CLOSE WINDOW

D1757
བོད་ཡིག

/ @##/ /rgya gar skad du/ shrI ma hA kA la sA d+ha na bi khyA ta/ bod skad du/ dpal nag po chen po'i sgrub thabs kyi rnam par bshad pa/ dpal nag po chen po la phyag 'tshal lo/ /dang po lha la spyi bos phyag 'tshal te/ rab tu 'jigs pa'i klu rnams kyis brgyan zhing //phyag gnyis dbu skra dmar ser gyen du brdzes/ /shes rab la 'khyud phung po'i rang bzhin 'dud/ /stong phrag sum cu rtsa gnyis de nas ni/ /stong phrag bcu gnyis pa las de bzhin du/ /stong phrag drug pa'i rgyud rnams las bton te//shin tu dkon pa'i brjod bya rnam par bshad/ /bdag gi bla mas ji ltar bsdus te bshad/ /sems can kun gyi snying gi don gyi phyir/ /de rnams kun ni bdag gis bshad par bya/ /de yang bla ma'i bka' drin 'thob pa'o/ /dang po dka' thub la gnas pas/dur khrod la sogs pa'i gnas su/ gcig pur dben par gnas pas bsgom/ dur khrod ni ling+ga gcig pa'am/ ri'i rtse mo'am/ nags chen po'am/ rgya mtsho'i 'gram mam/ chu 'gram mam/ gzhan yang dben pa'i gnas dang / de rnams su 'dug la/ mi g.yo bar gnas pas/sangs rgyas thob par 'dod pa'i sems kyis ji ltar bcom ldan 'das kyi rang bzhin de ltar bdag nyid bsams la/ de dag gi don ni skad cig gis rang nyid nag po chen po'i nga rgyal gyis bcom ldan 'das kyi thugs kar pad+ma dang nyi ma la/ bgegs 'joms par byed pa'i sngags brjod par bya'o//de nas oM shU n+ya tA dz+nyA na badzra swa b+hA ba At+ma kou0f85haM/ de yang stong phrag sum cu rtsa gnyis pa'i rgyud las bshad kyi rgyud gzhan las ni sbas so/ /oM ni rnam par snang mdzad do/ /de yang zla ba phyed pa'i rang bzhin no/ /shUn+ya tA ni stong pa dang thig le'i rang b zhin mi bskyod pa'o//dz+nyA na ni don yod grub pa/ U'i rang bzhin drug pa'i dbyangs/ badzra ni 'od dpag med/ ha'i rang bzhin no/ /swa b+hA ba ni rin chen 'byung ldan/ ri mo'i bdag nyid do/ /de ltar yongs su rdzogs pa ni hUM gi rang bzhin no/ /At+ma ko ni rang gi bdag nyid do/ / de ltar tshur bsdus pas rang gi bdag nyid do/ /de yang ji ltar rjes su bshad pa'i rang bzhin no/ /de nas yang lan la bcom ldan 'das kyis ji ltar bka' stsal pa/ stong pa'i rang bzhin ni rgyud lngar 'khor ba las rnam par chad pa'i stong pa nyid kyang ma yin te/ 'khor ba thams cad kyang bden pa'i rang bzhin kyang ma yin/ji ltar bcom ldan 'das kyis sdong bu gsum la 'dzeg pa'i sems can phra mo gang zhig gyen du 'dzegs kyang slar lhung ba ltar/ 'khor ba'i g.yang las slar lhung bar 'gyur ro zhes bcom ldan 'das kyis bka' stsal to//de yang gus pa chen pos mnyan na/ sems can kun gyi don gyi phyir/ /thams cad mkhyen pa'i ye shes ni/ /stong pa nyid kyi rang bzhin la/ /sa stengs 'di na 'bad cing rol/ /sa ni me la rnam par thim/ /chu ni me la bsdus pas te/ /me ni rlung la thim par 'gyur/ / rlung ni stong pa'i rang bzhin no/ /'di ni sangs rgyas rnams kyi mtshan/ /skad cig gis ni bzod par gshegs/ /yod pa ma yin med pa'ang min/ /gnyis po rnam par spangs pa ste/ /skad cig gis nam mkha'i dkyil du pha rol gyi dbang phyug yi ge paM las pad+ma ser po/lte ba la raM gyi yi ge dmar pos mtshan pa/ de'i steng du yi ge hUM yongs su gyur pa las gri gug hUM gi yi ges byin gyis brlabs pa/ de yang ro'i steng du rkang pas mnan pa/ klu brgyad kyis rnam par brgyan pa/ dga' bo sngon po/ gdengs ka'i dbang pos dbu skra bcings pa/ 'jog po dmar po/ klu'i dbang pos rna ba'i rgyan du byas pa/ rigs ldan khra bos dpung pa'i rgyan du byas pa/ dung skyong dkar pos lag gdub tu byas pa/ pad+ma ser pos do shal du byas pa/ stobs kyi rgyu ljang gus dag byed tshangs skud du brgyan pa/ nor rgyas kyi bu khu ba'i mdog can gyis rked rgyan du byas pa/pad+ma chen po pad+ma'i sdong bu'i kha dog can gyis rkang gdub tu byas pa/ thams cad kyang phaT kyi sgra sgrogs pa/ 'jigs par byed pa/ mche ba rab tu gtsigs shing lce gnyis bsgyur ba/ rang gzugs kyi rig ma la snyoms par 'jug pa/ de yang bcom ldan 'das ma sku mdog nag mo/hrI'i yi ge las yongs su rdzogs pa/ gcer bu rgyan dang bral ba/ dbu skra dmar ser gyen du brdzes pa/ g.yon pa na thod pa 'dzin pa/ g.yas pa na ni rdo rje gri gug /snying ga las 'phros pa'i 'od zer zhal nas 'phros pas nam mkha' yongs su bkang ste/de bzhin gshegs pa thams cad spyan drang ste snying ga'i sa bon la bcug nas/ rdo rje'i lam nas bton te yum gyi pad+mar phab ste sa bon du blta'o/ /sa bon las 'khor lo yongs su rdzogs pa/ de yang de bzhin gshegs pa thams cad kyis byin gyis brlabs pa/mdun du kaM gyi sa bon las byung ba'i nag po 'jigs par byed pa/ lho ru kaM gyi sa bon las lha mo ka rA li/ nub tu baM las byung ba'i lha mo b+ha ra li/ byang du be tA lI baM gyi sa bon las byung ba/ thams cad kyang gri gug dang thod pa 'dzin pa/ gcer bu dbu skra dmar ser gyen du brdzes pa/nyi ma'i gdan can/ spyan gsum pa/ 'jigs pa'i gdong can nag mo/ snying ga'i sa bon gyis ye shes sems dpa' spyan drangs nas bstims te/ de yang thog mar dbang bskur la/ dbang rtags su mi bskyod pas rgyas btab pa'o/ /ras ris dang lugs ma bya ba byas pa sngon du bzhag la/mchod pa kun gyis mchod de/ spos kyis bdugs la/ bdud rtsi myangs pas nag po chen po la gtor ma sbyin te/ a yi rigs las dag byed ni/ /mi mgo gsum gyi sgyed pu'i steng / /pad+ma'i snod ni yongs rdzogs pas/ /de 'og me yi dkyil 'khor de/ / zur gsum raM gyi yi ges mtshan/ /steng 'og rlung gi 'khor lo ste/ /sngon po gzhu yi dbyibs can g.yo/ /rgyal mtshan dz+haM gyi yi ges bskyed/ /de nas rnam par snang mdzad ming / /rigs ni rnam par snang mdzad kyi/ /hUM la sogs pa'i sa bon gyis/ /myos byed dang ni sha lnga dang //hUM las byung ba'i rdo rjes bcad/ /kha chod kyis ni rnam par dkrugs/ /rlung g.yos pas ni me sbar te/ /thams cad gcig tu bzhu ba las/ /rdo rje yis ni rnam par dkrugs/ /dag cing dri ma med par sbyangs/ /de las 'od zer 'phros pa yis/ /de bzhin gshegs pa'i thugs ka nas//bdud rtsi ye shes gzugs su dgug /sngags kyi gzugs su 'dres par bsam/ /mchog tu gyur pa'i bdud rtsi lnga/ /yi ge gsum gyis byin gyis brlabs/ /dkyil 'khor lha la gtor zhing mchod/ /ljags rnams dkar po'i gdengs can la//hUM gis rnam par mtshan pa yis/ /'od zer ba dag rnam pa can/ /ljags kyis bkug cing gsol bar bsam/ /'dir ni bdud rtsi lnga rnams myang bar byas pas ji ltar bshang ba'i gtor ma sbyin te/ de nas sngags kyi bzlas pa la brtson par bya'o/ /de'i sngags ni/dang po rnam par snang mdzad sbyin/ /sgra chen pos ni sbyar bar bya/ /de las nag po'i skad sbyin te/ /de rjes hUM ni sbyin par bya/ /phaT gnyis kyi ni sngags kyis brgyan/ /swA hA las rnams thams cad la/ /snying ga dang kha nas mngon par 'thon te/ lte ba'i pad+mar phab pa las/ 'di ni lce la'ang raM gyi yi ge bsams la/ de yang nyi ma'i dkyil 'khor gyi steng du/ de nas sngags kyi 'od zer 'phros te/ lte ba'i sna tshogs pad+ma la song nas/ snying ga'i pad+ma las 'thon te/ yang sngon gyi lam nas 'od zer rnam par 'phros la/ de yang yig rdog re re bzhin mngon sum du 'phro bar bsgom mo//de yang yi ge phreng ba'i rang bzhin du'o/ /de lta bu zla ba drug gis nges par 'grub po/ /dngos grub kyang thob cing dbang dang dgug pa'i dngos grub gnyis ni thog mar ro/ /zla ba brgyad kyis rengs pa dang bskrad pa'o/ /zla ba dgu yis zhe sdang ba dang gsad pa'o//zla ba bcu yis zhi ba dang rgyas pa'o/ /zla ba bcu gcig gis 'jig rten thams cad kyi grub pa dang 'gugs par byed do/ /zla ba bcu gnyis kyis grub pa brgyad 'grub pa la the tshom za bar mi bya'o/ /de nas gzhan brjod par bya ba/ brtson 'grus kyis bsngags pa'i 'bras bu rjod par byed de/'di ni brtson 'grus kyi sgra ni 'od dpag med do/ /bcom ldan 'das kyis bka' stsal pa/ stong phrag bcu gnyis pa nag po chen po'i rgyud las/ de'i sngags kyi 'bras bu bshad pa/ bdag gi bla mas ni rnam par sbas te/ de las 'jig rten thams cad rnam par rmongs par bya ba'i don to//bdag gis ni sngags kyi sgrub thabs bla ma dam pa'i man ngag gis bshad par bya ste/ /zla ba drug ni sngon du bsnyen pa'o/ /de'i nang du 'jig rten gsum dbang du 'gyur ro/ /thams cad kyang byang chub kyi sems la sbyar ba'i don du'o//sgrub pa po'i yid la bsams pa'i don dang / gdams ngag 'dis dbang du bya zhing dgug par bya ste/ de'i gdams pa ni/ dang po sgrub pa pos snying gar yi ge a las skyes pa'i pad+ma dmar po/ de'i lte ba la nyi ma'i dkyil 'khor de yang ra'i yi ge las byung ba/de'i steng du yi ge hUM dmar po/ de yang lcags kyu lta bu'i sa bon blta bar bya'o/ /de lta bu'i bsgom par bya ba 'dod pa'i rgyal po gcer bu/ dpal nag po chen po nyi ma 'char kha'i mdog ltar dmar ba/ phyag gnyis pa rin po che'i cod pan can/ g.yas pa na lcags kyu 'dzin cing /g.yon pa na rdo rje zhags pa/ zhabs rnam par rol pa/ shin tu 'jigs par byed pa/ mgo bo'i phreng ba khrag 'dzag pas brgyan pa/ nyi ma bye ba'i gzi brjid can/ spyan gsum pa/ 'jigs pa'i zhal can/ stag gi pags pas smad dkris pa/ klu dmar po brgyad kyis brgyan pa/g.yas pa'i zhabs kyis 'dod pa'i lha mnan pa/ g.yon pa'i zhabs kyis dga' bo'i gsang ba'i bde chen mnan pa/ mi'u thung gsus pa 'phyang ba/ rdo rje chos kyis spyi bo la brgyan pa/ de'i snying gar hUM dmar po las 'od zer 'phros pas/ ro ma dang rkyang ma dang dbu ma'i nang nas/dpral ba g.yas pa nas bskor te 'phros pas/ thams cad phyag g.yas pa nas bsdus te/ lcags kyu nas lcags kyu ltar 'phros pas/ sems can thams cad rdo rje'i lam du bsdus la pad+mar phab la/ bde ba chen po skyes te dbang du gyur par bsam mo/ /de lta bu'i byed pas dbab par bya'o//yang der gnas nas g.yon pa nas bskor te/ de bzhin du snying ga'i hUM la bsdu bar bya'o/ /de'i 'od zer chags pa dang rjes su chags pas/ hUM gi dang por mar me'i rtse mo las mngon par byung ste/ 'jig rten gsum po stong zhing bde ba chen por byas la/de lta bu'i ting nge 'dzin dang ldan pas sngags kyi bzlas pa brtsam par bya ste/ oM hraM hriM hro hUM phaT/ sngags kyi rgyal po 'di brjod pa'i mod la/ bud med thams cad mtshan ma g.yo zhing 'dod par byed do/ /'dod pa rnams kyang gzi brjid dang ldan zhing / sems can thams cad 'dod pas rgyas zhing khu ba 'pho bar byed do/ /gzugs po yang g.yo zhing 'gyur la/ ngo tsha dang bral zhing / skra grol la 'dod pas myos par 'gyur ro/ /sngags 'di'i stobs kyis/ 'gro ba drug gi sems can thams cad dbang du 'gyur zhing / sgrub pa po'i rkang pa'i 'og tu ji ltar bsams pa bzhin thams cad 'ong bar 'gyur ro//'bum phrag gcig bzlas pa byas pas/ sbyor ba can ma dbang du 'gyur ro/ /de nas dbang du bya ba'i cho ga brjod pa/ na maHke li ki laHsaM b+hu tha pa nai tre b+hi ka ra Ne/ bi ku rwa bi ku rwa dzam+b+ha sha mi swA hA/ de nas sbyor ba can ma mthong bas/mig bgrad de bzlas pa byas pas/ de ma thag tu 'ong bar 'gyur ro/ /'gro bar 'dod na 'gro bar 'gyur ro/ /de nas/ a di saM bud+d+hA ya ku ru ku ru laM b+he laM b+he lu ne lu ne swA hA/ sngags 'di rang nyid nyal ba'i tshe bud med kyi ming nas bzung la bzlas pa byas na/dpag tshad brgya na yod kyang 'ong bar 'gyur ro/ /ma 'ongs na 'chi bar 'gyur ro/ /de nas/ na maHsarba bud+d+he b+h+yo dza hi bud+d+ha a no dza ra pre si do me bA tsa naM ku ru swA hA/ de nas gang du 'dug par bzlas pa byas pas/ ji ltar skyes pa'am/ dpa' mo'i ming nas bzung ste bzlas pas/thams cad rang bzhin gyis dbang du 'gyur ro/ /na maHk+Shi pra g+ha mi ku ru ku ru bi ma la ye swA hA/ chu la lan bdun bzlas te/ skyes pa'am bud med gang gi ming nas bzung ste 'thungs na dbang du 'gyur ro/ /na maHka traM ka tri gro ra rU pi Ni che ge mo me ba sha ma nA ya swA hA/ zla ba'i dus su/ dang po zas kham gcig la gang gi ming nas bzung ste/ lan bdun bzlas nas zos pas/ zhag pa'i dbang du 'gyur ro/ /na maHAr+ya saM bud+d+hA ya/ e h+ye hi b+hU ta pra tra d+hu ta kAr+yaM ku ru swA hA/ de nas mig sman la brgya phrag brgya bzlas/ rang gi mig la bskus na/ thog mar mthong ba de dbang du 'gyur ro//de nas/ na maHpre kha ka ya many+dzu g+ho Sha kA ya pre khi to si dz+ha hi laM ku ru swA hA/ de nas yungs kar la bzlas la/ gang gi khang par gtor ba de dbang du 'gyur ro/ /na mo rat+na tra yA ya/ ku b+hi ni dz+haM b+hi/ ma hA be tA lI swA hA/ de nas rang gi khu ba dang //ga bur la brgya rtsa gcig bzlas te/ gang gi ming nas bzung ste sbas pa de dbang du 'gyur ro/ /na mo bud+d+hA ya d+harma saM g+ha badzra pA NI b+h+yaHshI ta piM ga le la hUM ku ru ku ru dz+wa la dz+wa la dz+wa la swA hA/ gi wang la brgya rtsa brgyad bzlas te thig le byas pas ji ltar mthong ba thams cad dbang du 'gyur ro//haM b+ho bra Sha ka ya ti a mu ka sha ma nu g+h+ri d+yas ma ne swA hA/ de ma thag tu mi 'ong na/ dpa' mo'am/ skyes pa ji ltar yid la bsams la bsgyur bar bya'o/ /de rnams dbang du bya ba'i las so/ /bdag gi bla mas ni mdor bsdus te gsungs pa/ kho bos ni rab tu phye ste rgyas par bshad do//ma nges par 'bum phrag gcig bzlas pas/ las thams cad kyi 'bras bu ster ba ni/ sgrub thabs las shes par bya'o/ /de nas brjod par bya ba/ dpag tu med pa'i las rdzogs par byed pa/ dang por bskrad par bya ba'i las bshad pa/ oM k+ShaM ha hu ha a mu ka ShA uts+tsha Ta ya hUM phaT/ bskrad pa la ni du ba'i kha dog can/ gri gug dang thod pa thogs pa/ gzhan rnams ni sngar brjod pa bzhin la/ don yod grub pas dbu rgyan byas pa/ lho phyogs su kha bltas te/ sems dpangs mtho bas bzlas par bya'o/ /bye phrag gcig gam/stong phrag nyi shus kyang 'grub ste/ dur khrod kyi thal ba blangs la/ skra grol ba/ gcer bu/ gzhan rnams ni go sla'o/ /de nas dug lang ga li dang / phag pa'i rtug pa dang / ro'i skra dang / rnga mo'i rus pa rnams la brgya rtsa brgyad bzlas la/ btab pas dgra bo rengs par 'gyur ro//the tshom med par skrod par 'gyur te/ 'di ni gces pa'i las so/ /zhag bdun byas nas sgor sbas na/ sngar brjod pa'i dug lang ga li dang / mgrin rings ni rnga mo ste/ de'i rus pa rnams so/ /de nas yi ge dzaH'i sa bon las byung ba'i skyes bu lag na dbyug pa thogs pa bsgoms nas/bde byed kyi bla ma dang / zhag bdun gyis nges par skrod par 'gyur ro/ /rang gi gnas so/ /de nas skyes pa'i rus pa la khab kyi gzugs byas la sgor sbas na/ khyim der rab tu 'jigs pa skye zhing / 'byung po chen po'i gnas bzhin du 'gyur ro/ / nag po'i tshes brgyad dam/ bcu bzhi'am/ mtshan mo thun gcig la'ang rung ste/ brgya phrag brgyad bzlas so/ /'di ni bskrad pa'i bya ba'o/ /de nas rengs pa la/ ser po mi'u thung lto ba rab tu 'phyang ba/ thod pa dang gri gug thogs pa/ rlung nang du gzung ba/ rlung 'gags pa'i dus bzlas na/rin po che'i cod pan can/ brgya phrag brgyad bzlas par bya'o/ /oM maM dz+ha k+Sha/ a mu kaM staM b+ha ya hUM phaT/ 'di la sogs pa gzhan ni go sla'o/ /de nas gsad pa ni/ nag po'i phyogs la lhor kha bltas te/ si las thig le byas la gos nag po bgos la/ thod pa dang gri gug lag na thogs pa/mi bskyod pa nag po'i cod pan can/ ljags bsgyur ba/ 'jigs par byed pa/ thugs ka'i sa bon las 'od zer 'phros pas nag po dang / 'jigs pa'i gdong ma dang / bA rA lI dang / be+e tA lI dang / nag mo chen mo dang / rnal 'byor ma de rnams kyang /thod pa dang gri gug thogs pa/ rlung gi shugs ltar mgyogs pa/ dgra bo'i kha nas zhugs te/ sha rnams kyang bcad cing / khrag rnams kyang 'thungs nas/ nang cha rnams kyang bcad cing / thun gsum du bsgom par bya'o/ /de ltar tshes brgyad la/ mi'i thod pa zan gyis bkang ba la khrag btab ste/phag pa la sogs pa'i sha rnams dang btab la/ de rnams kyi khrag dang / gzhan yang bya dang / nya'i sha dang / khrag dang / zan dang / sran ma dang bsres pa'i zan dang / chang dang / me tog dang / bdug pa dang / byug pa rnams bsogs la/ mtshan phyed na gtor ma sbyin par bya'o//de nas sha za'i sgrub thabs la/ sngon du brjod pa'i nag po chen po'i gzugs su bsgoms la/ stong phrag bcu bzlas pas sngon du bsnyen par 'gyur ro/ /dur khrod kyi ras la/ a na la dang / kun+d+ha la'i ming can gyi gnod sbyin mo gnyis bri bar bya'o/ / ro sol gyis bsres la/ dri zhim pos kyang sbags te/ zhun chen gyi mar me'i snag tshas sha za gnas pa'i sdong po'i rtser bri bar bya'o/ /nag po dang po'i lang tsho can/ skra rnam par grol ba/ rgyal po chen po ltar rol pa'i 'dug stangs kyis bri bar bya'o/ /me tog dang / bdug pa dang /lha bshos dang / byug pa rnams kyis mchod par bya'o/ /de nas sgrub pa po gang za ba thams cad kyi lhag ma nas sbyin par bya'o/ /mtshan mo'i nang du rtag tu lhag ma re sbyin par bya'o/ /de'i sngags la/ oM a na le kun+d+ha li/ gr-ih+Na piN+Ta pi shA tsI ni swA hA/ lan bdun gyis grub par 'gyur ro//de nas cho ga gzhan brjod pa/ bong bu'i gdong can bsgom par byas la/ bong bu'i gdong can lag pa gnyis kyis bum pa bzung la/ 'gron bu'i bum pa'i gdan la 'dug pa/ shing ke ta ka'i me tog ku su mas brgyan pa/ zla ba gcig gi bar du lhag ma byin pas 'grub par 'gyur ro//sngon du brjod pa'i cho gas g+hu pa ta'i sha za bri bar bya'o/ /yung ba dang rdo zho bsres pas bri bar bya/ skyil krung phyed pa'i 'dug stangs kyis gnas pa/ phyag gnyis pa/ kun nas dga' ba'i rgyan gyis brgyan pa/ gser gyi khri stegs la 'dug pa//g.yon pa na rin po che'i snod thogs pa/ g.yas pa na rin po che'i snye ma thogs pa bris la sngon gyi cho ga bzhin du gtor ma sbyin par bya'o/ /sems can thams cad kyi don byed pa'i bsam pas 'grub par 'gyur gyi/ rang gi don byed pas ni ma yin no/ /de nas mi 'pho ba'i rnal 'byor brjod par bya ste/stong phrag sum cu rtsa gnyis pa'i nag po chen po'i rgyud las/ bcom ldan 'das mas zhus pa/ 'jig rten gyi ni ston pa po/ /sems can kun gyi don 'ga'i phyir/ /ji ltar sems can thams cad la/ /rgas dang 'chi dang nad spangs pa/ / bcom ldan 'das kyis bka' stsal gsol/ /bzang mo khyod kyis zhus pa'i don/ /sems can kun gyi don gyi phyir/ /mi g.yo ba yi bde ba bshad/ /gus pa'i sems kyis mnyan par byos/ /gsang ba las kyang gsang ba ni/ /bde ba chen po bcings pas thebs/ /gyen du 'gro dang gzung ba'i thabs//rlung ni rab tu bcings pa brjod/ /bum pa'i chu ltar rab g.yo ba/ /sems ni brtan par byas pa las/ /de tshe khu ba'ang 'dzin par 'gyur/ /'di ni chos lugs lnga ka 'dod/ /gsang ba'i mdzod kyi 'og gi sgo/ /bsdams pas bde ba 'dzin par byed//de tshe gyen du dngas pa las/ /rlung gi stobs kyis byed par 'gyur/ /ji ltar bum pa stong pa ltar/ /de bzhin stong pa'i [(]rnam [,]rnal [)]'byor bya/ /khu ba brtan par gyur pa la/ /grub mtha' lnga ka mchog tu 'dod/ /rkyang ma ro ma dbu ma las/ /rlung ni g.yos par 'gyur ba'i tshe//de tshe lce ni gyen la bzlog /'dod pas khu ba g.yos pa 'dzin/ /rang gi rlung rnams gyen du 'phangs/ /rtsol ba'i stobs kyis thur du bzung / /mgrin par rlung rnams gnas pa'i tshe/ /snying gar rlung ni mnyam par sbyor/ /de tshe sems ni brtan par 'gyur//rlung ni nang du zin pa'i tshe/ /de tshe stong pa'i rnal 'byor skye/ /lus po rlung gis mnyam par gang / /de tshe rlung ni dal bas bden/ /ji ltar dam par ston pa'i tshe/ /sems ni stong pa'i rnal 'byor gzung / /'di 'dra'i rtsol ba byas pa las/ /'chi ba las ni rnam par rgyal//sbyar bas gnyer ma med par byed/ /skra dkar dang ni bral bar 'gyur/ /dbang po lnga rnams rab gsal zhing / /ting 'dzin 'di yi sbyor ba yis/ /rdo rje pad+ma rab gnas pa/ /sbyor ba mang pos bskyod par bya/ /byang chub sems ni g.yos pa las/ /g.yos pa de yang gzung bar bya//sems kyis nyi ma blangs pa las/ /ji srid nyi ma bskyod pa'i tshe/ /zla ba gnas gzhan 'gro bar byed/ /stong pa'i rnal 'byor brtan par bya/ /sems ni g.yo med gcig tu bya/ /ji srid nyi zla 'byor pa'i tshe/ /lus ni 'chi ba med pa thob/ /ji srid nyi zla gcig sbyor ba//de tshe bdag med rnal 'byor bya/ /ri bong nyi ma sbyor ba yis/ /lus ni 'chi med skye bar 'gyur/ /'chi ba med pa skye bar 'gyur/ /lus ni dus kyis mi za ste/ /bud med dga' bas rjes chags pa/ /rnal 'byor pa yi chags pa yang / /ji srid mnyam par skye 'gyur ba//des ni grub pa rab tu ster/ /oM tsa le tsa le tsi te tsi to muny+tsa pa ya swA hA/ sngags 'di brjod pa tsam gyis bud med rjes su chags pa skye bar 'gyur ro/ /de ltar bud med rjes su chags pa'i tshe/ sgom pa la sbyor bar bya'o/ /na mo bud+d+he satwe b+h+ya hUM shi gi ni swA hA/sbrul mgo gnyis pa mgo bo nas sor bcu gnyis bzung nas/ dur khrod kyi me la bsregs te/ de'i thal ba blangs la/ bya ku ra ku'i khrag gis lan bdun gyi bar du sbrus pas/ des thig le byas pa'i tshe mi snang bar 'gyur ro/ /de nas shing skra dkar gyi byang phyogs kyi rtsa ba la//gcer bu byas brkos/ nyi ma dang zla ba dang me'i nang du byas la/ khar bcug na mi snang bar 'gyur ro/ /nyi ma ni zangs so/ /zla ba ni dngul lo/ /me ni gser ro/ /de rnams la ni lcags so/ /de nas thog ma'i dngul la/ de'i tshe skyes pa dang sbyar ba'i khu ba gnyis mnyam par sbyar ba la/me ni si la btab la/ 'jig rten gsum pos mi mthong ngo / /de'ang la lA Ta la til ka byas so/ /de na ti tsha dkar po dang / kan tra si ba li dang / sbrang rtsi dang / dang po'i me tog dang khu ba bsres te/ pad+ma gsar pa'i ze'u 'bru dang / lcags gsum gyi nang du bcug ste sbyar na//'jig rten gsum gyi mis mi mthong ngo / /thog mar rtswa skyes pa'i dus kyi rtse mo la sogs pa'i sa bzhag la/ de'i 'og gi sa blangs la/ ba bla bsres te/ rgyal gyi nyin par thig le byas na grub pa'i skyes bus kyang mi mthong ngo / /dang po rtswa ni/ gla sgang gi rtswa'o/ /de'i 'og gi sa blangs pas so//de'ang rgyal gyi nyin par ro/ /sbrang rtsi dang ba bla bsres la/ dpral bar thig le byas na/ skyes bu de ni grub pa'i rnal 'byor pas kyang mi mthong ngo / /gzhan lta smos kyang ci dgos/ 'di ni mi snang ba'i rab tu dbye ba'o/ /de nas rengs pa la/ na mo bud+d+ha b+h+yaHstaM b+ha ya dzaM b+ha ya mo ha ya swA hA/de nas khyo bo yod pa'i bram ze mo shi ba'i thal ba blangs te/ lag pa la byugs nas gang la bstan pa'i sems can thams cad rengs par byed do/ /de nas na mo rat+na tra yA ya/ k+Shipa be k+Shi pa be ta li swA hA/ sngar brjod pa'i thal bas gro ga'i 'dab ma la sngags bris pas mda' rengs par byed do//de nas na mo rat+na tra yA ya/ d+ha k+Sha dza piM ga lo gri ha b+hU ta pa tsa na ni pra ha ra saM kra ma ya swA hA/ sngags 'dis rma bya'i mjug sgro la stong phrag gcig bzlas te/ nag po chen po'i thang sku'i steng du bzhag la/ rang gi dpung gi steng du g.yab ste bzhag pas/ pha rol gyi dpung rengs par byed do//nag po chen po'i thang sku la gding dang / yung ba bsres pa ser pos bri bar bya/ rab tu 'jigs pa la 'jigs par byed pa/ lto ba rab tu rgyas pa/ spyan gsum pa/ ro'i steng na gnas pa/ rol pa'i 'dug stangs kyis gnas pa/ phyag gnyis pa g.yas pa'i phyag na ri sna tshogs pa thogs pa/g.yon pa'i phyag na thod pa'i steng du me'i dkyil 'khor gru gsum 'dzin pa/ de lta bu thang sku'i steng du rgyal mtshan gyi rtse mo 'phyar bar bya'o/ /rang gi dpung rnams kyis mi mthong bar byas la/ pha rol gyi dpung rnams rengs pa'i don du bstan par bya'o//de nas gza' nyi ma'i steng du skar ma rgyal la bab pa na shing sa ra li'i rtsa ba la/ k+Shi pa bi k+Shi pa be ta li swA hA/ de'i rjes su sngags 'di rdzas dang sbyar te/ cho ga bzhin kha nas brjod pas/ g.yul du zhugs pa'i dgra bo'i ral gri thams cad 'ching bar byed do/ /de nas me bsil ba'i las ni go sla'o//sngags de'i las la/ gzhan brjod pa/ sman se ba li dang / sman dza mu ka dang / me tog pa ral li'i rtsa ba dang zhib tu btags la/ sbal pa'i tshil bu dang bsres te/ rkang pa'i zhabs su bskus na/ sol ba'i me rab tu 'bar ba'i steng du phyin yang mi tshig go//gzhan sngags de'i las la/ sman mun tri ri'i sdong po dang / pad+ma dang / sman se ba li dang / sbal pa'i zhag dang bsres te/ rkang pa la bskus na/ mngon du mi tshig par 'gyur ro/ /gzhan yang sbal pa dkar po'i ro skams la/ gzhan sbal pa'i khrag gis bskus la bsres nas btags te bskus pas me rengs par byed do//sbal pa'i tshil bu gang du bskus pa/ me la reg na me 'chi bar 'gyur ro/ /de nas rgyal po rengs par byed pa'i las la/ de nas sman tri shi b+han d+hi'i sman de thal bar byas pa la/ lan bdun bzlas te btab pas/ rgyal po rengs par byed do//de yang tri shi ni 'dab ma gsum pa'i rtsa ba'o/ /de nas chu bcing ba'i cho ga la/ chu'i nang na 'dug ste bzlas pa byas pas/ nya 'dru 'dru ba'i khar rin po che bcug la/ mar gsar pa dang / nya'i khrag bsres te/ sna dang / mig dang / gzugs po thams cad la byugs la/chu'i steng du phyin pas chu srin bzhin du steng du lding bar 'gyur ro/ /de rnams ni chu bcings pa'i las so/ /de nas bskrad pa ni go sla'o/ /de nas zhe sdang ba la/ na mo rat+na tra yA ya/ dwe Sha ya dwe Sha ya/ ma hA dwe Sha ka /mA bi laM pa ru ru swA hA/ bram ze dang dge tshul dang /byi la dang / byi ba'i skra dang / spu blangs la/ gcig tu btags te/ gang gi ming nas gzung ste/ sa la sbas pa de thams cad 'khon par 'gyur ro/ /dge tshul ni btsun pa chung ngu'o/ /mar char ni byi la'o/ /A khu'i ni byi ba'o/ /de nas rma bya'i mgo dang / bya pho'i mgo dang /sngags 'di brjod cing gcig tu btags la spos kyis bdugs na/ gang gi ming nas bzung ba de 'khon du 'gyur ro/ /de nas gang zhig bud med khrag 'bab pa'i mtshan mar yungs kar gyi thum po zhag bdun gyi bar du bcug la/ de'ang bud med sdug bsngal dang ldan pa'i'o/ / gang la yungs kar gyis gtor ba de thams cad 'khon par 'gyur ro/ /de nas bya rog dang 'ug pa'i sgro dang rus pa dang sha blangs la/ rang nyid bsrung bar byas la/ spos kyis gang la bdugs pa de mdza' bo yin yang 'khon par 'gyur ro/ /de nas sbrul mgo gnyis pa'i shun lpags dang / rma bya'i sgro dang mnyam par sbyar te/gang la bdugs pa de 'jig rten gsum dang 'khon par 'gyur te/ de ma thag tu'o/ /rang nyid bsrung ba ni mchog tu gces pa'o/ /'di rnams rab tu zhe sdang ba'i las so/ /de nas sbyin sreg gi las brjod par bya ste/ thab ni rgyud thams cad las bshad pas go sla'o/ /rgyud 'di las grub pa brgyad bsgrub pa ni/bcom ldan 'das kyis stong phrag drug pa'i rgyud las bka' stsal pa/ ral gri bsgrub pa la/ khru brgyad pa'i thab bya'o/ /de'ang zur brgyad pa'o/ /khru bzhi 'og tu bri'o/ /de'i byed pas thams cad shes par bya'o/ /de yang yi ge mangs pas 'jigs nas bsdus te bshad do//zhi ba'i thab ni gsang 'dus dang gcig go/ /sbyin sreg gi rab tu dbye ba ni go sla'o/ /de nas mig sman gyi rang bzhin la/ nam mkha' la spyod pa'i mig blangs la/ bya rog rgad po'i mig dang / bya rgod dmar po'i mig dang / dar gyis g.yogs pa'i zla mtshan phyis pa'i dar ro//de nas byi la nag po'i mig dang / b+h+ri hA ha b+hU mi la ti'i mgo dang / b+hu zug pos 'dab kyin 'gro ba/ srin bu me khyer dang / rna ba'i nang du 'jug pa'i srin bu dang / de rnams gcig tu bsres te btags te ri lu byas la/ mi'i tshil gyi mar me'i snag tsha blangs la bsregs te/mig la bskus pas sa 'og gi gter mthong ngo / /de nas ral gri bsgrub pa la/ sngar brjod pa'i bya'i mig sman blangs la bya ba ni go sla'o/ /de nas rkang mgyogs la/ shwe ta b+h+ra ma shi kha'i shing dang / pa la dkar po'i shing dang / shing de gnyis kyi shar phyogs kyi 'dab ma blangs la//ta sha pa pu mar/ de rnams kyis bcings pa ni/ staM mra ni zangs so/ /shaM kha ni dung ngo / /pra ba la ni byi ru'o/ /su bar+Na ni gser ro/ /muk+ta ni mu tig go/ /rA dza rU pa ni dngul lo/ /de rnams kyis bcings pa'o/ /stong phrag nyi shu bzlas pas grub par 'gyur ro/ /de nas mkha' spyod kyi dngos grub brjod pa ni/dzA ti pha la ma sa brgyad/ ka ko la ma sa brgyad/ pi pi ling gi snying po ma sa brgyad/ mon lug gla sgang ma sa brgyad/ sga thol gyi chu ma sa brgyad/ ga pur zho gnyis/ ga pur gyi chu zho gnyis/ de thams cad gcig tu bsres la/ shing sA hA ka ra'i 'dab mas gtums la bsreg go//de'i steng du nim pa'i shing [(]btsigs [,]btsugs [)]la sman rnams sa 'og tu sbas te/ shing pa la sha'i me tog btags pa'i khu ba srang bzhi/ mar dang sbrang rtsi sbags te/ snod snum can gyi nang du 'bras kyi phung po chen po'i steng du zhag nyi shu rtsa gcig gzhug go/ / lhags pa mi 'ong pa'i khung du 'dug la/ sor mo gsum gyis blangs pa'i chos tsam nyin re bzhin du za'o/ /de'i tshe bza' ba'ang med par longs spyad par bya'o/ /nam mkha'i longs spyod par 'gyur ro/ /de nas grub pa'i sman brjod par bya ba/ dz+yo ti sma ti'i mar khu srang brgyad/mar srang brgyad/ sbrang rtsi srang brgyad/ a ru ra sha chen brgya rtsa brgyad/ de thams cad gcig tu btags la/ snod snum can gyi nang du bcug la/ ba glang gis gcin btang ba'i nang du zla ba drug sbang bar bya'o/ /'o ma dang gcig tu bsres te btung bar bya'o/ /zla ba drug nas rgad pos 'thungs kyang byis par 'gyur ro//de nas ci bgyi zhes bka' nyan pa'i sgrub thabs kyi rang bzhin la ta pa si shi ba'i khar thod lo skor bcug la bsregs nas tshig pa'i 'og tu thod lo skor blangs te/ bzlas pa'i sngags ni 'di yin te/ oM na maHsid+d+he swA hA/de nas mtshan phyed na ci bgyi zhes bka' nyan pa'i pho nyar 'ongs nas/ bdag gis ci bgyi zhes smra ba la/ cang mi brjod par ngag thub par bya'o/ /tho rangs kyi tshe nam langs nas ci bgyi zhes smra ba la/ tho rangs sgrub pa pos smra bar bya ba/ rgyal po'am btsun mo'am/'khor pa gang 'dod pa khyer la shog ces smras pas/ ji ltar yid la bsams pa'i las thams cad rdzogs par byed do/ /mtho ris su'ang 'khyer zhing / ji ltar bde bar longs spyod pa dang / bcud dang bcud kyis len thams cad ster ro/ /lha chen po brgyad kyi bu mo yang 'gugs par byed do//de la sogs pa'i las thams cad byed do/ /de nas sha za'i sgrub thabs kyi rang bzhin la/ bram ze shi ba'i khar lcags brgyad gcig tu bzhu ba'i ri lu bcug la/ mer bsregs pa'i thal ba blangs la/ lcags brgyad kyi ri lu zhib par btags te/ spra tshil gyis ri lu byas la/ga pur gyi mar me btang ste/ dur khrod du brgya phrag brgyad bzlas la/ de'i tshe sha za 'ongs nas ci bgyi zhes smra ba la/ cang mi smra bar 'dug par bya'o/ /ngag bcad de thub par 'dug par bya'o/ /de nas ri lu khyer te lha'i khang par mtshan mo thog thag bzlas par bya'o/ / tho rangs grogs po longs zhes smra ste/ de'i tshe 'grub par 'gyur ro/ /ri lus ci 'dod pa'i ming yi ge bris pas/ ji ltar sgrub pa pos bka' stsal pa bzhin grub par byed do/ /ri lu bsgrub pa'i sngags ni/ oM ru ri ru ri ru ru swA hA/ da ni gtor ma'i cho ga brjod par bya ste/ lha'i rnal 'byor gyis bsam gtan la gnas pas/rtsa ba nas bshad pa'i bdud rtsi rnams bsogs la/ dbang po la sogs pa rnams la gtor ma sbyin par bya'o/ /nyung ba dang ni mang ba yi/ /bzlas pa byas pa'i nang du ni/ /thugs ka'i sa bon 'od kyis 'gugs/ /shar gyi phyogs su gzhag par bya//dbang po spyan stong ldan pa dkar/ /chibs ni glang po dkar po'i steng / /g.yas pa'i phyag na rdo rje ste/ /g.yon pa rol pas gnas pa yin/ /gshin rje rab tu sngo ba phyag gnyis pa/ g.yas pa na dbyug pa 'dzin pa/ g.yon pa sdigs mdzub can/ spyan dmar po gsum pa/dbu skra dmar ser gyen du langs pa/ ral pa dang smin ma rab tu ser zhing ring ba/ rus pa'i rgyan gyis brgyan pa/ ma he'i steng na rol pas 'dug pa/ chu lha dkar po phyag gnyis pa/ chu srin gyi gdan can/ g.yas pa na klu'i zhags pa/ g.yon rol pas gnas pa/ sbrul gyi gdengs ka can/nor bdag lus ngan ser po/ phyag gnyis pa/ g.yas pa na shing thog bi dza pU ra 'dzin pa/ g.yon pa na ne'u le'i rkyal pa 'dzin pa/ me tog gi shing ta la'i steng na 'dug pa'o/ /bde byed dkar po phyag gnyis pa/ glang gi steng na stag gi pags pa'i sham thabs can/ dbu la thod pas brgyan pa/ ral pa'i cod pan zla bas brgyan pa/ g.yas pa na rtse gsum pa/ g.yon pa'i phyag gis dkar mo'i nu ma la reg pa/ mgrin pa sngon po can/ spyan gsum pa/ dkar mo sku mdog ser mo/ phyag gnyis pa/ g.yas pas bde byed la 'khyud pa/ g.yon pa me long la lta ba'o//me lha ral pa gsum pa/ phyag bzhi pa/ 'bar ba'i phreng ba can/ lto ba rgyas pa/ rgyan dang bral ba/ ra la zhon pa/ g.yas pa mi 'jigs pa dang bgrang phreng / g.yon pas dbyug pa dang spyi blugs so/ /bden bral drag po phyag gnyis pa/ gcer bu ro'i stan la 'dug pa//rol pa'i 'dug stangs kyis gnas pa/ skra grol ba/ thod pas dbu la brgyan pa/ g.yas pa na gri gug /g.yon pa na thod khrag go/ /rlung lha ser po ri dgas la zhon pa/ phyag gnyis pa/ ba dan sngon po gnyis 'dzin pa'o/ /zla ba dkar po 'khor lo'i steng na/ phyag gnyis pa/g.yas pas ku mu ta 'dzin pa/ g.yon pa rol pas gnas pa/ mdzes pa'i gzugs can no/ /rta bdun gyi steng na nyi ma dmar po phyag gnyis pa/ g.yas pa pad+ma'i steng na rdo rje 'dzin pa/ g.yon pa pad+ma'i steng na nyi ma'i dkyil 'khor 'dzin pa'o/ /tshangs pa gdong bzhi pa dkar po ngang pa la zhon pa/ral pa 'dzin pa/ phyag bzhi pa/ gcig na pad+ma/ g.yas pa skud pa'i phreng ba/ g.yon pa na pad+ma dang spyi blugs so/ /sa'i lha mo sku mdog ser mo pad+ma'i steng na g.yas pa na pad+ma/ g.yon pa na rol pas gnas pa'o/ /lha ma yin gyi dbang po thags bzangs ris/shing rta'i steng du gnas pa/ phyag gnyis pa/ g.yas pa na ral gri/ g.yon pa rol pas gnas pa'o/ /zhabs kyang rol pa'o/ /gnod sbyin dang dri za dang yi dags dang / srin po la sogs pa/ klu dang / klu'i rgyal po dang bcas pa thams cad rtsol bas bsgom par bya'o//phyi nas dbang po la sogs rang gi lha'i rnal 'byor gyis yul du mthong bar bsam ste/ thog mar de dag gi lus rdul lta bur byas la/ rang gi sa bon las 'od zer 'phros pas/ bdud rtsi'i rgyun lta bus lus bkrus te yongs su rdzogs par bsam mo/ /rang rang gi ljags rdo rje'i as mtshan pas drangs par bsam mo//de ltar bdud rtsi la gsol bas/ sgrub pa pos ji ltar yid la bsams pa'i don thams cad grub par bsam mo/ /g.yon pa dril bu dkrol zhing / g.yas pas bdug spos bzung la/ gnas brgyad du g.yon pas dril bu dkrol bar bya ste/sngags 'di brjod par bya'o/ /oM in+d+rA ya/ su pa ta ya swA hA/ oM ag+na ye ha bya ka bya bA hA na ya swA hA/ oM dza ma ya pra ta a d+hi pa ta ye swA hA/ oM nai r+R-i t+yA ya rak+Sha pA ti pa ta ye swA hA/ oM ba ru Na ya nA ga a d+hi pa ta ye swA hA/ oM bA ya bai an+ta rik+Sha tsa ra swA hA/ oM ku be+e rA ya k+Sha a d+hi pa ta ye swA hA/ oM i shA nA ya b+hU ta a d+hi pa ta ye swA hA/ steng du/ oM so ma ya na k+Sha tra a d+hi pa ta ye swA hA/ oM sUR+Ya gra ha a d+hi pa ta ye swA hA/ oM brah+ma na ye be ta a d+hi pa ta ye swA hA/ oM bi ma tsi tra ne+e swA hA/ oM a d+h+wa ya sU re b+h+ya swA hA/ sngags 'di dag brjod pa'i rjes la gtor ma'i sngags brjod par bya'o//de la gtor ma'i sngags ni 'di yin te/ oM shring kI ma hUM phaT/ ta ma ta ma sa/ puSh+pa/ d+hU pa/ rak+ta/ ta la pA ta li/ aSh+Ta nA ga /de ba/ yak+Sha/ rak+Sha sA/ gr-ih+Na gr-i h+Na/ i daM ba liM ha ha ha hAM khA hi khA hi/ kha kha hUM dza/ phu pheM ma hA aT+Ta hA sa/gardza gardza/ kr-iSh+Na wer+NA ya/ pheM pheM hUM swA hA/ dang po lte ba/ snying ga /nu ma/ mgrin pa/ gdong pa/ rna ba g.yas pa/ mig /spyi bo/ de dag ni gnas brgyad du shes par bya'o/ /de rnams ni gtor ma'i cho ga'o/ /oM ma hA kA la hriM hri hUM phaT swA hA/ nye ba'i snying po'o/ /hriHbcom ldan 'das me'i snying po'o//hriMHnye ba'i snying po'o/ /oM ma hA kA lI hUM hUM phaT swA hA/ snying po dang nye ba'i snying po'o/ /oM kA li hUM hUM phaT swA hA/ oM kA ra li ye hUM hUM phaT swA hA/ oM bA rA lI ye hUM hUM phaT swA hA/ oM be+e tA lI hUM hUM phaT phaT swA hA/ de nas ras ris kyi cho ga ni go sla'o/ /rang gi khyim du lha la mchod pa bya ste/sngon du bsnyen pa byas pas ni las thams cad grub par 'gyur la/ rdzogs ldan dus na gcig yin te/ /gsum ldan la ni gnyis 'gyur ro/ /gnyis ldan la ni gsum 'gyur ro/ /rtsod ldan dus na bzhi 'gyur ro/ /dgod cing bzlas pa rtse zhing yengs//za zhing 'khrig pa spyod pa'i tshe/ /dus rnams kun la bzlas par bya/ /de tshe bdud kyi las dang bral/ /rnam par rtog pa thams cad kun/ /sgra rnams nag po chen por sgrogs/ /thams cad sngags su shes par bya/ /yid la bsams pa'i 'bras bu thob/ /kun la 'di ni mi sbyin te//slob ma'i snod rnams brtags la sbyin/ /sngags 'di 'jig rten kun na dkon/ /'jig rten gsum na gces pa'i mchog /'khor ba'i rgya mtsho sgrol ba yi/ /skye ba dang ni 'chi ba la/ /'khor ba'i 'khor lo 'jigs shing zab/ /chags pa zhe sdang chu srin 'phyo//sems kyis 'gram gnyis bde ba la/ /phra ma ser sna phrag dog gis/ /byed pa nag po chen po yis/ /bde chen sgyu ma'i grong khyer na/ /byas pa sems can kun gyi don/ /bdag gis bsags pa'i bsod nams kyis/ /nyon mongs thams cad gcod par shog /'jig rten 'das pa'i grub pa 'thob//dpal nag po chen po'i mngon par rtogs pa'i rnam par bshad pa/ lhan cig skyes pa'i zhabs kyi slob ma/ slob dpon li ka ri'i zhabs kyis mdzad pa rdzogs so// //rgya gar gyi mkhan po shrI na ren+d+ra b+ha dra dang / bod kyi lo tsA ba u rgyan pa rin chen dpal gyis ri bo chen po spu tra'i mgul du/