CLOSE WINDOW

D1755
བོད་ཡིག

/ //paN+Di ta de nyid dang / lo tsA ba dge slong chos rab kyis bsgyur te gtan la phab pa'o// @##/ /rgya gar skad du/ dz+nyA nA g+na dz+wA la ho ma bi d+hi nA ma/ bod skad du/ ye shes kyi me sbar ba zhes bya ba'i sbyin sreg gi cho ga /dpal nag po chen po la phyag 'tshal lo/ /gang zhig dran pa'i skad cig gis/ /'gro rnams 'jigs byed 'dod chags sogs/ /bud shing sreg pa'i nag po che/ /ye shes me chen la phyag 'tshal/ /gsal la ma tshang med bsdus pa'i/ /yang dag rim bzhin bri 'dod pas//ye shes me sbyor zhes brjod pa'i/ /sbyin sreg cho ga bshad par bya/ /de la cho ga 'di ni nyi ma bzang po la dpal nag po chen po'i rnal 'byor dang ldan pas sngon du gtor ma byin la/ lag pa g.yas pa kha sbub ste brkyang nas rang gis sngags brgya rtsa brgyad bzlas pa ni kun rdzob yang dag par bya ba'i thabs so//yang na stong pa nyid kyis so/ /yang na thab khung thams cad bca' ba'i don du sbyang ba'i bye brag dngos grub rin chen 'byung gnas su bshad pa'i cho ga ltar rgyas par sa sbyang ba la sogs pa byas la/ sa bdag klu'i lto ba'i kha phyogs su thab khung rnams bca' bar bya ste/de rnams las zhi ba la sa gzhi dkar la snum pa rgyar khru gang zlum po'o/ /dbus su rdo rje rtse lnga pas mtshan pa/ thab kyi steng du kha khyer la 'phang dang rgyar sor bzhi pa'o/ /kha dog dkar pos byug me tog dkar pos chal par byas te brgyan no/ / rgyas pa la sa gzhi ser la snum pa rgyar khru do zur brgyad pa rin po che lta bu/ dbus su rdo rjes mtshan pa'i rin po che'o/ /thab kyi steng du kha khyer la 'phang dang rgyar sor brgyad pa kha dog ser pos byug /me tog ser pos chal bar byas te brgyan no/ /dbang la sa gzhi dmar la 'jam par chos 'byung lta bu rdo rjes mtshan pa la sogs pa zhi ba dang mtshungs pa la kha dog dmar pos byug /me tog dmar pos chal par dgram mo/ /mngon spyod la sa gzhi ral ba dang tsha sgo can dang rtsub la gnag par rgyar khru gang gru bzhi pa'i dbus su pad+ma gnas pa'i steng du khro bo'i rdo rjes mtshan pa dgod/thab khung gi steng kha khyer la 'phang dang rgyar sor bzhi pa phyir kha bltas pa la khro bo'i rdo rjes spras pa'o/ /sa nag po dang dur khrod kyi thal ba dang / bong bu dang rnga mo'i sbangs la sogs pa dang bdud rtsi lnga dang ldan pa'i chu yis byugs la/ dri med pa dang dri mi zhim pa'i me tog sngon po'am nag po'am so ba'am nas kyis bskor bas chal par dgram mo//'bar ba'i phreng bas bskor ba'i 'jigs par byed pa dang bcas pa mi'i tshil la sogs pa'i mar mes brgyan pa'o/ /yang na rdul tshon tsam la brten no/ /'di ni thab khung gi mtshan nyid bstan pa'o// //shing pA la sha'am u dum+bA ra la sogs pa 'o ma can gyi steng gi yal ga gsar pa sor bcu gnyis pa mnyam par bcad pa sbom phra mthe'u chung tsam la sbrang rtsi dang 'o ma dang mar la sbags pa'i yam shing 'dab ma gnyis dang ldan pa/rtse mo gcig pa ming med dang / mthe bong gis bzung la bsnun no//rul pa dang yon po dang phra ba la sogs pa spang ngo / /ku sha til mar la sbags pa dang /'bras sA lu'i zan dang / 'o ma dang / nas dang / til dang / zho dang / pri yang ku dang / tsan+dan dang / dUr ba dang / shing dri zhim po'i khu ba dang / me tog dang / 'bras yos dang 'bras bu skyur po can gyi lo ma rtse mo gnyis ka sbrang dang 'o ma la sbags la/ji lta ba bzhin du zhi ba'i sbyin sreg bya'o/ /'dir yang sngon gyi shing rked pa nas skyes pa'i yal ga sbom phra chang par shong pa khru re ba zho dang 'o mar sbags pa'i yam shing dang / 'bras zho dang me tog brgya pa zho dang sbags pa dang /bo li'i 'bras bu dang / 'bras sA lu dang / pad+ma ge sar dang / nA ga ge sar dang / kar+Ni ka dang / 'bru sna tshogs rnams kyis rgyas pa la'o/ /zhi ba'i skabs su bshad pa'i shing yon tan dang ldan pa lo ma can sor lnga pa'am/ pri yang ku'am/ tsam pa ka'i ge sar la sogs pas yam shing ngo //me tog dang 'bras bu dmar la skyur ba rnams kyis dbang la'o/ /shing ro tsha ba dang / kha ba dang / tsher ma dang ldan pa rnams sam/ ro bsregs pa'i shing gses pa sor bcu pa rtsa ba'i phyogs nas bzung ste/ dug dang khrag dang til gyis sbags pa rtse mo rno ba dang ldan pa yam shing ngo //yungs kar dang / tsha ba'i mar dang / khrag dang / tshwa dang / ske tshe dang / nim pa'i lo ma dang / ro bsregs pa'i thal ba dang / rkang rjes kyi sa dang / bong bu dang / rnga mo la sogs pa'i sbangs dang / khyi'i zhag dang / bya rog la sogs pa'i sgro dang /skra dang / dri chen dang / dri chu dang / tsher ma dang / rus pa'i phye ma la sogs pa gang rnyed pa rnams la/ dug dang khrag dang / tshwa rnams sbags pas sam/ yang na thal ba dang sol ba dang phub ma la sogs pa rnams la bsgrub bya'i gzugs brnyan byas te dug la sogs pas sbags pas rkang pa g.yon pa'i mthe'u chung nas rim gyis mtshon rnon pos bcad cing bsnun pa ni gsad pa'i sbyin sreg go//'di ni rdzas kyi mtshan nyid bstan pa'o/ /sbyin sreg gi shing srog chags med pa thab khung bas cung zad dma' ba'am/ / bas mtha'i lci ba zhi ba la'o/ /sngon du gsungs pa'i shing 'bras bu dang bcas pa rgyas pa la'o/ /nim pa'am shing ro skyur ba'am/ shing gzhan me tog dang ldan pa rnams dbang la'o/ /shing ro tshe ba dang / kha ba dang / tsher ma dang ldan pa dang / dri mi zhim pa dang / dri med pa dang /dur khrod nas byung ba rnams gang rung ngam/ bong bu dang rnga mo la sogs pa'i sbangs skam po rnams mngon spyod la'o/ /'di ni bud shing gi mtshan nyid bstan pa'o/ /gser ram zangs sam mchod sbyin gyi shing las dgang gzar bya ste/ de'i yu ba ni skyes bu tshad dang ldan pa'i sor nyi shu rtsa bzhi pa'o//rdo rje la sogs pa dang stabs cig longs spyod du mi btub pa'o/ /steng gi cha pad+ma'i 'dab ma'i rnam pa can srid du sor brgyad pa shin tu mdzes pa la cha'i smad sor bzhi lham pa zabs su sor gnyis dang ldan pa'o/ /nang du rdo rje rtse gsum pa'am rtse lnga pas brgyan pa/bcud khung mtheb chung lto gang ba/ de steng rdo rje rtse lnga pas spras pa/ yu ba'i 'og gi cha rin po che rdo rjes brgyan pa'o/ /blugs gzar gyi yu ba'i 'og cha la yang de ltar go bar bya'o/ /rgya sngar dang mtshungs so/ /yu ba dag dgang gzar srid du mnyam pa la phyed kyis phra ba kha la rgyar sor gnyis pa pad+ma'i 'dab ma lta bu'o//zabs su sor gcig dang ldan pa la rdo rje rtse lnga pa dgod do/ /dgang gzar dang blugs gzar med na lag pas dgang blugs dbul bar bya'o/ /'di ni dgang gzar dang blugs gzar gyi mtshan nyid bstan pa'o//de nas khrus byas la gos gtsang ma dang rgyan dkar po btags nas dpal nag po chen po'i rnal 'byor dang ldan pas ngag bcad la/ bde ba'i stan gyi steng du pad+ma'i skyil mo krung bcas te/ dkar po'i tshes gcig gi nub mo srod kyi dus su kha shar du bltas nas bsgrub bya dmigs te zhi ba'i bsam pa dang ldan pas zhi ba'i las bya'o//de ltar gos la sogs pa gong las kha dog gi dbye bas shes par byas la/ tshes bco lnga'i snga dro'i dus su lho ru bltas nas stan bzang por bsdad de/ 'phang mtho ba'i bsam pa dang ldan pas rgyas pa'i las bya'o//de ltar gos dmar po la sogs pa snga ma ltar byas la tshes brgyad kyi nam phyed kyi dus su nub tu bltas nas stan mthon po'i steng du rdo rje'i skyil mo krung gis bsdad de/ chags pa'i bsam pa dang ldan pas dbang gi las bya'o/ /de ltar gos nag po la khrag gis spras pa dang /rgyan nag po gdags/ nag po'i dus gnyis gang rung cig gis nyi ma phyed dam nam phyed kyi dus su byang du kha bltas nas/ stan spangs te mkhrang pa'i steng du bsgrub bya'i snying gar tsog tsog por gnas la/ shin tu khro ba'i bsam pa dang ldan pas so//mig bgrad khro gnyer bcas te/ dkon mchog gsum la bya ba ma yin pa byed pa rnams thugs rje chen pos gsad pa'i don du bsgrub bya'i snying ga na gnas pa'i bsrung ba rnams hUM las spros pa'i rdo rje'i lcags kyus bkug nas rang gi sa bon la bstim/ kho rang gi lha thams cad kyis kyang dor bar bsam mo//bsgrub bya'i sdig pa dang phral te sangs rgyas kyi zhing du bsgral bar 'dod pas mngon spyod kyi las bya'o/ /'di ni sgrub pa po'i mtshan nyid bstan pa'o/ /gser dang dngul dang rdo dang zangs dang shing dang sa rnams la dung gi dbyibs su byas pa la'am/dung ngam sho ma'i snod du yon chab la sogs pa'i snod do/ /nas dang / 'o ma dang / me tog dkar po dang / til dang / ku sha dang / 'bras yos rnams dang / dri chab dang / bdud rtsi lnga dang ldan pa rnams blugs nas rang 'dod pa'i lha'i sngags la swA hA sbyar ba lan brgya bzlas pas zhi ba la'o//de ltar zho dang me tog ser po dang dri chab kha dog gis shes par bya/ gzhan gong dang 'dra/ oM btags pas rgyas pa la'o/ /me tog dmar po dang dri chab la sogs pa gong dang 'dra/ hoHbtags pas dbang la'o/ /gyo mo dang 'dag pa'i snod la sogs par khrag dang lci ba dang ba lang gi gcin dang me tog dang dri kha dog nag po/dri med pa dri nga ba'i dri chab la sogs pa gong dang 'dra/ phaT btags pas mngon spyod la'o/ /'di ni yon chab la sogs pa'i mtshan nyid bstan pa'o/ /zhi ba dang rgyas pa dang dbang rnams kyi dbye bas las thams cad pa'i sngags bzlas la/las thams cad pa'i chu snod dang yon chab la sogs pa g.yon du'o/ /de rnams kyi sngon du bzed zhal gsum gzhag go/ /bsang gtor gyis bsangs la sbyin sreg gi shing la sogs pa'i rdzas rnams g.yas phyogs su gzhag go//spros pa la dga' na rnam rgyal gyi bum pa dang / las thams cad pa'i bum pa'i lhag gnas ni dngos grub rin chen 'byung gnas ltar cho ga bya/ spros pa la mi dga' na slob dpon la la dag gis bum pa gnyis pa mi 'dod do/ /mngon spyod la g.yas su yon chab la sogs pa bzhag cing g.yon du rdzas rnams gzhag go//'di ni rdzas rnams dgram pa'i mtshan nyid bstan pa'o/ /'o ma can gyi shing las byung ba'i me zhi ba la'o/ /rgyal po dang rgyal rigs kyi khyim nas byung ba'am/ nags las byung ba'am/ rin po che las byung ba'am/dge 'dun gyi tshang mang las byung ba'i me rgyas pa la'o/ /rje rigs dang smad 'tshong ma'i khyim nas byung ba'i mes dbang la'o/ /mi rus las byung ba'am/ rdo thal las byung ba'am/ dur khrod las byung ba'am/ rigs ngan gyi khyim las byung ba'i mes mngon spyod la'o//'di ni me'i mtshan nyid bstan pa'o/ /de nas dngos grub rin chen 'byung gnas su bshad pa ltar gtor ma sbyin la/ bsrung ba dang ldan pas snod du ma bzung ste/ yi ge gsum gyi sngags bzlas so/ /de nas las thams cad pa'i sngags brjod cing mar mes me sbar ba dang /sngags de nyid brjod cing ba'i chus mngon spyod dang gzhan la g.yon dang g.yas su lan bdun bskor zhing bsang gtor byas te/ thab khung du du ba dang bcas pa'am/ du ba yang sbangs pa gzhag ste/ oM dz+wa la dz+wa la hUM zhes pas yang dag par sbar ba dang / 'khor lo'i gtso bo'i snying po brjod cing /blugs gzar mar gyis bkang ste lan bdun gyis bskyar bar bya'o/ /mngon spyod la tsha ba'i mar gyis so/ /de nas ku sha rnams dgram pa ni/ oM badzra satwa aHzhes pa brjod cing dang por ku sha gnyis sgrub pa po'i g.yon phyogs su shar du bstan te gzhag go//rim pa bzhin du lho phyogs su dang / nub phyogs dang byang phyogs rnams su bstan pa'o/ /thab khung du dbul ba ni shar du bstan pa'o/ /gzhan yang rgyas pa dang dbang dang mngon spyod rnams kyi thab la rim pa ji lta ba bzhin shar dang lho dang nub rnams su shes par bya'o//de nas lha'i rang bzhin la gnas pa'i rang gi sa bon gyi thab bskyed la sbar bar bltas nas der bdag med par bsams la/ yi ge raM las me'i dkyil 'khor gru gsum pa'o/ /de'i steng du pad+ma dang nyi ma la gnas pa sa bon yi ge raM las byung ba'i lto ba 'phyang ba sha rgyas pa thung ba/zhal gsum pa zhal re re zhing spyan gsum gsum dang ldan pa/ phyag dang po gnyis kyis yum la 'khyud pa/ g.yas kyi phyag gnyis kyis mi 'jigs pa dang bgrang 'phreng 'dzin pa/ g.yon gnyis kyis dbyug pa dang spyi blugs 'dzin pa/ las kyi bye brag gi kha dog dang na bza' dang rgyan bsam pa'i bye brag dang 'od zer gyi 'phro 'du dang rgyas gdab rnams go bar bya'o//ral pa dang smra ra shin tu rgyas pa/ sa bon raM dang bcas pa'i me'i dkyil 'khor gyis thugs kar spros pa'i me lha bsam nas/ thugs ka'i sa bon las 'od 'phros pas/dam tshig pa dang mtshungs pa'i ye shes pa 'khor dang bcas pa me mtshams na gnas par bltas la/ spyan drang ba'i sngags ni/ oM e h+ye hi ma hA b+hU ta de ba r-i Shi dwi dza sa ta ma/ gr-i hi tA hu ti ma hA raM a smin san+ni hi to b+ha bA zhes pas dgug ste bstim mo/ / de la oM AHhUM raM ar+g+haM pra tIts+tsha hUM zhes pa'am/ oM AHhUM pra ba ra sat+kA raM ar+g+haM pra tIts+tsha hUM swA hA zhes pa'i sngags kyis ar+g+haM dbul lo/ /ar+g+ha'i gnas su pA t+ya la sogs pa bcug la/ zhabs bsil dang / zhal bsil bsang gtor phul te/ las kyi bye brag gi me tog la sogs pas mchod par bya'o//phyi nas lag pa g.yon pa byang chub mchog gi phyag rgya steng du kha phyogs pas mar gyis gang ba'i dgang gzar bzung la/ yang lag pa g.yas pa 'og tu kha phyogs pas mar gyis gang ba'i blugs gzar steng du kha phyogs par bzung ste/mngon spyod las gzhan par go bar bya'o/ /pus mo'i steng nas 'khyud pa bzhin pas dgang blugs g.yas dang g.yon du bskor zhing dgang blugs gsum mam bdun dbul ba ni/ me lha'i lce la raM bkod la/ gsum po kha cung zad phye bar dbul/ mngon spyod la kha shin tu gdangs par dbul ba ni/oM hi badzra phaT rnams zhi ba dang rgyas pa dang dbang dang mngon spyod rnams kyis dbye bas/ oM na maHsa man+ta b+hU ta nAM ag+na ye swA hA zhes pa'i sngags la rim pas sbyar ro/ /oM ag+na ye swA hA zhes pas sreg blugs kyi sngags so/ / phyi nas me spra brtag pa ni kha dog gi dbye ba la sogs pas rim pa dang rim pa ma yin pas go bar byas la/ bsang gtor dang / bsrung ba byas pa dang / las thams cad pa'i sngags kyis sreg blugs bdun byas te/ phyi nas dgang blugs gsum phul la/ blugs gzar la sogs pa lan gcig gam gsum mam bdun dbul bar bya'o//yam shing la sogs pa sbyang ba ni/ oM AHhUM swA hA zhes pa yam shing sbyang ba'i sngags so/ /oM shrI swA hA zhes pa mar sbyang ba'i sngags so/ /oM swA hA zhes pas rdzas rnams bkru ba'i sngags so/ /oM dza swA hA zhes pa 'bru rnams sbyang ba'i sngags so//oM ku ru ku ru swA hA zhes pas rdzas gzhan rnams sbyang ba'i sngags so/ /'dir bsreg pa'i go rims ni dang po me 'bar bzhin pa la yam shing bsreg go/ /de nas rim gyis mar dang / til dang / dUr ba dang / 'bras dang //'bras yos dang / ku sha la sogs pa rang rang gis sngags kyis bsregs te/ phyi nas zhal bsil dang bsang gtor byas la/ me lha de 'bar ba'i rang bzhin du gyur pa la sogs par bya'o/ /de nas yi ge hUM yig gis yang bsang gtor byas la zhi bar 'dod pas cho ga ji lta ba bzhin zhi bar bya ba ni 'od zer 'phro bzhin pa'i dpal nag po chen por bskyed la/phyag na zla ba chu shel gyi bum pa bdud rtsis bkang ba thogs te bsgrub bya la lha mos dbang bskur bas de'i rims nad la sogs pa zhi bar bya ba ni/ rgyas par 'dod pas rgyas par bya ba ni bsgrub bya'i bang mdzod du snga ma ltar gser gyi bum pa nas rin po che'i rgyun babs pas dbul ba las grol bar bya'o//dbang du bya bar 'dod pas snga ma ltar ut+pal kha zum pa lta bu'i mde'u dang ldan pa'i mda' snying gar spros nas dbang du bya'o/ /gsad par 'dod pas khro ba dang bcas te bsgrub bya'i steng du rdo rje'i me'i char pa phab nas de thal bar song bar bsam zhing gsad par bya'o//de nas mngon par rtogs pa cho ga ji lta ba bzhin du dam tshig pa bskyed pa dang ye shes pa gzhug pa dang / dbang bskur ba yan chad byas la/ me tog dkar po dang /dri zhim po la sogs pa'i rang sngags dang / lha sngags rnams kyis byin gyis brlabs la mchod pa ni zhi ba la'o/ /de bzhin du me tog ser pos rgyas pa la shes par bya'o/ /dbang la dmar po/ /drag po la dri mi zhim pa dang / dri med pa'i me tog dang dri'o/ /gu gul dkar pos spos so//mi dang nya la sogs pa'i zhag las mar me'o/ /tsha ba dang kha ba la sogs pas lha bshos so/ /ar+g+haM dang / zhabs bsil dang / zhal bsil dang / bsang gtor rnams kyis yang dag par mchod nas/ lce las kyi rjes su 'brang ba'i kha dog dang ldan pa'i rdo rje rang gi sa bon gyis mtshan par bskyed la/rang gi sngags kyis snga ma bzhin/ dgang blugs re re la mar la sogs pa'i rdzas thams cad kyi re re la/ sreg blugs gsum gsum dbul lo/ /mar gyi sreg blugs gzhan pas mang bar bya'o/ /de nas rang gi sngags kyi bar du zhi ba la che ge mo shAn+tiM ku ru swA hA/rgyas pa la puSh+TiM ku ru oM/ /dbang la wa shaM ku ru hoHgsad pa la mA ra ya phaT dam/ hUM hUM zhes pa rnams kyang ldan pa'am/ rkyang par zlos bzhin pas zhi ba la sogs pa'i bsam pa dang bcas pas sreg blugs brgya'am/ stong ngam/ nus tshad bsreg pa'i sngags ni/ oM sarba pA paM da ha na badzrA ya swA hA zhes dang / til gyis zhi bar bya ba'i phyir ro/ /oM badzra A yu She swA hA zhes pa dang / dUr bas tshe bsring bar bya ba'i phyir ro/ /oM badzra puSh+Ta ye swA hA zhes pa dang / 'bras ma nyams pas rgyas par bya ba'i phyir ro//oM sarba saM pa de swA hA zhes pa dang / 'bras yos kyis phun sum tshogs par bya ba'i phyir ro/ /oM a pra ti ha ta te he badzrA ya swA hA zhes pa dang / til gyis brlan pa'i ku shas bsrung ba'i don du'o/ /oM ma hA bIr+yA ya swA hA zhes pa nas kyi'o/ /oM badzra g+hasma rI swA hA zhes pa gro'i'o//rang rang gi lha'i sngags kyis rdzas gzhan rnams bsreg go/ /de ltar cho ga ji lta ba bzhin du sbyin sreg byas la/ snying po'i sngags kyis gsum mam bdun nam nyi ma nyi shu rtsa gcig gi bar du mar gyi sreg blugs bya'o/ /phyi nas dgang blugs phul te/ar+g+haM dbul ba dang / bsang gtor bya ba dang / zhabs bsil dang / na bza' bsam pa dang / mchod pa dang / bstod pa dang / phyag rgya rnams phul la/ me tog dang bcas pa'i thal mo snying gar sbyar te/ cho ga ma tshang ba la sogs pa'i skyon zhi bar byed pa'i don du/bdag ni rmongs pa'i blo yis dbang dag gis/ /gang dag cung zad ngan par bgyis pa rnams/ /mgon po khyod la bzod gsol de bgyis pas/ /sems can rnams kyi bskyab pa por gyur cing / /ma thob par byas pa dang mi shes pas/ /ma gus pa yis gang byas gyis gtso bo//byas pa byed pa 'dir ni gang yin pa/ /de rnams thams cad bzod gsol bzhes par zhu/ /zhes pas rje btsun la bzod gsol bya'o/ /de nas oM badzra satwa aHzhes cung zhig brjod nas yi ge brgya pa dang / oM traM to wa zhes pa la sogs pa brjod nas yi ge gsum gyi bar du rang gi snying po muHdang bcas pa bcug la bzlas shing ye shes pa gshegs su gsol lo//phyi nas me lha thab khung du spyan drangs la bsang gtor gyis bsangs la mchod pa dbul/ zhal bsil nas ras gsar pa phul ba dang / rdzas lhag rnams bsreg pa ni dril bu dkrol zhing bstod pa dang bcas pas so//yang zhal bsil de bsangs la yang dag par mchod la 'dod pa'i don la gsol ba gdab/ bzod gsol byas te/ oM badzra satwa AHzhes pa brjod la snga ma ltar byas nas oM muHzhes pas gshegs su gsol lo/ /de ltar nyi ma re re zhing gong du bshad pa ltar lan gsum mam bzhir bya'o//de nas me bsdu ba ni zhi ba la'o mas so/ /rgyas pa la chu ser pos so/ /dbang la yang 'o mas so/ /gsad pa la khrag gis so/ /de nas thab khung gi thal ba dang sol ba las thams cad pa'i bum par blugs te chu bo la sogs par dor ro//'dir ni lha mnyes par bya ba'i mtshan nyid bstan pa'o// //sbyin sreg cho ga byas pa 'di yis/ /dge ba dri med thob pa gang yin/ /des ni myur bar sems can thams cad/ /bde chen rdo rje sems dpar gyur cig /ye shes kyi me sbar ba zhes bya ba'i sbyin sreg gi cho ga rdzogs so/