CLOSE WINDOW

D1788
བོད་ཡིག

@##/ /rgya gar skad du/ badzra dza pa TI kA/ bod skad du/ rdo rje bzlas pa'i rgya cher bshad pa/ bcom ldan 'das dpal rdo rje sems dpa' la phyag 'tshal lo/ /dpal gsang ba 'dus pa'i bshad pa'i rgyud dgongs pa lung bstan pa las bcom ldan 'das yum yi ge gsum brda can gyi gsung gis bka' stsal pa yin la/dgongs pas gsungs pa de bla ma'i man ngag gis rnam par bshad par bya'o//de la dang po kho nar bcom ldan 'das rdo rje 'chang ba'i yi ge gsum gyi sngags kyi bdag nyid la phyag 'tshal bar bya ste/ thog ma med pa las byung ba/ /rgyud kyi yi ge gsum bdag po//sku gsung thugs kyi rdo rje can/ /sngags kun dang po phyag 'tshal bstod/ /phyag 'tshal nas ni sgra bdag nyid/ /yi ge'i phyi mo bzhi bcu dgur/ /grags pa dgongs pas gsungs pa 'di/ /rgya cher bshad pas rab bshad bya//dang po gcig ni dgu dbus na/ /gang zhig bcu yis ma bcings pa/ /de ni bcing med ces bya ste/ /de shes pa ni mchog gi gnas/ /dbyangs dang gsal byed yi ge ste//grangs dgu yi ni rjes 'jug pa/ /as bcings phan tshun yang dag sbyor/ /gang gis de shes 'gro ba'i bla/ /gang gis shes na rnam grol ba'i/ /'bras bu phun tshogs grub 'dod pa/ /de ni de nyid 'grub 'gyur te//gzugs med pas na gzugs spangs pa/ /'byung ba'i mtha' dang yang dag ldan/ /cha la sogs pa bcu drug gnas/ /lnga pa lnga dang yang dag ldan/ /bzhi ni gsum du nges par sbyar/ /yi ge a~M bcas ring por bcas/ / yon tan sbyor sogs phyis dang mtshungs/ /thung ngu ma lus ngag tu 'gyur/ /gcig min du ma ma yin no/ /ya yi don gyis gang ci'ang rung / /bya ba'i dngos grub 'dod gyur pas/ /ra la sogs pa gsum nyid kyis/ /'gro ba'i don la rab tu 'jug /yi ge gang zhig sngar bshad dang / /gang yang mngon par phyogs pa rnams/ /bud med skyes pa ma ning ste/ /khams la sogs par rab tu brtags/ /'og dang steng du bcas par ni/ /shes nas blos ni nges par sbyar/ / drug bshad bzhi dang gsum dang gcig /dngos med ngo bo gcig las byung / /de ni ya sogs don sbyar na/ /dus gsum shes pa'ang 'byung bar 'gyur/ /mkhas pas sgyu ma mig 'phrul bzhin/ /'gro ba rnams ni dgu mthar sbyar/ /brjod pa yi ni sngags 'di dag /dngos med ngo bo las byung ba/ /de ni yongs su gyur pa'i gzugs/ /lha ru nye bar mtshon pa gang / /brda yis de nyid gsum gnas pa/ /rang bzhin bzlas pa'i mtshan nyid do/ /ming med brjod du med pa ste/ /byang chub sems mchog 'di yin no/ /gsum po de nyid gcig gyur pa/ / 'gro ba med cing 'ong ba med/ /'gag med rab tu zhi ba ste/ /rtag dang chad pa rnam spangs pa/ /dus gsum mkhyen pas ma byas pa'i/ /rtog pa nam mkha' dbyer med mtshan/ /'di nyid kho na don dam ste/ /so so rang rig mtshan nyid do/ /bya ba thams cad nyid du yang / /rnal 'byor rig pas nyal sogs pa/ /ming med brjod du med pa ste//dus gsum bzlas pa rtag tu bzla/ /de ltar tshigs su bcad pa bcu bzhi po 'di dag ni gang gi phyir don zab pa nyid yin pas de'i phyir rnam par dbye bar bya'o/ /de la dang po gcig ni zhes bya ba la sogs pa ni sngags btu ba dang / sngags kyi brda dang / sngags kyi don dang / sngags kyi de kho na nyid de bzhi po kho nar bstan par bya'o//de la sngags thams cad ni A li kA li las byung ba yin no zhes bya ba ni spyir sngags btu ba'o/ /sbrul la sogs pa'i ming can du gsungs te/ a~M AHhU~M swA hA/ zhes bya ba 'di ni sbrul zhes bya ba'i ming can yin te/ ming ni brda yin no/ /a u a~M zhes bya ba gsum 'di dag las a~M a a dang gcod gnyis las AHaM ha U ste 'di dag las hUM/de ltar de dag gcig tu byas na/ a~M AHhUM zhes bya ste/ 'di ni sngags kyi don no/ /mi shigs pa'i yi ge a las byung bas na de ni sngags kyi de kho na nyid ces bya'o/ /da ni tshigs su bcad pa'i don gsal bar bshad par bya ste/ mi 'jigs pa'i tshul can yi ge dang po don dam pa ston pa'i sa bon yi ge a ni dang po gcig go/ /dgu dbus na zhes bya ba ni yi ge phyi mo sde tshan dgu'i dbus te nang na rjod par byed pa'i tshul gyis gnas pas na yi ge a la bya ste/ gang gi phyir de med par brjod par nus pa ma yin te/ a med du 'gyur ba'i phyir he khe ge nas ji srid pa'i mthar thug pa'o//na zhes bya ba ni nges pa'o/ /de nas a la sogs pa thung ngu brgyad de a i u ri li e o a~M ni sde tshan gcig go/ /A I U rI lI ai au AMHgnyis/ ka kha ga g+ha nga gsum/ tsa tsha dza dz+ha nya bzhi/ Ta Tha Da D+ha Na lnga/ ta tha da d+ha na drug /pa pha ba b+ha ma bdun/ ya ra la wa brgyad/sha Sha sa ha sde tshan dgu'o/ /bcu pa ni mi shigs pa ste/ brjod du mi 'dod pa'o/ /bcu po 'di dag gis gang ma bcings shing tshig gi rnam par rtog pa'i sgras gzung du med ces bya ste/ de ltar gyur pa'i rnal 'byor pa de ni 'ching ba med de/ 'khor ba pa ma yin par shes shing rtogs par bya'o//tshig gi rnam par rtog pa dang bral bar de yang brjod du med pa'i gnas yin pas mchog gi gnas shes pa yin la de kho na nyid kyi gnas shes par gyur pa'i phyir te yi ge'i don no/ /gcig ni yi ge dgu po chos kyi phyag rgya'i ngo bo nyid shes rab kyi gzugs so/ /dang po zhes bya ba ni bskyed pa'i gnas te/'gro ba ma lus pa 'jug pa'i rgyu yi ge e'o/ /yang de'i dgu dbus na zhes bya ba phung po lnga dang / 'byung ba bzhi'i dbus na rang rig pa'i tshul du'o/ /phung po dang khams te bcu po 'di dag gis gang brtags pa'i tshul gyis ma bcings shing 'khor bar ma gyur pa'o/ /ci'i phyir zhe na/yi ge gsum gyi bdag nyid sku dang gsung dang thugs gsum po'i ngo bo nyid yin pa'i phyir ro/ /de ni ma bcings pa ste/ 'khor ba las nges par grol bar shes shing khong du chud par bya'o/ /yang de ni mchog gi gnas te/ bde ba chen po'i tshul can yi ge gsum du shes par bya'o zhes pa ste/ spyi'i don no/ /dang po gcig ni yi ge a dang yi ge A la sogs pa'i yi ge phyi mo sde tshan dgu'i mtshan nyid can gyi dbus na zhes bya ba ni lus kyi dbus te lte ba'i gnas na gnas pa'o/ /yi ge'i gnas de nas brjod par gang gis shes shing sgyu ma'i rang bzhin gyis de tshig ste/ yi ge'i rnam par 'dris par shes par bya zhing rnal 'byor pas rtogs par bya'o//yang de'i mchog gi gnas te sgyu ma'i yi ge'i phyi mo brjod pa'o/ /shes pa ni rtogs par bya ba yin no zhes bya ba ste 'di yang spyi'i don yin no/ /dang po gcig ni zhes bya ba la srog tu gyur pa'i rlung byang chub kyi sems zhes bya ba ni gcig go/ /dang po zhes bya ba ni gtso bor gyur pa'o//dgu dbus na zhes bya ba ni rlung dgu po thur du sel ba dang / gyen du rgyu ba dang / mnyam du gnas pa dang / khyab byed dang / rgyu ba dang / rnam par rgyu ba dang / yang dag par rgyu ba dang / rab tu rgyu ba dang / nges par rgyu ba zhes bya ba ste/ dgu'i dbus te nang na'o/ /gang rlung bcu po 'di dag gis mngon par brjod cing sngags kyi tshig tu gyur pa las zhi ba la sogs pa las kyi tshogs su ma bcings shing ma zhen pa de ni ma bcings pa ste/yi ge gsum po de ni ci 'dod pa'i las byed pa yin par shes par bya zhing khong du chud par bya'o/ /de ltar gang gis shes shing rig pa de ni mchog gi gnas rlung gi de kho na nyid shes pa yin no zhes bya ba ste sbas pa'o//dang po gcig ni zhes bya ba ni mi shigs pa brjod du med pa nam mkha'i ngo bo nyid kyi yi ge ni gcig go/ /de ni chos thams cad kyi 'byung ba'i gzhi yin pas na dang po'o/ /dgu dbus na zhes bya ba ni dgu'i mtha' yi ge'i gnas na'o/ /yang 'byung ba dang dbang po la sogs pa bcu po 'di dag gis gang ma bcings shing dbang po dang /yul dang / rnam par shes pa dang 'brel pas rnam par mi g.yeng ba ste/ de lta bur de ni bcing ba med pa ste/ rnam par mi g.yo ba'i sems yin par shes par bya zhing khong du chud par bya'o/ /ye shes can de ni mchog gi gnas chos kyi dbyings kyi mtshan nyid can shes pa yin no zhes pa ste 'di yang sbas pa'o//dang po gcig ces bya ba ni gzhan ma yin pa'i tshul can gsal zhing rtag tu snang ba 'od gsal ba gzi mdangs nyid yin pas thig le'o/ /de nyid mi shigs pa zhes bya'o/ /chos kyi dbyings kyi 'khor lo rtsibs brgyad pa la gnas pa shes rab kyi sa bon brjod du med pa'i yi ge a ni dang ba'i ye shes so//dgu dbus na zhes bya ba ni a ka tsa Ta ta pa ya sha zhes bya ba 'dab ma brgyad la gnas pa dang / dgu'i bdag nyid grwa dang bcas pa bcus sems rnam par g.yeng bar byed pa'i rnam par rtog pas ting nge 'dzin gyi bde ba thob pa la ma bcings shing zhen par mi bya ba ste/skyes bu dam pa de ni ma bcings pa med de/ yi ge a zhes bya ba'i brdar btags pa'i 'od gsal ba'i yi ge dang ldan zhing 'brel pa yin par shes par bya'o/ /de ni mchog gi gnas te gnyis su med pa'i ye shes su shes par bya ba yin no zhes bya ba ste/'di yang sbas pa nyid do/ /dang po zhes bya ba la sogs pa la/ de bzhin du yang lkog ma'i dbus na me'i dkyil 'khor la a~M/ snying ga'i pad+mar chu'i dkyil 'khor la ha/ lte ba'i pad+mar rlung gi dkyil 'khor la u/ gsang ba'i pad+mar sa'i dkyil 'khor la U/ de ltar 'di dag ma dang bcas pa ste/dgu po'i dbus lus kyi nang na rtag tu rjod par byed pa gcig pu ni yi ge hUM ste/ de ltar sngar bshad pa'i dang po bcu pos ma bcings shing gos par ma gyur pa ste/ srog tu gyur pa'i phyir dang dmigs su med pa'i phyir ro/ /de lta bur gyur pa'i yi ge dang po rdo rje sems dpa'i rang bzhin gang gis shes pa de ni mi shes pa ma lus pa dang bral ba'i phyir gnyis su med cing gos pa med pa'i rnal 'byor pa yin par shes par byas la/de yang mchog gi gnas te/ ye shes lnga'i rang bzhin shes shing rtogs pa yin no zhes pa ste mthar thug pa'o/ /yang na dang po zhes bya ba la sogs pa la/khams phra ba gcig dang sems gnyis su med cing mi 'gyur ba'i shes rab dang / thabs kyi bdag nyid can gyi snyoms par 'jug pa nyi ma dang zla ba dang / me'i tshogs dang ldan pa dang 'dres par gyur pa/ stong pa gsum po snang ba la sogs pa snang ba'i rang bzhin gyis bde ba chen po las byung ba ni mi shigs pa yin la/de las byung ba ni sngar bshad pa'i yi ge cha gsum gsum gyi bdag nyid kyi yi ge gsum po a~M AHhU~M zhes bya bar brjod pa'i gnas su gyur pa yin la 'di dag las brjod cing brjod pa ni sde tshan dgu'i nang na 'dug la de nyid ni dbugs rngub pa dang 'byung ba la sogs pa'i sbyor bas myur ba dang /bar ma dang / ldang ba'i tshul gyis ldang ba dang 'jug pa dang / gnas pa'i mtshan nyid kyis dbang po dang yul 'dus pa bcu pos ma bcings shing rjes su chags par mi 'gyur ba'o/ /'di skad du ste/ lte ba'i dbus te nang nas yi ge'i rnam par byung ba yi ge gsum ni A li kA li dang /dbugs 'byung ba dang / rngub pa dang / zla ba dang nyi ma dang shes rab dang thabs 'dus pa 'jug pa dang ldang ba nyid kyis bde ba chen por gnas par rtogs par byas la/ stong pa nyid gsum gyi snang ba las 'das pa'i 'od gsal ba mngon sum du byed pas dbang po la sogs pa'i shes pa med cing rnam par rtog pa gcig tu brgyud pas ma bcings par nyin dang mtshan du yi ge gsum du 'byung bar 'gyur ro//de lta bu'i yon tan dang ldan pa'i ye shes chen po ni bcing ba med pa ste/ shes rab kyi pha rol tu phyin pa'i ye shes dang gnyis su med pa'i ye shes yin par rnal 'byor pa rnams kyis shes par bya'o//rnal 'byor pa de ni mchog gi gnas te/ lhun gyis grub par 'jug pa'i mthar thug pa yin par shes par bya'o zhes bya ba'i don te/ 'di yang mthar thug pa nyid yin no/ /bshad pa 'di nyid kyis na mtha' drug gi tshig gi char byas pa yin no/ /ci'i phyir zhe na/rtsa ba nyid las dgongs pas bshad pa yin te/ yi ge don gyis dgongs pa min/ /spyi yi don gyis drang bar bshad/ /de nyid kyis na bde gshegs sgra/ /mthar thug pa yi sgra bzhin no/ /zhes bya ba'i rim pa 'dis so/ /de ltar tshigs su bcad pa dang po'i bshad pa bstan nas/ da ni de nyid kyi don gsal bar bya ba'i phyir/dbyangs dang zhes bya ba la sogs pa gsungs te/ dbyangs dang / gsal byed dang / yi ge ni dbyangs dang gsal byed yi ge ste zhes bya ba ste/ de la dbyangs ni a la sogs pa'o/ /gsal byed ni ka la sogs pa'o/ /yi ge ni ya la sogs pa'o/ /de rnams kyang / grangs dgu yi ni rjes 'jug pa/ /zhes bya ba thung ngu dang ring po dang / sde tshan lnga ste de ltar bdun dang / ya ra la wa dang / sha Sha sa ha ste/ de ltar grangs dgu'i bgrang ba'i rjes su 'jug pa'i ngang tshul can yin pas de skad ces bya'o/ /yang na grangs dgu ni mi dmigs pa las byung ba'i yi ge gsum yin par sngar bshad pa'i phyir ro//de'i rjes su 'jug pa ni de rtsa bar brjod pa'i phyir ro/ /de bas na rnal 'byor pa gang sbyor ba'am rnal 'byor las ye shes dang rnam par shes pa gnyis po gcig tu gyur par shes rab dang thabs kyis snyoms par 'jug pa ni as bcings te/ yi ge as mi shigs pa'i sgor bcings shing dgod pa yin te/snying ga'i kha sbyar gyi dbus na gnas pa'i zla ba dang / nyi ma'i gzi mdangs kyi dbus na gnas par bsgom pa ste/ de ltar gang zhig gis shes shing rtogs pa de ni 'gro ba'i bla ma yin te khams gsum gyi gtso bor gyur pa yin no/ /de yang zla ba grags pa'i zhal snga nas kyi/ji srid ya ra la ha'i bar/ /ka kha g+ha mtha' Na dz+ha'i bar/ /da d+ha'i mtha' dang ma mthar bcas/ /de de'i rtsa ba yi ge gsum/ /zhes bshad pa yin no/ /gang gis shes na zhes bya ba la sogs pa la/ rnal 'byor pa gang gis sngar bshad pa'i don shes shing rtogs na rnam par grol ba zhes bya ba/rnam par thar pa ni de'i 'bras bu thob pa ste/ de'i phun sum tshogs pa ni de las gzhan pa mngon par 'dus ma byas pa nyid kyi dngos grub rdo rje 'chang ba nyid 'dod cing mngon par dga' ba de ni rdo rje 'chang ba de nyid 'grub cing yang dag par 'thob par 'gyur ro/ /ci'i phyir zhe na/ gzugs med pas na zhes bya ba ste/ a las byung ba'i yi ge gsum las so/ /de yang gzugs spangs pa ste/ bskyed pa'i rim pa'i bsgom pa dang bral zhing rdzogs pa'i mtshan nyid can 'ja' tshon lta bu'i gzugs can zhes bya ba'i don no/ /'byung ba'i mtha' dang zhes bya ba la sogs pa la/'byung ba'i yi ge ni ya ste sa bon gyi ngo bo nyid yin pa'i phyir ro/ /de ni gcig pa ste/ sha Sha sa ha ste/ de yang dag par ldan pa ni gnyis pa'o/ /cha la sogs pa zhes bya ba la/ cha ni a la sogs pa dbyangs kyi yi ge bcu drug ste/ de la gnas pa ni gsum pa'o/ /lnga pa lnga dang zhes bya ba ni yi ge ka la sogs pa sde tshan gyi yi ge lnga ste/de dang yang dag par ldan pa ni bzhi pa'o/ /de ltar na bzhi ni ste/ ya dang sha dang a dang ka'i mtshan nyid can ni gsum du nges par sbyar zhes bya ba/ yi ge gsum dang nges par sbyar zhing yongs su gyur pa'o/ /ji ltar zhe na bud med dang / skyes pa dang / ma ning gi ngo bo nyid kyis so//de la a la sogs pa'i yi ge ni shes rab pha rol phyin pa'i ngo bo nyid kyi rang bzhin yin la/ de bas na de yongs su gyur pa'i gzugs can yi ge AHni pad+ma'i rigs gsung gi rdo rje'i sa bon gyi bdag nyid can no/ /ka la sogs pa'i sde tshan nas ha'i mthar thug pa'i yi ge rnams ni skyes bu chen po'i mtshan sum cu rtsa gnyis kyi thabs kyi gzugs can du gyur pa'i thugs rdo rje'i sa bon 'byin pa'i mtshan nyid can ni yi ge hU~M ngo //yi ge a la sogs pa dang / ka la sogs pa la yan lag drug tu gyur pa phyogs gnyi ga la brten par shes rab dang thabs cig tu gyur pa'i yi ge ma dang ldan pas sku rdo rje'i sa bon ma ning gi rang bzhin can ni yi ge a~M mo//de ltar sngar bshad pa'i yi ge sde tshan bzhi ni gsum du zhes pa ni yi ge gsum du yongs su gyur pas nges par sbyar bar bya ste/ de ltar na yi ge gsum 'byung bar 'gyur ro/ /da ni 'di nyid kyi yang bsdu ba ni/ yi ge a~M bcas zhes bya ba la sogs pa yin te/a~M ni rjes dbyangs te thig le'o/ /ring po ni a'o/ /yon tan ni ha dang U gcig tu bya ba hUM ngo / /sbyor ba ni yi ge gong ma yang la phyi ma lci ba ste/ dper na a hU~M zhes bya ba'o/ /de ltar dang po phyis pas dbye bar bya'o/ /ji lta bu la phyi zhe na/ dper na oM AH hUM la a u~M las u ma zhes bya gnyis phyi/AHlas thig le gnyis dang ring po nyid phyi/ hUM gi a ha U zhes bya ba 'di dag kyang dbyi'o/ /thung ngu ma lus ngag ces bya ba ni/ ngag ma lus pa la rab tu 'jug pa ste/ byed pa'i tshig dang / byed pa po dang / rtags dang / mtshams sbyar ba dang / skyes bu dang / bya ba dang / tshig dang / bsdus pa dang / tshogs dang / gzhan gyi tshig can dang / bdag gi tshig can dang / byed pa dang / de la phan pa la sogs pa 'jig rten dang 'jig rten las 'das pa'i bstan bcos rnams ni yi ge a thung ngu gcig pu yin te/ de bas na chos thams cad kyi sgor 'gyur zhing byed pa yin la/de yang thams cad stong pa nyid yin pa'i phyir 'od gsal ba dang / rtag tu sdang ba'i bdag nyid can dang / rdo rje 'chang ba'i sa'i mtshan nyid can yin pas/ gcig min du ma ma yin no/ /zhes bya ste/ gcig dang du ma nyid du brtag pa gnyi ga'i yang tshig gi yul ma yin no zhes bya ba'i don no/ /de yang mtshan yang dag par brjod pa las/a ni yig 'bru kun gyi mchog /don chen yi ge dam pa yin/ /khong nas 'byung ba skye ba med/ /tshig tu brjod pa spangs pa ste/ /brjod pa kun gyi rgyu yi mchog /tshig kun rab tu gsal bar byed/ /ces gsungs pa dang / rdo rje rgyan las kyang / mar me lta bur 'bar 'gyur ba//snying gi dbus na mi shigs pa/ /mchog tu phra ba'i yi ge ni/ /a ste gtso bo dam pa'o/ /zhes gsungs pa yin no/ /de bas na 'di nyid ni srog tu gyur pas nang gi bdag nyid can gyi las bskul ba ni ya'i don gyis zhes bya ba la sogs pa gsungs te/ ya ni rlung gi sa bon no/ /de'i don gyis zhes bya ba ni rlung gi sbyor ba don du gnyer ba ste/rlung gi rnal 'byor gyi ye shes thob pa'o/ /gang ci 'ang rung zhes bya ba ni zhi ba la sogs pa'i las kyi dngos grub bsgrub par 'dod cing don du gnyer ba'o/ /'dod pa de ni ra la sogs pa gsum nyid kyis zhes bya ba ste/ ra dang por byas pa gang yin pa'i yi ge ste/la dang wa rnams ni ra la sogs pa gsum ste/ me dang / sa dang / chu'i sa bon no/ /de rnams kyis ni 'gro ba'i don zhi ba la sogs pa'i las kyi sems can gyi don gyi bya ba la 'jug cing rdzogs par byed pa yin no/ /'di skad ston te/ mi shigs pa'i yi ge las byung ba'i yi ge gsum po rlung dang lhan cig rgyu bas g.yon dang g.yas dang gnyis ka dang /dal ba ste bzhi po me la sogs pa'i dkyil 'khor gyi rim gyis sna'i bu ga gnyis las byung ba'i dbugs rngub pa dang / 'byung ba'i tshul gyis thun phyed du nang gi dus bzhi'i rim pas dmar po la sogs pa'i kha dog bzhi la gnas nas/pad+ma'i rigs la sogs pa de bzhin gshegs pa bzhi la brten te/ nang gi zhi ba la sogs pa'i las bzhi po bya'o zhes bya ba'i don te/ de yang dgongs pa lung ston pa zhes bya ba gsang ba 'dus pa'i rgyud las/ phyag na rdo rjes gsol pa bcom ldan 'das nang gi dus zhes gang la bgyi/bcom ldan 'das kyis bka' stsal pa/ lag na rdo rje nang gi dus zhes bya ba ni gsang ba chen po shin tu gsang ba phra ba byang chub kyi sems kyis byin gyis brlabs pa yin te/ sems can grol phyir ye shes yin/ /sngags rnams grub la dngos grub yin//zhi dang rgyas pa'i las dag dang / /de bzhin dbang dang mngon spyod la/ /bcom ldan bzung ming zhi ba ste/ /sems dbyings de bzhin gshegs pa yin/ /me tog la dri ji lta bar/ /de bzhin 'gro ba'i snying la gnas/ /rim ni go rims ji bzhin du/ /thun phyed kyi ni dus su gnas//me dang rlung dang dbang chen dang / /chu ste so so'i dkyil 'khor te/ /dmar dang gnag dang de bzhin ser/ /dkar po nyid de mdor bsdus pa'o/ /zhes gsungs pa yin no/ /tshig 'di nyid ni slob dpon zla grags kyi zhal snga nas kyis bshad pa yin no/ /'dis ni 'di skad ston par 'gyur te/chu'i dkyil 'khor snying ga'i pad+mar gnas pa de 'byung ba'i dus su kha dog dkar po'i 'od zer du byung nas thun phyed du gnas la/ de'i tshe zhi ba'i las bya'o/ /dbang chen gyi dkyil 'khor bshang sgo'i pad+mar gnas te/ de byung ba'i dus su 'od zer ser por byung nas thun phyed du gnas pa de'i tshe rgyas pa'i las bya'o//me'i dkyil 'khor ni lkog ma'i pad+mar gnas la de byung ba'i dus su 'od zer dmar por byung nas thun phyed du gnas pa de'i tshe dbang du bya ba'i las bya'o/ /rlung gi dkyil 'khor ni lte bar gnas la de byung ba'i dus su 'od zer nag por 'byung ste/ thun phyed du gnas pa de'i tshe drag po'i las rnams bya'o zhes bya ba ni 'di'i don yin no//yi ge gang zhig ces bya ba la sogs pa la/ yi ge gang sngar te gong du dbyangs dang gsal byed ces bya ba la sogs pas bshad cing smras pa dang / de rnams la mngon par phyogs shing gtso bo'i las dang 'tsham pa yi ge'i sgras gsungs pa ya ra la wa la sogs pa ste/de rnams ni yang bud med dang / skyes pa dang / ma ning gi dbye bas nang gi bdag nyid can dang / phyi'i sgrar brjod par 'gyur ro/ /de dag kyang / khams la sogs pa rab tu brtag /ces bya ba khams sam skad kyi dbyings dang / byed pa'i tshig dang / byed pa po la sogs par brtag par rab tu 'gyur ro/ /'di skad ston te/ a'i rigs su gyur pa'i phyir rlung gis drangs pa'i sgra ni A li dang kA li'i rang bzhin te/ de rnams su byung ba na khams sam skad byings la sogs pa nas snyan ngag dang gar gyi bstan bcos la sogs pa 'jig rten pa dang /shes rab kyi pha rol tu phyin pa la sogs pa 'jig rten las 'das pa'i bstan bcos rnams 'byung ngo / /de yang lung las/ nam mkha' dang ni rlung byung ba/ /brjod pa kha ru phyin par gyur pa'i sgra/ /gnas gzhan rnams su rab tu phye ba las/ /yi ger gyur pa gang yin de sgra yin//zhes bshad pa yin no/ /rnam pa gzhan yang sa dang chu dang me dang rlung la sogs pa'i khams dang ldan pa'i lus ni skyes pa dang / bud med dang / ma ning la sogs pa'i dbye bas khams gsum pa'i A li kA li dang / zla ba dang / nyi ma dang / byang chub kyi sems rin po che 'byung ba'i sems su gcig tu gyur pa'i bar du brtag pa'i sbyor bas phung po dang skye mched la sogs par rab tu brtag pa yin no//de yang / 'og dang steng du bcas par ni/ /zhes bya ba ste/ 'og dang steng gi sgras ni yi ge gsum la bya bar bshad do/ /de ci'i phyir zhe na/ 'og ni lus kyi nang du rlung dang 'dres nas gnas shing 'jug pa'i mtshan nyid can gyi sku rdo rje'i sa bon oM mo//steng ni ldang ba'i mtshan nyid can mi shigs pa thugs rdo rje'i sa bon nges par 'byung ba'i mtshan nyid can hU~M ngo / /de gnyis ka'i dbus na 'dug pa'i tshul gyis gnas pa gsung rdo rje'i sa bon ni AH'o//de ltar gsum po 'di dag bud med dang / skyes pa dang / ma ning gi dbye bas steng dang 'og dang yang dag par bcas shing ldan pa yin te/ 'jug pa dang gnas pa dang / ldang bas rlung rgyu ba'i tshul gyis nyin dang mtshan du bsgom zhing bsam pa'i sems kyi rgyun gyis shes shing rtogs par byas nas 'od gsal ba'i mtshan nyid stong pa nyid du yi ge a nges par sbyor ba dang ldan par 'gyur ro zhes bya ba'i don no//drug bshad ces bya ba la sogs pa la/ de ltar sngar bshad pa'i sngags kyi de kho na nyid la sogs pa drug bshad ces bya ba srog la sogs pa'i rlung sems dang bcas pa ni drug tu bshad cing gsungs so//de bzhin du bzhi zhes bya ba ni chu la sogs pa'i dkyil 'khor bzhi 'byung ba na zhi ba la sogs pa'i las kyi tshogs bzhi pos so/ /gsum dang zhes bya ba ni 'jug pa dang / gnas pa dang ldang ba'i mtshan nyid can gyi sku dang gsung dang thugs kyi sa bon gyis so//gcig ces bya ba ni mi g.yo ba'i chos kyi gzugs can mi shigs pa'i yi ge a'o/ /de yang / dngos med ngo bo gcig las byung / /zhes bya ba ste/ dngos po med pa ni brjod du med par gnas pa'i mtshan nyid can 'od gsal ba'o//de ltar drug dang bzhi dang gsum dang gcig ces bya ba la sogs pa 'di dag ni 'od gsal ba las byung zhing skye bar 'gyur la/ de nyid du thim par 'gyur ro zhes bya ba'i don no/ /de yang don 'di nyid dgongs pa'i tshig gis gsungs pa yin no/ /ji ltar sprin ni sna tshogs shing //mdog dang dbyibs ni tha dad pa/ /nam mkha'i dbyings su byung nas ni/ /de nyid du ni thim par gyur/ /zhes bshad pa yin no/ de ni zhes bya ba la sogs pa la sku dang gsung dang thugs kyi sa bon gyi yi ge de ni/ ya sogs don zhes bya ba ni ya ra la wa zhes bya ba rlung gi dkyil 'khor la sogs pa bzhi po'i don gyis zhi ba la sogs pa'i las la yang dag par sbyar zhing rnam par bsams na dus gsum shes pa'ang 'byung bar 'gyur zhes bya ba 'das pa dang /ma 'ongs pa dang / da ltar byung ba'i dus gsum du khams gsum po dag tu gang ci byung ba de thams cad shes par 'gyur ba'o//'di skad ston te/ dkyil 'khor re re zhing 'jug pa la sogs pas yi ge gsum nges par sbyar na dus gsum shes pa dang ldan par 'gyur ro/ /de ltar nges par sbyar ba 'dis mkhas pa ste/ yongs su rdzogs pa'i rnal 'byor pa blo dang ldan pas dgu mtha' zhes pa 'od gsal ba las byung ba'i mi shigs pa'i spro bas yi ge gsum du 'gro ba khams gsum pa rmi lam dang sgyu ma dang mig 'phrul dang 'dra zhing de'i ngo bo nyid du bya ba ste spro ba dang bsdu ba dang gzhag par bya'o//brjod pa yin zhes bya ba 'di ni gang sngar bshad pa'i brjod du med pa'i mtshan nyid can gyi yi ge gsum po 'di ni sngags te/de ni brjod pa zhes bya ba tshig ma lus pa la 'jug pa'i mtshan nyid can gyi sngags 'byung bar byed pa'i rtsa ba yin pas na brjod pa zhes bya ba'i ming du gsungs pa yin no/ /de ltar na 'dis ni brjod pa'i rdo rje bzlas pa gsungs pa yin no/ /de nyid kyi phyir rang bzhin gyi bzlas pa'i don yang gsungs pa yin te/de ni yongs su gyur pa zhes bya ba la sogs pa la yi ge gsum po de yongs su gyur cing sku dang gsung dang thugs kyi sa bon gsum po de yongs su gyur cing / sku dang gsung dang thugs kyi sa bon gsum po zhu ba las zhal gsum la sogs pa'i rnam pa can gyi rdo rje 'chang gi sku'i gzugs byung ba gang yin pa de ni lha yin no zhes nye bar mtshon pa ste/me long gi nang gi gzugs brnyan nam 'ja' tshon nam grib ma'i tshul du brdar btags shing phyag rgya chen po zhes bya ba'i ming gi brdar btags pa yin la/ de yang de kho na nyid gsum du gnas pa yin zhing /brjod pa med pa'i yi ge gsum du yang dag par gnas nas gang zhig byung ba de ni de nyid kyi rang bzhin gyi bzlas pa'i mtshan nyid de ngo bo nyid kyi bzlas pa de'i mtshan nyid de yin par bshad do/ /de nyid ni brjod du med pa'i phyir ming med pa yin zhing ngag gi yul du ma gyur pa yin la/de ltar tshig tu brjod pa dang bral bas de nyid ni don dam pa'i byang chub kyi sems sgrib pa dang bral ba'i ye shes mchog dam pa yin no zhes bya ba'i don no/ /gsum po zhes bya ba la sogs pa la yang sku dang gsung dang thugs kyi sa bon gyi rang bzhin gsum po de dag nyid de kho na nyid kyi gnas su zhugs pas gcig tu gyur cing gnyis su med de thams cad stong pa dang 'od gsal ba dang don dam pa dang //shes rab kyi pha rol tu phyin pa'i ngo bo nyid bla ma'i zhal nas rtogs par bya ba gnas bzhi pa'o//'gro ba med cing 'ong ba med/ /ces bya ba ni khams phra ba dang sla ba de'o/ /'gag pa med pa ni mi chod pa mi shigs pa mi tshig pa mi skam pa brtan pa'i rdo rje'i sku'o/ /rab tu zhi ba ni 'dod chags la sogs pa'i nyes pa thams cad kyis ma gos shing de dag dang bral ba'i phyir ro//rtag dang chad pa rnam spangs pa/ /zhes bya ba ni rtag pa dang mi rtag pa dang / brtan pa dang mi brtan pa la sogs pa'i rnam par rtog pa dang bral ba'o zhes bya ba'i don no/ /dus gsum zhes bya ba la sogs pa la dus gsum mkhyen pa zhes bya ba ni 'di ni dus gsum mkhyen pa rnams kyis kyang kun du rtog par ma mdzad de/rtog pa rnam par spang ba de nyid kyi phyir/ dbyer med nam mkha'i mtshan nyid yin/ /zhes bya ba yin te/ ji ltar nam mkha' ni ngo bo nyid kyis dngos po med cing thams cad du stong la/rdo rje la sogs pas kyang mi shigs te bcom ldan 'das kyang de dang 'dra'o/ /de bas na/ 'di nyid kho na don dam ste/ /zhes bya ba yin te bden par gyur pa dang / so sor rang rig mtshan nyid do/ /zhes bya ba rgyu ba dang mi rgyu ba'i mtshan nyid can gyi so sor rang rig pa rang gis nyams su myong ba bde ba chen po'i mtshan nyid kho na zhes bya ba'i don no//da ni/ bya ba thams cad nyid du yang / /zhes bya ba la sogs pas nye bar bsdus pa ston pa yin te/ sngar bshad pa'i tshul gyis rnal 'byor gyi sbyor ba shes shing rig pa'i rnal 'byor pa gang yin pa de ni nyal sogs la zhes nyal ba dang /ldang ba dang / 'dug pa dang / 'chag pa la sogs pa'i spyod lam rnam pa bzhir sems can gyi don bya ba'i las rnams su yang dus gsum las 'das shing dus gsum med pa/ dus thams cad par ni ming med pa ste tshig gis brjod du med pa dang /brjod du med pa ste/ gsal ba ma yin zhing brjod pa dang bral bar/ rtag tu zhes pa dus thams cad du yi ge gsum bzlas par bya'o zhes bya ba'i don to/ /de yang / dbugs ni yi ge oM gyis 'jug pa dang / sngags kyi yi ge AHde 'ang bar du gnas//mthar ni yi ge hUM dang dbugs 'byin byed/ /rkan mchu sbyar dang bral bar gsang sngags bzla/ /zhes bshad pa yin no/ /rdo rje'i snying po shin tu sbas pa gang yin rab gsal bar/ /rnam par bshad pa 'di ni rnal 'byor pa'i yul blun po'i min//dri med bla ma'i lung gang rin chen bzang po'i don du ni/ /byas pas 'bras bu rab mchog 'byor cing rnal 'byor grub par shog /gal te 'di la bsod nams ni/ /bdag gis cung zad ci bsags pa/ /dpa' bo rdo rjes rab bskul ba/ /des ni 'gro ba rgyal bar shog /dgongs pas bshad pa'i rdo rje bzlas pa rgya cher bshad pa/ rdo rje slob dpon shrI shrad+d+hA ka ra warma'i zhal snga nas kyis mdzad pa rdzogs so// //rgya gar gyi mkhan po A tsar+ya shrad+d+hA ka ra warma dang / sgra bsgyur gyi lo tsA ba dge slong rin chen bzang pos bsgyur cing zhus te gtan la phab pa'o/