CLOSE WINDOW

D1728
བོད་ཡིག

@##/ /rgya gar skad du/ AR+Yo gra tA ra sA d+hA naM nA ma/ bod skad du/ 'phags ma sgrol ma drag mo'i sgrub thabs zhes bya ba/ bcom ldan 'das ma ral gcig ma la phyag 'tshal lo/ /hUM yig las byung g.yon brkyang zhabs ni ro yi snying ga la gtad cing / /mchog tu drag tu bzhad pa'i phyag gis ral gri ut+pal gri gug bsnams//nag mo sbom thung cher yangs dmar ser ral pa'i lan tshar drag po yi/ /klus brgyan ka pA lar bkod 'jig rten gsum rmongs bdag la bzhon par mdzod/ /srid gsum sgrol mdzad rgya nag rim pa'i sgrol ma la btud de//bla ma'i man ngag ji bzhin de yi sgrub thabs cho ga brjod/ /ling ga gcig pa'am dur khrod rtag tu stong pa'i khang pa yi/ /gnas der srid gsum las grol rig ma rnal 'byor pa yis sgrub/ /byis pa'i ro ni 'jam po'i stan nam gzhan yang 'jam pa yis//stan la yang dag 'dug ste dngos grub mchog ni bsgrub par bya/ /skad cig rnam pa'i sbyor bas rdo rje gsum po gnas gsum du/ /mnyam par gzhag pas bsam byas de las 'od zer rab 'phros pas/ /srid gsum spyod pa'i sems can rnams ni yang yang gsal byas nas//sna tshogs slar yang bsdus te kun nas stong pa nyid du bsam/ /de nas shU n+ya tA sogs rang bzhin rgyal ba'i gsang sngags brjod/ /de nas nam mkha' AHyig las byung chu skyes dmar po bsam/ /slar yang de steng tAM yig las ni pad+ma'i snod bsam bya//de yi dbus su hUM yig mthon mthing dang mtshungs bsam byas nas/ /hUM yig de las byung ba'i gri gug sa bon gyis brgyan blta/ /gri gug yongs gyur bdag nyid sgrol ma dang mtshungs bsam bya ste/ /g.yon brkyang zhabs can mi bzad mgo bo'i phreng bas rab tu brgyan//sbom thung 'jigs ma gsus pa 'phyang zhing chu skyes sngon pos mdzes/ /zhal gcig spyan gsum drag tu bzhad pa'i bzang mo 'od bzang can/ /rab tu dgyes pas ro mnan klu brgyad kyis ni rnam brgyan ma/ /dmar zhing zlum pa'i spyan can stag gi pags pas smad dkris la//phyag rgya lnga yis rab brgyan lang tsho gsar pa phun tshogs ldan/ /bskyod pa'i ljags dang mche ba gtsigs pas 'jigs byed phyag bzhi yi/ /g.yas pas ral gri gri gug g.yon na ut+pal thod pa bsnams/ /dmar ser gyen brdzes ral gcig cod pan mi bskyod brgyan//bsgom pa'i stobs ni rdzogs las rnal 'byor snyan dngags chen por 'gyur/ /gal te rmongs shing blun pa'ang bsgom pa'i ro la 'bad byed na/ /sngags bzlas 'bum phrag gcig gis 'jam pa'i tshig nyid thob par 'gyur/ /snying gar yig gsum sngags chen 'di bkod phaT yig mtha' ru'o//'od zer lnga dang ldan pas mi shes bud shing bsreg byed pa/ /rnal 'byor spyod pa'i rjes 'brang de nyid btu ba'i cho ga brjod/ /dang por sa yi pha rol bzhi pa'i dbyangs nyid byin pas brgyan/ /ra yig la zhon 'od 'phro zla ba thig ler yang dag ldan//de nas bzhi pa steng du byin pas brgyan pa'i tAM yig dang / /ring po'i u dang sbyor ba'i slar yang haM yig dang ldan pa/ /de nas phaT yig byin pas yongs su rdzogs pa'i sngags grub bo/ /ral gri mi rus phreng ba'i gnas su mkhas pas bsam bya ste//spro dang bsdu ba'i sbyor ba yis ni yang dag sngags mchog bzlas/ /brtan pa'i sems kyis rang nyid mkhas dang snyan dngags chen por brtag /rtag tu bsgom pa goms las the tshom med par 'gyur ba nyid/ /sgrol ma'i sgrub thabs bdag gis byas las dge ba gang bsags pa//de yis srog chags rnams ni rgyal ba'i bstan la mkhas gyur cig /'di ni rtag pa'i rdo rje'i zhabs kyis mdzad pa dag ste 'dir/ /nongs gang mchog gi skye bo rnams kyis bzod par mdzad pa'i rigs/ / ral pa gcig ma'i sgrub thabs rdzogs so// //rgya gar shar phyogs kyi paN+Di ta chen po nags kyi rin chen gyi zhal snga nas/ dge slong chos smra ba bsod nams rgya mtsho'i sdes bsgyur ba'o// //oM hrIMHe ka dzA TIm mo sa nI tA ya sarba satwA nAM shAn+tiM ku ru puSh+TiM ku ru rak+ShaM ku ru ma hA tak+Sha ka nA gA d+hi pa ti ye i maM ba liM gr-ih+Na gr-ih+Na gr-ih+NA pa ya gr-ih+NA pa ya pa ra bid+yA kaR+Sha yA kaR+Sha ta Ta tra Ta ts+tshe da ts+tshe da/