209a3 @#/ /rgya gar skad du/ a mr-i ta kuN+Da li sA d+ha na / bod skad du/ bdud rtsi 'khyil pa'i sgrub thabs/ bgegs kyi dgra la phyag 'tshal lo/ /bdud rtsi 'khyil pa'i rnal 'byor dang bzlas pas bar du gcod pa'i
209a4 bgegs zhi bar 'dod pa des/dang po snying rje chen po bsgom par bya'o/ /de nas brtan pa dang g.yo ba thams cad stong ba nyid du bsgom par bya'o/ /de nas rang gi sems nyid nyi ma'i dkyil 'khor bsgom par bya'o/ /de'i steng du yi ge hUM sngon po bsgom par bya'o/ /de las khro bo'i
209a5 rdo rje hUM gis mtshan pa bsgom par bya'o//de las 'od zer 'phros te gdug pa thams cad zhi ba'i phrin las mdzad nas slar de nyid du bsdu'o/ /de nas de rnams gyur pa las/ /bgegs kyi dgra ni sngags pas bsgom/ /ut+pal sngon po'i 'dab ltar sngo/ /zhal gsum pa la phyag
209a6 drug pa//zhal ni sngo dang dkar dang dmar/ /zhal gdangs pa ni rnam par 'gyur/ /gsus khyim che zhing spyan gsum pa/ /'bar ba'i 'od kyis rnam par brgyan/ /sna tshogs rdo rje 'khor lo dang / /gtun shing rnams ni g.yas pa na/ /sdigs mdzub zhags par bcas pa dang / /dril bu dgra sta
209a7 g.yon na bsnams//g.yon brkyang pa yi gnas pa yis/ /pad+ma nyi ma la gnas pa'o/ /de nas snying gar a las pad+ma 'dab ma brgyad pa bsgom par bya/ de'i steng du hUM las nyi ma'i dkyil 'khor bsgom par bya'o/ /de'i steng du hUM las rang dang 'dra ba'i ye shes sems dpa' cha
209b1 lnga la bsgom par bya'o//de'i steng du nyi ma'i dkyil 'khor gyi steng du ting nge 'dzin sems dpa' yi ge hUM bsgom par bya'o/ /de las 'od zer 'phros te rang bzhin gyi gnas nas khro bo'i rgyal po spyan drangs la mchod pa dang bstod pa bya'o/ /spyan bgrang mche gtsigs smin ma bsdus/ /thugs ni mi
209b2 rtog pa la bzhugs//mgur gyi phyogs ni hUM sgras 'gengs/ /khro rgyal bdud rtsi 'khyil la bstod/ /ces bya ba'o/ /de la dzaH hUM baM hoH bzhis/ /dgug pa dang ni gzhug pa dang / bcing pa dang ni mnyes par bya/ /de nas gnas gsum du yi ge gsum gyis byin gyis brlab par bya'o//
209b3 de nas rags pa dang phra ba'i rnal 'byor bsgom par bya'o/ / de la dang po yi ge nyi shu drug pa'i sngags kyis bsrung bar bya'o/ /de'i sngags ni/ oM hu lu hu lu/ tiSh+Tha tiSh+Tha/ b+ha n+d+ha b+ha n+d+ha / ha na ha na/ da ha da ha/ a mr-i te hUM phaT/ 'byung bo che ge mo mA ra ya / de'i 'khor lo ni gro ga la
209b4 sogs pa la sna tshogs rdo rje lte bar rgya cher bri bar bya'o//'khor lo'i dbus su yi ge haM bri bar bya'o/ /da'i nang du bsrung bar bya ba'i yi ge bri bar bya'o/ /de nas 'khor lo'i rtsibs dang po la oM/ gnyis pa la hu lu hu lu/ gsum pa la tiSh+Tha tiSh+Tha/ bzhi pa la b+han+d+ha b+han+d+ha / lnga pa la tan tan/ drug pa
209b5 la da ha da ha/bdun pa la amr-i ta/ rtsibs brgyad pa la hUM phaT ces bya ba rnams bri bar bya'o/ /'di ni sngags kyi yi ge dgod pa'o/ /de nas rang gi mdun du za ma tog la sogs pa legs par bzhag la mchod pa bya'o/ /de nas snga ma bzhin du rang nyid lha'i sku bskyed de/ sngags snga ma nyid 'bum phrag gcig bzlas
209b6 par bya'o//de nas 'khor lo de nyid lus la btags na/ lus ngag yid gsum gyi phyi dang nang gi 'tshe ba thams cad las bsrung bar 'gyur ro/ /de ltar bdag nyid sngon du srung ba byas la de nas gnod par bya ba'i 'byung po bskrad par bya'o/ /de'i sngags ni 'di yin no/ /na maH a man+ta kA ya bA ka tsit+ta badzra NAM / oM mr-i
209b7 ta kuN+Da li/kha kha khA hi khA hi/ tiSh+Tha tiSh+Tha/ ban+d+ha ban+d+ha/ ha na ha na/ da ha da ha/ gardza gardza/ bi s+pho Ta ya bi s+pho ta ya/ sarba bi g+h+NAM/ bi na ya kaM/ ma hA badzra kro d+ha / ma hA doM Sh+T+ro d+ka Ta b+hai ra ba ya/ a si mu sa la ba ra shu pA sha ha sta ya/ ma hA ga Na ba ti dzrI bi tA nan+ta/ kA ra ya hUM phaT swA hA'i sngon du 'gro bas bdag la gnod par byed pa'i 'byung po
210a1 che ge mo uts+tsha ta ya zhes bzlas shing nyungs kar gyi rgyal po yi ge hUM du bsams te de las byung ba'i phur bu stod bdud rtsi 'khyil pa'i dbyibs can lte ba man chad phur bu rtse gcig par bsams la brdeg par bya'o//bsnyen pa'i dus su 'bum phrag gsum bzlas par bya'o/ /bskrad pa'i lam
210a2 gyi dus su ske tshe dang /lan tshwa dang / dug dang / da du ra'i khu ba dang / mdzub mo'i khrag rnams bsres te dur khrod kyi ras la rlung gi dkyil 'khor zla gam ngos la rdo rjes mtshan pa bris la/ de'i dbus su sngags 'byung po'i ming dang spel ba bris nas rnam par shes pa dgug pa sngon du 'gro bas mnan la snga ma bzhin du
210a3 bzlas nas dur khrod du sbas na nges par 'chi bar 'gyur ro//de ltar bskrad kyang mi 'gro na de la mngon spyod bya'o/ /de la dang por bsnyen pa'i dus su sngags 'bum du bzlas par bya'o/ /na maH sa man+ta kA ya bA ka tsit+ta badzrA NAM/ oM hu lu hu lu/ tiSh+Tha tiSh+Tha/ b+han+d+ha b+han+d+ha / ha na ha na/ da ha da ha/ gardza gardza/
210a4 bi s+pho Ta ya bi s+pho Ta ya/ sarba bi g+h+nAM / bi na ya kan/ ma hA ga Na ba ti dI bi ta an+ta kA ra ya hUM phaT/ bdag la gnod par byed pa'i 'byung po che ge mo mA ra ya hUM phaT/ ces pa bzlas so/ /de nas las sbyor gyi dus su ro bsregs thal ba yungs kar dang bsres pa las 'byung po'i
210a5 gzugs byas la/rnam par shes pa nang du bcug la/ khro bo'i sngags stong rtsa brgyad bzlas na 'ching bar 'gyur ro/ /gzugs brnyan la rnam par shes pa dgug pa'i man ngag ni/ 'byung po'i rnam par shes pa'i snying ga na nyi ma'i dkyil 'khor gyi steng na/ yi ge hUM gi
210a6 gzugs gnas pa la lte bar rlung gi dkyil 'khor gyis bteg par bsam mo//de rang gi ting nge 'dzin sems dpa' las 'od spros te/ gzugs brnyan gyi snying gar zhugs par bsam mo/ /de ltar gnod byed 'byung po la/ /bdag nyid srung bar byas nas ni/ /bskrad dang
210a7 mngon spyod las bya ba//'dus pa'i rgyud kyi man ngag ni/ /slob dpon klu sgrub las rnyed pa/ /zla ba grags pa zhes byas bshad/ /bdud rtsi 'khyil pa'i rnal 'byor dang bgegs bsal ba'i cho ga rdzogs so// //slob dpon shrad+dA ka ra wa rma dang / lo tsA ba rin chen bzang pos bsgyur ba'o// //