CLOSE WINDOW

D1745
བོད་ཡིག

/ @/ /rjes chags kyi sbyor bas de kho na nyid kyi rnal 'byor la 'jug pa'i man ngag bzhugs/ @##/ /dpal rdo rje mkha' 'gro la phyag 'tshal lo/ /'khrul pa mya ngan thang chen la/ /nyon mongs nyi mas rab gdungs pa'i//'gro ba 'tsho ba'i klung gyur pa/ /srog 'dzin mgon la nyer btud nas/ /gang gis nyon mongs zhi byed pa/ /rtogs dka' thabs mang rgya mtsho las/ /mchog gyur mgon pos gsungs pa'i don/ /bla ma'i gsung las blangs pa brjod/ /'di na gang dag nyon mongs can//nyon mongs spong ba nyon mongs 'gyur/ /ji ltar bkres pas kha zas dang / /skom pa chu la rgyab phyogs bzhin/ /dper na me yi bud shing dang / /ma phrad sdud cing mi gsal zhing / /'chi 'gyur de ltar 'gro ba'i sems/ /'dod pa spangs na rung 'gyur bzhin//yul la shin tu chags pa'i sems/ /'dod pa spangs pas zlog byed pa/ /de ltar mi 'gyur thabs dman phyir/ /nyon mongs 'phel ba kho nar zad/ /gang dag shin tu bcings pa'i mi/ /'dug na gzhan du 'gro ba yi/ /bsam pa rtag tu sten byed cing / /lus sems bde bar mi 'gyur bzhin//sems mi bde ba don gnyer bas/ /de rnyed par ni ma gyur par/ /kun tu rtog pa rgyas 'gyur zhing / /gnyug ma'i yid gnas mi 'gyur ba/ /dper na glang chen ma rungs pa/ /gang tshe chang gis rab myos pa/ /phyi nas ngang gis dul 'gyur ba//de ltar sems kyi glang po yang / /yul gyi chang gis rab myos na/ /dmu rgod rtog pa dul 'gyur zhing / /gnyug ma rnal 'byor pa yis len/ /gang dag spros pas ma spros pa'i/ /gnyug ma'i sems yid ma rnyed na/ /rtog pa'i dra bas 'chad min te/ /rtog las 'khor ba sna tshogs 'byung //de phyir yang dag gnyug ma'i yid/ /mthong bar 'dod pas lus dang sems/ /kun rtog rlung rnams zhi bya'i phyir/ /nam yang gdung bar mi bya'o/ /de ltar gdung ba spangs pa las/ /sems ni bde ba'i ngo bor 'gyur/ / 'khrul pa'i sprin stug 'gag 'gyur zhing / /'od gsal dri med nam mkha' mthong / /bde de 'dod pa kun las 'byung / /yang dag bla ma'i man ngag gzhan/ /thabs dang bcas pa'i rnal 'byor pas/ /rtag tu 'dod pa'i yon tan bsten/ /gti mug 'khrul pa las kyi sbrus//sdug bsngal dba' klong cher 'khrugs pa'i/ /'khor ba'i chu bor bying ba yi/ /'gro la brtse ba chen po bskyed/ /'dir ni 'di don 'dis mi nus/ /yang dag ye shes snang ldan pa'i/ /yi dam rgyal po'i gzugs kyis ni/ /sems can skyabs la brtson par bya//rang gi bskyed pa yi ge'i gzugs/ /de nyid snying gi dkyil du gzhag /'od kyis sdig pa zad byas te/ /'gro mang sdug bsngal zhi bar bya/ /btus pa'i sbyor bas lha gang gi /gnas la dad pas de nyid bsam/ /byin gyis brlabs dang dbang bskur ba/ /gzhug dang mchod sogs thams cad bya//de nas bzhin bzangs mig yangs ma/ /lang tsho rgyas shing skye gnas dang / /nu ma mkhrang zheng sha rgyas pa'i/ /bu mo yid 'ong mdun du bzhag /gtsug tu mdzes dang ro ldan dang / /bu ga 'phen dang bskyod pa dang / /mtshams su mdzes par gyur pa yis//mdzes pa mdzes par bya ba dang / /rnal 'byor la ni rtag gus shing / /lhag par zab mo'i chos la dad/ /khro med rnam rtog spangs pa'i bdag /yongs su smin byas byin gyis brlab/ /gtso nyid gang gi rig ma ru/ /cho ga mkhas pas bsgoms nas kyang / / de ru ye shes 'khor lo gzhug /mtshan ma gnyis kyang sngags kyis sbyang / /ling ga brtan por gyur pa ni/ /skye gnas dbus su gzhag par bya/ /dam por 'khyud pas gnas nas ni/ /yang dang yang du tsum+pa bya/ /sen mos cung zad brud pa dang / /ma mchu so yis btsir bar bya//mig ni rab tu bsgyur bya zhing / /lce yang lce yis bskyod par bya/ /mgrin par nga ros dgang ba dang / /gshugs pa'am yang na gsal po ru/ /chags pa'i tshig gis sbyor ba yis/ /kha sbyor bde ba dang po bsgom/ /sum cu rtsa gnyis 'dab ldan pa'i/ /rlung gi rang bzhin pad+ma las//mgrin par 'bar ba'i ye shes ni/ /bya ba grub pa nyon mongs 'joms/ /de ru rdo rje nub gyur nas/ /rked pa bskyod pa spangs nas ni/ /lus ngag sbyor dang ldan pa yis/ /dgram zhing bsdu ba dag tu bya/ /mig ni sna rtser phab nas su/ /gzugs sogs yul la ma zhen par//de dag las skyes bde ba mchog /yang dag ye shes gnyis pa bsgom/ /brgyad gnyis 'dab mar bcas pa yi/ /chu yi ngo bo pad+ma las/ /snying gar 'bab pa'i ye shes ni/ /so sor kun du rtog par brjod/ /sgyu rtsal mkhas pas bskyod bya zhing //bu mos kyang ni rked pa bskor/ /dbugs kyang cung zad cung zad bsdam/ /dal gyis sgyu rtsal thams cad spyad/ /mig ni mi 'dzums par gyur pas/ /reg la rtog cing ma zhen par/ /bde ba'i ye shes gsum pa ni/ /rnal 'byor mkhas pas rtogs par bya/ /bcu drug phyed kyi 'dab mar bcas//chu yi rang bzhin pad+ma las/ /lte bar 'bab pa'i ye shes ni/ /me long lta bur yang dag brjod/ /rigs kyi mtshan ma sa bon bcas/ /nor bur chud par bsam bya zhing / /rlung dang yid ni mi rgyu bar/ /byas te mkhas pas 'dod pa gzung / /gos med rtog pa nyer zhi ba//mig gnyis rab tu gdangs pa yis/ /rang byung gzhon med mkhas mnyam pa'i/ /ye shes bzhi pa gsal por bsgom/ /drug cu rtsa bzhi'i 'dab ldan pa'i/ /'dab skyes sa yi rang bzhin las/ /de 'dab de ru zin gyur pa'i/ /ye shes mnyam pa nyid du brjod//gal te der ni ma zin na/ /bde ba chen po mi gsal zhing / /phung po skye mched nyams pa dang / /gnyis med ye shes rtogs mi 'gyur/ /dar ras las byas skud pa drug /sor bcu drug gis rked pa bsdams/ /bu mo'i khrag gis bsgos pa dang / /sbrul gyi shun par yang dag ldan//sor bcu gnyis ldan shing bu la/ /mtha' ru sor gnyis dor ba dang / /dkyil du srad bus bcings nas ni/ /sor drug rdo rje'i mdud pa byas/ /sor gnyis mtha' ru sbrel byas nas/ /mkhas pas rang gi rked par bcing / /mdun gyi shing bus phra bkod de//lte ba'i phyogs su gzhag par bya/ /bu mo'i byin pa g.yon pa ni/ /skyes bu'i drug khug g.yas pas blang / /dbugs bsdams pa dang ldan pa yis/ /rtag tu thur sel brkyang bar bya/ /glang po'i sna yi sbyor ba ni/ /lag pa glang po'i sna lta bu/ /sna lnga sbyar bar byas pa yis//de ru sems 'gag the tshom med/ /spu yi rtsa ba brdungs pa ni/ /lcags kyi snod du yun ring btsos/ /rtsig pa phud de ka ra dang / /til dang sbyar ba mkhas pas bza'/ /'di ni zos pa tsam gyis kyang / /stobs 'phel mdangs dang ldan pa dang / /thig le 'dzin pa'i thabs kyi mchog /sman gyi sbyor ba dam pa'o/ /ba'am ra yi 'o ma ru/ /ka ra ha sa de bar sbyar/ /'di ni bcud len mchog tu bshad/ /thig le 'dzin pa nyid yin no/ /bya yi brun dang mi khyi yi/ /rus pa bzhibs pa'i lde gu yis/ /rdo rje rtag par bsku byed pa'i/ / sa bon 'byung bar mi 'gyur ro/ /khyim bya'i tshil bu til mar dang / /byi'u yi sha rnams yang dag sbyar/ /de yis pad+ma la bskus na/ /che ba'ang zum nas thig le 'dzin/ /lcum gyi rtsa ba brdungs pa yis/ /pad+mar bskus na de 'dzin to/ /sa bon mi 'byung thabs kyi mchog /khyad par rdzas kyi sbyor ba'o//sna tshogs thabs la ma rmongs pas/ /nan tan byas te bzung ba de/ /myur du 'bad pas lus ngag dang / /sems kyi rtsal gyis bzlog par bya/ /lus kyi rtsal gyis lte ba brdebs/ /de tshe ngag stobs yi ge hUM/ /laM yig phreng bar brgyud ma ni/ /drangs par bsams pa sems kyi stobs//mnyam gnas bskyod pa'i sbyor ba ni/ /dgu po lus stobs hUM yig gi /nga ro drag pos mgrin par dgang / /maM yig phreng ba sems kyi rtsal/ /snying gnas lus stobs sprug pa dang / /ngag gi 'dren pa AH yig 'don/ /paM yig phreng bar bsams pa yin//gsung gi dbang phyug gnas su drang / /lus kyi rtsal gyis mgrin par dgug /ngag ni oM yig 'dod la brtson/ tAM yig phreng bar bsam pa yis/ /phyag rgya chen po'i gnas su drang / /sgo dgu dag pa'i sbyor ba yis/ /rlung dang de bsres rtsa mig dgang / / sdigs mdzub 'phen pa'i rtsal gyis kyang / /yang dang yang du spro bar bya/ /de ltar sbyor ba de dag gis/ /spu yi khung bu'i gnas su yang / /bde ba'i ye shes g.yos gyur te/ /kun rtog rdul dang bral bar 'gyur/ /de nas rnal 'byor mkhas pa yis/ /d+hU tI dkar po stong pa ru/ / snying gi lam nas sems bcug pas/ /sna tshogs rtog pa nub par bsgom/ /d+hU tI'i nang du rang gi sems/ /thig le'i gzugs kyis gnas pa ni/ /thur du bab ste nor bu yi/ /nang du yang dag gnas par bsgom/ /thams cad stong pa bde ba che/ /brjod med rang bzhin shes dka' zhing //rnam rtog dba' rlabs nyer zhi ba/ /gsal ba'i ro ldan nyams su myong / /ba spu gyen du log pa dang / /lus ni drag tu 'bar ba dang / /'dar dang g.yo 'gyur mchi ma 'dzag /rngul bar 'gyur ba de dag rtags/ /yang na rtag par dgod pa dang / /ngu ba'am brgyal zhing 'gyel bar 'gyur//reg pa la sogs rkyen dag las/ /bde ba bzod dka' skye bar 'gyur/ /rtog med nyam nga rnam par spangs/ /dga' ba rgyas shing ngo tsha med/ /glu len sgra 'byin 'dod pa'i sems/ /rang 'byung bde ba'i ros myos rtags/ /de ltar yang dag goms pa las//snang ba ye shes chen por 'char/ /phyag rgya ma la ltos med par/ /sgrib bral bde ba rgyas par 'gyur/ /bzang ngan bdag dang gzhan la sogs/ /yod dang med pa'i sbyor nyid dang / /'dir ni skyon dang yon tan sogs/ /bde ba che la mi mnyam med/ /bstod grags rnyed ldan bder gyur pa//'dir ni smad cing ma grags dang / /dbul po sdug phongs gang gyur pa/ /bye brag med pa rtog pa'i gdeng / /mdor na gang tshe rnal 'byor pas/ /rtsol dang mi rtsol nyer zhi zhing / /blang dor med par gang spyod pa/ /byang chub spyad pa rlabs chen po//de ltar ma nyid bde ba che/ /mtha' bral rgyun mi 'chad pa yi/ /nyams su myong ba ma bstan par/ /sgyu 'phrul phyag rgya bzang mo bsten/ /mi mo mtshan nyid rab ldan zhing / /rigs kyi dbye bas phye ba ni/ /rgyud las gsungs bzhin rnal 'byor pas//kha dog mtshan ma kun shes bya/ /'gro tshogs chags sogs nyon mongs dang / /sdug bsngal gdung ba bsil byed pa/ /rnal 'byor mchog gi rgyud rnams las/ /rgyal bas gcig tu bka' stsal pa/ /dam pa'i man ngag la brten te/ /gsang chen theg pa'i lam gyi tshul/