CLOSE WINDOW

D1787
བོད་ཡིག

@##/ /rgya gar skad du/ sar+b+ba gu h+ya pra tI pa TI ka/ /bod skad du/ gsang ba thams cad kyi sgron ma'i rgya cher 'grel pa/ dpal rdo rje rnon po la phyag 'tshal lo/ /stong pa shin tu stong pa dang / /chen po stong pa thams cad stong / /zung 'jug rdo rje sems dpa' la/ /btud de phyi ma'i rgyud bshad bya//de bzhin gshegs pa thams cad kyi sku dang gsung dang thugs kyi gsang ba 'dus pa'i rgyud kyi/ rgyud phyi ma 'dis gong du le'u bcu bdun po rtsa ba'i rgyud kyi don thams cad gsal bar ston pa dang / don ma tshang ba rnams kyang rgyas par byed pa dang / le'u so so'i nges pa'i dbye ba ston pa dang /rgyud kyi rgyal po 'di'i don gyi gtso bo bsnyen sgrub bzhi yin par ston pa'i phyir/ de nas zhes bya ba la sogs gsungs te/ le'u bco brgyad po 'di'i don kyang bstod pa bstan pa dang / rgyud phyi ma'i don zhus pa po bstan pa'o/ /bstod pa bstan pa la yang gsum ste/rtsa ba'i rgyud rdzogs pa dang / rten dang brten pa dbyer med pa la bstod pa dang / the tshom thams cad chod nas de bzhin gshegs pa la bstod pa dang / rgyud kyi don thams cad bsdus pa'i sgo nas bstod pa'o/ /de la de nas zhes bya ba la/ a tha zhes bya ba'i sgra'i don ni bkra shis pa'i tshig yin te/rtsa ba'i rgyud rdzogs nas phyi ma'i rgyud 'chad pa'i skabs sbyor ba ste yi ge'i don to/ /a tha zhes bya ba ni a kA ro mu khaM sar+b+ba d+harmA nAM zhes bya ba ni/ chos thams cad rang bzhin med pa ye shes kyi tshogs so/ /tha ni bsod nams kyi tshogs te/ /tshogs gnyis ston par byed pa'i rgyud//ces bya ste spyi'i don to/ /a ni shes rab kyi pad+ma ste chos kyang dbyings skyed par byed pa'o/ /tha ni thabs kyi rdo rje sbas pa'i don to/ /a ni skye ba med pa rnam par dag pa'i shes rab po/ /tha ni dmigs pa med pa'i snying rje ste mthar thug par bshad pa'o/ /byams pa la sogs zhes bya ba la/byams pa ni skye ba gcig gi thogs pa'i byang chub sems dpa' ste/ des ma 'ongs pa'i 'gro ba'i don du rgyud zhus pa yin te drang ba'i don to/ /byams pa ni rdo rje 'chang chen po nyid kyis sems can rnams la byams pa chen po'i sgo nas rtsa ba'i rgyud gsal bar bya ba'i phyir 'khor du sprul nas zhus pa yin te nges pa'i don to//byang chub sems dpa' zhes bya ba ni 'og nas ston to/ /de bzhin gshegs pa zhes bya ba la/ de bzhin nyid du gshegs pas na de bzhin gshegs pa zhes bya ste/ spyi'i don to/ /de bzhin gshegs pa zhes bya ba ni ji ltar skyed pa'i tshe ma 'ongs pa rnam par 'jigs pas na/de bzhin du 'gro ba nas de bzhin gshegs pa ste/ sbas pa'i don to/ /de bzhin gshegs pa zhes bya ba ni/ ye shes phun sum tshogs pa mnga' ba'i phyir de bzhin gshegs pa ste/ mthar thug par bshad pa'o/ /dbang bskur ba la sogs pa yang 'og nas bshad par bya'o//dngos po thams cad ces bya ba ni rang gi ye shes mtha' dag gis rtogs pas chos nyid kyi don ji lta ba dang / ma nor ba ji bzhin du mnyan pa'i sgo nas mthong zhing / bsam pa'i sgo nas thos la/ bsgom pa'i sgo nas khong du chud par gyur to zhes pa'i don to//chos ni phung po la sogs pa'o/ /gzigs pa zhes pa ni thams cad stong par ro/ /de dag thams cad ces pa ni phyogs bcu'i sangs rgyas thams cad kyi rang bzhin/ bsdus pa rdo rje 'chang chen po yin pas de skad ces bya'o/ /da ni bstod pa gsum las/ dang po rtsa ba'i rgyud rdzogs par gyur pa la bstod pa'i phyir/e ma'o zhes pa la sogs pa gsungs te/ e ma'o zhes pa ni gsang ba 'dus pa'i rtsa ba'i rgyud bshad pa la ngo mtshar du gyur pa'o/ /gang la ngo mtshar na/ kun du bzang po zhes bya ba ni rnam par rtog pa'i spros pa thams cad dang bral ba'i rdo rje 'chang chen po la bya ste/de'i sku dang gsung dang thugs ni/ rnam par snang mdzad dang / snang ba mtha' yas dang mi bskyod pa'o/ /de gsum nges pa'i rdo rje gsum gyis zhes pa ni/ de gsum gyi sku gsung thugs rdo rje gsum la kun du bzhugs zhes pa ni/ de bzhin gshegs pa thams cad kyi sku gsung thugs mnyam pa nyid sgyu ma lta bu la dmigs nas cang mi gsung bar gyur pa la bya'o//sems can thams cad dus gsum gyis/ /rdo rje'i ngo bor yang dag byung / /zhes pa ni/ sems can thams cad kyi lus dang rnam par snang mdzad ni rten dang brten pa nyid du med cing de bzhin nyid du rdzogs pa dang /ma rdzogs pa'i lus ngag dbyer med par bstan pa dang / de bzhin du khams gsum pa'i ngag dang yid gang yin pa de ni snang ba mtha' yas dang mi bskyod pa gcig par bstan to/ /'di skad ston par 'gyur te/rigs lnga dang ldan pa'i sprul pa'i sku dpag tu med cing mtha' yas pa'i sangs rgyas dang / byang chub sems dpa' rnams dang / khro bo'i rgyal po la sogs pa thams cad rnam par snang mdzad dang 'od dpag med dang / mi bskyod pa nyid thob par 'gyur to zhes bya'o/ / sangs rgyas thams cad rdzu 'phrul che/ /zhes pa ni sangs rgyas thams cad rigs gsum du gyur pas so/ /byang chub rdo rje'i gnas thob pa/ /zhes pa ni/ khams gsum gyi sems can thams cad kyang rigs gsum dang rten dang brten par dbyer med pa'i gnas thob par gyur pa'o//e ma'o 'di rab ngo mtshar che/ /e ma'o zhi ba dbang po 'das/ /zhes pa ni/ sangs rgyas thams cad rigs gsum du 'dus shing / 'od gsal gyi rang bzhin can du cang mi gsung bar gyur pas so/ /dbang po spyod yul las 'das pa ni zhi ba ste/ 'di la rab tu ngo mtshar che//zhes dgongs pa'o/ /e ma'o 'khor ba dag gi rgyun/ /zhes pa ni khams gsum gyi sems can thams cad kyi lus dang ngag dang sems kyi rgyun rigs gsum du mchog tu mya ngan las 'das pa la ngo mtshar ba'o/ /de yang le'u bcu bdun pa las/ de nas de bzhin gshegs pa sku rdo rje rnam par snang mdzad khams gsum thams cad kyi lus la gnas shing /de bzhin gshegs pa thams cad kyi sku mnyam pa nyid la dmigs nas cang mi gsung bar gyur to zhes bya ba la bstod pa yin no/ /rdo rje 'chang chen po bstod pa la dgyes nas snang ba gsungs pa/de nas zhes pa la sogs pa ste/ de de bzhin no zhes pa ni sangs rgyas su gyur pa'o/ /de de bzhin te zhes pa ni khams gsum thams cad kyang rigs gsum du snang ba'o/ /de ltar bstod pa bstan nas/ de ni rgyud phyi ma'i don zhus pa bstan pa ni/ de nas byang chub sems dpa' zhes pa la sogs pa bstan te/byang chub sems dpa' sems dpa' chen po 'dus par zhes pa ni byams pa la sogs pa brjod kyis mi lang ba rnams so/ /gsang ba'i mchod pa zhes pa la sogs pa ni zhu ba'i phyir sbyor ba bstan pa ste/ gsang ba ni rdo rje dang pad+ma'i mchod pa'o//phyi'i mchod pa ni 'dod pa lnga dang / rin po che sna bdun la sogs pa'o/ /phyag byas te zhes pa ni lus kyi yan lag lnga gtugs pa ste drang ba'i don to/ /rang gi sems kyi chos nyid ye shes kyi rig par 'gyur la/ de nyid phyag yin te nges pa'i don to/ /rgyud phyi ma'i don spyir zhus pa bstan pa'i phyir/e ma'o zhes pa la sogs pa gsungs te/ shin tu rnyed dka' ba zhes pa ni/ dad pa 'phel bar bya ba'i phyir rgyud rnyed par dka' ba bstan pa yin te/ de yang sangs rgyas mar me mdzad kyis kyang ma gsungs la/ de bzhin gshegs pa 'od srungs mya ngan las 'das nas yang ma byung bar bstan pa yin no//de ci'i phyir zhe na/ dus de srid kyi bar du ni sems can dman pa la lhag par mos shing sbyin pa dang / tshul khrims la sogs pa 'dod chags dang bral ba'i chos kyi 'dul ba zab mo bstan pas skrag pa'i yid dang ldan pa yin te//de bas na skal ba med pas de'i tshe gsang ba chen po'i don gyi bshad pa ma gsungs la/ dus 'dir ni sems can 'dod chags la spyod cing snyigs ma lnga bdo ba'i sems can rnams kyi mos pa mkhyen nas byon te/ rdo rje 'chang 'ba' zhig gis gsungs pa yin pa'i phyir/ shin tu rnyed dka' ba'i byang chub sgrub pa'i thabs 'di yin zhes pa ni/ gang gA'i klung gi bye ma snyed dpag tu med pa snyed kyi bskal par byang chub sems dpa' rnams kyis 'bad cing brtsal kyang byang chub thob par mi 'gyur ba gang yin pa gsang ba 'dus pa la dga' ba'i byang chub sems dpa'i nang gi mngon par byang chub pa'i rim pas don dam pa'i bden pa la zhugs nas rnyog pa'i dri ma thams cad bkrus te/skad cig dang / thang cig dang / yud tsam dang / mig btsums pa tsam gyis bdag la byin gyis brlab pa'i rim pa langs nas thams cad mkhyen pa'i phun sum tshogs pa dang ldan par gyur pas na'o//rgyu ni mchog gyur zhes pa ni rgyud thams cad kyi rtsa ba'i rgyud ni de kho na nyid bsdus pa yin la/ de'i rgyud phyi ma ni gsang ba 'dus pa yin no/ /de'i yang rgyud phyi mar gyur pa ni le'u bco brgyad po 'di yin no/ / sbas pa zhes pa ni gter sbas pa dang 'dra bar 'dod chags kyi chos la sogs pa rtsa ba'i rgyud du tshig don mi gsal bar gsungs pa de ni rtogs par bya ba'i phyir rgyud phyi ma zhus zhes pa'o/ /de ltar bdag gi don zhus nas gzhan gyi don gyi phyir zhus pa ni/ sems can rnams la zhes pa'o//gang bshad ces pa ni rtsa ba'i rgyud do/ /rdo rje 'chang gis snang ba gsungs pa'i phyir/ de nas zhes pa la sogs pa gsungs te/ legs so zhes pa sems can thams cad kyi don du zhus pa'i phyir ro/ /rgyud phyi ma'i the tshom rnams zhu ba bstan pa'i phyir/de nas byang chub sems dpa' kun/ rab tu dga' bas mig ces pa la sogs pa gsungs te/ yang dang yang du zhes pa don chen po ni zhu ba mang pos 'thob par byed pa'i phyir ro/ /rgyud 'di yi ming ci yin zhe na/ dpal gsang ba 'dus pa rnal 'byor gyi rgyud ces ston te/gsang ba dang / 'dus pa dang / dpal gyi don 'brel pa dang / rgyud dang / rnal 'byor zhes the tshom bzhi zhus te/ rgyud kyi don thams cad mdor bsdus te zhus pa yin no/ /le'u dang po la rigs lngar bstan pa zhus pa ni/ de nyid rnams pa du ru bshad/ /ces pa'o//sku gsung thugs kyi tshul du bstan pa'i phyir/ de bzhin gsang ba rnam pa du/ /zhes pa'o/ /rdo rje 'chang chen po'i gcig pu'i don zhus pa ni/ gsang chen yang ni gang la bgyi/ /zhes pa'o/ /lus rnam par dben pa rgyas par zhus pa ni/ dam pa rnam pa du zhes pa'o/ /le'u gnyis pa las/byang chub kyi sems bstan pa'i don zhus pa ni/ byang chub sems zhes gang la bgyi/ /zhes pa'o/ /le'u dang po las/ rig pa'i skyes bu chen po'i gzugs bstan pa'i don zhus pa ni/ rig pa'i skyes bu zhes pa'o/ /le'u dang po las/ lha bcu gsum gyi sngags bstan pa'i don la the tshom bcu drug zhus pa ni/badzra d+h+raM ka ces pa nas/ de bzhin big+h+nan ta kri ta ces pa'i bar gyis bstan to/ /le'u dgu pa las byang chub sems dpa'i spyod pa dang / de bzhin gshegs pa'i spyod pa bstan pa'i don zhus pa ni/ kun du spyod pa gang zhig lags//zhes pa'o/ /le'u lnga pa dang bdun pa las/ sngags kyi spyod pa bstan pa'i don zhus pa ni/ de bzhin sngags kyi spyod pa gang / /zhes pa ste/ rnal 'byor gyi spyod pa'o/ /le'u gsum pa las/ bzlas brjod gsungs pa'i don zhus pa ni/ bzlas pa gang zhig lags zhes pa'o//le'u bco lnga pa las/ lha dbang bskur ba'i don zhus pa ni/ rgyas gdab pa zhes gang la bshad/ /ces pa'o/ /le'u bcu gsum pa las/ khro bo bcu'i bsam gtan gsungs pa la zhus pa ni/ chos kyi 'byung gnas zhes pa'o/ /le'u bcu bdun po thams cad kyi bsdus pa'i sdom zhus pa ni/sdo ma pa ji lta bu zhes pa'o/ /le'u dgu pa las gsungs pa'i nyon mongs pa dbang du byed pa'i don zhus pa ni/ sems can don mdzad ji lta bu zhes pa'o/ /le'u bzhi pa dang bcu drug pa las gsungs pa'i dkyil 'khor gyi don zhus pa ni/ dkyil 'khor zhes ni gang la bgyi//zhes pa'o/ /le'u de dag nyid kyi don zhus pa ni/ phyag rgya dgod pa ji lta bu/ /zhes pa'o/ /le'u brgyad pa las gsungs pa'i don zhus pa ni/ me tog ces pa dang / mchod rten zhes pa'o/ /le'u bcu gsum pa las gsungs pa'i dkyil 'khor gyi don zhus pa ni ye shes dkyil 'khor zhes pa dang /'dir ni gnas zhes gang la bshad/ /ces pa'o/ /le'u bcu drug pa'i mngag gzhug pa gsungs pa'i don zhus pa ni/ mgon po bskul ba dang / gtong ba dang / spyan drang ba dang / bcing ba'o/ /le'u brgyad pa dang bcu drug pa'i don zhus pa ni/dbang bskur ba ni ji ltar lags/ /zhes pa'o/ /le'u bcu drug pa las gsungs pa'o zhes pa ni/ rig pa'i brtul zhugs zhes pa'o/ /le'u bzhi pa dang lnga pa dang drug pa dang brgyad pa dang / bcu gnyis pa dang bco lnga pa dang bcu drug pa dang bcu bdun pa rnams las gsungs pa'i don zhus pa ni/bdud rtsi lnga rnams zhes pa dang / dbang po lnga zhes pa'o/ /le'u bcu gcig pa dang bcu bdun pa'i don gsungs pa ni/ dngos grub tha ma mchog ji lta bu zhes pa'o/ /rgyud kyi dbu zhabs kyi don zhus pa ni/ de la thabs ni rnam pa du/ /zhes pa dang / de bzhin thabs 'byung ji lta bu/ /zhes pa'o/ /le'u bcu gsum pa dang / bcu bzhi pa dang / bco lnga pa'i don la bka' ni ji ltar bsgo zhes zhus pa dang / rdo rje 'chang chen pos gnang bar bstan pa'i phyir/ 'od gsal la zhugs te cang mi gsung bar bstan pa'i phyir/ de nas de bzhin gshegs pa de dag thams cad ces pa la sogs pa gsungs te/rdo rje 'dzin pa la dmigs zhes pa ni/ gnyis su med pa'i ye shes so/ /de nas rdo rje 'chang 'od gsal la zhugs pa las yang dang yang du bskul ba bstan pa'i phyir/ de nas byang chub sems dpa' che//zhes pa la sogs pa ste/ snying rje'i bdag nyid ces pa ni/ byang chub sems dpa' rnams snying rjes gzhan gyi dbang du gyur pa'o/ /khyad par gyi chos bshad nas mnyam gzhag dgos pa bstan pa'i phyir/ de nas de bzhin gshegs pa zhes pa la sogs pa gsungs te/sku gsung thugs ni rdo rje la/ /zhes pa ni le'u gnyis pa las ston te/ sems lus lta bu sku rdo rje lta bu dang / lus sems lta bu thugs rdo rje lta bu dang / sems tshig tu brjod pa lta bu gsung rdo rje lta bur bskyed cig ces pa ste/ rdo rje gsum mi phyed pa'i ngo bo nyid kyis byang chub skyed cig pa'o//sku gsung thugs ni rdo rje la/ /bzhag nas zhes pa ni sku gsung thugs rnams nam mkha' lta bu stong pa nyid kyi ngo bo nyid du yang dag par sbyar zhing gcig tu gyis la byang chub sems dpa' dbang po rnams la zhus pa la rgya cher mnyam par gyis shig pas te/ drang ba'i don to/ /sku gsung thugs ni rdo rjer gyis/ /zhes pa ni/ yid kyi rang bzhin gyis lus skyed cig pa ste/ sems lus lta bu sems gsum po khams phra ba dang lhan cig tu longs spyod rdzogs pa'i sku lta bur lus gang bskyed pa dang / lus sems lta bu dang / sems nyid las gzhan ci yang med pa dang /sems tshig tu brjod pa lta bu ste tshig tu brjod pa gang yin pa de dang / de'i ngo bor sems nyid skyed cig pa'o/ /sku gsung thugs ni rdo rje las/ /bzhag nas byang chub sems dbang po/ /zhes pa ni/ byang chub sems dpa'i dbang po khyed rnams sku gsung thugs nam mkha'i ngo bo nyid 'od gsal bar yang dag par sbyar zhing gcig tu byas nas rdo rje 'chang chen por bdag nyid bskyed par gyis shig pa'o//don de nyid bstan pa'i phyir/ de nas zhes bya ba gsungs te/ bka' spyi bos rab tu mnos te/ /zhes pa ni/ mgu bar gyur nas/ legs par gsol te/ gdams pa bzhin du ting nge 'dzin la mnyam par gzhag pa'o/ /byang chub sems dpa' rnams kyis zhus pa'i don bstan pa ni/ de nas zhes bya ba la sogs pa gsungs te/ rang gi thugs rdo rje chen po la dmigs zhes ba ni/ sangs rgyas dang byang chub sems dpa' thams cad rdo rje 'chang gi don la gnas nas zhus pa'i don gsung gcig gi bka' stsal pa'o/ /'di skad ston te/ phyogs bcu'i sangs rgyas thams cad gzhal yas khang chen por 'dus te/ til gyi gang bu bzhin du gyur nas/ dgongs pa gcig gis de kho na nyid kyis don gcig tu gsung gcig gis ston pa yin no//da ni rgyud kyi mtshan bstan pa'i phyir/ sku gsung thugs ni rnam pa gsum/ /gsang ba zhes su bstan pa yin/ /zhes bya ba la/ dam tshig dang sdom pa la sogs pa ste rigs gsum du yongs su gyur pa ni/yi ge'i don bshad pa'o/ /gsang ba ni/ oM AH hUM zhes bya ba'i yi ge gsum ste spyi'i don to/ /gsang ba ni ye shes gsum po rang bzhin gyis snang ba rlung gi bzhon pa dang ldan pas te sbas pa'o/ /gsang ba ni ye shes kyi rang bzhin gyi sku ste mthar thug par bshad pa'o//'dus pa zhes bya ba bstan pa'i phyir/ sangs rgyas thams cad ces bya ba/ /tshogs pa 'dus pa yin par bshad/ /ces bya ba la/ sangs rgyas thams cad tshogs pa ni gnyis gcig tu gyur pa ni 'dus pa ste/ yi ge'i don to/ /sangs rgyas thams cad ces bya ba ni rdo rje 'chang yab yum yin la/de'i rdo rje dang pad+ma yang dag par sbyor ba ni tshogs shing 'dus pa ste spyi'i don to/ /sangs rgyas thams cad ces bya ba ni thabs dang shes rab la bya ste/ de gnyis tshogs shing yang dag par sbyor ba ni 'dus pa ste sbas pa'o//sangs rgyas thams cad ces pa ni kun rdzob dang don dam pa'i bden pa ste/ de dag gnyis 'dus shing tshogs pa ni/ gnyis su med pa'i ye shes kyi bdag nyid can rdo rje 'chang chen po zhes bya ba ni 'dus pa ste mthar thug pa'i don te/ 'di skad ston te/ de bzhin gshegs pa dang /pad+ma dang rdo rje gsum du sku gsung thugs snang ba de nyid sangs rgyas dang / pad+ma dang rdo rje 'chang gcig tu gyur pa ni/ ye shes don gyi gsang ba 'dus pa'o/ /yi ge gsum las/ rdo rje 'chang chen po'i skur gyur nas/ rig ma dang rdo rje pad+ma 'dus bar gyur pa ni/spyi don gyi gsang ba 'dus pa zhes bya'o/ /rnam pa gsum gyi rlung gi bzhon pa dang ldan pa de nyid thabs dang shes rab kyi bdag nyid sgyu ma lta bu'i skur gyur pa ni/ sbas pa'i don gyis gsang ba 'dus pa'o/ /bden pa rnam pa gnyis zung du 'jug pa gnyis su med par gyur pa ni/mthar thug pa'i don gyis gsang ba 'dus pa zhes bya'o/ /des ni rgyud kyi don thams cad ston pa yin/ rgyud kyi 'brel pa ni/ don thams cad phun sum tshogs pa dpal gyi sgrar bstan pa yin no/ /spyir/ /lnga pa dgu pa nyid dang yang / /zhes bya ba la sogs pa gsungs te/le'u lnga pa las ni rnal 'byor gyi spyod pa gsungs so/ /le'u dgu pa las ni rmad du byung ba'i lung bstan pa gsungs so/ /bcu bdun pa dang bcu gsum pa zhes bya ba la/ le'u bcu bdun pa las ni dam tshig dang sdom pa rab tu ston pa yin no/ /le'u bcu gsum pa las ni nang la mchog tu gzhol ba'i las kyi tshogs gsungs so//sangs rgyas zhes pa ni/ sangs rgyas dang byang chub sems dpa' rnams kyi sgrub pa chen po'i spyod pa ni le'u 'di rnams kyis bstan pa yin no/ /'di skad ston te/ lnga pa ni rnal 'byor gyi spyod pa gsum spros pa dang / spros pa med pa dang /shin tu spros pa med pa gsum la spyod pa nyams 'og tu chud nas/ le'u dgu pa'i nyon mongs pa lnga'i spyod pa rmad du byung ba rtsom par byed la/ de mngon du gyur nas 'jig rten dang 'jig rten las 'das pa'i spyod pa thams cad la bcu bdun pa'i sgo nas spyod par byed do//de ltar byang chub sems dpa'i spyod pa rnal 'byor gyi spros pa gsum rtogs nas/ de bzhin gshegs pa'i spyod pa rmad du byung ba dang dam tshig dang sdom pa spyod pas bdag gi don rdzogs par byas nas/ gzhan gyi don du nang mchog tu gzhol ba las le'u bcu gsum pa'i las kyi tshogs rnams spyod par 'gyur ro zhes ston te/bzhi pa dang ni bcu drug pa/ /brgyad pa de bzhin bcu gnyis pa/ /zhes bya ba la/ le'u bzhi pa las ni dbang bskur ba'i dkyil 'khor gsungs so/ /le'u bcu drug pa las ni bzhi pa'i rdul tshon gyi dkyil 'khor spros te rgyas par gsungs so//de yang bzhi pa ni slob ma'i dkyil 'khor yin la/ bcu drug pa ni dngos grub kyi dkyil 'khor yin no/ /le'u brgyad pa las ni gsang ba'i dbang bskur ba gsungs so/ /le'u bcu gnyis pa las ni phyag rgya chen po yongs su gyur pa gsungs so/ /slob dpon spyi'i las dang ni//zhes pa ni/ slob dpon thams cad kyi phrin las thams cad ni/ dkyil 'khor bris te bum pa dang / /gsang ba dang shes rab ye shes kyi dbang bskur ba yin no/ /dngos grub brtul zhugs sdom pa yin/ /zhes pa ni/ dkyil 'khor bris te rig pa brtul zhugs sngon du song bas/rig pa brtul zhugs kyi phyag rgya'i sgo nas dngos grub rnam pa gnyis sgrub par byed pa'o/ /'di skad ston par 'gyur te/ bdag gi don du dkyil 'khor bris te rig pa brtul zhugs kyi spyod pas dngos grub bsgrub par bya zhing / gzhan gyi don du dkyil 'khor bris te slob ma gzhug pa'i cho gas bcug la/dbang rnam pa bzhi bskur bar byed pa ni sgrub pa yin no zhes ston par 'gyur ro/ /drug pa dang ni gnyis pa dang / /bcu pa dang ni bcu bzhi pa/ /zhes bya ba la/ le'u drug pa las ni sku gsung thugs byin gyis brlab pa gsungs so/ /le'u bzhi ba las ni rdzogs pa'i rim pa 'ba' zhig ston to//le'u bcu pa las ni mngon par 'dod pa'i dngos grub mngon du bya ba'i phyir/ phyi dang nang gi bdag nyid can gyi snying po bskul ba gsungs so/ /le'u bcu bzhi pa las ni sngags la mchog tu gzhol ba'i las kyi tshogs gsungs so//drag spyod rjes su chags pa dang / nye bar sgrub pa'i sdom pa'o/ /zhes pa ni/ le'u bcu pa dang bcu bzhi pa las ni drag por spyod pa yin la/ le'u bcu drug pa las ni thabs dang shes rab kyis rjes su chags pa gsungs pa de dag ni rang gi lha nye bar bsgrub pa'i sdom pa'o/ / 'di skad ston par 'gyur te/ le'u drug pa ni bskyed pa'i rim pa dang / le'u gnyis pa rdzogs pa'i rim pa dang ldan pa'i rnal 'byor pas ma grub na rang gi lha bskul bcu pa ltar byas te/ bdag gi don rdzogs nas gzhan gyi don sngags la mchog tu gzhol ba'i sgo nas/ bcu bzhi pa'i sgo nas mdzad par 'gyur ro zhes ston to//bdun pa dang ni gsum pa dang / /bcu gcig pa dang bco lnga pa/ /zhes bya ba la/ le'u bdun pa las ni rnal 'byor gyi spyod pa spros pa gsum gsungs so/ /le'u gsum pa las ni yongs su dag pa dang / yongs su ma dag pa'i lha'i rnal 'byor gsungs so//le'u bcu gcig pa las ni bskyed pa'i rim pa'i sngags kyi sku dang / rdzogs pa'i rim pa'i ye shes kyi sku bskyed pa ston to/ /le'u bco lnga pa las ni las kyi tshogs dngos grub thams cad rmi lam gyi ltas dang / sgyu ma lta bu'i ting nge 'dzin gsungs so//dngos grub bzhi zhes pa ni/ le'u bco lnga pa'i las kyi tshogs dang / le'u bcu gcig pa'i thun mong ma yin pa'i dngos grub yin no/ /ltas zhes pa ni le'u bco lnga pa'i rmi lam gyi ltas dang sgyu ma lta bu'i ltas ston te/ de dag ni bsnyen pa'i sdom pa yin no/ /'di skad ston te/ bdag gi don gsum pa dang bcu gcig pa las 'byung ba'i rim pa gnyis kyi sgo nas bsgrub cing /bdun pa'i rnal 'byor gyi spyod pas grogs bya ste rdzogs par byas la/ gzhan gyi don du le'u bco lnga pa'i las kyi tshogs kyis sgrub par byed de zhes ston to/ /bsdus pa'i don ni bsnyen pa'i dngos grub kyi ltas byung ba dang /nye bar sgrub pas gzhan don du lha bskul ba la zhugs te/ bdag gi don rdzogs par gyur pa des bsgrubs pas gzhan don du dkyil 'khor dang / bdag don du thun mong gi dngos grub sgrub par byed la/ phyag rgya chen po mchog gi dngos grub ni/ sgrub pa chen po'i sgo nas sgrub par byed ces pa ni/le'u so so'i 'brel ba dang / rgyud kyi gzhung gi bsdus pa'i don yin no/ /le'u dang po ni bcu gcig pa zhes bya ba la/ bcu zhes bya ba ni mi mngon par byas pa'i nang du 'dus te/ bsnyen sgrub bzhi'i mdor bstan pa'i le'u yin te/ le'u de las ni brjod pa dang rjod par byed pa'i bdag nyid rdo rje 'chang chen po'i sgrub pa'i dkyil 'khor du nyan pa'i skal ba dang ldan pa rnams la rig pa'i dbang bskur ba byin nas/drang ba dang nges pa'i don gyi bye brag gis brtags pa dang / rdzogs pa'i rim pa'i sgrub pa'i thabs so sor ston cing 'og nas 'byung ba'i le'u bcu drug po kun gyi don mdor bsdus te bstan pa yin par rig par bya'o//da ni le'u de dag gi don ji lta bu yin pa de gsal bar bstan pa'i phyir/ de bzhin gshegs pa kun gyi las/ /tshar gcod phan 'dogs byed pa dag /ces pa ni/ nye bar sgrub pa'i le'u bzhi pa las ni de bzhin gshegs pa thams cad kyi sems can dul ba dang zhi ba la phan 'dogs pa'i spyod pas sangs rgyas kyi bstan pa la 'jug par byed pa dang /sems can gdul dka' ba rnams ni tshar gcod pa'i spyod pas 'jug par byed pas na/ dul dang gdul dka' zhi ba yi//sems can rnams kyi gzhug pa'o/ /zhes bya'o/ /bskyed pa'i rim pa dang rdzogs pa'i/ /bsnyen pa rdo rje cho ga bzhi/ /zhes pa'i bsnyen pa'i le'u bzhi pa las ni/ bskyed pa'i rim pa dang rdzogs pa'i rim pa rdo rje cho ga bzhi bstan pas/ thun mong gi dngos grub sgrub par byed pa'i phyir ro//thun mong dngos grub 'brel ba yi/ /mchog tu gyur pa'i gzhung nyid do/ /zhes gsungs so/ /dkyil 'khor brtul zhugs 'brel pa yi/ /zhes pa ni/ sgrub pa'i le'u bzhi las ni/ dkyil 'khor dang dngos grub bsgrub pa'i tshe/ rig pa'i brtul zhugs dang 'brel la/dkyil 'khor dang slob dpon las kyi tshe slob ma yongs su smin pa dang 'brel to/ /de yang bla ma sngags kyi lam gyis ni/ /zhes ston to/ /brtul zhugs bzang dang zhes pa ni/ sgrub pa chen po'i le'u bzhi ston te/ dbang bskur bas/ rang gi slob mar gyur pa des rnal 'byor gyi spyod pa'i brtul zhugs bzang po la spros pa'i spyod pa dang /bdag nyid chen po'i sangs rgyas dang / byang chub sems dpa'i spyod pa dang / rmad du byung ba dang dam tshig dang sdom pa'i spyod pa bstan pa'i sgor zhugs pas rang sems yongs su grol te/ 'od gsal ba thob par 'gyur ro zhes ston to//de ltar rgyud kyi mtshan la dpal gsang ba 'dus pa zhes bya ba bshad nas/ da ni rnal 'byor gyi rgyud ces bya ba bstan pa'i phyir/ rnal 'byor zhes ni gang la bgyi/ /zhes pa'i lan du/ thabs dang shes rab snyoms 'jug pa/ /zhes pa la sogs pas ston to//shes rab ces pa ni snang ba dang stong pa dang don dam pa'i mtshan nyid chos thams cad dngos po med pa'i shes rab la bya'o/ /thabs zhes bya ba ni snang ba mched pa dang shin tu stong pa dang thabs dang kun rdzob kyi mtshan nyid chos thams cad sgyu ma lta bu'i dngos po'i mtshan nyid kyi thabs la bya'o//snyoms par 'jug pa zhes pa ni snang ba thob pa dang / stong pa chen po dang / nye bar thob pa gnyis su med pa'i rnal 'byor sgyu ma lta bu ste/ sbas pa'i don to/ /shes rab ces bya ba ni don dam pa'i bden pa chos thams cad dngos po med pa'i shes rab ste/de skad du yang / gang zhig dmigs pa thams cad kyi/ /gnas dang tshig tu ma gyur pa/ /'jug dang thugs kyi rdo rje yis/ /shes rab ces su rnam par bshad/ /ces pa'o/ /thabs ni snang ba gsum kun rdzob kyi dngos po'i mtshan nyid la bya'o/ /de yang slob dpon klu sgrub kyis/snang ba gsum po'i bstan pa ni/ /kun rdzob ces su grags zhes bshad/ /ces pas so/ /snyoms par 'jug pa zhes pa ni/ kun rdzob dang don dam pa'i rnal 'byor pas rgyu ba dang mi rgyu ba'i chos thams cad phyag rgya chen po'i gzugs kyis gcig tu byas nas zung du 'jug pa'i bdag nyid rdo rje 'chang chen po'i gzugs ni rnal 'byor zhes bya ste/don gyi rgyud mthar thug pa'o/ /rgyud ces pa'i don bstan pa'i phyir/ rgyud ni rgyun zhes bya bar grags/ /zhes pa ni/ rgyud kyi nges pa'i tshig bstan pa yin te/ tan tra zhes pa'i sgras bsnyen sgrub bzhi'i don le'u 'khrugs par snang yang don du 'brel par gyur pa la rgyud ces bya'o//yang na 'og nas 'byung ba'i rgyud kyi rang gi ngo bo gsum/ rgyun du 'brel par gyur pa la/ rgyud dam rgyun zhes par bshad do/ /da ni rgyud kyi dbye bas rgyud kyi rang gi ngo bo bshad pa'i phyir/ rgyud sde rnam pa gsum 'gyur te//bzhi dang de bzhin rang bzhin dang / /mi 'phrogs pa yi rab phye ba/ /zhes bya ba la sogs pa gsungs te/ rgyu'i rgyud dang / rang bzhin thabs kyi rgyud dang / 'bras bu'i rgyud mi 'phrogs pa gsum du rab tu phye ba'o/ /de yang rgyu dang 'bras bu gnyis su dbye ba ni/bzhi dang rang bzhin rgyu yin te/ /de bzhin mi 'phrogs 'bras bu'o/ /zhes bya'o/ /bzhi gang yin pa bstan pa'i phyir/ bzhi ni thabs zhes bya ba ste/ /zhes pa ni bsnyen sgrub yan lag bzhi ni rgyud 'di'i thabs kyi rgyud yin te/ de yang 'di nyid las/ thabs ni rnam pa bzhi po dag /byang chub rdo rje can gyis gsungs/ /rnal 'byor rgyud ni thams cad du/ /rnal 'byor pa yi brtags par bsngags/ /bsnyen pa'i chog dang po ste/ /nye bar sgrub pa gnyis pa yin/ /sgrub pa yang ni gsum pa yin/ /sgrub pa chen po bzhi pa yin/ /zhes 'byung ba yin no/ / de bas na rgyu'i rgyud sgrub pa po rin po che lta bu'i gang zag gi rang bzhin dang / thabs kyi rgyud bsnyen sgrub yan lag bzhi dang / 'bras bu'i rgyud mi gnas pa'i mya ngan las 'das pa rdo rje 'chang zung 'jug gi sku gang yin pa gzhan gyis 'phrogs bar mi nus pa dang / gsum ni rgyud kyi rang gi ngo bo ste/de'i phyir gsum gyis rgyud kyi don bsdus pa'o/ /zhes pa'o/ /da ni rigs dbye ba bstan pa'i phyir/ rigs ni lnga dang gsum dag dang / /zhes pa la sogs pa gsungs te/ rigs ni lnga zhes pa mdor bstan pa gsal bar phye ba ni/ de nyid rnam pa lnga ru bshad/ / ces bya ba yin te/ khams bzhi po de dag las lus kyi phung po mngon par 'grub par 'gyur te/ khams rnams tshogs las 'byung zhing skye ste/ de bas na gang gzugs kyi phung po la sogs pa 'byung ba las gyur pa ni/ de bzhin gshegs pa'i rigs can te/ de ni sa'i khams sdud pas nye bar 'gro'o//de bzhin du rin po che'i rigs can rnams ni chu'i khams so/ /pad+ma'i rigs can rnams ni me'i khams so/ /las kyi rigs can rnams ni rlung gi khams so/ /rdo rje'i rigs can rnams ni rnam par shes pa'i khams bsdus par gyur pa yin te/tshul 'di ni rang gi lus kyi dkyil 'khor 'byung ba dang 'byung ba las gyur pa'i dbye bas phung po rnams gsang ba lnga'i rang bzhin du 'byung ba chen po lnga'i da khon nyid du 'gyur ro/ /rtsa ba'i rgyud las kyang / mdor na phung po lnga rnams ni/ /sangs rgyas lngar ni rab tu grags//zhes gsungs so/ /gsum dag ces pa mdor bstan pa gsal bar bshad pa ni/ gsang ba rnam pa gsum du bshad/ /ces bya ba yin te/ de bzhin gshegs pa lnga po las gsum du bsdu bar bya ste/ de yang rin chen 'byung ldan ni sku rdo rje dang lhan cig gnyis su med par gyur pa'o//don yod grub pa ni/ gsung rdo rje dang gnyis su med par gyur pa'o/ /mi bskyod pa ni drug pa rdo rje 'chang dang lhan cig tu gnyis su med par gyur pa'o/ /de ltar na sangs rgyas dang byang chub sems dpa' thams cad ni rang gi lus dang ngag dang yid kyis bsdus par gyur pa'i phyir gsum du bshad do//zla gsang thig le las kyang / lus ngag yid kyi sbyor ba yis/ /gsum du yang ni 'gyur ba yin/ /zhes gsungs so/ /ngo bo nyid mdor bstan pa gsal bar bshad pa ni/ lhag pa'i lha ni gsang chen te/ /zhes bya ba yin te/rdo rje gsum mi phyed pa'i mtshan nyid rdo rje 'chang chen por lhag par mos par bya ba ni/ byin gyis brlab pa'i rnal 'byor te/ rdzogs pa'i rim pa'i skur byung ba dang po de la de skad ces bya ba'am/ yang na phyogs bcu'i sangs rgyas thams cad kyi bsdus pa'i sku ni rdo rje 'chang chen po yin la/'jig rten dang 'jig rten las 'das pa'i lha thams cad kyi ngo bo nyid du snang ba'i sku/ zung du 'jug pa'i ye shes kyi sku de la lhag pa'i lha zhes bya/ de ni sku gsung thugs kyi gsang ba 'dus pa ste/ shin tu rdzogs pa chen por gyur pas de la de skad ces bya'o/ / bde mchog las kyang / 'di ni rang 'byung bcom ldan 'das/ /gcig pu rab tu che ba'i lha/ /zhes gsungs so/ /rigs brgya zhes mdor bstan pa gsal bar bshad pa ni/ dam pa'i rigs ni rnam pa brgya/ /zhes bya ba yin te/ phung po lnga dang 'byung ba bzhi ni/ dbang po lnga dang /yul lnga re re las rigs lnga lnga'i dbang du byas pas rigs brgyar 'gyur te/ de yang gang zhe na/ rnam par snang mdzad kyi ting nge 'dzin gyi dbang du byas te bshad pa'i/ gzugs kyi phung po la de bzhin gshegs pa lngas byin gyis brlabs pa'i rigs lnga dang / rin chen 'byung ldan gyi ting nge 'dzin gyi dbang du byas te bshad pa'i tshor ba'i phung po la de bzhin gshegs pa lngas byin gyis brlabs pa'i rigs lnga dang /snang ba mtha' yas kyi ting nge 'dzin gyi dbang du byas te bshad pa'i/ 'du shes kyi phung po la de bzhin gshegs pa lngas byin gyis brlabs pa'i rigs lnga dang /don yod grub pa'i ting nge 'dzin gyi dbang du byas te bshad pa'i/ 'du byed kyi phung po la de bzhin gshegs pa lngas byin gyis brlabs pa'i rigs lnga dang / mi bskyod pa'i ting nge 'dzin gyi dbang du byas te bshad pa'i/ rnam par shes pa'i phung po la de bzhin gshegs pa lngas byin gyis brlabs pa'i rigs lnga ste/spyir phung po lnga'i dbang du byas pa'i dam pa'i rigs ni nyi shu rtsa lnga'o/ /sa'i khams la sangs rgyas spyan gyi ting nge 'dzin gyi dbang du byas te/ bshad pa'i phyi dang nang gi sa'i khams la de bzhin gshegs pa lngas byin gyis brlabs pas bcur 'gyur yang rigs lngar bgrang ba dang /mA ma kI'i ting nge 'dzin gyi dbang du byas te bshad pa'i/ phyi nang gi chu'i khams la de bzhin gshegs pa lngas byin gyis brlabs pas bcur 'gyur yang rigs lngar bgrang ba dang / gos dkar mo'i ting nge 'dzin gyi dbang du byas te bshad pa'i/phyi nang gi me'i khams la de bzhin gshegs pa lngas byin gyis brlabs pas phyi nang gi dbang gis bcur 'gyur yang rigs lngar bgrang ba dang / sgrol ma'i ting nge 'dzin gyi dbang du byas te bshad pa'i/ phyi nang gi rlung gi khams la de bzhin gshegs pa lngas byin gyis brlabs pas phyi nang gi dbang gis bcur 'gyur yang rlung du gcig pas rigs lngar bgrang ba ste/spyir dam pa'i rigs nyi shu'o/ /byang chub sems dpa' rnams kyi ting nge 'dzin gyi dbang du byas te bshad pa las/ rigs lnga bcur 'gyur ba ni 'di yin te/ sa'i snying po'i ting nge 'dzin gyi dbang du byas pas mig gi skye mched la de bzhin gshegs pa lngas byin gyis brlabs pa'i rigs lnga dang / phyag na rdo rje'i ting nge 'dzin gyi dbang du byas pa'i bshad pa/ rna ba'i skye mched la de bzhin gshegs pa lngas byin gyis brlabs pa'i rigs lnga dang //nam mkha'i snying po'i ting nge 'dzin gyi dbang du byas pa'i sna'i skye mched la de bzhin gshegs pa lngas byin gyis brlabs pa'i rigs lnga dang / 'jig rten dbang phyug gi ting nge 'dzin gyi dbang du byas te bshad pa'i/ lce'i skye mched la de bzhin gshegs pa lngas byin gyis brlabs pa'i rigs lnga dang /sgrib pa rnam par sel ba'i ting nge 'dzin gyi dbang du byas te bshad pa'i/ lus kyi skye mched la de bzhin gshegs pa lngas byin gyis brlabs pa'i rigs lnga dang / spyir dam pa rigs brgya nyi shu rtsa lnga'o/ /yul rnams lha mo'i ting nge 'dzin gyi dbang du byas te bshad pa'i/rigs lnga bcur 'gyur ba ni 'di yin te/ gzugs rdo rje ma'i ting nge 'dzin gyi dbang du byas te bshad pa'i/ gzugs rnams de bzhin gshegs pa lngas byin gyis brlabs pa na de bzhin gshegs pa rigs lnga dang / sgra rdo rje ma'i ting nge 'dzin gyi dbang du byas te bshad pa'i/sgra rnams de bzhin gshegs pa lngas byin gyis brlabs pa'i rigs lnga dang / dri rdo rje ma'i ting nge 'dzin gyi dbang du byas te bshad pa'i dri rnams de bzhin gshegs pa lngas byin gyis brlabs pa'i rigs lnga dang / reg rdo rje ma'i ting nge 'dzin gyi dbang du byas te bshad pa'i/ ro rnams de bzhin gshegs pa lngas byin gyis brlabs pa'i rigs lnga dang /reg rdo rje ma'i ting nge 'dzin gyi dbang du byas te bshad pa'i/ reg bya thams cad de bzhin gshegs pa lngas byin gyis brlabs pa'i rigs lnga dang / spyir dam pa'i rigs brgya nyi shu rtsa lnga'o/ /rim pa lnga po nyid la 'jug pa'i ye shes lnga dang /spyir dam pa'i rigs ni brgya yin te/ zla gsang thig le las/ rigs ni rnam pa brgyar bshad pa/ /mdo ru bsdu na rnam pa lnga/ /zhes 'byung ba yin no/ /yid kyi rnam par shes pa'i dbang po la gsum ste/ dbang po thams cad kyi bdag po ste/ phyi'i yul ni med kyi/ so so rang rig pas chos kyi dbyings yul du byas nas/rdo rje 'chang chen po'i sgyu ma lta bu'i ting nge 'dzin zhes bya ste/ rigs brgya po kun la khyab par byed pa zhes bshad do/ /byang chub rdo rje bcas gsungs pa/ /zhes pa ni/ rdo rje 'chang chen po ni 'dir ming gzhan byang chub kyi sems rdo rje zhes bya ste/de dang bcas pa ni rigs lnga nas brgya'i bar du snang ba ste/ de dag thams cad kyang rtsa ba'i rgyud chen po las ma gsungs shing / phyi ma'i rgyud 'dir bshad cing bstan pa'i phyir rgyud phyi ma zhes bya'o/ /de ltar rgyud kyi mtshan bstan nas/ da ni rgyud kyi don ston pa'i mtshan bstan pa'i phyir//byang chub kyi sems rig pa'i skyes bu rdo rje 'chang zhes bya ba ni/ thog ma tha ma med zhi ba/ /dngos dang dngos med mi bzad gtso/ /zhes bya ba ni/ byang chub ces pa la thog ma nas snang ba ste/ zla ba'i dkyil 'khor lta bu'o/ /tha ma ni snang ba thob pa ste mun pa lta bu'o/ /shugs kyis na bar ma ni snang ba mched pa ste nyi ma'i dkyil 'khor lta bu'o//med ces pa ni de lta bu'i kun rdzob kyi bden pa snang ba gsum stong par thim zhing / zhi ba la de skad ces bya'o/ /dngos dang zhes pa ni kun rdzob kyi bden pa snang ba gsum mo/ /dngos med ces pa ni thams cad stong pa don dam pa'i bden pa'i ngang du snang ba gsum gyi dngos po med cing mi dmigs pa la byang chub ces bya ste/mngon par byang chub pa'i rgyud las kyang / byang chub nam mkha'i mtshan nyid de/ /kun du rtog pa thams cad spangs/ /gang zhig der rtogs 'dod pa ste/ /byang chub sems dpa' zhes bya'o//gsang ba'i bdag po de la byang chub gang zhe na/ rang rang gi sems yang dag pa ji lta ba bzhin du rtogs pa ste/ de yang bla na med pa yang dag par rdzogs pa'i byang chub po zhes 'byung ngo / /mi bzad gtso zhes pa ni/ zung 'jug gi sku la mi bzad pa'am gtso bo zhes bya ste/ slob dpon klu sgrub kyis kyang / gtso bo bde ba kun rang bzhin/ /sems dpa' chen po 'gro dang 'dug /gnas dang zas dang gos la sogs/ /mkha' las skad cig dag gis rnyed/ /ye shes rang bzhin mi yi seng ge bdag /mi bzad lus thob ma lus 'gro ba'i rgyu/ /zhes gsungs so//stong nyid snying rje mi phyed ba/ /byang chub sems zhes bya ba yin/ /zhes pa ni/ gtso bo zung 'jug de nyid 'od gsal ba dang / snying rje chen po sems can thams cad la khyab pa tha mi dad cing dbyer med pa de la de skad ces bya ste/ de skad du yang / slob dpon klu sgrub kyi zhal snga nas/ shes rab snying rje gcig par ni/ /shes nas zung du 'jug gyur pa/ /zung 'jug ces byar bshad pa yin/ /rim 'di sangs rgyas spyod yul lo/ /zhes gsungs so/ /da ni rig pa'i skyes bu zhes bya ba'i don bshad pa'i phyir/ sku gsung thugs kyi rdo rje yis/ / mi phyed pa dang zhes pa ni/ /sku gsung thugs ni sna nga ba rnam pa gsum gyi bdag nyid la skyes bu zhes bya ba yin la/ rdo rje yis zhes pa ni/ rig pa ste don dam pa'i bden pa'o/ /mi phyed pa zhes pa ni/ de dag las skyes bu rnam pa thams cad kyi mchog dang ldan pa la sogs pa dang bcas pa'i/rig pa'i skyes bus te nges pa'o/ /sku gsung thugs kyi rdo rje yis/ /mi phyed phyed pa'i dngos po nyid/ /ces pa la/ sku gsung thugs ni yi ge gsum mo/ /rdo rje yis zhes pa ni zla ba dang nyi ma dang pad+ma dang / yi ge las tha mar rdo rjer gyur pa ste/ de dag so sor phye ba'i dngos po las skyes bu'i gzugs bskyed pa ste/yi ge gsum gyi rig pa las skyes bu bskyed ces bya ba'i don to/ /'di skad ston te/ drang don du sgrub thabs bzhin du rnal 'byor rnam pa bzhi'i rim gyi sngags thams cad kyi gzugs kyi sku rdo rje 'chang du bskyed pa dang / nges pa'i don du bden pa gnyis las zung 'jug gi skur bzhengs par ston pa yin no//rgyud kyi ston pa'i mtshan byang chub kyi sems rig pa'i skyes bu rdo rje 'chang zhes bya la/ da ni rdo rje 'chang zhes bya ba'i don bstan pa'i phyir/ rgyu lnga dang ni 'bras bu lnga/ /rdo rje zhes ni bshad pa yin/ / zhes bya ba la/ rgyu lnga ni rnam par shes pa lnga'o/ /'bras bu lnga ni ye shes lnga ste/ de nyid kyi mngon par byang chub pa lnga yang dag par ston pa'i rdo rje 'dzin par mdzad pas na rdo rje 'chang ste/ drang ba'i don to/ /rgyu lnga ni kun rdzob kyi bden pa'o/ /'bras bu lnga ni don dam pa'i bden pa'o//rnam shes yid kyi snang ba gsum yin la/ rdo rje zhes pa ni don dam pa'i bden pa'i 'bras bu bstan pa'o/ /'chang ba 'dzin zhes grags pa ste/ /zhes pa ni/ bden pa gnyis kyi bdag nyid can gyi rdo rje'i ye shes 'dzin par mdzad pas na rdo rje 'chang ste/ nges pa'i don to/ /slob dpon klu sgrub kyi zhal snga nas kyang / bdag byin brlab pa'i ting nge 'dzin/ /de dag 'od gsal ba yi gnas/ /rgyu dang 'bras bu'i khyad par gyis/ /bden pa gnyis su bstan pa yin/ /zhes gsungs so/ /yang na phyogs gzhan bstan pa'i phyir/ rgyu lnga dang ni 'bras bu lnga/ /rdo rje zhes su bstan pa yin/ /zhes bya ba ni/ phyi dang nang gi bdag nyid can gyi rgyu dang 'bras bu snang ba'i yul dang dbang po 'di rnams ni rang bzhin 'od gsal ba'i phyir/ dngos po med pa ste/ de bas na chos rnams kyang med cing de rnams kyi chos nyid kyang yod pa ma yin te/chos rnams med pa'i phyir ro/ /de bas na 'di ltar nam mkha' lta bu bdag med pa'i bdag nyid can rnam par shes pa'i yid 'ong 'od gsal 'di ni rdo rje zhes bya ba yin te/ de 'dzin pas na 'chang zhes bya'o/ /rnam par snang mdzad kyi byang chub kyi sems bstan pa'i phyir/yod dang med dang dbus las 'das/ /'byung dang 'byung las gyur las byung / /sems can kun gyi lus yin te/ /skye las zhes pa ni snod du gyur pa'i dngos po thams cad dang bral ba dang / 'byung dang 'byung las gyur las byung / /sems can kun gyi lus yin te//zhes pa ni/ yang phung po ste/ khams dang skye mched kyi bdag nyid can gyi gzung ba dang 'dzin pa rnam par spangs pa'o/ /yod dang med dang dbus las 'das/ /zhes pa ni/ rang bzhin gyis 'od gsal ba'i chos bdag med pa mnyam pa nyid gnyis su med pa de ni yod pa ste/rtag pa ma yin zhing med pa ste/ chad pa ma yin zhing de nyid kyi dbus las 'das pa'i chos mnyam pa nyid yin no/ /skye las rgyal bzhes pa ni/ rang gi sems ye nas ma skyes pa rdo rje gsum mi phyed pa'i lus stong pa nyid kyi ngo bo mig gi spyod yul tsam yin pa'i phyir ro//dzi na dzika ces pa ni/ rgyal pa'i ngang tshul can yin pas na rgyal ba ste/ rtsibs bcu gnyis pa'i chos kyi 'khor los bdud rnams las rgyal bas na rgyal ba ste drang ba'i don to/ /rdo rje lta bu'i ting nge 'dzin gyis bdud bzhi zil gyis gnon pas na rgyal bas na rgyal ba ste/nges pa'i don to/ /rin chen 'byung ldan gyi byang chub kyi sems bstan pa'i phyir/ tshor ba yis ni tshor bas zhes pa la/ tshor ba ni zag pa dang bcas pa dang zag pa med pa rnams so/ /nges par tshor ba dngos po med cing mtshan ma med pa'i phyir/ chos kyi mtshan nyid ma grub pas nges par tshor ba zhes bya'o//'o na lha'i sku ji ltar bskyed ce na/ don rnams thams cad 'byung bas na/ /sems ni rin po che zhes bya/ /zhes bya ba ni/ bdag med pa'i chos don dam pa'i bden pa de las rang la byin gyis brlab pa'i rim gyis kun tu 'byung ba ste/sngon gyi 'phen pa'i shugs kyis nor bu rin po che ltar 'byung ngo / /ra t+na d+h+ri ka ces pa ni bsam pa thams cad yongs su rdzogs par byed pa'i rin po che 'dzin par mdzad pas na/ rin chen 'chang ste/ drang ba'i don to/ /yang dag pa'i mtha' rin po che 'dzin par mdzad pas na rin chen 'chang ste/nges pa'i don to/ /'od dpag tu med pa'i byang chub kyi sems bstan pa'i phyir/ mtshan gzhi mtshan nyid dngos po yis/ /zhes pa la/ mtshan gzhi ni 'dus byas dang 'dus ma byas rnams so/ /mtshan nyid ces pa ni chos rnams kyi chos nyid ma grub na de rnams kyi mtshan nyid gang la yod de/mo gsham bu'i kha dog ljang ba dang dkar ba la sogs pa dang 'dra'o/ /kun la zhes pa ni bsgom par bya ba med pa'o/ /kun gyis zhes pa ni bsgom pa med pa'o/ /thams cad du zhes pa ni sgom pa dang bsgom par bya ba'i rang bzhin med pa'i phyir ro//'o na lha'i rnal 'byor du ji ltar 'gyur zhe na/ dga' ba'i mtshan nyid mtshan gzhi ni/ /zhes bya ba ni/ dga' ba'i mtshan nyid ces pa ni 'du shes kyi dga' bas te kun rdzob kyi bden pa'o/ /mtshan gzhi ni don dam par 'dus byas dang 'dus ma byas kyi chos rnams rang bzhin med pa'o//de gnyis gcig tu sbyor ba las lha'i sku 'byung ngo / /A ro l-i ka ces pa ni/ a ni ma lus pa'o/ /ro ni 'khor ba'o/ /l-i ka ni de las 'das pas na/ A ro l-i ka ste drang ba'i don to/ /a ni ma lus pa'o/ /ro ni ye shes gsum mo/ /de bas na don dam ba'i bden par bgrod par 'gyur ba ste/nges pa'i don to/ /don yod grub pa'i byang chub kyi sems bstan pa'i phyir/ rnam shes zhes pa ni kun rdzob kyi bden pa'o/ /rab mthar 'byin byed ces pa ni/ don dam pa'i bden pa ste/ phyi nang gi dngos po rnams ni bden pa gnyis kyi ngo bo nyid gcig tu 'du shes pa gang yin pa de ni shes rab ste/'du byed sems dpa' 'dzin pa na/ /zhes pa ni/ mngon par rtogs pa'i rgyud dang / 'bras bu'i ngo bo nyid byang chub gnyis rgyu dang 'bras bu dbyer mi phyed par yid 'du byed sems dpa' rtogs par byed cing 'dzin par byed de/rgyu dang 'bras bu mi phyed par yongs su shes pa nyid ni shes rab 'dzin zhes bya'o/ /pradz+nyA d+h+ra ka ces pa ni chos rab tu 'dzin par byed pa'i mtshan nyid de 'dzin par byed pas na shes rab 'dzin te/ drang ba'i don to/ /shes rab ni zla ba snang ba ste/ de khams phra ba 'dzin par mdzad pas na shes rab 'dzin pa ste/nges pa'i don to/ /da ni zhe sdang gi rigs la sogs pa'i don bstan pa la/ dang po rigs thams cad kyi gzhi bstan pa'i phyir/ rigs ni rgyud ces bya bar bshad/ /rgyud ni thog ma zhes brjod do/ /zhes pa la/ rigs ni rang gi sems kyi rgyud ces bya ba yin te/rang gi sems kyi rang bzhin de ni thog ma med pa'i dus nas yang dag pa'i kun rdzob tu ye shes sgyu ma snang ba de la thog ma med pa zhes bya ba dang / rigs dang rgyun dang rgyud ces bya'o/ /de nyid sems rnam par dag pa yang dag par rtogs pa'i dus na/ yang dag pa'i rigs zhes bya ba yin no//mi 'jig skye ba med gang yin/ /zhes pa la/ don dam pa sems kyi rgyun de skye ba med pa gang yin pa de/ kun rdzob tu ni sems kyi rgyud de sgyu ma lta bur snang bas mi 'jig pa zhes bya'o/ /de bas na/ mi 'jig skye ba med pa'i sems de ni gtso bo 'am mgon po'am rten nam rgyu'am thog ma zhes bya'o//'di skad ston te/ rang gi sems kyi rgyun sgyu ma lta bur snang ba de/ don dam pa skye 'jig med par rtogs pa de las ye shes lnga'i tshul du rigs thams cad 'byung bar 'gyur ro zhes ston to/ /da ni zhe sdang gi rigs zhes bya ba bstan pa'i phyir/ rgyu 'bras gnyis la zhes pa ni rgyu rnam par shes pa las 'bras bu zhe sdang skye ste/de gnyis kyi chos kyi dbyings kyi ye shes kyi skye ba med par sdang bas na rnam par shes pa nyid dag pa zhe sdang zhes bya'o/ /'di skad ston to/ /thugs rje chen po'i thabs kyi khro bo ni zhe sdang yin la/ de'i rigs ni zhe sdang gi rigs so//gti mug bstan pa'i phyir/ bems po bcings pa'i rang bzhin can/ /zhes pa ni/ rang gi sems kyi rgyun stong pa nyid las me long lta bu'i ye shes kyi gzugs kyi skur snang ba ni/ gzung 'dzin gyi rtog pa bems po dang bral bas na de'i rang bzhin de la gti mug ces bya ste/zhi ba'i ngang tshul de la gzugs dang gti mug ces bya'o/ /'di skad ston te/ sems rmongs pa rnams sbyang ba'i phyir/ zhi ba'i ngang tshul can gang yin pas na gti mug ste de'i rigs so/ /nga rgyal bstan pa'i phyir/ bdag tu slob pa'i ngo bo yis/ /tshor ba dregs pa yin par bshad//ces pa la/ rang gi sems kyi rgyun skye 'jig med pa de nyid bdag dang chos thams cad mnyam pa nyid kyi ye shes su slob ma'i ngo bo chen pos nges par dregs pa'o/ /'di skad ston te/ bsam pa thams cad rdzogs par byed pas na/ yang dag pa'i tshor ba ni yid bzhin gyi nor bu ste de'i rigs zhes bya'o//'dod chags bstan pa'i phyir/ dngos la chags pa'i mtshan nyid can/ /'du shes yang dag chags bdag nyid/ /ces bya ba la/ rang gi sems kyi rgyun gnyis su med pa de nyid so sor rtog pa'i ye shes su snang bas dngos po thams cad la thugs rjes chags pa dang /yang dag pa'i ye shes kyi 'du shes kyis yang dag pa'i mtha' la chags pa'i bdag nyid de la de skad ces bya'o/ /'di skad ston te/ so sor rtog pa'i ye shes kun tu chags pa ni 'dod chags te/ de ni rigs so zhes pa'o/ /phrag dog bstan pa'i phyir/rkyen gyis drang ba'i bdag nyid can/ /'du shes rtag tu phrag dog yin/ /zhes pa ni/ sems kyi rgyun gnyis su med pa de nyid bya ba nan tan gyi ye shes su snang bas snying rje chen po'i dam tshig gi rkyen gyis drangs te sems can rnams 'don pa'i bdag nyid can gyi yang dag pa'i 'du byed dang /gzhan gyi 'gro ba'i don byed pa'i skabs mi 'byed pa'i phrag dog la de skad ces bya'o/ /de nyid la dam tshig gi rigs zhes bya'o/ /da ni de ltar bstan pa'i don bsdu ba'i phyir/ srid pa kun 'byung thams cad du/ /byang chub sems kyi ngo bo nyid/ / ces pa ni/ sems kyi 'dod pa las 'dod chags la sogs pa'i srid pa'i mtshan nyid thams cad 'byung ba ltar snang yang don dam par byang chub sems kya mtshan nyid skye med du bshad pa'o/ /des ni rigs lnga'i mjug gi don bsdus pa'o/ /da ni mo ha ra tI zhes bya ba la sogs pa ste yum bzhi'i sngags kyi don bstan pa'i phyir/dam tshig sna tshogs 'dra ba yi/ /zhes pa la sogs pa gsungs te/ mo ha ra tI zhes pa ni gti mug rnam par snang mdzad do/ /de la dga' bas na gti mug dga' ste drang pa'i don to/ /gnyis med ye shes tshogs rnams la//nga rgyal byed pa zhes bya ba la gnyis su med pa'i ye shes gti mug rnam par dag pa la yang dag pa'i nga rgyal byed pa ni rmongs pa ste/ de ni gti mug dga' ba ste nges pa'i don to/ /de la phan tshun 'dzer pa ni/ /zhe sdang zhes bya ba ste zhe sdang ni mi bskyod pa'o/ / de la dga' bas na zhe sdang dga' ste drang ba'i don to/ /nyon mongs pa zhe sdang rnam par dag pa'i ngang du phan tshun 'tshe ba la dga' bas na/ zhe sdang dga' ba ste nges pa'i don to/ /mtshan nyid 'dod chags zhen pa yin/ /zhes bya ba ni/ 'dod chags ni 'od dpag tu med pa'o//de la zhen cing rjes su chags par byed pa'i mtshan nyid ni gos dkar mo ste drang ba'i don to/ /'dod chags kyi mtshan nyid rnam par dag par zhen pa ni 'dod chags dga' ba ste nges pa'i don to/ /ye shes thabs ni rdo rje bshad/ /ces pa ni/ rdo rje ni don yod par grub pa'o//de la ye shes kyi thabs kyis dga' bas na rdo rje dga' ba ste drang ba'i don to/ /rdo rje ye shes thabs kyi dga' bas na rdo rje dga' ba ste nges pa'i don to/ /phun sum tshogs pa'i don gyi yum gyis nye bar sdud pa'i tshig bstan pa'i phyir/ dga' ba rdzogs pa'i longs spyod mchog /ces pa ni/ dga' ba ste lha mo bzhi po 'di dag dang lhan cig spyod pas/ de bzhin gshegs pa thams cad kyi bde ba'i longs spyod kyi mchog sgrub par byed pa'o/ /bud med bde mchog phun sum tshogs/ /zhes pa ni/ 'dod pa'i dbang phyug khyad par can yin pas btsun mo'i mchog dam tshig phun sum tshogs pa'i yon tan sgrub par byed pa'o//gti mug ces pa la sogs pa gong du bstan pa rnams so/ /de rnams ni sangs rgyas rnams kyi thabs rdo rje theg pa ste/ gnyis su med pa'i theg pa zhes kyang bya'o/ /da ni khro bo chen po bzhi'i sngags bstan pa'i phyir/mi 'jig chos rnams bdag nyid ni/ /zhes pa la sogs pa gsungs te/ mi 'jig chos rnams bdag nyid ces pa ni/ kun rdzob tu lus kyi chos thams cad sgyu ma lta bu yin pas mi 'jig ces bya'o/ /ma skyes pa yi ngo bo nyid//ces pa ni/ don dam par na de rnams ma skyes shing skye ba med pa ste/ de ltar bden pa gnyis su snang ba las dngos po rnams mi 'da' bas/ dngos po kun gyi dam tshig las/ de nyid rtag pa dang chad pa'i gshin rje las thar bas na ya man+ta kr-i ta ces bya'o/ /gzhan gyis mi thub pa'i sngags bstan pa'i phyir/rnam shes mig bdag chos rnams ni/ /zhes rnam par shes pa'i sems kyi cha'i chos rnams de nyid yang dag pa ma yin te/ don dam par ni chos nyid du mi 'gyur zhing / gzung 'dzin gyi dag pa de ni sems kyi dam tshig de las mi 'da' ba las shes rab ste/sems yang dag pa'i mthar thar pa zhes bya'o/ /rta mgrin gyi sngags bstan pa'i phyir/ brjod med bdag nyid chos rnams ni/ /zhes bya ba la/ ngag gis brjod pa'i ming dang / gzugs kyi blo'i rtog pa rnams brjod du med par don dam par rtogs pa ni/ chos rnams kyi dam tshig mi 'da' ba yin pas na ngag yang dag pa'i mthar phyin pa'o//bdud rtsi 'khyil pa'i don bstan pa'i phyir/ mi rtog bdag nyid chos rnams ni/ /zhes bya ba la/ lus ngag yid gsum gyi chos rnams stong pa zhi bar rtogs pa ni/ rdo rje kun zhes pa ni/ sangs rgyas kun gyi mi 'da' pa'i dam tshig yin zhes bya'o//mi 'jig ces pa la sogs pa ni rab tu byed pa'i tshig sdud pa'o/ /de ltar khro bo bzhi'i nges pa'i don bstan nas/ da ni drang ba dang nges pa'i don gnyis kyis khro bo bzhi bstan pa'i phyir/ gti mug ces pa ni rmongs pa'i mun pa ste ma rig pa'o//gti mug longs spyod pas zhes pa ni yang dag pa'i gti mug gdon dam pa'i bden pa ste/ de mthar thug par mdzad cing 'jig par mdzad pas gshin rje gshed de drang ba'i don to/ /gshin rje gshed ces pa ni/ gshin rje ni dmyal ba ste/ de bcom ldan 'das kyi khro bo chen po'i ting nge 'dzin gyis mthar thug par mdzad cing 'jig par mdzad pa ste/des na lus ngan song du mi 'gro bas lus mthar byed cing / rgyu des na ma rig pa dag pas shes bya'i sgrib pa dag cing mthar byed par 'gyur te nges pa'i don to/ /nyes pa zad pa longs spyod pas//zhes pa ni/ shes rab kyi nyon mongs pa'i nyes pa 'jig par mdzad pas nyes pa de zad par byed pas shes rab mthar byed de drang ba'i don to/ /rnam par rtog pa'i bdag nyid ni/ shes rab ste nyes pa'o/ /de 'od gsal ba'i nyes pas longs spyod pa'i nyes pa zad pa'i phyir/shes rab mthar byed pa/ des na sems rnam par dag par byed pas/ nyon mongs pa'i sgrib pa mthar byed par 'gyur te nges pa'i don to/ /'dod chags 'dod pa longs spyod pas/ /zhes pa ni/ 'dod chags kyi ting nge 'dzin gyis pad+ma chus ma gos bzhin du/ nyon mongs pa rnams kyis gos par ma gyur cing phyin ci log la longs spyod pas de nyid 'jig par mdzad pas na pad+ma mthar byed pa ste drang ba'i don te/ pad+ma ni skye gnas so/ /mtha' ni nang ste der 'dod chags kyi dbang po gnyis snyoms par 'jug pa'i phyir bde ba'i thabs kyi mchog tu dga' ba'i bde ba skyed par mdzad pas phyin ci log gi 'dod chags mthar byed dang /des na chags pa mthar byed de/ de bzhin snyoms 'jug ni 'dod chags yin la/ de mthar byed par 'gyur te nges pa'i don to/ /nyon mongs kun zad gang yin dang / /zhes pa ni/bdud rtsi 'khyil pa'i ting nge 'dzin ston te/ nyon mongs pa ni/ gti mug dang / nyes pa dang / 'dod chags so/ /de dag kun zad pa gang yin pa dang / de bzhin du lus dang ngag dang yid kyi las ni gang yin pa zad pa'i ye shes dang shes bya'i sgrib pa dang / nyon mongs pa'i sgrib pa dang /snyoms par 'jug pa'i sgrib pa'i rtog pa thams cad zad pa'i ye shes de la de skad ces bya'o/ /de ltar nyon mongs pa dang sgrib pa dang / las thams cad rnam par dag pas ye shes chen po'i 'bras bu la bdud rtsi 'khyil pa zhes bya'o/ /bgegs mthar ces pa ni gdon stong phrag mang po rnams mthar mdzad cing 'jig par mdzad pas na bgegs mthar byed pa ste drang ba'i don to//bgegs ni bzhi po ste/ de dag 'phel ba dang 'grib pas lus gzir bas na bgegs so/ /de rnams thabs kyi ye shes shar bas rnam par 'jig par mdzad pas na bgegs mthar byed do nges pa'i don to//khro bo chen po bzhi'i zhar la khro bo drug bstan pa'i phyir/ gzung dang chags pa nyid dang ni/ /zhes pa la sogs pa smos te/ khro bo drug gang yin pa gsal bar bya ba'i phyir/ 'dod pa'i rgyal po la sogs pa drug /ces bstan te/ 'og nas/ 'dod rgyal dbyug sngon stobs mi g.yo/ /steng du 'khor lo 'og gnod mdzes/ /zhes pa rim pa bzhin du sbyar ro/ /drug las thugs ni kun tu 'byung / /zhes pa ni/ khro bo drug gi rnam par shes pa la sogs pa la/ rnam par shes pa drug rim pa bzhin du sbyar ro//de ltar gleng gzhi'i lha bcu gsum dang khro bo drug bstan nas/ da ni dkyil 'khor gzhan rnams zhar la 'byung ba bstan pa'i phyir/ dam tshig rdo rje zhes bya ba la sogs pa la/ dam tshig rdo rje zhes pa ni sgrib pa rnam par sel ba'o/ /sogs zhes pa ni sku rdo rje ni sa'i snying po'o//gsung rdo rje ni 'jig rten dbang phyug go/ /thugs rdo rje ni phyag na rdo rje'o/ /ting nge 'dzin rdo rje ni nam mkha'i snying po'o/ /rgyal ba rdo rje ni byams pa ste drug pa'o/ /sa ni sangs rgyas spyan no/ /sogs pas ni chu mA ma kI'o/ /me ni gos dkar mo'o//rlung ni dam tshig sgrol ma'o/ /nam mkha' ni 'jam dpal lo/ /'byung zhes pa ni yum bzhi'o/ /'byung las gyur ni dbang po drug ste/ byang chub sems dpa'o/ /reg pa ni lha mo'o/ /rgyal ba ni byang chub sems dpa'o/ /gzugs kyi rdo rje la sogs gang / / zhes pa ni gzugs rdo rje dang sgra rdo rje dang / dri rdo rje dang ro rdo rje dang reg rdo rje dang chos kyi dbyings kyi rdo rje dang kun tu bzang po drug ste/ de yan chad du dkyil 'khor tshang bar rdzogs par bstan nas/ de rnams kyi bdag po ni/ rdo rje 'chang yin pa'i phyir/ rdo rje'i bdag po zhes bshad do zhes bya'o//de bas na rtsa ba'i rgyud du lha bcu gsum bstan pa las/ rgyud phyi ma las lha sum cu rtsa gnyis kha bskang ba yin no/ /de lta bu'i lha rnams rdo rje 'chang chen po las sprul par bstan cing yi ge gsum las 'byung bar bstan pa'i phyir/ sku gsung thugs kyi rdo rje las//bdag nyid chen pos lha sum cu rtsa gnyis kun tu 'byung bar bstan pa yin no zhes bya'o/ /da ni rnal 'byor pa'i spyod pa bstan pa'i phyir/ thabs dang shes rab las byung ba'i/ /zhes bya ba la sogs pa gsungs te/ rnal 'byor gyi spyod pa'i thabs dang / shes rab kyi spyod pas spros pa dang bcas pa dang /spros pa med pa dang / shin tu spros pa med pa las byung ba'i spyod pa dang ldan pas/ phung po zhes pa lha sum cu rtsa gnyis/ rdzogs pa'i rim par sbyor zhing sbyor ba des/ /byas zhes pa snang ba gsum du nges pa de nyid thams cad dag pa zhes pa 'od gsal du mos pa byas la/rmad du byung ba'i spyod pa bstan pa'i phyir/ 'jigs pa thams cad spangs nas su/ /zhes pa ni gdon dang lha la sogs pa'i bdud do/ /dogs pa med pa'i zhes pa ni ngan song la sogs pa'o/ /seng ge zhes pa ni seng ge lta bu'i spyod pa spyad par bya ba ni/chos thams cad sgyu ma lta bur rtogs shing snying rje chen pos 'gro ba'i don rdzogs par byed pa'o/ /seng ge lta bu de nyid rgyas par bstan pa ni/ 'di la mi bya cung zad med/ /ces pa la sogs pa'o/ /mnyam par gzhag dang ma bzhag sbyor/ /zhes pa ni/ chos thams cad sgyu ma lta bur rtogs pa las/mnyam par gzhag pa dang / ma bzhag pa'i rtog pa med pa ni/ kun du smyon pa lta bur rgyu bas na kun du spyod pa zhes bya'o/ /spyod pa de la yang gnyis te/ byang chub sems dpa'i spyod pa ni 'jig rten pa dang 'gal na yang rung /mi 'gal na yang rung / rnam pa gang dang gang gis sems can gyi don rdzogs par 'gyur ba'i rnam pa de dang des sngags pa rnams ni ci nus par rab tu 'jug pa'o/ /de bzhin gshegs pa'i spyod pa ni/ slob dpon gang dag gis de kho na nyid 'don zhing zlos pa'i rin po che lta bu'i gang zag de rnams kyi spyod pa ni/rdzogs pa'i go rims btags nas/ gang dag mnyam par ma bzhag pa'i sbyor bas spyod pa de nyid ni/ tshe 'di nyid la rang gi ngo bo nyid yongs su brje ba yin pa'i phyir ro/ /da ni sngags kyi nges pa'i tshig bstan pa'i phyir/ dbang po dang ni yul rnams kyis//zhes pa ni/ mig la sogs pa'i dbang po lnga dang / gzugs la sogs pa'i yul lnga'i rkyen gyis sems dang sems las byung ba dang / ma rig pa'i yid de la/ man zhes bya bar brjod ces pa'o/ /tra ni skyob par byed pa'i don zhes pa ni/ de ltar sems dang sems las byung ba dang /ma rig pa dang gsum/ snang ba dang / snang ba mched pa dang / snang pa thob pa dang / shes rab dang / thabs dang / nye bar thob pa dang / stong pa nyid dang / shin tu stong pa dang / stong pa chen po gsum du kun rdzob tu shes par byas nas/ thams cad stong pa don dam pa'i bden par rtogs pa'i dus su rang bzhin brgya drug cu'i yid skyob par gyur pas na sngags zhes bya'o//sngags kyi spyod pa bstan pa'i phyir/ /'jig rten spyod las rnam grol bar/ /zhes pa ni/ spyod pa de dang ldan nas 'jig rten pa'i spyod pa sna tshogs pa rnam par grol bar byed do//de yang gang yin zhe na/ sngar bshad dam tshig sdom pa ste/ /zhes pa ni/ sngar rtsa ba'i rgyud le'u bcu bdun pa las/ lha dang / klu dang / lha ma yin dang / srin po dang / sha za dang / mkha' 'gro ma la sogs pa'i dam tshig dang / sdom pa bstan pa de rnams rnal 'byor pas spyod cing srung ba ni/sngags kyi spyod pa zhes bya'o/ /da ni bzlas brjod bstan pa'i phyir/ rang rang gi ngo bo nyid ces pa la sogs pa gsungs te/ rang rang zhes pa ni sku dang gsung dang thugs dang rin po che dang / thogs med do/ /ngo bo nyid ni rdo rje 'dzin pa gcig pu'i mthar phyin pa'o//snying po yid kyis rnam bsams te/ /zhes pa ni/ oM AHhUM gsum 'jug pa dang gnas pa dang ldang ba'i ngo bor shes par bya'o/ /gsang sngags bzlas pa'i dbye ba yis/ /zhes pa ni/ lha re re'i sprul pa yang sku gsung thugs kyi dbye ba gsum gyis so//bzlas par byed cing spro zhing bsdu/ /zhes pa ni/ so so tha dad par spro zhing / rang gi lus kyi dkyil 'khor las nye bar 'byin pa'i bya ba byed pa'o/ /zung du sbyar ba bstan pa'i phyir/ /sangs rgyas sna tshogs rdo rje'i bdag /ye shes sa bon dag gis bsdu/ / zhes pa ni/ sprul pa'i lha'i sku brjod pa ste/ gnas nas bskyod nas spro ba ste/ phung po la sogs pa'i rang bzhin gyis bdag nyid du gzhag par bya ba dang / zung du sbyar ba'i gnas skabs su rab tu bsdu ba ste/ ting nge 'dzin gyi sems par gzhag par bya'o/ /byang chub bdag med sa bon gyi//brtul zhugs can gyis bdag med gzung / /zhes pa ni/ lus ngag yid gsum dngos po med cing bdag med pa'i byang chub ste/ brtul zhugs zhes pa ni so sor rtog pa'i bdag nyid can gyi ye shes kyi khyad par can bdag med par gzung zhing spro zhing gsal bar bya'o//sna tshogs de bzhin sna tshogs spro/ /zhes pa ni/ sku gsung thugs kyi dbye bas rang gi lus kyi dkyil 'khor las gong ma bzhin du 'byin cing spro ba'o/ /dus gsum sa bon dag gis bzla/ /zhes pa ni/ sku rdo rje sa bon oM ni gzung ba'i dngos po dang 'dzin pa'i dngos po med par spyad pa ni sku'i bzlas pa'o//gsung rdo rje'i sa bon AHni sgra zin pa dang ma zin pa mngon par byang chub pa'o/ /thugs rdo rje'i sa bon hUM ni thugs ji lta ba bzhin du mngon par byang chub pas tshol ba ni thugs kyi bzlas pa'o/ /de ltar yid kyi bzlas pa bshad nas/da ni ngag gi bzlas pa bstan pa'i phyir/ bzlas pa smra bar grags pa yin/ /zhes pa ni/ khro bo gshin rje gshed la sogs pa'i dam tshig las bskrad pa la sogs pa'i dus su rang gi lces sgra bsgrags shing smra ba ste/ rang ngam gzhan gyis thos par ro//ngag kun bzlas pa zhes pa ni sprul zhes pa la sogs pa'i sngags kyi tshig go/ /sngags ni 'bod pa zhes pa ni/ lces sgra bsgrags shing skad du 'don pa'o/ /de nyid bskul bar smra ba yi/ /zhes pa ni/ rang gi lha'i dkyil 'khor bskul ba'o/ /rgyas 'debs pa'i don bstan pa'i phyir/ji ltar thugs sogs byin brlabs te/ /zhes pa ni/ sku gsung thugs byin gyis brlabs nas ye shes sems dpa' bskyed pa dang / ting nge 'dzin sems dpa' yang de bzhin du rig par bya'o/ /de ltar phyag rgya bzhis rgyas btabs nas/ dbu rgyan ji ltar bya ba bstan pa'i phyir/de rnams spyi bor dbang zhes pa ni/ lha so so la spyi bor lha bzhag pa'o/ /de bzhin kun du mchod pa'o/ /zhes pa ni/ dbang bskur ba'i lha la mchod nas gsol ba gdab ste dbang bskur ba'o/ /rdo rje 'chang ba gang yin pa'i/ /rig pa yod pa'i sbyor ba dang //bdag byin brlab sogs de bzhin te/ /zhes pa ni/ dkyil 'khor pa'i lha rnams la rtsa ba'i rgyud kyi le'u bco lnga pa las bstan pa bzhin te/ rdo rje 'chang ba'i dbu la dpal rdo rje sems dpas dbang bskur ba'o/ /rig pa spyan ma la sogs pa so so la rnam par snang mdzad la sogs pas dbang bskur ro//de bzhin du rdo rje'i rigs la mi bskyod pas dbang bskur ro/ /de bzhin gshegs pa'i rigs la sku rdo rjes dbang bskur ro/ /pad+ma'i rigs la gsung rdo rjes dbang bskur ro/ /rin po che'i rigs la rin chen 'byung ldan gyis dbang bskur ro//las kyi rigs la don yod grub pas dbang bskur ro/ /de bas bdag la dbu rgyan gyi byin gyis brlabs pa de bzhin du shes par bya'o/ /de bzhin longs spyod bzhir shes bya/ /zhes pa ni phyag rgya bzhi'o/ /de ltar dkyil 'khor pa'i dbu rgyan bstan nas/da ni dpa' bo gcig pa'i dbu rgyan bstan pa'i phyir/ dpa' bo rdo rje gcig pu yi/ /zhes pa la sogs pa'o/ /dbu rgyan gyi tshul yang gsum ste/ snying po zhes pa ni/ oM AHhUM gsum mo/ /phyag rgya ni lha'i sku'i sku'o/ /sngags ni badzra d+h+r-i ka la sogs pa'o//rang rig ces pa ni bshad zin to/ /'bras bu zhes pa ni mi bskyod pa la sogs pa'o/ /rgyu zhes pa ni rdo rje 'chang ba'o/ /chos 'byung ba bstan pa'i phyir/ longs spyod bzhi dang yang dag ldan/ /zhes pa la sogs pa ste/ longs spyod bzhi zhes pa ni//sku rdo rje dang gsung rdo rje dang thugs rdo rje dang ye shes sems dpa'o/ /yang dag ldan la sogs pa'o/ /rig pa'i skyes bu zhes pa ni rdo rje 'chang ba chen po'o/ /gru gsum zhes pa ni/ sku gsung thugs kyi dbye ba chos kyi 'byung gnas gru gsum du bsgoms la/ de'i phyi rol du bka'i 'khor lo bsgom pa'i phyir/kun nas ser po'i 'khor lo ni/ dbus su chos 'byung bsgoms la/ de'i dbus su rig pa'i skyes bu rdo rje 'chang bsgom pa'o/ /rtsibs kun la ni khro bo bcu/ /zhes pa ni/ rtsibs bcu la khro bo gshin rje gshed la sogs pa bsam gtan gyi dkyil 'khor du bsgoms la/bka' bsgo bas dbang po la sogs pa'i phyogs skyong la bgegs byed pa rnams bsrung zhing bzlog par bya ba dang / sgrub pa po rnams kyi sems rnam par g.yeng ba bsrung ba'i phyir ro/ /'gog pa'i rdo rje zhes pa ni/ rtse gcig pas gnas pa ni/mi g.yo ba dang mtshungs par 'khor/ /zhes pa ni/lha rnams mi g.yo bar 'khor lo 'khor zhes pa'o/ /sangs rgyas zhes pa ni sangs rgyas kyi ye shes so/ /da ni rgyud kyi sdom pa bstan pa'i phyir/ rdo rje 'chang gi chos bstan pa/ /zhes ni/ rdo rje 'chang bar mdzad pas/ rdo rje 'dzin pa ste yi ge'i don to/ /me long lta bu la sogs pa'i ye shes lnga bo de'i rang bzhin gyis rdo rje 'chang bar mdzad pas na rdo rje 'dzin pa ste spyi'i don to/ /yid kyi rang bzhin gyi sku lus 'dzin par mdzad pas na rdo rje 'dzin pa ste sbas pa'i don to//rdo rje ni gnyis su med pa'i ye shes te/ de'i ngo bo nyid kyis 'chang bar mdzad pas na rdo rje 'dzin pa ste mthar thug pa'o/ /bskyed pa yi ni rim nyid dang / /zhes pa ni/ thog mar gnas kyi nges pa dang / snying rje chen po la dmigs pa dang / bka'i 'khor lo dang / srung ba'i 'khor lo la dmigs pa dang / stong pa nyid la dmigs pa dang / sa'i cha gzhal yas khang bskyed pa dang / lhag par mos pas lha bskyed pa dang / don dam pa'i dkyil 'khor la gzhag pa dang / slar nyi ma la dmigs pa dang / mthar zla ba'i dkyil 'khor la dmigs pa dang / rdo rje 'chang chen po bskyed pa dang / sngags kyis byin gyis brlab pa dang / phung po la sogs pa dag pa dang / sku gsung thugs byin gyis brlab pa dang / sems dpa' sum brtsegs bsgom pa dang / rdo rje pad+ma 'dus byas te byin gyis brlab pa dang /rjes su chags pa dang / mchod pa'i sngags dang / nang gi dkyil 'khor dang / phyung ba'i dkyil 'khor dang / ngag gi bzlas pa dang / rdo rje'i bzlas pa dang / don dam pa zhugs pa dang / bskul ba dang / bstod pa dang / nye bar bsdu ba dang / sngags la mchog tu gzhol ba'i las dang / nang la mchog tu gzhol ba'i las dang / kha zad kyi bsam gtan dang / thun mong gi dngos grub brgyad bsgrub pa rnams ni bskyed pa'i rim pa'o/ /de bzhin rdzogs pa'i rim pa'o/ /zhes pa ni sngags kyi de kho na nyid dang / phyag rgya'i de kho na nyid dang / bdag gi de kho na nyid dang / ye shes kyi de kho na nyid do/ /sgrub pa yin zhes pa ni/ dkyil 'khor bris pa las kyi tshogs dang / grub pa brgyad dang sangs rgyas nyid sgrub pa'i/ /nan tan zhes pa ni mngon par 'dod pa'i dngos grub mngon du bya ba'i phyir/phyi dang nang gi bdag nyid can gyi rang gi lha la snying po bskul ba'o/ /de bzhin zhes pa ni/ rtsa ba'i rgyud le'u lnga pa dang / bdun pa dang / dgu pa dang / bcu bdun pa'o/ /dam tshig sdom pa ni/ rnal 'byor gyi spyod pa dang / rmad du byung ba'i spyod pa dang / dam tshig dang sdom pa rnams/ sngar ni de kun rgyas par ni/ /rim pa'i dbye bas phye ba yin/ /zhes pa ni/ sngar rtsa ba'i le'u de dag tu gsal bar bshad pa'o/ /'di skad ston te/ rgyud kyi sdom ni/ bskyed pa'i rim pa dang / rdzogs pa'i rim pa dang / dkyil 'khor du sgrub pa dang /nan tan gyis snying po bskul ba dang / rnal 'byor gyi spyod pa dang / rmad du byung ba'i spyod pa dang / dam tshig dang / sdom pa rnams kyi rim pa'i dbye bas phye ba de rnams sngar rtsa ba'i rgyud du bstan pa yin no zhes pa ni/ rgyud kyi don bsdus pa'i sdom yin no / / 'dod chags zhe sdang gti mug gsum gyi bsam gtan bstan pa'i phyir/ gzugs dang sgra sogs 'dod pa ni/ /zhes pa la sogs pa gsungs te/ bde ba ni 'dod chags so/ /sdug bsngal ni zhe sdang ngo / /'dod pa de rnams dam tshig mtshungs/ /zhes pa ni/ thams cad stong pa 'od gsal bar dang dam tshig gsungs zhes pa'o//da ni rnam pa bden pa dang / rnam pa brdzun pa dang gnyis bstan pa'i phyir/ rnam bcas dang ni rnam pa med/ /ces pa'o/ /yi ge gsum ni oM AHhUM gsum mo/ /sa gsum ni sku gsungs thugs so/ / gsang ba dag pa zhes pa ni rigs gsum mo/ /de ltar gsum gyis ting nge 'dzin mdor bstan nas/ da ni de dag nyid rgyas pas bshad pa'i phyir/ zhe sdang sbyor bas rnal 'byor pa/ /zhes bya ba la/ rdo rje 'chang chen po yongs su gyur pa las mi bskyod pa bskyed na//rdo rje la sogs pa phyag tu bsgoms nas/ dkyil 'khor pa rnams bskyed de/ phyag gi rdo rje las 'od zer 'phro ba bsgoms te/ de dus gsum du byung ba'i de bzhin gshegs pa dmigs te/ des phye mar brlags shing 'jig par 'gyur ba ste/ de lta bu'i spro ba dang bsdu ba des ni las kyi tshogs drag po nus par 'gyur zhing /sems kyi dbang phyug 'thob par 'gyur ro/ /gti mug sbyor bas rnal 'byor bas/ /gti mug 'khor lo bskyed nas ni/ /zhes pa rnam par snang mdzad dkyil 'khor gyi gtso bor bsgoms la/ mi bskyod pa la sogs pa'i 'khor rnams spros te/rgyan rin po che la sogs pa gang dang gang de bzhin gshegs pa gang dang gang mdog mthun pa de dang de 'don zhing bskul bar bya'o/ /de ltar de bzhin gshegs pa thams cad yang dag par btang nas sgrub pa pos 'od zer dkar po la sogs pa'i zhags pas mngon par 'dod pa'i rin po che'i rigs bcings la mi g.yo bar bya'o//de nas rang gi lce'i pad+ma las byung ba'i yi ge hri'i lcags kyus drangs nas rang gi khyim du gzhag par bya ba'i phyir/ rin chen kun gyis rab tu gang / /zhes pa'o/ /de ser sna'i nyon mongs pa'i dri ma rnam par dag pa'i phyir/gti mug sems kyi rgya mtsho bsgom/ /zhes pa'o/ /sbyin pa'i char ni rab tu 'bebs/ /zhes pa ni/ de nas phongs pa rnams la sbyin pa'i char dbab cing sbyin par bya'o/ /'dod chags 'khor lo bskyed nas ni/ /zhes pa ni/ rdo rje 'chang chen po yongs su gyur pa las 'od dpag med bskyed la/dkyil 'khor pa'i lha rnams kyi gzhal yas khang gi nang thams cad du dag cing spros pa'o/ /lha mo thams cad phrogs pas su/ /zhes pa ni/ dkyil 'khor gyi lha yab yum rnams rjes su mnyes pa la sogs pa sngon du 'gro ba'i/rdo rje dang pad+ma mnyam par sbyar la dga' ba spyad cing / bdag nyid rol par bya ba dag gis skad cig nye bar spyad par bya'o/ /de yi yon tan bstan pa'i phyir/ /khams gsum dag du 'byung ba yi/ /zhes pa la sogs pas bstan to/ /da ni spyod pa de spyod pa'i dgos pa bstan pa'i phyir/dkyil 'khor dang ni zhes pa ni/ bskyed pa'i rim pa phyung ba'i dkyil 'khor dang / rdzogs pa'i rim pa spros pa'i zung 'jug gi sku gsung thugs kyi dkyil 'khor ro/ /dbang bskur dang zhes pa ni/ gsang ba dang / shes rab ye shes dang / bzhi ba'o/ / lam mchog ni tshogs rnams zhes pa ni/ nang la mchog tu gzhol pa'i tshogs/ grub pa'i bgrod pa zhes pa ni/ de rnams phyag rgya la brten nas grub par gyur to/ /drang ba'i don to/ /nges pa'i don ni dgongs pa lung ston gyi le'u dgu pa las bshad do/ /'di skad ston par 'gyur te//zhe sdang gi dam tshig ni ma rig pa 'od gsal bar 'gyur te/ ye shes kyi rang bzhin gyi skur gyur pa'o/ /gti mug gi dam tshig ni rdzogs pa'i byang chub sgrub par byed pa'o/ /'dod chags kyi dam tshig ni stong pa bzhi dang mnyam par sbyar nas/ bden pa gnyis kyi dbang po zung 'jug du sbyar nas sbyor ba'i zhes ston to//rdo rje dra ba rin chen 'byung / /zhes pa ni/ rdo rje 'chang chen po yongs su gyur pa las/ dkon mchog dpal bsgoms la/ gzhal yas khang gi nang du dkyil 'khor pas gang bar spro ste/ brtse ba med pa'i rtsub pa'i ngag gis bsdus pa'i don thams cad 'byung ba'i phyir smra bar bya ste drang ba'i don to//phung po la sogs med ston tshig /yang dag don gyi brdzun ngag sogs/ /brlab na byang chub 'thob par 'gyur/ /zhes bya ba ste/ de bzhin gshegs pa'i don to/ /rin chen bzhin du dam tshig ces/ /zhes pa ni/ rdo rje 'chang chen po yongs su gyur pa las don yong grub pa bsgoms la/de'i 'og tu dkyil 'khor thams cad bsgom par bya'o/ /de nas sems can thams cad kyang / de nyid du gnas par bsgom zhing / de rnams la chos thams cad sgyu ma lta bu yin pas/ chos thams cad brdzun pa'o zhes rdo rje'i tshig don la gnas pa ste/de bzhin gshegs pa thams cad dang sems can thams cad la slu ba po lta bu'i ngo bo nyid kyis tshig brjod par bsgom pa ni drang ba'i don to/ /gang zhig phyi nang bdag nyid che/ /'di dag thams cad brdzun par 'dod/ /rnam rtog 'ching las grol byang chub//'di ni don yod dam tshig go/ /zhes pa ni nges pa'i don to/ /dkyil 'khor gyi don bstan pa'i phyir/ b+ha ga dkyil 'khor zhes grags dang / /zhes pa ni/ nang du gnas pa dang / phyir phyung ba'i dkyil 'khor ro/ /byang chub sems kyi dkyil 'khor ro//zhes pa ni/ don dam pa'i dkyil 'khor ro/ /lus kyi dkyil 'khor zhes bya dang / /zhes pa ni/ sku'i dkyil 'khor te rdo rje 'chang gi sku la lha sum cu rtsa gnyis bkod pa'o/ /phyag rgya dgod pa'i don bstan pa'i phyir/ phung po khams dang skye mched rnams/ /zhes pa ni gong gi lus kyi dkyil 'khor rgyas pa bstan pa'i phyir/lus la lha dgod pa de nyid phyag rgya dgod pa zhes bya'o/ /da ni gong du dkyil 'khor gyi lha bstan pa de rnams dkyil 'khor du dgod pa'i phyir/ phyag rgya brtan dgos pa'o/ /lha bcu gsum ni le'u bzhi bar bstan la/de'i lhag ma rnams kyi phyag rgya bstan pa'i phyir/ lcags kyu dbyug to zhes pa la sogs pa khro bo drug dang / byang chub sems dpa' brgyad dang / lha mo lnga dang / yum bzhi rnams kyi phyag rgya bstan pa yin no/ /me tog ces pa'i don bstan pa'i phyir/ lha mo dgu dang zhes pa ni/srog ces pa'i rlung dang / thur du sel ba'i rlung dang / gyen du rgyu ba'i rlung dang / rgyu ba dang / yang dag bar rgyu ba dang / rab tu rgyu ba dang / nges par rgyu ba dang / kun du rgyu ba'o/ /nam mkha'i khams zhes pa ni khyab byed kyi rlung ngo / /sku gsung thugs zhes pa ni/ 'jug pa dang /gnas pa dang ldang ba'i mtshan nyid kyi rlung ngo / /rigs kyi rim pa zhes pa ni/ de nyid yi ge gsum du shes par bya zhing rigs gsum gyi sngags ston par rig par bya'o/ /mchod rten zhes pa'i don bstan pa'i phyir/ rin chen sna bzhi'i bdag nyid can gyi dkyil 'khor gyi gzhal yas khang ni mchod rten dang 'dra bas na de nyid la/mchod rten sangs rgyas thams cad kyi/ /bzhugs gnas pho brang yin par bshad/ /ces bya'o/ /ye shes 'khor lo'i don bstan pa'i phyir/ ye shes sems dpa' gang reg pa/ /zhes pa ni/ de bzhin gshegs pa thams cad kyi 'khor lo thugs ka'i sa bon gyi 'od zer gyis ye shes dkyil 'khor la reg par byed pa'o//de nyid sa bon gang yin pa bstan pa'i phyir/ mi 'gyur rdo rje gsum yi ge /zhes pa ni/ oM AH hUM bstan pa yin no/ /bskul ba la sogs pa bzhi bstan pa'i phyir/ sku gsung thugs kyi de nyid ni/yi ge gsum mo/ /sad par bya ba ni/ rdo rje 'chang chen po'i bkas gsol ba gdab cing bskul bar bya ste/ gshin rje gshed kyis so/ /phyogs bcu'i 'jig rten khams rnams su/ /zhes pa ni/ dam tshig de nyid kyis dam pa rnams la sbyar zhing dam tshig gi don sgrub pa ni/bdud rtsi 'khyil pa dang dam tshig stong pa'o/ /rdo rje can kun spyan 'dren pa/ /zhes pa ni/ dam tshig bod pa ste/ dam tshig de las bod cing ming dang sbyar nas/ gzhan gyis mi thub pas dam tshig tu byed pa'o/ /rdo rje can gyi gnas de yi/ /zhes pa ni/ dam tshig 'ching ba ste rta mgrin gyis de la 'ching zhing drag pos nges par sbyor te bcings pa'o//dbang bskur ba'i don bstan pa'i phyir/ sku gsung thugs kyi rdo rje yis/ /sku gsung thugs kyi dkyil 'khor du/ /zhes pa ni/ rnam par snang mdzad dang / snang ba mtha' yas dang / mi bskyod pa'i dkyil 'khor ro//dbang bskur dbye ba rnam gsum mo/ /rgyud 'di la ni rab tu brtag /ces pa ni bsdus pa'o/ /bum pa'i dbang bskur dang po ste/ /zhes pa ni/ rig pa'i dbang bskur byin nas slob dpon gyi dbang bskur bar bya ste/ de yang bla ma'i man ngag gis/slob ma gzhug pa'i cho ga sngon du 'gro bas/ bcas pa'i lha de nyid kyi mgo la bcing ba/ gdong g.yogs bkrol ba ste dkyil 'khor bstan pa dang / bum pa la mi bskyod par gyur pas khrus bya ba dang / dbu rgyan la rin chen 'byung ldan bsgoms bas dbang bskur ba dang / rdo rje la 'od dpag med du bsgoms pas dbang bskur ba dang / dril bu la don yod grub par bsgoms pas dbang bskur ba dang / me long bstan pa dang / spyi bor rnam par snang mdzad bsgoms la dbang bskur ba dang / rigs lnga'i dam tshig sbyin pa dang / slob dpon gyi dbang bskur ba byas nas/slob ma de la dkyil 'khor dang / lha'i de kho na nyid bstan te/ brtul zhugs dang / shAkya thub par lung bstan pa dang / rdo rje 'dzin pas dbugs dbyung ba dang / rjes su gnang ba la sogs te dbang dgu po rdo rje 'chang chen por sprul pa'i dkyil 'khor du rig pa'i dbang bskur pa ni bum pa'i dbang gi cho ga yin no//gnyis pa la ni gsang ba'i dbang / /zhes bya ba rgyas par bstan pa'i phyir/ mig yangs sngags kyi snod du rung / /zhes pa la sogs pas bstan te/ sngags kyi snod du rung bas phyag rgya mo gnyis su med pa'i mig yangs pa'o//me tog ces pa ni rang byung ba'o/ /sa bon zhes pa ni khu ba'o/ /gsang ba'i dbang zhes pa ni/ thabs dang shes rab kyi snyoms par 'jug pa'i mtshan nyid kyi chog 'di ni de khon nyid gsang ba'i mchod pa zhes bya ste/ 'di 'dod chags dang / 'dod chags dang bral ba dang / 'dod chags bar ma'i rigs kyi nyon mongs pa'i gnas rnam par dag pa mngon sum du byed pa'i phyir ro//sngags pa ni slob dpon no/ /slob ma dag la sbyin zhes pa ni 'og nas 'byung ba bzhin du'o/ /nam mkha'i dbyings zhes pa ni/ slob dpon yab yum rdo rje dang pad+ma'i nam mkha'i khams su phrad pa las/dri chu dang ni rkang ste sa bon dang / yang dag ldan zhes pa/ bdud rtsi phyi ma rnams sbyar ba'o/ /'di skad ston to/ /slob mas bstabs pa'i chog bzhin/ mdzes pa'i lus la gnas pa ji lta ba bzhin du/ oM la sogs pa'i sa bon rnams la/ rnam par snang mdzad la sogs pa'i rigs lngar byin gyis brlab pa byas la/ snyoms par 'jug pa'i cho gas byang chub sems dung phor la sogs par bzhag la/ dri chu dang bsres te/ bkra shis kyi tshigs su bcad pa la sogs pa sngon du 'gro bas slob ma dbang bskur bar bya ste/ byang chub sems ni rin chen 'bar phyung ba//ma lus rgyal ba rnams kyis lus skams la/ /rnam dag rdo rje las byung ye shes chu/ /dri med rin chen spyi dbab dbang bskur ro/ /slob mas kyang byang chub las mi g.yo ba'i bsam pas bza' ba dang / rang gi lus la gnas pa'i de bzhin gshegs pa rnams tshim par bya'o zhes bsams nas bza' zhes spyad par bya ste myang ngo //bla mas kyang sangs rgyas thams cad man ngag bla ma brgyud pa las 'ongs pa sgyu ma'i dpe bcu gnyis nye bar mtshon pa kun rdzob kyi man ngag ji lta ba bzhin du bstan to/ /de ltar gsang ba'i dbang bskur ba bstan nas/ da ni mchog tu gsang ba'i dbang bskur ba bstan pa'i phyir/ rdo rje pad+ma sbyor ba yis/ /rdo rje can kun yang dag bsdu/ /zhes pa ni rdo rje hUM las skyes pa dang / pad+ma a las bskyed nas/ rdo rje pad+ma'i mtshams su 'od zer spros te/ phyogs bcu'i sangs rgyas thams cad 'dus pa lha sum cu rtsa gnyis rang gi sku bzhi'i dkyil 'khor la gnas pa rnams rang gi snying gar bsdus te/sa bon gyi gzugs su rdo rje'i lam nas phyung la slob ma'i khar dbab par bya'o/ /dbang bskur ba yi go 'phang mchog /ces pa ni/ mchog tu 'ang gsang ba'i dbang bskur ba'i cho ga 'di yin te/ 'di'i yon tan ni las rgyal mchog ces pa la sogs pas ston te/de yang zla gsang thig le las/ /rdo rje pad+mo las drangs pa/ /sbom po dang ni dbang gi bla/ /rdo rje can du gzhag bya ste/ /rtag pa dga' ba bde ba che/ /kye ma dam tshig 'di brjod cing / /kye ma rdo rje blang bar bya/ /de ni gsang ba zhes bya ste/ / dbang bskur ba yi thabs mchog go/ /rdo rje slob dpon bdag nyid che/ /rang gi khar ni rdo rje bzhag /sems dpa' chen pos drangs byas na/ /sems kyi byang chub bde ba 'thob/ /'di ni mchog tu gsang ba ste/ /dbang bskur ba yi bde ba'o/ /slob ma mi shes pa rnams la/ /'di dag thams cad bsgrag mi bya//rdo rje slob dpon gyis bya ba/ /yang nas yang du brtags te bya/ /'di yis dbang ni bskur ma thag /slob ma tshogs kyi bdag por 'gyur/ /sangs rgyas rdo rje 'dzin pa yi/ /slob dpon nyid du bde bar 'gyur/ /gzungs ma rnams kyi dag pa'i bdag /sangs rgyas rnams kyi rdo rjer bshad//mkha' la 'gro ba'i spyod 'gyur te/ ri dang 'gro ba kun gyi bdag /des na shes rab ye shes dbang / /slob ma mchog la sbyin par bya'o/ /zhes 'byung ngo / /de ltar gsang ba'i dbang bskur nas/ da ni shes rab ye shes kyi dbang bskur ba'i phyir/ mchog tu dad cing shes rab che//zhes pa la sogs pas ston to/ shes rab kyi mtshan nyid dad pa che ba dang / shes rab che ba dang / gzugs bzang ba dang / sgrub pa po la mos pa dang / rnal 'byor la goms pa dang / dam tshig ldan pa ste bla ma la dbul ste/ bla mas 'og nas 'byung ba bzhin byin gyis brlabs te/sgrub pa po la 'og nas 'byung ba'i cho gas sbyin par bya'o/ /byin gyis brlab pa'i thabs rgyas par bstan ba ni/ rmongs pas bdag nyid gti mug sbyar/ /zhes ba ni/ rnal 'byor pas gti mug rnam par snang mdzad du bsgoms la/ rig ma gti mug dga' mar byin gyis brlabs la/rnam par snang mdzad kyi ye shes kyi rgyun la gnas pa'i dbang bskur na rnam par snang mdzad du 'gyur ro/ /rig pa'i brtul zhugs bstan pa'i phyir/ slob ma la shes rab sbyin pa'i cho ga bstan pa ni/ rig pa'i lha mo de nyid ni/ /zhes pa ni/ gong du byin gyis brlabs pa'i yum gang yang rung ba de nyid do//lag par zhes pa ni/ slob ma'i lag par rig ma'i lag pa bzhag la/ slob dpon gyi lag pa slob ma'i mgor bzhag la/ slob ma la bsgo ba'i tshigs su bcad pa ni/ thabs gzhan gyis ni sangs mi rgya/ /zhes pa la sogs pas bstan to//de'i don ni 'di skad de/ slob mas phyis mngon par byang chub pa dang / nang gi mngon par byang chub pa'i rim gyis 'dod chags dang / chags bral dang / 'dod chags par ma'i rim gyis 'od gsal ba'i ye shes mngon du byas la phyag rgya chen po bsgrub par bya ba ni/ shes rab ye shes kyi dbang thob par bya'o//bzhi pa ni bdag gis ma bshad do/ /da ni bdud rtsi za ba'i thabs bstan pa'i phyir/ tha mal lus kyi chos la ni/ /zhes pa la/ rang las byung ba'i rdzas/ bshang ba dang / gci ba dang / sa bon dang / khrag dang / mchil ma lnga po rnams ye shes lngar byin gyis brlabs la bza' bar bya'o//sbar dang de bzhin bsreg ces pa ni/ yaM las rlung gi dkyil 'khor gyi steng du/ raM las me'i dkyil 'khor bsams te/ a las pad+ma ka pA lar bsgom mo/ /de nas rlung gis me 'bar/ mes bdud rtsi bskol bas bdud rtsi'i gzugs su bya'o/ /rdo rje hUM las byung ba zhes pa/bar snang du nyi ma'i steng du hUM las rdo rje rtse lnga pa hUM gis mtshan pa dang / bdud rtsi nyid yi ge oM gyis mtshan par bsgoms la/ oM gyi 'od zer gyis bsdus pa dang / hUM gi 'od zer gyis bdud rtsir gyur pa'o/ /bdag yab yum gyi sbyor mtshams las kyang 'od zer dang mtshungs pa spros pas phyogs bcu'i ye shes kyi bdud rtsi lcags kyus drangs nas bdud rtsir bab pa la bza' bar bya'o//bza' ba'i sbyor bas bza' bar bya/ /zhes pa ni/ rang gi lha'i rnal 'byor dang ldan pas lkog ma dang mgrin pa sbyang ba byas la/ dpa' bo lnga bstan pa'i phyir/ bsgrub bya'i dngos grub cho ga yis/ /zhes pa ni/ bdud rtsi lnga'i cho ga gong du bstan/ cho gas dpa' bo lnga ste/ sha lnga oM AH hUM du bsams la bza' bar bya'o/ /dngos grub tha ma la ji lta bu/ /zhes pa ni don bstan pa'i phyir/ mi snang ba la sogs pa'i dngos grub ni zhes pa la mi snang ba dang / mngon par shes ba dang /rig 'dzin dang mngag gzhug pa dang / las kyi tshogs rnams ni tha mal pa'i dngos grub ste/ lha dang mi dang gnod sbyin la sogs pa dang thun mong du gyur pa'o/ /bshad pa'i rgyud lha mo bzhis zhus pa las/ ri lu mig sman dngos grub dang / /sa 'og ral gri'i dngos grub dang / /nam mkhar 'phur dang mig sman dang //'chi ba med dang nad 'joms dang / /grub pa brgyad ces grags pa yin/ /zhes bshad do/ /dngos grub mchog bstan pa'i phyir/ sangs rgyas nyid 'grub ces pa ni/ phyag rgya chen po'i dngos grub gnyis su med pa'i ye shes zung du 'jug pa'i mtshan nyid yan lag nyi shu rtsa gcig dang ldan pa de ni/sangs rgyas rnams kyi dngos grub mchog /ces bya ba'o/ /'bras bu'i rgyud mi 'phrogs ba zhes bya bar gsungs so zhes bshad do/ /rgyud gsang ba 'dus pa la thabs kyi rgyud du yod ces bya bar grags pa'i phyir/thabs ni rnam pa bzhi po dag /ces bya ba la/ rnal 'byor rgyud ni thams cad du/ /zhes bya ba ni/ gnyis su med par ston pa'i rgyud thams cad do/ /bsnyen pa'i cho ga dang po ste/ /zhes pa la sogs pa ni/ bskyed pa'i rim pa dang / rdzogs pa'i rim pa gnyis kyi rnal 'byor bsnyen sgrub bzhir 'dus par byang sems rdo rje can gyis gsungs so//rim pa gnyis kyi tshul du bsnyen bsgrub bzhi rgyas par bshad pa'i phyir/ thun mong mchog gi bye brag gis/ /bsnyen pa rnam pa gnyis su gsungs/ /zhes pa la/ sbyor ba bzhi'i rim gyis rdo rje sems dpa' mnyes par bya ba bskyed pas thun mong gi dngos grub sgrub par byed pa dang /yan lag drug gis rdo rje 'chang chen po rdzogs pa'i rim pa bskyed pas mchog gi dngos grub sgrub par byed pas gnyis su 'gyur zhes bya'o/ /de la bskyed pa'i rim pa bsnyen sgrub bzhi dang /rdzogs pa'i rim pa bsnyen sgrub bzhir rgyud 'di las ston pa la/ dang por rdzogs pa'i bsnyen sgrub bstan te/ /dang por bsnyen pa la gnyis te/ thun mong gi bsnyen pa rdo rje 'chang gi bzhi dang / mchog gi bsnyen pa ye shes bdud rtsi mchog ston pa'o//rdo rje bzhi bstan pa'i phyir/ dang po stong nyid byang chub ste/ /zhes pa la/ dngos po med par bsgom pa la sogs pa'i stong pa nyid du bsgom pa dang / yi ge gsum bkod pa la sogs pa'i yi ge bkod pa phyag rgya chen po'i gzugs bskyed nas/ skye mched la yi ge bkod pa dang /sku gsung thugs kyi yi ge dang / ting nge 'dzin sems dpa' dang / rig ma'i lus dang / rdo rje pad+ma'i yi ge dang / 'byin pa'i yi ge la sogs pas lha rnams bskyed pa ste drang ba'i don to/ /mchog gi sgrub pa la gnas pa rnams kyis kyang / rdo rje rnam pa bzhi ni stong pa nyid rnam pa bzhi yin te/des bsnyen pa bya zhing rdo rje 'chang chen po'i go 'phang thob par bya ba'i phyir 'bad par bya'o/ /ye shes bdud rtsi mchog bstan pa'i phyir/ mchog gi ye shes bdud rtsi nyid/ /ces pa la sogs pas bstan te/ mchog gi ye shes ni 'od gsal ba'i ye shes so//bdud rtsi nyid ces pa ni sa bon gyi thig les bsgrub pa'o/ /de'i thabs ni sbyor ba yan lag drug gis 'grub par 'gyur gyi/ gzhan gyis mi 'grub ces ston to/ /sbyor ba yan lag drug bstan pa'i phyir/ so sor sdud dang zhes pa sogs ni mdor bstan pa'o//rgyas par bstan pa'i phyir/ dbang po bcu po rnams zhes bya ba ni/ dbang po lnga dang dbang po'i yul te/ gnyis ka la dbang po zhes bya'o/ /rang gi 'jug gnas zhes bya ba ni/ dbang po bcu'i yul dang yul can rnams kyis gzung ba dang 'dzin pa'i rang bzhin gyis 'jug pa'o//der 'jug pas na rang gi 'jug gnas so/ /thams cad ces pa ni dman pa dang bar ma dag mchog gi bye brag gis so/ /'dod pas zhes pa ni/ 'dod cing chags par bya ba yin pas na 'dod pas te gzugs la sogs pa'o//so sor sdud pa ni zhes pa la/ de rnams la dbang po rnams kyis gang so sor yang dang yang du sdud cing len pas na so sor sdud pa zhes bya ste/ yan lag dang po'i bshad pa'o/ /so sor sdud pa rnam par sbyang ba'i ched du yan lag gnyis pa bstan pa'i phyir/'dod pa lnga po zhes bya ba gsungs te/ 'dod pa lnga po dbang po lnga'i yul du gyur pa/ gzugs la sogs pa'o/ /mdor bsdu na zhes pa ni dbang po lnga dang gcig tu gyur nas so/ /sangs rgyas lnga ru sbyor ba yis/ /zhes pa ni/ mig la sogs pa ste/de rnams kyi sbyor ba ni yang dag par sbyor bas sangs rgyas lnga ru sbyor ba yin te/ de bas na gzugs la sogs pa rnams kyang sangs rgyas yin no/ /brtag pa bsam gtan zhes bshad do/ /zhes bshad do zhes pa ni/ de ltar gyur pa'i yongs su dag pa'i bsam gtan zhes bshad do//de yang rtog pa la sogs pa'i dbye bas rnam pa lnga ru 'gyur te/ /rtog dang zhes pa la sogs pa mdor bstan pa'o/ /rgyas par dbye ba bstan pa'i phyir/ gsang ba gsum byung brtag pa ste/ /zhes pa la/ gsang ba gsum ni/dbang po lnga dang / yul dang dbang po'i shes pa ni gsang ba gsum mo/ /brtag pa ni dbang po lnga dang / dbang po'i shes pa dang / de'i yul rnams ni/ de bzhin gshegs pa lnga'i bdag nyid yin no zhes gang brtag pa'o/ /de yi longs spyod pa'i zhes pa ni/ de nyid rnam par spyod pa ni gnas pa la spyod pa'o//de ltar spyad nas de khon nyid la 'jug pa la mngon par phyogs pa gang yin pa bde ba'i mtshan nyid can gang yin pa de ni de dang 'dra ba'o/ /de khon nyid la mngon par zhugs pas lus yongs su dag pa la sogs pa'i mtshan nyid can gyi bde ba gang thob de ni bde bas bsdus pa'o//de ltar sbyang ba la sogs pa rab kyi mthar son pa'i phyir/ shes dang shes bya byung zad pa'i/ /zhes pa la/ shes pa ni/ mig la sogs pa drug gi 'jug pa'i rnam par shes pa dang / shes bya ste/ gzugs la sogs pa nas/ chos kyi khams kyi bar du byung ba ni shes bya shes pa las byung ba'o/ /zad pa'o zhes pa ni sems kyis gzung ba dang 'dzin pa stong pa nyid de/ de bas na ye shes mtshan nyid sems rtse gcig pa la ni rang sems rnam par shes par bya gsungs so/ /de lta bu'i sems ni/sangs rgyas kun dngos bzhi pa ni/ /zhes pa la/ snang ba tsam dang / thams cad stong par gcig par mthar thug par 'gyur te/ yan lag gnyis pa'i dbye ba rnam pa lnga'o/ /rdo rje bzlas pa bstan pa'i phyir/ ye shes lnga yi rang bzhin dbugs/ /zhes pa la sogs pa gsungs te/me long lta bu la sogs pa ye shes lnga'i rang gi dbugs te/ de nyid g.yas pa me long la sogs pa yin pas na/ 'byung ba lnga yi ngo bo nyid/ /ces gsungs so/ /gong bu'i gzugs kyis phyung zhes pa ni/ yang de nyid la sogs pa'i bdag nyid can rang rang gi rdo rje'i bu ga las phyung pad+ma'i sna'i rtse mor gong bu'i gzugs kyis te/byang chub sems thig le'i gzugs kyis bsgom par bya'o/ /rin chen kha dog sna lnga pa/ /zhes pa ni/ de nyid gyen du 'gro ba'i dbugs ni kha dog lnga ste/ de bzhin gshegs pa lnga'i bdag nyid can no/ /de nyid kyis rin po che'i srog dang rtsol ba zhes pa ni/rang gi snying ga'i pad+ma las a thung ngu bsams te/ srog ni thig ler gyur par gzhag /ces pa ni/ mi shigs par rtog par bkod pa ste/ yan lag bzhi pa'o/ /rang dbang zhes pa ni rang gi gzugs la sogs pa'o/ /dbang po ni mig la sogs pa'o//de la dbang po gnyis dgag cing nges par de'i rlung thim nas so/ /rin chen dgag ces pa ni/ de'i 'og tu yul dang dbang po'i rten du gyur pa'i rin po che ste/ sems kyi rin po che srog dang rtsol ba dang bcas par bkag cing nub par gyur pa'i gzung ba gang yin pa de ni 'dzin par bshad/de gang yin zhe na/ yang dag pa'i mtha' ste/ de dag ni 'dzin pa zhes bya ba'i yan lag bzhi bstan pa'o/ /sems ni 'gog pa'i rdo rjer 'gyur/ /zhes pa ni/ 'gog pa'i rdo rje ni 'od gsal ba'o/ /der gyur pa ni sems der gyur pa'o/ /mtshan ma nyer 'dzin 'byung bar 'gyur//zhes pa ni mtshan ma rnams ni nyer 'dzin pa ni/ mtshan ma nye bar 'dzin te/ mtshan mar snang ba'o/ /'byung bar 'gyur ba ni skye bar 'gyur ba'o/ /mtshan ma'i khams ni rnam pa lngar/ /byang chub rdo rjes gsungs pa yin/ sa chu la thim par gyur pa las smig rgyu 'dra bar gyur ba ni mtshan ma dang po'o//de bzhin du chu me la thim par gyur pa las du ba lta bu ste gnyis pa'o/ /me rlung la thim par gyur pa las nam mkha' snang bar gyur pa lta bu ste gsum pa'o/ /khams phra ba kun tu snang ba gsum du yod pa las mar me ltar snang ba'i tshogs kyi ngo bo nyid ni bzhi pa'o//rang gzhan kun du snang ba la thim par gyur pa las/ sprin med nam mkha'i rang bzhin rtag tu snang ba 'od gsal tsam du gyur pa ni lnga pa'o/ /mtshan ma lnga po de dag gis ni mya ngan las 'das pa thob par 'gyur ro/ /de skad du las kyi mtha' rnam par 'byed pa las/sa ni dang po chu la thim/ /chu ni me la thim par gyur/ /me ni rlung la thim par gyur/ /rlung yang rnam par shes la 'jug /rnam shes gzung ba de nyid ni/ /'od gsal bar yang 'jug pa yin/ /zhes gsungs so/ /rjes su dran pa bstan pa'i phyir/ brtan par gyur cing rnam par dag par gyur nas so//rdo rje'i lam nas 'das par mi bya ba'i mtshan ma lnga'i rim gyis 'od gsal bar 'jug pas/ nam mkha'i khams su spro bar bya/ /zhes pa ni/ 'jig rten gyi khams su spro bar bya zhing chos kyi sku'i tshul gyis khyab par bya'o/ /rjes su dran gang zhig rnam bsgom pa/ /zhes pa ni/de ltar gsal bar song ba rnam par bsgom zhing mngon du byas nas zhes pa'o/ /de dang 'dra bar spro bar bya/ /zhes pa ni/ gang sngon du rjes su dran pa smig rgyu dang 'dra ba la sogs pa'i rnam pas yang dag pa'i mtha' thob pa de 'dra zhing de nyid kyi rim gyis spro bar bya zhing bskyed par bya ste/bshad ma thag pa de dag ni rjes su dran pa zhes bshad par bya zhing khong du chud par bya'o/ /so sor snang ba de las skye/ /zhes pa de ni/ so sor snang ba ni/ kun rdzob de la rjes su dran pa'i yan lag skye bar 'gyur gyi gzhan du ma yin no/ /ting nge 'dzin bstan pa'i phyir//thabs dang shes rab ces gsungs te/ kun rdzob dang don dam pa'i sbyor bas so/ /dngos po thams cad mdor zhes pa ni rgyu ba dang mi rgyu bas gnas pa'o/ /gong bu'i tshul gyis zhes pa ni/ phyag rgya chen po'i gzugs kyis gcig tu byas nas rgyu ba dang mi rgyu ba de'i dbus su zung du 'jug pa'i bdag nyid can rdo rje 'chang chen po'i gzugs rnam par bsgom par shes par bya'o//rim pa 'di nyid kyis yud tsam zhes pa ni skad cig tsam gyis so/ /ye shes rdzogs byed pa ni ye shes kyi sku rdzogs par byed pa ni ting nge 'dzin te/ yan lag drug pa'o/ / da ni sbyor ba yan lag drug gi yon tan bstan pa'i phyir/ so sor sdud la snyoms zhugs na/ /sngags rnams thams cad byin gyis brlabs/ /zhes pa la sogs pa ste go sla'o/ /de ltar bsnyen pa bstan nas/ da ni nye bar sgrub pa la/ snying po de ni thugs ka ru/ /zhes pa la sogs pas ston te/de la snying bo zhes pa ni/ dkyil 'khor pa'i lha rnams re re'i snying ga'i dbus su chud pa'i thugs kar zla ba dang / gnas pa'i ye shes sems dpa' bsgom par bya'o/ /zla ba rdo rje'i sbyor ba lta/ /zhes pa ni/ ye shes sems dpa' de rnams kyi thugs ka'i zla bar chud par rang rang gi phyag mtshan la brten nas bya'o//sems ni sngags kyi dngos po byas/ /zhes pa ni/ phyag mtshan bum pa la rang gi sems yi ge mchog tu mi 'gyur ba'i tshig bsam mo/ /mtshon cha mchog gis drangs nas su/ /zhes pa ni/ de nas bdag po la sogs pa sems dpa' gsum gyi bdag nyid can gyis dkyil 'khor pa rnams gcig tu gyur pa'i 'od zer gyi tshogs lcags kyu lta bur gyur pas/bsgrub bya'i thugs ka'i sems dpa' gsum du grags pa bskul bar bya'o/ /de ltar rdo rje lcags kyus btab pas sgrub pa po la bkod par bya ba'i skyed pa'i 'og nas gnod mdzes la bka' bsgo ba'i phyir/sngags kyi gzugs kyi tshul gyis su/ /zhes pa ni/ gnod mdzes rgyal po mdun du bkug ste bka' lung nod par bsams la/ byang chub tshigs bcad brjod par bya//zhes pa ni/ gnod mdzes kyis 'di skad du/ de bzhin gshegs pa thams cad kyi sgrub pa po la byang chub kyi dngos grub khyad par myur du stsol zhes bka' bsgo ba'i cho ga zhes pa ni gong gi cho ga'o/ /rang gi dkyil 'khor zhes pa ni/ rang gi lhag pa'i lha'o//sems de ye shes gzugs zhes pa ni/ rdzogs pa'i rim pas rang gi lta bskul ba ston to/ /phung po la sogs pa rnams shes rab kyi pha rol tu phyin pas mi snang bar byas nas/ tha mar kun rdzob dang don dam pa'i bden pas gcig tu byas la zung du 'jug pa bsgom par bya ba ni nye bar sgrub pa ste/le'u bcu pa'i don ston pa yin no// //da ni sgrub pa bstan pa'i phyir/ ji srid mthong ba de srid du/ /zhes pa la sogs pa gsungs te/ bsdus pa'i don ni 'dod pa la longs spyod pa'i ting nge 'dzin dang / spogs pa'i cho ga dang drag shul gyi cho ga'o//de la 'dod pa la longs spyod pa'i ting nge 'dzin mdor bstan pa'i phyir/ ji srid mthong ba zhes pa ni/ dngos grub thun mong dang mchog go/ /zla ba drug ces pa ni/ 'og nas 'byung ba'i ting nge 'dzin gyis zla ba drug tu 'dod pa spyad par bya ste/'jig rten gyi khams mtha' yas shing mu med pa thams cad na/ rab dang 'bring dang tha mas phye ba'i bdud rtsi ji snyed yod par grags pa rnams gzugs rdo rje la sogs par yongs su brtags la/ sngags kyi sku dang ye shes kyi skus spros pa gsum gyis spyod pa bya'o//gal te zla ba drug gis ni/ /zhes pa la/ zla ba drug rig pa'i brtul zhugs chad pas dngos grub ma thob na zhes pa'o/ /spogs pa'i cho ga bstan pa'i phyir/ sdom pa lan gsum brtsam par bya/ /zhes pa ni/ zla ba bco brgyad du spros pa gsum gyi spyod pa spyad par bya'o//des kyang bla na med pa'i byang chub ma grub na/ drag shul gyi cho ga bstan pa'i phyir/ drag shul sbyor ba bsgrub par bya/ /zhes pa ni/ rigs kyi dbye ba'i sbyor ba yis/ /rdo rje phur bu phur bus gdab/ /ces pas bstan pa yin te/ rdo rje dang pad+ma mnyam par sbyar bas phur bus gdab par bya'o//'di skad ston te/ /rnam par snang mdzad kyi sbyor ba dang ldan pas/ sangs rgyas spyan mdun du bzhag la/ lag pa phan tshun 'khyud pa dang dkri ba la sogs pa bya ba ni sku'i cho ga'o/ /snang ba mtha' yas kyi sbyor ba dang ldan pas/gos dkar mo mdun du bzhag la/ snang ba dang / snang ba mched pa dang / snang ba thob pa gsum 'byung ba'i pad+ma lha mo'i b+ha ga la rdo rje rtse lnga pa bsgoms la/ chos 'byung yod pa'i nang du chud par bya'o/ /mi bskyod pa'i sbyor ba dang ldan pas mA mA kI mdun du bzhag la//rang gi rdo rje rtse mo lnga par bsgoms la/ rang gi phyag rgya'i chos 'byung gi nang du chud pa'i me'i dkyil 'khor dang ldan par rang gi rdo rjes gdan brdab cing brdung na 'od gsal thob par 'gyur ro/ /'dod pa longs spyod pa'i ting nge 'dzin bstan pa'i phyir/ 'dod chags chen po'i tshul gyis zhes pa ni/'dod chags kyis 'dod chags spang bar bya ba'i phyir 'dod chags dang bral ba'i sku spangs nas/ rdo rje 'chang chen po'i skur bdag nyid sprul par mdzad pa'o/ /der yang sems can smin cing grol bar mdzad pas yul rnams la chags par mdzad pa ste/ de'i tshul dang ldan pa'i ting nge 'dzin to/ /ye shes 'khor lo can rnams bsdu/ /zhes pa ni/ rang gi sa bon gyi 'od zer gyi lcags kyus rang gi dkyil 'khor pa drangs nas nyid kyi sku las phung po dang khams la sogs pa'i ngo bo nyid kyis zhugs par gyur pa'o zhes pa'o/ / lha mo dgu ni spros nas su/ /zhes pa ni/ bcom ldan 'das mchog tu dga' ba'i sgras tshim par byed pa'i phyir gnas skabs snga ma spangs te/ lha'i bu mo'i lus su mngon par sprul nas bcom ldan 'das kyi sku las byung bar gyur to/ /lha mo dgu ni sa'i khams ni sangs rgyas spyan lta bu dang /chu'i khams ni mA ma kI lta bu dang / me'i khams ni gos dkar mo lta bu dang / rlung gi khams ni sgrol ma lta bu dang / rnam par snang mdzad ni gzugs kyi ngo bo lta bu dang / rin chen 'byung ldan ni sgra'i ngo bo lta bu dang / snang ba mtha' yas ni dri'i ngo bo lta bu dang /don yod grub pa ni ro'i ngo bo lta bu dang / mi bskyod pa ni reg bya'i ngo bo lta bur spros nas zhes bya ste drang ba'i don to/ /'dod chags chen po'i tshul gyis zhes pa ni/ 'dod chags dang / 'dod chags par ma la sogs pa'i rim gyis rnam par dag pa mngon du 'byin pa'i thabs de'i ting nge 'dzin to//ye shes 'khor lo can rnams bsdu/ /zhes pa ni/ phyi rol gyi de bzhin gshegs pa'i 'khor lo de dag du dmigs pa'i mngon par zhen pa spangs nas/ des thams cad la sgrub pa'i sku ni bdag yin no zhes byin gyis brlabs pa dang ldan pa ste/lha mo dgu ni snga ma dang 'dra ste nges pa'i don to/ /de ltar gzugs kyi dkyil 'khor drug sprul pas 'dod pa'i dbang phyug du bstan nas/ da ni rgyud 'di la sems gtso bo yin pas mi bskyod pas bsdus pa'i dkyil 'khor gyi bya ba bstan pa'i phyir/ yongs su gyur las phyag rgya bzhi//zhes pas ston te/ lha mo rnams lus la bkod nas/ yongs su gyur pa las/ shes rab kyi gnas der phyag rgya bzhi'i dkyil 'khor gru bzhi pa rdul med pa dam tshig chen po'i dkyil 'khor byin gyis brlabs te/ sprul par mdzad pa'o/ /bdag nyid dbus su gnas byas la//zhes pa ni/ rdo rje 'chang chen po de bshad ma thag pa'i dam tshig chen po'i dkyil 'khor gyi dbus su bdag nyid bzhag par gyur to/ /'khor lo can kun bsdu bar bya/ /zhes pa ni/ rig sngags bsdus pa'i 'khor lo slar yang byang chub kyi sems rdo rje'i sku la zhugs par gyur to zhes bya'o//thams cad rdo rje'i dngos byas la/ /thams cad byang chub bsgom par bya/ /zhes pa ni/ byang chub kyi sems rdo rje ste drang ba'i don to/ /phyag rgya bzhi'i dkyil 'khor zhes pa ni/ gzugs kyi phung po yin la/ de rnams kyis gang bstan cing bzhugs pa'i gnas su mdzad pa'i btsun mo shes rab kyi pha rol tu phyin pa'o//de nyid ni dkyil 'khor te/ sangs rgyas bskyed pa'i rgyur gyur pas na skye gnas yin te/ dgongs pa lung bstan pa'i rgyud las kyang / sangs rgyas kun gyis gang bstan pa'i/ / sa gyur de ni bcu gsum pa/ /de ni btsun mor yang dag bshad/ /dam chos b+ha ga zhes brjod do/ /zhes pa nges pa'i don to/ /bdag nyid dbus su gnas byas la/ /zhes pa ni/ dam tshig chen po 'di la dri ma med pa der bdag nyid gnas par gyur pa ni 'jog par mdzad pa'o//'khor lo can kun bsdu bar bya/ /zhes pa ni/ dam tshig chen po'i dkyil 'khor 'od gsal bar rab tu gyur pa'o/ /thams cad rdo rje dngos byas la/ /de'i tshe byang chub bsgom par bya/ /zhes pa ni/ de nas 'od gsal ba la zhugs pa'i 'og tu bcom ldan 'das rdo rje 'chang chen po rigs thams cad kyi bdag nyid can/bdag nyid don dam pa'i bden pa las bzhengs nas srid pa dang mya ngan las 'das pa ro gcig pa'i ngo bo nyid kyis/ dam tshig chen po'i dkyil 'khor gyi dbus su 'jig rten gsum bdag nyid du bzhag par gyur to zhes bya ba'i don to//de yang / nam mkha' kun gyi skabs na dpal/ /rdo rje sems dpa' rab tu bzhugs/ /zhes bde ba mchog gis bshad do/ /de ltar de bzhin gshegs pa lnga po drug pa'i bdag nyid du gyur pa bstan nas/ de ni rdo rje 'chang chen po la btsun mo bzhi de la dad cing 'dun pa'i yid kyis lta bar 'dod pa'i phyir snying rje dang bcas pas smra ba bstan pa'i phyir/bskul ba'i glu dbyangs bzhi yis ni/ /zhes pa drug ldan la sogs pa'i sgeg cing snyan pa'i glu dbyangs kyis spyan la sogs pa bzhis bstod pa sngon du 'gro bas skul bar byed do//de yang / sems can khams na gnas kyi dbang phyug khyod ni rdo rje'i thugs/ /zhes pa la sogs pa'o/ /lha mos snying po bskul ba yis/ /zhes pa ni/ de ltar tshangs pa'i gnas pa bzhi'i rang bzhin dang lha mo rnams kyis yang dag par bskul bar gyur pa'o//dus gsum rdo rje'i rang bzhin sems/ /zhes pa ni/ bskul bar gyur pa'o/ /sngon gyi smon lam gyi shugs kyis stong pa nyid kyi rnal 'byor bzhengs nas/ dpal shin tu dga' ba'i bde bas 'dod chags la spyod pa bstan pa yin te/ de yang gzugs la sogs pa'i yul rnams kyi ngo bo nyid yongs su shes pas mig la sogs pa gcig tu byas te/kun du dga' ba'i bde ba'i gnas skabs kyi spyan la sogs pa la rol pa mdzad nas cang mi gsung bar gyur pa'o/ /ye shes lta bur lus bsgom mo/ /zhes pa ni/ nyon mongs pa la sogs pa'i bya ba dang bral zhing /ye shes phyag rgya dang lhan cig snyoms par 'jug nas bzhugs so zhes bya ba'i bar du'o/ /de nas rdzogs rim gyi sgo nas ye shes kyi phyag rgya la snyoms par zhugs pa'i 'og tu/ nam mkha'i gtos 'di rdo rje 'chang ba'i ngo bo nyid rdo rje gsum dang yang dag par ldan pa rnam par snang mdzad la sogs pa/de bzhin gshegs pa'i tshogs kyis gang zhing til gyi gang bu bzhin du bar mtshams med par gyur la/ mchog tu dga' ba'i bum pa bzhin du gnas shing mi g.yo bar gyur to/ /de ltar bcom ldan 'das kyis snyoms par zhugs pa bstan nas/de ni des 'gro ba'i don mdzad pa bstan pa'i phyir/ bzhi yis kha dog rnam par dbye/ /zhes pa ni/ khams gsum na gnas pa'i sems can rnams rdo rje 'chang chen po'i dpal gyis reg ste rdo rje'i 'od zer gyis dbang bskur nas/ des reg cing yul du byas pa thams cad kyis de bzhin gshegs pa nyid thob po//de bzhin ro yi snying po ste/ /zhes pa ni/ rdo rje'i 'od zer gyis dbang bskur/ rdo rje ye shes kyi spyod pa ste/ rang gis snyoms par zhugs pa'i bde ba nyams su myong ba'i sems can thams cad kyi snyoms par zhugs pa'i bde ba bdag gir mdzad pa'o//dbang bskur pa ni rang gi rgyud/ /ces pa ni/ rdo rje 'od zer gyis dbang bskur ba nas brtsams te/ de bzhin gshegs pa thams cad kyi sku dang gsung dang thugs kyis dbang bskur bar gyur nas/ kun du bzang po kun du bzang //zhes sngon ma byung ba'i don gyis ming can du gyur to/ /rang gi rgyud ces pa ni/ bzhi yin te rdo rje'i 'od kyis dbang bskur bas 'bras bu kun du bzang por gyur pa'o/ /sngags kyi chos ni dbye bar 'gyur/ /zhes pa ni/ 'dod chags kyis spyod pa'i yi ge'i tshogs las rdo rje 'chang chen po nyid rjes su chud cing 'thob pa ste/'dod chags la sogs pa dag par byed cing som nyi med par ston pa'o/ /rig pa'ang chos kyi phyag rgyas so/ /zhes pa ni/ ye shes kyi phyag rgya yang ming gzhan/ chos kyi phyag rgya zhes bya bas bstan to zhes bya ba'am/yang na ye shes kyi phyag rgya de nyid rnam par dag pa thams cad stong par chud pas thabs mang zhes bya'o/ /khams gsum gyi sems can dbang bskur bas kun du bzang por gyur pa'i 'bras bu de rnam par phye ba bstan pa'i phyir/ 'khor los sgyur ba'i rgyal po drug / ces pa ni/ rigs lnga dang rdo rje 'chang chen po'o/ /gtsug tor ni rigs kyi bdag pos rgyas gdab pa'i phyir/ bdud rtsi brtan pa'i bde ba mi 'gyur bar gnas pa'o/ /longs spyod bzhi zhes pa ni spyan la sogs pa'o/ /rdo rje bdag po zhes pa ni 'dod pa lnga'i lha mo'o/ / bsam gtan rdo rje zhes pa ni/ lha de rnams kyi ngo bo nyid kyi 'od zer gyis sems can rnams la dbang bskur ba'i cho ga des nye bar bsgrub pa'o/ /ye shes lus dang lhan cig ces pa ni ye shes kyi phyag rgya'o/ /sku gsung thugs kyi rdo rje ni/ /zhes pa ni/ 'dod chags kyi spyod pas thams cad stong pa dang gnyis su med pa zung 'jug bsgrub pa ni/sgrub pa zhes bya ba'i don to/ /da ni sgrub pa chen po bstan pa'i phyir/ sngar bshad pa'i rim gyis ni zhes pa rtsa ba'i rgyud kyi le'u dang por bstan pa'i rim gyis/ rig pa'i skyes bu rdo rje can/ /zhes pa ni/rdo rje 'chang gong du bskyed pa nas/ rig pa'i skyes bu bdag dang 'dra bar dkyil 'khor bskyed ces pa ni/ rang bzhin gyis 'od gsal ba'i ting nge 'dzin las bzhengs nas/ nyon mongs pa lngas khyab pa'i sems can gyi khams la gzigs nas/ nyon mongs pa'i rang bzhin yongs su shes pa nyid ni byang chub yin la/de'i ngo bo nyid ni bdag yin no zhes/ mkhyen nas gdul bya rnams kyis nyon mongs pa zhe sdang la sogs pa sbyang ba'i phyir rigs lnga dbyung ba'i phyir/ yang rnam par snang mdzad la sogs pa longs spyod kyi phyir lha mo bzhi phyung ba dang / de bzhin du lha mo lnga dang / byang chub sems dpa' brgyad dang / khro bo bcu phyung ba'i dkyil 'khor du bskyed pa ni sgrub pa chen po zhes bya'o/ /de ltar rdzogs pa'i rim pa bsnyen sgrub bzhi bstan nas/ da ni bskyed pa'i rim pa bsnyen sgrub bstan pa'i phyir/ bsnyen pa'i dus su gtsug tor che//zhes pa la sogs pa gsungs te/ bsnyen pa zhes pa ni/ byang chub sems la dmigs pa rtse gcig tu 'jog pa ste de bzhin de nyid yin la/ de la bsnyen cing dmigs par bya ba yin pas na bsnyen pa'o/ /gtsug tor che ba'i sbyor ba nyid/ /ces pa ni yang dag par sbyor ba'o//de gang zhe na/ sa'i cha la sogs pa nas gtsug tor gyi yi ge b+h+ru'uM las gzhal yas khang bskyed pa'o/ /gzugs su dmigs zhes pa ni/ dkyil 'khor 'khor lo lhag par mos pa bskyed pa'o/ /de byas la/ oM shU n+ya tA dz+nyA na badzra swa b+hA ba At+ma kou0f85haM zhes bya ba'i s ngags kyi don rnam par dpyad nas/don dam pa'i byang chub kyi sems kyis mtshan can bsgom mo/ /nye bar sgrub pa'i dus su ni/ /zhes pa ni stong pa nyid la dmigs nas/ nyi ma dang zla ba dang pad+ma la sogs pa rim gyis gong nas gang du bzhag la/ de'i steng du yi ge rnam par dgod de/thams cad bsdus pa la zla ba'i dkyil 'khor bsam zhing / de'i steng du yang yi ge gsum bkod la/ de yongs su gyur pa las phyag mtshan/ phyag mtshan yongs su gyur pa las phyag rgya chen po'i gzugs bskyed pa ni/ nye bar gtad de gnad du bsgrub cing bskyed pa ni nye bar sgrub pa'o//bdud rtsi 'khyil pa'i gzugs kyi bar/ /zhes pa ni/ phyag rgya chen po'i gzugs de la/ rnam par snang mdzad la sogs pa nas byang gi sgo'i bdud rtsi 'khyil pa'i bar du lha rnams kyi sngags kyi yi ge ma lus par bkod la/ gzugs kyi phung po la sogs pa'i rgyu 'bras yongs su shes pas bsgom par bya'o//sngags pa mchog shes pa ni/ mgo bo dang mgrin pa dang snying gar zla ba dang nyi ma dang nyi ma la oM AHhUM gsum de las byung ba'i spyan dang gos dkar mo dang / mA ma kI phyung la/ sku rdo rje dang / gsung rdo rje dang / thugs rdo rje spro ba dang / bsdu ba dang bskul ba dang / smon lam dang sngags brjod pa ni sku dang gsung dang thugs byin gyis brlab pa'i cho ga'o/ /sgrub pa zhes pa ni/ sgrub pa nye bar bzhag pa'i don du gsol ba 'debs pa'o/ /rang lha'i sbyor bas zhes pa ni/ dam tshig sems dpa' dang ye shes sems dpa' dang ting nge 'dzin sems dpa' sgrub pa'o//sgrub pa chen po zhes pa ni/ dkyil 'khor rgyal po mchog dang las rgyal bo mchog gi mthar thug pa ni/ gzhan gyi don chen po sgrub pas na sgrub pa chen po'o/ /gtso bo sangs rgyas bdag po'i sku/ /zhes pa ni sgrub pa chen po de skyed par byed pa'i tshe na/rdo rje can kun zhes pa ni/ rdo rje can gyis te rang gi lhag pa'i lha'i sbyor ba dang ldan pa'i sngags pas/ rdo rje pad+ma mngon par 'jug pa byas la/ badzra d+h+r-i ka ces ba la sogs pas de las byung ba'i rdo rje can de/ de bzhin gshegs pa rnams ni rnal 'byor mchog gi gsang sngags chen po'o/ /de ltar rnam phye shes byas nas//zhes pa ni/ de rnams kyi phyag rgya chen po'i gzugs rnam par phye ste so sor bsgoms nas/ dbu rgyan gyi rigs rnam par phye bar bya'o/ /de yang de bzhin gshegs pa lnga'i phyag rgya chen po'i gzugs kyi ral pa dang dbu rgyan la bdag po rdo rje 'chang chen po bsams la/ de'i rigs/ lhag ma rnams kyis dbu brgyan pa ni rnam par snang mdzad la sogs pas rnam par phye bar shes par byas nas dngos grub 'grub par 'gyur gyi/ cho ga nyams pas ni bskal pa bye ba snyed du sangs rgyas kyis kyang mi 'grub na gzhan lta ci smos zhes pa'i don to/ /da ni 'dod chags kyi chos kyis mngon par byang chub pa'i thabs bstan pa'i phyir/bsgrub bya sgrub pa yang dag sbyor/ /zhes pa la sogs pa gsungs te/ bsgrub bya zhes pa ni gnyis su med pa'i ye shes so/ /sgrub pa zhes pa ni 'od gsal ba'o/ /yang dag par sbyor ba ni kun rdzob kyi bden pa ste/ gsum mi dmigs pa ni bsgom pa'i rnam par dag pa ste bsnyen pa'o//rdo rje zhes pa ni thabs kyi ye shes snyoms par 'jug pa'i mtshan nyid byung bar gyur nas/ pad+ma zhes pa ni/ shes rab kyi ngo bo nyid du gyur pas nges par 'gags pas zhes pa'o/ /de ni nye bar sgrub pa'o/ /yi ge hUM dang phaT ldan pa'i/ /zhes pa ni/sngon du 'gro bas 'od gsal sgrub cing kun tu snang ba nye bar thob pas 'byung bar 'gyur ro/ /sgrub pas bsgrub pa zhes pa ni/ ma rig pa'i skad cig ma des 'das shing spong bar gyur pa'i dus su 'grub ste/ stong pa nyid dang / shin tu stong pa nyid dang / chen po stong pa nyid kyi rgyu rkyen gyis 'grub par 'gyur ro//de gang zhe na/ ngo bo nyid ni zhi bde ba/ /sgrub pa chen po zhes pa ni 'od gsal ba mngon du byed pas phyag rgya chen po 'grub par 'gyur ba ni/ /sgrub pa chen por bshad de/ thabs las byung ba bstan pa'i phyir/ dpal ldan sangs rgyas kun gyi bdag/ ces pa la/ sangs rgyas kun gyi bdag ces pa ni sku'i dbang phyug go/ /rdo rje 'chang chen po ni thugs kyi dbang phyug go/ /de nyid chos rnams chos nyid do/ /zhes pa ni gsung gi dbang phyug go/ /sangs rgyas kun gyi thabs las phyung / /zhes pa ni/ dbang phyug brgyad 'thob par 'gyur ba ni/thabs de'i 'bras bu thabs las byung ba ste/ rtsa ba'i rgyud kyi le'u bcu gsum pa las gsungs pa/ ston pa phyag na rdo rjes de bzhin gshegs pa thams cad la 'di skad ces gsungs so/ /bcom ldan 'das de bzhin gshegs pa thams cad yi ge gsum dang ldan na/byang chub sems dpa' de dag thams cad gang 'di de bzhin gshegs pa thams cad kyi spyod pa'i rdo rje 'di la dad cing bsgom par 'gyur ro/ /de bzhin gshegs pa thams cad kyis gsol pa/ gsum po gang zhig lags/ rdo rje 'dzin pas bka' stsal ba/ de bzhin gshegs pa thams cad kyi sku rdo rje dang /de bzhin gshegs pa thams cad kyi gsung rdo rje dang / de bzhin gshegs pa thams cad kyi thugs rdo rje ste/ 'di gsum mo zhes gsungs so/ /slob dpon zla ba grags pas kyang / ji srid ya ral ha'i bar/ /ka kha g+ha mtha' med dza'i mtha'//da d+ha'i mtha' dang ma mthar bcas/ /de de'i rtsa ba yi ge gsum/ /zhes mtha' can gyi rgyud thams cad kyi thabs las byung ba sku gsung thugs rdo rje dbang phyug thob pa la bshad do/ /sku gsung thugs ni mtshon pa tsam ste/ ji srid rdo rje dpal mchog chen po las//sku yi dbang phyug gsung gi dbang phyug dang / de bzhin du ni thugs kyi dbang phyug dang / /rdzu 'phrul kun du 'gro ba'i dbang phyug dang / /ci 'dod skyed dang dbang phyug don brgyad da/ /zhes pa ni/ rdzu 'phrul gyi dbang phyug dang / thams cad du son pa'i dbang phyug dang /'dod ba'i dbang phyug dang / gnas kyi dbang phyug dang / 'khor gyi dbang phyug ste de 'thob par 'gyur ro zhes pa'i don to/ /dkyil 'khor so so'i rnal 'byor pas las kyi tshogs byed pa'i dus su dka' ba bstan pa'i phyir/ las dang rjes mthun gang gang gis//zhes pa la sogs pa gsungs te/ las dang rjes mthun zhes pa ni/ /zhi ba la sogs pa'i sgrub par nus pa'i lha tha dad pa'o/ /rnal 'byor zhes pa ni zhi ba la rnam par snang mdzad kyi sbyor ba dmigs pa la sogs pa'i dkyil 'khor dang bcas pa zhes pa ni/ zhi ba la rnam par snang mdzad bskyed nas/des bskyed ces pa ni/ spyan ma mdun du bskyed la/ dam tshig mi bzad ces pa ni/ oM ru ru s+phu ru zhes pa la sogs pa'i gsang sngags kyis bka' bgo ste las so sor bsgrub par bya'o/ /sku gsung thugs rdo rje zhes pa ni/ rigs gsum gyi sangs rgyas so//gtsug tor dam tshig ces pa ni rdo rje 'chang chen po'o/ /de yang las zhi ba la sogs pa bsgrub pa'i dus su bka' bsgo ba dang / bka'i 'khor los bgegs bskrad pa'i tshe bka' bsgo ba gnyis su rig par bya'o/ /da ni las kyi sna tshogs pa ji ltar bya ba bstan pa'i phyir/bsgrub bya'i lus gang yin pa la/ /zhes pa ni/ dgra bo de sta re dang tho ba lag tu bzung ste/ sems khros par gyur pas/ nam mkha'i gtos 'di/ nyan thos dang rang sangs rgyas dang / yang dag par rdzogs pa'i sangs rgyas dang / de bzhin du sangs rgyas kyi bstan pa la gnas shing tshul khrims la sogs pa'i yon tan dang ldan pa'i dge slong dang /bslab pa lnga dang ldan pa'i dge bsnyen rnams dang / khams gsum gyi sems can thams cad kyis gang bar bsams pa de rnams/ dgra bos de rnams tho bas brdungs shing sta res bcad par bsams te gsod par bsgoms la/yang dgra bo'i lus la gsang ba 'dus pa'i dkyil 'khor rnam par bsgoms nas/ dgra bo de'i lus la gnas pa'i dkyil 'khor pa rnams la de'i nyes pa bsgrag par bya'o/ /de nas de rnams de bcom nas/ /zhes pa ni/ dgra bo'i lus kyi lha rnams khros te/ dgra bo bcom zhing bsad nas phyung bar 'gyur ro//dngos po kun gyis zhes pa ni/ rang gi lha la dgra bo'i lha drangs te/ rang gi 'khor lo la dgra bo lha rnams gzhug par bya'o/ /ji skad gsungs pa'i rdzas rnams kyis/ /zhes pa ni/ le'u bco lnga pa dang bcu bzhi pa las so/ /khro bas khyab ces pa ni//rang khro bor bsgom pa'o/ /de nas bka' mnos khro bo zhes pa ni/ le'u bco lnga pa dang / bcu gsum pa las bstan pa bzhin du/ rang gi 'khor khro bo dang / srin po dang / bya dang ce spyang dang / sbrul la sogs pa rbad cing / de rnams kyis bkug la gzugs la dbab par bya'o/ /spyi bo mgrin pa snying ga ru//zhes pa ni/ le'u bcu gsum pa dang / bcu bzhi pa las gsungs pa bzhin du phur bu'i cho ga'o/ /yams dang nye bar 'tshe ba zhes pa/ le'u bcu gsum pa las 'byung ba bzhin du/ hUM las rdo rje rtse lnga pa'i phur bus gdab par ba'o/ /de rnams sbyor ba thams cad ces pa ni/'khrul 'khor dang / sngags kyi bzlas brjod dang sbyar ba'o/ /bsam gtan la sogs pa dang / sbyin sreg dang / mtshan ma mnan pa la sogs pa'i las kyi tshogs can zhes pa'i don to/ /las so so'i gsungs pa ni/ zhi la zhi ba'i sems kyis kyang / /zhes pa la sogs pa ste go sla'o/ / da ni the tshom chod pa'i sgo nas bstod pa bstan pa'i phyir/ de nas bcom ldan 'das zhes pa la sogs pa gsungs te/ rdo rje 'chang chen po 'od gsal la zhugs pa la bstod pa'i rgyal pos bstod do/ /sangs rgyas thams cad gsod pa zhes pa ni/ 'das ma thag tu drag po'i las gsungs pa'i the tshom zhus pa'o//de'i lan gsungs pa/ de nas de bzhin gshegs pa thams cad ces pa la sogs pa ste/ slob dpon byang chub rdo rje can/ /zhes pa ni/ don dam pa'i byang chub rtogs pa'o/ /dngos rnams thams cad sgyu ma bzhin/ /zhes pa ni/ zung 'jug gi sku bsgoms pas sgyu ma dang 'dra ba'o//de bas na sdig pas ngan song du mi 'gro la/ bsod nams kyis mtho ris su mi 'gro ste/ 'bras bu byang chub yin zhes gsungs so/ /byang chub rdo rje zhes pa ni thams cad stong pa'o/ /ye shes kyis ni rgyas btab ces pa ni/ bden pa gnyis dbyer med par bsgom pa'o/ /sgrub pa chen po'i mthar thug par byas nas/las rnams brtsam par bya zhes pa ni/ bskyed pa'i rim pa la gnas pas phra mo la sems brtan bar gyur te/ bzlas brjod kyi cho gas grangs tshang bar gyur pas sngags la mchog tu gzhol ba'i las rnams brtsam par bya'o/ /rdzogs pa'i rim pa la gnas pas spros pa gsum gyi spyod pas sems brtan nas/rdo rje bzlas pa la mngon du gyur pas nang la mchog tu gzhol ba'i las rnams brtsam par bya'o zhes ston to/ /de'i don la byang chub sems dpa' rnams legs so zhes gsol to/ /de nas byang chub sems dpa' zhes pa la sogs pa'o/ / de bzhin gshegs pa rnams gsang ba 'dus pa'i dbang bskur ba thob cing / zung du 'jug pa la gnas pa ci la yang 'jigs pa med par bstan pa ni/ de nas de bzhin gshegs pa de dag ces pa la sogs pa gsungs pa'o/ /da ni bstod pa gsum pa rgyud gsang ba 'dus pa'i don thams cad bsdus pa'i sgo nas bstod pa gsungs pa bstan pa'i phyir/de nas byang chub sems dpa' chen po zhes pa la sogs pa gsungs te/ dang po sangs rgyas dkon mchog gsang ba 'dus pa'i lha sum cu rtsa gnyis kyi sgo nas bstod pa ni/ dus gsum rdo rje'i thugs yin zhes pa ni/ rdo rje 'chang chen po ste/de nyid srid pa 'khor ba dang / thar ba mya ngan las 'das pa gnyis ga zhi zhing / sgrib pa thams cad spangs te/ nam mkha'i 'od gsal rtogs nas sangs rgyas te/ rnam par snang mdzad la sogs pas zung 'jug gi sku dbang phyug brgyad dang ldan pa'i byang chub kyi sems rig pa'i skyes bu rdo rje 'chang yin zhes pa de la phyag 'tshal ba'o//gzugs dang tshor ba zhes pa ni rigs lnga'o/ /rnam par shes pa drug ni/ khro bo 'dod pa'i rgyal po la sogs pa'o/ /skye mched ni lha mo lnga'o/ /chos kyi skye mched ni kun du bzang po'o/ /dbang po drug ni sa'i snying po la sogs pa drug go//sa la sogs pa ni yum bzhi'o/ /nam mkha' rdo rje ni 'jam dpal lo/ /khro bo sgo srung ba bzhi bstan pa'i phyir/ gti mug ste zhes pa la sogs pa'o/ /'dod pa'i rgyal po la sogs pa'i khro bo drug bstan pa'i phyir/ spro dang dga' dang rnam pa zhes ba la sogs pa'o//de ltar dkyil 'khor pa'i lha'i sgo nas bstod nas/ da ni chos dkon mchog gsang ba 'dus pa'i rgyud kyi sgo nas bstod pa gsungs pa/ gang zhig thog med dngos rnam dag /ces pa la sogs pa ston te/ bum pa'i dbang dang / gsang ba'i dbang dang / brtul zhugs dang ste/shes rab ye shes dbang / spro dang bral zhes pas/ dbang bzhi pa rnams la phyag 'tshal zhes pa'o/ /gang zhig dngos grub mchog gi thabs ni 'di bsgom zhing / /zhes pa ni/ rim pa gnyis kyi bsnyen sgrub yan lag bzhi rnams la phyag 'tshal ba'o/ /mi snang la sogs zhes pa ni/thun mong gi dngos grub rdo rje mchog bzhi'i sgo nas bsgrub pa dang / phyag rgya chen po'i dngos grub ma nor bar rtogs pa'i thabs dang thabs las byung ba de la phyag 'tshal lo zhes pa'o/ /da ni dge 'dun dkon mchog rnal 'byor pa gsang pa 'dus pa la 'jug pa rnams kyang 'bras bu rdo rje 'chang chen po 'dra bar bstan pa'i phyir/gang zhig rab gsang 'dus pa'i rgyud ni nyan pa dang / /zhes pa la sogs pa'i rgyud gsungs te/ rgyud khyad par du gyur pa'i dkyil 'khor nyan pa dang / bsams pa las yon tan yod par bstan pa ni/ bsgom pa la gnas pa rnams kyi yon tan bstan pa'i phyir/gang zhig gsang ba spyod pa yis/ /zhes pa ni/ bsgom pa'i yon tan dang por las kyi tshogs 'khrul 'khor nus bar ston pa'o/ /ci'i phyir zhe na/ de yang dang por sgrub sla bas so/ /bsgom ba ni goms nas sgrub pa po de nyid/ rdo rje 'chang chen po dang mtshungs par yon tan yod par bstan pa'i phyir/gang zhig gtso bo sgrub pa po/ /mtho ris zhes pa la sogs pa gsungs te/ da ni bstod pa de'i phan yon bstan pa'i phyir/ bstod pa'i tshig ni zhi ba 'dis/ /zhes pa la sogs pa'o/ /de ltar bstod pa byas pas rgyud rdzogs par gyur pa la de bzhin gshegs pa rnams rjes su yi rang bar bstod pa'i phyir/byang chub sems dpa' grags chen zhes pa la sogs pa'o/ /rgyud kyi rgyal po dpal gsang ba 'dus pa rdzogs par phye ba'i phyir/ 'dus pa gsang ba las byung ba/ /zhes pa la sogs pa'o/ /phyir rgyud bshad pa rdzogs nas kyang /rtsa ba'i rgyud rdzogs pa bzhin du sku gsung thugs mnyam pa nyid la zhugs pa bstan pa'i phyir/ de bzhin gshegs pa de dag thams cad ces pa la sogs pa gsungs so/ /gsang ba thams cad ston pa rdo rje ye shes byin gyis brlab pa zhes bya ba'i le'u bco brgyad pa rdzogs so zhes bya ba la/gsang ba thams cad ni rtsa ba'i rgyud kyi don gsang ba rnams 'dir ston pas de skad ces bya'o/ /rdo rje ni thams cad stong pa'o/ /ye shes ni gnyis su med pa'i ye shes te/ rdo rje 'chang chen pos brgyud pa 'di byin gyis brlabs pa yin no zhes bya ba'i don to//le'u ni gong dang 'dra bar nyon mongs pa'i 'tshe ba zlog par byed pa'o/ /bco brgyad pa zhes pa ni/ le'u dang por rim pa gnyis kyi gzhi ston pa dang / le'u bcu drug pa las bsnyen sgrub bzhi'i don ston pa dang / bco brgyad pa de thams cad kyis gsang ba'i man ngag ston pa 'di rdzogs so zhes bya'o// //dpal ldan 'dus pa yongs gsal pa'i/ /phyi ma'i rgyud kyi don gsal 'di/ /sgron ma gsal ba'i rjes 'brangs nas/ /klu sgrub man ngag bshad pa 'di/ /gsang ba thams cad pa yi 'grel/ /gsang ba'i sgron ma zhes bya ba//slob dpon klu sgrub 'phags pa'i lha/ /klu yi byang chub shAkya'i bshes/ /zla ba grags pa la sogs pa'i/ /man ngag rim pa la brten nas/ /bdag gis bris pa'i dge ba yis/ /'gro kun byang chub thob par shog /dpal gsang ba 'dus pa'i rgyud phyir ma gsang ba thams cad ston pa zhes bya ba'i rgya cher 'grel pa gsang ba'i sgron ma zhes bya ba/snyan grags bzang po'i zhal snga nas mdzad pa rdzogs so// //paN+Di ta smr-i ti dz+nyA na kI rtis rang 'gyur byas pa'o// //