CLOSE WINDOW

D1784a
བོད་ཡིག

@##/ /rgya gar skad du/ aSh+Ta da sha pa Ta la bi sta ra byA khyA/ bod skad du/ le'u bco brgyad pa'i rgya cher 'grel pa/ dpal rdo rje sems dpa' la phyag 'tshal lo/ /de ltar le'u bcu bdun gyis de kho na la sogs pa'i rgyun gyi mtshan nyid ni rtsa ba'i rgyud bstan to / /de nas de'i rnam par dbye ba'i bdag nyid rgyud phyi mar gyur pa/de nas byams pa la sogs pa zhes bya ba nas brtsams te/ le'u bco brgyad pa de bzhin gshegs pa thams cad kyi sku gsung thugs kyi gsang ba bshad par bya ba'i phyir/ e ma ho zhes bya ba la sogs pa sngon du 'gro bas yang dang yang du zhes bya ba'i bar gyi gzhung gis byang chub sems dpa' rnams kyis gsol ba btab pa bstan to//gsang ba zhes bgyi ji ltar lags/ /zhes bya ba nas brtsams te/ las kyi mchog gi tshogs rnams ni/ /sna tshogs ji ltar byed par 'gyur/ /zhes bya ba'i bar gyi gzhung gis dri ba ste/ mdor bstan pa'i tshig bdun cu rtsa gnyis bstan to/ /de nas zhes bya ba nas brtsams te/ gsungs so zhes bya ba'i bar gyi gzhung gis de bzhin gshegs pa rnams kyis byang chub sems dpa' rnams la rim pa ji lta ba bzhin du dri ba la lan gdab pa rtsom pa bstan to/ /sku gsung thugs ni rnam pa gsum//zhes bya ba la sogs pa la dris pa'i lan bstan to/ /tshogs pa 'dus pa zhes bya ba la sogs pas 'dus pa'i dri ba'i lan bstan to/ /lnga pa dang ni dgu pa dang / /zhes bya ba la sogs pa tshigs su bcad pa bzhi pos 'brel pa'i lan bstan to/ /thams cad ces bya ba la sogs pa'i tshigs su bcad pas dgongs pa bstan cing de bzhin gshegs pa thams cad kyi phrin las dri ba'i lan bstan to//bskyed pa'i tshigs su bcad pas dgos pa nyid bstan cing slob dpon gyi phun sum tshogs pa'i lan bstan to/ /dkyil 'khor dang ni brtul zhugs zhes bya ba la sogs pas slob ma'i las kyi dri ba bstan to//thams cad ces bya ba la sogs pas dgos pa'i dri ba'i lan bstan to/ /bstan pa zhes bya ba la sogs pas bstan pa dri ba'i lan bstan to/ /thabs dang shes rab ces bya ba la sogs pas rnal 'byor dri ba'i lan bstan to//rgyud ni rgyun zhes bya ba la sogs pas rgyud pa'i lan bstan to/ /gzhi dang rang bzhin zhes bya ba la sogs pas rgyud kyi don bsdus pa'i dri ba'i lan bstan to/ /rgyud ces bya ba la sogs pa'i tshigs su bcad pas de kho na nyid dang / gsang ba dang sbas pa dang dam pa zhes bya ba ste/ dri ba bzhi po'i lan bstan to//thog mtha' med pa zhes bya ba la sogs pas byang chub sems kyi dri ba'i lan bstan to/ /sku dang zhes bya ba la sogs pas rig pa'i skyes bu'i dri ba'i lan bstan to/ /lnga 'joms pa dang lnga rig pa zhes bya ba la sogs pa nas bshad do zhes bya ba'i bar gyis badzra d+h+r-ika ces bya ba la sogs pa dri ba bcu gsum gyi lan bstan to//nyon mongs pa zhes bya ba la sogs pas ji ltar las 'dri ba'i lan bstan to/ /thams cad ces bya ba la sogs pas rig pa'i rgyal po dri ba'i lan bstan to/ /gzung ba zhes bya ba la sogs pa tshigs su bcad pas sems 'byung ba dri ba'i lan bstan to//Tak+ki zhes bya ba la sogs pas khro bo'i dri ba'i lan bstan to/ /dam tshig ces bya ba la sogs pas 'byung ba dang 'byung ba las gyur pa'i dri ba'i lan bstan to/ /rig pa zhes bya ba la sogs pa yang rig pa'i rgyal mo dri ba'i lan bstan to/ /gzugs zhes bya ba la sogs pas rdo rje bdag po dri ba'i lan bstan to//yul dang dbang po zhes bya ba la sogs pa tshigs su bcad pa gnyis kyis sngags kyi spyod pa dri ba'i lan bstan to/ /rang rang zhes bya ba la sogs pa'i tshigs su bcad pa bzhi pos bzlas pa'i dri ba'i lan bstan to/ / ji ltar zhes bya ba la sogs pa'i tshigs su bcad pa bzhi pos phyag rgya dri ba'i lan bstan to/ /bzhi zhes bya ba la sogs pas chos 'byung bsgom pa'i dri ba'i lan bstan to/ /gzugs zhes bya ba la sogs pa tshigs su bcad pa gnyis kyis sdom pa dri ba'i lan bstan to/ /rnam pa dang bcas pa zhes bya ba nas brtsams te/bud med ces bya ba'i gzhung gis zhe sdang la sogs pa'i sems can gyi don dri ba'i lan bstan to/ /dkyil 'khor zhes bya ba la sogs pas dkyil 'khor dri ba'i lan bstan to/ /lcags kyu zhes bya ba la sogs pas bsdus pa'i dkyil 'khor la sogs pa la phyag rgya dgod pa'i dri ba'i lan bstan to//me tog ces bya ba la sogs pas me tog dri ba'i lan bstan to/ /mchod rten zhes bya ba la sogs pas mchod rten dri ba'i lan bstan to/ /ye shes zhes bya ba la sogs pas ye shes kyi dkyil 'khor dri ba'i lan bstan to/ /sa bon zhes bya ba la sogs pas tshig dri ba'i lan bstan to//bskul ba zhes bya ba la sogs pas bskul ba'i tshig dri ba'i lan bstan to/ /btang ba zhes bya ba la sogs pas btang ba'i dri ba'i lan bstan to/ /kun spyan 'dren zhes bya ba la sogs pas 'bod pas dri ba'i lan bstan to/ /rdo rje zhes bya ba la sogs pas 'ching ba dri ba'i lan bstan to//sku zhes bya ba la sogs pa'i tshigs su bcad pas dbang bskur ba la sogs pa'i don du bri ba'i dkyil 'khor gyi cho ga dri ba'i lan bstan to/ /dbang bskur ba zhes bya ba la sogs pa tshigs su bcad pa phyed dang drug gis dbang bskur ba'i dri ba'i lan bstan to//dad pa can zhes bya ba la sogs pa tshigs su bcad pa bcus rig pa'i brtul zhugs dri ba'i lan bstan to/ /rang bzhin zhes bya ba la sogs pa tshigs bcad lnga pos bdud rtsi lnga dri ba'i lan bstan to/ /brtson 'grus zhes bya ba la sogs pa tshigs su bcad pas brtson 'grus lnga dri ba'i lan bstan to//dri nga ba zhes bya ba la sogs pas tha mal pa'i dngos grub dri ba'i lan bstan to/ /dngos grub ces bya ba la sogs pas mchog gi dngos grub dri ba'i lan bstan to/ /bzhi zhes bya ba la sogs pa nas/ rang bzhin rang bde zhi ba ni/ / zhes bya ba'i bar gyi tshigs su bcad pa bzhi bcu rtsa drug gis thabs dri ba'i lan bstan to/ /thams cad ces bya ba la sogs pa'i tshigs su bcad pa gcig gis thabs las byung ba'i dri ba'i lan bstan to/ /gang zhig las zhes bya ba la sogs pa nas/ bza' bar bya ba bsam pa zhes bya ba'i bar gyi tshigs su bcad pa bcu gnyis kyis bka' bsgo pa'i dri ba'i lan bstan to//zhi la zhes bya ba la sogs pa'i tshigs su bcad pas las kyi tshogs dri ba'i lan bstan to/ /de nas zhes bya ba la sogs pas dris pa'i lan nye bar bsdu ba bstan to/ /phyag 'tshal lo zhes bya ba la sogs pa la/sku la sogs pa'i sgo nas de bzhin gshegs pa rnams la/ byang chub sems dpa' rnams kyis phyag bzhi sngon du 'gro bas rtogs pa bskyed pa bstan to/ /legs so zhes bya ba la sogs pas de bzhin gshegs pa rnams kyis de rnams la tshigs su bcad pa bdun gyi lan bstan to//de nas zhes bya ba la sogs pas byang chub sems dpa' rnams kyi chos de kho na nyid khong du chud par bstan to/ /de nas zhes bya ba la sogs pas rang gi rtog pa sel ba bstan to/ /gang zhig dus gsum zhes bya ba la sogs pa la tshigs su bcad pa bcus bstod pa sngon du 'gro ba nas/bstod pa'i tshig ni zhi ba 'dis/ /zhes bya ba'i bar gyi gzhung gis nye bar bsdu ba bstan to/ de bzhin gshegs pa zhes bya ba la sogs pas rgyud yongs su rdzogs par bstan to/ /de ltar dri ba lnga bcu rtsa brgyad dang / rtsom pa'i dri ba gcig dang /badzra d+h+r-ika ces bya ba la sogs pa dri ba bcu gsum dang lhan cig 'dri ba dang / lan bdun cu rtsa gnyis bstan to/ /de ni le'u bco brgyad pa'i don bsdus pa'o// //da ni tshig gi don bshad par bya ste/ de nas zhes bya ba la sogs pa la/ de nas kyi sgra ni le'u bcu bdun pa'i 'og tu 'das ma thag pa'i don la 'jug go//ji skad du/ snga ma 'das pa la ltos dang / /bkra shis dang ni dbang byed pa/ /de nas sgra dang de phyir sgra/ /dam chos rim dang rgyud don ston/ /zhes bya ba gsungs so/ /byams pa la sogs pa ni byams pa la sogs pa byang chub sems dpa' rnams so//byams pa smos pa ni ma 'ongs pa'i chos kyi rgyal srid kyi gtso bor ni yang dag par rdzogs pa'i sangs rgyas te/ ma 'ongs pa la 'das pa bzhin du nye bar gdags pa'i phyir ro/ /chen po ni rgyud thams cad gtan la dbab pa la/ sems dpa' ni rtogs par 'dod pa gang la yod pa de ni sems dpa' chen po'o//de bzhin gshegs pa thams cad kyi sku gsung thugs kyi gsang ba ni dpal gsang ba 'dus pa'i sbas pa ste rdo rje'i tshig go/ /bshad par bya ba ni dri ba zhus nas dgrol bar bya ba'i phyir don du'o/ /dngos po kun gyis ni sku la sogs pas so/ / ji lta ba bzhin ni phyin ci ma log pa'o/ /ji ltar dam tshig ni bsrung bar bya ba dang bza' bar bya ba'i dam tshig gnyis mi gtong bas so/ /thos pa ni le'u bcu bdun mnyan nas so/ /lta ba dang rtogs pa ni bsam pa dang sgom pas so/ /de bzhin gshegs pa de dag thams cad ni mi bskyod pa la sogs pa rdo rje 'chang chen po dang /rgyud tha mi dad pa/ mthong ba chos zhes bya ba ni tshe 'di nyid du rdo rje 'chang chen po'i go 'phang stsol ba la 'di skad ces gsol to zhes bya ba ni/ 'og nas bshad pa'i ched du brjod pa brjod do/ /de ni sgrub pa'o/ /e ma ho zhes bya ba ni ngo mtshar ba'o/ / kun du bzang po ni bcom ldan 'das rdo rje 'chang chen po'o/ /sku gsung thugs kyi gtan la dbab pa ni tha mal pa'i lus la sogs pa'i khyad par gyi lha'i sku bskyed pa gang yin pa de ni ngo mtshar ba'o/ /de bzhin du sku la sogs pa de rnams kyang rdo rje gsum ste de bzhin gshegs pa gsum gyi rang bzhin gsum ni khams gsum gyi rang bzhin rdo rje 'chang chen po la kun du zhugs zhes bya ba ni khams gsum gyi bdag nyid du gyur cing zhugs te ro gcig par gyur pa de yang ngo mtshar ba'o//de ni bskyed pa dang rdzogs pa'i rim pa dag go/ /de 'ba' zhig tu yang ma zad de ji srid sems can thams cad ni khams kyi nang na gnas pa sgo nga las skyes pa la sogs rdo rje 'chang ni 'od zer gyis rig pa rdo rje 'chang chen po dang 'dra bar 'byung ba'o//de bzhin du dus gsum gyi rdo rje'i ngo bo ni dus gsum la gnas pa'i de bzhin gshegs pa 'byung ngo zhes bya ba ni ngo mtshar ba'o/ / de nyid kyi phyir byang chub rdo rje ni rdo rje 'chang chen po ste/ de'i gnas ni de dang 'dra bar thob pa'o/ /sangs rgyas rdo rje ni 'jig rten las 'das pa'i dngos grub dang rdzu 'phrul che ni 'jig rten gyi dngos grub ste/ sems can thams cad kyis de thob par gyur pa de ni ngo mtshar to/ /de ni bskyed pa dang rdzogs pa'i rim pa dag go//de bzhin du e ma ni ngo mtshar che'o/ /'di rab ngo mtshar che ni 'jug pa la sogs pa'i rim gyis rdo rje nyid thob pa'o/ /de bzhin du zhi ba ni rnam par shes pa'i rang bzhin dang / rang bzhin 'gog pa'i mtshan nyid de 'od gsal ba dbang po las 'das pa ni dbang po dang yul dang rnam par shes pa'i rnam par rtog pa las 'das pa thob pa de yang ngo mtshar ba'o//de nas 'khor ba dag gi rgyun ni de bzhin du mchog ni 'od gsal ba las byung ba sgyu ma'i rang bzhin ye shes kyi sku'i mtshan nyid gang yin pa de yang sems can thams cad kyi don byed pa'i nus pa dang ldan pa ngo mtshar ba'o//de bzhin du 'dod chags la sogs pa'i rim gyis de nye bar zhi ba'i mtshan nyid mya ngan las 'das pa ni thar pa'i ngo bo bzhin pa'i mtshan nyid de kho na nyid thob pa de yang ngo mtshar ba'o/ /yang na 'khor ba dag gi rgyun ni mi gnas pa'i mya ngan las 'das pa sprul pa'i sku rgyun gyis rtag pa las 'gro ba'i don mdzad pa'i phyir gnas pa ste/zung du 'jug pa'i ting nge 'dzin gang yin pa de ni ngo mtshar ba'o/ /de ni rdo rje bzlas pa dang sems la dmigs pa dang / bdag la byin gyis brlab dang / mchod par byang chub pa dang / zung du 'jug pa'i rim pa'o/ / byang chub sems dpa'i tshig gsan nas/ de bzhin gshegs pa thams cad ni mi bskyod pa la sogs pa rdo rje 'chang chen po dang gcig tu gyur pas so/ /byang chub sems dpa' rnams la bka' stsal pa ni/ byang chub sems dpa' ni byams pa la sogs pa ste bod pa'o/ /de de bzhin no zhes bya ba ni ji ltar khyod kyis bshad pa de de ltar yin gyis gzhan du ni ma yin no//'di ltar bshad pa yin te/ ji ltar bcom ldan 'das rdo rje 'chang gi tshig gis don bcu drug bshad pa'i rim gyis rgyud kyi rgyal po bstan pa de bzhin du khyod kyis kyang thos pa dang bsam pa dang bsgom pa'i rim gyis mngon du byas so zhes bya ba'i tshig gi don to//de nas zhes bya ba la sogs pa la/ byang chub sems dpa' ni bsam pa la sogs pa sems dpa' chen po ni 'dri ba'i bsam pa dang ldan pas 'dus byas par gyur pa ni gcig tu gyur te/ de bzhin gshegs pa thams cad ni mi bskyod pa la sogs pa la/gsang ba dang phyi'i mchod pa dang bdud rtsi dang mchod pa lngas mchod cing phyag byas te 'dud cing bstod nas/ mgrin gcig ni dbyangs gcig gis gsol ba ni 'di skad zhus so/ /de ni las kyi rgyal ba mchog go/ /kye bcom ldan 'das de bzhin gshegs pa thams cad 'di'i gsang ba 'dus pa zhes bya ba'o//rgyud kyi rgyal po shin tu rnyed par dka' ba ni sngar bshad pa'i tshul gyis sngon gyi de bzhin gshegs pa 'od srungs kyi dus su yang ma gsungs pa'i phyir nye bar dka' ba'o/ /dam tshig gtso bo yin pa'i phyir dam tshig yin gyi bya ba mang ba ni ma yin no//thabs mang ba yin pa'i phyir thabs te/ de bas na byang chub sgrub pa ni rdo rje 'chang gi go 'phang thob par byed pa'i rgyud ni bya ba dang rnal 'byor la sogs pa phyi ma'i phyi ma ste rnal 'byor phyi ma'i rgyud kyi yang phyi ma rnal 'byor chen po'i rgyud do/ /de bas na bcom ldan 'das kyi drin gyis ni kho bo cag gis re zhig rtogs so//de ni dka' ba dang spangs pa'i tshig 'dri ba lan gyi sgo nas/ sems can ni spros te shes pa'i nyan pa po rnams la phan par 'dod pa ste/ rjes su gzung ba'i 'dod pas khyod ni rdo rje 'chang chen po gcig rang bzhin khyed rnams la gsol bar 'tshal ba ni zhu bar bya ba zhes bya ba'i don to//de ni tshig gi don bcu drug gi bshad pa'o/ /de nas de bzhin gshegs pa de dag thams cad ni mi bskyod pa la sogs pas/ byang chub sems dpa' de rnams la 'di skad bka' stsal pa ni gsungs so/ /kye byang chub sems dpa' 'dus pa rnams la legs so legs so zhes bya ba ni mgu bas tshig gnyis so//de lta bu'i yon tan dang ldan pa spros te shes pa'i nyan pa po rnams kyi sbas pa'i tshig gi don rtogs par bya ba'i phyir 'byung gnas ni 'dri ba'i 'byung gnas te/ gzhan gyi don byed pas yang legs par smra ba gnyis pa'o/ /legs par smra ba'i rgyu bstan par bya ste/gang zhig sbas pa'i tshig rgyud ces bya ba ni dpal gsang ba 'dus pa'i rtogs par dka' ba'i tshig le'u re re la gnas pa rdo rje'i tshig gang yin pa de dag thams cad do/ /de dag thams cad 'dri 'dod pa ni khyod kyi 'dod pa zhes bya ba'i rten dgongs pa'o/ /de ni tshig gi don bcu drug go//de ni zhes bya ba la sogs pa la legs par smra ba'i tshig nyan pas rab tu dga' ba ni sems la gnas pa'i zab pa'i dri ba rtog pa'i rab tu gsal ba'i phyir mig gdangs pa dang / yang dang yang du dad pa'i shugs kyis phyag 'tshal zhing btud de/ 'di'i 'og nas bshad par 'gyur ba'i som nyi ni the tshom gyi zhus par gyur pa ni 'dri bar byas pa ste/byang chub sems dpa' byams pa la sogs pa ste snga ma dang sbyor ro/ /de ni tshig gi don bcu drug go/ /gsang ba zhes bya ba nas brtsams te/ sna tshogs ji ltar byed par 'gyur/ /zhes bya ba'i bar ni go sla'o/ /don bsdus pa'i skabs su 'dri ba bdun cu rtsa gnyis bshad pa'i phyir ro//de nas de bzhin gshegs pa de dag thams cad ni thugs rdo rje la sogs pa'o/ /byang chub sems dpa' rnams kyis zhus pa gtso bor gyur pa'i tshig ni zhus pa'i tshig go/ /nye bar gsan pa ni gsan pa ste/ chen po ni ye shes gsum dang byang chub ni rang bzhin rnams so//rdo rje ni de rnams 'joms pa 'od gsal ba la dmigs shing zhugs te/ skad cig ni yud tsam ste/ mi gsung bar gyur pa ni de'i ting nge 'dzin la thugs rtse gcig par gyur to/ /de ni sems la dmigs pa'i rim pa'o/ /dgongs pa ni 'di yin te/ zab mo'i don gsal ba'i don du dang po de kho na nyid rjes su dran zhing de bzhin gshegs pa bzhugs pa dang /de rnams kyis kyang 'od gsal ba khong du chud do zhes shes nas/ byang chub sems dpa' rab dga' nas ni nges par kho bo cag la de rnams kyi the tshom gcod par 'gyur ro/ /gzhan du ci'i phyir bcom ldan 'das bsam gtan la bzhugs par gyur ces bya'o//de nyid kyi phyir snying rje'i bdag nyid ni thugs rje chen po dang ldan pa/ rdzogs pa'i sangs rgyas ni thams cad mkhyen pa bde bar gshegs pa ni de bzhin nyid legs par mkhyen pa mgon po ni khams gsum pa thams cad kyi ston pa la/yang dang yang du mi nyan par 'dod pas/ rab bskul ni kho bo cag la de rnams kyis ji ltar the tshom chod par 'gyur zhes de rnams kyi zhal la lta ba la brtson par 'gyur ro/ /de ni sgrub pa'o/ /'od gsal ba'i ting nge 'dzin las langs te/ de bzhin gshegs pa rnams kyi byang chub sems dpa' rnams la 'dri ba dgrol bar bya ba'i phyir gsungs pa ni/kye byang chub sems dpa' ni byams pa la sogs pas zhus pa rgya chen ni the tshom rgya che ba'i lan ni/ mnyan par gyis shig ces bya ba ni nyon cig pa'o/ /ji ltar nyon cig pa ni/ sku gsung thugs kyi rdo rje yis/ /zhes bya ba ni sku gsung thugs rtse gcig pas so//zhus pa rgya chen ji lta bu zhe na/ sku gsung thugs kyi rdo rje ni sku la sogs pa'i rang bzhin de bzhin gshegs pa'i snying por gyur pa'o zhes bya ba ni tshig gi lhag ma'o/ /de ni tshig don bcu drug go/ /de nas zhes bya ba la sogs pa la/ byang chub sems dpa' thams cad ni byams pa la sogs pa'o//de bzhin gshegs pa de dag thams cad ni mi bskyod pa la sogs pa'i 'brel pa dang ldan pa/ rjes su gzung ba'i bka' ni/ rjes su gzung ba'i bka' lung / spyi bos rab tu mnos pa ni dad pas rab tu blangs te/ rang rang gi ni rang rang gi bdag nyid kyi'o//byang chub sems dpa' chen po rdo rje 'dzin ni de bzhin gshegs pa thams cad kyi rang bzhin dpal rdo rje sems dpa'i sku la sogs pa'o/ /'jig rten las 'das pa'i lha'i rang bzhin gang yin pa de rnams la/ dmigs pa ni blangs te legs par smra ba mngon du 'gro bas so//cang mi smra bar gyur to zhes bya ba ni chos bstan pa mnyan par bya ba'i phyir rtse gcig pa nyid du gyur to zhes bya ba'i don to/ /de ni bsgrub par bya ba dang bskyed pa'i rim pa'o/ /de nas zhes bya ba la sogs pa la/ chos la dad pa'i sems dang / rtse gcig nyid dang ldan pa'i byang chub sems dpa' la gzigs shing de bzhin gshegs pa rnams kyis/rang gi thugs thugs rje chen po bskyed cing gsung gcig gis de rnams kyi 'dri ba'i the tshom sel bar bya ba'i phyir bka' stsal pa ni gsungs so zhes bya ba'i don te sgrub pa'o/ /sku gsung thugs ni zhes bya ba la sogs pa la rnam pa gsum ni sku gsung thugs gsum ste/tha mal pa'i ngo bo dang bral zhing oM shU n+ya tA zhes bya ba la sogs pa'i sngags dran pas stong pa nyid du zhugs pa de dag thams cad nyan thos pa la sogs pa thob par bya ba ma yin pa'i phyir gsang ba zhes bya ste dang po'i sbyor ba'o/ /de bzhin du sku la sogs pa gsum ni lha'i rnam par spro ba gsang ba ste dkyil 'khor rgyal ba mchog go//sku la sogs pa gsum 'od du zhu ba ni gsang ba ste/ las kyi rgyal ba mchog go/ /'dod pa'i gdugs la sogs pa 'gro ba bskyed pa'i rgyu rtsa gsum gsang ba ste/ bskyed pa'i rim pa'o/ / sku la sogs pa nye bar bsdu ba thig le phra mo sna rtse gsum la gnas pa gsang ba ste/ rdzogs pa'i rim pa'o/ /sku gsung thugs ni yi ge gsum 'jug pa la sogs pa'i rim gyis 'od gsal ba'i gnas thob pas gsang ba ste/ rdo rje bzlas pa'i rim pa'o/ /sku gsung thugs kyi rgyur gyur pa rnam pa gsum ni rnam par shes pa dang rang bzhin gyi tshogs te/de dag 'od gsal ba la thim pas na gsang ba ste/ sems la dmigs pa'i rim pa'o/ /sku gsung thugs ni chos dang longs spyod rdzogs pa dang sprul pa'i sku rnams 'ja' tshon dang 'dra ba 'od gsal las byung bas na gsang ba ste/bdag la byin gyis brlab pa'i rim pa'o/ /chags pa dang chags pa bar ma dang chags pa dang bral ba ni sku gsung thugs rnam pa gsum ste/ de dag rim pa bzhi pas rnam par dag pas na gsang ba ste mngon par byang chub pa'i rim pa'o/ /kun rdzob dang don dam pa gnyis ka 'dres pa ni sku gsung thugs rnam pa gsum ste/mi gnas pa'i mya ngan las 'das pa'i ngo bor gnas pas na gsang ba ste/ zung du 'jug pa'i rim pa'o/ /sku la sogs pa rnam pa gsum ni sems dpa' gsum gyi bdag nyid kyi thabs dang shes rab ste/ de dag sbyor bas na gsang ba ste/ sku gsung thugs ni rak+ta la sogs pa gsum gyis byin gyis brlabs pa ni rdo rje dang pad+ma ste de dag sbyor ba ni gsang ba ste rgyu'o//hUM dang phaT la sogs pa'i yi ge gsum gyis bskyed cing de nyid kyis mtshan pa rdo rje dang pad+ma bskyod pa ni gsang ba ste las so/ /sku gsung thugs gsum ni bde ba chen po'i rang bzhin zhi ba rtogs pas na gsang ba ste 'bras bu'o//yul dang dbang po dang rnam par shes pa ni gsum ste/ de dag phrad pas yul der nye bar spyod cing sku la sogs pa bde ba bskyed pas na gsang ba ste so sor sdud pa'o/ /de nyid kyi sku la sogs pa gsum gyi rang bzhin de bzhin gshegs pa lnga'i bdag nyid du rtogs pa ni gsang ba ste bsam gtan no//'jug pa la sogs pa'i rim pas 'gro ba dang 'ong ba'i rim pas sbyor ba sku la sogs pa gsum gyi rang bzhin yungs kar gyi 'bras bu'i tshad tsam gyi thig le spro ba dang / sdud pa ni gsang ba ste srog dang rtsol ba'o/ /sku la sogs pa gsum nye bar sdud par byed pas rdo rje la sogs pa sna rtse gsum la thig le 'dzin pa ni gsang ba ste 'dzin pa'o//sku la sogs pa gsum gyi ngo bo de bzhin gshegs pa thams cad nam mkha'i khams la spro ba ni gsang ba ste rjes su dran pa'o/ /sku la sogs pa gsum ste de nye bar sdud cing mos pa'i rnal 'byor gyis mi gnas pa'i mya ngan las 'das pa'i dbyings kyi ngo bo'i rdo rje 'chang chen po'i sku dmigs pa ni gsang ba ste ting nge 'dzin no//sku la sogs pa gsum ni bsrung ba dang bza' ba'i dam tshig nyams su blang ba ni gsang ba ste/ dam tshig dang sku la sogs pa de bzhin gshegs pa'i rigs kyi sdom pa blang bas zhi ba la sogs pa'i las kyi tshogs kyi sgrub pa ni gsang ba ste sdom pa yin no zhes sgrub pa'o//de ltar gsang ba'i sgras tshig gi don bcu drug bstan pas rgyud kyi don ma lus pa bstan pa'o/ /'dus pa zhes bya ba la sogs pa la/ 'dus pa sdud par byed pas na 'dus pa ste mdor bstan pa'o//sangs rgyas thams cad phung po'am de bzhin gshegs pa rnams 'dus pa ste/ de ni rgyud kyi rgyal po de'i mtshan nyid yin no zhes bya ba'i don to/ /zla ba dang nyi ma dang sa bon dang mtshan ma dang spro ba dang sku bskyed pa ste/ mngon par byang chub pa lnga dang /de bzhin gshegs pa lnga spro ba dang bsdu ba ste/ dang po sbyor ba dang / dkyil 'khor rgyal ba mchog go/ /sku rdzogs nas de bzhin gshegs pa thams cad bzhugs pa ni 'dus pa ste/ las kyi rgyal pa mchog go/ /rtsa rgyus stong phrag bdun cu rtsa gnyis las byang chub kyi sems spro bas sangs rgyas thams cad kyi rang bzhin khams gsum pa bskyed pas na 'dus pa ste/bskyed pa'i rim pa'o/ /thabs dang shes rab snyoms par 'jug pas rjes su chags pa mchog gi sgras rgyal ba ma lus pa'i tshogs zhugs shing rdo rje nor bu'i rtse mor ro gcig par gyur pa byang chub kyi sems kyi thig le'i ngo bo ni 'dus pa ste/rdzogs pa'i rim pa'o/ /yang na rdo rje'i lam nas byang chub kyi sems kyi thig le spro zhing pad+ma'i lte ba'i nang du dkyil 'khor pa'i lha'i gzugs su dam tshig gi dkyil 'khor spro ba ni 'dus pa ste bskyed pa'i rim pa'o/ /phyir mi ldog pa'i dbang gi dus su slob ma'i tshangs pa'i sgo nas de bzhin gshegs pa thams cad zhugs pa ni 'dus pa ste/las kyi rgyal ba mchog go/ /yi ge phyi mo bzhi bcu rtsa dgu po pho dang ma ning gi rtags kyi rang bzhin yi ge gsum gyis bsdus pas na 'dus pa ste/ rdo rje bzlas pa'i rim pa'o/ / rang bzhin brgya drug cu shes rab dang thabs dang ma rig pa gsum gyis bsdus pa na 'dus pa ste/ sems la dmigs pa'i rim pa'o/ /khams gsum pa'am/ sku gsum ni sgyu ma lta bu nyid kyis bsdus pas na 'dus pa ste/ bdag la byin gyis brlab pa'i rim pa'o/ /chags pa la sogs pa 'od gsal bas bsdus pas na 'dus pa ste/mngon par byang chub pa'i rim pa'o/ /kun rdzob dang don dam pa bsdus pa'i 'dus pa ste zung du 'jug pa'i rim pa'o/ /thabs dang shes rab yang dag par sbyor ba'i 'dus pa ste rgyu'o/ /sangs rgyas thams cad ni oM la sogs pa dgod cing rdo rje dang pad+ma bskyod pa ni 'dus te las so//phung po la sogs pa thams cad sdud pa bde ba chen po'i rang bzhin no / /don dam pa ni 'dus pa ste 'bras bu'o/ /yul dang dbang po 'dus pa ste so sor sdud pa'o/ /de dag de bzhin gshegs pa'i rnam par bsgom pa ni 'dus pa ste bsam gtan no //khams thams cad kyi rang bzhin byang chub kyi sems yan lag thams cad las bskul te/ sna rtse gsum gyi gzhir bsdu zhing 'jug pa la sogs pa'i rim gyis spro ba dang / bsdu bar bya ba ni 'dus pa ste srog dang rtsol ba'o/ /de nyid 'jug pa la sogs pa dang bral zhing dang ba mar me'i rtse mo dang 'dra bar rgyun gyis bsdus pa ste 'dzin pa'o//de nyid las sangs rgyas dang byang chub sems dpa' spro zhing nam mkha'i dbyings la khams gsum pa dkyil 'khor gyi tshul du bsdus pa ni 'dus pa ste rjes su dran pa'o/ /de dag nye bar bsdu zhing sangs rgyas thams cad kyi rang bzhin rdo rje 'chang chen po'i sngar bsdus pa ni 'dus pa ste ting nge 'dzin no//lcags kyu lnga dang rin chen lnga ni sangs rgyas thams cad kyi rang bzhin sbyang ba la sogs pa'i rim gyis byang chub kyi sems ngo bor bsdus pa ni 'dus pa ste sgrub pa'o/ /de ltar tshig gi don bcu drug gis ston par byed pa gsang ba 'dus pa'i tshig 'di dag ni rjod par byed pa dang brjod par bya ba'i bdag nyid ni dpal gsang ba 'dus pa'i rgyud yin no//de la rjod par byed pa ni 'dus pa'i tshig yin la gsang ba'i tshig ni de'i khyad par du gyur pa yin na yang brjod par bya ba yin no/ / da ni 'brel pa bstan par bya ste/ le'u thams cad rnam par dbye bas gnas shing gsum bor zhing 'bral bar shes par bya'o/ /de nyid lnga pa zhes bya ba la sogs pa gsungs te/ lnga pa ni spyod pa'i le'u dang / dgu pa ni de las gsungs pa'i rdo rje'i tshig nges par bshad pa'i mtshan nyid 'gal ba'i rnal 'byor pa'i ting nge 'dzin gyi le'u dang /bcu bdun pa dam tshig dang sdom pa'i le'u dang / bcu gsum pa ni las rab 'byam gyi le'u rnams so/ /sangs rgyas ni rdzogs pa'i rnal 'byor pa dang / byang chub sems dpa' rnams ni ma rdzogs pa'i rnal 'byor pa rnams kyis bstan pa sgrub pa ni 'dul bar byed pa ste/de bas na gzhan gyi don phun sum tshogs pa gtso bo yin pas chen po ste mchog go/ /gang gi phyir spyod pa rnam pa gsum gyis gdug pa la sogs pa pha rol gyi rnam par shes pa la sogs pa 'gugs pa dang / zhi ba la sogs pa las rab 'byam dang / dam tshig dang sdom pa'i sgo nas kyang rnal 'byor pas sems can gyi don bya'o zhes sgrub pa'o//de bzhin du bzhi pa ni thugs kyi dkyil 'khor gyi le'u dang / bcu drug pa ni sku dang gsung gi dkyil 'khor gyi le'u dang / brgyad pa ni gsang ba'i dbang bskur gyi le'u dang / bcu gnyis pa ni phyag rgya chen po yongs su gyur pa'i le'u ste/slob dpon gyi lan ni slob dpon gyi bya ba dang / spyi'i las ni slob ma rjes su gzung bar bya ba'i phyir dngos grub bstan pa dang / brtul zhugs ni ji ltar mos pa dkyil 'khor la zhugs pa dang / sdom pa ni lha'i rnam pa bsgom par bya ba ste bskyed pa'i rim pa'o/ / de bzhin du drug pa ni sku la sogs pa'i byin gyis brlab pa'i le'u dang / gnyis pa ni byang chub kyi sems kyi le'u dang / bcu pa ni sngags kyi sgo nas de bzhin gshegs pa'i snying po bskul ba'i le'u dang / bcu bzhi pa ni sngags gtso bor gyur pa las rab 'byam gyi le'u ste drag spyod ni/oM sar+b+ba ta thA ga tA kA ya badzra swa b+hA ba At+ma kou0f85haM zhes bya ba la sogs pa dang / dngos po med par bsgom pa ni dngos zhes bya ba la sogs pa dang / oM AHhUM zhes bya ba la sogs pa dang / oM ru ru s+phu ru dz+wa la tiSh+Tha sid+d+hi lo tsa ni sar+b+ba ar+tha sA d+ha ni swA hA/ zhes bya ba la sogs pa la/ rjes su c hags pa ni bstan par bya ba'i phyir sku rdo rje la sogs pa byin gyis rlabs pa dang /stong pa nyid bsgom pa dang / snying po skul ba dang / zhi ba la sogs pa byed pa ste/ de nyid kyi phyir nye bar sgrub pa ste rdo rje 'chang chen po'i go 'phang nye bar sgrub pa dang / sdom pa ni bslab pa gtso bor gyur pa'o/ / de ni dang po sbyor ba dang las kyi rgyal ba mchog dang sgrub pa rnams so/ /bdun pa ni spyod pa'i khyad par gyi le'u dang / gsum pa ni lha'i le'u dang / bcu gcig pa ni sngags kyi rgyu dang ye shes sku'i le'u dang / bco lnga pa ni sgyu ma lta bu'i lha'i sku'i le'u ste/ dngos grub kyi zhing ni rdo rje 'chang la sogs pa lha'i sku'i rtags ni rgyur gyur pa'o//de nyid kyi phyir bsnyen pa sgrub pa'i sdom pa ni de bzhin gshegs pa'i sku sgrub par byed pa ste/ rang gi don sgrub par byed pa'i gtso bo yin no/ /gang gi phyir spyod pa dang rtogs pa'i lha bsgom pa dang / rtog pa dang po yongs su rdzogs pa'i lha bsgom pa dang /sgyu ma lta bu'i ting nge 'dzin gyis tha mal ba'i sku rnam par dag pas khyad par lha'i go 'phang thob par 'gyur te/ de ni bsgrub pa dang / bskyed pa'i rim pa dang / bdag la byin gyis brlab pa'i rim pa'o/ /de ltar bdun pa la sogs pas rang gi don phun sum tshogs pa dang /drug pa la sogs pas de nyid kyi thabs kyi phun sum tshogs pa dang / lnga pa la sogs pas gzhan gyi don phun sum tshogs pa dang / bzhi pa la sogs pas de nyid kyi thabs kyi phun sum tshogs pa bsgrub par bya'o/ /de ltar rang gi don phun sum tshogs pa dang /gzhan gyi don phun sum tshogs pa dang / de gnyis ka'i thabs kyi phun sum tshogs pa gtso bor gyur pa'i le'u bstan pa ni 'brel pa'o/ /de'i le'u dang po ni 'bras bur 'gyur ba ste/ 'brel pa'i nang du ma bsdus pa dang / de'i le'u bco brgyad pa ni rdo rje tshig rnam par bshad pa'i sgo nas rnam par grol ba'i bdag nyid de/de ni 'brel pa brjod pa ma yin no/ /kha cig na re le'u bzhi ni bsnyen pa la sogs pa yan lag bzhi brjod pa zer ba de ni mi rigs te/ gang gi phyir bsnyen pa la sogs pa spangs pa ni le'u gcig kyang mi dmigs te/thams cad de nyid gtso bor gyur pa'i phyir dang / khas blangs na yang 'khrul pa'i phyir ro/ /'di lta ste/ gal te lnga la sogs pa sgrub pa chen po nyid du 'dod na de'i tshe yi ge dgod pa'i bdag nyid sgrub pa chen po med pa ste/ spyod pa dang rnam par shes pa la sogs pa dgug pa dang las kyi rab tu dbye ba dang /dam tshig dang sdom pa gtso bo yin pa'i phyir ro/ /bzhi pa la sogs pa la dkyil 'khor la zhugs te slob ma rjes su gzung bar bya ba'i don du sku sgrub pa ni med de/ stong pa nyid med pa'i phyir ro/ /drug pa la sogs pa sa sku la sogs pa byin gyis brlab par bsgrub pas ni sa bon bsdus pa'i bdag nyid ni nye bar sgrub pa mi rigs so//de nas bdun pa la sogs pas rang gi don sgrub pa'i phyir lha'i sku bsgrubs na stong pa nyid ni bsnyen pa med do/ /rdzogs pa'i rim pa rjod par byed pa la bsnyen pa la sogs pa la thabs dang shes rab snyoms par zhugs pa la sogs pa ni lnga pa la sogs pa'i don ma yin pa/thabs bzhi pa'i rim gyis bsnyen pa la sogs pa mi rigs pa dang / dkyil 'khor gyi cho ga'i rim gyis bsnyen pa la sogs pa ni mi rigs te/ ci'i phyir le'u bzhi pa la sogs pa'i dkyil 'khor gyi cho ga la sogs pa brjod cing /gzhan dag gis ni brjod pa ma yin pa'i phyir ro/ /gang gi phyir re zhig dang por bskyed pa'i rim pa la rdo rje bzhi pa'i rim pas stong pa nyid dang sa bon bsdus pa dang / gzugs rdzogs pa dang yi ge dgod pa la sogs pa'i bdag nyid bsnyen pa la sogs pa yin no//rdzogs pa'i rim pa la sogs pa yang thabs dang shes rab dang / rdo rje pad+ma dang yang dag par sbyor ba dang / de bskyod pa dang / bde ba chen po nyams su myong ba ni bsnyen pa la sogs pa'o/ /de bzhin du rdzogs pa'i rim pa la yang yan lag drug pa'i rnal 'byor bsgom pa ni bsnyen pa'o//de bzhin du bskyed pa'i rim pa yang bsdum pa dang / sbyin pa dang dbye ba dang / chad pa dang bzhi ni bsnyen pa dang / nye bar sgrub pa dang / sgrub pa dang / sgrub pa chen po yin no/ /dkyil 'khor gyi skabs su yang gtsug tor 'khor los sgyur ba dang / bdud rtsi 'khyil pa dang /rang gi lhag pa'i lha dang / rdo rje 'chang sgom pa ni bsnyen pa la sogs pa yin no zhes bsdus nas bsnyen pa la sogs pas dbye ba bcu drug ni rim pa gnyis kyi nang du bsdus so/ /de dang 'dra ba le'u la sogs pa la med do zhes bsnyen pa la sogs pa rjod par byed pa ni mi rigs so//de bas na rang bzo nyid kyi 'chad pa pos 'jig rten pa'i 'khrul par byed de/ lung dang rigs pa med pa'i phyir ro zhes ha cang thal ches pas cho ga ste rnal ma'i don bshad pa'o/ /da ni tshigs su bcad pa gsum gyi dgos pa bshad par bya ste/ de bzhin gshegs pa zhes pa la sogs pa la/de bzhin gshegs pa kun gyi las ni phrin las te/ tshar gcod pa ni gcod pa la sogs pa'i 'jig rten pa dang / mi bskyod pa'i sangs rgyas kyi zhing du zhugs pa la sogs pa la 'jig rten las 'das pa dang / phan 'dogs pa ni zhi ba la sogs pa'i phrin las 'jig rten pa dang /lha'i sku sgrub pa la sogs pa'i 'jig rten las 'das pa ste/ rdo rje 'chang gi go 'phang thob par bya ba'i phyir spyod pa ste nus pa'o/ /'dul ba la ni dad pa la sogs pa'i yon tan dang ldan pa gdul dka' ba ni dkon mchog gsum la gnod par byed pa dang /zhi ba ni 'dod chags la sogs pa'i nyes pa dang bral ba'i sems can ni skye bo rnams so/ /'jug pa ni bcom ldan 'das kyis de kho na nyid la 'jug par bya ba'i phyir nyes par gsungs so zhes bya ba'i bar du'o/ /de bzhin du bskyed pa'i rim pa dang 'brel pa ni bskyed pa'i rim pa'i sgo nas bsnyen pa la sogs pa rdo rje cho ga bzhi ni rdo rje bzhi'i rim gyis so//dngos grub thams cad ni de bzhin gshegs pa lnga'i sku thun mong ste/ bskyed pa'i rim pa dang bsgrub pa'i bsgom pa bcom ldan 'das kyis gsungs pa gang yin pa de ni rang gi don bsgrub par bya ba'i phyir dang 'brel pa'i gzhung nyid de/le'u'i rim pas dgongs pa de ni bdag gi don to/ /de ni dang po sbyor ba la sogs pa gsum mo/ /dkyil 'khor zhes bya ba la sogs pa dkyil 'khor ni thugs kyi dkyil 'khor la sogs pa la zhugs pa'i slob ma la slob dpon gyis/ brtul zhugs ni sdom pa la sogs pa dang /'brel pa ni rig pa'i dbang bskur ba sngon du 'gro ba'i thabs dang shes rab snyoms par 'jug pa'i dbang bskur dang / gzhung ni dkyil 'khor gyi de kho na nyid pa'i tshig dang / slob dpon phun sum tshogs pa ni rang dang gzhan gyi don phun sum tshogs pa sgrub par byed pa de bzhin gshegs pa dang /rdo rje 'chang gnyis kyi dbugs dbyung ba ston cing bla mas sngags kyi lam nas te/ gsang ba 'dus pa'i cho ga slob ma yongs su smin par bya ba ni gdul bar bya ba gang yin pa de ni dgos pa zhes bya ba'i don te/ gzhan gyi don phun sum tshogs pa bsgrub pa bshad do/ /dgos pa'i dgos pa bshad par bya ste/brtul zhugs bzang po ni sdom pa dang ldan pa dang / dbang bskur ba ni dbang thob pa dang / bdag nyid che ba ni thos pa la sogs pa'i rim gyis rdo rje 'chang gi go 'phang rtogs pas so/ /sangs rgyas dang byang chub sems dpa' ni dbang po rno ba dang bar pa dang / dman pa rnams la bstan pa'i sgo nas yongs su grol ba ni 'dod chags la sogs pa rnam par dag cing 'od gsal ba nyid du bya ba gang yin pa de ni dgos pa zhes bya ba'i don te / bsgrub pa'o/ /shes rab ces bya ba la sogs pa shes rab ni gang zag dang chos la bdag med pa'i mtshan nyid de stong pa nyid do//thabs ni thugs rje chen po'o/ /de dag snyoms par 'jug pa ni rdo rje 'chang gi sa bcu gsum pa la gnas pa bcom ldan 'das kyi sgom pa mthar thug pa yang dag par sbyor ba zhes bshad do / /rgyas par bshad pa ni gang zhig dngos med ni thams cad stong pa shes rab ste/ phul du byung ba'i ye shes yin pa'i phyir ro//de bzhin du thabs nas dngos po'i mtshan nyid de/ snying rje'i ming gi rang bzhin gyi rnam grangs te/ rdzogs pa'i rim pa'o/ /yang na shes rab ni stong pa nyid la sogs pa rnam par thar pa'i sgo gsum bsgoms pas sprin med nam mkha' dang 'dra bar bdag nyid mthong ba'o//thabs ni sa bon la sogs pa 'dus pa'i sgo nas sku bsgrub pa'o/ /de dag snyoms par 'jug pa ni sku la sogs pa byin gyis brlab pa dang / bstod pa yang ngo / /de nyid bshad par bya ste/ gang zhig dngos med ni stong pa nyid bsgom pa ste shes rab bo/ /thabs ni dngos po'i mtshan nyid de 'gro ba'i don bya bar nus pa'i lha'i sku la dmigs la/des ni 'gro ba'i don grub par 'gyur ro zhes bya ba'i don to/ /de ni dbang po'i sbyor ba dang / dkyil 'khor rgyal po mchog dang / las rgyal po mchog go/ /yang na shes rab ni rtsa stong phrag bdun cu rtsa gnyis kyi dbus su 'dod pa'i gdugs la sogs pa'i rtsa lnga'o//thabs ni de'i nang du rgyu ba byang chub kyi sems te/ de dag gi snyoms par 'jug pa ni dbus mar ro gcig par 'gyur ba'o / /gang zhig dngos po ni bde ba chen po'i gzhir gyur pa rtsa rnams te shes rab bo/ /thabs ni 'gro ba ma lus pa skyed pa'i rgyur gyur pa'i dngos po'i mtshan nyid de/rdo rje 'chang chen po'i go 'phang mtshon pa'i rgyu mtshan te/ byang chub kyi sems zhes bya ba'i don to/ /de ni bskyed pa'i rim pa'o/ /shes rab ni phul du byung ba'i ye shes kyi rang bzhin de bzhin gshegs pa'i sa bon gsum mo/ /thabs ni srog la sogs pa'i rlung gsum mo//de dag snyoms par 'jug pa la sogs pa'i rim gyis bzlas te/ gang zhig dngos med ni rdo rje 'chang go 'phang 'od gsal ba de'i rgyu mtshan du gyur pa yi ge gsum ste shes rab bo/ /thabs dngos po'i mtshan nyid ni rnam par snang mdzad la sogs pa de bzhin gshegs pa'i de kho na nyid mtshon par gyur pas thabs ni rlung ngo //de ni rdo rje bzlas pa'i rim pa'o/ /shes rab ni shes rab kyi rang bzhin sum cu rtsa gsum mo/ /thabs ni thabs kyi rang bzhin bzhi bcu'o/ /snyoms par 'jug pa ni ma rig pa'i rang bzhin bdun no/ / rnal 'byor ni de dag 'od gsal ba la zhugs pa'i mtshan nyid do/ /gang zhig ces bya ba ni snga ma bzhin no/ /sems la dmigs pa'i rim pa'o/ /thabs dang shes rab kyi rang bzhin 'od gsal ba las cig car du spros pa de nyid snyoms par 'jug pa'i rnal 'byor zhes bya ste/ phyag rgya chen po'i rnal 'byor zhes bya'o//gang zhig ces bya ba ni snga ma bzhin te/ bdag la byin gyis brlab pa'i rim pa'o/ /thabs dang shes rab ni ril por 'dzin pa dang rjes su gzhig pa'i ting nge 'dzin to/ /de dag snyoms par 'jug pa ni mngon du byed pas rnal 'byor zhes bya'o//gang zhig dngos med ni ril por 'dzin pa'i ting nge 'dzin te shes rab bo/ /dngos po ni khams gsum mi snang bar byed pa'i mtshan nyid rjes su gzhig pa'i ting nge 'dzin te thabs so/ /de ni mngon par byang chub pa'i rim pa'o/ /shes rab dang thabs ni don dam pa dang kun rdzob ste/ de dag snyoms par 'jug pa ni dbyer med par gyur pa rnal 'byor te/ zung du 'jug pa'i ting nge 'dzin ces bya'o/ /gang zhig ces bya ba ni go sla ste zung du 'jug pa'i rim pa'o/ /thabs dang shes rab ni rig ma dang skyes bu dang / de dag snyoms par 'jug pa na rnal 'byor zhes bya'o/ / gang zhig ces bya ba ni snga ma bzhin te rang bzhin no/ /shes rab dang thabs ni pad+ma dang rdo rje'o/ /de dag snyoms par 'jug pa ni rnal 'byor te rgyu'o/ /shes rab dang thabs ni hUM dang phaT la sogs pa dgod pa ni snyoms par 'jug pa'i rnal 'byor te las so/ /shes rab dang thabs kyi rang bzhin gyi byang chub sems kyi thig le la snyoms par 'jug pa ni rdo rje rtse mor 'dzin pa ni rnal 'byor te 'bras bu'o//shes rab ni dbang po rnams dang thabs ni yul rnams so/ /de dag snyoms par 'jug cing longs spyod pa ni rnal 'byor te so sor sdud pa'o/ /shes rab ni dbang po rnams so//thabs ni de bzhin gshegs pa rnams so/ /de dag snyoms par 'jug pa ni rnal 'byor te bsam gtan no/ /shes rab ni don dam pa byang chub kyi sems dang / thabs ni kun rdzob byang chub kyi sems te/ de dag snyoms par 'jug pa ni rnal 'byor te/ de dag de dang 'og gi rim pas spro ba dang sdud pa ni srog dang rtsol ba'o//snga ma bzhin du shes rab dang thabs kyi rang bzhin yungs kar gyi tshad tsam gyi thig le sna'i rtse mo gsum la 'dzin pa ni snyoms par 'jug pa dang rnal 'byor te 'dzin pa'o/ /shes rab thabs kyi rang bzhin ni lha mos 'khyud pa de bzhin gshegs pa rnams te/de dag snyoms par 'jug pa ni nam mkha'i dbyings su spro ba ni rnal 'byor te rjes su dran pa'o/ /shes rab dang thabs ni chos dang longs spyod rdzogs pa'i sku ste/ de dag snyoms par 'jug pa ni sprul pa'i sku dang lhan cig tu 'brel pa ni rnal 'byor te ting nge 'dzin no/ / shes rab ni sa bon lnga dang / thabs ni bdud rtsi lnga ste/ de dag snyoms par 'jug pa ni de rnams kyis de dag byin gyis brlabs pa'i bza' ba ni rnal 'byor te sgrub pa'o/ /rgyud ces bya ba la sogs pas rgyud kyi don bstan par bya ste/ khyad par du tshig gi don bcu drug gtso bor gyur pa'i ngag gi tshogs kyi rgyun gyis spras pas na rgyun te/de nyid rgyud ces bya ba ste tshig gi don bcu drug rgyas par byed pas na rgyud de sgra'i tshogs kyi bdag nyid kyi bstan bcos zhes bya ba'o/ /de'i tshig ni don bcu drug go/ /rgyud de rnam pa gsum du 'gyur/ /zhes bya ba ni mdor bstan pa'o/ /gzhi zhes bya ba la sogs pas ni rgyas par bshad pa'o//gzhi zhes bya ba ni rgyu dang 'bras bu 'dzin pas na thabs kyi rgyud de/ sngags dang phyag rgya la sogs pa rjod par byed pa'i tshig rnams so/ /rang bzhin ni rgyu'i rgyud de gang du byang chub kyi sems rang bzhin med pa/ rdo rje 'chang gi go 'phang thob pa'i rgyur gyur pa'o //mi 'phrogs pa ni 'jigs par mi 'gyur ba 'bras bu'i rgyud yin te/ gang du bskyed pa'i rim pa'am/ rdzogs pa'i rim pa'i phra mo'i rnal 'byor la sogs pa'am/ rdo rje bzlas pa la sogs pa'am/ yan lag drug pa'i rnal 'byor gyis rdo rje 'chang la sogs pa'i skur bstan to//rgyud kyi dbye ba gsum ni de dag yin no/ /dpal rdo rje 'chang yang rnam pa gsum ste/ rgyu'i rdo rje 'chang dang / 'bras bu'i rdo rje 'chang dang / thabs kyi rdo rje 'chang ngo / /de la rgyu rdo rje 'chang ni rdo rje 'chang chen po ste/ dang po'i mgon po'o/ /'bras bu rdo rje 'chang ni de las byung zhing de la rjes su zhugs pa las byung ba ma bskyed pa la sogs pa de bzhin gshegs pa rnams so//thabs kyi rdo rje 'chang ni rnam pa gsum ste/ gnas bsrung ba dang / bdag bsrung ba dang / rnal 'byor bsrung ba'o/ /de la gnas bsrung ba ni khro bo bcu spros nas bgegs bskrad pa'o//bdag bsrung ba ni don dam pa'i bden pa 'ba' zhig sgom pa ste/ oM shU n+ya tA zhes bya ba la sogs pa'i sngags rjes su dran pas stong pa nyid la 'jug pa'i mtshan nyid do/ /rnal 'byor bsrung ba ni rnam pa gnyis te/ bsod nams kyi tshogs kyi mtshan nyid dang /ye shes kyi tshogs kyi mtshan nyid do/ /de la bsod rnams kyi tshogs kyi mtshan nyid ni snying rje chen po'i sems bskyed nas tshangs pa'i gnas bzhi stong pa'o/ /ye shes kyi tshogs kyi mtshan nyid ni rnam par thar pa'i sgom pa'o/ /de ni thabs kyi rdo rje 'chang zhes bya'o//rgyas par bshad par bya ste/ gzhi ni stong pa dang de'i sngags te de ni rgyu yin te/ rang bzhin dang ngo bo zhes bya'o/ /ji skad du/ bu ram mngar nyid me yi ni/ /tsha ba ji ltar rang bzhin te/ /stong pa nyid ni chos kun gyi/ /de bzhin rang bzhin nyid du 'dod/ /ces 'byung ngo / / bcom ldan 'das byams pas kyang / chos dbyings tha mi dad pa'i phyir/ /rigs kyi dbye ba mi rigs te/ /rten pa'i chos kyi dbye ba yis/ /de yi dbye ba rab tu grags/ /zhes 'byung ngo / /de bzhin du mi 'phrogs pa ni mi 'jigs pa ste/ rang bzhin gyis rtag pa chos kyi sku dang / mi 'jigs pa'i rtag pa longs spyod rdzogs pa'i sku dang / rgyun gyi rtag pa ni sprul pa'i sku ste/ sku gsum gyi bdag nyid rdo rje 'chang chen po'i bdag nyid phyag rgya chen po'i ngo bo mi 'phrogs pa ste/ 'jigs pa'i ngang tshul ma yin pa 'bras bu zhes bya'o/ /gzhi ni rgyu dang 'bras bu thabs kyi ngo bos 'dzin cing 'jog par byed pas na gzhi'o//sngags dang phyag rgya la sogs pa sgom pa'i rim pa ji lta ba bzhin du phyag rgya chen po thob par bya ba'i phyir gang sgom pa de ni thabs so/ /gsum po de dag gi rgyud don gyis bsdus la/ rgyud ni sgra'i tshogs kyi bdag nyid dang don des brjod par bya ba'i rdo rje 'chang bsdus te/rnam pa gsum gyis don bsdus par shes par bya'o/ /de ni dang po sbyor ba la sogs pa gsum mo/ /rigs lnga zhes bya ba la sogs pas/ de kho na nyid la sogs pa mdor bstan par bya'o / /rang bzhin ni gsang ba'o/ /byang chub rdo rje ni bcom ldan 'das rdo rje 'chang chen pos gsungs so//rgyas par bshad par bya'o/ /de nyid rnam pa lnga ru ni phung po lnga'i bdag nyid khams gsum pa ste/ de ni rang bzhin yin pa'i phyir ro zhes pa bskyed pa'i rim pa'o/ /de'i rnam par dag pa'i rang bzhin de bzhin gshegs pa lnga'i bdag nyid de/ bskyed pa'i rim pa kho na'o/ /rnam par shes pa lnga'i bdag nyid dag pa'i ngo bo me long lta bu la sogs pa ye shes lnga'i bdag nyid de kho na nyid de rdzogs pa'i rim pa'o/ /mngon par byang chub pa rnam pa lnga la sogs pa de kho na nyid de dang po sbyor ba dang / dkyil 'khor rgyal po mchog dang / las kyi rgyal po mchog go//rdo rje bzlas pa la sogs pa'i rim gyis ngag dang sems dang lus dang kun rdzob dang gnyi ga dag pa ni de kho na nyid lnga ste/ rdo rje bzlas pa dang sems la dmigs pa dang / bdag la byin gyis brlab pa dang / mngon par byang chub pa'i rim pa dang / zung du 'jug pa'i rim pa'o//yul dang dbang po gcig tu byas na de kho na nyid lnga ste/ so sor sdud pa'o/ /de bzhin gshegs pa lngar mos pa dang / rtog pa dang dpyod pa dang dga' ba dang / bde ba dang / sems rtse gcig pa nyid de yan lag lnga'i bsam gtan ni de kho na nyid lnga ste/ bsam gtan no//srog la sogs pa rlung lnga thig le'i gzugs su spro ba ni de kho na nyid lnga ste/ srog dang rtsol ba'o/ /phung po lnga'i snying por gyur pa'i thig le pad+ma'i lte bar 'dzin pa ni de kho na nyid lnga ste 'dzin pa'o/ /de bzhin gshegs pa lnga'i rang bzhin sangs rgyas dang byang chub sems dpa' spro ba ni de kho na nyid lnga ste rjes su dran pa'o//sku lnga dang spyan lnga dang mngon par shes pa lnga dang ye shes lnga dang / 'dod pa'i yon tan lnga la longs spyod par mdzad pa dang / 'gro ba lnga rnam par sbyong bar mdzad pa dang / de bzhin gshegs pa lnga'i bdag nyid 'byung ba chen po lnga'i ngo bo 'od zer lnga spro ba dang /sdud par mdzad pa rdo rje 'chang gi phyag rgya chen po'i sku de kho na nyid lnga ste ting nge 'dzin no/ /de bzhin gshegs pa lnga'i rang bzhin lcags kyu lnga dang bdud rtsi lnga dang sa bon lngas byin gyis brlab pa de kho na nyid lnga ste dam tshig go/ /rigs lnga'i 'brel pa dang ldan pa'i slob pa blang ba ni de kho na nyid lnga ste sdom pa'o//de ni sdom pa ste don bcu drug go/ /gsang ba gsum ni sngar bshad zin to/ /gsang ba zhes bya ba ni gsang ba yin pas na lhag pa'i lha ni rdo rje 'chang chen po ste bskyed pa'i rim pa'o/ /ye shes lnga'i rang bzhin yin pa'i phyir lhag pa yang yin la/gsang ba'i rang bzhin yin pas na lhag pa yang yin te/ lhag pa'i lha ni yungs kar gyi 'bru'i tshad tsam mam/ skra'i rtse mo'i brgya stong gi tshad tsam gyi thig le ste rdzogs pa'i rim pa'o/ /dam tshig ni phul du byung ba ste/ bsam pa ji lta ba bzhin du gdul bya'i sems can gyi khams grol bar byed pas na rdo rje 'chang gi rigs gcig yin na yang rnam pa brgyar 'gyur te/ de bzhin gshegs pa re re la lnga lnga la sogs par phye ba'i phyir ro zhes bya ba la sogs pa'o/ /de ni nye bar mtshon pa tsam yin te/ sems can rnams kyi sems dang sems las byung ba rags pa dang phra ba'i bag chags kyi ngo bo ji srid yod pa de srid rnam par dag pa'i thabs su gyur pa bcom ldan 'das kyis rigs bstan to/ /de bas na gang+gA'i klung gi bye ma dang mtshungs pa'i rigs yin te/ ji srid grangs med pa'i rigs yin pas rgya che ste/bskyed pa'i rim pa'o/ /byang chub kyi sems bshad par bya ste/ thog ma dang tha ma med pa rang bzhin gyis rtag pa chos kyi sku'i ngo bo skye ba dang 'jig pa dang bral ba de nyid kyi phyir kun nas nyon mongs pa dang rnam par byang ba'i bag chags kyi rtog pa dang dri ma zhi bas na zhi ba'o/ / dngos po ni khams gsum gyi rang bzhin phung po lnga la sogs pa dang / dngos med ni stong pa nyid la sogs pa ste/ de dag zad pa ni de'i so sor snang ba dang bral ba'o/ /de nyid kyi phyir 'gro ba ma lus pa'i gzhir gyur pa sku gnyis po'i rgyur gyur pa yin pas gtso bo ste bdag po'o/ / stong pa nyid ni thams cad stong pa'o/ /snying rje ni thugs rje chen po'o/ /de dag dbyer med pa gcig tu gyur pa ste/ byang chub kyi rang bzhin sgrib pa med pa'i ye shes kyi ngo bo/ sems ni mchog tu gyur pa'i de kho na nyid rnal 'byor gyis mngon sum gyis myong ba byang chub kyi sems zhes bya ba ste rdzogs pa'i rim pa'o//yang na thog ma ni snang ba dang snang ba mched pa'o/ /tha ma ni snang ba nye bar thob pa'o/ /de med pa ni zhib ste 'od gsal ba'o/ /dngos po ni shes rab dang thabs kyi rang bzhin no/ /dngos med ni ma rig pa'i rang bzhin no/ /'od gsal bas rtog pa med pa'i phyir ro//dngos dang dngos med kyi rang bzhin de zad pas na zad pa ste thams cad stong pa'o/ /byang chub kyi sems ni byang chub ste 'od gsal ba la zhugs pa'i sems ni rnam par shes pa gsum ste/ byang chub kyi sems ni bcom ldan 'das kyis gsungs so/ /de ni sems la dmigs pa'i rim pa'o//yang na thog ma ni chags pa dang chags pa dang bral ba'o/ /tha ma ni chags pa bar pa'o/ /de dang bral bas ni thog ma tha ma med pa'o/ /zhi ba ni rang rig pa ste chos kyi sku'o/ /dngos po ni mtshams dang mtshan mo dang nyin mo'o/ /dngos med ni smig rgyu la sogs pa mtshan ma lnga ste/de dag zad cing thob pas na dngos dang dngos med zad pa'o/ /'bras bur gyur pas na gtso bo'o/ /stong nyid ni shes rab dang / snying rje ni thabs te de dag mi phyed pa ni snyoms par 'jug pa'i dbang gis thob pa'i byang chub ni mngon par byang chub pa ste/ de'i rang bzhin gyi sems ni byang chub kyi sems zhes bya ste/mngon par byang chub pa'i rim pa'o/ /yang na rgyun gyis zhugs pas na thog ma tha ma med pa'o/ /sems rtse gcig pa nyid du skyed par byed pas na zhi ba'o/ /dngos dang dngos med ni sems can dang snod kyi 'jig rten te/ de'i rang bzhin yin yang sgom par gyur pas na/de'i rnam par rtog pa zad pas na dngos dang dngos med zad pa'o/ /khams gsum bskyed pas na gtso bo'o/ /stong pa nyid ni don dam pa stong pa nyid dang snying rje ni kun rdzob kyi gzugs te/ mi phyed pa ni de dag dbyer med pa'i kun rdzob dang don dam pa dbyer med pa byang chub kyi sems zhes bya ba ste 'bras bu'o//yang na byang chub kyi sems zhes bya ba ni gzhan gyi don bya ba'i phyir yang dag par rdzogs pa'i byang chub 'dod pa'o/ /ji skad du sems bskyed pa ni gzhan gyi don bya ba'i phyir/ yang dag rdzogs pa'i byang chub 'dod/ / ces 'byung ngo / /de'i dbye ba gnyis te/ smon pa byang chub kyi sems dang / 'jug pa byang chub kyi sems so/ /de la sangs rgyas su gyur nas sems can gyi don bya'o zhes bya ba ni 'dod pa'i blo dang snying rje dag gis zab pa dang / rgya che ba don du gnyer ba gang yin pa de ni smon pa byang chub kyi sems so//byang chub kyi spyod pa yang dag par len pa la sogs pa la 'jug pa ni 'jug pa byang chub kyi sems te gnyis so/ /ji skad du sangs rgyas phal po che'i mdo las/ rigs kyi bu sems can de rnyed par dka' ste/ gang zhig bla na med pa yang dag par rdzogs pa'i byang chub tu sems skyed par byed pa dang /gang zhig yang dag par rdzogs pa'i byang chub tu mngon par 'jug par bgyid pa de dag de rnams las kyang shin tu rnyed par dka' ba'o zhes gsungs so/ /de nas bcom ldan 'das kyis gsungs pa'i sa dang pha rol tu phyin pa'i dbye bas rnam pa mang por 'gyur te/'dir ni re zhig rnam pa bcu yin te/ byang chub kyi sems kyi phan yon dang / sdig pa bshags pa la sogs rnam pa bdun gyi mchod pa dang / byang chub kyi sems blang ba dang / bag med pa dang bcas pa dang / de shes bzhin du bsrung ba dang /bzod pa dang / brtson 'grus dang / bsam gtan dang / shes rab dang / yongs su bsngo ba ste bcu'o/ /de ni rgya che ba ste bslab pa kun las btus pa las blta bar bya'o/ /de bzhin du de yang rnam pa nyi shu gnyis su 'gyur te/ ji skad du/ 'phags pa byams pas/de yang sa gser zla ba me/ /gter dang rin chen 'byung gnas mtsho/ /rdo rje ri sman bshes gnyen dang / /yid bzhin nor bu nyi ma glu/ /rgyal po mdzod dang lam po che/ /bzhon pa bkod ma'i chu dang ni/ /sgra snyan chu bo'i sprin rnams kyi/ / rnam pa nyi shu rtsa gnyis so/ /de la 'di ltar blta bar bya ste/'dum pa'i skabs la dbye ba yis/ /smon pa'i sems ni rnam pa gsum/ /'jug pa zhes bya'i sems rnams ni/ /de yis sems la bcu dgu yin/ /de la smon pa'i sems ni dbye ba rnam pa gsum ste/ 'dun pa dang bcas pa ni chos thams cad mngon par rtogs par 'dod pa'i mtshan nyid de sa dang 'dra ba'o//bsam pa dang bcas pa ni pha rol tu phyin pa drug la spyod par 'dod pa'i mtshan nyid de/ ma 'ongs pa dang 'di nyid du 'gyur ba la mi brten pas gser bzang po lta bu'o/ /lhag pa'i bsam pa dang bcas pa ni byang chub kyi phyogs sum cu rtsa bdun gyi chos sgom par 'dod pa'i mtshan nyid de/dkar po'i phyogs thams cad 'phel bas 'gro bas na zla ba sar pa lta bu'o/ /'jug pa'i sems ni rnam pa bcu dgu ste/ sbyor ba dang bcas pa dang / sbyin pa la sogs pa dang bcas pa pha rol tu phyin pa bcu dang / mngon par shes pa dang bcas pa dang bsod nams dang ye shes kyi tshogs dang bcas pa dang /byang chub kyi phyogs kyi chos dang bcas pa dang / zhi gnas dang lhag mthong dang bcas pa dang / gzungs dang spobs pa dang bcas pa dang / chos ston pa dang bcas pa dang / theg pa gcig gi lam dang bcas pa dang /chos kyi sku dang bcas pa'o/ /de nas skabs ni bzhi po yis/ /de dag thams cad khyab par byed/ /'bras bu rgyu dang sbyor sogs dang / /las kyi dang po'i dbye bas so/ /de la gsum gyis ni las dang po'i skabs dang / bzhi pas de dang / nges par 'byed pa'i cha'i skabs so/ / sbyin pa'i pha rol tu phyin pa la sogs pa'i sems kyis rgyu'i skabs so/ /mngon par shes pa la sogs pa dang bcas pa'i sems brgyad kyis 'bras bu'i skabs so/ /smon pa'i rnam pa dang por ni/ /de la mgon pos yang dag gsungs/ /sbyin sogs 'jug pa'i rnam pa ni/ /gnyis par yongs su grags pa yin//'dun pa'i rnam pa smon pa'i sems ni rnam pa gsum du bshad do/ /gang nas brtsams te sdom pa blangs pa sngon du 'gro bas sbyin pa la sogs pa'i tshogs la 'jug pa'i sems so/ /sdom pa yang sdom pa dang mkhas pa dang stobs dang ldan pa'i slob dpon las blang bar bya'o//de mi bzhugs na sangs rgyas dang byang chub sems dpa' mdun du gnas par yid kyis dmigs pa las blang bar bya'o/ /de yang / thabs med par ni shes rab med / /sbyin sogs shes rab med pas min/ /gzhan yang zhi gnas bskyed byas nas/ /de phyir shes rab bskyed par bya//ci'i phyir zhe na/ shes rab med pa'i sbyin pa la sogs pas ni/ pha rol tu phyin pa'i ming thob par mi 'gyur ba dang / thabs su yang mi 'gyur ro/ /de bas na shes rab bskyed par bya ba'i phyir/ zhi gnas bskyed pa la 'bad rtsol bya'o/ / gang zhig tshul khrims dang ldan sdug bsngal bzod pa dang / /gang zhig brtson 'grus dang ldan brtan pa bag dang bcas/ /yang dag rab tu sbyor zhing gang tshe de dang ni/ /de yi ting nge 'dzin du myur du 'grub par 'gyur/ /tshul khrims la sogs pa gsum dang zhi gnas kyi tshogs la gnas shing / yid dang rjes su mthun pa'i sa phyogs su lus po drang por byas la stan 'jam pa la 'dug ste/ snying rje chen po sngon du byas nas sems can thams cad gdon pa'i bsam pa dang ldan pas sems rtse gcig pa nyid kyi mtshan nyid kyi ting nge 'dzin bskyed par bya'o / /byang chub kyi sems kyi mdor bsdus pa'i dbye ba'o//stong pa nyid ni shes rab kyi pha rol tu phyin pa'i rang bzhin no/ /snying rje ni sbyin pa'i pha rol tu phyin pa la sogs pa lnga'o/ /de dag mi phyed pa ni byang chub kyi sems zhes bya'o/ /gang gi phyir shes rab med pas byang chub sems dpa' la sbyin pa'i pha rol tu phyin pa'i ming thob par mi 'gyur ba dang /sbyin pa la sogs pa'i pha rol tu phyin pa dang bral ba'i shes rab ni ma yin te/ chad pa'i lta bar gyur pa'i phyir ro/ /de bas na stong pa nyid dang snying rje tha mi dad pa'i byang chub kyi sems la dmigs te/ thog ma dang tha ma med pa dang dngos po dang dngos po med pa dang bral ba chos kyi sku sangs rgyas nyid thob par 'gyur ro zhes pa ste rdzogs pa'i rim pa'o//rig pa'i skyes bu'i 'dri ba'i lan gdab par bya ba'i phyir sku zhes bya ba smos te/ sku gsung thugs kyi rdo rje ni rdo rje 'chang chen po'o/ /mi phyed pa'i ngo bo ni de la rjes su zhugs shing gcig tu gyur pa'o//phyed pa'i ngo bo ni tha dad par snang ba'o/ /rig pa ni ye shes kyi phyag rgya dang lhan cig tu ldan pa ni 'khyud pa/ skyes bu ni sngags kyi sku dang ye shes kyi sku ste/ de ni rig pa'i skyes bu zhes brjod do/ /'di skad bshad pa yin te/ rdo rje 'chang chen po yongs gyur nas/ thugs rdo rje 'chang la sogs pa rim pa gnyis kyis bsgom par bya ba ni rig pa'i skyes bu zhes bya ste/ bskyed pa'i rim pa dang / bdag la byin gyis brlab pa'i rim pa dag go/ /phyung ba'i sngags bcu gsum gyi don bshad de/ lnga 'dzom pa zhes pa ni rnam par shes pa nyon mongs pa dang ldan pa lnga 'og gi rtse mo lnga'i rang bzhin dang de bzhin du steng gi rtse mo lnga ni me long lta bu la sogs pa'i ye shes lnga'i rang bzhin te/mi mthun pa dang gnyen po'i tshul du gnas pa de ni rdo rje zhes bya'o/ /gang gi phyir lnga 'dzom pa ni spong ba dang lnga rig pa ni shes pa dang / ba dang dzra yi ge gnyis kyi don gyis rdo rje ste/de 'dzin pas na rdo rje 'chang ste rdzogs pa'i rim pa'o/ /yang na rtsa lnga b+ha ga'i nang du chud pa de rnams tha dad par spong pa dang / rig pa ni bde ba chen po rtogs pas na rdo rje rgyal mtshan no/ /de 'dzin pa'i las su rung ba nyid kyi 'chang ba/ rnam shes yid ni byang chub kyi sems gang yin pa de ni rdo rje 'dzin zhes bya ste/rang bzhin dang rgyu dang las dang 'bras bu'o/ /yod ces bya ba la sogs pa la dbang phyug dam pas sprul pa dngos po rnams yod do zhes dbang phyug tu smra ba pa'o/ /dus gsum yongs su 'gyur ba dngos po yod do zhes grangs can pa'o/ /bdag gis byin gyis brlabs pa yod do zhes rigs pa pa'o//tshangs pa'i rang bzhin dngos po yod do zhes dpyod pa pa'o/ /zho yang snga mor 'gyur ro zhes 'gyur bar smra ba ni gcer bu pa'o/ /dus kyi sems can smin par 'gyur ro zhes dus su smra ba pa'o/ /yang dang yang du skye zhing yang dang yang du zag pas na gang zag ste/de'i rang bzhin dngos po yod do zhes gang zag tu smra ba pa'o/ /sgra ni tshangs pa dam pa de'i rang bzhin dngos po thams cad yod do zhes pa ste/ brda sprod pa pa'o/ /nus pa gcig pus 'di dag thams cad spro zhing sdud pas na/ de'i rang bzhin dngos po thams cad yod ces nus pa pa'o//'dus byas pa thams cad ni rtag pa dang / sdug bsngal dang / stong pa dang / bdag med pa ste/ bye brag tu smra ba pa'o/ /rnam par rig pa yod kyi dngos po ni med do zhes rang sangs rgyas pa'i'o/ /phyi rol gyi rnam pa dang bral ba sprin med pa'i nam mkha' dang mtshungs pa rnam par rig pa nyid sna tshogs yin no zhes rnam par dpyod pa pa'o//gzung ba ni 'dzin pa dang gcig dang du ma dang bral ba'i phyir stong pa yin no zhes dbu ma pa ste/ de dag thams cad yod pa nyid du smra ba pa'o/ /med par smra ba ni ji ltar 'tsho bas bde ba 'tsho/ /'chi 'pho ba ni khyod la med//thal bar gyur pa shi ba ni/ /slar 'ong ba ni ga la yod/ /ces bya ste/ 'byung ba shes par bya ba ni 'jig rten rgyad pan pa'o/ /yod pa dang med pa de dag dbus ni gnyis ka'i cha'i rang bzhin las 'das pa ni bral ba ste me long lta bu'i ye shes so/ /'byung ba ni khams phra ba sa la sogs pa bzhi'o//'byung ba las gyur pa ni de rnams kyi byas par rigs pa'o/ /de las byung ba ni skyes pa ste de'i rang bzhin rnam par dag pa ni rnam par dag pa'i rang bzhin no/ /sems can kun gyi lus yin te/ /zhes bya ba ni khyad par du 'dzin cing 'ching bas na lus ni gti mug ste/de kho na nyid kyis mi mthun par gyur pa ste/ sems can las rgyal bas rgyal te/ de las kyang rgyal zhing zil gyis gnon pas na dzi na dzika ste/ me long lta bu'i ye shes kyi rang bzhin rnam par snang mdzad de rdzogs pa'i rim pa'o/ /re zhig sems ni mnyam pa nyid kyi rang bzhin yin pas na rin chen dang 'dra bas na rin chen te/de nyid nam mkha'i khams rnam par dag pas nam mkha'i mdzod kyi ting nge 'dzin gyis/ don kun ni mngon par 'dod pa'i rim pas 'byung ba ste skyed pa'i rgyu'o/ /de bas na tshor bya dang tshor byed dang tshor ba'i bdag nyid kyis rnam par shes pa dag par byed pas na de nyid rin chen te/de dang 'dra ba'i rin chen 'dzin pas na/ rat+na d+h+r-ika ste/ de ni rdzogs pa'i rim pa'o/ /thun mong ma yin pa de kho na nyid la rnam par 'jog par byed pa'i chos ni mtshan nyid de/ dper na lto ba che ba'i bum pa bzhin no/ /de 'dzin par byed pa'i bdag nyid ni 'du shes so//de'i yul ni bum pa la sogs pa'i mtshan nyid do / /gang gi mtshon pa de ni bya ba'i mtshan nyid de/ /gsum po'i bdag nyid 'du shes kyi phung po de rnam par dag par byed pa'i dngos po'o/ /de bzhin du kun ni me'i khams so/ /kun gyis ni khyab par byed pa so sor rtog pa'i ye shes dag par byed pas na dngos po'o //dga' ba'i mtshan nyid ni bud med kyi mtshan pa/ mtshan gzhi ni dmigs shing skye ba ste/ 'dod chags so/ /ye shes de nyid kyis de la rgyal par byed pas na A ro l-ika ste/ 'od dpag tu med pa'i rang bzhin gyi ye shes kyi ste rdzogs pa'i rim pa'o//rnam par shes rab mthar phyin ni bya ba nan tan sgrub pa'i rang bzhin 'gro ba'i don byed pa de nyid phrag dog gi nyon mongs pa 'joms par byed pas na shes rab ces bya'o/ /de bas na 'du byed sems pa ni 'du byed kyi phung po rnam par dag pa dang / 'dzin pa ni rlung gi khams rnam par dag par byed pas ye shes de nyid pradz+nyA d+h+r-ika ste/ don yod grub pa'i rang bzhin gyi ye shes te rdzogs pa'i rim pa'o/ /don 'di nyid gsal bar bya ba'i phyir bshad par bya ste/ rigs ni rgyud de de bzhin gshegs pa'i rigs lnga'i rgyud do/ /rgyud ni thog ma ste rdo rje 'chang chen po'o//mi 'jigs skye ba med pa ni mgon po de nyid de/ de nyid kyi khyad par ro/ /spong ba'i rig pa zhes bya ba la sogs pas mi mthun pa dang gnyen po'i phyogs su gyur pa rnam par shes pa dang ye shes kyi zhe sdang rnam par dag pa ni chos kyi dbyings kyi ye shes dang mi bskyod par bshad do//de bzhin du gzugs dang nyon mongs pa gti mug dang bems po bcings pa'i rang bzhin ni sa'i khams te/ de rnam par dag pa'i rang bzhin ni rnam par snang mdzad do/ /tshor ba'i phung po dang nga rgyal dang dregs pa nye ba'i nyon mongs pa rnam par dag pa'i rang bzhin ni rin chen 'byung ldan no//'du shes kyi phung po dang dngos po la chags pa ni nyon mongs pa'i 'dod chags dang / me'i khams rnam par dag pa'i rang bzhin ni 'od dpag tu med pa'o/ /'du byed dang phrag dog dang rkyen gyis drangs pa'i rang bzhin ni rlung gi khams rnam par dag pa ste/don yod grub pa'o/ /de dang 'dra ba byang chub kyi sems kyi ngo bo nyid ni srid pa kun 'byung thams cad de/ skye ba po de bzhin gshegs pa lnga'i bdag nyid du shes par bya'o/ /rigs bstan par bya ba'i phyir 'dod chags zhe sdang nyon mongs ldan pa ni de'i lhan cig byed pa'i rgyu las skyes pa nga rgyal lam dregs pa gzhom par bya ba'i phyir dang /nor gyi dregs pa dang ldan pa'i sems can rnams kyi nga rgyal gzhom par bya ba'i phyir nor bu'i rigs te/ rnam pa sna tshogs kyi rin po che'i char gyis bsam pa thams cad yongs su rdzogs par byed pa rin chen 'byung ldan gyi rigs zhes bya ba'i don to//dam tshig gi rigs zhes bya ba ni 'gro ba sna tshogs kyi las las skyes pa'i 'bras bu 'dra ba ste/ nyon mongs pa dang shes bya'i sgrib pa'i mtshan nyid dam tshig dang sdom pa sbyin pas 'joms pas na dam tshig gi rigs ni don yod grub pa'i rigs zhes bya'o//de bzhin du gnyis med ye shes ni me long lta bu'i ye shes kyi chos te/ de'i rang bzhin gyi dngos po'i nga rgyal byed pa ni khyab par byed pa rmongs pa ste/ de la chags pa'i rang bzhin ni gti mug gi rigs zhes bya'o/ /de la gnyis su med pa'i ye shes de la nyon mongs pa rnam par dag pas phan tshun 'byer ba ni zhe sdang dang chos kyi dbyings kyi ye shes gnyen po dang mi mthun pa'i tshul gyis bzhag pa gang yin pa de ni zhe sdang ste/zhe sdang gi rigs zhes bya'o/ /'jig rten pa'i chags pa'i mtshan nyid ni 'dod chags gang yin pa de ni ye shes kyi thabs kyis sbyor bar mdzad pas na 'dod chags kyi rigs so//gti mug la sogs pa'i rigs de rnams nyon mongs pa rnam par dag pa ye shes kyi rang bzhin la dga' ba gang la yod pa de ni gti mug dga' ma la sogs pa ste don dam pa'i phyogs so/ /kun rdzob ni bud med ni rang bzhin gyis gzugs la dmigs shing 'dod chags kyi rigs can gyi sems can gdon pa'i thabs kyis gti mug la sogs pa rnam par dag pa'i rang bzhin rnam par snang mdzad la sogs pa dang /yang dag par sbyor zhing bde ba nyams su myong bar byed pa spyan la sogs pa'i lha mo ni gti mug dga' ma la sogs par bshad do//de ltar na nyon mongs pa gsum dang / de bzhin du rdo rje ste phrag dog dang de dag rnam par dag par bya ba'i phyir/ dga' ma ni spyan la sogs pa rnams so/ /de nyid kyi phyir sangs rgyas ni sems can thams cad de sems can thams cad gdul bar bya ba'i phyir thabs ni rgyu'o//de nyid rdo rje theg pa ste rgyun ma chad pa'i sems can gyi don rdzogs par byed pa la ma yin no zhes rdzogs pa'i rim pa'o/ /sgo srung rnam par dag par bya ba bshad par bya ste/ mi 'jig pa'i bdag nyid stong pa nyid rnam par thar pa'i sgo'i rang bzhin no//ma skyes pa'i ngo bo nyid ni thog ma nas ma skyes pa'i rang bzhin no/ /chos rnams ni phung po la sogs pa'o/ /de'i rang bzhin yongs su ma shes pa ni gshin rje ste/ de'i dngos po kun gyi dam tshig ni de dag mthar byed pa stong pa nyid rnam par thar pa'i sgo'i rang bzhin ni gshin rje mthar byed do//de bzhin du rnam shes min bdag chos rnams ni dbang phyug la sogs pa'i rgyu mtshan dang bral ba/ don dam mi 'gyur dag 'gyur nyid ni mtshan ma med pa'i rnam par dag pa'i sgo'i rang bzhin no/ /sems kun gyi ni dam tshig sti/ /de mi shes pa'i mtshan nyid ni shes rab ste/de mthar byed pas na shes rab mthar byed do/ /smon pa med pa'i phyir bstan du med pas na brjod du med pa'i bdag nyid do/ /de nyid kyi phyir sngar bshad pa'i rig pas ming dang gzugs blo dngos po med pa ni 'du byed kyi phung po la sogs pa dang bral ba'o//de rnams kyi rang bzhin mi shes pas na bems po yin pas na pad+ma'o/ /chos rnams kun gyi dam tshig ni smon pa med pa'i rnam par thar pa'i sgo'i rang bzhin ni pad+ma mthar byed do/ /mngon par 'dus ma byas pa'i rnam par thar pa'i sgo'i rnam par mi rtog pa'i bdag nyid dang /rang bzhin yongs su dag pa'i chos thams cad do/ /de'i rang bzhin yongs su mi shes pa ni bgegs so/ /de dag mthar byed pas na mngon par 'dus ma byas pa'i rnam par thar pa'i sgo'i rang bzhin ni bgegs mthar byed do/ /mi 'jig pa zhes bya ba la sogs pas stong pa nyid la sogs pa'i rnam par thar pa'i sgo bzhi nye bar bsdus pa ste rdzogs pa'i rim pa'o//gti mug ni ma dad pa'o/ /de'i longs spyod ni spong bar byed pa ma dad pa'o/ /gti mug ni 'jig tshogs su lta ba'o/ /de zad par byed pa ste de bzhin du lus ni phung po'i bdud do//shes bya ni shes bya'i sgrib pa'o/ /de dag 'khor ba rnams gsod par byed pas na gshin rje'o/ /de dag dang pas mthar byed pas na gshin rje mthar byed pa'o/ /nyes pa ni mthar 'dzin pa'i lta ba'o/ /nyes pa longs spyod ni de rnam par dag pa'o//nyes pa ni dge ba'i las le lo ste/ de la shes rab ni brtson 'grus kyi mthar byed pas na shes rab mthar byed do/ /de bas na mthar 'dzin pa'i lta ba rnam par dag pas zhe sdang mthar byed kyang yin la/ le lo rnam par dag pas shes rab mthar byed yin no/ /sems ni nyon mongs pa'i bdud de/de rnam par dag pas na sems mthar byed do/ /nyon mongs pa ni nyon mongs pa'i sgrib pa'o/ /de rnam par dag pas nyon mongs pa mthar byed do/ /de bas na brtson 'grus kyi rang bzhin ni shes rab mthar byed do/ /'dod chags ni brjed ngas pa'o/ /yang 'dod chags ni 'chi bdag gi bdud do//de dag zad pa ni pad+ma mthar byed do/ /yang 'dod chags ni log pa'i lta ba ste/ de mthar byed pas ni chags pa mthar byed do/ /snyoms 'jug ni srid pa gzhan la 'pho ba ste/ skye ba'i sgrib pa'o/ /de rnam par dag pas na snyoms 'jug mthar byed ni dran pa'i rang bzhin te/pad+ma mthar byed do/ /nyon mongs pa thams cad ni nyon mongs pa thams cad kyi rgyur gyur pas na rnam par g.yeng ba'o/ /sems can thams cad rlag par byed pas na rdo rje ste rdo rje dang 'dra bas lha'i bu'i bdud do/ /sgrib pa ni las kyi sgrib pa dang kun ni lta ba mchog tu 'dzin pa ste/de rnam par dag par byed pas na bgegs mthar byed do/ /rnam par dag pa'i 'bras bu bshad par bya ste/ nyon mongs pa ni ma dag pa la sogs pa de rnams brtan pas na rje'o/ /de rnams kyi sgrib pa'i sems gang yin pa de rnam par dag par gyur na las thams cad ni dge ba dang mi dge ba'i las rnam par dag par 'gyur ro//las rnam par dag par gyur na rnal 'byor ba'i 'bras bu ni rdo rje 'chang chen po'i go 'phang thob pa'i mtshan nyid dag pa chos kyi sku rnal 'byor pas thob par 'gyur ro zhes bya ba'i tha tshig go/ /de bas na don bsdus pa ni 'di yin te/ma dad pa phung po'i bdud dang 'jig tshogs kyi lta ba dang shes bya'i sgrib pa ste/ 'di dag 'joms pa dad pa'i rang bzhin ni gshin rje mthar byed do/ /le lo dang nyon mongs pa'i bdud dang 'dzin pa'i lta ba dang nyon mongs pa'i sgrib pa ste 'di dag 'joms pas brtson 'grus kyi rang bzhin shes rab mthar byed do//brjed ngas pa dang 'chi bdag gi bdud dang log par lta ba dang skye ba'i sgrib pa ste/ 'di dag spong bas na dran pa'i gzhi ste pad+ma mthar byed do/ /rnam par g.yeng ba dang lha'i bu'i bdud dang / lta ba mchog tu 'dzin pa dang las kyi sgrib pa ste/ 'di dag rnam par dag pas ting nge 'dzin gyi rang bzhin ni bgegs mthar byed do//de ni rdzogs pa'i rim pa'o/ /gtsug tor la sogs pa'i rnam par dag pa bshad par bya ste/ 'dis gzung bas na gzung ba'i dbang po'o/ /chags pa ni chags pa bskyed pa ste yul lo/ /rnam pa ni yid la byed pa'o//mi g.yo ba ni gang gi dbang gis rnam par shes pa gnod pa med pas don 'dzin pa de ni snang ba'o/ / mig dang gzugs dang snang ba dang yid la byed pa bzhi po de dag ni nye bar len pa dang lhan cig byed pa'i rgyu'i dbye bas gnas so/ /gang zhig 'das ma thag tu byung ba mig gi rnam par shes pa la sogs pa skad cig ma de snga ma'i skad cig ma ni rgyu'o//mig gi rnam par shes pa ni 'bras bu ste/ rgyu drug las sems yang dag par 'byung ba'o/ /yang na mig la sogs pa nas yid kyi skye mched kyi bar du dbang po rnams las sems yang dag par 'byung ba'o//rgyu dang lhan cig 'byung ba dang / /rnam par smin dang yang dag ldan/ /kun 'gro skal mnyam dang bcas pa/ /rgyu ni rnam pa drug tu bshad/ /ces bya ba drug po de dag las sems yang dag par 'byung ba'o/ /de'i rnam par dag pa ni 'dod pa'i rgyal po nas gtsug tor gyi bar du khro bo drug bshad pa'o//de ni rnam par shes pa'i rnam par dag pa ste/ khro bo zhe sdang rigs las byung / /zhes bshad pa'i phyir ro/ /dam tshig rdo rje la sogs pa drug ni le'u dang po las bshad pa'i rigs pas sgrib pa thams cad sel ba la sogs pa byang chub sems dpa' drug ste/sa la sogs pa 'byung ba lnga dang / sa 'byung ba dang 'byung ba las gyur pa'i rang bzhin gyis rnam par shes pa'i khams la gnas pa ste/ 'byung ba dang 'byung ba las gyur pa'i rnam par dag pa'o/ /byams pa dang kun du bzang po ni rtsa rgyus thams cad dang tshigs thams cad rnam par dag pa'i rang bzhin no//gzugs rdo rje la sogs pa ni lha mo drug ste/ gzugs kyi skye mched la sogs pa rnam par dag pa'o/ /de bas na rig pa ni gzugs rdo rje ma la sogs pa'i rgyal po ni rig pa'i rgyal po ste/ byang chub sems dpa' rnams so//rdo rje ni byang chub sems dpa' ste/ de dag gi bdag po gang gi gtso bor gyur pa de ni rdo rje'i bdag po ste / gzugs rdo rje ma la sogs pa bshad do/ /de ni rdzogs pa'i rim pa'o/ /kun du spyod pa bshad par bya ste/ sku la sogs pa dang phung po la sogs pa thabs dang shes rab kyi sbyor ba ye shes kyi phyag rgya dang gnyis su med par snyoms par 'jug pa la dmigs te/cig car du rdo rje 'chang chen po'i gzugs dang ldan pa'i rnal 'byor pas 'gro ba 'di dag thams cad rang bzhin gyis dag pa'o zhes mos par byas la/ 'jigs pa thams cad ni skye ba dang 'jig pa la sogs pa'i rnam par rtog pa dang bral ba ni spangs pa ste/ /seng ge bzhin du dogs pa med par bza' ba dang bza' ba ma yin pa la sogs pa'i rnam par rtog pa dang bral ba ci snyed pa za ba'am bsam gtan gyis zas za ba can mnyam par ma bzhag pa ni spyod lam rnam pa bzhi por rang gi lha'i rnal 'byor gyis thams cad kyi rang bzhin du mthong bas rtag tu ni dus thams cad du mnyam par 'jog cing sems kun ni zag pa thams cad dang bral ba'i sems kyis spyod pa gang yin pa de ni kun du spyod pa zhes bya ste/shin tu spros pa med pa'i spyod pa ste sgrub pa'o//sngags kyi spyod pa bshad par bya ste/ dbang po yul rnams ni shes rab dang thabs snyoms par 'jug pas rten cing blangs na/ yid ni bde ba'i rang bzhin ye shes skye bar 'gyur ro/ /de mi mthun pa'i yid la byed pa nus par byed pa dang /de kho na nyid srung bar byed pas skyob pas na sngags te/ shes rab dang thabs snyoms par 'jug pa las byung ba bde ba'o/ /de la dmigs nas 'jig rten spyod pa ni tha mal pa'i lus rnam par rtog pa dang bral ba/ lha'i skur bsgoms pa blangs nas 'dod pa'i yon tan lnga nye bar spyod pa'am/gnas 'tshal du slong mo slong bas kun du bzang po'i go 'phang thob par bya ba'i phyir spyod pa gang yin pa de ni sngags kyi spyod pa zhes bya ba ste sgrub pa'o/ /de ni spros pa med pa'i spyod pa'o/ /bzlas pa bshad par bya ste/ rang gi ngo bo nyid ni 'jug pa dang gnas pa dang ldang ba'i rim gyis yin na tshig spangs pa'i rdo rje'i tshig gi snying po rnam par bsam pa ni don rtogs pa'i rnam par bsams nas so//spro dang bsdu ba ni 'jug pa dang gnas pa dang ldang bas so/ /sngags ni yi ge gsum ste/ de'i zlos pa ni 'gro ba dang 'ong ba'i sbyor ba'o/ /de'i dbye bas ni steng dang logs dang dang po dang 'og gi dbye bas so//zlos pas byed pa ni zo chun gyi 'khrul 'khor gyi rigs pas slob pa'o/ /de ltar yi ge gsum gyis rim gyis bzlas pa bshad do/ /sangs rgyas sna tshogs rdo rje'i bdag ni me long lta bu la sogs pa ye shes rang bzhin de bzhin gshegs pa rnams so//de dag ye shes sa bon dag gis bsdu/ /zhes pa ni yi ge oM gyi nang du bzhugs par bya'o/ /byang chub bdag med ni so sor rtog pa'i ye shes kyi rang bzhin 'od dpag tu med pa'i sa bon te yi ge a'o/ /bdag med ni de'i rigs can de bzhin gshegs pa rnams bsgoms nas de'i snying gar gzhug par bya'o//de bzhin du sna tshogs bzhin du sna tshogs spros te / chos kyi dbyings kyi ye shes kyi rang bzhin dus gsum gyi de bzhin gshegs pa mi bskyod pa'i rigs can gyi yi ge hUM gis spro ba bya ste/ de ni rdo rje bzlas pa zhes bya ste/ rdo rje bzlas pa'i rim pa'o/ /ngag gi bzlas pa bshad par bya ste/ bzlas pa zhes bya ba ni nam mkha'i khams thams cad la bzhugs pa'i de bzhin gshegs pa thams cad la gson cig ces bya bar mos pas ngag kun bzlas pa ni sbrul la sogs pa'i sngags khro bo'i tshig gis bzlas pa gang yin pa de ni bzlas pa zhes bya ste/las kyi rgyal po mchog gi ting nge 'dzin to/ /sngags ni 'bod pa ste/ gsang nas brjod pa'o/ /de bzhin du de nyid ni rnam par snang mdzad la sogs pa'i de bzhin gshegs pa'i rang bzhin no/ /de'i bskul ba ni de'i dbye ba la brten cing oM la sogs pa smra ba rdo rje bzlas pa smra ba bzlas pa'i rim pa'o//de nas rgyas gdab pa bshad par bya ste/ de ni rgyas gdab pa rnam pa bzhi ste/ ye shes sems dpa' gzhug pa'i rgyas gdab pa dang / ting nge 'dzin sems dpa'i rgyas gdab pa dang / dbang thob nas cod pan gyis rgyas gdab pa dang /mchod pa'i rgyas gdab pa'o/ /de nyid bshad par bya ste/ ji ltar rnam par snang mdzad la sogs pa'i dam tshig sems dpa' bsgom pa de bzhin du thugs byin gyis brlab pa ni ye shes sems dpa'i rgyas gdab par bya ba dang / de'i thugs kar yang de dang 'dra ba'i sa bon ting nge 'dzin sems dpa' bsgom pa'i rgyas gdab par bya'o//de bzhin gshegs pa thams cad kyi dbang thob nas spyi bor sems dpa' gsum gyi bdag nyid dang 'dra ba'i cod pan du de bzhin gshegs pas rgyas gdab par bya'o/ /de nas mchod pa'i dus su yang sems dpa' gsum gyi bdag nyid dang 'dra bar mchod pa'i lha mo spro zhing mchod par bya'o//dkyil 'khor rgyal po dang las kyi rgyal po mchog go/ /de nyid gsal bar bya ba'i phyir bshad par bya ste/ rdo rje 'chang ba gang yin pa'i/ /zhes pa snang mdzad la sogs pa gang yang rung ba rig ma'i shes rab dang ldan pa rnal 'byor pa ni sgrub pa pos bsgom par bya'o//de'i longs spyod bzhi ni ye shes sems dpa' dang / ting nge 'dzin sems dpa' dang / bstod pa dang mchod pa rgyas gdab pa'i mtshan nyid do/ /bdag byin rlabs la sogs pa ni rang dang 'dra bar ye shes sems dpa' la sogs pa shes par bya'o//de ni dkyil 'khor dang las kyi rgyal po mchog go/ /spyir bshad cing khyad par bshad par bya ste/ dbang po ni de bzhin gshegs pa rnams te/ rdo rje gcig pu ni rdo rje 'chang chen pos/ re re'i spyi bor dbang bskur ba ni cod pan du shes par bya'o//sngags rnams thams cad rnams kyi ni/ /rdo rje sems dpa' yang dag bsgom/ /zhes le'u bco lnga pa las gsungs pa'i phyir ro/ /snying po ni ye shes sems dpa' dang phyag rgya ni ting nge 'dzin sems dpa' dang / sngags tsam ni mchod pa'i lha mo ste/de dag rang rig rim gyis rgyas gdab par bya ste khyad par ro/ /dkyil 'khor rgyal po dang las kyi rgyal po mchog go/ /rgyas gdab pa'i rnam par bshad pa bya ste/ 'bras bu ni rnam par snang mdzad la sogs pa rdo rje 'chang gi sku'o/ /rgyu ni rdo rje 'chang chen po / /de la rjes su zhugs pas rgyas gdab par bya ste /'bras bu ni rnam par snang mdzad la sogs pa'i sku ste/ rgyu ni rdo rje sems dpa' sngar gyis bshad pa'i rigs kyis rgyas gdab par bya ste/ de ltar bsgom par bya'o/ /gzhan du ni rgyu dang 'bras bu tha dad pa bsgoms na bskal pa bye ba brgyas kyang dngos grub thob par mi 'gyur ro//de bzhin du zla ba dang rdo rje la sogs pa bskyed pa la yang shes par bya'o/ /de ni bskyed pa'i rim pa'o/ /chos 'byung nges pa'i tshig bshad par bya ste/ longs spyod bzhi ni spyan la sogs pa bzhi ste/ de dang yang dag par ldan pa ni yongs su bskor ba rig pa'i skyes bu reg bya rdo rje ma dang bcas pa'i skyes bu ste rdo rje 'chang ngo //rdo rje 'chang de yongs su gyur nas zhe sdang rdo rje dbus su bsgoms nas gru gsum du sku rdo rje la sogs pa de bzhin gshegs pa bsgom zhing chos 'byung de'i dbus su b+hUM las skyes pa'i 'khor lo rtsibs bcu pa ser po bsgoms te/rtsibs bcu la 'phags pa gshin rje gshed la sogs pa khro bo bcu dgod cing 'gog pa rdo rje ste pha rol gnod par byed pa'o/ /bsgrub pa ni bskyed pa'o/ /mchog tu mdzes pa ni mA ma kI mtsho skyes kyi nang du gnas pa dang / rdo rje 'chang gis byin gyis brlabs pa'i rdo rje 'bar ba ni me stag 'phro ba'o//'khor ba ni kun du 'khor zhing mi g.yo ba ni nam mkha' ste/ de dang mtshungs pa ni de la gnas pa'i 'ja' tshon dang mtshungs pa'o/ /de lta bu'i chos 'byung ni chos 'byung ba'i rgyu'o/ /rang bzhin dri med pa ni shin tu rnam par dag pa chos kyi dbyings kyi ye shes kyi rang bzhin bsgom par bya zhing mngon spyod la sogs pa'i phrin las bya'o//bya ba ste tshig gi lhag ma'o/ /de ni bskyed pa'i rim pa'o/ /gang gi tshe chos 'byung ba de nyid ston ka'i zla ba ltar dkar ba 'od gsal ba'i ngo bo de'i lte ba la gnas pa de'i bdud rtsi thig le yungs kar gyi 'bru'i tshad tsam phra mo'i rnal 'byor bsgoms na/de bsgoms pas skad cig gis nyams su myong bas na sangs rgyas spyan ni rdo rje 'chang chen po dang 'dra bar 'gyur ro zhes pa ste/ rdzogs pa'i rim pa'o/ /de la don bsdus pa 'di yin te/ mA ma kI'i mtsho skye sa la yi ge b+h+rUM las byung ba'i 'khor lo dmar ser rtsibs bcu ba 'bar ba bsams te/de'i lte ba'i dbus su ji skad bshad pa'i zhe sdang rdo rjer bdag bsams te/ snyoms par 'jug pa las khro bo spros te/ cung zad g.yo ba rnam par snang mdzad la sogs pa'i gnas la brten pa'i rtsibs bzhi por 'phags pa gshin rje gshed la sogs pa bzhi po dang /de bzhin du cung zad yo ba can la sogs pa'i gnas su rim pa ji lta ba bzhin du 'phags pa 'dod pa'i rgyal po dang / dbyig sngon dang mi g.yo ba dang stobs po che rnams dgod de/ cung zad yo ba dbang po dang dbang ldan gyi mtshams kyi dbus su gnas pa'i rtsibs la gtsug tor 'khor los sgyur ba dang /de bzhin du chu lha dang bden bral gyi mtshams kyi dbus su gnas pa'i rtsibs la khro bo dpal gnod mdzes kyi rgyal po bsam mo zhes bskyed pa'i rim pa'o/ /rtsa bcu'i 'khor lor rlung dang nye ba'i rlung gi dbye bas rnam pa bcu bsams la/'bras bu thig le'i gzugs su gnas par bya ste/ rdzogs pa'i rim pa'o/ /de ni chos 'byung gi phyag rgya'i dbye bas so/ /da ni rim pa gnyis kyi dbye ba bshad par bya ste/ rim pa gnyis la yang dag brten/ /zhes bya ba la/ las dang po pa rdzogs pa'i dbye bas rdo rje can ni de bzhin gshegs pa rnams kyis chos bstan pa ste/bskyed pa dang rdzogs pa'i rim pas dbye ba ste mdor bstan pa'o/ /sgrub pa ni bsnyen pa la sogs pa yan lag ste rdo rje bzhi'am/ bum pa la sogs pa'i thabs kyi rim pa'am/ dkyil 'khor gyi rim pas so/ /nan tan ni dam tshig dang sdom pa'i mtshan nyid de/de yang bskyed pa'i rim pa'o/ /sngar ni gang rnyed pa'i ye shes bdud rtsi yan lag drug pa'i rnal 'byor gyi mtshan nyid sngar bshad pa rgyas par le'u bcu gnyis pa la sogs par gsungs pa de yang rdzogs pa'i rim pa yin te/ rim pa'i dbye ba'o/ / tshig gi don bcu drug bshad pa'i skabs su ji ltar rim pa gnyis yin no zhe na/ de ni skyon ma yin te rtsa ba'i rgyud las rim pa gnyis bshad pa dang / bshad pa'i rgyud las de las gzhan du gsungs pa'i phyir ro/ /de la dang po sbyor ba la sogs pa gsum dang bsgrub pa ni bzhi ste/ bskyed pa'i rim pa'i yan lag go//rdo rje bzlas pa la sogs pa dang / rang bzhin la sogs pa ni bcu ste/ rdzogs pa'i rim pa'i yan lag go/ /de ni bskyed pa dang rdzogs pa'i rim pa'o/ /dam tshig brjod par bya ste/ gzugs rdo rje la sogs pa yul lnga po gang yin pa de dag ni dman pa dang bar ba dang mchog ste/yid du 'ong ba dang yid du mi 'ong ba dang / gnyis ka'i dbye bas/ bde ba dang sdug bsngal dang gnyis ka ste bde ba dang sdug bsngal ba yin pa'i ngo bo de dag la dmigs nas 'od gsal ba rtogs te/ 'dod chags dang zhe sdang dang gti mug dag cing ldog pa ni khyad par dang ldan pa bde ba chen po thob par 'gyur ro//de ni 'jig rten las 'das pa'i rnal 'byor pa'i dam tshig go/ /de bzhin du 'dod chags kyi sgo nas 'dod chags kyi dam tshig ni 'dod chags kyi rang bzhin te/ 'dod chags rnam par dag pa dang / de bzhin du rdo rje ni zhe sdang gi dmigs pa'i dngos po mthong nas/rdo rje ni zhe sdang rnam par dag cing rin chen ni 'od gsal ba'i ye shes rnal 'byor pa las 'byung bar 'gyur ro/ /de bzhin du gti mug tu dmigs pa'i ma rig pa'i rang bzhin dngos po mthong nas/ de sbyangs shing rin chen dang 'dra ba mngon par 'dod pa'i don ster ba 'od gsal ba rtogs par 'gyur ro//de bas na 'dod pa'i yul ni lnga ste/ dam tshig mtshungs par tha mal bar gnas na yang rnal 'byor pa la dam tshig nyid du 'gyur ro/ /de ni sems rnam par dag pa dang sgrub pa'o/ /tshar bcad pa dang phan 'dogs pa sngar bshad pa de ni zhe sdang la sogs pa bsgom pa bshad par bya ste/re zhig dang por rnam bcas ni dbyibs dang kha dog dang ldan pa'i yi ge gsum spro ba dang bsdu ba'i gnas pa'i rim pa ni 'jug pa la sogs pa'i rim gyis bzlas pa ni rdo rje bzlas pa bya'o/ /de dag rnam med ni rim gyis yi ge bsdu zhing kun 'gro ba ni phyogs dang yul dang dus dang dbyibs dang kha dog dang bral ba rnam par mi rtog pa rdo rje 'chang chen po'i ngo bo ma ning gi bzlas pa bya ste/rdo rje bzlas pa'i rim pa'o/ /rdo rje bzlas pa sems rtse gcig pa nyid thob nas yang bskyed pa'i rim pa bshad par bya ste/zhe sdang rdo rje la sogs pa'i gzugs gsum ni khams gsum skyed cing gsang ba dag pa ni sku la sogs pa byin gyis brlabs pas rgyas gdab cing / rdo rje can gyi don byed pa ni gdug pa la sogs pa tshar gcod pa'i bya ba byed do/ /ji ltar zhe na/ sngar bshad pa'i rim gyis mA ma kI'i pad+mar/zhe sdang 'khor lo ni mi bskyod pas byin gyis brlabs pa'i khro bo'i 'khor lo bskyed la/ de'i 'od zer spros pas khro bo rnams phyung zhing de rnams kyis rang gi phyag na gnas pa'i phyag mtshan gyis gdul dka' ba gsod cing de'i rnam par shes pa'i yi ge gsum bdag nyid yi ge hoH gnyis kyis spel ba 'od zer de nyid kyis dgug cing rang gi snying ga'i ye shes sems dpa'i sa bon bsdu bar bya ste/de'i tshe 'chi bar 'gyur ro/ /gzhan yang yi ge gsum gyi bdag nyid gdul dka' ba'i rnam par snga ma'i rim gyis spro zhing / gdul dka' ba'i lus la zhugs shing / rtogs pa ni sad par byas na de'i tshe 'tsho bar 'gyur ro zhes bya ba'i don to/ /de ltar sbyor ba ni ting nge 'dzin slob pa'i rnal 'byor pa zhe sdang dang rdo rje 'dra bar bdag nyid 'gyur ba ste/ tshar gcod pa dang phan 'dogs par nus par 'gyur ro/ /khams gsum pa la yang skad cig tsam gyis te/ting nge 'dzin de bsgoms pa tsam gyis bsad pa ni gsod pa dang / slong ba ni slar yang ldang bar byed do zhes the tshom byed do/ /nus pa ni bsam gtan gsal zhing brtan par gyur na zhes bya ba'o/ /de ltar rnam par snang mdzad kyi rnal 'byor pas sangs rgyas spyan gyi pad+mar gti mug 'khor lo ni rnam par snang mdzad kyis byin gyis brlabs pa'i khro bo'i 'khor lo bskyed la/lcags kyu dang zhags pa thogs pa'i khro bo rnams spros te/ ser sna can gyi mdzod kyi nang du zhugs par bsams la/ de dang mthun pa'i kha dog dang ldan pa'i khro bo rnams kyis rin po che la sogs pa blangs nas rlung gi dkyil 'khor gyi sbyor bas 'dren cing gti mug sems ni rnam par snang mdzad kyi rnal 'byor pa ste/de'i rgya mtsho ni de'i rang gi mdzod de/ rin chen thams cad ni ser sna can gyi gang zag las 'khrugs pa'i in+d+ra nI la la sogs pas rab tu gang ba ni khengs par bsgom par bya'o//rgyun de dag blang zhing bka' 'khor lo bskul te/ nor la sogs pa dang bral ba yon tan dang ldan pa'i gang zag gi khyim du gti mug 'khor lo can kun ni khro bo bskul zhing sbyin pa'i char ni rin po che'i tshogs kyi char 'bebs par bya'o/ /sbyin pa de dang 'phrog pa de nyid gang gi tshe sems rdo rje bzhin du ting nge 'dzin la brtan par gyur na de'i rdzas thams cad 'phrog pa dang sbyin pa ni skad cig tsam gyis bya'o//'od dpag tu med pa'i rnal 'byor pas gos dkar mo pad+ma rta mgrin la sogs pa'i 'khor lo bsams la/ de rnams spro zhing lha dang lha ma yin la sogs pa'i bu mo bkug cing gos dkar mo bcug ste/de dang gnyis su med pa'i sbyor bas mnyes par bya'o/ /de nyid bshad par bya ste/ dga' ba ni snang ba dang sdug pa ni snang ba mched pa dang / bde ba ni snang ba nye bar thob pa'o/ /rangs pa ni 'od gsal ba'o/ /'dod pa'i rtsed mos rnam par 'phrul ni 'khyud pa la sogs pa'i dbye ba rnams kyis nyams su myang bar bya'o//de ni lha mo dgug pa la sogs pa'o/ /de nas 'od zer gyi sbyor bas gos dkar mo'i thugs ka nas de dag spro zhing 'khor lo can kun ni 'dod chags 'dod pas sems can rnams la gdul bar bya ba'i phyir lha mo la sogs pa de dag sbyin par bya'o//ting nge 'dzin de nyid kyis khams dag tu byung ba'i bud med ces bya ba ni phul du byung ba'i tshig ste / gang gi phyir gzugs dang gzugs med pa'i khams la bud med mi srid de/ chags pa dang bral ba'i phyir ro/ /lha dang lha ma yin la sogs pa'i sgo nas 'brel ba dang ldan pa de dag skad cig ni ting nge 'dzin brtan pas skad cig gis 'dod spyod pa ni 'gugs shing spyod la gzhan rnams la yang sbyin na/mi'i bud med smos ci dgos te ting nge 'dzin che ba bstan to/ /de ni bskyed pa'i rim pa'o//'dod chags la sogs pa'i sgo nas 'gro ba 'dul bar bsten cing dkyil 'khor bri ba'i lan bstan par bya ste/ dkyil 'khor zhes bya ba de de bzhin gshegs pa thams cad gzhir gyur pa bri ba ni ci'i phyir zhe na/ dbang bskur ba ni 'og nas bshad par 'gyur ba rnam pa bzhi ste/de thob par bya ba'i phyir dang / de bzhin du las kyi tshogs kyang bya ba'i phyir dang / nyams su len pa ni bskyed pa'i rim pa'i lha'i sku bskyed par bya ba'i phyir dang / byin gyis brlab pa ni rdzogs pa'i rim pas rdo rje 'chang gi go 'phang thob par bya ba'i phyir dkyil 'khor bri ba ste/ rtog pa'i rnal 'byor pa rnams kyis so/ /grub pa'i bgrod pa gzhan yin no/ /de ni rdzogs pa'i rim pa der gnas pa'i phyir ro/ / mthar phyin pa'i bgrod pa ni dkyil 'khor tshul te/ gzhan ni rnam pa gzhan gyi yin no/ /de nyid bshad par bya ste/ b+ha ga ni chos 'byung gi phyag rgya ste /de ni snying por gyur pa na dkyil 'khor zhes bya ste/ byang chub kyi sems la sogs pa'i lha'i 'khor lo/ byang chub kyi sems kyang dkyil 'khor te/ kun rdzob kyi tshul du de la de bzhin gshegs pa lnga gnas pa'i phyir dang / bde ba chen po'i tshul du rdo rje 'chang gi rten yin pa'i phyir ro//lus ni lus te de yang dkyil 'khor yin la/ lha thams cad kyi rten yin pa'i phyir ro/ /phung po lnga ni mdor bsdus pa/ /sangs rgyas lngar ni rab tu grags/ /zhes le'u bcu bdun pa las gsungs pa'i phyir ro/ /de ni bskyed pa'i rim pa dang rdzogs pa'i rim pa dag go//phyag rgya dri ba'i lan bstan pa ni thams cad ni phung po la sogs pa dang nyon mongs pa la sogs pa yang phyag rgyas rgyas gdab pa ni bde ba chen pos phyag rgyas gdab pa'o/ /de nyid dkyil 'khor ni 'gro ba'i dkyil 'khor rgyas btab pa ste/ des na phyag rgya zhes bya'o/ / de ni rdzogs pa'i rim pa'o/ /yang na phyag rgya zhes bya ba ni btsun mo'i mtshan ma'o/ /des thams cad ni phung po la sogs pa'i rang bzhin gyi 'gro ba rgyas btab pas na phyag rgya'o/ /de yang rdo rje dang pad+ma'i mtshan nyid de/ gang gi phyir rdo rje dang pad+ma'i phyag rgya dag gis/ sems can gyi skye gnas bzhi pa'i 'brel pa dang ldan pa'i 'gro ba thams cad rgyas btab pa ste/de bas na rdo rje'i phyag rgya dang pad+ma'i phyag rgya ste/ thabs dang shes rab kyi rang bzhin du shes par bya'o/ /de ni rdzogs pa'i rim pa'o/ /yang na phyag rgya ni phung po la sogs pa'i rang bzhin skyed par byed pa/chos 'byung gi phyag rgya ste/ des rgyas btab pas na phyag rgya ni las kyi phyag rgya dang / dam tshig gi phyag rgya dang / de nyid bsgom pa'i shes rab ni ye shes kyi phyag rgya dang / phung po la sogs pa rnam par dag pa'i mtshan nyid phyag rgya chen po'o/ /de rnams kyis 'gro ba thams cad rgyas btab pas na phyag rgya'o//yang na phung po dang skye mched dang khams rnams kyi rang bzhin ni sa la sogs pa khams bzhi po ste/ spyan dang / mA ma kI dang / gos dkar mo dang / sgrol ma ste/ de rnams kyi dkyil 'khor thams cad ni khams gsum pa rgyas btab pas na phyag rgya zhes bya'o//de ni bskyed pa dang rdzogs pa dag go/ /phyi rol gyi rim pas mtshan ma'i phyag rgya bshad par bya ste/ lcags kyu la sogs pa bzhi po ni 'dod pa'i rgyal po la sogs pa bzhi po'o/ / grwa ni sgo'i grwa rnams su dgod par bya'o/ /de'i 'khor lo dang rdo rje ni gtsug tor 'khor los sgyur ba dang gnod mdzes rgyal po'i mtshan ma ste/steng dang 'og tu dgod par bya'o/ /rig pa'i rgyal po drug po ni 'dod pa'i rgyal po drug po'o/ /phyag rgya drug po ste/ mtshan ma drug tu rab tu grags/ /zhes gsungs so/ /sa nas brtsams te rnam par shes pa'i khams kyi bar du gzugs kyi rdo rje ma la sogs pa gang yin pa de'i dkyil 'khor du rim pa ji lta ba bzhin du me long ni gzugs brnyan gyi rang bzhin dang /pi waM ni brag ca'i rang bzhin dang mtshungs pa'i sgra'i rang bzhin dang / dung ni chos kyi tshul khrims te dri bzang po'i rang bzhin dang / snod ni bdud rtsi lngas gang ba ste/'dod pa'i yon tan lnga'i longs spyod kyi rnam par dag pa'i rang bzhin dang / 'dod chags las ni 'dod chags la sogs pa'i tsha ba sel bas/ 'jig rten las 'das pa'i rig pa'i bde ba'i rang bzhin dang / chos 'byung ba ni sku gsung thugs dang / sku gsum dang ting nge 'dzin gsum gyi rang bzhin phyag rgya drug po de dag rdo rje'i bdag po ni rdo rje bdag po gang la yod pa de ni rdo rje'i bdag po ste/gzugs kyi rdo rje ma la sogs pa'i phyag rgya dgod par bya'o/ /sangs rgyas dang byang chub sems dpa'i dang khro bo'i rgyal po rnams kyi phyag rgya gang yin pa de dag rdo rje dang 'khor lo dang rin po che dang pad+ma dang ral gri dang tho ba la sogs pa dang /de'i rigs kyi kha dog ste kha dog lnga pa dgod par bya'o/ /de las gzhan yang dpa' bo gcig ces bya ba ni sa'i snying po la sogs pa'i phyag rgya/ phyag rgya rigs kyi kha dog ni rnam par snang mdzad la sogs pa'i rigs kyi rjes su 'brang bar brtags pa ni dgod par bya ste/de ni bskyed pa dang rdzogs pa'i rim pa dag go/ /me tog 'dri ba'i lan bstan pa bshad par bya ste/ me tog ces bya ba ni lha mo nam mkha'i khams te shes rab kyi pad+ma'i lte ba'i nang na khams sar pa ste rak+ta phral du dbyung ba'o/ /de ni sku gsung thugs kyi dbye ba ste/sku la sogs pa'i dkyil 'khor las lces blangs shing rigs kyi rim pa ste/ rigs gsum gyi sa bon gyis byin gyis brlab cing dgod pa ni spyod par bya ste bsgrub pa'o/ /yang na btsun mo'i nam mkha'i khams ni shes rab kyi nam mkha' ste / de la rtsa re re la pad+ma 'dab ma brgyad dang lte ba ste dgu'o//de las byung ba'i khams rnams ni rak+ta dang shu kra dang dri chab bo/ /sku rdo rje la sogs pa ni rnam par snang mdzad la sogs pa'i rang bzhin no/ /snga ma bzhin du dgod pa ni spyod pa ste sgrub pa'o/ /yang na lha mo ni dmigs pa med pa'i shes rab bo/ /de'i nam mkha'i khams ni thams cad stong pa'o//de la sku la sogs pa dang khams rnams dang rnam par shes pa ste/ dgod pa ni nye bar bya ste me tog ces bya'o/ /de ni sems rnam par dag pa'o/ /mchod rten dri ba'i lan bstan pa'i phyir bshad par bya ste/ sangs rgyas thams cad ni chos dang longs spyod rdzogs pa dang sprul pa'i sku'i rang bzhin de bzhin gshegs pa rnams kyi gzhi ni bzhugs gnas te gzhi ni lus zhes bya'o//de ni rdzogs pa'i rim pa'o/ /yang na sangs rgyas thams cad ni shu kra la sogs pa khams lnga ste/ de rnams kyi bzhugs gnas ni bzhi ste shes rab kyi pad+ma zhes bya'o//shes rab kyi pad+ma ni mchod rten zhes bya'o/ /de yang rdo rje bdud rtsi'i rgyud las gsungs pa'i rigs pa nam mkha' lnga dang 'dab ma brgyad dang / lte ba ste mchod rten de nyid kyi 'khor lo bcu bzhi zhes bya'o/ /yang na sangs rgyas thams cad kyi rang bzhin byang chub kyi sems kyi thig le 'dzin pa'i bdag nyid can gyi rdo rje ni mchod rten zhes bya ste de ni rgyu'o//rang bzhin gyis grub pa'i ye shes sems dpa' nam mkha'i dbyings la zhugs pas reg pa ni de dang ldan pa 'khor lo ni dkyil 'khor pa'i 'khor lo ste/ de ni ye shes kyi 'khor lo zhes bya'o/ /la la na re snying ga la gnas pa zhes bya ba de ni dkyil 'khor rgyal po mchog go//sa bon gyi yi ge bshad par bya ste/ sa bon gyi yi ge ni bskyed pa'i don du yi ge rnams so/ /gnas ni bskyed pa'i don te mi 'jig pa'i nus pa dang ldan pa'o/ /rdo rje gsum ni sku gsung thugs kyi rdo rje rnam par snang mdzad la sogs pa'i mi 'gyur ba ni sa bon te/de bzhin du yi ge ni me long lta bu la sogs pa'i ye shes kyi ngo bo nyid de/ chos nyid rang bzhin gyis rtag pa mi 'jig pas na yi ge ni sa bon rnams so/ /de ni bskyed pa'i rim pa'o/ /skul ba bshad par bya ste/ sad na ni 'od gsal ba la bzhugs pa sems can gyi don du ldang bar bya bas sad pa ste/sku gsung thugs kyi de kho na nyid ni 'od gsal ba las ldang bar bya ba ni bskul ba zhes bya ste/ las kyi rgyal po mchog gi ting nge 'dzin to/ /yang na sku gsung thugs ni 'dod pa'i gdugs la sogs pa ste gtso bo'i rtsa gsum mo/ /de'i sad pa ni sor mo'am lces bskul ba ste bskul ba zhes bya'o//yang na sku gsung thugs kyi de nyid ni sa bon gsum mo/ /de rnams kyi bdud rtsi lnga sad pa ni 'od gsal bar byas pas bskul ba ste sgrub pa'o/ /gtong ba dri ba'i lan bshad par bya ste/ 'od zer spro ba ni phyogs bcu'i 'jig rten gyi khams su sems can gyi don bya ba'i phyir 'od zer 'gyed pa gtong ba zhes bya ste las kyi rgyal po mchog go//yang phyogs bcu'i 'jig rten gyi khams la lha rnams kyi nus pa dgug par bya ba'i phyir ram/ gdul dka' gdul bar bya ba'i phyir bka' nyan gtong ba gang yin pa de ni gtong ba zhes bya ste sgrub pa'o//spyan 'dren pa'i dri ba'i lan bstan par bya ba'i phyir/ spyan 'dren pa zhes bya ba ni nam mkha'i dbyings la bzhugs pa'i rdo rje can thams cad de ting nge 'dzin gsum cir yang dgug cing gzhug pa de ni spyan 'dren pa zhes bya ste/ bskyed pa'i rim pa'o/ /de dag gong bu'i tshul ni sngags kyi yi ge'i thig le'i gzugs sam/yang byang chub kyi sems kyi thig le'i gzugs su bsdus pa ni gcig tu byas te/ snying ga'am rdo rje'i pad+ma'am gdong gi sna'i rtse mor 'ching ba ste/ bsdams pa'am 'dzin pa zhes bya'o/ /de las kyang mi g.yo ba dbang du bya ni bcings pa zhes bya ste/ de ni las kyi rgyal po mchog dang rnal 'byor ro/ /bri ba'i dkyil 'khor dri ba'i lan bshad par bya ste/ sku gsung thugs kyi rdo rje zhes bya ba ni rnam par snang mdzad la sogs pa'i rnal 'byor pa rnams kyis sku rdo rje la sogs pa'i dkyil 'khor rnam par snang mdzad la sogs pa'i dkyil 'khor gang gi tshe 'dri bar byed na/de'i tshe thig skung 'dzin pa'i slob ma rnams sku la sogs pa'i rang bzhin te/ rnam par snang mdzad la sogs pa'i ngo bo rgyas btab pas bskyed par byas la bri ba'i dkyil 'khor brtag pa ni thig gdab par bya'o/ /de la dgongs pa 'di yin te rnam par snang mdzad kyi rnal 'byor pas sku'i dkyil 'khor bri bar 'dod pas rang gi bdag nyid rnam par snang mdzad du bsgoms la/slob ma ni 'od dpag med pa'am mi bskyod pa'am/ bdud rtsi 'khyil par bsgom par bya'o/ /'od dpag med pa'i rnal 'byor pas gsung gi dkyil 'khor bri bar 'dod na bdag nyid ni 'od dpag tu med par bsgoms la/slob ma ni rnam par snang mdzad dam/ mi bskyod pa'am bdud rtsi 'khyil par bsgom par bya'o/ /mi bskyod pa'i rnal 'byor pas thugs kyi dkyil 'khor bri bar 'dod na bdag ni mi bskyod par bsgoms la/ slob ma ni rnam par snang mdzad dam/ 'od dpag tu med pa'am/bdud rtsi 'khyil par bsgom par bya'o/ /yang na slob ma ni rdo rje sems dpa' bsgom par bya'o/ /de ni bskyed pa'i rim pa'o/ /dbang bskur ba'i lan bshad par bya ste/ dbang bskur ba zhes bya ba rgyud 'di la ni dpal gsang ba 'dus pa rnam pa gsum yin te/ lus dang ngag dang sems rnam par dag pa'i phyir ro//de la bum pa'i dbang bskur gyis ni lus rnam par dag par 'gyur te/ bskyed pa'i rim pa gtso bo yin pa'i phyir ro/ /gsang ba'i dbang gis ni ngag rnam par dag par 'gyur te/ bdud rtsi myang ba'i rang bzhin yin pa'i phyir ro/ /shes rab kyi dbang gis ni sems rnam par dag par 'gyur te/rdzogs pa'i rim pa gtso bo yin pa'i phyir ro/ /de rnams kyi dbye ba dang rim pa ni le'u bcu drug pa las bshad do/ /bzhi pa de yang de bzhin no zhes bya ba ni shes rab kyi ye shes de nyid kyang bla mas bstan pa ni bzhi pa zhes bya'o/ /'dir shes rab ye shes ni bde ba chen po zhes bshad de/de yang rnam pa gnyis te/ dpe'i bde ba dang dpe las byung ba'i bde ba'o/ /de la dpe'i bde ba ni shes rab ye shes yin la/ dpe las byung ba'i bde ba ni de yang zhes bya ba'i sgras brjod pa yin te/ rang gi mngon sum pa'i tshad mas khong du chud par bya ba'i phyir dang rnam par mi rtog pa'i phyir ro/ / de nyid kyi phyir ye shes kyi sgras ma gsungs so/ /'o na rtog pa dang bcas pa/ dpe'i bde bas rnam par mi rtog pa'i de kho na nyid ji ltar 'byung ba yin te/ 'bras bu ni rgyu dang mthun pa'i phyir ro zhe na/ de ltar ma yin te gang gi phyir de kho na nyid kyi rgyu yod pa ma yin te rtag pa'i phyir ro/ /rgyu dang bcas pa yin na skad cig ma can dang 'jig par yang thal bar 'gyur te bum pa bzhin no//chos nyid ni rang bzhin gyis rtag pa nyid kyis nam mkha' bzhin du gnas pa'i phyir dang / dpe'i bde ba ni skad cig ma yin pa'i phyir de nyid la rgyu mi rigs pa'i phyir ro/ /de nye bar mtshon pa nyid kyis de khas blangs pa yin la/ nye bar mtshon pa'i rgyu nyid mi rigs te/zla ba bstan pa'i sor mo yang rgyu nyid du thal bar 'gyur ba'i phyir ro/ /rgyu dang 'bras bu ma yin pa ni rang bzhin gyis grub pa yin pa'i phyir nam mkha' bzhin no/ /glo bur ba'i sprin dang 'dra ba'i dri ma sel bar byed pa dpe la brten pa'i rigs pa yin no/ /de khas ma blangs na thams cad kyis sangs rgyas nyid thob pa thal bar 'gyur ba dang /sgom pa la sogs pa don med pa dang rten par byed pa med par 'gyur ba dang / bsod nams dang sdig pa la sogs pa med par thal bar 'gyur ba'i phyir ro/ /de bas na dpe'i bde ba ni rgyu nyid ma yin te rtog pa dang bcas pa'i phyir ro//nye bar mtshon pa tsam nyid ni rigs te mar me bzhin no zhes sngar bshad zin te/ ha cang thal bar 'gyur bas chog go/ /rig pa'i brtul zhugs kyi skabs su dbang gnyis po dka' ba yin pa'i phyir de'i rim pa bshad par bya ste/ sngags kyi tshul du snod du rung ba ni sngags kyi tshul du rung ba'o/ /snod du rung ba zhes bya ba rigs kyi dbye bas yin no//gang gi phyir zhe sdang gi rigs kyi bud med gang yin pa de ni mi bskyod pa'i rigs la/ de bzhin du gti mug la sogs pa'i rigs can ni rnam par snang mdzad la sogs pa'i rigs can yin no/ /kha dog gis kyang gang zhig nag po de ni mi bskyod pa'i rigs yin pa dang /de bzhin du dkar po la sogs pa'i kha dog de ni rnam par snang mdzad la sogs pa'i rigs su shes par bya'o/ /las kyis kyang rigs shes par bya ste/ drag po la sogs pa'i las byed pa'i phyir ro/ /de ltar rigs dpyad nas sngags snod du rung ba shes rab yin no//mig yangs sngags zhes bya ba 'dis gzugs kyi phun sum tshogs pa nyid du bstan to/ /me tog bcas pa zhes bya ba 'dis na tshod dang ldan pa yin te/ na tshod dang mi ldan na me tog mi ldan no/ /sa bon 'byung zhes bya ba 'dis ni sa bon 'dzag pa zhes 'jig rten las grags pa dang pad+ma can no//yang na gang gi tshe de'i me tog 'byung ba de'i tshe blang bar bya'o/ /de dang 'dra bar shes par bya ba ni dam tshig la sogs pa legs par bzlas pa gzung zhing sngags pas slob ma las gsang ba'i dbang ni gsang ba'i dbang ste sbas pa'i bka' drin sbyin par bya'o/ /de nyid kyi rim pa bshad par bya ste/nam mkha'i dbyings kyi dbus su bshang gci la sogs pa bdud rtsi lngas gang ba'i bum pa rnams bcom ldan 'das de bzhin gshegs pa bsams la de de dang lhan cig rdo rje dang pad+ma snyoms par 'jug pas gnas pa'i rdo rje slob dpon gyis mchog tu dga' ba'i sgras de dag dgug cing //snying gar bcug ste/ sku gsung thugs kyi rdo rje ni rtsa gsum ro gcig par gyur pa'i rtsa dbus ma la zhu ste/ rdo rje'i lam nas byung zhing pad+ma la gnas pa'i byang chub kyi sems dung phor la sogs par blangs te/ slob ma'i khar sbyin par bya'o/ /kha cig na re rdo rje de nyid khar gzhug par bya'o zhes zer ro//dbang bskur ba ni rnam par rtog pa zad par byed pas na mchog ste dam pa'o/ /de bzhin du gsang sngags kun ni de bzhin gshegs pa'i sku la sogs pa thob pa'i rgyu yin pas na go 'phang ngo / /de bas dbang bskur ba 'di yis sngags kun dang sngags thams cad de/ 'jig rten las 'das pa'i dngos grub dang /las mchog gi tshogs rnams ni zhi ba la sogs pa'i 'jig rten pa'i dngos grub rnal 'byor pas grub par 'gyur ro zhes tshig gi lhag ma'o/ /de ni bskyed pa'i rim pa dang sgrub pa'o/ /yang shes rab kyi dbang bskur bar bya ste/ mchog tu dad pa can ni dkon mchog gsum la sems dad pa'o//shes rab chen po ni thos pa la sogs pa'i rim gyis phul du byung ba'i ye shes thob pa'o/ /gzugs bzang ni mdzes pa dang sgeg pa dang / na tshod la sogs pa'i yon tan dang ldan pa'o/ /sgrub pa po la dga' ba ni rnal 'byor dang mthun pa'o/ / sbyor ba gcig ni zla med pa'i sbyor ba ste sngags kyi tshul lo/ /de la bya ba goms pa ni lam de nyid du sgom pa la sogs par byed pa'o/ /dam tshig dag ni bya ba'i rgyud la sogs pa'i dam tshig gi nang nas dam tshig can ni rnal 'byor chen po'i rgyud las gsungs pa'i dam tshig gi spyod pa dang ldan pa'i shes rab de blangs nas mchod pa dang /bstod pa dang / bsnyen bkur sngon du 'gro ba'i slob mas bla ma la yon du phul bar bya'o/ /slob ma zhes bya ba ni tshig gi lhag ma'o/ /rdo rje slob dpon gyis kyang rigs lnga dang sku gsung thugs kyi sa bon byin gyis brlab par byas la mA ma kI la sogs pa'i gzugs su bskyed cing rnam par snang mdzad kyi ting nge 'dzin dang ldan pa'i sgrub pa po la de sbyin par bya'o//de nas dam tshig dang sdom pa blang ba dang las su rung ba'i rdo rje la 'jug pa shes rab dang snyoms par 'jug pa dang ldan par slob ma bltas te/ rang gi snying gnas gti mug dga' ma la sogs pa spro zhing de'i khar gzhug par bya'o//de nyid bshad par bya ste/ gti mug sbyor ba ni rnam par snang mdzad dang snyoms par 'jug pa gti mug dga' ma spros shing de'i kha la bcug cing zhugs te/ de las byung ba'i byang chub sems kyi rgyun gyis dbang bskur na/slob ma gti mug rdo rjer 'gyur ro/ /de bzhin du zhe sdang dang 'dod chags dang shes rab dang ye shes kyi bdag nyid ni mi bskyod pa dang 'od dpag tu med pa dang don yod grub pa zhe sdang dga' ma dang 'dod chags dga' ma dang / rdo rje dga' ma dang snyoms par 'jug pa dang ldan par spros te/de'i khar bcug cing de las byung ba'i byang chub kyi sems kyi rgyun gyis zhe sdang la sogs pa dag par bya ba'i phyir zhe sdang la sogs pa'i rgyun gyis slob ma la dbang bskur bar bya'o/ /de ni shes rab ye shes kyi dbang bskur ba'i cho ga ste bskyed pa'i rim pa dang 'bras bu dag go/ / rig pa'i brtul zhugs bshad par bya ste/ de nas lha mo de nyid ni sngar bshad pa'i yon tan gyi tshogs dang ldan pa blangs nas rdo rje can gyi slob ma ste/ de'i lag pa gnyis su bzung ste/ de'i bar na gnas pa'i slob dpon gyis slob ma'i spyi bor lag pa bzhag cing nam mkha'i dbyings la bzhugs pa'i de bzhin gshegs pa rnams dbang por byas la/de rnams kyi spyan sngar de de la sbyin par bya'o/ /'di yang brjod par bya ste/ thabs gzhan ni nyan thos pa la sogs pa'i sbyangs pa'i yon tan dang / lus dal ba la sogs pa dang shin tu dka' ba byang chub sems dpa'i sdom pa la sogs pa des 'tshang mi rgya ba ni/rdo rje 'chang nyid thob par mi 'gyur te ma dag pa'i thabs dang ldan pa'i phyir ro/ /de bas rig pa 'di ni 'od gsal ba'i rig pa 'dis rig pas shes rab bo/ /'di ni bdag gis byin gyis brlabs pa yin la mchog ste dam tshig dang sdom pa mchog tu gyur pa long shing ces bya ba ni tshig gi lhag ma'o //gang phyir chos thams cad ni phung po la sogs pa ste/ de dag gzung ba dang 'dzin pa'i rtog pa med pas gnyis su med pa ste gnyis dang bral ba'o/ /dri za'i grong khyer dang 'dra bar 'phrul pas dngos po gnyis te gzung ba dang 'dzin pa'i dngos po nyid du snang ba yin no//de bas bzung ba dang 'dzin pa'i rnam par rtog pa gzhom par bya ba'i phyir chos kyi dbyings kyi dbang phyug ma'i ngo bor rig pa 'di dang khyod kyis ni bral bar mi bya ste/ 'di dang bral bar mi bya'o zhes bya ba ni rig pa'i brtul zhugs so/ /'di ni sangs rgyas thams cad kyi rgyu yin pas na sangs rgyas thabs te/mar ni tshe zhes bya ba'i rig pas rig pa'i brtul zhugs so/ /brtul zhugs ni sdom pa'o/ /bla na med pa ni bya ba'i rgyud la sogs pa la zhugs pas rnyed par dka' ba'o/ /gang zhig rmongs pa ni 'khrul pa'am brjed ngas pas 'da' ba ni srung bar mi byed na de'i dngos grub mchog ni rdo rje 'chang chen po'i go 'phang gi mtshan nyid grub par mi 'gyur ro zhes bya ba ni sgrub pa'o//bdud rtsi lnga'i dri ba'i lan bshad par bya ste/ tha mal pa ni rang bzhin gyis grub pa dri ma ni bshang ba la sogs pa lnga dang / lnga ni lcags kyu lnga'o/ /snang ba ni dag pa nyid du snang ba ste/chos thams cad rang bzhin gyis dag pa yin pa'i phyir ro/ /de bas na 'khor gsum mi dmigs pa'i rnal 'byor pas gal te bdud rtsi dang / lcags kyu spyod na de'i tshe cung zad kyang skyon med de/ 'on kyang rnam par rtog pa'i 'ching ba las sems grol bar bya ba'i phyir sgom pa'i khyad par brten par bya'o//de nyid bshad par bya ste/ ye shes lnga ni de bzhin gshegs pa'i sa bon lnga ste oM la sogs pa'o/ /de rnams kyis byin gyis brlab par byas la/ bdud rtsi lnga ni bdud rtsi dang 'dra bar rims la sogs pa'i skyon sel bar byed par 'gyur ro/ /sbar ba ni yi ge oM gyis me tog spro bar bya'o//sreg pa ni pad+ma'i snod kyi 'og na gnas pa'i rlung dang me'i dkyil 'khor gyis so/ /snang ba ni sad pa ste g.yon du bskor bas 'khor ba dang bems po ma yin par bya'o/ /gzugs snang ba ni sbyang ba ste dag pa'i ngo bo nyid du bya'o/ /de dag dang yi ge AHdang hUM dag gis bya ba'o//sngags kyi sku rab sbyor ba ste/ rang gi yi dam gyi lha'i sbyor bas lag pa dang lkog ma sbyang zhing nang gi sbyin sreg gi rim gyis bdud rtsi lnga ni rdzas lnga bsdus pa las byung ba'i bdud rtsi byang chub kyi sems kyi ngo bo bza' bar bya'o/ /de nyid rim par bshad par bya ste/ bar snang ni snod kyi steng gi cha ste/de la yi ge hUM las byung ba'i rdo rje bsams la/ 'og tu ni yi ge AHlas byung ba'i pad+ma 'dab ma brgyad pas mtshan pa'i snod bsgoms te de la gnas pa'i bdud rtsi yi ge oM gyis tshim par byed pa'i bdud rtsi'i rang bzhin du bsams la/ yaM dang raM las byung ba'i rlung dang me'i dkyil 'khor dag gis sbar la/rdo rje dang pad+ma steng dang 'og tu mchod pa bzhin du 'dus par byas la/ tshim par bya ba'i ngo bo shel ltar dag pa ye shes kyi bdud rtsi bsam ste / rang gi snying ga las byung ba'i rno ba'i 'od zer gyi tshogs kyi mtshon chas phyogs bcu'i 'jig rten gyi khams na gnas pa'i de bzhin gshegs pa rnams bkug cing bdud rtsi la bcug ste/sa bon lnga yongs su gyur pa las de bzhin gshegs pa lngar rang gi lha mo dang snyoms par zhugs pas yongs su gyur pas byang chub kyi sems kyi ngo bor yi ge gsum gyis byin gyis brlabs pa de nyid kyis sbyang ba la sogs pa byas pa lkog ma dang lce la sogs pa sbyang ba la sogs pa'i rim gyis bza' bar bya ba ni spyad par bya'o//gzhan du ni gal te rnal 'byor pas de ltar mi byed na/ de'i tshe 'grub mi 'gyur ni rdo rje 'chang chen po'i go 'phang thob par mi 'gyur te sgrub pa'o/ /tha mal pa'i dngos grub bshad par bya ste/mi snang ba la sogs pa ni ri lu la sogs pa 'dzin pa'i sgo nas dngos grub dang / mig sman dang rkang mgyogs dang 'khor lo'i rig pa 'dzin pa la sogs pa'i dngos grub gang yin pa de dag ni tha mal pa'i dngos grub yin te longs spyod ster ba'i phyir ro//de bzhin du sangs rgyas ni rdzogs pa'i rim pa'i rnal 'byor pas bsgrub par byas pas na sangs rgyas kyis bsgrubs te/ rdo rje 'chang nyid dang sangs rgyas nyid de bzhin gshegs pa lnga'i go 'phang ngo / /gnyis po de yang de bzhin gshegs pa dang rdo rje 'chang gi dbugs dbyung ba'i mtshan nyid ni dngos grub mchog ces bya ste thar pa ster bar bya ba'i phyir ro//de ni bsgrub pa dang rdzogs pa'i rim pa'o/ /rim pa gnyis par bsnyen pa la sogs pa bshad par bya ste/ thabs rnams bzhi po ni dbye ba rnam pa bzhi'o/ /byang chub rdo rje ni rdo rje 'chang chen pos so//sgrub pa ni lha'i sku sgrub par byed pa dang / 'od gsal ba rtog par byed pa gsungs zhes bya ba ni rnal 'byor gyi rgyud gsungs pa'o/ /rnal 'byor gyi rgyud thams cad ni rdo rje 'jigs byed dang rdo rjes 'og gi rgyud la sogs pa'o/ /rnal 'byor pa ni rnam pa gnyis kyi rnal 'byor pa ste/sngags pa ni rdo rje 'chang chen po thob par bya ba'i phyir gsungs pa'o/ /de ni bskyed pa'i rim pa dang rdzogs pa'i rim pa dag go/ /bsnyen pa la sogs pa ni yan lag bzhi po mdor bstan pa'o/ /thun mong zhes bya ba la sogs pa la tha mal pa dang mchog gi dbye bas rnam pa gnyis su bstan to//rdo rje bzhi po ni mngon par byang chub pa lnga'i rim gyis bsnyen pa la sogs pa tha mal pa'o/ /yan lag drug gi rnal 'byor gyis ni mchog gi bsnyen pa'o/ /stong pa nyid la sogs pa rgyud thams cad las gsungs pa'i dang po sbyor ba la sogs pa'i ting nge 'dzin gsum gyi nang du bsdus par 'gyur ro//de ni rdo rje bzhi po'i mtshan nyid de/ tha mal pa'i bsnyen pa la sogs pa'o/ /de ni dang po sbyor ba dang dkyil 'khor rgyal ba mchog dang las kyi rgyal po mchog go/ /ye shes ni rdzogs pa'i rim pa ste/ de nyid rga ba dang 'chi ba med pa'i go 'phang thob par byed pas na bdud rtsi ste/des ni bsnyen pa la sogs pa mchog ste/ phul du byung ba zhes bya ba'i don to/ /de nyid kyi phyir yan lag bzhi pa'i nang nas bsnyen pa gcig pu ni sbyor ba drug gis te/ so sor sdud pa la sogs pa sbyor ba drug gis bya'o//gzhan du na mchog gi dngos grub ni rdo rje 'chang chen po'i dngos grub tu mi 'gyur te/ rdzogs pa'i rim pa'o/ /so sor sdud pa zhes bya ba la sogs pas yan lag drug gi rnal 'byor mdor bstan pa'o/ /dbang po bcu zhes bya ba la sogs pas rgyas par bshad par bya'o //dbang po ni mig la sogs pa lnga'o/ /don ni gzugs la sogs pa yul lnga'o/ /de dag bsdus pa ni dbang po dag go/ /dbang po yul dang bcu po de dag ni rang gi yul gzung bar bya ba'i mtshan nyid do/ /de blangs nas so sor ni rang gi yul re re la nye bar spyod pa dang /'dod pa lnga nye bar spyod pas de ni so sor sdud pa zhes bya ba ste/ yan lag dang po'o/ /de rnam par dag pa'i phyir bsam gtan bshad par bya ste/ 'dod pa lnga ni gzugs la sogs pa'i yul te/ de dag dbang po dang bcas pas gcig tu byas la de bzhin gshegs pa lnga'i rang bzhin du brtag par bya ste/bsam gtan zhes bya'o/ /de'i yang bye brag lnga ste/ rtog pa dang dpyod pa ni rags pa dang phra ba'i rtog pa ste chags pa'i rang bzhin no/ /dga' ba dang bde ba ni lus dang sems kyi bde ba'i rang bzhin te/ chags pa dang chags pa dang bral ba'i ngo bo sems rtse gcig ni chags pa dang chags pa dang bral ba dang chags pa bar ma med pa 'od gsal ba'i rang bzhin no//de nyid bshad par bya ste/ gsang ba gsum 'byung ba ni yul dang dbang po dang rnam par shes pa'i reg pa las byung ba'i bde ba 'khrugs pa'i mtshan nyid gang yin pa de nyid sbyor ba ste/rtog pa gsum yongs su spangs nas nyams su myong ba ni spyod pa ste gnyis po de dag ni chags pa dang snang ba'o/ /de nas dbang po thams cad kyi rnam par rtog pa yongs su spangs nas lus shin tu sbyangs pa tsam ni dga' ba'o/ /de nas lus shin tu sbyangs pa dang bral bas na sems shin tu sbyang ba ste/bsdus par gyur pa'i bde ba bsdus pa ste nyams su myong ba ni bzhi pa'o/ /gnyis po de dag chags pa dang chags pa dang bral ba ste/ snang ba mched pa dang snang ba nye bar thob pa'o/ /de nas shes pa dang shes bya byung ba zad pa'i rnam par mi rtog pa sangs rgyas gcig gi rang bzhin nam mkha' kun ni khams gsum pa la gnas pa 'gro ba thams cad kyi ngo bo rang gi sems ni 'od gsal ba'i rang bzhin lnga par shes par bya'o//de nyid brtan par bya ba'i phyir yan lag gsum pa bshad par bya ste/ ye shes lnga'i rang bzhin ni me long lta bu la sogs pa'i ngo bo'o//de la thig le ni gsal ba nyid me long lta bu'i ye shes so/ /khams thams cad mtshungs pa nyid ni mnyam pa nyid kyi ye shes so/ /de ni bde ba chen po la spyod pa la so sor rtog pa'i ye shes so/ /de'i 'od zer spro ba dang bsdu bas 'gro ba'i don bya ba ni bya ba nan tan grub pa'i ye shes so//shes rab kyi pha rol tu phyin pa dang don dam pa byang chub sems kyi ngo bo ni shin tu rnam par dag pa'i chos kyi dbyings kyi ye shes so/ /de bas na ye shes lnga'i rang bzhin no/ /rlung dang nye ba'i rlung bcu nye bar sdud par byed pas gnas pa'i skabs su dbugs so//'byung ba lnga'i ngo bo nyid ni lus te/ de'i snying por gyur pas sra ba dang gsher ba dang dro ba dang / 'gro ba dang 'ong ba dang khong stong dang ldan pa'i phyir ro/ /thig le'i gzugs de nyid ni gong bu'i gzugs kyis ni phung po la sogs pa thams cad bsdus pa'i ngo bo yungs kar gyi tshad tsam rtsa dbus ma dang rdo rje'i lam nas phyung nas sna'i rtse mo ste de'i rtse mor brtag pa ni bsdu bar bya'o//rin chen kha dog sna lnga pa de bzhin gshegs pa lnga'i 'od zer gyi tshogs steng nas kyang spro ba/ srog dang rtsol ba ni srog dang rtsol ba ste/yan lag gsum pa'o/ /rang sngags ni rdo rje 'chang chen po'o/ /snying gar bsams pa ni sgom pa ste/ srog ni steng dang 'og tu rgyu ba kha dog lnga'i rlung ste/ thig ler gyur pa ni thig le dang dbyer med par gyur par bzhag pa ni bsreg par bya'o/ /de'i tshe rang dbang ni snga ma bzhin du dbang po dang yul dang rnam par shes pa'o//de bzhin du rin chen ni thig le'i rin chen de dag pa na/ gzung ba ni rdo rje'i rtse mo'am pad+ma'i lte bar srog la sogs pa nye bar sdud cing gnas pa gang yin pa de ni 'dzin pa ste yan lag bzhi pa'o/ /'gog pa rdo rjer zhugs pa ni 'od gsal ba la zhugs pa'i sems te/sems kyis byin gyis brlabs pa phung po dang khams dang skye mched du gyur pa'o/ /mtshan ma'i rtags de nye bar 'dzin ni lhun gyis grub pa ste so sor snang ba 'byung bar 'gyur na skye bar 'gyur ro/ /mtshan ma de yang byang chub rdo rje ste rdo rje 'chang chen pos rnam pa lnga gsungs pa ni bka' stsal to//sa'i khams chu la thim pa ni smig rgyu lta bur snang ba dang / chu'i khams me la thim pa na du ba lta bur snang ba dang / me'i khams rlung la thim pa na nam mkha' dang 'dra ba ni mkha' snang ste/ g.yo ba srog chags kyi nor bu'o//rlung gi khams ni rnam par shes pa la thim pa na mar me lta bu'o/ /rnam par shes pa 'od gsal ba la thim pa ni nyi ma phyed kyi dri ma med cing rlung med pa'i nam mkha' dang 'dra ba snang bar 'gyur ro/ /mtshan ma de dag brtan par bltas nas/rdo rje'i lam nas thig le'i 'od zer spro zhing de dag gis nam mkha'i khams gang bar bsams shing de dang 'dra ba rjes su 'dra ba la dmigs te/ rdo rje 'chang chen po'i sku lta bu de bzhin gshegs pa rnams spro ba ni rjes su dran pa ste yan lag lnga pa'o/ /de la ni de'i so sor snang ba ste/sgyu ma dang smig rgyu dang dri za'i grong khyer lta bu so sor snang bar 'gyur ro/ /de nas thabs dang shes rab snyoms par 'jug pa ni ye shes kyi phyag rgya dang gnyis su med par sbyor bas dngos po thams cad ni sems can dang snod kyi 'jig rten gyi dbye bas gnas pa dang / sngar spros pas de dag gong bu'i tshul gyis bsdus pa ni gcig tu byas te/ kun rdzob dang don dam pa tha mi dad pa'i tshul gyis bsdus pa ste/ dbus su ni de gnyis tha mi dad pa'i dbus te/ gzugs ni rdo rje 'chang chen po'i sku bsgom par bya'o/ /de yang ci tsam gyi sems can rdzogs pa ni mi gnas pa'i mya ngan las 'das pa'i ye shes kyi dbyings rdzogs pa ste/ting nge 'dzin ces bya ba yan lag drug par gnas par rab tu grags pa'o/ /phan yon bshad par bya ste/ so sor sdud la snyoms par 'jug pa ni spyod pa rnam pa gsum gyis 'jig rten las 'das pa'i lam yid la byed pa'i rnal 'byor pas yul rnams la spyod na sngags rnams thams cad ni de bzhin gshegs pa thams cad de mi bskyod pa la sogs pas byin gyis rlob pa ste/de'i rang bzhin du 'gyur ro zhes de bzhin gshegs pa'i dbugs dbyung ba'o/ / bsam gtan ni yan lag lnga pa ye shes ni de mngon du rtogs pa de la snyoms par 'jug cing thob nas/ mngon shes lnga ni lha'i mig la sogs pa thob par 'gyur te/ yul dang dbang po'i rang bzhin yongs su shes pa'i phyir ro/ /de nas srog dang rtsol ba ni rlung gi de kho na nyid dang /sngags kyi de kho na nyid yongs su shes pa'i mtshan nyid kyi ting nge 'dzin gyis/ byang chub sems dpa' rnams ni 'khor lo'i rig pa 'dzin pa la sogs pa khyad par dang ldan pa rnams kyis gzigs pa ni lta bar gyur pa'o/ /de bzhin du 'dzin pa'i stobs ni brtan pa nyid kyis rdo rje sems dpa' ni rdo rje 'chang chen po sku yang dag 'jug ni thob par 'gyur te/'dzin pa ni 'od gsal ba'i rang bzhin yin pa'i phyir ro/ /de bzhin du rjes su dran pa'i sbyor ba ni rjes su dran pa thob pas 'od kyi dkyil 'khor skye bar 'gyur te/ rjes su dran pa'i spro ba'i ngo bo yin pa'i phyir ro//thams cad mkhyen pa nyid du yang 'od kyi dkyil 'khor gyi lha rnams kyis 'od kyi tshogs zil gyis gnon cing 'dul bar mdzad pa'o/ /ting 'dzin dbang gyur tsam gyis ni ting nge 'dzin brtan par gyur na'o/ /sgrib pa rnams dang bral bar 'gyur ba ni rnal 'byor pa zag pa med par 'gyur ba'o//de ltar yan lag drug sgom par byed pa'i rnal 'byor pa de bzhin gshegs pa'i dbugs dbyung ba dang / rdo rje 'chang gi dbugs dbyung ba dang / mngon par shes pa lnga la sogs pa thob par 'gyur ro zhes bya ba de ni rnal 'byor ro/ /da ni thabs bzhi bshad par bya ste/snying po de ni zhes bya ba la sogs pa la/ re zhig dang por rdo rje 'chang chen po la sogs pa'i gang yang rung ba'i rnal 'byor dang ldan pa'i rnal 'byor pas stong pa nyid sgom pa sngon du 'gro bas ye shes gsum yongs su gyur pa las skyes pa'i zla ba'i steng du yi ge hUM las byung ba'i rdo rje bsam zhing de'i lte bar yi ge hUM dgod de de las byung ba'i 'od zer gyi tshogs te mtshon cha dam pa ni rtse mo'i cha rno ba nam mkhar spro zhing des ji ltar 'dod pa'i lha mo'i 'khor lo bkug cing bcug ste/sems ni sems kyi rnam par lha'i tshogs sngags kyi ngo bor byas pa ni de bzhin gshegs pa thams cad kyi rang bzhin du bsams te yongs su gyur pa las sngags kyi sku'i sbyor ba ste/de bzhin gshegs pa thams cad kyi rang bzhin gyi sku bskyed la/ byang chub tshigs bcad ni/ dpal ldan sangs rgyas sku 'chang ba//zhes bya ba la sogs pa dang / oM sarba ta thA ga ta kA ya badzra swa b+hA wa At+ma kou0f85haM zhes bya ba la sogs pa sku la sogs pas byin gyis brlab pa'i tshig dang sngags kyang brjod par bya'o/ /gzhan yang rang gi dkyil 'khor ni dkyil 'khor pa'i tshogs spro zhing d e'i dbus su gnas pa'i rnal 'byor pas byang chub sbyor ba'i sgom pa ste/thabs dang shes rab snyoms par 'jug pa'i sbyor bas sems de ni dkyil 'khor pa'i dbus su gnas pa'i gtso bo'i sku/ ye shes kyi gzugs de 'od du zhu zhing thig le yungs kar gyi 'bru'i tshad tsam bsgom par bya ba ste nye bar sgrub pa'o//de ni dang po sbyor ba dang / dkyil 'khor rgyal po'i mchog dang / las kyi rgyal po mchog ste gsum pa'i thabs so/ /de ltar byas kyang rnal 'byor pas dngos grub thob par ma gyur na/ de'i tshe sbyin pa'i thabs brtsam par bya ste/ ji srid ces bya ba la sogs pa la rnam pa gnyis ni zla ba gnyis dang zla ba phyed gnyis dang /zla ba gcig dang zla ba phyed dang / zhag bdun dang / zhag drug gis dngos grub grub par ma gyur na/ de'i tshe sbyor ba nyid kyis gzugs rdo rje ma la sogs pa'i lha mo spros te/ nam mkha'i khams la gnas pa'i de bzhin gshegs pa'i rim pa 'dis mchod par bya'o//gzugs rdo rje ma spro zhing rnam pa lnga'i me tog gis de bzhin gshegs pa rnams la/ oM badzra puSh+pa AH hUM zhes pas mchod do/ /de nas sgra rdo rje ma spros shing rol mo dbul bar bya ste/ oM sar+b+ba ta thA ga ta shap+ta pU dza me g+ha sa mu dra pha ra Na sa ma ya shri ye hUM zhes pas mchod do//de nas dri rdo rje ma spro zhing dung phor na gnas pa'i bzhi mnyam pa'i dris/ oM badzra gan+d+he AH hUM swAhA zhes bya bas bcom ldan 'das la byug pa bya'o/ /ro rdo rje ma spro zhing snod la gnas pa'i bdud rtsi lnga spro zhing de bzhin gshegs pa rnams mchod cing de rnams kyis kyang zhes te/bde ba chen po dam pa'i dgongs pas spyod do/ /oM badzra a mr-i ta AHhUM swA hA/ de nas reg bya rdo rje ma spro zhing rnam pa sna tshogs pa'i na bza' dbul bar bya ste/ oM spar+she badzra AH hUM swA hA zhes brjod do//de nas chos kyi dbyings kyi rdo rje ma spro zhing 'khyud pa dang tsum+ba la sogs pas de bzhin gshegs pa rnams mchod cing / oM sar+b+ba ta thA ga ta a nu rA ga Na badzra swa b+hA ba At+ma kou0f85haM zhes brjod cing / mchod pa'i mthar lha mo bsdu zhing mi bskyod rdo rje zhes bya ba la sogs pa t shigs su bcad pa rnams kyis de bzhin gshegs pa rnams la bstod la/de rnams dbang bskur ba thob nas rang gi rigs kyi bdag pos rgyas btab cing tshangs pa'i sgo nas de bzhin gshegs pa rnams bzhugs shing / oM sarba ta thA ga ta pa ra ma no ba re ga te ta swa b+hA ba At+ma kou0f85haM z hes brjod cing langs nas gnas par bya'o //de'i tshe 'grub par 'gyur ro zhes dang po sbyor ba la sogs pa gsum dang sbyin pa'i thabs so/ /zla drug la sogs par de ltar byas na yang gal te 'grub par mi 'gyur na de'i tshe dbye ba'i thabs brtsam par bya ste/ gal te zla ba drug gis ma mthong ba ni sangs rgyas rnams kyis ji ltar bshad pa'i rdo rje 'chang chen po'i mtshan nyid kyi dngos grub mi stsol na//lan gsum ni dam tshig sems dpa' dang ye shes sems dpa' dang ting nge 'dzin sems dpa'i dbye ba dang / ji ltar bshad pa'i bsrung ba la sogs pa'i dam tshig dang sdom pa spyod pa dang ldan pa sngar bshad pa'i sku'i rnal 'byor dang ldan pas rang rang gi snying gar rdo rje rno ba bsams te/de'i hUM las byung ba'i 'od zer lcags kyu ngag gi lam nas phyung ste de yongs su gyur pa las gnod mdzes kyi rgyal po bsgoms te/ de la bka' bsgo zhing rlung gi dkyil 'khor gyi shing rtas song zhing de bzhin gshegs pa rnams kyi spyan sngar phyin nas rdo rje tho bas de rnams kyi thugs kar brdeg cing 'di skad brjod par bya'o//che ge mo zhig rdo rje che/ /khyed rnams kyis ni brtan par gnas/ /rtag tu khyed la dad pa can/ /dam tshig bsrung ba la brtson pa//dbang bskur ba dang rjes gnang thob/ /de la dngos grub stsol bar mdzod/ /ces bya ba brjod pas zhag bdun gyis dngos grub ster bar 'gyur ro/ /ting nge 'dzin gsum dang dbye ba'i thabs so/ /de ltar byas na yang gal te 'grub par mi 'gyur na de'i tshe chad pa'i sbyor ba brtsam par gang tshe zhes bya ba la sogs pa la/gang gi tshe byang chub ni rdo rje 'chang nyid ma grub ste thob par ma gyur na/ de'i tshe drag shul sbyor ni chad pa'i thabs kyi sbyor bas bsgrub par bya ste/ de'i tshe de'i ye shes 'grub pa ni nges par dngos grub 'byung bar 'gyur ro//de la rim pa ni 'di yin te/ mA ma kI la sogs pa'i pad+mar ha las byung ba'i sna tshogs 'od zer hUM las byung ba'i dkyil 'khor bsgoms te/ de'i steng du raM las byung ba'i me'i dkyil 'khor la yi ge phaT dgod cing rang gi gsang ba'i rdo rjer yang bskal pa'i me ltar 'bar ba dang 'dra bar bsams te/ye shes sems dpa'i sa bon las byung ba'i sna tshogs 'od zer gyi sgo nas de bzhin gshegs pa bkug cing rigs kyi dbye ba ni rigs kyi rjes su 'brang ba'i khro bo'i gzugs kyis ye shes kyi lha mo'i pad+mar bcug la rdo rje'i phur bus btab ste dbang du byas pa de dang lhan cig bdag nyid tha mi dad par bsgoms la/khro bo'i 'khor lo phyi rol du spro zhing rang gi lha'i sku la bsrung bar bya'o/ /de ting nge 'dzin gsum dang chad pa'i thabs te bsgrub pa'i phyogs gcig go/ /de la don bsdus pa 'di yin te/bcom ldan 'das kyis 'di ltar mi slu bar gsungs te/ yid ches pa dang sdom pa la gnas pa lha'i sku brtson pa la bskyed pa lha rnams kyi rjes su gnang bas gang gi tshe zla ba drug dang zla ba gnyis dang gcig dang zla ba phyed kyis 'grub par mi 'gyur na de'i tshe zhag bdun gyis bsgrub pa brtsam par bya ste/sa bon b+h+rUM las byung ba'i gzhal yas khang pa'i nang du bkod pa'i dkyil 'khor gyi dbus la gnas pa rdo rje 'chang chen po la sogs pa gang yang rung ba rdo rje rigs kyi rnal 'byor dang ldan pas rang gi ba spu dag nas byung ba lha mo'i tshogs kyis mngon par dga' ba'i sangs rgyas kyi zhing du bzhugs pa'i ye shes kyi lha la bla na med pa'i mchod pas mchod la/de rnams kyis kyang snyan pa dang yid du 'ong ba'i tshig gis gsol ba btab cing spyan drangs te/ rang gi lus la zhugs shing de dang lhan cig tu tha mi dad par bdag nyid bsgom par bya'o//de'i tshe zhag bdun gyis 'grub par 'gyur ro/ /de ltar byas kyang 'grub par 'gyur na de'i tshe rang gi ye shes sems dpa'i thugs ka la gnas pa'i pad+ma dang zla ba rdo rje'i chang zungs kyi hUM las byung ba'i gnod mdzes kyi rgyal po dang 'dra ba sa bon gsum gyis brlabs pa/rdo rje lcags kyu rang gi kha nas phyung zhing de yongs su gyur pa las gnod mdzes kyi rgyal po yaM las byung ba'i rlung gi dkyil 'khor gyi steng du raM las byung ba gru gsum gyi shing rta la gnas par byas la bskal pa'i me dang nyi ma ltar 'bar ba bka' bsgo bar bya zhing gtang bar bya'o//de song zhing ye shes sems dpa' de nyid kyi thugs 'bar ba tho bas brdeg cing / che ge mo zhig rdo rje che/ /khyed rnams kyis ni brtan par gnas/ /khyed la rtag tu dad pa can/ /dam tshig bsrung ba la brtson pa/ /dbang bskur ba dang rjes gnang thob/ /de la dngos grub stsol bar mdzod//ces brjod cing ldog par bsams te/ de lta na zhag bdun gyis 'grub par 'gyur ro/ /de lta yin na yang gal te dngos grub mi stsol na de'i tshe rig ma'i pad+ma'i nang du ha las byung ba'i sna tshogs rdo rje/ de'i lte bar hUM las skyes pa'i nyi ma'i dkyil 'khor nyi ma bye ba dang mtshungs pa bsams te/de'i steng du yi ge phaT dang yi ge raM yongs su gyur nas bskal pa'i me ltar 'bar ba gru gsum bsams te/ gsang ba'i rdo rje snga ma bzhin du 'bar bar bsams la de bzhin du rdo rje lcags kyu yang spro zhing brtan la/ des ye shes kyi lha'i thugs kar 'bigs shing 'gugs pa dang zhugs shing lha mo'i pad+ma'i gnas su me long gi dkyil 'khor du gzhug go//gsang ba'i rdo rje de yang me'i 'od spro ba pad+ma la zhugs te/ rig ma'i khar bcug pa'i sngags kyi phreng ba de de'i spyi bor bskal pa'i me ltar 'bar ba phab par bsam mo//de dag thams cad kyis ni thal bar 'gyur bar bsams te/ de'i shes pa mar me dang mtshungs pa yi ge hUM gi gzugs can yongs su gyur pa las rdo rje 'chang gi sku bsgoms te/ rang gi lus la zhugs shing de dang lhan cig dbyer med par bdag nyid bsgoms na zhag bdun nyid kyis gsang ba'i dam tshig ldang ba'i rig par nges par 'grub par 'gyur ro//rnam pa bzhi po de dag gis rim pa ji lta ba bzhin du sdum pa dang / sbyin pa/ dbye ba dang / chad pa'i rim pa shes par bya'o/ /de ni bsgrub pa'i phyogs gcig go/ /'dod chags chen po'i tshul gyis ting nge 'dzin bshad par bya ste/rdo rje 'chang chen po la sogs pa'i rnal 'byor pas rang gi rig ma dang snyoms par 'jug cing mchog tu chags pa'i sgras ye shes kyi 'khor lo dgug cing rang gi lus la bcug ste/ spyan ma nas brtsams te reg bya rdo rje ma'i bar du lha mo dgu'i tshul du spros te /des ni 'dod chags kyi spyod pa dang ldan pa'i sems can gyi don byas la dgug cing bsgrub bya ni rang gi rig ma'i sku la zhugs te/ yang spyan la sogs pa phyag rgya bzhi spro zhing phyogs bzhi la gnas pa'i phyag rgya'i dkyil 'khor gyi dbus su lnga'i bdag nyid bsams te/'khor lo can thams cad bsdu zhing lnga'i bdag nyid kyi de bzhin gshegs pa mnyes shing / sngags thams cad kyi rang bzhin gyi rnal 'byor pas mchog tu dga' ba'i dus su mi gsung bar 'gyur zhing / de'i tshe byang chub ni 'od gsal ba'i de kho na nyid bsgoms pa ni zhugs shing thim par bya'o//de nas khyod ni rdo rje sems dpa' zhes bya ba la sogs pa'i tshigs su bcad pa bzhi pos bskul zhing sad nas sems can gyi don bya'o/ /de ni dang po sbyor ba dang dkyil 'khor rgyal po dang las kyi rgyal po mchog go/ /nang gi bdag nyid kyi rim pas dbang bskur ba bshad par bya ste/dus gsum rdo rje ni dus gsum pa'i de bzhin gshegs pa'o/ /de'i rang bzhin ni de'i ngo bo ste/ ye shes ni de'i bdag nyid kyi ye shes bsdus par bsams la/ de bzhin du ni dus gsum pa'i de bzhin gshegs pa bzhin du lus ni lus kyang bsgom par bya'o//de nas dus gsum pa'i de bzhin gshegs pa'i rig ma'i pad+mar zhugs te/ kha dog de nyid ni rdo rje 'chang chen po 'dra ba'i kha dog ste dkar po'o/ /thugs ka nas phyung zhing ro ni byang chub kyi sems te/ rdo rje'i lam nas spro zhing rang gi rgyu ni rig ma'i pad+ma'i nang du dbang bskur bar bya ste/phye ba ni bsgrub par bya ba 'bras bu ni rdo rje 'chang chen po nyid thob par bya ba'i phyir ro/ /de nas gzhan gyi don gyis byed par 'dod pas sngags ni phyung ba'i sngags te/ rang rang gi sngags so/ /chos ni zhal gsum pa lta bu la sogs pa'o/ /dbye bar gyur pa ni spro bar bya ste/ rigs ni las kyi phyag rgya ma'am/ chos kyi phyag rgya ni ye shes kyi pad+ma'i nang nas spro bar bya'o/ /de gang yin zhe na 'khor los sgyur ba drug gtsug tor te/ 'dod pa'i rgyal po la sogs pa'o/ /rig pa'i rgyal mo ni gzugs rdo rje ma la sogs pa'o/ /rdzu 'phrul che ni de bzhin gshegs pa lnga'o//'khor los sgyur ba ni gtsug tor te/ 'dod pa'i rgyal po la sogs pa'o/ /'dod pa kun ni gshin rje gshed la sogs pa'o/ /rdo rje bdag po ni byang chub sems dpa' rnams te/ de dag spro zhing le'u bcu bdun pa las gsungs pa'i bsam gtan gyi 'khor lo ste/ nang gi bdag nyid kyi dkyil 'khor du dbang bskur ba ni rig pa'i dbang bskur bar bya'o/ /cho ga'i sbyor ba ni bsam gtan gyi sbyor bas so/ /ye shes ni mchog tu dga' ba'i ye shes dang chags pa'i rnal 'byor pas sku gsung thugs kyi rdo rje ni rig ma'i pad+ma'i dkyil 'khor pa rnams dang gnyis su med par byed pa ni ro gcig par byed pa ni sgrub pa zhes bya'o//gzhan yang sngar bshad pa'i rim gyis ni/ rig pa'i skyes bu rdo rje can ni ye shes kyi phyag rgya dang snyoms par 'jug pa rdo rje 'chang chen po'i rnal 'byor pas rig ma'i pad+ma'i dkyil 'khor de nyid las bdag nyid kyi dkyil 'khor gyi phyi rol du spros la/de rnams kyis 'gro ba sbyangs te/ yang zhal gsum pa la sogs pa lta bu shar phyogs la sogs par rim gyis zhugs te/ dkyil 'khor chen por bsgom par bya'o zhes pa sgrub pa chen por bshad do/ /dkyil 'khor la thig gdab pa'i cho ga bshad par bya ste/sa gzung ba ni bsnyen pa'i dus te/ de la gtsug tor 'khor los sgyur ba'i gzugs bsgom par bya ste/ thams cad du dbang byed pa'i phyir ro/ /de nas sa brko zhing gang bar byas la zug rngu'i skyon thams cad gdon par mi nus na de'i tshe nye bar bsgrub pa'i dus te sa sbyong ba'i dus na bdud rtsi 'khyil pa'i gzugs su bsams la/oM a mr-i ta kuN+Da li AHhUM phaT ces bya ba'i sngags kyis sa'i dbus su lag pa btab na stobs dang ldan pas sbyang bar 'gyur ro/ /de nas sgrub pa ni dkyil 'khor bri ba'i dus su sku rdo rje la sogs pa'i dkyil 'khor bri bar 'dod pa'i rnal 'byor pas rang gi bdag nyid ni rang gi lha'i sbyor ba ni rnam par snang mdzad la sogs pa lha'i sku bsgom par bya'o//sgrub pa chen po'i dus ni thig btab pa'i dus / de la sku ni slob ma dang bdud rtsi 'khyil pa dang / sangs rgyas bdag po ni sku'i dkyil 'khor la ltos la 'od dpag tu med pa'am/mi bskyod pa'i gzugs su bsgoms/ gsung dang thugs kyi dkyil 'khor la ltos te rnam par snang mdzad dam mi bskyod pa'am 'od dpag tu med pa'am/ rnam par snang mdzad kyi gzugs su bsgoms te/ khyab bdag ni rdo rje sems dpa' bsgom par bya'o//'di de sangs rgyas thams cad ni rnal 'byor pa thams cad kyis gsang ba ste/ bya ba'i rgyud la sogs pa'i rnal 'byor pa la bstan par mi bya'o/ /mchog ni dam pa'i rnal 'byor pa ste/ sgrub pa po rnams kyi yin no zhes pa'i don to/ /de ltar phye ba na bsnyen pa la sogs pa'i dbye ba shes shing rtogs nas/dngos grub ni rnam pa gnyis kyi dngos grub bsgrub par bya'o/ /gzhan du na bskal pa bye bas kyang 'grub par mi 'gyur ro/ /mchog ni 'jig rten las 'das pa'o/ /zhi ba ni thun mong ma yin pa'o/ /sangs rgyas ni de bzhin gshegs pa dang skyob pa ni rdo rje 'chang chen te/de rnams kyis kyang 'grub par mi 'gyur ro zhes bya bas ni phul du byung ba'i tshig ste/ bskyed pa'i rim pa'o/ /rdzogs pa'i rim pa'i bsnyen pa la sogs pa bshad par bya ste/ bsgrub bya dang sgrub pa ni shes rab dang thabs so/ /de dag sbyor ba ni tsum+ba na dang A ling+ga na dang /na kha du sha na dang btab pa'i mtshan nyid de/ phyi rol gyi bya ba ni bsnyen par bshad do/ /snga ma bzhin du sngags las bskyed pa sngon du 'gro bas rdo rje dang pad+mar mnyam par sbyar ba ni nye bar sgrub pa'o/ /sa bon gyi byin gyis brlabs pas de dag gi sgrub pa'o/ /rang rig pa rang bzhin gyis 'od gsal ba bde ba chen po nyams su myong ba ni sgrub pa chen po zhes bya'o//de nyid thabs las byung ba ma yin no zhes bstan par bya'o / /ye shes de nyid sangs rgyas thams cad kyi bdag po rdo rje 'chang chen po'o/ /dpal ldan ni bsod nams dang ye shes dang ldan pa ste/rdo rje 'chang chen po'i gnas so/ /sangs rgyas thams cad ni de bzhin gshegs pa lnga ste/ de dag thob par bya ba'i phyir thabs ni rgyu yin la/ 'di ni thabs las byung ba ste/ de nyid kyi phyir chos rnams ni dngos po rnams kyi de nyid chos nyid de/ rang bzhin dang de nyid ces bya ba'i tha tshig go//rab tu byed pa las kyang / 'di na rdzogs pa'i rnal 'byor pa/ /rdo rje 'dzin pa chen po'ang de/ /rnam pa kun gyi mchog ldan pa'i/ /thams cad mkhyen pa de nas 'gyur/ /'das pa dang ni ma 'ongs dang / /da ltar byung ba'i srid gsum ni/ /'od gsal pas ni rnam dag pas//skad cig de la ma lus mthong / /zhes bshad do/ /de ni rang bzhin dang rgyu dang las dang 'bras bu'o/ /da ni las kyi tshogs 'dri ba'i lan bshad par bya ste/ las zhes bya ba la sogs pa la/ las gang dang gang gis rnal 'byor pas de byed par rtsom na/ de dang 'dra ba'i sbyor ba ni ting nge 'dzin la dmigs par bya'o//zhi ba'am drag po'am de dang mthun pa'i dkyil 'khor bya'o zhes tshig gi lhag ma'o/ /lhan cig drag po'i las la khro bo'i dkyil 'khor bskyed cing nam mkha'i dbyings la bzhugs pa'i de bzhin gshegs pa rnams la dam tshig mi bzad pa ni drag shul gyi spyod pa bsgom par zhu bar bya'o//dam tshig ni rang gi bdag nyid kyi lus te sku gsung thugs kyi rdo rje ni de bzhin gshegs pa'i sa bon gyis byin gyis brlabs la bsrung bar bya'o/ /yang na gtsug tor dam tshig ni gtsug tor 'khor los sgyur ba la sogs pa khro bo'i 'khor lo spro zhing /ji ltar cho ga gsungs pa las byung ba ni rtog pa las gsungs pa'i cho ga'i rim pa las 'byung ba srung ba'i 'khor lo bcing bar bya'o/ /de ni khro bo'i rgyal po'i 'khor lo ste/ de dang rjes su mthun pa ni de dang 'dra ba'i dbus kyi gtso bo'i tshul gyis rang gi 'khor lo ni khro bo'i 'khor la bka' bsgo bar bya'o//de bzhin du sgrub pa ni gdug pa'i bdag nyid lus gang yin pa de yang dkyil 'khor gyi dbus su bsgom par bya'o/ /de nas de'i nyes pa ni dkon mchog gsum la sogs pa la gnod pa'i mtshan nyid kyi las ngan pa ste/de'i lus la gnas pa'i 'khor lo la ni 'gro ba thams cad la khyab par byed pa de bzhin gshegs pa rnams la bsgrags par bya ba ni 'di lta ste/ 'di ni dkon mchog gsum gnod byed/ /pha dang ma ni gsod par dga'/ /dam pa'i chos la smod brtson pa/ /slob dpon gsod cing gdul bar dka'//bstan pa la sogs rim pas kyang / /lam la brten pa ma yin pa/ /bcom ldan de ring bdag gis ni/ /de la drag shul mngon spyod bgyi/ /des dam tshig bsgrag pa'o/ /de nas gdug pa'i sems can de la gsad par bya ba'i don du khro bo de dag byung ba ni phyogs bcur song bar bsgom par bya'o//de rnams kyis de bkug cing rang gi 'khor lo ni khro bo'i dkyil 'khor gyi dbus su bcug nas/ ral gri la sogs pas gcod par bsgom par bya'o/ /yang na ji ltar gsungs pa ni le'u bco lnga pa las gsungs pa'i rdzas ni de las byung ba ni bskyed pa/ gzugs brnyan ni de dang 'dra ba'i gzugs te/khro bos khyab pa'i sems ni drag shul dang ldan pa'i sems kyis gcer bu dang skra grol bar gyur cing rdo rje lcags kyus mtshan pa'i rkang pa g.yon pas de mnan cing g.yas brkyang bas gnas pas lho phyogs su kha bltas te/ gshin rje gshed la sogs pa'i khro bo'i sngags brjod pas rang gi snying ga nas khro bo'i 'khor lo spros te/sna tshogs ni bran dang bran mo dang / pho nya dang pho nya mo'i bka' dang bka' nyan mo'i tshogs kyis yongs su bskor ba ni 'khor dang bcas pa yi ge hUM gis brdeg par bya ba'i phyir bka' bsgo bar bya ste/ de dag song zhing sgrub pa rdo rje can ni rnal 'byor pa'i bka' bsgrub par bya ba'i don du/bsgrub bya ni zhags pas bcings la tho bas brdeg /khro bo'i rgyal po ni khro bo'i tshogs kyis bkug cing 'jigs pa ni 'jigs pas khyab cing brdung ba ni skyabs med pa/ skrag pa ni skyabs dang bral ba/ gyur pa ni mig bzlog pa/bsgrub bya ni dgug par bya'o/ /de nas sgrub pa po la bsgrub bya de don du gnas par mthong zhing de'i gzugs brnyan la phab pa ni gzhug par bya'o/ /de'i rdo rje gsum ni sku gsung thugs kyi sa bon tshar du gnas pa/ phur bu'i sngags ni gnod mdzes kyi rgyal po'i sngags kyis gdab par bya'o//spyi bo dang lkog ma dang snying ga la sku gsung thugs kyi sa bon gyi gzugs la phur bus gdab pa zhes bya ba'i tha tshig go/ /de nas yams ni sdug bsngal lo/ /nye bar 'tshe ba ni sha za la sogs pa dang / nad ni rims la sogs pa dang / sna tshogs yul las byung ba ni dug nag po brtsegs pa la sogs pa dang /'byung ba ni gang las byung ba de ni 'byung ba ste/ mche ba'i dug dang / dran pa'i dug dang / reg pa'i dug dang / lta ba'i dug la sogs pa'i sprul rnams so/ /sbrul rnams kyi dug de bkug cing gzugs brnyan de'i mgo bo la sogs pa la gzhug cing snga ma bzhin du phur bus gdab par bya'o//de nas sbyor ba thams cad kyis cho ga ji skad gsungs pa bzhin bya ba ni phyogs dang / yul dang / dus dang / rim pa dang mthun pa'i sngags kyis ni khro bo'i sngags dang / 'khrul 'khor ni 'khrul 'khor gyi sbyor ba dang / stsogs pa'i sgras ni rdzas la sogs pa dang / phyag rgya rnams kyis kyang sbyor bar bya ba ni sbyor ba bzhi'i rim gyis rdzogs par bya'o/ /yang na sngar bshad pa'i khro bo'i gzugs dang khro bo'i sngags dang ldan pas khro bo'i sngags zlos pas 'gro ba'i gzugs brnyan mtshan ma gcig la sogs pa'i sa ru/rdo rje lcags kyus byin gyis brlabs pa ni rkang pa g.yon pas mnan cing shing ma da na'i me la khro bo'i dkyil 'khor gyi dbus su gnas pa ni mi bskyod pa'i rnal 'byor pas gzugs brnyan dum bu dum bur gtub cing bsregs na dgra 'chi bar 'gyur ro/ /yang na gdug pa'i sems can ni re zhig mkha' la spyod pa ste/bya rog dang bya rgod dang kang ka la sogs pa'o/ /sa la spyod pa ni spyang ki dang dom dang dred la sogs pa'o/ /sa 'og la spyod pa ni chu srin dang rus sbal la sogs pa'o/ / de dag khros par gyur pa ni kha sbyor phye zhing 'jigs pa mig zlog pa la rdul gyis lus byugs pas steng dang 'og las khrag byung bas zos par gyur pa ni dum bu dum bur zos par gyur pas rab tu brtags pa bsams na dgra bo 'chi bar 'gyur ro//khyad par ni yi ge hUM gi rnam pa'i shes pa dpal ldan mi bskyod pa'i gzugs can dkyil 'khor pas yongs su bskor ba chos ston pa'i drung du song bar bsam par bya'o//yang na rang gi snying ga'i ye shes sems dpa'i sa bon gyi thig le la 'jug go/ /'o na srog gcod pa zhes bya ba ni bcom ldan 'das kyis mdo sde de dang der rnam par smin pa bzod dka' bar gsungs te/ gang zhig srog gcod pa ni mi gdug pa/ /drag po khrag gis lag pa byug /sdig pa'i las ni kun spyod pa/ /rtag tu ngu 'bod skye bar 'gyur/ /de bzhin 'tshe bas tshe thung 'gyur/ /zhes bya ba la sogs pa gsungs na/ de bcom ldan 'das kyi gsung ji ltar 'gal ba ma yin nam zhe na/smras pa/ srog chags zhes bya ba ni thams cad do/ /'tshe bar byed pa ma yin te/ 'on kyang gang zhig sdig pa chen po'i las can thabs mkhas kyis kyang gdul bar mi nus na mnar med pa'i dmyal bar lhung ba dang / nye bar bsrung bar bya ba'i phyir snying rje chen po dang ldan pa'i rnal 'byor pas sngags dang phyag rgya'i rim pas gsod cing de bzhin gshegs pa'i sku skyed par byed de tshar gcod pa'i sgo nas phan 'dogs par byed do//gal te gcig ni gsod 'gyur na/ /mang po bde ba ldan gyur te/ /de ni bsod nams tshogs chen po/ /gzhan du na ni sdig pa che//zhes gsung pa'i don to/ /'o na bsad pa ni tshe dang bral ba ste/ de ji ltar na mtshon cha la sogs pas gnad gcod pa'i sdug bsngal gyi bdag nyid yin pa de bzhin du sngags dang phyag rgya'i rim pas kyang yin te/ de bas na de'i rnam par smin pa ni mtshungs pa nyid do/ / gang gi phyir pha rol po ni bdag nyid kyi srog dang bral ba ni mi 'dod de/ de ni thams cad 'dod do zhes pa'i phyir ro zhe na/ de ltar ma smra shig /sngags la sogs pa'i rim gyis srog dgug par byas pa ni pha rol ni sdug bsngal 'byung bar mi 'gyur gyi/ 'on kyang rmi lam du sna tshogs kyi kun dga' ra ba la sogs pa mthong ba bzhin du yid bde ba nyams su myong bar 'gyur ro zhes mtshungs pa yin no//thams cad kyi srog gces shes smras pa gang yin pa de yang rigs pa ma yin te/ de ltar yin na 'dod chags la sogs pa dang / srid pa'i longs spyod bcos ma ma yin na yang thams cad ni zhen pa spang bar bya ba'i don du bcom ldan 'das kyi gsung rab yan lag bcu gnyis don med par thal bar 'gyur ro//de bas na de'i sdig pa spong ba'i don du srog gces pa yin na yang 'gugs na skyon ni cung zad med de/ gzhon nu don thams cad grub pas 'khor los sgyur ba'i rgyal srid kyi longs spyod bor ba bzhin du ha cang thal bar 'gyur zhes sgrub pa'o//zhi ba la sogs pa bshad par bya ste/ zhi ba 'dod par byed pa'i rnal 'byor pas/ zhi ba'i sems ni 'jam pa'i sems dang phyi rol gyi yo byad kyang 'jam par 'gyur ro //rgyas par byed par 'dod na sems ni rgyas pa dang rdzas kyang gser gyi kha dog lta bur bya'o/ /dbang ni rgyal po la sogs pa dbang du byed na sems chags pa dang phyi rol gyi rdzas rnams kyang dmar por bya'o/ /gtum pa ni drag po'i las te gsod pa'i las byed na sems khro ba dang phyi rol gyi rdzas rnams kyang nag por bya'o//zlum po dang gru bzhi dang zur gsum dang zla gam gyi rnam pa ste me thab po/ /bram ze dang rgyal rigs dang rje'i rigs dang dmangs rigs kyi khyim la me'o/ /'o ma can gyi shing dang ma da na'i shing dang pad+ma'i rtsa ba dang tsher ma rnams ni yam shing ngo //wa shaM dang bau Sha Ta dang dzaHhri dang hUM phaT ni sngags spel ba'o/ /dkar po dang ser po dang dmar po dang nag po ni gos so/ /gzhan yang de bzhin no/ /shel dang gser dang bzhi mnyam dang mi rus kyi phreng ba'o//'o ma dang mar dang pad+ma dang / bil ba dang / gur gum dang / tsan+dan dang / sha chen la sogs pa ni bsreg rdzas so/ /sems dpa'i skyil mo krung dang / rdo rje'i skyil mo krung dang / g.yas brkyang ba dang g.yon brkyang ba ni stang stabs so/ /sna rtse la gtad pa dang /mnyam pa dang / g.yon la zur du blta ba dang / dpral ba lta ba ni lta ba'o/ /skra mnyam pa dang / skra bcings pa dang / g.yon du skra yo ba dang / grol ba ni cha lugs so/ /rtse lnga pa dang / rtse dgu pa dang / rtse gsum pa dang / rtse gcig pa ni rdo rje dril bu'o//dngul dang gser dang zangs dang lcags las brdungs pa ni phur bu'o/ /dkar po dang ser po dang dmar po dang / nag po ni thig skud do/ /'o ma dang chu dang ga bur gyi chu dang khrag gis gang ba ni mchod yon no/ /dpal gyi dbyangs dang / dga' ba'i dbyangs dang / drag po'i dbyangs dang / 'dod pa'i dbyangs ni glu'o / /rnam par snang mdzad dang / rin chen 'byung ldan dang / snang ba mtha' yas dang / mi bskyod pa ni lha'i rnal 'byor ro/ /gtsug lag khang dang / khang bzangs dang / rgyal po'i nags tshal dang / dur khrod ni gnas so/ /shar dang / byang dang / nub dang / lho phyogs ni phyogs so/ /srod dang / nang par dang / nyin mo dang mtshan phyed ni dus so/ /rgyal stod dang / rgyal smad dang / lag pa dang / nam mthong gong ma ni rgyu skar ro/ /zla ba dang / gza' lag pa dang / pa ba sangs dang / mig dmar dang / spen pa ni gza'o / / byis pa dang / gzhon nu dang / dar la bab pa dang / rgan pa ni 'khor ro/ /dbyar dang / ston ka dang / dpyid ka dang / so ga ni dus so/ /dbyar zla 'bring po dang / dbyar zla tha chungs dang / ston zla ra ba dang / ston zla 'bring po dang / dpyid zla 'bring po dang / dpyid zla tha chungs dang / dbyar zla ra ba ste zla ba rnams so/ /lce gcig pa dang / lce gnyis pa dang / lce gsum pa dang / lce bzhi pa ni dril bu rnams so/ /dung dang / rdza rnga dang / pi wang dang / zangs dung ni rol mo rnams so/ /bram ze mo dang / rgyal rigs mo dang / rje'u rigs mo dang / sme sha can ni dam tshig gi phyag rgya ma'o //mu tig dang / gser dang / byi ru dang / mi rus ni rgyan no/ /lug dang / glang dang / 'khrig pa dang / seng ge ni khyim mo/ /zla ba gzas zin pa'i dus su zhi ba dang rgyas pa'o/ /nyi ma gzas zin pa'i dus su dbang dang mngon spyod do/ /nyi ma byang du ldog pa'i dus su zhi ba dang rgyas pa'o//lho phyogs su ldog pa'i dus su dbang dang mngon spyod do/ /g.yas su 'khyil pa dang / g.yon du 'khyil pa dang / steng du 'gro ba dang lho ru 'gro ba ni me'i rtags so/ /ngang pa dang / khu byug dang / phug ron dang / 'ug pa'i skad ni mtshan ma rnams so/ /mkhas pa dang /tshong pa dang / rgyal sras dang / zhar ba'am/ sgur ba'am/ 'theng ba'am/ 'phye bo'am/ lkugs pa'am/ 'on pa'am/ long ba la sogs pa ni glo bur ba'i rtags so/ /gdugs dang / rgyal mtshan dang / ba dan dang / phur bu rnams ni cod pan no/ /mdung dang / mda' dang / 'khor lo dang / ut+pal dang / pad+ma dang / gzhu dang / thod pa dang / ral gri rnams ni phyag mtshan rnams so/ /rta rin po che dang / glang po rin po che dang / khyim bdag rin po che dang / yid bzhin gyi nor bu rin po che dang / btsun mo rin po che dang / dmag dpon rin po che dang /'khor lo rin po che ni nor yin no/ /mngar gsum dang / zho dang 'o ma dang / sha dang chang dang tsha ba gsum ni lha bshos so/ /de rnams ni gtor ma'o/ /pad+mas bskor ba'i phyag rgya dang / ut+pa la'i phyag rgya dang / chos 'byung ba'i phyag rgya dang sdud pa'i phyag rgya ni phyag rgya'o/ / tsan+dan dang / a ga ru dang / ga bur dang / sha chen ni spos so/ /yungs kar gyi mar khu dang / til mar dang / mar dang / dri zhim pa'i til mar dang / til mar chen po ni mar me'o/ /pad+ma'i rtsa ba'i snal ma dang / 'o ma can gyi shing gi pags pa dang / ras dmar po dang zhag ni sdong bu'o//rgyal mo kha ra dang / kha ra dang / chang dang / khrag ni btung ba'o/ /ma li ka dang / dzA ti dang / ut+pal sngon po dang / ka ra bI ra ni me tog go/ /gtsang po gnyis 'dres pa dang / shing drung gi rtsa ba dang / lha khang dang / sum mdo ni gnas kyi khyad par ro//rlung med pa dang / sprin med pa dang / rlung dang bcas pa dang / sprin dang bcas pa ni zhag go/ /gtsang po la khrus byed pa dang / mtsho la khrus byed pa dang / tsan+dan la sogs pas khrus byed pa dang / dri ma can ma bkrus pas ni lus kyi cha lugs kyi khyad par ro/ / de ni bye brag nyis brgya ston to/ /rnam pa gzhan ni rig pa 'dzin pa'i sde snod kyi las rjes su 'brang bar bya'o/ /de ni sgrub pa'o// /de nas zhes bya ba la sogs pa ni byams pa la sogs pa'i byang chub sems dpa' rnams kyi the tshom rnams ni sngar bshad pa 'dri ba rnams rtsom pa ni lan btab nas/de bzhin gshegs pa thams cad ni bya ba rdzogs pa'i phyir sku gsung thugs rdo rje ni rig pa ji lta ba bzhin du sku gsung thugs la bzhugs shing / mi bsrung bar bzhugs par gyur pa ni ro gcig pa nyid du 'gyur ro//de nas zhes bya ba la sogs pas 'dri ba lus pa tsam gyi phyir/ de bzhin gshegs pa de dag ni de bzhin gshegs pa thams cad kyi rang bzhin rdo rje 'chang chen po la/ 'di ni 'og nas bshad pa'i bstod pa'i rgyal po ni mchog tu gyur pa'i bstod pas byams pa la sogs pa bstod par 'gyur ro//thams cad sku ni zhes bya ba la sogs pas/ sku'i rigs thams cad kyi rang bzhin dang / thugs kyi rigs thams cad kyi rang bzhin dang / gsung gi rigs thams cad kyi rang bzhin dang / thams cad mdzad pa ni rin chen dang / don yod grub pa'i rang bzhin te/rdo rje 'chang chen po khyed la phyag 'tshal lo zhes bya ba la ni lus ngag yid kyis 'dud pa nyid du bstan to/ /phyag btsal ba gnyis pa bstan pa ni dad pa'i khyad par bstan pa'i phyir te/ rab tu byed pa las kyang ji skad du/ phyag 'tshal 'dud ces bya ba la sogs pas dad pa'i khyad par gyis phyag btsal ba drug kyang bstan pa ste/de ni las kyi rgyal po mchog gi ting nge 'dzin to/ /kye bcom ldan 'das de bzhin gshegs pa rnams sku gsung thugs ni rdo rje'i zhes bya ba rnam par snang mdzad la sogs pa dang ro gcig par gyur pas rdo rje 'chang chen po nyid do//de'i sku la sogs pa thob par bya ba'i phyir ni/ sku la sogs pa'i rang bzhin yin pas na sems can thams cad ni sangs rgyas thams cad dang mtshungs pa nyid de/ de'i rigs dang ldan pa ni sems can thams cad yin no zhes rgya cher gsungs pa'i phyir ro/ /de dang 'dra bar sems can yin na/sngar bshad pa'i drag po'i las kyis gal te gsod par gyur na/ de'i tshe sangs rgyas thams cad kyang gsod par 'gyur ro/ /sangs rgyas thams cad bsad pas na/ sgrub pa'i dbang po rnal 'byor pa ste/ de dag la ji ltar sdig pas gos par mi 'gyur/gal te gos par gyur na 'bras bu ni rdo rje 'chang nyid de ji ltar 'grub par 'gyur te/ de ni rdzogs pa'o/ /de nas zhes bya ba la sogs pas ni/ de bzhin gshegs pa ste/ de bzhin gshegs pa thams cad kyi rang bzhin can/ rdo rje 'chang chen pos byang chub sems dpa' de rnams la 'di skad ces gsungs so//byang chub sems dpa' chen po ni sku rdo rje'i rang bzhin dang / mchod pa chen po ni rdo rje 'chang chen po'i rang bzhin te/ byang chub sems dpa' chen po rnams la bod pa'o/ /de nyid kyi phyir legs bzhi ste/ shin tu phul du byung ba'i gnas su zhugs pa'i phyir/ de bzhin gshegs pa rnams kyis legs so legs so zhes gsungs so/ /gsang ba 'dus par dbang bskur ba'i slob dpon rnal 'byor gang yin pa de ni sngar bshad pa'i rigs pas tha mi dad pa yin pa'i phyir/ /sangs rgyas kun gyi bdag po ni rdo rje 'chang chen po ste/bsod nams dang ye shes kyi tshogs dang ldan pas na/ dpal ldan no/ /byang chub rdo rje can ni de bzhin gshegs pa rnams te/ rang bzhin yin pas na/ byang chub rdo rje can no/ /dngos rnams thams cad ni sgyu ma bzhin du shes pa dang / spro ba dang bsdu ba'i rim gyis sems can gyi don byed pa'o/ /gnyis su med pa'i ye shes thob pa'i rnal 'byor pa de la bsod nams dang sdig pa'i rnam par rtog pa ni med de/ gang gi phyir 'od gsal ba la bzhugs pa'i bsod nams dang sdig pa dang / de'i 'bras bu ni bde 'gro dang ngan 'gro med pas na/de'i tshe byang chub ni rdo rje 'chang chen po nyid de/ thar par rab tu gsungs so/ /'gro ba rnams kyang yang dag bshad/ /las rnams 'bras bu dang bcas pa/ /de yi rang bzhin yongs shes pas/ /ma skyes pa yang bstan pa yin/ /zhes 'byung ngo / /de ni rdzogs pa'i rim pa'o//mgon po de ni rdo rje 'chang dang 'dra ba'i rnal 'byor pa gang yin pa des ni/ gdug pa can bla ma la sogs smod par byed pa la/ sngags dang phyag rgya'i rim pas mngon spyod byed na/ de'i tshe sems can thams cad rang gis byas pa'i las kyis/ ngan song ni mnar med pa la sogs par skye bar mi 'gyur gyi/'on kyang shin tu rnyed par dka' ba bskal pa bye bas 'thob pa'i byang chub ni rdo rje 'chang nyid de/ rnyed mi dka' ba ni rnyed sla'o zhes bya ba'i don to/ /sngar byas pa'i las kyis mi zad pa'i dmyal ba'i 'bras bu skye bo de dag gis nyams su myong ba'i phyir/gal te dmyal bar skyes par gyur na/ de'i rnal 'byor pa des/ ye shes ni chos kyi dbyings kyi ye shes kyi rgyas btab pa ni byin gyis brlabs par gyur pa/ byang chub rdo rje can ni rdo rje 'chang chen po'i ngo bor 'gyur ro/ /de bas na de ni mchog tu phan btags pa ste/ mchog tu gyur pa'i bka' drin sems can de rnams te/gdug pa rnams la rnal 'byor pa des byas pa yin no zhes shes par bya ba ni rtogs par bya'o zhes bya ba'i don to/ /de ni rdzogs pa'i rim pa'o/ /thabs bshad par bya ste/ bdag nyid chen po ni rnal 'byor pa ste/ rnal 'byor pa des phan 'dogs pa ni zhi ba la sogs pa dang /tshar gcod pa ni gsod pa la sogs pa'i las byed na/ de'i tshe sgrub pa chen po bskyed pa'i rim pas las kyi rgyal po mchog dang / rdzogs pa'i rim pas ni bde ba chen po ste/ byas nas ni skyed par byas la/ las rnams ni sngar bshad pa rtsom par byed na de'i tshe 'grub par 'gyur ro//de ni dang po sbyor ba la sogs pa dang rang bzhin la sogs pa'o/ /de nas zhes bya ba la sogs pa la/ rdo rje thams cad ni rdo rje 'chang chen po'i thugs rdo rje gtso bor gyur pa'i chos te/ gsod pa'i las kyang thugs rje chen pos byas pa/ thos shing mnyan nas dga' zhing ni thos pas so/ /mgu ba ni bsam pas so//rab tu dga' ba ni sgom pas dga' bar 'gyur zhing / bcom ldan 'das rdo rje 'chang chen po la legs so zhes gsol to/ /mgon po chen po ni rdo rje 'chang chen po'o/ /thub pa chen po ni rnam par snang mdzad do/ /chos rnams chen po ni 'od dpag tu med pa'o/ /thugs rje chen po ni mi bskyod pa'o//de'i rang bzhin yin pa'i phyir legs so zhes bya ba ni bzhi'o/ /dad pa'i dbang gis ni tshig gnyis so/ /la la na re thabs dang shes rab kyi rang bzhin gyis zer ro/ /de ni las kyi rgyal ba mchog go/ /e ma ho zhes bya ba ni ngo mtshar ba'o/ /kun du bzang po ni rdo rje 'chang chen po'i thugs rje chen po ste/mchog ni nyan thos pa la sogs pa las phul du byung ba las/ dri ma med ni thabs la mkhas pa nyid kyis bsdus pa/ gang zhig mi bzad pa'i las kyis gsod pa'i las byas na yang / gdug pa'i sems can rnams la sangs rgyas kyi 'bras bu nyid stsol ba ni ster bar 'gyur ro zhes bya ba'i don to//de bas na bcom ldan 'das la kho bo cag the tshom dang bral ba rnyed pa yang brnyes so zhes bya ba ste sgrub pa'o/ /de nas zhes bya ba la sogs pas de bzhin gshegs pa thams cad kyi rang bzhin rdo rje 'chang chen pos byang chub sems dpa' rnams la 'di skad ces bka' stsal to//rigs kyi bu zhes bya ba ni bod pa'o/ /rdo rje rigs la sogs pa las byung ba'i byang chub sems dpa'o/ /de bzhin gshegs pa thams cad kyi rang bzhin gyi dpal gsang ba 'dus pa'i rgyud 'di la dbang bskur ba gang yin pa ni sngags pa ste/ rnal 'byor pa de zab mo'i chos thos nas/sgra ji bzhin pa tsam la brten cing 'jigs par mi bya ste/ sun dbyung bar mi bya'o/ /skrag par gyur par mi bya ba ni bsam pas so/ /yang dag par skrag par mi bya ba ni bsgom pas so/ /de ci'i phyir zhe na zhes bya bas ni gtan tshigs gsungs te gang gi phyir byang chub sems dpa' rnams byang chub rdo rje las byung ba ni/zhe sdang las skyes pa'i khro bo'i rgyal po'i rang bzhin gyi sku gang yin pa de rnams kyis gsod pa la sogs pa'i phrin las gang yin pa de ni khro bo zhe sdang gnas las skyes zhes gsungs pa'i phyir/ de dag thams cad byang chub rdo rje ni rdo rje 'chang chen po las skyes pa ni byung ba'o//chos thams cad ni rang bzhin gyis 'od gsal ba'i rigs pas/ gang yang rung ba'i rigs kyi rnal 'byor gyis las byed par 'dod na de rang bzhin gyis dag pa'i chos nyid dang / snying rje chen po la dmigs par byed na/de'i tshe skyon cung zad kyang med do/ /'on kyang sgra ji bzhin pa tsam bzung nas chos nyid spangs te/ snga ma dang phyi ma'i rnam par spyod pa spangs nas/ chos spong bar mi bya ba ni smod par mi bya ba ste/ de bzhin gshegs pa'i gsung ni zab pa dang don du ma yin pa'i phyir ro//de bas na kye byang chub sems dpa' rnams rgyud ni chos nyid de/ bsdus pa ni rjes su dran pa dang bsam par bya'o/ /chos thams cad rang bzhin gyis dag pa dang / bdag kyang rang bzhin gyis rnam par dag pa'o zhes bsams nas stong pa nyid ni chos nyid la 'jug cing gnyis su med pa'i rnal 'byor gyis las thams cad bya'o zhes bya ba ni rdzogs pa'i rim pa'o//de nas zhes bya ba la byams pa la sogs pa'i byang chub sems dpa' rnams the tshom bral bar gyur cing bcom ldan 'das de bzhin gshegs pa thams cad la 'og nas bshad pa'i tshigs su bcad pa rnams kyis bstod pa ni 'dud do//de nyid bshad par bya ste/ ston pa dang bstan pa dang bstan par bya ba'i bye brag gis bstod pa ni rnam pa gsum ste/ de la ston pa ni rdo rje 'chang ngo / /de'i 'khor dang bcas pa de nyid la bstod pa bshad par bya ste/ gang zhig dus gsum rdo rje ni dus gsum gyi de bzhin gshegs pa'i rang bzhin ni rang bzhin can no//thugs ni spro ba'i bdag nyid do/ /srid dang thar gyur pa ni thar pa ster ba de dag la mi gnas pa'o/ /zhi ba ni stong pa nyid kyi rang bzhin dang / sgrib pa med pa ni mtshan ma med pa'i rang bzhin dang / dag pa ni smon pa med pa'i rang bzhin dang / nam mkha'i ngo bo ni mngon par 'dus ma byas pa'i rang bzhin no/ /sangs rgyas rnams kyi lhag pa'i byang chub ni ye shes lnga ste/ dbang phyug dam pa rnams ni chos kyi dbyings kyi ye shes kyi rang bzhin no/ /byang chub ni rdo rje 'chang chen po ste/ de lta bu khyed la lus dang ngag dang yid kyis rtag tu phyag 'tshal lo/ /gzugs la sogs pa'i phung po lnga ni rnam par dag pa'i mtshan nyid can de bzhin gshegs pa lnga'i bdag nyid dang / skye mched drug rnam par dag pa'i byang chub sems dpa'i bdag nyid dang / yul rnam par dag pa'i bdag nyid gzugs rdo rje ma la sogs pa dang /sa la sogs pa'i khams rnam par dag pa'i bdag nyid de/ spyan dang mA ma kI dang na bza' dkar mo dang / sgrol ma dang / mA ma kI chen mo'i rang bzhin to / byang chub kyi sems ni don dam pa dang de dang 'dra ba ni kun rdzob ste/de'i bdag nyid khyed la lus la sogs pa rnams kyis de la phyag 'tshal lo/ /de bzhin du gti mug la sogs pa ni nyon mongs pa'i sgrib pa la sogs pa dang / phung po la sogs pa'i bdud dang / log par lta ba la sogs pa ste/ de'i rnam par dag pa'i ngo bo 'phags pa gshin rje mthar byed la sogs pa sgo srung bzhi'i rang bzhin dang /rig pa ni rdo rje ro langs ma la sogs pa khro bo'i lha mo ste/ de dang lhan cig tu sbyor ba ni snyoms par 'jug pas 'byung ba ni skyed par 'gyur ba / rtag tu rab tu 'brel ba ni dus thams cad du ste/ rnam pa sna tshogs pa ni byed pa dang yan lag gi bya ba la sogs pa gang yin pa de gtso bor gyur pa'i dga' ba ni rab tu dga' ba ste/des myos pa'i dngos po ni dga' ba la sogs pa'o/ /der gyur pa ni thob pa ste khro bo'i rgyal po rnams so/ /de ltar rnam par dpyad na byang chub sems dang 'dra ba ste rdo rje 'chang chen po dang mtshungs pa de la phyag 'tshal lo//spros pa la sogs pa ni sngar bshad pa sems 'byung ba'i rgyur gyur pa/ de'i rang bzhin ni 'dod pa'i rgyal po la sogs pa gtsug tor drug go/ /de bzhin du rmongs pa ni gti mug go/ /zhe sdang ni sdang ba'o/ /'dod chags ni chags pa ste/ de dag ni khams gsum pa yin te de nyid sgrib pa'o//rdo rje ni snying rje dang shes rab gang la yod pa de la de skad ces bya ste/ khams gsum gyi shes rab dang thabs kyi rang bzhin zhes bya ba'i don to/ /byang chub sems dang 'dra ba ni snga ma bzhin te/ phyag 'tshal lo zhes bya ba dang sbyor ro / /bstan pa la bstod pa bshad par bya ste/ gang zhig ces bya ba la sogs pa la/thog med dngos med ni rdo rje 'chang chen po thob pa'i thabs su gyur pa shes rab dang thabs las byung ba ni stong pa dang snying rje'i bdag nyid can/ spros pa dang rnam par bral ba ni rtog pa thams cad dang bral ba ste/ shes rab ye shes kyi dbang bskur ba'i mtshan nyid do//de bzhin du gsang ba'i dbang bskur ba'i mtshan nyid dang / brtul zhugs ni rigs pa'i brtul zhugs dang / dam tshig sbyor ba ni dam tshig sgom pa la sogs pa la / sgom par byed pa gang yin pa de ni/ byang chub rdo rje dang 'dra ba ni rdo rje 'chang chen po dang 'dra ba de la rtag tu phyag 'tshal lo//gang zhig rnyed pa la sogs pa yan lag bzhi gtso bor gyur pa/ dngos grub thabs kyi mchog ni bsgrub bya/ sgrub pa'i sbyor ba dang zhes bya ba la sogs pa rdzogs pa'i rim pa gtso bor gyur pa sgom par byed pa de dag rdo rje 'chang chen po dang 'dra bar bltas nas/de la rtag tu phyag 'tshal bar bya'o/ /de bzhin du bsnyen pa la sogs pa yan lag de nyid rdo rje bzhi'i rim gyis sgrub par byed pa dang / dman pa'i dngos grub ni rtogs pa'i lha'i sgrub par byed pa sangs rgyas dang / bla ma'i drin gyis ni de bzhin gshegs pa thams cad kyi rang bzhin rdo rje slob dpon gyi bka' drin gyis sgrub par byed pa ni snga ma bzhin no//bstan par bya ba la bstod par bshad par bya ste/ rgyud 'di bshad par gyur pa'i tshe nyan pa ni don dang bral ba sgra tsam thos pa dang / 'don pa ni rgyun ma chad par kha ton byed pa dang /klog pa ni res 'ga' 'don pa dang / sems pa ni thos nas bsam par byed pa dang / yang na glegs bam la dad pas mchod par byed pa dang / rang 'dri ba'am gzhan 'drir 'jug pa'am / de dag la zhes bya ba ni snga ma bzhin no/ /gang zhig sgrub pa po rgyud 'di nyid kyi zhi ba la sogs pa'i las kyi tshogs dang /sngags dang 'khrul 'khor dang phyag rgya sgrub par byed pa de la zhes bya ba yang snga ma bzhin no/ /de bzhin du gang zhig mthong ba ni glegs bam tsam mthong ba dang / reg pa ni lag pas reg pa dang / grong dang dgon pa la sogs par yang glegs bam dran pa'am/de'i don dran pa'am/ ming ni 'dus pa zhes bya ba thob pa'am/ tsam ni phyogs gcig gi ming ste gsang ba'am/ 'dus pa zhes thos pa'am/ bris pa dang / 'dri bar byed du bcug pa dang / nyan pa dang / klog pa dang / sems pa dang / sgom pa la sogs pa gang yin pa/ dad par byed pa ni sems dad par byed pa dang / de bzhin du sngar ma lus pa dran par bshad cing phyogs gcig dran par yang bshad par bya ste/ phyogs gcig dran pa ni yi ge phyogs gcig dran pa dang / don gyi phyogs gcig dran pa gang yin pa de ni byang chub chen po ni rdo rje 'chang chen po dang 'dra bas/de la rtag phyag 'tshal ba ni phyag btsal ba dang btud de zhes bya ba'i don to/ /bstod pa'i tshigs su bcad pa'i 'og tu/ rjes su yi rang ba bshad par bya ste/ bstod pa'i tshig 'di ni sngar bshad pa'i bstod pa'i tshig gis bstod cing bshad nas/ 'dren pa kun ni dkyil 'khor ba dang bcas pa'i rdo rje 'chang chen po la ste/de'i don ni bstan pa'i rnam pa dang / sgrub pa po dang bstan par bya ba la bstod cing / de nas byang chub sems dpa' de dag rgyud ni rgyun te rgyu dang thabs dang 'bras bu'i dbye bas rnam pa gsum mo/ /rgyud kun ni bya ba dang /spyod pa dang / rnal 'byor bla na med pa'i rgyud de/ de rnams kyi dngos grub dang ting nge 'dzin gtso bo yin pas na bdag po'o/ /bde ba'i thabs yin pa'i phyir mchog go/ /de bzhin gshegs pa thams cad skyed pa'i rgyu yin pas na/ de bzhin gshegs pa thams cad do/ / gsang ba ni bya ba'i rgyud la sogs par zhugs pa la bstan par mi bya'o/ /de bzhin gshegs pa thams cad sdud par byed pas na 'dus pa'o/ /'jig rten pa dang 'jig rten las 'das pa'i dngos grub kyi rgyu yin pas na 'byung ba'o / /legs par mnyan pas na legs par gsungs pa yin te/legs par bka' stsal pa'o/ /'di ni dpal gsang ba 'dus pa'i rgyud de/ /rjes yi rang ni mngon par dga' zhing nye bar bsdu ba'o/ /de ni las kyi rgyal po mchog go/ /'di skad gsungs nas zhes bya ba ni/ bstod pa'i tshig brjod nas so/ /de bzhin gshegs pa dang byang chub sems dpa' ni mi bskyod pa la sogs pa dang byams pa la sogs pa'o//nyid kyi sku gsung thugs ni rdo rje 'chang chen po pa/ sku la sogs pa la rang gi sku la sogs pa zhugs shing gcig tu gyur te/ gnyis su med pa'i ting nge 'dzin mi gsung bar gyur pa ni bde ba chen po la dmigs te gnas par gyur to zhes rdzogs pa'i rim pa'o//de bzhin gshegs pa thams cad ni mi bskyod pa la sogs pa'i sku gsung thugs ni sngags sam gzugs te/ de rnams kyi gsang ba ni sba bar bya ba / dpal gsang ba 'dus pa ni bsod nams dang ye shes kyi tshogs dang ldan pa rgyud kyi rgyal po'i gsang ba thams cad de/'dri ba'i tshig dang / de rnams kyi ston pa ni lam gyi tshig ste de dag byin gyis rlob pa rjod par byed pa gang yin pa de ni gsang ba thams cad ston pa rdo rje ye shes kyis byin gyis rlob pa zhes bya'o/ /le'u zhes bya ba la/ ji ltar gos kyis chu sbrang la sogs pa las srung ba de bzhin du nyon mongs pa'i sgrib pa sel bar byed pas na gos dang 'dra ba ste de 'dzin cing len par byed pas na pa ta la ste/de rjod par byed pa'i gzhung gi tshogs la yang le'u zhes bya'o/ / tshig gi don bcu drug go/ /rgyud kyi 'grel pa las le'u bco brgyad pa'i tshig gi don rgya cher bshad pa'o// de ltar gsang ba 'dus pa yi/ /byang chub sems ni rab gsal byed/ /bla ma'i zhal nas rnyed nas ni/ /rgyud 'grel bdag gis 'di nyid byas/ /tshig gsal mdo rgyu spun las byung / /thabs dang shes rab me 'bar ba/ /klu sgrub snying po bdag gis ni/ /mdor na 'grel pa sdom du bsdus//dpal ldan rdo rje sems dpa' dang / /gsang ba 'dus pa'i rgyud rgyal dang / /bla ma la ni dad che bas / /gang zhig 'gro la phan 'dogs pa'o/ /dpal ldan rgyal po de gzhon nu/ / dus su lo ni bco brgyad la/ /'phags pa lha yis byas pa'i dpal ldan gnas ni shar phyogs su/ /dge slong rnams kyi gtsug lag khang gi phyogs gzhan gyis gsal bar btab pas//rdo rje sems dpa'i drin gyis bdag gis rgyud 'grel 'di ni rnam par brtsams/ /dpal ldan 'dus pa'i rgyud kyi ni/ /'grel pa sgron ma rnam rgyas dang / /nyon mongs shes bya'i sgrib pa mun/ /de nyid kyis ni 'joms par shog / dpal gsang ba 'dus pa'i rgyud kyi rgyal po'i 'grel pa rdo rje theg pa chen po pa/ dpal klu sgrub kyi zhal snga nas kyis mdzad pa rdzogs so// //rgya gar gyi mkhan po chen po dpal gzhon nu bum pa'i zhal snga nas kyis bsgyur cing gtan la phab pa'o// //