CLOSE WINDOW

D1736
བོད་ཡིག

shAkya'i dge slong rig pa 'dzin pa khu rnal 'byor pas 'on dmar saM skr-i ta'i skad las rang 'gyur du gsungs so// @##/ /rgya gar skad du/ tA ra de ba pany+tsa sA d+ha naM/ bod skad du/ sgrol ma lha lnga'i sgrub thabs/ thugs rje che ldan ma yi dpal ldan ye shes ma/ / gsal ba'i thugs rje 'gro la ston/ /bdud bzhi tshar gcod ston pa'i mchog /lha mo brtse ldan ma la nyer btud de/ /'gro ba'i gdugs gcig ma la phyag 'tshal lo/ /de yi sgrub thabs cho ga bshad/ /bas mtha' shing gcig lha yi gnas/ /dur khrod dben pa bkra shis pa/ /dad ldan dbang thob dam tshig ldan//gsang thub gus la shes rab che/ /dpa' la brtson 'grus blo ldan pas/ /maN+Dal mchod pa bdud rtsir ldan/ /rten dang mchod pa'i yan lag bcas/ /lha gsal spyan drangs phyag 'tshal te/ /mchod pa bdun po tshad med gsal/ /'od spro bsdu dang stong par gsal/ oM ma hA shU n+ya tA dz+nyA na swa b+hA ba At+ma kou0f85haM/de las tAM gi sa bon las/ /yaM dang baM gyis rlung dang chu/ /laM dang raM gyis sa dang me/ /de steng b+h+rUM las gzhal yas khang / /gru bzhi rta babs bzhi dang ldan/ /mu khyud lte ba rtsibs bzhir ldan/ /gru chad sgo bzhi rgyan dang ldan/ /dbus su pad+ma dur khrod gdan/ /rtsibs la dur khrod pad+mas mdzes/ /de steng tAM zhu hUM du gsal//de la thod pa hUM gis mdzes/ /spro bsdu sbyor bas sku bskyed do/ /mthing nag zhal gcig phyag bzhi ma/ /spyan gsum rngam pa'i nga ro can/ /sbrul dang stag lpags rus pas brgyan/ /ral gri rus phreng gri gug bsnams/ /ut+pal thod pa g.yon par 'dzin/ /thod phreng bong thung 'gying ba can//nu 'phyang bcu drug lo ltar mdzes/ /me ri phyag rgya lnga yis brgyan/ /dbu skra dud kha thod pas brgyan/ /shin tu gsal bar mdangs ldan bskyed/ /de nas thugs ka'i sa bon las/ /shar gyi rtsibs la oM 'phros pas/ /dkar po 'od ldan gsal bar bsam/ /zhu bas rdo rje sgrol ma bskyed/ /mdog dkar zhal gcig phyag gnyis ma//rus pa'i rgyan dang sbrul gyis brgyan/ /stag lpags thod pa'i phreng ba can/ /phyag g.yas rdo rje g.yon pa ni/ /ut+pal dkar po 'dzin pa bskyed/ /lho phyogs rtsibs la hrIH'phros pas/ /ser po 'od ldan zhu ba yis/ /rin chen sgrol ma gser mdog la/ /rgyan ldan phyag g.yas rin po che//ut+pal ser po 'dzin pa ste/ /brkyang bskum khro mo'i cha lugs la/ /dgyes pa'i gar dang ldan pa bskyed/ /nub phyogs rtsibs la triM 'phros pas/ /pad+ma'i sgrol ma thugs rje can/ /mdog dmar zhal gcig phyag gnyis ma/ /phyag g.yas pad+ma dmar po 'dzin/ /g.yon pa ut+pal rang rtags te//rgyan ldan gong dang mthun par bskyed/ /byang phyogs rtsibs la phaT 'phros pas/ /las kyi sgrol ma sna tshogs mdog /phyag g.yas ral gri 'bar ba ste/ /g.yon pa ut+pal rang rtags te/ /phyag rgya lnga yis rnam par brgyan/ /bskyed la ye shes spyan drangs la/ /mchod bstod byas la gnyis med bstim//byin brlabs dbang bskur rdzogs byas la/ /mi gsal bar du gsal bar bsgom/ /skyo na bzlas pa 'bad par bya/ /snying ga'i dkyil du yig 'bru lnga/ /kha dog lnga ru gsal byas la/ /lnga las 'od lnga spro byas la/ /lnga sbyangs tshur 'dus lnga ru gsal/ /rab 'bring tha ma gsum dang drug /bcu gnyis bar du 'grub par 'gyur//thabs dang shes rab gsal bar bsgom/ /bzhi po sreg gso bde ba rgyas/ /rdo rje nor bu'i rtse la drang / /bsgyil zhing bde ba nyid la blta/ /mtshan ldan snod du bzang pos dgang / /lnga las 'od 'phros 'dod lnga dgug /gnyis med bstims la longs spyod bya/ /mi rgod sa dang ske tshe dang //sngags dang ting 'dzin bcas pas bcing / /oM a mu ki pra shA ma nA ya swA hA/ /zhi ba dkar po 'phro 'dus sbyar/ /rgyas pa ser po bsod nams rgyas/ /mi rmongs dbang du dmar pos bsdus/ /mngon spyod nag po'i las kyis gsad/ /shes rab 'phel ba'i 'jam pa'i dbyangs/ /nyi shu bar du bsgrub par bya/ / dkar gsum chu gtsang skyur rtsis dgang / /sngags bzlas tho rangs dus nyid du/ /gsol btab de dus bza' bar bya/ /oM pradz+nyA pa ra tA ra sa ta muM phaT swA hA/ 'jam dbyangs shes rab lta bur 'gyur/ /brtson 'grus ldan pas sbyar bar bya/ /lha nye 'dod pa'i sbyor ba yi/ /thang ka lugs sku ras ris la/ /rab gnas byas la lhar bskyed la//ye shes bstims la mchod bstod bya/ /bdag nyid tha mal nyid du ste/ /bzlas pa bri bya gsol btab 'grub/ /oM rat+na si tu bI rasti hUM phaT/ mig ni gsal bar 'dod pa yi/ /rin chen snod du 'o mas dgang / /na le sham gyi rdzas kyang blugs/ /rten gyi mdun du bzhag byas la//lhar bskyed gsang sngags 'bum du bzlas/ /oM tA ra tsak+Shu sa ma ti hUM phaT/ srid gsum gsal ba'i shes rab 'char/ /lha klu gnod sbyin 'byung po dang / /ro langs mkha' 'gro mi ma yin/ /gnod par mi 'gyur dbang du 'du/ /bdud dang mu stegs pham par byed/ /'jigs chen brgyad las rnam par thar//'dod pa'i longs spyod zla bzhin rgyas/ /shes rab nyi ma lta bur 'gyur/ /nyon mongs bag chags mkha' bzhin 'gyur/ /gang 'dod thams cad dbang du 'gyur/ /mi mthun phyogs las rnam par rgyal/ /gzugs dang sgra dang dri rnams dang / /ro dang reg las phun sum tshogs/ /zhi rgyas dbang dang mngon spyod las//skad cig ma lus 'grub par 'gyur/ /nad kyi rigs su gang gtogs pa/ /me dang rtsi bur lta bur 'gyur/ /mthu stobs dbang phyug grags dang ldan/ /shi 'phos bla med zhing du skye/ /bla ma mkha' 'gro'i spyan snga ru/ /lo gcig zla ba gang bsgrub pa/ /smod du btsugs te 'bad par bya/ / sku gsung thugs kyi rten rnams la/ /rab gnas dbang ni bskur byas la/ /dus bzang mchod dang gtor ma dbul/ /me tog sngon pos maN+Dal dbul/ /de ltar lha rnams lung ston 'gyur/ /'bad par gyur kyang rtags med na/ /nyams dang sdig pa che ldan pas/ /sbyin sreg tshogs 'khor maN+Dal dang / /sku gzugs bzhengs la bshags pa bya//lha yi spyan sngar gsol ba gdab/ /bzlas pa gnyis 'bum bskyar la 'bad/ /bdag la bri ba'i mthu med kyang / /sgrol ma ral gcig gtso bcas la/ /mos pa'i gang zag dngos grub 'dod/ /de yi don du rnam par bkod/ /dngos grub lha yi zhal mthong shog /sgrol ma lha lnga'i sgrub thabs rin po che gsal ba zhes bya ba/slob dpon rtag pa'i rdo rjes mdzad pa rdzogs so// //rgya gar gyi mkhan po paN+Di ta ra ta na d+ha ti dang / bod kyi lo tsA ba rma ban chos 'bar gyis bsgyur ba'o// @##/ /rgya gar gyi yul shar phyogs na/ slob dpon rtag pa'i rdo rje chos bshad kyin yod pa la/ phag rdzi ma rgan mo zhig der btud nas/ res zhing ni ngu / res zhing ni dgod pa la/ slob dpon gyis mkha' 'gro ma cig yin par shes nas/ khyod res ngu res dgod pa ci nyes byas pas/ nga dgod pa khyod phyin ci ma log par bshad pa la dga' nas dgod pa yin/ ngu ba khyed rang gi rgyud la mang ma thebs par 'dug /slob ma la yang khyed grags phyir la nyan gyin 'dug pa la ngu ba yin zer/ der phyag dang bskor ba byas/ maN+Dal phul nas gang las zhu byas pas/ /nga phag rdzi ma rgan mo cig la chos ci la yod/ ngas khyod la lung bstan gyis/ zangs gling phyi'i yul na rnal 'byor pa jo mo sgrol ma bsgom pa cig yod kyis/der song la gdams pa zhus shig zer nas/ slob dpon gyis gser mang bar bsnams nas byon pas zangs gling gi rgyal po cig la 'di na jo mo sgrol ma bsgoms pa'i rnal 'byor pa cig yod par 'dug pa/ gang na yod dris pas/ de nga'i mchod gnas yin lung pa'i phu ya gi na yod zer/ der rgyal po la gser zho gcig phul nas/nga dang mjal bar zhu ba'i zhu ba 'bul dgos byas pas de byar mi 'dod khong gi nga ma shi bar du mchod gnas byas par chad/ ngas khong la chos zhu ba la sogs pa ci byung yang ngo mi byed par chad pa yin zer/ 'phrad pa'i thabs yod dam byas pas yod kyis/ dgon par song de'i sgo na jo mo sgrol ma'i sku cig yod kyis bskor ba byed du nang par 'ong gis/bskor ba zin zin du sdod la zin pa dang / rdo gru bzhi cig gi steng du cung zhig sdod kyis/ der maN+Dal phul la zhus shig zer ro/ /der byon nas bsdad pas nang par byon nas mdun la bskor ba mdzad nas rdo'i steng du bzhugs pa la gser phul nas gdams pa zhus pas/ gser bsnams nas slob dpon la phyi rgan rgyab nas nang du gshegs so/ /der zhag gsum la gsol ba 'debs kyin bsdad pas/ zhag gsum nas byon nas khyod ci 'dod gsung / bdag sangs rgyas pa'i gdams ngag zhu byas pas/ jo mo sgrol ma dngos grub brtan par gzigs pa'i rgyud la brten nas gdams pa gnang nas bsgrubs pas lo gsum gyis zhal gzigs/