266b6 dngos grub brnyes pa'i slob dpon chen po dpal nags kyi rin chen zhabs kyis mdzad pa'o// @##/ /rgya gar skad du/ ba liM bi d+hiH/ bod skad du/ gtor ma'i cho ga /dpal rnal 'byor nam mkha' la phyag 'tshal lo/ /de'i rjes su 'khor lo'i dbang phyug gi bdag
266b7 nyid kyi sngags pas/bcom ldan 'das ma dud pa'i sol ba ma la gtor ma sbyin par bya ste/ de la sngon du smras pa'i tshul gyis bshams pa'i gtor ma nyid dam/ yang na lhag ma'i skabs su/ 'khor lo pa rnams kyi lhag ma'i dum bu bsdus pa/ snod chen por blugs te/ 'khor lo'i gtso bo'i
267a1 spyan sngar bzhag la/de'i steng du 'bras chan dang / tshod ma dang / myos byed la sogs pa cung zad cung zad kyang byin nas/ rang nyid kyi mdun gyi nam mkha'i khams su rnal 'byor nam mkha' dud pa'i sol ba ma blta bar bya'o/ /mchod yon la sogs pa sbyin pa sngon du
267a2 'gro ba'i me tog la sogs pas yang dag par mchod la/dzaHhUM baM hoHzhes bya ba 'dis lhag ma'i steng du dgug pa la sogs pa bya'o/ /de nas zhu ba'i bdud rtsi khar blugs nas/ ho paN+Di'i sngags/ oM su mi shud+d+ha d+har+m+ma hUM a A aM AHswA hA zhes bya ba 'di brjod cing / rdo rje khu tshur gyi
267a3 phyag rgya gnyis bcings pa'i gru mo gnyis bkug ste mthe'u chung bsgreng ba mdog dkar po'i mche ba'i rnam par sbyor ba'i phyag rgya bcings la/sngags 'dis gtor ma dbul bar bya ste/ oM ku ru ku ru ba ta li ba ta li/ siM ha mu khish+ma shA na wa si ni pra te mu khi tsaN+Da ka rA li/ ru d+hi ra pri ya sa ma
267a4 ya rak+Shi ta yo gAm+ba ri ki li ki li rA be+e pi tri ba na ma d+h+ya/b+huny+dza ha b+hak+Sha ha dzi g+ha sa ha ga Na/ dU te d+hA mang+gA rI tsaN+Da kA rA li tiSh+Tha swI ku ru hUM gr-ih+Na sarba duSh+TAM b+hak+ShA phuM phuM phiM phaT swA hA zhes bya'o/ /slar yang mngon par mchod cing yang dag par bstod par bya'o/ /de nas 'dis bzod cing gsol ba bya ste/
267a5 gtso mo bdag gis ma shes dang / /yongs su ma rnyed nus ma mchis/ /lhag dang ma tshang gyur pa gang / /de kun mgon pos bzod mdzod rigs/ /rdzogs sangs rgyas dang de yi sras/ /tshangs sogs lha dang 'jig rten skyong / /theg mchog cho gar nongs bgyis pa/ /bzod par
267a6 stsal nas bdag dang ni//sbyin bdag rnams la zhi ba dang / /rgyas dang bde legs mdzad du gsol/ /zhes bsngo'o/ /de nas sngags pas dmigs pa med pa nyid du ci bde bas gnas par bya'o/ /'di ni gtor ma'i cho ga'o/ /bla ma'i man ngag bskyud par gyur pa'i nyes pa dang / /
267a7 rmongs pa las ni 'khrul pa'i nongs gang 'dir chags pa/ /rnam dag thugs rje shin tu zhi zhing gshin gyur pa'i/ /dpal ldan rdo rje mkha' 'gro'i tshogs la yang dag 'chags/ /rnal 'byor nam mkha'i sgrub thabs rnam dag bgyis 'di las/ /bsod nams gang zhig bdag gis rab
267b1 tu thob gyur pa//de yis 'jig rten dka' ba med pa'i bde ba dang / /yang dag ldan pa kun du bzang po nyid gyur cig /'di ni dud pa'i sol ba ma'i cho ga ste dpal nags kyi rin chen zhabs kyis mdzad pa'o/ /grub pa'i zhal gyi sbrang rtsis rab tu myos pa yis/ /gar byed de ni dpal
ldan rgya mtsho'i sde zhes pa/