CLOSE WINDOW

D1766
བོད་ཡིག

/dI paM ka ra shrI dz+nyA nas mdzad pa/ lo tsA ba 'brom ston gyis bsgyur ba'o/ /oM shrI ma hA kA la tri yaM dza/ oM trag rag sha ma'i thun b+h+yo ma hA yag sha tri Na nag mo thun b+h+yo/ snying gar rak+sha thun b+h+yo// @##/ /rgya gar skad du/ shrI de wI kA li sA d+hano pi ka /bod skad du/dpal lha mo nag mo sgrub pa'i thabs kyi cho ga /dpal lha mo nag mo la phyag 'tshal lo/ /dpal lha mo nag mo bsgrub par 'dod pa'i rnal 'byor pas/ yo byad phun sum tshogs pas lha bsams la/ de nas gnas dur khrod dam/ shing drung ngam/ gcong rong ngam/ khang stong ngam/dben pa'i sa phyogs su phyin la/ de nas dang po phyogs skyong bcu la sogs pa 'jig rten pa thams cad la gtor ma rgyas par btang / de nas e'i maN+Dal kun du khru re ba la dpangs su yang khru gang gi tshad du bya/ de la stegs bu rim pa gsum du bya'o/ /bar ma la zla gam gsum gsum du bya/tha ma la gru gsum dang / dang po la gru gsum du bya/ rabs chad kyi thod pa re re'am/ yang na gang yang rung ba'i thod pa re re bzhag ste/ de yang thod pa'i steng du mngon par byas nas/ thod pa'i nang du yang nag po re re ro sol gyis bri/ thod pa'i phyi yang dmar po re re mi khrag gis bris/zla gam gsum gsum yang dmar por byug /gru gsum nag pos tshon btang ste/ tshon btang ma legs na skyon 'di lta bu yod do/ /tshon sboms na slob dpon dang / slob ma nad mang du 'ong / tshon phras na nad mang bar yong / yo bar gyur na yul du 'khrug pa yong /bar chad par gyur na slob dpon slob bu myur du 'chi bar 'gyur/ de bas re khA smyug ma 'bring po tsam du byas la/ g.yas nas bskor zhing bri ste/ tshon dgye ba yang gru gsum nyis 'gyur du dgye ste/ nang gi gru gsum nag por bya/ phyi gru gsum de dmar por byug /nang dang phyi gru gsum re re la rdo rje phyed ma re res mtshan pa bri/ thal chen dang khrag skam bsres pas/ e'i dbus su sngags sa bon gyi hUM bri/ nang gi zur gsum la ma mo thams cad kyi srog gi snying po b+h+yoHre re bri bar bya ba yin no/ /de yang da du ra'i khu ba dang dur khrod kyi sol ba dang ra khyi'i khrag dang /bya nag mo'i khrag dang / de rnams cha bsnyams la bsres te zhib tu btags la tshon rtsi dang sbyar bas dur khrod kyi ras la lha mo'i sku bris la/ e'i maN+Dal gyi dbus su bzhugs su gsol te/ de nas spos la sogs pa mchod pa'i yo byad lnga tshang bar bshams te mchod pa dbul/de yang bdag dam tshig gi lha mo bsgom pa ni/ dang po rang gi snying gar pad+ma 'dab ma bzhi'am/ yang na 'dab ma brgyad pa ge sar dang bcas pa cig bsam/ pad+ma de'i ge sar gyi dbus su yi ge aM klad kor dang bcas pa 'od 'bar ba cig bsams la/ de'i steng du yi ge hUM rang gi gzi brjid kyis rang nyid me ltar 'bar ba cig bsgom/ me des bdag nyid rnam par rtog pa can gyi lus bsregs nas thal bar gyur par bsam mo/ /yang thal ba de'i dbus su zhi ba'i 'od kyis bsam par bya ba/ sngon gyi pad+ma'i snying po la gnas pa/ srog gi rang bzhin gyi yi ge oM/de'i steng du baM bsam mo/ /de nas yi ge baM yongs su gyur pa las/ bum pa gang ba dkar po'i kha nas bdud rtsi'i chu rgyun 'bab pa cig bsam/ de nas srog tu bshad pa'i yi ge oM de yis bdud rtsi'i chu rgyun 'bab cing sbreng bas/ yi ge kun gyi mchog srog tu bshad pa'i yi ge a zhes pa'i chu des lhag par brtan zhing brtas par byas nas/gzi brjid dang ldan par gyur nas/ zla ba dang / kha ba dang / kun+da dang /sprin dkar po dang / dung lta bur bsam par bya'o/ /de nas dpal lha mo'i mtshan sngags oM ma hA kA li de wI kA li/ tran+ta kA la ti tsaN+Da rU pi Ni hUM phaT/ces brjod pa'i sgo nas/ sngags kyi sa bon yi ge a de las lhar bsgrubs te/ dpal lha mo nag mo'i skur bsgyur zhing bsgom par bya ba ni/ sku mdog nag mo char sprin nam/ bung ba ltar gnag pa/ shin tu rid pa/ keng rus kyi rus can/ zhal gcig phyag bzhi pa/ zhabs gnyis pa/g.yas kyi dang po na ral gri/ 'og ma na b+han+d+ha dmar gyis bskyil ba/ kha T+wAM ga dkrol ba ste/ g.yon na shak+ti/ 'og mas tri shU la'i dar dpyangs 'phyar ba thogs pa/ mi ro rengs pa khar bcug nas mche ba gtsigs pa/ spyan dmar po gsum bzlog nas lta ba/ dbu'i ral pa gyen du brdzes shing len bu g.yon du 'khyil pa/dbu skra'i ral pa la thod pa'i phreng bas brgyan pa/ snyan cha g.yas pa sbrul gyi mgul nas dril bu gsil ba/ snyan cha g.yon pa seng ge'i ral pa dmar ba/ rna ltag gnyis na me tog dang dar dmar nag gi cod pan 'phur ba/ lha ma yin la sogs pa'i thod pa'i do shal byas pa/glang po che'i ko rlon stod g.yogs su byas pa/ ba lang gi ko rlon chen po dral ba la re lde ser pos sham bu byas pa sku smad dkris pa/ khrag dang zhag gi thig les tshom bur bris pa/ klu'i rgyal po gnyis gshibs pas ska rags su byas pa/ zhabs gnyis lcags sgrog gis brgyan nas/bong bu gwa pa'i steng na rtsen skyil du bzhugs pa/ dur khrod brgyad kyi dbus na skad dung dang 'brug gi sgra ltar sgrogs shing / ma mo mkha' 'gro sha za thams cad dbang du sdud pa cig tu bsgom mo/ /de ltar gsal ba dang de'i snying ga'i dbus su/ thugs mar me 'dra ba la rang gi sor bzhi'i tshad la dbyibs sgo nga'i gzugs 'dra ba cig gsal bar bsgom mo//sgo nga de'i nang gi dbus su hUM nyi ma zla ba'i dkyil 'khor dang ldan pa cig bsgom mo/ /de'i yang hUM gi thig le ni nyi ma'i dkyil 'khor du bsam/ hUM gi zla tshes zla ba'i dkyil 'khor du bsam/ de'i 'og tu hUM de las 'od zer byung bas bzlas pa'i yig 'bru rnams phreng bar gyur nas/ hUM de nyid la blta zhing gsal ba dang / 'dris shing goms pa'i sbyor bas rtse gcig kho nar bsgom mo/ /de ltar bdag dam tshig gi lha mor gsal ba dang / grub pa'i gnas nas rang bzhin gyi lha mo sngar gyi de dang 'dra ba zhig la/'khor ma mo gcer bu ral pa can thod pas se ral khar brgyan pa/ lag pa g.yas pas mi'i snying thogs pa/ lag pa g.yon pas b+han+d+ha rak+tas bkang ba 'dzin pa/ snying gi dkyil na srog gi snying po b+h+yoHre re yod pa/ bsam gyis mi khyab pa dang bcas pa byon par bsam mo//de nas nam mkha' la spyan drangs nas/ mdun du e'i dbus su sngags kyi sa bon hUM dang b+h+yoHla so sor thim pas sku phyag rgyar bzhengs par bya'o/ /de la dgug pa dang gzhug pa dang bcing ba dang dbang du bya ba sngags 'dis bya'o//dr-i sh+ya dzaHhUM baM hoHsa ma ya s+t+waM sa ma ya s+t+waM zhes brjod nas de nas gzugs la mngon du sku ston pa cig bsgom mo/ /de ltar mi ston na/ oM hUM b+h+yoHe Ar li hrIHdzaHzhes brjod cing gzir ro/ /mngon du ma byung na bdag gi sems la ci 'dod pa ni khyod kyis sgrub par gyis shig ces bsgo ba'o//de yang las byed pa'i tshe rig sngags kyi dam tshig sbyin te/ dam tshig kyang gur gum chu la sngags kyis btab la sbyin no/ /dam tshig gi sngags 'di'o/ /oM ha na ha na badzra sa ma ya a d+hi kra ma nan hUM phaT/ dam tshig gi chu sbyin nas bsgo ba/ lha mo khyod dam tshig 'di las 'das nas bsgo ba bzhin du ma byas na rab tu gzir ba chen po byed pa dang /dam tshig gi chu 'di yang ha la ha la chen por 'gyur te/ mthong bas khrag skyugs pa dang / rdo rje za byed chen pos snying dral te dus ma yin par 'chi bar 'gyur ba dang / rdo rje gnod sbyin gyis gsod pa la sogs par 'gyur ro//khro bo za byed chen por 'gyur te/ rdo rje me dpal 'bar bas tshig nas lus thal bar byas te/ so so rang gi rnam pa gsal bzhin du dmyal ba 'bod sgrogs su skye bar 'gyur ro zhes dam tshig bor/ de nas lha mo la mchod pa lnga dang gtor ma dbul lo//oM hUM shrI ya de bI kA li ma hA kA li hUM b+h+yoH/ /oM badzra puSh+pe pU dza s+pha ra Na sa ma ye hUM phaT ces brjod de me tog dbul lo/ /oM badzra d+hU pe pU dza s+pha ra Na sa ma ye hUM zhes brjod de bdug spos shangs la dbul lo/ /oM badzra dI pe pU dza s+pha ra Na sa ma ye hUM zhes brjod de mar me spyan la dbul lo//oM badzra gan+d+he pU dza s+pha ra Na sa ma ye hUM zhes brjod de dri thugs kar dbul lo/ /oM badzra nai wi d+ye pU dza s+pha ra Na sa ma ya hUM zhes brjod de lha bshos phyag tu dbul lo/ /de nas ra rog po'i sha khrag dang / bya nag mo'i sha khrag dang / gzhan gyi yang sha khrag sna tshogs gang 'byor pa dang /chang la sogs pa bza' ba sna tshogs dang ldan pa'i gtor ma dbul bar bya ste/ ma hA maM sa khA hi/ ma hA go ro tsa na khA hi/ ma hA tsit+ta khA hi/ ma hA ba su ta khA hi/ i daM ba liM gr-i h+NA sa ma ya hUM phaT swA hA zhes brjod de gtor ma dbul bar bya'o/ /de ltar mchod pa rdzogs par phul nas bstod pa bya'o//gling bu 'bud pa'am/ mi rkang 'bud pa'am/ cang te'u'am/ mi thod kyi rnga brdung zhing dbyangs snyan pos bstod pa bya ste/ oM dpal ldan nag mo mi pham srid gsum bdag /rang don grub cing rnam thar sgor gzhol kyang / /snying rje'i dbang gis gzhan don rjes thob cing //shes rab sna tshogs dag gis 'gro don byed/ /lha mo sku mdog nag mo char sprin mdog /mtshan mo nag mo shin tu gtum pa'i gzugs/ /shin tu rid cing keng rus lus can ma/ /zhal gcig phyag bzhi zhabs gnyis brjid pa'i sku/ /ral pa gyen 'greng lan bu g.yon du 'khyil//skra rked sbrul dang thod pa'i phreng thod can/ /rna ltag me tog dar nag cod pan can/ /khrag gi chang gis ra ro spyan rtsa dmar/ /mi ro rengs pa khar bcug mche ba gtsigs/ /rnam par gtsigs nas khrag la shin tu dgyes/ /snyan cha g.yas pa sbrul gyi mgul nas dril bu gsil//gdug pa btul nas tshangs pa'i sgra sgrogs ma/ /snyan cha g.yon par seng ge ral pa dmar/ /dpa' bo khams gsum seng ge'i sgra sgrogs shing / /phyag bzhi g.yas kyi dang po ral gri 'dzin/ /'og ma b+han+d+ha rak+ta dmar bskyil 'dzin//g.yon gyi dang po shak+ti mtshon cha 'dzin/ /'og ma tri shUl mgul na dar dpyangs 'dzin/ /shak+ti ral gri mtshon gyis bsad pa yi/ /lha ma yin gyi mgo bos do shal byas/ /glang po che yi ko rlon stod g.yogs byas/ /smad ni ba lang ko rlon dras pa la//phyed ni re lde ser po'i sham bus dkris/ /klu yi dbang po gzhibs pa'i rked chings can/ /zhabs gnyis lcags sgrog dag gis mdzes par brgyan/ /khrag zhag mang po dag gi tshom bus thig ler bris/ /bong bu ga zhon mtshan mo dur khrod rgyu/ /bong bu'i rmig pa glog gi shugs can ma//khams gsum skad cig tsam gyis skor bar byed/ /skad ni dung dang 'brug gi sgra ltar sgrogs/ /ma mo mkha' 'gro sha za dbang du sdud/ /lho phyogs gshin rje'i pho brang dag na gnas/ /dam pa'i sa nas gzugs sku gnyis gzigs ma/ / ting 'dzin dbang thob gzugs khams gnas su byon/ /tshangs pa'i rgyal po la sogs phyag byas ma/ /gzhan la dbang bsgyur 'dod khams ya mthar byon/ /dbang phyug chen po'i sku la dgyes 'khril ma/ /sum cu rtsa gsum tshal du byon pa'i tshe/ /lha rnams dbugs phyung brgya byin phyag byas ma//lha ma yin rnams phung bar byas pa'i tshe/ /lha min dbang po kun gyis phyag byas ma/ /sku mdog ri rab che dang 'gran pa'i tshe/ /lte ba'i thad ka'i phyogs nas nyi zla 'char/ /rgyal chen bzhi la sogs pas phyag byas ma/ /rgya mtsho'i gting nas me sbar mtsho skems nus//sa 'og dbang po kun gyis phyag byas ma/ /lha mo khyod kyis cho 'phrul 'di bstan pas/ /bdud dang gshin rje'i rgyal po 'dar zhing 'dud/ /ma mo srin mo'i tshogs rnams rngam zhing rgod/ /dam sri'i tshogs rnams 'dar zhing dam la 'dud/ /tsit+ta'i rin chen gur phub gzhal yas nas//nyi zla'i dkyil 'khor brtsegs pa'i 'od zer 'bar/ /phyogs bcu 'jig rten dag gi bcud bsdus nas/ /nyi ma'i dkyil 'khor dag la thim mdzad ma/ /dug gi rlangs pas nag po'i phyogs rnams kyi/ /bzhi brgya rtsa bzhi'i nad rnams slong mdzad ma/ /de phyir nad kyi bdag mo dam la 'du//phyogs bcu'i 'jig rten bdud rtsi'i bcud bsdus nas/ /zla ba'i dkyil 'khor dag la thim mdzad ma/ /bdud rtsi'i rlangs pas dkar po'i phyogs rnams kyi/ /bzhi brgya rtsa bzhi'i nad kyi rtsad gcod ma/ /bdud rtsi sman gyi rgyal mo dam la 'du/ /gang zhig khyod la dad na ma bas byams//de phyir nad bdag ma gcig sman gyi gtso/ /bdud rtsi lha mo khyod la rtag tu bstod/ /sangs rgyas shAkya thub pa'i spyan snga ru/ /bdag gi deng nas 'khor ba ji srid bar/ /dkar po'i phyogs kyi nad dang sdug bsngal sogs/ /zhi bar bya phyir tshe dang bsod nams spel//nag po'i phyogs ni bkug cing dbang du sdud/ /smyo 'bog bsad la sogs pa'i las 'di rnams/ /bstan pa srung phyir las 'di bsgrub par bgyi/ /'di las 'gal na rgyal ba'i sku bslus pas/ /dus gsum rgyal ba'i rdo rjes mgo 'gems shog /de skad rgyal ba'i spyan sngar dam bcas pas/ /khas blangs bzhin du dam tshig dgyes dgongs la/ /dam bcas bzhin du phrin las myur du mdzod/ /rnal 'byor bdag dang bdag gi 'khor bcas la/ /zhal nas bdud rtsi'i rgyun gyi char phob la/ /nad sogs sdug bsngal tshogs rnams zhi bar mdzod//tshe dang dbang thang longs spyod rgyas par mdzod/ /zang zing lo tog 'bru yi phung po dang / /rin chen rkang 'gro phyugs rnams 'phel bar mdzod/ /bla ma smod cing dkon mchog dbu 'phang smod/ /bdag gi dge ba'i bar chad byed pa rnams/ /che ge mo zhes bya ba'i las ngan 'di//khyod kyi khong nas dug gi rlung bus la/ /'du ba rnam bzhi'i nad rnams khong nas slong / /pags gzhi sa la lhung la rdebs su chug /don snod lnga po khong khrag skyug tu chug /las ngan 'khor bcas brang chen brdung du chug /smre sngags cho nge gnam du 'bod du chug /'chi bdag gsad smyo 'bogs pas gsad par mdzod/ /gcan gzan mkha' lding la sogs ltas ngan phob/ /bstan pa srung ba'i las 'di myur du mdzod/ /oM ro ru ro ru bi tiSh+Tha ba d+ho t+sI ka mA la rak+Sha sI hUM b+h+yoH/ /che ge mo mA ra ya hUM phaT ces bzlas shing dam bdar/gtor ma sbreng zhing brgya rtsa brgyad dam/ yang na nyi shu rtsa gcig bzlas/ gzhan yang lha mo'i gzungs la sogs bstod pa mtha' dag bya'o/ /de nas lha mo'i rnal 'byor la gnas nas/ don thams cad grub par byed pa'i snying po'i sngags 'dis bzlas par bya ste/ myur bar ma yin bul ma yin//mi gsal ma yin gsal bar min/ /gug skyed nyams pa ma yin pa/ /g.yeng ba'i rtog pa spangs pas bzlas/ /oM hUM shri ya de wI kA li ma hA kA li hUM b+h+yoH/ /A ra li hriM dzaHzhes yig 'bru gsal bar byas te/ sngags kyi bzlas pa thams cad kyang lha mo'i tshig yin par che ba'i nga rgyal bya zhing /rang gi sprul pa'i lha mo thams cad kyi zhal nas kyang sngags kyi sgra 'byung bar bsam zhing bzlas pa la sogs pa bya ste/ de lta bu thams cad kyis bzlas par 'gyur/ de ni sngon du bya ba sngags te/ 'bum phrag bdun bzlas pa'am/ yang na gsum bzlas pas las thams cad 'grub par 'gyur ro/ /de yang sngags khri phrag bzlas nas gtor ma re re btang ste/ khu tshur bcings te mdzub mo gnyis bsgrengs la/ kha 'gram g.yas g.yon du mche ba ltar byas la/ oM bya bA bat+tA li che zhes lan bdun nam gsum bzlas nas 'di skad du/dur khrod ma mo dngos grub zhal/ /gtum mo gtsigs byed yi dags kha/ /dam tshig srung ma khrag dga' mo/ /lha chen dgyes mdzad khyed la bstod/ /ki li sgra sgrogs sbyor 'dzin ma/ /dur khrod ro yi mtsho dbus na/ /tshogs dang pho nya bcas pa ru//gtsigs byed gtum bdud mdzad la bstod/ /las bzhi'i dbang phyug sna tshogs gzugs/ /shin tu rid pa'i 'jigs gzugs can/ /lus la lpags gyon bong bu zhon/ /gnas gsum bdag mo khyed bstod do/ /ske cha lus rgyan thal bas mtshan/ /phyogs bzhi nyul zhing srog gi bdag /ya mtshan gyur nas de mtshan gyis/ /sngon chad la sogs 'dud la bstod/ /gsol cig bzhes shig dam tshig lha/ /gnas nas gnas su mdzad du gsol/ /bdag gi bsam pa ci 'dod pa/ /de ni khyod kyis 'grub par gyis/ /bdag gi las 'di ci byed kyang //de la kun gyis grogs gyis shig /gr-ih+Na gr-ih+Na/ sarba duSh+TAM/ pra duSh+TAM/ b+hak+Sha b+hak+Sha/ phruM phruM phruM phaT swA hA zhes brjod de/ se gol lan gsum brdabs la gtang bar bya'o/ /sngags ma rdzogs kyi bar du de ltar shes par bya'o/ /ji srid skyo bar ma gyur gyi bar de srid du bzlas la//skyo bar gyur na yang bstod pa byas la mchod yon phul te mchod la phyag byas la/ lha mo slar gshegs su gsol/ dpal lha mo la sngon du mchod pa phul zhing bsnyen pa rdzogs par byas la/ lha mos lung bstan cing mtshan ma thob pa'i rnal 'byor pas kyang dang po nyid du snying po'i sngags 'bum bzlas te/de nas bzod las la sbyar ro/ /de la smyo zhing bsad pa'i las bya ste/ grog mkhar gyi sa dang / chu 'gram gnyis kyi sa dang / dur khrod kyi sa dang / dur khrod kyi thal ba dron po dang / dur khrod kyi sol ba dang / rdzas de dag gcig tu bsres te/ zhib tu btags la/lung bong gi gcin gyis sbrus te/ bsgrub bya'i gzugs brnyan byas la ldum bu med na yang / lung tang tse'i 'bras bu dang / dug dang / ske tshe dang / lan tshwA dang / ra khrag sbyar la mi de'i rus rigs bla gang yin pa'i gzugs gro ga la bris la/ bla de'i lus la de'i ming rus dang /sod cig pa'i bskul tshig dang ldan pa bris te/ 'di skad du/ hUM che ge mo mA ra ya mA ra ya un man+ta ku ru hUM phaT ces bri/ bla rdo dang sbrags la gzugs brnyan gyi snying gar gzhug /gzhan yang gong gi rdzas dang / tsha ba gsum dang / mu zi nag po bsres te zhib tu btags la/ lung bong gi gcin dang sbyar te/ gzugs brnyan la khyab par bsku'o/ /de nas gcan gzan gyi thod par bcug la maN+Dal gyi dbus su gzhag /de nas gang la bya ba de bkug cing gzugs brnyan la bstims te/ mi de yin pa kho nar bsams la de la las bya'o/ /gsal shing la bskyon la gsad pa'i tshul du/'dir lcags las gsal shing rtse gcig pa brdungs la bya'o/ /de ltar byas pa ni lha mo yin te/ gzugs brnyan gyi rkub nas gyen du btsugs par phyung la gzugs so/ /de nas sngags 'bum phrag gsum bzlas na dgra bo brlag par 'gyur ro/ /de dbus bsam par bya ba ni/bsgrub bya de'i snying ga'i dbus su yi ge kaM las gyur pa'i sdig pa kha dog nag po mi sdug pa cig /snying gi mar me'i dbus su zhugs nas/ snying khrag 'thung zhing sha za bar bsam mo/ /gzhan yang dpal lha mo nag mo bsgoms pa'i thugs ka'i mar me la/ nang gi hUM gi 'od zer las dzaHdmar po sgril mar phyogs bcur 'phros 'dus de yongs su gyur pa las/ lcags kyi spyang mo ral pa can cig tu bsgom mo/ /des bsgrub bya'i snying rtsa'i dbus nas khrag rngub par bsam zhing sngags bzlas te/ oM hUM shrI de wI kA li ma hA kA li hUM b+h+yoH//ma ma sha trUM A mu kaM mA ra ya hUM hUM phaT ces brgya rtsa re bzlas nas/ rdzas ni ka na ka'i rtsa ba dang / zi ra nag po dang / dbang po'i lag pa dang / gnod sbyin gyi lag pa dang / be'u rgyug pa dang / skye ba dmar po dang / dur khrod kyi sol ba dang / lan tshwa'i phye ma rnams zhib tu btags pa'i phye ma sbyar ba byas la/sngags bzlas nas gzugs brnyan la gdab/ phur pa dmar lhang nge ba bsregs la snying gar gdab/ de ltar mtshon rnon pos gzugs dum bur gtubs la/ phye mar byas la/ da du ra'i 'bras bu yod na rab/ med na yang lung tang tse'i 'bras bu brgya rtsa brgyad blangs la/rtsab mo'i nang du btsags nas gzugs brnyan gyi phye ma dang bsres nas/ dpal lha mo'i sbyor bas skra bshig gcer bur phyung nas/ kha lho phyogs su bltas te tsher ma la sbyin sreg bya'o/ /de nas sngags la/ oM hUM shrI de wI kA li ma hA kA li hUM b+h+yoH//ma ma sha trUM A mu kaM mA ra ya un man+ta ku ru hUM phaT ces brgya rtsa brgyad bzlas shing / rdzas dang bstun zhing bsreg par bya'o/ /de ltar byas na smyo nas 'chi bar 'gyur ro/ /haM gis thal ba de nyid blangs te/ de nyid spyi bor btab na lo nyi shu rtsa gcig tu smyo bar 'gyur ro zhes kyang bshad do//gzhan yang bdag gi rmi ltas su/ /bud med nag mo khros pa yis/ /gang zhig 'ching bas bcings gyur na/ /mtshan mo nag mor de shes bya/ /bsgrub bya nyi ma bdun na ni/ /'chi ste gshin rje'i yul du 'gro/ /gal te re zhig cung zad 'gor na yang / nyin zhag bdun du bsam gtan 'di bya'o//bsgrub bya lus po skams la rid pa/ skra 'dzings pa/ sbub pa/ khu ba dang / rdul dang khrag 'dzag pa/ 'dar ba'i cha byad can zhig mdun du mngon sum du bsam mo/ /bdag lha mor gnas pa'i hUM las 'od zer nyi ma dang me stag lta bu 'byung ba las/bskal pa'i me bzhin 'bar zhing / 'ur 'ur dang / tog tog dang / chem chem can du drag po'i yi ge hUM du gyur nas/ hUM de las rdo rje'i khab tu gyur par bsam mo/ /rdo rje 'bar ba'i khab de dgra bo'i bshang khung gi sgor zhugs te/ snying phug nas kha'i nang nas sam/ spyi gtsug gi tshangs pa'i bu ga nas phyung nas cher 'bar bar bsams te/snying po'i sngags kyi mjug la/ che ge mo ha na ha na/ da ha da ha/ hUM hUM phaT phaT ces pa'i sngags kyis khas bub tu lhung bar bya'o/ /de lta bus bsam gtan gyi lha yang 'chi na 'khor ba na gnas pa'i mi rnams la lta ci smos/