CLOSE WINDOW

D1752
བོད་ཡིག

kha che'i paN+Di ta chen po su ma na shrI b+ha dra dang / bod kyi lo tsA ba dge slong rin chen grub kyis bsgyur cing zhus te gtan la phab pa'o// @##/ /rgya gar skad du/ shrI nA tha ma hA kA la sA d+ha na kra ma nA ma/ bod skad du/ dpal mgon po nag po chen po'i sgrub thabs kyi rim pa zhes bya ba/dpal mgon po nag po la phyag 'tshal lo/ /'jigs pa'i tshogs rnams 'jigs byed pa/ /nag po de la phyag 'tshal nas/ /de yi sgrub thabs 'dod rnams kyis/ /don bsdus pa ni bshad par bya/ /bla ma brnyas byas sems can 'tshe//dam tshig smod dang bstan pa bshig /de rnams bsgral bar bya ba yin/ /gzhan du nam yang bya ba min/ /dang po gnas btsal brtag par bya/ /skye gnas sgo can dbang ldan lha/ /ri'am tshang tshing phug dag gam/ /dur khrod dag gam lam can nam//mtshan ma gcig pa dag tu bya/ /rang snying hUM bsgoms 'phro 'du las/ /de las lha tshogs rang snang 'gyur/ /sna tshogs mchod pa rnam gsum bya/ /bshags pa byed dang sdom pa dang / /yongs su bsngo dang lam la gnas/ /de nas byams dang snying rje dang / dga' dang btang snyoms bsgom par bya/ /de nas stong pa nyid bsgoms la/ /sngags 'di yis ni brtan par bya/ /oM shU n+ya tA dz+nyA na badzra swa b+hA ba At+ma kou0f85haM/ sems de raM las nyi mar gyur/ /paM las sna tshogs pad+mar bskyed/ /de steng hUM ni mthing ga las/ /gri gug sngon po dag tu gyur//phar 'phros tshur ni 'dus pa las/ /gzas pa bsgyel ba'i gdan steng na/ /sku mdog nag po 'jigs pa che/ /khams gsum ma lus za bar byed/ /zhabs rnams sa la rdebs mdzad cing / /lha dang lha min sdigs par byed/ /zhal bzhi pa la phyag drug pa//g.yas pa dkar la g.yon pa dmar/ /rgyab ni seng ge'i zhal dang ldan/ /rtsa ba'i zhal ni nag po ste/ /rtsa ba'i phyag ni gri gug dang / /thod pa khrag gis bkang ba 'dzin/ /bar ma gnyis na dbyug to dang / /glang po che yi pags pa 'dzin/ /gsum pa dgra sta zhags pa 'dzin//stag gi pags pas smad dkris shing / /'dzag pa'i mgo bos do shal byas/ /shin tu 'jigs su rung ba bskyed/ /g.yas su gtum mo sngon mo ste/ /g.yas na thod pa g.yon dar nag /g.yon du g.yung mo dmar mo ste/ /lu gu rgyud kyi zhags pa bsnams//rak+Sha si dang sing+ga la/ /mon mo nag po'i tshul du'o/ /thugs ka'i hUM las 'od 'phros pas/ /rang bzhin gnas nas spyan drangs te/ /gnas nas 'ongs nas de la thim/ /dzaHhUM baM hoHsa dgug gzhug bya/ /rdo rje rtse lnga'i phyag rgya yis/ / brtan par byin gyis brlab par bya/ /me tog nag po 'bras bu dang / /mi dbang 'bras dang dkar dmar dang / /klad pa na tshe dmar bzhi dang / /bdud rtsi lnga dang dbang po ni/ /a las byung ba'i ka pA lar/ /zla ba nyi ma'i bar du ni/ sa bon lnga dang lcags kyu lnga/ /'og tu me sogs 'bar ba ni//dri ma rnam par dag byas nas/ /mi sdug dri dang rnam rtog ni/ /ha dang hrIHdang hos sbyangs nas/ /de nas cho gas lce myang byas/ /de la dbul ba'i sngags ni/ oM badzra gying ni dzaHhUM baM hoH/ oM ma hA kA la i daM/ d+hU pa/ puSh+pa dI paM/gan+d+he/ i daM ba liM kha kha khA hi khA hi tiSh+Tha tiSh+Tha/ ban+d+ha ban+d+ha/ pa tsa pa tsa/ hUM phaT bya ba'i sngags kyis dbul/ /rdo rje dril 'dzin dpa' bo yi/ /dben pa'i sngags kyis glu blang zhing / /bstod pa 'di yis yang dag bstod/ /hUM srin po'i gzugs kyis gdug pa can/ / tshar gcod byang chub sems dpa' ste/ /grong khyer sum brtsegs 'jig par byed/ /legs ldan khyed la phyag 'tshal bstod/ /bdag gis btsun par khyod bstod do/ /'jig rten 'di na rang dbang thob/ /sngon gyi bram zes smras pa ltar/ /bkra shis mchog bsgrub sems pa der//yid myur gzugs can kun du grags/ /mgon po byed cing 'jig rten skyong / /'thab pa'i tshe na rtag tu rgyal/ /gshin rje ma mo mngon par bstod/ /dar gyi stod g.yogs sngon po can/ /sdug dang mi sdug lus su ston/ /mig gis thams cad rngam par byed//mchog bsgrub dpag med sems bder byed/ /snying dang ldan zhing rab tu dpa'/ /rtag tu khyod la bdag gis bstod/ /bdag gi nyi ma'i dkyil du ni/ /phreng ba'i tshul du gnas pa la/ /bdag gi snying gi dkyil du ni/ /raM las nyi ma'i 'od pad+ma/ /gri gug dbus nas phreng ba bya//kha nas lte bar 'khor tshul du/ /'bum la sogs pa ci nus bzlas/ /de las sngags las gri gug 'gyur/ /de yis bcad cing gtubs par bsam/ oM ma hA kA la gu Na hr-i da e ka dza TI hUM phaT/ de nas rtags ni 'byung bar 'gyur/ / rtags ni brtan par gyur pa dang / /gsad pa'i las la 'jug par bya/ /gong gi sngags dang sbyor ba yis/ /gru gsum dkyil 'khor gru gsum la/ /byugs la ral gri gri gug bri/ /gru gsum mdung rtse mda' dang gzhu/ /kha dog nag po byas nas su/ /dgra bo'i gzugs brnyan kho ci 'dra//chus sbrus pa dang chu ngogs la/ /rkang rjes dur khrod thal ba dang / /bdud rtsi lnga dang bag phye dang / /khrag gis sbrus la sor brgyad pa/ /byas la snying gar 'khor lo gzhug /sngags kyi 'od zer la gnod sbyin/ /mo rnams kyis ni dgug par bya//khugs nas gdug pa can la gdab/ /yang na rabs chad thod pa ru/ /'khor lo khrag gis bri bar bya/ /de yi dbus su gri gug bri/ /sngags dang ming spel dug gis dgang / /klu yod gnas su mdze yis 'dzin/ /khrag bkang dur du sbas gyur na/ /rigs rgyud rtsad nas 'chad par 'gyur//zhing la sbas na mi skye 'gyur/ /phur bus gdab cing nyi zla'i bar/ /g.yung drung gtsug gi 'ug pa ru/ /gsod pa'i sems kyis gsod par 'gyur/ /khrag dang dug dang ske tshe dang / /tsha gsum myos byed bdud rtsi sbyar/ /lus kun la ni byugs gyur na//rims nad kun gyis thebs par 'gyur/ /thod khrag bkang la lha rten la/ /bzlas pa 'bum byas phur pas gdab/ /grong khyer nges par 'khrug par 'gyur/ /khrag dang dug gis rab bkang la/ /'gram rtsa dag tu sbas gyur nas/ /grong khyer 'jig par the tshom med//nyi ma yi ni tshes dag la/ /tsha ba'i mar khu rab sbyar nas/ /rkang pa gnyis la byugs byas na/ /bya rog chen po'i sked bcings na/ /skrod pa dag tu 'gyur ba yin/ /grog mkhar dag gi sa dang ni/ /gur kum gi wang yung ba la/ /srin lag khrag gis sbyar byas la//'khor lo legs par bris nas ni/ /spra tshil ling+ga bcug byas nas/ /kha ni nub tu bltas 'gyur te/ /zhag bdun dag gi cho ga yis/ /brgya byin kyang ni dbang du 'gyur/ /da du ra yi phye ma dang / /shing srin zos pa'i phye ma yis/ /sha chen dag la sbyar byas nas//kha ru blugs par gyur pa na/ /nges par smyo ba dag tu 'gyur/ /gri yis btub cing bcad pa dang / /hom khung sbyin sreg cho ga bya/ /rdo la rten bcas dar gyis dkris/ /dben pa'i gnas su bzhugs nas ni/ /me tog nag po la sogs pa//sha chen spos dang gtor mas mchod/ /dam tshig ldan pas byas gyur na/ /rang sems ci 'dod 'grub par 'gyur/ /dpal ldan mgon po nag po yi/ /sgrub thabs byas pa'i phan yon gyis/ /de ni sgrub la dga' ba dang / /myur bar dngos grub thob par 'gyur/