CLOSE WINDOW

D1779
བོད་ཡིག

/dpal nag po chen po la bstod pa rkang pa brgyad pa zhes bya ba/ slob dpon 'phags pa klu sgrub kyis mdzad pa'o// @##/ /rgya gar skad du/ shrI ma hA kA la s+ya Sh+Ta man+t+ra sto tra nA ma/ bod skad du/ dpal nag po chen po la bstod pa rkang pa brgyad pa zhes bya ba/dpal nag po chen po la phyag 'tshal lo/ /oM grub par gyur cig /hUM hUM phaT ces drag po'i sgra yis srid pa gsum gyi khong ni ma lus 'gengs nus pa'i/ /ha ha Ta Ta zhes bzhad sgra yis gang zhig dus kun du ni shin tu 'jigs mdzad cing //kaM kaM kaM zhes thod pa'i phreng bas dbu la spras shing nag po'i mthu dang mtshungs pa'i sku/ /b+h+ruM b+h+ruM b+h+ruM zhes khros pa'i mchog gi khro gnyer 'jigs mdzad 'jigs pa'i khwa gdangs sha za zhing / /dbu skra dang ni sma ra ches ser nye bar spyod pa'i zhing skyong khyod kyis srung bar mdzod/ /raM raM raM zhes spyan mar 'khrug cing bsgyur mdzad kruM kruM kruM zhes rab sgrogs spyan gyis gzigs//smin ma ser zhing mche gtsigs ro yi gdan la dgyes pa'i zhing skyong khyod kyis zhing skyong mdzod/ /ha ha hUM dang kI li kI li zhes sgrogs phyag g.yon kha T+wAM gar bcas thod pa bsnams/ /ru ru ru zhes khrag rgyun 'bab pa phyag gis bsnams shing gsol ba 'thungs pa la dgyes shing //khaM khaM khaM zhes gtum pa'i phyag g.yas gri gug ral gri bgegs rnams la ni rol mdzad pa'i/ /TaM TaM TaM zhes Da ma ru can 'di yis 'dul tshad 'khor bcas zhing skyong khyod kyis srungs/ /rab tu rngam zhing mgo bo rnams kyi phreng bas gshin rje dang mtshungs 'jigs pa'i sku brgyan cing //k+ShaM k+ShaM k+ShaM zhes bzod pa'i thugs can ca co sgrogs par byed pa'i gdug pa rnams bzung ste/ /gcig pus sna tshogs mnan cing mnan nas ha ka ha ka brjod mdzad char sprin sngon po'i mdog /sku la mi yi sha dang rgyu mas brel ba'i rgyan gyis kun nas brgyan cing zhal du gsol//drag shul phyag gis 'dod pa'i gzugs dang mi sdug gzugs can gyi ni 'byung po ro langs tshogs / /ma lus bzung nas myur du bsad pa rnams kyi mgo bo'i khrag rgyun 'bab pa rab tu gsol/ / hrIM k+ShiM shrIM gi sngags kyi gsungs can pa tsa pa tsa'i sngags kyis bgegs rnams rab tu sreg /rol pas rol pa sel zhing mi yis gang ba'i mtsho la zhing skyong khyod kyis srung bar mdzad / /pheM pheM phaT ces sgrogs pa so sor bskyod pa'i me dpung chen po'i dbus su bzhugs nas su/ / rigs kyi lus can srung bar mdzod cig sgrub po rnams kyi zhing rnams nges par skyong mdzod cig /phyugs rnams kyis ni nyin re bzhin du bgegs dang sdig 'joms dri med brnyes pa chu nyi bzhin/ /tsaM tsaM tsaM zhes gtum po'i shugs kyis rab g.yos rmad byung 'od kyis 'jig rten snang mdzad pa//kriM kriM kriM zhes gshegs pas dgra bo nyon mongs pa rnams nges par nyon mongs 'joms mdzad cing / /saM saM saM zhes tshogs pa'i bdag nyid dag thos cing 'dzin zhing skyong gang yin khyod kyis skyongs/ /baM baM baM zhes gshin rje ltar 'gro dri ma med pa'i sna tshogs chu bzhin gzigs mdzad cing //yaM yaM yaM zhes rlung gi shugs kyis myur du rgyu zhing nyon mongs 'jig rten gnod byed mkhyen/ /kliM kliM kliM zhes gdug pa'i gzugs kyis srid gsum nyin mtshan dus kun nyon mongs gyur pa gang / / paM paM paM zhes thugs rje'i zhags pas byol song rnams 'dzin phyag gis gdul bya rnams skyong ba//sngags bdag sngags kyi lus can thugs kyi sngags pa rnams la 'bras bu blo gros mtshungs med ster/ /zhing rnams skyong bar mdzad pa khyod kyis 'gro ba'i lus rnams ma lus yun ring bskyang du gsol/ /sgrub pa po yi slob dpon 'ga' zhig dam tshig gang zhig blo ldan gus pa yi //thun gnyis su ni sngags rnams brgyad po klog byed de ni bsod nams ldan par gyur pa dang / /tshe dang dpal dang grags dang mthu stobs 'byor pa 'dzin dang gzi brjid rgyas pa mtshungs pa med / /sa steng dang ni mtho ris su'ang de yi bgegs kyi tshogs rnams rtag tu nyams par 'gyur//dpal nag po chen po la bstod pa rkang pa brgyad pa zhes bya ba/ slob dpon chen po 'phags pa klu sgrub kyi zhal mnga' nas mdzad pa'o// //rgya gar gyi mkhan po shrI bai ro tsa na badzra dang / bod kyi lo tsA ba ban+de ldi ri chos grags kyis bsgyur cing zhus te gtan la phab pa'o/