91a2 zhes bya bas sngags bzlas par bya'o/ /'phags ma sgrol ma'i sgrub thabs/ kha che'i paN+Di ta chen po shAkya shrI b+ha dra'i zhal snga nas byung ba rdzogs so// @##/ /rgya gar skad du/ badzra bA rA hI tA ra sto traM/ bod skad du/ rdo rje phag mo sgrol ma
91a3 la bstod pa/rje btsun ma sgrol ma la phyag 'tshal lo/ /stong nyid snying rje phag mo che/ /sgrol ma'i sku la phyag 'tshal lo/ /smra bsam brjod med pha rol phyin/ /sgrol ma'i gsung la phyag 'tshal lo/ /dri med ye shes zla ba'i thugs/ /sgrol ma'i thugs la phyag 'tshal lo/ /
91a4 zla 'od srid pa'i mun sel ba/ /'joms byed nyi ma'i dkyil dang mtshungs/ /thabs dang shes rab yon tan ldan/ /sgrol ma la ni rtag tu 'dud/ /'gro la bu bzhin rtag tu gdung / /srid gsum rnam thar gsum la 'god/ /seng ldeng nags la rab gnas shing / /'jigs pa
91a5 brgyad las shin tu skyob//sgrol ma la ni phyag 'tshal bstod / /mngon par dga' ba'i zhing khams su/ /rdo rje mkha' 'gror skur ston cing / /'gro ba'i sgrib gnyis sbyong mdzad pa/ / sgrol ma la ni phyag 'tshal bstod/ /dpal dang ldan pa'i zhing khams su/ /rin chen mkha' 'gror skur ston cing / /'gro ba'i sdug
91a6 bsngal nad sel mdzad//sgrol ma la ni phyag 'tshal bstod/ /bde ba can gyi zhing khams su/ /pad+ma mkha' 'gror skur ston cing / /bde ba chen po'i ngang la gnas/ /sgrol ma la ni phyag 'tshal bstod/ /rnam par dag pa'i zhing khams su/ /las kyi mkha' 'gror skur
91a7 ston cing //phrin las rnam bzhis 'gro don mdzad/ /sgrol ma la ni phyag 'tshal bstod/ /mtha' dbus med pa'i zhing khams su/ /pha rol phyin ma'i skur ston cing / /phyogs bcu'i sangs rgyas tshogs dang bcas/ /sgrol ma la ni phyag 'tshal bstod/ /dur khrod
brgyad kyi zhing khams su/