| བོད་ཡིག |
93a3 / @##/ /rgya gar skad du/ Ar+ya u gra tA ra sA d+ha naM nA ma/ bod skad du/ 'phags ma sgrol ma drag mo'i sgrub thabs zhes bya ba/ rje btsun ma sgrol ma la phyag 'tshal lo/ /sgrol ma srid pa gsum sgrol u gra tA ra la btud de/ /pad+ma'i
93a4 man ngag ji bzhin de yi sgrub thabs bdag gis brjod//ling ga gcig dang de bzhin dur khrod yang na khang pa stong par ni/ /gnas der srid gsum grol ba'i rig ma rnal 'byor pa yis bsgrub/ /'jam par gyur pa'i byis pa'i ro'am yang na 'jam pa yi/ /stan la sogs
93a5 la mnyam gnas dngos grub mchog ni bsgrub par bya'o//thog mar kha gdong dag par rab byas gsum la skyabs su 'gro/ /mdun gyi nam mkha' bla ma mchod la sdig pa bshags pa dang / /rjes su yi rang bsod nams yongs bsngo lam ni rab tu bsten/ /tshangs pa'i
93a6 gnas bzhi rjes su dran par byang chub sems ni bskyed//skad cig rnam pa'i sbyor bas rdo rje gsum ni bde mnyam bzhag /de ni gnas gsum bsam bya de las 'od zer rab 'phros nas/ /srid gsum spyod pa'i sems can gsal bar mdzad nas slar yang ni/ /khams
93a7 gsum mtha' dag bsdus nas stong pa nyid du bsam par bya//de nas shU n+ya tA sogs rang bzhin rgyal ba'i gsang sngags brjod/ /de nas nam mkha' a yig las byung chu skyes dmar po bsam/ /slar yang de steng tAM yig las ni pad+ma'i steng bsam bya/ /de dbus
93b1 hUM yig mthon mthing dag dang mtshungs pa bsams nas ni//hUM yig de las skyes pa'i gri gug sa bon gyis brgyan pa/ /gri gug yongs gyur bdag nyid sgrol ma mtshungs par bsgom pa ni/ /g.yon brkyang zhabs can mi bzad mgo bo'i phreng ba rab tu 'phyang / /chu skyes sngon po
93b2 rnam par brgyan cing thung zhing lto 'phyang 'jigs byed ma//bzang mo zhal gcig phyag bzhi spyan gsum gad rgyangs 'od dang ldan/ /rab tu dgyes shing ro mnan klu brgyad kyis ni rnam par brgyan/ /dmar zhing zlum pa'i spyan can stag gi pags pa rked la bsnams/ /lang tsho gzhon
93b3 zhing phun tshogs phyag rgya lnga yis rnam par brgyan//ljags ni rab 'khyug mche ba gtsigs shing 'jigs chen 'jigs byed ma/ /phyag g.yas ral gri gri gug g.yon na ut+pal thod pa bsnams/ /ral gcig dmar ser gyen brdzes mi bskyod pa yis dbu brgyan ma/ /
93b4 bsgoms pas stobs ni rab rdzogs rnal 'byor snyan dngags chen por 'gyur/ /gal te blun rmongs gyur kyang bsgom pa'i ro la 'bad byed na/ /bzlas pa 'bum phrag gcig gis 'jam pa'i dbyangs nyid thob par 'gyur/ /snying gar yig gsum sngags chen
93b5 rab bkod phaT yig mtha' ru'o//yang dag 'od zer lnga ldan mi shes bud shing rab tu bsreg /rnal 'byor spyod pa'i rjes 'brang de nyid btu ba'i cho ga brjod/ /dang por sa yi pha rol dbyangs yig bzhi pas rnam brgyan cing / /ra yis bzhon zhing 'od 'phros zla ba'i
93b6 thig le yang dag ldan//de bzhin bzhi pas ta yig brgyan te rnam par yang dag sbyin/ /slar yang haM yig las sbyor yang dag u yig ring por ldan/ /phaT yig de nas sbyin zhing yongs rdzogs sgrub pa'i sngags nyid do/ /ral gri'i gnas su mkhas pas mi mgo'i
93b7 phreng ba rnam par bsam//yang dag sngags mchog bzla zhing spro dang bsdu ba'i sbyor ba yis/ /brtan pa'i sems kyis brtag byas bdag nyid mkhas shing snyan dngags tshe/ /rab tu bsgom la goms pas de nyid the tshom med par 'grub/ /hUM gi yi ge las byung
94a1 sngo zhing sbom thung ral pa'i thor tshugs ldan//g.yon brkyang mchog gis mi ro mnan cing mi bzad mchog gi gad rgyangs can/ /ral gri ut+pal gri gug thod pa 'dzin cing klu chen rgyan dang ldan/ /'gro ba'i mi shes mun pa 'joms mdzad sgrol ma drag mo
94a2 khyod la 'dud//sgrol ma'i sgrub thabs rab byas dge ba bdag gis gang bsags pa/ /de yis 'gro ba ma lus rgyal ba'i bstan la mkhas par shog /de 'dir rtag pa'i rdo rjes blo 'phel sgrub thabs byas pa yis/ /zab mo la ni mkhas pa rnams kyis 'di la bzod pa
94a3 mdzad rigs so//'phags ma sgrol ma drag mo'i sgrub thabs zhes bya ba/ slob dpon rtag pa'i rdo rjes mdzad pa rdzogs so// //rgya gar shar phyogs kyi paN+Di ta chen po shrI ba na rat+na'i zhal snga nas dang / lo tsA ba many+dzu shrIs slad nas bsgyur ba'o//