CLOSE WINDOW

D1743
བོད་ཡིག

khwa'i gdong pa srang mda' nag po zhes bya ba slob dpon rtag pa'i badzras mdzad pa'o// @/ /sgrol ma'i man ngag me long dngas pa zhes bya ba bzhugs/ @##/ /rje btsun sgrol ma thugs rje sgrol/ /dngos grub sgrol ma gus btud de/ /phyag 'tshal skyabs 'gro byin gyis rlobs//bla ma rnams la phyag 'tshal lo/ /rje btsun sgrol ma dngos grub bla na med pa'i gsang ba ltar bsgrub pa'i sgrub thabs kyi man ngag me tog gi phreng ba lta bu ni/ 'dir chos 'di la mos shing gus pas skye ba 'di nyid la sgrol ma'i go 'phang thob par 'dod pas/rgyu bzhi ste 'khor ba la gshed mar mthong ba dang / zas nor la dug tu mthong ba dang / 'khor ba'i las 'bras bu ngan song gsum du mthong ba dang / byas pa don med cing 'bral zhing mi rtag par shes pa dang / sangs rgyas kyi chos 'dod pa tshad pas gdungs pa chu 'dod pa lta bu brtson 'grus can de las 'byung gi /gzhan lam yin pas kun la spel zhing rang gi dam tshig nyams shing dngos grub ring la don med par 'gyur ro/ /de yang sdom pa gsum gyi lung sgrub thabs ji lta ba bzhin du byas la/ lam du blangs nas sangs rgyas sgrol ma thob par 'dod pa la don gsum ste/bskyed pa'i rim pa thun mong ma yin pa'i tshogs lam dang / rdzogs pa'i rim pa thun mong ma yin pa ye shes kyi lam dang / gzhan ma dad pa bzlog pa las tshogs yid bzhin gyi nor bu lta bu dang gsum mo/ /sgrub thabs bzhin bskyed rim rdzogs nas rang gi thugs ka'i nyi zla'i steng du tAM ljang sngon mtha' mar dpa' mo 'bru lnga'i 'od zer kha dog lnga'i 'od kyi 'ja' tshon ltar bsams nas sngags bzlas te/dmigs pa de la gtad pas 'od 'phros te/ 'gro ba lnga'i rgyud sbyangs pa dang / rang gi dug lnga sbyangs bsregs te/'gro ba drug gi sa bon ye shes lnga'i 'od kyis bsregs pas sems can gyi don tha mi dad pa'o/ /slar 'dus pa las/ rang gi phung po lnga rdo rje sgrol ma dang / 'khor lo sgrol ma dang / rin chen sgrol ma dang / pad+ma sgrol ma dang / las kyi sgrol mar gyur pa dang /snang la rang bzhin med pa dang / gsal la 'dzin pa med pa bsgom/ thun bzhi'i sbyor bas bya'o/ /de'i grogs gtor ma dang / mchod pa dang / bskor ba dang / maN+Dal dang / bstod pa dang / gzungs dang sAts+tsha gdab pa la sogs pas bskangs te/ bskyed rim nang du bslang ba'o/ /rdzogs pa'i rim pa bsgom pa la don bzhi ste/ sna tshogs lam khyer dang / nyi ma lam khyer dang / nam mkha' lam khyer ro/ /sna tshogs ni rgya che ste/ skar ma ltar snang ba sna tshogs 'di/ gzung ba'i yul chags sdang gnyis la brten nas/ngan song gi sdug bsngal myong bar byed pas/ de zil gyis mnan pa ni chos thams cad sgyu ma lta bur shes par bya'o/ /mya ngan las 'das pa'i chos kyang rmi lam lta bur shes par bya/ de las ches lhag pa'i chos gcig yod na'ang sgyu ma lta bu rmi lam lta bur shes par bya'o/ / dngos por rang brgyud pa'i zhen pa log ste/ sgyu mar shes pas gzung bas stong zhing 'dzin pas dben pa thabs lha'i rnal 'byor dang / shes rab stong pa de rgyu stong pa dbyer med pa lam yin par rgyal ba'i bka' las gsungs so/ /de bas na lha'i lus sgyu ma lta bu dang / ngag sngags 'brug sgra lta bu dang /sems ting nge 'dzin gsal ba nam mkha'i ngo bor 'das pa ni/ rdzogs pa'i rim pa'i lam dang po'o/ /lam gnyis pa nyi ma ni/ lus kyi sgrol ma bsgom ste/ 'byung ba rim par brtsegs la sgo phyi ma gnyis bcad la/ bdag po nang du bsdad la khang pa dbus mar me sgron btang la gdugs kyi 'od phab la/lam po che nas 'thon te/ yul bzhi ru gnas la/ phyi rol thams cad la mi sprad par byas te/ mar me rlung gis bskyod par byas la/ rang gi dgos pa nor bu rin po che de la rkun mas mi khyer ba'i mel tshe la brtson par byas na dbul phongs par mi 'gyur ro//gsum pa thabs khyad par can gyi lam gyis sangs rgyas myur du thob par bya ba ni/ mi'i bu mo shes rab sgrol ma bsten la bya ste/ dbang po 'bring po rtog pa zil gyis mnan pa ni tshad dang ldan pa'i bu mo dang / dam tshig tu ldan pa gsang spyod kyi rten dang /bA yu las su rung ba'i pho nyas steng 'og las thams cad bya ste/ kun rdzob byang chub kyi sems skye chu bzhin phab nas/ don dam dang gnyis su med pa'i sems rdzing bzhin du bskyil la/ phyi nang gzung 'dzin sna tshogs thams cad skad cig ma ye shes kyi 'od du bsdus nas bde ba chen por bsgom/sgo lnga yul thams cad bzhi ru bsdus la de yang gcig gi ngo bor gsal ba thun dang thun mtshams su bcad la bsgom mo/ /dbang po rab kyi dbang du byas na nam mkha' lam khyer bsgom par bya ste/ rten med lam du 'jug pa ni nam mkha' rnam pa gsum ste/nang gi nam mkha' dang / phyi'i nam mkha' dang / bar snang gi nam mkha'o/ /nang gi nam mkha' la gnyis te/ shes par bya ba la gsum dang / gzhag par bya ba la gsum mo/ /shes par bya ba gsum ni/phyi nang bcud kyis bsdus pa'i chos thams cad rang gi sems su shes par bya ba dang / sems nyid spros pa nye bar zhi ba dang / de bde chen zung 'jug 'od gsal ba'o/ /gzhag par bya ba gsum ni/ nang zab mo'i gtan tshigs gsum ste/ bla ma dam pa'i gdams ngag gis thog ma bar gsum dbyibs dang kha dog ngos bzung rten brtsam pa la sogs pa dang /zab mo dbang gi dus dang / snang stong dbyer med kyi mtshams ni gnyug ma'i sgrol ma ste/ 'khor ba las sgrol ba'i sgrol ma'o/ /phyi'i nam mkha' la bzhi ste/ dpe don la bsre ba dang / don dpe la bstim pa dang / de gnyis dbyer med du gnas la gnas pa dang / nyid gsum gcig tu go bar bya ba'o/ /bar snang gi nam mkha' la drug ste/ bems po'i sna rtse dang / 'od kyi sna rtse dang / dran pa'i sna rtse dang / dus kyi sna rtse dang /dbyibs kyi sna rtse dang / myong ba'i sna rtse dang / thun du bcad la bsgom pa'o/ /de dag la 'bad pas bskyed pa'i rim pa brtan zhing zhal mthong ba dang / snang rtags thams cad sgyu mar myong ba dang / ngo bo ma skyes pa'i chos la mi skye ba'i chos la bzod pa thob nas mthong ba dag nas sa dang lam la 'jug ste mthar phyin par 'gyur ro//da ni gsum pa las kyi tshogs kyi sangs rgyas dang byang chub sems dpa'i spyod pas 'gro ba ma dad pa dad par bya ba dang / dad pa phyir mi ldog par bya ba dang / skye bo ngan pa bstan pa la sdang ba tshar gcad par bya ba'i phyir phan gdags par tshar gcad par bya ste/rgyal ba'i bka' dang bla ma'i gdams ngag gi rjes su 'brang ste/ snod dang mi mtshungs pa rnams la bstan pa na rang ngan song du 'gro ste/ sngon gyi paN+Di ta rnams song ba'i gtam rgyud las shes par bya'o/ /mtshams med pa byed pa'i skye bo bla ma dang chos kyi bar chad byed pa de/kha sbyor dbye bar 'dod na/ bdag rje btsun ma'i bskyed rim brtan pa dang / thugs ka'i 'khor lo 'bum tsho drug 'thon pas de shes rab dang ni dus kyi gnad dang sbyar ba ste/ rje btsun ma 'byung ba lnga'i lha mo des yang me lha gtam gyi ngo bor rgyu ba na khro mo chen mo'i dbyibs kyis 'od kyi gri gug gis snying nas dral/sngags la che ge mo a mu kaM mA ra zhes pa ni gnyis zhes bya'o/ /bkug ste ka pA lar bcug ste/ ral gris gtubs la kho'i srog rlung gi don snying lnga srog rtsa nas drangs nas/ khro mo'i zhal du gsol te/ sha zos khrag rngubs rus pa 'chos/shes pa rlung la bstims pa ste lha mo'i thugs nam mkha' stong par phyal gyis gtong ste/ nam phyed na brgya'am stong du bya/ nyin phyed dang tho rangs su byas na bsgrub bya lus sems kha sbyar phyed par 'gyur ro/ /da ni 'dod pa'i yon tan lnga ste bza' ba dang btung ba dang /dri zhim pa dang / gos dang / yul dang / mi yid du 'ong ba dang / dgra thams cad dbang du rang ji lta bar bsgrub pa ni/ yid bzhin nor rnyed pa lta bu ste/ rnal 'byor pa chos kyi bar chad 'tsho bas mi 'byung ba ni/ sngar bstan pa lta bu thugs ka nas nyi zla'i steng na 'od zer lnga'i 'khor lo gnas pa las/'od zer lnga 'phros te rang gar 'dod pa'i rang gi ka pA la dum bu gcig pa mdzes shing rgya che ba'i nang du 'ong bar bsams te/ thams cad rang gis sid+d+hi hUM zhes 'ongs par bsam pa tsam gyis rgyal po'i bsod nams tsam yang 'byung bar 'gyur ro//de bas na yid du 'ong ba thams cad la zhes bya ba'o/ /de gang gis 'grub na lha gsal ba dang / ngag brtan pas te bzlas pas 'grub pa dang / dus kyi gnad la ngal so nus pa nges so/ /da ni rnal 'byor pa 'jigs pa chen po brgyad dang / mi rgod ma rungs pa bcing zhing bzlog par bya ste/dben par bag yangs su rgyu ba ni/ bdag gang yang rung ba'i lam du rgyu ba'i dus su gom pa 'bor khar rje btsun sgrol ma yid la dran par wal gyis bya ba dang / g.yas pa'i rogs po spangs la/ de ma yin pa'i rogs kyi thad kar/spyi gtsug ut+pa la'i phyag rgya bcings la/ yi dam gyi gsol ba gdab/ gos kyi gsham gyi sna la nang gi yi ge paM las pad+ma'i steng du tAM ljang sngon bsams la/ de'i 'od kyis 'jigs pa brgyad gang 'od du nye ba de gos de'i gos khud du hri la gyis dril la/ rgyu ba gnyis ka bcad la/ bsgrub bya mtshams tshun chad phyag mtshan rus phreng gis bcad de 'gul mi shes par byas nas lam gyis tshums cig gtums la sngags bdun nam nyi shu rtsa gcig brjod do/ /mdud pa dmar po bcings la sngags a mu kaM bA shaM ma nA ya swAhA/ de rnams re 'jog ma yin par dus gcig tu bya ba'i man ngag go//'jigs pa las thar nas mdud pa ma bkrol na sdig pa che'o/ /rten 'brel de rnams tshang na the tshom med do/ /da ni shes rab blo 'phel bsgrub par bya ste/ yang sngar bstan pa'i rnal 'byor dang ldan pas/ chos kyi shes bya thams cad la thogs pa med par bya ba ni/tshes gcig nas bzung nas tsan+d+ra rul pa'i bar du bsgrub par bya ste/ zhag lngar chu gtsang la sngags btab ste tho rangs dus kyi gnad la sbyar te btung ngo / /de nas zhag lngar dkar gsum la btab ste dus gsum du btung ngo / /de nas zhag lngar skyur rtsi gzhan gyis ma 'bags pa la sngags btab la btung ste de'i sngags ni 'di'o//oM pradz+nyA puSh+TiM ku ru swAhA/ zhes mthar rten gyis bzlas te tho rangs 'thungs na 'grub bo/ /nam re la sh+lo ka sum stong zin no/ /gal te ma grub na yon tan la sogs pa ste sngar bstan pa ltar bsnyen pa grub nas rang ji ltar 'dod pa bzhin du 'dod pa thams cad bsgrubs nas/rten lha mo byin rlabs ldan pa la g.yon pa'i sa dang / me'i dus mchod pa dang gtor mas mnyes par byas la/ bstod pa dang gsol ba btab ste/ de ma tA re e ka dzA Ti ma ni sid+d+hi hUM zhes pas 'grub bo//shel chu shel gyi sbyor ba bzhin no/ /gzhan yang 'gro ba thams cad dbang du bsdu bar 'dod na/ sngags 'di mthar rten bya ste/ na mo b+ha ga te uSh+NI Sha sa d+ha re d+ha ra na tri ye swAhA/ gi waM la lan brgya rtsa brgyad bsngags nas dpral bar thig le byas na gang la bltas pa de dga' bar 'gyur ro//mig rdzas la lan brgya rtsa brgyad bsngags te mig la bskus na gang 'phrad pa de dga' bar 'gyur ro/ /chu khyor gang la sngags lan bdun bzlas te 'thungs na ma bslangs par zas rnyed par 'gyur ro/ /tshogs kyi nang du 'gro na rang gi gos kyi mtha' ma nas lag pa g.yon pas bzung la nyi shu rtsa gcig bzlas te phyin na tshig btsan zhing bden par 'gyur ro//shags 'debs na lan thebs shing mi 'da' bar 'gyur ro/ /lam du 'gro na dus dang sbyar na don thams cad 'grub par 'gyur ro/ /gzungs ring rtag tu bzlas na bdud dang nag po'i phyogs kyis mi tshugs shing dgra dang bgegs kyis mi thub par 'gyur ro//gzhan yang phan yon dang phan yon gyis nyams su blang ba'i man ngag bla ma dam pa rnams las ji ltar shes par bya'o/ /las tshogs pa'o/ /sangs rgyas kun gyi thugs rje nyer bsdus pa/ / rje btsun sgrol ma dran pas 'dod sgrub ma/ /de yi sgrub thabs dka' 'grel man ngag nyams su blang thabs mdzub tshugs 'dis/ /mun pa bsal nas 'gro ba'i don bkod bdag gis rlob par shog /rje btsun ma sgrol ma'i man ngag me long dngas pa zhes bya ba rdzogs so// // bems po'i sna rtse dang / 'od kyi dang / dran pa'i dang / dus kyi dang / dbyibs kyi dang / myong ba'i sna rtse'o/ /rtag pa'i badzra nas brgyud pa'i dngos grub brtan gzigs kyi rgyud skor 'di/ rma dang ba ri gnyis kyi lugs/ /d+har+m+mA kIrti zhes bya bas/ /dpyal dang bla ma gus ston la/