CLOSE WINDOW

D1765
བོད་ཡིག

/ //rgya gar gyi mkhan po dpal su mA ti kIrti dang / lo tsA ba dge slong pradz+nyA kIrtis bsgyur ba'o// @##/ /rgya gar skad du/ ma hA kA la ba liM te s+ya nA ma/ bod skad du/ dpal mgon po'i gtor ma zhes bya ba/ dpal lcam dral la phyag 'tshal lo//dur khrod la sogs pa'i yid du 'ong ba'i gnas su/ byang chub kyi sems sngon du btang la/ bam bsgrub bam gtor ma dbul te/ gtor ma la gsum/ bdag khyad par du bya ba dang / gtor ma khyad par du bya ba dang / mgron khyad par du bya ba'o/ /dang po ni rang nyid skad cig la bcom ldan 'das mi g.yo bar bsgoms la/sku gsung thugs kyi ye shes byin gyis brlab par bya'o/ /gnyis pa ni ban+d+ha 'am thod pa'i nang du mi'i sha chen nam sha khrag gis brgyan pa'i mgon po'i gtor ma bzang po bshams/ de med na snod gzhan du mar gyis brgyan pa bsham mo//gtor ma bshams zin pa dang / oM swa b+h+ra wa bi shud+d+haHsarba d+harmAHswa b+hA wa bi shud+d+hou0f85haM zhes bya ba lan gsum brjod pas gtor ma mi dmigs par stong par bsgom/ stong pa'i ngang las yaM sngon po cig yongs su gyur pa las/ rlung gi dkyil 'khor kha dog sngo s kyar 'dug pa'i dbyibs gzhu bzhin nar mor 'dug pa/gzhu mchog gnyis ni mda' dar gyi ba dan gyis mtshan pa cig bsgom/ de'i steng du raM las me'i dkyil 'khor gru gsum 'bar ba tsha ba cig bsgom/ de'i steng na a yongs su gyur pa las thod pa shin tu yangs shing che ba cig bsam mo//de'i steng du hrIHdkar po de las 'od zer 'phros gtor ma la mar 'phros song bas/ gtor ma'i mi gtsang ba dang / snod kyi dri ma dag par bsam mo/ /der hrIHyang bdud rtsir zhu bar bsam/ de nas gtor ma bas khru gang gis mtho ba'i steng du raM las nyi ma'i dkyil 'khor de'i steng du hUM mthing nag de yongs su gyur pa las rdo rje nag po rtse dgu pa khong seng can cig bsam/de'i steng du raM yongs su gyur pa las nyi ma'i dkyil 'khor/ de'i steng du hUM mthing nag cig bzhengs nas bzhugs par bsam/ hUM las 'od zer 'phros nas rdo rje khong seng nas song / rdo rje'i ra 'og ma nas gnyis su gyes nas song bas/gzhu mchog gnyis kyis ba dan la brgyab pas/ ba dan gyis rlung g.yab pas rlung gis me sbar mes thod pa khol/ 'od yar 'phros nas song bas/ sangs rgyas dang byang chub sems dpa' dang de bzhin gshegs pa'i thugs ka nas ye shes kyi bdud rtsi rnam pa lnga char 'bab par bsams la/ngag tu oM a kA ro mu khaM sarba d+harmA NAM Ad+ya nu t+pan+n+ta twAta oM AHhUM phaT swA hA zhes bya ba'i sngags lan lnga'am bdun brjod/ A hUM dang de bzhin brjod rdo rje'i steng gi nyi ma dang / 'og gi nyi ma gnyis hUM dang gsum 'khyag pa'i zar bu zhu ba gtsug tu bdud rtsir zhu bar bsams la/de nas rang gi lag pas rdo rje blangs nas lan gsum dkrugs pas bdud rtsi dkar chil gyur par bsam mo/ /de nas rang gi lag pa'i rdo rje mi dmigs par bsgom mo/ /de ni gtor ma khyad par du bya ba'o/ /mgron khyad par du bya ba ni gtor ma'i mdun gyi nam mkha' la raM yongs su gyur pa las nyi ma'i dkyil 'khor/de'i steng du hUM mthing nag cig bsam/ de las 'od 'phros sems can thams cad la phog /sdig sgrib dag /thams cad dpal mgon po'i skur gyur/ de slar 'dus pas dpal mgon po sku mdog mthing nag zhal gcig phyag gnyis pa g.yas g.yon na mi shes pa gcod pa'i ral gri dang thod pa khrag gis bkang ba bsnams pa/dbu skra dmar ser gyen du brdzes pa/ mche ba gtsigs pa mi mgo rlon pa'i do shal dang stag gi pags pa'i sham thabs can cig bsam/ de'i thugs kar raM yongs su gyur pa las nyi ma'i dkyil 'khor de'i steng na hUM mthing nag las g.yas su phaT dmar nag cig chad song ba las nyi ma'i gdan la dpal legs ldan nag po sku mdog dmar nag zhal gcig phyag gnyis pa/g.yas g.yon na tsan+dan gyi be con dang thod pa khrag gis gang ba bsnams pa/zhabs g.yon pa cung zad brkyang ba/ g.yas pa cung zad bskum pa'i 'gying bag can/ rus pa'i ze phrog can 'jol ber sum brtsegs g.yel ba gser gyi ska rags bcings pa cig tu bsgom mo/ /de nas rang gi thugs ka nas 'od 'phros pas/ri rab kyi byang phyogs kyi bang rim nas mgon po dpon g.yog spyan drangs la/ dzaHhUM baM hoHsa bstim mo/ /dpal legs ldan la yang de bzhin du bstim mo/ /sku gsung thugs byin gyis brlab po/ /yang mgon po'i g.yon phyogs su yaM sngo skya yongs su gyur pa las//rlung gi dkyil 'khor/ de'i steng na b+h+yoHsmug nag de las 'od 'phros sems can la phog sdig sgrib dag thams cad dpal lha mo'i skur slar 'dus pas dpal lha mo sku mdog smug nag bong bu ga dmar la bcibs pa zhal gcig phyag gnyis pa/ g.yas g.yon na ral gri dang thod pa khrag gis bkang ba bsnams pa/mche ba gtsigs pa/ dbu skra dmar ser gyen du brdzes pa/ rus pa'i rgyan cha can/ gong smed gong thag sbrul las byas pa/ snga sha phyi sha la mi ro btags pa/ nad kyi rkyal pa dang / mtshon gyi dru gu thogs pa cig bsgom mo/ /de'i thugs ka nas raM yongs su gyur pa las nyi ma'i dkyil 'khor/de'i steng na b+h+yoHsmug nag de las g.yon phyogs su b+h+yoHnag po cig chad song ba/ dpal re ma ti sku mdog nag mo re ba'i gos gyon pa dre'u nag po la chibs pa zhal gcig phyag gnyis ma g.yas g.yon na ral gri dang thod pa thogs pa/ mche ba gtsigs pa/ skra gzings pa/ gong smed gong thag sbrul las byas pa/ snga sha phyi sha la mi ro btags pa/ nad kyi rkyal bu dang mtshon gyi dru gu thogs pa cig tu bsgom mo/ /de nas rang gi thugs ka nas 'od 'phros song bas/ sum cu rtsa gsum gyi rnam par rgyal ba'i khang bzangs kyi byang shar mtshams kyi mtsho mu le ldings nas ye shes kyi lha mo 'khor bcas spyan drangs la/dzaHhUM baM hoHsa bstim mo/ /lha mo drel zhon ma la yang de bzhin du bstim mo/ /de nas sku gsung thugs byin gyis brlab po/ /de nas bzlas pa byed na/ rang gi snying ga nas raM yongs su gyur pa las nyi ma'i dkyil 'khor gyi steng na hUM mthing nag bzhengs nas bzhugs pa la/oM tsaN+Da ma hA kA la badzra daM Sh+Ti na hUM hUM hUM phaT ces bya ba'i sngags kyis g.yas skor du bskor nas yod par bsams la/ de rang gi kha nas thon mgon po'i zhal du song / lte ba nas thon rang gi lte bar yang rang gi kha nas thon mgon po'i zhal du de bzhin du khor yug tu 'khor bar bsams shing bzlas par bya'o//dpal lha mo'i zlas pa byed na khor yug gi bzlas pa mi bya bar dpal lha mo la dmigs la/ oM ro ru ro ru tri tsa pa la a shug me ma hUM b+h+yoHdz+dzaHdz+dzaHzhes bya ba'i bzlas pa bya'o//bzlas pa mi byed par gtor ma btang na/ bskyed pa bzhi po la mi dmigs te lce'i steng du hUM re yang btab po/ /hUM bzhi po de yongs su gyur pa las/ lce stod rdo rje lce smad sbu gur yod par bsams la/ mgon po la stobs na hUM zhes brjod pas/ gtor ma la dar btsugs nas gsol bar bsams la/hUM oM tsaN+Da ma hA kA la kha kha ba liM ta khA hi zhes bya ba lan gsum gyis bstabs so/ /oM tsaN+Da de ba ma hA kA la ba liM khA hi khA hi zhes bya ba lan gsum gyis lha mo dpon g.yog la bstabs so/ /de nas 'dod pa'i don la gsol ba gdab po/ /oM khyed kyis sems can don kun mdzad//rjes su mthun pa'i dngos grub stsol/ /sangs rgyas yul du gshegs nas kyang / /slar yang sems can don la gshegs/ /oM AHhUM muHzhes bya bas ye shes sems dpa' gshegs/ bskyed pa bzhi po mi dmigs par bsgom/ gtor ma sa gtsang sar bskyal lo/