107b3 lo tsA ba rmas bsgyur ba'o// @##/ /rgya gar skad du/ kA ru Na sA d+ha naM karma bi shwa/ bod skad du/ thugs rje sgrol ma las sna tshogs pa'i sgrub thabs/ rje btsun ma sgrol ma la phyag 'tshal lo/ /dben pa'i gnas sam sa phyogs su/ /
107b4 srog chags spangs pa'i sa la ni/ /rin chen 'bru la dri dang bcas/ /chu gtsang la ni sngags ni bzlas/ /oM hrIM triM hUM phaT oM AHhUM/ brgya rtsa brgyad dang bzlas la gdab/ /de nas 'jim pa sbyang byas la/ /rang nyid lha yi nga rgyal gyis/ /snying ga'i sngags la lnga 'phros pas/ /'jim
107b5 pa 'od lnga dag tu 'gyur//de las 'od 'phros 'jim pa yi/ /byin brlabs bsdus te de la bstim/ /de nas 'bi 'bi bya ba dang / /skol phor sngags kyi 'od kyis sbyang / /sngags 'dis sAts+tsha gdab par bya/ /oM hrIM triM hUM phaT hrIHA yuHbadzra kA ya tsit+ta hUM/ sgrol ma 'od kyis
107b6 skor gsal nas//ye shes dgug dang gzhug pa dang / /mchod pa bstod pa rgyas par bya/ /me tog la ni rten 'brel sngags/ /lan bdun bzlas te gtor bas na/ /rab tu gnas par bya ba'o/ /rten la bskor ba byed pa ni/ /lha yi nga rgyal ldan pa yis/ /snying ga'i sngags
107b7 las 'od 'phros pas//rten de stong pa nyid du bsam/ /stong pa'i ngang las maM las ni/ /pad+ma 'dab brgyad bsam par bya/ /de steng hUM sngon zhu ba las/ /thod pa gri gug sku ru bsam/ /snying gar sngags kyi 'khor lo las/ /'od 'phros sangs rgyas thams cad dgug /
108a1 bstim la mchod pa bstod pa bya/ /de nas bskol ba tha mal gyis/ /bstod dang sngags bzlas gus par bya/ /ting 'dzin lha yi thugs ka nas/ /'od byung bdag la phog pa yis/ /sgrib dag sgrol ma'i sku ru gsal/ /sngags 'dis rab tu bskor bar bya/ /
108a2 oM hrIM triM hUM phaT oM AHhUM sa ti sa ma ya hUM phaT/ de ltar bsgom pa'i cho ga'o/ /sbyin sreg cho ga bya ba ni/ /yar gyi ngo yi tshes brgyad nas/ /nya yi bar du brtsam par bya/ /snod gtsang ras kyi sdong bu'o/ /mar dkar gyis ni mar me sbar/ /me long khud du til la ni/ /sdig pa yi
108a3 ni gzugs byas la//mdun du bzhag la spyi bor ni/ /kaM bsam zhu bas lus la thim/ /de yi 'od kyis bdag gis ni/ /sdig pa thams cad bshad pa yi/ /lam nas sdig gzugs de la bstim/ /mar me hUM las sgrol mar bskyed/ /ye shes dgug la sogs
108a4 pa ni//sngon gyi ji bzhin shes par bya/ /de nas sdig pa sngags 'dis bsreg /oM hrIM triM hUM sarba pA paM da ha na shAn+tiM ku ru swA hA/ mtheb srin gnyis kyis sdig pa bsreg /brgya rtsa brgyad du bya bar gsungs/ /ser ba srung ba'i cho ga ni/ /bsnyen pa mngon rdzogs rnal 'byor
108a5 pas//yungs kar me tog sngon po la/ /sngags btab nam mkha'i phyogs su gtor/ /oM hrIM triM hUM rak+Sha sa ma ya b+h+yi ta d+ha re huM huM huM phaT phaT/ lha yi nga rgyal ldan pas su/ /sku gzugs mngon du mchod pa dang / /gsol ba gdab cing 'bad pa bya/ /khro mo lha la bstod pa ni/ /
108a6 chos nyid mnyam pa'i ngang las kyang / /mdzes ma khro bo sgrol ma mchog /ye shes lnga yi ngo bo nyid/ /sku mdog drag po'i khro tshul can/ /bong thung gsus 'phyang 'gying bag can/ /mgo phreng brgya yis sku la brgyan/ /dur khrod ro yi dkyil na bzhugs/ /sku gsum 'chang
108a7 ba'i lha mo khyod//zhal gcig spyan gsum he he sgra/ /yan lag klu brgyad ldan dang ldan/ /sku smad stag gi pags pas dkris/ /ljags 'dril mche ba rab tu gtsigs/ /phyag bzhi dang po phreng ba ste/ /thugs rje 'gro 'dren gri gug gis/ /nyon mongs bag chags rtsad
108b1 nas gcod//mdzes pa'i rang rtags ut+pal dang / /thod pa dug lnga rnams 'joms rtags/ /khro mo khyod la dus gsum du/ /bdag ni dran bgyid skyabs su mchi/ /dus rnams gdug pa'i bar chad rnams/ /zhi bar khro mo khyod kyis mdzod/ /rgya gar bsil ba'i seng
ldeng phug tu slob dpon rtag pa'i badzras mdzad pa rdzogs so/