CLOSE WINDOW

D1798
བོད་ཡིག

/[ ]@##/ /rgya gar skad du/ shrI gu h+ya sa mA dza maN+Dal bi d+hi nA ma/ bod skad du/ dpal gsang ba 'dus pa'i dkyil 'khor gyi cho ga zhes bya ba/ dpal rdo rje sems dpa' la phyag 'tshal lo/ /thog ma dbus mtha' las grol ba'i//khyab bdag stong pa bzhi'i rang bzhin/ /mgon po rdo rje sems dpa' la/ /btud nas dkyil 'khor cho ga bshad/ /dpal ldan 'dus pa'i dkyil 'khor du/ /ji srid phreng ba chu la sogs/ /de srid bla ma'i man ngag mtha'/ /dbang bskur ba ni cho ga bzhin//bla ma'i brgyud rim las 'ongs pa / /rnal 'byor rnam gnyis mthar thug pa'i/ /bla ma'i lung ni nges thob pa/ /bshad rgyud bzhi yi dgongs pa zhes/ /bskyed pa dang ni rdzogs pa yi/ /rim pa gnyis kyi don shes dang / /mchog dang thun mongs sgrub la gnas/ /dam tshig sdom la gnas pa ste//rtsa ba'i ltung ba spongs dang ldan/ /bzod ldan drang la g.yo sgyu med/ /brtan zhing dul la blo gros ldan/ /sngags dang rgyud kyi sbyor ba shes/ /de nyid bcu ni yongs shes shing / /dkyil 'khor 'dri dang rab gnas mkhas/ /nyan thos rnams kyi lam 'gro min/ / pha rol phyin bcu'i tshul la gnas/ /zab cing rgya che'i chos la mos/ /bden gnyis la ni rnam par mkhas/ /bla med theg pa gtsor byed pa/ /'gro ba'i don spyod snying rje can/ /rin chen skyes bur gang gyur pas/ /sngon du bsnyen pa byas nas su/ /de nas dkyil 'khor bri bar bya/ /gang zhig yid 'ong gnas su ni//dri bzang tsan+dan sogs kyis byug /dri zhim me tog mchog bkram nas/ /shar phyogs su ni kha bltas la/ /sems dpa'i skyil mo krung gnas te/ /'khor ba'i 'dam du bying ba yis / /'gro la phan dang bskyab pa'i phyir/ /snying rje chen pos dmigs par bya//bka' yi 'khor lo sngon 'gro ba'i/ /bsnyen dang nyer sgrub sgrub pa dang / /sgrub chen la ni mkhas pa yis/ /sbyor ba gsum gyi mthar thug pas/ /rdo rje bzlas dang rjes mthun par/ /ngag gi bzlas pa'i tshul nyid kyis/ /dkyil 'khor gtso bo'i 'bum du bzlas/ / de las gzhan pa'i khri ru bzlas/ /mtshan ma nges par thob pa'am/ /yang na bsnyen pa'i sbyor goms pas/ /dkyil 'khor yongs su bri bar bya/ /de la dkyil 'khor cho ga ni/ /yan lag rnam phye nyi shu ste/ /sa gzhi sbyang dang byin brlab dang / / yongs su gzung dang bsrung ba dang / /sa yi lha dang dkyil 'khor dang / /bum pa rnams dang slob ma dag /sta gon du ni gnas pa dang / /thig gdab pa yi cho ga dang / /de bzhin rdul tshon dgye ba dang / /dkyil 'khor byin gyis brlab pa dang / /de la mchod pa'i bye drag dang //slob dpon bdag nyid 'jug pa dang / /de bzhin slob ma gzhug pa dang / /bum pa'i dbang dang gsang ba dang / /shes rab ye shes dbang dang ni/ /de bzhin du ni bzhi pa dang / /rab gnas dang ni sbyin sreg te/ /dkyil 'khor gyi ni yan lag mchog /'di dag cho ga nyi shu'o// //de la re zhig dang por dkyil 'khor bri bar mngon par 'dod pa'i sa'i cha'i dbus su maN+Dal gru bzhi khru gdab ba bya ste/ me tog sil ma bkram la lha'i gnas dang gdan ji lta ba bzhin bsams te / bla ma dang bcas pa'i dkyil 'khor gyi lha rnams rdzogs par bskyed la ye shes sems dpa' dgug pa dang gzhug pa dang bcing ba dang mnyes par byas te/byin gyis brlab pa dang / dbang bskur ba'i mthar thug pa bya zhing / de la phyi nang gsang ba'i mchod pas mchod de / bstod pa tshul bzhin byas la/ dgongs shig dus gsum mgon po rnams//sangs rgyas thams cad mchod pa dang / /slob ma rnams la sman slad du/ /bdag ming 'di zhes bya ba yis/ /dpal ldan rdo rje 'dzin pa yi/ /dkyil 'khor dam pa bri bar 'tshal/ /rgyal ba sras dang bcas rnams kyis/ /bdag la byin gyis brlab tu gsol//lan gsum brjod de gsol ba gdab par bya'o/ /de nas phyogs skyong rnams rang rang gi gnas su ji lta ba bzhin bskyed la dzaH hUM baM hoH/ phyag rgya bzhis dgug pa la sogs pa tshul bzhin du byas te/ mchod yon dang / zhal bsil dang / zhabs bsil dang / spos dang /me tog la sogs pa'i mchod pa lngas mchod de/ kha zas sbyar ba'i ting nge 'dzin gyis gtor ma byin gyis brlabs te / oM in+d+rA ya swA hA/ oM ya mA ya swA hA/ oM ba ru NA ya swA hA/ oM ku be rA ya swA hA/ oM ag+na ye swA hA/ oM nai r-i t+ya rAk+Sha sa rAk+ShA d+hi pa ta ye swA hA/ oM bA ya be swa hA/oM I shA nA ya swA hA/ oM sUr+yA ya swA hA/ oM tsan+d+ra di ta ya swA hA/ oM pr-i thi bye swA hA/ zhes pas gtor ma dbul lo/ /oM a kA ro mu khaM sarba d+harmA NAM Ad+ya nut+pa n+na ma twA ta oM AH hUM phaT swA hA/ zhes lan gsum bzlas pas mnyes par bya ste/ khams gsum gnas pa'i lha dang klu//gnod sbyin dri za lha ma yin/ /gang dag rdzu 'phrul cher ldan rnams/ /rdo rje'i spyan dang snyan mda' ba/ /sa la gnas pa'i 'byung po kun/ /bdag ming 'di zhes bgyi ba yis/ /sangs rgyas rnams la mchod pa dang / /sems can rnams la phan don du/ /sa phyogs dge gnas 'di nyid du//dam pa'i dkyil 'khor cher 'byung ba/ /ji ltar bsams pa'i las byed na/ /khyod kyis bar chad ma byed par/ /dge ba'i grogs po nyid du mdzod/ /de ltar khyed la bdag gis ni/ /bzod pa gsol gyis mi slu bar/ /rmi lam la sogs mtshan ma rnams/ / nyes legs ltas rnams bstan du gsol/ /zhes lan gsum brjod la gsol ba gdab par bya'o/ /de nas lcogs na las thams cad pa'i thab khung der dkyil 'khor gyi lha dang 'jig rten skyong ba rnams la sbyin sreg bya'o/ /de nas mi rus kyi phye ma las gnod mdzes kyi sngags kyis bgegs nye bar zhi bar bya ba'i phyir sbyin sreg bya'o//mi lcogs na las thams cad pa'i sngags kyi chus bgegs nye bar zhi bar bya'o/ /de nas ji ltar sa brtags pa'i dbus su las thams cad par byin gyis brlabs pa'i las kyi rdo rjes g.yas skor du khru gang zabs su brko/ zhog ma dang sol dum dang rus pa dang so phag la sogs pa'i skyon bsal la/ sman lnga dang rin po che lnga dang 'bru lnga blugs la dri zhim zhing snum pa'i sas bkang la gru bzhi lham par sa gzhi 'thas par byas la ba ko tsam du ba'i lci bas la ma lhung bas byug go/ /dri zhim po'i chus kyang byugs te/me tog sil ma dgram pa ni phyi'i sbyang ba'o/ /de'i steng du sbyor ba gsum gyi ting nge 'dzin rdzogs par bsgoms pa'i mthar gnod mdzes kyi sngags kyis bgegs bkrad pa ni nang gi sbyang ba'o/ / 'di dag ni sa sbyang ba'i cho ga'o/ /de nas hUM khaM hUM/zhes pas rnam par dag pa'i nam mkha' bsams nas/ de nas hUM suM hUM/ zhes pas nam mkha' la gnas pa'i rin po che sna bzhi'i ri'i rgyal po ri rab bskyed la/ de'i steng du hUM laM hUM/ zhes pas gser gyi sa gzhi gru bzhi pa la rdo rje phreng bas brgyan par bsam mo//de'i steng du rdo rje thal mo bcings pas kha sbubs la/ oM badzra me di nI badzra'i b+ha ba ban+d+ha hUM/ zhes pas de dag byin gyis brlab po/ /de nas sbyor ba gsum gyi ting nge 'dzin bsgom pa 'di ni sa gzhi byin gyis brlab pa'i cho ga'o// //de nas yang bdag nyid dang po'i sbyor bas zhe sdang rdo rjer bsgoms la/rnam par snang mdzad la sogs pa'i de bzhin gshegs pa bzhi phyogs bzhi na gnas pa'i las kyi rdo rje bzhi dngos su'am sems kyis bsams kyang rung ste/ de nas dkyil 'khor chen po bri bar gsol ba gdab ste/ de bzhin gshegs pa kun zhi ba//de bzhin gshegs pa kun gyi gnas/ /chos kun bdag med pa yi mchog /dkyil 'khor dam pa bshad du gsol/ /mtshan rnams thams cad yang dag rdzogs/ /mtshan min thams cad rnam spangs pa/ kun du bzang po sku yi mchog /dkyil 'khor dam pa bshad du gsol//zhi ba'i chos ni mchog las byung / /ye shes spyod pa rnam sbyong ba/ /kun du bzang po gsung gi mchog /dkyil 'khor dam pa bshad du gsol/ /sems can kun gyi sems chen po/ /rang bzhin dag pa dri ma med/ /kun bzang thugs mchog kha lo bsgyur / dkyil 'khor dam pa bshad du gsol/ /de ltar lan gsum du gsol ba btab nas/ bdag nyid zhe sdang rdo rje khro bo chen por bsgoms te/ mig g.yas g.yon du ma dang Ta las nyi ma dang zla ba'i dkyil 'khor bsgoms te/ de'i dbus su mig 'bras hUM las gyur pa'i rdo rje nag po de las khro bo'i 'od zer gyi snang ba phyogs bcur 'phros pas nam mkha'i dbyings thams cad du khro bo'i dkyil 'khor gyis khyab par sprul par bya'o//rkang pa gnyis la a las sna tshogs rdo rje 'od 'bar ba bsgoms la lag pa g.yas g.yon du rdo rje dang dril bu 'gying bag can du 'dzin pas dbang ldan phyogs nas brtsams te/stang stabs kyis g.yas skor du dkyil 'khor gyis la lan gsum bskor bar bya'o/ /tshigs su bcad pa 'di dag brjod cing bskor ro/ /sku gsung thugs kyi rdo rje can/ /sangs rgyas thams cad bdag la gson/ /bdag ni dpal ldan rdo rje 'dzin//bka' yi 'khor lo rab sbyor gyis/ /lha dang lha dbang gsang ba pa/ /brjed byed la sogs bgegs kyi tshogs/ /sa 'dir ma gnas gzhan du dengs/ /gal te dam tshig las 'das na/ /rdo rje khro bo bzhin 'bar ba'i/ /rdo rje rab tu 'bar ba yis/ /mgo ni tshal pa brgyar gsheg cing //zhig par 'gyur ba gdon mi za/ /zhes brjod nas sa gzhi rdo rje'i rang bzhin du byin gyis brlab bo/ /de nas seng ldeng gi phur pa dri dmar pos byugs shing srad bu dmar po dang me tog gi phreng ba btags pa stod zhal gsum phyag drug pa smad zur gsum rtse gcig par byin gyis brlabs pa'am/yang na bka'i 'khor lo'i sbyor bas phur bu gdab par bya'o/ /'di dag ni sa yongs su gzung ba'i cho ga'o// //de nas gnod mdzes dang 'dod pa'i rgyal pos ra ba dang dra bas phyogs bsrung zhing bcing bar bya'o/ /'di dag ni sa bsrung ba'i cho ga'o// //de nas mi bskyod pa'i phyag rgyas gnon du byas pas dkyil 'khor gyi sa la bzhag ste/ oM Tak+ki hUM dzaH/ zhes brjod pas sa'i lha mo sku mdog ser mo rgyan thams cad kyis brgyan pa spyi bor rnam par snang mdzad kyis mtshan pa/ lag pa na gser gyi bum pa 'dzin pa/ dkyil 'khor gyi sa'i dbus nas 'thon bar bsams te/de la 'di skad du/ skyob pa sangs rgyas thams cad kyis / /spyod pa'i tshul dang khyad par dang / /sa dang pha rol phyin pa la/ /lha mo khyod ni dbang du gyur/ /shAkya seng ge skyob pa yis/ /ji ltar bdud kyi sde bcom pa/ /de bzhin bdag gis bdud kyi sde//pham par byas te dkyil 'khor bri/ /zhes lan gsum du gsol ba gdab po/ /de nas mchod yon dang zhabs bsil dang mchod pa phul te bzod par gsol te de nyid du thim par bsam mo/ /de dag ni sa'i lha mo sta gon du gnas pa'i cho ga'o// //de nas bdud rtsi lnga dang dri zhim po'i chus lha'i grangs dang mthun pa'i rigs so so'i thig le byas la/ gdan dang gzhal yas khang ji lta ba bzhin bsams la/ phyag rgya dang gnyis su med pa'i khyad par las dam tshig gi 'khor lo rdzogs par bkod la/ye shes sems dpa' dgug pa dang gzhug pa dang bcing ba dang dbang du byas te/ ji lta ba bzhin du byin gyis brlab pa byas la/ phyi nang gsang ba gsum gyi mchod pas mchod cing bstod pa byas te gsol ba lan gsum du gdab par bya'o/ /lag pas bdug spos blangs nas pus mo sa la btsugs te 'di skad du/bcom ldan rdo rje 'dzin pa mchog /rig sngags rgyal la phyag 'tshal lo/ /thugs rje bdag nyid can dag gi /dkyil 'khor bdag nyid bri bar 'tshal/ /slob ma rnams la brtse ba dang / /khyed rnams la yang mchod pa'i phyir//bcom ldan bdag ni gus pa la/ /de ni gnang bar mdzad pa'i rigs/ /sangs rgyas 'gro 'khor bya don stsol / /byang chub sems dpa' 'bras gnas dang / /gzhan yang gsang sngags lha rnams dang / /'jig rten skyong ba'i lha rnams dang / /gang yang 'byung po mthu chen dang //gang yang rdo rje spyan mnga' ba'i/ /sems can bstan la dga' ba rnams/ /bdag ming 'di zhes bgyi ba yis/ /rdo rje 'dzin gyi dkyil 'khor ni/ /yo byad ci 'byor bas 'dri na/ /deng bdag slob mar bcas pa la/ /thugs ni brtse bar dgongs nas su/ / tshogs pa thams cad dkyil 'khor du/ /byin gyis brlab par mdzad du gsol/ /de ltar lan gsum du gsol ba btab la mchod pa la sogs pa byas nas rab dang dra bas phyogs dang phyogs mtshams bcing ba byas te/ 'di dag ni dkyil 'khor gyi lha sta gon du gnas pa'i cho ga'o// // de nas gser la sogs pa'am/ sa'i khams kyi rgyu las byas pa'i bum pa lto ba che ba mgrin pa ring ba kha khyer dang ldan zhing mchu 'phyang ba nag nog med pa lha'i grangs dang mthun par byas te/ tsan+dan dkar pos byugs shing pad+ma la sogs pa'i gdan la so so rang rang gi mtshan mas mtshan pa bri/ras kha tshar ma nyams pas mgul pa bcings la tsu ta la sogs pa'i 'bras bu can gyi shing gis kha brgyan pa sngags kyis btab ba'i dri zhim po'i chus gang ba/ gro dang nas dang til dang 'bras so ba dang mon sran dre'u ste 'bru lnga dang / byu ru dang sa le sbram dang dung dang mu tig dang nor bu ste rin po che lnga dang /siM hi dang / byA grI dang / ha sa dang / ha sa de ba dang / kar+Ni ka ste sman lnga blugs la/ me tog gi phreng bas bcings pa'i rdo rje khar bzhag ste dkyil 'khor gyi 'khor lo'i ting nge 'dzin la gnas la bzlas pa bya/ yi ge baM las gyur pa'i gser gyi bum pa bsgoms la/hrIH las gyur pa'i pad+ma dang / oM dang AH las gyur pa'i zla ba dang nyi ma'i gdan la rang rang gi sa bon yongs su gyur pa las sku rdzogs pa la ye shes kyi 'khor lo bkug la bstim par bya ste/ mchod yon dang / mchod pa lnga phul la/ gtor ma yang kha zas sbyang ba'i ting nge 'dzin du byas la thun mtshams bzhi ru phul nas so so'i bzlas pas mnyes par bya'o//de yang g.yas su rnam par rgyal ba'i bum pa bzhag ste mi g.yo ba'i ting nge 'dzin du bya'o/ /g.yon du las thams cad pa'i bum pa bzhag la mchod pa dang bzlas pas mnyes par byas nas/ dkyil 'khor gyi bgegs bsal du gsol zhes phrin las bcol lo//dkyil 'khor la mchod pa yang bya ste snga ma bzhin du gsol ba gdab pa yang lan gsum du bya'o/ /'di dag ni bum pa sta gon la gnas pa'i cho ga'o// //de nas phyi rol du byung nas rang gi slob ma brtags la gzung bar bya ste/blo dang ldan pa theg pa chen po la dga' ba bla ma la dad cing snying rje che ba/ bka' drin rjes su dran pa nga rgyal med pa bslab pa yid ches pa dang ldan pa/ gsang sngags bsgrub pa dang / slob dpon la lhag par mos pa rigs dang ldan zhing sdom pa dang dam tshig la gnas pa ni rin po che'i skyes bu zhes bya ba'i grangs su 'gro ste/'di ni brtan pas mchog tu gzung bar rgyal ba rnams kyis gsungs so/ /de las gzhan pa'i slob ma ni dad pa sngon du 'gro bas byang chub la dmigs nas/ dkyil 'khor gyi lha dang bla ma la dad pa rgya chen po byed pa yang ci rigs par gzung bar bya ste gang zag gi rim pa bzhin sbyar ro//de las gzhan pa ni slob ma dang tshogs pa'i bdag nyid gang dang yang mi ldan pa de ni 'dir mi gnang zhing dgag par bya'o/ /de ltar snod dang snod ma yin pa rnams brtags la slob dpon bdag nyid khang pa'i nang du 'jug go//de nas skal pa dang ldan pa'i slob mas kyang sgo drug du gnas te/ dga' chen khyod bdag ston pa pos / /slob dpon khyod ni dgongs su gsol/ /byang chub chen po'i tshul bstan pa/ /mgon po chen po bdag 'tshal lo/ /dam tshig de nyid stsal du gsol/ /byang chub sems ni bdag la stsol //sangs rgyas chos dang dge 'dun te/ /skyabs gsum dag kyang bdag la stsol / /thar pa chen po'i grong mchog tu/ /mgon pos bdag ni 'jug par 'tshal/ /de ltar lan gsum gsol ba btab nas slob dpon 'khor lo'i gtso bo'i ting nge 'dzin la gnas pas tshig 'dis gnang ba sbyin te/bu tshur theg pa chen po yi/ /gsang sngags spyod yul cho ga dag /khyod la yang dag bstan par bya/ /khyod ni tshul chen snod yin te/ /dus gsum 'byung ba'i sangs rgyas rnams/ /sku gsung thugs kyi rdo rje can/ /rdo rje gsang sngags bsgom pa yis/ / dpa' bos byang chub shing drung du/ /thams cad mkhyen pa mtshan med brnyes/ /gsang sngags sbyor ba mnyam med de/ /shAkya seng ge skyob pa yis/ /bdud sde shin tu mi bzad pa/ /dpung chen dag kyang de yis bcom/ /'jig rten rjes 'jug par rtogs nas/ /'khor lo bskor nas mya ngan 'das//de bas kun mkhyen thob bya'i phyir/ /bu yis blo gros 'di byos shig /ces smra'o/ /de nas dkon mchog gsum la skyabs su 'gro ba dang / sdig pa bshags pa dang / bsod nams la rjes su yi rang ba dang / yongs su bsngo ba dang / byang chub tu sems bskyed pa dang /bdag nyid kyi lus dbul ba dang / sangs rgyas thams cad la chos kyi 'khor lo bskor bar bskul ba dang / mya ngan las mi 'da' bar gsol ba gdab pa dang / sgrib pa med pa'i ye shes kyi sdom pa bzung ba dang smon lam gdab par bya'o/ /dkon mchog gsum la skyabs su 'gro ba la sogs pa ni slob mas tshigs su bcad pa brjod cing bya'o//sdom pa gzung ba ni dang po slob dpon gyis bsgo ste 'di skad du/ sangs rgyas chos dang dge 'dun te/ /dkon mchog gsum la skyabs su song / /'di ni sangs rgyas rigs dag pa'i// dam tshig brtan par gyur pa'o/ /rdo rje dril bu phyag rgya dag /blo chen khyod kyis gzung bar gyis/ /byang chub sems gang de rdo rje/ /shes rab dril bu zhes grags so/ /slob dpon dag kyang gzung bar gyis/ /bla ma sangs rgyas kun dang mnyam/ /'di ni rdo rje rigs dag pa'i/ /dam tshig sdom pa yin par gsungs//rin chen rigs mchog chen po la/ /nyin dang mtshan mo lan gsum du/ /zang zing mi 'jigs chos dang byams/ /sbyin pa rnam bzhi rtag tu sbyin/ /phyi nang gsang ba'i theg pa gsum/ /dam chos khyod kyis gzung bar gyis/ /'di ni pad+ma'i rigs dag pa'i/ / dam tshig sdom pa yin par gsungs/ /las kyi rigs mchog chen po la/ /sdom pa thams cad ldan par ni/ /yang dag nyid du gzung bar bya/ /mchod pa'i las kyang ci nus bya/ /srog chags rnams ni gsad mi bya/ /ma byin par yang mi slang ngo / /'dod chags dag kyang mi bya zhing / / brdzun du smra bar mi bya'o/ /nyes pa kun gyi rtsa ba ste/ /chang ni rnam par spang bar bya/ /sems can gdul phyir ma gtogs par/ /bya ba ma yin thams cad spang / /dam pa nye bar brten bya zhing / /rnal 'byor pa kun bsnyen bkur bya/ /lus kyi las ni rnam gsum dag /ngag gi rnam pa bzhi dag dang //yid kyi rnam pa gsum dag ni/ /ci nus par yang rjes su bsrung / /sems can don la mi phyogs dang / /theg pa dman la dgod mi bya/ /'khor ba dag kyang yongs mi spong / rtag tu mya ngan 'dar mi chags/ /lha dang lha min gsang ba pa/ /de la brnyas par mi bya zhing //phyag rgya bzhon pa mtshon cha dang / /mtshan ma 'gom par mi bya'o/ /de ltar dam tshig gsungs pa dag /blo ldan khyod kyis rtag tu srungs / /de nas bla ma des gsungs pa'i/ /sdom pa legs par gzung bya'o/ / tshul khrims kyi ni bslab pa dang / /dge ba'i chos ni sdud pa dang //sems can don byed tshul khrims gsum/ /bdag gis brtan por gzung bar bgyi/ /sangs rgyas chos dang dge 'dun te/ /bla na med pa'i dkon mchog gsum/ /sangs rgyas rnal 'byor las skyes pa'i/ /sdom pa deng nas gzung bar bgyi/ /rdo rje rigs mchog chen po yi//rdo rje dril bu'i phyag rgya dag /yang dag nyid du gzung bar bgyi/ /slob dpon dag kyang gzung bar bgyi/ /rin chen rigs mchog chen po yi/ /dam tshig yid du 'ong ba la/ /nyin re bzhin du dus drug tu/ /sbyin pa rnam bzhi rtag tu sbyin/ /byang chub chen po las byung ba'i/ / pad+ma'i rigs mchog chen po la/ /phyi nang gsang ba'i theg pa gsum/ /dam chos so sor gzung bar bgyi/ /las kyi rigs mchod chen po la/ /sdom pa thams cad ldan par ni/ /yang dag nyid du gzung bar bgyi/ /mchod pa'i las kyang ci nus bgyi/ /byang chub sems ni bla med pa/ / dam pa bdag gis bskyed par bgyi/ /sems can ma lus don gyi phyir/ /bdag gis sdom pa ma lus gzung / /ma rgal ba dag bsgral bar bgyi/ /ma grol ba dag bdag gis dgrol / /dbugs ma phyin pa dbugs pa byung zhing / /mya ngan 'das la dgod par bgyi/ /lus dang ngag dang yid dag gis//mi dge ba ni bcu po dag /bag med pa yi gnas gyur pa/ /chang ni rnam par spang bar bya/ /de bzhin lha dang lha min dang / /gsang ba pa dag brnyas pa dang / /mtshan ma la sogs 'gom pa rnams/ /dus 'di nas ni bzung nas ni/ /ji srid byang chub snying po'i bar/ / bdag ni rab tu ldog par bgyi/ /de ltar sdom pa bzung ba'i slob ma la snying ga dang mgrin pa dang dpral bar rdo rje khu tshur gyis dri'i thig le gsum byas te/ nyi ma dang pad+ma dang zla ba la yi ge gsum so sor bkod la sku dang gsung dang thugs su byin gyis brlab cing / las thams cad pa'i sngags kyis bsrung bar bya'o//de nas mchod pa byas te spyi bor me tog dang spos so / /mar me dang dri ni snying gar ro/ /lha bshos ni mdun du'o/ /de re re la yang tshig 'di sngon du 'gro bas sbyin te/ dus 'di nyid nas bzung nas ni/ /'khor ba'i skyon gyis ma gos par/ /mchod pa kun dang ldan pa ni//dus kun du ni bde bar mnos/ /zhes pas so/ /de nas las thams cad pa'i sngags kyis mngon par bsngags pa'i so shing sor bcu gnyis pa shing drang po 'o ma can las byung ba srin bus ma zos pa/ bu ga dang mdzes pa med pa drang pos byas pa la dri zhim pos byugs shing rtse mo me tog gi phreng bas brgyan pa slob ma shar phyogs su kha bltas te mi smra bar so shing bca'o//bza' ba zin nas mdun drang por dor ro/ /de nas so shing gi rtse mo'i ltas blta ste/ phyogs mtshams kyi dbye bas zhi ba la sogs pa'i las brgyad 'grub pa'am/ yang na bdag la lta ba'am rtse mo gyen du 'greng na dngos grub mchog 'grub po//de bzhin du shar du bltas na dngos grub 'bring 'grub bo/ /mtshams dang byang du bltas na 'jig rten pa'i dngos grub 'grub po/ /thur du bltas nas 'og gi dngos grub 'grub bo/ /de nas ngag gi nyes pa sbyang ba'i phyir 'thor 'thung byas te kha bkrus nas hub gsum 'thung du gzhug pa'i sngags ni/oM hrIH bi shud+d+hA ya sar+b+ba d+harmAya sar+b+ba pA paM ni tsa saM [(]shod+hA [,]shod+d+hA [)]ya / sar+b+ba bi kalpa a ba na ya hUM/ zhes bzlas la chu khyor ba gsum 'thung du gzhug go/ /'jig rten du ni kun mkhyen rnams/ /u dum+bA ra'i me tog bzhin//brgya lam na ni res 'ga' zhig /'byung 'gyur yang na mi 'byung ngo / /gsang sngags spyod pa'i tshul 'byung ba/ /de bas kyang ni dkon pa ste/ /gang gis mnyam med sems can don/ /mya ngan mi 'da' byed par nus/ /bskal pa bye ma du ma ru/ /sdig pa byas par gyur pa gang //de kun dkyil 'khor 'di 'dra ba/ /mthong bas 'byang bar 'gyur yin na / /grags pa mtha' yas sngags spyod pa'i/ /tshul la gnas pa smos ci dgos/ /skyob pa'i gsang sngags bzlas na ni/ /go 'phang bla na med par 'gyur/ /gang dag spyod pa mchog 'di la/ /blo gros shin tu mi g.yo ba//de dag gis ni ngan 'gro'i rgyun/ /sdug bsngal kun 'byung rab tu bcad/ /bdag nyid chen po khyed rnams kyis/ /rnyed pa mnyam med de ring rnyed/ /gang phyir rgyal ba sras bcas la/ /bdag nyid chen po kun gyis ni/ /bstan pa 'di la khyed rnams kun//yongs su bzung ste skye bzhin pa/ /de phyir khyed rnams theg chen la/ /sang ni rab tu skye bar 'gyur/ /theg pa chen po cher 'byung ba'i/ /lam mchog 'di ni dpal dang ldan/ /khyed rnams der ni dong bas na/ /rang 'byung skal ba chen po la/ /'jig rten thams cad mkhyen pa yi//de bzhin gshegs par 'gyur ba yin/ /yod dang med las rnam par 'das/ /nam mkha' bzhin du dri ma med/ /zab mo rtog ge thams cad kyis/ /rab tu mi rtogs gnas med pa/ /spros pa kun dang bral ba ste/ /spros pa rnams kyis ma spros pa/ /las dang bya ba la sogs bral//bden pa gnyis la gnas pa yi/ /theg pa rab kyi mchog 'di yi/ /tshul la gnas na thob par 'gyur/ / zhes bya ba'i tshig 'di dag ni theg pa chen po'i chos bshad pas spro ba yang dag par bskyed par bya'o/ /de nas las thams cad pa bzlas pa'i srung skud mdud pa gsum bor ba dpung ba g.yon pa la gdags so//de nas sngags kyis btab pa'i ku sha la sngas dang stan byas te/ rmi lam gyi ltas blta'o / /rmi lam gyi ltas mthong ba dge ba'am mi dge ba nang par dus su nga la zlos shig ces bsgo'o/ /rmi lam mi dge ba na las thams cad pa'i sngags kyis gzhom mo//de nas mchod pa dang bstod pa byas te/ nam mkha'i phyogs su dkyil 'khor gyi 'khor lo bkod la dra ba dang ra bas kha sbyar gyi sbyor bas bsrung te gzhag go/ /de dag ni [(]lta [,]sta [)]gon la gnas pa'i cho ga'o// //de nas slob dpon rdo rje sems dpa'i ting nge 'dzin la gnas pas rang bzhin gyis dkyil 'khor bskul ba'i phyir nam mkha' la gdab pa'i skud pa dang tshon gyis dkyil 'khor bri ba'i phyir sa la gdab pa dang gnyis bya ste/de la thog mar rang gi phyag rgya ma bslabs pa 'byongs pa dang thig skud bkal te/ de nas tshon lnga so sor btsos nas bdud rtsi lnga dang dri zhim pos byugs shing gser la sogs pa'i snod gtsang mar bzhag la/rigs re re la yang rang rang gtso bor byas pa'i lnga lnga yod pas skud pa re re la yang lnga lnga ste nyi shu rtsa lnga bya'o/ /sngags pas bdag nyid kyi mig g.yas g.yon la dza dkar dmar las bskyed pa'i nyi zla bskyed la/ de nyid la yang rdzas so sor mtshon pa mig gi gzim ma 'dren par byed pa'i 'bar ba'i lta bas nam mkha'i dbyings thams cad du bltas te/ dza las 'phros pa'i 'od zer gyi lcags kyus ye shes sems dpa'i thugs ka nas ye shes kyi skud pa drangs te/ yi ge lngas drang pa'i dam tshig gis skud pa la thim par byas nas/las thams cad pa'i dri'i chus bsang gtor byas pa'i dri dang me tog la sogs pa phul nas/ oM AHoM hUM / oM AHswA hUM / oM AHAH hUM/ oM AH hU hUM/ oM AH hUM hUM/ zhes bzlas so/ /'khal zhing sgril ba'i dus su yang / oM a n+yo n+yA nu ga ta sar+b+ba d+har+m+mA pa ra spa ra a nu ga ta sar+b+ba d+har+m+mAH ad+yan+tA nu ga ta sar+b+ba d+har+m+mA nu pra be sha ya sar+b+ba d+har+m+mA hUM/zhes rjes su dran pas bzlas shing bsgril lo/ /de nas tshon sna gcig pa'i las thams cad pa'i skud pa byas te dri zhim po dang bdud rtsi lnga dang las thams cad pa bzlas pa'i yungs kar bsres pa sbangs te/tsan+dan dkar po'i chus byug par bya'o/ /skud pa yi ge gsum gyi nang du chud par bya'o/ /skud pa bsngogs shing bzung nas dz+dza gsum gyis bton la rang rang gi phyag rgya ma la gtad par bya'o/ /shes rab med par bdag nyid gcig pu spyod na slob dpon rdo rje sems dpa'i ting nge 'dzin la gnas la slob ma rnam par snang mdzad dam bdud rtsi thab sbyor du bsams te shar gyi sgor gnas par bya'o//nub dang shar na gnas pa'i slob dpon slob mas khu tshur g.yon gyis bzung nas/ oM badzra sa mA ya sU tra ma ti kra ma hUM/ zhes brjod pas/ phyogs bcu'i 'jig rten gyi khams na gnas pa'i de bzhin gshegs pa thams cad 'gro ba sems can gyi don gyi phyir gshegs shig par thig gi sgras bskul bar bsam par bya'o//de nas slob dpon gnod sbyin gyi phyogs su kha bltas la slob ma gshin rje'i phyogs su kha bltas te nam mkha' la thig gdab par bya'o/ /de bzhin du klu dang brgya byin gyi phyogs su kha bltas la thig gnyis pa gdab par bya'o//de bzhin du grwa dang phyogs la sogs pa gdab par bya'o/ /de la dang po ni tshangs pa'i thig go/ /gnyis pa ni grwa'i thig go/ /gsum pa ni phyi rol gyi thig go/ /bzhi pa ni so sor cha rnam par dbye ba'i thig go//de nas nam mkha' la btab pa bzhin du sa la gdab par bya ste/ tshangs thig gi g.yas g.yon du ri mo dgu dgu btab pas cha bcu bcur 'gyur te/ spyir cha chen po nyi shur 'gyur ro/ /de re re'i nang du thig gsum gsum btab pas snam bu bzhi bzhir 'gyur te/ des cha phran brgyad cur 'gyur ro//de bzhin du tshangs thig gnyis pa'i g.yas g.yon yang gdab par shes par bya'o/ / de la lnga pa'i dang pos ning ba'i tshon sna lnga'i sa bya'o/ /lnga pa bzhi pas ni 'gram gyi tshon sna lnga'i sa bya'o/ /drug pa'i gsum pas ni sgo'i steng logs kyi tshon sna lnga'i sa bya'o/ /dang po'i gsum pas ni sgo khyud kyi tshon sna lnga'i sa bya'o//gnyis pa'i gnyis pas ni logs kyi tshon sna lnga'i sa bya'o/ /dang po'i bzhi pa dang gnyis pa'i dang pos ni khyams kyi sa bya'o/ /lnga pa'i gnyis pa dang gsum pas ni kha khyer gyi sa bya'o/ /lnga pa'i bzhi pas kha khyer gyi sa bya'o/ /drug pa'i dang po dang gnyis pas dra ba dang dra phyed kyis bya'o//des ni dkyil 'khor gyi gnas bsgrub pa'o/ /dang po'i bzhi pas ni nang gi ka ba'i sa bya'o/ /gnyis pa'i gsum pas ni phyi'i ka ba'i sa bya'o/ /de nas tsan+dan gyi phur bu la/ oM badzra kI li kI la ya sarba big+hAM baM hUM/ zhes lan bdun bzlas pas dbus kyi lte ba la btab la gsum pa'i gsum pa la rdo rje ra ba'i sar ri mo gnyis su g.yas skor du zlum por bskor bar bya'o//de nas dgu pa'i dang po dang gnyis pa dang gsum pa gsum ri mo gnyis kyis bskor ba khor yug te pad+ma'i phreng pa'i sa bya'o/ /de'i 'og gi cha gsum la nang gi phyed dang gnyis kyis ni khor yug chen po ste phyi rol gyi rdo rje ra ba'i sa bskor bar bya'o//de dag kyang dang po ri mo nang nas bskor ro/ /de nas phyi rol nas bskor te/ de'i lhag ma phyed dang gnyis kyis ni 'od kyi dkyil 'khor ro/ /tha ma'i cha bran stong pa gnyis kyis ni dkyil 'khor gyi nye 'khor gyi sa bya'o/ / de nas gsum pa'i bzhi pa la 'dod pa'i lha mo'i snam bu'o/ /bzhi pa'i dang po dang bzhi pa'i gnyis pa dang bzhi pa'i gsum pa dang bzhi pa'i bzhi pa rnams gcig tu byas pa ni sgo dang 'brel pa'i phyi'i snam bu'o/ /de nas mig gnyis la d+hi las nyi zla bskyed pa'i khro bo'i lta bas nang gi thig gdab nas khro bo'i mig gi lta stangs kyi 'od zer gyis bgegs bsal la phyi'i thig gdab par bya ste/sngar btab pa rnams la ci rigs par sbyar bar bya'o/ /de la ra ba'i tshon sna lnga dang 'gram gyi tshon sna lnga sgo dang 'brel pa phyi'i sgo'i nang dang sgo khyud kyis bya'o/ /rta babs bzhi ni chur sgo'i bzhi 'gyur snam phran bcu drug gi tshad do//de la chu srin gyi mgo la sogs pa'i rgyan rnams dgod pa'i sa bya'o/ /ra ba dang 'brel pa'i snam phran dang po dang gnyis pa la gar mkhan gyi lha mo mchod pas phyag brel pa rnams so/ /gsum pa la ni rin chen pha gu'i sa'o/ /bzhi pa dang lnga ba la ni dra ba dang dra ba phyed pa dang nyi zla'o//drug pa la rdo rje nor bu phyed pa'o/ /sgo'i logs dang 'gram rnams su rnga yab 'bar ba dang rgyal mtshan dang ba dan rlung gis bskyod pa'o/ /chos kyi 'khor lo'i g.yas g.yon du ri dgas kyis mtshan pa/ phyi rol gyi grwa bzhir gser gyi bum pa brgyad dang mchod pa la sogs pa ci rigs par bri bar bya'o//de yang / thugs kyi dkyil 'khor dam pa ni/ /gru bzhi pa la sgo bzhi pa/ /rta babs bzhi yis rnams par brgyan/ /thig bzhi dang ni yang dag ldan/ /ka pa brgyad kyis nye bar mdzes/ /dra ba dra phyed rdo rje dang / / nor bu zla bas brgyan pa'o/ /sgo dang sgo khyud mtshams rnams su/ /rdo rje rin chen rnams kyis spras/ /bum pa ka ba rdo rje phyed/ /bre yi phreng ni rim bzhin gnas/ /ba dan dril bus mdzes byas la/ /rnga yab rnams kyis rnam par brgyan/ /'dod pa'i yon tan lnga dang ni/ /mchod pa rnam pa lnga yis brgyan//khru ni bcu gnyis tshad dang ldan/ /tshon rtsi lnga dang yang dag ldan/ /bum pa brgyad dang ldan pa bri/ /kun nas yongs su zlum por bya/ /de dag ni thig gi cho ga'o// //de nas rdul tshon byin gyis brlab par bya ste/ kha dog lnga la hUM la sogs pa kha dog lnga dang ldan pa so sor bstims la/ye shes kyi dkyil 'khor bsdu ba la sogs pa thig gi cho ga bzhin bya ste/ tshon rtsi 'od 'bar bar bsams te/ oM badzra tsi tra sa ma ya ma ti kra ma hUM/ zhes brjod pas byin gyis brlabs te/ chos dbyings 'di ni rnam par dag / sems can khams ni rnam grol mdzad/ /rdo rje 'dzin pa rgyal po che/ /rdul tshon mi phyed ngo bo nyid/ /ces pa'o/ /de nas slob mas g.yon pa'i khu tshur gyis dbang ldan gyi phyogs nas brtsams te sgo'i steng logs kyi tshad du bri bar bya'o/ /de yang phyi rol nas brtsams te thog mar ni dkar po'o//de nas ni ser po'o/ /de nas ni dmar po'o/ /de nas ni ljang gu ste nang rol ni nag po'o/ /de yang sbom phra dang yon po dang g.yon skor la sogs pa'i skyon spangs te bri'o/ /de nas dbus nas bri'o/ /de nas las kyi rdo rje la sogs pas ci bder bri'o/ /dbus dang shar la sogs pa'i re'u cha rnams ni nag po dang /dkar po dang / ser po dang / dmar po dang / ljang gu go rims bzhin no/ /mchod snam ni dmar po'o/ / sgo dang sgo'i snam bu ni phyogs kyi snam bu'o/ /de nas rdul tshon gyi bgegs 'byung ba lnga las byung ba rnams ni sku'i dkyil 'khor la ni gshin rje gshed kyi sbyor bas gzhom mo//gsung gi dkyil 'khor la ni rta mgrin gyi sbyor bas so/ /bdud rtsi thab sbyor gyi sbyor bas sku gsung thugs kyi dkyil 'khor gang la yang sbyar du rung ngo / /'dir ni rdo rje 'chang gi dkyil 'khor yin pas na gnod mdzes kyi sbyor bas bgegs gzhom par bya ste/ oM sum+b+ha ni sum+b+ha hUM phaT/oM gr-ih+Na gr-ih+Na hUM phaT/ oM gr-ih+NA pa ya gr-ih+NA pa ya hUM phaT/ oM A na ya ho b+ha ga bA na bid+yA rA dza hUM phaT/ ces brjod cing gnod mdzes kyi tsham ngam gyis srung zhing rnam par 'phru pas bgegs kyi tshogs 'jig par byed pa 'di la som nyi mi bya'o/ /de ltar dkyil 'khor bris nas de nas phyag rgya dgod par bya ste/hUM la sogs pa gsung gi phyag rgya'am/ rdo rje la sogs pa thugs kyi phyag rgya'am/ phyag dang zhabs la sogs pa sku'i phyag rgya bri bar bya ste/ de la 'dir re zhig thugs kyi mtshan ma'i dbang du byas nas bshad pa gsungs te/ dbus su ni sna tshogs pad+ma dang nyi ma'i steng du kha dog sngon po'i rdo rje chen po rtse dgu pa'o//shar la sogs pa'i phyogs bzhir sna tshogs pad+ma la gnas pa'i zla ba dang rin po che dang / pad+ma dang rgya gram gyi gdan gyi steng du 'khor lo dang / rin po che dang / pad+ma dang / ral gri kha dog so sor bri bar bya'o/ /me'i gra la sogs pa'i mtshams bzhi ru ni pad+ma dang zla ba la gnas pa'i steng du ut+pal dkar po dang /sngon po cung zad rtsa ba dmar ba dang / dmar po dang / ljang gu ste/ spyan la sogs pa'i thugs kyi mtshan ma so sor dgos par bya'o/ /'dod pa'i yon tan gyi snam bu'i grwa bzhir me long dang / pi wang dang / dri'i dud dang /ro'i snod thod pa ste/ pad+ma'i steng na zla ba la gnas pa'i gzugs rdo rje la sogs pa'i mtshan ma rim pa bzhin du dgod do/ /snam bu gsum pa la pad+ma dang zla ba la gnas pa'i byams pa'i klu shing dang gzhan sems dpa' dag ni gtso bo'i kha dog dang phyag mtshan dang mthun par bri'o// khro bo rnams ni pad+ma'i steng na nyi ma la gnas pa'i shar sgor gshin rje gshed kyi dbyug to'o/ /lho'i sgor ni gzhan gyis mi thub pa'i rdo rje'i dbyug to'o/ /nub sgor ni rta mgrin gyi pad+ma 'od rnon po dang bcas pa'o/ /byang sgor ni bdud rtsi thab sbyor gyi rdo rje rgya gram mo/ /shar lho mtshams/ ni mi g.yo mgon gyi ral gri'o/ /lho nub mtshams su ni 'dod pa'i rgyal po'i lcags kyu'o/ /nub byang mtshams su ni dbyug sngon gyi rdo rje dbyug pa'o/ /byang shar mtshams su ni stobs po che'i tri shU la'o / /shar stod du ni gtsug tor 'khor los sgyur pa'i 'khor lo rtsibs brgyad pa gtsug tor gyis mtshan pa'o//nub smad du ni gnod mdzes kyi rdo rje'o/ /de yang rang gi sngags bzlas shing thun mtshams su bri'o/ /de dag ni tshon dgye ba'i rim pa'o/ /de nas phyag rgya ma legs par 'byongs pa dang / dang po sbyor bas snyoms par 'jug pa'i cho ga bya'o/ /shes rab kyi chos 'byung nas/badzra d+h+r-ika la sogs pa'i lha so so'i mtshan gyi sngags kyis bton nas so so'i gdan la rdzogs par bsgom zhing / de nas ting nge 'dzin sems dpa'i 'od zer las khro bo'i rgyal po gnod mdzes 'phro bas phyogs bcu'i ye shes kyi 'khor lo dam tshig gi 'khor lo la spyan drangs la phyi nang gsang ba'i mchod pas mchod de/gshin rje gshed la sogs pas dgug pa dang / gzhug pa dang / bcing ba dang / dbang du byas te/ dkyil 'khor gyi gtso bo la ni rnam par snang mdzad nas gnod mdzes kyi bar gyis spyi bo nas rkang pa'i bar du dgod pa'o//gnas gsum du sku gsung thugs rdo rje gsum po dgod pa dang / sems dpa' gsum gyi mthar thug pa dgod cing byin gyis brlab po/ 'khor gyi lha rnams la ni sku gsung thugs rdo rje dang / ye shes sems dpa' dang bzhi ste phyag rgya chen po dang / chos dang / las dang / dam tshig gi phyag rgyas gdab par bya'o/ /'di dag ni dkyil 'khor byin gyis brlab pa'i cho ga'o// //de nas phyi nang gsang ba'i mchod pas dkyil 'khor gyi lha rnams mnyes par bya ste/ me tog gi char gyis ni lha rnams kyi dbu la'o/ /dri dang bdug spos kyis ni shangs la'o//byug sbos kyis thugs la'o/ / mar me ni spyan la'o/ /lha bshos ni ljags la'o/ /dril bu ni snyan la'o/ /yon chab dang zhabs bsil ni phyag dang zhabs la'o/ /de dag kyang / mchod pa rnam pa lnga la mchog bstan / /zhes gsungs pas 'jig rten pa dang thun mong ma yin pa ting nge 'dzin sems pa'i 'od zer las byung bas na nam mkha'i dbyings kyi dbus su gtogs pa'i sangs rgyas thams cad la mchod pa'i sprin gyi char byung bar bsam mo//de nas nang gi mchod pa byas te / phyag rgya dang snyoms par 'jug pa las bla na med pa'i mchod pa brtsam ste/ byang chub sems kyi phra rab bsags pa las nam mkha'i khams thams cad de bzhin gshegs pas gang bar bsams la/ de dag kyang thabs dang shes rab gnyis su med pa'i mchod pas mnyes pa 'di ni nang gi mchod pa'o/ /de nas bdud rtsi lnga dang / dpa' bo lnga kha zas sbyang ba'i ting nge 'dzin gyis sbyangs la dkyil 'khor gyi lha rnams la dbul bar bya zhing bdag nyid kyang tshim par bya ba 'di nyid ni gsang ba'i mchod pa'o//de nas bstod pa dang bzlas pas mnyes par bya te/ de'i rjes la phyir byung la gtor ma dang mchod pas phyogs skyong rnams so sor mnyes par bya'o//de nas dkyil 'khor gyi nang du song ste/ stod g.yogs dang smad g.yogs dang gtsug tor la sogs pa'i rgyan thams cad dang ldan pa'i hUM mdzad kyi skur bsgyur la dkyil 'khor gyi g.yas phyogs nas bskor ba lan gsum byas te / phyag byas nas me tog gi phreng ba sngon po dkyil 'khor gyi gtso bo la phul te/slar blangs nas bdag gi mgo bo la bcings nas lhas gnang bar bsams pa 'dis ni rdzas dang yo byad la sogs pa'i dri ma thams cad dag par 'gyur ro/ /'di dag ni mchod pa'i cho ga'o// //de nas shar phyogs su kha bltas te/ rgyas pa'i las dang 'brel pas dkyil 'khor gyi lha rnams mnyes par bya'o/ /sbyin sreg gi cho ga ni 'og nas ston pas 'dir ma bstan no/ /de nas bdag nyid 'jug par bya ste / byang chub tu sems bskyed la me tog 'thor ba'i bar gyis zhugs la phreng ba nas rjes su gnang ba'i bar gyis bka'i gnang ba thob par byas la slob ma gzhug par bya ba'i ched du bden pa'i byin gyis brlabs pa brjod par bya ste/nam mkha'i skye ba mtshan ldan phyir/ /thog ma tha ma med pa'i mchog /sems dpa'i rdo rje che rang bzhin/ /rdo rje sems dpa' bdag grub mdzod/ /kun mchog dngos grub chen po ste//dbang phyug chen po lhag pa'i lha/ /rdo rje 'dzin pa kun gyi rgyal/ /mi 'gyur mchog tu bdag grub mdzod/ /nyes pa mi mnga' rtag pa khyod/ /'dod chags kun gyi rjes chags pa/ /'dod chags chen po dga' ba che/ /bcom ldan de nyid kyis grub mdzod/ /shin tu dag pa kun gyi mchog /gdod nas grol ba de bzhin gshegs/ /kun du bzang po kun bdag nyid/ /byang chub sems dpar bdag grub mdzod/ /dngos grub chen po kun gyi mchog /dbang phyug chen po phyag rgya'i mchog /grub pa'i rdo rje cher bstod pa/ /rdo rje snyems pa bdag mdzod cig / sems can kun gyi yid khyab cing / /sems can kun gyi snying la zhugs/ /sems can kun gyi yab gyur cing / /'dod chags dam tshig mchog gyur pa'o/ /bden pa 'di yis ye shes mchog /shes rab thabs bdag dkyil 'khor yin/ /bden pa de yis mgon bdag la// khyod kyis 'dod pa rab rdzogs mdzod/ /chos rnams gzugs brnyan lta bu ste/ /dag cing gsal la rnyog pa med/ /gzung du med cing brjod du med/ /rgyu dang las las kun du 'byung / /de bzhin nyid las nges par skyes/ /bden pa 'di yis dkyil 'khor du//gzugs brnyan gsal bar slob ma ni/ /kun gyis dri ma med mthong shog /ces lan gsum brjod do/ /'di dag ni slob dpon 'jug pa'i cho ga'o// //de nas dkyil 'khor chen po dang slob ma'i bar du yol bas bcad nas las thams cad pa'i chus bkrus pa'i ras dmar po'i gdong g.yogs kyis bkab la/sdug pa khyod su yin zhes lan gsum dri'o/ /des kyang sdug pa bdag ni skal ba bzang po'o/ /zhes lan gsum brjod par bya'o/ /de nas me tog phreng ba 'dzin pas sgor yang dag par mchod par bya'o/ /de bzhin du/ yul 'khor khyim dang glang po rta//gser dang mu tig byi ru dang / /nor bu dang ni khyad par rdzas/ /bu dang chung ma bdag nyid dang / /bran pho bran mo bcas rnams kun/ /deng nas brtsams te dbul bar bgyi/ /zhes yon gyi bye brag dbul bar bya'o/ /de nas snying gar rdo rje bzhag la/ oM sarba yo ga tsit+ta u tA tA yA mi/ /su ra ta sa ma ya s+t+waM ho/ /zhes pas byang chub tu sems bskyed la/ /sid+d+hi badzrA ya tha su khaM/ zhes pas 'khor lo bskor bar bya'o/ /deng khyod de bzhin gshegs pa thams cad kyi byin gyis brlabs kyis/ khyod de bzhin gshegs pa thams cad kyi mchog tu gsang ba'i dkyil 'khor ma mthong ba rnams la smra bar ma byed cig /dad pa dang mi ldan pa rnams la yang ma yin no zhes brjod par bya'o/ /de nas gshin rje gshed la sogs pa'i gsang sngags kyis yol ba'i nang du bkug cing tshud par byas nas sam yang na/ a khaM bI ra hUM/zhes bya ba'i yi ge lnga yis nang du chud par byas la de nas snga ma bzhin du sdom pa 'dzin du gzhug ste/ deng khyod de bzhin gshegs pa thams cad kyi rigs su zhugs kyi / ngas khyod la ye shes gang gis de bzhin gshegs pa thams cad kyi ye shes kyang thob na/ dngos grub gzhan lta ci smos te/de lta bu'i ye shes bskyed par bya yi / dngos grub 'di dkyil 'khor chen po ma mthong ba rnams la ma smra shig dam tshig nyams par gyur ta re zhes brjod par bya'o/ /de nas slob ma'i snying gar rdo rje bzhag la/ oM rdo rje sems dpa' deng khyod kyi/ /snying la yang dag zhugs par gyur//oM badzra sa tA hUM/ gal te tshul 'di smras na ni/ /de ma thag tu dral te gshegs/ /zhes brjod do/ /de nas thod pa na gnas pa'i bdud rtsi 'thung du gzhug te/ 'di ni khyod kyi dmyal ba'i chu/ /dam tshig 'das na sreg par byed/ /dam tshig bsrungs na dngos grub ster//rdo rje bdud rtsi'i chu 'thung shig /oM badzra ud ga ThaH / de nas 'di skad ces brjod par bya'o/ /deng phyin chad khyod kyi phyag na rdo rje nga yin gyis ngas 'di byos shig ces brjod pa gang yin pa de yang bya dgos so/ /khyod kyis nga la brnyas par ma byed cig /mi bde ba ma spangs pas khyod dus byas nas dmyal bar lhung bar gyur ta re zhes brjod do//de nas de skad smras pa la/ slob mas 'di skad du/ de bzhin gshegs pa thams cad kyi byin gyis rlobs shig /rdo rjes sems dpa' bdag la 'bar par gyur cig ces gsol ba lan gsum gdab par bya'o// de nas dbab snod slob ma de snang ba mtha' yas su bsams la/ yan lag thams cad la yi ge a dmar po bkod la snying gar laM yongs su gyur pa las dbang chen ser po grub bzhi grwa bzhi la rdo rje rtse gsum pas mtshan pa de'i dbus su yi ge hUM ngo / /baM yongs su gyur pa las chu'i dkyil 'khor zlum po bum pas mtshan pa lte bar bsam/yaM yongs su gyur pa las rlung gi dkyil 'khor gzhu 'dra ba ba dan gyis mtshan pa rkang pa'i 'og tu'o/ /raM las me'i dkyil 'khor gsum mdoms su bsam/ mgrin par AH / spyi bor ha/ de nas 'od zer 'bar ba'i dz+haiM rkang mthil nas rkang gi bu gnas rlung gis me sbar ba la sogs pa'o//badzra a be sha ya ste b+ha ya ra ra ra ra/ tsa la ya tsa la ya/ hUM a ha dz+haiM/ zhes dril bu'i sgra dang bcas pas dbab par bya'o/ /phebs pa dang tiSh+Tha badzra/ zhes pas brtan par bya ste/ de nas lce la yi ge a dmar po bsams la/dge ba dang mi dge ba'i gtam yongs su smros shig ces dri'o/ /de nas me tog gi phreng ba/ pra tIts+tsha badzra ho/ /zhes brjod la dkyil 'khor du dor ro/ /me tog gang la bab pa de ni de'i lha'o/ /me tog bab ba'i mtshan ma ni lha'i re'u cha'i gnas las shes bar bya'o//de yang sku stod dang spyi gtsug tu bab na dngos grub mchog 'grub bo/ /zhal la bab na sngags kyi dngos grub 'grub bo/ /sku'i dbus su bab na dngos grub brgyad do/ /sku smad du bab na zhi ba la sogs pa'i dngos grub po/ /sku dang nye na ni dngos grub nye ba'o/ /ring na ni dngos grub ring ngo //gnyis kyi bar du lhung na ni gang nye ba'i rigs so/ /dkyil 'khor gyi lha'i gnas las phyi rol du rgal na dad pa chung ste dman ba'i dngos grub 'grub bo/ /re khA la phog na skyar la dor ro/ /snying po la phog na gang yang rung ba 'grub po/ /bar mnyam po'am bdag gi mdun du lhung na lan gsum spogs te dor ro//des kyang nang du ma phog na skal ba med bas slar gtang ngo / /de dag ni slob ma gzhug pa'i cho ga'o// //de nas babs ba'i lha de rnams kyis phreng ba mgo la bcing zhing / oM pra ti gr-ih+Na swa mi maM sa twa ma hA ba la / zhes brjod pas phreng bas dbang bskur ro//de nas mig gis ji ltar mthong zhes dri'o/ /dkar po mthong na dngos grub mchog 'grub pa'o / /ser po mthong na rgyas pa'i ye shes so/ / nag po mthong na mngon spyod kyi ye shes so/ /sna tshogs pa mthong nas gang yang rung ba'i dngos grub bo/ /de nas / rdo rje sems dpa' deng khyod kyi //mig 'byed par ni brtson par mdzad/ /mig ni thams cad 'byed mdzad pa/ /rdo rje'i mig ni bla na med/ /ces brjod la sngags 'di brjod do/ /oM badzra satwa sa man+ta tsak+ShU d+g+ha Ta na ta da pa ra/ ud+g+ha Ta ya ti sar+b+bA k+Sho badzra tsak+Shu a nut+ta ra/ zhes brjod la gdong g.yogs bkrol te/de nas gnod mdzes nas brtsams te rdo rje 'chang chen po'i bar du lha rnams bstan to/ /de nas phyag rgya ma dang snyoms par zhugs pa'i byang chub kyi sems kyi 'od zer nyungs kar lta bus nam mkha'i de bzhin gshegs pa thams cad la dbab cing bskul te/ bum pa na gnas pa'i mi bskyod pa yab yum la thim nas/ de yongs su gyur pa'i chus spyi bor chu'i dbang bskur te tshigs bcad dang sngags 'dis sbyin no/ /gsang gsum dam tshig las byung ba'i/ /ye shes bdud rtsi dri ma med/ /lha yi chu yis dag pa yi / /mi bskyod pa yi dbang bskur ro//oM badzra A daR+sha dz+nyA na a b+hi Shi ny+tsa/ zhes pa'o/ /de bzhin du bris pas sam lugs ma'i dbu rgyan la dar gyi cod pan gyis mtshan pa la rin chen 'byung ldan yab yum bsgoms la/ snga ma bzhin du nam mkha'i dbyings na bzhugs pa'i de bzhin gshegs pa thams cad phab pas de yongs su gyur pa'i dbu rgyan gyis dbang bskur ro//'di skad du/ /sangs rgyas kun gyi rgyal srid che/ /dbu rgyan rin chen dam pa ste/ /rin chen kun gyi mchog 'gro bas/ /rdzogs sangs rgyas su dbang bskur ro/ /oM badzra sa man+tA dz+nyA na rat+na ma ku Ti a b+hi Shiny+tsa/ zhes pas so/ /rdo rje 'od dpag med pa yab yum gyis dbang bskur bar bsgoms te/ snga ma'i cho gas ye shes sems dpa' phab ste/ de yongs su gyur ba'i rdo rjes dbang bskur ro/ /'di skad du/ sangs rgyas kun gyi rdo rje'i dbang / /mi phyed rdo rje'i 'od gsal ba/ /dam chos 'byung ba'i sgor gyur pas//rdo rje chos kyi dbang bskur ro/ /oM pra ti a be sha dz+nyA na badzra a b+hi Shiny+tsa/ zhes pas so/ /dril bul don yod grub pa yab yum rdzogs par bsgoms te/ snga ma bzhin du phab ba'i cho ga byas la de yongs su gyur ba'i rdo rje dang dril bu'o/ / rdo rje dang dril bu bsnol la bdag po'i dbang bskur ro// 'di skad du/ thabs dang shes rab ldan pa yi/ /'gro don mnyam med byed ba dang / /mchod ba'i las kun rdzogs byed pas/ /rdo rje las kyi dbang bskur ro/ /oM badzra kri ta a nu Sh+ShA na dz+nyA na badzra ba te a b+hi Shiny+tsa/ zhes pa'o/ /de nas snga ma bzhin du me long gi gzugs la shes rab kyi pha rol tu phyin pa'i sku phab la/de yongs su gyur pa me long du byas te/ me long gi gzugs slob ma la bstan te 'di skad du brjod do/ /gzung dang 'dzin pa rnam spangs pa'i/ /dag cing gsal la dri ma med/ /me long nang gi gzugs brnyan bzhin//rang lha'i gzugs ni shes par gyis/ /oM pra ti bi ma la A daR+sha bi ma la a b+hi Shiny+tsa/ zhes pas so/ /de bzhin du spyi bor rnam par snang mdzad yab yum bsgoms la snga ma bzhin du de bzhin gshegs pa rnams phab la de yongs su gyur ba las spyi bo nas rkang pa'i mthar thug pa'i bar du lus la khyab par bstims la bab pa'i lha'i cha las ming btags te/ming ni thog mar dpal tha mar rdo rje'o/ /de'i 'og tu gnang ba'i phyir de ni kye yis bod pa'o/ /'di skad du/ /rdo rje ming gis dbang bskur bas/ /byang chub snying po'i bar du ni//cis kyang mi shig mi g.yo bas/ /rdo rje'i ming du rab tu grags/ /oM bi shud+ha d+harma d+hA tu dz+nyA na nA ma a b+hi Shiny+tsa/ zhes pas so/ /de nas rdo rje rigs kyi dam tshig med par ni slob dpon gyi dbang bskur ba'i snod ma yin pas/ rdo rje rigs kyi dam tshig gi khyad par gyi dam tshig dbog ste/hUM yongs su gyur pa'i rdo rje lag tu gtad la 'di skad du/ 'di nyid kyis ni rdo rje gzung / /thog mtha' med pa'i sems dpa' ni/ /rdo rje sems dpa' dga' ba che/ /kun du bzang po kun bdag nyid/ /rdo rje snyems tshul bdag po'i bdag / ces pa ni rdo rje'i dam tshig go/ /de bzhin du aH yongs su gyur pa las dril bu byin la/ 'di skad du/ /dril bu de nyid kyis zung la/ /'di de sangs rgyas thams cad kyi / /shes rab sgra yi rjes 'gro bshad/ /khyod kyis kyang ni rtag tu bcang / /byang chub nga rgyal rdo rje bzhed/ /chos kyi dril bu dkrol bar bya//srid pa ngo bo nyid kyis dag /ngo bo nyid kyis srid bral byas/ /rang bzhin dag pa'i sems dpa' mchog /srid pa mchog ni mdzad pa yin/ /zhes ba ni dril bu'i dam tshig go/ /de bzhin du oM de'i lus la bstims la/ 'di skad du/ snying po bsnyen pa sogs spyad pas //phyag rgya chen por byin brlabs la/ /gzugs sogs 'dod pa'i dam tshig gis/ /gsang sngags ma tshang med par bzlas/ /rang rig pa yi ngo bo nyid/ /phyogs bcu dus gsum bzhugs pa ste/ /rang gi lha yi sbyor ba yis/ /bdag dang gzhan la mchod par gyis/ / dka' thub sdom pa mi bzad pas/ /bsten nas mi snang mngon shes dang / /mkha' la rgyu dang lus ngag yid/ /las byung dngos grub 'grub mi 'gyur/ /de bas sangs rgyas sems dpa' mchog /sngags kyi spyod mchog spyod pa rnams/ /'dod pa thams cad bsten pa yis// chos kyi yi ge mchog nyid brnyes/ /bde dang sdug bsngal bde bdag min/ /'dod pa'i yon tan lnga rnams bsten/ /ye shes don gnyer 'dod chags can/ /sbyor bas bsgrubs na myur du 'grub/ /sku gsung thugs ni yang dag 'grub/ /gang gzhan dman par bshad pa ni/ /sngags kyi bzlas pas 'grub par 'gyur//sku gsung thugs ni bsgoms pas so/ /zhes bya ba ni phyag rgya'i dam tshig go/ /de ltar sdom pa bzung ba'i slob mas de bzhin du yon gyis slob dpon mnyes bar byas la/ bla ma la phyag btsal la tshigs su bcad pa 'dis dbang nod pa'i don du gsol ba gdab par bya'o/ /byang chub rdo rjes sangs rgyas la//ji ltar mchod chen gsol mdzad pa/ /bdag la bsrung ba'i don gyi phyir/ /nam mkha'i rdo rje deng bdag stsol / /zhes gsol ba gdab po/ /de nas shar gyi phyogs su dkyil 'khor chen po dang bar du khru 'am 'dom gyis chod par dkyil 'khor tshul bzhin du bris la/de'i steng du dbang stegs kyi khri bya ste/ ras la gdan pad+ma 'dab ma brgyad pa g.yas dang g.yon du seng ges mtshan pa bzhag ste steng du yang gdugs dang bla res bkab pa dang / g.yas g.yon du yang rgyal mtshan dang ba dan gyis bklubs la/ de nas slob dpon sbyor pa gsum rdzogs par bsgoms nas snga ma bzhin du thabs dang shes rab gnyis su med pa'i byang chub kyi sems kyi 'od zer gyis nam mkha'i de bzhin gshegs pa thams cad bskul nas bum pa'i nang du chud par byas te/de dag kyang spyan la sogs pa'i lha mo'i tshogs kyis bzung nas/gzugs dang / sgra dang dri dang ro dang reg la sogs pas nam mkha'i khams gang ste de dag gi rig ba'i dbang bskur ba'i tshigs bcad ni 'di yin te/ rdo rje chen po'i dbang bskur ba/ /khams gsum pa yis phyag byas pa/ /gsang gsum gnas las byung ba yi / / sangs rgyas kun gyi sbyin par bya/ /zhes so/ /de nas rdo rje brtul zhugs dang / lung bstan pa dang / rdo rje 'dzin pas dbugs dbyung ba la sogs pa byin la/ de nas dkyil 'khor gyi de kho na nyid dang / lha'i de kho na nyid bstan te / de yang rten cing 'brel par 'byung ba bcu gnyis dag pa ni khru bcu gnyis so//tshangs pa'i gnas bzhi rnam par dag pa zur bzhi'o/ /'phags pa'i bden pa bzhi rnam par dag pa ngos bzhi'o/ /dran pa nye bar gzhag pa bzhi rnam par dag pa ni shar phyogs kyi sgo'o/ /yang dag par spong ba bzhi rnam par dag pa ni lho'i sgo'o/ /rdzu 'phrul gyi rkang pa bzhi rnam par dag pa ni nub phyogs kyi sgo'o//dbang po lnga dang stobs lnga dang stobs lnga dag pa ni byang phyogs kyi sgo'o/ /bsam gtan bzhi rnam par dag pa ni sgo bzhi'o/ / rnam par thar pa brgyad dag pa ni ka ba brgyad do/ /rdo rje theg pa'i sgo nas chos kyi 'khor lo bskor bas na rdo rje'i theg pa dang ldan pa'o//tshon sna lnga ni sangs rgyas lnga'i rang bzhin no/ /yang dag pa'i ye shes kyis kun nas yongs su bskor ba'i phyir dbus kyi pho brang zlum po rdo rje'i phreng ba zlum po bskor ba'o/ /ting nge 'dzin bzhi rnam par dag pa ni kha khyer ro// gzungs kyi sgo bzhi rnam par dag pa ni lha mo'i tshogs mchod pas phyag brel ba'o//dra ba dang dra ba phyed pa la sogs pas brgyan pa ni byang chub kyi yan lag bdun no/ /de las gzhan dang gzhan pa'i rgyan dang rgyal mtshan dang ba dan dang dril bus mtshan pa ni gsung rab yan lag bcu gnyis pa'o/ /thabs kyi bye brag ma 'dres bar so sor snang ba ni bar bar gyi tshon sna gcig pa'o// spos dang me tog la sogs pa mchod pa'i bye brag dang gar dang dbyangs la sogs pa ni bde ba chen po'i dkyil 'khor bla na med pa'i mchod pa nyams dga' ba'o / /gser gyi bum pa brgyad po ni tshogs rnam pa gnyis rdzogs pa'o/ /bde ba chen po'i gzhal yas khang yin pas gzhal yas khang ngo //dkyil ni snying bo'i don to/ /'khor ni rdzogs pa'i don to/ /de ni dkyil 'khor ro/ /de dag kun kyang tshig gi don dang rgya cher sbyar ro/ /de nas lha'i de kho na nyid bstan te/ gzugs dang / tshor ba dang / 'du shes dang / 'du byed dang / rnam par shes pa lnga ni me long lta bu dang mnyam pa nyid dang so sor rtog pa dang bya ba grub pa dang chos kyi dbyings kyi ye shes te/rnam par snang mdzad dang / /rin chen 'byung ldan dang / 'od dpag tu med pa dang / don yod grub pa dang / /mi bskyod pa ste go rims bzhin du rnam par dag pa'o/ /sa dang chu dang me dang rlung gi khams ni spyan dang mA ma kI dang gos dkar mo dang sgrol ma ste go rims bzhin du rnam par dag pa yin te/de tshad med pa bzhi'i rang bzhin no/ /gzugs dang / sgra dang / dri dang / ro dang / reg ni gzugs rdo rje dang / sgra rdo rje dang / ro rdo rje dang / rig rdo rje rnams go rims bzhin du rnam par dag pa'o//thabs dang / smon lam dang / stobs dang / ye shes dang / shes rab kyi pha rol tu phyin pa'i rang bzhin no/ /mig dang / rna ba dang / /sna dang / lce dang / /lus dang / yid kyi dbang po dang / rtsa rgyus dang / chos ni sa'i snying po dang / nam mkha'i snying po dang /phyag na rdo rje dang / 'jig rten dbang phyug dang / 'jam dpal dang / sgribs rnam par sel ba dang / byams pa dang / kun du bzang po ste go rims bzhin du rnam par dag pa yin te/ gtso bo'i yon tan gyi cha'i ye shes kyi rang bzhin no/ /ser sna dang / mi snyan pa dang /don mi mthun pa dang / don mi spyod pa ni gshin rje gshed dang / gzhan gyis mi thub pa dang / rta mgrin dang / bdud rtsi 'khyil pa dang go rims bzhin du dag pa yin te/ sbyin pa dang / snyan par smra ba dang / don mthun pa dang / don spyod pa'i rang bzhin no/ /mig la sogs pa'i rnam par shes pa drug ni/mi g.yo mgon po dang / 'dod pa'i rgyal po dang / dbyug sngon can dang / stobs po che dang / gtsug tor 'khor los sgyur ba dang / gnod mdzes te go rims bzhin du dag pa yin no/ /de dag kyang rang rang gi gtso bo'i ye shes lhun gyis grub pa la nges par zad pa dang mi skye ba'i ye shes kyi yon tan du bstan to//'khor ba dang mya ngan las 'das pa'i chos thams cad ni gnyis su med pa'i ye shes kyi rang bzhin ni bcom ldan 'das rdo rje 'chang chen po ste/ lha thams cad kyi ngo bor bstan to/ /de dag ni lha'i de kho na nyid do/ /de nas rjes su gnang ba sbyin te/'di skad du/ ngo bo nyid kyi sems can rnams/ /ji lta ji ltar 'dul 'gyur ba/ /de lta de ltar chags la sogs/ /gtsang bas sems can don bya'o/ /nyin re bzhin du thun bzhi ru/ /ting 'dzin gsum gyi sbyor ldan par/ /gyur nas thun mong cig shos kyi//dngos grub thob pa'ang 'grub par 'gyur/ /mi snang ba ni stong yin te/ /mngon shes ldan pa nyis stong yin/ /rig pa 'dzin pa sum stong ste / /rdo rje can ni 'gro kun bdag /zhi dang rgyas la sogs gang dang / /de las gzhan pa ci 'dod pa/ /'khor lo rjes mnyam sbyor ba yis //bsgrubs na 'grub par myur du 'gyur/ /zhes gsungs pas rgyud nyan pa dang / 'chad pa dang / mchog dang thun mong sgrub pa dang / zhi ba la sogs pas sems can gyi don byed pa ste/ de dag thams cad byed par rjes su gnang ba sbyin no/ /de ltar phreng ba la sogs pa dgu po des ni rdo rje 'chang chen po'i sprul pa'i dkyil 'khor du rig pa'i dbang bskur ba ste bum pa'i dbang gi cho ga'o// //de nas gsang ba'i dbang bskur ba sngar gyi ri mo'i dkyil 'khor phyis pa la ba'i chus byugs pa dang / bdud rtsi rnam pa lnga dang dri'i chus byugs pa ste/ me tog sil ma bkram la de nas sngar lo'am zla bar mnyes par byas ba'i slob ma des pad+ma rA ga dang /nor bu dang rdo rje la sogs ba'i rin po che sna bdun dang / 'khor lo la sogs pa rgyal srid sna bdun dang / gzugs sdu gu'i bye brag sna tshogs dang / sgra snyan pa'i bye brag sna tshogs dang / dri zhim pa'i bye brag sna tshogs dang /bza' btung la sogs pa'i ro zhim pa'i bye brag sna tshogs pa dang / gzugs kyi mchog pad+ma can mtshan thams cad dang ldan pa'i lo grangs bcu drug lon pa legs par bslabs pa la sogs pa'i tshogs kyi yo byad tshogs par bshams te/ tshogs kyi dkyil 'khor gyi dbus su phyag rgya phul te/'dod pa'i yon tan lngas cho ga ji lta bar mchod par bya'o/ /de nas gsang ba'i dbang la tshig 'dis gsol ba gdab bar bya'o/ /rdo rje sems khyod sangs rgyas rnams kyi bde ba 'grub ba ste/ rnam dag byang chub sems dpa' rgya chen sras su bcas pa rnams/ /yun ring stong pa nyid bsgoms pas ni gdungs pa la//dga' ba'i yid 'ong bde ba chen po nyid kyis mnyes par mdzod/ /kye 'dod chags de ni dri med kun du bzang bo'i spyod pa ste/ /dga' ba'i 'dod chags rdo rje dam tshig la ni phye mdzad nas/ /dka' ba rnam pa drug po spyad pas shin tu gdungs pa yi//rab tu dgyes dbang 'dod pa'i bde ba nyid kyis 'jog par mdzod/ /byang chub sems ni rin chen 'bar phyung bas / /ma lus rgyal ba rnams ni lus bskams la/ /rnam dag rdo rje las byung ye shes chu/ /dri med dri yi rin chen dbang bskur stsol/ /mnyam dang mi mnyam dod chags tshul dag pas//pad+ma'i gnas su rdo rje mdzod gtong ba'i/ /sna tshogs sems dpa' sems can rlag 'gyur ba/ /sbyor ba gzhan min ma thogs bshad par gsol/ /rdo rje sems khyod sna tshogs bde bar byed pa yi/ /rdo rje pad+ma phye ba'i tshul gyis sbyor mdzad de/ /rgyal ba kun gyi gzugs kyi sku ni rab ston nas//thams cad bde 'grub nyid kyis bdag dgyes par mdzod/ /de nas sngar tshogs kyi mchod pa'i sngon du bla mas kyang yid kyis sam/ /bris pas kyang tshogs kyi dkyil 'khor bskyed la/ bdag po'i phyag rgyar mnyam par gzhag pas snyoms par 'jug pa'i tshogs byang chub kyi sems pad+ma'i snod dam dung chos su bzhag ste/rol mo dang glu dbyangs dang bkra shis kyi tshigs su bcad pa'i sgra dang bcas pas brtse bas nam phyed kyi dus su rdo rje can gnyis pa lta bur dmigs la dam tshig gi phyag rgyas slob ma'i lce la sbyin no/ /slob mas kyang blo brtan pas sangs rgyas thams cad kyi byang chub kyi sems kyis rang gi lus la gnas pa'i lha rnams mnyes par bya'o zhes bsams te/a ho ma hA su kha/ zhes pas btung bar bya'o/ /de nas bstod pa 'dis bstod de/ khong stong khyod kyi sku la med/ /sha dang rus pa khrag med kyang / / nam mkha' la ni 'ja' tshon ltar/ /khyod kyi sku ni ston par mdzad/ /sku la snyun med mi gtsang med/ /bkres dang skom pa 'byung med kyang / /khyod ni 'jig rten rjes 'jug phyir/ /'jig rten bya ba ston par mdzad/ /chu zla bzhin du gzung du med/ /chos rnams kun la gnas pa med/ / nga rgyal med cing rmongs mi mnga'/ /dmigs med khyod la phyag 'tshal lo/ /gshegs dang bzhugs dang de bzhin gzims/ /spyod lam dag ni thams cad du/ /khyod ni rtag tu mnyam gzhag pa/ /dmigs med khyod la phyag 'tshal lo/ /sgyu ma lta bu'i ting 'dzin gyis//rdzu 'phrul che la rnam 'phrul zhing / /sna tshogs min la snyoms 'jug pa/ /dmigs med khyod la phyag 'tshal lo/ /zhes bstod pa byas te/ de'i 'og tu bdag la byin gyis brlab pa'i rim pa bshad par gsol ba gdab par bya ste/ 'di skad du/ kun mkhyen ye shes phung po can//srid pa'i 'khor lo rnam sbyong ba/ /de ring bshad pa'i rin chen gyis/ /gtso bos bdag la bka' drin gsol/ /khyod zhabs pad+ma spangs nas ni/ /gtso bo gzhan la skyabs ma mchis/ /'gro ba'i dpa' bo thub chen gyis/ /de bas slob ma mnyes par mdzod/ /ces gsol ba gdab bo//bla mas kyang sangs rgyas thams cad kyi man ngag brgyud pa las 'ongs pa'i sgyu ma'i dpe bcu gnyis kyis nye bar mtshon pa'i kun rdzob kyi bden pa'i man ngag ji lta ba bzhin bstan to/ /de dag ni gsang ba'i dbang bskur ba'i cho ga'o/ /de nas dbang bskur ba yang dag par thob pa'i slob mas thal mo sbyar la mchod cing bstod pas mnyes bar bya ste/'di skad du/ khams gsum las ni rnam grol zhing / /nam mkha' dang ni mnyam gyur pa/ /'dod pa rnams kyis ma gos pa/ /dmigs med khyod la phyag 'tshal lo/ /phung po rnams dang khams rnams dang / / skye mched rnams la mi brten cing / /phyin ci log las rnam grol ba/ /dmigs med khyod la phyag 'tshal lo/ /rnam rtog med cing kun rtog med/ /thugs ni rab tu mi gnas ba/ /bsam gyis mi khyab pa yi gnas/ /dmigs med khyod la phyag 'tshal lo/ /ji ltar nam mkha' gnas med cing //spros med gos pa med pa ltar/ /mkha' la mnyam pa'i thugs mnga' ba/ /dmigs med khyod la phyag 'tshal lo/ /thams cad stong ba'i rang bzhin can/ /mngon par byang chub blta bar 'tshal/ /slob mas thal sbyar bla ma la/ /bstod nas slar yang bskul bar bya//las dang skye las rnam grol zhing / /snang ba gsum po spangs pa yis / /mngon par byang chub mthong bar ni/ /mgon po chen po bdag 'tshal lo/ /sangs rgyas kun gyi ye shes che/ /de bzhin gshegs pa kun gyi gnas/ /rdo rje ye shes bla na med/ /mgon po chen po bdag 'tshal lo//thog mtha' med cing zhi ba dang / /nyon mongs thams cad rnam sbyong zhing / /lus dang ngag sems rnam sbyong ba/ /rdo rje sems dpa' bdag 'tshal lo/ /de ltar yang dag ba'i yon tan brjod pa sngon du 'gro ba tshigs su bcad ba dag gis yang dang yang du bstod pas mnyes par byas te/de'i 'og tu slob ma la snying rje bskyed do/ /phyi'i mngon par byang chub pa dang nang gi mngon par byang chub pa'i man ngag gis shes rab ye shes kyi dbang bskur ro / /de dag ni shes rab ye shes kyi dbang bskur ba'i cho ga'o// //de ltar man ngag thob pa'i slob ma la ril bor 'dzin pa'i rnal 'byor dang /rjes su gzhig pa'i rnal 'byor rnam pa gnyis legs bar bslab bar bya'o/ /de nas thun mong dang thun mong ma yin pa'i dam tshig dang sdom pa gnyis bslab bar bya ste/ dbang bskur 'dir ni blta bar bya/ /byang chub spyod gzhan de bzhin du/ /dge ba'i tshul ni gzhan gsungs par//sangs rgyas kun tshogs thob mi 'gyur/ /bu yis dam tshig bsrung ba dang / /rtag tu sdom pa bskyang ba dang / /bcu phyed sgron ma mi 'chi spyad/ /dam tshig gzhan yang bsrung ba ni/ /dkon mchog gnod byed gzhom bya ste/ /shes rab thams cad sad par bya/ / gzhan gyi nor yang blang bar bya/ /rtag tu brdzun du smra bar bya/ /de las gzhan yang dam tshig ni/ /ji bzhin don ldan bcu bzhi dag /phas pham par ni rab tu grags/ /spang zhing dor bar mi bya ste/ /rtsa ba'i lhung bar shes par bya/ /slob dpon la ni brnyas pa dang / /bde gshegs bka' las 'das pa dang //sdang bas spun gyis bsngags min smra/ /byams pa chen po rnam spong dang / /byang chub sems ni 'dor ba dang / /theg pa gsum ni smod pa dang / /skal min gsang ba sgrogs pa dang / /rgyal ba'i phung po bdag nyid smod/ /dag pa'i chos la yid gnyis dang / /gdug la byams dang chags bral dang //chos la gnyis su dbye ba dang / /dad pa'i sems la rab tu btud/ /dam tshig bsnyen tshe ji snyed pa'i/ /brtags pa'i shes rab smod pa ste/ /sngags pas 'di dag byas na ni/ /kha na ma tho sbom por 'gyur/ /rtsa ba'i ltung ba yin par bshad//nyin dang mtshan mo lan gsum du/ /nyin re bzhin du bzlas par bya/ /kha na ma tho cher 'gyur bas/ /yan lag dam tshig bshad par bya/ /dam tshig mi ldan snod min la/ /rig ma bsten par dga' ba dang / /tshogs kyi 'khor lo rtsod pa dang / /gsang ba'i chos ni ston pa dang //sems can dad dang ldan la chos/ /gzhan du ston par 'gyur ba dang / /nyan thos dag tu rlom byed pa'i/ /nang du zhag bdun gnas pa dang / /sbyor ba nges par ma byas pa'i/ /snod min gsang ba bsgrags pa dang / /kha na ma tho cher gyur pa'i/ /sngags pa dam tshig nyams par 'gyur//nad dang sdug bsngal rab tu 'phel/ /de bas dam tshig bus srungs shig /ces pas sdom pa sbyin no/ /de nas skad cig gis yi ge a de las shAkya thub pa'i cha lugs su bsgyur te/ g.yas pa la lung ston pa'i phyag rgya mgo bor bzhag ste lung bstan par bya'o/ / oM nga yis 'di ltar lung bstan te/ /rdo rje sems dpa' de bzhin gshegs/ /srid pa'i mchog ni bsgrub pa'i phyir/ /srid pa'i ngan 'gro nyid las bton/ /kye de bzhin gshegs pa rdo rje che ge mo zhes bya ba sid+d+hi b+hur b+hu ba swaH / 'di yis dbang bskur gyur pa yi/ /sngags la 'gro ba kun gyis bdag /bla na med pa'i byang chub tu/ /bde gshegs kyis kyang lung bstan mdzad/ /ces pas bla na med pa'i byang chub chen por lung bstan pa'o/ /de'i rjes su brtul zhugs sbyin par bya ste/ 'di de sangs rgyas thams cad kyi/ /phyag na rdo rje'i lag tu 'dug /khyod kyis kyang ni rtag tu bcang //phyag na rdo rje'i brtul zhugs brtan/ /oM sar+b+ba ta thA ga ta sid+d+hi badzra sa ma ya tiSh+Tha e Sha twAM d+har ya mi badzra sa twa hi hi hi hi hUM/ zhes pas sbyin no/ /de nas/ mchog gsang dkyil 'khor dam pa ste/ /mthong ba'am ni zhugs gyur pas/ /srid pa kun las nges grol bar/ / de rnams de nyid legs par gnas/ /bde chen theg pa 'di la ni/ /slar khyod 'chi ba yong med de/ /mi thub pa dang mi sod pas/ /cis kyang mi 'jigs dga' bar gyis/ /srid pa shin tu dag pa'i phyir/ /srid pa'i sdug bsngal las khyod 'das/ /srid pa shin tu dag pas na/ / ston pa'i mchog tu gyur pa yin//srid dang gtan du dngos grub po/ /dam tshig sdom pa grub pa 'di / /khyod kyis rtag tu bsrung bar bya/ /sangs rgyas kun gyis mthun par gsungs/ /dam pa rtag pa'i bka' yin no/ /byang chub sems ni gtang mi bya/ /phyag rgya rdo rje gang yin pa'o/ /gang zhig bskyed pa tsam gyis ni//sangs rgyas nyid du the tshom med/ /dam pa'i chos ni mi spang zhing / /nam yang dor bar mi bya'o/ /mi shes pa'am rmongs pa yi/ /tshul chen bstan par mi bya'o/ /bdag nyid yongs su spangs nas ni/ /dka' thub kyis ni mi gdungs par/ /ci bde bar ni bde bar gzung //'di ni ma byon rdzogs sangs rgyas/ /rdo rje dril bu'i phyag rgya rnams/ /nam yang yongs su mi 'dor zhing / /slob dpon smad par mi bya'o/ /'di ni sangs rgyas kun dang 'dra/ /sangs rgyas kun mtshungs bla ma yi/ /slob dpon la ni gang smod pa/ /de ni sangs rgyas kun smad pas//rtag tu sdug bsngal thob par 'gyur/ /rims dang dgra dang dug dang nad/ /mkha' la 'gro rnams gtses pa dang / /gdon dang log 'dren gtum po yis/ /bsad nas sems can dmyal bar ltung / /de bas nan tan thams cad kyis/ /rdo rje slob dpon blo gros che/ / dge ba rab tu mi spyoms pa/ /nam yang smad par mi bya'o/ /bla ma la ni gus pas yon/ /rjes su mthun pa sbyin par bya/ /de nas rims sogs gnod pa rnams/ /phyir zhing 'byung bar mi 'gyur ro/ /rtag tu rang gi dam tshig bsrung / /rtag tu de bzhin gshegs pa mchod/ /rtag tu bla ma la yang dbul//'di ni sangs rgyas kun dang 'dra/ /de byin sangs rgyas thams cad la/ /rtag tu byin pa nyid du 'gyur/ /de sbyin bsod nams tshogs yin te/ /tshogs las dngos grub mchog tu 'gyur/ /gang phyir 'di ni legs gnas pas/ /deng khyod skye ba 'bras bur bcas//lha dang dam tshig mnyam pa ru/ /deng khyod gyur par the tshom med/ /sangs rgyas rdo rje 'dzin bcas par/ /kun gyis deng khyod dbang bskur bas/ /khams gsum gyi ni rgyal po che/ /rgyal ba'i bdag por bstan pa yin/ /de ni bdud las rnam rgyal te//grong khyer mchog tu rab tu zhugs/ /khyed rnams kyis kyang sangs rgyas nyid/ /de nyid thob par the tshom med/ /de ltar yid ni rab dang rdo rje nyid du gyis/ /rang gi dam tshig mi bzad bde skyed bsten par gyis/ /deng ni 'gro ba myur du rdo rje sems dpa' dang / /rab tu mnyam zhing rtag pa nyid du rtogs par gyis//zhes pas rdo rje sems dpa'i sa la dbugs dbyung ba'o/ /de nas sngar bstan pa'i rjes su gnang ba sbyin no/ /de nas/ bla ma'i zhabs la phyag 'tshal lo/ /ji ltar bka' stsal pa ltar bgyi'o/ /zhes lan gsum gsol lo/ /de nas/ rin chen khyim dang glang po rta//yul dang mal stan rnams dang ni/ /bran dang bran mo chung ma sdug /bu mo shin tu yid 'ong dang / /gang gis bdag kyang dbul bya na / /lhag ma rnams lta ci zhig smos/ /zhes pas mnyes par bya'o/ /des ni dbang bzhi pa yon dang bcas pa'i cho ga'o/ /de nas sbyin sreg gi cho ga bya ste/de la las so so'i sbyin sreg dang / las thams cad pa'i sbyin sreg go/ /de la las so so'i sbyin sreg ni de la zhi ba la ni zlum po rgyar khru gang zabs su de'i phyed do/ /rgyas pa la ni gru bzhi rgyar khru do/ zabs su khru gang ngo / /dbang la ni zla gam rgya dang zabs zhi ba dang mthun no/ mngon spyod la ni gru gsum rgyar sor nyi shu zabs su de'i phyed do/ /de dag kyang gru bzhi sgo bzhi dang ldan pa/ grwa bzhir zla ba phyed pa la rdo rje phyed pas mtshan pa sgo bzhir lcags kyu la sogs pa'i phyag rgya bzhis mtshan pa thab kyi dbus kha khyer la yang zhi ba la ni 'khor lo dang 'khor lo'i phreng ba/ rgyas pa la ni rin po che dang rin po che'i phreng ba/dbang la ni pad+ma dang pad+ma'i phreng ba'o/ / mngon spyod la ni khro bo'i rdo rje gdengs pa dang de nyid kyi phreng ba'o/ /zhi ba la ni kha dog dkar po'o/ /rgyas pa la ni ser po'o/ /dbang la ni dmar po'o/ /mngon spyod la ni nag po'o/ /yam shing yang zhi ba la u dum+WA ra la sogs pa'o ma can gyi shing las byas pa mtho gang rtse mor mnyam par bcad pa rtse mo gnyis pa la lo ma dang ldan pa'o//de bzhin du rgyas pa la yang yam shing de nyid la yang sboms su chang gang srid khru gang bya'o/ /dbang la ni a shwa ka dang bri yang ku la sogs pa'i shing la yang yam shing la sogs zhi ba'i tshad du bya'o//mngon spyod la seng ldeng dang po son cha'i shing las sor brgyad pa'i tshad du bya'o/ / zhi ba la ni til la sogs pa'o/ /rgyas pa la ni zho dang 'bras la sogs pa'o/ /dbang la ni me tog gis so/ /dgug pa la ni ba lang gi sha yis so/ /mngon spyod la ni sha chen gyis so//tshe bsring ba la ni dUr bas so/ /bsrung ba la ni ku sha mar du sbags pas so/ /hom gzar la yang las dang mthun pa'i phyag mtshan gyis mtshan pa'o/ /hom gzar dang dgang gzar dang sreg rdzas dang mchod yon la sogs pa dang / /sngags pa'i rgyan la sogs pa thams cad las dang rjes su mthun par kha dog bsgyur ro//sngags pa'i stang stabs kyang zhi ba la ni byang du blta'o/ /rgyas pa la ni shar du blta'o/ /mngon spyod la ni ltor blta'o/ /dbang la ni nub tu blta'o/ /gsad pa la ni shar lhor ro / /bskam pa'am zhe sdang la ni lho nub tu'o/ /bskrad pa dang dbye ba la ni nub byang du'o//rmongs pa dang rengs pa la ni byang shar du'o/ /zhi ba la ni 'jam zhing 'bol ba'i stan nang tshangs can no/ /rgyas pa la ni ku sha'i stan rgya dang dpangs su khru gang sor bzhi pa'o/ /dbang la ni pad+ma'i stan no/ /mngon spyod la ni stan med pa'am dur khrod kyi ras so/ /las so so'i me lha yang zhi ba la ni pa ba ka sku mdog dkar po'i 'od kyis gzi brjid kyang dkar po 'phro ba'o//rgyas pa la ni me lha dbang chen zhes bya ba 'od dang kha dog ser po'o/ /dbang la ni me lha dmar po zhes bya ba 'od dang kha dog dmar po'o/ /mngon spyod la ni me lha rlung zhes bya ba 'od dang kha dog nag po'o//de dag kyang spyan gsum pa phyag bzhi pa mchod phyir thogs pa dang ral pa'i thor tshugs dang ldan pa zhi ba dang rgyas pa'i me lha ni g.yas gnyis na dbyug to dang skyabs sbyin/ g.yon gnyis na gun+d+he dang bgrang phreng / dbang gi me lha ni g.yas pa na dbyug pa dang lcags kyu/ g.yon pa na bgrang phreng dang zhags pa/mngon spyod kyi me lha ni g.yas dang po na ral gri/ gnyis pa na dbyug pa/ g.yon dang po na zhags pa/ gnyis pa na phreng ba'o/ /las so so'i dkyil 'khor gyi lha yang zhi ba la ni rnam par snang mdzad gtso bor gyur pa thams cad sku mdog dkar po'o//rgyas pa la ni rin chen 'byung ldan gtso bor gyur pa thams cad sku mdog ser po'o/ /dbang la ni 'od dpag med gtso bor gyur pa thams cad sku mdog dmar po'o/ /mngon spyod la ni mi bskyod pa gtso bor gyur pa thams cad sku mdog nag po'o/ /gzhan yang gshin rje gshed kyis skyes pa dgug pa la sogs pa khro bo bcu'i las so so ni rang rang gi las gtso bor byas pa'i las dang rjes su dpag par bya'o//spyan gyis zhi bar bya ba dang shu li nis klu'i bu mo dgug pa dang / gnod mdzes kyis lha ma yin gyi bu mo dgug pa la sogs pa phal cher phyag rgya re re la sbyin sreg bya'o/ /de yang dgug pa ni dbang gi khongs su bsdus nas bstan no//bskrad pa dang dbye ba dang gsad pa dang rengs pa dang rmugs pa ni mngon spyod kyi khongs su bsdus nas bstan pa'o/ /oM Tak+ki ni pA pa ka a g+na ye Tak+ki hUM dzaH/ zhi ba'i me lha spyan drang ba'i sngags so/ /oM Tak+ki ni ma hi na kra a g+na ye Ta k+ki hUM dzaH/ rgyas pa'i me lha spyan drang ba'i sngags so//oM Tak+ki ni dza kA ma a g+na ye Tak+ki ni hUM dzaH/ dbang gi me lha spyan drang ba'i sngags so/ /oM Tak+ki ni dzaHhUM baM hoH hUM kro d+ha te dza a g+na ye hUM dzaH/ mngon spyod kyi me lha spyan drang pa'i sngags so/ /de dag ni las so so'i sbyin sreg go/ /da ni las thams cad pa'i sbyin sreg bshad de/de yang pad+ma'i dbyibs lta bu'i thab khung bya ste/ rgyar khru gang sor bzhi zabs su de'i phyed/ thab khung gi phyi rol du sor bzhi dor ba kha khyer gyi rgya dang dpangs su sor bzhi yod pa/ thab kyi nang du pad+ma 'dab ma brgyad yod pa/ dbus kyi lte ba la rdo rje sngon po rtse lnga pa'am rtse dgu pas mtshan pa'o/ / shar la sogs pa'i pad+ma la 'khor lo dang rin po che dang pad+ma dang ral gri'o/ /mtshams kyi pad+ma dag la ut+pal dkar po dang sngon po dang dmar po dang ljang gu bri'o/ /kha khyer gyi nang du sor bzhi dor ba la las dang rjes su mthun pa'i kha dog can pad+ma'i phreng ba lta bus bskor ro/ /de nyid la pad+ma'i dbyibs lta bu zhes bya'o//nang du yang mtha' skor du rdo rje phreng bas bskor ro/ /phyi rol du yang kha khyer la rdo rje phreng bas bskor ro/ /grwa bzhir rdo rje bzhis brgyan pas thab khung nyid sna tshogs rdo rje la gnas pa lta bur brtag go/ /sngar bstan pa'i las so so'i thab khung ni re'u mig brgyad du brtag par bya ste/ de yang phyag rgya dgod pa ni dkyil 'khor bsgyur ba'i dbang gis ci rigs su sbyar ro//'dir las thams cad pa'i me lha ni lnga pa mi ta zhes bya ba yin te las dang rjes su mthun par bskyed do/ /las thams cad pa'i lha ni lha thams cad pa'i bdag nyid yin pas bcom ldan 'das rdo rje 'chang chen po nyid do //de yang thab kyi khor yug tu yang shing lo sngon pos g.yogs la de'i steng du rtswa ku sha sngon po gtsang ma'i bsang gtor gyis bsangs la/ mgo rtsa phan tshun du non pas g.yas skor du 'khor bar dgram mo/ /mchod rdzas ni g.yon du dgram / sreg rdzas g.yas su dgram/ de dag kun la/ oM badzra sa twa a/zhes pa lan gsum bzlas pas byin gyis brlab par bya'o/ /hom gzar yang yu ba khru gang sor bzhi zabs su sor gnyis blugs gzar rgyar sor bzhi zabs su sor gnyis mchu la sor bzhi rin po che'am pad+ma'i dbyibs su byas pa'i dkyil du rdo rje sor gnyis pas mtshan pa'o/ /dgang gzar sor gnyis zabs su sor gcig mchu la sor gnyis bya'o//gnyis ka'i dbus su ye shes kyi lha'i yig 'bru gcig bsam mo/ /de la 'di ni rdzas dbus ba'i sngags te/ oM namaHsa man+ta bu d+d+hA nA na a g+na ye swA hA/ dgang blugs kyi sngags so/ /oM a g+na ye swA hA/ mar gyi'o/ /oM sar+b+ba pA paM da ha na badzrA a swA hA/til gyi'o/ /oM badzra bi dzA ya swA hA/ so ba'i'o/ /oM badzra ma hA be gA ya swA hA/ nas kyi'o/ /oM badzra ma hA ba lA ya swA tA/ 'bras kyi'o/ /oM badzra g+ha smar ye swA hA/ gro'i'o/ /oM badzra a dz+nya ya swA hA/ u dum+WA ra'i'o/ /oM bo d+hi br-ik+Sha ya swA hA/ a shwa d+tha'i 'o / /oM badzra la tA ya swA hA/bla g+sha'i 'o/ /oM badzra ku be rA ya swA hA/ n+ya gro d+ha'i'o/ /oM badzra ha sa ka rA a swA hA/ a mra'i'o/ /yam shing de dag ni ardzu na la sogs pa'i shing legs pa gang rnyed pa la bzlas pa byas la mngon par sngags ti sbyin sreg bya'o/ /las kyi bye brag la zhi ba la ni swA hA'i mtha' dang bcas pa'o//rgyas pa la ni bau ShaT he'i mtha' dang bcas pa'o/ /dbang la ni na ma hi'i mtha' dang bcas pa'o/ /dgug pa la ni dza'i mtha' dang bcas pa'o/ /mngon spyod la ni hUM gi mtha' dang bcas pa'o/ /sreg rdzas dbul ba'i rim pa ni mar la sogs pa zhu ba'i rdzas ni zhal du'o//yam shing dang mi rus bsres pa'i phye ma dang bdug sbos ni 'od kyi dkyil 'khor du dbul lo/ /zho dang 'bras la sogs pa'i kha zas dang til dang 'thor 'thung ni phyag tu dbul lo/ /dri ni thugs kar ro/ /me tog ni spyi bo ru'o/ /zhabs bsil ni zhabs la'o/ / mchod yon dang mar me ni mdun du'o/ /de la sngags pa rdo rje sems dpa'i ting nge 'dzin du gnas pa las dang rjes su mthun pas raM las bskyed pa'i me'o/ /dkyil 'khor gyi dbus su a las gyur pa'i sna tshogs pad+ma'i steng du gdan zhi ba la chu'i dkyil 'khor ro/ /rgyas ba la gser gyi sa gzhi//dbang la ni me'i dkyil 'khor/ /mngon spyod la rlung gi dkyil 'khor gyi steng du las dang mthun pa'i me lha dam tshig sems dpa' ji lta ba bzhin bskyed la/ de nas/ oM ag+na ye ma hA te dza sarba kar+m+ma ma hA sa tA kaH / kA ru Na kr-i ta satwa ar+tha sA d+ha y+'asmiM sa n+ni b+ha ba/ zhes bya ba 'dis nam mkha'i spyod yul nas ye shes kyi me lha thab kyi g.yas phyogs su spyan drangs la las thams cad pa'i chu yis bsang gtor byas la/mchod yon gyi snod du mchod yon dang / zhabs bsil dang / mchod pa dang bstod pa tshul bzhin du byas te/ de la oM dzaH hUM baM hoH khaM raM/ mchod yon gyi sngags so//oM ni ri ti hUM khaM/ zhabs bsil gyi sngags so/ /oM AH badzra pu Sh+pe hUM swA hA/ me tog gi sngags so/ /oM AHbadzra d+hU pe A d+hU pe hUM swA hA/ spos kyi sngags so/ /oM AH badzra ga n+d+he hUM swA hA/ dri chab kyi sngags so/ /oM AHbadzra dI pe hUM swA hA/ mar me'i sngags so/ /oM AHbadzra nai bi d+ye hUM swA hA/ lha bshos kyi sngags so/ /de nas dgang blugs kyi sngags kyis mar dgang blugs gsum gsum dbul lo/ /drag po yin na shing mar gyi dgang blugs gsum gsum dbul lo/ /de ltar zhal du phul yang spyan gyi 'od zer gyis reg pa tsam gyis mnyes par 'gyur ba'i don gyis na spyan la dbul lo//de ni spyir mnyes par bya'o / /de nas bye brag tu mnyes par bya ste/ de nas shing khru gang la ras kyis dkris la rgyal po dang / bram ze dang / rje'u rigs dang / gdol pa'i khyim nas las dang mthun par me blangs la de spar te btsugs nas rlung yab kyis g.yab cing / oM badzra dz+wa la gnas gsum du sku gsung thugs rdo rjer byin gyis brlab pa la sogs pa byas la/de nas mchod pa sngon du 'gro ba'i mar dgang blugs gsum mam bdun dbul lo/ /de nas bkra shis kyi yam shing ngo / /de nas mar dang / til dang / zho dang / 'bras dang / ku sha rim pa bzhin du dbul lo//de nas dkyil 'khor gyi lha me lha ye shes sems dpa'i thugs kar zla ba'i dkyil 'khor gyi steng du hUM las nges par byung ba'i 'khor lo yongs su rdzogs par bsgoms la/ de nas/ oM e h+ye hi b+ha ga bA na san+ni da pany+tsa nas ma ye na tsa A kA sa pra tIts+tsha A hu pU dza nA dam bra sid+d+ha me/ zhes bya bas bdud rtsi rnam pa lngas mnyes par bya ba dang /de ltar bstan pa'i lha'i dkyil 'khor de la ye shes sems dpa' dgug pa la sogs pa byin gyis brlab pa'i cho ga bzhin du byas pa de la mchod pa dang / bstod pa dang / sbyin sreg gi khyad par gyis mnyes par byas la yi ge gsum gyis bdag gi thugs kar bsdu'o//de nas 'jig rten skyong ba rnams la mchod pa sngon du 'gro ba'i sbyin sreg gi cho gas ji lta ba bzhin du mnyes par bya ste bzod pa gsol la/ las bcol la rang rang gi gnas su gtang ngo / /de nas me lha ye shes sems dpa' la mchod yon dang / zhabs bsil dang / mchod pa dang bstod pas mnyes par byas la mar dgang blugs gsum phul te sngags 'dis gshegs su gsol lo//oM kr-i to ba sar+b+ba satwa r+tha/ /sid+d+hi ma dat+tA ya thA nu ga /gats+tsha twAbu d+d+ha bi Sha yaM/ /pu na ra ga ma na yats+tsha muH/ zhes pa'o/ /de nas me lha dam tshig sems dpa' la tshogs kyi lhag ma dang sbyin sreg gi lhag mas ci nus kyis sbyin sreg gi cho ga rdzogs par bya'o//de la dkyil 'khor gyi sngon du bgegs zhi bar byed na/ mi rus phye mas gnod mdzes kyi sngags kyi phreng bas bya'o/ /slob ma'i sdig pa zhi bar bya ba'i phyir g.yon phyogs su tsog pur 'dug la/ slob ma'i sor mo gung mo slob dpon gyi mtheb srin gyis bzung la til dang de'i sngags ci nus kyis zhi bar bya'o//de nas me lha de nyid thugs kar bsdu sbyin sreg gi yo byad de dag slob dpon gyi yin pas gzhan gyis spyad du mi rung ngo / /slob dpon gyis kyang ci rigs su spyad par bya'o/ /de nas dge ba'i rtsa pa bsdo ba dang /smon lam btab ste thab kyi nang chus bkru bar bya'o/ /de dag ni sbyin sreg gi cho ga'o// //de nas dkyil 'khor gyi mthar rab gnas kyi cho ga bya ste/ snga dro'i dus su slob dpon mtshan nyid thams cad dang ldan pas bla re dang rgyal mtshan dang spos dang me tog la sogs pa'i mchod pa'i yo byad tshogs par bya ste/mchod rten dang / tsha tsha dang / ri mor bris pa dang / lugs su blugs pa dang / 'bur du brkos pa la sogs pa la dkyil 'khor chen po'i byin gyis brlab pa'i cho gas ji lta ba bzhin du byin gyis brlab te/ mchod pa thams cad kyis mnyes par byas la/'khor ba ji srid kyi bar du sems can gyi don gyi phyir rab tu bzhugs par gsol ba btab ste/ de nas sbyin sreg gis mnyes par byas nas bkra shis par byin gyis brlab pa 'di ni rab gnas kyi cho ga'o/ /thams cad stong pa zab cing phra bas na/ /rtog ge'i yul min 'khrul pas shes mi nus//des na de la 'jug par bya ba'i phyir/ /rim gnyis thabs kyi sngon 'gro'i cho ga yin/ /dpal gsang ba 'dus pa'i dkyil 'khor gyi cho ga slob dpon klu sgrub kyi zhal snga nas mdzad pa rdzogs so// //rgya gar gyi mkhan po su b+hA Shi ta dang / zhu chen gyi lo tsA ba dge slong rin chen bzang pos bsgyur cing zhus te gtan la phab pa /