CLOSE WINDOW

D1832
བོད་ཡིག

paN+Da ti chen po 'jigs med 'byung gnas sbas pas mdzad pa rdzogs so// //shar phyogs dza ga ta la'i paN+Di ta bi b+hU ti tsan+d+ras bsgyur ba'o/[ ]@##/ /rgya gar skad du/ biN+Di kri ta sA d+ha na pany+tsi kA/ bod skad du/ sgrub thabs mdor byas kyi dka' 'grel/ dpal rdo rje sems dpa' la phyag 'tshal lo//'jig rten gsum gyi spyod pa zhes bya ba la sogs pa'i tshigs su bcad pa la/ dpal ldan tsin+d+ha kA ya'i zhabs kyi man ngag bri bar bya ste/ mdor byas can gyi rim pa'i bsgrub par bya ba la/ 'dir phyag byas so/ /de bzhin du yang rdo rje bzlas pa la/ dang por rdo rje bzlas pa'i bsgrub par bya ba la phyag byed pa gsal bar gsungs so//de bzhin du rang byin gyis brlab par rang byin gyis brlab pa'i bsgrub par bya ba'o/ /de bzhin du 'od gsal dang zung 'jug la yang / de dang de'i bsgrub par bya ba'o/ /de la phyag 'tshal ba ni 'dud par byed pa'o/ /ci la zhe na sku la ste/ mdor byas kyi rim pa sgom par byed pa rnams kyis bsgrub par bya ba ste sprul pa'i sku'o/ /rgyal ba rnams kyi ni mi bskyod pa la sogs pa rnams kyi'o/ /de ci lta bu zhe na/ 'jig rten gsum gyi spyod pa las grol te/ 'jig rten gsum gyi spyod pa 'jig rten gyi chos brgyad rnams te de rnams las grol ba'o/ / slar nam mkha'i mnyam par gyur pa ste/ nam mkha' ni 'od gsal des mnyam par gyur pa ni ye shes gang yin pa de'o/ /de ltar yang / shu n+ya tA dz+nyA na badzra swa b+hA wa A t+ma kou0f85haM zhes bya ba la sogs pa 'dir gsungs pa'i phyir ro/ /phung po dang khams dang skye mched la sogs pa'i rang bzhin nyid kyi phyir dngos po kun gyi ngo bo nyid do//de ltar yang / phung po rnams dang khams rnams dang / /zhes bya ba la sogs pa spyod bsdus su gsungs so/ /'dod pa'i yon tan lnga dag pa'i sbyor ba dang ar sha la sogs pa'i nyid la las dag pa'o/ /zhi ba la sogs pa'i las kyi sbyor ba las zhi ba la stong pa nyid kyi bdag nyid can nyid kyi yongs su byang ba nyid kyi phyir rnam par dben pa yang dag par rdzogs pa'i byang chub skyed pa po nyid kyi phyir mchog tu zhi ba'i rang bzhin no//mchog tu gyur pa'i bskyed pa'i rim pa sgom pa po rnams kho na'i rtogs pa nyid kyi phyir rnal 'byor pa nyid kyis rtogs par bya'o/ /byis pa'i rnal 'byor pa rtog ge pa la sogs pa rnams kyi rtogs bya ma yin pa nyid kyi phyir rtogs par dka' ba'o//gcig dang gcig ma yin pa'i rang bzhin gyis de bzhin gshegs pa thams cad kyi rdul phra rab las yongs su bsgrub pa'i gzugs rnam par dpyad pa'i phyir brtag par dka' ba'o/ /rang bzhin rdzogs pa'i byang chub thob par byed pa po nyid kyi phyir rang dang gzhan la phan pa'i mchog go//bya ba'i dbye bas sna tshogs pa'i sprul pa byed pa nyid kyi phyir khyab pa'o/ /rnal 'byor bzhi la sogs pa sgom par byed pa la the tshom gyi mtshan ma med pa nyid kyi phyir mtshan ma med pa'o/ /bde ba chen po'i rgyu nyid kyi phyir bde ba'o/ /snga ma bzhin du 'di thun mong ma yin pa'i ngo bo nyid du mtshungs pa'i phyir mnyam med mnyam pa'o//skye ba la sogs pa'i rnam par rtog pa dang ldan pa'i sku rnam par rtog pa dang rnam par mi rtog pa gcig pa'i sku'o/ /de lta bu'i rang bzhin gyi bstod pa sngon du 'gro bas phyag 'tshal nas/ 'jug pa'i yan lag tu brjod par bya ba la sogs pa bshad pa nye bar rtsom pa ni/dpal ldan zhes bya ba la sogs pas so/ /zhe sdang zhes pa ni/ sgra gcan bzang pos slob dpon gyi mchog tu bris pa brjod par bya ste/ sngags kyi nges pa dang po ste/ /zhes bya ba la sogs pa'i rim pas/ sgrub pa'i thabs thos shing bla ma las gnang ba thob nas dgon pa la sogs par shar du phyogs te sems dpa'i skyil krung can gyis snying rje bskyed de mdun du sangs rgyas la sogs pa rnams bltas nas/de la gsungs pa'i cho gas mchod pa rnam pa bdun dang bdag dbul ba dang / dam pa bdag gis bskyed par bgyi/ /zhes pa la sogs pa yang byas nas/stong pa nyid du lhag par mos pa tha mal pa nyid bsams la skad cig gis bdag nyid rdo rje 'chang chen po'i gzugs kha dog dkar po phyag gnyis pa zhal gcig pa/ sna tshogs pad+ma'i gdan la bzhugs pa/ 'od kyi dkyil 'khor rnam par mdzes pa/ skyes bu chen po'i mtshan sum cu rtsa gnyis 'chang ba/dpe byad bzang po brgyad cus brgyan pa rdo rje dbyings kyi dbang phyug mas 'khyud pa/ sgyu ma lta bu'i lus su bsam par bya'o/ /de nas ye shes sgron ma rdo rje'i ting nge 'dzin gyi tshul gyis badzra d+h+r-i ka ces pa'i sngags kyis phyung ba des mi bskyod pa'i gzugs kha dog nag po zhal gsum pa phyag drug pa bdag gi mdun du bltas nas/slar yang de rang gi lus su chu dang 'o ma'i tshul gyis zhugs pas bdag in+d+ra nI la'i kha dog lta bu mche ba gtsigs shing 'jigs pa/ rang snang gi reg bya rdo rje mas 'khyud pa sgyu ma'i lus nyi ma'i gdan la g.yas su rdo rje dang 'khor lo dang pad+ma 'dzin pa/g.yon dril bu dang yid bzhin gyi nor bu dang ral gri 'chang ba/ zhe sdang rdo rje'i gzugs sems dpa' gsum gyi bdag nyid can du bsam par bya'o/ /de'i ting nge 'dzin la gnas pas/ hUM yig ring ba dbyung ste/ de las bskyed pa'i gshin rje mthar byed la sogs pa'i khro bo bcu zhal gsum phyag drug pa rnams so//shAkya thub pas thams cad mdzad nas dga' ldan las babs te/ 'dod chags dang bral ba nyid kyis nyan thos rnams de'i lam la so sor bzhag nas theg pa chen po rnams la rnam shes brgyad la sogs pa/ chos la bdag med par rtogs pa/ sa dang pha rol tu phyin pa'i lam spyad pa las/ zab mo la lhag par mos pa rnams kyis bden pa gnyis rtogs par bya ba'i phyir/ 'dod chags kyis byang chub pa rab tu ston pa'i ched du/ dpal gsang ba 'dus par le'u dang po las gsungs pa 'dod chags chen po'i tshul zhes bya ba'i ting nge 'dzin la snyoms par zhugs so//de bzhin du bskyed bzhin pa'i rnal 'byor pas kyang dang po sbyor ba byas nas de'i 'og tu 'dod pa la spyod pa rnams kyis thar pa rab tu ston pa'i ched du le'u bcu bdun pa las gsungs pa'i 'dod pa thams cad la nye bar longs spyod pa'i ting nge 'dzin gyis gnas par bya ste/ bu mo rnyed nas zhes bya ba la sogs pa rnams kyis so//de la zhi ba'i las ni chu'i dkyil 'khor bsgoms nas ting nge 'dzin gsum rdzogs pa'i rnam par snang mdzad kyi rnal 'byor pa rang gi ye shes sems dpa'i thug ka'i dbus su son pa'i 'khor lo la gnas pa'i oM yig bsgoms nas de'i 'od zer gyi tshogs kyis bkug pa'i nad pa de nyid du gzhag par bya'o//de'i rjes su oM yig las 'phros pa'i spyan ma dang snyoms par 'jug pa'i rnam par snang mdzad kyi tshogs kyis nam mkha'i khams su khyab par bsgom par bya'o/ /de nas thams cad snyoms par zhugs pas gcig pa can du byas nas 'od kyi gong bu bdud rtsi'i tshogs des nad pa'i spyi bor phog nas sdig pa thams cad gzhom par bya'o//de nas rang gi thugs ka nas phyung ba'i nad pa sdig pa dang bral bar gyur pa mdun du zla ba'i dkyil 'khor la bzhag nas rnam par snang mdzad kyi sprin las sngar gyi 'od zer gzugs kyis rnal 'byor pa rang gi spyi bo'i bu gnas rab tu bcug ste rang gi rdo rje'i bu gnas dbyung bar bya'o//ci ltar byas nas she na rnam par snang mdzad kyi tshogs de rnams kyis slar yang nam mkha' khebs shing g.yogs par bya'o/ /de la de'i dus su de'i mdun na 'dug pa la/ sngar bzhin rang gi phyag rgya dang snyoms par zhugs pa'i sangs rgyas kyi sprin byang chub kyi sems kyi rgyun rnams kyis mngon par dbang bskur ba sbyin par bya'o//'di yis nad pa ring por mi thogs par dge ba'i yan lag lus rgyas pa skye bar 'gyur ro/ /de bzhin du rnam par snang mdzad kyi rnal 'byor pa/ grong khyer la sogs pa rnams su bdud la sogs pa'i nye bar 'tshe ba rnams zhi bar byed par brtsam par bya ste/dang por sgrub pa pos sems can thams cad la snying rje chen po bskyed nas grong khyer la sogs pa'i steng dang bar snang gi phyogs su/ shing ta la'i sdong bu'i tshad kyi rdo rje chen po 'od zer lnga dang ldan ba rang gi gnas su bsgom par bya'o//de'i 'og tu de las byung ba'i 'od zer gyi tshogs dus kyi mtha'i me lta bus sems can rnams kyi sdig pa thams cad bsregs par bsams nas/ sems can de rnams rdo rje chen por rab tu gzhug par bya'o/ /de las dbyung bar bya'o//ji ltar na pad+ma rA ga dang / yid bzhin gyi nor bu dang rdo rjer snang ba dang / nor bu shel ltar dang ba'i lus kyi kha dog dang mtshungs pa'i sems can rnams rang rang gi gnas su gzhug par bya'o/ /phyis nam mkha'i steng du rnam par snang mdzad kyi tshogs rang gi phyag rgya dang snyoms par 'jug pa bsams nas/de las byung ba'i byang chub kyi sems kyi rgyun rab tu 'bab pa rnams kyis bshad ma thag pa'i rim pas sbyangs pa'i sems can rnams la dbang bskur bar bya'o zhes pa ni man ngag go/ /de bzhin du rnam par snang mdzad kyi rnal 'byor pa rims la sogs pa zhi ba'i don du/spyan ma'i cho ga yang bya ste/ 'dir sngags kyi yi ge rnams dang me tog dang dril sogs pa kha dog dkar po nyid du bsam par bya'o/ /de la 'di ni spyan ma'i sngags te/ oM ru ru s+phu ru dz+wa la tiSh+Tha sid+d+ha lo tsa ni sarbA r+tha sA d+ha ni swA hA/ 'dir zhi ba gzi brjid bskyed pa'i don du sngags spel bar bya ste/ji ltar byas nas she na/ swA hA/ de'i mngon du che ge mo shIn+taM ku ru swa ste zhes so/ /de bzhin du dbang chen gyi dkyil 'khor rnam par bsgoms nas rin chen 'byung ldan gyi rnal 'byor pa/ rang gi ye shes sems pa'i thugs kar rin po che'i steng du ting nge 'dzin zhes brjod pa swA yig rnam par bsams nas/de las 'od zer ser po lcags kyu'i rnam pa'i tshogs kyis bsgrub bya bkug la de nyid du gzhag par bya ste/ de'i rjes su ting nge 'dzin sems dpa' las byung ba'i mA ma kI dang snyoms par 'jug pa'i rin chen 'byung ldan gyi chogs kyis nam mkha' khebs shing khyab par bsgom par bya'o//de nas thams cad snyoms par zhugs pas 'od zer ser po snying por gyur pas gcig pa can du byas nas yang dag par bsdus pa'i byang chub kyi sems 'di bsgrub par bya ba'i lus la dbab par bya'o/ /de nas ting nge 'dzin sems dpa' las byung ba'i bsgrub par bya ba sdig pa dang bral ba mdun du rin po che'i dkyil 'khor la bzhag nas rin chen 'byung ldan gyi sprin rnams sngar gyi 'od zer gzugs kyis rnal 'byor pa rang gi spyi bo'i bu gar rab tu bcug nas rang gi rdo rje'i bu gnas dbyung bar bya'o//ji ltar zhe na rin chen 'byung ldan gyi tshogs de rnams kyis slar yang nam mkha' g.yogs par bya'o//de'i dus su de'i mdun du 'dug pa la rang gi phyag rgya dang snyoms par zhugs pa'i rin po che'i sprin byang chub kyi sems kyi rgyun rnams kyis sngar bzhin du dbang bskur ba sbyin par bya'o/ /'dis dgang dka' ba rgyas par 'gyur ro//de bzhin du me'i dkyil 'khor la snang ba mtha' yas su lhag par mos pa'i rnal 'byor pa rang gi ye shes sems dpa'i thugs kar pad+ma dmar po'i steng du ting nge 'dzin sems dpa' aHyig bsgoms te/ de las lcags kyu dmar po'i rnam pa'i 'od zer gyi tshogs rnams kyis bsgrub par bya ba bkug nas de nyid du gzhag par bya ste/de'i rjes su ting nge 'dzin sems dpa' las byung ba'i gos dkar mo dang snyoms par 'jug pa'i snang ba mtha' yas kyi tshogs rnams kyis nam mkha' khebs shing khyab par bsgom par bya'o/ /de nas thams cad snyoms par zhugs pa las 'od zer dmar po'i snying por gyur pas gcig pa can du byas nas yang dag par bsdus pa'i byang chub kyi sems 'di bsgrub par bya ba'i lus la dbab par bya'o//de nas ting nge 'dzin sems dpa' las byung ba'i bsgrub bya sdig pa med pa mdun du pad+ma'i dkyil 'khor la bzhag nas snang ba mtha' yas kyi sprin rnams sngar gyi 'od zer gyi gzugs kyis rnal 'byor pa rang gi spyi bor rab tu bcug nas rang gi rdo rje'i bu gnas dbyung bar bya'o//snang ba mtha' yas kyi tshogs kyis nam mkha' khyab par g.yogs par bya'o/ /de'i dus su de'i mdun du 'jug pa la/ rang gi phyag rgya dang snyoms par zhugs pa'i snang ba mtha' yas kyi byang chub sems kyi rgyun gyis sngar bzhin du dbang bskur ba sbyin par bya'o//dbang du bya ba'i don gyi tshig go/ /de bzhin du don yod grub pa'i phyag rgya chen po bsams nas de'i thugs kar ye shes sems dpa' de'i thugs kar ting nge 'dzin sems dpa' rnam par bsam zhing /de las byung ba'i 'od zer gyi tshogs kyis nor dang dbang du bya bar 'dod pa'i skye bo thams cad bkug nas de nyid du gzhug par bya'o/ /de'i rjes su ting nge 'dzin sems dpa' las 'phros pa'i rnam par snang mdzad la sogs pa rnams dang byams pa la sogs pa rnams kyis/rang gi phyag rgya dang lhan cig pa rnams kyis nam mkha' bkang bar bsams nas de bzhin gshegs pa lnga po de rnams kha dog gi dbye bas rnam pa lnga'i byang chub kyi sems kyi rgyun du zhugs pa rnams bsgrub par bya ba'i lus la dbab par bya'o//sngar bzhin du mdun na 'dug pa la dga' ba'i thugs can gyi sangs rgyas lnga dang byang chub sems dpa' rnams rang gi phyag rgya dang snyoms par zhugs pas dbang bskur ba rab tu rtsol bar byed do/ /rnam pa de lta bus bsgrub par bya ba ring por mi thogs pa nyid du de bzhin gshegs pa thams cad kyi yid du 'ong zhing 'jam dpal dang mtshungs par 'gyur ro//de nas cir 'gyur zhe na/ 'gro ba thams cad bltas pa dang / skyed pa rab tu thob pa ste bltas pa tsam nyid kyis dbang du byed par 'gyur ro/ /'di ni skye bo thams cad dbang du bya ba'i don gyi tshig go/ / 'di ni gzhung rgyas pas 'jigs pa'i phyir dang / byed dka' ba nyid kyi phyir rgyud las phyung nas ma brjod do/ /mngon spyod kyi las la sogs pa can ni/ zhi bar byed pa la sogs pa de nyid kyi dbang du byas pa'o/ /phyir bzlog gi de nyid brjod par bya ste gtsug tor 'khor los sgyur ba'i rnal 'byor dang ldan pas/gnod mdzes la bka' bsgo bar byes pas 'khrul 'khor dang gsang sngags la sogs pa rab tu sbyor bar byed pa rnams bkug nas phur bus gdab par bya'o zhes pa bsgoms pas phyir bzlog pa'o/ /'khor lo bsgom pa ni phreng ba'i sngags thun gsum du lan bdun bzlas par bya'o//khro bo ldan zhes pa bzlas te phyir bzlog pa'o/ /gzhan yang de'i phreng ba'i sngags skyes kyi 'dab ma la sogs pa la/ gi wang gis yang dag par bris te lus la bcang bar bya'o zhes pa bris te phyir bzlog pa'o/ /de la 'di ni gtsur tor 'khor los sgyur ba'i phreng ba'i sngags so//oM uSh+NI Sha tsa kra wa rti b+h+rUM b+h+rUM b+h+rUM sarba lo ki ka lo kot+ta rA Ni yan+t+ra man+t+ra/ tan+t+ra/ bitsU r+N+Na pra yo ga A dI ni/ ye na ke na/ tsin+ma ma kr-i te kr-i tra ni/ kA ri tA ni wA swa yaM me wa/ b+hU tA nI bA/ wa ta to/ /wa pit+ta to wa/ sh+le Sh+ma to/ /wa san+ni pa ta to bA ta ni/ sarba Ni/ ts+tshin+da ts+tshin+da/ b+hin+da b+ha na/ kam+ba kam+pa/ d+hu na d+hu na/ ha na ha na/ da ha da ha/ pa tsa pa tsa/ ma tha ma tha/ bid+h+waM sa ya bid+h+waM sa ya/ sarba duSh+Ta nA ne ka sha ta sa ha swA hA/ bitsU r+N+Na ya bi tsUr+N+Na ya/ b+h+rUM b+h+rUM b+h+rUM/ oM u Sh+NI Sha tsakra warti hUM hUM hUM phaT swA hA/ de lta bu ni byas pa de'i 'bras bu phyin ci log pa kho nar 'gyur ro/ /don phyir log pa can no zhes pas phyir bzlog gi de kho na nyid kyi dbang du byas pa'o//de nas 'di dag de kho na nyid dang bral bas bsgrub par bya ba ma yin pas/ de'i 'og tu de la 'jug par bya ste/ de kho na nyid ni byang chub kyi sems gdod ma nas ma skyes pa'i zhi ba ste/ gsang ba 'dus pa'i rgyud phyi mar yang gsungs pa/ thog ma tha ma med zhi ba//dngos dang dngos med zad pa'i gtso/ /stong nyid snying rje dbyer med pa/ /byang chub sems zhes bya bar dran/ /'di rnams kyang lus la sogs pa rnam par dben pa dang bral bas bsgrub par bya ba ma yin no zhes pas de gsungs pa/ sgrub pa po stong pa nyid du lhag par mos pas tha mal pa bsal nas bdag nyid rdo rje 'chang chen po'i gzugs dkar po phyag gnyis pa zhes bya ba la sogs pa nas de ltar rnal 'byor bzhi byed rnal 'byor pa/hUM yig snying por 'jig rten rab tu bsgom/ /de byung 'gro kun rdo rje sems dpa' bsam/ /langs nas gang gnyis ji bzhin spyod par bya//zhes pa'i mthar thug pas so/ /sngags kyi bdag nyid can gyi rdo rje 'chang gi sku ni gang zhig rang bzhin med pa'i rang bzhin nyid kyis yongs su shes pa las brdzun pa nyid du nye bar dmigs pa de lus rnam par dben pa'o/ /gzhan yang gang zhig lus ni rigs brgya'i rab tu dbye bas brdzun pa nyid de/rigs ni rnam pa brgyar gsungs pa/ /zhes rtogs shing kun du bltas nas tha snyad byed pa nyid dang gzhon nu dang / lang tsho dang / rgan pa'i gnas skabs kyi rang bzhin nye bar dmigs pa med pa de'i phyir brdzun pa nyid du rtogs pa dang lhag par rtogs pa dag las khams gsum du gnas pa'i lus ni brdzun pa nyid de lus rnam par dben pa'o//chu'i mthil gyi nang du song ba'i lus ji lta ba bzhin no zhes so/ /hUM yig snying por zhes pa ni yi ge gsum las yang dag par byung ba nyid kyi phyir ro/ /lus ni brdzun pa nyid du shes nas de'i rgyu'i yi ge gsum yang brdzun pa nyid du brjod do//de yang rlung gi de nyid sngon du song ba dang bral bsam yin no zhes pas de dag gsungs pa/ rlung gi de nyid ni srog ste/ de ni sna'i bug dag nas dkyil 'khor bzhi'i rim gyis 'jug pa dang gnas pa dang ldang ba rnams kyi khri phrag gnyis dang / brgya phrag bcu drug tu 'gyur te/'jug pa la sogs pa de rnams su oM AH hUM zhes pa'i brdar 'gyur ba can gyis bzlas pa'o/ /de sgom par byed pas/ sna yi rtse mor yungs kar bsam/ /'gro dang mi 'gro yungs kar la/ /zhes bya ba la sogs pas mchog tu mthar thug par gyur pas/ rlung thams cad 'gags te brdzun pa nyid du gyur pa'i ngag ni ngag rnam par dben pa ste/sgra brnyan ji lta ba bzhin no/ /rim pa 'di nyid kyi rlung 'gag pa las gzung bya dang 'dzin pa po dang / 'dzin pa'i rang bzhin gyi sems dang de'i bya ba drug cu lhag pa'i brgya'i rang bzhin yang 'dod chags dang bral ba dang /'dod chags dang 'dod chags bar ma la sogs pa brdzun pa nyid ni sems rnam par dben pa ste/ ji ltar rmi lam gyi sems bzhin no/ /de bzhin du gnyis pa rdo rje'i bzlas pa'i rim pas ngag dang sems dngos po med pa'i rang bzhin yongs su shes nas lta ba drug cu rtsa gnyis dang nyon mongs pa dgu bcu rtsa brgyad kyang de kho na'i rang bzhin du 'gyur ro//'od gsal du rab tu zhugs nas cis slong bar byed ce na/ zung 'jug gi rim pas 'khor ba ma yin pa'i dam pa'i bde ba nyams su myong ste phyir ldog pa med par 'gyur ro/ /thar pa'i don ci 'grol bar gal 'gyur zhes dris pa/rdo rje theg pa 'dir bskyed pa'i rim pa mngon du byas pas brgyad pa thob nas ji srid rdzogs pa'i rim pa thob pa de srid du bshes gnyen la brten par bya'o/ /lus dang ngag dang sems rnam par dben pa thob pas kyang sa bcu thob cing / sgyu ma lta bu thob ste/ de lhag par rtogs shing 'od gsal bas rnam par dag go//snang ba med pa las ldang ba'i don du zung du 'jug pa'i rim pas sangs rgyas kyi sku mngon du byas nas/ rdo rje lta bu'i ting nge 'dzin gyis yon tan thams cad kyis brgyan par bzhugs so/ /[(]sgrubs [,]sgrub [)]thabs mdor byas kyi dka' 'grel/