CLOSE WINDOW

D1773
བོད་ཡིག

/nag po chen po'i sgrub thabs rdzogs so// @##/ /rgya gar skad du/ shrI ma hA kA la s+yA Sh+Ta pa da sto tra nA ma/ bod skad du/ dpal nag po chen po'i bstod pa rkang pa brgyad pa zhes bya ba/ dpal nag po chen po la phyag 'tshal lo/ /oM grub par gyur cig /hUM hUM phaT ces drag po'i sgra yis srid pa gsum gyi khongs ni ma lus 'gengs nus pa'i/ /ha ha Ta Ta zhes brjod gang zhig dus kun du ni bdud sde shin tu 'jigs mdzad cing / /kaM kaM kaM zhes thod pa'i phreng bas dbu la spras shing nag po'i mchu dang mtshungs pa'i sku/ /bruM bruM bruM zhes khros pa'i mchog gi khro gnyer 'jigs mdzad 'jigs pa kha gdangs sha za zhing //dbu skra dang ni sma ra ches ser nye bar spyod pa'i zhing skyong khyod kyis srung bar mdzod/ /raM raM raM zhes spyan dmar 'khyug cing bsgyur mdzad kruM kruM kruM zhes rab sgrogs spyan gyis gzigs/ /smin ma ser zhing mche gtsigs ro yi gdan la dgyes pa'i zhing skyong khyod kyis zhing skyong mdzod//ha ha hUM dang kI li kI li zhes sgrogs phyag g.yon kha T+wAM gar bcas thod pa bsnams/ /ru ru ru zhes khrag gi rgyun 'bab phyag gis bsnams shing gsol ba 'thung ba la dgyes shing / /khaM khaM khaM zhes gtum mo'i phyag g.yas gri gug ral gri bgegs rnams la ni rol mdzad pas//DaM DaM DaM zhes Da ma ru can 'di yis 'dul mdzad 'khor bcas zhing skyong khyod kyi srungs/ /rab tu rngam zhing mgo bo rnams kyi phreng bas gshin rje dang mtshungs 'jigs pa'i sku brgyan cing / /k+ShaM k+ShaM k+ShaM zhes bzod pa'i shugs can ca co sgrogs par byed ba'i gdug pa rnams bzung ste//gcig pus sna tshogs mnan nas ka ka ha ha brjod mdzad char sprin sngon po lta bu'i mdog /sku la mi yi sha dang rgyu mas brel ba'i rgyan gyis kun nas brgyan cing zhal du gsol/ /drag shul phyag gis 'dod pa'i gzugs dang mi sdug gzugs can gyi ni 'byung po ro langs tshogs//ma lus bzung nas myur du bsad pa rnams kyi mgo bo'i khrag rgyun 'bab pa rab tu gsol/ /hrIM k+ShuM shrI zhes sngags kyi gsungs can pa tsa pa tsa'i sngags kyis bgegs rnams rab tu bsregs/ /rol pas rol pa sel zhing mi yis gang ba'i mtsho la zhing skyong khyod kyis bsrung ba mdzad//pheM pheM phaT ces sgrogs pa so sor bskyod pa'i me dpung chen po'i dbus su bzhugs nas su/ /rigs kyi lus can srung bar mdzad cing sgrub pa rnams kyi zhing rnams nges par zhing skyong mdzod/ / phyugs rnams kyi ni nyin re bzhin du bgegs dang sdig 'joms dri med brnyes ba chu nyi bzhin/ /tsaM tsaM tsaM zhes gtum pa'i shugs kyis rab dbye rmad byung 'od kyi 'jig rten snang mdzad pa/ /kraM kraM kraM zhes gshegs pas dgra bo nyon mongs pa rnams nges par nyon mongs 'joms mdzad cing / saM saM saM zhes tshogs pa'i bdag nyid dam tshig thos 'dzin zhing skyong gang yin khyod kyis skyongs/ /baM baM baM zhes gshin rje ltar 'gro dri ma med pa'i sna tshogs chu bzhin gzigs mdzad cing / /yaM yaM yaM zhes rlung gi shugs kyis myur du rgyu zhing nyon mongs 'jig rten gnod byed mkhyen/ /kliM kliM kliM zhes gdug pa'i gzugs kyis srid gsum nyin mtshan dus kun nyon mongs gyur pa gang //paM paM paM zhes thugs rje'i zhags pas byol song rnams 'dzin phyag gis gdul bya rnams skyong la/ /sngags bdag sngags kyi lus can thugs kyi sngags pa rnams la 'bras bu blo gros mtshungs med ster//zhing rnams skyong bar mdzad pa khyod kyis 'gro ba'i lus rnams ma lus yun ring skyong du gsol/ /sgrub pa po'am slob dpon 'ga' zhig thos 'dzin gang zhig blo ldan nus pa dang / /thun gsum du ni sngags rnams brgyad po klog byed de ni bsod nams ldan par 'gyur ba dang //tshe dang dpal dang grags dang 'byor pa 'dzin dang gzi rgyas pa dang mtshungs med dang / /sa stengs dang ni mtho ris su'ang de yi bgegs kyi tshogs rnams rtag tu nyams par 'gyur/ /dpal nag po chen po la bstod pa rkang pa brgyad pa zhes bya ba/ slob dpon 'phags pa klu sgrub kyis mdzad pa rdzogs so/