270b2 / @##/ /rgya gar skad du/ shrI b+haT+Ta rA ka ma hA kA la sto tra/ bod skad du/ rje btsun dpal nag po chen po la bstod pa/ dpal nag po chen po la phyag 'tshal lo/ /bdud dang bdud kyi phyogs kyi sems can ma lus myur du tshar bcad bsad nas khrag rgyun gsol
270b3 mdzad nag po chen po ni//rab 'jigs mdog gnag gzugs thung gsus pa 'phyang zhing dbu skra dmar ser 'jigs pa'i me dpung nang bzhugs khros pa'i gad mos ni/ /ha hUM pheM gyi sgra yis lha dang lha min tshogs ni 'dar zhing 'dud pa'i 'khor gyis bskor nas mnan pa drag po'i
270b4 tshul//bdud dang bdud kyi phyogs kyi sems can ma lus myur du tshar bcad bsad nas khrag rgyun gsol mdzad nag po chen po ni/ /ske rags dril bu g.yer ka sil sil Da ma ru mi Ti Ti hUM ha rnga sgra thog gi nang gi thog ltar ni/ /sgra rnams sgrogs shing mnyam dang mi mnyam gar byed
270b5 pa yi lha dang lha mo'i tshogs kyis bskor nas dur khrod gnas su rol//bdud dang bdud kyi phyogs kyi sems can ma lus myur du tshar bcad bsad nas khrag rgyun gsol mdzad nag po chen po ni/ /thung zhing sbom la spyan gsum me tog ban+du ka ltar dmar bas bgegs rnams skrag cing
270b6 sdang mdzad ljags ni glog ltar 'khyug /mche ba rnam par gtsigs pas ma rungs gdug pa can gyi sha dang rus pa kruM kruM 'cha' zhing lha ba zhag 'jib pa/ /bdud dang bdud kyi phyogs kyi sems can ma lus myur du tshar bcad bsad nas khrag rgyun gsol mdzad nag po chen po ni/ /phyag
270b7 rgya lnga dang klu brgyad kyis brgyan stag lpags ske rags dang ni sku smad dkris shing mi bskyod pa ni spyi bor bzhugs//de bzhin gshegs pa'i tshogs rnams sku las spro zhing mi yi rgyu mas sbrel ba'i mgo yi phreng ba rab 'phyang do shal byas/ /bdud dang bdud kyi phyogs kyi sems can ma
271a1 lus myur du tshar bcad bsad nas khrag rgyun gsol mdzad nag po chen po ni//drag po dang ni chu bdag bzlog par dka' ba'i tshogs rnams zhal du gsol mdzad phyag g.yon rtse gsum 'dzin cing thod khrag 'thung / /gshin rje'i lce 'dra'i gri gug dang ni ral gri phyag g.yas
271a2 bsnams//gdug pa can rnams rlog mdzad sdig pa ring du spong / /bdud dang bdud kyi phyogs kyi sems can ma lus myur du tshar bcad bsad nas khrag rgyun gsol mdzad nag po chen po ni/ /rig byed ces pa'i lha mo brgyad dang rol ba'i rje btsun rdo rje nag po chen po sangs rgyas
271a3 grags pas bskul ba ni//gang gis nyin mtshan rtag tu 'di bton bsgrub pa'i don rnams grub dang sems can ma lus khyad par sa la gnas par mdzod// //dpal rdo rje nag po chen po la phyag 'tshal lo/ /bong thung gsus 'phyang mdog gnag ral pa kham nag gyen du brdzes/ /'bar
271a4 ba'i tshogs kyis lha min dgra bgegs ma lus sreg par byed//drag po'i zhal gyis bdud rtsi gsol mdzad mgo bo gcod mdzad pa/ /bzhad pa'i tshul gyis khro zhing gdug pa'i dgra rnams skrag mdzad pa/ /rked pa byin pa dril bu g.yer ga'i tshogs kyis sgra sgrogs shing / /Ti Ti dang ni
271a5 hUM haT ru yi sgra sgrogs pa//zhal nas tor ke na ni tor ra ki Ni ki sgra ni/ /sgrogs shing zhabs kyis mnyam dang mi mnyam tshul du gar mdzad cing / /ma mo'i tshogs kyis yongs su bskor cing dur khrod gnas na rol/ /ha ka hUM ka pheM ka'i sgras ni lha dang lha min sregs/ /ma lus dgra bgegs
271a6 tshogs kyi srog la myur du sogs byed cing //nag po'i phyogs kyi dgra bgegs khrag gi rgyun ni zhal du gsol/ /nag po chen pos sgrub pa po yi bsam pa myur du sgrubs/ /spyan gsum me tog byi ru'i mdog ltar dmar zhing smin ma 'khyog /ljags ni glog ltar 'khyug pas
271a7 bgegs kyi tshogs ni 'jigs shing skrag /zhal nas mche ba rnam par gtsigs pas dgra bgegs ma lus pa'i/ /sha rus rkang dmar kruM kruM gsol zhing lha ba zhag ni 'jib/ /stag gi pags pa'i sham thabs kyis ni sku smad yongs su dkris/ /phyag rgya lnga dang klu brgyad kyis brgyan
271b1 spyi bo nas//mi bskyod la sogs de bzhin gshegs pa rnam par 'phro bar byed/ /rgyu ma mi mgo rlon pa'i phreng bas sku la do shal byas/ /nag po drag pos chu bdag la sogs zhal du gsol bar mdzad/ /rtse gsum dang ni gdug pa'i khrag bkang thod pa g.yon na bsnams/ /gnod sbyin lce
271b2 'dra'i gri gug ral gri g.yas kyi phyag na 'dzin//gdug pa'i dgra rnams ring du spong zhing rlog par mdzad pa khyod/ /lha mo brgyad kyis bskor zhing 'dir ni gar gyi tshul gyis bzhugs/ /nyin dang mtshan du sgrub pa'i don rnams ma lus mdzad pa la/ /sangs rgyas grags pa yis ni 'jig
271b3 rten mgon po la zhus pa//ma lus sems can 'di dag rdo rje sa la rab 'god mdzad/ /rje btsun dpal nag po chen po bya rog ming can dang gdong can la bstod pa mkhas pa chen po rtsa mi sangs rgyas grags kyis bstod pa rdzogs so// //'di dag pra kri ta'i skad du yod pa las
se lo tsA bas bod skad du bsgyur ba'o/