87b2 / @##/ /rgya gar skad du/ ka pA la pU dzi bi d+hi nA ma/ bod skad du/ thod pa mchod pa'i cho ga zhes bya ba/ zhing chen gyi rnal 'byor ma la phyag 'tshal lo/ /lhung bzed chen po'i mchod pa'i cho ga'o/ /de nyid bdud rtsi
87b3 lngas gang ba'i snod dang /gzhan gnyis kyang bshams la/ rang rang gi cho ga ltar byin gyis brlabs la/ de'i steng du mchod pa'i gnas la/ rang gi yi dam lha gang yin pa'i gdan pad+ma dang / nyi ma'am zla ba'am bdud dam ro la sogs pa la/ rang rang gi sa bon gyi yi ge
87b4 las phyag mtshan sa bon gyis mtshan pa/de las spros bsdus pas yongs su gyur pa las/ dkyil 'khor gyi 'khor lo'am/ lha rkyang pa bskyed la/ ye shes pa dgug pa dang / gzhug pa dang / bcing ba dang / dbang du bya'o/ /dbang bskur nas rigs kyi bdag
87b5 pos rgyas gdab bo//g.yon gyi lha yi dam gyi lha gzhan bsgom/ g.yas kyi paM las pad+ma/ raM las nyi ma'i steng du hUM las sna tshogs rdo rje'i lte ba la hUM gis mtshan pa de las spros bsdus pa las/ bcom ldan 'das bdud rtsi 'khyil pa zhal gsum pa g.yas dkar
87b6 g.yon dmar dbus sngo/spyan gsum dmar ba/ mche ba gtsigs pa/ dbu skra dang sma ra ser ba/ g.yas dang po na sna tshogs rdo rje/ gnyis pa na 'khor lo/ /gsum pa na ral gri/ g.yon dang po na sdigs mdzub dang dril bu/ gnyis pa na zhags pa/
87b7 gsum pa na dgra sta/ zhabs g.yon bskum pa/ g.yas brkyang ba/ stag gi pags pa'i sham thabs can/ sbrul gyis brgyan pa/ me dpung 'bar ba'i dbus na bzhugs pa bsgom mo/ /de nas me tog la sogs pas mchod do/ /de nas bar chad zhi bar gsol ba gdab bo/ /
88a1 mthe bo dang srin lag sbyar ba bcug la/ oM AHhUM lan gsum bzlas pas bdud rtsir zhu bar bsgom mo/ /de nas dbus ma'i maN+Dal la me tog la sogs pas mchod do/ /de nas bdud rtsi'i mchod pa'i rang gi lugs ltar bzla zhing dbul lo/ /yang lha gzhan gyi
88a2 la me tog la sogs pas mchod pa dang /yang bdud rtsis mchod do/ /de zhu bas yang dbus ma la mchod do/ /de ltar ma 'byor na yang ci 'byor pa'i snod gcig tu bdud rtsi byin gyis brlabs la/ lhung bzed la mchod do/ /de nas 'dod pa'i don la gsol ba gdab bo/ /