CLOSE WINDOW

D1758
བོད་ཡིག

bde chen gling gi pho brang chen por bsgyur ba'o// @##/ /rgya gar skad du/ s+t+ri pra dz+nya shrI ma hA kA la sA d+ha naM nA ma/ bod skad du/ dpal nag po chen po yum can gyi sgrub thabs zhes bya ba/ bla ma dang dpal rdo rje mkha' 'gro la phyag 'tshal lo//'gyel ba'i ro la zhabs mchog mnyam pa'i stabs kyis bzhugs shing sbom thung drag la gsus khyim yangs/ /klu chen brgyad kyis rnam par brgyan zhing dbu skra dmar ser gyen brdzes gri gug thod pa 'dzin/ /phrag par shes rab ma yis 'khyud cing zhal gcig dang ldan dpal ldan chos skyong rtag par dga'//rang bzhin shin tu gnag pa'i khyad par 'phags sku spyan gsum ldan pas khyed la rtag tu bsrungs/ /bgegs rnams thams cad 'joms don dang / /dam tshig bskyang bar bya ba'i phyir/ /nag po chen po'i sgrub pa'i thabs//man ngag brgyud pa bshad par bya/ /de la dur khrod dang ling+ga gcig pa la sogs par 'jam pa'i stan la 'dug la/ skad cig gis stong pa nyid bsgoms pa'i ngang las sna tshogs pad+ma dang nyi ma la hUM yig kha dog nag po'o/ /de las grub pa'i rje btsun dpal ldan nag po chen po/zhal gcig pa/ phyag gnyis pa/ sku mdog nag po/ spyan gsum pa/ mgo bo'i phreng ba ske la 'phyang ba/ dbu skra dmar ser gyen du brdzes pa/ ro'i gdan la bzhugs pa/ mche ba gtsigs pa/ 'jigs su rung ba/ klu brgyad kyis rnam par brgyan pa/ sku thung ba/ gsus khyim che ba/ gzi brjid dang ldan pa/thod pa lnga yis cod pan byas pa/ mi bskyod pas dbu brgyan zhing phyag rgya lngas rnam par brgyan pa'o/ /phyag g.yas pas gri gug 'dzin pa/ g.yon pa kha T+wA ga dang thod pa 'dzin pa/ zhal nas khrag 'dzag pa/ ljags 'dril ba/ nag po chen mo dang snyoms par sbyor bar bdag nyid bsgom par bya'o//bcom ldan 'das ma ni/ sa bon hriM yig las skyes pa'i sku mdog nag mo/ sku gcer mo rgyan dang bral ba/ dbu skra dmar ser gyen du [(]mdzes [,]brdzes [)]pa/ phyag g.yas pas gri gug dang / g.yon pas thod pa 'dzin pas yab kyi sku la 'khyud pas bzhugs pa'o/ / shar du sa bon kaM las skyes pa'i nag mo sku mdog nag mo'o/ /lhor sa bon kaM las byung ba'i gtsigs ma'o/ /nub tu baM las byung ba'i phag mo'o/ /byang du beM las byung ba'i ro langs ma'o/ /'di rnams thams cad phyag rnams gri gug dang thod pa 'dzin pa/ sku gcer mo/ /dbu skra dmar ser gyen du brdzes pa/pad+ma dang nyi ma'i gdan la bzhugs pa/ spyan gsum ma/ rngam pa'i zhal/ sku mdog nag mo'o/ /snying ga'i pad+ma dang nyi ma'i hUM gi 'od zer gyi lcags kyus ye shes sems dpa' spyan drangs te/ mngon par mchod la/ dam tshig pa la bstim pa byas nas/ de 'dir nag po chen po bdag /dngos grub thams cad bsgrub par bya/ /'od gsal bar ni rab zhugs so/ /bdag ni rnam kun yongs su bkang / /zhes so/ /de nas nag po chen po la mchod pa phul nas/ de la lag pa thal mo sbyar ba bstan nas/ oM shrI ma hA kA la/ sa ma ya/ mA ti krA ma ya/ sa ma ya rak+ShaM tu/zhes brjod par bya'o/ /lha mo rnams la yang rdo rje'i thal mo sbyar ba bstan nas/ de rnams kyi ming bcug pa rnam pa lnga po la'ang bklag par bya'o/ /rang gi 'dod pa'i don la gsol ba gdab par bya'o zhes pa dam tshig gzung ba'o/ /de nas dug dang khrag chen dang yungs kar rnams kyi bdug spos phul nas/sran ma/ dzam+bu ti ka /chang me tog /bdug spos/ sha lnga bdud rtsi lnga'i gtor ma ni/ bdud rtsir bya la/ oM shrI k+ShI i daM ba laM gr-ih+Na gr-ih+Na hUM phaT/ ma hA ma sa/ puSh+paM/ d+hA paM dI pa/ ra k+Sha/ ta la pA tA le/ aSh+Ta le/ aSh+Ta// de ba/ yak+Sha/ rAk+Sha sa/ gr-ih+Na pa ya gr-ih+NA pa ya/i daM/ ba liM/ hA hA/ hUM hUM/ kha kha/ khA hi khA hi/ hUM dzaH pheM ma hAT+Ta hA sa/ gar+dz+dza ya gar+dz+dza ya/ tardza ya tar+dz+dza ya/ oM kr-iSh+NA bar+N+Na ya/ pheM pheM phaT/ ces pa'i sngags kyis dbul lo/ /mngon par mchod cing bstod par bya'o/ /snying gar sngags brtan por dmigs pa byas nas bzlas par bya'o//oM shrI ma hA kA la hUM hUM phaT phaT swA hA/ snying po'o/ /oM shrI ma hA kA lA ya/ shA sa no pa hA ri Ne/ e ShA paSh+tsi ma kA lo a yaM i daM pra ti dz+nyA/ sma ra si ta dA mAM/ rat+na tra yA yA pa kA ri NaM/ duSh+TAM kha kha/ khA hi khA hi/ ma ra ma ra/ gr-ih+Na gr-ih+Na/ ban+d+ha ban+d+ha/ ha na ha na/ da ha da ha/ pa tsa pa tsa/ di na me ke na mA ra ya hUM phaT/ ces pa gzungs sngags so/ /oM ma hA kA la ye hUM hUM phaT/ nag po chen mo'o/ /oM kA lI ye hUM hUM phaT swA hA/ nag mo'i'o/ /oM kA rA li ye hUM hUM phaT swA hA/ gtsigs ma'o/ /oM wA rA hI ye hUM hUM phaT swA hA/ wA rA hI'i'o/ /oM be tA lI ye hUM hUM phaT swA hA/ro langs ma'i'o/ /ji srid mtshan ma ma thob kyi bar du bzlas par bya'o/ /de'ang dngos sam rmi lam du/ bud med nag mo chen po dang / bya dang khyi nag po dag dang / ce spyang rnams dga' ba byed par 'gyur ro zhes pa ni bsnyen pa'i cho ga'o/ /da ni sgrub thabs kyi cho ga bri bar bya ste/'jigs su rung ba'i dur khrod du/ sngags pas chas gos nag po 'chang bas/ nag phyogs tshes bcu bzhi'i mtshan mo/ stan nag po la 'dug la/ ba byung lnga/ bdud rtsi/ dri bzang / mi'i khrag dang zhag gis byugs pa'i stegs bu la/ gzhon nu ma'i rdul gyis chag chag dang thig le byas la/dur khrod kyi sol bas byugs nas/ chos 'byung nag po la me tog gi tshom bu lnga bkod par bya'o/ /de'i mdun du sngon du bshad pa'i bdug spos dang / gtor ma dang / gzhan yang mchod pa'i rdzas rnams [(]bshad [,]bsham [)]nas bsgrub pa brtsam par bya'o/ /de la 'khyil pa'i sngags bzlas pa'i chang gis dkyil 'khor la gtor bas bsangs shing rang bzhin gyis rnam par dag par mos la/sngags bzlas shing / de'i ngang las rang rang gi sa bon las skyes pa'i dpal nag po chen po 'khor dang bcas pa/ sngon du smras pa bzhin du bdag nyid rdzogs par bya'o//dzaHhUM baM hoHzhes pas ye shes sems dpa' spyan drangs la/ rab tu gzhug pa la sogs pa phyag rgya dang bcas pa byas nas/ mchod pa dang gtor ma phul lo/ /sngags kyi bzlas pa'i mthar thug par bya'o/ /tshogs kyi 'khor los tshim par byas shing lhag ma rnams lhag gtor du sbyin par bya'o//de ltar sngon du 'gro ba byas nas/ de nas bzung ste/ nyi ma so sor thun bzhir sngon du smras pa'i cho ga rdzogs par bya'o/ /khyad par du 'dir bstod pa dang / bya ba la bskul ba'i tshig dang bcas pa slar nas slar du bya'o/ /dub par gyur na/ gos nag po dkyil 'khor la g.yogs la/oM AHhUM zhes pas byin gyis brlabs la/ ji ltar bde bar gnas par bya'o/ /rim pa 'di yis ji srid mtshan ma ma thob kyi bar du bsgrub par bya ste/ 'dir mtshan ma ni rab nag po chen po'i sku mngon sum mam rmi lam du'am nyams snang du'o//'bring dkyil 'khor la 'od zer du snang ba'o/ /tha ma rmi lam du rang nyid go bgos pa/ mtshon cha thogs pa/ dpung gi gtso bo byed pa/ gdug pa gsad pa/ mi sha zos pa rnams so zhes bya ba ni sgrub thabs kyi cho ga'o/ /las la sbyor ba bri bar bya ste/ slob dpon la gang rtag tu sdang bar sems pa dang /dkon mchog gsum la gnod pa dang / sems can mang po la gnod par gyur pa rnams nag po chen pos de'i sha za bar mdzod cig /bcad par mdzod cig /khrag btung bar mdzod cig /yang na spyi bo nas phug nas/ til tsam du phye mar mdzod cig ces pa ste/ bdag gis gal te bla ma la sogs pa la gnod par byed pa'i gdug pa la/ mngon spyod kyi las bya bar 'dod pa de'i tshe/ de'i rkang rjes kyi rdul lus kyi dri mar bcas pa dang / rdo dang lcags dang zangs dang / tsha ba gsum dang / gro phye rnams phye mar byas la gdug pa'i gzugs byas pa'i snying gar//dug dang / ske tshe dang / tshos dang / mtshon gyis bsad pa'i khrag rnams kyis mi'i pags pa la 'khor lo ni/ lte bar bsgrub bya'i ming bkod pa'i gzungs ring bri'o/ /i daM duSh+TAM di na me ke na mA ra ya hUM phaT/ ces pa rtsibs drug la bri'o/ /oM ma hA kA li ye/ che ge mo duSh+TAM di na me ke na nA ra ya phaT swA hA/zhes sogs lha mo lnga'i sngags mu khyud la bri'o/ /de skad cig gis rang bzhin gyis rnam par dag par mos la/ de'i ngang las 'khor lo pad+ma dang nyi ma la gnas pa la/ phyogs bcu'i 'jig rten gyi khams na bzhugs pa'i de bzhin gshegs pa thams cad kyi thugs ka nas ye shes kyi 'khor lo spyan drangs la gzhug par bya zhing /rab tu gnas pa dang / mchod pa byas la/ de nas gzungs rings kyi sngags las/ mtshon cha sna tshogs thogs pa'i khro bo'i tshogs 'phros pas bsgrub bya bkug nas/ de'i ming la dzaHhUM baM hoHzhes pas rab tu gzhug pa la sogs pa byas la/gdol pas phyir 'khal du bkal ba'i skud pas phyogs nas dkris te snying gar bcug par bya'o/ /de'i steng spra tshil gyis bkag go/ /de'i rtsa ba'i sgo nas lcags kyi rtsang gis 'khor lo la ma reg par btsugs nas lho phyogs su thad ka dang mthon dman la sor bcu gnyis pa'i khung bu zur gsum pa la/dur khrod kyi sol bas byugs pa bcug la sna tshogs rdo rjes mnan par bya'o/ /de nas sngags pas sgrub thabs su bshad pa'i cho ga dang rjes su mthun par dpal nag po chen po'i nga rgyal dang ldan pas/ rang nyid drag po chen po'i thugs las 'phros pa'i me 'dres pa las/mtshon cha thogs pa'i khro gzugs mtha' yas pa 'phros pa'i zer dang ldan pas/ snying po'i sngags dang gzungs rings dang / lha mo'i sngags bzla zhing / khrag sna tshogs/ thal chen/ yungs kar rnams bzung la/ sna tshogs rdo rje bsal nas/ rabs chad kyi thod par bcug pa'i dgra gzugs la/ bsgrub bya rab tu bkug pas bcug go/ /khyab bdag gis rab tu bskul ba las/ rnal 'byor ma lnga po rnams rol pa chen po'i gzugs can/ gri gug dang thod pa 'dzin pa rnams rlung gi shugs kyis son te/ de'i sha gtub par byed/ khrag 'thung bar byed/ rgyu ma gcod par byed/ lte ba'i rtsa ba nas dbyung bar byed/ nag po chen po'i thugs ka nas 'phros pa'i khro bo'i tshogs rnams kyis mtshon cha sna tshogs pa'i char phab pa lhung bas de'i lus thal ba bzhin du byas te/ rnam par shes pa ni mi bskyod pa'i zhing du song ba'i mos pa bya zhing /gzungs sngags bzlas so/ /oM shrI ma hA kA la che ge mo mA ra ya hUM hUM phaT/ ces pa bzlas so/ /de nas lha mo'i sngags spel tshig dang bcas pas gsad par bya'o/ /de'i rjes su sprul pa rnams de la bcug nas/ gtor ma dang mchod pa la sogs pas tshim par bya zhing bzod par gsol nas/ling+ga sna tshogs rdo rje dang gtor mas mnan par bya'o/ /de ltar thun bzhir bsgrubs pa las/ 'gul pa la sogs pa'i mtshan ma 'byung ste/ nag po chen po la gtor ma la sogs pas mngon par mchod nas/ de'i rjes su ling+ga lag pa g.yon pas lcags kyi rtsang gis bzung la/ oM shrI ma hA kA lA ya che ge mo mA ra ya hUM phaT/ ces g.yab pas bzlas pa bya'o/ /nag po chen po la sogs pa'i thugs ka'i ye shes kyi me/ 'bras kyi phub ma la dur khrod kyi me spar ba'i ro mnyam pa la bdug par bya'o/ /mtshan phyed du bya ba zhag bdun gyi bar du'o/ /'on kyang 'bras phub kyi me ma shi bar bya'o zhes pa'o//yang na sngon du smras pa'i ling+ga gtor ma'i dbus su bcug nas/ bsgrub bya'i ming spel tshig can gyis gzungs rings bklag cing / dpal nag po chen po la gtor ma dbul lo zhes pa'o/ /nag phyogs bcu bzhi'i mtshan mo/ drag po'i sbyin sreg gis bsgrub bya la gzir bar bya ba ste/de dag gi cho ga ni gzhan du shes so/ /gang zhig byang chub thob pa'i rgyu phyir rang skyabs song ba'i bgegs rnams ma lus 'joms/ /gang zhig 'khor bar las kyi zhags las sems can rnams ni snying rje dam pa bsrungs/ /deng 'dir rnal 'byor ma rnams kyis ni mtha' dag 'gro ba'i sdig mun phung po chom//dpal ldan rdo rje nag po chen po rab dga'i snying pos dge ba khyed la stsal du gsol/ /dpal nag po chen po yum can gyi sgrub thabs slob dpon 'phags pa klu sgrub zhabs las byung ba rdzogs so// //rgya gar shar phyogs kyi paN+Di ta shrI ba na rat+na'i zhal snga nas dang chos 'khor lo tsA ba 'jam dpal ye shes kyis bsgyur ba'o/