88a3 thod pa mchod pa'i rim pa rdzogs so// @##/ /rgya gar skad du/ swap+na tA ra no bi ka /bod skad du/ rmi lam sgrol ma'i sgrub thabs/ 'phags ma rmi lam sgrol ma la phyag 'tshal lo/ /sprin bral mkha' dkyil zla rgyas gzugs/ /rab dkar
88a4 bsil ba'i 'od ldan ma//ma lus rmi lam gsal mdzad de'i/ /zhabs la mgos btud de bsgrub bshad/ /dge bas rab tu sngar langs te/ /gdong sogs dag byas dri zhim byugs/ /rje btsun de rten mdun bdar la/ /yid 'ong mchod pas mdzes par byas/ /
88a5 skyabs gsum lha mor bcas pa la/ /skyabs gsum 'gro la phan yid kyis/ /mi dge med pa'i sems ldan pas/ /thog mar bsod nams tshogs bsags bya/ /oM a mr-i ta kuN+Da li ha na ha na sarba big+h+nA ta Da ha ta Da ha sarba bA paM hUM phaT swA hA/ 'khyil pa khros pa'i sngags
88a6 'di yis//rmi lam bar chad bgegs bsal la/ /dri med bai DUr+ya 'dra yis/ /mkha' la 'phags ma bsgom par bya/ /rab mdzes paM las chu skyes snum 'jam gsal zhing gsar pa'i 'dab tshogs rgyas/ /de steng dkar bsil ri bong 'dzin 'khyil de dbus khams
88a7 gsum rgyas 'gengs tAM//kun nas mun sel skar ma'i rgyal po 'od bzang mdog can rab 'phros las/ /yongs gyur 'phags ma rmi lam sgrol ma zhi ma dge ma mdzes ma blta/ /rab dkar lang tsho rgyas pa'i gzugs/ /zhal gcig phyag gnyis mchog sbyin mdzad/ /
88b1 ut+pal sngo 'dzin 'gying tshul sgeg /mtshungs med gcig pos kun khyab ma'o/ /dri zhim dbu skra bzang 'khyil li/ /lha rdzas rin chen du mas brgyan/ /mthing ga'i dar gyis stod g.yogs shing / /sna tshogs kha dog sham thabs mnabs/ /mu tig phreng ba'i dra ba yis/ /
88b2 mnyam par mdzes pa'i ska rags dang / /ga sha se ral khar bcings shing / /cod pan don yod grub pas brgyan/ /g.yas bskum g.yon brkyang skyil krung gis/ /srid dang zhi la mi gnas shing / /sangs rgyas byang chub sems dpa'i tshogs/ /spu sgo kun nas rab 'phro
88b3 ba'o//ci 'dra'i ye shes lha mo 'di/ /bkug la mchod pas mnyes byas bstim/ /sku gsung thugs kyi rdo rje yis/ /byin rlabs phyogs bcu'i rgyal bas bsngags/ /de rnams maN+Dal mchod bcas pas/ /gus par phul la gsol ba gdab/ /zhal zas btung ba bzang
88b4 ldan pa//dkar gsum mngar gsum me tog dbul/ /rin chen phreng ba dkar thogs te/ /ma yengs blo yis 'phags ma la/ /rtse gcig yid gtad gsang sngags mchog /'bum phrag nyi shu rtsa bzhir bzlas/ /oM swab+na tA re swA hA/ de nas zang zing med par ni/ /rang gzhan
88b5 don du rmi ltas brtag /grong pa'i chos kyis ma sbags pa'i/ /bu mo dus bzang dag la mchod/ /dri zhim khrus byas gos rgyan mdzes/ /rol mo'i grangs sam brgyad dam bdun/ /ar+g+ha la sogs mchod sngon 'gros/ /zas dkar zho dang 'o ma sbyin/ /'gron bu dar sogs
88b6 yon byin la//dung chos chus gtor ci bder dengs/ /de rjes byi dor dril ldan pa'i/ /khang par tshangs spyod brtul zhugs gnas/ /sngags su me tog dri zhim gyis/ /byugs pa'i maN+Dal bzang byas la/ /mchod pa lnga dang khyad par du/ /gu gul mar me dbul bar
88b7 bya//'jim ril sran ma'i tshad bcos te/ /kuN+Da li yi sngags bdun gyis/ /btab la nyi shu rtsa gcig ni/ /phyogs bcur gtor bas bar chad zlog /gsum bdun gcig ni rin po cher/ /bsgoms pas maN+Dal steng du dbul/ /stan la dgram dang gzung bar bya/ /
89a1 de rjes gang 'dod gsol btab nyal/ /oM swap+na tA ra swap+na a ba lo ki ni/ trai lokya ni rdaR+sha ni/ trai lokya badzri ra ni/ b+hu taM b+ha baM b+ha ba si sham/ shu b+ha shu taM mi sad t+ye ka tha ya swA hA/ brgya rtsa brgyad dam nyi shu gcig /yang na lan bdun bzlas par bya/ /
89a2 gsol btab sngags 'dis yid ches pas/ /lan cig bzlas kyang mi 'grub med/ /de tshe 'phags ma bdun gyi mtha' las phyogs bcur 'od mdzad thugs ka las byung bsil zer gyis/ /bdag snying gdung bsel thab thib dra ba ma lus spangs te sprin med mkha' ltar
89a3 dag byas nas//glang chen sna 'dra'i phyag mdzes ring brkyang bdud rtsi can las bdud rtsi'i rgyun phab snying sogs bkang / /de mthus lus kun kun nas dri med shel bum mchog ltar gtsang zhing rab dag yid 'ong 'gyur/ /de 'og rtsa ba'i rig pa brgyad/ /lha mo mchog la rtsa
89a4 gcig tu//ma yengs sems kyi dal bus ni/ /ji srid gnyid log bar du bzlas/ /seng ge'i nyal stabs dge bas nyal/ /bag yod dran dang ma bral ba/ /dngos sam brda'am tshig dag gis/ /dge dang mi dge mthong bar 'gyur/ /thub pas sna tshogs las grub kyis/ /
89a5 rgyud du gang gsungs lha mo che'i/ /brtag pa don kun sgrub byed 'di/ /rmi lam sgrol ma yang dag bshad/ /rmi lam sgrol ma'i sgrub thabs slob dpon zla ba'i bshes gnyen gyis mdzad pa rdzogs so// //rgya gar gyi paN+Di ta su ga ta shrI dang / lo tsA ba byams pa'i
dpal gyis bsgyur ba'o/