CLOSE WINDOW

D1749
བོད་ཡིག

@##/ /rgya gar skad du/ swab+nA u hA na/ bod skad du/ rmi lam brtag pa/ sangs rgyas la phyag 'tshal lo/ /rmi lam sna tshogs las byung ba/ /de yi brtag pa bshad par bya/ /dang po'i thun la rmi lam byung / /lo gcig nang du 'bras bu 'byin/ /thun gnyis zla ba brgyad bar la//thun gsum zla ba gsum gyi bar/ /thun bzhi zla ba phyed bar du/ /mthong bar 'gyur ba the tshom med/ /skya rengs shar ba'i dus nyid la/ /zhag bcu'i nang du 'bras bu 'byin/ /de rjes rab tu bshad bya ba/ /nyon cig dge dang mi dge'i las/ / bzhon pa ba lang dang ni glang chen zhon pa dang / /khang bzangs ri rtse dang ni nags kyi ljon shing dang / /gru nang 'dug ste pi wang 'dzin par byed pa dang / /kha zas za zhing du byed rtag par dngos po 'thob/ /mtshon chas rdeg dang srog chags phra mos lus khebs dang / /de bzhin lus kyi ljan ljin rnam par dag pa dang //bshang ba'i rjes su 'jug dang lus las khrag 'dzag dang / /rmi lam rnams na bgrod min la zhugs shis pa'o/ /rgyal po glang chen rta mchog dang / /'gron bu glang dang ba rnams dang / /gang gis gnyid kyi mtha' mar mthong //de yi nye du mang por 'gyur/ /shing ljon 'o ma 'bras bu can/ /gang gis gcig pu de la 'dzegs/ /de la 'dug nas gnyid sad na/ /myur du nor ni 'thob par 'gyur/ /gang gis khang bzangs 'dug nas zos/ /de bzhin rgya mtsho brgal ba'i mi//dman pa'i rigs su skyes kyang ni/ /de ni rgyal por 'gyur bar 'ong / /gang zhig rdzing bu'i dkyil du ni/ /pad+ma'i 'dab ma chen po'i nang / /zho dang 'o thug za byed pa/ /sa bdag 'thob par the tshom med/ /mar me rgyal mtshan shing rta gdugs/ /bu mo shing lo 'bras bu zan//gnyid kyi mtha' mar gang gis mthong / /bla na med pa'i dpal thob 'gyur/ /mi dag gi ni sha rnams ni/ /btsos sam ma btsos gang yang rung / /rmi lam du ni gang gis zos/ /nyon cig de yi yon tan gang / /rkang pa zos na lnga brgya ste/ /lag pa zos na stong phrag gcig /stong phrag brgya 'am rgyal srid ni/ /mgo bo zos na thob par 'gyur/ /gang gi rgyu mas grong dang ni/ /yang na grong khyer dkris pa ni/ /grong gcig dkris na rgyal phran thob/ /grong khyer dkris na rgyal po thob/ /lham gnyis dang ni gdugs dang ni//ral gri rnon po dri med dag /thob nas gang zhig gnyid sad na/ /de ni lam du bgrod par bshad/ /gang zhig gru la zhon nas ni/ /zhig pa yin yang yang dag sgrol/ /de yi lam bgrod shes par bya/ /de yang myur du ldog par nges/ /gang gi sa rnams rnam par 'chag /rab tu g.yo ba'i rmi lam ni/ /de yi nor ni brlag par 'ong / /yang na lus la na tsha 'byung / /gang la rnam par gnod byed pa'i/ /rwa can rnams dang mche ba can/ /spre'u 'am yang na phag pa byung / /de la rje bo'i 'jigs pa 'byung / /gang la til mar mngon par byug / 'o ma 'am yang na mar gyis bskus/ /de dang 'dra ba gang yang rung / /de ni nad du rnam par bshad/ /shing rta bong bu rnga mor ldan/ /gang zhig gcig pus de la 'dzegs/ /de stengs 'dug nas gnyid sad na/ /myur du 'chi ba thob par 'gyur/ /bud med gos dmar 'dzin pa dang //phreng ba byug pa dmar po can/ /gang la 'khyud byed rmi lam byung / /de yis mtshan mo phyi ma med/ /bud med gos dkar gon pa dang / /rjes su byug phreng dkar por ldan/ /rmi lam du ni gang la 'khyud/ /de yis dpal ni thams cad 'byung / /nag po'i gos can bud med ni//phreng ba byug pa nag por ldan/ /gang la 'khyud byed rmi lam byung / /de yis dpal ni 'phel bar 'gyur/ /ser po'i gos can bud med gang / /ser po'i phreng dang byug pa can/ /rmi lam du ni gang la 'khyud/ /de yis rgyal srid thob par 'gyur/ /nyi ma'i dkyil 'khor rmi lam du//yang na zla ba gang gis mthong / /nad can nad las grol ba dang / /nad med yin na dpal ldan 'gyur/ /gang zhig dkar po'i sbrul gyis ni/ /lag pa g.yas pa bzung ba na/ /gang la yang dag bcu yi bar/ /de yis nor ni thob par nges/ /rgod ma khyim bya kra uny+tsi//thob nas gang gi gnyid sad na/ /de yis de dus snying sdug 'thob/ /chung ma nye du smra ba can/ /gang gis bzung nas bcings pa dang / /yang na lag pa zhags pas btab/ /de las bu ni thob par 'gyur/ /yang na gnas pa chen por 'gyur/ /bram zer phyugs dang glang chen lha//gzhan dag nag po shin tu ngan/ /thod pa ras bal thal ba rus/ /gzhan rnams dkar po mngon par dga'/ /rta bla mo dang lto 'phye dang / /chu gnas srog chags bzung ba ni/ /rnam par rgyal ba'am dngos po 'thob/ /yang na bu thob rnam par bshad//gang zhig khrag gi btung ba 'thungs/ /yang na chang ni rab tu 'thungs/ /bram ze yin na rig pa thob/ /de las gzhan ni nor thob 'gyur/ /gal te rmi lam 'o ma'am/ /ba yi 'o ma bzhos nas 'thungs/ /de yis 'o ma'i btung ba thob/ /yang na sbyin sreg byed par 'gyur//zho mthong bas ni bde skyid 'byung / /grong mthong nor dang ldan par 'gyur/ /nas kyi sbyin sreg shes par bya/ /yungs kar gyis ni thob par 'gyur/ /me tog ldan na me tog shes/ /'bras bu ldan na blo med blo/ /me 'bar du ba can mthong na//me 'bar ba ni 'jigs par bshad/ /stan dang mal stan bzhon pa dang / /lus po shing rta khyim rnams ni/ /me 'bar 'dug tshe gnyid sad na/ /de yis de yi dpal rnams 'phel/ /rtags la mngon par mchod mthong na/ /de yis bsam pa 'grub par 'gyur//bye brag tu ni sku mthong na/ /de yis lugs las rgyal bar 'gyur/ /lha rnams bram ze can rnams dang / /pha dang rtags can bud med rnams/ /rmi lam du ni mchog gang smras/ /de ni de ltar rnam par bshad/ /gang la lha nyid gar byed dang / / gzhogs stegs rgyug par byed pa rnams/ /de rnams yul bgrod rnam par bshad/ /tsan+dan dmar po'i shing dag la/ /mar gyis byugs la sbyin sreg bya/ /ga ya tri ni stong phrag bzlas/ /de yis zhi ba thob par 'gyur/ /'di ni ngag dbang dgongs pa ste/ /gang gis nang par klog pa de'i/