bskyod pa yang bri bar bya/ /zhes bya ba ni 'dir shar du ste/ /yang gi sgra ni gzhan bsdu ba yin gyi dbus kyi gnas la bri ba ni ma yin no/ /gzhan ni ji lta ba bzhin du bri bar bya'o/ /de la mchod pa ni/ rdo rje gsang ba las byung ba'i/ /mchod pa sngags shes pa yis bya//zhes bya ba la sogs pa ste/ 'di ni gsang ba gnyis su med pa'i sbyor ba'i mchod pa'o/ /bshang dang gci ba la sogs pa/ /bye brag tu ni nges par 'bul/ /zhes bya ba ni bdud rtsi lnga'i mchod pa ste/ gsang ba'i dkyil 'khor du bsngags pa yin no zhes bya ba'i don to//de ltar sku'i dkyil 'khor bshad nas/ gsung gi dkyil 'khor bshad pa'i phyir de nas zhes bya ba la sogs pa smos te/ de la/ thugs kyi rdo rje rab 'dra ba/ /zhes bya ba ni snga ma bzhin no/ /khru ni nyi shu'i tshad du bya/ /zhes pa'ang khor yug tu'o/ /tshe dpag med pa'i phyag rgya che//de yi dbus su gzhag par bya/ /zhes bya ba ni ji ltar sku'i dkyil 'khor du rnam par snang mdzad bzhag pa de bzhin du 'dir tshe dpag med bzhag pa'o/ /mchod pa yang sbyor ba'i mchod pa dang bdud rtsi lnga'i mchod pa ste snga ma bzhin no/ /gsung gi dkyil 'khor bshad nas sku gsung thugs rab tu gsang ba spyi'i dkyil 'khor gyi tshul bstan pa'i phyir//de nas zhes bya ba la sogs pa smos te/ de la/ rdo rje 'dzin mchog gang yin mchog /mchog gang yin pa zhes bya ba ni dkyil 'khor gyi gtso bo sku gsung thugs kyi lha gang gis byas pa de dkyil 'khor yang de'i dkyil 'khor du 'gyur ba'i don to//da ni dkyil 'khor thams cad kyi spyi'i thig gdab pa'i cho ga bstan pa'i phyir/ de nas zhes bya ba la sogs pa gsungs te/ de la 'khor lo 'byung ba zhes bya ba ni rdo rje thig nyid do/ /hUM oM AHswA hA zhes bya ba ni ye shes lnga'i thig gdab pa'i snying po'o/ /rdo rje'i thig ni gdab pa dang /tshon rtsi dag ni dgye ba dag /sngags kyi sems dpas mi bya ste/ 'dir sngags pa ting nge 'dzin dang ldan pa tha na yang ye shes bka' la dbang thob pa'i sngags kyi sems dpa' zhes bya ste/ des ni bdag nyid kyis dkyil 'khor bri bar mi bya ste/ g.yeng bar 'gyur ba'i phyir gong du 'byung ba bzhin du phra phab ste 'dir dkyil 'khor 'drir gzhug go zhes pa'o de nyid bstan pa'i phyir/de bas dam tshig tshul shes pas/ /zhes bya ba la sogs pa gsungs pa ste/ g.yeng bas byang chub la ring du 'gyur ba'i phyir dbab pa la sogs pa dam tshig gi tshul shes pa'i rnal 'byor pas sngags kyi lha rnams lus kyi gnas rnams su phab ste dkyil 'khor bri ba'i las brtag cing spyad par bya'o//de yang sku gsung thugs kyi bye brag gis rang gi rigs kyi lha dbab par bstan pa'i phyir/ rgyal chen rnam par snang mdzad dam/ yang na spyan ni dbab par bya/ zhes bya ba la sogs pa gsungs te/de la sku'i dkyil 'khor 'dri na dbab snod rnam par snang mdzad du bsgoms te/ de'i lus la rnam par snang mdzad spyan dang bcas pa phab la dkyil 'khor 'drir gzhug go zhes bya ba'i don to/ /de bzhin du gsung dang thugs dag la yang rdo rje chos dang rdo rje sems dpa' yum dang bcas pa phab ste dkyil 'khor bri bar bya'o//de ltar byas na yid la dbang ba nyid gshegs te sku gsung thugs kyi dngos grub stsol bar 'gyur ro zhes bya ba'i don to/ /kha cig na re 'dir ni ting nge 'dzin la mchog tu bsngags pa yin pas phyi'i bya ba la smad pa tsam yin te/ dbab pa yang dkyil 'khor byin gyis brlab pa yin no zhes zer ro//da ni sngags kyi sems dpas bya ba'i thabs bstan pa'i phyir/ sngags kyi sems dpas bya ba yang / /zhes bya ba la sogs pa gsungs te/ 'dir slob ma dbang bskur ba'am de kho na nyid kyi don bsgom pa yang rung ste/ sngags pas bya ba'i las ni dkyil 'khor ji lta ba bzhin du bskyed la/khro bo'i rgyal po rnams kyi ye shes kyi dkyil 'khor spyan drangs te/ zhar la 'ongs pa'i bgegs bskrad nas ji skad smos pa'i mchod pa rnams kyis mchod par bstan pa'i phyir/ /rdo rje gsang ba rmad po che/ /khro bo'i rgyal po bkug nas ni/ /zhes bya ba la sogs pa gsungs pa yin no//de la/ dam tshig mchod pa dus gsum du/ /zhes bya ba ni sbyor ba dang dam rdzas bdud rtsi lnga'i mchod pa'o/ /rmad du byung ba'i gtor ma dbul ba ni/ sha rnam pa lnga dang ldan pa'i gtor ma dkyil 'khor gyi lha la dbul lo/ /bshang dang gci dang 'bru mar dang //zhes bya ba la sogs pa'i mchod pa yang dam tshig gi mchod pa nyid do/ /thig gdab pa yi cho ga 'di/ /bdag nyid nam zhig spyod pa na/ /zhes bya ba ni gal te bdag nyid ye shes kyi rtsal dang mi ldan te/ las dang po pa dag yin na 'di ltar bya ste/ bla ma rnam par snang mdzad la sogs pa ji skad smos pa'i sku gsung thugs kyi lha ru bsgoms nas slob ma rdo rje las su dbang bskur te dag par bya'o//sangs rgyas rgyal po lnga rnams ni/ /rdo rje'i thig skud dag la dgod/ /ces pa ni thig byin gyis brlab pa'i cho ga bya ba'o/ /rnam pa nyi shu rtsa lngar ni/ /tshon rtsi dag kyang rnam par bsgom/ / zhes bya ba ni ye shes nyi shu rtsa lnga'i bye brag gis sa tshon byin gyis brlab pa yin no/ /kha cig na re 'di ni thig gi grangs yin te tshon yang 'di la ltos pa yin no zhes zer ro/ /sngags rnams thams cad nyid la yang / /rdo rje hUM ni bsgom par bya/ /zhes bya ba ni slob dpon rigs gang yang rung bar bsgoms pa'i dbu rgyan du rdo rje hUM bsgom pa'o//de'i gnas lngar yang rigs lnga bkod de bsgoms nas dkyil 'khor gyi las byas na byin gyis rlob par 'gyur ro/ /sngags kyi rgyud kyi bdag po ni/ /rdo rje sems dpa'i ting 'dzin gnas/ /zhags pa lcags kyu rdo rje bsnams//brtan pa'i blos ni brtag par bya/ /zhes bya ba ni mtshan ma brtag pa yin te/ de ltar bsgoms pa'i bla mas dkyil 'khor 'dri ba'i dus su byang shar du re khA mtho gang ba zhig bris te/ de bkab la de nas slob mas dkyil 'khor bri bla ma phyir byung ste bum pa byin gyis brlab pa bya'o//de nas nang du zhugs te re khA'i rtags blta bar bya ste/ ji ltar zhags pa la sogs par snang na dngos grub 'grub pa'i mtshan ma yin no/ /bshang gci dang 'bru mar la sogs pas sbyin sreg bya ba ni dbang rdzogs pa dang bya bar shes par bya'o/ /dbus su lha'i gzugs bsams te/ 'khor lo dag ni dbab par bya/ /zhes bya ba ni dkyil 'khor gyi bdag nyid gtso bo dbus su bsgoms te ye shes kyi dkyil 'khor dbab ste ji skad du gsungs pa'i sbyin sreg bya'o/ /rnam gcig tu lha'i gtso bo'i gzugs su bdag nyid bsgoms te/ lha'i 'khor lo thams cad bdag gi khar phab ste bdag nyid thabs dang shes rab kyi sbyor bas sangs rgyas rnams 'od du zhu ste rdo rje'i lam nas yum gyi mkha' la 'phros te gsang ba nang gi sbyin sreg bya'o//de nyid kyi phyir/ dbang po gnyis kyi dam tshig gi/ /sbyin sreg brgya rtsa brgyad du bya/ /zhes gsungs so/ /da ni slob ma dkyil 'khor du gzhug pa bstan pa'i phyir//rnam par snang mdzad sbyor ba yis/ /slob ma rdo rje las byung rnams/ /zhes bya ba la sogs pa gsungs te/ /'di'i sbyor ba ni slob ma rnam par snang mdzad du bsgoms pa'i gnas gsum du lha gsum bsgoms pa'i thugs kar yi ge AHbsgom ste de'i gnas gsum du sku gsung thugs kyi rang bzhin gyi rdo rje gzung bar bya'o//de ltar byas na/ rgyal chen rdo rje sems dpa' dang / /grags chen rnam par snang mdzad dag gi sku gsung thugs kyi byin rlabs stsol bar 'gyur ro/ /da ni dkyil 'khor du 'jug pa'i sngags bstan pa'i phyir a khaM bI ra hUM zhes smos te/ 'di ni dpa' bo chen po'i gsang sngags yin te/bdud thams cad yongs su 'joms pa'i bdag nyid do/ /rigs lnga'i snying po'o/ /da ni dbang bskur ba'i ting nge 'dzin bstan pa'i phyir/ de la zhes bya ba la sogs pa gsungs te/ de la/ sangs rgyas kun gyis nam mkha'i khams/ /yongs su gang bar rnam par bsgom//rdo rje rigs ni 'dzin pa yis/ /sil snyan spos kyi sprin rnams bsgom/ /zhes bya ba ni dbang bskur ba'i tshe nam mkha'i khams sangs rgyas dang byang chub sems dpa' dang / rigs kyi lha mo rnams kyis gang ste/ lha mo de dag gi phyag na mchod pa'i khyad par sna tshogs dang /ye shes kyi bdud rtsis bkang ba'i bum pa bsnams pa rnams kyis dbang bskur bar bsgom mo/ /rdo rje'i dam tshig gsum sngags kyis/ /yungs kar dag gis gdab par bya/ /zhes bya ba ni de'i tshe bar chad kyi bgegs bskrad pa'o/ /'di la bdud rtsi 'khyil ba'i sbyor ba shis so//de la de'i tshe na ni/ bdag nyid dbang bskur rab tu stsol/ /zhes bya ba ni de bzhin gshegs pa dang lha mo de dag nyid kyis dbang bskur bar mdzad pa'o/ /rdo rje sems dpa'i ting 'dzin gyis/ /yang na sangs rgyas bsgom par bya/ /zhes bya ba ni rdo rje slob dpon gyis rdo rje sems dpa' 'am sangs rgyas rnam par snang mdzad kyis bum pa gzung ba la sogs pa byas te dbang bskur ba'o//slob ma de bzhin blo brtan la/ /lus dang ngag sems rdo rje can/ /sngags shes pas ni dgod par bya/ /zhes bya ba ni slob ma rnam par snang mdzad du bsgoms pa'i lus la lha gsum dgod pa'o/ /sangs rgyas rnams ni thams cad kyi//rdo rje gsang ba gsum las byung / /khams gsum dag gis phyag byas pa'i/ /rdo rje dbang bskur chen po sbyin/ /zhes bya ba ni rdo rje'i dbang bskur ba thams cad la bla mas 'di smra bar bya'o/ /khyad par du ni phyir mi ldog pa'i dbang la sbyar bar bya'o/ /skabs 'dir ni bum pa'i dam tshig la sogs pa'i tshig gis bum pa dang dbu rgyan dang rdo rje dang /bdag po dang ming gi dbang bskur ba byas nas rdo rje'i dbang gi don gsungs par mngon no/ /byang chub rdo rje sangs rgyas la/ /mchod chen ji ltar bgyis pa bzhin/ /bdag kyang rab tu bsgral ba'i phyir/nam mkha'i rdo rje bdag la stsol/ /zhes bya ba ni gsang ba'i dbang bskur ba'i zhu ba gsol ba'i tshig ste/ byang chub rdo rje dus gsum gyi sangs rgyas rnams la thabs dang shes rab gsang ba'i bde ba'i mchod pa sngon ji ltar mdzad pa bzhin deng bdag kyang bde ba chen por bsgral ba'i slad du gsang ba'i nam mkha' na gnas pa'i mi gnyis pa gsang ba'i rdo rje byang chub sems kyi dbang bdag la stsol cig ces pa'o//rnam gcig tu nam mkha' ni bdag gi kha ste/ der gsang ba'i rdo rje nas babs pa'i byang chub sems kyi dbang stsol cig pa'o/ /de nas bla mas gsang ba'i yum la sbyor ba mdzad pa'i byang chub kyi sems kyi dbang sbyin par bya'o//lha yi gzugs kyi sbyor ba yis/ /snying gar bdag po gzhag par bya/ /zhes bya ba ni me tog phog pa'i ye shes kyi lha thugs kar bstim pa'o/ /'di dang dkyil 'khor bstan pa ni gdong g.yogs dgrol ba'i dus su sbyor bar bya'o/ / sngags kyi yi ge rnams kyang sbyin/ /zhes bya ba ni yid dam dpog pa'o/ /sangs rgyas kun gyis gsungs pa yi/ /dam tshig gsang ba bsgrags par bya/ /zhes bya ba ni gsang ba'i dbang bskur ba'i sngon du rdo rje brtul zhugs kyi dbang la bstan par bya'o/ /sngags kyis bskul ba smras pa yis//de la sngags kyang sbyin par bya/ /zhes bya ba ni sngags kyis bskul ba ni gsang ba smras pa'o/ /de la sngags kyang sbyin par bya/ /zhes bya ba ni gsang ba smras pa de la gsang ba'i dbang bskur ba sbyin pa'o/ /sngags kyi rgyal po'i dam tshig ni/ /zhes bya ba ni shes rab kyi dbang ngo / / gsang ba byin pa bstan par bya/ /zhes bya ba ni gsang ba'i dbang bskur ba byin la de nas shes rab ye shes bstan te slob ma nyid kyi gsang ba'i ske la mi rtog pa'i ye shes rtag tu bzhugs pa'o/ /khu ba'am yang na bshang ba'ang rung / /cho ga bzhin du bsngags nas ni/ /rdo rje blos ni bza' bar bya/ /zhes bya ba ni dbang bskur ba'i tshe bdud rtsi ri lu gsang ba'i b+ha ga la bzhag ste/de slob mas su pra tiSh+Tha badzra ho zhes bya ba'i tshig gis len pa ste le'u dang por bstan pa bzhin no/ /rnam pa 'di bzhi gsang chen te/ /rdo rje can ni kun gyi gsang / /zhes bya ba ni gong du bstan pa'i gsang ba smra ba dang / gsang ba byin pa dang / gsang ba bstan pa dang / gsang ba bza' ba ste/ 'di bzhin sangs rgyas thams cad kyi gsang bar bstan to/ /sngags kyi 'khor lo bud med gzugs/ /sems can don phyir gnas pa yi/ /zhes bya ba ni 'gro ba 'dul ba'i phyir bud med kyi phyag rgyar bstan pa ste/ ji skad du/sa ma yo ga las/ 'jig rten gsum 'dir bud med 'dis/ /gus par byed pa dag tu 'gyur/ /zhes bya ba lta bu'o/ /glang po'i sha dang rta yi sha /zhes bya ba la sogs pas ni mchod pa dang bza' ba'i rdzas bstan to/ /nyin re rdo rje slob ma la/ /mkhas pas dkyil 'khor bstan par bya//zhes bya ba ni ji srid du slob mas khong du ma chud pa de srid du bstan pa'o/ /bshang gci sha yi bya ba dang / /rdo rje gsang ba'i tshig dag gis/ /sngags rnams kun gyi yi ge oM/ /bsgoms na de ma thag tu 'bar/ /zhes bya ba ni gong du bstan pa'i dam rdzas byin gyis brlab pa yin te/de yan chad ni dkyil 'khor dang dbang bskur ba'i bya ba bstan pa yin no/ /da ni de lta bu'i dbang dang ldan pa des bsgrub par bya ba bstan te gong du bstan pa'i bsgrub pa dang / phrin las thams cad kyang dbang thob nas bya ba kho na yin no/ /de la dngos grub thams cad bsgrub pa dang / /dam tshig chen po bsgrub pa dang /sangs rgyas byang chub nyid dag kyang / nan tan du ni bsgrub par bya/ /zhes gsungs pa ni dngos grub thams cad kyi spyi'i tshul te dam tshig chen po'i bsgrub pa ni sku gsung thugs kyi bdag nyid do/ /mi snang stobs dang brtson 'grus dang / /zhes bya ba la sogs pa ni thun mong gi dngos grub po//bshang gci dang ni sha chen rnams/ /zhes bya ba la sogs pa ni gong du bstan pa'i ban+d+ha 'dzag pa'i sbyor ba bstan pa nyid do/ /rdo rje mngag gzhug sgrub pa ni/ /bdag nyid rang gi lha'i sbyor ba dang ldan pas mdun gyi nam mkha' la yi ge hrIHlas 'od 'phros pa'i sangs rgyas rnams kyis nam mkha'i khams gang bar bsgoms te/de dag thams cad kyi sku gsung thugs rnams bdag gi sku gsung thugs kyi gsang sngags a khaM tha zhes bya bas bskul te/ bdag gi sku gsung thugs la bstims te dbang du bya'o zhes bya ba'i don to//de las 'phro ba dang dgug pa 'og nas 'byung ba dag kyang ji lta ba'i sbyor bas bya'o/ /de la/ hrIHni 'bar ba'i 'od bzang po/ /nam mkha' rdo rje'i dbus su bsam/ /zhes bya ba ni chos kyi 'byung gnas kyi dbus su ji lta ba'i dkyil 'khor bsams te/ de'i nam mkha' la yi ge hrIH'bar ba'i 'od can bsam pa'o//hrIHde las 'phros pa'i sangs rgyas kun gyis nam mkha'i khams yongs su gang bar bsgoms te/ de'i sku gsung thugs kyi gnas su bskul lo zhes bya'o/ /a khaM tha ni sku gsung thugs kyi snying po ste/ lha'i sku gsung thugs kyi gnas bskul ba'o/ /de la bdag gi sku gsung thugs kyi gnas ji ltar bsgom zhe na/phyag na rdo rje gzugs chen dang / /phyag na pad+ma'i 'od chen dang / /gzhan gyis mi thub gzugs chen dag /bsgoms nas gsang ba'i gnas su bzhag /ces gsungs pa ste de la phyag na rdo rje ni thugs kyi sprul pa'o/ /de bzhin du phyag na pad+mo dang gzhan gyis mi thub pa yang gsung dang sku'i sprul pa ste/de dag bsgoms nas gsang ba sku gsung thugs kyi gnas su gzhag go/ /de la sku gsung thugs kyi gnas ni/ nyi ma'i dkyil 'khor dbus gnas par/ /mi bskyod pa ni rab tu brtag /ces pa la sogs pa ste/ de la/ 'od chen sdug bsngal chen po yis/ /thams cad snying pos bskul bar bya/ /zhes bya ba ni 'bad pa chen po dang ldan pas snying po'i 'od zer gyis bskul bar bya'o zhes bya ba'i tha tshig go/ /de la bskul ba nyid gang zhe na/ oM mdung rtse che dang rdo rje che/ /zhes bya ba la sogs pa ste/ 'di dag gis bskul te dgug par bya'o zhes bya ba'i don to/ /de gnas gang du bsgrub ce na/ /nyams dga' ba yi rigs dag dang / /zhes bya ba la sogs pa smos te/ gnas 'di dag tu bsgrubs na de bzhin gshegs pa ri rab kyi rdul phra mo snyed dang lhan cig 'khod pa la sogs pa'i dngos grub tu 'gyur ro zhes pa'i don to//rdo rje sems dpa' ye shes che/ /de bzhin gsung gi rdo rje 'dzin/ /rdo rje sku chen bzhag nas ni/ /mngag gzhug pa dag rtag tu bskul/ /zhes bya ba ni mdor bsdus pa ste/ mdor na sku gsung thugs kyi lha bsgoms te rdo rje mngag gzhug bsgrub po zhes bya ba'i tha tshig go//de la 'khor lo bzhi pa zhes bya ba'i sngags kyi dam tshig ni dam tshig gtong ba la sogs pa ste/ 'di'i don ni sku gsung thugs kyi lha la gzhug cing bstim pa'i phyag rgya yin te/ de la dam tshig gtong ba ni rdo rje kyo ba'i khyad par spro ba'o/ /dam tshig bskul ba ni a khaM tha zhes pa'i sku gsung thugs kyi yi ges sku gsung thugs kyi snying po skul bar byed pa'o//dam tshig smra ba ni gsang sngags kyi tshig gis de bzhin gshegs pa rnams snyan gsan te/ gshegs shig gshegs shig ces 'bod pa'i tshig go/ /dam tshig 'ching ba ni lha de rnams dam tshig gis bkug ste bdag gi lus la bsdus nas gong bu'i tshul du dbyer med par byas pa'o//de lta bu'i ngo bor gyur na/ nam mkha'i dbyings chen dag pa ni/ /chos rnams thams cad rnam par spangs/ /gong bu'i tshul bzhin byed pa ni/ /rdo rje rmad du byung ba'i gzugs/ /zhes pa ste rnam par dag pa las dbyer med pa'i skur gyur pa'o//da ni dbang du bya ba bstan pa'i phyir/ /sangs rgyas rdo rje sems dpa' rung / /gal te dbang du byed 'dod na/ /zhes bya ba la sogs pa gsungs te/ 'di'i sbyor ba ni/ rdo rje 'jam dpal la sogs pa'i ting nge 'dzin du bsgoms te/ 'bar ba'i dbu rgyan lnga la chags pa'i bdag nyid kyi mda' lnga bsams te/lcags kyus nam mkha' gang ba'i sangs rgyas la sogs pa rnams bkug nas mda' la bstims te/ 'di lta bu'i sbyor bas khro bor gyur pa'i ting nge 'dzin gyis/ gnas lngar bsdu zhing bsgrub par bya/ /yang sngags shing brgyal bar bsgoms na gang yang rung ste dbang du 'gyur ro zhes pa'i don to//da ni bdud rtsi byin gyis brlab pa bstan te/ sangs rgyas dkyil 'khor mchog dag ni/ /rdo rje nam mkha'i dbus bsam pa/ /zhes bya ba la sogs pa ni bdud rtsi byin gyis brlab pa'i dus su gang na bdud rtsi gnas pa de'i nam mkha' la rdo rje me shel gyi kha dog 'dra ba yongs su rdzogs pa ye shes kyi 'od zer 'bar ba yi ge hUM gis byin gyis brlabs par bsgoms pa ni rdo rje mtshan la sogs pa hUM zhes pa yin no//rdo rje gsum la sogs pa bsgom/ /zhes bya ba ni de'i 'og ban+d+ha'i nang du yi ge oM gyis byin gyis brlab pa ste de nyid kyi phyir/oM ni mig tu bsams nas ni/ /zhes smos pa yin no/ /'og tu ni a las byung ba'i pad+ma ban+d+ha ste de ltar sku gsung thugs gsum tshang bar bsgoms pas/ 'di dag cho ga bzhin du bsten/ /zhes bya ba yin no/ /mtshan ma kun gyi gzugs dag ni/ / zhes bya ba ni dang por rlung gi steng du me de'i steng du bdud rtsi ban+d+ha ste 'di dag kyang tshul gsum rdo rje sku gsung thugs su blta bar bya'o zhes pa'i don to/ /de ltar brlabs pa de ji ltar bza' zhe na/ ba ni kha yi nang du bsam/ /oM ni lce la 'dug par bsam/ /zhes bya ba smos te 'di lta bu'i sbyor bas bza' 'o zhes pa'i don to//kha cig na re/ /sangs rgyas dkyil 'khor mchog dag ni/ /zhes bya ba nas/ tshul gsum rdo rje can du mthong / /zhes bya ba'i bar ni lta ba'i ting nge 'dzin yin te nam mkha'i dbyings chos kyi 'byung gnas su sangs rgyas kyi dkyil 'khor thams cad thugs kar rdo rje hUM gis mtshan pa bsam pa la sogs te/de bzhin du gsung dang sku'i mtshan mas mtshan par bsgoms la/ rnal 'byor pa'i lha'i sbyor ba dang ldan pa'i mig la yi ge oM bsgoms te/ ji lta ba bzhin du bltas na sangs rgyas rnams kyi sku gsung thugs kyi mtshan mas mtshan pa'i gzugs dag de bzhin du sku gsung thugs rdo rje'i tshul can du mthong bar 'gyur ro//bkres skom la sogs zhes bya ba man chad ni za ba'i ting nge 'dzin yin no/ /da ni sangs rgyas dkyil 'khor 'od bzang po/ /zhes bya ba la sogs pa ni nyan pa'i ting nge 'dzin yin no zhes zer ro/ /de la nyan pa'i tshul ni sku gsung thugs kyi sbyor ba ji lta ba bzhin du 'dod do//dpa' bo rlabs kyi phreng ba'i ting nge 'dzin ni tshig nyan gzhug pa'i sbyor ba ste/ 'di ni snga ma dang mthun pa ma yin no/ /lha mo tsun de ma sgrub pa ni ji ltar smos pa'i cha lugs kyis bsgoms te nam mkha'i khams kyang lha mo tsun des gang bar bsgoms nas bdag gi lus la bsdus te de la rdo rje sems dpa'i snying po hUM bkod na 'grub par 'gyur ro//kha cig ni 'di yang nor sgrub par 'dod do/ /dzam+b+ha la sgrub pa ni de nyid ji bzhin du byas te/ 'dir/ rdo rje bdud rtsi'i chu dag ni/ /de yi bsam gtan gnas na 'dug /ces bya ba ni dzam+b+ha la'i dam rdzas chu yin te/de bas na dzam+b+ha la'i bsam gtan la 'dug pas bdud rtsi chu dbul bar bya'o/ /kha cig na re/ grub na rdo rje chu thob po/ /zhes zer ro gnod sbyin mo sgrub pa ni snga ma bzhin du byas te khyad par du gshin rje gshed po dbu rgyan du bsgom mo/ /rnam gcig tu gshin rje gshed kyi sbyor bas gnod sbyin mo bsgrub par bya'o//gzhan ni de dag gi yon tan du shes par bya'o/ /da ni rig pa'i brtul zhugs bstan pa'i phyir de nas bcom ldan 'das phyag na rdo rje zhes bya ba la sogs pa gsungs te/ de la/ sku gsung thugs kyi rdo rje rnams/ /lus dang ngag sems bsgom pa ni//de ltar gzugs kyi don des ni/ /de yi sku nyid grub par 'gyur/ /zhes bya ba brtul zhugs can bstan pa yin te/ 'di ltar sku gsung thugs rdo rje lus ngag sems bsgoms pas de nyid du 'gyur ba'o/ /de'i brtul zhugs ni yum ste/ gsang ba'i dbang bskur ba'i yum dang shes rab ye shes kyi yum mo//de nyid bstan pa'i phyir/ thor tshugs dbu rgyan can gyi gzugs/ /chen po kha dog dkar po 'dra/ /sngags kyi sdom pas kun du bsdams/ /zhes pa la sogs pa gsungs te/ mtshan nyid 'di dag dang ldan pa'i rig ma rnyed nas/ spyan gyi go 'phang longs spyod cing //rdo rje mtshan mas bsgom par bya/ /zhes bya ba ni byin gyis brlab pa ste gsang ba'i dbang gi yum mo/ /phyag rgya sngags kyi cho ga zhes bya ba la sogs pa ni shes rab ye shes kyi yum ste/ 'di ni man ngag thams cad legs par bslabs pa des shes rab ye shes sbyin pa'i phyir de skad ces bya ba la sogs pa smos pa yin no//zla ba drug gis zhes bya ba ni ye shes kyi don rtag pa ste yum de las yang dag pa'i ye shes rnyed nas zla ba drug tu gnas na 'dug pa'i don to/ /rtag tu gzhan gyi nor brku ba la sogs pa ni sku gsung thugs kyi sdom pa ste de la nor brku ba ni byang chub kyi sems bza' ba'o//gsod pa rmad du byung ba ni zos pas rnam par mi rtog pa'i ye shes rnyed pa'o/ /'dod chags rdo rje gnas spyad pa ni rig ma dang gnyis su med par gnas pa'o/ /de lta bu ni sdom pa ste/ de la gnas pa ni sdom pas bsdams pa zhes bya'o//'dod chags rdo rje kyo ba mo/ /zhes bya ba la sogs pas ni sku gsung thugs kyi yum bstan te/ de la rdo rje kyo ba mo zhes bya ba ni sku'i ste gsang ba'i dbang gi yum mo/ /yon tan lug rgyud mA ma kI/ /zhes bya ba ni thugs kyi bdag nyid de shes rab kyi dbang gi'o/ /lu gu rgyud ces bya ba ni 'brel ba'i don te/gsang ba'i dbang gi yum las byang chub kyi sems zos te mi rtog pa skyes pa dang shes rab kyi dbang las byang chub sems kyi bde ba nyams su myong ste/ mi rtog pa'i ye shes skyes pa'ang ngo bo nyid 'dra ba'i phyir ro/ /ngag gi rdo rje mchog sems la/ /zhes pa ni gsung gi yum yin te/'di yang shes rab kyi dbang gi bdag nyid yin pa'o/ /de rnams la/ 'di ni rnam pa kun rig ma/ /zhes bya ba ni mi rtog pa skye ba'i yum du gyur pa'o/ /de ltar na/ rdo rje can gyi mi 'gyur gsum/ /zhes gsungs pa yin no de dag kyang rang grub pa'i phyag rgya btsal ba'am/ma rnyed na sems kyis bsam par bya ste de ltar byas na dngos grub tu 'gyur ro zhes pa'i don to/ /gzhan yang bsod snyoms blang ba la sogs pa'i brtul zhugs spyad par bya'o zhes pa'i don to/ /de dag thams cad kyi sku gsung thugs rdo rje las byung ba'i dkyil 'khor yang dag par rdzogs pa'i byang chub nyid la 'jug par byed pa'o//le'u bcu drug pa'o// //le'u bcu bdun pa las bstod pa bstan pa 'di ni dkyil 'khor ram ting nge 'dzin bsgom pa dag tu yang kun du sbyar bar bya'o/ /de la 'di'i rang bzhin ni bcom ldan 'das rdo rje 'dzin chen po de nyid rigs lnga'i ngo bo nyid du gnas pa yin la/rigs de dag kyang rigs dang ye shes dang rang bzhin dang phyag rgya dang mi rnams kyi sgo nas bstod par shes par bya'o/ /de la/ e ma'o sangs rgyas thams cad kyi/ /zhes bya ba la sogs pa ni chos thams cad rnam par dag pa'i rang bzhin las so so'i dam tshig bsrung ba bstan pa'o//de la sku'i dam tshig ni/ sangs rgyas ye shes rgya mtsho yis/ /dam tshig bzhi ni bsrung bar bya/ /sha chen rtag tu bza' bar bya/ /zhes gsungs te/ de la dam tshig bzhi ni srog gcod pa dang ma byin par blang ba dang brdzun dang 'dod pa spyod pa ste bzhi'o/ / de dag kyang ji lta ba'i man ngag bzhin du bsrung ba'o/ /de bzhin du 'og ma rnams la yang sbyar ro/ /'di gsum ni zas kyis phye ba ste/ sha chen za ba dang bshang gci za ba dang khu khrag za ba ste bdud rtsi rnam pa lnga sku gsung thugs su spyad pa yin te/ dam tshig 'di dag ni rnal 'byor pas sku gsung thugs kyi dngos grub bsgrub pa'i dus su 'di dag la bya'o//rang sangs rgyas kyi dam tshig ni/ /de dag lus kyis ston pa yin/ /zhes pa la sogs pa ste/ rang sangs rgyas ni lus kyi sgo nas chos ston gyi ngag gis ma yin te/ de lta bu'i dam tshig ni sku rdo rje gnas pa ste/de lta bus sems can 'dren pa'o/ /dam tshig 'di dag kyang rang rang gi dam tshig rnams kyang ji ltar smos pa de bzhin yin te/ ston pas kyang de dag dang mthun par ston zhing don mdzad do zhes spyir shes par bya'o/ /nyan thos kyi dam tshig ni/ /dge ba bcu yi chos rnams ni//zhes bya ba la sogs pa ste/ 'di ltar dge ba bcu'i chos rnams ni byed cing spyod pa nyon mongs pa can ma yin pa'i ma rig pa'i sa la gnas pa ye shes spangs pa thabs dang shes rab kyi spyod pa rlabs po che la ma mos pas mos pa dman pa'o/ /tshangs pa'i dam tshig ni bsam gtan gyi ting nge 'dzin la gnas pas lhag mthong gi shes rab dang bral ba'i phyir gti mug gi las kyi lam rnam pa gang rnams byed pa'o//'dod pa'i yon tan la dgra dang zug rngur lta bas 'jigs shing mi sdug pa'o/ /de lta bu'i thabs kyis 'dren pas byang chub ston pas te de lta bu'i sku rdo rje'o//kha cig na re tshangs pa zhes smos pa ni sku rdo rje'i ming gi rnam grangs te/ 'di ltar rnam par snang mdzad kyi sbyor bas nyan thos zhi ba phyogs gcig la gnas pa 'khor ba dgra dang tsher mar lta ba rnams la sangs rgyas kyi sbyor bas bskul nas rdzogs pa'i byang chub ston pas te 'og ma rnams la yang de bzhin du sbyar ro zhes bya bar 'dod do//drang ba'i dam tshig ni/ khams gsum gyi bud med lus ngag yid gsum la gnas shing byung ba rnams sku gsung thugs kyi ngo bor sbyar bar bya'o/ /biSh+Nu'i dam tshig ni sems can rnams sku gsung thugs kyi ngo bor sgrol ba'o//mdor na 'di gsum ni sku gsung thugs kyi sgo nas 'gro ba'i don byed pa'i tshul lo/ /gnod sbyin dang gnod sbyin mo'i dam tshig ni sha dang bud med la dga' ba ste/ 'di ni sgrub pa 'am de dag gi don bya na yang de ltar bya ste 'og ma kun la yang de bzhin du sbyar ro//glu yi dam tshig bstan pa la/ /gzhan du nges par nyon mongs 'gyur/ /zhes bya ba ni dam tshig ltar ma byas na 'dul bar mi 'gyur ba ste kun la yang de bzhin du sbyar ro/ /sems can kun la phan 'dod pa'i/ /dam tshig ma lus spyad par bya/ /zhes bya ba ni 'gro ba drang ba'i thabs su so so'i dam tshig bstan pa ste 'di dag gis drang zhing gdul bar bya zhes bya ba'i don to//de dag ci'i phyir zhe na/ ngo bo nyid kyis de dag dga' ba yin te/ de'i phyir/ ngo bo nyid kyis kun 'byung ba/ khams gsum dag na rnam par spyod/ /ces gsungs so/ /da ni sku gsung thugs kyi dam tshig re re la yang sku gsung thugs kyi dbye ba dang ldan par ston te/lus kyi rnam gsum thams cad ni/ /rdo rje 'dra bar rab tu bya/ /zhes bya ba la sogs pa gsungs te/ ji ltar lus kyi las sam bdag nyid rnam pa gsum ni dug gsum gyi bdag nyid yin la/ de nyid sku gsung thugs kyi ngo bo yin pas sku'i bdag nyid kyi sku gsung thugs te/ngag dang yid la yang de bzhin du sbyar bar bya'o/ /da ni sku gsung thugs kyi sdom pa dang ldan pa des gang la yang phyag mi btsal bar bstan te/ sangs rgyas byang chub sems dpa' dang / /rang rgyal nyan thos de bzhin te//sku gsung thugs su sbyor ba na/ /phyag 'tshal na ni ma rungs 'gyur/ /zhes gsungs pa yin no/ /rdo rje bsam gtan gyi sbyor ba ni rdo rje sems dpa'i sku gsung thugs rdo rje la rdo rje bsgoms nas gsang sngags bzlas so zhes bya ba'i don to/ /gsang sngags de yang gang gis ji ltar bya zhe na/sems can khams rnams mdo ru ni/ /bsam gtan rdo rjes bskul bar bya/ /rdo rje gsum gyis phyag 'tshal mchog /dam tshig rdo rje las byung ba'o/ /zhes gsungs te de la gang bskul zhe na/ sems can rnams zhes smos te/ sku gsung thugs kyi bdag nyid thams cad bskul bar bya'o//gang gis she na/ bsam gtan rdo rje zhes smos te/ gong du bstan pa'i bsam gtan rdo rje nyid kyis so/ /gsang sngags gang gis she na/ rdo rje gsum gyis phyag 'tshal mchog /ces bya ste/ sku gsung thugs kyi bdag nyid kyi yi ge oM gyis bskul te/ de'i sku gsung thugs nyid las byung ba'i phyir dam tshig rdo rje las byung ba'o zhes smos pa yin no//bsnyen sgrub bzhi yi sdom pa ni/ /rdo rje bshang gcis nam mkha'i dbyings/ /zhes bya ba la sogs pa gsungs te/ 'di'i don ni bsnyen sgrub bzhi'i ting nge 'dzin dang ldan pa na bdud rtsi lnga dang ldan pas mchod pa'i sdom pa dang ldan par bya ba nyid do//mi snang ba yi dam tshig ni/ /dus bzhir ji ltar cho ga bzhin/ /zhes gsungs te/ 'dir ting nge 'dzin gyis shes rab ma bskyed nas de dang rig pa'i brtul zhugs spyod cing byang chub sems kyi rdzas 'phrog pa'o/ /de la mi snang ba zhes smos pa ni sba bar bya ba'i brda tshig ste lha mo nyid la bya'o//rnam gcig tu/ yang na rdzas kyang rtag tu dbrog /ces bya ba ni ting nge 'dzin gyis bskyed pa'i shes rab las gzhan pa rang bzhin gyis grub pa'i phyag rgya dngos btsal ba'o/ /nam mkha'i rig 'dzin gyi dam tshig ni dbu rgyan bsam pa ste/ rgyas btab pa ni rig pa 'dzin pa'i phyir ro/ /sngags 'chang las dang po pa'i dam tshig ni/ lus kyi rdo rje kha zas dang / /phyi rol rdo rje 'dzin pa dang / /rdo rje chos la rtag par ni/ /sngags ston cho ga spyad par bya/ /zhes bya ba gsungs te/ de la lus kyi rdo rje kha zas la spyad pa dang / phyi rol rdo rje 'dzin pa la spyad pa dang /rdo rje chos la spyod pa ni rtag tu sngags ston pa'i cho ga bya'o zhes pa'i don te/ de la lus kyi rdo rje kha zas ni zas te 'di dag la bdud rtsi'i ting nge 'dzin gyi cho gas spyad par bya'o/ /phyi rol rdo rje 'dzin pa ni phyi rol gyi 'dod pa'i yon tan lnga la rdo rje 'dzin gyi rang bzhin gyi lhar brtags te spyad pa dang /rdo rje chos te shes rab kyi bdag nyid la ji lta ba'i cho gas byin gyis brlab cing spyad pa yin te/ de ltar sku gsung thugs su goms par bya ba ni las dang po pa'i dam tshig yin no/ /kha cig na re lus kyi rdo rje kha zas ni byin gyis brlabs pa'i zas dngos so//phyi rol rdo rje 'dzin pa zhes bya ba ni ban+d+ha'i phyi rol na yod pa'i rdo rje hUM gis mtshan pa'o/ /rdo rje chos la zhes bya ba ni ban+d+ha'i 'og na gnas pa'i a dang me dang rlung la sogs pa ste/ de lta bu'i rang bzhin de la rlung gis me sbar des ban+d+ha'i bdud rtsi dngos gzhi bsregs hUM gis rdo rje las byang chub kyi sems byung ba oM du bsdus te ban+d+har thim pas bdud rtsir byin gyis brlabs pa la ni/sngags ston cho ga spyad par bya'o/ /zhes zer ro/ de skad ces bka' stsal nas cang mi gsung bar gyur pa dang / byang chub sems dpa' rnams kyis cang mi gsung ba'i don zhus pa la/de bzhin gshegs pa thams cad kyis byang chub sems dpa' rnams la/ ston pa cang mi gsung ba'i dgongs pa bka' stsal te brjod du med pa'i don la brjod na log par rtog pa 'dzin pa'i gnas su gyur pas mi gsung ba nyid kyi sgo nas bstan to snyam du dgongs pa yin no//de nas byang chub sems dpa' rnams kyis 'di skad du don la phyin ci log tu rtog par dogs pa mi mdzad par bka' stsal tu gsol/ de ci'i slad du zhe na/ tshig 'di ni don gyi rjes su 'brang ba'i phyir ro/ /bka' stsal pa yang ci'i slad du zhe na/ tshangs pa la sogs pa mngon par shes pa'i ye shes dang ni ldan/chos thams cad kyi ngo bo nyid ji lta ba ni mi shes pa rnams 'di snyam du rtog ste ci de bzhin gshegs pa'i chos thams cad kyi ngo bo nyid mngon par mkhyen nas bka' stsal lam/ 'on te mi mkhyen na bka' mi stsal snyam du rtog pa srid pas de'i phyir bka' stsal du gsol zhes zhus pa la/de bzhin gshegs pa rnams kyi gsang ba'i yi ge ni mi mkhyen pa nyid yin te shes su med pa'i phyir zhes gsungs so/ /kha cig na re shes nas gsang ba'i yi ge ngo bo yod par 'chad dam med par 'chad ces rtog par 'gyur bas ngo bo nyid mi shes pa'i phyir 'di'i ngo bo nyid shes par mdzad du gsol zhes zhus pa la/de dag ni nged kyis kyang mi shes te/ shes su med pa'i phyir ro zhes zer ro/ /de nas ston pa rdo rje 'dzin/ /sangs rgyas kun gyis phyag byas nas/ /zhes bya bas ni gsang sngags kyi rig pa'i skyes bu bsgom par zhu ba phul ba'o//de nas bka' stsal pa ni/ mkha' dbyings 'khor lo'i dbus gnas par/ /sangs rgyas dkyil 'khor bsgom par bya/ /zhes bya ba la sogs pa gsungs pa ste/ 'di ni rgyas btab pa'i sbyor ba ste bsgoms na dngos grub 'grub pa nyid du bstan pa yin te/de la 'di'i tshul ni nam mkha'i dbus su dkyil 'khor rdzogs par bsgoms te/ bdag nyid dkyil 'khor gyi gtso bo sku rdo rje zhal gsum rnam par g.yo ba phyag na rdo rje dang 'khor lo dang pad+ma dang rin po che dang ral gri dang dril bu bsnams pa bsgoms te/ spyi bor rdo rje dbu rgyan gyis rgyas btab par bsgoms na byang chub myur du thob par 'gyur te/de bzhin du lha thams cad la yang rang gi rigs kyi dbu rgyan gyis mtshan par bsgoms na dngos grub tu 'gyur gyi rgyas ma btab na ni dngos grub tu mi 'gyur ba'i don to/ /thabs dang shes rab kyi sbyor bas rgyal po mnyes par byas na sku gsung thugs kyis mtshan pa'i rgyal ba khyu mchog rnams mnyes par 'gyur ba ni sbyor ba'i mchod pa'o//rang gi lus ngag sems rdo rje la lha'i sku gsung thugs phyag rgya'i don cho ga bzhin du brtags shing bsgoms na/ de'i chos nyid kyis sangs rgyas thob po zhes bya ba ni rdo rje gsang ba bsgrub pa'i gtan tshigs so//byang chub don du gnyer bar 'dod na lag pa'i phyag rgya spangs te/ sku gsung thugs kyi ting nge 'dzin gyis grub par 'gyur ba las ni sangs rgyas mi 'da'o zhes bya ba ni ting nge 'dzin nyid bsngags par bstan pa'o/ /sku gsung thugs kyi dam tshig mi smad par bstan pa ni ji skad smos pa bzhin du dang du blang zhing tshig tsam du yang mi smad par bstan te tshul ni sngar bzhin no//thugs kyi dam tshig mgu zhing tshim pa nyid du bya zhes bya ba ni gsad pa nyid du'o/ /mdor na phung po lnga rnams ni/ /sangs rgyas lnga ru rab tu grags/ /zhes bya ba la sogs pas ni phung po dang khams dang skye mched rnam par dag pa'i bdag nyid bstan te/de la/ mkha' dbyings rdo rje'i dam tshig ni/ /rdo rje 'dzin pa de nyid yin/ /zhes bya ba ni nam mkha' rdo rje 'dzin nyid du bstan pa ste/ 'dir le'u dang po nas/ nam mkha' rdo rje byang chub sems dpa' zhes 'khor du bstan pa ni 'gal lo zhe na/ le'u dang po'i skabs su ni kun du bzang mo nam mkha'i rang bzhin yin pas 'khor du smos pa ni 'gal ba med la/ de nam mkha' gnas kyi ngo bo nyid yin pas phyag rgyar bkod pa ni med do/ /'dir ni rdo rje 'dzin pa'i rang bzhin du bstan pa yang de'i rang bzhin nyid yin te/'di la chos can gcig pa'i rtog pa mi bya ste/ gang yang de bzhin gshegs pa ni rdzas kyi chos kho na la nges par gnas pa ni med de phung po'i lha dang skye mched kyi lha dang 'byung ba'i lha dag yin no/ /kha cig na re nam mkha' la yang chos can dang chos nyid du btags nas dbye ba byas te 'di nyid kyi bye brag yod do zhes zer ro//don du ni btags nas bye brag tu byas pa la dngos por grub pa ni ngo bo nyid kyis med pa yin no/ /de dag man chad ni go sla bas ma bshad do/ /kun 'byung ba zhes bya ba'i ting nge 'dzin gyi dkyil 'khor nyon cig ces bya ba la sogs pas ni ting nge 'dzin gyi dkyil 'khor du slob ma dbang bskur ba'i thabs bstan te/de la gang zag shin tu dman pa ni gzugs brnyan gyi dkyil 'khor la brten pa yin la/ ting nge 'dzin gyi mthu yod pa rnams ting nge 'dzin la brten te dbang nod pa yin no/ / de la/ nam mkha' dbyings kyi dbus bsam pa/ /gru bzhi lham pa rab tu bzang / /zhes bya ba ni dbang bskur ba'i gnas te/ nam mkha'i dbyings chos kyi 'byung gnas kyi dbus su gru bzhi lham pa'i gzhal yas khang rdzogs par bsgom pa'o/ /sangs rgyas dkyil 'khor bsgom pa yis//zhes bya ba ni ting nge 'dzin gsum gyi bdag nyid kyi dkyil 'khor chen po rdzogs par bsgoms pas so/ /des ci zhig bya zhe na/ bsam gtan rdo rjes bskul bar bya/ /zhes gsungs te sngon du bstan pa'i bsam gtan rdo rje'i ting nge 'dzin gyis lha rnams bskul te spyan drang ngo / / dkyil 'khor du 'jug pa yang lha dang dbyer med pa'i ting nge 'dzin du bsgoms pas dkyil 'khor du gzhug par bya ba'i phyir/ rdo rje'i dkyil 'khor bsam gtan gyis 'khor lo can kun du gzhug par bya zhes gsungs pa yin no/ /mchod pa bya ba yang / mchod pa'i cho ga de nyid kyis//blo dang ldan pas rtag tu bya/ /zhes gsungs pa yin no/ /dbang bskur ba yang / slob dpon snying gar bsgoms nas ni/ /dbang bskur ba ni brtsam par bya/ /zhes gsungs te slob dpon lha'i ting nge 'dzin gyi dkyil 'khor chen po gsal bar bsgoms pa'i snying gar slob ma zhugs te lha dang dbyer med pa'i ting nge 'dzin du byas te gnas pa la dbang bskur ba brtsam par bya'o//dbang ji ltar bskur zhe na/ /sangs rgyas kun gyi nam mkha'i dbyings/ /yongs su gang bar rnam par bsam/ /dbang bskur ba yi gnas gsum gyis/ /thams cad cho ga bzhin du dbang //zhes gsungs te nam mkha'i khams thams cad de bzhin gshegs pa yum dang bcas pa rnams kyis yongs su gang ba rnams kyis ye shes kyi bdud rtsis yongs su gang ba'i bum pas dbang bskur zhing sku gsung thugs kyi gnas su ye shes kyi lha dbab cing bstims pas sku gsung thugs kyi dbang thob par bsam mo//de'i yon tan yang / de yis yon tan thob pa ni/ /zhes bya ba la sogs pa gsungs so/ /bsam gtan gyi dkyil 'khor rdzogs so zhes bya ba'i le'u bcu bdun pa'o// //da ni drag po'i las kyi lhag ma khrag 'dra ba bstan te/de la hUM hrIHkhaM zhes bya ba ni drag po'i sku gsung thugs dang ldan pa'i snying po ste/ 'dis zhe sdang rdo rje la sogs pa khro bo gang yang rung ba'i sku gsung thugs kyi lha rab tu khros pa dang ldan pa can rab tu bskyed do/ /gnas skabs gang du zhe na/ sha rus la sogs dkyil 'khor ni//nam mkha'i dbyings kyi dbus su bsam/ /zhes gsungs te rak+ta'i rgya mtsho'i steng na mAM sa'i sa gzhi chen po gnas pa las keng rus kyi ri rab kyi steng thod rus kyi gzhal yas khang du gyur pa'i nang na rdo rje sems dpa' zhe sdang rdo rje'i rang bzhin drag po khros pa ut+pal sngon po'i mdog can zhal g.yas dkar g.yon dmar ba phyag drug pa mtshan gzhan mthun/g.yas na thod pa zhags pa bsnams pa/ lce la hUM hrIHkhaM zhes bya ba'i yi ge me ltar 'bar ba bkod pa/ lus la yi ge gsum las bskyed pa'i sku gsung thugs kyi lha khros pas brgyan pa bsgoms te/gsang sngags oM AHhUM hrIH khaM hUM zhes brjod pas sku gsung thugs kyi lha'i thugs ka nas kyo ba rnam gsum spros te/ des dgra'i khrag thams cad drangs nas thod pa'i nang du dgang ba bdag gi 'bar ba'i lces rngub cing 'thung bar bsgoms la tri shU la dang phur pa byin gyis brlabs pa dag gis kyang gdab par byas na gang yang rung ste 'chi bar 'gyur ro//kha zas kyi dam tshig ni bza' ba'am yang na btung ba'ang rung zhes bya ba la sogs pa smos te/ zas thams cad la bdud rtsi'i ngo bor brtags te byin gyis brlabs pa bza' ba'o//kha cig na re bdud rtsi byin gyis brlabs pa nyid zas la gdab ces so/ /mchod pa'i mchog gis mchod pa ni 'dod pa lnga'o/ /dbang po gnyis sbyor ba'i mchod pa ni byang chub sems la sogs pa'i bdud rtsi lnga'o/ /lus ngag sems kyi sdom pa ni/ /bud med thams cad rdo rje gsum gyis byin gyis brlabs te/sgrub pa thams cad kyi sdom pa ni rang gi lus ngag sems gsum gsang ba sku gsung thugs su bsgom pa'i drag po de bsgrubs na log par rtog pa thams cad 'jig par 'gyur ba'o/ /rdo rje de kho na nyid kyi sdom pa ni/ rnal 'byor pa khro ba'i ting nge 'dzin gyis dub ste lus nyam chung na spyi bo'i steng mtho gang tsam spag par zla ba'i dkyil 'khor gyi steng du yi ge oM dkar po bsgoms te/de 'od du zhu ba las spyi bo nas thim ste gzi brjid bskyed par bya'o/ /gsang sngags 'dzin pa thams cad kyi dam tshig ni ting nge 'dzin dang ldan pas mchod rten brtsig pa la sogs pa'i las mi bya ba'o//dug gso ba'i las ni bdag gi thugs kar yi ge gsum bsgoms te/ 'khor lo'i dbus su sku gsung thugs kyi yi ge dkar po bzhag /kha zas chen po ser por bsgom/ sku gsung thugs kyi 'od zer gyis dug drangs par bsgoms na dug 'byin pa la sogs par 'gyur ro//srung ba'i 'khor lo'i sbyor ba ni gro ga'am shog bu la sogs pa la rdo rje rgya gram gyi 'khor lo bris te dbus su ha dang ming bri/ mtha' skor du sngags kyi yi ge ji lta ba bzhin du bris te/ da ha dang a mr-i ta'i bar du bsgrub bya'i ming bcug ste/gsang sngags kyang de bzhin du bzlas nas lus la btags na bsrung bar 'gyur ro/ /rdo rje any+dzA na sgrub pa na lam gyi bzhi mdo la sogs pa ji skad gsungs pa'i gnas su song ste/ thod pa 'dzag pa zhig gi nang du tshil chen dang khrag dang bshang ba sbyar ba thod pa bzang po zhig gi nang du phab nas/de las mar me byas te sdong bu'i rgyu pad+ma'i skud pa'am/ ras kyi skud pas byas pa thod pa kha sbyor du mar me gtang bar bya'o/ /de nas du ba'i drag pa de dag rgod kyi the'u gshog gi rgyab phyi zur gyis brud nas/ de la gsang sngags oM AHany+dzA li hUM zhes brgya rtsa brgyad bzlas shing mig la bskus te/dus ni tshes nyi shu dgu'i nam phyed nas bzung ste/ ji srid du ma grub pa de srid du sgrub pa byas na mig gi mngon par shes pa 'thob po/ /gzhan yang skye ba bdun pa'i rdzas shes par byed do/ /gzhan ni go sla'o/ /de nas bcom ldan 'das de bzhin gshegs pa de dag thams cad sku gsung thugs rdo rje btsun mo'i b+ha ga la bzhugs te zhes bya ba ni ji ltar dngos po yang ston pa btsun mo'i b+ha ga la byang chub sems kyi ngo bor bzhugs te/de bzhin du 'dir yang btsun mo'i b+ha ga la bcug pa ni chags pa chen po'i hos yongs su zhu nas bzhugs pa'o/ / de la lha mo rnams kyis glu'i sgo nas yongs su bskul te/ 'di ltar sku gsung thugs rdo rje'i bdag nyid kyi gtso bo khyod ni thams cad la thugs rje chen pos gzigs pa yin/ gal te khyod kyi thugs rjes bdag la gzigs shing bdag la gson par mchis par mgon po khyod kyis gnang ba lags na bzhengs la bdag dam tshig gi dgyes pa spyad par mdzad du gsol zhes lha mo bzhis bskul lo//de skad ces bskul bas bcom ldan 'das de dag ji lta ba'i tshul gyis yongs su bzhengs te dam tshig gi btsun mo la 'dod pa spyod par 'gyur te/ 'di ni dkyil 'khor 'don pa'i sbyor ba'i bdag nyid dang sbyar bar bya'o//de nas nam mkha'i dbyings 'di thams cad na/ de bzhin gshegs pa thams cad kyi sku dang gsung dang thugs rdo rje dam tshig gi khu bas yongs su gang ste bum pa rdo rje chus gang ba ltar gnas par gyur to zhes bya ba ni le'u dang por ston pa 'dod chags chen po'i ting nge 'dzin la snyoms par zhugs nas sems can thams cad gsang ba'i mkha' la bsdus te/byang chub sems babs pas thams cad bum pa chus bkang ba lta bur gyur pa'o/ /de nas nam mkha'i dbyings 'dir sems can gang sku gsung thugs rdo rje'i dpal gyis reg pa de thams cad kyang yang dag par rdzogs pa'i sangs rgyas rdo rje sku gsung thugs rdo rjer gyur te kun du bzang po zhes sku gsung thugs rdo rjes dbang bskur to zhes bya ba ni dbang gi 'bras bu'o//de nas bcom ldan 'das kyis sangs rgyas thams cad la chos mnyam pa nyid mthong ngam zhes bka' stsal pa las/de bzhin gshegs pa rnams kyis 'di skad du bcom ldan 'das mthong lags so/ /bde bar gshegs pa mthong lags so zhes gsol ba ni le'u dang por rigs lnga sangs rgyas kyi gsang ba byang chub sems kyi dbang la ngo mtshar ba bstod pa dang sbyar bar bya'o//de nas de bzhin gshegs pa thams cad kyis btsun mo'i las 'das zhes bya ba ni dbang bskur zin te/ btsun mo dang gnyis su med pa'i sbyor ba mdzad pa las bzhengs pa'o/ /tshul 'di ni dbang thob phan chad bud med mi dgos so zhes zer ro/ /'dod chags kyi yi ge'i tshig la sangs rgyas kyi byang chub rjes su chud pa ngo mtshar to zhes bya ba ni gsang ba dang shes rab ye shes kyi dbang gi ngo bo bud med dang chags pa spyod pa las sangs rgyas kyi byang chub mi rtog pa'i ye shes khong du chud de rdo rje 'dzin chen por 'gyur ba ngo mtshar to zhes so//bcom ldan 'das de skad ma gsung shig chos thams cad nam mkha' dang mtshungs pa'i phyir gzugs kyi phung po zhes bya ba la sogs pas ni ngo mtshar mi che ba bstan te/'di ltar chos thams cad ni nam mkha' dang mtshungs te/ phung po dang khams dang skye mched kyi ngo bo ma yin zhing 'dod chags la sogs pa'i chos kyang ma yin te/chos ma yin pa'i ngo bo zhig kyang yod pa ma yin pas de'i phyir 'dod chags kyi tshig las sangs rgyas kyi byang chub khong du chud pa med do/ /de yan chad ni dngos po yongs su rdzogs nas/ de ni rgyud yongs su gtad pa'i phyir/ de nas bcom ldan 'das phyag na rdo rjes de bzhin gshegs pa thams cad dang byang chub sems dpa' de dag la bos te gsungs pa/'jig rten gyi khams thams cad du sku gsung thugs rdo rje 'di sgor gsol zhes bya ba ni dam pa'i chos mi nub par bya ba'i phyir 'gro ba rnams la sgrogs shig pa'o/ /de nas phyag na rdo rje de bzhin gshegs pa thams cad kyi bdag pos rdo rje chos la bos te gsungs pa zhes bya ba la sogs pa ni khyad par du gsung gi dbang phyug rdo rje chos la bos te gtad pa'o//de nas bcom ldan 'das de bzhin gshegs pa thams cad kyis rdo rje gsum sems dpa'i sku gsung thugs kyi yi ge la sems can rnams btsud par gyur to zhes bya ba la sogs pa ni rgyud bshad pa rdzogs nas yongs su gtad pa mdzad de/sku gsung thugs mnyam pa nyid kyi gnas la dmigs nas cang mi gsung ste 'di ni zhi ba chen po'i gnas nyid la bzhugs zhes bya ba'i tha tshig go/ /le'u bco brgyad pa'i phyed kyis rtsa ba'i rgyud yongs su rdzogs so// //dpal gsang ba 'dus pa'i sbas pa'i man ngag tu phyungs pa rnams mdor bsdus pa bstan pa slob ma la phan pa zhes bya ba slob dpon rab tu zhi ba'i ye shes kyis mdzad pa rdzogs so// //dam chos zab mo'i tshig las rtogs dka' yang //bsam pa bzang po'i sa bon rgyur bzhag nas/ /gang gis gzhan la phan phyir zhus pa yis/ /ci nus bsgyur ba 'di yis lam rnyed shog /'gro ba'i dpal mgon gyur pa 'jam pa'i dpal/ /kun mkhyen ye shes nyid kyi thugs rje yis/ /kun la skyabs mdzad bka' drin chen po 'di/