CLOSE WINDOW

D1748
བོད་ཡིག

rgya gar gyi bla ma te phu pa dang / bod kyi lo tsA ba rma ban chos 'bar gyis bsgyur ba'o// @##/ /rgya gar skad du/ mr-i t+ya pany+tsa no pa de sha/ /bod skad du/ 'chi ba bslu ba'i man ngag /bcom ldan 'das 'phags pa 'jam dpal la phyag 'tshal lo/ / bcom ldan stug po bkod pa nyid du don dam thugs chud cing / /dga' ldan skye bo'i don mdzad phyir ni dam pa tog dkar gyur/ /de nas 'dir ni 'gro ba'i don du shAkya'i tog gyur gang / /'chi bdag las rgyal sgyu ma kun ston de ni rgyal gyur cig /rga dang 'chi ba med pa brnyes//rga shi med par mdzad pa las/ /rga shi med pa thob pa'i phyir/ /rdzogs sangs rgyas la gus par 'dud/ /blo dman rnams kyis rtogs dka' zhing / /g.yo ba'i sems la dka' ba yi/ /'chi bdag slu ba 'chi ltas bcas/ /bstan bcos dang 'brel bshad par bya//'chi bdag rnam kun slu ba ni/ /grol ba nyid la rigs pa yin/ /ma grol ba ni thams cad kyi/ /cung zad dus su bsring ba yin/ /tshe dang dbang po rnams dang sems/ /'gag pa 'chi ba'i mtshan nyid yin/ /thabs kyis yun ring 'tsho ba ni/'chi ba bslu ba zhes bshad do/ /chos spyod dbang po thul ba ni/ /'khor ba ru ni ji srid 'tsho/ /de srid bsod nams la sogs tshogs/ /byang chub sgrub byed rab tu skye/ /'khor bar srog las gces pa ni/ /ci yang yod par ma mthong ste/ /de bas myur du thabs mang pos//'chi ba bslu ba kun du spyod/ /gang phyir rigs par thabs sbyar ba/ /dka' ba cung zad yod ma yin/ /nor bu sngags dang sman rnams kyi/ /mthu ni thams cad 'dod pa yin/ /'chi ba'i mtshan nyid las ring nas/ /shes par byas nas rigs pas bcos/ / spyi bor thog ni 'bab pa la/ /rab tu mkhas kyang ci byar yod/ /phyi dang nang gi dbye ba yi/ /'chi ba'i mtshan nyid rnam pa gnyis/ /gang gis 'chi bar 'gyur ba ni/ /shes 'gyur brtson pas de shes bya/ /gal te 'ga' zhig 'chi ba yi/ /mtshan nyid shes par 'dod gyur na/ / der ni bder gnas lus las ni/ /shes bya gzhan du yid gnyis 'gyur/ /khams mi snyoms dang 'dod chags dang / /rab rib la sogs dbang gyur dang / /'jigs dang mya ngan sogs pa'i rgyus/ /gang phyir gzhan du so sor snang / /lha dang 'byung ba gnyis ka ni/ / 'khrugs pas 'chi ba'i mtshan nyid gsum/ /'thob las 'chi ltas byung gyur pa'i/ /dbye ba de bas shes par bya/ /phyi dang nang gi dbye ba yis/ /lha 'khrugs pa ni gnyis su 'dod/ /de bzhin 'byung ba 'khrugs pa ni/ /rnam pa gnyis su brtag par bya/ /lha rnams kun 'khrugs las 'chi ba//lha las gyur pa yin par bshad/ /lha 'khrugs pa las mu ge sogs/ /thog babs la sogs mtshan nyid yin/ /'byung ba 'khrugs pas 'chi ba ni/ /'byung ba las gyur zhes bya bshad/ /'byung ba 'khrugs pas mkhris sogs dang / / me dang chu sogs 'tshe ba yin/ /gnyi ga 'khrugs pas 'chi ba dang / /gnyi ga las gyur pa zhes bshad/ /gnyis ka 'khrugs pas thog 'bab sogs/ /mkhris pa bad kan sogs gnod pa'o/ /'chi ltas rnams ni mtha' yas phyir/ /cig car 'byung bar mi 'dod pa//kun la'ang rim gyis ma yin gyis/ /'on kyang gcig sogs grangs kyis so/ /gang du mtshan nyid mthong gyur kyang / /la lar 'chi bar mi 'gyur snang / /'khrul med der ni chos la sogs/ /gnod pa'i bar chod yin par brtag /gang du mtshan nyid ma mthong bar//la lar 'chi ba snang gyur pa/ /der ni nges med par nges kyi/ /mtshan nyid med pa nyid ma yin/ /'chi ba thag ring nas des byed/ /grags pa chen po nyid du gyur/ /ci nus par ni yongs gtong dang / /gso ba'i thabs la'ang 'jug par byed/ /rtag tu mnyam par bzhag gyur pas//de ltar rtse gcig yid du bya/ /dang po re zhig phyi yi ni/ /mtshan nyid nye bar brtag par bya/ /mtshan nyid kyis ni yongs nges pa'i/ /dus ni rnam pa gnyis su 'dod/ /de yang nges dang ma nges pa/ /zhes bya 'bad de shes par bya/ /'pho ba dang ni bco lnga sogs/ /nad pa la sogs skad cig bdag /dus ni nges pa zhes bshad de/ /go bzlog pa las ma nges pa'o/ /'gram pa'i mtshams ni rab g.yo na/ /'chi bar rab tu ston pa yin/ /rlung dang grang sogs phrad pa las/ /mtshan nyid 'di las gzhan du brtag /dbyar zla 'bring po karka'i khyim//dgun zla 'bring po chu srin 'dod/ /karka Ta dang chu srin la'ang / /'chi ba'i mtshan nyid 'byung ba yin/ /dbyar zla 'bring po 'pho ba'i zhag /nyi ma phyed la rkang pa'i tshad/ /byang du bltas te gnas pa yi/ /grib ma rang gi rang bzhin yin/ /dgun zla 'bring po 'pho ba'i zhag /de nyid rkang tshad bdun du 'gyur/ /sprin med nam mkhar nyin phyed na/ /grib ma dag ni brtag par bya/ /zla ba re re rkang re 'phel/ /zla ba re zhing rkang re 'grib/ /'di las gzhan du 'gyur na ni/ /'chi ba'i dogs pa rab tu bskyed/ /dbyar zla 'bring nas chu srin bar//rkang pa re re 'phel ba yin/ /chu srin nas ni karka'i bar/ /rkang pa re re 'grib par 'gyur/ /dbyar zla 'bring nas rim gyis 'phel/ /de bzhin dgun zla 'bring rim 'grib/ /grib ma'i 'gyur ba mthong nas ni/ /zla ba gcig na 'chi bar nges/ /'grib pa'i dus su 'phel ba dang //gal te 'phel ba'i dus su 'grib/ /dus de nyid nas brtsams nas ni/ /zla ba gcig na 'chi bar nges/ /'phel ba'i dus su rab 'phel na/ /sna tshogs nad kyis gtses par 'gyur/ /'grib pa'i dus su'ang rab 'grib na/ /'chi ba nyid du the tshom med//dbyar zla dgun zla 'bring gi mthar/ /dang po karka Ta dang nya'i/ /nyi ma drug drug gang yin 'dir/ /dus dang dus min nges par brtag /dbyar zla 'bring sogs nyin zhag dus/ /dbyar zla tha chungs sogs bzang ngan/ /dgun zla 'bring po'i zhag lhag la'ang //dgun zla tha chungs sogs bzang ngan/ /rkang mthil dag tu phug snyam dang / /gang tshe lte ba phug snyam gyur/ /nyin zhag gsum gyi 'og tu ni/ /'chi ba nyid du 'gyur ba yin/ /rkang pa dag ni mthil phug nas/ /gal te mig kyang phug snyam na/ /de tshe zla ba gsum gyi ni//rjes la gshin rje'i khyim du 'gro/ /gal te rkang mthil gnyis phug nas/ /sna rtse'i bar du phug snyam na/ /de tshe nges par zhag gsum nas/ /gcig tu 'chi bar 'gyur ba yin/ /bshang dang gci ba'i dus dag tu/ /dus mtshungs sbrid pa byung gyur na//dus ni de nyid nas bzung ste/ /de ni lo gcig dag na 'chi/ /ltag khung dag tu phug snyam na/ /zhag lnga nas ni 'chi bar 'gyur/ /mig gis lce rtse ma mthong na/ /zhag gsum na ni 'chi bar 'gyur/ /sna rtse rgyun du 'bigs snyam na/ /zla ba bzhin 'chi bar 'gyur//mdzod spu'i gnas su phug snyam na/ /nges par 'phral du 'chi bar 'gyur/ /gang tshe g.yas dang g.yon par ni/ /dus mtshungs par ni zug 'gyur ba/ /de tshe zla ba gcig na 'chi/ /de bas bsod nams dag ni bsag /mtshan ni gnyi ga sbyor ba na/ / bar dang tha mar sbrid pa dang / /mnyam par 'byung 'gyur de yi tshe/ /zla ba lnga na 'chi bar 'gyur/ /lag pa rkang pa nyid dag gi /mthe'u chung dag gi tshigs rnams ni/ /bzhi po dus gcig zug snyam pa/ /de ni zla ba gcig na 'chi/ /gang tshe snying ga lkog ma yi/ /bar du dus mtshungs par zug 'gyur//gal te chos la mi brten na/ /zla ba phyed dang gnyis na 'chi/ /gal te mthil gsum yang dag yang / /dus mtshungs par ni zug 'gyur na/ /gal te brgya byin mtshungs pa yang / /zhag gsum na ni 'chi bar 'gyur/ /gang gis mig ni g.yon pa yi//gzugs ni me long la ma mthong / /gal te 'chos par mi byed na/ /zhag bdun na ni nges par 'chi/ /'khrig spyod tshe na dril bu yi/ /sgra ni rna ba dag gis thos/ /gal te tshangs pa dang mnyam pa'ang / /de tshe zla ba gsum gyis 'chi/ /yar ngo yi ni tshes gcig la//gal te khu ba nag por mthong / /de tshe zla ba drug na 'chi/ /dmar pos nad kyis 'debs par ston/ /sna rtse dang ni smin ma'i bar/ /spyi bo'i rtse mor so sor ni/ /zug 'gyur gal te zlog mi byed/ /de tshe 'phral du 'chi bar 'gyur/ /rkang pa'i mthe'u nas brtsams nas//lte ba yi ni mthar thug par/ /zug cing tsha bar bcas 'gyur te/ /zla ba drug na nges par 'chi/ /rkang pa'i mthe bo nas snying ga /lkog ma'am yang na mgo mthar zug /rim bzhin zla phyed zla ba gsum/ /nyin zhag gcig gis 'chi bar 'gyur/ /sna rtse'i sha ni lhod gyur na//zhag bdun na ni 'chi bar 'gyur/ /mkhur tshos sha ni chad gyur na/ /zla ba lnga na 'chi bar 'gyur/ /mig dang sna gong dag gi bar/ /mgul pa mthong bar ma gyur na/ /zhag lnga nas ni 'chi 'gyur bas/ /chos kyi rgyags ni bskur bar bya//mig gnyis mig 'bras dri ma chags/ /gal te 'phral du 'byung 'gyur na/ /slar 'chos par ni mi byed na/ /zla ba drug gi nang du 'chi/ /glo bur du ni sna yo zhing / /rna ba rang gi gnas nas bskyod/ /mig kyang zlum por gyur na ni/ /zhag bdun nas ni 'chi bar ston//glo bur du ni snying ga dma'/ /de tshe zla ba phyed na 'chi/ /mgrin pa'i ngos gnyis rtsa dag ni/ /chad pa dag kyang zla phyed na'o/ /gal te lce yi dbus su ni/ /ri mo nag po glo bur byung / /so dag dam du 'thams pa ni/ /de tshe nyin zhag gnyis na 'chi/ /rna ba'i 'khor nang rgyab kyi ni//rtsa ni chad par snang gyur na/ /nyin zhag de'am yang na ni/ /zhag lnga na ni 'chi bar 'gyur/ /sen mo'i kha dog dmar po dag /'phral du med par gyur na ni/ /gal te sngags sogs la ma sbyangs/ /de tshe zla ba drug na 'chi/ /glo bur du ni sgom 'gyur dang //rdeg cing khro dang 'jigs pas 'khrugs/ /gal te chos ni ma bsten gang / /de ni lo gcig dag na 'chi/ /dbang po rnams ni rang gi yul/ /ji bzhin 'dzin par mi byed dang / /tshig ni yang yang 'khrul pa dang / /blo yang yang dang yang du 'khrul//mig las rtag tu 'dzag pa dang / /gzugs mthong na yang 'khrul pa dang / /me long ngam ni yang na chur/ /rang gi grib ma ma mthong dang / /mtshan mo'i dus su gzha' dang ni/ /nyin par skar ma'i tshogs mthong dang / /sprin med par ni lho phyogs na/ / gnas pa'i glog 'gyur mthong ba dang / /nyin par grib ma'i lam dang ni/ /de bzhin skar ma lhung ba mthong / /ngang pa bya rog rma bya ni/ /gcig ni 'dres par mthong ba dang / /zla ba gnyis dang nyi ma gnyis/ /de bzhin rang gi mgo bor 'bar/ /shing rtse ri bo'i rtse la ni//dri za'i grong khyer mthong ba dang / /yi dags sha za 'jigs rung ba'i/ /gzhan dag kyang ni mthong 'gyur dang / /shin tu 'dar bar 'gyur ba dang / /yang dang yang du brgyal ba dang / /skyugs pa bshang dang gci ba na/ /gser ram dngul gyi mdog tu mthong / /de yis re re mthong 'gyur na'ang //zla ba gcig gis 'chi bar 'gyur/ /lkog ma mchu dang rkan dang lce/ /chod dang bu ga de bzhin lus/ /mthong na de bzhin zla drug gi /nang du nges par 'chi bar 'gyur/ /gre ba mchu dang rkan dang lce/ /rgyun du so sor skams na ni/ / de ni zla drug nang du ni/ /nges par 'chi bar ston pa yin/ /skar ma'i tshogs dang drang srong bdun/ /phyogs su mtshan mo ma mthong ngam/ /lus ni glo bur 'bar 'gyur na/ /zhag bdun na ni 'chi bar 'gyur/ /sgrib med dang ni snar ma dang / /bstan dang de bzhin grib pa'i lam//mtshan mo glo bur du ba mthong / /zla ba drug la 'chi bar 'gyur/ /zla ba ra ri med pa dang / /nyi ma 'od dang bral ba dang / /me ni sna tshogs 'od bcas dang / /zla ba yang ni 'od zer bcas/ /mtshan mo nyi ma nyin par mtshan/ /de bzhin rang mig 'bar ba dang / /skar ma ri rab dag gi tshad//rgya mtsho chu bo lta bu dang / /lte ba'i skyibs su bshang sgo la/ /sbrid pa bzhin mdog pad+ma dang / /lkog mar 'brum pa dmar po dang / /lus la kha dog sna tshogs dang / /snying ga nas smre mchi mar bcas/ /yang na rkan ni 'gul pa dang / /zla zer me ltar 'tsher ba dang //nyi zer kha ba lta bur bsil/ /zla ba nyi ma'i bu ga dang / /sa dang gnam gyi bu ga dang / /gang zhig bdag nyid kho nas mthong / /de ni zla phyed nas 'chi mthong / /khu ba dang ni bshang gci rnams/ /dus ni mtshungs par 'bab 'gyur na/ /lo gcig nas 'chi de la ni//sman pa'i thabs kyis gso bar bya/ /gang gi lus ni phyed dag ni/ /grang zhing de bzhin phyed dro na/ /zhag bdun nas ni 'chi 'gyur gyis/ /'jig rten pha rol rnam bsam bya/ /ha zhes bya ba grang bar tshor/ /phu ni me dang 'dra 'gyur na/ /gang gis nyams su myong ba de//zhag bcu nas ni gshin rje mthong / /srin lag gi ni rtsa ba ru/ /ri mo nag po mthong 'gyur na/ /zhag ni bco brgyad 'og tu ni/ /sngon las nges par 'chi bar 'gyur/ /gang gi mgo bor rtsangs pa ni/ /kha dog gsum pa 'dzegs nas su//myur du 'gro bar byed pa na/ /zla ba lnga las nges par 'chi/ /lag pa gnyis kyis mnyes pa yi/ /lus kyi sgra ni mi thos shing / /yan lag thams cad grang gyur pa/ /zhag bcu na ni 'chi bar 'gyur/ /gang gi byin pa lag pa ni/ /cig car bskyod cing 'gro ba dang //tshangs pa'i skud pa med gyur na/ /de ni lo gcig dag nas 'chi/ /'dam mam sa rdul phyogs su ni/ /rkang pa'i mdun nam yang rgyab na/ /rkang rjes dum bu ma tshang ba/ /zla ba bzhi nas 'chi bar 'gyur/ /skyes bu gnag dang dmar ser gyi//mdog can glo bur dag tu mthong / /gal te 'khrul 'gyur ma yin na/ /lo gsum 'das nas 'chi bar 'gyur/ /snying ga rkang pa bkrus ma thag /skams na zla ba gnyis na 'chi/ /mi sdug par snang dri nga ba/ /byung na nyin zhag gsum na 'chi/ /nyi ma tsha bar chu yis ni//kha yi nang ni bkang nas kyang / /nyin re phu ni 'debs pa na/ /rim gyis de dbus gnas pa yi/ /dbang po'i gzhu ni sna tshogs mthong / /skyes bu rtag tu tshe ring zhing / /zla drug tshe yod de mi mthong / /de ltar mtshan ma sna tshogs nyid/ /mdun gyi nam mkha'i dbus su ni//mu tig phreng ba chad pa 'dra'i/ /mu tig rdog mas brgyan pa ni/ /nyi ma gsal ba'i tshe ni mthong / /mthing ga'i nor bu mdog 'dra la/ /skra shad 'dzengs pa lta bu ni/ /mthong bar gyur pa'i phyogs nas ni/ /phyogs gzhan du ni 'gro ba dang //klu ni du mar gtser ba dag /rtag tu mthong bar 'gyur ba yin/ /de ma mthong na zla drug gis/ /'chi ba ru ni nges par bsgrags/ /snga dro'am yang ni phyi dro'am/ /zla zer dag la yun ring du/ /dpung pa brgyangs pa'i grib ma la/ /bltas te rim gyis mkha' la blta//der yang grib ma mi gzugs ni/ /grib ma skya bo mthong 'gyur la/ /de mi mgo bo ma mthong na/ /lo gcig gi ni nang du 'chi/ /lag pa g.yon pa ma mthong na/ /bu dang chung ma brlag par 'gyur/ /lag g.yas ma mthong ba yis kyang / /pha dang spun zla sogs chen 'chi//lag gnyis pus mo'i steng bzhag pa/ /byas nas spyi bor thal sbyar ba/ /de gnyis dbus na chu shing gi/ /'bras bu lta bu'i grib ma mthong / /gang tshe de las 'dab ma gcig /yongs su kha bye snang gyur pa/ /nges par chos ni de nyid kyi/ / zla ba drug na 'chi bar 'gyur/ /rlung ni nyi ma'i lam 'gro las/ /rna ba mgo dang mig las ni/ /sgra dang du ba de bzhin 'od/ /gsum po 'di dag brtag par bya/ /rna ba shin tu dam por dgab/ /zab cing 'ur 'ur sgra grag pa/ /nyin zhag lnga'am bcu'am ni/ /bco lnga nyin zhag nyi shu'am//nyi shu rtsa lnga nyid kyi ni/ /bar du thos par ma gyur na/ /mda' dang rgya mtsho yon tan mig /zla lor go rims bzhin du 'chi/ /'di rnams kyi yang bar rnams su/ /nyin zhag bcu drug dor bar bya/ /lo nyid kyi ni cha lnga yi/ /go rims bzhin du bskyed pas so/spyi bo'i steng nas byung ba ni/ /du ba'i phreng ba zhag bdun ni/ /gang gis mthong bar ma gyur de/ /lo gsum nas ni 'chi bar 'gyur/ /rang mig dag gi phyogs bzhir ni/ /sor mos mnan na byi la yi/ /mig dang 'dra ba'i snang ba ni/ /yud kyi rim pas mthong bar 'gyur//ma btsir bar yang de mthong na/ /zhag brgyad na ni 'chi bar 'gyur/ /'di dag spyir ni shes bya ste/ /khyad par 'di yang brjod par bya/ /zla ba'i 'og dang de yi steng / /rna ba sna dang nye bar ni/ /snang ba ma mthong mdor bsdu na/ /drug gsum gnyis gcig zla bas 'chi//nyi ma'ang gal te zla ba yi/ /rim 'gyur de tshe snga ma bzhin/ /phyogs mda' yon tan mig gi ni/ /nyin zhag rnams su 'chi bar 'gyur/ /rang gi rang bzhin 'gyur ba las/ /zla ba drug ma 'chi bar 'gyur/ /sna yi rtse mo ma mthong na/ /zla ba lnga na 'chi bar 'gyur//rna ba gnyis ni 'on gyur na/ /zla ba bzhi ni 'das nas 'chi/ /dbang po dar gnas pa las 'gyel/ /zla ba gsum na 'chi bar 'gyur/ /smin mtshams bar du snang ba mthong / /zla ba gnyis na gshin rje mthong / /'khrig pa'i 'bras bu zad 'gyur na//zla gcig 'das nas 'chi bar 'gyur/ /gzhan gyi mig la gzugs brnyan ni/ /ma mthong zla ba phyed na 'chi/ /lce ni bskyod par mi nus na/ /zhag bcu nas ni 'chi bar 'gyur/ /lto ba ldog gyur zhag lnga nas/ /'chi bdag dang ni phrad par 'gyur//rtsib logs gnyis las drangs snyam na/ /zhag gsum nas ni 'chi bar 'gyur/ /lus kun rengs par gyur na ni/ /zhag gcig na ni 'chi bar 'gyur/ /dpral bar gnas pa'i ri mo gsum/ /med 'gyur zhag ni gsum nas 'chi/ /bde bar gnas par lce'u chung ni//reg pa mi tshor skams pa ni/ /nyin zhag lnga yi bar 'gyur te/ /nyin zhag lnga bcu dag ni 'chi/ /ro skyur ba la sogs pa dang / /kha dog las ni sngo la sogs/ /khu ba gcin ni 'gyur ba las/ /zla ba drug na 'chi bar 'gyur/ /cig car rgyun ni lnga pa'am//g.yon nas 'khor zhing dri nga bar/ /gang gi gcin ni 'byung 'gyur ba/ /de ni zla ba drug na 'chi/ /zla ba yar ngo'am mar ngo la/ /gal te khu ba nag por 'gyur/ /'on te slar gsor ma byas na/ /zla ba drug na 'chi bar 'gyur/ /nag po'i cha ni yongs spangs te/ / dkar po'i cha nas blangs nas su/ /sna bug g.yon nas rlung rgyu'i tshe/ /bcug nas slar gsor 'gyur ba yin/ /rang gi lus ni brtan 'gyur kyang / /gal te grib ma yo na ni/ /zla ba bzhi na 'chi 'gyur zhes/ /lung la mkhas pa rnams kyis bshad/ /grib ma lho phyogs 'gro bar ni/ /gal te bdag nyid kyis mthong na//bdag nyid de nyid 'chi'o zhes/ /de ltar mi rtag pa nyid mthong / /don med pa dang bslu ba dang / /log pa la sogs par bshad pas/ /rmi lam thams cad bden min yang / /de la ma dang rigs ma yin/ /rmi lam dag tu lhas bstan dang / / yang na rmi lam bden mthong mis/ /rmi lam yid ches byas nas su/ /'chi ba'i mtshan ma blta bar bya/ /rgya skyegs ko bi da ra dang / /ka ra bI ra me tog rgyas/ rmi lam mthar ni gang zhig 'dzeg /de ni zla ba drug na 'chi/ /mi ni gang zhig rmi lam mthar/ /lha gang gi ni mchod sdong ngam//bye ma'am thal phung la 'dzeg pa/ /de ni snga ma bzhin du 'chi/ /bong bu la ni zhon nas su/ /lho phyogs su ni rab song nas/ /slar yang ldog par ma gyur pa/ /de yi srog kyang de bzhin no/ /gang yang spre'u la zhon nas/ /lho phyogs su ni 'gro byed cing //der gnas bzhin du sad na ni/ /de ni snga ma bzhin du 'chi/ /shing rings mchod rten srog shing ngam/ /grog mkhar phyag dar khrod phung la/ /mi ni gang zhig 'dzeg 'gyur ba/ /de ni zla drug las mi 'tsho/ /bu mo nag mo rab khros nas/ /gang zhig bcings pas 'chi ba ni//de ni dus mtshan yin zhes bya/ /zhag bdun nas ni 'chi byed yin/ /bud med gang zhig gos gnag cing / /mdog gnag mi ni 'dod spyod la/ /ka ra bI ra'i phreng ba rmis/ /de ni gshin rje'i gnas su 'gro/ /rmi lam du ni mun pa'am/ /g.yang sa'am de bzhin btson rar 'jug /rmi lam du ni shing las lhung / /de ni 'chi bdag gan na gnas/ /gnyid log lus dang mgo bo la/ /ljon shing rtswa 'am shing dag ni/ /'bras bu med par gang gis mthong / /zla drug las ni mi 'tshe'o/ /mi ni gang zhig spre'u yi/ /bzhon pa la zhon shar phyogs 'gro//sad par gyur na de yi ni/ /mtshan mo tha ma yin zhes bya/ /khyi khra bya rgod ce spyang dang / /srin po yi dags sha za yis/ /zos dang bong bu phag rnga mo/ /ma he spyon te khyer ba ni/ /de ni nges par lo gcig nas/ /'chi ba ru ni ston pa yin/ /rmi lam mtshan ma mthong na ni//sgyu ma lta bu'i blos zhi bya/ /mi ni lcags kyi dbyig pa thog /gnag cing gos ni nag po gyon/ /gnyid log pa yi mdun na mthong / /zla ba gsum na 'chi bar 'gyur/ /lus ni dri dmar gyis byugs shing / /phreng ba dmar pos rnam par brgyan/ / til mar gyis bskus shin tu skrag /skra bregs gos ni dmar po gyon/ /bong bu zhon te mgyogs par ni/ /lho yi phyogs su 'gro 'gyur bar/ /bdag nyid 'di 'drar rmi lam na/ /mthong na zla ba drug la 'chi/ /dri dang phreng ba dmar po'am/ /yang na gos ni dmar po'am//gang gi rmi lam dag tu rnyed/ /de ni zla ba brgyad na 'chi/ /phyi rol gyi ni 'chi ba yi/ /mtshan ma grangs las 'das pa ni/ /lo brgyad yang ni kha cig gis/ /smra bar yang ni su yis nus/ /'chi bar ston par byed pa yi/ /phyi yi rtags ni ji ltar bshad//'di dag shes byas sngags sogs kyis/ /bslu ba'i 'bad par myur du bya/ /slob dpon ngag gi dbang phyug grags pas sbyar ba'i 'chi ba bslu ba bstan pa las le'u dang po'o// //da ni nang gi 'chi ba yi/ /mtshan nyid gsal bar brjod par bya/ /de ni rlung byung las shes bya//rlung ni kha dang sna spyod yul/ /ji srid nang gi mtshan nyid ni/ /legs par nges par ma byas par/ /phyi yi mtshan nyid tsam gyis ni/ /'chi ba'i nges pa legs mi rnyed/ /'chi ba'i nges pa gnyi ga ni/ /nges byas yongs su gsal ba yin/ /phyi rol blo ni phyin ci log /nad la sogs pa'i dogs pa skyed/ /dgun zla 'bring sogs 'pho ba yi/ /zla ba nya sogs thams cad la/ /'chi ba'i mtshan nyid spyi yi ni/ /nang par thog mar brtag par bya/ /mi ni rtog byed nyin zhag ni/ /gang la nges par rtog par byed/ /nyin zhag de nas brtsams nas ni//dus 'das pa ni 'chi bar 'gyur/ /rang bzhin tha mal dang ldan pa'i/ /srog chags kun la rtag tu ni/ /sna khung g.yas dang g.yon pa la/ /so sor brten pa'i rlung rgyu ba/ /nyi ma zla ba zhes bya ba/ /rlung ni thun phyed dag tu rgyu/ /de las bzlog pas 'chi ba sogs//mkhas pa rnams kyis brtag par bya/ /tshes gcig nas ni brtsams nas su/ /zla bar gtogs pa dkar por rgyu/ /rlung ni nyi ma gsum yin te/ /de nas zhag gsum nyi ma yi/ /slar yang zla bas nyin gsum ste/ /de nas nyi mar zhag gsum mo/ / yar ngo'i zla ba nya yi bar/ /go rims 'dis ni nges pa yin/ /de bzhin mar ngo nas brtsams te/ /nyi mar rlung ni rgyu ba yin/ /cig shos kyi ni bco lnga'i bar/ /nyi ma gsum gsum snga ma bzhin/ /go rims 'di las bzlog par blta/ /zla ba phyed dang gnyis par nges/ / zla ba drug nas 'chi 'gyur ba/ /de phyir chos ni dran par bya/ /zla ba gcig ni go bzlog pas/ /gnyen dang bshes ni rgud par 'gyur/ /zla phyed phyin ci log gyur pas/ /nad ni mi bzad 'byung bar 'gyur/ /nyin gcig nyin gsum bzhi dang lnga/ /zhag drug go ni bzlog pa ru//rlung ni gal te rgyu gyur na/ /de tshe rtsod dang skye sogs 'byung / /rang bzhin yongs su spangs na ni/ /lam gsum rtogs par rlung rgyu na/ /slar gso ba ni nus pa min/ /nyi ma phyed ni 'das nas 'chi/ /rlung ni 'pho ba med pa ru/ /lam ni gnyis po dag las kyang / /zhag bcu'i bar du rgyu gyur na//'pho ba'i tshe na de 'chi yi/ /nyin zhag mnyam 'dra skad cig 'thob/ /gang gi mig ni 'gul gyur pa/ /de yi srog ni nyin zhag ni/ /gcig na 'jig par gdon mi za/ /thun phyed kyi ni bar dag tu/ /phan tshun du ni lam mang zhing / /rlung rgyu de las mchod pa dag /thob pa nyid du shes par bya/ /gang gi 'pho ba lnga po ni/ /'das par kha ru rgyu gyur pa/ /rlung de las ni nor brlag pa'am/ /mi dga' ba'am 'jigs sogs 'byung / /sna yi khung bu g.yon pa'i rlung / /'pho ba yang ni bcu gsum ni/ /'das par gang gi rgyu gyur pa//de la nad sogs skye bar 'gyur/ /sna khung gnyi ga'i yongs spangs te/ /gang tshe khar ni rgyu gyur na/ /gal te rdo rje 'dra na'ang 'di/ /nyin zhag de las 'tsho ma yin/ /dgun zla ra ba'i 'pho ba yi/ /dus nas brtsams te rlung dag ni/ /nyi mar zhag lnga rgyu gyur na/ / lo ni bco brgyad nyid nas 'chi/ /ston zla 'bring po'i 'pho ba yi/ /dus nas brtsams te rlung dag ni/ /zhag lnga'i bar du rgyu gyur na/ /lo ni bco lnga nyid nas 'chi/ /dbyar zla tha chungs yang de bzhin/ /lo ni bcu gnyis nyid nas 'chi/ /dbyar zla ra ba'ang de bzhin 'gyur/ / lo dgu nyid nas 'chi bar 'gyur/ /dpyid zla 'bring po'i 'pho ba yi/ /dus nas brtsams te gal te ni/ /zhag lnga'i bar du rgyu gyur na/ /de tshe lo drug nyid nas 'chi/ /dgun zla 'bring po 'pho ba yi/ /rlung ni zhag lnga rgyu gyur na/ /lo gsum 'das nas 'chi bar ni//de ltar dus la mkhas pas bshad/ /thams cad du ni zhag gnyis gsum/ /bzhi yi bar du rlung rgyu na/ /go rims dag ni ji bzhin du/ /lo yi cha yis de des bya/ /zla ba ru ni de bzhin du/ /rlung rgyu na ni 'chi ma rtogs/ /nad dang mu ge'i dgon pa dang //mya ngan brgyal sogs 'tshe ba 'byung / /spyi yi dus ni legs rtogs pas/ /gsal ba 'di ni bstan pa yin/ /khyad par du ni brtag pa'i phyir/ /rgyu ba gzhan dag bstan par bya/ /mnyam po mdun du nyi ma song / /gal te skye ba'i skar zla ba/ /dus ni rgyas pa zhes bya ste//'chi ba'i nges pa byed pa yin/ /mi ni khyim gang las skyes pas/ /de dang gzhan la mdun gang yin/ /mnyam po bdun zhes bya bar bshad/ /der ni nyi ma mnyam bdun rtogs/ /khyim de nyid du zla ba ni/ /skye ba'i skar mar song 'gyur ba/ /rgyas pa'i dus zhes bya ba ste//der ni 'chi bar brtag par bya/ /rlung ni nang du rtogs pa dag /nyi ma'i lam ni thams cad du/ /cig shos 'dir ni dus min par/ /mkhas pas dus ni brtag par bya/ /rlung ni skad cig dus gang la/ /bgrod pa gzhan du 'jug 'gyur na/ / dus 'dir skad cig rdzogs 'gyur na/ /'chi 'gyur 'di la the tshom med/ /gal te rlung ni nyi mar rtogs/ /rgyas pa'i dus su nyin phyed rgyu/ /de tshe lo ni bcu bzhi nas/ /'chi ba nyid du shes par bya/ /nyin gcig tu ni nyin mtshan dang / /nyin zhag gnyis dang gsum dang bzhir//gal te rgyu na nyi ma phyogs/ /ri bo lo drug rig byed 'chi/ /zhag lnga de bzhin zhag bcu dang / /nyin zhag bco lnga'i bar du ni/ /gal te rgyu na go rims bzhin/ /lo gsum gnyis dang gcig gis 'chi/ /de bzhin nyi shu nyi shu lnga/ /gal te rlung ni rgyu gyur na//go rims bzhin du zla drug dang / /zla ba gsum gyis 'chi bar 'gyur/ /gal te nyi shu drug bdun brgyad/ /nyin zhag nyi shu rtsa dgu rgyu/ /zla ba gnyis gcig zla phyed dang / /zhag bcus rim gyis 'chi bar 'gyur/ /gal te nyin zhag sum cu dang / /sum cu gcig dang sum cu gnyis//de tshe go rims ji bzhin du/ /nyin zhag gsum dang gnyis nas 'chi/ /nyin zhag sum cu rtsa gsum bar/ /gal te nyi mar rlung rgyu na/ /nyin zhag de nyid la 'chi bar/ /khyab 'jug yin yang the tshom med/ /nyin zhag lnga nas nyi shu lngar/ /bar bar gyi ni nyin zhag la//grangs ni bcu drug ma bshad par/ /dor ba de rnams brjod par bya/ /zhag gsum rgyu na lo gsum nas/ /nyi shu rtsa bzhir dor bas so/ /nyin bdun rgyu bas lo gsum nas/ /sngar bshad nyis 'gyur dbri bas so/ /gal te zhag brgyad par rgyu na/ / gnyis dang zhag ni bcu gnyis dbri/ /zhag dgu rgyu na lo gsum las/ /nyin zhag dgu bcu rtsa dgu dor/ /rlung ni nyi ma'i spyod yul du/ /gal te zhag ni bcu gcig rgyu/ /lo gnyis nyin zhag nyi shu bzhis/ /ma tshang ba na 'chi bar 'gyur/ /zhag ni bcu gnyis lo gnyis las//snga ma nyis 'gyur gyis chung bas/ /zhag ni bcu gsum lo gnyis las/ /zla gnyis zhag ni bcu gnyis dbri/ /zhag ni bcu gnyis lo gnyis las/ /zla gsum zhag ni drug gis dbri/ /nyin zhag bcu drug rgyu na ni/ /lo gcig zhag ni bcu gnyis dbri/ /rlung ni nyi ma'i spyod yul du//nyin zhag bcu bdun rgyu gyur na/ /lo gcig zhag ni nyi shu bzhis/ /ma tshang ba ni 'chi bar 'gyur/ /zhag bco brgyad kyi lo gcig ni/ /zla ba gcig drug dor bas so/ /bcu dgu rgyu na lo gcig las/ /bzhi bcu rtsa brgyad phri bas so/ /nyi shu gcig zla drug las ni//zhag drug ma tshang ba yis so/ /nyi shu rtsa gnyis zla drug las/ /zhag bcu gnyis ni dor bas so/ /nyin zhag nyi shu rtsa gsum rgyu/ /bco brgyad rnam par dor bas so/ /zhag ni nyi shu rtsa bzhi rgyu/ /nyin zhag nyi shu rtsa bzhis so/ /nyin zhag sum cu gsum de bzhin//'chi ba'i mtshan nyid 'byung ba yin/ /rlung 'byung dbang las shes bya ba/ /de yan chad ni yod ma yin/ /'dir bshad pa/ dang po nyi ma phyed byas nyi ma rangs pa yang ni nyin mtshan dag gi bar du rgyu/ /de las zhag gnyis dang ni zhag gsum 'on te zhag bzhi khyab pa'i bar du ni//nyi ma la ni g.yon pa min la rlung ni rngubs la brten te gang zhig rgyu gyur na/ /de las gnas dang nyi ma phyogs dang bkra shis drug dang bzhi ni 'di shes bya/ /lnga las nyi shu rtsa lnga nyin zhag lnga lngas 'dzegs par 'gyur las ji bzhin 'phel/ / de las re re bskyed pa'i chu ni sum 'gyur byas pa gsum gyis lhag pa kho na'i bar/ /rgyas pa'i dus su de la lo ni gsum mig zla ba drug gsum zung dang zla ba ru/ /lhag ma tshes dang phyogs dang zla ba yon tan zung dang zla bar 'tsho ba yin/ /'khor lo rim gsum bris nas ni/ / re mig sum cu rtsa gsum bcas/ /tshe dang srog gi rlung dag dang / /nyin zhag mtshan ma rim bzhin bri/ /de ltar bdag gis nang gi 'chi ba'i mtshan ma ni/ /ming gzhan 'chi ltas zhes bya 'dir ni bshad pa yin/ /de rnams shes par byas la mod la myur du ni/ /bsam gtan sogs kyis 'chi ba bslu nyid 'bad de bya//slob dpon ngag gi dbang phyug grags pas sbyar ba'i 'chi ba bslu ba bstan pa las le'u gnyis pa'o// //phyi dang nang gi bdag nyid can/ /'chi ltas tshogs ni shes byas las/ /phyi dang nang gi bdag nyid la'ang / / bslu ba'i bsdus pa shes par bya/ /lus dang ngag gi las kyi phyir/ /bsam gtan las kyis nang gi yin/ /nor bu sngags sman phyi yi ste/ /rnal 'byor nus pas nang yin no/ /'chi bdag bslu ba 'bad pa ni/ /dad pa yis ni byed par nus/ /de bas dad pa brtan par bya//gzhan du ngal ba don med 'gyur/ /dad dang bral ba lha yis kyang / /lus kyis sdug bsngal sna tshogs dang / /nor gyi phung po rnams kyis kyang / /chos ni phra mo thob mi 'gyur/ /dad pa mchog tu phra ba'i chos/ /dka' thub sbyin sreg ye shes la/ /dad pa mtho ris thar pa yin//'gro ba 'di kun dad pa yin/ /gal te nor srog thams cad kyang / /de bzhin dad pa med las min/ /de bas 'bras bu cung zad kyang / /dad pa med na thob mi 'gyur/ /'chi bdag bslu bar 'dod pa yis/ /dang por dad pa mchog gzhol bya//chos kyis 'chi las skyob byed cing / /'chi ba bslu ba yin par bshad/ /chos min dga' zhing bag med pas/ /skad cig kyang ni gnas mi bya/ /tshangs pa yang ni chos min par/ /'chi bdag bslu bar dbang ma yin/ /dam pa rnams kyi chos ni bden/ / sbyin dang dka' thub bzod la dga'/ /gang la mchog tu brtse yod de/ /chos gzhan mang pos ci zhig bya/ /gang zhig rtag tu sems can la/ /snying rjes snying ni 'dzag gyur pa/ /ye shes thar pa de yin gyi/ /chos gzhan mang pos ci zhig bya/ /mi tshe chos kyi mchog yin par//grub pa'i mtha' ni kun las 'dod/ /rtag tu de nyid la bslabs na/ /'chi bdag rim gyis thag bsrings yin/ /bya dang nya dang ri dgas sbrul/ /rkun po gsad pa'i phyogs gtogs rnams/ srog skyabs pa yi 'phral du ni/ /tshe thung ba yang tshe ring 'gyur//rkun ma nya dang ri dgas sbrul/ /bya sogs srog ni 'dod pa rnams/ /'di dag bsad na 'phral du ni/ /tshe ring ba yang tshe thung 'gyur/ /mi dge bcu ni spangs pa dang / /de bzhin gsum la skyabs 'gro dang / /bslab pa lnga dang brgyad bsrungs na/ / 'chi bdag thag ni bsrings par 'gyur/ /btson rar bcug dang nad chen gdungs/ /de bzhin 'jigs pas nyen pa rnams/ /bskyab byas na ni nges pa ru/ /tshe ring 'chi bdag slu byed 'gyur/ /dman dang mgon med ngo tshar bcas/ /tshul khrims ldan la gus par ni/ / 'dod pa'i don ni rab ster bas/ /tshe ni nges par 'phel par 'gyur/ /pha dang ma dang bla ma rgan/ /shes pas rgan sogs la gus shing / /mchod dang bkur sti byin nas kyang / /'chi ba dag ni nyer mi 'gyur/ /rang gi 'dod lha de la gus/ /dka' thub can la gus pa yis//rtag tu nang par lha dad phyag /byas pas tshe ni 'phel bar 'gyur/ /mchod rten gas dang 'jig pa la/ /so phag la sogs kyis bcos na/ /tshe thung tshe ni ring 'gyur la/ /dge slong bsod snyoms pa dang mtshungs/ /lha khang sku gzugs mchod rten sogs//byed dang kun dga' ra ba 'dzugs/ /mchod rten che brgyad mchod sogs kyis/ /rtag tu tshe ni 'phel bar 'gyur/ /'dun pas slong ba la rnyed pa/ /rdzas kyis dge 'dun mchod ston gsol/ /zhag bdun tshe ring tshe thob 'gyur/ / chos rgyal mya ngan med dang mtshungs/ /bye ma'i mchod rten byed pa dang / /de bzhin tsha tsha 'debs pa dang / /mchod rten la sogs phyag byas pas/ /tshe ni nges par 'phel bar 'gyur/ /'dus pa chen po'i mdo dang ni/ /a ta na ti ya ka'i mdo/ /phra mor bcas dang sprin chen dang //shin tu bkra shis tshigs bcad rnams/ /gus pas dge slong 'don 'jug pa'am/ /rang nyid kyis ni rab bton na/ /de bzhin tshe ring 'thob 'gyur zhing / /'chi bdag bslu bar 'gyur ba yin/ /theg pa chen po ston byed dang / /sdong pos brgyan sogs mdo sde rnams//rtag tu rtse gcig pas bklags na/ /'chi bdag bslu bar 'gyur ba yin/ /sangs rgyas kyis gsungs rnal 'byor gyi/ /rgyud sogs ma lus bklags pa'am/ /bsrung ba lnga yi cho gas kyang / /'chi bdag bslu bar 'gyur ba yin/ / gtsug tor btsugs pa'i mchod rten sogs/ /bskor ba dag ni byas pa dang / /gzungs ni bzlas par byas pas kyang / /'chi bdag gi ni brtson pa 'joms/ /de yi cho ga sngon 'gro bas/ /gza' sogs ma mo bklags pa dang / /gzungs sngags stong du zlos pa dang / / dkon mchog sgron ma bzlas pa dang / /gzungs kyi tshogs las gsungs pa yi/ /gzungs zlos pa la brtson pa yi/ /mkhas pa rnams ni 'chi ba dang / /nyi ma'ang ring du gnas par byed/ /dkyil 'khor 'dri dang sbyin sreg dang / /phyag rgya 'ching bar byed pa dang / /gtor ma dang ni tshogs 'khor lo//rab sbyin 'chi bdag slu ba yin/ /phyogs bzhi'i 'phags pa'i dge 'dun la/ /mchod ston mal cha tshogs sbyin dang / /chos gos tsam zhig 'chang ba la/ /sbyin pa 'chi bdag slu byed 'gyur/ /de la sogs te bya ba rtsom/ /chos dang bsod nams mtshan nyid 'gyur//bsod nams kyis ni tshe 'phel zhing / /de bzhin 'chi bdag bslu ba yin/ /de ltar chos ni cung zad cig /ston gyi de yi rgyas pa ni/ /rang nyid kyis ni rjes dpag pa'am/ /'chi bdag bslu mkhas de las bslabs/ /de ltar chos la brtson byas nas//grub pa'i sngags dang sman sogs ni/ /'phral du yid ches byed pa yis/ /'chi bdag rnam par bsal bar bya/ /nor bu sngags dang sman grub dang / /bcud len stobs kyis rang nyid ni/ /'chi bdag pha rol gnon mthong ste/ /rig 'dzin grub pa ji bzhin no//rin chen brtag pa'i bstan bcos gang / /rtog la mkhas pas rdo rje 'chang / /tshe yi nor bu 'chang ba'ang rung / /de bzhin sna tshogs nor bu 'chang / /in+d+ra nI la rin chen sogs/ /nor bu chen po gzhan dag kyang / /'chang bar byed pas 'chi bdag kun//bzlog par 'gyur ba the tshom med/ /gang phyir nor bu'i mthu las ni/ /som nyi byed par rigs min te/ /nor bu bsam gyis mi khyab pa'i/ /mthu dang ldan par thams cad 'dod/ /dben pa'i gnas su ras ris sogs/ /mdun du mchod pa byas nas ni/ / sngags rnams bzlas pa tsam gyis kyang / /'chi ba bslu ba 'byung bar 'gyur/ /dang por yi ge A brjod la/ /de nas ro l-ika ces gsal ba/ /rig 'dzin sde snod las gsungs te/ /'di ni khams gsum rgyal zhes bya/ /sngags 'dis 'jig rten dbang phyug la/ / dad pas de mdun nges par ni/ /yi ge'i grangs kyis 'bum bzlas na/ /'chi ba bslu ba thob par 'gyur/ /dang po rnam par snang mdzad brjod/ /de 'og tA re lan gsum brjod/ /tut+tA re gnyis tu re gnyis/ /swA hA'i mtha' can 'chi ba bslu/ /sgrol ma 'byung ba'i rgyud las gsungs//sngags ni yi ge'i 'bum pa ru/ /sgrol ma'i spyan sngar bzlas nas ni/ /zho dang sbrang rtsi las sngar btags/ /dUr ba'i myu gu shar dang ni/ /byang du rtse bstan sbyin sreg bya/ /sngon gyi las mtha' las byung ba'i/ /'chi ba nges par zlog par byed//slob dpon la ni yon phul nas/ /oM yig de las ru ru ste/ /de nas spu ru'i tshig gi rjes/ /dz+wa la tiSh+Tha sid+d+ha dang / /lo tsa na zhes bya tshig gsum/ /sarbA r+tha sA d+ha ni/ swA hA'i sngags a sho ka 'dab mar/ /gtsang mar tsan+dan chu yis ni/ / 'bum mam bye bar bris nas kyang / /dag cing dad pa'i cho ga yis/ /chu med 'o mas bkru ba'am/ /dUr ba la sogs sbyin sreg byas/ /'chi ba slu ba ma lus pa/ /nges pa kho nar byed pa yin/ /nad kyi tshogs ni ma lus pa/ /zhi bar byed pa'ang 'byung bar 'gyur/ / dkyil 'khor chen po'i cho ga bshad/ /'phags pa yi ge brgya zhes bya/ /sngags kyi mthu ni bsam mi khyab/ /mthu ni rnam pa du ma mthong / /bzang spyod yi dam bcas pa yi/ /cho ga yis ni 'bum bzlas na/ /thar pa'ang nges par skyed byed na/ /'chi ba bslu ba smos ci dgos// //na maHs+t+rai ya d+h+wi kA nAM/ /de nas ta thA ga tA nAM/ /sarba trA pra ti ha ta/ /ba ba ta d+harma ta'i tshig /ba li nAM zhes tshig gi mthar/ /de nas a sa ma sa ma/ /man+ta to a nan+da/ /ta ba bA ti 'og shes ni/ /ha ra ha ra sma ra sma ra/ /Na ra bi ga ta rA ga /de nas bud+d+ha d+harma te//sa ra gnyis ma ma ba la/ /ha sa gnyis dang tra ya gnyis/ /ga ga na ma hA ba ra/ /la k+Sha Ne de bzhin dz+wa la/ /dz+wa la na sA ga re'i mthar/ /swA hA'i tshig ni sbyar bya ba/ /gsang sngags yig brgyar 'gyur ba'o/ /de bzhin gshegs pa thams cad kyi/ /snying po yin par rab tu bshad//'phags pa so sor 'brang ma'i sngags/ /'bum phrag gcig ni legs bzlas la/ /dUr ba'i sbyin sreg bcu chas ni/ /'chi bdag nges par bslu ba yin/ /oM smras bi ma le dza ya/ /ba re a mr-i te hUM hUM/ /phaT gnyis de nas swA hA yi/ / tshig ni mtha' ru brjod par bya/ /rnam par snang mdzad b+ha ra gnyis/ /saM b+ha ra gnyis brjod bya la/ /in+d+ri ya ba la yi sgra/ /bi sho d+ha ni zhes brjod do/ /hUM hUM ru ru tsa le dang / /swA hA sngags 'dis 'chi bdag bslu/ /'phags pa so sor 'brang ma yi/ /snying po dngos grub kun stsol yin//'jig rten dbang phyug spyan snga ru/ /'chi ba las rgyal zhes bya ba'i/ /gsang sngags yi ge bcu pa ni/ /'bum phrag bcu bzlas de 'og tu/ /me tog dkar po mar btags pa'i/ /sbyin sreg grangs ni 'bum bya'o/ /sngags mthus de 'og nges par ni/ / 'chi bdag bslu ba 'byung bar 'gyur/ /thog mar oM ste de nas aM/ /de 'og oM aM zhes bya ba/ /oM mr-i t+yu dza ya de nas/ /oM 'di sngags 'di yi ge bcu/ /bskal pa sogs su 'tsho ba'i phyir/ /de bzhin gshegs pas gang gsungs pa/ /de yis tshe ni bsrings ba 'grub//de bsrings 'chi ba bslu ba yin/ /sngags gang zhi ba'i las byed pa/ /de yis tshe [(]'phal [,]'phel [)]'gyur ba ni/ /de ni 'chi ba bslu bar 'gyur/ /sngags rnams kyi ni mthu la yang / /the tshom bya bar rigs ma yin/ /gang phyir sngags kyi mthu dag ni/ /bsam mi khyab par kun nas 'dod//'jig rten na ni dngos gzhan gang / /sngags kyis mi 'grub de yod min/ /yang dag dad dang mngon brtson las/ /sngags rnams yid bzhin nor bur mtshungs/ /rtogs pa las bshad cho ga 'am/ /ci 'dod pa yi sbyor ba yis/ /bkres shas che ba'i sa phyogs su//sle tres rab tu spyod par bya/ /gcig pu'am yang na gzhan pa yis/ /sman dang lhan cig rtag tu spyad/ /de nas lus ni brtan 'gyur la/ /gshin rje'i sgo ni mthong mi 'gyur/ /grub pa'i sman ni gzhan dag kyang / /nges par bsten par gyur ba yis//tshe 'phel nad dang rgas pa ni/ /zad pas 'chi ba ma mthong ngo / /dngul dang gser sogs ldan pa yi/ /dngul chu cho ga bzhin zos na/ /bcud kyis len gyi rang bzhin can/ /'chi ba bslu ba 'byung ba yin/ /tshes gcig zla ba'i phyogs sogs par/ / rang gi khams ni thob pa na/ /sna sman gtang ba'i cho ga yis/ /'chi ba bslu ba 'byung bar 'gyur/ /kha sbyor la sogs rgyud las gsungs/ /mi 'chi lnga dang ldan pa ni/ /man ngag ji bzhin bsten pa yis/ /'chi ba bslu ba 'byung bar 'gyur/ /steng dang 'og dang kha sbyar sbyor ba ni//gang zhig phan pa'i rnal 'byor dag tu byed/ /de la gshin rje'i rgyal po rtag tu ni/ /khros par gyur kyang ci'ang byed mi nus/ /la lar thabs kyis 'chi ba yang / /slar 'tsho bar yang 'gyur ba mthong / /lus ldan bu mo mi dang ni/ / phan tshun bsrubs las 'gyur ba mthong / /khrag dang lus zungs bsres pa ni/ /khams ni shin tu drangs min pas/ /gang zhig 'phral du 'chi nyid la/ /thigs pa gnyis ni gtig par bya/ /mar bskus pa yi sbu gu las/ /de ni blud pas gzhug par bya/ /bdag nyid sna khung las byung ba'i//sna khung rim gyis bsgre gyur ba/ /slar yang 'tsho bar 'gyur mthong ste/ /'dir ni 'gag par bsngags pa yin/ /nus mthu mngon du mthong bas na/ /sbyor ba 'di ni mang por bsngags/ /'bras bu gsum ni spyir bsdus pa'am/ / po so b+h+r-ing+gar dzar bcas/ /rnal 'byor pa yis rtag spyad na/ /phan zhing bdud rtsir 'gyur ba yis/ /gnyer ma skra dkar rnams dang bral/ /rdo rje lus ni gzugs bzang ldan/ /bskal pa yi ni grangs snyed du/ /'chi ba nges par bzlog pa yin/ /dri chu rnam pa mang zhig ni//lus la bsrung ba grub pa 'dis/ /bza' dang bsku bas 'phral du ni/ /'chi ba bzlog par 'gyur ba yin/ /'di dag sbrang rtsi mar ldan pas/ /rtag tu goms par byas na ni/ /dus dang dus min las byung ba'i/ /'chi ba zlog par byed pa yin/ /sman rnams kyi ni mthu la yang //som nyi bya bar rigs min te/ /gang phyir sman gyi nus pa ni/ /bsam mi khyab par kun tu snang / /de ltar phyi yi bya bas gus byas pas/ /ji bzhin stobs kyis 'dir ni 'chi bdag bslu/ /'chi ba stobs ldan 'jigs pa cher dogs la/ /de ltar de yi nang gi bya ba yin//slob dpon ngag gi dbang phyug grags pas sbyar ba'i 'chi ba bslu ba bstan pa las le'u gsum pa'o// //da ni 'chi ba bslu ba la/ /mkhas pa nang gi bdag nyid can/ /gang gis brtson pas 'chi ba ni/ /nges par bslu ba bshad par bya/ / rgyal po rkun po bdud chen po/ /stag la sogs pa'i 'jigs dang bral/ /'du 'dzi dang bral ri bo sogs/ /yid 'ong la lar gnas par bya/ /tshad tsam za zhing smra nyung la/ /shin tu 'chag par dga' ma yin/ /gnyid chung bsam gtan la mang gnas/ /sngags kyi bzlas pa la rab brtson//rang gi 'dod lha mchod sogs dang / /dam chos bklag pa'i bya ba dang / /gtor ma sbyin sogs byams pa yi/ /sems la sogs pa dus gsum brtson/ /bsod nams kyis ni 'dod pa 'grub/ /de bas 'du 'dzi spang bar bya/ /dad pas thams cad yang dag 'grub//de phyir dad pa rnam 'phel bya/ /brtson 'grus kyis ni brtsams pa 'grub/ /de bas brtson 'grus sngon 'gro bya/ /bsam gtan gyis 'dod 'bras brtan pas/ /bsam gtan la sems gcig tu 'bad/ /'du 'dzi spangs pas nyams len 'gyur//de bas 'du 'dzi rnam spang bya/ /yang dag shes ldan thams cad 'grub/ /de bas shes dang kun ldan bya/ /'chi ba las ni sdug bsngal mthong / /'tsho ba las ni chos 'gyur mthong / /som nyi ma lus dang bral bas/ /'chi ba bslu ba kun du spyod//de la dang por bsam gtan bcas/ /bgegs dgra'i gsang sngags 'bum nyid ni/ /legs bzlas sbyin sreg khri byas pas/ /bgegs ni thams cad bzlog par bya/ /na maHsa man+ta kA ya/ /de nas bA k+tsit+ta'i tshig /badzra NaM na mo badzra/ /kro d+hA ya zhes tshig brjod la//ma hA daMSh+T+rot+ka Ta'i rjes/ /b+hi ra ba ya a si brjod/ /mu sa la pa ra shu pa/ /gr-i hi ta hasta ya yin/ /oM a mr-i ta kuN+Da li/ /kha kha khA hi khA hi'i tshig /tiSh+Tha tiSh+Tha tshig de nas/ /ban+d+ha gnyis dang ha na gnyis/ /da ha gnyis dang gardza gnyis/ /de nas bi spo Ta gnyis te//sarba badzra tshig dang ni/ /big+ha bi nA ya kAn brjod/ /ma hA ga Na pa ti'i tshig /dzi bi tAn+ta ka ra ya/ /hUM hUM phaT phaT swA hA yi/ /sngags 'di bgegs rnams zlog byed yin/ /yang na 'di yi snying po yis/ /bgegs rnams thams cad zlog par byed//sngon bzhin bzla dang sbyin sreg gis/ /'di yi mthu yang de 'dra yin/ /oM sngar hu lu hu lu dang / /de 'og tiSh+Tha tiSh+Tha'i tshig /ha na gnyis dang da ha gnyis/ /gardza gardza de 'og tu/ /bi s+pho Ta ya lan gnyis brjod/ /sarba big+h+nA bi nA ya kA na/ /oM a mr-i ta hUM hUM hUM phaT phaT phaT ma ma rak+Sha ku ru swA hA/de ltar bdud dang bgegs rnams ni/ /ma lus rnam bsal 'khrug med pas/ /ji ltar mngon 'dod rnal 'byor ni/ /gcig cig nyin mtshan bsgom par bya/ /stug po bkod pa'i gnas bzhugs te/ /zhi bas sangs rgyas mdzad pa mdzad//pad+ma zla ba'i gdan stengs su/ /rdo rje skyil krung bcas nas ni/ /byang chub mchog gi phyag rgyar ldan/ /'od zer dkar po'i tshogs 'phro ba/ /rnam snang dkar po bsgoms na ni/ /'khor ba srid du 'chir 'os min/ /mi bskyod la sogs de bzhin gshegs//rang mdog phyag rgya cha lugs ldan/ /nga rgyal brtan pas bsgoms na ni/ /rdo rje'i lus su nges par 'gyur/ /nyi zla kha sbyar nang na bzhugs/ /'jig rten dbang phyug mi 'jigs pa/ /zhi zhing zla ba dang 'dra la/ /rgyan rnams kun gyis yang dag brgyan/ / 'od dpag med ni sku mdog dmar/ /rdzogs sangs rgyas kyi mtshan rab 'chang / /rdo rje skyil krung bcas pa yi/ /zhabs kyi pad+ma gnyis kyi steng / /phyag gnyis dag ni mi 'chol bar/ /ting 'dzin phyag rgyar legs gnas pa/ /sems can kun don rdzogs mdzad pa'i//sku las thugs rje'i rgyun 'dzag pas/ /bsams la de yi thugs kar ni/ /'jig rten dbang phyug gzhan de bzhin/ /slar yang de yi thugs ka ru/ /de bzhin rtse gcig yid kyis ni/ /ji srid grangs ni bye bar 'gyur/ /ji srid bsam gtan 'di 'dra bya//de nas phra zhing rab phra'i mtha'i/ /'jig rten dbang phyug la gtad sems/ /rnal 'byor dbang phyug gis bsams na/ /'chi bdag rang nyid 'chi bar 'gyur/ /phung po las skyes nad gzhan yang / /rang nyid 'jig par gyur pa yin/ /pad+ma dkar po'i dbus gnas pa'i//zla ba'i gzugs kyi gdan stengs su/ /rdo rje'i skyil krung bcas nas ni/ /mchog sbyin pa dang ut+pal bsnams/ /ston ka'i zla ba'i mdangs 'dra ba'i/ /zla ba la ni rgyab brten pa/ /rgyan rnams thams cad yongs su rdzogs/ /bcu drug lo lon lus dang ldan//rdzogs sangs rgyas kun de yi sras/ /mchog sbyin sku ni 'chang ba'i yum/ /'phags ma sgrol ma'i snying gar bsgoms/ /de yi 'khor lo'i 'od zer dkar/ /rtsibs brgyad la ni yi ge ni/ /brgyad kyis yongs su bskor ba la/ /lte bar oM dang ha'i yi ge /dbus nas bsgrub bya'i ming dang ldan/ /zla drug brtan cing nges pas ni/ /rtse gcig pa yi sems kyis bsgom/ /yi ge bcu pa'i sngags 'di ni/ /skyo bar ma gyur sems kyis bzla/ dang por oM ni bzhag nas su/ /de 'og tA re rab tu sbyar/ /de 'og tut+tA re tu re//swA hA'i mtha' can las kun byed/ /tshangs dbang khyab 'jug nyi zla dang / /drag po phyogs skyong 'dod lhas kyang / /spu rtse tsam yang ma nyams par/ /'chi bdag lta bur 'chi las rgyal/ /skra dkar gnyer ma ngan pa dang / /nad dang dbul ba kun zad byed/ /seng ge la sogs 'jigs chen brgyad//sdug bsngal tshogs ni 'jig par byed/ /ma bslangs par ni zas skom sogs/ /kha zas gos la sogs pa rnyed/ /ral gri mig sman rkang byug pa/ /bum bzang sogs dang dngos grub rnams/ /snyan dngags smra mkhas nyid kyi blo/ /shes rab gcig pu dri ma med//'dod pa'i dngos grub gzhan dag kyang / /'khor lo 'di nas 'byung bar 'gyur/ /spyan dang skul byed mA ma kI/ /lha mo dkar mo chen mo ni/ /rang mdog cha lugs phyag rgya yis/ /bsgoms na 'chi bas mi tshugs so/ /rang gi 'dod lha'i rnal 'byor nyid//nga rgyal brtan pa dang ldan pa/ /yid bzhin nor ltar ma lus pa'i/ /'dod pa'i don ni rab sgrub byed/ /dung dang kun+da zla ba 'dra/ /bsdu ba'i rim gyis yang dag gnas/ /rgyun mi 'chad par bslabs na des/ /'chi ba bslu bar 'gyur ba yin//'khor lo bde mchog rgyud las gsungs/ /he ru ka yi rnam par bsgom/ /byas nas de yongs gyur pa las/ /ka pA la yi rnam par bsgom/ /kaM ka la yi gzugs bsams pa'am/ /kha T+wAM gar ni rnam par bsgom/ /gsad par 'os pa ma yin phyir//'chi ba 'byung bar mi 'gyur ro/ /spyi bo ru ni zla ba'i gzugs/ /bdud rtsi thigs pa 'dzags pa yis/ /ba spu'i bu ga kun nas ni/ /yan lag thams cad tshim par byed/ /'du 'dzi thams cad rnam spangs pa/ /rnal 'byor pa yis zla drug bsgom/ / nad kun las ni rnam rgyal nas/ /'chi bdag lta bur 'chi las rgyal/ /mgo bo pad+mo 'dab ma stong / /dkar po'i kha ni thur du bltas/ /zla ba'i rim bsams bskal sogs par/ /'chi ba 'jig par byed pa yin/ /de nyid nag po'i gzugs nyid pa/ /nag po'i gzugs kyi 'od rnams kyis//kun du khyab par bsams na ni/ /skra dkar la sogs 'jig par byed/ /lce ni rkan la gzhar bya zhing / /so ni so la ma reg par/ /rgyu yi nus pa bsam mi khyab/ /dad pas byas pa 'di brtsam bya/ /lkog ma'i bu ga'i steng dang sbyar//lce chung thur du bstan nas ni/ /lce yi rtse mor kun reg par/ /bdud rtsi'i ro ni myong bar byed/ /des ni 'phral du 'chi ba sel/ /skra dkar la sogs pa yang 'jig /de byas nas ni rgud pa dang / /'jigs pa kun las bsrung 'gyur ba/ /dbugs dbyung rngub pa dran pa yang //rnam pa gzhan pa brtsam par bya/ /grangs 'phel de las nges pa ni/ /rga dang 'chi ba med par 'gro/ /sems can rnams kyi nyin mtshan du/ /dbugs ni nyi khri chig stong dang / /drug brgya dag gis lhag par rgyu/ /grangs ni yongs su bsgrags pa yin//gang phyir bdud rtsi sngags yin pas/ /rlung ni 'jug pa sngags yin te/ /bdud rtsi gson pa'i thabs yin pas/ /de yis 'chi bas mi tshugs so/ /'jug pa'i rlung ni bgrang bya zhing / /rim gyis 'bum sogs grangs kyis ni/ /rtse gcig sems kyis cho ga bzhin//sgra med pa yi bzlas par bshad/ /sgra med bzlas pa 'bum du ni/ /cho ga bzhin du rdzogs gyur na/ /mi ni tshe nyams gyur pa yang / /lo lnga'i bar du 'tsho bar nges/ /nyis 'bum la sogs zlos pa nyid/ /tshe 'phel bar ni bsgre bar bya//thabs la mkhas par gyur pa dang / /rlung gi bzlas la brtson par bya/ /nang par langs nas stong phrag gcig /rtag tu legs par bgrangs nas ni/ /nad kun las ni rnam grol zhing / /nyi zla gnas kyi bar du 'tsho/ /bslab la mi gnas mi dga' zhing //yud tsam yang ni gnyid ma log /'bad de gnyid las rgyal byas la/ /bza' dang btung yang kha zas sogs/ /lus su 'byung ba rgyu byas pas/ /rlung rgyu ba la brtson par bya/ /lugs mthun la 'bad rnal 'byor pa/ /nges par 'chi ba las rgyal 'gyur//rmongs la longs spyod la gcig gzhol/ /lugs mi mthun pas 'chi bar 'gyur/ /rang gi ngo bo lugs mthun 'gyur/ /de las bzlog pas lugs mi mthun/ /seng ge rnam rol phyag rgya ni/ /bcings pa yis ni rlung dgag nyid/ /yang na dgag par sbyor bas rgyal//dgag pa'i 'chi ba slu byed yin/ /rkang mthil gyi ni mthar thug par/ /rlung gis rim gyis dgang bar bya/ /dgag pa kum+ba ka zhes bya/ /de shes rim pa brjod bya ste/ /steng gi dgag pa'i sbyor bas ni/ /dgag par byed pa rgyal bar 'gyur//chung dang 'bring sogs dbye ba yis/ /steng dgag rnam pa gsum du 'dod/ /steng dgag ces ni bya ba 'di/ /'og nas bshad pas don ston byed/ /chung ba tshad ni sum cu drug /'bring ni de bzhin nyis 'gyur yin/ /chen po sum 'gyur yin zhes bya//dgag pas de ni rgyal bar 'gyur/ /dgag pa yis ni tshad byas la/ /phyi nang rang gi pus lha ngar/ /'dir ni lag pa nyug byas la/ /de nas se gol drug gdab po/ /mdo ni mkhas pas yongs 'chad pa'i/ /dus kyi tshad ni yin par bshad//ji srid sum cu drug tshad 'gyur/ /de srid dgag pa'i bya ba yin/ /steng dgag 'di ni dman pa ste/ /de nas bar ma nyis 'gyur nyid/ /steng dgag chen po sum 'gyur te/ /brgya rtsa brgyad ni tshad yin no/ /'chi ba slu bar 'dod pa yis/ /'bad pas de nyid las rgyal bya//steng dgag chen po'i mtshan nyid ni/ /ji srid dag pa rab 'jigs pa'o/ /rgyun du dgag par 'gyur ba yang / /de tshe legs par gnas pa yin/ /nyi ma de las 'chi sogs nyid/ /dgag pa la ni gang gnas pa/ /de tshe bskal pa stong du yang / /'chi bdag nye bar mi 'gyur ro//nam mkha' ba ni bzhos pa las/ /bdud rtsi gsher ba dag gi tshogs/ /bum pas mtshan pas chu zhes bya'i/ /dkyil 'khor las ni 'od zer 'phros/ /sna rtser byung ba'i rlung gis ni/ /blangs pa yang yang brtag par bya/ /snying gar pad+mar thim pa yis/ /sems kyi bung ba'i phru gu gso//nam mkha' bzho ba'i bsam gtan dag /'di ni rtag tu spyad par bya/ /nam mkha' lta bur 'chi bdag gi /mthong bas mthong ba ma yin no/ /yang na rlung ni yongs spangs la/ /de bzhin nyid la rtag tu spyad/ /de bzhin nyid kyi 'chi dang 'dud/ / dgra rnams gzhan la rgyal byed nyid/ /nyes pa ma lus rab tu zhi/ /yon tan ma lus 'byung bar 'gyur/ /skyes bu de nyid kyis rgyal zhing / /mngon par 'dod pa rnams kyang 'grub/ /de bzhin nyid ni stong nyid bshad/ /rnam pa kun mchog bdag nyid can/ /de kho na nyid rtag bslabs na//'chi ba bslu bar 'gyur ba yin/ /chos dang longs spyod sku sogs dang / /sbyin dang tshul khrims sogs dbyer med/ /dmigs pa kun gyi sbyor ba ni/ /dmigs pa thams cad rnam par spangs/ /rnam pa kun mchog ldan pa yi/ /stong pa rgyal ba rnams kyis gsungs//bsam bya bsam par mi bya zhing / /bsam pa min pa'ang mi bsam mo/ /bsam dang bsam min ma bsams na/ /de nas stong nyid thob par 'gyur/ /mkhas pas dngos po mi bsam zhing / /dngos po med pa'ang mi bsams la/ /dngos dang dngos med rnam par spangs//sgom pa de ni bsgom dang bral/ /rnam pa kun gyi mchog ldan pa/ /stong nyid 'dzin pa rnam spangs pa'i/ /stong pa nyid ni rtag bsgoms na/ /'chi bdag gis ni mthong mi 'gyur/ /kun rtog tsam las byung ba yi/ /'chi ba de yang mthong mi 'gyur/ / gzhan yang bdud ni mang po dang / /'khor ba yang ni mi mthong ngo / /de yang / 'chi ba zhes bya'i rnam rtog 'di/ /dngos po kun la yod min te/ /so so'i skye bo'i rnam 'phrul gyi/ /rnam par rtog pas bcom pa yin/ /rnam rtog sdug bsngal thams cad de/ /rnam par rtog pa bdud ces bshad//de bas rnam par rtog gzhom cing / /rnam par mi rtog nyid du bya/ /zhes gsungs so/ /gus pa la sogs khyad par gyis/ /rgyun du bsgoms pa gang gang yin/ /de dang de ni gsal 'gyur te/ /'dod dang mya ngan blo dang mtshungs/ / bstan bcos rnams ni rnyed sla yi/ /de yi sbyor ba rnyed par dka'/ /sbyor ba shes pa'i 'jig rten las/ /sbyor ba rnyed par dka' ma yin/ /sbyor ba rnams la mkhas shing dang / /bzod dang brtson 'grus la rab gnas/ /bsgrub la brtson pa'i shes rab can/ / 'chi ba bslu ba'i snod yin no/ /ngal dang smin dang btung sogs kyis/ /pho ba'i me ni 'bar 'gyur la/ /me ni rab tu 'bar ba'i zas/ /yongs zhu bar yang nus pa yin/ /yongs su zhu bas lus rgyas shing / /rgyas pas stobs ni rnam par 'phel/ /stobs las tshe ni 'phel 'gyur zhing //de 'phel ba yis ring du 'tsho/ /kun gyis mngon sum nyid du 'grub/ /'di la som nyi ji ltar yod/ /de bzhin man ngag gis bskal sogs/ /'tsho bar yang ni the tshom med/ /mar dang snying po zad sogs kyis/ /mar me la sogs 'jig phyogs la//slar yang 'bru mar la sogs las/ /bskal pa'i bar du gnas pa yin/ /de bzhin du ni lus 'di yang / /rgas sogs kyis ni 'chi bzhin pa/ /grub pa'i man ngag legs rnyed na/ /bskal pa'i mthar yang cis mi gnas/ / dper na khang pa rnying pa dag /bcos pa yis ni yun rings gnas/ /de bzhin rnying pa'i lus dag kyang / /bcos pas gnas par cis mi 'gyur/ /'bad pas dka' ba ci yang med/ /de bas gces la stsol ba dor mi bya/ /rtag tu 'bab na chu rgyun 'jam pos kyang / / dus su rdo leb dag kyang rnam par 'bigs/ /gtsubs na shing las me ni 'byung 'gyur zhing / /brkos par gyur na sa las chu 'byung 'gyur/ /mis ni rtsol ba byas na mi 'grub med/ /'bad pas rigs pas brtsams kun 'bras bcas 'gyur/ /'di na 'chi ba bslu ba rnams//shin tu mang po shes nas kyang / /nyams ma blangs na mal du ni/ /bshang bas gos te khyod 'chi 'gyur/ /gang zhig sbyor ba la mkhas shing / /bstan bcos la byang mkhas pa rnams/ /nyams ma blangs pa'i nyes pa yis/ /so ni ston cing 'chi ba yin//rnal 'byor gyi ni bstan bcos dang / /sbyor ba du ma shes na yang / /deng ngam sang ni bya'o zhes/ /de ltar sems ni 'chi bar 'gyur/ /'di bya nang par slar yang 'di/ /de nas gzhan yang 'di bya zhes/ /srid pa g.yo ba'i rang bzhin ma shes don med yid rton tshol bar byed//skye dgu 'chi bdag khar ni chu srin kha ru gru ni zhugs pa ltar/ /bya ba mthar ma phyin par yul gyi chu yi dba' klong dag tu lhung / /de ltar 'chi bdag dgra bo ni/ /slu ba'i thabs ni bshad pa yin/ /rang gzhan gzhung las 'grub pa yi/ /bsam gtan las ni rab bsgrub bya//brtse med 'chi ba'i 'jigs pa las/ /thar pa'i thabs ni 'bad de bya/ /gang phyir 'di ni yid 'ong ba/ /srog las gzhan pa yod ma yin/ /rdo rje mkha' 'gro gdan bzhi dang / /sangs rgyas bla gab la sogs dang / /dus kyi phyi ma dus phreng ba/ /dus kyi lnga bcu pa dang ni//'tsho ba lnga bcu pa la sogs/ /bstan bcos 'bad de brtags nas ni/ /'chi bdag rnam par bslu ba 'di/ /'gro la rjes su brtse bas bshad/ /nam mkha' yongs dag ston ka'i zla 'dra bar/ /dag cing nam mkha'i las kyang mi shong ba'i/ /dge ba 'di las mi 'chi gang thob pa//des ni 'gro ba 'chi bdag las thar shog /nyon mongs yi ge pa rnams ni/ /brtsi ba yis ni ngal gyur na/ /gzhung 'di'i tshad du gyur pa ni/ /sum brgya drug cu tham pa'o/ /slob dpon ngag gi dbang phyug grags pas mdzad pa'i 'chi ba bslu ba bstan pa las le'u bzhi pa'o// //ngag gi dbang phyug grags pas mdzad pa 'chi ba bslu ba zhes bya ba rdzogs so// //rgya gar gyi mkhan po dI paM ka ra shrI dz+nyA na dang / lo tsA ba dge slong rin chen bzang pos bsgyur ba'o//