CLOSE WINDOW

D1780
བོད་ཡིག

/ // @##/ /rgya gar skad du/ badzra mahA kA la aSh+Ta ka sto tra/ bod skad du/ rdo rje nag po chen po'i bstod pa brgyad pa/ oM nag po chen po la phyag 'tshal lo/ /hA hA hUM mdzad ki li ki li sgrogs pa'i sgra yis 'byung po'i tshogs pa rnam par 'thag /hUM hUM sgrogs pa'i zhal rnams kyis ni mi yi sha za rgyu ma'i phreng ba 'khrug pa'i sku/ /phyag na kha T+wAM ga dang mdung thung mi yi lag pa'i mtshan pa 'dzin cing mdzes pa'i gzugs/ /mi sdug gzugs can spyan dang dbu skra dmar ser dur khrod la dgyes zhing skyong kun nas srungs //zhal dang zhal nas pheM pheM phaT ces sgrogs pas so sor bskyed pa'i me dpung chen po yi/ /phreng ba rab tu 'bar ba'i dbus na bzhugs shing sku la brgyan pas yan lag nye bar mdzes/ /gsod byed drag po'i phyag gis mi yi khrag 'dzag rgyun du btung zhing sbrul gyi phreng bas brgyan//dmyal bar bsreg pa sel zhing sa steng zhing rnams skyong ba khyod ni rol zhing rol par mdzod/ /dri med rdzogs pa'i byang chub brnyes kyang srid pa gsum po khengs par 'gengs nus 'o dod kyis/ /hUM hUM phaT ces ma rungs dgra yis nyin bzhin 'jig rten phyugs rnams kyi ni bgegs 'joms shing //hA hA aT+Ta dgod pa yis ni dus rnams kun du shin tu rab tu 'jigs par byed/ /mgo skyes ral pa sma ra shin tu dmar ser nye bar 'phro ba'i zhing skyong srung bar mdzod/ /sgeg cing rol pa'i 'jo sgeg dang ldan gsus pa 'phyang ba phyag na ral gri khaM khaM khaM//rak+ta 'thungs pa'i spyan dang phyag ni khrag ltar dmar ba raM raM ti dang ru ru ru/ /ngo mtshar snang mdzad gtum po'i shugs can khro bo'i lta bas khro gnyer mdzod cig kruM kruM kruM / /'khor bcas skyong ba'i zhing skyong ma lus bdud dang ro langs 'dul bar mdzad pa TaM TaM TaM //nges par gnod pa'i bdud dang nyon mongs bag chags gcod byed gri gug 'dzin pa hriM hriM hriM/ /nag po'i mchu dang 'dra ba'i sku ni rtsod dang nyes 'phrog thod pa'i phreng can kaM kaM kaM /rmad byung 'od kyis 'jig rten g.yo zhing snang bar mdzad pa gtum po'i shugs can tsaM tsaM tsaM//lha mchog dam tshig ldan pa khyod kyis tshogs kyi mchog dang zhing rnams skyongs shig saM saM saM/ /'gro ba sna tshogs dri med chu bzhin gzigs nas nges par gshin rje 'gog byed yaM yaM yaM/ /rlung gi shugs bzhin myur du rgyu bas nyon mongs 'jig rten snang bar mdzad pa baM baM baM//smin ma gya gyu'i khro gnyer bsnyer bas 'jigs par mdzad kyang 'jigs las thar byed b+h+ruM b+h+ruM b+h+ruM/ /sgrub po rnams la phan dang bde mdzad gnod pa'i sgo rnams bsrung ba'i zhing skyong k+ShaM k+ShaM k+ShaM/ /bzod pa'i lus can k+ShiM k+ShiM k+ShiM zhes gdug pa rnams kyis bzod par dka' ba'i ca co sgrog /ka ha ka ha'i gsung gi rgyun dang char sprin sngon po'i lus can gcig pus thams cad gnon/ /hrIM klIM shrIM gis sngags dang pa tsa pa tsa'i sngags rnams kyis ni lus can thal bar byed/ /sgrub po rnams la kun du gcod pa'i gegs rnams nye bar zhi bar mdzod cig zhing skyong che//klaM klaM klaM zhes rtag tu nyon mongs gyur pa'i lus can srid gsum 'gro ba'i nyon mongs rnams/ /rnam par bsal nas phyag gi zhags pas skyong zhing srung ba la phan phyugs bdag paM paM paM/ /sngags kyi bdag nyid sngags kyi sku can sngags myos sngags kyis zhi ba'i bde ster 'bras bu'i phyag /mtha' dag rgyal ba'i sku bzhin mdzes pa zhing rnams skyong bar mdzad pa khyod kyis de rnams srungs/ /sgrub pa po'am slob dpon gang zhig dam tshig dge mchog mkhas pa'i blo can thun gsum du/ /sngags kyi bstod pa brgyad po klog byed de rnams bsod nams ldan zhing rgyal bar 'gyur ba dang //tshe dang dpal dang grags dang 'byor ldan mnyam med stobs kyis rnam par gnon pa'i gzi brjid rgyas/ /thams cad shes shing de yis nyin mtshan rtag tu bgegs kyi tshogs ni myos shing nyams par 'gyur/ /rdo rje nag po chen po'i bstod pa brgyad pa slob dpon chen po klu sgrub kyi zhal snga nas mdzad pa'o/