CLOSE WINDOW

D1738
བོད་ཡིག

rgya gar gyi mkhan po paN+Di ta don yod rdo rje dang / bod kyi lo tsA ba mkhas pa ba ris rgya dpe bod du spyan drangs nas/ ba sbug rong gi gser khang du bsgyur cing zhus te gtan la phab pa// @/ /sgrol ma'i nang gi gtor chog bzhugs/ @##/ /rje btsun ma sgrol ma la phyag 'tshal lo/ /gtor ma gtong bar 'dod pa yis/ /mtshan ldan bkra shis snod du ni//sha dang bdud rtsi sna lnga dang / /khrag dang chang sna tshogs kyis dgang / /rlung dang sgyed pu me yis bskol/ /sku gsung thugs sngags sbyangs nas ni/ /rang mdun 'khor lo mchod nas ni/ /sngags kyis btab la 'dod gsol gdab/ /bshags dang dge ba'i rtsa ba bsngo/ /na maHsarba bud+d+ha bo d+hi satwA na/ / he he b+ha ga ba ti/ ma hA satwa sarba bud+d+ha/ a ba lo ki ti/ ma bi laM pa tA ra e ka dzA Ti/ i daM ba liM gr-ih+NA pa ya hUM/ sarba bi sa re swA hA/ hUM pad+ma rigs kyi lha tshogs dang / /thugs rje chen po spyan ras gzigs/ /rje btsun sgrol ma ral gcig ma/ /mchod pa dam pa 'bul ba ni/ /dkar mo dang ni stobs chen mo//rtsub mo dang ni rlag byed ma/ /nag mo mtshan mo nag mo dang / /srung ba mo dang sbed byed ma/ /tshangs mo dang ni rig byed ma/ /gsang ba mo dang bkra shis ma/ /ri khrod ma dang rnal 'byor ma/ /grub ma gtum ma bdud rtsi ma/ /bsod nams gter dang mthar byed ma/ / drag mo brtul zhugs chen mo dang / /phan mdzad ma dang skyabs byed ma/ /don grub dang ni nor ster ma/ /ral pa gcig ma 'khor dang bcas/ /dur khrod brgyad kyi mkha' 'gro ma/ /ma mo mkha' 'gro ma lus dang / /lha dang lha min thams cad rnams/ /mchod sbyin gtor ma 'di bsnams la//bdag la dngos grub gsol 'debs pas/ /zang zing lo tog 'bras bu rnams/ /rin po che ni sna tshogs kyi/ /dud 'gro rkang 'gros mi nor phyugs/ /ro brgya'i zas dang sna tshogs zas/ /btung ba kha mngar chang sna tshogs/ /gos bzang srab 'jam sna tshogs dang //cang shes glang chen 'dod 'jo'i ba/ /zhing dang khang bzangs 'dod 'jo bar/ /'jigs pa brgyad dang bral bar mdzod/ /bcud len tshe ring nad med mdzod/ /phyogs skyong sde brgyad tshogs rnams dang / /'chi bdag bdud las rgyal bar mdzod/ /ral gri mig sman bum pa bzang //rkang mgyogs gter dang longs spyod dang / /blo rno shes rab tshigs bshad dang / /snyan dngags ma thos chos shes shog /rgyal rigs la sogs rigs bzhi rnams/ /'gro ba dbang du 'du bar shog /rigs drug ngan song lcags grol shog /gnod dang bdud rnams bar chod zhi//tshe dang stobs dang 'khor rgyas shing / /tshe dang chos dang bstan pa dang / /bla ma'i sku dgra skad cig sgrol/ /rtag tu gar skyes gar gnas kyang / /gsang sngags lam dang mi 'bral zhing / /chos kyi 'khor lo longs spyod shog /mdor na rang la ci 'dod pa//bsam pa yid bzhin 'grub pa dang / /mi 'dod thams cad myur bral nas/ /sems can kun gyi don grub shog /thugs rje chen po spyan ras gzigs/ /rje btsun sgrol ma'i zhal mthong shog /ral pa gcig pa'i dngos grub gnyis/ /bsams shing bsgrub pas myur thob shog /