104b5 des sgrub thabs las tshogs thams cad mdzad/ de'i slob ma a mo g+ha badzra chen po/ de'i slob ma bla ma rdo rje gdan pa/ des ba ri lo tsA ba dang / rma chung lo tsA ba la gnang ngo // //[]@##/ /rgya gar skad du/ kA ru Na tA ra sad+ha
104b6 naM/bod skad du/ thugs rje sgrol ma'i sgrub thabs zhes bya ba/ thugs rje nye 'gyur khro mo lha mor ston/ /mtho ris thar pa'i bgegs rnams sgrol mdzad ma/ /'jigs pa chen po brgyad skyo bcing / /'dod yon lnga yi gdung ba sel/ /phrin las bzhi yis 'gro don mdzad/ /rtag tu sems can mdun du bzhugs/ /
104b7 gsol ba btab pas mi bslu ba'i/ /sgrol ma ral gcig ma la 'dud/ /bla ma brgyud pa'i bka' drin gyis/ /snyan brgyud zhal nas lung bstan pa'i/ /sangs rgyas nyid kyis gsungs pa ni/ /gnyis po 'brel 'dod don du bri/ /gsang ba las kyang ches gsang ba/ /zab pa bas kyang zab pa nyid/ /mchod pa bzhin du
105a1 'dod pa yis//theg chen rigs ldan smin pa des/ /lha yi mtshan ma dur khrod dang / /khang stong dben la bkra shis par/ /mchod yon zhal zas ldan pa la/ /bsdam bya bsdams par byas nas kyang / /'jam pa'i stan la 'dug nas ni/ /skad cig legs nyes bdun po gsal/ /'od kyis srid gsum
105a2 gsal nas su//bsdus te thams cad stong sngags gsal/ /dang po pad+ma dmar po'i steng / /sa bon pad+ma nang du hU~M/ /gri gug hUM bcas byung ba ni/ /ral gcig sgrol ma rje btsun ma/ /g.yon brkyang mgo bo'i phreng bas brgyan/ /thung zhing gsus pa 'phyang ldir 'jigs/ /pad+ma sngon po ro yi gdan/ /phyi nang gsang
105a3 ba'i sku mdog 'chang //zhal gcig spyan gsum he he bzhad/ /klu brgyad stag gi pags pas dkris/ /bcu drug gnas pa'o mas brgyan/ /lngas brgyan ljags 'dril mche gtsigs 'jigs/ /rus chen phreng ba ral gri gug /rang rtags bde skyong kham ral gcig /dmar zlum me stag phung po can/ /dbu rgyan
105a4 dur khrod rin chen spras//dgug dang gzhug dang mchod ston nas/ /yi ge gsum ni sngags chen po/ /phaT ni mtha' ru snying gar gnas/ /'od zer lnga dang mnyam du mtshungs/ /mi shes bud shing bsregs pa'o/ /rnal 'byor spyod pa'i rjes 'brangs nas/ /de yi btu ba'i cho ga bshad/ /dang po sa yi phar phyogs sbyin/ /dbyangs
105a5 yig bzhi pas rnam par brgyan//ra la zhon cing 'phro ba'i 'od/ /thig le zla tshes yang dag ldan/ /de nas tAM yig sbyin par bya/ /bzhi pa nyid kyis rnam par brgyan/ /ring po dag dang yang dag ldan/ /hUM yig yang ni sbyin par bya/ /phaT kyi yi ge de nas sbyin/ /yongs rdzogs grub pa'i sngags nyid do/ /spro dang bsdu ba'i sbyor
105a6 ba yis//drug pa gsum na 'grub par 'gyur/ /gsum kha gsal zhing brtan pas so/ /mchog thugs gsum ste kha dog lnga/ /lnga sbyangs lnga gsal lnga ru 'grub/ /nam mkha' 'brug sgra sprin sangs nas/ /nyi ma zla ba gsal bzhin rgyas/ /shes rab ngos na gnas pa yi/ /'byung ba'i lha mo gshegs byon nas/ /
105a7 rang nyid dbyibs kyi rnam pa yi/ /gnyis kyi gcig tu gtubs la rol/ /lnga las lnga 'phros lnga bkug la/ /b+ha gar thim pas longs spyod bde/ /yid du 'ong ba thams cad la/ /dbyibs dang ngag ni brtan pas bya/ /rgyu ba'i bar chod mi rgod dang / /sa dang rnal ma ske tshe yang / /dbang po'i ting 'dzin sngags dang bcas/ /
105b1 gsal na the tshom mi bya'o/ /gcig nas phyed du 'jam dbyangs bsgrub/ /chu gtsang dkar gsum skyur rtsi la/ /sngags bzlas bsgrubs te tho rangs btung / /rigs gsum gtso bo lta bur 'gyur/ /oM pradz+nyA puSh+TiM ku ru ye swAhA/ phan yon bzhin du 'dod pa yis/ /sku gzugs spyan sngar mchod pa dbul/ /rgyu ba bzang
105b2 dus gsol btab 'grub//bar chad gzungs kyis zhi bar 'gyur/ /a mu ki pa sha ma nA ya swAhA/ tshangs pa khyab 'jug nyi zla dang / /drag po phyogs skyong 'dod lhas kyang / /ba spu'i rtse mo'i gnod mi nus/ /'chi bdag las rgyal 'gro ba bzhin/ /skra dkar gnyer ma skad ngan nad/ /dbul ba la sogs mdor
105b3 bsdus pa//nad sogs 'jigs pa che brgyad dang / /sdug bsngal rab tu 'joms par byed/ /bskul ba med par gos btung dang / /khang bzang rin chen sogs kyang 'du/ /ral gri dang ni mig sman dang / /rkang pa bum pa bzang sogs 'grub/ /tshigs bcad mkhan dang snyan dngags mkhan/ /blo rno shes rab
105b4 dri med 'gyur//gzhan yang ci 'dod dngos grub la/ /'khor lo las ni 'byung bar 'gyur/ /bdag la bri ba'i mthu med kyang / /bka' dang bla ma'i gdams pa yis/ /ral gcig ma yi sgrub thabs bkod/ /'gal gzigs mkhas rnams bzod pa mdzad/ /dang po'i las can dman dang bar ma mchog dag
105b5 las//dngos grub skal ba rang rang so sor mos pa rnams/ /dad cing mos pa thams cad mthar phyin rtse mo dgod par bya phyir bris/ /phan yon dgos pa 'di yis gang gis bsgrub pa myur du 'grub par shog /thugs rje sgrol ma'i sgrub thabs dngos grub phreng ba zhes bya ba/ slob dpon rtag pa'i badzras mdzad pa rdzogs so// //